02_Exodus_36 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_36

Attribution: 02_Exodus_36 from Coptic SCRIPTORIUM (https://copticscriptorium.org), corpus bohairic.ot, document 02_Exodus_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

40 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
36:1	ⲟⲩⲟϩ ⲁϥⲓⲣⲓ ⲛϫⲉⲃⲉⲥⲉⲗⲉⲏⲗ ⲛⲉⲙⲉⲗⲓⲁⲃ ⲛⲉⲙⲥⲟⲫⲟⲥ ⲛⲓⲃⲉⲛ ϧⲉⲛⲡⲉϥⲙⲉⲩⲓ ⲫⲏ ⲉⲧⲁⲩϯ ⲛⲁϥ ⲛⲟⲩⲥⲟⲫⲓⲁ ⲛⲉⲙⲟⲩⲉⲡⲓⲥⲧⲏⲙⲏ ⲉⲕⲁϯ ⲛϧⲏⲧⲟⲩ ⲉⲓⲣⲓ ⲛⲛⲓϩⲃⲏⲟⲩⲓ ⲧⲏⲣⲟⲩ ⲉⲧⲥⲙⲟⲛⲧ ⲕⲁⲧⲁⲛⲏ ⲉⲑⲟⲩⲁⲃ ⲛⲉⲙⲕⲁⲧⲁϩⲱⲃ ⲛⲓⲃⲉⲛ ⲉⲧⲁϥⲟⲩⲁϩⲥⲁϩⲛⲓ ⲙⲙⲱⲟⲩ ⲛϫⲉⲡϭⲟⲓⲥ	ⲟⲩⲟϩ ⲁϥⲓⲣⲓ ⲛ̀ϫⲉ ⲃⲉⲥⲉⲗⲉⲏⲗ ⲛⲉⲙ ⲉⲗⲓⲁⲃ ⲛⲉⲙ ⲥⲟⲫⲟⲥ ⲛⲓⲃⲉⲛ ϧⲉⲛ ⲡⲉϥⲙⲉⲩⲓ ⲫⲏ ⲉⲧⲁⲩϯ ⲛⲁϥ ⲛ̀ⲟⲩⲥⲟⲫⲓⲁ ⲛⲉⲙ ⲟⲩⲉⲡⲓⲥⲧⲏⲙⲏ ⲉ̀ⲕⲁϯ ⲛ̀ϧⲏⲧⲟⲩ ⲉ̀ⲓⲣⲓ ⲛ̀ⲛⲓϩ̀ⲃⲏⲟⲩⲓ̀ ⲧⲏⲣⲟⲩ ⲉ̀ⲧ̀ⲥⲙⲟⲛⲧ ⲕⲁⲧⲁ ⲛⲏ ⲉⲑⲟⲩⲁⲃ ⲛⲉⲙ ⲕⲁⲧⲁ ϩⲱⲃ ⲛⲓⲃⲉⲛ ⲉⲧⲁϥⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ	ouoh afiri ǹje veseleyl nem eliab nem sofos niven xen pefmevi fy etavti naf ǹousofia nem ouepistymy èkati ǹxytou èiri ǹnih̀vyouì tyrou èt̀smont kata ny eθouab nem kata hōb niven etafouahsahni m̀mōou ǹje p̀ċois	And Beseleel wrought, and Eliab and every one wise in understanding, to whom was given wisdom and knowledge, to understand to do all the works according to the holy offices, according to all things which the Lord appointed.
36:2	ⲟⲩⲟϩ ⲁϥⲙⲟⲩϯ ⲛϫⲉⲙⲱⲩⲥⲏⲥ ⲉⲃⲉⲥⲉⲗⲉⲏⲗ ⲛⲉⲙⲉⲗⲓⲁⲃ ⲛⲉⲙⲛⲏ ⲧⲏⲣⲟⲩ ⲉⲧⲉⲡⲓⲕⲁϯ ⲛϧⲏⲧⲟⲩ ⲫⲏ ⲉⲧⲁ ⲫⲛⲟⲩϯ ϯ ⲛⲁϥ ⲛⲟⲩⲉⲡⲓⲥⲧⲏⲙⲏ ϧⲉⲛⲡⲉϥϩⲏⲧ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲟⲩⲱϣ ⲉⲓ ⲉϧⲟⲩⲛ ϧⲉⲛⲡⲟⲩⲱϣ ϩⲁⲛⲓϩⲃⲏⲟⲩⲓ ϩⲱⲥⲧⲉ ⲉϫⲟⲕⲟⲩ ⲉⲃⲟⲗ	ⲟⲩⲟϩ ⲁϥⲙⲟⲩϯ ⲛ̀ϫⲉ ⲙⲱⲩⲥⲏⲥ ⲉⲃⲉⲥⲉⲗⲉⲏⲗ ⲛⲉⲙ ⲉⲗⲓⲁⲃ ⲛⲉⲙ ⲛⲏ ⲧⲏⲣⲟⲩ ⲉ̀ⲧⲉ ⲡⲓⲕⲁϯ ⲛ̀ϧⲏⲧⲟⲩ ⲫⲏ ⲉ̀ⲧⲁ ⲫ̀ⲛⲟⲩϯ ϯ ⲛⲁϥ ⲛ̀ⲟⲩⲉⲡⲓⲥⲧⲏⲙⲏ ϧⲉⲛ ⲡⲉϥϩⲏⲧ ⲛⲉⲙ ⲟⲩⲟⲛ ⲛⲓⲃⲉⲛ ⲉⲑⲟⲩⲱϣ ⲓ̀ ⲉ̀ϧⲟⲩⲛ ϧⲉⲛ ⲡ̀ⲟⲩⲱϣ ϩⲁ ⲛⲓϩ̀ⲃⲏⲟⲩⲓ ϩⲱⲥⲧⲉ ⲉ̀ϫⲟⲕⲟⲩ ⲉ̀ⲃⲟⲗ	ouoh afmouti ǹje mōisys eveseleyl nem eliab nem ny tyrou ète pikati ǹxytou fy èta f̀nouti ti naf ǹouepistymy xen pefhyt nem ouon niven eθouōṡ ì èxoun xen p̀ouōṡ ha nih̀vyoui hōste ègokou èvol	And Moses called Beseleel and Eliab, and all that had wisdom, to whom God gave knowledge in their heart, and all who were freely willing to come forward to the works, to perform them.
36:3	ⲟⲩⲟϩ ⲁⲩϭⲓ ⲛⲧⲟⲧϥ ⲙⲙⲱⲩⲥⲏⲥ ⲛⲛⲓⲁⲫⲉⲣⲉⲙⲁ ⲧⲏⲣⲟⲩ ⲛⲏ ⲉⲧⲁⲩⲉⲛⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲑⲣⲟⲩⲑⲁⲙⲓⲱⲟⲩ ⲉⲛⲓϩⲃⲏⲟⲩⲓ ⲧⲏⲣⲟⲩ ⲛⲧⲉⲡⲉⲑⲟⲩⲁⲃ ⲟⲩⲟϩ ⲛⲑⲱⲟⲩ ⲛⲁⲩϭⲓ ⲉⲧⲓ ⲛⲛⲏ ⲉⲛⲁⲩⲓⲛⲓ ⲙⲙⲱⲟⲩ ⲉϧⲟⲩⲛ ⲉⲃⲟⲗ ϩⲓⲧⲟⲧⲟⲩ ⲛⲏ ⲉⲛⲁⲩⲓⲛⲓ ⲙⲙⲱⲟⲩ ⲉϧⲟⲩⲛ ⲛϩⲁⲛⲁⲧⲟⲟⲩⲓ ⲛϣⲱⲣⲡ ⲙⲙⲏⲛⲓ	ⲟⲩⲟϩ ⲁⲩϭⲓ ⲛ̀ⲧⲟⲧϥ ⲛ̀ⲙⲱⲩⲥⲏⲥ ⲛ̀ⲛⲓⲁⲫⲉⲣⲉⲙⲁ ⲧⲏⲣⲟⲩ ⲛⲏ ⲉⲧⲁⲩⲉⲛⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲑⲣⲟⲩⲑⲁⲙⲓⲱⲟⲩ ⲉ̀ⲛⲓϩ̀ⲃⲏⲟⲩⲓ̀ ⲧⲏⲣⲟⲩ ⲛ̀ⲧⲉ ⲡⲉⲑⲟⲩⲁⲃ ⲟⲩⲟϩ ⲛ̀ⲑⲱⲟⲩ ⲛⲁⲩϭⲓ ⲉ̀ⲧⲓ ⲛ̀ⲛⲏ ⲉⲛⲁⲩⲓ̀ⲛⲓ ⲙ̀ⲙⲱⲟⲩ ⲉ̀ϧⲟⲩⲛ ⲉ̀ⲃⲟⲗ ϩⲓⲧⲟⲧⲟⲩ ⲛⲏ ⲉⲛⲁⲩⲓ̀ⲛⲓ ⲙ̀ⲙⲱⲟⲩ ⲉ̀ϧⲟⲩⲛ ⲛ̀ϩⲁⲛⲁ̀ⲧⲟⲟⲩⲓ̀ ⲛ̀ϣⲱⲣⲡ ⲛ̀ⲙⲏⲛⲓ	ouoh avċi ǹtotf ǹmōisys ǹniaferema tyrou ny etavenou ǹje nenṡyri ǹpisrayl èθrouθamiōou ènih̀vyouì tyrou ǹte peθouab ouoh ǹθōou navċi èti ǹny enavìni m̀mōou èxoun èvol hitotou ny enavìni m̀mōou èxoun ǹhanàtoouì ǹṡōrp ǹmyni	And they received from Moses all the offerings, which the children of Israel brought for all the works of the sanctuary to do them; and they continued to receive the gifts brought, from those who brought them in the morning.
36:4	ⲟⲩⲟϩ ⲁⲩⲓ ⲛϫⲉⲛⲓⲥⲟⲫⲟⲥ ⲧⲏⲣⲟⲩ ⲛⲏ ⲉⲧⲑⲁⲙⲓⲟ ⲛⲛⲓϩⲃⲏⲟⲩⲓ ⲛⲧⲉⲡⲉⲑⲟⲩⲁⲃ ⲫⲟⲩⲁⲓ ⲫⲟⲩⲁⲓ ⲕⲁⲧⲁⲡⲉϥϩⲱⲃ ⲉⲛⲁⲩⲉⲣϩⲱⲃ ⲉⲣⲟϥ	ⲟⲩⲟϩ ⲁⲩⲓ̀ ⲛ̀ϫⲉ ⲛⲓⲥⲟⲫⲟⲥ ⲧⲏⲣⲟⲩ ⲛⲏ ⲉⲧⲑⲁⲙⲓⲟ ⲛ̀ⲛⲓϩ̀ⲃⲏⲟⲩⲓ̀ ⲛ̀ⲧⲉ ⲡⲉⲑⲟⲩⲁⲃ ⲫ̀ⲟⲩⲁⲓ ⲫ̀ⲟⲩⲁⲓ ⲕⲁⲧⲁ ⲡⲉϥϩⲱⲃ ⲉⲛⲁⲩⲉⲣϩⲱⲃ ⲉ̀ⲣⲟϥ	ouoh avì ǹje nisofos tyrou ny etθamio ǹnih̀vyouì ǹte peθouab f̀ouai f̀ouai kata pefhōb enaverhōb èrof	And there came all the wise men who wrought the works of the sanctuary, each according to his own work, which they wrought.
36:5	ⲟⲩⲟϩ ⲡⲉϫⲱⲟⲩ ⲙⲙⲱⲩⲥⲏⲥ ϫⲉⲛⲁϣⲉ ⲛⲏ ⲉⲧⲉⲡⲓⲗⲁⲟⲥ ⲓⲛⲓ ⲙⲙⲱⲟⲩ ⲉϧⲟⲩⲛ ⲡⲁⲣⲁⲛⲓϩⲃⲏⲟⲩⲓ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲑⲁⲙⲓⲱⲟⲩ	ⲟⲩⲟϩ ⲡⲉϫⲱⲟⲩ ⲛ̀ⲙⲱⲩⲥⲏⲥ ϫⲉ ⲛⲁϣⲉ ⲛⲏ ⲉ̀ⲧⲉ ⲡⲓⲗⲁⲟⲥ ⲓ̀ⲛⲓ ⲙ̀ⲙⲱⲟⲩ ⲉ̀ϧⲟⲩⲛ ⲡⲁⲣⲁ ⲛⲓϩ̀ⲃⲏⲟⲩⲓ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲑⲁⲙⲓⲱⲟⲩ	ouoh pegōou ǹmōisys je naṡe ny ète pilaos ìni m̀mōou èxoun para nih̀vyoui èta p̀ċois honhen eθamiōou	And one said to Moses, The people bring an abundance too great in proportion to all the works which the Lord has appointed them to do.
36:6	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛϫⲉⲙⲱⲩⲥⲏⲥ ⲟⲩⲟϩ ⲁϥϩⲓⲱⲓϣ ϧⲉⲛϯⲡⲁⲣⲉⲙⲃⲟⲗⲏ ⲉϥϫⲱ ⲙⲙⲟⲥ ϫⲉⲣⲱⲙⲓ ⲛⲉⲙⲥϩⲓⲙⲓ ⲙⲡⲉⲛⲑⲣⲟⲩⲉⲣϩⲱⲃ ϫⲉⲉⲛⲓⲁⲡⲁⲣⲭⲏ ⲛⲧⲉⲛⲉⲑⲟⲩⲁⲃ ⲟⲩⲟϩ ⲁϥⲧⲁϩⲛⲟ ⲛϫⲉⲡⲓⲗⲁⲟⲥ ⲉϣⲧⲉⲙⲓⲛⲓ ⲉϧⲟⲩⲛ ϫⲉⲟⲩⲟϩ	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲁϥϩⲓⲱⲓϣ ϧⲉⲛ ϯⲡⲁⲣⲉⲙⲃⲟⲗⲏ ⲉϥϫⲱ ⲙ̀ⲙⲟⲥ ϫⲉ ⲣⲱⲙⲓ ⲛⲉⲙ ⲥϩⲓⲙⲓ ⲙ̀ⲡⲉⲛⲑⲣⲟⲩⲉⲣϩⲱⲃ ϫⲉ ⲉ̀ⲛⲓⲁ̀ⲡⲁⲣⲭⲏ ⲛ̀ⲧⲉ ⲛⲉⲑⲟⲩⲁⲃ ⲟⲩⲟϩ ⲁϥⲧⲁϩⲛⲟ ⲛ̀ϫⲉ ⲡⲓⲗⲁⲟⲥ ⲉ̀ϣⲧⲉⲙⲓ̀ⲛⲓ ⲉ̀ϧⲟⲩⲛ ϫⲉ ⲟⲩⲟϩ	ouoh afouahsahni ǹje mōisys ouoh afhiōiṡ xen tiparemboly efgō m̀mos je rōmi nem s·himi m̀penθrouerhōb je èniàparṡy ǹte neθouab ouoh aftahno ǹje pilaos èṡtemìni èxoun je ouoh	And Moses commanded, and proclaimed in the camp, saying, Let neither man nor woman any longer labour for the offerings of the sanctuary; and the people were restrained from bringing any more.
36:7	ⲛⲓϩⲃⲏⲟⲩⲓ ⲛⲁⲩⲣⲱϣⲓ ⲙⲙⲱⲟⲩ ⲡⲉ ⲉⲡⲓⲥⲟⲃϯ ⲉⲑⲁⲙⲓⲟϥ ⲟⲩⲟϩ ⲁ ⲟⲩⲟⲛ ⲉⲣϩⲟⲩⲟ	ⲛⲓϩ̀ⲃⲏⲟⲩⲓ ⲛⲁⲩⲣⲱϣⲓ ⲙ̀ⲙⲱⲟⲩ ⲡⲉ ⲉ̀ⲡⲓⲥⲟⲃϯ ⲉ̀ⲑⲁⲙⲓⲟϥ ⲟⲩⲟϩ ⲁ ⲟⲩⲟⲛ ⲉⲣϩⲟⲩⲟ	nih̀vyoui navrōṡi m̀mōou pe èpisovti èθamiof ouoh a ouon erhouo	And they had materials sufficient for making the furniture, and they left some besides.
36:8	ⲟⲩⲟϩ ⲁϥⲑⲁⲙⲓⲟ ⲛϫⲉⲥⲟⲫⲟⲥ ⲛⲓⲃⲉⲛ ϧⲉⲛⲛⲏ ⲉⲧⲉⲣϩⲱⲃ ⲉⲛⲓⲥⲧⲟⲗⲏ ⲛⲧⲉⲛⲏ ⲉⲑⲟⲩⲁⲃ ⲛⲏ ⲉⲑⲛⲁϣⲱⲡⲓ ⲛⲁⲁⲣⲱⲛ ⲡⲓⲟⲩⲏⲃ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲟⲩⲟϩ ⲁϥⲑⲁⲙⲓⲟ ⲛ̀ϫⲉ ⲥⲟⲫⲟⲥ ⲛⲓⲃⲉⲛ ϧⲉⲛ ⲛⲏ ⲉⲧⲉⲣϩⲱⲃ ⲉ̀ⲛⲓⲥ̀ⲧⲟⲗⲏ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲏ ⲉⲑⲛⲁϣⲱⲡⲓ ⲛ̀ⲁⲁⲣⲱⲛ ⲡⲓⲟⲩⲏⲃ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	ouoh afθamio ǹje sofos niven xen ny eterhōb ènis̀toly ǹte ny eθouab ny eθnaṡōpi ǹaarōn piouyb kata f̀ryti èta p̀ċois honhen etotf ǹmōisys	And every wise one among those that wrought made the robes of the holy places, which belong to Aaron the priest, as the Lord commanded Moses.
36:9	ⲟⲩⲟϩ ⲁⲩⲑⲁⲙⲓⲟ ⲛϯⲉⲡⲱⲙⲓⲥ ⲉⲃⲟⲗ ϧⲉⲛⲟⲩⲛⲟⲩⲃ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲟⲥ ⲉϥⲉⲣϩⲓⲏⲃ ⲛⲉⲙⲟⲩϣⲉⲛⲥ ⲉϥⲥⲁϯ	ⲟⲩⲟϩ ⲁⲩⲑⲁⲙⲓⲟ ⲛ̀ϯⲉⲡⲱⲙⲓⲥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲟⲥ ⲉϥⲉⲣϩⲓⲏⲃ ⲛⲉⲙ ⲟⲩϣⲉⲛⲥ ⲉϥⲥⲁϯ	ouoh avθamio ǹtiepōmis èvol xen ounoub nem ouhiakinθinon nem ouċyji nem oukokkos eferhiyb nem ouṡens efsati	And he made the ephod of gold, and blue, and purple, and spun scarlet, and fine linen twined.
36:10	ⲟⲩⲟϩ ⲁⲩϣⲉⲛⲧ ⲛⲓⲡⲉⲧⲁⲗⲟⲛ ⲛⲧⲉⲡⲓⲛⲟⲩⲃ ⲛϩⲁⲛϥⲱⲓ ϩⲱⲥⲧⲉ ⲉⲥⲁϧⲟⲩ ⲛⲉⲙⲡⲓϩⲩⲁⲕⲓⲛⲑⲓⲛⲟⲛ ⲛⲉⲙⲡⲓϭⲏϫⲓ ⲛⲉⲙⲡⲓⲕⲟⲕⲕⲓⲛⲟⲛ ⲉⲧⲉⲣϩⲓⲏⲃ ⲛⲉⲙⲡⲓϣⲉⲛⲥ ⲉϥⲥⲁϯ ⲁⲩⲑⲁⲙⲓⲟϥ ⲛϩⲱⲃ ⲛⲥⲱϧⲓ	ⲟⲩⲟϩ ⲁⲩϣⲉⲛⲧ ⲛⲓⲡⲉⲧⲁⲗⲟⲛ ⲛ̀ⲧⲉ ⲡⲓⲛⲟⲩⲃ ⲛ̀ϩⲁⲛϥⲱⲓ ϩⲱⲥⲧⲉ ⲉ̀ⲥⲁϧⲟⲩ ⲛⲉⲙ ⲡⲓϩⲩⲁⲕⲓⲛⲑⲓⲛⲟⲛ ⲛⲉⲙ ⲡⲓϭⲏϫⲓ ⲛⲉⲙ ⲡⲓⲕⲟⲕⲕⲓⲛⲟⲛ ⲉⲧⲉⲣϩⲓⲏⲃ ⲛⲉⲙ ⲡⲓϣⲉⲛⲥ ⲉϥⲥⲁϯ ⲁⲩⲑⲁⲙⲓⲟϥ ⲛ̀ϩⲱⲃ ⲛ̀ⲥⲱϧⲓ	ouoh avṡent nipetalon ǹte pinoub ǹhanfōi hōste èsaxou nem pihiakinθinon nem piċyji nem pikokkinon eterhiyb nem piṡens efsati avθamiof ǹhōb ǹsōxi	And the plates were divided, the threads of gold, so as to interweave with the blue and purple, and with the spun scarlet, and the fine linen twined, they made it a woven work;
36:11	ϩⲁⲛⲉⲡⲱⲙⲓⲥ ⲉⲩϣⲟⲛⲧ ⲉⲃⲟⲗ ϧⲉⲛⲡⲉϥⲥⲁⲃ̅ ⲟⲩϩⲱⲃ ⲛⲥⲱϧⲓ ⲉϧⲟⲩⲛ ⲉⲛⲟⲩⲉⲣⲏⲟⲩ ⲉⲩϣⲟⲛⲧ ϧⲁⲣⲓ ϧⲁⲣⲟϥ	ϩⲁ ⲛⲉⲡⲱⲙⲓⲥ ⲉⲩϣⲟⲛⲧ ⲉ̀ⲃⲟⲗ ϧⲉⲛ ⲡⲉϥⲥⲁⲃ̅ ⲟⲩϩⲱⲃ ⲛ̀ⲥⲱϧⲓ ⲉ̀ϧⲟⲩⲛ ⲉ̀ⲛⲟⲩⲉⲣⲏⲟⲩ ⲉⲩϣⲟⲛⲧ ϧⲁⲣⲓ ϧⲁⲣⲟϥ	ha nepōmis evṡont èvol xen pefsab ouhōb ǹsōxi èxoun ènoueryou evṡont xari xarof	shoulder-pieces joined from both sides, a work woven by mutual twisting of the parts into one another.
36:12	ⲁⲩⲑⲁⲙⲓⲟ ⲙⲙⲟϥ ⲕⲁⲧⲁⲡⲉϥⲑⲁⲙⲓⲟ ⲉⲃⲟⲗ ϧⲉⲛⲟⲩⲛⲟⲩⲃ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙⲟⲩϣⲉⲛⲥ ⲉϥⲥⲁϯ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲁⲩⲑⲁⲙⲓⲟ ⲙ̀ⲙⲟϥ ⲕⲁⲧⲁ ⲡⲉϥⲑⲁⲙⲓⲟ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙ ⲟⲩϣⲉⲛⲥ ⲉϥⲥⲁϯ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	avθamio m̀mof kata pefθamio èvol xen ounoub nem ouhiakinθinon nem ouċyji nem oukokkinon eferhiyb nem ouṡens efsati kata f̀ryti èta p̀ċois honhen etotf ǹmōisys	They made it of the same material according to the making of it, of gold, and blue, and purple, and spun scarlet, and fine linen twined, as the Lord commanded Moses;
36:13	ⲟⲩⲟϩ ⲁⲩⲑⲁⲙⲓⲟ ⲙⲡⲓⲱⲛⲓ ⲃ̅ ⲛⲧⲉⲡⲓⲥⲙⲁⲣⲁⲅⲇⲟⲥ ⲉⲩϣⲏϣ ⲛⲉⲙⲛⲟⲩⲉⲣⲏⲟⲩ ⲟⲩⲟϩ ⲉⲩⲗⲁⲗⲏⲟⲩⲧ ⲛⲛⲟⲩⲃ ⲟⲩⲟϩ ⲉⲩⲫⲟⲧϩ ϧⲉⲛⲟⲩⲫⲱⲧϩ ⲛⲥⲫⲣⲁⲅⲓⲥ ⲉⲃⲟⲗ ϧⲉⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲁⲩⲑⲁⲙⲓⲟ ⲛ̀ⲡⲓⲱⲛⲓ 2 ⲛ̀ⲧⲉ ⲡⲓⲥⲙⲁⲣⲁⲅⲇⲟⲥ ⲉⲩϣⲏϣ ⲛⲉⲙ ⲛⲟⲩⲉ̀ⲣⲏⲟⲩ ⲟⲩⲟϩ ⲉⲩⲗⲁⲗⲏⲟⲩⲧ ⲛ̀ⲛⲟⲩⲃ ⲟⲩⲟϩ ⲉⲩⲫⲟⲧϩ ϧⲉⲛ ⲟⲩⲫⲱⲧϩ ⲛ̀ⲥⲫⲣⲁⲅⲓⲥ ⲉ̀ⲃⲟⲗ ϧⲉⲛ ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh avθamio ǹpiōni 2 ǹte pismaraġḋos evṡyṡ nem nouèryou ouoh evlalyout ǹnoub ouoh evfot·h xen oufōt·h ǹsfragis èvol xen niran ǹte nenṡyri ǹpisrayl	and they made the two emerald stones clasped together and set in gold, graven and cut after the cutting of a seal with the names of the children of Israel;
36:14	ⲟⲩⲟϩ ⲁϥⲥⲉⲙⲛⲏⲧⲟⲩ ϩⲓϫⲉⲛⲛⲓⲛⲁϩⲃⲓ ⲛⲧⲉϯⲉⲡⲱⲙⲓⲥ ⲛϩⲁⲛⲱⲛⲓ ⲛⲉⲣⲫⲙⲉⲩⲓ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲟⲩⲟϩ ⲁϥⲥⲉⲙⲛⲏⲧⲟⲩ ϩⲓϫⲉⲛ ⲛⲓⲛⲁϩⲃⲓ ⲛ̀ⲧⲉ ϯⲉⲡⲱⲙⲓⲥ ⲛ̀ϩⲁⲛⲱⲛⲓ ⲛ̀ⲉⲣⲫⲙⲉⲩⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	ouoh afsemnytou hijen ninahvi ǹte tiepōmis ǹhanōni ǹerfmevi ǹte nenṡyri ǹpisrayl kata f̀ryti èta p̀ċois honhen etotf ǹmōisys	and he put them on the shoulder-pieces of the ephod, as stones of memorial of the children of Israel, as the Lord appointed Moses.
36:15	ⲟⲩⲟϩ ⲁⲩⲑⲁⲙⲓⲟ ⲙⲡⲓⲗⲟⲅⲓⲟⲛ ⲛϩⲱⲃ ⲛⲥⲱϧⲓ ⲉϥⲥⲉⲗⲥⲱⲗ ⲕⲁⲧⲁⲡⲓϩⲱⲃ ⲛⲧⲉϯⲉⲡⲱⲙⲓⲥ ⲉⲃⲟⲗ ϧⲉⲛⲟⲩⲛⲟⲩⲃ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙⲟⲩϣⲉⲛⲥ ⲉϥⲥⲁϯ	ⲟⲩⲟϩ ⲁⲩⲑⲁⲙⲓⲟ ⲛ̀ⲡⲓⲗⲟⲅⲓⲟⲛ ⲛ̀ϩⲱⲃ ⲛ̀ⲥⲱϧⲓ ⲉϥⲥⲉⲗⲥⲱⲗ ⲕⲁⲧⲁ ⲡⲓϩⲱⲃ ⲛ̀ⲧⲉ ϯⲉⲡⲱⲙⲓⲥ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙ ⲟⲩϣⲉⲛⲥ ⲉϥⲥⲁϯ	ouoh avθamio ǹpilogion ǹhōb ǹsōxi efselsōl kata pihōb ǹte tiepōmis èvol xen ounoub nem ouhiakinθinon nem ouċyji nem oukokkinon eferhiyb nem ouṡens efsati	And they made the oracle, a work woven with embroidery, according to the work of the ephod, of gold, and blue, and purple, and spun scarlet, and fine linen twined.
36:16	ⲁⲩⲑⲁⲙⲓⲟ ⲙⲡⲓⲗⲟⲅⲓⲟⲛ ⲉϥⲟⲓ ⲛⲧⲉⲧⲣⲁⲅⲱⲛⲟⲛ ⲛⲇⲓⲡⲗⲟⲩⲛ ⲉϥⲓⲣⲓ ⲛⲟⲩⲉⲣⲧⲱ ⲛϣⲓⲏ ⲛⲉⲙⲟⲩⲉⲣⲧⲱ ⲛⲟⲩⲏϣⲥⲓ ⲛⲇⲓⲡⲗⲟⲩⲛ	ⲁⲩⲑⲁⲙⲓⲟ ⲛ̀ⲡⲓⲗⲟⲅⲓⲟⲛ ⲉϥⲟⲓ ⲛ̀ⲧⲉⲧⲣⲁⲅⲱⲛⲟⲛ ⲛ̀ⲇⲓⲡⲗⲟⲩⲛ ⲉϥⲓ̀ⲣⲓ ⲛ̀ⲟⲩⲉⲣⲧⲱ ⲛ̀ϣⲓⲏ ⲛⲉⲙ ⲟⲩⲉⲣⲧⲱ ⲛ̀ⲟⲩⲏϣⲥⲓ ⲛ̀ⲇⲓⲡⲗⲟⲩⲛ	avθamio ǹpilogion efoi ǹtetraġōnon ǹḋiploun efìri ǹouertō ǹṡiy nem ouertō ǹouyṡsi ǹḋiploun	They made the oracle square and double, the length of a span, and the breadth of a span, double.
36:17	ⲟⲩⲟϩ ⲁⲩⲥⲱϧⲓ ⲛϧⲏⲧϥ ⲛⲟⲩⲥⲱϧⲓ ⲕⲁⲧⲁⲟⲩⲱⲛⲓ ⲛⲧⲉⲧⲣⲁⲥⲭⲓⲛⲟⲛ ⲟⲩⲥⲧⲓⲭⲟⲥ ⲛⲧⲉϩⲁⲛⲱⲛⲓ ⲛⲥⲁⲣⲇⲓⲟⲛ ⲛⲉⲙⲟⲩⲧⲟⲡⲁⲍⲓⲟⲛ ⲛⲉⲙⲟⲩⲥⲙⲁⲣⲁⲅⲇⲟⲥ ⲉⲡⲓⲟⲩⲁⲓ ⲛⲥⲧⲩⲭⲟⲥ	ⲟⲩⲟϩ ⲁⲩⲥⲱϧⲓ ⲛ̀ϧⲏⲧϥ ⲛ̀ⲟⲩⲥⲱϧⲓ ⲕⲁⲧⲁ ⲟⲩⲱⲛⲓ ⲛ̀ⲧⲉ ⲧⲣⲁⲥⲭⲓⲛⲟⲛ ⲟⲩⲥⲧⲓⲭⲟⲥ ⲛ̀ⲧⲉ ϩⲁⲛⲱⲛⲓ ⲛ̀ⲥⲁⲣⲇⲓⲟⲛ ⲛⲉⲙ ⲟⲩⲧⲟⲡⲁⲍⲓⲟⲛ ⲛⲉⲙ ⲟⲩⲥⲙⲁⲣⲁⲅⲇⲟⲥ ⲉ̀ⲡⲓⲟⲩⲁⲓ ⲛ̀ⲥⲧⲩⲭⲟⲥ	ouoh avsōxi ǹxytf ǹousōxi kata ouōni ǹte trasṡinon oustixos ǹte hanōni ǹsarḋion nem outopazion nem ousmaraġḋos èpiouai ǹstixos	And there was interwoven with it a woven work of four rows of stones, a series of stones, the first row, a sardius and topaz and emerald;
36:18	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩ ⲃ̅ ⲟⲩⲁⲛⲇⲣⲁⲝ ⲛⲉⲙⲟⲩⲥⲁⲡⲫⲓⲣⲟⲥ ⲛⲉⲙⲟⲩⲓⲁⲥⲡⲓⲥ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ 2 ⲟⲩⲁⲛⲇⲣⲁⲝ ⲛⲉⲙ ⲟⲩⲥⲁⲡⲫⲓⲣⲟⲥ ⲛⲉⲙ ⲟⲩⲓⲁⲥⲡⲓⲥ	ouoh pistixos ǹmah 2 ouanḋraks nem ousapfiros nem ouiaspis	and the second row, a carbuncle and sapphire and jasper;
36:19	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩ ⲅ̅ ⲟⲩⲗⲓⲅⲓⲣⲓⲟⲛ ⲛⲉⲙⲟⲩⲁⲭⲁⲧⲏⲥ ⲛⲉⲙⲟⲩⲁⲙⲉⲑⲩⲥⲧⲟⲥ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ 3 ⲟⲩⲗⲓⲅⲓⲣⲓⲟⲛ ⲛⲉⲙ ⲟⲩⲁⲭⲁⲧⲏⲥ ⲛⲉⲙ ⲟⲩⲁⲙⲉⲑⲩⲥⲧⲟⲥ	ouoh pistixos ǹmah 3 ouligirion nem ouaxatys nem ouameθistos	and the third row, a ligure and agate and amethyst;
36:20	ⲟⲩⲟϩ ⲡⲓⲥⲧⲩⲭⲟⲥ ⲙⲙⲁϩⲇ̅ ⲟⲩⲭⲣⲓⲥⲟⲗⲓⲑⲟⲥ ⲛⲉⲙⲟⲩⲃⲏⲣⲓⲗⲗⲟⲥ ⲛⲉⲙⲟⲩⲟⲛⲩⲭⲓⲟⲛ ⲉⲩⲧⲁⲕⲧⲏⲟⲩⲧ ⲛⲛⲟⲩⲃ ⲟⲩⲟϩ ⲉⲩⲥⲟⲛϩ ϧⲉⲛⲟⲩⲛⲟⲩⲃ	ⲟⲩⲟϩ ⲡⲓⲥⲧⲩⲭⲟⲥ ⲛ̀ⲙⲁϩ4 ⲟⲩⲭⲣⲓⲥⲟⲗⲓⲑⲟⲥ ⲛⲉⲙ ⲟⲩⲃⲏⲣⲓⲗⲗⲟⲥ ⲛⲉⲙ ⲟⲩⲟⲛⲩⲭⲓⲟⲛ ⲉⲩⲧⲁⲕⲧⲏⲟⲩⲧ ⲛ̀ⲛⲟⲩⲃ ⲟⲩⲟϩ ⲉⲩⲥⲟⲛϩ ϧⲉⲛ ⲟⲩⲛⲟⲩⲃ	ouoh pistixos ǹmah4 ouxrisoliθos nem ouvyrillos nem ouonikion evtaktyout ǹnoub ouoh evsonh xen ounoub	and the fourth row a chrysolite and beryl and onyx set round about with gold, and fastened with gold.
36:21	ⲟⲩⲟϩ ⲛⲓⲱⲛⲓ ⲛⲉ ϩⲁⲛ ⲉⲃⲟⲗ ϧⲉⲛⲛⲓⲣⲁⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲉ ⲓ̅ⲃ̅ ⲕⲁⲧⲁⲛⲟⲩⲣⲁⲛ ⲉⲩⲫⲟⲧϩ ⲛⲥⲫⲣⲁⲅⲓⲥ ⲫⲟⲩⲁⲓ ⲫⲟⲩⲁⲓ ⲉⲃⲟⲗ ϧⲉⲛⲡⲉϥⲣⲁⲛ ⲉϯⲓ̅ⲃ̅ ⲙⲫⲩⲗⲏ	ⲟⲩⲟϩ ⲛⲓⲱⲛⲓ ⲛⲉ ϩⲁⲛ ⲉ̀ⲃⲟⲗ ϧⲉⲛ ⲛⲓⲣⲁⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲉ 12 ⲕⲁⲧⲁ ⲛⲟⲩⲣⲁⲛ ⲉⲩⲫⲟⲧϩ ⲛ̀ⲥⲫⲣⲁⲅⲓⲥ ⲫ̀ⲟⲩⲁⲓ ⲫ̀ⲟⲩⲁⲓ ⲉ̀ⲃⲟⲗ ϧⲉⲛ ⲡⲉϥⲣⲁⲛ ⲉ̀ϯ12 ⲛ̀ⲫⲩⲗⲏ	ouoh niōni ne han èvol xen niran ǹte nenṡyri ǹpisrayl ne 12 kata nouran evfot·h ǹsfragis f̀ouai f̀ouai èvol xen pefran èti12 ǹfily	And the stones were twelve according to the names of the children of Israel, graven according to their names like seals, each according to his own name for the twelve tribes.
36:22	ⲟⲩⲟϩ ⲁⲩⲑⲁⲙⲓⲟ ⲙⲡⲓⲗⲟⲅⲓⲟⲛ ⲛϩⲁⲛϣⲧⲁϯ ⲉⲩϣⲟⲛⲧ ⲉⲃⲟⲗ ϧⲉⲛⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ⲟⲩⲟϩ ⲁⲩⲑⲁⲙⲓⲟ ⲛ̀ⲡⲓⲗⲟⲅⲓⲟⲛ ⲛ̀ϩⲁⲛϣⲧⲁϯ ⲉⲩϣⲟⲛⲧ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲉϥⲧⲟⲩⲃⲏⲟⲩⲧ	ouoh avθamio ǹpilogion ǹhanṡtati evṡont èvol xen ounoub eftouvyout	And they made on the oracle turned wreaths, wreathen work, of pure gold,
36:23	ⲟⲩⲟϩ ⲁⲩⲑⲁⲙⲓⲟ ⲛⲁϥ ⲙⲡⲓⲁⲥⲡⲓⲇⲓⲇⲕⲟⲥ ⲃ̅ ⲛⲛⲟⲩⲃ ⲛⲉⲙϣϭⲟⲩⲣ ⲃ̅ ⲛⲛⲟⲩⲃ	ⲟⲩⲟϩ ⲁⲩⲑⲁⲙⲓⲟ ⲛⲁϥ ⲛ̀ⲡⲓⲁⲥⲡⲓⲇⲓⲇⲕⲟⲥ 2 ⲛ̀ⲛⲟⲩⲃ ⲛⲉⲙ ϣϭⲟⲩⲣ 2 ⲛ̀ⲛⲟⲩⲃ	ouoh avθamio naf ǹpiaspiḋiḋkos 2 ǹnoub nem ṡċour 2 ǹnoub	and they made two golden circlets and two golden rings.
36:24	ⲟⲩⲟϩ ⲁⲩⲭⲱ ⲙⲡⲓϣϭⲟⲩⲣ ⲃ̅ ⲛⲛⲟⲩⲃ ⲉϫⲉⲛϯⲁⲣⲭⲏ ⲥⲛⲟⲩϯ ⲛⲧⲉⲡⲓⲗⲟⲅⲓⲟⲛ	ⲟⲩⲟϩ ⲁⲩⲭⲱ ⲛ̀ⲡⲓϣϭⲟⲩⲣ 2 ⲛ̀ⲛⲟⲩⲃ ⲉ̀ϫⲉⲛ ϯⲁⲣⲭⲏ ⲥ̀ⲛⲟⲩϯ ⲛ̀ⲧⲉ ⲡⲓⲗⲟⲅⲓⲟⲛ	ouoh avkō ǹpiṡċour 2 ǹnoub èjen tiarṡy s̀nouti ǹte pilogion	And they put the two golden rings on both the upper corners of the oracle;
36:25	ⲟⲩⲟϩ ⲁⲩⲭⲱ ⲛⲛⲓϣⲱⲛⲧ ⲛⲓⲉⲃⲟⲗ ϧⲉⲛⲡⲓⲛⲟⲩⲃ ⲉϫⲉⲛⲡⲓϣϭⲟⲩⲣ ⲃ̅ ⲥⲁⲡⲓⲥⲁ ⲃ̅ ⲛⲧⲉⲡⲓⲗⲟⲅⲓⲟⲛ ⲟⲩⲟϩ ⲡⲓϩⲱⲗⲕ ⲃ̅ ⲉϫⲉⲛϯⲥⲩⲙⲃⲟⲗⲏ ⲥⲛⲟⲩϯ	ⲟⲩⲟϩ ⲁⲩⲭⲱ ⲛ̀ⲛⲓϣⲱⲛⲧ ⲛⲓⲉ̀ⲃⲟⲗ ϧⲉⲛ ⲡⲓⲛⲟⲩⲃ ⲉ̀ϫⲉⲛ ⲡⲓϣϭⲟⲩⲣ 2 ⲥⲁⲡⲓⲥⲁ 2 ⲛ̀ⲧⲉ ⲡⲓⲗⲟⲅⲓⲟⲛ ⲟⲩⲟϩ ⲡⲓϩⲱⲗⲕ 2 ⲉ̀ϫⲉⲛ ϯⲥⲩⲙⲃⲟⲗⲏ ⲥ̀ⲛⲟⲩϯ	ouoh avkō ǹniṡōnt nièvol xen pinoub èjen piṡċour 2 sapisa 2 ǹte pilogion ouoh pihōlk 2 èjen tisimboly s̀nouti	and they put the golden wreaths on the rings on both sides of the oracle, and the two wreaths into the two couplings.
36:26	ⲟⲩⲟϩ ⲁⲩⲭⲁⲩ ⲉϫⲉⲛⲡⲓⲁⲥⲡⲓⲇⲓⲥⲕⲟⲥ ⲃ̅ ⲟⲩⲟϩ ⲁⲩⲥⲉⲙⲛⲏⲧⲟⲩ ⲉϫⲉⲛϯⲛⲁϩⲡⲓ ⲥⲛⲟⲩϯ ⲛⲧⲉϯⲉⲡⲱⲙⲓⲥ ⲟⲩⲃⲉ ⲛⲟⲩⲉⲣⲏⲟⲩ ⲙⲡⲉϥⲙⲑⲟ	ⲟⲩⲟϩ ⲁⲩⲭⲁⲩ ⲉ̀ϫⲉⲛ ⲡⲓⲁⲥⲡⲓⲇⲓⲥⲕⲟⲥ 2 ⲟⲩⲟϩ ⲁⲩⲥⲉⲙⲛⲏⲧⲟⲩ ⲉ̀ϫⲉⲛ ϯⲛⲁϩⲡⲓ ⲥ̀ⲛⲟⲩϯ ⲛ̀ⲧⲉ ϯⲉⲡⲱⲙⲓⲥ ⲟⲩⲃⲉ ⲛⲟⲩⲉ̀ⲣⲏⲟⲩ ⲛ̀ⲡⲉϥⲙ̀ⲑⲟ	ouoh avkav èjen piaspidiskos 2 ouoh avsemnytou èjen tinahpi s̀nouti ǹte tiepōmis ouve nouèryou ǹpefm̀θo	And they put them on the two circlets, and they put them on the shoulders of the ephod opposite each other in front.
36:27	ⲟⲩⲟϩ ⲁⲩⲑⲁⲙⲓⲟ ⲛϣϭⲟⲩⲣ ⲃ̅ ⲛⲛⲟⲩⲃ ⲟⲩⲟϩ ⲁⲩⲥⲉⲙⲛⲏⲧⲟⲩ ϩⲓϫⲉⲛⲡⲓⲧⲉⲛϩ ⲃ̅ ⲓⲥϫⲉⲛ ⲡⲓⲗⲁⲕϩ ⲛⲧⲉⲡⲓⲗⲟⲅⲓⲟⲛ ϩⲓϫⲉⲛⲡⲓⲗⲁⲕϩ ⲃ̅ ⲛⲧⲉϩⲓⲫⲁϩⲟⲩ ⲛⲧⲉϯⲉⲡⲱⲙⲓⲥ ⲥⲁⲡⲥⲁ ⲛϧⲟⲩⲛ	ⲟⲩⲟϩ ⲁⲩⲑⲁⲙⲓⲟ ⲛ̀ϣϭⲟⲩⲣ 2 ⲛ̀ⲛⲟⲩⲃ ⲟⲩⲟϩ ⲁⲩⲥⲉⲙⲛⲏⲧⲟⲩ ϩⲓϫⲉⲛ ⲡⲓⲧⲉⲛϩ 2 ⲓⲥϫⲉⲛ ⲡⲓⲗⲁⲕϩ ⲛ̀ⲧⲉ ⲡⲓⲗⲟⲅⲓⲟⲛ ϩⲓϫⲉⲛ ⲡⲓⲗⲁⲕϩ 2 ⲛ̀ⲧⲉ ϩⲓⲫⲁϩⲟⲩ ⲛ̀ⲧⲉ ϯⲉⲡⲱⲙⲓⲥ ⲥⲁⲡ̀ⲥⲁ ⲛ̀ϧⲟⲩⲛ	ouoh avθamio ǹṡċour 2 ǹnoub ouoh avsemnytou hijen pitenh 2 isjen pilak·h ǹte pilogion hijen pilak·h 2 ǹte hifahou ǹte tiepōmis sap̀·sa ǹxoun	And they made two golden rings, and put them on the two projections on the top of the oracle, and on the top of the hinder part of the ephod within.
36:28	ⲟⲩⲟϩ ⲁⲩⲑⲁⲙⲓⲟ ⲛϣϭⲟⲩⲣ ⲃ̅ ⲛⲛⲟⲩⲃ ⲟⲩⲟϩ ⲁⲩⲭⲁⲩ ϩⲓϫⲉⲛϯⲛⲁϩⲃⲓ ⲥⲛⲟⲩϯ ⲛⲧⲉϯⲉⲡⲱⲙⲓⲥ ⲥⲁⲡⲉⲥⲏⲧ ⲙⲙⲟϥ ⲟⲩⲃⲉ ⲛⲟⲩϩⲟ ⲕⲁⲧⲁϯⲥⲩⲙⲃⲟⲗⲏ ⲥⲁⲡϣⲱⲓ ⲙⲡⲓⲥⲱϧⲓ ⲛⲧⲉϯⲉⲡⲱⲙⲓⲥ	ⲟⲩⲟϩ ⲁⲩⲑⲁⲙⲓⲟ ⲛ̀ϣϭⲟⲩⲣ 2 ⲛ̀ⲛⲟⲩⲃ ⲟⲩⲟϩ ⲁⲩⲭⲁⲩ ϩⲓϫⲉⲛ ϯⲛⲁϩⲃⲓ ⲥ̀ⲛⲟⲩϯ ⲛ̀ⲧⲉ ϯⲉⲡⲱⲙⲓⲥ ⲥⲁⲡⲉⲥⲏⲧ ⲙ̀ⲙⲟϥ ⲟⲩⲃⲉ ⲛ̀ⲟⲩϩⲟ ⲕⲁⲧⲁ ϯⲥⲩⲙⲃⲟⲗⲏ ⲥⲁⲡ̀ϣⲱⲓ ⲙ̀ⲡⲓⲥⲱϧⲓ ⲛ̀ⲧⲉ ϯⲉⲡⲱⲙⲓⲥ	ouoh avθamio ǹṡċour 2 ǹnoub ouoh avkav hijen tinahvi s̀nouti ǹte tiepōmis sapesyt m̀mof ouve ǹouho kata tisimboly sap̀ṡōi m̀pisōxi ǹte tiepōmis	And they made two golden rings, and put them on both the shoulders of the ephod under it, in front by the coupling above the connexion of the ephod.
36:29	ⲟⲩⲟϩ ⲁⲩϭⲱⲗⲕ ⲙⲡⲓⲗⲟⲅⲓⲟⲛ ⲉⲃⲟⲗ ϧⲉⲛⲛⲓϣϭⲟⲩⲣ ⲛⲏ ⲉⲧⲭⲏ ϩⲓϫⲱϥ ⲉϧⲟⲩⲛ ⲉⲛⲓϣϭⲟⲩⲣ ⲛⲧⲉϯⲉⲡⲱⲙⲓⲥ ⲉⲩⲧⲟⲙⲓ ⲉⲛⲟⲩⲉⲣⲏⲟⲩ ⲉⲃⲟⲗ ϧⲉⲛⲡⲓϩⲩⲁⲕⲓⲛⲑⲓⲛⲟⲛ ⲉⲩϣⲟⲛⲧ ⲉϧⲟⲩⲛ ⲉⲡⲓⲥⲱϧⲓ ⲛⲧⲉϯⲉⲡⲱⲙⲓⲥ ϩⲓⲛⲁ ⲛⲧⲟⲩϣⲧⲉⲙⲭⲱ ⲉϧⲣⲏⲓ ⲙⲡⲓⲗⲟⲅⲓⲟⲛ ⲉⲃⲟⲗ ϩⲓϯⲉⲡⲱⲙⲓⲥ ⲕⲁⲧⲁⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲟⲩⲟϩ ⲁⲩϭⲱⲗⲕ ⲛ̀ⲡⲓⲗⲟⲅⲓⲟⲛ ⲉ̀ⲃⲟⲗ ϧⲉⲛ ⲛⲓϣϭⲟⲩⲣ ⲛⲏ ⲉⲧⲭⲏ ϩⲓϫⲱϥ ⲉ̀ϧⲟⲩⲛ ⲉ̀ⲛⲓϣϭⲟⲩⲣ ⲛ̀ⲧⲉ ϯⲉⲡⲱⲙⲓⲥ ⲉⲩⲧⲟⲙⲓ ⲉ̀ⲛⲟⲩⲉⲣⲏⲟⲩ ⲉ̀ⲃⲟⲗ ϧⲉⲛ ⲡⲓϩⲩⲁⲕⲓⲛⲑⲓⲛⲟⲛ ⲉⲩϣⲟⲛⲧ ⲉ̀ϧⲟⲩⲛ ⲉ̀ⲡⲓⲥⲱϧⲓ ⲛ̀ⲧⲉ ϯⲉⲡⲱⲙⲓⲥ ϩⲓⲛⲁ ⲛ̀ⲧⲟⲩϣⲧⲉⲙⲭⲱ ⲉ̀ϧ̀ⲣⲏⲓ ⲛ̀ⲡⲓⲗⲟⲅⲓⲟⲛ ⲉ̀ⲃⲟⲗ ϩⲓ ϯⲉⲡⲱⲙⲓⲥ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	ouoh avċōlk ǹpilogion èvol xen niṡċour ny etky higōf èxoun èniṡċour ǹte tiepōmis evtomi ènoueryou èvol xen pihiakinθinon evṡont èxoun èpisōxi ǹte tiepōmis hina ǹtouṡtemkō èx̀ryi ǹpilogion èvol hi tiepōmis kata f̀ryti èta p̀ċois honhen etotf ǹmōisys	And he fastened the oracle by the rings that were on it to the rings of the ephod, which were fastened with a string of blue, joined together with the woven work of the ephod; that the oracle should not be loosed from the ephod, as the Lord commanded Moses.
36:30	ⲟⲩⲟϩ ⲁⲩⲑⲁⲙⲓⲟ ⲛϯϣⲑⲏⲛ ⲛϩⲓⲡⲟⲇⲓⲧⲏⲥ ⲥⲁⲡⲉⲥⲏⲧ ⲛϯⲉⲡⲱⲙⲓⲥ ⲟⲩϩⲱⲃ ⲛⲥⲱϧⲓ ⲛϩⲩⲁⲕⲓⲛⲑⲓⲛⲟⲛ ⲧⲏⲣϥ	ⲟⲩⲟϩ ⲁⲩⲑⲁⲙⲓⲟ ⲛ̀ϯϣⲑⲏⲛ ⲛ̀ϩⲓⲡⲟⲇⲓⲧⲏⲥ ⲥⲁⲡⲉⲥⲏⲧ ⲛ̀ϯⲉⲡⲱⲙⲓⲥ ⲟⲩϩⲱⲃ ⲛ̀ⲥⲱϧⲓ ⲛ̀ϩⲩⲁⲕⲓⲛⲑⲓⲛⲟⲛ ⲧⲏⲣϥ	ouoh avθamio ǹtiṡθyn ǹhipoḋitys sapesyt ǹtiepōmis ouhōb ǹsōxi ǹhiakinθinon tyrf	And they made the tunic under the ephod, woven work, all of blue.
36:31	ϩⲑⲏⲥ ⲇⲉ ⲛϯϣⲑⲏⲛ ⲛⲁⲥ ϧⲉⲛⲧⲉⲥⲙⲏϯ ⲉϥⲥⲏϧⲓ ⲛϩⲱⲃ ⲛϣⲱⲛⲧ ⲉⲣⲉⲟⲩⲟⲛ ⲟⲩⲥⲱⲃⲓ ⲛⲁⲧϯⲟⲩⲱ ⲕⲱϯ ⲉϩⲑⲏⲥ	ϩⲑⲏⲥ ⲇⲉ ⲛ̀ϯϣⲑⲏⲛ ⲛⲁⲥ ϧⲉⲛ ⲧⲉⲥⲙⲏϯ ⲉϥⲥⲏϧⲓ ⲛ̀ϩⲱⲃ ⲛ̀ϣⲱⲛⲧ ⲉ̀ⲣⲉ ⲟⲩⲟⲛ ⲟⲩⲥⲱⲃⲓ ⲛ̀ⲁⲧϯⲟⲩⲱ ⲕⲱϯ ⲉ̀ϩ̀ⲑⲏⲥ	hθys ḋe ǹtiṡθyn nas xen tesmyti efsyxi ǹhōb ǹṡōnt ère ouon ousōvi ǹattiouō kōti èh̀θys	And the opening of the tunic in the midst woven closely together, the opening having a fringe round about, that it might not be rent.
36:32	ⲟⲩⲟϩ ⲁⲩⲑⲁⲙⲓⲟ ⲉϫⲉⲛⲡⲓⲗⲱⲟⲩ ⲛⲧⲉϯϣⲑⲏⲛ ⲥⲁⲡⲉⲥⲏⲧ ⲙⲫⲣⲏϯ ⲛⲟⲩⲃⲟ ⲛⲉⲣⲙⲁⲛ ⲉⲥⲫⲟⲣⲓ ⲉⲃⲟⲗ ⲛϩⲁⲛⲉⲣⲙⲁⲛ ⲉⲃⲟⲗ ϧⲉⲛⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙⲟⲩϣⲉⲛⲥ ⲉϥⲥⲁϯ	ⲟⲩⲟϩ ⲁⲩⲑⲁⲙⲓⲟ ⲉ̀ϫⲉⲛ ⲡⲓⲗⲱⲟⲩ ⲛ̀ⲧⲉ ϯϣⲑⲏⲛ ⲥⲁⲡⲉⲥⲏⲧ ⲛ̀ⲫ̀ⲣⲏϯ ⲛ̀ⲟⲩⲃⲟ ⲛ̀ⲉⲣⲙⲁⲛ ⲉⲥⲫⲟⲣⲓ ⲉ̀ⲃⲟⲗ ⲛ̀ϩⲁⲛⲉⲣⲙⲁⲛ ⲉ̀ⲃⲟⲗ ϧⲉⲛ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲛⲉⲙ ⲟⲩϣⲉⲛⲥ ⲉϥⲥⲁϯ	ouoh avθamio èjen pilōou ǹte tiṡθyn sapesyt ǹf̀ryti ǹouvo ǹerman esfori èvol ǹhanerman èvol xen ouhiakinθinon nem ouċyji nem oukokkinon eferhiyb nem ouṡens efsati	And they made on the border of the tunic below pomegranates as of a flowering pomegranate tree, of blue, and purple, and spun scarlet, and fine linen twined.
36:33	ⲟⲩⲟϩ ⲁⲩⲑⲁⲙⲓⲟ ⲛϩⲁⲛϣⲕⲉⲗⲕⲓⲗ ⲛⲛⲟⲩⲃ ⲟⲩⲟϩ ⲁⲩⲭⲱ ⲛⲛⲓϣⲕⲉⲗⲕⲓⲗ ⲉϫⲉⲛⲡⲓⲗⲱⲟⲩ ⲛⲧⲉϯϣⲑⲏⲛ ⲉϥⲕⲱϯ ⲟⲩⲧⲉ ⲑⲙⲏϯ ⲛⲛⲓⲉⲣⲙⲁⲛ	ⲟⲩⲟϩ ⲁⲩⲑⲁⲙⲓⲟ ⲛ̀ϩⲁⲛϣⲕⲉⲗⲕⲓⲗ ⲛ̀ⲛⲟⲩⲃ ⲟⲩⲟϩ ⲁⲩⲭⲱ ⲛ̀ⲛⲓϣⲕⲉⲗⲕⲓⲗ ⲉ̀ϫⲉⲛ ⲡⲓⲗⲱⲟⲩ ⲛ̀ⲧⲉ ϯϣⲑⲏⲛ ⲉϥⲕⲱϯ ⲟⲩⲧⲉ ⲑ̀ⲙⲏϯ ⲛ̀ⲛⲓⲉⲣⲙⲁⲛ	ouoh avθamio ǹhanṡkelkil ǹnoub ouoh avkō ǹniṡkelkil èjen pilōou ǹte tiṡθyn efkōti oute θ̀myti ǹnierman	And they made golden bells, and put the bells on the border of the tunic round about between the pomegranates:
36:34	ⲟⲩϣⲕⲉⲗⲕⲓⲗ ⲛⲛⲟⲩⲃ ⲛⲉⲙⲟⲩⲉⲣⲙⲁⲛ ϩⲓϫⲉⲛⲡⲓⲗⲱⲟⲩ ⲛⲧⲉϯϣⲑⲏⲛ ⲉϥⲕⲱϯ ⲉⲩϣⲟⲡ ⲉⲡⲓⲫⲱϣⲉⲛ ⲙⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲟⲩϣⲕⲉⲗⲕⲓⲗ ⲛ̀ⲛⲟⲩⲃ ⲛⲉⲙ ⲟⲩⲉⲣⲙⲁⲛ ϩⲓϫⲉⲛ ⲡⲓⲗⲱⲟⲩ ⲛ̀ⲧⲉ ϯϣⲑⲏⲛ ⲉϥⲕⲱϯ ⲉⲩϣⲟⲡ ⲉ̀ⲡⲓⲫⲱϣⲉⲛ ⲛ̀ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	ouṡkelkil ǹnoub nem ouerman hijen pilōou ǹte tiṡθyn efkōti evṡop èpifōṡen ǹf̀ryti èta p̀ċois honhen etotf ǹmōisys	a golden bell and a pomegranate on the border of the tunic round about, for the ministration, as the Lord commanded Moses.
36:35	ⲟⲩⲟϩ ⲁⲩⲑⲁⲙⲓⲟ ⲛϩⲁⲛϣⲑⲏⲛ ⲛϣⲉⲛⲥ ⲟⲩϩⲱⲃ ⲛⲥⲱϧⲓ ⲛⲁⲁⲣⲱⲛ ⲛⲉⲙⲛⲉϥϣⲏⲣⲓ	ⲟⲩⲟϩ ⲁⲩⲑⲁⲙⲓⲟ ⲛ̀ϩⲁⲛϣⲑⲏⲛ ⲛ̀ϣⲉⲛⲥ ⲟⲩϩⲱⲃ ⲛ̀ⲥⲱϧⲓ ⲛ̀ⲁⲁⲣⲱⲛ ⲛⲉⲙ ⲛⲉϥϣⲏⲣⲓ	ouoh avθamio ǹhanṡθyn ǹṡens ouhōb ǹsōxi ǹaarōn nem nefṡyri	And they made vestments of fine linen, a woven work, for Aaron and his sons,
36:36	ⲛⲉⲙⲛⲓⲕⲩⲇⲁⲣⲓⲥ ⲉⲃⲟⲗ ϧⲉⲛⲟⲩϣⲉⲛⲥ ⲛⲉⲙⲛⲓⲙⲓⲧⲣⲁ ⲉⲃⲟⲗ ϧⲉⲛⲟⲩϣⲉⲛⲥ ⲛⲉⲙⲛⲓⲡⲉⲣⲓⲥⲕⲉⲗⲏ ⲉⲃⲟⲗ ϧⲉⲛⲟⲩϣⲉⲛⲥ ⲉϥⲥⲁϯ	ⲛⲉⲙ ⲛⲓⲕⲩⲇⲁⲣⲓⲥ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲛⲉⲙ ⲛⲓⲙⲓⲧⲣⲁ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲛⲉⲙ ⲛⲓⲡⲉⲣⲓⲥⲕⲉⲗⲏ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲉϥⲥⲁϯ	nem nikiḋaris èvol xen ouṡens nem nimitra èvol xen ouṡens nem niperiskely èvol xen ouṡens efsati	and the tires of fine linen, and the mitre of fine linen, and the drawers of fine linen twined;
36:37	ⲛⲉⲙⲛⲟⲩⲙⲟϫϩ ⲉⲃⲟⲗ ϧⲉⲛⲟⲩϣⲉⲛⲥ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙⲟⲩϭⲏϫⲓ ⲛⲉⲙⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲟⲩϩⲱⲃ ⲙⲡⲟⲓⲕⲓⲗⲧⲟⲛ ⲙⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲛⲉⲙ ⲛⲟⲩⲙⲟϫϩ ⲉ̀ⲃⲟⲗ ϧⲉⲛ ⲟⲩϣⲉⲛⲥ ⲛⲉⲙ ⲟⲩϩⲩⲁⲕⲓⲛⲑⲓⲛⲟⲛ ⲛⲉⲙ ⲟⲩϭⲏϫⲓ ⲛⲉⲙ ⲟⲩⲕⲟⲕⲕⲓⲛⲟⲛ ⲉϥⲉⲣϩⲓⲏⲃ ⲟⲩϩⲱⲃ ⲙⲡⲟⲓⲕⲓⲗⲧⲟⲛ ⲛ̀ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	nem noumogh èvol xen ouṡens nem ouhiakinθinon nem ouċyji nem oukokkinon eferhiyb ouhōb mpoikilton ǹf̀ryti èta p̀ċois honhen etotf ǹmōisys	and their girdles of fine linen, and blue, and purple, and scarlet spun, the work of an embroiderer, according as the Lord commanded Moses.
36:38	ⲟⲩⲟϩ ⲁⲩⲑⲁⲙⲓⲟ ⲙⲡⲓⲡⲉⲧⲁⲗⲟⲛ ⲛⲛⲟⲩⲃ ⲛⲟⲩⲁⲫⲟⲣⲓⲥⲙⲁ ⲛⲧⲉⲡⲉⲑⲟⲩⲁⲃ ⲉⲃⲟⲗ ϧⲉⲛⲟⲩⲛⲟⲩⲃ ⲉϥⲟⲩⲁⲃ	ⲟⲩⲟϩ ⲁⲩⲑⲁⲙⲓⲟ ⲛ̀ⲡⲓⲡⲉⲧⲁⲗⲟⲛ ⲛ̀ⲛⲟⲩⲃ ⲛ̀ⲟⲩⲁⲫⲟⲣⲓⲥⲙⲁ ⲛ̀ⲧⲉ ⲡⲉⲑⲟⲩⲁⲃ ⲉ̀ⲃⲟⲗ ϧⲉⲛ ⲟⲩⲛⲟⲩⲃ ⲉϥⲟⲩⲁⲃ	ouoh avθamio ǹpipetalon ǹnoub ǹouaforisma ǹte peθouab èvol xen ounoub efouab	And they made the golden plate, a dedicated thing of the sanctuary, of pure gold;
36:39	ⲟⲩⲟϩ ⲁϥⲥϧⲁⲓ ⲛϧⲣⲏⲓ ϩⲓⲱⲧϥ ⲛϩⲁⲛⲥϧⲁⲓ ⲉⲩⲫⲟⲧϩ ⲛⲥⲫⲣⲁⲅⲓⲥ ⲛⲧⲟⲩⲃⲟ ⲙⲡϭⲟⲓⲥ	ⲟⲩⲟϩ ⲁϥⲥ̀ϧⲁⲓ ⲛ̀ϧ̀ⲣⲏⲓ ϩⲓⲱⲧϥ ⲛ̀ϩⲁⲛⲥ̀ϧⲁⲓ ⲉⲩⲫⲟⲧϩ ⲛ̀ⲥⲫⲣⲁⲅⲓⲥ ⲛ̀ⲧⲟⲩⲃⲟ ⲛ̀ⲡ̀ϭⲟⲓⲥ	ouoh afs̀xai ǹx̀ryi hiōtf ǹhans̀xai evfot·h ǹsfragis ǹtouvo ǹp̀ċois	and he wrote upon it graven letters as of a seal, Holiness to the Lord.
36:40	ⲟⲩⲟϩ ⲁⲩⲭⲱ ϩⲓϫⲱϥ ⲛⲟⲩⲗⲱⲟⲩ ⲛϩⲩⲁⲕⲓⲛⲑⲓⲛⲟⲛ ϩⲱⲥⲧⲉ ⲛⲧⲉⲥϣⲱⲡⲓ ⲉⲥⲭⲏ ϩⲓϫⲉⲛϯⲙⲓⲧⲣⲁ ⲥⲁⲡϣⲱⲓ ⲙⲫⲣⲏϯ ⲉⲧⲁ ⲡϭⲟⲓⲥ ϩⲟⲛϩⲉⲛ ⲉⲧⲟⲧϥ ⲙⲙⲱⲩⲥⲏⲥ	ⲟⲩⲟϩ ⲁⲩⲭⲱ ϩⲓϫⲱϥ ⲛ̀ⲟⲩⲗⲱⲟⲩ ⲛ̀ϩⲩⲁⲕⲓⲛⲑⲓⲛⲟⲛ ϩⲱⲥⲧⲉ ⲛ̀ⲧⲉⲥϣⲱⲡⲓ ⲉⲥⲭⲏ ϩⲓϫⲉⲛ ϯⲙⲓⲧⲣⲁ ⲥⲁⲡ̀ϣⲱⲓ ⲛ̀ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϩⲟⲛϩⲉⲛ ⲉⲧⲟⲧϥ ⲛ̀ⲙⲱⲩⲥⲏⲥ	ouoh avkō higōf ǹoulōou ǹhiakinθinon hōste ǹtesṡōpi esky hijen timitra sap̀ṡōi ǹf̀ryti èta p̀ċois honhen etotf ǹmōisys	And they put it on the border of blue, so that it should be on the mitre above, as the Lord commanded Moses.

Provenance

title: 02_Exodus_36
dialect: bohairic
source: Coptic SCRIPTORIUM corpus "bohairic.ot", document 02_Exodus_36
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 02_Exodus_36 from Coptic SCRIPTORIUM (https://copticscriptorium.org), corpus bohairic.ot, document 02_Exodus_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Exodus/36.bohairic.scriptorium.L0.txt
title: 02_Exodus_36 — Cairene
dialect: bohairic
source: generated from 36.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_36)
licence: CC BY-SA 4.0
share: attribution
attribution: 02_Exodus_36 from Coptic SCRIPTORIUM (https://copticscriptorium.org), corpus bohairic.ot, document 02_Exodus_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/36.bohairic.scriptorium.L1.txt
title: 02_Exodus_36 — Kemetic
dialect: bohairic
source: generated from 36.bohairic.scriptorium.L1.txt
licence: CC BY-SA 4.0
share: attribution
attribution: 02_Exodus_36 from Coptic SCRIPTORIUM (https://copticscriptorium.org), corpus bohairic.ot, document 02_Exodus_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/36.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 40 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_36 (40 lines)

Cite as:

02_Exodus_36. Coptic SCRIPTORIUM corpus "bohairic.ot", document 02_Exodus_36. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/36.bohairic.scriptorium/. 02_Exodus_36 from Coptic SCRIPTORIUM (https://copticscriptorium.org), corpus bohairic.ot, document 02_Exodus_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.