Exodus 7 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_07

Attribution: Exodus 7 from Coptic SCRIPTORIUM (https://copticscriptorium.org), corpus bohairic.ot, document 02_Exodus_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

25 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
7:1	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉϩⲏⲡⲡⲉ ⲁⲓⲧⲏⲓⲕ ⲛⲛⲟⲩϯ ⲙⲫⲁⲣⲁⲱ ⲟⲩⲟϩ ⲁⲁⲣⲱⲛ ⲡⲉⲕⲥⲟⲛ ⲉϥⲉϣⲱⲡⲓ ⲛⲁⲕ ⲙⲡⲣⲟⲫⲏⲧⲏⲥ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ϫⲉ ϩⲏⲡⲡⲉ ⲁⲓⲧⲏⲓⲕ ⲛ̀ⲛⲟⲩϯ ⲛ̀ⲫⲁⲣⲁⲱ̀ ⲟⲩⲟϩ ⲁ̀ⲁⲣⲱⲛ ⲡⲉⲕⲥⲟⲛ ⲉϥⲉ̀ϣⲱⲡⲓ ⲛⲁⲕ ⲛ̀ⲡ̀ⲣⲟⲫⲏⲧⲏⲥ	ouoh peje p̀ċois ǹmōisys je hyppe aityik ǹnouti ǹfaraṑ ouoh àarōn pek·son efèṡōpi nak ǹp̀rofytys	And the Lord spoke to Moses, saying, Behold, I have made thee a god to Pharao, and Aaron thy brother shall be thy prophet.
7:2	ⲛⲑⲟⲕ ⲇⲉ ⲉⲕⲉⲥⲁϫⲓ ⲛϩⲱⲃ ⲛⲓⲃⲉⲛ ⲉϯϩⲟⲛϩⲉⲛ ⲙⲙⲟⲕ ⲉⲣⲱⲟⲩ ⲟⲩⲟϩ ⲁⲁⲣⲱⲛ ⲡⲉⲕⲥⲟⲛ ⲉϥⲉⲥⲁϫⲓ ⲛⲉⲙⲫⲁⲣⲁⲱ ϩⲱⲥⲧⲉ ⲛⲧⲉϥⲟⲩⲱⲣⲡ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲡⲉϥⲕⲁϩⲓ	ⲛ̀ⲑⲟⲕ ⲇⲉ ⲉⲕⲉ̀ⲥⲁϫⲓ ⲛ̀ϩⲱⲃ ⲛⲓⲃⲉⲛ ⲉⲓϩⲟⲛϩⲉⲛ ⲙ̀ⲙⲟⲕ ⲉ̀ⲣⲱⲟⲩ ⲟⲩⲟϩ ⲁ̀ⲁⲣⲱⲛ ⲡⲉⲕⲥⲟⲛ ⲉϥⲉ̀ⲥⲁϫⲓ ⲛⲉⲙ ⲫⲁⲣⲁⲱ̀ ϩⲱⲥⲧⲉ ⲛ̀ⲧⲉϥⲟⲩⲱⲣⲡ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲡⲉϥⲕⲁϩⲓ	ǹθok ḋe ekèsaji ǹhōb niven eihonhen m̀mok èrōou ouoh àarōn pek·son efèsaji nem faraṑ hōste ǹtefouōrp ǹnenṡyri ǹpisrayl èvol xen pefkahi	And thou shalt say to him all things that I charge thee, and Aaron thy brother shall speak to Pharao, that he should send forth the children of Israel out of his land.
7:3	ⲁⲛⲟⲕ ⲇⲉ ⲉⲓⲉⲑⲣⲉ ⲡϩⲏⲧ ⲙⲫⲁⲣⲁⲱ ⲛϣⲟⲧ ⲟⲩⲟϩ ϯⲛⲁⲑⲣⲟⲩⲁϣⲁⲓ ⲛϫⲉⲛⲁⲙⲏⲓⲛⲓ ⲛⲉⲙⲛⲁϣⲫⲏⲣⲓ ϧⲉⲛⲡⲕⲁϩⲓ ⲛⲭⲏⲙⲓ	ⲁⲛⲟⲕ ⲇⲉ ⲉ̀ⲓⲉⲑⲣⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲛ̀ϣⲟⲧ ⲟⲩⲟϩ ϯⲛⲁⲑⲣⲟⲩⲁϣⲁⲓ ⲛ̀ϫⲉ ⲛⲁⲙⲏⲓⲛⲓ ⲛⲉⲙ ⲛⲁϣ̀ⲫⲏⲣⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	anok ḋe èieθre p̀hyt ǹfaraṑ ǹṡot ouoh tinaθrouaṡai ǹje namyini nem naṡ̀fyri xen p̀kahi ǹkymi	And I will harden the heart of Pharao, and I will multiply my signs and wonders in the land of Egypt.
7:4	ⲟⲩⲟϩ ⲛⲛⲉϥⲥⲱⲧⲉⲙ ⲛⲥⲁⲑⲏⲛⲟⲩ ⲛϫⲉⲫⲁⲣⲁⲱ ⲟⲩⲟϩ ϯⲛⲁⲓⲛⲓ ⲛⲧⲁϫⲓϫ ⲉϫⲉⲛⲭⲏⲙⲓ ⲟⲩⲟϩ ⲉⲓⲉⲓⲛⲓ ⲛⲉⲙⲧⲁϫⲟⲙ ⲙⲡⲁⲗⲁⲟⲥ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϧⲉⲛⲟⲩⲛⲓϣϯ ⲛϭⲓⲙⲡϣⲓϣ	ⲟⲩⲟϩ ⲛ̀ⲛⲉϥⲥⲱⲧⲉⲙ ⲛ̀ⲥⲁ ⲑⲏⲛⲟⲩ ⲛ̀ϫⲉ ⲫⲁⲣⲁⲱ̀ ⲟⲩⲟϩ ϯⲛⲁⲓ̀ⲛⲓ ⲛ̀ⲧⲁϫⲓϫ ⲉ̀ϫⲉⲛ ⲭⲏⲙⲓ ⲟⲩⲟϩ ⲉⲓⲉ̀ⲓ̀ⲛⲓ ⲛⲉⲙ ⲧⲁϫⲟⲙ ⲛ̀ⲡⲁⲗⲁⲟⲥ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲟⲩⲛⲓϣϯ ⲛ̀ϭⲓⲙⲡϣⲓϣ	ouoh ǹnefsōtem ǹsa θynou ǹje faraṑ ouoh tinaìni ǹtajig èjen kymi ouoh eièìni nem tagom ǹpalaos nenṡyri ǹpisrayl èvol xen p̀kahi ǹkymi xen ouniṡti ǹċimpṡiṡ	And Pharao will not hearken to you, and I will lay my hand upon Egypt; and will bring out my people the children of Israel with my power out of the land of Egypt with great vengeance.
7:5	ⲟⲩⲟϩ ⲉⲩⲉⲉⲙⲓ ⲛϫⲉⲛⲓⲣⲉⲙⲛⲭⲏⲙⲓ ⲧⲏⲣⲟⲩ ϫⲉⲁⲛⲟⲕ ⲡⲉ ⲡϭⲟⲓⲥ ⲉⲧⲥⲱⲟⲩⲧⲉⲛ ⲛⲧⲁϫⲓϫ ⲉϫⲉⲛⲭⲏⲙⲓ ⲟⲩⲟϩ ⲉⲓⲉⲉⲛ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲧⲟⲩⲙⲏϯ	ⲟⲩⲟϩ ⲉⲩⲉⲉⲙⲓ ⲛ̀ϫⲉ ⲛⲓⲣⲉⲙⲛⲭⲏⲙⲓ ⲧⲏⲣⲟⲩ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲉⲧⲥⲱⲟⲩⲧⲉⲛ ⲛ̀ⲧⲁϫⲓϫ ⲉ̀ϫⲉⲛ ⲭⲏⲙⲓ ⲟⲩⲟϩ ⲉⲓⲉⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲧⲟⲩⲙⲏϯ	ouoh eveemi ǹje niremnkymi tyrou je anok pe p̀ċois etsōouten ǹtajig èjen kymi ouoh eieen nenṡyri ǹpisrayl èvol xen toumyti	And all the Egyptians shall know that I am the Lord, stretching out my hand upon Egypt, and I will bring out the children of Israel out of the midst of them.
7:6	ⲁϥⲓⲣⲓ ⲇⲉ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲕⲁⲧⲁⲫⲣⲏϯ ⲉⲧⲁϥϩⲟⲛϩⲉⲛ ⲛⲱⲟⲩ ⲛϫⲉⲡϭⲟⲓⲥ ⲁⲩⲓⲣⲓ ⲙⲡⲁⲓⲣⲏϯ	ⲁϥⲓⲣⲓ ⲇⲉ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲕⲁⲧⲁ ⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲱⲟⲩ ⲛ̀ϫⲉ ⲡ̀ϭⲟⲓⲥ ⲁⲩⲓ̀ⲣⲓ ⲛ̀ⲡⲁⲓⲣⲏϯ	afiri ḋe ǹje mōisys nem àarōn kata f̀ryti etafhonhen nōou ǹje p̀ċois avìri ǹpairyti	And Moses and Aaron did as the Lord commanded them, so did they.
7:7	ⲙⲱⲩⲥⲏⲥ ⲇⲉ ⲛⲁϥⲭⲏ ϧⲉⲛⲡ̅ ⲛⲣⲟⲙⲡⲓ ⲡⲉ ⲟⲩⲟϩ ⲁⲁⲣⲱⲛ ⲛⲁϥⲭⲏ ϧⲉⲛⲡ̅ⲅ̅ ⲛⲣⲟⲙⲡⲓ ⲡⲉ ϩⲟⲧⲉ ⲉⲧⲁϥⲥⲁϫⲓ ⲛⲉⲙⲫⲁⲣⲁⲱ	ⲙⲱⲩⲥⲏⲥ ⲇⲉ ⲛⲁϥⲭⲏ ϧⲉⲛ 80 ⲛ̀ⲣⲟⲙⲡⲓ ⲡⲉ ⲟⲩⲟϩ ⲁ̀ⲁⲣⲱⲛ ⲛⲁϥⲭⲏ ϧⲉⲛ 83 ⲛ̀ⲣⲟⲙⲡⲓ ⲡⲉ ϩⲟⲧⲉ ⲉⲧⲁϥⲥⲁϫⲓ ⲛⲉⲙ ⲫⲁⲣⲁⲱ̀	mōisys ḋe nafky xen 80 ǹrompi pe ouoh àarōn nafky xen 83 ǹrompi pe hote etafsaji nem faraṑ	And Moses was eighty years old, and Aaron his brother was eighty-three years old, when he spoke to Pharao.
7:8	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh peje p̀ċois ǹmōisys nem àarōn efgō m̀mos	And the Lord spoke to Moses and Aaron, saying,
7:9	ϫⲉⲉϣⲱⲡ ⲁϥϣⲁⲛⲥⲁϫⲓ ⲛⲉⲙⲱⲧⲉⲛ ⲛϫⲉⲫⲁⲣⲁⲱ ⲉϥϫⲱ ⲙⲙⲟⲥ ϫⲉⲙⲁ ⲟⲩⲙⲏⲓⲛⲓ ⲛⲁⲛ ⲓⲉ ⲟⲩϣⲫⲏⲣⲓ ⲟⲩⲟϩ ⲉⲕⲉϫⲟⲥ ⲛⲁⲁⲣⲱⲛ ⲡⲉⲕⲥⲟⲛ ϫⲉⲱⲗⲓ ⲙⲡⲓϣⲃⲱⲧ ⲟⲩⲟϩ ⲃⲉⲣⲃⲱⲣϥ ⲙⲡⲉⲙⲑⲟ ⲙⲫⲁⲣⲁⲱ ⲛⲉⲙⲙⲡⲉⲙⲑⲟ ⲛⲛⲉϥⲁⲗⲱⲟⲩⲓ ⲟⲩⲟϩ ⲉϥⲉⲉⲣ ⲟⲩⲇⲣⲁⲕⲱⲛ	ϫⲉ ⲉϣⲱⲡ ⲁϥϣⲁⲛⲥⲁϫⲓ ⲛⲉⲙⲱⲧⲉⲛ ⲛ̀ϫⲉ ⲫⲁⲣⲁⲱ̀ ⲉϥϫⲱ ⲙ̀ⲙⲟⲥ ϫⲉ ⲙⲁ ⲟⲩⲙⲏⲓⲛⲓ ⲛⲁⲛ ⲓⲉ ⲟⲩϣ̀ⲫⲏⲣⲓ ⲟⲩⲟϩ ⲉⲕⲉ̀ϫⲟⲥ ⲛ̀ⲁⲁⲣⲱⲛ ⲡⲉⲕⲥⲟⲛ ϫⲉ ⲱ̀ⲗⲓ ⲛ̀ⲡⲓϣ̀ⲃⲱⲧ ⲟⲩⲟϩ ⲃⲉⲣⲃⲱⲣϥ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲛⲉⲙ ⲙ̀ⲡⲉⲙ̀ⲑⲟ ⲛ̀ⲛⲉϥⲁ̀ⲗⲱⲟⲩⲓ̀ ⲟⲩⲟϩ ⲉϥⲉ̀ⲉⲣ ⲟⲩⲇ̀ⲣⲁⲕⲱⲛ	je eṡōp afṡansaji nemōten ǹje faraṑ efgō m̀mos je ma oumyini nan ie ouṡ̀fyri ouoh ekègos ǹaarōn pek·son je ṑli ǹpiṡ̀vōt ouoh vervōrf ǹpem̀θo ǹfaraṑ nem m̀pem̀θo ǹnefàlōouì ouoh efèer ouḋ̀rakōn	Now if Pharao should speak to you, saying, Give us a sign or a wonder, then shalt thou say to thy brother Aaron, Take thy rod and cast it upon the ground before Pharao, and before his servants, and it shall become a serpent.
7:10	ⲁϥⲓ ⲇⲉ ⲉϧⲟⲩⲛ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲙⲡⲉⲙⲑⲟ ⲙⲫⲁⲣⲁⲱ ⲟⲩⲟϩ ⲁⲩⲓⲣⲓ ⲙⲡⲁⲓⲣⲏϯ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲛⲱⲟⲩ ⲟⲩⲟϩ ⲁϥⲃⲟⲣⲃⲉⲣ ⲛϫⲉⲁⲁⲣⲱⲛ ⲙⲡⲉϥϣⲃⲱⲧ ⲙⲡⲉⲙⲑⲟ ⲙⲫⲁⲣⲁⲱ ⲛⲉⲙⲡⲉⲙⲑⲟ ⲛⲛⲉϥⲁⲗⲱⲟⲩⲓ ⲟⲩⲟϩ ⲁϥⲉⲣ ⲟⲩⲇⲣⲁⲕⲱⲛ	ⲁϥⲓ̀ ⲇⲉ ⲉ̀ϧⲟⲩⲛ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲟⲩⲟϩ ⲁⲩⲓ̀ⲣⲓ ⲛ̀ⲡⲁⲓⲣⲏϯ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲛⲱⲟⲩ ⲟⲩⲟϩ ⲁϥⲃⲟⲣⲃⲉⲣ ⲛ̀ϫⲉ ⲁ̀ⲁⲣⲱⲛ ⲛ̀ⲡⲉϥϣ̀ⲃⲱⲧ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲛⲉⲙ ⲡ̀ⲉⲙⲑⲟ ⲛ̀ⲛⲉϥⲁ̀ⲗⲱⲟⲩⲓ̀ ⲟⲩⲟϩ ⲁϥⲉⲣ ⲟⲩⲇ̀ⲣⲁⲕⲱⲛ	afì ḋe èxoun ǹje mōisys nem àarōn ǹpem̀θo ǹfaraṑ ouoh avìri ǹpairyti kata f̀ryti èta p̀ċois honhen nōou ouoh afvorver ǹje àarōn ǹpefṡ̀vōt ǹpem̀θo ǹfaraṑ nem p̀emθo ǹnefàlōouì ouoh afer ouḋ̀rakōn	And Moses and Aaron went in before Pharao, and before his servants, and they did so, as the Lord commanded them; and Aaron cast down his rod before Pharao, and before his servants, and it became a serpent.
7:11	ⲁϥⲙⲟⲩϯ ⲇⲉ ⲛϫⲉⲫⲁⲣⲁⲱ ⲉⲛⲓⲥⲁⲃⲉⲩ ⲛⲉⲙⲛⲓⲫⲁⲣⲙⲁⲕⲟⲥ ⲛⲧⲉⲭⲏⲙⲓ ⲟⲩⲟϩ ⲁⲩⲓⲣⲓ ϩⲱⲟⲩ ⲛϫⲉⲛⲓⲣⲉϥϭⲓϣⲏⲙ ⲛⲧⲉⲭⲏⲙⲓ ⲙⲡⲁⲓⲣⲏϯ ϧⲉⲛⲟⲩⲙⲉⲧⲫⲁⲣⲙⲁⲕⲟⲥ	ⲁϥⲙⲟⲩϯ ⲇⲉ ⲛ̀ϫⲉ ⲫⲁⲣⲁⲱ̀ ⲉ̀ⲛⲓⲥⲁⲃⲉⲩ ⲛⲉⲙ ⲛⲓⲫⲁⲣⲙⲁⲕⲟⲥ ⲛ̀ⲧⲉ ⲭⲏⲙⲓ ⲟⲩⲟϩ ⲁⲩⲓ̀ⲣⲓ ϩⲱⲟⲩ ⲛ̀ϫⲉ ⲛⲓⲣⲉϥϭⲓϣⲏⲙ ⲛ̀ⲧⲉ ⲭⲏⲙⲓ ⲛ̀ⲡⲁⲓⲣⲏϯ ϧⲉⲛ ⲟⲩⲙⲉⲧⲫⲁⲣⲙⲁⲕⲟⲥ	afmouti ḋe ǹje faraṑ ènisavev nem nifarmakos ǹte kymi ouoh avìri hōou ǹje nirefċiṡym ǹte kymi ǹpairyti xen oumetfarmakos	But Pharao called together the wise men of Egypt, and the sorcerers, and the charmers also of the Egyptians did likewise with their sorceries.
7:12	ⲟⲩⲟϩ ⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲃⲟⲣⲃⲉⲣ ⲙⲡⲉϥϣⲃⲱⲧ ⲟⲩⲟϩ ⲁⲩⲉⲣ ϩⲁⲛⲇⲣⲁⲕⲱⲛ ⲟⲩⲟϩ ⲁ ⲡϣⲃⲱⲧ ⲛⲁⲁⲣⲱⲛ ⲱⲙⲕ ⲛⲛⲓϣⲃⲟϯ ⲛⲧⲉⲛⲏ	ⲟⲩⲟϩ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲟⲩ ⲃⲟⲣⲃⲉⲣ ⲛ̀ⲡⲉϥϣ̀ⲃⲱⲧ ⲟⲩⲟϩ ⲁⲩⲉⲣ ϩⲁⲛⲇ̀ⲣⲁⲕⲱⲛ ⲟⲩⲟϩ ⲁ ⲡ̀ϣ̀ⲃⲱⲧ ⲛ̀ⲁⲁⲣⲱⲛ ⲱⲙⲕ ⲛ̀ⲛⲓϣⲃⲟϯ ⲛ̀ⲧⲉ ⲛⲏ	ouoh f̀ouai f̀ouai m̀mōou vorver ǹpefṡ̀vōt ouoh aver hanḋ̀rakōn ouoh a p̀ṡ̀vōt ǹaarōn ōmk ǹniṡvoti ǹte ny	And they cast down each his rod, and they became serpents, but the rod of Aaron swallowed up their rods.
7:13	ⲟⲩⲟϩ ⲁϥϫⲉⲙⲛⲟⲙϯ ⲛϫⲉⲡϩⲏⲧ ⲙⲫⲁⲣⲁⲱ ⲟⲩⲟϩ ⲙⲡⲉϥⲥⲱⲧⲉⲙ ⲛⲥⲱⲟⲩ ⲕⲁⲧⲁⲫⲣⲏϯ ⲉⲧⲁϥⲥⲁϫⲓ ⲛϫⲉⲡϭⲟⲓⲥ	ⲟⲩⲟϩ ⲁϥϫⲉⲙⲛⲟⲙϯ ⲛ̀ϫⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲟⲩⲟϩ ⲙ̀ⲡⲉϥⲥⲱⲧⲉⲙ ⲛ̀ⲥⲱⲟⲩ ⲕⲁⲧⲁ ⲫ̀ⲣⲏϯ ⲉⲧⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ	ouoh afjemnomti ǹje p̀hyt ǹfaraṑ ouoh m̀pefsōtem ǹsōou kata f̀ryti etafsaji ǹje p̀ċois	and the heart of Pharao was hardened, and he hearkened not to them, as the Lord charged them.
7:14	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲁϥϩⲣⲟϣ ⲛϫⲉⲡϩⲏⲧ ⲙⲫⲁⲣⲁⲱ ⲉϣⲧⲉⲙⲟⲩⲱⲣⲡ ⲙⲡⲓⲗⲁⲟⲥ ⲉⲃⲟⲗ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲁϥϩⲣⲟϣ ⲛ̀ϫⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲉ̀ϣⲧⲉⲙⲟⲩⲱⲣⲡ ⲛ̀ⲡⲓⲗⲁⲟⲥ ⲉ̀ⲃⲟⲗ	peje p̀ċois ḋe ǹmōisys je afhroṡ ǹje p̀hyt ǹfaraṑ èṡtemouōrp ǹpilaos èvol	and the Lord said to Moses, The heart of Pharao is made hard, so that he should not let the people go.
7:15	ⲙⲁϣⲉⲛⲁⲕ ϩⲁⲫⲁⲣⲁⲱ ⲛⲧⲟⲟⲩⲓ ϩⲏⲡⲡⲉ ⲛⲑⲟϥ ϥⲛⲏⲟⲩ ⲉⲃⲟⲗ ⲉϫⲉⲛⲡⲓⲙⲱⲟⲩ ⲟⲩⲟϩ ⲉⲕⲉⲟϩⲓ ⲉⲣⲁⲧⲕ ⲛⲉⲙⲁϥ ϩⲓϫⲉⲛⲛⲉⲛⲥⲫⲟⲧⲟⲩ ⲙⲫⲓⲁⲣⲟ ⲟⲩⲟϩ ⲡⲓϣⲃⲱⲧ ⲉⲧⲁϥⲫⲟⲛϩϥ ⲁϥⲉⲣ ⲟⲩϩⲟϥ ⲉⲕⲉϭⲓⲧϥ ϧⲉⲛⲧⲉⲕϫⲓϫ	ⲙⲁϣⲉⲛⲁⲕ ϩⲁ ⲫⲁⲣⲁⲱ̀ ⲛ̀ⲧⲟⲟⲩⲓ̀ ϩⲏⲡⲡⲉ ⲛ̀ⲑⲟϥ ϥ̀ⲛⲏⲟⲩ ⲉ̀ⲃⲟⲗ ⲉ̀ϫⲉⲛ ⲡⲓⲙⲱⲟⲩ ⲟⲩⲟϩ ⲉⲕⲉⲟ̀ϩⲓ ⲉ̀ⲣⲁⲧⲕ ⲛⲉⲙⲁϥ ϩⲓϫⲉⲛ ⲛⲉⲛⲥ̀ⲫⲟⲧⲟⲩ ⲛ̀ⲫ̀ⲓⲁⲣⲟ ⲟⲩⲟϩ ⲡⲓϣ̀ⲃⲱⲧ ⲉⲧⲁϥⲫⲟⲛϩϥ ⲁϥⲉⲣ ⲟⲩϩⲟϥ ⲉⲕⲉ̀ϭⲓⲧϥ ϧⲉⲛ ⲧⲉⲕϫⲓϫ	maṡenak ha faraṑ ǹtoouì hyppe ǹθof f̀nyou èvol èjen pimōou ouoh ekeòhi èratk nemaf hijen nens̀fotou ǹf̀iaro ouoh piṡ̀vōt etaffonhf afer ouhof ekèċitf xen tekjig	Go to Pharao early in the morning: behold, he goes forth to the water; and thou shalt meet him on the bank of the river, and thou shalt take in thine hand the rod that was turned into a serpent.
7:16	ⲟⲩⲟϩ ⲉⲕⲉϫⲟⲥ ⲛⲁϥ ϫⲉⲡϭⲟⲓⲥ ⲫⲛⲟⲩϯ ⲛⲧⲉⲛⲓϩⲉⲃⲣⲉⲟⲥ ⲁϥⲟⲩⲟⲣⲡⲧ ϩⲁⲣⲟⲕ ⲉϥϫⲱ ⲙⲙⲟⲥ ϫⲉⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲓⲛⲁ ⲛⲧⲟⲩϣⲉⲙϣⲓ ⲙⲙⲟⲓ ⲛϩⲣⲏⲓ ϩⲓⲡϣⲁϥⲉ ⲟⲩⲟϩ ϩⲏⲡⲡⲉ ⲙⲡⲁⲧⲉⲕⲥⲱⲧⲉⲙ ϣⲁⲉϧⲟⲩⲛ ⲉϯⲛⲟⲩ	ⲟⲩⲟϩ ⲉⲕⲉ̀ϫⲟⲥ ⲛⲁϥ ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲓϩⲉⲃⲣⲉⲟⲥ ⲁϥⲟⲩⲟⲣⲡⲧ ϩⲁⲣⲟⲕ ⲉϥϫⲱ ⲙ̀ⲙⲟⲥ ϫⲉ ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲟⲩϣⲉⲙϣⲓ ⲙ̀ⲙⲟⲓ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲟⲩⲟϩ ϩⲏⲡⲡⲉ ⲙ̀ⲡⲁⲧⲉⲕⲥⲱⲧⲉⲙ ϣⲁ ⲉ̀ϧⲟⲩⲛ ⲉ̀ϯⲛ̀ⲟⲩ	ouoh ekègos naf je p̀ċois f̀nouti ǹte nihebreos afouorpt harok efgō m̀mos je ouōrp ǹpalaos èvol hina ǹtouṡemṡi m̀moi ǹh̀ryi hi p̀ṡafe ouoh hyppe m̀patek·sōtem ṡa èxoun ètiǹou	And thou shalt say to him, The Lord God of the Hebrews has sent me to thee, saying, Send my people away, that they may serve me in the wilderness, and, behold, hitherto thou hast not hearkened.
7:17	ⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲓⲥ ϧⲉⲛⲫⲁⲓ ⲉⲕⲉⲉⲙⲓ ϫⲉⲁⲛⲟⲕ ⲡⲉ ⲡϭⲟⲓⲥ ϩⲏⲡⲡⲉ ⲁⲛⲟⲕ ϯⲛⲁⲙⲓϣⲓ ϧⲉⲛⲡⲓϣⲃⲱⲧ ⲫⲏ ⲉⲧϧⲉⲛⲧⲁϫⲓϫ ⲉϫⲉⲛⲡⲓⲙⲱⲟⲩ ⲫⲏ ⲉⲧϧⲉⲛⲫⲓⲁⲣⲟ ⲟⲩⲟϩ ⲉϥⲉⲟⲩⲱⲧⲉⲃ ⲉϥⲉⲉⲣⲥⲛⲟϥ	ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϧⲉⲛ ⲫⲁⲓ ⲉⲕⲉⲉⲙⲓ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ϩⲏⲡⲡⲉ ⲁⲛⲟⲕ ϯⲛⲁⲙⲓϣⲓ ϧⲉⲛ ⲡⲓϣ̀ⲃⲱⲧ ⲫⲏ ⲉⲧϧⲉⲛ ⲧⲁϫⲓϫ ⲉ̀ϫⲉⲛ ⲡⲓⲙⲱⲟⲩ ⲫⲏ ⲉⲧϧⲉⲛ ⲫ̀ⲓⲁⲣⲟ ⲟⲩⲟϩ ⲉϥⲉ̀ⲟⲩⲱⲧⲉⲃ ⲉϥⲉ̀ⲉⲣⲥⲛⲟϥ	nai ne ny etefgō m̀mōou ǹje p̀ċois xen fai ekeemi je anok pe p̀ċois hyppe anok tinamiṡi xen piṡ̀vōt fy etxen tajig èjen pimōou fy etxen f̀iaro ouoh efèouōteb efèersnof	These things saith the Lord: Hereby shalt thou know that I am the Lord: behold, I strike with the rod that is in my hand on the water which is in the river, and it shall change it into blood.
7:18	ⲟⲩⲟϩ ⲛⲓⲧⲉⲃⲧ ⲛⲏ ⲉⲧⲭⲏ ϧⲉⲛⲫⲓⲁⲣⲟ ⲉⲩⲉⲙⲟⲩ ⲟⲩⲟϩ ⲉϥⲉⲭⲱⲛⲥ ⲛϫⲉⲫⲓⲁⲣⲟ ⲟⲩⲟϩ ⲛⲛⲟⲩϣϫⲉⲙϫⲟⲙ ⲛϫⲉⲛⲓⲣⲉⲙⲛⲭⲏⲙⲓ ⲉⲥⲉ ⲙⲱⲟⲩ ⲉⲃⲟⲗ ϧⲉⲛⲫⲓⲁⲣⲟ	ⲟⲩⲟϩ ⲛⲓⲧⲉⲃⲧ ⲛⲏ ⲉⲧⲭⲏ ϧⲉⲛ ⲫ̀ⲓⲁⲣⲟ ⲉⲩⲉ̀ⲙⲟⲩ ⲟⲩⲟϩ ⲉϥⲉ̀ⲭⲱⲛⲥ ⲛ̀ϫⲉ ⲫ̀ⲓⲁⲣⲟ ⲟⲩⲟϩ ⲛⲛⲟⲩϣϫⲉⲙϫⲟⲙ ⲛ̀ϫⲉ ⲛⲓⲣⲉⲙⲛⲭⲏⲙⲓ ⲉⲥⲉ ⲙⲱⲟⲩ ⲉ̀ⲃⲟⲗ ϧⲉⲛ ⲫ̀ⲓⲁⲣⲟ	ouoh nitevt ny etky xen f̀iaro evèmou ouoh efèkōns ǹje f̀iaro ouoh nnouṡjemgom ǹje niremnkymi ese mōou èvol xen f̀iaro	And the fish that are in the river shall die, and the river shall stink thereupon, and the Egyptians shall not be able to drink water from the river.
7:19	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲁϫⲟⲥ ⲛⲁⲁⲣⲱⲛ ⲡⲉⲕⲥⲟⲛ ϫⲉϭⲓ ⲙⲡⲉⲕϣⲃⲱⲧ ⲟⲩⲟϩ ⲥⲟⲩⲧⲉⲛ ⲧⲉⲕϫⲓϫ ⲉⲃⲟⲗ ⲉϫⲉⲛⲛⲓⲙⲱⲟⲩ ⲛⲧⲉⲭⲏⲙⲓ ⲛⲉⲙⲉϫⲉⲛⲛⲟⲩⲓⲁⲣⲱⲟⲩ ⲛⲉⲙⲉϫⲉⲛⲛⲟⲩⲓⲟⲣ ⲛϣⲓⲕ ⲛⲉⲙⲉϫⲉⲛⲛⲟⲩϩⲉⲗⲟⲥ ⲛⲉⲙⲉϫⲉⲛⲙⲁⲓ ⲛⲓⲃⲉⲛ ⲉⲧⲉⲟⲩⲟⲛ ⲙⲱⲟⲩ ⲛⲧⲱⲟⲩ ⲑⲟⲩⲏⲟⲩⲧ ⲛϧⲏⲧⲟⲩ ⲟⲩⲟϩ ⲉⲩⲉⲉⲣⲥⲛⲟϥ ⲟⲩⲟϩ ⲉϥⲉϣⲱⲡⲓ ⲛϫⲉⲡⲓⲥⲛⲟϥ ⲛϧⲣⲏⲓ ⲉϫⲉⲛⲡⲓⲕⲁϩⲓ ⲧⲏⲣϥ ⲛⲧⲉⲭⲏⲙⲓ ⲛϧⲣⲏⲓ ϧⲉⲛⲛⲓϣⲉ ⲛⲉⲙⲛϧⲣⲏⲓ ϧⲉⲛⲛⲓⲱⲛⲓ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲁ̀ϫⲟⲥ ⲛ̀ⲁⲁⲣⲱⲛ ⲡⲉⲕⲥⲟⲛ ϫⲉ ϭⲓ ⲛ̀ⲡⲉⲕϣ̀ⲃⲱⲧ ⲟⲩⲟϩ ⲥⲟⲩⲧⲉⲛ ⲧⲉⲕϫⲓϫ ⲉ̀ⲃⲟⲗ ⲉ̀ϫⲉⲛ ⲛⲓⲙⲱⲟⲩ ⲛ̀ⲧⲉ ⲭⲏⲙⲓ ⲛⲉⲙ ⲉ̀ϫⲉⲛ ⲛ̀ⲟⲩⲓⲁⲣⲱⲟⲩ ⲛⲉⲙ ⲉ̀ϫⲉⲛ ⲛⲟⲩⲓⲟⲣ ⲛ̀ϣⲓⲕ ⲛⲉⲙ ⲉ̀ϫⲉⲛ ⲛⲟⲩϩⲉⲗⲟⲥ ⲛⲉⲙ ⲉ̀ϫⲉⲛ ⲙⲁⲓ ⲛⲓⲃⲉⲛ ⲉ̀ⲧⲉ ⲟⲩⲟⲛ ⲙⲱⲟⲩ ⲛ̀ⲧⲱⲟⲩ ⲑⲟⲩⲏⲟⲩⲧ ⲛ̀ϧⲏⲧⲟⲩ ⲟⲩⲟϩ ⲉⲩⲉⲉⲣⲥⲛⲟϥ ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲡⲓⲥ̀ⲛⲟϥ ⲛ̀ϧ̀ⲣⲏⲓ ⲉ̀ϫⲉⲛ ⲡⲓⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ ⲛ̀ϧ̀ⲣⲏⲓ ϧⲉⲛ ⲛⲓϣⲉ ⲛⲉⲙ ⲛ̀ϧ̀ⲣⲏⲓ ϧⲉⲛ ⲛⲓⲱⲛⲓ	peje p̀ċois ḋe ǹmōisys je àgos ǹaarōn pek·son je ċi ǹpekṡ̀vōt ouoh souten tekjig èvol èjen nimōou ǹte kymi nem èjen ǹouiarōou nem èjen nouior ǹṡik nem èjen nouhelos nem èjen mai niven ète ouon mōou ǹtōou θouyout ǹxytou ouoh eveersnof ouoh efèṡōpi ǹje pis̀nof ǹx̀ryi èjen pikahi tyrf ǹte kymi ǹx̀ryi xen niṡe nem ǹx̀ryi xen niōni	And the Lord said to Moses, Say to thy brother Aaron, Take thy rod in thy hand, and stretch forth thy hand over the waters of Egypt, and over their rivers, and over their canals, and over their ponds, and over all their standing water, and it shall become blood: and there was blood in all the land of Egypt, both in vessels of wood and of stone.
7:20	ⲟⲩⲟϩ ⲁⲩⲓⲣⲓ ⲙⲡⲁⲓⲣⲏϯ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲕⲁⲧⲁⲫⲣⲏϯ ⲉⲧⲁϥϩⲟⲛϩⲉⲛ ⲛⲱⲟⲩ ⲛϫⲉⲡϭⲟⲓⲥ ⲟⲩⲟϩ ⲁϥϥⲁⲓ ⲉⲡϣⲱⲓ ⲛϫⲉⲁⲁⲣⲱⲛ ⲁϥⲙⲓϣⲓ ϧⲉⲛⲡⲉϥϣⲃⲱⲧ ⲙⲡⲓⲙⲱⲟⲩ ⲉⲧϧⲉⲛⲫⲓⲁⲣⲟ ⲙⲡⲉⲙⲑⲟ ⲙⲫⲁⲣⲁⲱ ⲛⲉⲙⲡⲉⲙⲑⲟ ⲛⲛⲉϥⲁⲗⲱⲟⲩⲓ ⲟⲩⲟϩ ⲁϥⲟⲩⲱⲧⲉⲃ ⲛϫⲉⲡⲓⲙⲱⲟⲩ ⲧⲏⲣϥ ⲉⲧϧⲉⲛⲫⲓⲁⲣⲟ ⲁϥⲉⲣⲥⲛⲟϥ	ⲟⲩⲟϩ ⲁⲩⲓ̀ⲣⲓ ⲛ̀ⲡⲁⲓⲣⲏϯ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲕⲁⲧⲁ ⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲱⲟⲩ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥϥⲁⲓ ⲉ̀ⲡ̀ϣⲱⲓ ⲛ̀ϫⲉ ⲁ̀ⲁⲣⲱⲛ ⲁϥⲙⲓϣⲓ ϧⲉⲛ ⲡⲉϥϣ̀ⲃⲱⲧ ⲛ̀ⲡⲓⲙⲱⲟⲩ ⲉⲧϧⲉⲛ ⲫ̀ⲓⲁⲣⲟ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲛⲉⲙ ⲡ̀ⲉⲙⲑⲟ ⲛ̀ⲛⲉϥⲁ̀ⲗⲱⲟⲩⲓ̀ ⲟⲩⲟϩ ⲁϥⲟⲩⲱⲧⲉⲃ ⲛ̀ϫⲉ ⲡⲓⲙⲱⲟⲩ ⲧⲏⲣϥ ⲉⲧϧⲉⲛ ⲫ̀ⲓⲁⲣⲟ ⲁϥⲉⲣⲥⲛⲟϥ	ouoh avìri ǹpairyti ǹje mōisys nem àarōn kata f̀ryti etafhonhen nōou ǹje p̀ċois ouoh affai èp̀ṡōi ǹje àarōn afmiṡi xen pefṡ̀vōt ǹpimōou etxen f̀iaro ǹpem̀θo ǹfaraṑ nem p̀emθo ǹnefàlōouì ouoh afouōteb ǹje pimōou tyrf etxen f̀iaro afersnof	and Moses and Aaron did so, as the Lord commanded them; and Aaron having lifted up his hand with his rod, smote the water in the river before Pharao, and before his servants, and changed all the water in the river into blood.
7:21	ⲟⲩⲟϩ ⲛⲓⲧⲉⲃⲧ ⲉⲧϧⲉⲛⲫⲓⲁⲣⲟ ⲁⲩⲙⲟⲩ ⲟⲩⲟϩ ⲁϥⲭⲱⲛⲥ ⲛϫⲉⲫⲓⲁⲣⲟ ⲟⲩⲟϩ ⲛⲁϣϫⲉⲙϫⲟⲙ ⲁⲛ ⲡⲉ ⲛϫⲉⲛⲓⲣⲉⲙⲛⲭⲏⲙⲓ ⲉⲥⲉ ⲙⲱⲟⲩ ⲉⲃⲟⲗ ϧⲉⲛⲫⲓⲁⲣⲟ ⲟⲩⲟϩ ⲛⲁϥⲭⲏ ⲡⲉ ⲛϫⲉⲡⲓⲥⲛⲟϥ ϧⲉⲛⲡⲓⲕⲁϩⲓ ⲧⲏⲣϥ ⲛⲧⲉⲭⲏⲙⲓ	ⲟⲩⲟϩ ⲛⲓⲧⲉⲃⲧ ⲉⲧϧⲉⲛ ⲫ̀ⲓⲁⲣⲟ ⲁⲩⲙⲟⲩ ⲟⲩⲟϩ ⲁϥⲭⲱⲛⲥ ⲛ̀ϫⲉ ⲫ̀ⲓⲁⲣⲟ ⲟⲩⲟϩ ⲛⲁϣϫⲉⲙϫⲟⲙ ⲁⲛ ⲡⲉ ⲛ̀ϫⲉ ⲛⲓⲣⲉⲙⲛⲭⲏⲙⲓ ⲉⲥⲉ ⲙⲱⲟⲩ ⲉ̀ⲃⲟⲗ ϧⲉⲛ ⲫ̀ⲓⲁⲣⲟ ⲟⲩⲟϩ ⲛⲁϥⲭⲏ ⲡⲉ ⲛ̀ϫⲉ ⲡⲓⲥ̀ⲛⲟϥ ϧⲉⲛ ⲡⲓⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ	ouoh nitevt etxen f̀iaro avmou ouoh afkōns ǹje f̀iaro ouoh naṡjemgom an pe ǹje niremnkymi ese mōou èvol xen f̀iaro ouoh nafky pe ǹje pis̀nof xen pikahi tyrf ǹte kymi	And the fish in the river died, and the river stank thereupon; and the Egyptians could not drink water from the river, and the blood was in all the land of Egypt.
7:22	ⲁⲩⲓⲣⲓ ⲇⲉ ϩⲱⲟⲩ ⲙⲡⲁⲓⲣⲏϯ ⲛϫⲉⲛⲓⲣⲉϥϭⲓϣⲏⲙ ⲛⲧⲉⲛⲓⲣⲉⲙⲛⲭⲏⲙⲓ ϧⲉⲛⲟⲩⲙⲉⲧⲫⲁⲣⲙⲁⲕⲟⲥ ⲟⲩⲟϩ ⲁϥⲉⲛϣⲟⲧ ⲛϫⲉⲡϩⲏⲧ ⲙⲫⲁⲣⲁⲱ ⲟⲩⲟϩ ⲙⲡⲉϥⲥⲱⲧⲉⲙ ⲛⲥⲱⲟⲩ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛϫⲉⲡϭⲟⲓⲥ	ⲁⲩⲓ̀ⲣⲓ ⲇⲉ ϩⲱⲟⲩ ⲛ̀ⲡⲁⲓⲣⲏϯ ⲛ̀ϫⲉ ⲛⲓⲣⲉϥϭⲓϣⲏⲙ ⲛ̀ⲧⲉ ⲛⲓⲣⲉⲙⲛⲭⲏⲙⲓ ϧⲉⲛ ⲟⲩⲙⲉⲧⲫⲁⲣⲙⲁⲕⲟⲥ ⲟⲩⲟϩ ⲁϥⲉⲛϣⲟⲧ ⲛ̀ϫⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲟⲩⲟϩ ⲙ̀ⲡⲉϥⲥⲱⲧⲉⲙ ⲛ̀ⲥⲱⲟⲩ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲡ̀ϭⲟⲓⲥ	avìri ḋe hōou ǹpairyti ǹje nirefċiṡym ǹte niremnkymi xen oumetfarmakos ouoh afenṡot ǹje p̀hyt ǹfaraṑ ouoh m̀pefsōtem ǹsōou kata f̀ryti ètafgos ǹje p̀ċois	And the charmers also of the Egyptians did so with their sorceries; and the heart of Pharao was hardened, and he did not hearken to them, even as the Lord said.
7:23	ⲁϥⲕⲟⲧϥ ⲇⲉ ⲛϫⲉⲫⲁⲣⲁⲱ ⲁϥϣⲉⲛⲁϥ ⲉϧⲟⲩⲛ ⲉⲡⲉϥⲏⲓ ⲟⲩⲟϩ ⲙⲡⲉϥⲟⲩⲉⲙϩⲑⲏϥ ⲟⲩⲇⲉ ⲉϫⲉⲛⲡⲁⲓⲭⲉⲧ	ⲁϥⲕⲟⲧϥ ⲇⲉ ⲛ̀ϫⲉ ⲫⲁⲣⲁⲱ̀ ⲁϥϣⲉⲛⲁϥ ⲉ̀ϧⲟⲩⲛ ⲉ̀ⲡⲉϥⲏⲓ ⲟⲩⲟϩ ⲙ̀ⲡⲉϥⲟⲩⲉⲙϩ̀ⲑⲏϥ ⲟⲩⲇⲉ ⲉ̀ϫⲉⲛ ⲡⲁⲓⲭⲉⲧ	afkotf ḋe ǹje faraṑ afṡenaf èxoun èpefyi ouoh m̀pefouemh̀θyf ouḋe èjen paiket	And Pharao turned and entered into his house, nor did he fix his attention even on this thing.
7:24	ⲁⲩϣⲱⲕⲓ ⲇⲉ ⲧⲏⲣⲟⲩ ⲛϫⲉⲛⲓⲣⲉⲙⲛⲭⲏⲙⲓ ⲙⲡⲕⲱϯ ⲙⲫⲓⲁⲣⲟ ϩⲓⲛⲁ ⲛⲧⲟⲩⲥⲉ ⲙⲱⲟⲩ ⲟⲩⲟϩ ⲛⲁⲩϣϫⲉⲙϫⲟⲙ ⲁⲛ ⲡⲉ ⲉⲥⲉ ⲙⲱⲟⲩ ⲉⲃⲟⲗ ϧⲉⲛⲫⲓⲁⲣⲟ	ⲁⲩϣⲱⲕⲓ ⲇⲉ ⲧⲏⲣⲟⲩ ⲛ̀ϫⲉ ⲛⲓⲣⲉⲙⲛⲭⲏⲙⲓ ⲛ̀ⲡ̀ⲕⲱϯ ⲛ̀ⲫ̀ⲓⲁⲣⲟ ϩⲓⲛⲁ ⲛ̀ⲧⲟⲩⲥⲉ ⲙⲱⲟⲩ ⲟⲩⲟϩ ⲛⲁⲩϣϫⲉⲙϫⲟⲙ ⲁⲛ ⲡⲉ ⲉⲥⲉ ⲙⲱⲟⲩ ⲉ̀ⲃⲟⲗ ϧⲉⲛ ⲫ̀ⲓⲁⲣⲟ	avṡōki ḋe tyrou ǹje niremnkymi ǹp̀kōti ǹf̀iaro hina ǹtouse mōou ouoh navṡjemgom an pe ese mōou èvol xen f̀iaro	And all the Egyptians dug round about the river, so as to drink water, for they could not drink water from the river.
7:25	ⲟⲩⲟϩ ⲁⲩⲙⲟϩ ⲉⲃⲟⲗ ⲛϫⲉⲍ̅ ⲛⲉϩⲟⲟⲩ ⲙⲉⲛⲉⲛⲥⲁⲑⲣⲉ ⲡϭⲟⲓⲥ ϣⲁⲣⲓ ⲉⲫⲓⲁⲣⲟ ⲛⲭⲏⲙⲓ	ⲟⲩⲟϩ ⲁⲩⲙⲟϩ ⲉ̀ⲃⲟⲗ ⲛ̀ϫⲉ 7 ⲛ̀ⲉ̀ϩⲟⲟⲩ ⲙⲉⲛⲉⲛⲥⲁⲑⲣⲉ ⲡ̀ϭⲟⲓⲥ ϣⲁ ⲣⲓ ⲉ̀ⲫ̀ⲓⲁⲣⲟ ⲛ̀ⲭⲏⲙⲓ	ouoh avmoh èvol ǹje 7 ǹèhoou menensaθre p̀ċois ṡa ri èf̀iaro ǹkymi	and seven days were fulfilled after the Lord has smitten the river.

Provenance

title: Exodus 7
dialect: bohairic
source: Coptic SCRIPTORIUM corpus "bohairic.ot", document 02_Exodus_07
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 7 from Coptic SCRIPTORIUM (https://copticscriptorium.org), corpus bohairic.ot, document 02_Exodus_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/07.bohairic.scriptorium.L0.txt
title: Exodus 7 — Cairene
dialect: bohairic
source: generated from 07.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_07)
licence: CC BY-SA 4.0
share: attribution
attribution: Exodus 7 from Coptic SCRIPTORIUM (https://copticscriptorium.org), corpus bohairic.ot, document 02_Exodus_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/07.bohairic.scriptorium.L1.txt
title: Exodus 7 — Kemetic
dialect: bohairic
source: generated from 07.bohairic.scriptorium.L1.txt
licence: CC BY-SA 4.0
share: attribution
attribution: Exodus 7 from Coptic SCRIPTORIUM (https://copticscriptorium.org), corpus bohairic.ot, document 02_Exodus_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/07.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_07 (25 lines)

Cite as:

Exodus 7. Coptic SCRIPTORIUM corpus "bohairic.ot", document 02_Exodus_07. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/07.bohairic.scriptorium/. Exodus 7 from Coptic SCRIPTORIUM (https://copticscriptorium.org), corpus bohairic.ot, document 02_Exodus_07, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.