05_Deuteronomium_22 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_22

Attribution: 05_Deuteronomium_22 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

30 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
22:1	ⲁⲕϣⲁⲛⲛⲁⲩ ⲉⲫⲙⲁⲥⲓ ⲙⲡⲉⲕⲥⲟⲛ ⲓⲉ ⲡⲉϥⲉⲥⲱⲟⲩ ⲉⲩⲥⲟⲣⲉⲙ ϩⲓⲫⲙⲱⲓⲧ ⲙⲡⲉⲣⲫⲉⲛϩ ⲡⲉⲕϩⲟ ⲥⲁⲃⲟⲗ ⲙⲙⲱⲟⲩ ⲁⲗⲗⲁ ϧⲉⲛⲟⲩⲧⲁⲥⲑⲟ ⲉⲕⲉⲧⲁⲥⲑⲱⲟⲩ ⲙⲡⲉⲕⲥⲟⲛ ⲟⲩⲟϩ ⲉⲕⲉⲧⲏⲓⲧⲟⲩ ⲛⲁϥ	ⲁⲕϣⲁⲛⲛⲁⲩ ⲉ̀ⲫ̀ⲙⲁⲥⲓ ⲛ̀ⲡⲉⲕⲥⲟⲛ ⲓⲉ ⲡⲉϥⲉ̀ⲥⲱⲟⲩ ⲉⲩⲥⲟⲣⲉⲙ ϩⲓ ⲫ̀ⲙⲱⲓⲧ ⲙ̀ⲡⲉⲣⲫⲉⲛϩ ⲡⲉⲕϩⲟ ⲥⲁⲃⲟⲗ ⲙ̀ⲙⲱⲟⲩ ⲁⲗⲗⲁ ϧⲉⲛ ⲟⲩⲧⲁⲥⲑⲟ ⲉⲕⲉⲧⲁⲥⲑⲱⲟⲩ ⲛ̀ⲡⲉⲕⲥⲟⲛ ⲟⲩⲟϩ ⲉⲕⲉ̀ⲧⲏⲓⲧⲟⲩ ⲛⲁϥ	akṡannav èf̀masi ǹpek·son ie pefèsōou evsorem hi f̀mōit m̀perfenh pek·ho savol m̀mōou alla xen outasθo eketasθōou ǹpek·son ouoh ekètyitou naf	When thou seest the calf of thy brother or his sheep wandering in the way, thou shalt not overlook them; thou shalt by all means turn them back to thy brother, and thou shalt restore them to him.
22:2	ⲉϣⲱⲡ ⲇⲉ ⲉϥϧⲉⲛⲧ ⲉⲣⲟⲕ ⲁⲛ ⲛϫⲉⲡⲉⲕⲥⲟⲛ ⲟⲩⲇⲉ ⲛⲕⲥⲱⲟⲩⲛ ⲙⲙⲟϥ ⲁⲛ ⲉⲕⲉⲑⲟⲩⲱⲧⲟⲩ ϩⲁⲣⲟⲕ ⲉϧⲟⲩⲛ ⲉⲡⲉⲕⲏⲓ ⲉⲩⲉϣⲱⲡⲓ ⲛⲉⲙⲁⲕ ϣⲁⲧⲉ ⲡⲉⲕⲥⲟⲛ ⲕⲱϯ ⲛⲥⲱⲟⲩ ⲟⲩⲟϩ ⲉⲕⲉⲧⲏⲓⲧⲟⲩ ⲛⲁϥ	ⲉϣⲱⲡ ⲇⲉ ⲉϥϧⲉⲛⲧ ⲉ̀ⲣⲟⲕ ⲁⲛ ⲛ̀ϫⲉ ⲡⲉⲕⲥⲟⲛ ⲟⲩⲇⲉ ⲛ̀ⲕⲥⲱⲟⲩⲛ ⲙ̀ⲙⲟϥ ⲁⲛ ⲉⲕⲉ̀ⲑⲟⲩⲱⲧⲟⲩ ϩⲁⲣⲟⲕ ⲉ̀ϧⲟⲩⲛ ⲉ̀ⲡⲉⲕⲏⲓ ⲉⲩⲉ̀ϣⲱⲡⲓ ⲛⲉⲙⲁⲕ ϣⲁⲧⲉ ⲡⲉⲕⲥⲟⲛ ⲕⲱϯ ⲛ̀ⲥⲱⲟⲩ ⲟⲩⲟϩ ⲉⲕⲉ̀ⲧⲏⲓⲧⲟⲩ ⲛⲁϥ	eṡōp ḋe efxent èrok an ǹje pek·son ouḋe ǹk·sōoun m̀mof an ekèθouōtou harok èxoun èpekyi evèṡōpi nemak ṡate pek·son kōti ǹsōou ouoh ekètyitou naf	And if thy brother do not come nigh thee, and thou dost not know him, thou shalt bring it into thy house within; and it shall be with thee until thy brother shall seek them, and thou shalt restore them to him.
22:3	ⲡⲁⲓⲣⲏϯ ⲟⲛ ⲉⲕⲉⲁⲓⲥ ⲙⲡⲉϥⲓⲱ ⲟⲩⲟϩ ⲡⲁⲓⲣⲏϯ ⲉⲕⲉⲁⲓⲥ ⲙⲡⲉϥϩⲃⲟⲥ ⲟⲩⲟϩ ⲡⲁⲓⲣⲏϯ ⲟⲛ ⲉⲕⲉⲁⲓⲥ ⲛⲧⲁⲕⲟ ⲛⲓⲃⲉⲛ ⲛⲧⲉⲡⲉⲕⲥⲟⲛ ⲛⲏ ⲉⲧⲟⲩⲛⲁⲧⲁⲕⲟ ⲛⲧⲟⲧϥ ⲟⲩⲟϩ ⲛⲧⲉⲕϫⲉⲙⲟⲩ ⲛⲛⲉⲕϣϫⲉⲙϫⲟⲙ ⲙⲫⲉⲛϩ ⲡⲉⲕϩⲟ ⲥⲁⲃⲟⲗ ⲙⲙⲱⲟⲩ	ⲡⲁⲓⲣⲏϯ ⲟⲛ ⲉⲕⲉⲁⲓⲥ ⲛ̀ⲡⲉϥⲓⲱ ⲟⲩⲟϩ ⲡⲁⲓⲣⲏϯ ⲉⲕⲉⲁⲓⲥ ⲛ̀ⲡⲉϥϩⲃⲟⲥ ⲟⲩⲟϩ ⲡⲁⲓⲣⲏϯ ⲟⲛ ⲉⲕⲉⲁⲓⲥ ⲛ̀ⲧⲁⲕⲟ ⲛⲓⲃⲉⲛ ⲛ̀ⲧⲉ ⲡⲉⲕⲥⲟⲛ ⲛⲏ ⲉⲧⲟⲩⲛⲁⲧⲁⲕⲟ ⲛ̀ⲧⲟⲧϥ ⲟⲩⲟϩ ⲛ̀ⲧⲉⲕϫⲉⲙⲟⲩ ⲛ̀ⲛⲉⲕϣϫⲉⲙϫⲟⲙ ⲛ̀ⲫⲉⲛϩ ⲡⲉⲕϩⲟ ⲥⲁⲃⲟⲗ ⲙ̀ⲙⲱⲟⲩ	pairyti on ekeais ǹpefiō ouoh pairyti ekeais ǹpefhvos ouoh pairyti on ekeais ǹtako niven ǹte pek·son ny etounatako ǹtotf ouoh ǹtekjemou ǹnekṡjemgom ǹfenh pek·ho savol m̀mōou	Thus shalt thou do to his ass, and thus shalt thou do to his garment, and thus shalt thou do to every thing that thy brother has lost; whatsoever shall have been lost by him, and thou shalt have found, thou shalt not have power to overlook.
22:4	ⲟⲩⲟϩ ⲁⲕϣⲁⲛⲛⲁⲩ ⲉⲫⲓⲱ ⲙⲡⲉⲕⲥⲟⲛ ⲓⲉ ⲡⲉϥⲙⲁⲥⲓ ⲉⲁⲩϩⲉⲓ ϩⲓⲫⲙⲱⲓⲧ ⲛⲛⲉⲕⲫⲉⲛϩ ⲡⲉⲕϩⲟ ⲥⲁⲃⲟⲗ ⲙⲙⲱⲟⲩ ⲁⲗⲗⲁ ϧⲉⲛⲟⲩⲧⲁϩⲟ ⲉⲕⲉⲧⲁϩⲱⲟⲩ ⲉⲣⲁⲧⲟⲩⲛⲉⲙⲁϥ	ⲟⲩⲟϩ ⲁⲕϣⲁⲛⲛⲁⲩ ⲉ̀ⲫⲓⲱ ⲛ̀ⲡⲉⲕⲥⲟⲛ ⲓⲉ ⲡⲉϥⲙⲁⲥⲓ ⲉⲁⲩϩⲉⲓ ϩⲓ ⲫ̀ⲙⲱⲓⲧ ⲛ̀ⲛⲉⲕⲫⲉⲛϩ ⲡⲉⲕϩⲟ ⲥⲁⲃⲟⲗ ⲙ̀ⲙⲱⲟⲩ ⲁⲗⲗⲁ ϧⲉⲛ ⲟⲩⲧⲁϩⲟ ⲉⲕⲉ̀ⲧⲁϩⲱⲟⲩ ⲉ̀ⲣⲁⲧⲟⲩⲛⲉⲙⲁϥ	ouoh akṡannav èfiō ǹpek·son ie pefmasi eavhei hi f̀mōit ǹnekfenh pek·ho savol m̀mōou alla xen outaho ekètahōou èratounemaf	Thou shalt not see the ass of thy brother, or his calf, fallen in the way: thou shalt not overlook them, thou shalt surely help him to raise them up.
22:5	ⲛⲛⲉ ⲥⲕⲉⲩⲟⲥ ⲛϩⲱⲟⲩⲧ ϣⲱⲡⲓ ϩⲓⲟⲩⲥϩⲓⲙⲓ ⲟⲩⲇⲉ ⲛⲛⲉ ϩⲱⲟⲩⲧ ϯ ⲥⲧⲟⲗⲏ ⲛⲥϩⲓⲙⲓ ϩⲓⲱⲧϥ ϫⲉⲟⲩⲱⲣⲉⲃ ⲛⲧⲉⲛⲡϭⲟⲓⲥ ⲡⲉⲕⲛⲟⲩϯ ⲡⲉ ⲟⲩⲟⲛ ⲛⲓⲃⲉⲛ ⲉⲧⲓⲣⲓ ⲛⲛⲁⲓ	ⲛ̀ⲛⲉ ⲥⲕⲉⲩⲟⲥ ⲛ̀ϩⲱⲟⲩⲧ ϣⲱⲡⲓ ϩⲓ ⲟⲩⲥ̀ϩⲓⲙⲓ ⲟⲩⲇⲉ ⲛ̀ⲛⲉ ϩⲱⲟⲩⲧ ϯ ⲥⲧⲟⲗⲏ ⲛ̀ⲥϩⲓⲙⲓ ϩⲓⲱⲧϥ ϫⲉ ⲟⲩⲱⲣⲉⲃ ⲛ̀ⲧⲉⲛ ⲡ̀ϭⲟⲓⲥ ⲡⲉⲕⲛⲟⲩϯ ⲡⲉ ⲟⲩⲟⲛ ⲛⲓⲃⲉⲛ ⲉⲧⲓⲣⲓ ⲛ̀ⲛⲁⲓ	ǹne skevos ǹhōout ṡōpi hi ous̀·himi ouḋe ǹne hōout ti stoly ǹs·himi hiōtf je ouōreb ǹten p̀ċois peknouti pe ouon niven etiri ǹnai	The apparel of a man shall not be on a woman, neither shall a man put on a woman's dress; for every one that does these things is an abomination to the Lord thy God.
22:6	ⲉϣⲱⲡ ⲇⲉ ⲁⲕϣⲁⲛⲓ ⲉϩⲣⲏⲓ ⲉϫⲉⲛⲟⲩⲙⲟϩ ⲛϩⲁⲗⲏⲧ ϧⲁⲧϩⲏ ⲙⲡⲉⲕϩⲟ ϩⲓⲫⲙⲱⲓⲧ ⲓⲉ ϩⲓϫⲉⲛϣϣⲏⲛ ⲛⲓⲃⲉⲛ ⲓⲉ ϩⲓϫⲉⲛⲡⲕⲁϩⲓ ⲓⲉ ϩⲁⲛⲙⲁⲥ ⲓⲉ ϩⲁⲛⲥⲱⲟⲩϩⲓ ⲉⲣⲉϯⲙⲁⲩ ϩⲉⲙⲥⲓ ϩⲓϫⲉⲛⲡⲓⲙⲟϩ ⲓⲉ ϩⲓϫⲉⲛⲛⲓⲥⲱⲟⲩϩⲓ ⲛⲛⲉⲕⲉⲗ ϯⲙⲁⲩ ⲛⲉⲙⲛⲉⲥϣⲏⲣⲓ	ⲉϣⲱⲡ ⲇⲉ ⲁⲕϣⲁⲛⲓ̀ ⲉ̀ϩ̀ⲣⲏⲓ ⲉ̀ϫⲉⲛ ⲟⲩⲙⲟϩ ⲛ̀ϩⲁⲗⲏⲧ ϧⲁⲧ̀ϩⲏ ⲛ̀ⲡⲉⲕϩⲟ ϩⲓ ⲫ̀ⲙⲱⲓⲧ ⲓⲉ ϩⲓϫⲉⲛ ϣ̀ϣⲏⲛ ⲛⲓⲃⲉⲛ ⲓⲉ ϩⲓϫⲉⲛ ⲡ̀ⲕⲁϩⲓ ⲓⲉ ϩⲁⲛⲙⲁⲥ ⲓⲉ ϩⲁⲛⲥⲱⲟⲩϩⲓ ⲉ̀ⲣⲉ ϯⲙⲁⲩ ϩⲉⲙⲥⲓ ϩⲓϫⲉⲛ ⲡⲓⲙⲟϩ ⲓⲉ ϩⲓϫⲉⲛ ⲛⲓⲥⲱⲟⲩϩⲓ ⲛ̀ⲛⲉⲕⲉⲗ ϯⲙⲁⲩ ⲛⲉⲙ ⲛⲉⲥϣⲏⲣⲓ	eṡōp ḋe akṡanì èh̀ryi èjen oumoh ǹhalyt xat̀·hy ǹpek·ho hi f̀mōit ie hijen ṡ̀ṡyn niven ie hijen p̀kahi ie hanmas ie hansōouhi ère timav hemsi hijen pimoh ie hijen nisōouhi ǹnekel timav nem nesṡyri	And if thou shouldest come upon a brood of birds before thy face in the way or upon any tree, or upon the earth, young or eggs, and the mother be brooding on the young or the eggs, thou shalt not take the dam with the young ones.
22:7	ϧⲉⲛⲟⲩⲟⲩⲱⲣⲡ ⲉⲕⲉⲭⲁ ϯⲙⲁⲩ ⲉⲃⲟⲗ ϧⲉⲛⲟⲩⲭⲱ ⲉⲃⲟⲗ ⲛⲓⲙⲁⲥ ⲇⲉ ⲉⲕⲉϭⲓⲧⲟⲩ ⲛⲁⲕ ϩⲓⲛⲁ ⲛⲧⲉⲕⲁⲛⲁⲓ ⲙⲙⲟⲥ ⲛⲧⲉⲛⲉⲕⲉϩⲟⲟⲩ ⲁϣⲁⲓ	ϧⲉⲛ ⲟⲩⲟⲩⲱⲣⲡ ⲉⲕⲉ̀ⲭⲁ ϯⲙⲁⲩ ⲉ̀ⲃⲟⲗ ϧⲉⲛ ⲟⲩⲭⲱ ⲉ̀ⲃⲟⲗ ⲛⲓⲙⲁⲥ ⲇⲉ ⲉⲕⲉ̀ϭⲓⲧⲟⲩ ⲛⲁⲕ ϩⲓⲛⲁ ⲛ̀ⲧⲉⲕⲁⲛⲁⲓ ⲙ̀ⲙⲟⲥ ⲛ̀ⲧⲉ ⲛⲉⲕⲉ̀ϩⲟⲟⲩ ⲁ̀ϣⲁⲓ	xen ououōrp ekèka timav èvol xen oukō èvol nimas ḋe ekèċitou nak hina ǹtekanai m̀mos ǹte nekèhoou àṡai	Thou shalt by all means let the mother go, but thou shalt take the young to thyself; that it may be well with thee, and that thou mayest live long.
22:8	ⲉϣⲱⲡ ⲇⲉ ⲁⲕϣⲁⲛⲕⲱⲧ ⲛⲟⲩⲏⲓ ⲙⲃⲉⲣⲓ ⲛⲁⲕ ⲉⲕⲉⲑⲁⲙⲓⲟ ⲛⲟⲩⲗⲱⲃϣ ⲉϫⲉⲛⲡⲉϥϫⲉⲛⲉⲫⲱⲣ ⲛⲛⲉⲕⲉⲣⲟⲩϧⲱⲧⲉⲃ ϧⲉⲛⲡⲉⲕⲏⲓ ⲁϥϣⲁⲛϩⲉⲓ ⲛϫⲉⲫⲏ ⲉⲧⲛⲁϩⲉⲓ ⲉⲃⲟⲗ ϩⲓϫⲱϥ	ⲉϣⲱⲡ ⲇⲉ ⲁⲕϣⲁⲛⲕⲱⲧ ⲛ̀ⲟⲩⲏⲓ ⲛ̀ⲃⲉⲣⲓ ⲛⲁⲕ ⲉⲕⲉ̀ⲑⲁⲙⲓⲟ ⲛ̀ⲟⲩⲗⲱⲃϣ ⲉ̀ϫⲉⲛ ⲡⲉϥϫⲉⲛⲉⲫⲱⲣ ⲛ̀ⲛⲉⲕⲉⲣⲟⲩϧⲱⲧⲉⲃ ϧⲉⲛ ⲡⲉⲕⲏⲓ ⲁϥϣⲁⲛϩⲉⲓ ⲛ̀ϫⲉ ⲫⲏ ⲉⲧⲛⲁϩⲉⲓ ⲉ̀ⲃⲟⲗ ϩⲓϫⲱϥ	eṡōp ḋe akṡankōt ǹouyi ǹveri nak ekèθamio ǹoulōvṡ èjen pefjenefōr ǹnekerouxōteb xen pekyi afṡanhei ǹje fy etnahei èvol higōf	If thou shouldest build a new house, then shalt thou make a parapet to thy house; so thou shalt not bring blood-guiltiness upon thy house, if one should in any wise fall from it.
22:9	ⲛⲛⲉⲕⲥⲉⲧ ⲡⲉⲕⲓⲟϩⲓ ⲛⲟⲩⲧⲁϩ ⲃ̅ ϫⲉⲛⲛⲉϥⲧⲟⲩⲃⲟ ⲛϫⲉⲡⲓⲅⲉⲛⲏⲙⲁ ⲛⲉⲙⲡⲓϫⲣⲟϫ ⲉⲧⲉⲕⲛⲁⲥⲁⲧϥ ⲛⲉⲙⲡⲓⲅⲉⲛⲏⲙⲁ ⲛⲧⲉⲡⲉⲕⲓⲁϩⲁⲗⲟⲗⲓ	ⲛ̀ⲛⲉⲕⲥⲉⲧ ⲡⲉⲕⲓⲟϩⲓ ⲛ̀ⲟⲩⲧⲁϩ 2 ϫⲉ ⲛ̀ⲛⲉϥⲧⲟⲩⲃⲟ ⲛ̀ϫⲉ ⲡⲓⲅⲉⲛⲏⲙⲁ ⲛⲉⲙ ⲡⲓϫ̀ⲣⲟϫ ⲉ̀ⲧⲉ ⲭ̀ⲛⲁⲥⲁⲧϥ ⲛⲉⲙ ⲡⲓⲅⲉⲛⲏⲙⲁ ⲛ̀ⲧⲉ ⲡⲉⲕⲓⲁϩⲁⲗⲟⲗⲓ	ǹnek·set pekiohi ǹoutah 2 je ǹneftouvo ǹje pigenyma nem pig̀rog ète k̀nasatf nem pigenyma ǹte pekiahaloli	Thou shalt not sow thy vineyard with diverse seed, lest the fruit be devoted, and whatsoever seed thou mayest sow, with the fruit of thy vineyard.
22:10	ⲛⲛⲉⲕⲥⲭⲁⲓ ⲛⲟⲩⲙⲁⲥⲓ ⲛⲉⲙⲟⲩⲓⲱ ⲉⲩⲥⲟⲡ	ⲛ̀ⲛⲉⲕⲥⲭⲁⲓ ⲛ̀ⲟⲩⲙⲁⲥⲓ ⲛⲉⲙ ⲟⲩⲓⲱ ⲉⲩⲥⲟⲡ	ǹnek·skai ǹoumasi nem ouiō evsop	Thou shalt not plough with an ox and an ass together.
22:11	ⲛⲛⲉⲕϯ ⲟⲩϣⲑⲏⲛ ⲙⲙⲟⲩϫⲧ ϩⲓⲱⲧⲕ ⲟⲩⲥⲟⲣⲧ ⲛⲉⲙⲟⲩⲓⲁⲩ ⲉⲩⲥⲟⲡ	ⲛ̀ⲛⲉⲕϯ ⲟⲩϣⲑⲏⲛ ⲛ̀ⲙⲟⲩϫⲧ ϩⲓⲱⲧⲕ ⲟⲩⲥⲟⲣⲧ ⲛⲉⲙ ⲟⲩⲓⲁⲩ ⲉⲩⲥⲟⲡ	ǹnekti ouṡθyn ǹmougt hiōtk ousort nem ouiav evsop	Thou shalt not wear a mingled garment, woollen and linen together.
22:12	ⲉⲕⲉⲑⲁⲙⲓⲟ ⲛⲁⲕ ⲛϩⲁⲛⲑⲱϯ ϩⲓⲡⲓⲇ̅ ⲗⲁⲕϩ ⲛⲧⲉⲛⲉⲕⲉⲣϣⲱⲛ ⲉⲧⲉⲕⲛⲁϫⲟⲗϩⲕ ⲙⲙⲱⲟⲩ	ⲉⲕⲉ̀ⲑⲁⲙⲓⲟ ⲛⲁⲕ ⲛ̀ϩⲁⲛⲑⲱϯ ϩⲓ ⲡⲓ4 ⲗⲁⲕϩ ⲛ̀ⲧⲉ ⲛⲉⲕⲉⲣϣⲱⲛ ⲉ̀ⲧⲉ ⲭ̀ⲛⲁϫⲟⲗϩⲕ ⲙ̀ⲙⲱⲟⲩ	ekèθamio nak ǹhanθōti hi pi4 lak·h ǹte nekerṡōn ète k̀nagolhk m̀mōou	Thou shalt make fringes on the four borders of thy garments, with which soever thou mayest be clothed.
22:13	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϭⲓ ⲛⲟⲩⲥϩⲓⲙⲓ ⲟⲩⲟϩ ⲛⲧⲉϥϣⲱⲡⲓ ⲛⲉⲙⲁⲥ ⲛⲧⲉϥⲙⲉⲥⲧⲱⲥ	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϭⲓ ⲛ̀ⲟⲩⲥ̀ϩⲓⲙⲓ ⲟⲩⲟϩ ⲛ̀ⲧⲉϥϣⲱⲡⲓ ⲛⲉⲙⲁⲥ ⲛ̀ⲧⲉϥⲙⲉⲥⲧⲱⲥ	eṡōp ḋe areṡan ouai ċi ǹous̀·himi ouoh ǹtefṡōpi nemas ǹtefmestōs	And if any one should take a wife, and dwell with her, and hate her,
22:14	ⲛⲧⲉϥϩⲓ ϩⲁⲛⲥⲁϫⲓ ⲛⲗⲱⲓϫⲓ ⲛⲥⲱⲥ ⲛⲧⲉϥϫⲉ ⲟⲩⲣⲁⲛ ⲉϥϩⲱⲟⲩ ⲛⲥⲱⲥ ⲉϥϫⲱ ⲙⲙⲟⲥ ϫⲉⲧⲁⲓⲥϩⲓⲙⲓ ⲁⲓϭⲓⲧⲥ ⲟⲩⲟϩ ⲉⲧⲁⲓϣⲉⲛⲏⲓ ⲉϧⲟⲩⲛ ϩⲁⲣⲟⲥ ⲙⲡⲓϫⲓⲙⲓ ⲛⲛⲉⲥⲙⲉⲧⲡⲁⲣⲑⲉⲛⲟⲥ	ⲛ̀ⲧⲉϥϩⲓ ϩⲁⲛⲥⲁϫⲓ ⲛ̀ⲗⲱⲓϫⲓ ⲛ̀ⲥⲱⲥ ⲛ̀ⲧⲉϥϫⲉ ⲟⲩⲣⲁⲛ ⲉϥϩⲱⲟⲩ ⲛ̀ⲥⲱⲥ ⲉϥϫⲱ ⲙ̀ⲙⲟⲥ ϫⲉ ⲧⲁⲓⲥ̀ϩⲓⲙⲓ ⲁⲓϭⲓⲧⲥ ⲟⲩⲟϩ ⲉ̀ⲧⲁⲓϣⲉⲛⲏⲓ ⲉ̀ϧⲟⲩⲛ ϩⲁⲣⲟⲥ ⲙ̀ⲡⲓϫⲓⲙⲓ ⲛ̀ⲛⲉⲥⲙⲉⲧⲡⲁⲣⲑⲉⲛⲟⲥ	ǹtefhi hansaji ǹlōiji ǹsōs ǹtefje ouran efhōou ǹsōs efgō m̀mos je tais̀·himi aiċits ouoh ètaiṡenyi èxoun haros m̀pijimi ǹnesmetparθenos	and attach to her reproachful words, and bring against her an evil name, and say, I took this woman, and when I came to her I found not her tokens of virginity:
22:15	ⲟⲩⲟϩ ⲉϥⲉⲱⲗⲓ ⲛϫⲉⲫⲓⲱⲧ ⲛϯⲁⲗⲟⲩ ⲛⲉⲙⲧⲉⲥⲙⲁⲩ ⲛⲛⲓⲙⲉⲧⲡⲁⲣⲑⲉⲛⲟⲥ ⲛⲧⲉϯⲁⲗⲟⲩ ⲉⲩⲉⲉⲛⲟⲩ ⲉⲃⲟⲗ ϩⲁⲛⲓϧⲉⲗⲗⲟⲓ ⲉϩⲣⲉⲛϯⲡⲩⲗⲏ	ⲟⲩⲟϩ ⲉϥⲉ̀ⲱ̀ⲗⲓ ⲛ̀ϫⲉ ⲫ̀ⲓⲱⲧ ⲛ̀ϯⲁ̀ⲗⲟⲩ ⲛⲉⲙ ⲧⲉⲥⲙⲁⲩ ⲛ̀ⲛⲓⲙⲉⲧⲡⲁⲣⲑⲉⲛⲟⲥ ⲛ̀ⲧⲉ ϯⲁⲗⲟⲩ ⲉⲩⲉⲉⲛⲟⲩ ⲉ̀ⲃⲟⲗ ϩⲁ ⲛⲓϧⲉⲗⲗⲟⲓ ⲉ̀ϩ̀ⲣⲉⲛϯⲡⲩⲗⲏ	ouoh efèṑli ǹje f̀iōt ǹtiàlou nem tesmav ǹnimetparθenos ǹte tialou eveenou èvol ha nixelloi èh̀rentipily	then the father and the mother of the damsel shall take and bring out the damsel's tokens of virginity to the elders of the city to the gate.
22:16	ⲟⲩⲟϩ ⲉϥⲉϫⲟⲥ ⲛϫⲉⲫⲓⲱⲧ ⲛϯⲁⲗⲟⲩ ⲛⲛⲓϧⲉⲗⲗⲟⲓ ϫⲉⲧⲁⲓϣⲉⲣⲓ ⲛⲧⲏⲓ ⲁⲓⲧⲏⲓⲥ ⲙⲡⲁⲓⲣⲱⲙⲓ ⲉⲩⲥϩⲓⲙⲓ ⲟⲩⲟϩ ⲉⲧⲁϥⲙⲉⲥⲧⲱⲥ ϯⲛⲟⲩ	ⲟⲩⲟϩ ⲉϥⲉ̀ϫⲟⲥ ⲛ̀ϫⲉ ⲫ̀ⲓⲱⲧ ⲛ̀ϯⲁ̀ⲗⲟⲩ ⲛ̀ⲛⲓϧⲉⲗⲗⲟⲓ ϫⲉ ⲧⲁⲓϣⲉⲣⲓ ⲛ̀ⲧⲏⲓ ⲁⲓⲧⲏⲓⲥ ⲛ̀ⲡⲁⲓⲣⲱⲙⲓ ⲉⲩⲥ̀ϩⲓⲙⲓ ⲟⲩⲟϩ ⲉ̀ⲧⲁϥⲙⲉⲥⲧⲱⲥ ϯⲛⲟⲩ	ouoh efègos ǹje f̀iōt ǹtiàlou ǹnixelloi je taiṡeri ǹtyi aityis ǹpairōmi evs̀·himi ouoh ètafmestōs tinou	And the father of the damsel shall say to the elders, I gave this my daughter to this man for a wife;
22:17	ⲛⲑⲟϥ ϯⲛⲟⲩ ϥⲧⲁⲗⲟ ⲛϩⲁⲛⲥⲁϫⲓ ⲉϫⲱⲥ ⲉϥϫⲱ ⲙⲙⲟⲥ ϫⲉⲡⲓϫⲓⲙⲓ ⲛⲛⲓⲙⲉⲧⲡⲁⲣⲑⲉⲛⲟⲥ ⲛⲧⲉⲧⲉⲕϣⲉⲣⲓ ⲟⲩⲟϩ ⲛⲁⲓ ⲛⲉ ⲛⲓⲙⲉⲧⲡⲁⲣⲑⲉⲛⲟⲥ ⲛⲧⲉⲧⲁϣⲉⲣⲓ ⲉⲩⲉⲫⲟⲣⲡⲉⲣ ⲙⲡⲓϩⲃⲟⲥ ⲉⲃⲟⲗ ⲙⲡⲉⲙⲑⲟ ⲛⲛⲓϧⲉⲗⲗⲟⲓ ⲛⲧⲉϯⲃⲁⲕⲓ ⲉⲧⲉⲙⲙⲁⲩ	ⲛ̀ⲑⲟϥ ϯⲛⲟⲩ ϥ̀ⲧⲁⲗⲟ ⲛ̀ϩⲁⲛⲥⲁϫⲓ ⲉ̀ϫⲱⲥ ⲉϥϫⲱ ⲙ̀ⲙⲟⲥ ϫⲉ ⲡⲓϫⲓⲙⲓ ⲛ̀ⲛⲓⲙⲉⲧⲡⲁⲣⲑⲉⲛⲟⲥ ⲛ̀ⲧⲉ ⲧⲉⲕϣⲉⲣⲓ ⲟⲩⲟϩ ⲛⲁⲓ ⲛⲉ ⲛⲓⲙⲉⲧⲡⲁⲣⲑⲉⲛⲟⲥ ⲛ̀ⲧⲉ ⲧⲁϣⲉⲣⲓ ⲉⲩⲉ̀ⲫⲟⲣⲡⲉⲣ ⲛ̀ⲡⲓϩⲃⲟⲥ ⲉ̀ⲃⲟⲗ ⲛ̀ⲡⲉⲙ̀ⲑⲟ ⲛ̀ⲛⲓϧⲉⲗⲗⲟⲓ ⲛ̀ⲧⲉ ϯⲃⲁⲕⲓ ⲉ̀ⲧⲉ ⲙ̀ⲙⲁⲩ	ǹθof tinou f̀talo ǹhansaji ègōs efgō m̀mos je pijimi ǹnimetparθenos ǹte tekṡeri ouoh nai ne nimetparθenos ǹte taṡeri evèforper ǹpihvos èvol ǹpem̀θo ǹnixelloi ǹte tivaki ète m̀mav	and now he has hated her, and attaches reproachful words to her, saying, I have not found tokens of virginity with thy daughter; and these are the tokens of my daughter's virginity. And they shall unfold the garment before the elders of the city.
22:18	ⲟⲩⲟϩ ⲉⲩⲉϭⲓ ⲙⲡⲓⲣⲱⲙⲓ ⲉⲧⲉⲙⲙⲁⲩ ⲛϫⲉⲛⲓϧⲉⲗⲗⲟⲓ ⲛⲧⲉϯⲃⲁⲕⲓ ⲉⲩⲉⲉⲣⲡⲉⲇⲉⲩⲓⲛ ⲙⲙⲟϥ	ⲟⲩⲟϩ ⲉⲩⲉ̀ϭⲓ ⲛ̀ⲡⲓⲣⲱⲙⲓ ⲉ̀ⲧⲉ ⲙ̀ⲙⲁⲩ ⲛ̀ϫⲉ ⲛⲓϧⲉⲗⲗⲟⲓ ⲛ̀ⲧⲉ ϯⲃⲁⲕⲓ ⲉⲩⲉⲉⲣⲡⲉⲇⲉⲩⲓⲛ ⲙ̀ⲙⲟϥ	ouoh evèċi ǹpirōmi ète m̀mav ǹje nixelloi ǹte tivaki eveerpeḋevin m̀mof	And the elders of that city shall take that man, and shall chastise him,
22:19	ⲉⲩⲉⲑⲣⲉϥϯⲟⲥⲓ ⲛⲣ̅ ⲛⲥⲓⲕⲗⲟⲥ ⲟⲩⲟϩ ⲉⲩⲉⲧⲏⲓⲧⲟⲩ ⲙⲫⲓⲱⲧ ⲛϯϧⲉⲗϣⲁⲓⲣⲓ ϫⲉⲁϥⲓⲛⲓ ⲛⲟⲩⲣⲁⲛ ⲉϥϩⲱⲟⲩ ⲉϫⲉⲛⲟⲩⲡⲁⲣⲑⲉⲛⲟⲥ ⲛⲧⲉⲡⲓⲥⲣⲁⲏⲗ ⲟⲩⲟϩ ⲉⲥⲉⲉⲣⲥϩⲓⲙⲓ ⲛⲁϥ ⲛⲛⲉϥϣϫⲉⲙϫⲟⲙ ⲛϩⲓⲧⲥ ⲉⲃⲟⲗ ⲙⲡⲉϥⲭⲣⲟⲛⲟⲥ ⲧⲏⲣϥ	ⲉⲩⲉⲑⲣⲉϥϯⲟⲥⲓ ⲛ̀ϣⲉ ⲛ̀ⲥⲓⲕⲗⲟⲥ ⲟⲩⲟϩ ⲉⲩⲉ̀ⲧⲏⲓⲧⲟⲩ ⲛ̀ⲫⲓⲱⲧ ⲛ̀ϯϧⲉⲗϣⲁⲓⲣⲓ ϫⲉ ⲁϥⲓ̀ⲛⲓ ⲛⲟⲩⲣⲁⲛ ⲉϥϩⲱⲟⲩ ⲉ̀ϫⲉⲛ ⲟⲩⲡⲁⲣⲑⲉⲛⲟⲥ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲉⲥⲉⲉⲣⲥϩⲓⲙⲓ ⲛⲁϥ ⲛ̀ⲛⲉϥϣϫⲉⲙϫⲟⲙ ⲛ̀ϩⲓⲧⲥ ⲉ̀ⲃⲟⲗ ⲛ̀ⲡⲉϥⲭ̀ⲣⲟⲛⲟⲥ ⲧⲏⲣϥ	eveθreftiosi ǹṡe ǹsiklos ouoh evètyitou ǹfiōt ǹtixelṡairi je afìni nouran efhōou èjen ouparθenos ǹte pisrayl ouoh eseers·himi naf ǹnefṡjemgom ǹhits èvol ǹpefx̀ronos tyrf	and shall fine him a hundred shekels, and shall give them to the father of the damsel, because he has brought forth an evil name against a virgin of Israel; and she shall be his wife: he shall never be able to put her away.
22:20	ⲉϣⲱⲡ ⲇⲉ ⲁⲣⲉϣⲁⲛ ⲡⲁⲓⲥⲁϫⲓ ϣⲱⲡⲓ ⲙⲙⲉⲑⲙⲏⲓ ⲛⲧⲟⲩϣⲧⲉⲙϫⲉⲙ ⲙⲉⲧⲡⲁⲣⲑⲉⲛⲟⲥ ⲛⲧⲉϯϧⲉⲗϣⲁⲓⲣⲓ	ⲉϣⲱⲡ ⲇⲉ ⲁⲣⲉϣⲁⲛ ⲡⲁⲓⲥⲁϫⲓ ϣⲱⲡⲓ ⲛ̀ⲙⲉⲑⲙⲏⲓ ⲛ̀ⲧⲟⲩϣⲧⲉⲙϫⲉⲙ ⲙⲉⲧⲡⲁⲣⲑⲉⲛⲟⲥ ⲛ̀ⲧⲉ ϯϧⲉⲗϣⲁⲓⲣⲓ	eṡōp ḋe areṡan paisaji ṡōpi ǹmeθmyi ǹtouṡtemjem metparθenos ǹte tixelṡairi	But if this report be true, and the tokens of virginity be not found for the damsel;
22:21	ⲉⲩⲉⲉⲛⲥ ⲉⲃⲟⲗ ϩⲓⲣⲉⲛⲛⲓⲣⲱⲟⲩ ⲛⲧⲉⲡⲉⲥⲓⲱⲧ ⲟⲩⲟϩ ⲉⲩⲉϩⲓⲱⲛⲓ ⲉϫⲱⲥ ⲛϫⲉⲛⲓⲣⲱⲙⲓ ⲛⲧⲉⲧⲉⲥⲃⲁⲕⲓ ⲉⲥⲉⲙⲟⲩ ϫⲉⲁⲥⲓⲣⲓ ⲛⲟⲩⲙⲉⲧⲁⲧϩⲏⲧ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲉⲣ ⲡⲏⲓ ⲙⲡⲉⲥⲓⲱⲧ ⲛⲟⲩⲏⲓ ⲙⲡⲟⲣⲛⲏ ⲟⲩⲟϩ ⲉⲕⲉⲱⲗⲓ ⲙⲡⲓⲡⲉⲧϩⲱⲟⲩ ⲉⲃⲟⲗ ϧⲉⲛⲑⲏⲛⲟⲩ	ⲉⲩⲉⲉⲛⲥ ⲉ̀ⲃⲟⲗ ϩⲓⲣⲉⲛ ⲛⲓⲣⲱⲟⲩ ⲛ̀ⲧⲉ ⲡⲉⲥⲓⲱⲧ ⲟⲩⲟϩ ⲉⲩⲉ̀ϩⲓⲱⲛⲓ ⲉ̀ϫⲱⲥ ⲛ̀ϫⲉ ⲛⲓⲣⲱⲙⲓ ⲛ̀ⲧⲉ ⲧⲉⲥⲃⲁⲕⲓ ⲉⲥⲉⲙⲟⲩ ϫⲉ ⲁⲥⲓ̀ⲣⲓ ⲛ̀ⲟⲩⲙⲉⲧⲁⲧϩⲏⲧ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲉⲣ ⲡ̀ⲏⲓ ⲛ̀ⲡⲉⲥⲓⲱⲧ ⲛ̀ⲟⲩⲏⲓ ⲛ̀ⲡⲟⲣⲛⲏ ⲟⲩⲟϩ ⲉⲕⲉⲱ̀ⲗⲓ ⲛ̀ⲡⲓⲡⲉⲧϩⲱⲟⲩ ⲉ̀ⲃⲟⲗ ϧⲉⲛ ⲑⲏⲛⲟⲩ	eveens èvol hiren nirōou ǹte pesiōt ouoh evèhiōni ègōs ǹje nirōmi ǹte tesvaki esemou je asìri ǹoumetat·hyt xen nenṡyri ǹpisrayl eer p̀yi ǹpesiōt ǹouyi ǹporny ouoh ekeṑli ǹpipet·hōou èvol xen θynou	then shall they bring out the damsel to the doors of her father's house, and shall stone her with stones, and she shall die; because she has wrought folly among the children of Israel, to defile the house of her father by whoring: so thou shalt remove the evil one from among you.
22:22	ⲉϣⲱⲡ ⲇⲉ ⲁⲩϣⲁⲛϫⲉⲙ ⲟⲩⲣⲱⲙⲓ ⲉϥⲉⲛⲕⲟⲧ ⲛⲉⲙⲟⲩⲥϩⲓⲙⲓ ⲉⲥϩⲉⲙⲥⲓ ⲛⲉⲙϩⲗⲓ ⲉⲣⲉⲧⲉⲛⲉϧⲟⲑⲃⲟⲩ ⲙⲡⲓⲃ̅ ⲡⲓⲣⲱⲙⲓ ⲉⲧⲁϥⲉⲛⲕⲟⲧ ⲛⲉⲙϯⲥϩⲓⲙⲓ ⲟⲩⲟϩ ⲉⲣⲉⲧⲉⲛⲉⲱⲗⲓ ⲙⲡⲓⲡⲉⲧϩⲱⲟⲩ ⲉⲃⲟⲗ ϧⲉⲛⲑⲏⲛⲟⲩ	ⲉϣⲱⲡ ⲇⲉ ⲁⲩϣⲁⲛϫⲉⲙ ⲟⲩⲣⲱⲙⲓ ⲉϥⲉⲛⲕⲟⲧ ⲛⲉⲙ ⲟⲩⲥ̀ϩⲓⲙⲓ ⲉⲥϩⲉⲙⲥⲓ ⲛⲉⲙ ϩ̀ⲗⲓ ⲉ̀ⲣⲉⲧⲉⲛⲉϧⲟⲑⲃⲟⲩ ⲛ̀ⲡⲓ2 ⲡⲓⲣⲱⲙⲓ ⲉⲧⲁϥⲉⲛⲕⲟⲧ ⲛⲉⲙ ϯⲥ̀ϩⲓⲙⲓ ⲟⲩⲟϩ ⲉ̀ⲣⲉⲧⲉⲛⲉⲱ̀ⲗⲓ ⲛ̀ⲡⲓⲡⲉⲧϩⲱⲟⲩ ⲉ̀ⲃⲟⲗ ϧⲉⲛ ⲑⲏⲛⲟⲩ	eṡōp ḋe avṡanjem ourōmi efenkot nem ous̀·himi es·hemsi nem h̀li èretenexoθvou ǹpi2 pirōmi etafenkot nem tis̀·himi ouoh èreteneṑli ǹpipet·hōou èvol xen θynou	And if a man be found lying with a woman married to a man, ye shall kill them both, the man that lay with the woman, and the woman: so shalt thou remove the wicked one out of Israel.
22:23	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲗⲟⲩ ⲙⲡⲁⲣⲑⲉⲛⲟⲥ ϣⲱⲡⲓ ⲉⲁⲩⲱⲡ ⲛⲥⲱⲥ ⲛⲟⲩϩⲁⲓ ⲟⲩⲟϩ ⲛⲧⲉⲟⲩⲣⲱⲙⲓ ϫⲉⲙⲥ ϧⲉⲛϯⲃⲁⲕⲓ ⲛⲧⲉϥⲉⲛⲕⲟⲧ ⲛⲉⲙⲁⲥ	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁ̀ⲗⲟⲩ ⲛ̀ⲡⲁⲣⲑⲉⲛⲟⲥ ϣⲱⲡⲓ ⲉⲁⲩⲱⲡ ⲛ̀ⲥⲱⲥ ⲛ̀ⲟⲩϩⲁⲓ ⲟⲩⲟϩ ⲛ̀ⲧⲉ ⲟⲩⲣⲱⲙⲓ ϫⲉⲙⲥ ϧⲉⲛ ϯⲃⲁⲕⲓ ⲛ̀ⲧⲉϥⲉⲛⲕⲟⲧ ⲛⲉⲙⲁⲥ	eṡōp ḋe areṡan ouàlou ǹparθenos ṡōpi eavōp ǹsōs ǹouhai ouoh ǹte ourōmi jems xen tivaki ǹtefenkot nemas	And if there be a young damsel espoused to a man, and a man should have found her in the city and have lain with her;
22:24	ⲉⲣⲉⲧⲉⲛⲉⲉⲛⲟⲩ ⲙⲡⲓⲃ̅ ϩⲓⲣⲉⲛϯⲡⲩⲗⲏ ⲛⲧⲉⲧⲟⲩⲃⲁⲕⲓ ⲉⲩⲉϩⲓⲱⲛⲓ ⲉϫⲱⲟⲩ ϧⲉⲛⲡⲱⲛⲓ ⲟⲩⲟϩ ⲉⲩⲉⲙⲟⲩ ϯϧⲉⲗϣⲁⲓⲣⲓ ϫⲉⲙⲡⲉⲥⲱϣ ⲉⲃⲟⲗ ϧⲉⲛϯⲃⲁⲕⲓ ⲟⲩⲟϩ ⲡⲓⲣⲱⲙⲓ ϫⲉⲁϥⲑⲉⲃⲓⲟ ⲛⲧⲥϩⲓⲙⲓ ⲙⲡⲉϥϣⲫⲏⲣ ⲟⲩⲟϩ ⲉⲕⲉⲱⲗⲓ ⲙⲡⲓⲡⲉⲧϩⲱⲟⲩ ⲉⲃⲟⲗ ϧⲉⲛⲑⲏⲛⲟⲩ	ⲉ̀ⲣⲉⲧⲉⲛⲉⲉⲛⲟⲩ ⲛ̀ⲡⲓ2 ϩⲓⲣⲉⲛϯⲡⲩⲗⲏ ⲛ̀ⲧⲉ ⲧⲟⲩⲃⲁⲕⲓ ⲉⲩⲉ̀ϩⲓⲱⲛⲓ ⲉ̀ϫⲱⲟⲩ ϧⲉⲛ ⲡ̀ⲱⲛⲓ ⲟⲩⲟϩ ⲉⲩⲉ̀ⲙⲟⲩ ϯϧⲉⲗϣⲁⲓⲣⲓ ϫⲉⲙⲡⲉⲥⲱϣ ⲉ̀ⲃⲟⲗ ϧⲉⲛ ϯⲃⲁⲕⲓ ⲟⲩⲟϩ ⲡⲓⲣⲱⲙⲓ ϫⲉ ⲁϥⲑⲉⲃⲓⲟ ⲛ̀ⲧ̀ⲥ̀ϩⲓⲙⲓ ⲛ̀ⲡⲉϥϣ̀ⲫⲏⲣ ⲟⲩⲟϩ ⲉⲕⲉⲱ̀ⲗⲓ ⲛ̀ⲡⲓⲡⲉⲧϩⲱⲟⲩ ⲉ̀ⲃⲟⲗ ϧⲉⲛ ⲑⲏⲛⲟⲩ	èreteneenou ǹpi2 hirentipily ǹte touvaki evèhiōni ègōou xen p̀ōni ouoh evèmou tixelṡairi jempesōṡ èvol xen tivaki ouoh pirōmi je afθevio ǹt̀s̀·himi ǹpefṡ̀fyr ouoh ekeṑli ǹpipet·hōou èvol xen θynou	ye shall bring them both out to the gate of their city, and they shall be stoned with stones, and they shall die; the damsel, because she cried not in the city; and the man, because he humbled his neighbour's spouse: so shalt thou remove the evil one from yourselves.
22:25	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲣⲱⲙⲓ ϫⲓⲙⲓ ⲛⲟⲩⲁⲗⲟⲩ ⲉⲧⲁⲩⲱⲡ ⲛⲥⲱⲥ ϧⲉⲛⲧⲕⲟⲓ ⲟⲩⲟϩ ⲛⲧⲉϥϭⲓⲧⲥ ⲛϫⲟⲛⲥ ⲛⲧⲉϥⲉⲛⲕⲟⲧ ⲛⲉⲙⲁⲥ ⲉⲣⲉⲧⲉⲛϧⲱⲧⲉⲃ ⲙⲡⲓⲣⲱⲙⲓ ⲙⲙⲁⲩⲁⲧϥ ⲉⲧⲛⲁⲉⲛⲕⲟⲧ ⲛⲉⲙⲁⲥ	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲣⲱⲙⲓ ϫⲓⲙⲓ ⲛ̀ⲟⲩⲁ̀ⲗⲟⲩ ⲉⲧⲁⲩⲱⲡ ⲛ̀ⲥⲱⲥ ϧⲉⲛ ⲧ̀ⲕⲟⲓ ⲟⲩⲟϩ ⲛ̀ⲧⲉϥϭⲓⲧⲥ ⲛ̀ϫⲟⲛⲥ ⲛ̀ⲧⲉϥⲉⲛⲕⲟⲧ ⲛⲉⲙⲁⲥ ⲉ̀ⲣⲉⲧⲉⲛϧⲱⲧⲉⲃ ⲛ̀ⲡⲓⲣⲱⲙⲓ ⲙ̀ⲙⲁⲩⲁⲧϥ ⲉⲧⲛⲁⲉⲛⲕⲟⲧ ⲛⲉⲙⲁⲥ	eṡōp ḋe areṡan ourōmi jimi ǹouàlou etavōp ǹsōs xen t̀koi ouoh ǹtefċits ǹgons ǹtefenkot nemas èretenxōteb ǹpirōmi m̀mavatf etnaenkot nemas	But if a man find in the field a damsel that is betrothed, and he should force her and lie with her, ye shall slay the man that lay with her only.
22:26	ϯϧⲉⲗϣⲁⲓⲣⲓ ⲇⲉ ⲛⲛⲉⲧⲉⲛⲉⲣ ϩⲗⲓ ⲛⲁⲥ ⲙⲙⲟⲛ ⲛⲟⲃⲓ ⲛⲧⲉⲫⲙⲟⲩ ϭⲓ ⲉϯϧⲉⲗϣⲁⲓⲣⲓ ϫⲉⲟⲩⲏⲓ ⲙⲫⲣⲏϯ ⲛⲟⲩⲣⲱⲙⲓ ⲁϥϣⲁⲛⲧⲱⲛϥ ⲉϫⲉⲛⲡⲉϥϣⲫⲏⲣ ⲟⲩⲟϩ ⲛⲧⲉϥⲯⲩⲭⲏ ⲡⲁⲓⲣⲏϯ ⲡⲉ ⲡⲁⲓϩⲱⲃ	ϯϧⲉⲗϣⲁⲓⲣⲓ ⲇⲉ ⲛⲛⲉⲧⲉⲛⲉⲣ ϩ̀ⲗⲓ ⲛⲁⲥ ⲙ̀ⲙⲟⲛ ⲛⲟⲃⲓ ⲛ̀ⲧⲉ ⲫ̀ⲙⲟⲩ ϭⲓ ⲉ̀ϯϧⲉⲗϣⲁⲓⲣⲓ ϫⲉ ⲟⲩⲏⲓ ⲛ̀ⲫ̀ⲣⲏϯ ⲛ̀ⲟⲩⲣⲱⲙⲓ ⲁϥϣⲁⲛⲧⲱⲛϥ ⲉ̀ϫⲉⲛ ⲡⲉϥϣ̀ⲫⲏⲣ ⲟⲩⲟϩ ⲛ̀ⲧⲉϥⲯⲩⲭⲏ ⲡⲁⲓⲣⲏϯ ⲡⲉ ⲡⲁⲓϩⲱⲃ	tixelṡairi ḋe nnetener h̀li nas m̀mon novi ǹte f̀mou ċi ètixelṡairi je ouyi ǹf̀ryti ǹourōmi afṡantōnf èjen pefṡ̀fyr ouoh ǹtefpsiṡy pairyti pe paihōb	And the damsel has not committed a sin worthy of death; as if a man should rise up against his neighbour, and slay him, so is this thing;
22:27	ϫⲉⲉⲧⲁϥϫⲉⲙⲥ ϧⲉⲛⲧⲕⲟⲓ ⲁⲥⲱϣ ⲉⲃⲟⲗ ⲛϫⲉϯϧⲉⲗϣⲁⲓⲣⲓ ⲉⲧⲁⲩⲱⲡ ⲛⲥⲱⲥ ⲟⲩⲟϩ ⲛⲁϥϣⲟⲡ ⲁⲛ ⲛϫⲉⲫⲏ ⲉⲧⲛⲁⲉⲣⲃⲟⲏⲑⲓⲛ ⲉⲣⲟⲥ	ϫⲉ ⲉ̀ⲧⲁϥϫⲉⲙⲥ ϧⲉⲛ ⲧ̀ⲕⲟⲓ ⲁⲥⲱϣ ⲉ̀ⲃⲟⲗ ⲛ̀ϫⲉ ϯϧⲉⲗϣⲁⲓⲣⲓ ⲉⲧⲁⲩⲱⲡ ⲛ̀ⲥⲱⲥ ⲟⲩⲟϩ ⲛⲁϥϣⲟⲡ ⲁⲛ ⲛ̀ϫⲉ ⲫⲏ ⲉⲧⲛⲁⲉⲣⲃⲟⲏⲑⲓⲛ ⲉ̀ⲣⲟⲥ	je ètafjems xen t̀koi asōṡ èvol ǹje tixelṡairi etavōp ǹsōs ouoh nafṡop an ǹje fy etnaerboyθin èros	because he found her in the field; the betrothed damsel cried, and there was none to help her.
22:28	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϫⲓⲙⲓ ⲛⲟⲩⲁⲗⲟⲩ ⲙⲡⲁⲣⲑⲉⲛⲟⲥ ⲙⲡⲁⲧⲟⲩⲱⲡ ⲛⲥⲱⲥ ⲛⲧⲉϥϭⲓⲧⲥ ⲛϫⲟⲛⲥ ⲛⲧⲉϥⲉⲛⲕⲟⲧ ⲛⲉⲙⲁⲥ ⲟⲩⲟϩ ⲛⲧⲟⲩϫⲉⲙϥ	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ϫⲓⲙⲓ ⲛ̀ⲟⲩⲁ̀ⲗⲟⲩ ⲛ̀ⲡⲁⲣⲑⲉⲛⲟⲥ ⲙⲡⲁⲧⲟⲩⲱⲡ ⲛ̀ⲥⲱⲥ ⲛ̀ⲧⲉϥϭⲓⲧⲥ ⲛ̀ϫⲟⲛⲥ ⲛ̀ⲧⲉϥⲉⲛⲕⲟⲧ ⲛⲉⲙⲁⲥ ⲟⲩⲟϩ ⲛ̀ⲧⲟⲩϫⲉⲙϥ	eṡōp ḋe areṡan ouai jimi ǹouàlou ǹparθenos mpatouōp ǹsōs ǹtefċits ǹgons ǹtefenkot nemas ouoh ǹtoujemf	And if any one should find a young virgin who has not been betrothed, and should force her and lie with her, and be found,
22:29	ⲉϥⲉϯ ⲛϫⲉⲡⲓⲣⲱⲙⲓ ⲉⲧⲁϥⲉⲛⲕⲟⲧ ⲛⲉⲙⲁⲥ ⲙⲫⲓⲱⲧ ⲛϯϧⲉⲗϣⲁⲓⲣⲓ ⲛⲛ̅ ⲛⲕⲓϯ ⲛϩⲁⲧ ⲟⲩⲟϩ ⲉⲥⲉⲉⲣⲥϩⲓⲙⲓ ⲛⲁϥ ⲛⲧϣⲉⲃⲓⲱ ϫⲉⲁϥⲑⲉⲃⲓⲟⲥ ⲛⲛⲉϥϣϫⲉⲙϫⲟⲙ ⲛϩⲓⲧⲥ ⲉⲃⲟⲗ ⲙⲡⲉϥⲭⲣⲟⲛⲟⲥ ⲧⲏⲣϥ	ⲉϥⲉ̀ϯ ⲛ̀ϫⲉ ⲡⲓⲣⲱⲙⲓ ⲉⲧⲁϥⲉⲛⲕⲟⲧ ⲛⲉⲙⲁⲥ ⲛ̀ⲫⲓⲱⲧ ⲛ̀ϯϧⲉⲗϣⲁⲓⲣⲓ ⲛ̀ⲧⲉⲃⲓ ⲛ̀ⲕⲓϯ ⲛ̀ϩⲁⲧ ⲟⲩⲟϩ ⲉⲥⲉⲉⲣⲥϩⲓⲙⲓ ⲛⲁϥ ⲛ̀ⲧ̀ϣⲉⲃⲓⲱ ϫⲉ ⲁϥⲑⲉⲃⲓⲟⲥ ⲛ̀ⲛⲉϥϣϫⲉⲙϫⲟⲙ ⲛ̀ϩⲓⲧⲥ ⲉ̀ⲃⲟⲗ ⲛ̀ⲡⲉϥⲭ̀ⲣⲟⲛⲟⲥ ⲧⲏⲣϥ	efèti ǹje pirōmi etafenkot nemas ǹfiōt ǹtixelṡairi ǹtevi ǹkiti ǹhat ouoh eseers·himi naf ǹt̀ṡeviō je afθevios ǹnefṡjemgom ǹhits èvol ǹpefx̀ronos tyrf	the man who lay with her shall give to the father of the damsel fifty silver didrachms, and she shall be his wife, because he has humbled her; he shall never be able to put her away.
22:30	ⲛⲛⲉ ⲣⲱⲙⲓ ϭⲓ ⲛⲧⲥϩⲓⲙⲓ ⲙⲡⲉϥⲓⲱⲧ ⲛⲛⲉϥϭⲱⲣⲡ ⲉⲃⲟⲗ ⲙⲡϩⲱⲃⲥ ⲙⲡⲉϥⲓⲱⲧ	ⲛ̀ⲛⲉ ⲣⲱⲙⲓ ϭⲓ ⲛ̀ⲧ̀ⲥ̀ϩⲓⲙⲓ ⲛ̀ⲡⲉϥⲓⲱⲧ ⲛ̀ⲛⲉϥϭⲱⲣⲡ ⲉ̀ⲃⲟⲗ ⲛ̀ⲡ̀ϩⲱⲃⲥ ⲛ̀ⲡⲉϥⲓⲱⲧ	ǹne rōmi ċi ǹt̀s̀·himi ǹpefiōt ǹnefċōrp èvol ǹp̀hōvs ǹpefiōt	A man shall not take his father's wife, and shall not uncover his father's skirt.

Provenance

title: 05_Deuteronomium_22
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_22
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_22 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/22.bohairic.scriptorium.L0.txt
title: 05_Deuteronomium_22 — Cairene
dialect: bohairic
source: generated from 22.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_22)
licence: CC BY-SA 4.0
share: attribution
attribution: 05_Deuteronomium_22 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/22.bohairic.scriptorium.L1.txt
title: 05_Deuteronomium_22 — Kemetic
dialect: bohairic
source: generated from 22.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_22 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/22.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 30 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_22 (30 lines)

Cite as:

05_Deuteronomium_22. Coptic SCRIPTORIUM corpus "bohairic.ot", document 05_Deuteronomium_22. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/22.bohairic.scriptorium/. 05_Deuteronomium_22 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.