05_Deuteronomium_09 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_09

Attribution: 05_Deuteronomium_09 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

29 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
9:1	ⲥⲱⲧⲉⲙ ⲡⲓⲥⲣⲁⲏⲗ ⲛⲑⲟⲕ ⲉⲧⲛⲁⲉⲣϫⲓⲛⲓⲟⲣ ⲙⲡⲓⲓⲟⲣⲇⲁⲛⲏⲥ ⲙⲫⲟⲟⲩ ⲉϣⲉ ⲉϧⲟⲩⲛ ⲉⲉⲣⲕⲗⲏⲣⲟⲛⲟⲙⲓⲛ ⲛϩⲁⲛⲛⲓϣϯ ⲛⲉⲑⲛⲟⲥ ⲉⲩϫⲟⲣ ⲉϩⲟⲧⲉⲣⲱⲧⲉⲛ ⲛⲉⲙϩⲁⲛⲛⲓϣϯ ⲙⲃⲁⲕⲓ ⲉⲩⲧⲁⲕⲧⲏⲟⲩⲧ ⲛⲥⲟⲃϯ ϣⲁⲉϩⲣⲏⲓ ⲉⲧⲫⲉ	ⲥⲱⲧⲉⲙ ⲡⲓⲥⲣⲁⲏⲗ ⲛ̀ⲑⲟⲕ ⲉⲧⲛⲁⲉⲣϫⲓⲛⲓⲟⲣ ⲛ̀ⲡⲓⲓⲟⲣⲇⲁⲛⲏⲥ ⲛ̀ⲫⲟⲟⲩ ⲉ̀ϣⲉ ⲉ̀ϧⲟⲩⲛ ⲉⲉⲣⲕⲗⲏⲣⲟⲛⲟⲙⲓⲛ ⲛ̀ϩⲁⲛⲛⲓϣϯ ⲛ̀ⲉⲑⲛⲟⲥ ⲉⲩϫⲟⲣ ⲉ̀ϩⲟⲧⲉⲣⲱⲧⲉⲛ ⲛⲉⲙ ϩⲁⲛⲛⲓϣϯ ⲛ̀ⲃⲁⲕⲓ ⲉⲩⲧⲁⲕⲧⲏⲟⲩⲧ ⲛ̀ⲥⲟⲃϯ ϣⲁⲉ̀ϩ̀ⲣⲏⲓ ⲉ̀ⲧ̀ⲫⲉ	sōtem pisrayl ǹθok etnaerjinior ǹpiiordanys ǹfoou èṡe èxoun eerklyronomin ǹhanniṡti ǹeθnos evgor èhoterōten nem hanniṡti ǹvaki evtaktyout ǹsovti ṡaèh̀ryi èt̀fe	Hear, O Israel: Thou goest this day across Jordan to inherit nations greater and stronger than yourselves, cities great and walled up to heaven;
9:2	ⲟⲩⲛⲓϣϯ ⲛⲗⲁⲟⲥ ⲉⲛⲁϣⲱϥ ⲟⲩⲟϩ ⲉⲛⲁⲛⲉϥ ⲛϣⲓⲏ ⲛⲓϣⲏⲣⲓ ⲛⲧⲉⲉⲛⲁⲕ ⲛⲏ ⲉⲧⲉⲕⲥⲱⲟⲩⲛ ⲙⲙⲱⲟⲩ ⲟⲩⲟϩ ⲁⲕⲥⲱⲧⲉⲙ ⲉⲑⲃⲏⲧⲟⲩ ⲛⲓⲙ ⲉⲑⲃⲏⲧⲟⲩ ⲛⲓⲙ ⲉⲑⲛⲁϣⲟϩⲓ ⲉⲣⲁⲧϥ ⲙⲡⲉⲙⲑⲟ ⲛⲛⲓϣⲏⲣⲓ ⲛⲧⲉⲉⲛⲁⲕ	ⲟⲩⲛⲓϣϯ ⲛ̀ⲗⲁⲟⲥ ⲉ̀ⲛⲁϣⲱϥ ⲟⲩⲟϩ ⲉⲛⲁⲛⲉϥ ⲛ̀ϣⲓⲏ ⲛⲓϣⲏⲣⲓ ⲛ̀ⲧⲉ ⲉⲛⲁⲕ ⲛⲏ ⲉⲧⲉⲕⲥⲱⲟⲩⲛ ⲙ̀ⲙⲱⲟⲩ ⲟⲩⲟϩ ⲁⲕⲥⲱⲧⲉⲙ ⲉⲑⲃⲏⲧⲟⲩ ⲛⲓⲙ ⲉⲑⲃⲏⲧⲟⲩ ⲛⲓⲙ ⲉⲑⲛⲁϣⲟϩⲓ ⲉ̀ⲣⲁⲧϥ ⲛ̀ⲡⲉⲙ̀ⲑⲟ ⲛ̀ⲛⲓϣⲏⲣⲓ ⲛ̀ⲧⲉ ⲉⲛⲁⲕ	ouniṡti ǹlaos ènaṡōf ouoh enanef ǹṡiy niṡyri ǹte enak ny etek·sōoun m̀mōou ouoh ak·sōtem eθvytou nim eθvytou nim eθnaṡohi èratf ǹpem̀θo ǹniṡyri ǹte enak	a people great and many and tall, the sons of Enac, whom thou knowest, and concerning whom thou hast heard say, Who can stand before the children of Enac?
9:3	ⲉⲕⲉⲉⲙⲓ ⲙⲫⲟⲟⲩ ϫⲉⲡϭⲟⲓⲥ ⲡⲉⲕⲛⲟⲩϯ ⲫⲁⲓ ⲉⲧⲛⲁϣⲟⲣⲡ ⲙⲙⲟϣⲓ ϧⲁⲧϩⲏ ⲙⲡⲉⲕϩⲟ ⲟⲩⲭⲣⲱⲙ ⲉϥⲟⲩⲱⲙ ⲡⲉ ⲫⲁⲓ ⲉϥⲉϥⲟⲧⲟⲩ ⲉⲃⲟⲗ ⲟⲩⲟϩ ⲫⲁⲓ ⲉϥⲉⲧⲁⲥⲑⲱⲟⲩ ⲉⲃⲟⲗ ϧⲁⲧϩⲏ ⲙⲡⲉⲕϩⲟ ⲉϥⲉϥⲟⲧⲟⲩ ⲉⲃⲟⲗ ⲟⲩⲟϩ ⲉϥⲉⲧⲁⲕⲱⲟⲩ ⲉⲭⲱⲗⲉⲙ ⲕⲁⲧⲁⲫⲣⲏϯ ⲉⲧⲁϥⲥⲁϫⲓ ⲛϫⲉⲡϭⲟⲓⲥ	ⲉⲕⲉⲉⲙⲓ ⲛ̀ⲫⲟⲟⲩ ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲫⲁⲓ ⲉⲧⲛⲁϣⲟⲣⲡ ⲛ̀ⲙⲟϣⲓ ϧⲁⲧ̀ϩⲏ ⲛ̀ⲡⲉⲕϩⲟ ⲟⲩⲭ̀ⲣⲱⲙ ⲉϥⲟⲩⲱⲙ ⲡⲉ ⲫⲁⲓ ⲉϥⲉ̀ϥⲟⲧⲟⲩ ⲉ̀ⲃⲟⲗ ⲟⲩⲟϩ ⲫⲁⲓ ⲉϥⲉ̀ⲧⲁⲥⲑⲱⲟⲩ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ ⲉϥⲉ̀ϥⲟⲧⲟⲩ ⲉ̀ⲃⲟⲗ ⲟⲩⲟϩ ⲉϥⲉ̀ⲧⲁⲕⲱⲟⲩ ⲉ̀ⲭⲱⲗⲉⲙ ⲕⲁⲧⲁ ⲫ̀ⲣⲏϯ ⲉⲧⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ	ekeemi ǹfoou je p̀ċois peknouti fai etnaṡorp ǹmoṡi xat̀·hy ǹpek·ho ouk̀rōm efouōm pe fai efèfotou èvol ouoh fai efètasθōou èvol xat̀·hy ǹpek·ho efèfotou èvol ouoh efètakōou èkōlem kata f̀ryti etafsaji ǹje p̀ċois	And thou shalt know to-day, that the Lord thy God he shall go before thy face: he is a consuming fire; he shall destroy them, and he shall turn them back before thee, and shall destroy them quickly, as the Lord said to thee.
9:4	ⲙⲡⲉⲣϫⲟⲥ ϧⲉⲛⲡⲉⲕϩⲏⲧ ϧⲉⲛⲡϫⲓⲛⲑⲣⲉ ⲡϭⲟⲓⲥ ⲡⲉⲕⲛⲟⲩϯ ⲧⲁⲕⲉ ⲛⲁⲓⲉⲑⲛⲟⲥ ⲉⲃⲟⲗ ϧⲁⲧϩⲏ ⲙⲡⲉⲕϩⲟ ⲉⲕϫⲱ ⲙⲙⲟⲥ ϫⲉⲉⲑⲃⲉⲛⲁⲙⲉⲑⲙⲏⲓ ⲁϥⲉⲛⲧⲉⲛ ⲉϧⲟⲩⲛ ⲛϫⲉⲡϭⲟⲓⲥ ⲉⲉⲣⲕⲗⲏⲣⲟⲛⲟⲙⲓⲛ ⲙⲡⲁⲓⲕⲁϩⲓ ⲛⲁⲅⲁⲑⲟⲛ ⲁⲗⲗⲁ ⲉⲑⲃⲉϯⲙⲉⲧⲁⲥⲉⲃⲏⲥ ⲛⲧⲉⲛⲁⲓⲉⲑⲛⲟⲥ ⲡϭⲟⲓⲥ ⲛⲁϥⲟⲧⲟⲩ ⲉⲃⲟⲗ ϧⲁⲧϩⲏ ⲙⲡⲉⲕϩⲟ	ⲙ̀ⲡⲉⲣϫⲟⲥ ϧⲉⲛ ⲡⲉⲕϩⲏⲧ ϧⲉⲛ ⲡ̀ϫⲓⲛⲑ̀ⲣⲉ ⲡ̀ϭⲟⲓⲥ ⲡⲉⲕⲛⲟⲩϯ ⲧⲁⲕⲉ ⲛⲁⲓⲉⲑⲛⲟⲥ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ ⲉⲕϫⲱ ⲙ̀ⲙⲟⲥ ϫⲉ ⲉⲑⲃⲉ ⲛⲁⲙⲉⲑⲙⲏⲓ ⲁϥⲉⲛⲧⲉⲛ ⲉ̀ϧⲟⲩⲛ ⲛ̀ϫⲉ ⲡ̀ϭⲟⲓⲥ ⲉⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲁⲓⲕⲁϩⲓ ⲛ̀ⲁⲅⲁⲑⲟⲛ ⲁⲗⲗⲁ ⲉⲑⲃⲉ ϯⲙⲉⲧⲁⲥⲉⲃⲏⲥ ⲛ̀ⲧⲉ ⲛⲁⲓⲉⲑⲛⲟⲥ ⲡ̀ϭⲟⲓⲥ ⲛⲁϥⲟⲧⲟⲩ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ	m̀pergos xen pek·hyt xen p̀jinθ̀re p̀ċois peknouti take naieθnos èvol xat̀·hy ǹpek·ho ekgō m̀mos je eθve nameθmyi afenten èxoun ǹje p̀ċois eerklyronomin ǹpaikahi ǹaġaθon alla eθve timetasebys ǹte naieθnos p̀ċois nafotou èvol xat̀·hy ǹpek·ho	Speak not in thine heart, when the Lord thy God has destroyed these nations before thy face, saying, For my righteousness the Lord brought me in to inherit this good land.
9:5	ⲉⲑⲃⲉⲧⲉⲕⲙⲉⲑⲙⲏⲓ ⲁⲛ ⲟⲩⲇⲉ ⲉⲑⲃⲉⲡⲧⲟⲩⲃⲟ ⲁⲛ ⲙⲡⲉⲕϩⲏⲧ ⲛⲑⲟⲕ ⲕⲛⲁϣⲉⲛⲁⲕ ⲛⲧⲉⲕⲉⲣⲕⲗⲏⲣⲟⲛⲟⲙⲓⲛ ⲙⲡⲟⲩⲕⲁϩⲓ ⲁⲗⲗⲁ ⲉⲑⲃⲉϯⲙⲉⲧⲁⲥⲉⲃⲏⲥ ⲛⲧⲉⲛⲁⲓⲉⲑⲛⲟⲥ ⲛϫⲉⲡϭⲟⲓⲥ ⲉϥⲉϥⲟⲧⲟⲩ ⲉⲃⲟⲗ ϧⲁⲧϩⲏ ⲙⲡⲉⲕϩⲟ ϩⲓⲛⲁ ⲛⲧⲉϥⲧⲁϩⲉ ϯⲇⲓⲁⲑⲏⲕⲏ ⲉⲣⲁⲧⲥ ⲑⲏ ⲉⲧⲁ ⲡϭⲟⲓⲥ ⲱⲣⲕ ⲙⲙⲟⲥ ⲛⲛⲉⲧⲉⲛⲓⲟϯ ⲁⲃⲣⲁⲁⲙ ⲛⲉⲙⲓⲥⲁⲁⲕ ⲛⲉⲙⲓⲁⲕⲱⲃ	ⲉⲑⲃⲉ ⲧⲉⲕⲙⲉⲑⲙⲏⲓ ⲁⲛ ⲟⲩⲇⲉ ⲉⲑⲃⲉ ⲡ̀ⲧⲟⲩⲃⲟ ⲁⲛ ⲛ̀ⲡⲉⲕϩⲏⲧ ⲛ̀ⲑⲟⲕ ⲭ̀ⲛⲁϣⲉⲛⲁⲕ ⲛ̀ⲧⲉⲕⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲟⲩⲕⲁϩⲓ ⲁⲗⲗⲁ ⲉⲑⲃⲉ ϯⲙⲉⲧⲁⲥⲉⲃⲏⲥ ⲛ̀ⲧⲉ ⲛⲁⲓⲉⲑⲛⲟⲥ ⲛ̀ϫⲉ ⲡ̀ϭⲟⲓⲥ ⲉϥⲉ̀ϥⲟⲧⲟⲩ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ ϩⲓⲛⲁ ⲛ̀ⲧⲉϥⲧⲁϩⲉ ϯⲇⲓⲁⲑⲏⲕⲏ ⲉ̀ⲣⲁⲧⲥ ⲑⲏ ⲉ̀ⲧⲁ ⲡ̀ϭⲟⲓⲥ ⲱⲣⲕ ⲙ̀ⲙⲟⲥ ⲛ̀ⲛⲉⲧⲉⲛⲓⲟϯ ⲁⲃⲣⲁⲁⲙ ⲛⲉⲙ ⲓⲥⲁⲁⲕ ⲛⲉⲙ ⲓⲁⲕⲱⲃ	eθve tekmeθmyi an ouḋe eθve p̀touvo an ǹpek·hyt ǹθok k̀naṡenak ǹtekerklyronomin ǹpoukahi alla eθve timetasebys ǹte naieθnos ǹje p̀ċois efèfotou èvol xat̀·hy ǹpek·ho hina ǹteftahe tiḋiaθyky èrats θy èta p̀ċois ōrk m̀mos ǹnetenioti abraam nem isaak nem iakōb	Not for thy righteousness, nor for the holiness of thy heart, dost thou go in to inherit their land, but because of the wickedness of these nations the Lord will destroy them from before thee, and that he may establish the covenant, which the Lord sware to our fathers, to Abraam, and to Isaac, and to Jacob.
9:6	ⲟⲩⲟϩ ⲉⲕⲉⲉⲙⲓ ⲙⲫⲟⲟⲩ ϫⲉⲉⲑⲃⲉⲧⲉⲕⲙⲉⲑⲙⲏⲓ ⲁⲛ ⲡϭⲟⲓⲥ ⲛⲁϯ ⲛⲁⲕ ⲙⲡⲁⲓⲕⲁϩⲓ ⲉⲑⲛⲁⲛⲉϥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ ϫⲉⲛⲑⲟⲕ ⲟⲩⲗⲁⲟⲥ ⲛⲛⲁϣⲧⲛⲁϩⲃⲓ	ⲟⲩⲟϩ ⲉⲕⲉⲉⲙⲓ ⲛ̀ⲫⲟⲟⲩ ϫⲉ ⲉⲑⲃⲉ ⲧⲉⲕⲙⲉⲑⲙⲏⲓ ⲁⲛ ⲡ̀ϭⲟⲓⲥ ⲛⲁϯ ⲛⲁⲕ ⲛ̀ⲡⲁⲓⲕⲁϩⲓ ⲉⲑⲛⲁⲛⲉϥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ϫⲉ ⲛ̀ⲑⲟⲕ ⲟⲩⲗⲁⲟⲥ ⲛ̀ⲧⲉ ⲛⲁϣⲧⲛⲁϩⲃⲓ	ouoh ekeemi ǹfoou je eθve tekmeθmyi an p̀ċois nati nak ǹpaikahi eθnanef eerklyronomin m̀mof je ǹθok oulaos ǹte naṡtnahvi	And thou shalt know to-day, that it is not for thy righteousnesses the Lord thy God gives thee this good land to inherit, for thou art a stiff-necked people.
9:7	ⲁⲣⲓⲫⲙⲉⲩⲓ ⲙⲡⲉⲣⲉⲣⲡⲱⲃϣ ϫⲉⲁⲕϯ ⲟⲩⲏⲡ ⲛϫⲱⲛⲧ ⲙⲡϭⲟⲓⲥ ⲡⲉⲕⲛⲟⲩϯ ⲛϩⲣⲏⲓ ϩⲓⲡϣⲁϥⲉ ⲓⲥϫⲉⲛ ⲡⲓⲉϩⲟⲟⲩ ⲉⲧⲁⲣⲉⲧⲉⲛⲓ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϣⲁⲧⲉⲧⲉⲛⲓ ⲉⲡⲁⲓⲙⲁ ⲉⲣⲉⲧⲉⲛⲟⲓ ⲛⲁⲧⲑⲱⲧ ⲛϩⲏⲧ ⲟⲩⲃⲉ ⲡϭⲟⲓⲥ	ⲁ̀ⲣⲓⲫ̀ⲙⲉⲩⲓ ⲙ̀ⲡⲉⲣⲉⲣⲡⲱⲃϣ ϫⲉ ⲁⲕϯ ⲟⲩⲏⲡ ⲛ̀ϫⲱⲛⲧ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲓⲥϫⲉⲛ ⲡⲓⲉ̀ϩⲟⲟⲩ ⲉ̀ⲧⲁⲣⲉⲧⲉⲛⲓ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϣⲁⲧⲉⲧⲉⲛⲓ ⲉ̀ⲡⲁⲓⲙⲁ ⲉⲣⲉⲧⲉⲛⲟⲓ ⲛ̀ⲁⲧⲑⲱⲧ ⲛ̀ϩⲏⲧ ⲟⲩⲃⲉ ⲡ̀ϭⲟⲓⲥ	àrif̀mevi m̀pererpōvṡ je akti ouyp ǹgōnt ǹp̀ċois peknouti ǹh̀ryi hi p̀ṡafe isjen pièhoou ètareteni èvol xen p̀kahi ǹkymi ṡateteni èpaima eretenoi ǹatθōt ǹhyt ouve p̀ċois	Remember, forget not, how much thou provokedst the Lord thy God in the wilderness: from the day that ye came forth out of Egypt, even till ye came into this place, ye continued to be disobedient toward the Lord.
9:8	ⲟⲩⲟϩ ϧⲉⲛⲭⲱⲣⲏⲃ ⲟⲛ ⲁⲣⲉⲧⲉⲛϯϫⲱⲛⲧ ⲙⲡϭⲟⲓⲥ ⲟⲩⲟϩ ⲁϥⲉⲙⲃⲟⲛ ⲉϫⲉⲛⲑⲏⲛⲟⲩ ⲛϫⲉⲡϭⲟⲓⲥ ⲉϥⲉⲧ ⲑⲏⲛⲟⲩ ⲉⲃⲟⲗ	ⲟⲩⲟϩ ϧⲉⲛ ⲭⲱⲣⲏⲃ ⲟⲛ ⲁⲣⲉⲧⲉⲛϯϫⲱⲛⲧ ⲛ̀ⲡ̀ϭⲟⲓⲥ ⲟⲩⲟϩ ⲁϥⲉⲙⲃⲟⲛ ⲉ̀ϫⲉⲛ ⲑⲏⲛⲟⲩ ⲛ̀ϫⲉ ⲡ̀ϭⲟⲓⲥ ⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ	ouoh xen xōryb on aretentigōnt ǹp̀ċois ouoh afemvon èjen θynou ǹje p̀ċois èfet θynou èvol	Also in Choreb ye provoked the Lord, and the Lord was angry with you to destroy you;
9:9	ⲉⲓⲛⲁϣⲉⲛⲏⲓ ⲉϩⲣⲏⲓ ⲉⲡⲓⲧⲱⲟⲩ ⲉϭⲓ ⲛϯⲡⲗⲁⲝ ⲥⲛⲟⲩϯ ⲛⲱⲛⲓ ⲛⲓⲡⲗⲁⲝ ⲛⲧⲉϯⲇⲓⲁⲑⲏⲕⲏ ⲛⲏ ⲉⲧⲁϥⲥⲉⲙⲛⲏⲧⲟⲩ ⲛⲉⲙⲱⲧⲉⲛ ⲛϫⲉⲡϭⲟⲓⲥ ⲟⲩⲟϩ ⲛⲁⲓⲭⲏ ⲡⲉ ⲛϩⲣⲏⲓ ϩⲓⲡⲓⲧⲱⲟⲩ ⲛⲙ̅ ⲛⲉϩⲟⲟⲩ ⲛⲉⲙⲙ̅ⲛⲉϫⲱⲣϩ ⲱⲓⲕ ⲙⲡⲓⲟⲩⲱⲙ ⲟⲩⲟϩ ⲙⲱⲟⲩ ⲙⲡⲓⲥⲱ	ⲉⲓⲛⲁϣⲉⲛⲏⲓ ⲉ̀ϩ̀ⲣⲏⲓ ⲉ̀ⲡⲓⲧⲱⲟⲩ ⲉ̀ϭⲓ ⲛ̀ϯⲡ̀ⲗⲁⲝ ⲥ̀ⲛⲟⲩϯ ⲛ̀ⲱⲛⲓ ⲛⲓⲡ̀ⲗⲁⲝ ⲛ̀ⲧⲉ ϯⲇⲓⲁⲑⲏⲕⲏ ⲛⲏ ⲉⲧⲁϥⲥⲉⲙⲛⲏⲧⲟⲩ ⲛⲉⲙⲱⲧⲉⲛ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲛⲁⲓⲭⲏ ⲡⲉ ⲛ̀ϩ̀ⲣⲏⲓ ϩⲓ ⲡⲓⲧⲱⲟⲩ ⲛ̀ϩ̀ⲙⲉ ⲛ̀ⲉ̀ϩⲟⲟⲩ ⲛⲉⲙ ϩ̀ⲙⲉ ⲛ̀ⲉ̀ϫⲱⲣϩ ⲱⲓⲕ ⲙ̀ⲡⲓⲟⲩⲱⲙ ⲟⲩⲟϩ ⲙⲱⲟⲩ ⲙ̀ⲡⲓⲥⲱ	einaṡenyi èh̀ryi èpitōou èċi ǹtip̀laks s̀nouti ǹōni nip̀laks ǹte tiḋiaθyky ny etafsemnytou nemōten ǹje p̀ċois ouoh naiky pe ǹh̀ryi hi pitōou ǹh̀me ǹèhoou nem h̀me ǹègōrh ōik m̀piouōm ouoh mōou m̀pisō	when I went up into the mountain to receive the tables of stone, the tables of the covenant, which the Lord made with you, and I was in the mountain forty days and forty nights, I ate no bread and drank no water.
9:10	ⲟⲩⲟϩ ⲁϥϯ ⲛⲏⲓ ⲛϫⲉⲡϭⲟⲓⲥ ⲛϯⲡⲗⲁⲝ ⲃ̅ϯ ⲛⲱⲛⲓ ⲉⲩⲥϧⲏⲧⲟⲩ ⲙⲡⲓⲧⲏⲃ ⲛⲧⲉⲫⲛⲟⲩϯ ⲟⲩⲟϩ ⲛⲁⲩⲥϧⲏⲟⲩⲧ ϩⲓⲱⲧⲟⲩ ⲛϫⲉⲛⲓⲥⲁϫⲓ ⲧⲏⲣⲟⲩ ⲛⲏ ⲉⲧⲁ ⲡϭⲟⲓⲥ ⲥⲁϫⲓ ⲙⲙⲱⲟⲩ ⲛⲉⲙⲱⲧⲉⲛ ϩⲓⲡⲓⲧⲱⲟⲩ ⲙⲡⲓⲉϩⲟⲟⲩ ⲛⲧⲉⲡⲓⲑⲱⲟⲩϯ	ⲟⲩⲟϩ ⲁϥϯ ⲛⲏⲓ ⲛ̀ϫⲉ ⲡ̀ϭⲟⲓⲥ ⲛ̀ϯⲡ̀ⲗⲁⲝ 2ϯ ⲛ̀ⲱⲛⲓ ⲉⲩⲥϧⲏⲧⲟⲩ ⲛ̀ⲡⲓⲧⲏⲃ ⲛ̀ⲧⲉ ⲫ̀ⲛⲟⲩϯ ⲟⲩⲟϩ ⲛⲁⲩⲥ̀ϧⲏⲟⲩⲧ ϩⲓⲱⲧⲟⲩ ⲛ̀ϫⲉ ⲛⲓⲥⲁϫⲓ ⲧⲏⲣⲟⲩ ⲛⲏ ⲉ̀ⲧⲁ ⲡ̀ϭⲟⲓⲥ ⲥⲁϫⲓ ⲙ̀ⲙⲱⲟⲩ ⲛⲉⲙⲱⲧⲉⲛ ϩⲓ ⲡⲓⲧⲱⲟⲩ ⲛ̀ⲡⲓⲉϩⲟⲟⲩ ⲛ̀ⲧⲉ ⲡⲓⲑⲱⲟⲩϯ	ouoh afti nyi ǹje p̀ċois ǹtip̀laks 2ti ǹōni evsxytou ǹpityb ǹte f̀nouti ouoh navs̀xyout hiōtou ǹje nisaji tyrou ny èta p̀ċois saji m̀mōou nemōten hi pitōou ǹpiehoou ǹte piθōouti	And the Lord gave me the two tables of stone written with the finger of God, and on them there had been written all the words which the Lord spoke to you in the mountain in the day of the assembly.
9:11	ⲟⲩⲟϩ ⲁⲥϣⲱⲡⲓ ⲉⲃⲟⲗ ϩⲓⲧⲉⲛϩⲙⲉ ⲛⲉϩⲟⲟⲩ ⲛⲉⲙⲙ̅ⲛⲉϫⲱⲣϩ ⲁ ⲡϭⲟⲓⲥ ϯ ⲛⲏⲓ ⲛϯⲡⲗⲁⲝ ⲥⲛⲟⲩϯ ⲛⲱⲛⲓ ⲛⲓⲡⲗⲁⲝ ⲛⲧⲉϯⲇⲓⲁⲑⲏⲕⲏ	ⲟⲩⲟϩ ⲁⲥϣⲱⲡⲓ ⲉ̀ⲃⲟⲗ ϩⲓⲧⲉⲛ ϩ̀ⲙⲉ ⲛⲉ ϩⲟⲟⲩ ⲛⲉⲙ ϩ̀ⲙⲉ ⲛ̀ⲉ̀ϫⲱⲣϩ ⲁ ⲡ̀ϭⲟⲓⲥ ϯ ⲛⲏⲓ ⲛ̀ϯⲡ̀ⲗⲁⲝ ⲥ̀ⲛⲟⲩϯ ⲛ̀ⲱⲛⲓ ⲛⲓⲡ̀ⲗⲁⲝ ⲛ̀ⲧⲉ ϯⲇⲓⲁⲑⲏⲕⲏ	ouoh asṡōpi èvol hiten h̀me ne hoou nem h̀me ǹègōrh a p̀ċois ti nyi ǹtip̀laks s̀nouti ǹōni nip̀laks ǹte tiḋiaθyky	And it came to pass after forty days and forty nights, the Lord gave me the two tables of stone, the tables of the covenant.
9:12	ⲟⲩⲟϩ ⲡⲉϫⲉ ⲡϭⲟⲓⲥ ⲛⲏⲓ ϫⲉⲧⲱⲛⲕ ⲙⲁϣⲉⲛⲁⲕ ⲉⲡⲉⲥⲏⲧ ⲉⲃⲟⲗ ⲧⲁⲓ ⲛⲭⲱⲗⲉⲙ ϫⲉⲁϥⲉⲣⲁⲛⲟⲙⲓⲛ ⲛϫⲉⲡⲉⲕⲗⲁⲟⲥ ⲛⲏ ⲉⲧⲁⲕⲉⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲁⲩⲉⲣⲡⲁⲣⲁⲃⲉⲛⲓⲛ ⲛⲭⲱⲗⲉⲙ ⲉⲃⲟⲗ ϩⲓⲡⲓⲙⲱⲓⲧ ⲉⲧⲁⲕϩⲉⲛϩⲱⲛⲟⲩ ⲉⲣⲟϥ ⲁⲩⲑⲁⲙⲓⲟ ⲛⲱⲟⲩ ⲛⲟⲩⲱⲧϩ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲧⲱⲛⲕ ⲙⲁϣⲉⲛⲁⲕ ⲉ̀ⲡⲉⲥⲏⲧ ⲉ̀ⲃⲟⲗ ⲧⲁⲓ ⲛ̀ⲭⲱⲗⲉⲙ ϫⲉ ⲁϥⲉⲣⲁⲛⲟⲙⲓⲛ ⲛ̀ϫⲉ ⲡⲉⲕⲗⲁⲟⲥ ⲛⲏ ⲉⲧⲁⲕⲉⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲁⲩⲉⲣⲡⲁⲣⲁⲃⲉⲛⲓⲛ ⲛ̀ⲭⲱⲗⲉⲙ ⲉ̀ⲃⲟⲗ ϩⲓ ⲡⲓⲙⲱⲓⲧ ⲉⲧⲁⲕϩⲉⲛϩⲱⲛⲟⲩ ⲉ̀ⲣⲟϥ ⲁⲩⲑⲁⲙⲓⲟ ⲛⲱⲟⲩ ⲛ̀ⲟⲩⲱⲧϩ	ouoh peje p̀ċois nyi je tōnk maṡenak èpesyt èvol tai ǹkōlem je aferanomin ǹje peklaos ny etakenou èvol xen p̀kahi ǹkymi averparabenin ǹkōlem èvol hi pimōit etak·henhōnou èrof avθamio nōou ǹouōt·h	And the Lord said to me, Arise, go down quickly from hence, for thy people whom thou broughtest out of the land of Egypt have transgressed; they have gone aside quickly out of the way which I commanded them, and have made themselves a molten image.
9:13	ⲟⲩⲟϩ ⲡⲉϫⲉ ⲡϭⲟⲓⲥ ⲛⲏⲓ ϫⲉⲁⲓⲥⲁϫⲓ ⲛⲉⲙⲁⲕ ⲛⲟⲩⲥⲟⲡ ⲛⲉⲙⲃ̅ ⲉⲓϫⲱ ⲙⲙⲟⲥ ϫⲉⲁⲓⲛⲁⲩ ⲉⲡⲁⲓⲗⲁⲟⲥ ϩⲏⲡⲡⲉ ⲟⲩⲗⲁⲟⲥ ⲛⲛⲁϣⲧⲛⲁϩⲃⲓ ⲡⲉ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲁⲓⲥⲁϫⲓ ⲛⲉⲙⲁⲕ ⲛ̀ⲟⲩⲥⲟⲡ ⲛⲉⲙ 2 ⲉⲓϫⲱ ⲙ̀ⲙⲟⲥ ϫⲉ ⲁⲓⲛⲁⲩ ⲉ̀ⲡⲁⲓⲗⲁⲟⲥ ϩⲏⲡⲡⲉ ⲟⲩⲗⲁⲟⲥ ⲛ̀ⲧⲉ ⲛⲁϣⲧⲛⲁϩⲃⲓ ⲡⲉ	ouoh peje p̀ċois nyi je aisaji nemak ǹousop nem 2 eigō m̀mos je ainav èpailaos hyppe oulaos ǹte naṡtnahvi pe	And the Lord spoke to me, saying, I have spoken to thee once and again, saying, I have seen this people, and, behold, it is a stiff-necked people.
9:14	ⲭⲁⲧ ⲛⲧⲁϥⲟⲧⲟⲩ ⲉⲃⲟⲗ ⲟⲩⲟϩ ⲛⲧⲁϥⲉⲧ ⲡⲟⲩⲣⲁⲛ ⲥⲁⲡⲉⲥⲏⲧ ⲛⲧⲫⲉ ⲟⲩⲟϩ ⲛⲧⲁⲁⲓⲕ ⲛⲟⲩⲛⲓϣϯ ⲛⲉⲑⲛⲟⲥ ⲟⲩⲟϩ ⲉϥϫⲟⲣ ⲉⲛⲁϣⲱϥ ⲉϩⲟⲧⲉ ⲫⲁⲓ	ⲭⲁⲧ ⲛ̀ⲧⲁϥⲟⲧⲟⲩ ⲉ̀ⲃⲟⲗ ⲟⲩⲟϩ ⲛ̀ⲧⲁϥⲉⲧ ⲡⲟⲩⲣⲁⲛ ⲥⲁⲡⲉⲥⲏⲧ ⲛ̀ⲧ̀ⲫⲉ ⲟⲩⲟϩ ⲛ̀ⲧⲁⲁⲓⲕ ⲛ̀ⲟⲩⲛⲓϣϯ ⲛ̀ⲉⲑⲛⲟⲥ ⲟⲩⲟϩ ⲉϥϫⲟⲣ ⲉ̀ⲛⲁϣⲱϥ ⲉ̀ϩⲟⲧⲉ ⲫⲁⲓ	kat ǹtafotou èvol ouoh ǹtafet pouran sapesyt ǹt̀fe ouoh ǹtaaik ǹouniṡti ǹeθnos ouoh efgor ènaṡōf èhote fai	And now suffer me utterly to destroy them, and I will blot out their name from under heaven, and will make of thee a nation great and strong, and more numerous than this.
9:15	ⲉⲧⲁⲓⲕⲟⲧⲧ ⲁⲓⲓ ⲉⲡⲉⲥⲏⲧ ⲉⲃⲟⲗ ϩⲓⲡⲓⲧⲱⲟⲩ ⲟⲩⲟϩ ⲡⲓⲧⲱⲟⲩ ⲛⲁϥⲙⲟϩ ⲛⲭⲣⲱⲙ ⲟⲩⲟϩ ϯⲡⲗⲁⲝ ⲃ̅ϯ ⲛⲱⲛⲓ ⲛⲁⲩϩⲓ ⲧⲁϫⲓϫ ⲃ̅ϯ	ⲉⲧⲁⲓⲕⲟⲧⲧ ⲁⲓⲓ ⲉ̀ⲡⲉⲥⲏⲧ ⲉ̀ⲃⲟⲗ ϩⲓ ⲡⲓⲧⲱⲟⲩ ⲟⲩⲟϩ ⲡⲓⲧⲱⲟⲩ ⲛⲁϥⲙⲟϩ ⲛ̀ⲭ̀ⲣⲱⲙ ⲟⲩⲟϩ ϯⲡ̀ⲗⲁⲝ 2ϯ ⲛ̀ⲱⲛⲓ ⲛⲁⲩϩⲓ ⲧⲁϫⲓϫ 2ϯ	etaikott aii èpesyt èvol hi pitōou ouoh pitōou nafmoh ǹk̀rōm ouoh tip̀laks 2ti ǹōni navhi tajig 2ti	And I turned and went down from the mountain; and the mountain burned with fire to heaven; and the two tables of the testimonies were in my two hands.
9:16	ⲟⲩⲟϩ ⲉⲧⲁⲓⲛⲁⲩ ϫⲉⲁⲧⲉⲧⲉⲛⲉⲣⲛⲟⲃⲓ ⲙⲡⲉⲙⲑⲟ ⲙⲡϭⲟⲓⲥ ⲫⲛⲟⲩϯ ⲁⲣⲉⲧⲉⲛⲑⲁⲙⲓⲟ ⲛⲱⲧⲉⲛ ⲛⲟⲩⲙⲁⲥⲓ ⲛⲟⲩⲱⲧϩ ⲁⲣⲉⲧⲉⲛⲉⲣⲡⲁⲣⲁⲃⲉⲛⲓⲛ ⲉⲃⲟⲗ ϩⲓⲡⲓⲙⲱⲓⲧ ⲉⲧⲁ ⲡϭⲟⲓⲥ ϩⲉⲛϩⲉⲛ ⲑⲏⲛⲟⲩ ⲉⲣⲟϥ	ⲟⲩⲟϩ ⲉ̀ⲧⲁⲓⲛⲁⲩ ϫⲉ ⲁⲣⲉⲧⲉⲛⲉⲣⲛⲟⲃⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲫ̀ⲛⲟⲩϯ ⲁⲣⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲟⲩⲙⲁⲥⲓ ⲛ̀ⲟⲩⲱⲧϩ ⲁⲣⲉⲧⲉⲛⲉⲣⲡⲁⲣⲁⲃⲉⲛⲓⲛ ⲉ̀ⲃⲟⲗ ϩⲓ ⲡⲓⲙⲱⲓⲧ ⲉ̀ⲧⲁ ⲡ̀ϭⲟⲓⲥ ϩⲉⲛϩⲉⲛ ⲑⲏⲛⲟⲩ ⲉ̀ⲣⲟϥ	ouoh ètainav je aretenernovi ǹpem̀θo ǹp̀ċois f̀nouti aretenθamio nōten ǹoumasi ǹouōt·h aretenerparavenin èvol hi pimōit èta p̀ċois henhen θynou èrof	And when I saw that ye had sinned against the Lord your God, and had made to yourselves a molten image, and had gone astray out of the way, which the Lord commanded you to keep;
9:17	ⲟⲩⲟϩ ⲁⲓⲁⲙⲟⲛⲓ ⲛϯⲡⲗⲁⲝ ⲃ̅ϯ ⲁⲓⲃⲉⲣⲃⲱⲣⲟⲩ ⲉⲃⲟⲗ ϧⲉⲛⲧⲁϫⲓϫ ⲥⲛⲟⲩϯ ⲁⲓϧⲉⲙϧⲱⲙⲟⲩ ⲙⲡⲉⲧⲉⲛⲙⲑⲟ ⲉⲃⲟⲗ	ⲟⲩⲟϩ ⲁⲓⲁ̀ⲙⲟⲛⲓ ⲛ̀ϯⲡ̀ⲗⲁⲝ 2ϯ ⲁⲓⲃⲉⲣⲃⲱⲣⲟⲩ ⲉ̀ⲃⲟⲗ ϧⲉⲛ ⲧⲁϫⲓϫ ⲥ̀ⲛⲟⲩϯ ⲁⲓϧⲉⲙϧⲱⲙⲟⲩ ⲛ̀ⲡⲉⲧⲉⲛⲙ̀ⲑⲟ ⲉ̀ⲃⲟⲗ	ouoh aiàmoni ǹtip̀laks 2ti aivervōrou èvol xen tajig s̀nouti aixemxōmou ǹpetenm̀θo èvol	then I took hold of the two tables, and cast them out of my two hands, and broke them before you.
9:18	ⲟⲩⲟϩ ⲁⲓϯϩⲟ ⲉⲡϭⲟⲓⲥ ⲙⲫⲙⲁϩ ⲥⲟⲡ ⲃ̅ ⲕⲁⲧⲁⲫⲣⲏϯ ⲛϣⲟⲣⲡ ⲟⲛ ⲛϩⲙⲉ ⲛⲉϩⲟⲟⲩ ⲛⲉⲙⲙ̅ⲛⲉϫⲱⲣϩ ⲱⲓⲕ ⲙⲡⲓⲟⲩⲱⲙ ⲟⲩⲟϩ ⲙⲱⲟⲩ ⲙⲡⲓⲥⲱ ⲉⲑⲃⲉⲛⲉⲧⲉⲛⲛⲟⲃⲓ ⲧⲏⲣⲟⲩ ⲛⲏ ⲉⲧⲁⲣⲉⲧⲉⲛϣⲱϥⲧ ⲙⲙⲱⲟⲩ ⲉⲓⲣⲓ ⲙⲡⲓⲡⲉⲧϩⲱⲟⲩ ⲙⲡⲉⲙⲑⲟ ⲙⲡϭⲟⲓⲥ ⲉϯϫⲱⲛⲧ ⲛⲁϥ	ⲟⲩⲟϩ ⲁⲓϯϩⲟ ⲉ̀ⲡ̀ϭⲟⲓⲥ ⲛ̀ⲫ̀ⲙⲁϩ ⲥⲟⲡ 2 ⲕⲁⲧⲁ ⲫ̀ⲣⲏϯ ⲛ̀ϣⲟⲣⲡ ⲟⲛ ⲛ̀ϩ̀ⲙⲉ ⲛⲉ ϩⲟⲟⲩ ⲛⲉⲙ ϩ̀ⲙⲉ ⲛ̀ⲉ̀ϫⲱⲣϩ ⲱⲓⲕ ⲙ̀ⲡⲓⲟⲩⲱⲙ ⲟⲩⲟϩ ⲙⲱⲟⲩ ⲙ̀ⲡⲓⲥⲱ ⲉⲑⲃⲉ ⲛⲉⲧⲉⲛⲛⲟⲃⲓ ⲧⲏⲣⲟⲩ ⲛⲏ ⲉ̀ⲧⲁⲣⲉⲧⲉⲛϣⲱϥⲧ ⲙ̀ⲙⲱⲟⲩ ⲉ̀ⲓⲣⲓ ⲛ̀ⲡⲓⲡⲉⲧϩⲱⲟⲩ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲉ̀ϯϫⲱⲛⲧ ⲛⲁϥ	ouoh aitiho èp̀ċois ǹf̀mah sop 2 kata f̀ryti ǹṡorp on ǹh̀me ne hoou nem h̀me ǹègōrh ōik m̀piouōm ouoh mōou m̀pisō eθve netennovi tyrou ny ètaretenṡōft m̀mōou èiri ǹpipet·hōou ǹpem̀θo ǹp̀ċois ètigōnt naf	And I made my petition before the Lord as also at the first forty days and forty nights: I ate no bread and drank no water, on account of all your sins which ye sinned in doing evil before the Lord God to provoke him.
9:19	ⲟⲩⲟϩ ϯⲉⲣϩⲟϯ ⲉⲑⲃⲉⲡⲓϫⲱⲛⲧ ⲛⲉⲙⲡⲓⲉⲙⲃⲟⲛ ϫⲉⲁϥϫⲱⲛⲧ ⲛϫⲉⲡϭⲟⲓⲥ ⲉϫⲉⲛⲑⲏⲛⲟⲩ ⲉϥⲉⲧ ⲑⲏⲛⲟⲩ ⲉⲃⲟⲗ ⲁϥⲥⲱⲧⲉⲙ ⲉⲣⲟⲓ ⲛϫⲉⲡϭⲟⲓⲥ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ	ⲟⲩⲟϩ ϯⲉⲣϩⲟϯ ⲉⲑⲃⲉ ⲡⲓϫⲱⲛⲧ ⲛ̀ⲉⲛⲡⲓⲉⲙⲃⲟⲛ ϫⲉ ⲁϥϫⲱⲛⲧ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲑⲏⲛⲟⲩ ⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ ⲁϥⲥⲱⲧⲉⲙ ⲉ̀ⲣⲟⲓ ⲛ̀ϫⲉ ⲡ̀ϭⲟⲓⲥ ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ	ouoh tierhoti eθve pigōnt ǹenpiemvon je afgōnt ǹje p̀ċois èjen θynou èfet θynou èvol afsōtem èroi ǹje p̀ċois xen pisyou ète m̀mav	And I was greatly terrified because of the wrath and anger, because the Lord was provoked with you utterly to destroy you; yet the Lord hearkened to me at this time also.
9:20	ⲟⲩⲟϩ ⲁ ⲡϭⲟⲓⲥ ϫⲱⲛⲧ ⲉϫⲉⲛⲁⲁⲣⲱⲛ ⲉⲙⲁϣⲱ ⲉϥⲟⲧϥ ⲉⲃⲟⲗ ⲟⲩⲟϩ ⲁⲓⲧⲱⲃϩ ⲉϫⲉⲛⲁⲁⲣⲱⲛ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ	ⲟⲩⲟϩ ⲁ ⲡ̀ϭⲟⲓⲥ ϫⲱⲛⲧ ⲉ̀ϫⲉⲛ ⲁ̀ⲁⲣⲱⲛ ⲉ̀ⲙⲁϣⲱ ⲉ̀ϥⲟⲧϥ ⲉ̀ⲃⲟⲗ ⲟⲩⲟϩ ⲁⲓⲧⲱⲃϩ ⲉ̀ϫⲉⲛ ⲁ̀ⲁⲣⲱⲛ ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ	ouoh a p̀ċois gōnt èjen àarōn èmaṡō èfotf èvol ouoh aitōvh èjen àarōn xen pisyou ète m̀mav	And he was angry with Aaron to destroy him utterly, and I prayed for Aaron also at that time.
9:21	ⲟⲩⲟϩ ⲡⲉⲧⲉⲛⲛⲟⲃⲓ ⲉⲧⲁⲣⲉⲧⲉⲛⲁⲓϥ ⲡⲓⲙⲁⲥⲓ ⲁⲓϭⲓⲧϥ ⲁⲓⲣⲟⲕϩϥ ϧⲉⲛⲟⲩⲭⲣⲱⲙ ⲟⲩⲟϩ ⲁⲓϭⲉⲧϭⲱⲧϥ ⲁⲓⲙⲟⲛⲕϥ ⲉⲙⲁϣⲱ ϣⲁⲧⲉϥϣⲱⲡⲓ ⲉϥϣⲟⲙ ⲟⲩⲟϩ ⲁϥⲉⲣ ⲙⲫⲣⲏϯ ⲛⲟⲩϣⲱⲓϣ ⲟⲩⲟϩ ⲁⲓϩⲓⲟⲩⲓ ⲙⲡⲓϣⲱⲓϣ ⲉⲡⲓⲙⲟⲩⲛⲥⲱⲣⲉⲙ ⲉⲑⲛⲏⲟⲩ ⲉⲡⲉⲥⲏⲧ ⲉⲃⲟⲗ ϩⲓⲡⲓⲧⲱⲟⲩ	ⲟⲩⲟϩ ⲡⲉⲧⲉⲛⲛⲟⲃⲓ ⲉⲧⲁⲣⲉⲧⲉⲛⲁⲓϥ ⲡⲓⲙⲁⲥⲓ ⲁⲓϭⲓⲧϥ ⲁⲓⲣⲟⲕϩϥ ϧⲉⲛ ⲟⲩⲭ̀ⲣⲱⲙ ⲟⲩⲟϩ ⲁⲓϭⲉⲧϭⲱⲧϥ ⲁⲓⲙⲟⲛⲕϥ ⲉ̀ⲙⲁϣⲱ ϣⲁⲧⲉϥϣⲱⲡⲓ ⲉϥϣⲟⲙ ⲟⲩⲟϩ ⲁϥⲉⲣ ⲛ̀ⲫ̀ⲣⲏϯ ⲛ̀ⲟⲩϣⲱⲓϣ ⲟⲩⲟϩ ⲁⲓϩⲓⲟⲩⲓ̀ ⲛ̀ⲡⲓϣⲱⲓϣ ⲉ̀ⲡⲓⲙⲟⲩⲛⲥⲱⲣⲉⲙ ⲉⲑⲛⲏⲟⲩ ⲉ̀ⲡⲉⲥⲏⲧ ⲉ̀ⲃⲟⲗ ϩⲓ ⲡⲓⲧⲱⲟⲩ	ouoh petennovi etaretenaif pimasi aiċitf airok·hf xen ouk̀rōm ouoh aiċetċōtf aimonkf èmaṡō ṡatefṡōpi efṡom ouoh afer ǹf̀ryti ǹouṡōiṡ ouoh aihiouì ǹpiṡōiṡ èpimounsōrem eθnyou èpesyt èvol hi pitōou	And your sin which ye had made, even the calf, I took, and burnt it with fire, and pounded it and ground it down till it became fine; and it became like dust, and I cast the dust into the brook that descended from the mountain.
9:22	ⲟⲩⲟϩ ϧⲉⲛⲡⲓⲣⲱⲕϩ ⲟⲩⲟϩ ϧⲉⲛⲡⲓⲡⲓⲣⲁⲥⲙⲟⲥ ϧⲉⲛⲛⲓⲙϩⲁⲩ ⲛⲧⲉϯⲉⲡⲓⲑⲩⲙⲓⲁ ⲛⲁⲣⲉⲧⲉⲛϯϫⲱⲛⲧ ⲙⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ϧⲉⲛ ⲡⲓⲣⲱⲕϩ ⲟⲩⲟϩ ϧⲉⲛ ⲡⲓⲡⲓⲣⲁⲥⲙⲟⲥ ϧⲉⲛ ⲛⲓⲙ̀ϩⲁⲩ ⲛ̀ⲧⲉ ϯⲉ̀ⲡⲓⲑⲩⲙⲓⲁ ⲛⲁⲣⲉⲧⲉⲛϯϫⲱⲛⲧ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh xen pirōk·h ouoh xen pipirasmos xen nim̀hav ǹte tièpiθimia naretentigōnt ǹp̀ċois petennouti	Also in the burning, and in the temptation, and at the graves of lust, ye provoked the Lord.
9:23	ⲟⲩⲟϩ ϩⲟⲧⲉ ⲉⲧⲁ ⲡϭⲟⲓⲥ ⲟⲩⲉⲣⲡ ⲑⲏⲛⲟⲩ ⲉⲃⲟⲗ ϧⲉⲛⲕⲁⲇⲏⲥ ⲃⲁⲣⲛⲏ ⲉϥϫⲱ ⲙⲙⲟⲥ ϫⲉⲙⲁϣⲉⲛⲱⲧⲉⲛ ⲉϩⲣⲏⲓ ⲁⲣⲓⲕⲗⲏⲣⲟⲛⲟⲙⲓⲛ ⲙⲡⲓⲕⲁϩⲓ ⲫⲏ ⲁⲛⲟⲕ ⲉϯⲛⲁⲧⲏⲓϥ ⲛⲱⲧⲉⲛ ⲟⲩⲟϩ ⲁⲣⲉⲧⲉⲛⲁⲧⲥⲱⲧⲉⲙ ⲛⲥⲁⲡⲥⲁϫⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲙⲡⲉⲧⲉⲛⲛⲁϩϯ ⲉⲣⲟϥ ⲟⲩⲇⲉ ⲙⲡⲉⲧⲉⲛⲥⲱⲧⲉⲙ ⲛⲥⲁⲧⲉϥⲥⲙⲏ	ⲟⲩⲟϩ ϩⲟⲧⲉ ⲉ̀ⲧⲁ ⲡ̀ϭⲟⲓⲥ ⲟⲩⲉⲣⲡ ⲑⲏⲛⲟⲩ ⲉ̀ⲃⲟⲗ ϧⲉⲛ ⲕⲁⲇⲏⲥ ⲃⲁⲣⲛⲏ ⲉϥϫⲱ ⲙ̀ⲙⲟⲥ ϫⲉ ⲙⲁϣⲉⲛⲱⲧⲉⲛ ⲉ̀ϩ̀ⲣⲏⲓ ⲁⲣⲓⲕⲗⲏⲣⲟⲛⲟⲙⲓⲛ ⲛ̀ⲡⲓⲕⲁϩⲓ ⲫⲏ ⲁⲛⲟⲕ ⲉⲓⲛⲁⲧⲏⲓϥ ⲛⲱⲧⲉⲛ ⲟⲩⲟϩ ⲁⲣⲉⲧⲉⲛⲁⲧⲥⲱⲧⲉⲙ ⲛ̀ⲥⲁ ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲙ̀ⲡⲉⲧⲉⲛⲛⲁϩϯ ⲉ̀ⲣⲟϥ ⲟⲩⲇⲉ ⲙ̀ⲡⲉⲧⲉⲛⲥⲱⲧⲉⲙ ⲛ̀ⲥⲁ ⲧⲉϥⲥ̀ⲙⲏ	ouoh hote èta p̀ċois ouerp θynou èvol xen kaḋys varny efgō m̀mos je maṡenōten èh̀ryi ariklyronomin ǹpikahi fy anok einatyif nōten ouoh aretenatsōtem ǹsa p̀·saji ǹp̀ċois petennouti ouoh m̀petennahti èrof ouḋe m̀petensōtem ǹsa tefs̀my	And when the Lord sent you forth from Cades Barne, saying, Go up and inherit the land which I give to you, then ye disobeyed the word of the Lord your God, and believed him not, and hearkened not to his voice.
9:24	ⲛⲁⲣⲉⲧⲉⲛⲟⲓ ⲅⲁⲣ ⲛⲁⲧⲥⲱⲧⲉⲙ ⲛⲥⲁⲡϭⲟⲓⲥ ⲓⲥϫⲉⲛ ⲡⲓⲉϩⲟⲟⲩ ⲉⲧⲁϥⲟⲩⲟⲛϩϥ ⲉⲣⲱⲧⲉⲛ	ⲛⲁⲣⲉⲧⲉⲛⲟⲓ ⲅⲁⲣ ⲛ̀ⲁⲧⲥⲱⲧⲉⲙ ⲛ̀ⲥⲁ ⲡ̀ϭⲟⲓⲥ ⲓⲥϫⲉⲛ ⲡⲓⲉ̀ϩⲟⲟⲩ ⲉ̀ⲧⲁϥⲟⲩⲟⲛϩϥ ⲉⲣⲱⲧⲉⲛ	naretenoi ġar ǹatsōtem ǹsa p̀ċois isjen pièhoou ètafouonhf erōten	Ye were disobedient in the things relating to the Lord from the day in which he became known to you.
9:25	ⲟⲩⲟϩ ⲁⲓϯϩⲟ ⲙⲡⲉⲙⲑⲟ ⲙⲡϭⲟⲓⲥ ⲛⲙ̅ ⲛⲉϩⲟⲟⲩ ⲛⲉⲙⲙ̅ⲛⲉϫⲱⲣϩ ⲛⲏ ⲉⲧⲁⲓⲁⲓⲧⲟⲩⲉⲓ ⲧⲱⲃϩ ⲛⲉ ⲁϥϫⲟⲥ ⲅⲁⲣ ⲛϫⲉⲡϭⲟⲓⲥ ⲉϥⲉⲧ ⲑⲏⲛⲟⲩ ⲉⲃⲟⲗ	ⲟⲩⲟϩ ⲁⲓϯϩⲟ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛ̀ϩ̀ⲙⲉ ⲛ̀ⲉ̀ϩⲟⲟⲩ ⲛⲉⲙ ϩ̀ⲙⲉ ⲛ̀ⲉ̀ϫⲱⲣϩ ⲛⲏ ⲉⲧⲁⲓⲁⲓⲧⲟⲩⲉⲓ ⲧⲱⲃϩ ⲛⲉ ⲁϥϫⲟⲥ ⲅⲁⲣ ⲛ̀ϫⲉ ⲡ̀ϭⲟⲓⲥ ⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ	ouoh aitiho ǹpem̀θo ǹp̀ċois ǹh̀me ǹèhoou nem h̀me ǹègōrh ny etaiaitouei tōvh ne afgos ġar ǹje p̀ċois èfet θynou èvol	And I prayed before the Lord forty days and forty nights, the number that I prayed before, for the Lord said that he would utterly destroy you.
9:26	ⲁⲓⲧⲱⲃϩ ⲙⲫⲛⲟⲩϯ ⲟⲩⲟϩ ⲁⲓϫⲟⲥ ϫⲉⲡϭⲟⲓⲥ ⲡϭⲟⲓⲥ ⲡⲟⲩⲣⲟ ⲛⲧⲉⲛⲓⲉⲑⲛⲟⲥ ⲙⲡⲉⲣϥⲱϯ ⲉⲃⲟⲗ ⲙⲡⲉⲕⲗⲁⲟⲥ ⲛⲉⲙⲧⲉⲕⲕⲗⲏⲣⲟⲛⲟⲙⲓⲁ ⲑⲏ ⲉⲧⲁⲕⲥⲟⲧⲥ ϧⲉⲛⲧⲉⲕⲛⲓϣϯ ⲛϫⲟⲙ ⲛⲏ ⲉⲧⲁⲕⲉⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϧⲉⲛⲧⲉⲕⲛⲓϣϯ ⲛϫⲟⲙ ⲛⲉⲙⲧⲉⲕϫⲓϫ ⲉⲧⲁⲙⲁϩⲓ ⲛⲉⲙⲡⲉⲕϫⲫⲟⲓ ⲉⲧϭⲟⲥⲓ	ⲁⲓⲧⲱⲃϩ ⲛ̀ⲫ̀ⲛⲟⲩϯ ⲟⲩⲟϩ ⲁⲓϫⲟⲥ ϫⲉ ⲡ̀ϭⲟⲓⲥ ⲡ̀ϭⲟⲓⲥ ⲡ̀ⲟⲩⲣⲟ ⲛ̀ⲧⲉ ⲛⲓⲉⲑⲛⲟⲥ ⲙ̀ⲡⲉⲣϥⲱϯ ⲉ̀ⲃⲟⲗ ⲛ̀ⲡⲉⲕⲗⲁⲟⲥ ⲛⲉⲙ ⲧⲉⲕⲕ̀ⲗⲏⲣⲟⲛⲟⲙⲓⲁ ⲑⲏ ⲉⲧⲁⲕⲥⲟⲧⲥ ϧⲉⲛ ⲧⲉⲕⲛⲓϣϯ ⲛ̀ϫⲟⲙ ⲛⲏ ⲉⲧⲁⲕⲉⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲧⲉⲕⲛⲓϣϯ ⲛ̀ϫⲟⲙ ⲛⲉⲙ ⲧⲉⲕϫⲓϫ ⲉⲧⲁⲙⲁϩⲓ ⲛⲉⲙ ⲡⲉⲕϫ̀ⲫⲟⲓ ⲉⲧϭⲟⲥⲓ	aitōvh ǹf̀nouti ouoh aigos je p̀ċois p̀ċois p̀ouro ǹte nieθnos m̀perfōti èvol ǹpeklaos nem tekk̀lyronomia θy etak·sots xen tekniṡti ǹgom ny etakenou èvol xen p̀kahi ǹkymi xen tekniṡti ǹgom nem tekjig etamahi nem pekg̀foi etċosi	And I prayed to God, and said, O Lord, King of gods, destroy not thy people and thine inheritance, whom thou didst redeem, whom thou broughtest out of the land of Egypt with thy great power, and with thy strong hand, and with thy high arm.
9:27	ⲁⲣⲓⲫⲙⲉⲩⲓ ⲛⲁⲃⲣⲁⲁⲙ ⲛⲉⲙⲓⲥⲁⲁⲕ ⲛⲉⲙⲓⲁⲕⲱⲃ ⲛⲉⲕⲉⲃⲓⲁⲕ ⲛⲏ ⲉⲧⲁⲕⲱⲣⲕ ⲛⲱⲟⲩ ⲉϩⲣⲁⲕ ⲙⲙⲓⲛⲙⲙⲟⲕ ⲙⲡⲉⲣϫⲟⲩϣⲧ ⲉϫⲉⲛⲡⲉⲛϣⲟⲧ ⲙⲡⲁⲓⲗⲁⲟⲥ ⲛⲉⲙⲛⲟⲩⲙⲉⲧⲁⲥⲉⲃⲏⲥ ⲛⲉⲙⲛⲟⲩⲛⲟⲃⲓ	ⲁ̀ⲣⲓⲫ̀ⲙⲉⲩⲓ ⲛ̀ⲁⲃⲣⲁⲁⲙ ⲛⲉⲙ ⲓⲥⲁⲁⲕ ⲛⲉⲙ ⲓⲁⲕⲱⲃ ⲛⲉⲕⲉⲃⲓⲁⲕ ⲛⲏ ⲉⲧⲁⲕⲱⲣⲕ ⲛⲱⲟⲩ ⲉ̀ϩ̀ⲣⲁⲕ ⲙ̀ⲙⲓⲛ ⲙ̀ⲙⲟⲕ ⲙ̀ⲡⲉⲣϫⲟⲩϣⲧ ⲉ̀ϫⲉⲛ ⲡⲉⲛϣⲟⲧ ⲛ̀ⲡⲁⲓⲗⲁⲟⲥ ⲛⲉⲙ ⲛⲟⲩⲙⲉⲧⲁⲥⲉⲃⲏⲥ ⲛⲉⲙ ⲛⲟⲩⲛⲟⲃⲓ	àrif̀mevi ǹabraam nem isaak nem iakōb nekeviak ny etakōrk nōou èh̀rak m̀min m̀mok m̀pergouṡt èjen penṡot ǹpailaos nem noumetasebys nem nounovi	Remember Abraam, and Isaac, and Jacob thy servants, to whom thou swarest by thyself: look not upon the hardness of heart of this people, and their impieties, and their sins.
9:28	ⲙⲏⲡⲱⲥ ⲛⲧⲟⲩϫⲟⲥ ⲛϫⲉⲛⲏ ⲉⲧϣⲟⲡ ϧⲉⲛⲡⲓⲕⲁϩⲓ ⲡⲓⲙⲁ ⲉⲧⲁⲕⲉⲛⲟⲩ ⲉⲃⲟⲗ ⲛϧⲏⲧϥ ⲉⲩϫⲱ ⲙⲙⲟⲥ ϫⲉⲉⲑⲃⲉϫⲉⲙⲡⲉϥϣϫⲉⲙϫⲟⲙ ⲛϫⲉⲡϭⲟⲓⲥ ⲉϭⲓⲧⲟⲩ ⲉϧⲟⲩⲛ ⲉⲡⲓⲕⲁϩⲓ ⲉⲧⲁϥϫⲟⲥ ⲛⲱⲟⲩ ⲟⲩⲟϩ ⲉⲑⲃⲉϫⲉϥⲙⲟⲥϯ ⲙⲙⲱⲟⲩ ⲁϥⲉⲛⲟⲩ ⲉⲃⲟⲗ ⲉϧⲟⲑⲃⲟⲩ ϩⲓⲡϣⲁϥⲉ	ⲙⲏⲡⲱⲥ ⲛ̀ⲧⲟⲩϫⲟⲥ ⲛ̀ϫⲉ ⲛⲏ ⲉⲧϣⲟⲡ ϧⲉⲛ ⲡⲓⲕⲁϩⲓ ⲡⲓⲙⲁ ⲉⲧⲁⲕⲉⲛⲟⲩ ⲉ̀ⲃⲟⲗ ⲛ̀ϧⲏⲧϥ ⲉⲩϫⲱ ⲙ̀ⲙⲟⲥ ϫⲉ ⲉⲑⲃⲉ ϫⲉ ⲙ̀ⲡⲉϥϣϫⲉⲙϫⲟⲙ ⲛ̀ϫⲉ ⲡ̀ϭⲟⲓⲥ ⲉ̀ϭⲓⲧⲟⲩ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲉ̀ⲧⲁϥϫⲟⲥ ⲛⲱⲟⲩ ⲟⲩⲟϩ ⲉⲑⲃⲉ ϫⲉ ϥ̀ⲙⲟⲥϯ ⲙ̀ⲙⲱⲟⲩ ⲁϥⲉⲛⲟⲩ ⲉ̀ⲃⲟⲗ ⲉ̀ϧⲟⲑⲃⲟⲩ ϩⲓ ⲡ̀ϣⲁϥⲉ	mypōs ǹtougos ǹje ny etṡop xen pikahi pima etakenou èvol ǹxytf evgō m̀mos je eθve je m̀pefṡjemgom ǹje p̀ċois èċitou èxoun èpikahi ètafgos nōou ouoh eθve je f̀mosti m̀mōou afenou èvol èxoθvou hi p̀ṡafe	Lest the inhabitants of the land whence thou broughtest us out speak, saying, Because the Lord could not bring them into the land of which he spoke to them, and because he hated them, has he brought them forth to slay them in the wilderness.
9:29	ⲟⲩⲟϩ ⲫⲁⲓ ⲡⲉ ⲡⲉⲕⲗⲁⲟⲥ ⲛⲉⲙⲧⲉⲕⲕⲗⲏⲣⲟⲛⲟⲙⲓⲁ ⲛⲏ ⲉⲧⲁⲕⲉⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϧⲉⲛⲧⲉⲕⲛⲓϣϯ ⲛϫⲟⲙ ⲛⲉⲙϧⲉⲛⲧⲉⲕϫⲓϫ ⲉⲧⲁⲙⲁϩⲓ ⲛⲉⲙϧⲉⲛⲡⲉⲕϫⲫⲟⲓ ⲉⲧϭⲟⲥⲓ	ⲟⲩⲟϩ ⲫⲁⲓ ⲡⲉ ⲡⲉⲕⲗⲁⲟⲥ ⲛⲉⲙ ⲧⲉⲕⲕ̀ⲗⲏⲣⲟⲛⲟⲙⲓⲁ ⲛⲏ ⲉⲧⲁⲕⲉⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲧⲉⲕⲛⲓϣϯ ⲛ̀ϫⲟⲙ ⲛⲉⲙ ϧⲉⲛ ⲧⲉⲕϫⲓϫ ⲉⲧⲁⲙⲁϩⲓ ⲛⲉⲙ ϧⲉⲛ ⲡⲉⲕϫ̀ⲫⲟⲓ ⲉⲧϭⲟⲥⲓ	ouoh fai pe peklaos nem tekk̀lyronomia ny etakenou èvol xen p̀kahi ǹkymi xen tekniṡti ǹgom nem xen tekjig etamahi nem xen pekg̀foi etċosi	And these are thy people and thy portion, whom thou broughtest out of the land of Egypt with thy great strength, and with thy mighty hand, and with thy high arm.

Provenance

title: 05_Deuteronomium_09
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_09
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_09 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/09.bohairic.scriptorium.L0.txt
title: 05_Deuteronomium_09 — Cairene
dialect: bohairic
source: generated from 09.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_09)
licence: CC BY-SA 4.0
share: attribution
attribution: 05_Deuteronomium_09 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/09.bohairic.scriptorium.L1.txt
title: 05_Deuteronomium_09 — Kemetic
dialect: bohairic
source: generated from 09.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_09 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/09.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 29 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_09 (29 lines)

Cite as:

05_Deuteronomium_09. Coptic SCRIPTORIUM corpus "bohairic.ot", document 05_Deuteronomium_09. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/09.bohairic.scriptorium/. 05_Deuteronomium_09 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.