05_Deuteronomium_07 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_07

Attribution: 05_Deuteronomium_07 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_07, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
7:1	ⲉϣⲱⲡ ⲁϥϣⲁⲛϭⲓⲧⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲉϧⲟⲩⲛ ⲉⲡⲓⲕⲁϩⲓ ⲫⲏ ⲉⲧⲉⲕⲛⲁϣⲉ ⲉϧⲟⲩⲛ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ ⲟⲩⲟϩ ⲛⲧⲉϥϥⲱϯ ⲉⲃⲟⲗ ⲛϩⲁⲛⲛⲓϣϯ ⲛⲉⲑⲛⲟⲥ ⲉⲩⲟϣ ⲟⲩⲟϩ ⲉⲩϫⲟⲣ ⲉⲃⲟⲗ ϧⲁⲧϩⲏ ⲙⲡⲉⲧⲉⲛϩⲟ ⲡⲓⲭⲉⲧⲧⲉⲟⲥ ⲛⲉⲙⲡⲓⲅⲉⲣⲅⲉⲥⲉⲟⲥ ⲛⲉⲙⲡⲓⲁⲙⲟⲣⲣⲉⲟⲥ ⲛⲉⲙⲡⲓⲭⲁⲛⲁⲛⲉⲟⲥ ⲛⲉⲙⲡⲓⲫⲉⲣⲉⲥⲉⲟⲥ ⲛⲉⲙⲡⲓⲉⲩⲥⲉⲟⲥ ⲛⲉⲙⲡⲓⲉⲃⲟⲩⲥⲉⲟⲥ ⲍ̅ ⲛⲉⲑⲛⲟⲥ ⲉⲛⲁϣⲱⲟⲩ ⲟⲩⲟϩ ⲉⲩϫⲟⲣ ⲉϩⲟⲧⲉⲣⲱⲧⲉⲛ	ⲉϣⲱⲡ ⲁϥϣⲁⲛϭⲓⲧⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲫⲏ ⲉ̀ⲧⲉ ⲭ̀ⲛⲁϣⲉ ⲉ̀ϧⲟⲩⲛ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ⲟⲩⲟϩ ⲛ̀ⲧⲉϥϥⲱϯ ⲉ̀ⲃⲟⲗ ⲛ̀ϩⲁⲛⲛⲓϣϯ ⲛ̀ⲉⲑⲛⲟⲥ ⲉⲩⲟϣ ⲟⲩⲟϩ ⲉⲩϫⲟⲣ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲧⲉⲛϩⲟ ⲡⲓⲭⲉⲧⲧⲉⲟⲥ ⲛⲉⲙ ⲡⲓⲅⲉⲣⲅⲉⲥⲉⲟⲥ ⲛⲉⲙ ⲡⲓⲁⲙⲟⲣⲣⲉⲟⲥ ⲛⲉⲙ ⲡⲓⲭⲁⲛⲁⲛⲉⲟⲥ ⲛⲉⲙ ⲡⲓⲫⲉⲣⲉⲥⲉⲟⲥ ⲛⲉⲙ ⲡⲓⲉⲩⲥⲉⲟⲥ ⲛⲉⲙ ⲡⲓⲉⲃⲟⲩⲥⲉⲟⲥ 7 ⲛ̀ⲉⲑⲛⲟⲥ ⲉ̀ⲛⲁϣⲱⲟⲩ ⲟⲩⲟϩ ⲉⲩϫⲟⲣ ⲉ̀ϩⲟⲧⲉⲣⲱⲧⲉⲛ	eṡōp afṡanċitk ǹje p̀ċois peknouti èxoun èpikahi fy ète k̀naṡe èxoun eerklyronomin m̀mof ouoh ǹteffōti èvol ǹhanniṡti ǹeθnos evoṡ ouoh evgor èvol xat̀·hy ǹpetenho piṡetteos nem pigergeseos nem piamorreos nem pikananeos nem pifereseos nem pievseos nem piebouseos 7 ǹeθnos ènaṡōou ouoh evgor èhoterōten	And when the Lord thy God shall bring thee into the land, into which thou goest to possess it, and shall remove great nations from before thee, the Chettite, and Gergesite, and Amorite, and Chananite, and Pherezite, and Evite, and Jebusite, seven nations more numerous and stronger than you,
7:2	ⲟⲩⲟϩ ⲉϥⲉⲧⲏⲓⲧⲟⲩ ⲛϫⲉⲡϭⲟⲓⲥ ⲡⲉⲛⲛⲟⲩϯ ⲉϧⲣⲏⲓ ⲉⲛⲉⲕϫⲓϫ ⲟⲩⲟϩ ⲉⲣⲉⲧⲉⲛⲉϣⲁⲣⲓ ⲉⲣⲱⲟⲩ ϧⲉⲛⲟⲩⲧⲁⲕⲟ ⲉⲣⲉⲧⲉⲛⲉⲧⲁⲕⲱⲟⲩ ⲛⲛⲉⲕⲥⲉⲙⲛⲓ ⲛⲟⲩⲇⲓⲁⲑⲏⲕⲏ ⲛⲉⲙⲱⲟⲩ ⲟⲩⲇⲉ ⲛⲛⲉⲧⲉⲛⲛⲁⲓ ⲛⲱⲟⲩ	ⲟⲩⲟϩ ⲉϥⲉ̀ⲧⲏⲓⲧⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲛⲛⲟⲩϯ ⲉ̀ϧ̀ⲣⲏⲓ ⲉ̀ⲛⲉⲕϫⲓϫ ⲟⲩⲟϩ ⲉ̀ⲣⲉⲧⲉⲛⲉϣⲁⲣⲓ ⲉ̀ⲣⲱⲟⲩ ϧⲉⲛ ⲟⲩⲧⲁⲕⲟ ⲉ̀ⲣⲉⲧⲉⲛⲉⲧⲁⲕⲱⲟⲩ ⲛ̀ⲛⲉⲕⲥⲉⲙⲛⲓ ⲛ̀ⲟⲩⲇⲓⲁⲑⲏⲕⲏ ⲛⲉⲙⲱⲟⲩ ⲟⲩⲇⲉ ⲛⲛⲉⲧⲉⲛ ⲛⲁⲓ ⲛⲱⲟⲩ	ouoh efètyitou ǹje p̀ċois pennouti èx̀ryi ènekjig ouoh èreteneṡari èrōou xen outako èretenetakōou ǹnek·semni ǹouḋiaθyky nemōou ouḋe nneten nai nōou	and the Lord thy God shall deliver them into thy hands, then thou shalt smite them: thou shalt utterly destroy them: thou shalt not make a covenant with them, neither shall ye pity them:
7:3	ⲟⲩⲇⲉ ⲛⲛⲉⲧⲉⲛⲉⲣϣⲟⲙ ⲉⲣⲱⲟⲩ ⲧⲉⲕϣⲏⲣⲓ ⲛⲛⲉⲕⲧⲏⲓⲥ ⲙⲡⲉϥϣⲏⲣⲓ ⲟⲩⲟϩ ⲧⲉϥϣⲉⲣⲓ ⲛⲛⲉⲕϭⲓⲧⲥ ⲙⲡⲉⲕϣⲏⲣⲓ	ⲟⲩⲇⲉ ⲛ̀ⲛⲉⲧⲉⲛⲉⲣϣⲟⲙ ⲉ̀ⲣⲱⲟⲩ ⲧⲉⲕϣⲏⲣⲓ ⲛ̀ⲛⲉⲕⲧⲏⲓⲥ ⲛ̀ⲡⲉϥϣⲏⲣⲓ ⲟⲩⲟϩ ⲧⲉϥϣⲉⲣⲓ ⲛ̀ⲛⲉⲕϭⲓⲧⲥ ⲛ̀ⲡⲉⲕϣⲏⲣⲓ	ouḋe ǹnetenerṡom èrōou tekṡyri ǹnektyis ǹpefṡyri ouoh tefṡeri ǹnekċits ǹpekṡyri	neither shall ye contract marriages with them: thou shalt not give thy daughter to his son, and thou shalt not take his daughter to thy son.
7:4	ⲉⲥⲉⲫⲉⲛϩ ⲡⲉⲕϣⲏⲣⲓ ⲅⲁⲣ ⲉⲃⲟⲗ ϩⲁⲣⲟⲓ ⲉϥⲉϣⲉⲙϣⲓ ⲛϩⲁⲛⲕⲉⲛⲟⲩϯ ⲟⲩⲟϩ ⲉϥⲉϫⲱⲛⲧ ⲛⲉⲙⲃⲟⲛ ⲉⲣⲱⲧⲉⲛ ⲛϫⲉⲡϭⲟⲓⲥ ⲉϥⲉϥⲉⲧ ⲑⲏⲛⲟⲩ ⲉⲃⲟⲗ ⲛⲭⲱⲗⲉⲙ	ⲉⲥⲉⲫⲉⲛϩ ⲡⲉⲕϣⲏⲣⲓ ⲅⲁⲣ ⲉ̀ⲃⲟⲗ ϩⲁⲣⲟⲓ ⲉϥⲉ̀ϣⲉⲙϣⲓ ⲛ̀ϩⲁⲛⲕⲉⲛⲟⲩϯ ⲟⲩⲟϩ ⲉϥⲉ̀ϫⲱⲛⲧ ⲛ̀ⲉⲙ̀ⲃⲟⲛ ⲉⲣⲱⲧⲉⲛ ⲛ̀ϫⲉ ⲡ̀ϭⲟⲓⲥ ⲉϥⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ ⲛ̀ⲭⲱⲗⲉⲙ	esefenh pekṡyri ġar èvol haroi efèṡemṡi ǹhankenouti ouoh efègōnt ǹem̀von erōten ǹje p̀ċois efèfet θynou èvol ǹkōlem	For he will draw away thy son from me, and he will serve other gods; and the Lord will be very angry with you, and will soon utterly destroy thee.
7:5	ⲁⲗⲗⲁ ⲡⲁⲓⲣⲏϯ ⲉⲣⲉⲧⲉⲛⲓⲣⲓ ⲛⲱⲟⲩ ⲛⲟⲩϣⲏⲟⲩⲓ ⲉⲣⲉⲧⲉⲛⲟⲩⲟϫⲡⲟⲩ ⲟⲩⲟϩ ⲛⲟⲩⲥⲧⲩⲗⲏ ⲉⲣⲉⲧⲉⲛϧⲉⲙϧⲱⲙⲟⲩ ⲟⲩⲟϩ ⲛⲟⲩϣϣⲏⲛ ⲉⲣⲉⲧⲉⲛⲕⲟⲣϫⲟⲩ ⲟⲩⲟϩ ⲛⲓⲫⲱⲧϩ ⲛⲧⲉⲛⲟⲩⲛⲟⲩϯ ⲉⲣⲉⲧⲉⲛⲣⲟⲕϩⲟⲩ ϧⲉⲛⲡⲓⲭⲣⲱⲙ	ⲁⲗⲗⲁ ⲡⲁⲓⲣⲏϯ ⲉ̀ⲣⲉⲧⲉⲛⲓ̀ⲣⲓ ⲛⲱⲟⲩ ⲛ̀ⲟⲩϣⲏⲟⲩⲓ ⲉ̀ⲣⲉⲧⲉⲛⲟⲩⲟϫⲡⲟⲩ ⲟⲩⲟϩ ⲛ̀ⲟⲩⲥⲧⲩⲗⲏ ⲉ̀ⲣⲉ ⲧⲉⲛϧⲉⲙϧⲱⲙⲟⲩ ⲟⲩⲟϩ ⲛ̀ⲟⲩϣ̀ϣⲏⲛ ⲉ̀ⲣⲉⲧⲉⲛⲕⲟⲣϫⲟⲩ ⲟⲩⲟϩ ⲛⲓⲫⲱⲧϩ ⲛ̀ⲧⲉ ⲛⲟⲩⲛⲟⲩϯ ⲉ̀ⲣⲉⲧⲉⲛⲣⲟⲕϩⲟⲩ ϧⲉⲛ ⲡⲓⲭ̀ⲣⲱⲙ	alla pairyti èretenìri nōou ǹouṡyoui èretenouogpou ouoh ǹoustily ère tenxemxōmou ouoh ǹouṡ̀ṡyn èretenkorgou ouoh nifōt·h ǹte nounouti èretenrok·hou xen pik̀rōm	But thus shall ye do to them; ye shall destroy their altars, and shall break down their pillars, and shall cut down their groves, and shall burn with fire the graven images of their gods.
7:6	ϫⲉⲛⲑⲟⲕ ⲟⲩⲗⲁⲟⲥ ⲉϥⲟⲩⲁⲃ ⲙⲡϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲛⲑⲟⲕ ⲁϥⲥⲟⲧⲡⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲉⲑⲣⲉⲕϣⲱⲡⲓ ⲛⲁϥ ⲛⲟⲩⲗⲁⲟⲥ ⲉϥⲥⲉⲃⲧⲱⲧ ⲉⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲉⲧϩⲓϫⲉⲛ ⲡϩⲟ ⲙⲡⲓⲕⲁϩⲓ	ϫⲉ ⲛ̀ⲑⲟⲕ ⲟⲩⲗⲁⲟⲥ ⲉϥⲟⲩⲁⲃ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲛ̀ⲑⲟⲕ ⲁϥⲥⲟⲧⲡⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲉ̀ⲑⲣⲉⲕϣⲱⲡⲓ ⲛⲁϥ ⲛ̀ⲟⲩⲗⲁⲟⲥ ⲉϥⲥⲉⲃⲧⲱⲧ ⲉ̀ⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲉⲧϩⲓϫⲉⲛ ⲡ̀ϩⲟ ⲛ̀ⲡⲓⲕⲁϩⲓ	je ǹθok oulaos efouab ǹp̀ċois peknouti ouoh ǹθok afsotpk ǹje p̀ċois peknouti èθrekṡōpi naf ǹoulaos efsevtōt èvol oute nieθnos tyrou et·hijen p̀ho ǹpikahi	For thou art a holy people to the Lord thy God; and the Lord thy God chose thee to be to him a peculiar people beyond all nations that are upon the face of the earth.
7:7	ⲟⲩⲭⲟⲧⲓ ϫⲉⲉⲣⲉⲧⲉⲛⲟϣ ⲙⲙⲏϣ ⲉⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲁ ⲡϭⲟⲓⲥ ⲟⲩⲉϣ ⲑⲏⲛⲟⲩ ⲟⲩⲟϩ ⲁϥⲥⲉⲧⲡ ⲑⲏⲛⲟⲩ ⲛϫⲉⲡϭⲟⲓⲥ ⲫⲛⲟⲩϯ ⲛⲑⲱⲧⲉⲛ ⲅⲁⲣ ⲧⲉⲧⲉⲛⲉⲣⲕⲟⲩϫⲓ ⲉⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ	ⲟⲩⲭⲟⲧⲓ ϫⲉ ⲉ̀ⲣⲉⲧⲉⲛⲟϣ ⲛ̀ⲙⲏϣ ⲉ̀ⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲁ ⲡ̀ϭⲟⲓⲥ ⲟⲩⲉϣ ⲑⲏⲛⲟⲩ ⲟⲩⲟϩ ⲁϥⲥⲉⲧⲡ ⲑⲏⲛⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲑⲱⲧⲉⲛ ⲅⲁⲣ ⲧⲉⲧⲉⲛⲉⲣⲕⲟⲩϫⲓ ⲉ̀ⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ	oukoti je èretenoṡ ǹmyṡ èvol oute nieθnos tyrou a p̀ċois oueṡ θynou ouoh afsetp θynou ǹje p̀ċois f̀nouti ǹθōten ġar tetenerkouji èvol oute nieθnos tyrou	It was not because ye are more numerous than all other nations that the Lord preferred you, and the Lord made choice of you: for ye are fewer in number than all other nations.
7:8	ⲁⲗⲗⲁ ϫⲉⲁϥⲙⲉⲛⲣⲉ ⲑⲏⲛⲟⲩ ⲛϫⲉⲡϭⲟⲓⲥ ⲟⲩⲟϩ ⲁϥⲁⲣⲉϩ ⲉⲡⲓⲁⲛⲁϣ ⲉⲧⲁϥⲱⲣⲕ ⲙⲙⲟϥ ⲛⲛⲉⲧⲉⲛⲓⲟϯ ⲁϥⲉⲛ ⲑⲏⲛⲟⲩ ⲉⲃⲟⲗ ⲛϫⲉⲡϭⲟⲓⲥ ϧⲉⲛⲟⲩϫⲓϫ ⲉⲥⲁⲙⲁϩⲓ ⲛⲉⲙϧⲉⲛⲟⲩϫⲫⲟⲓ ⲉϥϭⲟⲥⲓ ⲁϥⲥⲟⲧⲕ ⲉⲃⲟⲗ ϧⲉⲛⲡⲏⲓ ⲛⲧⲉϯⲙⲉⲧⲃⲱⲕ ⲉⲃⲟⲗ ϧⲉⲛⲧϫⲓϫ ⲙⲫⲁⲣⲁⲱ ⲡⲟⲩⲣⲟ ⲛⲭⲏⲙⲓ	ⲁⲗⲗⲁ ϫⲉ ⲁϥⲙⲉⲛⲣⲉ ⲑⲏⲛⲟⲩ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲁ̀ⲣⲉϩ ⲉ̀ⲡⲓⲁⲛⲁϣ ⲉⲧⲁϥⲱⲣⲕ ⲙ̀ⲙⲟϥ ⲛ̀ⲛⲉⲧⲉⲛⲓⲟϯ ⲁϥⲉⲛ ⲑⲏⲛⲟⲩ ⲉ̀ⲃⲟⲗ ⲛ̀ϫⲉ ⲡ̀ϭⲟⲓⲥ ϧⲉⲛ ⲟⲩϫⲓϫ ⲉⲥⲁⲙⲁϩⲓ ⲛⲉⲙ ϧⲉⲛ ⲟⲩϫ̀ⲫⲟⲓ ⲉϥϭⲟⲥⲓ ⲁϥⲥⲟⲧⲕ ⲉ̀ⲃⲟⲗ ϧⲉⲛ ⲡ̀ⲏⲓ ⲛ̀ⲧⲉ ϯⲙⲉⲧⲃⲱⲕ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ⲫⲁⲣⲁⲱ̀ ⲡ̀ⲟⲩⲣⲟ ⲛ̀ⲭⲏⲙⲓ	alla je afmenre θynou ǹje p̀ċois ouoh afàreh èpianaṡ etafōrk m̀mof ǹnetenioti afen θynou èvol ǹje p̀ċois xen oujig esamahi nem xen oug̀foi efċosi afsotk èvol xen p̀yi ǹte timetvōk èvol xen t̀jig ǹfaraṑ p̀ouro ǹkymi	But because the Lord loved you, and as keeping the oath which he sware to your fathers, the Lord brought you out with a strong hand, and the Lord redeemed thee from the house of bondage, out of the hand of Pharao king of Egypt.
7:9	ⲟⲩⲟϩ ⲉⲕⲉⲉⲙⲓ ϫⲉⲡϭⲟⲓⲥ ⲡⲉⲕⲛⲟⲩϯ ⲫⲁⲓ ⲡⲉ ⲫⲛⲟⲩϯ ⲫⲛⲟⲩϯ ⲡⲓⲡⲓⲥⲧⲟⲥ ⲫⲏ ⲉⲧⲁⲣⲉϩ ⲉⲧⲉϥⲇⲓⲁⲑⲏⲕⲏ ⲛⲉⲙⲡⲉϥⲛⲁⲓ ⲛⲛⲏ ⲉⲧⲉⲣⲁⲅⲁⲡⲁⲛ ⲙⲙⲟϥ ⲛⲉⲙⲛⲏ ⲉⲧⲁⲣⲉϩ ⲉⲛⲉϥⲉⲛⲧⲟⲗⲏ ϣⲁϩⲁⲛϣⲟ ⲛϫⲱⲟⲩ	ⲟⲩⲟϩ ⲉⲕⲉⲉⲙⲓ ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲫⲁⲓ ⲡⲉ ⲫ̀ⲛⲟⲩϯ ⲫ̀ⲛⲟⲩϯ ⲡⲓⲡⲓⲥⲧⲟⲥ ⲫⲏ ⲉⲧⲁ̀ⲣⲉϩ ⲉ̀ⲧⲉϥⲇⲓⲁⲑⲏⲕⲏ ⲛ̀ⲉⲛ ⲡⲉϥⲛⲁⲓ ⲛ̀ⲛⲏ ⲉⲧⲉⲣⲁⲅⲁⲡⲁⲛ ⲙ̀ⲙⲟϥ ⲛⲉⲙ ⲛⲏ ⲉⲧⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ ϣⲁ ϩⲁⲛϣⲟ ⲛ̀ϫⲱⲟⲩ	ouoh ekeemi je p̀ċois peknouti fai pe f̀nouti f̀nouti pipistos fy etàreh ètefḋiaθyky ǹen pefnai ǹny eteraġapan m̀mof nem ny etàreh ènefentoly ṡa hanṡo ǹgōou	Thou shalt know therefore, that the Lord thy God, he is God, a faithful God, who keeps covenant and mercy for them that love him, and for those that keep his commandments to a thousand generations,
7:10	ⲟⲩⲟϩ ⲉϥϯϣⲉⲃⲓⲱ ⲛⲛⲏ ⲉⲑⲙⲟⲥϯ ⲙⲙⲟϥ ⲉϥⲉϯϣⲉⲃⲓⲱ ⲛⲱⲟⲩ ⲕⲁⲧⲁⲡⲟⲩϩⲟ	ⲟⲩⲟϩ ⲉϥϯϣⲉⲃⲓⲱ ⲛ̀ⲛⲏ ⲉⲑⲙⲟⲥϯ ⲙ̀ⲙⲟϥ ⲉϥⲉ̀ϯϣⲉⲃⲓⲱ ⲛⲱⲟⲩ ⲕⲁⲧⲁ ⲡⲟⲩϩⲟ	ouoh eftiṡeviō ǹny eθmosti m̀mof efètiṡeviō nōou kata pouho	and who recompenses them that hate him to their face, to destroy them utterly; and will not be slack with them that hate him: he will recompense them to their face.
7:11	ⲟⲩⲟϩ ⲉⲕⲉⲁⲣⲉϩ ⲉⲛⲉϥⲉⲛⲧⲟⲗⲏ ⲛⲉⲙⲛⲉϥⲙⲉⲑⲙⲏⲓ ⲛⲉⲙⲛⲉϥϩⲁⲡ ⲛⲏ ⲁⲛⲟⲕ ⲉϯϩⲟⲛϩⲉⲛ ⲙⲙⲱⲟⲩ ⲉⲧⲟⲧⲕ ⲙⲫⲟⲟⲩ ⲉⲁⲓⲧⲟⲩ	ⲟⲩⲟϩ ⲉⲕⲉⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ ⲛⲉⲙ ⲛⲉϥⲙⲉⲑⲙⲏⲓ ⲛⲉⲙ ⲛⲉϥϩⲁⲡ ⲛⲏ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲱⲟⲩ ⲉⲧⲟⲧⲕ ⲛ̀ⲫⲟⲟⲩ ⲉⲁⲓⲧⲟⲩ	ouoh ekeàreh ènefentoly nem nefmeθmyi nem nefhap ny anok eihonhen m̀mōou etotk ǹfoou eaitou	Thou shalt keep therefore the commands, and the ordinances, and these judgments, which I command thee this day to do.
7:12	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲥⲱⲧⲉⲙ ⲉⲛⲁⲓⲙⲉⲑⲙⲏⲓ ⲟⲩⲟϩ ⲛⲧⲉⲧⲉⲛⲁⲣⲉϩ ⲉⲣⲱⲟⲩ ⲟⲩⲟϩ ⲛⲧⲉⲧⲉⲛⲁⲓⲧⲟⲩ ⲉⲣⲉⲡϭⲟⲓⲥ ⲡⲉⲕⲛⲟⲩϯ ⲁⲣⲉϩ ⲉϯⲇⲓⲁⲑⲏⲕⲏ ⲛⲁⲕ ⲛⲉⲙⲡⲓⲛⲁⲓ ⲕⲁⲧⲁⲫⲣⲏϯ ⲉⲧⲁϥⲱⲣⲕ ⲛⲛⲉⲕⲓⲟϯ	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲥⲱⲧⲉⲙ ⲉ̀ⲛⲁⲓⲙⲉⲑⲙⲏⲓ ⲟⲩⲟϩ ⲛ̀ⲧⲉⲧⲉⲛⲁ̀ⲣⲉϩ ⲉ̀ⲣⲱⲟⲩ ⲟⲩⲟϩ ⲛ̀ⲧⲉⲧⲉⲛⲁⲓⲧⲟⲩ ⲉ̀ⲣⲉ ⲡ̀ϭⲟⲓⲥ ⲡⲉⲕⲛⲟⲩϯ ⲁ̀ⲣⲉϩ ⲉ̀ϯⲇⲓⲁⲑⲏⲕⲏ ⲛⲁⲕ ⲛ̀ⲉⲛⲡⲓⲛⲁⲓ ⲕⲁⲧⲁ ⲫ̀ⲣⲏϯ ⲉⲧⲁϥⲱⲣⲕ ⲛ̀ⲛⲉⲕⲓⲟϯ	ouoh eseṡōpi aretenṡansōtem ènaimeθmyi ouoh ǹtetenàreh èrōou ouoh ǹtetenaitou ère p̀ċois peknouti àreh ètiḋiaθyky nak ǹenpinai kata f̀ryti etafōrk ǹnekioti	And it shall come to pass when ye shall have heard these ordinances, and shall have kept and done them, that the Lord thy God shall keep for thee the covenant and the mercy, which he sware to your fathers.
7:13	ⲟⲩⲟϩ ⲉϥⲉⲙⲉⲛⲣⲓⲧⲕ ⲟⲩⲟϩ ⲉϥⲉⲥⲙⲟⲩ ⲉⲣⲟⲕ ⲉϥⲉⲑⲣⲉⲕⲁϣⲁⲓ ⲟⲩⲟϩ ⲉϥⲉⲥⲙⲟⲩ ⲉⲛⲓⲙⲓⲥⲓ ⲛⲧⲉⲧⲉⲕⲛⲉϫⲓ ⲛⲉⲙⲡⲓⲟⲩⲧⲁϩ ⲛⲧⲉⲡⲉⲕⲕⲁϩⲓ ⲡⲉⲕⲥⲟⲩⲟ ⲛⲉⲙⲡⲉⲕⲏⲣⲡ ⲛⲉⲙⲡⲉⲕⲛⲉϩ ⲛⲓⲟϩⲓ ⲛⲧⲉⲛⲉⲕⲉⲥⲱⲟⲩ ⲛⲉⲙⲛⲓⲟϩⲓ ⲛⲧⲉⲛⲉⲕⲉϩⲱⲟⲩ ϩⲓϫⲉⲛⲡⲓⲕⲁϩⲓ ⲫⲏ ⲉⲧⲁϥⲱⲣⲕ ⲙⲙⲟϥ ⲛϫⲉⲡϭⲟⲓⲥ ⲛⲛⲉⲕⲓⲟϯ ⲉⲧⲏⲓϥ ⲛⲁⲕ	ⲟⲩⲟϩ ⲉϥⲉ̀ⲙⲉⲛⲣⲓⲧⲕ ⲟⲩⲟϩ ⲉϥⲉ̀ⲥ̀ⲙⲟⲩ ⲉ̀ⲣⲟⲕ ⲉϥⲉ̀ⲑⲣⲉⲕⲁϣⲁⲓ ⲟⲩⲟϩ ⲉϥⲉ̀ⲥ̀ⲙⲟⲩ ⲉ̀ⲛⲓⲙⲓⲥⲓ ⲛ̀ⲧⲉ ⲧⲉⲕⲛⲉϫⲓ ⲛⲉⲙ ⲡⲓⲟⲩⲧⲁϩ ⲛ̀ⲧⲉ ⲡⲉⲕⲕⲁϩⲓ ⲡⲉⲕⲥⲟⲩⲟ̀ ⲛⲉⲙ ⲡⲉⲕⲏⲣⲡ ⲛⲉⲙ ⲡⲉⲕⲛⲉϩ ⲛ̀ⲓⲟϩⲓ ⲛ̀ⲧⲉ ⲛⲉⲕⲉ̀ⲥⲱⲟⲩ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉϩⲱⲟⲩ ϩⲓϫⲉⲛ ⲡⲓⲕⲁϩⲓ ⲫⲏ ⲉⲧⲁϥⲱⲣⲕ ⲙ̀ⲙⲟϥ ⲛ̀ϫⲉ ⲡ̀ϭⲟⲓⲥ ⲛ̀ⲛⲉⲕⲓⲟϯ ⲉ̀ⲧⲏⲓϥ ⲛⲁⲕ	ouoh efèmenritk ouoh efès̀mou èrok efèθrekaṡai ouoh efès̀mou ènimisi ǹte tekneji nem pioutah ǹte pekkahi pek·souò nem pekyrp nem pekneh ǹiohi ǹte nekèsōou nem niohi ǹte nekehōou hijen pikahi fy etafōrk m̀mof ǹje p̀ċois ǹnekioti ètyif nak	And he will love thee, and bless thee, and multiply thee; and he will bless the off-spring of thy body, and the fruit of thy land, thy corn, and thy wine, and thine oil, the herds of thine oxen, and the flocks of thy sheep, on the land which the Lord sware to thy fathers to give to thee.
7:14	ⲉⲕⲉϣⲱⲡⲓ ⲉⲕⲥⲙⲁⲣⲱⲟⲩⲧ ⲉⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲛⲛⲉ ⲁⲧϫⲣⲟϫ ⲥⲱⲡⲓ ϧⲉⲛⲑⲏⲛⲟⲩ ⲟⲩⲇⲉ ⲁⲧϭⲣⲏⲛ ⲟⲩⲇⲉ ϧⲉⲛⲛⲉⲧⲉⲛⲧⲉⲃⲛⲱⲟⲩⲓ	ⲉⲕⲉ̀ϣⲱⲡⲓ ⲉⲕⲥ̀ⲙⲁⲣⲱⲟⲩⲧ ⲉ̀ⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲛ̀ⲛⲉ ⲁⲧ̀ϫ̀ⲣⲟϫ ⲥⲱⲡⲓ ϧⲉⲛ ⲑⲏⲛⲟⲩ ⲟⲩⲇⲉ ⲁⲧϭⲣⲏⲛ ⲟⲩⲇⲉ ϧⲉⲛ ⲛⲉⲧⲉⲛⲧⲉⲃⲛⲱⲟⲩⲓ̀	ekèṡōpi ek·s̀marōout èvol oute nieθnos tyrou ǹne at̀g̀rog sōpi xen θynou ouḋe atċryn ouḋe xen netentevnōouì	Thou shalt be blessed beyond all nations; there shall not be among you an impotent or barren one, or among thy cattle.
7:15	ⲉϥⲉⲱⲗⲓ ⲛϫⲉⲡϭⲟⲓⲥ ⲫⲛⲟⲩϯ ⲉⲃⲟⲗ ϩⲁⲣⲟⲕ ⲛⲗⲁϫⲗⲉϫ ⲛⲓⲃⲉⲛ ⲛⲉⲙϣⲱⲛⲓ ⲛⲓⲃⲉⲛ ⲛⲧⲉⲭⲏⲙⲓ ⲛⲏ ⲉⲧϩⲱⲟⲩ ⲛⲏ ⲉⲧⲁⲕⲛⲁⲩ ⲉⲣⲱⲟⲩ ⲛⲉⲙⲛⲏ ⲉⲧⲁⲕⲥⲱⲟⲩⲛⲟⲩ ⲛⲛⲉϥⲉⲛⲟⲩ ⲉϩⲣⲏⲓ ⲉϫⲱⲕ ⲁⲗⲗⲁ ⲉϥⲉⲉⲛⲟⲩ ⲉϩⲣⲏⲓ ⲉϫⲉⲛⲛⲉⲕϫⲁϫⲓ ⲧⲏⲣⲟⲩ ⲛⲉⲙⲉϫⲉⲛⲛⲏ ⲧⲏⲣⲟⲩ ⲉⲧⲙⲟⲥϯ ⲙⲙⲟⲕ	ⲉϥⲉ̀ⲱ̀ⲗⲓ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲉ̀ⲃⲟⲗ ϩⲁⲣⲟⲕ ⲛ̀ⲗⲁϫⲗⲉϫ ⲛⲓⲃⲉⲛ ⲛⲉⲙ ϣⲱⲛⲓ ⲛⲓⲃⲉⲛ ⲛ̀ⲧⲉ ⲭⲏⲙⲓ ⲛⲏ ⲉⲧϩⲱⲟⲩ ⲛⲏ ⲉⲧⲁⲭⲛⲁⲩ ⲉ̀ⲣⲱⲟⲩ ⲛⲉⲙ ⲛⲏ ⲉⲧⲁⲕⲥⲱⲟⲩⲛⲟⲩ ⲛ̀ⲛⲉϥⲉⲛⲟⲩ ⲉ̀ϩ̀ⲣⲏⲓ ⲉ̀ϫⲱⲕ ⲁⲗⲗⲁ ⲉϥⲉ̀ⲉⲛⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲛⲉⲕϫⲁϫⲓ ⲧⲏⲣⲟⲩ ⲛⲉⲙ ⲉ̀ϫⲉⲛ ⲛⲏ ⲧⲏⲣⲟⲩ ⲉⲧⲙⲟⲥϯ ⲙ̀ⲙⲟⲕ	efèṑli ǹje p̀ċois f̀nouti èvol harok ǹlagleg niven nem ṡōni niven ǹte kymi ny et·hōou ny etaknav èrōou nem ny etak·sōounou ǹnefenou èh̀ryi ègōk alla efèenou èh̀ryi èjen nekgaji tyrou nem èjen ny tyrou etmosti m̀mok	And the Lord thy God shall remove from thee all sickness; and none of the evil diseases of Egypt, which thou hast seen, and all that thou hast known, will he lay upon thee; but he will lay them upon all that hate thee.
7:16	ⲟⲩⲟϩ ⲉⲕⲉⲟⲩⲱⲙ ⲛⲛⲓϣⲱⲗ ⲧⲏⲣⲟⲩ ⲛⲧⲉⲛⲓⲉⲑⲛⲟⲥ ⲛⲏ ⲉⲧⲉⲡϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓⲧⲟⲩ ⲛⲁⲕ ⲛⲛⲉ ⲡⲉⲕⲃⲁⲗ ϯⲁⲥⲟ ⲉⲣⲱⲟⲩ ⲟⲩⲇⲉ ⲛⲛⲉⲕϣⲉⲙϣⲓ ⲛⲛⲟⲩⲛⲟⲩϯ ϫⲉⲫⲁⲓ ⲟⲩϭⲣⲟⲡ ⲛⲁⲕ ⲡⲉ	ⲟⲩⲟϩ ⲉⲕⲉⲟⲩⲱⲙ ⲛ̀ⲛⲓϣⲱⲗ ⲧⲏⲣⲟⲩ ⲛ̀ⲧⲉ ⲛⲓⲉⲑⲛⲟⲥ ⲛⲏ ⲉ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓⲧⲟⲩ ⲛⲁⲕ ⲛ̀ⲛⲉ ⲡⲉⲕⲃⲁⲗ ϯⲁⲥⲟ ⲉ̀ⲣⲱⲟⲩ ⲟⲩⲇⲉ ⲛ̀ⲛⲉⲕϣⲉⲙϣⲓ ⲛ̀ⲛⲟⲩⲛⲟⲩϯ ϫⲉ ⲫⲁⲓ ⲟⲩϭⲣⲟⲡ ⲛⲁⲕ ⲡⲉ	ouoh ekeouōm ǹniṡōl tyrou ǹte nieθnos ny ète p̀ċois peknouti natyitou nak ǹne pekval tiaso èrōou ouḋe ǹnekṡemṡi ǹnounouti je fai ouċrop nak pe	And thou shalt eat all the spoils of the nations which the Lord thy God gives thee; thine eye shall not spare them, and thou shalt not serve their gods; for this is an offence to thee.
7:17	ⲉϣⲱⲡ ⲇⲉ ⲁⲕϣⲁⲛϫⲟⲥ ϧⲉⲛⲡⲉⲕϩⲏⲧ ϫⲉϥⲟϣ ⲛϫⲉⲡⲁⲓϣⲗⲟⲗ ⲉϩⲟⲧⲉⲣⲟⲓ ⲡⲱⲥ ϯⲛⲁϣϫⲉⲙϫⲟⲙ ⲛϥⲟⲧⲟⲩ ⲉⲃⲟⲗ	ⲉϣⲱⲡ ⲇⲉ ⲁⲕϣⲁⲛϫⲟⲥ ϧⲉⲛ ⲡⲉⲕϩⲏⲧ ϫⲉ ϥ̀ⲟϣ ⲛ̀ϫⲉ ⲡⲁⲓϣ̀ⲗⲟⲗ ⲉϩⲟⲧⲉⲣⲟⲓ ⲡⲱⲥ ϯⲛⲁϣϫⲉⲙϫⲟⲙ ⲛ̀ϥⲟⲧⲟⲩ ⲉ̀ⲃⲟⲗ	eṡōp ḋe akṡangos xen pek·hyt je f̀oṡ ǹje paiṡ̀lol ehoteroi pōs tinaṡjemgom ǹfotou èvol	But if thou shouldest say in thine heart, This nation is greater than I, how shall I be able to destroy them utterly?
7:18	ⲛⲛⲉⲕⲉⲣϩⲟϯ ϧⲁⲧⲟⲩϩⲏ ϧⲉⲛⲟⲩⲙⲉⲩⲓ ⲉⲕⲉⲉⲣⲫⲙⲉⲩⲓ ⲛⲛⲏ ⲉⲧⲁϥⲁⲓⲧⲟⲩ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲙⲫⲁⲣⲁⲱ ⲛⲉⲙⲛⲓⲣⲉⲙⲛⲭⲏⲙⲓ ⲧⲏⲣⲟⲩ	ⲛ̀ⲛⲉⲕⲉⲣϩⲟϯ ϧⲁ ⲧⲟⲩϩⲏ ϧⲉⲛ ⲟⲩⲙⲉⲩⲓ ⲉⲕⲉⲉⲣⲫⲙⲉⲩⲓ ⲛ̀ⲛⲏ ⲉ̀ⲧⲁϥⲁⲓⲧⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲫⲁⲣⲁⲱ̀ ⲛⲉⲙ ⲛⲓⲣⲉⲙⲛⲭⲏⲙⲓ ⲧⲏⲣⲟⲩ	ǹnekerhoti xa touhy xen oumevi ekeerfmevi ǹny ètafaitou ǹje p̀ċois peknouti ǹfaraṑ nem niremnkymi tyrou	thou shalt not fear them; thou shalt surely remember all that the Lord thy God did to Pharao and to all the Egyptians:
7:19	ⲛⲓⲛⲓϣϯ ⲙⲡⲓⲣⲁⲥⲙⲟⲥ ⲛⲏ ⲉⲧⲁⲩⲛⲁⲩ ⲉⲣⲱⲟⲩ ⲛϫⲉⲛⲉⲕⲃⲁⲗ ⲛⲉⲙⲛⲓⲙⲏⲓⲛⲓ ⲛⲉⲙⲛⲓϣⲫⲏⲣⲓ ⲉⲑⲛⲁⲁϯ ⲉⲧⲉⲙⲙⲁⲩ ϯϫⲓϫ ⲉⲥⲁⲙⲁϩⲓ ⲛⲉⲙⲡⲓϫⲫⲟⲓ ⲉⲧϭⲟⲥⲓ ⲙⲫⲣⲏϯ ⲉⲧⲁϥⲉⲛⲕ ⲉⲃⲟⲗ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲡⲁⲓⲣⲏϯ ⲉϥⲉⲓⲣⲓ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲛⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲉⲕⲉⲣϩⲟϯ ϧⲁⲧⲟⲩϩⲏ	ⲛⲓⲛⲓϣϯ ⲛ̀ⲡⲓⲣⲁⲥⲙⲟⲥ ⲛⲏ ⲉ̀ⲧⲁⲩⲛⲁⲩ ⲉ̀ⲣⲱⲟⲩ ⲛ̀ϫⲉ ⲛⲉⲕⲃⲁⲗ ⲛⲉⲙ ⲛⲓⲙⲏⲓⲛⲓ ⲛⲉⲙ ⲛⲓϣ̀ⲫⲏⲣⲓ ⲉⲑⲛⲁⲁϯ ⲉ̀ⲧⲉ ⲙ̀ⲙⲁⲩ ϯϫⲓϫ ⲉⲥⲁⲙⲁϩⲓ ⲛⲉⲙ ⲡⲓϫ̀ⲫⲟⲓ ⲉⲧϭⲟⲥⲓ ⲛ̀ⲫ̀ⲣⲏϯ ⲉⲧⲁϥⲉⲛⲕ ⲉ̀ⲃⲟⲗ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲡⲁⲓⲣⲏϯ ⲉϥⲉ̀ⲓ̀ⲣⲓ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲉⲕⲉⲣϩⲟϯ ϧⲁ ⲧⲟⲩϩⲏ	niniṡti ǹpirasmos ny ètavnav èrōou ǹje nekval nem nimyini nem niṡ̀fyri eθnaati ète m̀mav tijig esamahi nem pig̀foi etċosi ǹf̀ryti etafenk èvol ǹje p̀ċois peknouti pairyti efèìri ǹje p̀ċois peknouti ǹnieθnos tyrou ny etekerhoti xa touhy	the great temptations which thine eyes have seen, those signs and great wonders, the strong hand, and the high arm; how the Lord thy God brought thee forth: so the Lord your God will do to all the nations, whom thou fearest in their presence.
7:20	ⲟⲩⲟϩ ⲉⲣⲉⲡϭⲟⲓⲥ ⲡⲉⲕⲛⲟⲩϯ ⲟⲩⲱⲣⲡ ⲛⲛⲓⲁϥ ⲙⲃⲓⲟⲩ ⲉϧⲟⲩⲛ ⲉⲣⲱⲟⲩ ϣⲁⲧⲟⲩϥⲱϯ ⲉⲃⲟⲗ ⲛϫⲉⲛⲏ ⲉⲧⲁⲩⲥⲱϫⲡ ⲛⲉⲙⲛⲏ ⲉⲧϩⲏⲡ ⲥⲁⲃⲟⲗ ⲙⲙⲟⲕ	ⲟⲩⲟϩ ⲉ̀ⲣⲉ ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲱⲣⲡ ⲛ̀ⲛⲓⲁϥ ⲛ̀ⲃⲓⲟⲩ ⲉ̀ϧⲟⲩⲛ ⲉ̀ⲣⲱⲟⲩ ϣⲁⲧⲟⲩϥⲱϯ ⲉ̀ⲃⲟⲗ ⲛ̀ϫⲉ ⲛⲏ ⲉⲧⲁⲩⲥⲱϫⲡ ⲛⲉⲙ ⲛⲏ ⲉⲧϩⲏⲡ ⲥⲁⲃⲟⲗ ⲙ̀ⲙⲟⲕ	ouoh ère p̀ċois peknouti ouōrp ǹniaf ǹviou èxoun èrōou ṡatoufōti èvol ǹje ny etavsōgp nem ny et·hyp savol m̀mok	And the Lord thy God shall send against them the hornets, until they that are left and they that are hidden from thee be utterly destroyed.
7:21	ⲛⲛⲉⲕⲉⲣϩⲟϯ ϧⲁⲧϩⲏ ⲙⲡⲟⲩϩⲟ ϫⲉⲡϭⲟⲓⲥ ⲡⲉⲕⲛⲟⲩϯ ⲛϧⲏⲧⲕ ⲫⲛⲟⲩϯ ⲡⲓⲛⲓϣϯ ⲟⲩⲟϩ ⲉⲧⲁⲙⲁϩⲓ	ⲛ̀ⲛⲉⲕⲉⲣϩⲟϯ ϧⲁⲧ̀ϩⲏ ⲛ̀ⲡ̀ⲟⲩϩⲟ ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ϧⲏⲧⲕ ⲫ̀ⲛⲟⲩϯ ⲡⲓⲛⲓϣϯ ⲟⲩⲟϩ ⲉ̀ⲧⲁⲙⲁϩⲓ	ǹnekerhoti xat̀·hy ǹp̀ouho je p̀ċois peknouti ǹxytk f̀nouti piniṡti ouoh ètamahi	Thou shalt not be wounded before them, because the Lord thy God in the midst of thee is a great and powerful God.
7:22	ⲟⲩⲟϩ ⲉⲣⲉⲡϭⲟⲓⲥ ⲡⲉⲕⲛⲟⲩϯ ⲙⲟⲩⲛⲕ ⲛⲛⲁⲓⲉⲑⲛⲟⲥ ⲉⲃⲟⲗ ϧⲁⲧϩⲏ ⲙⲡⲉⲕϩⲟ ⲕⲁⲧⲁⲕⲟⲩϫⲓ ⲕⲟⲩϫⲓ ⲛⲛⲉⲕϣϫⲉⲙϫⲟⲙ ⲛⲧⲁⲕⲱⲟⲩ ⲛⲭⲱⲗⲉⲙ ϩⲓⲛⲁ ⲛⲧⲉϣⲧⲉⲙ ⲡⲓⲕⲁϩⲓ ⲉⲣϣⲁϥⲉ ⲛⲧⲟⲩⲁϣⲁⲓ ⲉϧⲣⲏⲓ ⲉϫⲱⲕ ⲛϫⲉⲛⲓⲑⲏⲣⲓⲟⲛ ⲛⲁⲅⲣⲓⲟⲛ	ⲟⲩⲟϩ ⲉ̀ⲣⲉ ⲡ̀ϭⲟⲓⲥ ⲡⲉⲕⲛⲟⲩϯ ⲙⲟⲩⲛⲕ ⲛ̀ⲛⲁⲓⲉⲑⲛⲟⲥ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ ⲕⲁⲧⲁ ⲕⲟⲩϫⲓ ⲕⲟⲩϫⲓ ⲛ̀ⲛⲉⲕϣϫⲉⲙϫⲟⲙ ⲛ̀ⲧⲁⲕⲱⲟⲩ ⲛ̀ⲭⲱⲗⲉⲙ ϩⲓⲛⲁ ⲛ̀ⲧⲉϣ̀ⲧⲉⲙ ⲡⲓⲕⲁϩⲓ ⲉⲣϣⲁϥⲉ ⲛ̀ⲧⲟⲩⲁ̀ϣⲁⲓ ⲉ̀ϧ̀ⲣⲏⲓ ⲉ̀ϫⲱⲕ ⲛ̀ϫⲉ ⲛⲓⲑⲏⲣⲓⲟⲛ ⲛ̀ⲁⲅⲣⲓⲟⲛ	ouoh ère p̀ċois peknouti mounk ǹnaieθnos èvol xat̀·hy ǹpek·ho kata kouji kouji ǹnekṡjemgom ǹtakōou ǹkōlem hina ǹteṡ̀tem pikahi erṡafe ǹtouàṡai èx̀ryi ègōk ǹje niθyrion ǹaġrion	And the Lord thy God shall consume these nations before thee by little and little: thou shalt not be able to consume them speedily, lest the land become desert, and the wild beasts of the field be multiplied against thee.
7:23	ⲉϥⲉⲧⲏⲓⲧⲟⲩ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲉϧⲣⲏⲓ ⲉⲛⲉⲕϫⲓϫ ⲟⲩⲟϩ ⲉⲕⲉⲧⲁⲕⲱⲟⲩ ϧⲉⲛⲟⲩⲛⲓϣϯ ⲛⲧⲁⲕⲟ ϣⲁⲧⲉⲕϥⲟⲧⲟⲩ ⲉⲃⲟⲗ	ⲉϥⲉ̀ⲧⲏⲓⲧⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲉ̀ϧ̀ⲣⲏⲓ ⲉ̀ⲛⲉⲕϫⲓϫ ⲟⲩⲟϩ ⲉⲕⲉ̀ⲧⲁⲕⲱⲟⲩ ϧⲉⲛ ⲟⲩⲛⲓϣϯ ⲛ̀ⲧⲁⲕⲟ ϣⲁⲧⲉⲕϥⲟⲧⲟⲩ ⲉ̀ⲃⲟⲗ	efètyitou ǹje p̀ċois peknouti èx̀ryi ènekjig ouoh ekètakōou xen ouniṡti ǹtako ṡatekfotou èvol	And the Lord thy God shall deliver them into thy hands, and thou shalt destroy them with a great destruction, until ye shall have utterly destroyed them.
7:24	ⲟⲩⲟϩ ⲉϥⲉϯ ⲛⲛⲟⲩⲟⲩⲣⲱⲟⲩ ⲉϧⲣⲏⲓ ⲉⲛⲉⲧⲉⲛϫⲓϫ ⲟⲩⲟϩ ⲉⲣⲉⲧⲉⲛⲧⲁⲕⲉ ⲡⲟⲩⲣⲁⲛ ⲉⲃⲟⲗ ϧⲉⲛⲡⲓⲙⲁ ⲉⲧⲉⲙⲙⲁⲩ ⲛⲛⲉ ϩⲗⲓ ϯ ⲉϧⲟⲩⲛ ⲉϩⲣⲁⲕ ϣⲁⲧⲉⲕϥⲟⲧⲟⲩ ⲉⲃⲟⲗ	ⲟⲩⲟϩ ⲉϥⲉ̀ϯ ⲛ̀ⲛⲟⲩⲟⲩⲣⲱⲟⲩ ⲉ̀ϧ̀ⲣⲏⲓ ⲉ̀ⲛⲉⲧⲉⲛϫⲓϫ ⲟⲩⲟϩ ⲉ̀ⲣⲉⲧⲉⲛⲧⲁⲕⲉ ⲡⲟⲩⲣⲁⲛ ⲉ̀ⲃⲟⲗ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲛ̀ⲛⲉ ϩ̀ⲗⲓ ϯ ⲉ̀ϧⲟⲩⲛ ⲉ̀ϩ̀ⲣⲁⲕ ϣⲁⲧⲉⲕϥⲟⲧⲟⲩ ⲉ̀ⲃⲟⲗ	ouoh efèti ǹnouourōou èx̀ryi ènetenjig ouoh èretentake pouran èvol xen pima ète m̀mav ǹne h̀li ti èxoun èh̀rak ṡatekfotou èvol	And he shall deliver their kings into your hands, and ye shall destroy their name from that place; none shall stand up in opposition before thee, until thou shalt have utterly destroyed them.
7:25	ⲛⲓⲫⲟⲧϩ ⲛⲛⲟⲩⲛⲟⲩϯ ⲛⲧⲉⲧⲉⲛⲣⲟⲕϩⲟⲩ ϧⲉⲛⲡⲓⲭⲣⲱⲙ ⲛⲛⲉⲕⲉⲣⲉⲡⲓⲑⲩⲙⲓⲛ ⲉϩⲁⲧ ⲟⲩⲇⲉ ⲛⲟⲩⲃ ⲉⲃⲟⲗ ⲛϧⲏⲧⲟⲩ ⲛⲛⲉⲕϭⲓ ⲛⲁⲕ ⲉⲃⲟⲗ ⲙⲙⲱⲟⲩ ⲙⲏⲡⲱⲥ ⲛⲧⲉⲕϩⲉⲓ ⲉⲑⲃⲏⲧⲟⲩ ϫⲉⲟⲩⲱⲣⲉⲃ ⲡⲉ ⲙⲡϭⲟⲓⲥ ⲡⲉⲕⲛⲟⲩϯ	ⲛⲓⲫⲟⲧϩ ⲛ̀ⲛⲟⲩⲛⲟⲩϯ ⲛ̀ⲧⲉⲧⲉⲛⲣⲟⲕϩⲟⲩ ϧⲉⲛ ⲡⲓⲭ̀ⲣⲱⲙ ⲛ̀ⲛⲉⲕⲉⲣⲉⲡⲓⲑⲩⲙⲓⲛ ⲉ̀ϩⲁⲧ ⲟⲩⲇⲉ ⲛⲟⲩⲃ ⲉ̀ⲃⲟⲗ ⲛ̀ϧⲏⲧⲟⲩ ⲛ̀ⲛⲉⲕϭⲓ ⲛⲁⲕ ⲉ̀ⲃⲟⲗ ⲙ̀ⲙⲱⲟⲩ ⲙⲏⲡⲱⲥ ⲛ̀ⲧⲉⲕϩⲉⲓ ⲉⲑⲃⲏⲧⲟⲩ ϫⲉ ⲟⲩⲱⲣⲉⲃ ⲡⲉ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ	nifot·h ǹnounouti ǹtetenrok·hou xen pik̀rōm ǹnekerepiθimin èhat ouḋe noub èvol ǹxytou ǹnekċi nak èvol m̀mōou mypōs ǹtek·hei eθvytou je ouōreb pe ǹp̀ċois peknouti	Ye shall burn with fire the graven images of their gods: thou shalt not covet their silver, neither shalt thou take to thyself gold from them, lest thou shouldest offend thereby, because it is an abomination to the Lord thy God.
7:26	ⲟⲩⲟϩ ⲛⲛⲉⲕϭⲓ ⲛⲟⲩⲱⲣⲉⲃ ⲉϧⲟⲩⲛ ⲉⲡⲉⲕⲏⲓ ⲛⲧⲉⲕⲉⲣⲁⲛⲁⲑⲉⲙⲁ ⲙⲫⲣⲏϯ ⲙⲫⲁⲓ ϧⲉⲛⲟⲩⲙⲟⲥϯ ⲉⲕⲉⲙⲉⲥⲧⲱⲟⲩ ⲟⲩⲟϩ ϧⲉⲛⲟⲩⲃⲟϯ ⲉⲕⲉϭⲓⲧⲟⲩ ⲙⲃⲟϯ ϫⲉⲟⲩⲁⲛⲁⲑⲉⲙⲁ ⲡⲉ	ⲟⲩⲟϩ ⲛ̀ⲛⲉⲕϭⲓ ⲛ̀ⲟⲩⲱⲣⲉⲃ ⲉ̀ϧⲟⲩⲛ ⲉ̀ⲡⲉⲕⲏⲓ ⲛ̀ⲧⲉⲕⲉⲣⲁⲛⲁⲑⲉⲙⲁ ⲛ̀ⲫ̀ⲣⲏϯ ⲛ̀ⲫⲁⲓ ϧⲉⲛ ⲟⲩⲙⲟⲥϯ ⲉⲕⲉ̀ⲙⲉⲥⲧⲱⲟⲩ ⲟⲩⲟϩ ϧⲉⲛ ⲟⲩⲃⲟϯ ⲉⲕⲉ̀ϭⲓⲧⲟⲩ ⲛ̀ⲃⲟϯ ϫⲉ ⲟⲩⲁⲛⲁⲑⲉⲙⲁ ⲡⲉ	ouoh ǹnekċi ǹouōreb èxoun èpekyi ǹtekeranaθema ǹf̀ryti ǹfai xen oumosti ekèmestōou ouoh xen ouvoti ekèċitou ǹvoti je ouanaθema pe	And thou shalt not bring an abomination into thine house, so shouldest thou be an accursed thing like it; thou shalt utterly hate it, and altogether abominate it, because it is an accursed thing.

Provenance

title: 05_Deuteronomium_07
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_07
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_07 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_07, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/07.bohairic.scriptorium.L0.txt
title: 05_Deuteronomium_07 — Cairene
dialect: bohairic
source: generated from 07.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_07)
licence: CC BY-SA 4.0
share: attribution
attribution: 05_Deuteronomium_07 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_07, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/07.bohairic.scriptorium.L1.txt
title: 05_Deuteronomium_07 — Kemetic
dialect: bohairic
source: generated from 07.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_07 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_07, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/07.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 26 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_07 (26 lines)

Cite as:

05_Deuteronomium_07. Coptic SCRIPTORIUM corpus "bohairic.ot", document 05_Deuteronomium_07. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/07.bohairic.scriptorium/. 05_Deuteronomium_07 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_07, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.