02_Exodus_30 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_30

Attribution: 02_Exodus_30 from Coptic SCRIPTORIUM (https://copticscriptorium.org), corpus bohairic.ot, document 02_Exodus_30, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

38 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
30:1	ⲟⲩⲟϩ ⲉⲕⲉⲑⲁⲙⲓⲟ ⲛⲟⲩⲙⲁⲛⲉⲣϣⲱⲟⲩϣⲓ ⲛⲧⲉⲥⲑⲟⲓⲛⲟⲩϥⲓ ⲉⲃⲟⲗ ϧⲉⲛϩⲁⲛϣⲉ ⲛⲁⲧⲉⲣϩⲟⲗⲓ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲟⲩⲙⲁⲛⲉⲣϣⲱⲟⲩϣⲓ ⲛ̀ⲧⲉ ⲥⲑⲟⲓⲛⲟⲩϥⲓ ⲉ̀ⲃⲟⲗ ϧⲉⲛ ϩⲁⲛϣⲉ ⲛⲁⲧⲉⲣϩⲟⲗⲓ	ouoh ekèθamio ǹoumanerṡōouṡi ǹte sθoinoufi èvol xen hanṡe naterholi	And thou shalt make the altar of incense of incorruptible wood.
30:2	ⲟⲩⲟϩ ⲉⲕⲉⲑⲁⲙⲓⲟϥ ⲛⲟⲩⲙⲁϩⲓ ⲛϣⲓⲏ ⲛⲉⲙⲟⲩⲙⲁϩⲓ ⲛⲟⲩⲏϣⲥⲓ ⲉϥⲉϣⲱⲡⲓ ⲉϥⲟⲓ ⲛⲧⲉⲧⲣⲁⲅⲱⲛⲟⲛ ⲛⲉⲙⲙⲁϩⲓ ⲃ̅ ⲛϭⲓⲥⲓ ⲉⲩⲉϣⲱⲡⲓ ⲉⲃⲟⲗ ⲙⲙⲟϥ ⲛϫⲉⲛⲉϥⲧⲁⲡ	ⲟⲩⲟϩ ⲉⲕⲉ̀ⲑⲁⲙⲓⲟϥ ⲛ̀ⲟⲩⲙⲁϩⲓ ⲛ̀ϣⲓⲏ ⲛⲉⲙ ⲟⲩⲙⲁϩⲓ ⲛ̀ⲟⲩⲏϣⲥⲓ ⲉϥⲉ̀ϣⲱⲡⲓ ⲉϥⲟⲓ ⲛ̀ⲧⲉⲧⲣⲁⲅⲱⲛⲟⲛ ⲛⲉⲙ ⲙⲁϩⲓ 2 ⲛ̀ϭⲓⲥⲓ ⲉⲩⲉ̀ϣⲱⲡⲓ ⲉ̀ⲃⲟⲗ ⲙ̀ⲙⲟϥ ⲛ̀ϫⲉ ⲛⲉϥⲧⲁⲡ	ouoh ekèθamiof ǹoumahi ǹṡiy nem oumahi ǹouyṡsi efèṡōpi efoi ǹtetraġōnon nem mahi 2 ǹċisi evèṡōpi èvol m̀mof ǹje neftap	And thou shalt make it a cubit in length, and a cubit in breadth: it shall be square; and the height of it shall be of two cubits, its horns shall be of the same piece.
30:3	ⲟⲩⲟϩ ⲉⲕⲉⲗⲁⲗⲱϥ ⲛⲛⲟⲩⲃ ϧⲉⲛⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ ⲧⲉϥⲉⲥⲭⲁⲣⲁ ⲛⲉⲙⲛⲉϥϫⲟⲓ ⲉϥⲕⲱϯ ⲛⲉⲙⲛⲉϥⲧⲁⲡ ⲟⲩⲟϩ ⲉⲕⲉⲑⲁⲙⲓⲟ ⲛⲁϥ ⲛⲟⲩⲭⲗⲟⲙ ⲙⲙⲟⲛⲙⲉⲛ ⲉϥⲕⲱϯ	ⲟⲩⲟϩ ⲉⲕⲉ̀ⲗⲁⲗⲱϥ ⲛ̀ⲛⲟⲩⲃ ϧⲉⲛ ⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ ⲧⲉϥⲉⲥⲭⲁⲣⲁ ⲛⲉⲙ ⲛⲉϥϫⲟⲓ ⲉϥⲕⲱϯ ⲛⲉⲙ ⲛⲉϥⲧⲁⲡ ⲟⲩⲟϩ ⲉⲕⲉ̀ⲑⲁⲙⲓⲟ ⲛⲁϥ ⲛ̀ⲟⲩⲭ̀ⲗⲟⲙ ⲛ̀ⲙⲟⲛⲙⲉⲛ ⲉϥⲕⲱϯ	ouoh ekèlalōf ǹnoub xen ounoub eftouvyout tefesxara nem nefgoi efkōti nem neftap ouoh ekèθamio naf ǹouk̀lom ǹmonmen efkōti	And thou shalt gild its grate with pure gold, and its sides round about, and its horns; and thou shalt make for it a wreathen border of gold round-about.
30:4	ⲟⲩⲟϩ ϣϭⲟⲩⲣ ⲃ̅ ⲛⲛⲟⲩⲃ ⲉⲩⲧⲟⲩⲃⲏⲟⲩⲧ ⲉⲕⲉⲑⲁⲙⲓⲱⲟⲩ ⲛⲁϥ ⲥⲁⲡⲉⲥⲏⲧ ⲙⲡⲉϥⲭⲗⲟⲙ ⲙⲙⲟⲛⲙⲉⲛ ⲉⲕⲉⲑⲁⲙⲓⲟ ⲙⲡⲓⲥⲁ ⲃ̅ ϧⲉⲛⲛⲉϥⲥⲫⲓⲣⲱⲟⲩⲓ ⲟⲩⲟϩ ⲉⲩⲉϣⲱⲡⲓ ⲛϫⲉϩⲁⲛⲁⲗⲁⲕ ⲉⲛⲓϣⲉⲛϩⲱϯ ϩⲱⲥⲧⲉ ⲉⲑⲣⲟⲩϥⲓⲧϥ ⲛϧⲣⲏⲓ ⲛϧⲏⲧⲟⲩ	ⲟⲩⲟϩ ϣϭⲟⲩⲣ 2 ⲛ̀ⲛⲟⲩⲃ ⲉⲩⲧⲟⲩⲃⲏⲟⲩⲧ ⲉⲕⲉ̀ⲑⲁⲙⲓⲱⲟⲩ ⲛⲁϥ ⲥⲁⲡⲉⲥⲏⲧ ⲛ̀ⲡⲉϥⲭ̀ⲗⲟⲙ ⲛ̀ⲙⲟⲛⲙⲉⲛ ⲉⲕⲉ̀ⲑⲁⲙⲓⲟ ⲛ̀ⲡⲓⲥⲁ 2 ϧⲉⲛ ⲛⲉϥⲥⲫⲓⲣⲱⲟⲩⲓ ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉ ϩⲁⲛⲁⲗⲁⲕ ⲉ̀ⲛⲓϣⲉⲛϩⲱϯ ϩⲱⲥⲧⲉ ⲉ̀ⲑⲣⲟⲩϥⲓⲧϥ ⲛ̀ϧ̀ⲣⲏⲓ ⲛ̀ϧⲏⲧⲟⲩ	ouoh ṡċour 2 ǹnoub evtouvyout ekèθamiōou naf sapesyt ǹpefk̀lom ǹmonmen ekèθamio ǹpisa 2 xen nefsfirōoui ouoh evèṡōpi ǹje hanalak èniṡenhōti hōste èθroufitf ǹx̀ryi ǹxytou	And thou shalt make under its wreathen border two rings of pure gold; thou shalt make it to the two corners on the two sides, and they shall be bearings for the staves, so as to bear it with them.
30:5	ⲟⲩⲟϩ ⲉⲕⲉⲑⲁⲙⲓⲟ ⲛϩⲁⲛϣⲉⲛϩⲱϯ ⲉⲃⲟⲗ ϧⲉⲛϩⲁⲛϣⲉ ⲛⲁⲧⲉⲣϩⲟⲗⲓ ⲟⲩⲟϩ ⲉⲕⲉⲗⲁⲗⲱⲟⲩ ⲛⲛⲟⲩⲃ ϧⲉⲛⲟⲩⲛⲟⲩⲃ	ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ϩⲁⲛϣⲉⲛϩⲱϯ ⲉ̀ⲃⲟⲗ ϧⲉⲛ ϩⲁⲛϣⲉ ⲛⲁⲧⲉⲣϩⲟⲗⲓ ⲟⲩⲟϩ ⲉⲕⲉ̀ⲗⲁⲗⲱⲟⲩ ⲛ̀ⲛⲟⲩⲃ ϧⲉⲛ ⲟⲩⲛⲟⲩⲃ	ouoh ekèθamio ǹhanṡenhōti èvol xen hanṡe naterholi ouoh ekèlalōou ǹnoub xen ounoub	And thou shalt make the staves of incorruptible wood, and shalt gild them with gold.
30:6	ⲟⲩⲟϩ ⲉⲕⲉⲭⲁⲩ ⲙⲡⲉⲙⲑⲟ ⲙⲡⲓⲕⲁⲧⲁⲡⲉⲧⲁⲥⲙⲁ ⲫⲏ ⲉⲧⲭⲏ ϩⲓϫⲉⲛϯⲕⲓⲃⲱⲧⲟⲥ ⲛⲧⲉⲛⲓⲙⲉⲧⲙⲉⲑⲣⲉ ϧⲉⲛⲛⲏ ⲉϯⲛⲁⲟⲩⲟⲛϩⲧ ⲉⲣⲟⲕ ⲙⲙⲁⲩ	ⲟⲩⲟϩ ⲉⲕⲉ̀ⲭⲁⲩ ⲛ̀ⲡⲉⲙ̀ⲑⲟ ⲛ̀ⲡⲓⲕⲁⲧⲁⲡⲉⲧⲁⲥⲙⲁ ⲫⲏ ⲉⲧⲭⲏ ϩⲓϫⲉⲛ ϯⲕⲓⲃⲱⲧⲟⲥ ⲛ̀ⲧⲉ ⲛⲓⲙⲉⲧⲙⲉⲑⲣⲉ ϧⲉⲛ ⲛⲏ ⲉⲓⲛⲁⲟⲩⲟⲛϩⲧ ⲉ̀ⲣⲟⲕ ⲙ̀ⲙⲁⲩ	ouoh ekèkav ǹpem̀θo ǹpikatapetasma fy etky hijen tikibōtos ǹte nimetmeθre xen ny einaouonht èrok m̀mav	And thou shalt set it before the veil that is over the ark of the testimonies, wherein I will make myself known to thee from thence.
30:7	ⲟⲩⲟϩ ⲁⲁⲣⲱⲛ ⲉϥⲉⲉⲛ ⲥⲑⲟⲓⲛⲟⲩϥⲓ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉⲃⲟⲗ ϧⲉⲛⲟⲩⲥⲑⲟⲓⲛⲟⲩϥⲓ ⲉϥⲙⲟϫⲧ ⲉϥϣⲟⲙ ⲛϣⲱⲣⲡ ϩⲟⲧⲁⲛ ⲁϥϣⲁⲛⲥⲉⲃⲧⲉ ⲛⲓϧⲏⲃⲥ ⲉϥⲉⲉⲛ ⲥⲑⲟⲓⲛⲟⲩϥⲓ ⲉϩⲣⲏⲓ ⲉϫⲱϥ	ⲟⲩⲟϩ ⲁ̀ⲁⲣⲱⲛ ⲉϥⲉ̀ⲉⲛ ⲥⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲉ̀ⲃⲟⲗ ϧⲉⲛ ⲟⲩⲥ̀ⲑⲟⲓⲛⲟⲩϥⲓ ⲉϥⲙⲟϫⲧ ⲉϥϣⲟⲙ ⲛ̀ϣⲱⲣⲡ ϩⲟⲧⲁⲛ ⲁϥϣⲁⲛⲥⲉⲃⲧⲉ ⲛⲓϧⲏⲃⲥ ⲉϥⲉ̀ⲉⲛ ⲥⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲉ̀ϫⲱϥ	ouoh àarōn efèen sθoinoufi èh̀ryi èjen pimaǹerṡōouṡi èvol xen ous̀θoinoufi efmogt efṡom ǹṡōrp hotan afṡansevte nixyvs efèen sθoinoufi èh̀ryi ègōf	And Aaron shall burn upon it fine compound incense every morning; whensoever he trims the lamps he shall burn incense upon it.
30:8	ⲟⲩⲟϩ ⲉⲥⲉϣⲱⲡⲓ ⲁϥϣⲁⲛϭⲉⲣⲟ ⲛⲛⲓϧⲏⲃⲥ ⲛϫⲉⲁⲁⲣⲱⲛ ⲛϩⲁⲛⲁⲣⲟⲩϩⲓ ⲉϥⲉⲉⲛ ⲥⲑⲟⲓⲛⲟⲩϥⲓ ⲉϩⲣⲏⲓ ϩⲓⲱⲧϥ ⲛⲟⲩⲥⲑⲟⲓⲛⲟⲩϥⲓ ⲉϥⲙⲏⲛ ⲙⲡⲉⲙⲑⲟ ⲙⲡϭⲟⲓⲥ ϣⲁⲛⲟⲩϫⲱⲟⲩ	ⲟⲩⲟϩ ⲉⲥⲉϣⲱⲡⲓ ⲁϥϣⲁⲛϭⲉⲣⲟ ⲛ̀ⲛⲓϧⲏⲃⲥ ⲛ̀ϫⲉ ⲁ̀ⲁⲣⲱⲛ ⲛ̀ϩⲁⲛⲁⲣⲟⲩϩⲓ ⲉϥⲉ̀ⲉⲛ ⲥⲑⲟⲓⲛⲟⲩϥⲓ ⲉ̀ϩ̀ⲣⲏⲓ ϩⲓⲱⲧϥ ⲛ̀ⲟⲩⲥ̀ⲑⲟⲓⲛⲟⲩϥⲓ ⲉϥⲙⲏⲛ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ϣⲁⲛⲟⲩϫⲱⲟⲩ	ouoh eseṡōpi afṡanċero ǹnixyvs ǹje àarōn ǹhanarouhi efèen sθoinoufi èh̀ryi hiōtf ǹous̀θoinoufi efmyn ǹpem̀θo ǹp̀ċois ṡanougōou	And when Aaron lights the lamps in the evening, he shall burn incense upon it; a constant incense-offering always before the Lord for their generations.
30:9	ⲟⲩⲟϩ ⲛⲛⲉⲧⲉⲛⲓⲛⲓ ⲛⲕⲉⲥⲑⲟⲓⲛⲟⲩϥⲓ ⲉϩⲣⲏⲓ ⲉϫⲱϥ ⲟⲩϭⲗⲓⲗ ⲛϣⲟⲩϣⲱⲟⲩϣⲓ ⲛⲉⲙⲟⲩⲟⲩⲱⲧⲉⲛ ⲉⲃⲟⲗ ⲛⲛⲉⲧⲉⲛⲟⲩⲟⲑⲛⲟⲩ ⲉⲃⲟⲗ ⲉϩⲣⲏⲓ ⲉϫⲱϥ	ⲟⲩⲟϩ ⲛ̀ⲛⲉⲧⲉⲛⲓ̀ⲛⲓ ⲛ̀ⲕⲉⲥⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲉ̀ϫⲱϥ ⲟⲩϭⲗⲓⲗ ⲛ̀ϣⲟⲩϣⲱⲟⲩϣⲓ ⲛⲉⲙ ⲟⲩⲟⲩⲱⲧⲉⲛ ⲉ̀ⲃⲟⲗ ⲛ̀ⲛⲉⲧⲉⲛⲟⲩⲟⲑⲛⲟⲩ ⲉ̀ⲃⲟⲗ ⲉ̀ϩ̀ⲣⲏⲓ ⲉ̀ϫⲱϥ	ouoh ǹnetenìni ǹkesθoinoufi èh̀ryi ègōf ouċlil ǹṡouṡōouṡi nem ououōten èvol ǹnetenouoθnou èvol èh̀ryi ègōf	And thou shalt not offer strange incense upon it, nor and offering made by fire, nor a sacrifice; and thou shalt not pour a drink-offering upon it.
30:10	ⲟⲩⲟϩ ⲉϥⲉⲥⲉⲥⲃⲟϩ ⲛϫⲉⲁⲁⲣⲱⲛ ϩⲓϫⲉⲛⲛⲓⲧⲁⲡ ⲛⲧⲉϯϣⲏⲟⲩⲓ ⲛⲟⲩⲥⲟⲡ ⲛϯⲣⲟⲙⲡⲓ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲡⲓⲧⲟⲩⲃⲟ ⲛⲧⲉⲛⲓⲛⲟⲃⲓ ⲛⲧⲉⲡⲓⲥⲉⲥⲃⲟϩ ⲟⲩⲥⲟⲡ ⲛϯⲣⲟⲙⲡⲓ ⲉϥⲉⲧⲟⲩⲃⲟϥ ϣⲁⲛⲉⲧⲉⲛⲅⲉⲛⲉⲁ ⲡⲉⲑⲟⲩⲁⲃ ⲛⲧⲉⲛⲉⲑⲟⲩⲁⲃ ⲙⲡϭⲟⲓⲥ ⲡⲉ	ⲟⲩⲟϩ ⲉϥⲉ̀ⲥⲉⲥⲃⲟϩ ⲛ̀ϫⲉ ⲁ̀ⲁⲣⲱⲛ ϩⲓϫⲉⲛ ⲛⲓⲧⲁⲡ ⲛ̀ⲧⲉ ϯϣⲏⲟⲩⲓ ⲛ̀ⲟⲩⲥⲟⲡ ⲛ̀ⲧⲉ ϯⲣⲟⲙⲡⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲡⲓⲧⲟⲩⲃⲟ ⲛ̀ⲧⲉ ⲛⲓⲛⲟⲃⲓ ⲛ̀ⲧⲉ ⲡⲓⲥⲉⲥⲃⲟϩ ⲟⲩⲥⲟⲡ ⲛ̀ⲧⲉ ϯⲣⲟⲙⲡⲓ ⲉϥⲉ̀ⲧⲟⲩⲃⲟϥ ϣⲁ ⲛⲉⲧⲉⲛⲅⲉⲛⲉⲁ̀ ⲡⲉⲑⲟⲩⲁⲃ ⲛ̀ⲧⲉ ⲛⲉⲑⲟⲩⲁⲃ ⲛ̀ⲡ̀ϭⲟⲓⲥ ⲡⲉ	ouoh efèsesvoh ǹje àarōn hijen nitap ǹte tiṡyoui ǹousop ǹte tirompi èvol xen pis̀nof ǹte pitouvo ǹte ninovi ǹte pisesvoh ousop ǹte tirompi efètouvof ṡa netengeneà peθouab ǹte neθouab ǹp̀ċois pe	And once in the year Aaron shall make atonement on its horns, he shall purge it with the blood of purification for their generations: it is most holy to the Lord.
30:11	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
30:12	ϫⲉⲉϣⲱⲡ ⲁⲕϣⲁⲛϭⲓ ⲛⲧⲏⲡⲓ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛϧⲣⲏⲓ ϧⲉⲛⲧⲟⲩⲉⲡⲓⲥⲕⲟⲡⲏ ⲉⲣⲉⲫⲟⲩⲁⲓ ⲫⲟⲩⲁⲓ ϯ ⲛⲟⲩⲥⲱϯ ⲙⲡϭⲟⲓⲥ ⲉϫⲉⲛⲧⲉϥⲯⲩⲭⲏ ⲟⲩⲟϩ ⲛⲛⲉϥϣⲱⲡⲓ ⲛϫⲉⲟⲩϩⲉⲓ ⲛϧⲣⲏⲓ ⲛϧⲏⲧⲟⲩ ϧⲉⲛⲧⲟⲩⲉⲡⲓⲥⲕⲟⲡⲏ	ϫⲉ ⲉϣⲱⲡ ⲁⲕϣⲁⲛϭⲓ ⲛ̀ⲧ̀ⲏ̀ⲡⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ϧ̀ⲣⲏⲓ ϧⲉⲛ ⲧⲟⲩⲉⲡⲓⲥⲕⲟⲡⲏ ⲉ̀ⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ϯ ⲛ̀ⲟⲩⲥⲱϯ ⲛ̀ⲧⲉ ⲡ̀ϭⲟⲓⲥ ⲉ̀ϫⲉⲛ ⲧⲉϥⲯⲩⲭⲏ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲟⲩϩⲉⲓ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϧⲉⲛ ⲧⲟⲩⲉⲡⲓⲥⲕⲟⲡⲏ	je eṡōp akṡanċi ǹt̀ỳpi ǹte nenṡyri ǹpisrayl ǹx̀ryi xen touepiskopy ère f̀ouai f̀ouai ti ǹousōti ǹte p̀ċois èjen tefpsiṡy ouoh ǹnefṡōpi ǹje ouhei ǹx̀ryi ǹxytou xen touepiskopy	If thou take account of the children of Israel in the surveying of them, and they shall give every one a ransom for his soul to the Lord, then there shall not be among them a destruction in the visiting of them.
30:13	ⲟⲩⲟϩ ⲫⲁⲓ ⲡⲉ ⲉⲧⲉⲉⲩⲉⲧⲏⲓϥ ⲛⲏ ⲧⲏⲣⲟⲩ ⲉⲑⲛⲁⲥⲉⲡⲓ ϧⲉⲛⲡⲓϫⲉⲙⲡϣⲓⲛⲓ ⲧⲫⲁϣⲓ ⲛϯⲕⲓϯ ⲑⲏ ⲉⲧϣⲟⲡ ⲕⲁⲧⲁϯⲕⲓϯ ⲉⲑⲟⲩⲁⲃ ⲕ̅ϯ ⲛⲧⲉⲃⲓ ⲡⲉ ϯⲕⲓϯ ⲧⲫⲁϣⲓ ⲇⲉ ⲛϯⲕⲓϯ ⲉⲩⲉⲉⲛⲥ ⲙⲡϭⲟⲓⲥ	ⲟⲩⲟϩ ⲫⲁⲓ ⲡⲉ ⲉ̀ⲧⲉ ⲉⲩⲉ̀ⲧⲏⲓϥ ⲛⲏ ⲧⲏⲣⲟⲩ ⲉⲑⲛⲁⲥⲉⲡⲓ ϧⲉⲛ ⲡⲓϫⲉⲙⲡ̀ϣⲓⲛⲓ ⲧ̀ⲫⲁϣⲓ ⲛ̀ϯⲕⲓϯ ⲑⲏ ⲉⲧϣⲟⲡ ⲕⲁⲧⲁ ϯⲕⲓϯ ⲉⲑⲟⲩⲁⲃ ϫⲱϯ ⲛ̀ⲧⲉⲃⲓ ⲡⲉ ϯⲕⲓϯ ⲧ̀ⲫⲁϣⲓ ⲇⲉ ⲛ̀ϯⲕⲓϯ ⲉⲩⲉⲉⲛⲥ ⲛ̀ⲡ̀ϭⲟⲓⲥ	ouoh fai pe ète evètyif ny tyrou eθnasepi xen pijemp̀ṡini t̀faṡi ǹtikiti θy etṡop kata tikiti eθouab gōti ǹtevi pe tikiti t̀faṡi ḋe ǹtikiti eveens ǹp̀ċois	And this is what they shall give, as many as pass the survey, half a didrachm which is according to the didrachm of the sanctuary: twenty oboli go to the didrachm, but the half of the didrachm is the offering to the Lord.
30:14	ⲟⲩⲟⲛ ⲛⲓⲃⲉⲛ ⲉⲑⲛⲁⲙⲟϣⲓ ⲉⲃⲟⲗ ⲉⲡⲓϫⲉⲙⲡϣⲓⲛⲓ ⲓⲥϫⲉⲛ ⲕ̅ ⲛⲣⲟⲙⲡⲓ ⲛⲉⲙⲥⲁⲡϣⲱⲓ ⲉⲩⲉϯ ⲛϯⲓⲥⲫⲟⲣⲁ ⲙⲡϭⲟⲓⲥ	ⲟⲩⲟⲛ ⲛⲓⲃⲉⲛ ⲉⲑⲛⲁⲙⲟϣⲓ ⲉ̀ⲃⲟⲗ ⲉ̀ⲡⲓϫⲉⲙⲡϣⲓⲛⲓ ⲓⲥϫⲉⲛ ϫⲱϯ ⲛ̀ⲣⲟⲙⲡⲓ ⲛⲉⲙ ⲥⲁⲡ̀ϣⲱⲓ ⲉⲩⲉ̀ϯ ⲛ̀ϯⲓⲥⲫⲟⲣⲁ ⲛ̀ⲡ̀ϭⲟⲓⲥ	ouon niven eθnamoṡi èvol èpijempṡini isjen gōti ǹrompi nem sap̀ṡōi evèti ǹtiisfora ǹp̀ċois	Every one that passes the survey from twenty years old and upwards shall give the offering to the Lord.
30:15	ⲡⲓⲣⲁⲙⲁⲟ ⲛⲛⲉϥⲧⲟⲩϩⲟ ⲟⲩⲟϩ ⲡⲓϩⲏⲕⲓ ⲛⲛⲉϥϫⲱϫⲉⲃ ⲉⲃⲟⲗ ϧⲉⲛⲧⲫⲁϣⲓ ⲛϯⲕⲓϯ ϧⲉⲛⲡϫⲓⲛϯ ⲛϯⲓⲥⲫⲟⲣⲁ ⲙⲡϭⲟⲓⲥ ⲉⲉⲣⲥⲉⲥⲃⲟϩ ⲉϩⲣⲏⲓ ⲉϫⲉⲛⲛⲉⲧⲉⲛⲯⲩⲭⲏ	ⲡⲓⲣⲁⲙⲁⲟ̀ ⲛ̀ⲛⲉϥⲧⲟⲩϩⲟ ⲟⲩⲟϩ ⲡⲓϩⲏⲕⲓ ⲛ̀ⲛⲉϥϫⲱϫⲉⲃ ⲉ̀ⲃⲟⲗ ϧⲉⲛ ⲧ̀ⲫⲁϣⲓ ⲛ̀ϯⲕⲓϯ ϧⲉⲛ ⲡ̀ϫⲓⲛϯ ⲛ̀ϯⲓⲥⲫⲟⲣⲁ ⲛ̀ⲡ̀ϭⲟⲓⲥ ⲉⲉⲣⲥⲉⲥⲃⲟϩ ⲉ̀ϩ̀ⲣⲏⲓ ⲉ̀ϫⲉⲛ ⲛⲉⲧⲉⲛⲯⲩⲭⲏ	piramaò ǹneftouho ouoh pihyki ǹnefgōjeb èvol xen t̀faṡi ǹtikiti xen p̀jinti ǹtiisfora ǹp̀ċois eersesvoh èh̀ryi èjen netenpsiṡy	The rich shall not give more, and the poor shall not give less than the half didrachm in giving the offering to the Lord, to make atonement for your souls.
30:16	ⲟⲩⲟϩ ⲉⲕⲉϭⲓ ⲙⲡⲓϩⲁⲧ ⲛⲧⲉϯⲓⲥⲫⲟⲣⲁ ⲉⲃⲟⲗ ⲛⲧⲟⲧⲟⲩ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲉⲕⲉⲧⲏⲓϥ ⲉⲡϩⲱⲃ ⲛϯⲥⲕⲏⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲉϥⲉϣⲱⲡⲓ ⲛⲟⲩⲙⲉⲩⲓ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲙⲡⲉⲙⲑⲟ ⲙⲡϭⲟⲓⲥ ⲉⲉⲣⲥⲉⲥⲃⲟϩ ⲉϫⲉⲛⲛⲉⲧⲉⲛⲯⲩⲭⲏ	ⲟⲩⲟϩ ⲉⲕⲉ̀ϭⲓ ⲛ̀ⲡⲓϩⲁⲧ ⲛ̀ⲧⲉ ϯⲓⲥⲫⲟⲣⲁ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲕⲉ̀ⲧⲏⲓϥ ⲉ̀ⲡ̀ϩⲱⲃ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲟⲩⲟϩ ⲉϥⲉ̀ϣⲱⲡⲓ ⲛ̀ⲟⲩⲙⲉⲩⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲉⲉⲣⲥⲉⲥⲃⲟϩ ⲉ̀ϫⲉⲛ ⲛⲉⲧⲉⲛⲯⲩⲭⲏ	ouoh ekèċi ǹpihat ǹte tiisfora èvol ǹtotou ǹte nenṡyri ǹpisrayl ouoh ekètyif èp̀hōb ǹtis̀kiny ǹte timetmeθre ouoh efèṡōpi ǹoumevi ǹte nenṡyri ǹpisrayl ǹpem̀θo ǹp̀ċois eersesvoh èjen netenpsiṡy	And thou shalt take the money of the offering from the children of Israel, and shalt give it for the service of the tabernacle of testimony; and it shall be to the children of Israel a memorial before the Lord, to make atonement for your souls.
30:17	ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh afsaji ǹje p̀ċois nem mōisys efgō m̀mos	And the Lord spoke to Moses, saying,
30:18	ϫⲉⲙⲁⲑⲁⲙⲓⲟ ⲛⲟⲩⲗⲟⲩⲧⲏⲣ ⲛϩⲟⲙⲧ ⲛⲉⲙⲧⲉϥⲃⲁⲥⲓⲥ ⲛϩⲟⲙⲧ ϩⲱⲥⲧⲉ ⲉⲓⲱⲓ ⲛϧⲏⲧϥ ⲟⲩⲟϩ ⲉⲕⲉⲭⲁϥ ⲟⲩⲧⲉ ϯⲥⲕⲏⲛⲏ ⲛⲧⲉϯⲙⲉⲧⲙⲉⲑⲣⲉ ⲛⲉⲙⲟⲩⲧⲉ ⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲉⲕⲉϫⲉϣ ⲙⲱⲟⲩ ⲉϧⲣⲏⲓ ⲉⲣⲟϥ	ϫⲉ ⲙⲁⲑⲁⲙⲓⲟ ⲛ̀ⲟⲩⲗⲟⲩⲧⲏⲣ ⲛ̀ϩⲟⲙⲧ ⲛⲉⲙ ⲧⲉϥⲃⲁⲥⲓⲥ ⲛ̀ϩⲟⲙⲧ ϩⲱⲥⲧⲉ ⲉ̀ⲓⲱⲓ ⲛ̀ϧⲏⲧϥ ⲟⲩⲟϩ ⲉⲕⲉ̀ⲭⲁϥ ⲟⲩⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲛⲉⲙ ⲟⲩⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲟⲩⲟϩ ⲉⲕⲉ̀ϫⲉϣ ⲙⲱⲟⲩ ⲉ̀ϧ̀ⲣⲏⲓ ⲉ̀ⲣⲟϥ	je maθamio ǹouloutyr ǹhomt nem tefbasis ǹhomt hōste èiōi ǹxytf ouoh ekèkaf oute tis̀kiny ǹte timetmeθre nem oute pimaǹerṡōouṡi ouoh ekèjeṡ mōou èx̀ryi èrof	Make a brazen laver, and a brazen base for it, for washing; and thou shalt put it between the tabernacle of witness and the altar, and thou shalt pour forth water into it.
30:19	ⲟⲩⲟϩ ⲁⲁⲣⲱⲛ ⲛⲉⲙⲛⲉϥϣⲏⲣⲓ ⲉⲩⲉⲓⲱⲓ ⲛⲛⲟⲩϫⲓϫ ⲉⲃⲟⲗ ⲛϧⲏⲧϥ ⲛⲉⲙⲛⲉϥϣⲏⲣⲓ ⲉⲩⲉⲓⲱⲓ ⲛⲛⲟⲩϫⲓϫ ⲉⲃⲟⲗ ⲛϧⲏⲧϥ ⲛⲉⲙⲛⲟⲩⲫⲁⲧ	ⲟⲩⲟϩ ⲁ̀ⲁⲣⲱⲛ ⲛⲉⲙ ⲛⲉϥϣⲏⲣⲓ ⲉⲩⲉ̀ⲓⲱⲓ ⲛ̀ⲛⲟⲩϫⲓϫ ⲉ̀ⲃⲟⲗ ⲛ̀ϧⲏⲧϥ ⲛⲉⲙ ⲛⲉϥϣⲏⲣⲓ ⲉⲩⲉ̀ⲓⲱⲓ ⲛ̀ⲛⲟⲩϫⲓϫ ⲉ̀ⲃⲟⲗ ⲛ̀ϧⲏⲧϥ ⲛⲉⲙ ⲛⲟⲩⲫⲁⲧ	ouoh àarōn nem nefṡyri evèiōi ǹnoujig èvol ǹxytf nem nefṡyri evèiōi ǹnoujig èvol ǹxytf nem noufat	And Aaron and his sons shall wash their hands and their feet with water from it.
30:20	ⲉϣⲱⲡ ⲁⲩϣⲁⲛⲓ ⲉϧⲟⲩⲛ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲉⲩⲉⲓⲁⲩ ϧⲉⲛⲟⲩⲙⲱⲟⲩ ⲟⲩⲟϩ ⲛⲛⲟⲩⲙⲟⲩ ⲓⲉ ⲉϣⲱⲡ ⲁⲩϣⲁⲛⲓ ϩⲁⲡⲓⲙⲁⲛⲉⲣϣⲱⲟⲩϣⲓ ⲉϣⲉⲙϣⲓ ⲛⲉⲙⲉⲓⲛⲓ ⲛϩⲁⲛϭⲗⲓⲗ ⲉⲡϣⲱⲓ ⲙⲡϭⲟⲓⲥ	ⲉϣⲱⲡ ⲁⲩϣⲁⲛⲓ ⲉ̀ϧⲟⲩⲛ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲉⲩⲉ̀ⲓⲁⲩ ϧⲉⲛ ⲟⲩⲙⲱⲟⲩ ⲟⲩⲟϩ ⲛ̀ⲛⲟⲩⲙⲟⲩ ⲓⲉ ⲉϣⲱⲡ ⲁⲩϣⲁⲛⲓ ϩⲁ ⲡⲓⲙⲁⲛ̀ⲉⲣϣⲱⲟⲩϣⲓ ⲉϣⲉⲙϣⲓ ⲛⲉⲙ ⲓ̀ⲛⲓ ⲛ̀ϩⲁⲛϭⲗⲓⲗ ⲉ̀ⲡ̀ϣⲱⲓ ⲛ̀ⲡ̀ϭⲟⲓⲥ	eṡōp avṡani èxoun ètis̀kiny ǹte timetmeθre evèiav xen oumōou ouoh ǹnoumou ie eṡōp avṡani ha pimaǹerṡōouṡi eṡemṡi nem ìni ǹhanċlil èp̀ṡōi ǹp̀ċois	Whensoever they shall go into the tabernacle of witness, they shall wash themselves with water, so they shall not die, whensoever they advance to the altar to do service and to offer the whole burnt-offerings to the Lord.
30:21	ⲉⲩⲉⲓⲱⲓ ⲛⲛⲟⲩϫⲓϫ ⲉⲃⲟⲗ ⲛⲉⲙⲛⲟⲩⲫⲁⲧ ϩⲓⲛⲁ ⲛⲧⲟⲩϣⲧⲉⲙⲙⲟⲩ ⲟⲩⲟϩ ⲉϥⲉϣⲱⲡⲓ ⲛⲱⲟⲩ ⲛⲟⲩⲛⲟⲙⲟⲥ ⲛⲉⲛⲉϩ ⲛⲁϥ ⲛⲉⲙⲛⲉϥⲅⲉⲛⲉⲁ ⲙⲉⲛⲉⲛⲥⲱϥ	ⲉⲩⲉ̀ⲓⲱⲓ ⲛ̀ⲛⲟⲩϫⲓϫ ⲉ̀ⲃⲟⲗ ⲛⲉⲙ ⲛⲟⲩⲫⲁⲧ ϩⲓⲛⲁ ⲛ̀ⲧⲟⲩϣⲧⲉⲙⲙⲟⲩ ⲟⲩⲟϩ ⲉϥⲉ̀ϣⲱⲡⲓ ⲛⲱⲟⲩ ⲛ̀ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲛⲁϥ ⲛⲉⲙ ⲛⲉϥⲅⲉⲛⲉⲁ̀ ⲙⲉⲛⲉⲛⲥⲱϥ	evèiōi ǹnoujig èvol nem noufat hina ǹtouṡtemmou ouoh efèṡōpi nōou ǹounomos ǹèneh naf nem nefgeneà menensōf	They shall wash their hands and feet with water, whensoever they shall go into the tabernacle of witness; they shall wash themselves with water, that they die not; and it shall be for them a perpetual statute, for him and his posterity after him.
30:22	ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh afsaji ǹje p̀ċois nem mōisys efgō m̀mos	And the Lord spoke to Moses, saying,
30:23	ϫⲉⲛⲑⲟⲕ ϭⲓ ⲛⲁⲕ ⲛϩⲁⲛⲥⲑⲟⲓ ⲟⲩϩⲣⲏⲣⲓ ⲛⲧⲉⲟⲩϣⲁⲗ ⲉϥⲥⲟⲧⲡ ⲫ̅ ⲛⲥⲓⲕⲗⲟⲥ ⲛⲉⲙⲟⲩⲕⲩⲛⲁⲙⲱⲙⲟⲛ ⲉϥⲟⲓ ⲛⲥⲑⲟⲓⲛⲟⲩϥⲓ ⲧⲫⲁϣⲓ ⲙⲫⲁⲓ ⲥ̅ⲛ̅ ⲛⲉⲙϩⲁⲛⲥⲏⲃⲓ ⲛⲥⲑⲟⲓⲛⲟⲩϥⲓ ⲉⲩⲓⲣⲓ ⲛⲥ̅ⲛ̅	ϫⲉ ⲛ̀ⲑⲟⲕ ϭⲓ ⲛⲁⲕ ⲛ̀ϩⲁⲛⲥ̀ⲑⲟⲓ ⲟⲩϩ̀ⲣⲏⲣⲓ ⲛ̀ⲧⲉ ⲟⲩϣⲁⲗ ⲉϥⲥⲟⲧⲡ 500 ⲛ̀ⲥⲓⲕⲗⲟⲥ ⲛⲉⲙ ⲟⲩⲕⲩⲛⲁⲙⲱⲙⲟⲛ ⲉϥⲟⲓ ⲛ̀ⲥ̀ⲑⲟⲓⲛⲟⲩϥⲓ ⲧ̀ⲫⲁϣⲓ ⲛ̀ⲫⲁⲓ 250 ⲛⲉⲙ ϩⲁⲛⲥⲏⲃⲓ ⲛ̀ⲥ̀ⲑⲟⲓⲛⲟⲩϥⲓ ⲉⲩⲓ̀ⲣⲓ ⲛ̀250	je ǹθok ċi nak ǹhans̀θoi ouh̀ryri ǹte ouṡal efsotp 500 ǹsiklos nem oukinamōmon efoi ǹs̀θoinoufi t̀faṡi ǹfai 250 nem hansyvi ǹs̀θoinoufi evìri ǹ250	Do thou also take sweet herbs, the flower of choice myrrh five hundred shekels, and the half of this two hundred and fifty shekels of sweet-smelling cinnamon, and two hundred and fifty shekels of sweet-smelling calamus,
30:24	ⲛⲉⲙⲟⲩⲓⲣⲓⲥ ⲉϥⲓⲣⲓ ⲛⲫ̅ ⲛⲥⲓⲕⲗⲟⲥ ⲛⲧⲉⲡⲉⲑⲟⲩⲁⲃ ⲛⲉⲙⲟⲩϩⲓⲛ ⲛⲛⲉϩ ⲉⲃⲟⲗ ϧⲉⲛϩⲁⲛϫⲱⲓⲧ	ⲛⲉⲙ ⲟⲩⲓⲣⲓⲥ ⲉϥⲓ̀ⲣⲓ ⲛ̀500 ⲛ̀ⲥⲓⲕⲗⲟⲥ ⲛ̀ⲧⲉ ⲡⲉⲑⲟⲩⲁⲃ ⲛⲉⲙ ⲟⲩϩⲓⲛ ⲛ̀ⲛⲉϩ ⲉ̀ⲃⲟⲗ ϧⲉⲛ ϩⲁⲛϫⲱⲓⲧ	nem ouiris efìri ǹ500 ǹsiklos ǹte peθouab nem ouhin ǹneh èvol xen hangōit	and of cassia five hundred shekels of the sanctuary, and a hin of olive oil.
30:25	ⲟⲩⲟϩ ⲉⲕⲉⲑⲁⲙⲓⲟϥ ⲛⲟⲩⲛⲉϩ ⲛⲑⲱϩⲥ ⲉϥⲟⲩⲁⲃ ⲟⲩⲥⲟϫⲉⲛ ⲛⲧⲉⲟⲩⲫⲁⲥ ⲥⲟϫⲉⲛ ⲟⲩⲧⲉⲭⲛⲏ ⲛⲧⲉⲟⲩⲫⲁⲥ ⲥⲟϫⲉⲛ ⲉϥⲉϣⲱⲡⲓ ⲛⲟⲩⲛⲉϩ ⲛⲑⲱϩⲥ ⲉϥⲟⲩⲁⲃ	ⲟⲩⲟϩ ⲉⲕⲉ̀ⲑⲁⲙⲓⲟϥ ⲛ̀ⲟⲩⲛⲉϩ ⲛ̀ⲑⲱϩⲥ ⲉϥⲟⲩⲁⲃ ⲟⲩⲥⲟϫⲉⲛ ⲛ̀ⲧⲉ ⲟⲩⲫⲁⲥ ⲥⲟϫⲉ ⲛ ⲟⲩⲧⲉⲭⲛⲏ ⲛ̀ⲧⲉ ⲟⲩⲫⲁⲥ ⲥⲟϫⲉ ⲛ ⲉϥⲉ̀ϣⲱⲡⲓ ⲛ̀ⲟⲩⲛⲉϩ ⲛ̀ⲑⲱϩⲥ ⲉϥⲟⲩⲁⲃ	ouoh ekèθamiof ǹouneh ǹθōhs efouab ousojen ǹte oufas soje n outexny ǹte oufas soje n efèṡōpi ǹouneh ǹθōhs efouab	And thou shalt make it a holy anointing oil, a perfumed ointment tempered by the art of the perfumer: it shall be a holy anointing oil.
30:26	ⲟⲩⲟϩ ⲉⲕⲉⲑⲱϩⲥ ⲉⲃⲟⲗ ⲙⲙⲟϥ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲛⲉⲙϯⲕⲓⲃⲱⲧⲟⲥ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉⲕⲉ̀ⲑⲱϩⲥ ⲉ̀ⲃⲟⲗ ⲙ̀ⲙⲟϥ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲛⲉⲙ ϯⲕⲓⲃⲱⲧⲟⲥ ⲛ̀ⲧⲉ ϯⲙⲉⲧⲙⲉⲑⲣⲉ	ouoh ekèθōhs èvol m̀mof ǹtis̀kiny ǹte timetmeθre nem tikibōtos ǹte timetmeθre	And thou shalt anoint with it the tabernacle of witness, and the ark of the tabernacle of witness,
30:27	ⲛⲉⲙϯⲗⲩⲭⲛⲓⲁ ⲛⲉⲙⲛⲉⲥⲥⲕⲉⲩⲟⲥ ⲧⲏⲣⲟⲩ ⲛⲉⲙⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓⲥⲑⲟⲓⲛⲟⲩϥⲓ	ⲛⲉⲙ ϯⲗⲩⲭⲛⲓⲁ ⲛⲉⲙ ⲛⲉⲥⲥ̀ⲕⲉⲩⲟⲥ ⲧⲏⲣⲟⲩ ⲛⲉⲙ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓⲥ̀ⲑⲟⲓⲛⲟⲩϥⲓ	nem tilixnia nem ness̀kevos tyrou nem pimaǹerṡōouṡi ǹte pis̀θoinoufi	and all its furniture, and the candlestick and all its furniture, and the altar of incense,
30:28	ⲛⲉⲙⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓϭⲗⲓⲗ ⲛⲉⲙⲛⲉϥⲥⲕⲉⲩⲟⲥ ⲧⲏⲣⲟⲩ ⲛⲉⲙϯⲧⲣⲁⲡⲉⲍⲁ ⲛⲉⲙⲛⲉⲥⲥⲕⲉⲩⲟⲥ ⲧⲏⲣⲟⲩ ⲛⲉⲙⲡⲓⲗⲟⲩⲧⲏⲣ ⲛⲉⲙⲧⲉϥⲃⲁⲥⲓⲥ	ⲛⲉⲙ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓϭⲗⲓⲗ ⲛⲉⲙ ⲛⲉϥⲥ̀ⲕⲉⲩⲟⲥ ⲧⲏⲣⲟⲩ ⲛⲉⲙ ϯⲧ̀ⲣⲁⲡⲉⲍⲁ ⲛⲉⲙ ⲛⲉⲥⲥ̀ⲕⲉⲩⲟⲥ ⲧⲏⲣⲟⲩ ⲛⲉⲙ ⲡⲓⲗⲟⲩⲧⲏⲣ ⲛⲉⲙ ⲧⲉϥⲃⲁⲥⲓⲥ	nem pimaǹerṡōouṡi ǹte piċlil nem nefs̀kevos tyrou nem tit̀rapeza nem ness̀kevos tyrou nem piloutyr nem tefbasis	and the altar of whole burnt-offerings and all its furniture, and the table and all its furniture, and the laver.
30:29	ⲟⲩⲟϩ ⲉⲕⲉⲧⲟⲩⲃⲱⲟⲩ ⲟⲩⲟϩ ⲉⲩⲉϣⲱⲡⲓ ⲉⲩⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲟⲩⲟⲛ ⲛⲓⲃⲉⲛ ⲉⲑⲛⲁϭⲓ ⲛⲉⲙⲱⲟⲩ ⲉϥⲉⲧⲟⲩⲃⲟ	ⲟⲩⲟϩ ⲉ̀ⲕⲉⲧⲟⲩⲃⲱⲟⲩ ⲟⲩⲟϩ ⲉⲩⲉ̀ϣⲱⲡⲓ ⲉⲩⲟⲩⲁⲃ ⲛ̀ⲧⲉ ⲛⲏ ⲉⲑⲟⲩⲁⲃ ⲟⲩⲟⲛ ⲛⲓⲃⲉⲛ ⲉⲑⲛⲁϭⲓ ⲛⲉⲙⲱⲟⲩ ⲉϥⲉ̀ⲧⲟⲩⲃⲟ	ouoh èketouvōou ouoh evèṡōpi evouab ǹte ny eθouab ouon niven eθnaċi nemōou efètouvo	And thou shalt sanctify them, and they shall be most holy: every one that touches them shall be hallowed.
30:30	ⲟⲩⲟϩ ⲁⲁⲣⲱⲛ ⲛⲉⲙⲛⲉϥϣⲏⲣⲓ ⲉⲕⲉⲑⲁϩⲥⲟⲩ ⲟⲩⲟϩ ⲉⲕⲉⲧⲟⲩⲃⲱⲟⲩ ⲉⲉⲣⲟⲩⲏⲃ ⲛⲏⲓ	ⲟⲩⲟϩ ⲁ̀ⲁⲣⲱⲛ ⲛⲉⲙ ⲛⲉϥϣⲏⲣⲓ ⲉⲕⲉ̀ⲑⲁϩⲥⲟⲩ ⲟⲩⲟϩ ⲉ̀ⲕⲉⲧⲟⲩⲃⲱⲟⲩ ⲉⲉⲣⲟⲩⲏⲃ ⲛⲏⲓ	ouoh àarōn nem nefṡyri ekèθahsou ouoh èketouvōou eerouyb nyi	And thou shalt anoint Aaron and his sons, and sanctify them that they may minister to me as priests.
30:31	ⲟⲩⲟϩ ⲉⲕⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉⲟⲩⲛⲉϩ ⲛⲑⲱϩⲥ ⲉϥⲟⲩⲁⲃ ⲡⲉ ⲫⲁⲓ ⲉϥⲉϣⲱⲡⲓ ⲛⲱⲧⲉⲛ ϣⲁⲛⲉⲧⲉⲛⲅⲉⲛⲉⲁ	ⲟⲩⲟϩ ⲉⲕⲉ̀ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲕϫⲱ ⲙ̀ⲙⲟⲥ ϫⲉ ⲟⲩⲛⲉϩ ⲛ̀ⲑⲱϩⲥ ⲉϥⲟⲩⲁⲃ ⲡⲉ ⲫⲁⲓ ⲉϥⲉ̀ϣⲱⲡⲓ ⲛⲱⲧⲉⲛ ϣⲁ ⲛⲉⲧⲉⲛⲅⲉⲛⲉⲁ̀	ouoh ekèsaji nem nenṡyri ǹpisrayl ekgō m̀mos je ouneh ǹθōhs efouab pe fai efèṡōpi nōten ṡa netengeneà	And thou shalt speak to the children of Israel, saying, This shall be to you a holy anointing oil throughout your generations.
30:32	ⲛⲛⲟⲩⲑⲟϩⲥϥ ⲉⲧⲥⲁⲣⲝ ⲛⲟⲩⲣⲱⲙⲓ ⲟⲩⲟϩ ⲕⲁⲧⲁⲡⲁⲓⲥⲉⲙⲛⲓ ⲫⲁⲓ ⲛⲛⲉⲧⲉⲛⲑⲁⲙⲓⲟ ⲛⲱⲧⲉⲛ ⲙⲡⲁⲓⲣⲏϯ ⲉϥⲟⲩⲁⲃ ⲟⲩⲟϩ ⲉϥⲉϣⲱⲡⲓ ⲛⲱⲧⲉⲛ ⲛⲟⲩⲧⲟⲩⲃⲟ	ⲛ̀ⲛⲟⲩⲑⲟϩⲥϥ ⲉ̀ⲧ̀ⲥⲁⲣⲝ ⲛ̀ⲟⲩⲣⲱⲙⲓ ⲟⲩⲟϩ ⲕⲁⲧⲁ ⲡⲁⲓⲥⲉⲙⲛⲓ ⲫⲁⲓ ⲛⲛⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲡⲁⲓⲣⲏϯ ⲉϥⲟⲩⲁⲃ ⲟⲩⲟϩ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ⲟⲩⲧⲟⲩⲃⲟ	ǹnouθohsf èt̀sarks ǹourōmi ouoh kata paisemni fai nnetenθamio nōten ǹpairyti efouab ouoh efèṡōpi nōten ǹoutouvo	On man's flesh it shall not be poured, and ye shall not make any for yourselves according to this composition: it is holy, and shall be holiness to you.
30:33	ⲫⲏ ⲉⲑⲛⲁⲑⲁⲙⲓⲟ ⲙⲡⲁⲓⲣⲏϯ ⲟⲩⲟϩ ⲫⲏ ⲉⲑⲛⲁϯ ⲉⲃⲟⲗ ⲙⲙⲟϥ ⲛⲟⲩⲁⲗⲗⲟⲅⲉⲛⲏⲥ ⲉⲩⲉϥⲟⲧϥ ⲉⲃⲟⲗ ϧⲉⲛⲡⲉϥⲗⲁⲟⲥ	ⲫⲏ ⲉⲑⲛⲁⲑⲁⲙⲓⲟ ⲛ̀ⲡⲁⲓⲣⲏϯ ⲟⲩⲟϩ ⲫⲏ ⲉⲑⲛⲁϯ ⲉ̀ⲃⲟⲗ ⲙ̀ⲙⲟϥ ⲛ̀ⲟⲩⲁⲗⲗⲟⲅⲉⲛⲏⲥ ⲉⲩⲉ̀ϥⲟⲧϥ ⲉ̀ⲃⲟⲗ ϧⲉⲛ ⲡⲉϥⲗⲁⲟⲥ	fy eθnaθamio ǹpairyti ouoh fy eθnati èvol m̀mof ǹouallogenys evèfotf èvol xen peflaos	Whosoever shall make it in like manner, and whosoever shall give of it to a stranger, shall be destroyed from among his people.
30:34	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉϭⲓ ⲛⲁⲕ ⲛϩⲁⲛⲥⲑⲟⲓⲛⲟⲩϥⲓ ⲟⲩⲥⲧⲁⲕⲧⲏ ⲛⲉⲙⲟⲩⲟⲛⲩⲝ ⲛⲉⲙⲟⲩⲭⲁⲗⲃⲁⲛⲏ ⲟⲩⲥⲑⲟⲓⲛⲟⲩϥⲓ ⲛⲉⲙⲟⲩⲗⲓⲃⲁⲛⲟⲥ ⲉϥϯⲙⲟⲩⲉ ⲉⲩⲟⲓ ⲛϩⲩⲥⲟⲥ ϧⲉⲛⲡⲟⲩϣⲓ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ ϫⲉ ϭⲓ ⲛⲁⲕ ⲛ̀ϩⲁⲛⲥ̀ⲑⲟⲓⲛⲟⲩϥⲓ ⲟⲩⲥⲧⲁⲕⲧⲏ ⲛⲉⲙ ⲟⲩⲟⲛⲩⲝ ⲛⲉⲙ ⲟⲩⲭⲁⲗⲃⲁⲛⲏ ⲟⲩⲥ̀ⲑⲟⲓⲛⲟⲩϥⲓ ⲛⲉⲙ ⲟⲩⲗⲓⲃⲁⲛⲟⲥ ⲉϥϯⲙⲟⲩⲉ ⲉⲩⲟⲓ ⲛ̀ϩⲩⲥⲟⲥ ϧⲉⲛ ⲡⲟⲩϣⲓ	ouoh peje p̀ċois ǹmōisys efgō m̀mos je ċi nak ǹhans̀θoinoufi oustakty nem ouoniks nem ouxalbany ous̀θoinoufi nem oulibanos eftimoue evoi ǹhisos xen pouṡi	And the Lord said to Moses, Take for thyself sweet herbs, stacte, onycha, sweet galbanum, and transparent frankincense; there shall be an equal weight of each.
30:35	ⲟⲩⲟϩ ⲉⲩⲉⲑⲁⲙⲓⲟϥ ⲛⲟⲩⲥⲑⲟⲓⲛⲟⲩϥⲓ ⲛⲥⲟϫⲉⲛ ⲉϥⲫⲟⲥⲓ ϧⲉⲛⲟⲩϩⲱⲃ ⲙⲫⲁⲥ ⲥⲟϫⲉⲛ ⲟⲩⲥⲉⲙⲛⲓ ⲉϥⲟⲩⲁⲃ ⲟⲩϩⲱⲃ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉⲩⲉ̀ⲑⲁⲙⲓⲟϥ ⲛ̀ⲟⲩⲥ̀ⲑⲟⲓⲛⲟⲩϥⲓ ⲛ̀ⲥⲟϫⲉⲛ ⲉϥⲫⲟⲥⲓ ϧⲉⲛ ⲟⲩϩⲱⲃ ⲛ̀ⲫⲁⲥ ⲥⲟϫⲉ ⲛ ⲟⲩⲥⲉⲙⲛⲓ ⲉϥⲟⲩⲁⲃ ⲟⲩϩⲱⲃ ⲉϥⲧⲟⲩⲃⲏⲟⲩⲧ	ouoh evèθamiof ǹous̀θoinoufi ǹsojen effosi xen ouhōb ǹfas soje n ousemni efouab ouhōb eftouvyout	And they shall make with it perfumed incense, tempered with the art of a perfumer, a pure holy work.
30:36	ⲟⲩⲟϩ ⲉⲕⲉⲧⲉⲛⲛⲟ ⲉϥϣⲟⲙ ⲉⲃⲟⲗ ϧⲉⲛⲛⲁⲓ ⲟⲩⲟϩ ⲉⲕⲉⲭⲱ ⲙⲡⲉⲙⲑⲟ ⲛⲛⲓⲙⲉⲧⲙⲉⲑⲣⲉⲩ ϧⲉⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲡⲓⲙⲁ ⲉϯⲛⲁⲟⲩⲟⲛϩⲧ ⲉⲣⲟⲕ ⲙⲙⲁⲩ ⲡⲉⲑⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲉϥⲉϣⲱⲡⲓ ⲛⲱⲧⲉⲛ	ⲟⲩⲟϩ ⲉⲕⲉ̀ⲧⲉⲛⲛⲟ ⲉϥϣⲟⲙ ⲉ̀ⲃⲟⲗ ϧⲉⲛ ⲛⲁⲓ ⲟⲩⲟϩ ⲉⲕⲉ̀ⲭⲱ ⲛ̀ⲡⲉⲙ̀ⲑⲟ ⲛ̀ⲛⲓⲙⲉⲧⲙⲉⲑⲣⲉⲩ ϧⲉⲛ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲡⲓⲙⲁ ⲉⲓⲛⲁⲟⲩⲟⲛϩⲧ ⲉ̀ⲣⲟⲕ ⲙ̀ⲙⲁⲩ ⲡⲉⲑⲟⲩⲁⲃ ⲛ̀ⲧⲉ ⲛⲏ ⲉⲑⲟⲩⲁⲃ ⲉϥⲉ̀ϣⲱⲡⲓ ⲛⲱⲧⲉⲛ	ouoh ekètenno efṡom èvol xen nai ouoh ekèkō ǹpem̀θo ǹnimetmeθrev xen tis̀kiny ǹte timetmeθre pima einaouonht èrok m̀mav peθouab ǹte ny eθouab efèṡōpi nōten	And of these thou shalt beat some small, and thou shalt put it before the testimonies in the tabernacle of testimony, whence I will make myself known to thee: it shall be to you a most holy incense.
30:37	ⲛⲟⲩⲥⲑⲟⲓⲛⲟⲩϥⲓ ⲕⲁⲧⲁⲡⲁⲓⲥⲉⲙⲛⲓ ⲫⲁⲓ ⲛⲛⲉⲧⲉⲛⲑⲁⲙⲓⲟ ⲛⲱⲧⲉⲛ ⲛⲑⲱⲧⲉⲛ ⲉϥⲉϣⲱⲡⲓ ⲛⲱⲧⲉⲛ ⲛⲟⲩⲧⲟⲩⲃⲟ ⲙⲡϭⲟⲓⲥ	ⲛ̀ⲟⲩⲥ̀ⲑⲟⲓⲛⲟⲩϥⲓ ⲕⲁⲧⲁ ⲡⲁⲓⲥⲉⲙⲛⲓ ⲫⲁⲓ ⲛⲛⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲑⲱⲧⲉⲛ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ⲟⲩⲧⲟⲩⲃⲟ ⲛ̀ⲧⲉ ⲡ̀ϭⲟⲓⲥ	ǹous̀θoinoufi kata paisemni fai nnetenθamio nōten ǹθōten efèṡōpi nōten ǹoutouvo ǹte p̀ċois	Ye shall not make any for yourselves according to this composition; it shall be to you a holy thing for the Lord.
30:38	ⲫⲏ ⲉⲑⲛⲁⲑⲁⲙⲓⲟ ⲛⲁϥ ⲙⲡⲁⲓⲣⲏϯ ϩⲱⲥⲧⲉ ⲉϣⲉⲗⲉⲙ ⲥⲑⲟⲓⲛⲟⲩϥⲓ ⲛϧⲏⲧϥ ⲉⲩⲉⲧⲁⲕⲟϥ ⲉⲃⲟⲗ ϧⲉⲛⲡⲉϥⲗⲁⲟⲥ	ⲫⲏ ⲉⲑⲛⲁⲑⲁⲙⲓⲟ ⲛⲁϥ ⲛ̀ⲡⲁⲓⲣⲏϯ ϩⲱⲥⲧⲉ ⲉ̀ϣⲉⲗⲉⲙ ⲥⲑⲟⲓⲛⲟⲩϥⲓ ⲛ̀ϧⲏⲧϥ ⲉⲩⲉ̀ⲧⲁⲕⲟϥ ⲉ̀ⲃⲟⲗ ϧⲉⲛ ⲡⲉϥⲗⲁⲟⲥ	fy eθnaθamio naf ǹpairyti hōste èṡelem sθoinoufi ǹxytf evètakof èvol xen peflaos	Whosoever shall make any in like manner, so as to smell it, shall perish from his people.

Provenance

title: 02_Exodus_30
dialect: bohairic
source: Coptic SCRIPTORIUM corpus "bohairic.ot", document 02_Exodus_30
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 02_Exodus_30 from Coptic SCRIPTORIUM (https://copticscriptorium.org), corpus bohairic.ot, document 02_Exodus_30, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Exodus/30.bohairic.scriptorium.L0.txt
title: 02_Exodus_30 — Cairene
dialect: bohairic
source: generated from 30.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_30)
licence: CC BY-SA 4.0
share: attribution
attribution: 02_Exodus_30 from Coptic SCRIPTORIUM (https://copticscriptorium.org), corpus bohairic.ot, document 02_Exodus_30, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/30.bohairic.scriptorium.L1.txt
title: 02_Exodus_30 — Kemetic
dialect: bohairic
source: generated from 30.bohairic.scriptorium.L1.txt
licence: CC BY-SA 4.0
share: attribution
attribution: 02_Exodus_30 from Coptic SCRIPTORIUM (https://copticscriptorium.org), corpus bohairic.ot, document 02_Exodus_30, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/30.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 38 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_30 (38 lines)

Cite as:

02_Exodus_30. Coptic SCRIPTORIUM corpus "bohairic.ot", document 02_Exodus_30. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/30.bohairic.scriptorium/. 02_Exodus_30 from Coptic SCRIPTORIUM (https://copticscriptorium.org), corpus bohairic.ot, document 02_Exodus_30, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.