Daniel 4 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document(s) 27_Daniel_06 [bible_refile @refile:Bible/Old Testament|Daniel|4]

Attribution: Daniel 6 from Coptic SCRIPTORIUM (https://copticscriptorium.org), corpus bohairic.ot, document 27_Daniel_06, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

34 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
4:1	ⲁⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲛⲁⲓⲉⲣⲉⲩⲑⲉⲛⲓⲛ ϧⲉⲛⲡⲁⲏⲓ ⲡⲉ ⲟⲩⲟϩ ⲉⲓⲫⲟⲣⲓ ⲉ̀ⲃⲟⲗ ϩⲓϫⲉⲛⲡⲁⲑ̀ⲣⲟⲛⲟⲥ .	ⲁⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲛⲁⲓⲉⲣⲉⲩⲑⲉⲛⲓⲛ ϧⲉⲛ ⲡⲁⲏⲓ ⲡⲉ ⲟⲩⲟϩ ⲉⲓⲫⲟⲣⲓ ⲉ̀ⲃⲟⲗ ϩⲓϫⲉⲛ ⲡⲁⲑ̀ⲣⲟⲛⲟⲥ.	anok nabouxodonosor p̀ouro naierevθenin xen payi pe ouoh eifori èvol hijen paθ̀ronos.	I Nabuchodonosor was thriving in my house, and prospering.
4:2	ⲟⲩⲣⲁⲥⲟⲩⲓ̀ ⲁⲓⲛⲁⲩ ⲉ̀ⲣⲟⲥ ⲁⲥϯϩⲟϯ ⲛⲏⲓ ⲁⲓϣ̀ⲑⲟⲣⲧⲉⲣ ϩⲓϫⲉⲛⲡⲁⲙⲁⲛ̀ⲉⲛⲕⲟⲧ ⲟⲩⲟϩ ⲛⲓⲛⲁⲩ ⲛ̀ⲧⲉⲧⲁⲁ̀ⲫⲉ ⲁⲩϣ̀ⲑⲉⲣⲧⲟⲣⲧ .	Ⲟⲩⲣⲁⲥⲟⲩⲓ̀ ⲁⲓⲛⲁⲩ ⲉ̀ⲣⲟⲥ ⲁⲥϯϩⲟϯ ⲛⲏⲓ ⲁⲓϣ̀ⲑⲟⲣⲧⲉⲣ ϩⲓϫⲉⲛ ⲡⲁⲙⲁⲛ̀ⲉⲛⲕⲟⲧ ⲟⲩⲟϩ ⲛⲓⲛⲁⲩ ⲛ̀ⲧⲉ ⲧⲁⲁ̀ⲫⲉ ⲁⲩϣ̀ⲑⲉⲣⲧⲟⲣⲧ.	Ourasouì ainav èros astihoti nyi aiṡ̀θorter hijen pamaǹenkot ouoh ninav ǹte taàfe avṡ̀θertort.	I saw a vision, and it terrified me, and I was troubled on my bed, and the visions of my head troubled me.
4:3	ⲁϥⲥⲉⲙⲛⲓ ⲇⲉ ⲛ̀ϫⲉⲟⲩϩⲱⲛ ⲉ̀ⲃⲟⲗϩⲓⲧⲟⲧ ⲉⲑⲣⲟⲩⲓ̀ⲛⲓ ⲉ̀ϧⲟⲩⲛ ⲙ̀ⲡⲁⲙ̀ⲑⲟ ⲛ̀ⲛⲓⲥⲁⲃⲉⲩ ⲧⲏⲣⲟⲩ ⲛ̀ⲧⲉⲃⲁⲃⲩⲗⲱⲛ ϩⲟⲡⲱⲥ ⲛ̀ⲧⲟⲩⲧⲁⲙⲟⲓ ⲉ̀ⲫ̀ⲟⲩⲟϩⲉⲙ ⲛ̀ⲧⲁⲣⲁⲥⲟⲩⲓ̀ .	Ⲁϥⲥⲉⲙⲛⲓ ⲇⲉ ⲛ̀ϫⲉ ⲟⲩϩⲱⲛ ⲉ̀ⲃⲟⲗ ϩⲓⲧⲟⲧ ⲉ̀ⲑⲣⲟⲩⲓ̀ⲛⲓ ⲉ̀ϧⲟⲩⲛ ⲛ̀ⲡⲁⲙ̀ⲑⲟ ⲛ̀ⲛⲓⲥⲁⲃⲉⲩ ⲧⲏⲣⲟⲩ ⲛ̀ⲧⲉ ⲃⲁⲃⲩⲗⲱⲛ ϩⲟⲡⲱⲥ ⲛ̀ⲧⲟⲩⲧⲁⲙⲟⲓ ⲉ̀ⲫ̀ⲟⲩⲟϩⲉⲙ ⲛ̀ⲧⲁⲣⲁⲥⲟⲩⲓ̀.	Afsemni ḋe ǹje ouhōn èvol hitot èθrouìni èxoun ǹpam̀θo ǹnisavev tyrou ǹte babilōn hopōs ǹtoutamoi èf̀ouohem ǹtarasouì.	And I made a decree to bring in before me all the wise men of Babylon, that they might make known to me the interpretation of the dream.
4:4	ⲟⲩⲟϩ ⲛⲁⲩⲛⲏⲟⲩ ⲉ̀ϧⲟⲩⲛ ⲛ̀ϫⲉⲛⲓⲣⲉϥⲉⲣϩⲓⲕ ⲛⲓⲁ̀ⲭⲱⲟⲩⲓ̀ ⲛⲓⲅⲁⲍⲁⲣⲏⲛⲟⲥ ⲛⲓⲭⲁⲗⲇⲉⲟⲥ ⲧⲁⲣⲁⲥⲟⲩⲓ̀ ⲁⲓϫⲟⲥ ⲙ̀ⲡⲟⲩⲙ̀ⲑⲟ ⲟⲩⲟϩ ⲡⲉⲥⲟⲩⲟϩⲉⲙ ⲙ̀ⲡⲟⲩⲧⲁⲙⲟⲓ ⲉ̀ⲣⲟϥ .	Ⲟⲩⲟϩ ⲛⲁⲩⲛⲏⲟⲩ ⲉ̀ϧⲟⲩⲛ ⲛ̀ϫⲉ ⲛⲓⲣⲉϥⲉⲣϩⲓⲕ ⲛⲓⲁ̀ⲭⲱⲟⲩⲓ̀ ⲛⲓⲅⲁⲍⲁⲣⲏⲛⲟⲥ ⲛⲓⲭⲁⲗⲇⲉⲟⲥ ⲧⲁⲣⲁⲥⲟⲩⲓ̀ ⲁⲓϫⲟⲥ ⲛ̀ⲡⲟⲩⲙ̀ⲑⲟ ⲟⲩⲟϩ ⲡⲉⲥⲟⲩⲟϩⲉⲙ ⲛ̀ⲡⲟⲩⲧⲁⲙⲟⲓ ⲉ̀ⲣⲟϥ.	Ouoh navnyou èxoun ǹje nireferhik niàkōouì niġazarynos nixaldeos tarasouì aigos ǹpoum̀θo ouoh pesouohem ǹpoutamoi èrof.	So the enchanters, magicians, soothsayers, and Chaldeans came in: and I told the dream before them; but they did not make known to me the interpretation thereof;
4:5	ϣⲁⲛⲧⲉϥⲓ̀ ⲛ̀ϫⲉⲇⲁⲛⲓⲏⲗ ⲫⲏⲉⲧⲉ ⲡⲉϥⲣⲁⲛ ⲡⲉ ⲃⲁⲗⲧⲁⲥⲉⲣ ⲕⲁⲧⲁⲫ̀ⲣⲁⲛ ⲙ̀ⲡⲁⲛⲟⲩϯ ⲫⲁⲓ ⲉⲧⲉⲟⲩⲟⲛ ⲟⲩⲡ̅ⲛ̅ⲁ̅ ⲉϥⲟⲩⲁⲃ ⲛ̀ⲧⲉⲫϯ ⲛ̀ϧⲏⲧϥ ϯⲣⲁⲥⲟⲩⲓ̀ ⲁⲓϫⲟⲥ ⲙ̀ⲡⲉϥⲙ̀ⲑⲟ .	Ϣⲁ ⲛ̀ⲧⲉϥⲓ̀ ⲛ̀ϫⲉ ⲇⲁⲛⲓⲏⲗ ⲫⲏⲉ̀ⲧⲉ ⲡⲉϥⲣⲁⲛ ⲡⲉ ⲃⲁⲗⲧⲁⲥⲉⲣ ⲕⲁⲧⲁ ⲫ̀ⲣⲁⲛ ⲛ̀ⲡⲁⲛⲟⲩϯ ⲫⲁⲓ ⲉ̀ⲧⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲛ̀ⲧⲉ ⲫ̀ⲛⲟⲩϯ ⲛ̀ϧⲏⲧϥ ϯⲣⲁⲥⲟⲩⲓ̀ ⲁⲓϫⲟⲥ ⲛ̀ⲡⲉϥⲙ̀ⲑⲟ.	Ṡa ǹtefì ǹje daniyl fyète pefran pe baltaser kata f̀ran ǹpanouti fai ète ouon oup̀nevma efouab ǹte f̀nouti ǹxytf tirasouì aigos ǹpefm̀θo.	until Daniel came, whose name is Baltasar, according to the name of my God, who has within him the Holy Spirit of God; to whom I said,
4:6	ⲃⲁⲗⲧⲁⲥⲁⲣ ⲡ̀ⲁⲣⲭⲱⲛ ⲛ̀ⲧⲉⲛⲓⲣⲉϥⲉⲣϩⲓⲕ ⲛ̀ⲑⲟⲕ ⲁⲓⲉ̀ⲙⲓ ϫⲉⲟⲩⲟⲛ ⲟⲩⲡ̅ⲛ̅ⲁ̅ ⲉϥⲟⲩⲁⲃ ⲛ̀ⲧⲉⲫϯ ⲛ̀ϧⲏⲧⲕ ⲟⲩⲟϩ ⲙ̀ⲙⲟⲛ ϩ̀ⲗⲓ ⲙ̀ⲙⲩⲥⲧⲏⲣⲓⲟⲛ ⲟⲩⲛ̀ⲁⲧϫⲟⲙ ⲛ̀ⲧⲟⲧⲕ ⲥⲱⲧⲉⲙ ⲉ̀ϯⲣⲁⲥⲟⲩⲓ̀ ⲛ̀ⲧⲉϯϩⲟⲣⲁⲥⲓⲥ ⲉⲧⲁⲓⲛⲁⲩ ⲉ̀ⲣⲟⲥ ⲟⲩⲟϩ ⲁ̀ϫⲉ ⲡⲉⲥⲟⲩⲟϩⲉⲙ ⲛⲏⲓ .	Ⲃⲁⲗⲧⲁⲥⲁⲣ ⲡ̀ⲁⲣⲭⲱⲛ ⲛ̀ⲧⲉ ⲛⲓⲣⲉϥⲉⲣϩⲓⲕ ⲛ̀ⲑⲟⲕ ⲁⲓⲉ̀ⲙⲓ ϫⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲛ̀ⲧⲉ ⲫ̀ⲛⲟⲩϯ ⲛ̀ϧⲏⲧⲕ ⲟⲩⲟϩ ⲙ̀ⲙⲟⲛ ϩ̀ⲗⲓ ⲛ̀ⲙⲩⲥⲧⲏⲣⲓⲟⲛ ⲟⲩⲛ̀ⲁⲧ̀ϫⲟⲙ ⲛ̀ⲧⲟⲧⲕ ⲥⲱⲧⲉⲙ ⲉ̀ϯⲣⲁⲥⲟⲩⲓ̀ ⲛ̀ⲧⲉ ϯϩⲟⲣⲁⲥⲓⲥ ⲉⲧⲁⲓⲛⲁⲩ ⲉ̀ⲣⲟⲥ ⲟⲩⲟϩ ⲁ̀ϫⲉ ⲡⲉⲥⲟⲩⲟϩⲉⲙ ⲛⲏⲓ.	Baltasar p̀arxōn ǹte nireferhik ǹθok aièmi je ouon oup̀nevma efouab ǹte f̀nouti ǹxytk ouoh m̀mon h̀li ǹmistyrion ouǹat̀gom ǹtotk sōtem ètirasouì ǹte tihorasis etainav èros ouoh àje pesouohem nyi.	O Baltasar, chief of the enchanters, of whom I know that the Holy Spirit of God is in thee, and no mystery is too hard for thee, hear the vision of my dream which I had, and tell me the interpretation of it.
4:7	ⲛⲓϩⲟⲣⲁⲥⲓⲥ ⲛ̀ⲧⲉⲧⲁⲁ̀ⲫⲉ ⲁⲓⲛⲁⲩ ⲉ̀ⲣⲱⲟⲩ ϩⲓϫⲉⲛⲡⲁⲙⲁⲛ̀ⲉⲛⲕⲟⲧ ϩⲏⲡⲡⲉ ⲓⲥ ⲟⲩϣ̀ϣⲏⲛ ⲉϥⲭⲏ ϧⲉⲛⲑ̀ⲙⲏϯ ⲙ̀ⲡ̀ⲕⲁϩⲓ ⲡⲉϥϭⲓⲥⲓ ⲉⲛⲁϣⲱϥ .	Ⲛⲓϩⲟⲣⲁⲥⲓⲥ ⲛ̀ⲧⲉ ⲧⲁⲁ̀ⲫⲉ ⲁⲓⲛⲁⲩ ⲉ̀ⲣⲱⲟⲩ ϩⲓϫⲉⲛ ⲡⲁⲙⲁⲛ̀ⲉⲛⲕⲟⲧ ϩⲏⲡⲡⲉ ⲓⲥ ⲟⲩϣ̀ϣⲏⲛ ⲉϥⲭⲏ ϧⲉⲛ ⲑ̀ⲙⲏϯ ⲛ̀ⲡ̀ⲕⲁϩⲓ ⲡⲉϥϭⲓⲥⲓ ⲉ̀ⲛⲁϣⲱϥ.	Nihorasis ǹte taàfe ainav èrōou hijen pamaǹenkot hyppe is ouṡ̀ṡyn efky xen θ̀myti ǹp̀kahi pefċisi ènaṡōf.	I had a vision upon my bed; and behold a tree in the midst of the earth, and its height was great.
4:8	ⲟⲩⲟϩ ⲁϥⲁⲓⲁⲓ ⲛ̀ϫⲉⲡⲓϣ̀ϣⲏⲛ ⲁϥϫⲉⲙϫⲟⲙ ⲉⲙⲁϣⲱ ⲁ ⲡⲉϥϭⲓⲥⲓ ⲫⲟϩ ϣⲁⲧ̀ⲫⲉ ⲟⲩⲟϩ ⲧⲉϥⲙⲉⲧⲛⲓϣϯ ϣⲁⲛⲉⲁⲧ ⲙ̀ⲡ̀ⲕⲁϩⲓ ⲧⲏⲣϥ .	Ⲟⲩⲟϩ ⲁϥⲁⲓⲁⲓ ⲛ̀ϫⲉ ⲡⲓϣ̀ϣⲏⲛ ⲁϥϫⲉⲙϫⲟⲙ ⲉ̀ⲙⲁϣⲱ ⲁ ⲡⲉϥϭⲓⲥⲓ ⲫⲟϩ ϣⲁ ⲧ̀ⲫⲉ ⲟⲩⲟϩ ⲧⲉϥⲙⲉⲧⲛⲓϣϯ ϣⲁ ⲛⲉⲁⲧ ⲛ̀ⲡ̀ⲕⲁϩⲓ ⲧⲏⲣϥ.	Ouoh afaiai ǹje piṡ̀ṡyn afjemgom èmaṡō a pefċisi foh ṡa t̀fe ouoh tefmetniṡti ṡa neat ǹp̀kahi tyrf.	The tree grew large and strong, and its height reached to the sky, and its extent to the extremity of the whole earth:
4:9	ⲛⲉϥϫⲱⲃⲓ ⲉⲛⲉⲥⲱⲥ ⲟⲩⲟϩ ⲡⲉϥⲟⲩⲧⲁϩ ⲉⲛⲁϣⲱϥ ⲟⲩⲟϩ ⲧ̀ϧ̀ⲣⲉ ⲛ̀ⲟⲩⲟⲛ ⲛⲓⲃⲉⲛ ⲉⲥⲉ̀ ⲛ̀ϧⲏⲧϥ ⲡⲉ ⲛⲁⲩϣⲟⲡ ϧⲁⲣⲁⲧϥ ⲛ̀ϫⲉⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲟⲩⲟϩ ⲛⲁⲩⲟⲩⲉϩ ϩⲓϫⲉⲛⲛⲉϥϫⲁⲗ ⲛ̀ϫⲉⲛⲓϩⲁⲗⲁϯ ⲛ̀ⲧⲉⲧ̀ⲫⲉ ⲛⲁⲩϣⲁⲛⲉⲩϣ ⲉ̀ⲃⲟⲗ ⲛ̀ϧⲏⲧϥ ⲛ̀ϫⲉⲥⲁⲣⲝ ⲛⲓⲃⲉⲛ .	Ⲛⲉϥϫⲱⲃⲓ ⲉ̀ⲛⲉⲥⲱⲥ ⲟⲩⲟϩ ⲡⲉϥⲟⲩⲧⲁϩ ⲉ̀ⲛⲁϣⲱϥ ⲟⲩⲟϩ ⲧ̀ϧ̀ⲣⲉ ⲛ̀ⲟⲩⲟⲛ ⲛⲓⲃⲉⲛ ⲉⲥⲉ̀ ⲛ̀ϧⲏⲧϥ ⲡⲉ ⲛⲁⲩϣⲟⲡ ϧⲁⲣⲁⲧϥ ⲛ̀ϫⲉ ⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲟⲩⲟϩ ⲛⲁⲩⲟⲩⲉϩ ϩⲓϫⲉⲛ ⲛⲉϥϫⲁⲗ ⲛ̀ϫⲉ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ ⲛⲁⲩϣⲁⲛⲉⲩϣ ⲉ̀ⲃⲟⲗ ⲛ̀ϧⲏⲧϥ ⲛ̀ϫⲉ ⲥⲁⲣⲝ ⲛⲓⲃⲉⲛ.	Nefgōvi ènesōs ouoh pefoutah ènaṡōf ouoh t̀x̀re ǹouon niven esè ǹxytf pe navṡop xaratf ǹje niθyrion ǹaġrion ouoh navoueh hijen nefgal ǹje nihalati ǹte t̀fe navṡanevṡ èvol ǹxytf ǹje sarks niven.	its leaves were fair, and its fruit abundant, and in it was meat for all; and under it the wild beasts of the field took shelter, and the birds of the sky lodged in the branches of it, and all flesh was fed of it.
4:10	ⲛⲁⲓⲛⲁⲩ ⲡⲉ ϧⲉⲛⲟⲩϩⲟⲣⲟⲙⲁ ⲛ̀ⲧⲉⲡⲓⲉ̀ϫⲱⲣϩ ϩⲓϫⲉⲛⲡⲁⲙⲁⲛ̀ⲉⲛⲕⲟⲧ ϩⲏⲡⲡⲉ ⲓⲥ ⲟⲩⲏⲣ ⲟⲩⲟϩ ⲁ̀ⲅⲓⲟⲛ ⲁϥⲓ̀ ⲉ̀ⲃⲟⲗϧⲉⲛ ⲧ̀ⲫⲉ .	Ⲛⲁⲓⲛⲁⲩ ⲡⲉ ϧⲉⲛ ⲟⲩϩⲟⲣⲟⲙⲁ ⲛ̀ⲧⲉ ⲡⲓⲉ̀ϫⲱⲣϩ ϩⲓϫⲉⲛ ⲡⲁⲙⲁⲛ̀ⲉⲛⲕⲟⲧ ϩⲏⲡⲡⲉ ⲓⲥ ⲟⲩⲏⲣ ⲟⲩⲟϩ ⲁ̀ⲅⲓⲟⲛ ⲁϥⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ.	Nainav pe xen ouhoroma ǹte piègōrh hijen pamaǹenkot hyppe is ouyr ouoh àgion afì èvol xen t̀fe.	I beheld in the night vision upon my bed, and, behold, a watcher and an holy one came down from heaven and cried aloud, and thus he said,
4:11	ⲁϥⲙⲟⲩϯ ϧⲉⲛⲟⲩⲛⲓϣϯ ⲛ̀ϫⲟⲙ ⲟⲩⲟϩ ⲁϥϫⲟⲥ ⲙ̀ⲡⲁⲓⲣⲏϯ ϫⲉⲕⲱⲣϫ ⲙ̀ⲡⲓϣ̀ϣⲏⲛ ⲟⲩⲟϩ ⲫⲱⲗϫ ⲛ̀ⲛⲉϥϫⲁⲗ ⲉ̀ⲃⲟⲗ ⲥⲱϩⲓ ⲛ̀ⲛⲉϥϫⲱⲃⲓ ⲉ̀ⲡⲉⲥⲏⲧ ϫⲱⲣ ⲙ̀ⲡⲉϥⲟⲩⲧⲁϩ ⲉ̀ⲃⲟⲗ ⲙⲁⲣⲟⲩⲕⲓⲙ ⲛ̀ϫⲉⲛⲓⲑⲏⲣⲓⲟⲛ ⲉ̀ⲃⲟⲗ ϧⲁⲣⲁⲧϥ ⲛⲉⲙⲛⲓϩⲁⲗⲁϯ ⲉ̀ⲃⲟⲗϩⲁ ⲛⲉϥϫⲁⲗ .	Ⲁϥⲙⲟⲩϯ ϧⲉⲛ ⲟⲩⲛⲓϣϯ ⲛ̀ϫⲟⲙ ⲟⲩⲟϩ ⲁϥϫⲟⲥ ⲛ̀ⲡⲁⲓⲣⲏϯ ϫⲉ ⲕⲱⲣϫ ⲛ̀ⲡⲓϣ̀ϣⲏⲛ ⲟⲩⲟϩ ⲫⲱⲗϫ ⲛ̀ⲛⲉϥϫⲁⲗ ⲉ̀ⲃⲟⲗ ⲥⲱϩⲓ ⲛ̀ⲛⲉϥϫⲱⲃⲓ ⲉ̀ⲡⲉⲥⲏⲧ ϫⲱⲣ ⲛ̀ⲡⲉϥⲟⲩⲧⲁϩ ⲉ̀ⲃⲟⲗ ⲙⲁⲣⲟⲩⲕⲓⲙ ⲛ̀ϫⲉ ⲛⲓⲑⲏⲣⲓⲟⲛ ⲉ̀ⲃⲟⲗ ϧⲁⲣⲁⲧϥ ⲛⲉⲙ ⲛⲓϩⲁⲗⲁϯ ⲉ̀ⲃⲟⲗϩⲁ ⲛⲉϥϫⲁⲗ.	Afmouti xen ouniṡti ǹgom ouoh afgos ǹpairyti je kōrg ǹpiṡ̀ṡyn ouoh fōlg ǹnefgal èvol sōhi ǹnefgōvi èpesyt gōr ǹpefoutah èvol maroukim ǹje niθyrion èvol xaratf nem nihalati èbolha nefgal.	Cut down the tree, and pluck off its branches, and shake off its leaves, and scatter its fruit: let the wild beasts be removed from under it, and the birds from its branches.
4:12	ⲡ̀ⲗⲏⲛ ϯⲫⲓⲏ̀ ⲛ̀ⲧⲉⲧⲉϥⲛⲟⲩⲛⲓ ⲭⲁⲥ ϧⲉⲛⲡⲓⲕⲁϩⲓ ⲛ̀ϩ̀ⲣⲏⲓ ϧⲉⲛⲟⲩⲥ̀ⲛⲁⲩϩ ⲙ̀ⲃⲉⲛⲓⲡⲓ ⲛⲉⲙⲟⲩϩⲟⲙⲧ ⲛⲉⲙⲟⲩⲭ̀ⲗⲟⲏ̀ ⲉⲧⲥⲁⲃⲟⲗ ⲛⲉⲙϯⲓⲱϯ ⲛ̀ⲧⲉⲧ̀ⲫⲉ ⲉϥⲉ̀ⲉⲛⲕⲟⲧ ⲛ̀ϧⲏⲧⲟⲩ ⲉⲥⲉ̀ϣⲱⲡⲓ ⲛ̀ϫⲉⲧⲉϥⲧⲟⲓ ⲛⲉⲙⲛⲓⲑⲏⲣⲓⲟⲛ ϧⲉⲛⲡⲓⲥⲓⲙ ⲛ̀ⲧⲉⲡ̀ⲕⲁϩⲓ .	Ⲡ̀ⲗⲏⲛ ϯⲫⲓⲏ̀ ⲛ̀ⲧⲉ ⲧⲉϥⲛⲟⲩⲛⲓ ⲭⲁⲥ ϧⲉⲛ ⲡⲓⲕⲁϩⲓ ⲛ̀ϩ̀ⲣⲏⲓ ϧⲉⲛ ⲟⲩⲥ̀ⲛⲁⲩϩ ⲛ̀ⲃⲉⲛⲓⲡⲓ ⲛⲉⲙ ⲟⲩϩⲟⲙⲧ ⲛⲉⲙ ⲟⲩⲭ̀ⲗⲟⲏ̀ ⲉⲧⲥⲁⲃⲟⲗ ⲛⲉⲙ ϯⲓⲱϯ ⲛ̀ⲧⲉ ⲧ̀ⲫⲉ ⲉϥⲉ̀ⲉⲛⲕⲟⲧ ⲛ̀ϧⲏⲧⲟⲩ ⲉⲥⲉ̀ϣⲱⲡⲓ ⲛ̀ϫⲉ ⲧⲉϥⲧⲟⲓ ⲛⲉⲙ ⲛⲓⲑⲏⲣⲓⲟⲛ ϧⲉⲛ ⲡⲓⲥⲓⲙ ⲛ̀ⲧⲉ ⲡ̀ⲕⲁϩⲓ.	P̀lyn tifiỳ ǹte tefnouni kas xen pikahi ǹh̀ryi xen ous̀navh ǹvenipi nem ouhomt nem oux̀loỳ etsavol nem tiiōti ǹte t̀fe efèenkot ǹxytou esèṡōpi ǹje teftoi nem niθyrion xen pisim ǹte p̀kahi.	Only leave the stump of its roots in the earth, and bind it with an iron and brass band; and it shall lie in the grass that is without and in the dew of heaven, and its portion shall be with the wild beasts in the grass of the field.
4:13	ⲟⲩⲟϩ ⲉⲣⲉⲡⲉϥϩⲏⲧ ϣⲱⲃⲧ ⲉ̀ⲃⲟⲗϩⲁ ⲛⲓⲣⲱⲙⲓ ⲉⲩⲉ̀ϯ ⲛⲁϥ ⲛ̀ⲟⲩϩⲏⲧ ⲛ̀ⲑⲏⲣⲓⲟⲛ ⲉⲣⲉⲍ̅ ⲛ̀ⲥⲏⲟⲩ ϣⲱⲃⲧ ϩⲓⲱⲧϥ .	Ⲟⲩⲟϩ ⲉ̀ⲣⲉ ⲡⲉϥϩⲏⲧ ϣⲱⲃⲧ ⲉ̀ⲃⲟⲗϩⲁ ⲛⲓⲣⲱⲙⲓ ⲉⲩⲉ̀ϯ ⲛⲁϥ ⲛ̀ⲟⲩϩⲏⲧ ⲛ̀ⲑⲏⲣⲓⲟⲛ ⲉ̀ⲣⲉ7 ⲛ̀ⲥⲏⲟⲩ ϣⲱⲃⲧ ϩⲓⲱⲧϥ.	Ouoh ère pefhyt ṡōvt èbolha nirōmi evèti naf ǹouhyt ǹθyrion ère7 ǹsyou ṡōvt hiōtf.	His heart shall be changed from that of man, and the heart of a wild beast shall be given to him; and seven times shall pass over him.
4:14	ⲉ̀ⲃⲟⲗϩⲓⲧⲉⲛ ⲫ̀ⲟⲩⲟϩⲉⲙ ⲛ̀ⲟⲩⲏⲣ ⲡⲉ ⲡⲓⲥⲁϫⲓ ⲟⲩⲟϩ ⲟⲩⲥⲁϫⲓ ⲛ̀ⲧⲉⲛⲏⲉⲑⲟⲩⲁⲃ ⲡⲉ ⲡⲓϫⲓⲛϣⲓⲛⲓ ϩⲓⲛⲁ ⲛ̀ⲧⲟⲩⲉ̀ⲙⲓ ⲛ̀ϫⲉⲛⲏⲉⲧⲟⲛϧ ϫⲉⲡϭ̅ⲥ̅ ⲉⲧϭⲟⲥⲓ ϩⲓϫⲉⲛϯⲙⲉⲧⲟⲩⲣⲟ ⲛ̀ⲧⲉⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲥ ⲛⲁϥ ⲟⲩⲟϩ ⲛ̀ϣⲱϣ ⲛ̀ⲧⲉϩⲁⲛⲣⲱⲙⲓ ⲉϥⲉ̀ⲧⲱⲛϥ ⲉ̀ϫⲱϥ .	Ⲉ̀ⲃⲟⲗ ϩⲓⲧⲉⲛ ⲫ̀ⲟⲩⲟϩⲉⲙ ⲛ̀ⲟⲩⲏⲣ ⲡⲉ ⲡⲓⲥⲁϫⲓ ⲟⲩⲟϩ ⲟⲩⲥⲁϫⲓ ⲛ̀ⲧⲉ ⲛⲏⲉⲑⲟⲩⲁⲃ ⲡⲉ ⲡⲓϫⲓⲛϣⲓⲛⲓ ϩⲓⲛⲁ ⲛ̀ⲧⲟⲩⲉ̀ⲙⲓ ⲛ̀ϫⲉ ⲛⲏⲉⲧⲟⲛϧ ϫⲉ ⲡ̀ϭⲟⲓⲥ ⲉⲧϭⲟⲥⲓ ϩⲓϫⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲥ ⲛⲁϥ ⲟⲩⲟϩ ⲛ̀ϣⲱϣ ⲛ̀ⲧⲉ ϩⲁⲛⲣⲱⲙⲓ ⲉϥⲉ̀ⲧⲱⲛϥ ⲉ̀ϫⲱϥ.	Èvol hiten f̀ouohem ǹouyr pe pisaji ouoh ousaji ǹte nyeθouab pe pijinṡini hina ǹtouèmi ǹje nyetonx je p̀ċois etċosi hijen timetouro ǹte nirōmi ouoh fyetehnaf ṡaftys naf ouoh ǹṡōṡ ǹte hanrōmi efètōnf ègōf.	The matter is by the decree of the watcher, and the demand is a word of the holy ones; that the living may known that the Lord is most high over the kingdom of men, and he will give it to whomsoever he shall please, and will set up over it that which is set at nought of men.
4:15	ⲑⲁⲓ ⲧⲉ ϯⲣⲁⲥⲟⲩⲓ̀ ⲉⲧⲁⲓⲛⲁⲩ ⲉ̀ⲣⲟⲥ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲟⲩⲟϩ ⲛ̀ⲑⲟⲕ ⲃⲁⲗⲧⲁⲥⲁⲣ ⲉⲕⲉ̀ϫⲉ ⲡⲉⲥⲟⲩⲟϩⲉⲙ ⲛⲏⲓ ⲛ̀ⲑⲟⲕ ⲇⲉ ⲇⲁⲛⲓⲏⲗ ⲟⲩⲟⲛϣ̀ϫⲟⲙ ⲙ̀ⲙⲟⲕ ϫⲉⲟⲩⲟⲛ ⲟⲩⲡ̅ⲛ̅ⲁ̅ ⲉϥⲟⲩⲁⲃ ⲛ̀ϧⲏⲧⲕ .	Ⲑⲁⲓ ⲧⲉ ϯⲣⲁⲥⲟⲩⲓ̀ ⲉⲧⲁⲓⲛⲁⲩ ⲉ̀ⲣⲟⲥ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲟⲩⲟϩ ⲛ̀ⲑⲟⲕ ⲃⲁⲗⲧⲁⲥⲁⲣ ⲉⲕⲉ̀ϫⲉ ⲡⲉⲥⲟⲩⲟϩⲉⲙ ⲛⲏⲓ ⲛ̀ⲑⲟⲕ ⲇⲉ ⲇⲁⲛⲓⲏⲗ ⲟⲩⲟⲛ ϣ̀ϫⲟⲙ ⲙ̀ⲙⲟⲕ ϫⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲛ̀ϧⲏⲧⲕ.	Ɵai te tirasouì etainav èros ànok nabouxodonosor p̀ouro ouoh ǹθok baltasar ekèje pesouohem nyi ǹθok ḋe daniyl ouon ṡ̀gom m̀mok je ouon oup̀nevma efouab ǹxytk.	This is the vision which I king Nabuchodonosor saw: and do thou, Baltasar, declare the interpretation, for none of the wise men of my kingdom are able to shew me the interpretation of it: but thou, Daniel, art able; for the Holy Spirit of God is in thee.
4:16	ⲧⲟⲧⲉ ⲇⲁⲛⲓⲏⲗ ⲫⲏⲉⲧⲉ ⲡⲉϥⲣⲁⲛ ⲡⲉ ⲃⲁⲗⲧⲁⲥⲁⲣ ⲁϥϣⲱⲡⲓ ⲉϥⲟⲛϣ ⲉ̀ⲃⲟⲗ ⲛ̀ⲟⲩⲟⲩⲛⲟⲩ ⲟⲩⲟϩ ⲛⲉϥⲙⲟⲕⲙⲉⲕ ⲛⲁⲩϣ̀ⲑⲟⲣⲧⲉⲣ ⲙ̀ⲙⲟϥ ⲡⲉ ⲁϥⲉⲣⲟⲩⲱ̀ ⲛ̀ϫⲉⲡ̀ⲟⲩⲣⲟ ⲡⲉϫⲁϥ ⲛ̀ⲇⲁⲛⲓⲏⲗ ϫⲉⲧⲁⲣⲁⲥⲟⲩⲓ̀ ⲛⲉⲙⲡⲉⲥⲟⲩⲟϩⲉⲙ ⲙ̀ⲡⲉⲛⲑ̀ⲣⲟⲩϣ̀ⲧⲉⲣⲑⲱⲣⲕ ⲃⲁⲗⲧⲁⲥⲁⲣ ⲁϥⲉⲣⲟⲩⲱ̀ ⲛ̀ϫⲉⲇⲁⲛⲓⲏⲗ ϫⲉⲡⲁϭ̅ⲥ̅ ⲙⲁⲣⲉⲥϣⲱⲡⲓ ⲛ̀ϫⲉⲧⲉⲕⲣⲁⲥⲟⲩⲓ̀ ⲛ̀ⲛⲏⲉⲑⲙⲟⲥϯ ⲙ̀ⲙⲟⲕ ⲟⲩⲟϩ ⲡⲉⲥⲟⲩⲟϩⲉⲙ ⲛ̀ⲛⲉⲕϫⲁϫⲓ .	Ⲧⲟⲧⲉ ⲇⲁⲛⲓⲏⲗ ⲫⲏⲉ̀ⲧⲉ ⲡⲉϥⲣⲁⲛ ⲡⲉ ⲃⲁⲗⲧⲁⲥⲁⲣ ⲁϥϣⲱⲡⲓ ⲉϥⲟⲛϣ ⲉ̀ⲃⲟⲗ ⲛ̀ⲟⲩⲟⲩⲛⲟⲩ ⲟⲩⲟϩ ⲛⲉϥⲙⲟⲕⲙⲉⲕ ⲛⲁⲩϣ̀ⲑⲟⲣⲧⲉⲣ ⲙ̀ⲙⲟϥ ⲡⲉ ⲁϥⲉⲣⲟⲩⲱ̀ ⲛ̀ϫⲉ ⲡ̀ⲟⲩⲣⲟ ⲡⲉϫⲁϥ ⲛ̀ⲇⲁⲛⲓⲏⲗ ϫⲉ ⲧⲁⲣⲁⲥⲟⲩⲓ̀ ⲛ̀ⲉⲛ ⲡⲉⲥⲟⲩⲟϩⲉⲙ ⲛ̀ⲡⲉⲛⲑ̀ⲣⲟⲩϣ̀ⲧⲉⲣⲑⲱⲣⲕ ⲃⲁⲗⲧⲁⲥⲁⲣ ⲁϥⲉⲣⲟⲩⲱ̀ ⲛ̀ϫⲉ ⲇⲁⲛⲓⲏⲗ ϫⲉ ⲡⲁϭⲟⲓⲥ ⲙⲁⲣⲉⲥϣⲱⲡⲓ ⲛ̀ϫⲉ ⲧⲉⲕⲣⲁⲥⲟⲩⲓ̀ ⲛ̀ⲛⲏ ⲉⲑⲙⲟⲥϯ ⲙ̀ⲙⲟⲕ ⲟⲩⲟϩ ⲡⲉⲥⲟⲩⲟϩⲉⲙ ⲛ̀ⲛⲉⲕϫⲁϫⲓ.	Tote daniyl fyète pefran pe baltasar afṡōpi efonṡ èvol ǹouounou ouoh nefmokmek navṡ̀θorter m̀mof pe aferouṑ ǹje p̀ouro pegaf ǹdaniyl je tarasouì ǹen pesouohem ǹpenθ̀rouṡ̀terθōrk baltasar aferouṑ ǹje daniyl je paċois maresṡōpi ǹje tekrasouì ǹny eθmosti m̀mok ouoh pesouohem ǹnekgaji.	Then Daniel, whose name is Baltasar, was amazed about one hour, and his thoughts troubled him. And Baltasar answered and said, My lord, let the dream be to them that hate thee, and the interpretation of it to thine enemies.
4:17	ⲡⲓϣ̀ϣⲏⲛ ⲉⲧⲁⲕⲛⲁⲩ ⲉ̀ⲣⲟϥ ⲫⲏⲉⲧⲁϥⲉⲣⲛⲓϣϯ ⲟⲩⲟϩ ⲁϥϫⲉⲙⲛⲟⲙϯ ⲫⲏⲉⲧⲁ ⲡⲉϥϭⲓⲥⲓ ⲫⲟϩ ϣⲁⲧ̀ⲫⲉ ⲟⲩⲟϩ ⲧⲉϥⲙⲁⲓⲏ̀ ⲁⲥⲙⲁϩ ⲛ̀ⲕⲁϩⲓ ⲧⲏⲣϥ .	Ⲡⲓϣ̀ϣⲏⲛ ⲉⲧⲁⲭⲛⲁⲩ ⲉ̀ⲣⲟϥ ⲫⲏⲉⲧⲁϥⲉⲣⲛⲓϣϯ ⲟⲩⲟϩ ⲁϥϫⲉⲙⲛⲟⲙϯ ⲫⲏⲉⲧⲁ ⲡⲉϥϭⲓⲥⲓ ⲫⲟϩ ϣⲁ ⲧ̀ⲫⲉ ⲟⲩⲟϩ ⲧⲉϥⲙⲁⲓⲏ̀ ⲁⲥⲙⲁϩ ⲛ̀ⲕⲁϩⲓ ⲧⲏⲣϥ.	Piṡ̀ṡyn etaknav èrof fyetaferniṡti ouoh afjemnomti fyeta pefċisi foh ṡa t̀fe ouoh tefmaiỳ asmah ǹkahi tyrf.	The tree which thou sawest, that grew large and strong, whose height reached to the sky and its extent to all the earth;
4:18	ⲛⲉϥϫⲱⲃⲓ ⲉⲩⲫⲟⲣⲓ ⲉ̀ⲃⲟⲗ ⲡⲉϥⲟⲩⲧⲁϩ ⲉⲛⲁϣⲱϥ ⲧ̀ϧ̀ⲣⲉ ⲛ̀ⲟⲩⲟⲛ ⲛⲓⲃⲉⲛ ⲛⲁⲥ ⲛ̀ϧⲏⲧϥ ⲡⲉ ⲉⲩϣⲟⲡ ϧⲁⲣⲁⲧϥ ⲛ̀ϫⲉⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲟⲩⲟϩ ⲉⲩϣⲟⲡ ϩⲓϫⲉⲛⲛⲉϥϫⲁⲗ ⲛ̀ϫⲉⲛⲓϩⲁⲗⲁϯ ⲛ̀ⲧⲉⲧ̀ⲫⲉ .	Ⲛⲉϥϫⲱⲃⲓ ⲉⲩⲫⲟⲣⲓ ⲉ̀ⲃⲟⲗ ⲡⲉϥⲟⲩⲧⲁϩ ⲉ̀ⲛⲁϣⲱϥ ⲧ̀ϧ̀ⲣⲉ ⲛ̀ⲟⲩⲟⲛ ⲛⲓⲃⲉⲛ ⲛⲁⲥ ⲛ̀ϧⲏⲧϥ ⲡⲉ ⲉⲩϣⲟⲡ ϧⲁⲣⲁⲧϥ ⲛ̀ϫⲉ ⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲟⲩⲟϩ ⲉⲩϣⲟⲡ ϩⲓϫⲉⲛ ⲛⲉϥϫⲁⲗ ⲛ̀ϫⲉ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ.	Nefgōvi evfori èvol pefoutah ènaṡōf t̀x̀re ǹouon niven nas ǹxytf pe evṡop xaratf ǹje niθyrion ǹaġrion ouoh evṡop hijen nefgal ǹje nihalati ǹte t̀fe.	and whose leaves were flourishing, and its fruit abundant, (and it was meat for all; under it the wild beasts lodged, and the birds of the sky took shelter in its branches:)
4:19	ⲉⲧⲉⲛ̀ⲑⲟⲕ ⲡⲉ ⲡ̀ⲟⲩⲣⲟ ϫⲉⲁⲕⲁⲓⲁⲓ ⲟⲩⲟϩ ⲁⲕϫⲉⲙϫⲟⲙ ⲟⲩⲟϩ ⲧⲉⲕⲙⲉⲧⲛⲓϣϯ ⲁⲥⲁⲓⲁⲓ ⲁⲥⲫⲟϩ ϣⲁⲧ̀ⲫⲉ ⲟⲩⲟϩ ⲧⲉⲕⲙⲉⲧϭ̅ⲥ̅ ϣⲁⲛⲉⲁⲧ ⲙ̀ⲡ̀ⲕⲁϩⲓ .	Ⲉ̀ⲧⲉⲛ̀ⲑⲟⲕ ⲡⲉ ⲡ̀ⲟⲩⲣⲟ ϫⲉ ⲁⲕⲁⲓⲁⲓ ⲟⲩⲟϩ ⲁⲕϫⲉⲙϫⲟⲙ ⲟⲩⲟϩ ⲧⲉⲕⲙⲉⲧⲛⲓϣϯ ⲁⲥⲁⲓⲁⲓ ⲁⲥⲫⲟϩ ϣⲁ ⲧ̀ⲫⲉ ⲟⲩⲟϩ ⲧⲉⲕⲙⲉⲧϭⲟⲓⲥ ϣⲁ ⲛⲉⲁⲧ ⲛ̀ⲡ̀ⲕⲁϩⲓ.	Èteǹθok pe p̀ouro je akaiai ouoh akjemgom ouoh tekmetniṡti asaiai asfoh ṡa t̀fe ouoh tekmetċois ṡa neat ǹp̀kahi.	is thyself, O king; for thou art grown great and powerful, and thy greatness has increased and reached to heaven, and thy dominion to the ends of the earth.
4:20	ⲁϥⲛⲁⲩ ⲛ̀ϫⲉⲡ̀ⲟⲩⲣⲟ ⲉ̀ⲟⲩⲏⲣ ⲛⲉⲙⲟⲩⲁ̀ⲅⲓⲟⲛ ⲉϥⲛⲏⲟⲩ ⲉ̀ⲡⲉⲥⲏⲧ ⲉ̀ⲃⲟⲗϧⲉⲛ ⲧ̀ⲫⲉ ⲁϥϫⲟⲥ ⲙ̀ⲡⲁⲓⲣⲏϯ ϫⲉⲕⲱⲣϫ ⲙ̀ⲡⲓϣ̀ϣⲏⲛ ⲟⲩⲟϩ ⲙⲁⲧⲁⲕⲟϥ ⲡ̀ⲗⲏⲛ ϯⲫⲓⲏ̀ ⲛ̀ⲧⲉⲧⲉϥⲛⲟⲩⲛⲓ ⲭⲁⲥ ϧⲉⲛⲡⲓⲕⲁϩⲓ ⲟⲩⲟϩ ϧⲉⲛⲟⲩⲥ̀ⲛⲁⲩϩ ⲙ̀ⲃⲉⲛⲓⲡⲓ ⲛⲉⲙⲟⲩϩⲟⲙⲧ ⲛⲉⲙϧⲉⲛϯⲭ̀ⲗⲟⲏ̀ ⲉⲧⲥⲁⲃⲟⲗ ⲛⲉⲙϯⲓⲱϯ ⲛ̀ⲧⲉⲧ̀ⲫⲉ ⲉϥⲉ̀ⲉⲛⲕⲟⲧ ⲛ̀ϧⲏⲧⲟⲩ ⲉⲣⲉⲧⲉϥⲧⲟⲓ ϣⲱⲡⲓ ⲛⲉⲙⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ϣⲁⲛ̀ⲧⲉ ⲍ̅ ⲛ̀ⲥⲏⲟⲩ ϣⲱⲃⲧ ϩⲓⲱⲧϥ .	Ⲁϥⲛⲁⲩ ⲛ̀ϫⲉ ⲡ̀ⲟⲩⲣⲟ ⲉ̀ⲟⲩⲏⲣ ⲛⲉⲙ ⲟⲩⲁ̀ⲅⲓⲟⲛ ⲉϥⲛⲏⲟⲩ ⲉ̀ⲡⲉⲥⲏⲧ ⲉ̀ⲃⲟⲗ ϧⲉⲛ ⲧ̀ⲫⲉ ⲁϥϫⲟⲥ ⲛ̀ⲡⲁⲓⲣⲏϯ ϫⲉ ⲕⲱⲣϫ ⲛ̀ⲡⲓϣ̀ϣⲏⲛ ⲟⲩⲟϩ ⲙⲁⲧⲁⲕⲟϥ ⲡ̀ⲗⲏⲛ ϯⲫⲓⲏ̀ ⲛ̀ⲧⲉ ⲧⲉϥⲛⲟⲩⲛⲓ ⲭⲁⲥ ϧⲉⲛ ⲡⲓⲕⲁϩⲓ ⲟⲩⲟϩ ϧⲉⲛ ⲟⲩⲥ̀ⲛⲁⲩϩ ⲛ̀ⲃⲉⲛⲓⲡⲓ ⲛⲉⲙ ⲟⲩϩⲟⲙⲧ ⲛⲉⲙ ϧⲉⲛ ϯⲭ̀ⲗⲟⲏ̀ ⲉⲧⲥⲁⲃⲟⲗ ⲛⲉⲙ ϯⲓⲱϯ ⲛ̀ⲧⲉ ⲧ̀ⲫⲉ ⲉϥⲉ̀ⲉⲛⲕⲟⲧ ⲛ̀ϧⲏⲧⲟⲩ ⲉ̀ⲣⲉⲧⲉϥⲧⲟⲓ ϣⲱⲡⲓ ⲛⲉⲙ ⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ϣⲁⲧⲉ 7 ⲛ̀ⲥⲏⲟⲩ ϣⲱⲃⲧ ϩⲓⲱⲧϥ.	Afnav ǹje p̀ouro èouyr nem ouàgion efnyou èpesyt èvol xen t̀fe afgos ǹpairyti je kōrg ǹpiṡ̀ṡyn ouoh matakof p̀lyn tifiỳ ǹte tefnouni kas xen pikahi ouoh xen ous̀navh ǹvenipi nem ouhomt nem xen tix̀loỳ etsavol nem tiiōti ǹte t̀fe efèenkot ǹxytou èreteftoi ṡōpi nem niθyrion ǹaġrion ṡate 7 ǹsyou ṡōvt hiōtf.	And whereas the king saw a watcher and a holy one coming down from heaven, and he said, Strip the tree, and destroy it; only leave the stump of its roots in the ground, and bind it with a band of iron and brass; and it shall lie in the grass that is without, and in the dew of heaven, and its portion shall be with wild beasts, until seven times have passed over it;
4:21	ⲫⲁⲓ ⲡⲉ ⲡⲉⲥⲟⲩⲟϩⲉⲙ ⲡ̀ⲟⲩⲣⲟ ⲟⲩⲟϩ ⲟⲩϩⲁⲡ ⲛ̀ⲧⲉⲡⲉⲧϭⲟⲥⲓ ⲡⲉ ⲉⲧⲁϥⲫⲟϩ ⲉ̀ⲡⲁϭ̅ⲥ̅ ⲡ̀ⲟⲩⲣⲟ .	Ⲫⲁⲓ ⲡⲉ ⲡⲉⲥⲟⲩⲟϩⲉⲙ ⲡ̀ⲟⲩⲣⲟ ⲟⲩⲟϩ ⲟⲩϩⲁⲡ ⲛ̀ⲧⲉ ⲡⲉⲧϭⲟⲥⲓ ⲡⲉ ⲉⲧⲁϥⲫⲟϩ ⲉ̀ⲡⲁϭⲟⲓⲥ ⲡ̀ⲟⲩⲣⲟ.	Fai pe pesouohem p̀ouro ouoh ouhap ǹte petċosi pe etaffoh èpaċois p̀ouro.	this is the interpretation of it, O king, and it is a decree of the Most High, which has come upon my lord the king.
4:22	ⲛ̀ⲑⲟⲕ ⲉⲩⲉ̀ϭⲟϫⲓ ⲛ̀ⲥⲱⲕ ⲉ̀ⲃⲟⲗϧⲉⲛ ⲛⲓⲣⲱⲙⲓ ⲟⲩⲟϩ ⲡⲉⲕⲙⲁⲛϣⲱⲡⲓ ⲉϥⲉ̀ϣⲱⲡⲓ ⲛⲉⲙⲛⲓⲑⲏⲣⲓⲟⲛ ⲉⲛⲁⲅⲣⲓⲟⲛ ⲟⲩⲟϩ ⲉⲕⲉ̀ⲟⲩⲉⲙ ⲥⲱⲟⲩⲃⲉⲛ ⲙ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲟⲩⲟϩ ⲉⲩⲉ̀ⲛ̀ⲕⲟⲧ ϧⲉⲛⲧ̀ⲕⲟⲓ ϯⲓⲱϯ ⲛ̀ⲧⲉⲧ̀ⲫⲉ ⲉⲣⲉⲍ̅ ⲛ̀ⲥⲏⲟⲩ ϣⲱⲃⲧ ϩⲓⲱⲧⲕ ϣⲁⲛⲧⲉⲕⲉ̀ⲙⲓ ϫⲉⲡⲉⲧϭⲟⲥⲓ ⲟⲓ ⲡϭ̅ⲥ̅ ⲉ̀ϯⲙⲉⲧⲟⲩⲣⲟ ⲛ̀ⲧⲉⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ .	Ⲛ̀ⲑⲟⲕ ⲉⲩⲉ̀ϭⲟϫⲓ ⲛ̀ⲥⲱⲕ ⲉ̀ⲃⲟⲗ ϧⲉⲛ ⲛⲓⲣⲱⲙⲓ ⲟⲩⲟϩ ⲡⲉⲕⲙⲁⲛϣⲱⲡⲓ ⲉϥⲉ̀ϣⲱⲡⲓ ⲛⲉⲙ ⲛⲓⲑⲏⲣⲓⲟⲛ ⲉ̀ⲛⲁⲅⲣⲓⲟⲛ ⲟⲩⲟϩ ⲉⲕⲉ̀ⲟⲩⲉⲙ ⲥⲱⲟⲩⲃⲉⲛ ⲛ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲟⲩⲟϩ ⲉⲩⲉ̀ⲛ̀ⲕⲟⲧ ϧⲉⲛ ⲧ̀ⲕⲟⲓ ϯⲓⲱϯ ⲛ̀ⲧⲉ ⲧ̀ⲫⲉ ⲉ̀ⲣⲉ7 ⲛ̀ⲥⲏⲟⲩ ϣⲱⲃⲧ ϩⲓⲱⲧⲕ ϣⲁ ⲛ̀ⲧⲉⲕⲉ̀ⲙⲓ ϫⲉ ⲡⲉⲧϭⲟⲥⲓ ⲟⲓ ⲡ̀ϭⲟⲓⲥ ⲉ̀ϯⲙⲉⲧⲟⲩⲣⲟ ⲛ̀ⲧⲉ ⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ.	Ǹθok evèċoji ǹsōk èvol xen nirōmi ouoh pekmanṡōpi efèṡōpi nem niθyrion ènaġrion ouoh ekèouem sōouven ǹf̀ryti ǹouèhe ouoh evèǹkot xen t̀koi tiiōti ǹte t̀fe ère7 ǹsyou ṡōvt hiōtk ṡa ǹtekèmi je petċosi oi p̀ċois ètimetouro ǹte nirōmi ouoh fyetehnaf ṡaftyis naf.	And they shall drive thee forth from men, and thy dwelling shall be with wild beasts, and they shall feed thee with grass as an ox, and thou shall have thy lodging under the dew of heaven, and seven times shall pass over thee, until thou known that the Most High is Lord of the kingdom of men, and will give it to whom he shall please.
4:23	ⲟⲩⲟϩ ϫⲉⲁϥϫⲟⲥ ϫⲉⲭⲁ ϯⲫⲓⲏ̀ ⲛ̀ⲧⲉϯⲛⲟⲩⲛⲓ ⲛ̀ⲧⲉⲡⲓϣ̀ϣⲏⲛ ⲧⲉⲕⲙⲉⲧⲟⲩⲣⲟ ⲭⲏ ⲛⲁⲕ ϣⲁⲛⲧⲉⲕⲉ̀ⲙⲓ ⲉ̀ⲡⲓⲉⲣϣⲓϣⲓ ⲛ̀ⲧⲉⲧ̀ⲫⲉ .	Ⲟⲩⲟϩ ϫⲉ ⲁϥϫⲟⲥ ϫⲉ ⲭⲁ ϯⲫⲓⲏ̀ ⲛ̀ⲧⲉ ϯⲛⲟⲩⲛⲓ ⲛ̀ⲧⲉ ⲡⲓϣ̀ϣⲏⲛ ⲧⲉⲕⲙⲉⲧⲟⲩⲣⲟ ⲭⲏ ⲛⲁⲕ ϣⲁ ⲛ̀ⲧⲉⲕⲉ̀ⲙⲓ ⲉ̀ⲡⲓⲉⲣϣⲓϣⲓ ⲛ̀ⲧⲉ ⲧ̀ⲫⲉ.	Ouoh je afgos je ka tifiỳ ǹte tinouni ǹte piṡ̀ṡyn tekmetouro ky nak ṡa ǹtekèmi èpierṡiṡi ǹte t̀fe.	And whereas they said, Leave the stumps of the roots of the tree; thy kingdom abides sure to thee from the time that thou shalt know the power of the heavens.
4:24	ⲉⲑⲃⲉⲫⲁⲓ ⲡ̀ⲟⲩⲣⲟ ⲙⲁⲣⲉ ⲡⲁⲥⲟϭⲛⲓ ⲣⲁⲛⲁⲕ ⲟⲩⲟϩ ⲛⲉⲕⲛⲟⲃⲓ ⲥⲟⲧⲟⲩ ϧⲉⲛⲟⲩⲙⲉⲧⲛⲁⲏⲧ ⲟⲩⲟϩ ⲛⲉⲕⲙⲉⲧϭⲓⲛ̀ϫⲟⲛⲥ ϧⲉⲛϩⲁⲛⲙⲉⲧϣⲉⲛϩⲏⲧ ⲁ̀ⲣⲏⲟⲩ ⲫϯ ⲛ̀ⲧⲉⲧ̀ⲫⲉ ⲛⲁⲱ̀ⲟⲩⲛ̀ϩⲏⲧ ⲉ̀ϫⲉⲛⲛⲉⲕⲡⲁⲣⲁⲡⲧⲱⲙⲁ .	Ⲉⲑⲃⲉ ⲫⲁⲓ ⲡ̀ⲟⲩⲣⲟ ⲙⲁⲣⲉ ⲡⲁⲥⲟϭⲛⲓ ⲣⲁⲛⲁⲕ ⲟⲩⲟϩ ⲛⲉⲕⲛⲟⲃⲓ ⲥⲟⲧⲟⲩ ϧⲉⲛ ⲟⲩⲙⲉⲧⲛⲁⲏⲧ ⲟⲩⲟϩ ⲛⲉⲕⲙⲉⲧϭⲓⲛ̀ϫⲟⲛⲥ ϧⲉⲛ ϩⲁⲛⲙⲉⲧϣⲉⲛϩⲏⲧ ⲁ̀ⲣⲏⲟⲩ ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ ⲛⲁⲱ̀ⲟⲩⲛ̀ϩⲏⲧ ⲉ̀ϫⲉⲛ ⲛⲉⲕⲡⲁⲣⲁⲡⲧⲱⲙⲁ.	Eθve fai p̀ouro mare pasoċni ranak ouoh neknovi sotou xen oumetnayt ouoh nekmetċiǹgons xen hanmetṡenhyt àryou f̀nouti ǹte t̀fe naṑouǹhyt èjen nekparaptōma.	Therefore, O king, let my counsel please thee, and atone for thy sins by alms, and thine iniquities by compassion on the poor: it may be God will be long-suffering to thy trespasses.
4:25	ⲛⲁⲓ ⲧⲏⲣⲟⲩ ⲁⲩⲫⲟϩ ⲉ̀ϫⲉⲛⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ .	Ⲛⲁⲓ ⲧⲏⲣⲟⲩ ⲁⲩⲫⲟϩ ⲉ̀ϫⲉⲛ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ.	Nai tyrou avfoh èjen nabouxodonosor p̀ouro.	All these things came upon king Nabuchodonosor.
4:26	ⲙⲉⲛⲉⲛⲥⲁⲁ̀ⲃⲟⲧ ⲓ̅ⲃ̅ ⲉϥⲙⲟϣⲓ ϩⲓϫⲉⲛⲡⲓⲉⲣⲫⲉⲓ ⲛ̀ⲧⲉⲧⲉϥⲙⲉⲧⲟⲩⲣⲟ ϧⲉⲛⲃⲁⲃⲩⲗⲱⲛ .	Ⲙⲉⲛⲉⲛⲥⲁⲁ̀ⲃⲟⲧ 12 ⲉϥⲙⲟϣⲓ ϩⲓϫⲉⲛ ⲡⲓⲉⲣⲫⲉⲓ ⲛ̀ⲧⲉ ⲧⲉϥⲙⲉⲧⲟⲩⲣⲟ ϧⲉⲛ ⲃⲁⲃⲩⲗⲱⲛ.	Menensaàvot 12 efmoṡi hijen pierfei ǹte tefmetouro xen babilōn.	After a twelvemonth, as he walked in his palace in Babylon,
4:27	ⲁϥⲉⲣⲟⲩⲱ̀ ⲛ̀ϫⲉⲡ̀ⲟⲩⲣⲟ ⲡⲉϫⲁϥ ϫⲉⲁⲛ ⲑⲁⲓ ⲁⲛ ⲧⲉ ⲃⲁⲃⲩⲗⲱⲛ ϯⲛⲓϣϯ ⲑⲏ ⲁ̀ⲛⲟⲕ ⲉⲧⲁⲓⲕⲟⲧⲥ ⲉ̀ⲟⲩⲏⲓ ⲙ̀ⲙⲉⲧⲟⲩⲣⲟ ⲉ̀ϩ̀ⲣⲏⲓ ϧⲉⲛⲡ̀ⲁ̀ⲙⲁϩⲓ ⲛ̀ⲧⲉⲧⲁⲙⲉⲧⲟⲩⲣⲟ ⲉⲩⲧⲁⲓⲟ ⲙ̀ⲡⲁⲱ̀ⲟⲩ .	Ⲁϥⲉⲣⲟⲩⲱ̀ ⲛ̀ϫⲉ ⲡ̀ⲟⲩⲣⲟ ⲡⲉϫⲁϥ ϫⲉ ⲁⲛ ⲑⲁⲓ ⲁⲛ ⲧⲉ ⲃⲁⲃⲩⲗⲱⲛ ϯⲛⲓϣϯ ⲑⲏ ⲁ̀ⲛⲟⲕ ⲉⲧⲁⲓⲕⲟⲧⲥ ⲉ̀ⲟⲩⲏⲓ ⲛ̀ⲙⲉⲧⲟⲩⲣⲟ ⲉ̀ϩ̀ⲣⲏⲓ ϧⲉⲛ ⲡ̀ⲁ̀ⲙⲁϩⲓ ⲛ̀ⲧⲉ ⲧⲁⲙⲉⲧⲟⲩⲣⲟ ⲉⲩⲧⲁⲓⲟ ⲛ̀ⲡⲁⲱ̀ⲟⲩ.	Aferouṑ ǹje p̀ouro pegaf je an θai an te babilōn tiniṡti θy ànok etaikots èouyi ǹmetouro èh̀ryi xen p̀àmahi ǹte tametouro evtaio ǹpaṑou.	the king answered and said, Is not this great Babylon, which I have built for a royal residence, by the might of my power, for the honour of my glory?
4:28	ⲉⲧⲓ ⲉⲣⲉⲡⲓⲥⲁϫⲓ ⲭⲏ ϧⲉⲛⲣⲱϥ ⲙ̀ⲡ̀ⲟⲩⲣⲟ ⲟⲩⲥ̀ⲙⲏ ⲁⲥⲓ̀ ⲉ̀ⲃⲟⲗϧⲉⲛ ⲧ̀ⲫⲉ ϫⲉⲛ̀ⲑⲟⲕ ⲡⲉ ⲉⲧⲟⲩϫⲱ ⲙ̀ⲙⲟⲥ ⲛⲁⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲁ ⲧⲉⲕⲙⲉⲧⲟⲩⲣⲟ ⲥⲉⲛⲕ .	Ⲉ̀ⲧⲓ ⲉ̀ⲣⲉ ⲡⲓⲥⲁϫⲓ ⲭⲏ ϧⲉⲛ ⲣⲱϥ ⲛ̀ⲡ̀ⲟⲩⲣⲟ ⲟⲩⲥ̀ⲙⲏ ⲁⲥⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ ϫⲉ ⲛ̀ⲑⲟⲕ ⲡⲉ ⲉⲧⲟⲩϫⲱ ⲙ̀ⲙⲟⲥ ⲛⲁⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲁ ⲧⲉⲕⲙⲉⲧⲟⲩⲣⲟ ⲥⲉⲛⲕ.	Èti ère pisaji ky xen rōf ǹp̀ouro ous̀my asì èvol xen t̀fe je ǹθok pe etougō m̀mos nak nabouxodonosor p̀ouro a tekmetouro senk.	While the word was yet in the king's mouth, there came a voice from heaven, saying, To thee, king Nabuchodonosor, they say, The kingdom has departed from thee.
4:29	ⲉⲩⲉ̀ϭⲟϫⲓ ⲛ̀ⲥⲱⲕ ⲉ̀ⲃⲟⲗϧⲉⲛ ⲛⲓⲣⲱⲙⲓ ⲟⲩⲟϩ ⲡⲉⲕⲙⲁⲛϣⲱⲡⲓ ⲉϥⲉ̀ϣⲱⲡⲓ ⲛⲉⲙⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲉⲩⲉ̀ⲑ̀ⲣⲉⲕⲟⲩⲉⲙ ⲥⲱⲟⲩⲃⲉⲛ ⲙ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲉⲣⲉⲍ̅ ⲛ̀ⲥⲏⲟⲩ ϣⲱⲃⲧ ϩⲓⲱⲧⲕ ϣⲁⲛⲧⲉⲕⲉ̀ⲙⲓ ϫⲉⲡⲉⲧϭⲟⲥⲓ ⲟⲓ ⲛ̀ϭ̅ⲥ̅ ⲉ̀ϯⲙⲉⲧⲟⲩⲣⲟ ⲛ̀ⲧⲉⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ .	Ⲉⲩⲉ̀ϭⲟϫⲓ ⲛ̀ⲥⲱⲕ ⲉ̀ⲃⲟⲗ ϧⲉⲛ ⲛⲓⲣⲱⲙⲓ ⲟⲩⲟϩ ⲡⲉⲕⲙⲁⲛϣⲱⲡⲓ ⲉϥⲉ̀ϣⲱⲡⲓ ⲛⲉⲙ ⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ ⲉⲩⲉ̀ⲑ̀ⲣⲉⲭⲟⲩⲉⲙ ⲥⲱⲟⲩⲃⲉⲛ ⲛ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲉ̀ⲣⲉ7 ⲛ̀ⲥⲏⲟⲩ ϣⲱⲃⲧ ϩⲓⲱⲧⲕ ϣⲁ ⲛ̀ⲧⲉⲕⲉ̀ⲙⲓ ϫⲉ ⲡⲉⲧϭⲟⲥⲓ ⲟⲓ ⲛ̀ϭⲟⲓⲥ ⲉ̀ϯⲙⲉⲧⲟⲩⲣⲟ ⲛ̀ⲧⲉ ⲛⲓⲣⲱⲙⲓ ⲟⲩⲟϩ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ.	Evèċoji ǹsōk èvol xen nirōmi ouoh pekmanṡōpi efèṡōpi nem niθyrion ǹaġrion evèθ̀rekouem sōouven ǹf̀ryti ǹouèhe ère7 ǹsyou ṡōvt hiōtk ṡa ǹtekèmi je petċosi oi ǹċois ètimetouro ǹte nirōmi ouoh fyetehnaf ṡaftyis naf.	And they shall drive thee from men, and thy dwelling shall be with the wild beasts of the field, and they shall feed thee with grass as an ox: and seven times shall pass over thee, until thou know that the Most High is Lord of the kingdom of men, and he will give it to whomsoever he shall please.
4:30	ϧⲉⲛϯⲟⲩⲛⲟⲩ ⲉⲧⲉⲙ̀ⲙⲁⲩ ⲁ ⲡⲓⲥⲁϫⲓ ϫⲱⲕ ⲉ̀ⲃⲟⲗ ⲉ̀ϫⲉⲛⲛⲁⲃⲟⲩⲭⲟⲇⲟⲛⲟⲥⲟⲣ ⲁⲩϭⲟϫⲓ ⲛ̀ⲥⲱϥ ⲉ̀ⲃⲟⲗϧⲉⲛ ⲛⲓⲣⲱⲙⲓ ⲛⲁϥⲟⲩⲉⲙ ⲥⲱⲟⲩⲃⲉⲛ ⲙ̀ⲫ̀ⲣⲏϯ ⲛ̀ⲟⲩϩ̀ⲉ ⲁ ⲡⲉϥⲥⲱⲙⲁ ϭⲱϫ ⲉ̀ⲃⲟⲗϧⲉⲛ ϯⲓⲱϯ ⲛ̀ⲧⲉⲧ̀ⲫⲉ ϣⲁⲛⲧⲉ ⲛⲉϥϥⲱⲓ ϣⲓⲁⲓ ⲙ̀ⲫ̀ⲣⲏϯ ⲛ̀ⲛⲁϩⲁⲛⲙⲟⲩⲓ̀ ⲟⲩⲟϩ ⲛⲉϥⲓⲉⲃ ⲁⲩⲉⲣ ⲙ̀ⲫ̀ⲣⲏϯ ⲛ̀ⲛⲁ ⲛⲓϩⲁⲗⲁϯ ⲛ̀ⲧⲉⲧ̀ⲫⲉ .	Ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁ ⲡⲓⲥⲁϫⲓ ϫⲱⲕ ⲉ̀ⲃⲟⲗ ⲉ̀ϫⲉⲛ ⲛⲁⲃⲟⲩⲭⲟⲇⲟⲛⲟⲥⲟⲣ ⲁⲩϭⲟϫⲓ ⲛ̀ⲥⲱϥ ⲉ̀ⲃⲟⲗ ϧⲉⲛ ⲛⲓⲣⲱⲙⲓ ⲛⲁϥⲟⲩⲉⲙ ⲥⲱⲟⲩⲃⲉⲛ ⲛ̀ⲫ̀ⲣⲏϯ ⲛ̀ⲟⲩϩ̀ⲉ ⲁ ⲡⲉϥⲥⲱⲙⲁ ϭⲱϫ ⲉ̀ⲃⲟⲗ ϧⲉⲛ ϯⲓⲱϯ ⲛ̀ⲧⲉ ⲧ̀ⲫⲉ ϣⲁⲛⲧⲉ ⲛⲉϥϥⲱⲓ ϣⲓⲁⲓ ⲛ̀ⲫ̀ⲣⲏϯ ⲛ̀ⲛⲁϩⲁⲛⲙⲟⲩⲓ̀ ⲟⲩⲟϩ ⲛⲉϥⲓⲉⲃ ⲁⲩⲉⲣ ⲛ̀ⲫ̀ⲣⲏϯ ⲛ̀ⲛⲁ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ.	Xen tiounou ète m̀mav a pisaji gōk èvol èjen nabouxodonosor avċoji ǹsōf èvol xen nirōmi nafouem sōouven ǹf̀ryti ǹouh̀e a pefsōma ċōg èvol xen tiiōti ǹte t̀fe ṡante neffōi ṡiai ǹf̀ryti ǹnahanmouì ouoh nefieb aver ǹf̀ryti ǹna nihalati ǹte t̀fe.	In the same hour the word was fulfilled upon Nabuchodonosor: and he was driven forth from men, and he ate grass as an ox, and his body was bathed with the dew of heaven, until his hairs were grown like lions' hairs, and his nails as birds' claws.
4:31	ⲙⲉⲛⲉⲛⲥⲁⲡ̀ϫⲱⲕ ⲛ̀ⲛⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲁⲓϥⲁⲓ ⲛ̀ⲛⲁⲃⲁⲗ ⲉ̀ⲡ̀ϣⲱⲓ ⲉ̀ⲫⲏⲉⲧϭⲟⲥⲓ ⲫⲏⲉⲧϣⲟⲡ ϣⲁⲉ̀ⲛⲉϩ ⲁⲓϩⲱⲥ ⲉ̀ⲣⲟϥ ⲁⲓϯⲱ̀ⲟⲩ ⲛⲁϥ ϫⲉⲡⲉϥⲉⲣϣⲓϣⲓ ⲟⲩⲉⲣϣⲓϣⲓ ⲛ̀ⲉ̀ⲛⲉϩ ⲡⲉ ⲟⲩⲟϩ ⲧⲉϥⲙⲉⲧⲟⲩⲣⲟ ⲓⲥϫⲉⲛ ϫⲱⲟⲩ ϣⲁϫⲱⲟⲩ .	Ⲙⲉⲛⲉⲛⲥⲁ ⲡ̀ϫⲱⲕ ⲛ̀ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ⲁⲓϥⲁⲓ ⲛ̀ⲛⲁⲃⲁⲗ ⲉ̀ⲡ̀ϣⲱⲓ ⲉ̀ⲫⲏⲉⲧϭⲟⲥⲓ ⲫⲏⲉⲧϣⲟⲡ ϣⲁ ⲉ̀ⲛⲉϩ ⲁⲓϩⲱⲥ ⲉ̀ⲣⲟϥ ⲁⲓϯⲱ̀ⲟⲩ ⲛⲁϥ ϫⲉ ⲡⲉϥⲉⲣϣⲓϣⲓ ⲟⲩⲉⲣϣⲓϣⲓ ⲛ̀ⲉ̀ⲛⲉϩ ⲡⲉ ⲟⲩⲟϩ ⲧⲉϥⲙⲉⲧⲟⲩⲣⲟ ⲓⲥϫⲉⲛ ϫⲱⲟⲩ ϣⲁ ϫⲱⲟⲩ.	Menensa p̀gōk ǹnièhoou ète m̀mav ànok nabouxodonosor aifai ǹnaval èp̀ṡōi èfyetċosi fyetṡop ṡa èneh aihōs èrof aitiṑou naf je peferṡiṡi ouerṡiṡi ǹèneh pe ouoh tefmetouro isjen gōou ṡa gōou.	And at the end of the time I Nabuchodonosor lifted up mine eyes to heaven, and my reason returned to me, and I blessed the Most High, and praised him that lives for ever, and gave him glory; for his dominion is an everlasting dominion, and his kingdom lasts to all generations:
4:32	ⲟⲩⲟϩ ⲛⲏⲧⲏⲣⲟⲩ ⲉⲧϣⲟⲡ ϩⲓϫⲉⲛⲡ̀ⲕⲁϩⲓ ⲁⲩⲏⲡ ϩⲱⲥ ϩ̀ⲗⲓ ⲟⲩⲟϩ ⲉϥⲓ̀ⲣⲓ ⲕⲁⲧⲁⲡⲉϥⲟⲩⲱϣ ϧⲉⲛϯϫⲟⲙ ⲛ̀ⲧⲉⲧ̀ⲫⲉ ⲛⲉⲙϧⲉⲛⲡⲓⲙⲁⲛϣⲱⲡⲓ ⲛ̀ⲧⲉⲡ̀ⲕⲁϩⲓ ⲙ̀ⲙⲟⲛ ⲫⲏⲉⲧϯ ⲉ̀ϧⲟⲩⲛ ⲉ̀ϩ̀ⲣⲉⲛⲧⲉϥϫⲓϫ ⲟⲩⲟϩ ⲛ̀ⲧⲉϥϫⲟⲥ ϫⲉⲟⲩ ⲡⲉ ⲉⲧⲁⲕⲁⲓϥ .	Ⲟⲩⲟϩ ⲛⲏⲧⲏⲣⲟⲩ ⲉⲧϣⲟⲡ ϩⲓϫⲉⲛ ⲡ̀ⲕⲁϩⲓ ⲁⲩⲏⲡ ϩⲱⲥ ϩ̀ⲗⲓ ⲟⲩⲟϩ ⲉϥⲓ̀ⲣⲓ ⲕⲁⲧⲁ ⲡⲉϥⲟⲩⲱϣ ϧⲉⲛ ϯϫⲟⲙ ⲛ̀ⲧⲉ ⲧ̀ⲫⲉ ⲛⲉⲙ ϧⲉⲛ ⲡⲓⲙⲁⲛϣⲱⲡⲓ ⲛ̀ⲧⲉ ⲡ̀ⲕⲁϩⲓ ⲙ̀ⲙⲟⲛ ⲫⲏⲉⲧϯ ⲉ̀ϧⲟⲩⲛ ⲉ̀ϩ̀ⲣⲉⲛⲧⲉϥϫⲓϫ ⲟⲩⲟϩ ⲛ̀ⲧⲉϥϫⲟⲥ ϫⲉ ⲟⲩ ⲡⲉ ⲉⲧⲁⲕⲁⲓϥ.	Ouoh nytyrou etṡop hijen p̀kahi avyp hōs h̀li ouoh efìri kata pefouōṡ xen tigom ǹte t̀fe nem xen pimanṡōpi ǹte p̀kahi m̀mon fyetti èxoun èh̀rentefjig ouoh ǹtefgos je ou pe etakaif.	and all the inhabitants of the earth are reputed as nothing: and he does according to his will in the army of heaven, and among the inhabitants of the earth: and there is none who shall withstand his power, and say to him, What has thou done?
4:33	ⲛ̀ϩ̀ⲣⲏⲓ ϧⲉⲛⲡⲓⲥⲏⲟⲩ ⲉⲧⲉⲙ̀ⲙⲁⲩ ⲁ ⲛⲁⲥ̀ⲃⲱⲟⲩⲓ̀ ⲕⲱⲧⲟⲩ ⲉ̀ⲣⲟⲓ ⲁⲓⲓ̀ ⲉ̀ⲡ̀ⲧⲁⲓⲟ ⲛ̀ⲧⲉⲧⲁⲙⲉⲧⲟⲩⲣⲟ ⲟⲩⲟϩ ⲁ ⲧⲁⲙⲟⲣⲫⲏ ⲕⲟⲧⲥ ⲉ̀ⲣⲟⲓ ⲟⲩⲟϩ ⲛⲁⲧⲩⲣⲁⲛⲛⲟⲥ ⲛⲉⲙⲛⲁⲛⲓϣϯ ⲛⲁⲩⲕⲱϯ ⲛ̀ⲥⲱⲓ ⲡⲉ ⲁⲓⲁ̀ⲙⲁϩⲓ ϫⲉⲛ̀ⲧⲁⲙⲉⲧⲟⲩⲣⲟ ⲁⲩⲧⲟⲩϩⲟ ⲛ̀ⲟⲩⲙⲉⲧⲛⲓϣϯ ⲉ̀ⲣⲟⲓ .	Ⲛ̀ϩ̀ⲣⲏⲓ ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲁ ⲛⲁⲥ̀ⲃⲱⲟⲩⲓ̀ ⲕⲱⲧⲟⲩ ⲉ̀ⲣⲟⲓ ⲁⲓⲓ̀ ⲉ̀ⲡ̀ⲧⲁⲓⲟ ⲛ̀ⲧⲉ ⲧⲁⲙⲉⲧⲟⲩⲣⲟ ⲟⲩⲟϩ ⲁ ⲧⲁⲙⲟⲣⲫⲏ ⲕⲟⲧⲥ ⲉ̀ⲣⲟⲓ ⲟⲩⲟϩ ⲛⲁⲧⲩⲣⲁⲛⲛⲟⲥ ⲛⲉⲙ ⲛⲁⲛⲓϣϯ ⲛⲁⲩⲕⲱϯ ⲛ̀ⲥⲱⲓ ⲡⲉ ⲁⲓⲁ̀ⲙⲁϩⲓ ϫⲉ ⲛ̀ⲧⲁⲙⲉⲧⲟⲩⲣⲟ ⲁⲩⲧⲟⲩϩⲟ ⲛ̀ⲟⲩⲙⲉⲧⲛⲓϣϯ ⲉ̀ⲣⲟⲓ.	Ǹh̀ryi xen pisyou ète m̀mav a nas̀vōouì kōtou èroi aiì èp̀taio ǹte tametouro ouoh a tamorfy kots èroi ouoh natirannos nem naniṡti navkōti ǹsōi pe aiàmahi je ǹtametouro avtouho ǹoumetniṡti èroi.	At the same time my reason returned to me, and I came to the honour of my kingdom; and my natural form returned to me, and my princes, and my nobles, sought me, and I was established in my kingdom, and more abundant majesty was added to me.
4:34	ϯⲛⲟⲩ ⲇⲉ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ϯϩⲱⲥ ⲟⲩⲟϩ ϯⲉⲣϩⲟⲩⲟ̀ϭⲓⲥⲓ ⲟⲩⲟϩ ϯϯⲱ̀ⲟⲩ ⲙ̀ⲡ̀ⲟⲩⲣⲟ ⲛ̀ⲧⲉⲧ̀ⲫⲉ ⲛⲉⲙⲡ̀ⲕⲁϩⲓ ϫⲉⲛⲉϥϩ̀ⲃⲏⲟⲩⲓ̀ ⲧⲏⲣⲟⲩ ϩⲁⲛⲙⲏⲓ ⲛⲉ ⲟⲩⲟϩ ⲛⲉϥⲙⲱⲓⲧ ϩⲁⲛϩⲁⲡ ⲛⲉ ⲟⲩⲟⲛ ⲛⲓⲃⲉⲛ ⲉⲑⲙⲟϣⲓ ϧⲉⲛⲟⲩⲙⲉⲧⲣⲉϥϩⲓⲡ̀ϩⲟ ⲟⲩⲟⲛϣ̀ϫⲟⲙ ⲙ̀ⲙⲟϥ ⲉ̀ⲑⲉⲃⲓⲱⲟⲩ .	Ϯⲛⲟⲩ ⲇⲉ ⲁ̀ⲛⲟⲕ ⲛⲁⲃⲟⲩⲭⲟⲇⲟⲛⲟⲥⲟⲣ ϯϩⲱⲥ ⲟⲩⲟϩ ϯⲉⲣϩⲟⲩⲟ̀ϭⲓⲥⲓ ⲟⲩⲟϩ ϯϯⲱ̀ⲟⲩ ⲛ̀ⲡ̀ⲟⲩⲣⲟ ⲛ̀ⲧⲉ ⲧ̀ⲫⲉ ⲛⲉⲙ ⲡ̀ⲕⲁϩⲓ ϫⲉ ⲛⲉϥϩ̀ⲃⲏⲟⲩⲓ̀ ⲧⲏⲣⲟⲩ ϩⲁⲛⲙⲏⲓ ⲛⲉ ⲟⲩⲟϩ ⲛⲉϥⲙⲱⲓⲧ ϩⲁⲛϩⲁⲡ ⲛⲉ ⲟⲩⲟⲛ ⲛⲓⲃⲉⲛ ⲉⲑⲙⲟϣⲓ ϧⲉⲛ ⲟⲩⲙⲉⲧⲣⲉϥϩⲓⲡ̀ϩⲟ ⲟⲩⲟⲛ ϣ̀ϫⲟⲙ ⲙ̀ⲙⲟϥ ⲉ̀ⲑⲉⲃⲓⲱⲟⲩ.	Tinou ḋe ànok nabouxodonosor tihōs ouoh tierhouòċisi ouoh titiṑou ǹp̀ouro ǹte t̀fe nem p̀kahi je nefh̀vyouì tyrou hanmyi ne ouoh nefmōit hanhap ne ouon niven eθmoṡi xen oumetrefhip̀ho ouon ṡ̀gom m̀mof èθeviōou.	Now therefore I Nabuchodonosor praise and greatly exalt and glorify the King of heaven; for all his works are true, and his paths are judgment: and all that walk in pride he is able to abase.

Provenance

title: Daniel 4
dialect: bohairic
source: Coptic SCRIPTORIUM corpus "bohairic.ot", document(s) 27_Daniel_06 [bible_refile @refile:Bible/Old Testament|Daniel|4]
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Daniel 6 from Coptic SCRIPTORIUM (https://copticscriptorium.org), corpus bohairic.ot, document 27_Daniel_06, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Daniel/04.bohairic.scriptorium.L0.txt
title: Daniel 4 — Cairene
dialect: bohairic
source: generated from 04.bohairic.scriptorium.L0.txt (Coptic SCRIPTORIUM corpus "bohairic.ot", document(s) 27_Daniel_06 [bible_refile @refile:Bible/Old Testament|Daniel|4])
licence: CC BY-SA 4.0
share: attribution
attribution: Daniel 6 from Coptic SCRIPTORIUM (https://copticscriptorium.org), corpus bohairic.ot, document 27_Daniel_06, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Daniel/04.bohairic.scriptorium.L1.txt
title: Daniel 4 — Kemetic
dialect: bohairic
source: generated from 04.bohairic.scriptorium.L1.txt
licence: CC BY-SA 4.0
share: attribution
attribution: Daniel 6 from Coptic SCRIPTORIUM (https://copticscriptorium.org), corpus bohairic.ot, document 27_Daniel_06, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Daniel/04.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 34 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 27_Daniel_04 (34 lines)

Cite as:

Daniel 4. Coptic SCRIPTORIUM corpus "bohairic.ot", document(s) 27_Daniel_06 [bible_refile @refile:Bible/Old Testament|Daniel|4]. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/daniel/04.bohairic.scriptorium/. Daniel 6 from Coptic SCRIPTORIUM (https://copticscriptorium.org), corpus bohairic.ot, document 27_Daniel_06, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.