05_Deuteronomium_32 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_32

Attribution: 05_Deuteronomium_32 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_32, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

52 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
32:1	ⲙⲁϩⲑⲏ ⲧⲫⲉ ⲟⲩⲟϩ ⲛⲧⲁⲥⲁϫⲓ ⲙⲁⲣⲉ ⲡⲕⲁϩⲓ ⲥⲱⲧⲉⲙ ⲉϩⲁⲛⲥⲁϫⲓ ⲉⲃⲟⲗ ϧⲉⲛⲣⲱⲓ	ⲙⲁϩ̀ⲑⲏ ⲧ̀ⲫⲉ ⲟⲩⲟϩ ⲛ̀ⲧⲁⲥⲁϫⲓ ⲙⲁⲣⲉ ⲡ̀ⲕⲁϩⲓ ⲥⲱⲧⲉⲙ ⲉ̀ϩⲁⲛⲥⲁϫⲓ ⲉ̀ⲃⲟⲗ ϧⲉⲛ ⲣⲱⲓ	mah̀θy t̀fe ouoh ǹtasaji mare p̀kahi sōtem èhansaji èvol xen rōi	Attend, O heaven, and I will speak; and let the earth hear the words out of my mouth.
32:2	ⲙⲁⲣⲉϥϫⲟⲩϣⲧ ⲉⲃⲟⲗ ϧⲁⲧϩⲏ ⲛⲧⲁⲥⲙⲏ ⲙⲫⲣⲏϯ ⲛⲟⲩⲙⲟⲩⲛϩⲱⲟⲩ ⲟⲩⲟϩ ⲙⲁⲣⲟⲩⲓ ⲉϧⲣⲏⲓ ⲙⲫⲣⲏϯ ⲛⲟⲩⲓⲱϯ ⲛϫⲉⲛⲁⲥⲁϫⲓ ⲙⲫⲣⲏϯ ⲛⲟⲩⲙⲟⲩⲛϩⲱⲟⲩ ⲉϫⲉⲛⲟⲩⲁⲕⲣⲟⲥⲑⲉⲛ ⲛⲉⲙⲙⲫⲣⲏϯ ⲛⲟⲩⲛⲓϥⲓ ⲉϫⲉⲛⲟⲩⲥⲓⲙ	ⲙⲁⲣⲉϥϫⲟⲩϣⲧ ⲉ̀ⲃⲟⲗ ϧⲁⲧ̀ϩⲏ ⲛ̀ⲧⲁⲥ̀ⲙⲏ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲛϩⲱⲟⲩ ⲟⲩⲟϩ ⲙⲁⲣⲟⲩⲓ ⲉ̀ϧ̀ⲣⲏⲓ ⲛ̀ⲫ̀ⲣⲏϯ ⲛ̀ⲟⲩⲓⲱϯ ⲛ̀ϫⲉ ⲛⲁⲥⲁϫⲓ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲛϩⲱⲟⲩ ⲉ̀ϫⲉⲛ ⲟⲩⲁⲕⲣⲟⲥⲑⲉⲛ ⲛⲉⲙ ⲛ̀ⲫ̀ⲣⲏϯ ⲛ̀ⲟⲩⲛⲓϥⲓ ⲉ̀ϫⲉⲛ ⲟⲩⲥⲓⲙ	marefgouṡt èvol xat̀·hy ǹtas̀my ǹf̀ryti ǹoumounhōou ouoh maroui èx̀ryi ǹf̀ryti ǹouiōti ǹje nasaji ǹf̀ryti ǹoumounhōou èjen ouakrosθen nem ǹf̀ryti ǹounifi èjen ousim	Let my speech be looked for as the rain, and my words come down as dew, as the shower upon the herbage, and as snow upon the grass.
32:3	ϫⲉⲁⲓⲙⲟⲩϯ ⲉⲫⲣⲁⲛ ⲙⲡϭⲟⲓⲥ ⲙⲁⲱⲟⲩ ⲙⲉⲧⲛⲓϣϯ ⲙⲡϭⲟⲓⲥ ⲡⲉⲛⲛⲟⲩϯ	ϫⲉ ⲁⲓⲙⲟⲩϯ ⲉ̀ⲫ̀ⲣⲁⲛ ⲛ̀ⲡ̀ϭⲟⲓⲥ ⲙⲁⲱ̀ⲟⲩ ⲙⲉⲧⲛⲓϣϯ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ	je aimouti èf̀ran ǹp̀ċois maṑou metniṡti ǹp̀ċois pennouti	For I have called on the name of the Lord: assign ye greatness to our God.
32:4	ⲫⲛⲟⲩϯ ϩⲁⲛⲙⲏⲓ ⲛⲉ ⲛⲉϥϩⲃⲏⲟⲩⲓ ⲟⲩⲟϩ ⲛⲉϥⲙⲱⲓⲧ ⲧⲏⲣⲟⲩ ϩⲁⲛϩⲁⲡ ⲛⲉ ⲟⲩⲛⲟⲩϯ ⲡⲉ ⲉϥⲉⲛϩⲟⲧ ⲟⲩⲟϩ ⲙⲙⲟⲛ ⲙⲉⲧϭⲓⲛϫⲟⲛⲥ ⲛϧⲏⲧϥ ⲟⲩⲑⲙⲏⲓ ⲡⲉ ⲡϭⲟⲓⲥ ⲟⲩⲟϩ ϥⲧⲟⲩⲃⲏⲟⲩⲧ	ⲫ̀ⲛⲟⲩϯ ϩⲁⲛⲙⲏⲓ ⲛⲉ ⲛⲉϥϩ̀ⲃⲏⲟⲩⲓ ⲟⲩⲟϩ ⲛⲉϥⲙⲱⲓⲧ ⲧⲏⲣⲟⲩ ϩⲁⲛϩⲁⲡ ⲛⲉ ⲟⲩⲛⲟⲩϯ ⲡⲉ ⲉϥⲉⲛ̀ϩⲟⲧ ⲟⲩⲟϩ ⲙ̀ⲙⲟⲛ ⲙⲉⲧϭⲓⲛϫⲟⲛⲥ ⲛ̀ϧⲏⲧϥ ⲟⲩⲑ̀ⲙⲏⲓ ⲡⲉ ⲡ̀ϭⲟⲓⲥ ⲟⲩⲟϩ ϥ̀ⲧⲟⲩⲃⲏⲟⲩⲧ	f̀nouti hanmyi ne nefh̀vyoui ouoh nefmōit tyrou hanhap ne ounouti pe efeǹhot ouoh m̀mon metċingons ǹxytf ouθ̀myi pe p̀ċois ouoh f̀touvyout	As for God, his works are true, and all his ways are judgment: God is faithful, and there is no unrighteousness in him; just and holy is the Lord.
32:5	ⲁⲩⲉⲣⲛⲟⲃⲓ ⲉⲣⲟϥ ⲁⲛ ⲛⲓϣⲏⲣⲓ ⲉⲑⲙⲉϩ ⲛⲁϭⲛⲓ ⲡⲓϫⲱⲟⲩ ⲉⲧⲕⲟⲗϫ ⲟⲩⲟϩ ⲉⲧⲫⲟⲛϩ	ⲁⲩⲉⲣⲛⲟⲃⲓ ⲉ̀ⲣⲟϥ ⲁⲛ ⲛⲓϣⲏⲣⲓ ⲉⲑⲙⲉϩ ⲛ̀ⲁϭⲛⲓ ⲡⲓϫⲱⲟⲩ ⲉⲧⲕⲟⲗϫ ⲟⲩⲟϩ ⲉⲧⲫⲟⲛϩ	avernovi èrof an niṡyri eθmeh ǹaċni pigōou etkolg ouoh etfonh	They have sinned, not pleasing him; spotted children, a froward and perverse generation.
32:6	ⲛⲁⲓ ⲉⲧⲉⲧⲉⲛϯ ⲙⲙⲱⲟⲩ ⲛϣⲉⲃⲓⲱ ⲙⲡϭⲟⲓⲥ ⲡⲁⲓⲣⲏϯ ⲛⲑⲱⲧⲉⲛ ⲟⲩⲗⲁⲟⲥ ⲛⲥⲟϫ ⲟⲩⲟϩ ⲛⲥⲁⲃⲉ ⲁⲛ ⲙⲏ ⲫⲁⲓ ⲁⲛ ⲡⲉ ⲡⲉⲕⲓⲱⲧ ⲁϥϫⲫⲟⲕ ⲟⲩⲟϩ ⲁϥⲑⲁⲙⲓⲟⲕ ⲟⲩⲟϩ ⲁϥⲥⲱⲛⲧ ⲙⲙⲟⲕ	ⲛⲁⲓ ⲉⲧⲉⲧⲉⲛϯ ⲙ̀ⲙⲱⲟⲩ ⲛ̀ϣⲉⲃⲓⲱ ⲛ̀ⲡ̀ϭⲟⲓⲥ ⲡⲁⲓⲣⲏϯ ⲛ̀ⲑⲱⲧⲉⲛ ⲟⲩⲗⲁⲟⲥ ⲛ̀ⲥⲟϫ ⲟⲩⲟϩ ⲛ̀ⲥⲁⲃⲉ ⲁⲛ ⲙⲏ ⲫⲁⲓ ⲁⲛ ⲡⲉ ⲡⲉⲕⲓⲱⲧ ⲁϥϫⲫⲟⲕ ⲟⲩⲟϩ ⲁϥⲑⲁⲙⲓⲟⲕ ⲟⲩⲟϩ ⲁϥⲥⲱⲛⲧ ⲙ̀ⲙⲟⲕ	nai etetenti m̀mōou ǹṡeviō ǹp̀ċois pairyti ǹθōten oulaos ǹsog ouoh ǹsave an my fai an pe pekiōt afgfok ouoh afθamiok ouoh afsōnt m̀mok	Do ye thus recompense the Lord? is the people thus foolish and unwise? did not he himself thy father purchase thee, and make thee, and form thee?
32:7	ⲁⲣⲓⲫⲙⲉⲩⲓ ⲛⲛⲓⲉϩⲟⲟⲩ ⲛⲧⲉⲡⲉⲛⲉϩ ⲕⲁϯ ⲉⲛⲓⲣⲟⲙⲡⲓ ⲛⲧⲉⲛⲓϫⲱⲟⲩ ⲛϫⲱⲟⲩ ϣⲉⲛ ⲡⲉⲕⲓⲱⲧ ϥⲛⲁⲧⲁⲙⲟⲕ ⲛⲉⲕϧⲉⲗⲗⲟⲓ ⲥⲉⲛⲁϫⲟⲥ ⲛⲁⲕ	ⲁ̀ⲣⲓⲫ̀ⲙⲉⲩⲓ ⲛ̀ⲛⲓⲉ̀ϩⲟⲟⲩ ⲛ̀ⲧⲉ ⲡ̀ⲉ̀ⲛⲉϩ ⲕⲁϯ ⲉ̀ⲛⲓⲣⲟⲙⲡⲓ ⲛ̀ⲧⲉ ⲛⲓϫⲱⲟⲩ ⲛ̀ϫⲱⲟⲩ ϣⲉⲛ ⲡⲉⲕⲓⲱⲧ ϥ̀ⲛⲁⲧⲁⲙⲟⲕ ⲛⲉⲕϧⲉⲗⲗⲟⲓ ⲥⲉⲛⲁϫⲟⲥ ⲛⲁⲕ	àrif̀mevi ǹnièhoou ǹte p̀èneh kati ènirompi ǹte nigōou ǹgōou ṡen pekiōt f̀natamok nekxelloi senagos nak	Remember the days of old, consider the years for past ages: ask thy father, and he shall relate to thee, thine elders, and they shall tell thee.
32:8	ϩⲟⲧⲉ ⲉⲧⲁϥⲫⲱϣ ⲛⲛⲓⲉⲑⲛⲟⲥ ⲛϫⲉⲡⲉⲧϭⲟⲥⲓ ⲉϥⲛⲁϫⲱⲣ ⲛⲛⲓϣⲏⲣⲓ ⲛⲧⲉⲁⲇⲁⲙ ⲁϥⲥⲉⲙⲛⲓ ⲛⲛⲓⲑⲟϣ ⲛⲧⲉⲛⲓⲉⲑⲛⲟⲥ ⲕⲁⲧ ⲧⲏⲡⲓ ⲛⲛⲓⲁⲅⲅⲉⲗⲟⲥ ⲛⲧⲉⲫⲛⲟⲩϯ	ϩⲟⲧⲉ ⲉ̀ⲧⲁϥⲫⲱϣ ⲛ̀ⲛⲓⲉⲑⲛⲟⲥ ⲛ̀ϫⲉ ⲡⲉⲧϭⲟⲥⲓ ⲉϥⲛⲁϫⲱⲣ ⲛ̀ⲛⲓϣⲏⲣⲓ ⲛ̀ⲧⲉ ⲁⲇⲁⲙ ⲁϥⲥⲉⲙⲛⲓ ⲛ̀ⲛⲓⲑⲟϣ ⲛ̀ⲧⲉ ⲛⲓⲉⲑⲛⲟⲥ ⲕⲁⲧ ⲧ̀ⲏ̀ⲡⲓ ⲛ̀ⲛⲓⲁⲅⲅⲉⲗⲟⲥ ⲛ̀ⲧⲉ ⲫ̀ⲛⲟⲩϯ	hote ètaffōṡ ǹnieθnos ǹje petċosi efnagōr ǹniṡyri ǹte adam afsemni ǹniθoṡ ǹte nieθnos kat t̀ỳpi ǹniangelos ǹte f̀nouti	When the Most High divided the nations, when he separated the sons of Adam, he set the bounds of the nations according to the number of the angels of God.
32:9	ⲟⲩⲟϩ ⲁϥϣⲱⲡⲓ ⲛⲧⲟⲓ ⲙⲡϭⲟⲓⲥ ⲛϫⲉⲡⲉϥⲗⲁⲟⲥ ⲓⲁⲕⲱⲃ ⲫⲛⲟϩ ⲛⲣⲱϣ ⲛⲧⲉⲧⲉϥⲕⲗⲏⲣⲟⲛⲟⲙⲓⲁ ⲡⲓⲥⲣⲁⲏⲗ	ⲟⲩⲟϩ ⲁϥϣⲱⲡⲓ ⲛ̀ⲧⲟⲓ ⲛ̀ⲡ̀ϭⲟⲓⲥ ⲛ̀ϫⲉ ⲡⲉϥⲗⲁⲟⲥ ⲓⲁⲕⲱⲃ ⲫ̀ⲛⲟϩ ⲛ̀ⲣⲱϣ ⲛ̀ⲧⲉ ⲧⲉϥⲕ̀ⲗⲏⲣⲟⲛⲟⲙⲓⲁ ⲡⲓⲥⲣⲁⲏⲗ	ouoh afṡōpi ǹtoi ǹp̀ċois ǹje peflaos iakōb f̀noh ǹrōṡ ǹte tefk̀lyronomia pisrayl	And his people Jacob became the portion of the Lord, Israel was the line of his inheritance.
32:10	ⲁϥⲉⲣⲫⲣⲱϣⲓ ⲛⲁϥ ϩⲓⲡϣⲁϥⲉ ϧⲉⲛⲡⲓⲓⲃⲓ ⲛⲧⲉⲟⲩⲕⲁⲩⲙⲁ ⲁϥⲕⲱϯ ⲛⲉⲙⲁϥ ϧⲉⲛϩⲁⲛⲙⲁ ⲛⲁⲧⲱⲙⲟⲩ ⲁϥⲧⲥⲃⲱ ⲛⲁϥ ⲟⲩⲟϩ ⲁϥⲁⲣⲉϩ ⲉⲣⲟϥ ⲙⲫⲣⲏϯ ⲛⲧⲁⲗⲗⲟⲩ ⲛⲟⲩⲃⲁⲗ	ⲁϥⲉⲣⲫⲣⲱϣⲓ ⲛⲁϥ ϩⲓⲡ̀ϣⲁϥⲉ ϧⲉⲛ ⲡⲓⲓⲃⲓ ⲛ̀ⲧⲉ ⲟⲩⲕⲁⲩⲙⲁ ⲁϥⲕⲱϯ ⲛⲉⲙⲁϥ ϧⲉⲛ ϩⲁⲛⲙⲁ ⲛⲁⲧⲱⲙⲟⲩ ⲁϥⲧⲥⲃⲱ ⲛⲁϥ ⲟⲩⲟϩ ⲁϥⲁ̀ⲣⲉϩ ⲉ̀ⲣⲟϥ ⲛ̀ⲫ̀ⲣⲏϯ ⲛ̀ⲧⲁⲗⲗⲟⲩ ⲛⲟⲩⲃⲁⲗ	aferfrōṡi naf hip̀ṡafe xen piivi ǹte oukavma afkōti nemaf xen hanma natōmou aftsvō naf ouoh afàreh èrof ǹf̀ryti ǹtallou nouval	He maintained him in the wilderness, in burning thirst and a dry land: he led him about and instructed him, and kept him as the apple of an eye.
32:11	ⲙⲫⲣⲏϯ ⲛⲟⲩⲁϧⲱⲙ ⲉⲁϥϩⲱⲃⲥ ⲉⲃⲟⲗ ⲉϫⲉⲛⲡⲉϥⲙⲟϩ ⲟⲩⲟϩ ⲁϥⲙⲉⲛⲣⲉ ⲛⲉϥⲙⲁⲥ ⲁϥⲫⲱⲣϣ ⲛⲛⲉϥⲧⲉⲛϩ ⲉⲃⲟⲗ ⲟⲩⲟϩ ⲁϥϣⲟⲡⲟⲩ ⲉⲣⲟϥ ⲟⲩⲟϩ ⲁϥϥⲓⲧⲟⲩ ⲉϫⲉⲛⲛⲉϥⲙⲟⲩϯ	ⲛ̀ⲫ̀ⲣⲏϯ ⲛ̀ⲟⲩⲁϧⲱⲙ ⲉⲁϥϩⲱⲃⲥ ⲉ̀ⲃⲟⲗ ⲉ̀ϫⲉⲛ ⲡⲉϥⲙⲟϩ ⲟⲩⲟϩ ⲁϥⲙⲉⲛⲣⲉ ⲛⲉϥⲙⲁⲥ ⲁϥⲫⲱⲣϣ ⲛ̀ⲛⲉϥⲧⲉⲛϩ ⲉ̀ⲃⲟⲗ ⲟⲩⲟϩ ⲁϥϣⲟⲡⲟⲩ ⲉ̀ⲣⲟϥ ⲟⲩⲟϩ ⲁϥϥⲓⲧⲟⲩ ⲉ̀ϫⲉⲛ ⲛⲉϥⲙⲟⲩϯ	ǹf̀ryti ǹouaxōm eafhōvs èvol èjen pefmoh ouoh afmenre nefmas affōrṡ ǹneftenh èvol ouoh afṡopou èrof ouoh affitou èjen nefmouti	As an eagle would watch over his brood, and yearns over his young, receives them having spread his wings, and takes them up on his back:
32:12	ⲡϭⲟⲓⲥ ⲙⲙⲁⲩⲁⲧϥ ⲡⲉ ⲉⲧⲁϥⲉⲛⲟⲩ ⲟⲩⲟϩ ⲙⲙⲟⲛ ⲕⲉⲛⲟⲩϯ ⲛϣⲉⲙⲙⲟ ⲛⲉⲙⲱⲟⲩ ⲡⲉ	ⲡ̀ϭⲟⲓⲥ ⲙ̀ⲙⲁⲩⲁⲧϥ ⲡⲉ ⲉⲧⲁϥⲉⲛⲟⲩ ⲟⲩⲟϩ ⲙ̀ⲙⲟⲛ ⲕⲉⲛⲟⲩϯ ⲛ̀ϣⲉⲙⲙⲟ ⲛⲉⲙⲱⲟⲩ ⲡⲉ	p̀ċois m̀mavatf pe etafenou ouoh m̀mon kenouti ǹṡemmo nemōou pe	the Lord alone led them, there was no strange god with them.
32:13	ⲁϥⲉⲛⲟⲩ ⲉϩⲣⲏⲓ ⲉϫⲉⲛⲑⲛⲟⲙϯ ⲙⲡⲓⲕⲁϩⲓ ⲟⲩⲟϩ ⲁϥⲧⲉⲙⲙⲱⲟⲩ ⲛϩⲁⲛⲟⲩⲧⲁϩ ⲛⲧⲉϩⲁⲛⲕⲟⲓ ⲁⲩϭⲓ ⲙⲛⲟϯ ⲛⲟⲩⲉⲃⲓⲱ ⲉⲃⲟⲗ ϧⲉⲛⲟⲩⲡⲉⲧⲣⲁ ⲟⲩⲟϩ ⲟⲩⲛⲉϩ ⲉⲃⲟⲗ ϧⲉⲛⲟⲩⲡⲉⲧⲣⲁ ⲉⲥϫⲟⲣ	ⲁϥⲉⲛⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲑⲛⲟⲙϯ ⲛ̀ⲡⲓⲕⲁϩⲓ ⲟⲩⲟϩ ⲁϥⲧⲉⲙⲙⲱⲟⲩ ⲛ̀ϩⲁⲛⲟⲩⲧⲁϩ ⲛ̀ⲧⲉ ϩⲁⲛⲕⲟⲓ ⲁⲩϭⲓ ⲙ̀ⲛⲟϯ ⲛ̀ⲟⲩⲉ̀ⲃⲓⲱ ⲉ̀ⲃⲟⲗ ϧⲉⲛ ⲟⲩⲡⲉⲧⲣⲁ ⲟⲩⲟϩ ⲟⲩⲛⲉϩ ⲉ̀ⲃⲟⲗ ϧⲉⲛ ⲟⲩⲡⲉⲧⲣⲁ ⲉⲥϫⲟⲣ	afenou èh̀ryi èjen θnomti ǹpikahi ouoh aftemmōou ǹhanoutah ǹte hankoi avċi m̀noti ǹouèviō èvol xen oupetra ouoh ouneh èvol xen oupetra esgor	He brought them up on the strength of the land; he fed them with the fruits of the fields; they sucked honey out of the rock, and oil out of the solid rock.
32:14	ⲟⲩϭⲉⲗⲓ ⲛⲧⲉϩⲁⲛⲉϩⲱⲟⲩ ⲛⲉⲙⲟⲩⲉⲣⲱϯ ⲛⲧⲉϩⲁⲛⲉⲥⲱⲟⲩ ⲛⲉⲙⲟⲩⲱⲧ ⲛϩⲓⲏⲃ ⲛⲉⲙⲛⲧⲉϩⲁⲛⲱⲓⲗⲓ ϩⲁⲛϣⲏⲣⲓ ⲛⲧⲉϩⲁⲛⲙⲁⲥⲓ ⲛⲉⲙϩⲁⲛⲃⲁⲣⲏⲓⲧ ⲛⲉⲙⲟⲩⲱⲧ ⲛϭⲗⲱⲧ ⲛⲧⲉⲟⲩⲥⲟⲩⲟ ⲟⲩⲟϩ ⲟⲩⲥⲛⲟϥ ⲛⲁⲗⲟⲗⲓ ⲁⲩⲥⲟϥ ⲛⲏⲣⲡ	ⲟⲩϭⲉⲗⲓ ⲛ̀ⲧⲉ ϩⲁⲛⲉϩⲱⲟⲩ ⲛⲉⲙ ⲟⲩⲉⲣⲱϯ ⲛ̀ⲧⲉ ϩⲁⲛⲉ̀ⲥⲱⲟⲩ ⲛⲉⲙ ⲟⲩⲱⲧ ⲛ̀ϩⲓⲏⲃ ⲛⲉⲙ ⲛ̀ⲧⲉ ϩⲁⲛⲱⲓⲗⲓ ϩⲁⲛϣⲏⲣⲓ ⲛ̀ⲧⲉ ϩⲁⲛⲙⲁⲥⲓ ⲛⲉⲙ ϩⲁⲛⲃⲁⲣⲏⲓⲧ ⲛⲉⲙ ⲟⲩⲱⲧ ⲛ̀ϭⲗⲱⲧ ⲛ̀ⲧⲉ ⲟⲩⲥⲟⲩⲟ̀ ⲟⲩⲟϩ ⲟⲩⲥ̀ⲛⲟϥ ⲛⲁⲗⲟⲗⲓ ⲁⲩⲥⲟϥ ⲛ̀ⲏⲣⲡ	ouċeli ǹte hanehōou nem ouerōti ǹte hanèsōou nem ouōt ǹhiyb nem ǹte hanōili hanṡyri ǹte hanmasi nem hanvaryit nem ouōt ǹċlōt ǹte ousouò ouoh ous̀nof naloli avsof ǹyrp	Butter of cows, and milk of sheep, with the fat of lambs and rams, of calves and kids, with fat of kidneys of wheat; and he drank wine, the blood of the grape.
32:15	ⲟⲩⲟϩ ⲁϥⲟⲩⲱⲙ ⲛϫⲉⲓⲁⲕⲱⲃ ⲟⲩⲟϩ ⲁϥⲥⲓ ⲁϥϧⲑⲁⲓ ⲟⲩⲟϩ ⲁϥϩⲓⲑⲣⲏⲃ ⲉⲃⲟⲗ ⲛϫⲉⲡⲓⲙⲉⲛⲣⲓⲧ ⲁϥⲕⲉⲛⲓ ⲟⲩⲟϩ ⲁϥϧⲑⲁⲓ ⲟⲩⲟϩ ⲁϥⲟⲩⲱϣⲥ ⲉⲃⲟⲗ ⲟⲩⲟϩ ⲁϥⲭⲁ ⲫⲛⲟⲩϯ ⲛⲥⲱϥ ⲫⲏ ⲉⲧⲁϥⲑⲁⲙⲓⲟϥ ⲁϥϣⲉⲛⲁϥ ⲉⲃⲟⲗ ϩⲁⲫⲛⲟⲩϯ ⲡⲉϥⲥⲱⲧⲏⲣ	ⲟⲩⲟϩ ⲁϥⲟⲩⲱⲙ ⲛ̀ϫⲉ ⲓⲁⲕⲱⲃ ⲟⲩⲟϩ ⲁϥⲥⲓ ⲁϥϧⲑⲁⲓ ⲟⲩⲟϩ ⲁϥϩⲓⲑⲣⲏⲃ ⲉ̀ⲃⲟⲗ ⲛ̀ϫⲉ ⲡⲓⲙⲉⲛⲣⲓⲧ ⲁϥⲕⲉⲛⲓ ⲟⲩⲟϩ ⲁϥϧⲑⲁⲓ ⲟⲩⲟϩ ⲁϥⲟⲩⲱϣⲥ ⲉ̀ⲃⲟⲗ ⲟⲩⲟϩ ⲁϥⲭⲁ ⲫ̀ⲛⲟⲩϯ ⲛ̀ⲥⲱϥ ⲫⲏ ⲉⲧⲁϥⲑⲁⲙⲓⲟϥ ⲁϥϣⲉⲛⲁϥ ⲉ̀ⲃⲟⲗ ϩⲁ ⲫ̀ⲛⲟⲩϯ ⲡⲉϥⲥⲱⲧⲏⲣ	ouoh afouōm ǹje iakōb ouoh afsi afxθai ouoh afhiθryb èvol ǹje pimenrit afkeni ouoh afxθai ouoh afouōṡs èvol ouoh afka f̀nouti ǹsōf fy etafθamiof afṡenaf èvol ha f̀nouti pefsōtyr	So Jacob ate and was filled, and the beloved one kicked; he grew fat, he became thick and broad: then he forsook the God that made him, and departed from God his Saviour.
32:16	ⲁⲩϯϫⲱⲛⲧ ⲛⲏⲓ ⲉϩⲣⲏⲓ ⲉϫⲉⲛϩⲁⲛϣⲉⲙⲙⲱⲟⲩ ⲁⲩϯⲙⲃⲟⲛ ⲛⲏⲓ ⲛϧⲣⲏⲓ ϧⲉⲛⲟⲩⲥⲱϥ	ⲁⲩϯϫⲱⲛⲧ ⲛⲏⲓ ⲉ̀ϩ̀ⲣⲏⲓ ⲉ̀ϫⲉⲛ ϩⲁⲛϣⲉⲙⲙⲱⲟⲩ ⲁⲩϯⲙⲃⲟⲛ ⲛⲏⲓ ⲛ̀ϧ̀ⲣⲏⲓ ϧⲉⲛ ⲟⲩⲥⲱϥ	avtigōnt nyi èh̀ryi èjen hanṡemmōou avtimvon nyi ǹx̀ryi xen ousōf	They provoked me to anger with strange gods; with their abominations they bitterly angered me.
32:17	ⲁⲩⲉⲣϣⲟⲩϣⲱⲟⲩϣⲓ ⲛϩⲁⲛⲇⲉⲙⲱⲛ ⲟⲩⲟϩ ⲙⲫⲛⲟⲩϯ ⲁⲛ ϩⲁⲛⲛⲟⲩϯ ⲛⲥⲉⲥⲱⲟⲩⲛ ⲙⲙⲱⲟⲩ ⲁⲛ ϩⲁⲛⲃⲉⲣⲓ ⲁⲩⲓ ϯⲛⲟⲩⲛⲏ ⲉⲛⲁⲣⲉⲛⲟⲩⲓⲟϯ ⲥⲱⲟⲩⲛ ⲙⲙⲱⲟⲩ ⲁⲛ ⲡⲉ	ⲁⲩⲉⲣϣⲟⲩϣⲱⲟⲩϣⲓ ⲛ̀ϩⲁⲛⲇⲉⲙⲱⲛ ⲟⲩⲟϩ ⲛ̀ⲫ̀ⲛⲟⲩϯ ⲁⲛ ϩⲁⲛⲛⲟⲩϯ ⲛ̀ⲧⲟⲩⲥⲱⲟⲩⲛ ⲙ̀ⲙⲱⲟⲩ ⲁⲛ ϩⲁⲛⲃⲉⲣⲓ ⲁⲩⲓ̀ ϯⲛⲟⲩⲛⲏ ⲉⲛⲁⲣⲉ ⲛⲟⲩⲓⲟϯ ⲥⲱⲟⲩⲛ ⲙ̀ⲙⲱⲟⲩ ⲁⲛ ⲡⲉ	averṡouṡōouṡi ǹhanḋemōn ouoh ǹf̀nouti an hannouti ǹtousōoun m̀mōou an hanveri avì tinouny enare nouioti sōoun m̀mōou an pe	They sacrificed to devils, and not to God; to gods whom they knew not: new and fresh gods came in, whom their fathers knew not.
32:18	ⲫⲛⲟⲩϯ ⲉⲧⲁϥϫⲫⲟⲕ ⲁⲕⲭⲁϥ ⲛⲥⲱⲕ ⲟⲩⲟϩ ⲁⲕⲉⲣⲡⲱⲃϣ ⲙⲫⲛⲟⲩϯ ⲉⲧϣⲁⲛϣ ⲙⲙⲟⲕ	ⲫ̀ⲛⲟⲩϯ ⲉⲧⲁϥϫⲫⲟⲕ ⲁⲕⲭⲁϥ ⲛ̀ⲥⲱⲕ ⲟⲩⲟϩ ⲁⲕⲉⲣⲡⲱⲃϣ ⲛ̀ⲫ̀ⲛⲟⲩϯ ⲉⲧϣⲁⲛϣ ⲙ̀ⲙⲟⲕ	f̀nouti etafgfok akkaf ǹsōk ouoh akerpōvṡ ǹf̀nouti etṡanṡ m̀mok	Thou hast forsaken God that begot thee, and forgotten God who feeds thee.
32:19	ⲁϥⲛⲁⲩ ⲛϫⲉⲡϭⲟⲓⲥ ⲟⲩⲟϩ ⲁϥⲭⲟϩ ⲟⲩⲟϩ ⲁϥⲙⲃⲟⲛ ⲉⲑⲃⲉⲡⲓϫⲱⲛⲧ ⲛⲧⲉⲛⲉϥϣⲏⲣⲓ ⲛⲉⲙⲛⲉⲛϣⲉⲣⲓ	ⲁϥⲛⲁⲩ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲭⲟϩ ⲟⲩⲟϩ ⲁϥⲙ̀ⲃⲟⲛ ⲉⲑⲃⲉ ⲡⲓϫⲱⲛⲧ ⲛ̀ⲧⲉ ⲛⲉϥϣⲏⲣⲓ ⲛⲉⲙ ⲛⲉⲛϣⲉⲣⲓ	afnav ǹje p̀ċois ouoh afkoh ouoh afm̀von eθve pigōnt ǹte nefṡyri nem nenṡeri	And the Lord saw, and was jealous; and was provoked by the anger of his sons and daughters,
32:20	ⲟⲩⲟϩ ⲁϥϫⲟⲥ ϫⲉⲉⲓⲉⲫⲉⲛϩ ⲡⲁϩⲟ ⲥⲁⲃⲟⲗ ⲙⲙⲱⲟⲩ ⲟⲩⲟϩ ⲉⲓⲉⲧⲁⲙⲱⲟⲩ ϫⲉⲟⲩ ⲡⲉ ⲉⲑⲛⲁϣⲱⲡⲓ ⲙⲙⲱⲟⲩ ⲉⲡϧⲁⲉ ϫⲉⲟⲩϫⲱⲟⲩ ⲉϥⲫⲟⲛϩ ⲡⲉ ϩⲁⲛϣⲏⲣⲓ ⲛⲉ ⲙⲙⲟⲛ ⲛⲁϩϯ ⲛϧⲏⲧⲟⲩ ⲛⲑⲱⲟⲩ	ⲟⲩⲟϩ ⲁϥϫⲟⲥ ϫⲉ ⲉⲓⲉ̀ⲫⲉⲛϩ ⲡ̀ⲁϩⲟ ⲥⲁⲃⲟⲗ ⲙ̀ⲙⲱⲟⲩ ⲟⲩⲟϩ ⲉ̀ⲓⲉⲧⲁⲙⲱⲟⲩ ϫⲉ ⲟⲩ ⲡⲉ ⲉⲑⲛⲁϣⲱⲡⲓ ⲙ̀ⲙⲱⲟⲩ ⲉ̀ⲡ̀ϧⲁⲉ̀ ϫⲉ ⲟⲩϫⲱⲟⲩ ⲉϥⲫⲟⲛϩ ⲡⲉ ϩⲁⲛϣⲏⲣⲓ ⲛⲉ ⲙ̀ⲙⲟⲛ ⲛⲁϩϯ ⲛ̀ϧⲏⲧⲟⲩ ⲛ̀ⲑⲱⲟⲩ	ouoh afgos je eièfenh p̀aho savol m̀mōou ouoh èietamōou je ou pe eθnaṡōpi m̀mōou èp̀xaè je ougōou effonh pe hanṡyri ne m̀mon nahti ǹxytou ǹθōou	and said, I will turn away my face from them, and will show what shall happen to them in the last days; for it is a perverse generation, sons in whom is no faith.
32:21	ⲁⲩϯⲭⲟϩ ⲛⲏⲓ ⲉϫⲉⲛⲫⲏ ⲉⲧⲉⲛⲟⲩⲉⲑⲛⲟⲥ ⲁⲛ ⲡⲉ ⲁⲩϯϫⲱⲛⲧ ⲛⲏⲓ ϧⲉⲛⲛⲟⲩⲓⲇⲱⲗⲟⲛ ⲁⲛⲟⲕ ϩⲱ ⲉⲓⲉϯⲭⲟϩ ⲛⲱⲟⲩ ⲉϧⲣⲏⲓ ⲉϫⲉⲛⲫⲏ ⲉⲧⲉⲛⲟⲩⲛⲟⲩϯ ⲁⲛ ⲡⲉ ⲉϫⲉⲛⲟⲩⲉⲑⲛⲟⲥ ⲙⲙⲟⲛ ⲕⲁϯ ⲙⲙⲟϥ ⲉⲓⲉϯϫⲱⲛⲧ ⲛⲱⲟⲩ ⲉϧⲣⲏⲓ ⲉϫⲱϥ	ⲁⲩϯⲭⲟϩ ⲛⲏⲓ ⲉ̀ϫⲉⲛ ⲫⲏ ⲉ̀ⲧⲉ ⲛⲟⲩⲉⲑⲛⲟⲥ ⲁⲛ ⲡⲉ ⲁⲩϯϫⲱⲛⲧ ⲛⲏⲓ ϧⲉⲛ ⲛ̀ⲟⲩⲓⲇⲱⲗⲟⲛ ⲁⲛⲟⲕ ϩⲱ ⲉ̀ⲓⲉϯⲭⲟϩ ⲛⲱⲟⲩ ⲉ̀ϧ̀ⲣⲏⲓ ⲉ̀ϫⲉⲛ ⲫⲏ ⲉ̀ⲧⲉ ⲛⲟⲩⲛⲟⲩϯ ⲁⲛ ⲡⲉ ⲉ̀ϫⲉⲛ ⲟⲩⲉⲑⲛⲟⲥ ⲙ̀ⲙⲟⲛ ⲕⲁϯ ⲙ̀ⲙⲟϥ ⲓⲉϯϫⲱⲛⲧ ⲛⲱⲟⲩ ⲉ̀ϧ̀ⲣⲏⲓ ⲉ̀ϫⲱϥ	avtikoh nyi èjen fy ète noueθnos an pe avtigōnt nyi xen ǹouiḋōlon anok hō èietikoh nōou èx̀ryi èjen fy ète nounouti an pe èjen oueθnos m̀mon kati m̀mof ietigōnt nōou èx̀ryi ègōf	They have provoked me to jealousy with that which is not God, they have exasperated me with their idols; and I will provoke them to jealousy with them that are no nation, I will anger them with a nation void of understanding.
32:22	ϫⲉⲟⲩⲭⲣⲱⲙ ⲁϥⲙⲟϩ ϧⲉⲛⲡⲁⲙⲃⲟⲛ ⲉϥⲉⲣⲱⲕϩ ϣⲁⲉϧⲣⲏⲓ ⲉⲁⲙⲉⲛϯ ⲉϥⲉⲟⲩⲱⲙ ⲙⲡⲓⲕⲁϩⲓ ⲛⲉⲙⲛⲉϥⲟⲩⲧⲁϩ ⲉϥⲉⲧϩⲉⲙⲙⲟ ⲛϩⲁⲛⲥⲉⲛϯ ⲛⲧⲉϩⲁⲛⲧⲱⲟⲩ	ϫⲉ ⲟⲩⲭ̀ⲣⲱⲙ ⲁϥⲙⲟϩ ϧⲉⲛ ⲡⲁⲙ̀ⲃⲟⲛ ⲉϥⲉ̀ⲣⲱⲕϩ ϣⲁ ⲉ̀ϧ̀ⲣⲏⲓ ⲉ̀ⲁ̀ⲙⲉⲛϯ ⲉϥⲉ̀ⲟⲩⲱⲙ ⲛ̀ⲡⲓⲕⲁϩⲓ ⲛⲉⲙ ⲛⲉϥⲟⲩⲧⲁϩ ⲉϥⲉ̀ⲧϩⲉⲙⲙⲟ ⲛ̀ϩⲁⲛⲥⲉⲛϯ ⲛ̀ⲧⲉ ϩⲁⲛⲧⲱⲟⲩ	je ouk̀rōm afmoh xen pam̀von efèrōk·h ṡa èx̀ryi èàmenti efèouōm ǹpikahi nem nefoutah efèt·hemmo ǹhansenti ǹte hantōou	For a fire has been kindled out of my wrath, it shall burn to hell below; it shall devour the land, and the fruits of it; it shall set on fire the foundations of the mountains.
32:23	ⲉⲓⲉⲑⲱⲟⲩϯ ⲛϩⲁⲛⲡⲉⲧϩⲱⲟⲩ ⲉϧⲣⲏⲓ ⲉϫⲱⲟⲩ ⲟⲩⲟϩ ⲛⲁⲥⲟⲑⲛⲉϥ ⲉⲓⲉⲙⲟⲛⲕⲟⲩ ⲉϧⲟⲩⲛ ⲉⲣⲱⲟⲩ	ⲉⲓⲉ̀ⲑⲱⲟⲩϯ ⲛ̀ϩⲁⲛⲡⲉⲧϩⲱⲟⲩ ⲉ̀ϧ̀ⲣⲏⲓ ⲉ̀ϫⲱⲟⲩ ⲟⲩⲟϩ ⲛⲁⲥⲟⲑⲛⲉϥ ⲉⲓⲉ̀ⲙⲟⲛⲕⲟⲩ ⲉ̀ϧⲟⲩⲛ ⲉ̀ⲣⲱⲟⲩ	eièθōouti ǹhanpet·hōou èx̀ryi ègōou ouoh nasoθnef eièmonkou èxoun èrōou	I will gather evils upon them, and will fight with my weapons against them.
32:24	ⲉⲩⲃⲏⲗ ⲉⲃⲟⲗ ⲛⲧⲉⲛⲡⲓϩⲕⲟ ⲟⲩⲟϩ ⲉⲩⲟⲓ ⲛϧⲣⲉ ⲛⲛⲓϩⲁⲗⲁϯ ⲛⲉⲙⲟⲩⲉⲡⲓⲥⲑⲟⲧⲟⲛⲟⲥ ⲛⲁⲧⲧⲁⲗϭⲟ ϩⲁⲛⲛⲁϫϩⲓ ⲛⲧⲉϩⲁⲛⲑⲏⲣⲓⲟⲛ ⲉⲓⲉⲟⲩⲟⲣⲡⲟⲩ ⲉϧⲟⲩⲛ ⲉⲣⲱⲟⲩ ⲛⲉⲙⲟⲩⲙⲃⲟⲛ ⲛⲧⲉⲛⲏ ⲉⲧⲱϣϯ ϩⲓϫⲉⲛⲡⲕⲁϩⲓ	ⲉⲩⲃⲏⲗ ⲉ̀ⲃⲟⲗ ⲛ̀ⲧⲉⲛ ⲡⲓϩⲕⲟ ⲟⲩⲟϩ ⲉⲩⲟⲓ ⲛ̀ϧⲣⲉ ⲛ̀ⲛⲓϩⲁⲗⲁϯ ⲛⲉⲙ ⲟⲩⲉⲡⲓⲥⲑⲟⲧⲟⲛⲟⲥ ⲛ̀ⲁⲧⲧⲁⲗϭⲟ ϩⲁⲛⲛⲁϫϩⲓ ⲛ̀ⲧⲉ ϩⲁⲛⲑⲏⲣⲓⲟⲛ ⲉⲓⲉⲟⲩⲟⲣⲡⲟⲩ ⲉ̀ϧⲟⲩⲛ ⲉ̀ⲣⲱⲟⲩ ⲛⲉⲙ ⲟⲩⲙ̀ⲃⲟⲛ ⲛ̀ⲧⲉ ⲛⲏ ⲉⲧⲱϣϯ ϩⲓϫⲉⲛ ⲡ̀ⲕⲁϩⲓ	evvyl èvol ǹten pihko ouoh evoi ǹxre ǹnihalati nem ouepisθotonos ǹattalċo hannaghi ǹte hanθyrion eieouorpou èxoun èrōou nem oum̀von ǹte ny etōṡti hijen p̀kahi	They shall be consumed with hunger and the devouring of birds, and there shall be irremediable destruction: I will send forth against them the teeth of wild beasts, with the rage of serpents creeping on the ground.
32:25	ⲉⲥⲉⲁⲓⲧⲟⲩ ⲛⲁⲧϣⲏⲣⲓ ⲛϫⲉⲟⲩⲥⲏϥⲓ ϣⲁⲉⲃⲟⲗ ⲛⲉⲙⲟⲩϩⲟϯ ⲉⲃⲟⲗ ϧⲉⲛⲛⲓⲧⲁⲙⲓⲟⲛ ⲟⲩϧⲉⲗϣⲓⲣⲓ ⲛⲉⲙⲟⲩⲡⲁⲣⲑⲉⲛⲟⲥ ⲫⲏ ⲉⲧϭⲓⲙⲛⲟϯ ⲛⲉⲙⲟⲩϧⲉⲗⲗⲟ ⲉⲁϥⲥⲉⲙⲛⲏⲧϥ	ⲉⲥⲉⲁⲓⲧⲟⲩ ⲛⲁⲧϣⲏⲣⲓ ⲛ̀ϫⲉ ⲟⲩⲥⲏϥⲓ ϣⲁⲉ̀ⲃⲟⲗ ⲛⲉⲙ ⲟⲩϩⲟϯ ⲉ̀ⲃⲟⲗ ϧⲉⲛ ⲛⲓⲧⲁⲙⲓⲟⲛ ⲟⲩϧⲉⲗϣⲓⲣⲓ ⲛⲉⲙ ⲟⲩⲡⲁⲣⲑⲉⲛⲟⲥ ⲫⲏ ⲉⲧϭⲓⲙⲛⲟϯ ⲛⲉⲙ ⲟⲩϧⲉⲗⲗⲟ ⲉⲁϥⲥⲉⲙⲛⲏⲧϥ	eseaitou natṡyri ǹje ousyfi ṡaèvol nem ouhoti èvol xen nitamion ouxelṡiri nem ouparθenos fy etċimnoti nem ouxello eafsemnytf	Without, the sword shall bereave them of children, and terror shall issue out of the secret chambers; the young man shall perish with the virgin, the suckling with him who has grown old.
32:26	ⲁⲓϫⲟⲥ ϫⲉⲉⲓⲉϫⲟⲣⲟⲩ ⲉⲃⲟⲗ ⲡⲟⲩⲙⲉⲩⲓ ⲇⲉ ⲉⲓⲉⲧⲁⲗϭⲟϥ ⲉⲃⲟⲗ ϧⲉⲛⲛⲓⲣⲱⲙⲓ	ⲁⲓϫⲟⲥ ϫⲉ ⲉⲓⲉ̀ϫⲟⲣⲟⲩ ⲉ̀ⲃⲟⲗ ⲡⲟⲩⲙⲉⲩⲓ ⲇⲉ ⲉⲓⲉ̀ⲧⲁⲗϭⲟϥ ⲉ̀ⲃⲟⲗ ϧⲉⲛ ⲛⲓⲣⲱⲙⲓ	aigos je eiègorou èvol poumevi ḋe eiètalċof èvol xen nirōmi	I said, I will scatter them, and I will cause their memorial to cease from among men.
32:27	ⲉⲃⲏⲗ ⲉⲑⲃⲉⲡϫⲱⲛⲧ ⲛⲧⲉϩⲁⲛϫⲁϫⲓ ϩⲓⲛⲁ ⲛⲧⲟⲩϣⲧⲉⲙⲉⲣ ⲛⲉⲃⲁϩⲓ ⲟⲩⲟϩ ϩⲓⲛⲁ ⲛⲧⲟⲩϣⲧⲉⲙⲧⲱⲟⲩⲛ ⲉϫⲱⲟⲩ ⲛϫⲉⲛⲏ ⲉⲧϯ ⲟⲩⲃⲏⲟⲩ ⲙⲏⲡⲟⲧⲉ ⲛⲧⲟⲩϫⲟⲥ ϫⲉⲧⲉⲛϫⲓϫ ⲉⲧϭⲟⲥⲓ ⲟⲩⲟϩ ⲡϭⲟⲓⲥ ⲁⲛ ⲡⲉ ⲉⲧⲁϥⲉⲣⲛⲁⲓ ⲧⲏⲣⲟⲩ	ⲉ̀ⲃⲏⲗ ⲉⲑⲃⲉ ⲡ̀ϫⲱⲛⲧ ⲛ̀ⲧⲉ ϩⲁⲛϫⲁϫⲓ ϩⲓⲛⲁ ⲛ̀ⲧⲟⲩϣⲧⲉⲙⲉⲣ ⲛⲉⲃⲁϩⲓ ⲟⲩⲟϩ ϩⲓⲛⲁ ⲛ̀ⲧⲟⲩϣⲧⲉⲙⲧⲱⲟⲩⲛ ⲉ̀ϫⲱⲟⲩ ⲛ̀ϫⲉ ⲛⲏ ⲉⲧϯ ⲟⲩⲃⲏⲟⲩ ⲙⲏⲡⲟⲧⲉ ⲛ̀ⲧⲟⲩϫⲟⲥ ϫⲉ ⲧⲉⲛϫⲓϫ ⲉⲧϭⲟⲥⲓ ⲟⲩⲟϩ ⲡ̀ϭⲟⲓⲥ ⲁⲛ ⲡⲉ ⲉⲧⲁϥⲉⲣⲛⲁⲓ ⲧⲏⲣⲟⲩ	èvyl eθve p̀gōnt ǹte hangaji hina ǹtouṡtemer nevahi ouoh hina ǹtouṡtemtōoun ègōou ǹje ny etti ouvyou mypote ǹtougos je tenjig etċosi ouoh p̀ċois an pe etafernai tyrou	Were it not for the wrath of the enemy, lest they should live long, lest their enemies should combine against them; lest they should say, Our own high arm, and not the Lord, has done all these things.
32:28	ϫⲉⲟⲩⲉⲑⲛⲟⲥ ⲡⲉ ⲉⲧⲁϥⲧⲁⲕⲟ ⲙⲡⲉϥⲥⲟϭⲛⲓ ⲟⲩⲟϩ ⲉⲡⲓⲥⲧⲏⲙⲓ ⲛϧⲏⲧⲟⲩ	ϫⲉ ⲟⲩⲉⲑⲛⲟⲥ ⲡⲉ ⲉⲧⲁϥⲧⲁⲕⲟ ⲛ̀ⲡⲉϥⲥⲟϭⲛⲓ ⲟⲩⲟϩ ⲉ̀ⲡⲓⲥⲧⲏⲙⲓ ⲛ̀ϧⲏⲧⲟⲩ	je oueθnos pe etaftako ǹpefsoċni ouoh èpistymi ǹxytou	It is a nation that has lost counsel, neither is there understanding in them.
32:29	ⲙⲡⲟⲩⲉⲣⲥⲁⲃⲉ ⲉⲕⲁϯ ⲉⲛⲁⲓ ⲙⲁⲣⲟⲩϣⲟⲡⲟⲩ ⲉⲣⲱⲟⲩ ϧⲉⲛⲡⲓⲥⲏⲟⲩ ⲉⲑⲛⲏⲟⲩ	ⲙ̀ⲡⲟⲩⲉⲣⲥⲁⲃⲉ ⲉ̀ⲕⲁϯ ⲉ̀ⲛⲁⲓ ⲙⲁⲣⲟⲩϣⲟⲡⲟⲩ ⲉ̀ⲣⲱⲟⲩ ϧⲉⲛ ⲡⲓⲥⲏⲟⲩ ⲉⲑⲛⲏⲟⲩ	m̀pouersave èkati ènai marouṡopou èrōou xen pisyou eθnyou	They had not sense to understand: let them reserve these things against the time to come.
32:30	ⲡⲱⲥ ⲟⲩⲟⲛ ⲟⲩⲁⲓ ϭⲟϫⲓ ⲛⲥⲁⲟⲩϣⲟ ⲟⲩⲟϩ ⲃ̅ ⲛⲧⲟⲩⲕⲓⲙ ⲉϩⲁⲛⲑⲃⲁ ⲉⲃⲏⲗ ϫⲉⲁ ⲫⲛⲟⲩϯ ⲧⲏⲓⲧⲟⲩ ⲟⲩⲟϩ ⲁ ⲡϭⲟⲓⲥ ⲧⲏⲓⲧⲟⲩ ⲉⲧⲟⲧⲟⲩ	ⲡⲱⲥ ⲟⲩⲟⲛ ⲟⲩⲁⲓ ϭⲟϫⲓ ⲛ̀ⲥⲁ ⲟⲩϣⲟ ⲟⲩⲟϩ 2 ⲛ̀ⲧⲟⲩⲕⲓⲙ ⲉ̀ϩⲁⲛⲑⲃⲁ ⲉ̀ⲃⲏⲗ ϫⲉ ⲁ ⲫ̀ⲛⲟⲩϯ ⲧⲏⲓⲧⲟⲩ ⲟⲩⲟϩ ⲁ ⲡ̀ϭⲟⲓⲥ ⲧⲏⲓⲧⲟⲩ ⲉ̀ⲧⲟⲧⲟⲩ	pōs ouon ouai ċoji ǹsa ouṡo ouoh 2 ǹtoukim èhanθva èvyl je a f̀nouti tyitou ouoh a p̀ċois tyitou ètotou	How should one pursue a thousand, and two rout tens of thousands, if God had not sold them, and the Lord delivered them up?
32:31	ϫⲉⲛⲟⲩⲛⲟⲩϯ ⲁⲩ ⲙⲫⲣⲏϯ ⲙⲡⲉⲛⲛⲟⲩϯ ⲁⲛ ⲛⲉⲛϫⲁϫⲓ ⲇⲉ ϩⲁⲛⲁⲛⲟⲏⲧⲟⲥ ⲛⲉ	ϫⲉ ⲛ̀ⲟⲩⲛⲟⲩϯ ⲁⲩ ⲛ̀ⲫ̀ⲣⲏϯ ⲛ̀ⲡⲉⲛⲛⲟⲩϯ ⲁⲛ ⲛⲉⲛϫⲁϫⲓ ⲇⲉ ϩⲁⲛⲁⲛⲟⲏⲧⲟⲥ ⲛⲉ	je ǹounouti av ǹf̀ryti ǹpennouti an nengaji ḋe hananoytos ne	For their gods are not as our God, but our enemies are void of understanding.
32:32	ⲉⲃⲟⲗ ⲅⲁⲣ ϧⲉⲛⲑⲃⲱ ⲛⲁⲗⲟⲗⲓ ⲛⲥⲟⲇⲟⲙⲁ ⲡⲉ ⲧⲟⲩⲃⲱ ⲛⲁⲗⲟⲗⲓ ⲟⲩⲟϩ ⲡⲟⲩⲕⲗⲏⲙⲁ ⲟⲩ ⲉⲃⲟⲗ ϧⲉⲛⲅⲟⲙⲟⲣⲣⲁ ⲡⲉ ⲟⲩⲟϩ ⲡⲟⲩⲁⲗⲟⲗⲓ ⲟⲩⲁⲗⲟⲗⲓ ⲛⲭⲗⲟⲏ ⲡⲉ ⲟⲩⲟϩ ⲟⲩⲥⲙⲁϩ ⲛϣⲁϣⲓ ⲛⲱⲟⲩ ⲡⲉ	ⲉ̀ⲃⲟⲗ ⲅⲁⲣ ϧⲉⲛ ⲑⲃⲱ ⲛⲁⲗⲟⲗⲓ ⲛ̀ⲥⲟⲇⲟⲙⲁ ⲡⲉ ⲧⲟⲩⲃⲱ ⲛⲁⲗⲟⲗⲓ ⲟⲩⲟϩ ⲡⲟⲩⲕⲗⲏⲙⲁ ⲟⲩ ⲉ̀ⲃⲟⲗ ϧⲉⲛ ⲅⲟⲙⲟⲣⲣⲁ ⲡⲉ ⲟⲩⲟϩ ⲡⲟⲩⲁ̀ⲗⲟⲗⲓ ⲟⲩⲁ̀ⲗⲟⲗⲓ ⲛ̀ⲭ̀ⲗⲟⲏ̀ ⲡⲉ ⲟⲩⲟϩ ⲟⲩⲥⲙⲁϩ ⲛ̀ϣⲁϣⲓ ⲛⲱⲟⲩ ⲡⲉ	èvol ġar xen θvō naloli ǹsodoma pe touvō naloli ouoh pouklyma ou èvol xen ġomorra pe ouoh pouàloli ouàloli ǹx̀loỳ pe ouoh ousmah ǹṡaṡi nōou pe	For their vine is of the vine of Sodom, and their vine-branch of Gomorrha: their grape is a grape of gall, their cluster is one of bitterness.
32:33	ⲟⲩⲙⲁⲑⲟⲩⲓ ⲛⲇⲣⲁⲕⲱⲛ ⲡⲉ ⲡⲟⲩⲏⲣⲡ ⲛⲉⲙⲟⲩⲙⲁⲑⲟⲩⲓ ⲛϩⲟϥ ⲛⲁⲧⲧⲁⲗϭⲟ	ⲟⲩⲙⲁⲑⲟⲩⲓ ⲛ̀ⲇ̀ⲣⲁⲕⲱⲛ ⲡⲉ ⲡⲟⲩⲏⲣⲡ ⲛⲉⲙ ⲟⲩⲙⲁⲑⲟⲩⲓ ⲛ̀ϩⲟϥ ⲛ̀ⲁⲧⲧⲁⲗϭⲟ	oumaθoui ǹḋ̀rakōn pe pouyrp nem oumaθoui ǹhof ǹattalċo	Their wine is the rage of serpents, and the incurable rage of asps.
32:34	ⲙⲏ ⲓⲥ ⲛⲁⲓ ⲁⲛ ⲥⲉⲑⲟⲩⲏⲧ ⲛⲧⲟⲧⲟⲩⲟϩ ⲥⲉⲧⲟⲃ ϧⲉⲛⲛⲁⲁϩⲱⲣ	ⲙⲏ ⲓⲥ ⲛⲁⲓ ⲁⲛ ⲥⲉⲑⲟⲩⲏⲧ ⲛ̀ⲧⲟⲧⲟⲩⲟϩ ⲥⲉⲧⲟⲃ ϧⲉⲛ ⲛⲁⲁ̀ϩⲱⲣ	my is nai an seθouyt ǹtotouoh setob xen naàhōr	Lo! are not these things stored up by me, and sealed among my treasures?
32:35	ϧⲉⲛⲡⲓⲉϩⲟⲟⲩ ⲛⲧⲉⲡⲓϭⲓⲙⲡϣⲓϣ ⲉⲓⲉϯϣⲉⲃⲓⲱ ⲛⲱⲟⲩ ϧⲉⲛⲡⲥⲏⲟⲩ ⲅⲁⲣ ϩⲟⲧⲁⲛ ⲁⲥϣⲁⲛϣⲱϥⲧ ⲛϫⲉⲧⲟⲩⲫⲁⲧ ϫⲉϥϧⲉⲛⲧ ⲛϫⲉⲡⲉϩⲟⲟⲩ ⲛⲧⲉⲡⲟⲩⲧⲁⲕⲟ ⲟⲩⲟϩ ⲥⲉϣⲟⲡ ⲉⲩⲥⲉⲃⲧⲱⲧ ⲛⲱⲧⲉⲛ	ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲓϭⲓⲙⲡϣⲓϣ ⲓⲉϯϣⲉⲃⲓⲱ ⲛⲱⲟⲩ ϧⲉⲛ ⲡ̀ⲥⲏⲟⲩ ⲅⲁⲣ ϩⲟⲧⲁⲛ ⲁⲥϣⲁⲛϣⲱϥⲧ ⲛ̀ϫⲉ ⲧⲟⲩⲫⲁⲧ ϫⲉ ϥ̀ϧⲉⲛⲧ ⲛ̀ϫⲉ ⲡⲓⲉ̀ϩⲟⲟⲩ ⲛ̀ⲧⲉ ⲡⲟⲩⲧⲁⲕⲟ ⲟⲩⲟϩ ⲥⲉϣⲟⲡ ⲉⲩⲥⲉⲃⲧⲱⲧ ⲛⲱⲧⲉⲛ	xen pièhoou ǹte piċimpṡiṡ ietiṡeviō nōou xen p̀·syou ġar hotan asṡanṡōft ǹje toufat je f̀xent ǹje pièhoou ǹte poutako ouoh seṡop evsevtōt nōten	In the day of vengeance I will recompense, whensoever their foot shall be tripped up; for the day of their destruction is near to them, and the judgments at hand are close upon you.
32:36	ϫⲉⲡϭⲟⲓⲥ ϩⲟⲧⲁⲛ ⲛⲁϯϩⲁⲡ ⲉⲡⲉϥⲗⲁⲟⲥ ⲟⲩⲟϩ ⲥⲉⲛⲁϯϩⲟ ⲉⲣⲟϥ ⲛϫⲉⲛⲉϥⲉⲃⲓⲁⲓⲕ ⲁϥⲛⲁⲩ ⲅⲁⲣ ⲉⲣⲱⲟⲩ ⲉⲩϣⲏⲗ ⲉⲃⲟⲗ ⲟⲩⲟϩ ⲉⲩⲙⲟⲩⲛⲕ ϧⲉⲛⲛⲏ ⲉⲧⲁⲩⲉⲛⲟⲩ ⲉⲃⲟⲗ	ϫⲉ ⲡ̀ϭⲟⲓⲥ ϩⲟⲧⲁⲛ ⲛⲁϯϩⲁⲡ ⲉ̀ⲡⲉϥⲗⲁⲟⲥ ⲟⲩⲟϩ ⲥⲉⲛⲁϯϩⲟ ⲉ̀ⲣⲟϥ ⲛ̀ϫⲉ ⲛⲉϥⲉ̀ⲃⲓⲁⲓⲕ ⲁϥⲛⲁⲩ ⲅⲁⲣ ⲉ̀ⲣⲱⲟⲩ ⲉⲩϣⲏⲗ ⲉ̀ⲃⲟⲗ ⲟⲩⲟϩ ⲉⲩⲙⲟⲩⲛⲕ ϧⲉⲛ ⲛⲏ ⲉⲧⲁⲩⲉⲛⲟⲩ ⲉ̀ⲃⲟⲗ	je p̀ċois hotan natihap èpeflaos ouoh senatiho èrof ǹje nefèviaik afnav ġar èrōou evṡyl èvol ouoh evmounk xen ny etavenou èvol	For the Lord shall judge his people, and shall be comforted over his servants; for he saw that they were utterly weakened, and failed in the hostile invasion, and were become feeble:
32:37	ⲟⲩⲟϩ ⲁϥϫⲟⲥ ⲛϫⲉⲡϭⲟⲓⲥ ϫⲉⲁⲩ ⲑⲱⲛ ⲛⲟⲩⲛⲟⲩϯ ⲛⲏ ⲉⲛⲁⲣⲉϩ ⲑⲏⲛⲟⲩ ⲭⲏ ⲉⲣⲱⲟⲩ	ⲟⲩⲟϩ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲁⲩ ⲑⲱⲛ ⲛ̀ⲟⲩⲛⲟⲩϯ ⲛⲏ ⲉⲛⲁ̀ⲣⲉϩ ⲑⲏⲛⲟⲩ ⲭⲏ ⲉ̀ⲣⲱⲟⲩ	ouoh afgos ǹje p̀ċois je av θōn ǹounouti ny enàreh θynou ky èrōou	and the Lord said, Where are their gods on whom they trusted?
32:38	ⲛⲏ ⲉⲛⲁⲣⲉⲧⲉⲛⲟⲩⲱⲙ ⲛⲛⲓⲱⲧ ⲛⲧⲉⲛⲟⲩϣⲟⲩϣⲱⲟⲩϣⲓ ⲟⲩⲟϩ ⲛⲁⲣⲉⲧⲉⲛⲥⲱ ⲙⲡⲓⲏⲣⲡ ⲛⲧⲉⲛⲟⲩⲟⲩⲱⲧⲉⲛ ⲉⲃⲟⲗ ⲙⲁⲣⲟⲩⲧⲱⲟⲩⲛⲟⲩ ⲛⲧⲟⲩⲉⲣⲃⲟⲏⲑⲓⲛ ⲉⲣⲱⲧⲉⲛ ⲟⲩⲟϩ ⲛⲧⲟⲩⲉⲣⲛⲁϣϯ ⲛⲱⲧⲉⲛ	ⲛⲏ ⲉⲛⲁⲣⲉⲧⲉⲛⲟⲩⲱⲙ ⲛ̀ⲛⲓⲱⲧ ⲛ̀ⲧⲉ ⲛⲟⲩϣⲟⲩϣⲱⲟⲩϣⲓ ⲟⲩⲟϩ ⲛⲁⲣⲉⲧⲉⲛⲥⲱ ⲛ̀ⲡⲓⲏⲣⲡ ⲛ̀ⲧⲉⲛⲟⲩⲟⲩⲱⲧⲉⲛ ⲉ̀ⲃⲟⲗ ⲙⲁⲣⲟⲩⲧⲱⲟⲩⲛⲟⲩ ⲛ̀ⲧⲟⲩⲉⲣⲃⲟⲏⲑⲓⲛ ⲉⲣⲱⲧⲉⲛ ⲟⲩⲟϩ ⲛ̀ⲧⲟⲩⲉⲣⲛⲁϣϯ ⲛⲱⲧⲉⲛ	ny enaretenouōm ǹniōt ǹte nouṡouṡōouṡi ouoh naretensō ǹpiyrp ǹtenououōten èvol maroutōounou ǹtouerboyθin erōten ouoh ǹtouernaṡti nōten	the fat of whose sacrifices ye ate, and ye drank the wine of their drink-offerings? let them arise and help you, and be your protectors.
32:39	ⲁⲛⲁⲩ ⲁⲛⲁⲩ ϫⲉⲁⲛⲟⲕ ⲡⲉ ⲟⲩⲟϩ ⲙⲙⲟⲛ ⲕⲉⲟⲩⲁⲓ ⲉⲃⲏⲗ ⲉⲣⲟⲓ ⲁⲛⲟⲕ ⲉⲧϧⲱⲧⲉⲃ ⲟⲩⲟϩ ⲉⲧⲧⲁⲛϧⲟ ⲉⲓⲉϣⲁⲣⲓ ⲟⲩⲟϩ ⲉⲓⲉⲧⲟⲩϫⲟ ϥϣⲟⲡ ⲁⲛ ⲛϫⲉⲫⲏ ⲉⲑⲛⲁϣⲱⲡ ⲉⲣⲱⲟⲩ ⲉⲃⲟⲗ ϧⲉⲛⲛⲁϫⲓϫ	ⲁ̀ⲛⲁⲩ ⲁ̀ⲛⲁⲩ ϫⲉ ⲁⲛⲟⲕ ⲡⲉ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟⲓ ⲁⲛⲟⲕ ⲉⲧϧⲱⲧⲉⲃ ⲟⲩⲟϩ ⲉⲧⲧⲁⲛϧⲟ ⲉⲓⲉ̀ϣⲁⲣⲓ ⲟⲩⲟϩ ⲉⲓⲉ̀ⲧⲟⲩϫⲟ ϥ̀ϣⲟⲡ ⲁⲛ ⲛ̀ϫⲉ ⲫⲏ ⲉⲑⲛⲁϣⲱⲡ ⲉ̀ⲣⲱⲟⲩ ⲉ̀ⲃⲟⲗ ϧⲉⲛ ⲛⲁϫⲓϫ	ànav ànav je anok pe ouoh m̀mon keouai èvyl èroi anok etxōteb ouoh ettanxo eièṡari ouoh eiètougo f̀ṡop an ǹje fy eθnaṡōp èrōou èvol xen najig	Behold, behold that I am he, and there is no god beside me: I kill, and I will make to live: I will smite, and I will heal; and there is none who shall deliver out of my hands.
32:40	ϫⲉϯⲛⲁⲥⲟⲩⲧⲱⲛ ⲧⲁϫⲓϫ ⲉⲧⲫⲉ ⲟⲩⲟϩ ⲛⲧⲁⲱⲣⲕ ⲛⲧⲁⲟⲩⲓⲛⲁⲙ ⲟⲩⲟϩ ⲉⲓⲉϫⲟⲥ ϫⲉϯⲟⲛϧ ⲁⲛⲟⲕ ϣⲁⲉⲛⲉϩ	ϫⲉ ϯⲛⲁⲥⲟⲩⲧⲱⲛ ⲧⲁϫⲓϫ ⲉ̀ⲧ̀ⲫⲉ ⲟⲩⲟϩ ⲛ̀ⲧⲁⲱⲣⲕ ⲛ̀ⲧⲁⲟⲩⲓ̀ⲛⲁⲙ ⲟⲩⲟϩ ⲉⲓⲉ̀ϫⲟⲥ ϫⲉ ϯⲟⲛϧ ⲁⲛⲟⲕ ϣⲁ ⲉ̀ⲛⲉϩ	je tinasoutōn tajig èt̀fe ouoh ǹtaōrk ǹtaouìnam ouoh eiègos je tionx anok ṡa èneh	For I will lift up my hand to heaven, and swear by my right hand, and I will say, I live for ever.
32:41	ϫⲉϯⲛⲁⲑⲣⲉ ⲧⲁⲥⲏϥⲓ ⲙⲃⲟⲛ ⲙⲫⲣⲏϯ ⲛⲟⲩⲥⲉⲧⲉⲃⲣⲏϫ ⲟⲩⲟϩ ⲉⲥⲉⲁⲙⲟⲛⲓ ⲛⲟⲩϩⲁⲡ ⲛϫⲉⲧⲁϫⲓϫ ⲟⲩⲟϩ ⲉⲓⲉϯϣⲉⲃⲓⲱ ⲛⲟⲩϩⲁⲡ ⲛⲛⲁϫⲁϫⲓ ⲟⲩⲟϩ ⲛⲏ ⲉⲑⲙⲟⲥϯ ⲙⲙⲟⲓ ⲉⲓⲉϯϣⲉⲃⲓⲱ ⲛⲱⲟⲩ	ϫⲉ ϯⲛⲁⲑⲣⲉ ⲧⲁⲥⲏϥⲓ ⲙ̀ⲃⲟⲛ ⲛ̀ⲫ̀ⲣⲏϯ ⲛ̀ⲟⲩⲥⲉⲧⲉⲃⲣⲏϫ ⲟⲩⲟϩ ⲉⲥⲉⲁ̀ⲙⲟⲛⲓ ⲛ̀ⲟⲩϩⲁⲡ ⲛ̀ϫⲉ ⲧⲁϫⲓϫ ⲟⲩⲟϩ ⲉⲓⲉ̀ϯϣⲉⲃⲓⲱ ⲛ̀ⲟⲩϩⲁⲡ ⲛ̀ⲧⲉ ⲛⲁϫⲁϫⲓ ⲟⲩⲟϩ ⲛⲏ ⲉⲑⲙⲟⲥϯ ⲙ̀ⲙⲟⲓ ⲓⲉϯϣⲉⲃⲓⲱ ⲛⲱⲟⲩ	je tinaθre tasyfi m̀von ǹf̀ryti ǹousetevryg ouoh eseàmoni ǹouhap ǹje tajig ouoh eiètiṡeviō ǹouhap ǹte nagaji ouoh ny eθmosti m̀moi ietiṡeviō nōou	For I will sharpen my sword like lightning, and my hand shall take hold of judgment; and I will render judgment to my enemies, and will recompense them that hate me.
32:42	ⲉⲓⲉⲑⲣⲉ ⲛⲁⲥⲟⲑⲛⲉϥ ⲑⲓϧⲓ ϧⲉⲛⲡⲓⲥⲛⲟϥ ⲟⲩⲟϩ ⲧⲁⲥⲏϥⲓ ⲉⲥⲉⲟⲩⲉⲙ ⲁϥ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲛⲏ ⲉⲑⲛⲁϣⲁⲣⲓ ⲛⲉⲙⲟⲩⲉⲭⲙⲁⲗⲱⲥⲓⲁ ⲉϫⲉⲛⲧⲁⲫⲉ ⲛⲛⲓⲁⲣⲭⲱⲛ ⲛⲧⲉⲛⲓϫⲁϫⲓ	ⲉ̀ⲓⲉⲑⲣⲉ ⲛⲁⲥⲟⲑⲛⲉϥ ⲑⲓϧⲓ ϧⲉⲛ ⲡⲓⲥ̀ⲛⲟϥ ⲟⲩⲟϩ ⲧⲁⲥⲏϥⲓ ⲉⲥⲉⲟⲩⲉⲙ ⲁϥ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲛⲏ ⲉⲑⲛⲁϣⲁⲣⲓ ⲛⲉⲙ ⲟⲩⲉⲭⲙⲁⲗⲱⲥⲓⲁ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲛⲓⲁⲣⲭⲱⲛ ⲛ̀ⲧⲉ ⲛⲓϫⲁϫⲓ	èieθre nasoθnef θixi xen pis̀nof ouoh tasyfi eseouem af èvol xen pis̀nof ǹte ny eθnaṡari nem ouexmalōsia èjen t̀àfe ǹniarxōn ǹte nigaji	I will make my weapons drunk with blood, and my sword shall devour flesh, it shall glut itself with the blood of the wounded, and from the captivity of the heads of their enemies that rule over them.
32:43	ⲟⲩⲛⲟϥ ⲙⲙⲱⲧⲉⲛ ⲛⲓⲫⲏⲟⲩⲓ ⲛⲉⲙⲁϥ ⲟⲩⲟϩ ⲙⲁⲣⲟⲩⲟⲩⲱϣⲧ ⲙⲙⲟϥ ⲛϫⲉⲛⲓⲁⲅⲅⲉⲗⲟⲥ ⲧⲏⲣⲟⲩ ⲛⲧⲉⲫⲛⲟⲩϯ ⲟⲩⲛⲟϥ ⲙⲙⲱⲧⲉⲛ ⲛⲓⲉⲑⲛⲟⲥ ⲛⲉⲙⲡⲉϥⲗⲁⲟⲥ ⲟⲩⲟϩ ⲙⲁⲣⲟⲩϯϫⲟⲙ ⲛⲱⲟⲩ ⲛϫⲉⲛⲓⲁⲅⲅⲉⲗⲟⲥ ⲧⲏⲣⲟⲩ ⲛⲧⲉⲫⲛⲟⲩϯ ϫⲉϥⲛⲁϭⲓⲙⲡϣⲓϣ ⲙⲡⲓⲥⲛⲟϥ ⲛⲧⲉⲛⲉϥϣⲏⲣⲓ ⲟⲩⲟϩ ⲉϥⲉϭⲓⲙⲡϣⲓϣ ⲉϥⲉϯϣⲉⲃⲓⲱ ⲛⲟⲩϩⲁⲡ ⲛⲛⲓϫⲁϫⲓ ⲟⲩⲟϩ ⲛⲏ ⲉⲑⲙⲟⲥϯ ⲙⲙⲟϥ ⲉϥⲉϯϣⲉⲃⲓⲱ ⲛⲱⲟⲩ ⲟⲩⲟϩ ⲉϥⲉⲧⲟⲩⲃⲟ ⲙⲡⲕⲁϩⲓ ⲛⲧⲉⲡⲉϥⲗⲁⲟⲥ	ⲟⲩⲛⲟϥ ⲙ̀ⲙⲱⲧⲉⲛ ⲛⲓⲫⲏⲟⲩⲓ̀ ⲛⲉⲙⲁϥ ⲟⲩⲟϩ ⲙⲁⲣⲟⲩⲟⲩⲱϣⲧ ⲙ̀ⲙⲟϥ ⲛ̀ϫⲉ ⲛⲓⲁⲅⲅⲉⲗⲟⲥ ⲧⲏⲣⲟⲩ ⲛ̀ⲧⲉ ⲫ̀ⲛⲟⲩϯ ⲟⲩⲛⲟϥ ⲙ̀ⲙⲱⲧⲉⲛ ⲛⲓⲉⲑⲛⲟⲥ ⲛⲉⲙ ⲡⲉϥⲗⲁⲟⲥ ⲟⲩⲟϩ ⲙⲁⲣⲟⲩϯϫⲟⲙ ⲛⲱⲟⲩ ⲛ̀ϫⲉ ⲛⲓⲁⲅⲅⲉⲗⲟⲥ ⲧⲏⲣⲟⲩ ⲛ̀ⲧⲉ ⲫ̀ⲛⲟⲩϯ ϫⲉ ϥ̀ⲛⲁϭⲓⲙⲡϣⲓϣ ⲛ̀ⲡⲓⲥ̀ⲛⲟϥ ⲛ̀ⲧⲉ ⲛⲉϥϣⲏⲣⲓ ⲟⲩⲟϩ ⲉϥⲉ̀ϭⲓⲙⲡϣⲓϣ ⲉϥⲉ̀ϯϣⲉⲃⲓⲱ ⲛ̀ⲟⲩϩⲁⲡ ⲛ̀ⲧⲉ ⲛⲓϫⲁϫⲓ ⲟⲩⲟϩ ⲛⲏ ⲉⲑⲙⲟⲥϯ ⲙ̀ⲙⲟϥ ⲉϥⲉ̀ϯϣⲉⲃⲓⲱ ⲛⲱⲟⲩ ⲟⲩⲟϩ ⲉϥⲉ̀ⲧⲟⲩⲃⲟ ⲛ̀ⲡ̀ⲕⲁϩⲓ ⲛ̀ⲧⲉ ⲡⲉϥⲗⲁⲟⲥ	ounof m̀mōten nifyouì nemaf ouoh marououōṡt m̀mof ǹje niangelos tyrou ǹte f̀nouti ounof m̀mōten nieθnos nem peflaos ouoh maroutigom nōou ǹje niangelos tyrou ǹte f̀nouti je f̀naċimpṡiṡ ǹpis̀nof ǹte nefṡyri ouoh efèċimpṡiṡ efètiṡeviō ǹouhap ǹte nigaji ouoh ny eθmosti m̀mof efètiṡeviō nōou ouoh efètouvo ǹp̀kahi ǹte peflaos	Rejoice, ye heavens, with him, and let all the angels of God worship him; rejoice ye Gentiles, with his people, and let all the sons of God strengthen themselves in him; for he will avenge the blood of his sons, and he will render vengeance, and recompense justice to his enemies, and will reward them that hate him; and the Lord shall purge the land of his people.
32:44	ⲟⲩⲟϩ ⲁϥⲥϧⲁⲓ ⲛϫⲉⲙⲱⲩⲥⲏⲥ ⲛⲧⲁⲓϩⲱⲇⲏ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲁϥⲧⲥⲁⲃⲉ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲣⲟⲥ ⲟⲩⲟϩ ⲁϥⲓ ⲛϫⲉⲙⲱⲩⲥⲏⲥ ϩⲁⲡⲓⲗⲁⲟⲥ ⲁϥⲥⲁϫⲓ ⲛⲛⲓⲥⲁϫⲓ ⲧⲏⲣⲟⲩ ⲛⲧⲉⲡⲁⲓⲛⲟⲙⲟⲥ ⲉⲛⲓⲙⲁϣϫ ⲛⲧⲉⲡⲓⲗⲁⲟⲥ ⲛⲑⲟϥ ⲛⲉⲙⲓⲏⲥⲟⲩ ⲡϣⲏⲣⲓ ⲛⲛⲁⲩⲏ	ⲟⲩⲟϩ ⲁϥⲥ̀ϧⲁⲓ ⲛ̀ϫⲉ ⲙⲱⲩⲥⲏⲥ ⲛ̀ⲧⲁⲓ̀ϩⲱⲇⲏ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲁϥⲧⲥⲁⲃⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲣⲟⲥ ⲟⲩⲟϩ ⲁϥⲓ̀ ⲛ̀ϫⲉ ⲙⲱⲩⲥⲏⲥ ϩⲁ ⲡⲓⲗⲁⲟⲥ ⲁϥⲥⲁϫⲓ ⲛ̀ⲛⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲡⲁⲓⲛⲟⲙⲟⲥ ⲉ̀ⲛⲓⲙⲁϣϫ ⲛ̀ⲧⲉ ⲡⲓⲗⲁⲟⲥ ⲛ̀ⲑⲟϥ ⲛⲉⲙ ⲓⲏⲥⲟⲩ ⲡ̀ϣⲏⲣⲓ ⲛ̀ⲛⲁⲩⲏ	ouoh afs̀xai ǹje mōisys ǹtaìhōḋy xen pièhoou ète m̀mav ouoh aftsave nenṡyri ǹpisrayl èros ouoh afì ǹje mōisys ha pilaos afsaji ǹnisaji tyrou ǹte painomos ènimaṡg ǹte pilaos ǹθof nem iysou p̀ṡyri ǹnavy	And Moses wrote this song in that day, and taught it to the children of Israel; and Moses went in and spoke all the words of this law in the ears of the people, he and Joshua the son of Naue.
32:45	ⲟⲩⲟϩ ⲁϥϫⲉⲕⲧⲟⲧϥ ⲉⲃⲟⲗ ⲛϫⲉⲙⲱⲩⲥⲏⲥ ⲉϥⲥⲁϫⲓ ⲛⲛⲁⲓⲥⲁϫⲓ ⲛⲉⲙⲡⲓⲥⲣⲁⲏⲗ ⲧⲏⲣϥ	ⲟⲩⲟϩ ⲁϥϫⲉⲕⲧⲟⲧϥ ⲉ̀ⲃⲟⲗ ⲛ̀ϫⲉ ⲙⲱⲩⲥⲏⲥ ⲉϥⲥⲁϫⲓ ⲛ̀ⲛⲁⲓⲥⲁϫⲓ ⲛⲉⲙ ⲡⲓⲥⲣⲁⲏⲗ ⲧⲏⲣϥ	ouoh afjektotf èvol ǹje mōisys efsaji ǹnaisaji nem pisrayl tyrf	And Moses finished speaking to all Israel.
32:46	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϩⲑⲏⲧⲉⲛ ϧⲉⲛⲡⲉⲧⲉⲛϩⲏⲧ ⲛⲛⲓⲥⲁϫⲓ ⲧⲏⲣⲟⲩ ⲛⲁⲓ ⲁⲛⲟⲕ ⲉϯⲉⲣⲙⲉⲑⲣⲉ ⲛⲱⲧⲉⲛ ⲙⲙⲱⲟⲩ ⲙⲫⲟⲟⲩ ⲛⲁⲓ ⲉⲣⲉⲧⲉⲛⲉϩⲉⲛϩⲉⲛ ⲛⲉⲧⲉⲛϣⲏⲣⲓ ⲉⲣⲱⲟⲩ ⲉⲁⲣⲉϩ ⲟⲩⲟϩ ⲉⲓⲣⲓ ⲛⲛⲁⲓⲥⲁϫⲓ ⲧⲏⲣⲟⲩ ⲛⲧⲉⲡⲁⲓⲛⲟⲙⲟⲥ	ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁϩⲑⲏⲧⲉⲛ ϧⲉⲛ ⲡⲉⲧⲉⲛϩⲏⲧ ⲛ̀ⲛⲓⲥⲁϫⲓ ⲧⲏⲣⲟⲩ ⲛⲁⲓ ⲁⲛⲟⲕ ⲉⲓⲉⲣⲙⲉⲑⲣⲉ ⲛⲱⲧⲉⲛ ⲙ̀ⲙⲱⲟⲩ ⲛ̀ⲫⲟⲟⲩ ⲛⲁⲓ ⲉ̀ⲣⲉⲧⲉⲛⲉϩⲉⲛϩⲉⲛ ⲛⲉⲧⲉⲛϣⲏⲣⲓ ⲉ̀ⲣⲱⲟⲩ ⲉⲁ̀ⲣⲉϩ ⲟⲩⲟϩ ⲉ̀ⲓⲣⲓ ⲛ̀ⲛⲁⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲡⲁⲓⲛⲟⲙⲟⲥ	ouoh pegaf nōou je mahθyten xen petenhyt ǹnisaji tyrou nai anok eiermeθre nōten m̀mōou ǹfoou nai èretenehenhen netenṡyri èrōou eàreh ouoh èiri ǹnaisaji tyrou ǹte painomos	And he said to them, Take heed with your heart to all these words, which I testify to you this day, which ye shall command your sons, to observe and do all the words of this law.
32:47	ϫⲉⲟⲩⲥⲁϫⲓ ⲉϥϣⲟⲩⲓⲧ ⲛⲱⲧⲉⲛ ⲁⲛ ⲡⲉ ⲫⲁⲓ ϫⲉⲫⲁⲓ ⲡⲉ ⲡⲉⲧⲉⲛⲱⲛϧ ⲟⲩⲟϩ ⲉⲑⲃⲉⲡⲁⲓⲥⲁϫⲓ ⲉⲣⲉⲧⲉⲛⲉⲉⲣ ⲛⲉⲃⲁϩⲓ ⲛϧⲣⲏⲓ ϩⲓϫⲉⲛⲡⲓⲕⲁϩⲓ ⲫⲏ ⲛⲑⲱⲧⲉⲛ ⲉⲧⲉⲧⲉⲛⲛⲁⲉⲣϫⲓⲛⲓⲟⲣ ⲙⲡⲓⲓⲟⲣⲇⲁⲛⲏⲥ ⲉⲙⲁⲩ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ϫⲉ ⲟⲩⲥⲁϫⲓ ⲉϥϣⲟⲩⲓⲧ ⲛⲱⲧⲉⲛ ⲁⲛ ⲡⲉ ⲫⲁⲓ ϫⲉ ⲫⲁⲓ ⲡⲉ ⲡⲉⲧⲉⲛⲱⲛϧ ⲟⲩⲟϩ ⲉⲑⲃⲉ ⲡⲁⲓⲥⲁϫⲓ ⲉ̀ⲣⲉⲧⲉⲛⲉⲉⲣ ⲛⲉⲃⲁϩⲓ ⲛ̀ϧ̀ⲣⲏⲓ ϩⲓϫⲉⲛ ⲡⲓⲕⲁϩⲓ ⲫⲏ ⲛ̀ⲑⲱⲧⲉⲛ ⲉⲧⲉⲧⲉⲛⲛⲁⲉⲣϫⲓⲛⲓⲟⲣ ⲛ̀ⲡⲓⲓⲟⲣⲇⲁⲛⲏⲥ ⲉⲙⲁⲩ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	je ousaji efṡouit nōten an pe fai je fai pe petenōnx ouoh eθve paisaji èreteneer nevahi ǹx̀ryi hijen pikahi fy ǹθōten etetennaerjinior ǹpiiordanys emav eerklyronomin m̀mof	For this is no vain word to you; for it is your life, and because of this word ye shall live long upon the land, into which ye go over Jordan to inherit it.
32:48	ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲛⲉⲙⲙⲱⲩⲥⲏⲥ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉϥϫⲱ ⲙⲙⲟⲥ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ ⲛⲉⲙ ⲙⲱⲩⲥⲏⲥ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉϥϫⲱ ⲙ̀ⲙⲟⲥ	ouoh afsaji ǹje p̀ċois nem mōisys xen pièhoou ète m̀mav efgō m̀mos	And the Lord spoke to Moses in this day, saying,
32:49	ϫⲉⲁⲙⲟⲩ ⲉⲡϣⲱⲓ ⲉϫⲉⲛⲡⲧⲱⲟⲩ ⲛⲁⲃⲁⲣⲓⲙ ⲫⲁⲓ ⲡⲉ ⲡⲧⲱⲟⲩ ⲛⲁⲃⲁⲩ ⲉⲧⲉⲫⲏ ⲉⲧϧⲉⲛⲡⲕⲁϩⲓ ⲙⲙⲱⲁⲃ ⲙⲡⲉⲙⲑⲟ ⲛⲓⲉⲣⲓⲭⲱ ⲟⲩⲟϩ ⲁⲛⲁⲩ ⲉⲡⲓⲕⲁϩⲓ ⲛⲭⲁⲛⲁⲁⲛ ⲫⲏ ⲉϯⲛⲁⲧⲏⲓϥ ⲁⲛⲟⲕ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲁⲙⲁϩⲓ ⲙⲙⲟϥ	ϫⲉ ⲁ̀ⲙⲟⲩ ⲉ̀ⲡ̀ϣⲱⲓ ⲉ̀ϫⲉⲛ ⲡ̀ⲧⲱⲟⲩ ⲛⲁⲃⲁⲣⲓⲙ ⲫⲁⲓ ⲡⲉ ⲡ̀ⲧⲱⲟⲩ ⲛⲁⲃⲁⲩ ⲉ̀ⲧⲉ ⲫⲏ ⲉⲧϧⲉⲛ ⲡ̀ⲕⲁϩⲓ ⲛ̀ⲙⲱⲁⲃ ⲛ̀ⲡⲉⲙ̀ⲑⲟ ⲛ̀ⲓⲉⲣⲓⲭⲱ ⲟⲩⲟϩ ⲁ̀ⲛⲁⲩ ⲉ̀ⲡⲓⲕⲁϩⲓ ⲛ̀ⲭⲁⲛⲁⲁⲛ ⲫⲏ ⲉⲓⲛⲁⲧⲏⲓϥ ⲁⲛⲟⲕ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲁⲙⲁϩⲓ ⲙ̀ⲙⲟϥ	je àmou èp̀ṡōi èjen p̀tōou nabarim fai pe p̀tōou navav ète fy etxen p̀kahi ǹmōab ǹpem̀θo ǹierixō ouoh ànav èpikahi ǹxanaan fy einatyif anok ǹnenṡyri ǹpisrayl eamahi m̀mof	Go up to the mount Abarim, this mountain Nabau which is in the land of Moab over against Jericho, and behold the land of Chanaan, which I give to the sons of Israel:
32:50	ⲟⲩⲟϩ ⲙⲟⲩ ⲉϩⲣⲏⲓ ⲉϫⲉⲛⲡⲓⲧⲱⲟⲩ ⲉⲧⲉⲕⲛⲁϣⲉ ⲉⲡϣⲱⲓ ⲉⲣⲟϥ ⲟⲩⲟϩ ⲙⲁⲣⲟⲩⲭⲁⲕ ϧⲁⲧⲉⲛⲡⲉⲕⲗⲁⲟⲥ ⲙⲫⲣⲏϯ ⲉⲧⲁϥⲙⲟⲩ ⲛϫⲉⲁⲁⲣⲱⲛ ⲡⲉⲕⲥⲟⲛ ϧⲉⲛⲱⲣ ⲡⲓⲧⲱⲟⲩ ⲟⲩⲟϩ ⲁⲩⲭⲁϥ ϧⲁⲧⲉⲛⲡⲉϥⲗⲁⲟⲥ	ⲟⲩⲟϩ ⲙⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲧⲱⲟⲩ ⲉ̀ⲧⲉ ⲭ̀ⲛⲁϣⲉ ⲉ̀ⲡ̀ϣⲱⲓ ⲉ̀ⲣⲟϥ ⲟⲩⲟϩ ⲙⲁⲣⲟⲩⲭⲁⲕ ϧⲁⲧⲉⲛ ⲡⲉⲕⲗⲁⲟⲥ ⲛ̀ⲫ̀ⲣⲏϯ ⲉⲧⲁϥⲙⲟⲩ ⲛ̀ϫⲉ ⲁ̀ⲁⲣⲱⲛ ⲡⲉⲕⲥⲟⲛ ϧⲉⲛ ⲱⲣ ⲡⲓⲧⲱⲟⲩ ⲟⲩⲟϩ ⲁⲩⲭⲁϥ ϧⲁⲧⲉⲛ ⲡⲉϥⲗⲁⲟⲥ	ouoh mou èh̀ryi èjen pitōou ète k̀naṡe èp̀ṡōi èrof ouoh maroukak xaten peklaos ǹf̀ryti etafmou ǹje àarōn pek·son xen ōr pitōou ouoh avkaf xaten peflaos	and die in the mount whither thou goest up, and be added to thy people; as Aaron thy brother died in mount Or, and was added to his people.
32:51	ϫⲉⲟⲩⲏⲓ ⲁⲧⲉⲧⲉⲛⲉⲣⲁⲧⲥⲱⲧⲉⲙ ⲛⲥⲁⲡⲁⲥⲁϫⲓ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲡⲓⲙⲱⲟⲩ ⲛⲧⲉϯⲁⲛⲧⲓⲗⲟⲅⲓⲁ ⲛⲧⲉⲕⲁⲇⲏⲥ ⲛϩⲣⲏⲓ ϩⲓⲡϣⲁϥⲉ ⲛⲧⲉⲥⲓⲛⲁ ϫⲉⲟⲩⲏⲓ ⲙⲡⲉⲧⲉⲛⲧⲟⲩⲃⲟⲓ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ	ϫⲉ ⲟⲩⲏⲓ ⲁⲧⲉⲧⲉⲛⲉⲣⲁⲧⲥⲱⲧⲉⲙ ⲛ̀ⲥⲁ ⲡⲁⲥⲁϫⲓ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲡⲓⲙⲱⲟⲩ ⲛ̀ⲧⲉ ϯⲁⲛⲧⲓⲗⲟⲅⲓⲁ ⲛ̀ⲧⲉⲕⲁⲇⲏⲥ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲛ̀ⲧⲉ ⲥⲓⲛⲁ ϫⲉ ⲟⲩⲏⲓ ⲙ̀ⲡⲉⲧⲉⲛⲧⲟⲩⲃⲟⲓ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	je ouyi ateteneratsōtem ǹsa pasaji xen nenṡyri ǹpisrayl xen pimōou ǹte tiantilogia ǹtekaḋys ǹh̀ryi hi p̀ṡafe ǹte sina je ouyi m̀petentouvoi xen nenṡyri ǹpisrayl	Because ye disobeyed my word among the children of Israel, at the waters of strife of Cades in the wilderness of Sin; because ye sanctified me not among the sons of Israel.
32:52	ⲉⲕⲉⲛⲁⲩ ⲉⲡⲓⲕⲁϩⲓ ⲙⲡⲉⲕⲙⲑⲟ ⲉⲃⲟⲗ ⲟⲩⲟϩ ⲛⲛⲉⲕϣⲉ ⲉϧⲟⲩⲛ ⲉⲣⲟϥ	ⲉⲕⲉ̀ⲛⲁⲩ ⲉ̀ⲡⲓⲕⲁϩⲓ ⲛ̀ⲡⲉⲕⲙ̀ⲑⲟ ⲉ̀ⲃⲟⲗ ⲟⲩⲟϩ ⲛ̀ⲛⲉⲕϣⲉ ⲉ̀ϧⲟⲩⲛ ⲉ̀ⲣⲟϥ	ekènav èpikahi ǹpekm̀θo èvol ouoh ǹnekṡe èxoun èrof	Thou shalt see the land before thee, but thou shalt not enter into it.

Provenance

title: 05_Deuteronomium_32
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_32
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_32 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_32, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/32.bohairic.scriptorium.L0.txt
title: 05_Deuteronomium_32 — Cairene
dialect: bohairic
source: generated from 32.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_32)
licence: CC BY-SA 4.0
share: attribution
attribution: 05_Deuteronomium_32 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_32, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/32.bohairic.scriptorium.L1.txt
title: 05_Deuteronomium_32 — Kemetic
dialect: bohairic
source: generated from 32.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_32 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_32, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/32.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 52 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_32 (52 lines)

Cite as:

05_Deuteronomium_32. Coptic SCRIPTORIUM corpus "bohairic.ot", document 05_Deuteronomium_32. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/32.bohairic.scriptorium/. 05_Deuteronomium_32 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_32, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.