| 1:1 | ⲡⲁⲩⲗⲟⲥ ⲡϩⲙϩⲁⲗ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲁⲡⲟⲥⲧⲟⲗⲟⲥ ⲉⲧⲧⲁϩⲙ ⲡⲉⲛⲧⲁⲩⲡⲟⲣϫϥ ⲉⲃⲟⲗ ⲉⲡⲉⲩⲁⲅⲅⲉⲗⲓⲟⲛ ⲙⲡⲛⲟⲩⲧⲉ . | ⲡⲁⲩⲗⲟⲥ ⲫ̀ⲃⲱⲕ ⲛ̀ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ ⲡⲉⲧⲁⲩⲫⲟⲣϫϥ ⲉ̀ⲃⲟⲗ ⲉ̀ⲡⲉⲩⲁⲅⲅⲉⲗⲓⲟⲛ ⲛ̀ⲫ̀ⲛⲟⲩϯ. | pavlos f̀vōk ǹiysous pix̀ristos piàpostolos etθahem petavforgf èvol èpevangelion ǹf̀nouti. | Paul, a servant of Jesus Christ, called to be an apostle, set apart for the Good News of God, |
|---|
| 1:2 | ⲡⲁⲓ ⲉⲛⲧⲁϥϣⲣⲡⲉⲣⲏⲧ ⲙⲙⲟϥ ⲉⲃⲟⲗ ϩⲓⲧⲟⲟⲧⲟⲩ ⲛⲛⲉϥⲡⲣⲟⲫⲏⲧⲏⲥ ϩⲛⲛⲉⲅⲣⲁⲫⲏ ⲉⲧⲟⲩⲁⲁⲃ | Ⲫⲁⲓ ⲉⲧⲁϥϣⲣⲡⲉⲣⲏⲧ ⲙ̀ⲙⲟϥ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲉϥⲡ̀ⲣⲟⲫⲏⲧⲏⲥ ϧⲉⲛ ⲛ̀ⲅ̀ⲣⲁⲫⲏ ⲉⲑⲟⲩⲁⲃ | Fai etafṡrperyt m̀mof èvol hitotou ǹnefp̀rofytys xen ǹġ̀rafy eθouab | which he promised before through his prophets in the holy Scriptures, |
|---|
| 1:3 | ⲉⲧⲃⲉⲡⲉϥϣⲏⲣⲉ ⲡⲁⲓ ⲉⲛⲧⲁϥϣⲱⲡⲉ ⲉⲃⲟⲗ ϩⲙⲡⲉⲥⲡⲉⲣⲙⲁ ⲛⲇⲁⲩⲉⲓⲇ ⲕⲁⲧⲁⲥⲁⲣⲝ . | ⲉⲑⲃⲉ ⲡⲉϥϣⲏⲣⲓ ⲫⲁⲓ ⲉⲧⲁϥϣⲱⲡⲓ ⲉ̀ⲃⲟⲗ ϧⲉⲛ ⲡ̀ⲥ̀ⲡⲉⲣⲙⲁ ⲛ̀ⲇⲁⲩⲓⲇ ⲕⲁⲧⲁ ⲥⲁⲣⲝ. | eθve pefṡyri fai etafṡōpi èvol xen p̀·s̀perma ǹdavid kata sarks. | concerning his Son, who was born of the seed of David according to the flesh, |
|---|
| 1:4 | ⲡⲉⲛⲧⲁⲩⲧⲟϣϥ ⲛϣⲏⲣⲉ ⲙⲡⲛⲟⲩⲧⲉ ϩⲛⲧϭⲟⲙ ⲕⲁⲧⲁⲡⲉⲡⲛⲉⲩⲙⲁ ⲙⲡⲧⲃⲃⲟ ⲉⲃⲟⲗ ϩⲙⲡⲧⲱⲟⲩⲛ ⲛⲛⲉⲧⲙⲟⲟⲩⲧ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲛϫⲟⲉⲓⲥ . | Ⲡⲉⲧⲁⲩⲑⲁϣϥ ⲛ̀ϣⲏⲣⲓ ⲛ̀ⲫ̀ⲛⲟⲩϯ ϧⲉⲛ ⲧ̀ϫⲟⲙ ⲕⲁⲧⲁ ⲡⲓⲡ̀ⲛⲉⲩⲙⲁ ⲛ̀ⲡ̀ⲧⲟⲩⲃⲟ ⲉ̀ⲃⲟⲗ ϧⲉⲛ ⲡ̀ⲧⲱⲟⲩⲛ ⲛ̀ⲛⲉⲧⲙⲱⲟⲩⲧ ⲛ̀ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲡⲉⲛϭⲟⲓⲥ. | Petavθaṡf ǹṡyri ǹf̀nouti xen t̀gom kata pip̀nevma ǹp̀touvo èvol xen p̀tōoun ǹnetmōout ǹiysous pix̀ristos penċois. | who was declared to be the Son of God with power, according to the Spirit of holiness, by the resurrection from the dead, Jesus Christ our Lord, |
|---|
| 1:5 | ⲡⲁⲓ ⲉⲛⲧⲁⲛϫⲓ ⲛⲟⲩⲭⲁⲣⲓⲥ ⲉⲃⲟⲗ ϩⲓⲧⲟⲟⲧϥ ⲙⲛⲟⲩⲙⲛ ⲧⲁⲡⲟⲥⲧⲟⲗⲟⲥ ⲉⲡⲥⲱⲧⲙ ⲛⲧⲡⲓⲥⲧⲓⲥ ϩⲛⲛϩⲉⲑⲛⲟⲥ ⲧⲏⲣⲟⲩ ϩⲁⲡⲉϥⲣⲁⲛ | Ⲫⲁⲓ ⲉⲧⲁⲛϭⲓ ⲛ̀ⲟⲩⲭⲁⲣⲓⲥ ⲉ̀ⲃⲟⲗ ϩⲓⲧⲟⲧϥ ⲛⲉⲙ ⲟⲩⲛⲉⲙ ⲧ̀ⲁⲡⲟⲥⲧⲟⲗⲟⲥ ⲉ̀ⲡ̀ⲥⲱⲧⲉⲙ ⲛ̀ⲧ̀ⲡⲓⲥⲧⲓⲥ ϧⲉⲛ ⲛ̀ϩⲉⲑⲛⲟⲥ ⲧⲏⲣⲟⲩ ϧⲁ ⲡⲉϥⲣⲁⲛ | Fai etanċi ǹouxaris èvol hitotf nem ounem t̀apostolos èp̀·sōtem ǹt̀pistis xen ǹheθnos tyrou xa pefran | through whom we received grace and apostleship, for obedience of faith among all the nations, for his name's sake; |
|---|
| 1:6 | ⲉⲧⲉⲧⲛⲏⲡ ϩⲛⲛⲁⲓ ϩⲱⲧⲧⲏⲩⲧⲛ ⲉⲧⲉⲧⲛⲧⲁϩⲙ ϩⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ | ⲉⲧⲉⲧⲉⲛⲏⲡ ϧⲉⲛ ⲛⲁⲓ ϩⲱⲑⲏⲛⲟⲩ ⲉⲧⲉⲧⲉⲛⲑⲁϩⲉⲙ ϧⲉⲛ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ | etetenyp xen nai hōθynou etetenθahem xen iysous pix̀ristos | among whom you are also called to belong to Jesus Christ; |
|---|
| 1:7 | ⲛⲉⲧϩⲛ ϩⲣⲱⲙⲏ ⲧⲏⲣⲟⲩ ⲙⲙⲉⲣⲓⲧ ⲛⲧⲉⲡⲛⲟⲩⲧⲉ ⲛⲉⲧⲧⲁϩⲙ ⲉⲧⲟⲩⲁⲁⲃ . ⲧⲉⲭⲁⲣⲓⲥ ⲛⲏⲧⲛ ⲙⲛⲧⲓⲣⲏⲛⲏ ⲉⲃⲟⲗ ϩⲓⲧⲙⲡⲛⲟⲩⲧⲉ ⲡⲉⲛⲉⲓⲱⲧ ⲙⲛⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ . | ⲛⲉⲧϧⲉⲛ ϩⲣⲱⲙⲏ ⲧⲏⲣⲟⲩ ⲛ̀ⲙⲉⲛⲣⲓⲧ ⲛ̀ⲧⲉ ⲫ̀ⲛⲟⲩϯ ⲛⲉⲧⲑⲁϩⲉⲙ ⲉⲑⲟⲩⲁⲃ. Ⲧ̀ⲭⲁⲣⲓⲥ ⲛⲱⲧⲉⲛ ⲛⲉⲙ ⲧ̀ⲉⲓⲣⲏⲛⲏ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲡⲉⲛⲓⲱⲧ ⲛⲉⲙ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ. | netxen hrōmy tyrou ǹmenrit ǹte f̀nouti netθahem eθouab. T̀xaris nōten nem t̀eiryny èvol hiten f̀nouti peniōt nem p̀ċois iysous pix̀ristos. | to all who are in Rome, beloved of God, called to be saints: Grace to you and peace from God our Father and the Lord Jesus Christ. |
|---|
| 1:8 | ϣⲟⲣⲡ ⲙⲉⲛ ϯϣⲡϩⲙⲟⲧ ⲛⲧⲙⲡⲁⲛⲟⲩⲧⲉ ϩⲓⲧⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲉⲧⲃⲉⲧⲏⲩⲧⲛ ⲧⲏⲣⲧⲛ ϫⲉⲥⲉϯⲥⲟⲉⲓⲧ ⲉⲧⲉⲧⲛⲡⲓⲥⲧⲓⲥ ϩⲙⲡⲕⲟⲥⲙⲟⲥ ⲧⲏⲣϥ . | Ϣⲟⲣⲡ ⲙⲉⲛ ϯϣⲉⲡϩ̀ⲙⲟⲧ ⲛⲧⲙⲡⲁⲛⲟⲩϯ ϩⲓⲧⲉⲛ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲉⲑⲃⲉ ⲑⲏⲛⲟⲩ ⲧⲏⲣⲧⲉⲛ ϫⲉ ⲥⲉϯⲥⲟⲉⲓⲧ ⲉ̀ⲧⲉⲧⲉⲛⲡⲓⲥⲧⲓⲥ ϧⲉⲛ ⲡⲓⲕⲟⲥⲙⲟⲥ ⲧⲏⲣϥ. | Ṡorp men tiṡeph̀mot ntmpanouti hiten iysous pix̀ristos eθve θynou tyrten je setisoeit ètetenpistis xen pikosmos tyrf. | First, I thank my God through Jesus Christ for all of you, that your faith is proclaimed throughout the whole world. |
|---|
| 1:9 | ⲡⲁⲙⲛⲧⲣⲉ ⲅⲁⲣ ⲡⲉ ⲡⲛⲟⲩⲧⲉ ⲡⲁⲓ ⲉϯϣⲙϣⲉ ⲛⲁϥ ϩⲙⲡⲁⲡⲛⲉⲩⲙⲁ ϩⲙⲡⲉⲩⲁⲅⲅⲉⲗⲓⲟⲛ ⲙⲡⲉϥϣⲏⲣⲉ ⲛⲧϩⲉ ⲁϫⲛⲱϫⲛ ⲉⲓⲉⲓⲣⲉ ⲙⲡⲉⲧⲛⲙⲉⲉⲩⲉ | Ⲡⲁⲙⲉⲑⲣⲉ ⲅⲁⲣ ⲡⲉ ⲫ̀ⲛⲟⲩϯ ⲫⲁⲓ ⲉⲓϣⲉⲙϣⲓ ⲛⲁϥ ϧⲉⲛ ⲡⲁⲡ̀ⲛⲉⲩⲙⲁ ϧⲉⲛ ⲡ̀ⲉⲩⲁⲅⲅⲉⲗⲓⲟⲛ ⲛ̀ⲡⲉϥϣⲏⲣⲓ ⲛ̀ⲫ̀ⲣⲏϯ ⲛ̀ⲱϫⲛ ⲉⲓⲉⲉⲓⲣⲉ ⲛ̀ⲡⲉⲧⲉⲛⲙⲉⲩⲓ | Pameθre ġar pe f̀nouti fai eiṡemṡi naf xen pap̀nevma xen p̀evangelion ǹpefṡyri ǹf̀ryti ǹōgn eieeire ǹpetenmevi | For God is my witness, whom I serve in my spirit in the Good News of his Son, how unceasingly I make mention of you always in my prayers, |
|---|
| 1:10 | ⲛⲟⲩⲟⲉⲓϣ ⲛⲓⲙ ϩⲛⲛⲁϣⲗⲏⲗ ⲉⲓⲥⲟⲡⲥ ϫⲉⲉⲣⲉⲧⲁϩⲓⲏ ⲥⲟⲟⲩⲧⲛ ϩⲙⲡⲟⲩⲱϣ ⲙⲡⲛⲟⲩⲧⲉ ⲉⲉⲓ ϣⲁⲣⲱⲧⲛ . | ⲛ̀ⲥⲏⲟⲩ ⲛⲓⲃⲉⲛ ϧⲉⲛ ⲛⲁϣ̀ⲗⲏⲗ ⲉⲓϯϩⲟ ϫⲉ ⲉ̀ⲣⲉⲡⲁⲙⲱⲓⲧ ⲥⲟⲩⲧⲉⲛ ϧⲉⲛ ⲡ̀ⲟⲩⲱϣ ⲛ̀ⲫ̀ⲛⲟⲩϯ ⲉⲓ ϩⲁⲣⲱⲧⲉⲛ. | ǹsyou niven xen naṡ̀lyl eitiho je èrepamōit souten xen p̀ouōṡ ǹf̀nouti ei harōten. | requesting, if by any means now at last I may be prospered by the will of God to come to you. |
|---|
| 1:11 | ϯⲟⲩⲉϣⲛⲁⲩ ⲅⲁⲣ ⲉⲣⲱⲧⲛ ϫⲉⲕⲁⲁⲥ ⲉⲓⲉϯ ⲛⲏⲧⲛ ⲛⲟⲩϩⲙⲟⲧ ⲙⲡⲛⲉⲩⲙⲁⲧⲓⲕⲟⲛ ⲉⲡⲧⲁϫⲣⲉ ⲧⲏⲩⲧⲛ . | Ϯⲟⲩⲉϣⲛⲁⲩ ⲅⲁⲣ ⲉⲣⲱⲧⲉⲛ ϩⲓⲛⲁ ⲉⲓⲉ̀ϯ ⲛⲱⲧⲉⲛ ⲛ̀ⲟⲩϩ̀ⲙⲟⲧ ⲛ̀ⲡ̀ⲛⲉⲩⲙⲁⲧⲓⲕⲟⲛ ⲉ̀ⲡ̀ⲧⲁϫⲣⲉ ⲑⲏⲛⲟⲩ. | Tioueṡnav ġar erōten hina eièti nōten ǹouh̀mot ǹp̀nevmatikon èp̀tagre θynou. | For I long to see you, that I may impart to you some spiritual gift, to the end that you may be established; |
|---|
| 1:12 | ⲡⲁⲓ ⲇⲉ ⲡⲉ ⲉⲧⲣⲉⲛⲥⲗⲥⲗ ⲛⲉⲛⲉⲣⲏⲩ ⲛϩⲏⲧⲧⲏⲩⲧⲛ ϩⲓⲧⲛⲧⲡⲓⲥⲧⲓⲥ ⲉⲧϩⲛⲛⲉⲛⲉⲣⲏⲩ ⲧⲱⲧⲛ ⲙⲛⲧⲱⲓ . | Ⲫⲁⲓ ⲇⲉ ⲡⲉ ⲉ̀ⲑⲣⲉⲛⲥⲗⲥⲗ ⲛⲉⲛⲉⲣⲏⲟⲩ ⲛ̀ϧⲏⲧⲑⲏⲛⲟⲩ ϩⲓⲧⲉⲛ ⲧ̀ⲡⲓⲥⲧⲓⲥ ⲉⲧϧⲉⲛ ⲛⲉⲛⲉⲣⲏⲟⲩ ⲧⲱⲧⲛ ⲛⲉⲙ ⲧⲱⲓ. | Fai ḋe pe èθrenslsl neneryou ǹxytθynou hiten t̀pistis etxen neneryou tōtn nem tōi. | that is, that I with you may be encouraged in you, each of us by the other's faith, both yours and mine. |
|---|
| 1:13 | ϯⲟⲩⲱϣ ⲅⲁⲣ ⲉⲧⲣⲉⲧⲛⲉⲓⲙⲉ ⲛⲁⲥⲛⲏⲩ ϫⲉⲁⲓⲕⲁⲁⲥ ϩⲁⲉⲓⲁⲧ ⲛϩⲁϩ ⲛⲥⲟⲡ ⲉⲉⲓ ϣⲁⲣⲱⲧⲛ ⲁⲩⲱ ⲁⲩⲕⲱⲗⲩ ⲙⲙⲟⲓ ϣⲁⲧⲉⲛⲟⲩ ϫⲉⲕⲁⲁⲥ ⲉⲓⲉϫⲡⲟ ⲛⲟⲩⲕⲁⲣⲡⲟⲥ ⲛϩⲏⲧⲧⲏⲩⲧⲛ ⲕⲁⲧⲁⲧϩⲉ ϩⲙⲡⲕⲉϣⲱϫⲡ ⲛϩⲉⲑⲛⲟⲥ . | Ϯⲟⲩⲱϣ ⲅⲁⲣ ⲉ̀ⲑⲣⲉⲧⲉⲛⲉⲙⲓ ⲛⲁⲥ̀ⲛⲏⲟⲩ ϫⲉ ⲁⲓⲭⲁⲥ ϧⲁⲉⲓⲁⲧ ⲛ̀ϩⲁϩ ⲛ̀ⲥⲟⲡ ⲉⲓ ϩⲁⲣⲱⲧⲉⲛ ⲟⲩⲟϩ ⲁⲩⲕⲱⲗⲩ ⲙ̀ⲙⲟⲓ ϣⲁ ϯⲛⲟⲩ ϩⲓⲛⲁ ⲉⲓⲉ̀ϫⲫⲟ ⲛ̀ⲟⲩⲕⲁⲣⲡⲟⲥ ⲛ̀ϧⲏⲧⲑⲏⲛⲟⲩ ⲕⲁⲧⲁ ⲫ̀ⲣⲏϯ ϧⲉⲛ ⲡ̀ⲕⲉⲥⲱϫⲡ ⲛ̀ϩⲉⲑⲛⲟⲥ. | Tiouōṡ ġar èθretenemi nas̀nyou je aikas xaeiat ǹhah ǹsop ei harōten ouoh avkōli m̀moi ṡa tinou hina eiègfo ǹoukarpos ǹxytθynou kata f̀ryti xen p̀kesōgp ǹheθnos. | Now I don't desire to have you unaware, brothers, that I often planned to come to you, and was hindered so far, that I might have some fruit among you also, even as among the rest of the Gentiles. |
|---|
| 1:14 | ⲛϩⲉⲗⲗⲏⲛ ⲙⲛⲛⲃⲁⲣⲃⲁⲣⲟⲥ ⲛⲥⲟⲫⲟⲥ ⲙⲛⲛⲁⲧϩⲏⲧ ⲉⲩⲛⲧⲁⲩ ⲉⲣⲟⲓ | Ⲛ̀ϩⲉⲗⲗⲏⲛ ⲛⲉⲙ ⲛ̀ⲃⲁⲣⲃⲁⲣⲟⲥ ⲛ̀ⲥⲟⲫⲟⲥ ⲛⲉⲙ ⲛⲁⲧϩⲏⲧ ⲉ̀ⲟⲩⲟⲛⲧⲟⲩ ⲉ̀ⲣⲟⲓ | Ǹhellyn nem ǹbarbaros ǹsofos nem nat·hyt èouontou èroi | I am debtor both to Greeks and to foreigners, both to the wise and to the foolish. |
|---|
| 1:15 | ⲧⲁⲓ ⲧⲉ ⲧϩⲉ ⲙⲡⲟⲩⲣⲟⲧ ⲉⲧⲛⲙⲙⲁⲓ ⲉⲉⲩⲁⲅⲅⲉⲗⲓⲍⲉ ϩⲱⲧⲧⲏⲩⲧⲛ ⲛⲏⲧⲛ ⲛⲉⲧϩⲛ ϩⲣⲱⲙⲏ . | ⲑⲁⲓ ⲧⲉ ⲫ̀ⲣⲏϯ ⲛ̀ⲡ̀ⲟⲩⲣⲟⲧ ⲉⲧⲉⲛⲛⲙⲁ ⲉⲉⲩⲁⲅⲅⲉⲗⲓⲍⲉ ϩⲱⲑⲏⲛⲟⲩ ⲛⲱⲧⲉⲛ ⲛⲉⲧϧⲉⲛ ϩⲣⲱⲙⲏ. | θai te f̀ryti ǹp̀ourot etennma eevangelize hōθynou nōten netxen hrōmy. | So, as much as is in me, I am eager to preach the Good News to you also who are in Rome. |
|---|
| 1:16 | ⲛϯϯϣⲓⲡⲉ ⲅⲁⲣ ⲁⲛ ⲙⲡⲉⲩⲁⲅⲅⲉⲗⲓⲟⲛ . ⲟⲩϭⲟⲙ ⲅⲁⲣ ⲛⲧⲉⲡⲛⲟⲩⲧⲉ ⲡⲉ ⲉⲩⲟⲩϫⲁⲓ ⲛⲟⲩⲟⲛ ⲛⲓⲙ ⲉⲧⲡⲓⲥⲧⲉⲩⲉ ⲛⲓⲟⲩⲇⲁⲓ ⲙⲛⲛⲟⲩⲉⲓⲉⲛⲓⲛ . | Ⲛ̀ⲧⲉϯϯϣⲓⲡⲓ ⲅⲁⲣ ⲁⲛ ⲛ̀ⲡⲉⲩⲁⲅⲅⲉⲗⲓⲟⲛ. Ⲟⲩϫⲟⲙ ⲅⲁⲣ ⲛ̀ⲧⲉ ⲫ̀ⲛⲟⲩϯ ⲡⲉ ⲉⲩⲟⲩϫⲁⲓ ⲛ̀ⲟⲩⲟⲛ ⲛⲓⲃⲉⲛ ⲉⲧⲡⲓⲥⲧⲉⲩⲉ ⲛ̀ⲓⲟⲩⲇⲁⲓ ⲛⲉⲙ ⲛⲟⲩⲉⲓⲉⲛⲓⲛ. | Ǹtetitiṡipi ġar an ǹpevangelion. Ougom ġar ǹte f̀nouti pe evougai ǹouon niven etpisteve ǹioudai nem noueienin. | For I am not ashamed of the Good News of Christ, for it is the power of God for salvation for everyone who believes; for the Jew first, and also for the Greek. |
|---|
| 1:17 | ⲧⲇⲓⲕⲁⲓⲟⲥⲩⲛⲏ ⲅⲁⲣ ⲙⲡⲛⲟⲩⲧⲉ ⲛⲁϭⲱⲗⲡ ⲉⲃⲟⲗ ⲛϩⲏⲧϥ ϩⲛⲟⲩⲡⲓⲥⲧⲓⲥ ⲉⲩⲡⲓⲥⲧⲓⲥ . ⲕⲁⲧⲁⲧϩⲉ ⲉⲧⲥⲏϩ ϫⲉⲉⲣⲉⲡⲇⲓⲕⲁⲓⲟⲥ ⲛⲁⲱⲛϩ ⲉⲃⲟⲗ ϩⲛⲧⲡⲓⲥⲧⲓⲥ . | Ⲧ̀ⲇⲓⲕⲁⲓⲟⲥⲩⲛⲏ ⲅⲁⲣ ⲛ̀ⲫ̀ⲛⲟⲩϯ ⲛⲁϭⲱⲗⲡ ⲉ̀ⲃⲟⲗ ⲛ̀ϧⲏⲧϥ ϧⲉⲛ ⲟⲩⲡⲓⲥⲧⲓⲥ ⲉ̀ⲟⲩⲡⲓⲥⲧⲓⲥ. Ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲉ̀ⲣⲉ ⲡ̀ⲇⲓⲕⲉⲟⲥ ⲛⲁⲱⲛϧ ⲉ̀ⲃⲟⲗ ϧⲉⲛ ⲧ̀ⲡⲓⲥⲧⲓⲥ. | T̀ḋikaiosiny ġar ǹf̀nouti naċōlp èvol ǹxytf xen oupistis èoupistis. Kata f̀ryti ets̀xyout je ère p̀ḋikeos naōnx èvol xen t̀pistis. | For in it is revealed God's righteousness from faith to faith. As it is written, 'But the righteous shall live by faith.' |
|---|
| 1:18 | ⲧⲟⲣⲅⲏ ⲅⲁⲣ ⲙⲡⲛⲟⲩⲧⲉ ⲛⲁϭⲱⲗⲡ ⲉⲃⲟⲗ ϩⲛⲧⲡⲉ ⲉϫⲙⲙⲛⲧϣⲁϥⲧⲉ ⲛⲓⲙ . ⲁⲩⲱ ⲡϫⲓ ⲛϭⲟⲛⲥ ⲛⲛⲣⲱⲙⲉ ⲛⲁⲓ ⲉⲧⲁⲙⲁϩⲧⲉ ⲛⲧⲙⲉ ⲙⲡⲛⲟⲩⲧⲉ ϩⲛⲟⲩϫⲓ ⲛϭⲟⲛⲥ | Ⲧ̀ⲟⲣⲅⲏ ⲅⲁⲣ ⲛ̀ⲫ̀ⲛⲟⲩϯ ⲛⲁϭⲱⲗⲡ ⲉ̀ⲃⲟⲗ ϧⲉⲛ ⲧ̀ⲫⲉ ⲉ̀ϫⲉⲛ ⲙ̀ⲛⲧϣⲁϥⲧⲉ ⲛⲓⲃⲉⲛ. Ⲟⲩⲟϩ ⲡ̀ϭⲓ ⲛ̀ϫⲟⲛⲥ ⲛ̀ⲛ̀ⲣⲱⲙⲓ ⲛⲁⲓ ⲉⲧⲁⲙⲁϩⲧⲉ ⲛ̀ⲑ̀ⲙⲏⲓ ⲛ̀ⲫ̀ⲛⲟⲩϯ ϧⲉⲛ ⲟⲩϭⲓ ⲛ̀ϫⲟⲛⲥ | T̀orgy ġar ǹf̀nouti naċōlp èvol xen t̀fe èjen m̀ntṡafte niven. Ouoh p̀ċi ǹgons ǹǹrōmi nai etamahte ǹθ̀myi ǹf̀nouti xen ouċi ǹgons | For the wrath of God is revealed from heaven against all ungodliness and unrighteousness of men, who suppress the truth in unrighteousness, |
|---|
| 1:19 | ϫⲉⲡⲥⲟⲟⲩⲛ ⲙⲡⲛⲟⲩⲧⲉ ⲟⲩⲟⲛϩ ⲉⲃⲟⲗ ⲛϩⲏⲧⲟⲩ . ⲁⲡⲛⲟⲩⲧⲉ ⲅⲁⲣ ⲟⲩⲟⲛϩϥ ⲛⲁⲩ ⲉⲃⲟⲗ . | ϫⲉ ⲡ̀ⲥⲱⲟⲩⲛ ⲛ̀ⲫ̀ⲛⲟⲩϯ ⲟⲩⲟⲛϩ ⲉ̀ⲃⲟⲗ ⲛ̀ϧⲏⲧⲟⲩ. Ⲁ ⲫ̀ⲛⲟⲩϯ ⲅⲁⲣ ⲟⲩⲟⲛϩϥ ⲛⲱⲟⲩ ⲉ̀ⲃⲟⲗ. | je p̀·sōoun ǹf̀nouti ouonh èvol ǹxytou. A f̀nouti ġar ouonhf nōou èvol. | because that which is known of God is revealed in them, for God revealed it to them. |
|---|
| 1:20 | ⲛⲉϥⲡⲉⲑⲏⲡ ⲅⲁⲣ ⲉⲃⲟⲗ ϩⲙⲡⲥⲱⲛⲧ ⲙⲡⲕⲟⲥⲙⲟⲥ . ϩⲛⲛⲉϥⲧⲁⲙⲓⲟ ⲉⲩⲛⲟⲓ ⲙⲙⲟⲟⲩ ⲥⲉⲛⲁⲩ ⲉⲣⲟⲟⲩ ⲉⲧⲉⲧⲉϥϭⲟⲙ ⲧⲉ ⲛϣⲁ ⲉⲛⲉϩ ⲙⲛⲧⲉϥⲙⲛⲧⲛⲟⲩⲧⲉ . ⲉⲧⲣⲉⲩϣⲱⲡⲉ ⲉⲙⲛⲧⲟⲩϣⲁϫⲉ ⲙⲙⲁⲩ ⲉϫⲱ . | Ⲛⲉϥⲡⲉⲧϩⲏⲡ ⲅⲁⲣ ⲉ̀ⲃⲟⲗ ϧⲉⲛ ⲡ̀ⲥⲱⲛⲧ ⲛ̀ⲡⲓⲕⲟⲥⲙⲟⲥ. Ϧⲉⲛ ⲛⲉϥⲑⲁⲙⲓⲟ ⲉⲩⲉⲣⲛⲟⲓⲛ ⲙ̀ⲙⲱⲟⲩ ⲥⲉⲛⲁⲩ ⲉ̀ⲣⲱⲟⲩ ⲉ̀ⲧⲉ ⲧⲉϥϫⲟⲙ ⲧⲉ ⲛ̀ϣⲁ ⲉ̀ⲛⲉϩ ⲛⲉⲙ ⲧⲉϥⲙ̀ⲛⲧⲛⲟⲩⲧⲉ. Ⲉ̀ⲑⲣⲉⲩϣⲱⲡⲓ ⲉⲙⲙⲟⲛⲧⲟⲩⲥⲁϫⲓ ⲙ̀ⲙⲁⲩ ⲉ̀ϫⲱ. | Nefpet·hyp ġar èvol xen p̀·sōnt ǹpikosmos. Xen nefθamio evernoin m̀mōou senav èrōou ète tefgom te ǹṡa èneh nem tefm̀ntnoute. Èθrevṡōpi emmontousaji m̀mav ègō. | For the invisible things of him since the creation of the world are clearly seen, being perceived through the things that are made, even his everlasting power and divinity; that they may be without excuse. |
|---|
| 1:21 | ϫⲉⲁⲩⲥⲟⲩⲛ ⲡⲛⲟⲩⲧⲉ ⲙⲡⲟⲩϯⲉⲟⲟⲩ ⲛⲁϥ ϩⲱⲥ ⲛⲟⲩⲧⲉ ⲁⲩⲱ ⲙⲡⲟⲩϣⲡϩⲙⲟⲧ ⲁⲗⲗⲁ ⲁⲩⲣⲡⲉⲧϣⲟⲩⲉⲓⲧ ϩⲛⲛⲉⲩⲙⲉⲉⲩⲉ . ⲁⲩⲱ ⲁⲡⲉⲩϩⲏⲧ ⲛⲁⲧⲥⲃⲱ ⲣⲕⲁⲕⲉ ⲉⲣⲟⲟⲩ . | Ϫⲉ ⲁⲩⲥⲟⲩⲛ ⲫ̀ⲛⲟⲩϯ ⲙ̀ⲡⲉⲟⲩϯⲉⲟⲟⲩ ⲛⲁϥ ϩⲱⲥ ⲛⲟⲩϯ ⲟⲩⲟϩ ⲛ̀ⲡⲟⲩϣⲉⲡϩ̀ⲙⲟⲧ ⲁⲗⲗⲁ ⲁⲩⲣⲡⲉⲧϣⲟⲩⲓⲧ ϧⲉⲛ ⲛⲟⲩⲙⲉⲩⲓ. Ⲟⲩⲟϩ ⲁ ⲡⲟⲩϩⲏⲧ ⲛⲁⲧ̀ⲥ̀ⲃⲱ ⲉⲣⲭⲁⲕⲓ ⲉ̀ⲣⲱⲟⲩ. | Je avsoun f̀nouti m̀peoutieoou naf hōs nouti ouoh ǹpouṡeph̀mot alla avrpetṡouit xen noumevi. Ouoh a pouhyt nat̀s̀vō erkaki èrōou. | Because, knowing God, they didn't glorify him as God, neither gave thanks, but became vain in their reasoning, and their senseless heart was darkened. |
|---|
| 1:22 | ⲉⲩϫⲱ ⲙⲙⲟⲥ ϫⲉⲁⲛ ϩⲉⲛⲥⲁⲃⲉ ⲁⲩⲣⲥⲟϭ . | Ⲉⲩϫⲱ ⲙ̀ⲙⲟⲥ ϫⲉ ⲁⲛ ϩⲁⲛⲥⲁⲃⲉ ⲁⲩⲣⲥⲟϭ. | Evgō m̀mos je an hansave avrsoċ. | Professing themselves to be wise, they became fools, |
|---|
| 1:23 | ⲁⲩϣⲓⲃⲉ ⲙⲡⲉⲟⲟⲩ ⲙⲡⲛⲟⲩⲧⲉ ⲛⲁⲧⲧⲁⲕⲟ ϩⲛⲟⲩⲉⲓⲛⲉ ⲛϩⲓⲕⲱⲛ ⲛⲣⲱⲙⲉ ⲉϣⲁϥⲧⲁⲕⲟ ϩⲓϩⲁⲗⲏⲧ ϩⲓⲧⲃⲛⲏ . ϩⲓϫⲁⲧϥⲉ . | Ⲁⲩϣⲓⲃⲉ ⲛ̀ⲡ̀ⲱⲟⲩ ⲛ̀ⲫ̀ⲛⲟⲩϯ ⲛ̀ⲁⲧⲧⲁⲕⲟ ϧⲉⲛ ⲟⲩⲓ̀ⲛⲓ ⲛ̀ϩⲓⲕⲱⲛ ⲛ̀ⲣⲱⲙⲓ ⲉϣⲁϥⲧⲁⲕⲟ ϩⲓϩⲁⲗⲏⲧ ϩⲓⲧⲃⲛⲏ. Ϩⲓϭⲁⲧϥⲓ. | Avṡive ǹp̀ōou ǹf̀nouti ǹattako xen ouìni ǹhikōn ǹrōmi eṡaftako hihalyt hitvny. Hiċatfi. | and traded the glory of the incorruptible God for the likeness of an image of corruptible man, and of birds, and four-footed animals, and creeping things. |
|---|
| 1:24 | ⲉⲧⲃⲉⲡⲁⲓ ⲁⲡⲛⲟⲩⲧⲉ ⲧⲁⲁⲩ ϩⲛⲛⲟⲩⲱϣ ⲛⲛⲉⲩϩⲏⲧ ⲉⲩⲁⲕⲁⲑⲁⲣⲥⲓⲁ ⲉⲧⲣⲉⲩⲥⲱϣ ⲛⲛⲉⲩⲥⲱⲙⲁ ϩⲣⲁⲓ ⲛϩⲏⲧⲟⲩ . | Ⲉⲑⲃⲉ ⲫⲁⲓ ⲁ ⲫ̀ⲛⲟⲩϯ ⲧⲏⲓⲟⲩ ϧⲉⲛ ⲛⲟⲩⲱϣ ⲛ̀ⲛⲟⲩϩⲏⲧ ⲉ̀ⲟⲩⲁⲕⲁⲑⲁⲣⲥⲓⲁ ⲉ̀ⲑⲣⲉⲩⲥⲱϣ ⲛ̀ⲛⲟⲩⲥⲱⲙⲁ ϩⲣⲁⲓ ⲛ̀ϧⲏⲧⲟⲩ. | Eθve fai a f̀nouti tyiou xen nouōṡ ǹnouhyt èouakaθarsia èθrevsōṡ ǹnousōma hrai ǹxytou. | Therefore God also gave them up in the lusts of their hearts to uncleanness, that their bodies should be dishonored among themselves, |
|---|
| 1:25 | ⲛⲁⲓ ⲉⲛⲧⲁⲩϣⲓⲃⲉ ⲛⲧⲙⲉ ⲙⲡⲛⲟⲩⲧⲉ ϩⲙⲡϭⲟⲗ ⲁⲩⲟⲩⲱϣⲧ ⲁⲩⲱ ⲁⲩϣⲙϣⲉ ⲙⲡⲥⲱⲛⲧ ⲡⲁⲣⲁⲡⲉⲛⲧⲁϥⲥⲱⲛⲧ ⲡⲁⲓ ⲉⲧⲥⲙⲁⲙⲁⲁⲧ ϣⲁⲛⲓⲉⲛⲉϩ ϩⲁⲙⲏⲛ . | Ⲛⲁⲓ ⲉⲧⲁⲩϣⲓⲃⲉ ⲛ̀ⲑ̀ⲙⲏⲓ ⲛ̀ⲫ̀ⲛⲟⲩϯ ϧⲉⲛ ⲡ̀ϭⲟⲗ ⲁⲩⲟⲩⲱϣⲧ ⲟⲩⲟϩ ⲁⲩϣⲉⲙϣⲓ ⲛ̀ⲡ̀ⲥⲱⲛⲧ ⲡⲁⲣⲁⲡⲉⲧⲁϥⲥⲱⲛⲧ ⲫⲁⲓ ⲉⲧⲥ̀ⲙⲁⲣⲱⲟⲩⲧ ϣⲁ ⲛⲁⲓⲉ̀ⲛⲉϩ ⲁ̀ⲙⲏⲛ. | Nai etavṡive ǹθ̀myi ǹf̀nouti xen p̀ċol avouōṡt ouoh avṡemṡi ǹp̀·sōnt parapetafsōnt fai ets̀marōout ṡa naièneh àmyn. | who exchanged the truth of God for a lie, and worshiped and served the creature rather than the Creator, who is blessed forever. Amen. |
|---|
| 1:26 | ⲉⲧⲃⲉⲡⲁⲓ ⲁⲡⲛⲟⲩⲧⲉ ⲧⲁⲁⲩ ⲉϩⲣⲁⲓ ⲉϩⲉⲛⲡⲁⲑⲟⲥ ⲉⲩⲥⲏϣ . ⲉⲓⲧⲉ ⲅⲁⲣ ⲛⲉⲩϩⲓⲟⲙⲉ ⲁⲩϣⲓⲃⲉ ⲙⲡϩⲱⲃ ⲛⲧⲉⲩⲫⲩⲥⲓⲥ ⲉⲩⲡⲁⲣⲁ ⲧⲉⲩⲫⲩⲥⲓⲥ . | Ⲉⲑⲃⲉ ⲫⲁⲓ ⲁ ⲫ̀ⲛⲟⲩϯ ⲧⲏⲓⲟⲩ ⲉϩⲣⲁⲓ ⲉ̀ϩⲁⲛⲡⲁⲑⲟⲥ ⲉⲩⲥⲏϣ. Ⲓⲧⲉ ⲅⲁⲣ ⲛⲟⲩϩⲓⲟⲙⲓ ⲁⲩϣⲓⲃⲉ ⲛ̀ⲡ̀ϩⲱⲃ ⲛ̀ⲧⲟⲩⲫⲩⲥⲓⲥ ⲉⲩⲡⲁⲣⲁ ⲧⲟⲩⲫⲩⲥⲓⲥ. | Eθve fai a f̀nouti tyiou ehrai èhanpaθos evsyṡ. Ite ġar nouhiomi avṡive ǹp̀hōb ǹtoufisis evpara toufisis. | For this reason, God gave them up to vile passions. For their women changed the natural function into that which is against nature. |
|---|
| 1:27 | ϩⲟⲙⲟⲓⲱⲥ ⲛⲉⲩⲕⲉϩⲟⲟⲩⲧ ⲁⲩⲕⲱ ⲛⲥⲱⲟⲩ ⲙⲡϩⲱⲃ ⲛⲧⲉⲫⲩⲥⲓⲥ ⲛⲧⲉⲥϩⲓⲙⲉ ⲁⲩⲙⲟⲩϩ ⲙⲡⲉⲩⲙⲉ ⲉϩⲟⲩⲛ ⲉⲛⲉⲩⲉⲣⲏⲩ . ϩⲉⲛϩⲟⲟⲩⲧ ⲙⲛϩⲉⲛϩⲟⲟⲩⲧ ⲉⲩⲣϩⲱⲃ ⲉⲧⲁⲥⲭⲩⲙⲟⲥⲩⲛⲏ . ⲁⲩⲱ ⲧϣⲃⲉⲓⲱ ⲙⲡⲃⲉⲕⲉ ⲛⲧⲉⲩⲡⲗⲁⲛⲏ ⲉⲧⲉϣϣⲉ ⲉⲩϫⲉⲓ ⲙⲙⲟϥ ϩⲣⲁⲓ ⲛϩⲏⲧⲟⲩ . | Ϩⲟⲙⲟⲓⲱⲥ ⲛⲟⲩⲕⲉϩⲱⲟⲩⲧ ⲁⲩⲭⲱ ⲛ̀ⲥⲱⲟⲩ ⲛ̀ⲡ̀ϩⲱⲃ ⲛ̀ⲧ̀ⲫⲩⲥⲓⲥ ⲛ̀ⲧ̀ⲥ̀ϩⲓⲙⲓ ⲁⲩⲙⲟϩ ⲙ̀ⲡⲉⲩⲙⲉⲓ ⲉ̀ϧⲟⲩⲛ ⲉ̀ⲛⲟⲩⲉⲣⲏⲟⲩ. Ϩⲁⲛϩⲱⲟⲩⲧ ⲛⲉⲙ ϩⲁⲛϩⲱⲟⲩⲧ ⲉⲩⲉⲣϩⲱⲃ ⲉ̀ⲧⲁⲥⲭⲩⲙⲟⲥⲩⲛⲏ. Ⲟⲩⲟϩ ⲧ̀ϣⲉⲃⲓⲱ ⲛ̀ⲡ̀ⲃⲉⲭⲉ ⲛ̀ⲧⲟⲩⲡ̀ⲗⲁⲛⲏ ⲉⲧⲉϣϣⲉ ⲉ̀ⲟⲩϫⲉ ⲓ̀ ⲙ̀ⲙⲟϥ ϩⲣⲁⲓ ⲛ̀ϧⲏⲧⲟⲩ. | Homoiōs noukehōout avkō ǹsōou ǹp̀hōb ǹt̀fisis ǹt̀s̀·himi avmoh m̀pevmei èxoun ènoueryou. Hanhōout nem hanhōout everhōb ètasṡimosiny. Ouoh t̀ṡeviō ǹp̀veke ǹtoup̀lany eteṡṡe èouje ì m̀mof hrai ǹxytou. | Likewise also the men, leaving the natural function of the woman, burned in their lust toward one another, men doing what is inappropriate with men, and receiving in themselves the due penalty of their error. |
|---|
| 1:28 | ⲁⲩⲱ ⲕⲁⲧⲁⲧϩⲉ ⲉⲧⲉⲙⲡⲟⲩⲇⲟⲕⲓⲙⲁⲍⲉ ⲙⲡⲛⲟⲩⲧⲉ ⲉⲕⲁⲁϥ ⲛⲁⲩ ϩⲛⲟⲩⲥⲟⲟⲩⲛ . ⲁⲡⲛⲟⲩⲧⲉ ⲧⲁⲁⲩ ⲉϩⲣⲁⲓ ⲉⲩϩⲏⲧ ⲛϫⲟⲟⲩⲧ ⲉⲉⲓⲣⲉ ⲛⲛⲉⲧⲉⲙⲉϣϣⲉ . | Ⲟⲩⲟϩ ⲕⲁⲧⲁ ⲫ̀ⲣⲏϯ ⲉ̀ⲧⲉ ⲙ̀ⲡⲉⲟⲩⲉⲣⲇⲟⲕⲓⲙⲁⲍⲓⲛ ⲛ̀ⲫ̀ⲛⲟⲩϯ ⲉ̀ⲭⲁϥ ⲛⲱⲟⲩ ϧⲉⲛ ⲟⲩⲥⲱⲟⲩⲛ. Ⲁ ⲫ̀ⲛⲟⲩϯ ⲧⲏⲓⲟⲩ ⲉϩⲣⲁⲓ ⲉ̀ⲟⲩϩⲏⲧ ⲛ̀ϫⲟⲟⲩⲧ ⲉ̀ⲓⲣⲓ ⲛ̀ⲛⲉ̀ⲧⲉ ⲙⲉⲓⲥ̀ϣⲉ. | Ouoh kata f̀ryti ète m̀peouerḋokimazin ǹf̀nouti èkaf nōou xen ousōoun. A f̀nouti tyiou ehrai èouhyt ǹgoout èiri ǹnète meis̀ṡe. | Even as they refused to have God in their knowledge, God gave them up to a reprobate mind, to do those things which are not fitting; |
|---|
| 1:29 | ⲉⲩϫⲏⲕ ⲉⲃⲟⲗ ⲛϫⲓ ⲛϭⲟⲛⲥ ⲛⲓⲙ ϩⲓⲕⲁⲕⲓⲁ ϩⲓⲡⲟⲛⲏⲣⲓⲁ ϩⲓⲙⲁⲓⲧⲟ ⲛϩⲟⲩⲟ ⲉⲩⲙⲉϩ ⲛⲗⲁ ϩⲓϩⲱⲧⲃ ϩⲓϯⲧⲱⲛ ϩⲓⲕⲣⲟϥ ⲛϩⲏⲧ ⲉϥϩⲟⲟⲩ . | Ⲉⲩϫⲏⲕ ⲉ̀ⲃⲟⲗ ⲛ̀ϭⲓ ⲛ̀ϫⲟⲛⲥ ⲛⲓⲃⲉⲛ ϩⲓⲕⲁⲕⲓⲁ ϩⲓⲡⲟⲛⲏⲣⲓⲁ ϩⲓⲙⲁⲓⲧⲟ ⲛ̀ϩⲟⲩⲟ ⲉⲩⲙⲉϩ ⲛ̀ⲗⲁ ϩⲓϧⲱⲧⲉⲃ ϩⲓϯⲧⲱⲛ ϩⲓⲭ̀ⲣⲟϥ ⲛ̀ϩⲏⲧ ⲉϥϩⲟⲟⲩ. | Evjyk èvol ǹċi ǹgons niven hikakia hiponyria himaito ǹhouo evmeh ǹla hixōteb hititōn hik̀rof ǹhyt efhoou. | being filled with all unrighteousness, sexual immorality, wickedness, covetousness, maliciousness; full of envy, murder, strife, deceit, evil habits, secret slanderers, |
|---|
| 1:30 | ⲛⲣⲉϥⲕⲁⲥⲕⲥ ⲛⲣⲉϥⲕⲁⲧⲁⲗⲁⲗⲉⲓ ⲙⲙⲁⲥⲧ ⲛⲟⲩⲧⲉ ⲛⲣⲉϥⲥⲱϣ ⲛϫⲁⲥⲓϩⲏⲧ ⲛⲃⲁⲃⲉⲣⲱⲙ ⲛⲣⲉϥⲕⲱⲧⲉ ⲛⲥⲁⲡⲡⲉⲑⲟⲟⲩ ⲉⲛⲥⲉⲥⲱⲧⲙ ⲁⲛ ⲛⲥⲁⲛⲉⲩⲉⲓⲟⲧⲉ . | Ⲛ̀ⲣⲉϥⲕⲁⲥⲕⲥ ⲛ̀ⲣⲉϥⲕⲁⲧⲁⲗⲁⲗⲉⲓ ⲛ̀ⲙⲁⲥⲧ ⲛⲟⲩϯ ⲛ̀ⲣⲉϥⲥⲱϣ ⲛ̀ϭⲁⲥⲓϩⲏⲧ ⲛ̀ⲃⲁⲃⲉⲣⲱⲙ ⲛ̀ⲣⲉϥⲕⲱϯ ⲛ̀ⲥⲁ ⲡ̀ⲡⲉⲧϩⲟⲟⲩ ⲛ̀ⲧⲉⲥⲉⲥⲱⲧⲉⲙ ⲁⲛ ⲛ̀ⲥⲁ ⲛⲟⲩⲓⲟϯ. | Ǹrefkask·s ǹrefkatalalei ǹmast nouti ǹrefsōṡ ǹċasihyt ǹvaverōm ǹrefkōti ǹsa p̀pet·hoou ǹtesesōtem an ǹsa nouioti. | backbiters, hateful to God, insolent, haughty, boastful, inventors of evil things, disobedient to parents, |
|---|
| 1:31 | ⲛⲁⲧϩⲏⲧ ⲛⲁⲧⲛⲁϩⲧⲉ ⲛⲟⲩⲁϩⲓⲏⲧ ⲛⲁⲧⲛⲁ | Ⲛⲁⲧϩⲏⲧ ⲛ̀ⲁⲑⲛⲁϩϯ ⲛ̀ⲟⲩⲁϩⲓⲏⲧ ⲛ̀ⲁⲧⲛⲁ | Nat·hyt ǹaθnahti ǹouahiyt ǹatna | without understanding, covenant breakers, without natural affection, unforgiving, unmerciful; |
|---|
| 1:32 | ⲛⲁⲓ ⲉⲧⲥⲟⲟⲩⲛ ⲙⲡⲇⲓⲕⲁⲓⲱⲙⲁ ⲙⲡⲛⲟⲩⲧⲉ ϫⲉⲛⲉⲧⲉⲓⲣⲉ ⲛⲛⲁⲓ ⲥⲉⲙⲡϣⲁ ⲙⲡⲙⲟⲩ . ⲟⲩ ⲙⲟⲛⲟⲛ ⲥⲉⲉⲓⲣⲉ ⲙⲙⲟⲟⲩ ⲁⲗⲗⲁ ⲥⲉⲥⲩⲛⲉⲩⲇⲟⲕⲓ ⲟⲛ ⲙⲛⲛⲉⲧⲉⲓⲣⲉ ⲙⲙⲟⲟⲩ . | ⲛⲁⲓ ⲉ̀ⲧ̀ⲥⲱⲟⲩⲛ ⲛ̀ⲡ̀ⲇⲓⲕⲁⲓⲱⲙⲁ ⲛ̀ⲫ̀ⲛⲟⲩϯ ϫⲉ ⲛⲉⲧⲓ̀ⲣⲓ ⲛ̀ⲛⲁⲓ ⲥⲉⲙⲡ̀ϣⲁ ⲛ̀ⲫ̀ⲙⲟⲩ. Ⲟⲩ ⲙⲟⲛⲟⲛ ⲥⲉⲓ̀ⲣⲓ ⲙ̀ⲙⲱⲟⲩ ⲁⲗⲗⲁ ⲥⲉⲥⲩⲛⲉⲩⲇⲟⲕⲓ ⲟⲛ ⲛⲉⲙ ⲛⲉⲧⲓ̀ⲣⲓ ⲙ̀ⲙⲱⲟⲩ. | nai èt̀sōoun ǹp̀ḋikaiōma ǹf̀nouti je netìri ǹnai semp̀ṡa ǹf̀mou. Ou monon seìri m̀mōou alla sesinevḋoki on nem netìri m̀mōou. | who, knowing the ordinance of God, that those who practice such things are worthy of death, not only do the same, but also approve of those who practice them. |
|---|