Genesis 31 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 01_Genesis_31

Attribution: Genesis 31 from Coptic SCRIPTORIUM (https://copticscriptorium.org), corpus bohairic.ot, document 01_Genesis_31, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

54 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
31:1	ⲁϥⲥⲱⲧⲉⲙ ⲇⲉ ⲛ̀ϫⲉⲓⲁⲕⲱⲃ ⲉ̀ⲛⲉⲛⲥⲁϫⲓ ⲛ̀ⲧⲉⲛⲉⲛϣⲏⲣⲓ ⲛ̀ⲗⲁⲃⲁⲛ ⲉⲩϫⲱ ⲙ̀ⲙⲟⲥ ϫⲉⲁ̀ ⲓⲁⲕⲱⲃ ⲉⲗ ⲉⲛⲭⲁⲓ ⲛⲓⲃⲉⲛ ⲉ̀ⲧⲉⲛⲧⲉ ⲡⲉⲛⲓⲱⲧ ⲟⲩⲟϩ ⲉ̀ⲃⲟⲗ ϧⲉⲛⲛ̀ⲭⲁⲓ ⲛⲓⲃⲉⲛ ⲉ̀ⲧⲉⲛⲧⲉ ⲡⲉⲛⲓⲱⲧ ⲁ̀ ⲡⲁⲓⲱⲟⲩ ⲧⲏⲣϥ ϣⲱⲡⲓ ⲛⲁϥ	ⲁϥⲥⲱⲧⲉⲙ ⲇⲉ ⲛ̀ϫⲉ ⲓⲁⲕⲱⲃ ⲉ̀ⲛⲉⲛⲥⲁϫⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲗⲁⲃⲁⲛ ⲉⲩϫⲱ ⲙ̀ⲙⲟⲥ ϫⲉ ⲁ̀ ⲓⲁⲕⲱⲃ ⲉⲗ ⲉⲛⲭⲁⲓ ⲛⲓⲃⲉⲛ ⲉ̀ⲧⲉⲛ̀ⲧⲉ ⲡⲉⲛⲓⲱⲧ ⲟⲩⲟϩ ⲉ̀ⲃⲟⲗ ϧⲉⲛ ⲛ̀ⲭⲁⲓ ⲛⲓⲃⲉⲛ ⲉ̀ⲧⲉⲛ̀ⲧⲉ ⲡⲉⲛⲓⲱⲧ ⲁ̀ ⲡⲁⲓⲱⲟⲩ ⲧⲏⲣϥ ϣⲱⲡⲓ ⲛⲁϥ	afsōtem ḋe ǹje iakōb ènensaji ǹte nenṡyri ǹlaban evgō m̀mos je à iakōb el enkai niven èteǹte peniōt ouoh èvol xen ǹkai niven èteǹte peniōt à paiōou tyrf ṡōpi naf	And Jacob heard the words of the sons of Laban, saying, Jacob has taken all that was our father's, and of our father's property has he gotten all this glory.
31:2	ⲟⲩⲟϩ ⲁϥⲛⲁⲩ ⲛ̀ϫⲉⲓⲁⲕⲱⲃ ⲉ̀ⲡ̀ϩⲟ ⲛ̀ⲗⲁⲃⲁⲛ ϫⲉⲛⲁϥⲟⲓ ⲙ̀ⲫ̀ⲣⲏϯ ⲛ̀ⲥⲁϥ ⲛⲉⲙⲅ̅ ⲙ̀ⲫⲟⲟⲩ ⲛⲉⲙⲁϥ ⲁⲛ ⲡⲉ	ⲟⲩⲟϩ ⲁϥⲛⲁⲩ ⲛ̀ϫⲉ ⲓⲁⲕⲱⲃ ⲉ̀ⲡ̀ϩⲟ ⲛ̀ⲗⲁⲃⲁⲛ ϫⲉ ⲛⲁϥⲟⲓ ⲛ̀ⲫ̀ⲣⲏϯ ⲛ̀ⲥⲁϥ ⲛⲉⲙ 3 ⲛ̀ⲫⲟⲟⲩ ⲛⲉⲙⲁϥ ⲁⲛ ⲡⲉ	ouoh afnav ǹje iakōb èp̀ho ǹlaban je nafoi ǹf̀ryti ǹsaf nem 3 ǹfoou nemaf an pe	And Jacob saw the countenance of Laban, and behold it was not toward him as before.
31:3	ⲡⲉϫⲉ ⲡϭⲟⲓⲥ ⲇⲉ ⲛ̀ⲓⲁⲕⲱⲃ ϫⲉⲙⲁⲧⲁⲥⲑⲟ ⲉ̀ⲡ̀ⲕⲁϩⲓ ⲛ̀ⲧⲉⲡⲉⲕⲓⲱⲧ ⲛⲉⲙⲡⲉⲕϫⲱⲟⲩ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲓⲁⲕⲱⲃ ϫⲉ ⲙⲁⲧⲁⲥⲑⲟ ⲉ̀ⲡ̀ⲕⲁϩⲓ ⲛ̀ⲧⲉ ⲡⲉⲕⲓⲱⲧ ⲛⲉⲙ ⲡⲉⲕϫⲱⲟⲩ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ	peje p̀ċois ḋe ǹiakōb je matasθo èp̀kahi ǹte pekiōt nem pekgōou ouoh eièṡōpi nemak	And the Lord said to Jacob, Return to the land of thy father, and to thy family, and I will be with thee.
31:4	ⲁϥⲟⲩⲱⲣⲡ ⲇⲉ ⲛ̀ϫⲉⲓⲁⲕⲱⲃ ⲁϥⲙⲟⲩϯ ⲉ̀ⲣⲁⲭⲏⲗ ⲛⲉⲙⲗⲓⲁ ⲉⲧⲕⲟⲓ ⲡⲓⲙⲁ ⲉ̀ⲛⲁⲣⲉⲛⲓⲟ̀ϩⲓ ⲛ̀ⲉ̀ⲥⲱⲟⲩ ⲙ̀ⲙⲟϥ	ⲁϥⲟⲩⲱⲣⲡ ⲇⲉ ⲛ̀ϫⲉ ⲓⲁⲕⲱⲃ ⲁϥⲙⲟⲩϯ ⲉ̀ⲣⲁⲭⲏⲗ ⲛⲉⲙ ⲗⲓⲁ ⲉ̀ⲧ̀ⲕⲟⲓ ⲡⲓⲙⲁ ⲉ̀ⲛⲁⲣⲉ ⲛ̀ⲓⲟ̀ϩⲓ ⲛ̀ⲉ̀ⲥⲱⲟⲩ ⲙ̀ⲙⲟϥ	afouōrp ḋe ǹje iakōb afmouti èrakyl nem lia èt̀koi pima ènare ǹiòhi ǹèsōou m̀mof	And Jacob sent and called Lea and Rachel to the plain where the flocks were.
31:5	ⲟⲩⲟϩ ⲡⲉϫⲁϥ ⲛⲱⲟⲩ ϫⲉϯⲛⲁⲩ ⲁ̀ⲛⲟⲕ ⲉ̀ⲡ̀ϩⲟ ⲛ̀ⲧⲉⲡⲉⲧⲉⲛⲓⲱⲧ ϫⲉϥⲟⲓ ⲙ̀ⲫ̀ⲣⲏϯ ⲛ̀ⲥⲁϥ ⲛⲉⲙⲅ̅ ⲙ̀ⲫⲟⲟⲩ ⲛⲉⲙⲏⲓ ⲁⲛ ⲫⲛⲟⲩϯ ⲇⲉ ⲙ̀ⲡⲁⲓⲱⲧ ϥ̀ⲭⲏ ⲛⲉⲙⲏⲓ	ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ϯⲛⲁⲩ ⲁ̀ⲛⲟⲕ ⲉ̀ⲡ̀ϩⲟ ⲛ̀ⲧⲉ ⲡⲉⲧⲉⲛⲓⲱⲧ ϫⲉ ϥ̀ⲟⲓ ⲛ̀ⲫ̀ⲣⲏϯ ⲛ̀ⲥⲁϥ ⲛⲉⲙ 3 ⲛ̀ⲫⲟⲟⲩ ⲛⲉⲙⲏⲓ ⲁⲛ ⲫ̀ⲛⲟⲩϯ ⲇⲉ ⲛ̀ⲡⲁⲓⲱⲧ ϥ̀ⲭⲏ ⲛⲉⲙⲏⲓ	ouoh pegaf nōou je tinav ànok èp̀ho ǹte peteniōt je f̀oi ǹf̀ryti ǹsaf nem 3 ǹfoou nemyi an f̀nouti ḋe ǹpaiōt f̀ky nemyi	And he said to them, I see the face of your father, that it is not toward me as before, but the God of my father was with me.
31:6	ⲟⲩⲟϩ ⲛ̀ⲑⲱⲧⲉⲛ ⲧⲉⲧⲉⲛⲉⲙⲓ ϫⲉⲛ̀ϩ̀ⲣⲏⲓ ϧⲉⲛⲧⲁϫⲟⲙ ⲧⲏⲣⲥ ⲁⲓⲉⲣⲃⲱⲕ ⲙ̀ⲡⲉⲧⲉⲛⲓⲱⲧ	ⲟⲩⲟϩ ⲛ̀ⲑⲱⲧⲉⲛ ⲧⲉⲧⲉⲛⲉⲙⲓ ϫⲉ ⲛ̀ϩ̀ⲣⲏⲓ ϧⲉⲛ ⲧⲁϫⲟⲙ ⲧⲏⲣⲥ ⲁⲓⲉⲣⲃⲱⲕ ⲛ̀ⲡⲉⲧⲉⲛⲓⲱⲧ	ouoh ǹθōten tetenemi je ǹh̀ryi xen tagom tyrs aiervōk ǹpeteniōt	And ye too know that with all my might I have served your father.
31:7	ⲡⲉⲧⲉⲛⲓⲱⲧ ⲇⲉ ⲁϥⲭⲟϩ ⲉ̀ⲣⲟⲓ ⲟⲩⲟϩ ⲁϥϣⲉⲃⲧ ⲡⲁⲃⲉⲭⲉ ⲛ̀ⲧⲉϯⲙⲏϯ ⲛ̀ϩⲓⲉⲃⲓ ⲟⲩⲟϩ ⲙ̀ⲡⲉ ⲫⲛⲟⲩϯ ⲧⲏⲓⲥ ⲛⲁϥ ⲉ̀ⲉⲣⲡⲉⲧϩⲱⲟⲩ ⲛⲏⲓ	ⲡ̀ⲉⲧⲉⲛⲓⲱⲧ ⲇⲉ ⲁϥⲭⲟϩ ⲉ̀ⲣⲟⲓ ⲟⲩⲟϩ ⲁϥϣⲉⲃⲧ ⲡⲁⲃⲉⲭⲉ ⲛ̀ⲧⲉ ⲑ̀ⲙⲏϯ ⲛ̀ϩⲓⲉⲃⲓ ⲟⲩⲟϩ ⲛ̀ ⲡⲉ ⲫ̀ⲛⲟⲩϯ ⲧⲏⲓⲥ ⲛⲁϥ ⲉ̀ⲉⲣⲡⲉⲧϩⲱⲟⲩ ⲛⲏⲓ	p̀eteniōt ḋe afkoh èroi ouoh afṡevt paveke ǹte θ̀myti ǹhievi ouoh ǹ pe f̀nouti tyis naf èerpet·hōou nyi	But your father deceived me, and changed my wages for the ten lambs, yet God gave him not to hurt me.
31:8	ⲉ̀ϣⲱⲡ ⲁϥϣⲁⲛϫⲟⲥ ϫⲉⲛⲓⲁ̀ⲟⲩⲓ̀ⲁ̀ⲟⲩⲁⲛ ⲉⲩⲉ̀ϣⲱⲡⲓ ⲛⲁⲕ ⲙ̀ⲃⲉⲭⲉ ϣⲁⲣⲉ ⲛⲓⲉ̀ⲥⲱⲟⲩ ⲧⲏⲣⲟⲩ ⲙⲉⲥ ⲁ̀ⲟⲩⲓ̀ⲁ̀ⲟⲩⲁⲛ ⲉ̀ϣⲱⲡ ⲇⲉ ⲁϥϣⲁⲛϫⲟⲥ ϫⲉⲛⲓⲟⲩⲱⲃϣ ⲉⲩⲉ̀ϣⲱⲡⲓ ⲛⲁⲕ ⲙ̀ⲃⲉⲭⲉ ⲟⲩⲟϩ ϣⲁⲣⲉ ⲛⲓⲉ̀ⲥⲱⲟⲩ ⲧⲏⲣⲟⲩ ⲙⲉⲥ ⲟⲩⲱⲃϣ	ⲉ̀ϣⲱⲡ ⲁϥϣⲁⲛϫⲟⲥ ϫⲉ ⲛⲓⲁ̀ⲟⲩⲓ̀ⲁ̀ⲟⲩⲁⲛ ⲉⲩⲉ̀ϣⲱⲡⲓ ⲛⲁⲕ ⲛ̀ⲃⲉⲭⲉ ϣⲁⲣⲉ ⲛⲓⲉ̀ⲥⲱⲟⲩ ⲧⲏⲣⲟⲩ ⲙⲉⲥ ⲁ̀ ⲟⲩⲓ̀ⲁ̀ⲟⲩⲁⲛ ⲉ̀ϣⲱⲡ ⲇⲉ ⲁϥϣⲁⲛϫⲟⲥ ϫⲉ ⲛⲓⲟⲩⲱⲃϣ ⲉⲩⲉ̀ϣⲱⲡⲓ ⲛⲁⲕ ⲛ̀ⲃⲉⲭⲉ ⲟⲩⲟϩ ϣⲁⲣⲉ ⲛⲓⲉ̀ⲥⲱⲟⲩ ⲧⲏⲣⲟⲩ ⲙⲉⲥ ⲟⲩⲱⲃϣ	èṡōp afṡangos je niàouìàouan evèṡōpi nak ǹveke ṡare nièsōou tyrou mes à ouìàouan èṡōp ḋe afṡangos je niouōvṡ evèṡōpi nak ǹveke ouoh ṡare nièsōou tyrou mes ouōvṡ	If he should say thus, The speckled shall be thy reward, then all the cattle would bear speckled; and if he should say, The white shall be thy reward, then would all the cattle bear white.
31:9	ⲟⲩⲟϩ ⲁ̀ ⲫⲛⲟⲩϯ ⲉⲗ ⲛⲓⲧⲉⲃⲛⲱⲟⲩⲓ̀ ⲧⲏⲣⲟⲩ ⲛ̀ⲧⲉⲡⲉⲧⲉⲛⲓⲱⲧ ⲁϥⲧⲏⲓⲧⲟⲩ ⲛⲏⲓ	ⲟⲩⲟϩ ⲁ̀ ⲫ̀ⲛⲟⲩϯ ⲉⲗ ⲛⲓⲧⲉⲃⲛⲱⲟⲩⲓ̀ ⲧⲏⲣⲟⲩ ⲛ̀ⲧⲉ ⲡⲉⲧⲉⲛⲓⲱⲧ ⲁϥⲧⲏⲓⲧⲟⲩ ⲛⲏⲓ	ouoh à f̀nouti el nitevnōouì tyrou ǹte peteniōt aftyitou nyi	So God has taken away all the cattle of your father, and given them to me.
31:10	ⲟⲩⲟϩ ⲁⲥϣⲱⲡⲓ ⲟⲩϣⲁⲛϭⲓϣϣⲱⲟⲩ ⲛ̀ϫⲉⲛⲓⲉ̀ⲥⲱⲟⲩ ⲟⲩⲟϩ ⲛ̀ⲥⲉⲉⲣⲃⲟⲕⲓ ⲁⲓⲛⲁⲩ ⲛ̀ⲛⲁⲃⲁⲗ ⲉ̀ⲣⲱⲟⲩ ϧⲉⲛⲑ̀ⲣⲁⲥⲟⲩⲓ̀ ⲟⲩⲟϩ ϩⲏⲡⲡⲉ ⲓⲥ ⲛⲓⲃⲁⲣⲏⲓⲧ ⲛⲉⲙⲛⲓⲱⲓⲗⲓ ⲛ̀ⲁⲩⲛⲁ ⲉ̀ϩ̀ⲣⲏⲓ ⲉ̀ϫⲉⲛⲛⲓⲉ̀ⲥⲱⲟⲩ ⲛⲉⲙⲛⲓⲃⲁⲉⲙⲡⲓ ⲛ̀ⲁⲩⲟⲩⲟⲃϣ ⲡⲉ ⲟⲩⲟϩ ⲛⲁⲩⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙⲁ̀ⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ	ⲟⲩⲟϩ ⲁⲥϣⲱⲡⲓ ⲟⲩϣⲁⲛϭⲓϣϣⲱⲟⲩ ⲛ̀ϫⲉ ⲛⲓⲉ̀ⲥⲱⲟⲩ ⲟⲩⲟϩ ⲛ̀ⲧⲟⲩⲉⲣⲃⲟⲕⲓ ⲁⲓⲛⲁⲩ ⲛ̀ⲛⲁⲃⲁⲗ ⲉ̀ⲣⲱⲟⲩ ϧⲉⲛ ⲑ̀ⲣⲁⲥⲟⲩⲓ̀ ⲟⲩⲟϩ ϩⲏⲡⲡⲉ ⲓⲥ ⲛⲓⲃⲁⲣⲏⲓⲧ ⲛⲉⲙ ⲛⲓⲱⲓⲗⲓ ⲛ̀ⲁⲩⲛⲁ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲉ̀ⲥⲱⲟⲩ ⲛⲉⲙ ⲛⲓⲃⲁⲉⲙⲡⲓ ⲛ̀ⲁⲩⲟⲩⲟⲃϣ ⲡⲉ ⲟⲩⲟϩ ⲛⲁⲩⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ⲁ̀ⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ	ouoh asṡōpi ouṡanċiṡṡōou ǹje nièsōou ouoh ǹtouervoki ainav ǹnaval èrōou xen θ̀rasouì ouoh hyppe is nivaryit nem niōili ǹavna èh̀ryi èjen nièsōou nem nivaempi ǹavouovṡ pe ouoh navoi ǹàouìàouan nem àouan ǹkermi evnogx	And it came to pass when the cattle conceived and were with young, that I beheld with mine eyes in sleep, and behold the he-goats and the rams leaping on the sheep and the she-goats, speckled and variegated and spotted with ash-coloured spots.
31:11	ⲟⲩⲟϩ ⲡⲉϫⲉ ⲡⲓⲁⲅⲅⲉⲗⲟⲥ ⲛ̀ⲧⲉⲫⲛⲟⲩϯ ⲛⲏⲓ ϧⲉⲛⲑ̀ⲣⲁⲥⲟⲩⲓ̀ ϫⲉⲓⲁⲕⲱⲃ ⲁ̀ⲛⲟⲕ ⲇⲉ ⲡⲉϫⲏⲓ ϫⲉⲟⲩ ⲡⲉⲧϣⲟⲡ	ⲟⲩⲟϩ ⲡⲉϫⲉ ⲡⲓⲁⲅⲅⲉⲗⲟⲥ ⲛ̀ⲧⲉ ⲫ̀ⲛⲟⲩϯ ⲛⲏⲓ ϧⲉⲛ ⲑ̀ⲣⲁⲥⲟⲩⲓ̀ ϫⲉ ⲓⲁⲕⲱⲃ ⲁ̀ⲛⲟⲕ ⲇⲉ ⲡⲉϫⲏⲓ ϫⲉ ⲟⲩ ⲡⲉⲧϣⲟⲡ	ouoh peje piangelos ǹte f̀nouti nyi xen θ̀rasouì je iakōb ànok ḋe pejyi je ou petṡop	And the angel of God said to me in a dream, Jacob; and I said, What is it?
31:12	ⲟⲩⲟϩ ⲡⲉϫⲁϥ ϫⲉϫⲟⲩϣⲧ ⲉ̀ⲡ̀ϣⲱⲓ ⲛ̀ⲛⲉⲕⲃⲁⲗ ⲁ̀ⲛⲁⲩ ⲉ̀ⲛⲓⲃⲁⲣⲏⲓⲧ ⲛⲉⲙⲛⲓⲱⲓⲗⲓ ⲉⲩⲛⲁ ⲉ̀ⲡ̀ϣⲱⲓ ⲉ̀ϫⲉⲛⲛⲓⲉ̀ⲥⲱⲟⲩ ⲛⲉⲙⲛⲓⲃⲁⲉⲙⲡⲓ ⲉⲩⲟⲩⲟⲃϣ ⲟⲩⲟϩ ⲉⲩⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙⲁ̀ⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ ⲁⲓⲛⲁⲩ ⲅⲁⲣ ⲉ̀ⲛⲏ ⲉ̀ⲧⲉⲗⲁⲃⲁⲛ ⲓ̀ⲣⲓ ⲙ̀ⲙⲱⲟⲩ ⲛⲁⲕ	ⲟⲩⲟϩ ⲡⲉϫⲁϥ ϫⲉ ϫⲟⲩϣⲧ ⲉ̀ⲡ̀ϣⲱⲓ ⲛ̀ⲛⲉⲕⲃⲁⲗ ⲁ̀ⲛⲁⲩ ⲉ̀ⲛⲓⲃⲁⲣⲏⲓⲧ ⲛⲉⲙ ⲛⲓⲱⲓⲗⲓ ⲉⲩⲛⲁ ⲉ̀ⲡ̀ϣⲱⲓ ⲉ̀ϫⲉⲛ ⲛⲓⲉ̀ⲥⲱⲟⲩ ⲛⲉⲙ ⲛⲓⲃⲁⲉⲙⲡⲓ ⲉⲩⲟⲩⲟⲃϣ ⲟⲩⲟϩ ⲉⲩⲟⲓ ⲛ̀ⲁ̀ⲟⲩⲓ̀ⲁ̀ⲟⲩⲁⲛ ⲛⲉⲙ ⲁ̀ⲟⲩⲁⲛ ⲛ̀ⲕⲉⲣⲙⲓ ⲉⲩⲛⲟϫϧ ⲁⲓⲛⲁⲩ ⲅⲁⲣ ⲉ̀ⲛⲏ ⲉ̀ⲧⲉ ⲗⲁⲃⲁⲛ ⲓ̀ⲣⲓ ⲙ̀ⲙⲱⲟⲩ ⲛⲁⲕ	ouoh pegaf je gouṡt èp̀ṡōi ǹnekval ànav ènivaryit nem niōili evna èp̀ṡōi èjen nièsōou nem nivaempi evouovṡ ouoh evoi ǹàouìàouan nem àouan ǹkermi evnogx ainav ġar èny ète laban ìri m̀mōou nak	And he said, Look up with thine eyes, and behold the he-goats and the rams leaping on the sheep and the she-goats, speckled and variegated and spotted with ash-coloured spots; for I have seen all things that Laban does to thee.
31:13	ⲁ̀ⲛⲟⲕ ⲡⲉ ⲫⲛⲟⲩϯ ⲉ̀ⲧⲉϥⲟⲩⲟⲛϩϥ ⲉ̀ⲣⲟⲕ ϧⲉⲛⲡⲓⲙⲁ ⲛ̀ⲧⲉⲫⲛⲟⲩϯ ⲉ̀ⲧⲁⲕⲑⲁϩⲥ ϯⲥ̀ⲧⲩⲗⲏ ⲙ̀ⲙⲟϥ ⲟⲩⲟϩ ⲁⲕⲧⲱⲃϩ ⲛⲏⲓ ⲙ̀ⲙⲁⲩ ⲛ̀ⲟⲩⲧⲱⲃϩ ϯⲛⲟⲩ ϫⲉⲧⲱⲛⲕ ⲁ̀ⲙⲟⲩ ⲉ̀ⲃⲟⲗ ϧⲉⲛⲡⲁⲓⲕⲁϩⲓ ⲟⲩⲟϩ ⲙⲁϣⲉⲛⲁⲕ ⲉ̀ⲡ̀ⲕⲁϩⲓ ⲛ̀ⲧⲉⲡⲉⲕⲙⲁⲙ̀ⲙⲓⲥⲓ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ	ⲁ̀ⲛⲟⲕ ⲡⲉ ⲫ̀ⲛⲟⲩϯ ⲉ̀ⲧⲉϥⲟⲩⲟⲛϩϥ ⲉ̀ⲣⲟⲕ ϧⲉⲛ ⲡⲓⲙⲁ ⲛ̀ⲧⲉ ⲫ̀ⲛⲟⲩϯ ⲉ̀ⲧⲁⲕⲑⲁϩⲥ ϯⲥ̀ⲧⲩⲗⲏ ⲙ̀ⲙⲟϥ ⲟⲩⲟϩ ⲁⲕⲧⲱⲃϩ ⲛⲏⲓ ⲙ̀ⲙⲁⲩ ⲛ̀ⲟⲩⲧⲱⲃϩ ϯⲛⲟⲩ ϫⲉ ⲧⲱⲛⲕ ⲁ̀ⲙⲟⲩ ⲉ̀ⲃⲟⲗ ϧⲉⲛ ⲡⲁⲓⲕⲁϩⲓ ⲟⲩⲟϩ ⲙⲁϣⲉⲛⲁⲕ ⲉ̀ⲡ̀ⲕⲁϩⲓ ⲛ̀ⲧⲉ ⲡⲉⲕⲙⲁⲙ̀ⲙⲓⲥⲓ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ	ànok pe f̀nouti ètefouonhf èrok xen pima ǹte f̀nouti ètakθahs tis̀tily m̀mof ouoh aktōvh nyi m̀mav ǹoutōvh tinou je tōnk àmou èvol xen paikahi ouoh maṡenak èp̀kahi ǹte pekmam̀misi ouoh eièṡōpi nemak	I am God that appeared to thee in the place of God where thou anointedst a pillar to me, and vowedst to me there a vow; now then arise and depart out of this land, depart into the land of thy nativity, and I will be with thee.
31:14	ⲁϥⲉⲣⲟⲩⲱ ⲇⲉ ⲛ̀ϫⲉⲣⲁⲭⲏⲗ ⲛⲉⲙⲗⲓⲁ ⲡⲉϫⲱⲟⲩ ⲛⲁϥ ϫⲉⲙⲏⲧⲓ ⲁⲛ ⲟⲩⲟⲛ ⲕⲉⲧⲟⲓ ⲥⲱϫⲡ ⲛⲁⲛ ⲓⲉ ⲕⲉⲕ̀ⲗⲏⲣⲟⲛⲟⲙⲓⲁ ϧⲉⲛⲡ̀ⲏⲓ ⲙ̀ⲡⲉⲛⲓⲱⲧ	ⲁϥⲉⲣⲟⲩⲱ ⲇⲉ ⲛ̀ϫⲉ ⲣⲁⲭⲏⲗ ⲛⲉⲙ ⲗⲓⲁ ⲡⲉϫⲱⲟⲩ ⲛⲁϥ ϫⲉ ⲙⲏⲧⲓ ⲁⲛ ⲟⲩⲟⲛ ⲕⲉⲧⲟⲓ ⲥⲱϫⲡ ⲛⲁⲛ ⲓⲉ ⲕⲉⲕ̀ⲗⲏⲣⲟⲛⲟⲙⲓⲁ ϧⲉⲛ ⲡ̀ⲏⲓ ⲛ̀ⲡⲉⲛⲓⲱⲧ	aferouō ḋe ǹje rakyl nem lia pegōou naf je myti an ouon ketoi sōgp nan ie kek̀lyronomia xen p̀yi ǹpeniōt	And Rachel and Lea answered and said to him, Have we yet a part or inheritance in the house of our father?
31:15	ⲙⲏ ⲛⲉⲧⲁⲩⲟⲡⲧⲉⲛ ⲛⲁϥ ⲁⲛ ⲙ̀ⲫ̀ⲣⲏϯ ⲛ̀ϩⲁⲛϣⲉⲙⲙⲱⲟⲩ ⲁϥⲧⲏⲓⲧⲉⲛ ⲅⲁⲣ ⲉ̀ⲃⲟⲗ ⲟⲩⲟϩ ⲁϥⲟⲩⲱⲙ ⲙ̀ⲡⲉⲛϩⲁⲧ ϧⲁⲟⲩϧ̀ⲣⲉ	ⲙⲏ ⲛⲉⲧⲁⲩⲟⲡⲧⲉⲛ ⲛⲁϥ ⲁⲛ ⲛ̀ⲫ̀ⲣⲏϯ ⲛ̀ϩⲁⲛϣⲉⲙⲙⲱⲟⲩ ⲁϥⲧⲏⲓⲧⲉⲛ ⲅⲁⲣ ⲉ̀ⲃⲟⲗ ⲟⲩⲟϩ ⲁϥⲟⲩⲱⲙ ⲛ̀ⲡⲉⲛϩⲁⲧ ϧⲁ ⲟⲩϧ̀ⲣⲉ	my netavopten naf an ǹf̀ryti ǹhanṡemmōou aftyiten ġar èvol ouoh afouōm ǹpenhat xa oux̀re	Are we not considered strangers by him? for he has sold us, and quite devoured our money.
31:16	ϯⲙⲉⲧⲣⲁⲙⲁⲟ ⲧⲏⲣⲥ ⲛⲉⲙⲛⲓⲱⲟⲩ ⲉ̀ⲧⲁ ⲫⲛⲟⲩϯ ⲟⲗⲥ ⲛ̀ⲧⲉⲛⲡⲉⲛⲓⲱⲧ ⲉϥⲉ̀ϣⲱⲡⲓ ⲛⲁⲛ ⲛⲉⲙⲛⲉⲛϣⲏⲣⲓ ϯⲛⲟⲩ ⲇⲉ ⲛⲏ ⲉ̀ⲧⲁ ⲫⲛⲟⲩϯ ϫⲟⲧⲟⲩ ⲛⲁⲕ ⲁⲣⲓⲧⲟⲩ	ϯⲙⲉⲧⲣⲁⲙⲁⲟ̀ ⲧⲏⲣⲥ ⲛⲉⲙ ⲛⲓⲱⲟⲩ ⲉ̀ⲧⲁ ⲫ̀ⲛⲟⲩϯ ⲟⲗⲥ ⲛ̀ⲧⲉⲛⲡⲉⲛⲓⲱⲧ ⲉϥⲉ̀ϣⲱⲡⲓ ⲛⲁⲛ ⲛⲉⲙ ⲛⲉⲛϣⲏⲣⲓ ϯⲛⲟⲩ ⲇⲉ ⲛⲏ ⲉ̀ⲧⲁ ⲫ̀ⲛⲟⲩϯ ϫⲟⲧⲟⲩ ⲛⲁⲕ ⲁ̀ⲣⲓⲧⲟⲩ	timetramaò tyrs nem niōou èta f̀nouti ols ǹtenpeniōt efèṡōpi nan nem nenṡyri tinou ḋe ny èta f̀nouti gotou nak àritou	All the wealth and the glory which God has taken from our father, it shall be our's and our children's; now then do whatsoever God has said to thee.
31:17	ⲁϥⲧⲱⲛϥ ⲇⲉ ⲛ̀ϫⲉⲓⲁⲕⲱⲃ ⲁϥϭⲓ ⲛⲉϥϩⲓⲟⲙⲓ ⲛⲉⲙⲛⲉϥⲁ̀ⲗⲱⲟⲩⲓ̀ ⲁϥⲧⲁⲗⲱⲟⲩ ⲉ̀ⲛⲓϫⲁⲙⲁⲩⲗⲓ	ⲁϥⲧⲱⲛϥ ⲇⲉ ⲛ̀ϫⲉ ⲓⲁⲕⲱⲃ ⲁϥϭⲓ ⲛⲉϥϩⲓⲟⲙⲓ ⲛⲉⲙ ⲛⲉϥⲁ̀ⲗⲱⲟⲩⲓ̀ ⲁϥⲧⲁⲗⲱⲟⲩ ⲉ̀ⲛⲓϫⲁⲙⲁⲩⲗⲓ	aftōnf ḋe ǹje iakōb afċi nefhiomi nem nefàlōouì aftalōou ènigamavli	And Jacob arose and took his wives and his children up on the camels;
31:18	ⲟⲩⲟϩ ⲁϥⲉⲗ ⲛⲉϥϩⲩⲡⲁⲣⲭⲟⲛⲧⲁ ⲧⲏⲣⲟⲩ ⲛⲉⲙⲡⲉϥⲥⲟⲃϯ ⲧⲏⲣϥ ⲉ̀ⲧⲁϥⲑⲁⲙⲓⲟϥ ϧⲉⲛϯⲙⲉⲥⲟⲡⲟⲧⲁⲙⲓⲁ ⲛⲉⲙⲛⲏ ⲉ̀ⲧⲉⲛⲧⲁϥ ⲧⲏⲣⲟⲩ ⲉϣⲉⲛⲁϥ ϩⲁⲓⲥⲁⲁⲕ ⲡⲉϥⲓⲱⲧ ⲉ̀ⲡⲓⲕⲁϩⲓ ⲛ̀ⲭⲁⲛⲁⲁⲛ	ⲟⲩⲟϩ ⲁϥⲉⲗ ⲛⲉϥϩⲩⲡⲁⲣⲭⲟⲛⲧⲁ ⲧⲏⲣⲟⲩ ⲛ̀ⲉⲛ ⲡⲉϥⲥⲟⲃϯ ⲧⲏⲣϥ ⲉ̀ⲧⲁϥⲑⲁⲙⲓⲟϥ ϧⲉⲛ ϯⲙⲉⲥⲟⲡⲟⲧⲁⲙⲓⲁ ⲛⲉⲙ ⲛⲏ ⲉ̀ⲧⲉ ⲛ̀ⲧⲁϥ ⲧⲏⲣⲟⲩ ⲉ̀ϣⲉⲛⲁϥ ϩⲁ ⲓⲥⲁⲁⲕ ⲡⲉϥⲓⲱⲧ ⲉ̀ⲡⲓⲕⲁϩⲓ ⲛ̀ⲭⲁⲛⲁⲁⲛ	ouoh afel nefhiparxonta tyrou ǹen pefsovti tyrf ètafθamiof xen timesopotamia nem ny ète ǹtaf tyrou èṡenaf ha isaak pefiōt èpikahi ǹxanaan	and he took away all his possessions and all his store, which he had gotten in Mesopotamia, and all that belonged to him, to depart to Isaac his father in the land of Chanaan.
31:19	ⲁ̀ ⲗⲁⲃⲁⲛ ⲇⲉ ϣⲉⲛⲁϥ ⲉ̀ϧⲉⲕ ⲛ̀ⲛⲉϥⲉ̀ⲥⲱⲟⲩ ⲁ̀ ⲣⲁⲭⲏⲗ ⲇⲉ ⲕⲉⲗⲡ ⲛⲓⲓ̀ⲇⲱⲗⲟⲛ ⲛ̀ⲧⲉⲡⲉⲥⲓⲱⲧ	ⲁ̀ ⲗⲁⲃⲁⲛ ⲇⲉ ϣⲉⲛⲁϥ ⲉ̀ϧⲉⲕ ⲛ̀ⲛⲉϥⲉ̀ⲥⲱⲟⲩ ⲁ̀ ⲣⲁⲭⲏⲗ ⲇⲉ ⲕⲉⲗⲡ ⲛⲓⲓ̀ⲇⲱⲗⲟⲛ ⲛ̀ⲧⲉ ⲡⲉⲥⲓⲱⲧ	à laban ḋe ṡenaf èxek ǹnefèsōou à rakyl ḋe kelp niìḋōlon ǹte pesiōt	And Laban went to shear his sheep; and Rachel stole her father's images.
31:20	ⲁϥⲭⲱⲡ ⲇⲉ ⲛ̀ϫⲉⲓⲁⲕⲱⲃ ⲉ̀ⲗⲁⲃⲁⲛ ⲡⲓⲥⲩⲣⲟⲥ ⲉ̀ϣ̀ⲧⲉⲙⲧⲁⲙⲟϥ ϫⲉⲉϥⲛⲁϣⲉⲛⲁϥ	ⲁϥⲭⲱⲡ ⲇⲉ ⲛ̀ϫⲉ ⲓⲁⲕⲱⲃ ⲉ̀ⲗⲁⲃⲁⲛ ⲡⲓⲥⲩⲣⲟⲥ ⲉ̀ϣ̀ⲧⲉⲙⲧⲁⲙⲟϥ ϫⲉ ⲉϥⲛⲁϣⲉⲛⲁϥ	afkōp ḋe ǹje iakōb èlaban pisiros èṡ̀temtamof je efnaṡenaf	And Jacob hid Laban the Syrian, so as not to tell him that he ran away.
31:21	ⲟⲩⲟϩ ⲁϥⲫⲱⲧ ⲛ̀ⲑⲟϥ ⲛⲉⲙⲡⲉⲧⲉⲛⲧⲁϥ ⲧⲏⲣϥ ⲟⲩⲟϩ ⲁϥⲉⲣϫⲓⲛⲓⲟⲣ ⲙ̀ⲫⲓⲁⲣⲟ ⲟⲩⲟϩ ⲁϥⲓ̀ ⲉ̀ϩ̀ⲣⲏⲓ ⲉ̀ⲡ̀ⲧⲱⲟⲩ ⲛ̀ⲅⲁⲗⲁⲁⲇ	ⲟⲩⲟϩ ⲁϥⲫⲱⲧ ⲛ̀ⲑⲟϥ ⲛⲉⲙ ⲡⲉⲧⲉⲛⲧⲁϥ ⲧⲏⲣϥ ⲟⲩⲟϩ ⲁϥⲉⲣϫⲓⲛⲓⲟⲣ ⲛ̀ⲫ̀ⲓⲁⲣⲟ ⲟⲩⲟϩ ⲁϥⲓ̀ ⲉ̀ϩ̀ⲣⲏⲓ ⲉ̀ⲡ̀ⲧⲱⲟⲩ ⲛ̀ⲅⲁⲗⲁⲁⲇ	ouoh affōt ǹθof nem petentaf tyrf ouoh aferjinior ǹf̀iaro ouoh afì èh̀ryi èp̀tōou ǹġalaad	And he departed himself and all that belonged to him, and passed over the river, and went into the mountain Galaad.
31:22	ⲟⲩⲟϩ ⲁⲩⲧⲁⲙⲉ ⲗⲁⲃⲁⲛ ⲡⲓⲥⲩⲣⲟⲥ ⲙ̀ⲡⲓⲉ̀ϩⲟⲟⲩ ⲙ̀ⲙⲁϩ ⲅ̅ ϫⲉⲁϥⲫⲱⲧ ⲛ̀ϫⲉⲓⲁⲕⲱⲃ	ⲟⲩⲟϩ ⲁⲩⲧⲁⲙⲉ ⲗⲁⲃⲁⲛ ⲡⲓⲥⲩⲣⲟⲥ ⲛ̀ⲡⲓⲉ̀ϩⲟⲟⲩ ⲛ̀ⲙⲁϩ 3 ϫⲉ ⲁϥⲫⲱⲧ ⲛ̀ϫⲉ ⲓⲁⲕⲱⲃ	ouoh avtame laban pisiros ǹpièhoou ǹmah 3 je affōt ǹje iakōb	But it was told Laban the Syrian on the third day, that Jacob was fled.
31:23	ⲟⲩⲟϩ ⲁϥϭⲓ ⲛ̀ⲛⲉϥⲥ̀ⲛⲏⲟⲩ ⲧⲏⲣⲟⲩ ⲛⲉⲙⲁϥ ⲁϥϭⲟϫⲓ ⲛ̀ⲥⲱϥ ⲉ̀ⲫ̀ⲙⲱⲓⲧ ⲛ̀ⲍ̅ ⲛ̀ⲉ̀ϩⲟⲟⲩ ⲙ̀ⲙⲟϣⲓ ⲟⲩⲟϩ ⲁϥⲧⲁϩⲟϥ ϩⲓⲡ̀ⲧⲱⲟⲩ ⲛ̀ⲅⲁⲗⲁⲁⲇ	ⲟⲩⲟϩ ⲁϥϭⲓ ⲛ̀ⲛⲉϥⲥ̀ⲛⲏⲟⲩ ⲧⲏⲣⲟⲩ ⲛⲉⲙⲁϥ ⲁϥϭⲟϫⲓ ⲛ̀ⲥⲱϥ ⲉ̀ⲫ̀ⲙⲱⲓⲧ ⲛ̀ϣⲁϣϥ ⲛ̀ⲉ̀ϩⲟⲟⲩ ⲛ̀ⲙⲟϣⲓ ⲟⲩⲟϩ ⲁϥⲧⲁϩⲟϥ ϩⲓ ⲡ̀ⲧⲱⲟⲩ ⲛ̀ⲅⲁⲗⲁⲁⲇ	ouoh afċi ǹnefs̀nyou tyrou nemaf afċoji ǹsōf èf̀mōit ǹṡaṡf ǹèhoou ǹmoṡi ouoh aftahof hi p̀tōou ǹġalaad	And having taken his brethren with him, he pursued after him seven days' journey, and overtook him on Mount Galaad.
31:24	ⲁϥⲓ̀ ⲇⲉ ⲛ̀ϫⲉⲫⲛⲟⲩϯ ϩⲁⲗⲁⲃⲁⲛ ⲡⲓⲥⲩⲣⲟⲥ ϧⲉⲛⲑ̀ⲣⲁⲥⲟⲩⲓ̀ ⲙ̀ⲡⲓⲉ̀ϫⲱⲣϩ ⲟⲩⲟϩ ⲡⲉϫⲁϥ ⲛⲁϥ ϫⲉⲁ̀ⲣⲉϩ ⲉ̀ⲣⲟⲕ ⲙⲏⲡⲱⲥ ⲛ̀ⲧⲉⲕⲥⲁϫⲓ ⲛⲉⲙⲓⲁⲕⲱⲃ ⲛ̀ϩⲁⲛⲡⲉⲧϩⲱⲟⲩ	ⲁϥⲓ̀ ⲇⲉ ⲛ̀ϫⲉ ⲫ̀ⲛⲟⲩϯ ϩⲁ ⲗⲁⲃⲁⲛ ⲡⲓⲥⲩⲣⲟⲥ ϧⲉⲛ ⲑ̀ⲣⲁⲥⲟⲩⲓ̀ ⲛ̀ⲡⲓⲉ̀ϫⲱⲣϩ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ⲣⲉϩ ⲉ̀ⲣⲟⲕ ⲙⲏⲡⲱⲥ ⲛ̀ⲧⲉⲕⲥⲁϫⲓ ⲛⲉⲙ ⲓⲁⲕⲱⲃ ⲛ̀ϩⲁⲛⲡⲉⲧϩⲱⲟⲩ	afì ḋe ǹje f̀nouti ha laban pisiros xen θ̀rasouì ǹpiègōrh ouoh pegaf naf je àreh èrok mypōs ǹtek·saji nem iakōb ǹhanpet·hōou	And God came to Laban the Syrian in sleep by night, and said to him, Take heed to thyself that thou speak not at any time to Jacob evil things.
31:25	ⲟⲩⲟϩ ⲁ̀ ⲗⲁⲃⲁⲛ ⲧⲁϩⲉ ⲓⲁⲕⲱⲃ ⲓⲁⲕⲱⲃ ⲇⲉ ⲁϥⲧⲁϫⲣⲉ ⲧⲉϥⲥ̀ⲕⲩⲛⲏ ϩⲓⲡⲓⲧⲱⲟⲩ ⲗⲁⲃⲁⲛ ⲇⲉ ⲁϥⲧⲁϩⲉ ⲛⲉϥⲥ̀ⲛⲏⲟⲩ ⲉ̀ⲣⲁⲧⲟⲩϩⲓⲡ̀ⲧⲱⲟⲩ ⲛ̀ⲅⲁⲗⲁⲁⲇ	ⲟⲩⲟϩ ⲁ̀ ⲗⲁⲃⲁⲛ ⲧⲁϩⲉ ⲓⲁⲕⲱⲃ ⲓⲁⲕⲱⲃ ⲇⲉ ⲁϥⲧⲁϫⲣⲉ ⲧⲉϥⲥ̀ⲕⲩⲛⲏ ϩⲓ ⲡⲓⲧⲱⲟⲩ ⲗⲁⲃⲁⲛ ⲇⲉ ⲁϥⲧⲁϩⲉ ⲛⲉϥⲥ̀ⲛⲏⲟⲩ ⲉ̀ⲣⲁⲧⲟⲩϩⲓ ⲡ̀ⲧⲱⲟⲩ ⲛ̀ⲅⲁⲗⲁⲁⲇ	ouoh à laban tahe iakōb iakōb ḋe aftagre tefs̀kiny hi pitōou laban ḋe aftahe nefs̀nyou èratouhi p̀tōou ǹġalaad	And Laban overtook Jacob; and Jacob pitched his tent in the mountain; and Laban stationed his brothers in the mount Galaad.
31:26	ⲡⲉϫⲉ ⲗⲁⲃⲁⲛ ⲇⲉ ⲛ̀ⲓⲁⲕⲱⲃ ϫⲉⲟⲩⲡⲉ ⲉ̀ⲧⲁⲕⲁⲓϥ ⲉⲑⲃⲉⲟⲩ ⲁⲕⲫⲱⲧ ⲛ̀ⲭⲱⲡ ⲉ̀ⲣⲟⲓ ⲟⲩⲟϩ ⲁⲕⲕⲟⲗⲡⲧ ⲁⲕⲉⲗ ⲛⲁϣⲉⲣⲓ ⲙ̀ⲫ̀ⲣⲏϯ ⲛ̀ϩⲁⲛⲉⲭⲙⲁⲗⲱⲧⲟⲥ ⲛ̀ⲧ̀ⲥⲏϥⲓ	ⲡⲉϫⲉ ⲗⲁⲃⲁⲛ ⲇⲉ ⲛ̀ⲓⲁⲕⲱⲃ ϫⲉ ⲟⲩ ⲡⲉ ⲉ̀ⲧⲁⲕⲁⲓϥ ⲉⲑⲃⲉ ⲟⲩ ⲁⲕⲫⲱⲧ ⲛ̀ⲭⲱⲡ ⲉ̀ⲣⲟⲓ ⲟⲩⲟϩ ⲁⲕⲕⲟⲗⲡⲧ ⲁⲕⲉⲗ ⲛⲁϣⲉⲣⲓ ⲛ̀ⲫ̀ⲣⲏϯ ⲛ̀ϩⲁⲛⲉⲭⲙⲁⲗⲱⲧⲟⲥ ⲛ̀ⲧⲉ ⲧ̀ⲥⲏϥⲓ	peje laban ḋe ǹiakōb je ou pe ètakaif eθve ou akfōt ǹkōp èroi ouoh akkolpt akel naṡeri ǹf̀ryti ǹhanexmalōtos ǹte t̀syfi	And Laban said to Jacob, What hast thou done? wherefore didst thou run away secretly, and pillage me, and lead away my daughters as captives taken with the sword?
31:27	ⲟⲩⲟϩ ⲉ̀ⲛⲉ ⲁⲕⲧⲁⲙⲟⲓ ⲡⲉ ⲛⲁⲓⲛⲁⲟⲩⲟⲣⲡⲕ ⲡⲉ ϧⲉⲛⲟⲩⲟⲩⲛⲟϥ ⲛⲉⲙϩⲁⲛϩⲱⲥ ⲛⲉⲙϩⲁⲛⲕⲉⲙⲕⲉⲙ ⲛⲉⲙⲟⲩⲟⲩⲱⲓⲛⲓ	ⲟⲩⲟϩ ⲉ̀ⲛⲉ ⲁⲕⲧⲁⲙⲟⲓ ⲡⲉ ⲛⲁⲓⲛⲁⲟⲩⲟⲣⲡⲕ ⲡⲉ ϧⲉⲛ ⲟⲩⲟⲩⲛⲟϥ ⲛⲉⲙ ϩⲁⲛϩⲱⲥ ⲛⲉⲙ ϩⲁⲛⲕⲉⲙⲕⲉⲙ ⲛⲉⲙ ⲟⲩⲟⲩⲱⲓⲛⲓ	ouoh ène aktamoi pe nainaouorpk pe xen ouounof nem hanhōs nem hankemkem nem ououōini	Whereas if thou hadst told me, I would have sent thee away with mirth, and with songs, and timbrels, and harp.
31:28	ⲟⲩⲟϩ ⲙ̀ⲡⲓⲙ̀ⲡ̀ϣⲁ ⲉ̀ϯ ⲛ̀ⲟⲩⲫⲓ ⲉ̀ⲣⲱⲟⲩ ⲛ̀ⲛⲁ̀ⲗⲱⲟⲩⲓ̀ ⲛⲉⲙⲛⲁϣⲉⲣⲓ ϯⲛⲟⲩ ⲇⲉ ⲁⲕⲉⲣϩⲱⲃ ϧⲉⲛⲟⲩⲙⲉⲧⲁⲧϩⲏⲧ	ⲟⲩⲟϩ ⲙ̀ⲡⲓⲙ̀ⲡ̀ϣⲁ ⲉ̀ϯ ⲛ̀ⲟⲩⲫⲓ ⲉ̀ⲣⲱⲟⲩ ⲛ̀ⲛⲁ̀ⲗⲱⲟⲩⲓ̀ ⲛⲉⲙ ⲛⲁϣⲉⲣⲓ ϯⲛⲟⲩ ⲇⲉ ⲁⲕⲉⲣϩⲱⲃ ϧⲉⲛ ⲟⲩⲙⲉⲧⲁⲧϩⲏⲧ	ouoh m̀pim̀p̀ṡa èti ǹoufi èrōou ǹnàlōouì nem naṡeri tinou ḋe akerhōb xen oumetat·hyt	And I was not counted worthy to embrace my children and my daughters; now then thou hast wrought foolishly.
31:29	ϯⲛⲟⲩ ⲧⲁϫⲓϫ ϫⲉⲙϫⲟⲙ ⲉ̀ⲉⲣ ⲡⲉⲧϩⲱⲟⲩ ⲛⲁⲕ ⲫⲛⲟⲩϯ ⲇⲉ ⲙ̀ⲡⲉⲕⲓⲱⲧ ⲛ̀ⲥⲁϥ ⲁϥϫⲟⲥ ⲛⲏⲓ ⲉϥϫⲱ ⲙ̀ⲙⲟⲥ ϫⲉⲁ̀ⲣⲉϩ ⲉ̀ⲣⲟⲕ ⲙⲏⲡⲟⲧⲉ ⲛ̀ⲧⲉⲕⲥⲁϫⲓ ⲛⲉⲙⲓⲁⲕⲱⲃ ⲛ̀ϩⲁⲛⲡⲉⲧϩⲱⲟⲩ	ϯⲛⲟⲩ ⲧⲁϫⲓϫ ϫⲉⲙϫⲟⲙ ⲉ̀ⲉⲣ ⲡⲉⲧϩⲱⲟⲩ ⲛⲁⲕ ⲫ̀ⲛⲟⲩϯ ⲇⲉ ⲛ̀ⲡⲉⲕⲓⲱⲧ ⲛ̀ⲥⲁϥ ⲁϥϫⲟⲥ ⲛⲏⲓ ⲉϥϫⲱ ⲙ̀ⲙⲟⲥ ϫⲉ ⲁ̀ⲣⲉϩ ⲉ̀ⲣⲟⲕ ⲙⲏⲡⲟⲧⲉ ⲛ̀ⲧⲉⲕⲥⲁϫⲓ ⲛⲉⲙ ⲓⲁⲕⲱⲃ ⲛ̀ϩⲁⲛⲡⲉⲧϩⲱⲟⲩ	tinou tajig jemgom èer pet·hōou nak f̀nouti ḋe ǹpekiōt ǹsaf afgos nyi efgō m̀mos je àreh èrok mypote ǹtek·saji nem iakōb ǹhanpet·hōou	And now my hand has power to hurt thee; but the God of thy father spoke to me yesterday, saying, Take heed to thyself that thou speak not evil words to Jacob.
31:30	ϯⲛⲟⲩ ⲇⲉ ⲁⲕϣⲉⲛⲁⲕ ϧⲉⲛⲟⲩⲉ̀ⲡⲓⲑⲩⲙⲓⲁ ⲅⲁⲣ ⲁⲕⲉⲣⲉ̀ⲡⲓⲑⲩⲙⲓⲛ ⲉ̀ϣⲉ ⲉ̀ⲡ̀ⲏⲓ ⲙ̀ⲡⲉⲕⲓⲱⲧ ⲉⲑⲃⲉⲟⲩ ⲁⲕⲕⲱⲗⲡ ⲛ̀ⲛⲁⲛⲟⲩϯ	ϯⲛⲟⲩ ⲇⲉ ⲁⲕϣⲉⲛⲁⲕ ϧⲉⲛ ⲟⲩⲉ̀ⲡⲓⲑⲩⲙⲓⲁ ⲅⲁⲣ ⲁⲕⲉⲣⲉ̀ⲡⲓⲑⲩⲙⲓⲛ ⲉ̀ϣⲉ ⲉ̀ⲡ̀ⲏⲓ ⲛ̀ⲡⲉⲕⲓⲱⲧ ⲉⲑⲃⲉ ⲟⲩ ⲁⲕⲕⲱⲗⲡ ⲛ̀ⲛⲁⲛⲟⲩϯ	tinou ḋe akṡenak xen ouèpiθimia ġar akerèpiθimin èṡe èp̀yi ǹpekiōt eθve ou akkōlp ǹnanouti	Now then go on thy way, for thou hast earnestly desired to depart to the house of thy father; wherefore hast thou stolen my gods?
31:31	ⲁϥⲉⲣⲟⲩⲱ ⲇⲉ ⲛ̀ϫⲉⲓⲁⲕⲱⲃ ⲡⲉϫⲁϥ ⲛ̀ⲗⲁⲃⲁⲛ ϫⲉⲁⲓϫⲟⲥ ϫⲉⲙⲏⲡⲟⲧⲉ ⲛ̀ⲧⲉⲕⲉⲗ ⲛⲉⲕϣⲉⲣⲓ ⲛ̀ⲧⲟⲧⲛⲉⲙⲛⲏ ⲉ̀ⲧⲉⲛⲟⲩⲓ̀ ⲧⲏⲣⲟⲩ ⲥⲟⲩⲉⲛ ⲟⲩⲛⲭⲁⲓ ⲛ̀ⲧⲁⲕ ⲛ̀ⲧⲟⲧⲉ̀ⲟⲩϭⲓⲟⲩⲓ ⲡⲉ ⲟⲩⲟϩ ϭⲓⲧϥ ⲟⲩⲟϩ ⲙ̀ⲡⲉϥⲥⲟⲩⲉⲛ ϩ̀ⲗⲓ ⲛ̀ⲧⲁϥ ⲛ̀ⲧⲟⲧϥ	ⲁϥⲉⲣⲟⲩⲱ ⲇⲉ ⲛ̀ϫⲉ ⲓⲁⲕⲱⲃ ⲡⲉϫⲁϥ ⲛ̀ⲗⲁⲃⲁⲛ ϫⲉ ⲁⲓϫⲟⲥ ϫⲉ ⲙⲏⲡⲟⲧⲉ ⲛ̀ⲧⲉⲕⲉⲗ ⲛⲉⲕϣⲉⲣⲓ ⲛ̀ⲧⲟⲧⲛⲉⲙ ⲛⲏ ⲉ̀ⲧⲉⲛⲟⲩⲓ̀ ⲧⲏⲣⲟⲩ ⲥⲟⲩⲉⲛ ⲟⲩⲛ̀ⲭⲁⲓ ⲛ̀ⲧⲁⲕ ⲛ̀ⲧⲟⲧⲉ̀ⲟⲩϭⲓⲟⲩⲓ ⲡⲉ ⲟⲩⲟϩ ϭⲓⲧϥ ⲟⲩⲟϩ ⲛ̀ⲡⲉϥⲥⲟⲩⲉⲛ ϩ̀ⲗⲓ ⲛ̀ⲧⲁϥ ⲛ̀ⲧⲟⲧϥ	aferouō ḋe ǹje iakōb pegaf ǹlaban je aigos je mypote ǹtekel nekṡeri ǹtotnem ny ètenouì tyrou souen ouǹkai ǹtak ǹtotèouċioui pe ouoh ċitf ouoh ǹpefsouen h̀li ǹtaf ǹtotf	And Jacob answered and said to Laban, Because I was afraid; for I said, Lest at any time thou shouldest take away thy daughters from me, and all my possessions.
31:32	ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉⲫⲏ ⲉ̀ⲧⲉⲕⲛⲁϫⲉⲙ ⲛⲉⲕⲛⲟⲩϯ ⲛ̀ⲧⲟⲧϥ ⲛ̀ⲛⲉϥⲱⲛϧ ⲙ̀ⲡⲉⲙ̀ⲑⲟ ⲛ̀ⲛⲉϥⲥ̀ⲛⲏⲟⲩ ⲛⲁϥⲉ̀ⲙⲓ ⲇⲉ ⲁⲛ ⲡⲉ ⲛ̀ϫⲉⲓⲁⲕⲱⲃ ϫⲉⲣⲁⲭⲏⲗ ⲧⲉϥⲥ̀ϩⲓⲙⲓ ⲡⲉⲧⲁⲥⲕⲟⲗⲡⲟⲩ	ⲡⲉϫⲉ ⲓⲁⲕⲱⲃ ⲇⲉ ⲛⲁϥ ϫⲉ ⲫⲏ ⲉ̀ⲧⲉ ⲭ̀ⲛⲁϫⲉⲙ ⲛⲉⲕⲛⲟⲩϯ ⲛ̀ⲧⲟⲧϥ ⲛ̀ⲛⲉϥⲱⲛϧ ⲛ̀ⲡⲉⲙ̀ⲑⲟ ⲛ̀ⲛⲉϥⲥ̀ⲛⲏⲟⲩ ⲛⲁϥⲉ̀ⲙⲓ ⲇⲉ ⲁⲛ ⲡⲉ ⲛ̀ϫⲉ ⲓⲁⲕⲱⲃ ϫⲉ ⲣⲁⲭⲏⲗ ⲧⲉϥⲥ̀ϩⲓⲙⲓ ⲡⲉⲧⲁⲥⲕⲟⲗⲡⲟⲩ	peje iakōb ḋe naf je fy ète k̀najem neknouti ǹtotf ǹnefōnx ǹpem̀θo ǹnefs̀nyou nafèmi ḋe an pe ǹje iakōb je rakyl tefs̀·himi petaskolpou	And Jacob said, With whomsoever thou shalt find thy gods, he shall not live in the presence of our brethren; take notice of what I have of thy property, and take it; and he observed nothing with him, but Jacob knew not that his wife Rachel had stolen them.
31:33	ⲁϥϣⲉⲛⲁϥ ⲇⲉ ⲛ̀ϫⲉⲗⲁⲃⲁⲛ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲗⲓⲁ ⲁϥϧⲟⲑϧⲉⲧ ⲟⲩⲟϩ ⲙ̀ⲡⲉϥϫⲉⲙⲟⲩ ⲟⲩⲟϩ ⲁϥⲓ̀ ⲉ̀ⲃⲟⲗ ϧⲉⲛⲡ̀ⲏⲓ ⲛ̀ⲗⲓⲁ ⲟⲩⲟϩ ⲁϥϧⲟⲧϧⲉⲧ ϧⲉⲛⲡ̀ⲏⲓ ⲛ̀ⲓⲁⲕⲱⲃ ⲛⲉⲙϧⲉⲛⲡⲏⲓ ⲛ̀ϯⲃⲱⲕⲓ ⲃ̅ϯ ⲟⲩⲟϩ ⲙ̀ⲡⲉϥϫⲉⲙⲟⲩ ⲟⲩⲟϩ ⲁϥϣⲉⲛⲁϥ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲣⲁⲭⲏⲗ	ⲁϥϣⲉⲛⲁϥ ⲇⲉ ⲛ̀ϫⲉ ⲗⲁⲃⲁⲛ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲗⲓⲁ ⲁϥϧⲟⲑϧⲉⲧ ⲟⲩⲟϩ ⲙ̀ⲡⲉϥϫⲉⲙⲟⲩ ⲟⲩⲟϩ ⲁϥⲓ̀ ⲉ̀ⲃⲟⲗ ϧⲉⲛ ⲡ̀ⲏⲓ ⲛ̀ⲗⲓⲁ ⲟⲩⲟϩ ⲁϥϧⲟⲧϧⲉⲧ ϧⲉⲛ ⲡ̀ⲏⲓ ⲛ̀ⲓⲁⲕⲱⲃ ⲛⲉⲙ ϧⲉⲛ ⲡ̀ⲏⲓ ⲛ̀ϯⲃⲱⲕⲓ 2ϯ ⲟⲩⲟϩ ⲙ̀ⲡⲉϥϫⲉⲙⲟⲩ ⲟⲩⲟϩ ⲁϥϣⲉⲛⲁϥ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲣⲁⲭⲏⲗ	afṡenaf ḋe ǹje laban èxoun èp̀yi ǹlia afxoθxet ouoh m̀pefjemou ouoh afì èvol xen p̀yi ǹlia ouoh afxotxet xen p̀yi ǹiakōb nem xen p̀yi ǹtivōki 2ti ouoh m̀pefjemou ouoh afṡenaf èxoun èp̀yi ǹrakyl	And Laban went in and searched in the house of Lea, and found not; and he went out of the house of Lea, and searched in the house of Jacob, and in the house of the two maid-servants, and found them not; and he went also into the house of Rachel.
31:34	ⲣⲁⲭⲏⲗ ⲇⲉ ⲁⲥϭⲓ ⲛ̀ⲛⲓⲓ̀ⲇⲱⲗⲟⲛ ⲟⲩⲟϩ ⲁⲥϩⲓⲧⲟⲩ ϧⲁϯϣⲉⲛϯ ⲛ̀ⲧⲉϯϫⲁⲙⲁⲩⲗⲓ ⲟⲩⲟϩ ⲁⲥϩⲉⲙⲥⲓ ϩⲓϫⲱⲟⲩ	ⲣⲁⲭⲏⲗ ⲇⲉ ⲁⲥϭⲓ ⲛ̀ⲛⲓⲓ̀ⲇⲱⲗⲟⲛ ⲟⲩⲟϩ ⲁⲥϩⲓⲧⲟⲩ ϧⲁϯϣⲉⲛϯ ⲛ̀ⲧⲉ ϯϫⲁⲙⲁⲩⲗⲓ ⲟⲩⲟϩ ⲁⲥϩⲉⲙⲥⲓ ϩⲓϫⲱⲟⲩ	rakyl ḋe asċi ǹniìḋōlon ouoh as·hitou xatiṡenti ǹte tigamavli ouoh as·hemsi higōou	And Rachel took the idols, and cast them among the camel's packs, and sat upon them.
31:35	ⲟⲩⲟϩ ⲡⲉϫⲁⲥ ⲙ̀ⲡⲉⲥⲓⲱⲧ ϫⲉⲙ̀ⲡⲉⲛⲑ̀ⲣⲉ ⲡⲓϩⲱⲃ ⲛ̀ϣⲟⲧ ⲙ̀ⲡⲉⲙ̀ⲑⲟ ⲙ̀ⲡⲁϭⲟⲓⲥ ⲙ̀ⲙⲟⲛ ϣ̀ϫⲟⲙ ⲙ̀ⲙⲟⲓ ⲉⲧⲱⲛⲧ ⲙ̀ⲡⲉⲕⲙ̀ⲑⲟ ϫⲉϯⲟⲓ ⲙ̀ⲫ̀ⲣⲏϯ ⲛ̀ⲛⲓϩⲓⲟⲙⲓ ⲁϥϧⲟⲧϧⲉⲧ ⲇⲉ ⲛ̀ϫⲉⲗⲁⲃⲁⲛ ϧⲉⲛⲡⲓⲏⲓ ⲧⲏⲣϥ ⲟⲩⲟϩ ⲙ̀ⲡⲉϥϫⲓⲙⲓ ⲛ̀ⲛⲓⲓ̀ⲇⲱⲗⲟⲛ	ⲟⲩⲟϩ ⲡⲉϫⲁⲥ ⲛ̀ⲡⲉⲥⲓⲱⲧ ϫⲉ ⲙ̀ⲡⲉⲛⲑ̀ⲣⲉ ⲡⲓϩⲱⲃ ⲛ̀ϣⲟⲧ ⲛ̀ⲡⲉⲙ̀ⲑⲟ ⲛ̀ⲡⲁϭⲟⲓⲥ ⲙ̀ⲙⲟⲛ ϣ̀ϫⲟⲙ ⲙ̀ⲙⲟⲓ ⲉⲧⲱⲛⲧ ⲛ̀ⲡⲉⲕⲙ̀ⲑⲟ ϫⲉ ϯⲟⲓ ⲛ̀ⲫ̀ⲣⲏϯ ⲛ̀ⲛⲓϩⲓⲟⲙⲓ ⲁϥϧⲟⲧϧⲉⲧ ⲇⲉ ⲛ̀ϫⲉ ⲗⲁⲃⲁⲛ ϧⲉⲛ ⲡⲓⲏⲓ ⲧⲏⲣϥ ⲟⲩⲟϩ ⲙ̀ⲡⲉϥϫⲓⲙⲓ ⲛ̀ⲛⲓⲓ̀ⲇⲱⲗⲟⲛ	ouoh pegas ǹpesiōt je m̀penθ̀re pihōb ǹṡot ǹpem̀θo ǹpaċois m̀mon ṡ̀gom m̀moi etōnt ǹpekm̀θo je tioi ǹf̀ryti ǹnihiomi afxotxet ḋe ǹje laban xen piyi tyrf ouoh m̀pefjimi ǹniìḋōlon	And she said to her father, Be not indignant, Sir; I cannot rise up before thee, for it is with me according to the manner of women. Laban searched in all the house, and found not the images.
31:36	ⲁϥϫⲟⲛⲧ ⲇⲉ ⲛ̀ϫⲉⲓⲁⲕⲱⲃ ⲟⲩⲟϩ ⲁϥϣⲟⲛⲧ ⲛⲉⲙⲗⲁⲃⲁⲛ ⲁϥⲉⲣⲟⲩⲱ ⲇⲉ ⲛ̀ϫⲉⲓⲁⲕⲱⲃ ⲡⲉϫⲁϥ ⲛ̀ⲗⲁⲃⲁⲛ ϫⲉⲟⲩⲡⲉ ⲡⲁϭⲓⲛ̀ϫⲟⲛⲥ ⲛⲉⲙⲡⲁⲛⲟⲃⲓ ϫⲉⲁⲕϭⲟϫⲓ ⲛ̀ⲥⲁⲙⲉⲛϩⲏⲓ	ⲁϥϫⲟⲛⲧ ⲇⲉ ⲛ̀ϫⲉ ⲓⲁⲕⲱⲃ ⲟⲩⲟϩ ⲁϥϣⲟⲛⲧ ⲛⲉⲙ ⲗⲁⲃⲁⲛ ⲁϥⲉⲣⲟⲩⲱ ⲇⲉ ⲛ̀ϫⲉ ⲓⲁⲕⲱⲃ ⲡⲉϫⲁϥ ⲛ̀ⲗⲁⲃⲁⲛ ϫⲉ ⲟⲩ ⲡⲉ ⲡⲁϭⲓⲛ̀ϫⲟⲛⲥ ⲛⲉⲙ ⲡⲁⲛⲟⲃⲓ ϫⲉ ⲁⲕϭⲟϫⲓ ⲛ̀ⲥⲁⲙⲉⲛϩⲏⲓ	afgont ḋe ǹje iakōb ouoh afṡont nem laban aferouō ḋe ǹje iakōb pegaf ǹlaban je ou pe paċiǹgons nem panovi je akċoji ǹsamenhyi	And Jacob was angry, and strove with Laban; and Jacob answered and said to Laban, What is my injustice, and what my sin, that thou hast pursued after me,
31:37	ⲁⲕϧⲟⲧϧⲉⲧ ⲛ̀ⲛⲓⲥ̀ⲕⲉⲩⲟⲥ ⲧⲏⲣⲟⲩ ⲛ̀ⲧⲉⲡⲁⲏⲓ ⲟⲩ ⲡⲉⲧⲁⲕϫⲉⲙϥ ⲉ̀ⲃⲟⲗ ϧⲉⲛⲛⲓⲥ̀ⲕⲉⲩⲟⲥ ⲧⲏⲣⲟⲩ ⲛ̀ⲧⲉⲡⲉⲕⲏⲓ ⲥⲉⲙⲛⲏⲧⲟⲩ ⲙ̀ⲡⲁⲓⲙⲁ ⲙ̀ⲡⲉⲙⲑⲟ ⲛ̀ⲛⲉⲕⲥ̀ⲛⲏⲟⲩ ⲛⲉⲙⲛⲁⲥ̀ⲛⲏⲟⲩ ⲟⲩⲟϩ ⲙⲁⲣⲟⲩⲥⲟϩⲓ ϧⲉⲛⲧⲉⲛⲙⲏϯ ⲙ̀ⲡ̀ⲃ̅	ⲁⲕϧⲟⲧϧⲉⲧ ⲛ̀ⲛⲓⲥ̀ⲕⲉⲩⲟⲥ ⲧⲏⲣⲟⲩ ⲛ̀ⲧⲉ ⲡⲁⲏⲓ ⲟⲩ ⲡⲉⲧⲁⲕϫⲉⲙϥ ⲉ̀ⲃⲟⲗ ϧⲉⲛ ⲛⲓⲥ̀ⲕⲉⲩⲟⲥ ⲧⲏⲣⲟⲩ ⲛ̀ⲧⲉ ⲡⲉⲕⲏⲓ ⲥⲉⲙⲛⲏⲧⲟⲩ ⲛ̀ⲡⲁⲓⲙⲁ ⲛ̀ⲡⲉⲙ̀ⲑⲟ ⲛ̀ⲛⲉⲕⲥ̀ⲛⲏⲟⲩ ⲛⲉⲙ ⲛⲁⲥ̀ⲛⲏⲟⲩ ⲟⲩⲟϩ ⲙⲁⲣⲟⲩⲥⲟϩⲓ ϧⲉⲛ ⲧⲉⲛⲙⲏϯ ⲛ̀ⲡ̀2	akxotxet ǹnis̀kevos tyrou ǹte payi ou petakjemf èvol xen nis̀kevos tyrou ǹte pekyi semnytou ǹpaima ǹpem̀θo ǹnek·s̀nyou nem nas̀nyou ouoh marousohi xen tenmyti ǹp̀2	and that thou hast searched all the furniture of my house? what hast thou found of all the furniture of thine house? set it here between thy relations and my relations, and let them decide between us two.
31:38	ⲛⲁⲓ ⲕ̅ ⲛ̀ⲣⲟⲙⲡⲓ ⲛⲉ ⲉⲓⲭⲏ ⲛⲉⲙⲁⲕ ⲛⲉⲕⲉ̀ⲥⲱⲟⲩ ⲛⲉⲙⲛⲉⲕⲃⲁⲉⲙⲡⲓ ⲙ̀ⲡⲟⲩⲉⲣⲁⲧϣⲏⲣⲓ ⲟⲩⲱⲓⲗⲓ ⲛ̀ⲧⲉⲛⲉⲕⲉ̀ⲥⲱⲟⲩ ⲙ̀ⲡⲓⲟⲩⲟⲙϥ	ⲛⲁⲓ ϫⲱϯ ⲛ̀ⲣⲟⲙⲡⲓ ⲛⲉ ⲉⲓⲭⲏ ⲛⲉⲙⲁⲕ ⲛⲉⲕⲉ̀ⲥⲱⲟⲩ ⲛⲉⲙ ⲛⲉⲕⲃⲁⲉⲙⲡⲓ ⲛ̀ⲡ̀ⲟⲩⲉⲣⲁⲧϣⲏⲣⲓ ⲟⲩⲱⲓⲗⲓ ⲛ̀ⲧⲉ ⲛⲉⲕⲉ̀ⲥⲱⲟⲩ ⲙ̀ⲡⲓⲟⲩⲟⲙϥ	nai gōti ǹrompi ne eiky nemak nekèsōou nem nekvaempi ǹp̀oueratṡyri ouōili ǹte nekèsōou m̀piouomf	These twenty years have I been with thee; thy sheep, and thy she-goats have not failed in bearing; I devoured not the rams of thy cattle.
31:39	ⲟⲩⲁⲓ ⲉ̀ⲁ̀ ⲡ̀ⲑⲏⲣⲓⲟⲛ ⲟⲩⲟⲙϥ ⲙ̀ⲡⲓⲉⲛϥ ⲛⲁⲕ ⲁ̀ⲛⲟⲕ ⲉ̀ⲛⲁⲓϯ ⲉ̀ⲃⲟⲗ ϩⲓⲧⲟⲧⲛ̀ⲛⲓϭⲓⲟⲩⲓ ⲛ̀ⲧⲉⲡⲓⲉ̀ϩⲟⲟⲩ ⲛⲉⲙⲛⲓϭⲓⲟⲩⲓ ⲛ̀ⲧⲉⲡⲓⲉ̀ϫⲱⲣϩ	ⲟⲩⲁⲓ ⲉ̀ⲁ̀ ⲡ̀ⲑⲏⲣⲓⲟⲛ ⲟⲩⲟⲙϥ ⲙ̀ⲡⲓⲉⲛϥ ⲛⲁⲕ ⲁ̀ⲛⲟⲕ ⲉ̀ⲛⲁⲓϯ ⲉ̀ⲃⲟⲗ ϩⲓⲧⲟⲧⲛ̀ⲛⲓϭⲓⲟⲩⲓ ⲛ̀ⲧⲉ ⲡⲓⲉ̀ϩⲟⲟⲩ ⲛⲉⲙ ⲛⲓϭⲓⲟⲩⲓ ⲛ̀ⲧⲉ ⲡⲓⲉ̀ϫⲱⲣϩ	ouai èà p̀θyrion ouomf m̀pienf nak ànok ènaiti èvol hitotǹniċioui ǹte pièhoou nem niċioui ǹte piègōrh	That which was taken of beasts I brought not to thee; I made good of myself the thefts of the day, and the thefts of the night.
31:40	ⲛⲁⲓⲣⲟⲕϩ ϧⲉⲛⲡ̀ⲕⲁⲩⲙⲁ ⲛ̀ⲧⲉⲡⲓⲉ̀ϩⲟⲟⲩ ⲛⲉⲙⲡⲓϫⲁϥ ⲛ̀ⲧⲉⲡⲓⲉ̀ϫⲱⲣϩ ⲡⲓϩⲓⲛⲓⲙ ⲁϥϣⲉⲛⲁϥ ⲉ̀ⲃⲟⲗ ϩⲁⲛⲁⲃⲁⲗ	ⲛⲁⲓⲣⲟⲕϩ ϧⲉⲛ ⲡ̀ⲕⲁⲩⲙⲁ ⲛ̀ⲧⲉ ⲡⲓⲉ̀ϩⲟⲟⲩ ⲛⲉⲙ ⲡⲓϫⲁϥ ⲛ̀ⲧⲉ ⲡⲓⲉ̀ϫⲱⲣϩ ⲡⲓϩⲓⲛⲓⲙ ⲁϥϣⲉⲛⲁϥ ⲉ̀ⲃⲟⲗ ϩⲁⲛⲁⲃⲁⲗ	nairok·h xen p̀kavma ǹte pièhoou nem pigaf ǹte piègōrh pihinim afṡenaf èvol hanaval	I was parched with heat by day, and with frost by night, and my sleep departed from my eyes.
31:41	ⲛⲁⲓ ⲕ̅ ⲛⲣⲟⲙⲡⲓ ⲛⲉ ⲉⲓⲭⲏ ⲛⲉⲙⲁⲕ ⲉⲓⲉ̀ⲣⲃⲱⲕ ⲛⲁⲕ ⲙ̀ⲓ̅ⲇ̅ ⲛ̀ⲣⲟⲙⲡⲓ ⲉⲑⲃⲉⲛⲉⲕϣⲉⲣⲓ ⲟⲩⲟϩ ⲋ̅ ⲛ̀ⲣⲟⲙⲡⲓ ϧⲉⲛⲛⲉⲕⲉ̀ⲥⲱⲟⲩ ⲟⲩⲟϩ ⲁⲕϣⲱⲃⲧ ⲙ̀ⲡⲁⲃⲉⲭⲉ ⲛ̀ⲧⲉϯⲙⲏϯ ⲛ̀ϩⲓⲉⲃⲓ	ⲛⲁⲓ ϫⲱϯ ⲛ̀ⲣⲟⲙⲡⲓ ⲛⲉ ⲉⲓⲭⲏ ⲛⲉⲙⲁⲕ ⲉⲓⲉ̀ⲣⲃⲱⲕ ⲛⲁⲕ ⲙ̀14 ⲛ̀ⲣⲟⲙⲡⲓ ⲉⲑⲃⲉ ⲛⲉⲕϣⲉⲣⲓ ⲟⲩⲟϩ 6 ⲛ̀ⲣⲟⲙⲡⲓ ϧⲉⲛ ⲛⲉⲕⲉ̀ⲥⲱⲟⲩ ⲟⲩⲟϩ ⲁⲕϣⲱⲃⲧ ⲛ̀ⲡⲁⲃⲉⲭⲉ ⲛ̀ⲧⲉ ⲑ̀ⲙⲏϯ ⲛ̀ϩⲓⲉⲃⲓ	nai gōti ǹrompi ne eiky nemak eièrvōk nak m̀14 ǹrompi eθve nekṡeri ouoh 6 ǹrompi xen nekèsōou ouoh akṡōvt ǹpaveke ǹte θ̀myti ǹhievi	These twenty years have I been in thy house; I served thee fourteen years for thy two daughters, and six years among thy sheep, and thou didst falsely rate my wages for ten lambs.
31:42	ⲉ̀ⲃⲏⲗ ϫⲉⲫⲛⲟⲩϯ ⲛ̀ⲁⲃⲣⲁⲁⲙ ⲡⲁⲓⲱⲧ ϥ̀ⲭⲏ ⲛⲉⲙⲏⲓ ⲛⲉⲙⲧ̀ϩⲟϯ ⲛ̀ⲓⲥⲁⲁⲕ ϯⲛⲟⲩ ⲛⲁⲕⲛⲁⲭⲁⲧ ⲉ̀ⲃⲟⲗ ⲉⲓϣⲟⲩⲓⲧ ⲡⲁⲑⲉⲃⲓⲟ ⲛⲉⲙⲛⲓⲙ̀ⲕⲁϩ ⲛ̀ⲧⲉⲛⲁϫⲓϫ ⲁ̀ ⲫⲛⲟⲩϯ ⲛⲁⲩ ⲉ̀ⲣⲟϥ ⲟⲩⲟϩ ⲁϥⲥⲁϩⲱⲕ ⲛ̀ⲥⲁϥ	ⲉ̀ⲃⲏⲗ ϫⲉ ⲫ̀ⲛⲟⲩϯ ⲛ̀ⲁⲃⲣⲁⲁⲙ ⲡⲁⲓⲱⲧ ϥ̀ⲭⲏ ⲛⲉⲙⲏⲓ ⲛⲉⲙ ⲧ̀ϩⲟϯ ⲛ̀ⲓⲥⲁⲁⲕ ϯⲛⲟⲩ ⲛⲁⲕⲛⲁⲭⲁⲧ ⲉ̀ⲃⲟⲗ ⲉ̀ⲓϣⲟⲩⲓⲧ ⲡⲁⲑⲉⲃⲓⲟ ⲛⲉⲙ ⲛⲓⲙ̀ⲕⲁϩ ⲛ̀ⲧⲉ ⲛⲁϫⲓϫ ⲁ̀ ⲫ̀ⲛⲟⲩϯ ⲛⲁⲩ ⲉ̀ⲣⲟϥ ⲟⲩⲟϩ ⲁϥⲥⲁϩⲱⲕ ⲛ̀ⲥⲁϥ	èvyl je f̀nouti ǹabraam paiōt f̀ky nemyi nem t̀·hoti ǹisaak tinou naknakat èvol èiṡouit paθevio nem nim̀kah ǹte najig à f̀nouti nav èrof ouoh afsahōk ǹsaf	Unless I had the God of my father Abraam, and the fear of Isaac, now thou wouldest have sent me away empty; God saw my humiliation, and the labour of my hands, and rebuked thee yesterday.
31:43	ⲁϥⲉⲣⲟⲩⲱ ⲇⲉ ⲛ̀ϫⲉⲗⲁⲃⲁⲛ ⲡⲉϫⲁϥ ⲛ̀ⲓⲁⲕⲱⲃ ϫⲉⲛⲁⲓϣⲉⲣⲓ ⲛⲁϣⲉⲣⲓ ⲛⲉ ⲟⲩⲟϩ ⲛⲁⲓϣⲏⲣⲓ ⲛⲁϣⲏⲣⲓ ⲛⲉ ⲟⲩⲟϩ ⲛⲁⲓⲧⲉⲃⲛⲱⲟⲩⲓ ⲛⲁⲧⲉⲃⲛⲱⲟⲩⲓ ⲛⲉ ⲟⲩⲟϩ ⲛⲁⲓ ⲧⲏⲣⲟⲩ ⲉ̀ⲧⲁⲕⲛⲁⲩ ⲉ̀ⲣⲱⲟⲩ ⲛ̀ⲟⲩⲓ ⲛⲉ ⲛⲉⲙⲛⲁϣⲉⲣⲓ ⲟⲩ ϫⲉⲡⲉϯⲛⲁⲁⲓϥ ⲛ̀ⲛⲁϣⲉⲣⲓ ⲙ̀ⲫⲟⲟⲩ ⲓⲉ ⲛ̀ⲟⲩϣⲏⲣⲓ ⲉ̀ⲧⲁⲩⲙⲁⲥⲟⲩ	ⲁϥⲉⲣⲟⲩⲱ ⲇⲉ ⲛ̀ϫⲉ ⲗⲁⲃⲁⲛ ⲡⲉϫⲁϥ ⲛ̀ⲓⲁⲕⲱⲃ ϫⲉ ⲛⲁⲓϣⲉⲣⲓ ⲛⲁϣⲉⲣⲓ ⲛⲉ ⲟⲩⲟϩ ⲛⲁⲓϣⲏⲣⲓ ⲛⲁϣⲏⲣⲓ ⲛⲉ ⲟⲩⲟϩ ⲛⲁⲓ ⲧⲉⲃⲛⲱⲟⲩⲓ ⲛⲁⲧⲉⲃⲛⲱⲟⲩⲓ ⲛⲉ ⲟⲩⲟϩ ⲛⲁⲓ ⲧⲏⲣⲟⲩ ⲉ̀ⲧⲁⲭⲛⲁⲩ ⲉ̀ⲣⲱⲟⲩ ⲛ̀ⲟⲩⲓ ⲛⲉ ⲛⲉⲙ ⲛⲁϣⲉⲣⲓ ⲟⲩ ϫⲉ ⲡⲉϯⲛⲁⲁⲓϥ ⲛ̀ⲛⲁϣⲉⲣⲓ ⲛ̀ⲫⲟⲟⲩ ⲓⲉ ⲛ̀ⲟⲩϣⲏⲣⲓ ⲉ̀ⲧⲁⲩⲙⲁⲥⲟⲩ	aferouō ḋe ǹje laban pegaf ǹiakōb je naiṡeri naṡeri ne ouoh naiṡyri naṡyri ne ouoh nai tevnōoui natevnōoui ne ouoh nai tyrou ètaknav èrōou ǹoui ne nem naṡeri ou je petinaaif ǹnaṡeri ǹfoou ie ǹouṡyri ètavmasou	And Laban answered and said to Jacob, The daughters are my daughters, and the sons my sons, and the cattle are my cattle, and all things which thou seest are mine, and of my daughters; what shall I do to them to-day, or their children which they bore?
31:44	ϯⲛⲟⲩ ⲟⲩⲛ ⲁ̀ⲙⲟⲩ ⲛ̀ⲧⲉⲛⲥⲉⲙⲛⲏ ⲛ̀ⲟⲩⲇⲓⲁⲑⲏⲕⲏ ⲁ̀ⲛⲟⲕ ⲛⲉⲙⲁⲕ ⲟⲩⲟϩ ⲉⲥⲉ̀ϣⲱⲡⲓ ⲉⲩⲙⲉⲧⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ ϩⲏⲡⲡⲉ ⲙ̀ⲙⲟⲛ ϩ̀ⲗⲓ ⲛⲉⲙⲁⲛ ⲓⲥ ⲫⲛⲟⲩϯ ⲡⲉⲧⲉⲣⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ	ϯⲛⲟⲩ ⲟⲩⲛ ⲁ̀ⲙⲟⲩ ⲛ̀ⲧⲉⲛⲥⲉⲙⲛⲏ ⲛ̀ⲟⲩⲇⲓⲁⲑⲏⲕⲏ ⲁ̀ⲛⲟⲕ ⲛⲉⲙⲁⲕ ⲟⲩⲟϩ ⲉⲥⲉ̀ϣⲱⲡⲓ ⲉⲩⲙⲉⲧⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ ϩⲏⲡⲡⲉ ⲙ̀ⲙⲟⲛ ϩ̀ⲗⲓ ⲛⲉⲙⲁⲛ ⲓⲥ ⲫ̀ⲛⲟⲩϯ ⲡ̀ⲉⲧⲉⲣⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ	tinou oun àmou ǹtensemny ǹouḋiaθyky ànok nemak ouoh esèṡōpi evmetmeθre outōi nemak hyppe m̀mon h̀li neman is f̀nouti p̀etermeθre outōi nemak	Now then come, let me make a covenant, both I and thou, and it shall be for a witness between me and thee; and he said to him, Behold, there is no one with us; behold, God is witness between me and thee.
31:45	ⲁϥϭⲓ ⲇⲉ ⲛ̀ϫⲉⲓⲁⲕⲱⲃ ⲛ̀ⲟⲩⲱⲛⲓ ⲁϥⲧⲁϩⲟϥ ⲉ̀ⲣⲁⲧϥ ⲛ̀ⲟⲩⲥ̀ⲧⲩⲗⲏ	ⲁϥϭⲓ ⲇⲉ ⲛ̀ϫⲉ ⲓⲁⲕⲱⲃ ⲛ̀ⲟⲩⲱⲛⲓ ⲁϥⲧⲁϩⲟϥ ⲉ̀ⲣⲁⲧϥ ⲛ̀ⲟⲩⲥ̀ⲧⲩⲗⲏ	afċi ḋe ǹje iakōb ǹouōni aftahof èratf ǹous̀tily	And Jacob having taken a stone, set it up for a pillar.
31:46	ⲡⲉϫⲉ ⲓⲁⲕⲱⲃ ⲇⲉ ⲛ̀ⲛⲉϥⲥ̀ⲛⲏⲟⲩ ϫⲉⲥⲉⲕ ⲱⲛⲓ ⲟⲩⲟϩ ⲁⲩⲥⲱⲕⲓ ⲛ̀ϩⲁⲛⲱⲛⲓ ⲟⲩⲟϩ ⲁⲩⲑⲁⲙⲓⲟ ⲛ̀ⲟⲩⲑⲁⲗ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ ϩⲓⲡⲓⲑⲁⲗ ⲟⲩⲟϩ ⲡⲉϫⲉ ⲗⲁⲃⲁⲛ ⲛⲁϥ ϫⲉⲡⲁⲓⲑⲁⲗ ⲉ̀ⲧⲉⲣⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ ⲙ̀ⲫⲟⲟⲩ	ⲡⲉϫⲉ ⲓⲁⲕⲱⲃ ⲇⲉ ⲛ̀ⲛⲉϥⲥ̀ⲛⲏⲟⲩ ϫⲉ ⲥⲉⲕ ⲱⲛⲓ ⲟⲩⲟϩ ⲁⲩⲥⲱⲕⲓ ⲛ̀ϩⲁⲛⲱⲛⲓ ⲟⲩⲟϩ ⲁⲩⲑⲁⲙⲓⲟ ⲛ̀ⲟⲩⲑⲁⲗ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ ϩⲓ ⲡⲓⲑⲁⲗ ⲟⲩⲟϩ ⲡⲉϫⲉ ⲗⲁⲃⲁⲛ ⲛⲁϥ ϫⲉ ⲡⲁⲓⲑⲁⲗ ⲉ̀ⲧⲉⲣⲙⲉⲑⲣⲉ ⲟⲩⲧⲱⲓ ⲛⲉⲙⲁⲕ ⲛ̀ⲫⲟⲟⲩ	peje iakōb ḋe ǹnefs̀nyou je sek ōni ouoh avsōki ǹhanōni ouoh avθamio ǹouθal ouoh avouōm ouoh avsō hi piθal ouoh peje laban naf je paiθal ètermeθre outōi nemak ǹfoou	And Jacob said to his brethren, Gather stones; and they gathered stones and made a heap, and ate there upon the heap; and Laban said to him, This heap witnesses between me and thee to-day.
31:47	ⲟⲩⲟϩ ⲁ̀ ⲗⲁⲃⲁⲛ ϯⲣⲉⲛ ⲡⲉϥⲣⲁⲛ ϫⲉⲡⲓⲑⲁⲗ ⲛ̀ⲧⲉϯⲙⲉⲧⲙⲉⲑⲣⲉ ⲓⲁⲕⲱⲃ ⲇⲉ ⲁϥⲙⲟⲩϯ ⲉ̀ⲣⲟϥ ϫⲉⲡⲓⲑⲁⲗ ⲉ̀ⲧⲟⲓ ⲙ̀ⲙⲉⲑⲣⲉ	ⲟⲩⲟϩ ⲁ̀ ⲗⲁⲃⲁⲛ ϯⲣⲉⲛ ⲡⲉϥⲣⲁⲛ ϫⲉ ⲡⲓⲑⲁⲗ ⲛ̀ⲧⲉ ϯⲙⲉⲧⲙⲉⲑⲣⲉ ⲓⲁⲕⲱⲃ ⲇⲉ ⲁϥⲙⲟⲩϯ ⲉ̀ⲣⲟϥ ϫⲉ ⲡⲓⲑⲁⲗ ⲉ̀ⲧⲟⲓ ⲛ̀ⲙⲉⲑⲣⲉ	ouoh à laban tiren pefran je piθal ǹte timetmeθre iakōb ḋe afmouti èrof je piθal ètoi ǹmeθre	And Laban called it, the Heap of Testimony; and Jacob called it, the Witness Heap.
31:48	ⲡⲉϫⲉ ⲗⲁⲃⲁⲛ ⲇⲉ ⲛ̀ⲓⲁⲕⲱⲃ ϫⲉϩⲏⲡⲡⲉ ⲓⲥ ⲡⲁⲓⲑⲁⲗ ⲛⲉⲙⲧⲁⲓⲥ̀ⲧⲩⲗⲏ ⲉ̀ⲧⲁⲓⲧⲁϩⲟⲥ ⲟⲩⲧⲱⲓ ⲛⲉⲙⲁⲕ ϥ̀ⲉⲣⲙⲉⲑⲣⲉ ⲛ̀ϫⲉⲡⲁⲓⲑⲁⲗ ⲟⲩⲟϩ ⲥⲉⲣⲙⲉⲑⲣⲉ ⲛ̀ϫⲉⲧⲁⲓⲥ̀ⲧⲩⲗⲏ ⲉⲑⲃⲉⲫⲁⲓ ⲁⲩϯⲣⲉⲛϥ ϫⲉⲡⲓⲑⲁⲗ ⲛ̀ⲧⲉϯⲙⲉⲧⲙⲉⲑⲣⲉ	ⲡⲉϫⲉ ⲗⲁⲃⲁⲛ ⲇⲉ ⲛ̀ⲓⲁⲕⲱⲃ ϫⲉ ϩⲏⲡⲡⲉ ⲓⲥ ⲡⲁⲓⲑⲁⲗ ⲛⲉⲙ ⲧⲁⲓⲥ̀ⲧⲩⲗⲏ ⲉ̀ⲧⲁⲓⲧⲁϩⲟⲥ ⲟⲩⲧⲱⲓ ⲛⲉⲙⲁⲕ ϥ̀ⲉⲣⲙⲉⲑⲣⲉ ⲛ̀ϫⲉ ⲡⲁⲓⲑⲁⲗ ⲟⲩⲟϩ ⲥⲉⲣⲙⲉⲑⲣⲉ ⲛ̀ϫⲉ ⲧⲁⲓⲥ̀ⲧⲩⲗⲏ ⲉⲑⲃⲉ ⲫⲁⲓ ⲁⲩϯⲣⲉⲛϥ ϫⲉ ⲡⲓⲑⲁⲗ ⲛ̀ⲧⲉ ϯⲙⲉⲧⲙⲉⲑⲣⲉ	peje laban ḋe ǹiakōb je hyppe is paiθal nem tais̀tily ètaitahos outōi nemak f̀ermeθre ǹje paiθal ouoh sermeθre ǹje tais̀tily eθve fai avtirenf je piθal ǹte timetmeθre	And Laban said to Jacob, Behold this heap, and the pillar, which I have set between me and thee; this heap witnesses, and this pillar witnesses; therefore its name was called, the Heap witnesses.
31:49	ⲛⲉⲙϯϩⲟⲣⲁⲥⲓⲥ ⲉ̀ⲧⲁϥϫⲟⲥ ⲉϥⲉ̀ⲛⲁⲩ ⲛ̀ϫⲉⲫⲛⲟⲩϯ ⲟⲩⲧⲱⲓ ⲛⲉⲙⲁⲕ ϫⲉⲧⲉⲛⲛⲁⲫⲱⲣϫ ⲉ̀ⲃⲟⲗ ⲛ̀ⲛⲉⲛⲉⲣⲏⲟⲩ	ⲛⲉⲙ ϯϩⲟⲣⲁⲥⲓⲥ ⲉ̀ⲧⲁϥϫⲟⲥ ⲉϥⲉ̀ⲛⲁⲩ ⲛ̀ϫⲉ ⲫ̀ⲛⲟⲩϯ ⲟⲩⲧⲱⲓ ⲛⲉⲙⲁⲕ ϫⲉ ⲧⲉⲛⲛⲁⲫⲱⲣϫ ⲉ̀ⲃⲟⲗ ⲛ̀ⲛⲉⲛⲉ̀ⲣⲏⲟⲩ	nem tihorasis ètafgos efènav ǹje f̀nouti outōi nemak je tennafōrg èvol ǹnenèryou	And the vision of which he saidLet God look to it between me and thee, because we are about to depart from each other,
31:50	ϫⲉⲁⲛ ⲛ̀ⲛⲉⲕⲑⲉⲃⲓⲟ ⲛ̀ⲛⲁϣⲉⲣⲓ ϫⲉⲁⲛ ⲛ̀ⲛⲉⲕϭⲓⲥ̀ϩⲓⲙⲓ ⲉ̀ϫⲉⲛⲛⲁϣⲉⲣⲓ ⲁ̀ⲛⲁⲩ ⲙ̀ⲙⲟⲛ ϩ̀ⲗⲓ ⲛⲉⲙⲁⲛ	ϫⲉ ⲁⲛ ⲛ̀ⲛⲉⲕⲑⲉⲃⲓⲟ ⲛ̀ⲛⲁϣⲉⲣⲓ ϫⲉ ⲁⲛ ⲛ̀ⲛⲉⲕϭⲓⲥ̀ϩⲓⲙⲓ ⲉ̀ϫⲉⲛ ⲛⲁϣⲉⲣⲓ ⲁ̀ⲛⲁⲩ ⲙ̀ⲙⲟⲛ ϩ̀ⲗⲓ ⲛⲉⲙⲁⲛ	je an ǹnekθevio ǹnaṡeri je an ǹnekċis̀·himi èjen naṡeri ànav m̀mon h̀li neman	If thou shalt humble my daughters, if thou shouldest take wives in addition to my daughters, see, there is no one with us looking on. God witness between me and thee.
31:51	ⲉ̀ϣⲱⲡ ⲇⲉ ⲁ̀ⲛⲟⲕ ⲛ̀ⲧⲁϣ̀ⲧⲉⲙⲥⲓⲛⲓ ϩⲁⲣⲟⲕ ⲟⲩⲇⲉ ⲛ̀ⲑⲟⲕ ⲛ̀ⲧⲉⲕϣ̀ⲧⲉⲙⲥⲓⲛⲓ ϩⲁⲣⲟⲓ ⲡⲁⲓⲑⲁⲗ ⲛⲉⲙⲧⲁⲓⲥ̀ⲧⲩⲗⲏ ⲉ̀ϫⲉⲛⲟⲩⲕⲁⲕⲓⲁ	ⲉ̀ϣⲱⲡ ⲇⲉ ⲁ̀ⲛⲟⲕ ⲛ̀ⲧⲁϣ̀ⲧⲉⲙⲥⲓⲛⲓ ϩⲁⲣⲟⲕ ⲟⲩⲇⲉ ⲛ̀ⲑⲟⲕ ⲛ̀ⲧⲉ ⲕϣ̀ⲧⲉⲙⲥⲓⲛⲓ ϩⲁⲣⲟⲓ ⲡⲁⲓⲑⲁⲗ ⲛⲉⲙ ⲧⲁⲓⲥ̀ⲧⲩⲗⲏ ⲉ̀ϫⲉⲛ ⲟⲩⲕⲁⲕⲓⲁ	èṡōp ḋe ànok ǹtaṡ̀temsini harok ouḋe ǹθok ǹte kṡ̀temsini haroi paiθal nem tais̀tily èjen oukakia	And Laban said to Jacob, Behold, this heap, and this pillar are a witness.
31:52	ⲫⲛⲟⲩϯ ⲛ̀ⲁⲃⲣⲁⲁⲙ ⲛⲉⲙⲫⲛⲟⲩϯ ⲛ̀ⲛⲁⲙⲱⲣ ⲉϥⲉ̀ϯϩⲁⲡ ⲟⲩⲧⲱⲛ ⲟⲩⲟϩ ⲁ̀ ⲓⲁⲕⲱⲃ ⲱⲣⲕ ⲛ̀ⲧ̀ϩⲟϯ ⲛ̀ⲓⲥⲁⲁⲕ ⲡⲉϥⲓⲱⲧ	ⲫ̀ⲛⲟⲩϯ ⲛ̀ⲁⲃⲣⲁⲁⲙ ⲛⲉⲙ ⲫ̀ⲛⲟⲩϯ ⲛ̀ⲛⲁⲙⲱⲣ ⲉϥⲉ̀ϯϩⲁⲡ ⲟⲩⲧⲱⲛ ⲟⲩⲟϩ ⲁ̀ ⲓⲁⲕⲱⲃ ⲱⲣⲕ ⲛ̀ⲧ̀ϩⲟϯ ⲛ̀ⲓⲥⲁⲁⲕ ⲡⲉϥⲓⲱⲧ	f̀nouti ǹabraam nem f̀nouti ǹnamōr efètihap outōn ouoh à iakōb ōrk ǹt̀·hoti ǹisaak pefiōt	For if I should not cross over unto thee, neither shouldest thou cross over to me, for mischief beyond this heap and this pillar.
31:53	ⲟⲩⲟϩ ⲁ̀ ⲓⲁⲕⲱⲃ ϣⲉⲧ ϣⲟⲩϣⲱⲟⲩϣⲓ ⲉ̀ϩ̀ⲣⲏⲓ ⲉ̀ϫⲉⲛⲡⲓⲧⲱⲟⲩ ⲟⲩⲟϩ ⲁϥⲙⲟⲩϯ ⲟⲩⲃⲉ ⲛⲉϥⲥ̀ⲛⲏⲟⲩ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ ⲟⲩⲟϩ ⲁⲩⲛ̀ⲕⲟⲧ ⲛ̀ϩ̀ⲣⲏⲓ ϩⲓⲡⲓⲧⲱⲟⲩ	ⲟⲩⲟϩ ⲁ̀ ⲓⲁⲕⲱⲃ ϣⲉⲧ ϣⲟⲩϣⲱⲟⲩϣⲓ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲧⲱⲟⲩ ⲟⲩⲟϩ ⲁϥⲙⲟⲩϯ ⲟⲩⲃⲉ ⲛⲉϥⲥ̀ⲛⲏⲟⲩ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ ⲟⲩⲟϩ ⲁⲩⲛ̀ⲕⲟⲧ ⲛ̀ϩ̀ⲣⲏⲓ ϩⲓ ⲡⲓⲧⲱⲟⲩ	ouoh à iakōb ṡet ṡouṡōouṡi èh̀ryi èjen pitōou ouoh afmouti ouve nefs̀nyou ouoh avouōm ouoh avsō ouoh avǹkot ǹh̀ryi hi pitōou	The God of Abraam and the God of Nachor judge between us; and Jacob swore by the Fear of his father Isaac.
31:54	ⲁϥⲧⲱⲛϥ ⲇⲉ ⲛ̀ϫⲉⲗⲁⲃⲁⲛ ⲛ̀ⲧⲟⲟⲩⲓ̀ ⲁϥϯⲫⲓ ⲉ̀ϩ̀ⲣⲉⲛⲛⲉϥϣⲏⲣⲓ ⲛⲉⲙⲛⲉϥϣⲉⲣⲓ ⲟⲩⲟϩ ⲁϥⲥ̀ⲙⲟⲩ ⲉ̀ⲣⲱⲟⲩ ⲟⲩⲟϩ ⲁϥⲕⲟⲧϥ ⲛ̀ϫⲉⲗⲁⲃⲁⲛ ⲁϥϣⲉⲛⲁϥ ⲉ̀ⲡⲉϥⲙⲁ	ⲁϥⲧⲱⲛϥ ⲇⲉ ⲛ̀ϫⲉ ⲗⲁⲃⲁⲛ ⲛ̀ⲧⲟⲟⲩⲓ̀ ⲁϥϯⲫⲓ ⲉ̀ϩ̀ⲣⲉⲛⲛⲉϥϣⲏⲣⲓ ⲛⲉⲙ ⲛⲉϥϣⲉⲣⲓ ⲟⲩⲟϩ ⲁϥⲥ̀ⲙⲟⲩ ⲉ̀ⲣⲱⲟⲩ ⲟⲩⲟϩ ⲁϥⲕⲟⲧϥ ⲛ̀ϫⲉ ⲗⲁⲃⲁⲛ ⲁϥϣⲉⲛⲁϥ ⲉ̀ⲡⲉϥⲙⲁ	aftōnf ḋe ǹje laban ǹtoouì aftifi èh̀rennefṡyri nem nefṡeri ouoh afs̀mou èrōou ouoh afkotf ǹje laban afṡenaf èpefma	And he offered a sacrifice in the mountain, and called his brethren, and they ate and drank, and slept in the mountain.

Provenance

title: Genesis 31
dialect: bohairic
source: Coptic SCRIPTORIUM corpus "bohairic.ot", document 01_Genesis_31
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Genesis 31 from Coptic SCRIPTORIUM (https://copticscriptorium.org), corpus bohairic.ot, document 01_Genesis_31, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Genesis/31.bohairic.scriptorium.L0.txt
title: Genesis 31 — Cairene
dialect: bohairic
source: generated from 31.bohairic.scriptorium.L0.txt (Coptic SCRIPTORIUM corpus "bohairic.ot", document 01_Genesis_31)
licence: CC BY-SA 4.0
share: attribution
attribution: Genesis 31 from Coptic SCRIPTORIUM (https://copticscriptorium.org), corpus bohairic.ot, document 01_Genesis_31, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Genesis/31.bohairic.scriptorium.L1.txt
title: Genesis 31 — Kemetic
dialect: bohairic
source: generated from 31.bohairic.scriptorium.L1.txt
licence: CC BY-SA 4.0
share: attribution
attribution: Genesis 31 from Coptic SCRIPTORIUM (https://copticscriptorium.org), corpus bohairic.ot, document 01_Genesis_31, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Genesis/31.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 54 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 01_Genesis_31 (54 lines)

Cite as:

Genesis 31. Coptic SCRIPTORIUM corpus "bohairic.ot", document 01_Genesis_31. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/genesis/31.bohairic.scriptorium/. Genesis 31 from Coptic SCRIPTORIUM (https://copticscriptorium.org), corpus bohairic.ot, document 01_Genesis_31, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.