05_Deuteronomium_28 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_28

Attribution: 05_Deuteronomium_28 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_28, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

68 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
28:1	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲥⲓⲛⲓ ⲉⲙⲏⲣ ⲙⲡⲁⲓⲓⲟⲣⲇⲁⲛⲏⲥ ⲉⲡⲓⲕⲁϩⲓ ⲉⲧⲉⲡϭⲟⲓⲥ ⲡⲉⲧⲉⲛⲛⲟⲩϯ ⲛⲁⲧⲏⲓϥ ⲛⲱⲧⲉⲛ ⲉϣⲱⲡ ϧⲉⲛⲟⲩⲥⲱⲧⲉⲙ ⲛⲧⲉⲧⲉⲛⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲉⲁⲣⲉϩ ⲟⲩⲟϩ ⲉⲓⲣⲓ ⲛⲛⲉϥⲉⲛⲧⲟⲗⲏ ⲧⲏⲣⲟⲩ ⲛⲁⲓ ⲁⲛⲟⲕ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲙⲫⲟⲟⲩ ⲟⲩⲟϩ ⲉϥⲉⲧⲏⲓⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲥⲁⲡϣⲱⲓ ⲛⲛⲓⲉⲑⲛⲟⲥ ⲧⲏⲣⲟⲩ ⲛⲧⲉⲡⲕⲁϩⲓ	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲁⲛⲥⲓⲛⲓ ⲉ̀ⲙⲏⲣ ⲛ̀ⲡⲁⲓⲓⲟⲣⲇⲁⲛⲏⲥ ⲉ̀ⲡⲓⲕⲁϩⲓ ⲉ̀ⲧⲉ ⲡ̀ϭⲟⲓⲥ ⲡⲉⲧⲉⲛ̀ⲛⲟⲩϯ ⲛⲁⲧⲏⲓϥ ⲛⲱⲧⲉⲛ ⲉϣⲱⲡ ϧⲉⲛ ⲟⲩⲥⲱⲧⲉⲙ ⲛ̀ⲧⲉⲧⲉⲛⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲉⲁ̀ⲣⲉϩ ⲟⲩⲟϩ ⲉ̀ⲓⲣⲓ ⲛ̀ⲛⲉϥⲉⲛⲧⲟⲗⲏ ⲧⲏⲣⲟⲩ ⲛⲁⲓ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲛ̀ⲫⲟⲟⲩ ⲟⲩⲟϩ ⲉϥⲉ̀ⲧⲏⲓⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲥⲁⲡ̀ϣⲱⲓ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ	ouoh eseṡōpi aretenṡansini èmyr ǹpaiiordanys èpikahi ète p̀ċois peteǹnouti natyif nōten eṡōp xen ousōtem ǹtetensōtem ǹsa t̀s̀my ǹp̀ċois petennouti eàreh ouoh èiri ǹnefentoly tyrou nai anok eihonhen m̀mok èrōou ǹfoou ouoh efètyik ǹje p̀ċois peknouti sap̀ṡōi ǹnieθnos tyrou ǹte p̀kahi	And it shall come to pass, if thou wilt indeed hear the voice of the Lord thy God, to observe and do all these commands, which I charge thee this day, that the Lord thy God shall set thee on high above all the nations of the earth;
28:2	ⲉⲩⲉⲓ ⲉϫⲱⲕ ⲛϫⲉⲛⲁⲓⲥⲙⲟⲩ ⲧⲏⲣⲟⲩ ⲟⲩⲟϩ ⲉⲩⲉϫⲉⲙⲕ ⲉϣⲱⲡ ϧⲉⲛⲟⲩⲥⲱⲧⲉⲙ ⲛⲧⲉⲕⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲕⲛⲟⲩϯ	ⲉⲩⲓ ⲉ̀ϫⲱⲕ ⲛ̀ϫⲉ ⲛⲁⲓⲥ̀ⲙⲟⲩ ⲧⲏⲣⲟⲩ ⲟⲩⲟϩ ⲉⲩⲉ̀ϫⲉⲙⲕ ⲉϣⲱⲡ ϧⲉⲛ ⲟⲩⲥⲱⲧⲉⲙ ⲛ̀ⲧⲉⲕⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ	evi ègōk ǹje nais̀mou tyrou ouoh evèjemk eṡōp xen ousōtem ǹtek·sōtem ǹsa t̀s̀my ǹp̀ċois peknouti	and all these blessings shall come upon thee, and shall find thee. If thou wilt indeed hear the voice of the Lord thy God,
28:3	ⲕⲥⲙⲁⲙⲁⲧ ⲛⲑⲟⲕ ϧⲉⲛⲛⲓⲃⲁⲕⲓ ⲟⲩⲟϩ ⲕⲥⲙⲁⲙⲁⲧ ⲛⲑⲟⲕ ϧⲉⲛⲧⲕⲟⲓ	ⲕ̀ⲥⲙⲁⲙⲁⲧ ⲛ̀ⲑⲟⲕ ϧⲉⲛ ⲛⲓⲃⲁⲕⲓ ⲟⲩⲟϩ ⲕ̀ⲥⲙⲁⲙⲁⲧ ⲛ̀ⲑⲟⲕ ϧⲉⲛ ⲧ̀ⲕⲟⲓ	k̀·smamat ǹθok xen nivaki ouoh k̀·smamat ǹθok xen t̀koi	blessed shalt thou be in the city, and blessed shalt thou be in the field.
28:4	ⲥⲉⲥⲙⲁⲙⲁⲧ ⲛϫⲉⲛⲓⲙⲓⲥⲓ ⲛⲧⲉⲧⲉⲕⲛⲉϫⲓ ⲛⲉⲙⲛⲓⲟⲩⲧⲁϩ ⲛⲧⲉⲡⲉⲕⲕⲁϩⲓ ⲛⲉⲙⲛⲓⲟϩⲓ ⲛⲧⲉⲛⲉⲕⲉϩⲱⲟⲩ ⲛⲉⲙⲛⲓⲟϩⲓ ⲛⲧⲉⲛⲉⲕⲥⲱⲟⲩ	ⲥⲉⲥⲙⲁⲙⲁⲧ ⲛ̀ϫⲉ ⲛⲓⲙⲓⲥⲓ ⲛ̀ⲧⲉ ⲧⲉⲕⲛⲉϫⲓ ⲛⲉⲙ ⲛⲓⲟⲩⲧⲁϩ ⲛ̀ⲧⲉ ⲡⲉⲕⲕⲁϩⲓ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉϩⲱⲟⲩ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲥⲱⲟⲩ	sesmamat ǹje nimisi ǹte tekneji nem nioutah ǹte pekkahi nem niohi ǹte nekehōou nem niohi ǹte nek·sōou	Blessed shall be the offspring of thy body, and the fruits of thy land, and the herds of thy oxen, and the flocks of thy sheep.
28:5	ⲥⲉⲥⲙⲁⲙⲧ ⲛϫⲉⲛⲉⲕⲁⲡⲟⲑⲏⲕⲏ ⲛⲉⲙⲛⲏ ⲉⲧⲛⲁⲥⲱϫⲡ ⲛⲧⲁⲕ	ⲥⲉⲥⲙⲁⲙⲧ ⲛ̀ϫⲉ ⲛⲉⲕⲁⲡⲟⲑⲏⲕⲏ ⲛⲉⲙ ⲛⲏ ⲉⲧⲛⲁⲥⲱϫⲡ ⲛ̀ⲧⲁⲕ	sesmamt ǹje nekapoθyky nem ny etnasōgp ǹtak	Blessed shall be thy barns, and thy stores.
28:6	ⲕⲥⲙⲁⲙⲁⲧ ⲛⲑⲟⲕ ϧⲉⲛⲡⲉⲕϫⲓⲛⲙⲟϣⲓ ⲉϧⲟⲩⲛ ⲟⲩⲟϩ ⲕⲥⲙⲁⲙⲁⲧ ⲛⲑⲟⲕ ϧⲉⲛⲡⲉⲕϫⲓⲛⲙⲟϣⲓ ⲉⲃⲟⲗ	ⲕ̀ⲥⲙⲁⲙⲁⲧ ⲛ̀ⲑⲟⲕ ϧⲉⲛ ⲡⲉⲕϫⲓⲛⲙⲟϣⲓ ⲉ̀ϧⲟⲩⲛ ⲟⲩⲟϩ ⲕ̀ⲥⲙⲁⲙⲁⲧ ⲛ̀ⲑⲟⲕ ϧⲉⲛ ⲡⲉⲕϫⲓⲛⲙⲟϣⲓ ⲉ̀ⲃⲟⲗ	k̀·smamat ǹθok xen pekjinmoṡi èxoun ouoh k̀·smamat ǹθok xen pekjinmoṡi èvol	Blessed shalt thou be in thy coming in, and blessed shalt thou be in thy going out.
28:7	ⲉⲣⲉⲡϭⲟⲓⲥ ⲡⲉⲕⲛⲟⲩϯ ϯ ⲛⲛⲉⲕϫⲁϫⲓ ⲉⲧϯ ⲟⲩⲃⲏⲕ ⲉⲩϧⲉⲙϧⲱⲙ ⲙⲡⲉⲙⲑⲟ ⲉⲩⲉⲓ ⲉⲃⲟⲗ ⲉϩⲣⲁⲕ ϧⲉⲛⲟⲩⲙⲱⲓⲧ ⲛⲟⲩⲱⲧ ⲟⲩⲟϩ ⲉⲩⲉⲫⲱⲧ ϧⲉⲛⲍ̅ ⲙⲙⲱⲓⲧ ⲉⲃⲟⲗ ϧⲁⲧϩⲏ ⲙⲡⲉⲕϩⲟ	ⲉ̀ⲣⲉ ⲡ̀ϭⲟⲓⲥ ⲡⲉⲕⲛⲟⲩϯ ϯ ⲛ̀ⲛⲉⲕϫⲁϫⲓ ⲉⲧϯ ⲟⲩⲃⲏⲕ ⲉⲩϧⲉⲙϧⲱⲙ ⲛ̀ⲡⲉⲙ̀ⲑⲟ ⲉⲩⲓ ⲉ̀ⲃⲟⲗ ⲉ̀ϩ̀ⲣⲁⲕ ϧⲉⲛ ⲟⲩⲙⲱⲓⲧ ⲛ̀ⲟⲩⲱⲧ ⲟⲩⲟϩ ⲉⲩⲉ̀ⲫⲱⲧ ϧⲉⲛ 7 ⲛ̀ⲙⲱⲓⲧ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ	ère p̀ċois peknouti ti ǹnekgaji etti ouvyk evxemxōm ǹpem̀θo evi èvol èh̀rak xen oumōit ǹouōt ouoh evèfōt xen 7 ǹmōit èvol xat̀·hy ǹpek·ho	The Lord deliver thine enemies that withstand thee utterly broken before thy face: they shall come out against thee one way, and they shall flee seven ways from before thee.
28:8	ⲉⲣⲉⲡϭⲟⲓⲥ ⲟⲩⲱⲣⲡ ⲙⲡⲉϥⲥⲙⲟⲩ ⲉϫⲱⲕ ϧⲉⲛⲛⲉⲕⲧⲁⲙⲓⲟⲛ ϧⲉⲛⲉⲛⲭⲁⲓ ⲛⲓⲃⲉⲛ ⲉⲧⲉⲕⲛⲁϩⲓ ⲧⲟⲧⲕ ⲉⲣⲱⲟⲩ ϧⲉⲛⲡⲓⲕⲁϩⲓ ⲉⲧⲉⲡϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ	ⲉ̀ⲣⲉ ⲡ̀ϭⲟⲓⲥ ⲟⲩⲱⲣⲡ ⲛ̀ⲡⲉϥⲥ̀ⲙⲟⲩ ⲉ̀ϫⲱⲕ ϧⲉⲛ ⲛⲉⲕⲧⲁⲙⲓⲟⲛ ϧⲉⲛ ⲉⲛⲭⲁⲓ ⲛⲓⲃⲉⲛ ⲉ̀ⲧⲉ ⲭ̀ⲛⲁϩⲓ ⲧⲟⲧⲕ ⲉ̀ⲣⲱⲟⲩ ϧⲉⲛ ⲡⲓⲕⲁϩⲓ ⲉ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ	ère p̀ċois ouōrp ǹpefs̀mou ègōk xen nektamion xen enkai niven ète k̀nahi totk èrōou xen pikahi ète p̀ċois peknouti natyif nak	The Lord send upon thee his blessing in thy barns, and on all on which thou shalt put thine hand, in the land which the Lord thy God gives thee.
28:9	ⲉϥⲉⲧⲟⲩⲛⲟⲥⲕ ⲛⲁϥ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲛⲟⲩⲗⲁⲟⲥ ⲉϥⲟⲩⲁⲃ ⲙⲫⲣⲏϯ ⲉⲧⲁϥⲱⲣⲕ ⲛⲛⲉⲕⲓⲟϯ ⲉϣⲱⲡ ⲁⲕϣⲁⲛⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲕⲛⲟⲩϯ ⲛⲧⲉⲕⲙⲟϣⲓ ϩⲓⲛⲉϥⲙⲱⲓⲧ	ⲉϥⲉ̀ⲧⲟⲩⲛⲟⲥⲕ ⲛⲁϥ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲟⲩⲗⲁⲟⲥ ⲉϥⲟⲩⲁⲃ ⲛ̀ⲫ̀ⲣⲏϯ ⲉⲧⲁϥⲱⲣⲕ ⲛ̀ⲛⲉⲕⲓⲟϯ ⲉϣⲱⲡ ⲁⲕϣⲁⲛⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲧⲉⲕⲙⲟϣⲓ ϩⲓ ⲛⲉϥⲙⲱⲓⲧ	efètounosk naf ǹje p̀ċois peknouti ǹoulaos efouab ǹf̀ryti etafōrk ǹnekioti eṡōp akṡansōtem ǹsa t̀s̀my ǹp̀ċois peknouti ǹtekmoṡi hi nefmōit	The Lord raise thee up for himself a holy people, as he sware to thy fathers; if thou wilt hear the voice of the Lord thy God, and walk in all his ways.
28:10	ⲉⲩⲉⲛⲁⲩ ⲉⲣⲟⲕ ⲛϫⲉⲛⲓⲉⲑⲛⲟⲥ ⲧⲏⲣⲟⲩ ⲛⲧⲉⲡⲕⲁϩⲓ ϫⲉϥⲧⲟⲓ ⲉⲣⲟⲕ ⲛϫⲉⲫⲣⲁⲛ ⲙⲡϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲩⲉⲉⲣϩⲟϯ ϧⲁⲧⲉⲕϩⲏ	ⲉⲩⲉ̀ⲛⲁⲩ ⲉ̀ⲣⲟⲕ ⲛ̀ϫⲉ ⲛⲓⲉⲑⲛⲟⲥ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ ϫⲉ ϥ̀ⲧⲟⲓ ⲉ̀ⲣⲟⲕ ⲛ̀ϫⲉ ⲫ̀ⲣⲁⲛ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲩⲉⲉⲣϩⲟϯ ϧⲁ ⲧⲉⲕϩⲏ	evènav èrok ǹje nieθnos tyrou ǹte p̀kahi je f̀toi èrok ǹje f̀ran ǹp̀ċois peknouti ouoh eveerhoti xa tek·hy	And all the nations of the earth shall see thee, that the name of the Lord is called upon thee, and they shall stand in awe of thee.
28:11	ⲟⲩⲟϩ ⲉϥⲉⲑⲣⲉⲕⲁϣⲁⲓ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲉϩⲁⲛⲁⲅⲁⲑⲟⲛ ϩⲓⲛⲓⲙⲓⲥⲓ ⲛⲧⲉⲧⲉⲕⲛⲉϫⲓ ⲛⲉⲙⲛⲓⲟⲩⲧⲁϩ ⲛⲧⲉⲡⲉⲕⲕⲁϩⲓ ⲛⲉⲙϩⲓⲛⲓⲙⲁⲥ ⲛⲧⲉⲛⲉⲕⲧⲉⲃⲛⲱⲟⲩⲓ ⲛϧⲣⲏⲓ ϩⲓⲡⲓⲕⲁϩⲓ ⲉⲧⲁϥⲱⲣⲕ ⲙⲙⲟϥ ⲛϫⲉⲡϭⲟⲓⲥ ⲛⲛⲉⲕⲓⲟϯ ⲉⲧⲏⲓϥ ⲛⲁⲕ	ⲟⲩⲟϩ ⲉϥⲉⲑⲣⲉⲕⲁϣⲁⲓ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲉ̀ϩⲁⲛⲁ̀ⲅⲁⲑⲟⲛ ϩⲓ ⲛⲓⲙⲓⲥⲓ ⲛ̀ⲧⲉ ⲧⲉⲕⲛⲉϫⲓ ⲛⲉⲙ ⲛⲓⲟⲩⲧⲁϩ ⲛ̀ⲧⲉ ⲡⲉⲕⲕⲁϩⲓ ⲛⲉⲙ ϩⲓⲛⲓⲙⲁⲥ ⲛ̀ⲧⲉ ⲛⲉⲕⲧⲉⲃⲛⲱⲟⲩⲓ̀ ⲛ̀ϧ̀ⲣⲏⲓ ϩⲓ ⲡⲓⲕⲁϩⲓ ⲉⲧⲁϥⲱⲣⲕ ⲙ̀ⲙⲟϥ ⲛ̀ϫⲉ ⲡ̀ϭⲟⲓⲥ ⲛ̀ⲛⲉⲕⲓⲟϯ ⲉ̀ⲧⲏⲓϥ ⲛⲁⲕ	ouoh efeθrekaṡai ǹje p̀ċois peknouti èhanàġaθon hi nimisi ǹte tekneji nem nioutah ǹte pekkahi nem hinimas ǹte nektevnōouì ǹx̀ryi hi pikahi etafōrk m̀mof ǹje p̀ċois ǹnekioti ètyif nak	And the Lord thy God shall multiply thee for good in the offspring of thy body, and in the offspring of thy cattle, and in the fruits of thy land, on thy land which the Lord sware to thy fathers to give to thee.
28:12	ⲉϥⲉⲁⲟⲩⲱⲛ ⲛϫⲉⲙⲡϭⲟⲓⲥ ⲙⲡⲉϥⲁϩⲟ ⲉⲧⲛⲁⲛⲉϥ ⲛⲧⲉⲧⲫⲉ ⲉϥⲉϯ ⲙⲡⲓⲙⲟⲩⲛϩⲱⲟⲩ ⲙⲡⲉⲕⲕⲁϩⲓ ϧⲉⲛⲡⲉϥⲥⲏⲟⲩ ⲉϥⲉⲥⲙⲟⲩ ⲉⲛⲓϩⲃⲏⲟⲩⲓ ⲧⲏⲣⲟⲩ ⲛⲧⲉⲛⲉⲕϫⲓϫ ⲟⲩⲟϩ ⲉⲕⲉϯ ⲉⲑⲙⲏⲥⲓ ⲛⲟⲩⲙⲏϣ ⲛⲉⲑⲛⲟⲥ ⲛⲑⲟⲕ ⲇⲉ ⲛⲛⲉⲕϭⲓ ⲉⲑⲙⲏⲥⲓ ⲉⲓⲉⲉⲣⲁⲣⲭⲱⲛ ⲛⲟⲩⲙⲏϣ ⲛⲉⲑⲛⲟⲥ ⲛⲑⲟⲕ ⲇⲉ ⲛⲛⲟⲩⲉⲣⲁⲣⲭⲱⲛ ⲉⲣⲟⲕ	ⲉϥⲉ̀ⲁⲟⲩⲱⲛ ⲛ̀ϫⲉ ⲛ̀ⲡ̀ϭⲟⲓⲥ ⲛ̀ⲡⲉϥⲁϩⲟ ⲉⲧⲛⲁⲛⲉϥ ⲛ̀ⲧⲉ ⲧ̀ⲫⲉ ⲉϥⲉ̀ϯ ⲛ̀ⲡⲓⲙⲟⲩⲛϩⲱⲟⲩ ⲛ̀ⲡⲉⲕⲕⲁϩⲓ ϧⲉⲛ ⲡⲉϥⲥⲏⲟⲩ ⲉϥⲉ̀ⲥ̀ⲙⲟⲩ ⲉ̀ⲛⲓϩ̀ⲃⲏⲟⲩⲓ̀ ⲧⲏⲣⲟⲩ ⲛ̀ⲧⲉ ⲛⲉⲕϫⲓϫ ⲟⲩⲟϩ ⲉⲕⲉ̀ϯ ⲉ̀ⲑⲙⲏⲥⲓ ⲛ̀ⲟⲩⲙⲏϣ ⲛ̀ⲉⲑⲛⲟⲥ ⲛ̀ⲑⲟⲕ ⲇⲉ ⲛ̀ⲛⲉⲕϭⲓ ⲉ̀ⲑⲙⲏⲥⲓ ⲓⲉⲉⲣⲁⲣⲭⲱⲛ ⲛ̀ⲟⲩⲙⲏϣ ⲛ̀ⲉⲑⲛⲟⲥ ⲛ̀ⲑⲟⲕ ⲇⲉ ⲛⲛⲟⲩⲉⲣⲁⲣⲭⲱⲛ ⲉ̀ⲣⲟⲕ	efèaouōn ǹje ǹp̀ċois ǹpefaho etnanef ǹte t̀fe efèti ǹpimounhōou ǹpekkahi xen pefsyou efès̀mou ènih̀vyouì tyrou ǹte nekjig ouoh ekèti èθmysi ǹoumyṡ ǹeθnos ǹθok ḋe ǹnekċi èθmysi ieerarkōn ǹoumyṡ ǹeθnos ǹθok ḋe nnouerarxōn èrok	May the Lord open to thee his good treasure, the heaven, to give rain to thy land in season: may he bless all the works of thy hands: so shalt thou lend to many nations, but thou shalt not borrow; and thou shalt rule over many nations, but they shall not rule over thee.
28:13	ⲉϥⲉⲁⲓⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ ⲛⲟⲩⲁⲫⲉ ⲟⲩⲟϩ ⲛⲟⲩⲥⲁⲧ ⲁⲛ ⲧⲟⲧⲉ ⲉⲕⲉϣⲱⲡⲓ ⲥⲁⲡϣⲱⲓ ⲟⲩⲟϩ ⲥⲁⲡⲉⲥⲏⲧ ⲁⲛ ⲉϣⲱⲡ ϧⲉⲛⲟⲩⲥⲱⲧⲉⲙ ⲛⲧⲉⲕⲥⲱⲧⲉⲙ ⲛⲥⲁⲛⲓⲉⲛⲧⲟⲗⲏ ⲛⲧⲉⲡϭⲟⲓⲥ ⲡⲉⲕⲛⲟⲩϯ ⲛⲏ ⲁⲛⲟⲕ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲙⲫⲟⲟⲩ ⲉⲁⲣⲉϩ ⲉⲁⲓⲧⲟⲩ	ⲉϥⲉ̀ⲁⲓⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲟⲩⲁ̀ⲫⲉ ⲟⲩⲟϩ ⲛ̀ⲟⲩⲥⲁⲧ ⲁⲛ ⲧⲟⲧⲉ ⲉⲕⲉ̀ϣⲱⲡⲓ ⲥⲁⲡ̀ϣⲱⲓ ⲟⲩⲟϩ ⲥⲁⲡⲉⲥⲏⲧ ⲁⲛ ⲉϣⲱⲡ ϧⲉⲛ ⲟⲩⲥⲱⲧⲉⲙ ⲛ̀ⲧⲉⲕⲥⲱⲧⲉⲙ ⲛ̀ⲥⲁ ⲛⲓⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲏ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲛ̀ⲫⲟⲟⲩ ⲉⲁ̀ⲣⲉϩ ⲉⲁⲓⲧⲟⲩ	efèaik ǹje p̀ċois peknouti ǹouàfe ouoh ǹousat an tote ekèṡōpi sap̀ṡōi ouoh sapesyt an eṡōp xen ousōtem ǹtek·sōtem ǹsa nientoly ǹte p̀ċois peknouti ny anok eihonhen m̀mok èrōou ǹfoou eàreh eaitou	The Lord thy God make thee the head, and not the tail; and thou shalt then be above and thou shalt not be below, if thou wilt hearken to the voice of the Lord thy God, in all things that I charge thee this day to observe.
28:14	ⲛⲛⲉⲕⲉⲣⲡⲁⲣⲁⲃⲉⲛⲓⲛ ⲛⲛⲁⲓⲥⲁϫⲓ ⲧⲏⲣⲟⲩ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲙⲫⲟⲟⲩ ⲉⲟⲩⲓⲛⲁⲙ ⲟⲩⲇⲉ ⲉϫⲁϭⲏ ⲉⲙⲟϣⲓ ⲥⲁⲫⲁϩⲟⲩ ⲛϩⲁⲛⲕⲉⲛⲟⲩϯ ⲉϣⲉⲙϣⲓ ⲙⲙⲱⲟⲩ	ⲛ̀ⲛⲉⲕⲉⲣⲡⲁⲣⲁⲃⲉⲛⲓⲛ ⲛ̀ⲛⲁⲓⲥⲁϫⲓ ⲧⲏⲣⲟⲩ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲛ̀ⲫⲟⲟⲩ ⲉ̀ⲟⲩⲓ̀ⲛⲁⲙ ⲟⲩⲇⲉ ⲉ̀ϫⲁϭⲏ ⲉ̀ⲙⲟϣⲓ ⲥⲁⲫⲁϩⲟⲩ ⲛ̀ϩⲁⲛⲕⲉⲛⲟⲩϯ ⲉϣⲉⲙϣⲓ ⲙ̀ⲙⲱⲟⲩ	ǹnekerparabenin ǹnaisaji tyrou eihonhen m̀mok èrōou ǹfoou èouìnam ouḋe ègaċy èmoṡi safahou ǹhankenouti eṡemṡi m̀mōou	Thou shalt not turn aside from any of the commandments, which I charge thee this day, to the right hand or to the left, to go after other gods to serve them.
28:15	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲧⲉⲙⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲉⲁⲣⲉϩ ⲉⲛⲉϥⲉⲛⲧⲟⲗⲏ ⲧⲏⲣⲟⲩ ⲛⲏ ⲁⲛⲟⲕ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲙⲫⲟⲟⲩ ⲉⲩⲉⲓ ⲉϫⲱⲕ ⲛϫⲉⲛⲁⲓⲥⲁϩⲟⲩⲓ ⲧⲏⲣⲟⲩ ⲟⲩⲟϩ ⲉⲩⲉⲧⲁϩⲟⲕ	ⲟⲩⲟϩ ⲉⲥⲉϣⲱⲡⲓ ⲁⲣⲉⲧⲉⲛϣⲧⲉⲙⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲉⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ ⲧⲏⲣⲟⲩ ⲛⲏ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲛ̀ⲫⲟⲟⲩ ⲉⲩⲓ ⲉ̀ϫⲱⲕ ⲛ̀ϫⲉ ⲛⲁⲓⲥⲁϩⲟⲩⲓ ⲧⲏⲣⲟⲩ ⲟⲩⲟϩ ⲉⲩⲉ̀ⲧⲁϩⲟⲕ	ouoh eseṡōpi aretenṡtemsōtem ǹsa t̀s̀my ǹp̀ċois petennouti eàreh ènefentoly tyrou ny anok eihonhen m̀mok èrōou ǹfoou evi ègōk ǹje naisahoui tyrou ouoh evètahok	But it shall come to pass, if thou wilt not hearken to the voice of the Lord thy God, to observe all his commandments, as many as I charge thee this day, then all these curses shall come on thee, and overtake thee.
28:16	ⲕⲥϩⲟⲩⲟⲣⲧ ⲛⲑⲟⲕ ϧⲉⲛϯⲃⲁⲕⲓ ⲕⲥϩⲟⲩⲟⲣⲧ ⲛⲑⲟⲕ ϧⲉⲛⲧⲕⲟⲓ	ⲕ̀ⲥϩⲟⲩⲟⲣⲧ ⲛ̀ⲑⲟⲕ ϧⲉⲛ ϯⲃⲁⲕⲓ ⲕ̀ⲥϩⲟⲩⲟⲣⲧ ⲛ̀ⲑⲟⲕ ϧⲉⲛ ⲧ̀ⲕⲟⲓ	k̀·s·houort ǹθok xen tivaki k̀·s·houort ǹθok xen t̀koi	Cursed shalt thou be in the city, and cursed shalt thou be in the field.
28:17	ⲥⲉⲥϩⲟⲩⲟⲣⲧ ⲛϫⲉⲛⲉⲕⲁⲡⲟⲑⲏⲕⲏ ⲛⲉⲙⲛⲓⲥⲱϫⲡ ⲛⲧⲁⲕ	ⲥⲉⲥϩⲟⲩⲟⲣⲧ ⲛ̀ϫⲉ ⲛⲉⲕⲁⲡⲟⲑⲏⲕⲏ ⲛⲉⲙ ⲛⲓⲥⲱϫⲡ ⲛ̀ⲧⲁⲕ	ses·houort ǹje nekapoθyky nem nisōgp ǹtak	Cursed shall be thy barns and thy stores.
28:18	ⲥⲉⲥϩⲟⲩⲟⲣⲧ ⲛϫⲉⲛⲓⲙⲓⲥⲓ ⲛⲧⲉⲧⲉⲕⲛⲉϫⲓ ⲛⲉⲙⲛⲓⲟϩⲓ ⲛⲧⲉⲛⲉⲕⲉϩⲱⲟⲩ ⲛⲉⲙⲛⲓⲟϩⲓ ⲛⲧⲉⲛⲉⲕⲉⲥⲱⲟⲩ	ⲥⲉⲥϩⲟⲩⲟⲣⲧ ⲛ̀ϫⲉ ⲛⲓⲙⲓⲥⲓ ⲛ̀ⲧⲉ ⲧⲉⲕⲛⲉϫⲓ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉϩⲱⲟⲩ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉ̀ⲥⲱⲟⲩ	ses·houort ǹje nimisi ǹte tekneji nem niohi ǹte nekehōou nem niohi ǹte nekèsōou	Cursed shall be the offspring of thy body, and the fruits of thy land, the herds of thine oxen, and the flocks of thy sheep.
28:19	ⲕⲥϩⲟⲩⲟⲣⲧ ⲛⲑⲟⲕ ϧⲉⲛⲡⲉⲕϫⲓⲛⲙⲟϣⲓ ⲉϧⲟⲩⲛ ⲟⲩⲟϩ ⲕⲥϩⲟⲩⲟⲣⲧ ⲛⲑⲟⲕ ϧⲉⲛⲡⲉⲕϫⲓⲛⲙⲟϣⲓ ⲉⲃⲟⲗ	ⲕ̀ⲥϩⲟⲩⲟⲣⲧ ⲛ̀ⲑⲟⲕ ϧⲉⲛ ⲡⲉⲕϫⲓⲛⲙⲟϣⲓ ⲉ̀ϧⲟⲩⲛ ⲟⲩⲟϩ ⲕ̀ⲥϩⲟⲩⲟⲣⲧ ⲛ̀ⲑⲟⲕ ϧⲉⲛ ⲡⲉⲕϫⲓⲛⲙⲟϣⲓ ⲉ̀ⲃⲟⲗ	k̀·s·houort ǹθok xen pekjinmoṡi èxoun ouoh k̀·s·houort ǹθok xen pekjinmoṡi èvol	Cursed shalt thou be in thy coming in, and cursed shalt thou be in thy going out.
28:20	ⲉϥⲉⲟⲩⲱⲣⲡ ⲉϫⲱⲕ ⲛϫⲉⲡϭⲟⲓⲥ ⲛϯⲙⲉⲧⲣⲉϥⲉⲣϧⲁⲉ ⲛⲉⲙⲡⲓϩⲃⲱⲛ ⲛⲉⲙⲫⲙⲟⲩⲛⲕ ⲉⲃⲟⲗ ⲉϫⲉⲛⲉⲛⲭⲁⲓ ⲛⲓⲃⲉⲛ ⲉⲧⲉⲕⲛⲁϩⲓ ⲧⲉⲕϫⲓϫ ⲉϧⲣⲏⲓ ⲉϧⲣⲏⲓ ⲉϫⲱⲟⲩ ϧⲉⲛⲫⲏ ⲛⲓⲃⲉⲛ ⲉⲧⲉⲕⲛⲁⲁⲓϥ ϣⲁⲧⲉϥϥⲟⲧⲕ ⲉⲃⲟⲗ ⲟⲩⲟϩ ⲛⲧⲉϥⲧⲁⲕⲟⲕ ϧⲉⲛⲟⲩⲭⲱⲗⲉⲙ ⲉⲑⲃⲉⲛⲉⲕϩⲃⲏⲟⲩⲓ ⲉⲧϩⲱⲟⲩ ϫⲉⲁⲕⲭⲁϥ ⲛⲥⲱⲕ	ⲉϥⲉ̀ⲟⲩⲱⲣⲡ ⲉ̀ϫⲱⲕ ⲛ̀ϫⲉ ⲡ̀ϭⲟⲓⲥ ⲛ̀ϯⲙⲉⲧⲣⲉϥⲉⲣϧⲁⲉ ⲛⲉⲙ ⲡⲓϩ̀ⲃⲱⲛ ⲛⲉⲙ ⲫ̀ⲙⲟⲩⲛⲕ ⲉ̀ⲃⲟⲗ ⲉ̀ϫⲉ ⲛ̀ⲉⲛⲭⲁⲓ ⲛⲓⲃⲉⲛ ⲉ̀ⲧⲉ ⲭ̀ⲛⲁϩⲓ ⲧⲉⲕϫⲓϫ ⲉ̀ϧ̀ⲣⲏⲓ ⲉ̀ϧ̀ⲣⲏⲓ ⲉ̀ϫⲱⲟⲩ ϧⲉⲛ ⲫⲏ ⲛⲓⲃⲉⲛ ⲉ̀ⲧⲉ ⲭ̀ⲛⲁⲁⲓϥ ϣⲁⲧⲉϥϥⲟⲧⲕ ⲉ̀ⲃⲟⲗ ⲟⲩⲟϩ ⲛ̀ⲧⲉϥⲧⲁⲕⲟⲕ ϧⲉⲛ ⲟⲩⲭⲱⲗⲉⲙ ⲉⲑⲃⲉ ⲛⲉⲕϩ̀ⲃⲏⲟⲩⲓ̀ ⲉⲧϩⲱⲟⲩ ϫⲉ ⲁⲕⲭⲁϥ ⲛ̀ⲥⲱⲕ	efèouōrp ègōk ǹje p̀ċois ǹtimetreferxae nem pih̀vōn nem f̀mounk èvol èje ǹenkai niven ète k̀nahi tekjig èx̀ryi èx̀ryi ègōou xen fy niven ète k̀naaif ṡateffotk èvol ouoh ǹteftakok xen oukōlem eθve nek·h̀vyouì et·hōou je akkaf ǹsōk	The Lord send upon thee want, and famine, and consumption of all things on which thou shalt put thy hand, until he shall have utterly destroyed thee, and until he shall have consumed thee quickly because of thine evil devices, because thou hast forsaken me.
28:21	ⲉϥⲉⲑⲣⲉ ⲫⲙⲟⲩ ⲉⲣϭⲟⲓⲥ ⲉⲣⲟⲕ ⲛϫⲉⲡϭⲟⲓⲥ ϣⲧⲉϥϥⲟⲧⲕ ⲉⲃⲟⲗ ϩⲓϫⲉⲛⲡⲕⲁϩⲓ ⲫⲏ ⲉⲧⲉⲕⲛⲁϣⲉ ⲉϧⲟⲩⲛ ⲉⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ⲉϥⲉⲑⲣⲉ ⲫ̀ⲙⲟⲩ ⲉⲣϭⲟⲓⲥ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ϣⲧⲉϥϥⲟⲧⲕ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ ⲫⲏ ⲉ̀ⲧⲉ ⲭ̀ⲛⲁϣⲉ ⲉ̀ϧⲟⲩⲛ ⲉ̀ⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	efeθre f̀mou erċois èrok ǹje p̀ċois ṡteffotk èvol hijen p̀kahi fy ète k̀naṡe èxoun èrof eerklyronomin m̀mof	The Lord cause the pestilence to cleave to thee, until he shall have consumed thee off the land into which thou goest to inherit it.
28:22	ⲉϥⲉϣⲁⲣⲓ ⲉⲣⲟⲕ ⲛϫⲉⲡϭⲟⲓⲥ ϧⲉⲛⲟⲩⲙⲉⲧⲁⲧϫⲓⲙⲓ ⲛⲉⲙⲟⲩϧⲙⲟⲙ ⲛⲉⲙⲟⲩⲁⲣⲟϣ ⲛⲉⲙⲟⲩϭⲛⲏⲛ ⲛⲉⲙⲟⲩⲉⲙⲕⲁϩ ⲛⲉⲙⲟⲩϫⲓⲙⲫⲉϩ ⲛⲉⲙⲟⲩⲟⲧⲟⲩⲉⲧ ⲟⲩⲟϩ ⲉϥⲉϭⲟϫⲓ ⲛⲥⲱⲕ ϣⲁⲧⲉϥⲧⲁⲕⲟⲕ	ⲉϥⲉ̀ϣⲁⲣⲓ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ϧⲉⲛ ⲟⲩⲙⲉⲧⲁⲧϫⲓⲙⲓ ⲛⲉⲙ ⲟⲩϧⲙⲟⲙ ⲛⲉⲙ ⲟⲩⲁⲣⲟϣ ⲛⲉⲙ ⲟⲩϭⲛⲏⲛ ⲛⲉⲙ ⲟⲩⲉⲙⲕⲁϩ ⲛⲉⲙ ⲟⲩϫⲓⲙⲫⲉϩ ⲛⲉⲙ ⲟⲩⲟⲧⲟⲩⲉⲧ ⲟⲩⲟϩ ⲉϥⲉ̀ϭⲟϫⲓ ⲛ̀ⲥⲱⲕ ϣⲁⲧⲉϥⲧⲁⲕⲟⲕ	efèṡari èrok ǹje p̀ċois xen oumetatjimi nem ouxmom nem ouaroṡ nem ouċnyn nem ouemkah nem oujimfeh nem ouotouet ouoh efèċoji ǹsōk ṡateftakok	The Lord smite thee with distress, and fever, and cold, and inflammation, and blighting, and paleness, and they shall pursue thee until they have destroyed thee.
28:23	ⲟⲩⲟϩ ⲉⲥⲉϣⲱⲡⲓ ⲛⲁⲕ ⲛϫⲉⲧⲫⲉ ⲥⲁⲡϣⲱⲓ ⲛⲧⲉⲕⲁⲫⲉ ⲉⲥⲟⲓ ⲛϩⲟⲙⲧ ⲟⲩⲟϩ ⲡⲕⲁϩⲓ ⲥⲁⲡⲉⲥⲏⲧ ⲙⲙⲟⲕ ⲉϥⲟⲓ ⲙⲃⲉⲛⲓⲡⲓ	ⲟⲩⲟϩ ⲉⲥⲉϣⲱⲡⲓ ⲛⲁⲕ ⲛ̀ϫⲉ ⲧ̀ⲫⲉ ⲥⲁⲡ̀ϣⲱⲓ ⲛ̀ⲧⲉⲕⲁ̀ⲫⲉ ⲉⲥⲟⲓ ⲛ̀ϩⲟⲙⲧ ⲟⲩⲟϩ ⲡ̀ⲕⲁϩⲓ ⲥⲁⲡⲉⲥⲏⲧ ⲙ̀ⲙⲟⲕ ⲉϥⲟⲓ ⲛ̀ⲃⲉⲛⲓⲡⲓ	ouoh eseṡōpi nak ǹje t̀fe sap̀ṡōi ǹtekàfe esoi ǹhomt ouoh p̀kahi sapesyt m̀mok efoi ǹvenipi	And thou shalt have over thine head a sky of brass, and the earth under thee shall be iron.
28:24	ⲉⲣⲉⲡϭⲟⲓⲥ ϯ ⲙⲡⲓϩⲱⲟⲩ ⲛⲧⲉⲡⲉⲕⲕⲁϩⲓ ⲛⲟⲩϣⲱⲓϣ ⲟⲩⲕⲁϩⲓ ⲉϥⲉⲓ ⲉⲃⲟⲗ ϧⲉⲛⲧⲫⲉ ⲉϧⲣⲏⲓ ⲉϫⲱⲕ ϣⲁⲧⲉϥϥⲟⲧⲕ ⲉⲃⲟⲗ ⲛⲧⲉϥⲧⲁⲕⲟⲕ	ⲉ̀ⲣⲉ ⲡ̀ϭⲟⲓⲥ ϯ ⲙ̀ⲡⲓϩⲱⲟⲩ ⲛ̀ⲧⲉ ⲡⲉⲕⲕⲁϩⲓ ⲛ̀ⲟⲩϣⲱⲓϣ ⲟⲩⲕⲁϩⲓ ⲉϥⲉ̀ⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ ⲉ̀ϧ̀ⲣⲏⲓ ⲉ̀ϫⲱⲕ ϣⲁⲧⲉϥϥⲟⲧⲕ ⲉ̀ⲃⲟⲗ ⲛ̀ⲧⲉϥⲧⲁⲕⲟⲕ	ère p̀ċois ti m̀pihōou ǹte pekkahi ǹouṡōiṡ oukahi efèì èvol xen t̀fe èx̀ryi ègōk ṡateffotk èvol ǹteftakok	The Lord thy God make the rain of thy land dust; and dust shall come down from heaven, until it shall have destroyed thee, and until it shall have quickly consumed thee.
28:25	ⲉϥⲉⲧⲏⲓⲕ ⲛϫⲉⲡϭⲟⲓⲥ ⲉⲟⲩϭⲟⲧϭⲉⲧ ⲛⲛⲉⲕϫⲁϫⲓ ⲉⲕⲉⲓ ⲉⲃⲟⲗ ⲉϩⲣⲁⲩ ϧⲉⲛⲟⲩⲙⲱⲓⲧ ⲛⲟⲩⲱⲧ ⲟⲩⲟϩ ⲉⲕⲉⲫⲱⲧ ϧⲉⲛⲍ̅ ⲙⲙⲱⲓⲧ ⲉⲃⲟⲗ ϩⲁⲧϩⲏ ⲙⲡⲟⲩϩⲟ ⲟⲩⲟϩ ⲉⲕⲉϣⲱⲡⲓ ⲉⲕϫⲱⲣ ⲉⲃⲟⲗ ϧⲉⲛⲛⲓⲙⲉⲧⲟⲩⲣⲱⲟⲩ ⲧⲏⲣⲟⲩ ⲛⲧⲉⲡⲓⲕⲁϩⲓ	ⲉϥⲉ̀ⲧⲏⲓⲕ ⲛ̀ϫⲉ ⲡ̀ϭⲟⲓⲥ ⲉ̀ⲟⲩϭⲟⲧϭⲉⲧ ⲛ̀ⲧⲉ ⲛⲉⲕϫⲁϫⲓ ⲉⲕⲓ ⲉ̀ⲃⲟⲗ ⲉϩⲣⲁⲩ ϧⲉⲛ ⲟⲩⲙⲱⲓⲧ ⲛ̀ⲟⲩⲱⲧ ⲟⲩⲟϩ ⲉⲕⲉ̀ⲫⲱⲧ ϧⲉⲛ 7 ⲛ̀ⲙⲱⲓⲧ ⲉ̀ⲃⲟⲗ ϩⲁ ⲧ̀ϩⲏ ⲛ̀ⲡ̀ⲟⲩϩⲟ ⲟⲩⲟϩ ⲉⲕⲉ̀ϣⲱⲡⲓ ⲉⲕϫⲱⲣ ⲉ̀ⲃⲟⲗ ϧⲉⲛ ⲛⲓⲙⲉⲧⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉ ⲡⲓⲕⲁϩⲓ	efètyik ǹje p̀ċois èouċotċet ǹte nekgaji eki èvol ehrav xen oumōit ǹouōt ouoh ekèfōt xen 7 ǹmōit èvol ha t̀·hy ǹp̀ouho ouoh ekèṡōpi ekgōr èvol xen nimetourōou tyrou ǹte pikahi	The Lord give thee up for slaughter before thine enemies: thou shalt go out against them one way, and flee from their face seven ways; and thou shalt be a dispersion in all the kingdoms of the earth.
28:26	ⲉⲩⲉϣⲱⲡⲓ ⲛϫⲉⲛⲉⲧⲉⲛⲣⲉϥⲙⲱⲟⲩⲧ ⲛϧⲣⲉ ⲛⲛⲓϩⲁⲗⲁϯ ⲛⲧⲉⲧⲫⲉ ⲛⲉⲙⲛⲓⲑⲏⲣⲓⲟⲛ ⲛⲧⲉⲡⲕⲁϩⲓ ⲟⲩⲟϩ ⲛⲛⲉϥϣⲱⲡⲓ ⲛϫⲉⲫⲏ ⲉⲑⲛⲁⲟϣⲡⲟⲩ	ⲉⲩⲉ̀ϣⲱⲡⲓ ⲛ̀ϫⲉ ⲛⲉⲧⲉⲛⲣⲉϥⲙⲱⲟⲩⲧ ⲛ̀ϧⲣⲉ ⲛ̀ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ ⲛⲉⲙ ⲛⲓⲑⲏⲣⲓⲟⲛ ⲛ̀ⲧⲉ ⲡ̀ⲕⲁϩⲓ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏ ⲉⲑⲛⲁⲟϣⲡⲟⲩ	evèṡōpi ǹje netenrefmōout ǹxre ǹnihalati ǹte t̀fe nem niθyrion ǹte p̀kahi ouoh ǹnefṡōpi ǹje fy eθnaoṡpou	And your dead men shall be food to the birds of the sky, and to the beasts of the earth; and there shall be none to scare them away.
28:27	ⲉϥⲉϣⲁⲣⲓ ⲉⲣⲟⲕ ⲛϫⲉⲡϭⲟⲓⲥ ϧⲉⲛⲛⲓϣⲁϣ ⲛⲧⲉⲛⲓⲣⲉⲙⲛⲭⲏⲙⲓ ϧⲉⲛⲛⲉⲕⲙⲁⲛϩⲉⲙⲥⲓ ⲛⲉⲙϧⲉⲛⲟⲩϫⲉⲣϫⲓ ⲛⲁⲅⲣⲓⲟⲛ ⲛⲉⲙⲟⲩϧⲁϧⲟⲩ ϩⲱⲥⲧⲉ ⲛⲧⲉⲕϣⲧⲉⲙϫⲉⲙϫⲟⲙ ⲛⲗⲟϫⲕ	ⲉϥⲉ̀ϣⲁⲣⲓ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ϧⲉⲛ ⲛⲓϣⲁϣ ⲛ̀ⲧⲉ ⲛⲓⲣⲉⲙⲛⲭⲏⲙⲓ ϧⲉⲛ ⲛⲉⲕⲙⲁⲛϩⲉⲙⲥⲓ ⲛⲉⲙ ϧⲉⲛ ⲟⲩϫⲉⲣϫⲓ ⲛ̀ⲁⲅⲣⲓⲟⲛ ⲛⲉⲙ ⲟⲩϧⲁϧⲟⲩ ϩⲱⲥⲧⲉ ⲛ̀ⲧⲉⲕϣⲧⲉⲙϫⲉⲙϫⲟⲙ ⲛ̀ⲗⲟϫⲕ	efèṡari èrok ǹje p̀ċois xen niṡaṡ ǹte niremnkymi xen nekmanhemsi nem xen oujerji ǹaġrion nem ouxaxou hōste ǹtekṡtemjemgom ǹlogk	The Lord smite thee with the botch of Egypt in the seat, and with a malignant scab, and itch, so that thou canst not be healed.
28:28	ⲉϥⲉϣⲁⲣⲓ ⲉⲣⲟⲕ ⲛϫⲉⲡϭⲟⲓⲥ ϧⲉⲛⲟⲩⲗⲩⲃⲓ ⲛⲉⲙⲟⲩⲙⲉⲧⲁⲧⲛⲁⲩ ⲙⲃⲟⲗ ⲛⲉⲙϧⲉⲛⲟⲩⲥⲓϩⲓ ⲛϩⲏⲧ	ⲉϥⲉ̀ϣⲁⲣⲓ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ϧⲉⲛ ⲟⲩⲗⲩⲃⲓ ⲛⲉⲙ ⲟⲩⲙⲉⲧⲁⲧⲛⲁⲩ ⲛ̀ⲃⲟⲗ ⲛⲉⲙ ϧⲉⲛ ⲟⲩⲥⲓϩⲓ ⲛ̀ϩⲏⲧ	efèṡari èrok ǹje p̀ċois xen oulivi nem oumetatnav ǹvol nem xen ousihi ǹhyt	The Lord smite thee with insanity, and blindness, and astonishment of mind.
28:29	ⲉⲕⲉϣⲱⲡⲓ ⲉⲕϫⲟⲙϫⲉⲙ ⲙⲙⲉⲣⲓ ⲙⲫⲣⲏϯ ⲉϣⲁϥϫⲟⲙϫⲉⲙ ⲛϫⲉⲟⲩⲃⲉⲗⲗⲉ ϧⲉⲛⲡⲭⲁⲕⲓ ⲟⲩⲟϩ ⲛⲛⲉϥⲥⲟⲩⲧⲉⲛ ⲛⲉⲕⲙⲱⲓⲧ ⲟⲩⲟϩ ⲉⲕⲉϭⲓ ⲟⲩⲛϫⲟⲛⲥ ⲟⲩⲟϩ ⲉⲩϩⲱⲗⲉⲙ ⲙⲙⲟⲕ ⲛⲛⲉⲕⲉϩⲟⲟⲩ ⲧⲏⲣⲟⲩ ⲛⲛⲉϥϣⲱⲡⲓ ⲛϫⲉⲫⲏ ⲉⲑⲛⲁⲉⲣⲃⲟⲏⲑⲓⲛ ⲉⲣⲟⲕ	ⲉⲕⲉ̀ϣⲱⲡⲓ ⲉⲕϫⲟⲙϫⲉⲙ ⲛ̀ⲙⲉⲣⲓ ⲛ̀ⲫ̀ⲣⲏϯ ⲉϣⲁϥϫⲟⲙϫⲉⲙ ⲛ̀ϫⲉ ⲟⲩⲃⲉⲗⲗⲉ ϧⲉⲛ ⲡ̀ⲭⲁⲕⲓ ⲟⲩⲟϩ ⲛ̀ⲛⲉϥⲥⲟⲩⲧⲉⲛ ⲛⲉⲕⲙⲱⲓⲧ ⲟⲩⲟϩ ⲉⲕⲉ̀ϭⲓ ⲟⲩⲛϫⲟⲛⲥ ⲟⲩⲟϩ ⲉⲩϩⲱⲗⲉⲙ ⲙ̀ⲙⲟⲕ ⲛ̀ⲛⲉⲕⲉ̀ϩⲟⲟⲩ ⲧⲏⲣⲟⲩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏ ⲉⲑⲛⲁⲉⲣⲃⲟⲏⲑⲓⲛ ⲉ̀ⲣⲟⲕ	ekèṡōpi ekgomjem ǹmeri ǹf̀ryti eṡafgomjem ǹje ouvelle xen p̀kaki ouoh ǹnefsouten nekmōit ouoh ekèċi oungons ouoh evhōlem m̀mok ǹnekèhoou tyrou ǹnefṡōpi ǹje fy eθnaerboyθin èrok	And thou shalt grope at mid-day, as a blind man would grope in the darkness, and thou shalt not prosper in thy ways; and then thou shalt be unjustly treated, and plundered continually, and there shall be no helper.
28:30	ⲉⲕⲉϭⲓ ⲟⲩⲥϩⲓⲙⲓ ⲉϥⲉⲟⲗⲥ ⲛϫⲉⲕⲉⲣⲱⲙⲓ ⲉⲕⲉⲕⲱⲧ ⲛⲟⲩⲏⲓ ⲟⲩⲟϩ ⲛⲛⲉⲕϣⲱⲡⲓ ⲛϧⲏⲧϥ ⲉⲕⲉϭⲟ ⲛⲟⲩⲓⲁϩⲁⲗⲟⲗⲓ ⲟⲩⲟϩ ⲛⲛⲉⲕϭⲟⲗϥ	ⲉⲕⲉ̀ϭⲓ ⲟⲩⲥ̀ϩⲓⲙⲓ ⲉϥⲉ̀ⲟⲗⲥ ⲛ̀ϫⲉ ⲕⲉⲣⲱⲙⲓ ⲉⲕⲉ̀ⲕⲱⲧ ⲛ̀ⲟⲩⲏⲓ ⲟⲩⲟϩ ⲛ̀ⲛⲉⲕϣⲱⲡⲓ ⲛ̀ϧⲏⲧϥ ⲉⲕⲉ̀ϭⲟ ⲛ̀ⲟⲩⲓⲁϩⲁⲗⲟⲗⲓ ⲟⲩⲟϩ ⲛ̀ⲛⲉⲕϭⲟⲗϥ	ekèċi ous̀·himi efèols ǹje kerōmi ekèkōt ǹouyi ouoh ǹnekṡōpi ǹxytf ekèċo ǹouiahaloli ouoh ǹnekċolf	thou shalt take a wife, and another man shall have her; thou shalt build a house, and thou shalt not dwell in it; thou shalt plant a vineyard, and shalt not gather the grapes of it.
28:31	ⲛⲉⲕⲙⲁⲥⲓ ⲉⲩⲉϣⲱⲡⲓ ⲉⲩϧⲉⲗϧⲱⲗ ⲙⲡⲉⲕⲙⲑⲟ ⲟⲩⲟϩ ⲛⲛⲉⲕⲟⲩⲱⲙ ⲉⲃⲟⲗ ⲙⲙⲱⲟⲩ ⲡⲉⲕⲓⲱ ⲉϥⲉϣⲱⲡⲓ ⲁⲩⲟⲗϥ ⲛⲧⲟⲧⲕ ⲛⲛⲟⲩⲧⲁⲥⲑⲟϥ ⲉⲣⲟⲕ ⲛⲉⲕⲉⲥⲱⲟⲩ ⲉⲩⲉⲧⲏⲓⲧⲟⲩ ⲛⲛⲉⲕϫⲁϫⲓ ⲟⲩⲟϩ ⲛⲛⲉϥϣⲱⲡⲓ ⲛϫⲉⲫⲏ ⲉⲑⲛⲁⲉⲣⲃⲟⲏⲑⲓⲛ ⲉⲣⲟⲕ	ⲛⲉⲕⲙⲁⲥⲓ ⲉⲩⲉ̀ϣⲱⲡⲓ ⲉⲩϧⲉⲗϧⲱⲗ ⲛ̀ⲡⲉⲕⲙ̀ⲑⲟ ⲟⲩⲟϩ ⲛ̀ⲛⲉⲭⲟⲩⲱⲙ ⲉ̀ⲃⲟⲗ ⲙ̀ⲙⲱⲟⲩ ⲡⲉⲕⲓⲱ ⲉϥⲉ̀ϣⲱⲡⲓ ⲁⲩⲟⲗϥ ⲛ̀ⲧⲟⲧⲕ ⲛⲛⲟⲩⲧⲁⲥⲑⲟϥ ⲉ̀ⲣⲟⲕ ⲛⲉⲕⲉ̀ⲥⲱⲟⲩ ⲉⲩⲉ̀ⲧⲏⲓⲧⲟⲩ ⲛ̀ⲛⲉⲕϫⲁϫⲓ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏ ⲉⲑⲛⲁⲉⲣⲃⲟⲏⲑⲓⲛ ⲉ̀ⲣⲟⲕ	nekmasi evèṡōpi evxelxōl ǹpekm̀θo ouoh ǹnekouōm èvol m̀mōou pekiō efèṡōpi avolf ǹtotk nnoutasθof èrok nekèsōou evètyitou ǹnekgaji ouoh ǹnefṡōpi ǹje fy eθnaerboyθin èrok	Thy calf shall be slain before thee, and thou shalt not eat of it; thine ass shall be violently taken away from thee, and shall not be restored to thee: thy sheep shall be given to thine enemies, and thou shalt have no helper.
28:32	ⲛⲉⲕϣⲏⲣⲓ ⲛⲉⲙⲛⲉⲕϣⲉⲣⲓ ⲉⲩⲉⲧⲏⲓⲧⲟⲩ ⲛⲕⲉⲉⲑⲛⲟⲥ ⲛⲣⲱⲙⲓ ⲟⲩⲟϩ ⲛⲉⲕⲃⲁⲗ ⲉⲩⲉⲛⲁⲩ ⲉⲩⲉⲓϣⲓ ⲛⲥⲱⲟⲩ ⲟⲩⲟϩ ⲛⲛⲉ ⲧⲉⲕϫⲓϫ ϫⲉⲙϫⲟⲙ	ⲛⲉⲕϣⲏⲣⲓ ⲛⲉⲙ ⲛⲉⲕϣⲉⲣⲓ ⲉⲩⲉ̀ⲧⲏⲓⲧⲟⲩ ⲛ̀ⲕⲉⲉⲑⲛⲟⲥ ⲛ̀ⲣⲱⲙⲓ ⲟⲩⲟϩ ⲛⲉⲕⲃⲁⲗ ⲉⲩⲉ̀ⲛⲁⲩ ⲉⲩⲉ̀ⲓϣⲓ ⲛ̀ⲥⲱⲟⲩ ⲟⲩⲟϩ ⲛ̀ⲛⲉ ⲧⲉⲕϫⲓϫ ϫⲉⲙϫⲟⲙ	nekṡyri nem nekṡeri evètyitou ǹkeeθnos ǹrōmi ouoh nekval evènav evèiṡi ǹsōou ouoh ǹne tekjig jemgom	Thy sons and thy daughters shall be given to another nation, and thine eyes wasting away shall look for them: thine hand shall have no strength.
28:33	ⲛⲓⲟⲩⲟϯ ⲛⲧⲉⲡⲉⲕⲕⲁϩⲓ ⲛⲉⲙⲛⲉⲕϧⲓⲥⲓ ⲧⲏⲣⲟⲩ ⲉϥⲉⲟⲩⲟⲙⲟⲩ ⲛϫⲉⲕⲉⲉⲑⲛⲟⲥ ⲛⲣⲱⲙⲓ ⲛⲕⲥⲱⲟⲩⲛ ⲙⲙⲟϥ ⲁⲛ ⲟⲩⲟϩ ⲉⲕⲉϣⲱⲡⲓ ⲉⲕϭⲓ ⲟⲩⲛϫⲟⲛⲥ ⲉⲕϭⲟⲧⲡ ⲛⲛⲉⲕⲉϩⲟⲟⲩ ⲧⲏⲣⲟⲩ	ⲛⲓⲟⲩⲟϯ ⲛ̀ⲧⲉ ⲡⲉⲕⲕⲁϩⲓ ⲛⲉⲙ ⲛⲉⲕϧⲓⲥⲓ ⲧⲏⲣⲟⲩ ⲉϥⲉ̀ⲟⲩⲟⲙⲟⲩ ⲛ̀ϫⲉ ⲕⲉⲉⲑⲛⲟⲥ ⲛ̀ⲣⲱⲙⲓ ⲛ̀ⲕⲥⲱⲟⲩⲛ ⲙ̀ⲙⲟϥ ⲁⲛ ⲟⲩⲟϩ ⲉⲕⲉ̀ϣⲱⲡⲓ ⲉⲕϭⲓ ⲟⲩⲛϫⲟⲛⲥ ⲉⲕϭⲟⲧⲡ ⲛ̀ⲛⲉⲕⲉ̀ϩⲟⲟⲩ ⲧⲏⲣⲟⲩ	niouoti ǹte pekkahi nem nekxisi tyrou efèouomou ǹje keeθnos ǹrōmi ǹk·sōoun m̀mof an ouoh ekèṡōpi ekċi oungons ekċotp ǹnekèhoou tyrou	A nation which thou knowest not shall eat the produce of thy land, and all thy labours; and thou shalt be injured and crushed always.
28:34	ⲟⲩⲟϩ ⲉⲕⲉϣⲱⲡⲓ ϧⲉⲛⲟⲩⲥⲓϩⲓ ⲛϩⲏⲧ ⲉⲑⲃⲉⲛⲓⲛⲁⲩ ⲛⲧⲉⲛⲉⲕⲃⲁⲗ ⲛⲏ ⲉⲧⲉⲕⲛⲁⲛⲁⲩ ⲉⲣⲱⲟⲩ	ⲟⲩⲟϩ ⲉⲕⲉ̀ϣⲱⲡⲓ ϧⲉⲛ ⲟⲩⲥⲓϩⲓ ⲛ̀ϩⲏⲧ ⲉⲑⲃⲉ ⲛⲓⲛⲁⲩ ⲛ̀ⲧⲉ ⲛⲉⲕⲃⲁⲗ ⲛⲏ ⲉ̀ⲧⲉ ⲭ̀ⲛⲁⲛⲁⲩ ⲉ̀ⲣⲱⲟⲩ	ouoh ekèṡōpi xen ousihi ǹhyt eθve ninav ǹte nekval ny ète k̀nanav èrōou	And thou shalt be distracted, because of the sights of thine eyes which thou shalt see.
28:35	ⲉϥⲉϣⲁⲣⲓ ⲉⲣⲟⲕ ⲛϫⲉⲡϭⲟⲓⲥ ϧⲉⲛⲟⲩϣⲁϣ ⲉϥϩⲱⲟⲩ ⲉϫⲉⲛⲛⲉⲕⲃⲁⲗ ⲛⲉⲙⲉϫⲉⲛⲛⲁⲥⲏⲃⲓ ϩⲱⲥⲧⲉ ⲛⲧⲉⲕϣⲧⲉⲙϫⲉⲙϫⲟⲙ ⲛⲗⲟϫⲕ ⲓⲥϫⲉⲛ ⲛⲉⲛⲥⲏⲃⲓ ⲛⲣⲁⲧⲕ ϣⲁⲧⲥⲱⲟⲩϩⲓ ⲛϫⲱⲕ	ⲉϥⲉ̀ϣⲁⲣⲓ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ϧⲉⲛ ⲟⲩϣⲁϣ ⲉϥϩⲱⲟⲩ ⲉ̀ϫⲉⲛ ⲛⲉⲕⲃⲁⲗ ⲛⲉⲙ ⲉ̀ϫⲉⲛ ⲛⲁⲥⲏⲃⲓ ϩⲱⲥⲧⲉ ⲛ̀ⲧⲉⲕϣⲧⲉⲙϫⲉⲙϫⲟⲙ ⲛ̀ⲗⲟϫⲕ ⲓⲥϫⲉⲛ ⲛⲉⲛⲥⲏⲃⲓ ⲛⲣⲁⲧⲕ ϣⲁ ⲧ̀ⲥⲱⲟⲩϩⲓ ⲛ̀ϫⲱⲕ	efèṡari èrok ǹje p̀ċois xen ouṡaṡ efhōou èjen nekval nem èjen nasyvi hōste ǹtekṡtemjemgom ǹlogk isjen nensyvi nratk ṡa t̀sōouhi ǹgōk	The Lord smite thee with an evil sore, on the knees and the legs, so that thou shalt not be able to be healed from the sole of thy foot to the crown of thy head.
28:36	ⲉϥⲉϭⲓⲧⲕ ⲛϫⲉⲡϭⲟⲓⲥ ⲛⲉⲙⲛⲉⲕⲁⲣⲭⲱⲛ ⲉⲧⲉⲕⲛⲁⲭⲁⲩ ϩⲓϫⲱⲕ ϩⲁⲟⲩⲉⲑⲛⲟⲥ ⲛⲣⲱⲙⲓ ⲛⲕⲥⲱⲟⲩⲛ ⲙⲙⲟϥ ⲁⲛ ⲛⲑⲟⲕ ⲛⲉⲙⲛⲉⲕⲓⲟϯ ⲟⲩⲟϩ ⲉⲕⲉϣⲉⲙϣⲓ ⲙⲙⲁⲩ ⲛϩⲁⲛⲕⲉⲛⲟⲩϯ ϩⲁⲛϣⲉ ⲛⲉⲙϩⲁⲛⲱⲛⲓ	ⲉϥⲉ̀ϭⲓⲧⲕ ⲛ̀ϫⲉ ⲡ̀ϭⲟⲓⲥ ⲛⲉⲙ ⲛⲉⲕⲁⲣⲭⲱⲛ ⲉ̀ⲧⲉ ⲭ̀ⲛⲁⲭⲁⲩ ϩⲓϫⲱⲕ ϩⲁ ⲟⲩⲉⲑⲛⲟⲥ ⲛ̀ⲣⲱⲙⲓ ⲛ̀ⲕⲥⲱⲟⲩⲛ ⲙ̀ⲙⲟϥ ⲁⲛ ⲛ̀ⲑⲟⲕ ⲛⲉⲙ ⲛⲉⲕⲓⲟϯ ⲟⲩⲟϩ ⲉⲕⲉ̀ϣⲉⲙϣⲓ ⲙ̀ⲙⲁⲩ ⲛ̀ϩⲁⲛⲕⲉⲛⲟⲩϯ ϩⲁⲛϣⲉ ⲛⲉⲙ ϩⲁⲛⲱⲛⲓ	efèċitk ǹje p̀ċois nem nekarxōn ète k̀nakav higōk ha oueθnos ǹrōmi ǹk·sōoun m̀mof an ǹθok nem nekioti ouoh ekèṡemṡi m̀mav ǹhankenouti hanṡe nem hanōni	The Lord carry away thee and thy princes, whom thou shalt set over thee, to a nation which neither thou nor thy fathers know; and thou shalt there serve other gods, wood and stone.
28:37	ⲟⲩⲟϩ ⲉⲕⲉϣⲱⲡⲓ ⲙⲙⲁⲩ ϧⲉⲛⲟⲩⲱⲛ ⲥⲁϫⲓ ⲛⲉⲙϩⲁⲛⲡⲁⲣⲁⲃⲟⲗⲏ ⲛⲉⲙⲉⲩⲫⲓⲣⲓ ⲉⲣⲟⲕ ϧⲉⲛⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲉⲡϭⲟⲓⲥ ⲛⲁϭⲓⲧⲕ ⲉϧⲟⲩⲛ ⲉⲣⲱⲟⲩ	ⲟⲩⲟϩ ⲉⲕⲉ̀ϣⲱⲡⲓ ⲙ̀ⲙⲁⲩ ϧⲉⲛ ⲟⲩⲱⲛ ⲥⲁϫⲓ ⲛⲉⲙ ϩⲁⲛⲡⲁⲣⲁⲃⲟⲗⲏ ⲛⲉⲙ ⲉⲩⲫⲓⲣⲓ ⲉ̀ⲣⲟⲕ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉ̀ⲧⲉ ⲡ̀ϭⲟⲓⲥ ⲛⲁϭⲓⲧⲕ ⲉ̀ϧⲟⲩⲛ ⲉ̀ⲣⲱⲟⲩ	ouoh ekèṡōpi m̀mav xen ouōn saji nem hanparaboly nem evfiri èrok xen nieθnos tyrou ny ète p̀ċois naċitk èxoun èrōou	An thou shalt be there for a wonder, and a parable, and a tale, among all the nations, to which the Lord thy God shall carry thee away.
28:38	ⲟⲩⲙⲏϣ ⲛϫⲣⲟϫ ⲉⲕⲉⲟⲗϥ ⲉⲧⲕⲟⲓ ⲟⲩⲟϩ ϩⲁⲛⲕⲟⲩϫⲓ ⲉⲕⲉⲟⲗⲟⲩ ⲉϧⲟⲩⲛ ϫⲉⲟⲩⲏⲓ ⲉϥⲉⲟⲩⲟⲙⲟⲩ ⲛϫⲉⲡⲓϣϫⲉ	ⲟⲩⲙⲏϣ ⲛ̀ϫ̀ⲣⲟϫ ⲉⲕⲉⲟⲗϥ ⲉ̀ⲧ̀ⲕⲟⲓ ⲟⲩⲟϩ ϩⲁⲛⲕⲟⲩϫⲓ ⲉⲕⲉⲟⲗⲟⲩ ⲉ̀ϧⲟⲩⲛ ϫⲉ ⲟⲩⲏⲓ ⲉϥⲉ̀ⲟⲩⲟⲙⲟⲩ ⲛ̀ϫⲉ ⲡⲓϣϫⲉ	oumyṡ ǹg̀rog ekeolf èt̀koi ouoh hankouji ekeolou èxoun je ouyi efèouomou ǹje piṡje	Thou shalt carry forth much seed into the field, and thou shalt bring in little, because the locust shall devour it.
28:39	ⲟⲩⲓⲁϩⲁⲗⲟⲗⲓ ⲉⲕⲉϭⲟϥ ⲉⲕⲉⲉⲣϩⲱⲃ ⲉⲣⲟϥ ⲟⲩⲟϩ ⲛⲛⲉⲕⲥⲉ ⲏⲣⲡ ⲟⲩⲇⲉ ⲛⲛⲉⲕⲟⲩⲛⲟϥ ⲉⲃⲟⲗ ⲙⲙⲟϥ ϫⲉⲟⲩⲏⲓ ⲉϥⲉⲟⲩⲙⲟⲩ ⲛϫⲉⲡⲓϥⲉⲛⲧ	ⲟⲩⲓⲁϩⲁⲗⲟⲗⲓ ⲉⲕⲉ̀ϭⲟϥ ⲉⲕⲉⲉⲣϩⲱⲃ ⲉ̀ⲣⲟϥ ⲟⲩⲟϩ ⲛ̀ⲛⲉⲕⲥⲉ ⲏⲣⲡ ⲟⲩⲇⲉ ⲛ̀ⲛⲉⲕⲟⲩⲛⲟϥ ⲉ̀ⲃⲟⲗ ⲙ̀ⲙⲟϥ ϫⲉ ⲟⲩⲏⲓ ⲉϥⲉ̀ⲟⲩⲙⲟⲩ ⲛ̀ϫⲉ ⲡⲓϥⲉⲛⲧ	ouiahaloli ekèċof ekeerhōb èrof ouoh ǹnek·se yrp ouḋe ǹnekounof èvol m̀mof je ouyi efèoumou ǹje pifent	Thou shalt plant a vineyard, and dress it, and shalt not drink the wine, neither shalt thou delight thyself with it, because the worm shall devour it.
28:40	ϩⲁⲛϫⲱⲓⲧ ⲉⲩⲉϣⲱⲡⲓ ⲛⲁⲕ ϧⲉⲛⲛⲉⲕϭⲓⲏ ⲧⲏⲣⲟⲩ ⲟⲩⲟϩ ⲛⲛⲉⲕⲑⲁϩⲥⲕ ⲛⲛⲉϩ ⲉⲃⲟⲗ ⲙⲙⲱⲟⲩ ϫⲉⲟⲩⲏⲓ ⲉⲩⲉⲃⲟⲣⲃⲉⲣ ⲛϫⲉⲛⲉⲕϫⲱⲓⲧ	ϩⲁⲛϫⲱⲓⲧ ⲉⲩⲉ̀ϣⲱⲡⲓ ⲛⲁⲕ ϧⲉⲛ ⲛⲉⲕϭⲓⲏ ⲧⲏⲣⲟⲩ ⲟⲩⲟϩ ⲛ̀ⲛⲉⲕⲑⲁϩⲥⲕ ⲛ̀ⲛⲉϩ ⲉ̀ⲃⲟⲗ ⲙ̀ⲙⲱⲟⲩ ϫⲉ ⲟⲩⲏⲓ ⲉⲩⲉ̀ⲃⲟⲣⲃⲉⲣ ⲛ̀ϫⲉ ⲛⲉⲕϫⲱⲓⲧ	hangōit evèṡōpi nak xen nekċiy tyrou ouoh ǹnekθahsk ǹneh èvol m̀mōou je ouyi evèvorver ǹje nekgōit	Thou shalt have olive trees in all thy borders, and thou shalt not anoint thee with oil, because thine olive shall utterly cast its fruit.
28:41	ⲛϩⲁⲛϣⲏⲣⲓ ⲛⲉⲙϩⲁⲛϣⲉⲣⲓ ⲉⲕⲉϫⲫⲱⲟⲩ ⲟⲩⲟϩ ⲛⲛⲟⲩϣⲱⲡⲓ ⲛⲁⲕ ⲉⲩⲉϣⲉⲛⲱⲟⲩ ⲅⲁⲣ ϧⲉⲛⲟⲩⲉⲭⲙⲁⲗⲱⲥⲓⲁ	ⲛ̀ϩⲁⲛϣⲏⲣⲓ ⲛⲉⲙ ϩⲁⲛϣⲉⲣⲓ ⲉⲕⲉ̀ϫⲫⲱⲟⲩ ⲟⲩⲟϩ ⲛ̀ⲛⲟⲩϣⲱⲡⲓ ⲛⲁⲕ ⲉⲩⲉ̀ϣⲉⲛⲱⲟⲩ ⲅⲁⲣ ϧⲉⲛ ⲟⲩⲉⲭⲙⲁⲗⲱⲥⲓⲁ	ǹhanṡyri nem hanṡeri ekègfōou ouoh ǹnouṡōpi nak evèṡenōou ġar xen ouexmalōsia	Thou shalt beget sons and daughters, and they shall not be thine, for they shall depart into captivity.
28:42	ϣϣⲏⲛ ⲛⲓⲃⲉⲛ ⲛⲧⲁⲕ ⲛⲉⲙⲛⲓⲟⲩⲧⲁϩ ⲛⲧⲉⲡⲉⲕⲕⲁϩⲓ ⲉⲥⲉⲟⲩⲟⲙⲟⲩ ⲛϫⲉϯⲉⲧⲏϣⲓ	ϣ̀ϣⲏⲛ ⲛⲓⲃⲉⲛ ⲛ̀ⲧⲁⲕ ⲛⲉⲙ ⲛⲓⲟⲩⲧⲁϩ ⲛ̀ⲧⲉ ⲡⲉⲕⲕⲁϩⲓ ⲉⲥⲉⲟⲩⲟⲙⲟⲩ ⲛ̀ϫⲉ ϯⲉⲧⲏϣⲓ	ṡ̀ṡyn niven ǹtak nem nioutah ǹte pekkahi eseouomou ǹje tietyṡi	All thy trees and the fruits of thy land shall the blight consume.
28:43	ⲡⲓϣⲉⲙⲙⲟ ⲉⲧⲉⲛϧⲏⲧⲕ ⲉϥⲉϭⲓⲥⲓ ⲉⲡϣⲱⲓ ⲉⲡϣⲱⲓ ⲛⲑⲟⲕ ⲇⲉ ⲉⲕⲉϣⲉⲛⲁⲕ ⲉⲡⲉⲥⲏⲧ ⲉⲡⲉⲥⲏⲧ	ⲡⲓϣⲉⲙⲙⲟ ⲉⲧⲉⲛϧⲏⲧⲕ ⲉϥⲉ̀ϭⲓⲥⲓ ⲉ̀ⲡ̀ϣⲱⲓ ⲉ̀ⲡ̀ϣⲱⲓ ⲛ̀ⲑⲟⲕ ⲇⲉ ⲉⲕⲉ̀ϣⲉⲛⲁⲕ ⲉ̀ⲡⲉⲥⲏⲧ ⲉ̀ⲡⲉⲥⲏⲧ	piṡemmo etenxytk efèċisi èp̀ṡōi èp̀ṡōi ǹθok ḋe ekèṡenak èpesyt èpesyt	The stranger that is within thee shall get up very high, and thou shalt come down very low.
28:44	ⲛⲑⲟϥ ⲉϥⲉϯ ⲛⲁⲕ ⲉⲑⲙⲏⲥⲓ ⲛⲑⲟⲕ ⲇⲉ ⲛⲛⲉⲕϯ ⲛⲁϥ ⲉⲑⲙⲏⲥⲓ ⲛⲑⲟϥ ⲉϥⲉϣⲱⲡⲓ ⲛⲟⲩⲁⲫⲉ ⲛⲑⲟⲕ ⲇⲉ ⲉⲕⲉϣⲱⲡⲓ ⲉⲟⲩⲥⲁⲧ	ⲛ̀ⲑⲟϥ ⲉϥⲉ̀ϯ ⲛⲁⲕ ⲉ̀ⲑⲙⲏⲥⲓ ⲛ̀ⲑⲟⲕ ⲇⲉ ⲛ̀ⲛⲉⲕϯ ⲛⲁϥ ⲉ̀ⲑⲙⲏⲥⲓ ⲛ̀ⲑⲟϥ ⲉϥⲉ̀ϣⲱⲡⲓ ⲛ̀ⲟⲩⲁ̀ⲫⲉ ⲛ̀ⲑⲟⲕ ⲇⲉ ⲉⲕⲉ̀ϣⲱⲡⲓ ⲉ̀ⲟⲩⲥⲁⲧ	ǹθof efèti nak èθmysi ǹθok ḋe ǹnekti naf èθmysi ǹθof efèṡōpi ǹouàfe ǹθok ḋe ekèṡōpi èousat	He shall lend to thee, and thou shalt not lend to him: he shall be the head, and thou shalt be the tail.
28:45	ⲉⲩⲉⲓ ⲉϫⲱⲕ ⲛϫⲉⲛⲁⲓⲥⲁϩⲟⲩⲓ ⲧⲏⲣⲟⲩ ⲟⲩⲟϩ ⲉⲩⲉϭⲟϫⲓ ⲛⲥⲱⲕ ⲉⲩⲉⲧⲁϩⲟⲕ ϣⲁⲧⲉϥϥⲟⲧⲕ ⲉⲃⲟⲗ ⲟⲩⲟϩ ϣⲁⲧⲉϥⲧⲁⲕⲟⲕ ϫⲉⲙⲡⲉⲕⲥⲱⲧⲉⲙ ⲛⲥⲁⲧⲥⲙⲏ ⲛⲧⲉⲡϭⲟⲓⲥ ⲡⲉⲕⲛⲟⲩϯ ⲉⲁⲣⲉϩ ⲉⲛⲉϥⲉⲛⲧⲟⲗⲏ ⲛⲉⲙⲛⲉϥⲙⲉⲑⲙⲏⲓ ⲛⲏ ⲉⲧⲁϥϩⲉⲛϩⲱⲛⲕ ⲉⲣⲱⲟⲩ	ⲉⲩⲓ ⲉ̀ϫⲱⲕ ⲛ̀ϫⲉ ⲛⲁⲓⲥⲁϩⲟⲩⲓ ⲧⲏⲣⲟⲩ ⲟⲩⲟϩ ⲉⲩⲉ̀ϭⲟϫⲓ ⲛ̀ⲥⲱⲕ ⲉⲩⲉ̀ⲧⲁϩⲟⲕ ϣⲁⲧⲉϥϥⲟⲧⲕ ⲉ̀ⲃⲟⲗ ⲟⲩⲟϩ ϣⲁⲧⲉϥⲧⲁⲕⲟⲕ ϫⲉⲙⲡⲉⲕⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲉⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ ⲛⲉⲙ ⲛⲉϥⲙⲉⲑⲙⲏⲓ ⲛⲏ ⲉⲧⲁϥϩⲉⲛϩⲱⲛⲕ ⲉ̀ⲣⲱⲟⲩ	evi ègōk ǹje naisahoui tyrou ouoh evèċoji ǹsōk evètahok ṡateffotk èvol ouoh ṡateftakok jempek·sōtem ǹsa t̀s̀my ǹte p̀ċois peknouti eàreh ènefentoly nem nefmeθmyi ny etafhenhōnk èrōou	And all these curses shall come upon thee, and shall pursue thee, and shall overtake thee, until he shall have consumed thee, and until he shall have destroyed thee; because thou didst not hearken to the voice of the Lord thy God, to keep his commands, and his ordinances which he has commanded thee.
28:46	ⲟⲩⲟϩ ⲉⲩⲉϣⲱⲡⲓ ⲛϧⲏⲧⲕ ⲛϫⲉϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲛⲉⲙϧⲉⲛⲡⲉⲕϫⲣⲟϫ ϣⲁⲉⲛⲉϩ	ⲟⲩⲟϩ ⲉⲩⲉ̀ϣⲱⲡⲓ ⲛ̀ϧⲏⲧⲕ ⲛ̀ϫⲉ ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ⲛⲉⲙ ϧⲉⲛ ⲡⲉⲕϫ̀ⲣⲟϫ ϣⲁ ⲉ̀ⲛⲉϩ	ouoh evèṡōpi ǹxytk ǹje hanmyini nem hanṡ̀fyri nem xen pekg̀rog ṡa èneh	And these things shall be signs in thee, and wonders among thy seed for ever;
28:47	ⲛⲧϣⲉⲃⲓⲱ ϫⲉⲙⲡⲉⲕϣⲉⲙϣⲓ ⲙⲡϭⲟⲓⲥ ⲡⲉⲕⲛⲟⲩϯ ϧⲉⲛⲟⲩⲟⲩⲛⲟϥ ⲛⲉⲙⲟⲩϩⲏⲧ ⲛⲁⲅⲁⲑⲟⲛ ⲉⲑⲃⲉⲡⲁϣⲁⲓ ⲛⲛⲉϥⲛⲁⲓ ⲧⲏⲣⲟⲩ	ⲛ̀ⲧ̀ϣⲉⲃⲓⲱ ϫⲉⲙⲡⲉⲕϣⲉⲙϣⲓ ⲛ̀ⲡ̀ϭⲟⲓⲥ ⲡⲉⲕⲛⲟⲩϯ ϧⲉⲛ ⲟⲩⲟⲩⲛⲟϥ ⲛⲉⲙ ⲟⲩϩⲏⲧ ⲛ̀ⲁⲅⲁⲑⲟⲛ ⲉⲑⲃⲉ ⲡ̀ⲁ̀ϣⲁⲓ ⲛ̀ⲛⲉϥⲛⲁⲓ ⲧⲏⲣⲟⲩ	ǹt̀ṡeviō jempekṡemṡi ǹp̀ċois peknouti xen ouounof nem ouhyt ǹaġaθon eθve p̀àṡai ǹnefnai tyrou	because thou didst not serve the Lord thy God with gladness and a good heart, because of the abundance of all things.
28:48	ⲉⲕⲉϣⲉⲙϣⲓ ⲙⲙⲁⲩ ⲛⲛⲉⲕϫⲁϫⲓ ⲛⲏ ⲉⲧⲉⲡϭⲟⲓⲥ ⲛⲁⲟⲩⲟⲣⲡⲟⲩ ϩⲁⲣⲟⲕ ϧⲉⲛⲡⲓϩⲕⲟ ⲛⲉⲙⲡⲓⲓⲃⲓ ⲛⲉⲙⲫⲃⲱϣ ⲛⲉⲙⲫⲙⲟⲩ ⲟⲩⲟϩ ⲉϥⲉⲧⲁⲗⲟ ⲛⲟⲩⲭⲗⲁⲗ ⲙⲃⲉⲛⲓⲡⲓ ⲉϫⲉⲛⲛⲉⲕⲙⲟϯ ϣⲁⲧⲉϥϥⲟⲧⲕ ⲉⲃⲟⲗ	ⲉⲕⲉ̀ϣⲉⲙϣⲓ ⲙ̀ⲙⲁⲩ ⲛ̀ⲛⲉⲕϫⲁϫⲓ ⲛⲏ ⲉ̀ⲧⲉ ⲡ̀ϭⲟⲓⲥ ⲛⲁⲟⲩⲟⲣⲡⲟⲩ ϩⲁⲣⲟⲕ ϧⲉⲛ ⲡⲓϩⲕⲟ ⲛ̀ⲉⲛⲡⲓⲓⲃⲓ ⲛⲉⲙ ⲫ̀ⲃⲱϣ ⲛⲉⲙ ⲫ̀ⲙⲟⲩ ⲟⲩⲟϩ ⲉϥⲉ̀ⲧⲁⲗⲟ ⲛ̀ⲟⲩⲭⲗⲁⲗ ⲛ̀ⲃⲉⲛⲓⲡⲓ ⲉ̀ϫⲉⲛ ⲛⲉⲕⲙⲟϯ ϣⲁⲧⲉϥϥⲟⲧⲕ ⲉ̀ⲃⲟⲗ	ekèṡemṡi m̀mav ǹnekgaji ny ète p̀ċois naouorpou harok xen pihko ǹenpiivi nem f̀vōṡ nem f̀mou ouoh efètalo ǹouklal ǹvenipi èjen nekmoti ṡateffotk èvol	And thou shalt serve thine enemies, which the Lord will send forth against thee, in hunger, and in thirst, and in nakedness, and in the want of all things; and thou shalt wear upon thy neck a yoke of iron until he shall have destroyed thee.
28:49	ⲉϥⲉⲓⲛⲓ ⲉϫⲱⲕ ⲛϫⲉⲡϭⲟⲓⲥ ⲛⲟⲩⲉⲑⲛⲟⲥ ⲉⲃⲟⲗ ϩⲓⲫⲟⲩⲉⲓ ⲓⲥϫⲉⲛ ⲉϧⲁⲏ ⲙⲡⲕⲁϩⲓ ⲙⲫⲣⲏϯ ⲙⲡⲉⲛⲟⲩⲟⲓ ⲛⲧⲉⲟⲩⲁϧⲱⲙ ⲟⲩϣⲗⲟⲗ ⲉⲧⲉⲕⲛⲁⲥⲱⲧⲉⲙ ⲁⲛ ⲛⲧⲉϥϫⲓⲛⲥⲁϫⲓ	ⲉϥⲉ̀ⲓ̀ⲛⲓ ⲉ̀ϫⲱⲕ ⲛ̀ϫⲉ ⲡ̀ϭⲟⲓⲥ ⲛ̀ⲟⲩⲉⲑⲛⲟⲥ ⲉ̀ⲃⲟⲗ ϩⲓ ⲫ̀ⲟⲩⲉⲓ ⲓⲥϫⲉⲛ ⲉ̀ϧⲁⲏ ⲛ̀ⲡ̀ⲕⲁϩⲓ ⲛ̀ⲫ̀ⲣⲏϯ ⲛ̀ⲡⲉⲛⲟⲩⲟⲓ ⲛ̀ⲧⲉ ⲟⲩⲁϧⲱⲙ ⲟⲩϣ̀ⲗⲟⲗ ⲉ̀ⲧⲉ ⲭ̀ⲛⲁⲥⲱⲧⲉⲙ ⲁⲛ ⲛ̀ⲧⲉϥϫⲓⲛⲥⲁϫⲓ	efèìni ègōk ǹje p̀ċois ǹoueθnos èvol hi f̀ouei isjen èxay ǹp̀kahi ǹf̀ryti ǹpenouoi ǹte ouaxōm ouṡ̀lol ète k̀nasōtem an ǹtefjinsaji	The Lord shall bring upon thee a nation from the extremity of the earth, like the swift flying of an eagle, a nation whose voice thou shalt not understand;
28:50	ⲟⲩϣⲗⲟⲗ ⲛⲁⲧϣⲫⲓⲧ ϧⲉⲛⲡⲉϥϩⲟ ⲫⲁⲓ ⲉⲧⲉⲛⲛⲉϥϫⲟⲩϣⲧ ⲉⲡϩⲟ ⲛⲟⲩϧⲉⲗⲗⲟ ⲟⲩⲟϩ ⲟⲩⲁⲗⲟⲩ ⲛⲛⲉϥⲛⲁⲓ ⲛⲁϥ	ⲟⲩϣ̀ⲗⲟⲗ ⲛⲁⲧϣⲫⲓⲧ ϧⲉⲛ ⲡⲉϥϩⲟ ⲫⲁⲓ ⲉ̀ⲧⲉ ⲛ̀ⲛⲉϥϫⲟⲩϣⲧ ⲉ̀ⲡ̀ϩⲟ ⲛ̀ⲟⲩϧⲉⲗⲗⲟ ⲟⲩⲟϩ ⲟⲩⲁ̀ⲗⲟⲩ ⲛ̀ⲛⲉϥⲛⲁⲓ ⲛⲁϥ	ouṡ̀lol natṡfit xen pefho fai ète ǹnefgouṡt èp̀ho ǹouxello ouoh ouàlou ǹnefnai naf	a nation bold in countenance, which shall not respect the person of the aged and shall not pity the young.
28:51	ⲉϥⲉⲟⲩⲱⲙ ⲛⲛⲓⲙⲓⲥⲓ ⲛⲧⲉⲛⲉⲕⲧⲉⲃⲛⲱⲟⲩⲓ ⲛⲉⲙⲛⲓⲟⲩⲧⲁϩ ⲛⲧⲉⲡⲉⲕⲕⲁϩⲓ ϩⲱⲥⲇⲉ ⲛⲧⲉϣⲧⲉⲙ ⲥⲟⲩⲟ ⲥⲱϫⲡ ⲛⲁⲕ ⲟⲩⲇⲉ ⲏⲣⲡ ⲟⲩⲇⲉ ⲛⲉϩ ⲛⲉⲙⲛⲓⲟϩⲓ ⲛⲧⲉⲛⲉⲕⲉϩⲱⲟⲩ ⲛⲉⲙⲛⲓⲟϩⲓ ⲛⲧⲉⲛⲉⲕⲉⲥⲱⲟⲩ ϣⲁⲧⲉϥⲧⲁⲕⲟⲕ	ⲉϥⲉ̀ⲟⲩⲱⲙ ⲛ̀ⲛⲓⲙⲓⲥⲓ ⲛ̀ⲧⲉ ⲛⲉⲕⲧⲉⲃⲛⲱⲟⲩⲓ̀ ⲛⲉⲙ ⲛⲓⲟⲩⲧⲁϩ ⲛ̀ⲧⲉ ⲡⲉⲕⲕⲁϩⲓ ϩⲱⲥ ⲇⲉ ⲛ̀ⲧⲉϣ̀ⲧⲉⲙ ⲥⲟⲩⲟ ⲥⲱϫⲡ ⲛⲁⲕ ⲟⲩⲇⲉ ⲏⲣⲡ ⲟⲩⲇⲉ ⲛⲉϩ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉϩⲱⲟⲩ ⲛⲉⲙ ⲛⲓⲟϩⲓ ⲛ̀ⲧⲉ ⲛⲉⲕⲉ̀ⲥⲱⲟⲩ ϣⲁⲧⲉϥⲧⲁⲕⲟⲕ	efèouōm ǹnimisi ǹte nektevnōouì nem nioutah ǹte pekkahi hōs ḋe ǹteṡ̀tem souo sōgp nak ouḋe yrp ouḋe neh nem niohi ǹte nekehōou nem niohi ǹte nekèsōou ṡateftakok	And it shall eat up the young of thy cattle, and the fruits of thy land, so as not to leave to thee corn, wine, oil, the herds of thine oxen, and the flocks of thy sheep, until it shall have destroyed thee;
28:52	ⲟⲩⲟϩ ⲛⲧⲉϥϥⲟⲧⲕ ⲉⲃⲟⲗ ϧⲉⲛⲛⲉⲕⲃⲁⲕⲓ ⲧⲏⲣⲟⲩ ϣⲁⲧⲟⲩϣⲟⲣϣⲉⲣ ⲛϫⲉⲛⲉⲕⲥⲟⲃⲧ ⲉⲧϭⲟⲥⲓ ⲟⲩⲟϩ ⲉⲧϫⲟⲣ ⲛⲏ ⲛⲑⲟⲕ ⲉⲧⲉϩⲑⲏⲕ ⲭⲏ ⲉⲣⲱⲟⲩ ϧⲉⲛⲡⲉⲕⲕⲁϩⲓ ⲧⲏⲣϥ ⲟⲩⲟϩ ⲉϥⲉϩⲉϫϩⲱϫ ϧⲉⲛⲛⲉⲕⲃⲁⲕⲓ ⲧⲏⲣⲟⲩ ⲛⲏ ⲉⲧⲁϥⲧⲏⲓⲧⲟⲩ ⲛⲁⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ	ⲟⲩⲟϩ ⲛ̀ⲧⲉϥϥⲟⲧⲕ ⲉ̀ⲃⲟⲗ ϧⲉⲛ ⲛⲉⲕⲃⲁⲕⲓ ⲧⲏⲣⲟⲩ ϣⲁⲧⲟⲩϣⲟⲣϣⲉⲣ ⲛ̀ϫⲉ ⲛⲉⲕⲥⲟⲃⲧ ⲉⲧϭⲟⲥⲓ ⲟⲩⲟϩ ⲉⲧϫⲟⲣ ⲛⲏ ⲛ̀ⲑⲟⲕ ⲉ̀ⲧⲉ ϩⲑⲏⲕ ⲭⲏ ⲉ̀ⲣⲱⲟⲩ ϧⲉⲛ ⲡⲉⲕⲕⲁϩⲓ ⲧⲏⲣϥ ⲟⲩⲟϩ ⲉϥⲉ̀ϩⲉϫϩⲱϫ ϧⲉⲛ ⲛⲉⲕⲃⲁⲕⲓ ⲧⲏⲣⲟⲩ ⲛⲏ ⲉⲧⲁϥⲧⲏⲓⲧⲟⲩ ⲛⲁⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ	ouoh ǹteffotk èvol xen nekvaki tyrou ṡatouṡorṡer ǹje nek·sovt etċosi ouoh etgor ny ǹθok ète hθyk ky èrōou xen pekkahi tyrf ouoh efèheghōg xen nekvaki tyrou ny etaftyitou nak ǹje p̀ċois peknouti	and have utterly crushed thee in thy cities, until the high and strong walls be destroyed, in which thou trustest, in all thy land; and it shall afflict thee in thy cities, which he has given to thee.
28:53	ⲟⲩⲟϩ ⲉⲕⲉⲟⲩⲱⲙ ⲛⲛⲓⲙⲓⲥⲓ ⲛⲧⲉⲧⲉⲕⲛⲉϫⲓ ⲛⲓⲁϥⲟⲩⲓ ⲛⲧⲉⲛⲉⲕϣⲏⲣⲓ ⲛⲉⲙⲛⲉⲕϣⲉⲣⲓ ⲛⲏ ⲉⲧⲁϥⲧⲏⲓⲧⲟⲩ ⲛⲁⲕ ⲛϫⲉⲡϭⲟⲓⲥ ⲡⲉⲕⲛⲟⲩϯ ϧⲉⲛⲡⲉⲕⲉⲙⲕⲁϩ ⲛⲉⲙⲡⲉⲕϩⲟϫϩⲉϫ ⲉⲧⲉϥⲛⲁϩⲉϫϩⲱϫⲕ ⲙⲙⲟϥ ⲛϫⲉⲡⲉⲕϫⲁϫⲓ ϧⲉⲛⲛⲉⲕⲃⲁⲕⲓ	ⲟⲩⲟϩ ⲉⲕⲉⲟⲩⲱⲙ ⲛ̀ⲛⲓⲙⲓⲥⲓ ⲛ̀ⲧⲉ ⲧⲉⲕⲛⲉϫⲓ ⲛⲓⲁϥⲟⲩⲓ ⲛ̀ⲧⲉ ⲛⲉⲕϣⲏⲣⲓ ⲛⲉⲙ ⲛⲉⲕϣⲉⲣⲓ ⲛⲏ ⲉⲧⲁϥⲧⲏⲓⲧⲟⲩ ⲛⲁⲕ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ϧⲉⲛ ⲡⲉⲕⲉⲙⲕⲁϩ ⲛⲉⲙ ⲡⲉⲕϩⲟϫϩⲉϫ ⲉⲧⲉϥⲛⲁϩⲉϫϩⲱϫⲕ ⲙ̀ⲙⲟϥ ⲛ̀ϫⲉ ⲡⲉⲕϫⲁϫⲓ ϧⲉⲛ ⲛⲉⲕⲃⲁⲕⲓ	ouoh ekeouōm ǹnimisi ǹte tekneji niafoui ǹte nekṡyri nem nekṡeri ny etaftyitou nak ǹje p̀ċois peknouti xen pekemkah nem pek·hogheg etefnaheghōgk m̀mof ǹje pekgaji xen nekvaki	And thou shalt eat the fruit of thy body, the flesh of thy sons and of thy daughters, all that he has given thee, in thy straitness and thy affliction, with which thine enemy shall afflict thee.
28:54	ⲫⲏ ⲉⲧϫⲏⲛ ⲛϧⲏⲧϥ ⲟⲩⲟϩ ⲉⲧⲗⲏⲕ ⲉⲙⲁϣⲱ ⲉϥⲉⲉⲣⲃⲁⲥⲕⲁⲛⲟⲥ ϧⲉⲛⲡⲉϥⲃⲁⲗ ⲉⲡⲉϥⲥⲟⲛ ⲛⲉⲙⲧⲉϥⲥϩⲓⲙⲓ ⲉⲧϧⲉⲛⲕⲉⲛϥ ⲛⲉⲙⲛⲓϧⲣⲟϯ ⲉⲑⲛⲁⲥⲱϫⲡ ⲛⲁϥ	ⲫⲏ ⲉⲧϫⲏⲛ ⲛ̀ϧⲏⲧϥ ⲟⲩⲟϩ ⲉⲧⲗⲏⲕ ⲉ̀ⲙⲁϣⲱ ⲉϥⲉⲉⲣⲃⲁⲥⲕⲁⲛⲟⲥ ϧⲉⲛ ⲡⲉϥⲃⲁⲗ ⲉ̀ⲡⲉϥⲥⲟⲛ ⲛⲉⲙ ⲧⲉϥⲥ̀ϩⲓⲙⲓ ⲉⲧϧⲉⲛ ⲕⲉⲛϥ ⲛⲉⲙ ⲛⲓϧⲣⲟϯ ⲉⲑⲛⲁⲥⲱϫⲡ ⲛⲁϥ	fy etjyn ǹxytf ouoh etlyk èmaṡō efeerbaskanos xen pefval èpefson nem tefs̀·himi etxen kenf nem nixroti eθnasōgp naf	He that is tender and very delicate within thee shall look with an evil eye upon his brother, and the wife in his bosom, and the children that are left, which may have been left to him;
28:55	ϩⲱⲥⲇⲉ ⲉϣⲧⲉⲙϯ ⲛⲟⲩⲁⲓ ⲉⲃⲟⲗ ⲙⲙⲱⲟⲩ ϧⲉⲛⲛⲓⲁϥⲟⲩⲓ ⲛⲧⲉⲛⲉϥϣⲏⲣⲓ ⲉⲧⲉϥⲟⲩⲱⲙ ⲙⲙⲱⲟⲩ ⲉⲑⲃⲉϫⲉⲙⲡⲟⲩⲥⲉϫⲡ ϩⲗⲓ ⲛⲉⲛⲭⲁⲓ ⲛⲁϥ ϧⲉⲛⲡⲓⲕⲁϩⲓ ⲛⲉⲙⲡⲓϩⲟϫϩⲉϫ ⲉⲧⲉⲛⲉⲕϫⲁϫⲓ ⲛⲁϩⲉϫϩⲱϫⲕ ⲙⲙⲟϥ ϧⲉⲛⲛⲉⲕⲃⲁⲕⲓ ⲧⲏⲣⲟⲩ	ϩⲱⲥ ⲇⲉ ⲉ̀ϣⲧⲉⲙϯ ⲛ̀ⲟⲩⲁⲓ ⲉ̀ⲃⲟⲗ ⲙ̀ⲙⲱⲟⲩ ϧⲉⲛ ⲛⲓⲁϥⲟⲩⲓ ⲛ̀ⲧⲉ ⲛⲉϥϣⲏⲣⲓ ⲉⲧⲉϥⲟⲩⲱⲙ ⲙ̀ⲙⲱⲟⲩ ⲉⲑⲃⲉ ϫⲉ ⲙ̀ⲡⲟⲩⲥⲉϫⲡ ϩ̀ⲗⲓ ⲛ̀ⲉⲛⲭⲁⲓ ⲛⲁϥ ϧⲉⲛ ⲡⲓⲕⲁϩⲓ ⲛⲉⲙ ⲡⲓϩⲟϫϩⲉϫ ⲉ̀ⲧⲉ ⲛⲉⲕϫⲁϫⲓ ⲛⲁϩⲉϫϩⲱϫⲕ ⲙ̀ⲙⲟϥ ϧⲉⲛ ⲛⲉⲕⲃⲁⲕⲓ ⲧⲏⲣⲟⲩ	hōs ḋe èṡtemti ǹouai èvol m̀mōou xen niafoui ǹte nefṡyri etefouōm m̀mōou eθve je m̀pousegp h̀li ǹenkai naf xen pikahi nem pihogheg ète nekgaji naheghōgk m̀mof xen nekvaki tyrou	so as not to give to one of them of the flesh of his children, whom he shall eat, because of his having nothing left him in thy straitness, and in thy affliction, with which thine enemies shall afflict thee in all thy cities.
28:56	ⲟⲩⲟϩ ⲑⲏ ⲉⲧϫⲏⲛ ϧⲉⲛⲑⲏⲛⲟⲩ ⲟⲩⲟϩ ⲉⲧⲗⲏⲕ ⲉⲙⲁϣⲱ ⲑⲏ ⲉⲧⲉⲛⲥⲭⲏ ϩⲁⲛⲧⲁⲧⲥⲓ ⲛⲧⲉⲧⲉⲥⲫⲁⲧ ⲉϩⲱⲙⲓ ⲉⲡⲉⲥⲏⲧ ⲉⲑⲃⲉⲡⲉⲥϭⲛⲟⲛ ⲛⲉⲙⲡⲉⲥⲗⲱⲕ ⲉⲥⲉⲉⲣⲃⲁⲥⲕⲁⲛⲟⲥ ϧⲉⲛⲡⲉⲥⲃⲁⲗ ⲉⲡⲉⲥϩⲁⲓ ⲉⲧϧⲉⲛⲕⲉⲛⲥ ⲛⲉⲙⲡⲉⲥϣⲏⲣⲓ ⲛⲉⲙⲧⲉⲥϣⲉⲣⲓ	ⲟⲩⲟϩ ⲑⲏ ⲉⲧϫⲏⲛ ϧⲉⲛ ⲑⲏⲛⲟⲩ ⲟⲩⲟϩ ⲉⲧⲗⲏⲕ ⲉ̀ⲙⲁϣⲱ ⲑⲏ ⲉⲧⲉⲛ̀ⲥⲭⲏ ϩⲁⲛⲧⲁⲧⲥⲓ ⲛ̀ⲧⲉ ⲧⲉⲥⲫⲁⲧ ⲉ̀ϩⲱⲙⲓ ⲉ̀ⲡⲉⲥⲏⲧ ⲉⲑⲃⲉ ⲡⲉⲥϭⲛⲟⲛ ⲛ̀ⲉⲛ ⲡⲉⲥⲗⲱⲕ ⲉⲥⲉⲉⲣⲃⲁⲥⲕⲁⲛⲟⲥ ϧⲉⲛ ⲡⲉⲥⲃⲁⲗ ⲉ̀ⲡⲉⲥϩⲁⲓ ⲉⲧϧⲉⲛ ⲕⲉⲛⲥ ⲛⲉⲙ ⲡⲉⲥϣⲏⲣⲓ ⲛⲉⲙ ⲧⲉⲥϣⲉⲣⲓ	ouoh θy etjyn xen θynou ouoh etlyk èmaṡō θy eteǹsky hantatsi ǹte tesfat èhōmi èpesyt eθve pesċnon ǹen peslōk eseerbaskanos xen pesval èpes·hai etxen kens nem pesṡyri nem tesṡeri	And she that is tender and delicate among you, whose foot has not assayed to go upon the earth for delicacy and tenderness, shall look with an evil eye on her husband in her bosom, and her son and her daughter,
28:57	ⲛⲉⲙϯⲙⲁⲩ ⲉⲧⲁⲥⲓ ⲉⲃⲟⲗ ϧⲉⲛⲛⲉⲥⲁⲗⲱϫ ⲛⲉⲙⲡⲉⲥϣⲏⲣⲓ ⲉⲧⲁⲥⲙⲁϥ ⲉϥⲉⲟⲩⲟⲙⲟⲩ ⲛⲭⲱⲡ ⲉⲑⲃⲉϯⲙⲉⲧⲣⲉϥⲉⲣϧⲁⲉ ⲛⲧⲉⲉⲛⲭⲁⲓ ⲛⲓⲃⲉⲛ ϧⲉⲛⲡⲉⲕⲉⲙⲕⲁϩ ⲛⲉⲙⲡⲉⲕϩⲟϫϩⲉϫ ⲉⲧⲉⲛⲉⲕϫⲁϫⲓ ⲛⲁϩⲉϫϩⲱϫⲕ ⲙⲙⲟϥ ϧⲉⲛⲛⲉⲕⲃⲁⲕⲓ	ⲛⲉⲙ ϯⲙⲁⲩ ⲉⲧⲁⲥⲓ ⲉ̀ⲃⲟⲗ ϧⲉⲛ ⲛⲉⲥⲁⲗⲱϫ ⲛⲉⲙ ⲡⲉⲥϣⲏⲣⲓ ⲉⲧⲁⲥⲙⲁϥ ⲉϥⲉ̀ⲟⲩⲟⲙⲟⲩ ⲛ̀ⲭⲱⲡ ⲉⲑⲃⲉ ϯⲙⲉⲧⲣⲉϥⲉⲣϧⲁⲉ ⲛ̀ⲧⲉ ⲉⲛⲭⲁⲓ ⲛⲓⲃⲉⲛ ϧⲉⲛ ⲡⲉⲕⲉⲙⲕⲁϩ ⲛⲉⲙ ⲡⲉⲕϩⲟϫϩⲉϫ ⲉ̀ⲧⲉ ⲛⲉⲕϫⲁϫⲓ ⲛⲁϩⲉϫϩⲱϫⲕ ⲙ̀ⲙⲟϥ ϧⲉⲛ ⲛⲉⲕⲃⲁⲕⲓ	nem timav etasi èvol xen nesalōg nem pesṡyri etasmaf efèouomou ǹkōp eθve timetreferxae ǹte enkai niven xen pekemkah nem pek·hogheg ète nekgaji naheghōgk m̀mof xen nekvaki	and her offspring that comes out between her feet, and the child which she shall bear; for she shall eat them because of the want of all things, secretly in thy straitness, and in thy affliction, with which thine enemy shall afflict thee in thy cities.
28:58	ⲉϣⲱⲡ ⲁⲣⲉⲧⲉⲛϣⲧⲉⲙⲥⲱⲧⲉⲙ ⲉⲓⲣⲓ ⲛⲛⲁⲓⲥⲁϫⲓ ⲧⲏⲣⲟⲩ ⲛⲧⲉⲡⲁⲓⲛⲟⲙⲟⲥ ⲡⲉⲧⲥϧⲏⲟⲩⲧ ⲛϧⲣⲏⲓ ϩⲓⲡⲁⲓϫⲱⲙ ⲉⲉⲣϩⲟϯ ϧⲁⲧϩⲏ ⲙⲡⲓⲣⲁⲛ ⲉⲧⲧⲁⲓⲏⲟⲩⲧ ⲟⲩⲟϩ ⲉⲧⲟⲓ ⲛϣⲫⲏⲣⲓ ⲫⲁⲓ ⲡⲉ ⲡϭⲟⲓⲥ ⲡⲉⲕⲛⲟⲩϯ	ⲉϣⲱⲡ ⲁⲣⲉⲧⲉⲛϣⲧⲉⲙⲥⲱⲧⲉⲙ ⲉ̀ⲓⲣⲓ ⲛ̀ⲛⲁⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲡⲁⲓⲛⲟⲙⲟⲥ ⲡⲉⲧⲥ̀ϧⲏⲟⲩⲧ ⲛ̀ϧ̀ⲣⲏⲓ ϩⲓ ⲡⲁⲓϫⲱⲙ ⲉⲉⲣϩⲟϯ ϧⲁⲧ̀ϩⲏ ⲛ̀ⲡⲓⲣⲁⲛ ⲉⲧⲧⲁⲓⲏⲟⲩⲧ ⲟⲩⲟϩ ⲉⲧⲟⲓ ⲛ̀ϣ̀ⲫⲏⲣⲓ ⲫⲁⲓ ⲡⲉ ⲡ̀ϭⲟⲓⲥ ⲡⲉⲕⲛⲟⲩϯ	eṡōp aretenṡtemsōtem èiri ǹnaisaji tyrou ǹte painomos pets̀xyout ǹx̀ryi hi paigōm eerhoti xat̀·hy ǹpiran ettaiyout ouoh etoi ǹṡ̀fyri fai pe p̀ċois peknouti	If thou wilt not hearken to do all the words of this law, which have been written in this book, to fear this glorious and wonderful name, the Lord thy God;
28:59	ⲟⲩⲟϩ ⲉⲣⲉⲡϭⲟⲓⲥ ⲑⲣⲉⲉⲣϣⲫⲏⲣⲓ ⲛⲛⲉⲕⲉⲣϧⲱⲧ ⲛⲉⲙⲛⲓⲉⲣϧⲱⲧ ⲛⲧⲉⲡⲉⲕϫⲣⲟϫ ϩⲁⲛⲉⲣϧⲱⲧ ⲉⲛⲁⲁⲩ ⲉⲩⲟⲓ ⲛϣⲫⲏⲣⲓ ⲛⲉⲙϩⲁⲛϣⲱⲛⲓ ⲉⲩϩⲱⲟⲩ ⲟⲩⲟϩ ⲉⲩⲉⲛϩⲟϯ	ⲟⲩⲟϩ ⲉ̀ⲣⲉ ⲡ̀ϭⲟⲓⲥ ⲑⲣⲉⲉⲣϣⲫⲏⲣⲓ ⲛ̀ⲛⲉⲕⲉⲣϧⲱⲧ ⲛⲉⲙ ⲛⲓⲉⲣϧⲱⲧ ⲛ̀ⲧⲉ ⲡⲉⲕϫ̀ⲣⲟϫ ϩⲁ ⲛ̀ⲉⲣϧⲱⲧ ⲉ̀ⲛⲁⲁⲩ ⲉⲩⲟⲓ ⲛ̀ϣ̀ⲫⲏⲣⲓ ⲛⲉⲙ ϩⲁⲛϣⲱⲛⲓ ⲉⲩϩⲱⲟⲩ ⲟⲩⲟϩ ⲉⲩⲉⲛ̀ϩⲟϯ	ouoh ère p̀ċois θreerṡfyri ǹnekerxōt nem nierxōt ǹte pekg̀rog ha ǹerxōt ènaav evoi ǹṡ̀fyri nem hanṡōni evhōou ouoh eveǹhoti	then the Lord shall magnify thy plagues, and the plagues of thy seed, great and wonderful plagues, and evil and abiding diseases.
28:60	ⲉⲩⲉⲧⲁⲥⲑⲟ ⲉϧⲣⲏⲓ ⲉϫⲱⲕ ⲛⲛⲓⲉⲙⲕⲁϩ ⲛϩⲏⲧ ⲧⲏⲣⲟⲩ ⲉⲧϩⲱⲟⲩ ⲛⲧⲉⲭⲏⲙⲓ ⲛⲏ ⲉⲧⲁⲕⲉⲣϩⲟϯ ⲉⲃⲟⲗ ϧⲁⲧϩⲏ ⲙⲡⲟⲩϩⲟ ⲟⲩⲟϩ ⲉⲩⲉⲧⲟⲙⲟⲩ ⲉⲣⲟⲕ	ⲉⲩⲉ̀ⲧⲁⲥⲑⲟ ⲉ̀ϧ̀ⲣⲏⲓ ⲉ̀ϫⲱⲕ ⲛ̀ⲛⲓⲉⲙⲕⲁϩ ⲛ̀ϩⲏⲧ ⲧⲏⲣⲟⲩ ⲉⲧϩⲱⲟⲩ ⲛ̀ⲧⲉ ⲭⲏⲙⲓ ⲛⲏ ⲉⲧⲁⲕⲉⲣϩⲟϯ ⲉ̀ⲃⲟⲗ ϧⲁⲧ̀ϩⲏ ⲛ̀ⲡ̀ⲟⲩϩⲟ ⲟⲩⲟϩ ⲉⲩⲉ̀ⲧⲟⲙⲟⲩ ⲉ̀ⲣⲟⲕ	evètasθo èx̀ryi ègōk ǹniemkah ǹhyt tyrou et·hōou ǹte kymi ny etakerhoti èvol xat̀·hy ǹp̀ouho ouoh evètomou èrok	And he shall bring upon thee all the evil pain of Egypt, of which thou wast afraid, and they shall cleave to thee.
28:61	ⲟⲩⲟϩ ϣⲱⲛⲓ ⲛⲓⲃⲉⲛ ⲛⲉⲙⲉⲣϧⲟⲧ ⲛⲓⲃⲉⲛ ⲉⲧⲥϧⲏⲟⲩⲧ ⲁⲛ ϩⲓⲡⲓϫⲱⲙ ⲛⲧⲉⲡⲁⲓⲛⲟⲙⲟⲥ ⲛⲉⲙⲛⲏ ⲧⲏⲣⲟⲩ ⲉⲧⲥϧⲏⲟⲩⲧ ⲉϥⲉⲉⲛⲟⲩ ⲛϫⲉⲡϭⲟⲓⲥ ⲉϧⲣⲏⲓ ⲉϫⲱⲕ ϣⲁⲧⲉϥϥⲟⲧⲕ ⲉⲃⲟⲗ	ⲟⲩⲟϩ ϣⲱⲛⲓ ⲛⲓⲃⲉⲛ ⲛⲉⲙ ⲉⲣϧⲟⲧ ⲛⲓⲃⲉⲛ ⲉⲧⲥ̀ϧⲏⲟⲩⲧ ⲁⲛ ϩⲓ ⲡⲓϫⲱⲙ ⲛ̀ⲧⲉ ⲡⲁⲓⲛⲟⲙⲟⲥ ⲛⲉⲙ ⲛⲏ ⲧⲏⲣⲟⲩ ⲉⲧⲥ̀ϧⲏⲟⲩⲧ ⲉϥⲉ̀ⲉⲛⲟⲩ ⲛ̀ϫⲉ ⲡ̀ϭⲟⲓⲥ ⲉ̀ϧ̀ⲣⲏⲓ ⲉ̀ϫⲱⲕ ϣⲁⲧⲉϥϥⲟⲧⲕ ⲉ̀ⲃⲟⲗ	ouoh ṡōni niven nem erxot niven ets̀xyout an hi pigōm ǹte painomos nem ny tyrou ets̀xyout efèenou ǹje p̀ċois èx̀ryi ègōk ṡateffotk èvol	And the Lord shall bring upon thee every sickness, and every plague that is not written, and every one that is written in the book of this law, until he shall have destroyed thee.
28:62	ⲟⲩⲟϩ ⲉⲩⲉⲥⲉϫⲡ ⲑⲏⲛⲟⲩ ϧⲉⲛⲟⲩⲕⲟⲩϫⲓ ⲛⲏⲡⲓ ⲛⲧϣⲉⲃⲓⲱ ϫⲉⲛⲁⲣⲉⲧⲉⲛⲟⲓ ⲙⲫⲣⲏϯ ⲛⲛⲓⲥⲓⲟⲩ ⲛⲧⲉⲧⲫⲉ ϧⲉⲛⲡⲉⲧⲉⲛⲁϣⲁⲓ ϫⲉⲙⲡⲉⲧⲉⲛⲥⲱⲧⲉⲙ ⲛⲥⲁⲧⲥⲙⲏ ⲙⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ⲉⲩⲉ̀ⲥⲉϫⲡ ⲑⲏⲛⲟⲩ ϧⲉⲛ ⲟⲩⲕⲟⲩϫⲓ ⲛⲏⲡⲓ ⲛ̀ⲧ̀ϣⲉⲃⲓⲱ ϫⲉ ⲛⲁⲣⲉⲧⲉⲛⲟⲓ ⲛ̀ⲫ̀ⲣⲏϯ ⲛ̀ⲛⲓⲥⲓⲟⲩ ⲛ̀ⲧⲉ ⲧ̀ⲫⲉ ϧⲉⲛ ⲡⲉⲧⲉⲛⲁ̀ϣⲁⲓ ϫⲉⲙⲡⲉⲧⲉⲛⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh evèsegp θynou xen oukouji nypi ǹt̀ṡeviō je naretenoi ǹf̀ryti ǹnisiou ǹte t̀fe xen petenàṡai jempetensōtem ǹsa t̀s̀my ǹp̀ċois petennouti	And ye shall be left few in number, whereas ye were as the stars of the sky in multitude; because thou didst not hearken to the voice of the Lord thy God.
28:63	ⲟⲩⲟϩ ⲉⲥⲉϣⲱⲡⲓ ⲙⲫⲣⲏϯ ⲉⲧⲁϥⲟⲩⲛⲟϥ ⲛϫⲉⲡϭⲟⲓⲥ ⲉϫⲉⲛⲑⲏⲛⲟⲩ ⲉⲉⲣⲡⲉⲑⲛⲁⲛⲉϥ ⲛⲱⲧⲉⲛ ⲟⲩⲟϩ ⲉⲑⲣⲉⲧⲉⲛⲁϣⲁⲓ ⲡⲁⲓⲣⲏϯ ⲉϥⲉⲟⲩⲛⲟϥ ⲙⲙⲟϥ ⲛϫⲉⲡϭⲟⲓⲥ ⲉϫⲉⲛⲑⲏⲛⲟⲩ ⲉϥⲉⲧ ⲑⲏⲛⲟⲩ ⲉⲃⲟⲗ ⲟⲩⲟϩ ⲉⲣⲉⲧⲉⲛϧⲱⲣ ⲉⲃⲟⲗ ϩⲓϫⲉⲛⲡⲓⲕⲁϩⲓ ⲫⲏ ⲉⲧⲉⲧⲉⲛⲛⲁϣⲉ ⲉϧⲟⲩⲛ ⲉⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ⲟⲩⲟϩ ⲉⲥⲉϣⲱⲡⲓ ⲛ̀ⲫ̀ⲣⲏϯ ⲉⲧⲁϥⲟⲩⲛⲟϥ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲑⲏⲛⲟⲩ ⲉⲉⲣⲡⲉⲑⲛⲁⲛⲉϥ ⲛⲱⲧⲉⲛ ⲟⲩⲟϩ ⲉ̀ⲑⲣⲉⲧⲉⲛⲁ̀ϣⲁⲓ ⲡⲁⲓⲣⲏϯ ⲉϥⲉ̀ⲟⲩⲛⲟϥ ⲙ̀ⲙⲟϥ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲑⲏⲛⲟⲩ ⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ ⲟⲩⲟϩ ⲉ̀ⲣⲉ ⲧⲉⲛϧⲱⲣ ⲉ̀ⲃⲟⲗ ϩⲓϫⲉⲛ ⲡⲓⲕⲁϩⲓ ⲫⲏ ⲉⲧⲉⲧⲉⲛⲛⲁϣⲉ ⲉ̀ϧⲟⲩⲛ ⲉ̀ⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	ouoh eseṡōpi ǹf̀ryti etafounof ǹje p̀ċois èjen θynou eerpeθnanef nōten ouoh èθretenàṡai pairyti efèounof m̀mof ǹje p̀ċois èjen θynou èfet θynou èvol ouoh ère tenxōr èvol hijen pikahi fy etetennaṡe èxoun èrof eerklyronomin m̀mof	And it shall come to pass that as the Lord rejoiced over you to do you good, and to multiply you, so the Lord will rejoice over you to destroy you; and ye shall be quickly removed from the land, into which ye go to inherit it.
28:64	ⲟⲩⲟϩ ⲉϥⲉϫⲟⲣϫ ⲉⲃⲟⲗ ⲛϫⲉⲡϭⲟⲓⲥ ⲡⲉⲕⲛⲟⲩϯ ϧⲉⲛⲛⲓⲉⲑⲛⲟⲥ ⲧⲏⲣⲟⲩ ⲓⲥϫⲉⲛ ⲁⲩⲣⲏϫϥ ⲙⲡⲕⲁϩⲓ ϣⲁⲁⲩⲣⲏϫϥ ⲙⲡⲕⲁϩⲓ ⲟⲩⲟϩ ⲉⲕⲉϣⲉⲙϣⲓ ⲙⲙⲁⲩ ⲛϩⲁⲛⲕⲉⲛⲟⲩϯ ϩⲁⲛϣⲉ ⲛⲉⲙϩⲁⲛⲱⲛⲓ ⲛⲏ ⲉⲧⲉⲛⲁⲕⲥⲱⲟⲩⲛ ⲙⲙⲱⲟⲩ ⲁⲛ ⲡⲉ ⲛⲑⲟⲕ ⲛⲉⲙⲛⲉⲕⲓⲟϯ	ⲟⲩⲟϩ ⲉϥⲉ̀ϫⲟⲣϫ ⲉ̀ⲃⲟⲗ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲓⲥϫⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ϣⲁ ⲁⲩⲣⲏϫϥ ⲛ̀ⲡ̀ⲕⲁϩⲓ ⲟⲩⲟϩ ⲉⲕⲉ̀ϣⲉⲙϣⲓ ⲙ̀ⲙⲁⲩ ⲛ̀ϩⲁⲛⲕⲉⲛⲟⲩϯ ϩⲁⲛϣⲉ ⲛⲉⲙ ϩⲁⲛⲱⲛⲓ ⲛⲏ ⲉ̀ⲧⲉ ⲛⲁⲕⲥⲱⲟⲩⲛ ⲙ̀ⲙⲱⲟⲩ ⲁⲛ ⲡⲉ ⲛ̀ⲑⲟⲕ ⲛⲉⲙ ⲛⲉⲕⲓⲟϯ	ouoh efègorg èvol ǹje p̀ċois peknouti xen nieθnos tyrou isjen avrygf ǹp̀kahi ṡa avrygf ǹp̀kahi ouoh ekèṡemṡi m̀mav ǹhankenouti hanṡe nem hanōni ny ète nak·sōoun m̀mōou an pe ǹθok nem nekioti	And the Lord thy God shall scatter thee among all nations, from one end of the earth to the other; and thou shalt there serve other gods, wood and stone, which thou hast not known, nor thy fathers.
28:65	ⲁⲗⲗⲁ ϧⲉⲛⲛⲓⲕⲉⲉⲑⲛⲟⲥ ⲟⲛ ⲉⲧⲉⲙⲙⲁⲩ ⲛⲛⲉϥϯⲙⲧⲟⲛ ⲛⲁⲕ ⲟⲩⲟϩ ⲛⲛⲉϥϣⲱⲡⲓ ⲛϫⲉⲟⲩⲙⲁⲛⲟⲩⲟϩ ⲛⲧⲁⲧⲥⲓ ⲛⲧⲉⲧⲉⲕⲫⲁⲧ ⲟⲩⲟϩ ⲉϥⲉϯ ⲛⲁⲕ ⲙⲙⲁⲩ ⲛϫⲉⲡϭⲟⲓⲥ ⲡⲟⲩϩⲏⲧ ⲉϥⲙⲟⲕϩ ⲛⲉⲙϩⲁⲛⲃⲁⲗ ⲉⲩⲥⲁϧⲉⲙ ⲛⲉⲙⲟⲩⲯⲩⲭⲏ ⲉⲥⲃⲏⲗ ⲉⲃⲟⲗ	ⲁⲗⲗⲁ ϧⲉⲛ ⲛⲓⲕⲉⲉⲑⲛⲟⲥ ⲟⲛ ⲉ̀ⲧⲉ ⲙ̀ⲙⲁⲩ ⲛⲛⲉϥϯⲙ̀ⲧⲟⲛ ⲛⲁⲕ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲟⲩⲙⲁⲛⲟⲩⲟϩ ⲛ̀ⲧⲉ ⲧ̀ⲁⲧⲥⲓ ⲛ̀ⲧⲉ ⲧⲉⲕⲫⲁⲧ ⲟⲩⲟϩ ⲉϥⲉ̀ϯ ⲛⲁⲕ ⲙ̀ⲙⲁⲩ ⲛ̀ϫⲉ ⲡ̀ϭⲟⲓⲥ ⲡⲟⲩϩⲏⲧ ⲉϥⲙⲟⲕϩ ⲛⲉⲙ ϩⲁⲛⲃⲁⲗ ⲉⲩⲥⲁϧⲉⲙ ⲛⲉⲙ ⲟⲩⲯⲩⲭⲏ ⲉⲥⲃⲏⲗ ⲉ̀ⲃⲟⲗ	alla xen nikeeθnos on ète m̀mav nneftim̀ton nak ouoh ǹnefṡōpi ǹje oumanouoh ǹte t̀atsi ǹte tekfat ouoh efèti nak m̀mav ǹje p̀ċois pouhyt efmok·h nem hanval evsaxem nem oupsiṡy esvyl èvol	Moreover among those nations he will not give thee quiet, neither by any means shall the sole of thy foot have rest; and the Lord shall give thee there another and a misgiving heart, and failing eyes, and a wasting soul.
28:66	ⲟⲩⲟϩ ⲉϥⲉϣⲱⲡⲓ ⲛϫⲉⲡⲉⲕⲱⲛϧ ⲉϥⲁϣⲓ ⲙⲡⲉⲙⲑⲟ ⲛⲛⲉⲕⲃⲁⲗ ⲟⲩⲟϩ ⲉⲕⲉⲉⲣϩⲟϯ ⲙⲡⲓⲉϩⲟⲟⲩ ⲛⲉⲙⲡⲓⲉϫⲱⲣϩ ⲟⲩⲟϩ ⲛⲛⲉⲕⲛⲁϩϯ ⲉⲡⲉⲕⲱⲛϧ	ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲡⲉⲕⲱⲛϧ ⲉϥⲁϣⲓ ⲛ̀ⲡⲉⲙ̀ⲑⲟ ⲛ̀ⲛⲉⲕⲃⲁⲗ ⲟⲩⲟϩ ⲉⲕⲉⲉⲣϩⲟϯ ⲛ̀ⲡⲓⲉϩⲟⲟⲩ ⲛⲉⲙ ⲡⲓⲉ̀ϫⲱⲣϩ ⲟⲩⲟϩ ⲛ̀ⲛⲉⲕⲛⲁϩϯ ⲉ̀ⲡⲉⲕⲱⲛϧ	ouoh efèṡōpi ǹje pekōnx efaṡi ǹpem̀θo ǹnekval ouoh ekeerhoti ǹpiehoou nem piègōrh ouoh ǹneknahti èpekōnx	And thy life shall be in suspense before thine eyes; and thou shalt be afraid by day and by night, and thou shalt have no assurance of thy life.
28:67	ϩⲁⲛⲧⲟⲟⲩⲓ ⲉⲕⲉϫⲟⲥ ϫⲉⲁⲣⲉ ⲣⲟⲩϩⲓ ⲛⲁϣⲱⲡⲓ ⲛⲑⲛⲁⲩ ⲣⲟⲩϩⲓ ⲉⲕⲉϫⲟⲥ ϫⲉⲁⲣⲉ ⲧⲟⲟⲩⲓ ⲛⲁϣⲱⲡⲓ ⲛⲁϣ ⲛⲣⲏϯ ⲉⲃⲟⲗ ϧⲉⲛⲧϩⲟϯ ⲛⲧⲉⲡⲉⲕϩⲏⲧ ⲑⲏ ⲉⲧⲉⲕⲛⲁⲉⲣϩⲟϯ ⲙⲙⲟⲥ ⲛⲉⲙⲉⲃⲟⲗ ϩⲁⲛⲓⲛⲁⲩ ⲛⲧⲉⲡⲉⲕⲃⲁⲗ ⲛⲏ ⲉⲧⲉⲕⲛⲁⲩ ⲉⲣⲱⲟⲩ	ϩⲁⲛⲧⲟⲟⲩⲓ̀ ⲉⲕⲉ̀ϫⲟⲥ ϫⲉ ⲁⲣⲉ ⲣⲟⲩϩⲓ ⲛⲁϣⲱⲡⲓ ⲛ̀ⲑⲛⲁⲩ ⲣⲟⲩϩⲓ ⲉⲕⲉ̀ϫⲟⲥ ϫⲉ ⲁⲣⲉ ⲧⲟⲟⲩⲓ ⲛⲁϣⲱⲡⲓ ⲛ̀ⲁϣ ⲛ̀ⲣⲏϯ ⲉ̀ⲃⲟⲗ ϧⲉⲛ ⲧ̀ϩⲟϯ ⲛ̀ⲧⲉ ⲡⲉⲕϩⲏⲧ ⲑⲏ ⲉ̀ⲧⲉ ⲭ̀ⲛⲁⲉⲣϩⲟϯ ⲙ̀ⲙⲟⲥ ⲛⲉⲙ ⲉ̀ⲃⲟⲗ ϩⲁ ⲛⲓⲛⲁⲩ ⲛ̀ⲧⲉ ⲡⲉⲕⲃⲁⲗ ⲛⲏ ⲉ̀ⲧⲉ ⲭ̀ⲛⲁⲩ ⲉ̀ⲣⲱⲟⲩ	hantoouì ekègos je are rouhi naṡōpi ǹθnav rouhi ekègos je are tooui naṡōpi ǹaṡ ǹryti èvol xen t̀·hoti ǹte pek·hyt θy ète k̀naerhoti m̀mos nem èvol ha ninav ǹte pekval ny ète k̀nav èrōou	In the morning thou shalt say, Would it were evening! and in the evening thou shalt say, Would it were morning! for the fear of thine heart with which thou shalt fear, and for the sights of thine eyes which thou shalt see.
28:68	ⲟⲩⲟϩ ⲉϥⲉⲧⲁⲥⲑⲟⲕ ⲛϫⲉⲡϭⲟⲓⲥ ⲉϧⲣⲏⲓ ⲉⲭⲏⲙⲓ ϧⲉⲛϩⲁⲛⲉϫⲏⲟⲩ ⲛⲉⲙϧⲉⲛⲡⲓⲙⲱⲓⲧ ⲫⲏ ⲉⲧⲁⲓϫⲟⲥ ϫⲉⲛⲛⲉⲧⲉⲛⲕⲉⲧ ⲑⲏⲛⲟⲩ ϫⲉⲉⲛⲁⲩ ⲉⲣⲟϥ ⲉⲩⲉϯ ⲑⲏⲛⲟⲩ ⲉⲃⲟⲗ ⲙⲙⲁ�� ⲛⲛⲉⲧⲉⲛϫⲁϫⲓ ⲉϩⲁⲛⲃⲱⲕ ⲛⲉⲙϩⲁⲛⲃⲱⲕⲓ ⲟⲩⲟϩ ⲛⲛⲉϥϣⲱⲡⲓ ⲛϫⲉⲫⲏ ⲉⲧⲛⲁⲥⲉⲧ ⲑⲏⲛⲟⲩ	ⲟⲩⲟϩ ⲉϥⲉ̀ⲧⲁⲥⲑⲟⲕ ⲛ̀ϫⲉ ⲡ̀ϭⲟⲓⲥ ⲉ̀ϧ̀ⲣⲏⲓ ⲉ̀ⲭⲏⲙⲓ ϧⲉⲛ ϩⲁⲛⲉϫⲏⲟⲩ ⲛⲉⲙ ϧⲉⲛ ⲡⲓⲙⲱⲓⲧ ⲫⲏ ⲉ̀ⲧⲁⲓ̀ϫⲟⲥ ϫⲉ ⲛⲛⲉⲧⲉⲛⲕⲉⲧ ⲑⲏⲛⲟⲩ ϫⲉ ⲉⲛⲁⲩ ⲉ̀ⲣⲟϥ ⲉⲩⲉ̀ϯ ⲑⲏⲛⲟⲩ ⲉ̀ⲃⲟⲗ ⲛ̀ⲙⲁ�� ⲛ̀ⲛⲉⲧⲉⲛϫⲁϫⲓ ⲉ̀ϩⲁⲛⲃⲱⲕ ⲛⲉⲙ ϩⲁⲛⲃⲱⲕⲓ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏ ⲉⲧⲛⲁⲥⲉⲧ ⲑⲏⲛⲟⲩ	ouoh efètasθok ǹje p̀ċois èx̀ryi èkymi xen hanejyou nem xen pimōit fy ètaìgos je nnetenket θynou je enav èrof evèti θynou èvol ǹma�� ǹnetengaji èhanvōk nem hanvōki ouoh ǹnefṡōpi ǹje fy etnaset θynou	And the Lord shall bring thee back to Egypt in ships, by the way of which I said, Thou shalt not see it again; and ye shall be sold there to your enemies for bondmen and bondwomen, and none shall buy you.

Provenance

title: 05_Deuteronomium_28
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_28
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_28 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_28, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/28.bohairic.scriptorium.L0.txt
title: 05_Deuteronomium_28 — Cairene
dialect: bohairic
source: generated from 28.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_28)
licence: CC BY-SA 4.0
share: attribution
attribution: 05_Deuteronomium_28 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_28, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/28.bohairic.scriptorium.L1.txt
title: 05_Deuteronomium_28 — Kemetic
dialect: bohairic
source: generated from 28.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_28 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_28, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/28.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 68 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_28 (68 lines)

Cite as:

05_Deuteronomium_28. Coptic SCRIPTORIUM corpus "bohairic.ot", document 05_Deuteronomium_28. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/28.bohairic.scriptorium/. 05_Deuteronomium_28 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_28, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.