Exodus 28 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_28

Attribution: Exodus 28 from Coptic SCRIPTORIUM (https://copticscriptorium.org), corpus bohairic.ot, document 02_Exodus_28, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

39 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
28:1	ⲟⲩⲟϩ ⲛⲑⲟⲕ ⲁⲛⲓⲟⲩⲓ ⲉϧⲟⲩⲛ ϩⲁⲣⲟⲕ ⲛⲁⲁⲣⲱⲛ ⲡⲉⲕⲥⲟⲛ ⲛⲉⲙⲛⲉϥϣⲏⲣⲓ ⲉⲃⲟⲗ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲑⲣⲟⲩⲉⲣⲟⲩⲏⲃ ⲛⲏⲓ ⲛϫⲉⲁⲁⲣⲱⲛ ⲛⲉⲙⲛⲁⲇⲁⲃ ⲛⲉⲙⲁⲃⲓⲟⲩⲇ ⲛⲉⲙⲉⲗⲉⲁⲍⲁⲣ ⲛⲉⲙⲓⲑⲁⲙⲁⲣ ⲛⲉⲛϣⲏⲣⲓ ⲛⲁⲁⲣⲱⲛ	ⲟⲩⲟϩ ⲛ̀ⲑⲟⲕ ⲁⲛⲓⲟⲩⲓ̀ ⲉ̀ϧⲟⲩⲛ ϩⲁⲣⲟⲕ ⲛ̀ⲁⲁⲣⲱⲛ ⲡⲉⲕⲥⲟⲛ ⲛⲉⲙ ⲛⲉϥϣⲏⲣⲓ ⲉ̀ⲃⲟⲗ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲑⲣⲟⲩⲉⲣⲟⲩⲏⲃ ⲛⲏⲓ ⲛ̀ϫⲉ ⲁ̀ⲁⲣⲱⲛ ⲛⲉⲙ ⲛⲁⲇⲁⲃ ⲛⲉⲙ ⲁⲃⲓⲟⲩⲇ ⲛⲉⲙ ⲉⲗⲉⲁⲍⲁⲣ ⲛⲉⲙ ⲓⲑⲁⲙⲁⲣ ⲛⲉⲛϣⲏⲣⲓ ⲛ̀ⲁⲁⲣⲱⲛ	ouoh ǹθok aniouì èxoun harok ǹaarōn pek·son nem nefṡyri èvol xen nenṡyri ǹpisrayl èθrouerouyb nyi ǹje àarōn nem nadab nem abioud nem eleazar nem iθamar nenṡyri ǹaarōn	And do thou take to thyself both Aaron thy brother, and his sons, even them of the children of Israel; so that Aaron, and Nadab and Abiud, and Eleazar and Ithamar, sons of Aaron, may minister to me.
28:2	ⲟⲩⲟϩ ⲉⲕⲉⲑⲁⲙⲓⲟ ⲛⲟⲩⲥⲧⲟⲗⲏ ⲉⲥⲟⲩⲁⲃ ⲛⲁⲁⲣⲱⲛ ⲡⲉⲕⲥⲟⲛ ⲉⲟⲩⲧⲓⲙⲏ ⲛⲉⲙⲟⲩⲱⲟⲩ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩⲥ̀ⲧⲟⲗⲏ ⲉⲥⲟⲩⲁⲃ ⲛ̀ⲁⲁⲣⲱⲛ ⲡⲉⲕⲥⲟⲛ ⲉ̀ⲟⲩⲧⲓⲙⲏ ⲛⲉⲙ ⲟⲩⲱ̀ⲟⲩ	ouoh ekèθamio ǹous̀toly esouab ǹaarōn pek·son èoutimy nem ouṑou	And thou shalt make holy apparel for Aaron thy brother, for honour and glory.
28:3	ⲟⲩⲟϩ ⲛⲑⲟⲕ ⲥⲁϫⲓ ⲛⲉⲙⲛⲓⲥⲁⲃⲉⲩ ⲧⲏⲣⲟⲩ ϧⲉⲛⲡⲟⲩϩⲏⲧ ⲛⲏ ⲉⲧⲁⲓⲙⲁϩⲟⲩ ⲙⲡⲛⲉⲩⲙⲁ ⲕⲛⲁϯ ⲟⲩⲟϩ ⲉⲩⲉⲑⲁⲙⲓⲟ ⲛϯⲥⲧⲟⲗⲏ ⲉⲥⲟⲩⲁⲃ ⲛⲁⲁⲣⲱⲛ ⲡⲉⲑⲟⲩⲁⲃ ⲑⲏ ⲉⲧⲉϥⲛⲁⲉⲣⲟⲩⲏⲃ ⲛⲏⲓ ⲛϧⲏⲧⲥ	ⲟⲩⲟϩ ⲛ̀ⲑⲟⲕ ⲥⲁϫⲓ ⲛⲉⲙ ⲛⲓⲥⲁⲃⲉⲩ ⲧⲏⲣⲟⲩ ϧⲉⲛ ⲡⲟⲩϩⲏⲧ ⲛⲏ ⲉⲧⲁⲓⲙⲁϩⲟⲩ ⲛ̀ⲡ̀ⲛⲉⲩⲙⲁ ⲭ̀ⲛⲁϯ ⲟⲩⲟϩ ⲉⲩⲉ̀ⲑⲁⲙⲓⲟ ⲛ̀ϯⲥ̀ⲧⲟⲗⲏ ⲉⲥⲟⲩⲁⲃ ⲛ̀ⲁⲁⲣⲱⲛ ⲡⲉⲑⲟⲩⲁⲃ ⲑⲏ ⲉⲧⲉϥⲛⲁⲉⲣⲟⲩⲏⲃ ⲛⲏⲓ ⲛ̀ϧⲏⲧⲥ	ouoh ǹθok saji nem nisavev tyrou xen pouhyt ny etaimahou ǹp̀nevma k̀nati ouoh evèθamio ǹtis̀toly esouab ǹaarōn peθouab θy etefnaerouyb nyi ǹxyts	And speak thou to all those who are wise in understanding, whom I have filled with the spirit of wisdom and perception; and they shall make the holy apparel of Aaron for the sanctuary, in which apparel he shall minister to me as priest.
28:4	ⲟⲩⲟϩ ⲛⲁⲓ ⲛⲉ ⲛⲓⲥⲧⲟⲗⲏ ⲉⲧⲟⲩⲛⲁⲑⲁⲙⲓⲱⲟⲩ ⲫⲏ ⲉⲧⲭⲏ ϩⲓϫⲉⲛϯⲙⲉⲥⲧⲉⲛϩⲏⲧ ⲛⲉⲙϯⲉⲡⲱⲙⲓⲥ ⲛⲉⲙⲡⲓⲡⲟⲇⲏⲣⲏ ⲛⲉⲙϯϣⲑⲏⲛ ⲉⲧⲟⲓ ⲛⲗⲱⲟⲩ ⲛⲉⲙⲟⲩⲕⲓⲇⲁⲣⲓⲥ ⲛⲉⲙⲟⲩⲙⲟϫϧ ⲟⲩⲟϩ ⲉⲩⲉⲑⲁⲙⲓⲟ ⲛϩⲁⲛⲥⲧⲟⲗⲏ ⲛϩⲁⲅⲓⲟⲛ ⲛⲁⲁⲣⲱⲛ ⲛⲉⲙⲛⲉϥϣⲏⲣⲓ ⲉⲑⲣⲟⲩⲉⲣⲟⲩⲏⲃ ⲛⲏⲓ	ⲟⲩⲟϩ ⲛⲁⲓ ⲛⲉ ⲛⲓⲥ̀ⲧⲟⲗⲏ ⲉⲧⲟⲩⲛⲁⲑⲁⲙⲓⲱⲟⲩ ⲫⲏ ⲉⲧⲭⲏ ϩⲓϫⲉⲛ ϯⲙⲉⲥⲧⲉⲛϩⲏⲧ ⲛⲉⲙ ϯⲉⲡⲱⲙⲓⲥ ⲛⲉⲙ ⲡⲓⲡⲟⲇⲏⲣⲏ ⲛⲉⲙ ϯϣⲑⲏⲛ ⲉⲧⲟⲓ ⲛ̀ⲗⲱⲟⲩ ⲛⲉⲙ ⲟⲩⲕⲓⲇⲁⲣⲓⲥ ⲛⲉⲙ ⲟⲩⲙⲟϫϧ ⲟⲩⲟϩ ⲉⲩⲉ̀ⲑⲁⲙⲓⲟ ⲛ̀ϩⲁⲛⲥ̀ⲧⲟⲗⲏ ⲛ̀ϩⲁⲅⲓⲟⲛ ⲛ̀ⲁⲁⲣⲱⲛ ⲛⲉⲙ ⲛⲉϥϣⲏⲣⲓ ⲉ̀ⲑⲣⲟⲩⲉⲣⲟⲩⲏⲃ ⲛⲏⲓ	ouoh nai ne nis̀toly etounaθamiōou fy etky hijen timestenhyt nem tiepōmis nem pipoḋyry nem tiṡθyn etoi ǹlōou nem oukiḋaris nem oumogx ouoh evèθamio ǹhans̀toly ǹhagion ǹaarōn nem nefṡyri èθrouerouyb nyi	And these are the garments which they shall make: the breast-plate, and the shoulder-piece, and the full-length robe, and the tunic with a fringe, and the tire, and the girdle; and they shall make holy garments for Aaron and his sons to minister to me as priests.
28:5	ⲟⲩⲟϩ ⲛⲑⲱⲟⲩ ⲉⲩⲉϭⲓ ⲙⲡⲓⲛⲟⲩⲃ ⲛⲉⲙⲡⲓϩⲩⲁⲕⲓⲛⲑⲓⲛⲟⲛ ⲛⲉⲙⲡⲓϭⲏϫⲓ ⲛⲉⲙⲡⲓⲕⲟⲕⲕⲟⲥ ⲛⲉⲙⲡⲓϣⲉⲛⲥ	ⲟⲩⲟϩ ⲛ̀ⲑⲱⲟⲩ ⲉⲩⲉ̀ϭⲓ ⲛ̀ⲡⲓⲛⲟⲩⲃ ⲛⲉⲙ ⲡⲓϩⲩⲁⲕⲓⲛⲑⲓⲛⲟⲛ ⲛⲉⲙ ⲡⲓϭⲏϫⲓ ⲛⲉⲙ ⲡⲓⲕⲟⲕⲕⲟⲥ ⲛⲉⲙ ⲡⲓϣⲉⲛⲥ	ouoh ǹθōou evèċi ǹpinoub nem pihiakinθinon nem piċyji nem pikokkos nem piṡens	And they shall take the gold, and the blue, and the purple, and the scarlet, and the fine linen.
28:6	ⲟⲩⲟϩ ⲉⲩⲉⲑⲁⲙⲓⲟ ⲛϯⲉⲡⲱⲙⲓⲥ ⲉⲃⲟⲗ ϧⲉⲛⲟⲩϣⲉⲛⲥ ⲉϥⲥⲁϯ ⲛϩⲱⲃ ⲛⲥⲱϧⲓ ⲙⲡⲟⲓⲕⲓⲗⲧⲟⲛ	ⲟⲩⲟϩ ⲉⲩⲉ̀ⲑⲁⲙⲓⲟ ⲛ̀ϯⲉⲡⲱⲙⲓⲥ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲉϥⲥⲁϯ ⲛ̀ϩⲱⲃ ⲛ̀ⲥⲱϧⲓ ⲛ̀ⲡⲟⲓⲕⲓⲗⲧⲟⲛ	ouoh evèθamio ǹtiepōmis èvol xen ouṡens efsati ǹhōb ǹsōxi ǹpoikilton	And they shall make the shoulder-piece of fine linen spun, the woven work of the embroiderer.
28:7	ⲉⲡⲱⲙⲓⲥ ⲥⲛⲟⲩϯ ⲉⲩⲉϣⲱⲡⲓ ⲛⲁϥ ⲉⲩϧⲉⲛⲧ ⲉⲣⲟϥ ⲟⲩⲓ ⲟⲩⲃⲉ ⲟⲩⲓ ⲙⲙⲱⲟⲩ ⲉⲩⲥⲉⲃⲧⲱⲧ ⲉϫⲉⲛⲡⲓⲙⲉⲣⲟⲥ ⲃ̅	ⲉ̀ⲡⲱⲙⲓⲥ ⲥ̀ⲛⲟⲩϯ ⲉⲩⲉ̀ϣⲱⲡⲓ ⲛⲁϥ ⲉⲩϧⲉⲛⲧ ⲉ̀ⲣⲟϥ ⲟⲩⲓ ⲟⲩⲃⲉ ⲟⲩⲓ ⲙ̀ⲙⲱⲟⲩ ⲉⲩⲥⲉⲃⲧⲱⲧ ⲉ̀ϫⲉⲛ ⲡⲓⲙⲉⲣⲟⲥ 2	èpōmis s̀nouti evèṡōpi naf evxent èrof oui ouve oui m̀mōou evsevtōt èjen pimeros 2	It shall have two shoulder-pieces joined together, fastened on the two sides.
28:8	ⲟⲩⲟϩ ⲡⲥⲱϧⲓ ⲛⲧⲉⲛⲓⲉⲡⲱⲙⲓⲥ ⲉⲧϩⲓⲱⲧϥ ⲕⲁⲧⲁⲡⲓⲑⲁⲙⲓⲟ ⲉϥⲉϣⲱⲡⲓ ⲉⲃⲟⲗ ⲙⲙⲟϥ ⲉⲃⲟⲗ ϧⲉⲛⲟⲩⲛⲟⲩⲃ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲟⲥ ⲉϥⲙⲟⲩⲛⲕ ⲛⲉⲙⲟⲩϣⲉⲛⲥ ⲉϥⲥⲁϯ	ⲟⲩⲟϩ ⲡ̀ⲥⲱϧⲓ ⲛ̀ⲧⲉ ⲛⲓⲉⲡⲱⲙⲓⲥ ⲉⲧϩⲓⲱⲧϥ ⲕⲁⲧⲁ ⲡⲓⲑⲁⲙⲓⲟ ⲉϥⲉ̀ϣⲱⲡⲓ ⲉ̀ⲃⲟⲗ ⲙ̀ⲙⲟϥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲟⲥ ⲉϥⲙⲟⲩⲛⲕ ⲛⲉⲙ ⲟⲩϣⲉⲛⲥ ⲉϥⲥⲁϯ	ouoh p̀·sōxi ǹte niepōmis et·hiōtf kata piθamio efèṡōpi èvol m̀mof èvol xen ounoub nem ouhiakinθinon nem ouċyji nem oukokkos efmounk nem ouṡens efsati	And the woven work of the shoulder-pieces which is upon it, shall be of one piece according to the work, of pure gold and blue and purple, and spun scarlet and fine twined linen.
28:9	ⲟⲩⲟϩ ⲉⲕⲉϭⲓ ⲙⲡⲓⲱⲛⲓ ⲃ̅ ⲙⲥⲙⲁⲣⲁⲅⲇⲟⲥ ⲟⲩⲟϩ ⲉⲕⲉⲫⲱⲧϩ ⲛϧⲣⲏⲓ ϩⲓⲱⲧⲟⲩ ⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲉⲕⲉ̀ϭⲓ ⲛ̀ⲡⲓⲱⲛⲓ 2 ⲙ̀ⲥⲙⲁⲣⲁⲅⲇⲟⲥ ⲟⲩⲟϩ ⲉⲕⲉ̀ⲫⲱⲧϩ ⲛ̀ϧ̀ⲣⲏⲓ ϩⲓⲱⲧⲟⲩ ⲛ̀ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh ekèċi ǹpiōni 2 m̀smaraġḋos ouoh ekèfōt·h ǹx̀ryi hiōtou ǹniran ǹte nenṡyri ǹpisrayl	And thou shalt take the two stones, the stones of emerald, and thou shalt grave on them the names of the children of Israel.
28:10	ⲋ̅ ⲛⲣⲁⲛ ϩⲓⲡⲓⲟⲩⲁⲓ ⲛⲱⲛⲓ ⲟⲩⲟϩ ⲡⲓⲕⲉⲋ̅ ⲛⲣⲁⲛ ϩⲓⲡⲓⲱⲛⲓ ⲙⲙⲁϩ ⲃ̅ ⲕⲁⲧⲁⲛⲟⲩϫⲓⲛⲙⲓⲥⲓ	6 ⲛ̀ⲣⲁⲛ ϩⲓ ⲡⲓⲟⲩⲁⲓ ⲛ̀ⲱⲛⲓ ⲟⲩⲟϩ ⲡⲓⲕⲉ6 ⲛ̀ⲣⲁⲛ ϩⲓ ⲡⲓⲱ̀ⲛⲓ ⲛ̀ⲙⲁϩ 2 ⲕⲁⲧⲁ ⲛⲟⲩϫⲓⲛⲙⲓⲥⲓ	6 ǹran hi piouai ǹōni ouoh pike6 ǹran hi piṑni ǹmah 2 kata noujinmisi	Six names on the first stone, and the other six names on the second stone, according to their births.
28:11	ⲟⲩϩⲱⲃ ⲛⲧⲉⲟⲩⲧⲉⲭⲛⲏ ⲛⲱⲛⲓ ⲟⲩⲫⲱⲧϩ ⲛⲥⲫⲣⲁⲅⲓⲥ ⲉⲕⲉⲫⲱⲧϩ ⲙⲡⲓⲱⲛⲓ ⲃ̅ ⲉϩⲣⲏⲓ ⲉϫⲉⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩϩⲱⲃ ⲛ̀ⲧⲉ ⲟⲩⲧⲉⲭⲛⲏ ⲛ̀ⲱⲛⲓ ⲟⲩⲫⲱⲧϩ ⲛ̀ⲥⲫⲣⲁⲅⲓⲥ ⲉⲕⲉ̀ⲫⲱⲧϩ ⲛ̀ⲡⲓⲱⲛⲓ 2 ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouhōb ǹte outexny ǹōni oufōt·h ǹsfragis ekèfōt·h ǹpiōni 2 èh̀ryi èjen niran ǹte nenṡyri ǹpisrayl	It shall be the work of the stone-engraver's art; as the graving of a seal thou shalt engrave the two stones with the names of the children of Israel.
28:12	ⲟⲩⲟϩ ⲉⲕⲉⲭⲱ ⲙⲡⲓⲱⲛⲓ ⲃ̅ ϩⲓϫⲉⲛⲛⲓⲛⲁϩⲃⲓ ⲛⲧⲉⲛⲓⲉⲡⲱⲙⲓⲥ ϩⲁⲛⲱⲛⲓ ⲛⲧⲉⲟⲩⲉⲣⲫⲙⲉⲩⲓ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲉϥⲉⲓⲛⲓ ⲉⲡϣⲱⲓ ⲛϫⲉⲁⲁⲣⲱⲛ ⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲙⲡⲉⲙⲑⲟ ⲙⲡϭⲟⲓⲥ ϩⲓϫⲉⲛⲧⲉϥⲛⲁϩⲃⲓ ⲃ̅ϯ ⲛⲟⲩⲙⲉⲩⲓ ⲉⲑⲃⲏⲧⲟⲩ	ⲟⲩⲟϩ ⲉⲕⲉ̀ⲭⲱ ⲛ̀ⲡⲓⲱⲛⲓ 2 ϩⲓϫⲉⲛ ⲛⲓⲛⲁϩⲃⲓ ⲛ̀ⲧⲉ ⲛⲓⲉⲡⲱⲙⲓⲥ ϩⲁⲛⲱⲛⲓ ⲛ̀ⲧⲉ ⲟⲩⲉⲣⲫⲙⲉⲩⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉϥⲉ̀ⲓ̀ⲛⲓ ⲉ̀ⲡ̀ϣⲱⲓ ⲛ̀ϫⲉ ⲁ̀ⲁⲣⲱⲛ ⲛ̀ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ϩⲓϫⲉⲛ ⲧⲉϥⲛⲁϩⲃⲓ 2ϯ ⲛ̀ⲟⲩⲙⲉⲩⲓ ⲉⲑⲃⲏⲧⲟⲩ	ouoh ekèkō ǹpiōni 2 hijen ninahvi ǹte niepōmis hanōni ǹte ouerfmevi ǹte nenṡyri ǹpisrayl ouoh efèìni èp̀ṡōi ǹje àarōn ǹniran ǹte nenṡyri ǹpisrayl ǹpem̀θo ǹp̀ċois hijen tefnahvi 2ti ǹoumevi eθvytou	And thou shalt put the two stones on the shoulders of the shoulder-piece: they are memorial-stones for the children of Israel: and Aaron shall bear the names of the children of Israel before the Lord on his two shoulders, a memorial for them.
28:13	ⲟⲩⲟϩ ⲉⲕⲉⲑⲁⲙⲓⲟ ⲛϩⲁⲛⲁⲥⲡⲓⲇⲓⲥⲕⲟⲥ ⲉⲃⲟⲗ ϧⲉⲛⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ϩⲁⲛⲁⲥⲡⲓⲇⲓⲥⲕⲟⲥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ouoh ekèθamio ǹhanaspiḋiskos èvol xen ounoub eftouvyout	And thou shalt make circlets of pure gold;
28:14	ⲟⲩⲟϩ ⲉⲕⲉⲑⲁⲙⲓⲟ ⲛⲕⲣⲟⲥⲱⲧⲟⲛ ⲃ̅ ⲉⲃⲟⲗ ϧⲉⲛⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ ⲉϥⲙⲟϫⲧ ϧⲉⲛϩⲁⲛⲑⲉⲛⲓⲥ ⲛϩⲱⲃ ⲙⲡⲗⲟⲕⲏ ⲟⲩⲟϩ ⲉⲕⲉⲭⲱ ⲛⲛⲓⲕⲣⲟⲥⲱⲧⲟⲛ ⲉⲩⲟⲗⲕ ⲉϫⲉⲛⲛⲓⲁⲥⲡⲓⲇⲟⲥⲕⲟⲥ ⲕⲁⲧⲁⲛⲓⲡⲁⲣⲱⲙⲓⲥ ⲉⲃⲟⲗ ϧⲉⲛⲛⲏ ⲉⲧⲥⲁⲧϩⲏ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲕⲣⲟⲥⲱⲧⲟⲛ 2 ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ ⲉϥⲙⲟϫⲧ ϧⲉⲛ ϩⲁⲛⲑⲉⲛⲓⲥ ⲛ̀ϩⲱⲃ ⲛ̀ⲡ̀ⲗⲟⲕⲏ ⲟⲩⲟϩ ⲉⲕⲉ̀ⲭⲱ ⲛ̀ⲛⲓⲕⲣⲟⲥⲱⲧⲟⲛ ⲉⲩⲟⲗⲕ ⲉ̀ϫⲉⲛ ⲛⲓⲁⲥⲡⲓⲇⲟⲥⲕⲟⲥ ⲕⲁⲧⲁ ⲛⲓⲡⲁⲣⲱⲙⲓⲥ ⲉ̀ⲃⲟⲗ ϧⲉⲛ ⲛⲏ ⲉⲧⲥⲁⲧϩⲏ	ouoh ekèθamio ǹkrosōton 2 èvol xen ounoub eftouvyout efmogt xen hanθenis ǹhōb ǹp̀loky ouoh ekèkō ǹnikrosōton evolk èjen niaspiḋoskos kata niparōmis èvol xen ny etsat·hy	and thou shalt make two fringes of pure gold, variegated with flowers wreathen work; and thou shalt put the wreathen fringes on the circlets, fastening them on their shoulder-pieces in front.
28:15	ⲟⲩⲟϩ ⲉⲕⲉⲑⲁⲙⲓⲟ ⲛⲟⲩⲗⲟⲅⲓⲟⲛ ⲛⲧⲉⲛⲓϩⲁⲡ ⲟⲩϩⲱⲃ ⲙⲡⲟⲓⲕⲓⲗⲧⲟⲛ ⲉⲕⲉⲑⲁⲙⲓⲟϥ ⲕⲁⲧⲁⲡⲓϣⲓ ⲛⲧⲉϯⲉⲡⲱⲙⲓⲥ ⲉⲃⲟⲗ ϧⲉⲛⲟⲩⲛⲟⲩⲃ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲟⲥ ⲉϥⲥⲁϯ ⲛⲉⲙⲟⲩϣⲉⲛⲥ ⲉϥⲉⲣⲓⲏⲃ ⲉⲕⲉⲑⲁⲙⲓⲟϥ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩⲗⲟⲅⲓⲟⲛ ⲛ̀ⲧⲉ ⲛⲓϩⲁⲡ ⲟⲩϩⲱⲃ ⲛ̀ⲡⲟⲓⲕⲓⲗⲧⲟⲛ ⲉⲕⲉ̀ⲑⲁⲙⲓⲟϥ ⲕⲁⲧⲁ ⲡⲓϣⲓ ⲛ̀ⲧⲉ ϯⲉⲡⲱⲙⲓⲥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲟⲥ ⲉϥⲥⲁϯ ⲛⲉⲙ ⲟⲩϣⲉⲛⲥ ⲉϥⲉⲣⲓⲏⲃ ⲉⲕⲉ̀ⲑⲁⲙⲓⲟϥ	ouoh ekèθamio ǹoulogion ǹte nihap ouhōb ǹpoikilton ekèθamiof kata piṡi ǹte tiepōmis èvol xen ounoub nem ouhiakinθinon nem ouċyji nem oukokkos efsati nem ouṡens eferiyb ekèθamiof	And thou shalt make the oracle of judgment, the work of the embroiderer: in keeping with the ephod, thou shalt make it of gold, and blue and purple, and spun scarlet, and fine linen spun.
28:16	ⲉϥⲉϣⲱⲡⲓ ⲉϥⲟⲓ ⲛⲧⲉⲧⲣⲁⲅⲱⲛⲟⲛ ⲛⲇⲓⲡⲗⲟⲩⲛ ⲟⲩⲉⲣⲧⲱ ⲛϣⲓⲏ ⲛⲉⲙⲟⲩⲉⲣⲧⲱ ⲛⲟⲩⲏϣⲥⲓ	ⲉϥⲉ̀ϣⲱⲡⲓ ⲉϥⲟⲓ ⲛ̀ⲧⲉⲧⲣⲁⲅⲱⲛⲟⲛ ⲛ̀ⲇⲓⲡⲗⲟⲩⲛ ⲟⲩⲉⲣⲧⲱ ⲛ̀ϣⲓⲏ ⲛⲉⲙ ⲟⲩⲉⲣⲧⲱ ⲛ̀ⲟⲩⲏϣⲥⲓ	efèṡōpi efoi ǹtetraġōnon ǹḋiploun ouertō ǹṡiy nem ouertō ǹouyṡsi	Thou shalt make it square: it shall be double; of a span the length of it, and of a span the breadth.
28:17	ⲟⲩⲟϩ ⲉⲕⲉⲥⲱϧⲓ ⲛϧⲏⲧϥ ⲛⲟⲩⲥⲱϧⲓ ⲕⲁⲧⲁⲟⲩⲱⲛⲓ ⲛⲇ̅ ⲛⲥⲧⲓⲭⲟⲛ ⲟⲩⲥⲧⲓⲭⲟⲛ ⲛⲱⲛⲓ ⲉϥⲉϣⲱⲡⲓ ⲟⲩⲥⲁⲣⲇⲓⲟⲛ ⲛⲉⲙⲟⲩⲧⲟⲡⲁⲍⲓⲟⲛ ⲛⲉⲙⲟⲩⲥⲙⲁⲣⲁⲅⲇⲟⲥ ⲡⲓⲟⲩⲁⲓ ⲛⲥⲧⲩⲭⲟⲥ	ⲟⲩⲟϩ ⲉⲕⲉ̀ⲥⲱϧⲓ ⲛ̀ϧⲏⲧϥ ⲛ̀ⲟⲩⲥⲱϧⲓ ⲕⲁⲧⲁ ⲟⲩⲱⲛⲓ ⲛ̀4 ⲛ̀ⲥⲧⲓⲭⲟⲛ ⲟⲩⲥⲧⲓⲭⲟⲛ ⲛ̀ⲱⲛⲓ ⲉϥⲉ̀ϣⲱⲡⲓ ⲟⲩⲥⲁⲣⲇⲓⲟⲛ ⲛⲉⲙ ⲟⲩⲧⲟⲡⲁⲍⲓⲟⲛ ⲛⲉⲙ ⲟⲩⲥⲙⲁⲣⲁⲅⲇⲟⲥ ⲡⲓⲟⲩⲁⲓ ⲛ̀ⲥⲧⲩⲭⲟⲥ	ouoh ekèsōxi ǹxytf ǹousōxi kata ouōni ǹ4 ǹstixon oustixon ǹōni efèṡōpi ousarḋion nem outopazion nem ousmaraġḋos piouai ǹstixos	And thou shalt interweave with it a texture of four rows of stone; there shall be a row of stones, a sardius, a topaz, and emerald, the first row.
28:18	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩ ⲃ̅ ⲟⲩⲁⲛⲑⲣⲁⲝ ⲛⲉⲙⲟⲩⲥⲁⲡⲫⲓⲣⲟⲥ ⲛⲉⲙⲟⲩⲓⲁⲥⲡⲓⲥ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ 2 ⲟⲩⲁⲛⲑⲣⲁⲝ ⲛⲉⲙ ⲟⲩⲥⲁⲡⲫⲓⲣⲟⲥ ⲛⲉⲙ ⲟⲩⲓⲁⲥⲡⲓⲥ	ouoh pistixos ǹmah 2 ouanθraks nem ousapfiros nem ouiaspis	And the second row, a carbuncle, a sapphire, and a jasper.
28:19	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩ ⲅ̅ ⲟⲩⲗⲓⲅⲓⲣⲓⲟⲛ ⲛⲉⲙⲟⲩⲁⲭⲁⲧⲏⲥ ⲛⲉⲙⲟⲩⲁⲙⲉⲑⲓⲥⲧⲟⲥ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ 3 ⲟⲩⲗⲓⲅⲓⲣⲓⲟⲛ ⲛⲉⲙ ⲟⲩⲁⲭⲁⲧⲏⲥ ⲛⲉⲙ ⲟⲩⲁⲙⲉⲑⲓⲥⲧⲟⲥ	ouoh pistixos ǹmah 3 ouligirion nem ouaxatys nem ouameθistos	And the third row, a ligure, an agate, an amethyst:
28:20	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩ ⲇ̅ ⲟⲩⲭⲣⲓⲥⲟⲗⲓⲑⲟⲥ ⲛⲉⲙⲟⲩⲃⲏⲣⲓⲗⲗⲓⲟⲥ ⲛⲉⲙⲟⲩⲟⲛⲓⲭⲓⲟⲛ ⲉⲩⲧⲁⲕⲧⲏⲟⲩⲧ ϧⲉⲛⲟⲩⲛⲟⲩⲃ ⲟⲩⲟϩ ⲙⲁⲣⲟⲩϣⲱⲡⲓ ⲉⲩⲥⲟⲛϩ ϧⲉⲛⲟⲩⲛⲟⲩⲃ ⲕⲁⲧⲁⲛⲟⲩⲥⲧⲓⲭⲟⲥ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ 4 ⲟⲩⲭⲣⲓⲥⲟⲗⲓⲑⲟⲥ ⲛⲉⲙ ⲟⲩⲃⲏⲣⲓⲗⲗⲓⲟⲥ ⲛⲉⲙ ⲟⲩⲟⲛⲓⲭⲓⲟⲛ ⲉⲩⲧⲁⲕⲧⲏⲟⲩⲧ ϧⲉⲛ ⲟⲩⲛⲟⲩⲃ ⲟⲩⲟϩ ⲙⲁⲣⲟⲩϣⲱⲡⲓ ⲉⲩⲥⲟⲛϩ ϧⲉⲛ ⲟⲩⲛⲟⲩⲃ ⲕⲁⲧⲁ ⲛⲟⲩⲥⲧⲓⲭⲟⲥ	ouoh pistixos ǹmah 4 ouxrisoliθos nem ouvyrillios nem ouonikion evtaktyout xen ounoub ouoh marouṡōpi evsonh xen ounoub kata noustixos	and the fourth row, a chrysolite, and a beryl, and an onyx stone, set round with gold, bound together with gold: let them be according to their row.
28:21	ⲟⲩⲟϩ ⲛⲓⲱⲛⲓ ⲙⲁⲣⲟⲩϣⲱⲡⲓ ⲉⲃⲟⲗ ϧⲉⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲓ̅ⲃ̅ ⲕⲁⲧⲁⲛⲟⲩϫⲓⲛⲙⲓⲥⲓ ϩⲁⲛⲫⲱⲧϩ ⲛⲧⲉϩⲁⲛⲥⲫⲣⲁⲅⲓⲥ ⲫⲟⲩⲁⲓ ⲫⲟⲩⲁⲓ ⲕⲁⲧⲁⲡⲉϥⲣⲁⲛ ⲉⲩⲉϣⲱⲡⲓ ⲉϯⲓ̅ⲃ̅ ⲙⲫⲩⲗⲏ	ⲟⲩⲟϩ ⲛⲓⲱⲛⲓ ⲙⲁⲣⲟⲩϣⲱⲡⲓ ⲉ̀ⲃⲟⲗ ϧⲉⲛ ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ 12 ⲕⲁⲧⲁ ⲛⲟⲩϫⲓⲛⲙⲓⲥⲓ ϩⲁⲛⲫⲱⲧϩ ⲛ̀ⲧⲉ ϩⲁⲛⲥⲫⲣⲁⲅⲓⲥ ⲫ̀ⲟⲩⲁⲓ ⲫ̀ⲟⲩⲁⲓ ⲕⲁⲧⲁ ⲡⲉϥⲣⲁⲛ ⲉⲩⲉ̀ϣⲱⲡⲓ ⲉ̀ϯ12 ⲛ̀ⲫⲩⲗⲏ	ouoh niōni marouṡōpi èvol xen niran ǹte nenṡyri ǹpisrayl 12 kata noujinmisi hanfōt·h ǹte hansfragis f̀ouai f̀ouai kata pefran evèṡōpi èti12 ǹfily	And let the stones of the names of the children of Israel be twelve according to their names, engravings as of seals: let them be for the twelve tribes each according to the name.
28:22	ⲟⲩⲟϩ ⲉⲕⲉⲑⲁⲙⲓⲟ ϩⲓϫⲉⲛⲡⲓⲗⲟⲅⲓⲟⲛ ⲛϩⲁⲛϣⲧⲁϯ ⲉⲩϣⲟⲛⲧ ⲟⲩϩⲱⲃ ⲛⲧⲉⲟⲩϩⲁⲗⲩⲥⲓⲥ ⲉⲃⲟⲗ ϧⲉⲛⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉⲕⲉ̀ⲑⲁⲙⲓⲟ ϩⲓϫⲉⲛ ⲡⲓⲗⲟⲅⲓⲟⲛ ⲛ̀ϩⲁⲛϣⲧⲁϯ ⲉⲩϣⲟⲛⲧ ⲟⲩϩⲱⲃ ⲛ̀ⲧⲉ ⲟⲩϩⲁⲗⲩⲥⲓⲥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ouoh ekèθamio hijen pilogion ǹhanṡtati evṡont ouhōb ǹte ouhalisis èvol xen ounoub eftouvyout	And thou shalt make on the oracle woven fringes, a chain-work of pure gold.
28:23	ⲟⲩⲟϩ ⲉϥⲉϭⲓ ⲛϫⲉⲁⲁⲣⲱⲛ ⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉϫⲉⲛⲡⲓⲗⲟⲅⲓⲟⲛ ⲛⲧⲉⲡⲓϩⲁⲡ ⲉϧⲣⲏⲓ ⲉϫⲉⲛⲧⲉϥⲙⲉⲥⲧⲉⲛϩⲏⲧ ⲉϥⲛⲏⲟⲩ ⲉϧⲟⲩⲛ ⲉⲡⲉⲑⲟⲩⲁⲃ ⲉⲩⲙⲉⲩⲓ ⲙⲡⲉⲙⲑⲟ ⲙⲫⲛⲟⲩϯ	ⲟⲩⲟϩ ⲉϥⲉ̀ϭⲓ ⲛ̀ϫⲉ ⲁ̀ⲁⲣⲱⲛ ⲛ̀ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ϫⲉⲛ ⲡⲓⲗⲟⲅⲓⲟⲛ ⲛ̀ⲧⲉ ⲡⲓϩⲁⲡ ⲉ̀ϧ̀ⲣⲏⲓ ⲉ̀ϫⲉⲛ ⲧⲉϥⲙⲉⲥⲧⲉⲛϩⲏⲧ ⲉϥⲛⲏⲟⲩ ⲉ̀ϧⲟⲩⲛ ⲉ̀ⲡⲉⲑⲟⲩⲁⲃ ⲉⲩⲙⲉⲩⲓ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ	ouoh efèċi ǹje àarōn ǹniran ǹte nenṡyri ǹpisrayl èjen pilogion ǹte pihap èx̀ryi èjen tefmestenhyt efnyou èxoun èpeθouab evmevi ǹpem̀θo ǹf̀nouti	And Aaron shall take the names of the children of Israel, on the oracle of judgment on his breast; a memorial before God for him as he goes into the sanctuary.
28:24	ⲟⲩⲟϩ ⲉⲕⲉⲭⲱ ϩⲓϫⲉⲛⲡⲓⲗⲟⲅⲓⲟⲛ ⲛⲧⲉⲡϩⲁⲡ ⲛⲛⲓϣⲧⲁϯ ⲛⲛⲓⲁⲗⲩⲥⲓⲇⲱⲧⲟⲛ ⲟⲩⲟϩ ⲉⲕⲉⲭⲁⲩ ϩⲓϫⲉⲛⲡⲓⲥⲫⲓⲣ ⲃ̅ ⲛⲧⲉⲡⲓⲗⲟⲅⲓⲟⲛ	ⲟⲩⲟϩ ⲉⲕⲉ̀ⲭⲱ ϩⲓϫⲉⲛ ⲡⲓⲗⲟⲅⲓⲟⲛ ⲛ̀ⲧⲉ ⲡ̀ϩⲁⲡ ⲛ̀ⲛⲓϣⲧⲁϯ ⲛ̀ⲛⲓⲁⲗⲩⲥⲓⲇⲱⲧⲟⲛ ⲟⲩⲟϩ ⲉⲕⲉ̀ⲭⲁⲩ ϩⲓϫⲉⲛ ⲡⲓⲥ̀ⲫⲓⲣ 2 ⲛ̀ⲧⲉ ⲡⲓⲗⲟⲅⲓⲟⲛ	ouoh ekèkō hijen pilogion ǹte p̀hap ǹniṡtati ǹnialisiḋōton ouoh ekèkav hijen pis̀fir 2 ǹte pilogion	And thou shalt put the fringes on the oracle of judgment; thou shalt put the wreaths on both sides of the oracle,
28:25	ⲟⲩⲟϩ ⲡⲓⲁⲥⲡⲓⲇⲓⲥⲕⲟⲥ ⲃ̅ ⲉⲕⲉⲭⲁⲩ ⲙⲡⲉⲙⲑⲟ ϩⲓϫⲉⲛϯⲛⲁϩⲡⲓ ⲥⲛⲟⲩϯ ⲛⲧⲉϯⲉⲡⲱⲙⲓⲥ	ⲟⲩⲟϩ ⲡⲓⲁⲥⲡⲓⲇⲓⲥⲕⲟⲥ 2 ⲉⲕⲉ̀ⲭⲁⲩ ⲛ̀ⲡⲉⲙ̀ⲑⲟ ϩⲓϫⲉⲛ ϯⲛⲁϩⲡⲓ ⲥ̀ⲛⲟⲩϯ ⲛ̀ⲧⲉ ϯⲉⲡⲱⲙⲓⲥ	ouoh piaspidiskos 2 ekèkav ǹpem̀θo hijen tinahpi s̀nouti ǹte tiepōmis	and thou shalt put the two circlets on both the shoulders of the ephod in front.
28:26	ⲟⲩⲟϩ ⲉⲕⲉⲭⲱ ϩⲓϫⲉⲛⲡⲓⲗⲟⲅⲓⲟⲛ ⲛⲧⲉⲡϩⲁⲡ ⲙⲡⲓⲟⲩⲱⲛϩ ⲉⲃⲟⲗ ⲛⲉⲙϯⲙⲉⲑⲙⲏⲓ ⲟⲩⲟϩ ⲉϥⲉϣⲱⲡⲓ ϩⲓϫⲉⲛⲑⲙⲉⲥⲧⲉⲛϩⲏⲧ ⲛⲁⲁⲣⲱⲛ ϩⲟⲧⲁⲛ ⲁϥϣⲁⲛⲓ ⲉϧⲟⲩⲛ ⲉⲡⲉⲑⲟⲩⲁⲃ ⲙⲡⲉⲙⲑⲟ ⲙⲡϭⲟⲓⲥ ⲟⲩⲟϩ ⲉϥⲉⲓⲛⲓ ⲛϫⲉⲁⲁⲣⲱⲛ ⲛⲛⲓϩⲁⲡ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉϩⲣⲏⲓ ⲉϫⲉⲛⲧⲉϥⲙⲉⲥⲧⲉⲛϩⲏⲧ ⲙⲡⲉⲙⲑⲟ ⲙⲡϭⲟⲓⲥ ⲛⲥⲏⲟⲩ ⲛⲓⲃⲉⲛ	ⲟⲩⲟϩ ⲉⲕⲉ̀ⲭⲱ ϩⲓϫⲉⲛ ⲡⲓⲗⲟⲅⲓⲟⲛ ⲛ̀ⲧⲉ ⲡ̀ϩⲁⲡ ⲛ̀ⲡⲓⲟⲩⲱⲛϩ ⲉ̀ⲃⲟⲗ ⲛⲉⲙ ϯⲙⲉⲑⲙⲏⲓ ⲟⲩⲟϩ ⲉϥⲉ̀ϣⲱⲡⲓ ϩⲓϫⲉⲛ ⲑⲙⲉⲥⲧⲉⲛϩⲏⲧ ⲛ̀ⲁⲁⲣⲱⲛ ϩⲟⲧⲁⲛ ⲁϥϣⲁⲛⲓ ⲉ̀ϧⲟⲩⲛ ⲉ̀ⲡⲉⲑⲟⲩⲁⲃ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲟⲩⲟϩ ⲉϥⲉ̀ⲓ̀ⲛⲓ ⲛ̀ϫⲉ ⲁ̀ⲁⲣⲱⲛ ⲛ̀ⲛⲓϩⲁⲡ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ϩ̀ⲣⲏⲓ ⲉ̀ϫⲉⲛ ⲧⲉϥⲙⲉⲥⲧⲉⲛϩⲏⲧ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛ̀ⲥⲏⲟⲩ ⲛⲓⲃⲉⲛ	ouoh ekèkō hijen pilogion ǹte p̀hap ǹpiouōnh èvol nem timeθmyi ouoh efèṡōpi hijen θmestenhyt ǹaarōn hotan afṡani èxoun èpeθouab ǹpem̀θo ǹp̀ċois ouoh efèìni ǹje àarōn ǹnihap ǹte nenṡyri ǹpisrayl èh̀ryi èjen tefmestenhyt ǹpem̀θo ǹp̀ċois ǹsyou niven	And thou shalt put the Manifestation and the Truth on the oracle of judgment; and it shall be on the breast of Aaron, when he goes into the holy place before the Lord; and Aaron shall bear the judgments of the children of Israel on his breast before the Lord continually.
28:27	ⲟⲩⲟϩ ⲉⲕⲉⲑⲁⲙⲓⲟ ⲛⲟⲩϣⲑⲏⲛ ⲙⲡⲟⲇⲏⲣⲏ ⲛϩⲩⲁⲕⲓⲛⲑⲓⲛⲟⲛ ⲧⲏⲣⲥ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩϣⲑⲏⲛ ⲛ̀ⲡⲟⲇⲏⲣⲏ ⲛ̀ϩⲩⲁⲕⲓⲛⲑⲓⲛⲟⲛ ⲧⲏⲣⲥ	ouoh ekèθamio ǹouṡθyn ǹpoḋyry ǹhiakinθinon tyrs	And thou shalt make the full-length tunic all of blue.
28:28	ⲟⲩⲟϩ ⲉϥⲉϣⲱⲡⲓ ⲛϫⲉϩⲑⲏⲥ ⲉⲃⲟⲗ ⲙⲙⲟⲥ ϧⲉⲛⲧⲉⲥⲙⲏϯ ⲉⲣⲉⲟⲩⲟⲛ ⲟⲩⲥⲱⲃⲓ ⲕⲱϯ ⲉϩⲑⲏⲥ ⲛⲥⲱϧⲓ ⲉⲥⲥⲏϧⲓ ⲉⲃⲟⲗ ⲙⲙⲟⲥ ⲛϫⲉϯⲥⲓⲙⲃⲟⲗⲏ ϩⲓⲛⲁ ⲛⲧⲉⲥϣⲧⲉⲙⲫⲱϧ	ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ϩⲑⲏⲥ ⲉ̀ⲃⲟⲗ ⲙ̀ⲙⲟⲥ ϧⲉⲛ ⲧⲉⲥⲙⲏϯ ⲉ̀ⲣⲉ ⲟⲩⲟⲛ ⲟⲩⲥⲱⲃⲓ ⲕⲱϯ ⲉ̀ϩ̀ⲑⲏⲥ ⲛ̀ⲥⲱϧⲓ ⲉⲥⲥⲏϧⲓ ⲉ̀ⲃⲟⲗ ⲙ̀ⲙⲟⲥ ⲛ̀ϫⲉ ϯⲥⲓⲙⲃⲟⲗⲏ ϩⲓⲛⲁ ⲛ̀ⲧⲉⲥϣⲧⲉⲙⲫⲱϧ	ouoh efèṡōpi ǹje hθys èvol m̀mos xen tesmyti ère ouon ousōvi kōti èh̀θys ǹsōxi essyxi èvol m̀mos ǹje tisimvoly hina ǹtesṡtemfōx	And the opening of it shall be in the middle having a fringe round about the opening, the work of the weaver, woven together in the joining of the same piece that it might not be rent.
28:29	ⲟⲩⲟϩ ⲉⲕⲉⲑⲁⲙⲓⲟ ϩⲓϫⲉⲛⲛⲓⲗⲱⲟⲩ ⲛⲧⲉϯϣⲑⲏⲛ ⲥⲁϧⲣⲏⲓ ⲙⲫⲣⲏϯ ⲛⲟⲩⲃⲱ ⲛⲉⲣⲙⲁⲛ ⲉⲥⲫⲟⲣⲓ ⲉⲃⲟⲗ ⲛϩⲁⲛⲉⲣⲙⲁⲛ ⲉⲃⲟⲗ ϧⲉⲛⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲟⲥ ⲉϥⲉⲣϩⲓⲏⲃ ⲛⲉⲙⲟⲩϣⲉⲛⲥ ⲉϥⲥⲁϯ ϩⲓϫⲉⲛⲡⲓⲗⲱⲟⲩ ⲛⲧⲉϯϣⲑⲏⲛ ⲉϥⲕⲱϯ ⲛϩⲁⲛⲉⲣⲙⲁⲛ ⲛⲛⲟⲩⲃ ⲙⲡⲁⲓⲥⲙⲟⲧ ⲣⲱ ⲛⲉⲙϩⲁⲛϣⲕⲉⲗⲕⲓⲗ ϧⲉⲛⲑⲙⲏϯ ⲛⲛⲁⲓ ⲉϥⲕⲱϯ	ⲟⲩⲟϩ ⲉⲕⲉ̀ⲑⲁⲙⲓⲟ ϩⲓϫⲉⲛ ⲛⲓⲗⲱⲟⲩ ⲛ̀ⲧⲉ ϯϣⲑⲏⲛ ⲥⲁϧⲣⲏⲓ ⲛ̀ⲫ̀ⲣⲏϯ ⲛ̀ⲟⲩⲃⲱ ⲛ̀ⲉⲣⲙⲁⲛ ⲉⲥⲫⲟⲣⲓ ⲉ̀ⲃⲟⲗ ⲛ̀ϩⲁⲛⲉⲣⲙⲁⲛ ⲉ̀ⲃⲟⲗ ϧⲉⲛ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲟⲥ ⲉϥⲉⲣϩⲓⲏⲃ ⲛⲉⲙ ⲟⲩϣⲉⲛⲥ ⲉϥⲥⲁϯ ϩⲓϫⲉⲛ ⲡⲓⲗⲱⲟⲩ ⲛ̀ⲧⲉ ϯϣⲑⲏⲛ ⲉϥⲕⲱϯ ⲛ̀ϩⲁⲛⲉⲣⲙⲁⲛ ⲛ̀ⲛⲟⲩⲃ ⲛ̀ⲡⲁⲓⲥ̀ⲙⲟⲧ ⲣⲱ ⲛⲉⲙ ϩⲁⲛϣⲕⲉⲗⲕⲓⲗ ϧⲉⲛ ⲑ̀ⲙⲏϯ ⲛ̀ⲛⲁⲓ ⲉϥⲕⲱϯ	ouoh ekèθamio hijen nilōou ǹte tiṡθyn saxryi ǹf̀ryti ǹouvō ǹerman esfori èvol ǹhanerman èvol xen ouhiakinθinon nem ouċyji nem oukokkos eferhiyb nem ouṡens efsati hijen pilōou ǹte tiṡθyn efkōti ǹhanerman ǹnoub ǹpais̀mot rō nem hanṡkelkil xen θ̀myti ǹnai efkōti	And under the fringe of the robe below thou shalt make as it were pomegranates of a flowering pomegranate tree, of blue, and purple, and spun scarlet, and fine linen spun, under the fringe of the robe round about: golden pomegranates of the same shape, and bells round about between these.
28:30	ⲟⲩϣⲕⲉⲗⲕⲓⲗ ϧⲁⲧⲉⲛⲟⲩⲉⲣⲙⲁⲛ ⲛⲛⲟⲩⲃ ⲛⲉⲙϩⲁⲛϩⲣⲏⲣⲓ ϩⲓϫⲉⲛⲡⲓⲗⲱⲟⲩ ⲛⲧⲉϯϣⲑⲏⲛ ⲉϥⲕⲱϯ	ⲟⲩϣⲕⲉⲗⲕⲓⲗ ϧⲁⲧⲉⲛ ⲟⲩⲉⲣⲙⲁⲛ ⲛ̀ⲛⲟⲩⲃ ⲛⲉⲙ ϩⲁⲛϩ̀ⲣⲏⲣⲓ ϩⲓϫⲉⲛ ⲡⲓⲗⲱⲟⲩ ⲛ̀ⲧⲉ ϯϣⲑⲏⲛ ⲉϥⲕⲱϯ	ouṡkelkil xaten ouerman ǹnoub nem hanh̀ryri hijen pilōou ǹte tiṡθyn efkōti	A bell by the side of a golden pomegranate, and flower-work on the fringe of the robe round about.
28:31	ⲟⲩⲟϩ ⲉϥⲉϣⲱⲡⲓ ⲛϫⲉⲁⲁⲣⲱⲛ ϧⲉⲛⲡϫⲓⲛⲑⲣⲉϥϣⲉⲙϣⲓ ⲉⲩⲉⲥⲱⲧⲉⲙ ⲉⲧⲉϥⲥⲙⲏ ⲉϥⲛⲏⲟⲩ ⲉϧⲟⲩⲛ ⲉⲡⲉⲑⲟⲩⲁⲃ ⲙⲡⲉⲙⲑⲟ ⲙⲡϭⲟⲓⲥ ⲛⲉⲙⲉϥⲛⲏⲟⲩ ⲉⲃⲟⲗ ϩⲓⲛⲁ ⲛⲧⲉϥϣⲧⲉⲙⲙⲟⲩ	ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲁ̀ⲁⲣⲱⲛ ϧⲉⲛ ⲡ̀ϫⲓⲛⲑⲣⲉϥϣⲉⲙϣⲓ ⲉⲩⲉ̀ⲥⲱⲧⲉⲙ ⲉ̀ⲧⲉϥⲥ̀ⲙⲏ ⲉϥⲛⲏⲟⲩ ⲉ̀ϧⲟⲩⲛ ⲉⲡⲉⲑⲟⲩⲁⲃ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛⲉⲙ ⲉϥⲛⲏⲟⲩ ⲉ̀ⲃⲟⲗ ϩⲓⲛⲁ ⲛ̀ⲧⲉϥϣⲧⲉⲙⲙⲟⲩ	ouoh efèṡōpi ǹje àarōn xen p̀jinθrefṡemṡi evèsōtem ètefs̀my efnyou èxoun epeθouab ǹpem̀θo ǹp̀ċois nem efnyou èvol hina ǹtefṡtemmou	And the sound of Aaron shall be audible when he ministers, as he goes into the sanctuary before the Lord, and has he goes out, that he die not.
28:32	ⲟⲩⲟϩ ⲉⲕⲉⲑⲁⲙⲓⲟ ⲛⲟⲩⲡⲉⲧⲁⲗⲟⲛ ⲛⲛⲟⲩⲃ ⲉϥⲧⲟⲩⲃⲏⲟⲩⲧ ⲟⲩⲟϩ ⲉⲕⲉⲫⲱⲧϩ ⲛϧⲏⲧϥ ⲛⲟⲩⲫⲱⲧϩ ⲛⲥⲫⲣⲁⲅⲓⲥ ⲛϩⲁⲅⲓⲁⲥⲙⲁ ⲙⲡϭⲟⲓⲥ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩⲡⲉⲧⲁⲗⲟⲛ ⲛ̀ⲛⲟⲩⲃ ⲉϥⲧⲟⲩⲃⲏⲟⲩⲧ ⲟⲩⲟϩ ⲉⲕⲉ̀ⲫⲱⲧϩ ⲛ̀ϧⲏⲧϥ ⲛ̀ⲟⲩⲫⲱⲧϩ ⲛ̀ⲥⲫⲣⲁⲅⲓⲥ ⲛ̀ϩⲁⲅⲓⲁⲥⲙⲁ ⲛ̀ⲡ̀ϭⲟⲓⲥ	ouoh ekèθamio ǹoupetalon ǹnoub eftouvyout ouoh ekèfōt·h ǹxytf ǹoufōt·h ǹsfragis ǹhagiasma ǹp̀ċois	And thou shalt make a plate of pure gold, and thou shalt grave on it as the graving of a signet, Holiness of the Lord.
28:33	ⲟⲩⲟϩ ⲉⲕⲉⲭⲁϥ ϩⲓϫⲉⲛⲟⲩϩⲩⲁⲕⲓⲛⲑⲓⲛⲟⲛ ⲉϥⲥⲁϯ ⲟⲩⲟϩ ⲉϥⲉϣⲱⲡⲓ ϩⲓϫⲉⲛϯⲙⲓⲧⲣⲁ ⲟⲩⲟϩ ⲉϥⲉϣⲱⲡⲓ ⲙⲡⲉⲙⲑⲟ ⲛϯⲙⲓⲧⲣⲁ	ⲟⲩⲟϩ ⲉⲕⲉ̀ⲭⲁϥ ϩⲓϫⲉⲛ ⲟⲩϩⲩⲁⲕⲓⲛⲑⲓⲛⲟⲛ ⲉϥⲥⲁϯ ⲟⲩⲟϩ ⲉϥⲉ̀ϣⲱⲡⲓ ϩⲓϫⲉⲛ ϯⲙⲓⲧⲣⲁ ⲟⲩⲟϩ ⲉϥⲉ̀ϣⲱⲡⲓ ⲛ̀ⲡⲉⲙ̀ⲑⲟ ⲛ̀ϯⲙⲓⲧⲣⲁ	ouoh ekèkaf hijen ouhiakinθinon efsati ouoh efèṡōpi hijen timitra ouoh efèṡōpi ǹpem̀θo ǹtimitra	And thou shalt put it on the spun blue cloth, and it shall be on the mitre: it shall be in the front of the mitre.
28:34	ⲟⲩⲟϩ ⲉϥⲉϣⲱⲡⲓ ϩⲓϫⲉⲛϯⲧⲉϩⲛⲓ ⲛⲧⲉⲁⲁⲣⲱⲛ ⲟⲩⲟϩ ⲉϥⲉⲱⲗⲓ ⲙⲙⲁⲩ ⲛϫⲉⲁⲁⲣⲱⲛ ⲛⲛⲓⲃⲟⲃⲓ ⲛⲧⲉⲛⲏ ⲉⲑⲟⲩⲁⲃ ⲛⲏ ⲉⲧⲟⲩⲛⲁⲧⲟⲩⲃⲱⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲧⲁⲓⲟ ⲛⲓⲃⲉⲛ ⲛⲧⲉⲛⲏ ⲉⲑⲟⲩⲁⲃ ⲛⲧⲱⲟⲩ ⲟⲩⲟϩ ⲉⲥⲉϣⲱⲡⲓ ⲛϫⲉϯⲙⲓⲧⲣⲁ ϩⲓϫⲉⲛⲧⲧⲉϩⲛⲓ ⲛⲁⲁⲣⲱⲛ ⲛⲥⲏⲟⲩ ⲛⲓⲃⲉⲛ ⲉⲥϣⲏⲡ ⲛⲱⲟⲩ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉϥⲉ̀ϣⲱⲡⲓ ϩⲓϫⲉⲛ ϯⲧⲉϩⲛⲓ ⲛ̀ⲧⲉ ⲁ̀ⲁⲣⲱⲛ ⲟⲩⲟϩ ⲉϥⲉ̀ⲱ̀ⲗⲓ ⲙ̀ⲙⲁⲩ ⲛ̀ϫⲉ ⲁ̀ⲁⲣⲱⲛ ⲛ̀ⲛⲓⲃⲟⲃⲓ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲏ ⲉⲧⲟⲩⲛⲁⲧⲟⲩⲃⲱⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲧⲁⲓⲟ ⲛⲓⲃⲉⲛ ⲛ̀ⲧⲉ ⲛⲏ ⲉⲑⲟⲩⲁⲃ ⲛ̀ⲧⲱⲟⲩ ⲟⲩⲟϩ ⲉⲥⲉϣⲱⲡⲓ ⲛ̀ϫⲉ ϯⲙⲓⲧⲣⲁ ϩⲓϫⲉⲛ ⲧ̀ⲧⲉϩⲛⲓ ⲛ̀ⲁⲁⲣⲱⲛ ⲛ̀ⲥⲏⲟⲩ ⲛⲓⲃⲉⲛ ⲉⲥϣⲏⲡ ⲛⲱⲟⲩ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh efèṡōpi hijen titehni ǹte àarōn ouoh efèṑli m̀mav ǹje àarōn ǹnivovi ǹte ny eθouab ny etounatouvōou ǹje nenṡyri ǹpisrayl taio niven ǹte ny eθouab ǹtōou ouoh eseṡōpi ǹje timitra hijen t̀tehni ǹaarōn ǹsyou niven esṡyp nōou ǹpem̀θo ǹp̀ċois	And it shall be on the forehead of Aaron; and Aaron shall bear away the sins of their holy things, all that the children of Israel shall sanctify of every gift of their holy things, and it shall be on the forehead of Aaron continually acceptable for them before the Lord.
28:35	ⲟⲩⲟϩ ⲛⲓⲕⲟⲥⲩⲙⲃⲟⲥ ⲛⲧⲉⲛⲓϣⲑⲏⲛ ⲙⲁⲣⲟⲩϣⲱⲡⲓ ⲉⲃⲟⲗ ϧⲉⲛⲟⲩϣⲉⲛⲥ ⲟⲩⲟϩ ⲉⲕⲉⲑⲁⲙⲓⲟ ⲛⲟⲩⲕⲓⲇⲁⲣⲓⲥ ⲛϣⲉⲛⲥ ⲛⲉⲙⲟⲩⲙⲟϫϧ ⲛϩⲱⲃ ⲙⲡⲟⲓⲕⲓⲗⲧⲟⲛ	ⲟⲩⲟϩ ⲛⲓⲕⲟⲥⲩⲙⲃⲟⲥ ⲛ̀ⲧⲉ ⲛⲓϣⲑⲏⲛ ⲙⲁⲣⲟⲩϣⲱⲡⲓ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩⲕⲓⲇⲁⲣⲓⲥ ⲛ̀ϣⲉⲛⲥ ⲛⲉⲙ ⲟⲩⲙⲟϫϧ ⲛ̀ϩⲱⲃ ⲛ̀ⲡⲟⲓⲕⲓⲗⲧⲟⲛ	ouoh nikosimvos ǹte niṡθyn marouṡōpi èvol xen ouṡens ouoh ekèθamio ǹoukiḋaris ǹṡens nem oumogx ǹhōb ǹpoikilton	And the fringes of the garments shall be of fine linen; and thou shalt make a tire of fine linen, and thou shalt make a girdle, the work of the embroiderer.
28:36	ⲟⲩⲟϩ ⲛⲓϣⲏⲣⲓ ⲛⲧⲉⲁⲁⲣⲱⲛ ⲉⲕⲉⲑⲁⲙⲓⲟ ⲛⲱⲟⲩ ⲛϩⲁⲛϣⲑⲏⲛ ⲛⲉⲙϩⲁⲛⲙⲟϫϧ ⲟⲩⲟϩ ⲉⲕⲉⲑⲁⲙⲓⲟ ⲛⲱⲟⲩ ⲛϩⲁⲛⲕⲩⲇⲁⲣⲓⲥ ⲉⲟⲩⲧⲁⲓⲟ ⲛⲉⲙⲟⲩⲱⲟⲩ	ⲟⲩⲟϩ ⲛⲓϣⲏⲣⲓ ⲛ̀ⲧⲉ ⲁ̀ⲁⲣⲱⲛ ⲉⲕⲉ̀ⲑⲁⲙⲓⲟ ⲛⲱⲟⲩ ⲛ̀ϩⲁⲛϣⲑⲏⲛ ⲛⲉⲙ ϩⲁⲛⲙⲟϫϧ ⲟⲩⲟϩ ⲉⲕⲉ̀ⲑⲁⲙⲓⲟ ⲛⲱⲟⲩ ⲛ̀ϩⲁⲛⲕⲩⲇⲁⲣⲓⲥ ⲉ̀ⲟⲩⲧⲁⲓⲟ ⲛⲉⲙ ⲟⲩⲱ̀ⲟⲩ	ouoh niṡyri ǹte àarōn ekèθamio nōou ǹhanṡθyn nem hanmogx ouoh ekèθamio nōou ǹhankiḋaris èoutaio nem ouṑou	And for the sons of Aaron thou shalt make tunics and girdles, and thou shalt make for them tires for honour and glory.
28:37	ⲟⲩⲟϩ ⲉⲕⲉⲧⲏⲓⲧⲟⲩ ϩⲓⲁⲁⲣⲱⲛ ⲡⲉⲕⲥⲟⲛ ⲛⲉⲙⲛⲉϥϣⲏⲣⲓ ⲛⲉⲙⲁϥ ⲉⲕⲉⲑⲁϩⲥⲟⲩ ⲟⲩⲟϩ ⲉⲕⲉⲙⲟϩ ⲛⲛⲟⲩϫⲓϫ ⲟⲩⲟϩ ⲉⲕⲉⲧⲟⲩⲃⲱⲟⲩ ϩⲓⲛⲁ ⲛⲥⲉⲉⲣⲟⲩⲏⲃ ⲛⲏⲓ	ⲟⲩⲟϩ ⲉⲕⲉ̀ⲧⲏⲓⲧⲟⲩ ϩⲓ ⲁ̀ⲁⲣⲱⲛ ⲡⲉⲕⲥⲟⲛ ⲛⲉⲙ ⲛⲉϥϣⲏⲣⲓ ⲛⲉⲙⲁϥ ⲉⲕⲉ̀ⲑⲁϩⲥⲟⲩ ⲟⲩⲟϩ ⲉⲕⲉ̀ⲙⲟϩ ⲛ̀ⲛⲟⲩϫⲓϫ ⲟⲩⲟϩ ⲉ̀ⲕⲉⲧⲟⲩⲃⲱⲟⲩ ϩⲓⲛⲁ ⲛ̀ⲧⲟⲩⲉⲣⲟⲩⲏⲃ ⲛⲏⲓ	ouoh ekètyitou hi àarōn pek·son nem nefṡyri nemaf ekèθahsou ouoh ekèmoh ǹnoujig ouoh èketouvōou hina ǹtouerouyb nyi	And thou shalt put them on Aaron thy brother, and his sons with him, and thou shalt anoint them and fill their hands: and thou shalt sanctify them, that they may minister to me in the priest's office.
28:38	ⲟⲩⲟϩ ⲉⲕⲉⲑⲁⲙⲓⲟ ⲛⲱⲟⲩ ⲛϩⲁⲛⲡⲉⲣⲓⲥⲕⲉⲗⲏ ⲛⲓⲁⲩ ⲉϩⲱⲃⲥ ⲙⲡⲓϣⲓⲡⲓ ⲛⲧⲉⲡⲟⲩⲁⲛⲟⲙ ⲉⲩⲉϣⲱⲡⲓ ⲓⲥϫⲉⲛ ϯϯⲡⲓ ϣⲁⲛⲓⲁⲗⲱϫ	ⲟⲩⲟϩ ⲉⲕⲉ̀ⲑⲁⲙⲓⲟ ⲛⲱⲟⲩ ⲛ̀ϩⲁⲛⲡⲉⲣⲓⲥⲕⲉⲗⲏ ⲛ̀ⲓⲁⲩ ⲉ̀ϩⲱⲃⲥ ⲙ̀ⲡⲓϣⲓⲡⲓ ⲛ̀ⲧⲉ ⲡⲟⲩⲁⲛⲟⲙ ⲉⲩⲉ̀ϣⲱⲡⲓ ⲓⲥϫⲉⲛ ϯϯⲡⲓ ϣⲁ ⲛⲓⲁⲗⲱϫ	ouoh ekèθamio nōou ǹhanperiskely ǹiav èhōvs m̀piṡipi ǹte pouanom evèṡōpi isjen titipi ṡa nialōg	And thou shalt make for them linen drawers to cover the nakedness of their flesh; they shall reach from the loins to the thighs.
28:39	ⲟⲩⲟϩ ⲉϥⲉϭⲓⲧⲟⲩ ⲛϫⲉⲁⲁⲣⲱⲛ ⲛⲉⲙⲛⲉϥϣⲏⲣⲓ ⲉⲩⲛⲁⲓ ⲉϧⲟⲩⲛ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲓⲉ ⲉⲩⲛⲁⲓ ⲉϧⲟⲩⲛ ⲉϣⲉⲙϣⲓ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲉⲑⲟⲩⲁⲃ ⲟⲩⲟϩ ⲛⲛⲟⲩⲉⲛ ⲛⲟⲃⲓ ⲉϩⲣⲏⲓ ⲉϫⲱⲟⲩ ϩⲓⲛⲁ ⲛⲧⲟⲩϣⲧⲉⲙⲙⲟⲩ ⲟⲩⲛⲟⲙⲟⲥ ⲛⲉⲛⲉϩ ⲛⲁϥ ⲡⲉ ⲛⲉⲙⲡⲉϥϫⲣⲟϫ ⲙⲉⲛⲉⲛⲥⲱϥ	ⲟⲩⲟϩ ⲉϥⲉ̀ϭⲓⲧⲟⲩ ⲛ̀ϫⲉ ⲁ̀ⲁⲣⲱⲛ ⲛⲉⲙ ⲛⲉϥϣⲏⲣⲓ ⲉⲩⲛⲁⲓ ⲉ̀ϧⲟⲩⲛ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲓⲉ ⲉⲩⲛⲁⲓ ⲉ̀ϧⲟⲩⲛ ⲉϣⲉⲙϣⲓ ϧⲁⲧⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲉⲑⲟⲩⲁⲃ ⲟⲩⲟϩ ⲛ̀ⲛⲟⲩⲉⲛ ⲛⲟⲃⲓ ⲉ̀ϩ̀ⲣⲏⲓ ⲉ̀ϫⲱⲟⲩ ϩⲓⲛⲁ ⲛ̀ⲧⲟⲩϣⲧⲉⲙⲙⲟⲩ ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲛⲁϥ ⲡⲉ ⲛⲉⲙ ⲡⲉϥϫ̀ⲣⲟϫ ⲙⲉⲛⲉⲛⲥⲱϥ	ouoh efèċitou ǹje àarōn nem nefṡyri evnai èxoun ètis̀kiny ǹte timetmeθre ie evnai èxoun eṡemṡi xaten pimaǹerṡōouṡi ǹte peθouab ouoh ǹnouen novi èh̀ryi ègōou hina ǹtouṡtemmou ounomos ǹèneh naf pe nem pefg̀rog menensōf	And Aaron shall have them, and his sons, whenever they enter into the tabernacle of witness, or when they shall advance to the altar of the sanctuary to minister, so they shall not bring sin upon themselves, lest they die: it is a perpetual statute for him, and for his seed after him.

Provenance

title: Exodus 28
dialect: bohairic
source: Coptic SCRIPTORIUM corpus "bohairic.ot", document 02_Exodus_28
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 28 from Coptic SCRIPTORIUM (https://copticscriptorium.org), corpus bohairic.ot, document 02_Exodus_28, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/28.bohairic.scriptorium.L0.txt
title: Exodus 28 — Cairene
dialect: bohairic
source: generated from 28.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_28)
licence: CC BY-SA 4.0
share: attribution
attribution: Exodus 28 from Coptic SCRIPTORIUM (https://copticscriptorium.org), corpus bohairic.ot, document 02_Exodus_28, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/28.bohairic.scriptorium.L1.txt
title: Exodus 28 — Kemetic
dialect: bohairic
source: generated from 28.bohairic.scriptorium.L1.txt
licence: CC BY-SA 4.0
share: attribution
attribution: Exodus 28 from Coptic SCRIPTORIUM (https://copticscriptorium.org), corpus bohairic.ot, document 02_Exodus_28, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/28.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 39 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_28 (39 lines)

Cite as:

Exodus 28. Coptic SCRIPTORIUM corpus "bohairic.ot", document 02_Exodus_28. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/28.bohairic.scriptorium/. Exodus 28 from Coptic SCRIPTORIUM (https://copticscriptorium.org), corpus bohairic.ot, document 02_Exodus_28, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.