24_Ieremias_09 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_09

Attribution: 24_Ieremias_09 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
9:1	ⲛⲓⲙ ⲉⲑⲛⲁϯ ⲛ̀ⲟⲩⲙⲱⲟⲩ ⲉ̀ϫⲉⲛⲧⲁⲁ̀ⲫⲉ ⲛⲉⲙⲟⲩⲙⲟⲩⲙⲓ ⲛ̀ⲉⲣⲙⲏ ⲉ̀ⲛⲁⲃⲁⲗ ⲛ̀ⲧⲁⲣⲓⲙⲓ ⲉ̀ϫⲉⲛⲡⲁⲓⲗⲁⲟⲥ ⲙ̀ⲡⲓⲉ̀ϩⲟⲟⲩ ⲛⲉⲙⲡⲓⲉ̀ϫⲱⲣϩ ⲛⲏⲉⲧⲁⲩϧⲟⲑⲃⲟⲩ ⲛ̀ⲧⲉⲧ̀ϣⲉⲣⲓ ⲙ̀ⲡⲁⲗⲁⲟⲥ .	ⲛⲓⲙ ⲉⲑⲛⲁϯ ⲛ̀ⲟⲩⲙⲱⲟⲩ ⲉ̀ϫⲉⲛ ⲧⲁⲁ̀ⲫⲉ ⲛⲉⲙ ⲟⲩⲙⲟⲩⲙⲓ ⲛ̀ⲉⲣⲙⲏ ⲉ̀ⲛⲁⲃⲁⲗ ⲛ̀ⲧⲁⲣⲓⲙⲓ ⲉ̀ϫⲉⲛ ⲡⲁⲓⲗⲁⲟⲥ ⲛ̀ⲡⲓⲉ̀ϩⲟⲟⲩ ⲛⲉⲙ ⲡⲓⲉ̀ϫⲱⲣϩ ⲛⲏⲉⲧⲁⲩϧⲟⲑⲃⲟⲩ ⲛ̀ⲧⲉ ⲧ̀ϣⲉⲣⲓ ⲛ̀ⲡⲁⲗⲁⲟⲥ.	nim eθnati ǹoumōou èjen taàfe nem oumoumi ǹermy ènaval ǹtarimi èjen pailaos ǹpièhoou nem piègōrh nyetavxoθvou ǹte t̀ṡeri ǹpalaos.	Who will give water to my head, and a fountain of tears to my eyes? then would I weep for this my people day and night, even for the slain of the daughter of my people.
9:2	ⲛⲓⲙ ⲉⲑⲛⲁϯ ⲛⲏⲓ ⲛ̀ⲟⲩϣⲓ ⲛ̀ϧⲁⲉ̀ ⲛ̀ϩ̀ⲣⲏⲓ ⲡ̀ϣⲁϥⲉ ⲛ̀ⲧⲁⲥⲱϫⲡ ⲙ̀ⲡⲁⲗⲁⲟⲥ ⲛ̀ⲧⲁϣⲉⲛⲏⲓ ⲉ̀ⲃⲟⲗϩⲁⲣⲱⲟⲩ ϫⲉⲥⲉⲟⲓ ⲛ̀ⲛⲱⲓⲕ ⲧⲏⲣⲟⲩ ⲟⲩⲑⲱⲟⲩⲧⲥ ⲛ̀ⲁⲧⲥⲱⲧⲉⲙ ⲧⲉ .	Ⲛⲓⲙ ⲉⲑⲛⲁϯ ⲛⲏⲓ ⲛ̀ⲟⲩϣⲓ ⲛ̀ϧⲁⲉ̀ ⲛ̀ϩ̀ⲣⲏⲓ ⲡ̀ϣⲁϥⲉ ⲛ̀ⲧⲁⲥⲱϫⲡ ⲛ̀ⲡⲁⲗⲁⲟⲥ ⲛ̀ⲧⲁϣⲉⲛⲏⲓ ⲉ̀ⲃⲟⲗ ϩⲁⲣⲱⲟⲩ ϫⲉ ⲥⲉⲟⲓ ⲛ̀ⲛⲱⲓⲕ ⲧⲏⲣⲟⲩ ⲟⲩⲑⲱⲟⲩⲧⲥ ⲛ̀ⲁⲧⲥⲱⲧⲉⲙ ⲧⲉ.	Nim eθnati nyi ǹouṡi ǹxaè ǹh̀ryi p̀ṡafe ǹtasōgp ǹpalaos ǹtaṡenyi èvol harōou je seoi ǹnōik tyrou ouθōouts ǹatsōtem te.	Who would give me a most distant lodge in the wilderness, that I might leave my people, and depart from them? for they all commit adultery, an assembly of treacherous men.
9:3	ⲁⲩϭⲱⲗⲕ ⲛ̀ⲛⲟⲩⲗⲁⲥ ⲙ̀ⲫ̀ⲣⲏϯ ⲛ̀ⲟⲩⲫⲓϯ ⲟⲩⲙⲉⲑⲛⲟⲩϫ ⲁϥⲧⲁϫⲣⲟ ϩⲓϫⲉⲛⲡⲓⲕⲁϩⲓ ⲟⲩⲟϩ ⲛ̀ⲟⲩⲛⲁϩϯ ⲁⲛ ⲡⲉ ϫⲉⲁⲩⲓ̀ ⲉ̀ⲃⲟⲗϧⲉⲛ ϩⲁⲛⲡⲉⲧϩⲱⲟⲩ ⲉ̀ϩⲁⲛⲡⲉⲧϩⲱⲟⲩ ⲟⲩⲟϩ ⲁ̀ⲛⲟⲕ ⲙ̀ⲡⲟⲩⲥⲟⲩⲱⲛⲧ .	Ⲁⲩϭⲱⲗⲕ ⲛ̀ⲛⲟⲩⲗⲁⲥ ⲛ̀ⲫ̀ⲣⲏϯ ⲛ̀ⲟⲩⲫⲓϯ ⲟⲩⲙⲉⲑⲛⲟⲩϫ ⲁϥⲧⲁϫⲣⲟ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲛ̀ⲟⲩⲛⲁϩϯ ⲁⲛ ⲡⲉ ϫⲉ ⲁⲩⲓ̀ ⲉ̀ⲃⲟⲗ ϧⲉⲛ ϩⲁⲛⲡⲉⲧϩⲱⲟⲩ ⲉ̀ϩⲁⲛⲡⲉⲧϩⲱⲟⲩ ⲟⲩⲟϩ ⲁ̀ⲛⲟⲕ ⲙ̀ⲡⲟⲩⲥⲟⲩⲱⲛⲧ.	Avċōlk ǹnoulas ǹf̀ryti ǹoufiti oumeθnoug aftagro hijen pikahi ouoh ǹounahti an pe je avì èvol xen hanpet·hōou èhanpet·hōou ouoh ànok m̀pousouōnt.	And they have bent their tongue like a bow: falsehood and not faithfulness has prevailed upon the earth; for they have gone on from evil to evil, and have not known me, saith the Lord.
9:4	ⲡⲓⲟⲩⲁⲓ ⲡⲓⲟⲩⲁⲓ ⲙⲁⲣⲉϥⲁ̀ⲣⲉϩ ⲉ̀ⲣⲟϥ ⲉ̀ⲃⲟⲗϩⲁ ⲡⲉϥϣ̀ⲫⲏⲣ ⲟⲩⲟϩ ⲙ̀ⲡⲉⲣⲭⲁ ϩ̀ⲑⲏⲧⲉⲛ ⲉ̀ⲛⲉⲧⲉⲛⲥ̀ⲛⲏⲟⲩ ϫⲉⲥⲟⲛ ⲛⲓⲃⲉⲛ ϧⲉⲛⲟⲩϭⲓⲑⲓⲃⲥ ⲟⲩⲟϩ ⲥⲉⲛⲁϭⲓⲑⲓⲃⲥ ⲟⲩⲟϩ ϣ̀ⲫⲏⲣ ⲛⲓⲃⲉⲛ ⲉϥⲙⲟϣⲓ ϧⲉⲛⲟⲩⲭ̀ⲣⲟϥ .	Ⲡⲓⲟⲩⲁⲓ ⲡⲓⲟⲩⲁⲓ ⲙⲁⲣⲉϥⲁ̀ⲣⲉϩ ⲉ̀ⲣⲟϥ ⲉ̀ⲃⲟⲗϩⲁ ⲡⲉϥϣ̀ⲫⲏⲣ ⲟⲩⲟϩ ⲙ̀ⲡⲉⲣⲭⲁ ϩ̀ⲑⲏⲧⲉⲛ ⲉ̀ⲛⲉⲧⲉⲛⲥ̀ⲛⲏⲟⲩ ϫⲉ ⲥⲟⲛ ⲛⲓⲃⲉⲛ ϧⲉⲛ ⲟⲩϭⲓⲑⲓⲃⲥ ⲟⲩⲟϩ ⲥⲉⲛⲁϭⲓⲑⲓⲃⲥ ⲟⲩⲟϩ ϣ̀ⲫⲏⲣ ⲛⲓⲃⲉⲛ ⲉϥⲙⲟϣⲓ ϧⲉⲛ ⲟⲩⲭ̀ⲣⲟϥ.	Piouai piouai marefàreh èrof èbolha pefṡ̀fyr ouoh m̀perka h̀θyten ènetens̀nyou je son niven xen ouċiθivs ouoh senaċiθivs ouoh ṡ̀fyr niven efmoṡi xen ouk̀rof.	Beware ye each of his neighbour, and trust ye not in your brethren: for every one will surely supplant, and every friend will walk craftily.
9:5	ⲡⲓⲟⲩⲁⲓ ⲡⲓⲟⲩⲁⲓ ⲉϥⲉ̀ⲥⲱⲃⲓ ⲙ̀ⲡⲉϥϣ̀ⲫⲏⲣ ⲛ̀ⲛⲟⲩⲥⲁϫⲓ ⲛ̀ⲟⲩⲙⲉⲑⲙⲏⲓ ⲁϥⲥⲁⲃⲟ ⲅⲁⲣ ⲛ̀ϫⲉⲡⲟⲩⲗⲁⲥ ⲉ̀ⲥⲁϫⲓ ⲛ̀ϩⲁⲛⲙⲉⲑⲛⲟⲩϫ ⲁⲩϭⲓⲛ̀ϫⲟⲛⲥ ⲟⲩⲟϩ ⲙ̀ⲡⲟⲩⲕⲏⲛ ⲉⲑⲣⲟⲩⲕⲟⲧⲟⲩ .	Ⲡⲓⲟⲩⲁⲓ ⲡⲓⲟⲩⲁⲓ ⲉϥⲉ̀ⲥⲱⲃⲓ ⲛ̀ⲡⲉϥϣ̀ⲫⲏⲣ ⲛ̀ⲛⲟⲩⲥⲁϫⲓ ⲛ̀ⲟⲩⲙⲉⲑⲙⲏⲓ ⲁϥⲥⲁⲃⲟ ⲅⲁⲣ ⲛ̀ϫⲉ ⲡⲟⲩⲗⲁⲥ ⲉ̀ⲥⲁϫⲓ ⲛ̀ϩⲁⲛⲙⲉⲑⲛⲟⲩϫ ⲁⲩϭⲓⲛ̀ϫⲟⲛⲥ ⲟⲩⲟϩ ⲙ̀ⲡⲟⲩⲕⲏⲛ ⲉ̀ⲑⲣⲟⲩⲕⲟⲧⲟⲩ.	Piouai piouai efèsōvi ǹpefṡ̀fyr ǹnousaji ǹoumeθmyi afsavo ġar ǹje poulas èsaji ǹhanmeθnoug avċiǹgons ouoh m̀poukyn èθroukotou.	Every one will mock his friend; they will not speak truth: their tongue has learned to speak falsehoods; they have committed iniquity, they ceased not, so as to return.
9:6	ⲁⲩⲧⲁⲗ ⲙⲏⲥⲓ ⲉ̀ϫⲉⲛⲙⲏⲥⲓ ⲟⲩⲟϩ ⲭ̀ⲣⲟϥ ⲉ̀ϫⲉⲛⲭ̀ⲣⲟϥ ⲟⲩⲟϩ ⲙ̀ⲡⲟⲩⲟⲩⲱϣ ⲉ̀ⲥⲟⲩⲱⲛⲧ .	Ⲁⲩⲧⲁⲗ ⲙⲏⲥⲓ ⲉ̀ϫⲉⲛ ⲙⲏⲥⲓ ⲟⲩⲟϩ ⲭ̀ⲣⲟϥ ⲉ̀ϫⲉ ⲛ̀ⲭ̀ⲣⲟϥ ⲟⲩⲟϩ ⲛ̀ⲡⲟⲩⲟⲩⲱϣ ⲉ̀ⲥⲟⲩⲱⲛⲧ.	Avtal mysi èjen mysi ouoh k̀rof èje ǹk̀rof ouoh ǹpououōṡ èsouōnt.	There is usury upon usury, and deceit upon deceit: they would not know me, saith the Lord.
9:7	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ⲉⲓⲉ̀ⲫⲁⲥⲟⲩ ⲟⲩⲟϩ ⲉⲓⲉ̀ⲉⲣⲇⲟⲕⲓⲙⲁⲍⲓⲛ ⲙ̀ⲙⲱⲟⲩ ϫⲉϯⲛⲁⲓ̀ⲣⲓ ⲉ̀ⲃⲟⲗϩⲁ ⲡ̀ϩⲟ ⲙ̀ⲡⲓⲡⲉⲧϩⲱⲟⲩ ⲛ̀ⲧ̀ϣⲉⲣⲓ ⲙ̀ⲡⲁⲁⲟⲥ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲫⲁⲥⲟⲩ ⲟⲩⲟϩ ⲉⲓⲉ̀ⲉⲣⲇⲟⲕⲓⲙⲁⲍⲓⲛ ⲙ̀ⲙⲱⲟⲩ ϫⲉ ϯⲛⲁⲓ̀ⲣⲓ ⲉ̀ⲃⲟⲗϩⲁ ⲡ̀ϩⲟ ⲛ̀ⲡⲓⲡⲉⲧϩⲱⲟⲩ ⲛ̀ⲧ̀ϣⲉⲣⲓ ⲛ̀ⲡⲁⲁⲟⲥ.	Eθve fai nai ne nyètefgō m̀mōou ǹje p̀ċois je hyppe ànok eièfasou ouoh eièerḋokimazin m̀mōou je tinaìri èbolha p̀ho ǹpipet·hōou ǹt̀ṡeri ǹpaaos.	Therefore thus saith the Lord, Behold, I will try them with fire, and prove them; for I will do thus because of the wickedness of the daughter of my people.
9:8	ⲟⲩⲥⲉⲣⲃⲉⲛⲓ ⲉⲥⲑⲟⲩⲕⲥ ⲡⲉ ⲡⲟⲩⲗⲁⲥ ⲟⲩⲟϩ ϩⲁⲛⲭ̀ⲣⲟϥ ⲛⲉ ⲛⲓⲥⲁϫⲓ ⲛ̀ⲧⲉⲣⲱⲟⲩ ⲥⲉⲥⲁϫⲓ ⲅⲁⲣ ⲛⲉⲙⲡⲟⲩϣ̀ⲫⲏⲣ ϧⲉⲛⲟⲩϩⲓⲣⲏⲛⲏ ⲟⲩⲟϩ ϯⲙⲉⲧϫⲁϫⲓ ⲛ̀ϧ̀ⲣⲏⲓ ⲛ̀ϧⲏⲧⲟⲩ .	Ⲟⲩⲥⲉⲣⲃⲉⲛⲓ ⲉⲥⲑⲟⲩⲕⲥ ⲡⲉ ⲡⲟⲩⲗⲁⲥ ⲟⲩⲟϩ ϩⲁⲛⲭ̀ⲣⲟϥ ⲛⲉ ⲛⲓⲥⲁϫⲓ ⲛ̀ⲧⲉ ⲣⲱⲟⲩ ⲥⲉⲥⲁϫⲓ ⲅⲁⲣ ⲛⲉⲙ ⲡⲟⲩϣ̀ⲫⲏⲣ ϧⲉⲛ ⲟⲩϩⲓⲣⲏⲛⲏ ⲟⲩⲟϩ ϯⲙⲉⲧϫⲁϫⲓ ⲛ̀ϧ̀ⲣⲏⲓ ⲛ̀ϧⲏⲧⲟⲩ.	Ouserveni esθouk·s pe poulas ouoh hank̀rof ne nisaji ǹte rōou sesaji ġar nem pouṡ̀fyr xen ouhiryny ouoh timetgaji ǹx̀ryi ǹxytou.	Their tongue is a wounding arrow; the words of their mouth are deceitful: one speaks peaceably to his neighbour, but in himself retains enmity.
9:9	ⲙⲏ ⲉ̀ϩ̀ⲣⲏⲓ ⲉ̀ϫⲉⲛⲛⲁⲓ ⲁⲛ ϯⲛⲁϫⲉⲙⲡ̀ϣⲓⲛⲓ ⲁⲛ ⲡⲉϫⲉ ⲡϭ̅ⲥ̅ ⲓⲉ ϧⲉⲛⲟⲩⲗⲁⲟⲥ ⲙ̀ⲡⲁⲓⲣⲏϯ ⲁⲛ ⲧⲁⲯⲩⲭⲏ ⲛⲁϭⲓⲙ̀ⲡ̀ϣⲓϣ ⲁⲛ .	Ⲙⲏ ⲉ̀ϩ̀ⲣⲏⲓ ⲉ̀ϫⲉⲛ ⲛⲁⲓ ⲁⲛ ϯⲛⲁϫⲉⲙⲡ̀ϣⲓⲛⲓ ⲁⲛ ⲡⲉϫⲉ ⲡ̀ϭⲟⲓⲥ ⲓⲉ ϧⲉⲛ ⲟⲩⲗⲁⲟⲥ ⲛ̀ⲡⲁⲓⲣⲏϯ ⲁⲛ ⲧⲁⲯⲩⲭⲏ ⲛⲁϭⲓⲙ̀ⲡ̀ϣⲓϣ ⲁⲛ.	My èh̀ryi èjen nai an tinajemp̀ṡini an peje p̀ċois ie xen oulaos ǹpairyti an tapsiṡy naċim̀p̀ṡiṡ an.	Shall I not visit for these things? saith the Lord: and shall not my soul be avenged on such a people as this?
9:10	ϭⲓ ⲛ̀ⲟⲩⲛⲉϩⲡⲓ ⲉ̀ϫⲉⲛⲛⲓⲧⲱⲟⲩ ⲛⲉⲙⲟⲩϩⲏⲃⲓ ⲉ̀ϫⲉⲛⲛⲓⲙⲱⲓⲧ ⲛ̀ⲧⲉⲡ̀ϣⲁϥⲉ ϫⲉⲟⲩⲏⲓ ⲁⲩⲙⲟⲩⲛⲕ ϫⲉⲙ̀ⲙⲟⲛ ⲣⲱⲙⲓ ϣⲟⲡ ⲛ̀ϧⲏⲧⲟⲩ ⲙ̀ⲡⲟⲩⲥⲱⲧⲉⲙ ⲉ̀ⲧ̀ⲥ̀ⲙⲏ ⲛ̀ⲧⲉⲡⲉⲧϣⲟⲡ ⲓⲥϫⲉⲛ ⲛⲓϩⲁⲗⲁϯ ⲛ̀ⲧⲉⲧ̀ⲫⲉ ϣⲁⲛⲓⲧⲉⲃⲛⲱⲟⲩⲓ̀ ⲁⲩⲧⲱⲙⲧ ⲁⲩϣⲉⲛⲱⲟⲩ .	Ϭⲓ ⲛ̀ⲟⲩⲛⲉϩⲡⲓ ⲉ̀ϫⲉⲛ ⲛⲓⲧⲱⲟⲩ ⲛⲉⲙ ⲟⲩϩⲏⲃⲓ ⲉ̀ϫⲉⲛ ⲛⲓⲙⲱⲓⲧ ⲛ̀ⲧⲉ ⲡ̀ϣⲁϥⲉ ϫⲉ ⲟⲩⲏⲓ ⲁⲩⲙⲟⲩⲛⲕ ϫⲉ ⲙ̀ⲙⲟⲛ ⲣⲱⲙⲓ ϣⲟⲡ ⲛ̀ϧⲏⲧⲟⲩ ⲙ̀ⲡⲟⲩⲥⲱⲧⲉⲙ ⲉ̀ⲧ̀ⲥ̀ⲙⲏ ⲛ̀ⲧⲉ ⲡⲉⲧϣⲟⲡ ⲓⲥϫⲉⲛ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ ϣⲁ ⲛⲓⲧⲉⲃⲛⲱⲟⲩⲓ̀ ⲁⲩⲧⲱⲙⲧ ⲁⲩϣⲉⲛⲱⲟⲩ.	Ċi ǹounehpi èjen nitōou nem ouhyvi èjen nimōit ǹte p̀ṡafe je ouyi avmounk je m̀mon rōmi ṡop ǹxytou m̀pousōtem èt̀s̀my ǹte petṡop isjen nihalati ǹte t̀fe ṡa nitevnōouì avtōmt avṡenōou.	Take up a lamentation for the mountains, and a mournful dirge for the paths of the wilderness, for they are desolate for want of men; they heard not the sound of life from the birds of the sky, nor the cattle: they were amazed, they are gone.
9:11	ⲟⲩⲟϩ ⲉⲓⲉ̀ϯ ⲛ̀ⲓⲗ̅ⲏ̅ⲙ̅ ⲉⲩⲟⲩⲱⲧⲉⲃ ⲉ̀ⲃⲟⲗ ⲛⲉⲙⲟⲩⲙⲁⲛϣⲱⲡⲓ ⲛ̀ⲧⲉϩⲁⲛⲇ̀ⲣⲁⲕⲱⲛ ⲟⲩⲟϩ ⲉⲓⲉ̀ⲭⲱ ⲛ̀ⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲉ̀ⲡ̀ⲧⲁⲕⲟ ϫⲉⲙ̀ⲙⲟⲛ ⲡⲉⲧϣⲟⲡ ⲛ̀ϧⲏⲧⲟⲩ .	Ⲟⲩⲟϩ ⲉⲓⲉ̀ϯ ⲛ̀ⲓⲉⲣⲟⲩⲥⲁⲗⲏⲙ ⲉⲩⲟⲩⲱⲧⲉⲃ ⲉ̀ⲃⲟⲗ ⲛⲉⲙ ⲟⲩⲙⲁⲛϣⲱⲡⲓ ⲛ̀ⲧⲉ ϩⲁⲛⲇ̀ⲣⲁⲕⲱⲛ ⲟⲩⲟϩ ⲉⲓⲉ̀ⲭⲱ ⲛ̀ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲉ̀ⲡ̀ⲧⲁⲕⲟ ϫⲉ ⲙ̀ⲙⲟⲛ ⲡⲉⲧϣⲟⲡ ⲛ̀ϧⲏⲧⲟⲩ.	Ouoh eièti ǹierousalym evouōteb èvol nem oumanṡōpi ǹte hanḋ̀rakōn ouoh eièkō ǹnivaki ǹte iouda èp̀tako je m̀mon petṡop ǹxytou.	And I will remove the inhabitants of Jerusalem, and make it a dwelling-place of dragons; and I will utterly waste the cities of Juda, so that they shall not be inhabited.
9:12	ⲛⲓⲙ ⲡⲉ ⲡⲓⲣⲱⲙⲓ ⲛ̀ⲕⲁⲧϩⲏⲧ ⲉⲑⲛⲁⲕⲁϯ ⲉ̀ⲫⲁⲓ ⲟⲩⲟϩ ⲫⲏⲉⲧⲉ ⲡ̀ⲥⲁϫⲓ ⲛ̀ⲣⲱϥ ⲙ̀ⲡϭ̅ⲥ̅ ϣⲟⲡ ϩⲁⲣⲟϥ ⲙⲁⲣⲉϥⲧⲁⲙⲱⲧⲉⲛ ϫⲉⲉⲑⲃⲉⲟⲩ ⲁϥⲧⲁⲕⲟ ⲛ̀ϫⲉⲡ̀ⲕⲁϩⲓ ⲁϥⲙⲟϩ ⲙ̀ⲫ̀ⲣⲏϯ ⲛ̀ⲟⲩϣⲁϥⲉ ϫⲉⲙ̀ⲙⲟⲛ ⲡⲉⲧϣⲟⲡ ϩⲓⲱⲧϥ .	Ⲛⲓⲙ ⲡⲉ ⲡⲓⲣⲱⲙⲓ ⲛ̀ⲕⲁⲧϩⲏⲧ ⲉⲑⲛⲁⲕⲁϯ ⲉ̀ⲫⲁⲓ ⲟⲩⲟϩ ⲫⲏⲉ̀ⲧⲉ ⲡ̀ⲥⲁϫⲓ ⲛ̀ⲣⲱϥ ⲛ̀ⲡ̀ϭⲟⲓⲥ ϣⲟⲡ ϩⲁⲣⲟϥ ⲙⲁⲣⲉϥⲧⲁⲙⲱⲧⲉⲛ ϫⲉ ⲉⲑⲃⲉ ⲟⲩ ⲁϥⲧⲁⲕⲟ ⲛ̀ϫⲉ ⲡ̀ⲕⲁϩⲓ ⲁϥⲙⲟϩ ⲛ̀ⲫ̀ⲣⲏϯ ⲛ̀ⲟⲩϣⲁϥⲉ ϫⲉ ⲙ̀ⲙⲟⲛ ⲡⲉⲧϣⲟⲡ ϩⲓⲱⲧϥ.	Nim pe pirōmi ǹkat·hyt eθnakati èfai ouoh fyète p̀·saji ǹrōf ǹp̀ċois ṡop harof mareftamōten je eθve ou aftako ǹje p̀kahi afmoh ǹf̀ryti ǹouṡafe je m̀mon petṡop hiōtf.	Who is the wise man, that he may understand this? and he that has the word of the mouth of the Lord addressed to him, let him tell you wherefore the land has been destroyed, has been ravaged by fire like a desert, so that no one passes through it.
9:13	ⲟⲩⲟϩ ⲡⲉϫⲉ ⲡϭ̅ⲥ̅ ⲛⲏⲓ ϫⲉⲁⲩⲭⲱ ⲙ̀ⲡⲁⲛⲟⲙⲟⲥ ⲛ̀ⲥⲱⲟⲩ ⲫⲏⲉⲧⲁⲓⲧⲏⲓϥ ⲙ̀ⲡⲟⲩⲙ̀ⲑⲟ ⲟⲩⲟϩ ⲙ̀ⲡⲟⲩⲥⲱⲧⲉⲙ ⲛ̀ⲥⲁⲧⲁⲥ̀ⲙⲏ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲁⲩⲭⲱ ⲛ̀ⲡⲁⲛⲟⲙⲟⲥ ⲛ̀ⲥⲱⲟⲩ ⲫⲏⲉⲧⲁⲓⲧⲏⲓϥ ⲛ̀ⲡⲟⲩⲙ̀ⲑⲟ ⲟⲩⲟϩ ⲙ̀ⲡⲟⲩⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ.	Ouoh peje p̀ċois nyi je avkō ǹpanomos ǹsōou fyetaityif ǹpoum̀θo ouoh m̀pousōtem ǹsa tas̀my.	And the Lord said to me, Because they have forsaken my law, which I set before them, and have not hearkened to my voice;
9:14	ⲟⲩⲟϩ ⲁⲩⲙⲟϣⲓ ⲥⲁⲙⲉⲛϩⲉ ⲛⲓⲟⲩⲱϣ ⲛ̀ⲧⲉⲡⲟⲩϩⲏⲧ ⲉⲧϩⲱⲟⲩ ⲛⲉⲙⲥⲁⲫⲁϩⲟⲩ ⲛ̀ⲛⲓⲓ̀ⲇⲱⲗⲟⲛ ⲛⲏⲉⲧⲁ ⲛⲟⲩⲓⲟϯ ⲧ̀ⲥⲁⲃⲱⲟⲩ ⲉ̀ⲣⲱⲟⲩ .	Ⲟⲩⲟϩ ⲁⲩⲙⲟϣⲓ ⲥⲁⲙⲉⲛϩⲉ ⲛⲓⲟⲩⲱϣ ⲛ̀ⲧⲉ ⲡⲟⲩϩⲏⲧ ⲉⲧϩⲱⲟⲩ ⲛⲉⲙ ⲥⲁⲫⲁϩⲟⲩ ⲛ̀ⲛⲓⲓ̀ⲇⲱⲗⲟⲛ ⲛⲏⲉ̀ⲧⲁ ⲛ̀ⲟⲩⲓⲟϯ ⲧ̀ⲥⲁⲃⲱⲟⲩ ⲉ̀ⲣⲱⲟⲩ.	Ouoh avmoṡi samenhe niouōṡ ǹte pouhyt et·hōou nem safahou ǹniìḋōlon nyèta ǹouioti t̀savōou èrōou.	but went after the lusts of their evil heart, and after the idols which their fathers taught them to worship:
9:15	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲙ̀ⲓ̅ⲥ̅ⲗ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲧⲉⲙⲙⲱⲟⲩ ⲛ̀ϩⲁⲛⲁ̀ⲛⲁⲅⲕⲏ ⲟⲩⲟϩ ⲛ̀ⲧⲁⲧ̀ⲥⲱⲟⲩ ⲛ̀ⲟⲩⲙⲱⲟⲩ ⲛ̀ⲭⲟⲗⲏ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲙ̀ⲓⲥⲣⲁⲏⲗ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲧⲉⲙⲙⲱⲟⲩ ⲛ̀ϩⲁⲛⲁ̀ⲛⲁⲅⲕⲏ ⲟⲩⲟϩ ⲛ̀ⲧⲁⲧ̀ⲥⲱⲟⲩ ⲛ̀ⲟⲩⲙⲱⲟⲩ ⲛ̀ⲭⲟⲗⲏ.	Eθve fai nai ne nyètefgō m̀mōou ǹje p̀ċois f̀nouti m̀israyl je hyppe ànok tinatemmōou ǹhanànanky ouoh ǹtat̀sōou ǹoumōou ǹxoly.	therefore thus saith the Lord God of Israel, Behold, I will feed them with trouble and will cause them to drink water of gall:
9:16	ⲟⲩⲟϩ ϯⲛⲁϫⲟⲣⲟⲩ ⲉ̀ⲃⲟⲗ ϧⲉⲛⲛⲓⲉⲑⲛⲟⲥ ⲛⲏⲉⲧⲉ ⲛⲁⲥⲱⲟⲩⲛ ⲙ̀ⲙⲱⲟⲩ ⲁⲛ ⲟⲩⲇⲉ ⲛⲟⲩⲕⲉⲓⲟϯ ⲟⲩⲟϩ ⲉⲓⲉ̀ⲟⲩⲱⲣⲡ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ⲟⲩⲥⲏϥⲓ ϣⲁⲛⲧⲟⲩϥⲟⲧⲟⲩ ⲉ̀ⲃⲟⲗ ⲛ̀ϧ̀ⲣⲏⲓ ⲛ̀ϧⲏⲧⲥ .	Ⲟⲩⲟϩ ϯⲛⲁϫⲟⲣⲟⲩ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲛⲏⲉ̀ⲧⲉ ⲛⲁⲥⲱⲟⲩⲛ ⲙ̀ⲙⲱⲟⲩ ⲁⲛ ⲟⲩⲇⲉ ⲛ̀ⲟⲩⲕⲉⲓⲟϯ ⲟⲩⲟϩ ⲉⲓⲉ̀ⲟⲩⲱⲣⲡ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ⲟⲩⲥⲏϥⲓ ϣⲁ ⲛ̀ⲧⲟⲩϥⲟⲧⲟⲩ ⲉ̀ⲃⲟⲗ ⲛ̀ϧ̀ⲣⲏⲓ ⲛ̀ϧⲏⲧⲥ.	Ouoh tinagorou èvol xen nieθnos nyète nasōoun m̀mōou an ouḋe ǹoukeioti ouoh eièouōrp èh̀ryi ègōou ǹousyfi ṡa ǹtoufotou èvol ǹx̀ryi ǹxyts.	and I will scatter them among the nations, to them whom neither they nor their fathers knew; and I will send a sword upon them, until I have consumed them with it.
9:17	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲙⲟⲩϯ ⲉ̀ⲛⲓⲣⲉϥⲛⲉϩⲡⲓ ⲟⲩⲟϩ ⲙⲁⲣⲟⲩⲓ̀ ⲟⲩⲟϩ ⲟⲩⲱⲣⲡ ϩⲁⲛⲓⲥⲁⲃⲏ ⲟⲩⲟϩ ⲙⲁⲣⲟⲩⲉⲣⲟⲩⲱ̀ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲙⲟⲩϯ ⲉ̀ⲛⲓⲣⲉϥⲛⲉϩⲡⲓ ⲟⲩⲟϩ ⲙⲁⲣⲟⲩⲓ̀ ⲟⲩⲟϩ ⲟⲩⲱⲣⲡ ϩⲁ ⲛⲓⲥⲁⲃⲏ ⲟⲩⲟϩ ⲙⲁⲣⲟⲩⲉⲣⲟⲩⲱ̀.	Nai ne nyètefgō m̀mōou ǹje p̀ċois je mouti ènirefnehpi ouoh marouì ouoh ouōrp ha nisavy ouoh marouerouṑ.	Thus saith the Lord, Call ye the mourning women, and let them come; and send to the wise women, and let them utter their voice;
9:18	ⲟⲩⲟϩ ⲙⲁⲣⲟⲩϭⲓ ⲛ̀ⲟⲩϩⲏⲃⲓ ⲉ̀ϩ̀ⲣⲏⲓ ⲉ̀ϫⲉⲛⲑⲏⲛⲟⲩ ⲟⲩⲟϩ ⲙⲁⲣⲉ ⲛⲉⲧⲉⲛⲃⲁⲗ ϣⲟⲩⲉ̀ ⲉⲣⲙⲏ ⲉ̀ⲡⲉⲥⲏⲧ ⲟⲩⲟϩ ⲛⲉⲧⲉⲛⲥ̀ⲙⲁⲩ ⲙⲁⲣⲟⲩϧⲁϯ ⲙ̀ⲙⲱⲟⲩ .	Ⲟⲩⲟϩ ⲙⲁⲣⲟⲩϭⲓ ⲛ̀ⲟⲩϩⲏⲃⲓ ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲟⲩⲟϩ ⲙⲁⲣⲉ ⲛⲉⲧⲉⲛⲃⲁⲗ ϣⲟⲩⲉ̀ ⲉⲣⲙⲏ ⲉ̀ⲡⲉⲥⲏⲧ ⲟⲩⲟϩ ⲛ̀ⲉⲧⲉⲛⲥ̀ⲙⲁⲩ ⲙⲁⲣⲟⲩϧⲁϯ ⲙ̀ⲙⲱⲟⲩ.	Ouoh marouċi ǹouhyvi èh̀ryi èjen θynou ouoh mare netenval ṡouè ermy èpesyt ouoh ǹetens̀mav marouxati m̀mōou.	and let them take up a lamentation for you, and let your eyes pour down tears, and your eyelids drop water.
9:19	ϫⲉⲁⲩⲥⲱⲧⲉⲙ ⲉ̀ⲧ̀ⲥ̀ⲙⲏ ⲛ̀ⲟⲩϩⲏⲃⲓ ϧⲉⲛⲥⲓⲱⲛ ⲡⲱⲥ ⲁⲛⲉⲣⲧⲁⲗⲉⲡⲱⲣⲓⲛ ⲁⲛϭⲓϣⲓⲡⲓ ⲉⲙⲁϣⲱ ϫⲉⲁⲛⲭⲱ ⲛ̀ⲥⲱⲛ ⲙ̀ⲡⲓⲕⲁϩⲓ ⲟⲩⲟϩ ⲁⲛϩⲓⲟⲩⲓ̀ ⲉ̀ⲃⲟⲗ ⲛ̀ⲛⲉⲛⲙⲁⲛϣⲱⲡⲓ .	Ϫⲉ ⲁⲩⲥⲱⲧⲉⲙ ⲉ̀ⲧ̀ⲥ̀ⲙⲏ ⲛ̀ⲟⲩϩⲏⲃⲓ ϧⲉⲛ ⲥⲓⲱⲛ ⲡⲱⲥ ⲁⲛⲉⲣⲧⲁⲗⲉⲡⲱⲣⲓⲛ ⲁⲛϭⲓϣⲓⲡⲓ ⲉ̀ⲙⲁϣⲱ ϫⲉ ⲁⲛⲭⲱ ⲛ̀ⲥⲱⲛ ⲛ̀ⲡⲓⲕⲁϩⲓ ⲟⲩⲟϩ ⲁⲛϩⲓⲟⲩⲓ̀ ⲉ̀ⲃⲟⲗ ⲛ̀ⲛⲉⲛⲙⲁⲛϣⲱⲡⲓ.	Je avsōtem èt̀s̀my ǹouhyvi xen siōn pōs anertalepōrin anċiṡipi èmaṡō je ankō ǹsōn ǹpikahi ouoh anhiouì èvol ǹnenmanṡōpi.	For a voice of lamentation has been heard in Sion, How are we become wretched! we are greatly ashamed, for we have forsaken the land, and have abandoned our tabernacles!
9:20	ⲥⲱⲧⲉⲙ ϫⲉⲛⲓϩⲓⲟⲙⲓ ⲉ̀ⲡ̀ⲥⲁϫⲓ ⲙ̀ⲫϯ ⲟⲩⲟϩ ⲛⲉⲧⲉⲛⲙⲁϣϫ ⲙⲁⲣⲟⲩϣⲉⲡ ⲛⲓⲥⲁϫⲓ ⲛ̀ⲧⲉⲣⲱϥ ⲟⲩⲟϩ ⲙⲁⲧ̀ⲥⲁⲃⲉ ⲛⲉⲧⲉⲛϣⲉⲣⲓ ⲉⲩⲛⲉϩⲡⲓ ⲟⲩⲟϩ ⲟⲩⲥ̀ϩⲓⲙⲓ ⲙⲁⲣⲉⲥⲧ̀ⲥⲁⲃⲉ ⲧⲉⲥϣ̀ⲫⲉⲣⲓ ⲉⲩϩⲏⲃⲓ .	Ⲥⲱⲧⲉⲙ ϫⲉ ⲛⲓϩⲓⲟⲙⲓ ⲉ̀ⲡ̀ⲥⲁϫⲓ ⲛ̀ⲫ̀ⲛⲟⲩϯ ⲟⲩⲟϩ ⲛ̀ⲉⲧⲉⲛⲙⲁϣϫ ⲙⲁⲣⲟⲩϣⲉⲡ ⲛⲓⲥⲁϫⲓ ⲛ̀ⲧⲉ ⲣⲱϥ ⲟⲩⲟϩ ⲙⲁⲧ̀ⲥⲁⲃⲉ ⲛ̀ⲉⲧⲉⲛϣⲉⲣⲓ ⲉⲩⲛⲉϩⲡⲓ ⲟⲩⲟϩ ⲟⲩⲥ̀ϩⲓⲙⲓ ⲙⲁⲣⲉⲥⲧ̀ⲥⲁⲃⲉ ⲧⲉⲥϣ̀ⲫⲉⲣⲓ ⲉⲩϩⲏⲃⲓ.	Sōtem je nihiomi èp̀·saji ǹf̀nouti ouoh ǹetenmaṡg marouṡep nisaji ǹte rōf ouoh mat̀save ǹetenṡeri evnehpi ouoh ous̀·himi marest̀save tesṡ̀feri evhyvi.	Hear now, ye women, the word of God, and let your ears receive the words of his mouth, and teach your daughters lamentation, and every woman her neighbour a dirge.
9:21	ϫⲉⲁϥⲓ̀ ⲉ̀ⲡ̀ϣⲱⲓ ⲛ̀ϫⲉⲫ̀ⲙⲟⲩ ⲉ̀ⲃⲟⲗϧⲉⲛ ⲛⲉⲧⲉⲛϣⲟⲩϣⲧ ⲁϥⲓ̀ ⲉ̀ϫⲉⲛⲡⲉⲧⲉⲛⲕⲁϩⲓ ⲉ̀ϥⲱϯ ⲉ̀ⲃⲟⲗ ⲛ̀ϩⲁⲛⲁ̀ⲗⲱⲟⲩⲓ̀ ⲥⲁϧⲟⲩⲛ ⲟⲩⲟϩ ϩⲁⲛϧⲉⲗϣⲓⲣⲓ ⲉ̀ⲃⲟⲗϧⲉⲛ ⲛⲓϣ̀ⲑⲉϩ .	Ϫⲉ ⲁϥⲓ̀ ⲉ̀ⲡ̀ϣⲱⲓ ⲛ̀ϫⲉ ⲫ̀ⲙⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛϣⲟⲩϣⲧ ⲁϥⲓ̀ ⲉ̀ϫⲉⲛ ⲡⲉⲧⲉⲛⲕⲁϩⲓ ⲉ̀ϥⲱϯ ⲉ̀ⲃⲟⲗ ⲛ̀ϩⲁⲛⲁ̀ⲗⲱⲟⲩⲓ̀ ⲥⲁϧⲟⲩⲛ ⲟⲩⲟϩ ϩⲁⲛϧⲉⲗϣⲓⲣⲓ ⲉ̀ⲃⲟⲗ ϧⲉⲛ ⲛⲓϣ̀ⲑⲉϩ.	Je afì èp̀ṡōi ǹje f̀mou èvol xen netenṡouṡt afì èjen petenkahi èfōti èvol ǹhanàlōouì saxoun ouoh hanxelṡiri èvol xen niṡ̀θeh.	For death has come up through your windows, it has entered into our land, to destroy the infants without, and the young men from the streets.
9:22	ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉⲛⲓⲣⲉϥⲙⲱⲟⲩⲧ ⲛ̀ⲧⲉⲛⲓⲣⲱⲙⲓ ⲉⲩⲥ̀ⲣⲁϩ ϩⲓϫⲉⲛⲡ̀ϩⲟ ⲙ̀ⲡⲓⲙⲉϣϣⲱⲧ ⲛ̀ⲧⲉⲡⲉⲧⲉⲛⲕⲁϩⲓ ⲟⲩⲟϩ ⲙ̀ⲫ̀ⲣⲏϯ ⲙ̀ⲡⲓⲥⲱⲟⲩⲃⲉⲛ ϩⲓⲫⲁϩⲟⲩ ⲛ̀ⲧⲉⲛⲉⲧⲱⲥϧ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁⲑⲟⲩⲱⲧⲟⲩ .	Ⲟⲩⲟϩ ⲉⲩⲉ̀ϣⲱⲡⲓ ⲛ̀ϫⲉ ⲛⲓⲣⲉϥⲙⲱⲟⲩⲧ ⲛ̀ⲧⲉ ⲛⲓⲣⲱⲙⲓ ⲉⲩⲥ̀ⲣⲁϩ ϩⲓϫⲉⲛ ⲡ̀ϩⲟ ⲛ̀ⲡⲓⲙⲉϣϣⲱⲧ ⲛ̀ⲧⲉ ⲡⲉⲧⲉⲛⲕⲁϩⲓ ⲟⲩⲟϩ ⲛ̀ⲫ̀ⲣⲏϯ ⲛ̀ⲡⲓⲥⲱⲟⲩⲃⲉⲛ ϩⲓⲫⲁϩⲟⲩ ⲛ̀ⲧⲉ ⲛⲉⲧⲱⲥϧ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁⲑⲟⲩⲱⲧⲟⲩ.	Ouoh evèṡōpi ǹje nirefmōout ǹte nirōmi evs̀rah hijen p̀ho ǹpimeṡṡōt ǹte petenkahi ouoh ǹf̀ryti ǹpisōouven hifahou ǹte netōsx ouoh ǹnefṡōpi ǹje fyeθnaθouōtou.	And the carcases of the men shall be for an example on the face of the field of your land, like grass after the mower, and there shall be none to gather them.
9:23	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲙ̀ⲡⲉⲛⲑ̀ⲣⲉ ⲡⲓⲥⲁⲃⲉ ϣⲟⲩϣⲟⲩ ⲙ̀ⲙⲟϥ ϧⲉⲛⲧⲉϥⲥ̀ⲃⲱ ⲟⲩⲟϩ ⲙ̀ⲡⲉⲛⲑ̀ⲣⲉ ⲡⲓϫⲱⲣⲓ ϣⲟⲩϣⲟⲩ ⲙ̀ⲙⲟϥ ϧⲉⲛⲧⲉϥϫⲟⲙ ⲟⲩⲟϩ ⲙ̀ⲡⲉⲛⲑ̀ⲣⲉ ⲡⲓⲣⲁⲙⲁⲟ̀ ϣⲟⲩϣⲟⲩ ⲙ̀ⲙⲟϥ ϧⲉⲛⲧⲉϥⲙⲉⲧⲣⲁⲙⲁⲟ̀ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲙ̀ⲡⲉⲛⲑ̀ⲣⲉ ⲡⲓⲥⲁⲃⲉ ϣⲟⲩϣⲟⲩ ⲙ̀ⲙⲟϥ ϧⲉⲛ ⲧⲉϥⲥ̀ⲃⲱ ⲟⲩⲟϩ ⲙ̀ⲡⲉⲛⲑ̀ⲣⲉ ⲡⲓϫⲱⲣⲓ ϣⲟⲩϣⲟⲩ ⲙ̀ⲙⲟϥ ϧⲉⲛ ⲧⲉϥϫⲟⲙ ⲟⲩⲟϩ ⲙ̀ⲡⲉⲛⲑ̀ⲣⲉ ⲡⲓⲣⲁⲙⲁⲟ̀ ϣⲟⲩϣⲟⲩ ⲙ̀ⲙⲟϥ ϧⲉⲛ ⲧⲉϥⲙⲉⲧⲣⲁⲙⲁⲟ̀.	Nai ne nyètefgō m̀mōou ǹje p̀ċois je m̀penθ̀re pisave ṡouṡou m̀mof xen tefs̀vō ouoh m̀penθ̀re pigōri ṡouṡou m̀mof xen tefgom ouoh m̀penθ̀re piramaò ṡouṡou m̀mof xen tefmetramaò.	Thus saith the Lord, Let not the wise man boast in his wisdom, and let not the strong man boast in his strength, and let not the rich man boast in his wealth;
9:24	ⲁⲗⲗⲁ ⲛ̀ϩ̀ⲣⲏⲓ ϧⲉⲛⲫⲁⲓ ⲙⲁⲣⲉϥϣⲟⲩϣⲟⲩ ⲙ̀ⲙⲟϥ ⲛ̀ϫⲉⲡⲉⲧϣⲟⲩϣⲟⲩ ⲉⲑⲣⲉϥⲕⲁϯ ⲟⲩⲟϩ ⲉⲑⲣⲉϥⲥⲟⲩⲱⲛⲧ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲉⲧⲓ̀ⲣⲓ ⲛ̀ⲟⲩⲛⲁⲓ ⲛⲉⲙⲟⲩϩⲁⲡ ⲛⲉⲙⲟⲩⲙⲉⲑⲙⲏⲓ ϩⲓϫⲉⲛⲡⲓⲕⲁϩⲓ ϫⲉⲁⲣⲉ ⲡⲉⲧⲉϩⲛⲏⲓ ϧⲉⲛⲛⲁⲓ ⲡⲉϫⲉ ⲡϭ̅ⲥ̅ .	Ⲁⲗⲗⲁ ⲛ̀ϩ̀ⲣⲏⲓ ϧⲉⲛ ⲫⲁⲓ ⲙⲁⲣⲉϥϣⲟⲩϣⲟⲩ ⲙ̀ⲙⲟϥ ⲛ̀ϫⲉ ⲡⲉⲧϣⲟⲩϣⲟⲩ ⲉ̀ⲑⲣⲉϥⲕⲁϯ ⲟⲩⲟϩ ⲉⲑⲣⲉϥⲥⲟⲩⲱⲛⲧ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲉⲧⲓ̀ⲣⲓ ⲛ̀ⲟⲩⲛⲁⲓ ⲛⲉⲙ ⲟⲩϩⲁⲡ ⲛⲉⲙ ⲟⲩⲙⲉⲑⲙⲏⲓ ϩⲓϫⲉⲛ ⲡⲓⲕⲁϩⲓ ϫⲉ ⲁⲣⲉ ⲡⲉⲧⲉϩⲛⲏⲓ ϧⲉⲛ ⲛⲁⲓ ⲡⲉϫⲉ ⲡ̀ϭⲟⲓⲥ.	Alla ǹh̀ryi xen fai marefṡouṡou m̀mof ǹje petṡouṡou èθrefkati ouoh eθrefsouōnt je ànok pe p̀ċois etìri ǹounai nem ouhap nem oumeθmyi hijen pikahi je are petehnyi xen nai peje p̀ċois.	but let him that boasts boast in this, the understanding and knowing that I am the Lord that exercise mercy, and judgment, and righteousness, upon the earth; for in these things is my pleasure, saith the Lord.
9:25	ⲓⲥ ϩⲁⲛⲉ̀ϩⲟⲟⲩ ⲥⲉⲛⲏⲟⲩ ⲡⲉϫⲉ ⲡϭ̅ⲥ̅ ⲟⲩⲟϩ ⲉⲓⲉ̀ϫⲉⲙⲡ̀ϣⲓⲛⲓ ⲛ̀ⲟⲩⲟⲛ ⲛⲓⲃⲉⲛ ⲉⲧⲟⲓ ⲛ̀ⲥⲉⲃⲓ ϧⲉⲛⲟⲩⲙⲉⲧⲁⲧⲥⲉⲃⲓ .	Ⲓⲥ ϩⲁⲛⲉ̀ϩⲟⲟⲩ ⲥⲉⲛⲏⲟⲩ ⲡⲉϫⲉ ⲡ̀ϭⲟⲓⲥ ⲟⲩⲟϩ ⲓⲉ̀ϫⲉⲙⲡ̀ϣⲓⲛⲓ ⲛ̀ⲟⲩⲟⲛ ⲛⲓⲃⲉⲛ ⲉⲧⲟⲓ ⲛ̀ⲥⲉⲃⲓ ϧⲉⲛ ⲟⲩⲙⲉⲧⲁⲧⲥⲉⲃⲓ.	Is hanèhoou senyou peje p̀ċois ouoh ièjemp̀ṡini ǹouon niven etoi ǹsevi xen oumetatsevi.	Behold, the days come, saith the Lord, when I will visit upon all the circumcised their uncircumcision;
9:26	ⲉ̀ϫⲉⲛⲭⲏⲙⲓ ⲛⲉⲙⲉ̀ϫⲉⲛϯϩⲓⲇⲟⲩⲙⲉⲁ̀ ⲛⲉⲙⲉ̀ϫⲉⲛⲉⲇⲱⲙ ⲛⲉⲙⲉ̀ϫⲉⲛⲛⲉⲛϣⲏⲣⲓ ⲛ̀ⲁⲙⲙⲱⲛ ⲛⲉⲙⲉ̀ϫⲉⲛⲛⲉⲛϣⲏⲣⲓ ⲙ̀ⲙⲱⲁⲃ ⲛⲉⲙⲉ̀ϫⲉⲛⲟⲩⲟⲛ ⲛⲓⲃⲉⲛ ⲉⲧⲉϩ̀ⲣⲁⲩ ϣⲏⲃ ⲉⲧϣⲟⲡ ⲛ̀ϩ̀ⲣⲏⲓ ϩⲓⲡ̀ϣⲁϥⲉ ϫⲉⲛⲓⲉⲑⲛⲟⲥ ⲧⲏⲣⲟⲩ ϩⲁⲛⲁⲧⲥⲉⲃⲓ ⲛⲉ ϧⲉⲛⲧⲟⲩⲥⲁⲣⲝ ⲡ̀ⲏⲓ ⲧⲏⲣϥ ⲙ̀ⲡⲓ̅ⲥ̅ⲗ̅ ϩⲁⲛⲁⲧⲥⲉⲃⲓ ⲛⲉ ϧⲉⲛⲡⲟⲩϩⲏⲧ .	Ⲉ̀ϫⲉⲛ ⲭⲏⲙⲓ ⲛⲉⲙ ⲉ̀ϫⲉⲛ ϯϩⲓⲇⲟⲩⲙⲉⲁ̀ ⲛⲉⲙ ⲉ̀ϫⲉⲛ ⲉⲇⲱⲙ ⲛⲉⲙ ⲉ̀ϫⲉⲛ ⲛⲉⲛϣⲏⲣⲓ ⲛ̀ⲁⲙⲙⲱⲛ ⲛⲉⲙ ⲉ̀ϫⲉⲛ ⲛⲉⲛϣⲏⲣⲓ ⲛ̀ⲙⲱⲁⲃ ⲛⲉⲙ ⲉ̀ϫⲉⲛ ⲟⲩⲟⲛ ⲛⲓⲃⲉⲛ ⲉⲧⲉϩ̀ⲣⲁⲩ ϣⲏⲃ ⲉⲧϣⲟⲡ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ϫⲉ ⲛⲓⲉⲑⲛⲟⲥ ⲧⲏⲣⲟⲩ ϩⲁⲛⲁⲧⲥⲉⲃⲓ ⲛⲉ ϧⲉⲛ ⲧⲟⲩⲥⲁⲣⲝ ⲡ̀ⲏⲓ ⲧⲏⲣϥ ⲛ̀ⲡⲓⲥⲣⲁⲏⲗ ϩⲁⲛⲁⲧⲥⲉⲃⲓ ⲛⲉ ϧⲉⲛ ⲡⲟⲩϩⲏⲧ.	Èjen kymi nem èjen tihiḋoumeà nem èjen edōm nem èjen nenṡyri ǹammōn nem èjen nenṡyri ǹmōab nem èjen ouon niven eteh̀rav ṡyb etṡop ǹh̀ryi hi p̀ṡafe je nieθnos tyrou hanatsevi ne xen tousarks p̀yi tyrf ǹpisrayl hanatsevi ne xen pouhyt.	on Egypt, and on Idumea, and on Edom, and on the children of Ammon, and on the children of Moab, and on every one that shaves his face round about, even them that dwell in the wilderness; for all the Gentiles are uncircumcised in flesh, and all the house of Israel are uncircumcised in their hearts.

Provenance

title: 24_Ieremias_09
dialect: bohairic
source: Coptic SCRIPTORIUM corpus "bohairic.ot", document 24_Ieremias_09
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_09 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/09.bohairic.scriptorium.L0.txt
title: 24_Ieremias_09 — Cairene
dialect: bohairic
source: generated from 09.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_09)
licence: CC BY-SA 4.0
share: attribution
attribution: 24_Ieremias_09 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/09.bohairic.scriptorium.L1.txt
title: 24_Ieremias_09 — Kemetic
dialect: bohairic
source: generated from 09.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_09 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/09.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 26 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_09 (26 lines)

Cite as:

24_Ieremias_09. Coptic SCRIPTORIUM corpus "bohairic.ot", document 24_Ieremias_09. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/09.bohairic.scriptorium/. 24_Ieremias_09 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_09, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.