Daniel 5 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document(s) 27_Daniel_07 [bible_refile @refile:Bible/Old Testament|Daniel|5]

Attribution: Daniel 7 from Coptic SCRIPTORIUM (https://copticscriptorium.org), corpus bohairic.ot, document 27_Daniel_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

31 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
5:1	ⲃⲁⲗⲇⲁⲥⲁⲣ ⲡ̀ⲟⲩⲣⲟ ⲁϥⲓ̀ⲣⲓ ⲛ̀ⲟⲩⲛⲓϣϯ ⲛ̀ⲇⲓⲡⲛⲟⲛ ⲉ̀ⲛⲉϥⲛⲓϣϯ ⲛ̀ϣⲟ ⲛ̀ⲣⲱⲙⲓ ⲟⲩⲟϩ ⲛⲁⲣⲉⲡⲓⲏⲣⲡ ⲭⲏ ⲙ̀ⲡⲉⲙ̀ⲑⲟ ⲛ̀ⲛⲓϣⲟ .	ⲃⲁⲗⲇⲁⲥⲁⲣ ⲡ̀ⲟⲩⲣⲟ ⲁϥⲓ̀ⲣⲓ ⲛ̀ⲟⲩⲛⲓϣϯ ⲛ̀ⲇⲓⲡⲛⲟⲛ ⲉ̀ⲛⲉϥⲛⲓϣϯ ⲛ̀ϣⲟ ⲛ̀ⲣⲱⲙⲓ ⲟⲩⲟϩ ⲛⲁⲣⲉ ⲡⲓⲏⲣⲡ ⲭⲏ ⲛ̀ⲡⲉⲙ̀ⲑⲟ ⲛ̀ⲛⲓϣⲟ.	baldasar p̀ouro afìri ǹouniṡti ǹḋipnon ènefniṡti ǹṡo ǹrōmi ouoh nare piyrp ky ǹpem̀θo ǹniṡo.	Baltasar the king made a great supper for his thousand nobles, and there was wine before the thousand.
5:2	ⲉϥⲥⲱ ⲛ̀ϫⲉⲃⲁⲗⲇⲁⲥⲁⲣ ⲁϥϫⲟⲥ ϧⲉⲛⲡⲓϫⲉⲙϯⲡⲓ ⲛ̀ⲧⲉⲡⲓⲏⲣⲡ ⲉⲑⲣⲟⲩⲓ̀ⲛⲓ ⲛ̀ⲛⲓⲥ̀ⲕⲉⲩⲟⲥ ⲛ̀ⲛⲟⲩⲃ ⲛⲉⲙⲛⲓϩⲁⲧ ⲛⲏⲉⲧⲁϥⲉ̀ⲛⲟⲩ ⲛ̀ϫⲉⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉϥⲓⲱⲧ ⲉ̀ⲃⲟⲗϧⲉⲛ ⲡⲓⲉⲣⲫⲉⲓ ϧⲉⲛⲓⲗ̅ⲏ̅ⲙ̅ ⲉⲑⲣⲟⲩⲥⲱ ⲛ̀ϧⲏⲧⲟⲩ ⲛ̀ϫⲉⲡ̀ⲟⲩⲣⲟ ⲛⲉⲙⲛⲉϥⲛⲓϣϯ ⲛⲉⲙⲛⲉϥⲡⲁⲗⲗⲁⲕⲏ ⲛⲉⲙⲛⲉϥⲡⲁⲣⲁⲕⲟⲓⲧⲱⲛ .	Ⲉϥⲥⲱ ⲛ̀ϫⲉ ⲃⲁⲗⲇⲁⲥⲁⲣ ⲁϥϫⲟⲥ ϧⲉⲛ ⲡⲓϫⲉⲙϯⲡⲓ ⲛ̀ⲧⲉ ⲡⲓⲏⲣⲡ ⲉ̀ⲑⲣⲟⲩⲓ̀ⲛⲓ ⲛ̀ⲛⲓⲥ̀ⲕⲉⲩⲟⲥ ⲛ̀ⲛⲟⲩⲃ ⲛⲉⲙ ⲛⲓϩⲁⲧ ⲛⲏⲉⲧⲁϥⲉ̀ⲛⲟⲩ ⲛ̀ϫⲉ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉϥⲓⲱⲧ ⲉ̀ⲃⲟⲗ ϧⲉⲛ ⲡⲓⲉⲣⲫⲉⲓ ϧⲉⲛ ⲓⲉⲣⲟⲩⲥⲁⲗⲏⲙ ⲉ̀ⲑⲣⲟⲩⲥⲱ ⲛ̀ϧⲏⲧⲟⲩ ⲛ̀ϫⲉ ⲡ̀ⲟⲩⲣⲟ ⲛⲉⲙ ⲛⲉϥⲛⲓϣϯ ⲛⲉⲙ ⲛⲉϥⲡⲁⲗⲗⲁⲕⲏ ⲛⲉⲙ ⲛⲉϥⲡⲁⲣⲁⲕⲟⲓⲧⲱⲛ.	Efsō ǹje baldasar afgos xen pijemtipi ǹte piyrp èθrouìni ǹnis̀kevos ǹnoub nem nihat nyetafènou ǹje nabouxodonosor pefiōt èvol xen pierfei xen ierousalym èθrousō ǹxytou ǹje p̀ouro nem nefniṡti nem nefpallaky nem nefparakoitōn.	And Baltasar drinking gave orders as he tasted the wine that they should bring the gold and silver vessels, which Nabuchodonosor his father had brought forth from the temple in Jerusalem; that the king, and his nobles, and his mistresses, and his concubines, should drink out of them.
5:3	ⲟⲩⲟϩ ⲁⲩⲓ̀ⲛⲓ ⲛ̀ⲛⲓⲥ̀ⲕⲉⲩⲟⲥ ⲛ̀ⲛⲟⲩⲃ ⲛⲉⲙⲛⲓϩⲁⲧ ⲛⲏⲉⲧⲁϥⲉ̀ⲛⲟⲩ ⲉ̀ⲃⲟⲗϧⲉⲛ ⲡⲓⲉⲣⲫⲉⲓ ⲛ̀ⲧⲉⲫϯ ⲉⲧϧⲉⲛⲓⲗ̅ⲏ̅ⲙ̅ ⲛⲁϥⲥⲱ ⲛ̀ϧⲏⲧⲟⲩ ⲛ̀ϫⲉⲡ̀ⲟⲩⲣⲟ ⲛⲉⲙⲛⲉϥⲛⲓϣϯ ⲛⲉⲙⲛⲉϥⲡⲁⲗⲗⲁⲕⲏ ⲛⲉⲙⲛⲉϥⲡⲁⲣⲁⲕⲟⲓⲧⲱⲛ .	Ⲟⲩⲟϩ ⲁⲩⲓ̀ⲛⲓ ⲛ̀ⲛⲓⲥ̀ⲕⲉⲩⲟⲥ ⲛ̀ⲛⲟⲩⲃ ⲛⲉⲙ ⲛⲓϩⲁⲧ ⲛⲏⲉⲧⲁϥⲉ̀ⲛⲟⲩ ⲉ̀ⲃⲟⲗ ϧⲉⲛ ⲡⲓⲉⲣⲫⲉⲓ ⲛ̀ⲧⲉ ⲫ̀ⲛⲟⲩϯ ⲉⲧϧⲉⲛ ⲓⲉⲣⲟⲩⲥⲁⲗⲏⲙ ⲛⲁϥⲥⲱ ⲛ̀ϧⲏⲧⲟⲩ ⲛ̀ϫⲉ ⲡ̀ⲟⲩⲣⲟ ⲛⲉⲙ ⲛⲉϥⲛⲓϣϯ ⲛⲉⲙ ⲛⲉϥⲡⲁⲗⲗⲁⲕⲏ ⲛⲉⲙ ⲛⲉϥⲡⲁⲣⲁⲕⲟⲓⲧⲱⲛ.	Ouoh avìni ǹnis̀kevos ǹnoub nem nihat nyetafènou èvol xen pierfei ǹte f̀nouti etxen ierousalym nafsō ǹxytou ǹje p̀ouro nem nefniṡti nem nefpallaky nem nefparakoitōn.	So the gold and silver vessels were brought which Nabuchodonosor had taken out of the temple of God in Jerusalem; and the king, and his nobles, and his mistresses, and his concubines, drank out of them.
5:4	ⲛⲁⲩⲥⲉ ⲏⲣⲡ ⲡⲉ ⲛⲁⲩϩⲱⲥ ⲉ̀ⲛⲓⲛⲟⲩϯ ⲡⲉ ⲛ̀ⲛⲟⲩⲃ ⲛⲉⲙⲛⲓϩⲁⲧ ⲛⲉⲙⲛⲓϩⲟⲙⲧ ⲛⲉⲙⲛⲓⲃⲉⲛⲓⲡⲓ ⲛⲉⲙⲛⲓϣⲉ ⲛⲉⲙⲛⲓⲱ̀ⲛⲓ ⲫϯ ⲇⲉ ⲛ̀ⲑⲟϥ ⲛ̀ⲧⲉⲡ̀ⲉ̀ⲛⲉϩ ⲙ̀ⲡⲟⲩⲥ̀ⲙⲟⲩ ⲉ̀ⲣⲟϥ ⲫⲏⲉⲧⲉ ⲡⲓⲉⲣϣⲓϣⲓ ⲛ̀ⲧⲉⲡⲟⲩⲡ̅ⲛ̅ⲁ̅ ⲭⲏ ⲛ̀ⲧⲟⲧϥ .	Ⲛⲁⲩⲥⲉ ⲏⲣⲡ ⲡⲉ ⲛⲁⲩϩⲱⲥ ⲉ̀ⲛⲓⲛⲟⲩϯ ⲡⲉ ⲛ̀ⲛⲟⲩⲃ ⲛⲉⲙ ⲛⲓϩⲁⲧ ⲛⲉⲙ ⲛⲓϩⲟⲙⲧ ⲛⲉⲙ ⲛⲓⲃⲉⲛⲓⲡⲓ ⲛⲉⲙ ⲛⲓϣⲉ ⲛⲉⲙ ⲛⲓⲱ̀ⲛⲓ ⲫ̀ⲛⲟⲩϯ ⲇⲉ ⲛ̀ⲑⲟϥ ⲛ̀ⲧⲉ ⲡ̀ⲉ̀ⲛⲉϩ ⲙ̀ⲡⲟⲩⲥ̀ⲙⲟⲩ ⲉ̀ⲣⲟϥ ⲫⲏⲉ̀ⲧⲉ ⲡⲓⲉⲣϣⲓϣⲓ ⲛ̀ⲧⲉ ⲡⲟⲩⲡⲛⲉⲩⲙⲁ ⲭⲏ ⲛ̀ⲧⲟⲧϥ.	Navse yrp pe navhōs èninouti pe ǹnoub nem nihat nem nihomt nem nivenipi nem niṡe nem niṑni f̀nouti ḋe ǹθof ǹte p̀èneh m̀pous̀mou èrof fyète pierṡiṡi ǹte poupnevma ky ǹtotf.	They drank wine, and praised the gods of gold, and of silver, and of brass, and of iron, and of wood, and of stone.
5:5	ϧⲉⲛϯⲟⲩⲛⲟⲩ ⲉⲧⲉⲙ̀ⲙⲁⲩ ⲁⲩⲓ̀ ⲉ̀ⲃⲟⲗ ⲛ̀ϫⲉϩⲁⲛⲧⲏⲃ ⲛ̀ϫⲓϫ ⲛ̀ⲣⲱⲙⲓ ⲟⲩⲟϩ ⲛⲁⲩⲥ̀ϧⲁⲓ ⲙ̀ⲡⲉⲙ̀ⲑⲟ ⲙ̀ⲡⲓⲗⲁⲙⲡⲁⲥ ⲉ̀ϩ̀ⲣⲏⲓ ϩⲓϯⲕⲟⲛⲓⲁ̀ ⲛ̀ⲧⲉϯϫⲟⲓ ⲛ̀ⲧⲉⲡⲏⲓ ⲙ̀ⲡ̀ⲟⲩⲣⲟ ⲟⲩⲟϩ ⲁϥⲛⲁⲩ ⲛ̀ϫⲉⲡ̀ⲟⲩⲣⲟ ⲉ̀ϯⲧⲱⲣⲓ ⲛ̀ⲧⲉϯϫⲓϫ ⲑⲏⲉ̀ⲛⲁⲥⲥ̀ϧⲁⲓ .	Ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁⲩⲓ̀ ⲉ̀ⲃⲟⲗ ⲛ̀ϫⲉ ϩⲁⲛⲧⲏⲃ ⲛ̀ϫⲓϫ ⲛ̀ⲣⲱⲙⲓ ⲟⲩⲟϩ ⲛⲁⲩⲥ̀ϧⲁⲓ ⲛ̀ⲡⲉⲙ̀ⲑⲟ ⲛ̀ⲡⲓⲗⲁⲙⲡⲁⲥ ⲉ̀ϩ̀ⲣⲏⲓ ϩⲓϯⲕⲟⲛⲓⲁ̀ ⲛ̀ⲧⲉ ϯϫⲟⲓ ⲛ̀ⲧⲉ ⲡ̀ⲏⲓ ⲛ̀ⲡ̀ⲟⲩⲣⲟ ⲟⲩⲟϩ ⲁϥⲛⲁⲩ ⲛ̀ϫⲉ ⲡ̀ⲟⲩⲣⲟ ⲉ̀ϯⲧⲱⲣⲓ ⲛ̀ⲧⲉ ϯϫⲓϫ ⲑⲏⲉ̀ⲛⲁⲥⲥ̀ϧⲁⲓ.	Xen tiounou ète m̀mav avì èvol ǹje hantyb ǹjig ǹrōmi ouoh navs̀xai ǹpem̀θo ǹpilampas èh̀ryi hitikonià ǹte tigoi ǹte p̀yi ǹp̀ouro ouoh afnav ǹje p̀ouro ètitōri ǹte tijig θyènass̀xai.	In the same hour came forth fingers of a man's hand, and wrote in front of the lamp on the plaster of the wall of the king's house: and the king saw the knuckles of the hand that wrote.
5:6	ⲧⲟⲧⲉ ⲁ ⲡ̀ϩⲟ ⲙ̀ⲡ̀ⲟⲩⲣⲟ ϣⲱⲃⲧ ⲛⲉϥⲙⲟⲕⲙⲉⲕ ⲛⲁⲩϣ̀ⲑⲟⲣⲧⲉⲣ ⲙ̀ⲙⲟϥ ⲡⲉ ⲟⲩⲟϩ ⲛⲓⲥ̀ⲛⲁⲩϩ ⲛ̀ⲧⲉⲧⲉϥϯⲡⲓ ⲁⲩⲃⲱⲗ ⲉ̀ⲃⲟⲗ ⲟⲩⲟϩ ⲛⲉϥⲕⲉⲗⲓ ⲛⲁⲩⲥ̀ⲑⲉⲣⲧⲉⲣ ⲡⲉ .	Ⲧⲟⲧⲉ ⲁ ⲡ̀ϩⲟ ⲛ̀ⲡ̀ⲟⲩⲣⲟ ϣⲱⲃⲧ ⲛⲉϥⲙⲟⲕⲙⲉⲕ ⲛⲁⲩϣ̀ⲑⲟⲣⲧⲉⲣ ⲙ̀ⲙⲟϥ ⲡⲉ ⲟⲩⲟϩ ⲛⲓⲥ̀ⲛⲁⲩϩ ⲛ̀ⲧⲉ ⲧⲉϥϯⲡⲓ ⲁⲩⲃⲱⲗ ⲉ̀ⲃⲟⲗ ⲟⲩⲟϩ ⲛⲉϥⲕⲉⲗⲓ ⲛⲁⲩⲥ̀ⲑⲉⲣⲧⲉⲣ ⲡⲉ.	Tote a p̀ho ǹp̀ouro ṡōvt nefmokmek navṡ̀θorter m̀mof pe ouoh nis̀navh ǹte teftipi avvōl èvol ouoh nefkeli navs̀θerter pe.	Then the king's countenance changed, and his thoughts troubled him, and the joints of his loins were loosed, and his knees smote one another.
5:7	ⲁϥⲱϣ ⲉ̀ⲃⲟⲗ ⲛ̀ϫⲉⲡ̀ⲟⲩⲣⲟ ⲉⲑⲣⲟⲩⲓ̀ⲛⲓ ⲉ̀ϧⲟⲩⲛ ⲛ̀ϩⲁⲛⲁ̀ⲭⲱⲟⲩⲓ̀ ϩⲁⲛⲭⲁⲗⲇⲉⲟⲥ ϩⲁⲛⲅⲁⲍⲁⲣⲏⲛⲟⲥ ⲁϥⲉⲣⲟⲩⲱ̀ ⲛ̀ϫⲉⲡ̀ⲟⲩⲣⲟ ⲡⲉϫⲁϥ ⲛ̀ⲛⲓⲥⲁⲃⲉⲩ ⲛ̀ⲧⲉⲃⲁⲃⲩⲗⲱⲛ ϫⲉⲫⲏⲉⲑⲛⲁⲱϣ ⲛ̀ⲧⲁⲓⲉ̀ⲡⲓⲅⲣⲁⲫⲏ ⲟⲩⲟϩ ⲛ̀ⲧⲉϥⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲉⲩⲉ̀ϯϩⲓⲱⲧϥ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲛⲉⲙⲟⲩⲙⲁⲛⲓⲁ̀ⲕⲓⲥ ⲛ̀ⲛⲟⲩⲃ ⲉⲩⲉ̀ⲧⲏⲓϥ ϩⲓⲱⲧϥ ⲟⲩⲟϩ ⲉϥⲉ̀ⲉⲣⲁⲣⲭⲱⲛ ⲙ̀ⲙⲁϩⲅ̅ ϧⲉⲛⲧⲁⲙⲉⲧⲟⲩⲣⲟ .	Ⲁϥⲱϣ ⲉ̀ⲃⲟⲗ ⲛ̀ϫⲉ ⲡ̀ⲟⲩⲣⲟ ⲉ̀ⲑⲣⲟⲩⲓ̀ⲛⲓ ⲉ̀ϧⲟⲩⲛ ⲛ̀ϩⲁⲛⲁ̀ⲭⲱⲟⲩⲓ̀ ϩⲁⲛⲭⲁⲗⲇⲉⲟⲥ ϩⲁⲛⲅⲁⲍⲁⲣⲏⲛⲟⲥ ⲁϥⲉⲣⲟⲩⲱ̀ ⲛ̀ϫⲉ ⲡ̀ⲟⲩⲣⲟ ⲡⲉϫⲁϥ ⲛ̀ⲛⲓⲥⲁⲃⲉⲩ ⲛ̀ⲧⲉ ⲃⲁⲃⲩⲗⲱⲛ ϫⲉ ⲫⲏⲉⲑⲛⲁⲱϣ ⲛ̀ⲧⲁⲓⲉ̀ⲡⲓⲅⲣⲁⲫⲏ ⲟⲩⲟϩ ⲛ̀ⲧⲉϥⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲉⲩⲉ̀ϯϩⲓⲱⲧϥ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲛⲉⲙ ⲟⲩⲙⲁⲛⲓⲁ̀ⲕⲓⲥ ⲛ̀ⲛⲟⲩⲃ ⲉⲩⲉ̀ⲧⲏⲓϥ ϩⲓⲱⲧϥ ⲟⲩⲟϩ ⲉϥⲉ̀ⲉⲣⲁⲣⲭⲱⲛ ⲛ̀ⲙⲁϩ3 ϧⲉⲛ ⲧⲁⲙⲉⲧⲟⲩⲣⲟ.	Afōṡ èvol ǹje p̀ouro èθrouìni èxoun ǹhanàkōouì hanxaldeos hanġazarynos aferouṑ ǹje p̀ouro pegaf ǹnisavev ǹte babilōn je fyeθnaōṡ ǹtaièpiġrafy ouoh ǹteftamoi èpesouohem evètihiōtf ǹouh̀vōs ǹċyji nem oumaniàkis ǹnoub evètyif hiōtf ouoh efèerarxōn ǹmah3 xen tametouro.	And the king cried aloud to bring in the magicians, Chaldeans, and soothsayers; and he said to the wise men of Babylon, Whosoever shall read this writing, and make known to me the interpretation, shall be clothed with scarlet, and there shall be a golden chain upon his neck, and he shall be the third ruler in my kingdom.
5:8	ⲟⲩⲟϩ ⲛⲁⲩⲛⲏⲟⲩ ⲉ̀ϧⲟⲩⲛ ⲛ̀ϫⲉⲛⲓⲥⲁⲃⲉⲩ ⲧⲏⲣⲟⲩ ⲛ̀ⲧⲉⲡ̀ⲟⲩⲣⲟ ⲟⲩⲟϩ ⲛⲁⲩϣ̀ϫⲉⲙϫⲟⲙ ⲁⲛ ⲡⲉ ⲉ̀ⲱϣ ⲛ̀ϯⲉ̀ⲡⲓⲅⲣⲁⲫⲏ ⲟⲩⲇⲉ ⲡⲉⲥⲟⲩⲟϩⲉⲙ ⲉ̀ⲧⲁⲙⲉ ⲡ̀ⲟⲩⲣⲟ ⲉ̀ⲣⲟϥ .	Ⲟⲩⲟϩ ⲛⲁⲩⲛⲏⲟⲩ ⲉ̀ϧⲟⲩⲛ ⲛ̀ϫⲉ ⲛⲓⲥⲁⲃⲉⲩ ⲧⲏⲣⲟⲩ ⲛ̀ⲧⲉ ⲡ̀ⲟⲩⲣⲟ ⲟⲩⲟϩ ⲛⲁⲩϣ̀ϫⲉⲙϫⲟⲙ ⲁⲛ ⲡⲉ ⲉ̀ⲱϣ ⲛ̀ϯⲉ̀ⲡⲓⲅⲣⲁⲫⲏ ⲟⲩⲇⲉ ⲡⲉⲥⲟⲩⲟϩⲉⲙ ⲉ̀ⲧⲁⲙⲉ ⲡ̀ⲟⲩⲣⲟ ⲉ̀ⲣⲟϥ.	Ouoh navnyou èxoun ǹje nisavev tyrou ǹte p̀ouro ouoh navṡ̀jemgom an pe èōṡ ǹtièpiġrafy ouḋe pesouohem ètame p̀ouro èrof.	Then came in all the king's wise men: but they could not read the writing, nor make known the interpretation to the king.
5:9	ⲟⲩⲟϩ ⲡ̀ⲟⲩⲣⲟ ⲃⲁⲗⲇⲁⲥⲁⲣ ⲁϥϣ̀ⲑⲟⲣⲧⲉⲣ ⲡ̀ⲉⲟⲩⲁⲛ ⲛ̀ⲧⲉⲡⲉϥϩⲟ ⲁϥϣⲱⲃⲧ ⲟⲩⲟϩ ⲛⲉϥⲛⲓϣϯ ⲛⲁⲩϣ̀ⲧⲉⲣⲑⲱⲣ ⲛⲉⲙⲁϥ ⲡⲉ .	Ⲟⲩⲟϩ ⲡ̀ⲟⲩⲣⲟ ⲃⲁⲗⲇⲁⲥⲁⲣ ⲁϥϣ̀ⲑⲟⲣⲧⲉⲣ ⲡ̀ⲉⲟⲩⲁⲛ ⲛ̀ⲧⲉ ⲡⲉϥϩⲟ ⲁϥϣⲱⲃⲧ ⲟⲩⲟϩ ⲛⲉϥⲛⲓϣϯ ⲛⲁⲩϣ̀ⲧⲉⲣⲑⲱⲣ ⲛⲉⲙⲁϥ ⲡⲉ.	Ouoh p̀ouro baldasar afṡ̀θorter p̀eouan ǹte pefho afṡōvt ouoh nefniṡti navṡ̀terθōr nemaf pe.	And king Baltasar was troubled, and his countenance changed upon him, and his nobles were troubled with him.
5:10	ⲁⲥⲓ̀ ⲉ̀ϧⲟⲩⲛ ⲛ̀ϫⲉϯⲟⲩⲣⲱ ⲉ̀ⲡ̀ⲏⲓ ⲛ̀ⲧⲉⲡⲓⲙⲁⲛⲥⲱ ⲟⲩⲟϩ ⲁⲥⲉⲣⲟⲩⲱ̀ ⲛ̀ϫⲉϯⲟⲩⲣⲱ ⲡⲉϫⲁⲥ ⲙ̀ⲡ̀ⲟⲩⲣⲟ ϫⲉⲱⲛϧ ϣⲁⲉ̀ⲛⲉϩ ⲙ̀ⲡⲉⲛⲑ̀ⲣⲟⲩϣ̀ⲧⲉⲣⲑⲱⲣⲕ ⲛ̀ϫⲉⲛⲉⲕⲙⲟⲕⲙⲉⲕ ⲟⲩⲟϩ ⲙ̀ⲡⲉⲛⲑ̀ⲣⲉ ⲛⲉⲕⲥ̀ⲙⲟⲧ ϣⲓⲃϯ .	Ⲁⲥⲓ̀ ⲉ̀ϧⲟⲩⲛ ⲛ̀ϫⲉ ϯⲟⲩⲣⲱ ⲉ̀ⲡ̀ⲏⲓ ⲛ̀ⲧⲉ ⲡⲓⲙⲁⲛⲥⲱ ⲟⲩⲟϩ ⲁⲥⲉⲣⲟⲩⲱ̀ ⲛ̀ϫⲉ ϯⲟⲩⲣⲱ ⲡⲉϫⲁⲥ ⲛ̀ⲡ̀ⲟⲩⲣⲟ ϫⲉ ⲱⲛϧ ϣⲁ ⲉ̀ⲛⲉϩ ⲛ̀ⲡⲉⲛⲑ̀ⲣⲟⲩϣ̀ⲧⲉⲣⲑⲱⲣⲕ ⲛ̀ϫⲉ ⲛⲉⲕⲙⲟⲕⲙⲉⲕ ⲟⲩⲟϩ ⲙ̀ⲡⲉⲛⲑ̀ⲣⲉ ⲛⲉⲕⲥ̀ⲙⲟⲧ ϣⲓⲃϯ.	Asì èxoun ǹje tiourō èp̀yi ǹte pimansō ouoh aserouṑ ǹje tiourō pegas ǹp̀ouro je ōnx ṡa èneh ǹpenθ̀rouṡ̀terθōrk ǹje nekmokmek ouoh m̀penθ̀re nek·s̀mot ṡivti.	Then the queen came into the banquet house, and said, O king, live for ever: let not thy thoughts trouble thee, and let not thy countenance be changed.
5:11	ⲟⲩⲟⲛ ⲟⲩⲣⲱⲙⲓ ϧⲉⲛⲧⲉⲕⲙⲉⲧⲟⲩⲣⲟ ⲟⲩⲟⲛ ⲟⲩⲡ̅ⲛ̅ⲁ̅ ⲛ̀ⲧⲉⲫϯ ⲛ̀ϧⲏⲧϥ ⲛ̀ϩ̀ⲣⲏⲓ ϧⲉⲛⲛⲓⲉ̀ϩⲟⲟⲩ ⲛ̀ⲧⲉⲡ̀ⲟⲩⲣⲟ ⲡⲉⲕⲓⲱⲧ ⲁⲩϫⲉⲙ ⲟⲩⲣⲱⲓⲥ ⲛⲉⲙⲟⲩⲕⲁϯ ⲛ̀ϧⲏⲧϥ ⲡ̀ⲟⲩⲣⲟ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉⲕⲓⲱⲧ ⲁϥⲭⲁϥ ⲛ̀ⲁⲣⲭⲱⲛ ⲉ̀ϩ̀ⲣⲏⲓ ⲉ̀ϫⲉⲛⲛⲓⲣⲉϥⲉⲣϩⲓⲕ ⲛⲉⲙⲛⲓⲁ̀ⲭⲱⲟⲩⲓ̀ ⲛⲉⲙⲛⲓⲭⲁⲗⲇⲉⲟⲥ ⲛⲉⲙⲛⲓⲅⲁⲍⲁⲣⲏⲛⲟⲥ .	Ⲟⲩⲟⲛ ⲟⲩⲣⲱⲙⲓ ϧⲉⲛ ⲧⲉⲕⲙⲉⲧⲟⲩⲣⲟ ⲟⲩⲟⲛ ⲟⲩⲡ̀ⲛⲉⲩⲙⲁ ⲛ̀ⲧⲉ ⲫ̀ⲛⲟⲩϯ ⲛ̀ϧⲏⲧϥ ⲛ̀ϩ̀ⲣⲏⲓ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ ⲡ̀ⲟⲩⲣⲟ ⲡⲉⲕⲓⲱⲧ ⲁⲩϫⲉⲙ ⲟⲩⲣⲱⲓⲥ ⲛⲉⲙ ⲟⲩⲕⲁϯ ⲛ̀ϧⲏⲧϥ ⲡ̀ⲟⲩⲣⲟ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉⲕⲓⲱⲧ ⲁϥⲭⲁϥ ⲛ̀ⲁⲣⲭⲱⲛ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲣⲉϥⲉⲣϩⲓⲕ ⲛⲉⲙ ⲛⲓⲁ̀ⲭⲱⲟⲩⲓ̀ ⲛⲉⲙ ⲛⲓⲭⲁⲗⲇⲉⲟⲥ ⲛⲉⲙ ⲛⲓⲅⲁⲍⲁⲣⲏⲛⲟⲥ.	Ouon ourōmi xen tekmetouro ouon oup̀nevma ǹte f̀nouti ǹxytf ǹh̀ryi xen nièhoou ǹte p̀ouro pekiōt avjem ourōis nem oukati ǹxytf p̀ouro nabouxodonosor pekiōt afkaf ǹarxōn èh̀ryi èjen nireferhik nem niàkōouì nem nixaldeos nem niġazarynos.
5:12	ⲁϥⲭⲁϥ ⲉ̀ϩ̀ⲣⲏ ⲉ̀ϫⲱⲟⲩ ⲛ̀ϫⲉⲡ̀ⲟⲩⲣⲟ ⲡⲉⲕⲓⲱⲧ ϫⲉⲛⲉ ⲟⲩⲟⲛ ⲟⲩⲡ̅ⲛ̅ⲁ̅ ⲛ̀ϩⲟⲩⲟ̀ ϣⲟⲡ ⲛ̀ϧ̀ⲣⲏⲓ ⲛ̀ϧⲏⲧϥ ⲛⲉⲙⲟⲩⲣⲱⲓⲥ ⲛⲉⲙⲟⲩⲕⲁϯ ⲉϥⲃⲱⲗ ⲛ̀ϩⲁⲛⲣⲁⲥⲟⲩⲓ̀ ⲉϥϫⲱ ⲛ̀ⲛⲏⲉⲧⲟⲩⲁ̀ⲙⲟⲛⲓ ⲙ̀ⲙⲱⲟⲩ ⲉϥⲃⲱⲗ ⲛ̀ϩⲁⲛⲥ̀ⲛⲁⲩϩ ⲉ̀ⲃⲟⲗ ⲉⲧⲉⲇⲁⲛⲓⲏⲗ ⲡⲉ ⲟⲩⲟϩ ⲁ ⲡ̀ⲟⲩⲣⲟ ⲡⲉⲕⲓⲱⲧ ϯ ⲟⲩⲣⲁⲛ ⲉ̀ⲣⲟϥ ϫⲉⲃⲁⲗⲇⲁⲥⲁⲣ ϯⲛⲟⲩ ⲇⲉ ⲙⲁⲣⲟⲩⲙⲟⲩϯ ⲉ̀ⲣⲟϥ ⲡⲓⲟⲩⲟϩⲉⲙ ϥ̀ⲛⲁⲧⲁⲙⲟⲕ ⲉ̀ⲣⲟϥ .	Ⲁϥⲭⲁϥ ⲉ̀ϩ̀ⲣⲏ ⲉ̀ϫⲱⲟⲩ ⲛ̀ϫⲉ ⲡ̀ⲟⲩⲣⲟ ⲡⲉⲕⲓⲱⲧ ϫⲉ ⲛⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲛ̀ϩⲟⲩⲟ̀ ϣⲟⲡ ⲛ̀ϧ̀ⲣⲏⲓ ⲛ̀ϧⲏⲧϥ ⲛⲉⲙ ⲟⲩⲣⲱⲓⲥ ⲛⲉⲙ ⲟⲩⲕⲁϯ ⲉϥⲃⲱⲗ ⲛ̀ϩⲁⲛⲣⲁⲥⲟⲩⲓ̀ ⲉϥϫⲱ ⲛ̀ⲛⲏⲉⲧⲟⲩⲁ̀ⲙⲟⲛⲓ ⲙ̀ⲙⲱⲟⲩ ⲉϥⲃⲱⲗ ⲛ̀ϩⲁⲛⲥ̀ⲛⲁⲩϩ ⲉ̀ⲃⲟⲗ ⲉ̀ⲧⲉ ⲇⲁⲛⲓⲏⲗ ⲡⲉ ⲟⲩⲟϩ ⲁ ⲡ̀ⲟⲩⲣⲟ ⲡⲉⲕⲓⲱⲧ ϯ ⲟⲩⲣⲁⲛ ⲉ̀ⲣⲟϥ ϫⲉ ⲃⲁⲗⲇⲁⲥⲁⲣ ϯⲛⲟⲩ ⲇⲉ ⲙⲁⲣⲟⲩⲙⲟⲩϯ ⲉ̀ⲣⲟϥ ⲡⲓⲟⲩⲟϩⲉⲙ ϥ̀ⲛⲁⲧⲁⲙⲟⲕ ⲉ̀ⲣⲟϥ.	Afkaf èh̀ry ègōou ǹje p̀ouro pekiōt je ne ouon oup̀nevma ǹhouò ṡop ǹx̀ryi ǹxytf nem ourōis nem oukati efvōl ǹhanrasouì efgō ǹnyetouàmoni m̀mōou efvōl ǹhans̀navh èvol ète daniyl pe ouoh a p̀ouro pekiōt ti ouran èrof je baldasar tinou ḋe maroumouti èrof piouohem f̀natamok èrof.
5:13	ⲧⲟⲧⲉ ⲇⲁⲛⲓⲏⲗ ⲁⲩⲉⲛϥ ⲉ̀ϧⲟⲩⲛ ⲙ̀ⲡⲉⲙ̀ⲑⲟ ⲙ̀ⲡ̀ⲟⲩⲣⲟ ⲟⲩⲟϩ ⲡⲉϫⲉ ⲡ̀ⲟⲩⲣⲟ ⲛⲁϥ ϫⲉⲛ̀ⲑⲟⲕ ⲡⲉ ⲇⲁⲛⲓⲏⲗ ⲡⲓ ⲉ̀ⲃⲟⲗϧⲉⲛ ⲛⲓϣⲏⲣⲓ ⲛ̀ⲧⲉϯⲉⲭⲙⲁⲗⲱⲥⲓⲁ̀ ⲛ̀ⲧⲉϯⲓⲟⲩⲇⲉⲁ̀ ⲑⲏⲉⲧⲁϥⲱ̀ⲗⲥ ⲛ̀ϫⲉⲡⲁⲓⲱⲧ ⲡ̀ⲟⲩⲣⲟ .	Ⲧⲟⲧⲉ ⲇⲁⲛⲓⲏⲗ ⲁⲩⲉⲛϥ ⲉ̀ϧⲟⲩⲛ ⲛ̀ⲡⲉⲙ̀ⲑⲟ ⲛ̀ⲡ̀ⲟⲩⲣⲟ ⲟⲩⲟϩ ⲡⲉϫⲉ ⲡ̀ⲟⲩⲣⲟ ⲛⲁϥ ϫⲉ ⲛ̀ⲑⲟⲕ ⲡⲉ ⲇⲁⲛⲓⲏⲗ ⲡⲓ ⲉ̀ⲃⲟⲗ ϧⲉⲛ ⲛⲓϣⲏⲣⲓ ⲛ̀ⲧⲉ ϯⲉⲭⲙⲁⲗⲱⲥⲓⲁ̀ ⲛ̀ⲧⲉ ϯⲓⲟⲩⲇⲉⲁ̀ ⲑⲏⲉ̀ⲧⲁϥⲱ̀ⲗⲥ ⲛ̀ϫⲉ ⲡⲁⲓⲱⲧ ⲡ̀ⲟⲩⲣⲟ.	Tote daniyl avenf èxoun ǹpem̀θo ǹp̀ouro ouoh peje p̀ouro naf je ǹθok pe daniyl pi èvol xen niṡyri ǹte tiexmalōsià ǹte tiioudeà θyètafṑls ǹje paiōt p̀ouro.
5:14	ⲁⲓⲥⲱⲧⲉⲙ ⲉⲑⲃⲏⲧⲕ ϫⲉⲟⲩⲟⲛ ⲟⲩⲡ̅ⲛ̅ⲁ̅ ⲛ̀ⲧⲉⲫϯ ⲛ̀ϧ̀ⲣⲏⲓ ⲛ̀ϧⲏⲧⲕ ⲟⲩⲣⲱⲓⲥ ⲛⲉⲙⲟⲩⲕⲁϯ ⲛⲉⲙⲟⲩⲥ̀ⲃⲱ ⲁⲩϫⲉⲙⲟⲩ ⲛ̀ϧⲏⲧⲕ .	Ⲁⲓⲥⲱⲧⲉⲙ ⲉⲑⲃⲏⲧⲕ ϫⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲛ̀ⲧⲉ ⲫ̀ⲛⲟⲩϯ ⲛ̀ϧ̀ⲣⲏⲓ ⲛ̀ϧⲏⲧⲕ ⲟⲩⲣⲱⲓⲥ ⲛⲉⲙ ⲟⲩⲕⲁϯ ⲛⲉⲙ ⲟⲩⲥ̀ⲃⲱ ⲁⲩϫⲉⲙⲟⲩ ⲛ̀ϧⲏⲧⲕ.	Aisōtem eθvytk je ouon oup̀nevma ǹte f̀nouti ǹx̀ryi ǹxytk ourōis nem oukati nem ous̀vō avjemou ǹxytk.
5:15	ϯⲛⲟⲩ ⲟⲩⲛ ⲁⲩⲓ̀ ⲉ̀ϧⲟⲩⲛ ⲙ̀ⲡⲁⲙ̀ⲑⲟ ⲛ̀ϫⲉⲛⲓⲥⲁⲃⲉⲩ ⲛⲉⲙⲛⲓⲁ̀ⲭⲱⲟⲩⲓ̀ ⲛⲉⲙⲛⲓⲅⲁⲍⲁⲣⲏⲛⲟⲥ ϩⲓⲛⲁ ⲛ̀ⲧⲟⲩⲱϣ ⲛ̀ⲧⲁⲓ ⲅ̀ⲣⲁⲫⲏ ⲟⲩⲟϩ ⲛ̀ⲧⲟⲩⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲙ̀ⲡⲟⲩϣ̀ϫⲉⲙϫⲟⲙ ⲉ̀ⲧⲁⲙⲟⲓ .	Ϯⲛⲟⲩ ⲟⲩⲛ ⲁⲩⲓ̀ ⲉ̀ϧⲟⲩⲛ ⲛ̀ⲡⲁⲙ̀ⲑⲟ ⲛ̀ϫⲉ ⲛⲓⲥⲁⲃⲉⲩ ⲛⲉⲙ ⲛⲓⲁ̀ⲭⲱⲟⲩⲓ̀ ⲛⲉⲙ ⲛⲓⲅⲁⲍⲁⲣⲏⲛⲟⲥ ϩⲓⲛⲁ ⲛ̀ⲧⲟⲩⲱϣ ⲛ̀ⲧⲁⲓ ⲅ̀ⲣⲁⲫⲏ ⲟⲩⲟϩ ⲛ̀ⲧⲟⲩⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲙ̀ⲡⲟⲩϣ̀ϫⲉⲙϫⲟⲙ ⲉ̀ⲧⲁⲙⲟⲓ.	Tinou oun avì èxoun ǹpam̀θo ǹje nisavev nem niàkōouì nem niġazarynos hina ǹtouōṡ ǹtai ġ̀rafy ouoh ǹtoutamoi èpesouohem m̀pouṡ̀jemgom ètamoi.
5:16	ⲁⲛⲟⲕ ⲇⲉ ⲁⲓⲥⲱⲧⲉⲙ ⲉⲑⲃⲏⲧⲕ ϫⲉⲟⲩⲟⲛϣ̀ϫⲟⲙ ⲙ̀ⲙⲟⲕ ⲉ̀ϧⲟⲧϧⲉⲧ ⲉ̀ϩⲁⲛϩⲁⲡ ϯⲛⲟⲩ ⲇⲉ ⲁⲕϣⲁⲛϣ̀ϫⲉⲙϫⲟⲙ ⲉ̀ⲱϣ ⲛ̀ⲧⲁⲓⲅ̀ⲣⲁⲫⲏ ⲟⲩⲟϩ ⲛ̀ⲧⲉⲕⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲉⲩⲉ̀ϯ ϩⲓⲱⲧⲕ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲟⲩⲟϩ ⲛⲓⲁ̀ⲅⲓⲥ ⲛ̀ⲛⲟⲩⲃ ⲉϥⲉ̀ϣⲱⲡⲓ ⲉϥⲧⲟⲓ ⲛ̀ϧⲏⲧⲕ ⲉⲕⲉ̀ⲉⲣⲁⲣⲭⲱⲛ ⲙ̀ⲙⲁϩⲅ̅ ϧⲉⲛⲧⲁⲙⲉⲧⲟⲩⲣⲟ .	Ⲁⲛⲟⲕ ⲇⲉ ⲁⲓⲥⲱⲧⲉⲙ ⲉⲑⲃⲏⲧⲕ ϫⲉ ⲟⲩⲟⲛ ϣ̀ϫⲟⲙ ⲙ̀ⲙⲟⲕ ⲉ̀ϧⲟⲧϧⲉⲧ ⲉ̀ϩⲁⲛϩⲁⲡ ϯⲛⲟⲩ ⲇⲉ ⲁⲕϣⲁⲛϣ̀ϫⲉⲙϫⲟⲙ ⲉ̀ⲱϣ ⲛ̀ⲧⲁⲓ̀ⲅ̀ⲣⲁⲫⲏ ⲟⲩⲟϩ ⲛ̀ⲧⲉⲕⲧⲁⲙⲟⲓ ⲉ̀ⲡⲉⲥⲟⲩⲟϩⲉⲙ ⲉⲩⲉ̀ϯ ϩⲓⲱⲧⲕ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲟⲩⲟϩ ⲛⲓⲁ̀ⲅⲓⲥ ⲛ̀ⲛⲟⲩⲃ ⲉϥⲉ̀ϣⲱⲡⲓ ⲉϥⲧⲟⲓ ⲛ̀ϧⲏⲧⲕ ⲉⲕⲉ̀ⲉⲣⲁⲣⲭⲱⲛ ⲛ̀ⲙⲁϩ3 ϧⲉⲛ ⲧⲁⲙⲉⲧⲟⲩⲣⲟ.	Anok ḋe aisōtem eθvytk je ouon ṡ̀gom m̀mok èxotxet èhanhap tinou ḋe akṡanṡ̀jemgom èōṡ ǹtaìġ̀rafy ouoh ǹtektamoi èpesouohem evèti hiōtk ǹouh̀vōs ǹċyji ouoh niàgis ǹnoub efèṡōpi eftoi ǹxytk ekèerarxōn ǹmah3 xen tametouro.
5:17	ⲧⲟⲧⲉ ⲁϥⲉⲣⲟⲩⲱ̀ ⲛ̀ϫⲉⲇⲁⲛⲓⲏⲗ ⲡⲉϫⲁϥ ⲙ̀ⲡⲉⲙ̀ⲑⲟ ⲙ̀ⲡ̀ⲟⲩⲣⲟ ϫⲉⲛⲉⲕⲧⲁⲓⲟ ⲙⲁⲣⲟⲩϣⲱⲡⲓ ⲛⲁⲕ ⲡ̀ⲟⲩⲣⲟ ϯⲇⲱⲇⲱⲣⲉⲁ̀ ⲛ̀ⲧⲉⲡⲉⲕⲏⲓ ⲙⲏⲓⲥ ⲛ̀ⲕⲉⲟⲩⲁⲓ ⲁ̀ⲛⲟⲕ ⲇⲉ ϯⲛⲁⲱϣ ⲛ̀ϯⲅ̀ⲣⲁⲫⲏ ⲉ̀ⲣⲟⲕ ⲟⲩⲟϩ ⲡⲉⲥⲟⲩⲟϩⲉⲙ ϯⲛⲁⲧⲁⲙⲟⲕ ⲉ̀ⲣⲟϥ .	Ⲧⲟⲧⲉ ⲁϥⲉⲣⲟⲩⲱ̀ ⲛ̀ϫⲉ ⲇⲁⲛⲓⲏⲗ ⲡⲉϫⲁϥ ⲛ̀ⲡⲉⲙ̀ⲑⲟ ⲛ̀ⲡ̀ⲟⲩⲣⲟ ϫⲉ ⲛⲉⲕⲧⲁⲓⲟ ⲙⲁⲣⲟⲩϣⲱⲡⲓ ⲛⲁⲕ ⲡ̀ⲟⲩⲣⲟ ϯⲇⲱⲇⲱⲣⲉⲁ̀ ⲛ̀ⲧⲉ ⲡⲉⲕⲏⲓ ⲙⲏⲓⲥ ⲛ̀ⲕⲉⲟⲩⲁⲓ ⲁ̀ⲛⲟⲕ ⲇⲉ ϯⲛⲁⲱϣ ⲛ̀ϯⲅ̀ⲣⲁⲫⲏ ⲉ̀ⲣⲟⲕ ⲟⲩⲟϩ ⲡⲉⲥⲟⲩⲟϩⲉⲙ ϯⲛⲁⲧⲁⲙⲟⲕ ⲉ̀ⲣⲟϥ.	Tote aferouṑ ǹje daniyl pegaf ǹpem̀θo ǹp̀ouro je nektaio marouṡōpi nak p̀ouro tiḋōḋōreà ǹte pekyi myis ǹkeouai ànok ḋe tinaōṡ ǹtiġ̀rafy èrok ouoh pesouohem tinatamok èrof.
5:18	ⲡⲟⲩⲣⲟ ⲫϯ ⲉⲧϭⲟⲥⲓ ⲁϥϯ ⲛ̀ϯⲙⲉⲧⲣⲁⲙⲁⲟ̀ ⲛⲉⲙϯⲙⲉⲧⲛⲓϣϯ ⲛⲉⲙⲡⲓⲧⲁⲓⲟ ⲛⲉⲙⲡⲓⲱ̀ⲟⲩ ⲛ̀ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉⲕⲓⲱⲧ .	Ⲡ̀ⲟⲩⲣⲟ ⲫ̀ⲛⲟⲩϯ ⲉⲧϭⲟⲥⲓ ⲁϥϯ ⲛ̀ϯⲙⲉⲧⲣⲁⲙⲁⲟ̀ ⲛⲉⲙ ϯⲙⲉⲧⲛⲓϣϯ ⲛⲉⲙ ⲡⲓⲧⲁⲓⲟ ⲛⲉⲙ ⲡⲓⲱ̀ⲟⲩ ⲛ̀ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲉⲕⲓⲱⲧ.	P̀ouro f̀nouti etċosi afti ǹtimetramaò nem timetniṡti nem pitaio nem piṑou ǹnabouxodonosor pekiōt.
5:19	ⲟⲩⲟϩ ⲉ̀ⲃⲟⲗϧⲉⲛ ϯⲙⲉⲧⲛⲓϣϯ ⲉⲧⲁϥⲧⲏⲓⲥ ⲛⲁϥ ⲛⲓⲗⲁⲟⲥ ⲧⲏⲣⲟⲩ ⲛⲓⲫⲩⲗⲏ ⲛⲓⲗⲁⲥ ⲛⲁⲩⲥ̀ⲑⲉⲣⲧⲉⲣ ⲟⲩⲟϩ ⲛⲁⲩⲉⲣϩⲟϯ ⲡⲉ ϧⲁⲧϩⲏ ⲙ̀ⲡⲉϥϩⲟ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥϧⲟⲑⲃⲟⲩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥϩⲓⲟⲩⲓ̀ ⲉ̀ⲣⲱⲟⲩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥϭⲁⲥⲟⲩ ⲟⲩⲟϩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥⲑⲉⲃⲓⲱⲟⲩ .	Ⲟⲩⲟϩ ⲉ̀ⲃⲟⲗ ϧⲉⲛ ϯⲙⲉⲧⲛⲓϣϯ ⲉⲧⲁϥⲧⲏⲓⲥ ⲛⲁϥ ⲛⲓⲗⲁⲟⲥ ⲧⲏⲣⲟⲩ ⲛⲓⲫⲩⲗⲏ ⲛⲓⲗⲁⲥ ⲛⲁⲩⲥ̀ⲑⲉⲣⲧⲉⲣ ⲟⲩⲟϩ ⲛⲁⲩⲉⲣϩⲟϯ ⲡⲉ ϧⲁⲧ̀ϩⲏ ⲛ̀ⲡⲉϥϩⲟ ⲛⲏⲉ̀ϣⲁ ϥ̀ⲟⲩⲱϣ ⲛ̀ⲑⲟϥ ϣⲁϥϧⲟⲑⲃⲟⲩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥϩⲓⲟⲩⲓ̀ ⲉ̀ⲣⲱⲟⲩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥϭⲁⲥⲟⲩ ⲟⲩⲟϩ ⲛⲏⲉ̀ϣⲁϥⲟⲩⲱϣ ⲛ̀ⲑⲟϥ ϣⲁϥⲑⲉⲃⲓⲱⲟⲩ.	Ouoh èvol xen timetniṡti etaftyis naf nilaos tyrou nifily nilas navs̀θerter ouoh naverhoti pe xat̀·hy ǹpefho nyèṡa f̀ouōṡ ǹθof ṡafxoθvou nyèṡafouōṡ ǹθof ṡafhiouì èrōou nyèṡafouōṡ ǹθof ṡafċasou ouoh nyèṡafouōṡ ǹθof ṡafθeviōou.
5:20	ϩⲟⲧⲉ ⲉⲧⲁϥϭⲓⲥⲓ ⲛ̀ϫⲉⲏⲧ ⲟⲩⲟϩ ⲉⲧⲁ ⲡⲉϥⲡ̅ⲛ̅ⲁ̅ ⲁ̀ⲙⲁϩⲓ ϧⲉⲛϯⲙⲉⲧⲣⲉϥϩⲓⲡ̀ϩⲟ ⲁⲩⲉⲛϥ ⲉ̀ⲡⲉⲥⲏⲧ ⲉ̀ⲃⲟⲗϩⲓ ⲡⲓⲑ̀ⲣⲟⲛⲟⲥ ⲛ̀ⲧⲉⲧⲉϥⲙⲉⲧⲟⲁⲩⲱ̀ⲗⲓ ⲙ̀ⲡⲓⲧⲁⲓⲟ ⲉ̀ⲃⲟⲗϩⲁⲣⲟϥ .	Ϩⲟⲧⲉ ⲉ̀ⲧⲁϥϭⲓⲥⲓ ⲛ̀ϫⲉ ⲏⲧ ⲟⲩⲟϩ ⲉ̀ⲧⲁ ⲡⲉϥⲡ̀ⲛⲉⲩⲙⲁ ⲁ̀ⲙⲁϩⲓ ϧⲉⲛ ϯⲙⲉⲧⲣⲉϥϩⲓⲡ̀ϩⲟ ⲁⲩⲉⲛϥ ⲉ̀ⲡⲉⲥⲏⲧ ⲉ̀ⲃⲟⲗ ϩⲓ ⲡⲓⲑ̀ⲣⲟⲛⲟⲥ ⲛ̀ⲧⲉ ⲧⲉϥⲙⲉⲧⲟⲁⲩⲱ̀ⲗⲓ ⲛ̀ⲡⲓⲧⲁⲓⲟ ⲉ̀ⲃⲟⲗ ϩⲁⲣⲟϥ.	Hote ètafċisi ǹje yt ouoh èta pefp̀nevma àmahi xen timetrefhip̀ho avenf èpesyt èvol hi piθ̀ronos ǹte tefmetoavṑli ǹpitaio èvol harof.
5:21	ⲁⲩϭⲟϫⲓ ⲛ̀ⲥⲱϥ ⲉ̀ⲃⲟⲗϧⲉⲛ ⲛⲓⲣⲱⲙⲓ ⲁⲩϯ ⲙ̀ⲡⲉⲅϩⲏⲧ ⲛⲉⲙⲛⲓⲑⲏⲣⲓⲟⲛ ⲡⲉϥⲙⲁⲛϣⲱⲡⲓ ⲛⲉⲙⲛⲓⲓⲁⲛ̀ⲧⲱⲟⲩ ⲟⲩⲟϩ ⲛⲁϥⲟⲩⲉⲙ ⲥⲱⲟⲩⲃⲉⲛ ⲙ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲁ ⲡⲉϥⲥⲱⲙⲁ ϭⲱϫ ⲉ̀ⲃⲟⲗϧⲉⲛ ϯⲓⲱϯ ⲛ̀ⲧⲉⲧ̀ⲫⲉ ϣⲁⲛⲧⲉϥⲉ̀ⲙⲓ ϫⲉⲫϯ ⲉⲧϭⲟⲥⲓ ⲉⲧⲟⲓ ⲛ̀ϭ̅ⲥ̅ ⲉ̀ϫⲉⲛϯⲙⲉⲧⲟⲩⲣⲟ ⲛ̀ⲧⲉⲛⲓⲣⲱⲙⲓ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ .	Ⲁⲩϭⲟϫⲓ ⲛ̀ⲥⲱϥ ⲉ̀ⲃⲟⲗ ϧⲉⲛ ⲛⲓⲣⲱⲙⲓ ⲁⲩϯ ⲛ̀ⲡⲉⲅϩⲏⲧ ⲛⲉⲙ ⲛⲓⲑⲏⲣⲓⲟⲛ ⲡⲉϥⲙⲁⲛϣⲱⲡⲓ ⲛⲉⲙ ⲛⲓⲓⲁⲛ̀ⲧⲱⲟⲩ ⲟⲩⲟϩ ⲛⲁϥⲟⲩⲉⲙ ⲥⲱⲟⲩⲃⲉⲛ ⲛ̀ⲫ̀ⲣⲏϯ ⲛ̀ⲟⲩⲉ̀ϩⲉ ⲁ ⲡⲉϥⲥⲱⲙⲁ ϭⲱϫ ⲉ̀ⲃⲟⲗ ϧⲉⲛ ϯⲓⲱϯ ⲛ̀ⲧⲉ ⲧ̀ⲫⲉ ϣⲁⲧⲉϥⲉ̀ⲙⲓ ϫⲉ ⲫ̀ⲛⲟⲩϯ ⲉⲧϭⲟⲥⲓ ⲉⲧⲟⲓ ⲛ̀ϭⲟⲓⲥ ⲉ̀ϫⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲛⲓⲣⲱⲙⲓ ⲫⲏⲉⲧⲉϩⲛⲁϥ ϣⲁϥⲧⲏⲓⲥ ⲛⲁϥ.	Avċoji ǹsōf èvol xen nirōmi avti ǹpeġhyt nem niθyrion pefmanṡōpi nem niiaǹtōou ouoh nafouem sōouven ǹf̀ryti ǹouèhe a pefsōma ċōg èvol xen tiiōti ǹte t̀fe ṡatefèmi je f̀nouti etċosi etoi ǹċois èjen timetouro ǹte nirōmi fyetehnaf ṡaftyis naf.
5:22	ⲛ̀ⲑⲟⲕ ⲃⲁⲗⲇⲁⲥⲁⲣ ⲡⲉϥϣⲏⲣⲓ ⲙ̀ⲡⲉⲕⲑⲉⲃⲓⲟ ⲙ̀ⲡⲉⲕϩⲏⲧ ⲙ̀ⲡⲉⲙ̀ⲑⲟ ⲙ̀ⲫϯ ⲫⲏⲉⲧⲉⲕⲉ̀ⲙⲓ ⲉ̀ⲣⲟϥ ϫⲉϩⲱⲃ ⲛⲓⲃⲉⲛ ⲛⲟⲩϥ ⲛⲉ .	Ⲛ̀ⲑⲟⲕ ⲃⲁⲗⲇⲁⲥⲁⲣ ⲡⲉϥϣⲏⲣⲓ ⲙ̀ⲡⲉⲕⲑⲉⲃⲓⲟ ⲛ̀ⲡⲉⲕϩⲏⲧ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ ⲫⲏⲉⲧⲉⲕⲉ̀ⲙⲓ ⲉ̀ⲣⲟϥ ϫⲉ ϩⲱⲃ ⲛⲓⲃⲉⲛ ⲛⲟⲩϥ ⲛⲉ.	Ǹθok baldasar pefṡyri m̀pekθevio ǹpek·hyt ǹpem̀θo ǹf̀nouti fyetekèmi èrof je hōb niven nouf ne.
5:23	ⲟⲩⲟϩ ⲁⲕϭⲓⲥⲓ ⲙ̀ⲡⲉⲕϩⲏⲧ ⲉ̀ϫⲉⲛⲡϭ̅ⲥ̅ ⲫϯ ⲛ̀ⲧⲉⲧ̀ⲫⲉ ⲟⲩⲟϩ ⲛⲓⲥ̀ⲕⲉⲩⲟⲥ ⲛ̀ⲧⲉⲡⲉϥⲏⲓ ⲁⲕⲉ̀ⲛⲟⲩ ⲉ̀ϧⲟⲩⲛ ⲙ̀ⲡⲉⲕⲙ̀ⲑⲟ ⲛⲉⲙⲛⲉⲕⲛⲓϣϯ ⲛⲉⲙⲛⲉⲕⲡⲁⲗⲗⲁⲕⲏ ⲛⲉⲙⲛⲉⲕⲡⲁⲣⲁⲕⲟⲓⲧⲱⲛ ⲟⲩⲟϩ ⲁⲣⲉⲧⲉⲛⲥⲉ ⲏⲣⲡ ⲛ̀ϧⲏⲧⲟⲩ ⲟⲩⲟϩ ⲛⲓⲛⲟⲩϯ ⲛ̀ⲛⲟⲩⲃ ⲛⲉⲙⲛⲓϩⲁⲧ ⲛⲉⲙⲛⲓϩⲟⲙⲧ ⲛⲉⲙⲛⲓⲃⲉⲛⲓⲡⲓ ⲛⲉⲙⲛⲓϣⲉ ⲛⲉⲙⲛⲓⲱ̀ⲛⲓ ⲛⲏⲉⲧⲉ ⲙ̀ⲡⲁⲩⲛⲁⲩ ⲉ̀ⲃⲟⲗ ⲟⲩⲇⲉ ⲙ̀ⲡⲁⲩⲥⲱⲧⲉⲙ ⲟⲩⲇⲉ ⲙ̀ⲡⲁⲩⲉ̀ⲙⲓ ⲁⲕϩⲱⲥ ⲉ̀ⲣⲱⲟⲩ ⲟⲩⲟϩ ⲫϯ ⲇⲉ ⲛ̀ⲑⲟϥ ⲉⲧⲉⲡⲉⲕⲛⲓϥⲓ ϧⲉⲛⲛⲉϥϫⲓϫ ⲙ̀ⲡⲉⲕϯⲱ̀ⲟⲩ ⲛⲁϥ .	Ⲟⲩⲟϩ ⲁⲕϭⲓⲥⲓ ⲛ̀ⲡⲉⲕϩⲏⲧ ⲉ̀ϫⲉⲛ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ ⲟⲩⲟϩ ⲛⲓⲥ̀ⲕⲉⲩⲟⲥ ⲛ̀ⲧⲉ ⲡⲉϥⲏⲓ ⲁⲕⲉ̀ⲛⲟⲩ ⲉ̀ϧⲟⲩⲛ ⲛ̀ⲡⲉⲕⲙ̀ⲑⲟ ⲛⲉⲙ ⲛⲉⲕⲛⲓϣϯ ⲛⲉⲙ ⲛⲉⲕⲡⲁⲗⲗⲁⲕⲏ ⲛⲉⲙ ⲛⲉⲕⲡⲁⲣⲁⲕⲟⲓⲧⲱⲛ ⲟⲩⲟϩ ⲁⲣⲉⲧⲉⲛⲥⲉ ⲏⲣⲡ ⲛ̀ϧⲏⲧⲟⲩ ⲟⲩⲟϩ ⲛⲓⲛⲟⲩϯ ⲛ̀ⲛⲟⲩⲃ ⲛⲉⲙ ⲛⲓϩⲁⲧ ⲛⲉⲙ ⲛⲓϩⲟⲙⲧ ⲛⲉⲙ ⲛⲓⲃⲉⲛⲓⲡⲓ ⲛⲉⲙ ⲛⲓϣⲉ ⲛⲉⲙ ⲛⲓⲱ̀ⲛⲓ ⲛⲏⲉ̀ⲧⲉ ⲙ̀ⲡⲁⲩⲛⲁⲩ ⲉ̀ⲃⲟⲗ ⲟⲩⲇⲉ ⲙ̀ⲡⲁⲩⲥⲱⲧⲉⲙ ⲟⲩⲇⲉ ⲙ̀ⲡⲁⲩⲉ̀ⲙⲓ ⲁⲕϩⲱⲥ ⲉ̀ⲣⲱⲟⲩ ⲟⲩⲟϩ ⲫ̀ⲛⲟⲩϯ ⲇⲉ ⲛ̀ⲑⲟϥ ⲉ̀ⲧⲉ ⲡⲉⲕⲛⲓϥⲓ ϧⲉⲛ ⲛⲉϥϫⲓϫ ⲙ̀ⲡⲉⲕϯⲱ̀ⲟⲩ ⲛⲁϥ.	Ouoh akċisi ǹpek·hyt èjen p̀ċois f̀nouti ǹte t̀fe ouoh nis̀kevos ǹte pefyi akènou èxoun ǹpekm̀θo nem nekniṡti nem nekpallaky nem nekparakoitōn ouoh aretense yrp ǹxytou ouoh ninouti ǹnoub nem nihat nem nihomt nem nivenipi nem niṡe nem niṑni nyète m̀pavnav èvol ouḋe m̀pavsōtem ouḋe m̀pavèmi ak·hōs èrōou ouoh f̀nouti ḋe ǹθof ète peknifi xen nefjig m̀pektiṑou naf.
5:24	ⲉⲑⲃⲉⲫⲁⲓ ⲁⲩⲟⲩⲱⲣⲡ ⲉ̀ⲃⲟⲗ ⲙ̀ⲡⲉⲕⲙ̀ⲑⲟ ⲙ̀ⲡⲉϩⲟ ⲛ̀ⲟⲩⲧⲱⲣⲓ ⲛ̀ϫⲓϫ ⲁⲥⲥⲉⲙⲛⲓ ⲛ̀ⲧⲁⲓⲅ̀ⲣⲁⲫⲏ .	Ⲉⲑⲃⲉ ⲫⲁⲓ ⲁⲩⲟⲩⲱⲣⲡ ⲉ̀ⲃⲟⲗ ⲛ̀ⲡⲉⲕⲙ̀ⲑⲟ ⲛ̀ⲡⲉϩⲟ ⲛ̀ⲟⲩⲧⲱⲣⲓ ⲛ̀ϫⲓϫ ⲁⲥⲥⲉⲙⲛⲓ ⲛ̀ⲧⲁⲓ̀ⲅ̀ⲣⲁⲫⲏ.	Eθve fai avouōrp èvol ǹpekm̀θo ǹpeho ǹoutōri ǹjig assemni ǹtaìġ̀rafy.
5:25	ⲟⲩⲟϩ ⲑⲁⲓ ⲧⲉ ϯⲅ̀ⲣⲁⲫⲏ ⲉⲧⲁϥⲥⲉⲙⲛⲏⲧⲥ .	Ⲟⲩⲟϩ ⲑⲁⲓ ⲧⲉ ϯⲅ̀ⲣⲁⲫⲏ ⲉⲧⲁϥⲥⲉⲙⲛⲏⲧⲥ.	Ouoh θai te tiġ̀rafy etafsemnyts.
5:26	ⲙ̅ⲁ̅ⲛ̅ⲏ̅ ⲑ̅ⲉ̅ⲕ̅ⲉ̅ⲗ̅ ⲫ̅ⲁ̅ⲣ̅ⲉ̅ⲥ̅ ⲟⲩⲟϩ ⲫⲁⲓ ⲡⲉ ⲫ̀ⲟⲩⲟϩⲉⲙ ⲙ̀ⲡⲓⲥⲁϫⲓ ⲙ̅ⲁ̅ⲛ̅ⲏ̅ ϫⲉⲁ ⲫϯ ϣⲓ ⲛ̀ⲧⲉⲕⲙⲉⲧⲟⲩⲣⲟ ⲟⲩⲟϩ ⲁϥϫⲉⲕ ⲣⲱⲥ .	Ⲙ̅ⲁ̅ⲛ̅ⲏ̅ ⲑ̅ⲉ̅ⲕ̅ⲉ̅ⲗ̅ ⲫ̅ⲁ̅ⲣ̅ⲉ̅ⲥ̅ ⲟⲩⲟϩ ⲫⲁⲓ ⲡⲉ ⲫ̀ⲟⲩⲟϩⲉⲙ ⲛ̀ⲡⲓⲥⲁϫⲓ ⲙ̅ⲁ̅ⲛ̅ⲏ̅ ϫⲉ ⲁ ⲫ̀ⲛⲟⲩϯ ϣⲓ ⲛ̀ⲧⲉⲕⲙⲉⲧⲟⲩⲣⲟ ⲟⲩⲟϩ ⲁϥϫⲉⲕ ⲣⲱⲥ.	Many θekel fares ouoh fai pe f̀ouohem ǹpisaji many je a f̀nouti ṡi ǹtekmetouro ouoh afjek rōs.
5:27	ⲑ̅ⲉ̅ⲕ̅ⲉ̅ⲗ̅ ϫⲉⲁϥϣⲓⲥ ϧⲉⲛⲟⲩⲙⲁϣⲓ ⲟⲩⲟϩ ⲁϥϫⲉⲙⲥ ⲉⲥϫⲟⲣϩ .	Ⲑ̅ⲉ̅ⲕ̅ⲉ̅ⲗ̅ ϫⲉ ⲁϥϣⲓⲥ ϧⲉⲛ ⲟⲩⲙⲁϣⲓ ⲟⲩⲟϩ ⲁϥϫⲉⲙⲥ ⲉⲥϫⲟⲣϩ.	Ɵekel je afṡis xen oumaṡi ouoh afjems esgorh.
5:28	ⲫⲁ̅ⲣ̅ⲉ̅ⲥ̅ ϫⲉⲁⲥⲫⲱⲣϫ ⲛ̀ϫⲉⲧⲉⲕⲙⲉⲧⲟⲩⲣⲟ ⲟⲩⲟϩ ⲁϥⲧⲏⲓⲥ ⲛ̀ⲛⲓⲙⲏⲧⲟⲥ ⲛⲉⲙⲛⲓⲡⲉⲣⲥⲓⲥ .	Ⲫⲁ̅ⲣ̅ⲉ̅ⲥ̅ ϫⲉ ⲁⲥⲫⲱⲣϫ ⲛ̀ϫⲉ ⲧⲉⲕⲙⲉⲧⲟⲩⲣⲟ ⲟⲩⲟϩ ⲁϥⲧⲏⲓⲥ ⲛ̀ⲛⲓⲙⲏⲧⲟⲥ ⲛⲉⲙ ⲛⲓⲡⲉⲣⲥⲓⲥ.	Fares je asfōrg ǹje tekmetouro ouoh aftyis ǹnimytos nem nipersis.
5:29	ⲟⲩⲟϩ ⲁϥϫⲟⲥ ⲛ̀ϫⲉⲃⲁⲗⲇⲁⲥⲁⲣ ⲁⲩϯ ϩⲓⲇⲁⲛⲓⲏⲗ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲟⲩⲟϩ ⲡⲓⲙⲁⲛⲓⲁ̀ⲕⲓⲥ ⲛ̀ⲛⲟⲩⲃ ⲁⲩⲧⲏⲓϥ ⲛ̀ϧⲏⲧϥ ⲟⲩⲟϩ ⲁⲩϩⲓⲱⲓϣ ⲉⲑⲃⲏⲧϥ ⲉⲑⲣⲉϥϣⲱⲡⲓ ⲉϥⲟⲓ ⲛ̀ⲁⲣⲭⲱⲛ ⲙ̀ⲙⲁϩ ⲅ̅ ϧⲉⲛⲧⲉϥⲙⲉⲧⲟⲩⲣⲟ .	Ⲟⲩⲟϩ ⲁϥϫⲟⲥ ⲛ̀ϫⲉ ⲃⲁⲗⲇⲁⲥⲁⲣ ⲁⲩϯ ϩⲓ ⲇⲁⲛⲓⲏⲗ ⲛ̀ⲟⲩϩ̀ⲃⲱⲥ ⲛ̀ϭⲏϫⲓ ⲟⲩⲟϩ ⲡⲓⲙⲁⲛⲓⲁ̀ⲕⲓⲥ ⲛ̀ⲛⲟⲩⲃ ⲁⲩⲧⲏⲓϥ ⲛ̀ϧⲏⲧϥ ⲟⲩⲟϩ ⲁⲩϩⲓⲱⲓϣ ⲉⲑⲃⲏⲧϥ ⲉ̀ⲑⲣⲉϥϣⲱⲡⲓ ⲉϥⲟⲓ ⲛ̀ⲁⲣⲭⲱⲛ ⲛ̀ⲙⲁϩ 3 ϧⲉⲛ ⲧⲉϥⲙⲉⲧⲟⲩⲣⲟ.	Ouoh afgos ǹje baldasar avti hi daniyl ǹouh̀vōs ǹċyji ouoh pimaniàkis ǹnoub avtyif ǹxytf ouoh avhiōiṡ eθvytf èθrefṡōpi efoi ǹarxōn ǹmah 3 xen tefmetouro.
5:30	ⲛ̀ϩ̀ⲣⲏⲓ ϧⲉⲛⲡⲓⲉ̀ϫⲱⲣϩ ⲉⲧⲉⲙ̀ⲙⲁⲩ ⲁⲩϧⲱⲧⲉⲃ ⲙ̀ⲃⲁⲗⲇⲁⲥⲁⲣ ⲡ̀ⲟⲩⲣⲟ ⲛ̀ⲧⲉⲛⲓⲭⲁⲗⲇⲉⲟⲥ .	Ⲛ̀ϩ̀ⲣⲏⲓ ϧⲉⲛ ⲡⲓⲉ̀ϫⲱⲣϩ ⲉ̀ⲧⲉ ⲙ̀ⲙⲁⲩ ⲁⲩϧⲱⲧⲉⲃ ⲙ̀ⲃⲁⲗⲇⲁⲥⲁⲣ ⲡ̀ⲟⲩⲣⲟ ⲛ̀ⲧⲉ ⲛⲓⲭⲁⲗⲇⲉⲟⲥ.	Ǹh̀ryi xen piègōrh ète m̀mav avxōteb m̀baldasar p̀ouro ǹte nixaldeos.
5:31	ⲟⲩⲟϩ ⲇⲁⲣⲓⲟⲥ ⲡⲓⲙⲏⲧⲟⲥ ⲁϥϭⲓ ⲛ̀ϯⲙⲉⲧⲟⲩⲣⲟ ⲉϥⲭⲏ ϧⲉⲛⲝ̅ⲃ̅ ⲛ̀ⲣⲟⲙⲡⲓ .	Ⲟⲩⲟϩ ⲇⲁⲣⲓⲟⲥ ⲡⲓⲙⲏⲧⲟⲥ ⲁϥϭⲓ ⲛ̀ϯⲙⲉⲧⲟⲩⲣⲟ ⲉϥⲭⲏ ϧⲉⲛ 62 ⲛ̀ⲣⲟⲙⲡⲓ.	Ouoh darios pimytos afċi ǹtimetouro efky xen 62 ǹrompi.

Provenance

title: Daniel 5
dialect: bohairic
source: Coptic SCRIPTORIUM corpus "bohairic.ot", document(s) 27_Daniel_07 [bible_refile @refile:Bible/Old Testament|Daniel|5]
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Daniel 7 from Coptic SCRIPTORIUM (https://copticscriptorium.org), corpus bohairic.ot, document 27_Daniel_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Daniel/05.bohairic.scriptorium.L0.txt
title: Daniel 5 — Cairene
dialect: bohairic
source: generated from 05.bohairic.scriptorium.L0.txt (Coptic SCRIPTORIUM corpus "bohairic.ot", document(s) 27_Daniel_07 [bible_refile @refile:Bible/Old Testament|Daniel|5])
licence: CC BY-SA 4.0
share: attribution
attribution: Daniel 7 from Coptic SCRIPTORIUM (https://copticscriptorium.org), corpus bohairic.ot, document 27_Daniel_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Daniel/05.bohairic.scriptorium.L1.txt
title: Daniel 5 — Kemetic
dialect: bohairic
source: generated from 05.bohairic.scriptorium.L1.txt
licence: CC BY-SA 4.0
share: attribution
attribution: Daniel 7 from Coptic SCRIPTORIUM (https://copticscriptorium.org), corpus bohairic.ot, document 27_Daniel_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Daniel/05.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 10 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 27_Daniel_05 (10 lines)

Cite as:

Daniel 5. Coptic SCRIPTORIUM corpus "bohairic.ot", document(s) 27_Daniel_07 [bible_refile @refile:Bible/Old Testament|Daniel|5]. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/daniel/05.bohairic.scriptorium/. Daniel 7 from Coptic SCRIPTORIUM (https://copticscriptorium.org), corpus bohairic.ot, document 27_Daniel_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.