Exodus 10 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_10

Attribution: Exodus 10 from Coptic SCRIPTORIUM (https://copticscriptorium.org), corpus bohairic.ot, document 02_Exodus_10, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

29 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
10:1	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉⲙⲁϣⲉⲛⲁⲕ ⲉϧⲟⲩⲛ ϩⲁⲫⲁⲣⲁⲱ ⲁⲛⲟⲕ ⲅⲁⲣ ⲉⲓⲉⲑⲣⲉ ⲡⲉϥϩⲏⲧ ⲛϣⲟⲧ ⲛⲉⲙⲛⲉϥⲁⲗⲱⲟⲩⲓ ϩⲓⲛⲁ ⲛⲧⲉⲛⲁⲙⲏⲓⲛⲓ ⲁⲓⲁⲓ ⲉϧⲣⲏⲓ ⲉϫⲱⲟⲩ ⲛⲟⲩⲟⲛ ⲛⲥⲁⲟⲩⲟⲛ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ ϫⲉ ⲙⲁϣⲉⲛⲁⲕ ⲉ̀ϧⲟⲩⲛ ϩⲁ ⲫⲁⲣⲁⲱ̀ ⲁⲛⲟⲕ ⲅⲁⲣ ⲉ̀ⲓⲉⲑⲣⲉ ⲡⲉϥϩⲏⲧ ⲛ̀ϣⲟⲧ ⲛⲉⲙ ⲛⲉϥⲁ̀ⲗⲱⲟⲩⲓ̀ ϩⲓⲛⲁ ⲛ̀ⲧⲉ ⲛⲁⲙⲏⲓⲛⲓ ⲁⲓⲁⲓ ⲉ̀ϧ̀ⲣⲏⲓ ⲉ̀ϫⲱⲟⲩ ⲛ̀ⲟⲩⲟⲛ ⲛ̀ⲥⲁⲟⲩⲟⲛ	peje p̀ċois ḋe ǹmōisys efgō m̀mos je maṡenak èxoun ha faraṑ anok ġar èieθre pefhyt ǹṡot nem nefàlōouì hina ǹte namyini aiai èx̀ryi ègōou ǹouon ǹsaouon	And the Lord spoke to Moses, saying, Go in to Pharao: for I have hardened his heart and the heart of his servants, that these signs may come upon them; in order
10:2	ϩⲟⲡⲱⲥ ⲛⲧⲉⲧⲉⲛⲥⲁϫⲓ ⲉϧⲣⲏⲓ ⲉⲛⲉⲛⲙⲁϣϫ ⲛⲧⲉⲛⲉⲧⲉⲛϣⲏⲣⲓ ⲛⲉⲙⲛⲓϣⲏⲣⲓ ⲛⲧⲉⲛⲉⲧⲉⲛϣⲏⲣⲓ ⲛϩⲱⲃ ⲛⲓⲃⲉⲛ ⲉⲧⲁⲓϣⲁⲣⲓ ⲙⲙⲱⲟⲩ ⲛⲛⲓⲣⲉⲙⲛⲭⲏⲙⲓ ⲛⲉⲙⲛⲁⲙⲏⲓⲛⲓ ⲉⲧⲁⲓⲁⲓⲧⲟⲩ ⲛϧⲣⲏⲓ ⲛϧⲏⲧⲟⲩ ⲟⲩⲟϩ ⲉⲣⲉⲧⲉⲛⲉⲉⲙⲓ ϫⲉⲁⲛⲟⲕ ⲡⲉ ⲡϭⲟⲓⲥ	ϩⲟⲡⲱⲥ ⲛ̀ⲧⲉⲧⲉⲛⲥⲁϫⲓ ⲉ̀ϧ̀ⲣⲏⲓ ⲉ̀ⲛⲉⲛⲙⲁϣϫ ⲛ̀ⲧⲉ ⲛⲉⲧⲉⲛϣⲏⲣⲓ ⲛⲉⲙ ⲛⲓϣⲏⲣⲓ ⲛ̀ⲧⲉ ⲛⲉⲧⲉⲛϣⲏⲣⲓ ⲛ̀ϩⲱⲃ ⲛⲓⲃⲉⲛ ⲉ̀ⲧⲁⲓ̀ϣⲁⲣⲓ ⲙ̀ⲙⲱⲟⲩ ⲛ̀ⲛⲓⲣⲉⲙⲛⲭⲏⲙⲓ ⲛⲉⲙ ⲛⲁⲙⲏⲓⲛⲓ ⲉ̀ⲧⲁⲓⲁⲓⲧⲟⲩ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲟⲩⲟϩ ⲉ̀ⲣⲉⲧⲉⲛⲉⲉⲙⲓ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ	hopōs ǹtetensaji èx̀ryi ènenmaṡg ǹte netenṡyri nem niṡyri ǹte netenṡyri ǹhōb niven ètaìṡari m̀mōou ǹniremnkymi nem namyini ètaiaitou ǹx̀ryi ǹxytou ouoh èreteneemi je anok pe p̀ċois	that ye may relate in the ears of your children, and to your children's children, in how many things I have mocked the Egyptians, and my wonders which I wrought among them; and ye shall know that I am the Lord.
10:3	ⲁϥϣⲉⲛⲁϥ ⲇⲉ ⲉϧⲟⲩⲛ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲙⲡⲉⲙⲑⲟ ⲙⲫⲁⲣⲁⲱ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲓⲥ ⲫⲛⲟⲩϯ ⲛⲧⲉⲛⲓϩⲉⲃⲣⲉⲟⲥ ϫⲉϣⲁⲑⲛⲁⲩ ϫⲉⲭⲟⲩⲱϣ ⲁⲛ ⲉϣⲫⲓⲧ ϧⲁⲧⲁϩⲏ ⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲓⲛⲁ ⲛⲧⲟⲩϣⲉⲙϣⲓ ⲙⲙⲟⲓ	ⲁϥϣⲉⲛⲁϥ ⲇⲉ ⲉ̀ϧⲟⲩⲛ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲓϩⲉⲃⲣⲉⲟⲥ ϫⲉ ϣⲁ ⲑⲛⲁⲩ ϫⲉ ⲭ̀ⲟⲩⲱϣ ⲁⲛ ⲉ̀ϣⲫⲓⲧ ϧⲁ ⲧⲁϩⲏ ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲟⲩϣⲉⲙϣⲓ ⲙ̀ⲙⲟⲓ	afṡenaf ḋe èxoun ǹje mōisys nem àarōn ǹpem̀θo ǹfaraṑ ouoh pegōou naf je nai ne ny etefgō m̀mōou ǹje p̀ċois f̀nouti ǹte nihebreos je ṡa θnav je k̀ouōṡ an èṡfit xa tahy ouōrp ǹpalaos èvol hina ǹtouṡemṡi m̀moi	And Moses and Aaron went in before Pharao, and they said to him, These things saith the Lord God of the Hebrews, How long dost thou refuse to reverence me? Send my people away, that they may serve me.
10:4	ⲉϣⲱⲡ ⲇⲉ ⲁⲕϣⲧⲉⲙⲟⲩⲱϣ ⲉⲟⲩⲱⲣⲡ ⲙⲡⲁⲗⲁⲟⲥ ⲉⲃⲟⲗ ϩⲏⲡⲡⲉ ⲁⲛⲟⲕ ϯⲛⲁⲓⲛⲓ ⲙⲡⲁⲓⲛⲁⲩ ⲛⲣⲁⲥϯ ⲛⲟⲩϣϫⲉ ⲉϥⲟϣ ⲉϧⲣⲏⲓ ⲉϫⲉⲛⲛⲉⲕϭⲓⲏ ⲧⲏⲣⲟⲩ	ⲉϣⲱⲡ ⲇⲉ ⲁⲕϣⲧⲉⲙⲟⲩⲱϣ ⲉ̀ⲟⲩⲱⲣⲡ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲏⲡⲡⲉ ⲁⲛⲟⲕ ϯⲛⲁⲓ̀ⲛⲓ ⲙⲡⲁⲓⲛⲁⲩ ⲛ̀ⲣⲁⲥϯ ⲛ̀ⲟⲩϣϫⲉ ⲉϥⲟϣ ⲉ̀ϧ̀ⲣⲏⲓ ⲉ̀ϫⲉⲛ ⲛⲉⲕϭⲓⲏ ⲧⲏⲣⲟⲩ	eṡōp ḋe akṡtemouōṡ èouōrp ǹpalaos èvol hyppe anok tinaìni mpainav ǹrasti ǹouṡje efoṡ èx̀ryi èjen nekċiy tyrou	But if thou wilt not send my people away, behold, at this hour to-morrow I will bring an abundance of locusts upon all thy coasts.
10:5	ⲟⲩⲟϩ ⲉϥⲉϩⲱⲃⲥ ⲙⲡϩⲟ ⲙⲡⲓⲕⲁϩⲓ ⲟⲩⲟϩ ⲛⲛⲉⲕϣϫⲉⲙϫⲟⲙ ⲉⲛⲁⲩ ⲉⲡⲓⲕⲁϩⲓ ⲟⲩⲟϩ ⲉϥⲉⲟⲩⲱⲙ ⲙⲡⲓϩⲟⲩⲟ ⲉⲧⲉϥⲥⲱϫⲡ ⲫⲏ ⲉⲧⲁϥⲥⲟϫⲡϥ ⲛⲱⲧⲉⲛ ⲛϫⲉⲡⲓⲁⲗ ⲟⲩⲟϩ ⲉϥⲉⲟⲩⲱⲙ ⲛϣϣⲏⲛ ⲛⲓⲃⲉⲛ ⲉⲧⲣⲏⲧ ⲛⲱⲧⲉⲛ ⲉⲡϣⲱⲓ ⲉϫⲉⲛⲡⲓⲕⲁϩⲓ	ⲟⲩⲟϩ ⲉϥⲉ̀ϩⲱⲃⲥ ⲛ̀ⲡ̀ϩⲟ ⲛ̀ⲡⲓⲕⲁϩⲓ ⲟⲩⲟϩ ⲛ̀ⲛⲉⲕϣϫⲉⲙϫⲟⲙ ⲉⲛⲁⲩ ⲉ̀ⲡⲓⲕⲁϩⲓ ⲟⲩⲟϩ ⲉϥⲉ̀ⲟⲩⲱⲙ ⲛ̀ⲡⲓϩⲟⲩⲟ̀ ⲉ̀ⲧⲉϥⲥⲱϫⲡ ⲫⲏ ⲉⲧⲁϥⲥⲟϫⲡϥ ⲛⲱⲧⲉⲛ ⲛ̀ϫⲉ ⲡⲓⲁⲗ ⲟⲩⲟϩ ⲉϥⲉ̀ⲟⲩⲱⲙ ⲛ̀ϣ̀ϣⲏⲛ ⲛⲓⲃⲉⲛ ⲉⲧⲣⲏⲧ ⲛⲱⲧⲉⲛ ⲉ̀ⲡ̀ϣⲱⲓ ⲉ̀ϫⲉⲛ ⲡⲓⲕⲁϩⲓ	ouoh efèhōvs ǹp̀ho ǹpikahi ouoh ǹnekṡjemgom enav èpikahi ouoh efèouōm ǹpihouò ètefsōgp fy etafsogpf nōten ǹje pial ouoh efèouōm ǹṡ̀ṡyn niven etryt nōten èp̀ṡōi èjen pikahi	And they shall cover the face of the earth, and thou shalt not be able to see the earth; and they shall devour all that is left of the abundance of the earth, which the hail has left you, and shall devour every tree that grows for you on the land.
10:6	ⲟⲩⲟϩ ⲉⲩⲉⲙⲟϩ ⲛϫⲉⲛⲉⲕⲏⲟⲩ ⲛⲉⲙⲛⲉⲛⲏⲟⲩ ⲛⲛⲉⲕⲁⲗⲱⲟⲩⲓ ⲛⲉⲙⲛⲓⲏⲓ ⲧⲏⲣⲟⲩ ⲉⲧϧⲉⲛⲡⲕⲁϩⲓ ⲧⲏⲣϥ ⲛⲭⲏⲙⲓ ⲫⲁⲓ ⲉⲧⲉⲙⲡⲉ ⲛⲉⲕⲓⲟϯ ⲛⲁⲩ ⲉⲟⲩⲟⲛ ⲙⲡⲉϥⲣⲏϯ ⲉⲛⲉϩ ⲟⲩⲇⲉ ⲛⲉⲛⲓⲟϯ ⲛⲛⲟⲩⲓⲟϯ ⲓⲥϫⲉⲛ ⲡⲓⲉϩⲟⲟⲩ ⲉⲧⲁⲩϣⲱⲡⲓ ϩⲓϫⲉⲛⲡⲓⲕⲁϩⲓ ϣⲁⲉϧⲟⲩⲛ ⲉⲡⲁⲓⲉϩⲟⲟⲩ ⲟⲩⲟϩ ⲁϥⲣⲓⲕⲓ ⲁϥⲓ ⲉⲃⲟⲗ ϩⲁⲫⲁⲣⲁⲱ	ⲟⲩⲟϩ ⲉⲩⲉ̀ⲙⲟϩ ⲛ̀ϫⲉ ⲛⲉⲕⲏⲟⲩ ⲛⲉⲙ ⲛⲉⲛⲏⲟⲩ ⲛ̀ⲛⲉⲕⲁ̀ⲗⲱⲟⲩⲓ̀ ⲛⲉⲙ ⲛⲓⲏⲓ ⲧⲏⲣⲟⲩ ⲉⲧϧⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ ⲫⲁⲓ ⲉ̀ⲧⲉ ⲙ̀ⲡⲉ ⲛⲉⲕⲓⲟϯ ⲛⲁⲩ ⲉ̀ⲟⲩⲟⲛ ⲛ̀ⲡⲉϥⲣⲏϯ ⲉ̀ⲛⲉϩ ⲟⲩⲇⲉ ⲛⲉⲛⲓⲟϯ ⲛ̀ⲛⲟⲩⲓⲟϯ ⲓⲥϫⲉⲛ ⲡⲓⲉ̀ϩⲟⲟⲩ ⲉ̀ⲧⲁⲩϣⲱⲡⲓ ϩⲓϫⲉⲛ ⲡⲓⲕⲁϩⲓ ϣⲁⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ⲟⲩⲟϩ ⲁϥⲣⲓⲕⲓ ⲁϥⲓ̀ ⲉ̀ⲃⲟⲗ ϩⲁ ⲫⲁⲣⲁⲱ̀	ouoh evèmoh ǹje nekyou nem nenyou ǹnekàlōouì nem niyi tyrou etxen p̀kahi tyrf ǹkymi fai ète m̀pe nekioti nav èouon ǹpefryti èneh ouḋe nenioti ǹnouioti isjen pièhoou ètavṡōpi hijen pikahi ṡaèxoun èpaièhoou ouoh afriki afì èvol ha faraṑ	And thy houses shall be filled, and the houses of thy servants, and all the houses in all the land of the Egyptians; things which thy fathers have never seen, nor their forefathers, from the day that they were upon the earth until this day. And Moses turned away and departed from Pharao.
10:7	ⲡⲉϫⲉ ⲛⲓⲁⲗⲱⲟⲩⲓ ⲇⲉ ⲙⲫⲁⲣⲁⲱ ⲛⲁϥ ϫⲉϣⲁⲑⲛⲁⲩ ϫⲉⲟⲩⲟⲛ ϭⲣⲟⲡ ⲛⲁϣⲱⲡⲓ ⲛⲁⲛ ⲟⲩⲱⲣⲡ ⲟⲩⲛ ⲛⲛⲓⲣⲱⲙⲓ ⲉⲃⲟⲗ ϩⲓⲛⲁ ⲛⲧⲟⲩϣⲉⲙϣⲓ ⲙⲡϭⲟⲓⲥ ⲡⲟⲩⲛⲟⲩϯ ϣⲁⲛⲁⲕⲟⲩⲱϣ ⲉⲉⲙⲓ ϫⲉⲁϥⲧⲁⲕⲟ ⲛϫⲉⲭⲏⲙⲓ	ⲡⲉϫⲉ ⲛⲓⲁ̀ⲗⲱⲟⲩⲓ̀ ⲇⲉ ⲛ̀ⲫⲁⲣⲁⲱ̀ ⲛⲁϥ ϫⲉ ϣⲁ ⲑⲛⲁⲩ ϫⲉ ⲟⲩⲟⲛ ϭⲣⲟⲡ ⲛⲁϣⲱⲡⲓ ⲛⲁⲛ ⲟⲩⲱⲣⲡ ⲟⲩⲛ ⲛ̀ⲛⲓⲣⲱⲙⲓ ⲉ̀ⲃⲟⲗ ϩⲓⲛⲁ ⲛ̀ⲧⲟⲩϣⲉⲙϣⲓ ⲛ̀ⲡ̀ϭⲟⲓⲥ ⲡⲟⲩⲛⲟⲩϯ ϣⲁ ⲛⲁⲕⲟⲩⲱϣ ⲉⲉⲙⲓ ϫⲉ ⲁϥⲧⲁⲕⲟ ⲛ̀ϫⲉ ⲭⲏⲙⲓ	peje niàlōouì ḋe ǹfaraṑ naf je ṡa θnav je ouon ċrop naṡōpi nan ouōrp oun ǹnirōmi èvol hina ǹtouṡemṡi ǹp̀ċois pounouti ṡa nakouōṡ eemi je aftako ǹje kymi	And the servants of Pharao say to him, How long shall this be a snare to us? send away the men, that they may serve their God; wilt thou know that Egypt is destroyed?
10:8	ⲟⲩⲟϩ ⲁⲩⲧⲁⲥⲑⲟ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ϩⲁⲫⲁⲣⲁⲱ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϣⲉⲛⲱⲧⲉⲛ ϣⲉⲙϣⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲛⲓⲙ ⲇⲉ ⲛⲉⲙⲛⲓⲙ ⲛⲉ ⲛⲏ ⲉⲧⲛⲁϣⲉⲛⲱⲟⲩ	ⲟⲩⲟϩ ⲁⲩⲧⲁⲥⲑⲟ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ϩⲁ ⲫⲁⲣⲁⲱ̀ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁϣⲉⲛⲱⲧⲉⲛ ϣⲉⲙϣⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛⲓⲙ ⲇⲉ ⲛⲉⲙ ⲛⲓⲙ ⲛⲉ ⲛⲏ ⲉⲧⲛⲁϣⲉⲛⲱⲟⲩ	ouoh avtasθo ǹmōisys nem àarōn ha faraṑ ouoh pegaf nōou je maṡenōten ṡemṡi ǹp̀ċois petennouti nim ḋe nem nim ne ny etnaṡenōou	And they brought back both Moses and Aaron to Pharao; and he said to them, Go and serve the Lord your God; but who are they that are going with you?
10:9	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉⲁⲛⲟⲛ ⲧⲉⲛⲛⲁϣⲉⲛⲁⲛ ⲛⲉⲙⲛⲉⲛϧⲉⲗϣⲓⲣⲓ ⲛⲉⲙⲛⲉⲛϧⲉⲗⲗⲟⲓ ⲛⲉⲙⲛⲉⲛϣⲏⲣⲓ ⲛⲉⲙⲛⲉⲛϣⲉⲣⲓ ⲛⲉⲙⲛⲉⲛⲉⲥⲱⲟⲩ ⲛⲉⲙⲛⲉⲛⲉϩⲱⲟⲩ ⲡϣⲁⲓ ⲅⲁⲣ ⲙⲡϭⲟⲓⲥ ⲡⲉⲛⲛⲟⲩϯ ⲡⲉ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ⲁ̀ⲛⲟⲛ ⲧⲉⲛⲛⲁϣⲉⲛⲁⲛ ⲛⲉⲙ ⲛⲉⲛϧⲉⲗϣⲓⲣⲓ ⲛⲉⲙ ⲛⲉⲛϧⲉⲗⲗⲟⲓ ⲛⲉⲙ ⲛⲉⲛϣⲏⲣⲓ ⲛⲉⲙ ⲛⲉⲛϣⲉⲣⲓ ⲛⲉⲙ ⲛⲉⲛⲉ̀ⲥⲱⲟⲩ ⲛⲉⲙ ⲛⲉⲛⲉϩⲱⲟⲩ ⲡ̀ϣⲁⲓ ⲅⲁⲣ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ⲡⲉ	ouoh peje mōisys je ànon tennaṡenan nem nenxelṡiri nem nenxelloi nem nenṡyri nem nenṡeri nem nenèsōou nem nenehōou p̀ṡai ġar ǹp̀ċois pennouti pe	And Moses said, We will go with the young and the old, with our sons, and daughters, and sheep, and oxen, for it is a feast of the Lord.
10:10	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁⲣⲉⲥϣⲱⲡⲓ ⲙⲡⲁⲓⲣⲏϯ ⲡϭⲟⲓⲥ ⲛⲉⲙⲱⲧⲉⲛ ⲙⲫⲣⲏϯ ⲉϯⲟⲩⲱⲣⲡ ⲙⲙⲱⲧⲉⲛ ⲛⲉⲙⲛⲉⲧⲉⲛⲕⲉⲥⲟⲃϯ ⲁⲛⲁⲩ ϫⲉⲟⲩⲟⲛ ⲟⲩⲡⲉⲧϩⲱⲟⲩ ⲭⲏ ϧⲁϫⲱⲧⲉⲛ	ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁⲣⲉⲥϣⲱⲡⲓ ⲛ̀ⲡⲁⲓⲣⲏϯ ⲡ̀ϭⲟⲓⲥ ⲛⲉⲙⲱⲧⲉⲛ ⲛ̀ⲫ̀ⲣⲏϯ ⲉⲓⲟⲩⲱⲣⲡ ⲙ̀ⲙⲱⲧⲉⲛ ⲛⲉⲙ ⲛⲉⲧⲉⲛⲕⲉⲥⲟⲃϯ ⲁ̀ⲛⲁⲩ ϫⲉ ⲟⲩⲟⲛ ⲟⲩⲡⲉⲧϩⲱⲟⲩ ⲭⲏ ϧⲁϫⲱⲧⲉⲛ	ouoh pegaf nōou je maresṡōpi ǹpairyti p̀ċois nemōten ǹf̀ryti eiouōrp m̀mōten nem netenkesovti ànav je ouon oupet·hōou ky xagōten	And he said to them, So let the Lord be with you: as I will send you away, must I send away you store also? see that evil is attached to you.
10:11	ⲙⲡⲁⲓⲣⲏϯ ⲁⲛ ⲙⲁⲣⲟⲩϣⲉⲛⲱⲟⲩ ⲇⲉ ⲛϫⲉⲛⲓⲣⲱⲙⲓ ⲟⲩⲟϩ ⲙⲁⲣⲟⲩϣⲉⲙϣⲓ ⲙⲫⲛⲟⲩϯ ⲫⲁⲓ ⲅⲁⲣ ⲛⲑⲱⲧⲉⲛ ⲉⲧⲉⲧⲉⲛⲕⲱϯ ⲛⲥⲱϥ ⲁⲩϩⲓⲧⲟⲩ ⲇⲉ ⲉⲃⲟⲗ ϩⲁⲡϩⲟ ⲙⲫⲁⲣⲁⲱ	ⲛ̀ⲡⲁⲓⲣⲏϯ ⲁⲛ ⲙⲁⲣⲟⲩϣⲉⲛⲱⲟⲩ ⲇⲉ ⲛ̀ϫⲉ ⲛⲓⲣⲱⲙⲓ ⲟⲩⲟϩ ⲙⲁⲣⲟⲩϣⲉⲙϣⲓ ⲛ̀ⲫ̀ⲛⲟⲩϯ ⲫⲁⲓ ⲅⲁⲣ ⲛ̀ⲑⲱⲧⲉⲛ ⲉⲧⲉⲧⲉⲛⲕⲱϯ ⲛ̀ⲥⲱϥ ⲁⲩϩⲓⲧⲟⲩ ⲇⲉ ⲉ̀ⲃⲟⲗ ϩⲁ ⲡ̀ϩⲟ ⲛ̀ⲫⲁⲣⲁⲱ̀	ǹpairyti an marouṡenōou ḋe ǹje nirōmi ouoh marouṡemṡi ǹf̀nouti fai ġar ǹθōten etetenkōti ǹsōf avhitou ḋe èvol ha p̀ho ǹfaraṑ	Not so, but let the men go and serve God, for this ye yourselves seek; and they cast them out from the presence of Pharao.
10:12	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲥⲟⲩⲧⲉⲛ ⲧⲉⲕϫⲓϫ ⲉⲃⲟⲗ ⲉϫⲉⲛⲡⲕⲁϩⲓ ⲛⲭⲏⲙⲓ ⲟⲩⲟϩ ⲙⲁⲣⲉϥⲓ ⲉⲡϣⲱⲓ ⲛϫⲉⲟⲩϣϫⲉ ϩⲓϫⲉⲛⲡⲓⲕⲁϩⲓ ⲟⲩⲟϩ ⲉϥⲉⲟⲩⲱⲙ ⲛⲛⲓⲥⲙⲉϩ ⲧⲏⲣⲟⲩ ⲛⲧⲉⲡⲕⲁϩⲓ ⲛⲉⲙⲡⲓⲟⲩϩⲁϩ ⲧⲏⲣϥ ⲛⲧⲉⲛⲓϣϣⲏⲛ ⲛⲏ ⲉⲧⲁⲩⲥⲉⲡⲓ ⲉⲡⲓⲁⲗ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲥⲟⲩⲧⲉⲛ ⲧⲉⲕϫⲓϫ ⲉ̀ⲃⲟⲗ ⲉ̀ϫⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲙⲁⲣⲉϥⲓ ⲉ̀ⲡ̀ϣⲱⲓ ⲛ̀ϫⲉ ⲟⲩϣϫⲉ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲉϥⲉ̀ⲟⲩⲱⲙ ⲛ̀ⲛⲓⲥⲙⲉϩ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ ⲛⲉⲙ ⲡⲓⲟⲩϩⲁϩ ⲧⲏⲣϥ ⲛ̀ⲧⲉ ⲛⲓϣ̀ϣⲏⲛ ⲛⲏ ⲉⲧⲁⲩⲥⲉⲡⲓ ⲉ̀ⲡⲓⲁⲗ	peje p̀ċois ḋe ǹmōisys je souten tekjig èvol èjen p̀kahi ǹkymi ouoh marefi èp̀ṡōi ǹje ouṡje hijen pikahi ouoh efèouōm ǹnismeh tyrou ǹte p̀kahi nem piouhah tyrf ǹte niṡ̀ṡyn ny etavsepi èpial	And the Lord said to Moses, Stretch out thine hand over the land of Egypt, and let the locust come up on the land, and it shall devour every herb of the land, and all the fruit of the trees, which the hail left.
10:13	ⲟⲩⲟϩ ⲁ ⲙⲱⲩⲥⲏⲥ ϥⲁⲓ ⲙⲡⲉϥϣⲃⲱⲧ ⲉⲡϣⲱⲓ ⲉⲧⲫⲉ ⲟⲩⲟϩ ⲁ ⲡϭⲟⲓⲥ ⲓⲛⲓ ⲛⲟⲩⲑⲟⲩⲣⲏⲥ ⲉϫⲉⲛⲡⲓⲕⲁϩⲓ ⲙⲡⲓⲉϩⲟⲟⲩ ⲧⲏⲣϥ ⲉⲧⲉⲙⲙⲁⲩ ⲛⲉⲙⲡⲓⲉϫⲱⲣϩ ⲧⲏⲣϥ ⲟⲩⲟϩ ⲁ ϣⲱⲣⲡ ϣⲱⲡⲓ ⲟⲩⲟϩ ⲁϥϭⲓ ⲛϫⲉⲡⲓⲑⲟⲩⲣⲏⲥ ⲙⲡⲓϣϫⲉ	ⲟⲩⲟϩ ⲁ ⲙⲱⲩⲥⲏⲥ ϥⲁⲓ ⲛ̀ⲡⲉϥϣ̀ⲃⲱⲧ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲟⲩⲟϩ ⲁ ⲡ̀ϭⲟⲓⲥ ⲓ̀ⲛⲓ ⲛ̀ⲟⲩⲑⲟⲩⲣⲏⲥ ⲉ̀ϫⲉⲛ ⲡⲓⲕⲁϩⲓ ⲛ̀ⲡⲓⲉϩⲟⲟⲩ ⲧⲏⲣϥ ⲉ̀ⲧⲉ ⲙ̀ⲙⲁⲩ ⲛⲉⲙ ⲡⲓⲉ̀ϫⲱⲣϩ ⲧⲏⲣϥ ⲟⲩⲟϩ ⲁ ϣⲱⲣⲡ ϣⲱⲡⲓ ⲟⲩⲟϩ ⲁϥϭⲓ ⲛ̀ϫⲉ ⲡⲓⲑⲟⲩⲣⲏⲥ ⲛ̀ⲡⲓϣϫⲉ	ouoh a mōisys fai ǹpefṡ̀vōt èp̀ṡōi èt̀fe ouoh a p̀ċois ìni ǹouθourys èjen pikahi ǹpiehoou tyrf ète m̀mav nem piègōrh tyrf ouoh a ṡōrp ṡōpi ouoh afċi ǹje piθourys ǹpiṡje	And Moses lifted up his rod towards heaven, and the Lord brought a south wind upon the earth, all that day and all that night: the morning dawned, and the south wind brought up the locusts,
10:14	ⲟⲩⲟϩ ⲁϥⲉⲛϥ ⲉϧⲣⲏⲓ ⲉϫⲉⲛⲡⲓⲕⲁϩⲓ ⲧⲏⲣϥ ⲛⲧⲉⲭⲏⲙⲓ ⲟⲩⲟϩ ⲁϥⲟⲩⲟϩ ⲉϫⲉⲛⲛⲓϭⲓⲏ ⲧⲏⲣⲟⲩ ⲛⲧⲉⲭⲏⲙⲓ ⲉϥⲟϣ ⲉⲙⲁϣⲱ ⲙⲡⲉ ⲟⲩⲟⲛ ϣⲱⲡⲓ ⲙⲡⲁⲓⲣⲏϯ ϧⲁϫⲱϥ ⲟⲩⲟϩ ⲙⲉⲛⲉⲛⲥⲱϥ ⲛⲛⲉ ⲟⲩⲟⲛ ϣⲱⲡⲓ ⲙⲡⲁⲓⲣⲏϯ	ⲟⲩⲟϩ ⲁϥⲉⲛϥ ⲉ̀ϧ̀ⲣⲏⲓ ⲉ̀ϫⲉⲛ ⲡⲓⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ ⲟⲩⲟϩ ⲁϥⲟⲩⲟϩ ⲉ̀ϫⲉⲛ ⲛⲓϭⲓⲏ ⲧⲏⲣⲟⲩ ⲛ̀ⲧⲉ ⲭⲏⲙⲓ ⲉϥⲟϣ ⲉ̀ⲙⲁϣⲱ ⲛ̀ⲡⲉ ⲟⲩⲟⲛ ϣⲱⲡⲓ ⲛ̀ⲡⲁⲓⲣⲏϯ ϧⲁϫⲱϥ ⲟⲩⲟϩ ⲙⲉⲛⲉⲛⲥⲱϥ ⲛ̀ⲛⲉ ⲟⲩⲟⲛ ϣⲱⲡⲓ ⲛ̀ⲡⲁⲓⲣⲏϯ	ouoh afenf èx̀ryi èjen pikahi tyrf ǹte kymi ouoh afouoh èjen niċiy tyrou ǹte kymi efoṡ èmaṡō ǹpe ouon ṡōpi ǹpairyti xagōf ouoh menensōf ǹne ouon ṡōpi ǹpairyti	and brought them up over all the land of Egypt. And they rested in very great abundance over all the borders of Egypt. Before them there were not such locusts, neither after them shall there be.
10:15	ⲟⲩⲟϩ ⲁϥϩⲱⲃⲥ ⲡϩⲟ ⲙⲡⲓⲕⲁϩⲓ ⲟⲩⲟϩ ⲁϥⲧⲁⲕⲉ ⲡⲓⲕⲁϩⲓ ⲟⲩⲟϩ ⲁϥⲟⲩⲱⲙ ⲙⲡⲓⲥⲓⲙ ⲧⲏⲣϥ ⲛⲧⲉⲡⲕⲁϩⲓ ⲛⲉⲙⲡⲟⲩⲧⲁϩ ⲧⲏⲣϥ ⲛⲧⲉⲛⲓϣϣⲏⲛ ⲫⲏ ⲉⲧⲁϥⲥⲱϫⲡ ⲉⲃⲟⲗ ϩⲁⲡⲓⲁⲗ ⲟⲩⲟϩ ⲙⲡⲉ ϩⲗⲓ ⲛⲛⲉⲭⲁⲓ ⲉϥⲟⲩⲉⲧⲟⲩⲱⲧ ⲥⲱϫⲡ ϩⲓⲛⲓϣϣⲏⲛ ⲛⲉⲙϧⲉⲛⲛⲓⲥⲙⲉϩ ⲧⲏⲣⲟⲩ ⲛⲧⲉⲧⲕⲟⲓ ϧⲉⲛⲡⲕⲁϩⲓ ⲧⲏⲣϥ ⲛⲭⲏⲙⲓ	ⲟⲩⲟϩ ⲁϥϩⲱⲃⲥ ⲡ̀ϩⲟ ⲛ̀ⲡⲓⲕⲁϩⲓ ⲟⲩⲟϩ ⲁϥⲧⲁⲕⲉ ⲡⲓⲕⲁϩⲓ ⲟⲩⲟϩ ⲁϥⲟⲩⲱⲙ ⲛ̀ⲡⲓⲥⲓⲙ ⲧⲏⲣϥ ⲛ̀ⲧⲉ ⲡ̀ⲕⲁϩⲓ ⲛⲉⲙ ⲡ̀ⲟⲩⲧⲁϩ ⲧⲏⲣϥ ⲛ̀ⲧⲉ ⲛⲓϣ̀ϣⲏⲛ ⲫⲏ ⲉⲧⲁϥⲥⲱϫⲡ ⲉ̀ⲃⲟⲗ ϩⲁ ⲡⲓⲁⲗ ⲟⲩⲟϩ ⲛ̀ⲡⲉ ϩ̀ⲗⲓ ⲛ̀ⲛⲉⲭⲁⲓ ⲉϥⲟⲩⲉⲧⲟⲩⲱⲧ ⲥⲱϫⲡ ϩⲓ ⲛⲓϣ̀ϣⲏⲛ ⲛⲉⲙ ϧⲉⲛ ⲛⲓⲥⲙⲉϩ ⲧⲏⲣⲟⲩ ⲛ̀ⲧⲉ ⲧ̀ⲕⲟⲓ ϧⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ	ouoh afhōvs p̀ho ǹpikahi ouoh aftake pikahi ouoh afouōm ǹpisim tyrf ǹte p̀kahi nem p̀outah tyrf ǹte niṡ̀ṡyn fy etafsōgp èvol ha pial ouoh ǹpe h̀li ǹnekai efouetouōt sōgp hi niṡ̀ṡyn nem xen nismeh tyrou ǹte t̀koi xen p̀kahi tyrf ǹkymi	And they covered the face of the earth, and the land was wasted, and they devoured all the herbage of the land, and all the fruit of the trees, which was left by the hail: there was no green thing left on the trees, nor on all the herbage of the field, in all the land of Egypt.
10:16	ⲁϥⲓⲏⲥ ⲇⲉ ⲛϫⲉⲫⲁⲣⲁⲱ ⲉⲙⲟⲩϯ ⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ ϫⲉⲁⲓⲉⲣⲛⲟⲃⲓ ⲙⲡⲉⲙⲑⲟ ⲙⲡϭⲟⲓⲥ ⲫⲛⲟⲩϯ ⲛⲉⲙⲉⲣⲱⲧⲉⲛ	ⲁϥⲓⲏⲥⲟⲩⲥ ⲇⲉ ⲛ̀ϫⲉ ⲫⲁⲣⲁⲱ̀ ⲉ̀ⲙⲟⲩϯ ⲉ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ⲁⲓⲉⲣⲛⲟⲃⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲫ̀ⲛⲟⲩϯ ⲛⲉⲙ ⲉⲣⲱⲧⲉⲛ	afiysous ḋe ǹje faraṑ èmouti èmōisys nem àarōn efgō m̀mos je aiernovi ǹpem̀θo ǹp̀ċois f̀nouti nem erōten	And Pharao hasted to call Moses and Aaron, saying, I have sinned before the Lord your God, and against you;
10:17	ϯⲛⲟⲩ ϫⲉϣⲉⲡ ⲡⲁⲛⲟⲃⲓ ⲉⲣⲱⲧⲉⲛ ⲙⲡⲁⲓⲕⲉⲥⲟⲡ ⲟⲩⲟϩ ⲧⲱⲃϩ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲙⲁⲣⲉϥⲉⲗ ⲡⲁⲓⲙⲟⲩ ⲉⲃⲟⲗ ϩⲁⲣⲟⲓ	ϯⲛⲟⲩ ϫⲉ ϣⲉⲡ ⲡⲁⲛⲟⲃⲓ ⲉⲣⲱⲧⲉⲛ ⲛ̀ⲡⲁⲓⲕⲉⲥⲟⲡ ⲟⲩⲟϩ ⲧⲱⲃϩ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲙⲁⲣⲉϥⲉⲗ ⲡⲁⲓⲙⲟⲩ ⲉ̀ⲃⲟⲗ ϩⲁⲣⲟⲓ	tinou je ṡep panovi erōten ǹpaikesop ouoh tōvh ǹp̀ċois petennouti ouoh marefel paimou èvol haroi	pardon therefore my sin yet this time, and pray to the Lord your God, and let him take away from me this death.
10:18	ⲁϥⲓ ⲇⲉ ⲛϫⲉⲙⲱⲩⲥⲏⲥ ⲉⲃⲟⲗ ϩⲁⲡϩⲟ ⲙⲫⲁⲣⲁⲱ ⲟⲩⲟϩ ⲁϥⲧⲱⲃϩ ⲙⲡϭⲟⲓⲥ	ⲁϥⲓ̀ ⲇⲉ ⲛ̀ϫⲉ ⲙⲱⲩⲥⲏⲥ ⲉ̀ⲃⲟⲗ ϩⲁ ⲡ̀ϩⲟ ⲛ̀ⲫⲁⲣⲁⲱ̀ ⲟⲩⲟϩ ⲁϥⲧⲱⲃϩ ⲛ̀ⲡ̀ϭⲟⲓⲥ	afì ḋe ǹje mōisys èvol ha p̀ho ǹfaraṑ ouoh aftōvh ǹp̀ċois	And Moses went forth from Pharao, and prayed to God.
10:19	ⲟⲩⲟϩ ⲁϥⲟⲩⲱⲧⲉⲃ ⲛⲟⲩⲑⲏⲟⲩ ⲉϥⲟϣ ⲛϫⲉⲡϭⲟⲓⲥ ⲉⲃⲟⲗ ϧⲉⲛⲫⲓⲟⲙ ⲟⲩⲟϩ ⲁϥϭⲓ ⲙⲡⲓϣϫⲉ ⲟⲩⲟϩ ⲁϥϩⲓⲧϥ ⲉϧⲣⲏⲓ ⲉⲫⲓⲟⲙ ⲛϣⲁⲣⲓ ⲟⲩⲟϩ ⲙⲡⲉ ⲟⲩϣϫⲉ ⲙⲙⲁⲩⲁⲧϥ ⲥⲱϫⲡ ϧⲉⲛⲡⲓⲕⲁϩⲓ ⲧⲏⲣϥ ⲛⲧⲉⲭⲏⲙⲓ	ⲟⲩⲟϩ ⲁϥⲟⲩⲱⲧⲉⲃ ⲛ̀ⲟⲩⲑⲏⲟⲩ ⲉϥⲟϣ ⲛ̀ϫⲉ ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲫ̀ⲓⲟⲙ ⲟⲩⲟϩ ⲁϥϭⲓ ⲛ̀ⲡⲓϣϫⲉ ⲟⲩⲟϩ ⲁϥϩⲓⲧϥ ⲉ̀ϧ̀ⲣⲏⲓ ⲉ̀ⲫ̀ⲓⲟⲙ ⲛ̀ϣⲁⲣⲓ ⲟⲩⲟϩ ⲛ ⲡⲉ ⲟⲩϣϫⲉ ⲙ̀ⲙⲁⲩⲁⲧϥ ⲥⲱϫⲡ ϧⲉⲛ ⲡⲓⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ	ouoh afouōteb ǹouθyou efoṡ ǹje p̀ċois èvol xen f̀iom ouoh afċi ǹpiṡje ouoh afhitf èx̀ryi èf̀iom ǹṡari ouoh n pe ouṡje m̀mavatf sōgp xen pikahi tyrf ǹte kymi	And the Lord brought in the opposite direction a strong wind from the sea, and took up the locusts and cast them into the Red Sea, and there was not one locust left in all the land of Egypt.
10:20	ⲟⲩⲟϩ ⲁ ⲡϭⲟⲓⲥ ⲑⲣⲉ ⲡϩⲏⲧ ⲙⲫⲁⲣⲁⲱ ⲛϣⲟⲧ ⲟⲩⲟϩ ⲙⲡⲉϥⲟⲩⲱⲣⲡ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ	ⲟⲩⲟϩ ⲁ ⲡ̀ϭⲟⲓⲥ ⲑⲣⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲛ̀ϣⲟⲧ ⲟⲩⲟϩ ⲙ̀ⲡⲉϥⲟⲩⲱⲣⲡ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ	ouoh a p̀ċois θre p̀hyt ǹfaraṑ ǹṡot ouoh m̀pefouōrp ǹnenṡyri ǹpisrayl èvol	And the Lord hardened the heart of Pharao, and he did not send away the children of Israel.
10:21	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲥⲟⲩⲧⲉⲛ ⲧⲉⲕϫⲓϫ ⲉⲡϣⲱⲓ ⲉⲧⲫⲉ ⲟⲩⲟϩ ⲙⲁⲣⲉϥϣⲱⲡⲓ ⲛϫⲉⲟⲩⲭⲁⲕⲓ ϩⲓϫⲉⲛⲡⲕⲁϩⲓ ⲛⲭⲏⲙⲓ ⲟⲩⲭⲁⲕⲓ ⲛϫⲟⲙϫⲉⲙ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲥⲟⲩⲧⲉⲛ ⲧⲉⲕϫⲓϫ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲟⲩⲟϩ ⲙⲁⲣⲉϥϣⲱⲡⲓ ⲛ̀ϫⲉ ⲟⲩⲭⲁⲕⲓ ϩⲓϫⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲭⲁⲕⲓ ⲛ̀ϫⲟⲙϫⲉⲙ	peje p̀ċois ḋe ǹmōisys je souten tekjig èp̀ṡōi èt̀fe ouoh marefṡōpi ǹje oukaki hijen p̀kahi ǹkymi oukaki ǹgomjem	And the Lord said to Moses, Stretch out thy hand to heaven, and let there be darkness over the land of Egyptdarkness that may be felt.
10:22	ⲟⲩⲟϩ ⲁ ⲙⲱⲩⲥⲏⲥ ⲥⲟⲩⲧⲉⲛ ⲧⲉϥϫⲓϫ ⲉⲡϣⲱⲓ ⲉⲧⲫⲉ ⲟⲩⲟϩ ⲁϥϣⲱⲡⲓ ⲛϫⲉⲟⲩⲭⲁⲕⲓ ⲛϫⲟⲙϫⲉⲙ ϩⲓϫⲉⲛⲡⲕⲁϩⲓ ⲧⲏⲣϥ ⲛⲭⲏⲙⲓ ⲛⲅ̅ ⲛⲉϩⲟⲟⲩ	ⲟⲩⲟϩ ⲁ ⲙⲱⲩⲥⲏⲥ ⲥⲟⲩⲧⲉⲛ ⲧⲉϥϫⲓϫ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲟⲩⲟϩ ⲁϥϣⲱⲡⲓ ⲛ̀ϫⲉ ⲟⲩⲭⲁⲕⲓ ⲛ̀ϫⲟⲙϫⲉⲙ ϩⲓϫⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ ⲛ̀ϣⲟⲙⲧ ⲛ̀ⲉ̀ϩⲟⲟⲩ	ouoh a mōisys souten tefjig èp̀ṡōi èt̀fe ouoh afṡōpi ǹje oukaki ǹgomjem hijen p̀kahi tyrf ǹkymi ǹṡomt ǹèhoou	And Moses stretched out his hand to heaven, and there was darkness very black, even a storm over all the land of Egypt three days.
10:23	ⲟⲩⲟϩ ⲙⲡⲉ ϩⲗⲓ ⲛⲁⲩ ⲉⲡⲉϥⲥⲟⲛ ⲟⲩⲇⲉ ⲙⲡⲉ ϩⲗⲓ ⲧⲱⲛϥ ⲉⲃⲟⲗ ϩⲓϫⲉⲛⲡⲉϥⲙⲁⲛⲛⲕⲟⲧ ⲛⲅ̅ ⲛⲉϩⲟⲟⲩ ⲛⲉⲛϣⲏⲣⲓ ⲇⲉ ⲙⲡⲓⲥⲣⲁⲏⲗ ⲧⲏⲣⲟⲩ ⲛⲁⲣⲉⲫⲟⲩⲱⲓⲛⲓ ϣⲟⲡ ⲛⲱⲟⲩ ⲡⲉ ϧⲉⲛϩⲱⲃ ⲛⲓⲃⲉⲛ ⲉⲛⲁⲩϣⲟⲡ ⲛϧⲏⲧⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲛ̀ⲡⲉ ϩ̀ⲗⲓ ⲛⲁⲩ ⲉ̀ⲡⲉϥⲥⲟⲛ ⲟⲩⲇⲉ ⲛ̀ⲡⲉ ϩ̀ⲗⲓ ⲧⲱⲛϥ ⲉ̀ⲃⲟⲗ ϩⲓϫⲉⲛ ⲡⲉϥⲙⲁⲛⲛⲕⲟⲧ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛⲉⲛϣⲏⲣⲓ ⲇⲉ ⲛ̀ⲡⲓⲥⲣⲁⲏⲗ ⲧⲏⲣⲟⲩ ⲛⲁⲣⲉ ⲫ̀ⲟⲩⲱⲓⲛⲓ ϣⲟⲡ ⲛⲱⲟⲩ ⲡⲉ ϧⲉⲛ ϩⲱⲃ ⲛⲓⲃⲉⲛ ⲉⲛⲁⲩϣⲟⲡ ⲛ̀ϧⲏⲧⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh ǹpe h̀li nav èpefson ouḋe ǹpe h̀li tōnf èvol hijen pefmannkot ǹṡomt ǹèhoou nenṡyri ḋe ǹpisrayl tyrou nare f̀ouōini ṡop nōou pe xen hōb niven enavṡop ǹxytou ǹje nenṡyri ǹpisrayl	And for three days no man saw his brother, and no man rose up from his bed for three days: but all the children of Israel had light in all the places where they were.
10:24	ⲟⲩⲟϩ ⲁϥⲙⲟⲩϯ ⲛϫⲉⲫⲁⲣⲁⲱ ⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ ϫⲉⲙⲁϣⲉⲛⲱⲧⲉⲛ ϣⲉⲙϣⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲡⲗⲏⲛ ⲛⲉⲧⲉⲛⲉⲥⲱⲟⲩ ⲛⲉⲙⲛⲉⲧⲉⲛⲉϩⲱⲟⲩ ⲉⲣⲉⲧⲉⲛⲉⲥⲟϫⲡⲟⲩ ⲟⲩⲟϩ ⲡⲉⲧⲉⲛⲥⲟⲃϯ ⲙⲁⲣⲉϥϣⲉⲛⲁϥ ⲛⲉⲙⲱⲧⲉⲛ	ⲟⲩⲟϩ ⲁϥⲙⲟⲩϯ ⲛ̀ϫⲉ ⲫⲁⲣⲁⲱ̀ ⲉ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ⲙⲁϣⲉⲛⲱⲧⲉⲛ ϣⲉⲙϣⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲡ̀ⲗⲏⲛ ⲛ̀ⲉⲧⲉⲛⲉ̀ⲥⲱⲟⲩ ⲛⲉⲙ ⲛⲉⲧⲉⲛⲉϩⲱⲟⲩ ⲉ̀ⲣⲉⲧⲉⲛⲉⲥⲟϫⲡⲟⲩ ⲟⲩⲟϩ ⲡ̀ⲉⲧⲉⲛⲥⲟⲃϯ ⲙⲁⲣⲉϥϣⲉⲛⲁϥ ⲛⲉⲙⲱⲧⲉⲛ	ouoh afmouti ǹje faraṑ èmōisys nem àarōn efgō m̀mos je maṡenōten ṡemṡi ǹp̀ċois petennouti p̀lyn ǹetenèsōou nem netenehōou èretenesogpou ouoh p̀etensovti marefṡenaf nemōten	And Pharao called Moses and Aaron, saying, Go, serve the Lord your God, only leave your sheep and your oxen, and let your store depart with you.
10:25	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉⲁⲗⲗⲁ ⲛⲉⲙⲛⲑⲟⲕ ϩⲱⲕ ⲉⲕⲉϯ ⲛⲁⲛ ⲛϩⲁⲛϭⲗⲓⲗ ⲛⲉⲙϩⲁⲛϣⲟⲩϣⲱⲟⲩϣⲓ ⲛⲏ ⲉⲧⲉⲛⲛⲁⲁⲓⲧⲟⲩ ⲙⲡϭⲟⲓⲥ ⲡⲉⲛⲛⲟⲩϯ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ⲁⲗⲗⲁ ⲛⲉⲙ ⲛ̀ⲑⲟⲕ ϩⲱⲕ ⲉⲕⲉ̀ϯ ⲛⲁⲛ ⲛ̀ϩⲁⲛϭⲗⲓⲗ ⲛⲉⲙ ϩⲁⲛϣⲟⲩϣⲱⲟⲩϣⲓ ⲛⲏ ⲉⲧⲉⲛⲛⲁⲁⲓⲧⲟⲩ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ	ouoh peje mōisys je alla nem ǹθok hōk ekèti nan ǹhanċlil nem hanṡouṡōouṡi ny etennaaitou ǹp̀ċois pennouti	And Moses said, Nay, but thou shalt give to us whole burnt-offerings and sacrifices, which we will sacrifice to the Lord our God.
10:26	ⲟⲩⲟϩ ⲛⲉⲛⲧⲉⲃⲛⲱⲟⲩⲓ ⲉⲩⲉⲙⲟϣⲓ ⲛⲉⲙⲁⲛ ⲟⲩⲟϩ ⲛⲛⲉⲛⲥⲉϫⲡ ⲟⲩϩⲓⲏⲃ ⲉⲃⲟⲗ ⲛϧⲏⲧⲟⲩ ⲁⲛⲛⲁϭⲓ ⲅⲁⲣ ⲉⲃⲟⲗ ⲛϧⲏⲧⲟⲩ ⲉⲡϣⲉⲙϣⲓ ⲙⲡϭⲟⲓⲥ ⲡⲉⲛⲛⲟⲩϯ ⲁⲛⲟⲛ ⲇⲉ ⲧⲉⲛⲉⲙⲓ ⲁⲛ ϫⲉⲟⲩ ⲡⲉⲧⲉⲛⲛⲁϣⲉⲙϣⲓ ⲙⲙⲟϥ ⲙⲡϭⲟⲓⲥ ⲡⲉⲛⲛⲟⲩϯ ϣⲁⲧⲉⲛϣⲉⲛⲁⲛ ⲉϧⲟⲩⲛ ⲉⲙⲁⲩ	ⲟⲩⲟϩ ⲛⲉⲛⲧⲉⲃⲛⲱⲟⲩⲓ̀ ⲉⲩⲉ̀ⲙⲟϣⲓ ⲛⲉⲙⲁⲛ ⲟⲩⲟϩ ⲛ̀ⲛⲉⲛⲥⲉϫⲡ ⲟⲩϩⲓⲏⲃ ⲉ̀ⲃⲟⲗ ⲛ̀ϧⲏⲧⲟⲩ ⲁⲛⲛⲁϭⲓ ⲅⲁⲣ ⲉ̀ⲃⲟⲗ ⲛ̀ϧⲏⲧⲟⲩ ⲉ̀ⲡ̀ϣⲉⲙϣⲓ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ⲁ̀ⲛⲟⲛ ⲇⲉ ⲧⲉⲛⲉⲙⲓ ⲁⲛ ϫⲉ ⲟⲩ ⲡ̀ⲉⲧⲉⲛⲛⲁϣⲉⲙϣⲓ ⲙ̀ⲙⲟϥ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ϣⲁⲧⲉⲛ̀ϣⲉⲛⲁⲛ ⲉ̀ϧⲟⲩⲛ ⲉⲙⲁⲩ	ouoh nentevnōouì evèmoṡi neman ouoh ǹnensegp ouhiyb èvol ǹxytou annaċi ġar èvol ǹxytou èp̀ṡemṡi ǹp̀ċois pennouti ànon ḋe tenemi an je ou p̀etennaṡemṡi m̀mof ǹp̀ċois pennouti ṡateǹṡenan èxoun emav	And our cattle shall go with us, and we will not leave a hoof behind, for of them we will take to serve the Lord our God: but we know not in what manner we shall serve the Lord our God, until we arrive there.
10:27	ⲁ ⲡϭⲟⲓⲥ ⲇⲉ ⲑⲣⲉ ⲡϩⲏⲧ ⲙⲫⲁⲣⲁⲱ ⲛϣⲟⲧ ⲟⲩⲟϩ ⲙⲡⲉϥⲟⲩⲱϣ ⲉⲟⲩⲟⲣⲡⲟⲩ ⲉⲃⲟⲗ	ⲁ ⲡ̀ϭⲟⲓⲥ ⲇⲉ ⲑⲣⲉ ⲡ̀ϩⲏⲧ ⲛ̀ⲫⲁⲣⲁⲱ̀ ⲛ̀ϣⲟⲧ ⲟⲩⲟϩ ⲙ̀ⲡⲉϥⲟⲩⲱϣ ⲉ̀ⲟⲩⲟⲣⲡⲟⲩ ⲉ̀ⲃⲟⲗ	a p̀ċois ḋe θre p̀hyt ǹfaraṑ ǹṡot ouoh m̀pefouōṡ èouorpou èvol	But the Lord hardened the heart of Pharao, and he would not let them go.
10:28	ⲟⲩⲟϩ ⲡⲉϫⲉ ⲫⲁⲣⲁⲱ ϫⲉⲙⲁϣⲉⲛⲁⲕ ⲉⲃⲟⲗ ϩⲁⲣⲟⲓ ⲙⲁϩⲑⲏⲕ ⲉⲣⲟⲕ ⲙⲡⲉⲣⲟⲩⲁϩⲧⲟⲧⲕ ϫⲉⲉⲛⲁⲩ ⲉⲡⲁϩⲟ ⲡⲓⲉϩⲟⲟⲩ ⲇⲉ ⲉⲧⲉⲕⲛⲁⲛⲁⲩ ⲉⲣⲟⲓ ⲛϧⲏⲧϥ ⲭⲛⲁⲙⲟⲩ	ⲟⲩⲟϩ ⲡⲉϫⲉ ⲫⲁⲣⲁⲱ̀ ϫⲉ ⲙⲁϣⲉⲛⲁⲕ ⲉ̀ⲃⲟⲗ ϩⲁⲣⲟⲓ ⲙⲁϩ̀ⲑⲏⲕ ⲉ̀ⲣⲟⲕ ⲙⲡⲉⲣⲟⲩⲁϩⲧⲟⲧⲕ ϫⲉ ⲉⲛⲁⲩ ⲉ̀ⲡⲁϩⲟ ⲡⲓⲉ̀ϩⲟⲟⲩ ⲇⲉ ⲉ̀ⲧⲉ ⲭ̀ⲛⲁⲛⲁⲩ ⲉ̀ⲣⲟⲓ ⲛ̀ϧⲏⲧϥ ⲭ̀ⲛⲁⲙⲟⲩ	ouoh peje faraṑ je maṡenak èvol haroi mah̀θyk èrok mperouahtotk je enav èpaho pièhoou ḋe ète k̀nanav èroi ǹxytf k̀namou	And Pharao says, Depart from me, beware of seeing my face again, for in what day thou shalt appear before me, thou shalt die.
10:29	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉⲁⲕϫⲟⲥ ϫⲉⲛⲛⲁⲟⲩⲁϩⲧⲟⲧ ϫⲉⲙⲡⲉⲕⲙⲑⲟ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ⲁⲕϫⲟⲥ ϫⲉ ⲛ̀ⲛⲁⲟⲩⲁϩⲧⲟⲧ ϫⲉ ⲛ̀ⲡⲉⲕⲙ̀ⲑⲟ	ouoh peje mōisys je akgos je ǹnaouahtot je ǹpekm̀θo	And Moses says, Thou hast said, I will not appear in thy presence again.

Provenance

title: Exodus 10
dialect: bohairic
source: Coptic SCRIPTORIUM corpus "bohairic.ot", document 02_Exodus_10
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 10 from Coptic SCRIPTORIUM (https://copticscriptorium.org), corpus bohairic.ot, document 02_Exodus_10, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/10.bohairic.scriptorium.L0.txt
title: Exodus 10 — Cairene
dialect: bohairic
source: generated from 10.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_10)
licence: CC BY-SA 4.0
share: attribution
attribution: Exodus 10 from Coptic SCRIPTORIUM (https://copticscriptorium.org), corpus bohairic.ot, document 02_Exodus_10, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/10.bohairic.scriptorium.L1.txt
title: Exodus 10 — Kemetic
dialect: bohairic
source: generated from 10.bohairic.scriptorium.L1.txt
licence: CC BY-SA 4.0
share: attribution
attribution: Exodus 10 from Coptic SCRIPTORIUM (https://copticscriptorium.org), corpus bohairic.ot, document 02_Exodus_10, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/10.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 29 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_10 (29 lines)

Cite as:

Exodus 10. Coptic SCRIPTORIUM corpus "bohairic.ot", document 02_Exodus_10. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/10.bohairic.scriptorium/. Exodus 10 from Coptic SCRIPTORIUM (https://copticscriptorium.org), corpus bohairic.ot, document 02_Exodus_10, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.