23_Isaias_22 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_22

Attribution: 23_Isaias_22 from Coptic SCRIPTORIUM (https://copticscriptorium.org), corpus bohairic.ot, document 23_Isaias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

25 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
22:1	ⲟⲩ ⲡⲉ ⲉⲧⲁϥϣⲱⲡⲓ ⲙ̀ⲙⲟ ϯⲛⲟⲩ ϫⲉⲁⲧⲉⲧⲉⲛϣⲉⲛⲱⲧⲉⲛ ⲧⲏⲣⲟⲩ ⲉ̀ϫⲉⲛϩⲁⲛϫⲉⲛⲉⲫⲱⲣ ⲉⲫⲗⲏⲟⲩ .	ⲟⲩ ⲡⲉ ⲉⲧⲁϥϣⲱⲡⲓ ⲙ̀ⲙⲟ ϯⲛⲟⲩ ϫⲉ ⲁⲣⲉⲧⲉⲛϣⲉⲛⲱⲧⲉⲛ ⲧⲏⲣⲟⲩ ⲉ̀ϫⲉⲛ ϩⲁⲛϫⲉⲛⲉⲫⲱⲣ ⲉ̀ⲫ̀ⲗⲏⲟⲩ.	ou pe etafṡōpi m̀mo tinou je aretenṡenōten tyrou èjen hanjenefōr èf̀lyou.	THE WORD OF THE VALLEY OF SION. What has happened to thee, that now ye are all gone up to the housetops which help you not?
22:2	ⲁⲥⲙⲟϩ ⲛ̀ϫⲉϯⲃⲁⲕⲓ ⲛ̀ⲧⲉⲛⲏⲉⲧⲱϣ ⲉ̀ⲃⲟⲗ ⲛⲏⲉⲧⲙⲓϣⲓ ⲛ̀ⲧⲉⲟⲩⲙⲓϣⲓ ⲛ̀ⲧ̀ⲥⲏϥⲓ ⲁⲛ ⲟⲩⲇⲉ ⲛⲓⲣⲉϥⲙⲱⲟⲩⲧ ϩⲁⲛⲣⲉϥⲙⲱⲟⲩⲧ ⲁⲛ ⲛⲉ ⲛ̀ⲧⲉⲫ̀ⲃⲱⲧⲥ .	Ⲁⲥⲙⲟϩ ⲛ̀ϫⲉ ϯⲃⲁⲕⲓ ⲛ̀ⲧⲉ ⲛⲏⲉⲧⲱϣ ⲉ̀ⲃⲟⲗ ⲛⲏⲉⲧⲙⲓϣⲓ ⲛ̀ⲧⲉ ⲟⲩⲙⲓϣⲓ ⲛ̀ⲧⲉ ⲧ̀ⲥⲏϥⲓ ⲁⲛ ⲟⲩⲇⲉ ⲛⲓⲣⲉϥⲙⲱⲟⲩⲧ ϩⲁⲛⲣⲉϥⲙⲱⲟⲩⲧ ⲁⲛ ⲛⲉ ⲛ̀ⲧⲉ ⲫ̀ⲃⲱⲧⲥ.	Asmoh ǹje tivaki ǹte nyetōṡ èvol nyetmiṡi ǹte oumiṡi ǹte t̀syfi an ouḋe nirefmōout hanrefmōout an ne ǹte f̀vōts.	The city is filled with shouting men: thy slain are not slain with swords, nor are thy dead those who have died in battle.
22:3	ⲛⲉⲁⲣⲭⲱⲛ ⲧⲏⲣⲟⲩ ⲁⲩⲫⲱⲧ ⲟⲩⲟϩ ⲛⲏⲉⲧⲧⲁϩⲱⲟⲩ ⲥⲉⲥⲟⲛϩ ϧⲉⲛⲟⲩⲛ̀ϣⲟⲧ ⲛⲏⲉⲧϫⲟⲣⲓ ⲛ̀ϧⲏϯ ⲁⲩⲫⲱⲧ ϩⲓⲫ̀ⲟⲩⲉⲓ .	Ⲛⲉⲁⲣⲭⲱⲛ ⲧⲏⲣⲟⲩ ⲁⲩⲫⲱⲧ ⲟⲩⲟϩ ⲛⲏⲉⲧⲧⲁϩⲱⲟⲩ ⲥⲉⲥⲟⲛϩ ϧⲉⲛ ⲟⲩⲛ̀ϣⲟⲧ ⲛⲏⲉⲧϫⲟⲣⲓ ⲛ̀ϧⲏϯ ⲁⲩⲫⲱⲧ ϩⲓ ⲫ̀ⲟⲩⲉⲓ.	Nearxōn tyrou avfōt ouoh nyettahōou sesonh xen ouǹṡot nyetgori ǹxyti avfōt hi f̀ouei.	All thy princes have fled, and thy captives are tightly bound, and the mighty men in thee have fled far away.
22:4	ⲉⲑⲃⲉⲫⲁⲓ ⲁⲓϫⲟⲥ ϫⲉⲭⲁⲧ ⲛ̀ⲧⲁⲣⲓⲙⲓ ϧⲉⲛⲟⲩⲛ̀ϣⲁϣⲓ ⲙ̀ⲡⲉⲣϫⲉⲙϫⲟⲙ ⲉ̀ϯⲛⲟⲙϯ ⲛⲏⲓ ⲉ̀ϩ̀ⲣⲏⲓ ⲉ̀ϫⲉⲛⲡ̀ϧⲟⲙϧⲉⲙ ⲛ̀ⲧ̀ϣⲉⲣⲓ ⲙ̀ⲡⲁⲅⲉⲛⲟⲥ .	Ⲉⲑⲃⲉ ⲫⲁⲓ ⲁⲓϫⲟⲥ ϫⲉ ⲭⲁⲧ ⲛ̀ⲧⲁⲣⲓⲙⲓ ϧⲉⲛ ⲟⲩⲛ̀ϣⲁϣⲓ ⲙ̀ⲡⲉⲣϫⲉⲙϫⲟⲙ ⲉ̀ϯⲛⲟⲙϯ ⲛⲏⲓ ⲉ̀ϩ̀ⲣⲏⲓ ⲉ̀ϫⲉⲛ ⲡ̀ϧⲟⲙϧⲉⲙ ⲛ̀ⲧ̀ϣⲉⲣⲓ ⲛ̀ⲡⲁⲅⲉⲛⲟⲥ.	Eθve fai aigos je kat ǹtarimi xen ouǹṡaṡi m̀perjemgom ètinomti nyi èh̀ryi èjen p̀xomxem ǹt̀ṡeri ǹpagenos.	Therefore I said, Let me alone, I will weep bitterly; labour not to comfort me for the breach of the daughter of my people.
22:5	ϫⲉⲡ̀ⲉ̀ϩⲟⲟⲩ ⲙ̀ⲡ̀ϣ̀ⲑⲟⲣⲧⲉⲣ ⲡⲉ ⲛⲉⲙⲡ̀ⲧⲁⲕⲟ ⲛⲉⲙⲡ̀ϩⲟⲙϩⲉⲙ ⲛⲉⲙⲧ̀ⲥⲟⲣⲙⲉⲥ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲥⲁⲃⲁⲱⲑ ϧⲉⲛϯϧⲉⲗⲗⲟⲧ ⲛ̀ⲧⲉⲥⲓⲱⲛ : ⲥⲉⲥⲟⲣⲉⲙ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲥⲉⲥⲟⲣⲉⲙ ϩⲓϫⲉⲛⲛⲓⲧⲱⲟⲩ .	Ϫⲉ ⲡ̀ⲉ̀ϩⲟⲟⲩ ⲛ̀ⲡ̀ϣ̀ⲑⲟⲣⲧⲉⲣ ⲡⲉ ⲛⲉⲙ ⲡ̀ⲧⲁⲕⲟ ⲛⲉⲙ ⲡ̀ϩⲟⲙϩⲉⲙ ⲛⲉⲙ ⲧ̀ⲥⲟⲣⲙⲉⲥ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲥⲁⲃⲁⲱⲑ ϧⲉⲛ ϯϧⲉⲗⲗⲟⲧ ⲛ̀ⲧⲉⲥⲓⲱⲛ: ⲥⲉⲥⲟⲣⲉⲙ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲥⲉⲥⲟⲣⲉⲙ ϩⲓϫⲉⲛ ⲛⲓⲧⲱⲟⲩ.	Je p̀èhoou ǹp̀ṡ̀θorter pe nem p̀tako nem p̀homhem nem t̀sormes èvol hiten p̀ċois sabaōθ xen tixellot ǹtesiōn: sesorem isjen poukouji ṡapouniṡti sesorem hijen nitōou.	For it is a day of trouble, and of destruction, and of treading down, and there is perplexity sent from the Lord of hosts: they wander in the valley of Sion; they wander from the least to the greatest on the mountains.
22:6	ⲛⲓⲉ̀ⲗⲓⲙⲓⲧⲏⲥ ⲇⲉ ⲁⲩϭⲓ ⲛ̀ϩⲁⲛⲭⲁⲥⲟⲑⲛⲉϥ ⲁⲗⲏⲓ ⲛⲓⲣⲱⲙⲓ ⲉ̀ϫⲉⲛϩⲁⲛϩ̀ⲑⲱⲣ ⲛⲉⲙⲟⲩⲑⲱⲟⲩⲧⲥ ⲛ̀ⲧⲉⲛϯ .	Ⲛⲓⲉ̀ⲗⲓⲙⲓⲧⲏⲥ ⲇⲉ ⲁⲩϭⲓ ⲛ̀ϩⲁⲛⲭⲁⲥⲟⲑⲛⲉϥ ⲁⲗⲏⲓ ⲛⲓⲣⲱⲙⲓ ⲉ̀ϫⲉⲛ ϩⲁⲛϩ̀ⲑⲱⲣ ⲛⲉⲙ ⲟⲩⲑⲱⲟⲩⲧⲥ ⲛ̀ⲧⲉⲛϯ.	Nièlimitys ḋe avċi ǹhankasoθnef alyi nirōmi èjen hanh̀θōr nem ouθōouts ǹtenti.	And the Elamites took their quivers, and there were men mounted on horses, and there was a gathering for battle.
22:7	ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉⲛⲉϧⲉⲗⲗⲟⲧ ⲉⲧⲥⲟⲧⲡ ⲉⲩⲙⲉϩ ⲛ̀ϩⲁⲣⲙⲁ ⲛⲓⲣⲉⲙⲛ̀ϩ̀ⲑⲟ ⲇⲉ ⲉⲩⲉ̀ϣⲱⲣ ⲛ̀ⲛⲉⲡⲩⲗⲏ .	Ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉ ⲛⲉϧⲉⲗⲗⲟⲧ ⲉⲧⲥⲟⲧⲡ ⲉⲩⲙⲉϩ ⲛ̀ϩⲁⲣⲙⲁ ⲛⲓⲣⲉⲙⲛ̀ϩ̀ⲑⲟ ⲇⲉ ⲉⲩⲉ̀ϣⲱⲣ ⲛ̀ⲛⲉⲡⲩⲗⲏ.	Ouoh evèṡōpi ǹje nexellot etsotp evmeh ǹharma niremǹh̀θo ḋe evèṡōr ǹnepily.	And it shall be that thy choice valleys shall be filled with chariots, and horsemen shall block up thy gates.
22:8	ⲉⲩⲉ̀ϭⲱⲣⲡ ⲉ̀ⲃⲟⲗ ⲛ̀ⲛⲓⲡⲩⲗⲏ ⲛ̀ⲧⲉⲓⲟⲩⲇⲁ ⲉⲩⲉ̀ϫⲟⲩϣⲧ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲉ̀ⲛⲓⲥⲱⲧⲡ ⲛ̀ⲏⲓ ⲛ̀ⲧⲉϯⲃⲁⲕⲓ .	Ⲉⲩⲉ̀ϭⲱⲣⲡ ⲉ̀ⲃⲟⲗ ⲛ̀ⲛⲓⲡⲩⲗⲏ ⲛ̀ⲧⲉ ⲓⲟⲩⲇⲁ ⲉⲩⲉ̀ϫⲟⲩϣⲧ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉ̀ⲛⲓⲥⲱⲧⲡ ⲛ̀ⲏⲓ ⲛ̀ⲧⲉ ϯⲃⲁⲕⲓ.	Evèċōrp èvol ǹnipily ǹte iouda evègouṡt xen pièhoou ète m̀mav ènisōtp ǹyi ǹte tivaki.	And they shall uncover the gates of Juda, and they shall look in that day on the choice houses of the city.
22:9	ⲟⲩⲟϩ ⲉⲩⲉ̀ϭⲱⲣⲡ ⲉ̀ⲃⲟⲗ ⲛ̀ⲛⲏⲉⲧϩⲏⲡ ⲛ̀ⲧⲉⲛⲓⲏⲓ ⲛ̀ⲧⲉϯⲁⲕⲣⲁ ⲛ̀ⲧⲉⲇⲁⲩⲓⲇ ⲟⲩⲟϩ ⲁⲩⲛⲁⲩ ϫⲉⲥⲉⲟϣ ϫⲉⲁⲩⲧⲁⲥⲑⲟ ⲙ̀ⲡⲓⲙⲱⲟⲩ ⲛ̀ⲧⲉϯⲁⲣⲭⲏ ⲛ̀ⲕⲟⲗⲟⲙⲃⲏⲑⲣⲁ ⲉ̀ϩ̀ⲣⲏⲓ ⲉ̀ϯⲃⲁⲕⲓ .	Ⲟⲩⲟϩ ⲉⲩⲉ̀ϭⲱⲣⲡ ⲉ̀ⲃⲟⲗ ⲛ̀ⲛⲏⲉⲧϩⲏⲡ ⲛ̀ⲧⲉ ⲛⲓⲏⲓ ⲛ̀ⲧⲉ ϯⲁⲕⲣⲁ ⲛ̀ⲧⲉ ⲇⲁⲩⲓⲇ ⲟⲩⲟϩ ⲁⲩⲛⲁⲩ ϫⲉ ⲥⲉⲟϣ ϫⲉ ⲁⲩⲧⲁⲥⲑⲟ ⲛ̀ⲡⲓⲙⲱⲟⲩ ⲛ̀ⲧⲉ ϯⲁⲣⲭⲏ ⲛ̀ⲕⲟⲗⲟⲙⲃⲏⲑⲣⲁ ⲉ̀ϩ̀ⲣⲏⲓ ⲉ̀ϯⲃⲁⲕⲓ.	Ouoh evèċōrp èvol ǹnyet·hyp ǹte niyi ǹte tiakra ǹte david ouoh avnav je seoṡ je avtasθo ǹpimōou ǹte tiarṡy ǹkolomvyθra èh̀ryi ètivaki.	And they shall uncover the secret places of the houses of the citadel of David: and they saw that they were many, and that one had turned the water of the old pool into the city;
22:10	ⲟⲩⲟϩ ϫⲉⲁⲩϣⲟⲣϣⲉⲣ ⲛ̀ⲛⲓⲏⲓ ⲛ̀ⲧⲉⲓⲗ̅ⲏ̅ⲙ̅ ⲁⲩⲧⲁϫⲣⲟ ⲙ̀ⲡ̀ⲥⲟⲃⲧ ⲛ̀ⲧⲉϯⲃⲁⲕⲓ .	Ⲟⲩⲟϩ ϫⲉ ⲁⲩϣⲟⲣϣⲉⲣ ⲛ̀ⲛⲓⲏⲓ ⲛ̀ⲧⲉ ⲓⲉⲣⲟⲩⲥⲁⲗⲏⲙ ⲁⲩⲧⲁϫⲣⲟ ⲛ̀ⲡ̀ⲥⲟⲃⲧ ⲛ̀ⲧⲉ ϯⲃⲁⲕⲓ.	Ouoh je avṡorṡer ǹniyi ǹte ierousalym avtagro ǹp̀·sovt ǹte tivaki.	and that they had pulled down the houses of Jerusalem, to fortify the wall of the city.
22:11	ⲟⲩⲟϩ ⲁⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲟⲩⲙⲱⲟⲩ ⲟⲩⲧⲉ ⲡⲓⲥⲟⲃⲧ ⲃ̅ ⲥⲁϧⲟⲩⲛ ⲛ̀ϯⲕⲟⲗⲩⲙⲃⲏⲑⲣⲁ ⲛ̀ⲁⲣⲭⲉⲟⲥ ⲟⲩⲟϩ ⲙ̀ⲡⲉⲧⲉⲛϫⲟⲩϣⲧ ⲉ̀ⲫⲏⲉⲧⲁϥⲑⲁⲙⲓⲟⲥ ⲓⲥϫⲉⲛ ϩⲏ ⲫⲏⲉⲧⲁϥⲥⲟⲛⲧⲥ ⲙ̀ⲡⲉⲧⲉⲛⲛⲁⲩ ⲉ̀ⲣⲟϥ .	Ⲟⲩⲟϩ ⲁⲣⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲟⲩⲙⲱⲟⲩ ⲟⲩⲧⲉ ⲡⲓⲥⲟⲃⲧ 2 ⲥⲁϧⲟⲩⲛ ⲛ̀ϯⲕⲟⲗⲩⲙⲃⲏⲑⲣⲁ ⲛ̀ⲁⲣⲭⲉⲟⲥ ⲟⲩⲟϩ ⲙ̀ⲡⲉⲧⲉⲛϫⲟⲩϣⲧ ⲉ̀ⲫⲏⲉ̀ⲧⲁ ϥ̀ⲑⲁⲙⲓⲟⲥ ⲓⲥϫⲉⲛ ϩⲏ ⲫⲏⲉⲧⲁϥⲥⲟⲛⲧⲥ ⲙ̀ⲡⲉⲧⲉⲛⲛⲁⲩ ⲉ̀ⲣⲟϥ.	Ouoh aretenθamio nōten ǹoumōou oute pisovt 2 saxoun ǹtikolimbyθra ǹarṡeos ouoh m̀petengouṡt èfyèta f̀θamios isjen hy fyetafsonts m̀petennav èrof.	And ye procured to yourselves water between the two walls within the ancient pool: but ye looked not to him that made it from the beginning, and regarded not him that created it.
22:12	ⲟⲩⲟϩ ⲁϥⲙⲟⲩϯ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲉ̀ⲟⲩⲣⲓⲙⲓ ⲛⲉⲙⲟⲩⲛⲉϩⲡⲓ ⲛⲉⲙⲟⲩϧⲱⲕ ⲛ̀ⲧⲉⲟⲩⲁ̀ⲫⲉ ⲛⲉⲙⲟⲩⲙⲟⲩⲣ ⲛ̀ⲧⲉϩⲁⲛⲥⲱⲕ .	Ⲟⲩⲟϩ ⲁϥⲙⲟⲩϯ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉ̀ⲟⲩⲣⲓⲙⲓ ⲛⲉⲙ ⲟⲩⲛⲉϩⲡⲓ ⲛⲉⲙ ⲟⲩϧⲱⲕ ⲛ̀ⲧⲉ ⲟⲩⲁ̀ⲫⲉ ⲛⲉⲙ ⲟⲩⲙⲟⲩⲣ ⲛ̀ⲧⲉ ϩⲁⲛⲥⲱⲕ.	Ouoh afmouti ǹje p̀ċois sabaōθ xen pièhoou ète m̀mav èourimi nem ounehpi nem ouxōk ǹte ouàfe nem oumour ǹte hansōk.	And the Lord, the Lord of hosts, called in that day for weeping, and lamentation, and baldness, and for girding with sackcloth:
22:13	ⲛ̀ⲑⲱⲟⲩ ⲇⲉ ⲁⲩⲓ̀ⲣⲓ ⲛ̀ⲟⲩⲟⲩⲛⲟϥ ⲛⲉⲙⲟⲩⲑⲉⲗⲏⲗ ⲉⲩϧⲟⲗϧⲉⲗ ⲛ̀ϩⲁⲛⲙⲁⲥⲓ ⲟⲩⲟϩ ⲉⲩϣⲱⲧ ⲛ̀ϩⲁⲛⲉ̀ⲥⲱⲟⲩ ⲉⲑⲣⲟⲩⲉⲙ ⲁϥ ⲟⲩⲟϩ ⲛ̀ⲧⲟⲩⲥⲉ ⲏⲣⲡ ⲉⲩϫⲱ ⲙ̀ⲙⲟⲥ ϫⲉⲙⲁⲣⲉⲛⲟⲩⲱⲙ ⲟⲩⲟϩ ⲛ̀ⲧⲉⲛⲥⲱ ⲣⲁⲥϯ ⲅⲁⲣ ⲧⲁⲛⲛⲁⲙⲟⲩ .	Ⲛ̀ⲑⲱⲟⲩ ⲇⲉ ⲁⲩⲓ̀ⲣⲓ ⲛ̀ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ ⲉⲩϧⲟⲗϧⲉⲗ ⲛ̀ϩⲁⲛⲙⲁⲥⲓ ⲟⲩⲟϩ ⲉⲩϣⲱⲧ ⲛ̀ϩⲁⲛⲉ̀ⲥⲱⲟⲩ ⲉ̀ⲑⲣⲟⲩⲉⲙ ⲁϥ ⲟⲩⲟϩ ⲛ̀ⲧⲟⲩⲥⲉ ⲏⲣⲡ ⲉⲩϫⲱ ⲙ̀ⲙⲟⲥ ϫⲉ ⲙⲁⲣⲉⲛⲟⲩⲱⲙ ⲟⲩⲟϩ ⲛ̀ⲧⲉⲛⲥⲱ ⲣⲁⲥϯ ⲅⲁⲣ ⲧ̀ⲁⲛⲛⲁⲙⲟⲩ.	Ǹθōou ḋe avìri ǹouounof nem ouθelyl evxolxel ǹhanmasi ouoh evṡōt ǹhanèsōou èθrouem af ouoh ǹtouse yrp evgō m̀mos je marenouōm ouoh ǹtensō rasti ġar t̀annamou.	but they engaged in joy and gladness, slaying calves, and killing sheep, so as to eat flesh, and drink wine; saying, Let us eat and drink; for to-morrow we die.
22:14	ⲟⲩⲟϩ ⲛⲁⲓ ⲥⲉϭⲟⲣⲡ ⲉ̀ⲃⲟⲗ ϧⲉⲛⲛⲉⲛⲙⲁϣϫ ⲙ̀ⲡϭ̅ⲥ̅ ⲥⲁⲃⲁⲱⲑ ϫⲉⲥⲉⲛⲁⲭⲱ ⲙ̀ⲡⲁⲓⲛⲟⲃⲓ ⲛⲱⲧⲉⲛ ⲉ̀ⲃⲟⲗ ⲁⲛ ϣⲁⲧⲉⲧⲉⲛⲙⲟⲩ .	Ⲟⲩⲟϩ ⲛⲁⲓ ⲥⲉϭⲟⲣⲡ ⲉ̀ⲃⲟⲗ ϧⲉⲛ ⲛⲉⲛⲙⲁϣϫ ⲛ̀ⲡ̀ϭⲟⲓⲥ ⲥⲁⲃⲁⲱⲑ ϫⲉ ⲥⲉⲛⲁⲭⲱ ⲛ̀ⲡⲁⲓⲛⲟⲃⲓ ⲛⲱⲧⲉⲛ ⲉ̀ⲃⲟⲗ ⲁⲛ ϣⲁⲧⲉⲧⲉⲛⲙⲟⲩ.	Ouoh nai seċorp èvol xen nenmaṡg ǹp̀ċois sabaōθ je senakō ǹpainovi nōten èvol an ṡatetenmou.	And these things are revealed in the ears of the Lord of hosts: for this sin shall not be forgiven you, until ye die.
22:15	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ϫⲉⲙⲁϣⲉⲛⲁⲕ ⲉ̀ⲡⲓⲡⲁⲥⲧⲟⲫⲟⲣⲓⲟⲛ ϩⲁⲥⲟⲙⲛⲁⲥ ⲉ̀ⲡⲓⲧⲁⲙⲓⲁⲥ ⲁ̀ϫⲟⲥ ⲛⲁϥ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ϫⲉ ⲙⲁϣⲉⲛⲁⲕ ⲉ̀ⲡⲓⲡⲁⲥⲧⲟⲫⲟⲣⲓⲟⲛ ϩⲁ ⲥⲟⲙⲛⲁⲥ ⲉ̀ⲡⲓⲧⲁⲙⲓⲁⲥ ⲁ̀ϫⲟⲥ ⲛⲁϥ.	Nai ne nyètefgō m̀mōou ǹje p̀ċois sabaōθ je maṡenak èpipastoforion ha somnas èpitamias àgos naf.	Thus saith the Lord of hosts, Go into the chamber, to Somnas the treasurer, and say to him, Why art thou here?
22:16	ϫⲉⲁⲕⲉⲣ ⲟⲩ ⲛ̀ⲑⲟⲕ ⲙ̀ⲡⲁⲓⲙⲁ ⲟⲩⲟϩ ϫⲉⲁⲕⲫⲱⲧϩ ⲛⲁⲕ ⲛ̀ⲑⲟⲕ ⲛ̀ⲟⲩⲙ̀ϩⲁⲩ ⲙ̀ⲡⲁⲓⲙⲁ ⲟⲩⲟϩ ⲁⲕⲑⲁⲙⲓⲟ ⲛⲁⲕ ⲛ̀ⲟⲩⲥ̀ⲕⲩⲛⲏ ϧⲉⲛⲟⲩⲡⲉⲧⲣⲁ .	Ϫⲉ ⲁⲕⲉⲣ ⲟⲩ ⲛ̀ⲑⲟⲕ ⲛ̀ⲡⲁⲓⲙⲁ ⲟⲩⲟϩ ϫⲉ ⲁⲕⲫⲱⲧϩ ⲛⲁⲕ ⲛ̀ⲑⲟⲕ ⲛ̀ⲟⲩⲙ̀ϩⲁⲩ ⲛ̀ⲧⲉ ⲡⲁⲓⲙⲁ ⲟⲩⲟϩ ⲁⲕⲑⲁⲙⲓⲟ ⲛⲁⲕ ⲛ̀ⲟⲩⲥ̀ⲕⲩⲛⲏ ϧⲉⲛ ⲟⲩⲡⲉⲧⲣⲁ.	Je aker ou ǹθok ǹpaima ouoh je akfōt·h nak ǹθok ǹoum̀hav ǹte paima ouoh akθamio nak ǹous̀kiny xen oupetra.	and what hast thou to do here, that thou hast here hewn thyself a sepulchre, and madest thyself a sepulchre on high, and hast graven for thyself a dwelling in the rock?
22:17	ϩⲏⲡⲡⲉ ⲓⲥ ⲡϭ̅ⲥ̅ ⲥⲁⲃⲁⲱⲑ ⲉϥⲉ̀ϩⲓⲟⲩⲓ̀ ⲉ̀ⲃⲟⲗ ⲟⲩⲟϩ ⲉϥⲉ̀ϥⲱϯ ⲉ̀ⲃⲟⲗ ⲛ̀ⲟⲩⲣⲱⲙⲓ ⲟⲩⲟϩ ⲉϥⲉ̀ⲱⲗⲓ ⲛ̀ⲧⲉⲕⲥ̀ⲧⲟⲗⲏ ⲛⲉⲙⲡⲉⲕⲭ̀ⲗⲟⲙ ⲉⲧⲧⲁⲓⲏⲟⲩⲧ .	Ϩⲏⲡⲡⲉ ⲓⲥ ⲡ̀ϭⲟⲓⲥ ⲥⲁⲃⲁⲱⲑ ⲉϥⲉ̀ϩⲓⲟⲩⲓ̀ ⲉ̀ⲃⲟⲗ ⲟⲩⲟϩ ⲉϥⲉ̀ϥⲱϯ ⲉ̀ⲃⲟⲗ ⲛ̀ⲟⲩⲣⲱⲙⲓ ⲟⲩⲟϩ ⲉϥⲉ̀ⲱ̀ⲗⲓ ⲛ̀ⲧⲉⲕⲥ̀ⲧⲟⲗⲏ ⲛⲉⲙ ⲡⲉⲕⲭ̀ⲗⲟⲙ ⲉⲧⲧⲁⲓⲏⲟⲩⲧ.	Hyppe is p̀ċois sabaōθ efèhiouì èvol ouoh efèfōti èvol ǹourōmi ouoh efèṑli ǹtek·s̀toly nem pekk̀lom ettaiyout.	Behold now, the Lord of hosts casts forth and will utterly destroy such a man, and will take away thy robe and thy glorious crown,
22:18	ⲟⲩⲟϩ ⲉϥⲉ̀ⲃⲉⲣⲃⲱⲣⲕ ⲉ̀ⲃⲟⲗ ⲉ̀ⲟⲩⲭⲱⲣⲁ ⲉⲥⲟⲓ ⲛ̀ⲛⲓϣϯ ⲟⲩⲟϩ ⲛ̀ⲁⲧϯϣⲓ ⲉ̀ⲣⲟⲥ ⲟⲩⲟϩ ⲉⲕⲉ̀ⲙⲟⲩ ⲙ̀ⲙⲁⲩ ⲟⲩⲟϩ ⲉϥⲉ̀ⲭⲱ ⲙ̀ⲡⲉⲕϩⲁⲣⲙⲁ ⲉⲑⲛⲁⲛⲉϥ ⲉⲩϣⲱϣ ⲟⲩⲟϩ ⲡ̀ⲏⲓ ⲙ̀ⲡⲉⲕⲁⲣⲭⲱⲛ ⲉⲑⲣⲟⲩϩⲱⲙⲓ ⲉ̀ϫⲱϥ .	Ⲟⲩⲟϩ ⲉϥⲉ̀ⲃⲉⲣⲃⲱⲣⲕ ⲉ̀ⲃⲟⲗ ⲉ̀ⲟⲩⲭⲱⲣⲁ ⲉⲥⲟⲓ ⲛ̀ⲛⲓϣϯ ⲟⲩⲟϩ ⲛ̀ⲁⲧϯϣⲓ ⲉ̀ⲣⲟⲥ ⲟⲩⲟϩ ⲉⲕⲉ̀ⲙⲟⲩ ⲙ̀ⲙⲁⲩ ⲟⲩⲟϩ ⲉϥⲉ̀ⲭⲱ ⲛ̀ⲡⲉⲕϩⲁⲣⲙⲁ ⲉⲑⲛⲁⲛⲉϥ ⲉⲩϣⲱϣ ⲟⲩⲟϩ ⲡ̀ⲏⲓ ⲛ̀ⲡⲉⲕⲁⲣⲭⲱⲛ ⲉ̀ⲑⲣⲟⲩϩⲱⲙⲓ ⲉ̀ϫⲱϥ.	Ouoh efèvervōrk èvol èouxōra esoi ǹniṡti ouoh ǹattiṡi èros ouoh ekèmou m̀mav ouoh efèkō ǹpek·harma eθnanef evṡōṡ ouoh p̀yi ǹpekarxōn èθrouhōmi ègōf.	and will cast thee into a great and unmeasured land, and there thou shalt die: and he will bring thy fair chariot to shame, and the house of thy prince to be trodden down.
22:19	ⲟⲩⲟϩ ⲉⲩⲉ̀ⲟⲗⲕ ⲉ̀ⲃⲟⲗϧⲉⲛ ⲧⲉⲕⲙⲉⲧⲟⲓⲕⲟⲛⲟⲙⲟⲥ ⲛⲉⲙⲉ̀ⲃⲟⲗϧⲉⲛ ⲧⲉⲕⲧⲁⲝⲓⲥ .	Ⲟⲩⲟϩ ⲉⲩⲉ̀ⲟⲗⲕ ⲉ̀ⲃⲟⲗ ϧⲉⲛ ⲧⲉⲕⲙⲉⲧⲟⲓⲕⲟⲛⲟⲙⲟⲥ ⲛⲉⲙ ⲉ̀ⲃⲟⲗϧⲉⲛ ⲧⲉⲕⲧⲁⲝⲓⲥ.	Ouoh evèolk èvol xen tekmetoikonomos nem èvolxen tektaksis.	And thou shalt be removed from thy stewardship, and from thy place.
22:20	ⲟⲩⲟϩ ⲉⲥⲉ̀ϣⲱⲡⲓ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲉⲓⲉ̀ⲙⲟⲩϯ ⲉ̀ⲡⲁⲁ̀ⲗⲟⲩ ⲉⲗⲓⲁⲕⲓⲙ ⲡ̀ϣⲏⲣⲓ ⲛ̀ⲭⲉⲗⲕⲓⲁⲥ .	Ⲟⲩⲟϩ ⲉⲥⲉ̀ϣⲱⲡⲓ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉⲓⲉ̀ⲙⲟⲩϯ ⲉ̀ⲡⲁⲁ̀ⲗⲟⲩ ⲉⲗⲓⲁⲕⲓⲙ ⲡ̀ϣⲏⲣⲓ ⲛ̀ⲭⲉⲗⲕⲓⲁⲥ.	Ouoh esèṡōpi xen pièhoou ète m̀mav eièmouti èpaàlou eliakim p̀ṡyri ǹṡelkias.	And it shall come to pass in that day, that I will call my servant Eliakim the son of Chelcias:
22:21	ⲉⲓⲉ̀ϯϩⲓⲱⲧϥ ⲛ̀ⲧⲉⲕⲥ̀ⲧⲟⲗⲏ ⲟⲩⲟϩ ⲡⲉⲕⲭ̀ⲗⲟⲙ ⲉⲓⲉ̀ⲧⲏⲓϥ ⲛⲁϥ ⲛⲉⲙⲡⲉⲕⲁ̀ⲙⲁϩⲓ ⲟⲩⲟϩ ⲧⲉⲕⲙⲉⲧⲟⲓⲕⲟⲛⲟⲙⲟⲥ ⲉⲓⲉ̀ⲧⲏⲓⲥ ⲉ̀ϧ̀ⲣⲏⲓ ⲉ̀ⲛⲉϥϫⲓϫ ⲟⲩⲟϩ ⲉϥⲉ̀ϣⲱⲡⲓ ⲙ̀ⲫ̀ⲣⲏϯ ⲛ̀ⲟⲩⲓⲱⲧ ⲛ̀ⲛⲏⲉⲧϣⲟⲡ ϧⲉⲛⲓⲗ̅ⲏ̅ⲙ̅ ⲛⲉⲙⲛⲏⲉⲧϣⲟⲡ ϧⲉⲛⲓⲟⲩⲇⲁ .	Ⲉⲓⲉ̀ϯϩⲓⲱⲧϥ ⲛ̀ⲧⲉⲕⲥ̀ⲧⲟⲗⲏ ⲟⲩⲟϩ ⲡⲉⲕⲭ̀ⲗⲟⲙ ⲉⲓⲉ̀ⲧⲏⲓϥ ⲛⲁϥ ⲛ̀ⲉⲛ ⲡⲉⲕⲁ̀ⲙⲁϩⲓ ⲟⲩⲟϩ ⲧⲉⲕⲙⲉⲧⲟⲓⲕⲟⲛⲟⲙⲟⲥ ⲉⲓⲉ̀ⲧⲏⲓⲥ ⲉ̀ϧ̀ⲣⲏⲓ ⲉ̀ⲛⲉϥϫⲓϫ ⲟⲩⲟϩ ⲉϥⲉ̀ϣⲱⲡⲓ ⲛ̀ⲫ̀ⲣⲏϯ ⲛ̀ⲟⲩⲓⲱⲧ ⲛ̀ⲛⲏⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ ⲛⲉⲙ ⲛⲏⲉⲧϣⲟⲡ ϧⲉⲛ ⲓⲟⲩⲇⲁ.	Eiètihiōtf ǹtek·s̀toly ouoh pekk̀lom eiètyif naf ǹen pekàmahi ouoh tekmetoikonomos eiètyis èx̀ryi ènefjig ouoh efèṡōpi ǹf̀ryti ǹouiōt ǹnyetṡop xen ierousalym nem nyetṡop xen iouda.	and I will put on him thy robe, and I will grant him thy crown with power, and I will give thy stewardship into his hands: and he shall be as a father to them that dwell in Jerusalem, and to them that dwell in Juda.
22:22	ⲟⲩⲟϩ ⲉⲓⲉ̀ϯ ⲛⲁϥ ⲙ̀ⲡ̀ⲱ̀ⲟⲩ ⲛ̀ⲇⲁⲩⲓⲇ ⲟⲩⲟϩ ⲉϥⲉ̀ⲉⲣⲁⲣⲭⲱⲛ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁⲉⲣⲁⲛⲧⲓⲗⲉⲅⲓⲛ ⲟⲩⲟϩ ⲉⲓⲉ̀ϯ ⲛⲁϥ ⲙ̀ⲡ̀ϣⲟϣⲧ ⲙ̀ⲡ̀ⲏⲓ ⲛ̀ⲇⲁⲩⲓⲇ ϩⲓⲧⲉϥⲛⲁϩⲃⲓ ⲟⲩⲟϩ ⲉϥⲉ̀ⲟⲩⲱⲛ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁϣ̀ⲑⲁⲙ ⲉϥⲉ̀ϣ̀ⲑⲁⲙ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁⲟⲩⲱⲛ .	Ⲟⲩⲟϩ ⲉⲓⲉ̀ϯ ⲛⲁϥ ⲛ̀ⲡ̀ⲱ̀ⲟⲩ ⲛ̀ⲇⲁⲩⲓⲇ ⲟⲩⲟϩ ⲉϥⲉ̀ⲉⲣⲁⲣⲭⲱⲛ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁⲉⲣⲁⲛⲧⲓⲗⲉⲅⲓⲛ ⲟⲩⲟϩ ⲉⲓⲉ̀ϯ ⲛⲁϥ ⲛ̀ⲡ̀ϣⲟϣⲧ ⲛ̀ⲡ̀ⲏⲓ ⲛ̀ⲇⲁⲩⲓⲇ ϩⲓ ⲧⲉϥⲛⲁϩⲃⲓ ⲟⲩⲟϩ ⲉϥⲉ̀ⲟⲩⲱⲛ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁϣ̀ⲑⲁⲙ ⲉϥⲉ̀ϣ̀ⲑⲁⲙ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁⲟⲩⲱⲛ.	Ouoh eièti naf ǹp̀ṑou ǹdavid ouoh efèerarxōn ouoh ǹnefṡōpi ǹje fyeθnaerantilegin ouoh eièti naf ǹp̀ṡoṡt ǹp̀yi ǹdavid hi tefnahvi ouoh efèouōn ǹnefṡōpi ǹje fyeθnaṡ̀θam efèṡ̀θam ǹnefṡōpi ǹje fyeθnaouōn.	And I will give him the glory of David; and he shall rule, and there shall be none to speak against him: and I will give him the key of the house of David upon his shoulder; and he shall open, and there shall be none to shut; and he shall shut, and there shall be none to open.
22:23	ⲟⲩⲟϩ ⲉⲓⲉ̀ⲧⲁϩⲟϥ ⲉ̀ⲣⲁⲧϥ ⲛ̀ⲁⲣⲭⲱⲛ ϧⲉⲛⲟⲩⲙⲁ ⲉϥⲉⲛϩⲟⲧ ⲟⲩⲟϩ ⲉϥⲉ̀ϣⲱⲡⲓ ⲉⲩⲑ̀ⲣⲟⲛⲟⲥ ⲛ̀ⲱ̀ⲟⲩ ϧⲉⲛⲡ̀ⲏⲓ ⲙ̀ⲡⲉϥⲓⲱⲧ .	Ⲟⲩⲟϩ ⲉⲓⲉ̀ⲧⲁϩⲟϥ ⲉ̀ⲣⲁⲧϥ ⲛ̀ⲁⲣⲭⲱⲛ ϧⲉⲛ ⲟⲩⲙⲁ ⲉϥⲉⲛ̀ϩⲟⲧ ⲟⲩⲟϩ ⲉϥⲉ̀ϣⲱⲡⲓ ⲉⲩⲑ̀ⲣⲟⲛⲟⲥ ⲛ̀ⲱ̀ⲟⲩ ϧⲉⲛ ⲡ̀ⲏⲓ ⲛ̀ⲡⲉϥⲓⲱⲧ.	Ouoh eiètahof èratf ǹarxōn xen ouma efeǹhot ouoh efèṡōpi evθ̀ronos ǹṑou xen p̀yi ǹpefiōt.	And I will make him a ruler in a sure place, and he shall be for a glorious throne of his father's house.
22:24	ⲟⲩⲟϩ ⲉⲩⲉ̀ϣⲱⲡⲓ ⲉⲣⲉϩ̀ⲑⲏⲟⲩ ⲭⲏ ⲉ̀ⲣⲟϥ ⲛ̀ϫⲉⲟⲩⲟⲛ ⲛⲓⲃⲉⲛ ⲉⲧⲧⲁⲓⲏⲟⲩⲧ ϧⲉⲛⲡ̀ⲏⲓ ⲙ̀ⲡⲉϥⲓⲱⲧ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲟⲩⲟϩ ⲉⲩⲉ̀ϣⲱⲡⲓ ⲉⲩⲁϣⲓ ⲛ̀ⲥⲱϥ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ .	Ⲟⲩⲟϩ ⲉⲩⲉ̀ϣⲱⲡⲓ ⲉ̀ⲣⲉϩ̀ⲑⲏⲟⲩ ⲭⲏ ⲉ̀ⲣⲟϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲧⲧⲁⲓⲏⲟⲩⲧ ϧⲉⲛ ⲡ̀ⲏⲓ ⲛ̀ⲡⲉϥⲓⲱⲧ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲟⲩⲟϩ ⲉⲩⲉ̀ϣⲱⲡⲓ ⲉⲩⲁϣⲓ ⲛ̀ⲥⲱϥ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	Ouoh evèṡōpi èreh̀θyou ky èrof ǹje ouon niven ettaiyout xen p̀yi ǹpefiōt isjen poukouji ṡapouniṡti ouoh evèṡōpi evaṡi ǹsōf xen pièhoou ète m̀mav.	And every one that is glorious in the house of his father shall trust in him, from the least to the greatest; and they shall depend upon him in that day.
22:25	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ϫⲉⲉⲩⲉ̀ⲕⲓⲙ ⲉ̀ⲡⲓⲣⲱⲙⲓ ⲉⲧⲧⲁϫⲣⲏⲟⲩⲧ ϧⲉⲛⲟⲩⲙⲁ ⲉϥⲉⲛϩⲟⲧ ⲟⲩⲟϩ ⲉϥⲉ̀ϩⲉⲓ ⲟⲩⲟϩ ⲉⲩⲉ̀ⲱⲗⲓ ⲙ̀ⲡⲓⲱ̀ⲟⲩ ⲉⲧϩⲓϫⲱϥ ϫⲉⲡϭ̅ⲥ̅ ⲁϥⲥⲁϫⲓ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ϫⲉ ⲉⲩⲉ̀ⲕⲓⲙ ⲉ̀ⲡⲓⲣⲱⲙⲓ ⲉⲧⲧⲁϫⲣⲏⲟⲩⲧ ϧⲉⲛ ⲟⲩⲙⲁ ⲉϥⲉⲛ̀ϩⲟⲧ ⲟⲩⲟϩ ⲉϥⲉ̀ϩⲉⲓ ⲟⲩⲟϩ ⲉⲩⲉ̀ⲱ̀ⲗⲓ ⲛ̀ⲡⲓⲱ̀ⲟⲩ ⲉⲧϩⲓϫⲱϥ ϫⲉ ⲡ̀ϭⲟⲓⲥ ⲁϥⲥⲁϫⲓ.	Nai ne nyètefgō m̀mōou ǹje p̀ċois sabaōθ je evèkim èpirōmi ettagryout xen ouma efeǹhot ouoh efèhei ouoh evèṑli ǹpiṑou et·higōf je p̀ċois afsaji.	Thus saith the Lord of hosts, The man that is fastened in the sure place shall be removed and be taken away, and shall fall; and the glory that is upon him shall be utterly destroyed: for the Lord has spoken it.

Provenance

title: 23_Isaias_22
dialect: bohairic
source: Coptic SCRIPTORIUM corpus "bohairic.ot", document 23_Isaias_22
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_22 from Coptic SCRIPTORIUM (https://copticscriptorium.org), corpus bohairic.ot, document 23_Isaias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/22.bohairic.scriptorium.L0.txt
title: 23_Isaias_22 — Cairene
dialect: bohairic
source: generated from 22.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_22)
licence: CC BY-SA 4.0
share: attribution
attribution: 23_Isaias_22 from Coptic SCRIPTORIUM (https://copticscriptorium.org), corpus bohairic.ot, document 23_Isaias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/22.bohairic.scriptorium.L1.txt
title: 23_Isaias_22 — Kemetic
dialect: bohairic
source: generated from 22.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_22 from Coptic SCRIPTORIUM (https://copticscriptorium.org), corpus bohairic.ot, document 23_Isaias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/22.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_22 (25 lines)

Cite as:

23_Isaias_22. Coptic SCRIPTORIUM corpus "bohairic.ot", document 23_Isaias_22. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/22.bohairic.scriptorium/. 23_Isaias_22 from Coptic SCRIPTORIUM (https://copticscriptorium.org), corpus bohairic.ot, document 23_Isaias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.