Exodus 12 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_12

Attribution: Exodus 12 from Coptic SCRIPTORIUM (https://copticscriptorium.org), corpus bohairic.ot, document 02_Exodus_12, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

51 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
12:1	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ϧⲉⲛⲡⲕⲁϩⲓ ⲛⲭⲏⲙⲓ ⲉϥϫⲱ ⲙⲙⲟⲥ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉϥϫⲱ ⲙ̀ⲙⲟⲥ	peje p̀ċois ḋe ǹmōisys nem àarōn xen p̀kahi ǹkymi efgō m̀mos	And the Lord spoke to Moses and Aaron in the land of Egypt, saying,
12:2	ϫⲉⲡⲁⲓⲁⲃⲟⲧ ⲫⲁⲓ ⲧⲁⲣⲭⲏ ⲛⲧⲉⲛⲓⲉⲃⲏⲧ ⲛⲱⲧⲉⲛ ⲡⲉ ⲫⲁⲓ ⲡⲓϩⲟⲩⲓⲧ ⲛⲁⲃⲟⲧ ⲛⲱⲧⲉⲛ ⲡⲉ ϧⲉⲛⲛⲓⲉⲃⲏⲧ ⲛⲧⲉϯⲣⲟⲙⲡⲓ	ϫⲉ ⲡⲁⲓⲁ̀ⲃⲟⲧ ⲫⲁⲓ ⲧ̀ⲁⲣⲭⲏ ⲛ̀ⲧⲉ ⲛⲓⲉⲃⲏⲧ ⲛⲱⲧⲉⲛ ⲡⲉ ⲫⲁⲓ ⲡⲓϩⲟⲩⲓⲧ ⲛ̀ⲁ̀ⲃⲟⲧ ⲛⲱⲧⲉⲛ ⲡⲉ ϧⲉⲛ ⲛⲓⲉⲃⲏⲧ ⲛ̀ⲧⲉ ϯⲣⲟⲙⲡⲓ	je paiàvot fai t̀arṡy ǹte nievyt nōten pe fai pihouit ǹàvot nōten pe xen nievyt ǹte tirompi	This month shall be to you the beginning of months: it is the first to you among the months of the year.
12:3	ⲥⲁϫⲓ ⲛⲉⲙϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲧⲏⲣⲟⲩ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉⲛϧⲣⲏⲓ ϧⲉⲛⲥⲟⲩ ⲓ̅ ⲙⲡⲓⲁⲃⲟⲧ ⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ϭⲓ ⲛⲁϥ ⲛⲟⲩⲉⲥⲱⲟⲩ ⲕⲁⲧⲁⲛⲉⲛⲏⲟⲩ ⲛⲛⲟⲩⲓⲟϯ ⲟⲩⲉⲥⲱⲟⲩ ⲕⲁⲧⲁⲏⲓ	ⲥⲁϫⲓ ⲛⲉⲙ ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ ⲉⲕϫⲱ ⲙ̀ⲙⲟⲥ ϫⲉ ⲛ̀ϧ̀ⲣⲏⲓ ϧⲉⲛ ⲥⲟⲩ 10 ⲛ̀ⲡⲓⲁ̀ⲃⲟⲧ ⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ϭⲓ ⲛⲁϥ ⲛ̀ⲟⲩⲉ̀ⲥⲱⲟⲩ ⲕⲁⲧⲁ ⲛⲉⲛⲏⲟⲩ ⲛ̀ⲛⲟⲩⲓⲟϯ ⲟⲩⲉ̀ⲥⲱⲟⲩ ⲕⲁⲧⲁ ⲏⲓ	saji nem tisinaġōgy tyrs ǹte nenṡyri tyrou ǹpisrayl ekgō m̀mos je ǹx̀ryi xen sou 10 ǹpiàvot mare piouai piouai ċi naf ǹouèsōou kata nenyou ǹnouioti ouèsōou kata yi	Speak to all the congregation of the children of Israel, saying, On the tenth of this month let them take each man a lamb according to the houses of their families, every man a lamb for his household.
12:4	ⲉϣⲱⲡ ⲇⲉ ⲉⲩⲥⲃⲟⲕ ⲛϫⲉⲛⲏ ⲉⲧϧⲉⲛⲡⲓⲏⲓ ϩⲱⲥⲧⲉ ⲉϣⲧⲉⲙⲣⲱϣⲓ ⲉⲡⲓⲉⲥⲱⲟⲩ ⲉϥⲉϭⲓ ⲙⲡⲉϥⲑⲉϣⲉ ⲛⲉⲙⲁϥ ⲛⲉⲙⲡⲉϥϣⲫⲏⲣ ⲕⲁⲧⲁⲛⲓⲏⲡⲓ ⲙⲯⲩⲭⲏ ⲫⲟⲩⲁⲓ ⲫⲟⲩⲁⲓ ⲙⲡⲉϥⲣⲱϣⲓ ⲉϥⲉϭⲓⲏⲡⲓ ⲙⲙⲟϥ ⲉⲟⲩⲉⲥⲱⲟⲩ	ⲉϣⲱⲡ ⲇⲉ ⲉⲩⲥⲃⲟⲕ ⲛ̀ϫⲉ ⲛⲏ ⲉⲧϧⲉⲛ ⲡⲓⲏⲓ ϩⲱⲥⲧⲉ ⲉ̀ϣⲧⲉⲙⲣⲱϣⲓ ⲉ̀ⲡⲓⲉ̀ⲥⲱⲟⲩ ⲉϥⲉ̀ϭⲓ ⲛ̀ⲡⲉϥⲑⲉϣⲉ ⲛⲉⲙⲁϥ ⲛⲉⲙ ⲡⲉϥϣ̀ⲫⲏⲣ ⲕⲁⲧⲁ ⲛⲓⲏⲡⲓ ⲙ̀ⲯⲩⲭⲏ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲡⲉϥⲣⲱϣⲓ ⲉϥⲉ̀ϭⲓⲏⲡⲓ ⲙ̀ⲙⲟϥ ⲉⲟⲩⲉⲥⲱⲟⲩ	eṡōp ḋe evsvok ǹje ny etxen piyi hōste èṡtemrōṡi èpièsōou efèċi ǹpefθeṡe nemaf nem pefṡ̀fyr kata niypi m̀psiṡy f̀ouai f̀ouai m̀pefrōṡi efèċiypi m̀mof eouesōou	And if they be few in a household, so that there are not enough for the lamb, he shall take with himself his neighbour that lives near to him, as to the number of souls, every one according to that which suffices him shall make a reckoning for the lamb.
12:5	ⲟⲩⲉⲥⲱⲟⲩ ⲛϩⲱⲟⲩⲧ ⲉϥϫⲏⲕ ⲉⲃⲟⲗ ⲉⲁϥⲉⲣⲟⲩⲣⲟⲙⲡⲓ ⲉϥⲉϣⲱⲡⲓ ⲛⲱⲧⲉⲛ ⲉⲃⲟⲗ ϧⲉⲛⲛⲓϩⲓⲏⲃ ⲛⲉⲙⲉⲃⲟⲗ ϧⲉⲛⲛⲓⲃⲁⲉⲙⲡⲓ ⲉⲣⲉⲧⲉⲛⲉϭⲓ	ⲟⲩⲉ̀ⲥⲱⲟⲩ ⲛ̀ϩⲱⲟⲩⲧ ⲉϥϫⲏⲕ ⲉ̀ⲃⲟⲗ ⲉⲁϥⲉⲣⲟⲩⲣⲟⲙⲡⲓ ⲉϥⲉ̀ϣⲱⲡⲓ ⲛⲱⲧⲉⲛ ⲉ̀ⲃⲟⲗ ϧⲉⲛ ⲛⲓϩⲓⲏⲃ ⲛⲉⲙ ⲉ̀ⲃⲟⲗ ϧⲉⲛ ⲛⲓⲃⲁⲉⲙⲡⲓ ⲉ̀ⲣⲉⲧⲉⲛⲉϭⲓ	ouèsōou ǹhōout efjyk èvol eaferourompi efèṡōpi nōten èvol xen nihiyb nem èvol xen nivaempi èreteneċi	It shall be to you a lamb unblemished, a male of a year old: ye shall take it of the lambs and the kids.
12:6	ⲟⲩⲟϩ ⲉϥⲉϣⲱⲡⲓ ⲉⲩⲁⲣⲉϩ ⲉⲣⲟϥ ⲛⲱⲧⲉⲛ ϣⲁⲥⲟⲩ ⲓ̅ⲇ̅ ⲙⲡⲓⲁⲃⲟⲧ ⲟⲩⲟϩ ⲉⲩⲉϣⲁⲧϥ ⲛϫⲉⲡⲓⲙⲏϣ ⲧⲏⲣϥ ⲛⲧⲉϯⲥⲩⲛⲁⲅⲱⲅⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲙⲫⲛⲁⲩ ⲛⲣⲟⲩϩⲓ	ⲟⲩⲟϩ ⲉϥⲉ̀ϣⲱⲡⲓ ⲉⲩⲁ̀ⲣⲉϩ ⲉ̀ⲣⲟϥ ⲛⲱⲧⲉⲛ ϣⲁ ⲥⲟⲩ 14 ⲛ̀ⲡⲓⲁ̀ⲃⲟⲧ ⲟⲩⲟϩ ⲉⲩⲉ̀ϣⲁⲧϥ ⲛ̀ϫⲉ ⲡⲓⲙⲏϣ ⲧⲏⲣϥ ⲛ̀ⲧⲉ ϯⲥⲩⲛⲁⲅⲱⲅⲏ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲫ̀ⲛⲁⲩ ⲛ̀ⲣⲟⲩϩⲓ	ouoh efèṡōpi evàreh èrof nōten ṡa sou 14 ǹpiàvot ouoh evèṡatf ǹje pimyṡ tyrf ǹte tisinaġōgy ǹte nenṡyri ǹpisrayl ǹf̀nav ǹrouhi	And it shall be kept by you till the fourteenth of this month, and all the multitude of the congregation of the children of Israel shall kill it toward evening.
12:7	ⲟⲩⲟϩ ⲉⲩⲉϭⲓ ⲉⲃⲟⲗ ϧⲉⲛⲡⲓⲥⲛⲟϥ ⲟⲩⲟϩ ⲉⲩⲉⲭⲱ ϩⲓϫⲉⲛϯⲟⲩⲉϫⲣⲟ ⲃ̅ϯ ⲛⲉⲙϩⲓϫⲉⲛⲛⲓⲑⲟⲩⲁⲓ ϧⲉⲛⲛⲓⲏⲓ ⲉⲧⲟⲩⲛⲁⲟⲩⲟⲙⲟⲩ ⲛϧⲏⲧⲟⲩ	ⲟⲩⲟϩ ⲉⲩⲉ̀ϭⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲟⲩⲟϩ ⲉⲩⲉ̀ⲭⲱ ϩⲓϫⲉⲛ ϯⲟⲩⲉϫⲣⲟ 2ϯ ⲛⲉⲙ ϩⲓϫⲉⲛ ⲛⲓⲑⲟⲩⲁⲓ ϧⲉⲛ ⲛⲓⲏⲓ ⲉⲧⲟⲩⲛⲁⲟⲩⲟⲙⲟⲩ ⲛ̀ϧⲏⲧⲟⲩ	ouoh evèċi èvol xen pis̀nof ouoh evèkō hijen tiouegro 2ti nem hijen niθouai xen niyi etounaouomou ǹxytou	And they shall take of the blood, and shall put it on the two door-posts, and on the lintel, in the houses in which soever they shall eat them.
12:8	ⲟⲩⲟϩ ⲉⲩⲉⲟⲩⲱⲙ ⲛⲛⲓⲁϥ ⲛϩⲣⲏⲓ ϧⲉⲛⲡⲁⲓⲉϫⲱⲣϩ ⲉⲩⲫⲟⲥⲓ ϧⲉⲛⲟⲩⲭⲣⲱⲙ ⲟⲩⲟϩ ϩⲁⲛⲁⲧϣⲉⲙⲏⲣ ϩⲓϣⲁⲛϣⲁϣⲓ ⲉⲩⲉⲟⲩⲟⲙⲟⲩ	ⲟⲩⲟϩ ⲉⲩⲉ̀ⲟⲩⲱⲙ ⲛ̀ⲛⲓⲁϥ ⲛ̀ϩ̀ⲣⲏⲓ ϧⲉⲛ ⲡⲁⲓⲉ̀ϫⲱⲣϩ ⲉⲩⲫⲟⲥⲓ ϧⲉⲛ ⲟⲩⲭ̀ⲣⲱⲙ ⲟⲩⲟϩ ϩⲁⲛⲁⲧϣⲉⲙⲏⲣ ϩⲓ ϣⲁⲛϣⲁϣⲓ ⲉⲩⲉ̀ⲟⲩⲟⲙⲟⲩ	ouoh evèouōm ǹniaf ǹh̀ryi xen paiègōrh evfosi xen ouk̀rōm ouoh hanatṡemyr hi ṡanṡaṡi evèouomou	And they shall eat the flesh in this night roast with fire, and they shall eat unleavened bread with bitter herbs.
12:9	ⲛⲛⲉⲧⲉⲛⲟⲩⲱⲙ ⲉⲃⲟⲗ ⲛϧⲏⲧⲟⲩ ⲉϥⲟⲩⲱⲧ ⲟⲩⲇⲉ ⲉϥⲫⲟⲥⲓ ϧⲉⲛⲟⲩⲙⲱⲟⲩ ⲁⲗⲗⲁ ⲉϥϫⲉϥϫⲱϥ ϧⲉⲛⲟⲩⲭⲣⲱⲙ ϯⲁⲫⲉ ⲇⲉ ⲛⲉⲙⲛⲓϭⲁⲗⲁⲩϫ ⲛⲉⲙⲛⲏ ⲉⲧⲥⲁϧⲟⲩⲛ	ⲛ̀ⲛⲉⲧⲉⲛⲟⲩⲱⲙ ⲉ̀ⲃⲟⲗ ⲛ̀ϧⲏⲧⲟⲩ ⲉϥⲟⲩⲱⲧ ⲟⲩⲇⲉ ⲉϥⲫⲟⲥⲓ ϧⲉⲛ ⲟⲩⲙⲱⲟⲩ ⲁⲗⲗⲁ ⲉϥϫⲉϥϫⲱϥ ϧⲉⲛ ⲟⲩⲭ̀ⲣⲱⲙ ϯⲁ̀ⲫⲉ ⲇⲉ ⲛⲉⲙ ⲛⲓϭⲁⲗⲁⲩϫ ⲛⲉⲙ ⲛⲏ ⲉⲧⲥⲁϧⲟⲩⲛ	ǹnetenouōm èvol ǹxytou efouōt ouḋe effosi xen oumōou alla efjefgōf xen ouk̀rōm tiàfe ḋe nem niċalavg nem ny etsaxoun	Ye shall not eat of it raw nor sodden in water, but only roast with fire, the head with the feet and the appurtenances.
12:10	ⲛⲛⲉⲧⲉⲛⲭⲱ ⲉⲃⲟⲗ ⲙⲙⲟϥ ⲉⲥⲱϫⲡ ⲉϣⲱⲣⲡ ⲟⲩⲟϩ ⲟⲩⲕⲁⲥ ⲛⲛⲉⲧⲉⲛⲕⲁϣϥ ⲉⲃⲟⲗ ⲙⲙⲟϥ ⲛⲏ ⲇⲉ ⲉⲑⲛⲁⲥⲱϫⲡ ⲉⲃⲟⲗ ⲙⲙⲟϥ ⲉϣⲱⲣⲡ ⲉⲣⲉⲧⲉⲛⲉⲣⲟⲕϩⲟⲩ ϧⲉⲛⲟⲩⲭⲣⲱⲙ	ⲛ̀ⲛⲉⲧⲉⲛⲭⲱ ⲉ̀ⲃⲟⲗ ⲙ̀ⲙⲟϥ ⲉ̀ⲥⲱϫⲡ ⲉ̀ϣⲱⲣⲡ ⲟⲩⲟϩ ⲟⲩⲕⲁⲥ ⲛⲛⲉⲧⲉⲛⲕⲁϣϥ ⲉ̀ⲃⲟⲗ ⲙ̀ⲙⲟϥ ⲛⲏ ⲇⲉ ⲉⲑⲛⲁⲥⲱϫⲡ ⲉ̀ⲃⲟⲗ ⲙ̀ⲙⲟϥ ⲉ̀ϣⲱⲣⲡ ⲉ̀ⲣⲉⲧⲉⲛⲉⲣⲟⲕϩⲟⲩ ϧⲉⲛ ⲟⲩⲭ̀ⲣⲱⲙ	ǹnetenkō èvol m̀mof èsōgp èṡōrp ouoh oukas nnetenkaṡf èvol m̀mof ny ḋe eθnasōgp èvol m̀mof èṡōrp èretenerok·hou xen ouk̀rōm	Nothing shall be left of it till the morning, and a bone of it ye shall not break; but that which is left of it till the morning ye shall burn with fire.
12:11	ⲉⲣⲉⲧⲉⲛⲉⲟⲩⲟⲙⲟⲩ ⲇⲉ ⲙⲡⲁⲓⲣⲏϯ ⲉⲩⲙⲏⲣ ⲛϫⲉⲛⲉⲧⲉⲛϯⲡⲓ ⲟⲩⲟϩ ⲛⲉⲧⲉⲛⲑⲱⲟⲩⲓ ⲉⲩϧⲉⲛ ⲛⲉⲧⲉⲛϭⲁⲗⲁⲩϫ ⲟⲩⲟϩ ⲛⲉⲧⲉⲛϣⲃⲟϯ ⲉⲩϧⲉⲛ ⲛⲉⲧⲉⲛϫⲓϫ ⲟⲩⲟϩ ⲉⲣⲉⲧⲉⲛⲉⲟⲩⲟⲙϥ ϧⲉⲛⲟⲩⲓⲱⲥ ⲟⲩⲡⲁⲥⲭⲁ ⲙⲡϭⲟⲓⲥ ⲡⲉ	ⲉⲣⲉⲧⲉⲛⲉⲟⲩⲟⲙⲟⲩ ⲇⲉ ⲛ̀ⲡⲁⲓⲣⲏϯ ⲉⲩⲙⲏⲣ ⲛ̀ϫⲉ ⲛⲉⲧⲉⲛϯⲡⲓ ⲟⲩⲟϩ ⲛ̀ⲉⲧⲉⲛⲑⲱⲟⲩⲓ ⲉⲩϧⲉⲛ ⲛⲉⲧⲉⲛϭⲁⲗⲁⲩϫ ⲟⲩⲟϩ ⲛ̀ⲉⲧⲉⲛϣⲃⲟϯ ⲉⲩϧⲉⲛ ⲛⲉⲧⲉⲛϫⲓϫ ⲟⲩⲟϩ ⲉ̀ⲣⲉⲧⲉⲛⲉⲟⲩⲟⲙϥ ϧⲉⲛ ⲟⲩⲓⲱⲥ ⲟⲩⲡⲁⲥⲭⲁ ⲛ̀ⲧⲉ ⲡ̀ϭⲟⲓⲥ ⲡⲉ	ereteneouomou ḋe ǹpairyti evmyr ǹje netentipi ouoh ǹetenθōoui evxen netenċalavg ouoh ǹetenṡvoti evxen netenjig ouoh èreteneouomf xen ouiōs oupasxa ǹte p̀ċois pe	And thus shall ye eat it: your loins girded, and your sandals on your feet, and your staves in your hands, and ye shall eat it in haste. It is a passover to the Lord.
12:12	ⲟⲩⲟϩ ⲉⲓⲉⲥⲓⲛⲓ ϧⲉⲛⲡⲕⲁϩⲓ ⲛⲭⲏⲙⲓ ϧⲉⲛⲡⲁⲓⲉϫⲱⲣϩ ⲟⲩⲟϩ ⲉⲓⲉϣⲁⲣⲓ ⲉϣⲁⲙⲓⲥⲓ ⲛⲓⲃⲉⲛ ⲉⲧⲉⲛϧⲣⲏⲓ ϧⲉⲛⲡⲕⲁϩⲓ ⲛⲭⲏⲙⲓ ⲓⲥϫⲉⲛ ⲫⲣⲱⲙⲓ ϣⲁⲡⲧⲉⲃⲛⲏ ⲟⲩⲟϩ ⲛϩⲣⲏⲓ ϧⲉⲛⲛⲓⲛⲟⲩϯ ⲧⲏⲣⲟⲩ ⲛⲧⲉⲛⲓⲣⲉⲙⲛⲭⲏⲙⲓ ⲉⲓⲉⲓⲣⲓ ⲙⲡⲓϭⲓⲙⲡϣⲓϣ ⲁⲛⲟⲕ ⲡϭⲟⲓⲥ	ⲟⲩⲟϩ ⲉⲓⲉ̀ⲥⲓⲛⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲡⲁⲓⲉ̀ϫⲱⲣϩ ⲟⲩⲟϩ ⲉⲓⲉ̀ϣⲁⲣⲓ ⲉ̀ϣⲁⲙⲓⲥⲓ ⲛⲓⲃⲉⲛ ⲉ̀ⲧⲉⲛϧⲣⲏⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲓⲥϫⲉⲛ ⲫ̀ⲣⲱⲙⲓ ϣⲁ ⲡ̀ⲧⲉⲃⲛⲏ ⲟⲩⲟϩ ⲛ̀ϩ̀ⲣⲏⲓ ϧⲉⲛ ⲛⲓⲛⲟⲩϯ ⲧⲏⲣⲟⲩ ⲛ̀ⲧⲉ ⲛⲓⲣⲉⲙⲛⲭⲏⲙⲓ ⲉⲓⲉ̀ⲓ̀ⲣⲓ ⲛ̀ⲡⲓϭⲓⲙⲡϣⲓϣ ⲁⲛⲟⲕ ⲡ̀ϭⲟⲓⲥ	ouoh eièsini xen p̀kahi ǹkymi xen paiègōrh ouoh eièṡari èṡamisi niven ètenxryi xen p̀kahi ǹkymi isjen f̀rōmi ṡa p̀tevny ouoh ǹh̀ryi xen ninouti tyrou ǹte niremnkymi eièìri ǹpiċimpṡiṡ anok p̀ċois	and I will go throughout the land of Egypt in that night, and will smite every first-born in the land of Egypt both man and beast, and on all the gods of Egypt will I execute vengeance: I am the Lord.
12:13	ⲟⲩⲟϩ ⲉϥⲉϣⲱⲡⲓ ⲛⲱⲧⲉⲛ ⲛϫⲉⲡⲓⲥⲛⲟϥ ϧⲉⲛⲟⲩⲙⲏⲓⲛⲓ ϩⲓϫⲉⲛⲛⲓⲏⲓ ⲛⲏ ⲛⲑⲱⲧⲉⲛ ⲉⲧⲉⲧⲉⲛⲭⲏ ⲛϧⲏⲧⲟⲩ ⲟⲩⲟϩ ⲉⲓⲉⲛⲁⲩ ⲉⲡⲓⲥⲛⲟϥ ⲟⲩⲟϩ ⲉⲓⲉϩⲱⲃⲥ ⲉⲃⲟⲗ ⲉϫⲱⲧⲉⲛ ⲟⲩⲟϩ ⲛⲛⲉ ⲉⲣϧⲟⲧ ϣⲱⲡⲓ ϧⲉⲛⲑⲏⲛⲟⲩ ⲉⲡϧⲟⲙϧⲉⲙ ϩⲟⲧⲁⲛ ⲁⲓϣⲁⲛϣⲁⲣⲓ ϧⲉⲛⲡⲕⲁϩⲓ ⲛⲭⲏⲙⲓ	ⲟⲩⲟϩ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ϫⲉ ⲡⲓⲥ̀ⲛⲟϥ ϧⲉⲛ ⲟⲩⲙⲏⲓⲛⲓ ϩⲓϫⲉⲛ ⲛⲓⲏⲓ ⲛⲏ ⲛ̀ⲑⲱⲧⲉⲛ ⲉⲧⲉⲧⲉⲛⲭⲏ ⲛ̀ϧⲏⲧⲟⲩ ⲟⲩⲟϩ ⲉⲓⲉ̀ⲛⲁⲩ ⲉ̀ⲡⲓⲥ̀ⲛⲟϥ ⲟⲩⲟϩ ⲉⲓⲉ̀ϩⲱⲃⲥ ⲉ̀ⲃⲟⲗ ⲉ̀ϫⲱⲧⲉⲛ ⲟⲩⲟϩ ⲛ̀ⲛⲉ ⲉⲣϧⲟⲧ ϣⲱⲡⲓ ϧⲉⲛ ⲑⲏⲛⲟⲩ ⲉ̀ⲡ̀ϧⲟⲙϧⲉⲙ ϩⲟⲧⲁⲛ ⲁⲓϣⲁⲛϣⲁⲣⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	ouoh efèṡōpi nōten ǹje pis̀nof xen oumyini hijen niyi ny ǹθōten etetenky ǹxytou ouoh eiènav èpis̀nof ouoh eièhōvs èvol ègōten ouoh ǹne erxot ṡōpi xen θynou èp̀xomxem hotan aiṡanṡari xen p̀kahi ǹkymi	And the blood shall be for a sign to you on the houses in which ye are, and I will see the blood, and will protect you, and there shall not be on you the plague of destruction, when I smite in the land of Egypt.
12:14	ⲟⲩⲟϩ ⲉϥⲉϣⲱⲡⲓ ⲛⲱⲧⲉⲛ ⲛϫⲉⲡⲓⲉϩⲟⲟⲩ ⲛⲟⲩⲉⲣⲫⲙⲉⲩⲓ ⲟⲩⲟϩ ⲉⲣⲉⲧⲉⲛⲉⲁⲓϥ ⲙⲡϭⲟⲓⲥ ϣⲁⲛⲉⲧⲉⲛϫⲱⲟⲩ ⲟⲩⲛⲟⲙⲟⲥ ⲛⲉⲛⲉϩ ⲉⲣⲉⲧⲉⲛⲉⲁⲓϥ ⲛϣⲁⲓ	ⲟⲩⲟϩ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ϫⲉ ⲡⲓⲉ̀ϩⲟⲟⲩ ⲛ̀ⲟⲩⲉⲣⲫⲙⲉⲩⲓ ⲟⲩⲟϩ ⲉ̀ⲣⲉⲧⲉⲛⲉⲁⲓϥ ⲛ̀ⲡ̀ϭⲟⲓⲥ ϣⲁ ⲛⲉⲧⲉⲛϫⲱⲟⲩ ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲉ̀ⲣⲉⲧⲉⲛⲉⲁⲓϥ ⲛ̀ϣⲁⲓ	ouoh efèṡōpi nōten ǹje pièhoou ǹouerfmevi ouoh èreteneaif ǹp̀ċois ṡa netengōou ounomos ǹèneh èreteneaif ǹṡai	And this day shall be to you a memorial, and ye shall keep it a feast to the Lord through all your generations; ye shall keep it a feast for a perpetual ordinance.
12:15	ⲍ̅ ⲛⲉϩⲟⲟⲩ ⲉⲣⲉⲧⲉⲛⲉⲟⲩⲉⲙ ⲁⲧϣⲉⲙⲏⲣ ⲓⲥϫⲉⲛ ⲡⲓⲉϩⲟⲟⲩ ⲛϩⲟⲩⲓⲧ ⲉⲣⲉⲧⲉⲛⲉⲧⲁⲕⲉ ⲟⲩϣⲉⲙⲏⲣ ⲉⲃⲟⲗ ϧⲉⲛⲛⲉⲧⲉⲛⲏⲟⲩ ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲙ ϣⲉⲙⲏⲣ ⲉⲩⲉϥⲱϯ ⲛϯⲯⲩⲭⲏ ⲉⲧⲉⲙⲙⲁⲩ ⲉⲃⲟⲗ ϧⲉⲛⲡⲓⲥⲣⲁⲏⲗ ⲓⲥϫⲉⲛ ⲡⲓⲉϩⲟⲟⲩ ⲛϩⲟⲩⲓⲧ ϣⲁⲡⲓⲉϩⲟⲟⲩ ⲙⲙⲁϩ ⲍ̅	7 ⲛ̀ⲉ̀ϩⲟⲟⲩ ⲉ̀ⲣⲉⲧⲉⲛⲉⲟⲩⲉⲙ ⲁⲧ̀ϣⲉⲙⲏⲣ ⲓⲥϫⲉⲛ ⲡⲓⲉ̀ϩⲟⲟⲩ ⲛ̀ϩⲟⲩⲓⲧ ⲉ̀ⲣⲉⲧⲉⲛⲉⲧⲁⲕⲉ ⲟⲩϣⲉⲙⲏⲣ ⲉ̀ⲃⲟⲗ ϧⲉⲛ ⲛⲉⲧⲉⲛⲏⲟⲩ ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲙ ϣⲉⲙⲏⲣ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ⲡⲓⲥⲣⲁⲏⲗ ⲓⲥϫⲉⲛ ⲡⲓⲉ̀ϩⲟⲟⲩ ⲛ̀ϩⲟⲩⲓⲧ ϣⲁ ⲡⲓⲉ̀ϩⲟⲟⲩ ⲛ̀ⲙⲁϩ 7	7 ǹèhoou èreteneouem at̀ṡemyr isjen pièhoou ǹhouit èretenetake ouṡemyr èvol xen netenyou ouon niven eθnaouōm ṡemyr evèfōti ǹtipsiṡy ète m̀mav èvol xen pisrayl isjen pièhoou ǹhouit ṡa pièhoou ǹmah 7	Seven days ye shall eat unleavened bread, and from the first day ye shall utterly remove leaven from your houses: whoever shall eat leaven, that soul shall be utterly destroyed from Israel, from the first day until the seventh day.
12:16	ⲟⲩⲟϩ ⲡⲓⲉϩⲟⲟⲩ ⲛϩⲟⲩⲓⲧ ⲉⲩⲉⲙⲟⲩϯ ⲉⲣⲟϥ ϫⲉϥⲟⲩⲁⲃ ⲟⲩⲟϩ ⲡⲓⲉϩⲟⲟⲩ ⲙⲙⲁϩ ⲍ̅ ⲉⲩⲉⲙⲟⲩϯ ⲉⲣⲟϥ ϫⲉϥⲟⲩⲁⲃ ⲛⲱⲧⲉⲛ ϩⲱⲃ ⲛⲓⲃⲉⲛ ⲛϣⲉⲙϣⲓ ⲛⲛⲉⲧⲉⲛⲁⲓⲧⲟⲩ ⲛϧⲣⲏⲓ ⲛϧⲏⲧⲟⲩ ⲉⲃⲏⲗ ⲉⲛⲏ ⲧⲏⲣⲟⲩ ⲉⲧⲁⲩⲑⲁⲙⲓⲟ ⲙⲙⲱⲟⲩ ⲙⲯⲩⲭⲏ ⲛⲓⲃⲉⲛ ⲫⲁⲓ ⲙⲙⲁⲩⲁⲧϥ ⲉⲩⲉⲑⲁⲙⲓⲟϥ ⲛⲱⲧⲉⲛ	ⲟⲩⲟϩ ⲡⲓⲉ̀ϩⲟⲟⲩ ⲛ̀ϩⲟⲩⲓⲧ ⲉⲩⲉⲙⲟⲩϯ ⲉ̀ⲣⲟϥ ϫⲉ ϥ̀ⲟⲩⲁⲃ ⲟⲩⲟϩ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲉⲩⲉⲙⲟⲩϯ ⲉ̀ⲣⲟϥ ϫⲉ ϥ̀ⲟⲩⲁⲃ ⲛⲱⲧⲉⲛ ϩⲱⲃ ⲛⲓⲃⲉⲛ ⲛ̀ϣⲉⲙϣⲓ ⲛ̀ⲛⲉⲧⲉⲛⲁⲓⲧⲟⲩ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲉ̀ⲃⲏⲗ ⲉ̀ⲛⲏ ⲧⲏⲣⲟⲩ ⲉⲧⲁⲩⲑⲁⲙⲓⲟ ⲙ̀ⲙⲱⲟⲩ ⲙ̀ⲯⲩⲭⲏ ⲛⲓⲃⲉⲛ ⲫⲁⲓ ⲙ̀ⲙⲁⲩⲁⲧϥ ⲉⲩⲉ̀ⲑⲁⲙⲓⲟϥ ⲛⲱⲧⲉⲛ	ouoh pièhoou ǹhouit evemouti èrof je f̀ouab ouoh pièhoou ǹmah 7 evemouti èrof je f̀ouab nōten hōb niven ǹṡemṡi ǹnetenaitou ǹx̀ryi ǹxytou èvyl èny tyrou etavθamio m̀mōou m̀psiṡy niven fai m̀mavatf evèθamiof nōten	And the first day shall be called holy, and the seventh day shall be a holy convocation to you: ye shall do no servile work on them, only as many things as will necessarily be done by every soul, this only shall be done by you.
12:17	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲧⲁⲓⲉⲛⲧⲟⲗⲏ ⲛϧⲣⲏⲓ ϧⲉⲛⲡⲁⲓⲉϩⲟⲟⲩ ⲉⲓⲉⲓⲛⲓ ⲛⲧⲉⲧⲉⲛϫⲟⲙ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲟⲩⲟϩ ⲉⲣⲉⲧⲉⲛⲉⲓⲣⲓ ⲙⲡⲁⲓⲉϩⲟⲟⲩ ϣⲁⲛⲉⲧⲉⲛϫⲱⲟⲩ ⲛⲟⲩⲛⲟⲙⲟⲥ ⲛⲉⲛⲉϩ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲧⲁⲓⲉⲛⲧⲟⲗⲏ ⲛ̀ϧ̀ⲣⲏⲓ ϧⲉⲛ ⲡⲁⲓⲉ̀ϩⲟⲟⲩ ⲉⲓⲉ̀ⲓ̀ⲛⲓ ⲛ̀ⲧⲉⲧⲉⲛϫⲟⲙ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲉ̀ⲣⲉⲧⲉⲛⲉⲓ̀ⲣⲓ ⲛ̀ⲡⲁⲓⲉ̀ϩⲟⲟⲩ ϣⲁ ⲛⲉⲧⲉⲛϫⲱⲟⲩ ⲛ̀ⲟⲩⲛⲟⲙⲟⲥ ⲛ̀ⲉ̀ⲛⲉϩ	ouoh èreteneàreh ètaientoly ǹx̀ryi xen paièhoou eièìni ǹtetengom èvol xen p̀kahi ǹkymi ouoh èreteneìri ǹpaièhoou ṡa netengōou ǹounomos ǹèneh	And ye shall keep this commandment, for on this day will I bring out your force out of the land of Egypt; and ye shall make this day a perpetual ordinance for you throughout your generations.
12:18	ⲉⲩⲛⲁⲉⲣϩⲏⲧⲥ ⲛⲥⲟⲩ ⲓ̅ⲇ̅ ⲙⲡⲓⲁⲃⲟⲧ ⲛϩⲟⲩⲓⲧ ⲓⲥϫⲉⲛ ⲫⲛⲁⲩ ⲛϩⲁⲛⲁⲣⲟⲩϩⲓ ⲉⲣⲉⲧⲉⲛⲉⲟⲩⲉⲙ ⲁⲧϣⲉⲙⲏⲣ ϣⲁⲥⲟⲩ ⲕ̅ⲁ̅ ⲙⲡⲓⲁⲃⲟⲧ ϣⲁⲧⲉ ⲣⲟⲩϩⲓ ϣⲱⲡⲓ	ⲉⲩⲛⲁⲉⲣϩⲏⲧⲥ ⲛ̀ⲥⲟⲩ 14 ⲛ̀ⲡⲓⲁ̀ⲃⲟⲧ ⲛ̀ϩⲟⲩⲓⲧ ⲓⲥϫⲉⲛ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲉ̀ⲣⲉⲧⲉⲛⲉⲟⲩⲉⲙ ⲁⲧ̀ϣⲉⲙⲏⲣ ϣⲁ ⲥⲟⲩ 21 ⲛ̀ⲡⲓⲁ̀ⲃⲟⲧ ϣⲁⲧⲉ ⲣⲟⲩϩⲓ ϣⲱⲡⲓ	evnaerhyts ǹsou 14 ǹpiàvot ǹhouit isjen f̀nav ǹhanarouhi èreteneouem at̀ṡemyr ṡa sou 21 ǹpiàvot ṡate rouhi ṡōpi	Beginning the fourteenth day of the first month, ye shall eat unleavened bread from evening, till the twenty-first day of the month, till evening.
12:19	ⲍ̅ ⲛⲉϩⲟⲟⲩ ⲛⲛⲟⲩϫⲉⲙ ϣⲉⲙⲏⲣ ϧⲉⲛⲛⲉⲧⲉⲛⲏⲟⲩ ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲙ ⲉⲟⲩⲟⲛ ϣⲉⲙⲏⲣ ⲙⲙⲟϥ ⲉⲩⲉϥⲱϯ ⲛϯⲯⲩⲭⲏ ⲉⲧⲉⲙⲙⲁⲩ ⲉⲃⲟⲗ ϧⲉⲛϯⲥⲩⲛⲁⲅⲱⲅⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲛⲓϣⲉⲙⲙⲱⲟⲩ ⲛⲉⲙⲛⲓⲣⲉⲙⲛϯⲙⲓ ⲛⲧⲉⲡⲓⲕⲁϩⲓ	7 ⲛ̀ⲉ̀ϩⲟⲟⲩ ⲛⲛⲟⲩϫⲉⲙ ϣⲉⲙⲏⲣ ϧⲉⲛ ⲛⲉⲧⲉⲛⲏⲟⲩ ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲙ ⲉ̀ⲟⲩⲟⲛ ϣⲉⲙⲏⲣ ⲙ̀ⲙⲟϥ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ϯⲥⲩⲛⲁⲅⲱⲅⲏ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲛⲓϣⲉⲙⲙⲱⲟⲩ ⲛⲉⲙ ⲛⲓⲣⲉⲙⲛϯⲙⲓ ⲛ̀ⲧⲉ ⲡⲓⲕⲁϩⲓ	7 ǹèhoou nnoujem ṡemyr xen netenyou ouon niven eθnaouōm èouon ṡemyr m̀mof evèfōti ǹtipsiṡy ète m̀mav èvol xen tisinaġōgy ǹte nenṡyri ǹpisrayl xen niṡemmōou nem niremntimi ǹte pikahi	Seven days leaven shall not be found in your houses; whosoever shall eat anything leavened, that soul shall be cut off from the congregation of Israel, both among the occupiers of the land and the original inhabitants.
12:20	ⲛⲛⲉⲧⲉⲛⲟⲩⲱⲙ ⲛϩⲱⲃ ⲛⲓⲃⲉⲛ ⲉⲟⲩⲟⲛ ϣⲉⲙⲏⲣ ⲙⲙⲟϥ ϧⲉⲛⲙⲁⲛϣⲱⲡⲓ ⲛⲓⲃⲉⲛ ⲛⲧⲱⲧⲉⲛ ⲉⲣⲉⲧⲉⲛⲟⲩⲱⲙ ⲁⲧϣⲉⲙⲏⲣ	ⲛⲛⲉⲧⲉⲛⲟⲩⲱⲙ ⲛ̀ϩⲱⲃ ⲛⲓⲃⲉⲛ ⲉ̀ⲟⲩⲟⲛ ϣⲉⲙⲏⲣ ⲙ̀ⲙⲟϥ ϧⲉⲛ ⲙⲁⲛϣⲱⲡⲓ ⲛⲓⲃⲉⲛ ⲛⲧⲱⲧⲉⲛ ⲉ̀ⲣⲉⲧⲉⲛⲟⲩⲱⲙ ⲁⲧ̀ϣⲉⲙⲏⲣ	nnetenouōm ǹhōb niven èouon ṡemyr m̀mof xen manṡōpi niven ntōten èretenouōm at̀ṡemyr	Ye shall eat nothing leavened, but in every habitation of your ye shall eat unleavened bread.
12:21	ⲁϥⲙⲟⲩϯ ⲇⲉ ⲛϫⲉⲙⲱⲩⲥⲏⲥ ⲉⲛⲓϧⲉⲗⲗⲟⲓ ⲧⲏⲣⲟⲩ ⲛⲧⲉⲡⲓⲥⲣⲁⲏⲗ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϣⲉⲛⲱⲧⲉⲛ ϭⲓ ⲛⲟⲩⲉⲥⲱⲟⲩ ⲕⲁⲧⲁⲛⲉⲧⲉⲛⲥⲩⲅⲅⲉⲛⲓⲁ ⲟⲩⲟϩ ϣⲱⲧ ⲙⲡⲓⲡⲁⲥⲭⲁ ⲙⲡϭⲟⲓⲥ	ⲁϥⲙⲟⲩϯ ⲇⲉ ⲛ̀ϫⲉ ⲙⲱⲩⲥⲏⲥ ⲉ̀ⲛⲓϧⲉⲗⲗⲟⲓ ⲧⲏⲣⲟⲩ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁϣⲉⲛⲱⲧⲉⲛ ϭⲓ ⲛ̀ⲟⲩⲉ̀ⲥⲱⲟⲩ ⲕⲁⲧⲁ ⲛⲉⲧⲉⲛⲥⲩⲅⲅⲉⲛⲓⲁ ⲟⲩⲟϩ ϣⲱⲧ ⲛ̀ⲡⲓⲡⲁⲥⲭⲁ ⲛ̀ⲡ̀ϭⲟⲓⲥ	afmouti ḋe ǹje mōisys ènixelloi tyrou ǹte pisrayl ouoh pegaf nōou je maṡenōten ċi ǹouèsōou kata netensingenia ouoh ṡōt ǹpipasxa ǹp̀ċois	And Moses called all the elders of the children of Israel, and said to them, Go away and take to yourselves a lamb according to your kindreds, and slay the passover.
12:22	ⲉⲣⲉⲧⲉⲛⲉϭⲓ ⲇⲉ ⲛⲟⲩϣⲟⲗ ⲛϩⲩⲥⲱⲡⲟⲥ ⲟⲩⲟϩ ⲉⲣⲉⲧⲉⲛⲉⲥⲱⲡ ⲉⲃⲟⲗ ϧⲉⲛⲡⲓⲥⲛⲟϥ ⲫⲏ ⲉⲧϧⲁⲧⲉⲛ ⲡⲓⲣⲟ ⲟⲩⲟϩ ⲉⲣⲉⲧⲉⲛⲉⲗⲁⲗⲉ ⲛⲉⲧⲉⲛⲑⲟⲩⲁⲓ ⲛⲉⲙϯⲟⲩⲉϫⲣⲟ ⲥⲛⲟⲩϯ ⲉⲃⲟⲗ ϧⲉⲛⲡⲓⲥⲛⲟϥ ⲉⲧϧⲁⲧⲉⲛ ⲡⲓⲣⲟ ⲛⲑⲱⲧⲉⲛ ⲇⲉ ⲛⲛⲉⲧⲉⲛⲓ ⲉⲃⲟⲗ ⲫⲟⲩⲁⲓ ⲫⲟⲩⲁⲓ ⲙⲫⲣⲟ ⲛⲧⲉⲡⲉϥⲏⲓ ϣⲁϩⲁⲛⲁⲧⲟⲟⲩⲓ	ⲉ̀ⲣⲉⲧⲉⲛⲉϭⲓ ⲇⲉ ⲛ̀ⲟⲩϣⲟⲗ ⲛ̀ϩⲩⲥⲱⲡⲟⲥ ⲟⲩⲟϩ ⲉ̀ⲣⲉⲧⲉⲛⲉⲥⲱⲡ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲫⲏ ⲉⲧϧⲁⲧⲉⲛ ⲡⲓⲣⲟ ⲟⲩⲟϩ ⲉ̀ⲣⲉⲧⲉⲛⲉⲗⲁⲗⲉ ⲛ̀ⲉⲧⲉⲛⲑⲟⲩⲁⲓ ⲛⲉⲙ ϯⲟⲩⲉϫⲣⲟ ⲥ̀ⲛⲟⲩϯ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲉⲧϧⲁⲧⲉⲛ ⲡⲓⲣⲟ ⲛ̀ⲑⲱⲧⲉⲛ ⲇⲉ ⲛⲛⲉⲧⲉⲛⲓ ⲉ̀ⲃⲟⲗ ⲫ̀ⲟⲩⲁⲓ ⲫ̀ⲟⲩⲁⲓ ⲛ̀ⲫ̀ⲣⲟ ⲛ̀ⲧⲉ ⲡⲉϥⲏⲓ ϣⲁ ϩⲁⲛⲁ̀ⲧⲟⲟⲩⲓ̀	èreteneċi ḋe ǹouṡol ǹhisōpos ouoh èretenesōp èvol xen pis̀nof fy etxaten piro ouoh èretenelale ǹetenθouai nem tiouegro s̀nouti èvol xen pis̀nof etxaten piro ǹθōten ḋe nneteni èvol f̀ouai f̀ouai ǹf̀ro ǹte pefyi ṡa hanàtoouì	And ye shall take a bunch of hyssop, and having dipped it into some of the blood that is by the door, ye shall touch the lintel, and shall put it upon both door-posts, even of the blood which is by the door; but ye shall not go out every one from the door of his house till the morning.
12:23	ⲟⲩⲟϩ ⲉϥⲉⲥⲓⲛⲓ ⲛϫⲉⲡϭⲟⲓⲥ ⲉϣⲁⲣⲓ ⲉⲛⲓⲣⲉⲙⲛⲭⲏⲙⲓ ⲟⲩⲟϩ ⲉϥⲉⲛⲁⲩ ⲉⲡⲓⲥⲛⲟϥ ϩⲓϫⲉⲛⲡⲓⲑⲟⲩⲁⲓ ⲛⲉⲙϩⲓϫⲉⲛϯⲟⲩⲉϫⲣⲟ ⲃ̅ϯ ⲟⲩⲟϩ ⲉⲣⲉⲡϭⲟⲓⲥ ⲥⲉⲛ ⲡⲓⲣⲟ ⲟⲩⲟϩ ⲛⲛⲉϥⲭⲁ ⲡⲓⲣⲉϥⲧⲁⲕⲟ ⲉⲓ ⲉϧⲟⲩⲛ ⲉⲛⲉⲧⲉⲛⲏⲟⲩ ⲉϣⲁⲣⲓ ⲉⲣⲱⲧⲉⲛ	ⲟⲩⲟϩ ⲉϥⲉ̀ⲥⲓⲛⲓ ⲛ̀ϫⲉ ⲡ̀ϭⲟⲓⲥ ⲉ̀ϣⲁⲣⲓ ⲉ̀ⲛⲓⲣⲉⲙⲛⲭⲏⲙⲓ ⲟⲩⲟϩ ⲉϥⲉ̀ⲛⲁⲩ ⲉ̀ⲡⲓⲥ̀ⲛⲟϥ ϩⲓϫⲉⲛ ⲡⲓⲑⲟⲩⲁⲓ ⲛⲉⲙ ϩⲓϫⲉⲛ ϯⲟⲩⲉϫⲣⲟ 2ϯ ⲟⲩⲟϩ ⲉ̀ⲣⲉ ⲡ̀ϭⲟⲓⲥ ⲥⲉⲛ ⲡⲓⲣⲟ ⲟⲩⲟϩ ⲛ̀ⲛⲉϥⲭⲁ ⲡⲓⲣⲉϥⲧⲁⲕⲟ ⲓ̀ ⲉ̀ϧⲟⲩⲛ ⲉ̀ⲛⲉⲧⲉⲛⲏⲟⲩ ⲉ̀ϣⲁⲣⲓ ⲉⲣⲱⲧⲉⲛ	ouoh efèsini ǹje p̀ċois èṡari èniremnkymi ouoh efènav èpis̀nof hijen piθouai nem hijen tiouegro 2ti ouoh ère p̀ċois sen piro ouoh ǹnefka pireftako ì èxoun ènetenyou èṡari erōten	And the Lord shall pass by to smite the Egyptians, and shall see the blood upon the lintel, and upon both the door-posts; and the Lord shall pass by the door, and shall not suffer the destroyer to enter into your houses to smite you.
12:24	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲡⲁⲓⲥⲁϫⲓ ⲛⲟⲩⲛⲟⲙⲟⲥ ⲛⲉⲛⲉϩ ⲛⲁⲕ ⲛⲉⲙⲛⲉⲕϣⲏⲣⲓ ϣⲁⲉⲛⲉϩ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲡⲁⲓⲥⲁϫⲓ ⲛ̀ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲛⲁⲕ ⲛⲉⲙ ⲛⲉⲕϣⲏⲣⲓ ϣⲁ ⲉ̀ⲛⲉϩ	ouoh èreteneàreh èpaisaji ǹounomos ǹèneh nak nem nekṡyri ṡa èneh	And keep ye this thing as an ordinance for thyself and for thy children for ever.
12:25	ⲉϣⲱⲡ ⲇⲉ ⲁⲣⲉⲧⲉⲛϣⲁⲛϣⲉⲛⲱⲧⲉⲛ ⲉϧⲟⲩⲛ ⲉⲡⲓⲕⲁϩⲓ ⲫⲏ ⲉⲧⲉⲡϭⲟⲓⲥ ⲛⲁⲧⲏⲓϥ ⲛⲱⲧⲉⲛ ⲙⲫⲣⲏϯ ⲉⲧⲁϥⲥⲁϫⲓ ⲉⲣⲉⲧⲉⲛⲉⲁⲣⲉϩ ⲉⲡⲁⲓϣⲉⲙϣⲓ	ⲉϣⲱⲡ ⲇⲉ ⲁⲣⲉⲧⲉⲛϣⲁⲛϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲫⲏ ⲉ̀ⲧⲉ ⲡ̀ϭⲟⲓⲥ ⲛⲁⲧⲏⲓϥ ⲛⲱⲧⲉⲛ ⲛ̀ⲫ̀ⲣⲏϯ ⲉⲧⲁϥⲥⲁϫⲓ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲡⲁⲓϣⲉⲙϣⲓ	eṡōp ḋe aretenṡanṡenōten èxoun èpikahi fy ète p̀ċois natyif nōten ǹf̀ryti etafsaji èreteneàreh èpaiṡemṡi	And if ye should enter into the land, which the Lord shall give you, as he has spoken, keep this service.
12:26	ⲟⲩⲟϩ ⲉⲥⲉϣⲱⲡⲓ ⲁⲩϣⲁⲛϫⲟⲥ ⲛⲱⲧⲉⲛ ⲛϫⲉⲛⲉⲧⲉⲛϣⲏⲣⲓ ϫⲉⲡⲁⲓϣⲉⲙϣⲓ ⲟⲩ ⲡⲉ	ⲟⲩⲟϩ ⲉⲥⲉϣⲱⲡⲓ ⲁⲩϣⲁⲛϫⲟⲥ ⲛⲱⲧⲉⲛ ⲛ̀ϫⲉ ⲛⲉⲧⲉⲛϣⲏⲣⲓ ϫⲉ ⲡⲁⲓϣⲉⲙϣⲓ ⲟⲩ ⲡⲉ	ouoh eseṡōpi avṡangos nōten ǹje netenṡyri je paiṡemṡi ou pe	And it shall come to pass, if your sons say to you, What is this service?
12:27	ⲟⲩⲟϩ ⲉⲣⲉⲧⲉⲛⲉϫⲟⲥ ϫⲉⲟⲩϣⲟⲩϣⲱⲟⲩϣⲓ ⲙⲡϭⲟⲓⲥ ⲡⲉ ⲡⲁⲓⲡⲁⲥⲭⲁ ⲙⲫⲣⲏϯ ⲉⲧⲁϥⲧⲟⲩϫⲟ ⲛⲛⲉⲛⲏⲟⲩ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲭⲏⲙⲓ ϩⲟⲧⲉ ⲉⲧⲁϥϣⲁⲣⲓ ⲉⲛⲓⲣⲉⲙⲛⲭⲏⲙⲓ ⲛⲉⲛⲏⲟⲩ ⲇⲉ ⲁⲛⲟⲛ ⲁϥⲛⲁϩⲙⲟⲩ ⲟⲩⲟϩ ⲁϥϩⲓⲧϥ ⲉⲡⲉⲥⲏⲧ ⲛϫⲉⲡⲓⲗⲁⲟⲥ ⲁϥⲟⲩⲱϣⲧ	ⲟⲩⲟϩ ⲉ̀ⲣⲉⲧⲉⲛⲉϫⲟⲥ ϫⲉ ⲟⲩϣⲟⲩϣⲱⲟⲩϣⲓ ⲛ̀ⲧⲉ ⲡ̀ϭⲟⲓⲥ ⲡⲉ ⲡⲁⲓⲡⲁⲥⲭⲁ ⲛ̀ⲫ̀ⲣⲏϯ ⲉⲧⲁϥⲧⲟⲩϫⲟ ⲛ̀ⲛⲉⲛⲏⲟⲩ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲭⲏⲙⲓ ϩⲟⲧⲉ ⲉ̀ⲧⲁϥϣⲁⲣⲓ ⲉ̀ⲛⲓⲣⲉⲙⲛⲭⲏⲙⲓ ⲛⲉⲛⲏⲟⲩ ⲇⲉ ⲁ̀ⲛⲟⲛ ⲁϥⲛⲁϩⲙⲟⲩ ⲟⲩⲟϩ ⲁϥϩⲓⲧϥ ⲉ̀ⲡⲉⲥⲏⲧ ⲛ̀ϫⲉ ⲡⲓⲗⲁⲟⲥ ⲁϥⲟⲩⲱϣⲧ	ouoh èretenegos je ouṡouṡōouṡi ǹte p̀ċois pe paipasxa ǹf̀ryti etaftougo ǹnenyou ǹnenṡyri ǹpisrayl xen kymi hote ètafṡari èniremnkymi nenyou ḋe ànon afnahmou ouoh afhitf èpesyt ǹje pilaos afouōṡt	that ye shall say to them, This passover is a sacrifice to the Lord, as he defended the houses of the children of Israel in Egypt, when he smote the Egyptians, but delivered our houses.
12:28	ⲟⲩⲟϩ ⲁⲩϣⲉⲛⲱⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁⲩⲓⲣⲓ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲁⲩⲓⲣⲓ ⲙⲡⲁⲓⲣⲏϯ	ⲟⲩⲟϩ ⲁⲩϣⲉⲛⲱⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲩⲓ̀ⲣⲓ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲁⲩⲓ̀ⲣⲓ ⲛ̀ⲡⲁⲓⲣⲏϯ	ouoh avṡenōou ǹje nenṡyri ǹpisrayl avìri kata f̀ryti èta p̀ċois honhen etotf ǹmōisys nem àarōn avìri ǹpairyti	And the people bowed and worshipped. And the children of Israel departed and did as the Lord commanded Moses and Aaron, so did they.
12:29	ⲁⲥϣⲱⲡⲓ ⲇⲉ ⲉⲧⲁ ⲧⲫⲁϣⲓ ⲙⲡⲓⲉϫⲱⲣϩ ϣⲱⲡⲓ ⲁ ⲡϭⲟⲓⲥ ϣⲁⲣⲓ ⲉϣⲁⲙⲓⲥⲓ ⲛⲓⲃⲉⲛ ⲉⲧϧⲉⲛⲭⲏⲙⲓ ⲓⲥϫⲉⲛ ⲡϣⲟⲣⲡ ⲙⲙⲓⲥⲓ ⲙⲫⲁⲣⲁⲱ ⲫⲏ ⲉⲧϩⲉⲙⲥⲓ ϩⲓϫⲉⲛⲡⲑⲣⲟⲛⲟⲥ ϣⲁⲡϣⲟⲣⲡ ⲙⲙⲓⲥⲓ ⲛϯⲉⲭⲙⲁⲗⲱⲧⲟⲥ ⲑⲏ ⲉⲧⲭⲏ ϧⲉⲛⲡⲓⲗⲁⲕⲕⲟⲥ ⲛⲉⲙⲡϣⲟⲣⲡ ⲙⲙⲓⲥⲓ ⲛⲧⲉⲃⲛⲏ ⲛⲓⲃⲉⲛ	ⲁⲥϣⲱⲡⲓ ⲇⲉ ⲉ̀ⲧⲁ ⲧ̀ⲫⲁϣⲓ ⲛ̀ⲡⲓⲉϫⲱⲣϩ ϣⲱⲡⲓ ⲁ ⲡ̀ϭⲟⲓⲥ ϣⲁ ⲣⲓ ⲉ̀ϣⲁⲙⲓⲥⲓ ⲛⲓⲃⲉⲛ ⲉⲧϧⲉⲛ ⲭⲏⲙⲓ ⲓⲥϫⲉⲛ ⲡⲓϣⲟⲣⲡ ⲛ̀ⲙⲓⲥⲓ ⲛ̀ⲫⲁⲣⲁⲱ̀ ⲫⲏ ⲉⲧϩⲉⲙⲥⲓ ϩⲓϫⲉⲛ ⲡⲓⲑ̀ⲣⲟⲛⲟⲥ ϣⲁ ⲡⲓϣⲟⲣⲡ ⲛ̀ⲙⲓⲥⲓ ⲛ̀ϯⲉⲭⲙⲁⲗⲱⲧⲟⲥ ⲑⲏ ⲉⲧⲭⲏ ϧⲉⲛ ⲡⲓⲗⲁⲕⲕⲟⲥ ⲛⲉⲙ ⲡⲓϣⲟⲣⲡ ⲛ̀ⲙⲓⲥⲓ ⲛ̀ⲧⲉⲃⲛⲏ ⲛⲓⲃⲉⲛ	asṡōpi ḋe èta t̀faṡi ǹpiegōrh ṡōpi a p̀ċois ṡa ri èṡamisi niven etxen kymi isjen piṡorp ǹmisi ǹfaraṑ fy et·hemsi hijen piθ̀ronos ṡa piṡorp ǹmisi ǹtiexmalōtos θy etky xen pilakkos nem piṡorp ǹmisi ǹtevny niven	And it came to pass at midnight that the Lord smote all the first-born in the land of Egypt, from the first-born of Pharao that sat on the throne, to the first-born of the captive-maid in the dungeon, and the first-born of all cattle.
12:30	ⲟⲩⲟϩ ⲁϥⲧⲱⲛϥ ⲛϫⲉⲫⲁⲣⲁⲱ ⲛϫⲱⲣϩ ⲛⲉⲙⲛⲉϥⲁⲗⲱⲟⲩⲓ ⲧⲏⲣⲟⲩ ⲛⲉⲙⲛⲓⲣⲉⲙⲛⲭⲏⲙⲓ ⲧⲏⲣⲟⲩ ⲟⲩⲟϩ ⲁ ⲟⲩⲛⲓϣϯ ⲛϧⲣⲱⲟⲩ ϣⲱⲡⲓ ϧⲉⲛⲡⲕⲁϩⲓ ⲧⲏⲣϥ ⲛⲧⲉⲭⲏⲙⲓ ⲛⲉ ⲙⲙⲟⲛ ⲏⲓ ⲅⲁⲣ ⲡⲉ ⲙⲡⲉ ⲟⲩⲟⲛ ⲙⲟⲩ ⲛϧⲏⲧϥ	ⲟⲩⲟϩ ⲁϥⲧⲱⲛϥ ⲛ̀ϫⲉ ⲫⲁⲣⲁⲱ̀ ⲛ̀ϫⲱⲣϩ ⲛⲉⲙ ⲛⲉϥⲁ̀ⲗⲱⲟⲩⲓ̀ ⲧⲏⲣⲟⲩ ⲛⲉⲙ ⲛⲓⲣⲉⲙⲛⲭⲏⲙⲓ ⲧⲏⲣⲟⲩ ⲟⲩⲟϩ ⲁ ⲟⲩⲛⲓϣϯ ⲛ̀ϧ̀ⲣⲱⲟⲩ ϣⲱⲡⲓ ϧⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲧⲉ ⲭⲏⲙⲓ ⲛⲉ ⲙ̀ⲙⲟⲛ ⲏⲓ ⲅⲁⲣ ⲡⲉ ⲛ̀ⲡⲉ ⲟⲩⲟⲛ ⲙⲟⲩ ⲛ̀ϧⲏⲧϥ	ouoh aftōnf ǹje faraṑ ǹgōrh nem nefàlōouì tyrou nem niremnkymi tyrou ouoh a ouniṡti ǹx̀rōou ṡōpi xen p̀kahi tyrf ǹte kymi ne m̀mon yi ġar pe ǹpe ouon mou ǹxytf	And Pharao rose up by night, and his servants, and all the Egyptians; and there was a great cry in all the land of Egypt, for there was not a house in which there was not one dead.
12:31	ⲟⲩⲟϩ ⲁϥⲙⲟⲩϯ ⲛϫⲉⲫⲁⲣⲁⲱ ⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲛϫⲱⲣϩ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲧⲉⲛ ⲑⲏⲛⲟⲩ ⲙⲁϣⲉⲛⲱⲧⲉⲛ ⲉⲃⲟⲗ ϧⲉⲛⲡⲁⲗⲁⲟⲥ ⲛⲑⲱⲧⲉⲛ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲙⲁϣⲉⲛⲱⲧⲉⲛ ϣⲉⲙϣⲓ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲙⲫⲣⲏϯ ⲉⲧⲉⲧⲉⲛϫⲱ ⲙⲙⲟⲥ	ⲟⲩⲟϩ ⲁϥⲙⲟⲩϯ ⲛ̀ϫⲉ ⲫⲁⲣⲁⲱ̀ ⲉ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲛ̀ϫⲱⲣϩ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲧⲉⲛ ⲑⲏⲛⲟⲩ ⲙⲁϣⲉⲛⲱⲧⲉⲛ ⲉ̀ⲃⲟⲗ ϧⲉⲛ ⲡⲁⲗⲁⲟⲥ ⲛ̀ⲑⲱⲧⲉⲛ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲙⲁϣⲉⲛⲱⲧⲉⲛ ϣⲉⲙϣⲓ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛ̀ⲫ̀ⲣⲏϯ ⲉⲧⲉⲧⲉⲛϫⲱ ⲙ̀ⲙⲟⲥ	ouoh afmouti ǹje faraṑ èmōisys nem àarōn ǹgōrh ouoh pegaf nōou je ten θynou maṡenōten èvol xen palaos ǹθōten nem nenṡyri ǹpisrayl maṡenōten ṡemṡi ǹp̀ċois petennouti ǹf̀ryti etetengō m̀mos	And Pharao called Moses and Aaron by night, and said to them, Rise and depart from my people, both ye and the children of Israel. Go and serve the Lord your God, even as ye say.
12:32	ⲟⲩⲟϩ ⲛⲉⲧⲉⲛⲉⲥⲱⲟⲩ ⲛⲉⲙⲛⲉⲧⲉⲛⲉϩⲱⲟⲩ ϭⲓⲧⲟⲩ ⲙⲁϣⲉⲛⲱⲧⲉⲛ ⲕⲁⲧⲁⲫⲣⲏϯ ⲉⲧⲉⲣⲉⲧⲉⲛϫⲟⲥ ⲥⲙⲟⲩ ⲇⲉ ⲉⲣⲟⲓ ϩⲱ	ⲟⲩⲟϩ ⲛ̀ⲉⲧⲉⲛⲉ̀ⲥⲱⲟⲩ ⲛⲉⲙ ⲛⲉⲧⲉⲛⲉϩⲱⲟⲩ ϭⲓⲧⲟⲩ ⲙⲁϣⲉⲛⲱⲧⲉⲛ ⲕⲁⲧⲁ ⲫ̀ⲣⲏϯ ⲉⲧⲉⲣⲉⲧⲉⲛϫⲟⲥ ⲥ̀ⲙⲟⲩ ⲇⲉ ⲉ̀ⲣⲟⲓ ϩⲱ	ouoh ǹetenèsōou nem netenehōou ċitou maṡenōten kata f̀ryti eteretengos s̀mou ḋe èroi hō	And take with you your sheep, and your oxen: bless me also, I pray you.
12:33	ⲟⲩⲟϩ ⲛⲁⲣⲉⲛⲓⲣⲉⲙⲛⲭⲏⲙⲓ ϭⲓ ⲙⲡⲓⲗⲁⲟⲥ ⲛϫⲟⲛⲥ ϧⲉⲛⲟⲩⲓⲱⲥ ⲉϩⲓⲧⲟⲩ ⲉⲃⲟⲗ ϧⲉⲛⲡⲓⲕⲁϩⲓ ⲁⲩϫⲟⲥ ⲅⲁⲣ ϫⲉⲁⲛⲟⲛ ⲧⲏⲣⲉⲛ ⲧⲉⲛⲛⲁⲙⲟⲩ	ⲟⲩⲟϩ ⲛⲁⲣⲉ ⲛⲓⲣⲉⲙⲛⲭⲏⲙⲓ ϭⲓ ⲛ̀ⲡⲓⲗⲁⲟⲥ ⲛ̀ϫⲟⲛⲥ ϧⲉⲛ ⲟⲩⲓⲱⲥ ⲉ̀ϩⲓⲧⲟⲩ ⲉ̀ⲃⲟⲗ ϧⲉⲛ ⲡⲓⲕⲁϩⲓ ⲁⲩϫⲟⲥ ⲅⲁⲣ ϫⲉ ⲁ̀ⲛⲟⲛ ⲧⲏⲣⲉⲛ ⲧⲉⲛⲛⲁⲙⲟⲩ	ouoh nare niremnkymi ċi ǹpilaos ǹgons xen ouiōs èhitou èvol xen pikahi avgos ġar je ànon tyren tennamou	And the Egyptians constrained the people, so that they cast them out of the land with haste, for they said, We all shall die.
12:34	ⲁϥϭⲓ ⲇⲉ ⲛϫⲉⲡⲓⲗⲁⲟⲥ ⲙⲡⲓⲛⲓϣϯ ⲙⲡⲁⲧⲟⲩϭⲓϣⲉⲙⲏⲣ ⲛϫⲉⲛⲟⲩⲟⲩⲱϣⲉⲙ ⲉⲩⲙⲏⲣ ϧⲉⲛⲛⲟⲩϩⲃⲱⲥ ϩⲓⲧⲟⲩⲛⲁϩⲃⲓ	ⲁϥϭⲓ ⲇⲉ ⲛ̀ϫⲉ ⲡⲓⲗⲁⲟⲥ ⲛ̀ⲡⲓⲛⲓϣϯ ⲙⲡⲁⲧⲟⲩϭⲓϣⲉⲙⲏⲣ ⲛ̀ϫⲉ ⲛⲟⲩⲟⲩⲱϣⲉⲙ ⲉⲩⲙⲏⲣ ϧⲉⲛ ⲛⲟⲩϩ̀ⲃⲱⲥ ϩⲓ ⲧⲟⲩⲛⲁϩⲃⲓ	afċi ḋe ǹje pilaos ǹpiniṡti mpatouċiṡemyr ǹje nououōṡem evmyr xen nouh̀vōs hi tounahvi	And the people took their dough before their meal was leavened, bound up as it was in their garments, on their shoulders.
12:35	ⲛⲉⲛϣⲏⲣⲓ ⲇⲉ ⲙⲡⲓⲥⲣⲁⲏⲗ ⲁⲩⲓⲣⲓ ⲕⲁⲧⲁⲫⲣⲏϯ ⲉⲧⲁ ⲙⲱⲩⲥⲏⲥ ⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲁⲩⲉⲣⲉⲧⲓⲛ ⲛⲧⲟⲧⲟⲩ ⲛⲛⲓⲣⲉⲙⲛⲭⲏⲙⲓ ⲛϩⲁⲛⲥⲕⲉⲩⲟⲥ ⲛⲛⲟⲩⲃ ⲛⲉⲙϩⲁⲛⲥⲕⲉⲩⲟⲥ ⲛϩⲁⲧ ⲛⲉⲙϩⲁⲛϭⲓϩⲃⲱⲥ	ⲛⲉⲛϣⲏⲣⲓ ⲇⲉ ⲛ̀ⲡⲓⲥⲣⲁⲏⲗ ⲁⲩⲓ̀ⲣⲓ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲙⲱⲩⲥⲏⲥ ⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲁⲩⲉⲣⲉⲧⲓⲛ ⲛ̀ⲧⲟⲧⲟⲩ ⲛ̀ⲛⲓⲣⲉⲙⲛⲭⲏⲙⲓ ⲛ̀ϩⲁⲛⲥ̀ⲕⲉⲩⲟⲥ ⲛ̀ⲛⲟⲩⲃ ⲛⲉⲙ ϩⲁⲛⲥ̀ⲕⲉⲩⲟⲥ ⲛ̀ϩⲁⲧ ⲛⲉⲙ ϩⲁⲛϭⲓϩⲃⲱⲥ	nenṡyri ḋe ǹpisrayl avìri kata f̀ryti èta mōisys ouahsahni nōou ouoh averetin ǹtotou ǹniremnkymi ǹhans̀kevos ǹnoub nem hans̀kevos ǹhat nem hanċihvōs	And the children of Israel did as Moses commanded them, and they asked of the Egyptians articles of silver and gold and apparel.
12:36	ⲟⲩⲟϩ ⲁ ⲡϭⲟⲓⲥ ϯ ⲛⲟⲩϩⲙⲟⲧ ⲙⲡⲉϥⲗⲁⲟⲥ ⲙⲡⲉⲙⲑⲟ ⲛⲛⲓⲣⲉⲙⲛⲭⲏⲙⲓ ⲟⲩⲟϩ ⲁⲩϯ ⲛⲱⲟⲩ ⲟⲩⲟϩ ⲁⲩϣⲉⲗ ⲛⲓⲣⲉⲙⲛⲭⲏⲙⲓ	ⲟⲩⲟϩ ⲁ ⲡ̀ϭⲟⲓⲥ ϯ ⲛ̀ⲟⲩϩ̀ⲙⲟⲧ ⲛ̀ⲧⲉ ⲡⲉϥⲗⲁⲟⲥ ⲛ̀ⲡⲉⲙ̀ⲑⲟ ⲛ̀ⲛⲓⲣⲉⲙⲛⲭⲏⲙⲓ ⲟⲩⲟϩ ⲁⲩϯ ⲛⲱⲟⲩ ⲟⲩⲟϩ ⲁⲩϣⲉⲗ ⲛⲓⲣⲉⲙⲛⲭⲏⲙⲓ	ouoh a p̀ċois ti ǹouh̀mot ǹte peflaos ǹpem̀θo ǹniremnkymi ouoh avti nōou ouoh avṡel niremnkymi	And the Lord gave his people favour in the sight of the Egyptians, and they lent to them; and they spoiled the Egyptians.
12:37	ⲁⲩⲟⲩⲱⲧⲉⲃ ⲇⲉ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲣⲁⲙⲁⲥⲥⲏ ⲉⲥⲟⲕⲭⲱⲑ ⲭ̅ ⲛϣⲟ ⲛⲣⲉⲙⲛⲣⲁⲧⲟⲩ ⲥⲁⲃⲟⲗ ⲙⲡⲟⲩⲥⲟⲃϯ	ⲁⲩⲟⲩⲱⲧⲉⲃ ⲇⲉ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲣⲁⲙⲁⲥⲥⲏ ⲉ̀ⲥⲟⲕⲭⲱⲑ 600 ⲛ̀ϣⲟ ⲛⲣⲉⲙⲛⲣⲁⲧⲟⲩ ⲥⲁⲃⲟⲗ ⲙ̀ⲡⲟⲩⲥⲟⲃϯ	avouōteb ḋe ǹje nenṡyri ǹpisrayl èvol xen ramassy èsokxōθ 600 ǹṡo nremnratou savol m̀pousovti	And the children Israel departed from Ramesses to Socchoth, to the full number of six hundred thousand footmen, even men, besides the baggage.
12:38	ⲟⲩⲟϩ ⲟⲩⲛⲓϣϯ ⲙⲙⲏϣ ⲉϥⲙⲟϫⲧ ⲁⲩϣⲉ ⲉⲡϣⲱⲓ ⲛⲉⲙⲱⲟⲩ ⲛⲉⲙϩⲁⲛⲉⲥⲱⲟⲩ ⲛⲉⲙϩⲁⲛⲉϩⲱⲟⲩ ⲛⲉⲙϩⲁⲛⲧⲉⲃⲛⲱⲟⲩⲓ ⲉⲩⲟϣ ⲉⲙⲁϣⲱ ⲉⲩⲥⲱⲕ ⲉⲃⲟⲗ ⲛⲉⲙⲱⲟⲩ	ⲟⲩⲟϩ ⲟⲩⲛⲓϣϯ ⲛ̀ⲙⲏϣ ⲉϥⲙⲟϫⲧ ⲁⲩϣⲉ ⲉ̀ⲡ̀ϣⲱⲓ ⲛⲉⲙⲱⲟⲩ ⲛⲉⲙ ϩⲁⲛⲉ̀ⲥⲱⲟⲩ ⲛⲉⲙ ϩⲁⲛⲉϩⲱⲟⲩ ⲛⲉⲙ ϩⲁⲛⲧⲉⲃⲛⲱⲟⲩⲓ̀ ⲉⲩⲟϣ ⲉ̀ⲙⲁϣⲱ ⲉⲩⲥⲱⲕ ⲉ̀ⲃⲟⲗ ⲛⲉⲙⲱⲟⲩ	ouoh ouniṡti ǹmyṡ efmogt avṡe èp̀ṡōi nemōou nem hanèsōou nem hanehōou nem hantevnōouì evoṡ èmaṡō evsōk èvol nemōou	And a great mixed company went up with them, and sheep and oxen and very much cattle.
12:39	ⲟⲩⲟϩ ⲁⲩϫⲱϫ ⲙⲡⲓϣⲱϯ ⲫⲏ ⲉⲧⲁⲩⲉⲛϥ ⲛⲭⲏⲙⲓ ⲛϩⲁⲛⲕⲉⲛⲉⲫⲓⲧⲉⲛ ⲛⲁⲧϣⲉⲙⲏⲣ ⲛⲉ ⲙⲡⲉϥϭⲓϣⲉⲙⲏⲣ ⲅⲁⲣ ⲡⲉ ⲁⲩϩⲓⲧⲟⲩ ⲉⲃⲟⲗ ⲛϫⲉⲛⲓⲣⲉⲙⲛⲭⲏⲙⲓ ϧⲉⲛⲟⲩⲓⲱⲥ ⲟⲩⲟϩ ⲙⲡⲟⲩϣϫⲉⲙϫⲟⲙ ⲛⲟϩⲓ ⲟⲩⲇⲉ ⲙⲡⲟⲩⲑⲁⲙⲓⲉ ϧⲣⲉ ⲛⲱⲟⲩ ϩⲓⲫⲙⲱⲓⲧ	ⲟⲩⲟϩ ⲁⲩϫⲱϫ ⲛ̀ⲡⲓϣⲱϯ ⲫⲏ ⲉⲧⲁⲩⲉⲛϥ ⲛ̀ⲭⲏⲙⲓ ⲛ̀ϩⲁⲛⲕⲉⲛⲉⲫⲓⲧⲉⲛ ⲛ̀ⲁⲧϣⲉⲙⲏⲣ ⲛⲉ ⲙ̀ⲡⲉϥϭⲓϣⲉⲙⲏⲣ ⲅⲁⲣ ⲡⲉ ⲁⲩϩⲓⲧⲟⲩ ⲉ̀ⲃⲟⲗ ⲛ̀ϫⲉ ⲛⲓⲣⲉⲙⲛⲭⲏⲙⲓ ϧⲉⲛ ⲟⲩⲓⲱⲥ ⲟⲩⲟϩ ⲙ̀ⲡⲟⲩϣϫⲉⲙϫⲟⲙ ⲛ̀ⲟ̀ϩⲓ ⲟⲩⲇⲉ ⲙ̀ⲡⲟⲩⲑⲁⲙⲓⲉ ϧⲣⲉ ⲛⲱⲟⲩ ϩⲓ ⲫ̀ⲙⲱⲓⲧ	ouoh avgōg ǹpiṡōti fy etavenf ǹkymi ǹhankenefiten ǹatṡemyr ne m̀pefċiṡemyr ġar pe avhitou èvol ǹje niremnkymi xen ouiōs ouoh m̀pouṡjemgom ǹòhi ouḋe m̀pouθamie xre nōou hi f̀mōit	And they baked the dough which they brought out of Egypt, unleavened cakes, for it had not been leavened; for the Egyptians cast them out, and they could not remain, neither did they prepare provision for themselves for the journey.
12:40	ⲡⲓϫⲓⲛϫⲱⲓⲗⲓ ⲇⲉ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲧⲁⲩⲉⲣⲣⲉⲙⲛϫⲱⲓⲗⲓ ⲙⲙⲟϥ ϧⲉⲛⲡⲕⲁϩⲓ ⲛⲭⲏⲙⲓ ⲛⲉⲙϧⲉⲛⲡⲕⲁϩⲓ ⲛⲭⲁⲛⲁⲁⲛ ⲛⲑⲱⲟⲩ ⲛⲉⲙⲛⲟⲩⲓⲟϯ ⲩ̅ⲗ̅ ⲛⲣⲟⲙⲡⲓ ⲛⲉ	ⲡⲓϫⲓⲛϫⲱⲓⲗⲓ ⲇⲉ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲧⲁⲩⲉⲣⲣⲉⲙⲛϫⲱⲓⲗⲓ ⲙ̀ⲙⲟϥ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛⲉⲙ ϧⲉⲛ ⲡ̀ⲕⲁϩⲓ ⲛ̀ⲭⲁⲛⲁⲁⲛ ⲛ̀ⲑⲱⲟⲩ ⲛⲉⲙ ⲛⲟⲩⲓⲟϯ 430 ⲛ̀ⲣⲟⲙⲡⲓ ⲛⲉ	pijingōili ḋe ǹte nenṡyri ǹpisrayl etaverremngōili m̀mof xen p̀kahi ǹkymi nem xen p̀kahi ǹxanaan ǹθōou nem nouioti 430 ǹrompi ne	And the sojourning of the children of Israel, while they sojourned in the land of Egypt and the land of Chanaan, was four hundred and thirty years.
12:41	ⲟⲩⲟϩ ⲁⲥϣⲱⲡⲓ ⲙⲉⲛⲉⲛⲥⲁϯⲩ̅ⲗ̅ ⲛⲣⲟⲙⲡⲓ ⲁⲥⲓ ⲛϫⲉϯϫⲟⲙ ⲧⲏⲣⲥ ⲛⲧⲉⲡϭⲟⲓⲥ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲛϫⲱⲣϩ	ⲟⲩⲟϩ ⲁⲥϣⲱⲡⲓ ⲙⲉⲛⲉⲛⲥⲁϯⲩ̅ⲗ̅ ⲛ̀ⲣⲟⲙⲡⲓ ⲁⲥⲓ̀ ⲛ̀ϫⲉ ϯϫⲟⲙ ⲧⲏⲣⲥ ⲛ̀ⲧⲉ ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛ̀ϫⲱⲣϩ	ouoh asṡōpi menensatiil ǹrompi asì ǹje tigom tyrs ǹte p̀ċois èvol xen p̀kahi ǹkymi ǹgōrh	And it came to pass after the four hundred and thirty years, all the forces of the Lord came forth out of the land of Egypt by night.
12:42	ⲟⲩⲟⲩⲉⲣϣⲓ ⲛⲧⲉⲡϭⲟⲓⲥ ⲧⲉ ϩⲱⲥⲧⲉ ⲉⲉⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲙⲡⲓⲉϫⲱⲣϩ ⲉⲧⲉⲙⲙⲁⲩ ⲑⲁⲓ ⲟⲩⲟⲩⲉⲣϣⲓ ⲛⲧⲉⲡϭⲟⲓⲥ ⲧⲉ ϩⲱⲥⲧⲉ ⲛⲧⲉⲥϣⲱⲡⲓ ⲛⲛⲉⲛϣⲏⲣⲓ ⲧⲏⲣⲟⲩ ⲙⲡⲓⲥⲣⲁⲏⲗ ϣⲁⲛⲟⲩϫⲱⲟⲩ	ⲟⲩⲟⲩⲉⲣϣⲓ ⲛ̀ⲧⲉ ⲡ̀ϭⲟⲓⲥ ⲧⲉ ϩⲱⲥⲧⲉ ⲉⲉⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛ̀ⲡⲓⲉϫⲱⲣϩ ⲉ̀ⲧⲉ ⲙ̀ⲙⲁⲩ ⲑⲁⲓ ⲟⲩⲟⲩⲉⲣϣⲓ ⲛ̀ⲧⲉ ⲡ̀ϭⲟⲓⲥ ⲧⲉ ϩⲱⲥⲧⲉ ⲛ̀ⲧⲉⲥϣⲱⲡⲓ ⲛ̀ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ ϣⲁⲛⲟⲩϫⲱⲟⲩ	ououerṡi ǹte p̀ċois te hōste eenou èvol xen p̀kahi ǹkymi ǹpiegōrh ète m̀mav θai ououerṡi ǹte p̀ċois te hōste ǹtesṡōpi ǹnenṡyri tyrou ǹpisrayl ṡanougōou	It is a watch kept to the Lord, so that he should bring them out of the land of Egypt; that very night is a watch kept to the Lord, so that it should be to all the children of Israel to their generations.
12:43	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ϫⲉⲫⲁⲓ ⲡⲉ ⲫⲛⲟⲙⲟⲥ ⲙⲡⲓⲡⲁⲥⲭⲏ ⲁⲗⲗⲟⲅⲉⲛⲏⲥ ⲛⲓⲃⲉⲛ ⲛⲛⲉϥⲟⲩⲱⲙ ⲉⲃⲟⲗ ⲙⲙⲟϥ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ϫⲉ ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲡⲓⲡⲁⲥⲭⲏ ⲁⲗⲗⲟⲅⲉⲛⲏⲥ ⲛⲓⲃⲉⲛ ⲛ̀ⲛⲉϥⲟⲩⲱⲙ ⲉ̀ⲃⲟⲗ ⲙ̀ⲙⲟϥ	peje p̀ċois ḋe ǹmōisys nem àarōn je fai pe f̀nomos ǹpipasṡy allogenys niven ǹnefouōm èvol m̀mof	And the Lord said to Moses and Aaron, This is the law of the passover: no stranger shall eat of it.
12:44	ⲟⲩⲟϩ ⲃⲱⲕ ⲛⲓⲃⲉⲛ ⲛⲧⲉⲟⲩⲁⲓ ⲛⲉⲙϣⲱⲡ ϧⲁϩⲁⲧ ⲉⲕⲉⲥⲟⲩⲃⲏⲧϥ ⲧⲟⲧⲉ ⲉϥⲉⲟⲩⲱⲙ ⲉⲃⲟⲗ ⲙⲙⲟϥ	ⲟⲩⲟϩ ⲃⲱⲕ ⲛⲓⲃⲉⲛ ⲛ̀ⲧⲉ ⲟⲩⲁⲓ ⲛⲉⲙ ϣⲱⲡ ϧⲁϩⲁⲧ ⲉⲕⲉ̀ⲥⲟⲩⲃⲏⲧϥ ⲧⲟⲧⲉ ⲉϥⲉ̀ⲟⲩⲱⲙ ⲉ̀ⲃⲟⲗ ⲙ̀ⲙⲟϥ	ouoh vōk niven ǹte ouai nem ṡōp xahat ekèsouvytf tote efèouōm èvol m̀mof	And every slave or servant bought with moneyhim thou shalt circumcise, and then shall he eat of it.
12:45	ⲟⲩⲣⲉⲙⲛϫⲱⲓⲗⲓ ⲛⲉⲙⲟⲩⲣⲉⲙⲃⲉⲭⲉ ⲛⲛⲉϥⲟⲩⲱⲙ ⲉⲃⲟⲗ ⲙⲙⲟϥ	ⲟⲩⲣⲉⲙⲛϫⲱⲓⲗⲓ ⲛⲉⲙ ⲟⲩⲣⲉⲙⲃⲉⲭⲉ ⲛ̀ⲛⲉϥⲟⲩⲱⲙ ⲉ̀ⲃⲟⲗ ⲙ̀ⲙⲟϥ	ouremngōili nem ouremveke ǹnefouōm èvol m̀mof	A sojourner or hireling shall not eat of it.
12:46	ϧⲉⲛⲟⲩⲏⲓ ⲛⲟⲩⲱⲧ ⲉⲣⲉⲧⲉⲛⲉⲟⲩⲟⲙϥ ⲛⲛⲉⲧⲉⲛⲥⲱϫⲡ ⲉⲃⲟⲗ ϧⲉⲛⲛⲓⲁϥ ⲉϩⲁⲛⲁⲧⲟⲟⲩⲓ ⲛⲛⲉⲧⲉⲛⲓⲛⲓ ⲉⲃⲟⲗ ϧⲉⲛⲛⲓⲁϥⲓⲟⲩⲓ ⲉⲃⲟⲗ ϧⲉⲛⲛⲓⲏⲓ ⲟⲩⲟϩ ⲟⲩⲕⲁⲥ ⲛⲛⲉⲧⲉⲛⲕⲁϣϥ ⲉⲃⲟⲗ ⲙⲙⲟϥ	ϧⲉⲛ ⲟⲩⲏⲓ ⲛ̀ⲟⲩⲱⲧ ⲉ̀ⲣⲉⲧⲉⲛⲉⲟⲩⲟⲙϥ ⲛ̀ⲛⲉⲧⲉⲛⲥⲱϫⲡ ⲉ̀ⲃⲟⲗ ϧⲉⲛ ⲛⲓⲁϥ ⲉ̀ϩⲁⲛⲁ̀ⲧⲟⲟⲩⲓ̀ ⲛ̀ⲛⲉⲧⲉⲛⲓ̀ⲛⲓ ⲉ̀ⲃⲟⲗ ϧⲉⲛ ⲛⲓⲁϥⲓⲟⲩⲓ ⲉ̀ⲃⲟⲗ ϧⲉⲛ ⲛⲓⲏⲓ ⲟⲩⲟϩ ⲟⲩⲕⲁⲥ ⲛⲛⲉⲧⲉⲛⲕⲁϣϥ ⲉ̀ⲃⲟⲗ ⲙ̀ⲙⲟϥ	xen ouyi ǹouōt èreteneouomf ǹnetensōgp èvol xen niaf èhanàtoouì ǹnetenìni èvol xen niafioui èvol xen niyi ouoh oukas nnetenkaṡf èvol m̀mof	In one house shall it be eaten, and ye shall not carry of the flesh out from the house; and a bone of it ye shall not break.
12:47	ϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲩⲉⲉⲣ ⲫⲁⲓ	ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲩⲉⲉⲣ ⲫⲁⲓ	tisinaġōgy tyrs ǹte nenṡyri ǹpisrayl eveer fai	All the congregation of the children of Israel shall keep it.
12:48	ⲉϣⲱⲡ ⲇⲉ ⲁϥϣⲁⲛⲓ ϩⲁⲣⲱⲧⲉⲛ ⲛϫⲉⲟⲩϣⲉⲙⲙⲟ ⲟⲩⲟϩ ⲛⲧⲉϥⲓⲣⲓ ⲙⲡⲓⲡⲁⲥⲭⲁ ⲙⲡϭⲟⲓⲥ ⲉⲕⲉⲥⲟⲩⲃⲉ ϩⲱⲟⲩⲧ ⲛⲓⲃⲉⲛ ⲛⲧⲁϥ ⲟⲩⲟϩ ⲧⲟⲧⲉ ⲉϥⲉⲓ ⲉϧⲟⲩⲛ ⲉⲁⲓϥ ⲟⲩⲟϩ ⲉϥⲉϣⲱⲡⲓ ⲙⲫⲣⲏϯ ⲙⲡⲓⲣⲉⲙⲛϯⲙⲓ ⲛⲧⲉⲡⲕⲁϩⲓ ⲁⲧⲥⲉⲃⲓ ⲛⲓⲃⲉⲛ ⲛⲛⲉϥⲟⲩⲱⲙ ⲉⲃⲟⲗ ⲙⲙⲟϥ	ⲉϣⲱⲡ ⲇⲉ ⲁϥϣⲁⲛⲓ ϩⲁⲣⲱⲧⲉⲛ ⲛ̀ϫⲉ ⲟⲩϣⲉⲙⲙⲟ ⲟⲩⲟϩ ⲛ̀ⲧⲉϥⲓ̀ⲣⲓ ⲛ̀ⲡⲓⲡⲁⲥⲭⲁ ⲛ̀ⲡ̀ϭⲟⲓⲥ ⲉⲕⲉ̀ⲥⲟⲩⲃⲉ ϩⲱⲟⲩⲧ ⲛⲓⲃⲉⲛ ⲛ̀ⲧⲁϥ ⲟⲩⲟϩ ⲧⲟⲧⲉ ⲉϥⲉ̀ⲓ̀ ⲉ̀ϧⲟⲩⲛ ⲉⲁⲓϥ ⲟⲩⲟϩ ⲉϥⲉ̀ϣⲱⲡⲓ ⲛ̀ⲫ̀ⲣⲏϯ ⲛ̀ⲡⲓⲣⲉⲙⲛϯⲙⲓ ⲛ̀ⲧⲉ ⲡ̀ⲕⲁϩⲓ ⲁⲧ̀ⲥⲉⲃⲓ ⲛⲓⲃⲉⲛ ⲛ̀ⲛⲉϥⲟⲩⲱⲙ ⲉ̀ⲃⲟⲗ ⲙ̀ⲙⲟϥ	eṡōp ḋe afṡani harōten ǹje ouṡemmo ouoh ǹtefìri ǹpipasxa ǹp̀ċois ekèsouve hōout niven ǹtaf ouoh tote efèì èxoun eaif ouoh efèṡōpi ǹf̀ryti ǹpiremntimi ǹte p̀kahi at̀sevi niven ǹnefouōm èvol m̀mof	And if any proselyte shall come to you to keep the passover to the Lord, thou shalt circumcise every male of him, and then shall he approach to sacrifice it, and he shall be even as the original inhabitant of the land; no uncircumcised person shall eat of it.
12:49	ⲟⲩⲛⲟⲙⲟⲥ ⲛⲟⲩⲱⲧ ⲉϥⲉϣⲱⲡⲓ ⲙⲡⲓⲣⲉⲙⲛϯⲙⲓ ⲛⲉⲙⲡⲓϣⲉⲙⲙⲟ ⲉⲑⲛⲁⲓ ⲉϧⲟⲩⲛ ϧⲉⲛⲑⲏⲛⲟⲩ	ⲟⲩⲛⲟⲙⲟⲥ ⲛ̀ⲟⲩⲱⲧ ⲉϥⲉ̀ϣⲱⲡⲓ ⲛ̀ⲡⲓⲣⲉⲙⲛϯⲙⲓ ⲛⲉⲙ ⲡⲓϣⲉⲙⲙⲟ ⲉⲑⲛⲁⲓ ⲉ̀ϧⲟⲩⲛ ϧⲉⲛ ⲑⲏⲛⲟⲩ	ounomos ǹouōt efèṡōpi ǹpiremntimi nem piṡemmo eθnai èxoun xen θynou	There shall be one law to the native, and to the proselyte coming among you.
12:50	ⲟⲩⲟϩ ⲁⲩⲓⲣⲓ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲁⲩⲓⲣⲓ ⲙⲡⲁⲓⲣⲏϯ	ⲟⲩⲟϩ ⲁⲩⲓ̀ⲣⲓ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲁⲩⲓ̀ⲣⲓ ⲛ̀ⲡⲁⲓⲣⲏϯ	ouoh avìri ǹje nenṡyri ǹpisrayl kata f̀ryti èta p̀ċois honhen etotf ǹmōisys nem àarōn avìri ǹpairyti	And the children of Israel did as the Lord commanded Moses and Aaron for them, so they did.
12:51	ⲟⲩⲟϩ ⲁⲥϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲁ ⲡϭⲟⲓⲥ ⲉⲛ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲛⲉⲙⲧⲟⲩϫⲟⲙ	ⲟⲩⲟϩ ⲁⲥϣⲱⲡⲓ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁ ⲡ̀ϭⲟⲓⲥ ⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛⲉⲙ ⲧⲟⲩϫⲟⲙ	ouoh asṡōpi xen pièhoou ète m̀mav a p̀ċois en nenṡyri ǹpisrayl èvol xen p̀kahi ǹkymi nem tougom	And it came to pass in that day that the Lord brought out the children of Israel from the land of Egypt with their forces.

Provenance

title: Exodus 12
dialect: bohairic
source: Coptic SCRIPTORIUM corpus "bohairic.ot", document 02_Exodus_12
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 12 from Coptic SCRIPTORIUM (https://copticscriptorium.org), corpus bohairic.ot, document 02_Exodus_12, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/12.bohairic.scriptorium.L0.txt
title: Exodus 12 — Cairene
dialect: bohairic
source: generated from 12.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_12)
licence: CC BY-SA 4.0
share: attribution
attribution: Exodus 12 from Coptic SCRIPTORIUM (https://copticscriptorium.org), corpus bohairic.ot, document 02_Exodus_12, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/12.bohairic.scriptorium.L1.txt
title: Exodus 12 — Kemetic
dialect: bohairic
source: generated from 12.bohairic.scriptorium.L1.txt
licence: CC BY-SA 4.0
share: attribution
attribution: Exodus 12 from Coptic SCRIPTORIUM (https://copticscriptorium.org), corpus bohairic.ot, document 02_Exodus_12, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/12.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 51 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_12 (51 lines)

Cite as:

Exodus 12. Coptic SCRIPTORIUM corpus "bohairic.ot", document 02_Exodus_12. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/12.bohairic.scriptorium/. Exodus 12 from Coptic SCRIPTORIUM (https://copticscriptorium.org), corpus bohairic.ot, document 02_Exodus_12, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.