Genesis 9 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 01_Genesis_09

Attribution: Genesis 9 from Coptic SCRIPTORIUM (https://copticscriptorium.org), corpus bohairic.ot, document 01_Genesis_09, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

29 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
9:1	ⲟⲩⲟϩ ⲁϥⲥ̀ⲙⲟⲩ ⲛ̀ϫⲉⲫⲛⲟⲩϯ ⲉ̀ⲛⲱⲉ ⲛⲉⲙⲛⲉϥϣⲏⲣⲓ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲁⲓⲁⲓ ⲟⲩⲟϩ ⲁ̀ϣⲁⲓ ⲟⲩⲟϩ ⲙⲁϩ ⲡⲓⲕⲁϩⲓ ⲟⲩⲟϩ ⲁⲣⲓϭⲟⲓⲥ ⲉ̀ⲣⲟϥ	ⲟⲩⲟϩ ⲁϥⲥ̀ⲙⲟⲩ ⲛ̀ϫⲉ ⲫ̀ⲛⲟⲩϯ ⲉ̀ⲛⲱⲉ ⲛⲉⲙ ⲛⲉϥϣⲏⲣⲓ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲁⲓⲁ̀ⲓ̀ ⲟⲩⲟϩ ⲁ̀ϣⲁⲓ ⲟⲩⲟϩ ⲙⲁϩ ⲡⲓⲕⲁϩⲓ ⲟⲩⲟϩ ⲁ̀ⲣⲓϭⲟⲓⲥ ⲉ̀ⲣⲟϥ	ouoh afs̀mou ǹje f̀nouti ènōe nem nefṡyri ouoh pegaf nōou je aiàì ouoh àṡai ouoh mah pikahi ouoh àriċois èrof	And God blessed Noe and his sons, and said to them, Increase and multiply, and fill the earth and have dominion over it.
9:2	ⲟⲩⲟϩ ⲡⲉⲧⲉⲛⲥ̀ⲑⲉⲣⲧⲉⲣ ⲛⲉⲙⲧⲉⲧⲉⲛϩⲟϯ ⲉⲩⲉ̀ϣⲱⲡⲓ ⲉ̀ϫⲉⲛⲛⲓⲑⲏⲣⲓⲟⲛ ⲧⲏⲣⲟⲩ ⲛ̀ⲧⲉⲧ̀ⲕⲟⲓ ⲛⲉⲙⲛⲓϩⲁⲗⲁϯ ⲛ̀ⲧⲉⲧ̀ⲫⲉ ⲛⲉⲙϩⲓϫⲉⲛϩⲱⲃ ⲛⲓⲃⲉⲛ ⲉⲧⲕⲓⲙ ϩⲓϫⲉⲛⲡⲓⲕⲁϩⲓ ⲛⲉⲙϩⲓϫⲉⲛⲛⲓⲧⲉⲃⲧ ⲧⲏⲣⲟⲩ ⲛ̀ⲧⲉⲫ̀ⲓⲟⲙ ⲁⲓⲧⲏⲓⲧⲟⲩ ϧⲁⲛⲉⲧⲉⲛϫⲓϫ	ⲟⲩⲟϩ ⲡⲉⲧⲉⲛⲥ̀ⲑⲉⲣⲧⲉⲣ ⲛⲉⲙ ⲧⲉⲧⲉⲛϩⲟϯ ⲉⲩⲉ̀ϣⲱⲡⲓ ⲉ̀ϫⲉⲛ ⲛⲓⲑⲏⲣⲓⲟⲛ ⲧⲏⲣⲟⲩ ⲛ̀ⲧⲉ ⲧ̀ⲕⲟⲓ ⲛⲉⲙ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ ⲛⲉⲙ ϩⲓϫⲉⲛ ϩⲱⲃ ⲛⲓⲃⲉⲛ ⲉⲧⲕⲓⲙ ϩⲓϫⲉⲛ ⲡⲓⲕⲁϩⲓ ⲛⲉⲙ ϩⲓϫⲉⲛ ⲛⲓⲧⲉⲃⲧ ⲧⲏⲣⲟⲩ ⲛ̀ⲧⲉ ⲫ̀ⲓⲟⲙ ⲁⲓⲧⲏⲓⲧⲟⲩ ϧⲁ ⲛⲉⲧⲉⲛϫⲓϫ	ouoh petens̀θerter nem tetenhoti evèṡōpi èjen niθyrion tyrou ǹte t̀koi nem nihalati ǹte t̀fe nem hijen hōb niven etkim hijen pikahi nem hijen nitevt tyrou ǹte f̀iom aityitou xa netenjig	And the dread and the fear of you shall be upon all the wild beasts of the earth, on all the birds of the sky, and on all things moving upon the earth, and upon all the fishes of the sea, I have placed them under your power.
9:3	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉⲧⲟⲛϧ ⲉⲩⲉ̀ϣⲱⲡⲓ ⲛⲱⲧⲉⲛ ⲉⲩϧ̀ⲣⲉ ⲙ̀ⲫ̀ⲣⲏϯ ⲛϩⲁⲛⲟⲩⲟϯ ⲛ̀ⲧⲉⲟⲩⲥⲓⲙ ⲁⲓⲧⲏⲓⲧⲟⲩ ⲧⲏⲣⲟⲩ ⲛⲱⲧⲉⲛ	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉⲧⲟⲛϧ ⲉⲩⲉ̀ϣⲱⲡⲓ ⲛⲱⲧⲉⲛ ⲉⲩϧ̀ⲣⲉ ⲛ̀ⲫ̀ⲣⲏϯ ⲛ̀ϩⲁⲛⲟⲩⲟϯ ⲛ̀ⲧⲉ ⲟⲩⲥⲓⲙ ⲁⲓⲧⲏⲓⲧⲟⲩ ⲧⲏⲣⲟⲩ ⲛⲱⲧⲉⲛ	ouoh ċatfi niven etonx evèṡōpi nōten evx̀re ǹf̀ryti ǹhanouoti ǹte ousim aityitou tyrou nōten	And every reptile which is living shall be to you for meat, I have given all things to you as the green herbs.
9:4	ⲡ̀ⲗⲏⲛ ⲟⲩⲁϥ ϧⲉⲛⲟⲩⲥ̀ⲛⲟϥ ⲙⲯⲩⲭⲏ ⲛ̀ⲛⲉⲧⲉⲛⲟⲩⲟⲙϥ	ⲡ̀ⲗⲏⲛ ⲟⲩⲁϥ ϧⲉⲛ ⲟⲩⲥ̀ⲛⲟϥ ⲙ̀ⲯⲩⲭⲏ ⲛ̀ⲛⲉⲧⲉⲛⲟⲩⲟⲙϥ	p̀lyn ouaf xen ous̀nof m̀psiṡy ǹnetenouomf	But flesh with blood of life ye shall not eat.
9:5	ⲕⲉ ⲅⲁⲣ ⲡ̀ⲥⲛⲟϥ ⲛ̀ⲛⲉⲧⲉⲛⲯⲩⲭⲏ ⲉⲓⲕⲱϯ ⲛ̀ⲥⲱϥ ⲉ̀ⲃⲟⲗ ϧⲉⲛⲧ̀ϫⲓϫ ⲛⲛⲓⲑⲏⲣⲓⲟⲛ ⲧⲏⲣⲟⲩ ⲉⲓⲉⲕⲱϯ ⲛ̀ⲥⲱϥ ⲛⲉⲙⲉ̀ⲃⲟⲗ ϧⲉⲛⲧ̀ϫⲓϫ ⲛ̀ⲟⲩⲣⲱⲙⲓ ⲉⲓⲉⲕⲱϯ ⲛ̀ⲥⲱϥ	ⲕⲉ ⲅⲁⲣ ⲡ̀ⲥ̀ⲛⲟϥ ⲛ̀ⲛⲉⲧⲉⲛⲯⲩⲭⲏ ⲉⲓⲕⲱϯ ⲛ̀ⲥⲱϥ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ⲛⲓⲑⲏⲣⲓⲟⲛ ⲧⲏⲣⲟⲩ ⲉⲓⲉ̀ⲕⲱϯ ⲛ̀ⲥⲱϥ ⲛⲉⲙ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ⲟⲩⲣⲱⲙⲓ ⲉⲓⲉ̀ⲕⲱϯ ⲛ̀ⲥⲱϥ	ke ġar p̀·s̀nof ǹnetenpsiṡy eikōti ǹsōf èvol xen t̀jig ǹniθyrion tyrou eièkōti ǹsōf nem èvol xen t̀jig ǹourōmi eièkōti ǹsōf	For your blood of your lives will I require at the hand of all wild beasts, and I will require the life of man at the hand of brother man.
9:6	ⲫⲏ ⲉⲑⲛⲁⲫⲉⲛ ⲡ̀ⲥ̀ⲛⲟϥ ⲛ̀ⲟⲩⲣⲱⲙⲓ ⲉ̀ⲃⲟⲗ ⲉⲩⲉⲫⲉⲛ ⲡⲉϥⲥ̀ⲛⲟϥ ⲉ̀ⲃⲟⲗ ⲛ̀ⲧ̀ϣⲉⲃⲓⲱ ⲙ̀ⲡⲉϥⲥ̀ⲛⲟϥ ϫⲉⲉ̀ⲧⲁⲓⲑⲁⲙⲓⲟ ⲙ̀ⲡⲓⲣⲱⲙⲓ ϧⲉⲛⲟⲩϩⲩⲕⲱⲛ ⲛ̀ⲧⲉⲫⲛⲟⲩϯ	ⲫⲏ ⲉⲑⲛⲁⲫⲉⲛ ⲡ̀ⲥ̀ⲛⲟϥ ⲛ̀ⲟⲩⲣⲱⲙⲓ ⲉ̀ⲃⲟⲗ ⲉⲩⲉ̀ⲫⲉⲛ ⲡⲉϥⲥ̀ⲛⲟϥ ⲉ̀ⲃⲟⲗ ⲛ̀ⲧ̀ϣⲉⲃⲓⲱ ⲛ̀ⲡⲉϥⲥ̀ⲛⲟϥ ϫⲉ ⲉ̀ⲧⲁⲓⲑⲁⲙⲓⲟ ⲛ̀ⲡⲓⲣⲱⲙⲓ ϧⲉⲛ ⲟⲩϩⲩⲕⲱⲛ ⲛ̀ⲧⲉ ⲫ̀ⲛⲟⲩϯ	fy eθnafen p̀·s̀nof ǹourōmi èvol evèfen pefs̀nof èvol ǹt̀ṡeviō ǹpefs̀nof je ètaiθamio ǹpirōmi xen ouhikōn ǹte f̀nouti	He that sheds man's blood, instead of that blood shall his own be shed, for in the image of God I made man.
9:7	ⲛ̀ⲑⲱⲧⲉⲛ ⲇⲉ ⲁⲓⲁⲓ ⲟⲩⲟϩ ⲙⲁϩ ⲡⲓⲕⲁϩⲓ ⲟⲩⲟϩ ⲁ̀ϣⲁⲓ ϩⲓⲱⲧϥ	ⲛ̀ⲑⲱⲧⲉⲛ ⲇⲉ ⲁⲓⲁⲓ ⲟⲩⲟϩ ⲙⲁϩ ⲡⲓⲕⲁϩⲓ ⲟⲩⲟϩ ⲁ̀ϣⲁⲓ ϩⲓⲱⲧϥ	ǹθōten ḋe aiai ouoh mah pikahi ouoh àṡai hiōtf	But do ye increase and multiply, and fill the earth, and have dominion over it.
9:8	ⲟⲩⲟϩ ⲡⲉϫⲉ ⲫⲛⲟⲩϯ ⲛ̀ⲛⲱⲉ ⲛⲉⲙⲛⲉϥϣⲏⲣⲓ ⲉϥϫⲱ ⲙ̀ⲙⲟⲥ ϫⲉϩⲏⲡⲡⲉ	ⲟⲩⲟϩ ⲡⲉϫⲉ ⲫ̀ⲛⲟⲩϯ ⲛ̀ⲛⲱⲉ̀ ⲛⲉⲙ ⲛⲉϥϣⲏⲣⲓ ⲉϥϫⲱ ⲙ̀ⲙⲟⲥ ϫⲉ ϩⲏⲡⲡⲉ	ouoh peje f̀nouti ǹnōè nem nefṡyri efgō m̀mos je hyppe	And God spoke to Noe, and to his sons with him, saying,
9:9	ⲁⲛⲟⲕ ϯⲛⲁⲧⲟⲩⲛⲟⲥ ⲧⲁⲇⲓⲁⲑⲏⲕⲏ ⲛⲱⲧⲉⲛ ⲛⲉⲙⲡⲉⲧⲉⲛϫ̀ⲣⲟϫ ⲙⲉⲛⲉⲛⲥⲱⲧⲉⲛ	ⲁⲛⲟⲕ ϯⲛⲁⲧⲟⲩⲛⲟⲥ ⲧⲁⲇⲓⲁⲑⲏⲕⲏ ⲛⲱⲧⲉⲛ ⲛⲉⲙ ⲡⲉⲧⲉⲛϫ̀ⲣⲟϫ ⲙⲉⲛⲉⲛⲥⲱⲧⲉⲛ	anok tinatounos taḋiaθyky nōten nem peteng̀rog menensōten	And behold I establish my covenant with you, and with your seed after you,
9:10	ⲛⲉⲙⲯⲩⲭⲏ ⲛⲓⲃⲉⲛ ⲉⲧⲟⲛϧ ⲛⲉⲙⲱⲧⲉⲛ ⲓⲥϫⲉⲛ ⲛⲓϩⲁⲗⲁϯ ⲛⲉⲙⲓⲥϫⲉⲛ ⲛⲓⲧⲉⲃⲛⲱⲟⲩⲓ̀ ⲛⲉⲙⲛⲓⲑⲏⲣⲓⲟⲛ ⲧⲏⲣⲟⲩ ⲛ̀ⲧⲉⲡ̀ⲕⲁϩⲓ ⲉⲑⲛⲉⲙⲱⲧⲉⲛ ⲉ̀ⲃⲟⲗ ϧⲉⲛⲉⲛⲭⲁⲓ ⲛⲓⲃⲉⲛ ⲉ̀ⲧⲁⲩⲓ ⲉ̀ⲃⲟⲗ ϧⲉⲛϯⲕⲩⲃⲱⲧⲟⲥ	ⲛⲉⲙ ⲯⲩⲭⲏ ⲛⲓⲃⲉⲛ ⲉⲧⲟⲛϧ ⲛⲉⲙⲱⲧⲉⲛ ⲓⲥϫⲉⲛ ⲛⲓϩⲁⲗⲁϯ ⲛⲉⲙ ⲓⲥϫⲉⲛ ⲛⲓⲧⲉⲃⲛⲱⲟⲩⲓ̀ ⲛⲉⲙ ⲛⲓⲑⲏⲣⲓⲟⲛ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ ⲉⲑⲛⲉⲙⲱⲧⲉⲛ ⲉ̀ⲃⲟⲗ ϧⲉⲛ ⲉⲛⲭⲁⲓ ⲛⲓⲃⲉⲛ ⲉ̀ⲧⲁⲩⲓ̀ ⲉ̀ⲃⲟⲗ ϧⲉⲛ ϯⲕⲩⲃⲱⲧⲟⲥ	nem psiṡy niven etonx nemōten isjen nihalati nem isjen nitevnōouì nem niθyrion tyrou ǹte p̀kahi eθnemōten èvol xen enkai niven ètavì èvol xen tikibōtos	and with every living creature with you, of birds and of beasts, and with all the wild beasts of the earth, as many as are with you, of all that come out of the ark.
9:11	ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲛⲉⲙⲱⲧⲉⲛ ⲟⲩⲟϩ ⲛ̀ⲛⲟⲩⲙⲟⲩ ϫⲉⲛ̀ϫⲉⲥⲁⲣⲝ ⲛⲓⲃⲉⲛ ⲉ̀ⲃⲟⲗ ϧⲉⲛⲡⲓⲙⲱⲟ ⲛ̀ⲕⲁⲧⲁⲕⲗⲩⲥⲙⲟⲥ ⲟⲩⲟϩ ⲛ̀ⲛⲉ ⲙⲱⲟⲩ ⲛ̀ⲕⲁⲧⲁⲕⲗⲩⲥⲙⲟⲥ ϣⲱⲡⲓ ϫⲉⲉⲧⲁⲕⲉ ⲡ̀ⲕⲁϩⲓ ⲧⲏⲣϥ	ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲛⲉⲙⲱⲧⲉⲛ ⲟⲩⲟϩ ⲛ̀ⲛⲟⲩⲙⲟⲩ ϫⲉ ⲛ̀ϫⲉ ⲥⲁⲣⲝ ⲛⲓⲃⲉⲛ ⲉ̀ⲃⲟⲗ ϧⲉⲛ ⲡⲓⲙⲱⲟ ⲛ̀ⲕⲁⲧⲁⲕⲗⲩⲥⲙⲟⲥ ⲟⲩⲟϩ ⲛ̀ⲛⲉ ⲙⲱⲟⲩ ⲛ̀ⲕⲁⲧⲁⲕⲗⲩⲥⲙⲟⲥ ϣⲱⲡⲓ ϫⲉ ⲉⲧⲁⲕⲉ ⲡ̀ⲕⲁϩⲓ ⲧⲏⲣϥ	ouoh eièsemni ǹtaḋiaθyky nemōten ouoh ǹnoumou je ǹje sarks niven èvol xen pimōo ǹkataklismos ouoh ǹne mōou ǹkataklismos ṡōpi je etake p̀kahi tyrf	And I will establish my covenant with you and all flesh shall not any more die by the water of the flood, and there shall no more be a flood of water to destroy all the earth.
9:12	ⲟⲩⲟϩ ⲡⲉϫⲉ ⲡϭⲟⲓⲥ ⲫⲛⲟⲩϯ ⲛ̀ⲛⲱⲉ ϫⲉⲫⲁⲓ ⲡⲉ ⲫ̀ⲙⲏⲓⲛⲓ ⲛ̀ⲧⲉϯⲇⲓⲁⲑⲏⲕⲏ ⲫⲏ ⲉ̀ϯⲛⲁⲧⲏⲓϥ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ⲑⲏ ⲉⲑⲛⲁⲙⲱⲧⲉⲛ ϣⲁⲛⲉⲧⲉⲛϫⲱⲟⲩ ⲛ̀ⲉ̀ⲛⲉϩ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲛⲱⲉ̀ ϫⲉ ⲫⲁⲓ ⲡⲉ ⲫ̀ⲙⲏⲓⲛⲓ ⲛ̀ⲧⲉ ϯⲇⲓⲁⲑⲏⲕⲏ ⲫⲏ ⲉ̀ⲓⲛⲁⲧⲏⲓϥ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙ ⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ⲑⲏ ⲉⲑⲛⲁⲙⲱⲧⲉⲛ ϣⲁ ⲛⲉⲧⲉⲛϫⲱⲟⲩ ⲛ̀ⲉ̀ⲛⲉϩ	ouoh peje p̀ċois f̀nouti ǹnōè je fai pe f̀myini ǹte tiḋiaθyky fy èinatyif outōi nemōten nem oute psiṡy niven etonx θy eθnamōten ṡa netengōou ǹèneh	And the Lord God said to Noe, This the sign of the covenant which I set between me and you, and between every living creature which is with you for perpetual generations.
9:13	ⲧⲁⲫⲓϯ ⲉⲓⲉ̀ⲭⲁⲥ ϧⲉⲛϯϭⲏⲡⲓ ⲟⲩⲟϩ ⲉⲥⲉ̀ϣⲱⲡⲓ ⲉⲩⲙⲏⲓⲛⲓ ⲛ̀ⲧⲉⲟⲩⲇⲓⲁⲑⲏⲕⲏ ⲟⲩⲧⲱⲓ ⲛⲉⲙⲡ̀ⲕⲁϩⲓ	ⲧⲁⲫⲓϯ ⲉⲓⲉ̀ⲭⲁⲥ ϧⲉⲛ ϯϭⲏⲡⲓ ⲟⲩⲟϩ ⲉⲥⲉ̀ϣⲱⲡⲓ ⲉⲩⲙⲏⲓⲛⲓ ⲛ̀ⲧⲉ ⲟⲩⲇⲓⲁⲑⲏⲕⲏ ⲟⲩⲧⲱⲓ ⲛⲉⲙ ⲡ̀ⲕⲁϩⲓ	tafiti eièkas xen tiċypi ouoh esèṡōpi evmyini ǹte ouḋiaθyky outōi nem p̀kahi	I set my bow in the cloud, and it shall be for a sign of covenant between me and the earth.
9:14	ⲟⲩⲟϩ ⲉⲥⲉ̀ϣⲱⲡⲓ ϧⲉⲛⲡ̀ϫⲓⲛⲑ̀ⲣⲓⲓ̀ⲛⲓ ⲛ̀ϩⲁⲛϭⲏⲡⲓ ⲉ̀ϫⲉⲛⲡ̀ⲕⲁϩⲓ ⲟⲩⲟϩ ⲉⲥⲉ̀ⲟⲩⲟⲛϩⲥ ⲛ̀ϫⲉϯⲫⲓϯ ϧⲉⲛϯϭⲏⲡⲓ	ⲟⲩⲟϩ ⲉⲥⲉ̀ϣⲱⲡⲓ ϧⲉⲛ ⲡ̀ϫⲓⲛⲑ̀ⲣⲓⲓ̀ⲛⲓ ⲛ̀ϩⲁⲛϭⲏⲡⲓ ⲉ̀ϫⲉⲛ ⲡ̀ⲕⲁϩⲓ ⲟⲩⲟϩ ⲉⲥⲉ̀ⲟⲩⲟⲛϩⲥ ⲛ̀ϫⲉ ϯⲫⲓϯ ϧⲉⲛ ϯϭⲏⲡⲓ	ouoh esèṡōpi xen p̀jinθ̀riìni ǹhanċypi èjen p̀kahi ouoh esèouonhs ǹje tifiti xen tiċypi	And it shall be when I gather clouds upon the earth, that my bow shall be seen in the cloud.
9:15	ⲟⲩⲟϩ ⲉⲓⲉ̀ⲉⲣⲫ̀ⲙⲉⲩⲓ ⲛ̀ⲧⲁⲇⲓⲁⲑⲏⲕⲏ ⲑⲏ ⲉⲧⲭⲏ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛⲥⲁⲣⲝ ⲛⲓⲃⲉⲛ ⲟⲩⲟϩ ⲛ̀ⲛⲉϥϣⲱⲡⲓ ϫⲉⲛ̀ϫⲉⲡⲓⲙⲱⲟⲩ ⲛ̀ⲕⲁⲧⲁⲕⲗⲩⲥⲙⲟⲥ ϩⲱⲥⲧⲉ ⲉϥⲉⲧ ⲥⲁⲣⲝ ⲛⲓⲃⲉⲛ ⲉ̀ⲃⲟⲗ	ⲟⲩⲟϩ ⲉⲓⲉ̀ⲉⲣⲫ̀ⲙⲉⲩⲓ ⲛ̀ⲧⲁⲇⲓⲁⲑⲏⲕⲏ ⲑⲏ ⲉⲧⲭⲏ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙ ⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛ ⲥⲁⲣⲝ ⲛⲓⲃⲉⲛ ⲟⲩⲟϩ ⲛ̀ⲛⲉϥϣⲱⲡⲓ ϫⲉ ⲛ̀ϫⲉ ⲡⲓⲙⲱⲟⲩ ⲛ̀ⲕⲁⲧⲁⲕⲗⲩⲥⲙⲟⲥ ϩⲱⲥⲧⲉ ⲉ̀ϥⲉⲧ ⲥⲁⲣⲝ ⲛⲓⲃⲉⲛ ⲉ̀ⲃⲟⲗ	ouoh eièerf̀mevi ǹtaḋiaθyky θy etky outōi nemōten nem oute psiṡy niven etonx xen sarks niven ouoh ǹnefṡōpi je ǹje pimōou ǹkataklismos hōste èfet sarks niven èvol	And I will remember my covenant, which is between me and you, and between every living soul in all flesh, and there shall no longer be water for a deluge, so as to blot out all flesh.
9:16	ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉϯⲫⲓϯ ϧⲉⲛϯϭⲏⲡⲓ ⲟⲩⲟϩ ⲉⲓⲉⲛⲁⲩ ⲉ̀ⲡ̀ϫⲓⲛⲉⲣⲫ̀ⲙⲉⲩⲓ ⲛ̀ⲟⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲟⲩⲧⲱⲓ ⲛⲉⲙⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛⲥⲁⲣⲝ ⲛⲓⲃⲉⲛ ⲉⲧⲭⲏ ϩⲓϫⲉⲛⲡⲓⲕⲁϩⲓ	ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉ ϯⲫⲓϯ ϧⲉⲛ ϯϭⲏⲡⲓ ⲟⲩⲟϩ ⲉⲓⲉ̀ⲛⲁⲩ ⲉ̀ⲡ̀ϫⲓⲛⲉⲣⲫ̀ⲙⲉⲩⲓ ⲛ̀ⲟⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲟⲩⲧⲱⲓ ⲛⲉⲙ ⲟⲩⲧⲉ ⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛ ⲥⲁⲣⲝ ⲛⲓⲃⲉⲛ ⲉⲧⲭⲏ ϩⲓϫⲉⲛ ⲡⲓⲕⲁϩⲓ	ouoh esèṡōpi ǹje tifiti xen tiċypi ouoh eiènav èp̀jinerf̀mevi ǹouḋiaθyky ǹèneh outōi nem oute psiṡy niven etonx xen sarks niven etky hijen pikahi	And my bow shall be in the cloud, and I will look to remember the everlasting covenant between me and the earth, and between living soul in all flesh, which is upon the earth.
9:17	ⲟⲩⲟϩ ⲡⲉϫⲉ ⲫⲛⲟⲩϯ ⲛ̀ⲛⲱⲉ ϫⲉⲫⲁⲓ ⲡⲉ ⲡⲓⲙⲏⲓⲛⲓ ⲛ̀ⲧⲉϯⲇⲓⲁⲑⲏⲕⲏ ⲑⲏ ⲉⲧⲁⲓⲥⲉⲙⲛⲏⲧⲥ ⲟⲩⲧⲱⲓ ⲛⲉⲙⲟⲩⲧⲉ ⲥⲁⲣⲝ ⲛⲓⲃⲉⲛ ⲉⲧⲭⲏ ϩⲓϫⲉⲛⲡ̀ⲕⲁϩⲓ	ⲟⲩⲟϩ ⲡⲉϫⲉ ⲫ̀ⲛⲟⲩϯ ⲛ̀ⲛⲱⲉ̀ ϫⲉ ⲫⲁⲓ ⲡⲉ ⲡⲓⲙⲏⲓⲛⲓ ⲛ̀ⲧⲉ ϯⲇⲓⲁⲑⲏⲕⲏ ⲑⲏ ⲉⲧⲁⲓⲥⲉⲙⲛⲏⲧⲥ ⲟⲩⲧⲱⲓ ⲛⲉⲙ ⲟⲩⲧⲉ ⲥⲁⲣⲝ ⲛⲓⲃⲉⲛ ⲉⲧⲭⲏ ϩⲓϫⲉⲛ ⲡ̀ⲕⲁϩⲓ	ouoh peje f̀nouti ǹnōè je fai pe pimyini ǹte tiḋiaθyky θy etaisemnyts outōi nem oute sarks niven etky hijen p̀kahi	And God said to Noe, This the sign of the covenant, which I have made between me and all flesh, which is upon the earth.
9:18	ⲛⲁⲓ ⲇⲉ ⲛⲉ ⲛⲓϣⲏⲣⲓ ⲛ̀ⲧⲉⲛⲱⲉ ⲛⲏ ⲉⲧⲁⲩⲓ̀ ⲉ̀ⲃⲟⲗ ϧⲉⲛϯⲕⲩⲃⲱⲧⲟⲥ ⲥⲏⲙ ⲭⲁⲙ ⲓⲁⲫⲉⲥ ⲭⲁⲙ ⲇⲉ ⲫⲓⲱⲧ ⲛ̀ⲭⲁⲛⲁⲁⲛ ⲡⲉ	ⲛⲁⲓ ⲇⲉ ⲛⲉ ⲛⲓϣⲏⲣⲓ ⲛ̀ⲧⲉ ⲛⲱⲉ̀ ⲛⲏ ⲉⲧⲁⲩⲓ̀ ⲉ̀ⲃⲟⲗ ϧⲉⲛ ϯⲕⲩⲃⲱⲧⲟⲥ ⲥⲏⲙ ⲭⲁⲙ ⲓⲁⲫⲉⲥ ⲭⲁⲙ ⲇⲉ ⲫ̀ⲓⲱⲧ ⲛ̀ⲭⲁⲛⲁⲁⲛ ⲡⲉ	nai ḋe ne niṡyri ǹte nōè ny etavì èvol xen tikibōtos sym kam iafes kam ḋe f̀iōt ǹxanaan pe	Now the sons of Noe which came out of the ark, were Sem, Cham, Japheth. And Cham was father of Chanaan.
9:19	ⲅ̅ ⲛ̀ϣⲏⲣⲓ ⲛⲉ ⲛⲁⲓ ⲛ̀ⲧⲉⲛⲱⲉ ⲉ̀ⲃⲟⲗ ⲇⲉ ϧⲉⲛⲛⲁⲓ ⲁⲩϫⲱⲣ ⲉ̀ⲃⲟⲗ ⲉ̀ϫⲉⲛⲡ̀ⲕⲁϩⲓ ⲧⲏⲣϥ	3 ⲛ̀ϣⲏⲣⲓ ⲛⲉ ⲛⲁⲓ ⲛ̀ⲧⲉ ⲛⲱⲉ̀ ⲉ̀ⲃⲟⲗ ⲇⲉ ϧⲉⲛ ⲛⲁⲓ ⲁⲩϫⲱⲣ ⲉ̀ⲃⲟⲗ ⲉ̀ϫⲉⲛ ⲡ̀ⲕⲁϩⲓ ⲧⲏⲣϥ	3 ǹṡyri ne nai ǹte nōè èvol ḋe xen nai avgōr èvol èjen p̀kahi tyrf	These three are the sons of Noe, of these were men scattered over all the earth.
9:20	ⲟⲩⲟϩ ⲁϥⲉⲣϩⲏⲧⲥ ⲛ̀ϫⲉⲛⲱⲉ ⲉ̀ⲡ̀ϣⲱⲓ ⲛ̀ⲟⲩⲣⲱⲙⲓ ⲛ̀ⲟⲩⲱⲓ ⲟⲩⲟϩ ⲁϥϭ̀ⲟ ⲛ̀ⲟⲩⲓⲁϩⲁⲗⲟⲗⲓ	ⲟⲩⲟϩ ⲁϥⲉⲣϩⲏⲧⲥ ⲛ̀ϫⲉ ⲛⲱⲉ̀ ⲉ̀ⲡ̀ϣⲱⲓ ⲛ̀ⲟⲩⲣⲱⲙⲓ ⲛ̀ⲟⲩⲱⲓ ⲟⲩⲟϩ ⲁϥϭ̀ⲟ ⲛ̀ⲟⲩⲓⲁϩⲁⲗⲟⲗⲓ	ouoh aferhyts ǹje nōè èp̀ṡōi ǹourōmi ǹouōi ouoh afċ̀o ǹouiahaloli	And Noe began to be a husbandman, and he planted a vineyard.
9:21	ⲟⲩⲟϩ ⲁϥⲥⲱ ⲉ̀ⲃⲟⲗ ϧⲉⲛⲡⲓⲏⲣⲡ ⲟⲩⲟϩ ⲁϥⲑⲓϧⲓ ⲟⲩⲟϩ ⲁϥⲃⲱϣ ⲉ̀ⲃⲟⲗ ϧⲉⲛⲡⲉϥⲏⲓ	ⲟⲩⲟϩ ⲁϥⲥⲱ ⲉ̀ⲃⲟⲗ ϧⲉⲛ ⲡⲓⲏⲣⲡ ⲟⲩⲟϩ ⲁϥⲑⲓϧⲓ ⲟⲩⲟϩ ⲁϥⲃⲱϣ ⲉ̀ⲃⲟⲗ ϧⲉⲛ ⲡⲉϥⲏⲓ	ouoh afsō èvol xen piyrp ouoh afθixi ouoh afvōṡ èvol xen pefyi	And he drank of the wine, and was drunk, and was naked in his house.
9:22	ⲟⲩⲟϩ ⲁϥⲛⲁⲩ ⲛ̀ϫⲉⲭⲁⲙ ⲫⲓⲱⲧ ⲛ̀ⲭⲁⲛⲁⲁⲛ ⲉ̀ⲫ̀ⲃⲱϣ ⲙ̀ⲡⲉϥⲓⲱⲧ ⲟⲩⲟϩ ⲉ̀ⲧⲁϥⲓ̀ ⲉ̀ⲃⲟⲗ ⲁϥⲧⲁⲙⲉ ⲡⲉϥⲥⲟⲛ ⲃ̅ ⲙ̀ⲃⲟⲗ	ⲟⲩⲟϩ ⲁϥⲛⲁⲩ ⲛ̀ϫⲉ ⲭⲁⲙ ⲫ̀ⲓⲱⲧ ⲛ̀ⲭⲁⲛⲁⲁⲛ ⲉ̀ⲫ̀ⲃⲱϣ ⲛ̀ⲡⲉϥⲓⲱⲧ ⲟⲩⲟϩ ⲉ̀ⲧⲁϥⲓ̀ ⲉ̀ⲃⲟⲗ ⲁϥⲧⲁⲙⲉ ⲡⲉϥⲥⲟⲛ 2 ⲛ̀ⲃⲟⲗ	ouoh afnav ǹje kam f̀iōt ǹxanaan èf̀vōṡ ǹpefiōt ouoh ètafì èvol aftame pefson 2 ǹvol	And Cham the father of Chanaan saw the nakedness of his father, and he went out and told his two brothers without.
9:23	ⲟⲩⲟϩ ⲁϥϭⲓ ⲛ̀ϫⲉⲥⲏⲙ ⲛⲉⲙⲓⲁⲫⲉⲑ ⲙ̀ⲡⲓϩ̀ⲃⲟⲥ ⲁⲩⲧⲁⲗⲟϥ ⲉ̀ϫⲉⲛⲛⲟⲩⲥⲟⲓ ⲙ̀ⲡ̀ⲃ̅ ⲟⲩⲟϩ ⲁⲩⲙⲟϣⲓ ⲉ̀ⲣⲉⲛⲟⲩϩⲟ ⲫⲟⲛϩ ⲉ̀ⲫ̀ⲁϩⲟⲩ ⲟⲩⲟϩ ⲁⲩϩⲱⲃⲥ ⲙ̀ⲫ̀ⲃⲱϣ ⲙ̀ⲡⲟⲩⲓⲱⲧ ⲟⲩⲟϩ ⲡⲟⲩϩⲟ ⲛⲁϥⲫⲟⲛϩ ⲉ̀ⲫ̀ⲁϩⲟⲩ ⲟⲩⲟϩ ⲫ̀ⲃⲱϣ ⲛ̀ⲧⲉⲡⲟⲩⲓⲱⲧ ⲙ̀ⲡⲟⲩⲛⲁⲩ ⲉ̀ⲣⲟϥ	ⲟⲩⲟϩ ⲁϥϭⲓ ⲛ̀ϫⲉ ⲥⲏⲙ ⲛⲉⲙ ⲓⲁⲫⲉⲑ ⲛ̀ⲡⲓϩ̀ⲃⲟⲥ ⲁⲩⲧⲁⲗⲟϥ ⲉ̀ϫⲉⲛ ⲛⲟⲩⲥⲟⲓ ⲛ̀ⲡ̀2 ⲟⲩⲟϩ ⲁⲩⲙⲟϣⲓ ⲉ̀ⲣⲉⲛⲟⲩϩⲟ ⲫⲟⲛϩ ⲉ̀ⲫ̀ⲁϩⲟⲩ ⲟⲩⲟϩ ⲁⲩϩⲱⲃⲥ ⲛ̀ⲫ̀ⲃⲱϣ ⲛ̀ⲡⲟⲩⲓⲱⲧ ⲟⲩⲟϩ ⲡⲟⲩϩⲟ ⲛⲁϥⲫⲟⲛϩ ⲉ̀ⲫ̀ⲁϩⲟⲩ ⲟⲩⲟϩ ⲫ̀ⲃⲱϣ ⲛ̀ⲧⲉ ⲡⲟⲩⲓⲱⲧ ⲙ̀ⲡⲟⲩⲛⲁⲩ ⲉ̀ⲣⲟϥ	ouoh afċi ǹje sym nem iafeθ ǹpih̀vos avtalof èjen nousoi ǹp̀2 ouoh avmoṡi èrenouho fonh èf̀ahou ouoh avhōvs ǹf̀vōṡ ǹpouiōt ouoh pouho naffonh èf̀ahou ouoh f̀vōṡ ǹte pouiōt m̀pounav èrof	And Sem and Japheth having taken a garment, put it on both their backs and went backwards, and covered the nakedness of their father; and their face backward, and they saw not the nakedness of their father.
9:24	ⲁϥⲛⲉϩⲥⲓ ⲇⲉ ⲛ̀ϫⲉⲛⲱⲉ ⲉ̀ⲃⲟⲗ ϧⲉⲛⲡⲓⲏⲣⲡ ⲟⲩⲟϩ ⲁϥⲉ̀ⲙⲓ ⲉ̀ⲛⲏ ⲧⲏⲣⲟⲩ ⲉ̀ⲧⲁ ⲡⲉϥⲕⲟⲩϫⲓ ⲛ̀ϣⲏⲣⲓ ⲁⲓⲧⲟⲩ ⲛⲁϥ	ⲁϥⲛⲉϩⲥⲓ ⲇⲉ ⲛ̀ϫⲉ ⲛⲱⲉ̀ ⲉ̀ⲃⲟⲗ ϧⲉⲛ ⲡⲓⲏⲣⲡ ⲟⲩⲟϩ ⲁϥⲉ̀ⲙⲓ ⲉ̀ⲛⲏ ⲧⲏⲣⲟⲩ ⲉ̀ⲧⲁ ⲡⲉϥⲕⲟⲩϫⲓ ⲛ̀ϣⲏⲣⲓ ⲁⲓⲧⲟⲩ ⲛⲁϥ	afnehsi ḋe ǹje nōè èvol xen piyrp ouoh afèmi èny tyrou èta pefkouji ǹṡyri aitou naf	And Noe recovered from the wine, and knew all that his younger son had done to him.
9:25	ⲟⲩⲟϩ ⲡⲉϫⲁϥ ϫⲉϥ̀ⲥ̀ϩⲟⲩⲟⲣⲧ ⲛ̀ϫⲉⲭⲁⲛⲁⲁⲛ ⲉϥⲉ̀ϣⲱⲡⲓ ⲛ̀ⲟⲩⲁⲗⲟⲩ ⲙ̀ⲃⲱⲕ ⲛ̀ⲛⲉϥⲥ̀ⲛⲏⲟⲩ	ⲟⲩⲟϩ ⲡⲉϫⲁϥ ϫⲉ ϥ̀ⲥ̀ϩⲟⲩⲟⲣⲧ ⲛ̀ϫⲉ ⲭⲁⲛⲁⲁⲛ ⲉϥⲉ̀ϣⲱⲡⲓ ⲛ̀ⲟⲩⲁ̀ⲗⲟⲩ ⲛ̀ⲃⲱⲕ ⲛ̀ⲛⲉϥⲥ̀ⲛⲏⲟⲩ	ouoh pegaf je f̀s̀·houort ǹje xanaan efèṡōpi ǹouàlou ǹvōk ǹnefs̀nyou	And he said, Cursed be the servant Chanaan, a slave shall he be to his brethren.
9:26	ⲟⲩⲟϩ ⲡⲉϫⲁϥ ϫⲉϥ̀ⲥⲙⲁⲙⲁⲧ ⲛ̀ϫⲉⲡϭⲟⲓⲥ ⲫⲛⲟⲩϯ ⲛ̀ⲥⲏⲙ ⲟⲩⲟϩ ⲉϥⲉ̀ϣⲱⲡⲓ ⲛⲁϥ ⲛ̀ⲟⲩⲁⲗⲟⲩ ⲛ̀ϫⲉⲭⲁⲛⲁⲁⲛ	ⲟⲩⲟϩ ⲡⲉϫⲁϥ ϫⲉ ϥ̀ⲥⲙⲁⲙⲁⲧ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲥⲏⲙ ⲟⲩⲟϩ ⲉϥⲉ̀ϣⲱⲡⲓ ⲛⲁϥ ⲛ̀ⲟⲩⲁ̀ⲗⲟⲩ ⲛ̀ϫⲉ ⲭⲁⲛⲁⲁⲛ	ouoh pegaf je f̀smamat ǹje p̀ċois f̀nouti ǹsym ouoh efèṡōpi naf ǹouàlou ǹje xanaan	And he said, Blessed the Lord God of Sem, and Chanaan shall be his bond-servant.
9:27	ⲉ̀ⲣⲉⲫⲛⲟⲩϯ ⲟⲩⲟⲥⲑⲉⲛ ⲛⲓⲁⲫⲉⲑ ⲟⲩⲟϩ ⲉϥⲉ̀ϣⲱⲡⲓ ϧⲉⲛⲛⲉⲛⲏⲟⲩ ⲛ̀ⲥⲏⲙ ⲟⲩⲟϩ ⲉϥⲉ̀ϣⲱⲡⲓ ⲛⲱⲟⲩ ⲛ̀ⲟⲩⲁⲗⲟⲩ ⲛ̀ϫⲉⲭⲁⲛⲁⲁⲛ	ⲉ̀ⲣⲉ ⲫ̀ⲛⲟⲩϯ ⲟⲩⲟⲥⲑⲉⲛ ⲛⲓⲁⲫⲉⲑ ⲟⲩⲟϩ ⲉϥⲉ̀ϣⲱⲡⲓ ϧⲉⲛ ⲛⲉⲛⲏⲟⲩ ⲛ̀ⲥⲏⲙ ⲟⲩⲟϩ ⲉϥⲉ̀ϣⲱⲡⲓ ⲛⲱⲟⲩ ⲛ̀ⲟⲩⲁ̀ⲗⲟⲩ ⲛ̀ϫⲉ ⲭⲁⲛⲁⲁⲛ	ère f̀nouti ouosθen niafeθ ouoh efèṡōpi xen nenyou ǹsym ouoh efèṡōpi nōou ǹouàlou ǹje xanaan	May God make room for Japheth, and let him dwell in the habitations of Sem, and let Chanaan be his servant.
9:28	ⲁϥⲱⲛϧ ⲇⲉ ⲛ̀ϫⲉⲛⲱⲉ ⲙⲉⲛⲉⲛⲥⲁⲡⲓⲕⲁⲧⲁⲕⲗⲩⲥⲙⲟⲥ ⲛ̀ⲧ̅ⲛ̅ ⲛ̀ⲣⲟⲙⲡⲓ	ⲁϥⲱⲛϧ ⲇⲉ ⲛ̀ϫⲉ ⲛⲱⲉ̀ ⲙⲉⲛⲉⲛⲥⲁ ⲡⲓⲕⲁⲧⲁⲕⲗⲩⲥⲙⲟⲥ ⲛ̀350 ⲛ̀ⲣⲟⲙⲡⲓ	afōnx ḋe ǹje nōè menensa pikataklismos ǹ350 ǹrompi	And Noe lived after the flood three hundred and fifty years.
9:29	ⲟⲩⲟϩ ⲁⲩϣⲱⲡⲓ ⲛ̀ϫⲉⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉⲛⲱⲉ ⲉ̀ⲧⲁϥⲱⲛϧ ⲙ̀ⲙⲱⲟⲩ ⲣ̅ⲛ̅ ⲛ̀ⲣⲟⲙⲡⲓ ⲟⲩⲟϩ ⲁϥⲙⲟⲩ	ⲟⲩⲟϩ ⲁⲩϣⲱⲡⲓ ⲛ̀ϫⲉ ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲛⲱⲉ̀ ⲉ̀ⲧⲁϥⲱⲛϧ ⲙ̀ⲙⲱⲟⲩ 150 ⲛ̀ⲣⲟⲙⲡⲓ ⲟⲩⲟϩ ⲁϥⲙⲟⲩ	ouoh avṡōpi ǹje nièhoou tyrou ǹte nōè ètafōnx m̀mōou 150 ǹrompi ouoh afmou	And all the days of Noe were nine hundred and fifty years, and he died.

Provenance

title: Genesis 9
dialect: bohairic
source: Coptic SCRIPTORIUM corpus "bohairic.ot", document 01_Genesis_09
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Genesis 9 from Coptic SCRIPTORIUM (https://copticscriptorium.org), corpus bohairic.ot, document 01_Genesis_09, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Genesis/09.bohairic.scriptorium.L0.txt
title: Genesis 9 — Cairene
dialect: bohairic
source: generated from 09.bohairic.scriptorium.L0.txt (Coptic SCRIPTORIUM corpus "bohairic.ot", document 01_Genesis_09)
licence: CC BY-SA 4.0
share: attribution
attribution: Genesis 9 from Coptic SCRIPTORIUM (https://copticscriptorium.org), corpus bohairic.ot, document 01_Genesis_09, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Genesis/09.bohairic.scriptorium.L1.txt
title: Genesis 9 — Kemetic
dialect: bohairic
source: generated from 09.bohairic.scriptorium.L1.txt
licence: CC BY-SA 4.0
share: attribution
attribution: Genesis 9 from Coptic SCRIPTORIUM (https://copticscriptorium.org), corpus bohairic.ot, document 01_Genesis_09, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Genesis/09.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 29 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 01_Genesis_09 (29 lines)

Cite as:

Genesis 9. Coptic SCRIPTORIUM corpus "bohairic.ot", document 01_Genesis_09. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/genesis/09.bohairic.scriptorium/. Genesis 9 from Coptic SCRIPTORIUM (https://copticscriptorium.org), corpus bohairic.ot, document 01_Genesis_09, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.