Exodus 19 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_19

Attribution: Exodus 19 from Coptic SCRIPTORIUM (https://copticscriptorium.org), corpus bohairic.ot, document 02_Exodus_19, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

25 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
19:1	ⲛϧⲣⲏⲓ ⲇⲉ ϧⲉⲛⲡⲓⲙⲁϩ ⲅ̅ ⲛⲁⲃⲟⲧ ⲛⲧⲉⲡϫⲓⲛⲓ ⲉⲃⲟⲗ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϧⲉⲛⲡⲁⲓⲉϩⲟⲟⲩ ⲉⲧⲉⲙⲙⲁⲩ ⲁⲩⲓ ⲉϩⲣⲏⲓ ⲉⲡϣⲁϥⲉ ⲛⲧⲉⲥⲓⲛⲁ	ⲛ̀ϧ̀ⲣⲏⲓ ⲇⲉ ϧⲉⲛ ⲡⲓⲙⲁϩ ϣⲟⲙⲧ ⲛ̀ⲁ̀ⲃⲟⲧ ⲛ̀ⲧⲉ ⲡ̀ϫⲓⲛⲓ̀ ⲉ̀ⲃⲟⲗ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲡⲁⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁⲩⲓ̀ ⲉ̀ϩ̀ⲣⲏⲓ ⲉ̀ⲡ̀ϣⲁϥⲉ ⲛ̀ⲧⲉ ⲥⲓⲛⲁ	ǹx̀ryi ḋe xen pimah ṡomt ǹàvot ǹte p̀jinì èvol ǹte nenṡyri ǹpisrayl èvol xen p̀kahi ǹkymi xen paièhoou ète m̀mav avì èh̀ryi èp̀ṡafe ǹte sina	And in the third month of the departure of the children of Israel out of the land of Egypt, on the same day, they came into the wilderness of Sina.
19:2	ⲟⲩⲟϩ ⲁⲩϥⲁⲓ ⲉⲃⲟⲗ ϧⲉⲛⲣⲁⲫⲁⲍⲓⲛ ⲁⲩⲓ ⲉⲡϣⲁϥⲉ ⲛⲥⲓⲛⲁ ⲟⲩⲟϩ ⲁϥⲟⲩⲟϩ ⲙⲙⲁⲩ ⲛϫⲉⲡⲓⲥⲣⲁⲏⲗ ⲙⲡⲉⲙⲑⲟ ⲙⲡⲓⲧⲱⲟⲩ	ⲟⲩⲟϩ ⲁⲩϥⲁⲓ ⲉ̀ⲃⲟⲗ ϧⲉⲛ ⲣⲁⲫⲁⲍⲓⲛ ⲁⲩⲓ̀ ⲉ̀ⲡ̀ϣⲁϥⲉ ⲛ̀ⲥⲓⲛⲁ ⲟⲩⲟϩ ⲁϥⲟⲩⲟϩ ⲙ̀ⲙⲁⲩ ⲛ̀ϫⲉ ⲡⲓⲥⲣⲁⲏⲗ ⲛ̀ⲡⲉⲙ̀ⲑⲟ ⲛ̀ⲡⲓⲧⲱⲟⲩ	ouoh avfai èvol xen rafazin avì èp̀ṡafe ǹsina ouoh afouoh m̀mav ǹje pisrayl ǹpem̀θo ǹpitōou	And they departed from Raphidin, and came into the wilderness of Sina, and there Israel encamped before the mountain.
19:3	ⲟⲩⲟϩ ⲁϥⲓ ⲛϫⲉⲙⲱⲩⲥⲏⲥ ⲉϩⲣⲏⲓ ⲉϫⲉⲛⲡⲓⲧⲱⲟⲩ ⲛⲧⲉⲫⲛⲟⲩϯ ⲟⲩⲟϩ ⲁϥⲙⲟⲩϯ ⲉⲣⲟϥ ⲛϫⲉⲫⲛⲟⲩϯ ⲉⲃⲟⲗ ϧⲉⲛⲡⲓⲧⲱⲟⲩ ⲉϥϫⲱ ⲙⲙⲟⲥ ϫⲉⲛⲁⲓ ⲛⲉ ⲉⲧⲉⲕⲉϫⲟⲧⲟⲩ ⲙⲡⲏⲓ ⲛⲓⲁⲕⲱⲃ ⲟⲩⲟϩ ⲉⲕⲉⲧⲁⲙⲉ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲣⲱⲟⲩ	ⲟⲩⲟϩ ⲁϥⲓ̀ ⲛ̀ϫⲉ ⲙⲱⲩⲥⲏⲥ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲧⲱⲟⲩ ⲛ̀ⲧⲉ ⲫ̀ⲛⲟⲩϯ ⲟⲩⲟϩ ⲁϥⲙⲟⲩϯ ⲉ̀ⲣⲟϥ ⲛ̀ϫⲉ ⲫ̀ⲛⲟⲩϯ ⲉ̀ⲃⲟⲗ ϧⲉⲛ ⲡⲓⲧⲱⲟⲩ ⲉϥϫⲱ ⲙ̀ⲙⲟⲥ ϫⲉ ⲛⲁⲓ ⲛⲉ ⲉⲧⲉⲕⲉϫⲟⲧⲟⲩ ⲛ̀ⲡⲏⲓ ⲛ̀ⲓⲁⲕⲱⲃ ⲟⲩⲟϩ ⲉⲕⲉ̀ⲧⲁⲙⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲣⲱⲟⲩ	ouoh afì ǹje mōisys èh̀ryi èjen pitōou ǹte f̀nouti ouoh afmouti èrof ǹje f̀nouti èvol xen pitōou efgō m̀mos je nai ne etekegotou ǹpyi ǹiakōb ouoh ekètame nenṡyri ǹpisrayl èrōou	And Moses went up to the mount of God, and God called him out of the mountain, saying, These things shalt thou say to the house of Jacob, and thou shalt report them to the children of Israel.
19:4	ϫⲉⲛⲑⲱⲧⲉⲛ ⲡⲉ ⲉⲧⲁⲣⲉⲧⲉⲛⲛⲁⲩ ⲉϩⲱⲃ ⲛⲓⲃⲉⲛ ⲉⲧⲁⲓⲁⲓⲧⲟⲩ ⲛⲛⲓⲣⲉⲙⲛⲭⲏⲙⲓ ⲟⲩⲟϩ ⲁⲓϭⲓ ⲑⲏⲛⲟⲩ ⲙⲫⲣⲏϯ ϩⲓϫⲉⲛϩⲁⲛⲧⲉⲛϩ ⲛⲧⲉϩⲁⲛⲁϧⲱⲙ ⲟⲩⲟϩ ⲁⲓⲥⲉⲕ ⲑⲏⲛⲟⲩ ϩⲁⲣⲟⲓ	ϫⲉ ⲛ̀ⲑⲱⲧⲉⲛ ⲡⲉ ⲉ̀ⲧⲁⲣⲉⲧⲉⲛⲛⲁⲩ ⲉ̀ϩⲱⲃ ⲛⲓⲃⲉⲛ ⲉ̀ⲧⲁⲓⲁⲓⲧⲟⲩ ⲛ̀ⲛⲓⲣⲉⲙⲛⲭⲏⲙⲓ ⲟⲩⲟϩ ⲁⲓϭⲓ ⲑⲏⲛⲟⲩ ⲛ̀ⲫ̀ⲣⲏϯ ϩⲓϫⲉⲛ ϩⲁⲛⲧⲉⲛϩ ⲛ̀ⲧⲉ ϩⲁⲛⲁϧⲱⲙ ⲟⲩⲟϩ ⲁⲓⲥⲉⲕ ⲑⲏⲛⲟⲩ ϩⲁⲣⲟⲓ	je ǹθōten pe ètaretennav èhōb niven ètaiaitou ǹniremnkymi ouoh aiċi θynou ǹf̀ryti hijen hantenh ǹte hanaxōm ouoh aisek θynou haroi	Ye have seen all that I have done to the Egyptians, and I took you up as upon eagles' wings, and I brought you near to myself.
19:5	ⲟⲩⲟϩ ϯⲛⲟⲩ ⲉϣⲱⲡ ϧⲉⲛⲟⲩⲥⲱⲧⲉⲙ ⲛⲧⲉⲧⲉⲛⲥⲱⲧⲉⲙ ⲛⲥⲁⲧⲁⲥⲙⲏ ⲟⲩⲟϩ ⲛⲧⲉⲧⲉⲛⲁⲣⲉϩ ⲉⲧⲁⲇⲓⲁⲑⲏⲕⲏ ⲉⲣⲉⲧⲉⲛⲉϣⲱⲡⲓ ⲛⲏⲓ ⲛⲟⲩⲗⲁⲟⲥ ⲉϥⲥⲟⲩⲃⲏⲧ ⲉⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲫⲱⲓ ⲅⲁⲣ ⲡⲉ ⲡⲓⲕⲁϩⲓ ⲧⲏⲣϥ	ⲟⲩⲟϩ ϯⲛⲟⲩ ⲉϣⲱⲡ ϧⲉⲛ ⲟⲩⲥⲱⲧⲉⲙ ⲛ̀ⲧⲉⲧⲉⲛⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ ⲟⲩⲟϩ ⲛ̀ⲧⲉⲧⲉⲛⲁ̀ⲣⲉϩ ⲉ̀ⲧⲁⲇⲓⲁⲑⲏⲕⲏ ⲉⲣⲉⲧⲉⲛⲉϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ ⲉϥⲥⲟⲩⲃⲏⲧ ⲉ̀ⲃⲟⲗ ⲟⲩⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲫⲱⲓ ⲅⲁⲣ ⲡⲉ ⲡⲓⲕⲁϩⲓ ⲧⲏⲣϥ	ouoh tinou eṡōp xen ousōtem ǹtetensōtem ǹsa tas̀my ouoh ǹtetenàreh ètaḋiaθyky ereteneṡōpi nyi ǹoulaos efsouvyt èvol oute nieθnos tyrou fōi ġar pe pikahi tyrf	And now if ye will indeed hear my voice, and keep my covenant, ye shall be to me a peculiar people above all nations; for the whole earth is mine.
19:6	ⲛⲑⲱⲧⲉⲛ ⲇⲉ ⲉⲣⲉⲧⲉⲛⲉϣⲱⲡⲓ ⲛⲏⲓ ⲛⲟⲩⲙⲉⲧⲟⲩⲣⲟ ⲉⲥⲟⲩⲁⲃ ⲛⲉⲙⲟⲩⲉⲑⲛⲟⲥ ⲉϥⲧⲟⲩⲃⲏⲟⲩⲧ ⲛⲁⲓ ⲛⲉ ⲛⲓⲥⲁϫⲓ ⲉⲧⲉⲕⲉϫⲟⲧⲟⲩ ⲙⲡⲏⲓ ⲙⲡⲓⲥⲣⲁⲏⲗ	ⲛ̀ⲑⲱⲧⲉⲛ ⲇⲉ ⲉⲣⲉⲧⲉⲛⲉϣⲱⲡⲓ ⲛⲏⲓ ⲛ̀ⲟⲩⲙⲉⲧⲟⲩⲣⲟ ⲉⲥⲟⲩⲁⲃ ⲛⲉⲙ ⲟⲩⲉⲑⲛⲟⲥ ⲉϥⲧⲟⲩⲃⲏⲟⲩⲧ ⲛⲁⲓ ⲛⲉ ⲛⲓⲥⲁϫⲓ ⲉⲧⲉⲕⲉϫⲟⲧⲟⲩ ⲛ̀ⲡⲏⲓ ⲛ̀ⲡⲓⲥⲣⲁⲏⲗ	ǹθōten ḋe ereteneṡōpi nyi ǹoumetouro esouab nem oueθnos eftouvyout nai ne nisaji etekegotou ǹpyi ǹpisrayl	And ye shall be to me a royal priesthood and a holy nation: these words shalt thou speak to the children of Israel.
19:7	ⲁϥⲓ ⲇⲉ ⲛϫⲉⲙⲱⲩⲥⲏⲥ ⲟⲩⲟϩ ⲁϥⲙⲟⲩϯ ⲉⲛⲓⲡⲣⲉⲥⲃⲩⲧⲉⲣⲟⲥ ⲛⲧⲉⲡⲓⲗⲁⲟⲥ ⲟⲩⲟϩ ⲁϥⲭⲱ ϧⲁⲧⲟⲧⲟⲩ ⲛⲛⲁⲓⲥⲁϫⲓ ⲧⲏⲣⲟⲩ ⲛⲁⲓ ⲉⲧⲁϥⲟⲩⲁϩⲥⲁϩⲛⲓ ⲙⲙⲱⲟⲩ ⲛϫⲉⲫⲛⲟⲩϯ	ⲁϥⲓ̀ ⲇⲉ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲁϥⲙⲟⲩϯ ⲉ̀ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ ⲡⲓⲗⲁⲟⲥ ⲟⲩⲟϩ ⲁϥⲭⲱ ϧⲁⲧⲟⲧⲟⲩ ⲛ̀ⲛⲁⲓⲥⲁϫⲓ ⲧⲏⲣⲟⲩ ⲛⲁⲓ ⲉⲧⲁϥⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛ̀ϫⲉ ⲫ̀ⲛⲟⲩϯ	afì ḋe ǹje mōisys ouoh afmouti ènip̀resbiteros ǹte pilaos ouoh afkō xatotou ǹnaisaji tyrou nai etafouahsahni m̀mōou ǹje f̀nouti	And Moses came and called the elders of the people, and he set before them all these words, which God appointed them.
19:8	ⲁϥⲉⲣⲟⲩⲱ ⲇⲉ ⲛϫⲉⲡⲓⲗⲁⲟⲥ ⲧⲏⲣϥ ⲉⲩⲥⲟⲡ ⲟⲩⲟϩ ⲡⲉϫⲱⲟⲩ ϫⲉϩⲱⲃ ⲛⲓⲃⲉⲛ ⲉⲧⲉϥⲛⲁϫⲟⲧⲟⲩ ⲛϫⲉⲫⲛⲟⲩϯ ⲧⲉⲛⲛⲁⲁⲓⲧⲟⲩ ⲟⲩⲟϩ ⲧⲉⲛⲛⲁⲥⲟⲑⲙⲟⲩ ⲁ ⲙⲱⲩⲥⲏⲥ ⲇⲉ ⲉⲛ ⲛⲉⲛⲥⲁϫⲓ ⲙⲡⲓⲗⲁⲟⲥ ⲉⲡϣⲱⲓ ϩⲁⲫⲛⲟⲩϯ	ⲁϥⲉⲣⲟⲩⲱ ⲇⲉ ⲛ̀ϫⲉ ⲡⲓⲗⲁⲟⲥ ⲧⲏⲣϥ ⲉⲩⲥⲟⲡ ⲟⲩⲟϩ ⲡⲉϫⲱⲟⲩ ϫⲉ ϩⲱⲃ ⲛⲓⲃⲉⲛ ⲉⲧⲉϥⲛⲁϫⲟⲧⲟⲩ ⲛ̀ϫⲉ ⲫ̀ⲛⲟⲩϯ ⲧⲉⲛⲛⲁⲁⲓⲧⲟⲩ ⲟⲩⲟϩ ⲧⲉⲛⲛⲁⲥⲟⲑⲙⲟⲩ ⲁ ⲙⲱⲩⲥⲏⲥ ⲇⲉ ⲉⲛ ⲛⲉⲛⲥⲁϫⲓ ⲛ̀ⲡⲓⲗⲁⲟⲥ ⲉ̀ⲡ̀ϣⲱⲓ ϩⲁ ⲫ̀ⲛⲟⲩϯ	aferouō ḋe ǹje pilaos tyrf evsop ouoh pegōou je hōb niven etefnagotou ǹje f̀nouti tennaaitou ouoh tennasoθmou a mōisys ḋe en nensaji ǹpilaos èp̀ṡōi ha f̀nouti	And all the people answered with one accord, and said, All things that God has spoken, we will do and hearken to: and Moses reported these words to God.
19:9	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉϩⲏⲡⲡⲉ ⲁⲛⲟⲕ ϯⲛⲁⲓ ϩⲁⲣⲟⲕ ϧⲉⲛⲟⲩⲥⲧⲩⲗⲗⲟⲥ ⲛϭⲏⲡⲓ ϩⲓⲛⲁ ⲛⲧⲉⲡⲓⲗⲁⲟⲥ ⲥⲱⲧⲉⲙ ⲉⲣⲟⲓ ⲉⲓⲥⲁϫⲓ ⲛⲉⲙⲁⲕ ⲟⲩⲟϩ ⲛⲧⲟⲩⲛⲁϩϯ ⲉⲣⲟⲕ ϣⲁⲉⲛⲉϩ ⲁϥⲥⲁϫⲓ ⲇⲉ ⲛϫⲉⲙⲱⲩⲥⲏⲥ ⲛⲛⲓⲥⲁϫⲓ ⲛⲧⲉⲡⲓⲗⲁⲟⲥ ⲛⲁϩⲣⲉⲛ ⲫⲛⲟⲩϯ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ϩⲏⲡⲡⲉ ⲁⲛⲟⲕ ϯⲛⲁⲓ ϩⲁⲣⲟⲕ ϧⲉⲛ ⲟⲩⲥⲧⲩⲗⲗⲟⲥ ⲛ̀ϭⲏⲡⲓ ϩⲓⲛⲁ ⲛ̀ⲧⲉ ⲡⲓⲗⲁⲟⲥ ⲥⲱⲧⲉⲙ ⲉ̀ⲣⲟⲓ ⲉⲓⲥⲁϫⲓ ⲛⲉⲙⲁⲕ ⲟⲩⲟϩ ⲛ̀ⲧⲟⲩⲛⲁϩϯ ⲉ̀ⲣⲟⲕ ϣⲁ ⲉ̀ⲛⲉϩ ⲁϥⲥⲁϫⲓ ⲇⲉ ⲛ̀ϫⲉ ⲙⲱⲩⲥⲏⲥ ⲛ̀ⲛⲓⲥⲁϫⲓ ⲛ̀ⲧⲉ ⲡⲓⲗⲁⲟⲥ ⲛⲁϩⲣⲉⲛ ⲫ̀ⲛⲟⲩϯ	peje p̀ċois ḋe ǹmōisys je hyppe anok tinai harok xen oustillos ǹċypi hina ǹte pilaos sōtem èroi eisaji nemak ouoh ǹtounahti èrok ṡa èneh afsaji ḋe ǹje mōisys ǹnisaji ǹte pilaos nahren f̀nouti	And the Lord said to Moses, Lo! I come to thee in a pillar of a cloud, that the people may hear me speaking to thee, and may believe thee for ever: and Moses reported the words of the people to the Lord.
19:10	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲙⲁϣⲉⲛⲁⲕ ⲉϧⲣⲏⲓ ⲁⲣⲉ ⲙⲉⲑⲣⲉ ⲙⲡⲓⲗⲁⲟⲥ ⲟⲩⲟϩ ⲙⲁⲣⲟⲩⲧⲟⲩⲃⲱⲟⲩ ⲙⲫⲟⲟⲩ ⲛⲉⲙⲣⲁⲥϯ ⲟⲩⲟϩ ⲙⲁⲣⲟⲩⲣⲱϧⲓ ⲛⲛⲟⲩϩⲃⲱⲥ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲙⲁϣⲉⲛⲁⲕ ⲉ̀ϧ̀ⲣⲏⲓ ⲁⲣⲉ ⲙⲉⲑⲣⲉ ⲛ̀ⲡⲓⲗⲁⲟⲥ ⲟⲩⲟϩ ⲙⲁⲣⲟⲩⲧⲟⲩⲃⲱⲟⲩ ⲛ̀ⲫⲟⲟⲩ ⲛⲉⲙ ⲣⲁⲥϯ ⲟⲩⲟϩ ⲙⲁⲣⲟⲩⲣⲱϧⲓ ⲛ̀ⲛⲟⲩϩ̀ⲃⲱⲥ	peje p̀ċois ḋe ǹmōisys je maṡenak èx̀ryi are meθre ǹpilaos ouoh maroutouvōou ǹfoou nem rasti ouoh marourōxi ǹnouh̀vōs	And the Lord said to Moses, Go down and solemnly charge the people, and sanctify them to-day and to-morrow, and let them wash their garments.
19:11	ⲟⲩⲟϩ ⲙⲁⲣⲟⲩϣⲱⲡⲓ ⲉⲩⲥⲉⲃⲧⲱⲧ ⲉⲡⲓⲉϩⲟⲟⲩ ⲙⲙⲁϩ ⲅ̅ ⲛϧⲣⲏⲓ ⲅⲁⲣ ϧⲉⲛⲡⲓⲉϩⲟⲟⲩ ⲙⲙⲁϩ ⲅ̅ ϥⲛⲁⲓ ⲉⲡⲉⲥⲏⲧ ⲛϫⲉⲡϭⲟⲓⲥ ⲉϫⲉⲛⲡⲧⲱⲟⲩ ⲛⲥⲓⲛⲁ ⲙⲡⲉⲙⲑⲟ ⲙⲡⲓⲗⲁⲟⲥ ⲧⲏⲣϥ	ⲟⲩⲟϩ ⲙⲁⲣⲟⲩϣⲱⲡⲓ ⲉⲩⲥⲉⲃⲧⲱⲧ ⲉ̀ⲡⲓⲉ̀ϩⲟⲟⲩ ⲛ̀ⲙⲁϩ 3 ⲛ̀ϧ̀ⲣⲏⲓ ⲅⲁⲣ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 3 ϥ̀ⲛⲁⲓ̀ ⲉ̀ⲡⲉⲥⲏⲧ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲡ̀ⲧⲱⲟⲩ ⲛ̀ⲥⲓⲛⲁ ⲛ̀ⲡⲉⲙ̀ⲑⲟ ⲛ̀ⲡⲓⲗⲁⲟⲥ ⲧⲏⲣϥ	ouoh marouṡōpi evsevtōt èpièhoou ǹmah 3 ǹx̀ryi ġar xen pièhoou ǹmah 3 f̀naì èpesyt ǹje p̀ċois èjen p̀tōou ǹsina ǹpem̀θo ǹpilaos tyrf	And let them be ready against the third day, for on the third day the Lord will descend upon mount Sina before all the people.
19:12	ⲟⲩⲟϩ ⲉⲕⲉⲟⲩⲱϯ ⲙⲡⲓⲗⲁⲟⲥ ⲉⲃⲟⲗ ⲉϥⲕⲱϯ ⲉⲕϫⲱ ⲙⲙⲟⲥ ϫⲉⲙⲁϩⲑⲏⲧⲉⲛ ⲉⲣⲱⲧⲉⲛ ⲉϣⲧⲉⲙⲓ ⲉⲡϣⲱⲓ ⲉϫⲉⲛⲡⲓⲧⲱⲟⲩ ⲟⲩⲇⲉ ⲉϣⲧⲉⲙϭⲓ ⲛⲉⲙϩⲗⲓ ⲛⲧⲁϥ ⲟⲩⲟⲛ ⲅⲁⲣ ⲛⲓⲃⲉⲛ ⲉⲑⲛⲁϭⲓ ⲛⲉⲙⲡⲓⲧⲱⲟⲩ ϧⲉⲛⲟⲩⲙⲟⲩ ⲉϥⲉⲙⲟⲩ	ⲟⲩⲟϩ ⲉⲕⲉⲟⲩⲱϯ ⲛ̀ⲡⲓⲗⲁⲟⲥ ⲉ̀ⲃⲟⲗ ⲉϥⲕⲱϯ ⲉⲕϫⲱ ⲙ̀ⲙⲟⲥ ϫⲉ ⲙⲁϩⲑⲏⲧⲉⲛ ⲉⲣⲱⲧⲉⲛ ⲉ̀ϣⲧⲉⲙⲓ ⲉ̀ⲡ̀ϣⲱⲓ ⲉ̀ϫⲉⲛ ⲡⲓⲧⲱⲟⲩ ⲟⲩⲇⲉ ⲉ̀ϣⲧⲉⲙϭⲓ ⲛⲉⲙ ϩ̀ⲗⲓ ⲛ̀ⲧⲁϥ ⲟⲩⲟⲛ ⲅⲁⲣ ⲛⲓⲃⲉⲛ ⲉⲑⲛⲁϭⲓ ⲛⲉⲙ ⲡⲓⲧⲱⲟⲩ ϧⲉⲛ ⲟⲩⲙⲟⲩ ⲉϥⲉ̀ⲙⲟⲩ	ouoh ekeouōti ǹpilaos èvol efkōti ekgō m̀mos je mahθyten erōten èṡtemi èp̀ṡōi èjen pitōou ouḋe èṡtemċi nem h̀li ǹtaf ouon ġar niven eθnaċi nem pitōou xen oumou efèmou	And thou shalt separate the people round about, saying, Take heed to yourselves that ye go not up into the mountain, nor touch any part of it: every one that touches the mountain shall surely die.
19:13	ⲛⲛⲉ ϫⲓϫ ϭⲓ ⲛⲉⲙⲁϥ ϧⲉⲛϩⲁⲛⲱⲛⲓ ⲅⲁⲣ ⲥⲉⲛⲁⲥⲉⲧ ⲱⲛⲓ ⲉⲣⲟϥ ⲓⲉ ϧⲉⲛϩⲁⲛⲥⲟⲑⲛⲉϥ ⲥⲉⲛⲁϭⲉⲗⲕ ⲥⲟⲑⲛⲉϥ ⲉⲣⲟϥ ⲓⲥϫⲉ ⲟⲩⲧⲉⲃⲛⲏ ⲡⲉ ⲓⲉ ⲟⲩⲣⲱⲙⲓ ⲡⲉ ⲛⲛⲉϥⲱⲛϧ ϩⲟⲧⲁⲛ ⲁⲣⲉϣⲁⲛ ⲛⲓⲥⲙⲏ ⲛⲉⲙⲛⲓⲥⲁⲗⲡⲓⲅⲝ ⲛⲉⲙϯϭⲏⲡⲓ ϣⲉⲛⲱⲟⲩ ⲉⲃⲟⲗ ϩⲁⲡⲓⲧⲱⲟⲩ ⲛⲏ ϩⲱⲟⲩ ⲙⲁⲣⲟⲩⲓ ⲉⲡϣⲱⲓ ⲉϫⲉⲛⲡⲓⲧⲱⲟⲩ	ⲛ̀ⲛⲉ ϫⲓϫ ϭⲓ ⲛⲉⲙⲁϥ ϧⲉⲛ ϩⲁⲛⲱⲛⲓ ⲅⲁⲣ ⲥⲉⲛⲁⲥⲉⲧ ⲱⲛⲓ ⲉ̀ⲣⲟϥ ⲓⲉ ϧⲉⲛ ϩⲁⲛⲥⲟⲑⲛⲉϥ ⲥⲉⲛⲁϭⲉⲗⲕ ⲥⲟⲑⲛⲉϥ ⲉ̀ⲣⲟϥ ⲓⲥϫⲉ ⲟⲩⲧⲉⲃⲛⲏ ⲡⲉ ⲓⲉ ⲟⲩⲣⲱⲙⲓ ⲡⲉ ⲛ̀ⲛⲉϥⲱⲛϧ ϩⲟⲧⲁⲛ ⲁⲣⲉϣⲁⲛ ⲛⲓⲥ̀ⲙⲏ ⲛⲉⲙ ⲛⲓⲥⲁⲗⲡⲓⲅⲝ ⲛⲉⲙ ϯϭⲏⲡⲓ ϣⲉⲛⲱⲟⲩ ⲉ̀ⲃⲟⲗ ϩⲁ ⲡⲓⲧⲱⲟⲩ ⲛⲏ ϩⲱⲟⲩ ⲙⲁⲣⲟⲩⲓ ⲉ̀ⲡ̀ϣⲱⲓ ⲉ̀ϫⲉⲛ ⲡⲓⲧⲱⲟⲩ	ǹne jig ċi nemaf xen hanōni ġar senaset ōni èrof ie xen hansoθnef senaċelk soθnef èrof isje outevny pe ie ourōmi pe ǹnefōnx hotan areṡan nis̀my nem nisalpiġks nem tiċypi ṡenōou èvol ha pitōou ny hōou maroui èp̀ṡōi èjen pitōou	A hand shall not touch it, for every one that touches shall be stoned with stones or shot through with a dart, whether beast or whether man, it shall not live: when the voices and trumpets and cloud depart from off the mountain, they shall come up on the mountain.
19:14	ⲁϥⲓ ⲇⲉ ⲉⲡⲉⲥⲏⲧ ⲛϫⲉⲙⲱⲩⲥⲏⲥ ϩⲁⲡⲓⲗⲁⲟⲥ ⲉⲃⲟⲗ ϩⲓϫⲉⲛⲡⲓⲧⲱⲟⲩ ⲟⲩⲟϩ ⲁϥⲧⲟⲩⲃⲱⲟⲩ ⲟⲩⲟϩ ⲁⲩⲣⲱϧⲓ ⲛⲛⲟⲩϩⲃⲱⲥ	ⲁϥⲓ̀ ⲇⲉ ⲉ̀ⲡⲉⲥⲏⲧ ⲛ̀ϫⲉ ⲙⲱⲩⲥⲏⲥ ϩⲁ ⲡⲓⲗⲁⲟⲥ ⲉ̀ⲃⲟⲗ ϩⲓϫⲉⲛ ⲡⲓⲧⲱⲟⲩ ⲟⲩⲟϩ ⲁϥⲧⲟⲩⲃⲱⲟⲩ ⲟⲩⲟϩ ⲁⲩⲣⲱϧⲓ ⲛ̀ⲛⲟⲩϩ̀ⲃⲱⲥ	afì ḋe èpesyt ǹje mōisys ha pilaos èvol hijen pitōou ouoh aftouvōou ouoh avrōxi ǹnouh̀vōs	And Moses went down from the mountain to the people, and sanctified them, and they washed their clothes.
19:15	ⲟⲩⲟϩ ⲡⲉϫⲁϥ ⲙⲡⲓⲗⲁⲟⲥ ϫⲉϣⲱⲡⲓ ⲉⲣⲉⲧⲉⲛⲥⲉⲃⲧⲱⲧ ⲛⲅ̅ ⲛⲉϩⲟⲟⲩ ⲙⲡⲉⲣⲧⲱⲙⲓ ⲉⲥϩⲓⲙⲓ	ⲟⲩⲟϩ ⲡⲉϫⲁϥ ⲛ̀ⲡⲓⲗⲁⲟⲥ ϫⲉ ϣⲱⲡⲓ ⲉ̀ⲣⲉⲧⲉⲛⲥⲉⲃⲧⲱⲧ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲙ̀ⲡⲉⲣⲧⲱⲙⲓ ⲉ̀ⲥ̀ϩⲓⲙⲓ	ouoh pegaf ǹpilaos je ṡōpi èretensevtōt ǹṡomt ǹèhoou m̀pertōmi ès̀·himi	And he said to the people, Be ready: for three days come not near to a woman.
19:16	ⲁⲥϣⲱⲡⲓ ⲇⲉ ϧⲉⲛⲡⲓⲉϩⲟⲟⲩ ⲙⲙⲁϩ ⲅ̅ ⲉⲧⲁ ⲫⲛⲁⲩ ⲛϣⲱⲣⲡ ϣⲱⲡⲓ ⲁⲩϣⲱⲡⲓ ⲛϫⲉϩⲁⲛⲥⲙⲏ ⲛⲉⲙϩⲁⲛⲥⲉⲧⲉⲃⲣⲏϫ ⲛⲉⲙⲟⲩϭⲏⲡⲓ ⲛⲅⲛⲟⲫⲟⲥ ϩⲓϫⲉⲛⲡⲧⲱⲟⲩ ⲛⲥⲓⲛⲁ ⲧⲥⲙⲏ ⲛⲧⲉϯⲥⲁⲗⲡⲓⲅⲅⲟⲥ ⲛⲁⲥⲟⲓ ⲛⲟⲩⲛⲓϣϯ ⲛⲥⲉⲛⲥⲉⲛ ⲟⲩⲟϩ ⲁϥⲛⲟⲩϣⲡ ⲛϫⲉⲡⲓⲗⲁⲟⲥ ⲧⲏⲣϥ ⲉⲧϧⲉⲛϯⲡⲁⲣⲉⲙⲃⲟⲗⲏ	ⲁⲥϣⲱⲡⲓ ⲇⲉ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 3 ⲉ̀ⲧⲁ ⲫ̀ⲛⲁⲩ ⲛ̀ϣⲱⲣⲡ ϣⲱⲡⲓ ⲁⲩϣⲱⲡⲓ ⲛ̀ϫⲉ ϩⲁⲛⲥ̀ⲙⲏ ⲛⲉⲙ ϩⲁⲛⲥⲉⲧⲉⲃⲣⲏϫ ⲛⲉⲙ ⲟⲩϭⲏⲡⲓ ⲛ̀ⲅⲛⲟⲫⲟⲥ ϩⲓϫⲉⲛ ⲡ̀ⲧⲱⲟⲩ ⲛ̀ⲥⲓⲛⲁ ⲧ̀ⲥ̀ⲙⲏ ⲛ̀ⲧⲉ ϯⲥⲁⲗⲡⲓⲅⲅⲟⲥ ⲛⲁⲥⲟⲓ ⲛ̀ⲟⲩⲛⲓϣϯ ⲛ̀ⲥⲉⲛⲥⲉⲛ ⲟⲩⲟϩ ⲁϥⲛⲟⲩϣⲡ ⲛ̀ϫⲉ ⲡⲓⲗⲁⲟⲥ ⲧⲏⲣϥ ⲉⲧϧⲉⲛ ϯⲡⲁⲣⲉⲙⲃⲟⲗⲏ	asṡōpi ḋe xen pièhoou ǹmah 3 èta f̀nav ǹṡōrp ṡōpi avṡōpi ǹje hans̀my nem hansetevryg nem ouċypi ǹġnofos hijen p̀tōou ǹsina t̀s̀my ǹte tisalpinġos nasoi ǹouniṡti ǹsensen ouoh afnouṡp ǹje pilaos tyrf etxen tiparemboly	And it came to pass on the third day, as the morning drew nigh, there were voices and lightnings and a dark cloud on mount Sina: the voice of the trumpet sounded loud, and all the people in the camp trembled.
19:17	ⲟⲩⲟϩ ⲁ ⲙⲱⲩⲥⲏⲥ ⲉⲛ ⲡⲓⲗⲁⲟⲥ ⲉⲃⲟⲗ ⲉϩⲣⲉⲛⲫⲛⲟⲩϯ ⲉⲃⲟⲗ ϧⲉⲛϯⲡⲁⲣⲉⲙⲃⲟⲗⲏ ⲟⲩⲟϩ ⲁⲩⲟϩⲓ ⲉⲣⲁⲧⲟⲩⲉⲥⲕⲉⲛⲡⲓⲧⲱⲟⲩ	ⲟⲩⲟϩ ⲁ ⲙⲱⲩⲥⲏⲥ ⲉⲛ ⲡⲓⲗⲁⲟⲥ ⲉ̀ⲃⲟⲗ ⲉ̀ϩ̀ⲣⲉⲛⲫ̀ⲛⲟⲩϯ ⲉ̀ⲃⲟⲗ ϧⲉⲛ ϯⲡⲁⲣⲉⲙⲃⲟⲗⲏ ⲟⲩⲟϩ ⲁⲩⲟ̀ϩⲓ ⲉ̀ⲣⲁⲧⲟⲩⲉⲥⲕⲉⲛⲡⲓⲧⲱⲟⲩ	ouoh a mōisys en pilaos èvol èh̀renf̀nouti èvol xen tiparemboly ouoh avòhi èratoueskenpitōou	And Moses led the people forth out of the camp to meet God, and they stood by under the camp.
19:18	ⲡⲓⲧⲱⲟⲩ ⲇⲉ ⲛⲧⲉⲥⲓⲛⲁ ⲛⲁϥⲟⲓ ⲛⲭⲣⲉⲙⲧⲥ ⲧⲏⲣϥ ⲉⲑⲃⲉϫⲉ ⲁϥⲓ ⲉϧⲣⲏⲓ ⲉϫⲱϥ ⲛϫⲉⲫⲛⲟⲩϯ ϧⲉⲛⲟⲩⲭⲣⲱⲙ ⲛⲁϥⲛⲏⲟⲩ ⲇⲉ ⲉⲡϣⲱⲓ ⲛϫⲉⲡⲓⲭⲣⲉⲙⲧⲥ ⲙⲫⲣⲏϯ ⲛⲟⲩⲭⲣⲉⲙⲧⲥ ⲛⲧⲉⲟⲩϩⲣⲱ ⲟⲩⲟϩ ⲁϥⲧⲱⲙⲧ ⲛϫⲉⲡⲓⲗⲁⲟⲥ ⲧⲏⲣϥ ⲉⲙⲁϣⲱ	ⲡⲓⲧⲱⲟⲩ ⲇⲉ ⲛ̀ⲧⲉ ⲥⲓⲛⲁ ⲛⲁϥⲟⲓ ⲛ̀ⲭ̀ⲣⲉⲙⲧⲥ ⲧⲏⲣϥ ⲉⲑⲃⲉ ϫⲉ ⲁϥⲓ̀ ⲉ̀ϧ̀ⲣⲏⲓ ⲉ̀ϫⲱϥ ⲛ̀ϫⲉ ⲫ̀ⲛⲟⲩϯ ϧⲉⲛ ⲟⲩⲭ̀ⲣⲱⲙ ⲛⲁϥⲛⲏⲟⲩ ⲇⲉ ⲉ̀ⲡ̀ϣⲱⲓ ⲛ̀ϫⲉ ⲡⲓⲭ̀ⲣⲉⲙⲧⲥ ⲛ̀ⲫ̀ⲣⲏϯ ⲛ̀ⲟⲩⲭ̀ⲣⲉⲙⲧⲥ ⲛ̀ⲧⲉ ⲟⲩϩ̀ⲣⲱ ⲟⲩⲟϩ ⲁϥⲧⲱⲙⲧ ⲛ̀ϫⲉ ⲡⲓⲗⲁⲟⲥ ⲧⲏⲣϥ ⲉ̀ⲙⲁϣⲱ	pitōou ḋe ǹte sina nafoi ǹx̀remts tyrf eθve je afì èx̀ryi ègōf ǹje f̀nouti xen ouk̀rōm nafnyou ḋe èp̀ṡōi ǹje pix̀remts ǹf̀ryti ǹoux̀remts ǹte ouh̀rō ouoh aftōmt ǹje pilaos tyrf èmaṡō	The mount of Sina was altogether on a smoke, because God had descended upon it in fire; and the smoke went up as the smoke of a furnace, and the people were exceedingly amazed.
19:19	ⲛⲁⲩϣⲟⲡ ⲇⲉ ⲛϫⲉⲛⲓⲥⲙⲏ ⲛⲧⲉϯⲥⲁⲗⲡⲓⲅⲅⲟⲥ ⲉⲩⲙⲟϣⲓ ⲉⲧϩⲏ ⲉⲩϫⲟⲣ ⲉⲙⲁϣⲱ ⲙⲱⲩⲥⲏⲥ ⲇⲉ ⲛⲁϥⲥⲁϫⲓ ⲫⲛⲟⲩϯ ⲇⲉ ⲛⲁϥⲉⲣⲟⲩⲱ ⲛⲁϥ ϧⲉⲛⲟⲩⲥⲙⲏ	ⲛⲁⲩϣⲟⲡ ⲇⲉ ⲛ̀ϫⲉ ⲛⲓⲥ̀ⲙⲏ ⲛ̀ⲧⲉ ϯⲥⲁⲗⲡⲓⲅⲅⲟⲥ ⲉⲩⲙⲟϣⲓ ⲉ̀ⲧ̀ϩⲏ ⲉⲩϫⲟⲣ ⲉ̀ⲙⲁϣⲱ ⲙⲱⲩⲥⲏⲥ ⲇⲉ ⲛⲁϥⲥⲁϫⲓ ⲫ̀ⲛⲟⲩϯ ⲇⲉ ⲛⲁϥⲉⲣⲟⲩⲱ ⲛⲁϥ ϧⲉⲛ ⲟⲩⲥ̀ⲙⲏ	navṡop ḋe ǹje nis̀my ǹte tisalpinġos evmoṡi èt̀·hy evgor èmaṡō mōisys ḋe nafsaji f̀nouti ḋe naferouō naf xen ous̀my	And the sounds of the trumpet were waxing very much louder. Moses spoke, and God answered him with a voice.
19:20	ⲁϥⲓ ⲇⲉ ⲉⲡⲉⲥⲏⲧ ⲛϫⲉⲡϭⲟⲓⲥ ⲉϫⲉⲛⲡⲓⲧⲱⲟⲩ ⲛⲧⲉⲥⲓⲛⲁ ⲉϩⲣⲏⲓ ⲉϫⲉⲛⲧⲁⲫⲉ ⲙⲡⲓⲧⲱⲟⲩ ⲟⲩⲟϩ ⲁ ⲡϭⲟⲓⲥ ⲙⲟⲩϯ ⲉⲙⲱⲩⲥⲏⲥ ⲉⲡϣⲱⲓ ⲉϫⲉⲛⲧⲁⲫⲉ ⲙⲡⲓⲧⲱⲟⲩ ⲟⲩⲟϩ ⲁϥϣⲉⲛⲁϥ ⲉⲡϣⲱⲓ ⲛϫⲉⲙⲱⲩⲥⲏⲥ	ⲁϥⲓ̀ ⲇⲉ ⲉ̀ⲡⲉⲥⲏⲧ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲡⲓⲧⲱⲟⲩ ⲛ̀ⲧⲉ ⲥⲓⲛⲁ ⲉ̀ϩ̀ⲣⲏⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲧⲱⲟⲩ ⲟⲩⲟϩ ⲁ ⲡ̀ϭⲟⲓⲥ ⲙⲟⲩϯ ⲉ̀ⲙⲱⲩⲥⲏⲥ ⲉ̀ⲡ̀ϣⲱⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲧⲱⲟⲩ ⲟⲩⲟϩ ⲁϥϣⲉⲛⲁϥ ⲉ̀ⲡ̀ϣⲱⲓ ⲛ̀ϫⲉ ⲙⲱⲩⲥⲏⲥ	afì ḋe èpesyt ǹje p̀ċois èjen pitōou ǹte sina èh̀ryi èjen t̀àfe ǹpitōou ouoh a p̀ċois mouti èmōisys èp̀ṡōi èjen t̀àfe ǹpitōou ouoh afṡenaf èp̀ṡōi ǹje mōisys	And the Lord came down upon mount Sina on the top of the mountain; and the Lord called Moses to the top of the mountain, and Moses went up.
19:21	ⲟⲩⲟϩ ⲡⲉϫⲉ ⲫⲛⲟⲩϯ ⲙⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉⲙⲁϣⲉⲛⲁⲕ ⲉϧⲣⲏⲓ ⲁⲣⲓⲙⲉⲑⲣⲉ ⲙⲏⲡⲟⲧⲉ ⲛⲧⲟⲩϧⲱⲛⲧ ϩⲁⲫⲛⲟⲩϯ ⲉϯⲛⲓⲁⲧⲟⲩ ⲟⲩⲟϩ ⲛⲧⲟⲩϩⲉⲓ ⲉⲃⲟⲗ ⲛϧⲏⲧⲟⲩ ⲛϫⲉⲟⲩⲙⲏϣ	ⲟⲩⲟϩ ⲡⲉϫⲉ ⲫ̀ⲛⲟⲩϯ ⲛ̀ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ ϫⲉ ⲙⲁϣⲉⲛⲁⲕ ⲉ̀ϧ̀ⲣⲏⲓ ⲁ̀ⲣⲓⲙⲉⲑⲣⲉ ⲙⲏⲡⲟⲧⲉ ⲛ̀ⲧⲟⲩϧⲱⲛⲧ ϩⲁ ⲫ̀ⲛⲟⲩϯ ⲉ̀ϯⲛⲓⲁⲧⲟⲩ ⲟⲩⲟϩ ⲛ̀ⲧⲟⲩϩⲉⲓ ⲉ̀ⲃⲟⲗ ⲛ̀ϧⲏⲧⲟⲩ ⲛ̀ϫⲉ ⲟⲩⲙⲏϣ	ouoh peje f̀nouti ǹmōisys efgō m̀mos je maṡenak èx̀ryi àrimeθre mypote ǹtouxōnt ha f̀nouti ètiniatou ouoh ǹtouhei èvol ǹxytou ǹje oumyṡ	And God spoke to Moses, saying, Go down, and solemnly charge the people, lest at any time they draw nigh to God to gaze, and a multitude of them fall.
19:22	ⲟⲩⲟϩ ⲛⲓⲟⲩⲏⲃ ⲉⲧϧⲱⲛⲧ ⲙⲙⲱⲟⲩ ⲉⲡϭⲟⲓⲥ ⲫⲛⲟⲩϯ ⲙⲁⲣⲟⲩⲧⲟⲩⲃⲱⲟⲩ ⲙⲏⲡⲱⲥ ⲛⲧⲉⲡϭⲟⲓⲥ ⲧⲁⲕⲉ ϩⲁⲛⲟⲩⲟⲛ ⲉⲃⲟⲗ ⲛϧⲏⲧⲟⲩ	ⲟⲩⲟϩ ⲛⲓⲟⲩⲏⲃ ⲉⲧϧⲱⲛⲧ ⲙ̀ⲙⲱⲟⲩ ⲉ̀ⲡ̀ϭⲟⲓⲥ ⲫ̀ⲛⲟⲩϯ ⲙⲁⲣⲟⲩⲧⲟⲩⲃⲱⲟⲩ ⲙⲏⲡⲱⲥ ⲛ̀ⲧⲉ ⲡ̀ϭⲟⲓⲥ ⲧⲁⲕⲉ ϩⲁⲛⲟⲩⲟⲛ ⲉ̀ⲃⲟⲗ ⲛ̀ϧⲏⲧⲟⲩ	ouoh niouyb etxōnt m̀mōou èp̀ċois f̀nouti maroutouvōou mypōs ǹte p̀ċois take hanouon èvol ǹxytou	And let the priests that draw nigh to the Lord God sanctify themselves, destroy some of them.
19:23	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲙⲫⲛⲟⲩϯ ϫⲉⲙⲙⲟⲛ ϣϫⲟⲙ ⲛⲧⲉⲡⲓⲗⲁⲟⲥ ⲓ ⲉⲡϣⲱⲓ ϧⲁⲧⲉⲛⲡⲓⲧⲱⲟⲩ ⲛⲧⲉⲥⲓⲛⲁ ⲛⲑⲟⲕ ⲅⲁⲣ ⲁⲕⲉⲣⲙⲉⲑⲣⲉ ⲛⲁⲛ ⲉⲕϫⲱ ⲙⲙⲟⲥ ϫⲉⲟⲩⲉⲧ ⲡⲓⲧⲱⲟⲩ ⲉⲃⲟⲗ ⲟⲩⲟϩ ⲙⲁⲧⲟⲩⲃⲟϥ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛ̀ⲫ̀ⲛⲟⲩϯ ϫⲉ ⲙ̀ⲙⲟⲛ ϣ̀ϫⲟⲙ ⲛ̀ⲧⲉ ⲡⲓⲗⲁⲟⲥ ⲓ̀ ⲉ̀ⲡ̀ϣⲱⲓ ϧⲁⲧⲉⲛ ⲡⲓⲧⲱⲟⲩ ⲛ̀ⲧⲉ ⲥⲓⲛⲁ ⲛ̀ⲑⲟⲕ ⲅⲁⲣ ⲁⲕⲉⲣⲙⲉⲑⲣⲉ ⲛⲁⲛ ⲉⲕϫⲱ ⲙ̀ⲙⲟⲥ ϫⲉ ⲟⲩⲉⲧ ⲡⲓⲧⲱⲟⲩ ⲉ̀ⲃⲟⲗ ⲟⲩⲟϩ ⲙⲁⲧⲟⲩⲃⲟϥ	ouoh peje mōisys ǹf̀nouti je m̀mon ṡ̀gom ǹte pilaos ì èp̀ṡōi xaten pitōou ǹte sina ǹθok ġar akermeθre nan ekgō m̀mos je ouet pitōou èvol ouoh matouvof	And Moses said to God, The people will not be able to approach to the mount of Sina, for thou hast solemnly charged us, saying, Set bounds to the mountain and sanctify it.
19:24	ⲟⲩⲟϩ ⲡⲉϫⲉ ⲡϭⲟⲓⲥ ⲛⲁϥ ϫⲉⲙⲟϣⲓ ⲙⲁϣⲉⲛⲁⲕ ⲉϧⲣⲏⲓ ⲟⲩⲟϩ ⲁⲙⲟⲩ ⲉⲡϣⲱⲓ ⲛⲑⲟⲕ ⲛⲉⲙⲁⲁⲣⲱⲛ ⲛⲉⲙⲁⲕ ⲛⲓⲟⲩⲏⲃ ⲇⲉ ⲛⲉⲙⲡⲓⲗⲁⲟⲥ ⲙⲡⲉⲛⲑⲣⲟⲩⲓ ⲉⲡϣⲱⲓ ϩⲁⲫⲛⲟⲩϯ ⲙⲏⲡⲱⲥ ⲛⲧⲉϥⲧⲁⲕⲟ ⲉⲃⲟⲗ ⲛϧⲏⲧⲟⲩ ⲛϫⲉⲡϭⲟⲓⲥ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲁϥ ϫⲉ ⲙⲟϣⲓ ⲙⲁϣⲉⲛⲁⲕ ⲉ̀ϧ̀ⲣⲏⲓ ⲟⲩⲟϩ ⲁ̀ⲙⲟⲩ ⲉ̀ⲡ̀ϣⲱⲓ ⲛ̀ⲑⲟⲕ ⲛⲉⲙ ⲁ̀ⲁⲣⲱⲛ ⲛⲉⲙⲁⲕ ⲛⲓⲟⲩⲏⲃ ⲇⲉ ⲛⲉⲙ ⲡⲓⲗⲁⲟⲥ ⲙ̀ⲡⲉⲛⲑⲣⲟⲩⲓ ⲉ̀ⲡ̀ϣⲱⲓ ϩⲁ ⲫ̀ⲛⲟⲩϯ ⲙⲏⲡⲱⲥ ⲛ̀ⲧⲉϥⲧⲁⲕⲟ ⲉ̀ⲃⲟⲗ ⲛ̀ϧⲏⲧⲟⲩ ⲛ̀ϫⲉ ⲡ̀ϭⲟⲓⲥ	ouoh peje p̀ċois naf je moṡi maṡenak èx̀ryi ouoh àmou èp̀ṡōi ǹθok nem àarōn nemak niouyb ḋe nem pilaos m̀penθroui èp̀ṡōi ha f̀nouti mypōs ǹteftako èvol ǹxytou ǹje p̀ċois	And the Lord said to him, Go, descend, and come up thou and Aaron with thee; but let not the priests and the people force their way to come up to God, lest the Lord destroy some of them.
19:25	ⲁϥⲓ ⲇⲉ ⲉϧⲣⲏⲓ ⲛϫⲉⲙⲱⲩⲥⲏⲥ ϩⲁⲡⲓⲗⲁⲟⲥ ⲟⲩⲟϩ ⲁϥϫⲟⲥ ⲛⲱⲟⲩ	ⲁϥⲓ̀ ⲇⲉ ⲉ̀ϧ̀ⲣⲏⲓ ⲛ̀ϫⲉ ⲙⲱⲩⲥⲏⲥ ϩⲁ ⲡⲓⲗⲁⲟⲥ ⲟⲩⲟϩ ⲁϥϫⲟⲥ ⲛⲱⲟⲩ	afì ḋe èx̀ryi ǹje mōisys ha pilaos ouoh afgos nōou	And Moses went down to the people, and spoke to them.

Provenance

title: Exodus 19
dialect: bohairic
source: Coptic SCRIPTORIUM corpus "bohairic.ot", document 02_Exodus_19
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 19 from Coptic SCRIPTORIUM (https://copticscriptorium.org), corpus bohairic.ot, document 02_Exodus_19, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/19.bohairic.scriptorium.L0.txt
title: Exodus 19 — Cairene
dialect: bohairic
source: generated from 19.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_19)
licence: CC BY-SA 4.0
share: attribution
attribution: Exodus 19 from Coptic SCRIPTORIUM (https://copticscriptorium.org), corpus bohairic.ot, document 02_Exodus_19, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/19.bohairic.scriptorium.L1.txt
title: Exodus 19 — Kemetic
dialect: bohairic
source: generated from 19.bohairic.scriptorium.L1.txt
licence: CC BY-SA 4.0
share: attribution
attribution: Exodus 19 from Coptic SCRIPTORIUM (https://copticscriptorium.org), corpus bohairic.ot, document 02_Exodus_19, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/19.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_19 (25 lines)

Cite as:

Exodus 19. Coptic SCRIPTORIUM corpus "bohairic.ot", document 02_Exodus_19. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/19.bohairic.scriptorium/. Exodus 19 from Coptic SCRIPTORIUM (https://copticscriptorium.org), corpus bohairic.ot, document 02_Exodus_19, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.