Leviticus 11 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_11

Attribution: Leviticus 11 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_11, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

47 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
11:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys nem àarōn efgō m̀mos	And the Lord spoke to Moses and Aaron, saying,
11:2	ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲣⲉⲧⲉⲛϫⲱ ⲙⲙⲟⲥ ϫⲉⲛⲁⲓ ⲛⲉ ⲛⲓⲧⲉⲃⲛⲱⲟⲩⲓ ⲉⲣⲉⲧⲉⲛⲉⲟⲩⲟⲙⲟⲩ ⲉⲃⲟⲗ ϧⲉⲛⲛⲓⲧⲉⲃⲛⲱⲟⲩⲓ ⲧⲏⲣⲟⲩ ⲉⲧϩⲓϫⲉⲛ ⲡⲕⲁϩⲓ	ϫⲉ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲣⲉⲧⲉⲛϫⲱ ⲙ̀ⲙⲟⲥ ϫⲉ ⲛⲁⲓ ⲛⲉ ⲛⲓⲧⲉⲃⲛⲱⲟⲩⲓ̀ ⲉⲣⲉⲧⲉⲛⲉⲟⲩⲟⲙⲟⲩ ⲉ̀ⲃⲟⲗ ϧⲉⲛ ⲛⲓⲧⲉⲃⲛⲱⲟⲩⲓ̀ ⲧⲏⲣⲟⲩ ⲉⲧϩⲓϫⲉⲛ ⲡ̀ⲕⲁϩⲓ	je saji nem nenṡyri ǹpisrayl èretengō m̀mos je nai ne nitevnōouì ereteneouomou èvol xen nitevnōouì tyrou et·hijen p̀kahi	Speak ye to the sons of Israel, saying, These are the beasts which ye shall eat of all beasts that are upon the earth.
11:3	ⲧⲉⲃⲛⲏ ⲛⲓⲃⲉⲛ ⲉⲧⲉⲛⲉϥϭⲟⲡ ⲫⲟⲣϫ ⲟⲩⲟϩ ⲉⲧⲱⲗⲓ ⲛⲛⲓⲓⲉⲃ ⲛⲧⲉⲛⲉϥϭⲟⲡ ⲉⲧⲫⲟⲣϫ ⲟⲩⲟϩ ⲉϥⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ϧⲉⲛⲣⲱϥ ⲛⲁⲓ ⲉⲣⲉⲧⲉⲛⲛⲁⲟⲩⲟⲙⲟⲩ	ⲧⲉⲃⲛⲏ ⲛⲓⲃⲉⲛ ⲉ̀ⲧⲉ ⲛⲉϥϭⲟⲡ ⲫⲟⲣϫ ⲟⲩⲟϩ ⲉ̀ⲧⲱ̀ⲗⲓ ⲛ̀ⲛⲓⲓⲉⲃ ⲛ̀ⲧⲉ ⲛⲉϥϭⲟⲡ ⲉⲧⲫⲟⲣϫ ⲟⲩⲟϩ ⲉϥⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ϧⲉⲛ ⲣⲱϥ ⲛⲁⲓ ⲉ̀ⲣⲉⲧⲉⲛⲛⲁⲟⲩⲟⲙⲟⲩ	tevny niven ète nefċop forg ouoh ètṑli ǹniieb ǹte nefċop etforg ouoh efìni ǹousaθmi èp̀ṡōi xen rōf nai èretennaouomou	Every beast parting the hoof and making divisions of two claws, and chewing the cud among beasts, these ye shall eat.
11:4	ⲡⲗⲏⲛ ⲛⲁⲓ ⲛⲛⲉⲧⲉⲛⲟⲩⲱⲙ ⲉⲃⲟⲗ ⲛϧⲏⲧⲟⲩ ⲉⲃⲟⲗ ϧⲉⲛⲛⲏ ⲉⲧⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ⲛⲉⲙⲉⲃⲟⲗ ϧⲉⲛⲛⲏ ⲉⲧⲉⲛⲟⲩϭⲟⲡ ⲫⲟⲣϫ ⲟⲩⲟϩ ⲉⲧⲱⲗⲓ ⲛⲛⲟⲩⲓⲉⲃ ⲡⲓϫⲁⲙⲟⲩⲗ ϫⲉϥⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ⲟⲩⲟϩ ϥⲫⲱⲣϫ ⲁⲛ ⲛⲛⲓϭⲟⲡ ⲛⲧⲉⲣⲁⲧϥ ⲫⲁⲓ ϥϭⲁϧⲉⲙ ⲛⲱⲧⲉⲛ	ⲡ̀ⲗⲏⲛ ⲛⲁⲓ ⲛⲛⲉⲧⲉⲛⲟⲩⲱⲙ ⲉ̀ⲃⲟⲗ ⲛ̀ϧⲏⲧⲟⲩ ⲉ̀ⲃⲟⲗ ϧⲉⲛ ⲛⲏ ⲉ̀ⲧⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ⲛⲉⲙ ⲉ̀ⲃⲟⲗ ϧⲉⲛ ⲛⲏ ⲉ̀ⲧⲉ ⲛⲟⲩϭⲟⲡ ⲫⲟⲣϫ ⲟⲩⲟϩ ⲉ̀ⲧⲱ̀ⲗⲓ ⲛ̀ⲛⲟⲩⲓⲉⲃ ⲡⲓϫⲁⲙⲟⲩⲗ ϫⲉ ϥⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ⲟⲩⲟϩ ϥ̀ⲫⲱⲣϫ ⲁⲛ ⲛ̀ⲛⲓϭⲟⲡ ⲛ̀ⲧⲉ ⲣⲁⲧϥ ⲫⲁⲓ ϥ̀ϭⲁϧⲉⲙ ⲛⲱⲧⲉⲛ	p̀lyn nai nnetenouōm èvol ǹxytou èvol xen ny ètìni ǹousaθmi èp̀ṡōi nem èvol xen ny ète nouċop forg ouoh ètṑli ǹnouieb pigamoul je fìni ǹousaθmi èp̀ṡōi ouoh f̀fōrg an ǹniċop ǹte ratf fai f̀ċaxem nōten	But of these ye shall not eat, of those that chew the cud, and of those that part the hoofs, and divide claws; the camel, because it chews the cud, but does not divide the hoof, this is unclean to you.
11:5	ⲟⲩⲟϩ ⲡⲓⲭⲩⲣⲟⲅⲗⲩⲗⲗⲓⲟⲛ ϫⲉϥⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ⲛϫⲉⲫⲁⲓ ⲟⲩⲟϩ ⲛⲓϭⲟⲡ ⲛⲧⲉⲣⲁⲧϥ ⲫⲟⲣϫ ⲁⲛ ⲫⲁⲓ ϥϭⲁϧⲉⲙ ⲛⲱⲧⲉⲛ	ⲟⲩⲟϩ ⲡⲓⲭⲩⲣⲟⲅⲗⲩⲗⲗⲓⲟⲛ ϫⲉ ϥⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ⲛ̀ϫⲉ ⲫⲁⲓ ⲟⲩⲟϩ ⲛⲓϭⲟⲡ ⲛ̀ⲧⲉ ⲣⲁⲧϥ ⲫⲟⲣϫ ⲁⲛ ⲫⲁⲓ ϥ̀ϭⲁϧⲉⲙ ⲛⲱⲧⲉⲛ	ouoh pikiroġlillion je fìni ǹousaθmi èp̀ṡōi ǹje fai ouoh niċop ǹte ratf forg an fai f̀ċaxem nōten	And the rabbit, because it chews the cud, but does not divide the hoof, this is unclean to you.
11:6	ⲟⲩⲟϩ ⲡⲓⲣⲁⲧⲫⲁⲧ ϫⲉⲫⲁⲓ ϥⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ⲟⲩⲟϩ ⲛⲓϭⲟⲡ ⲛⲧⲉⲣⲁⲧϥ ⲫⲟⲣϫ ⲁⲛ ⲫⲁⲓ ϥϭⲁϧⲉⲙ ⲛⲱⲧⲉⲛ	ⲟⲩⲟϩ ⲡⲓⲣⲁⲧⲫⲁⲧ ϫⲉ ⲫⲁⲓ ϥⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ⲟⲩⲟϩ ⲛⲓϭⲟⲡ ⲛ̀ⲧⲉ ⲣⲁⲧϥ ⲫⲟⲣϫ ⲁⲛ ⲫⲁⲓ ϥ̀ϭⲁϧⲉⲙ ⲛⲱⲧⲉⲛ	ouoh piratfat je fai fìni ǹousaθmi èp̀ṡōi ouoh niċop ǹte ratf forg an fai f̀ċaxem nōten	And the hare, because it does not chew the cud, and does not divide the hoof, this is unclean to you.
11:7	ⲟⲩⲟϩ ⲡⲓⲣⲓⲣ ϫⲉⲛⲓϭⲟⲡ ⲛⲧⲉⲣⲁⲧϥ ⲫⲟⲣϫ ⲟⲩⲟϩ ϥⲱⲗⲓ ⲛⲛⲉϥⲓⲉⲃ ⲟⲩⲟϩ ⲫⲁⲓ ϥⲓⲛⲓ ⲛⲟⲩⲥⲁⲑⲙⲓ ⲉⲡϣⲱⲓ ⲁⲛ ⲫⲁⲓ ϥϭⲁϧⲉⲙ ⲛⲱⲧⲉⲛ	ⲟⲩⲟϩ ⲡⲓⲣⲓⲣ ϫⲉ ⲛⲓϭⲟⲡ ⲛ̀ⲧⲉ ⲣⲁⲧϥ ⲫⲟⲣϫ ⲟⲩⲟϩ ϥ̀ⲱ̀ⲗⲓ ⲛ̀ⲛⲉϥⲓⲉⲃ ⲟⲩⲟϩ ⲫⲁⲓ ϥⲓ̀ⲛⲓ ⲛ̀ⲟⲩⲥⲁⲑⲙⲓ ⲉ̀ⲡ̀ϣⲱⲓ ⲁⲛ ⲫⲁⲓ ϥ̀ϭⲁϧⲉⲙ ⲛⲱⲧⲉⲛ	ouoh pirir je niċop ǹte ratf forg ouoh f̀ṑli ǹnefieb ouoh fai fìni ǹousaθmi èp̀ṡōi an fai f̀ċaxem nōten	And the swine, because this animal divides the hoof, and makes claws of the hoof, and it does not chew the cud, is unclean to you.
11:8	ⲛⲛⲉⲧⲉⲛⲟⲩⲱⲙ ⲇⲉ ⲉⲃⲟⲗ ϧⲉⲛⲛⲟⲩⲁϥⲟⲩⲓ ⲟⲩⲇⲉ ⲫⲏ ⲉⲑⲙⲱⲟⲩⲧ ⲛⲧⲱⲟⲩ ⲛⲛⲉⲧⲉⲛϭⲓ ⲛⲉⲙⲁϥ ⲛⲁⲓ ϩⲁⲛⲁⲕⲁⲑⲁⲣⲧⲟⲛ ⲛⲱⲧⲉⲛ ⲛⲉ	ⲛⲛⲉⲧⲉⲛⲟⲩⲱⲙ ⲇⲉ ⲉ̀ⲃⲟⲗ ϧⲉⲛ ⲛⲟⲩⲁϥⲟⲩⲓ ⲟⲩⲇⲉ ⲫⲏ ⲉⲑⲙⲱⲟⲩⲧ ⲛ̀ⲧⲱⲟⲩ ⲛ̀ⲛⲉⲧⲉⲛϭⲓ ⲛⲉⲙⲁϥ ⲛⲁⲓ ϩⲁⲛⲁⲕⲁⲑⲁⲣⲧⲟⲛ ⲛⲱⲧⲉⲛ ⲛⲉ	nnetenouōm ḋe èvol xen nouafoui ouḋe fy eθmōout ǹtōou ǹnetenċi nemaf nai hanakaθarton nōten ne	Ye shall not eat of their flesh, and ye shall not touch their carcases; these are unclean to you.
11:9	ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ ⲉⲃⲟⲗ ϧⲉⲛⲛⲏ ⲧⲏⲣⲟⲩ ⲉⲧϧⲉⲛⲛⲓⲙⲱⲟⲩ ⲛⲏ ⲧⲏⲣⲟⲩ ⲉⲧⲉⲟⲩⲟⲛ ⲧⲉⲛϩ ⲙⲙⲱⲟⲩ ⲟⲩⲟϩ ϣⲉⲛϥⲓ ϧⲉⲛⲛⲓⲙⲱⲟⲩ ⲛⲉⲙϧⲉⲛⲛⲓⲁⲙⲁⲓⲟⲩ ⲛⲉⲙⲛⲓⲙⲟⲩⲛⲥⲱⲣⲉⲙ ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ	ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ ⲉ̀ⲃⲟⲗ ϧⲉⲛ ⲛⲏ ⲧⲏⲣⲟⲩ ⲉⲧϧⲉⲛ ⲛⲓⲙⲱⲟⲩ ⲛⲏ ⲧⲏⲣⲟⲩ ⲉ̀ⲧⲉ ⲟⲩⲟⲛ ⲧⲉⲛϩ ⲙ̀ⲙⲱⲟⲩ ⲟⲩⲟϩ ϣⲉⲛϥⲓ ϧⲉⲛ ⲛⲓⲙⲱⲟⲩ ⲛⲉⲙ ϧⲉⲛ ⲛⲓⲁ̀ⲙⲁⲓⲟⲩ ⲛⲉⲙ ⲛⲓⲙⲟⲩⲛⲥⲱⲣⲉⲙ ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ	nai ereteneouomou èvol xen ny tyrou etxen nimōou ny tyrou ète ouon tenh m̀mōou ouoh ṡenfi xen nimōou nem xen niàmaiou nem nimounsōrem nai ereteneouomou	And these are what ye shall eat of all that are in the waters: all things that have fins and scales in the waters, and in the seas, and in the brooks, these ye shall eat.
11:10	ⲟⲩⲟϩ ⲛⲏ ⲧⲏⲣⲟⲩ ⲉⲧⲉⲙⲙⲟⲛ ⲧⲉⲛϩ ⲙⲙⲱⲟⲩ ⲟⲩⲇⲉ ϣⲉⲛϥⲓ ϧⲉⲛⲛⲓⲙⲱⲟⲩ ⲛⲉⲙϧⲉⲛⲛⲓⲁⲙⲁⲓⲟⲩ ⲛⲉⲙϧⲉⲛⲛⲓⲙⲟⲩⲛⲥⲱⲣⲉⲙ ⲉⲃⲟⲗ ϧⲉⲛⲛⲏ ⲧⲏⲣⲟⲩ ⲉⲧⲟⲩⲓⲛⲓ ⲙⲙⲱⲟⲩ ⲉⲃⲟⲗ ϧⲉⲛⲛⲓⲙⲱⲟⲩ ⲛⲉⲙⲉⲃⲟⲗ ϧⲉⲛⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛⲛⲓⲙⲱⲟⲩ ⲟⲩⲱⲣⲉⲃ ⲡⲉ	ⲟⲩⲟϩ ⲛⲏ ⲧⲏⲣⲟⲩ ⲉ̀ⲧⲉⲙ̀ⲙⲟⲛ ⲧⲉⲛϩ ⲙ̀ⲙⲱⲟⲩ ⲟⲩⲇⲉ ϣⲉⲛϥⲓ ϧⲉⲛ ⲛⲓⲙⲱⲟⲩ ⲛⲉⲙ ϧⲉⲛ ⲛⲓⲁ̀ⲙⲁⲓⲟⲩ ⲛⲉⲙ ϧⲉⲛ ⲛⲓⲙⲟⲩⲛⲥⲱⲣⲉⲙ ⲉ̀ⲃⲟⲗ ϧⲉⲛ ⲛⲏ ⲧⲏⲣⲟⲩ ⲉ̀ⲧⲟⲩⲓ̀ⲛⲓ ⲙ̀ⲙⲱⲟⲩ ⲉ̀ⲃⲟⲗ ϧⲉⲛ ⲛⲓⲙⲱⲟⲩ ⲛⲉⲙ ⲉ̀ⲃⲟⲗ ϧⲉⲛ ⲯⲩⲭⲏ ⲛⲓⲃⲉⲛ ⲉⲧⲟⲛϧ ϧⲉⲛ ⲛⲓⲙⲱⲟⲩ ⲟⲩⲱⲣⲉⲃ ⲡⲉ	ouoh ny tyrou ètem̀mon tenh m̀mōou ouḋe ṡenfi xen nimōou nem xen niàmaiou nem xen nimounsōrem èvol xen ny tyrou ètouìni m̀mōou èvol xen nimōou nem èvol xen psiṡy niven etonx xen nimōou ouōreb pe	And all things which have not fins or scales in the water, or in the seas, and in the brooks, of all which the waters produce, and of every soul living in the water, are an abomination; and they shall be abominations to you.
11:11	ⲉⲩⲉϣⲱⲡⲓ ⲉⲩⲟⲣⲉⲃ ⲛⲧⲉⲛⲑⲏⲛⲟⲩ ⲛⲛⲉⲧⲉⲛⲟⲩⲱⲙ ⲉⲃⲟⲗ ϧⲉⲛⲛⲟⲩⲁϥⲓⲟⲩⲓ ⲛⲉⲙⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉⲩⲉϣⲱⲡⲓ ⲉⲩⲥⲟϥ ⲛⲱⲧⲉⲛ	ⲉⲩⲉ̀ϣⲱⲡⲓ ⲉⲩⲟⲣⲉⲃ ⲛ̀ⲧⲉⲛⲑⲏⲛⲟⲩ ⲛⲛⲉⲧⲉⲛⲟⲩⲱⲙ ⲉ̀ⲃⲟⲗ ϧⲉⲛ ⲛ̀ⲟⲩⲁϥⲓⲟⲩⲓ ⲛⲉⲙ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉⲩⲉ̀ϣⲱⲡⲓ ⲉⲩⲥⲟϥ ⲛⲱⲧⲉⲛ	evèṡōpi evoreb ǹtenθynou nnetenouōm èvol xen ǹouafioui nem ny etmōout ǹtōou evèṡōpi evsof nōten	Ye shall not eat of their flesh, and ye shall abhor their carcases.
11:12	ⲟⲩⲟϩ ⲛⲏ ⲧⲏⲣⲟⲩ ⲉⲧϧⲉⲛⲛⲓⲙⲱⲟⲩ ⲉⲧⲉⲙⲙⲟⲛ ⲧⲉⲛϩ ⲙⲙⲱⲟⲩ ⲓⲉ ϣⲉⲛϥⲓ ⲟⲩⲱⲣⲉⲃ ⲛⲱⲧⲉⲛ ⲡⲉ	ⲟⲩⲟϩ ⲛⲏ ⲧⲏⲣⲟⲩ ⲉⲧϧⲉⲛ ⲛⲓⲙⲱⲟⲩ ⲉ̀ⲧⲉⲙ̀ⲙⲟⲛ ⲧⲉⲛϩ ⲙ̀ⲙⲱⲟⲩ ⲓⲉ ϣⲉⲛϥⲓ ⲟⲩⲱⲣⲉⲃ ⲛⲱⲧⲉⲛ ⲡⲉ	ouoh ny tyrou etxen nimōou ètem̀mon tenh m̀mōou ie ṡenfi ouōreb nōten pe	And all things that have not fins or scales of those that are in the waters, these are an abomination to you.
11:13	ⲟⲩⲟϩ ⲛⲁⲓ ⲟⲣⲃⲟⲩ ⲉⲃⲟⲗ ϧⲉⲛⲛⲓϩⲁⲗⲁϯ ⲟⲩⲟϩ ⲛⲛⲉⲧⲉⲛⲟⲩⲟⲙⲟⲩ ϩⲁⲛⲱⲣⲉⲃ ⲛⲉ ⲡⲓⲁϧⲱⲙ ⲛⲉⲙⲡⲓⲛⲟⲩⲣⲓ ⲛⲉⲙⲡⲓⲁⲗⲗⲓⲁⲧⲟⲛ	ⲟⲩⲟϩ ⲛⲁⲓ ⲟⲣⲃⲟⲩ ⲉ̀ⲃⲟⲗ ϧⲉⲛ ⲛⲓϩⲁⲗⲁϯ ⲟⲩⲟϩ ⲛ̀ⲛⲉⲧⲉⲛⲟⲩⲟⲙⲟⲩ ϩⲁⲛⲱⲣⲉⲃ ⲛⲉ ⲡⲓⲁϧⲱⲙ ⲛⲉⲙ ⲡⲓⲛ̀ⲟⲩⲣⲓ ⲛⲉⲙ ⲡⲓⲁⲗⲗⲓⲁⲧⲟⲛ	ouoh nai orvou èvol xen nihalati ouoh ǹnetenouomou hanōreb ne piaxōm nem piǹouri nem pialliaton	And these are the things which ye shall abhor of birds, and they shall not be eaten, they are an abomination: the eagle and the ossifrage, and the sea-eagle.
11:14	ⲛⲉⲙⲡⲓⲛⲟϣⲉⲣ ⲛⲉⲙⲡⲓⲑⲣⲉ ⲛⲉⲙⲛⲏ ⲉⲧⲟⲛⲓ ⲙⲙⲟϥ	ⲛⲉⲙ ⲡⲓⲛⲟϣⲉⲣ ⲛⲉⲙ ⲡⲓⲑⲣⲉ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ	nem pinoṡer nem piθre nem ny etòni m̀mof	And the vulture, and the kite, and the like to it;
11:15	ⲛⲉⲙⲁⲃⲱⲕ ⲛⲓⲃⲉⲛ ⲛⲉⲙⲛⲏ ⲉⲧⲟⲛⲓ ⲙⲙⲟϥ	ⲛⲉⲙ ⲁⲃⲱⲕ ⲛⲓⲃⲉⲛ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ	nem avōk niven nem ny etòni m̀mof	and the sparrow, and the owl, and the sea-mew, and the like to it:
11:16	ⲛⲉⲙⲥⲧⲣⲟⲩⲑⲟⲥ ⲛⲉⲙⲅⲗⲁⲩⲕⲱⲛ ⲛⲉⲙⲗⲁⲣⲟⲥ ⲛⲉⲙⲛⲏ ⲉⲧⲟⲛⲓ ⲙⲙⲟϥ ⲛⲉⲙⲙⲟⲩⲗⲁϫ	ⲛⲉⲙ ⲥⲧⲣⲟⲩⲑⲟⲥ ⲛⲉⲙ ⲅⲗⲁⲩⲕⲱⲛ ⲛⲉⲙ ⲗⲁⲣⲟⲥ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ ⲛⲉⲙ ⲙⲟⲩⲗⲁϫ	nem strouθos nem ġlavkōn nem laros nem ny etòni m̀mof nem moulag	and every raven, and the birds like it, and the hawk and his like,
11:17	ⲛⲉⲙⲡⲓϣⲗⲱⲙⲃⲏϫ ⲛⲉⲙϩⲓⲡ	ⲛⲉⲙ ⲡⲓϣⲗⲱⲙⲃⲏϫ ⲛⲉⲙ ϩⲓⲡ	nem piṡlōmvyg nem hip	and the night-raven and the cormorant and the stork,
11:18	ⲛⲉⲙⲡⲟⲣⲫⲩⲣⲱⲛⲁ ⲛⲉⲙϯϩⲩⲙⲏ ⲛⲉⲙⲕⲏⲕⲛⲟⲛ	ⲛⲉⲙ ⲡⲟⲣⲫⲩⲣⲱⲛⲁ ⲛⲉⲙ ϯϩⲩⲙⲏ ⲛⲉⲙ ⲕⲏⲕⲛⲟⲛ	nem porfirōna nem tihimy nem kyknon	and the red-bill, and the pelican, and swan,
11:19	ⲛⲉⲙⲉⲗϫⲱⲃ ⲛⲉⲙⲭⲁⲣⲁⲧⲣⲓⲟⲛ ⲛⲉⲙⲛⲏ ⲉⲧⲟⲛⲓ ⲙⲙⲟϥ ⲛⲉⲙϩⲏⲡⲡⲟⲥ ⲛⲉⲙϫⲉⲗϫⲟⲩ	ⲛⲉⲙ ⲉⲗϫⲱⲃ ⲛⲉⲙ ⲭⲁⲣⲁⲧⲣⲓⲟⲛ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ ⲛⲉⲙ ϩⲏⲡⲡⲟⲥ ⲛⲉⲙ ϫⲉⲗϫⲟⲩ	nem elgōb nem karatrion nem ny etòni m̀mof nem hyppos nem jelgou	and the heron, and the lapwing, and the like to it, and the hoopoe and the bat.
11:20	ⲛⲉⲙⲛⲓϭⲁⲧϥⲓ ⲧⲏⲣⲟⲩ ⲛⲧⲉⲛⲓϩⲁⲗⲁϯ ⲛⲏ ⲉⲧⲙⲟϣⲓ ϩⲓⲧⲟⲩϥⲧⲟ ϩⲁⲛⲱⲣⲉⲃ ⲛⲱⲧⲉⲛ ⲡⲉ	ⲛⲉⲙ ⲛⲓϭⲁⲧϥⲓ ⲧⲏⲣⲟⲩ ⲛ̀ⲧⲉ ⲛⲓϩⲁⲗⲁϯ ⲛⲏ ⲉⲧⲙⲟϣⲓ ϩⲓ ⲧⲟⲩϥⲧⲟ ϩⲁⲛⲱⲣⲉⲃ ⲛⲱⲧⲉⲛ ⲡⲉ	nem niċatfi tyrou ǹte nihalati ny etmoṡi hi toufto hanōreb nōten pe	And all winged creatures that creep, which go upon four feet, are abominations to you.
11:21	ⲁⲗⲗⲁ ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ ⲉⲃⲟⲗ ϧⲉⲛⲛⲓϭⲁⲧϥⲓ ⲛⲧⲉⲛⲓϩⲁⲗⲁϯ ⲛⲏ ⲉⲧⲙⲟϣⲓ ϩⲓⲧⲟⲩϥⲧⲟ ⲛⲏ ⲉⲧⲉⲟⲩⲟⲛ ⲥⲏⲃⲓ ⲙⲙⲱⲟⲩ ⲥⲁⲡϣⲱⲓ ⲛⲛⲟⲩⲫⲁⲧ ⲉⲩⲱϣϯ ⲛϧⲏⲧⲟⲩ ϩⲓϫⲉⲛⲡⲓⲕⲁϩⲓ	ⲁⲗⲗⲁ ⲛⲁⲓ ⲉⲣⲉⲧⲉⲛⲉⲟⲩⲟⲙⲟⲩ ⲉ̀ⲃⲟⲗ ϧⲉⲛ ⲛⲓϭⲁⲧϥⲓ ⲛ̀ⲧⲉ ⲛⲓϩⲁⲗⲁϯ ⲛⲏ ⲉⲧⲙⲟϣⲓ ϩⲓⲧⲟⲩϥⲧⲟ ⲛⲏ ⲉ̀ⲧⲉ ⲟⲩⲟⲛ ⲥⲏⲃⲓ ⲙ̀ⲙⲱⲟⲩ ⲥⲁⲡ̀ϣⲱⲓ ⲛ̀ⲛⲟⲩⲫⲁⲧ ⲉⲩⲱϣϯ ⲛ̀ϧⲏⲧⲟⲩ ϩⲓϫⲉⲛ ⲡⲓⲕⲁϩⲓ	alla nai ereteneouomou èvol xen niċatfi ǹte nihalati ny etmoṡi hitoufto ny ète ouon syvi m̀mōou sap̀ṡōi ǹnoufat evōṡti ǹxytou hijen pikahi	But these ye shall eat of the creeping winged animals, which go upon four feet, which have legs above their feet, to leap with on the earth.
11:22	ⲟⲩⲟϩ ⲛⲁⲓ ⲛⲛⲉⲧⲉⲛⲟⲩⲱⲙ ⲉⲃⲟⲗ ⲛϧⲏⲧⲟⲩ ⲡⲓⲃⲣⲟⲩⲭⲟⲥ ⲛⲉⲙⲛⲏ ⲉⲧⲟⲛⲓ ⲙⲙⲟϥ ⲛⲉⲙⲡⲓⲱⲡⲧⲁⲕⲏⲥ ⲛⲉⲙⲛⲏ ⲉⲧⲟⲛⲓ ⲙⲙⲟϥ ⲟⲩⲟϩ ⲡⲉⲧϯ ⲛⲉⲙⲛⲓϩⲟϥ ⲛⲉⲙⲡⲓϩⲟϥ ⲛⲉⲙⲛⲏ ⲉⲧⲟⲛⲓ ⲙⲙⲟϥ ⲛⲉⲙⲡⲓϣϫⲉ ⲛⲉⲙⲛⲏ ⲉⲧⲟⲛⲓ ⲙⲙⲟϥ	ⲟⲩⲟϩ ⲛⲁⲓ ⲛⲛⲉⲧⲉⲛⲟⲩⲱⲙ ⲉ̀ⲃⲟⲗ ⲛ̀ϧⲏⲧⲟⲩ ⲡⲓⲃⲣⲟⲩⲭⲟⲥ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ ⲛⲉⲙ ⲡⲓⲱⲡⲧⲁⲕⲏⲥ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ ⲟⲩⲟϩ ⲡⲉⲧϯ ⲛⲉⲙ ⲛⲓϩⲟϥ ⲛⲉⲙ ⲡⲓϩⲟϥ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ ⲛⲉⲙ ⲡⲓϣϫⲉ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲟϥ	ouoh nai nnetenouōm èvol ǹxytou pibrouxos nem ny etòni m̀mof nem piōptakys nem ny etòni m̀mof ouoh petti nem nihof nem pihof nem ny etòni m̀mof nem piṡje nem ny etòni m̀mof	And these of them ye shall eat: the caterpillar and his like, and the attacus and his like, and the cantharus and his like, and the locust and his like.
11:23	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉⲃⲟⲗ ϧⲉⲛⲛⲓϩⲁⲗⲁϯ ⲛⲏ ⲉⲧⲉⲟⲩⲟⲛ ϥⲧⲟ ⲙⲫⲁⲧ ⲉⲣⲱⲟⲩ ⲟⲩⲱⲣⲉⲃ ⲛⲱⲧⲉⲛ ⲡⲉ	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉ̀ⲃⲟⲗ ϧⲉⲛ ⲛⲓϩⲁⲗⲁϯ ⲛⲏ ⲉ̀ⲧⲉ ⲟⲩⲟⲛ ϥ̀ⲧⲟ ⲛ̀ⲫⲁⲧ ⲉ̀ⲣⲱⲟⲩ ⲟⲩⲱⲣⲉⲃ ⲛⲱⲧⲉⲛ ⲡⲉ	ouoh ċatfi niven èvol xen nihalati ny ète ouon f̀to ǹfat èrōou ouōreb nōten pe	Every creeping thing from among the birds, which has four feet, is an abomination to you.
11:24	ⲟⲩⲟϩ ϧⲉⲛⲛⲁⲓ ⲉⲣⲉⲧⲉⲛⲉⲥⲱϥ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙⲛⲏ ⲉⲑⲙⲱⲟⲩⲧ ⲛⲧⲱⲟⲩ ⲉⲩⲉϣⲱⲡⲓ ⲉⲩϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲟⲩⲟϩ ϧⲉⲛ ⲛⲁⲓ ⲉ̀ⲣⲉⲧⲉⲛⲉⲥⲱϥ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙ ⲛⲏ ⲉⲑⲙⲱⲟⲩⲧ ⲛ̀ⲧⲱⲟⲩ ⲉⲩⲉ̀ϣⲱⲡⲓ ⲉⲩϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	ouoh xen nai èretenesōf ouon niven etnaċi nem ny eθmōout ǹtōou evèṡōpi evċaxem ṡa f̀nav ǹhanarouhi	And by these ye shall be defiled; every one that touches their carcases shall be unclean till the evening.
11:25	ⲟⲩⲟϩ ⲫⲏ ⲛⲓⲃⲉⲛ ⲉⲧⲛⲁⲱⲗⲓ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲟⲩⲟϩ ⲫⲏ ⲛⲓⲃⲉⲛ ⲉⲧⲛⲁⲱ̀ⲗⲓ ⲉ̀ⲃⲟⲗ ϧⲉⲛ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	ouoh fy niven etnaṑli èvol xen ny etmōout ǹtōou efèrōxi ǹnefh̀vōs ouoh efèṡōpi efċaxem ṡa f̀nav ǹhanarouhi	And every one that takes of their dead bodies shall wash his garments, and shall be unclean till the evening.
11:26	ⲟⲩⲟϩ ϧⲉⲛⲛⲓⲧⲉⲃⲛⲱⲟⲩⲓ ⲧⲏⲣⲟⲩ ⲫⲏ ⲛⲓⲃⲉⲛ ⲉⲧⲉⲛⲓϭⲟⲡ ⲛⲧⲉⲣⲁⲧϥ ⲫⲟⲣϫ ⲟⲩⲟϩ ⲉϥⲉⲱⲗⲓ ⲛⲛⲉϥⲓⲉⲃ ⲟⲩⲟϩ ⲟⲩⲥⲁⲑⲙⲓ ⲉϥⲥⲁⲑⲙⲓ ⲙⲙⲟϥ ⲁⲛ ⲉⲩⲉϣⲱⲡⲓ ⲛⲱⲧⲉⲛ ⲉⲩϭⲁϧⲉⲙ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙⲛⲏ ⲉⲑⲙⲱⲟⲩⲧ ⲛⲧⲱⲟⲩ ⲉⲩⲉϣⲱⲡⲓ ⲉⲩϭⲁϧⲉⲙ	ⲟⲩⲟϩ ϧⲉⲛ ⲛⲓⲧⲉⲃⲛⲱⲟⲩⲓ̀ ⲧⲏⲣⲟⲩ ⲫⲏ ⲛⲓⲃⲉⲛ ⲉⲧⲉⲛⲓϭⲟⲡ ⲛ̀ⲧⲉ ⲣⲁⲧϥ ⲫⲟⲣϫ ⲟⲩⲟϩ ⲉϥⲉ̀ⲱ̀ⲗⲓ ⲛ̀ⲛⲉϥⲓⲉⲃ ⲟⲩⲟϩ ⲟⲩⲥⲁⲑⲙⲓ ⲉϥⲥⲁⲑⲙⲓ ⲙ̀ⲙⲟϥ ⲁⲛ ⲉⲩⲉ̀ϣⲱⲡⲓ ⲛⲱⲧⲉⲛ ⲉⲩϭⲁϧⲉⲙ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙ ⲛⲏ ⲉⲑⲙⲱⲟⲩⲧ ⲛ̀ⲧⲱⲟⲩ ⲉⲩⲉ̀ϣⲱⲡⲓ ⲉⲩϭⲁϧⲉⲙ	ouoh xen nitevnōouì tyrou fy niven eteniċop ǹte ratf forg ouoh efèṑli ǹnefieb ouoh ousaθmi efsaθmi m̀mof an evèṡōpi nōten evċaxem ouoh ouon niven etnaċi nem ny eθmōout ǹtōou evèṡōpi evċaxem	And whichever among the beasts divides the hoof and makes claws, and does not chew the cud, shall be unclean to you; every one that touches their dead bodies shall be unclean till evening.
11:27	ⲟⲩⲟϩ ⲑⲏⲣⲓⲟⲛ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛⲛⲟⲩϫⲓϫ ⲛⲏ ⲉⲧⲙⲟϣⲓ ϩⲓⲧⲟⲩϥⲧⲟ ⲥⲉϭⲁϧⲉⲙ ⲛⲱⲧⲉⲛ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲟⲩⲟϩ ⲑⲏⲣⲓⲟⲛ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛ ⲛⲟⲩϫⲓϫ ⲛⲏ ⲉⲧⲙⲟϣⲓ ϩⲓⲧⲟⲩϥⲧⲟ ⲥⲉϭⲁϧⲉⲙ ⲛⲱⲧⲉⲛ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	ouoh θyrion niven etmoṡi hijen noujig ny etmoṡi hitoufto seċaxem nōten ouoh ouon niven etnaċi nem ny etmōout ǹtōou efèṡōpi efċaxem ṡa f̀nav ǹhanarouhi	And every one among all the wild beasts that moves upon its fore feet, which goes on all four, is unclean to you; every one that touches their dead bodies shall be unclean till evening.
11:28	ⲟⲩⲟϩ ⲫⲏ ⲉⲧⲛⲁⲱⲗⲓ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ ⲛⲁⲓ ⲥⲉϭⲁϧⲉⲙ ⲛⲱⲧⲉⲛ	ⲟⲩⲟϩ ⲫⲏ ⲉⲧⲛⲁⲱ̀ⲗⲓ ⲉ̀ⲃⲟⲗ ϧⲉⲛ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲛⲁⲓ ⲥⲉϭⲁϧⲉⲙ ⲛⲱⲧⲉⲛ	ouoh fy etnaṑli èvol xen ny etmōout ǹtōou efèrōxi ǹnefh̀vōs ouoh efèṡōpi efċaxem ṡa f̀nav ǹhanarouhi nai seċaxem nōten	And he that takes of their dead bodies shall wash his garments, and shall be unclean till evening: these are unclean to you.
11:29	ⲟⲩⲟϩ ⲛⲁⲓ ⲥⲉϭⲁϧⲉⲙ ⲛⲱⲧⲉⲛ ⲉⲃⲟⲗ ϧⲉⲛⲛⲓϩⲁⲗⲁϯ ϭⲁⲧϥⲓ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛⲡⲓⲕⲁϩⲓ ϯⲕⲁⲗⲏ ⲛⲉⲙⲡⲓⲫⲓⲛ ⲛⲉⲙⲡⲓⲙⲥⲁϩ ⲛⲧⲱⲟⲩ	ⲟⲩⲟϩ ⲛⲁⲓ ⲥⲉϭⲁϧⲉⲙ ⲛⲱⲧⲉⲛ ⲉ̀ⲃⲟⲗ ϧⲉⲛ ⲛⲓϩⲁⲗⲁϯ ϭⲁⲧϥⲓ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛ ⲡⲓⲕⲁϩⲓ ϯⲕⲁⲗⲏ ⲛⲉⲙ ⲡⲓⲫⲓⲛ ⲛⲉⲙ ⲡⲓⲙ̀ⲥⲁϩ ⲛ̀ⲧⲱⲟⲩ	ouoh nai seċaxem nōten èvol xen nihalati ċatfi niven etmoṡi hijen pikahi tikaly nem pifin nem pim̀sah ǹtōou	And these are unclean to you of reptiles upon the earth, the weasel, and the mouse, and the lizard,
11:30	ⲛⲉⲙⲡⲓⲁⲗⲓⲗ ⲛⲉⲙⲡⲓⲭⲁⲙⲏⲗⲉⲟⲛ ⲛⲉⲙⲡⲓⲁⲛⲑⲟⲩⲥ ⲛⲉⲙϯⲁϥⲗⲉⲗⲓ ⲛⲉⲙⲡⲓⲥⲡⲁⲗⲁⲝ	ⲛⲉⲙ ⲡⲓⲁⲗⲓⲗ ⲛⲉⲙ ⲡⲓⲭⲁⲙⲏⲗⲉⲟⲛ ⲛⲉⲙ ⲡⲓⲁⲛⲑⲟⲩⲥ ⲛⲉⲙ ϯⲁϥⲗⲉⲗⲓ ⲛⲉⲙ ⲡⲓⲥⲡⲁⲗⲁⲝ	nem pialil nem pikamyleon nem pianθous nem tiafleli nem pispalaks	the ferret, and the chameleon, and the evet, and the newt, and the mole.
11:31	ⲛⲁⲓ ⲥⲉϭⲁϧⲉⲙ ⲛⲱⲧⲉⲛ ⲉⲃⲟⲗ ϧⲉⲛⲛⲓϭⲁⲧϥⲓ ⲧⲏⲣⲟⲩ ⲉⲧϩⲓϫⲉⲛ ⲡⲕⲁϩⲓ ⲟⲩⲟϩ ⲫⲏ ⲛⲓⲃⲉⲛ ⲉⲑⲛⲁϭⲓ ⲛⲉⲙⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲛⲁⲓ ⲥⲉϭⲁϧⲉⲙ ⲛⲱⲧⲉⲛ ⲉ̀ⲃⲟⲗ ϧⲉⲛ ⲛⲓϭⲁⲧϥⲓ ⲧⲏⲣⲟⲩ ⲉⲧϩⲓϫⲉⲛ ⲡ̀ⲕⲁϩⲓ ⲟⲩⲟϩ ⲫⲏ ⲛⲓⲃⲉⲛ ⲉⲑⲛⲁϭⲓ ⲛⲉⲙ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	nai seċaxem nōten èvol xen niċatfi tyrou et·hijen p̀kahi ouoh fy niven eθnaċi nem ny etmōout ǹtōou efèṡōpi efċaxem ṡa f̀nav ǹhanarouhi	These are unclean to you of all the reptiles which are on the earth; every one who touches their carcases shall be unclean till evening.
11:32	ⲟⲩⲟϩ ⲫⲏ ⲛⲓⲃⲉⲛ ⲉⲧⲉⲟⲩⲟⲛ ⲟⲩⲁⲓ ⲛⲧⲉⲛⲁⲓ ⲛⲁϩⲉⲓ ⲉϫⲱϥ ⲉϣⲱⲡ ⲁⲩϣⲁⲛⲙⲟⲩ ⲉϥⲉϣⲱⲡⲓ ⲉϥϭⲁϧⲉⲙ ⲓⲧⲉ ⲉⲃⲟⲗ ϧⲉⲛⲥⲕⲉⲩⲟⲥ ⲛⲓⲃⲉⲛ ⲛϣⲉ ⲓⲧⲉ ⲟⲩϩⲃⲟⲥ ⲛⲧⲉⲟⲩϣⲁⲣ ⲓⲧⲉ ⲟⲩⲥⲟⲕ ⲥⲕⲉⲩⲟⲥ ⲛⲓⲃⲉⲛ ⲉⲧⲟⲩⲛⲁⲓⲣⲓ ⲛⲟⲩϩⲱⲃ ⲛϧⲏⲧⲟⲩ ⲉⲩⲉⲟⲙⲥⲟⲩ ϧⲉⲛⲟⲩⲙⲱⲟⲩ ⲟⲩⲟϩ ⲉⲩⲉϣⲱⲡⲓ ⲉⲩϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ ⲟⲩⲟϩ ⲉⲩⲉϣⲱⲡⲓ ⲉⲩⲧⲟⲩⲃⲏⲟⲩⲧ	ⲟⲩⲟϩ ⲫⲏ ⲛⲓⲃⲉⲛ ⲉ̀ⲧⲉ ⲟⲩⲟⲛ ⲟⲩⲁⲓ ⲛ̀ⲧⲉ ⲛⲁⲓ ⲛⲁϩⲉⲓ ⲉ̀ϫⲱϥ ⲉϣⲱⲡ ⲁⲩϣⲁⲛⲙⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ⲓⲧⲉ ⲉ̀ⲃⲟⲗ ϧⲉⲛ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲉ ⲓⲧⲉ ⲟⲩϩⲃⲟⲥ ⲛ̀ⲧⲉ ⲟⲩϣⲁⲣ ⲓⲧⲉ ⲟⲩⲥⲟⲕ ⲥⲕⲉⲩⲟⲥ ⲛⲓⲃⲉⲛ ⲉⲧⲟⲩⲛⲁⲓ̀ⲣⲓ ⲛ̀ⲟⲩϩⲱⲃ ⲛ̀ϧⲏⲧⲟⲩ ⲉⲩⲉⲟⲙⲥⲟⲩ ϧⲉⲛ ⲟⲩⲙⲱⲟⲩ ⲟⲩⲟϩ ⲉⲩⲉ̀ϣⲱⲡⲓ ⲉⲩϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲟⲩⲟϩ ⲉⲩⲉ̀ϣⲱⲡⲓ ⲉⲩⲧⲟⲩⲃⲏⲟⲩⲧ	ouoh fy niven ète ouon ouai ǹte nai nahei ègōf eṡōp avṡanmou efèṡōpi efċaxem ite èvol xen skevos niven ǹṡe ite ouhvos ǹte ouṡar ite ousok skevos niven etounaìri ǹouhōb ǹxytou eveomsou xen oumōou ouoh evèṡōpi evċaxem ṡa f̀nav ǹhanarouhi ouoh evèṡōpi evtouvyout	And on whatsoever one of their dead bodies shall fall it shall be unclean; whatever wooden vessel, or garment, or skin, or sack it may be, every vessel in which work should be done, shall be dipped in water, and shall be unclean till evening; and then it shall be clean.
11:33	ⲟⲩⲟϩ ⲥⲕⲉⲩⲟⲥ ⲛⲓⲃⲉⲛ ⲙⲃⲉⲗϫ ⲉⲧⲉⲛⲁⲓ ⲛⲁϩⲉⲓ ⲉϧⲣⲏⲓ ⲛϧⲏⲧϥ ⲛⲏ ⲉⲧⲉⲛϧⲏⲧϥ ⲉⲩⲉϣⲱⲡⲓ ⲉⲩϭⲁϧⲉⲙ ⲟⲩⲟϩ ⲡⲓⲙⲟⲕⲓ ⲉⲩⲉϧⲉⲙϧⲱⲙϥ	ⲟⲩⲟϩ ⲥⲕⲉⲩⲟⲥ ⲛⲓⲃⲉⲛ ⲛ̀ⲃⲉⲗϫ ⲉ̀ⲧⲉ ⲛⲁⲓ ⲛⲁϩⲉⲓ ⲉ̀ϧ̀ⲣⲏⲓ ⲛ̀ϧⲏⲧϥ ⲛⲏ ⲉ̀ⲧⲉ ⲛ̀ϧⲏⲧϥ ⲉⲩⲉ̀ϣⲱⲡⲓ ⲉⲩϭⲁϧⲉⲙ ⲟⲩⲟϩ ⲡⲓⲙⲟⲕⲓ ⲉⲩⲉ̀ϧⲉⲙϧⲱⲙϥ	ouoh skevos niven ǹvelg ète nai nahei èx̀ryi ǹxytf ny ète ǹxytf evèṡōpi evċaxem ouoh pimoki evèxemxōmf	And every earthen vessel into which one of these things shall fall, whatsoever is inside it, shall be unclean, and it shall be broken.
11:34	ⲟⲩⲟϩ ϧⲣⲉ ⲛⲓⲃⲉⲛ ⲉⲧⲉⲧⲉⲛⲟⲩⲱⲙ ⲙⲙⲟϥ ⲉϣⲱⲡ ⲁϥϣⲁⲛϩⲉⲓ ⲉϫⲱϥ ⲛϫⲉⲟⲩⲙⲱⲟⲩ ⲛⲧⲉⲛⲁⲓ ⲉϥⲉϣⲱⲡⲓ ⲉϥϭⲁϧⲉⲙ ⲛⲉⲙⲥⲱ ⲛⲓⲃⲉⲛ ⲉⲧⲉⲧⲉⲛⲥⲱ ⲙⲙⲟϥ ϧⲉⲛⲙⲟⲕⲓ ⲛⲓⲃⲉⲛ ⲉϥⲉϣⲱⲡⲓ ⲉϥϭⲁϧⲉⲙ	ⲟⲩⲟϩ ϧⲣⲉ ⲛⲓⲃⲉⲛ ⲉⲧⲉⲧⲉⲛⲟⲩⲱⲙ ⲙ̀ⲙⲟϥ ⲉϣⲱⲡ ⲁϥϣⲁⲛϩⲉⲓ ⲉ̀ϫⲱϥ ⲛ̀ϫⲉ ⲟⲩⲙⲱⲟⲩ ⲛ̀ⲧⲉ ⲛⲁⲓ ⲉϥⲉ̀ϣⲱⲡⲓ ⲉϥϭⲁϧⲉⲙ ⲛⲉⲙ ⲥⲱ ⲛⲓⲃⲉⲛ ⲉⲧⲉⲧⲉⲛⲥⲱ ⲙ̀ⲙⲟϥ ϧⲉⲛ ⲙⲟⲕⲓ ⲛⲓⲃⲉⲛ ⲉϥⲉ̀ϣⲱⲡⲓ ⲉϥϭⲁϧⲉⲙ	ouoh xre niven etetenouōm m̀mof eṡōp afṡanhei ègōf ǹje oumōou ǹte nai efèṡōpi efċaxem nem sō niven etetensō m̀mof xen moki niven efèṡōpi efċaxem	And all food that is eaten, on which water shall come from such a vessel, shall be unclean; and every beverage which is drunk in any such vessel, shall be unclean.
11:35	ⲛⲉⲙⲛⲏ ⲧⲏⲣⲟⲩ ⲉⲧⲛⲁϩⲉⲓ ⲉⲣⲱⲟⲩ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛⲧⲉⲛⲁⲓ ⲉⲩⲉϣⲱⲡⲓ ⲉⲩϭⲁϧⲉⲙ ϩⲁⲛⲑⲣⲓⲣ ⲛⲉⲙϩⲁⲛϩⲣⲱ ⲉⲩⲉⲟⲩⲟϫⲡⲟⲩ ⲥⲉϭⲁϧⲉⲙ ⲟⲩⲟϩ ⲉⲩⲉϣⲱⲡⲓ ⲛⲱⲧⲉⲛ ⲉⲩϭⲁϧⲉⲙ	ⲛⲉⲙ ⲛⲏ ⲧⲏⲣⲟⲩ ⲉⲧⲛⲁϩⲉⲓ ⲉ̀ⲣⲱⲟⲩ ⲉ̀ⲃⲟⲗ ϧⲉⲛ ⲛⲏ ⲉⲧⲙⲱⲟⲩⲧ ⲛ̀ⲧⲉ ⲛⲁⲓ ⲉⲩⲉ̀ϣⲱⲡⲓ ⲉⲩϭⲁϧⲉⲙ ϩⲁⲛⲑⲣⲓⲣ ⲛⲉⲙ ϩⲁⲛϩ̀ⲣⲱ ⲉⲩⲉ̀ⲟⲩⲟϫⲡⲟⲩ ⲥⲉϭⲁϧⲉⲙ ⲟⲩⲟϩ ⲉⲩⲉ̀ϣⲱⲡⲓ ⲛⲱⲧⲉⲛ ⲉⲩϭⲁϧⲉⲙ	nem ny tyrou etnahei èrōou èvol xen ny etmōout ǹte nai evèṡōpi evċaxem hanθrir nem hanh̀rō evèouogpou seċaxem ouoh evèṡōpi nōten evċaxem	And every thing on which there shall fall of their dead bodies shall be unclean; ovens and stands for jars shall be broken down: these are unclean, and they shall be unclean to you.
11:36	ϣⲁⲧⲉⲛ ⲛⲓⲙⲟⲩⲙⲓ ⲙⲙⲱⲟⲩ ⲛⲉⲙⲛⲓⲗⲁⲕⲕⲟⲥ ⲛⲉⲙⲛⲓⲙⲁⲛⲑⲱⲟⲩϯ ⲛⲧⲉⲛⲓⲙⲱⲟⲩ ⲉⲩⲉϣⲱⲡⲓ ⲉⲩⲟⲩⲁⲃ ⲫⲏ ⲇⲉ ⲉⲧⲛⲁϭⲓ ⲛⲉⲙⲛⲏ ⲉⲧⲙⲱⲟⲩⲧ ⲛⲧⲉⲛⲁⲓ ⲉϥⲉϣⲱⲡⲓ ⲉϥϭⲁϧⲉⲙ	ϣⲁⲧⲉⲛ ⲛⲓⲙⲟⲩⲙⲓ ⲙ̀ⲙⲱⲟⲩ ⲛⲉⲙ ⲛⲓⲗⲁⲕⲕⲟⲥ ⲛⲉⲙ ⲛⲓⲙⲁⲛⲑⲱⲟⲩϯ ⲛ̀ⲧⲉ ⲛⲓⲙⲱⲟⲩ ⲉⲩⲉ̀ϣⲱⲡⲓ ⲉⲩⲟⲩⲁⲃ ⲫⲏ ⲇⲉ ⲉⲧⲛⲁϭⲓ ⲛⲉⲙ ⲛⲏ ⲉⲧⲙⲱⲟⲩⲧ ⲛ̀ⲧⲉ ⲛⲁⲓ ⲉϥⲉ̀ϣⲱⲡⲓ ⲉϥϭⲁϧⲉⲙ	ṡaten nimoumi m̀mōou nem nilakkos nem nimanθōouti ǹte nimōou evèṡōpi evouab fy ḋe etnaċi nem ny etmōout ǹte nai efèṡōpi efċaxem	Only if the water be of fountains of water, or a pool, or confluence of water, it shall be clean; but he that touches their carcases shall be unclean.
11:37	ⲉϣⲱⲡ ⲇⲉ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ ⲛⲧⲱⲟⲩ ⲛⲧⲟⲩϩⲉⲓ ⲉϫⲉⲛϫⲣⲟϫ ⲛⲓⲃⲉⲛ ⲛⲥⲓϯ ⲫⲏ ⲉⲧⲟⲩⲛⲁⲥⲁⲧϥ ϥϭⲁϧⲉⲙ	ⲉϣⲱⲡ ⲇⲉ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ ⲛ̀ⲧⲱⲟⲩ ⲛ̀ⲧⲟⲩϩⲉⲓ ⲉ̀ϫⲉ ⲛ̀ϫ̀ⲣⲟϫ ⲛⲓⲃⲉⲛ ⲛ̀ⲥⲓϯ ⲫⲏ ⲉⲧⲟⲩⲛⲁⲥⲁⲧϥ ϥ̀ϭⲁϧⲉⲙ	eṡōp ḋe èvol xen ny eθmōout ǹtōou ǹtouhei èje ǹg̀rog niven ǹsiti fy etounasatf f̀ċaxem	And if one of their carcases should fall upon any sowing seed which shall be sown, it shall be clean.
11:38	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲙⲱⲟⲩ ⲫⲱⲛ ⲉϩⲣⲏⲓ ⲉϫⲉⲛϫⲣⲟϫ ⲛⲓⲃⲉⲛ ⲟⲩⲟϩ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛⲧⲉⲛⲁⲓ ⲛⲧⲟⲩϩⲉⲓ ⲉϫⲱϥ ϥϭⲁϧⲉⲙ ⲛⲱⲧⲉⲛ	ⲉϣⲱⲡ ⲇⲉ ⲁⲣⲉϣⲁⲛ ⲟⲩⲙⲱⲟⲩ ⲫⲱⲛ ⲉ̀ϩ̀ⲣⲏⲓ ⲉ̀ϫⲉ ⲛ̀ϫ̀ⲣⲟϫ ⲛⲓⲃⲉⲛ ⲟⲩⲟϩ ⲉ̀ⲃⲟⲗ ϧⲉⲛ ⲛⲏ ⲉⲧⲙⲱⲟⲩⲧ ⲛ̀ⲧⲉ ⲛⲁⲓ ⲛ̀ⲧⲟⲩϩⲉⲓ ⲉ̀ϫⲱϥ ϥ̀ϭⲁϧⲉⲙ ⲛⲱⲧⲉⲛ	eṡōp ḋe areṡan oumōou fōn èh̀ryi èje ǹg̀rog niven ouoh èvol xen ny etmōout ǹte nai ǹtouhei ègōf f̀ċaxem nōten	But if water be poured on any seed, and one of their dead bodies fall upon it, it is unclean to you.
11:39	ⲉϣⲱⲡ ⲇⲉ ⲛⲧⲉⲟⲩⲟⲛ ⲙⲟⲩ ⲉⲃⲟⲗ ϧⲉⲛⲛⲓⲧⲉⲃⲛⲱⲟⲩⲓ ⲛⲁⲓ ⲉⲧϣⲟⲡ ⲛⲱⲧⲉⲛ ⲉⲑⲣⲉⲧⲉⲛⲟⲩⲟⲙⲟⲩ ⲫⲏ ⲛⲓⲃⲉⲛ ⲉⲑⲛⲁϭⲓ ⲛⲉⲙⲱⲟⲩ ⲧⲏⲣⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲉϣⲱⲡ ⲇⲉ ⲛ̀ⲧⲉ ⲟⲩⲟⲛ ⲙⲟⲩ ⲉ̀ⲃⲟⲗ ϧⲉⲛ ⲛⲓⲧⲉⲃⲛⲱⲟⲩⲓ̀ ⲛⲁⲓ ⲉⲧϣⲟⲡ ⲛⲱⲧⲉⲛ ⲉ̀ⲑⲣⲉⲧⲉⲛⲟⲩⲟⲙⲟⲩ ⲫⲏ ⲛⲓⲃⲉⲛ ⲉⲑⲛⲁϭⲓ ⲛⲉⲙⲱⲟⲩ ⲧⲏⲣⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	eṡōp ḋe ǹte ouon mou èvol xen nitevnōouì nai etṡop nōten èθretenouomou fy niven eθnaċi nemōou tyrou efèṡōpi efċaxem ṡa f̀nav ǹhanarouhi	And if one of the cattle die, which it is lawful for you to eat, he that touches their carcases shall be unclean till evening.
11:40	ⲟⲩⲟϩ ⲫⲏ ⲉⲧⲛⲁⲟⲩⲱⲙ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲛⲧⲱⲟⲩ ⲉϥⲉⲣⲱϧⲓ ⲟⲩⲟϩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ ⲟⲩⲟϩ ⲫⲏ ⲛⲓⲃⲉⲛ ⲉⲧⲛⲁⲱⲗⲓ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ ⲛⲧⲱⲟⲩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲉϥⲉϫⲱⲕⲉⲙ ϧⲉⲛⲟⲩⲙⲱⲟⲩ ⲟⲩⲟϩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ	ⲟⲩⲟϩ ⲫⲏ ⲉⲧⲛⲁⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲧⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ⲣⲱϧⲓ ⲟⲩⲟϩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲟⲩⲟϩ ⲫⲏ ⲛⲓⲃⲉⲛ ⲉⲧⲛⲁⲱ̀ⲗⲓ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ ⲛ̀ⲧⲱⲟⲩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲉϥⲉ̀ϫⲱⲕⲉⲙ ϧⲉⲛ ⲟⲩⲙⲱⲟⲩ ⲟⲩⲟϩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ	ouoh fy etnaouōm èvol xen ny etmōout ǹtōou efèrōxi ouoh efèṡōpi efċaxem ṡa f̀nav ǹhanarouhi ouoh fy niven etnaṑli èvol xen ny eθmōout ǹtōou efèrōxi ǹnefh̀vōs ouoh efègōkem xen oumōou ouoh efèṡōpi efċaxem ṡa f̀nav ǹhanarouhi	And he that eats of their carcases shall wash his garments, and be unclean till evening; and he that carries any of their carcases shall wash his garments, and bathe himself in water, and be unclean till evening.
11:41	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛⲡⲓⲕⲁϩⲓ ⲟⲩⲱⲣⲉⲃ ⲛⲱⲧⲉⲛ ⲡⲉ ⲫⲁⲓ ⲛⲛⲉⲧⲉⲛⲟⲩⲟⲙⲟⲩ	ⲟⲩⲟϩ ϭⲁⲧϥⲓ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛ ⲡⲓⲕⲁϩⲓ ⲟⲩⲱⲣⲉⲃ ⲛⲱⲧⲉⲛ ⲡⲉ ⲫⲁⲓ ⲛ̀ⲛⲉⲧⲉⲛⲟⲩⲟⲙⲟⲩ	ouoh ċatfi niven etmoṡi hijen pikahi ouōreb nōten pe fai ǹnetenouomou	And every reptile that creeps on the earth, this shall be an abomination to you; it shall not be eaten.
11:42	ⲟⲩⲟϩ ⲫⲏ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛⲧⲉϥⲛⲉϫⲓ ⲛⲉⲙⲫⲏ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛϯϥⲧⲟ ⲛⲥⲏⲟⲩ ⲛⲓⲃⲉⲛ ⲫⲏ ⲉⲧⲟϣ ⲙⲫⲁⲧ ϧⲉⲛⲛⲓϭⲁⲧϥⲓ ⲧⲏⲣⲟⲩ ⲉⲧⲱϣϯ ϩⲓϫⲉⲛⲡⲕⲁϩⲓ ⲛⲛⲉⲧⲉⲛⲟⲩⲟⲙⲟⲩ ϫⲉⲟⲩⲱⲣⲉⲃ ⲛⲱⲧⲉⲛ ⲡⲉ	ⲟⲩⲟϩ ⲫⲏ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛ ⲧⲉϥⲛⲉϫⲓ ⲛⲉⲙ ⲫⲏ ⲛⲓⲃⲉⲛ ⲉⲧⲙⲟϣⲓ ϩⲓϫⲉⲛ ϯϥⲧⲟ ⲛ̀ⲥⲏⲟⲩ ⲛⲓⲃⲉⲛ ⲫⲏ ⲉⲧⲟϣ ⲛ̀ⲫⲁⲧ ϧⲉⲛ ⲛⲓϭⲁⲧϥⲓ ⲧⲏⲣⲟⲩ ⲉⲧⲱϣϯ ϩⲓϫⲉⲛ ⲡ̀ⲕⲁϩⲓ ⲛ̀ⲛⲉⲧⲉⲛⲟⲩⲟⲙⲟⲩ ϫⲉ ⲟⲩⲱⲣⲉⲃ ⲛⲱⲧⲉⲛ ⲡⲉ	ouoh fy niven etmoṡi hijen tefneji nem fy niven etmoṡi hijen tifto ǹsyou niven fy etoṡ ǹfat xen niċatfi tyrou etōṡti hijen p̀kahi ǹnetenouomou je ouōreb nōten pe	And every animal that creeps on its belly, and every one that goes on four feet continually, which abounds with feet among all the reptiles creeping upon the earthye shall not eat it, for it is an abomination to you.
11:43	ⲟⲩⲟϩ ⲛⲛⲉⲧⲉⲛⲥⲱϥ ⲛⲛⲉⲧⲉⲛⲯⲩⲭⲏ ϧⲉⲛⲛⲓϭⲁⲧϥⲓ ⲧⲏⲣⲟⲩ ⲉⲧⲱϣϯ ϩⲓϫⲉⲛⲡⲕⲁϩⲓ ⲟⲩⲟϩ ⲛⲛⲉⲧⲉⲛⲥⲱϥ ⲛϧⲣⲏⲓ ϧⲉⲛⲛⲁⲓ ⲟⲩⲟϩ ⲛⲛⲉⲧⲉⲛϣⲱⲡⲓ ⲉⲩϭⲁϧⲉⲙ ⲛϧⲣⲏⲓ ⲛϧⲏⲧⲟⲩ	ⲟⲩⲟϩ ⲛ̀ⲛⲉⲧⲉⲛⲥⲱϥ ⲛ̀ⲛⲉⲧⲉⲛⲯⲩⲭⲏ ϧⲉⲛ ⲛⲓϭⲁⲧϥⲓ ⲧⲏⲣⲟⲩ ⲉⲧⲱϣϯ ϩⲓϫⲉⲛ ⲡ̀ⲕⲁϩⲓ ⲟⲩⲟϩ ⲛⲛⲉⲧⲉⲛⲥⲱϥ ⲛ̀ϧ̀ⲣⲏⲓ ϧⲉⲛ ⲛⲁⲓ ⲟⲩⲟϩ ⲛ̀ⲛⲉⲧⲉⲛϣⲱⲡⲓ ⲉⲩϭⲁϧⲉⲙ ⲛ̀ϧ̀ⲣⲏⲓ ⲛ̀ϧⲏⲧⲟⲩ	ouoh ǹnetensōf ǹnetenpsiṡy xen niċatfi tyrou etōṡti hijen p̀kahi ouoh nnetensōf ǹx̀ryi xen nai ouoh ǹnetenṡōpi evċaxem ǹx̀ryi ǹxytou	And ye shall not defile your souls with any of the reptiles that creep upon the earth, and ye shall not be polluted with them, and ye shall not be unclean by them.
11:44	ϫⲉⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲉⲣⲉⲧⲉⲛⲉⲧⲟⲩⲃⲟ ϫⲉϯⲟⲩⲁⲃ ⲁⲛⲟⲕ ⲡϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲛⲛⲉⲧⲉⲛϭⲱϧⲉⲙ ⲛⲛⲉⲧⲉⲛⲯⲩⲭⲏ ϧⲉⲛϭⲁⲧϥⲓ ⲛⲓⲃⲉⲛ ⲉⲧⲕⲓⲙ ϩⲓϫⲉⲛⲡⲓⲕⲁϩⲓ	ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲉ̀ⲣⲉⲧⲉⲛⲉⲧⲟⲩⲃⲟ ϫⲉ ϯⲟⲩⲁⲃ ⲁⲛⲟⲕ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲛ̀ⲛⲉⲧⲉⲛϭⲱϧⲉⲙ ⲛ̀ⲛⲉⲧⲉⲛⲯⲩⲭⲏ ϧⲉⲛ ϭⲁⲧϥⲓ ⲛⲓⲃⲉⲛ ⲉⲧⲕⲓⲙ ϩⲓϫⲉⲛ ⲡⲓⲕⲁϩⲓ	je anok pe p̀ċois petennouti ouoh èretenetouvo je tiouab anok p̀ċois petennouti ouoh ǹnetenċōxem ǹnetenpsiṡy xen ċatfi niven etkim hijen pikahi	For I am the Lord your God; and ye shall be sanctified, and ye shall be holy, because I the Lord your God am holy; and ye shall not defile your souls with any of the reptiles creeping upon the earth.
11:45	ϫⲉⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ ⲫⲏ ⲉⲧⲁϥⲉⲛ ⲑⲏⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ⲉⲑⲣⲓϣⲱⲡⲓ ⲛⲱⲧⲉⲛ ⲛⲛⲟⲩϯ ⲟⲩⲟϩ ⲉⲑⲣⲉⲧⲉⲛϣⲱⲡⲓ ⲉⲣⲉⲧⲉⲛⲟⲩⲁⲃ ϫⲉϯⲟⲩⲁⲃ ⲁⲛⲟⲕ	ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲫⲏ ⲉⲧⲁϥⲉⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲑⲣⲓϣⲱⲡⲓ ⲛⲱⲧⲉⲛ ⲛ̀ⲛⲟⲩϯ ⲟⲩⲟϩ ⲉ̀ⲑⲣⲉⲧⲉⲛϣⲱⲡⲓ ⲉ̀ⲣⲉⲧⲉⲛⲟⲩⲁⲃ ϫⲉ ϯⲟⲩⲁⲃ ⲁⲛⲟⲕ	je anok pe p̀ċois petennouti fy etafen θynou èvol xen p̀kahi ǹkymi èθriṡōpi nōten ǹnouti ouoh èθretenṡōpi èretenouab je tiouab anok	For I am the Lord who brought you up out of the land of Egypt to be your God; and ye shall be holy, for I the Lord am holy.
11:46	ⲫⲁⲓ ⲡⲉ ⲫⲛⲟⲙⲟⲥ ⲛⲧⲉⲛⲓⲧⲉⲃⲛⲱⲟⲩⲓ ⲛⲉⲙⲛⲓϩⲁⲗⲁϯ ⲛⲉⲙⲯⲩⲭⲏ ⲛⲓⲃⲉⲛ ⲉⲧⲕⲓⲙ ϧⲉⲛⲛⲓⲙⲱⲟⲩ ⲛⲉⲙⲯⲩⲭⲏ ⲛⲓⲃⲉⲛ ⲉⲧⲱϣϯ ϩⲓϫⲉⲛⲡⲕⲁϩⲓ	ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲧⲉ ⲛⲓⲧⲉⲃⲛⲱⲟⲩⲓ̀ ⲛⲉⲙ ⲛⲓϩⲁⲗⲁϯ ⲛⲉⲙ ⲯⲩⲭⲏ ⲛⲓⲃⲉⲛ ⲉⲧⲕⲓⲙ ϧⲉⲛ ⲛⲓⲙⲱⲟⲩ ⲛⲉⲙ ⲯⲩⲭⲏ ⲛⲓⲃⲉⲛ ⲉⲧⲱϣϯ ϩⲓϫⲉⲛ ⲡ̀ⲕⲁϩⲓ	fai pe f̀nomos ǹte nitevnōouì nem nihalati nem psiṡy niven etkim xen nimōou nem psiṡy niven etōṡti hijen p̀kahi	This is the law concerning beasts and birds and every living creature moving in the water, and every living creature creeping on the earth;
11:47	ⲟⲩⲟϩ ⲉⲟⲩⲱϯ ⲉⲃⲟⲗ ϧⲉⲛⲑⲙⲏϯ ⲛⲛⲏ ⲉⲧϭⲁϧⲉⲙ ⲛⲉⲙϧⲉⲛⲑⲙⲏϯ ⲛⲛⲏ ⲉⲧⲧⲟⲩⲃⲏⲟⲩⲧ ⲟⲩⲟϩ ⲉⲧⲥⲁⲃⲉ ⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲑⲙⲏϯ ⲛⲛⲏ ⲉⲧⲧⲁⲛϧⲟ ⲛⲛⲏ ⲉⲧⲉⲟⲩⲟⲩⲟⲙⲟⲩ ⲛⲉⲙϧⲉⲛⲑⲙⲏϯ ⲛⲛⲏ ⲉⲧⲧⲁⲛϧⲟ ⲉⲛⲏ ⲉⲧⲉⲙⲡⲁⲩⲟⲩⲟⲙⲟⲩ	ⲟⲩⲟϩ ⲉ̀ⲟⲩⲱϯ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲛⲏ ⲉⲧϭⲁϧⲉⲙ ⲛⲉⲙ ϧⲉⲛ ⲑ̀ⲙⲏϯ ⲛ̀ⲛⲏ ⲉⲧⲧⲟⲩⲃⲏⲟⲩⲧ ⲟⲩⲟϩ ⲉ̀ⲧ̀ⲥⲁⲃⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲑ̀ⲙⲏϯ ⲛ̀ⲛⲏ ⲉⲧⲧⲁⲛϧⲟ ⲛ̀ⲛⲏ ⲉ̀ⲧⲉ ⲟⲩⲟⲩⲟⲙⲟⲩ ⲛⲉⲙ ϧⲉⲛ ⲑ̀ⲙⲏϯ ⲛ̀ⲛⲏ ⲉⲧⲧⲁⲛϧⲟ ⲉ̀ⲛⲏ ⲉ̀ⲧⲉ ⲙⲡⲁⲩⲟⲩⲟⲙⲟⲩ	ouoh èouōti èvol xen θ̀myti ǹny etċaxem nem xen θ̀myti ǹny ettouvyout ouoh èt̀save nenṡyri ǹpisrayl xen θ̀myti ǹny ettanxo ǹny ète ououomou nem xen θ̀myti ǹny ettanxo èny ète mpavouomou	to distinguish between the unclean and the clean; and between those that bring forth alive, such as should be eaten, and those that bring forth alive, such as should not be eaten.

Provenance

title: Leviticus 11
dialect: bohairic
source: Coptic SCRIPTORIUM corpus "bohairic.ot", document 03_Leviticus_11
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 11 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_11, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/11.bohairic.scriptorium.L0.txt
title: Leviticus 11 — Cairene
dialect: bohairic
source: generated from 11.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_11)
licence: CC BY-SA 4.0
share: attribution
attribution: Leviticus 11 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_11, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/11.bohairic.scriptorium.L1.txt
title: Leviticus 11 — Kemetic
dialect: bohairic
source: generated from 11.bohairic.scriptorium.L1.txt
licence: CC BY-SA 4.0
share: attribution
attribution: Leviticus 11 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_11, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/11.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 47 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_11 (47 lines)

Cite as:

Leviticus 11. Coptic SCRIPTORIUM corpus "bohairic.ot", document 03_Leviticus_11. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/11.bohairic.scriptorium/. Leviticus 11 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_11, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.