Source and licence
share: attributionbohairicSource: Coptic SCRIPTORIUM corpus "bohairic.ot", document 26_Ezechiel_04
Attribution: 26_Ezechiel_04 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
Licence: CC BY-SA 4.0
The text
17 lines · a line number is a link to itselfEnglish: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.
| ref | L0 witness | L1 Cairene | L2 Kemetic | English |
|---|---|---|---|---|
| 4:1 | ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ϭⲓ ⲛⲁⲕ ⲛ̀ⲟⲩⲧⲱⲃⲓ ⲭⲁⲥ ϧⲁⲧϩⲏ ⲙ̀ⲡⲉⲕϩⲟ ⲥ̀ϧⲁⲓ ⲉ̀ϫⲱⲥ ⲛ̀ϯⲡⲟⲗⲓⲥ ⲓⲗ̅ⲏ̅ⲙ̅ . | ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ϭⲓ ⲛⲁⲕ ⲛ̀ⲟⲩⲧⲱⲃⲓ ⲭⲁⲥ ϧⲁⲧ̀ϩⲏ ⲛ̀ⲡⲉⲕϩⲟ ⲥ̀ϧⲁⲓ ⲉ̀ϫⲱⲥ ⲛ̀ϯⲡⲟⲗⲓⲥ ⲓⲉⲣⲟⲩⲥⲁⲗⲏⲙ. | ǹθok hōk p̀ṡyri ǹf̀rōmi ċi nak ǹoutōvi kas xat̀·hy ǹpek·ho s̀xai ègōs ǹtipolis ierousalym. | And thou, son of man, take thee a brick, and thou shalt set it before thy face, and shalt portray on it the city, even Jerusalem. |
| 4:2 | ⲟⲩⲟϩ ⲕⲱϯ ⲉ̀ⲣⲟⲥ ⲛ̀ⲟⲩϩⲓϣⲁⲧⲥ ⲟⲩⲟϩ ⲕⲱⲧ ⲛ̀ϩⲁⲛⲥⲟⲃⲧ ⲉ̀ⲣⲟⲥ ⲟⲩⲟϩ ⲭⲱ ⲉ̀ϩ̀ⲣⲏⲓ ⲉ̀ϫⲱⲥ ⲛ̀ϩⲁⲛⲡⲁⲣⲉⲙⲃⲟⲗⲏ ⲥⲉⲙⲛⲉ ⲛ̀ϩⲁⲛⲙⲁⲛ̀ⲭⲁⲥⲟⲑⲛⲉϥ ⲙ̀ⲡⲉⲥⲕⲱϯ . | Ⲟⲩⲟϩ ⲕⲱϯ ⲉ̀ⲣⲟⲥ ⲛ̀ⲟⲩϩⲓϣⲁⲧⲥ ⲟⲩⲟϩ ⲕⲱⲧ ⲛ̀ϩⲁⲛⲥⲟⲃⲧ ⲉ̀ⲣⲟⲥ ⲟⲩⲟϩ ⲭⲱ ⲉ̀ϩ̀ⲣⲏⲓ ⲉ̀ϫⲱⲥ ⲛ̀ϩⲁⲛⲡⲁⲣⲉⲙⲃⲟⲗⲏ ⲥⲉⲙⲛⲉ ⲛ̀ϩⲁⲛⲙⲁⲛ̀ⲭⲁⲥⲟⲑⲛⲉϥ ⲛ̀ⲡⲉⲥⲕⲱϯ. | Ouoh kōti èros ǹouhiṡats ouoh kōt ǹhansovt èros ouoh kō èh̀ryi ègōs ǹhanparemboly semne ǹhanmaǹkasoθnef ǹpeskōti. | And thou shalt besiege it, and build works against it, and throw up a mound round about it, and pitch camps against it, and set up engines round about. |
| 4:3 | ⲟⲩⲟϩ ⲛ̀ⲑⲟⲕ ϭⲓ ⲛⲁⲕ ⲛ̀ⲟⲩⲗⲁⲕⲉⲛⲧ ⲙ̀ⲃⲉⲛⲓⲡⲓ ⲙⲁⲑⲁⲙⲓⲟ ⲛⲁϥ ⲛ̀ⲟⲩϫⲱⲓ ⲙ̀ⲃⲉⲛⲓⲡⲓ ϧⲉⲛⲧⲉⲕⲙⲏϯ ⲛⲉⲙⲑ̀ⲙⲏϯ ⲛ̀ϯⲡⲟⲗⲓⲥ ⲟⲩⲟϩ ⲙⲁⲧⲁϫⲣⲉ ⲡⲉⲕϩⲟ ⲉ̀ϩ̀ⲣⲏⲓ ⲉ̀ϫⲱⲥ ⲉⲥⲉ̀ϣⲱⲡⲓ ⲉⲩⲟⲣϥ ⲉ̀ϧⲟⲩⲛ ⲫⲁⲓ ⲡⲉ ⲟⲩⲙⲏⲓⲛⲓ ⲛ̀ⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ . | Ⲟⲩⲟϩ ⲛ̀ⲑⲟⲕ ϭⲓ ⲛⲁⲕ ⲛ̀ⲟⲩⲗⲁⲕⲉⲛⲧ ⲛ̀ⲃⲉⲛⲓⲡⲓ ⲙⲁⲑⲁⲙⲓⲟ ⲛⲁϥ ⲛ̀ⲟⲩϫⲱⲓ ⲛ̀ⲃⲉⲛⲓⲡⲓ ϧⲉⲛ ⲧⲉⲕⲙⲏϯ ⲛⲉⲙ ⲑ̀ⲙⲏϯ ⲛ̀ϯⲡⲟⲗⲓⲥ ⲟⲩⲟϩ ⲙⲁⲧⲁϫⲣⲉ ⲡⲉⲕϩⲟ ⲉ̀ϩ̀ⲣⲏⲓ ⲉ̀ϫⲱⲥ ⲉⲥⲉ̀ϣⲱⲡⲓ ⲉⲩⲟⲣϥ ⲉ̀ϧⲟⲩⲛ ⲫⲁⲓ ⲡⲉ ⲟⲩⲙⲏⲓⲛⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ. | Ouoh ǹθok ċi nak ǹoulakent ǹvenipi maθamio naf ǹougōi ǹvenipi xen tekmyti nem θ̀myti ǹtipolis ouoh matagre pek·ho èh̀ryi ègōs esèṡōpi evorf èxoun fai pe oumyini ǹte nenṡyri ǹpisrayl. | And take thou to thyself an iron pan, and thou shalt set it for an iron wall between thee and the city: and thou shalt set thy face against it, and it shall be in a siege, and thou shalt besiege it. This is a sign to the children of Israel. |
| 4:4 | ⲛ̀ⲑⲟⲕ ϩⲱⲕ ⲭ̀ⲛⲁⲛ̀ⲕⲟⲧ ⲉ̀ϫⲉⲛⲡⲉⲕⲥ̀ⲫⲓⲣ ⲛ̀ϫⲁϭⲏ ⲭⲱ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉⲡⲏⲓ ⲙ̀ⲡⲓ̅ⲥ̅ⲗ̅ ⲉ̀ϩ̀ⲣⲏⲓ ⲉ̀ϫⲱϥ ⲕⲁⲧⲁⲧ̀ⲏⲡⲓ ⲛ̀ⲛⲓⲉ̀ϩⲟⲟⲩ ⲣ̅ ⲛⲉⲙⲛ̅ⲛ̀ⲉ̀ϩⲟⲟⲩ ⲛⲏⲉⲧⲉⲕⲛⲁⲁⲓⲧⲟⲩ ⲭ̀ⲛ̀ⲕⲟⲧ ⲉ̀ϩ̀ⲣⲏⲓ ⲉ̀ϫⲱϥ ⲟⲩⲟϩ ⲁ̀ⲛⲟⲕ ϩⲱ ⲉⲓⲉ̀ϭⲓ ⲛ̀ⲛⲟⲩⲁ̀ⲇⲓⲕⲓⲁ̀ . | Ⲛ̀ⲑⲟⲕ ϩⲱⲕ ⲭ̀ⲛⲁⲛ̀ⲕⲟⲧ ⲉ̀ϫⲉⲛ ⲡⲉⲕⲥ̀ⲫⲓⲣ ⲛ̀ϫⲁϭⲏ ⲭⲱ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉ ⲡ̀ⲏⲓ ⲛ̀ⲡⲓⲥⲣⲁⲏⲗ ⲉ̀ϩ̀ⲣⲏⲓ ⲉ̀ϫⲱϥ ⲕⲁⲧⲁ ⲧ̀ⲏ̀ⲡⲓ ⲛ̀ⲛⲓⲉ̀ϩⲟⲟⲩ ϣⲉ ⲛⲉⲙ ⲧⲉⲃⲓ ⲛ̀ⲉ̀ϩⲟⲟⲩ ⲛⲏⲉⲧⲉⲕⲛⲁⲁⲓⲧⲟⲩ ⲭ̀ⲛ̀ⲕⲟⲧ ⲉ̀ϩ̀ⲣⲏⲓ ⲉ̀ϫⲱϥ ⲟⲩⲟϩ ⲁ̀ⲛⲟⲕ ϩⲱ ⲉⲓⲉ̀ϭⲓ ⲛ̀ⲛⲟⲩⲁ̀ⲇⲓⲕⲓⲁ̀. | Ǹθok hōk k̀naǹkot èjen pek·s̀fir ǹgaċy kō ǹniàḋikià ǹte p̀yi ǹpisrayl èh̀ryi ègōf kata t̀ỳpi ǹnièhoou ṡe nem tevi ǹèhoou nyeteknaaitou k̀ǹkot èh̀ryi ègōf ouoh ànok hō eièċi ǹnouàḋikià. | And thou shalt lie upon thy left side, and lay the iniquities of the house of Israel upon it, according to the number of the hundred and fifty days during which thou shalt lie upon it: and thou shalt bear their iniquities. |
| 4:5 | ⲟⲩⲟϩ ⲟⲛ ⲁ̀ⲛⲟⲕ ϯⲛⲟⲩ ⲁⲓϯ ⲛⲁⲕ ⲛ̀ⲧ̀ⲏ̀ⲡⲓ ⲛ̀ⲉ̀ϩⲟⲟⲩ ⲣ̅ ⲛⲉⲙϥ̅ ⲛ̀ⲉ̀ϩⲟⲟⲩ ⲟⲩⲟϩ ϭⲓ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉⲡⲏⲓ ⲙ̀ⲡⲓ̅ⲥ̅ⲗ̅ . | Ⲟⲩⲟϩ ⲟⲛ ⲁ̀ⲛⲟⲕ ϯⲛⲟⲩ ⲁⲓϯ ⲛⲁⲕ ⲛ̀ⲧ̀ⲏ̀ⲡⲓ ⲛ̀ⲉ̀ϩⲟⲟⲩ ϣⲉ ⲛⲉⲙ ⲡⲓⲥⲧⲁⲩ ⲛ̀ⲉ̀ϩⲟⲟⲩ ⲟⲩⲟϩ ϭⲓ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉ ⲡ̀ⲏⲓ ⲛ̀ⲡⲓⲥⲣⲁⲏⲗ. | Ouoh on ànok tinou aiti nak ǹt̀ỳpi ǹèhoou ṡe nem pistav ǹèhoou ouoh ċi ǹniàḋikià ǹte p̀yi ǹpisrayl. | For I have appointed thee their iniquities for a number of days, for a hundred and ninety days: so thou shalt bear the iniquities of the house of Israel. |
| 4:6 | ⲟⲩⲟϩ ⲡ̀ϫⲱⲕ ⲉ̀ⲃⲟⲗ ⲛ̀ⲛⲁⲓ ⲟⲩⲟϩ ⲛ̀ⲕⲟⲧ ⲉ̀ϫⲉⲛⲡⲉⲕⲥ̀ⲫⲓⲣ ⲛ̀ⲟⲩⲓ̀ⲛⲁⲙ ⲟⲩⲟϩ ϭⲓ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉⲡⲏⲓ ⲛ̀ⲓⲟⲩⲇⲁ ⲛ̀ⲙ̅ ⲛ̀ⲉ̀ϩⲟⲟⲩ ⲁⲓⲭⲱ ⲛⲁⲕ ⲙ̀ⲡⲓⲉ̀ϩⲟⲟⲩ ⲛ̀ⲟⲩⲣⲟⲙⲡⲓ . | Ⲟⲩⲟϩ ⲡ̀ϫⲱⲕ ⲉ̀ⲃⲟⲗ ⲛ̀ⲛⲁⲓ ⲟⲩⲟϩ ⲛ̀ⲕⲟⲧ ⲉ̀ϫⲉⲛ ⲡⲉⲕⲥ̀ⲫⲓⲣ ⲛ̀ⲟⲩⲓ̀ⲛⲁⲙ ⲟⲩⲟϩ ϭⲓ ⲛ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉ ⲡ̀ⲏⲓ ⲛ̀ⲓⲟⲩⲇⲁ ⲛ̀ϩ̀ⲙⲉ ⲛ̀ⲉ̀ ϩⲟⲟⲩ ⲁⲓⲭⲱ ⲛⲁⲕ ⲛ̀ⲡⲓⲉ̀ϩⲟⲟⲩ ⲛ̀ⲟⲩⲣⲟⲙⲡⲓ. | Ouoh p̀gōk èvol ǹnai ouoh ǹkot èjen pek·s̀fir ǹouìnam ouoh ċi ǹniàḋikià ǹte p̀yi ǹiouda ǹh̀me ǹè hoou aikō nak ǹpièhoou ǹourompi. | And thou shalt accomplish this, and then shalt lie on thy right side, and shalt bear the iniquities of the house of Juda forty days: I have appointed thee a day for a year. |
| 4:7 | ⲟⲩⲟϩ ⲙⲁⲧⲁϫⲣⲉ ⲡⲉⲕϩⲟ ⲉ̀ϫⲉⲛⲡⲓⲟⲣϥ ⲉ̀ϧⲟⲩⲛ ⲛ̀ⲧⲉⲓⲗ̅ⲏ̅ⲙ̅ ⲟⲩⲟϩ ⲙⲁⲧⲁϫⲣⲉ ⲡⲉⲕϣⲱⲃϣ ⲁⲣⲓⲡ̀ⲣⲟⲫⲏⲧⲉⲩⲓⲛ . | Ⲟⲩⲟϩ ⲙⲁⲧⲁϫⲣⲉ ⲡⲉⲕϩⲟ ⲉ̀ϫⲉⲛ ⲡⲓⲟⲣϥ ⲉ̀ϧⲟⲩⲛ ⲛ̀ⲧⲉⲓⲉⲣⲟⲩⲥⲁⲗⲏⲙ ⲟⲩⲟϩ ⲙⲁⲧⲁϫⲣⲉ ⲡⲉⲕϣⲱⲃϣ ⲁⲣⲓⲡ̀ⲣⲟⲫⲏⲧⲉⲩⲓⲛ. | Ouoh matagre pek·ho èjen piorf èxoun ǹteierousalym ouoh matagre pekṡōvṡ arip̀rofytevin. | So thou shalt set thy face to the siege of Jerusalem, and shalt strengthen thine arm, and shalt prophesy against it. |
| 4:8 | ⲟⲩⲟϩ ϩⲏⲡⲡⲉ ⲁ̀ⲛⲟⲕ ⲁⲓⲭⲱ ⲉ̀ϩ̀ⲣⲏⲓ ⲉ̀ϫⲱⲕ ⲛ̀ϩⲁⲛⲥ̀ⲛⲁⲩϩ ⲟⲩⲟϩ ⲛ̀ⲛⲉⲕⲫⲱⲛϩ ϩⲓϫⲉⲛⲡⲉⲕⲥ̀ⲫⲓⲣ ϣⲁⲧⲟⲩϫⲱⲕ ⲉ̀ⲃⲟⲗ ⲛ̀ϫⲉⲛⲓⲉ̀ϩⲟⲟⲩ ⲛ̀ⲧⲉⲡⲉⲕⲟⲣϥ ⲉ̀ϧⲟⲩⲛ . | Ⲟⲩⲟϩ ϩⲏⲡⲡⲉ ⲁ̀ⲛⲟⲕ ⲁⲓⲭⲱ ⲉ̀ϩ̀ⲣⲏⲓ ⲉ̀ϫⲱⲕ ⲛ̀ϩⲁⲛⲥ̀ⲛⲁⲩϩ ⲟⲩⲟϩ ⲛ̀ⲛⲉⲕⲫⲱⲛϩ ϩⲓϫⲉⲛ ⲡⲉⲕⲥ̀ⲫⲓⲣ ϣⲁⲧⲟⲩϫⲱⲕ ⲉ̀ⲃⲟⲗ ⲛ̀ϫⲉ ⲛⲓⲉ̀ϩⲟⲟⲩ ⲛ̀ⲧⲉ ⲡⲉⲕⲟⲣϥ ⲉ̀ϧⲟⲩⲛ. | Ouoh hyppe ànok aikō èh̀ryi ègōk ǹhans̀navh ouoh ǹnekfōnh hijen pek·s̀fir ṡatougōk èvol ǹje nièhoou ǹte pekorf èxoun. | And, behold, I have prepared bonds for thee, land thou mayest not turn from thy one side to the other, until the days of thy siege shall be accomplished. |
| 4:9 | ⲟⲩⲟϩ ⲛ̀ⲑⲟⲕ ϩⲱⲕ ϭⲓ ⲛⲁⲕ ⲛ̀ϩⲁⲛⲥⲟⲩⲟ̀ ⲛⲉⲙϩⲁⲛⲓⲱⲧ ⲛⲉⲙϩⲁⲛⲉ̀ⲣⲉⲅⲙⲟⲥ ⲛⲉⲙⲟⲩⲁⲣϣⲓⲛ ⲛⲉⲙⲟⲩⲕⲉⲅⲭⲉⲃⲟⲥ ⲛⲉⲙⲟⲩⲃⲟϯ ⲉⲕⲉ̀ⲭⲱ ⲙ̀ⲙⲱⲟⲩ ϧⲉⲛⲟⲩⲥⲕⲉⲩⲟⲥ ⲙ̀ⲃⲉⲗϫ ⲉⲕⲉ̀ⲑⲁⲙⲓⲱⲟⲩ ⲛⲁⲕ ⲛ̀ϩⲁⲛⲱⲓⲕ ⲕⲁⲧⲁⲧ̀ⲏ̀ⲡⲓ ⲛ̀ⲛⲓⲉ̀ϩⲟⲟⲩ ⲛⲏⲉⲧⲉⲕⲛⲁⲛ̀ⲕⲟⲧ ⲛ̀ⲑⲟⲕ ⲉ̀ϫⲉⲛⲡⲉⲕⲥ̀ⲫⲓⲣ ⲣ̅ ⲛⲉⲙϥ̅ ⲛ̀ⲉ̀ϩⲟⲟⲩ ⲛⲉ ⲉⲕⲉ̀ⲟⲩⲟⲙⲟⲩ . | Ⲟⲩⲟϩ ⲛ̀ⲑⲟⲕ ϩⲱⲕ ϭⲓ ⲛⲁⲕ ⲛ̀ϩⲁⲛⲥⲟⲩⲟ̀ ⲛⲉⲙ ϩⲁⲛⲓⲱⲧ ⲛⲉⲙ ϩⲁⲛⲉ̀ⲣⲉⲅⲙⲟⲥ ⲛⲉⲙ ⲟⲩⲁⲣϣⲓⲛ ⲛⲉⲙ ⲟⲩⲕⲉⲅⲭⲉⲃⲟⲥ ⲛⲉⲙ ⲟⲩⲃⲟϯ ⲉⲕⲉ̀ⲭⲱ ⲙ̀ⲙⲱⲟⲩ ϧⲉⲛ ⲟⲩⲥ̀ⲕⲉⲩⲟⲥ ⲛ̀ⲃⲉⲗϫ ⲉⲕⲉ̀ⲑⲁⲙⲓⲱⲟⲩ ⲛⲁⲕ ⲛ̀ϩⲁⲛⲱⲓⲕ ⲕⲁⲧⲁ ⲧ̀ⲏ̀ⲡⲓ ⲛ̀ⲛⲓⲉ̀ϩⲟⲟⲩ ⲛⲏⲉⲧⲉⲕⲛⲁⲛ̀ⲕⲟⲧ ⲛ̀ⲑⲟⲕ ⲉ̀ϫⲉⲛ ⲡⲉⲕⲥ̀ⲫⲓⲣ ϣⲉ ⲛⲉⲙ ⲡⲓⲥⲧⲁⲩ ⲛ̀ⲉ̀ϩⲟⲟⲩ ⲛⲉ ⲉⲕⲉ̀ⲟⲩⲟⲙⲟⲩ. | Ouoh ǹθok hōk ċi nak ǹhansouò nem haniōt nem hanèreġmos nem ouarṡin nem oukenkevos nem ouvoti ekèkō m̀mōou xen ous̀kevos ǹvelg ekèθamiōou nak ǹhanōik kata t̀ỳpi ǹnièhoou nyeteknaǹkot ǹθok èjen pek·s̀fir ṡe nem pistav ǹèhoou ne ekèouomou. | Take thou also to thee wheat, and barley, and beans, and lentils, and millet, and bread-corn; and thou shalt cast them into one earthen vessel, and shalt make them into loaves for thyself; and thou shalt eat them a hundred and ninety days, according to the number of the days during which thou sleepest on thy side. |
| 4:10 | ⲟⲩⲟϩ ⲧⲉⲕϧ̀ⲣⲉ ⲉⲕⲉ̀ⲟⲩⲱⲙ ⲙ̀ⲙⲟⲥ ϧⲉⲛⲟⲩϣⲓ ⲕ̅ ⲛ̀ⲥⲓⲕⲗⲟⲥ ⲛ̀ϩ̀ⲣⲏⲓ ϣⲓ ⲉⲕⲉ̀ⲟⲩⲟⲙⲟⲩ ϧⲉⲛⲡⲓⲉ̀ϩⲟⲟⲩ ⲓⲥϫⲉⲛ ⲟⲩⲥⲏⲟⲩ ϣⲁⲟⲩⲥⲏⲟⲩ . | Ⲟⲩⲟϩ ⲧⲉⲕϧ̀ⲣⲉ ⲉⲕⲉ̀ⲟⲩⲱⲙ ⲙ̀ⲙⲟⲥ ϧⲉⲛ ⲟⲩϣⲓ ϫⲟⲩⲱⲧ ⲛ̀ⲥⲓⲕⲗⲟⲥ ⲛ̀ϩ̀ⲣⲏⲓ ϣⲓ ⲉⲕⲉ̀ⲟⲩⲟⲙⲟⲩ ϧⲉⲛ ⲡⲓⲉ̀ϩⲟⲟⲩ ⲓⲥϫⲉⲛ ⲟⲩⲥⲏⲟⲩ ϣⲁ ⲟⲩⲥⲏⲟⲩ. | Ouoh tekx̀re ekèouōm m̀mos xen ouṡi gouōt ǹsiklos ǹh̀ryi ṡi ekèouomou xen pièhoou isjen ousyou ṡa ousyou. | And thou shalt eat thy food by weight, twenty shekels a day: from time to time shalt thou eat them. |
| 4:11 | ⲟⲩⲟϩ ⲉⲕⲉ̀ⲥⲱ ϧⲉⲛⲟⲩϣⲓ . | Ⲟⲩⲟϩ ⲉⲕⲉ̀ⲥⲱ ϧⲉⲛ ⲟⲩϣⲓ. | Ouoh ekèsō xen ouṡi. | And thou shalt drink water by measure, even from time to time thou shalt drink the sixth part of a hin. |
| 4:12 | ⲟⲩⲟϩ ⲉⲕⲉ̀ⲟⲩⲱⲙ ⲛ̀ⲟⲩⲅⲣⲏⲫⲟⲓⲟⲛ ⲛ̀ⲟⲩⲱⲧ ⲛ̀ⲓⲱⲧ ⲟⲩⲟϩ ⲉⲕⲉ̀ⲫⲁϥⲧⲟⲩ ϩⲓϫⲉⲛϩⲁⲛϩⲁⲗⲙⲓ ⲛ̀ⲣⲱⲙⲓ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ . | Ⲟⲩⲟϩ ⲉⲕⲉ̀ⲟⲩⲱⲙ ⲛ̀ⲟⲩⲅⲣⲏⲫⲟⲓⲟⲛ ⲛ̀ⲟⲩⲱⲧ ⲛ̀ⲓⲱⲧ ⲟⲩⲟϩ ⲉⲕⲉ̀ⲫⲁϥⲧⲟⲩ ϩⲓϫⲉⲛ ϩⲁⲛϩⲁⲗⲙⲓ ⲛ̀ⲣⲱⲙⲓ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ. | Ouoh ekèouōm ǹouġryfoion ǹouōt ǹiōt ouoh ekèfaftou hijen hanhalmi ǹrōmi ǹpoum̀θo èvol. | And thou shalt eat them as a barley cake: thou shalt bake them before their eyes in man's dung. |
| 4:13 | ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉⲡⲁⲓⲣⲏϯ ⲉⲩⲉ̀ⲟⲩⲱⲙ ⲁ̀ⲕⲁⲑⲁⲣⲧⲟⲛ ⲛ̀ϫⲉⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ϧⲉⲛⲛⲓⲉⲑⲛⲟⲥ . | Ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ⲡⲁⲓⲣⲏϯ ⲉⲩⲉ̀ⲟⲩⲱⲙ ⲁ̀ⲕⲁⲑⲁⲣⲧⲟⲛ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲛⲓⲉⲑⲛⲟⲥ. | Ouoh àgos nōou je nai ne nyètefgō m̀mōou ǹje p̀ċois f̀nouti ǹpisrayl je pairyti evèouōm àkaθarton ǹje nenṡyri ǹpisrayl xen nieθnos. | And thou shalt say, Thus saith the Lord God of Israel; Thus shall the children of Israel eat unclean things among the Gentiles. |
| 4:14 | ⲟⲩⲟϩ ⲁⲓϫⲟⲥ ϫⲉⲙ̀ⲫⲱⲣ ⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉⲧⲁⲯⲩⲭⲏ ⲙ̀ⲡⲁⲥϭⲱϧⲉⲙ ϧⲉⲛⲁ̀ⲕⲁⲑⲁⲣⲥⲓⲁ̀ ⲟⲩⲟϩ ⲙ̀ⲡⲉ ϩ̀ⲗⲓ ⲛ̀ⲧⲉⲃⲛⲏ ⲟⲩⲇⲉ ⲑⲏⲣⲓⲟⲛ ϭⲱϩ ⲉ̀ⲣⲟⲓ ⲟⲩⲟϩ ⲙ̀ⲡⲓⲟⲩⲱⲙ ⲛ̀ⲉⲛⲭⲁⲓ ⲉ̀ⲁϥⲙⲟⲩ ⲓⲥϫⲉⲛ ⲉⲧⲁⲩϫ̀ⲫⲟⲓ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲟⲩⲟϩ ⲙ̀ⲡⲉ ϩ̀ⲗⲓ ⲉϥϭⲁϧⲉⲙ ϣⲉ ⲉ̀ϧⲟⲩⲛ ⲉ̀ⲣⲱⲓ . | Ⲟⲩⲟϩ ⲁⲓϫⲟⲥ ϫⲉ ⲙ̀ⲫⲱⲣ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ⲧⲁⲯⲩⲭⲏ ⲙ̀ⲡⲁⲥϭⲱϧⲉⲙ ϧⲉⲛ ⲁ̀ⲕⲁⲑⲁⲣⲥⲓⲁ̀ ⲟⲩⲟϩ ⲛ̀ⲡⲉ ϩ̀ⲗⲓ ⲛ̀ⲧⲉⲃⲛⲏ ⲟⲩⲇⲉ ⲑⲏⲣⲓⲟⲛ ϭⲱϩ ⲉ̀ⲣⲟⲓ ⲟⲩⲟϩ ⲙ̀ⲡⲓⲟⲩⲱⲙ ⲛ̀ⲉⲛⲭⲁⲓ ⲉ̀ⲁϥⲙⲟⲩ ⲓⲥϫⲉⲛ ⲉ̀ⲧⲁⲩϫ̀ⲫⲟⲓ ϣⲁ ⲉ̀ϧⲟⲩⲛ ⲉ̀ⲫⲟⲟⲩ ⲟⲩⲟϩ ⲛ̀ⲡⲉ ϩ̀ⲗⲓ ⲉϥϭⲁϧⲉⲙ ϣⲉ ⲉ̀ϧⲟⲩⲛ ⲉ̀ⲣⲱⲓ. | Ouoh aigos je m̀fōr p̀ċois f̀nouti ǹpisrayl je tapsiṡy m̀pasċōxem xen àkaθarsià ouoh ǹpe h̀li ǹtevny ouḋe θyrion ċōh èroi ouoh m̀piouōm ǹenkai èafmou isjen ètavg̀foi ṡa èxoun èfoou ouoh ǹpe h̀li efċaxem ṡe èxoun èrōi. | Then I said, Not so, Lord God of Israel: surely my soul has not been defiled with uncleanness; nor have I eaten, that which died of itself or was torn of beasts from my birth until now; neither has any corrupt flesh entered into my mouth. |
| 4:15 | ⲟⲩⲟϩ ⲁϥϫⲟⲥ ⲛⲏⲓ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁⲓϯ ⲛⲁⲕ ⲛ̀ϩⲁⲛϩⲱⲓⲣⲓ ⲛ̀ⲉ̀ϩⲉ ⲛ̀ⲧ̀ϣⲉⲃⲓⲱ ⲛ̀ϩⲁⲛϩⲱⲓⲣⲓ ⲛ̀ⲣⲱⲙⲓ ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲛⲉⲕⲱⲓⲕ . | Ⲟⲩⲟϩ ⲁϥϫⲟⲥ ⲛⲏⲓ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁⲓϯ ⲛⲁⲕ ⲛ̀ϩⲁⲛϩⲱⲓⲣⲓ ⲛ̀ⲉ̀ϩⲉ ⲛ̀ⲧ̀ϣⲉⲃⲓⲱ ⲛ̀ϩⲁⲛϩⲱⲓⲣⲓ ⲛ̀ⲣⲱⲙⲓ ⲟⲩⲟϩ ⲉⲕⲉ̀ⲑⲁⲙⲓⲟ ⲛ̀ⲛⲉⲕⲱⲓⲕ. | Ouoh afgos nyi ǹje p̀ċois je hyppe aiti nak ǹhanhōiri ǹèhe ǹt̀ṡeviō ǹhanhōiri ǹrōmi ouoh ekèθamio ǹnekōik. | And he said to me, Behold, I have given thee dung of oxen instead of man's dung, and thou shalt prepare thy loaves upon it. |
| 4:16 | ⲟⲩⲟϩ ⲁϥϫⲟⲥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ϩⲏⲡⲡⲉ ⲁ̀ⲛⲟⲕ ⲉⲓⲉ̀ϧⲟⲙϧⲉⲙ ⲡ̀ⲧⲁϫⲣⲟ ⲙ̀ⲡⲓⲱⲓⲕ ⲛ̀ⲧⲉⲓⲗ̅ⲏ̅ⲙ̅ ⲟⲩⲟϩ ⲉⲩⲉ̀ⲟⲩⲱⲙ ⲙ̀ⲡⲟⲩⲱⲓⲕ ϧⲉⲛⲟⲩϣⲓ ⲛⲉⲙⲟⲩϭⲣⲟϩ ⲟⲩⲟϩ ⲉⲩⲉ̀ⲥⲱ ⲛ̀ⲟⲩⲙⲱⲟⲩ ϧⲉⲛⲟⲩϣⲓ ⲛⲉⲙⲟⲩⲧⲁⲕⲟ . | Ⲟⲩⲟϩ ⲁϥϫⲟⲥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ϩⲏⲡⲡⲉ ⲁ̀ⲛⲟⲕ ⲉⲓⲉ̀ϧⲟⲙϧⲉⲙ ⲡ̀ⲧⲁϫⲣⲟ ⲛ̀ⲡⲓⲱⲓⲕ ⲛ̀ⲧⲉ ⲓⲉⲣⲟⲩⲥⲁⲗⲏⲙ ⲟⲩⲟϩ ⲉⲩⲉ̀ⲟⲩⲱⲙ ⲛ̀ⲡⲟⲩⲱⲓⲕ ϧⲉⲛ ⲟⲩϣⲓ ⲛⲉⲙ ⲟⲩϭⲣⲟϩ ⲟⲩⲟϩ ⲉⲩⲉ̀ⲥⲱ ⲛ̀ⲟⲩⲙⲱⲟⲩ ϧⲉⲛ ⲟⲩϣⲓ ⲛⲉⲙ ⲟⲩⲧⲁⲕⲟ. | Ouoh afgos nyi je p̀ṡyri ǹf̀rōmi hyppe ànok eièxomxem p̀tagro ǹpiōik ǹte ierousalym ouoh evèouōm ǹpouōik xen ouṡi nem ouċroh ouoh evèsō ǹoumōou xen ouṡi nem outako. | And he said to me, Son of man, behold, I break the support of bread in Jerusalem: and they shall eat bread by weight and in want; and shall drink water by measure, and in a state of ruin: |
| 4:17 | ⲙⲏⲡⲟⲥ ⲛ̀ⲧⲟⲩϣⲱⲡⲓ ⲉⲩϭⲣⲟϩ ϧⲉⲛⲡⲓⲱⲓⲕ ⲛⲉⲙⲡⲓⲙⲱⲟⲩ ⲟⲩⲟϩ ⲉϥⲉ̀ⲧⲁⲕⲟ ⲛ̀ϫⲉⲫ̀ⲣⲱⲙⲓ ⲛⲉⲙⲡⲉϥⲥⲟⲛ ⲉⲩⲉ̀ⲙⲟⲩⲛⲕ ϧⲉⲛⲛⲟⲩⲁ̀ⲇⲓⲕⲓⲁ̀ . | Ⲙⲏⲡⲟⲥ ⲛ̀ⲧⲟⲩϣⲱⲡⲓ ⲉⲩϭⲣⲟϩ ϧⲉⲛ ⲡⲓⲱⲓⲕ ⲛⲉⲙ ⲡⲓⲙⲱⲟⲩ ⲟⲩⲟϩ ⲉϥⲉ̀ⲧⲁⲕⲟ ⲛ̀ϫⲉ ⲫ̀ⲣⲱⲙⲓ ⲛⲉⲙ ⲡⲉϥⲥⲟⲛ ⲉⲩⲉ̀ⲙⲟⲩⲛⲕ ϧⲉⲛ ⲛⲟⲩⲁ̀ⲇⲓⲕⲓⲁ̀. | Mypos ǹtouṡōpi evċroh xen piōik nem pimōou ouoh efètako ǹje f̀rōmi nem pefson evèmounk xen nouàḋikià. | that they may want bread and water; and a man and his brother shall be brought to ruin, and they shall pine away in their iniquities. |
Provenance
- title
- 26_Ezechiel_04
- dialect
- bohairic
- source
- Coptic SCRIPTORIUM corpus "bohairic.ot", document 26_Ezechiel_04
- licence
- CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
- share
- attribution
- attribution
- 26_Ezechiel_04 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- annotation
- segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
- file
- Bible/Old Testament/Ezekiel/04.bohairic.scriptorium.L0.txt
- title
- 26_Ezechiel_04 — Cairene
- dialect
- bohairic
- source
- generated from 04.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_04)
- licence
- CC BY-SA 4.0
- share
- attribution
- attribution
- 26_Ezechiel_04 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- generated by
- tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
- file
- Bible/Old Testament/Ezekiel/04.bohairic.scriptorium.L1.txt
- title
- 26_Ezechiel_04 — Kemetic
- dialect
- bohairic
- source
- generated from 04.bohairic.scriptorium.L1.txt
- licence
- CC BY-SA 4.0
- share
- attribution
- attribution
- 26_Ezechiel_04 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- generated by
- tools/coptic_to_kemetic.py convert() on the L1 text (letter rules of DECISIONS.md 2026-09-08)
- file
- Bible/Old Testament/Ezekiel/04.bohairic.scriptorium.L2.txt
- what it is
- DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
- lines
- 17 quoted · 0 quoted with the alignment not cross-checked · 0 model drafts (marked “draft”)
- quoted from
- Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_04 (17 lines)
L0 witness
L1 Cairene
L2 Kemetic
English
Cite as:
26_Ezechiel_04. Coptic SCRIPTORIUM corpus "bohairic.ot", document 26_Ezechiel_04. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/04.bohairic.scriptorium/. 26_Ezechiel_04 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
What the layers are
L0 witness
The text as its witness or edition has it, original spelling; its dialect is a description and is never standardized.
The text as its witness or edition has it, original spelling; its dialect is a description and is never standardized.
L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).
L1 Cairene
Standardized Greco-Bohairic spelling and grammar, generated by code from the layer above under the rulings of the project.
Standardized Greco-Bohairic spelling and grammar, generated by code from the layer above under the rulings of the project.
L2 Kemetic
The Kemetic alphabet, generated by code from L1.
The Kemetic alphabet, generated by code from L1.
English
Quoted translations where they exist, credited; otherwise model drafts, marked as drafts.
Quoted translations where they exist, credited; otherwise model drafts, marked as drafts.