Genesis 30 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 01_Genesis_30

Attribution: Genesis 30 from Coptic SCRIPTORIUM (https://copticscriptorium.org), corpus bohairic.ot, document 01_Genesis_30, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

43 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
30:1	ⲁⲥⲛⲁⲩ ⲇⲉ ⲛ̀ϫⲉⲣⲁⲭⲏⲗ ϫⲉⲙ̀ⲡⲉⲥⲙⲓⲥⲓ ⲛ̀ⲑⲟⲥ ⲛ̀ⲓⲁⲕⲱⲃ ⲁⲥⲭⲟϩ ⲛ̀ϫⲉⲣⲁⲭⲏⲗ ⲉ̀ⲧⲉⲥⲥⲱⲛⲓ ⲟⲩⲟϩ ⲡⲉϫⲁⲥ ⲛ̀ⲓⲁⲕⲱⲃ ϫⲉⲙⲁ ϣⲏⲣⲓ ⲛⲏⲓ ⲙ̀ⲙⲟⲛ ϯⲛⲁⲙⲟⲩ ⲁ̀ⲛⲟⲕ	ⲁⲥⲛⲁⲩ ⲇⲉ ⲛ̀ϫⲉ ⲣⲁⲭⲏⲗ ϫⲉⲙ̀ⲡⲉⲥⲙⲓⲥⲓ ⲛ̀ⲑⲟⲥ ⲛ̀ⲓⲁⲕⲱⲃ ⲁⲥⲭⲟϩ ⲛ̀ϫⲉ ⲣⲁⲭⲏⲗ ⲉ̀ⲧⲉⲥⲥⲱⲛⲓ ⲟⲩⲟϩ ⲡⲉϫⲁⲥ ⲛ̀ⲓⲁⲕⲱⲃ ϫⲉ ⲙⲁ ϣⲏⲣⲓ ⲛⲏⲓ ⲙ̀ⲙⲟⲛ ϯⲛⲁⲙⲟⲩ ⲁ̀ⲛⲟⲕ	asnav ḋe ǹje rakyl jem̀pesmisi ǹθos ǹiakōb askoh ǹje rakyl ètessōni ouoh pegas ǹiakōb je ma ṡyri nyi m̀mon tinamou ànok	And Rachel having perceived that she bore Jacob no children, was jealous of her sister; and said to Jacob, Give me children; and if not, I shall die.
30:2	ⲁϥⲙ̀ⲃⲟⲛ ⲇⲉ ⲛ̀ϫⲉⲓⲁⲕⲱⲃ ⲉ̀ⲣⲁⲭⲏⲗ ⲡⲉϫⲁϥ ⲛⲁⲥ ϫⲉⲙⲏ ⲁ̀ⲛⲟⲕ ⲧ̀ϣⲉⲃⲓⲱ ⲙ̀ⲫⲛⲟⲩϯ ⲫⲏ ⲉ̀ⲧⲁϥϥⲟϫ ϯⲙ̀ⲡⲟⲩⲧⲁϩ ⲛ̀ⲧⲉⲧⲉⲛⲉϫⲓ	ⲁϥⲙ̀ⲃⲟⲛ ⲇⲉ ⲛ̀ϫⲉ ⲓⲁⲕⲱⲃ ⲉ̀ⲣⲁⲭⲏⲗ ⲡⲉϫⲁϥ ⲛⲁⲥ ϫⲉ ⲙⲏ ⲁ̀ⲛⲟⲕ ⲧ̀ϣⲉⲃⲓⲱ ⲛ̀ⲫ̀ⲛⲟⲩϯ ⲫⲏ ⲉ̀ⲧⲁϥϥⲟϫ ϯⲙ̀ⲡⲟⲩⲧⲁϩ ⲛ̀ⲧⲉⲧⲉⲛⲉϫⲓ	afm̀von ḋe ǹje iakōb èrakyl pegaf nas je my ànok t̀ṡeviō ǹf̀nouti fy ètaffog tim̀poutah ǹteteneji	And Jacob was angry with Rachel, and said to her, Am I in the place of God, who has deprived thee of the fruit of the womb?
30:3	ⲡⲉϫⲉ ⲣⲁⲭⲏⲗ ⲇⲉ ⲛ̀ⲓⲁⲕⲱⲃ ϫⲉϩⲏⲡⲡⲉ ⲓⲥ ⲧⲁⲃⲱⲕⲓ ⲃⲁⲗⲗⲁ ⲙⲁϣⲉⲛⲁⲕ ⲉ̀ϧⲟⲩⲛ ϩⲁⲣⲟⲥ ⲟⲩⲟϩ ⲉⲥⲉ̀ⲙⲓⲥⲓ ⲉ̀ϫⲉⲛⲛⲁⲁⲗⲱϫ ⲟⲩⲟϩ ⲉⲓⲉ̀ⲙⲉⲥ ϣⲏⲣⲓ ⲉ̀ⲃⲟⲗ ⲙ̀ⲙⲟⲥ	ⲡⲉϫⲉ ⲣⲁⲭⲏⲗ ⲇⲉ ⲛ̀ⲓⲁⲕⲱⲃ ϫⲉ ϩⲏⲡⲡⲉ ⲓⲥ ⲧⲁⲃⲱⲕⲓ ⲃⲁⲗⲗⲁ ⲙⲁϣⲉⲛⲁⲕ ⲉ̀ϧⲟⲩⲛ ϩⲁⲣⲟⲥ ⲟⲩⲟϩ ⲉⲥⲉ̀ⲙⲓⲥⲓ ⲉ̀ϫⲉⲛ ⲛⲁⲁⲗⲱϫ ⲟⲩⲟϩ ⲉⲓⲉ̀ⲙⲉⲥ ϣⲏⲣⲓ ⲉ̀ⲃⲟⲗ ⲙ̀ⲙⲟⲥ	peje rakyl ḋe ǹiakōb je hyppe is tavōki balla maṡenak èxoun haros ouoh esèmisi èjen naalōg ouoh eièmes ṡyri èvol m̀mos	And Rachel said to Jacob, Behold my handmaid Balla, go in to her, and she shall bear upon my knees, and I also shall have children by her.
30:4	ⲟⲩⲟϩ ⲁⲥϯ ⲙ̀ⲃⲁⲗⲗⲁ ⲧⲉⲥⲃⲱⲕⲓ ⲛⲁϥ ⲉⲩⲥ̀ϩⲓⲙⲓ ⲟⲩⲟϩ ⲁϥϣⲉⲛⲁϥ ⲉ̀ϧⲟⲩⲛ ϩⲁⲣⲟⲥ ⲛ̀ϫⲉⲓⲁⲕⲱⲃ	ⲟⲩⲟϩ ⲁⲥϯ ⲛ̀ⲃⲁⲗⲗⲁ ⲧⲉⲥⲃⲱⲕⲓ ⲛⲁϥ ⲉⲩⲥ̀ϩⲓⲙⲓ ⲟⲩⲟϩ ⲁϥϣⲉⲛⲁϥ ⲉ̀ϧⲟⲩⲛ ϩⲁⲣⲟⲥ ⲛ̀ϫⲉ ⲓⲁⲕⲱⲃ	ouoh asti ǹballa tesvōki naf evs̀·himi ouoh afṡenaf èxoun haros ǹje iakōb	And she gave him Balla her maid, for a wife to him; and Jacob went in to her.
30:5	ⲟⲩⲟϩ ⲁⲥⲉⲣⲃⲟⲕⲓ ⲛ̀ϫⲉⲃⲁⲗⲗⲁ ⲑ̀ⲃⲱⲕⲓ ⲛ̀ⲣⲁⲭⲏⲗ ⲟⲩⲟϩ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲓⲁⲕⲱⲃ	ⲟⲩⲟϩ ⲁⲥⲉⲣⲃⲟⲕⲓ ⲛ̀ϫⲉ ⲃⲁⲗⲗⲁ ⲑ̀ⲃⲱⲕⲓ ⲛ̀ⲣⲁⲭⲏⲗ ⲟⲩⲟϩ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲓⲁⲕⲱⲃ	ouoh aservoki ǹje balla θ̀vōki ǹrakyl ouoh asmisi ǹouṡyri ǹiakōb	And Balla, Rachel's maid, conceived, and bore Jacob a son.
30:6	ⲟⲩⲟϩ ⲡⲉϫⲉ ⲣⲁⲭⲏⲗ ϫⲉⲁ̀ ⲫⲛⲟⲩϯ ϯϩⲁⲡ ⲛⲏⲓ ⲟⲩⲟϩ ⲁϥⲥⲱⲧⲉⲙ ⲉ̀ⲧⲁⲥ̀ⲙⲏ ⲁϥϯ ⲛⲏⲓ ⲛ̀ⲟⲩϣⲏⲣⲓ ⲉⲑⲃⲉⲫⲁⲓ ⲁⲥϯⲣⲉⲛ ⲡⲉϥⲣⲁⲛ ϫⲉⲇⲁⲛ	ⲟⲩⲟϩ ⲡⲉϫⲉ ⲣⲁⲭⲏⲗ ϫⲉ ⲁ̀ ⲫ̀ⲛⲟⲩϯ ϯϩⲁⲡ ⲛⲏⲓ ⲟⲩⲟϩ ⲁϥⲥⲱⲧⲉⲙ ⲉ̀ⲧⲁⲥ̀ⲙⲏ ⲁϥϯ ⲛⲏⲓ ⲛ̀ⲟⲩϣⲏⲣⲓ ⲉⲑⲃⲉ ⲫⲁⲓ ⲁⲥϯⲣⲉⲛ ⲡⲉϥⲣⲁⲛ ϫⲉ ⲇⲁⲛ	ouoh peje rakyl je à f̀nouti tihap nyi ouoh afsōtem ètas̀my afti nyi ǹouṡyri eθve fai astiren pefran je ḋan	And Rachel said, God has given judgment for me, and hearkened to my voice, and has given me a son; therefore she called his name, 27.
30:7	ⲟⲩⲟϩ ⲁⲥⲉⲣⲃⲟⲕⲓ ⲟⲛ ⲛ̀ϫⲉⲃⲁⲗⲗⲁ ⲑ̀ⲃⲱⲕⲓ ⲛ̀ⲣⲁⲭⲏⲗ ⲟⲩⲟϩ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲙ̀ⲙⲁϩ ⲃ̅ ⲛ̀ⲓⲁⲕⲱⲃ	ⲟⲩⲟϩ ⲁⲥⲉⲣⲃⲟⲕⲓ ⲟⲛ ⲛ̀ϫⲉ ⲃⲁⲗⲗⲁ ⲑ̀ⲃⲱⲕⲓ ⲛ̀ⲣⲁⲭⲏⲗ ⲟⲩⲟϩ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲙⲁϩ 2 ⲛ̀ⲓⲁⲕⲱⲃ	ouoh aservoki on ǹje balla θ̀vōki ǹrakyl ouoh asmisi ǹouṡyri ǹmah 2 ǹiakōb	And Balla, Rachel's maid, conceived yet again, and bore a second son to Jacob.
30:8	ⲟⲩⲟϩ ⲡⲉϫⲉ ⲣⲁⲭⲏⲗ ϫⲉⲁ̀ ⲫⲛⲟⲩϯ ϣⲟⲡⲧ ⲉ̀ⲣⲟϥ ⲟⲩⲟϩ ⲁⲓⲉⲣϣ̀ⲫⲉⲣⲓ ⲙ̀ⲙⲟϣⲓ ⲛⲉⲙⲧⲁⲥⲱⲛⲓ ⲟⲩⲟϩ ⲁⲓϫⲉⲙϫⲟⲙ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲛⲉⲫⲑⲁⲗⲓⲙ	ⲟⲩⲟϩ ⲡⲉϫⲉ ⲣⲁⲭⲏⲗ ϫⲉ ⲁ̀ ⲫ̀ⲛⲟⲩϯ ϣⲟⲡⲧ ⲉ̀ⲣⲟϥ ⲟⲩⲟϩ ⲁⲓⲉⲣϣ̀ⲫⲉⲣⲓ ⲛ̀ⲙⲟϣⲓ ⲛⲉⲙ ⲧⲁⲥⲱⲛⲓ ⲟⲩⲟϩ ⲁⲓϫⲉⲙϫⲟⲙ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲛⲉⲫⲑⲁⲗⲓⲙ	ouoh peje rakyl je à f̀nouti ṡopt èrof ouoh aierṡ̀feri ǹmoṡi nem tasōni ouoh aijemgom ouoh astiren pefran je nefθalim	And Rachel said, God has helped me, and I contended with my sister and prevailed; and she called his name, Nephthalim.
30:9	ⲉ̀ⲧⲁⲥⲛⲁⲩ ⲇⲉ ⲛ̀ϫⲉⲗⲓⲁ ϫⲉⲁⲥⲟ̀ϩⲓ ⲉ̀ϣ̀ⲧⲉⲙⲙⲓⲥⲓ ⲁⲥϭⲓ ⲛ̀ⲍⲉⲗⲫⲁ ⲧⲉⲥⲃⲱⲕⲓ ⲟⲩⲟϩ ⲁⲥⲧⲏⲓⲥ ⲛ̀ⲓⲁⲕⲱⲃ ⲉⲩⲥ̀ϩⲓⲙⲓ	ⲉ̀ⲧⲁⲥⲛⲁⲩ ⲇⲉ ⲛ̀ϫⲉ ⲗⲓⲁ ϫⲉ ⲁⲥⲟ̀ϩⲓ ⲉ̀ϣ̀ⲧⲉⲙⲙⲓⲥⲓ ⲁⲥϭⲓ ⲛ̀ⲍⲉⲗⲫⲁ ⲧⲉⲥⲃⲱⲕⲓ ⲟⲩⲟϩ ⲁⲥⲧⲏⲓⲥ ⲛ̀ⲓⲁⲕⲱⲃ ⲉⲩⲥ̀ϩⲓⲙⲓ	ètasnav ḋe ǹje lia je asòhi èṡ̀temmisi asċi ǹzelfa tesvōki ouoh astyis ǹiakōb evs̀·himi	And Lea saw that she ceased from bearing, and she took Zelpha her maid, and gave her to Jacob for a wife; and he went in to her.
30:10	ⲁϥϣⲉⲛⲁϥ ⲇⲉ ⲉ̀ϧⲟⲩⲛ ϩⲁⲣⲟⲥ ⲛ̀ϫⲉⲓⲁⲕⲱⲃ ⲟⲩⲟϩ ⲁⲥⲉⲣⲃⲟⲕⲓ ⲛ̀ϫⲉⲍⲉⲗⲫⲁ ⲑ̀ⲃⲱⲕⲓ ⲛ̀ⲗⲓⲁ ⲟⲩⲟϩ ⲁⲥⲙⲉⲥ ⲟⲩϣⲏⲣⲓ ⲛ̀ⲓⲁⲕⲱⲃ	ⲁϥϣⲉⲛⲁϥ ⲇⲉ ⲉ̀ϧⲟⲩⲛ ϩⲁⲣⲟⲥ ⲛ̀ϫⲉ ⲓⲁⲕⲱⲃ ⲟⲩⲟϩ ⲁⲥⲉⲣⲃⲟⲕⲓ ⲛ̀ϫⲉ ⲍⲉⲗⲫⲁ ⲑ̀ⲃⲱⲕⲓ ⲛ̀ⲗⲓⲁ ⲟⲩⲟϩ ⲁⲥⲙⲉⲥ ⲟⲩϣⲏⲣⲓ ⲛ̀ⲓⲁⲕⲱⲃ	afṡenaf ḋe èxoun haros ǹje iakōb ouoh aservoki ǹje zelfa θ̀vōki ǹlia ouoh asmes ouṡyri ǹiakōb	And Zelpha the maid of Lea conceived, and bore Jacob a son.
30:11	ⲟⲩⲟϩ ⲡⲉϫⲉ ⲗⲓⲁ ϧⲉⲛⲟⲩϯⲙⲁϯ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲅⲁⲇ	ⲟⲩⲟϩ ⲡⲉϫⲉ ⲗⲓⲁ ϧⲉⲛ ⲟⲩϯⲙⲁϯ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲅⲁⲇ	ouoh peje lia xen outimati ouoh astiren pefran je ġad	And Lea said, happily: and she called his name, Gad.
30:12	ⲟⲩⲟϩ ⲁⲥⲉⲣⲃⲟⲕⲓ ⲟⲛ ⲛ̀ϫⲉⲍⲉⲗⲫⲁ ⲑ̀ⲃⲱⲕⲓ ⲛ̀ⲗⲓⲁ ⲟⲩⲟϩ ⲁⲥⲙⲓⲥⲓ ⲉ̀ⲧⲓ ⲛ̀ⲟⲩϣⲏⲣⲓ ⲙ̀ⲙⲁϩ ⲃ̅ ⲛ̀ⲓⲁⲕⲱⲃ	ⲟⲩⲟϩ ⲁⲥⲉⲣⲃⲟⲕⲓ ⲟⲛ ⲛ̀ϫⲉ ⲍⲉⲗⲫⲁ ⲑ̀ⲃⲱⲕⲓ ⲛ̀ⲗⲓⲁ ⲟⲩⲟϩ ⲁⲥⲙⲓⲥⲓ ⲉ̀ⲧⲓ ⲛ̀ⲟⲩϣⲏⲣⲓ ⲛ̀ⲙⲁϩ 2 ⲛ̀ⲓⲁⲕⲱⲃ	ouoh aservoki on ǹje zelfa θ̀vōki ǹlia ouoh asmisi èti ǹouṡyri ǹmah 2 ǹiakōb	And Zelpha the maid of Lea conceived yet again, and bore Jacob a second son.
30:13	ⲟⲩⲟϩ ⲡⲉϫⲉ ⲗⲓⲁ ϫⲉⲱⲟⲩⲛⲓⲁⲧ ⲁ̀ⲛⲟⲕ ϫⲉⲥⲉⲛⲁϯⲱⲟⲩ ⲙ̀ⲃⲁⲗ ⲛⲏⲓ ⲛ̀ϫⲉⲛⲓϩⲓⲟⲙⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲁⲥⲥⲏⲣ ϫⲉⲟⲩⲙⲉⲑⲣⲁⲙⲁⲟ	ⲟⲩⲟϩ ⲡⲉϫⲉ ⲗⲓⲁ ϫⲉ ⲱⲟⲩⲛⲓⲁⲧ ⲁ̀ⲛⲟⲕ ϫⲉ ⲥⲉⲛⲁϯⲱ̀ⲟⲩ ⲛ̀ⲃⲁⲗ ⲛⲏⲓ ⲛ̀ϫⲉ ⲛⲓϩⲓⲟⲙⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲁⲥⲥⲏⲣ ϫⲉ ⲟⲩⲙⲉⲧⲣⲁⲙⲁⲟ	ouoh peje lia je ōouniat ànok je senatiṑou ǹval nyi ǹje nihiomi ouoh astiren pefran je assyr je oumetramao	And Lea said, I am blessed, for the women will pronounce me blessed; and she called his name, Aser.
30:14	ⲁϥϣⲉⲛⲁϥ ⲛ̀ϫⲉⲣⲟⲩⲃⲏⲛ ϧⲉⲛⲛⲓⲉ̀ϩⲟⲟⲩ ⲛ̀ⲧⲉⲡ̀ⲱⲥϧ ⲥⲟⲩⲟ ⲟⲩⲟϩ ⲁϥϫⲓⲙⲓ ⲛ̀ϩⲁⲛϫⲉⲙⲫⲉϩ ⲙ̀ⲙⲁⲛⲇⲣⲁⲅⲟⲣⲁ ϧⲉⲛⲧ̀ⲕⲟⲓ ⲟⲩⲟϩ ⲁϥⲉⲛⲟⲩ ⲛ̀ⲗⲓⲁ ⲧⲉϥⲙⲁⲩ ⲡⲉϫⲉ ⲣⲁⲭⲏⲗ ⲇⲉ ⲛ̀ⲗⲓⲁ ϫⲉⲙⲟⲓ ⲛⲏⲓ ϩⲟ ⲉ̀ⲃⲟⲗ ϧⲉⲛⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉⲡⲉϣⲏⲣⲓ	ⲁϥϣⲉⲛⲁϥ ⲛ̀ϫⲉ ⲣⲟⲩⲃⲏⲛ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ ⲡ̀ⲱⲥϧ ⲥⲟⲩⲟ ⲟⲩⲟϩ ⲁϥϫⲓⲙⲓ ⲛ̀ϩⲁⲛϫⲉⲙⲫⲉϩ ⲛ̀ⲙⲁⲛⲇⲣⲁⲅⲟⲣⲁ ϧⲉⲛ ⲧ̀ⲕⲟⲓ ⲟⲩⲟϩ ⲁϥⲉⲛⲟⲩ ⲛ̀ⲗⲓⲁ ⲧⲉϥⲙⲁⲩ ⲡⲉϫⲉ ⲣⲁⲭⲏⲗ ⲇⲉ ⲛ̀ⲗⲓⲁ ϫⲉ ⲙⲟⲓ ⲛⲏⲓ ϩⲟ ⲉ̀ⲃⲟⲗ ϧⲉⲛ ⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉ ⲡⲉϣⲏⲣⲓ	afṡenaf ǹje rouvyn xen nièhoou ǹte p̀ōsx souo ouoh afjimi ǹhanjemfeh ǹmanḋraġora xen t̀koi ouoh afenou ǹlia tefmav peje rakyl ḋe ǹlia je moi nyi ho èvol xen nijemfeh ǹnoutem ǹte peṡyri	And Ruben went in the day of barley-harvest, and found apples of mandrakes in the field, and brought them to his mother Lea; and Rachel said to Lea her sister, Give me of thy son's mandrakes.
30:15	ⲡⲉϫⲉ ⲗⲓⲁ ⲇⲉ ϫⲉⲕⲏⲛ ⲁⲛ ϫⲉⲁⲣⲉ̀ⲱⲗⲓ ⲙ̀ⲡⲁϩⲁⲓ ⲙⲏ ⲧⲉⲣⲁⲱⲗⲓ ⲟⲛ ⲛ̀ⲛⲓⲕⲉϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉⲡⲁϣⲏⲣⲓ ⲡⲉϫⲉ ⲣⲁⲭⲏⲗ ⲇⲉ ϫⲉⲡⲁⲓⲣⲏϯ ⲁⲛ ⲙⲁⲣⲉϥⲛ̀ⲕⲟⲧ ⲛⲉⲙⲉ̀ⲙ̀ⲡⲁⲓⲉ̀ϫⲱⲣϩ ⲛ̀ⲧ̀ϣⲉⲃⲓⲱ ⲛ̀ⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉⲡⲁϣⲏⲣⲓ	ⲡⲉϫⲉ ⲗⲓⲁ ⲇⲉ ϫⲉ ⲕⲏⲛ ⲁⲛ ϫⲉ ⲁⲣⲉ̀ⲱ̀ⲗⲓ ⲛ̀ⲡⲁϩⲁⲓ ⲙⲏ ⲧⲉⲣⲁⲱⲗⲓ ⲟⲛ ⲛ̀ⲛⲓⲕⲉϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉ ⲡⲁϣⲏⲣⲓ ⲡⲉϫⲉ ⲣⲁⲭⲏⲗ ⲇⲉ ϫⲉ ⲡⲁⲓⲣⲏϯ ⲁⲛ ⲙⲁⲣⲉϥⲛ̀ⲕⲟⲧ ⲛⲉⲙ ⲉ̀ⲙ̀ⲡⲁⲓⲉ̀ϫⲱⲣϩ ⲛ̀ⲧ̀ϣⲉⲃⲓⲱ ⲛ̀ⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉ ⲡⲁϣⲏⲣⲓ	peje lia ḋe je kyn an je arèṑli ǹpahai my teraōli on ǹnikejemfeh ǹnoutem ǹte paṡyri peje rakyl ḋe je pairyti an marefǹkot nem èm̀paiègōrh ǹt̀ṡeviō ǹnijemfeh ǹnoutem ǹte paṡyri	And Lea said, not enough for thee that thou hast taken my husband, wilt thou also take my son's mandrakes? And Rachel said, Not so: let him lie with thee to-night for thy son's mandrakes.
30:16	ⲁϥⲓ̀ ⲇⲉ ⲛ̀ϫⲉⲓⲁⲕⲱⲃ ⲉ̀ϩ̀ⲣⲏⲓ ϧⲉⲛⲧ̀ⲕⲟⲓ ⲛ̀ⲣⲟⲩϩⲓ ⲟⲩⲟϩ ⲁⲥⲓ̀ ⲛ̀ϫⲉⲗⲓⲁ ⲉ̀ⲃⲟⲗ ⲉ̀ϩ̀ⲣⲁϥ ⲟⲩⲟϩ ⲡⲉϫⲁⲥ ϫⲉⲁⲕⲛⲏⲟⲩ ⲉ̀ϧⲟⲩⲛ ϩⲁⲣⲟⲓ ⲙ̀ⲫⲟⲟⲩ ⲁⲓϯ ⲅⲁⲣ ⲙ̀ⲡⲉⲕⲃⲉⲭⲉ ⲛ̀ⲧ̀ϣⲉⲃⲓⲱ ⲛ̀ⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉⲡⲁϣⲏⲣⲓ ⲟⲩⲟϩ ⲁϥⲛ̀ⲕⲟⲧ ⲛⲉⲙⲁⲥ ⲙ̀ⲡⲓⲉ̀ϫⲱⲣϩ ⲉ̀ⲧⲉⲙ̀ⲙⲁⲩ	ⲁϥⲓ̀ ⲇⲉ ⲛ̀ϫⲉ ⲓⲁⲕⲱⲃ ⲉ̀ϩ̀ⲣⲏⲓ ϧⲉⲛ ⲧ̀ⲕⲟⲓ ⲛ̀ⲣⲟⲩϩⲓ ⲟⲩⲟϩ ⲁⲥⲓ̀ ⲛ̀ϫⲉ ⲗⲓⲁ ⲉ̀ⲃⲟⲗ ⲉ̀ϩ̀ⲣⲁϥ ⲟⲩⲟϩ ⲡⲉϫⲁⲥ ϫⲉ ⲁⲭⲛⲏⲟⲩ ⲉ̀ϧⲟⲩⲛ ϩⲁⲣⲟⲓ ⲛ̀ⲫⲟⲟⲩ ⲁⲓϯ ⲅⲁⲣ ⲛ̀ⲡⲉⲕⲃⲉⲭⲉ ⲛ̀ⲧ̀ϣⲉⲃⲓⲱ ⲛ̀ⲛⲓϫⲉⲙⲫⲉϩ ⲛ̀ⲛⲟⲩⲧⲉⲙ ⲛ̀ⲧⲉ ⲡⲁϣⲏⲣⲓ ⲟⲩⲟϩ ⲁϥⲛ̀ⲕⲟⲧ ⲛⲉⲙⲁⲥ ⲛ̀ⲡⲓⲉ̀ϫⲱⲣϩ ⲉ̀ⲧⲉ ⲙ̀ⲙⲁⲩ	afì ḋe ǹje iakōb èh̀ryi xen t̀koi ǹrouhi ouoh asì ǹje lia èvol èh̀raf ouoh pegas je aknyou èxoun haroi ǹfoou aiti ġar ǹpekveke ǹt̀ṡeviō ǹnijemfeh ǹnoutem ǹte paṡyri ouoh afǹkot nemas ǹpiègōrh ète m̀mav	And Jacob came in out of the field at even; and Lea went forth to meet him, and said, Thou shalt come in to me this day, for I have hired thee for my son's mandrakes; and he lay with her that night.
30:17	ⲟⲩⲟϩ ⲁ̀ ⲫⲛⲟⲩϯ ⲥⲱⲧⲉⲙ ⲉ̀ⲗⲓⲁ ⲟⲩⲟϩ ⲁⲥⲉⲣⲃⲟⲕⲓ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲙ̀ⲙⲁϩ ⲉ̅ⲛ̀ⲓⲁⲕⲱⲃ	ⲟⲩⲟϩ ⲁ̀ ⲫ̀ⲛⲟⲩϯ ⲥⲱⲧⲉⲙ ⲉ̀ⲗⲓⲁ ⲟⲩⲟϩ ⲁⲥⲉⲣⲃⲟⲕⲓ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲙⲁϩ ⲉ̅ⲛ̀ⲓⲁⲕⲱⲃ	ouoh à f̀nouti sōtem èlia ouoh aservoki asmisi ǹouṡyri ǹmah eǹiakōb	And God hearkened to Lea, and she conceived, and bore Jacob a fifth son.
30:18	ⲟⲩⲟϩ ⲡⲉϫⲉ ⲗⲓⲁ ϫⲉⲁ̀ ⲫⲛⲟⲩϯ ϯ ⲙ̀ⲡⲁⲃⲉⲭⲉ ⲛⲏⲓ ⲉ̀ⲫ̀ⲙⲁ ϫⲉⲁⲓϯ ⲛ̀ⲧⲁⲃⲱⲕⲓ ⲙ̀ⲡⲁϩⲁⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲓⲥⲁⲭⲁⲣ ϫⲉⲫ̀ⲃⲉⲭⲉ	ⲟⲩⲟϩ ⲡⲉϫⲉ ⲗⲓⲁ ϫⲉ ⲁ̀ ⲫ̀ⲛⲟⲩϯ ϯ ⲛ̀ⲡⲁⲃⲉⲭⲉ ⲛⲏⲓ ⲉ̀ⲫ̀ⲙⲁ ϫⲉ ⲁⲓϯ ⲛ̀ⲧⲁⲃⲱⲕⲓ ⲛ̀ⲡⲁϩⲁⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲓⲥⲁⲭⲁⲣ ϫⲉ ⲫ̀ⲃⲉⲭⲉ	ouoh peje lia je à f̀nouti ti ǹpaveke nyi èf̀ma je aiti ǹtavōki ǹpahai ouoh astiren pefran je isakar je f̀veke	And Lea said, God has given me my reward, because I gave my maid to my husband; and she called his name Issachar, which is, Reward.
30:19	ⲟⲩⲟϩ ⲁⲥⲉⲣⲃⲱⲕⲓ ⲉ̀ⲧⲓ ⲛ̀ϫⲉⲗⲓⲁ ⲁⲥⲙⲓⲥⲓ ⲙ̀ⲡⲓϣⲏⲣⲓ ⲙ̀ⲙⲁϩ ⲋ̅ ⲛ̀ⲓⲁⲕⲱⲃ	ⲟⲩⲟϩ ⲁⲥⲉⲣⲃⲱⲕⲓ ⲉ̀ⲧⲓ ⲛ̀ϫⲉ ⲗⲓⲁ ⲁⲥⲙⲓⲥⲓ ⲛ̀ⲡ̀ϣⲏⲣⲓ ⲛ̀ⲙⲁϩ 6 ⲛ̀ⲓⲁⲕⲱⲃ	ouoh aservōki èti ǹje lia asmisi ǹp̀ṡyri ǹmah 6 ǹiakōb	And Lea conceived again, and bore Jacob a sixth son.
30:20	ⲟⲩⲟϩ ⲡⲉϫⲉ ⲗⲓⲁ ⲇⲉ ϫⲉⲁ̀ ⲫⲛⲟⲩϯ ϯ ⲛⲏⲓ ⲛ̀ⲟⲩⲧⲁⲓⲟ ⲉ̀ⲛⲁⲛⲉϥ ⲛ̀ϧ̀ⲣⲏⲓ ϧⲉⲛⲡⲁⲓⲥⲏⲟⲩ ⲛ̀ⲧⲉϯⲛⲟⲩ ⲉϥⲉ̀ⲙⲉⲛⲣⲓⲧ ⲛ̀ϫⲉⲡⲁϩⲁⲓ ⲁⲓⲙⲓⲥⲓ ⲅⲁⲣ ⲛⲁϥ ⲛⲋ̅ ⲛ̀ϣⲏⲣⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲍⲁⲃⲟⲩⲗⲱⲛ	ⲟⲩⲟϩ ⲡⲉϫⲉ ⲗⲓⲁ ⲇⲉ ϫⲉ ⲁ̀ ⲫ̀ⲛⲟⲩϯ ϯ ⲛⲏⲓ ⲛ̀ⲟⲩⲧⲁⲓⲟ ⲉ̀ⲛⲁⲛⲉϥ ⲛ̀ϧ̀ⲣⲏⲓ ϧⲉⲛ ⲡⲁⲓⲥⲏⲟⲩ ⲛ̀ⲧⲉ ϯⲛⲟⲩ ⲉϥⲉ̀ⲙⲉⲛⲣⲓⲧ ⲛ̀ϫⲉ ⲡⲁϩⲁⲓ ⲁⲓⲙⲓⲥⲓ ⲅⲁⲣ ⲛⲁϥ ⲛ̀ⲥⲟⲟⲩ ⲛ̀ϣⲏⲣⲓ ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲍⲁⲃⲟⲩⲗⲱⲛ	ouoh peje lia ḋe je à f̀nouti ti nyi ǹoutaio ènanef ǹx̀ryi xen paisyou ǹte tinou efèmenrit ǹje pahai aimisi ġar naf ǹsoou ǹṡyri ouoh astiren pefran je zavoulōn	And Lea said, God has given me a good gift in this time; my husband will choose me, for I have born him six sons: and she called his name, Zabulon.
30:21	ⲟⲩⲟϩ ⲙⲉⲛⲉⲛⲥⲁⲛⲁⲓ ⲁⲥⲙⲓⲥⲓ ⲛ̀ⲟⲩϣⲉⲣⲓ ⲁⲥϯⲣⲉⲛ ⲡⲉⲥⲣⲁⲛ ϫⲉⲇⲓⲛⲁ	ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁⲥⲙⲓⲥⲓ ⲛ̀ⲟⲩϣⲉⲣⲓ ⲁⲥϯⲣⲉⲛ ⲡⲉⲥⲣⲁⲛ ϫⲉ ⲇⲓⲛⲁ	ouoh menensa nai asmisi ǹouṡeri astiren pesran je ḋina	And after this she bore a daughter; and she called her name, Dina.
30:22	ⲁ̀ ⲫⲛⲟⲩϯ ⲇⲉ ⲉⲣⲫ̀ⲙⲉⲩⲓ ⲛ̀ⲣⲁⲭⲏⲗ ⲟⲩⲟϩ ⲁϥⲥⲱⲧⲉⲙ ⲉ̀ⲣⲟⲥ ⲛ̀ϫⲉⲫⲛⲟⲩϯ ⲟⲩⲟϩ ⲁϥⲟⲩⲱⲛ ⲛ̀ⲧⲉⲥⲟϯ	ⲁ̀ ⲫ̀ⲛⲟⲩϯ ⲇⲉ ⲉⲣⲫ̀ⲙⲉⲩⲓ ⲛ̀ⲣⲁⲭⲏⲗ ⲟⲩⲟϩ ⲁϥⲥⲱⲧⲉⲙ ⲉ̀ⲣⲟⲥ ⲛ̀ϫⲉ ⲫ̀ⲛⲟⲩϯ ⲟⲩⲟϩ ⲁϥⲟⲩⲱⲛ ⲛ̀ⲧⲉⲥⲟϯ	à f̀nouti ḋe erf̀mevi ǹrakyl ouoh afsōtem èros ǹje f̀nouti ouoh afouōn ǹtesoti	And God remembered Rachel, and God hearkened to her, and he opened her womb.
30:23	ⲟⲩⲟϩ ⲁⲥⲉⲣⲃⲟⲕⲓ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲓⲁⲕⲱⲃ ⲡⲉϫⲉ ⲣⲁⲭⲏⲗ ⲇⲉ ϫⲉⲁ̀ ⲫⲛⲟⲩϯ ⲱⲗⲓ ⲙ̀ⲡⲁϣⲓⲡⲓ	ⲟⲩⲟϩ ⲁⲥⲉⲣⲃⲟⲕⲓ ⲁⲥⲙⲓⲥⲓ ⲛ̀ⲟⲩϣⲏⲣⲓ ⲛ̀ⲓⲁⲕⲱⲃ ⲡⲉϫⲉ ⲣⲁⲭⲏⲗ ⲇⲉ ϫⲉ ⲁ̀ ⲫ̀ⲛⲟⲩϯ ⲱ̀ⲗⲓ ⲛ̀ⲡⲁϣⲓⲡⲓ	ouoh aservoki asmisi ǹouṡyri ǹiakōb peje rakyl ḋe je à f̀nouti ṑli ǹpaṡipi	And she conceived, and bore Jacob a son; and Rachel said, God has taken away my reproach.
30:24	ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉⲓⲱⲥⲏⲫ ⲉⲥϫⲱ ⲙ̀ⲙⲟⲥ ϫⲉⲙⲁⲣⲉ ⲫⲛⲟⲩϯ ϯ ⲙ̀ⲡⲓϣⲏⲣⲓ ⲙ̀ⲙⲁϩ ⲃ̅ ⲛⲏⲓ	ⲟⲩⲟϩ ⲁⲥϯⲣⲉⲛ ⲡⲉϥⲣⲁⲛ ϫⲉ ⲓⲱⲥⲏⲫ ⲉⲥϫⲱ ⲙ̀ⲙⲟⲥ ϫⲉ ⲙⲁⲣⲉ ⲫ̀ⲛⲟⲩϯ ϯ ⲛ̀ⲡ̀ϣⲏⲣⲓ ⲛ̀ⲙⲁϩ 2 ⲛⲏⲓ	ouoh astiren pefran je iōsyf esgō m̀mos je mare f̀nouti ti ǹp̀ṡyri ǹmah 2 nyi	And she called his name Joseph, saying, Let God add to me another son.
30:25	ⲁⲥϣⲱⲡⲓ ⲇⲉ ⲉ̀ⲧⲁ ⲣⲁⲭⲏⲗ ⲙⲉⲥ ⲓⲱⲥⲏⲫ ⲡⲉϫⲉ ⲓⲁⲕⲱⲃ ⲛ̀ⲗⲁⲃⲁⲛ ϫⲉⲟⲩⲟⲣⲡⲧ ϩⲓⲛⲁ ⲛ̀ⲧⲁϣⲉⲛⲏⲓ ⲉ̀ⲡⲁⲙⲁ ⲛⲉⲙⲉ̀ⲡⲁⲕⲁϩⲓ	ⲁⲥϣⲱⲡⲓ ⲇⲉ ⲉ̀ⲧⲁ ⲣⲁⲭⲏⲗ ⲙⲉⲥ ⲓⲱⲥⲏⲫ ⲡⲉϫⲉ ⲓⲁⲕⲱⲃ ⲛ̀ⲗⲁⲃⲁⲛ ϫⲉ ⲟⲩⲟⲣⲡⲧ ϩⲓⲛⲁ ⲛ̀ⲧⲁϣⲉⲛⲏⲓ ⲉ̀ⲡⲁⲙⲁ ⲛⲉⲙ ⲉ̀ⲡⲁⲕⲁϩⲓ	asṡōpi ḋe èta rakyl mes iōsyf peje iakōb ǹlaban je ouorpt hina ǹtaṡenyi èpama nem èpakahi	And it came to pass when Rachel had born Joseph, Jacob said to Laban, Send me away, that I may go to my place and to my land.
30:26	ⲙⲁ ⲛⲁϩⲓⲟⲙⲓ ⲛⲏⲓ ⲛⲉⲙⲛⲁⲁ̀ⲗⲱⲟⲩⲓ̀ ⲛⲏ ⲉ̀ⲧⲁⲓⲉⲣⲃⲱⲕ ⲛⲁⲕ ⲉⲑⲃⲏⲧⲟⲩ ϩⲓⲛⲁ ⲛ̀ⲧⲁϣⲉⲛⲏⲓ ⲛ̀ⲑⲟⲕ ⲅⲁⲣ ⲉⲧⲥⲱⲟⲩⲛ ⲛ̀ϯⲙⲉⲧⲃⲱⲕ ⲉ̀ⲧⲁⲓⲁⲓⲥ ⲛⲉⲙⲁⲕ ϫⲉⲟⲩⲏⲣ ⲛⲉ ⲛⲉⲕⲧⲉⲃⲛⲱⲟⲩⲓ ⲉ̀ⲙⲁⲩ ⲛⲉⲙⲏⲓ	ⲙⲁ ⲛⲁϩⲓⲟⲙⲓ ⲛⲏⲓ ⲛⲉⲙ ⲛⲁⲁ̀ⲗⲱⲟⲩⲓ̀ ⲛⲏ ⲉ̀ⲧⲁⲓⲉⲣⲃⲱⲕ ⲛⲁⲕ ⲉⲑⲃⲏⲧⲟⲩ ϩⲓⲛⲁ ⲛ̀ⲧⲁϣⲉⲛⲏⲓ ⲛ̀ⲑⲟⲕ ⲅⲁⲣ ⲉⲧⲥⲱⲟⲩⲛ ⲛ̀ϯⲙⲉⲧⲃⲱⲕ ⲉ̀ⲧⲁⲓⲁⲓⲥ ⲛⲉⲙⲁⲕ ϫⲉ ⲟⲩⲏⲣ ⲛⲉ ⲛⲉⲕⲧⲉⲃⲛⲱⲟⲩⲓ̀ ⲉ̀ⲙⲁⲩ ⲛⲉⲙⲏⲓ	ma nahiomi nyi nem naàlōouì ny ètaiervōk nak eθvytou hina ǹtaṡenyi ǹθok ġar etsōoun ǹtimetvōk ètaiais nemak je ouyr ne nektevnōouì èmav nemyi	Restore my wives and my children, for whom I have served thee, that I may depart, for thou knowest the service wherewith I have served thee.
30:27	ⲡⲉϫⲉ ⲗⲁⲃⲁⲛ ⲇⲉ ⲛⲁϥ ϫⲉⲓⲥϫⲉ ⲁⲓϫⲉⲙ ⲟⲩϩ̀ⲙⲟⲧ ⲙ̀ⲡⲉⲕⲙ̀ⲑⲟ ⲁⲓϭⲓϣⲏⲙ ⲅⲁⲣ ⲁ̀ ⲫⲛⲟⲩϯ ⲥ̀ⲙⲟⲩ ⲉ̀ⲣⲟⲓ ϧⲉⲛⲛⲉⲕⲙⲱⲓⲧ ⲉ̀ϧⲟⲩⲛ	ⲡⲉϫⲉ ⲗⲁⲃⲁⲛ ⲇⲉ ⲛⲁϥ ϫⲉ ⲓⲥϫⲉ ⲁⲓϫⲉⲙ ⲟⲩϩ̀ⲙⲟⲧ ⲛ̀ⲡⲉⲕⲙ̀ⲑⲟ ⲁⲓϭⲓϣⲏⲙ ⲅⲁⲣ ⲁ̀ ⲫ̀ⲛⲟⲩϯ ⲥ̀ⲙⲟⲩ ⲉ̀ⲣⲟⲓ ϧⲉⲛ ⲛⲉⲕⲙⲱⲓⲧ ⲉ̀ϧⲟⲩⲛ	peje laban ḋe naf je isje aijem ouh̀mot ǹpekm̀θo aiċiṡym ġar à f̀nouti s̀mou èroi xen nekmōit èxoun	And Laban said to him, If I have found grace in thy sight, I would augur , for the Lord has blessed me at thy coming in.
30:28	ⲫⲱⲣϫ ⲙ̀ⲡⲉⲕⲃⲉⲭⲉ ⲛⲏⲓ ⲉ̀ⲃⲟⲗ ⲛ̀ⲧⲁⲧⲏⲓϥ ⲛⲁⲕ	ⲫⲱⲣϫ ⲛ̀ⲡⲉⲕⲃⲉⲭⲉ ⲛⲏⲓ ⲉ̀ⲃⲟⲗ ⲛ̀ⲧⲁⲧⲏⲓϥ ⲛⲁⲕ	fōrg ǹpekveke nyi èvol ǹtatyif nak	Appoint me thy wages, and I will give .
30:29	ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉⲛ̀ⲑⲟⲕ ⲉⲧⲥⲱⲟⲩⲛ ⲛ̀ϯⲙⲉⲧⲃⲱⲕ ⲉ̀ⲧⲁⲓⲁⲓⲥ ⲛⲉⲙⲁⲕ ⲟⲩⲟϩ ⲛⲉⲕⲧⲉⲃⲛⲱⲟⲩⲓ̀ ⲧⲏⲣⲟⲩ ⲉⲩⲭⲏ ⲛⲉⲙⲏⲓ ⲟⲩⲏⲣ ⲛⲉ	ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉ ⲛ̀ⲑⲟⲕ ⲉⲧⲥⲱⲟⲩⲛ ⲛ̀ϯⲙⲉⲧⲃⲱⲕ ⲉ̀ⲧⲁⲓⲁⲓⲥ ⲛⲉⲙⲁⲕ ⲟⲩⲟϩ ⲛⲉⲕⲧⲉⲃⲛⲱⲟⲩⲓ̀ ⲧⲏⲣⲟⲩ ⲉⲩⲭⲏ ⲛⲉⲙⲏⲓ ⲟⲩⲏⲣ ⲛⲉ	peje iakōb ḋe naf je ǹθok etsōoun ǹtimetvōk ètaiais nemak ouoh nektevnōouì tyrou evṡy nemyi ouyr ne	And Jacob said, Thou knowest in what things I have served thee, and how many cattle of thine are with me.
30:30	ϩⲁⲛⲕⲟⲩϫⲓ ⲅⲁⲣ ⲛⲉ ⲛⲏ ⲉⲛⲁⲩ ⲛ̀ⲧⲁⲕ ⲙ̀ⲡⲁⲙ̀ⲑⲟ ⲟⲩⲟϩ ⲁⲩⲁⲓⲁⲓ ⲁⲩⲉⲣⲟⲩⲙⲏϣ ⲟⲩⲟϩ ⲁ̀ ⲫⲛⲟⲩϯ ⲥ̀ⲙⲟⲩ ⲉ̀ⲣⲟⲕ ϧⲉⲛⲡⲁϫⲓⲛⲓ̀ ⲉ̀ϧⲟⲩⲛ ϩⲁⲣⲟⲕ ϯⲛⲟⲩ ϫⲉⲁⲓⲛⲁⲑⲁⲙⲓⲟ ⲛⲏⲓ ϩⲱ ⲛ̀ⲟⲩⲏⲓ ⲛ̀ⲑ̀ⲛⲁⲩ	ϩⲁⲛⲕⲟⲩϫⲓ ⲅⲁⲣ ⲛⲉ ⲛⲏ ⲉⲛⲁⲩ ⲛ̀ⲧⲁⲕ ⲛ̀ⲡⲁⲙ̀ⲑⲟ ⲟⲩⲟϩ ⲁⲩⲁⲓⲁⲓ ⲁⲩⲉⲣⲟⲩⲙⲏϣ ⲟⲩⲟϩ ⲁ̀ ⲫ̀ⲛⲟⲩϯ ⲥ̀ⲙⲟⲩ ⲉ̀ⲣⲟⲕ ϧⲉⲛ ⲡⲁϫⲓⲛⲓ̀ ⲉ̀ϧⲟⲩⲛ ϩⲁⲣⲟⲕ ϯⲛⲟⲩ ϫⲉ ⲁⲓⲛⲁⲑⲁⲙⲓⲟ ⲛⲏⲓ ϩⲱ ⲛ̀ⲟⲩⲏⲓ ⲛ̀ⲧⲉ ⲑ̀ⲛⲁⲩ	hankouji ġar ne ny enav ǹtak ǹpam̀θo ouoh avaiai averoumyṡ ouoh à f̀nouti s̀mou èrok xen pajinì èxoun harok tinou je ainaθamio nyi hō ǹouyi ǹte θ̀nav	For it was little thou hadst before my time, and it is increased to a multitude, and the Lord God has blessed thee since my coming; now then, when shall I set up also my own house?
30:31	ⲡⲉϫⲉ ⲗⲁⲃⲁⲛ ⲛⲁϥ ϫⲉⲟⲩⲡⲉ ϯⲛⲁⲧⲏⲓϥ ⲛⲁⲕ ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉⲛ̀ⲛⲉⲕϯ ϩ̀ⲗⲓ ⲛⲏⲓ ⲉ̀ϣⲱⲡ ⲁⲕϣⲁⲛⲉⲣ ⲡⲁⲓⲥⲁϫⲓ ⲡⲁⲗⲓⲛ ⲉⲓⲉ̀ⲙⲟⲛⲓ ⲛ̀ⲛⲉⲕⲉ̀ⲥⲱⲟⲩ ⲟⲩⲟϩ ⲉⲓⲉ̀ⲁ̀ⲣⲉϩ ⲉ̀ⲣⲱⲟⲩ	ⲡⲉϫⲉ ⲗⲁⲃⲁⲛ ⲛⲁϥ ϫⲉ ⲟⲩ ⲡⲉ ϯⲛⲁⲧⲏⲓϥ ⲛⲁⲕ ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉ ⲛ̀ⲛⲉⲕϯ ϩ̀ⲗⲓ ⲛⲏⲓ ⲉ̀ϣⲱⲡ ⲁⲕϣⲁⲛⲉⲣ ⲡⲁⲓⲥⲁϫⲓ ⲡⲁⲗⲓⲛ ⲉⲓⲉ̀ⲙⲟⲛⲓ ⲛ̀ⲛⲉⲕⲉ̀ⲥⲱⲟⲩ ⲟⲩⲟϩ ⲉⲓⲉ̀ⲁ̀ⲣⲉϩ ⲉ̀ⲣⲱⲟⲩ	peje laban naf je ou pe tinatyif nak peje iakōb ḋe naf je ǹnekti h̀li nyi èṡōp akṡaner paisaji palin eièmoni ǹnekèsōou ouoh eièàreh èrōou	And Laban said to him, What shall I give thee? and Jacob said to him, Thou shalt not give me anything; if thou wilt do this thing for me, I will again tend thy flocks and keep them.
30:32	ⲙⲁⲣⲟⲩⲥⲓⲛⲓ ⲛ̀ϫⲉⲛⲉⲕⲉ̀ⲥⲱⲟⲩ ⲧⲏⲣⲟⲩ ⲙ̀ⲡⲉⲕⲙ̀ⲑⲟ ⲙ̀ⲫⲟⲟⲩ ⲟⲩⲟϩ ⲫⲱⲣϫ ⲙ̀ⲙⲁⲩ ⲛ̀ⲉ̀ⲥⲱⲟⲩ ⲛⲓⲃⲉⲛ ⲛ̀ⲁ̀ⲟⲩⲁⲛ ϧⲉⲛⲛⲓϩⲓⲏⲃ ⲛⲉⲙⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙⲛⲏ ⲉⲑⲛⲟϫϧ ⲛ̀ϧ̀ⲣⲏⲓ ϧⲉⲛⲛⲓⲃⲁⲉⲙⲡⲓ ⲛⲉⲙⲛⲓⲟⲩⲱⲃϣ ⲉⲩⲉ̀ϣⲱⲡⲓ ⲛⲏⲓ ⲙ̀ⲃⲉⲭⲉ	ⲙⲁⲣⲟⲩⲥⲓⲛⲓ ⲛ̀ϫⲉ ⲛⲉⲕⲉ̀ⲥⲱⲟⲩ ⲧⲏⲣⲟⲩ ⲛ̀ⲡⲉⲕⲙ̀ⲑⲟ ⲛ̀ⲫⲟⲟⲩ ⲟⲩⲟϩ ⲫⲱⲣϫ ⲙ̀ⲙⲁⲩ ⲛ̀ⲉ̀ⲥⲱⲟⲩ ⲛⲓⲃⲉⲛ ⲛ̀ⲁ̀ⲟⲩⲁⲛ ϧⲉⲛ ⲛⲓϩⲓⲏⲃ ⲛⲉⲙ ⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ⲛⲏ ⲉⲑⲛⲟϫϧ ⲛ̀ϧ̀ⲣⲏⲓ ϧⲉⲛ ⲛⲓⲃⲁⲉⲙⲡⲓ ⲛⲉⲙ ⲛⲓⲟⲩⲱⲃϣ ⲉⲩⲉ̀ϣⲱⲡⲓ ⲛⲏⲓ ⲛ̀ⲃⲉⲭⲉ	marousini ǹje nekèsōou tyrou ǹpekm̀θo ǹfoou ouoh fōrg m̀mav ǹèsōou niven ǹàouan xen nihiyb nem niàouìàouan nem ny eθnogx ǹx̀ryi xen nivaempi nem niouōvṡ evèṡōpi nyi ǹveke	Let all thy sheep pass by to-day, and separate thence every grey sheep among the rams, and every one that is speckled and spotted among the goats shall be my reward.
30:33	ⲟⲩⲟϩ ⲉⲥⲉ̀ⲥⲱⲧⲉⲙ ⲛⲏⲓ ⲛ̀ϫⲉⲧⲁⲙⲉⲑⲙⲏⲓ ⲛ̀ϧ̀ⲣⲏⲓ ϧⲉⲛⲡⲓⲉ̀ϩⲟⲟⲩ ⲛ̀ⲧⲉⲣⲁⲥϯ ϫⲉⲡⲁⲃⲉⲭⲉ ⲙ̀ⲡⲉⲕⲙ̀ⲑⲟ ⲛⲏ ⲧⲏⲣⲟⲩ ⲉ̀ⲧⲉⲛ̀ⲥⲉⲛⲟϫϧ ⲁⲛ ⲛⲉⲙⲛⲓⲑⲟⲓⲑⲟⲓ ϧⲉⲛⲛⲓⲃⲁⲉⲙⲡⲓ ⲛⲉⲙⲛⲓⲁ̀ⲟⲩⲓ̀ⲁ̀ⲟⲩⲁⲛ ϧⲉⲛⲛⲓϩⲓⲏⲃ ⲉⲩⲉ̀ϣⲱⲡⲓ ⲉⲩⲕⲟⲗⲡ ⲛ̀ⲧⲟⲧⲡⲉϫⲉ	ⲟⲩⲟϩ ⲉⲥⲉ̀ⲥⲱⲧⲉⲙ ⲛⲏⲓ ⲛ̀ϫⲉ ⲧⲁⲙⲉⲑⲙⲏⲓ ⲛ̀ϧ̀ⲣⲏⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲣⲁⲥϯ ϫⲉ ⲡⲁⲃⲉⲭⲉ ⲛ̀ⲡⲉⲕⲙ̀ⲑⲟ ⲛⲏ ⲧⲏⲣⲟⲩ ⲉ̀ⲧⲉⲛ̀ⲥⲉⲛⲟϫϧ ⲁⲛ ⲛⲉⲙ ⲛⲓⲑⲟⲓⲑⲟⲓ ϧⲉⲛ ⲛⲓⲃⲁⲉⲙⲡⲓ ⲛⲉⲙ ⲛⲓⲁ̀ⲟⲩⲓ̀ⲁ̀ⲟⲩⲁⲛ ϧⲉⲛ ⲛⲓϩⲓⲏⲃ ⲉⲩⲉ̀ϣⲱⲡⲓ ⲉⲩⲕⲟⲗⲡ ⲛ̀ⲧⲟⲧⲡⲉϫⲉ	ouoh esèsōtem nyi ǹje tameθmyi ǹx̀ryi xen pièhoou ǹte rasti je paveke ǹpekm̀θo ny tyrou èteǹsenogx an nem niθoiθoi xen nivaempi nem niàouìàouan xen nihiyb evèṡōpi evkolp ǹtotpeje	And my righteousness shall answer for me on the morrow, for it is my reward before thee: whatever shall not be spotted and speckled among the goats, and grey among the rams, shall be stolen with me.
30:34	ⲗⲁⲃⲁⲛ ⲇⲉ ⲛⲁϥ ϫⲉⲙⲁⲣⲉⲥϣⲱⲡⲓ ⲕⲁⲧⲁⲡⲉⲕⲥⲁϫⲓ	ⲗⲁⲃⲁⲛ ⲇⲉ ⲛⲁϥ ϫⲉ ⲙⲁⲣⲉⲥϣⲱⲡⲓ ⲕⲁⲧⲁ ⲡⲉⲕⲥⲁϫⲓ	laban ḋe naf je maresṡōpi kata pek·saji	And Laban said to him, Let it be according to thy word.
30:35	ⲟⲩⲟϩ ⲁϥⲫⲱⲣϫ ⲉ̀ⲃⲟⲗ ϧⲉⲛⲡⲓⲉ̀ϩⲟⲟⲩ ⲉ̀ⲧⲉⲙ̀ⲙⲁⲩ ⲛ̀ⲛⲓⲃⲁⲣⲏⲓⲧ ⲉⲑⲛⲟϫϧ ⲛⲉⲙⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙⲛⲓⲃⲁⲉⲙⲡⲓ ⲧⲏⲣⲟⲩ ⲉⲑⲛⲟϫϧ ⲛⲉⲙⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙⲛⲏ ⲧⲏⲣⲟⲩ ⲉ̀ⲧⲉⲟⲩⲟⲛ ⲟⲩⲱⲃϣ ⲛ̀ϧⲏⲧⲟⲩ ⲛⲉⲙⲛⲏ ⲧⲏⲣⲟⲩ ⲉⲧⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ϧⲉⲛⲛⲓϩⲓⲏⲃ ⲟⲩⲟϩ ⲁϥⲧⲏⲓⲧⲟⲩ ⲉ̀ⲧⲟⲧⲟⲩ ⲛ̀ⲛⲉϥϣⲏⲣⲓ	ⲟⲩⲟϩ ⲁϥⲫⲱⲣϫ ⲉ̀ⲃⲟⲗ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲛ̀ⲛⲓⲃⲁⲣⲏⲓⲧ ⲉⲑⲛⲟϫϧ ⲛⲉⲙ ⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ⲛⲓⲃⲁⲉⲙⲡⲓ ⲧⲏⲣⲟⲩ ⲉⲑⲛⲟϫϧ ⲛⲉⲙ ⲛⲓⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ⲛⲏ ⲧⲏⲣⲟⲩ ⲉ̀ⲧⲉ ⲟⲩⲟⲛ ⲟⲩⲱⲃϣ ⲛ̀ϧⲏⲧⲟⲩ ⲛⲉⲙ ⲛⲏ ⲧⲏⲣⲟⲩ ⲉⲧⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ϧⲉⲛ ⲛⲓϩⲓⲏⲃ ⲟⲩⲟϩ ⲁϥⲧⲏⲓⲧⲟⲩ ⲉ̀ⲧⲟⲧⲟⲩ ⲛ̀ⲛⲉϥϣⲏⲣⲓ	ouoh affōrg èvol xen pièhoou ète m̀mav ǹnivaryit eθnogx nem niàouìàouan nem nivaempi tyrou eθnogx nem niàouìàouan nem ny tyrou ète ouon ouōvṡ ǹxytou nem ny tyrou etoi ǹàouìàouan xen nihiyb ouoh aftyitou ètotou ǹnefṡyri	And he separated in that day the spotted and speckled he-goats, and all the spotted and speckled she-goats, and all that was grey among the rams, and every one that was white among them, and he gave them into the hand of his sons.
30:36	ⲟⲩⲟϩ ⲁϥⲑⲣⲟⲩⲭⲁ ⲫ̀ⲙⲱⲓⲧ ⲛ̀ⲅ̅ ⲛ̀ⲉ̀ϩⲟⲟⲩ ⲙ̀ⲙⲟϣⲓ ⲟⲩⲧⲱⲟⲩ ⲛⲉⲙⲓⲁⲕⲱⲃ ⲓⲁⲕⲱⲃ ⲇⲉ ⲛⲁϥⲁ̀ⲙⲟⲛⲓ ⲛ̀ⲛⲓⲉ̀ⲥⲱⲟⲩ ⲛ̀ⲧⲉⲗⲁⲃⲁⲛ ⲛⲏ ⲉ̀ⲧⲁⲩⲥⲱϫⲡ	ⲟⲩⲟϩ ⲁϥⲑⲣⲟⲩⲭⲁ ⲫ̀ⲙⲱⲓⲧ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛ̀ⲙⲟϣⲓ ⲟⲩⲧⲱⲟⲩ ⲛⲉⲙ ⲓⲁⲕⲱⲃ ⲓⲁⲕⲱⲃ ⲇⲉ ⲛⲁϥⲁ̀ⲙⲟⲛⲓ ⲛ̀ⲛⲓⲉ̀ⲥⲱⲟⲩ ⲛ̀ⲧⲉ ⲗⲁⲃⲁⲛ ⲛⲏ ⲉ̀ⲧⲁⲩⲥⲱϫⲡ	ouoh afθrouka f̀mōit ǹṡomt ǹèhoou ǹmoṡi outōou nem iakōb iakōb ḋe nafàmoni ǹnièsōou ǹte laban ny ètavsōgp	And he set a distance of a three days' journey between them and Jacob. And Jacob tended the cattle of Laban that were left behind.
30:37	ⲁ̀ ⲓⲁⲕⲱⲃ ⲇⲉ ϭⲓ ⲛⲁϥ ⲛ̀ⲟⲩϣ̀ⲃⲱⲧ ⲛ̀ϣⲉ ⲛ̀ⲥ̀ⲧⲩⲣⲁⲝ ⲉϥⲟⲩⲉⲧⲟⲩⲱⲧ ⲛⲉⲙⲟⲩϣⲉ ⲛ̀ⲕⲁⲣⲓⲁ ⲛⲉⲙⲟⲩⲡ̀ⲗⲁⲧⲁⲙⲟⲛ ⲟⲩⲟϩ ⲁϥⲕⲟⲕⲟⲩ ⲛ̀ϫⲉⲓⲁⲕⲱⲃ ⲛ̀ϩⲁⲛⲕⲏⲕⲥ ⲉ̀ⲟⲩⲟⲃϣ ⲉϥⲟⲩⲟⲛϩ ⲛ̀ϧⲏⲧⲟⲩ ⲛ̀ϫⲉⲡⲉⲑⲟⲩⲱⲧ ⲛⲁϥⲟⲩⲟⲛϩ ⲇⲉ ⲡⲉ ϧⲉⲛⲛⲓϣ̀ⲃⲟϯ ⲛ̀ϫⲉⲡⲓⲟⲩⲱⲃϣ ⲉ̀ⲧⲁϥⲕⲟⲕϥ ⲉϥⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ	ⲁ̀ ⲓⲁⲕⲱⲃ ⲇⲉ ϭⲓ ⲛⲁϥ ⲛ̀ⲟⲩϣ̀ⲃⲱⲧ ⲛ̀ϣⲉ ⲛ̀ⲥ̀ⲧⲩⲣⲁⲝ ⲉϥⲟⲩⲉⲧⲟⲩⲱⲧ ⲛⲉⲙ ⲟⲩϣⲉ ⲛ̀ⲕⲁⲣⲓⲁ ⲛⲉⲙ ⲟⲩⲡ̀ⲗⲁⲧⲁⲙⲟⲛ ⲟⲩⲟϩ ⲁϥⲕⲟⲕⲟⲩ ⲛ̀ϫⲉ ⲓⲁⲕⲱⲃ ⲛ̀ϩⲁⲛⲕⲏⲕⲥ ⲉ̀ⲟⲩⲟⲃϣ ⲉϥⲟⲩⲟⲛϩ ⲛ̀ϧⲏⲧⲟⲩ ⲛ̀ϫⲉ ⲡⲉⲑⲟⲩⲱⲧ ⲛⲁϥⲟⲩⲟⲛϩ ⲇⲉ ⲡⲉ ϧⲉⲛ ⲛⲓϣ̀ⲃⲟϯ ⲛ̀ϫⲉ ⲡⲓⲟⲩⲱⲃϣ ⲉ̀ⲧⲁϥⲕⲟⲕϥ ⲉϥⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ	à iakōb ḋe ċi naf ǹouṡ̀vōt ǹṡe ǹs̀tiraks efouetouōt nem ouṡe ǹkaria nem oup̀latamon ouoh afkokou ǹje iakōb ǹhankyk·s èouovṡ efouonh ǹxytou ǹje peθouōt nafouonh ḋe pe xen niṡ̀voti ǹje piouōvṡ ètafkokf efoi ǹàouìàouan	And Jacob took to himself green rods of storax tree and walnut and plane-tree; and Jacob peeled in them white stripes; and as he drew off the green, the white stripe which he had made appeared alternate on the rods.
30:38	ⲟⲩⲟϩ ⲁϥⲭⲁ ⲛⲓϣ̀ⲃⲟϯ ⲉ̀ⲧⲁϥⲕⲟⲕⲟⲩ ⲛ̀ϧ̀ⲣⲏⲓ ϧⲉⲛⲛⲓⲙⲁⲛⲧ̀ⲥⲟ ⲛ̀ⲧⲉⲛⲓⲙⲱⲟⲩ ⲛ̀ⲧⲉⲛⲓⲉ̀ⲥⲱⲟⲩ ϩⲓⲛⲁ ⲁⲩϣⲁⲛⲓ ⲛ̀ϫⲉⲛⲓⲉ̀ⲥⲱⲟⲩ ⲉ̀ⲥⲱ ⲛ̀ⲥⲉϭⲓϣϣⲱⲟⲩ ⲉ̀ⲛⲓϣⲃⲟϯ ⲛ̀ϫⲉⲛⲓⲉ̀ⲥⲱⲟⲩ	ⲟⲩⲟϩ ⲁϥⲭⲁ ⲛⲓϣ̀ⲃⲟϯ ⲉ̀ⲧⲁϥⲕⲟⲕⲟⲩ ⲛ̀ϧ̀ⲣⲏⲓ ϧⲉⲛ ⲛⲓⲙⲁⲛⲧ̀ⲥⲟ ⲛ̀ⲧⲉ ⲛⲓⲙⲱⲟⲩ ⲛ̀ⲧⲉ ⲛⲓⲉ̀ⲥⲱⲟⲩ ϩⲓⲛⲁ ⲁⲩϣⲁⲛⲓ ⲛ̀ϫⲉ ⲛⲓⲉ̀ⲥⲱⲟⲩ ⲉ̀ⲥⲱ ⲛ̀ⲧⲟⲩϭⲓϣϣⲱⲟⲩ ⲉ̀ⲛⲓϣⲃⲟϯ ⲛ̀ϫⲉ ⲛⲓⲉ̀ⲥⲱⲟⲩ	ouoh afka niṡ̀voti ètafkokou ǹx̀ryi xen nimant̀so ǹte nimōou ǹte nièsōou hina avṡani ǹje nièsōou èsō ǹtouċiṡṡōou èniṡvoti ǹje nièsōou	And he laid the rods which he had peeled, in the hollows of the watering-troughs, that whensoever the cattle should come to drink, as they should have come to drink before the rods, the cattle might conceive at the rods.
30:39	ⲟⲩⲟϩ ⲛⲁⲩⲙⲓⲥⲓ ⲛ̀ϫⲉⲛⲓⲉ̀ⲥⲱⲟⲩ ⲛ̀ϩⲁⲛⲟⲩⲟⲛ ⲉⲩⲟⲓ ⲛ̀ⲑⲟⲓⲑⲟⲓ ⲛ̀ⲟⲩⲱⲃϣ ⲛⲉⲙϩⲁⲛⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙϩⲁⲛⲁⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ	ⲟⲩⲟϩ ⲛⲁⲩⲙⲓⲥⲓ ⲛ̀ϫⲉ ⲛⲓⲉ̀ⲥⲱⲟⲩ ⲛ̀ϩⲁⲛⲟⲩⲟⲛ ⲉⲩⲟⲓ ⲛ̀ⲑⲟⲓⲑⲟⲓ ⲛ̀ⲟⲩⲱⲃϣ ⲛⲉⲙ ϩⲁⲛⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ϩⲁⲛⲁⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ	ouoh navmisi ǹje nièsōou ǹhanouon evoi ǹθoiθoi ǹouōvṡ nem hanàouìàouan nem hanaouan ǹkermi evnogx	So the cattle conceived at the rods, and the cattle brought forth speckled, and streaked and spotted with ash-coloured .
30:40	ⲛⲏϩⲓⲏⲃ ⲇⲉ ⲁϥⲫⲟⲣϫⲟⲩ ⲉ̀ⲃⲟⲗ ⲛ̀ϫⲉⲓⲁⲕⲱⲃ ⲟⲩⲟϩ ⲁϥⲭⲱ ⲙ̀ⲡⲉⲙ̀ⲑⲟ ⲛ̀ⲛⲓⲉ̀ⲥⲱⲟⲩ ⲛ̀ⲟⲩⲱⲓⲗⲓ ⲉϥⲟⲓ ⲛ̀ⲟⲩⲱⲃϣ ⲛⲉⲙⲁ̀ⲟⲩⲓ̀ⲁ̀ⲟⲩⲁⲛ ⲛⲓⲃⲉⲛ ϧⲉⲛⲛⲓϩⲓⲏⲃ ⲟⲩⲟϩ ⲁϥⲫⲟⲣϫⲟⲩ ⲉ̀ⲃⲟⲗ ⲛⲁϥ ⲛ̀ϩⲁⲛⲟ̀ϩⲓ ⲟⲩⲟϩ ⲙ̀ⲡⲉϥⲙⲟϫⲧⲟⲩ ⲛⲉⲙⲛⲓⲉ̀ⲥⲱⲟⲩ ⲛ̀ⲧⲉⲗⲁⲃⲁⲛ	ⲛⲏϩⲓⲏⲃ ⲇⲉ ⲁϥⲫⲟⲣϫⲟⲩ ⲉ̀ⲃⲟⲗ ⲛ̀ϫⲉ ⲓⲁⲕⲱⲃ ⲟⲩⲟϩ ⲁϥⲭⲱ ⲛ̀ⲡⲉⲙ̀ⲑⲟ ⲛ̀ⲛⲓⲉ̀ⲥⲱⲟⲩ ⲛ̀ⲟⲩⲱⲓⲗⲓ ⲉϥⲟⲓ ⲛ̀ⲟⲩⲱⲃϣ ⲛⲉⲙ ⲁ̀ⲟⲩⲓ̀ⲁ̀ⲟⲩⲁⲛ ⲛⲓⲃⲉⲛ ϧⲉⲛ ⲛⲓϩⲓⲏⲃ ⲟⲩⲟϩ ⲁϥⲫⲟⲣϫⲟⲩ ⲉ̀ⲃⲟⲗ ⲛⲁϥ ⲛ̀ϩⲁⲛⲟ̀ϩⲓ ⲟⲩⲟϩ ⲙ̀ⲡⲉϥⲙⲟϫⲧⲟⲩ ⲛⲉⲙ ⲛⲓⲉ̀ⲥⲱⲟⲩ ⲛ̀ⲧⲉ ⲗⲁⲃⲁⲛ	nyhiyb ḋe afforgou èvol ǹje iakōb ouoh afkō ǹpem̀θo ǹnièsōou ǹouōili efoi ǹouōvṡ nem àouìàouan niven xen nihiyb ouoh afforgou èvol naf ǹhanòhi ouoh m̀pefmogtou nem nièsōou ǹte laban	And Jacob separated the lambs, and set before the sheep a speckled ram, and every variegated one among the lambs, and he separated flocks for himself alone, and did not mingle them with the sheep of Laban.
30:41	ⲁⲥϣⲱⲡⲓ ⲇⲉ ϧⲉⲛⲡⲓⲥⲏⲟⲩ ⲉ̀ϣⲁⲩϭⲓϣϣⲱⲟⲩ ⲛ̀ϫⲉⲛⲓⲉ̀ⲥⲱⲟⲩ ⲟⲩⲟϩ ⲛ̀ⲥⲉⲉⲣⲃⲟⲕⲓ ⲁ̀ ⲓⲁⲕⲱⲃ ⲭⲁ ϣ̀ⲃⲟϯ ⲙ̀ⲡⲉⲙ̀ⲑⲟ ⲛ̀ⲛⲓⲉ̀ⲥⲱⲟⲩ ⲛ̀ϧ̀ⲣⲏⲓ ϧⲉⲛⲛⲓⲙⲁⲛⲧ̀ⲥⲟ ⲉⲑⲣⲟⲩϭⲓϣϣⲱⲟⲩ ⲛ̀ϫⲉⲛⲓⲉ̀ⲥⲱⲟⲩ ⲕⲁⲧⲁⲛⲓϣ̀ⲃⲟϯ	ⲁⲥϣⲱⲡⲓ ⲇⲉ ϧⲉⲛ ⲡⲓⲥⲏⲟⲩ ⲉ̀ϣⲁⲩϭⲓϣϣⲱⲟⲩ ⲛ̀ϫⲉ ⲛⲓⲉ̀ⲥⲱⲟⲩ ⲟⲩⲟϩ ⲛ̀ⲧⲟⲩⲉⲣⲃⲟⲕⲓ ⲁ̀ ⲓⲁⲕⲱⲃ ⲭⲁ ϣ̀ⲃⲟϯ ⲛ̀ⲡⲉⲙ̀ⲑⲟ ⲛ̀ⲛⲓⲉ̀ⲥⲱⲟⲩ ⲛ̀ϧ̀ⲣⲏⲓ ϧⲉⲛ ⲛⲓⲙⲁⲛⲧ̀ⲥⲟ ⲉ̀ⲑⲣⲟⲩϭⲓϣϣⲱⲟⲩ ⲛ̀ϫⲉ ⲛⲓⲉ̀ⲥⲱⲟⲩ ⲕⲁⲧⲁ ⲛⲓϣ̀ⲃⲟϯ	asṡōpi ḋe xen pisyou èṡavċiṡṡōou ǹje nièsōou ouoh ǹtouervoki à iakōb ka ṡ̀voti ǹpem̀θo ǹnièsōou ǹx̀ryi xen nimant̀so èθrouċiṡṡōou ǹje nièsōou kata niṡ̀voti	And it came to pass in the time wherein the cattle became pregnant, conceiving in the belly, Jacob put the rods before the cattle in the troughs, that they might conceive by the rods.
30:42	ⲉ̀ϣⲱⲡ ⲁⲩϣⲁⲛⲙⲓⲥⲓ ⲛ̀ϫⲉⲛⲓⲉ̀ⲥⲱⲟⲩ ⲙ̀ⲡⲉϥⲭⲁⲩ ⲙ̀ⲙⲁⲩ ⲁⲩϣⲱⲡⲓ ⲇⲉ ⲛ̀ϫⲉⲛⲓⲁⲧⲙⲏⲓⲛⲓ ⲛ̀ⲗⲁⲃⲁⲛ ⲛⲁⲛⲓⲙⲏⲓⲛⲓ ϩⲱⲟⲩ ⲛ̀ⲓⲁⲕⲱⲃ	ⲉ̀ϣⲱⲡ ⲁⲩϣⲁⲛⲙⲓⲥⲓ ⲛ̀ϫⲉ ⲛⲓⲉ̀ⲥⲱⲟⲩ ⲙ̀ⲡⲉϥⲭⲁⲩ ⲙ̀ⲙⲁⲩ ⲁⲩϣⲱⲡⲓ ⲇⲉ ⲛ̀ϫⲉ ⲛⲓⲁⲧⲙⲏⲓⲛⲓ ⲛ̀ⲗⲁⲃⲁⲛ ⲛⲁⲛⲓⲙⲏⲓⲛⲓ ϩⲱⲟⲩ ⲛ̀ⲓⲁⲕⲱⲃ	èṡōp avṡanmisi ǹje nièsōou m̀pefkav m̀mav avṡōpi ḋe ǹje niatmyini ǹlaban nanimyini hōou ǹiakōb	But he did not put them in whenever the cattle happened to bring forth, but the unmarked ones were Laban's, and the marked ones were Jacob's.
30:43	ⲟⲩⲟϩ ⲁϥⲉⲣⲣⲁⲙⲁⲟ ⲛ̀ϫⲉⲡⲓⲣⲱⲙⲓ ⲉ̀ⲙⲁϣⲱ ⲉ̀ⲙⲁϣⲱ ⲟⲩⲟϩ ⲁ̀ ⲟⲩⲙⲏϣ ⲛ̀ⲧⲉⲃⲛⲏ ϣⲱⲡⲓ ⲛⲁϥ ⲛⲉⲙϩⲁⲛⲉ̀ϩⲱⲟⲩ ⲛⲉⲙϩⲁⲛⲃⲱⲕ ⲛⲉⲙϩⲁⲛⲃⲱⲕⲓ ⲛⲉⲙϩⲁⲛϫⲁⲙⲁⲩⲗⲓ ⲛⲉⲙϩⲁⲛⲉϩⲉⲩ	ⲟⲩⲟϩ ⲁϥⲉⲣⲣⲁⲙⲁⲟ ⲛ̀ϫⲉ ⲡⲓⲣⲱⲙⲓ ⲉ̀ⲙⲁϣⲱ ⲉ̀ⲙⲁϣⲱ ⲟⲩⲟϩ ⲁ̀ ⲟⲩⲙⲏϣ ⲛ̀ⲧⲉⲃⲛⲏ ϣⲱⲡⲓ ⲛⲁϥ ⲛⲉⲙ ϩⲁⲛⲉ̀ϩⲱⲟⲩ ⲛⲉⲙ ϩⲁⲛⲃⲱⲕ ⲛⲉⲙ ϩⲁⲛⲃⲱⲕⲓ ⲛⲉⲙ ϩⲁⲛϫⲁⲙⲁⲩⲗⲓ ⲛⲉⲙ ϩⲁⲛⲉϩⲉⲩ	ouoh aferramao ǹje pirōmi èmaṡō èmaṡō ouoh à oumyṡ ǹtevny ṡōpi naf nem hanèhōou nem hanvōk nem hanvōki nem hangamavli nem hanehev	And the man became very rich, and he had many cattle, and oxen, and servants, and maid-servants, and camels, and asses.

Provenance

title: Genesis 30
dialect: bohairic
source: Coptic SCRIPTORIUM corpus "bohairic.ot", document 01_Genesis_30
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Genesis 30 from Coptic SCRIPTORIUM (https://copticscriptorium.org), corpus bohairic.ot, document 01_Genesis_30, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Genesis/30.bohairic.scriptorium.L0.txt
title: Genesis 30 — Cairene
dialect: bohairic
source: generated from 30.bohairic.scriptorium.L0.txt (Coptic SCRIPTORIUM corpus "bohairic.ot", document 01_Genesis_30)
licence: CC BY-SA 4.0
share: attribution
attribution: Genesis 30 from Coptic SCRIPTORIUM (https://copticscriptorium.org), corpus bohairic.ot, document 01_Genesis_30, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Genesis/30.bohairic.scriptorium.L1.txt
title: Genesis 30 — Kemetic
dialect: bohairic
source: generated from 30.bohairic.scriptorium.L1.txt
licence: CC BY-SA 4.0
share: attribution
attribution: Genesis 30 from Coptic SCRIPTORIUM (https://copticscriptorium.org), corpus bohairic.ot, document 01_Genesis_30, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Genesis/30.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 43 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 01_Genesis_30 (43 lines)

Cite as:

Genesis 30. Coptic SCRIPTORIUM corpus "bohairic.ot", document 01_Genesis_30. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/genesis/30.bohairic.scriptorium/. Genesis 30 from Coptic SCRIPTORIUM (https://copticscriptorium.org), corpus bohairic.ot, document 01_Genesis_30, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.