24_Ieremias_51 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_51

Attribution: 24_Ieremias_51 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

35 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
51:1	ⲡⲓⲥⲁϫⲓ ⲉⲧⲁϥϣⲱⲡⲓ ϩⲁⲓⲉⲣⲉⲙⲓⲁⲥ ⲉ̀ϫⲟϥ ⲛ̀ⲛⲓⲟⲩⲇⲁⲓ ⲧⲏⲣⲟⲩ ⲛⲏⲉⲧϣⲟⲡ ϧⲉⲛⲭⲏⲙⲓ ⲛⲉⲙⲛⲏⲉⲧϣⲟⲡ ϧⲉⲛⲙⲉϣⲧⲱⲗ ⲛⲉⲙⲧⲁⲫⲛⲁⲥ ⲛⲉⲙⲡ̀ⲕⲁϩⲓ ⲙ̀ⲡⲁⲑⲟⲣⲏⲥ ⲉϥϫⲱ ⲙ̀ⲙⲟⲥ .	ⲡⲓⲥⲁϫⲓ ⲉⲧⲁϥϣⲱⲡⲓ ϩⲁ ⲓⲉⲣⲉⲙⲓⲁⲥ ⲉ̀ϫⲟϥ ⲛ̀ⲛⲓⲟⲩⲇⲁⲓ ⲧⲏⲣⲟⲩ ⲛⲏⲉⲧϣⲟⲡ ϧⲉⲛ ⲭⲏⲙⲓ ⲛⲉⲙ ⲛⲏⲉⲧϣⲟⲡ ϧⲉⲛ ⲙⲉϣⲧⲱⲗ ⲛⲉⲙ ⲧⲁⲫⲛⲁⲥ ⲛⲉⲙ ⲡ̀ⲕⲁϩⲓ ⲛ̀ⲡⲁⲑⲟⲣⲏⲥ ⲉϥϫⲱ ⲙ̀ⲙⲟⲥ.	pisaji etafṡōpi ha ieremias ègof ǹnioudai tyrou nyetṡop xen kymi nem nyetṡop xen meṡtōl nem tafnas nem p̀kahi ǹpaθorys efgō m̀mos.	THE WORD THAT CAME TO JEREMIAS for all the Jews dwelling in the land of Egypt, and for those settled in Magdolo and in Taphnas, and in the land of Pathura, saying,
51:2	ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉⲛ̀ⲑⲱⲧⲉⲛ ⲁⲣⲉⲧⲉⲛⲛⲁⲩ ⲉ̀ⲛⲓⲡⲉⲧϩⲱⲟⲩ ⲧⲏⲣⲟⲩ ⲉⲧⲁⲓⲉⲛⲟⲩ ⲉ̀ϫⲉⲛⲓⲗ̅ⲏ̅ⲙ̅ ⲛⲉⲙⲉ̀ϫⲉⲛⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲟⲩⲟϩ ϩⲏⲡⲡⲉ ⲥⲉⲛⲁϣⲏϥ ⲙ̀ⲙⲟⲛ ⲡⲉⲧϣⲟⲡ ⲛ̀ϧⲏⲧⲥ .	Ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ⲛ̀ⲑⲱⲧⲉⲛ ⲁⲣⲉⲧⲉⲛⲛⲁⲩ ⲉ̀ⲛⲓⲡⲉⲧϩⲱⲟⲩ ⲧⲏⲣⲟⲩ ⲉⲧⲁⲓⲉⲛⲟⲩ ⲉ̀ϫⲉⲛⲓⲉⲣⲟⲩⲥⲁⲗⲏⲙ ⲛⲉⲙ ⲉ̀ϫⲉⲛ ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲟⲩⲟϩ ϩⲏⲡⲡⲉ ⲥⲉⲛⲁϣⲏϥ ⲙ̀ⲙⲟⲛ ⲡⲉⲧϣⲟⲡ ⲛ̀ϧⲏⲧⲥ.	Je nai ne nyètefgō m̀mōou ǹje p̀ċois f̀nouti ǹpisrayl je ǹθōten aretennav ènipet·hōou tyrou etaienou èjenierousalym nem èjen nivaki ǹte iouda ouoh hyppe senaṡyf m̀mon petṡop ǹxyts.	Thus has the Lord God of Israel said; Ye have seen all the evils which I have brought upon Jerusalem, and upon the cities of Juda; and, behold, they are desolate without inhabitants,
51:3	ⲉ̀ⲃⲟⲗϩⲁ ⲡ̀ϩⲟ ⲙ̀ⲡⲟⲩⲡⲉⲧϩⲱⲟⲩ ⲉⲧⲁⲩⲁⲓϥ ⲉ̀ϯϫⲱⲛⲧ ⲛⲏⲓ ⲉⲧⲁⲩϣⲉⲛⲱⲟⲩ ⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲛⲏⲉⲧⲉ ⲛ̀ⲧⲉⲧⲉⲛⲥⲱⲟⲩⲛ ⲙ̀ⲙⲱⲟⲩ ⲁⲛ .	Ⲉ̀ⲃⲟⲗϩⲁ ⲡ̀ϩⲟ ⲙ̀ⲡⲟⲩⲡⲉⲧϩⲱⲟⲩ ⲉⲧⲁⲩⲁⲓϥ ⲉ̀ϯϫⲱⲛⲧ ⲛⲏⲓ ⲉⲧⲁⲩϣⲉⲛⲱⲟⲩ ⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲛⲏⲉ̀ⲧⲉ ⲛ̀ⲧⲉⲧⲉⲛⲥⲱⲟⲩⲛ ⲙ̀ⲙⲱⲟⲩ ⲁⲛ.	Èbolha p̀ho m̀poupet·hōou etavaif ètigōnt nyi etavṡenōou èen s̀θoinoufi èh̀ryi ǹhankenouti ǹṡemmo nyète ǹtetensōoun m̀mōou an.	because of their wickedness, which they have wrought to provoke me, by going to burn incense to other gods, whom ye knew not.
51:4	ⲟⲩⲟϩ ⲁⲓⲟⲩⲱⲣⲡ ϩⲁⲣⲱⲧⲉⲛ ⲛ̀ⲛⲁⲉ̀ⲃⲓⲁⲓⲕ ⲛⲓⲡ̀ⲣⲟⲫⲏⲧⲏⲥ ⲓⲥϫⲉⲛ ϣⲱⲣⲡ ⲉⲓϫⲱ ⲙ̀ⲙⲟⲥ ϫⲉⲙ̀ⲡⲉⲣⲓ̀ⲣⲓ ⲙ̀ⲡⲁⲓϩⲱⲃ ⲛ̀ⲧⲉⲡⲁⲓⲥⲱϥ ⲫⲏⲉⲧⲁⲓⲙⲉⲥⲧⲱϥ .	Ⲟⲩⲟϩ ⲁⲓⲟⲩⲱⲣⲡ ϩⲁⲣⲱⲧⲉⲛ ⲛ̀ⲛⲁⲉ̀ⲃⲓⲁⲓⲕ ⲛⲓⲡ̀ⲣⲟⲫⲏⲧⲏⲥ ⲓⲥϫⲉⲛ ϣⲱⲣⲡ ⲉⲓϫⲱ ⲙ̀ⲙⲟⲥ ϫⲉ ⲙ̀ⲡⲉⲣⲓ̀ⲣⲓ ⲛ̀ⲡⲁⲓϩⲱⲃ ⲛ̀ⲧⲉ ⲡⲁⲓⲥⲱϥ ⲫⲏⲉⲧⲁⲓⲙⲉⲥⲧⲱϥ.	Ouoh aiouōrp harōten ǹnaèviaik nip̀rofytys isjen ṡōrp eigō m̀mos je m̀perìri ǹpaihōb ǹte paisōf fyetaimestōf.	yet I sent to you my servants the prophets early in the morning, and I sent, saying, Do not ye this abominable thing which I hate.
51:5	ⲟⲩⲟϩ ⲙ̀ⲡⲟⲩⲥⲱⲧⲉⲙ ⲟⲩⲇⲉ ⲙ̀ⲡⲟⲩⲣⲓⲕⲓ ⲙ̀ⲡⲟⲩⲙⲁϣϫ ⲉ̀ⲧⲁⲥⲑⲟ ⲉ̀ⲃⲟⲗϩⲁ ⲛⲟⲩⲡⲉⲧϩⲱⲟⲩ ⲉ̀ϣ̀ⲧⲉⲙϣⲱⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ .	Ⲟⲩⲟϩ ⲙ̀ⲡⲟⲩⲥⲱⲧⲉⲙ ⲟⲩⲇⲉ ⲙ̀ⲡⲟⲩⲣⲓⲕⲓ ⲛ̀ⲡⲟⲩⲙⲁϣϫ ⲉ̀ⲧⲁⲥⲑⲟ ⲉ̀ⲃⲟⲗϩⲁ ⲛ̀ⲟⲩⲡⲉⲧϩⲱⲟⲩ ⲉ̀ϣ̀ⲧⲉⲙϣⲱⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ.	Ouoh m̀pousōtem ouḋe m̀pouriki ǹpoumaṡg ètasθo èbolha ǹoupet·hōou èṡ̀temṡōt ǹhankenouti ǹṡemmo.	But they hearkened not to me, and inclined not their ear to turn from their wickedness, so as not to burn incense to strange gods.
51:6	ⲟⲩⲟϩ ⲁϥⲑ̀ⲗⲏ ⲉ̀ⲡⲉⲥⲏⲧ ⲛ̀ϫⲉⲡⲁϫⲱⲛⲧ ⲛⲉⲙⲡⲁⲙ̀ⲃⲟⲛ ⲟⲩⲟϩ ⲁϥⲣⲱⲕϩ ϧⲉⲛⲛⲓⲡⲩⲗⲏ ⲛ̀ⲧⲉⲓⲟⲩⲇⲁ ⲛⲉⲙⲥⲁⲃⲟⲗ ⲛ̀ⲓⲗ̅ⲏ̅ⲙ̅ ⲟⲩⲟϩ ⲁⲩϣⲱⲡⲓ ⲉ̀ⲡ̀ϣⲁϥⲉ ⲛⲉⲙⲟⲩⲙⲁ ⲛ̀ⲁⲧⲙⲟϣⲓ ⲛ̀ϧⲏⲧϥ ⲙ̀ⲫ̀ⲣⲏϯ ⲙ̀ⲡⲁⲓⲉ̀ϩⲟⲟⲩ .	Ⲟⲩⲟϩ ⲁϥⲑ̀ⲗⲏ ⲉ̀ⲡⲉⲥⲏⲧ ⲛ̀ϫⲉ ⲡⲁϫⲱⲛⲧ ⲛⲉⲙ ⲡⲁⲙ̀ⲃⲟⲛ ⲟⲩⲟϩ ⲁϥⲣⲱⲕϩ ϧⲉⲛ ⲛⲓⲡⲩⲗⲏ ⲛ̀ⲧⲉ ⲓⲟⲩⲇⲁ ⲛⲉⲙ ⲥⲁⲃⲟⲗ ⲛ̀ⲓⲉⲣⲟⲩⲥⲁⲗⲏⲙ ⲟⲩⲟϩ ⲁⲩϣⲱⲡⲓ ⲉ̀ⲡ̀ϣⲁϥⲉ ⲛⲉⲙ ⲟⲩⲙⲁ ⲛ̀ⲁⲧⲙⲟϣⲓ ⲛ̀ϧⲏⲧϥ ⲛ̀ⲫ̀ⲣⲏϯ ⲛ̀ⲡⲁⲓⲉ̀ϩⲟⲟⲩ.	Ouoh afθ̀ly èpesyt ǹje pagōnt nem pam̀von ouoh afrōk·h xen nipily ǹte iouda nem savol ǹierousalym ouoh avṡōpi èp̀ṡafe nem ouma ǹatmoṡi ǹxytf ǹf̀ryti ǹpaièhoou.	So mine anger and my wrath dropped upon them, and was kindled in the gates of Juda, and in the streets of Jerusalem; and they became a desolation and a waste, as at this day.
51:7	ⲟⲩⲟϩ ϯⲛⲟⲩ ⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ ϫⲉⲉⲑⲃⲉⲟⲩ ⲛ̀ⲑⲱⲧⲉⲛ ⲧⲉⲧⲉⲛⲓ̀ⲣⲓ ⲛ̀ϩⲁⲛⲛⲓϣϯ ⲙ̀ⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲉⲛⲛⲉⲧⲉⲛⲯⲩⲭⲏ ⲉ̀ϥⲱϯ ⲉ̀ⲃⲟⲗ ⲙ̀ⲙⲱⲧⲉⲛ ⲛ̀ⲟⲩⲣⲱⲙⲓ ⲛⲉⲙⲟⲩⲥ̀ϩⲓⲙⲓ ⲟⲩⲁ̀ⲗⲟⲩ ⲛⲉⲙⲟⲩⲁⲓ ⲉϥⲟⲩⲉⲙϭⲓ ⲉ̀ⲃⲟⲗϧⲉⲛ ⲑ̀ⲙⲏϯ ⲛ̀ⲓⲟⲩⲇⲁ ⲉ̀ϣ̀ⲧⲉⲙⲑ̀ⲣⲉ ϩ̀ⲗⲓ ⲙ̀ⲙⲱⲧⲉⲛ ⲥⲱϫⲡ .	Ⲟⲩⲟϩ ϯⲛⲟⲩ ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉⲑⲃⲉ ⲟⲩ ⲛ̀ⲑⲱⲧⲉⲛ ⲧⲉⲧⲉⲛⲓ̀ⲣⲓ ⲛ̀ϩⲁⲛⲛⲓϣϯ ⲛ̀ⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲛⲉⲧⲉⲛⲯⲩⲭⲏ ⲉ̀ϥⲱϯ ⲉ̀ⲃⲟⲗ ⲙ̀ⲙⲱⲧⲉⲛ ⲛ̀ⲟⲩⲣⲱⲙⲓ ⲛⲉⲙ ⲟⲩⲥ̀ϩⲓⲙⲓ ⲟⲩⲁ̀ⲗⲟⲩ ⲛⲉⲙ ⲟⲩⲁⲓ ⲉϥⲟⲩⲉⲙϭⲓ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲓⲟⲩⲇⲁ ⲉ̀ϣ̀ⲧⲉⲙⲑ̀ⲣⲉ ϩ̀ⲗⲓ ⲙ̀ⲙⲱⲧⲉⲛ ⲥⲱϫⲡ.	Ouoh tinou pairyti afgos ǹje p̀ċois pipantokratōr je eθve ou ǹθōten tetenìri ǹhanniṡti ǹpet·hōou èh̀ryi èjen netenpsiṡy èfōti èvol m̀mōten ǹourōmi nem ous̀·himi ouàlou nem ouai efouemċi èvol xen θ̀myti ǹiouda èṡ̀temθ̀re h̀li m̀mōten sōgp.	And now thus has the Lord Almighty said, Wherefore do ye commit these great evils against your souls? to cut off man and woman of you, infant and suckling from the midst of Juda, to the end that not one of you should be left;
51:8	ⲉ̀ϯϫⲱⲛⲧ ⲛⲏⲓ ϧⲉⲛⲛⲓϩ̀ⲃⲏⲟⲩⲓ̀ ⲛ̀ⲧⲉⲛⲉⲧⲉⲛϫⲓϫ ⲉ̀ϥⲱⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲛ̀ϧ̀ⲣⲏⲓ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲫⲏⲉⲧⲁⲣⲉⲧⲉⲛϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲣⲟϥ ⲉ̀ϣⲱⲡⲓ ⲙ̀ⲙⲁⲩ ϩⲓⲛⲁ ⲛ̀ⲥⲉϥⲉⲧ ⲑⲏⲛⲟⲩ ⲉ̀ⲃⲟⲗ ⲟⲩⲟϩ ⲛ̀ⲧⲉⲧⲉⲛϣⲱⲡⲓ ⲉⲩⲥⲁϩⲟⲩⲓ̀ ⲛⲉⲙⲟⲩϣⲱϣ ϧⲉⲛⲛⲓⲉⲑⲛⲟⲥ ⲛ̀ⲧⲉⲡ̀ⲕⲁϩⲓ .	Ⲉ̀ϯϫⲱⲛⲧ ⲛⲏⲓ ϧⲉⲛ ⲛⲓϩ̀ⲃⲏⲟⲩⲓ̀ ⲛ̀ⲧⲉ ⲛⲉⲧⲉⲛϫⲓϫ ⲉ̀ϥⲱⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲛ̀ϧ̀ⲣⲏⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲫⲏⲉⲧⲁⲣⲉⲧⲉⲛϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲣⲟϥ ⲉ̀ϣⲱⲡⲓ ⲙ̀ⲙⲁⲩ ϩⲓⲛⲁ ⲛ̀ⲧⲟⲩϥⲉⲧ ⲑⲏⲛⲟⲩ ⲉ̀ⲃⲟⲗ ⲟⲩⲟϩ ⲛ̀ⲧⲉⲧⲉⲛϣⲱⲡⲓ ⲉⲩⲥⲁϩⲟⲩⲓ̀ ⲛⲉⲙ ⲟⲩϣⲱϣ ϧⲉⲛ ⲛⲓⲉⲑⲛⲟⲥ ⲛ̀ⲧⲉ ⲡ̀ⲕⲁϩⲓ.	Ètigōnt nyi xen nih̀vyouì ǹte netenjig èfōt ǹhankenouti ǹṡemmo ǹx̀ryi xen p̀kahi ǹkymi fyetaretenṡenōten èxoun èrof èṡōpi m̀mav hina ǹtoufet θynou èvol ouoh ǹtetenṡōpi evsahouì nem ouṡōṡ xen nieθnos ǹte p̀kahi.	by provoking me with the works of your hands, to burn incense to other gods in the land of Egypt, into which ye entered to dwell there, that ye might be cut off, and that ye might become a curse and a reproach among all the nations of the earth?
51:9	ⲙⲏ ⲁⲣⲉⲧⲉⲛⲉⲣⲡⲱⲃϣ ⲛ̀ⲑⲱⲧⲉⲛ ⲛ̀ⲛⲓⲡⲉⲧϩⲱⲟⲩ ⲛ̀ⲧⲉⲛⲉⲧⲉⲛⲓⲟϯ ⲛⲉⲙⲛⲓⲡⲉⲧϩⲱⲟⲩ ⲛ̀ⲧⲉⲛⲓⲟⲩⲣⲱⲟⲩ ⲛ̀ⲧⲉⲓⲟⲩⲇⲁ ⲛⲉⲙⲛⲓⲡⲉⲧϩⲱⲟⲩ ⲛ̀ⲧⲉⲛⲉⲧⲉⲛⲁⲣⲭⲱⲛ ⲛⲉⲙⲛⲓⲡⲉⲧϩⲱⲟⲩ ⲛ̀ⲧⲉⲛⲉⲧⲉⲛϩⲓⲟⲙⲓ ⲛⲏⲉⲧⲁⲩⲁⲓⲧⲟⲩ ⲛ̀ϩ̀ⲣⲏⲓ ϧⲉⲛⲡ̀ⲕⲁϩⲓ ⲛ̀ⲓⲟⲩⲇⲁ ⲛⲉⲙⲥⲁⲃⲟⲗ ⲛ̀ⲓⲗ̅ⲏ̅ⲙ̅ .	Ⲙⲏ ⲁⲣⲉⲧⲉⲛⲉⲣⲡⲱⲃϣ ⲛ̀ⲑⲱⲧⲉⲛ ⲛ̀ⲛⲓⲡⲉⲧϩⲱⲟⲩ ⲛ̀ⲧⲉ ⲛⲉⲧⲉⲛⲓⲟϯ ⲛⲉⲙ ⲛⲓⲡⲉⲧϩⲱⲟⲩ ⲛ̀ⲧⲉ ⲛⲓⲟⲩⲣⲱⲟⲩ ⲛ̀ⲧⲉ ⲓⲟⲩⲇⲁ ⲛⲉⲙ ⲛⲓⲡⲉⲧϩⲱⲟⲩ ⲛ̀ⲧⲉ ⲛⲉⲧⲉⲛⲁⲣⲭⲱⲛ ⲛⲉⲙ ⲛⲓⲡⲉⲧϩⲱⲟⲩ ⲛ̀ⲧⲉ ⲛⲉⲧⲉⲛϩⲓⲟⲙⲓ ⲛⲏⲉⲧⲁⲩⲁⲓⲧⲟⲩ ⲛ̀ϩ̀ⲣⲏⲓ ϧⲉⲛ ⲡ̀ⲕⲁϩⲓ ⲛ̀ⲓⲟⲩⲇⲁ ⲛⲉⲙ ⲥⲁⲃⲟⲗ ⲛ̀ⲓⲉⲣⲟⲩⲥⲁⲗⲏⲙ.	My aretenerpōvṡ ǹθōten ǹnipet·hōou ǹte netenioti nem nipet·hōou ǹte niourōou ǹte iouda nem nipet·hōou ǹte netenarxōn nem nipet·hōou ǹte netenhiomi nyetavaitou ǹh̀ryi xen p̀kahi ǹiouda nem savol ǹierousalym.	Have ye forgotten the sins of your fathers, and the sins of the kings of Juda, and the sins of your princes, and the sins of your wives, which they wrought in the land of Juda, and in the streets of Jerusalem?
51:10	ⲟⲩⲟϩ ⲙ̀ⲡⲟⲩⲕⲏⲛ ϣⲁⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ϫⲉⲙ̀ⲡⲟⲩⲁ̀ⲙⲟⲛⲓ ⲛ̀ⲛⲁϩⲱⲛ ⲛⲏⲉⲧⲁⲓⲁⲓⲧⲟⲩ ⲙ̀ⲡⲉⲙ̀ⲑⲟ ⲛ̀ⲛⲟⲩϯ .	Ⲟⲩⲟϩ ⲙ̀ⲡⲟⲩⲕⲏⲛ ϣⲁ ⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ϫⲉⲙ̀ⲡⲟⲩⲁ̀ⲙⲟⲛⲓ ⲛ̀ⲛⲁϩⲱⲛ ⲛⲏⲉⲧⲁⲓⲁⲓⲧⲟⲩ ⲛ̀ⲡⲉⲙ̀ⲑⲟ ⲛ̀ⲛⲟⲩϯ.	Ouoh m̀poukyn ṡa èxoun èpaièhoou jem̀pouàmoni ǹnahōn nyetaiaitou ǹpem̀θo ǹnouti.	And have not ceased even to this day, and they have not kept to my ordinances, which I set before their fathers.
51:11	ⲉⲑⲃⲉⲫⲁⲓ ⲁⲇϫⲟⲥ ⲙ̀ⲡⲁⲓⲣⲏϯ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲧⲁϫⲣⲉ ⲡⲁϩⲟ ⲉ̀ⲧⲁⲕⲉ ⲡ̀ⲥⲉⲡⲓ ⲛ̀ⲛⲏ ⲧⲏⲣⲟⲩ ⲉⲧⲁⲩⲥⲱϫⲡ ⲉ̀ϧ̀ⲣⲏⲓ ϧⲉⲛⲭⲏⲙⲓ .	Ⲉⲑⲃⲉ ⲫⲁⲓ ⲁⲇϫⲟⲥ ⲛ̀ⲡⲁⲓⲣⲏϯ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲧⲁϫⲣⲉ ⲡ̀ⲁϩⲟ ⲉ̀ⲧⲁⲕⲉ ⲡ̀ⲥⲉⲡⲓ ⲛ̀ⲛⲏ ⲧⲏⲣⲟⲩ ⲉⲧⲁⲩⲥⲱϫⲡ ⲉ̀ϧ̀ⲣⲏⲓ ϧⲉⲛ ⲭⲏⲙⲓ.	Eθve fai aḋgos ǹpairyti ǹje p̀ċois je hyppe ànok tinatagre p̀aho ètake p̀·sepi ǹny tyrou etavsōgp èx̀ryi xen kymi.	Therefore thus saith the Lord; Behold I do set my face against you
51:12	ⲟⲩⲟϩ ⲉⲩⲉ̀ϩⲉⲓ ϧⲉⲛⲧ̀ⲥⲏϥⲓ ⲛⲉⲙⲡ̀ϩ̀ⲕⲟ ⲟⲩⲟϩ ⲉⲩⲉ̀ⲙⲟⲩⲛⲕ ⲉ̀ⲃⲟⲗ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲟⲩⲟϩ ⲉⲩⲉ̀ϣⲱⲡⲓ ⲉⲩϣⲱϣ ⲛⲉⲙⲟⲩⲧⲁⲕⲟ ⲛⲉⲙⲟⲩⲥⲁϩⲟⲩⲓ̀ .	Ⲟⲩⲟϩ ⲉⲩⲉ̀ϩⲉⲓ ϧⲉⲛ ⲧ̀ⲥⲏϥⲓ ⲛⲉⲙ ⲡ̀ϩ̀ⲕⲟ ⲟⲩⲟϩ ⲉⲩⲉ̀ⲙⲟⲩⲛⲕ ⲉ̀ⲃⲟⲗ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ ⲟⲩⲟϩ ⲉⲩⲉ̀ϣⲱⲡⲓ ⲉⲩϣⲱϣ ⲛⲉⲙ ⲟⲩⲧⲁⲕⲟ ⲛⲉⲙ ⲟⲩⲥⲁϩⲟⲩⲓ̀.	Ouoh evèhei xen t̀syfi nem p̀h̀ko ouoh evèmounk èvol isjen poukouji ṡapouniṡti ouoh evèṡōpi evṡōṡ nem outako nem ousahouì.	to destroy all the remnant that are in Egypt; and they shall fall by the sword, and by famine, and shall be consumed small and great: and they shall be for reproach, and for destruction, and for a curse.
51:13	ⲟⲩⲟϩ ⲉⲓⲉ̀ϫⲉⲙⲡ̀ϣⲓⲛⲓ ⲛ̀ⲛⲏⲉⲧϩⲉⲙⲥⲓ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲙ̀ⲫ̀ⲣⲏϯ ⲉⲧⲁⲓϫⲉⲙⲡ̀ϣⲓⲛⲓ ⲛ̀ⲓⲗ̅ⲏ̅ⲙ̅ ϧⲉⲛⲧ̀ⲥⲏϥⲓ ⲛⲉⲙⲡ̀ϩ̀ⲕⲟ .	Ⲟⲩⲟϩ ⲉⲓⲉ̀ϫⲉⲙⲡ̀ϣⲓⲛⲓ ⲛ̀ⲛⲏⲉⲧϩⲉⲙⲥⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛ̀ⲫ̀ⲣⲏϯ ⲉⲧⲁⲓϫⲉⲙⲡ̀ϣⲓⲛⲓ ⲛ̀ⲓⲉⲣⲟⲩⲥⲁⲗⲏⲙ ϧⲉⲛ ⲧ̀ⲥⲏϥⲓ ⲛⲉⲙ ⲡ̀ϩ̀ⲕⲟ.	Ouoh eièjemp̀ṡini ǹnyet·hemsi xen p̀kahi ǹkymi ǹf̀ryti etaijemp̀ṡini ǹierousalym xen t̀syfi nem p̀h̀ko.	And I will visit them that dwell in the land of Egypt, as I have visited Jerusalem, with sword and with famine:
51:14	ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲧⲛⲁⲟⲩϫⲁⲓ ⲉ̀ⲃⲟⲗϧⲉⲛ ⲡ̀ⲥⲉⲡⲓ ⲛ̀ⲓⲟⲩⲇⲁ ⲛⲏⲉⲧϣⲟⲡ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲉⲑⲣⲟⲩⲧⲁⲥⲑⲟ ⲉ̀ⲡ̀ⲕⲁϩⲓ ⲛ̀ⲓⲟⲩⲇⲁ ⲫⲏ ⲛ̀ⲑⲱⲟⲩ ⲉⲧⲟⲩⲉⲣϩⲉⲗⲡⲓⲥ ⲉ̀ⲣⲟϥ ϧⲉⲛⲛⲟⲩⲯⲩⲭⲏ ϫⲉⲛ̀ⲧⲟⲩⲧⲁⲥⲑⲱⲟⲩ ⲉ̀ⲙⲁⲩ ⲟⲩⲟϩ ⲛ̀ⲛⲟⲩⲕⲟⲧⲟⲩ ⲉⲃⲏⲗ ⲉ̀ⲛⲏ ⲙ̀ⲙⲁⲩⲁⲧⲟⲩ ⲉⲑⲛⲁⲛⲟϩⲉⲙ .	Ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲧⲛⲁⲟⲩϫⲁⲓ ⲉ̀ⲃⲟⲗ ϧⲉⲛ ⲡ̀ⲥⲉⲡⲓ ⲛ̀ⲓⲟⲩⲇⲁ ⲛⲏⲉⲧϣⲟⲡ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲑⲣⲟⲩⲧⲁⲥⲑⲟ ⲉ̀ⲡ̀ⲕⲁϩⲓ ⲛ̀ⲓⲟⲩⲇⲁ ⲫⲏ ⲛ̀ⲑⲱⲟⲩ ⲉⲧⲟⲩⲉⲣϩⲉⲗⲡⲓⲥ ⲉ̀ⲣⲟϥ ϧⲉⲛ ⲛⲟⲩⲯⲩⲭⲏ ϫⲉ ⲛ̀ⲧⲟⲩⲧⲁⲥⲑⲱⲟⲩ ⲉ̀ⲙⲁⲩ ⲟⲩⲟϩ ⲛ̀ⲛⲟⲩⲕⲟⲧⲟⲩ ⲉ̀ⲃⲏⲗ ⲉ̀ⲛⲏ ⲙ̀ⲙⲁⲩⲁⲧⲟⲩ ⲉⲑⲛⲁⲛⲟϩⲉⲙ.	Ouoh ǹnefṡōpi ǹje fyetnaougai èvol xen p̀·sepi ǹiouda nyetṡop xen p̀kahi ǹkymi èθroutasθo èp̀kahi ǹiouda fy ǹθōou etouerhelpis èrof xen noupsiṡy je ǹtoutasθōou èmav ouoh ǹnoukotou èvyl èny m̀mavatou eθnanohem.	and there shall not one be preserved of the remnant of Juda that sojourn in the land of Egypt, to return to the land of Juda, to which they hope in their hearts to return: they shall not return, but only they that escape.
51:15	ⲟⲩⲟϩ ⲁⲩⲉⲣⲟⲩⲱ̀ ⲧⲏⲣⲟ ⲛ̀ⲓⲉⲣⲉⲙⲓⲁⲥ ⲛ̀ϫⲉⲛⲓⲣⲱⲙⲓ ⲛⲏⲉⲧⲁⲩⲉ̀ⲙⲓ ϫⲉⲛⲟⲩϩⲓⲟⲙⲓ ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛⲉⲙⲛⲓⲕⲉϩⲓⲟⲙⲓ ⲧⲏⲣⲟⲩ ϧⲉⲛⲟⲩⲛⲓϣϯ ⲛ̀ⲑⲱⲟⲩⲧⲥ ⲛⲉⲙⲡⲓⲗⲁⲟⲥ ⲧⲏⲣϥ ⲛⲏⲉⲧϩⲉⲙⲥⲓ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ϧⲉⲛⲡⲁⲑⲟⲩⲣⲏⲥ ⲉⲩϫⲱ ⲙ̀ⲙⲟⲥ .	Ⲟⲩⲟϩ ⲁⲩⲉⲣⲟⲩⲱ̀ ⲧⲏⲣⲟ ⲛ̀ⲓⲉⲣⲉⲙⲓⲁⲥ ⲛ̀ϫⲉ ⲛⲓⲣⲱⲙⲓ ⲛⲏⲉⲧⲁⲩⲉ̀ⲙⲓ ϫⲉ ⲛ̀ⲟⲩϩⲓⲟⲙⲓ ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛⲉⲙ ⲛⲓⲕⲉϩⲓⲟⲙⲓ ⲧⲏⲣⲟⲩ ϧⲉⲛ ⲟⲩⲛⲓϣϯ ⲛ̀ⲑⲱⲟⲩⲧⲥ ⲛⲉⲙ ⲡⲓⲗⲁⲟⲥ ⲧⲏⲣϥ ⲛⲏⲉⲧϩⲉⲙⲥⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϧⲉⲛ ⲡⲁⲑⲟⲩⲣⲏⲥ ⲉⲩϫⲱ ⲙ̀ⲙⲟⲥ.	Ouoh averouṑ tyro ǹieremias ǹje nirōmi nyetavèmi je ǹouhiomi en s̀θoinoufi èh̀ryi nem nikehiomi tyrou xen ouniṡti ǹθōouts nem pilaos tyrf nyet·hemsi xen p̀kahi ǹkymi xen paθourys evgō m̀mos.	Then all the men that knew that their wives burned incense, and all the women, a great multitude, and all the people that dwelt in the land of Egypt, in Pathura, answered Jeremias, saying,
51:16	ϫⲉⲡⲓⲥⲁϫⲓ ⲉⲧⲁⲕⲥⲁϫⲓ ⲙ̀ⲙⲟϥ ⲛⲉⲙⲁⲛ ϧⲉⲛⲫ̀ⲣⲁⲛ ⲙ̀ⲡϭ̅ⲥ̅ ⲛ̀ⲧⲉⲛⲛⲁⲥⲱⲧⲉⲙ ⲛ̀ⲥⲱⲕ ⲁⲛ .	Ϫⲉ ⲡⲓⲥⲁϫⲓ ⲉⲧⲁⲕⲥⲁϫⲓ ⲙ̀ⲙⲟϥ ⲛⲉⲙⲁⲛ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ ⲛ̀ⲧⲉⲛⲛⲁⲥⲱⲧⲉⲙ ⲛ̀ⲥⲱⲕ ⲁⲛ.	Je pisaji etak·saji m̀mof neman xen f̀ran ǹp̀ċois ǹtennasōtem ǹsōk an.	As for the word which thou hast spoken to us in the name of the Lord, we will not hearken to thee.
51:17	ϫⲉϧⲉⲛⲟⲩⲓ̀ⲣⲓ ⲧⲉⲛⲛⲁⲓ̀ⲣⲓ ⲛ̀ⲥⲁϫⲓ ⲛⲓⲃⲉⲛ ⲉⲑⲛⲏⲟⲩ ⲉ̀ⲃⲟⲗ ϧⲉⲛⲣⲱⲛ ⲉⲣⲉⲛⲉⲛⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉⲧ̀ⲫⲉ ⲟⲩⲟϩ ⲉⲛⲉⲟⲩⲱⲧⲉⲛ ⲉ̀ⲃⲟⲗ ⲛⲁⲥ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ ⲕⲁⲧⲁⲫ̀ⲣⲏϯ ⲉⲧⲁⲛⲓ̀ⲣⲓ ⲁ̀ⲛⲟⲛ ⲛⲉⲙⲛⲉⲛⲕⲉⲓⲟϯ ⲛⲉⲙⲛⲉⲛⲟⲩⲣⲱⲟⲩ ⲛⲉⲙⲛⲓⲁⲣⲭⲱⲛ ⲛ̀ⲧⲉⲓⲟⲩⲇⲁ ϧⲉⲛⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲛⲉⲙⲥⲁⲃⲟⲗ ⲛ̀ⲓⲗ̅ⲏ̅ⲙ̅ ⲟⲩⲟϩ ⲛⲁⲛⲥⲏⲟⲩ ⲙ̀ⲡ̀ⲱⲓⲕ ⲡⲉ ⲟⲩⲟϩ ⲁⲛϣⲱⲡⲓ ⲛ̀ⲉⲣϣⲁⲩ ⲟⲩⲟϩ ⲙ̀ⲡⲉⲛⲛⲁⲩ ⲉ̀ϩ̀ⲗⲓ ⲙ̀ⲡⲉⲧϩⲱⲟⲩ .	Ϫⲉ ϧⲉⲛ ⲟⲩⲓ̀ⲣⲓ ⲧⲉⲛⲛⲁⲓ̀ⲣⲓ ⲛ̀ⲥⲁϫⲓ ⲛⲓⲃⲉⲛ ⲉⲑⲛⲏⲟⲩ ⲉ̀ⲃⲟⲗ ϧⲉⲛ ⲣⲱⲛ ⲉ̀ⲣⲉⲛⲉⲛⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉ ⲧ̀ⲫⲉ ⲟⲩⲟϩ ⲉⲛⲉⲟⲩⲱⲧⲉⲛ ⲉ̀ⲃⲟⲗ ⲛⲁⲥ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ ⲕⲁⲧⲁ ⲫ̀ⲣⲏϯ ⲉⲧⲁⲛⲓ̀ⲣⲓ ⲁ̀ⲛⲟⲛ ⲛⲉⲙ ⲛⲉⲛⲕⲉⲓⲟϯ ⲛⲉⲙ ⲛⲉⲛⲟⲩⲣⲱⲟⲩ ⲛⲉⲙ ⲛⲓⲁⲣⲭⲱⲛ ⲛ̀ⲧⲉ ⲓⲟⲩⲇⲁ ϧⲉⲛ ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲥⲁⲃⲟⲗ ⲛ̀ⲓⲉⲣⲟⲩⲥⲁⲗⲏⲙ ⲟⲩⲟϩ ⲛⲁⲛⲥⲏⲟⲩ ⲛ̀ⲡ̀ⲱⲓⲕ ⲡⲉ ⲟⲩⲟϩ ⲁⲛϣⲱⲡⲓ ⲛ̀ⲉⲣϣⲁⲩ ⲟⲩⲟϩ ⲙ̀ⲡⲉⲛⲛⲁⲩ ⲉ̀ϩ̀ⲗⲓ ⲛ̀ⲡⲉⲧϩⲱⲟⲩ.	Je xen ouìri tennaìri ǹsaji niven eθnyou èvol xen rōn èrenens̀θoinoufi èh̀ryi ǹtiourō ǹte t̀fe ouoh eneouōten èvol nas ǹhanouōten èvol kata f̀ryti etanìri ànon nem nenkeioti nem nenourōou nem niarxōn ǹte iouda xen nivaki ǹte iouda nem savol ǹierousalym ouoh nansyou ǹp̀ōik pe ouoh anṡōpi ǹerṡav ouoh m̀pennav èh̀li ǹpet·hōou.	For we will surely perform every word that shall proceed out of our mouth, to burn incense to the queen of heaven, and to pour drink-offerings to her, as we and our fathers have done, and our kings and princes, in the cities of Juda, and in the streets of Jerusalem: and so we were filled with bread, and were well, and saw no evils.
51:18	ⲟⲩⲟϩ ⲉⲧⲁⲛⲗⲟϫⲉⲛ ⲉ̀ⲛⲉⲛⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉⲧ̀ⲫⲉ ⲁⲛⲉⲣⲕⲟⲩϫⲓ ⲧⲏⲣⲉⲛ ⲟⲩⲟϩ ⲁⲛⲙⲟⲩⲛⲕ ⲉ̀ⲃⲟⲗϧⲉⲛ ⲧ̀ⲥⲏϥⲓ ⲛⲉⲙⲡ̀ϩ̀ⲕⲟ .	Ⲟⲩⲟϩ ⲉ̀ⲧⲁⲛ̀ⲗⲟϫⲉⲛ ⲉ̀ⲛⲉⲛⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉ ⲧ̀ⲫⲉ ⲁⲛⲉⲣⲕⲟⲩϫⲓ ⲧⲏⲣⲉⲛ ⲟⲩⲟϩ ⲁⲛⲙⲟⲩⲛⲕ ⲉ̀ⲃⲟⲗ ϧⲉⲛ ⲧ̀ⲥⲏϥⲓ ⲛⲉⲙ ⲡ̀ϩ̀ⲕⲟ.	Ouoh ètaǹlojen ènens̀θoinoufi èh̀ryi ǹtiourō ǹte t̀fe anerkouji tyren ouoh anmounk èvol xen t̀syfi nem p̀h̀ko.	But since we left off to burn incense to the queen of heaven, we have all been brought low, and have been consumed by sword and by famine.
51:19	ⲟⲩⲟϩ ϫⲉⲁ̀ⲛⲟⲛ ⲁⲛⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉⲧ̀ⲫⲉ ⲟⲩⲟϩ ⲁⲛⲟⲩⲱⲧⲉⲛ ⲛⲁⲥ ⲉ̀ⲃⲟⲗ ⲛ̀ϩⲁⲛⲟⲩⲱⲧⲉⲛ ⲙⲏ ⲁⲧϭⲛⲉⲛⲉⲛϩⲁⲓ ⲁⲛⲑⲁⲙⲓⲟ ⲛⲁⲥ ⲛ̀ϩⲁⲛⲭⲁⲟⲩⲱⲛⲁ ⲟⲩⲟϩ ⲁⲛⲟⲩⲱⲧⲉⲛ ⲛⲁⲥ ⲉ̀ⲃⲟⲗ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ .	Ⲟⲩⲟϩ ϫⲉ ⲁ̀ⲛⲟⲛ ⲁⲛⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ϯⲟⲩⲣⲱ ⲛ̀ⲧⲉ ⲧ̀ⲫⲉ ⲟⲩⲟϩ ⲁⲛⲟⲩⲱⲧⲉⲛ ⲛⲁⲥ ⲉ̀ⲃⲟⲗ ⲛ̀ϩⲁⲛⲟⲩⲱⲧⲉⲛ ⲙⲏ ⲁⲧϭⲛⲉⲛⲉⲛϩⲁⲓ ⲁⲛⲑⲁⲙⲓⲟ ⲛⲁⲥ ⲛ̀ϩⲁⲛⲭⲁⲟⲩⲱⲛⲁ ⲟⲩⲟϩ ⲁⲛⲟⲩⲱⲧⲉⲛ ⲛⲁⲥ ⲉ̀ⲃⲟⲗ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ.	Ouoh je ànon anen s̀θoinoufi èh̀ryi ǹtiourō ǹte t̀fe ouoh anouōten nas èvol ǹhanouōten my atċnenenhai anθamio nas ǹhankaouōna ouoh anouōten nas èvol ǹhanouōten èvol.	And whereas we burned incense to the queen of heaven, and poured drink-offerings to her, did we make cakes to her, and pour drink-offerings to her, without our husbands?
51:20	ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲙ̀ⲡⲓⲗⲁⲟⲥ ⲧⲏⲣϥ ⲛⲉⲙⲛⲓϫⲱⲣⲓ ⲛⲉⲙⲛⲓϩⲓⲟⲙⲓ ⲛⲉⲙⲡⲓⲗⲁⲟⲥ ⲧⲏⲣϥ ⲉⲧⲁⲩⲉⲣⲟⲩⲱ̀ ⲛⲁϥ ⲛ̀ⲛⲁⲓⲥⲁϫⲓ ⲉϥϫⲱ ⲙ̀ⲙⲟⲥ .	Ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲛ̀ⲡⲓⲗⲁⲟⲥ ⲧⲏⲣϥ ⲛⲉⲙ ⲛⲓϫⲱⲣⲓ ⲛⲉⲙ ⲛⲓϩⲓⲟⲙⲓ ⲛⲉⲙ ⲡⲓⲗⲁⲟⲥ ⲧⲏⲣϥ ⲉⲧⲁⲩⲉⲣⲟⲩⲱ̀ ⲛⲁϥ ⲛ̀ⲛⲁⲓⲥⲁϫⲓ ⲉϥϫⲱ ⲙ̀ⲙⲟⲥ.	Ouoh peje ieremias ǹpilaos tyrf nem nigōri nem nihiomi nem pilaos tyrf etaverouṑ naf ǹnaisaji efgō m̀mos.	Then Jeremias answered all the people, the mighty men, and the women, and all the people that returned him these words for answer, saying,
51:21	ϫⲉⲙⲏ ⲉⲑⲃⲉⲛⲓⲥ̀ⲑⲟⲓⲛⲟⲩϥⲓ ⲁⲛ ⲉⲧⲁⲩⲉⲛϥ ⲉ̀ϩ̀ⲣⲏⲓ ϧⲉⲛⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲛⲉⲙⲥⲁⲃⲟⲗ ⲛ̀ⲓⲗ̅ⲏ̅ⲙ̅ ⲛ̀ⲑⲱⲧⲉⲛ ⲛⲉⲙⲛⲉⲧⲉⲛⲕⲉⲓⲟϯ ⲛⲉⲙⲛⲉⲧⲉⲛⲁⲣⲭⲱⲛ ⲛⲉⲙⲡⲓⲗⲁⲟⲥ ⲛ̀ⲧⲉⲡ̀ⲕⲁϩⲓ ⲁϥⲉⲣⲫ̀ⲙⲉⲩⲓ̀ ⲛ̀ϫⲉⲡϭ̅ⲥ̅ ⲟⲩⲟϩ ⲁϥⲓ̀ ⲉ̀ϫⲉⲛⲡⲉϥϩⲏⲧ .	Ϫⲉ ⲙⲏ ⲉⲑⲃⲉ ⲛⲓⲥ̀ⲑⲟⲓⲛⲟⲩϥⲓ ⲁⲛ ⲉⲧⲁⲩⲉⲛϥ ⲉ̀ϩ̀ⲣⲏⲓ ϧⲉⲛ ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲥⲁⲃⲟⲗ ⲛ̀ⲓⲉⲣⲟⲩⲥⲁⲗⲏⲙ ⲛ̀ⲑⲱⲧⲉⲛ ⲛⲉⲙ ⲛⲉⲧⲉⲛⲕⲉⲓⲟϯ ⲛⲉⲙ ⲛⲉⲧⲉⲛⲁⲣⲭⲱⲛ ⲛⲉⲙ ⲡⲓⲗⲁⲟⲥ ⲛ̀ⲧⲉ ⲡ̀ⲕⲁϩⲓ ⲁϥⲉⲣⲫ̀ⲙⲉⲩⲓ̀ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲓ̀ ⲉ̀ϫⲉⲛ ⲡⲉϥϩⲏⲧ.	Je my eθve nis̀θoinoufi an etavenf èh̀ryi xen nivaki ǹte iouda nem savol ǹierousalym ǹθōten nem netenkeioti nem netenarxōn nem pilaos ǹte p̀kahi aferf̀mevì ǹje p̀ċois ouoh afì èjen pefhyt.	Did not the Lord remember the incense which ye burned in the cities of Juda, and in the streets of Jerusalem, ye, and your fathers, and your kings, and your princes, and the people of the land? and came it not into his heart?
51:22	ⲟⲩⲟϩ ⲙ̀ⲡⲉϥϫⲉⲙϫⲟⲙ ⲛ̀ϫⲉⲡϭ̅ⲥ̅ ⲉ̀ϥⲁⲓ ⲛⲁϩⲣⲉⲛ ⲡ̀ϩⲟ ⲙ̀ⲡⲓⲡⲉⲧϩⲱⲟⲩ ⲛ̀ⲧⲉⲛⲉⲧⲉⲛϩ̀ⲃⲏⲟⲩⲓ̀ ⲉ̀ⲃⲟⲗϩⲁ ⲛⲓⲱⲣⲉⲃ ⲛⲏⲉⲧⲁⲣⲉⲧⲉⲛⲁⲓⲧⲟⲩ ⲟⲩⲟϩ ⲁϥϣⲱⲡⲓ ⲛ̀ϫⲉⲡⲉⲧⲉⲛⲕⲁϩⲓ ⲉ̀ⲡ̀ϣⲱϥ ⲛⲉⲙⲟⲩⲥⲁϩⲟⲩⲓ̀ ⲙ̀ⲫ̀ⲣⲏϯ ⲙ̀ⲡⲁⲓⲉ̀ϩⲟⲟⲩ .	Ⲟⲩⲟϩ ⲙ̀ⲡⲉϥϫⲉⲙϫⲟⲙ ⲛ̀ϫⲉ ⲡ̀ϭⲟⲓⲥ ⲉ̀ϥⲁⲓ ⲛⲁϩⲣⲉⲛ ⲡ̀ϩⲟ ⲛ̀ⲡⲓⲡⲉⲧϩⲱⲟⲩ ⲛ̀ⲧⲉ ⲛⲉⲧⲉⲛϩ̀ⲃⲏⲟⲩⲓ̀ ⲉ̀ⲃⲟⲗϩⲁ ⲛⲓⲱⲣⲉⲃ ⲛⲏⲉⲧⲁⲣⲉⲧⲉⲛⲁⲓⲧⲟⲩ ⲟⲩⲟϩ ⲁϥϣⲱⲡⲓ ⲛ̀ϫⲉ ⲡⲉⲧⲉⲛⲕⲁϩⲓ ⲉ̀ⲡ̀ϣⲱϥ ⲛⲉⲙ ⲟⲩⲥⲁϩⲟⲩⲓ̀ ⲛ̀ⲫ̀ⲣⲏϯ ⲛ̀ⲡⲁⲓⲉ̀ϩⲟⲟⲩ.	Ouoh m̀pefjemgom ǹje p̀ċois èfai nahren p̀ho ǹpipet·hōou ǹte netenh̀vyouì èbolha niōreb nyetaretenaitou ouoh afṡōpi ǹje petenkahi èp̀ṡōf nem ousahouì ǹf̀ryti ǹpaièhoou.	And the Lord could no longer bear you, because of the wickedness of your doings, and because of your abominations which ye wrought; and so your land became a desolation and a waste, and a curse, as at this day;
51:23	ⲉ̀ⲃⲟⲗϩⲁ ⲡ̀ϩⲟ ⲛ̀ⲛⲉⲧⲉⲛϣⲟⲩϣⲱⲟⲩϣⲓ ⲛⲉⲙⲛⲉⲧⲉⲛⲛⲟⲃⲓ ⲛⲏⲉⲧⲁⲣⲉⲧⲉⲛⲁⲓⲧⲟⲩ ⲉ̀ⲡϭ̅ⲥ̅ ⲟⲩⲟϩ ⲙ̀ⲡⲉⲧⲉⲛⲥⲱⲧⲉⲙ ⲛ̀ⲥⲁⲧ̀ⲥ̀ⲙⲏ ⲙ̀ⲡϭ̅ⲥ̅ ⲟⲩⲇⲉ ⲙ̀ⲡⲉⲧⲉⲛⲙⲟϣⲓ ϧⲉⲛⲡⲉϥⲟⲩⲁϩⲥⲁϩⲛⲓ ⲛⲉⲙⲡⲉϥⲛⲟⲙⲟⲥ ⲟⲩⲟϩ ⲛⲉϥⲙⲉⲧⲙⲉⲑⲣⲉⲩ ⲙ̀ⲡⲉⲧⲉⲛⲙⲟϣⲓ ⲛ̀ϧⲏⲧⲟⲩ ⲟⲩⲟϩ ⲁ ⲛⲁⲓⲡⲉⲧϩⲱⲟⲩ ⲧⲁϩⲉ ⲑⲏⲛⲟⲩ .	Ⲉ̀ⲃⲟⲗϩⲁ ⲡ̀ϩⲟ ⲛ̀ⲛⲉⲧⲉⲛϣⲟⲩϣⲱⲟⲩϣⲓ ⲛⲉⲙ ⲛⲉⲧⲉⲛⲛⲟⲃⲓ ⲛⲏⲉⲧⲁⲣⲉⲧⲉⲛⲁⲓⲧⲟⲩ ⲉ̀ⲡ̀ϭⲟⲓⲥ ⲟⲩⲟϩ ⲙ̀ⲡⲉⲧⲉⲛⲥⲱⲧⲉⲙ ⲛ̀ⲥⲁ ⲧ̀ⲥ̀ⲙⲏ ⲛ̀ⲡ̀ϭⲟⲓⲥ ⲟⲩⲇⲉ ⲛ̀ⲡⲉⲧⲉⲛⲙⲟϣⲓ ϧⲉⲛ ⲡⲉϥⲟⲩⲁϩⲥⲁϩⲛⲓ ⲛⲉⲙ ⲡⲉϥⲛⲟⲙⲟⲥ ⲟⲩⲟϩ ⲛⲉϥⲙⲉⲧⲙⲉⲑⲣⲉⲩ ⲛ̀ⲡⲉⲧⲉⲛⲙⲟϣⲓ ⲛ̀ϧⲏⲧⲟⲩ ⲟⲩⲟϩ ⲁ ⲛⲁⲓⲡⲉⲧϩⲱⲟⲩ ⲧⲁϩⲉ ⲑⲏⲛⲟⲩ.	Èbolha p̀ho ǹnetenṡouṡōouṡi nem netennovi nyetaretenaitou èp̀ċois ouoh m̀petensōtem ǹsa t̀s̀my ǹp̀ċois ouḋe ǹpetenmoṡi xen pefouahsahni nem pefnomos ouoh nefmetmeθrev ǹpetenmoṡi ǹxytou ouoh a naipet·hōou tahe θynou.	because of your burning incense, and because of the things wherein ye sinned against the Lord: and ye have not hearkened to the voice of the Lord, and have not walked in his ordinances, and in his law, and in his testimonies; and so these evils have come upon you.
51:24	ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲙ̀ⲡⲓⲗⲁⲟⲥ ⲛⲉⲙⲛⲓϩⲓⲟⲙⲓ ϫⲉⲥⲱⲧⲉⲙ ⲉ̀ⲡⲓⲥⲁϫⲓ ⲛ̀ⲧⲉⲡϭ̅ⲥ̅ .	Ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲛ̀ⲡⲓⲗⲁⲟⲥ ⲛⲉⲙ ⲛⲓϩⲓⲟⲙⲓ ϫⲉ ⲥⲱⲧⲉⲙ ⲉ̀ⲡⲓⲥⲁϫⲓ ⲛ̀ⲧⲉ ⲡ̀ϭⲟⲓⲥ.	Ouoh peje ieremias ǹpilaos nem nihiomi je sōtem èpisaji ǹte p̀ċois.	And Jeremias said to the people, and to the women, Hear ye the word of the Lord.
51:25	ϫⲉⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲁϥϫⲟⲥ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉⲛ̀ⲑⲱⲧⲉⲛ ϧⲁⲛⲓϩⲓⲟⲙⲓ ⲁⲣⲉⲧⲉⲛⲥⲁϫⲓ ϧⲉⲛⲣⲱⲧⲉⲛ ⲟⲩⲟϩ ⲁⲣⲉⲧⲉⲛϫⲱⲕ ⲉ̀ⲃⲟⲗ ϧⲉⲛⲛⲉⲧⲉⲛϫⲓϫ ⲉⲣⲉⲧⲉⲛϫⲱ ⲙ̀ⲙⲟⲥ ϫⲉϧⲉⲛⲟⲩⲓ̀ⲣⲓ ⲧⲉⲛⲛⲁⲓ̀ⲣⲓ ⲛ̀ⲛⲉⲛϩⲟⲙⲟⲗⲟⲅⲓⲁ̀ ⲛⲏⲉⲧⲁⲛⲱϣ ⲙ̀ⲙⲱⲟⲩ ⲉ̀ϣⲁⲧⲟⲩ ⲛ̀ϯⲟⲩⲣⲱ ⲛ̀ⲧⲉⲧ̀ⲫⲉ ⲟⲩⲟϩ ⲟ̀ⲩⲱⲧⲉⲛ ⲛⲁⲥ ⲉ̀ⲃⲟⲗ ϧⲉⲛⲟⲩⲁ̀ⲙⲟⲛⲓ ⲁⲣⲉⲧⲉⲛⲁ̀ⲙⲟⲛⲓ ⲛ̀ⲧⲉⲛⲑⲏⲛⲟⲩ ϧⲉⲛⲛⲏⲉⲧⲁⲣⲉⲧⲉⲛⲱϣ ⲙ̀ⲙⲱⲟⲩ ⲟⲩⲟϩ ϧⲉⲛⲟⲩⲓ̀ⲣⲓ ⲁⲣⲉⲧⲉⲛⲁⲓⲧⲟⲩ .	Ϫⲉ ⲫⲁⲓ ⲡⲉ ⲛ̀ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ⲛ̀ⲑⲱⲧⲉⲛ ϧⲁ ⲛⲓϩⲓⲟⲙⲓ ⲁⲣⲉⲧⲉⲛⲥⲁϫⲓ ϧⲉⲛ ⲣⲱⲧⲉⲛ ⲟⲩⲟϩ ⲁⲣⲉⲧⲉⲛϫⲱⲕ ⲉ̀ⲃⲟⲗ ϧⲉⲛ ⲛⲉⲧⲉⲛϫⲓϫ ⲉ̀ⲣⲉⲧⲉⲛϫⲱ ⲙ̀ⲙⲟⲥ ϫⲉ ϧⲉⲛ ⲟⲩⲓ̀ⲣⲓ ⲧⲉⲛⲛⲁⲓ̀ⲣⲓ ⲛ̀ⲛⲉⲛϩⲟⲙⲟⲗⲟⲅⲓⲁ̀ ⲛⲏⲉⲧⲁⲛⲱϣ ⲙ̀ⲙⲱⲟⲩ ⲉ̀ϣⲁⲧⲟⲩ ⲛ̀ϯⲟⲩⲣⲱ ⲛ̀ⲧⲉ ⲧ̀ⲫⲉ ⲟⲩⲟϩ ⲟ̀ⲩⲱⲧⲉⲛ ⲛⲁⲥ ⲉ̀ⲃⲟⲗ ϧⲉⲛ ⲟⲩⲁ̀ⲙⲟⲛⲓ ⲁⲣⲉⲧⲉⲛⲁ̀ⲙⲟⲛⲓ ⲛ̀ⲧⲉⲛⲑⲏⲛⲟⲩ ϧⲉⲛ ⲛⲏⲉⲧⲁⲣⲉⲧⲉⲛⲱϣ ⲙ̀ⲙⲱⲟⲩ ⲟⲩⲟϩ ϧⲉⲛ ⲟⲩⲓ̀ⲣⲓ ⲁⲣⲉⲧⲉⲛⲁⲓⲧⲟⲩ.	Je fai pe ǹf̀ryti ètafgos ǹje p̀ċois f̀nouti ǹpisrayl je ǹθōten xa nihiomi aretensaji xen rōten ouoh aretengōk èvol xen netenjig èretengō m̀mos je xen ouìri tennaìri ǹnenhomologià nyetanōṡ m̀mōou èṡatou ǹtiourō ǹte t̀fe ouoh òuōten nas èvol xen ouàmoni aretenàmoni ǹtenθynou xen nyetaretenōṡ m̀mōou ouoh xen ouìri aretenaitou.	Thus has the Lord God of Israel said; Ye women have spoken with your mouth, and ye fulfilled it with your hands, saying, We will surely perform our vows that we have vowed, to burn incense to the queen of heaven, and to pour drink-offerings to her: full well did ye keep to your vows, and ye have indeed performed them.
51:26	ⲉⲑⲃⲉⲫⲁⲓ ⲥⲱⲧⲉⲙ ⲉ̀ⲡ̀ⲥⲁϫⲓ ⲙ̀ⲡϭ̅ⲥ̅ ⲓⲟⲩⲇⲁ ⲧⲏⲣϥ ⲛⲏⲉⲧϩⲉⲙⲥⲓ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ϫⲉϩⲏⲡⲡⲉ ⲁⲓⲱⲣⲕ ⲙ̀ⲡⲁⲛⲓϣϯ ⲛ̀ⲣⲁⲛ ⲡⲉϫⲉ ⲡϭ̅ⲥ̅ ϫⲉⲉϣⲱⲡ ⲁⲣⲉϣⲁⲛ ⲡⲁⲣⲁⲛ ϣⲱⲡⲓ ⲉⲧⲓ ϧⲉⲛⲣⲱϥ ⲛ̀ⲓⲟⲩⲇⲁ ⲧⲏⲣϥ ⲉⲑⲣⲟⲩϫⲟⲥ ϫⲉϥ̀ⲟⲛϧ ⲛ̀ϫⲉⲡϭ̅ⲥ̅ ⲡϭ̅ⲥ̅ ϩⲓϫⲉⲛⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ .	Ⲉⲑⲃⲉ ⲫⲁⲓ ⲥⲱⲧⲉⲙ ⲉ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲓⲟⲩⲇⲁ ⲧⲏⲣϥ ⲛⲏⲉⲧϩⲉⲙⲥⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϫⲉ ϩⲏⲡⲡⲉ ⲁⲓⲱⲣⲕ ⲛ̀ⲡⲁⲛⲓϣϯ ⲛ̀ⲣⲁⲛ ⲡⲉϫⲉ ⲡ̀ϭⲟⲓⲥ ϫⲉ ⲉϣⲱⲡ ⲁⲣⲉϣⲁⲛ ⲡⲁⲣⲁⲛ ϣⲱⲡⲓ ⲉ̀ⲧⲓ ϧⲉⲛ ⲣⲱϥ ⲛ̀ⲓⲟⲩⲇⲁ ⲧⲏⲣϥ ⲉ̀ⲑⲣⲟⲩϫⲟⲥ ϫⲉ ϥ̀ⲟⲛϧ ⲛ̀ϫⲉ ⲡ̀ϭⲟⲓⲥ ⲡ̀ϭⲟⲓⲥ ϩⲓϫⲉⲛ ⲡ̀ⲕⲁϩⲓ ⲧⲏⲣϥ ⲛ̀ⲭⲏⲙⲓ.	Eθve fai sōtem èp̀·saji ǹp̀ċois iouda tyrf nyet·hemsi xen p̀kahi ǹkymi je hyppe aiōrk ǹpaniṡti ǹran peje p̀ċois je eṡōp areṡan paran ṡōpi èti xen rōf ǹiouda tyrf èθrougos je f̀onx ǹje p̀ċois p̀ċois hijen p̀kahi tyrf ǹkymi.	Therefore hear ye the word of the Lord, all Jews dwelling in the land of Egypt; Behold, I have sworn by my great name, saith the Lord, my name shall no longer be in the mouth of every Jew to say, The Lord lives, in all the land of Egypt.
51:27	ϫⲉⲁ̀ⲛⲟⲕ ⲁⲓⲣⲱⲓⲥ ⲉ̀ϩ̀ⲣⲏⲓ ⲉ̀ϫⲱⲟⲩ ⲉ̀ϯⲙ̀ⲕⲁϩ ⲛⲱⲟⲩ ⲟⲩⲟϩ ⲉ̀ⲉⲣⲡⲉⲑⲛⲁⲛⲉϥ ⲛⲱⲟⲩ ⲁⲛ ⲟⲩⲟϩ ⲉϥⲉ̀ⲙⲟⲩⲛⲕ ⲛ̀ϫⲉⲓⲟⲩⲇⲁ ⲧⲏⲣϥ ⲛⲏⲉⲧϣⲟⲡ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲛ̀ϧ̀ⲣⲏⲓ ϧⲉⲛⲧ̀ⲥⲏϥⲓ ⲛⲉⲙⲡ̀ϩ̀ⲕⲟ ϣⲁⲧⲟⲩⲙⲟⲩⲛⲕ .	Ϫⲉ ⲁ̀ⲛⲟⲕ ⲁⲓⲣⲱⲓⲥ ⲉ̀ϩ̀ⲣⲏⲓ ⲉ̀ϫⲱⲟⲩ ⲉ̀ϯⲙ̀ⲕⲁϩ ⲛⲱⲟⲩ ⲟⲩⲟϩ ⲉ̀ⲉⲣⲡⲉⲑⲛⲁⲛⲉϥ ⲛⲱⲟⲩ ⲁⲛ ⲟⲩⲟϩ ⲉϥⲉ̀ⲙⲟⲩⲛⲕ ⲛ̀ϫⲉ ⲓⲟⲩⲇⲁ ⲧⲏⲣϥ ⲛⲏⲉⲧϣⲟⲡ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛ̀ϧ̀ⲣⲏⲓ ϧⲉⲛ ⲧ̀ⲥⲏϥⲓ ⲛⲉⲙ ⲡ̀ϩ̀ⲕⲟ ϣⲁⲧⲟⲩⲙⲟⲩⲛⲕ.	Je ànok airōis èh̀ryi ègōou ètim̀kah nōou ouoh èerpeθnanef nōou an ouoh efèmounk ǹje iouda tyrf nyetṡop xen p̀kahi ǹkymi ǹx̀ryi xen t̀syfi nem p̀h̀ko ṡatoumounk.	For I have watched over them, to hurt them, and not to do them good: and all the Jews dwelling in the land of Egypt shall perish by sword and by famine, until they are utterly consumed.
51:28	ⲟⲩⲟϩ ⲛⲏⲉⲧⲛⲁⲛⲟϩⲉⲙ ⲉ̀ⲃⲟⲗϧⲉⲛ ⲧ̀ⲥⲏϥⲓ ⲉⲩⲉ̀ⲧⲁⲥⲑⲟ ⲉ̀ⲡⲓⲕⲁϩⲓ ⲛ̀ⲓⲟⲩⲇⲁ ⲉⲩⲥ̀ⲃⲟⲕ ⲛ̀ⲏ̀ⲡⲓ ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉⲛⲓⲥⲱϫⲡ ⲛ̀ⲧⲉⲓⲟⲩⲇⲁ ⲛⲏⲉⲧⲁⲩⲓ̀ ⲉ̀ⲡ̀ⲕⲁϩⲓ ⲛ̀ⲭⲏⲙⲓ ⲉ̀ϣⲱⲡⲓ ⲙ̀ⲙⲁⲩ ϫⲉⲡ̀ⲥⲁϫⲓ ⲛ̀ⲛⲓⲙ ⲉⲧⲥ̀ⲙⲟⲛⲧ .	Ⲟⲩⲟϩ ⲛⲏⲉⲧⲛⲁⲛⲟϩⲉⲙ ⲉ̀ⲃⲟⲗ ϧⲉⲛ ⲧ̀ⲥⲏϥⲓ ⲉⲩⲉ̀ⲧⲁⲥⲑⲟ ⲉ̀ⲡⲓⲕⲁϩⲓ ⲛ̀ⲓⲟⲩⲇⲁ ⲉⲩⲥ̀ⲃⲟⲕ ⲛ̀ⲏ̀ⲡⲓ ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉ ⲛⲓⲥⲱϫⲡ ⲛ̀ⲧⲉ ⲓⲟⲩⲇⲁ ⲛⲏⲉⲧⲁⲩⲓ̀ ⲉ̀ⲡ̀ⲕⲁϩⲓ ⲛ̀ⲭⲏⲙⲓ ⲉ̀ϣⲱⲡⲓ ⲙ̀ⲙⲁⲩ ϫⲉ ⲡ̀ⲥⲁϫⲓ ⲛ̀ⲛⲓⲙ ⲉ̀ⲧ̀ⲥ̀ⲙⲟⲛⲧ.	Ouoh nyetnanohem èvol xen t̀syfi evètasθo èpikahi ǹiouda evs̀vok ǹỳpi ouoh evèèmi ǹje nisōgp ǹte iouda nyetavì èp̀kahi ǹkymi èṡōpi m̀mav je p̀·saji ǹnim èt̀s̀mont.	And they that escape the sword shall return to the land of Juda few in number, and the remnant of Juda, who have continued in the land of Egypt to dwell there, shall know whose word shall stand.
51:29	ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲱⲧⲉⲛ ⲉⲩⲙⲏⲓⲛⲓ ϫⲉϯⲛⲁϣⲓⲛⲓ ⲁ̀ⲛⲟⲕ ⲉ̀ⲣⲱⲧⲉⲛ ⲉ̀ϩⲁⲛⲡⲉⲧϩⲱⲟⲩ .	Ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲱⲧⲉⲛ ⲉⲩⲙⲏⲓⲛⲓ ϫⲉ ϯⲛⲁϣⲓⲛⲓ ⲁ̀ⲛⲟⲕ ⲉ̀ⲣⲱⲧⲉⲛ ⲉ̀ϩⲁⲛⲡⲉⲧϩⲱⲟⲩ.	Ouoh fai efèṡōpi nōten evmyini je tinaṡini ànok èrōten èhanpet·hōou.	And this shall be a sign to you, that I will visit you for evil.
51:30	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲁϥϫⲟⲥ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁϯ ⲛ̀ⲟⲩⲁ̀ⲫⲣⲏ ⲡⲟⲩⲣⲟ ⲛ̀ⲧⲉⲭⲏⲙⲓ ⲉ̀ϩ̀ⲣⲏⲓ ⲉ̀ⲛⲉⲛϫⲓϫ ⲛ̀ⲛⲉϥϫⲁϫⲓ ⲛⲉⲙⲛⲉⲛϫⲓϫ ⲛ̀ⲛⲏⲉⲧⲕⲱϯ ⲛ̀ⲥⲁⲧⲉϥⲯⲩⲭⲏ ⲕⲁⲧⲁⲫ̀ⲣⲏϯ ⲉⲧⲁⲓϯ ⲛ̀ⲥⲉⲇⲉⲕⲓⲁⲥ ⲡⲟⲩⲣⲟ ⲛ̀ⲓⲟⲩⲇⲁ ⲉ̀ⲛⲉⲛϫⲓϫ ⲛ̀ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲟⲩⲣⲟ ⲙ̀ⲃⲁⲃⲩⲗⲱⲛ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁϯ ⲛ̀ⲟⲩⲁ̀ⲫⲣⲏ ⲡ̀ⲟⲩⲣⲟ ⲛ̀ⲧⲉ ⲭⲏⲙⲓ ⲉ̀ϩ̀ⲣⲏⲓ ⲉ̀ⲛⲉⲛϫⲓϫ ⲛ̀ⲛⲉϥϫⲁϫⲓ ⲛⲉⲙ ⲛⲉⲛϫⲓϫ ⲛ̀ⲛⲏⲉⲧⲕⲱϯ ⲛ̀ⲥⲁ ⲧⲉϥⲯⲩⲭⲏ ⲕⲁⲧⲁ ⲫ̀ⲣⲏϯ ⲉⲧⲁⲓϯ ⲛ̀ⲥⲉⲇⲉⲕⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ⲉ̀ⲛⲉⲛϫⲓϫ ⲛ̀ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ ⲛ̀ⲃⲁⲃⲩⲗⲱⲛ.	Fai pe ǹf̀ryti ètafgos ǹje p̀ċois je hyppe ànok tinati ǹouàfry p̀ouro ǹte kymi èh̀ryi ènenjig ǹnefgaji nem nenjig ǹnyetkōti ǹsa tefpsiṡy kata f̀ryti etaiti ǹsedekias p̀ouro ǹiouda ènenjig ǹnabouxodonosor p̀ouro ǹbabilōn.	Thus said the Lord; Behold, I will give Uaphres king of Egypt into the hands of his enemy, and into the hands of one that seeks his life; as I gave Sedekias king of Juda into the hands of Nabuchodonosor king of Babylon, his enemy, and who sought his life.
51:31	ⲡⲓⲥⲁϫⲓ ⲉⲧⲁϥⲥⲁϫⲓ ⲙ̀ⲙⲟϥ ⲛ̀ϫⲉⲓⲉⲣⲉⲙⲓⲁⲥ ⲛⲉⲙⲃⲁⲣⲟⲩⲭ ⲡ̀ϣⲏⲣⲓ ⲛ̀ⲛⲏⲣⲓ ϩⲟⲧⲉ ⲉⲧⲁϥⲥ̀ϧⲁⲓ ⲛ̀ⲛⲁⲓⲥⲁϫⲓ ϩⲓⲡⲓϫⲱⲙ ⲉ̀ⲃⲟⲗϧⲉⲛ ⲣⲱϥ ⲛ̀ⲓⲉⲣⲉⲙⲓⲁⲥ ⲛ̀ϩ̀ⲣⲏⲓ ϧⲉⲛϯⲙⲁϩⲇ̅ ⲛ̀ⲣⲟⲙⲡⲓ ⲛ̀ⲧⲉⲓⲱⲁⲕⲓⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲡⲟⲩⲣⲟ ⲛ̀ⲓⲟⲩⲇⲁ .	Ⲡⲓⲥⲁϫⲓ ⲉⲧⲁϥⲥⲁϫⲓ ⲙ̀ⲙⲟϥ ⲛ̀ϫⲉ ⲓⲉⲣⲉⲙⲓⲁⲥ ⲛⲉⲙ ⲃⲁⲣⲟⲩⲭ ⲡ̀ϣⲏⲣⲓ ⲛ̀ⲛⲏⲣⲓ ϩⲟⲧⲉ ⲉ̀ⲧⲁϥⲥ̀ϧⲁⲓ ⲛ̀ⲛⲁⲓⲥⲁϫⲓ ϩⲓ ⲡⲓϫⲱⲙ ⲉ̀ⲃⲟⲗ ϧⲉⲛ ⲣⲱϥ ⲛ̀ⲓⲉⲣⲉⲙⲓⲁⲥ ⲛ̀ϩ̀ⲣⲏⲓ ϧⲉⲛ ϯⲙⲁϩ4 ⲛ̀ⲣⲟⲙⲡⲓ ⲛ̀ⲧⲉ ⲓⲱⲁⲕⲓⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ.	Pisaji etafsaji m̀mof ǹje ieremias nem baroux p̀ṡyri ǹnyri hote ètafs̀xai ǹnaisaji hi pigōm èvol xen rōf ǹieremias ǹh̀ryi xen timah4 ǹrompi ǹte iōakim p̀ṡyri ǹiōsias p̀ouro ǹiouda.	THE WORD WHICH JEREMIAS THE PROPHET spoke to Baruch son of Nerias, when he wrote these words in the book from the mouth of Jeremias, in the fourth year of Joakim the son of Josias king of Juda.
51:32	ⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ⲉ̀ϩ̀ⲣⲏⲓ ⲉ̀ϫⲱⲕ ⲃⲁⲣⲟⲩⲭ .	Ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ⲉ̀ϩ̀ⲣⲏⲓ ⲉ̀ϫⲱⲕ ⲃⲁⲣⲟⲩⲭ.	Pairyti afgos ǹje p̀ċois èh̀ryi ègōk baroux.	Thus has the Lord said to thee, O Baruch.
51:33	ϫⲉⲁⲕϫⲟⲥ ϫⲉⲟⲩⲟⲓ ⲛⲏⲓ ⲟⲩⲟⲓ ⲛⲏⲓ ϫⲉⲡϭ̅ⲥ̅ ⲁϥⲧⲟⲩϩⲉ ϧⲓⲥⲓ ⲉ̀ϫⲉⲛⲡⲁⲙ̀ⲕⲁϩ ⲁⲓⲉⲛⲕⲟⲧ ϧⲉⲛϩⲁⲛϥⲓⲁ̀ϩⲟⲙ ⲙ̀ⲡⲓϫⲓⲙⲓ ⲛ̀ⲟⲩⲙ̀ⲧⲟⲛ .	Ϫⲉ ⲁⲕϫⲟⲥ ϫⲉ ⲟⲩⲟⲓ ⲛⲏⲓ ⲟⲩⲟⲓ ⲛⲏⲓ ϫⲉ ⲡ̀ϭⲟⲓⲥ ⲁϥⲧⲟⲩϩⲉ ϧⲓⲥⲓ ⲉ̀ϫⲉⲛ ⲡⲁⲙ̀ⲕⲁϩ ⲁⲓⲉⲛⲕⲟⲧ ϧⲉⲛ ϩⲁⲛϥⲓⲁ̀ϩⲟⲙ ⲙ̀ⲡⲓϫⲓⲙⲓ ⲛ̀ⲟⲩⲙ̀ⲧⲟⲛ.	Je akgos je ouoi nyi ouoi nyi je p̀ċois aftouhe xisi èjen pam̀kah aienkot xen hanfiàhom m̀pijimi ǹoum̀ton.	Whereas thou hast said, Alas! alas! for the Lord has laid a grievous trouble upon me; I lay down in groaning, I found no rest;
51:34	ⲁϫⲟⲥ ⲛⲁϥ ϫⲉⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ⲛⲏⲉⲧⲁⲓⲕⲟⲧⲟⲩ ϯⲛⲁⲟⲩⲟϫⲡⲟⲩ ⲟⲩⲟϩ ⲛⲏ ⲁ̀ⲛⲟⲕ ⲉⲧⲁⲓⲧ̀ϭⲱⲟⲩ ⲉⲓⲉ̀ϥⲟϫⲟⲩ .	Ⲁ̀ϫⲟⲥ ⲛⲁϥ ϫⲉ ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ⲛⲏⲉⲧⲁⲓⲕⲟⲧⲟⲩ ϯⲛⲁⲟⲩⲟϫⲡⲟⲩ ⲟⲩⲟϩ ⲛⲏ ⲁ̀ⲛⲟⲕ ⲉⲧⲁⲓⲧ̀ϭⲱⲟⲩ ⲉⲓⲉ̀ϥⲟϫⲟⲩ.	Àgos naf je pairyti afgos ǹje p̀ċois je hyppe ànok nyetaikotou tinaouogpou ouoh ny ànok etait̀ċōou eièfogou.	say thou to him, Thus saith the Lord; Behold, I pull down those whom I have built up, and I pluck up those whom I have planted.
51:35	ⲟⲩⲟϩ ⲛ̀ⲑⲟⲕ ⲁⲕⲕⲱϯ ⲛ̀ⲥⲁϩⲁⲛⲛⲓϣϯ ⲛⲁⲕ ⲙ̀ⲡⲉⲣⲕⲱϯ ⲟⲩⲛ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲛⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲉⲛⲥⲁⲣⲝ ⲛⲓⲃⲉⲛ ⲡⲉϫⲉ ⲡϭ̅ⲥ̅ ⲟⲩⲟϩ ⲉⲓⲉ̀ϯ ⲛ̀ⲧⲉⲕⲯⲩⲭⲏ ⲉⲩϫⲓⲙⲓ ϧⲉⲛⲙⲁⲓ ⲛⲓⲃⲉⲛ ⲉⲧⲉⲕⲛⲁϣⲉⲛⲁⲕ ⲉ̀ϧⲟⲩⲛ ⲉ̀ⲣⲱⲟⲩ .	Ⲟⲩⲟϩ ⲛ̀ⲑⲟⲕ ⲁⲕⲕⲱϯ ⲛ̀ⲥⲁ ϩⲁⲛⲛⲓϣϯ ⲛⲁⲕ ⲙ̀ⲡⲉⲣⲕⲱϯ ⲟⲩⲛ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲛⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲉ ⲛ̀ⲥⲁⲣⲝ ⲛⲓⲃⲉⲛ ⲡⲉϫⲉ ⲡ̀ϭⲟⲓⲥ ⲟⲩⲟϩ ⲉⲓⲉ̀ϯ ⲛ̀ⲧⲉⲕⲯⲩⲭⲏ ⲉⲩϫⲓⲙⲓ ϧⲉⲛ ⲙⲁⲓ ⲛⲓⲃⲉⲛ ⲉ̀ⲧⲉ ⲭ̀ⲛⲁϣⲉⲛⲁⲕ ⲉ̀ϧⲟⲩⲛ ⲉ̀ⲣⲱⲟⲩ.	Ouoh ǹθok akkōti ǹsa hanniṡti nak m̀perkōti oun je hyppe ànok tinaìni ǹhanpet·hōou èh̀ryi èje ǹsarks niven peje p̀ċois ouoh eièti ǹtekpsiṡy evjimi xen mai niven ète k̀naṡenak èxoun èrōou.	And wilt thou seek great things for thyself? seek them not: for, behold, I bring evil upon all flesh, saith the Lord: but I will give to thee thy life for a spoil in every place whither thou shalt go.

Provenance

title: 24_Ieremias_51
dialect: bohairic
source: Coptic SCRIPTORIUM corpus "bohairic.ot", document 24_Ieremias_51
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_51 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/51.bohairic.scriptorium.L0.txt
title: 24_Ieremias_51 — Cairene
dialect: bohairic
source: generated from 51.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_51)
licence: CC BY-SA 4.0
share: attribution
attribution: 24_Ieremias_51 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/51.bohairic.scriptorium.L1.txt
title: 24_Ieremias_51 — Kemetic
dialect: bohairic
source: generated from 51.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_51 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/51.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 35 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_51 (35 lines)

Cite as:

24_Ieremias_51. Coptic SCRIPTORIUM corpus "bohairic.ot", document 24_Ieremias_51. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/51.bohairic.scriptorium/. 24_Ieremias_51 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.