Leviticus 14 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_14

Attribution: Leviticus 14 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_14, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

57 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
14:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
14:2	ϫⲉⲫⲁⲓ ⲡⲉ ⲫⲛⲟⲙⲟⲥ ⲛⲧⲉⲡⲓⲕⲁⲕⲥⲉϩⲧ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲧⲟⲩⲃⲟ ⲟⲩⲟϩ ⲉⲩⲉⲉⲛϥ ϩⲁⲡⲓⲟⲩⲏⲃ	ϫⲉ ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲧⲉ ⲡⲓⲕⲁⲕⲥⲉϩⲧ ϧⲉⲛ ⲡⲓⲉ̀ϩⲟⲟⲩ ⲉⲧⲉϥⲛⲁⲧⲟⲩⲃⲟ ⲟⲩⲟϩ ⲉⲩⲉⲉⲛϥ ϩⲁ ⲡⲓⲟⲩⲏⲃ	je fai pe f̀nomos ǹte pikak·seht xen pièhoou etefnatouvo ouoh eveenf ha piouyb	This is the law of the leper: in whatsoever day he shall have been cleansed, then shall he be brought to the priest.
14:3	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲓ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲧⲁⲗϭⲟ ⲛϫⲉⲡⲓϭⲟϩ ⲛⲧⲉⲡⲓⲥⲉϩⲧ ⲉⲃⲟⲗ ϧⲉⲛⲡⲓⲕⲁⲕⲥⲉϩⲧ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲓ̀ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲧⲁⲗϭⲟ ⲛ̀ϫⲉ ⲡⲓϭⲟϩ ⲛ̀ⲧⲉ ⲡⲓⲥⲉϩⲧ ⲉ̀ⲃⲟⲗ ϧⲉⲛ ⲡⲓⲕⲁⲕⲥⲉϩⲧ	ouoh ère piouyb efèì savol ǹtiparemboly ouoh efènav ǹje piouyb ouoh hyppe aftalċo ǹje piċoh ǹte piseht èvol xen pikak·seht	And the priest shall come forth out of the camp, and the priest shall look, and, behold, the plague of the leprosy is removed from the leper.
14:4	ⲟⲩⲟϩ ⲉϥⲉⲟⲩⲁϩⲥⲁϩⲛⲓ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉϭⲓ ⲛϫⲉⲫⲏ ⲉⲧⲁϥⲧⲟⲩⲃⲟ ⲛⲉⲣϫ ⲥⲛⲟⲩϯ ⲉⲩⲟⲛϧ ⲟⲩⲟϩ ⲉⲩⲧⲟⲩⲃⲏⲟⲩⲧ ⲛⲉⲙⲟⲩϣⲉⲛⲥⲓϥⲓ ⲛⲉⲙⲟⲩϩⲱⲥ ⲛⲕⲟⲕⲕⲟⲥ ⲉϥⲥⲁϯ ⲛⲉⲙⲟⲩϩⲩⲥⲱⲡⲟⲥ	ⲟⲩⲟϩ ⲉϥⲉ̀ⲟⲩⲁϩⲥⲁϩⲛⲓ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ϭⲓ ⲛ̀ϫⲉ ⲫⲏ ⲉⲧⲁϥⲧⲟⲩⲃⲟ ⲛ̀ⲉⲣϫ ⲥ̀ⲛⲟⲩϯ ⲉⲩⲟⲛϧ ⲟⲩⲟϩ ⲉⲩⲧⲟⲩⲃⲏⲟⲩⲧ ⲛⲉⲙ ⲟⲩϣⲉⲛⲥⲓϥⲓ ⲛⲉⲙ ⲟⲩϩⲱⲥ ⲛ̀ⲕⲟⲕⲕⲟⲥ ⲉϥⲥⲁϯ ⲛⲉⲙ ⲟⲩϩⲩⲥⲱⲡⲟⲥ	ouoh efèouahsahni ǹje piouyb ouoh efèċi ǹje fy etaftouvo ǹerg s̀nouti evonx ouoh evtouvyout nem ouṡensifi nem ouhōs ǹkokkos efsati nem ouhisōpos	And the priest shall give directions, and they shall take for him that is cleansed two clean live birds, and cedar wood, and spun scarlet, and hyssop.
14:5	ⲟⲩⲟϩ ⲉϥⲉⲟⲩⲁϩⲥⲁϩⲛⲓ ⲛϫⲉⲡⲓⲟⲩⲏⲃ ⲟⲩⲟϩ ⲉⲩⲉϧⲟⲗϧⲉⲗ ⲛⲟⲩⲁⲓ ⲛⲛⲓⲉⲣϫ ϧⲉⲛⲟⲩⲙⲟⲕⲓ ⲙⲃⲉⲗϫ ⲉϩⲣⲏⲓ ⲉϫⲉⲛⲟⲩⲙⲱⲟⲩ ⲉϥⲟⲛϧ	ⲟⲩⲟϩ ⲉϥⲉ̀ⲟⲩⲁϩⲥⲁϩⲛⲓ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉⲩⲉ̀ϧⲟⲗϧⲉⲗ ⲛ̀ⲟⲩⲁⲓ ⲛ̀ⲛⲓⲉⲣϫ ϧⲉⲛ ⲟⲩⲙⲟⲕⲓ ⲛ̀ⲃⲉⲗϫ ⲉ̀ϩ̀ⲣⲏⲓ ⲉ̀ϫⲉⲛ ⲟⲩⲙⲱⲟⲩ ⲉϥⲟⲛϧ	ouoh efèouahsahni ǹje piouyb ouoh evèxolxel ǹouai ǹnierg xen oumoki ǹvelg èh̀ryi èjen oumōou efonx	And the priest shall give direction, and they shall kill one bird over an earthen vessel over running water.
14:6	ⲟⲩⲟϩ ⲉϥⲉϭⲓ ⲛϯⲉⲣϫ ⲉⲧⲟⲛϧ ⲛⲉⲙⲡⲓϣⲉⲛⲥⲓϥⲓ ⲛⲉⲙⲡⲓϩⲱⲥ ⲛⲕⲟⲕⲕⲟⲥ ⲉⲧⲥⲁϯ ⲛⲉⲙⲡⲓϩⲩⲥⲱⲡⲟⲥ ⲟⲩⲟϩ ⲉϥⲉⲥⲟⲡⲟⲩ ⲛⲉⲙϯⲉⲣϫ ⲉⲧⲟⲛϧ ϧⲉⲛⲡⲥⲛⲟϥ ⲛϯⲉⲣϫ ⲉⲧⲁⲩϧⲉⲗϧⲱⲗⲥ ⲉϩⲣⲏⲓ ⲉϫⲉⲛⲟⲩⲙⲱⲟⲩ ⲉϥⲟⲛϧ	ⲟⲩⲟϩ ⲉϥⲉ̀ϭⲓ ⲛ̀ϯⲉⲣϫ ⲉⲧⲟⲛϧ ⲛⲉⲙ ⲡⲓϣⲉⲛⲥⲓϥⲓ ⲛⲉⲙ ⲡⲓϩⲱⲥ ⲛ̀ⲕⲟⲕⲕⲟⲥ ⲉ̀ⲧ̀ⲥⲁϯ ⲛⲉⲙ ⲡⲓϩⲩⲥⲱⲡⲟⲥ ⲟⲩⲟϩ ⲉϥⲉ̀ⲥⲟⲡⲟⲩ ⲛⲉⲙ ϯⲉⲣϫ ⲉⲧⲟⲛϧ ϧⲉⲛ ⲡ̀ⲥ̀ⲛⲟϥ ⲛ̀ϯⲉⲣϫ ⲉⲧⲁⲩϧⲉⲗϧⲱⲗⲥ ⲉ̀ϩ̀ⲣⲏⲓ ⲉ̀ϫⲉⲛ ⲟⲩⲙⲱⲟⲩ ⲉϥⲟⲛϧ	ouoh efèċi ǹtierg etonx nem piṡensifi nem pihōs ǹkokkos èt̀sati nem pihisōpos ouoh efèsopou nem tierg etonx xen p̀·s̀nof ǹtierg etavxelxōls èh̀ryi èjen oumōou efonx	And as for the living bird he shall take it, and the cedar wood, and the spun scarlet, and the hyssop, and he shall dip them and the living bird into the blood of the bird that was slain over running water.
14:7	ⲟⲩⲟϩ ⲉϥⲉⲛⲟⲩϫϧ ⲛⲍ̅ ⲛⲥⲟⲡ ⲉϩⲣⲏⲓ ⲉϫⲉⲛⲫⲏ ⲉⲧⲁϥⲧⲟⲩⲃⲟ ⲉⲃⲟⲗ ϧⲉⲛⲡⲓⲥⲉϩⲧ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ϯⲉⲣϫ ⲉⲧⲟⲛϧ ⲉϥⲉⲟⲩⲟⲣⲡⲥ ⲉⲃⲟⲗ ⲉⲡⲓⲙⲉϣϣⲱⲧ	ⲟⲩⲟϩ ⲉϥⲉ̀ⲛⲟⲩϫϧ ⲛ̀7 ⲛ̀ⲥⲟⲡ ⲉ̀ϩ̀ⲣⲏⲓ ⲉ̀ϫⲉⲛ ⲫⲏ ⲉⲧⲁϥⲧⲟⲩⲃⲟ ⲉ̀ⲃⲟⲗ ϧⲉⲛ ⲡⲓⲥⲉϩⲧ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ϯⲉⲣϫ ⲉⲧⲟⲛϧ ⲉϥⲉ̀ⲟⲩⲟⲣⲡⲥ ⲉ̀ⲃⲟⲗ ⲉ̀ⲡⲓⲙⲉϣϣⲱⲧ	ouoh efènougx ǹ7 ǹsop èh̀ryi èjen fy etaftouvo èvol xen piseht ouoh efèṡōpi eftouvyout ouoh tierg etonx efèouorp·s èvol èpimeṡṡōt	And he shall sprinkle seven times upon him that was cleansed of his leprosy, and he shall be clean; and he shall let go the living bird into the field.
14:8	ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲛϫⲉⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉϧⲉⲕϩ ⲡⲉϥϥⲱⲓ ⲧⲏⲣϥ ⲟⲩⲟϩ ⲉϥⲉϫⲱⲕⲉⲙ ϧⲉⲛⲟⲩⲙⲱⲟⲩ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉϥⲉⲓ ⲉϧⲟⲩⲛ ⲉϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉⲟϩⲓ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲛⲍ̅ ⲛⲉϩⲟⲟⲩ	ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲛ̀ϫⲉ ⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉ̀ϧⲉⲕϩ ⲡⲉϥϥⲱⲓ ⲧⲏⲣϥ ⲟⲩⲟϩ ⲉϥⲉ̀ϫⲱⲕⲉⲙ ϧⲉⲛ ⲟⲩⲙⲱⲟⲩ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲉϥⲉ̀ⲓ̀ ⲉ̀ϧⲟⲩⲛ ⲉ̀ϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉ̀ⲟ̀ϩⲓ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲛ̀ϣⲁϣϥ ⲛ̀ⲉ̀ϩⲟⲟⲩ	ouoh efèrōxi ǹnefh̀vōs ǹje fy etaftouvo ouoh efèxek·h peffōi tyrf ouoh efègōkem xen oumōou ouoh efèṡōpi eftouvyout ouoh menensa nai efèì èxoun ètiparemboly ouoh efèòhi savol ǹtiparemboly ǹṡaṡf ǹèhoou	and the man that has been cleansed shall wash his garments, and shall shave off all his hair, and shall wash himself in water, and shall be clean; and after that he shall go into the camp, and shall remain out of his house seven days.
14:9	ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅ ⲉϥⲉϧⲉⲕϩ ⲡⲉϥϥⲱⲓ ⲧⲏⲣϥ ⲧⲉϥⲁⲫⲉ ⲛⲉⲙⲧⲉϥⲙⲟⲣⲧ ⲛⲉⲙⲛⲉϥⲙⲉϫⲉⲛϩ ⲛⲉⲙϥⲱⲓ ⲛⲓⲃⲉⲛ ⲉⲧⲉⲛⲧⲁϥ ⲉϥⲉϧⲟⲕϩⲟⲩ ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲉϥⲉϫⲉⲕⲉⲙ ⲡⲉϥⲥⲱⲙⲁ ϧⲉⲛⲟⲩⲙⲱⲟⲩ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉⲥⲉϣⲱⲡⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲉϥⲉ̀ϧⲉⲕϩ ⲡⲉϥϥⲱⲓ ⲧⲏⲣϥ ⲧⲉϥⲁ̀ⲫⲉ ⲛⲉⲙ ⲧⲉϥⲙⲟⲣⲧ ⲛⲉⲙ ⲛⲉϥⲙⲉϫⲉⲛϩ ⲛⲉⲙ ϥⲱⲓ ⲛⲓⲃⲉⲛ ⲉ̀ⲧⲉ ⲛ̀ⲧⲁϥ ⲉϥⲉ̀ϧⲟⲕϩⲟⲩ ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲉϥⲉ̀ϫⲉⲕⲉⲙ ⲡⲉϥⲥⲱⲙⲁ ϧⲉⲛ ⲟⲩⲙⲱⲟⲩ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	ouoh eseṡōpi xen pièhoou ǹmah 7 efèxek·h peffōi tyrf tefàfe nem tefmort nem nefmejenh nem fōi niven ète ǹtaf efèxok·hou ouoh efèrōxi ǹnefh̀vōs ouoh efèjekem pefsōma xen oumōou ouoh efèṡōpi eftouvyout	And it shall come to pass on the seventh day, he shall shave off all his hair, his head and his beard, and his eye-brows, even all his hair shall he shave; and he shall wash his garments, and wash his body with water, and shall be clean.
14:10	ⲟⲩⲟϩ ϧⲉⲛⲡⲓⲉϩⲟⲟⲩ ⲙⲙⲁϩ ⲏ̅ ⲉϥⲉϭⲓ ⲛϩⲓⲏⲃ ⲃ̅ ⲛⲁⲧⲁϭⲛⲓ ⲉⲁⲩⲉⲣⲟⲩⲣⲟⲙⲡⲓ ⲟⲩⲟϩ ⲟⲩⲁⲓ ⲛⲉⲥⲱⲟⲩ ⲛⲁⲧⲁϭⲛⲓ ⲉⲁϥⲉⲣⲟⲩⲣⲟⲙⲡⲓ ⲛⲉⲙⲅ̅ ⲛⲣⲉⲙⲏⲧ ⲛⲥⲉⲙⲓⲇⲁⲗⲓⲟⲛ ⲉⲩϣⲟⲩϣⲱⲟⲩϣⲓ ⲉⲩⲟⲩⲟϣⲉⲙ ϧⲉⲛⲟⲩⲛⲉϩ ⲛⲉⲙⲟⲩⲗⲟⲕ ⲛⲛⲉϩ	ⲟⲩⲟϩ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 8 ⲉϥⲉ̀ϭⲓ ⲛ̀ϩⲓⲏⲃ 2 ⲛ̀ⲁⲧⲁϭⲛⲓ ⲉⲁⲩⲉⲣⲟⲩⲣⲟⲙⲡⲓ ⲟⲩⲟϩ ⲟⲩⲁⲓ ⲛ̀ⲉⲥⲱⲟⲩ ⲛ̀ⲁⲧⲁϭⲛⲓ ⲉⲁϥⲉⲣⲟⲩⲣⲟⲙⲡⲓ ⲛⲉⲙ 3 ⲛ̀ⲣⲉⲙⲏⲧ ⲛ̀ⲥⲉⲙⲓⲇⲁⲗⲓⲟⲛ ⲉⲩϣⲟⲩϣⲱⲟⲩϣⲓ ⲉⲩⲟⲩⲟϣⲉⲙ ϧⲉⲛ ⲟⲩⲛⲉϩ ⲛⲉⲙ ⲟⲩⲗⲟⲕ ⲛ̀ⲛⲉϩ	ouoh xen pièhoou ǹmah 8 efèċi ǹhiyb 2 ǹataċni eaverourompi ouoh ouai ǹesōou ǹataċni eaferourompi nem 3 ǹremyt ǹsemiḋalion evṡouṡōouṡi evouoṡem xen ouneh nem oulok ǹneh	And on the eighth day he shall take two lambs without spot of a year old, and one ewe lamp without spot of a year old, and three-tenths of fine flour for sacrifice kneaded with oil, and one small cup of oil.
14:11	ⲟⲩⲟϩ ⲡⲓⲟⲩⲏⲃ ⲉⲧⲧⲟⲩⲃⲟ ⲉϥⲉⲧⲁϩⲟ ⲉⲣⲁⲧϥ ⲙⲡⲓⲣⲱⲙⲓ ⲉⲧⲛⲁⲧⲟⲩⲃⲟ ⲛⲉⲙⲛⲁⲓ ⲙⲡⲉⲙⲑⲟ ⲙⲡϭⲟⲓⲥ ϩⲓⲣⲉⲛⲫⲣⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲡⲓⲟⲩⲏⲃ ⲉ̀ⲧ̀ⲧⲟⲩⲃⲟ ⲉϥⲉ̀ⲧⲁϩⲟ ⲉ̀ⲣⲁⲧϥ ⲛ̀ⲡⲓⲣⲱⲙⲓ ⲉⲧⲛⲁⲧⲟⲩⲃⲟ ⲛⲉⲙ ⲛⲁⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ϩⲓⲣⲉⲛⲫ̀ⲣⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh piouyb èt̀touvo efètaho èratf ǹpirōmi etnatouvo nem nai ǹpem̀θo ǹp̀ċois hirenf̀ro ǹtis̀kiny ǹte timetmeθre	And the priest that cleanses shall present the man under purification, and these offerings before the Lord, at the door of the tabernacle of witness.
14:12	ⲟⲩⲟϩ ⲉⲣⲉⲡⲓⲟⲩⲏⲃ ⲱⲗⲓ ⲙⲡⲓⲟⲩⲁⲓ ⲛϩⲓⲏⲃ ⲟⲩⲟϩ ⲉϥⲉⲉⲛϥ ⲉϩⲣⲏⲓ ⲉϫⲉⲛϯⲙⲉⲧϣⲁϥⲧ ⲛⲉⲙⲡⲓⲗⲟⲕ ⲛⲛⲉϩ ⲟⲩⲟϩ ⲉϥⲉⲟⲩⲟⲧⲟⲩ ⲉⲃⲟⲗ ⲛⲟⲩⲫⲱⲣϫ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲱ̀ⲗⲓ ⲛ̀ⲡⲓⲟⲩⲁⲓ ⲛ̀ϩⲓⲏⲃ ⲟⲩⲟϩ ⲉϥⲉ̀ⲉⲛϥ ⲉ̀ϩ̀ⲣⲏⲓ ⲉ̀ϫⲉⲛ ϯⲙⲉⲧϣⲁϥⲧ ⲛⲉⲙ ⲡⲓⲗⲟⲕ ⲛ̀ⲛⲉϩ ⲟⲩⲟϩ ⲉϥⲉ̀ⲟⲩⲟⲧⲟⲩ ⲉ̀ⲃⲟⲗ ⲛ̀ⲟⲩⲫⲱⲣϫ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh ère piouyb ṑli ǹpiouai ǹhiyb ouoh efèenf èh̀ryi èjen timetṡaft nem pilok ǹneh ouoh efèouotou èvol ǹoufōrg ǹpem̀θo ǹp̀ċois	And the priest shall take one lamb, and offer him for a trespass-offering, and the cup of oil, and set them apart for a special offering before the Lord.
14:13	ⲟⲩⲟϩ ⲉⲩⲉϧⲟⲗϧⲉⲗ ⲙⲡⲓϩⲓⲏⲃ ⲙⲡⲓⲙⲁ ⲉⲧⲟⲩⲛⲁϧⲟⲗϧⲉⲗ ⲙⲡⲓϭⲗⲓⲗ ⲛϫⲟϥϫⲉϥ ⲙⲙⲟϥ ⲛⲉⲙⲛⲏ ⲉⲧⲉⲉⲑⲃⲉⲫⲛⲟⲃⲓ ϧⲉⲛⲟⲩⲙⲁ ⲉⲑⲟⲩⲁⲃ ⲫⲏ ⲅⲁⲣ ⲉⲑⲃⲉⲫⲛⲟⲃⲓ ⲙⲫⲣⲏϯ ⲙⲫⲏ ⲉⲧⲉⲉⲑⲃⲉϯⲙⲉⲧϣⲁϥⲧ ⲉⲧϣⲟⲡ ⲙⲡⲓⲟⲩⲏⲃ ⲛⲉⲑⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲛⲉ	ⲟⲩⲟϩ ⲉⲩⲉ̀ϧⲟⲗϧⲉⲗ ⲛ̀ⲡⲓϩⲓⲏⲃ ⲛ̀ⲡⲓⲙⲁ ⲉⲧⲟⲩⲛⲁϧⲟⲗϧⲉⲗ ⲛ̀ⲡⲓϭⲗⲓⲗ ⲛ̀ϫⲟϥϫⲉ ϥ ⲙ̀ⲙⲟϥ ⲛⲉⲙ ⲛⲏ ⲉ̀ⲧⲉ ⲉⲑⲃⲉ ⲫ̀ⲛⲟⲃⲓ ϧⲉⲛ ⲟⲩⲙⲁ ⲉⲑⲟⲩⲁⲃ ⲫⲏ ⲅⲁⲣ ⲉⲑⲃⲉ ⲫ̀ⲛⲟⲃⲓ ⲛ̀ⲫ̀ⲣⲏϯ ⲛ̀ⲫⲏ ⲉ̀ⲧⲉ ⲉⲑⲃⲉ ϯⲙⲉⲧϣⲁϥⲧ ⲉⲧϣⲟⲡ ⲛ̀ⲡⲓⲟⲩⲏⲃ ⲛ̀ⲉⲑⲟⲩⲁⲃ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲉ	ouoh evèxolxel ǹpihiyb ǹpima etounaxolxel ǹpiċlil ǹgofje f m̀mof nem ny ète eθve f̀novi xen ouma eθouab fy ġar eθve f̀novi ǹf̀ryti ǹfy ète eθve timetṡaft etṡop ǹpiouyb ǹeθouab ǹte ny eθouab ne	and they shall kill the lamb in the place where they kill the whole-burnt-offerings, and the sin-offerings, in the holy places; for it is a sin-offering: as the trespass-offering, it belongs to the priest, it is most holy.
14:14	ⲟⲩⲟϩ ⲉⲣⲉⲡⲓⲟⲩⲏⲃ ⲱⲗⲓ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲫⲏ ⲉⲧⲉⲉⲑⲃⲉϯⲙⲉⲧϣⲁϥⲧ ⲟⲩⲟϩ ⲉϥⲉⲧⲁⲗⲟ ⲛϫⲉⲡⲓⲟⲩⲏⲃ ⲉϫⲉⲛⲡⲓⲗⲟⲃⲟⲥ ⲛⲧⲉⲫⲙⲁϣϫ ⲛⲟⲩⲓⲛⲁⲙ ⲛⲧⲉⲫⲏ ⲉⲧⲧⲟⲩⲃⲟ ⲙⲙⲟϥ ⲛⲉⲙⲉϫⲉⲛϩⲏⲧⲥ ⲛⲧⲉϥϫⲓϫ ⲛⲟⲩⲓⲛⲁⲙ ⲛⲉⲙⲉϫⲉⲛϩⲏⲧⲥ ⲛⲧⲉϥⲫⲁⲧ ⲛⲟⲩⲓⲛⲁⲙ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲫⲏ ⲉ̀ⲧⲉ ⲉⲑⲃⲉ ϯⲙⲉⲧϣⲁϥⲧ ⲟⲩⲟϩ ⲉϥⲉ̀ⲧⲁⲗⲟ ⲛ̀ϫⲉ ⲡⲓⲟⲩⲏⲃ ⲉ̀ϫⲉⲛ ⲡⲓⲗⲟⲃⲟⲥ ⲛ̀ⲧⲉ ⲫ̀ⲙⲁϣϫ ⲛ̀ⲟⲩⲓ̀ⲛⲁⲙ ⲛ̀ⲧⲉ ⲫⲏ ⲉ̀ⲧ̀ⲧⲟⲩⲃⲟ ⲙ̀ⲙⲟϥ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥⲫⲁⲧ ⲛ̀ⲟⲩⲓ̀ⲛⲁⲙ	ouoh ère piouyb ṑli èvol xen pis̀nof ǹte fy ète eθve timetṡaft ouoh efètalo ǹje piouyb èjen pilobos ǹte f̀maṡg ǹouìnam ǹte fy èt̀touvo m̀mof nem èjen hyts ǹtefjig ǹouìnam nem èjen hyts ǹteffat ǹouìnam	And the priest shall take of the blood of the trespass-offering, and the priest shall put it on the tip of the right ear of the person under cleansing, and on the thumb of his right hand, and on the great toe of his right foot.
14:15	ⲟⲩⲟϩ ⲉⲣⲉⲡⲓⲟⲩⲏⲃ ⲱⲗⲓ ⲉⲃⲟⲗ ϧⲉⲛⲡⲓⲗⲟⲕ ⲛⲛⲉϩ ⲉϥⲉϫⲱϣ ⲉϫⲉⲛⲧⲉϥϫⲓϫ ⲛϫⲁϭⲏ ⲛⲧⲉⲡⲓⲟⲩⲏⲃ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲗⲟⲕ ⲛ̀ⲛⲉϩ ⲉϥⲉ̀ϫⲱϣ ⲉ̀ϫⲉⲛ ⲧⲉϥϫⲓϫ ⲛ̀ϫⲁϭⲏ ⲛ̀ⲧⲉ ⲡⲓⲟⲩⲏⲃ	ouoh ère piouyb ṑli èvol xen pilok ǹneh efègōṡ èjen tefjig ǹgaċy ǹte piouyb	And the priest shall take of the cup of oil, and shall pour it upon his own left hand.
14:16	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲥⲉⲡ ⲡⲉϥⲧⲏⲃ ⲛⲟⲩⲓⲛⲁⲙ ϧⲉⲛⲡⲓⲛⲉϩ ⲉⲧϧⲉⲛⲧⲉϥϫⲓϫ ⲛϫⲁϭⲏ ⲟⲩⲟϩ ⲉϥⲉⲛⲟⲩϫϧ ⲙⲡⲉϥⲧⲏⲃ ⲉⲃⲟⲗ ϧⲉⲛⲡⲓⲛⲉϩ ⲛⲍ̅ ⲛⲥⲟⲡ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲥⲉⲡ ⲡⲉϥⲧⲏⲃ ⲛ̀ⲟⲩⲓ̀ⲛⲁⲙ ϧⲉⲛ ⲡⲓⲛⲉϩ ⲉⲧϧⲉⲛ ⲧⲉϥϫⲓϫ ⲛ̀ϫⲁϭⲏ ⲟⲩⲟϩ ⲉϥⲉ̀ⲛⲟⲩϫϧ ⲛ̀ⲡⲉϥⲧⲏⲃ ⲉ̀ⲃⲟⲗ ϧⲉⲛ ⲡⲓⲛⲉϩ ⲛ̀7 ⲛ̀ⲥⲟⲡ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh ère piouyb efèsep peftyb ǹouìnam xen pineh etxen tefjig ǹgaċy ouoh efènougx ǹpeftyb èvol xen pineh ǹ7 ǹsop ǹpem̀θo ǹp̀ċois	And he shall dip with the finger of his right hand into some of the oil that is in his left hand, and he shall sprinkle with his finger seven times before the Lord.
14:17	ⲡⲓⲛⲉϩ ⲇⲉ ⲉⲧⲁϥⲥⲱϫⲡ ϧⲉⲛⲧⲉϥϫⲓϫ ⲉϥⲉⲧⲁⲗⲟϥ ⲛϫⲉⲡⲓⲟⲩⲏⲃ ⲉϫⲉⲛⲡⲓⲗⲟⲃⲟⲥ ⲛⲧⲉⲫⲙⲁϣϫ ⲛⲟⲩⲓⲛⲁⲙ ⲛⲧⲉⲫⲏ ⲉⲧⲧⲟⲩⲃⲟ ⲙⲙⲟϥ ⲛⲉⲙⲉϫⲉⲛϩⲏⲧⲥ ⲛⲧⲉϥϫⲓϫ ⲛⲟⲩⲓⲛⲁⲙ ⲛⲉⲙⲉϫⲉⲛϩⲏⲧⲥ ⲛⲧⲉϥⲫⲁⲧ ⲛⲟⲩⲓⲛⲁⲙ ⲉϫⲉⲛⲫⲙⲁ ⲛⲧⲉⲡⲓⲥⲛⲟϥ ⲛⲧⲉⲫⲏ ⲛⲧⲉϯⲙⲉⲧϣⲁϥⲧ	ⲡⲓⲛⲉϩ ⲇⲉ ⲉ̀ⲧⲁϥⲥⲱϫⲡ ϧⲉⲛ ⲧⲉϥϫⲓϫ ⲉϥⲉ̀ⲧⲁⲗⲟϥ ⲛ̀ϫⲉ ⲡⲓⲟⲩⲏⲃ ⲉ̀ϫⲉⲛ ⲡⲓⲗⲟⲃⲟⲥ ⲛ̀ⲧⲉ ⲫ̀ⲙⲁϣϫ ⲛ̀ⲟⲩⲓ̀ⲛⲁⲙ ⲛ̀ⲧⲉ ⲫⲏ ⲉ̀ⲧ̀ⲧⲟⲩⲃⲟ ⲙ̀ⲙⲟϥ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥⲫⲁⲧ ⲛ̀ⲟⲩⲓ̀ⲛⲁⲙ ⲉ̀ϫⲉⲛ ⲫ̀ⲙⲁ ⲛ̀ⲧⲉ ⲡⲓⲥ̀ⲛⲟϥ ⲛ̀ⲧⲉ ⲫⲏ ⲛ̀ⲧⲉ ϯⲙⲉⲧϣⲁϥⲧ	pineh ḋe ètafsōgp xen tefjig efètalof ǹje piouyb èjen pilobos ǹte f̀maṡg ǹouìnam ǹte fy èt̀touvo m̀mof nem èjen hyts ǹtefjig ǹouìnam nem èjen hyts ǹteffat ǹouìnam èjen f̀ma ǹte pis̀nof ǹte fy ǹte timetṡaft	And the remaining oil that is in his hand, the priest shall put on the tip of the right ear of him that is under cleansing, and on the thumb of his right hand, and on the great toe of his right foot, on the place of the blood of the trespass-offering.
14:18	ⲡⲓⲛⲉϩ ⲇⲉ ⲉⲧⲁϥⲥⲱϫⲡ ⲫⲏ ⲉⲧⲭⲏ ϧⲉⲛⲧϫⲓϫ ⲙⲡⲓⲟⲩⲏⲃ ⲉϥⲉⲧⲁⲗⲟϥ ⲉϫⲉⲛⲧⲁⲫⲉ ⲛⲧⲉⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲱϥ ⲛϫⲉⲡⲓⲟⲩⲏⲃ ⲙⲡⲉⲙⲑⲟ ⲙⲡϭⲟⲓⲥ	ⲡⲓⲛⲉϩ ⲇⲉ ⲉ̀ⲧⲁϥⲥⲱϫⲡ ⲫⲏ ⲉⲧⲭⲏ ϧⲉⲛ ⲧ̀ϫⲓϫ ⲛ̀ⲡⲓⲟⲩⲏⲃ ⲉϥⲉ̀ⲧⲁⲗⲟϥ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲧⲉ ⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉ ⲡⲓⲟⲩⲏⲃ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	pineh ḋe ètafsōgp fy etky xen t̀jig ǹpiouyb efètalof èjen t̀àfe ǹte fy etaftouvo ouoh efètōvh èh̀ryi ègōf ǹje piouyb ǹpem̀θo ǹp̀ċois	And the remaining oil that is on the hand of the priest, the priest shall put on the head of the cleansed leper, and the priest shall make atonement for him before the Lord.
14:19	ⲟⲩⲟϩ ⲉⲣⲉⲡⲓⲟⲩⲏⲃ ⲑⲁⲙⲓⲟ ⲙⲫⲏ ⲉⲧⲉⲉⲑⲃⲉⲫⲛⲟⲃⲓ ⲟⲩⲟϩ ⲉϥⲉⲧⲱⲃϩ ⲛϫⲉⲡⲓⲟⲩⲏⲃ ⲉϫⲉⲛⲫⲏ ⲉⲧⲛⲁⲧⲟⲩⲃⲟ ⲉⲃⲟⲗ ϩⲁⲡⲓⲛⲟⲃⲓ ⲟⲩⲟϩ ⲙⲉⲛⲉⲛⲥⲁⲫⲁⲓ ⲉϥⲉϧⲟⲗϧⲉⲗ ⲛϫⲉⲡⲓⲟⲩⲏⲃ ⲙⲡⲓϭⲗⲓⲗ ⲛϫⲟϥϫⲉϥ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲑⲁⲙⲓⲟ ⲛ̀ⲫⲏ ⲉ̀ⲧⲉ ⲉⲑⲃⲉ ⲫ̀ⲛⲟⲃⲓ ⲟⲩⲟϩ ⲉϥⲉ̀ⲧⲱⲃϩ ⲛ̀ϫⲉ ⲡⲓⲟⲩⲏⲃ ⲉ̀ϫⲉⲛ ⲫⲏ ⲉⲧⲛⲁⲧⲟⲩⲃⲟ ⲉ̀ⲃⲟⲗ ϩⲁ ⲫ̀ⲛⲟⲃⲓ ⲟⲩⲟϩ ⲙⲉⲛⲉⲛⲥⲁ ⲫⲁⲓ ⲉϥⲉ̀ϧⲟⲗϧⲉⲗ ⲛ̀ϫⲉ ⲡⲓⲟⲩⲏⲃ ⲛ̀ⲡⲓϭⲗⲓⲗ ⲛ̀ϫⲟϥϫⲉϥ	ouoh ère piouyb θamio ǹfy ète eθve f̀novi ouoh efètōvh ǹje piouyb èjen fy etnatouvo èvol ha f̀novi ouoh menensa fai efèxolxel ǹje piouyb ǹpiċlil ǹgofjef	And the priest shall sacrifice the sin-offering, and the priest shall make atonement for the person under purification to cleanse him from his sin, and afterwards the priest shall slay the whole-burnt-offering.
14:20	ⲟⲩⲟϩ ⲉⲣⲉⲡⲓⲟⲩⲏⲃ ⲓⲛⲓ ⲉϩⲣⲏⲓ ⲙⲡⲓϭⲗⲓⲗ ⲛϫⲟϥϫⲉϥ ⲛⲉⲙⲡⲓϣⲟⲩϣⲱⲟⲩϣⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲙⲡⲉⲙⲑⲟ ⲙⲡϭⲟⲓⲥ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲱϥ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉⲧⲟⲩⲃⲟ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲓ̀ⲛⲓ ⲉ̀ϩ̀ⲣⲏⲓ ⲛ̀ⲡⲓϭⲗⲓⲗ ⲛ̀ϫⲟϥϫⲉϥ ⲛⲉⲙ ⲡⲓϣⲟⲩϣⲱⲟⲩϣⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ⲧⲟⲩⲃⲟ	ouoh ère piouyb ìni èh̀ryi ǹpiċlil ǹgofjef nem piṡouṡōouṡi èjen pimaǹerṡōouṡi ǹpem̀θo ǹp̀ċois ouoh efètōvh èh̀ryi ègōf ǹje piouyb ouoh efètouvo	And the priest shall offer the whole-burnt-offering, and the sacrifice upon the altar before the Lord; and the priest shall make atonement for him, and he shall be cleansed.
14:21	ⲉϣⲱⲡ ⲇⲉ ⲟⲩϩⲏⲕⲓ ⲡⲉ ⲟⲩⲟϩ ⲧⲉϥϫⲓϫ ϫⲓⲙⲓ ⲁⲛ ⲉϥⲉⲓⲛⲓ ⲛⲟⲩϩⲓⲏⲃ ⲟⲩⲁⲓ ⲉⲁϥⲉⲣⲟⲩⲣⲟⲙⲡⲓ ⲉϫⲉⲛⲫⲏ ⲉⲧⲁϥϣⲱϥⲧ ⲛϧⲏⲧϥ ⲉⲟⲩⲫⲱⲣϫ ⲉⲃⲟⲗ ϩⲱⲥⲇⲉ ⲉⲧⲱⲃϩ ⲉϩⲣⲏⲓ ⲉϫⲱϥ ⲛⲉⲙⲟⲩⲁⲓ ⲛⲣⲉⲙⲏⲧ ⲛⲥⲉⲙⲓⲇⲁⲗⲓⲟⲛ ⲉϥⲟⲩⲟϣⲉⲙ ϧⲉⲛⲟⲩⲛⲉϩ ⲉⲩϣⲟⲩϣⲱⲟⲩϣⲓ ⲛⲉⲙⲟⲩⲁⲓ ⲛⲗⲟⲕ ⲛⲛⲉϩ	ⲉϣⲱⲡ ⲇⲉ ⲟⲩϩⲏⲕⲓ ⲡⲉ ⲟⲩⲟϩ ⲧⲉϥϫⲓϫ ϫⲓⲙⲓ ⲁⲛ ⲉϥⲉ̀ⲓ̀ⲛⲓ ⲛ̀ⲟⲩϩⲓⲏⲃ ⲟⲩⲁⲓ ⲉⲁϥⲉⲣⲟⲩⲣⲟⲙⲡⲓ ⲉ̀ϫⲉⲛ ⲫⲏ ⲉⲧⲁϥϣⲱϥⲧ ⲛ̀ϧⲏⲧϥ ⲉ̀ⲟⲩⲫⲱⲣϫ ⲉ̀ⲃⲟⲗ ϩⲱⲥ ⲇⲉ ⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲛⲉⲙ ⲟⲩⲁⲓ ⲛ̀ⲣⲉⲙⲏⲧ ⲛ̀ⲥⲉⲙⲓⲇⲁⲗⲓⲟⲛ ⲉϥⲟⲩⲟϣⲉⲙ ϧⲉⲛ ⲟⲩⲛⲉϩ ⲉⲩϣⲟⲩϣⲱⲟⲩϣⲓ ⲛⲉⲙ ⲟⲩⲁⲓ ⲛ̀ⲗⲟⲕ ⲛ̀ⲛⲉϩ	eṡōp ḋe ouhyki pe ouoh tefjig jimi an efèìni ǹouhiyb ouai eaferourompi èjen fy etafṡōft ǹxytf èoufōrg èvol hōs ḋe ètōvh èh̀ryi ègōf nem ouai ǹremyt ǹsemiḋalion efouoṡem xen ouneh evṡouṡōouṡi nem ouai ǹlok ǹneh	And if he should be poor, and cannot afford so much, he shall take one lamb for his transgression for a separate-offering, so as to make propitiation for him, and a tenth deal of fine flour mingled with oil for a sacrifice, and one cup of oil,
14:22	ⲛⲉⲙϭⲣⲟⲙⲡϣⲁⲗ ⲃ̅ ⲓⲉ ⲙⲁⲥ ⲃ̅ ⲛϭⲣⲟⲙⲡⲓ ⲛⲏ ⲉⲧⲉⲧⲉϥϫⲓϫ ⲛⲁϫⲉⲙⲟⲩ ⲟⲩⲟϩ ⲉⲣⲉⲡⲓⲟⲩⲁⲓ ϣⲱⲡⲓ ⲉⲑⲃⲉⲫⲛⲟⲃⲓ ⲟⲩⲟϩ ⲡⲓⲟⲩⲁⲓ ⲉⲩϭⲗⲓⲗ ⲛϫⲟϥϫⲉϥ	ⲛⲉⲙ ϭⲣⲟⲙⲡϣⲁⲗ 2 ⲓⲉ ⲙⲁⲥ 2 ⲛ̀ϭⲣⲟⲙⲡⲓ ⲛⲏ ⲉ̀ⲧⲉ ⲧⲉϥϫⲓϫ ⲛⲁϫⲉⲙⲟⲩ ⲟⲩⲟϩ ⲉ̀ⲣⲉ ⲡⲓⲟⲩⲁⲓ ϣⲱⲡⲓ ⲉⲑⲃⲉ ⲫ̀ⲛⲟⲃⲓ ⲟⲩⲟϩ ⲡⲓⲟⲩⲁⲓ ⲉⲩϭⲗⲓⲗ ⲛ̀ϫⲟϥϫⲉϥ	nem ċrompṡal 2 ie mas 2 ǹċrompi ny ète tefjig najemou ouoh ère piouai ṡōpi eθve f̀novi ouoh piouai evċlil ǹgofjef	and two turtle-doves, or two young pigeons, as he can afford; and the one shall be for a sin-offering, and the other for a whole-burnt-offering.
14:23	ⲟⲩⲟϩ ⲉϥⲉⲉⲛⲟⲩ ⲉϧⲟⲩⲛ ⲙⲡⲓⲉϩⲟⲟⲩ ⲙⲙⲁϩ ⲏ̅ ⲉⲡϫⲓⲛⲧⲟⲩⲃⲟϥ ⲉϥⲉⲉⲛⲟⲩ ϩⲁⲡⲓⲟⲩⲏⲃ ϩⲓⲣⲉⲛⲫⲣⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉϥⲉ̀ⲉⲛⲟⲩ ⲉ̀ϧⲟⲩⲛ ⲛ̀ⲡⲓⲉϩⲟⲟⲩ ⲛ̀ⲙⲁϩ 8 ⲉ̀ⲡ̀ϫⲓⲛⲧⲟⲩⲃⲟϥ ⲉϥⲉ̀ⲉⲛⲟⲩ ϩⲁ ⲡⲓⲟⲩⲏⲃ ϩⲓⲣⲉⲛⲫ̀ⲣⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh efèenou èxoun ǹpiehoou ǹmah 8 èp̀jintouvof efèenou ha piouyb hirenf̀ro ǹtis̀kiny ǹte timetmeθre ǹpem̀θo ǹp̀ċois	And he shall bring them on the eighth day, to purify him, to the priest, to the door of the tabernacle of witness before the Lord.
14:24	ⲟⲩⲟϩ ⲉϥⲉⲱⲗⲓ ⲛϫⲉⲡⲓⲟⲩⲏⲃ ⲙⲡⲓϩⲓⲏⲃ ⲫⲏ ⲛⲧⲉϯⲙⲉⲧϣⲁϥⲧ ⲛⲉⲙⲡⲓⲗⲟⲕ ⲛⲧⲉⲡⲓⲛⲉϩ ⲟⲩⲟϩ ⲉϥⲉⲧⲁⲗⲱⲟⲩ ⲉϩⲣⲏⲓ ⲛⲟⲩϭⲗⲓⲗ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉϥⲉ̀ⲱ̀ⲗⲓ ⲛ̀ϫⲉ ⲡⲓⲟⲩⲏⲃ ⲛ̀ⲡⲓϩⲓⲏⲃ ⲫⲏ ⲛ̀ⲧⲉ ϯⲙⲉⲧϣⲁϥⲧ ⲛⲉⲙ ⲡⲓⲗⲟⲕ ⲛ̀ⲧⲉ ⲡⲓⲛⲉϩ ⲟⲩⲟϩ ⲉϥⲉⲧⲁⲗⲱⲟⲩ ⲉ̀ϩ̀ⲣⲏⲓ ⲛ̀ⲟⲩϭⲗⲓⲗ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh efèṑli ǹje piouyb ǹpihiyb fy ǹte timetṡaft nem pilok ǹte pineh ouoh efetalōou èh̀ryi ǹouċlil ǹpem̀θo ǹp̀ċois	And the priest shall take the lamb of the trespass-offering, and the cup of oil, and place them for a set-offering before the Lord.
14:25	ⲟⲩⲟϩ ⲉϥⲉϧⲟⲗϧⲉⲗ ⲙⲡⲓϩⲓⲏⲃ ⲫⲏ ⲛⲧⲉϯⲙⲉⲧϣⲁϥⲧ ⲟⲩⲟϩ ⲉϥⲉⲱⲗⲓ ⲛϫⲉⲡⲓⲟⲩⲏⲃ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲫⲏ ⲛⲧⲉϯⲙⲉⲧϣⲁϥⲧ ⲟⲩⲟϩ ⲉϥⲉⲧⲁⲗⲟ ⲉϫⲉⲛⲡⲓⲗⲟⲃⲟⲥ ⲛⲧⲉⲫⲙⲁϣϫ ⲛⲟⲩⲓⲛⲁⲙ ⲛⲧⲉⲫⲏ ⲉⲧⲛⲁⲧⲟⲩⲃⲟ ⲛⲉⲙⲉϫⲉⲛϩⲏⲧⲥ ⲛⲧⲉϥϫⲓϫ ⲛⲟⲩⲓⲛⲁⲙ ⲛⲉⲙⲉϫⲉⲛϩⲏⲧⲥ ⲛⲧⲉϥⲫⲁⲧ ⲛⲟⲩⲓⲛⲁⲙ	ⲟⲩⲟϩ ⲉϥⲉ̀ϧⲟⲗϧⲉⲗ ⲛ̀ⲡⲓϩⲓⲏⲃ ⲫⲏ ⲛ̀ⲧⲉ ϯⲙⲉⲧϣⲁϥⲧ ⲟⲩⲟϩ ⲉϥⲉ̀ⲱ̀ⲗⲓ ⲛ̀ϫⲉ ⲡⲓⲟⲩⲏⲃ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲫⲏ ⲛ̀ⲧⲉ ϯⲙⲉⲧϣⲁϥⲧ ⲟⲩⲟϩ ⲉϥⲉ̀ⲧⲁⲗⲟ ⲉ̀ϫⲉⲛ ⲡⲓⲗⲟⲃⲟⲥ ⲛ̀ⲧⲉ ⲫ̀ⲙⲁϣϫ ⲛ̀ⲟⲩⲓ̀ⲛⲁⲙ ⲛ̀ⲧⲉ ⲫⲏ ⲉⲧⲛⲁⲧⲟⲩⲃⲟ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥⲫⲁⲧ ⲛ̀ⲟⲩⲓ̀ⲛⲁⲙ	ouoh efèxolxel ǹpihiyb fy ǹte timetṡaft ouoh efèṑli ǹje piouyb èvol xen pis̀nof ǹte fy ǹte timetṡaft ouoh efètalo èjen pilobos ǹte f̀maṡg ǹouìnam ǹte fy etnatouvo nem èjen hyts ǹtefjig ǹouìnam nem èjen hyts ǹteffat ǹouìnam	And he shall slay the lamb of the trespass-offering; and the priest shall take of the blood of the trespass-offering, and put it on the tip of the right ear of him that is under purification, and on the thumb of his right hand, and on the great toe of his right foot.
14:26	ⲟⲩⲟϩ ⲉⲣⲉⲡⲓⲟⲩⲏⲃ ϫⲱϣ ⲉⲃⲟⲗ ϧⲉⲛⲡⲓⲛⲉϩ ⲉϫⲉⲛⲧⲉϥϫⲓϫ ⲛϫⲁϭⲏ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ϫⲱϣ ⲉ̀ⲃⲟⲗ ϧⲉⲛ ⲡⲓⲛⲉϩ ⲉ̀ϫⲉⲛ ⲧⲉϥϫⲓϫ ⲛ̀ϫⲁϭⲏ	ouoh ère piouyb gōṡ èvol xen pineh èjen tefjig ǹgaċy	And the priest shall pour of the oil on his own left hand.
14:27	ⲟⲩⲟϩ ⲛⲧⲉⲡⲓⲟⲩⲏⲃ ⲱⲗⲓ ⲉⲃⲟⲗ ϧⲉⲛⲡⲓⲛⲉϩ ⲙⲡⲉϥⲧⲏⲃ ⲛⲟⲩⲓⲛⲁⲙ ⲉⲧϧⲉⲛⲧⲉϥϫⲓϫ ⲛϫⲁϭⲏ ⲛⲧⲉϥⲛⲟⲩϫϧ ⲛⲍ̅ ⲛⲥⲟⲡ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲛ̀ⲧⲉ ⲡⲓⲟⲩⲏⲃ ⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲛⲉϩ ⲛ̀ⲡⲉϥⲧⲏⲃ ⲛ̀ⲟⲩⲓ̀ⲛⲁⲙ ⲉⲧϧⲉⲛ ⲧⲉϥϫⲓϫ ⲛ̀ϫⲁϭⲏ ⲛ̀ⲧⲉϥⲛⲟⲩϫϧ ⲛ̀7 ⲛ̀ⲥⲟⲡ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh ǹte piouyb ṑli èvol xen pineh ǹpeftyb ǹouìnam etxen tefjig ǹgaċy ǹtefnougx ǹ7 ǹsop ǹpem̀θo ǹp̀ċois	And the priest shall sprinkle with the finger of his right hand some of the oil that is in his left hand seven times before the Lord.
14:28	ⲟⲩⲟϩ ⲉⲃⲟⲗ ϧⲉⲛⲡⲓⲛⲉϩ ⲉⲧϣⲟⲡ ϧⲉⲛⲧϫⲓϫ ⲙⲡⲓⲟⲩⲏⲃ ⲉϥⲉⲧⲁⲗⲟ ⲉϫⲉⲛⲫⲙⲁϣϫ ⲛⲟⲩⲓⲛⲁⲙ ⲛⲧⲉⲫⲏ ⲉⲧⲛⲁⲧⲟⲩⲃⲟ ⲛⲉⲙⲉϫⲉⲛϩⲏⲧⲥ ⲛⲧⲉϥϫⲓϫ ⲛⲟⲩⲓⲛⲁⲙ ⲛⲉⲙⲉϫⲉⲛϩⲏⲧⲥ ⲛⲧⲉϥⲫⲁⲧ ⲛⲟⲩⲓⲛⲁⲙ ⲉϫⲉⲛⲡⲓⲙⲁ ⲟⲛ ⲛⲧⲉⲡⲓⲥⲛⲟϥ ⲛⲧⲉⲫⲏ ⲛⲧⲉϯⲙⲉⲧϣⲁϥⲧ	ⲟⲩⲟϩ ⲉ̀ⲃⲟⲗ ϧⲉⲛ ⲡⲓⲛⲉϩ ⲉⲧϣⲟⲡ ϧⲉⲛ ⲧ̀ϫⲓϫ ⲛ̀ⲡⲓⲟⲩⲏⲃ ⲉϥⲉ̀ⲧⲁⲗⲟ ⲉ̀ϫⲉⲛ ⲫ̀ⲙⲁϣϫ ⲛ̀ⲟⲩⲓ̀ⲛⲁⲙ ⲛ̀ⲧⲉ ⲫⲏ ⲉⲧⲛⲁⲧⲟⲩⲃⲟ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲛⲉⲙ ⲉ̀ϫⲉⲛ ϩⲏⲧⲥ ⲛ̀ⲧⲉϥⲫⲁⲧ ⲛ̀ⲟⲩⲓ̀ⲛⲁⲙ ⲉ̀ϫⲉⲛ ⲡⲓⲙⲁ ⲟⲛ ⲛ̀ⲧⲉ ⲡⲓⲥ̀ⲛⲟϥ ⲛ̀ⲧⲉ ⲫⲏ ⲛ̀ⲧⲉ ϯⲙⲉⲧϣⲁϥⲧ	ouoh èvol xen pineh etṡop xen t̀jig ǹpiouyb efètalo èjen f̀maṡg ǹouìnam ǹte fy etnatouvo nem èjen hyts ǹtefjig ǹouìnam nem èjen hyts ǹteffat ǹouìnam èjen pima on ǹte pis̀nof ǹte fy ǹte timetṡaft	And the priest shall put of the oil that is on his hand on the tip of the right ear of him that is under purification, and on the thumb of his right hand, and on the great toe of his right foot, on the place of the blood of the trespass-offering.
14:29	ⲡⲓⲛⲉϩ ⲇⲉ ⲉⲧⲁϥⲥⲱϫⲡ ⲫⲏ ⲉⲧϣⲟⲡ ϧⲉⲛⲧϫⲓϫ ⲙⲡⲓⲟⲩⲏⲃ ⲉϥⲉⲧⲁⲗⲟ ⲉϫⲉⲛⲧⲁⲫⲉ ⲛⲧⲉⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲱϥ ⲛϫⲉⲡⲓⲟⲩⲏⲃ ⲙⲡⲉⲙⲑⲟ ⲙⲡϭⲟⲓⲥ	ⲡⲓⲛⲉϩ ⲇⲉ ⲉ̀ⲧⲁϥⲥⲱϫⲡ ⲫⲏ ⲉⲧϣⲟⲡ ϧⲉⲛ ⲧ̀ϫⲓϫ ⲛ̀ⲡⲓⲟⲩⲏⲃ ⲉϥⲉ̀ⲧⲁⲗⲟ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲧⲉ ⲫⲏ ⲉⲧⲁϥⲧⲟⲩⲃⲟ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉ ⲡⲓⲟⲩⲏⲃ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	pineh ḋe ètafsōgp fy etṡop xen t̀jig ǹpiouyb efètalo èjen t̀àfe ǹte fy etaftouvo ouoh efètōvh èh̀ryi ègōf ǹje piouyb ǹpem̀θo ǹp̀ċois	And that which is left of the oil which is on the hand of the priest he shall put on the head of him that is purged, and the priest shall make atonement for him before the Lord.
14:30	ⲟⲩⲟϩ ⲉϥⲉⲑⲁⲙⲓⲟ ⲛⲟⲩⲁⲓ ⲛⲛⲓϭⲣⲟⲙⲡϣⲁⲗ ⲓⲉ ⲛⲧⲉⲡⲓⲙⲁⲥ ⲃ̅ ⲛϭⲣⲟⲙⲡⲓ ⲕⲁⲧⲁⲫⲣⲏϯ ⲉⲧⲁ ⲧⲉϥϫⲓϫ ϫⲉⲙϥ	ⲟⲩⲟϩ ⲉϥⲉ̀ⲑⲁⲙⲓⲟ ⲛ̀ⲟⲩⲁⲓ ⲛ̀ⲛⲓϭⲣⲟⲙⲡϣⲁⲗ ⲓⲉ ⲛ̀ⲧⲉ ⲡⲓⲙⲁⲥ 2 ⲛ̀ϭⲣⲟⲙⲡⲓ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲧⲉϥϫⲓϫ ϫⲉⲙϥ	ouoh efèθamio ǹouai ǹniċrompṡal ie ǹte pimas 2 ǹċrompi kata f̀ryti èta tefjig jemf	And he shall offer one of the turtle-doves or of the young pigeons, as he can afford it,
14:31	ⲡⲓⲟⲩⲁⲓ ⲉⲑⲃⲉⲫⲛⲟⲃⲓ ⲟⲩⲟϩ ⲡⲓⲟⲩⲁⲓ ⲉⲩϭⲗⲓⲗ ⲛϫⲟϥϫⲉϥ ⲛⲉⲙⲡⲓϣⲟⲩϣⲱⲟⲩϣⲓ ⲟⲩⲟϩ ⲉⲣⲉⲡⲓⲟⲩⲏⲃ ⲧⲱⲃϩ ⲉϩⲣⲏⲓ ⲉϫⲉⲛⲫⲏ ⲉⲧⲛⲁⲧⲟⲩⲃⲟ ⲙⲡⲉⲙⲑⲟ ⲙⲡϭⲟⲓⲥ	ⲡⲓⲟⲩⲁⲓ ⲉⲑⲃⲉ ⲫ̀ⲛⲟⲃⲓ ⲟⲩⲟϩ ⲡⲓⲟⲩⲁⲓ ⲉⲩϭⲗⲓⲗ ⲛ̀ϫⲟϥϫⲉϥ ⲛⲉⲙ ⲡⲓϣⲟⲩϣⲱⲟⲩϣⲓ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲧⲱⲃϩ ⲉ̀ϩ̀ⲣⲏⲓ ⲉ̀ϫⲉⲛ ⲫⲏ ⲉⲧⲛⲁⲧⲟⲩⲃⲟ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	piouai eθve f̀novi ouoh piouai evċlil ǹgofjef nem piṡouṡōouṡi ouoh ère piouyb tōvh èh̀ryi èjen fy etnatouvo ǹpem̀θo ǹp̀ċois	the one for a sin-offering, the other for a whole-burnt-offering with the meat-offering, and the priest shall make an atonement before the Lord for him that is under purification.
14:32	ⲫⲁⲓ ⲡⲉ ⲫⲛⲟⲙⲟⲥ ⲛⲧⲉⲫⲏ ⲉⲧⲉⲡⲓϭⲟϩ ⲛϧⲏⲧϥ ⲛⲧⲉⲡⲓⲥⲉϩⲧ ⲛⲉⲙⲫⲏ ⲉⲧⲉϥⲛⲁϫⲓⲙⲓ ⲁⲛ ϧⲉⲛⲧⲉϥϫⲓϫ ⲉⲓⲛⲓ ⲉϩⲣⲏⲓ ⲉϫⲉⲛⲡⲉϥⲧⲟⲩⲃⲟ	ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲧⲉ ⲫⲏ ⲉ̀ⲧⲉ ⲡⲓϭⲟϩ ⲛ̀ϧⲏⲧϥ ⲛ̀ⲧⲉ ⲡⲓⲥⲉϩⲧ ⲛⲉⲙ ⲫⲏ ⲉⲧⲉϥⲛⲁϫⲓⲙⲓ ⲁⲛ ϧⲉⲛ ⲧⲉϥϫⲓϫ ⲉ̀ⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲉⲛ ⲡⲉϥⲧⲟⲩⲃⲟ	fai pe f̀nomos ǹte fy ète piċoh ǹxytf ǹte piseht nem fy etefnajimi an xen tefjig èìni èh̀ryi èjen peftouvo	This is the law for him in whom is the plague of leprosy, and who cannot afford the offerings for his purification.
14:33	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys nem àarōn efgō m̀mos	And the Lord spoke to Moses and Aaron, saying,
14:34	ϫⲉⲉϣⲱⲡ ⲁⲣⲉⲧⲉⲛϣⲁⲛϣⲉⲛⲱⲧⲉⲛ ⲉϧⲟⲩⲛ ⲉⲡⲕⲁϩⲓ ⲛⲧⲉⲛⲓⲭⲁⲛⲁⲛⲉⲟⲥ ⲫⲏ ⲁⲛⲟⲕ ⲉϯⲛⲁⲧⲏⲓϥ ⲛⲱⲧⲉⲛ ϧⲉⲛⲟⲩⲕⲗⲏⲣⲟⲥ ⲟⲩⲟϩ ⲛⲧⲁϯ ⲛⲟⲩϭⲟϩ ⲛⲧⲉⲟⲩⲥⲉϩⲧ ϧⲉⲛⲛⲓⲏⲓ ⲛⲧⲉⲡⲓⲕⲁϩⲓ ⲉⲧⲉⲧⲉⲛⲛⲁϭⲓⲧϥ	ϫⲉ ⲉϣⲱⲡ ⲁⲣⲉⲧⲉⲛϣⲁⲛϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲛ̀ⲧⲉ ⲛⲓⲭⲁⲛⲁⲛⲉⲟⲥ ⲫⲏ ⲁⲛⲟⲕ ⲉⲓⲛⲁⲧⲏⲓϥ ⲛⲱⲧⲉⲛ ϧⲉⲛ ⲟⲩⲕ̀ⲗⲏⲣⲟⲥ ⲟⲩⲟϩ ⲛ̀ⲧⲁϯ ⲛ̀ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ϧⲉⲛ ⲛⲓⲏⲓ ⲛ̀ⲧⲉ ⲡⲓⲕⲁϩⲓ ⲉⲧⲉⲧⲉⲛⲛⲁϭⲓⲧϥ	je eṡōp aretenṡanṡenōten èxoun èp̀kahi ǹte nikananeos fy anok einatyif nōten xen ouk̀lyros ouoh ǹtati ǹouċoh ǹte ouseht xen niyi ǹte pikahi etetennaċitf	Whensoever ye shall enter into the land of the Chananites, which I give you for a possession, and I shall put the plague of leprosy in the houses of the land of your possession;
14:35	ⲟⲩⲟϩ ⲉϥⲉⲓ ⲛϫⲉⲫⲏ ⲉⲧⲉⲡⲓⲏⲓ ⲫⲱϥ ⲡⲉ ⲟⲩⲟϩ ⲉϥⲉⲧⲁⲙⲉ ⲡⲓⲟⲩⲏⲃ ⲉϥϫⲱ ⲙⲙⲟⲥ ϫⲉⲙⲫⲣⲏϯ ⲛⲟⲩϭⲟϩ ⲛⲧⲉⲟⲩⲥⲉϩⲧ ⲁϥⲟⲩⲱⲛϩ ⲉⲣⲟⲓ ϧⲉⲛⲡⲁⲏⲓ	ⲟⲩⲟϩ ⲉϥⲉ̀ⲓ̀ ⲛ̀ϫⲉ ⲫⲏ ⲉ̀ⲧⲉ ⲡⲓⲏⲓ ⲫⲱϥ ⲡⲉ ⲟⲩⲟϩ ⲉϥⲉ̀ⲧⲁⲙⲉ ⲡⲓⲟⲩⲏⲃ ⲉϥϫⲱ ⲙ̀ⲙⲟⲥ ϫⲉ ⲛ̀ⲫ̀ⲣⲏϯ ⲛ̀ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲁϥⲟⲩⲱⲛϩ ⲉ̀ⲣⲟⲓ ϧⲉⲛ ⲡⲁⲏⲓ	ouoh efèì ǹje fy ète piyi fōf pe ouoh efètame piouyb efgō m̀mos je ǹf̀ryti ǹouċoh ǹte ouseht afouōnh èroi xen payi	then the owner of the house shall come and report to the priest, saying, I have seen as it were a plague in the house.
14:36	ⲟⲩⲟϩ ⲉϥⲉⲟⲩⲁϩⲥⲁϩⲛⲓ ⲛϫⲉⲡⲓⲟⲩⲏⲃ ⲛϣⲟⲣⲡ ⲉⲥⲉⲕⲉϩ ⲙⲡⲓⲏⲓ ⲙⲡⲁⲧⲉϥⲓ ⲉϧⲟⲩⲛ ⲛϫⲉⲡⲓⲟⲩⲏⲃ ⲉⲛⲁⲩ ⲉⲡⲓϭⲟϩ ⲟⲩⲟϩ ⲛⲛⲟⲩϣⲱⲡⲓ ⲉⲩϭⲁϧⲉⲙ ⲛϫⲉⲛⲏ ⲧⲏⲣⲟⲩ ⲉⲧϧⲉⲛⲡⲓⲏⲓ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉϥⲉⲓ ⲉϧⲟⲩⲛ ⲛϫⲉⲡⲓⲟⲩⲏⲃ ⲉϯⲛⲓⲁⲧϥ ⲙⲡⲓⲏⲓ	ⲟⲩⲟϩ ⲉϥⲉ̀ⲟⲩⲁϩⲥⲁϩⲛⲓ ⲛ̀ϫⲉ ⲡⲓⲟⲩⲏⲃ ⲛ̀ϣⲟⲣⲡ ⲉ̀ⲥⲉⲕⲉϩ ⲛ̀ⲡⲓⲏⲓ ⲙⲡⲁⲧⲉϥⲓ ⲉ̀ϧⲟⲩⲛ ⲛ̀ϫⲉ ⲡⲓⲟⲩⲏⲃ ⲉⲛⲁⲩ ⲉ̀ⲡⲓϭⲟϩ ⲟⲩⲟϩ ⲛ̀ⲛⲟⲩϣⲱⲡⲓ ⲉⲩϭⲁϧⲉⲙ ⲛ̀ϫⲉ ⲛⲏ ⲧⲏⲣⲟⲩ ⲉⲧϧⲉⲛ ⲡⲓⲏⲓ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲉϥⲉ̀ⲓ̀ ⲉ̀ϧⲟⲩⲛ ⲛ̀ϫⲉ ⲡⲓⲟⲩⲏⲃ ⲉ̀ϯⲛⲓⲁⲧϥ ⲛ̀ⲡⲓⲏⲓ	ouoh efèouahsahni ǹje piouyb ǹṡorp èsekeh ǹpiyi mpatefi èxoun ǹje piouyb enav èpiċoh ouoh ǹnouṡōpi evċaxem ǹje ny tyrou etxen piyi ouoh menensa nai efèì èxoun ǹje piouyb ètiniatf ǹpiyi	And the priest shall give orders to remove the furniture of the house, before the priest comes in to see the plague, and thus none of the things in the house shall become unclean; and afterwards the priest shall go in to examine the house.
14:37	ⲟⲩⲟϩ ⲉϥⲉⲛⲁⲩ ⲉⲡⲓϭⲟϩ ⲟⲩⲟϩ ϩⲏⲡⲡⲉ ⲓⲥ ⲡⲓϭⲟϩ ϧⲉⲛⲛⲓϫⲟⲓ ⲛⲧⲉⲡⲓⲏⲓ ϩⲁⲛϫⲁⲛⲉⲩ ⲉⲩⲟⲩⲉⲧⲟⲩⲱⲧ ⲓⲉ ⲉⲩⲟⲓ ⲛⲁⲟⲩⲁⲛ ⲛⲭⲣⲱⲙ ⲟⲩⲟϩ ⲡⲟⲩϩⲟ ⲉϥⲑⲉⲃⲓⲏⲟⲩⲧ ⲉⲛⲓϫⲟⲓ	ⲟⲩⲟϩ ⲉϥⲉ̀ⲛⲁⲩ ⲉ̀ⲡⲓϭⲟϩ ⲟⲩⲟϩ ϩⲏⲡⲡⲉ ⲓⲥ ⲡⲓϭⲟϩ ϧⲉⲛ ⲛⲓϫⲟⲓ ⲛ̀ⲧⲉ ⲡⲓⲏⲓ ϩⲁⲛϫⲁⲛⲉⲩ ⲉⲩⲟⲩⲉⲧⲟⲩⲱⲧ ⲓⲉ ⲉⲩⲟⲓ ⲛ̀ⲁⲟⲩⲁⲛ ⲛ̀ⲭ̀ⲣⲱⲙ ⲟⲩⲟϩ ⲡⲟⲩϩⲟ ⲉϥⲑⲉⲃⲓⲏⲟⲩⲧ ⲉ̀ⲛⲓϫⲟⲓ	ouoh efènav èpiċoh ouoh hyppe is piċoh xen nigoi ǹte piyi hanganev evouetouōt ie evoi ǹaouan ǹk̀rōm ouoh pouho efθeviyout ènigoi	And he shall look on the plague, and, behold, if the plague is in the walls of the house, he will see greenish or reddish cavities, and the appearance of them will be beneath the surface of the walls.
14:38	ⲟⲩⲟϩ ⲉϥⲉⲓ ⲉⲃⲟⲗ ϧⲉⲛⲡⲓⲏⲓ ⲛϫⲉⲡⲓⲟⲩⲏⲃ ⲉϫⲉⲛⲫⲣⲟ ⲙⲡⲓⲏⲓ ⲟⲩⲟϩ ⲉϥⲉⲟⲩⲉⲧ ⲡⲓⲏⲓ ⲉⲃⲟⲗ ⲛϫⲉⲡⲓⲟⲩⲏⲃ ⲛⲍ̅ ⲛⲉϩⲟⲟⲩ	ⲟⲩⲟϩ ⲉϥⲉ̀ⲓ̀ ⲉ̀ⲃⲟⲗ ϧⲉⲛ ⲡⲓⲏⲓ ⲛ̀ϫⲉ ⲡⲓⲟⲩⲏⲃ ⲉ̀ϫⲉⲛ ⲫ̀ⲣⲟ ⲛ̀ⲡⲓⲏⲓ ⲟⲩⲟϩ ⲉϥⲉ̀ⲟⲩⲉⲧ ⲡⲓⲏⲓ ⲉ̀ⲃⲟⲗ ⲛ̀ϫⲉ ⲡⲓⲟⲩⲏⲃ ⲛ̀ϣⲁϣϥ ⲛ̀ⲉ̀ϩⲟⲟⲩ	ouoh efèì èvol xen piyi ǹje piouyb èjen f̀ro ǹpiyi ouoh efèouet piyi èvol ǹje piouyb ǹṡaṡf ǹèhoou	And the priest shall come out of the house to the door of the house, and the priest shall separate the house seven days.
14:39	ⲟⲩⲟϩ ⲉϥⲉⲓ ⲛϫⲉⲡⲓⲟⲩⲏⲃ ⲙⲡⲓⲉϩⲟⲟⲩ ⲙⲙⲁϩ ⲍ̅ ⲟⲩⲟϩ ⲉϥⲉⲛⲁⲩ ⲉⲡⲓⲏⲓ ⲟⲩⲟϩ ϩⲏⲡⲡⲉ ⲓⲥ ⲡⲓϭⲟϩ ⲁϥϫⲱϣ ⲉⲃⲟⲗ ϧⲉⲛⲛⲓϫⲟⲓ ⲛⲧⲉⲡⲓⲏⲓ	ⲟⲩⲟϩ ⲉϥⲉ̀ⲓ̀ ⲛ̀ϫⲉ ⲡⲓⲟⲩⲏⲃ ⲛ̀ⲡⲓⲉϩⲟⲟⲩ ⲛ̀ⲙⲁϩ 7 ⲟⲩⲟϩ ⲉϥⲉ̀ⲛⲁⲩ ⲉ̀ⲡⲓⲏⲓ ⲟⲩⲟϩ ϩⲏⲡⲡⲉ ⲓⲥ ⲡⲓϭⲟϩ ⲁϥϫⲱϣ ⲉ̀ⲃⲟⲗ ϧⲉⲛ ⲛⲓϫⲟⲓ ⲛ̀ⲧⲉ ⲡⲓⲏⲓ	ouoh efèì ǹje piouyb ǹpiehoou ǹmah 7 ouoh efènav èpiyi ouoh hyppe is piċoh afgōṡ èvol xen nigoi ǹte piyi	And the priest shall return on the seventh day and view the house; and, behold, if the plague is spread in the walls of the house,
14:40	ⲟⲩⲟϩ ⲉϥⲉⲟⲩⲁϩⲥⲁϩⲛⲓ ⲛϫⲉⲡⲓⲟⲩⲏⲃ ⲟⲩⲟϩ ⲉⲩⲉⲑⲉⲕⲉⲙ ⲛⲓⲱⲛⲓ ⲉⲃⲟⲗ ϧⲉⲛⲛⲓϫⲟⲓ ⲛⲧⲉⲡⲓⲏⲓ ⲟⲩⲟϩ ⲉⲩⲉϩⲓⲧⲟⲩ ⲉⲃⲟⲗ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲉⲩⲙⲁ ⲉϥϭⲁϧⲉⲙ	ⲟⲩⲟϩ ⲉϥⲉ̀ⲟⲩⲁϩⲥⲁϩⲛⲓ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉⲩⲉ̀ⲑⲉⲕⲉⲙ ⲛⲓⲱⲛⲓ ⲉ̀ⲃⲟⲗ ϧⲉⲛ ⲛⲓϫⲟⲓ ⲛ̀ⲧⲉ ⲡⲓⲏⲓ ⲟⲩⲟϩ ⲉⲩⲉ̀ϩⲓⲧⲟⲩ ⲉ̀ⲃⲟⲗ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲉⲩⲙⲁ ⲉϥϭⲁϧⲉⲙ	ouoh efèouahsahni ǹje piouyb ouoh evèθekem niōni èvol xen nigoi ǹte piyi ouoh evèhitou èvol savol ǹtiparemboly evma efċaxem	then the priest shall give orders, and they shall take away the stones in which the plague is, and shall cast them out of the city into an unclean place.
14:41	ⲟⲩⲟϩ ⲉⲩⲉϧⲁϧ ⲥⲁϧⲟⲩⲛ ⲙⲡⲓⲏⲓ ⲉϥⲕⲱϯ ⲟⲩⲟϩ ⲉⲩⲉϫⲉϣ ⲡⲓⲣⲏⲓⲥⲓ ⲉⲃⲟⲗ ⲉⲧⲁⲩϧⲁϧϥ ⲥⲁⲃⲟⲗ ⲛϯⲃⲁⲕⲓ ⲉⲩⲙⲁ ⲉϥϭⲁϧⲉⲙ	ⲟⲩⲟϩ ⲉⲩⲉ̀ϧⲁϧ ⲥⲁϧⲟⲩⲛ ⲛ̀ⲡⲓⲏⲓ ⲉϥⲕⲱϯ ⲟⲩⲟϩ ⲉⲩⲉ̀ϫⲉϣ ⲡⲓⲣⲏⲓⲥⲓ ⲉ̀ⲃⲟⲗ ⲉ̀ⲧⲁⲩϧⲁϧϥ ⲥⲁⲃⲟⲗ ⲛ̀ϯⲃⲁⲕⲓ ⲉⲩⲙⲁ ⲉϥϭⲁϧⲉⲙ	ouoh evèxax saxoun ǹpiyi efkōti ouoh evèjeṡ piryisi èvol ètavxaxf savol ǹtivaki evma efċaxem	And they shall scrape the house within round about, and shall pour out the dust scraped off outside the city into an unclean place.
14:42	ⲟⲩⲟϩ ⲉⲩⲉϭⲓ ⲛϩⲁⲛⲕⲉⲱⲛⲓ ⲉⲧⲁⲩϧⲁϧⲟⲩ ⲟⲩⲟϩ ⲉⲩⲉⲭⲁⲩ ⲛⲧϣⲉⲃⲓⲱ ⲛⲛⲓⲱⲛⲓ ⲟⲩⲟϩ ⲉⲩⲉϭⲓ ⲛϩⲁⲛⲕⲉⲣⲏⲓⲥⲓ ⲉⲩⲉⲱϣϫ ⲙⲡⲓⲏⲓ	ⲟⲩⲟϩ ⲉⲩⲉ̀ϭⲓ ⲛ̀ϩⲁⲛⲕⲉⲱⲛⲓ ⲉⲧⲁⲩϧⲁϧⲟⲩ ⲟⲩⲟϩ ⲉⲩⲉ̀ⲭⲁⲩ ⲛ̀ⲧ̀ϣⲉⲃⲓⲱ ⲛ̀ⲛⲓⲱⲛⲓ ⲟⲩⲟϩ ⲉⲩⲉ̀ϭⲓ ⲛ̀ϩⲁⲛⲕⲉⲣⲏⲓⲥⲓ ⲉⲩⲉⲱϣϫ ⲛ̀ⲡⲓⲏⲓ	ouoh evèċi ǹhankeōni etavxaxou ouoh evèkav ǹt̀ṡeviō ǹniōni ouoh evèċi ǹhankeryisi eveōṡg ǹpiyi	And they shall take other scraped stones, and put them in the place of the former stones, and they shall take other plaster and plaster the house.
14:43	ⲉϣⲱⲡ ⲇⲉ ⲛⲧⲉϥⲓ ⲛⲟⲩⲟϩⲉⲙ ⲛϫⲉⲡⲓϭⲟϩ ⲟⲩⲟϩ ⲛⲧⲉϥⲓ ⲛⲣⲱⲧ ϧⲉⲛⲡⲓⲏⲓ ⲙⲉⲛⲉⲛⲥⲁⲑⲣⲉ ⲛⲓⲱⲛⲓ ϩⲱⲗ ⲉⲃⲟⲗ ⲟⲩⲟϩ ⲛⲧⲟⲩϧⲁϧ ⲡⲓⲏⲓ ⲟⲩⲟϩ ⲛⲧⲟⲩⲟϣϫϥ	ⲉϣⲱⲡ ⲇⲉ ⲛ̀ⲧⲉϥⲓ ⲛ̀ⲟⲩⲟϩⲉⲙ ⲛ̀ϫⲉ ⲡⲓϭⲟϩ ⲟⲩⲟϩ ⲛ̀ⲧⲉϥⲓ ⲛ̀ⲣⲱⲧ ϧⲉⲛ ⲡⲓⲏⲓ ⲙⲉⲛⲉⲛⲥⲁⲑⲣⲉ ⲛⲓⲱⲛⲓ ϩⲱⲗ ⲉ̀ⲃⲟⲗ ⲟⲩⲟϩ ⲛ̀ⲧⲟⲩϧⲁϧ ⲡⲓⲏⲓ ⲟⲩⲟϩ ⲛ̀ⲧⲟⲩⲟϣϫϥ	eṡōp ḋe ǹtefi ǹouohem ǹje piċoh ouoh ǹtefi ǹrōt xen piyi menensaθre niōni hōl èvol ouoh ǹtouxax piyi ouoh ǹtouoṡgf	And if the plague should return again, and break out in the house after they have taken away the stones and after the house is scraped, and after it has been plastered,
14:44	ⲟⲩⲟϩ ⲉϥⲉⲓ ⲉϧⲟⲩⲛ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉⲛⲁⲩ ⲓⲥϫⲉⲛ ⲁϥϫⲱϣ ϧⲉⲛⲡⲓⲏⲓ ⲛϫⲉⲡⲓϭⲟϩ ⲟⲩⲥⲉϩⲧ ⲡⲉ ⲉϥⲛⲁⲟϩⲓ ϧⲉⲛⲡⲓⲏⲓ ϥϭⲁϧⲉⲙ	ⲟⲩⲟϩ ⲉϥⲉ̀ⲓ̀ ⲉ̀ϧⲟⲩⲛ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ⲛⲁⲩ ⲓⲥϫⲉⲛ ⲁϥϫⲱϣ ϧⲉⲛ ⲡⲓⲏⲓ ⲛ̀ϫⲉ ⲡⲓϭⲟϩ ⲟⲩⲥⲉϩⲧ ⲡⲉ ⲉϥⲛⲁⲟ̀ϩⲓ ϧⲉⲛ ⲡⲓⲏⲓ ϥ̀ϭⲁϧⲉⲙ	ouoh efèì èxoun ǹje piouyb ouoh efènav isjen afgōṡ xen piyi ǹje piċoh ouseht pe efnaòhi xen piyi f̀ċaxem	then the priest shall go in and see if the plague is spread in the house: it is a confirmed leprosy in the house, it is unclean.
14:45	ⲟⲩⲟϩ ⲉⲩⲉⲉⲛ ⲡⲓⲏⲓ ⲉϧⲣⲏⲓ ⲟⲩⲟϩ ⲛⲉϥϣⲉ ⲛⲉⲙⲛⲉϥⲱⲛⲓ ⲛⲉⲙⲡⲉϥⲣⲏⲓⲥⲓ ⲧⲏⲣϥ ⲉⲩⲉⲟⲗϥ ⲥⲁⲃⲟⲗ ⲛϯⲡⲟⲗⲓⲥ ⲉⲩⲙⲁ ⲉϥϭⲁϧⲉⲙ	ⲟⲩⲟϩ ⲉⲩⲉⲉⲛ ⲡⲓⲏⲓ ⲉ̀ϧ̀ⲣⲏⲓ ⲟⲩⲟϩ ⲛⲉϥϣⲉ ⲛⲉⲙ ⲛⲉϥⲱⲛⲓ ⲛⲉⲙ ⲡⲉϥⲣⲏⲓⲥⲓ ⲧⲏⲣϥ ⲉⲩⲉⲟⲗϥ ⲥⲁⲃⲟⲗ ⲛ̀ϯⲡⲟⲗⲓⲥ ⲉⲩⲙⲁ ⲉϥϭⲁϧⲉⲙ	ouoh eveen piyi èx̀ryi ouoh nefṡe nem nefōni nem pefryisi tyrf eveolf savol ǹtipolis evma efċaxem	And they shall take down the house, and its timbers and its stones, and they shall carry out all the mortar without the city into an unclean place.
14:46	ⲟⲩⲟϩ ⲫⲏ ⲉⲧⲛⲁϣⲉ ⲉϧⲟⲩⲛ ⲉⲡⲓⲏⲓ ⲛⲛⲓⲉϩⲟⲟⲩ ⲧⲏⲣⲟⲩ ⲉⲧⲉϥⲑⲓⲟⲩⲏⲟⲩⲧ ⲉⲃⲟⲗ ⲛϧⲏⲧⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲣⲟⲩϩⲓ	ⲟⲩⲟϩ ⲫⲏ ⲉⲧⲛⲁϣⲉ ⲉ̀ϧⲟⲩⲛ ⲉ̀ⲡⲓⲏⲓ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲉⲧⲉϥⲑⲓⲟⲩⲏⲟⲩⲧ ⲉ̀ⲃⲟⲗ ⲛ̀ϧⲏⲧⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲣⲟⲩϩⲓ	ouoh fy etnaṡe èxoun èpiyi ǹnièhoou tyrou etefθiouyout èvol ǹxytou efèṡōpi efċaxem ṡa rouhi	And he that goes into the house at any time, during its separation, shall be unclean until evening.
14:47	ⲟⲩⲟϩ ⲫⲏ ⲉⲧⲛⲁⲉⲛⲕⲟⲧ ϧⲉⲛⲡⲓⲏⲓ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲫⲏ ⲉⲧⲛⲁⲟⲩⲱⲙ ⲛϧⲟⲩⲛ ϧⲉⲛⲡⲓⲏⲓ ⲉϥⲉⲣⲱϧⲓ ⲛⲛⲉϥϩⲃⲱⲥ	ⲟⲩⲟϩ ⲫⲏ ⲉⲧⲛⲁⲉⲛⲕⲟⲧ ϧⲉⲛ ⲡⲓⲏⲓ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲫⲏ ⲉⲧⲛⲁⲟⲩⲱⲙ ⲛ̀ϧⲟⲩⲛ ϧⲉⲛ ⲡⲓⲏⲓ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ	ouoh fy etnaenkot xen piyi efèrōxi ǹnefh̀vōs ouoh fy etnaouōm ǹxoun xen piyi efèrōxi ǹnefh̀vōs	And he that sleeps in the house shall wash his garments, and be unclean until evening; and he that eats in the house shall wash his garments, and be unclean until evening.
14:48	ⲉϣⲱⲡ ⲇⲉ ⲛⲧⲉϥⲓ ⲉϧⲟⲩⲛ ⲛϫⲉⲡⲓⲟⲩⲏⲃ ⲟⲩⲟϩ ⲛⲧⲉϥⲛⲁⲩ ⲟⲩⲟϩ ϩⲏⲡⲡⲉ ϧⲉⲛⲟⲩϫⲱϣ ϥϫⲏϣ ⲁⲛ ϧⲉⲛⲡⲓⲏⲓ ⲛϫⲉⲡⲓϭⲟϩ ⲙⲉⲛⲉⲛⲥⲁⲑⲣⲟⲩⲥⲉⲗϫ ⲡⲓⲏⲓ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲟⲩⲃⲟ ⲙⲡⲓⲏⲓ ϫⲉⲟⲩⲏⲓ ⲁϥⲧⲁⲗϭⲟ ⲛϫⲉⲡⲓϭⲟϩ	ⲉϣⲱⲡ ⲇⲉ ⲛ̀ⲧⲉϥⲓ ⲉ̀ϧⲟⲩⲛ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲛ̀ⲧⲉϥⲛⲁⲩ ⲟⲩⲟϩ ϩⲏⲡⲡⲉ ϧⲉⲛ ⲟⲩϫⲱϣ ϥ̀ϫⲏϣ ⲁⲛ ϧⲉⲛ ⲡⲓⲏⲓ ⲛ̀ϫⲉ ⲡⲓϭⲟϩ ⲙⲉⲛⲉⲛⲥⲁⲑⲣⲟⲩⲥⲉⲗϫ ⲡⲓⲏⲓ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲧⲟⲩⲃⲟ ⲛ̀ⲡⲓⲏⲓ ϫⲉ ⲟⲩⲏⲓ ⲁϥⲧⲁⲗϭⲟ ⲛ̀ϫⲉ ⲡⲓϭⲟϩ	eṡōp ḋe ǹtefi èxoun ǹje piouyb ouoh ǹtefnav ouoh hyppe xen ougōṡ f̀jyṡ an xen piyi ǹje piċoh menensaθrouselg piyi ouoh ère piouyb efètouvo ǹpiyi je ouyi aftalċo ǹje piċoh	and if the priest shall arrive and enter and see, and behold the plague be not at all spread in the house after the house has been plastered, then the priest shall declare the house clean, because the plague is healed.
14:49	ⲟⲩⲟϩ ⲉϥⲉϭⲓ ⲉⲡϫⲓⲛⲧⲟⲩⲃⲟ ⲙⲡⲓⲏⲓ ⲛⲉⲣϫ ⲃ̅ ⲛⲉⲙⲟⲩϣⲉⲛⲥⲓϥⲓ ⲛⲉⲙⲟⲩⲕⲟⲕⲕⲓⲛⲟⲛ ⲉϥⲥⲁϯ ⲛⲉⲙⲟⲩϩⲩⲥⲱⲡⲟⲥ	ⲟⲩⲟϩ ⲉϥⲉ̀ϭⲓ ⲉ̀ⲡ̀ϫⲓⲛⲧⲟⲩⲃⲟ ⲛ̀ⲡⲓⲏⲓ ⲛ̀ⲉⲣϫ 2 ⲛⲉⲙ ⲟⲩϣⲉⲛⲥⲓϥⲓ ⲛⲉⲙ ⲟⲩⲕⲟⲕⲕⲓⲛⲟⲛ ⲉϥⲥⲁϯ ⲛⲉⲙ ⲟⲩϩⲩⲥⲱⲡⲟⲥ	ouoh efèċi èp̀jintouvo ǹpiyi ǹerg 2 nem ouṡensifi nem oukokkinon efsati nem ouhisōpos	And he shall take to purify the house two clean living birds, and cedar wood, and spun scarlet, and hyssop.
14:50	ⲟⲩⲟϩ ⲉϥⲉϧⲟⲗϧⲉⲗ ⲙⲡⲓⲟⲩⲁⲓ ⲛⲉⲣϫ ⲉⲟⲩⲙⲟⲕⲓ ⲙⲃⲉⲗϫ ⲉϫⲉⲛⲟⲩⲙⲱⲟⲩ ⲉϥⲟⲛϧ	ⲟⲩⲟϩ ⲉϥⲉ̀ϧⲟⲗϧⲉⲗ ⲛ̀ⲡⲓⲟⲩⲁⲓ ⲛ̀ⲉⲣϫ ⲉ̀ⲟⲩⲙⲟⲕⲓ ⲛ̀ⲃⲉⲗϫ ⲉ̀ϫⲉⲛ ⲟⲩⲙⲱⲟⲩ ⲉϥⲟⲛϧ	ouoh efèxolxel ǹpiouai ǹerg èoumoki ǹvelg èjen oumōou efonx	And he shall slay one bird in an earthen vessel over running water.
14:51	ⲟⲩⲟϩ ⲉϥⲉⲱⲗⲓ ⲙⲡⲓϣⲉⲛⲥⲓϥⲓ ⲛⲉⲙⲡⲓⲕⲟⲕⲕⲓⲛⲟⲛ ⲉⲧⲥⲁϯ ⲛⲉⲙⲡⲓϩⲩⲥⲥⲱⲡⲟⲥ ⲛⲉⲙⲡⲓⲉⲣϫ ⲉⲧⲟⲛϧ ⲟⲩⲟϩ ⲉϥⲉⲥⲟⲡⲟⲩ ϧⲉⲛⲡⲓⲥⲛⲟϥ ⲙⲡⲓⲉⲣϫ ⲉⲧⲁϥϧⲉⲗϧⲱⲗϥ ⲉϫⲉⲛⲟⲩⲙⲱⲟⲩ ⲉϥⲟⲛϧ ⲟⲩⲟϩ ⲉϥⲉⲛⲟⲩϫϧ ⲛϧⲏⲧⲟⲩ ⲉϫⲉⲛⲡⲓⲏⲓ ⲛⲍ̅ ⲛⲥⲟⲡ	ⲟⲩⲟϩ ⲉϥⲉ̀ⲱ̀ⲗⲓ ⲛ̀ⲡⲓϣⲉⲛⲥⲓϥⲓ ⲛⲉⲙ ⲡⲓⲕⲟⲕⲕⲓⲛⲟⲛ ⲉ̀ⲧ̀ⲥⲁϯ ⲛⲉⲙ ⲡⲓϩⲩⲥⲥⲱⲡⲟⲥ ⲛⲉⲙ ⲡⲓⲉⲣϫ ⲉⲧⲟⲛϧ ⲟⲩⲟϩ ⲉϥⲉ̀ⲥⲟⲡⲟⲩ ϧⲉⲛ ⲡⲓⲥ̀ⲛⲟϥ ⲛ̀ⲡⲓⲉⲣϫ ⲉⲧⲁϥϧⲉⲗϧⲱⲗϥ ⲉ̀ϫⲉⲛ ⲟⲩⲙⲱⲟⲩ ⲉϥⲟⲛϧ ⲟⲩⲟϩ ⲉϥⲉ̀ⲛⲟⲩϫϧ ⲛ̀ϧⲏⲧⲟⲩ ⲉ̀ϫⲉⲛ ⲡⲓⲏⲓ ⲛ̀7 ⲛ̀ⲥⲟⲡ	ouoh efèṑli ǹpiṡensifi nem pikokkinon èt̀sati nem pihissōpos nem pierg etonx ouoh efèsopou xen pis̀nof ǹpierg etafxelxōlf èjen oumōou efonx ouoh efènougx ǹxytou èjen piyi ǹ7 ǹsop	And he shall take the cedar wood, and the spun scarlet, and the hyssop, and the living bird; and shall dip it into the blood of the bird slain over running water, and with them he shall sprinkle the house seven times.
14:52	ⲟⲩⲟϩ ⲉϥⲉⲧⲟⲩⲃⲟ ⲙⲡⲓⲏⲓ ϧⲉⲛⲡⲓⲥⲛⲟϥ ⲙⲡⲓⲉⲣϫ ⲛⲉⲙⲡⲓⲙⲱⲟⲩ ⲉⲧⲟⲛϧ ⲛⲉⲙⲡⲓϣⲉⲛⲥⲓϥⲓ ⲛⲉⲙⲡⲓϩⲩⲥⲥⲱⲡⲟⲥ ⲛⲉⲙⲡⲓⲕⲟⲕⲕⲓⲛⲟⲛ ⲉϥⲥⲁϯ	ⲟⲩⲟϩ ⲉϥⲉ̀ⲧⲟⲩⲃⲟ ⲛ̀ⲡⲓⲏⲓ ϧⲉⲛ ⲡⲓⲥ̀ⲛⲟϥ ⲛ̀ⲡⲓⲉⲣϫ ⲛⲉⲙ ⲡⲓⲙⲱⲟⲩ ⲉⲧⲟⲛϧ ⲛⲉⲙ ⲡⲓϣⲉⲛⲥⲓϥⲓ ⲛⲉⲙ ⲡⲓϩⲩⲥⲥⲱⲡⲟⲥ ⲛⲉⲙ ⲡⲓⲕⲟⲕⲕⲓⲛⲟⲛ ⲉϥⲥⲁϯ	ouoh efètouvo ǹpiyi xen pis̀nof ǹpierg nem pimōou etonx nem piṡensifi nem pihissōpos nem pikokkinon efsati	and he shall purify the house with the blood of the bird, and with the running water, and with the living bird, and with the cedar wood, and with the hyssop, and with the spun scarlet.
14:53	ⲉϥⲉⲟⲩⲱⲣⲡ ⲉⲃⲟⲗ ⲙⲡⲓⲉⲣϫ ⲉⲧⲟⲛϧ ⲥⲁⲃⲟⲗ ⲛϯⲃⲁⲕⲓ ⲉⲡⲓⲙⲉϣϣⲱⲧ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲉⲛⲡⲓⲏⲓ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ	ⲉϥⲉ̀ⲟⲩⲱⲣⲡ ⲉ̀ⲃⲟⲗ ⲛ̀ⲡⲓⲉⲣϫ ⲉⲧⲟⲛϧ ⲥⲁⲃⲟⲗ ⲛ̀ϯⲃⲁⲕⲓ ⲉ̀ⲡⲓⲙⲉϣϣⲱⲧ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲏⲓ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	efèouōrp èvol ǹpierg etonx savol ǹtivaki èpimeṡṡōt ouoh efètōvh èh̀ryi èjen piyi ouoh efèṡōpi eftouvyout	And he shall let the living bird go out of the city into the field, and shall make atonement for the house, and it shall be clean.
14:54	ⲫⲁⲓ ⲡⲉ ⲫⲛⲟⲙⲟⲥ ⲕⲁⲧⲁϭⲟϩ ⲛⲓⲃⲉⲛ ⲛⲧⲉⲟⲩⲥⲉϩⲧ ⲛⲉⲙⲟⲩϧⲟⲙϧⲉⲙ	ⲫⲁⲓ ⲡⲉ ⲫ̀ⲛⲟⲙⲟⲥ ⲕⲁⲧⲁ ϭⲟϩ ⲛⲓⲃⲉⲛ ⲛ̀ⲧⲉ ⲟⲩⲥⲉϩⲧ ⲛⲉⲙ ⲟⲩϧⲟⲙϧⲉⲙ	fai pe f̀nomos kata ċoh niven ǹte ouseht nem ouxomxem	This is the law concerning every plague of leprosy and scurf,
14:55	ⲛⲉⲙⲟⲩⲥⲉϩⲧ ϧⲉⲛⲟⲩϩⲃⲱⲥ ⲛⲉⲙⲟⲩⲏⲓ	ⲛⲉⲙ ⲟⲩⲥⲉϩⲧ ϧⲉⲛ ⲟⲩϩ̀ⲃⲱⲥ ⲛⲉⲙ ⲟⲩⲏⲓ	nem ouseht xen ouh̀vōs nem ouyi	and of the leprosy of a garment, and of a house,
14:56	ⲛⲉⲙⲟⲩⲟⲩⲗⲏ ⲛⲉⲙⲟⲩⲙⲏⲓⲛⲓ ⲛⲉⲙⲫⲏ ⲉⲧϯⲙⲟⲩⲉ	ⲛⲉⲙ ⲟⲩⲁⲩⲗⲏ ⲛⲉⲙ ⲟⲩⲙⲏⲓⲛⲓ ⲛⲉⲙ ⲫⲏ ⲉⲧϯⲙⲟⲩⲉ	nem ouavly nem oumyini nem fy ettimoue	and of a sore, and of a clear spot, and of a shining one,
14:57	ⲟⲩⲟϩ ϩⲱⲥⲧⲉ ⲉⲥⲁϫⲓ ⲙⲙⲟϥ ϧⲉⲛⲡⲓⲉϩⲟⲟⲩ ⲉⲧⲉϥⲛⲁϭⲱϧⲉⲙ ⲛⲉⲙⲡⲓⲉϩⲟⲟⲩ ⲉⲧⲉϥⲛⲁⲧⲟⲩⲃⲟ ⲫⲁⲓ ⲡⲉ ⲫⲛⲟⲙⲟⲥ ⲛⲧⲉⲡⲓⲥⲉϩⲧ	ⲟⲩⲟϩ ϩⲱⲥⲧⲉ ⲉ̀ⲥⲁϫⲓ ⲙ̀ⲙⲟϥ ϧⲉⲛ ⲡⲓⲉ̀ϩⲟⲟⲩ ⲉⲧⲉϥⲛⲁϭⲱϧⲉⲙ ⲛⲉⲙ ⲡⲓⲉ̀ϩⲟⲟⲩ ⲉⲧⲉϥⲛⲁⲧⲟⲩⲃⲟ ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲧⲉ ⲡⲓⲥⲉϩⲧ	ouoh hōste èsaji m̀mof xen pièhoou etefnaċōxem nem pièhoou etefnatouvo fai pe f̀nomos ǹte piseht	and of declaring in what day it is unclean, and in what day it shall be purged: this is the law of the leprosy.

Provenance

title: Leviticus 14
dialect: bohairic
source: Coptic SCRIPTORIUM corpus "bohairic.ot", document 03_Leviticus_14
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 14 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_14, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/14.bohairic.scriptorium.L0.txt
title: Leviticus 14 — Cairene
dialect: bohairic
source: generated from 14.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_14)
licence: CC BY-SA 4.0
share: attribution
attribution: Leviticus 14 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_14, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/14.bohairic.scriptorium.L1.txt
title: Leviticus 14 — Kemetic
dialect: bohairic
source: generated from 14.bohairic.scriptorium.L1.txt
licence: CC BY-SA 4.0
share: attribution
attribution: Leviticus 14 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_14, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/14.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 57 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_14 (57 lines)

Cite as:

Leviticus 14. Coptic SCRIPTORIUM corpus "bohairic.ot", document 03_Leviticus_14. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/14.bohairic.scriptorium/. Leviticus 14 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_14, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.