26_Ezechiel_37 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_37

Attribution: 26_Ezechiel_37 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_37, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

28 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
37:1	ϯϫⲓϫ ⲙ̀ⲡϭ̅ⲥ̅ ⲁⲥⲓ̀ ⲉ̀ϧ̀ⲣⲏⲓ ⲉ̀ϫⲱⲓ ⲁⲥⲓ̀ⲛⲓ ⲙ̀ⲙⲟⲓ ⲉ̀ⲃⲟⲗ ϧⲉⲛⲡⲓⲡ̅ⲛ̅ⲁ̅ ⲛ̀ⲧⲉⲡϭ̅ⲥ̅ ⲁⲥⲭⲁⲧ ϧⲉⲛⲑ̀ⲙⲏϯ ⲛ̀ⲧⲉⲧ̀ⲕⲟⲓ ⲟⲩⲟϩ ⲑⲁⲓ ⲛⲁⲥⲙⲟϩ ⲛ̀ⲕⲁⲥ ⲛ̀ⲛⲓⲣⲱⲙⲓ .	ϯϫⲓϫ ⲛ̀ⲡ̀ϭⲟⲓⲥ ⲁⲥⲓ̀ ⲉ̀ϧ̀ⲣⲏⲓ ⲉ̀ϫⲱⲓ ⲁⲥⲓ̀ⲛⲓ ⲙ̀ⲙⲟⲓ ⲉ̀ⲃⲟⲗ ϧⲉⲛ ⲡⲓⲡ̀ⲛⲉⲩⲙⲁ ⲛ̀ⲧⲉ ⲡ̀ϭⲟⲓⲥ ⲁⲥⲭⲁⲧ ϧⲉⲛ ⲑ̀ⲙⲏϯ ⲛ̀ⲧⲉ ⲧ̀ⲕⲟⲓ ⲟⲩⲟϩ ⲑⲁⲓ ⲛⲁⲥⲙⲟϩ ⲛ̀ⲕⲁⲥ ⲛ̀ⲛⲓⲣⲱⲙⲓ.	tijig ǹp̀ċois asì èx̀ryi ègōi asìni m̀moi èvol xen pip̀nevma ǹte p̀ċois askat xen θ̀myti ǹte t̀koi ouoh θai nasmoh ǹkas ǹnirōmi.	And the hand of the Lord came upon me, and the Lord brought me forth by the Spirit, and set me in the midst of the plain, and it was full of human bones.
37:2	ⲁⲥⲑ̀ⲣⲓⲕⲱϯ ⲉ̀ⲣⲱⲟⲩ ⲧⲏⲣⲟⲩ ⲟⲩⲟϩ ϩⲏⲡⲡⲉ ⲛⲁⲩⲟϣ ⲉⲙⲁϣⲱ ϩⲓϩⲓⲣⲁⲥ ⲛ̀ⲧⲉⲧ̀ⲕⲟⲓ ⲉⲩϣⲟⲩⲱⲟⲩ ⲉⲙⲁϣⲱ .	Ⲁⲥⲑ̀ⲣⲓⲕⲱϯ ⲉ̀ⲣⲱⲟⲩ ⲧⲏⲣⲟⲩ ⲟⲩⲟϩ ϩⲏⲡⲡⲉ ⲛⲁⲩⲟϣ ⲉ̀ⲙⲁϣⲱ ϩⲓϩⲓⲣⲁⲥ ⲛ̀ⲧⲉ ⲧ̀ⲕⲟⲓ ⲉⲩϣⲟⲩⲱⲟⲩ ⲉ̀ⲙⲁϣⲱ.	Asθ̀rikōti èrōou tyrou ouoh hyppe navoṡ èmaṡō hihiras ǹte t̀koi evṡouōou èmaṡō.	And he led me round about them every way: and, behold, there were very many on the face of the plain, very dry.
37:3	ⲟⲩⲟϩ ⲡϭ̅ⲥ̅ ⲁϥϫⲟⲥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ϩⲁⲣⲁ ⲛⲁⲓⲕⲁⲥ ⲛⲁⲱⲛϧ ⲁ̀ⲛⲟⲕ ⲇⲉ ⲁⲓϫⲟⲥ ϫⲉⲁⲇⲱⲛⲁⲓ ⲡϭ̅ⲥ̅ ⲫϯ ⲥⲁⲃⲁⲱⲑ ⲛ̀ⲑⲟⲕ ⲫⲏⲉⲧⲥⲱⲟⲩⲛ .	Ⲟⲩⲟϩ ⲡ̀ϭⲟⲓⲥ ⲁϥϫⲟⲥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ϩⲁⲣⲁ ⲛⲁⲓⲕⲁⲥ ⲛⲁⲱⲛϧ ⲁ̀ⲛⲟⲕ ⲇⲉ ⲁⲓϫⲟⲥ ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ⲫ̀ⲛⲟⲩϯ ⲥⲁⲃⲁⲱⲑ ⲛ̀ⲑⲟⲕ ⲫⲏⲉⲧⲥⲱⲟⲩⲛ.	Ouoh p̀ċois afgos nyi je p̀ṡyri ǹf̀rōmi hara naikas naōnx ànok ḋe aigos je àdōnai p̀ċois f̀nouti sabaōθ ǹθok fyetsōoun.	And he said to me, Son of man, will these bones live? and I said, O Lord God, thou knowest this.
37:4	ⲟⲩⲟϩ ⲁϥϫⲟⲥ ⲛⲏⲓ ϫⲉⲁⲣⲓⲡⲣⲟⲫⲏⲧⲉⲩⲓⲛ ⲉ̀ϧⲟⲩⲛ ϧⲉⲛⲛⲁⲓⲕⲁⲥ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ϧⲉⲛⲛⲁⲓⲕⲁⲥ ⲉⲧϣⲟⲩⲱⲟⲩ ϫⲉⲥⲱⲧⲉⲙ ⲙ̀ⲡ̀ⲥⲁϫⲓ ⲙ̀ⲡϭ̅ⲥ̅ .	Ⲟⲩⲟϩ ⲁϥϫⲟⲥ ⲛⲏⲓ ϫⲉ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϧⲟⲩⲛ ϧⲉⲛ ⲛⲁⲓⲕⲁⲥ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ϧⲉⲛ ⲛⲁⲓⲕⲁⲥ ⲉⲧϣⲟⲩⲱⲟⲩ ϫⲉ ⲥⲱⲧⲉⲙ ⲛ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ.	Ouoh afgos nyi je ariprofytevin èxoun xen naikas ouoh àgos èxoun xen naikas etṡouōou je sōtem ǹp̀·saji ǹp̀ċois.	And he said to me, Prophesy upon these bones, and thou shalt say to them, Ye dry bones, hear the word of the Lord.
37:5	ⲡⲁⲓⲣⲏϯ ⲉⲧⲁ ⲁⲇⲱⲛⲁⲓ ⲡϭ̅ⲥ̅ ϫⲟⲥ ⲉ̀ϧⲟⲩⲛ ⲉ̀ⲛⲁⲓⲕⲁⲥ ϫⲉϩⲏⲡⲡⲉ ϯⲛⲁⲓ̀ⲛⲓ ⲉ̀ϧⲟⲩⲛ ⲉ̀ⲣⲱⲧⲉⲛ ⲛ̀ⲟⲩⲡ̅ⲛ̅ⲁ̅ ⲉⲣⲉⲧⲉⲛⲱⲛϧ .	Ⲡⲁⲓⲣⲏϯ ⲉ̀ⲧⲁ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲟⲥ ⲉ̀ϧⲟⲩⲛ ⲉ̀ⲛⲁⲓⲕⲁⲥ ϫⲉ ϩⲏⲡⲡⲉ ϯⲛⲁⲓ̀ⲛⲓ ⲉ̀ϧⲟⲩⲛ ⲉ̀ⲣⲱⲧⲉⲛ ⲛ̀ⲟⲩⲡ̀ⲛⲉⲩⲙⲁ ⲉ̀ⲣⲉⲧⲉⲛⲱⲛϧ.	Pairyti èta àdōnai p̀ċois gos èxoun ènaikas je hyppe tinaìni èxoun èrōten ǹoup̀nevma èretenōnx.	Thus saith the Lord to these bones; Behold, I will bring upon you the breath of life:
37:6	ⲟⲩⲟϩ ϯⲛⲁϯ ⲉ̀ϫⲉⲛⲑⲏⲛⲟⲩ ⲛ̀ϩⲁⲛⲙⲟⲩⲧ ⲛ̀ⲧⲁⲓ̀ⲛⲓ ⲉ̀ϫⲉⲛⲑⲏⲛⲟⲩ ⲥⲁⲣⲝ ⲛ̀ⲧⲁⲫⲱⲣϣ ⲉ̀ⲃⲟⲗ ⲉ̀ϫⲉⲛⲑⲏⲛⲟⲩ ⲛ̀ⲟⲩϣⲁⲣ ⲛ̀ⲧⲁϯ ⲛ̀ⲟⲩⲡ̅ⲛ̅ⲁ̅ ⲉ̀ϧⲟⲩⲛ ⲉ̀ⲣⲱⲧⲉⲛ ⲉⲣⲉⲧⲉⲛⲉ̀ⲱⲛϧ ⲉⲣⲉⲧⲉⲛⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	Ⲟⲩⲟϩ ϯⲛⲁϯ ⲉ̀ϫⲉⲛ ⲑⲏⲛⲟⲩ ⲛ̀ϩⲁⲛⲙⲟⲩⲧ ⲛ̀ⲧⲁⲓ̀ⲛⲓ ⲉ̀ϫⲉⲛ ⲑⲏⲛⲟⲩ ⲥⲁⲣⲝ ⲛ̀ⲧⲁⲫⲱⲣϣ ⲉ̀ⲃⲟⲗ ⲉ̀ϫⲉⲛ ⲑⲏⲛⲟⲩ ⲛ̀ⲟⲩϣⲁⲣ ⲛ̀ⲧⲁϯ ⲛ̀ⲟⲩⲡ̀ⲛⲉⲩⲙⲁ ⲉ̀ϧⲟⲩⲛ ⲉ̀ⲣⲱⲧⲉⲛ ⲉ̀ⲣⲉⲧⲉⲛⲉ̀ⲱⲛϧ ⲉ̀ⲣⲉⲧⲉⲛⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	Ouoh tinati èjen θynou ǹhanmout ǹtaìni èjen θynou sarks ǹtafōrṡ èvol èjen θynou ǹouṡar ǹtati ǹoup̀nevma èxoun èrōten èretenèōnx èretentenèmi je ànok pe p̀ċois.	and I will lay sinews upon you, and will bring up flesh upon you, and will spread skin upon you, and will put my Spirit into you, and ye shall live; and ye shall know that I am the Lord.
37:7	ⲟⲩⲟϩ ⲁⲓⲉⲣⲡⲣⲟⲫⲏⲧⲉⲩⲓⲛ ⲕⲁⲧⲁⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲏⲓ ⲟⲩⲟϩ ⲁ ⲟⲩⲥ̀ⲙⲏ ϣⲱⲡⲓ ⲉ̀ⲡ̀ϫⲓⲛⲑ̀ⲣⲓⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ϩⲏⲡⲡⲉ ⲓⲥ ⲟⲩⲙⲟⲛⲙⲉⲛ ⲁϥϣⲱⲡⲓ ⲁ ⲛⲓⲕⲁⲥ ϯⲙ̀ⲡⲟⲩⲟⲩⲟⲓ ⲉ̀ϧⲟⲩⲛ ⲉ̀ⲛⲟⲩⲉ̀ⲣⲏⲟⲩ .	Ⲟⲩⲟϩ ⲁⲓⲉⲣⲡⲣⲟⲫⲏⲧⲉⲩⲓⲛ ⲕⲁⲧⲁ ⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲏⲓ ⲟⲩⲟϩ ⲁ ⲟⲩⲥ̀ⲙⲏ ϣⲱⲡⲓ ⲉ̀ⲡ̀ϫⲓⲛⲑ̀ⲣⲓⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ϩⲏⲡⲡⲉ ⲓⲥ ⲟⲩⲙⲟⲛⲙⲉⲛ ⲁϥϣⲱⲡⲓ ⲁ ⲛⲓⲕⲁⲥ ϯⲙ̀ⲡⲟⲩⲟⲩⲟⲓ ⲉ̀ϧⲟⲩⲛ ⲉ̀ⲛⲟⲩⲉ̀ⲣⲏⲟⲩ.	Ouoh aierprofytevin kata f̀ryti etafhonhen nyi ouoh a ous̀my ṡōpi èp̀jinθ̀rierprofytevin ouoh hyppe is oumonmen afṡōpi a nikas tim̀pououoi èxoun ènouèryou.	So I prophesied as the Lord commanded me: and it came to pass while I was prophesying, that, behold, there was a shaking, and the bones approached each one to his joint.
37:8	ⲁⲓⲛⲁⲩ ⲟⲩⲟϩ ⲓⲥ ϩⲁⲛⲙⲟⲩⲧ ⲁⲩⲓ̀ ⲉ̀ϧ̀ⲣⲏⲓ ⲉ̀ϫⲱⲟⲩ ⲟⲩⲟϩ ⲟⲩϣⲁⲣ ⲁϥⲫⲱⲣϣ ⲉ̀ⲃⲟⲗ ⲉ̀ϫⲱⲟⲩ ⲛⲉⲙⲙ̀ⲙⲟⲛ ⲡ̅ⲛ̅ⲁ̅ ⲇⲉ ⲛ̀ϧⲏⲧⲟⲩ .	Ⲁⲓⲛⲁⲩ ⲟⲩⲟϩ ⲓⲥ ϩⲁⲛⲙⲟⲩⲧ ⲁⲩⲓ̀ ⲉ̀ϧ̀ⲣⲏⲓ ⲉ̀ϫⲱⲟⲩ ⲟⲩⲟϩ ⲟⲩϣⲁⲣ ⲁϥⲫⲱⲣϣ ⲉ̀ⲃⲟⲗ ⲉ̀ϫⲱⲟⲩ ⲛⲉⲙ ⲙ̀ⲙⲟⲛ ⲡ̀ⲛⲉⲩⲙⲁ ⲇⲉ ⲛ̀ϧⲏⲧⲟⲩ.	Ainav ouoh is hanmout avì èx̀ryi ègōou ouoh ouṡar affōrṡ èvol ègōou nem m̀mon p̀nevma ḋe ǹxytou.	And I looked, and behold, sinews and flesh grew upon them, and skin came upon them above: but there was not breath in them.
37:9	ⲟⲩⲟϩ ⲁϥϫⲟⲥ ⲛⲏⲓ ϫⲉⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛⲡⲓⲡ̅ⲛ̅ⲁ̅ ⲁⲣⲓⲡⲣⲟⲫⲏⲧⲉⲩⲓⲛ ⲱ̀ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ϧⲉⲛⲡⲓⲡ̅ⲛ̅ⲁ̅ ϫⲉⲡⲁⲓⲣⲏϯ ⲉⲧⲁϥϫⲟⲥ ⲛ̀ϫⲉⲁⲇⲱⲛⲁⲓ ⲡϭ̅ⲥ̅ ϫⲉⲡⲓⲡ̅ⲛ̅ⲁ̅ ⲁ̀ⲙⲟⲩ ⲉ̀ⲃⲟⲗϧⲉⲛ ⲡⲉⲕϥ̀ⲧⲟⲩ ⲑⲏⲟⲩ ⲟⲩⲟϩ ⲛⲓϥⲓ ⲉ̀ϧⲟⲩⲛ ϧⲉⲛⲛⲓⲣⲉϥⲙⲱⲟⲩⲧ ⲉ̀ⲡ̀ϫⲓⲛⲧⲟⲩⲱⲛϧ .	Ⲟⲩⲟϩ ⲁϥϫⲟⲥ ⲛⲏⲓ ϫⲉ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛ ⲡⲓⲡ̀ⲛⲉⲩⲙⲁ ⲁⲣⲓⲡⲣⲟⲫⲏⲧⲉⲩⲓⲛ ⲱ̀ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ϧⲉⲛ ⲡⲓⲡ̀ⲛⲉⲩⲙⲁ ϫⲉ ⲡⲁⲓⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ⲡⲓⲡ̀ⲛⲉⲩⲙⲁ ⲁ̀ⲙⲟⲩ ⲉ̀ⲃⲟⲗ ϧⲉⲛ ⲡⲉⲕϥ̀ⲧⲟⲩ ⲑⲏⲟⲩ ⲟⲩⲟϩ ⲛⲓϥⲓ ⲉ̀ϧⲟⲩⲛ ϧⲉⲛ ⲛⲓⲣⲉϥⲙⲱⲟⲩⲧ ⲉ̀ⲡ̀ϫⲓⲛⲧⲟⲩⲱⲛϧ.	Ouoh afgos nyi je ariprofytevin èjen pip̀nevma ariprofytevin ṑ p̀ṡyri ǹf̀rōmi ouoh àgos èxoun xen pip̀nevma je pairyti ètafgos ǹje àdōnai p̀ċois je pip̀nevma àmou èvol xen pekf̀tou θyou ouoh nifi èxoun xen nirefmōout èp̀jintouōnx.	And he said to me, Prophesy to the wind, prophesy, son of man, and say to the wind, Thus saith the Lord; Come from the four winds, and breathe upon these dead men, and let them live.
37:10	ⲟⲩⲟϩ ⲁⲓⲉⲣⲡⲣⲟⲫⲏⲧⲉⲩⲓⲛ ⲕⲁⲧⲁⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲏⲓ ⲟⲩⲟϩ ⲁ ⲡⲓⲡ̅ⲛ̅ⲁ̅ ⲓ̀ ⲉ̀ϧⲟⲩⲛ ⲉ̀ⲣⲱⲟⲩ ϧⲉⲛⲡ̀ϫⲓⲛⲑ̀ⲣⲓⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ϩⲏⲡⲡⲉ ⲓⲥ ⲟⲩⲙⲟⲛⲙⲉⲛ ⲁϥϣⲱⲡⲓ ⲟⲩⲟϩ ⲁⲩⲧⲱⲟⲩⲛⲟⲩ ⲁⲩⲟ̀ϩⲓ ⲉ̀ⲣⲁⲧⲟⲩⲛⲁⲩⲛⲁⲉⲣ ⲟⲩⲛⲓϣϯ ⲙ̀ⲙⲏϣ ⲉⲙⲁϣⲱ .	Ⲟⲩⲟϩ ⲁⲓⲉⲣⲡⲣⲟⲫⲏⲧⲉⲩⲓⲛ ⲕⲁⲧⲁ ⲫ̀ⲣⲏϯ ⲉⲧⲁϥϩⲟⲛϩⲉⲛ ⲛⲏⲓ ⲟⲩⲟϩ ⲁ ⲡⲓⲡ̀ⲛⲉⲩⲙⲁ ⲓ̀ ⲉ̀ϧⲟⲩⲛ ⲉ̀ⲣⲱⲟⲩ ϧⲉⲛ ⲡ̀ϫⲓⲛⲑ̀ⲣⲓⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ϩⲏⲡⲡⲉ ⲓⲥ ⲟⲩⲙⲟⲛⲙⲉⲛ ⲁϥϣⲱⲡⲓ ⲟⲩⲟϩ ⲁⲩⲧⲱⲟⲩⲛⲟⲩ ⲁⲩⲟ̀ϩⲓ ⲉ̀ⲣⲁⲧⲟⲩⲛⲁⲩⲛⲁⲉⲣ ⲟⲩⲛⲓϣϯ ⲛ̀ⲙⲏϣ ⲉ̀ⲙⲁϣⲱ.	Ouoh aierprofytevin kata f̀ryti etafhonhen nyi ouoh a pip̀nevma ì èxoun èrōou xen p̀jinθ̀rierprofytevin ouoh hyppe is oumonmen afṡōpi ouoh avtōounou avòhi èratounavnaer ouniṡti ǹmyṡ èmaṡō.	So I prophesied as he commanded me, and the breath entered into them, and they lived, and stood upon their feet, a very great congregation.
37:11	ⲟⲩⲟϩ ⲁϥϫⲟⲥ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲁⲓⲕⲁⲥ ⲧⲏⲣⲟⲩ ⲡⲏⲓ ⲙ̀ⲡⲓ̅ⲥ̅ⲗ̅ ⲡⲉ ⲟⲩⲟϩ ⲛ̀ⲑⲱⲟⲩ ⲉⲩϫⲱ ⲙ̀ⲙⲟⲥ ϫⲉⲛⲉⲛⲕⲁⲥ ⲁⲩϧⲟⲙϧⲉⲙ ⲫⲏⲉ̀ⲣⲉⲧⲉⲛϫⲟⲩϣⲧ ⲉ̀ⲃⲟⲗ ϧⲁϫⲱϥ ⲁϥⲧⲁⲕⲟ ⲁϥⲫⲱⲣϫ ⲉ̀ⲃⲟⲗ ⲙ̀ⲙⲟⲛ .	Ⲟⲩⲟϩ ⲁϥϫⲟⲥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲁⲓⲕⲁⲥ ⲧⲏⲣⲟⲩ ⲡ̀ⲏⲓ ⲛ̀ⲡⲓⲥⲣⲁⲏⲗ ⲡⲉ ⲟⲩⲟϩ ⲛ̀ⲑⲱⲟⲩ ⲉⲩϫⲱ ⲙ̀ⲙⲟⲥ ϫⲉ ⲛⲉⲛⲕⲁⲥ ⲁⲩϧⲟⲙϧⲉⲙ ⲫⲏⲉ̀ⲣⲉⲧⲉⲛϫⲟⲩϣⲧ ⲉ̀ⲃⲟⲗ ϧⲁϫⲱϥ ⲁϥⲧⲁⲕⲟ ⲁϥⲫⲱⲣϫ ⲉ̀ⲃⲟⲗ ⲙ̀ⲙⲟⲛ.	Ouoh afgos nyi je p̀ṡyri ǹf̀rōmi naikas tyrou p̀yi ǹpisrayl pe ouoh ǹθōou evgō m̀mos je nenkas avxomxem fyèretengouṡt èvol xagōf aftako affōrg èvol m̀mon.	And the Lord spoke to me, saying, Son of man, these bones are the whole house of Israel: and they say, Our bones are become dry, our hope has perished, we are quite spent.
37:12	ⲉⲑⲃⲉⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ⲛⲁϩⲣⲁⲩ ϫⲉⲡⲁⲓⲣⲏϯ ⲉⲧⲁϥϫⲟⲥ ⲛ̀ϫⲉⲁⲇⲱⲛⲁⲓ ⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲟⲩⲱⲛ ⲛ̀ⲛⲉⲧⲉⲛⲙ̀ϩⲁⲩ ⲛ̀ⲧⲁⲉ̀ⲛ ⲑⲏⲛⲟⲩ ⲉ̀ⲃⲟⲗ ⲡⲁⲗⲁⲟⲥ ⲛ̀ⲧⲁϯ ⲛ̀ⲟⲩⲡ̅ⲛ̅ⲁ̅ ⲉ̀ϧⲟⲩⲛ ⲉ̀ⲣⲱⲧⲉⲛ ⲛ̀ⲧⲉⲡ̀ⲱⲛϧ ⲛ̀ⲧⲁϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲙ̀ⲡⲓ̅ⲥ̅ⲗ̅ .	Ⲉⲑⲃⲉ ⲫⲁⲓ ⲁⲣⲓⲡⲣⲟⲫⲏⲧⲉⲩⲓⲛ ⲟⲩⲟϩ ⲁ̀ϫⲟⲥ ⲉ̀ϧⲟⲩⲛ ⲛⲁϩⲣⲁⲩ ϫⲉ ⲡⲁⲓⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲟⲩⲱⲛ ⲛ̀ⲛⲉⲧⲉⲛⲙ̀ϩⲁⲩ ⲛ̀ⲧⲁⲉ̀ⲛ ⲑⲏⲛⲟⲩ ⲉ̀ⲃⲟⲗ ⲡⲁⲗⲁⲟⲥ ⲛ̀ⲧⲁϯ ⲛ̀ⲟⲩⲡ̀ⲛⲉⲩⲙⲁ ⲉ̀ϧⲟⲩⲛ ⲉ̀ⲣⲱⲧⲉⲛ ⲛ̀ⲧⲉ ⲡ̀ⲱⲛϧ ⲛ̀ⲧⲁϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲛ̀ⲡⲓⲥⲣⲁⲏⲗ.	Eθve fai ariprofytevin ouoh àgos èxoun nahrav je pairyti ètafgos ǹje àdōnai p̀ċois je hyppe ànok tinaouōn ǹnetenm̀hav ǹtaèn θynou èvol palaos ǹtati ǹoup̀nevma èxoun èrōten ǹte p̀ōnx ǹtaċi θynou èxoun èp̀kahi ǹpisrayl.	Therefore prophesy and say, Thus saith the Lord; Behold, I will open your tombs, and will bring you up out of your tombs, and will bring you into the land of Israel.
37:13	ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ϧⲉⲛⲡ̀ϫⲓⲛⲑ̀ⲣⲓⲟⲩⲱⲛ ⲛ̀ⲛⲓⲙ̀ϩⲁⲩ ⲛ̀ⲧⲁⲉ̀ⲛ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ⲡⲁⲗⲁⲟⲥ .	Ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ϧⲉⲛ ⲡ̀ϫⲓⲛⲑ̀ⲣⲓⲟⲩⲱⲛ ⲛ̀ⲛⲓⲙ̀ϩⲁⲩ ⲛ̀ⲧⲁⲉ̀ⲛ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ⲡⲁⲗⲁⲟⲥ.	Èretenèmi je ànok pe p̀ċois xen p̀jinθ̀riouōn ǹnim̀hav ǹtaèn θynou èvol ǹxytou palaos.	And ye shall know that I am the Lord, when I have opened your graves, that I may bring up my people from their graves.
37:14	ⲟⲩⲟϩ ϯⲛⲁⲉ̀ⲛ ⲑⲏⲛⲟⲩ ϩⲓϫⲉⲛⲡⲉⲧⲉⲛⲕⲁϩⲓ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲁⲓⲥⲁϫⲓ ⲟⲩⲟϩ ⲁⲓⲓ̀ⲣⲓ ⲡⲉϫⲉ ⲁⲇⲱⲛⲁⲓ ⲡϭ̅ⲥ̅ .	Ⲟⲩⲟϩ ϯⲛⲁⲉ̀ⲛ ⲑⲏⲛⲟⲩ ϩⲓϫⲉⲛ ⲡⲉⲧⲉⲛⲕⲁϩⲓ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲁⲓⲥⲁϫⲓ ⲟⲩⲟϩ ⲁⲓⲓ̀ⲣⲓ ⲡⲉϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ.	Ouoh tinaèn θynou hijen petenkahi èretenèmi je ànok pe p̀ċois aisaji ouoh aiìri peje àdōnai p̀ċois.	And I will put my Spirit within you, and ye shall live, and I will place you upon your own land: and ye shall know that I am the Lord; I have spoken, and will do it, saith the Lord.
37:15	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	P̀·saji ǹp̀ċois afṡōpi haroi efgō m̀mos.	And the word of the Lord came to me, saying,
37:16	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ϭⲓ ⲛⲁⲕ ⲛ̀ⲟⲩϣⲉ ⲛ̀ⲟⲩⲱⲧ ⲥ̀ϧⲁⲓ ⲉ̀ⲣⲟϥ ⲙ̀ⲫ̀ⲣⲁⲛ ⲛ̀ⲓⲟⲩⲇⲁ ⲛⲉⲙⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲛⲉϥϣ̀ⲫⲏⲣ ⲟⲩⲟϩ ϭⲓ ⲛ̀ⲕⲉϣⲉ ⲥ̀ϧⲁⲓ ⲉ̀ⲣⲟϥ ⲙ̀ⲫ̀ⲣⲁⲛ ⲛ̀ⲓⲱⲥⲏⲫ ϫⲉⲡⲁⲓϣⲉ ⲫⲁ ⲉⲫⲣⲉⲙ ⲡⲉ ⲛⲉⲙⲛⲉⲛϣⲏⲣⲓ ⲧⲏⲣⲟⲩ ⲙ̀ⲡⲓ̅ⲥ̅ⲗ̅ ⲛⲉϥϣ̀ⲫⲏⲣ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ϭⲓ ⲛⲁⲕ ⲛ̀ⲟⲩϣⲉ ⲛ̀ⲟⲩⲱⲧ ⲥ̀ϧⲁⲓ ⲉ̀ⲣⲟϥ ⲛ̀ⲫ̀ⲣⲁⲛ ⲛ̀ⲓⲟⲩⲇⲁ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲉϥϣ̀ⲫⲏⲣ ⲟⲩⲟϩ ϭⲓ ⲛ̀ⲕⲉϣⲉ ⲥ̀ϧⲁⲓ ⲉ̀ⲣⲟϥ ⲛ̀ⲫ̀ⲣⲁⲛ ⲛ̀ⲓⲱⲥⲏⲫ ϫⲉ ⲡⲁⲓϣⲉ ⲫⲁ ⲉⲫⲣⲉⲙ ⲡⲉ ⲛⲉⲙ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ ⲛⲉϥϣ̀ⲫⲏⲣ.	Je p̀ṡyri ǹf̀rōmi ċi nak ǹouṡe ǹouōt s̀xai èrof ǹf̀ran ǹiouda nem nenṡyri ǹpisrayl nefṡ̀fyr ouoh ċi ǹkeṡe s̀xai èrof ǹf̀ran ǹiōsyf je paiṡe fa efrem pe nem nenṡyri tyrou ǹpisrayl nefṡ̀fyr.	Son of man, take for thyself a rod, and write upon it, Juda, and the children of Israel his adherents; and thou shalt take for thyself another rod, and thou shalt inscribe it for Joseph, the rod of Ephraim, and all the children of Israel that belong to him.
37:17	ⲟⲩⲟϩ ⲉⲕⲉ̀ⲧⲟϫⲩ ⲉ̀ϧⲟⲩⲛ ⲉ̀ⲛⲟⲩⲉ̀ⲣⲏⲟⲩ ⲟⲩϣⲉ ⲛ̀ⲟⲩⲱⲧ ⲉⲩⲉ̀ϣⲱⲡⲓ ⲟⲩⲁⲓ ⲛ̀ⲟⲩⲱⲧ ϩⲓⲧⲟⲧⲕ .	Ⲟⲩⲟϩ ⲉⲕⲉ̀ⲧⲟϫⲩ ⲉ̀ϧⲟⲩⲛ ⲉ̀ⲛⲟⲩⲉ̀ⲣⲏⲟⲩ ⲟⲩϣⲉ ⲛ̀ⲟⲩⲱⲧ ⲉⲩⲉ̀ϣⲱⲡⲓ ⲟⲩⲁⲓ ⲛ̀ⲟⲩⲱⲧ ϩⲓⲧⲟⲧⲕ.	Ouoh ekètogi èxoun ènouèryou ouṡe ǹouōt evèṡōpi ouai ǹouōt hitotk.	And thou shalt joint them together for thyself, so as that they should bind themselves into one stick; and they shall be in thine hand.
37:18	ⲟⲩⲟϩ ⲁⲩϣⲁⲛϫⲟⲥ ⲉ̀ϧⲟⲩⲛ ⲛⲁϩⲣⲁⲕ ⲛ̀ϫⲉⲛⲉⲛϣⲏⲣⲓ ⲙ̀ⲡⲉⲕⲗⲁⲟⲥ ⲉⲩϫⲱ ⲙ̀ⲙⲟⲥ ϫⲉⲓⲉ ⲭ̀ⲛⲁⲧⲁⲙⲟⲛ ⲁⲛ ϫⲉⲟⲩ ⲛⲉ ⲛⲁⲓ .	Ⲟⲩⲟϩ ⲁⲩϣⲁⲛϫⲟⲥ ⲉ̀ϧⲟⲩⲛ ⲛⲁϩⲣⲁⲕ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲉⲕⲗⲁⲟⲥ ⲉⲩϫⲱ ⲙ̀ⲙⲟⲥ ϫⲉ ⲓⲉ ⲭ̀ⲛⲁⲧⲁⲙⲟⲛ ⲁⲛ ϫⲉ ⲟⲩ ⲛⲉ ⲛⲁⲓ.	Ouoh avṡangos èxoun nahrak ǹje nenṡyri ǹpeklaos evgō m̀mos je ie k̀natamon an je ou ne nai.	And it shall come to pass, when the children of thy people shall say to thee, Wilt thou not tell us what thou meanest by these things?
37:19	ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙ̀ⲙⲟⲥ ϫⲉⲡⲁⲓⲣⲏϯ ⲉⲧⲁϥϫⲟⲥ ⲛ̀ϫⲉⲁⲇⲱⲛⲁⲓ ⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁϭⲓ ⲙ̀ⲡ̀ϣⲉ ⲛ̀ⲧⲉⲓⲱⲥⲏⲫ ⲉⲧϧⲉⲛⲧ̀ϫⲓϫ ⲛ̀ⲉⲫⲣⲉⲙ ⲟⲩⲟϩ ⲛⲓⲫⲩⲗⲏ ⲙ̀ⲡⲓ̅ⲥ̅ⲗ̅ ⲛⲉϥϣ̀ⲫⲏⲣ ⲛ̀ⲧⲁⲧⲏⲓϥ ⲉ̀ϫⲉⲛⲡⲓϣⲉ ⲛ̀ⲧⲉⲓⲟⲩⲇⲁ ⲛ̀ⲧⲁⲁⲓⲧⲟⲩ ⲛ̀ⲟⲩϣⲉ ⲛ̀ⲟⲩⲱⲧ ⲉⲩⲉ̀ϣⲱⲡⲓ ⲛ̀ⲟⲩⲁⲓ ⲛ̀ⲟⲩⲱⲧ ϧⲉⲛⲧⲁϫⲓϫ .	Ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙ̀ⲙⲟⲥ ϫⲉ ⲡⲁⲓⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁϭⲓ ⲛ̀ⲡ̀ϣⲉ ⲛ̀ⲧⲉ ⲓⲱⲥⲏⲫ ⲉⲧϧⲉⲛ ⲧ̀ϫⲓϫ ⲛ̀ⲉⲫⲣⲉⲙ ⲟⲩⲟϩ ⲛⲓⲫⲩⲗⲏ ⲛ̀ⲡⲓⲥⲣⲁⲏⲗ ⲛⲉϥϣ̀ⲫⲏⲣ ⲛ̀ⲧⲁⲧⲏⲓϥ ⲉ̀ϫⲉⲛ ⲡⲓϣⲉ ⲛ̀ⲧⲉ ⲓⲟⲩⲇⲁ ⲛ̀ⲧⲁⲁⲓⲧⲟⲩ ⲛ̀ⲟⲩϣⲉ ⲛ̀ⲟⲩⲱⲧ ⲉⲩⲉ̀ϣⲱⲡⲓ ⲛ̀ⲟⲩⲁⲓ ⲛ̀ⲟⲩⲱⲧ ϧⲉⲛ ⲧⲁϫⲓϫ.	Saji nemōou ekgō m̀mos je pairyti ètafgos ǹje àdōnai p̀ċois je hyppe ànok tinaċi ǹp̀ṡe ǹte iōsyf etxen t̀jig ǹefrem ouoh nifily ǹpisrayl nefṡ̀fyr ǹtatyif èjen piṡe ǹte iouda ǹtaaitou ǹouṡe ǹouōt evèṡōpi ǹouai ǹouōt xen tajig.	Then shalt thou say to them, Thus saith the Lord; behold, I will take the tribe of Joseph, which is in the hand of Ephraim, and the tribes of Israel that belong to him, and I will add them to the tribe of Juda, and they shall become one rod in the hand of Juda.
37:20	ⲟⲩⲟϩ ⲛⲓϣⲉ ⲉⲧⲉⲕⲛⲁⲥ̀ϧⲁⲓ ⲉ̀ⲣⲱⲟⲩ ⲉⲩⲉ̀ϣⲱⲡⲓ ϧⲉⲛⲧⲉⲕϫⲓϫ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲙ̀ⲡϭ̅ⲥ̅ .	Ⲟⲩⲟϩ ⲛⲓϣⲉ ⲉ̀ⲧⲉ ⲭ̀ⲛⲁⲥ̀ϧⲁⲓ ⲉ̀ⲣⲱⲟⲩ ⲉⲩⲉ̀ϣⲱⲡⲓ ϧⲉⲛ ⲧⲉⲕϫⲓϫ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲡ̀ϭⲟⲓⲥ.	Ouoh niṡe ète k̀nas̀xai èrōou evèṡōpi xen tekjig ǹpem̀θo èvol ǹp̀ċois.	And the rods on which thou didst write shall be in thine hand in their presence.
37:21	ⲟⲩⲟϩ ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙ̀ⲙⲟⲥ ϫⲉⲡⲁⲓⲣⲏϯ ⲉⲧⲁϥϫⲟⲥ ⲁⲇⲱⲛⲁⲓ ⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁϭⲓ ⲛ̀ⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲉ̀ⲃⲟⲗϧⲉⲛ ⲛⲓⲉⲑⲛⲟⲥ ⲡⲓⲙⲁ ⲉⲧⲁⲩϣⲉ ⲉ̀ⲣⲟϥ ⲟⲩⲟϩ ϯⲛⲁⲑⲟⲩⲱⲧⲟⲩ ⲉ̀ϧⲟⲩⲛ ⲙ̀ⲡⲟⲩⲕⲱϯ ⲛ̀ⲧⲁϭⲓⲧⲟⲩ ⲉ̀ϧⲟⲩⲛ ⲉ̀ⲡⲟⲩⲕⲁϩⲓ .	Ⲟⲩⲟϩ ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙ̀ⲙⲟⲥ ϫⲉ ⲡⲁⲓⲣⲏϯ ⲉ̀ⲧⲁϥϫⲟⲥ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁϭⲓ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲡⲓⲙⲁ ⲉ̀ⲧⲁⲩϣⲉ ⲉ̀ⲣⲟϥ ⲟⲩⲟϩ ϯⲛⲁⲑⲟⲩⲱⲧⲟⲩ ⲉ̀ϧⲟⲩⲛ ⲛ̀ⲡⲟⲩⲕⲱϯ ⲛ̀ⲧⲁϭⲓⲧⲟⲩ ⲉ̀ϧⲟⲩⲛ ⲉ̀ⲡⲟⲩⲕⲁϩⲓ.	Ouoh saji nemōou ekgō m̀mos je pairyti ètafgos àdōnai p̀ċois je hyppe ànok tinaċi ǹnenṡyri ǹpisrayl èvol xen nieθnos pima ètavṡe èrof ouoh tinaθouōtou èxoun ǹpoukōti ǹtaċitou èxoun èpoukahi.	And thou shalt say to them, Thus saith the Lord God; Behold, I will take the whole house of Israel out of the midst of the nations, among whom they have gone, and I will gather them from all that are round about them, and I will bring them into the land of Israel.
37:22	ⲛ̀ⲧⲁⲁⲓⲧⲟⲩ ⲛ̀ⲟⲩⲉⲑⲛⲟⲥ ⲛ̀ⲟⲩⲱⲧ ϧⲉⲛⲡⲟⲩⲕⲁϩⲓ ϧⲉⲛⲛⲓⲕⲁⲗⲁⲙⲫⲟ ⲙ̀ⲡⲓ̅ⲥ̅ⲗ̅ ⲟⲩⲟϩ ⲉⲣⲉⲟⲩⲟⲩⲣⲟ ⲛ̀ⲟⲩⲱⲧ ϣⲱⲡⲓ ϩⲓϫⲱⲟⲩ ⲧⲏⲣⲟⲩ ⲛ̀ⲧⲟⲩϣ̀ⲧⲉⲙϣⲱⲡⲓ ⲓⲥϫⲉⲛ ϯⲛⲟⲩ ⲛ̀ⲉⲑⲛⲟⲥ ⲃ̅ϯ ⲛ̀ⲧⲟⲩϣ̀ⲧⲉⲙϣⲱⲡⲓ ⲛ̀ⲟⲩⲙⲉⲧⲟⲩⲣⲟ ⲃ̅ϯ .	Ⲛ̀ⲧⲁⲁⲓⲧⲟⲩ ⲛ̀ⲟⲩⲉⲑⲛⲟⲥ ⲛ̀ⲟⲩⲱⲧ ϧⲉⲛ ⲡⲟⲩⲕⲁϩⲓ ϧⲉⲛ ⲛⲓⲕⲁⲗⲁⲙⲫⲟ ⲛ̀ⲡⲓⲥⲣⲁⲏⲗ ⲟⲩⲟϩ ⲉ̀ⲣⲉ ⲟⲩⲟⲩⲣⲟ ⲛ̀ⲟⲩⲱⲧ ϣⲱⲡⲓ ϩⲓϫⲱⲟⲩ ⲧⲏⲣⲟⲩ ⲛ̀ⲧⲟⲩϣ̀ⲧⲉⲙϣⲱⲡⲓ ⲓⲥϫⲉⲛ ϯⲛⲟⲩ ⲛ̀ⲉⲑⲛⲟⲥ 2ϯ ⲛ̀ⲧⲟⲩϣ̀ⲧⲉⲙϣⲱⲡⲓ ⲛ̀ⲟⲩⲙⲉⲧⲟⲩⲣⲟ 2ϯ.	Ǹtaaitou ǹoueθnos ǹouōt xen poukahi xen nikalamfo ǹpisrayl ouoh ère ououro ǹouōt ṡōpi higōou tyrou ǹtouṡ̀temṡōpi isjen tinou ǹeθnos 2ti ǹtouṡ̀temṡōpi ǹoumetouro 2ti.	And I will make them a nation in my land, even on the mountains of Israel; and they shall have one prince: and they shall be no more two nations, neither shall they be divided any more at all into two kingdoms:
37:23	ⲛ̀ⲧⲟⲩϣ̀ⲧⲉⲙϭⲱϧⲉⲙ ⲟⲛ ϧⲉⲛⲛⲟⲩⲓ̀ⲇⲱⲗⲟⲛ ⲓⲥϫⲉⲛ ϯⲛⲟⲩ ⲟⲩⲟϩ ϧⲉⲛⲛⲏⲉⲧⲟⲩϧⲉⲗϧⲟⲗⲟⲩ ⲟⲩⲟϩ ϧⲉⲛⲛⲟⲩϭⲓⲛ̀ϫⲟⲛⲥ ⲧⲏⲣⲟⲩ ⲉⲓⲉ̀ⲛⲁϩⲙⲟⲩ ⲉ̀ⲃⲟⲗϧⲉⲛ ⲙⲁⲓ ⲛⲓⲃⲉⲛ ⲉⲧⲁⲩϫⲟⲣⲟⲩ ⲉ̀ϧ̀ⲣⲏⲓ ⲉ̀ⲣⲱⲟⲩ ⲛⲓⲙⲁ ⲉⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲉ̀ⲣⲱⲟⲩ ⲟⲩⲟϩ ϯⲛⲁⲧⲟⲩⲃⲱⲟⲩ ⲉⲩⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ ⲁ̀ⲛⲟⲕ ϩⲱ ⲛ̀ⲧⲁϣⲱⲡⲓ ⲛⲱⲟⲩ ⲛ̀ⲛⲟⲩϯ .	Ⲛ̀ⲧⲟⲩϣ̀ⲧⲉⲙϭⲱϧⲉⲙ ⲟⲛ ϧⲉⲛ ⲛ̀ⲟⲩⲓ̀ⲇⲱⲗⲟⲛ ⲓⲥϫⲉⲛ ϯⲛⲟⲩ ⲟⲩⲟϩ ϧⲉⲛ ⲛⲏⲉⲧⲟⲩϧⲉⲗϧⲟⲗⲟⲩ ⲟⲩⲟϩ ϧⲉⲛ ⲛⲟⲩϭⲓⲛ̀ϫⲟⲛⲥ ⲧⲏⲣⲟⲩ ⲉⲓⲉ̀ⲛⲁϩⲙⲟⲩ ⲉ̀ⲃⲟⲗ ϧⲉⲛ ⲙⲁⲓ ⲛⲓⲃⲉⲛ ⲉⲧⲁⲩϫⲟⲣⲟⲩ ⲉ̀ϧ̀ⲣⲏⲓ ⲉ̀ⲣⲱⲟⲩ ⲛⲓⲙⲁ ⲉⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲉ̀ⲣⲱⲟⲩ ⲟⲩⲟϩ ϯⲛⲁⲧⲟⲩⲃⲱⲟⲩ ⲉⲩⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ ⲁ̀ⲛⲟⲕ ϩⲱ ⲛ̀ⲧⲁϣⲱⲡⲓ ⲛⲱⲟⲩ ⲛ̀ⲛⲟⲩϯ.	Ǹtouṡ̀temċōxem on xen ǹouìḋōlon isjen tinou ouoh xen nyetouxelxolou ouoh xen nouċiǹgons tyrou eiènahmou èvol xen mai niven etavgorou èx̀ryi èrōou nima etaverexmalōtevin m̀mōou èrōou ouoh tinatouvōou evèṡōpi nyi ǹoulaos ànok hō ǹtaṡōpi nōou ǹnouti.	that they may no more defile themselves with their idols; and I will deliver them from all their transgressions whereby they have sinned, and will cleanse them; and they shall be to me a people, and I the Lord will be to them a God.
37:24	ⲟⲩⲟϩ ⲟⲛ ⲡⲁⲁ̀ⲗⲟⲩ ⲇⲉϥⲉ̀ϣⲱⲡⲓ ⲛ̀ⲟⲩⲣⲟ ⲉ̀ϧ̀ⲣⲏⲓ ⲉ̀ϫⲱⲟⲩ ⲉⲣⲉⲟⲩⲙⲁⲛⲉ̀ⲥⲱⲟⲩ ⲛ̀ⲟⲩⲱⲧ ϣⲱⲡⲓ ϩⲓϫⲱⲟⲩ ⲧⲏⲣⲟⲩ ⲉⲩⲉ̀ⲙⲟϣⲓ ϧⲉⲛⲛⲁⲙⲉⲑⲙⲏⲓ ⲛⲉⲙⲛⲁⲡⲣⲟⲥⲧⲟⲅⲙⲉⲧⲁⲓⲧⲏⲓⲧⲟⲩ ⲛⲱⲟⲩ ⲟⲩⲟϩ ⲉⲩⲉ̀ⲁ̀ⲣⲉϩ ⲉ̀ⲣⲱⲟⲩ ⲉⲩⲉ̀ⲁⲓⲧⲟⲩ .	Ⲟⲩⲟϩ ⲟⲛ ⲡⲁⲁ̀ⲗⲟⲩ ⲇⲉϥⲉ̀ϣⲱⲡⲓ ⲛ̀ⲟⲩⲣⲟ ⲉ̀ϧ̀ⲣⲏⲓ ⲉ̀ϫⲱⲟⲩ ⲉ̀ⲣⲉ ⲟⲩⲙⲁⲛⲉ̀ⲥⲱⲟⲩ ⲛ̀ⲟⲩⲱⲧ ϣⲱⲡⲓ ϩⲓϫⲱⲟⲩ ⲧⲏⲣⲟⲩ ⲉⲩⲉ̀ⲙⲟϣⲓ ϧⲉⲛ ⲛⲁⲙⲉⲑⲙⲏⲓ ⲛⲉⲙ ⲛⲁⲡ̀ⲣⲟⲥⲧⲟⲅⲙⲉⲧⲁⲓⲧⲏⲓⲧⲟⲩ ⲛⲱⲟⲩ ⲟⲩⲟϩ ⲉⲩⲉ̀ⲁ̀ⲣⲉϩ ⲉ̀ⲣⲱⲟⲩ ⲉⲩⲉ̀ⲁⲓⲧⲟⲩ.	Ouoh on paàlou ḋefèṡōpi ǹouro èx̀ryi ègōou ère oumanèsōou ǹouōt ṡōpi higōou tyrou evèmoṡi xen nameθmyi nem nap̀rostoġmetaityitou nōou ouoh evèàreh èrōou evèaitou.	And my servant David shall be a prince in the midst of them: there shall be one shepherd of them all; for they shall walk in mine ordinances, and keep my judgments, and do them.
37:25	ⲉⲩⲉ̀ϣⲱⲡⲓ ϩⲓϫⲉⲛⲡⲓⲕⲁϩⲓ ⲧⲏⲣϥ ⲫⲁⲓ ⲉⲧⲁⲓⲧⲏⲓϥ ⲛ̀ⲓⲁⲕⲱⲃ ⲡⲁⲁ̀ⲗⲟⲩ ⲫⲏⲉⲧⲁ ⲛⲟⲩⲓⲟϯ ϣⲱⲡⲓ ⲙ̀ⲙⲟϥ ⲉⲩⲉ̀ϣⲱⲡⲓ ϩⲱⲟⲩ ϩⲓϫⲱϥ ⲛ̀ⲑⲱⲟⲩ ⲛⲉⲙⲛⲟⲩϣⲏⲣⲓ ⲟⲩⲟϩ ⲛⲉⲛϣⲏⲣⲓ ⲛ̀ⲧⲉⲛⲟⲩϣⲏⲣⲓ ⲟⲩⲟϩ ⲇⲁⲩⲓⲇ ⲡⲁⲁ̀ⲗⲟⲩ ϥ̀ⲛⲁϣⲱⲡⲓ ⲛ̀ⲁⲣⲭⲱⲛ ⲉ̀ϫⲱⲟⲩ ϣⲁⲉ̀ⲛⲉϩ .	Ⲉⲩⲉ̀ϣⲱⲡⲓ ϩⲓϫⲉⲛ ⲡⲓⲕⲁϩⲓ ⲧⲏⲣϥ ⲫⲁⲓ ⲉⲧⲁⲓⲧⲏⲓϥ ⲛ̀ⲓⲁⲕⲱⲃ ⲡⲁⲁ̀ⲗⲟⲩ ⲫⲏⲉⲧⲁ ⲛ̀ⲟⲩⲓⲟϯ ϣⲱⲡⲓ ⲙ̀ⲙⲟϥ ⲉⲩⲉ̀ϣⲱⲡⲓ ϩⲱⲟⲩ ϩⲓϫⲱϥ ⲛ̀ⲑⲱⲟⲩ ⲛⲉⲙ ⲛ̀ⲟⲩϣⲏⲣⲓ ⲟⲩⲟϩ ⲛⲉⲛϣⲏⲣⲓ ⲛ̀ⲧⲉ ⲛ̀ⲟⲩϣⲏⲣⲓ ⲟⲩⲟϩ ⲇⲁⲩⲓⲇ ⲡⲁⲁ̀ⲗⲟⲩ ϥ̀ⲛⲁϣⲱⲡⲓ ⲛ̀ⲁⲣⲭⲱⲛ ⲉ̀ϫⲱⲟⲩ ϣⲁ ⲉ̀ⲛⲉϩ.	Evèṡōpi hijen pikahi tyrf fai etaityif ǹiakōb paàlou fyeta ǹouioti ṡōpi m̀mof evèṡōpi hōou higōf ǹθōou nem ǹouṡyri ouoh nenṡyri ǹte ǹouṡyri ouoh david paàlou f̀naṡōpi ǹarxōn ègōou ṡa èneh.	And they shall dwell in their land, which I have given to my servant Jacob, where their fathers dwelt; and they shall dwell upon it: and David my servant shall be their prince forever.
37:26	ⲟⲩⲟϩ ϯⲛⲁⲥⲉⲙⲛⲓ ⲛⲉⲙⲱⲟⲩ ⲛ̀ⲟⲩⲇⲓⲁ̀ⲑⲏⲕⲏ ⲛ̀ϩⲓⲣⲏⲛⲏ ⲉⲣⲉⲟⲩⲇⲓⲁ̀ⲑⲏⲕⲏ ⲛ̀ϣⲁⲉ̀ⲛⲉϩ ϣⲱⲡⲓ ⲛⲱⲟⲩ ⲉⲓⲉ̀ⲧⲏⲓⲧⲟⲩ ⲟⲩⲟϩ ⲉⲓⲉ̀ⲑⲟϣⲟⲩ ⲉⲓⲉ̀ⲭⲱ ⲙ̀ⲡⲁⲧⲟⲩⲃⲟ ϩⲓϫⲱⲟⲩ ϣⲁⲉ̀ⲛⲉϩ .	Ⲟⲩⲟϩ ϯⲛⲁⲥⲉⲙⲛⲓ ⲛⲉⲙⲱⲟⲩ ⲛ̀ⲟⲩⲇⲓⲁ̀ⲑⲏⲕⲏ ⲛ̀ϩⲓⲣⲏⲛⲏ ⲉ̀ⲣⲉ ⲟⲩⲇⲓⲁ̀ⲑⲏⲕⲏ ⲛ̀ϣⲁⲉ̀ⲛⲉϩ ϣⲱⲡⲓ ⲛⲱⲟⲩ ⲉⲓⲉ̀ⲧⲏⲓⲧⲟⲩ ⲟⲩⲟϩ ⲉⲓⲉ̀ⲑⲟϣⲟⲩ ⲉⲓⲉ̀ⲭⲱ ⲛ̀ⲡⲁⲧⲟⲩⲃⲟ ϩⲓϫⲱⲟⲩ ϣⲁ ⲉ̀ⲛⲉϩ.	Ouoh tinasemni nemōou ǹouḋiàθyky ǹhiryny ère ouḋiàθyky ǹṡaèneh ṡōpi nōou eiètyitou ouoh eièθoṡou eièkō ǹpatouvo higōou ṡa èneh.	And I will make with them a covenant of peace; it shall be an everlasting covenant with them; and I will establish my sanctuary in the midst of them for ever.
37:27	ⲉⲣⲉⲧⲁⲥ̀ⲕⲩⲛⲏ ϣⲱⲡⲓ ⲛⲱⲟⲩ ⲛ̀ⲧⲁϣⲱⲡⲓ ⲛⲱⲟⲩ ⲛ̀ⲛⲟⲩϯ ⲛ̀ⲑⲱⲟⲩ ϩⲱⲟⲩ ⲉⲩⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ .	Ⲉ̀ⲣⲉ ⲧⲁⲥ̀ⲕⲩⲛⲏ ϣⲱⲡⲓ ⲛⲱⲟⲩ ⲛ̀ⲧⲁϣⲱⲡⲓ ⲛⲱⲟⲩ ⲛ̀ⲛⲟⲩϯ ⲛ̀ⲑⲱⲟⲩ ϩⲱⲟⲩ ⲉⲩⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ.	Ère tas̀kiny ṡōpi nōou ǹtaṡōpi nōou ǹnouti ǹθōou hōou evèṡōpi nyi ǹoulaos.	And my tabernacle shall be among them; and I will be to them a God, and they shall be my people.
37:28	ⲉⲩⲉ̀ⲉ̀ⲙⲓ ⲛ̀ϫⲉⲛⲓⲉⲑⲛⲟⲥ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲉⲧⲧⲟⲩⲃⲟ ⲙ̀ⲡⲏⲓ ⲙ̀ⲡⲓ̅ⲥ̅ⲗ̅ ϧⲉⲛⲡ̀ϫⲓⲛⲑ̀ⲣⲉ ⲡⲁⲧⲟⲩⲃⲟ ϣⲱⲡⲓ ϧⲉⲛⲧⲟⲩⲙⲏϯ ϣⲁⲉ̀ⲛⲉϩ .	Ⲉⲩⲉ̀ⲉ̀ⲙⲓ ⲛ̀ϫⲉ ⲛⲓⲉⲑⲛⲟⲥ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲉ̀ⲧ̀ⲧⲟⲩⲃⲟ ⲛ̀ⲡⲏⲓ ⲛ̀ⲡⲓⲥⲣⲁⲏⲗ ϧⲉⲛ ⲡ̀ϫⲓⲛⲑ̀ⲣⲉ ⲡⲁⲧⲟⲩⲃⲟ ϣⲱⲡⲓ ϧⲉⲛ ⲧⲟⲩⲙⲏϯ ϣⲁ ⲉ̀ⲛⲉϩ.	Evèèmi ǹje nieθnos je ànok pe p̀ċois èt̀touvo ǹpyi ǹpisrayl xen p̀jinθ̀re patouvo ṡōpi xen toumyti ṡa èneh.	And the nations shall know that I am the Lord that sanctifies them, when my sanctuary is in the midst of them for ever.

Provenance

title: 26_Ezechiel_37
dialect: bohairic
source: Coptic SCRIPTORIUM corpus "bohairic.ot", document 26_Ezechiel_37
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_37 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_37, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/37.bohairic.scriptorium.L0.txt
title: 26_Ezechiel_37 — Cairene
dialect: bohairic
source: generated from 37.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_37)
licence: CC BY-SA 4.0
share: attribution
attribution: 26_Ezechiel_37 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_37, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/37.bohairic.scriptorium.L1.txt
title: 26_Ezechiel_37 — Kemetic
dialect: bohairic
source: generated from 37.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_37 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_37, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/37.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 28 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_37 (28 lines)

Cite as:

26_Ezechiel_37. Coptic SCRIPTORIUM corpus "bohairic.ot", document 26_Ezechiel_37. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/37.bohairic.scriptorium/. 26_Ezechiel_37 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_37, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.