18_Iob_31 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 18_Iob_31

Attribution: 18_Iob_31 from Coptic SCRIPTORIUM (https://copticscriptorium.org), corpus bohairic.ot, document 18_Iob_31, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

40 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
31:1	ⲁⲓⲥⲉⲙⲛⲓ ⲛ̀ⲟⲩⲇⲓⲁⲑⲏⲕⲏ ⲛ̀ⲛⲁⲃⲁⲗ : ⲟⲩⲟϩ ⲛ̀ⲛⲁⲕⲁϯ ⲉ̀ϫⲉⲛϩⲁⲛⲡⲁⲣⲑⲉⲛⲟⲥ .	ⲁⲓⲥⲉⲙⲛⲓ ⲛ̀ⲟⲩⲇⲓⲁⲑⲏⲕⲏ ⲛ̀ⲧⲉ ⲛⲁⲃⲁⲗ: ⲟⲩⲟϩ ⲛ̀ⲛⲁⲕⲁϯ ⲉ̀ϫⲉⲛ ϩⲁⲛⲡⲁⲣⲑⲉⲛⲟⲥ.	aisemni ǹouḋiaθyky ǹte naval: ouoh ǹnakati èjen hanparθenos.	I made a covenant with mine eyes, and I will not think upon a virgin.
31:2	ⲟⲩ ⲡⲉ ⲉⲧⲁ ⲡϭ̅ⲥ̅ ⲑⲁϣϥ ⲉ̀ⲃⲟⲗ ⲙ̀ⲡ̀ϣⲱⲓ : ⲟⲩⲟϩ ϯⲕⲗⲏⲣⲟⲛⲟⲙⲓⲁ ⲛ̀ⲧⲉⲡⲓϩⲩⲕⲁⲛⲟⲟⲩⲉ̀ⲃⲟⲗϧⲉⲛ ⲛⲏⲉⲧϭⲟⲥⲓ ⲧⲉ .	Ⲟⲩ ⲡⲉ ⲉ̀ⲧⲁ ⲡ̀ϭⲟⲓⲥ ⲑⲁϣϥ ⲉ̀ⲃⲟⲗ ⲛ̀ⲡ̀ϣⲱⲓ: ⲟⲩⲟϩ ϯⲕ̀ⲗⲏⲣⲟⲛⲟⲙⲓⲁ ⲛ̀ⲧⲉ ⲡⲓϩⲩⲕⲁⲛⲟⲟⲩⲉ̀ⲃⲟⲗϧⲉⲛ ⲛⲏⲉⲧϭⲟⲥⲓ ⲧⲉ.	Ou pe èta p̀ċois θaṡf èvol ǹp̀ṡōi: ouoh tik̀lyronomia ǹte pihikanoouèvolxen nyetċosi te.	Now what portion has God given from above? and is there an inheritance given of the Mighty One from the highest?
31:3	ⲟⲩⲟⲩⲟⲓ ⲛⲉⲙⲟⲩⲧⲁⲕⲟ ⲛ̀ⲧⲉⲡⲓⲣⲉϥϭⲓⲛ̀ϫⲟⲛⲥ ⲛⲉⲙⲟⲩⲙⲉⲧϣⲉⲙⲙⲟ ⲛ̀ⲛⲏⲉⲧⲉⲣϩⲱⲃ ⲉ̀ϯⲁ̀ⲛⲟⲙⲓⲁ .	Ⲟⲩⲟⲩⲟⲓ ⲛⲉⲙ ⲟⲩⲧⲁⲕⲟ ⲛ̀ⲧⲉ ⲡⲓⲣⲉϥϭⲓⲛ̀ϫⲟⲛⲥ ⲛⲉⲙ ⲟⲩⲙⲉⲧϣⲉⲙⲙⲟ ⲛ̀ⲛⲏⲉⲧⲉⲣϩⲱⲃ ⲉ̀ϯⲁ̀ⲛⲟⲙⲓⲁ.	Ououoi nem outako ǹte pirefċiǹgons nem oumetṡemmo ǹnyeterhōb ètiànomia.	Alas! destruction to the unrighteous, and rejection to them that do iniquity.
31:4	ⲙⲏ ⲛ̀ⲑⲟⲕ ⲁⲛ ⲉⲑⲛⲁⲛⲁⲩ ⲉ̀ⲛⲁⲙⲱⲓⲧ: ⲟⲩⲟϩ ⲉⲑⲛⲁϭⲓⲏ̀ⲡⲓ ⲛ̀ⲛⲁϣⲉⲛⲧⲁⲧⲥⲓ ⲧⲏⲣⲟⲩ .	Ⲙⲏ ⲛ̀ⲑⲟⲕ ⲁⲛ ⲉⲑⲛⲁⲛⲁⲩ ⲉ̀ⲛⲁⲙⲱⲓⲧ: ⲟⲩⲟϩ ⲉⲑⲛⲁϭⲓⲏ̀ⲡⲓ ⲛ̀ⲛⲁϣⲉⲛⲧⲁⲧⲥⲓ ⲧⲏⲣⲟⲩ.	My ǹθok an eθnanav ènamōit: ouoh eθnaċiỳpi ǹnaṡentatsi tyrou.	Will he not see my way, and number all my steps?
31:5	ⲓⲥϫⲉ ⲇⲉ ⲁⲓⲙⲟϣⲓ ⲛⲉⲙϩⲁⲛⲣⲉϥⲥⲱⲃⲓ : ⲓⲥϫⲉ ⲁⲥⲓⲏⲥ ⲛ̀ϫⲉⲧⲁⲫⲁⲧ ⲉ̀ⲟⲩⲭ̀ⲣⲟϥ .	Ⲓⲥϫⲉ ⲇⲉ ⲁⲓⲙⲟϣⲓ ⲛⲉⲙ ϩⲁⲛⲣⲉϥⲥⲱⲃⲓ: ⲓⲥϫⲉ ⲁⲥⲓⲏⲥ ⲛ̀ϫⲉ ⲧⲁⲫⲁⲧ ⲉ̀ⲟⲩⲭ̀ⲣⲟϥ.	Isje ḋe aimoṡi nem hanrefsōvi: isje asiys ǹje tafat èouk̀rof.	But if I had gone with scorners, and if too my foot has hasted to deceit:
31:6	ⲁⲓⲟ̀ϩⲓ ⲅⲁⲣ ⲉ̀ⲣⲁⲧϧⲉⲛⲟⲩϣⲓ ⲛ̀ⲑ̀ⲙⲏⲓ : ϥ̀ⲥⲱⲟⲩⲛ ⲇⲉ ⲛ̀ϫⲉⲡϭ̅ⲥ̅ ⲛ̀ⲧⲁⲙⲉⲧⲁⲧⲕⲁⲕⲓⲁ .	Ⲁⲓⲟ̀ϩⲓ ⲅⲁⲣ ⲉ̀ⲣⲁⲧϧⲉⲛ ⲟⲩϣⲓ ⲛ̀ⲧⲉ ⲑ̀ⲙⲏⲓ: ϥ̀ⲥⲱⲟⲩⲛ ⲇⲉ ⲛ̀ϫⲉ ⲡ̀ϭⲟⲓⲥ ⲛ̀ⲧⲁⲙⲉⲧⲁⲧⲕⲁⲕⲓⲁ.	Aiòhi ġar èratxen ouṡi ǹte θ̀myi: f̀sōoun ḋe ǹje p̀ċois ǹtametatkakia.	(for I am weighed in a just balance, and the Lord knows my innocence:)
31:7	ⲓⲥϫⲉ ⲁⲥⲣⲓⲕⲓ ⲛ̀ϫⲉⲧⲁⲫⲁⲧ ⲉ̀ⲃⲟⲗϩⲓ ⲡⲉϥⲙⲱⲓⲧ : ⲓⲥϫⲉ ⲇⲉ ⲁ̀ ⲡⲁϩⲏⲧ ⲟⲩⲁϩϥ ⲛ̀ⲥⲁⲡⲁⲃⲁⲗ: ⲓⲥϫⲉ ⲁⲓϭⲟϩ ⲉ̀ⲇⲱⲣⲟⲛ ϧⲉⲛⲛⲁϫⲓϫ .	Ⲓⲥϫⲉ ⲁⲥⲣⲓⲕⲓ ⲛ̀ϫⲉ ⲧⲁⲫⲁⲧ ⲉ̀ⲃⲟⲗ ϩⲓ ⲡⲉϥⲙⲱⲓⲧ: ⲓⲥϫⲉ ⲇⲉ ⲁ̀ ⲡⲁϩⲏⲧ ⲟⲩⲁϩϥ ⲛ̀ⲥⲁⲡⲁⲃⲁⲗ: ⲓⲥϫⲉ ⲁⲓϭⲟϩ ⲉ̀ⲇⲱⲣⲟⲛ ϧⲉⲛ ⲛⲁϫⲓϫ.	Isje asriki ǹje tafat èvol hi pefmōit: isje ḋe à pahyt ouahf ǹsapaval: isje aiċoh èḋōron xen najig.	if my foot has turned aside out of the way, or if mine heart has followed mine eye, and if too I have touched gifts with my hands;
31:8	ⲓⲉ ⲉⲓⲉ̀ϭⲟ ⲁ̀ⲛⲟⲕ ⲟⲩⲟϩ ⲛ̀ⲧⲉϩⲁⲛⲕⲉⲭⲱⲟⲩⲛⲓ ⲟⲩⲟⲙⲟⲩ : ⲉⲓⲉ̀ⲉⲣⲁⲑⲛⲟⲩⲛⲓ ⲇⲉ ϩⲓϫⲉⲛⲡⲓⲕⲁϩⲓ .	Ⲓⲉ ⲉⲓⲉ̀ϭⲟ ⲁ̀ⲛⲟⲕ ⲟⲩⲟϩ ⲛ̀ⲧⲉ ϩⲁⲛⲕⲉⲭⲱⲟⲩⲛⲓ ⲟⲩⲟⲙⲟⲩ: ⲉⲓⲉ̀ⲉⲣⲁⲑⲛⲟⲩⲛⲓ ⲇⲉ ϩⲓϫⲉⲛ ⲡⲓⲕⲁϩⲓ.	Ie eièċo ànok ouoh ǹte hankekōouni ouomou: eièeraθnouni ḋe hijen pikahi.	then let me sow, and let others eat; and let me be uprooted on the earth.
31:9	ⲓⲥϫⲉ ⲇⲉ ⲁ ⲡⲁϩⲏⲧ ⲣⲓⲕⲓ ⲛ̀ⲥⲁⲧ̀ⲥ̀ϩⲓⲙⲓ ⲛ̀ⲕⲉⲟⲩⲁⲓ : ⲓⲥϫⲉ ⲁⲓϩⲉⲙⲥⲓ ϩⲓⲣⲉⲛⲛⲉⲥⲣⲱⲟⲩ .	Ⲓⲥϫⲉ ⲇⲉ ⲁ ⲡⲁϩⲏⲧ ⲣⲓⲕⲓ ⲛ̀ⲥⲁ ⲧ̀ⲥ̀ϩⲓⲙⲓ ⲛ̀ⲕⲉⲟⲩⲁⲓ: ⲓⲥϫⲉ ⲁⲓϩⲉⲙⲥⲓ ϩⲓⲣⲉⲛⲛⲉⲥⲣⲱⲟⲩ.	Isje ḋe a pahyt riki ǹsa t̀s̀·himi ǹkeouai: isje aihemsi hirennesrōou.	If my heart has gone forth after another man's wife, and if I laid wait at her doors;
31:10	ⲓⲉ ϩⲁⲣⲁ ⲉⲣⲉⲧⲁⲥ̀ϩⲓⲙⲓ ϩⲱ ⲣⲁⲛⲁϥ ⲛ̀ⲕⲉⲟⲩⲁⲓ : ⲟⲩⲟϩ ⲛⲁⲕⲟⲩϫⲓ ⲛ̀ⲁ̀ⲗⲱⲟⲩⲓ̀ ⲉⲩⲉ̀ϯⲕⲉϩ ⲛⲱⲟⲩ .	Ⲓⲉ ϩⲁⲣⲁ ⲉ̀ⲣⲉⲧⲁⲥ̀ϩⲓⲙⲓ ϩⲱ ⲣⲁⲛⲁϥ ⲛ̀ⲕⲉⲟⲩⲁⲓ: ⲟⲩⲟϩ ⲛⲁⲕⲟⲩϫⲓ ⲛ̀ⲁ̀ⲗⲱⲟⲩⲓ̀ ⲉⲩⲉ̀ϯⲕⲉϩ ⲛⲱⲟⲩ.	Ie hara èretas̀·himi hō ranaf ǹkeouai: ouoh nakouji ǹàlōouì evètikeh nōou.	then let my wife also please another, and let my children be brought low.
31:11	ⲟⲩϫⲱⲛⲧ ⲅⲁⲣ ⲛ̀ⲧⲉⲟⲩⲙ̀ⲃⲟⲛ ⲛ̀ⲁⲧⲁ̀ⲙⲟⲛⲓ ⲙ̀ⲙⲟϥ ⲡⲉ ⲉ̀ⲥⲱϥ ⲉ̀ⲧ̀ⲥ̀ϩⲓⲙⲓ ⲛ̀ⲟⲩⲣⲱⲙⲓ .	Ⲟⲩϫⲱⲛⲧ ⲅⲁⲣ ⲛ̀ⲧⲉ ⲟⲩⲙ̀ⲃⲟⲛ ⲛ̀ⲁⲧⲁ̀ⲙⲟⲛⲓ ⲙ̀ⲙⲟϥ ⲡⲉ ⲉ̀ⲥⲱϥ ⲉ̀ⲧ̀ⲥ̀ϩⲓⲙⲓ ⲛ̀ⲟⲩⲣⲱⲙⲓ.	Ougōnt ġar ǹte oum̀von ǹatàmoni m̀mof pe èsōf èt̀s̀·himi ǹourōmi.	For the rage of anger is not to be controlled, in the case of defiling another man's wife.
31:12	ⲟⲩⲭ̀ⲣⲱⲙ ⲅⲁⲣ ⲉϥⲟⲩⲱⲙ ⲡⲉ ⲥⲁⲥⲁ ⲛⲓⲃⲉⲛ: ⲫ̀ⲙⲁ ⲅⲁⲣ ⲉ̀ϣⲁϥϩⲉⲓ ⲉ̀ϫⲱϥ ϣⲁϥⲧⲁⲕⲟϥ ⲛⲉⲙⲛⲉϥⲛⲟⲩⲛⲓ .	Ⲟⲩⲭ̀ⲣⲱⲙ ⲅⲁⲣ ⲉϥⲟⲩⲱⲙ ⲡⲉ ⲥⲁⲥⲁ ⲛⲓⲃⲉⲛ: ⲫ̀ⲙⲁ ⲅⲁⲣ ⲉ̀ϣⲁϥϩⲉⲓ ⲉ̀ϫⲱϥ ϣⲁϥⲧⲁⲕⲟϥ ⲛⲉⲙ ⲛⲉϥⲛⲟⲩⲛⲓ.	Ouk̀rōm ġar efouōm pe sasa niven: f̀ma ġar èṡafhei ègōf ṡaftakof nem nefnouni.	For it is a fire burning on every side, and whomsoever it attacks, it utterly destroys.
31:13	ⲓⲥϫⲉ ⲇⲉ ⲁⲓⲕⲉⲗϫ ⲡ̀ϩⲁⲡ ⲛ̀ⲟⲩⲃⲱⲕ ⲛ̀ⲧⲏⲓ ⲓⲉ ⲟⲩⲃⲱⲕⲓ : ⲉϥⲉ̀ϭⲓϩⲁⲡ ⲟⲩⲃⲏⲓ .	Ⲓⲥϫⲉ ⲇⲉ ⲁⲓⲕⲉⲗϫ ⲡ̀ϩⲁⲡ ⲛ̀ⲟⲩⲃⲱⲕ ⲛ̀ⲧⲏⲓ ⲓⲉ ⲟⲩⲃⲱⲕⲓ: ⲉϥⲉ̀ϭⲓϩⲁⲡ ⲟⲩⲃⲏⲓ.	Isje ḋe aikelg p̀hap ǹouvōk ǹtyi ie ouvōki: efèċihap ouvyi.	And if too I despised the judgment of my servant or my handmaid, when they pleaded with me;
31:14	ⲟⲩ ⲅⲁⲣ ⲡⲉ ⲉ̀ϯⲛⲁⲁⲓϥ ⲉϣⲱⲡ ⲁϥϣⲁⲛϣⲉⲛⲧ ⲛ̀ϫⲉⲡϭ̅ⲥ̅ : ⲓⲉ ⲁⲓⲛⲁⲟⲩⲟϩⲉⲙ ⲛⲁϥ ⲛ̀ⲁϣ ⲛ̀ⲣⲏϯ ⲉϣⲱⲡ ⲁϥϣⲁⲛϫⲉⲙⲡⲁϣⲓⲛⲓ .	Ⲟⲩ ⲅⲁⲣ ⲡⲉ ⲉ̀ⲓⲛⲁⲁⲓϥ ⲉϣⲱⲡ ⲁϥϣⲁⲛϣⲉⲛⲧ ⲛ̀ϫⲉ ⲡ̀ϭⲟⲓⲥ: ⲓⲉ ⲁⲓⲛⲁⲟⲩⲟϩⲉⲙ ⲛⲁϥ ⲛ̀ⲁϣ ⲛ̀ⲣⲏϯ ⲉϣⲱⲡ ⲁϥϣⲁⲛϫⲉⲙⲡⲁϣⲓⲛⲓ.	Ou ġar pe èinaaif eṡōp afṡanṡent ǹje p̀ċois: ie ainaouohem naf ǹaṡ ǹryti eṡōp afṡanjempaṡini.	what then shall I do if the Lord should try me? and if also he should at all visit me, can I make an answer?
31:15	ⲙⲏ ⲙ̀ⲫ̀ⲣⲏϯ ⲁⲛ ⲉⲧⲁⲓϣⲱⲡⲓ ϧⲉⲛⲑ̀ⲛⲉϫⲓ ⲁⲩϣⲱⲡⲓ ϩⲱⲟⲩ : ⲉⲧⲁⲛϣⲱⲡⲓ ⲇⲉ ⲉⲩⲥⲟⲡ ϧⲉⲛⲧⲁⲓⲛⲉϫⲓ ⲣⲱ .	Ⲙⲏ ⲛ̀ⲫ̀ⲣⲏϯ ⲁⲛ ⲉ̀ⲧⲁⲓ̀ϣⲱⲡⲓ ϧⲉⲛ ⲑ̀ⲛⲉϫⲓ ⲁⲩϣⲱⲡⲓ ϩⲱⲟⲩ: ⲉⲧⲁⲛϣⲱⲡⲓ ⲇⲉ ⲉⲩⲥⲟⲡ ϧⲉⲛ ⲧⲁⲓⲛⲉϫⲓ ⲣⲱ.	My ǹf̀ryti an ètaìṡōpi xen θ̀neji avṡōpi hōou: etanṡōpi ḋe evsop xen taineji rō.	Were not they too formed as I also was formed in the womb? yea, we were formed in the same womb.
31:16	ⲛⲓⲁⲧϫⲟⲙ ⲇⲉ ⲙ̀ⲡⲁⲓⲧⲁⲥⲑⲱⲟⲩ ⲉ̀ⲃⲟⲗ ⲉϣⲱⲡ ⲛ̀ⲧⲟⲩⲉⲣⲭ̀ⲣⲓⲁ : ⲫ̀ⲃⲁⲗ ⲇⲉ ⲛ̀ⲧⲉⲟⲩⲭⲏⲣⲁ ⲙ̀ⲡⲁⲓⲡⲁⲓϯⲙ̀ⲕⲁϩ ⲛⲁϥ .	Ⲛⲓⲁⲧϫⲟⲙ ⲇⲉ ⲙ̀ⲡⲁⲓⲧⲁⲥⲑⲱⲟⲩ ⲉ̀ⲃⲟⲗ ⲉϣⲱⲡ ⲛ̀ⲧⲟⲩⲉⲣⲭ̀ⲣⲓⲁ: ⲫ̀ⲃⲁⲗ ⲇⲉ ⲛ̀ⲧⲉ ⲟⲩⲭⲏⲣⲁ ⲙ̀ⲡⲁⲓⲡⲁⲓϯⲙ̀ⲕⲁϩ ⲛⲁϥ.	Niatgom ḋe m̀paitasθōou èvol eṡōp ǹtouerx̀ria: f̀val ḋe ǹte ouṡyra m̀paipaitim̀kah naf.	But the helpless missed not whatever need they had, and I did not cause the eye of the widow to fail.
31:17	ⲓⲥϫⲉ ⲁⲓⲟⲩⲱⲙ ⲙ̀ⲡⲁⲱⲓⲕ ⲙ̀ⲙⲁⲩⲁⲧ ⲙ̀ⲡⲓϯ ⲛ̀ⲟⲩⲟⲣⲫⲁⲛⲟⲥ ⲉ̀ⲃⲟⲗ ⲙ̀ⲙⲟϥ .	Ⲓⲥϫⲉ ⲁⲓⲟⲩⲱⲙ ⲛ̀ⲡⲁⲱⲓⲕ ⲙ̀ⲙⲁⲩⲁⲧ ⲛ̀ⲡⲓϯ ⲛ̀ⲟⲩⲟⲣⲫⲁⲛⲟⲥ ⲉ̀ⲃⲟⲗ ⲙ̀ⲙⲟϥ.	Isje aiouōm ǹpaōik m̀mavat ǹpiti ǹouorfanos èvol m̀mof.	And if too I ate my morsel alone, and did not impart of it to the orphan;
31:18	ⲓⲥϫⲉ ⲇⲉ ⲓⲥϫⲉⲛ ⲧⲁⲙⲉⲧⲁ̀ⲗⲟⲩ ⲛⲁⲓϣⲁⲛϣ ⲙ̀ⲫ̀ⲣⲏϯ ⲛ̀ⲟⲩⲓⲱⲧ : ⲟⲩⲟϩ ⲓⲥϫⲉⲛ ⲉⲓϧⲉⲛ ⲑ̀ⲛⲉϫⲓ ⲛ̀ⲧⲉⲧⲁⲙⲁⲩ ⲛⲁⲓϭⲓⲙⲱⲓⲧ .	Ⲓⲥϫⲉ ⲇⲉ ⲓⲥϫⲉⲛ ⲧⲁⲙⲉⲧⲁ̀ⲗⲟⲩ ⲛⲁⲓϣⲁⲛϣ ⲛ̀ⲫ̀ⲣⲏϯ ⲛ̀ⲟⲩⲓⲱⲧ: ⲟⲩⲟϩ ⲓⲥϫⲉⲛ ⲉⲓ ϧⲉⲛ ⲑ̀ⲛⲉϫⲓ ⲛ̀ⲧⲉ ⲧⲁⲙⲁⲩ ⲛⲁⲓϭⲓⲙⲱⲓⲧ.	Isje ḋe isjen tametàlou naiṡanṡ ǹf̀ryti ǹouiōt: ouoh isjen ei xen θ̀neji ǹte tamav naiċimōit.	(for I nourished them as a father from my youth and guided them from my mother's womb.)
31:19	ⲓⲥϫⲉ ⲇⲉ ⲁⲓⲛⲁⲩ ⲉ̀ⲟⲩⲁⲓ ⲉϥⲃⲏϣ ⲉϥⲛⲁⲧⲁⲕⲟ ⲟⲩⲟϩ ⲙ̀ⲡⲓϩⲟⲃⲥϥ .	Ⲓⲥϫⲉ ⲇⲉ ⲁⲓⲛⲁⲩ ⲉ̀ⲟⲩⲁⲓ ⲉϥⲃⲏϣ ⲉϥⲛⲁⲧⲁⲕⲟ ⲟⲩⲟϩ ⲙ̀ⲡⲓϩⲟⲃⲥϥ.	Isje ḋe ainav èouai efvyṡ efnatako ouoh m̀pihovsf.	And if too I overlooked the naked as he was perishing, and did not clothe him;
31:20	ⲛⲓⲁⲧϫⲟⲙ ⲇⲉ ⲓⲥϫⲉ ⲙ̀ⲡⲟⲩⲥ̀ⲙⲟⲩ ⲉ̀ⲣⲟⲓ : ⲁⲩϧ̀ⲙⲟⲙ ⲅⲁⲣ ⲛ̀ϫⲉⲟⲩϫ̀ⲫⲟⲓ ⲉ̀ⲃⲟⲗϧⲉⲛ ⲛⲓϧⲱⲕ ⲛ̀ⲧⲉⲛⲁϩⲓⲏⲃ .	Ⲛⲓⲁⲧϫⲟⲙ ⲇⲉ ⲓⲥϫⲉ ⲙ̀ⲡⲟⲩⲥ̀ⲙⲟⲩ ⲉ̀ⲣⲟⲓ: ⲁⲩϧ̀ⲙⲟⲙ ⲅⲁⲣ ⲛ̀ϫⲉ ⲟⲩϫ̀ⲫⲟⲓ ⲉ̀ⲃⲟⲗ ϧⲉⲛ ⲛⲓϧⲱⲕ ⲛ̀ⲧⲉ ⲛⲁϩⲓⲏⲃ.	Niatgom ḋe isje m̀pous̀mou èroi: avx̀mom ġar ǹje oug̀foi èvol xen nixōk ǹte nahiyb.	and if the poor did not bless me, and their shoulders were not warmed with the fleece of my lambs;
31:21	ⲓⲥϫⲉ ⲁⲓϥⲓⲧⲟⲧ ⲉ̀ϫⲉⲛⲟⲩⲟⲣⲫⲁⲛⲟⲥ ⲉⲣⲉϩ̀ⲑⲏⲓ ϫⲟⲣ ϫⲉⲟⲩⲟⲛ ⲟⲩⲛⲓϣϯ ⲙ̀ⲃⲟⲏ̀ⲑⲓⲁ ϣⲟⲡ ⲛⲏⲓ .	Ⲓⲥϫⲉ ⲁⲓϥⲓⲧⲟⲧ ⲉ̀ϫⲉⲛ ⲟⲩⲟⲣⲫⲁⲛⲟⲥ ⲉ̀ⲣⲉϩ̀ⲑⲏⲓ ϫⲟⲣ ϫⲉ ⲟⲩⲟⲛ ⲟⲩⲛⲓϣϯ ⲛ̀ⲃⲟⲏ̀ⲑⲓⲁ ϣⲟⲡ ⲛⲏⲓ.	Isje aifitot èjen ouorfanos èreh̀θyi gor je ouon ouniṡti ǹboỳθia ṡop nyi.	if I lifted my hand against an orphan, trusting that my strength was far superior to his:
31:22	ⲓⲉ ϩⲁⲣⲁ ⲉⲣⲉⲡⲁϣⲱⲃϣ ϩⲉⲓ ⲉ̀ⲃⲟⲗϧⲉⲛ ⲧⲉϥⲕⲉⲗⲓ : ⲟⲩⲟϩ ⲡⲁϫ̀ⲫⲟⲓ ⲉϥⲉ̀ϧⲟⲙϧⲉⲙ ⲉ̀ⲃⲟⲗϧⲉⲛ ⲡⲉϥⲕⲁⲗⲁⲛⲕⲉϩ .	Ⲓⲉ ϩⲁⲣⲁ ⲉ̀ⲣⲉⲡⲁϣⲱⲃϣ ϩⲉⲓ ⲉ̀ⲃⲟⲗ ϧⲉⲛ ⲧⲉϥⲕⲉⲗⲓ: ⲟⲩⲟϩ ⲡⲁϫ̀ⲫⲟⲓ ⲉϥⲉ̀ϧⲟⲙϧⲉⲙ ⲉ̀ⲃⲟⲗ ϧⲉⲛ ⲡⲉϥⲕⲁⲗⲁⲛⲕⲉϩ.	Ie hara èrepaṡōvṡ hei èvol xen tefkeli: ouoh pag̀foi efèxomxem èvol xen pefkalankeh.	let them my shoulder start from the blade-bone, and my arm be crushed off from the elbow.
31:23	ϯϩⲟϯ ⲅⲁⲣ ⲛ̀ⲧⲉⲡϭ̅ⲥ̅ ⲁⲥⲁ̀ⲙⲟⲛⲓ ⲙ̀ⲙⲟⲓ : ⲟⲩⲟϩ ⲛ̀ⲛⲁϣⲱⲡ ⲉ̀ⲣⲟⲓ ⲉ̀ⲃⲟⲗϩⲁ ⲡⲉϥⲗⲩⲙⲙⲁ .	Ϯϩⲟϯ ⲅⲁⲣ ⲛ̀ⲧⲉ ⲡ̀ϭⲟⲓⲥ ⲁⲥⲁ̀ⲙⲟⲛⲓ ⲙ̀ⲙⲟⲓ: ⲟⲩⲟϩ ⲛ̀ⲛⲁϣⲱⲡ ⲉ̀ⲣⲟⲓ ⲉ̀ⲃⲟⲗϩⲁ ⲡⲉϥⲗⲩⲙⲙⲁ.	Tihoti ġar ǹte p̀ċois asàmoni m̀moi: ouoh ǹnaṡōp èroi èbolha peflimma.	For the fear of the Lord constrained me, and I cannot bear up by reason of his burden.
31:24	ⲓⲥϫⲉ ⲁⲓⲑⲱϣ ⲛ̀ⲟⲩⲛⲟⲩⲃ ⲉ̀ⲟⲩⲕⲁϩⲓ ⲛ̀ⲧⲏⲓ : ⲓⲥϫⲉ ⲁⲓⲭⲁϩ̀ⲑⲏⲓ ⲉ̀ⲟⲩⲱ̀ⲛⲓ ⲉ̀ⲛⲁϣⲉⲛⲥⲟⲩⲉⲛϥ .	Ⲓⲥϫⲉ ⲁⲓⲑⲱϣ ⲛ̀ⲟⲩⲛⲟⲩⲃ ⲉ̀ⲟⲩⲕⲁϩⲓ ⲛ̀ⲧⲏⲓ: ⲓⲥϫⲉ ⲁⲓⲭⲁϩ̀ⲑⲏⲓ ⲉ̀ⲟⲩⲱ̀ⲛⲓ ⲉ̀ⲛⲁϣⲉⲛⲥⲟⲩⲉⲛϥ.	Isje aiθōṡ ǹounoub èoukahi ǹtyi: isje aikah̀θyi èouṑni ènaṡensouenf.	If I made gold my treasure, and if too I trusted the precious stone;
31:25	ⲓⲥϫⲉ ⲁⲓⲟⲩⲛⲟⲩϥ ⲙ̀ⲙⲟⲓ ⲉⲧⲁ ⲟⲩⲛⲓϣϯ ⲙ̀ⲙⲉⲧⲣⲁⲙⲁⲟ̀ ϣⲱⲡⲓ ⲛⲏⲓ : ⲓⲥϫⲉ ⲁⲓⲣⲁϣⲓ ⲉ̀ϫⲉⲛⲡ̀ϩⲉⲓ ⲙ̀ⲡⲁϫⲁϫⲓ : ⲓⲥϫⲉ ⲁⲓⲫⲱⲣϣ ⲛ̀ⲧⲟⲧⲉ̀ⲃⲟⲗ ⲉ̀ϫⲉⲛϩⲁⲛⲁⲧⲏ̀ⲡⲓ .	Ⲓⲥϫⲉ ⲁⲓⲟⲩⲛⲟⲩϥ ⲙ̀ⲙⲟⲓ ⲉ̀ⲧⲁ ⲟⲩⲛⲓϣϯ ⲛ̀ⲙⲉⲧⲣⲁⲙⲁⲟ̀ ϣⲱⲡⲓ ⲛⲏⲓ: ⲓⲥϫⲉ ⲁⲓⲣⲁϣⲓ ⲉ̀ϫⲉⲛ ⲡ̀ϩⲉⲓ ⲛ̀ⲡⲁϫⲁϫⲓ: ⲓⲥϫⲉ ⲁⲓⲫⲱⲣϣ ⲛ̀ⲧⲟⲧⲉ̀ⲃⲟⲗ ⲉ̀ϫⲉⲛ ϩⲁⲛⲁⲧⲏ̀ⲡⲓ.	Isje aiounouf m̀moi èta ouniṡti ǹmetramaò ṡōpi nyi: isje airaṡi èjen p̀hei ǹpagaji: isje aifōrṡ ǹtotèvol èjen hanatỳpi.	and if too I rejoiced when my wealth was abundant, and if too I laid my hand on innumerable treasures:
31:26	ϣⲁⲛⲧⲉⲛⲛⲁⲩ ⲁⲛ ⲉ̀ⲫ̀ⲣⲏ ⲉⲧⲉⲣⲟⲩⲱⲓⲛⲓ ϫⲉϥ̀ⲕⲏⲛ ⲓⲉ ϥ̀ⲭⲱ ⲛ̀ⲧⲟⲧϥ ⲉ̀ⲃⲟⲗ : ⲟⲩⲟϩ ⲡⲓⲓⲟϩ ϥ̀ⲙⲟⲩⲛⲕ ⲉ̀ⲃⲟⲗ ⲉϩⲛⲱⲟⲩ ⲅⲁⲣ ⲁⲛ ⲡⲉ .	Ϣⲁⲛⲧⲉⲛⲛⲁⲩ ⲁⲛ ⲉ̀ⲫ̀ⲣⲏ ⲉⲧⲉⲣⲟⲩⲱⲓⲛⲓ ϫⲉ ϥ̀ⲕⲏⲛ ⲓⲉ ϥ̀ⲭⲱ ⲛ̀ⲧⲟⲧϥ ⲉ̀ⲃⲟⲗ: ⲟⲩⲟϩ ⲡⲓⲓⲟϩ ϥ̀ⲙⲟⲩⲛⲕ ⲉ̀ⲃⲟⲗ ⲉϩⲛⲱⲟⲩ ⲅⲁⲣ ⲁⲛ ⲡⲉ.	Ṡantennav an èf̀ry eterouōini je f̀kyn ie f̀kō ǹtotf èvol: ouoh piioh f̀mounk èvol ehnōou ġar an pe.	(do we not see the shining sun eclipsed, and the moon waning? for they have not power to continue:)
31:27	ⲟⲩⲟϩ ⲓⲥϫⲉ ⲁⲩⲉⲣϩⲁⲗ ⲙ̀ⲡⲁϩⲁⲧ ϧⲉⲛⲡⲉⲧϩⲏⲡ ⲓⲉ ⲛ̀ϭⲓⲟⲩⲓ̀ : ⲓⲥϫⲉ ⲇⲉ ⲁⲓⲭⲁ ⲧⲁϫⲓϫ ϩⲓⲣⲉⲛⲣⲱⲓ ⲁⲓϯⲫⲓ ⲉ̀ⲣⲟⲥ .	Ⲟⲩⲟϩ ⲓⲥϫⲉ ⲁⲩⲉⲣϩⲁⲗ ⲛ̀ⲡⲁϩⲁⲧ ϧⲉⲛ ⲡⲉⲧϩⲏⲡ ⲓⲉ ⲛ̀ϭⲓⲟⲩⲓ̀: ⲓⲥϫⲉ ⲇⲉ ⲁⲓⲭⲁ ⲧⲁϫⲓϫ ϩⲓⲣⲉⲛⲣⲱⲓ ⲁⲓϯⲫⲓ ⲉ̀ⲣⲟⲥ.	Ouoh isje averhal ǹpahat xen pet·hyp ie ǹċiouì: isje ḋe aika tajig hirenrōi aitifi èros.	and if my heart was secretly deceived, and if I have laid my hand upon my mouth and kissed it:
31:28	ⲟⲩⲟϩ ϩⲁⲣⲁ ⲡⲁⲓⲭⲉⲧ ⲉⲩⲉ̀ⲟⲡϥ ⲛⲏⲓ ⲉ̀ⲟⲩⲛⲓϣϯ ⲛ̀ⲁ̀ⲛⲟⲙⲓⲁ : ϫⲉⲁⲓϫⲉⲙⲉⲑⲛⲟⲩϫ ⲙ̀ⲡⲉⲙ̀ⲑⲟ ⲙ̀ⲡϭ̅ⲥ̅ ⲉⲧϭⲟⲥⲓ .	Ⲟⲩⲟϩ ϩⲁⲣⲁ ⲡⲁⲓⲭⲉⲧ ⲉⲩⲉ̀ⲟⲡϥ ⲛⲏⲓ ⲉ̀ⲟⲩⲛⲓϣϯ ⲛ̀ⲁ̀ⲛⲟⲙⲓⲁ: ϫⲉ ⲁⲓϫⲉ ⲙⲉⲑⲛⲟⲩϫ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲉⲧϭⲟⲥⲓ.	Ouoh hara paiket evèopf nyi èouniṡti ǹànomia: je aije meθnoug ǹpem̀θo ǹp̀ċois etċosi.	let this also then be reckoned to me as the greatest iniquity: for I should have lied against the Lord Most High.
31:29	ⲓⲥϫⲉ ⲁⲓⲣⲁϣⲓ ⲉ̀ϫⲉⲛⲡ̀ϩⲉⲓ ⲙ̀ⲡⲁϫⲁϫⲓ : ⲟⲩⲟϩ ⲁϥϫⲟⲥ ⲛ̀ϫⲉⲡⲁϩⲏⲧ ϫⲉⲕⲁⲗⲱⲥ .	Ⲓⲥϫⲉ ⲁⲓⲣⲁϣⲓ ⲉ̀ϫⲉⲛ ⲡ̀ϩⲉⲓ ⲛ̀ⲡⲁϫⲁϫⲓ: ⲟⲩⲟϩ ⲁϥϫⲟⲥ ⲛ̀ϫⲉ ⲡⲁϩⲏⲧ ϫⲉ ⲕⲁⲗⲱⲥ.	Isje airaṡi èjen p̀hei ǹpagaji: ouoh afgos ǹje pahyt je kalōs.	And if too I was glad at the fall of mine enemies, and mine heart said, Aha!
31:30	ⲉϥⲉ̀ⲥⲱⲧⲉⲙ ϩⲁⲣⲁ ⲛ̀ϫⲉⲡⲁⲙⲁϣϫ ⲉ̀ⲡⲁⲥⲁϩⲟⲩⲓ̀ ϩⲁⲣⲁ ⲇⲉ ⲉⲓⲉ̀ⲉⲣϣ̀ϫⲏⲓ ϧⲉⲛⲡⲁⲗⲁⲥ ⲉⲩϯⲙ̀ⲕⲁϩ ⲛⲏⲓ .	Ⲉϥⲉ̀ⲥⲱⲧⲉⲙ ϩⲁⲣⲁ ⲛ̀ϫⲉ ⲡⲁⲙⲁϣϫ ⲉ̀ⲡⲁⲥⲁϩⲟⲩⲓ̀ ϩⲁⲣⲁ ⲇⲉ ⲉⲓⲉ̀ⲉⲣϣ̀ϫⲏⲓ ϧⲉⲛ ⲡⲁⲗⲁⲥ ⲉⲩϯⲙ̀ⲕⲁϩ ⲛⲏⲓ.	Efèsōtem hara ǹje pamaṡg èpasahouì hara ḋe eièerṡ̀jyi xen palas evtim̀kah nyi.	let then mine ear hear my curse, and let me be a byword among my people in my affliction.
31:31	ⲓⲉ ⲁⲛ ⲙ̀ⲡⲟⲩϫⲟⲥ ⲛ̀ⲟⲩⲙⲏϣ ⲛ̀ⲥⲟⲡ ⲛ̀ϫⲉⲛⲁⲃⲱⲕⲓ : ϫⲉⲛⲓⲙ ⲉⲑⲛⲁϯ ⲛⲁⲛ ⲛ̀ⲧⲉⲛⲥⲓ ⲉ̀ⲃⲟⲗϧⲉⲛ ⲛⲉϥⲥⲁⲣⲝ : ⲉⲑⲃⲉϫⲉⲁ̀ⲛⲟⲕ ⲟⲩϩⲉⲗϫⲉ ⲉⲙⲁϣⲱ ⲡⲉ .	Ⲓⲉ ⲁⲛ ⲛ̀ⲡⲟⲩϫⲟⲥ ⲛ̀ⲟⲩⲙⲏϣ ⲛ̀ⲥⲟⲡ ⲛ̀ϫⲉ ⲛⲁⲃⲱⲕⲓ: ϫⲉ ⲛⲓⲙ ⲉⲑⲛⲁϯ ⲛⲁⲛ ⲛ̀ⲧⲉⲛⲥⲓ ⲉ̀ⲃⲟⲗ ϧⲉⲛ ⲛⲉϥⲥⲁⲣⲝ: ⲉⲑⲃⲉ ϫⲉ ⲁ̀ⲛⲟⲕ ⲟⲩϩⲉⲗϫⲉ ⲉ̀ⲙⲁϣⲱ ⲡⲉ.	Ie an ǹpougos ǹoumyṡ ǹsop ǹje navōki: je nim eθnati nan ǹtensi èvol xen nefsarks: eθve je ànok ouhelje èmaṡō pe.	And if too my handmaids have often said, Oh that we might be satisfied with his flesh; (whereas I was very kind:
31:32	ⲙ̀ⲡⲁϥⲛ̀ⲕⲟⲧ ⲇⲉ ⲥⲁⲃⲟⲗ ⲙ̀ⲡⲁⲏⲓ ⲛ̀ϫⲉⲟⲩϣⲉⲙⲙⲟ: ⲡⲁⲣⲟ ⲇⲉ ⲛⲁϥⲟⲩⲏⲛ ⲡⲉ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲏⲟⲩ .	Ⲙ̀ⲡⲁϥⲛ̀ⲕⲟⲧ ⲇⲉ ⲥⲁⲃⲟⲗ ⲛ̀ⲡⲁⲏⲓ ⲛ̀ϫⲉⲟⲩϣⲉⲙⲙⲟ: ⲡⲁⲣⲟ ⲇⲉ ⲛⲁϥⲟⲩⲏⲛ ⲡⲉ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲏⲟⲩ.	M̀pafǹkot ḋe savol ǹpayi ǹjeouṡemmo: paro ḋe nafouyn pe ǹouon niven eθnyou.	for the stranger did not lodge without, and my door was opened to every one that came:)
31:33	ⲓⲥϫⲉ ⲇⲉ ⲁⲓⲉⲣⲛⲟⲃⲓ ⲛ̀ϯⲉ̀ⲙⲓ ⲁⲛ : ⲟⲩⲟϩ ⲁⲓⲭⲱⲡ ⲙ̀ⲡⲁⲛⲟⲃⲓ .	Ⲓⲥϫⲉ ⲇⲉ ⲁⲓⲉⲣⲛⲟⲃⲓ ⲛ̀ϯⲉ̀ⲙⲓ ⲁⲛ: ⲟⲩⲟϩ ⲁⲓⲭⲱⲡ ⲛ̀ⲡⲁⲛⲟⲃⲓ.	Isje ḋe aiernovi ǹtièmi an: ouoh aikōp ǹpanovi.	or if too having sinned unintentionally, I hid my sin;
31:34	ⲙ̀ⲡⲓϣ̀ⲫⲓⲧ ⲅⲁⲣ ϧⲁⲧ̀ϩⲏ ⲛ̀ⲟⲩⲙⲏϣ ⲉϥⲟϣ ⲉ̀ϣ̀ⲧⲉⲙⲟⲩⲱⲛϩ ⲉ̀ⲃⲟⲗ ⲙ̀ⲡⲟⲩⲙ̀ⲑⲟ : ⲓⲥϫⲉ ⲇⲉ ⲁⲓⲭⲁ ⲟⲩϫⲱⲃ ⲉ̀ⲉⲣⲥⲁⲃⲟⲗ ⲙ̀ⲡⲁⲣⲟ ⲉⲣⲉⲕⲉⲛϥ ϣⲟⲩⲓⲧ .	Ⲛ̀ⲡⲓϣ̀ⲫⲓⲧ ⲅⲁⲣ ϧⲁⲧ̀ϩⲏ ⲛ̀ⲟⲩⲙⲏϣ ⲉϥⲟϣ ⲉ̀ϣ̀ⲧⲉⲙⲟⲩⲱⲛϩ ⲉ̀ⲃⲟⲗ ⲛ̀ⲡⲟⲩⲙ̀ⲑⲟ: ⲓⲥϫⲉ ⲇⲉ ⲁⲓⲭⲁ ⲟⲩϫⲱⲃ ⲉ̀ⲉⲣⲥⲁⲃⲟⲗ ⲛ̀ⲡⲁⲣⲟ ⲉ̀ⲣⲉ ⲕⲉⲛϥ ϣⲟⲩⲓⲧ.	Ǹpiṡ̀fit ġar xat̀·hy ǹoumyṡ efoṡ èṡ̀temouōnh èvol ǹpoum̀θo: isje ḋe aika ougōb èersavol ǹparo ère kenf ṡouit.	(for I did not stand in awe of a great multitude, so as not to declare boldly before them:) and if too I permitted a poor man to go out of my door with an empty bosom:
31:35	ⲛⲓⲙ ⲉⲑⲛⲁϯ ⲙ̀ⲫⲏⲉⲑⲛⲁⲥⲱⲧⲉⲙ ⲉ̀ⲣⲟⲓ:ⲧ̀ϫⲓϫ ⲅⲁⲣ ⲙ̀ⲡϭ̅ⲥ̅ ⲛⲁⲓⲉⲣϩⲟϯ ϧⲁⲧⲉⲥϩⲏ .	Ⲛⲓⲙ ⲉⲑⲛⲁϯ ⲛ̀ⲫⲏⲉⲑⲛⲁⲥⲱⲧⲉⲙ ⲉ̀ⲣⲟⲓ: ⲧ̀ϫⲓϫ ⲅⲁⲣ ⲛ̀ⲡ̀ϭⲟⲓⲥ ⲛⲁⲓⲉⲣϩⲟϯ ϧⲁ ⲧⲉⲥϩⲏ.	Nim eθnati ǹfyeθnasōtem èroi: t̀jig ġar ǹp̀ċois naierhoti xa tes·hy.	(Oh that I had a hearer,) and if I had not feared the hand of the Lord; and as to the written charge which I had against any one,
31:36	ⲓⲉ ⲟⲩⲥ̀ϧⲁⲓ ⲉϥⲉⲛⲧⲟⲧ ⲛ̀ⲧⲉⲟⲩⲁⲓ : ⲓⲥϫⲉ ⲛⲁⲓϯ ⲛ̀ⲟⲩⲭ̀ⲗⲟⲙ ⲉ̀ϫⲉⲛⲛⲁⲙⲟϯ ⲟⲩⲟϩ ⲛⲁⲓⲱϣ ⲙ̀ⲙⲟϥ .	Ⲓⲉ ⲟⲩⲥ̀ϧⲁⲓ ⲉϥⲉⲛ̀ⲧⲟⲧ ⲛ̀ⲧⲉ ⲟⲩⲁⲓ: ⲓⲥϫⲉ ⲛⲁⲓϯ ⲛ̀ⲟⲩⲭ̀ⲗⲟⲙ ⲉ̀ϫⲉⲛ ⲛⲁⲙⲟϯ ⲟⲩⲟϩ ⲛⲁⲓⲱϣ ⲙ̀ⲙⲟϥ.	Ie ous̀xai efeǹtot ǹte ouai: isje naiti ǹouk̀lom èjen namoti ouoh naiōṡ m̀mof.	I would place it as a chaplet on my shoulders, and read it.
31:37	ⲟⲩⲟϩ ⲓⲥϫⲉ ⲙ̀ⲡⲁⲓⲫⲁϧϥ ⲛ̀ⲧⲁⲧⲏⲓϥ ⲛⲁϥ : ⲙ̀ⲡⲁⲓϭⲓ ϩ̀ⲗⲓ ⲛ̀ⲧⲟⲧϥ ⲙ̀ⲫⲏⲉⲧⲉ ⲟⲩⲟⲛⲧⲏⲓ ⲉ̀ⲣⲟϥ .	Ⲟⲩⲟϩ ⲓⲥϫⲉ ⲙ̀ⲡⲁⲓⲫⲁϧϥ ⲛ̀ⲧⲁⲧⲏⲓϥ ⲛⲁϥ: ⲙ̀ⲡⲁⲓϭⲓ ϩ̀ⲗⲓ ⲛ̀ⲧⲟⲧϥ ⲙ̀ⲫⲏⲉ̀ⲧⲉ ⲟⲩⲟⲛⲧⲏⲓ ⲉ̀ⲣⲟϥ.	Ouoh isje m̀paifaxf ǹtatyif naf: m̀paiċi h̀li ǹtotf m̀fyète ouontyi èrof.	And if I did not read it and return it, having taken nothing from the debtor:
31:38	ⲓⲥϫⲉ ⲇⲉ ⲁ ⲡ̀ⲕⲁϩⲓ ϥⲓⲁ̀ϩⲟⲙ ⲉ̀ϩ̀ⲣⲏⲓ ⲉ̀ϫⲱⲓ ⲉ̀ⲛⲉϩ ⲓⲥϫⲉ ⲇⲉ ⲁ ⲛⲉϥⲕⲉⲑ̀ⲗⲱⲙ ⲣⲓⲙⲓ ⲉⲩⲥⲟⲡ ⲉⲑⲃⲏⲧ .	Ⲓⲥϫⲉ ⲇⲉ ⲁ ⲡ̀ⲕⲁϩⲓ ϥⲓⲁ̀ϩⲟⲙ ⲉ̀ϩ̀ⲣⲏⲓ ⲉ̀ϫⲱⲓ ⲉ̀ⲛⲉϩ ⲓⲥϫⲉ ⲇⲉ ⲁ ⲛⲉϥⲕⲉⲑ̀ⲗⲱⲙ ⲣⲓⲙⲓ ⲉⲩⲥⲟⲡ ⲉⲑⲃⲏⲧ.	Isje ḋe a p̀kahi fiàhom èh̀ryi ègōi èneh isje ḋe a nefkeθ̀lōm rimi evsop eθvyt.	If at any time the land groaned against me, and if its furrows mourned together;
31:39	ⲓⲥϫⲉ ⲇⲉ ⲁⲓⲟⲩⲱⲙ ⲛ̀ⲧⲉϥϫⲟⲙ ⲙ̀ⲙⲁⲩⲁⲧ ⲛ̀ϫⲓⲛϫⲏ : ⲓⲥϫⲉ ⲁⲓⲉⲣϩⲁⲗ ⲛ̀ⲧ̀ⲯⲩⲭⲏ ⲙ̀ⲡϭ̅ⲥ̅ ⲙ̀ⲡⲓⲕⲁϩⲓ ⲟⲩⲟϩ ⲁⲓϯⲙ̀ⲕⲁϩ ⲛⲁⲥ .	Ⲓⲥϫⲉ ⲇⲉ ⲁⲓⲟⲩⲱⲙ ⲛ̀ⲧⲉϥϫⲟⲙ ⲙ̀ⲙⲁⲩⲁⲧ ⲛ̀ϫⲓⲛϫⲏ: ⲓⲥϫⲉ ⲁⲓⲉⲣϩⲁⲗ ⲛ̀ⲧ̀ⲯⲩⲭⲏ ⲛ̀ⲡ̀ϭⲟⲓⲥ ⲛ̀ⲡⲓⲕⲁϩⲓ ⲟⲩⲟϩ ⲁⲓϯⲙ̀ⲕⲁϩ ⲛⲁⲥ.	Isje ḋe aiouōm ǹtefgom m̀mavat ǹjinjy: isje aierhal ǹt̀psiṡy ǹp̀ċois ǹpikahi ouoh aitim̀kah nas.	and if I ate its strength alone without price, and if I too grieved the heart of the owner of the soil, by taking aught from him:
31:40	ϩⲁⲣⲁ ⲛ̀ⲧ̀ϣⲉⲃⲓⲱ ⲛ̀ⲟⲩⲥⲟⲩⲟ̀ ⲉⲩⲉ̀ⲣⲱⲧ ⲛⲏⲓ ⲛ̀ϫⲉϩⲁⲛⲉⲛⲧⲏϫ : ⲛ̀ⲧ̀ϣⲉⲃⲓⲱ ⲛ̀ⲟⲩⲓⲱⲧ ⲉϥⲉ̀ⲣⲱⲧ ⲛⲏⲓ ⲛ̀ϫⲉⲟⲩⲃⲁⲧⲟⲥ .	Ϩⲁⲣⲁ ⲛ̀ⲧ̀ϣⲉⲃⲓⲱ ⲛ̀ⲟⲩⲥⲟⲩⲟ̀ ⲉⲩⲉ̀ⲣⲱⲧ ⲛⲏⲓ ⲛ̀ϫⲉ ϩⲁⲛⲉⲛⲧⲏϫ: ⲛ̀ⲧⲉ ⲧ̀ϣⲉⲃⲓⲱ ⲛ̀ⲟⲩⲓⲱⲧ ⲉϥⲉ̀ⲣⲱⲧ ⲛⲏⲓ ⲛ̀ϫⲉ ⲟⲩⲃⲁⲧⲟⲥ.	Hara ǹt̀ṡeviō ǹousouò evèrōt nyi ǹje hanentyg: ǹte t̀ṡeviō ǹouiōt efèrōt nyi ǹje oubatos.	then let the nettle come up to me instead of wheat, and a bramble instead of barley. And Job ceased speaking.

Provenance

title: 18_Iob_31
dialect: bohairic
source: Coptic SCRIPTORIUM corpus "bohairic.ot", document 18_Iob_31
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 18_Iob_31 from Coptic SCRIPTORIUM (https://copticscriptorium.org), corpus bohairic.ot, document 18_Iob_31, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Job/31.bohairic.scriptorium.L0.txt
title: 18_Iob_31 — Cairene
dialect: bohairic
source: generated from 31.bohairic.scriptorium.L0.txt (Coptic SCRIPTORIUM corpus "bohairic.ot", document 18_Iob_31)
licence: CC BY-SA 4.0
share: attribution
attribution: 18_Iob_31 from Coptic SCRIPTORIUM (https://copticscriptorium.org), corpus bohairic.ot, document 18_Iob_31, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Job/31.bohairic.scriptorium.L1.txt
title: 18_Iob_31 — Kemetic
dialect: bohairic
source: generated from 31.bohairic.scriptorium.L1.txt
licence: CC BY-SA 4.0
share: attribution
attribution: 18_Iob_31 from Coptic SCRIPTORIUM (https://copticscriptorium.org), corpus bohairic.ot, document 18_Iob_31, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Job/31.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 40 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 18_Iob_31 (40 lines)

Cite as:

18_Iob_31. Coptic SCRIPTORIUM corpus "bohairic.ot", document 18_Iob_31. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/job/31.bohairic.scriptorium/. 18_Iob_31 from Coptic SCRIPTORIUM (https://copticscriptorium.org), corpus bohairic.ot, document 18_Iob_31, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.