26_Ezechiel_03 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_03

Attribution: 26_Ezechiel_03 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

27 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
3:1	ⲟⲩⲟϩ ⲡⲉϫⲁϥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲟⲩⲱⲙ ⲛ̀ⲧⲁⲓⲕⲉⲫⲁⲗⲓⲥ ⲛ̀ϫⲱⲙ ⲟⲩⲟϩ ⲙⲁϣⲉⲛⲁⲕ ⲟⲩⲟϩ ⲥⲁϫⲓ ⲛⲉⲙⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ .	ⲟⲩⲟϩ ⲡⲉϫⲁϥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲟⲩⲱⲙ ⲛ̀ⲧⲁⲓ̀ⲕⲉⲫⲁⲗⲓⲥ ⲛ̀ϫⲱⲙ ⲟⲩⲟϩ ⲙⲁϣⲉⲛⲁⲕ ⲟⲩⲟϩ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ.	ouoh pegaf nyi je p̀ṡyri ǹf̀rōmi ouōm ǹtaìkefalis ǹgōm ouoh maṡenak ouoh saji nem nenṡyri ǹpisrayl.	And he said to me, Son of Man, eat this volume, and go and speak to the children of Israel.
3:2	ⲟⲩⲟϩ ⲁϥⲟⲩⲱⲛ ⲛ̀ⲣⲱⲓ ⲁϥⲧⲉⲙⲙⲟⲓ ⲛ̀ϯⲕⲉⲫⲁⲗⲓⲥ ⲛ̀ϫⲱⲙ .	Ⲟⲩⲟϩ ⲁϥⲟⲩⲱⲛ ⲛ̀ⲣⲱⲓ ⲁϥⲧⲉⲙⲙⲟⲓ ⲛ̀ϯⲕⲉⲫⲁⲗⲓⲥ ⲛ̀ϫⲱⲙ.	Ouoh afouōn ǹrōi aftemmoi ǹtikefalis ǹgōm.	So he opened my mouth, and caused me to eat the volume. And he said to me, Son of man,
3:3	ⲟⲩⲟϩ ⲡⲉϫⲁϥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲣⲱⲕ ⲛⲁⲟⲩⲟⲩⲱⲙ ⲟⲩⲟϩ ⲧⲉⲕⲛⲉϫⲓ ⲛⲁⲙⲟϩ ϧⲉⲛⲧⲁⲓⲕⲉⲫⲁⲗⲓⲥ ⲛ̀ϫⲱⲙ ⲉⲧⲁⲓⲧⲏⲓⲥ ⲛⲁⲕ ⲁⲓⲟⲩⲱⲙⲥ ⲇⲉ ⲁⲥϣⲱⲡⲓ ϧⲉⲛⲣⲱⲓ ⲙ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ̀ ⲉϥϩⲟⲗϫ .	Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲣⲱⲕ ⲛⲁⲟⲩⲟⲩⲱⲙ ⲟⲩⲟϩ ⲧⲉⲕⲛⲉϫⲓ ⲛⲁⲙⲟϩ ϧⲉⲛ ⲧⲁⲓⲕⲉⲫⲁⲗⲓⲥ ⲛ̀ϫⲱⲙ ⲉⲧⲁⲓⲧⲏⲓⲥ ⲛⲁⲕ ⲁⲓⲟⲩⲱⲙⲥ ⲇⲉ ⲁⲥϣⲱⲡⲓ ϧⲉⲛ ⲣⲱⲓ ⲛ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ̀ ⲉϥϩⲟⲗϫ.	Ouoh pegaf nyi je p̀ṡyri ǹf̀rōmi rōk naououōm ouoh tekneji namoh xen taikefalis ǹgōm etaityis nak aiouōms ḋe asṡōpi xen rōi ǹf̀ryti ǹouèviṑ efholg.	thy mouth shall eat, and thy belly shall be filled with this volume that is given to thee. So I ate it; and it was in my mouth as sweet as honey.
3:4	ⲟⲩⲟϩ ⲡⲉϫⲁϥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲙⲟϣⲓ ⲟⲩⲟϩ ϣⲉ ⲉ̀ϧⲟⲩⲛ ⲉ̀ⲡⲏⲓ ⲙ̀ⲡⲓ̅ⲥ̅ⲗ̅ ⲙⲁⲧⲁⲙⲱⲟⲩ ⲉ̀ⲛⲁⲥⲁϫⲓ .	Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲙⲟϣⲓ ⲟⲩⲟϩ ϣⲉ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲡⲓⲥⲣⲁⲏⲗ ⲙⲁⲧⲁⲙⲱⲟⲩ ⲉ̀ⲛⲁⲥⲁϫⲓ.	Ouoh pegaf nyi je p̀ṡyri ǹf̀rōmi moṡi ouoh ṡe èxoun èp̀yi ǹpisrayl matamōou ènasaji.	And he said to me, Son of man, go thy way, and go in to the house of Israel, and speak my words to them.
3:5	ⲉⲑⲃⲉϫⲉⲙ̀ⲡⲓⲟⲩⲟⲣⲡⲕ ⲛ̀ⲑⲟⲕ ⲉ̀ⲣⲁⲧⲟⲩⲛ̀ⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲙ̀ⲫ̀ⲣⲏϯ ⲉ̀ⲣⲁⲧϥ ⲛ̀ⲟⲩⲗⲁⲟⲥ ⲉⲣⲉⲧⲉϥϫⲓⲛⲥⲁϫⲓ ϩⲟⲣϣ .	Ⲉⲑⲃⲉ ϫⲉ ⲛ̀ⲡⲓⲟⲩⲟⲣⲡⲕ ⲛ̀ⲑⲟⲕ ⲉ̀ⲣⲁⲧⲟⲩⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲫ̀ⲣⲏϯ ⲉ̀ⲣⲁⲧϥ ⲛ̀ⲟⲩⲗⲁⲟⲥ ⲉ̀ⲣⲉⲧⲉϥϫⲓⲛⲥⲁϫⲓ ϩⲟⲣϣ.	Eθve je ǹpiouorpk ǹθok èratouǹnenṡyri ǹpisrayl ǹf̀ryti èratf ǹoulaos èretefjinsaji horṡ.	For thou art not sent to a people of hard speech, but to the house of Israel;
3:6	ⲟⲩⲇⲉ ⲟⲩⲗⲁⲟⲥ ⲉϥⲟϣ ⲉⲣⲉⲛⲟⲩⲥⲙⲏ ϩⲟⲣϣ ⲓⲉ ⲉⲣⲉⲧⲟⲩⲁⲥⲡⲓ ϩⲟⲣϣ ⲟⲩⲇⲉ ⲉⲩⲛⲁϣⲧ ϧⲉⲛⲧⲟⲩϫⲓⲛⲥⲁϫⲓ ⲭ̀ⲛⲁϣ̀ⲥⲱⲧⲉⲙ ⲁⲛ ⲉ̀ⲛⲟⲩⲥⲁϫⲓ ⲟⲩⲟϩ ⲭⲁⲛ ⲁⲓⲟⲩⲱⲣⲡ ⲙ̀ⲙⲟⲕ ϩⲁⲛⲁⲓ ⲙ̀ⲡⲁⲓⲣⲏϯ ⲛⲁⲩⲥⲱⲧⲉⲙ ⲛ̀ⲥⲱⲕ .	Ⲟⲩⲇⲉ ⲟⲩⲗⲁⲟⲥ ⲉϥⲟϣ ⲉ̀ⲣⲉⲛⲟⲩⲥ̀ⲙⲏ ϩⲟⲣϣ ⲓⲉ ⲉ̀ⲣⲉⲧⲟⲩⲁⲥⲡⲓ ϩⲟⲣϣ ⲟⲩⲇⲉ ⲉⲩⲛⲁϣⲧ ϧⲉⲛ ⲧⲟⲩϫⲓⲛⲥⲁϫⲓ ⲭ̀ⲛⲁϣ̀ⲥⲱⲧⲉⲙ ⲁⲛ ⲉ̀ⲛⲟⲩⲥⲁϫⲓ ⲟⲩⲟϩ ⲭⲁⲛ ⲁⲓⲟⲩⲱⲣⲡ ⲙ̀ⲙⲟⲕ ϩⲁ ⲛⲁⲓ ⲛ̀ⲡⲁⲓⲣⲏϯ ⲛⲁⲩⲥⲱⲧⲉⲙ ⲛ̀ⲥⲱⲕ.	Ouḋe oulaos efoṡ èrenous̀my horṡ ie èretouaspi horṡ ouḋe evnaṡt xen toujinsaji k̀naṡ̀sōtem an ènousaji ouoh kan aiouōrp m̀mok ha nai ǹpairyti navsōtem ǹsōk.	neither to many nations of other speech and other tongues, nor of harsh language, whose words thou wouldest not understand: although if I had sent thee to such, they would have hearkened to thee.
3:7	ϫⲉⲡⲏⲓ ⲇⲉ ⲙ̀ⲡⲓ̅ⲥ̅ⲗ̅ ⲛⲁⲩⲟⲩⲱϣ ⲁⲛ ϫⲉⲉ̀ⲥⲱⲧⲉⲙ ⲛ̀ⲥⲱⲕ ⲉⲑⲃⲉϫⲉⲛⲁⲩⲟⲩⲱϣ ⲁⲛ ⲉ̀ⲥⲱⲧⲉⲙ ⲛ̀ⲥⲱⲓ ϫⲉⲡⲏⲓ ⲧⲏⲣϥ ⲙ̀ⲡⲓ̅ⲥ̅ⲗ̅ ϩⲁⲛⲣⲉϥϯⲟⲩⲃⲉ ⲡⲉ ⲟⲩⲟϩ ϩⲁⲛⲛⲁϣⲧϩⲏⲧ ⲛⲉ .	Ϫⲉ ⲡ̀ⲏⲓ ⲇⲉ ⲛ̀ⲡⲓⲥⲣⲁⲏⲗ ⲛⲁⲩⲟⲩⲱϣ ⲁⲛ ϫⲉ ⲉ̀ⲥⲱⲧⲉⲙ ⲛ̀ⲥⲱⲕ ⲉⲑⲃⲉ ϫⲉ ⲛⲁⲩⲟⲩⲱϣ ⲁⲛ ⲉ̀ⲥⲱⲧⲉⲙ ⲛ̀ⲥⲱⲓ ϫⲉ ⲡ̀ⲏⲓ ⲧⲏⲣϥ ⲛ̀ⲡⲓⲥⲣⲁⲏⲗ ϩⲁⲛⲣⲉϥϯⲟⲩⲃⲉ ⲡⲉ ⲟⲩⲟϩ ϩⲁⲛⲛⲁϣⲧϩⲏⲧ ⲛⲉ.	Je p̀yi ḋe ǹpisrayl navouōṡ an je èsōtem ǹsōk eθve je navouōṡ an èsōtem ǹsōi je p̀yi tyrf ǹpisrayl hanreftiouve pe ouoh hannaṡt·hyt ne.	But the house of Israel will not be willing to hearken to thee; for they will not hearken to me: for all the house of Israel are stubborn and hard-hearted.
3:8	ϩⲏⲡⲡⲉ ⲁⲓⲑ̀ⲣⲉ ⲡⲉⲕϩⲟ ⲧⲁϫⲣⲏⲟⲩⲧ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ ⲟⲩⲟϩ ⲡⲉⲕϭⲣⲟ ϯⲛⲁⲑ̀ⲣⲉϥϫⲉⲙⲛⲟⲙϯ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲙ̀ⲡⲟⲩϭⲣⲟ .	Ϩⲏⲡⲡⲉ ⲁⲓⲑ̀ⲣⲉ ⲡⲉⲕϩⲟ ⲧⲁϫⲣⲏⲟⲩⲧ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ ⲟⲩⲟϩ ⲡⲉⲕϭⲣⲟ ϯⲛⲁⲑ̀ⲣⲉϥϫⲉⲙⲛⲟⲙϯ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲙ̀ⲡⲟⲩϭⲣⲟ.	Hyppe aiθ̀re pek·ho tagryout ǹpoum̀θo èvol ouoh pekċro tinaθ̀refjemnomti ǹpem̀θo èvol m̀pouċro.	And, behold, I have made thy face strong against their faces, and I will strengthen thy power against their power.
3:9	ⲟⲩⲟϩ ⲡⲉⲕϩⲟ ⲛⲁϣⲱⲡⲓ ⲛ̀ⲥⲏⲟⲩ ⲛⲓⲃⲉⲛ ⲉϥⲧⲁϫⲣⲏⲟⲩⲧ ⲉϩⲟⲧⲉ ⲟⲩⲡⲉⲧⲣⲁ ⲙ̀ⲡⲉⲣⲉⲣϩⲟϯ ϧⲁⲧⲟⲩϩⲏ ⲟⲩⲟϩ ⲙ̀ⲡⲉⲣⲥ̀ⲑⲉⲣⲧⲉⲣ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ ϫⲉⲟⲩⲏⲓ ⲛ̀ⲣⲉϥϯϫⲱⲛⲧ ⲛⲉ .	Ⲟⲩⲟϩ ⲡⲉⲕϩⲟ ⲛⲁϣⲱⲡⲓ ⲛ̀ⲥⲏⲟⲩ ⲛⲓⲃⲉⲛ ⲉϥⲧⲁϫⲣⲏⲟⲩⲧ ⲉ̀ϩⲟⲧⲉ ⲟⲩⲡⲉⲧⲣⲁ ⲙ̀ⲡⲉⲣⲉⲣϩⲟϯ ϧⲁ ⲧⲟⲩϩⲏ ⲟⲩⲟϩ ⲙ̀ⲡⲉⲣⲥ̀ⲑⲉⲣⲧⲉⲣ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ ϫⲉ ⲟⲩⲏⲓ ⲛ̀ⲣⲉϥϯϫⲱⲛⲧ ⲛⲉ.	Ouoh pek·ho naṡōpi ǹsyou niven eftagryout èhote oupetra m̀pererhoti xa touhy ouoh m̀pers̀θerter ǹpoum̀θo èvol je ouyi ǹreftigōnt ne.	And it shall be continually stronger than a rock: be not afraid of them, neither be dismayed at their faces, because it is a provoking house.
3:10	ⲟⲩⲟϩ ⲡⲉϫⲁϥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲓⲥⲁϫⲓ ⲧⲏⲣⲟⲩ ⲉⲧⲁⲓϫⲟⲧⲟⲩ ⲛⲁⲕ ⲭⲁⲧ ϧⲉⲛⲡⲉⲕϩⲏⲧ ⲟⲩⲟϩ ⲥⲱⲧⲉⲙ ϧⲉⲛⲛⲉⲕⲙⲁϣϫ .	Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲓⲥⲁϫⲓ ⲧⲏⲣⲟⲩ ⲉⲧⲁⲓϫⲟⲧⲟⲩ ⲛⲁⲕ ⲭⲁⲧ ϧⲉⲛ ⲡⲉⲕϩⲏⲧ ⲟⲩⲟϩ ⲥⲱⲧⲉⲙ ϧⲉⲛ ⲛⲉⲕⲙⲁϣϫ.	Ouoh pegaf nyi je p̀ṡyri ǹf̀rōmi nisaji tyrou etaigotou nak kat xen pek·hyt ouoh sōtem xen nekmaṡg.	And he said to me, Son of man, receive into thine heart all the words that I have spoken to thee, and hear them with thine ears.
3:11	ⲙⲁϣⲉⲛⲁⲕ ⲟⲩⲟϩ ϣⲉ ⲉ̀ϧⲟⲩⲛ ⲉ̀ϯⲉⲭⲙⲁⲗⲱⲥⲓⲁ̀ ⲛⲁϩⲣⲉⲛ ⲛⲉⲛϣⲏⲣⲓ ⲙ̀ⲡⲉⲕⲗⲁⲟⲥ ⲟⲩⲟϩ ⲥⲁϫⲓ ⲛⲉⲙⲱⲟⲩ ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲓⲥϫⲉ ϩⲁⲣⲁ ⲥⲉⲥⲱⲧⲉⲙ ⲓⲥϫⲉ ϩⲁⲣⲁ ⲥⲉⲑⲉⲃⲓⲱ .	Ⲙⲁϣⲉⲛⲁⲕ ⲟⲩⲟϩ ϣⲉ ⲉ̀ϧⲟⲩⲛ ⲉ̀ϯⲉⲭⲙⲁⲗⲱⲥⲓⲁ̀ ⲛⲁϩⲣⲉⲛ ⲛⲉⲛϣⲏⲣⲓ ⲛ̀ⲡⲉⲕⲗⲁⲟⲥ ⲟⲩⲟϩ ⲥⲁϫⲓ ⲛⲉⲙⲱⲟⲩ ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲓⲥϫⲉ ϩⲁⲣⲁ ⲥⲉⲥⲱⲧⲉⲙ ⲓⲥϫⲉ ϩⲁⲣⲁ ⲥⲉⲑⲉⲃⲓⲱ.	Maṡenak ouoh ṡe èxoun ètiexmalōsià nahren nenṡyri ǹpeklaos ouoh saji nemōou ouoh àgos nōou je nai ne nyètefgō m̀mōou ǹje p̀ċois isje hara sesōtem isje hara seθeviō.	And go thy way, go in to the captivity, to the children of thy people, and thou shalt speak to them, and say to them, Thus saith the Lord; whether they will hear, or whether they will forbear.
3:12	ⲟⲩⲟϩ ⲟⲩⲡ̅ⲛ̅ⲁ̅ ⲁϥⲟⲗⲧ ⲟⲩⲟϩ ⲁⲓⲥⲱⲧⲉⲙ ⲥⲁⲫⲁϩⲟⲩ ⲙ̀ⲙⲟⲓ ⲉ̀ⲧ̀ⲥⲙⲏ ⲛ̀ⲟⲩⲛⲓϣϯ ⲙ̀ⲙⲟⲛⲙⲉⲛ ϫⲉϥ̀ⲥ̀ⲙⲁⲣⲱⲟⲩⲧ ⲛ̀ϫⲉⲡⲓⲱ̀ⲟⲩ ⲛ̀ⲧⲉⲡϭ̅ⲥ̅ ϧⲉⲛⲡⲉϥⲙⲁ .	Ⲟⲩⲟϩ ⲟⲩⲡ̀ⲛⲉⲩⲙⲁ ⲁϥⲟⲗⲧ ⲟⲩⲟϩ ⲁⲓⲥⲱⲧⲉⲙ ⲥⲁⲫⲁϩⲟⲩ ⲙ̀ⲙⲟⲓ ⲉ̀ⲧ̀ⲥ̀ⲙⲏ ⲛ̀ⲟⲩⲛⲓϣϯ ⲛ̀ⲙⲟⲛⲙⲉⲛ ϫⲉ ϥ̀ⲥ̀ⲙⲁⲣⲱⲟⲩⲧ ⲛ̀ϫⲉ ⲡⲓⲱ̀ⲟⲩ ⲛ̀ⲧⲉ ⲡ̀ϭⲟⲓⲥ ϧⲉⲛ ⲡⲉϥⲙⲁ.	Ouoh oup̀nevma afolt ouoh aisōtem safahou m̀moi èt̀s̀my ǹouniṡti ǹmonmen je f̀s̀marōout ǹje piṑou ǹte p̀ċois xen pefma.	Then the Spirit took me up, and I heard behind me the voice as of a great earthquake, saying, Blessed be the glory of the Lord from his place.
3:13	ⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲣ̀ϧ̀ⲣⲱⲟⲩ ⲛ̀ⲛⲓⲧⲉⲛϩ ⲛ̀ⲧⲉⲛⲓⲍⲱⲟⲛ ⲉⲩϩⲓⲟⲩⲓ̀ ⲉ̀ϩⲣⲉⲛⲛⲟⲩⲉ̀ⲣⲏⲟⲩ ⲟⲩⲁⲓ ⲛⲁϩⲣⲉⲛ ⲟⲩⲁⲓ ⲟⲩⲟϩ ⲧ̀ⲥ̀ⲙⲏ ⲛ̀ⲧⲉⲛⲓⲧ̀ⲣⲟⲭⲟⲥ ϧⲉⲛⲧ ⲉ̀ϧⲟⲩⲛ ⲉ̀ⲣⲱⲟⲩ ⲛⲉⲙⲧ̀ⲥ̀ⲙⲏ ⲙ̀ⲡⲓⲙⲟⲛⲙⲉⲛ .	Ⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲣ̀ϧ̀ⲣⲱⲟⲩ ⲛ̀ⲛⲓⲧⲉⲛϩ ⲛ̀ⲧⲉ ⲛⲓⲍⲱⲟⲛ ⲉⲩϩⲓⲟⲩⲓ̀ ⲉ̀ϩ̀ⲣⲉⲛ ⲛⲟⲩⲉ̀ⲣⲏⲟⲩ ⲟⲩⲁⲓ ⲛⲁϩⲣⲉⲛ ⲟⲩⲁⲓ ⲟⲩⲟϩ ⲧ̀ⲥ̀ⲙⲏ ⲛ̀ⲧⲉ ⲛⲓⲧ̀ⲣⲟⲭⲟⲥ ϧⲉⲛⲧ ⲉ̀ϧⲟⲩⲛ ⲉ̀ⲣⲱⲟⲩ ⲛⲉⲙ ⲧ̀ⲥ̀ⲙⲏ ⲙ̀ⲡⲓⲙⲟⲛⲙⲉⲛ.	Ouoh ainav hyppe is r̀x̀rōou ǹnitenh ǹte nizōon evhiouì èh̀ren nouèryou ouai nahren ouai ouoh t̀s̀my ǹte nit̀roxos xent èxoun èrōou nem t̀s̀my m̀pimonmen.	And I perceived the sound of the wings of the living creatures clapping one to the other, and the sound of the wheels was near them, and the sound of the earthquake.
3:14	ⲟⲩⲟϩ ⲡⲓⲡ̅ⲛ̅ⲁ̅ ⲛ̀ⲧⲉⲡϭ̅ⲥ̅ ⲁϥⲟⲗⲧ ⲁϥϭⲓⲧⲧ ⲟⲩⲟϩ ⲁⲓⲙⲟϣⲓ ϧⲉⲛϯⲡⲣⲟϩⲉⲣⲉⲥⲓⲥ ⲛ̀ⲧⲉⲡⲁⲡ̅ⲛ̅ⲁ̅ ⲟⲩⲟϩ ⲧ̀ϫⲓϫ ⲙ̀ⲡϭ̅ⲥ̅ ⲁⲥϣⲱⲡⲓ ϩⲓϫⲱⲓ ⲉⲥⲧⲁϫⲣⲏⲟⲩⲧ .	Ⲟⲩⲟϩ ⲡⲓⲡ̀ⲛⲉⲩⲙⲁ ⲛ̀ⲧⲉ ⲡ̀ϭⲟⲓⲥ ⲁϥⲟⲗⲧ ⲁϥϭⲓⲧⲧ ⲟⲩⲟϩ ⲁⲓⲙⲟϣⲓ ϧⲉⲛ ϯⲡ̀ⲣⲟϩⲉⲣⲉⲥⲓⲥ ⲛ̀ⲧⲉ ⲡⲁⲡ̀ⲛⲉⲩⲙⲁ ⲟⲩⲟϩ ⲧ̀ϫⲓϫ ⲛ̀ⲡ̀ϭⲟⲓⲥ ⲁⲥϣⲱⲡⲓ ϩⲓϫⲱⲓ ⲉⲥⲧⲁϫⲣⲏⲟⲩⲧ.	Ouoh pip̀nevma ǹte p̀ċois afolt afċitt ouoh aimoṡi xen tip̀roheresis ǹte pap̀nevma ouoh t̀jig ǹp̀ċois asṡōpi higōi estagryout.	And the Spirit lifted me, and took me up, and I went in the impulse of my spirit; and the hand of the Lord was mighty upon me.
3:15	ⲁⲓϣⲉ ⲉ̀ϧⲟⲩⲛ ⲉ̀ϯⲉⲭⲙⲁⲗⲱⲥⲓⲁ̀ ⲉⲓⲟ̀ⲣⲉⲙ ⲟⲩⲟϩ ⲁⲓⲕⲱϯ ⲉ̀ⲛⲏⲉⲧϣⲟⲡ ϩⲓϫⲉⲛⲫ̀ⲓⲁⲣⲟ ⲭⲟⲩⲃⲁⲣ ⲛⲏⲉⲧϣⲟⲡ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲁⲓϩⲉⲙⲥⲓ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲛ̀ⲍ̅ ⲛ̀ⲉ̀ϩⲟⲟⲩ ⲉⲓⲭⲏ ϧⲉⲛⲧⲟⲩⲙⲏϯ .	Ⲁⲓϣⲉ ⲉ̀ϧⲟⲩⲛ ⲉ̀ϯⲉⲭⲙⲁⲗⲱⲥⲓⲁ̀ ⲉ̀ⲓⲟ̀ⲣⲉⲙ ⲟⲩⲟϩ ⲁⲓⲕⲱϯ ⲉ̀ⲛⲏⲉⲧϣⲟⲡ ϩⲓϫⲉⲛ ⲫ̀ⲓⲁⲣⲟ ⲕⲟⲩⲃⲁⲣ ⲛⲏⲉⲧϣⲟⲡ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲁⲓϩⲉⲙⲥⲓ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲛ̀ϣⲁϣϥ ⲛ̀ⲉ̀ϩⲟⲟⲩ ⲉⲓⲭⲏ ϧⲉⲛ ⲧⲟⲩⲙⲏϯ.	Aiṡe èxoun ètiexmalōsià èiòrem ouoh aikōti ènyetṡop hijen f̀iaro kouvar nyetṡop xen pima ète m̀mav aihemsi xen pima ète m̀mav ǹṡaṡf ǹèhoou eiky xen toumyti.	Then I passed through the air and came into the captivity, and went round to them that dwelt by the river of Chobar who were there; and I sat there seven days, conversant in the midst of them.
3:16	ⲁⲥϣⲱⲡⲓ ⲇⲉ ⲙⲉⲛⲉⲛⲥⲁⲡⲓⲍ̅ ⲛ̀ⲉ̀ϩⲟⲟⲩ ⲁ ⲡⲓⲥⲁϫⲓ ⲛ̀ⲧⲉⲡϭ̅ⲥ̅ ϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲁⲥϣⲱⲡⲓ ⲇⲉ ⲙⲉⲛⲉⲛⲥⲁⲡⲓⲍ̅ ⲛ̀ⲉ̀ ϩⲟⲟⲩ ⲁ ⲡⲓⲥⲁϫⲓ ⲛ̀ⲧⲉ ⲡ̀ϭⲟⲓⲥ ϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	Asṡōpi ḋe menensapiz ǹè hoou a pisaji ǹte p̀ċois ṡōpi haroi efgō m̀mos.	And after the seven days the word of the Lord came to me, saying, Son of man,
3:17	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁⲓⲧⲏⲓⲕ ⲛ̀ⲟⲩⲥⲕⲟⲡⲟⲥ ⲙ̀ⲡⲏⲓ ⲙ̀ⲡⲓ̅ⲥ̅ⲗ̅ ⲟⲩⲟϩ ⲉⲕⲉ̀ⲥⲱⲧⲉⲙ ⲉ̀ϩⲁⲛⲥⲁϫⲓ ⲉ̀ⲃⲟⲗϧⲉⲛ ⲣⲱⲓ ⲟⲩⲟϩ ⲉⲕⲉ̀ⲧⲟⲛϣⲟⲩ ⲉ̀ⲃⲟⲗϩⲓⲧⲟⲧ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁⲓⲧⲏⲓⲕ ⲛ̀ⲟⲩⲥⲕⲟⲡⲟⲥ ⲛ̀ⲧⲉ ⲡ̀ⲏⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲕⲉ̀ⲥⲱⲧⲉⲙ ⲉ̀ϩⲁⲛⲥⲁϫⲓ ⲉ̀ⲃⲟⲗ ϧⲉⲛ ⲣⲱⲓ ⲟⲩⲟϩ ⲉⲕⲉ̀ⲧⲟⲛϣⲟⲩ ⲉ̀ⲃⲟⲗ ϩⲓⲧⲟⲧ.	Je p̀ṡyri ǹf̀rōmi aityik ǹouskopos ǹte p̀yi ǹpisrayl ouoh ekèsōtem èhansaji èvol xen rōi ouoh ekètonṡou èvol hitot.	I have made thee a watchman to the house of Israel; and thou shalt hear a word of my mouth, and shalt threaten them from me.
3:18	ϧⲉⲛⲡ̀ϫⲓⲛⲑ̀ⲣⲓϫⲟⲥ ⲙ̀ⲡⲓⲁ̀ⲛⲟⲙⲟⲥ ϫⲉϧⲉⲛⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲛⲉⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲙ̀ⲡⲉⲕⲥⲁϫⲓ ⲉ̀ⲡ̀ϫⲓⲛⲧⲟⲩⲛⲓⲁⲧϥ ⲙ̀ⲡⲓⲁ̀ⲛⲟⲙⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲉϥⲕⲟⲧϥ ⲉ̀ⲃⲟⲗϩⲁ ⲛⲉϥⲙⲱⲓⲧ ϫⲉⲛ̀ⲧⲉϥⲱⲛϧ ⲡⲓⲁ̀ⲛⲟⲙⲟⲥ ⲉⲧⲉⲙ̀ⲙⲁⲩ ⲉϥⲉ̀ⲙⲟⲩ ϧⲉⲛⲧⲉϥⲁ̀ⲇⲓⲕⲓⲁ̀ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ⲉ̀ⲃⲟⲗϧⲉⲛ ⲧⲉⲕϫⲓϫ .	Ϧⲉⲛ ⲡ̀ϫⲓⲛⲑ̀ⲣⲓϫⲟⲥ ⲛ̀ⲡⲓⲁ̀ⲛⲟⲙⲟⲥ ϫⲉ ϧⲉⲛ ⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲛⲉⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲛ̀ⲡⲉⲕⲥⲁϫⲓ ⲉ̀ⲡ̀ϫⲓⲛⲧⲟⲩⲛⲓⲁⲧϥ ⲛ̀ⲡⲓⲁ̀ⲛⲟⲙⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲉϥⲕⲟⲧϥ ⲉ̀ⲃⲟⲗϩⲁ ⲛⲉϥⲙⲱⲓⲧ ϫⲉ ⲛ̀ⲧⲉϥⲱⲛϧ ⲡⲓⲁ̀ⲛⲟⲙⲟⲥ ⲉ̀ⲧⲉ ⲙ̀ⲙⲁⲩ ⲉϥⲉ̀ⲙⲟⲩ ϧⲉⲛ ⲧⲉϥⲁ̀ⲇⲓⲕⲓⲁ̀ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ⲉ̀ⲃⲟⲗ ϧⲉⲛ ⲧⲉⲕϫⲓϫ.	Xen p̀jinθ̀rigos ǹpiànomos je xen oumou k̀namou ouoh ǹnektouniatf èvol ouoh ǹpek·saji èp̀jintouniatf ǹpiànomos èvol hina ǹtefkotf èbolha nefmōit je ǹtefōnx piànomos ète m̀mav efèmou xen tefàḋikià ouoh pefs̀nof tinakōti ǹsōf èvol xen tekjig.	When I say to the wicked, Thou shalt surely die; and thou hast not warned him, to give warning to the wicked, to turn from his ways, that he should live; that wicked man shall die in his iniquity; but his blood will I require at thy hand.
3:19	ⲟⲩⲟϩ ⲛ̀ⲑⲟⲕ ⲁⲕϣⲁⲛⲧⲟⲩⲛⲓⲁⲧϥ ⲙ̀ⲡⲓⲁ̀ⲛⲟⲙⲟⲥ ⲉ̀ⲃⲟⲗ ⲟⲩⲟϩ ⲛ̀ⲧⲉϥϣ̀ⲧⲉⲙⲕⲟⲧϥ ⲥⲁⲃⲟⲗ ⲛ̀ⲛⲉϥⲁ̀ⲛⲟⲙⲓⲁ̀ ⲛⲉⲙⲛⲉϥⲙⲱⲓⲧ ⲡⲓⲁ̀ⲛⲟⲙⲟⲥ ⲉⲧⲉⲙ̀ⲙⲁⲩ ⲉϥⲉ̀ⲙⲟⲩ ϧⲉⲛⲧⲉϥⲁ̀ⲇⲓⲕⲓⲁ̀ ⲟⲩⲟϩ ⲛ̀ⲑⲟⲕ ϩⲱⲕ ⲉⲕⲉ̀ⲛⲟϩⲉⲙ ⲛ̀ⲧⲉⲕⲯⲩⲭⲏ .	Ⲟⲩⲟϩ ⲛ̀ⲑⲟⲕ ⲁⲕϣⲁⲛⲧⲟⲩⲛⲓⲁⲧϥ ⲛ̀ⲡⲓⲁ̀ⲛⲟⲙⲟⲥ ⲉ̀ⲃⲟⲗ ⲟⲩⲟϩ ⲛ̀ⲧⲉϥϣ̀ⲧⲉⲙⲕⲟⲧϥ ⲥⲁⲃⲟⲗ ⲛ̀ⲛⲉϥⲁ̀ⲛⲟⲙⲓⲁ̀ ⲛⲉⲙ ⲛⲉϥⲙⲱⲓⲧ ⲡⲓⲁ̀ⲛⲟⲙⲟⲥ ⲉ̀ⲧⲉ ⲙ̀ⲙⲁⲩ ⲉϥⲉ̀ⲙⲟⲩ ϧⲉⲛ ⲧⲉϥⲁ̀ⲇⲓⲕⲓⲁ̀ ⲟⲩⲟϩ ⲛ̀ⲑⲟⲕ ϩⲱⲕ ⲉⲕⲉ̀ⲛⲟϩⲉⲙ ⲛ̀ⲧⲉⲕⲯⲩⲭⲏ.	Ouoh ǹθok akṡantouniatf ǹpiànomos èvol ouoh ǹtefṡ̀temkotf savol ǹnefànomià nem nefmōit piànomos ète m̀mav efèmou xen tefàḋikià ouoh ǹθok hōk ekènohem ǹtekpsiṡy.	But if thou warn the wicked, and he turn not from his wickedness, and from his way, that wicked man shall die in his iniquity, and thou shalt deliver thy soul.
3:20	ⲟⲩⲟϩ ϧⲉⲛⲡ̀ϫⲓⲛⲑ̀ⲣⲉ ⲡⲓⲑ̀ⲙⲏⲓ ⲕⲟⲧϥ ⲥⲁⲃⲟⲗ ⲛ̀ⲛⲉϥⲙⲉⲑⲙⲏⲟⲩⲟϩ ⲛ̀ⲧⲉϥⲓ̀ⲣⲓ ⲛ̀ⲟⲩⲡⲁⲣⲁⲡⲧⲱⲙⲁ ⲉⲓⲉ̀ϯ ⲛ̀ⲟⲩⲙ̀ⲕⲁϩ ⲛⲁϩⲣⲉⲛ ⲡⲉϥϩⲟ ⲛ̀ⲑⲟϥ ϥ̀ⲛⲁϫⲉ ⲙ̀ⲡⲉⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲉϥⲉ̀ⲙⲟⲩ ϧⲉⲛⲛⲉϥⲛⲟⲃⲓ ϫⲉⲟⲩⲏⲓ ⲛ̀ⲛⲟⲩⲉⲣⲫ̀ⲙⲉⲩⲓ̀ ⲛ̀ⲛⲉϥⲙⲉⲑⲙⲏⲓ ⲉⲧⲁϥⲁⲓⲧⲟⲩ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ϧⲉⲛⲧⲉⲕϫⲓϫ .	Ⲟⲩⲟϩ ϧⲉⲛ ⲡ̀ϫⲓⲛⲑ̀ⲣⲉ ⲡⲓⲑ̀ⲙⲏⲓ ⲕⲟⲧϥ ⲥⲁⲃⲟⲗ ⲛ̀ⲛⲉϥⲙⲉⲑⲙⲏⲟⲩⲟϩ ⲛ̀ⲧⲉϥⲓ̀ⲣⲓ ⲛ̀ⲟⲩⲡⲁⲣⲁⲡⲧⲱⲙⲁ ⲉⲓⲉ̀ϯ ⲛ̀ⲟⲩⲙ̀ⲕⲁϩ ⲛⲁϩⲣⲉⲛ ⲡⲉϥϩⲟ ⲛ̀ⲑⲟϥ ϥ̀ⲛⲁϫⲉ ⲙ̀ⲡⲉⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲉϥⲉ̀ⲙⲟⲩ ϧⲉⲛ ⲛⲉϥⲛⲟⲃⲓ ϫⲉ ⲟⲩⲏⲓ ⲛ̀ⲛⲟⲩⲉⲣⲫ̀ⲙⲉⲩⲓ̀ ⲛ̀ⲛⲉϥⲙⲉⲑⲙⲏⲓ ⲉ̀ⲧⲁϥⲁⲓⲧⲟⲩ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ϧⲉⲛ ⲧⲉⲕϫⲓϫ.	Ouoh xen p̀jinθ̀re piθ̀myi kotf savol ǹnefmeθmyouoh ǹtefìri ǹouparaptōma eièti ǹoum̀kah nahren pefho ǹθof f̀naje m̀pektouniatf èvol ouoh efèmou xen nefnovi je ouyi ǹnouerf̀mevì ǹnefmeθmyi ètafaitou ouoh pefs̀nof tinakōti ǹsōf xen tekjig.	And when the righteous turns away from his righteousness, and commits a trespass, and I shall bring punishment before him, he shall die, because thou didst not warn him: he shall even die in his sins, because his righteousness shall not be remembered; but his blood will I require at thine hand.
3:21	ⲛ̀ⲑⲟⲕ ⲇⲉ ⲁⲕϣⲁⲛⲧⲟⲩⲛⲓⲁⲧϥ ⲙ̀ⲡⲓⲑⲙⲏⲓ ⲉ̀ⲃⲟⲗ ϫⲉⲛ̀ⲧⲉϥϣ̀ⲧⲉⲙⲉⲣⲛⲟⲃⲓ ⲟⲩⲟϩ ⲛ̀ⲑⲟϥ ⲛ̀ⲧⲉϥϣ̀ⲧⲉⲙⲉⲣⲛⲟⲃⲓ ⲡⲓⲑⲙⲏⲓ ϥ̀ⲛⲁⲱⲛϧ ϧⲉⲛⲟⲩⲱⲛϧ ϫⲉⲁⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲛ̀ⲑⲟⲕ ϩⲱⲕ ⲭ̀ⲛⲁⲛⲟϩⲉⲙ ⲛ̀ⲧⲉⲕⲯⲩⲭⲏ .	Ⲛ̀ⲑⲟⲕ ⲇⲉ ⲁⲕϣⲁⲛⲧⲟⲩⲛⲓⲁⲧϥ ⲛ̀ⲡⲓⲑ̀ⲙⲏⲓ ⲉ̀ⲃⲟⲗ ϫⲉ ⲛ̀ⲧⲉϥϣ̀ⲧⲉⲙⲉⲣⲛⲟⲃⲓ ⲟⲩⲟϩ ⲛ̀ⲑⲟϥ ⲛ̀ⲧⲉϥϣ̀ⲧⲉⲙⲉⲣⲛⲟⲃⲓ ⲡⲓⲑ̀ⲙⲏⲓ ϥ̀ⲛⲁⲱⲛϧ ϧⲉⲛ ⲟⲩⲱⲛϧ ϫⲉ ⲁⲕⲧⲟⲩⲛⲓⲁⲧϥ ⲉ̀ⲃⲟⲗ ⲟⲩⲟϩ ⲛ̀ⲑⲟⲕ ϩⲱⲕ ⲭ̀ⲛⲁⲛⲟϩⲉⲙ ⲛ̀ⲧⲉⲕⲯⲩⲭⲏ.	Ǹθok ḋe akṡantouniatf ǹpiθ̀myi èvol je ǹtefṡ̀temernovi ouoh ǹθof ǹtefṡ̀temernovi piθ̀myi f̀naōnx xen ouōnx je aktouniatf èvol ouoh ǹθok hōk k̀nanohem ǹtekpsiṡy.	But if thou warn the righteous not to sin, and he sin not, the righteous shall surely live, because thou hast warned him; and thou shalt deliver thine own soul.
3:22	ⲟⲩⲟϩ ⲧ̀ϫⲓϫ ⲙ̀ⲡϭ̅ⲥ̅ ⲁⲥϣⲱⲡⲓ ϩⲓϫⲱⲓ ⲡⲉϫⲁϥ ⲛⲏⲓ ϫⲉⲧⲱⲛⲕ ⲙⲁϣⲉⲛⲁⲕ ⲉ̀ⲃⲟⲗ ⲉ̀ⲧ̀ⲕⲟⲓ ⲟⲩⲟϩ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲉⲩⲉ̀ⲥⲁϫⲓ ⲛⲉⲙⲁⲕ .	Ⲟⲩⲟϩ ⲧ̀ϫⲓϫ ⲛ̀ⲡ̀ϭⲟⲓⲥ ⲁⲥϣⲱⲡⲓ ϩⲓϫⲱⲓ ⲡⲉϫⲁϥ ⲛⲏⲓ ϫⲉ ⲧⲱⲛⲕ ⲙⲁϣⲉⲛⲁⲕ ⲉ̀ⲃⲟⲗ ⲉ̀ⲧ̀ⲕⲟⲓ ⲟⲩⲟϩ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲉⲩⲉ̀ⲥⲁϫⲓ ⲛⲉⲙⲁⲕ.	Ouoh t̀jig ǹp̀ċois asṡōpi higōi pegaf nyi je tōnk maṡenak èvol èt̀koi ouoh xen pima ète m̀mav evèsaji nemak.	And the hand of the Lord came upon me; and he said to me, Arise, and go forth into the plain, and there shalt thou be spoken to.
3:23	ⲁⲓⲧⲱⲟⲩⲛ ⲁⲓϣⲉⲛⲏⲓ ⲉ̀ⲃⲟⲗ ⲉ̀ⲧ̀ⲕⲟⲓ ⲟⲩⲟϩ ϩⲏⲡⲡⲉ ⲓⲥ ⲡⲓⲱ̀ⲟⲩ ⲛ̀ⲧⲉⲡϭ̅ⲥ̅ ⲛⲁϥⲟ̀ϩⲓ ⲉ̀ⲣⲁⲧϥ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲕⲁⲧⲁϯϩⲟⲣⲁⲥⲓⲥ ⲉⲧⲁⲓⲛⲁⲩ ⲉ̀ⲣⲟⲥ ⲟⲩⲟϩ ⲕⲁⲧⲁⲫ̀ⲣⲏϯ ⲙ̀ⲡⲓⲱ̀ⲟⲩ ⲉⲧⲁⲓⲛⲁⲩ ⲉ̀ⲣⲟϥ ϩⲓϫⲉⲛⲫ̀ⲓⲁⲣⲟ ⲭⲟⲩⲃⲁⲣ ⲟⲩⲟϩ ⲉⲧⲁⲓⲛⲁⲩ ⲁⲓϩⲉⲓ ϩ̀ⲉⲣⲏⲓ ⲉ̀ϫⲉⲛⲡⲁϩⲟ .	Ⲁⲓⲧⲱⲟⲩⲛ ⲁⲓϣⲉⲛⲏⲓ ⲉ̀ⲃⲟⲗ ⲉ̀ⲧ̀ⲕⲟⲓ ⲟⲩⲟϩ ϩⲏⲡⲡⲉ ⲓⲥ ⲡⲓⲱ̀ⲟⲩ ⲛ̀ⲧⲉ ⲡ̀ϭⲟⲓⲥ ⲛⲁϥⲟ̀ϩⲓ ⲉ̀ⲣⲁⲧϥ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲕⲁⲧⲁ ϯϩⲟⲣⲁⲥⲓⲥ ⲉⲧⲁⲓⲛⲁⲩ ⲉ̀ⲣⲟⲥ ⲟⲩⲟϩ ⲕⲁⲧⲁ ⲫ̀ⲣⲏϯ ⲛ̀ⲡⲓⲱ̀ⲟⲩ ⲉⲧⲁⲓⲛⲁⲩ ⲉ̀ⲣⲟϥ ϩⲓϫⲉⲛ ⲫ̀ⲓⲁⲣⲟ ⲭⲟⲩⲃⲁⲣ ⲟⲩⲟϩ ⲉ̀ⲧⲁⲓⲛⲁⲩ ⲁⲓϩⲉⲓ ϩ̀ⲉⲣⲏⲓ ⲉ̀ϫⲉⲛ ⲡ̀ⲁϩⲟ.	Aitōoun aiṡenyi èvol èt̀koi ouoh hyppe is piṑou ǹte p̀ċois nafòhi èratf xen pima ète m̀mav kata tihorasis etainav èros ouoh kata f̀ryti ǹpiṑou etainav èrof hijen f̀iaro kouvar ouoh ètainav aihei h̀eryi èjen p̀aho.	And I arose, and went forth to the plain: and, behold, the glory of the Lord stood there, according to the vision, and according to the glory of the Lord, which I saw by the river of Chobar: and I fell on my face.
3:24	ⲟⲩⲟϩ ⲟⲩⲡ̅ⲛ̅ⲁ̅ ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲓ ⲁϥⲧⲁϩⲟ ⲙ̀ⲙⲟⲓ ⲉ̀ⲣⲁⲧⲉ̀ϫⲉⲛⲛⲁϭⲁⲗⲁⲩϫ ⲟⲩⲟϩ ⲁϥⲥⲁϫⲓ ⲛⲉⲙⲏⲓ ⲉϥϫⲱ ⲙ̀ⲙⲟⲥ ϫⲉϣⲉ ⲉ̀ϧⲟⲩⲛ ⲉ̀ⲑ̀ⲙⲏϯ ⲙ̀ⲡⲉⲕⲏⲓ ⲟⲩⲟϩ ⲙⲁϣⲑⲁⲙ ⲉ̀ⲣⲟⲕ .	Ⲟⲩⲟϩ ⲟⲩⲡ̀ⲛⲉⲩⲙⲁ ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲓ ⲁϥⲧⲁϩⲟ ⲙ̀ⲙⲟⲓ ⲉ̀ⲣⲁⲧⲉ̀ϫⲉⲛ ⲛⲁϭⲁⲗⲁⲩϫ ⲟⲩⲟϩ ⲁϥⲥⲁϫⲓ ⲛⲉⲙⲏⲓ ⲉϥϫⲱ ⲙ̀ⲙⲟⲥ ϫⲉ ϣⲉ ⲉ̀ϧⲟⲩⲛ ⲉ̀ⲑ̀ⲙⲏϯ ⲛ̀ⲡⲉⲕⲏⲓ ⲟⲩⲟϩ ⲙⲁϣ̀ⲑⲁⲙ ⲉ̀ⲣⲟⲕ.	Ouoh oup̀nevma afì èh̀ryi ègōi aftaho m̀moi èratèjen naċalavg ouoh afsaji nemyi efgō m̀mos je ṡe èxoun èθ̀myti ǹpekyi ouoh maṡ̀θam èrok.	Then the Spirit came upon me, and set me on my feet, and spoke to me, and said to me, Go in, and shut thyself up in the midst of thine house.
3:25	ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁⲓϯ ⲛ̀ϩⲁⲛⲥ̀ⲛⲁⲩϩ ⲉ̀ϩ̀ⲣⲏⲓ ⲉ̀ϫⲱⲕ ⲟⲩⲟϩ ⲉⲩⲉ̀ⲙⲟⲩⲣ ⲙ̀ⲙⲟⲕ ⲛ̀ϧⲏⲧⲟⲩ .	Ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁⲓϯ ⲛ̀ϩⲁⲛⲥ̀ⲛⲁⲩϩ ⲉ̀ϩ̀ⲣⲏⲓ ⲉ̀ϫⲱⲕ ⲟⲩⲟϩ ⲉⲩⲉ̀ⲙⲟⲩⲣ ⲙ̀ⲙⲟⲕ ⲛ̀ϧⲏⲧⲟⲩ.	Ǹθok hōk p̀ṡyri ǹf̀rōmi aiti ǹhans̀navh èh̀ryi ègōk ouoh evèmour m̀mok ǹxytou.	And thou, son of man, behold, bonds are prepared for thee, and they shall bind thee with them, and thou shalt not come forth of the midst of them.
3:26	ⲟⲩⲟϩ ϯⲛⲁⲙⲟⲩⲣ ⲙ̀ⲡⲉⲕⲗⲁⲥ ⲛ̀ⲕⲉⲣⲟⲙⲡⲓ ⲟⲩⲟϩ ⲭ̀ⲛⲁϣⲱⲡⲓ ⲁⲛ ⲛⲱⲟⲩ ⲛ̀ⲟⲩⲣⲱⲙⲓ ⲛ̀ⲣⲉϥⲥⲟϩⲓ ⲉⲑⲃⲉϫⲉⲛ̀ⲑⲱⲟⲩ ⲟⲩⲏⲓ ⲛ̀ⲣⲉϥϯⲙ̀ⲃⲟⲛ ⲛⲉ .	Ⲟⲩⲟϩ ϯⲛⲁⲙⲟⲩⲣ ⲛ̀ⲡⲉⲕⲗⲁⲥ ⲛ̀ⲕⲉⲣⲟⲙⲡⲓ ⲟⲩⲟϩ ⲭ̀ⲛⲁϣⲱⲡⲓ ⲁⲛ ⲛⲱⲟⲩ ⲛ̀ⲟⲩⲣⲱⲙⲓ ⲛ̀ⲣⲉϥⲥⲟϩⲓ ⲉⲑⲃⲉ ϫⲉ ⲛ̀ⲑⲱⲟⲩ ⲟⲩⲏⲓ ⲛ̀ⲣⲉϥϯⲙ̀ⲃⲟⲛ ⲛⲉ.	Ouoh tinamour ǹpeklas ǹkerompi ouoh k̀naṡōpi an nōou ǹourōmi ǹrefsohi eθve je ǹθōou ouyi ǹreftim̀von ne.	Also I will bind thy tongue, and thou shalt be dumb, and shalt not be to them a reprover: because it is a provoking house.
3:27	ⲟⲩⲟϩ ϩⲟϯ ⲁⲓϣⲁⲛⲕⲏⲛ ⲉ̀ⲥⲁϫⲓ ⲛⲉⲙⲁⲕ ϯⲛⲁⲟⲩⲱⲛ ⲛ̀ⲣⲱⲕ ⲟⲩⲟϩ ⲥⲁϫⲓ ⲛⲉⲙⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲫⲏⲉⲧⲥⲱⲧⲉⲙ ⲙⲁⲣⲉϥⲥⲱⲧⲉⲙ ⲟⲩⲟϩ ⲫⲏⲉⲧⲟⲓ ⲛ̀ⲁⲧⲥⲱⲧⲉⲙ ⲙⲁⲣⲉϥⲓ̀ⲣⲓ ϫⲉⲟⲩⲏⲓ ⲛ̀ⲣⲉϥϯⲙ̀ⲃⲟⲛ ⲛⲉ .	Ⲟⲩⲟϩ ϩⲟϯ ⲁⲓϣⲁⲛⲕⲏⲛ ⲉ̀ⲥⲁϫⲓ ⲛⲉⲙⲁⲕ ϯⲛⲁⲟⲩⲱⲛ ⲛ̀ⲣⲱⲕ ⲟⲩⲟϩ ⲥⲁϫⲓ ⲛⲉⲙⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲫⲏⲉⲧⲥⲱⲧⲉⲙ ⲙⲁⲣⲉϥⲥⲱⲧⲉⲙ ⲟⲩⲟϩ ⲫⲏⲉⲧⲟⲓ ⲛ̀ⲁⲧⲥⲱⲧⲉⲙ ⲙⲁⲣⲉϥⲓ̀ⲣⲓ ϫⲉ ⲟⲩⲏⲓ ⲛ̀ⲣⲉϥϯⲙ̀ⲃⲟⲛ ⲛⲉ.	Ouoh hoti aiṡankyn èsaji nemak tinaouōn ǹrōk ouoh saji nemōou je nai ne nyètefgō m̀mōou ǹje p̀ċois je fyetsōtem marefsōtem ouoh fyetoi ǹatsōtem marefìri je ouyi ǹreftim̀von ne.	But when I speak to thee, I will open thy mouth, and thou shalt say to them, Thus saith the Lord, He that hears, let him hear; and he that is disobedient, let him be disobedient: because it is a provoking house.

Provenance

title: 26_Ezechiel_03
dialect: bohairic
source: Coptic SCRIPTORIUM corpus "bohairic.ot", document 26_Ezechiel_03
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_03 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/03.bohairic.scriptorium.L0.txt
title: 26_Ezechiel_03 — Cairene
dialect: bohairic
source: generated from 03.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_03)
licence: CC BY-SA 4.0
share: attribution
attribution: 26_Ezechiel_03 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/03.bohairic.scriptorium.L1.txt
title: 26_Ezechiel_03 — Kemetic
dialect: bohairic
source: generated from 03.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_03 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/03.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 27 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_03 (27 lines)

Cite as:

26_Ezechiel_03. Coptic SCRIPTORIUM corpus "bohairic.ot", document 26_Ezechiel_03. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/03.bohairic.scriptorium/. 26_Ezechiel_03 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.