05_Deuteronomium_27 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_27

Attribution: 05_Deuteronomium_27 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
27:1	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛϫⲉⲙⲱⲩⲥⲏⲥ ⲛⲉⲙⲛⲓϧⲉⲗⲗⲟⲓ ⲛⲧⲉⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉⲁⲣⲉϩ ⲉⲛⲓⲉⲛⲧⲟⲗⲏ ⲧⲏⲣⲟⲩ ⲛⲁⲓ ⲁⲛⲟⲕ ⲉϯϩⲟⲛϩⲉⲛ ⲙⲙⲱⲧⲉⲛ ⲉⲣⲱⲟⲩ ⲙⲫⲟⲟⲩ	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉ ⲙⲱⲩⲥⲏⲥ ⲛⲉⲙ ⲛⲓϧⲉⲗⲗⲟⲓ ⲛ̀ⲧⲉ ⲡⲓⲥⲣⲁⲏⲗ ⲉϥϫⲱ ⲙ̀ⲙⲟⲥ ϫⲉ ⲁ̀ⲣⲉϩ ⲉ̀ⲛⲓⲉⲛⲧⲟⲗⲏ ⲧⲏⲣⲟⲩ ⲛⲁⲓ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲱⲧⲉⲛ ⲉ̀ⲣⲱⲟⲩ ⲛ̀ⲫⲟⲟⲩ	ouoh afouahsahni ǹje mōisys nem nixelloi ǹte pisrayl efgō m̀mos je àreh ènientoly tyrou nai anok eihonhen m̀mōten èrōou ǹfoou	And Moses and the elders of Israel commanded, saying, Keep all these commands, all that I command you this day.
27:2	ⲟⲩⲟϩ ⲉⲥⲉϣⲱⲡⲓ ⲙⲡⲓⲉϩⲟⲟⲩ ⲉⲧⲉⲧⲉⲛⲥⲓⲛⲓ ⲉⲙⲏⲣ ⲙⲡⲓⲓⲟⲣⲇⲁⲛⲏⲥ ⲉⲡⲓⲕⲁϩⲓ ⲉⲧⲉⲡϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ⲉⲕⲉⲧⲁϩⲉ ⲛⲓϣϯ ⲃ̅ ⲛⲱⲛⲓ ⲉⲣⲁⲧⲟⲩⲛⲁⲕ ⲉⲕⲉⲟϣϫⲟⲩ ⲛⲕⲟⲛⲓⲁ	ⲟⲩⲟϩ ⲉⲥⲉϣⲱⲡⲓ ⲛ̀ⲡⲓⲉϩⲟⲟⲩ ⲉⲧⲉⲧⲉⲛⲥⲓⲛⲓ ⲉ̀ⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ⲉ̀ⲡⲓⲕⲁϩⲓ ⲉ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ⲉⲕⲉ̀ⲧⲁϩⲉ ⲛⲓϣϯ 2 ⲛ̀ⲱⲛⲓ ⲉ̀ⲣⲁⲧⲟⲩⲛⲁⲕ ⲉⲕⲉⲟϣϫⲟⲩ ⲛ̀ⲕⲟⲛⲓⲁ	ouoh eseṡōpi ǹpiehoou etetensini èmyr ǹpiiordanys èpikahi ète p̀ċois peknouti natyif nak ekètahe niṡti 2 ǹōni èratounak ekeoṡgou ǹkonia	And it shall come to pass in the day when ye shall cross over Jordan into the land which the Lord thy God gives thee, that thou shalt set up for thyself great stones, and shalt plaster them with plaster.
27:3	ⲟⲩⲟϩ ⲉⲕⲉⲥϧⲁⲓ ⲛϧⲣⲏⲓ ϩⲓⲛⲓⲱⲛⲓ ⲛⲛⲓⲥⲁϫⲓ ⲧⲏⲣⲟⲩ ⲛⲧⲉⲡⲁⲓⲛⲟⲙⲟⲥ ⲁⲣⲉⲧⲉⲛϣⲁⲛⲥⲉⲛ ⲡⲓⲓⲟⲣⲇⲁⲛⲏⲥ ⲉⲙⲏⲣ ⲉϣⲱⲡ ⲛⲧⲉⲧⲉⲛϣⲉ ⲉϧⲟⲩⲛ ⲉⲡⲓⲕⲁϩⲓ ⲫⲏ ⲉⲧⲉⲡϭⲟⲓⲥ ⲫⲛⲟⲩϯ ⲛⲧⲉⲛⲉⲕⲓⲟϯ ⲛⲁⲧⲏⲓϥ ⲛⲁⲕ ⲟⲩⲕⲁϩⲓ ⲉϥϣⲟⲩⲟ ⲉⲣⲱϯ ⲉⲃⲟⲗ ϩⲓⲉⲃⲓⲱ ⲙⲫⲣⲏϯ ⲉⲧⲁ ⲡϭⲟⲓⲥ ⲫⲛⲟⲩϯ ⲛⲧⲉⲛⲉⲕⲓⲟϯ ϫⲟⲥ ⲛⲁⲕ	ⲟⲩⲟϩ ⲉⲕⲉ̀ⲥ̀ϧⲁⲓ ⲛ̀ϧ̀ⲣⲏⲓ ϩⲓ ⲛⲓⲱⲛⲓ ⲛ̀ⲛⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲡⲁⲓⲛⲟⲙⲟⲥ ⲁⲣⲉⲧⲉⲛϣⲁⲛⲥⲉⲛ ⲡⲓⲓⲟⲣⲇⲁⲛⲏⲥ ⲉ̀ⲙⲏⲣ ⲉϣⲱⲡ ⲛ̀ⲧⲉⲧⲉⲛϣⲉ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲫⲏ ⲉ̀ⲧⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲉⲕⲓⲟϯ ⲛⲁⲧⲏⲓϥ ⲛⲁⲕ ⲟⲩⲕⲁϩⲓ ⲉϥϣⲟⲩⲟ ⲉⲣⲱϯ ⲉ̀ⲃⲟⲗ ϩⲓⲉ̀ⲃⲓⲱ ⲛ̀ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲉⲕⲓⲟϯ ϫⲟⲥ ⲛⲁⲕ	ouoh ekès̀xai ǹx̀ryi hi niōni ǹnisaji tyrou ǹte painomos aretenṡansen piiordanys èmyr eṡōp ǹtetenṡe èxoun èpikahi fy ète p̀ċois f̀nouti ǹte nekioti natyif nak oukahi efṡouo erōti èvol hièviō ǹf̀ryti èta p̀ċois f̀nouti ǹte nekioti gos nak	And thou shalt write on these stones all the words of this law, as soon as ye have crossed Jordan, when ye are entered into the land, which the Lord God of thy fathers gives thee, a land flowing with milk and honey, according as the Lord God of thy fathers said to thee.
27:4	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲉⲣϫⲓⲛⲓⲟⲣ ⲉⲣⲉⲧⲉⲛⲧⲁϩⲉ ⲛⲁⲓⲱⲛⲓ ⲉⲣⲁⲧⲟⲩⲛⲁⲓ ⲉϯϩⲟⲛϩⲉⲛ ⲙⲙⲱⲧⲉⲛ ⲉⲣⲱⲟⲩ ⲁⲛⲟⲕ ⲙⲫⲟⲟⲩ ϩⲓⲡⲧⲱⲟⲩ ⲛⲅⲁⲓⲃⲁⲗ ⲟⲩⲟϩ ⲉⲕⲉⲟϣϫⲟⲩ ⲛⲕⲟⲛⲓⲁ	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲉⲣϫⲓⲛⲓⲟⲣ ⲉ̀ⲣⲉⲧⲉⲛⲧⲁϩⲉ ⲛⲁⲓⲱⲛⲓ ⲉ̀ⲣⲁⲧⲟⲩⲛⲁⲓ ⲉⲓϩⲟⲛϩⲉⲛ ⲙ̀ⲙⲱⲧⲉⲛ ⲉ̀ⲣⲱⲟⲩ ⲁⲛⲟⲕ ⲛ̀ⲫⲟⲟⲩ ϩⲓ ⲡ̀ⲧⲱⲟⲩ ⲛ̀ⲅⲁⲓⲃⲁⲗ ⲟⲩⲟϩ ⲉⲕⲉⲟϣϫⲟⲩ ⲛ̀ⲕⲟⲛⲓⲁ	ouoh eseṡōpi aretenṡanerjinior èretentahe naiōni èratounai eihonhen m̀mōten èrōou anok ǹfoou hi p̀tōou ǹġaival ouoh ekeoṡgou ǹkonia	And it shall be as soon as ye are gone over Jordan, ye shall set up these stones, which I command thee this day, on mount Gaebal, and thou shalt plaster them with plaster.
27:5	ⲟⲩⲟϩ ⲉⲕⲉⲕⲱⲧ ⲙⲙⲁⲩ ⲛⲟⲩⲙⲁⲛⲉⲣϣⲱⲟⲩϣⲓ ⲙⲡϭⲟⲓⲥ ⲡⲉⲕⲛⲟⲩϯ ⲟⲩⲙⲁⲛⲉⲣϣⲱⲟⲩϣⲓ ⲉⲃⲟⲗ ϧⲉⲛϩⲁⲛⲱⲛⲓ ⲛⲛⲉⲕϩⲓ ⲃⲉⲛⲓⲡⲓ ⲉⲣⲟϥ	ⲟⲩⲟϩ ⲉⲕⲉ̀ⲕⲱⲧ ⲙ̀ⲙⲁⲩ ⲛ̀ⲟⲩⲙⲁⲛⲉⲣϣⲱⲟⲩϣⲓ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲙⲁⲛⲉⲣϣⲱⲟⲩϣⲓ ⲉ̀ⲃⲟⲗ ϧⲉⲛ ϩⲁⲛⲱⲛⲓ ⲛ̀ⲛⲉⲕϩⲓ ⲃⲉⲛⲓⲡⲓ ⲉ̀ⲣⲟϥ	ouoh ekèkōt m̀mav ǹoumanerṡōouṡi ǹte p̀ċois peknouti oumanerṡōouṡi èvol xen hanōni ǹnek·hi venipi èrof	And thou shalt build there an altar to the Lord thy God, an altar of stones; thou shalt not lift up iron upon it.
27:6	ϩⲁⲛⲱⲛⲓ ⲉⲟⲩⲟϫ ⲉⲕⲉⲕⲟⲧⲟⲩ ⲛⲟⲩⲙⲁⲛⲉⲣϣⲱⲟⲩϣⲓ ⲙⲡϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲕⲉⲓⲛⲓ ⲉϩⲣⲏⲓ ⲉϫⲱϥ ⲛϩⲁⲛϭⲗⲓⲗ ⲙⲡϭⲟⲓⲥ ⲡⲉⲕⲛⲟⲩϯ	ϩⲁⲛⲱⲛⲓ ⲉ̀ⲟⲩⲟϫ ⲉⲕⲉ̀ⲕⲟⲧⲟⲩ ⲛ̀ⲟⲩⲙⲁⲛⲉⲣϣⲱⲟⲩϣⲓ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲕⲉⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϩⲁⲛϭⲗⲓⲗ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ	hanōni èouog ekèkotou ǹoumanerṡōouṡi ǹte p̀ċois peknouti ouoh ekeìni èh̀ryi ègōf ǹhanċlil ǹte p̀ċois peknouti	Of whole stones shalt thou build an altar to the Lord thy God, and thou shalt offer upon it whole-burnt-offerings to the Lord thy God.
27:7	ⲟⲩⲟϩ ⲉⲕⲉϣⲱⲧ ⲙⲙⲁⲩ ⲛⲟⲩϣⲟⲩϣⲱⲟⲩϣⲓ ⲛⲟⲩϫⲁⲓ ⲙⲡϭⲟⲓⲥ ⲡⲉⲕⲛⲟⲩϯ ⲉⲕⲉⲟⲩⲱⲙ ⲙⲙⲁⲩ ⲟⲩⲟϩ ⲉⲕⲉⲥⲓ ⲉⲕⲉⲟⲩⲛⲟϥ ⲙⲡⲉⲙⲑⲟ ⲙⲡϭⲟⲓⲥ ⲡⲉⲕⲛⲟⲩϯ	ⲟⲩⲟϩ ⲉⲕⲉ̀ϣⲱⲧ ⲙ̀ⲙⲁⲩ ⲛ̀ⲟⲩϣⲟⲩϣⲱⲟⲩϣⲓ ⲛ̀ⲟⲩϫⲁⲓ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲉⲕⲉⲟⲩⲱⲙ ⲙ̀ⲙⲁⲩ ⲟⲩⲟϩ ⲉⲕⲉ̀ⲥⲓ ⲉⲕⲉⲟⲩⲛⲟϥ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ	ouoh ekèṡōt m̀mav ǹouṡouṡōouṡi ǹougai ǹp̀ċois peknouti ekeouōm m̀mav ouoh ekèsi ekeounof ǹpem̀θo ǹp̀ċois peknouti	And thou shalt there offer a peace-offering; and thou shalt eat and be filled, and rejoice before the Lord thy God.
27:8	ⲟⲩⲟϩ ⲉⲕⲉⲥϧⲁⲓ ⲛϧⲣⲏⲓ ϩⲓⲛⲓⲱⲛⲓ ⲙⲡⲁⲓⲛⲟⲙⲟⲥ ⲧⲏⲣϥ ϧⲉⲛⲟⲩⲙⲉⲧⲥⲁⲃⲉ ⲉⲙⲁϣⲱ	ⲟⲩⲟϩ ⲉⲕⲉ̀ⲥ̀ϧⲁⲓ ⲛ̀ϧ̀ⲣⲏⲓ ϩⲓ ⲛⲓⲱⲛⲓ ⲛ̀ⲡⲁⲓⲛⲟⲙⲟⲥ ⲧⲏⲣϥ ϧⲉⲛ ⲟⲩⲙⲉⲧⲥⲁⲃⲉ ⲉ̀ⲙⲁϣⲱ	ouoh ekès̀xai ǹx̀ryi hi niōni ǹpainomos tyrf xen oumetsave èmaṡō	And thou shalt write upon the stones all this law very plainly.
27:9	ⲟⲩⲟϩ ⲁϥⲥⲁϫⲓ ⲛϫⲉⲙⲱⲩⲥⲏⲥ ⲛⲉⲙⲛⲓⲟⲩⲏⲃ ⲛⲓⲗⲉⲩⲓⲧⲏⲥ ⲛⲉⲙⲡⲓⲥⲣⲁⲏⲗ ⲧⲏⲣϥ ⲉⲩϫⲱ ⲙⲙⲟⲥ ϫⲉⲭⲁⲣⲱⲕ ⲟⲩⲟϩ ⲥⲱⲧⲉⲙ ⲡⲓⲥⲣⲁⲏⲗ ⲛϩⲣⲏⲓ ϧⲉⲛⲡⲁⲓⲉϩⲟⲟⲩ ⲁⲕϣⲱⲡⲓ ⲛⲟⲩⲗⲁⲟⲥ ⲙⲡϭⲟⲓⲥ ⲡⲉⲕⲛⲟⲩϯ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲙⲱⲩⲥⲏⲥ ⲛⲉⲙ ⲛⲓⲟⲩⲏⲃ ⲛⲓⲗⲉⲩⲓⲧⲏⲥ ⲛⲉⲙ ⲡⲓⲥⲣⲁⲏⲗ ⲧⲏⲣϥ ⲉⲩϫⲱ ⲙ̀ⲙⲟⲥ ϫⲉ ⲭⲁⲣⲱⲕ ⲟⲩⲟϩ ⲥⲱⲧⲉⲙ ⲡⲓⲥⲣⲁⲏⲗ ⲛ̀ϩ̀ⲣⲏⲓ ϧⲉⲛ ⲡⲁⲓⲉ̀ϩⲟⲟⲩ ⲁⲕϣⲱⲡⲓ ⲛ̀ⲟⲩⲗⲁⲟⲥ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ	ouoh afsaji ǹje mōisys nem niouyb nilevitys nem pisrayl tyrf evgō m̀mos je karōk ouoh sōtem pisrayl ǹh̀ryi xen paièhoou akṡōpi ǹoulaos ǹte p̀ċois peknouti	And Moses and the priests the Levites spoke to all Israel, saying, Be silent and hear, O Israel; this day thou art become a people to the Lord thy God.
27:10	ⲟⲩⲟϩ ⲉⲕⲉⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲕⲛⲟⲩϯ ⲉⲕⲉⲓⲣⲓ ⲛⲛⲉϥ ⲧⲏⲣⲟⲩ ⲛⲉⲙⲛⲉϥⲙⲉⲑⲙⲏⲓ ⲛⲁⲓ ⲁⲛⲟⲕ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲙⲫⲟⲟⲩ	ⲟⲩⲟϩ ⲉⲕⲉ̀ⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲉⲕⲉⲓ̀ⲣⲓ ⲛ̀ⲛⲉϥ ⲧⲏⲣⲟⲩ ⲛⲉⲙ ⲛⲉϥⲙⲉⲑⲙⲏⲓ ⲛⲁⲓ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲛ̀ⲫⲟⲟⲩ	ouoh ekèsōtem ǹsa t̀s̀my ǹp̀ċois peknouti ekeìri ǹnef tyrou nem nefmeθmyi nai anok eihonhen m̀mok èrōou ǹfoou	And thou shalt hearken to the voice of the Lord thy God, and shalt do all his commands, and his ordinances, as many as I command thee this day.
27:11	ⲟⲩⲟϩ ⲁϥϩⲟⲛϩⲉⲛ ⲛϫⲉⲙⲱⲩⲥⲏⲥ ⲉⲧⲟⲧϥ ⲙⲡⲓⲗⲁⲟⲥ ⲧⲏⲣϥ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉϥϫⲱ ⲙⲙⲟⲥ	ⲟⲩⲟϩ ⲁϥϩⲟⲛϩⲉⲛ ⲛ̀ϫⲉ ⲙⲱⲩⲥⲏⲥ ⲉⲧⲟⲧϥ ⲛ̀ⲡⲓⲗⲁⲟⲥ ⲧⲏⲣϥ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉϥϫⲱ ⲙ̀ⲙⲟⲥ	ouoh afhonhen ǹje mōisys etotf ǹpilaos tyrf xen pièhoou ète m̀mav efgō m̀mos	And Moses charged the people on that day, saying,
27:12	ϫⲉⲛⲁⲓ ⲉⲩⲉⲟϩⲓ ⲉⲣⲁⲧⲟⲩϩⲓⲡⲧⲱⲟⲩ ⲛⲅⲁⲣⲓⲍⲓⲛ ⲉⲥⲙⲟⲩ ⲉⲡⲓⲗⲁⲟⲥ ⲁⲩϣⲁⲛⲥⲉⲛ ⲡⲓⲓⲟⲣⲇⲁⲛⲏⲥ ⲉⲙⲏⲣ ⲥⲩⲙⲉⲱⲛ ⲗⲉⲩⲓ ⲓⲟⲩⲇⲁⲥ ⲏⲥⲁⲭⲁⲣ ⲓⲱⲥⲏⲫ ⲛⲉⲙⲃⲉⲛⲓⲁⲙⲓⲛ	ϫⲉ ⲛⲁⲓ ⲉⲩⲉⲟ̀ϩⲓ ⲉ̀ⲣⲁⲧⲟⲩϩⲓⲡ̀ⲧⲱⲟⲩ ⲛ̀ⲅⲁⲣⲓⲍⲓⲛ ⲉ̀ⲥ̀ⲙⲟⲩ ⲉ̀ⲡⲓⲗⲁⲟⲥ ⲁⲩϣⲁⲛⲥⲉⲛ ⲡⲓⲓⲟⲣⲇⲁⲛⲏⲥ ⲉ̀ⲙⲏⲣ ⲥⲩⲙⲉⲱⲛ ⲗⲉⲩⲓ ⲓⲟⲩⲇⲁⲥ ⲏⲥⲁⲭⲁⲣ ⲓⲱⲥⲏⲫ ⲛⲉⲙ ⲃⲉⲛⲓⲁⲙⲓⲛ	je nai eveòhi èratouhip̀tōou ǹġarizin ès̀mou èpilaos avṡansen piiordanys èmyr simeōn levi ioudas ysakar iōsyf nem beniamin	These shall stand to bless the people on mount Garizin having gone over Jordan; Symeon, Levi, Judas, Issachar, Joseph, and Benjamin.
27:13	ⲛⲁⲓ ⲉⲩⲉⲟϩⲓ ⲉⲣⲁⲧⲟⲩϩⲓϫⲉⲛⲡⲓⲥⲁϩⲟⲩⲓ ⲛϩⲣⲏⲓ ϩⲓⲡⲧⲱⲟⲩ ⲛⲅⲁⲃⲁⲗ ⲣⲟⲩⲃⲏⲛ ⲅⲁⲇ ⲛⲉⲙⲁⲥⲥⲏⲣ ⲍⲁⲃⲟⲩⲗⲱⲛ ⲇⲁⲛ ⲛⲉⲫⲑⲁⲗⲓⲙ	ⲛⲁⲓ ⲉⲩⲉⲟ̀ϩⲓ ⲉ̀ⲣⲁⲧⲟⲩ ϩⲓϫⲉⲛ ⲡⲓⲥⲁϩⲟⲩⲓ ⲛ̀ϩ̀ⲣⲏⲓ ϩⲓ ⲡ̀ⲧⲱⲟⲩ ⲛ̀ⲅⲁⲃⲁⲗ ⲣⲟⲩⲃⲏⲛ ⲅⲁⲇ ⲛⲉⲙ ⲁⲥⲥⲏⲣ ⲍⲁⲃⲟⲩⲗⲱⲛ ⲇ ⲁⲛ ⲛⲉⲫⲑⲁⲗⲓⲙ	nai eveòhi èratou hijen pisahoui ǹh̀ryi hi p̀tōou ǹġaval rouvyn ġad nem assyr zavoulōn ḋ an nefθalim	And these shall stand for cursing on mount Gaebal; Ruben, Gad, and Aser, Zabulon, Dan, and Nephthali.
27:14	ⲉⲩⲉⲉⲣⲟⲩⲱ ⲛϫⲉⲛⲓⲗⲉⲩⲓⲧⲏⲥ ⲟⲩⲟϩ ⲉⲩⲉϫⲟⲥ ⲙⲡⲓⲥⲣⲁⲏⲗ ⲧⲏⲣϥ ϧⲉⲛⲟⲩⲛⲓϣϯ ⲛϧⲣⲱⲟⲩ	ⲉⲩⲉⲉⲣⲟⲩⲱ ⲛ̀ϫⲉ ⲛⲓⲗⲉⲩⲓⲧⲏⲥ ⲟⲩⲟϩ ⲉⲩⲉ̀ϫⲟⲥ ⲛ̀ⲡⲓⲥⲣⲁⲏⲗ ⲧⲏⲣϥ ϧⲉⲛ ⲟⲩⲛⲓϣϯ ⲛ̀ϧ̀ⲣⲱⲟⲩ	eveerouō ǹje nilevitys ouoh evègos ǹpisrayl tyrf xen ouniṡti ǹx̀rōou	And the Levites shall answer and say to all Israel with a loud voice,
27:15	ϫⲉϥⲥϩⲟⲩⲟⲣⲧ ⲛϫⲉⲡⲓⲣⲱⲙⲓ ⲫⲏ ⲉⲧⲛⲁⲑⲁⲙⲓⲟ ⲛⲟⲩⲙⲟⲛⲕ ⲙⲫⲱⲧϩ ⲓⲉ ⲟⲩⲙⲟⲛⲕ ⲛⲟⲩⲱⲧϩ ⲟⲩⲃⲟϯ ⲙⲡϭⲟⲓⲥ ⲟⲩϩⲱⲃ ⲛⲧⲉϩⲁⲛϫⲓϫ ⲛⲧⲉⲭⲛⲓⲧⲏⲥ ⲛⲧⲉϥⲭⲁϥ ϧⲉⲛⲟⲩⲙⲁ ⲉϥϩⲏⲡ ⲟⲩⲟϩ ⲛⲧⲉϥⲉⲣⲟⲩⲱ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϫⲉ ϥ̀ⲥϩⲟⲩⲟⲣⲧ ⲛ̀ϫⲉ ⲡⲓⲣⲱⲙⲓ ⲫⲏ ⲉⲧⲛⲁⲑⲁⲙⲓⲟ ⲛ̀ⲟⲩⲙⲟⲛⲕ ⲛ̀ⲫⲱⲧϩ ⲓⲉ ⲟⲩⲙⲟⲛⲕ ⲛ̀ⲟⲩⲱⲧϩ ⲟⲩⲃⲟϯ ⲛ̀ⲧⲉ ⲡ̀ϭⲟⲓⲥ ⲟⲩϩⲱⲃ ⲛ̀ⲧⲉ ϩⲁⲛϫⲓϫ ⲛ̀ⲧⲉⲭⲛⲓⲧⲏⲥ ⲛ̀ⲧⲉϥⲭⲁϥ ϧⲉⲛ ⲟⲩⲙⲁ ⲉϥϩⲏⲡ ⲟⲩⲟϩ ⲛ̀ⲧⲉϥⲉⲣⲟⲩⲱ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	je f̀s·houort ǹje pirōmi fy etnaθamio ǹoumonk ǹfōt·h ie oumonk ǹouōt·h ouvoti ǹte p̀ċois ouhōb ǹte hanjig ǹtexnitys ǹtefkaf xen ouma efhyp ouoh ǹteferouō ǹje pilaos tyrf je eseṡōpi	Cursed is the man whosoever shall make a graven or molten image, an abomination to the Lord, the work of the hands of craftsmen, and shall put it in a secret place: and all the people shall answer and say, So be it.
27:16	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁϣⲉϣ ⲡⲉϥⲓⲱⲧ ⲛⲉⲙⲧⲉϥⲙⲁⲩ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁϣⲉϣ ⲡⲉϥⲓⲱⲧ ⲛⲉⲙ ⲧⲉϥⲙⲁⲩ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaṡeṡ pefiōt nem tefmav ouoh evègos ǹje pilaos tyrf je eseṡōpi	Cursed is the man that dishonours his father or his mother: and all the people shall say, So be it.
27:17	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲟⲩⲱⲧⲉⲃ ⲛⲛⲓⲑⲟϣ ⲛⲧⲉⲡⲉϥϣⲫⲏⲣ ⲉⲃⲟⲗ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲟⲩⲱⲧⲉⲃ ⲛ̀ⲛⲓⲑⲟϣ ⲛ̀ⲧⲉ ⲡⲉϥϣ̀ⲫⲏⲣ ⲉ̀ⲃⲟⲗ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaouōteb ǹniθoṡ ǹte pefṡ̀fyr èvol ouoh evègos ǹje pilaos tyrf je eseṡōpi	Cursed is he that removes his neighbour's landmarks: and all the people shall say, So be it.
27:18	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲥⲱⲣⲉⲙ ⲛⲟⲩⲃⲉⲗⲗⲉ ϧⲉⲛⲟⲩⲙⲱⲓⲧ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲥⲱⲣⲉⲙ ⲛ̀ⲟⲩⲃⲉⲗⲗⲉ ϧⲉⲛ ⲟⲩⲙⲱⲓⲧ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnasōrem ǹouvelle xen oumōit ouoh evègos ǹje pilaos tyrf je eseṡōpi	Cursed is he that makes the blind to wander in the way: and all the people shall say, So be it.
27:19	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲣⲓⲕⲓ ⲙⲡϩⲁⲡ ⲛⲟⲩϣⲉⲙⲙⲟ ⲛⲉⲙⲟⲩⲟⲣⲫⲁⲛⲟⲥ ⲛⲉⲙⲟⲩⲭⲏⲣⲁ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲣⲓⲕⲓ ⲛ̀ⲡ̀ϩⲁⲡ ⲛ̀ⲟⲩϣⲉⲙⲙⲟ ⲛⲉⲙ ⲟⲩⲟⲣⲫⲁⲛⲟⲥ ⲛⲉⲙ ⲟⲩⲭⲏⲣⲁ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnariki ǹp̀hap ǹouṡemmo nem ouorfanos nem ouṡyra ouoh evègos ǹje pilaos tyrf je eseṡōpi	Cursed is every one that shall pervert the judgment of the stranger, and orphan, and widow: and all the people shall say, So be it.
27:20	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲉⲛⲕⲟⲧ ⲛⲉⲙⲧⲥϩⲓⲙⲓ ⲙⲡⲉϥⲓⲱⲧ ϫⲉⲁϥⲃⲱϣ ⲙⲡϩⲱⲃⲥ ⲙⲡⲉϥⲓⲱⲧ ⲉⲃⲟⲗ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲉⲛⲕⲟⲧ ⲛⲉⲙ ⲧ̀ⲥ̀ϩⲓⲙⲓ ⲛ̀ⲡⲉϥⲓⲱⲧ ϫⲉ ⲁϥⲃⲱϣ ⲛ̀ⲡ̀ϩⲱⲃⲥ ⲛ̀ⲡⲉϥⲓⲱⲧ ⲉ̀ⲃⲟⲗ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaenkot nem t̀s̀·himi ǹpefiōt je afvōṡ ǹp̀hōvs ǹpefiōt èvol ouoh evègos ǹje pilaos tyrf je eseṡōpi	Cursed is he that lies with his father's wife, because he has uncovered his father's skirt: and all the people shall say, So be it.
27:21	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲉⲛⲕⲟⲧ ⲛⲉⲙⲧⲉϥⲥⲱⲛⲓ ⲛϣⲉⲛⲙⲁⲩ ⲓⲉ ⲧⲉϥⲥⲱⲛⲓ ⲛϣⲉⲛⲓⲱⲧ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲥⲣⲁⲏⲗ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲉⲛⲕⲟⲧ ⲛⲉⲙ ⲧⲉϥⲥⲱⲛⲓ ⲛ̀ϣⲉⲛⲙⲁⲩ ⲓⲉ ⲧⲉϥⲥⲱⲛⲓ ⲛ̀ϣⲉⲛⲓⲱⲧ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲥⲣⲁⲏⲗ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaenkot nem tefsōni ǹṡenmav ie tefsōni ǹṡeniōt ouoh evègos ǹje pisrayl tyrf je eseṡōpi	Cursed is he that lies with any beast: and all the people shall say, So be it.
27:22	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲉⲛⲕⲟⲧ ⲛⲉⲙⲧⲉⲃⲛⲏ ⲛⲓⲃⲉⲛ ⲟⲩⲟϩ ⲉⲕⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲉⲛⲕⲟⲧ ⲛⲉⲙⲧⲥⲱⲛⲓ ⲙⲡⲉϥⲓⲱⲧ ⲓⲉ ⲧⲥⲱⲛⲓ ⲛⲧⲉϥⲙⲁⲩ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲉⲛⲕⲟⲧ ⲛⲉⲙ ⲧⲉⲃⲛⲏ ⲛⲓⲃⲉⲛ ⲟⲩⲟϩ ⲉⲕⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲉⲛⲕⲟⲧ ⲛⲉⲙ ⲧ̀ⲥⲱⲛⲓ ⲛ̀ⲡⲉϥⲓⲱⲧ ⲓⲉ ⲧ̀ⲥⲱⲛⲓ ⲛ̀ⲧⲉϥⲙⲁⲩ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaenkot nem tevny niven ouoh ekègos ǹje pilaos tyrf je eseṡōpi fs·houort ǹje fy etnaenkot nem t̀sōni ǹpefiōt ie t̀sōni ǹtefmav ouoh evègos ǹje pilaos tyrf je eseṡōpi	Cursed is he that lies with his sister by his father or his mother: and all the people shall say, So be it.
27:23	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁⲉⲛⲕⲟⲧ ⲛⲉⲙⲧⲉϥϣⲱⲙⲓ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁⲉⲛⲕⲟⲧ ⲛⲉⲙ ⲧⲉϥϣⲱⲙⲓ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaenkot nem tefṡōmi evègos ǹje pilaos tyrf je eseṡōpi	Cursed is he that lies with his daughter-in-law: and all the people shall say, So be it. Cursed is he that lies with his wife's sister: and all the people shall say, So be it.
27:24	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁϯ ⲛⲟⲩϣⲁϣ ⲙⲡⲉϥϣⲫⲏⲣ ϧⲉⲛⲟⲩⲭⲣⲟϥ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁϯ ⲛ̀ⲟⲩϣⲁϣ ⲛ̀ⲧⲉ ⲡⲉϥϣ̀ⲫⲏⲣ ϧⲉⲛ ⲟⲩⲭ̀ⲣⲟϥ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnati ǹouṡaṡ ǹte pefṡ̀fyr xen ouk̀rof ouoh evègos ǹje pilaos tyrf je eseṡōpi	Cursed is he that smites his neighbour secretly: and all the people shall say, So be it.
27:25	ϥⲥϩⲟⲩⲟⲣⲧ ⲛϫⲉⲫⲏ ⲉⲧⲛⲁϭⲓ ⲛⲟⲩⲇⲱⲣⲟⲛ ⲉⲧⲁⲕⲟ ⲛⲟⲩⲥⲛⲟϥ ⲛⲁⲧⲛⲟⲃⲓ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲫⲏ ⲉⲧⲛⲁϭⲓ ⲛ̀ⲟⲩⲇⲱⲣⲟⲛ ⲉ̀ⲧⲁⲕⲟ ⲛ̀ⲟⲩⲥ̀ⲛⲟϥ ⲛⲁⲧⲛⲟⲃⲓ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje fy etnaċi ǹouḋōron ètako ǹous̀nof natnovi ouoh evègos ǹje pilaos tyrf je eseṡōpi	Cursed is he whosoever shall have taken a bribe to slay an innocent man: and all the people shall say, So be it.
27:26	ϥⲥϩⲟⲩⲟⲣⲧ ⲛϫⲉⲣⲱⲙⲓ ⲛⲓⲃⲉⲛ ⲉⲧⲉⲛϥⲛⲁⲟϩⲓ ⲁⲛ ⲉⲥⲁϫⲓ ⲛⲓⲃⲉⲛ ⲛⲧⲉⲡⲁⲓⲛⲟⲙⲟⲥ ⲉⲡⲁⲓⲧⲟⲩ ⲟⲩⲟϩ ⲉⲩⲉϫⲟⲥ ⲛϫⲉⲡⲓⲗⲁⲟⲥ ⲧⲏⲣϥ ϫⲉⲉⲥⲉϣⲱⲡⲓ	ϥⲥϩⲟⲩⲟⲣⲧ ⲛ̀ϫⲉ ⲣⲱⲙⲓ ⲛⲓⲃⲉⲛ ⲉⲧⲉⲛ̀ϥⲛⲁⲟ̀ϩⲓ ⲁⲛ ⲉ̀ⲥⲁϫⲓ ⲛⲓⲃⲉⲛ ⲛ̀ⲧⲉ ⲡⲁⲓⲛⲟⲙⲟⲥ ⲉ̀ⲡⲁⲓⲧⲟⲩ ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲡⲓⲗⲁⲟⲥ ⲧⲏⲣϥ ϫⲉ ⲉⲥⲉϣⲱⲡⲓ	fs·houort ǹje rōmi niven eteǹfnaòhi an èsaji niven ǹte painomos èpaitou ouoh evègos ǹje pilaos tyrf je eseṡōpi	Cursed is every man that continues not in all the words of this law to do them: and all the people shall say, So be it.

Provenance

title: 05_Deuteronomium_27
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_27
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_27 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/27.bohairic.scriptorium.L0.txt
title: 05_Deuteronomium_27 — Cairene
dialect: bohairic
source: generated from 27.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_27)
licence: CC BY-SA 4.0
share: attribution
attribution: 05_Deuteronomium_27 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/27.bohairic.scriptorium.L1.txt
title: 05_Deuteronomium_27 — Kemetic
dialect: bohairic
source: generated from 27.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_27 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/27.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 26 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_27 (26 lines)

Cite as:

05_Deuteronomium_27. Coptic SCRIPTORIUM corpus "bohairic.ot", document 05_Deuteronomium_27. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/27.bohairic.scriptorium/. 05_Deuteronomium_27 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.