Leviticus 13 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_13

Attribution: Leviticus 13 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_13, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

59 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
13:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys nem àarōn efgō m̀mos	And the Lord spoke to Moses and Aaron, saying,
13:2	ϫⲉⲉϣⲱⲡ ⲁⲣⲉϣⲁⲛ ⲟⲩⲟⲩⲗⲏ ⲛⲧⲉⲟⲩⲙⲏⲓⲛⲓ ⲟⲩϩⲗⲓ ⲉϥⲟⲩⲟⲛϩ ⲛⲧⲉϥϣⲱⲡⲓ ϧⲉⲛⲡϣⲁⲣ ⲛⲧⲉⲡⲁⲟⲩⲁⲛ ⲛⲟⲩⲣⲱⲙⲓ ⲟⲩⲟϩ ⲛⲧⲉϥϣⲱⲡⲓ ϧⲉⲛⲡϣⲁⲣ ⲛⲧⲉⲡⲉϥⲁⲟⲩⲁⲛ ⲛϫⲉⲟⲩϭⲟϩ ⲛⲧⲉⲟⲩⲥⲉϩⲧ ⲟⲩⲟϩ ⲉϥⲉⲓ ϩⲁⲁⲁⲣⲱⲛ ⲡⲓⲟⲩⲏⲃ ⲓⲉ ϩⲁⲟⲩⲁⲓ ⲛⲧⲉⲛⲉϥϣⲏⲣⲓ ⲉⲧⲟⲓ ⲛⲟⲩⲏⲃ	ϫⲉ ⲉϣⲱⲡ ⲁⲣⲉϣⲁⲛ ⲟⲩⲁⲩⲗⲏ ⲛ̀ⲧⲉ ⲟⲩⲙⲏⲓⲛⲓ ⲟⲩϩ̀ⲗⲓ ⲉϥⲟⲩⲟⲛϩ ⲛ̀ⲧⲉϥϣⲱⲡⲓ ϧⲉⲛ ⲡ̀ϣⲁⲣ ⲛ̀ⲧⲉ ⲡ̀ⲁⲟⲩⲁⲛ ⲛ̀ⲟⲩⲣⲱⲙⲓ ⲟⲩⲟϩ ⲛ̀ⲧⲉϥϣⲱⲡⲓ ϧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲁⲟⲩⲁⲛ ⲛ̀ϫⲉ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲟⲩⲟϩ ⲉϥⲉ̀ⲓ̀ ϩⲁ ⲁ̀ⲁⲣⲱⲛ ⲡⲓⲟⲩⲏⲃ ⲓⲉ ϩⲁ ⲟⲩⲁⲓ ⲛ̀ⲧⲉ ⲛⲉϥϣⲏⲣⲓ ⲉⲧⲟⲓ ⲛ̀ⲟⲩⲏⲃ	je eṡōp areṡan ouavly ǹte oumyini ouh̀li efouonh ǹtefṡōpi xen p̀ṡar ǹte p̀aouan ǹourōmi ouoh ǹtefṡōpi xen p̀ṡar ǹte pefaouan ǹje ouċoh ǹte ouseht ouoh efèì ha àarōn piouyb ie ha ouai ǹte nefṡyri etoi ǹouyb	If any man should have in the skin of his flesh a bright clear spot, and there should be in the skin of his flesh a plague of leprosy, he shall be brought to Aaron the priest, or to one of his sons the priests.
13:3	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ϧⲉⲛⲡϣⲁⲣ ⲛⲧⲉⲡⲉϥⲁⲟⲩⲁⲛ ⲟⲩⲟϩ ⲛⲧⲉⲡⲓϥⲱⲓ ⲉⲧϧⲉⲛⲡⲓϭⲟϩ ⲛⲧⲉϥⲟⲩⲱⲧⲉⲃ ⲉⲟⲩⲟⲩⲃⲁϣ ⲟⲩⲟϩ ⲡϩⲟ ⲛⲧⲉⲡⲓϭⲟϩ ⲉϥⲑⲉⲃⲓⲏⲟⲩⲧ ⲉⲃⲟⲗ ϩⲓⲧⲉⲛⲡϣⲁⲣ ⲛⲧⲉⲡⲉϥⲁⲟⲩⲁⲛ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉϥⲉϭⲁϧⲙⲉϥ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ϧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲁⲟⲩⲁⲛ ⲟⲩⲟϩ ⲛ̀ⲧⲉ ⲡⲓϥⲱⲓ ⲉⲧϧⲉⲛ ⲡⲓϭⲟϩ ⲛ̀ⲧⲉϥⲟⲩⲱⲧⲉⲃ ⲉ̀ⲟⲩⲟⲩⲃⲁϣ ⲟⲩⲟϩ ⲡ̀ϩⲟ ⲛ̀ⲧⲉ ⲡⲓϭⲟϩ ⲉϥⲑⲉⲃⲓⲏⲟⲩⲧ ⲉ̀ⲃⲟⲗ ϩⲓⲧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲁⲟⲩⲁⲛ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉϥⲉ̀ϭⲁϧⲙⲉϥ	ouoh efènav ǹje piouyb èpiċoh xen p̀ṡar ǹte pefaouan ouoh ǹte pifōi etxen piċoh ǹtefouōteb èououvaṡ ouoh p̀ho ǹte piċoh efθeviyout èvol hiten p̀ṡar ǹte pefaouan ouċoh ǹte ouseht pe ouoh efènav ǹje piouyb efèċaxmef	And the priest shall view the spot in the skin of his flesh; and if the hair in the spot be changed to white, and the appearance of the spot be below the skin of the flesh, it is a plague of leprosy; and the priest shall look upon it, and pronounce him unclean.
13:4	ⲉϣⲱⲡ ⲇⲉ ⲛⲧⲉϥⲟⲩⲱⲛϩ ⲉϥⲟⲩⲱⲃϣ ϧⲉⲛⲡϣⲁⲣ ⲛⲧⲉⲡⲉϥⲁⲟⲩⲁⲛ ⲟⲩⲟϩ ⲡⲉϥϩⲟ ⲛϥⲑⲉⲃⲓⲏⲟⲩⲧ ⲁⲛ ⲉⲃⲟⲗ ϩⲓⲧⲉⲛⲡⲓϣⲁⲣ ⲟⲩⲟϩ ⲛⲧⲉⲡⲉϥϥⲱⲓ ϣⲓⲃϯ ⲁⲛ ⲉⲡⲉⲧⲟⲩⲱⲃϣ ⲁⲗⲗⲁ ϥⲟⲓ ⲛϩⲗⲟⲗ ⲟⲩⲟϩ ⲉⲣⲉⲡⲓⲟⲩⲏⲃ ⲟⲩⲱϯ ⲉⲃⲟⲗ ⲙⲡⲓϭⲟϩ ⲛⲍ̅ ⲛⲉϩⲟⲟⲩ	ⲉϣⲱⲡ ⲇⲉ ⲛ̀ⲧⲉϥⲟⲩⲱⲛϩ ⲉϥⲟⲩⲱⲃϣ ϧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲁⲟⲩⲁⲛ ⲟⲩⲟϩ ⲡⲉϥϩⲟ ⲛ̀ϥⲑⲉⲃⲓⲏⲟⲩⲧ ⲁⲛ ⲉ̀ⲃⲟⲗ ϩⲓⲧⲉⲛ ⲡⲓϣⲁⲣ ⲟⲩⲟϩ ⲛ̀ⲧⲉ ⲡⲉϥϥⲱⲓ ϣⲓⲃϯ ⲁⲛ ⲉ̀ⲡⲉⲧⲟⲩⲱⲃϣ ⲁⲗⲗⲁ ϥ̀ⲟⲓ ⲛ̀ϩⲗⲟⲗ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲟⲩⲱϯ ⲉ̀ⲃⲟⲗ ⲙ̀ⲡⲓϭⲟϩ ⲛ̀ϣⲁϣϥ ⲛ̀ⲉ̀ϩⲟⲟⲩ	eṡōp ḋe ǹtefouōnh efouōvṡ xen p̀ṡar ǹte pefaouan ouoh pefho ǹfθeviyout an èvol hiten piṡar ouoh ǹte peffōi ṡivti an èpetouōvṡ alla f̀oi ǹhlol ouoh ère piouyb ouōti èvol m̀piċoh ǹṡaṡf ǹèhoou	But if the spot be clear and white in the skin of his flesh, yet the appearance of it be not deep below the skin, and its hair have not changed itself for white hair, but it is dark, then the priest shall separate him that has the spot seven days;
13:5	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ϧⲉⲛⲡⲓⲉϩⲟⲟⲩ ⲙⲙⲁϩⲍ̅ ⲟⲩⲟϩ ϩⲏⲡⲡⲉ ⲡⲓϭⲟϩ ⲉϥⲟϩⲓ ⲉⲣⲁⲧϥ ⲙⲡⲉϥⲟⲩⲱⲧⲉⲃ ⲁⲛ ⲛϫⲉⲡⲓϭⲟϩ ϧⲉⲛⲡⲓϣⲁⲣ ⲉϥⲉⲫⲟⲣϫϥ ⲉⲃⲟⲗ ⲛϫⲉⲡⲓⲟⲩⲏⲃ ⲛⲍ̅ ⲛⲉϩⲟⲟⲩ ⲙⲡⲓⲙⲁϩ ⲥⲟⲡ ⲃ̅	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ7 ⲟⲩⲟϩ ϩⲏⲡⲡⲉ ⲡⲓϭⲟϩ ⲉϥⲟ̀ϩⲓ ⲉ̀ⲣⲁⲧϥ ⲙ̀ⲡⲉϥⲟⲩⲱⲧⲉⲃ ⲁⲛ ⲛ̀ϫⲉ ⲡⲓϭⲟϩ ϧⲉⲛ ⲡⲓϣⲁⲣ ⲉϥⲉ̀ⲫⲟⲣϫϥ ⲉ̀ⲃⲟⲗ ⲛ̀ϫⲉ ⲡⲓⲟⲩⲏⲃ ⲛ̀ϣⲁϣϥ ⲛⲉ ϩⲟⲟⲩ ⲙ̀ⲡⲓⲙⲁϩ ⲥⲟⲡ 2	ouoh efènav ǹje piouyb èpiċoh xen pièhoou ǹmah7 ouoh hyppe piċoh efòhi èratf m̀pefouōteb an ǹje piċoh xen piṡar efèforgf èvol ǹje piouyb ǹṡaṡf ne hoou m̀pimah sop 2	and the priest shall look on the spot the seventh day; and, behold, if the spot remains before him, if the spot has not spread in the skin, then the priest shall separate him the second time seven days.
13:6	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅ ⲙⲡⲓⲙⲁϩ ⲥⲟⲡ ⲃ̅ ⲟⲩⲟϩ ϩⲏⲡⲡⲉ ⲉϥⲟⲓ ⲛϩⲗⲟⲗ ⲛϫⲉⲡⲓϭⲟϩ ⲙⲡⲉϥⲟⲩⲱⲧⲉⲃ ⲛϫⲉⲡⲓϭⲟϩ ϧⲉⲛⲡⲓⲥⲉϩⲧ ⲛⲧⲉⲡⲓϣⲁⲣ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ ⲟⲩⲙⲏⲓⲛⲓ ⲅⲁⲣ ⲡⲉ ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲟⲥ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲙ̀ⲡⲓⲙⲁϩ ⲥⲟⲡ 2 ⲟⲩⲟϩ ϩⲏⲡⲡⲉ ⲉϥⲟⲓ ⲛ̀ϩⲗⲟⲗ ⲛ̀ϫⲉ ⲡⲓϭⲟϩ ⲙ̀ⲡⲉϥⲟⲩⲱⲧⲉⲃ ⲛ̀ϫⲉ ⲡⲓϭⲟϩ ϧⲉⲛ ⲡⲓⲥⲉϩⲧ ⲛ̀ⲧⲉ ⲡⲓϣⲁⲣ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ ⲟⲩⲙⲏⲓⲛⲓ ⲅⲁⲣ ⲡⲉ ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩⲃⲟⲥ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	ouoh efènav èrof ǹje piouyb xen pièhoou ǹmah 7 m̀pimah sop 2 ouoh hyppe efoi ǹhlol ǹje piċoh m̀pefouōteb ǹje piċoh xen piseht ǹte piṡar ouoh efètouvof ǹje piouyb oumyini ġar pe ouoh efèrōxi ǹnefhvos ouoh efèṡōpi eftouvyout	And the priest shall look upon him the second time on the seventh day; and, behold, if the spot be dark, and the spot have not spread in the skin, then the priest shall pronounce him clean; for it is a mere mark, and the man shall wash his garments and be clean.
13:7	ⲉϣⲱⲡ ⲇⲉ ⲁϥϣⲁⲛⲟⲩⲱⲧⲉⲃ ⲛϫⲉⲡⲓⲙⲏⲓⲛⲓ ϧⲉⲛⲡⲓϣⲁⲣ ⲙⲉⲛⲉⲛⲥⲁⲑⲣⲉϥⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ⲉⲡϫⲓⲛⲧⲟⲩⲃⲟϥ ⲟⲩⲟϩ ⲉϥⲉⲟⲩⲟⲛϩϥ ⲉⲡⲓⲟⲩⲏⲃ ⲙⲫⲙⲁϩ ⲥⲟⲡ ⲃ̅	ⲉϣⲱⲡ ⲇⲉ ⲁϥϣⲁⲛⲟⲩⲱⲧⲉⲃ ⲛ̀ϫⲉ ⲡⲓⲙⲏⲓⲛⲓ ϧⲉⲛ ⲡⲓϣⲁⲣ ⲙⲉⲛⲉⲛⲥⲁⲑⲣⲉϥⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ⲉ̀ⲡ̀ϫⲓⲛⲧⲟⲩⲃⲟϥ ⲟⲩⲟϩ ⲉϥⲉ̀ⲟⲩⲟⲛϩϥ ⲉ̀ⲡⲓⲟⲩⲏⲃ ⲛ̀ⲫ̀ⲙⲁϩ ⲥⲟⲡ 2	eṡōp ḋe afṡanouōteb ǹje pimyini xen piṡar menensaθrefnav èrof ǹje piouyb èp̀jintouvof ouoh efèouonhf èpiouyb ǹf̀mah sop 2	But if the bright spot should have changed and spread in the skin, after the priest has seen him for the purpose of purifying him, then shall he appear the second time to the priest,
13:8	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲛϩ ⲛϫⲉⲡⲓⲙⲏⲓⲛⲓ ϧⲉⲛⲡⲓϣⲁⲣ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩⲥⲉϩⲧ ⲡⲉ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲛϩ ⲛ̀ϫⲉ ⲡⲓⲙⲏⲓⲛⲓ ϧⲉⲛ ⲡⲓϣⲁⲣ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩⲥⲉϩⲧ ⲡⲉ	ouoh efènav èrof ǹje piouyb ouoh hyppe afouōnh ǹje pimyini xen piṡar ouoh efèċaxmef ǹje piouyb ouseht pe	and the priest shall look upon him; and, behold, if the mark have spread in the skin, then the priest shall pronounce him unclean: it is a leprosy.
13:9	ⲟⲩⲟϩ ⲉϣⲱⲡ ⲉⲁϥϣⲱⲡⲓ ⲛϫⲉⲟⲩϭⲟϩ ⲛⲧⲉⲟⲩⲥⲉϩⲧ ϧⲉⲛⲟⲩⲣⲱⲙⲓ ⲉϥⲉⲓ ϩⲁⲡⲓⲟⲩⲏⲃ	ⲟⲩⲟϩ ⲉϣⲱⲡ ⲉⲁϥϣⲱⲡⲓ ⲛ̀ϫⲉ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ϧⲉⲛ ⲟⲩⲣⲱⲙⲓ ⲉϥⲉ̀ⲓ̀ ϩⲁ ⲡⲓⲟⲩⲏⲃ	ouoh eṡōp eafṡōpi ǹje ouċoh ǹte ouseht xen ourōmi efèì ha piouyb	And if a man have a plague of leprosy, then he shall come to the priest;
13:10	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲟⲩⲟⲩⲗⲏ ⲉⲥⲟⲩⲟⲃϣ ϧⲉⲛⲡⲓϣⲁⲣ ⲟⲩⲟϩ ⲑⲁⲓ ⲛⲧⲉⲥⲟⲩⲱⲧⲉⲃ ⲉⲟⲩϥⲱⲓ ⲛⲧⲉϥⲟⲩⲃⲁϣ ⲟⲩⲟϩ ⲉⲃⲟⲗ ϩⲓⲧⲉⲛⲡⲉⲑⲟⲩⲟϫ ⲛⲧⲉϯⲥⲁⲣⲝ ⲉⲧⲟⲛϧ ⲉϥⲟⲩⲟⲛϩ ϧⲉⲛϯⲟⲩⲗⲏ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲟⲩⲁⲩⲗⲏ ⲉⲥⲟⲩⲟⲃϣ ϧⲉⲛ ⲡⲓϣⲁⲣ ⲟⲩⲟϩ ⲑⲁⲓ ⲛ̀ⲧⲉⲥⲟⲩⲱⲧⲉⲃ ⲉ̀ⲟⲩϥⲱⲓ ⲛ̀ⲧⲉϥⲟⲩⲃⲁϣ ⲟⲩⲟϩ ⲉ̀ⲃⲟⲗ ϩⲓⲧⲉⲛ ⲡⲉⲑⲟⲩⲟϫ ⲛ̀ⲧⲉ ϯⲥⲁⲣⲝ ⲉⲧⲟⲛϧ ⲉϥⲟⲩⲟⲛϩ ϧⲉⲛ ϯⲁⲩⲗⲏ	ouoh efènav ǹje piouyb ouoh hyppe is ouavly esouovṡ xen piṡar ouoh θai ǹtesouōteb èoufōi ǹtefouvaṡ ouoh èvol hiten peθouog ǹte tisarks etonx efouonh xen tiavly	and the priest shall look, and, behold, if it is a white spot in the skin, and it has changed the hair to white, and there be some of the sound part of the quick flesh in the sore
13:11	ⲟⲩⲥⲉϩⲧ ⲡⲉ ⲉϥⲛⲁⲉⲣⲁⲡⲁⲥ ϧⲉⲛⲡϣⲁⲣ ⲛⲧⲉⲡⲉϥⲟⲩⲁⲛ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩⲟϩ ⲛⲧⲉϥⲫⲟⲣϫϥ ⲉⲃⲟⲗ ϥϭⲁϧⲉⲙ	ⲟⲩⲥⲉϩⲧ ⲡⲉ ⲉϥⲛⲁⲉⲣⲁⲡⲁⲥ ϧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲟⲩⲁⲛ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲛ̀ⲧⲉϥⲫⲟⲣϫϥ ⲉ̀ⲃⲟⲗ ϥ̀ϭⲁϧⲉⲙ	ouseht pe efnaerapas xen p̀ṡar ǹte pefouan ouoh efèċaxmef ǹje piouyb ouoh ǹtefforgf èvol f̀ċaxem	it is a leprosy waxing old in the skin of the flesh; and the priest shall pronounce him unclean, and shall separate him, because he is unclean.
13:12	ⲉϣⲱⲡ ⲇⲉ ϧⲉⲛⲟⲩⲫⲓⲣⲓ ⲛⲧⲉϥⲫⲓⲣⲓ ⲉⲃⲟⲗ ⲛϫⲉⲟⲩⲥⲉϩⲧ ϧⲉⲛⲡⲓϣⲁⲣ ⲟⲩⲟϩ ⲛⲧⲉⲡⲓⲥⲉϩⲧ ϩⲱⲃⲥ ⲙⲡⲓϣⲁⲣ ⲧⲏⲣϥ ⲛⲧⲉⲡⲓϭⲟϩ ⲓⲥϫⲉⲛ ϫⲱϥ ϣⲁⲣⲁⲧϥ ⲕⲁⲧⲁⲡⲓϫⲓⲛⲛⲁⲩ ⲧⲏⲣϥ ⲛⲧⲉⲡⲓⲟⲩⲏⲃ	ⲉϣⲱⲡ ⲇⲉ ϧⲉⲛ ⲟⲩⲫⲓⲣⲓ ⲛ̀ⲧⲉϥⲫⲓⲣⲓ ⲉ̀ⲃⲟⲗ ⲛ̀ϫⲉ ⲟⲩⲥⲉϩⲧ ϧⲉⲛ ⲡⲓϣⲁⲣ ⲟⲩⲟϩ ⲛ̀ⲧⲉ ⲡⲓⲥⲉϩⲧ ϩⲱⲃⲥ ⲛ̀ⲡⲓϣⲁⲣ ⲧⲏⲣϥ ⲛ̀ⲧⲉ ⲡⲓϭⲟϩ ⲓⲥϫⲉⲛ ϫⲱϥ ϣⲁ ⲣⲁⲧϥ ⲕⲁⲧⲁ ⲡⲓϫⲓⲛⲛⲁⲩ ⲧⲏⲣϥ ⲛ̀ⲧⲉ ⲡⲓⲟⲩⲏⲃ	eṡōp ḋe xen oufiri ǹteffiri èvol ǹje ouseht xen piṡar ouoh ǹte piseht hōvs ǹpiṡar tyrf ǹte piċoh isjen gōf ṡa ratf kata pijinnav tyrf ǹte piouyb	And if the leprosy should have come out very evidently in the skin, and the leprosy should cover all the skin of the patient from the head to the feet, wheresoever the priest shall look;
13:13	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ⲓⲥ ⲡⲓⲥⲉϩⲧ ⲉⲧⲁϥϩⲱⲃⲥ ⲉϫⲉⲛⲡⲓϣⲁⲣ ⲧⲏⲣϥ ⲛⲧⲉⲡⲉϥⲁⲟⲩⲁⲛ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ ϫⲉⲁϥⲟⲩⲱⲧⲉⲃ ⲧⲏⲣϥ ⲉⲡⲉⲑⲟⲩⲟⲃϣ ϥⲧⲟⲩⲃⲏⲟⲩⲧ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲓⲥ ⲡⲓⲥⲉϩⲧ ⲉⲧⲁϥϩⲱⲃⲥ ⲉ̀ϫⲉⲛ ⲡⲓϣⲁⲣ ⲧⲏⲣϥ ⲛ̀ⲧⲉ ⲡⲉϥⲁⲟⲩⲁⲛ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ ϫⲉ ⲁϥⲟⲩⲱⲧⲉⲃ ⲧⲏⲣϥ ⲉ̀ⲡⲉⲑⲟⲩⲟⲃϣ ϥⲧⲟⲩⲃⲏⲟⲩⲧ	ouoh efènav ǹje piouyb ouoh is piseht etafhōvs èjen piṡar tyrf ǹte pefaouan ouoh efètouvof ǹje piouyb je afouōteb tyrf èpeθouovṡ ftouvyout	then the priest shall look, and, behold, the leprosy has covered all the skin of the flesh; and the priest shall pronounce him clean of the plague, because it has changed all to white, it is clean.
13:14	ⲟⲩⲟϩ ϧⲉⲛⲡⲓⲉϩⲟⲟⲩ ⲉⲧⲉϥⲛⲁⲟⲩⲱⲛϩ ⲛϧⲏⲧϥ ⲛⲟⲩⲁⲟⲩⲁⲛ ⲉϥⲟⲛϧ ⲉⲩⲉϭⲁϧⲙⲉϥ	ⲟⲩⲟϩ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ϥ̀ⲛⲁⲟⲩⲱⲛϩ ⲛ̀ϧⲏⲧϥ ⲛ̀ⲟⲩⲁⲟⲩⲁⲛ ⲉϥⲟⲛϧ ⲉⲩⲉ̀ϭⲁϧⲙⲉϥ	ouoh xen pièhoou ète f̀naouōnh ǹxytf ǹouaouan efonx evèċaxmef	But on whatsoever day the quick flesh shall appear on him, he shall be pronounced unclean.
13:15	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓⲟⲩⲁⲛ ⲉⲑⲟⲩⲟϫ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲁⲟⲩⲁⲛ ⲉⲑⲟⲩⲟϫ ϥϭⲁϧⲉⲙ ⲟⲩⲥⲉϩⲧ ⲡⲉ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓⲟⲩⲁⲛ ⲉⲑⲟⲩⲟϫ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲁⲟⲩⲁⲛ ⲉⲑⲟⲩⲟϫ ϥ̀ϭⲁϧⲉⲙ ⲟⲩⲥⲉϩⲧ ⲡⲉ	ouoh efènav ǹje piouyb èpiouan eθouog ouoh efèċaxmef ǹje piaouan eθouog f̀ċaxem ouseht pe	And the priest shall look upon the sound flesh, and the sound flesh shall prove him to be unclean; for it is unclean, it is a leprosy.
13:16	ⲟⲩⲟϩ ⲉϣⲱⲡ ⲛⲧⲉϥⲧⲁⲥⲑⲟ ⲛϫⲉⲡⲓⲁⲟⲩⲁⲛ ⲉⲑⲟⲩⲟϫ ⲟⲩⲟϩ ⲛⲧⲉϥⲟⲩⲱⲧⲉⲃ ⲉⲡⲉⲑⲟⲩⲟⲃϣ ⲟⲩⲟϩ ⲉϥⲉⲓ ϩⲁⲡⲓⲟⲩⲏⲃ	ⲟⲩⲟϩ ⲉϣⲱⲡ ⲛ̀ⲧⲉϥⲧⲁⲥⲑⲟ ⲛ̀ϫⲉ ⲡⲓⲁⲟⲩⲁⲛ ⲉⲑⲟⲩⲟϫ ⲟⲩⲟϩ ⲛ̀ⲧⲉϥⲟⲩⲱⲧⲉⲃ ⲉ̀ⲡⲉⲑⲟⲩⲟⲃϣ ⲟⲩⲟϩ ⲉϥⲉ̀ⲓ̀ ϩⲁ ⲡⲓⲟⲩⲏⲃ	ouoh eṡōp ǹteftasθo ǹje piaouan eθouog ouoh ǹtefouōteb èpeθouovṡ ouoh efèì ha piouyb	But if the sound flesh be restored and changed to white, then shall he come to the priest;
13:17	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲧⲉⲃ ⲛϫⲉⲡⲓϭⲟϩ ⲉⲡⲉⲑⲟⲩⲟⲃϣ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲟⲩⲃⲟ ⲙⲡⲓϭⲟϩ ϥⲧⲟⲩⲃⲏⲟⲩⲧ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲧⲉⲃ ⲛ̀ϫⲉ ⲡⲓϭⲟϩ ⲉ̀ⲡⲉⲑⲟⲩⲟⲃϣ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲧⲟⲩⲃⲟ ⲙ̀ⲡⲓϭⲟϩ ϥⲧⲟⲩⲃⲏⲟⲩⲧ	ouoh efènav ǹje piouyb ouoh hyppe afouōteb ǹje piċoh èpeθouovṡ ouoh ère piouyb efètouvo m̀piċoh ftouvyout	and the priest shall see him, and, behold, if the plague is turned white, then the priest shall pronounce the patient clean: he is clean.
13:18	ⲟⲩⲟϩ ⲟⲩⲥⲁⲣⲝ ⲉϣⲱⲡ ⲁϥϣⲁⲛϣⲱⲡⲓ ⲛϫⲉⲟⲩⲉⲣϧⲟⲧ ϧⲉⲛⲡⲉϥϣⲁⲣ ⲟⲩⲟϩ ⲛⲧⲉϥⲕⲁϩⲕ	ⲟⲩⲟϩ ⲟⲩⲥⲁⲣⲝ ⲉϣⲱⲡ ⲁϥϣⲁⲛϣⲱⲡⲓ ⲛ̀ϫⲉ ⲟⲩⲉⲣϧⲟⲧ ϧⲉⲛ ⲡⲉϥϣⲁⲣ ⲟⲩⲟϩ ⲛ̀ⲧⲉϥⲕⲁϩⲕ	ouoh ousarks eṡōp afṡanṡōpi ǹje ouerxot xen pefṡar ouoh ǹtefkahk	And if the flesh should have become an ulcer in his skin, and should be healed,
13:19	ⲟⲩⲟϩ ⲛⲧⲉⲟⲩⲟⲩⲗⲏ ⲉⲥⲟⲩⲟⲃϣ ϣⲱⲡⲓ ϧⲉⲛⲫⲙⲁ ⲛⲧⲉⲡⲓⲉⲣϧⲟⲧ ⲓⲉ ⲛⲧⲉⲥⲟⲩⲱⲛϩ ⲉⲥϯⲟⲩⲃⲁϣ ⲓⲉ ⲉⲥϯⲑⲣⲟϣⲣⲉϣ ⲟⲩⲟϩ ⲉϥⲉⲟⲩⲱⲛϩ ⲉⲡⲓⲟⲩⲏⲃ	ⲟⲩⲟϩ ⲛ̀ⲧⲉ ⲟⲩⲁⲩⲗⲏ ⲉⲥⲟⲩⲟⲃϣ ϣⲱⲡⲓ ϧⲉⲛ ⲫ̀ⲙⲁ ⲛ̀ⲧⲉ ⲡⲓⲉⲣϧⲟⲧ ⲓⲉ ⲛ̀ⲧⲉⲥⲟⲩⲱⲛϩ ⲉⲥϯⲟⲩⲃⲁϣ ⲓⲉ ⲉⲥϯⲑⲣⲟϣⲣⲉϣ ⲟⲩⲟϩ ⲉϥⲉ̀ⲟⲩⲱⲛϩ ⲉ̀ⲡⲓⲟⲩⲏⲃ	ouoh ǹte ouavly esouovṡ ṡōpi xen f̀ma ǹte pierxot ie ǹtesouōnh estiouvaṡ ie estiθroṡreṡ ouoh efèouōnh èpiouyb	and there should be in the place of the ulcer a white sore, or one looking white and bright, or fiery, and it shall be seen by the priest;
13:20	ϩⲏⲡⲡⲉ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ϥⲑⲉⲃⲓⲏⲟⲩⲧ ⲉⲃⲟⲗ ϩⲓⲧⲉⲛⲡⲓϣⲁⲣ ⲟⲩⲟϩ ⲡⲉϥϥⲱⲓ ⲁϥⲟⲩⲱⲧⲉⲃ ⲉⲟⲩⲟⲩⲃⲁϣ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉⲃⲟⲗ ⲉϫⲉⲛⲡⲓⲉⲣϧⲟⲧ	ϩⲏⲡⲡⲉ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ϥ̀ⲑⲉⲃⲓⲏⲟⲩⲧ ⲉ̀ⲃⲟⲗ ϩⲓⲧⲉⲛ ⲡⲓϣⲁⲣ ⲟⲩⲟϩ ⲡⲉϥϥⲱⲓ ⲁϥⲟⲩⲱⲧⲉⲃ ⲉ̀ⲟⲩⲟⲩⲃⲁϣ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉ̀ⲃⲟⲗ ⲉ̀ϫⲉⲛ ⲡⲓⲉⲣϧⲟⲧ	hyppe efènav ǹje piouyb ouoh hyppe is pefho f̀θeviyout èvol hiten piṡar ouoh peffōi afouōteb èououvaṡ ouoh efèċaxmef ǹje piouyb ouċoh ǹte ouseht pe eaffiri èvol èjen pierxot	then the priest shall look, and, behold, if the appearance be beneath the skin, and its hair has changed to white, then the priest shall pronounce him unclean; because it is a leprosy, it has broken out in the ulcer.
13:21	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ⲓⲥ ϩⲏⲡⲡⲉ ⲙⲙⲟⲛ ϥⲱⲓ ⲛⲟⲩⲟⲃϣ ⲛϧⲏⲧϥ ⲟⲩⲟϩ ϥⲑⲉⲃⲓⲏⲟⲩⲧ ⲁⲛ ⲉⲃⲟⲗ ϩⲓⲧⲉⲛⲡϣⲁⲣ ⲛⲧⲉⲡⲉϥⲁⲟⲩⲁⲛ ⲟⲩⲟϩ ⲫⲁⲓ ⲟⲩϩⲗⲟⲗ ⲡⲉ ⲟⲩⲟϩ ⲉϥⲉⲫⲟⲣϫϥ ⲉⲃⲟⲗ ⲛϫⲉⲡⲓⲟⲩⲏⲃ ⲛⲍ̅ ⲛⲉϩⲟⲟⲩ	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲓⲥ ϩⲏⲡⲡⲉ ⲙ̀ⲙⲟⲛ ϥⲱⲓ ⲛ̀ⲟⲩⲟⲃϣ ⲛ̀ϧⲏⲧϥ ⲟⲩⲟϩ ϥ̀ⲑⲉⲃⲓⲏⲟⲩⲧ ⲁⲛ ⲉ̀ⲃⲟⲗ ϩⲓⲧⲉⲛ ⲡ̀ϣⲁⲣ ⲛ̀ⲧⲉ ⲡⲉϥⲁⲟⲩⲁⲛ ⲟⲩⲟϩ ⲫⲁⲓ ⲟⲩϩⲗⲟⲗ ⲡⲉ ⲟⲩⲟϩ ⲉϥⲉ̀ⲫⲟⲣϫϥ ⲉ̀ⲃⲟⲗ ⲛ̀ϫⲉ ⲡⲓⲟⲩⲏⲃ ⲛ̀ϣⲁϣϥ ⲛ̀ⲉ̀ϩⲟⲟⲩ	eṡōp ḋe afṡannav ǹje piouyb ouoh is hyppe m̀mon fōi ǹouovṡ ǹxytf ouoh f̀θeviyout an èvol hiten p̀ṡar ǹte pefaouan ouoh fai ouhlol pe ouoh efèforgf èvol ǹje piouyb ǹṡaṡf ǹèhoou	But if the priest look, and behold there is no white hair on it, and it be not below the skin of the flesh, and it be dark-coloured; then the priest shall separate him seven days.
13:22	ⲉϣⲱⲡ ⲇⲉ ϧⲉⲛⲟⲩϫⲱⲣ ⲛⲧⲉϥϫⲱⲣ ⲉⲃⲟⲗ ϧⲉⲛⲡⲓϣⲁⲣ ⲉⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉⲃⲟⲗ ϧⲉⲛⲡⲓⲉⲣϧⲟⲧ	ⲉϣⲱⲡ ⲇⲉ ϧⲉⲛ ⲟⲩϫⲱⲣ ⲛ̀ⲧⲉϥϫⲱⲣ ⲉ̀ⲃⲟⲗ ϧⲉⲛ ⲡⲓϣⲁⲣ ⲉⲉϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉ̀ⲃⲟⲗ ϧⲉⲛ ⲡⲓⲉⲣϧⲟⲧ	eṡōp ḋe xen ougōr ǹtefgōr èvol xen piṡar eeċaxmef ǹje piouyb ouċoh ǹte ouseht pe eaffiri èvol xen pierxot	But if it manifestly spread over the skin, then the priest shall pronounce him unclean: it is a plague of leprosy; it has broken out in the ulcer.
13:23	ⲉϣⲱⲡ ⲇⲉ ⲛⲧⲉϥⲟϩⲓ ⲙⲡⲉϥⲙⲁ ⲛϫⲉⲡⲓⲟⲩⲁⲛ ⲉⲑⲟⲩⲟⲩⲃϣ ⲉⲧⲁϥⲟⲩⲱⲛϩ ⲟⲩⲟϩ ⲛⲧⲉϥϣⲧⲉⲙϫⲱⲣ ⲉⲃⲟⲗ ⲟⲩⲟⲩⲗⲏ ⲛⲧⲉⲡⲓⲉⲣϧⲟⲧ ⲡⲉ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ	ⲉϣⲱⲡ ⲇⲉ ⲛ̀ⲧⲉϥⲟ̀ϩⲓ ⲛ̀ⲡⲉϥⲙⲁ ⲛ̀ϫⲉ ⲡⲓⲟⲩⲁⲛ ⲉⲑⲟⲩⲟⲩⲃϣ ⲉⲧⲁϥⲟⲩⲱⲛϩ ⲟⲩⲟϩ ⲛ̀ⲧⲉϥϣⲧⲉⲙϫⲱⲣ ⲉ̀ⲃⲟⲗ ⲟⲩⲁⲩⲗⲏ ⲛ̀ⲧⲉ ⲡⲓⲉⲣϧⲟⲧ ⲡⲉ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ	eṡōp ḋe ǹtefòhi ǹpefma ǹje piouan eθououvṡ etafouōnh ouoh ǹtefṡtemgōr èvol ouavly ǹte pierxot pe ouoh efètouvof ǹje piouyb	But if the bright spot should remain in its place and not spread, it is the scar of the ulcer; and the priest shall pronounce him clean.
13:24	ⲟⲩⲟϩ ⲟⲩⲥⲁⲣⲝ ⲉϣⲱⲡ ⲁⲣⲉϣⲁⲛ ⲟⲩⲕⲱⲕ ϣⲱⲡⲓ ϧⲉⲛⲡⲉϥϣⲁⲣ ⲟⲩⲟϩ ⲉⲧⲁϥϣⲱⲡⲓ ϧⲉⲛⲡⲉϥϣⲁⲣ ⲉⲧⲁϥⲗⲱϫⲓ ⲉⲃⲟⲗ ⲙⲡⲓϫⲱϥ ⲛϫⲉⲟⲩⲙⲏⲓⲛⲓ ⲉϥⲧⲁⲛϣⲉ ⲟⲩⲟⲛϩ ⲉϥϯⲙⲟⲩⲉ ⲓⲉ ⲉϥⲧⲁⲛϣⲉ ⲟⲩⲟⲃϣ ⲉϥⲑⲣⲉϣⲣⲱϣ	ⲟⲩⲟϩ ⲟⲩⲥⲁⲣⲝ ⲉϣⲱⲡ ⲁⲣⲉϣⲁⲛ ⲟⲩⲕⲱⲕ ϣⲱⲡⲓ ϧⲉⲛ ⲡⲉϥϣⲁⲣ ⲟⲩⲟϩ ⲉⲧⲁϥϣⲱⲡⲓ ϧⲉⲛ ⲡⲉϥϣⲁⲣ ⲉⲧⲁϥⲗⲱϫⲓ ⲉ̀ⲃⲟⲗ ⲙ̀ⲡⲓϫⲱϥ ⲛ̀ϫⲉ ⲟⲩⲙⲏⲓⲛⲓ ⲉϥⲧⲁⲛϣⲉ ⲟⲩⲟⲛϩ ⲉϥϯⲙⲟⲩⲉ ⲓⲉ ⲉϥⲧⲁⲛϣⲉ ⲟⲩⲟⲃϣ ⲉϥⲑⲣⲉϣⲣⲱϣ	ouoh ousarks eṡōp areṡan oukōk ṡōpi xen pefṡar ouoh etafṡōpi xen pefṡar etaflōji èvol m̀pigōf ǹje oumyini eftanṡe ouonh eftimoue ie eftanṡe ouovṡ efθreṡrōṡ	And if the flesh be in his skin in a state of fiery inflammation, and there should be in his skin the part which is healed of the inflammation, bright, clear, and white, suffused with red or very white;
13:25	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲧⲉⲃ ⲛϫⲉⲟⲩϥⲱⲓ ⲛⲟⲩⲱⲃϣ ⲉϥϯⲙⲟⲩⲉ ⲟⲩⲟϩ ⲡⲉϥϩⲟ ⲉϥⲑⲉⲃⲓⲏⲟⲩⲧ ⲉⲃⲟⲗ ⲟⲩⲧⲉ ⲡⲓϣⲁⲣ ⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉⲃⲟⲗ ϧⲉⲛⲡⲓⲕⲱⲕ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲟⲩⲱⲧⲉⲃ ⲛ̀ϫⲉ ⲟⲩϥⲱⲓ ⲛ̀ⲟⲩⲱⲃϣ ⲉϥϯⲙⲟⲩⲉ ⲟⲩⲟϩ ⲡⲉϥϩⲟ ⲉϥⲑⲉⲃⲓⲏⲟⲩⲧ ⲉ̀ⲃⲟⲗ ⲟⲩⲧⲉ ⲡⲓϣⲁⲣ ⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉ̀ⲃⲟⲗ ϧⲉⲛ ⲡⲓⲕⲱⲕ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ	ouoh efènav èrof ǹje piouyb ouoh hyppe afouōteb ǹje oufōi ǹouōvṡ eftimoue ouoh pefho efθeviyout èvol oute piṡar ouseht pe eaffiri èvol xen pikōk ouoh efèċaxmef ǹje piouyb ouċoh ǹte ouseht pe	then the priest shall look upon him, and, behold, if the hair being white is changed to a bright colour, and its appearance is lower than the skin, it is a leprosy; it has broken out in the inflammation, and the priest shall pronounce him unclean: it is a plague of leprosy.
13:26	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲙⲙⲟⲛ ϥⲱⲓ ⲛⲟⲩⲟⲃϣ ϧⲉⲛⲡⲉϥϯⲙⲟⲩⲉ ⲟⲩⲟϩ ϥⲑⲉⲃⲓⲏⲟⲩⲧ ⲁⲛ ⲉⲃⲟⲗ ϧⲉⲛⲡⲓϣⲁⲣ ⲫⲁⲓ ⲇⲉ ⲟⲩϩⲗⲟⲗ ⲡⲉ ⲟⲩⲟϩ ⲉϥⲉⲫⲟⲣϫϥ ⲉⲃⲟⲗ ⲛϫⲉⲡⲓⲟⲩⲏⲃ ⲛⲍ̅ ⲛⲉϩⲟⲟⲩ	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲙ̀ⲙⲟⲛ ϥⲱⲓ ⲛ̀ⲟⲩⲟⲃϣ ϧⲉⲛ ⲡⲉϥϯⲙⲟⲩⲉ ⲟⲩⲟϩ ϥ̀ⲑⲉⲃⲓⲏⲟⲩⲧ ⲁⲛ ⲉ̀ⲃⲟⲗ ϧⲉⲛ ⲡⲓϣⲁⲣ ⲫⲁⲓ ⲇⲉ ⲟⲩϩⲗⲟⲗ ⲡⲉ ⲟⲩⲟϩ ⲉϥⲉ̀ⲫⲟⲣϫϥ ⲉ̀ⲃⲟⲗ ⲛ̀ϫⲉ ⲡⲓⲟⲩⲏⲃ ⲛ̀ϣⲁϣϥ ⲛ̀ⲉ̀ϩⲟⲟⲩ	eṡōp ḋe afṡannav ǹje piouyb ouoh hyppe m̀mon fōi ǹouovṡ xen peftimoue ouoh f̀θeviyout an èvol xen piṡar fai ḋe ouhlol pe ouoh efèforgf èvol ǹje piouyb ǹṡaṡf ǹèhoou	But if the priest should look, and, behold, there is not in the bright spot any white hair, and it should not be lower than the skin, and it should be dark, then the priest shall separate him seven days.
13:27	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅ ⲉϣⲱⲡ ⲇⲉ ϧⲉⲛⲟⲩϫⲱⲣ ⲛⲧⲉϥϫⲱⲣ ⲉⲃⲟⲗ ϧⲉⲛⲡⲓϣⲁⲣ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉⲃⲟⲗ ϧⲉⲛⲡⲓϣⲁⲣ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲉϣⲱⲡ ⲇⲉ ϧⲉⲛ ⲟⲩϫⲱⲣ ⲛ̀ⲧⲉϥϫⲱⲣ ⲉ̀ⲃⲟⲗ ϧⲉⲛ ⲡⲓϣⲁⲣ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ ⲉⲁϥⲫⲓⲣⲓ ⲉ̀ⲃⲟⲗ ϧⲉⲛ ⲡⲓϣⲁⲣ	ouoh efènav èrof ǹje piouyb xen pièhoou ǹmah 7 eṡōp ḋe xen ougōr ǹtefgōr èvol xen piṡar ouoh efèċaxmef ǹje piouyb ouċoh ǹte ouseht pe eaffiri èvol xen piṡar	And the priest shall look upon him on the seventh day; and if the spot be much spread in the skin, then the priest shall pronounce him unclean: it is a plague of leprosy, it has broken out in the ulcer.
13:28	ⲉϣⲱⲡ ⲇⲉ ⲁϥϣⲁⲛⲟϩⲓ ϧⲉⲛⲡⲉϥⲙⲁ ⲛϫⲉⲫⲏ ⲉⲧϯⲙⲟⲩⲉ ⲟⲩⲟϩ ⲛⲧⲉϥϣⲧⲉⲙϫⲱⲣ ⲉⲃⲟⲗ ϧⲉⲛⲡⲓϣⲁⲣ ⲫⲁⲓ ⲇⲉ ⲟⲩϩⲗⲟⲗ ⲡⲉ ⲟⲩⲟⲩⲗⲏ ⲛⲧⲉⲟⲩⲕⲱⲕ ⲡⲉ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ ⲡⲓϣⲱⲗϩ ⲅⲁⲣ ⲡⲉ ⲛⲧⲉⲡⲓⲕⲱⲕ	ⲉϣⲱⲡ ⲇⲉ ⲁϥϣⲁⲛⲟ̀ϩⲓ ϧⲉⲛ ⲡⲉϥⲙⲁ ⲛ̀ϫⲉ ⲫⲏ ⲉⲧϯⲙⲟⲩⲉ ⲟⲩⲟϩ ⲛ̀ⲧⲉϥϣⲧⲉⲙϫⲱⲣ ⲉ̀ⲃⲟⲗ ϧⲉⲛ ⲡⲓϣⲁⲣ ⲫⲁⲓ ⲇⲉ ⲟⲩϩⲗⲟⲗ ⲡⲉ ⲟⲩⲁⲩⲗⲏ ⲛ̀ⲧⲉ ⲟⲩⲕⲱⲕ ⲡⲉ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ ⲡⲓϣⲱⲗϩ ⲅⲁⲣ ⲡⲉ ⲛ̀ⲧⲉ ⲡⲓⲕⲱⲕ	eṡōp ḋe afṡanòhi xen pefma ǹje fy ettimoue ouoh ǹtefṡtemgōr èvol xen piṡar fai ḋe ouhlol pe ouavly ǹte oukōk pe ouoh efètouvof ǹje piouyb piṡōlh ġar pe ǹte pikōk	But if the bright spot remain stationary, and be not spread in the skin, but the sore should be dark, it is a scar of inflammation; and the priest shall pronounce him clean, for it is the mark of the inflammation.
13:29	ⲟⲩⲟϩ ⲟⲩⲣⲱⲙⲓ ⲓⲉ ⲟⲩⲥϩⲓⲙⲓ ⲫⲏ ⲉⲧⲉϥⲛⲁϣⲱⲡⲓ ⲛϧⲏⲧⲟⲩ ⲛϫⲉⲟⲩϭⲟϩ ⲛⲧⲉⲟⲩⲥⲉϩⲧ ϧⲉⲛϯⲁⲫⲉ ⲓⲉ ϯⲙⲟⲣⲧ	ⲟⲩⲟϩ ⲟⲩⲣⲱⲙⲓ ⲓⲉ ⲟⲩⲥ̀ϩⲓⲙⲓ ⲫⲏ ⲉⲧⲉϥⲛⲁϣⲱⲡⲓ ⲛ̀ϧⲏⲧⲟⲩ ⲛ̀ϫⲉ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ϧⲉⲛ ϯⲁ̀ⲫⲉ ⲓⲉ ϯⲙⲟⲣⲧ	ouoh ourōmi ie ous̀·himi fy etefnaṡōpi ǹxytou ǹje ouċoh ǹte ouseht xen tiàfe ie timort	And if a man or a woman have in them a plague of leprosy in the head or the beard;
13:30	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ϥⲟⲓ ⲛϫⲁⲛⲉ ⲉⲡⲓϣⲁⲣ ⲉⲟⲩⲟⲛ ⲟⲩϥⲱⲓ ⲇⲉ ⲛϧⲏⲧϥ ⲉϥⲟⲓ ⲛⲁⲟⲩⲁⲛ ⲙⲫⲣⲏϣ ⲟⲩⲟϩ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ⲟⲩϧⲟⲙϧⲉⲙ ⲡⲉ ⲟⲩⲥⲉϩⲧ ⲛⲧⲉϯⲁⲫⲉ ⲓⲉ ⲟⲩⲥⲉϩⲧ ⲡⲉ ⲛⲧⲉϯⲙⲟⲣⲧ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ϥ̀ⲟⲓ ⲛ̀ϫⲁⲛⲉ ⲉ̀ⲡⲓϣⲁⲣ ⲉ̀ⲟⲩⲟⲛ ⲟⲩϥⲱⲓ ⲇⲉ ⲛ̀ϧⲏⲧϥ ⲉϥⲟⲓ ⲛ̀ⲁⲟⲩⲁⲛ ⲛ̀ⲫ̀ⲣⲏϣ ⲟⲩⲟϩ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ⲟⲩϧⲟⲙϧⲉⲙ ⲡⲉ ⲟⲩⲥⲉϩⲧ ⲛ̀ⲧⲉ ϯⲁ̀ⲫⲉ ⲓⲉ ⲟⲩⲥⲉϩⲧ ⲡⲉ ⲛ̀ⲧⲉ ϯⲙⲟⲣⲧ	ouoh efènav ǹje piouyb èpiċoh ouoh hyppe is pefho f̀oi ǹgane èpiṡar èouon oufōi ḋe ǹxytf efoi ǹaouan ǹf̀ryṡ ouoh efèċaxmef ǹje piouyb ouxomxem pe ouseht ǹte tiàfe ie ouseht pe ǹte timort	then the priest shall look on the plague, and, behold, if the appearance of it be beneath the skin, and in it there be thin yellowish hair, then the priest shall pronounce him unclean: it is a scurf, it is a leprosy of the head or a leprosy of the beard.
13:31	ⲟⲩⲟϩ ⲉϣⲱⲡ ⲁϥϣⲁⲛⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ⲛⲧⲉⲡⲓϧⲟⲙϧⲉⲙ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ⲟⲩϫⲁⲛⲉ ⲁⲛ ⲡⲉ ⲉϩⲟⲧⲉ ⲡⲓϣⲁⲣ ⲟⲩⲟϩ ⲙⲙⲟⲛ ϥⲱⲓ ⲛⲁⲟⲩⲁⲛ ⲙⲫⲏⲣϣ ⲛϧⲏⲧϥ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲫⲟⲣϫ ⲉⲃⲟⲗ ⲙⲡⲓϭⲟϩ ⲛⲧⲉⲡⲓϧⲟⲙϧⲉⲙ ⲛⲍ̅ ⲛⲉϩⲟⲟⲩ	ⲟⲩⲟϩ ⲉϣⲱⲡ ⲁϥϣⲁⲛⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ⲛ̀ⲧⲉ ⲡⲓϧⲟⲙϧⲉⲙ ⲟⲩⲟϩ ϩⲏⲡⲡⲉ ⲓⲥ ⲡⲉϥϩⲟ ⲟⲩϫⲁⲛⲉ ⲁⲛ ⲡⲉ ⲉ̀ϩⲟⲧⲉ ⲡⲓϣⲁⲣ ⲟⲩⲟϩ ⲙ̀ⲙⲟⲛ ϥⲱⲓ ⲛ̀ⲁⲟⲩⲁⲛ ⲛ̀ⲫⲏⲣϣ ⲛ̀ϧⲏⲧϥ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲫⲟⲣϫ ⲉ̀ⲃⲟⲗ ⲙ̀ⲡⲓϭⲟϩ ⲛ̀ⲧⲉ ⲡⲓϧⲟⲙϧⲉⲙ ⲛ̀ϣⲁϣϥ ⲛ̀ⲉ̀ϩⲟⲟⲩ	ouoh eṡōp afṡannav ǹje piouyb èpiċoh ǹte pixomxem ouoh hyppe is pefho ougane an pe èhote piṡar ouoh m̀mon fōi ǹaouan ǹfyrṡ ǹxytf ouoh ère piouyb efèforg èvol m̀piċoh ǹte pixomxem ǹṡaṡf ǹèhoou	And if the priest should see the plague of the scurf, and, behold, the appearance of it be not beneath the skin, and there is no yellowish hair in it, then the priest shall set apart him that has the plague of the scurf seven days.
13:32	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅ ⲟⲩⲟϩ ϩⲏⲡⲡⲉ ⲙⲡⲉϥϫⲱⲣ ⲉⲃⲟⲗ ⲛϫⲉⲡⲓϧⲟⲙϧⲉⲙ ⲟⲩⲟϩ ⲙⲙⲟⲛ ϥⲱⲓ ⲛⲁⲟⲩⲁⲛ ⲙⲫⲣⲏϣ ⲛϧⲏⲧϥ ⲟⲩⲟϩ ⲡϩⲟ ⲛⲧⲉⲡⲓϧⲟⲙϧⲉⲙ ⲛⲟⲩϫⲁⲛⲉ ⲁⲛ ⲡⲉ ⲉⲃⲟⲗ ϩⲓⲧⲉⲛⲡⲓϣⲁⲣ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲟⲩⲟϩ ϩⲏⲡⲡⲉ ⲙ̀ⲡⲉϥϫⲱⲣ ⲉ̀ⲃⲟⲗ ⲛ̀ϫⲉ ⲡⲓϧⲟⲙϧⲉⲙ ⲟⲩⲟϩ ⲙ̀ⲙⲟⲛ ϥⲱⲓ ⲛ̀ⲁⲟⲩⲁⲛ ⲛ̀ⲫ̀ⲣⲏϣ ⲛ̀ϧⲏⲧϥ ⲟⲩⲟϩ ⲡ̀ϩⲟ ⲛ̀ⲧⲉ ⲡⲓϧⲟⲙϧⲉⲙ ⲛ̀ⲟⲩϫⲁⲛⲉ ⲁⲛ ⲡⲉ ⲉ̀ⲃⲟⲗ ϩⲓⲧⲉⲛ ⲡⲓϣⲁⲣ	ouoh efènav ǹje piouyb èpiċoh xen pièhoou ǹmah 7 ouoh hyppe m̀pefgōr èvol ǹje pixomxem ouoh m̀mon fōi ǹaouan ǹf̀ryṡ ǹxytf ouoh p̀ho ǹte pixomxem ǹougane an pe èvol hiten piṡar	And the priest shall look at the plague on the seventh day; and, behold, if the scurf be not spread, and there be no yellowish hair on it, and the appearance of the scurf is not hollow under the skin;
13:33	ⲟⲩⲟϩ ⲉⲩⲉϧⲉⲕϩ ⲡⲓϣⲁⲣ ⲡⲓϧⲟⲙϧⲉⲙ ⲇⲉ ⲛⲛⲟⲩϧⲟⲕϥ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲫⲱⲣϫ ⲉⲃⲟⲗ ⲙⲡⲓϧⲟⲙϧⲉⲙ ⲛⲍ̅ ⲛⲉϩⲟⲟⲩ ⲙⲡⲓⲙⲁϩ ⲥⲟⲡ ⲃ̅	ⲟⲩⲟϩ ⲉⲩⲉ̀ϧⲉⲕϩ ⲡⲓϣⲁⲣ ⲡⲓϧⲟⲙϧⲉⲙ ⲇⲉ ⲛ̀ⲛⲟⲩϧⲟⲕϥ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲫⲱⲣϫ ⲉ̀ⲃⲟⲗ ⲙ̀ⲡⲓϧⲟⲙϧⲉⲙ ⲛ̀ϣⲁϣϥ ⲛⲉ ϩⲟⲟⲩ ⲙ̀ⲡⲓⲙⲁϩ ⲥⲟⲡ 2	ouoh evèxek·h piṡar pixomxem ḋe ǹnouxokf ouoh ère piouyb efèfōrg èvol m̀pixomxem ǹṡaṡf ne hoou m̀pimah sop 2	then the skin shall be shaven, but the scurf shall not be shaven; and the priest shall set aside the person having the scurf the second time for seven days.
13:34	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲛⲁⲩ ⲉⲡⲓϧⲟⲙϧⲉⲙ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅ ⲟⲩⲟϩ ϩⲏⲡⲡⲉ ⲙⲡⲉϥϫⲱⲣ ⲉⲃⲟⲗ ⲛϫⲉⲡⲓϧⲟⲙϧⲉⲙ ϧⲉⲛⲡⲓϣⲁⲣ ⲙⲉⲛⲉⲛⲥⲁⲑⲣⲟⲩϧⲟⲕϩϥ ⲟⲩⲟϩ ⲡϩⲟ ⲛⲧⲉⲡⲓϧⲟⲙϧⲉⲙ ϥⲟⲓ ⲛϫⲁⲛⲉ ⲁⲛ ϧⲉⲛⲡⲓϣⲁⲣ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲛⲁⲩ ⲉ̀ⲡⲓϧⲟⲙϧⲉⲙ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲟⲩⲟϩ ϩⲏⲡⲡⲉ ⲙ̀ⲡⲉϥϫⲱⲣ ⲉ̀ⲃⲟⲗ ⲛ̀ϫⲉ ⲡⲓϧⲟⲙϧⲉⲙ ϧⲉⲛ ⲡⲓϣⲁⲣ ⲙⲉⲛⲉⲛⲥⲁⲑⲣⲟⲩϧⲟⲕϩϥ ⲟⲩⲟϩ ⲡ̀ϩⲟ ⲛ̀ⲧⲉ ⲡⲓϧⲟⲙϧⲉⲙ ϥ̀ⲟⲓ ⲛ̀ϫⲁⲛⲉ ⲁⲛ ϧⲉⲛ ⲡⲓϣⲁⲣ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	ouoh ère piouyb efènav èpixomxem xen pièhoou ǹmah 7 ouoh hyppe m̀pefgōr èvol ǹje pixomxem xen piṡar menensaθrouxok·hf ouoh p̀ho ǹte pixomxem f̀oi ǹgane an xen piṡar ouoh efètouvof ǹje piouyb ouoh efèrōxi ǹnefh̀vōs efèṡōpi eftouvyout	And the priest shall see the scurf on the seventh day; and, behold, if the scurf is not spread in the skin after the man's being shaved, and the appearance of the scurf is not hollow beneath the skin, then the priest shall pronounce him clean; and he shall wash his garments, and be clean.
13:35	ⲉϣⲱⲡ ⲇⲉ ϧⲉⲛⲟⲩϫⲱⲣ ⲉⲃⲟⲗ ⲛⲧⲉϥϫⲱⲣ ⲉⲃⲟⲗ ⲛϫⲉⲡⲓϧⲟⲙϧⲉⲙ ϧⲉⲛⲡⲓϣⲁⲣ ⲙⲉⲛⲉⲛⲥⲁⲑⲣⲉϥⲧⲟⲩⲃⲟϥ	ⲉϣⲱⲡ ⲇⲉ ϧⲉⲛ ⲟⲩϫⲱⲣ ⲉ̀ⲃⲟⲗ ⲛ̀ⲧⲉϥϫⲱⲣ ⲉ̀ⲃⲟⲗ ⲛ̀ϫⲉ ⲡⲓϧⲟⲙϧⲉⲙ ϧⲉⲛ ⲡⲓϣⲁⲣ ⲙⲉⲛⲉⲛⲥⲁⲑⲣⲉϥⲧⲟⲩⲃⲟϥ	eṡōp ḋe xen ougōr èvol ǹtefgōr èvol ǹje pixomxem xen piṡar menensaθreftouvof	But if the scurf be indeed spread in the skin after he has been purified,
13:36	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲫⲱⲛϩ ⲉⲃⲟⲗ ⲛϫⲉⲡⲓϧⲟⲙϧⲉⲙ ϧⲉⲛⲡⲓϣⲁⲣ ⲛⲛⲉϥϫⲉⲙⲡϣⲓⲛⲓ ⲛϫⲉⲡⲓⲟⲩⲏⲃ ⲉⲑⲃⲉⲡⲓϥⲱⲓ ⲛⲁⲟⲩⲁⲛ ⲙⲫⲣⲏϣ ϥϭⲁϧⲉⲙ ⲛϫⲉⲫⲁⲓ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲁϥⲫⲱⲛϩ ⲉ̀ⲃⲟⲗ ⲛ̀ϫⲉ ⲡⲓϧⲟⲙϧⲉⲙ ϧⲉⲛ ⲡⲓϣⲁⲣ ⲛ̀ⲛⲉϥϫⲉⲙⲡ̀ϣⲓⲛⲓ ⲛ̀ϫⲉ ⲡⲓⲟⲩⲏⲃ ⲉⲑⲃⲉ ⲡⲓϥⲱⲓ ⲛ̀ⲁⲟⲩⲁⲛ ⲛ̀ⲫ̀ⲣⲏϣ ϥ̀ϭⲁϧⲉⲙ ⲛ̀ϫⲉ ⲫⲁⲓ	ouoh efènav èrof ǹje piouyb ouoh hyppe affōnh èvol ǹje pixomxem xen piṡar ǹnefjemp̀ṡini ǹje piouyb eθve pifōi ǹaouan ǹf̀ryṡ f̀ċaxem ǹje fai	then the priest shall look, and, behold, if the scurf be spread in the skin, the priest shall not examine concerning the yellow hair, for he is unclean.
13:37	ⲉϣⲱⲡ ⲇⲉ ⲁϥϣⲁⲛⲟϩⲓ ⲙⲡⲉϥⲙⲑⲟ ⲛϫⲉⲡⲓⲉⲣϧⲟⲧ ⲙⲡⲉϥⲙⲁ ⲟⲩⲟϩ ⲛⲧⲉⲟⲩϥⲱⲓ ⲛⲭⲁⲙⲉ ⲣⲱⲧ ⲛϧⲏⲧϥ ⲁϥⲗⲟϫϥ ⲛϫⲉⲡⲓϧⲟⲙϧⲉⲙ ϥⲧⲟⲩⲃⲏⲟⲩⲧ ⲟⲩⲟϩ ⲉϥⲉⲧⲟⲩⲃⲟϥ ⲛϫⲉⲡⲓⲟⲩⲏⲃ	ⲉϣⲱⲡ ⲇⲉ ⲁϥϣⲁⲛⲟ̀ϩⲓ ⲛ̀ⲡⲉϥⲙ̀ⲑⲟ ⲛ̀ϫⲉ ⲡⲓⲉⲣϧⲟⲧ ⲛ̀ⲡⲉϥⲙⲁ ⲟⲩⲟϩ ⲛ̀ⲧⲉ ⲟⲩϥⲱⲓ ⲛ̀ⲭⲁⲙⲉ ⲣⲱⲧ ⲛ̀ϧⲏⲧϥ ⲁϥⲗⲟϫϥ ⲛ̀ϫⲉ ⲡⲓϧⲟⲙϧⲉⲙ ϥ̀ⲧⲟⲩⲃⲏⲟⲩⲧ ⲟⲩⲟϩ ⲉϥⲉ̀ⲧⲟⲩⲃⲟϥ ⲛ̀ϫⲉ ⲡⲓⲟⲩⲏⲃ	eṡōp ḋe afṡanòhi ǹpefm̀θo ǹje pierxot ǹpefma ouoh ǹte oufōi ǹkame rōt ǹxytf aflogf ǹje pixomxem f̀touvyout ouoh efètouvof ǹje piouyb	But if the scurf remain before him in its place, and a dark hair should have arisen in it, the scurf is healed: he is clean, and the priest shall pronounce him clean.
13:38	ⲟⲩⲟϩ ⲟⲩⲣⲱⲙⲓ ⲓⲉ ⲟⲩⲥϩⲓⲙⲓ ⲫⲏ ⲉⲧⲟⲩⲛⲁϣⲱⲡⲓ ϧⲉⲛⲡⲉϥϣⲁⲣ ⲛⲧⲉⲧⲉϥⲥⲁⲣⲝ ⲛϫⲉϩⲁⲛⲁⲗ ⲉⲩⲉⲣⲟⲩⲱⲓⲛⲓ ⲉⲩϯⲟⲩⲃⲁϣ	ⲟⲩⲟϩ ⲟⲩⲣⲱⲙⲓ ⲓⲉ ⲟⲩⲥ̀ϩⲓⲙⲓ ⲫⲏ ⲉⲧⲟⲩⲛⲁϣⲱⲡⲓ ϧⲉⲛ ⲡⲉϥϣⲁⲣ ⲛ̀ⲧⲉ ⲧⲉϥⲥⲁⲣⲝ ⲛ̀ϫⲉ ϩⲁⲛⲁⲗ ⲉⲩⲉⲣⲟⲩⲱⲓⲛⲓ ⲉⲩϯⲟⲩⲃⲁϣ	ouoh ourōmi ie ous̀·himi fy etounaṡōpi xen pefṡar ǹte tefsarks ǹje hanal everouōini evtiouvaṡ	And if a man or woman should have in the skin of their flesh spots of a bright whiteness,
13:39	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲥⲉ ϧⲉⲛⲡⲓϣⲁⲣ ⲛⲧⲉⲧⲉϥⲥⲁⲣⲝ ⲛϫⲉϩⲁⲛⲁⲗ ⲉⲩⲉⲣⲟⲩⲱⲓⲛⲓ ⲉⲩϯⲟⲩⲃⲁϣ ⲟⲩⲁⲗⲫⲟⲥ ⲡⲉ ⲉϥⲫⲟⲣⲓ ⲉⲃⲟⲗ ϧⲉⲛⲡⲓϣⲁⲣ ⲛⲧⲉⲧⲉϥⲥⲁⲣⲝ ϥⲧⲟⲩⲃⲏⲟⲩⲧ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲥⲉ ϧⲉⲛ ⲡⲓϣⲁⲣ ⲛ̀ⲧⲉ ⲧⲉϥⲥⲁⲣⲝ ⲛ̀ϫⲉ ϩⲁⲛⲁⲗ ⲉⲩⲉⲣⲟⲩⲱⲓⲛⲓ ⲉⲩϯⲟⲩⲃⲁϣ ⲟⲩⲁⲗⲫⲟⲥ ⲡⲉ ⲉϥⲫⲟⲣⲓ ⲉ̀ⲃⲟⲗ ϧⲉⲛ ⲡⲓϣⲁⲣ ⲛ̀ⲧⲉ ⲧⲉϥⲥⲁⲣⲝ ϥ̀ⲧⲟⲩⲃⲏⲟⲩⲧ	ouoh efènav ǹje piouyb ouoh hyppe se xen piṡar ǹte tefsarks ǹje hanal everouōini evtiouvaṡ oualfos pe effori èvol xen piṡar ǹte tefsarks f̀touvyout	then the priest shall look; and, behold, there being bright spots of a bright whiteness in the skin of their flesh, it is a tetter; it burst forth in the skin of his flesh; he is clean.
13:40	ⲉϣⲱⲡ ⲇⲉ ⲁⲣⲉϣⲁⲛ ⲧⲁⲫⲉ ⲥⲱⲓ ⲟⲩⲕⲉⲣϩⲉ ⲡⲉ ϥⲧⲟⲩⲃⲏⲟⲩⲧ	ⲉϣⲱⲡ ⲇⲉ ⲁⲣⲉϣⲁⲛ ⲧ̀ⲁ̀ⲫⲉ ⲥⲱⲓ ⲟⲩⲕⲉⲣϩⲉ ⲡⲉ ϥ̀ⲧⲟⲩⲃⲏⲟⲩⲧ	eṡōp ḋe areṡan t̀àfe sōi oukerhe pe f̀touvyout	And if any one's head should lose the hair, he is only bald, he is clean.
13:41	ⲉϣⲱⲡ ⲇⲉ ⲛⲧⲉⲛⲁⲡⲉϥϩⲟ ⲥⲱⲓ ⲛⲧⲉⲧⲉϥⲁⲫⲉ ⲟⲩⲃⲁⲗⲙⲃⲉϩ ⲡⲉ ϥⲧⲟⲩⲃⲏⲟⲩⲧ	ⲉϣⲱⲡ ⲇⲉ ⲛ̀ⲧⲉ ⲛⲁⲡⲉϥϩⲟ ⲥⲱⲓ ⲛ̀ⲧⲉ ⲧⲉϥⲁ̀ⲫⲉ ⲟⲩⲃⲁⲗⲙⲃⲉϩ ⲡⲉ ϥ̀ⲧⲟⲩⲃⲏⲟⲩⲧ	eṡōp ḋe ǹte napefho sōi ǹte tefàfe ouvalmveh pe f̀touvyout	And if his head should lose the hair in front, he is forehead bald: he is clean.
13:42	ⲉϣⲱⲡ ⲇⲉ ϧⲉⲛⲧⲉϥⲙⲉⲧⲕⲉⲣϩⲉ ⲓⲉ ϧⲉⲛⲧⲉϥⲙⲉⲧⲁⲗⲟⲩⲃⲉϩ ⲛⲧⲉϥϣⲱⲡⲓ ⲛϫⲉⲟⲩϭⲟϩ ⲉϥⲟⲩⲟⲃϣ ⲓⲉ ⲉϥⲑⲣⲉϣⲣⲱϣ ⲟⲩⲥⲉϩⲧ ⲡⲉ ⲉϥⲫⲟⲣⲓ ⲉⲃⲟⲗ ϧⲉⲛⲧⲉϥⲙⲉⲧⲕⲉⲣϩⲉ ⲛⲉⲙⲧⲉϥⲙⲉⲧⲁⲗⲟⲩⲃⲉϩ	ⲉϣⲱⲡ ⲇⲉ ϧⲉⲛ ⲧⲉϥⲙⲉⲧⲕⲉⲣϩⲉ ⲓⲉ ϧⲉⲛ ⲧⲉϥⲙⲉⲧⲁⲗⲟⲩⲃⲉϩ ⲛ̀ⲧⲉϥϣⲱⲡⲓ ⲛ̀ϫⲉ ⲟⲩϭⲟϩ ⲉϥⲟⲩⲟⲃϣ ⲓⲉ ⲉϥⲑⲣⲉϣⲣⲱϣ ⲟⲩⲥⲉϩⲧ ⲡⲉ ⲉϥⲫⲟⲣⲓ ⲉ̀ⲃⲟⲗ ϧⲉⲛ ⲧⲉϥⲙⲉⲧⲕⲉⲣϩⲉ ⲛⲉⲙ ⲧⲉϥⲙⲉⲧⲁⲗⲟⲩⲃⲉϩ	eṡōp ḋe xen tefmetkerhe ie xen tefmetalouveh ǹtefṡōpi ǹje ouċoh efouovṡ ie efθreṡrōṡ ouseht pe effori èvol xen tefmetkerhe nem tefmetalouveh	And if there should be in his baldness of head, or his baldness of forehead, a white or fiery plague, it is leprosy in his baldness of head, or baldness of forehead.
13:43	ⲟⲩⲟϩ ⲉϥⲉⲛⲁⲩ ⲉⲣⲟϥ ⲛϫⲉⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲡϩⲟ ⲛⲧⲉⲡⲓϭⲟϩ ϥⲟⲩⲟⲃϣ ⲓⲉ ⲟⲩⲁⲟⲩⲁⲛ ⲛⲭⲣⲱⲙ ϧⲉⲛⲧⲉϥⲙⲉⲧⲕⲉⲣϩⲉ ⲓⲉ ϧⲉⲛⲧⲉϥⲙⲉⲧⲁⲗⲟⲩⲃⲉϩ ⲙⲫⲣⲏϯ ⲛⲟⲩⲥⲙⲟⲧ ⲛⲧⲉⲟⲩⲥⲉϩⲧ ϧⲉⲛⲡϣⲁⲣ ⲛⲧⲉⲧⲉϥⲥⲁⲣⲝ	ⲟⲩⲟϩ ⲉϥⲉ̀ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ϩⲏⲡⲡⲉ ⲓⲥ ⲡ̀ϩⲟ ⲛ̀ⲧⲉ ⲡⲓϭⲟϩ ϥ̀ⲟⲩⲟⲃϣ ⲓⲉ ⲟⲩⲁⲟⲩⲁⲛ ⲛ̀ⲭ̀ⲣⲱⲙ ϧⲉⲛ ⲧⲉϥⲙⲉⲧⲕⲉⲣϩⲉ ⲓⲉ ϧⲉⲛ ⲧⲉϥⲙⲉⲧⲁⲗⲟⲩⲃⲉϩ ⲛ̀ⲫ̀ⲣⲏϯ ⲛ̀ⲟⲩⲥ̀ⲙⲟⲧ ⲛ̀ⲧⲉ ⲟⲩⲥⲉϩⲧ ϧⲉⲛ ⲡ̀ϣⲁⲣ ⲛ̀ⲧⲉ ⲧⲉϥⲥⲁⲣⲝ	ouoh efènav èrof ǹje piouyb ouoh hyppe is p̀ho ǹte piċoh f̀ouovṡ ie ouaouan ǹk̀rōm xen tefmetkerhe ie xen tefmetalouveh ǹf̀ryti ǹous̀mot ǹte ouseht xen p̀ṡar ǹte tefsarks	And the priest shall look upon him, and, behold, if the appearance of the plague be white or inflamed in his baldness of head or baldness in front, as the appearance of leprosy in the skin of his flesh,
13:44	ⲟⲩⲣⲱⲙⲓ ⲛⲕⲁⲕⲥⲉϩⲧ ⲡⲉ ϧⲉⲛⲟⲩϭⲱϧⲉⲙ ⲉϥⲉϭⲁϧⲙⲉϥ ⲛϫⲉⲡⲓⲟⲩⲏⲃ ϫⲉⲡⲉϥϭⲟϩ ϧⲉⲛⲧⲉϥⲁⲫⲉ	ⲟⲩⲣⲱⲙⲓ ⲛ̀ⲕⲁⲕⲥⲉϩⲧ ⲡⲉ ϧⲉⲛ ⲟⲩϭⲱϧⲉⲙ ⲉϥⲉ̀ϭⲁϧⲙⲉϥ ⲛ̀ϫⲉ ⲡⲓⲟⲩⲏⲃ ϫⲉ ⲡⲉϥϭⲟϩ ϧⲉⲛ ⲧⲉϥⲁ̀ⲫⲉ	ourōmi ǹkak·seht pe xen ouċōxem efèċaxmef ǹje piouyb je pefċoh xen tefàfe	he is a leprous man: the priest shall surely pronounce him unclean, his plague is in his head.
13:45	ⲟⲩⲟϩ ⲟⲩⲕⲁⲕⲥⲉϩⲧ ⲫⲏ ⲉⲧⲉⲡⲓϭⲟϩ ϩⲓϫⲱϥ ⲛⲉϥϩⲃⲱⲥ ⲉⲩⲉϣⲱⲡⲓ ⲉⲩⲫⲉⲣⲫⲱⲣ ⲟⲩⲟϩ ⲛⲧⲉϥⲁⲫⲉ ⲉⲥϩⲟⲃⲥ ⲁⲛ ⲟⲩⲟϩ ⲉϥⲉϩⲱⲃⲥ ⲙⲡⲕⲱϯ ⲛⲣⲱϥ ⲟⲩⲟϩ ⲉⲩⲉⲙⲟⲩϯ ⲉⲣⲟϥ ϫⲉϥϭⲁϧⲉⲙ	ⲟⲩⲟϩ ⲟⲩⲕⲁⲕⲥⲉϩⲧ ⲫⲏ ⲉ̀ⲧⲉ ⲡⲓϭⲟϩ ϩⲓϫⲱϥ ⲛⲉϥϩ̀ⲃⲱⲥ ⲉⲩⲉ̀ϣⲱⲡⲓ ⲉⲩⲫⲉⲣⲫⲱⲣ ⲟⲩⲟϩ ⲛ̀ⲧⲉϥⲁ̀ⲫⲉ ⲉⲥϩⲟⲃⲥ ⲁⲛ ⲟⲩⲟϩ ⲉϥⲉ̀ϩⲱⲃⲥ ⲛ̀ⲡ̀ⲕⲱϯ ⲛ̀ⲣⲱϥ ⲟⲩⲟϩ ⲉⲩⲉⲙⲟⲩϯ ⲉ̀ⲣⲟϥ ϫⲉ ϥ̀ϭⲁϧⲉⲙ	ouoh oukak·seht fy ète piċoh higōf nefh̀vōs evèṡōpi evferfōr ouoh ǹtefàfe es·hovs an ouoh efèhōvs ǹp̀kōti ǹrōf ouoh evemouti èrof je f̀ċaxem	And the leper in whom the plague is, let his garments be ungirt, and his head uncovered; and let him have a covering put upon his mouth, and he shall be called unclean.
13:46	ⲛⲛⲓⲉϩⲟⲟⲩ ⲧⲏⲣⲟⲩ ⲉⲧⲉⲡⲓϭⲟϩ ϩⲓⲱⲧϥ ⲉⲟⲩⲁⲕⲑⲁⲣⲧⲟⲥ ⲉϥⲉϩⲉⲙⲥⲓ ⲥⲁⲡⲥⲁ ⲉⲣⲉⲡⲉϥⲙⲁⲛϣⲱⲡⲓ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ	ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲉ̀ⲧⲉ ⲡⲓϭⲟϩ ϩⲓⲱⲧϥ ⲉ̀ⲟⲩⲁⲕⲑⲁⲣⲧⲟⲥ ⲉϥⲉ̀ϩⲉⲙⲥⲓ ⲥⲁⲡ̀ⲥⲁ ⲉ̀ⲣⲉ ⲡⲉϥⲙⲁⲛϣⲱⲡⲓ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ	ǹnièhoou tyrou ète piċoh hiōtf èouakθartos efèhemsi sap̀·sa ère pefmanṡōpi savol ǹtiparemboly	All the days in which the plague shall be upon him, being unclean, he shall be esteemed unclean; he shall dwell apart, his place of sojourn shall be without the camp.
13:47	ⲟⲩⲟϩ ⲟⲩϩⲃⲟⲥ ⲉϣⲱⲡ ⲁϥϣⲁⲛϣⲱⲡⲓ ⲛϧⲏⲧϥ ⲛϫⲉⲟⲩϭⲟϩ ⲛⲧⲉⲟⲩⲥⲉϩⲧ ϧⲉⲛⲟⲩϩⲃⲟⲥ ⲛⲉⲣϣⲱⲛ ⲓⲉ ϧⲉⲛⲟⲩϩⲃⲟⲥ ⲛⲓⲁⲩ	ⲟⲩⲟϩ ⲟⲩϩⲃⲟⲥ ⲉϣⲱⲡ ⲁϥϣⲁⲛϣⲱⲡⲓ ⲛ̀ϧⲏⲧϥ ⲛ̀ϫⲉ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ϧⲉⲛ ⲟⲩϩⲃⲟⲥ ⲛ̀ⲉⲣϣⲱⲛ ⲓⲉ ϧⲉⲛ ⲟⲩϩⲃⲟⲥ ⲛ̀ⲓⲁⲩ	ouoh ouhvos eṡōp afṡanṡōpi ǹxytf ǹje ouċoh ǹte ouseht xen ouhvos ǹerṡōn ie xen ouhvos ǹiav	And if a garment have in it the plague of leprosy, a garment of wool, or a garment of flax,
13:48	ⲓⲉ ϧⲉⲛⲟⲩⲟⲩⲁⲧϩⲓ ⲓⲉ ϧⲉⲛⲟⲩϧⲉ ⲓⲉ ϧⲉⲛⲟⲩⲓⲁⲩ ⲓⲉ ϧⲉⲛⲟⲩⲥⲟⲣⲧ ⲓⲉ ϧⲉⲛⲟⲩϣⲁⲣ ⲓⲉ ϧⲉⲛϣⲁⲣ ⲛⲓⲃⲉⲛ ⲉⲧⲟⲩⲛⲁⲉⲣϩⲱⲃ ⲉⲣⲟϥ	ⲓⲉ ϧⲉⲛ ⲟⲩⲟⲩⲁⲧϩⲓ ⲓⲉ ϧⲉⲛ ⲟⲩϧⲉ ⲓⲉ ϧⲉⲛ ⲟⲩⲓⲁⲩ ⲓⲉ ϧⲉⲛ ⲟⲩⲥⲟⲣⲧ ⲓⲉ ϧⲉⲛ ⲟⲩϣⲁⲣ ⲓⲉ ϧⲉⲛ ϣⲁⲣ ⲛⲓⲃⲉⲛ ⲉⲧⲟⲩⲛⲁⲉⲣϩⲱⲃ ⲉ̀ⲣⲟϥ	ie xen ououat·hi ie xen ouxe ie xen ouiav ie xen ousort ie xen ouṡar ie xen ṡar niven etounaerhōb èrof	either in the warp or in the woof, or in the linen, or in the woollen threads, or in a skin, or in any workmanship of skin,
13:49	ⲟⲩⲟϩ ⲛⲧⲉϥϣⲱⲡⲓ ⲛϫⲉⲡⲓϭⲟϩ ⲉϥⲟⲩⲉⲧⲟⲩⲱⲧ ⲓⲉ ⲉϥⲑⲣⲉϣⲣⲱϣ ϧⲉⲛⲡⲓϣⲁⲣ ⲓⲉ ϧⲉⲛⲡⲓϩⲃⲟⲥ ⲓⲉ ϧⲉⲛⲡⲓⲟⲩⲁⲑⲓ ⲓⲉ ϧⲉⲛⲡⲓϧⲉ ⲓⲉ ϧⲉⲛⲥⲕⲉⲩⲟⲥ ⲛⲓⲃⲉⲛ ⲛϣⲁⲣ ⲟⲩϭⲟϩ ⲛⲧⲉⲟⲩⲥⲉϩⲧ ⲡⲉ ⲟⲩⲟϩ ⲉϥⲉⲧⲁⲙⲉ ⲡⲓⲟⲩⲏⲃ ⲉⲣⲟϥ	ⲟⲩⲟϩ ⲛ̀ⲧⲉϥϣⲱⲡⲓ ⲛ̀ϫⲉ ⲡⲓϭⲟϩ ⲉϥⲟⲩⲉⲧⲟⲩⲱⲧ ⲓⲉ ⲉϥⲑⲣⲉϣⲣⲱϣ ϧⲉⲛ ⲡⲓϣⲁⲣ ⲓⲉ ϧⲉⲛ ⲡⲓϩⲃⲟⲥ ⲓⲉ ϧⲉⲛ ⲡⲓⲟⲩⲁⲑⲓ ⲓⲉ ϧⲉⲛ ⲡⲓϧⲉ ⲓⲉ ϧⲉⲛ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲡⲉ ⲟⲩⲟϩ ⲉϥⲉ̀ⲧⲁⲙⲉ ⲡⲓⲟⲩⲏⲃ ⲉ̀ⲣⲟϥ	ouoh ǹtefṡōpi ǹje piċoh efouetouōt ie efθreṡrōṡ xen piṡar ie xen pihvos ie xen piouaθi ie xen pixe ie xen skevos niven ǹṡar ouċoh ǹte ouseht pe ouoh efètame piouyb èrof	and the plague be greenish or reddish in the skin, or in the garment, either in the warp, or in the woof, or in any utensil of skin, it is a plague of leprosy, and he shall show it to the priest.
13:50	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲛⲁⲩ ⲉⲡⲓϭⲟϩ ⲟⲩⲟϩ ⲉⲣⲉⲡⲓⲟⲩⲏⲃ ⲫⲱⲣϫ ⲉⲃⲟⲗ ⲉⲡⲓϭⲟϩ ⲛⲧⲉⲡⲓⲥⲉϩⲧ ⲛⲍ̅ ⲛⲉϩⲟⲟⲩ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲛⲁⲩ ⲉ̀ⲡⲓϭⲟϩ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲫⲱⲣϫ ⲉ̀ⲃⲟⲗ ⲉ̀ⲡⲓϭⲟϩ ⲛ̀ⲧⲉ ⲡⲓⲥⲉϩⲧ ⲛ̀ϣⲁϣϥ ⲛ̀ⲉ̀ϩⲟⲟⲩ	ouoh ère piouyb efènav èpiċoh ouoh ère piouyb fōrg èvol èpiċoh ǹte piseht ǹṡaṡf ǹèhoou	And the priest shall look upon the plague, and the priest shall set apart that which has the plague seven days.
13:51	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲉⲡⲓϭⲟϩ ⲛⲧⲉⲡⲓⲥⲉϩⲧ ⲙⲡⲓⲉϩⲟⲟⲩ ⲙⲙⲁϩ ⲍ̅ ⲉϣⲱⲡ ⲇⲉ ⲁϥϣⲁⲛϫⲱⲣ ⲉⲃⲟⲗ ⲛϫⲉⲡⲓϭⲟϩ ϧⲉⲛⲡⲓϩⲃⲟⲥ ⲓⲉ ϧⲉⲛⲡⲓⲟⲩⲁⲧϩⲓ ⲓⲉ ϧⲉⲛⲡⲓϧⲉ ⲓⲉ ϧⲉⲛⲡⲓϣⲁⲣ ⲕⲁⲧⲁⲛⲓϣⲁⲣ ⲧⲏⲣⲟⲩ ⲉⲧⲟⲩⲛⲁⲑⲁⲙⲓⲱⲟⲩ ϧⲉⲛϯⲓⲟⲡⲏ ⲟⲩⲥⲉϩⲧ ⲉϥⲛⲁⲟϩⲓ ⲡⲉ ⲛϫⲉⲡⲓϭⲟϩ ϥϭⲁϧⲉⲙ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲉ̀ⲡⲓϭⲟϩ ⲛ̀ⲧⲉ ⲡⲓⲥⲉϩⲧ ⲛ̀ⲡⲓⲉϩⲟⲟⲩ ⲛ̀ⲙⲁϩ 7 ⲉϣⲱⲡ ⲇⲉ ⲁϥϣⲁⲛϫⲱⲣ ⲉ̀ⲃⲟⲗ ⲛ̀ϫⲉ ⲡⲓϭⲟϩ ϧⲉⲛ ⲡⲓϩⲃⲟⲥ ⲓⲉ ϧⲉⲛ ⲡⲓⲟⲩⲁⲧϩⲓ ⲓⲉ ϧⲉⲛ ⲡⲓϧⲉ ⲓⲉ ϧⲉⲛ ⲡⲓϣⲁⲣ ⲕⲁⲧⲁ ⲛⲓϣⲁⲣ ⲧⲏⲣⲟⲩ ⲉⲧⲟⲩⲛⲁⲑⲁⲙⲓⲱⲟⲩ ϧⲉⲛ ϯⲓⲟⲡⲏ ⲟⲩⲥⲉϩⲧ ⲉϥⲛⲁⲟ̀ϩⲓ ⲡⲉ ⲛ̀ϫⲉ ⲡⲓϭⲟϩ ϥ̀ϭⲁϧⲉⲙ	ouoh efènav ǹje piouyb èpiċoh ǹte piseht ǹpiehoou ǹmah 7 eṡōp ḋe afṡangōr èvol ǹje piċoh xen pihvos ie xen piouat·hi ie xen pixe ie xen piṡar kata niṡar tyrou etounaθamiōou xen tiiopy ouseht efnaòhi pe ǹje piċoh f̀ċaxem	And the priest shall look upon the plague on the seventh day; and if the plague be spread in the garment, either in the warp or in the woof, or in the skin, in whatsoever things skins may be used in their workmanship, the plague is a confirmed leprosy; it is unclean.
13:52	ⲉϥⲉⲣⲱⲕϩ ⲙⲡⲓϩⲃⲟⲥ ⲓⲉ ⲡⲓⲟⲩⲁⲑⲓ ⲓⲉ ⲡⲓϧⲉ ⲓⲧⲉ ϧⲉⲛⲛⲓⲥⲟⲣⲧ ⲓⲉ ϧⲉⲛⲛⲓⲓⲁⲩ ⲓⲧⲉ ϧⲉⲛⲛⲓⲥⲕⲉⲩⲟⲥ ⲛⲓⲃⲉⲛ ⲛϣⲁⲣ ⲉⲧⲉⲡⲓϭⲟϩ ⲛϧⲏⲧⲟⲩ ϫⲉⲟⲩⲏⲓ ⲟⲩⲥⲉϩⲧ ⲉϥⲛⲁⲟϩⲓ ⲡⲉ ⲉⲩⲉⲣⲟⲕϩⲟⲩ ϧⲉⲛⲟⲩⲭⲣⲱⲙ	ⲉϥⲉ̀ⲣⲱⲕϩ ⲛ̀ⲡⲓϩⲃⲟⲥ ⲓⲉ ⲡⲓⲟⲩⲁⲑⲓ ⲓⲉ ⲡⲓϧⲉ ⲓⲧⲉ ϧⲉⲛ ⲛⲓⲥⲟⲣⲧ ⲓⲉ ϧⲉⲛ ⲛⲓⲓⲁⲩ ⲓⲧⲉ ϧⲉⲛ ⲛⲓⲥ̀ⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ ⲉ̀ⲧⲉ ⲡⲓϭⲟϩ ⲛ̀ϧⲏⲧⲟⲩ ϫⲉ ⲟⲩⲏⲓ ⲟⲩⲥⲉϩⲧ ⲉϥⲛⲁⲟ̀ϩⲓ ⲡⲉ ⲉⲩⲉ̀ⲣⲟⲕϩⲟⲩ ϧⲉⲛ ⲟⲩⲭ̀ⲣⲱⲙ	efèrōk·h ǹpihvos ie piouaθi ie pixe ite xen nisort ie xen niiav ite xen nis̀kevos niven ǹṡar ète piċoh ǹxytou je ouyi ouseht efnaòhi pe evèrok·hou xen ouk̀rōm	He shall burn the garment, either the warp or woof in woollen garments or in flaxen, or in any utensil of skin, in which there may be the plague; because it is a confirmed leprosy; it shall be burnt with fire.
13:53	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ⲛⲧⲉϣⲧⲉⲙ ⲡⲓϭⲟϩ ϫⲱⲣ ⲉⲃⲟⲗ ϧⲉⲛⲡⲓϩⲃⲱⲥ ⲓⲉ ϧⲉⲛⲡⲓⲟⲩⲁⲑⲓ ⲓⲉ ϧⲉⲛⲡⲓϧⲉ ⲓⲉ ϧⲉⲛⲥⲕⲉⲩⲟⲥ ⲛⲓⲃⲉⲛ ⲛϣⲁⲣ	ⲉϣⲱⲡ ⲇⲉ ⲁϥϣⲁⲛⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲛ̀ⲧⲉϣ̀ⲧⲉⲙ ⲡⲓϭⲟϩ ϫⲱⲣ ⲉ̀ⲃⲟⲗ ϧⲉⲛ ⲡⲓϩ̀ⲃⲱⲥ ⲓⲉ ϧⲉⲛ ⲡⲓⲟⲩⲁⲑⲓ ⲓⲉ ϧⲉⲛ ⲡⲓϧⲉ ⲓⲉ ϧⲉⲛ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ	eṡōp ḋe afṡannav ǹje piouyb ouoh ǹteṡ̀tem piċoh gōr èvol xen pih̀vōs ie xen piouaθi ie xen pixe ie xen skevos niven ǹṡar	And if the priest should see, and the plague be not spread in the garments, either in the warp or in the woof, or in any utensil of skin,
13:54	ⲟⲩⲟϩ ⲉϥⲉⲟⲩⲁϩⲥⲁϩⲛⲓ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉⲣⲱϧⲓ ⲙⲫⲏ ⲛⲓⲃⲉⲛ ⲉⲧⲉⲡⲓϭⲟϩ ϩⲓⲱⲧϥ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲟⲩⲱϯ ⲉⲃⲟⲗ ⲙⲡⲓϭⲟϩ ⲛⲍ̅ ⲛⲉϩⲟⲟⲩ ⲙⲫⲙⲁ ⲥⲟⲡ ⲃ̅	ⲟⲩⲟϩ ⲉϥⲉ̀ⲟⲩⲁϩⲥⲁϩⲛⲓ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ⲣⲱϧⲓ ⲛ̀ⲫⲏ ⲛⲓⲃⲉⲛ ⲉ̀ⲧⲉ ⲡⲓϭⲟϩ ϩⲓⲱⲧϥ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲟⲩⲱϯ ⲉ̀ⲃⲟⲗ ⲙ̀ⲡⲓϭⲟϩ ⲛ̀ϣⲁϣϥ ⲛ̀ⲉ̀ϩⲟⲟⲩ ⲛ̀ⲫ̀ⲙⲁ ⲥⲟⲡ 2	ouoh efèouahsahni ǹje piouyb ouoh efèrōxi ǹfy niven ète piċoh hiōtf ouoh ère piouyb efèouōti èvol m̀piċoh ǹṡaṡf ǹèhoou ǹf̀ma sop 2	then the priest shall give directions, and one shall wash that on which there may have been the plague, and the priest shall set it aside a second time for seven days.
13:55	ⲟⲩⲟϩ ⲉϥⲉⲛⲁⲩ ⲛϫⲉⲡⲓⲟⲩⲏⲃ ⲙⲉⲛⲉⲛⲥⲁⲑⲣⲉϥⲣⲱϧⲓ ⲛϫⲉⲡⲓϭⲟϩ ⲛⲧⲉϥϣⲧⲉⲙϣⲓⲃϯ ⲙⲡⲉϥϩⲟ ⲟⲩⲟϩ ⲡⲓϭⲟϩ ϥϫⲏⲣ ⲉⲃⲟⲗ ⲁⲛ ϥϭⲁϧⲉⲙ ϧⲉⲛⲟⲩⲭⲣⲱⲙ ⲉⲩⲉⲣⲟⲕϩϥ ⲓⲉ ⲁϥⲧⲁϫⲣⲟ ϧⲉⲛⲡⲓϩⲃⲟⲥ ⲓⲉ ϧⲉⲛⲡⲓⲟⲩⲁⲑⲓ ⲓⲉ ϧⲉⲛⲡⲓϧⲉ ⲓⲉ ϧⲉⲛⲡⲓϣⲁⲣ	ⲟⲩⲟϩ ⲉϥⲉ̀ⲛⲁⲩ ⲛ̀ϫⲉ ⲡⲓⲟⲩⲏⲃ ⲙⲉⲛⲉⲛⲥⲁⲑⲣⲉϥⲣⲱϧⲓ ⲛ̀ϫⲉ ⲡⲓϭⲟϩ ⲛ̀ⲧⲉϥϣⲧⲉⲙϣⲓⲃϯ ⲛ̀ⲡⲉϥϩⲟ ⲟⲩⲟϩ ⲡⲓϭⲟϩ ϥ̀ϫⲏⲣ ⲉ̀ⲃⲟⲗ ⲁⲛ ϥ̀ϭⲁϧⲉⲙ ϧⲉⲛ ⲟⲩⲭ̀ⲣⲱⲙ ⲉⲩⲉ̀ⲣⲟⲕϩϥ ⲓⲉ ⲁϥⲧⲁϫⲣⲟ ϧⲉⲛ ⲡⲓϩⲃⲟⲥ ⲓⲉ ϧⲉⲛ ⲡⲓⲟⲩⲁⲑⲓ ⲓⲉ ϧⲉⲛ ⲡⲓϧⲉ ⲓⲉ ϧⲉⲛ ⲡⲓϣⲁⲣ	ouoh efènav ǹje piouyb menensaθrefrōxi ǹje piċoh ǹtefṡtemṡivti ǹpefho ouoh piċoh f̀jyr èvol an f̀ċaxem xen ouk̀rōm evèrok·hf ie aftagro xen pihvos ie xen piouaθi ie xen pixe ie xen piṡar	And the priest shall look upon it after the plague has been washed; and if this, even the plague, has not changed its appearance, and the plague does not spread, it is unclean; it shall be burnt with fire: it is fixed in the garment, in the warp, or in the woof.
13:56	ⲟⲩⲟϩ ⲁϥϣⲁⲛⲛⲁⲩ ⲛϫⲉⲡⲓⲟⲩⲏⲃ ⲟⲩⲟϩ ⲓⲥ ⲡⲓϭⲟϩ ϥⲟⲓ ⲛϩⲗⲟⲗ ⲙⲉⲛⲉⲛⲥⲁⲑⲣⲟⲩⲣⲁϧϥ ⲉϥⲉⲫⲁϧϥ ⲉⲃⲟⲗ ϩⲁⲡⲓϩⲃⲟⲥ ⲓⲉ ⲉⲃⲟⲗ ϩⲁⲡⲓⲟⲩⲁⲑⲓ ⲓⲉ ⲉⲃⲟⲗ ϩⲁⲡⲓϧⲉ ⲓⲉ ⲉⲃⲟⲗ ϩⲁⲡⲓϣⲁⲣ	ⲟⲩⲟϩ ⲁϥϣⲁⲛⲛⲁⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲓⲥ ⲡⲓϭⲟϩ ϥ̀ⲟⲓ ⲛ̀ϩⲗⲟⲗ ⲙⲉⲛⲉⲛⲥⲁⲑⲣⲟⲩⲣⲁϧϥ ⲉϥⲉ̀ⲫⲁϧϥ ⲉ̀ⲃⲟⲗ ϩⲁ ⲡⲓϩⲃⲟⲥ ⲓⲉ ⲉ̀ⲃⲟⲗ ϩⲁ ⲡⲓⲟⲩⲁⲑⲓ ⲓⲉ ⲉ̀ⲃⲟⲗ ϩⲁ ⲡⲓϧⲉ ⲓⲉ ⲉ̀ⲃⲟⲗ ϩⲁ ⲡⲓϣⲁⲣ	ouoh afṡannav ǹje piouyb ouoh is piċoh f̀oi ǹhlol menensaθrouraxf efèfaxf èvol ha pihvos ie èvol ha piouaθi ie èvol ha pixe ie èvol ha piṡar	And if the priest should look, and the spot be dark after it has been washed, he shall tear it off from the garment, either from the warp or from the woof, or from the skin.
13:57	ⲉϣⲱⲡ ⲇⲉ ⲟⲛ ⲛⲧⲉϥⲟⲩⲱⲛϩ ϧⲉⲛⲡⲓϩⲃⲟⲥ ⲓⲉ ϧⲉⲛⲡⲓⲟⲩⲁⲑⲓ ⲓⲉ ϧⲉⲛⲡⲓϧⲉ ⲓⲉ ϧⲉⲛⲡⲓϣⲁⲣ ⲓⲉ ϧⲉⲛⲥⲕⲉⲩⲟⲥ ⲛⲓⲃⲉⲛ ⲛϣⲁⲣ ⲟⲩⲥⲉϩⲧ ⲡⲉ ⲉϥⲛⲁⲫⲓⲣⲓ ⲉⲃⲟⲗ ϧⲉⲛⲟⲩⲭⲣⲱⲙ ⲉⲩⲉⲣⲱⲕϩ ⲙⲫⲏ ⲉⲧⲉⲡⲓϭⲟϩ ϩⲓⲱⲧϥ	ⲉϣⲱⲡ ⲇⲉ ⲟⲛ ⲛ̀ⲧⲉϥⲟⲩⲱⲛϩ ϧⲉⲛ ⲡⲓϩⲃⲟⲥ ⲓⲉ ϧⲉⲛ ⲡⲓⲟⲩⲁⲑⲓ ⲓⲉ ϧⲉⲛ ⲡⲓϧⲉ ⲓⲉ ϧⲉⲛ ⲡⲓϣⲁⲣ ⲓⲉ ϧⲉⲛ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ ⲟⲩⲥⲉϩⲧ ⲡⲉ ⲉϥⲛⲁⲫⲓⲣⲓ ⲉ̀ⲃⲟⲗ ϧⲉⲛ ⲟⲩⲭ̀ⲣⲱⲙ ⲉⲩⲉ̀ⲣⲱⲕϩ ⲛ̀ⲫⲏ ⲉ̀ⲧⲉ ⲡⲓϭⲟϩ ϩⲓⲱⲧϥ	eṡōp ḋe on ǹtefouōnh xen pihvos ie xen piouaθi ie xen pixe ie xen piṡar ie xen skevos niven ǹṡar ouseht pe efnafiri èvol xen ouk̀rōm evèrōk·h ǹfy ète piċoh hiōtf	And if it should still appear in the garment, either in the warp or in the woof, or in any article of skin, it is a leprosy bursting forth: that wherein is the plague shall be burnt with fire.
13:58	ⲟⲩⲟϩ ⲡⲓϩⲃⲟⲥ ⲓⲉ ⲡⲓⲟⲩⲁⲑⲓ ⲓⲉ ⲡⲓϧⲉ ⲓⲉ ⲥⲕⲉⲩⲟⲥ ⲛⲓⲃⲉⲛ ⲛϣⲁⲣ ⲫⲏ ⲉⲧⲟⲩⲛⲁⲣⲁϧϥ ⲙⲫⲙⲁϩ ⲥⲟⲡ ⲃ̅ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ	ⲟⲩⲟϩ ⲡⲓϩⲃⲟⲥ ⲓⲉ ⲡⲓⲟⲩⲁⲑⲓ ⲓⲉ ⲡⲓϧⲉ ⲓⲉ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ ⲫⲏ ⲉⲧⲟⲩⲛⲁⲣⲁϧϥ ⲛ̀ⲫ̀ⲙⲁϩ ⲥⲟⲡ 2 ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ	ouoh pihvos ie piouaθi ie pixe ie skevos niven ǹṡar fy etounaraxf ǹf̀mah sop 2 ouoh efèṡōpi eftouvyout	And the garment, or the warp, or the woof, or any article of skin, which shall be washed, and the plague depart from it, shall also be washed again, and shall be clean.
13:59	ⲫⲁⲓ ⲡⲉ ⲫⲛⲟⲙⲟⲥ ⲛⲧⲉⲟⲩϭⲟϩ ⲛⲧⲉⲟⲩⲥⲉϩⲧ ⲓⲉ ⲛⲧⲉⲟⲩϩⲃⲟⲥ ⲛⲥⲟⲣⲧ ⲓⲉ ⲟⲩⲓⲁⲩ ⲓⲉ ⲟⲩⲟⲩⲁⲑⲓ ⲓⲉ ⲟⲩϧⲉ ⲓⲉ ⲥⲕⲉⲩⲟⲥ ⲛⲓⲃⲉⲛ ⲛϣⲁⲣ ⲉⲡϫⲓⲛⲧⲟⲩⲃⲟϥ ⲓⲉ ⲉϭⲁϧⲙⲉϥ	ⲫⲁⲓ ⲡⲉ ⲫ̀ⲛⲟⲙⲟⲥ ⲛ̀ⲧⲉ ⲟⲩϭⲟϩ ⲛ̀ⲧⲉ ⲟⲩⲥⲉϩⲧ ⲓⲉ ⲛ̀ⲧⲉ ⲟⲩϩⲃⲟⲥ ⲛ̀ⲥⲟⲣⲧ ⲓⲉ ⲟⲩⲓⲁⲩ ⲓⲉ ⲟⲩⲟⲩⲁⲑⲓ ⲓⲉ ⲟⲩϧⲉ ⲓⲉ ⲥⲕⲉⲩⲟⲥ ⲛⲓⲃⲉⲛ ⲛ̀ϣⲁⲣ ⲉ̀ⲡ̀ϫⲓⲛⲧⲟⲩⲃⲟϥ ⲓⲉ ⲉ̀ϭⲁϧⲙⲉϥ	fai pe f̀nomos ǹte ouċoh ǹte ouseht ie ǹte ouhvos ǹsort ie ouiav ie ououaθi ie ouxe ie skevos niven ǹṡar èp̀jintouvof ie èċaxmef	This is the law of the plague of leprosy of a woollen or linen garment, either of the warp, or woof, or any leathern article, to pronounce it clean or unclean.

Provenance

title: Leviticus 13
dialect: bohairic
source: Coptic SCRIPTORIUM corpus "bohairic.ot", document 03_Leviticus_13
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 13 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_13, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/13.bohairic.scriptorium.L0.txt
title: Leviticus 13 — Cairene
dialect: bohairic
source: generated from 13.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_13)
licence: CC BY-SA 4.0
share: attribution
attribution: Leviticus 13 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_13, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/13.bohairic.scriptorium.L1.txt
title: Leviticus 13 — Kemetic
dialect: bohairic
source: generated from 13.bohairic.scriptorium.L1.txt
licence: CC BY-SA 4.0
share: attribution
attribution: Leviticus 13 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_13, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/13.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 59 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_13 (59 lines)

Cite as:

Leviticus 13. Coptic SCRIPTORIUM corpus "bohairic.ot", document 03_Leviticus_13. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/13.bohairic.scriptorium/. Leviticus 13 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_13, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.