26_Ezechiel_36 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_36

Attribution: 26_Ezechiel_36 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

38 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
36:1	ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ϣⲉⲛⲁⲕ ⲟⲩⲟϩ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛⲛⲓϧⲉⲗⲗⲟⲧ ⲙ̀ⲡⲓ̅ⲥ̅ⲗ̅ ϫⲉⲥⲱⲧⲉⲙ ⲙ̀ⲡ̀ⲥⲁϫⲓ ⲙ̀ⲡϭ̅ⲥ̅ .	ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ϣⲉⲛⲁⲕ ⲟⲩⲟϩ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛ ⲛⲓϧⲉⲗⲗⲟⲧ ⲛ̀ⲡⲓⲥⲣⲁⲏⲗ ϫⲉ ⲥⲱⲧⲉⲙ ⲛ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ.	ǹθok hōk p̀ṡyri ǹf̀rōmi ṡenak ouoh ariprofytevin èjen nixellot ǹpisrayl je sōtem ǹp̀·saji ǹp̀ċois.	And thou, son of man, prophesy to the mountains of Israel, and say to the mountains of Israel, Hear ye the word of the Lord:
36:2	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ϫⲉⲉ̀ⲃⲟⲗ ϫⲉⲁ ⲡⲓϫⲁϫⲓ ⲥⲁϫⲓ ⲁϥⲟⲩⲱⲛ ⲛ̀ⲣⲱϥ ⲉ̀ϧ̀ⲣⲏⲓ ⲉ̀ϫⲉⲛⲑⲏⲛⲟⲩ ⲉϥϫⲱ ⲙ̀ⲙⲟⲥ ϫⲉⲕⲁⲗⲱⲥ ⲛⲏⲉⲧⲁⲩⲉⲣϣⲁϥⲉ ϣⲁⲉ̀ⲛⲉϩ ⲁⲩϣⲱⲡⲓ ⲛⲁⲛ ⲁⲛⲉⲣϭ̅ⲥ̅ ⲉ̀ⲣⲱⲟⲩ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ϫⲉ ⲉ̀ⲃⲟⲗ ϫⲉ ⲁ ⲡⲓϫⲁϫⲓ ⲥⲁϫⲓ ⲁϥⲟⲩⲱⲛ ⲛ̀ⲣⲱϥ ⲉ̀ϧ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲉϥϫⲱ ⲙ̀ⲙⲟⲥ ϫⲉ ⲕⲁⲗⲱⲥ ⲛⲏⲉ̀ⲧⲁⲩⲉⲣϣⲁϥⲉ ϣⲁ ⲉ̀ⲛⲉϩ ⲁⲩϣⲱⲡⲓ ⲛⲁⲛ ⲁⲛⲉⲣϭⲟⲓⲥ ⲉ̀ⲣⲱⲟⲩ.	Nai ne nyètefgō m̀mōou je èvol je a pigaji saji afouōn ǹrōf èx̀ryi èjen θynou efgō m̀mos je kalōs nyètaverṡafe ṡa èneh avṡōpi nan anerċois èrōou.	Thus saith the Lord God; Because the enemy has said against you, Aha, the old waste places are become a possession for us:
36:3	ⲉⲑⲃⲉⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲟⲩⲟϩ ⲁ̀ϫⲟⲥ ϫⲉⲛⲁⲓ ⲛⲉ ⲛⲏⲉⲧⲑⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲉ̀ⲃⲟⲗ ϫⲉⲁⲣⲉⲧⲉⲛϯϣⲱϣ ⲛ̀ⲧⲟⲧⲟⲩ ⲛ̀ⲛⲏⲉⲧϣⲟⲡ ⲙ̀ⲡⲉⲧⲉⲛⲕⲱϯ ⲉⲑⲣⲟⲩⲉⲣϭ̅ⲥ̅ ⲉ̀ⲣⲱⲧⲉⲛ ⲛ̀ϫⲉⲡⲓⲥⲱϫⲡ ⲛ̀ⲧⲉⲛⲓⲉⲑⲛⲟⲥ ⲉ̀ⲁⲣⲉⲧⲉⲛϣⲱⲡⲓ ⲛ̀ⲟⲩⲥⲁϫⲓ ϧⲉⲛⲣⲱⲟⲩ ⲟⲩⲟϩ ⲛ̀ϣⲱϣ ⲛ̀ⲛⲓⲉⲑⲛⲟⲥ .	Ⲉⲑⲃⲉ ⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲟⲩⲟϩ ⲁ̀ϫⲟⲥ ϫⲉ ⲛⲁⲓ ⲛⲉ ⲛⲏⲉⲧⲑⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲉ̀ⲃⲟⲗ ϫⲉ ⲁⲣⲉⲧⲉⲛϯϣⲱϣ ⲛ̀ⲧⲟⲧⲟⲩ ⲛ̀ⲛⲏⲉⲧϣⲟⲡ ⲛ̀ⲡⲉⲧⲉⲛⲕⲱϯ ⲉⲑⲣⲟⲩⲉⲣϭ̅ⲥ̅ ⲉ̀ⲣⲱⲧⲉⲛ ⲛ̀ϫⲉ ⲡⲓⲥⲱϫⲡ ⲛ̀ⲧⲉ ⲛⲓⲉⲑⲛⲟⲥ ⲉ̀ⲁⲣⲉⲧⲉⲛϣⲱⲡⲓ ⲛ̀ⲟⲩⲥⲁϫⲓ ϧⲉⲛ ⲣⲱⲟⲩ ⲟⲩⲟϩ ⲛ̀ϣⲱϣ ⲛ̀ⲛⲓⲉⲑⲛⲟⲥ.	Eθve fai ariprofytevin ouoh àgos je nai ne nyetθefgō m̀mōou ǹje p̀ċois je èvol je aretentiṡōṡ ǹtotou ǹnyetṡop ǹpetenkōti eθrouerċs èrōten ǹje pisōgp ǹte nieθnos èaretenṡōpi ǹousaji xen rōou ouoh ǹṡōṡ ǹnieθnos.	therefore prophesy, and say, Thus saith the Lord God; Because ye have been dishonoured, and hated by those round about you, that ye might be a possession to the remainder of the nations, and ye became a by-word, and a reproach to the nations:
36:4	ⲉ̀ⲑⲃⲉⲫⲁⲓ ⲛⲓⲕⲁⲗⲁⲙⲫⲟ ⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉⲡϭ̅ⲥ̅ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ⲛ̀ⲛⲓⲧⲱⲟⲩ ⲛⲉⲙⲛⲓⲕⲁⲗⲁⲙⲫⲟ ⲛⲉⲙⲛⲓϧⲉⲗⲗⲟⲧ ⲛⲉⲙⲛⲓⲙⲟⲩⲛⲥⲱⲣⲉⲙ ⲟⲩⲟϩ ⲛⲓⲙⲁ ⲉⲧⲁⲩⲁⲓⲧⲟⲩ ⲛ̀ϣⲁϥⲉ ⲁⲩⲧⲁⲕⲱⲟⲩ ⲟⲩⲟϩ ⲛⲓⲃⲁⲕⲓ ⲉⲧⲁⲩⲭⲁⲩⲉ̀ⲃⲟⲗ ⲁⲩϩⲟⲗⲙⲟⲩ ⲟⲩⲟϩ ⲛⲓⲉⲑⲛⲟⲥ ⲉⲧⲁⲩⲥⲱϫⲡ ⲙ̀ⲡⲟⲩⲕⲱϯ ⲁⲩϩⲱⲙⲓ ⲉ̀ϫⲱⲟⲩ .	Ⲉ̀ⲑⲃⲉ ⲫⲁⲓ ⲛⲓⲕⲁⲗⲁⲙⲫⲟ ⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉ ⲡ̀ϭⲟⲓⲥ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ⲛ̀ⲛⲓⲧⲱⲟⲩ ⲛⲉⲙ ⲛⲓⲕⲁⲗⲁⲙⲫⲟ ⲛⲉⲙ ⲛⲓϧⲉⲗⲗⲟⲧ ⲛⲉⲙ ⲛⲓⲙⲟⲩⲛⲥⲱⲣⲉⲙ ⲟⲩⲟϩ ⲛⲓⲙⲁ ⲉⲧⲁⲩⲁⲓⲧⲟⲩ ⲛ̀ϣⲁϥⲉ ⲁⲩⲧⲁⲕⲱⲟⲩ ⲟⲩⲟϩ ⲛⲓⲃⲁⲕⲓ ⲉⲧⲁⲩⲭⲁⲩⲉ̀ⲃⲟⲗ ⲁⲩϩⲟⲗⲙⲟⲩ ⲟⲩⲟϩ ⲛⲓⲉⲑⲛⲟⲥ ⲉⲧⲁⲩⲥⲱϫⲡ ⲛ̀ⲡⲟⲩⲕⲱϯ ⲁⲩϩⲱⲙⲓ ⲉ̀ϫⲱⲟⲩ.	Èθve fai nikalamfo sōtem ènisaji ǹte p̀ċois nai ne nyètefgō m̀mōou ǹje pċsǹnitōou nem nikalamfo nem nixellot nem nimounsōrem ouoh nima etavaitou ǹṡafe avtakōou ouoh nivaki etavkavèvol avholmou ouoh nieθnos etavsōgp ǹpoukōti avhōmi ègōou.	therefore, ye mountains of Israel, hear the word of the Lord; Thus saith the Lord to the mountains, and to the hills, and to the streams, and to the valleys, and to the places that have been made desolate and destroyed, and to the cities that have been deserted, and have become a spoil and a trampling to the nations that were left round about;
36:5	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲉϣⲱⲡ ⲁⲓⲥⲁϫⲓ ϧⲉⲛⲡⲓⲭⲟϩ ⲛ̀ⲧⲉⲡⲁϫⲱⲛⲧ ⲉ̀ϫⲉⲛⲛⲓⲉⲑⲛⲟⲥ ⲟⲩⲟϩ ⲉ̀ϫⲉⲛϯϩⲩⲇⲟⲩⲙⲉⲁ̀ ⲧⲏⲣⲥ ⲉ̀ⲃⲟⲗ ϫⲉⲁⲩϯ ⲙ̀ⲡⲓⲕⲁϩⲓ ⲉⲑⲣⲟⲩⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ϧⲉⲛⲟⲩⲟⲩⲛⲟϥ ⲉ̀ⲁⲩϣⲱϣ ⲛ̀ϩⲁⲛⲯⲩⲭⲏ ⲉⲧⲁⲕⲱⲟⲩ ϧⲉⲛⲟⲩϩⲱⲗⲉⲙ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲉϣⲱⲡ ⲁⲓⲥⲁϫⲓ ϧⲉⲛ ⲡⲓⲭⲟϩ ⲛ̀ⲧⲉ ⲡⲁϫⲱⲛⲧ ⲉ̀ϫⲉⲛ ⲛⲓⲉⲑⲛⲟⲥ ⲟⲩⲟϩ ⲉ̀ϫⲉⲛ ϯϩⲩⲇⲟⲩⲙⲉⲁ̀ ⲧⲏⲣⲥ ⲉ̀ⲃⲟⲗ ϫⲉ ⲁⲩϯ ⲛ̀ⲡⲓⲕⲁϩⲓ ⲉ̀ⲑⲣⲟⲩⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ϧⲉⲛ ⲟⲩⲟⲩⲛⲟϥ ⲉ̀ⲁⲩϣⲱϣ ⲛ̀ϩⲁⲛⲯⲩⲭⲏ ⲉⲧⲁⲕⲱⲟⲩ ϧⲉⲛ ⲟⲩϩⲱⲗⲉⲙ.	Eθve fai nai ne nyètefgō m̀mōou ǹje p̀ċois je eṡōp aisaji xen pikoh ǹte pagōnt èjen nieθnos ouoh èjen tihidoumeà tyrs èvol je avti ǹpikahi èθrouerklyronomin m̀mof xen ouounof èavṡōṡ ǹhanpsiṡy etakōou xen ouhōlem.	therefore, thus saith the Lord; Verily in the fire of my wrath have I spoken against the rest of the nations, and against all Idumea, because they have appropriated my land to themselves for a possession with joy, disregarding the lives of the inhabitants, to destroy it by plunder:
36:6	ⲉⲑⲃⲉⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛⲡⲓ̅ⲥ̅ⲗ̅ ⲟⲩⲟϩ ⲁ̀ϫⲟⲥ ⲛ̀ⲛⲓⲧⲱⲟⲩ ⲛⲉⲙⲛⲓϧⲉⲗⲗⲟⲧ ⲛⲉⲙⲛⲓⲕⲁⲗⲁⲙⲫⲟ ⲛⲉⲙⲛⲓⲙⲉϣϣⲟϯ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ⲁⲓⲥⲁϫⲓ ϧⲉⲛⲡⲁⲭⲟϩ ⲛⲉⲙⲡⲁⲙ̀ⲃⲟⲛ ⲉ̀ⲃⲟⲗ ϫⲉⲁⲧⲉⲧⲉⲛϥⲁⲓ ϧⲁⲛⲓϣⲱϣ ⲛ̀ⲧⲉⲛⲓⲉⲑⲛⲟⲥ .	Ⲉⲑⲃⲉ ⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛ ⲡⲓⲥⲣⲁⲏⲗ ⲟⲩⲟϩ ⲁ̀ϫⲟⲥ ⲛ̀ⲛⲓⲧⲱⲟⲩ ⲛⲉⲙ ⲛⲓϧⲉⲗⲗⲟⲧ ⲛⲉⲙ ⲛⲓⲕⲁⲗⲁⲙⲫⲟ ⲛⲉⲙ ⲛⲓⲙⲉϣϣⲟϯ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ⲁⲓⲥⲁϫⲓ ϧⲉⲛ ⲡⲁⲭⲟϩ ⲛⲉⲙ ⲡⲁⲙ̀ⲃⲟⲛ ⲉ̀ⲃⲟⲗ ϫⲉ ⲁⲣⲉⲧⲉⲛϥⲁⲓ ϧⲁ ⲛⲓϣⲱϣ ⲛ̀ⲧⲉ ⲛⲓⲉⲑⲛⲟⲥ.	Eθve fai ariprofytevin èjen pisrayl ouoh àgos ǹnitōou nem nixellot nem nikalamfo nem nimeṡṡoti je nai ne nyètefgō m̀mōou ǹje p̀ċois je hyppe ànok aisaji xen pakoh nem pam̀von èvol je aretenfai xa niṡōṡ ǹte nieθnos.	therefore prophesy concerning the land of Israel, and say to the mountains, and to the hills, and to the valleys, and to the forests, Thus saith the Lord; Behold, I have spoken in my jealousy and in my wrath, because ye have borne the reproaches of the heathen:
36:7	. . . . . . . . . . . . ⲉⲧϧⲉⲛⲡⲉⲧⲛⲕⲱϯ ⲉⲧⲁ ⲛⲁⲓ ϭⲓ ⲙ̀ⲡⲟⲩϣⲱϣ ⲉ̀ϫⲱⲟⲩ .	Ⲉⲧϧⲉⲛ ⲡⲉⲧⲛⲕⲱϯ ⲉ̀ⲧⲁ ⲛⲁⲓ ϭⲓ ⲛ̀ⲡⲟⲩϣⲱϣ ⲉ̀ϫⲱⲟⲩ.	Etxen petnkōti èta nai ċi ǹpouṡōṡ ègōou.	therefore I will lift up my hand against the nations that are round about you; they shall bear their reproach.
36:8	ⲛ̀ⲑⲱⲧⲉⲛ ⲇⲉ ⲛⲓⲧⲱⲟⲩ ⲛ̀ⲧⲉⲡⲓ̅ⲥ̅ⲗ̅ ⲡⲉⲧⲉⲛⲁ̀ⲗⲟⲗⲓ ⲟⲩⲟϩ ⲛⲉⲧⲉⲛⲟⲩⲧⲁϩ ⲡⲁⲗⲁⲟⲥ ⲛⲁⲟⲩⲟⲙⲟⲩ ϫⲉⲥⲉⲉⲣϩⲉⲗⲡⲓⲥ ⲉ̀ⲓ̀ ⲉ̀ⲡⲁⲓⲙⲁ .	Ⲛ̀ⲑⲱⲧⲉⲛ ⲇⲉ ⲛⲓⲧⲱⲟⲩ ⲛ̀ⲧⲉ ⲡⲓⲥⲣⲁⲏⲗ ⲡⲉⲧⲉⲛⲁ̀ⲗⲟⲗⲓ ⲟⲩⲟϩ ⲛ̀ⲉⲧⲉⲛⲟⲩⲧⲁϩ ⲡⲁⲗⲁⲟⲥ ⲛⲁⲟⲩⲟⲙⲟⲩ ϫⲉ ⲥⲉⲉⲣϩⲉⲗⲡⲓⲥ ⲓ̀ ⲉ̀ⲡⲁⲓⲙⲁ.	Ǹθōten ḋe nitōou ǹte pisrayl petenàloli ouoh ǹetenoutah palaos naouomou je seerhelpis ì èpaima.	But your grapes and your fruits, O mountains of Israel, shall my people eat; for they are hoping to come.
36:9	ϫⲉϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓ̀ⲛⲓ ⲉ̀ϫⲉⲛⲑⲏⲛⲟⲩ ⲉⲩⲉⲣϩⲱⲃ ⲉ̀ⲣⲱⲧⲉⲛ .	Ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓ̀ⲛⲓ ⲉ̀ϫⲉⲛ ⲑⲏⲛⲟⲩ ⲉⲩⲉ̀ⲣϩⲱⲃ ⲉ̀ⲣⲱⲧⲉⲛ.	Je hyppe ànok eièìni èjen θynou evèrhōb èrōten.	For, behold, I am toward you, and I will have respect to you, and ye shall be tilled and sown:
36:10	ϯⲛⲁⲑⲣⲟⲩⲁ̀ϣⲁⲓ ϩⲓϫⲉⲛⲑⲏⲛⲟⲩ ⲛ̀ϫⲉϩⲁⲛⲣⲱⲙⲓ ϣⲁⲉ̀ⲃⲟⲗ ⲉⲧⲉⲡⲏⲓ ⲧⲏⲣϥ ⲙ̀ⲡⲓ̅ⲥ̅ⲗ̅ ⲡⲉ ⲟⲩⲟϩ ⲛⲓⲃⲁⲕⲓ ⲥⲉⲛⲁϣⲱⲡⲓ ⲛ̀ϧⲏⲧⲟⲩ ⲟⲩⲟϩ ⲑⲏⲉⲧⲁⲩⲁⲓⲥ ⲛ̀ϣⲁϥⲉ ⲥⲉⲛⲁⲕⲱϯ ⲙ̀ⲙⲟⲥ .	Ϯⲛⲁⲑⲣⲟⲩⲁ̀ϣⲁⲓ ϩⲓϫⲉⲛ ⲑⲏⲛⲟⲩ ⲛ̀ϫⲉ ϩⲁⲛⲣⲱⲙⲓ ϣⲁ ⲉ̀ⲃⲟⲗ ⲉ̀ⲧⲉ ⲡ̀ⲏⲓ ⲧⲏⲣϥ ⲛ̀ⲡⲓⲥⲣⲁⲏⲗ ⲡⲉ ⲟⲩⲟϩ ⲛⲓⲃⲁⲕⲓ ⲥⲉⲛⲁϣⲱⲡⲓ ⲛ̀ϧⲏⲧⲟⲩ ⲟⲩⲟϩ ⲑⲏⲉⲧⲁⲩⲁⲓⲥ ⲛ̀ϣⲁϥⲉ ⲥⲉⲛⲁⲕⲱϯ ⲙ̀ⲙⲟⲥ.	Tinaθrouàṡai hijen θynou ǹje hanrōmi ṡa èvol ète p̀yi tyrf ǹpisrayl pe ouoh nivaki senaṡōpi ǹxytou ouoh θyetavais ǹṡafe senakōti m̀mos.	and I will multiply men upon you, even all the house of Israel to the end: and the cities shall be inhabited, and the desolate land shall be built upon.
36:11	ϯⲛⲁⲑⲣⲟⲩⲁ̀ϣⲁⲓ ⲉ̀ϫⲉⲛⲑⲏⲛⲟⲩ ⲛ̀ϫⲉϩⲁⲛⲣⲱⲙⲓ ⲛⲉⲙϩⲁⲛⲧⲉⲃⲛⲱⲟⲩⲓ̀ ⲟⲩⲟϩ ϯⲛⲁⲑⲣⲉⲧⲉⲛϫⲟⲣϫ ⲙ̀ⲫ̀ⲣⲏϯ ⲛ̀ϯϩⲟⲩⲁ̀ϯ ⲟⲩⲟϩ ϯⲛⲁⲓ̀ⲣⲓ ⲙ̀ⲡⲓⲡⲉⲑⲛⲁⲛⲉϥ ⲛⲱⲧⲉⲛ ⲙ̀ⲫ̀ⲣⲏϯ ⲁⲣⲉⲧⲉⲛⲟⲓ ⲙ̀ⲙⲟⲥ ⲛ̀ϣⲟⲣⲡ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	Ϯⲛⲁⲑⲣⲟⲩⲁ̀ϣⲁⲓ ⲉ̀ϫⲉⲛ ⲑⲏⲛⲟⲩ ⲛ̀ϫⲉ ϩⲁⲛⲣⲱⲙⲓ ⲛⲉⲙ ϩⲁⲛⲧⲉⲃⲛⲱⲟⲩⲓ̀ ⲟⲩⲟϩ ϯⲛⲁⲑⲣⲉⲧⲉⲛϫⲟⲣϫ ⲛ̀ⲫ̀ⲣⲏϯ ⲛ̀ϯϩⲟⲩⲁ̀ϯ ⲟⲩⲟϩ ϯⲛⲁⲓ̀ⲣⲓ ⲛ̀ⲡⲓⲡⲉⲑⲛⲁⲛⲉϥ ⲛⲱⲧⲉⲛ ⲛ̀ⲫ̀ⲣⲏϯ ⲁⲣⲉⲧⲉⲛⲟⲓ ⲙ̀ⲙⲟⲥ ⲛ̀ϣⲟⲣⲡ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	Tinaθrouàṡai èjen θynou ǹje hanrōmi nem hantevnōouì ouoh tinaθretengorg ǹf̀ryti ǹtihouàti ouoh tinaìri ǹpipeθnanef nōten ǹf̀ryti aretenoi m̀mos ǹṡorp èretenèmi je ànok pe p̀ċois.	And I will multiply men and cattle upon you; and I will cause you to dwell as at the beginning, and will treat you well, as in your former times: and ye shall know that I am the Lord.
36:12	ⲟⲩⲟϩ ϯⲛⲁϫ̀ⲫⲉ ϩⲁⲛⲣⲱⲙⲓ ⲉ̀ϫⲉⲛⲑⲏⲛⲟⲩ ⲉⲧⲉⲡⲁⲗⲁⲟⲥ ⲡⲉ ⲡⲓ̅ⲥ̅ⲗ̅ ⲟⲩⲟϩ ⲉⲩⲉ̀ⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲱⲧⲉⲛ ⲉⲩⲉⲣϭ̅ⲥ̅ ⲉ̀ϫⲉⲛⲑⲏⲛⲟⲩ ⲁⲣⲉϣ̀ⲧⲉⲙⲧⲁⲥⲑⲟ ⲑⲏⲛⲟⲩ ⲓⲥϫⲉⲛ ϯⲛⲟⲩ ⲉ̀ⲣⲁⲧϥ ⲛ̀ⲛⲓϣⲏⲣⲓ ⲉ̀ⲃⲟⲗϩⲓⲧⲟⲧⲟⲩ .	Ⲟⲩⲟϩ ϯⲛⲁϫ̀ⲫⲉ ϩⲁⲛⲣⲱⲙⲓ ⲉ̀ϫⲉⲛ ⲑⲏⲛⲟⲩ ⲉ̀ⲧⲉ ⲡⲁⲗⲁⲟⲥ ⲡⲉ ⲡⲓⲥⲣⲁⲏⲗ ⲟⲩⲟϩ ⲉⲩⲉ̀ⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲱⲧⲉⲛ ⲉⲩⲉⲣϭⲟⲓⲥ ⲉ̀ϫⲉⲛ ⲑⲏⲛⲟⲩ ⲁⲣⲉϣ̀ⲧⲉⲙⲧⲁⲥⲑⲟ ⲑⲏⲛⲟⲩ ⲓⲥϫⲉⲛ ϯⲛⲟⲩ ⲉ̀ⲣⲁⲧϥ ⲛ̀ⲛⲓϣⲏⲣⲓ ⲉ̀ⲃⲟⲗ ϩⲓⲧⲟⲧⲟⲩ.	Ouoh tinag̀fe hanrōmi èjen θynou ète palaos pe pisrayl ouoh evèerklyronomin m̀mōten everċois èjen θynou areṡ̀temtasθo θynou isjen tinou èratf ǹniṡyri èvol hitotou.	And I will increase men upon you, even my people Israel; and they shall inherit you, and ye shall be to them for a possession; and ye shall no more be bereaved of them.
36:13	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲁⲇⲱⲛⲁⲓ ⲡϭ̅ⲥ̅ ϫⲉⲉ̀ⲃⲟⲗ ϫⲉⲁⲩϫⲟⲥ ϫⲉⲛ̀ⲑⲟ ⲡⲉ ⲉⲑⲟⲩⲱⲙ ⲛ̀ⲛⲓⲣⲱⲙⲓ ⲟⲩⲟϩ ⲁⲣⲉϣⲱⲡⲓ ⲉ̀ⲣⲟⲓ ⲛ̀ⲁⲧϣⲏⲣⲓ ⲉ̀ⲃⲟⲗϧⲉⲛ ⲡⲉⲉⲑⲛⲟⲥ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ⲉ̀ⲃⲟⲗ ϫⲉ ⲁⲩϫⲟⲥ ϫⲉ ⲛ̀ⲑⲟ ⲡⲉ ⲉⲑⲟⲩⲱⲙ ⲛ̀ⲛⲓⲣⲱⲙⲓ ⲟⲩⲟϩ ⲁⲣⲉϣⲱⲡⲓ ⲉ̀ⲣⲟⲓ ⲛ̀ⲁⲧϣⲏⲣⲓ ⲉ̀ⲃⲟⲗ ϧⲉⲛ ⲡⲉⲉⲑⲛⲟⲥ.	Nai ne nyètefgō m̀mōou ǹje àdōnai p̀ċois je èvol je avgos je ǹθo pe eθouōm ǹnirōmi ouoh areṡōpi èroi ǹatṡyri èvol xen peeθnos.	Thus saith the Lord God: Because they said to thee, Thou land devourest men, and hast been bereaved of thy nation;
36:14	ⲉⲑⲃⲉⲫⲁⲓ ⲧⲉⲣⲁⲧⲁⲥⲑⲟ ⲁⲛ ⲉ̀ⲟⲩⲉⲙ ⲣⲱⲙⲓ ⲟⲩⲟϩ ⲡⲉⲉⲑⲛⲟⲥ ⲧⲉⲣⲁⲧⲁⲥⲑⲟ ⲁⲛ ⲛ̀ⲁⲧϣⲏⲣⲓ ⲡⲉϫⲉ ⲁⲇⲱⲛⲁⲓ ⲡϭ̅ⲥ̅ .	Ⲉⲑⲃⲉ ⲫⲁⲓ ⲧⲉⲣⲁⲧⲁⲥⲑⲟ ⲁⲛ ⲉ̀ⲟⲩⲉⲙ ⲣⲱⲙⲓ ⲟⲩⲟϩ ⲡⲉⲉⲑⲛⲟⲥ ⲧⲉⲣⲁⲧⲁⲥⲑⲟ ⲁⲛ ⲛ̀ⲁⲧϣⲏⲣⲓ ⲡⲉϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ.	Eθve fai teratasθo an èouem rōmi ouoh peeθnos teratasθo an ǹatṡyri peje àdōnai p̀ċois.	therefore thou shalt no more devour men, and thou shalt no more bereave thy nation, saith the Lord God.
36:15	ⲛ̀ⲥⲉϣ̀ⲧⲉⲙϫⲟⲥ ϫⲉⲓⲥϫⲉⲛ ϯⲛⲟⲩ ⲙ̀ⲡ̀ϣⲱϣ ⲛ̀ⲧⲉⲛⲓⲉⲑⲛⲟⲥ ⲉ̀ϫⲉⲛⲑⲏⲛⲟⲩ ⲉⲣⲉⲧⲉⲛⲱ̀ⲗⲓ ⲓⲥϫⲉⲛ ϯⲛⲟⲩ ϩⲁⲡ̀ϣⲱϣ ⲛ̀ⲧⲉⲛⲓⲗⲁⲟⲥ ⲡⲉϫⲉ ⲁⲇⲱⲛⲁⲓ ⲡϭ̅ⲥ̅ .	Ⲛ̀ⲧⲟⲩϣ̀ⲧⲉⲙϫⲟⲥ ϫⲉ ⲓⲥϫⲉⲛ ϯⲛⲟⲩ ⲛ̀ⲡ̀ϣⲱϣ ⲛ̀ⲧⲉ ⲛⲓⲉⲑⲛⲟⲥ ⲉ̀ϫⲉⲛ ⲑⲏⲛⲟⲩ ⲉ̀ⲣⲉⲧⲉⲛⲱ̀ⲗⲓ ⲓⲥϫⲉⲛ ϯⲛⲟⲩ ϩⲁ ⲡ̀ϣⲱϣ ⲛ̀ⲧⲉ ⲛⲓⲗⲁⲟⲥ ⲡⲉϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ.	Ǹtouṡ̀temgos je isjen tinou ǹp̀ṡōṡ ǹte nieθnos èjen θynou èretenṑli isjen tinou ha p̀ṡōṡ ǹte nilaos peje àdōnai p̀ċois.	And there shall no more be heard against you the reproach of the nations, and ye shall no more bear the revilings of the peoples, saith the Lord God.
36:16	ⲟⲩⲟϩ ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲟⲩⲟϩ ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	Ouoh p̀·saji ǹp̀ċois afṡōpi haroi efgō m̀mos.	And the word of the Lord came to me, saying,
36:17	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲁⲩϣⲱⲡⲓ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁⲩϭⲱϧⲉⲙ ⲙ̀ⲙⲟϥ ϩⲓⲡⲟⲩⲙⲱⲓⲧ ⲟⲩⲟϩ ϧⲉⲛⲛⲟⲩⲓ̀ⲇⲱⲗⲟⲛ ⲟⲩⲟϩ ϧⲉⲛⲛⲟⲩⲁ̀ⲕⲁⲑⲁⲣⲥⲓⲁ̀ ⲁ ⲡⲟⲩⲙⲱⲓⲧ ϣⲱⲡⲓ ⲙ̀ⲡⲁⲙ̀ⲑⲟ ⲉ̀ⲃⲟⲗ ⲙ̀ⲫ̀ⲣⲏϯ ⲙ̀ⲡⲓϭⲱϧⲉⲙ ⲛ̀ϯⲥ̀ϩⲓⲙⲓ ⲉⲧⲟⲓ ⲛ̀ⲉϣⲣⲱ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲩϣⲱⲡⲓ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁⲩϭⲱϧⲉⲙ ⲙ̀ⲙⲟϥ ϩⲓ ⲡⲟⲩⲙⲱⲓⲧ ⲟⲩⲟϩ ϧⲉⲛ ⲛ̀ⲟⲩⲓ̀ⲇⲱⲗⲟⲛ ⲟⲩⲟϩ ϧⲉⲛ ⲛⲟⲩⲁ̀ⲕⲁⲑⲁⲣⲥⲓⲁ̀ ⲁ ⲡⲟⲩⲙⲱⲓⲧ ϣⲱⲡⲓ ⲛ̀ⲡⲁⲙ̀ⲑⲟ ⲉ̀ⲃⲟⲗ ⲛ̀ⲫ̀ⲣⲏϯ ⲙ̀ⲡⲓϭⲱϧⲉⲙ ⲛ̀ϯⲥ̀ϩⲓⲙⲓ ⲉⲧⲟⲓ ⲛ̀ⲉϣⲣⲱ.	Je p̀ṡyri ǹf̀rōmi nenṡyri ǹpisrayl avṡōpi hijen pikahi ouoh avċōxem m̀mof hi poumōit ouoh xen ǹouìḋōlon ouoh xen nouàkaθarsià a poumōit ṡōpi ǹpam̀θo èvol ǹf̀ryti m̀piċōxem ǹtis̀·himi etoi ǹeṡrō.	Son of man, the house of Israel dwelt upon their land, and defiled it by their way, and with their idols, and with their uncleannesses; and their way was before me like the uncleanness of a removed woman.
36:18	ⲟⲩⲟϩ ⲁⲓϫⲱϣ ⲙ̀ⲡⲁϫⲱⲛⲧ ⲉ̀ϧ̀ⲣⲏⲓ ⲉ̀ϫⲱⲟⲩ .	Ⲟⲩⲟϩ ⲁⲓϫⲱϣ ⲛ̀ⲡⲁϫⲱⲛⲧ ⲉ̀ϧ̀ⲣⲏⲓ ⲉ̀ϫⲱⲟⲩ.	Ouoh aigōṡ ǹpagōnt èx̀ryi ègōou.	So I poured out my wrath upon them:
36:19	ⲁⲓϫⲟⲣⲟⲩ ⲉ̀ⲃⲟⲗ ϧⲉⲛⲛⲓⲉⲑⲛⲟⲥ ⲁⲓϩⲓⲧⲟⲩ ⲉ̀ⲛⲓⲭⲱⲣⲁ ⲁⲓϯϩⲁⲡ ⲉ̀ⲣⲱⲟⲩ ⲕⲁⲧⲁⲛⲟⲩⲙⲱⲓⲧ ⲟⲩⲟϩ ⲕⲁⲧⲁⲛⲟⲩⲛⲟⲃⲓ .	Ⲁⲓϫⲟⲣⲟⲩ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲁⲓϩⲓⲧⲟⲩ ⲉ̀ⲛⲓⲭⲱⲣⲁ ⲁⲓϯϩⲁⲡ ⲉ̀ⲣⲱⲟⲩ ⲕⲁⲧⲁ ⲛⲟⲩⲙⲱⲓⲧ ⲟⲩⲟϩ ⲕⲁⲧⲁ ⲛⲟⲩⲛⲟⲃⲓ.	Aigorou èvol xen nieθnos aihitou ènixōra aitihap èrōou kata noumōit ouoh kata nounovi.	and I dispersed them among the nations, and utterly scattered them through the countries: I judged them according to their way and according to their sin.
36:20	ⲟⲩⲟϩ ⲁⲩϣⲉ ⲉ̀ϧⲟⲩⲛ ⲉ̀ⲛⲓⲉⲑⲛⲟⲥ ⲡⲓⲙⲁ ⲉⲧⲁⲩϣⲉ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲁⲩⲥⲱϥ ⲙ̀ⲡⲁⲣⲁⲛ ⲉ̅ⲑ̅ⲩ̅ ϧⲉⲛⲡϫⲓⲛⲑⲣⲟⲩϫⲟⲥ ϫⲉⲛⲁⲓ ⲛⲉ ⲛⲓⲗⲁⲟⲥ ⲛ̀ⲧⲉⲡϭ̅ⲥ̅ ⲟⲩⲟϩ ⲁⲩⲓ̀ ⲉ̀ⲃⲟⲗϧⲉⲛ ⲡⲉϥⲕⲁϩⲓ .	Ⲟⲩⲟϩ ⲁⲩϣⲉ ⲉ̀ϧⲟⲩⲛ ⲉ̀ⲛⲓⲉⲑⲛⲟⲥ ⲡⲓⲙⲁ ⲉ̀ⲧⲁⲩϣⲉ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲁⲩⲥⲱϥ ⲛ̀ⲡⲁⲣⲁⲛ ⲉⲑⲟⲩⲁⲃ ϧⲉⲛ ⲡ̀ϫⲓⲛⲑⲣⲟⲩϫⲟⲥ ϫⲉ ⲛⲁⲓ ⲛⲉ ⲛⲓⲗⲁⲟⲥ ⲛ̀ⲧⲉ ⲡ̀ϭⲟⲓⲥ ⲟⲩⲟϩ ⲁⲩⲓ̀ ⲉ̀ⲃⲟⲗ ϧⲉⲛ ⲡⲉϥⲕⲁϩⲓ.	Ouoh avṡe èxoun ènieθnos pima ètavṡe èxoun èrof ouoh avsōf ǹparan eθouab xen p̀jinθrougos je nai ne nilaos ǹte p̀ċois ouoh avì èvol xen pefkahi.	And they went in among the nations, among which they went, and they profaned my holy name, while it was said of them, These are the people of the Lord, and they came forth out of his land.
36:21	ⲁⲓϯⲁ̀ⲥⲟ ⲉ̀ⲣⲱⲟⲩ ⲉⲑⲃⲉⲡⲁⲣⲁⲛ ⲉ̅ⲑ̅ⲩ̅ ⲉⲧⲁⲩⲥⲱϥ ⲙ̀ⲙⲟϥ ⲛ̀ϫⲉⲛⲁⲡⲏⲓ ⲙ̀ⲡⲓ̅ⲥ̅ⲗ̅ ϧⲉⲛⲛⲓⲉⲑⲛⲟⲥ ⲉⲧⲁⲩϣⲉ ⲉ̀ϧⲟⲩⲛ ⲉ̀ⲣⲱⲟⲩ .	Ⲁⲓϯⲁ̀ⲥⲟ ⲉ̀ⲣⲱⲟⲩ ⲉⲑⲃⲉ ⲡⲁⲣⲁⲛ ⲉⲑⲟⲩⲁⲃ ⲉⲧⲁⲩⲥⲱϥ ⲙ̀ⲙⲟϥ ⲛ̀ϫⲉ ⲛⲁ ⲡ̀ⲏⲓ ⲛ̀ⲡⲓⲥⲣⲁⲏⲗ ϧⲉⲛ ⲛⲓⲉⲑⲛⲟⲥ ⲉ̀ⲧⲁⲩϣⲉ ⲉ̀ϧⲟⲩⲛ ⲉ̀ⲣⲱⲟⲩ.	Aitiàso èrōou eθve paran eθouab etavsōf m̀mof ǹje na p̀yi ǹpisrayl xen nieθnos ètavṡe èxoun èrōou.	But I spared them for the sake of my holy name, which the house of Israel profaned among the nations, among whom they went.
36:22	ⲉⲑⲃⲉⲫⲁⲓ ⲁ̀ϫⲟⲥ ⲙ̀ⲡⲏⲓ ⲙ̀ⲡⲓ̅ⲥ̅ⲗ̅ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲛ̀ϯⲛⲁⲓ̀ⲣⲓ ⲁⲛ ⲛⲱⲧⲉⲛ ⲉⲑⲃⲉⲑⲏⲛⲟⲩ ⲡⲏⲓ ⲙ̀ⲡⲓ̅ⲥ̅ⲗ̅ ϧⲉⲛⲛⲓⲉⲑⲛⲟⲥ ⲉⲧⲁⲩϣⲉ ⲉ̀ϧⲟⲩⲛ ⲉ̀ⲣⲱⲟⲩ ⲁⲗⲗⲁ ⲉⲓⲛⲁⲓ̀ⲣⲓ ⲉⲑⲃⲉⲡⲁⲣⲁⲛ ⲉ̅ⲑ̅ⲩ̅ ⲉⲧⲁⲣⲉⲧⲉⲛⲥⲱϥ ϧⲉⲛⲛⲓⲉⲑⲛⲟⲥ ⲡⲓⲙⲁ ⲉⲧⲁⲣⲉⲧⲉⲛⲫⲱⲧ ⲉ̀ϧⲟⲩⲛ ⲉ̀ⲣⲟϥ .	Ⲉⲑⲃⲉ ⲫⲁⲓ ⲁ̀ϫⲟⲥ ⲛ̀ⲡⲏⲓ ⲛ̀ⲡⲓⲥⲣⲁⲏⲗ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲛ̀ϯⲛⲁⲓ̀ⲣⲓ ⲁⲛ ⲛⲱⲧⲉⲛ ⲉⲑⲃⲉ ⲑⲏⲛⲟⲩ ⲡ̀ⲏⲓ ⲛ̀ⲡⲓⲥⲣⲁⲏⲗ ϧⲉⲛ ⲛⲓⲉⲑⲛⲟⲥ ⲉ̀ⲧⲁⲩϣⲉ ⲉ̀ϧⲟⲩⲛ ⲉ̀ⲣⲱⲟⲩ ⲁⲗⲗⲁ ⲉⲓⲛⲁⲓ̀ⲣⲓ ⲉⲑⲃⲉ ⲡⲁⲣⲁⲛ ⲉⲑⲟⲩⲁⲃ ⲉ̀ⲧⲁⲣⲉⲧⲉⲛⲥⲱϥ ϧⲉⲛ ⲛⲓⲉⲑⲛⲟⲥ ⲡⲓⲙⲁ ⲉ̀ⲧⲁⲣⲉⲧⲉⲛⲫⲱⲧ ⲉ̀ϧⲟⲩⲛ ⲉ̀ⲣⲟϥ.	Eθve fai àgos ǹpyi ǹpisrayl je nai ne nyètefgō m̀mōou ǹje p̀ċois je ǹtinaìri an nōten eθve θynou p̀yi ǹpisrayl xen nieθnos ètavṡe èxoun èrōou alla einaìri eθve paran eθouab ètaretensōf xen nieθnos pima ètaretenfōt èxoun èrof.	Therefore say to the house of Israel, Thus saith the Lord; I do not this, O house of Israel, for your sakes, but because of my holy name, which ye have profaned among the nations, among whom ye went.
36:23	ⲟⲩⲟϩ ϯⲛⲁⲧⲟⲃⲟ ⲙ̀ⲡⲁⲛⲓϣϯ ⲛ̀ⲣⲁⲛ ⲉⲧⲁⲩⲥⲱϥ ⲛ̀ⲧⲉⲛⲛⲓⲉⲑⲛⲟⲥ ⲉⲧⲁⲣⲉⲧⲉⲛⲥⲱϥ ⲙ̀ⲙⲟϥ ϧⲉⲛⲧⲟⲩⲙⲏϯ ⲟⲩⲟϩ ⲛⲓⲉⲑⲛⲟⲥ ⲛⲁⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ϧⲉⲛⲡϫⲓⲛⲑⲣⲓⲧⲟⲩⲃⲟ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ ϧⲉⲛⲑⲏⲛⲟⲩ .	Ⲟⲩⲟϩ ϯⲛⲁⲧⲟⲃⲟ ⲛ̀ⲡⲁⲛⲓϣϯ ⲛ̀ⲣⲁⲛ ⲉⲧⲁⲩⲥⲱϥ ⲛ̀ⲧⲉⲛⲛⲓⲉⲑⲛⲟⲥ ⲉ̀ⲧⲁⲣⲉⲧⲉⲛⲥⲱϥ ⲙ̀ⲙⲟϥ ϧⲉⲛ ⲧⲟⲩⲙⲏϯ ⲟⲩⲟϩ ⲛⲓⲉⲑⲛⲟⲥ ⲛⲁⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ϧⲉⲛ ⲡ̀ϫⲓⲛⲑⲣⲓⲧⲟⲩⲃⲟ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ ϧⲉⲛ ⲑⲏⲛⲟⲩ.	Ouoh tinatovo ǹpaniṡti ǹran etavsōf ǹtennieθnos ètaretensōf m̀mof xen toumyti ouoh nieθnos naèmi je ànok pe p̀ċois xen p̀jinθritouvo ǹpoum̀θo èvol xen θynou.	And I will sanctify my great name, which was profaned among the nations, which ye profaned in the midst of them; and the nations shall know that I am the Lord, when I am sanctified among you before their eyes.
36:24	ⲟⲩⲟϩ ϯⲛⲁϭⲓ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲓⲉⲑⲛⲟⲥ ⲟⲩⲟϩ ⲛ̀ⲧⲁⲑⲟⲩⲏⲧ ⲑⲏⲛⲟⲩ ⲉ̀ϧⲟⲩⲛ ⲉ̀ⲃⲟⲗϧⲉⲛ ⲛⲓⲕⲁϩⲓ ⲧⲏⲣⲟⲩ ⲛ̀ⲧⲁϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡⲉⲧⲉⲛⲕⲁϩⲓ .	Ⲟⲩⲟϩ ϯⲛⲁϭⲓ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲟⲩⲟϩ ⲛ̀ⲧⲁⲑⲟⲩⲏⲧ ⲑⲏⲛⲟⲩ ⲉ̀ϧⲟⲩⲛ ⲉ̀ⲃⲟⲗ ϧⲉⲛ ⲛⲓⲕⲁϩⲓ ⲧⲏⲣⲟⲩ ⲛ̀ⲧⲁϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡⲉⲧⲉⲛⲕⲁϩⲓ.	Ouoh tinaċi θynou èvol xen nieθnos ouoh ǹtaθouyt θynou èxoun èvol xen nikahi tyrou ǹtaċi θynou èxoun èpetenkahi.	And I will take you out from the nations, and will gather you out of all the lands, and will bring you into your own land:
36:25	ⲛ̀ⲧⲁⲛⲟⲩϫϧ ⲉ̀ϫⲉⲛⲑⲏⲛⲟⲩ ⲛ̀ⲟⲩⲙⲱⲟⲩ ⲉϥⲥⲱⲧⲡ ⲉⲣⲉⲧⲉⲛⲉⲣⲕⲁⲑⲁⲣⲓⲍⲓⲛ ⲉ̀ⲃⲟⲗϧⲉⲛ ⲛⲉⲧⲉⲛⲁ̀ⲕⲁⲑⲁⲣⲥⲓⲁ̀ ⲧⲏⲣⲟⲩ ⲉⲓⲉ̀ⲧⲟⲩⲃⲟ ⲑⲏⲛⲟⲩ .	Ⲛ̀ⲧⲁⲛⲟⲩϫϧ ⲉ̀ϫⲉⲛ ⲑⲏⲛⲟⲩ ⲛ̀ⲟⲩⲙⲱⲟⲩ ⲉϥⲥⲱⲧⲡ ⲉ̀ⲣⲉⲧⲉⲛⲉⲣⲕⲁⲑⲁⲣⲓⲍⲓⲛ ⲉ̀ⲃⲟⲗ ϧⲉⲛ ⲛⲉⲧⲉⲛⲁ̀ⲕⲁⲑⲁⲣⲥⲓⲁ̀ ⲧⲏⲣⲟⲩ ⲉⲓⲉ̀ⲧⲟⲩⲃⲟ ⲑⲏⲛⲟⲩ.	Ǹtanougx èjen θynou ǹoumōou efsōtp èretenerkaθarizin èvol xen netenàkaθarsià tyrou eiètouvo θynou.	and I will sprinkle clean water upon you, and ye shall be purged from all your uncleannesses, and from all your idols, and I will cleanse you.
36:26	ⲟⲩⲟϩ ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩⲏⲧ ⲙ̀ⲃⲉⲣⲓ ⲟⲩⲡ̅ⲛ̅ⲁ̅ ⲙ̀ⲃⲉⲣⲓ ϯⲛⲁⲧⲏⲓϥ ⲉ̀ϧⲟⲩⲛ ⲉ̀ⲣⲱⲧⲉⲛ ⲧⲁⲱ̀ⲗⲓ ⲙ̀ⲡⲓϩⲏⲧ ⲛ̀ⲱ̀ⲛⲓ ⲉ̀ⲃⲟⲗϧⲉⲛ ⲛⲉⲧⲉⲛⲥⲁⲣⲝ ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩⲏⲧ ⲛ̀ⲥⲁⲣⲝ .	Ⲟⲩⲟϩ ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩⲏⲧ ⲛ̀ⲃⲉⲣⲓ ⲟⲩⲡ̀ⲛⲉⲩⲙⲁ ⲛ̀ⲃⲉⲣⲓ ϯⲛⲁⲧⲏⲓϥ ⲉ̀ϧⲟⲩⲛ ⲉ̀ⲣⲱⲧⲉⲛ ⲧⲁⲱ̀ⲗⲓ ⲛ̀ⲡⲓϩⲏⲧ ⲛ̀ⲱ̀ⲛⲓ ⲉ̀ⲃⲟⲗ ϧⲉⲛ ⲛⲉⲧⲉⲛⲥⲁⲣⲝ ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩⲏⲧ ⲛ̀ⲥⲁⲣⲝ.	Ouoh ǹtati nōten ǹouhyt ǹveri oup̀nevma ǹveri tinatyif èxoun èrōten taṑli ǹpihyt ǹṑni èvol xen netensarks ǹtati nōten ǹouhyt ǹsarks.	And I will give you a new heart, and will put a new spirit in you: and I will take away the heart of stone out of your flesh, and will give you a heart of flesh.
36:27	ⲟⲩⲟϩ ⲟⲩⲡ̅ⲛ̅ⲁ̅ ⲉ̀ⲫⲱⲓ ⲡⲉϯⲛⲁⲧⲏⲓϥ ⲉ̀ϧⲟⲩⲛ ⲉ̀ⲣⲱⲧⲉⲛ ϯⲛⲁⲓ̀ⲣⲓ ϩⲓⲛⲁ ⲉⲣⲉⲧⲉⲛⲙⲟϣⲓ ϧⲉⲛⲛⲁⲙⲉⲑⲙⲏⲓ ⲟⲩⲟϩ ⲉⲣⲉⲧⲉⲛⲁ̀ⲣⲉϩ ⲉ̀ⲛⲁⲉⲛⲧⲟⲗⲏ ⲉⲣⲉⲧⲉⲛⲁⲓⲧⲟⲩ .	Ⲟⲩⲟϩ ⲟⲩⲡ̀ⲛⲉⲩⲙⲁ ⲉ̀ⲫⲱⲓ ⲡⲉϯⲛⲁⲧⲏⲓϥ ⲉ̀ϧⲟⲩⲛ ⲉ̀ⲣⲱⲧⲉⲛ ϯⲛⲁⲓ̀ⲣⲓ ϩⲓⲛⲁ ⲉ̀ⲣⲉⲧⲉⲛⲙⲟϣⲓ ϧⲉⲛ ⲛⲁⲙⲉⲑⲙⲏⲓ ⲟⲩⲟϩ ⲉ̀ⲣⲉⲧⲉⲛⲁ̀ⲣⲉϩ ⲉ̀ⲛⲁⲉⲛⲧⲟⲗⲏ ⲉ̀ⲣⲉⲧⲉⲛⲁⲓⲧⲟⲩ.	Ouoh oup̀nevma èfōi petinatyif èxoun èrōten tinaìri hina èretenmoṡi xen nameθmyi ouoh èretenàreh ènaentoly èretenaitou.	And I will put my Spirit in you, and will cause you to walk in mine ordinances, and to keep my judgments, and do them.
36:28	ⲉⲣⲉⲧⲉⲛϣⲱⲡⲓ ϩⲓϫⲱⲟⲩ ⲟⲩⲟϩ ϩⲓϫⲉⲛⲡⲓⲕⲁϩⲓ ⲉⲧⲁⲓⲧⲏⲓϥ ⲛ̀ⲛⲉⲧⲉⲛⲓⲟϯ ⲉⲣⲉⲧⲉⲛϣⲱⲡⲓ ⲛⲏⲓ ⲉⲩⲗⲁⲟⲥ ⲁ̀ⲛⲟⲕ ϩⲱ ⲛ̀ⲧⲁϣⲱⲡⲓ ⲛⲱⲧⲉⲛ ⲟⲩⲛⲟⲩϯ .	Ⲉ̀ⲣⲉⲧⲉⲛϣⲱⲡⲓ ϩⲓϫⲱⲟⲩ ⲟⲩⲟϩ ϩⲓϫⲉⲛ ⲡⲓⲕⲁϩⲓ ⲉⲧⲁⲓⲧⲏⲓϥ ⲛ̀ⲛⲉⲧⲉⲛⲓⲟϯ ⲉ̀ⲣⲉⲧⲉⲛϣⲱⲡⲓ ⲛⲏⲓ ⲉⲩⲗⲁⲟⲥ ⲁ̀ⲛⲟⲕ ϩⲱ ⲛ̀ⲧⲁϣⲱⲡⲓ ⲛⲱⲧⲉⲛ ⲟⲩⲛⲟⲩϯ.	Èretenṡōpi higōou ouoh hijen pikahi etaityif ǹnetenioti èretenṡōpi nyi evlaos ànok hō ǹtaṡōpi nōten ounouti.	And ye shall dwell upon the land which I gave to your fathers; and ye shall be to me a people, and I will be to you a God.
36:29	ⲛ̀ⲧⲁⲛⲟϩⲉⲙ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲉⲧⲉⲛⲁ̀ⲕⲁⲑⲁⲣⲥⲓⲁ̀ ⲧⲏⲣⲟⲩ ⲟⲩⲟϩ ϯⲛⲁⲓ̀ⲛⲓ ⲙ̀ⲡⲓⲥⲟⲩⲟ̀ ⲛ̀ⲧⲁⲑⲣⲉϥⲁ̀ϣⲁⲓ ⲟⲩⲟϩ ϯⲛⲁⲓ̀ⲛⲓ ⲛ̀ⲟⲩϩⲉⲛⲟⲩϥⲓ ⲉ̀ϫⲉⲛⲑⲏⲛⲟⲩ ⲁⲣⲉϣ̀ⲧⲉⲙ ϩ̀ⲃⲱⲛ ϣⲱⲡⲓ ⲉ̀ϫⲉⲛⲑⲏⲛⲟⲩ ⲓⲥϫⲉⲛ ϯⲛⲟⲩ .	Ⲛ̀ⲧⲁⲛⲟϩⲉⲙ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲁ̀ⲕⲁⲑⲁⲣⲥⲓⲁ̀ ⲧⲏⲣⲟⲩ ⲟⲩⲟϩ ϯⲛⲁⲓ̀ⲛⲓ ⲛ̀ⲡⲓⲥⲟⲩⲟ̀ ⲛ̀ⲧⲁⲑⲣⲉϥⲁ̀ϣⲁⲓ ⲟⲩⲟϩ ϯⲛⲁⲓ̀ⲛⲓ ⲛ̀ⲟⲩϩⲉⲛⲟⲩϥⲓ ⲉ̀ϫⲉⲛ ⲑⲏⲛⲟⲩ ⲁⲣⲉϣ̀ⲧⲉⲙ ϩ̀ⲃⲱⲛ ϣⲱⲡⲓ ⲉ̀ϫⲉⲛ ⲑⲏⲛⲟⲩ ⲓⲥϫⲉⲛ ϯⲛⲟⲩ.	Ǹtanohem θynou èvol xen netenàkaθarsià tyrou ouoh tinaìni ǹpisouò ǹtaθrefàṡai ouoh tinaìni ǹouhenoufi èjen θynou areṡ̀tem h̀vōn ṡōpi èjen θynou isjen tinou.	And I will save you from all your uncleannesses: and I will call for the corn, and multiply it, and will not bring famine upon you.
36:30	ⲡ̀ⲟⲩⲧⲁϩ ⲙ̀ⲡⲓϣ̀ϣⲏⲛ ϯⲛⲁⲑⲣⲉϥⲁ̀ϣⲁⲓ ⲟⲩⲟϩ ⲛⲓϫ̀ⲣⲟϫ ⲛ̀ⲧⲉⲧ̀ⲕⲟⲓ ϩⲓⲛⲁ ⲉϣⲧⲉⲙϣⲱⲡⲓ ⲛ̀ϫⲉⲟⲩⲛⲓϣϯ ⲛ̀ϩ̀ⲃⲱⲛ ϧⲉⲛⲛⲓⲉⲑⲛⲟⲥ .	Ⲡ̀ⲟⲩⲧⲁϩ ⲛ̀ⲡⲓϣ̀ϣⲏⲛ ϯⲛⲁⲑⲣⲉϥⲁ̀ϣⲁⲓ ⲟⲩⲟϩ ⲛⲓϫ̀ⲣⲟϫ ⲛ̀ⲧⲉ ⲧ̀ⲕⲟⲓ ϩⲓⲛⲁ ⲉ̀ϣⲧⲉⲙϣⲱⲡⲓ ⲛ̀ϫⲉ ⲟⲩⲛⲓϣϯ ⲛ̀ϩ̀ⲃⲱⲛ ϧⲉⲛ ⲛⲓⲉⲑⲛⲟⲥ.	P̀outah ǹpiṡ̀ṡyn tinaθrefàṡai ouoh nig̀rog ǹte t̀koi hina èṡtemṡōpi ǹje ouniṡti ǹh̀vōn xen nieθnos.	And I will multiply the fruit of the trees, and the produce of the field, that ye may not bear the reproach of famine among the nations.
36:31	ⲉⲣⲉⲧⲉⲛϣ̀ⲧⲉⲙⲉⲣⲫ̀ⲙⲉⲩⲓ̀ ⲛ̀ⲛⲉⲧⲉⲛⲙⲱⲓⲧ ⲉⲧϩⲱⲟⲩ ⲟⲩⲟϩ ⲉⲣⲉⲧⲉⲛⲙⲟⲥϯ ⲉ̀ⲛⲉⲧⲉⲛϩ̀ⲃⲏⲟⲩⲓ̀ ⲉⲧⲟⲓ ⲛ̀ⲑ̀ⲛⲁⲛⲉⲩ ⲁⲛ ⲉⲣⲉⲧⲉⲛⲉⲣϩⲟϯ ⲉ̀ⲃⲟⲗϧⲉⲛ ⲛⲉⲧⲉⲛⲁ̀ⲛⲟⲙⲓⲁ̀ ⲟⲩⲟϩ ϧⲉⲛⲛⲉⲧⲉⲛⲛⲟⲃⲓ .	Ⲉ̀ⲣⲉⲧⲉⲛϣ̀ⲧⲉⲙⲉⲣⲫ̀ⲙⲉⲩⲓ̀ ⲛ̀ⲛⲉⲧⲉⲛⲙⲱⲓⲧ ⲉⲧϩⲱⲟⲩ ⲟⲩⲟϩ ⲉ̀ⲣⲉⲧⲉⲛⲙⲟⲥϯ ⲉ̀ⲛⲉⲧⲉⲛϩ̀ⲃⲏⲟⲩⲓ̀ ⲉⲧⲟⲓ ⲛ̀ⲑ̀ⲛⲁⲛⲉⲩ ⲁⲛ ⲉ̀ⲣⲉⲧⲉⲛⲉⲣϩⲟϯ ⲉ̀ⲃⲟⲗ ϧⲉⲛ ⲛⲉⲧⲉⲛⲁ̀ⲛⲟⲙⲓⲁ̀ ⲟⲩⲟϩ ϧⲉⲛ ⲛⲉⲧⲉⲛⲛⲟⲃⲓ.	Èretenṡ̀temerf̀mevì ǹnetenmōit et·hōou ouoh èretenmosti ènetenh̀vyouì etoi ǹθ̀nanev an èretenerhoti èvol xen netenànomià ouoh xen netennovi.	And ye shall remember your evil ways and your practices that were not good, and ye shall be hateful in your own sight for your transgressions and for your abominations.
36:32	ⲁⲛⲟⲕ ⲛ̀ϯⲓ̀ⲣⲓ ⲁⲛ ⲉⲑⲃⲉⲑⲏⲛⲟⲩ ⲡⲉϫⲉ ⲡϭ̅ⲥ̅ ⲫⲁⲓ ϥ̀ⲛⲁϣⲱⲡⲓ ⲉ̀ⲣⲱⲧⲉⲛ ϭⲓϣⲓⲡⲓ ⲟⲩⲟϩ ⲙⲁⲧⲁⲥⲑⲟ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲉⲧⲉⲛⲙⲱⲓⲧ ⲡⲉϫⲉ ⲁⲇⲱⲛⲁⲓ ⲡϭ̅ⲥ̅ ⲡⲏⲓ ⲙ̀ⲡⲓ̅ⲥ̅ⲗ̅ .	Ⲁⲛⲟⲕ ⲛ̀ϯⲓ̀ⲣⲓ ⲁⲛ ⲉⲑⲃⲉ ⲑⲏⲛⲟⲩ ⲡⲉϫⲉ ⲡ̀ϭⲟⲓⲥ ⲫⲁⲓ ϥ̀ⲛⲁϣⲱⲡⲓ ⲉ̀ⲣⲱⲧⲉⲛ ϭⲓϣⲓⲡⲓ ⲟⲩⲟϩ ⲙⲁⲧⲁⲥⲑⲟ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲙⲱⲓⲧ ⲡⲉϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ⲡ̀ⲏⲓ ⲛ̀ⲡⲓⲥⲣⲁⲏⲗ.	Anok ǹtiìri an eθve θynou peje p̀ċois fai f̀naṡōpi èrōten ċiṡipi ouoh matasθo θynou èvol xen netenmōit peje àdōnai p̀ċois p̀yi ǹpisrayl.	Not for your sakes do I this, saith the Lord God, as it is known to you: be ye ashamed and confounded for your ways, O house of Israel.
36:33	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϧⲉⲛⲡⲓⲉ̀ϩⲟⲟⲩ ⲉ̀ϯⲛⲁⲧⲟⲩⲃⲉ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲉⲧⲉⲛⲁ̀ⲛⲟⲙⲓⲁ̀ ⲧⲏⲣⲟⲩ ϯⲛⲁⲑ̀ⲣⲉ ⲛⲓⲃⲁⲕⲓ ϫⲟⲣϫ ⲟⲩⲟϩ ⲛⲏⲉⲧⲟⲓ ⲛ̀ϣⲁϥⲉ ⲥⲉⲛⲁⲕⲟⲧⲟⲩ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϧⲉⲛ ⲡⲓⲉ̀ϩⲟⲟⲩ ⲉ̀ⲓⲛⲁⲧⲟⲩⲃⲉ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲁ̀ⲛⲟⲙⲓⲁ̀ ⲧⲏⲣⲟⲩ ϯⲛⲁⲑ̀ⲣⲉ ⲛⲓⲃⲁⲕⲓ ϫⲟⲣϫ ⲟⲩⲟϩ ⲛⲏⲉⲧⲟⲓ ⲛ̀ϣⲁϥⲉ ⲥⲉⲛⲁⲕⲟⲧⲟⲩ.	Nai ne nyètefgō m̀mōou ǹje p̀ċois je xen pièhoou èinatouve θynou èvol xen netenànomià tyrou tinaθ̀re nivaki gorg ouoh nyetoi ǹṡafe senakotou.	Thus saith the Lord God; In the day wherein I shall cleanse you from all your iniquities I will also cause the cities to be inhabited, and the waste places shall be built upon:
36:34	ⲟⲩⲟϩ ⲡⲓⲕⲁϩⲓ ⲉⲧⲁϥϣⲱϥ ⲥⲉⲛⲁⲉⲣϩⲱⲃ ⲉ̀ⲣⲟϥ ϫⲉⲛ̀ⲑⲟⲕ ⲡⲓⲕⲁϩⲓ ⲁⲕϣⲱⲡⲓ ⲉⲕⲧⲁⲕⲏⲟⲩⲧ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲟⲩⲟⲛ ⲛⲓⲃⲉⲛ ⲉⲧⲥⲓⲛⲓ .	Ⲟⲩⲟϩ ⲡⲓⲕⲁϩⲓ ⲉⲧⲁϥϣⲱϥ ⲥⲉⲛⲁⲉⲣϩⲱⲃ ⲉ̀ⲣⲟϥ ϫⲉ ⲛ̀ⲑⲟⲕ ⲡⲓⲕⲁϩⲓ ⲁⲕϣⲱⲡⲓ ⲉⲕⲧⲁⲕⲏⲟⲩⲧ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲟⲩⲟⲛ ⲛⲓⲃⲉⲛ ⲉⲧⲥⲓⲛⲓ.	Ouoh pikahi etafṡōf senaerhōb èrof je ǹθok pikahi akṡōpi ektakyout ǹpem̀θo èvol ǹouon niven etsini.	and the desolate land shall be cultivated, whereas it was desolate in the eyes of every one that passed by.
36:35	ⲟⲩⲟϩ ⲉⲩⲉ̀ϫⲟⲥ ϫⲉⲡⲓⲕⲁϩⲓ ⲉⲧⲉⲙ̀ⲙⲁⲩ ⲉⲧⲧⲁⲕⲏⲟⲩⲧ ⲁϥⲉⲣ ⲙ̀ⲫ̀ⲣⲏϯ ⲛ̀ⲟⲩⲕⲏⲡⲟⲥ ⲛ̀ⲧⲉⲡ̀ⲟⲩⲛⲟϥ ⲟⲩⲟϩ ⲛⲓⲃⲁⲕⲓ ⲉⲧⲟⲓ ⲛ̀ϣⲁϥⲉ ⲉⲧⲧⲁⲕⲏⲟⲩⲧ ⲉ̀ⲁⲩϧⲉⲙϧⲟⲙⲟⲩ ⲁⲩϫⲟⲣϫ ϧⲉⲛⲟⲩⲧⲁϫⲣⲟ .	Ⲟⲩⲟϩ ⲉⲩⲉ̀ϫⲟⲥ ϫⲉ ⲡⲓⲕⲁϩⲓ ⲉ̀ⲧⲉ ⲙ̀ⲙⲁⲩ ⲉⲧⲧⲁⲕⲏⲟⲩⲧ ⲁϥⲉⲣ ⲛ̀ⲫ̀ⲣⲏϯ ⲛ̀ⲟⲩⲕⲏⲡⲟⲥ ⲛ̀ⲧⲉ ⲡ̀ⲟⲩⲛⲟϥ ⲟⲩⲟϩ ⲛⲓⲃⲁⲕⲓ ⲉⲧⲟⲓ ⲛ̀ϣⲁϥⲉ ⲉⲧⲧⲁⲕⲏⲟⲩⲧ ⲉ̀ⲁⲩϧⲉⲙϧⲟⲙⲟⲩ ⲁⲩϫⲟⲣϫ ϧⲉⲛ ⲟⲩⲧⲁϫⲣⲟ.	Ouoh evègos je pikahi ète m̀mav ettakyout afer ǹf̀ryti ǹoukypos ǹte p̀ounof ouoh nivaki etoi ǹṡafe ettakyout èavxemxomou avgorg xen outagro.	And they shall say, That desolate land is become like a garden of delight; and the waste and desolate and ruined cities are inhabited.
36:36	ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉⲛⲓⲉⲑⲛⲟⲥ ⲉⲑⲛⲁⲥⲱϫⲡ ϧⲉⲛⲡⲉⲧⲉⲛⲕⲱϯ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲁⲓⲕⲱⲧ ⲛ̀ⲛⲓⲃⲁⲕⲓ ⲉⲧⲁⲩϧⲉⲙϧⲟⲙⲟⲩ ⲟⲩⲟϩ ⲛⲏⲉⲧⲁⲩⲧⲁⲕⲱⲟⲩ ⲁⲓⲧⲟϫⲟⲩ ⲁ̀ⲛⲟⲕ ⲡϭ̅ⲥ̅ ⲁⲓⲥⲁϫⲓ ⲟⲩⲟϩ ⲁⲓⲓ̀ⲣⲓ .	Ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉ ⲛⲓⲉⲑⲛⲟⲥ ⲉⲑⲛⲁⲥⲱϫⲡ ϧⲉⲛ ⲡⲉⲧⲉⲛⲕⲱϯ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲁⲓⲕⲱⲧ ⲛ̀ⲛⲓⲃⲁⲕⲓ ⲉⲧⲁⲩϧⲉⲙϧⲟⲙⲟⲩ ⲟⲩⲟϩ ⲛⲏⲉⲧⲁⲩⲧⲁⲕⲱⲟⲩ ⲁⲓⲧⲟϫⲟⲩ ⲁ̀ⲛⲟⲕ ⲡ̀ϭⲟⲓⲥ ⲁⲓⲥⲁϫⲓ ⲟⲩⲟϩ ⲁⲓⲓ̀ⲣⲓ.	Ouoh evèèmi ǹje nieθnos eθnasōgp xen petenkōti je ànok pe p̀ċois aikōt ǹnivaki etavxemxomou ouoh nyetavtakōou aitogou ànok p̀ċois aisaji ouoh aiìri.	And the nations, as many as shall have been left round about you, shall know that I the Lord have built the ruined cities and planted the waste lands: I the Lord have spoken, and will do it.
36:37	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲡⲏⲓ ⲙ̀ⲡⲓ̅ⲥ̅ⲗ̅ ϥ̀ⲛⲁⲧⲁⲥⲑⲟϥ ⲉ̀ⲕⲱϯ ⲛ̀ⲥⲱⲓ ⲉⲑⲣⲓⲓ̀ⲣⲓ ⲛⲱⲟⲩ ⲙ̀ⲫⲁⲓ ϯⲛⲁⲑⲣⲟⲩⲁ̀ϣⲁⲓ ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲛⲓⲣⲱⲙⲓ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲡ̀ⲏⲓ ⲛ̀ⲡⲓⲥⲣⲁⲏⲗ ϥ̀ⲛⲁⲧⲁⲥⲑⲟϥ ⲉ̀ⲕⲱϯ ⲛ̀ⲥⲱⲓ ⲉ̀ⲑⲣⲓⲓ̀ⲣⲓ ⲛⲱⲟⲩ ⲛ̀ⲫⲁⲓ ϯⲛⲁⲑⲣⲟⲩⲁ̀ϣⲁⲓ ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲛⲓⲣⲱⲙⲓ.	Nai ne nyètefgō m̀mōou ǹje p̀ċois je p̀yi ǹpisrayl f̀natasθof èkōti ǹsōi èθriìri nōou ǹfai tinaθrouàṡai ǹf̀ryti ǹhanèsōou nirōmi.	Thus saith the Lord God; Yet for this will I be sought by the house of Israel, to establish them; I will multiply them even men as sheep;
36:38	ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲉⲩⲟⲩⲁⲃ ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲛ̀ⲧⲉⲓⲗ̅ⲏ̅ⲙ̅ ϧⲉⲛⲛⲉⲥϣⲁⲓ ⲡⲁⲓⲣⲏϯ ⲉⲩⲉ̀ϣⲱⲡⲓ ⲛ̀ϫⲉⲛⲓⲃⲁⲕⲓ ⲉⲧⲁⲩⲉⲣϣⲁϥⲉ ⲉⲩⲉ̀ⲙⲟϩ ⲛ̀ⲟ̀ϩⲓ ⲛ̀ⲣⲱⲙⲓ ⲟⲩⲟϩ ⲉⲩⲉ̀ⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	Ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲉⲩⲟⲩⲁⲃ ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲛ̀ⲧⲉ ⲓⲉⲣⲟⲩⲥⲁⲗⲏⲙ ϧⲉⲛ ⲛⲉⲥϣⲁⲓ ⲡⲁⲓⲣⲏϯ ⲉⲩⲉ̀ϣⲱⲡⲓ ⲛ̀ϫⲉ ⲛⲓⲃⲁⲕⲓ ⲉⲧⲁⲩⲉⲣϣⲁϥⲉ ⲉⲩⲉ̀ⲙⲟϩ ⲛ̀ⲟ̀ϩⲓ ⲛ̀ⲣⲱⲙⲓ ⲟⲩⲟϩ ⲉⲩⲉ̀ⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	Ǹf̀ryti ǹhanèsōou evouab ǹf̀ryti ǹhanèsōou ǹte ierousalym xen nesṡai pairyti evèṡōpi ǹje nivaki etaverṡafe evèmoh ǹòhi ǹrōmi ouoh evèèmi je ànok pe p̀ċois.	as holy sheep, as the sheep of Jerusalem in her feasts; thus shall the desert cities be full of flocks of men: and they shall know that I am the Lord.

Provenance

title: 26_Ezechiel_36
dialect: bohairic
source: Coptic SCRIPTORIUM corpus "bohairic.ot", document 26_Ezechiel_36
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_36 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/36.bohairic.scriptorium.L0.txt
title: 26_Ezechiel_36 — Cairene
dialect: bohairic
source: generated from 36.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_36)
licence: CC BY-SA 4.0
share: attribution
attribution: 26_Ezechiel_36 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/36.bohairic.scriptorium.L1.txt
title: 26_Ezechiel_36 — Kemetic
dialect: bohairic
source: generated from 36.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_36 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/36.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 38 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_36 (38 lines)

Cite as:

26_Ezechiel_36. Coptic SCRIPTORIUM corpus "bohairic.ot", document 26_Ezechiel_36. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/36.bohairic.scriptorium/. 26_Ezechiel_36 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_36, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.