23_Isaias_14 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_14

Attribution: 23_Isaias_14 from Coptic SCRIPTORIUM (https://copticscriptorium.org), corpus bohairic.ot, document 23_Isaias_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

32 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
14:1	ⲟⲩⲟϩ ⲡϭ̅ⲥ̅ ⲉϥⲉ̀ⲛⲁⲓ ⲛ̀ⲓⲁⲕⲱⲃ ⲟⲩⲟϩ ⲉⲧⲓ ⲉϥⲉ̀ϣⲱⲡⲓ ⲙ̀ⲡ̀ⲏⲓ ⲙ̀ⲡⲓ̅ⲥ̅ⲗ̅ ⲟⲩⲟϩ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϩⲓϫⲉⲛⲡⲟⲩⲕⲁϩⲓ ⲟⲩⲟϩ ⲡⲓϣⲉⲙⲙⲟ ⲉϥⲉ̀ⲟⲩⲁϩϥ ⲉ̀ⲣⲱⲟⲩ ⲟⲩⲟϩ ⲉϥⲉ̀ⲟⲩⲱϩ ⲉ̀ⲡ̀ⲏⲓ ⲛ̀ⲓⲁⲕⲱⲃ .	ⲟⲩⲟϩ ⲡ̀ϭⲟⲓⲥ ⲉϥⲉ̀ⲛⲁⲓ ⲛ̀ⲓⲁⲕⲱⲃ ⲟⲩⲟϩ ⲉ̀ⲧⲓ ⲉϥⲉ̀ϣⲱⲡⲓ ⲛ̀ⲡ̀ⲏⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϩⲓϫⲉⲛ ⲡⲟⲩⲕⲁϩⲓ ⲟⲩⲟϩ ⲡⲓϣⲉⲙⲙⲟ ⲉϥⲉ̀ⲟⲩⲁϩϥ ⲉ̀ⲣⲱⲟⲩ ⲟⲩⲟϩ ⲉϥⲉ̀ⲟⲩⲱϩ ⲉ̀ⲡ̀ⲏⲓ ⲛ̀ⲓⲁⲕⲱⲃ.	ouoh p̀ċois efènai ǹiakōb ouoh èti efèṡōpi ǹp̀yi ǹpisrayl ouoh evèm̀ton m̀mōou hijen poukahi ouoh piṡemmo efèouahf èrōou ouoh efèouōh èp̀yi ǹiakōb.	And the Lord will have mercy on Jacob, and will yet choose Israel, and they shall rest on their land: and the stranger shall be added to them, yea, shall be added to the house of Jacob.
14:2	ⲟⲩⲟϩ ⲉⲩⲉ̀ϭⲓⲧⲟⲩ ⲛ̀ϫⲉϩⲁⲛⲉⲑⲛⲟⲥ ⲉⲩⲉ̀ⲟⲗⲟⲩ ⲉ̀ϧⲟⲩⲛ ⲉ̀ⲡⲟⲩⲙⲁ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲙⲱⲟⲩ ⲟⲩⲟϩ ⲉⲩⲉ̀ⲁ̀ϣⲁⲓ ϩⲓϫⲉⲛⲡ̀ⲕⲁϩⲓ ⲙ̀ⲫϯ ⲉ̀ϩⲁⲛⲃⲱⲕ ⲛⲉⲙϩⲁⲛⲃⲱⲕⲓ ⲟⲩⲟϩ ⲉⲩⲉ̀ϣⲱⲡⲓ ⲛ̀ⲉⲭⲙⲁⲗⲱⲧⲟⲥ ⲛ̀ϫⲉⲛⲏⲉⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲟⲩⲟϩ ⲉⲩⲉ̀ⲉⲣϭ̅ⲥ̅ ⲉ̀ⲛⲏⲉⲧⲁⲩⲉⲣϭ̅ⲥ̅ ⲉ̀ⲣⲱⲟⲩ .	Ⲟⲩⲟϩ ⲉⲩⲉ̀ϭⲓⲧⲟⲩ ⲛ̀ϫⲉ ϩⲁⲛⲉⲑⲛⲟⲥ ⲉⲩⲉ̀ⲟⲗⲟⲩ ⲉ̀ϧⲟⲩⲛ ⲉ̀ⲡⲟⲩⲙⲁ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲙⲱⲟⲩ ⲟⲩⲟϩ ⲉⲩⲉ̀ⲁ̀ϣⲁⲓ ϩⲓϫⲉⲛ ⲡ̀ⲕⲁϩⲓ ⲛ̀ⲫ̀ⲛⲟⲩϯ ⲉ̀ϩⲁⲛⲃⲱⲕ ⲛⲉⲙ ϩⲁⲛⲃⲱⲕⲓ ⲟⲩⲟϩ ⲉⲩⲉ̀ϣⲱⲡⲓ ⲛ̀ⲉⲭⲙⲁⲗⲱⲧⲟⲥ ⲛ̀ϫⲉ ⲛⲏⲉ̀ⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲟⲩⲟϩ ⲉⲩⲉ̀ⲉⲣϭⲟⲓⲥ ⲉ̀ⲛⲏⲉ̀ⲧⲁⲩⲉⲣϭⲟⲓⲥ ⲉ̀ⲣⲱⲟⲩ.	Ouoh evèċitou ǹje haneθnos evèolou èxoun èpouma ouoh evèerk̀lyronomin m̀mōou ouoh evèàṡai hijen p̀kahi ǹf̀nouti èhanvōk nem hanvōki ouoh evèṡōpi ǹexmalōtos ǹje nyètaverekmalōtevin m̀mōou ouoh evèerċois ènyètaverċois èrōou.	And the Gentiles shall take them, and bring them into their place: and they shall inherit them, and they shall be multiplied upon the land for servants and handmaidens: and they that took them captives shall become captives to them; and they that had lordship over them shall be under their rule.
14:3	ⲟⲩⲟϩ ⲉⲥⲉ̀ϣⲱⲡⲓ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲉϥⲉ̀ϯⲙ̀ⲧⲟⲛ ⲛⲁⲕ ⲛ̀ϫⲉⲫϯ ⲉ̀ⲃⲟⲗϩⲁ ⲡⲓⲙ̀ⲕⲁϩⲛ̀ϩⲏⲧ ⲛⲉⲙⲡⲉⲕⲙ̀ⲃⲟⲛ ⲛⲉⲙⲉ̀ⲃⲟⲗϩⲁ ⲧⲉⲕⲙⲉⲧⲃⲱⲕ ⲉⲑⲛⲁϣⲧ ⲑⲏⲉⲧⲁⲕⲉⲣⲃⲱⲕ ⲛⲱⲟⲩ ⲛ̀ϧⲏⲧⲥ .	Ⲟⲩⲟϩ ⲉⲥⲉ̀ϣⲱⲡⲓ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉϥⲉ̀ϯⲙ̀ⲧⲟⲛ ⲛⲁⲕ ⲛ̀ϫⲉ ⲫ̀ⲛⲟⲩϯ ⲉ̀ⲃⲟⲗϩⲁ ⲡⲓⲙ̀ⲕⲁϩⲛ̀ϩⲏⲧ ⲛⲉⲙ ⲡⲉⲕⲙ̀ⲃⲟⲛ ⲛⲉⲙ ⲉ̀ⲃⲟⲗϩⲁ ⲧⲉⲕⲙⲉⲧⲃⲱⲕ ⲉⲑⲛⲁϣⲧ ⲑⲏⲉⲧⲁⲕⲉⲣⲃⲱⲕ ⲛⲱⲟⲩ ⲛ̀ϧⲏⲧⲥ.	Ouoh esèṡōpi xen pièhoou ète m̀mav efètim̀ton nak ǹje f̀nouti èbolha pim̀kahǹhyt nem pekm̀von nem èbolha tekmetvōk eθnaṡt θyetakervōk nōou ǹxyts.	And it shall come to pass in that day, that the Lord shall give thee rest from thy sorrow and vexation, and from thy hard servitude wherein thou didst serve them.
14:4	ⲟⲩⲟϩ ⲉⲕⲉ̀ϭⲓ ⲙ̀ⲡⲁⲓⲛⲉϩⲡⲓ ⲉ̀ϩ̀ⲣⲏⲓ ⲉ̀ϫⲉⲛⲡ̀ⲟⲩⲣⲟ ⲙ̀ⲃⲁⲃⲩⲗⲱⲛ ⲟⲩⲟϩ ⲉⲕⲉ̀ϫⲟⲥ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ϫⲉⲡⲱⲥ ⲁϥⲙ̀ⲧⲟⲛ ⲙ̀ⲙⲟϥ ⲛ̀ϫⲉⲡⲓⲣⲉϥϣⲓϯ ⲟⲩⲟϩ ⲁϥⲙ̀ⲧⲟⲛ ⲙ̀ⲙⲟϥ ⲛ̀ϫⲉⲡⲓⲣⲉϥⲓⲏⲥ .	Ⲟⲩⲟϩ ⲉⲕⲉ̀ϭⲓ ⲙ̀ⲡⲁⲓⲛⲉϩⲡⲓ ⲉ̀ϩ̀ⲣⲏⲓ ⲉ̀ϫⲉⲛ ⲡ̀ⲟⲩⲣⲟ ⲛ̀ⲃⲁⲃⲩⲗⲱⲛ ⲟⲩⲟϩ ⲉⲕⲉ̀ϫⲟⲥ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ϫⲉ ⲡⲱⲥ ⲁϥⲙ̀ⲧⲟⲛ ⲙ̀ⲙⲟϥ ⲛ̀ϫⲉ ⲡⲓⲣⲉϥϣⲓϯ ⲟⲩⲟϩ ⲁϥⲙ̀ⲧⲟⲛ ⲙ̀ⲙⲟϥ ⲛ̀ϫⲉ ⲡⲓⲣⲉϥⲓⲏⲥ.	Ouoh ekèċi m̀painehpi èh̀ryi èjen p̀ouro ǹbabilōn ouoh ekègos xen pièhoou ète m̀mav je pōs afm̀ton m̀mof ǹje pirefṡiti ouoh afm̀ton m̀mof ǹje pirefiys.	And thou shalt take up this lamentation against the king of Babylon, How has the extortioner ceased, and the taskmaster ceased!
14:5	ⲫϯ ⲁϥϧⲟⲙϧⲉⲙ ⲙ̀ⲫ̀ⲛⲁϩⲃⲉϥ ⲛ̀ⲧⲉⲛⲓⲁⲣⲭⲱⲛ .	Ⲫ̀ⲛⲟⲩϯ ⲁϥϧⲟⲙϧⲉⲙ ⲛ̀ⲫ̀ⲛⲁϩⲃⲉϥ ⲛ̀ⲧⲉ ⲛⲓⲁⲣⲭⲱⲛ.	F̀nouti afxomxem ǹf̀nahvef ǹte niarxōn.	The Lord has broken the yoke of sinners, the yoke of princes.
14:6	ⲉⲁϥϣⲁⲣⲓ ⲉ̀ⲟⲩⲉⲑⲛⲟⲥ ϧⲉⲛⲟⲩⲙ̀ⲃⲟⲛ ϧⲉⲛⲟⲩⲉⲣϧⲟⲧ ⲛ̀ⲁⲧϯⲁ̀ⲥⲟ .	Ⲉⲁϥϣⲁⲣⲓ ⲉ̀ⲟⲩⲉⲑⲛⲟⲥ ϧⲉⲛ ⲟⲩⲙ̀ⲃⲟⲛ ϧⲉⲛ ⲟⲩⲉⲣϧⲟⲧ ⲛ̀ⲁⲧϯⲁ̀ⲥⲟ.	Eafṡari èoueθnos xen oum̀von xen ouerxot ǹattiàso.	Having smitten a nation in wrath, with an incurable plague, smiting a nation with a wrathful plague, which spared them not, he rested in quiet.
14:7	ⲁϥⲙ̀ⲧⲟⲛ ⲙ̀ⲙⲟϥ ϧⲉⲛⲟⲩⲑⲱⲧⲛ̀ϩⲏⲧ ⲡ̀ⲕⲁϩⲓ ⲧⲏⲣϥ ⲱϣ ⲉ̀ⲃⲟⲗ ϧⲉⲛⲟⲩⲟⲩⲛⲟϥ ⲉ̀ϩ̀ⲣⲏⲓ ⲉ̀ϫⲱⲕ .	Ⲁϥⲙ̀ⲧⲟⲛ ⲙ̀ⲙⲟϥ ϧⲉⲛ ⲟⲩⲑⲱⲧⲛ̀ϩⲏⲧ ⲡ̀ⲕⲁϩⲓ ⲧⲏⲣϥ ⲱϣ ⲉ̀ⲃⲟⲗ ϧⲉⲛ ⲟⲩⲟⲩⲛⲟϥ ⲉ̀ϩ̀ⲣⲏⲓ ⲉ̀ϫⲱⲕ.	Afm̀ton m̀mof xen ouθōtǹhyt p̀kahi tyrf ōṡ èvol xen ouounof èh̀ryi ègōk.	All the earth cries aloud with joy:
14:8	ⲛⲉⲙⲡⲓϣⲉⲛⲥⲓϥⲓ ⲛ̀ⲧⲉⲡⲓⲗⲓⲃⲁⲛⲟⲥ ⲓⲥϫⲉⲛ ⲉⲧⲁⲕⲉⲛⲕⲟⲧ ⲛ̀ⲑⲟⲕ ⲙ̀ⲡⲉϥⲓ̀ ⲉ̀ϩ̀ⲣⲏⲓ ⲛ̀ϫⲉⲫⲏⲉⲧⲕⲱⲣϫ ⲙ̀ⲙⲟⲛ .	Ⲛⲉⲙ ⲡⲓϣⲉⲛⲥⲓϥⲓ ⲛ̀ⲧⲉ ⲡⲓⲗⲓⲃⲁⲛⲟⲥ ⲓⲥϫⲉⲛ ⲉ̀ⲧⲁⲕⲉⲛⲕⲟⲧ ⲛ̀ⲑⲟⲕ ⲙ̀ⲡⲉϥⲓ̀ ⲉ̀ϩ̀ⲣⲏⲓ ⲛ̀ϫⲉ ⲫⲏⲉⲧⲕⲱⲣϫ ⲙ̀ⲙⲟⲛ.	Nem piṡensifi ǹte pilibanos isjen ètakenkot ǹθok m̀pefì èh̀ryi ǹje fyetkōrg m̀mon.	the trees also of Libanus rejoice against thee, and the cedar of Libanus, saying, From the time that thou hast been laid low, no one has come up to cut us down.
14:9	ⲁⲙⲉⲛϯ ⲥⲁⲡⲉⲥⲏⲧ ⲁϥⲉⲣϣ̀ⲫⲏⲣⲓ ⲉⲧⲁϥⲛⲁⲩ ⲉ̀ⲣⲟⲕ ⲁⲩⲉⲣϣ̀ⲫⲏⲣ ⲛ̀ⲧⲱⲟⲩⲛⲟⲩ ⲛⲉⲙⲁⲕ ⲛ̀ϫⲉⲛⲓⲁ̀ⲫⲱⲫ ⲧⲏⲣⲟⲩ ⲛⲏⲉⲧⲁⲩⲉⲣ ⲁⲣⲭⲱⲛ ⲉ̀ϫⲉⲛⲡⲉⲕⲕⲁϩⲓ ⲛⲏⲉⲧⲁⲩⲧⲟⲩⲛⲟⲥ ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉⲛⲓⲉⲑⲛⲟⲥ ⲉ̀ⲃⲟⲗ ϩⲓϫⲉⲛⲛⲟⲩⲑ̀ⲣⲟⲛⲟⲥ .	Ⲁ̀ⲙⲉⲛϯ ⲥⲁⲡⲉⲥⲏⲧ ⲁϥⲉⲣϣ̀ⲫⲏⲣⲓ ⲉⲧⲁϥⲛⲁⲩ ⲉ̀ⲣⲟⲕ ⲁⲩⲉⲣϣ̀ⲫⲏⲣ ⲛ̀ⲧⲱⲟⲩⲛⲟⲩ ⲛⲉⲙⲁⲕ ⲛ̀ϫⲉ ⲛⲓⲁ̀ⲫⲱⲫ ⲧⲏⲣⲟⲩ ⲛⲏⲉⲧⲁⲩⲉⲣ ⲁⲣⲭⲱⲛ ⲉ̀ϫⲉⲛ ⲡⲉⲕⲕⲁϩⲓ ⲛⲏⲉ̀ⲧⲁⲩⲧⲟⲩⲛⲟⲥ ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉ ⲛⲓⲉⲑⲛⲟⲥ ⲉ̀ⲃⲟⲗ ϩⲓϫⲉⲛ ⲛ̀ⲟⲩⲑ̀ⲣⲟⲛⲟⲥ.	Àmenti sapesyt aferṡ̀fyri etafnav èrok averṡ̀fyr ǹtōounou nemak ǹje niàfōf tyrou nyetaver arxōn èjen pekkahi nyètavtounos niourōou tyrou ǹte nieθnos èvol hijen ǹouθ̀ronos.	Hell from beneath is provoked to meet thee: all the great ones that have ruled over the earth have risen up together against thee, they that have raised up from their thrones all the kings of the nations.
14:10	ⲉⲩⲉ̀ⲉⲣⲟⲩⲱ̀ ⲧⲏⲣⲟⲩ ⲟⲩⲟϩ ⲉⲩⲉ̀ϫⲟⲥ ⲛⲁⲕ ϫⲉⲁⲕⲣⲁⲟⲩⲱ̀ ϩⲱⲥ ⲙ̀ⲡⲉⲛⲣⲏϯ ⲟⲩⲟϩ ⲁⲩⲟⲡⲕ ⲇⲉ ⲛⲉⲙⲁⲛ .	Ⲉⲩⲉ̀ⲉⲣⲟⲩⲱ̀ ⲧⲏⲣⲟⲩ ⲟⲩⲟϩ ⲉⲩⲉ̀ϫⲟⲥ ⲛⲁⲕ ϫⲉ ⲁⲭⲣⲁⲟⲩⲱ̀ ϩⲱⲥ ⲛ̀ⲡⲉⲛⲣⲏϯ ⲟⲩⲟϩ ⲁⲩⲟⲡⲕ ⲇⲉ ⲛⲉⲙⲁⲛ.	Evèerouṑ tyrou ouoh evègos nak je akraouṑ hōs ǹpenryti ouoh avopk ḋe neman.	All shall answer and say to thee, Thou also hast been taken, even as we; and thou art numbered amongst us.
14:11	ⲟⲩⲟϩ ⲁϥⲓ̀ ⲉ̀ϧ̀ⲣⲏⲓ ⲉ̀ⲁ̀ⲙⲉⲛϯ ⲛ̀ϫⲉⲡⲉⲕⲱ̀ⲟⲩ ⲛⲉⲙⲡⲉⲕⲛⲓϣϯ ⲛ̀ⲟⲩⲛⲟϥ ⲉⲩⲉ̀ⲫⲱⲣϣ ⲛ̀ⲟⲩϩⲟⲗⲓ ϧⲁⲣⲟⲕ ⲟⲩⲟϩ ⲉⲩⲉ̀ϩⲟⲃⲥⲕ ⲛ̀ⲟⲩϥⲉⲛⲧ .	Ⲟⲩⲟϩ ⲁϥⲓ̀ ⲉ̀ϧ̀ⲣⲏⲓ ⲉ̀ⲁ̀ⲙⲉⲛϯ ⲛ̀ϫⲉ ⲡⲉⲕⲱ̀ⲟⲩ ⲛⲉⲙ ⲡⲉⲕⲛⲓϣϯ ⲛ̀ⲟⲩⲛⲟϥ ⲉⲩⲉ̀ⲫⲱⲣϣ ⲛ̀ⲟⲩϩⲟⲗⲓ ϧⲁⲣⲟⲕ ⲟⲩⲟϩ ⲉⲩⲉ̀ϩⲟⲃⲥⲕ ⲛ̀ⲟⲩϥⲉⲛⲧ.	Ouoh afì èx̀ryi èàmenti ǹje pekṑou nem pekniṡti ǹounof evèfōrṡ ǹouholi xarok ouoh evèhovsk ǹoufent.	Thy glory has come down to Hades, and thy great mirth: under thee they shall spread corruption, and the worm shall be thy covering.
14:12	ⲡⲱⲥ ⲁϥϩⲉⲓ ⲉ̀ⲃⲟⲗϧⲉⲛ ⲧ̀ⲫⲉ ⲛ̀ϫⲉⲡⲓⲥⲓⲟⲩ ⲛ̀ⲧⲉⲧⲟⲟⲩⲓ̀ ⲫⲏⲉ̀ϣⲁϥϣⲁⲓ ⲙ̀ⲫ̀ⲛⲁⲩ ⲛ̀ϣⲱⲣⲡ ⲁϥϧⲟⲙϧⲉⲙ ϩⲓϫⲉⲛⲡ̀ⲕⲁϩⲓ ⲛ̀ϫⲉⲫⲏⲉⲑⲟⲩⲱⲣⲡ ϩⲁⲛⲓⲉⲑⲛⲟⲥ ⲧⲏⲣⲟⲩ .	Ⲡⲱⲥ ⲁϥϩⲉⲓ ⲉ̀ⲃⲟⲗ ϧⲉⲛ ⲧ̀ⲫⲉ ⲛ̀ϫⲉ ⲡⲓⲥⲓⲟⲩ ⲛ̀ⲧⲉ ⲧⲟⲟⲩⲓ̀ ⲫⲏⲉ̀ϣⲁϥϣⲁⲓ ⲛ̀ⲫ̀ⲛⲁⲩ ⲛ̀ϣⲱⲣⲡ ⲁϥϧⲟⲙϧⲉⲙ ϩⲓϫⲉⲛ ⲡ̀ⲕⲁϩⲓ ⲛ̀ϫⲉ ⲫⲏⲉⲑⲟⲩⲱⲣⲡ ϩⲁ ⲛⲓⲉⲑⲛⲟⲥ ⲧⲏⲣⲟⲩ.	Pōs afhei èvol xen t̀fe ǹje pisiou ǹte toouì fyèṡafṡai ǹf̀nav ǹṡōrp afxomxem hijen p̀kahi ǹje fyeθouōrp ha nieθnos tyrou.	How has Lucifer, that rose in the morning, fallen from heaven! He that sent orders to all the nations is crushed to the earth.
14:13	ⲛ̀ⲑⲟⲕ ⲇⲉ ⲁⲕϫⲟⲥ ϧⲉⲛⲡⲉⲕϩⲏⲧ ϫⲉϯⲛⲁϣⲉⲛⲏⲓ ⲉ̀ϩ̀ⲣⲏⲓ ⲉ̀ⲧ̀ⲫⲉ ϯⲛⲁⲭⲱ ⲙ̀ⲡⲁⲑ̀ⲣⲟⲛⲟⲥ ⲥⲁⲡ̀ϣⲱⲓ ⲛ̀ⲛⲓⲥⲓⲟⲩ ⲛ̀ⲧⲉⲧ̀ⲫⲉ ϯⲛⲁϩⲉⲙⲥⲓ ϩⲓϫⲉⲛⲟⲩⲧⲱⲟⲩ ⲉϥϭⲟⲥⲓ ϩⲓϫⲉⲛⲛⲓⲧⲱⲟⲩ ⲉⲧϭⲟⲥⲓ ⲉⲧⲥⲁⲡⲉⲙϩⲓⲧ .	Ⲛ̀ⲑⲟⲕ ⲇⲉ ⲁⲕϫⲟⲥ ϧⲉⲛ ⲡⲉⲕϩⲏⲧ ϫⲉ ϯⲛⲁϣⲉⲛⲏⲓ ⲉ̀ϩ̀ⲣⲏⲓ ⲉ̀ⲧ̀ⲫⲉ ϯⲛⲁⲭⲱ ⲛ̀ⲡⲁⲑ̀ⲣⲟⲛⲟⲥ ⲥⲁⲡ̀ϣⲱⲓ ⲛ̀ⲛⲓⲥⲓⲟⲩ ⲛ̀ⲧⲉ ⲧ̀ⲫⲉ ϯⲛⲁϩⲉⲙⲥⲓ ϩⲓϫⲉⲛ ⲟⲩⲧⲱⲟⲩ ⲉϥϭⲟⲥⲓ ϩⲓϫⲉⲛ ⲛⲓⲧⲱⲟⲩ ⲉⲧϭⲟⲥⲓ ⲉⲧⲥⲁⲡⲉⲙϩⲓⲧ.	Ǹθok ḋe akgos xen pek·hyt je tinaṡenyi èh̀ryi èt̀fe tinakō ǹpaθ̀ronos sap̀ṡōi ǹnisiou ǹte t̀fe tinahemsi hijen outōou efċosi hijen nitōou etċosi etsapemhit.	But thou saidst in thine heart, I will go up to heaven, I will set my throne above the stars of heaven: I will sit on a lofty mount, on the lofty mountains toward the north:
14:14	ϯⲛⲁϣⲉⲛⲏⲓ ⲉ̀ⲡ̀ϣⲱⲓ ⲉ̀ⲛⲓϭⲏⲡⲓ ⲟⲩⲟϩ ⲛ̀ⲧⲁϣⲱⲡⲓ ⲉⲓⲟ̀ⲛⲓ ⲙ̀ⲫⲏⲉⲧϭⲟⲥⲓ .	Ϯⲛⲁϣⲉⲛⲏⲓ ⲉ̀ⲡ̀ϣⲱⲓ ⲉ̀ⲛⲓϭⲏⲡⲓ ⲟⲩⲟϩ ⲛ̀ⲧⲁϣⲱⲡⲓ ⲉⲓⲟ̀ⲛⲓ ⲛ̀ⲫⲏⲉⲧϭⲟⲥⲓ.	Tinaṡenyi èp̀ṡōi èniċypi ouoh ǹtaṡōpi eiòni ǹfyetċosi.	I will go up above the clouds: I will be like the Most High.
14:15	ϯⲛⲟⲩ ⲇⲉ ⲉⲕⲉ̀ϣⲉⲛⲁⲕ ⲉ̀ⲡⲉⲥⲏⲧ ⲉ̀ⲁ̀ⲙⲉⲛϯ ⲛⲉⲙϣⲁⲛⲓⲥⲉⲛϯ ⲛ̀ⲧⲉⲡ̀ⲕⲁϩⲓ .	Ϯⲛⲟⲩ ⲇⲉ ⲉⲕⲉ̀ϣⲉⲛⲁⲕ ⲉ̀ⲡⲉⲥⲏⲧ ⲉ̀ⲁ̀ⲙⲉⲛϯ ⲛⲉⲙ ϣⲁ ⲛⲓⲥⲉⲛϯ ⲛ̀ⲧⲉ ⲡ̀ⲕⲁϩⲓ.	Tinou ḋe ekèṡenak èpesyt èàmenti nem ṡa nisenti ǹte p̀kahi.	But now thou shalt go down to hell, even to the foundations of the earth.
14:16	ⲛⲏⲉⲑⲛⲁⲩ ⲉ̀ⲣⲟⲕ ⲉⲩⲉ̀ⲉⲣϣ̀ⲫⲏⲣⲓ ⲉ̀ϩ̀ⲣⲏⲓ ⲉ̀ϫⲱⲕ ⲟⲩⲟϩ ⲉⲩⲉ̀ϫⲟⲥ ϫⲉⲫⲁⲓ ⲡⲉ ⲡⲓⲣⲱⲙⲓ ⲉⲧϯϫⲱⲛⲧ ⲙ̀ⲡⲓⲕⲁϩⲓ ⲉⲧⲙⲟⲛⲙⲉⲛ ⲛ̀ϩⲁⲛⲟⲩⲣⲱⲟⲩ .	Ⲛⲏⲉⲑⲛⲁⲩ ⲉ̀ⲣⲟⲕ ⲉⲩⲉ̀ⲉⲣϣ̀ⲫⲏⲣⲓ ⲉ̀ϩ̀ⲣⲏⲓ ⲉ̀ϫⲱⲕ ⲟⲩⲟϩ ⲉⲩⲉ̀ϫⲟⲥ ϫⲉ ⲫⲁⲓ ⲡⲉ ⲡⲓⲣⲱⲙⲓ ⲉⲧϯϫⲱⲛⲧ ⲛ̀ⲡⲓⲕⲁϩⲓ ⲉⲧⲙⲟⲛⲙⲉⲛ ⲛ̀ϩⲁⲛⲟⲩⲣⲱⲟⲩ.	Nyeθnav èrok evèerṡ̀fyri èh̀ryi ègōk ouoh evègos je fai pe pirōmi ettigōnt ǹpikahi etmonmen ǹhanourōou.	They that see thee shall wonder at thee, and say, This is the man that troubled the earth, that made kings to shake;
14:17	ⲫⲏⲉⲧⲁϥⲭⲱ ⲛ̀ϯⲟⲓⲕⲟⲩⲙⲉⲛⲏ ⲧⲏⲣⲥ ⲉ̀ⲡ̀ϣⲁϥⲉ ⲟⲩⲟϩ ⲛⲓⲃⲁⲕⲓ ⲁϥϣⲉⲣϣⲱⲣⲟⲩ ⲛⲏⲉⲧϧⲉⲛ ⲛⲓⲥ̀ⲛⲁⲩϩ ⲙ̀ⲡⲉϥϯⲟⲩⲱ̀ ⲙ̀ⲙⲱⲟⲩ ⲉ̀ⲃⲟⲗ .	Ⲫⲏⲉⲧⲁϥⲭⲱ ⲛ̀ϯⲟⲓⲕⲟⲩⲙⲉⲛⲏ ⲧⲏⲣⲥ ⲉ̀ⲡ̀ϣⲁϥⲉ ⲟⲩⲟϩ ⲛⲓⲃⲁⲕⲓ ⲁϥϣⲉⲣϣⲱⲣⲟⲩ ⲛⲏⲉⲧϧⲉⲛ ⲛⲓⲥ̀ⲛⲁⲩϩ ⲙ̀ⲡⲉϥϯⲟⲩⲱ̀ ⲙ̀ⲙⲱⲟⲩ ⲉ̀ⲃⲟⲗ.	Fyetafkō ǹtioikoumeny tyrs èp̀ṡafe ouoh nivaki afṡerṡōrou nyetxen nis̀navh m̀peftiouṑ m̀mōou èvol.	that made the whole world desolate, and destroyed its cities; he loosed not those who were in captivity.
14:18	ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉⲛⲓⲉⲑⲛⲟⲥ ⲁⲩⲉⲛⲕⲟⲧ ϧⲉⲛⲟⲩⲧⲁⲓⲟ ⲟⲩⲣⲱⲙⲓ ϧⲉⲛⲡⲉϥⲏⲓ ⲙ̀ⲙⲓⲛⲙ̀ⲙⲟϥ .	Ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉ ⲛⲓⲉⲑⲛⲟⲥ ⲁⲩⲉⲛⲕⲟⲧ ϧⲉⲛ ⲟⲩⲧⲁⲓⲟ ⲟⲩⲣⲱⲙⲓ ϧⲉⲛ ⲡⲉϥⲏⲓ ⲙ̀ⲙⲓⲛ ⲙ̀ⲙⲟϥ.	Niourōou tyrou ǹte nieθnos avenkot xen outaio ourōmi xen pefyi m̀min m̀mof.	All the kings of the nations lie in honour, every man in his house.
14:19	ⲛ̀ⲑⲟⲕ ⲇⲉ ⲉⲩⲉ̀ⲃⲉⲣⲃⲱⲣⲕ ϧⲉⲛⲛⲓⲧⲱⲟⲩ ⲙ̀ⲫ̀ⲣⲏϯ ⲛ̀ⲟⲩⲣⲉϥⲙⲱⲟⲩⲧ ⲉϥⲟⲣⲉⲃ ⲛⲉⲙⲟⲩⲙⲏϣ ⲛ̀ⲣⲉϥⲙⲱⲟⲩⲧ ⲉ̀ⲁⲩϧⲉⲗϧⲱⲗⲟⲩ ϧⲉⲛⲧ̀ⲥⲏϥⲓ ⲉⲩⲛⲁ ⲉ̀ⲡⲉⲥⲏⲧ ⲉ̀ⲁ̀ⲙⲉⲛϯ .	Ⲛ̀ⲑⲟⲕ ⲇⲉ ⲉⲩⲉ̀ⲃⲉⲣⲃⲱⲣⲕ ϧⲉⲛ ⲛⲓⲧⲱⲟⲩ ⲛ̀ⲫ̀ⲣⲏϯ ⲛ̀ⲟⲩⲣⲉϥⲙⲱⲟⲩⲧ ⲉϥⲟⲣⲉⲃ ⲛⲉⲙ ⲟⲩⲙⲏϣ ⲛ̀ⲣⲉϥⲙⲱⲟⲩⲧ ⲉ̀ⲁⲩϧⲉⲗϧⲱⲗⲟⲩ ϧⲉⲛ ⲧ̀ⲥⲏϥⲓ ⲉⲩⲛⲁ ⲉ̀ⲡⲉⲥⲏⲧ ⲉ̀ⲁ̀ⲙⲉⲛϯ.	Ǹθok ḋe evèvervōrk xen nitōou ǹf̀ryti ǹourefmōout eforeb nem oumyṡ ǹrefmōout èavxelxōlou xen t̀syfi evna èpesyt èàmenti.	But thou shalt be cast forth on the mountains, as a loathed carcase, with many dead who have been pierced with swords, going down to the grave.
14:20	ⲙ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲁϥϩⲟⲣⲡ ⲛ̀ⲥ̀ⲛⲟϥ ⲙ̀ⲡⲁϥϣⲱⲡⲓ ⲉϥⲧⲟⲩⲃⲏⲟⲩⲧ ⲡⲁⲓⲣⲏϯ ⲛ̀ⲑⲟⲕ ϩⲱⲕ ⲛ̀ⲛⲉⲕϣⲱⲡⲓ ⲉⲕⲧⲟⲩⲃⲏⲟⲩⲧ ϫⲉⲁⲕⲧⲁⲕⲟ ⲙ̀ⲡ̀ⲕⲁϩⲓ ⲟⲩⲟϩ ⲁⲕϧⲱⲧⲉⲃ ⲙ̀ⲡⲁⲗⲁⲟⲥ ⲛ̀ⲛⲉⲕϣⲱⲡⲓ ϣⲁⲡ̀ⲥⲏⲟⲩ ⲙ̀ⲡ̀ⲉ̀ⲛⲉϩ ⲡⲓϫ̀ⲣⲟϫ ⲙ̀ⲡⲟⲛⲏⲣⲟⲛ .	Ⲛ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲁϥϩⲟⲣⲡ ⲛ̀ⲥ̀ⲛⲟϥ ⲙ̀ⲡⲁϥϣⲱⲡⲓ ⲉϥⲧⲟⲩⲃⲏⲟⲩⲧ ⲡⲁⲓⲣⲏϯ ⲛ̀ⲑⲟⲕ ϩⲱⲕ ⲛ̀ⲛⲉⲕϣⲱⲡⲓ ⲉⲕⲧⲟⲩⲃⲏⲟⲩⲧ ϫⲉ ⲁⲕⲧⲁⲕⲟ ⲛ̀ⲡ̀ⲕⲁϩⲓ ⲟⲩⲟϩ ⲁⲕϧⲱⲧⲉⲃ ⲛ̀ⲡⲁⲗⲁⲟⲥ ⲛ̀ⲛⲉⲕϣⲱⲡⲓ ϣⲁ ⲡ̀ⲥⲏⲟⲩ ⲛ̀ⲡ̀ⲉ̀ⲛⲉϩ ⲡⲓϫ̀ⲣⲟϫ ⲛ̀ⲡⲟⲛⲏⲣⲟⲛ.	Ǹf̀ryti ǹouh̀vōs afhorp ǹs̀nof m̀pafṡōpi eftouvyout pairyti ǹθok hōk ǹnekṡōpi ektouvyout je aktako ǹp̀kahi ouoh akxōteb ǹpalaos ǹnekṡōpi ṡa p̀·syou ǹp̀èneh pig̀rog ǹponyron.	As a garment defiled with blood shall not be pure, so neither shalt thou be pure; because thou hast destroyed my land, and hast slain my people: thou shalt not endure for ever, thou an evil seed.
14:21	ⲥⲟⲃϯ ⲛ̀ⲛⲉⲕϣⲏⲣⲓ ⲉ̀ⲡ̀ϧⲉⲗϧⲱⲗⲟⲩ ϧⲉⲛⲛⲓⲛⲟⲃⲓ ⲛ̀ⲧⲉⲡⲉⲕⲓⲱⲧ ϩⲓⲛⲁ ϫⲉⲛ̀ⲛⲟⲩⲧⲱⲟⲩⲛⲟⲩ ⲛ̀ⲧⲟⲩⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲡⲓⲕⲁϩⲓ ⲟⲩⲟϩ ⲛ̀ⲧⲟⲩⲙⲁϩ ⲡⲓⲕⲁϩⲓ ⲙ̀ⲃⲱⲧⲥ .	Ⲥⲟⲃϯ ⲛ̀ⲛⲉⲕϣⲏⲣⲓ ⲉ̀ⲡ̀ϧⲉⲗϧⲱⲗⲟⲩ ϧⲉⲛ ⲛⲓⲛⲟⲃⲓ ⲛ̀ⲧⲉ ⲡⲉⲕⲓⲱⲧ ϩⲓⲛⲁ ϫⲉ ⲛ̀ⲛⲟⲩ ⲧⲱⲟⲩⲛⲟⲩ ⲛ̀ⲧⲟⲩⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲡⲓⲕⲁϩⲓ ⲟⲩⲟϩ ⲛ̀ⲧⲟⲩⲙⲁϩ ⲡⲓⲕⲁϩⲓ ⲛ̀ⲃⲱⲧⲥ.	Sovti ǹnekṡyri èp̀xelxōlou xen ninovi ǹte pekiōt hina je ǹnou tōounou ǹtouerk̀lyronomin ǹpikahi ouoh ǹtoumah pikahi ǹvōts.	Prepare thy children to be slain for the sins of their father; that they arise not, and inherit the earth, nor fill the earth with wars.
14:22	ⲟⲩⲟϩ ϯⲛⲁⲧⲱⲟⲩⲛⲟⲩ ⲉ̀ϩ̀ⲣⲏⲓ ⲉ̀ϫⲱⲟⲩ ⲡⲉϫⲉ ⲡϭ̅ⲥ̅ ⲥⲁⲃⲁⲱⲑ ⲟⲩⲟϩ ϯⲛⲁⲧⲁⲕⲟ ⲙ̀ⲡⲟⲩⲣⲁⲛ ⲛⲉⲙⲡⲟⲩⲥⲱϫⲡ ⲛⲉⲙⲡⲟⲩϫ̀ⲣⲟϫ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ .	Ⲟⲩⲟϩ ϯⲛⲁⲧⲱⲟⲩⲛⲟⲩ ⲉ̀ϩ̀ⲣⲏⲓ ⲉ̀ϫⲱⲟⲩ ⲡⲉϫⲉ ⲡ̀ϭⲟⲓⲥ ⲥⲁⲃⲁⲱⲑ ⲟⲩⲟϩ ϯⲛⲁⲧⲁⲕⲟ ⲛ̀ⲡⲟⲩⲣⲁⲛ ⲛⲉⲙ ⲡⲟⲩⲥⲱϫⲡ ⲛⲉⲙ ⲡⲟⲩϫ̀ⲣⲟϫ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ.	Ouoh tinatōounou èh̀ryi ègōou peje p̀ċois sabaōθ ouoh tinatako ǹpouran nem pousōgp nem poug̀rog nai ne nyètefgō m̀mōou ǹje p̀ċois.	And I will rise up against them, saith the Lord of hosts, and I will destroy their name, and remnant, and seed: thus saith the Lord.
14:23	ⲟⲩⲟϩ ⲉⲓⲉ̀ⲭⲱ ⲙ̀ⲃⲁⲃⲩⲗⲱⲛ ⲉ̀ⲡ̀ϣⲁϥⲉ ϩⲱⲥⲧⲉ ⲛ̀ⲥⲉϣⲱⲡⲓ ⲙ̀ⲙⲁⲩ ⲛ̀ϫⲉϩⲁⲛϩ̀ϥⲱ ⲥⲉⲛⲁⲱⲡ ⲉ̀ϩ̀ⲗⲓ ⲟⲩⲟϩ ϯⲛⲁⲭⲁⲥ ⲛ̀ⲟⲩⲗⲟⲓϩⲓ ⲛ̀ⲟ̀ⲙⲓ ⲉ̀ⲡ̀ⲧⲁⲕⲟ .	Ⲟⲩⲟϩ ⲉⲓⲉ̀ⲭⲱ ⲛ̀ⲃⲁⲃⲩⲗⲱⲛ ⲉ̀ⲡ̀ϣⲁϥⲉ ϩⲱⲥⲧⲉ ⲛ̀ⲧⲟⲩϣⲱⲡⲓ ⲙ̀ⲙⲁⲩ ⲛ̀ϫⲉ ϩⲁⲛϩ̀ϥⲱ ⲥⲉⲛⲁⲱⲡ ⲉ̀ϩ̀ⲗⲓ ⲟⲩⲟϩ ϯⲛⲁⲭⲁⲥ ⲛ̀ⲟⲩⲗⲟⲓϩⲓ ⲛ̀ⲟ̀ⲙⲓ ⲉ̀ⲡ̀ⲧⲁⲕⲟ.	Ouoh eièkō ǹbabilōn èp̀ṡafe hōste ǹtouṡōpi m̀mav ǹje hanh̀fō senaōp èh̀li ouoh tinaxas ǹouloihi ǹòmi èp̀tako.	And I will make the region of Babylon desert, so that hedgehogs shall dwell there, and it shall come to nothing: and I will make it a pit of clay for destruction.
14:24	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ϫⲉⲙ̀ⲫ̀ⲣⲏϯ ⲉⲧⲁⲓϫⲟⲥ ⲡⲁⲓⲣⲏϯ ⲡⲉⲑⲛⲁϣⲱⲡⲓ ⲟⲩⲟϩ ⲙ̀ⲫ̀ⲣⲏϯ ⲉⲧⲁⲓⲥⲟϭⲛⲓ ⲡⲁⲓⲣⲏϯ ⲉϥⲉ̀ⲟ̀ϩⲓ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ϫⲉ ⲛ̀ⲫ̀ⲣⲏϯ ⲉ̀ⲧⲁⲓ̀ϫⲟⲥ ⲡⲁⲓⲣⲏϯ ⲡⲉⲑⲛⲁϣⲱⲡⲓ ⲟⲩⲟϩ ⲛ̀ⲫ̀ⲣⲏϯ ⲉ̀ⲧⲁⲓ̀ⲥⲟϭⲛⲓ ⲡⲁⲓⲣⲏϯ ⲉϥⲉ̀ⲟ̀ϩⲓ.	Nai ne nyètefgō m̀mōou ǹje p̀ċois sabaōθ je ǹf̀ryti ètaìgos pairyti peθnaṡōpi ouoh ǹf̀ryti ètaìsoċni pairyti efèòhi.	Thus saith the Lord of hosts, As I have said, so it shall be: and as I have purposed, so the matter shall remain:
14:25	ⲉ̀ⲡ̀ϫⲓⲛⲧⲁⲕⲟ ⲛ̀ⲛⲓⲁⲥⲥⲩⲣⲓⲟⲥ ⲉ̀ⲃⲟⲗϩⲁ ⲡ̀ⲕⲁϩⲓ ⲛⲉⲙⲉ̀ⲃⲟⲗϩⲓϫⲉⲛ ⲛⲁⲧⲱⲟⲩ ⲟⲩⲟϩ ⲉⲩⲉ̀ϣⲱⲡⲓ ⲉⲩϩⲱⲙⲓ ⲉ̀ϫⲱⲟⲩ ⲟⲩⲟϩ ⲉⲩⲉ̀ⲱⲗⲓ ⲙ̀ⲡⲟⲩⲛⲁϩⲃⲉϥ ⲉ̀ⲃⲟⲗϩⲓϫⲱⲟⲩ ⲟⲩⲟϩ ⲛⲟⲩϣⲏⲣⲓ ⲉⲩⲉ̀ⲟⲗⲟⲩ ⲉ̀ⲃⲟⲗϩⲓ ⲛⲟⲩⲙⲟϯ .	Ⲉ̀ⲡ̀ϫⲓⲛⲧⲁⲕⲟ ⲛ̀ⲛⲓⲁⲥⲥⲩⲣⲓⲟⲥ ⲉ̀ⲃⲟⲗϩⲁ ⲡ̀ⲕⲁϩⲓ ⲛⲉⲙ ⲉ̀ⲃⲟⲗϩⲓϫⲉⲛ ⲛ̀ⲁⲧⲱⲟⲩ ⲟⲩⲟϩ ⲉⲩⲉ̀ϣⲱⲡⲓ ⲉⲩϩⲱⲙⲓ ⲉ̀ϫⲱⲟⲩ ⲟⲩⲟϩ ⲉⲩⲉ̀ⲱ̀ⲗⲓ ⲛ̀ⲡ̀ⲟⲩⲛⲁϩⲃⲉϥ ⲉ̀ⲃⲟⲗ ϩⲓϫⲱⲟⲩ ⲟⲩⲟϩ ⲛ̀ⲟⲩϣⲏⲣⲓ ⲉⲩⲉ̀ⲟⲗⲟⲩ ⲉ̀ⲃⲟⲗ ϩⲓ ⲛ̀ⲟⲩⲙⲟϯ.	Èp̀jintako ǹniassirios èbolha p̀kahi nem èvolhijen ǹatōou ouoh evèṡōpi evhōmi ègōou ouoh evèṑli ǹp̀ounahvef èvol higōou ouoh ǹouṡyri evèolou èvol hi ǹoumoti.	even to destroy the Assyrians upon my land, and upon my mountains: and they shall be for trampling; and their yoke shall be taken away from them, and their glory shall be taken away from their shoulders.
14:26	ⲫⲁⲓ ⲡⲉ ⲡⲓⲥⲟϭⲛⲓ ⲉⲧⲁ ⲡϭ̅ⲥ̅ ⲥⲟϭⲛⲓ ⲙ̀ⲙⲟϥ ⲉ̀ϫⲉⲛϯⲟⲓⲕⲟⲩⲙⲉⲛⲏ ⲧⲏⲣⲥ .	Ⲫⲁⲓ ⲡⲉ ⲡⲓⲥⲟϭⲛⲓ ⲉ̀ⲧⲁ ⲡ̀ϭⲟⲓⲥ ⲥⲟϭⲛⲓ ⲙ̀ⲙⲟϥ ⲉ̀ϫⲉⲛ ϯⲟⲓⲕⲟⲩⲙⲉⲛⲏ ⲧⲏⲣⲥ.	Fai pe pisoċni èta p̀ċois soċni m̀mof èjen tioikoumeny tyrs.	This is the purpose which the Lord has purposed upon the whole earth: and this the hand that is uplifted against all the nations.
14:27	ⲛⲏ ⲅⲁⲣ ⲉⲧⲁϥⲥⲟϭⲛⲓ ⲉ̀ⲣⲱⲟⲩ ⲛ̀ϫⲉⲫϯ ⲡⲉⲑⲟⲩⲁⲃ ⲛⲓⲙ ⲉⲑⲛⲁϫⲟⲣⲟⲩ ⲉ̀ⲃⲟⲗ ⲟⲩⲟϩ ϯϫⲓϫ ⲉⲧϭⲟⲥⲓ ⲛⲓⲙ ⲉⲑⲛⲁϣ̀ⲧⲁⲥⲑⲟⲥ .	Ⲛⲏ ⲅⲁⲣ ⲉ̀ⲧⲁϥⲥⲟϭⲛⲓ ⲉ̀ⲣⲱⲟⲩ ⲛ̀ϫⲉ ⲫ̀ⲛⲟⲩϯ ⲡⲉⲑⲟⲩⲁⲃ ⲛⲓⲙ ⲉⲑⲛⲁϫⲟⲣⲟⲩ ⲉ̀ⲃⲟⲗ ⲟⲩⲟϩ ϯϫⲓϫ ⲉⲧϭⲟⲥⲓ ⲛⲓⲙ ⲉⲑⲛⲁϣ̀ⲧⲁⲥⲑⲟⲥ.	Ny ġar ètafsoċni èrōou ǹje f̀nouti peθouab nim eθnagorou èvol ouoh tijig etċosi nim eθnaṡ̀tasθos.	For what the Holy God has purposed, who shall frustrate? and who shall turn back his uplifted hand?
14:28	ϧⲉⲛϯⲣⲟⲙⲡⲓ ⲉⲧⲁϥⲙⲟⲩ ⲙ̀ⲙⲟⲥ ⲛ̀ϫⲉⲁⲭⲁⲍ ⲡ̀ⲟⲩⲣⲟ ⲁϥϣⲱⲡⲓ ⲛ̀ϫⲉⲡⲁⲓⲥⲁϫⲓ .	Ϧⲉⲛ ϯⲣⲟⲙⲡⲓ ⲉⲧⲁϥⲙⲟⲩ ⲙ̀ⲙⲟⲥ ⲛ̀ϫⲉ ⲁⲭⲁⲍ ⲡ̀ⲟⲩⲣⲟ ⲁϥϣⲱⲡⲓ ⲛ̀ϫⲉ ⲡⲁⲓⲥⲁϫⲓ.	Xen tirompi etafmou m̀mos ǹje axaz p̀ouro afṡōpi ǹje paisaji.	In the year in which king Achaz died this word came.
14:29	ⲙ̀ⲡⲉⲣⲟⲩⲛⲟϥ ⲙ̀ⲙⲱⲧⲉⲛ ⲛⲓⲁⲗⲗⲟⲫⲩⲗⲟⲥ ⲧⲏⲣⲟⲩ ⲁⲩϧⲟⲙϧⲉⲙ ⲅⲁⲣ ⲛ̀ϫⲉⲫ̀ⲛⲁϩⲃⲉϥ ⲛ̀ⲧⲉⲛⲏⲉⲧⲙⲓϣⲓ ⲙ̀ⲙⲱⲧⲉⲛ ⲉ̀ⲃⲟⲗ ⲅⲁⲣ ϧⲉⲛⲡ̀ϫ̀ⲣⲟϫ ⲛ̀ⲧⲉⲛⲓϩⲟϥ ϣⲁⲩⲓ̀ ⲉ̀ⲃⲟⲗ ⲛ̀ϫⲉⲛⲓϣⲏⲣⲓ ⲛ̀ⲧⲉⲛⲓϩ̀ϥⲱ ⲟⲩⲟϩ ⲛⲟⲩϣⲏⲣⲓ ⲉⲩⲉ̀ⲓ̀ ⲉ̀ⲃⲟⲗ ⲛ̀ϩⲁⲛϩⲟϥ ⲉⲩϩⲏⲗ .	Ⲙ̀ⲡⲉⲣⲟⲩⲛⲟϥ ⲙ̀ⲙⲱⲧⲉⲛ ⲛⲓⲁⲗⲗⲟⲫⲩⲗⲟⲥ ⲧⲏⲣⲟⲩ ⲁⲩϧⲟⲙϧⲉⲙ ⲅⲁⲣ ⲛ̀ϫⲉ ⲫ̀ⲛⲁϩⲃⲉϥ ⲛ̀ⲧⲉ ⲛⲏⲉⲧⲙⲓϣⲓ ⲙ̀ⲙⲱⲧⲉⲛ ⲉ̀ⲃⲟⲗ ⲅⲁⲣ ϧⲉⲛ ⲡ̀ϫ̀ⲣⲟϫ ⲛ̀ⲧⲉ ⲛⲓϩⲟϥ ϣⲁⲩⲓ̀ ⲉ̀ⲃⲟⲗ ⲛ̀ϫⲉ ⲛⲓϣⲏⲣⲓ ⲛ̀ⲧⲉ ⲛⲓϩ̀ϥⲱ ⲟⲩⲟϩ ⲛ̀ⲟⲩϣⲏⲣⲓ ⲉⲩⲓ̀ ⲉ̀ⲃⲟⲗ ⲛ̀ϩⲁⲛϩⲟϥ ⲉⲩϩⲏⲗ.	M̀perounof m̀mōten niallofilos tyrou avxomxem ġar ǹje f̀nahvef ǹte nyetmiṡi m̀mōten èvol ġar xen p̀g̀rog ǹte nihof ṡavì èvol ǹje niṡyri ǹte nih̀fō ouoh ǹouṡyri evì èvol ǹhanhof evhyl.	Rejoice not, all ye Philistines, because the yoke of him that smote you is broken: for out of the seed of the serpent shall come forth the young asps, and their young shall come forth flying serpents,
14:30	ⲟⲩⲟϩ ⲉⲩⲉ̀ⲁ̀ⲙⲟⲛⲓ ⲛ̀ϩⲁⲛϩⲏⲕⲓ ⲉ̀ⲃⲟⲗϩⲓⲧⲟⲧϥ ϩⲁⲛϩⲏⲕⲓ ⲇⲉ ⲛ̀ⲣⲱⲙⲓ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϧⲉⲛⲟⲩϩⲓⲣⲏⲛⲏ ⲉϥⲉ̀ϧⲱⲧⲉⲃ ⲇⲉ ⲙ̀ⲡⲉⲕϫ̀ⲣⲟϫ ϧⲉⲛⲟⲩϩ̀ⲃⲱⲛ ⲟⲩⲟϩ ϥ̀ⲛⲁⲧⲁⲕⲟ ⲙ̀ⲡⲉⲕⲥⲱϫⲡ .	Ⲟⲩⲟϩ ⲉⲩⲉ̀ⲁ̀ⲙⲟⲛⲓ ⲛ̀ϩⲁⲛϩⲏⲕⲓ ⲉ̀ⲃⲟⲗ ϩⲓⲧⲟⲧϥ ϩⲁⲛϩⲏⲕⲓ ⲇⲉ ⲛ̀ⲣⲱⲙⲓ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϧⲉⲛ ⲟⲩϩⲓⲣⲏⲛⲏ ⲉϥⲉ̀ϧⲱⲧⲉⲃ ⲇⲉ ⲛ̀ⲡⲉⲕϫ̀ⲣⲟϫ ϧⲉⲛ ⲟⲩϩ̀ⲃⲱⲛ ⲟⲩⲟϩ ϥ̀ⲛⲁⲧⲁⲕⲟ ⲛ̀ⲡⲉⲕⲥⲱϫⲡ.	Ouoh evèàmoni ǹhanhyki èvol hitotf hanhyki ḋe ǹrōmi evèm̀ton m̀mōou xen ouhiryny efèxōteb ḋe ǹpekg̀rog xen ouh̀vōn ouoh f̀natako ǹpek·sōgp.	And the poor shall be fed by him, and poor men shall rest in peace: but he shall destroy thy seed with hunger, and shall destroy thy remnant.
14:31	ⲉϣⲗⲏⲗⲟⲩⲓ̀ ⲉ̀ⲃⲟⲗ ⲛⲓⲡⲩⲗⲏ ⲛ̀ⲧⲉⲛⲓⲃⲁⲕⲓ ⲟⲩⲟϩ ⲙⲁⲣⲟⲩⲱϣ ⲉ̀ⲃⲟⲗ ⲛ̀ϫⲉⲛⲓⲃⲁⲕⲓ ⲉⲧϣ̀ⲑⲉⲣⲑⲱⲣ ⲛⲓⲁⲗⲗⲟⲫⲩⲗⲟⲥ ⲧⲏⲣⲟⲩ ϫⲉⲓⲥ ⲟⲩⲭ̀ⲣⲉⲙⲧⲥ ϥ̀ⲛⲏⲟⲩ ⲉ̀ⲃⲟⲗ ⲥⲁⲡⲉⲙϩⲓⲧ ⲟⲩⲟϩ ⲙ̀ⲙⲟⲛ ⲣⲏϯ ⲉ̀ⲟ̀ϩⲓ .	Ⲉϣⲗⲏⲗⲟⲩⲓ̀ ⲉ̀ⲃⲟⲗ ⲛⲓⲡⲩⲗⲏ ⲛ̀ⲧⲉ ⲛⲓⲃⲁⲕⲓ ⲟⲩⲟϩ ⲙⲁⲣⲟⲩⲱϣ ⲉ̀ⲃⲟⲗ ⲛ̀ϫⲉ ⲛⲓⲃⲁⲕⲓ ⲉⲧϣ̀ⲑⲉⲣⲑⲱⲣ ⲛⲓⲁⲗⲗⲟⲫⲩⲗⲟⲥ ⲧⲏⲣⲟⲩ ϫⲉ ⲓⲥ ⲟⲩⲭ̀ⲣⲉⲙⲧⲥ ϥ̀ⲛⲏⲟⲩ ⲉ̀ⲃⲟⲗ ⲥⲁⲡⲉⲙϩⲓⲧ ⲟⲩⲟϩ ⲙ̀ⲙⲟⲛ ⲣⲏϯ ⲉ̀ⲟ̀ϩⲓ.	Eṡlylouì èvol nipily ǹte nivaki ouoh marouōṡ èvol ǹje nivaki etṡ̀θerθōr niallofilos tyrou je is oux̀remts f̀nyou èvol sapemhit ouoh m̀mon ryti èòhi.	Howl, ye gates of cities; let the cities be troubled and cry, even all the Philistines: for smoke is coming from the north, and there is no possibility of living.
14:32	ⲟⲩ ⲡⲉⲧⲟⲩⲛⲁⲉⲣⲟⲩⲱ̀ ⲙ̀ⲙⲟϥ ⲛ̀ϫⲉⲛⲓⲟⲩⲣⲱⲟⲩ ⲛ̀ⲧⲉⲛⲓⲉⲑⲛⲟⲥ ϫⲉⲡϭ̅ⲥ̅ ⲁϥϩⲓⲥⲉⲛϯ ⲛ̀ⲥⲓⲱⲛ ⲟⲩⲟϩ ⲉⲩⲉ̀ⲛⲟϩⲉⲙ ⲉ̀ⲃⲟⲗϩⲓⲧⲟⲧϥ ⲛ̀ϫⲉⲛⲏⲉⲧⲑⲉⲃⲓⲏⲟⲩⲧ ⲛ̀ⲧⲉⲡⲓⲗⲁⲟⲥ .	Ⲟⲩ ⲡⲉⲧⲟⲩⲛⲁⲉⲣⲟⲩⲱ̀ ⲙ̀ⲙⲟϥ ⲛ̀ϫⲉ ⲛⲓⲟⲩⲣⲱⲟⲩ ⲛ̀ⲧⲉ ⲛⲓⲉⲑⲛⲟⲥ ϫⲉ ⲡ̀ϭⲟⲓⲥ ⲁϥϩⲓⲥⲉⲛϯ ⲛ̀ⲥⲓⲱⲛ ⲟⲩⲟϩ ⲉⲩⲉ̀ⲛⲟϩⲉⲙ ⲉ̀ⲃⲟⲗ ϩⲓⲧⲟⲧϥ ⲛ̀ϫⲉ ⲛⲏⲉⲧⲑⲉⲃⲓⲏⲟⲩⲧ ⲛ̀ⲧⲉ ⲡⲓⲗⲁⲟⲥ.	Ou petounaerouṑ m̀mof ǹje niourōou ǹte nieθnos je p̀ċois afhisenti ǹsiōn ouoh evènohem èvol hitotf ǹje nyetθeviyout ǹte pilaos.	And what shall the kings of the nations answer? That the Lord has founded Sion, and by him the poor of the people shall be saved.

Provenance

title: 23_Isaias_14
dialect: bohairic
source: Coptic SCRIPTORIUM corpus "bohairic.ot", document 23_Isaias_14
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_14 from Coptic SCRIPTORIUM (https://copticscriptorium.org), corpus bohairic.ot, document 23_Isaias_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/14.bohairic.scriptorium.L0.txt
title: 23_Isaias_14 — Cairene
dialect: bohairic
source: generated from 14.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_14)
licence: CC BY-SA 4.0
share: attribution
attribution: 23_Isaias_14 from Coptic SCRIPTORIUM (https://copticscriptorium.org), corpus bohairic.ot, document 23_Isaias_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/14.bohairic.scriptorium.L1.txt
title: 23_Isaias_14 — Kemetic
dialect: bohairic
source: generated from 14.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_14 from Coptic SCRIPTORIUM (https://copticscriptorium.org), corpus bohairic.ot, document 23_Isaias_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/14.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 32 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_14 (32 lines)

Cite as:

23_Isaias_14. Coptic SCRIPTORIUM corpus "bohairic.ot", document 23_Isaias_14. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/14.bohairic.scriptorium/. 23_Isaias_14 from Coptic SCRIPTORIUM (https://copticscriptorium.org), corpus bohairic.ot, document 23_Isaias_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.