Exodus 8 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_08

Attribution: Exodus 8 from Coptic SCRIPTORIUM (https://copticscriptorium.org), corpus bohairic.ot, document 02_Exodus_08, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

32 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
8:1	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲙⲁϣⲉⲛⲁⲕ ⲉϧⲟⲩⲛ ϩⲁⲫⲁⲣⲁⲱ ⲟⲩⲟϩ ⲉⲕⲉϫⲟⲥ ⲛⲁϥ ϫⲉⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲓⲥ ϫⲉⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲓⲛⲁ ⲛⲧⲟⲩϣⲉⲙϣⲓ ⲙⲙⲟⲓ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲙⲁϣⲉⲛⲁⲕ ⲉ̀ϧⲟⲩⲛ ϩⲁ ⲫⲁⲣⲁⲱ̀ ⲟⲩⲟϩ ⲉⲕⲉ̀ϫⲟⲥ ⲛⲁϥ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲟⲩϣⲉⲙϣⲓ ⲙ̀ⲙⲟⲓ	peje p̀ċois ḋe ǹmōisys je maṡenak èxoun ha faraṑ ouoh ekègos naf je nai ne ny etefgō m̀mōou ǹje p̀ċois je ouōrp ǹpalaos èvol hina ǹtouṡemṡi m̀moi	And the Lord said to Moses, Go in to Pharao, and thou shalt say to him, These things says the Lord: send forth my people, that they may serve me.
8:2	ⲓⲥϫⲉ ⲇⲉ ⲕⲟⲩⲱϣ ⲛⲑⲟⲕ ⲁⲛ ⲉⲟⲩⲟⲣⲡϥ ⲉⲃⲟⲗ ϩⲏⲡⲡⲉ ⲁⲛⲟⲕ ⲉⲓⲉϣⲁⲣⲓ ⲛⲛⲉⲕϭⲓⲏ ⲧⲏⲣⲟⲩ ϧⲉⲛϩⲁⲛⲭⲣⲟⲩⲣ	ⲓⲥϫⲉ ⲇⲉ ⲭ̀ⲟⲩⲱϣ ⲛ̀ⲑⲟⲕ ⲁⲛ ⲉ̀ⲟⲩⲟⲣⲡϥ ⲉ̀ⲃⲟⲗ ϩⲏⲡⲡⲉ ⲁⲛⲟⲕ ⲉⲓⲉ̀ϣⲁⲣⲓ ⲛ̀ⲛⲉⲕϭⲓⲏ ⲧⲏⲣⲟⲩ ϧⲉⲛ ϩⲁⲛⲭⲣⲟⲩⲣ	isje ḋe k̀ouōṡ ǹθok an èouorpf èvol hyppe anok eièṡari ǹnekċiy tyrou xen hankrour	And if thou wilt not send them forth, behold, I afflict all thy borders with frogs:
8:3	ⲟⲩⲟϩ ⲉⲣⲉⲫⲓⲁⲣⲟ ⲃⲉⲃⲓ ⲉⲡϣⲱⲓ ⲛⲁϩⲛⲭⲣⲟⲩⲣ ⲟⲩⲟϩ ⲁⲩϣⲁⲛⲓ ⲉⲡϣⲱⲓ ⲉⲩⲉϣⲉⲛⲱⲟⲩ ⲉϧⲟⲩⲛ ⲉⲛⲉⲕⲏⲟⲩ ⲛⲉⲙⲉϧⲟⲩⲛ ⲉⲛⲓⲧⲁⲙⲓⲟⲛ ⲛⲧⲉⲛⲉⲕⲕⲟⲓⲧⲱⲛ ⲉϫⲉⲛⲛⲉⲕϭⲗⲟϫ ⲛⲉⲛ ⲛⲉⲛⲏⲟⲩ ⲛⲛⲉⲕⲁⲗⲱⲟⲩⲓ ⲛⲉⲙⲡⲉⲕⲗⲁⲟⲥ ⲛⲉⲙⲛϧⲣⲏⲓ ϧⲉⲛⲛⲉⲕⲟⲩⲱϣⲉⲙ ⲛⲉⲙⲛϧⲣⲏⲓ ϧⲉⲛⲛⲉⲕⲑⲣⲓⲣ	ⲟⲩⲟϩ ⲉ̀ⲣⲉⲫ̀ⲓⲁⲣⲟ ⲃⲉⲃⲓ ⲉ̀ⲡ̀ϣⲱⲓ ⲛⲁϩⲛⲭⲣⲟⲩⲣ ⲟⲩⲟϩ ⲁⲩϣⲁⲛⲓ ⲉ̀ⲡ̀ϣⲱⲓ ⲉⲩⲉ̀ϣⲉⲛⲱⲟⲩ ⲉ̀ϧⲟⲩⲛ ⲉ̀ⲛⲉⲕⲏⲟⲩ ⲛⲉⲙ ⲉ̀ϧⲟⲩⲛ ⲉ̀ⲛⲓⲧⲁⲙⲓⲟⲛ ⲛ̀ⲧⲉ ⲛⲉⲕⲕⲟⲓⲧⲱⲛ ⲉ̀ϫⲉⲛ ⲛⲉⲕϭⲗⲟϫ ⲛⲉⲛ ⲛⲉⲛⲏⲟⲩ ⲛ̀ⲛⲉⲕⲁ̀ⲗⲱⲟⲩⲓ̀ ⲛⲉⲙ ⲡⲉⲕⲗⲁⲟⲥ ⲛⲉⲙ ⲛ̀ϧ̀ⲣⲏⲓ ϧⲉⲛ ⲛⲉⲕⲟⲩⲱϣⲉⲙ ⲛⲉⲙ ⲛ̀ϧ̀ⲣⲏⲓ ϧⲉⲛ ⲛⲉⲕⲑⲣⲓⲣ	ouoh èref̀iaro vevi èp̀ṡōi nahnkrour ouoh avṡani èp̀ṡōi evèṡenōou èxoun ènekyou nem èxoun ènitamion ǹte nekkoitōn èjen nekċlog nen nenyou ǹnekàlōouì nem peklaos nem ǹx̀ryi xen nekouōṡem nem ǹx̀ryi xen nekθrir	and the river shall teem with frogs, and they shall go up and enter into thy houses, and into thy bed-chambers, and upon thy beds, and upon the houses of thy servants, and of thy people and on thy dough, and on thine ovens.
8:4	ⲛⲉⲙⲛϧⲣⲏⲓ ⲉϫⲱⲕ ⲛⲉⲙⲛϧⲣⲏⲓ ⲉϫⲉⲛⲡⲉⲕⲗⲁⲟⲥ ⲛⲉⲙⲉϫⲉⲛⲛⲉⲕⲁⲗⲱⲟⲩⲓ ⲉⲩⲉⲓ ⲉⲡϣⲱⲓ ⲛϫⲉⲛⲓⲭⲣⲟⲩⲣ	ⲛⲉⲙ ⲛ̀ϧ̀ⲣⲏⲓ ⲉ̀ϫⲱⲕ ⲛⲉⲙ ⲛ̀ϧ̀ⲣⲏⲓ ⲉ̀ϫⲉⲛ ⲡⲉⲕⲗⲁⲟⲥ ⲛⲉⲙ ⲉ̀ϫⲉⲛ ⲛⲉⲕⲁ̀ⲗⲱⲟⲩⲓ̀ ⲉⲩⲓ ⲉ̀ⲡ̀ϣⲱⲓ ⲛ̀ϫⲉ ⲛⲓⲭⲣⲟⲩⲣ	nem ǹx̀ryi ègōk nem ǹx̀ryi èjen peklaos nem èjen nekàlōouì evi èp̀ṡōi ǹje nikrour	And upon thee, and upon thy servants, and upon thy people, shall the frogs come up.
8:5	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲁϫⲟⲥ ⲛⲁⲁⲣⲱⲛ ⲡⲉⲕⲥⲟⲛ ϫⲉⲥⲟⲩⲧⲉⲛ ⲡⲉⲕϣⲃⲱⲧ ⲉⲃⲟⲗ ⲉⲧϧⲉⲛⲧⲉⲕϫⲓϫ ⲉϫⲉⲛⲛⲓⲓⲁⲣⲱⲟⲩ ⲛⲉⲙⲉϫⲉⲛⲛⲓϣⲁⲧⲥ ⲛⲉⲙⲉϫⲉⲛⲛⲓϩⲉⲗⲟⲥ ⲟⲩⲟϩ ⲁⲛⲓⲟⲩⲓ ⲛⲛⲓⲭⲣⲟⲩⲣ ⲉⲡϣⲱⲓ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲁ̀ϫⲟⲥ ⲛ̀ⲁⲁⲣⲱⲛ ⲡⲉⲕⲥⲟⲛ ϫⲉ ⲥⲟⲩⲧⲉⲛ ⲡⲉⲕϣ̀ⲃⲱⲧ ⲉ̀ⲃⲟⲗ ⲉⲧϧⲉⲛ ⲧⲉⲕϫⲓϫ ⲉ̀ϫⲉⲛ ⲛⲓⲓⲁⲣⲱⲟⲩ ⲛⲉⲙ ⲉ̀ϫⲉⲛ ⲛⲓϣⲁⲧⲥ ⲛⲉⲙ ⲉ̀ϫⲉⲛ ⲛⲓϩⲉⲗⲟⲥ ⲟⲩⲟϩ ⲁⲛⲓⲟⲩⲓ̀ ⲛ̀ⲛⲓⲭⲣⲟⲩⲣ ⲉ̀ⲡ̀ϣⲱⲓ	peje p̀ċois ḋe ǹmōisys je àgos ǹaarōn pek·son je souten pekṡ̀vōt èvol etxen tekjig èjen niiarōou nem èjen niṡats nem èjen nihelos ouoh aniouì ǹnikrour èp̀ṡōi	And the Lord said to Moses, Say to Aaron thy brother, Stretch forth with the hand thy rod over the rivers, and over the canals, and over the pools, and bring up the frogs.
8:6	ⲟⲩⲟϩ ⲁϥⲥⲟⲩⲧⲉⲛ ⲧⲉϥϫⲓϫ ⲉⲃⲟⲗ ⲛϫⲉⲁⲁⲣⲱⲛ ⲉϫⲉⲛⲛⲓⲙⲱⲟⲩ ⲛⲧⲉⲭⲏⲙⲓ ⲟⲩⲟϩ ⲁϥⲓⲛⲓ ⲉⲡϣⲱⲓ ⲛⲛⲓⲭⲣⲟⲩⲣ ⲟⲩⲟϩ ⲁϥϩⲱⲃⲥ ⲙⲡⲓⲕⲁϩⲓ ⲛⲧⲉⲭⲏⲙⲓ	ⲟⲩⲟϩ ⲁϥⲥⲟⲩⲧⲉⲛ ⲧⲉϥϫⲓϫ ⲉ̀ⲃⲟⲗ ⲛ̀ϫⲉ ⲁ̀ⲁⲣⲱⲛ ⲉ̀ϫⲉⲛ ⲛⲓⲙⲱⲟⲩ ⲛ̀ⲧⲉ ⲭⲏⲙⲓ ⲟⲩⲟϩ ⲁϥⲓ̀ⲛⲓ ⲉ̀ⲡ̀ϣⲱⲓ ⲛ̀ⲛⲓⲭⲣⲟⲩⲣ ⲟⲩⲟϩ ⲁϥϩⲱⲃⲥ ⲛ̀ⲡⲓⲕⲁϩⲓ ⲛ̀ⲧⲉ ⲭⲏⲙⲓ	ouoh afsouten tefjig èvol ǹje àarōn èjen nimōou ǹte kymi ouoh afìni èp̀ṡōi ǹnikrour ouoh afhōvs ǹpikahi ǹte kymi	And Aaron stretched forth his hand over the waters of Egypt, and brought up the frogs: and the frog was brought up, and covered the land of Egypt.
8:7	ⲁⲩⲓⲣⲓ ⲇⲉ ϩⲱⲟⲩ ⲙⲡⲁⲓⲣⲏϯ ⲛϫⲉⲛⲓⲣⲉϥϭⲓϣⲏⲙ ⲛⲧⲉⲛⲓⲣⲉⲙⲛⲭⲏⲙⲓ ϧⲉⲛⲟⲩⲙⲉⲧⲫⲁⲣⲙⲁⲕⲟⲥ ⲟⲩⲟϩ ⲁⲩⲓⲛⲓ ⲛⲛⲓⲭⲣⲟⲩⲣ ⲉϫⲉⲛⲡⲕⲁϩⲓ ⲛⲭⲏⲙⲓ	ⲁⲩⲓ̀ⲣⲓ ⲇⲉ ϩⲱⲟⲩ ⲛ̀ⲡⲁⲓⲣⲏϯ ⲛ̀ϫⲉ ⲛⲓⲣⲉϥϭⲓϣⲏⲙ ⲛ̀ⲧⲉ ⲛⲓⲣⲉⲙⲛⲭⲏⲙⲓ ϧⲉⲛ ⲟⲩⲙⲉⲧⲫⲁⲣⲙⲁⲕⲟⲥ ⲟⲩⲟϩ ⲁⲩⲓ̀ⲛⲓ ⲛ̀ⲛⲓⲭⲣⲟⲩⲣ ⲉ̀ϫⲉⲛ ⲡ̀ⲕⲁϩⲓ ⲛ̀ⲭⲏⲙⲓ	avìri ḋe hōou ǹpairyti ǹje nirefċiṡym ǹte niremnkymi xen oumetfarmakos ouoh avìni ǹnikrour èjen p̀kahi ǹkymi	And the charmers of the Egyptians also did likewise with their sorceries, and brought up the frogs on the land of Egypt.
8:8	ⲁϥⲙⲟⲩϯ ⲇⲉ ⲛϫⲉⲫⲁⲣⲁⲱ ⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲟⲩⲟϩ ⲡⲉϫⲁϥ ϫⲉⲧⲱⲃϩ ⲙⲡϭⲟⲓⲥ ⲉϩⲣⲏⲓ ⲉϫⲱⲓ ⲟⲩⲟϩ ⲙⲁⲣⲉϥⲱⲗⲓ ⲙⲡⲓⲭⲣⲟⲩⲣ ⲉⲃⲟⲗ ϩⲁⲣⲟⲓ ⲛⲉⲙⲉⲃⲟⲗ ϩⲁⲡⲁⲗⲁⲟⲥ ⲟⲩⲟϩ ϯⲛⲁⲟⲩⲱⲣⲡ ⲙⲡⲓⲗⲁⲟⲥ ϩⲓⲛⲁ ⲛⲧⲟⲩⲉⲣϣⲟⲩϣⲱⲟⲩϣⲓ ⲙⲡϭⲟⲓⲥ	ⲁϥⲙⲟⲩϯ ⲇⲉ ⲛ̀ϫⲉ ⲫⲁⲣⲁⲱ̀ ⲉ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲟⲩⲟϩ ⲡⲉϫⲁϥ ϫⲉ ⲧⲱⲃϩ ⲛ̀ⲡ̀ϭⲟⲓⲥ ⲉ̀ϩ̀ⲣⲏⲓ ⲉ̀ϫⲱⲓ ⲟⲩⲟϩ ⲙⲁⲣⲉϥⲱ̀ⲗⲓ ⲛ̀ⲡⲓⲭⲣⲟⲩⲣ ⲉ̀ⲃⲟⲗ ϩⲁⲣⲟⲓ ⲛⲉⲙ ⲉ̀ⲃⲟⲗ ϩⲁ ⲡⲁⲗⲁⲟⲥ ⲟⲩⲟϩ ϯⲛⲁⲟⲩⲱⲣⲡ ⲛ̀ⲡⲓⲗⲁⲟⲥ ϩⲓⲛⲁ ⲛ̀ⲧⲟⲩⲉⲣϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ	afmouti ḋe ǹje faraṑ èmōisys nem àarōn ouoh pegaf je tōvh ǹp̀ċois èh̀ryi ègōi ouoh marefṑli ǹpikrour èvol haroi nem èvol ha palaos ouoh tinaouōrp ǹpilaos hina ǹtouerṡouṡōouṡi ǹp̀ċois	And Pharao called Moses and Aaron, and said, Pray for me to the Lord, and let him take away the frogs from me and from my people; and I will send them away, and they shall sacrifice to the Lord.
8:9	ⲡⲉϫⲉ ⲙⲱⲩⲥⲏⲥ ⲇⲉ ⲫⲁⲣⲁⲱ ϫⲉⲥⲉⲙⲛⲏⲧⲥ ⲛⲉⲙⲏⲓ ϫⲉⲛⲧⲁⲧⲱⲃϩ ⲉⲑⲃⲏⲧⲕ ⲛⲑⲛⲁⲩ ⲛⲉⲙⲉⲑⲃⲉⲛⲉⲕⲁⲗⲱⲟⲩⲓ ⲛⲉⲙⲡⲉⲕⲗⲁⲟⲥ ⲉⲧⲁⲕⲟ ⲛⲛⲓⲭⲣⲟⲩⲣ ⲉⲃⲟⲗ ϩⲁⲣⲟⲕ ⲛⲉⲙⲉⲃⲟⲗ ϩⲁⲡⲉⲕⲗⲁⲟⲥ ⲛⲉⲙⲉⲃⲟⲗ ϩⲁⲛⲉⲧⲉⲛⲏⲟⲩ ⲉⲃⲏⲗ ⲉⲛⲏ ⲉⲑⲛⲁⲥⲱϫⲡ ϧⲉⲛⲫⲓⲁⲣⲟ	ⲡⲉϫⲉ ⲙⲱⲩⲥⲏⲥ ⲇⲉ ⲫⲁⲣⲁⲱ̀ ϫⲉ ⲥⲉⲙⲛⲏⲧⲥ ⲛⲉⲙⲏⲓ ϫⲉ ⲛ̀ⲧⲁⲧⲱⲃϩ ⲉⲑⲃⲏⲧⲕ ⲛ̀ⲑⲛⲁⲩ ⲛⲉⲙ ⲉⲑⲃⲉ ⲛⲉⲕⲁ̀ⲗⲱⲟⲩⲓ̀ ⲛⲉⲙ ⲡⲉⲕⲗⲁⲟⲥ ⲉ̀ⲧⲁⲕⲟ ⲛ̀ⲛⲓⲭⲣⲟⲩⲣ ⲉ̀ⲃⲟⲗ ϩⲁⲣⲟⲕ ⲛⲉⲙ ⲉ̀ⲃⲟⲗ ϩⲁ ⲡⲉⲕⲗⲁⲟⲥ ⲛⲉⲙ ⲉ̀ⲃⲟⲗ ϩⲁⲛⲉⲧⲉⲛⲏⲟⲩ ⲉ̀ⲃⲏⲗ ⲉ̀ⲛⲏ ⲉⲑⲛⲁⲥⲱϫⲡ ϧⲉⲛ ⲫ̀ⲓⲁⲣⲟ	peje mōisys ḋe faraṑ je semnyts nemyi je ǹtatōvh eθvytk ǹθnav nem eθve nekàlōouì nem peklaos ètako ǹnikrour èvol harok nem èvol ha peklaos nem èvol hanetenyou èvyl èny eθnasōgp xen f̀iaro	And Moses said to Pharao, Appoint me a time when I shall pray for thee, and for thy servants, and for thy people, to cause the frogs to disappear from thee, and from thy people, and from your houses, only in the river shall they be left behind.
8:10	ⲛⲑⲟϥ ⲇⲉ ⲡⲉϫⲁϥ ϫⲉⲣⲁⲥϯ ⲡⲉϫⲁϥ ⲟⲩⲛ ϫⲉⲙⲫⲣⲏϯ ⲉⲧⲁⲕϫⲟⲥ ⲉⲥⲉϣⲱⲡⲓ ϩⲓⲛⲁ ⲛⲧⲉⲕⲉⲙⲓ ϫⲉⲙⲙⲟⲛ ⲕⲉⲟⲩⲁⲓ ⲉⲃⲏⲗ ⲉⲡϭⲟⲓⲥ	ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲣⲁⲥϯ ⲡⲉϫⲁϥ ⲟⲩⲛ ϫⲉ ⲛ̀ⲫ̀ⲣⲏϯ ⲉⲧⲁⲕϫⲟⲥ ⲉⲥⲉϣⲱⲡⲓ ϩⲓⲛⲁ ⲛ̀ⲧⲉⲕⲉⲙⲓ ϫⲉ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲡ̀ϭⲟⲓⲥ	ǹθof ḋe pegaf je rasti pegaf oun je ǹf̀ryti etakgos eseṡōpi hina ǹtekemi je m̀mon keouai èvyl èp̀ċois	And he said, On the morrow: he said therefore, As thou has said; that thou mayest know, that there is no other God but the Lord.
8:11	ⲟⲩⲟϩ ⲉⲩⲉⲱⲗⲓ ⲛⲛⲓⲭⲣⲟⲩⲣ ⲉⲃⲟⲗ ϩⲁⲣⲟⲕ ⲛⲉⲙⲉⲃⲟⲗ ϩⲁⲛⲉⲧⲉⲛⲏⲟⲩ ⲛⲉⲙⲉⲃⲟⲗ ϩⲁⲛⲉⲕⲁⲗⲱⲟⲩⲓ ⲛⲉⲙⲉⲃⲟⲗ ϩⲁⲡⲉⲕⲗⲁⲟⲥ ⲉⲃⲏⲗ ⲉⲛⲏ ⲉⲑⲛⲁⲥⲱϫⲡ ϧⲉⲛⲫⲓⲁⲣⲟ	ⲟⲩⲟϩ ⲉⲩⲉⲱ̀ⲗⲓ ⲛ̀ⲛⲓⲭⲣⲟⲩⲣ ⲉ̀ⲃⲟⲗ ϩⲁⲣⲟⲕ ⲛⲉⲙ ⲉ̀ⲃⲟⲗ ϩⲁⲛⲉⲧⲉⲛⲏⲟⲩ ⲛⲉⲙ ⲉ̀ⲃⲟⲗ ϩⲁ ⲛⲉⲕⲁ̀ⲗⲱⲟⲩⲓ̀ ⲛⲉⲙ ⲉ̀ⲃⲟⲗ ϩⲁ ⲡⲉⲕⲗⲁⲟⲥ ⲉ̀ⲃⲏⲗ ⲉ̀ⲛⲏ ⲉⲑⲛⲁⲥⲱϫⲡ ϧⲉⲛ ⲫ̀ⲓⲁⲣⲟ	ouoh eveṑli ǹnikrour èvol harok nem èvol hanetenyou nem èvol ha nekàlōouì nem èvol ha peklaos èvyl èny eθnasōgp xen f̀iaro	And the frogs shall be removed away from thee, and from your houses and from the villages, and from thy servants, and from thy people, only in the river they shall be left.
8:12	ⲁϥⲓ ⲇⲉ ⲉⲃⲟⲗ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲉⲃⲟⲗ ϩⲁⲫⲁⲣⲁⲱ ⲟⲩⲟϩ ⲁϥⲱϣ ⲉⲡϣⲱⲓ ϩⲁⲡϭⲟⲓⲥ ⲛϫⲉⲙⲱⲩⲥⲏⲥ ⲉⲑⲃⲉϯⲛⲉⲓ ⲉⲧⲁϥⲧⲏⲓⲥ ϧⲁⲛⲓⲭⲣⲟⲩⲣ ⲕⲁⲧⲁⲫⲣⲏϯ ⲉⲧⲁϥⲥⲉⲙⲛⲏⲧⲥ ⲛⲉⲙⲫⲁⲣⲁⲱ	ⲁϥⲓ̀ ⲇⲉ ⲉ̀ⲃⲟⲗ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉ̀ⲃⲟⲗ ϩⲁ ⲫⲁⲣⲁⲱ̀ ⲟⲩⲟϩ ⲁϥⲱϣ ⲉ̀ⲡ̀ϣⲱⲓ ϩⲁ ⲡ̀ϭⲟⲓⲥ ⲛ̀ϫⲉ ⲙⲱⲩⲥⲏⲥ ⲉⲑⲃⲉ ϯⲛⲉⲓ ⲉⲧⲁϥⲧⲏⲓⲥ ϧⲁ ⲛⲓⲭⲣⲟⲩⲣ ⲕⲁⲧⲁ ⲫ̀ⲣⲏϯ ⲉⲧⲁϥⲥⲉⲙⲛⲏⲧⲥ ⲛⲉⲙ ⲫⲁⲣⲁⲱ̀	afì ḋe èvol ǹje mōisys nem àarōn èvol ha faraṑ ouoh afōṡ èp̀ṡōi ha p̀ċois ǹje mōisys eθve tinei etaftyis xa nikrour kata f̀ryti etafsemnyts nem faraṑ	And Moses and Aaron went forth from Pharao, and Moses cried to the Lord concerning the restriction of the frogs, as Pharao appointed him.
8:13	ⲁϥⲓⲣⲓ ⲇⲉ ⲛϫⲉⲡϭⲟⲓⲥ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛϫⲉⲙⲱⲩⲥⲏⲥ ⲟⲩⲟϩ ⲁⲩⲙⲟⲩⲛⲕ ⲛϫⲉⲛⲓⲭⲣⲟⲩⲣ ⲉⲃⲟⲗ ϧⲉⲛⲛⲓⲏⲓ ⲛⲉⲙⲉⲃⲟⲗ ϧⲉⲛⲛⲓⲟϩⲓ ⲛⲉⲙⲉⲃⲟⲗ ϩⲁⲛⲓⲕⲟⲓ	ⲁϥⲓⲣⲓ ⲇⲉ ⲛ̀ϫⲉ ⲡ̀ϭⲟⲓⲥ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲁⲩⲙⲟⲩⲛⲕ ⲛ̀ϫⲉ ⲛⲓⲭⲣⲟⲩⲣ ⲉ̀ⲃⲟⲗ ϧⲉⲛ ⲛⲓⲏⲓ ⲛⲉⲙ ⲉ̀ⲃⲟⲗ ϧⲉⲛ ⲛⲓⲟϩⲓ ⲛⲉⲙ ⲉ̀ⲃⲟⲗ ϩⲁ ⲛⲓⲕⲟⲓ	afiri ḋe ǹje p̀ċois kata f̀ryti ètafgos ǹje mōisys ouoh avmounk ǹje nikrour èvol xen niyi nem èvol xen niohi nem èvol ha nikoi	And the Lord did as Moses said, and the frogs died out of the houses, and out of the villages, and out of the fields.
8:14	ⲟⲩⲟϩ ⲁⲩⲑⲟⲩⲱⲧⲟⲩ ⲁⲩⲁⲓⲧⲟⲩ ⲛϭⲛⲱⲟⲩ ϭⲛⲱⲟⲩ ⲟⲩⲟϩ ⲁϥⲭⲱⲛⲥ ⲛϫⲉⲡⲓⲕⲁϩⲓ	ⲟⲩⲟϩ ⲁⲩⲑⲟⲩⲱⲧⲟⲩ ⲁⲩⲁⲓⲧⲟⲩ ⲛ̀ϭⲛⲱⲟⲩ ϭⲛⲱⲟⲩ ⲟⲩⲟϩ ⲁϥⲭⲱⲛⲥ ⲛ̀ϫⲉ ⲡⲓⲕⲁϩⲓ	ouoh avθouōtou avaitou ǹċnōou ċnōou ouoh afkōns ǹje pikahi	And they gathered them together in heaps, and the land stank.
8:15	ⲉⲧⲁϥⲛⲁⲩ ⲇⲉ ⲛϫⲉⲫⲁⲣⲁⲱ ϫⲉⲁ ⲡⲓⲙⲧⲟⲛ ϣⲱⲡⲓ ⲁϥⲛϣⲟⲧ ⲛϫⲉⲡⲉϥϩⲏⲧ ⲟⲩⲟϩ ⲙⲡⲉϥⲥⲱⲧⲉⲙ ⲛⲥⲱⲟⲩ ⲕⲁⲧⲁⲫⲣⲏϯ ⲉⲧⲁϥⲥⲁϫⲓ ⲛϫⲉⲡϭⲟⲓⲥ	ⲉⲧⲁϥⲛⲁⲩ ⲇⲉ ⲛ̀ϫⲉ ⲫⲁⲣⲁⲱ̀ ϫⲉ ⲁ ⲡⲓⲙ̀ⲧⲟⲛ ϣⲱⲡⲓ ⲁϥⲛ̀ϣⲟⲧ ⲛ̀ϫⲉ ⲡⲉϥϩⲏⲧ ⲟⲩⲟϩ ⲙ̀ⲡⲉϥⲥⲱⲧⲉⲙ ⲛ̀ⲥⲱⲟⲩ ⲕⲁⲧⲁ ⲫ̀ⲣⲏϯ ⲉⲧⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ	etafnav ḋe ǹje faraṑ je a pim̀ton ṡōpi afǹṡot ǹje pefhyt ouoh m̀pefsōtem ǹsōou kata f̀ryti etafsaji ǹje p̀ċois	And when Pharao saw that there was relief, his heart was hardened, and he did not hearken to them, as the Lord spoke.
8:16	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲁϫⲟⲥ ⲛⲁⲁⲣⲱⲛ ⲡⲉⲕⲥⲟⲛ ϫⲉⲥⲟⲩⲧⲉⲛ ⲡⲉⲕϣⲃⲱⲧ ⲉⲃⲟⲗ ϧⲉⲛⲧⲉⲕϫⲓϫ ⲟⲩⲟϩ ⲙⲁ ⲟⲩϣⲁϣ ⲙⲡⲓⲟⲩⲁⲛ ⲛⲧⲉⲡⲕⲁϩⲓ ⲟⲩⲟϩ ⲉⲩⲉϣⲱⲡⲓ ⲛϫⲉϩⲁⲛⲗⲉⲗⲏⲙ ϧⲉⲛⲛⲓⲣⲱⲙⲓ ⲛⲉⲙϧⲉⲛⲛⲓϥⲧⲉⲫⲁⲧ ⲛⲉⲙϧⲉⲛⲛⲓⲟⲩⲁⲛ ⲧⲏⲣⲟⲩ ⲛⲧⲉⲡⲕⲁϩⲓ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲁ̀ϫⲟⲥ ⲛ̀ⲁⲁⲣⲱⲛ ⲡⲉⲕⲥⲟⲛ ϫⲉ ⲥⲟⲩⲧⲉⲛ ⲡⲉⲕϣ̀ⲃⲱⲧ ⲉ̀ⲃⲟⲗ ϧⲉⲛ ⲧⲉⲕϫⲓϫ ⲟⲩⲟϩ ⲙⲁ ⲟⲩϣⲁϣ ⲛ̀ⲧⲉ ⲡⲓⲟⲩⲁⲛ ⲛ̀ⲧⲉ ⲡ̀ⲕⲁϩⲓ ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉ ϩⲁⲛⲗⲉⲗⲏⲙ ϧⲉⲛ ⲛⲓⲣⲱⲙⲓ ⲛⲉⲙ ϧⲉⲛ ⲛⲓϥⲧⲉⲫⲁⲧ ⲛⲉⲙ ϧⲉⲛ ⲛⲓⲟⲩⲁⲛ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ	peje p̀ċois ḋe ǹmōisys je àgos ǹaarōn pek·son je souten pekṡ̀vōt èvol xen tekjig ouoh ma ouṡaṡ ǹte piouan ǹte p̀kahi ouoh evèṡōpi ǹje hanlelym xen nirōmi nem xen niftefat nem xen niouan tyrou ǹte p̀kahi	And the Lord said to Moses, Say to Aaron, Stretch forth thy rod with thy hand and smite the dust of the earth; and there shall be lice both upon man, and upon quadrupeds, and in all the land of Egypt.
8:17	ⲟⲩⲟϩ ⲁ ⲁⲁⲣⲱⲛ ⲥⲟⲩⲧⲉⲛ ⲡⲉϥϣⲃⲱⲧ ⲉⲃⲟⲗ ϧⲉⲛⲧⲉϥϫⲓϫ ⲁϥϯ ⲛⲟⲩϣⲁϣ ⲛⲛⲓⲟⲩⲁⲛ ⲛⲧⲉⲡⲕⲁϩⲓ ⲟⲩⲟϩ ⲁⲩϣⲱⲡⲓ ⲛϫⲉⲛⲓⲗⲉⲗⲏⲙ ϧⲉⲛⲛⲓⲣⲱⲙⲓ ⲛⲉⲙϧⲉⲛⲛⲓϥⲉⲧⲫⲁⲧ ⲛⲉⲙϧⲉⲛⲛⲓⲟⲩⲁⲛ ⲧⲏⲣⲟⲩ ⲛⲧⲉⲡⲕⲁϩⲓ ϧⲉⲛⲡⲕⲁϩⲓ ⲧⲏⲣϥ ⲛⲭⲏⲙⲓ	ⲟⲩⲟϩ ⲁ ⲁ̀ⲁⲣⲱⲛ ⲥⲟⲩⲧⲉⲛ ⲡⲉϥϣ̀ⲃⲱⲧ ⲉ̀ⲃⲟⲗ ϧⲉⲛ ⲧⲉϥϫⲓϫ ⲁϥϯ ⲛ̀ⲟⲩϣⲁϣ ⲛ̀ⲧⲉ ⲛⲓⲟⲩⲁⲛ ⲛ̀ⲧⲉ ⲡ̀ⲕⲁϩⲓ ⲟⲩⲟϩ ⲁⲩϣⲱⲡⲓ ⲛ̀ϫⲉ ⲛⲓⲗⲉⲗⲏⲙ ϧⲉⲛ ⲛⲓⲣⲱⲙⲓ ⲛⲉⲙ ϧⲉⲛ ⲛⲓϥⲉⲧⲫⲁⲧ ⲛⲉⲙ ϧⲉⲛ ⲛⲓⲟⲩⲁⲛ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ ϧⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ	ouoh a àarōn souten pefṡ̀vōt èvol xen tefjig afti ǹouṡaṡ ǹte niouan ǹte p̀kahi ouoh avṡōpi ǹje nilelym xen nirōmi nem xen nifetfat nem xen niouan tyrou ǹte p̀kahi xen p̀kahi tyrf ǹkymi	So Aaron stretched out his rod with his hand, and smote the dust of the earth; and the lice were on men and on quadrupeds, and in all the dust of the earth there were lice.
8:18	ⲁⲩⲓⲣⲓ ⲇⲉ ϩⲱⲟⲩ ⲙⲡⲁⲓⲣⲏϯ ⲛϫⲉⲛⲓⲣⲉϥϭⲓϣⲏⲙ ϧⲉⲛⲟⲩⲙⲉⲧⲫⲁⲣⲙⲁⲕⲟⲥ ⲉⲑⲣⲟⲩⲓⲛⲓ ⲉⲃⲟⲗ ⲛⲛⲓⲗⲉⲗⲏⲙ ⲟⲩⲟϩ ⲙⲡⲟⲩϣϫⲉⲙϫⲟⲙ ⲟⲩⲟϩ ⲁⲩϣⲱⲡⲓ ⲛϫⲉⲛⲓⲗⲉⲗⲏⲙ ϧⲉⲛⲛⲓⲣⲱⲙⲓ ⲛⲉⲙϧⲉⲛⲛⲓϥⲧⲉⲫⲁⲧ	ⲁⲩⲓ̀ⲣⲓ ⲇⲉ ϩⲱⲟⲩ ⲛ̀ⲡⲁⲓⲣⲏϯ ⲛ̀ϫⲉ ⲛⲓⲣⲉϥϭⲓϣⲏⲙ ϧⲉⲛ ⲟⲩⲙⲉⲧⲫⲁⲣⲙⲁⲕⲟⲥ ⲉ̀ⲑⲣⲟⲩⲓ̀ⲛⲓ ⲉ̀ⲃⲟⲗ ⲛ̀ⲛⲓⲗⲉⲗⲏⲙ ⲟⲩⲟϩ ⲙ̀ⲡⲟⲩϣϫⲉⲙϫⲟⲙ ⲟⲩⲟϩ ⲁⲩϣⲱⲡⲓ ⲛ̀ϫⲉ ⲛⲓⲗⲉⲗⲏⲙ ϧⲉⲛ ⲛⲓⲣⲱⲙⲓ ⲛⲉⲙ ϧⲉⲛ ⲛⲓϥⲧⲉⲫⲁⲧ	avìri ḋe hōou ǹpairyti ǹje nirefċiṡym xen oumetfarmakos èθrouìni èvol ǹnilelym ouoh m̀pouṡjemgom ouoh avṡōpi ǹje nilelym xen nirōmi nem xen niftefat	And the charmers also did so with their sorceries, to bring forth the louse, and they could not. And the lice were both on the men and on the quadrupeds.
8:19	ⲡⲉϫⲉ ⲛⲓⲣⲉϥϭⲓϣⲏⲙ ⲟⲩⲛ ⲙⲫⲁⲣⲁⲱ ϫⲉⲟⲩⲧⲏⲃ ⲛⲧⲉⲫⲛⲟⲩϯ ⲡⲉ ⲫⲁⲓ ⲟⲩⲟϩ ⲁϥⲛϣⲟⲧ ⲛϫⲉⲡϩⲏⲧ ⲙⲫⲁⲣⲁⲱ ⲟⲩⲟϩ ⲙⲡⲉϥⲥⲱⲧⲉⲙ ⲛⲥⲱⲟⲩ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϫⲟⲥ	ⲡⲉϫⲉ ⲛⲓⲣⲉϥϭⲓϣⲏⲙ ⲟⲩⲛ ⲛ̀ⲫⲁⲣⲁⲱ̀ ϫⲉ ⲟⲩⲧⲏⲃ ⲛ̀ⲧⲉ ⲫ̀ⲛⲟⲩϯ ⲡⲉ ⲫⲁⲓ ⲟⲩⲟϩ ⲁϥⲛ̀ϣⲟⲧ ⲛ̀ϫⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲟⲩⲟϩ ⲙ̀ⲡⲉϥⲥⲱⲧⲉⲙ ⲛ̀ⲥⲱⲟⲩ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϫⲟⲥ	peje nirefċiṡym oun ǹfaraṑ je outyb ǹte f̀nouti pe fai ouoh afǹṡot ǹje p̀hyt ǹfaraṑ ouoh m̀pefsōtem ǹsōou kata f̀ryti èta p̀ċois gos	So the charmers said to Pharao, This is the finger of God. But the heart of Pharao was hardened, and he hearkened not to them, as the Lord said.
8:20	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉϣⲟⲣⲡⲕ ⲛⲧⲟⲟⲩⲓ ⲟⲩⲟϩ ⲟϩⲓ ⲉⲣⲁⲧⲕ ⲙⲡⲉⲙⲑⲟ ⲙⲫⲁⲣⲁⲱ ϩⲏⲡⲡⲉ ⲛⲑⲟϥ ϥⲛⲏⲟⲩ ⲉⲃⲟⲗ ⲉϫⲉⲛⲡⲓⲙⲱⲟⲩ ⲟⲩⲟϩ ⲉⲕⲉϫⲟⲥ ⲛⲁϥ ϫⲉⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲓⲥ ϫⲉⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲓⲛⲁ ⲛⲧⲟⲩϣⲉⲙϣⲓ ⲙⲙⲟⲓ ⲛϩⲣⲏⲓ ϩⲓⲡϣⲁϥⲉ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ϣⲟⲣⲡⲕ ⲛ̀ⲧⲟⲟⲩⲓ̀ ⲟⲩⲟϩ ⲟ̀ϩⲓ ⲉ̀ⲣⲁⲧⲕ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ϩⲏⲡⲡⲉ ⲛ̀ⲑⲟϥ ϥ̀ⲛⲏⲟⲩ ⲉ̀ⲃⲟⲗ ⲉ̀ϫⲉⲛ ⲡⲓⲙⲱⲟⲩ ⲟⲩⲟϩ ⲉⲕⲉ̀ϫⲟⲥ ⲛⲁϥ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲟⲩϣⲉⲙϣⲓ ⲙ̀ⲙⲟⲓ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ	peje p̀ċois ḋe ǹmōisys je ṡorpk ǹtoouì ouoh òhi èratk ǹpem̀θo ǹfaraṑ hyppe ǹθof f̀nyou èvol èjen pimōou ouoh ekègos naf je nai ne ny etefgō m̀mōou ǹje p̀ċois je ouōrp ǹpalaos èvol hina ǹtouṡemṡi m̀moi ǹh̀ryi hi p̀ṡafe	And the Lord said to Moses, Rise up early in the morning, and stand before Pharao: and behold, he will go forth to the water, and thou shalt say to him, These things says the Lord: Send away my people, that they may serve me in the wilderness.
8:21	ⲉϣⲱⲡ ⲇⲉ ⲁⲕϣⲧⲉⲙⲟⲩⲱϣ ⲉⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲏⲡⲡⲉ ⲁⲛⲟⲕ ϯⲛⲁⲟⲩⲱⲣⲡ ⲉϩⲣⲏⲓ ⲉϫⲱⲕ ⲛⲉⲙⲉϫⲉⲛⲛⲉⲕⲁⲗⲱⲟⲩⲓ ⲛⲉⲙⲉϫⲉⲛⲡⲉⲕⲗⲁⲟⲥ ⲛⲉⲙⲉϫⲉⲛⲛⲉⲕⲏⲟⲩ ⲛⲟⲩⲁϥ ⲛⲟⲩϩⲟⲣ ⲟⲩⲟϩ ⲉⲩⲉⲙⲟϩ ⲛϫⲉⲛⲉⲛⲏⲟⲩ ⲛⲧⲉⲛⲓⲣⲉⲙⲛⲭⲏⲙⲓ ⲉⲃⲟⲗ ϧⲉⲛⲛⲓⲁϥ ⲛⲟⲩϩⲟⲣ ⲛⲉⲙⲡⲓⲕⲁϩⲓ ⲫⲏ ⲉⲧⲟⲩⲭⲏ ϩⲓϫⲱϥ	ⲉϣⲱⲡ ⲇⲉ ⲁⲕϣⲧⲉⲙⲟⲩⲱϣ ⲉ̀ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲏⲡⲡⲉ ⲁⲛⲟⲕ ϯⲛⲁⲟⲩⲱⲣⲡ ⲉ̀ϩ̀ⲣⲏⲓ ⲉ̀ϫⲱⲕ ⲛⲉⲙ ⲉ̀ϫⲉⲛ ⲛⲉⲕⲁ̀ⲗⲱⲟⲩⲓ̀ ⲛⲉⲙ ⲉ̀ϫⲉⲛ ⲡⲉⲕⲗⲁⲟⲥ ⲛⲉⲙ ⲉ̀ϫⲉⲛ ⲛⲉⲕⲏⲟⲩ ⲛ̀ⲟⲩⲁϥ ⲛ̀ⲟⲩϩⲟⲣ ⲟⲩⲟϩ ⲉⲩⲉ̀ⲙⲟϩ ⲛ̀ϫⲉ ⲛⲉⲛⲏⲟⲩ ⲛ̀ⲧⲉ ⲛⲓⲣⲉⲙⲛⲭⲏⲙⲓ ⲉ̀ⲃⲟⲗ ϧⲉⲛ ⲛⲓⲁϥ ⲛ̀ⲟⲩϩⲟⲣ ⲛⲉⲙ ⲡⲓⲕⲁϩⲓ ⲫⲏ ⲉⲧⲟⲩⲭⲏ ϩⲓϫⲱϥ	eṡōp ḋe akṡtemouōṡ èouōrp ǹpalaos èvol hyppe anok tinaouōrp èh̀ryi ègōk nem èjen nekàlōouì nem èjen peklaos nem èjen nekyou ǹouaf ǹouhor ouoh evèmoh ǹje nenyou ǹte niremnkymi èvol xen niaf ǹouhor nem pikahi fy etouṡy higōf	And if thou wilt not let my people go, behold, I send upon thee, and upon thy servants, and upon thy people, and upon your houses, the dog-fly; and the houses of the Egyptians shall be filled with the dog-fly, even throughout the land upon which they are.
8:22	ⲟⲩⲟϩ ⲉⲓⲉϯⲱⲟⲩ ⲁⲛⲟⲕ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲙⲡⲓⲕⲁϩⲓ ⲛⲧⲉⲅⲉⲥⲉⲙ ⲫⲏ ⲉⲧⲉⲡⲁⲗⲁⲟⲥ ϣⲟⲡ ϩⲓϫⲱϥ ⲫⲁⲓ ⲛⲛⲉ ⲁϥ ⲛⲟⲩϩⲟⲣ ϣⲱⲡⲓ ⲛϧⲏⲧϥ ϩⲓⲛⲁ ⲛⲧⲉⲕⲉⲙⲓ ϫⲉⲁⲛⲟⲕ ⲡⲉ ⲡϭⲟⲓⲥ ⲫⲛⲟⲩϯ ⲙⲡⲓⲕⲁϩⲓ ⲧⲏⲣϥ	ⲟⲩⲟϩ ⲉⲓⲉ̀ϯⲱ̀ⲟⲩ ⲁⲛⲟⲕ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲛ̀ⲡⲓⲕⲁϩⲓ ⲛ̀ⲧⲉ ⲅⲉⲥⲉⲙ ⲫⲏ ⲉ̀ⲧⲉ ⲡⲁⲗⲁⲟⲥ ϣⲟⲡ ϩⲓϫⲱϥ ⲫⲁⲓ ⲛ̀ⲛⲉ ⲁϥ ⲛ̀ⲟⲩϩⲟⲣ ϣⲱⲡⲓ ⲛ̀ϧⲏⲧϥ ϩⲓⲛⲁ ⲛ̀ⲧⲉⲕⲉⲙⲓ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲕⲁϩⲓ ⲧⲏⲣϥ	ouoh eiètiṑou anok xen pièhoou ète m̀mav ǹpikahi ǹte gesem fy ète palaos ṡop higōf fai ǹne af ǹouhor ṡōpi ǹxytf hina ǹtekemi je anok pe p̀ċois f̀nouti ǹpikahi tyrf	and I will distinguish marvellously in that day the land of Gesem, on which my people dwell, in which the dog-fly shall not be: that thou mayest know that I am the Lord the God of all the earth.
8:23	ⲟⲩⲟϩ ⲉⲓⲉϯ ⲛⲟⲩⲫⲱⲣϫ ⲉⲃⲟⲗ ⲟⲩⲧⲉ ⲡⲁⲗⲁⲟⲥ ⲛⲉⲙⲟⲩⲧⲉ ⲡⲉⲕⲗⲁⲟⲥ ⲛϧⲣⲏⲓ ⲇⲉ ϧⲉⲛⲣⲁⲥϯ ⲉϥⲉϣⲱⲡⲓ ⲛϫⲉⲡⲁⲓⲙⲏⲓⲛⲓ ⲉϧⲣⲏⲓ ⲉϫⲉⲛⲡⲕⲁϩⲓ	ⲟⲩⲟϩ ⲉⲓⲉ̀ϯ ⲛ̀ⲟⲩⲫⲱⲣϫ ⲉ̀ⲃⲟⲗ ⲟⲩⲧⲉ ⲡⲁⲗⲁⲟⲥ ⲛⲉⲙ ⲟⲩⲧⲉ ⲡⲉⲕⲗⲁⲟⲥ ⲛ̀ϧ̀ⲣⲏⲓ ⲇⲉ ϧⲉⲛ ⲣⲁⲥϯ ⲉϥⲉ̀ϣⲱⲡⲓ ⲛ̀ϫⲉ ⲡⲁⲓⲙⲏⲓⲛⲓ ⲉ̀ϧ̀ⲣⲏⲓ ⲉ̀ϫⲉⲛ ⲡ̀ⲕⲁϩⲓ	ouoh eièti ǹoufōrg èvol oute palaos nem oute peklaos ǹx̀ryi ḋe xen rasti efèṡōpi ǹje paimyini èx̀ryi èjen p̀kahi	And I will put a difference between my people and thy people, and on the morrow shall this be on the land. And the Lord did thus.
8:24	ⲁϥⲓⲣⲓ ⲇⲉ ⲙⲡⲁⲓⲣⲏϯ ⲛϫⲉⲡϭⲟⲓⲥ ⲟⲩⲟϩ ⲁϥⲓ ⲛϫⲉⲡⲓⲁϥ ⲛⲟⲩϩⲟⲣ ⲉϥⲟϣ ⲉϧⲟⲩⲛ ⲉⲛⲉⲛⲏⲟⲩ ⲙⲫⲁⲣⲁⲱ ⲛⲉⲙⲛⲉⲛⲏⲟⲩ ⲛⲛⲉϥⲁⲗⲱⲟⲩⲓ ⲛⲉⲙⲉϫⲉⲛⲡⲕⲁϩⲓ ⲧⲏⲣϥ ⲛⲧⲉⲭⲏⲙⲓ ⲟⲩⲟϩ ⲁϥϥⲱϯ ⲉⲃⲟⲗ ⲛϫⲉⲡⲕⲁϩⲓ ⲉⲃⲟⲗ ϧⲉⲛⲛⲓⲁϥ ⲛⲟⲩϩⲟⲣ	ⲁϥⲓⲣⲓ ⲇⲉ ⲛ̀ⲡⲁⲓⲣⲏϯ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲓ̀ ⲛ̀ϫⲉ ⲡⲓⲁϥ ⲛ̀ⲟⲩϩⲟⲣ ⲉϥⲟϣ ⲉ̀ϧⲟⲩⲛ ⲉ̀ⲛⲉⲛⲏⲟⲩ ⲛ̀ⲫⲁⲣⲁⲱ̀ ⲛⲉⲙ ⲛⲉⲛⲏⲟⲩ ⲛ̀ⲛⲉϥⲁ̀ⲗⲱⲟⲩⲓ̀ ⲛⲉⲙ ⲉ̀ϫⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ ⲟⲩⲟϩ ⲁϥϥⲱϯ ⲉ̀ⲃⲟⲗ ⲛ̀ϫⲉ ⲡ̀ⲕⲁϩⲓ ⲉ̀ⲃⲟⲗ ϧⲉⲛ ⲛⲓⲁϥ ⲛ̀ⲟⲩϩⲟⲣ	afiri ḋe ǹpairyti ǹje p̀ċois ouoh afì ǹje piaf ǹouhor efoṡ èxoun ènenyou ǹfaraṑ nem nenyou ǹnefàlōouì nem èjen p̀kahi tyrf ǹte kymi ouoh affōti èvol ǹje p̀kahi èvol xen niaf ǹouhor	And the dog-fly came in abundance into the houses of Pharao, and into the houses of his servants, and into all the land of Egypt; and the land was destroyed by the dog-fly.
8:25	ⲁϥⲙⲟⲩϯ ⲇⲉ ⲛϫⲉⲫⲁⲣⲁⲱ ⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ ϫⲉⲙⲁϣⲉⲛⲱⲧⲉⲛ ⲁⲣⲓϣⲟⲩϣⲱⲟⲩϣⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲛϩⲣⲏⲓ ϩⲓϫⲉⲛⲡⲓⲕⲁϩⲓ	ⲁϥⲙⲟⲩϯ ⲇⲉ ⲛ̀ϫⲉ ⲫⲁⲣⲁⲱ̀ ⲉ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ⲙⲁϣⲉⲛⲱⲧⲉⲛ ⲁ̀ⲣⲓϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛ̀ϩ̀ⲣⲏⲓ ϩⲓϫⲉⲛ ⲡⲓⲕⲁϩⲓ	afmouti ḋe ǹje faraṑ èmōisys nem àarōn efgō m̀mos je maṡenōten àriṡouṡōouṡi ǹp̀ċois petennouti ǹh̀ryi hijen pikahi	And Pharao called Moses and Aaron, saying, Go and sacrifice to the Lord your God in the land.
8:26	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉⲙⲙⲟⲛ ϣϫⲟⲙ ⲛⲧⲉⲥϣⲱⲡⲓ ⲙⲡⲁⲓⲣⲏϯ ⲛⲓⲃⲟϯ ⲅⲁⲣ ⲛⲧⲉⲛⲓⲣⲉⲙⲛⲭⲏⲙⲓ ⲡⲉ ⲧⲉⲛⲛⲁϣⲁⲧⲟⲩ ⲙⲡϭⲟⲓⲥ ⲡⲉⲛⲛⲟⲩϯ ⲉϣⲱⲡ ⲅⲁⲣ ⲁⲛϣⲁⲛϣⲁⲧ ⲛⲓⲃⲟϯ ⲛⲧⲉⲛⲓⲣⲉⲙⲛⲭⲏⲙⲓ ⲙⲡⲟⲩⲙⲑⲟ ⲥⲉⲛⲁϩⲓⲱⲛⲓ ⲉϫⲱⲛ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ⲙ̀ⲙⲟⲛ ϣ̀ϫⲟⲙ ⲛ̀ⲧⲉⲥϣⲱⲡⲓ ⲛ̀ⲡⲁⲓⲣⲏϯ ⲛⲓⲃⲟϯ ⲅⲁⲣ ⲛ̀ⲧⲉ ⲛⲓⲣⲉⲙⲛⲭⲏⲙⲓ ⲡⲉ ⲧⲉⲛⲛⲁϣⲁⲧⲟⲩ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ⲉϣⲱⲡ ⲅⲁⲣ ⲁⲛϣⲁⲛϣⲁⲧ ⲛⲓⲃⲟϯ ⲛ̀ⲧⲉ ⲛⲓⲣⲉⲙⲛⲭⲏⲙⲓ ⲛ̀ⲡⲟⲩⲙ̀ⲑⲟ ⲥⲉⲛⲁϩⲓⲱⲛⲓ ⲉ̀ϫⲱⲛ	ouoh peje mōisys je m̀mon ṡ̀gom ǹtesṡōpi ǹpairyti nivoti ġar ǹte niremnkymi pe tennaṡatou ǹp̀ċois pennouti eṡōp ġar anṡanṡat nivoti ǹte niremnkymi ǹpoum̀θo senahiōni ègōn	And Moses said, It cannot be so, for we shall sacrifice to the Lord our God the abominations of the Egyptians; for if we sacrifice the abominations of the Egyptians before them, we shall be stoned.
8:27	ⲧⲉⲛⲛⲁϣⲉⲛⲁⲛ ⲟⲩⲛ ⲛⲅ̅ ⲛⲉϩⲟⲟⲩ ⲙⲙⲟϣⲓ ⲛϩⲣⲏⲓ ϩⲓⲡϣⲁϥⲉ ⲟⲩⲟϩ ⲛⲧⲉⲛϣⲉⲧϣⲟⲩϣⲱⲟⲩϣⲓ ⲙⲡϭⲟⲓⲥ ⲡⲉⲛⲛⲟⲩϯ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛⲁⲛ	ⲧⲉⲛⲛⲁϣⲉⲛⲁⲛ ⲟⲩⲛ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛ̀ⲙⲟϣⲓ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲟⲩⲟϩ ⲛ̀ⲧⲉⲛϣⲉⲧϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛⲁⲛ	tennaṡenan oun ǹṡomt ǹèhoou ǹmoṡi ǹh̀ryi hi p̀ṡafe ouoh ǹtenṡetṡouṡōouṡi ǹp̀ċois pennouti kata f̀ryti ètafgos nan	We will go a journey of three days into the wilderness, and we will sacrifice to the Lord our God, as the Lord said to us.
8:28	ⲟⲩⲟϩ ⲡⲉϫⲉ ⲫⲁⲣⲁⲱ ϫⲉⲁⲛⲟⲕ ϯⲛⲁⲟⲩⲟⲣⲡ ⲑⲏⲛⲟⲩ ⲉⲃⲟⲗ ϩⲓⲛⲁ ⲛⲧⲉⲧⲉⲛⲉⲣϣⲟⲩϣⲱⲟⲩϣⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲛϩⲣⲏⲓ ϩⲓⲡϣⲁϥⲉ ⲁⲗⲗⲁ ⲛⲛⲉⲧⲉⲛϣⲉⲛⲱⲧⲉⲛ ϩⲓⲫⲟⲩⲉⲓ ⲧⲱⲃϩ ⲟⲩⲛ ⲉϫⲱⲓ ϩⲁⲡϭⲟⲓⲥ	ⲟⲩⲟϩ ⲡⲉϫⲉ ⲫⲁⲣⲁⲱ̀ ϫⲉ ⲁⲛⲟⲕ ϯⲛⲁⲟⲩⲟⲣⲡ ⲑⲏⲛⲟⲩ ⲉ̀ⲃⲟⲗ ϩⲓⲛⲁ ⲛ̀ⲧⲉⲧⲉⲛⲉⲣϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲁⲗⲗⲁ ⲛⲛⲉⲧⲉⲛϣⲉⲛⲱⲧⲉⲛ ϩⲓ ⲫ̀ⲟⲩⲉⲓ ⲧⲱⲃϩ ⲟⲩⲛ ⲉ̀ϫⲱⲓ ϩⲁ ⲡ̀ϭⲟⲓⲥ	ouoh peje faraṑ je anok tinaouorp θynou èvol hina ǹtetenerṡouṡōouṡi ǹp̀ċois petennouti ǹh̀ryi hi p̀ṡafe alla nnetenṡenōten hi f̀ouei tōvh oun ègōi ha p̀ċois	And Pharao said, I will let you go, and do ye sacrifice to your God in the wilderness, but do not go very far away: pray then for me to the Lord.
8:29	ⲡⲉϫⲉ ⲙⲱⲩⲥⲏⲥ ⲇⲉ ϫⲉⲓⲥ ⲁⲛⲟⲕ ϯⲛⲁϣⲉⲛⲏⲓ ⲉⲃⲟⲗ ϩⲓⲧⲟⲧⲕ ⲟⲩⲟϩ ⲉⲓⲉⲧⲱⲃϩ ⲙⲫⲛⲟⲩϯ ⲟⲩⲟϩ ⲉϥⲉϣⲉⲛⲁϥ ⲛϫⲉⲡⲓⲁϥ ⲛⲟⲩϩⲟⲣ ⲉⲃⲟⲗ ϩⲁⲫⲁⲣⲁⲱ ⲛⲉⲙⲉⲃⲟⲗ ϩⲁⲛⲉϥⲁⲗⲱⲟⲩⲓ ⲛⲉⲙⲉⲃⲟⲗ ϩⲁⲡⲉϥⲗⲁⲟⲥ ⲛⲣⲁⲥϯ ⲟⲩⲟϩ ⲙⲡⲉⲣⲟⲩⲁϩⲧⲟⲧⲕ ϫⲉⲫⲁⲣⲁⲱ ⲉⲉⲣϩⲁⲗ ⲉϣⲧⲉⲙⲟⲩⲱⲣⲡ ⲙⲡⲓⲗⲁⲟⲥ ⲉⲃⲟⲗ ⲉⲉⲣϣⲟⲩϣⲱⲟⲩϣⲓ ⲙⲡϭⲟⲓⲥ	ⲡⲉϫⲉ ⲙⲱⲩⲥⲏⲥ ⲇⲉ ϫⲉ ⲓⲥ ⲁⲛⲟⲕ ϯⲛⲁϣⲉⲛⲏⲓ ⲉ̀ⲃⲟⲗ ϩⲓⲧⲟⲧⲕ ⲟⲩⲟϩ ⲉⲓⲉ̀ⲧⲱⲃϩ ⲛ̀ⲫ̀ⲛⲟⲩϯ ⲟⲩⲟϩ ⲉϥⲉ̀ϣⲉⲛⲁϥ ⲛ̀ϫⲉ ⲡⲓⲁϥ ⲛ̀ⲟⲩϩⲟⲣ ⲉ̀ⲃⲟⲗ ϩⲁ ⲫⲁⲣⲁⲱ̀ ⲛⲉⲙ ⲉ̀ⲃⲟⲗ ϩⲁ ⲛⲉϥⲁ̀ⲗⲱⲟⲩⲓ̀ ⲛⲉⲙ ⲉ̀ⲃⲟⲗ ϩⲁ ⲡⲉϥⲗⲁⲟⲥ ⲛ̀ⲣⲁⲥϯ ⲟⲩⲟϩ ⲙⲡⲉⲣⲟⲩⲁϩⲧⲟⲧⲕ ϫⲉ ⲫⲁⲣⲁⲱ̀ ⲉⲉⲣϩⲁⲗ ⲉ̀ϣⲧⲉⲙⲟⲩⲱⲣⲡ ⲛ̀ⲡⲓⲗⲁⲟⲥ ⲉ̀ⲃⲟⲗ ⲉⲉⲣϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ	peje mōisys ḋe je is anok tinaṡenyi èvol hitotk ouoh eiètōvh ǹf̀nouti ouoh efèṡenaf ǹje piaf ǹouhor èvol ha faraṑ nem èvol ha nefàlōouì nem èvol ha peflaos ǹrasti ouoh mperouahtotk je faraṑ eerhal èṡtemouōrp ǹpilaos èvol eerṡouṡōouṡi ǹp̀ċois	And Moses said, I then will go forth from thee and pray to God, and the dog-fly shall depart both from thy servants, and from thy people to-morrow. Do not thou, Pharao, deceive again, so as not to send the people away to do sacrifice to the Lord.
8:30	ⲁϥⲓ ⲇⲉ ⲉⲃⲟⲗ ⲛϫⲉⲙⲱⲩⲥⲏⲥ ϩⲁⲫⲁⲣⲁⲱ ⲟⲩⲟϩ ⲁϥⲧⲱⲃϩ ⲙⲡϭⲟⲓⲥ	ⲁϥⲓ̀ ⲇⲉ ⲉ̀ⲃⲟⲗ ⲛ̀ϫⲉ ⲙⲱⲩⲥⲏⲥ ϩⲁ ⲫⲁⲣⲁⲱ̀ ⲟⲩⲟϩ ⲁϥⲧⲱⲃϩ ⲛ̀ⲡ̀ϭⲟⲓⲥ	afì ḋe èvol ǹje mōisys ha faraṑ ouoh aftōvh ǹp̀ċois	And Moses went out from Pharao, and prayed to God.
8:31	ⲁϥⲓⲣⲓ ⲇⲉ ⲛϫⲉⲡϭⲟⲓⲥ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛϫⲉⲙⲱⲩⲥⲏⲥ ⲟⲩⲟϩ ⲁϥⲱⲗⲓ ⲙⲡⲓⲁϥ ⲛⲟⲩϩⲟⲣ ⲉⲃⲟⲗ ϩⲁⲫⲁⲣⲁⲱ ⲛⲉⲙⲉⲃⲟⲗ ϩⲁⲛⲉϥⲁⲗⲱⲟⲩⲓ ⲛⲉⲙⲉⲃⲟⲗ ϩⲁⲡⲉϥⲗⲁⲟⲥ ⲟⲩⲟϩ ⲙⲡⲉ ⲟⲩⲁⲓ ⲙⲙⲁⲩⲁⲧϥ ⲥⲱϫⲡ	ⲁϥⲓⲣⲓ ⲇⲉ ⲛ̀ϫⲉ ⲡ̀ϭⲟⲓⲥ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲁϥⲱ̀ⲗⲓ ⲛ̀ⲡⲓⲁϥ ⲛ̀ⲟⲩϩⲟⲣ ⲉ̀ⲃⲟⲗ ϩⲁ ⲫⲁⲣⲁⲱ̀ ⲛⲉⲙ ⲉ̀ⲃⲟⲗ ϩⲁ ⲛⲉϥⲁ̀ⲗⲱⲟⲩⲓ̀ ⲛⲉⲙ ⲉ̀ⲃⲟⲗ ϩⲁ ⲡⲉϥⲗⲁⲟⲥ ⲟⲩⲟϩ ⲛ̀ⲡⲉ ⲟⲩⲁⲓ ⲙ̀ⲙⲁⲩⲁⲧϥ ⲥⲱϫⲡ	afiri ḋe ǹje p̀ċois kata f̀ryti ètafgos ǹje mōisys ouoh afṑli ǹpiaf ǹouhor èvol ha faraṑ nem èvol ha nefàlōouì nem èvol ha peflaos ouoh ǹpe ouai m̀mavatf sōgp	And the Lord did as Moses said, and removed the dog-fly from Pharao, and from his servants, and from his people, and there was not one left.
8:32	ⲟⲩⲟϩ ⲁ ⲫⲁⲣⲁⲱ ⲑⲣⲉ ⲡⲉϥϩⲏⲧ ⲛϣⲟⲧ ⲛⲉⲙⲉϫⲉⲛⲡⲁⲓⲥⲏⲟⲩ ⲟⲛ ⲟⲩⲟϩ ⲙⲡⲉϥⲟⲩⲱϣ ⲉⲟⲩⲱⲣⲡ ⲙⲡⲓⲗⲁⲟⲥ ⲉⲃⲟⲗ	ⲟⲩⲟϩ ⲁ ⲫⲁⲣⲁⲱ̀ ⲑⲣⲉ ⲡⲉϥϩⲏⲧ ⲛ̀ϣⲟⲧ ⲛⲉⲙ ⲉ̀ϫⲉⲛ ⲡⲁⲓⲥⲏⲟⲩ ⲟⲛ ⲟⲩⲟϩ ⲙ̀ⲡⲉϥⲟⲩⲱϣ ⲉ̀ⲟⲩⲱⲣⲡ ⲛ̀ⲡⲓⲗⲁⲟⲥ ⲉ̀ⲃⲟⲗ	ouoh a faraṑ θre pefhyt ǹṡot nem èjen paisyou on ouoh m̀pefouōṡ èouōrp ǹpilaos èvol	And Pharao hardened his heart, even on this occasion, and he would not send the people away.

Provenance

title: Exodus 8
dialect: bohairic
source: Coptic SCRIPTORIUM corpus "bohairic.ot", document 02_Exodus_08
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 8 from Coptic SCRIPTORIUM (https://copticscriptorium.org), corpus bohairic.ot, document 02_Exodus_08, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/08.bohairic.scriptorium.L0.txt
title: Exodus 8 — Cairene
dialect: bohairic
source: generated from 08.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_08)
licence: CC BY-SA 4.0
share: attribution
attribution: Exodus 8 from Coptic SCRIPTORIUM (https://copticscriptorium.org), corpus bohairic.ot, document 02_Exodus_08, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/08.bohairic.scriptorium.L1.txt
title: Exodus 8 — Kemetic
dialect: bohairic
source: generated from 08.bohairic.scriptorium.L1.txt
licence: CC BY-SA 4.0
share: attribution
attribution: Exodus 8 from Coptic SCRIPTORIUM (https://copticscriptorium.org), corpus bohairic.ot, document 02_Exodus_08, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/08.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 32 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_08 (32 lines)

Cite as:

Exodus 8. Coptic SCRIPTORIUM corpus "bohairic.ot", document 02_Exodus_08. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/08.bohairic.scriptorium/. Exodus 8 from Coptic SCRIPTORIUM (https://copticscriptorium.org), corpus bohairic.ot, document 02_Exodus_08, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.