04_Numeri_18 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 04_Numeri_18

Attribution: 04_Numeri_18 from Coptic SCRIPTORIUM (https://copticscriptorium.org), corpus bohairic.ot, document 04_Numeri_18, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

32 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
18:1	ⲟⲩⲟϩ ⲡⲉϫⲉ ⲡϭⲟⲓⲥ ⲛⲁⲁⲣⲱⲛ ⲉϥϫⲱ ⲙⲙⲟⲥ ϫⲉⲛⲑⲟⲕ ⲛⲉⲙⲛⲉⲕϣⲏⲣⲓ ⲛⲉⲙⲡⲏⲓ ⲛⲧⲉⲡⲉⲕⲓⲱⲧ ⲉⲣⲉⲧⲉⲛⲉϭⲓ ⲛⲛⲓⲛⲟⲃⲓ ⲛⲧⲉⲛⲏ ⲉⲑⲟⲩⲁⲃ ⲟⲩⲟϩ ⲛⲑⲟⲕ ⲛⲉⲙⲛⲉⲕϣⲏⲣⲓ ⲉⲣⲉⲧⲉⲛⲉϭⲓ ⲛⲛⲓⲛⲟⲃⲓ ⲛⲧⲉⲧⲉⲧⲉⲛⲙⲉⲧⲟⲩⲏⲃ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲁⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ⲛ̀ⲑⲟⲕ ⲛⲉⲙ ⲛⲉⲕϣⲏⲣⲓ ⲛⲉⲙ ⲡ̀ⲏⲓ ⲛ̀ⲧⲉ ⲡⲉⲕⲓⲱⲧ ⲉ̀ⲣⲉⲧⲉⲛⲉϭⲓ ⲛ̀ⲛⲓⲛⲟⲃⲓ ⲛ̀ⲧⲉ ⲛⲏ ⲉⲑⲟⲩⲁⲃ ⲟⲩⲟϩ ⲛ̀ⲑⲟⲕ ⲛⲉⲙ ⲛⲉⲕϣⲏⲣⲓ ⲉ̀ⲣⲉⲧⲉⲛⲉϭⲓ ⲛ̀ⲛⲓⲛⲟⲃⲓ ⲛ̀ⲧⲉ ⲧⲉⲧⲉⲛⲙⲉⲧⲟⲩⲏⲃ	ouoh peje p̀ċois ǹaarōn efgō m̀mos je ǹθok nem nekṡyri nem p̀yi ǹte pekiōt èreteneċi ǹninovi ǹte ny eθouab ouoh ǹθok nem nekṡyri èreteneċi ǹninovi ǹte tetenmetouyb	And the Lord spoke to Aaron, saying, Thou and thy sons and thy father's house shall bear the sins of the holy things, and thou and thy sons shall bear the iniquity of your priesthood.
18:2	ⲟⲩⲟϩ ⲛⲉⲕⲥⲛⲏⲟⲩ ⲧⲫⲩⲗⲏ ⲛⲗⲉⲩⲓ ⲡⲇⲏⲙⲟⲥ ⲛⲧⲉⲡⲉⲕⲓⲱⲧ ⲉⲕⲉⲑⲟⲩⲱⲧⲟⲩ ϩⲁⲣⲟⲛ ⲟⲩⲟϩ ⲙⲁⲣⲟⲩⲧⲟⲩϩⲟ ⲉⲣⲟⲕ ⲟⲩⲟϩ ⲙⲁⲣⲟⲩϣⲉⲙϣⲓ ⲙⲙⲟⲛ ⲟⲩⲟϩ ⲛⲑⲟⲕ ⲛⲉⲙⲛⲉⲕϣⲏⲣⲓ ⲙⲡⲉⲙⲑⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲛⲉⲕⲥ̀ⲛⲏⲟⲩ ⲧ̀ⲫⲩⲗⲏ ⲛ̀ⲗⲉⲩⲓ ⲡ̀ⲇⲏⲙⲟⲥ ⲛ̀ⲧⲉ ⲡⲉⲕⲓⲱⲧ ⲉⲕⲉ̀ⲑⲟⲩⲱⲧⲟⲩ ϩⲁⲣⲟⲛ ⲟⲩⲟϩ ⲙⲁⲣⲟⲩⲧⲟⲩϩⲟ ⲉ̀ⲣⲟⲕ ⲟⲩⲟϩ ⲙⲁⲣⲟⲩϣⲉⲙϣⲓ ⲙ̀ⲙⲟⲛ ⲟⲩⲟϩ ⲛ̀ⲑⲟⲕ ⲛⲉⲙ ⲛⲉⲕϣⲏⲣⲓ ⲛ̀ⲡⲉⲙ̀ⲑⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh nek·s̀nyou t̀fily ǹlevi p̀ḋymos ǹte pekiōt ekèθouōtou haron ouoh maroutouho èrok ouoh marouṡemṡi m̀mon ouoh ǹθok nem nekṡyri ǹpem̀θo ǹtis̀kiny ǹte timetmeθre	And take to thyself thy brethren the tribe of Levi, the family of thy father, and let them be joined to thee, and let them minister to thee; and thou and thy sons with thee shall minister before the tabernacle of witness.
18:3	ⲟⲩⲟϩ ⲉⲩⲉⲁⲣⲉϩ ⲉⲛⲉⲕⲟⲩⲉⲣϣⲓ ⲛⲉⲙⲛⲓⲟⲩⲉⲣϣⲓ ⲛⲧⲉⲧⲉⲕⲥⲕⲩⲛⲏ ϣⲁⲧⲉⲛ ⲛⲓⲥⲕⲉⲩⲟⲥ ⲉⲑⲟⲩⲁⲃ ⲟⲩⲟϩ ⲛⲛⲟⲩⲓ ϩⲁⲡⲓⲙⲁⲛⲉⲣϣⲱⲟⲩϣⲓ ϫⲉⲛⲛⲟⲩⲙⲟⲩ ⲟⲩⲟϩ ⲛⲁⲓ ⲛⲉⲙⲱⲧⲉⲛ	ⲟⲩⲟϩ ⲉⲩⲉⲁ̀ⲣⲉϩ ⲉ̀ⲛⲉⲕⲟⲩⲉⲣϣⲓ ⲛⲉⲙ ⲛⲓⲟⲩⲉⲣϣⲓ ⲛ̀ⲧⲉ ⲧⲉⲕⲥ̀ⲕⲩⲛⲏ ϣⲁⲧⲉⲛ ⲛⲓⲥ̀ⲕⲉⲩⲟⲥ ⲉⲑⲟⲩⲁⲃ ⲟⲩⲟϩ ⲛ̀ⲛⲟⲩⲓ ϩⲁ ⲡⲓⲙⲁⲛ̀ⲉⲣϣⲱⲟⲩϣⲓ ϫⲉ ⲛ̀ⲛⲟⲩⲙⲟⲩ ⲟⲩⲟϩ ⲛⲁⲓ ⲛⲉⲙⲱⲧⲉⲛ	ouoh eveàreh ènekouerṡi nem niouerṡi ǹte tek·s̀kiny ṡaten nis̀kevos eθouab ouoh ǹnoui ha pimaǹerṡōouṡi je ǹnoumou ouoh nai nemōten	And they shall keep thy charges, and the charges of the tabernacle; only they shall not approach the holy vessels and the altar, so both they and you shall not die.
18:4	ⲟⲩⲟϩ ⲉⲩⲉⲧⲟⲩϩⲱⲟⲩ ⲉⲣⲟⲕ ⲟⲩⲟϩ ⲉⲩⲉⲁⲣⲉϩ ⲉⲛⲓⲟⲩⲉⲣϣⲓ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲕⲁⲧⲁⲛⲓⲫⲱϣⲉⲛ ⲧⲏⲣⲟⲩ ⲛⲧⲉϯⲥⲕⲩⲛⲏ ⲟⲩⲟϩ ⲡⲓⲁⲗⲗⲟⲅⲉⲛⲛⲏⲥ ⲛⲛⲉϥⲓ ϩⲁⲣⲟⲕ	ⲟⲩⲟϩ ⲉⲩⲉ̀ⲧⲟⲩϩⲱⲟⲩ ⲉ̀ⲣⲟⲕ ⲟⲩⲟϩ ⲉⲩⲉⲁ̀ⲣⲉϩ ⲉ̀ⲛⲓⲟⲩⲉⲣϣⲓ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲕⲁⲧⲁ ⲛⲓⲫⲱϣⲉⲛ ⲧⲏⲣⲟⲩ ⲛ̀ⲧⲉ ϯⲥ̀ⲕⲩⲛⲏ ⲟⲩⲟϩ ⲡⲓⲁⲗⲗⲟⲅⲉⲛⲛⲏⲥ ⲛ̀ⲛⲉϥⲓ ϩⲁⲣⲟⲕ	ouoh evètouhōou èrok ouoh eveàreh èniouerṡi ǹte tis̀kiny ǹte timetmeθre kata nifōṡen tyrou ǹte tis̀kiny ouoh piallogennys ǹnefi harok	And they shall be joined to thee, and shall keep the charges of the tabernacle of witness, in all the services of the tabernacle; and a stranger shall not approach to thee.
18:5	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲛⲓⲟⲩⲉⲣϣⲓ ⲛⲧⲉⲛⲏ ⲉⲑⲟⲩⲁⲃ ⲛⲉⲙⲛⲓⲟⲩⲉⲣϣⲓ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲛⲛⲉ ⲟⲩⲟⲛ ϫⲱⲛⲧ ϣⲱⲡⲓ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲛⲓⲟⲩⲉⲣϣⲓ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲉⲙ ⲛⲓⲟⲩⲉⲣϣⲓ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲟⲩⲟϩ ⲛ̀ⲛⲉ ⲟⲩⲟⲛ ϫⲱⲛⲧ ϣⲱⲡⲓ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh èreteneàreh èniouerṡi ǹte ny eθouab nem niouerṡi ǹte pimaǹerṡōouṡi ouoh ǹne ouon gōnt ṡōpi xen nenṡyri ǹpisrayl	And ye shall keep the charges of the holy things, and the charges of the altar, and so there shall not be anger among the children of Israel.
18:6	ⲟⲩⲟϩ ⲁⲛⲟⲕ ⲁⲓϭⲓ ⲛⲛⲉⲧⲉⲛⲥⲛⲏⲟⲩ ⲛⲓⲗⲉⲩⲓⲧⲏⲥ ⲉⲃⲟⲗ ϧⲉⲛⲑⲙⲏϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲟⲩⲧⲁⲓⲟ ⲉϥⲧⲟⲓ ⲙⲡϭⲟⲓⲥ ⲉⲫⲱϣⲉⲙ ⲛⲛⲓⲫⲱϣⲉⲛ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲁⲛⲟⲕ ⲁⲓϭⲓ ⲛ̀ⲛⲉⲧⲉⲛⲥ̀ⲛⲏⲟⲩ ⲛⲓⲗⲉⲩⲓⲧⲏⲥ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲟⲩⲧⲁⲓⲟ ⲉϥⲧⲟⲓ ⲛ̀ⲡ̀ϭⲟⲓⲥ ⲉ̀ⲫⲱϣⲉⲙ ⲛ̀ⲛⲓⲫⲱϣⲉⲛ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh anok aiċi ǹnetens̀nyou nilevitys èvol xen θ̀myti ǹnenṡyri ǹpisrayl ǹoutaio eftoi ǹp̀ċois èfōṡem ǹnifōṡen ǹte tis̀kiny ǹte timetmeθre	And I have taken your brethren the Levites out of the midst of the children of Israel, a present given to the Lord, to minister in the services of the tabernacle of witness.
18:7	ⲟⲩⲟϩ ⲛⲑⲟⲕ ⲛⲉⲙⲛⲉⲕϣⲏⲣⲓ ⲛⲉⲙⲁⲕ ⲉⲣⲉⲧⲉⲛⲉⲁⲣⲉϩ ⲉⲧⲉⲧⲉⲛⲙⲉⲧⲟⲩⲏⲃ ⲕⲁⲧⲁⲡⲥⲙⲟⲧ ⲧⲏⲣϥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲉⲙⲥⲁϧⲟⲩⲛ ⲙⲡⲓⲕⲁⲧⲁⲡⲉⲧⲁⲥⲙⲁ ⲟⲩⲟϩ ⲉⲣⲉⲧⲉⲛⲉⲫⲱϣⲉⲛ ⲛⲛⲓⲫⲱϣⲉⲛ ⲉⲩⲧⲁⲓⲟ ⲛⲧⲉⲧⲉⲛⲙⲉⲧⲟⲩⲏⲃ ⲟⲩⲟϩ ⲡⲓϣⲉⲙⲙⲟ ⲉⲧⲛⲁⲓ ϩⲁⲣⲱⲧⲉⲛ ⲉϥⲉⲙⲟⲩ	ⲟⲩⲟϩ ⲛ̀ⲑⲟⲕ ⲛⲉⲙ ⲛⲉⲕϣⲏⲣⲓ ⲛⲉⲙⲁⲕ ⲉ̀ⲣⲉⲧⲉⲛⲉⲁ̀ⲣⲉϩ ⲉⲧⲉⲧⲉⲛⲙⲉⲧⲟⲩⲏⲃ ⲕⲁⲧⲁ ⲡ̀ⲥ̀ⲙⲟⲧ ⲧⲏⲣϥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛⲉⲙ ⲥⲁϧⲟⲩⲛ ⲛ̀ⲡⲓⲕⲁⲧⲁⲡⲉⲧⲁⲥⲙⲁ ⲟⲩⲟϩ ⲉ̀ⲣⲉⲧⲉⲛⲉⲫⲱϣⲉⲛ ⲛ̀ⲛⲓⲫⲱϣⲉⲛ ⲉⲩⲧⲁⲓⲟ ⲛ̀ⲧⲉⲧⲉⲛⲙⲉⲧⲟⲩⲏⲃ ⲟⲩⲟϩ ⲡⲓϣⲉⲙⲙⲟ ⲉⲧⲛⲁⲓ ϩⲁⲣⲱⲧⲉⲛ ⲉϥⲉ̀ⲙⲟⲩ	ouoh ǹθok nem nekṡyri nemak èreteneàreh etetenmetouyb kata p̀·s̀mot tyrf ǹte pimaǹerṡōouṡi nem saxoun ǹpikatapetasma ouoh èretenefōṡen ǹnifōṡen evtaio ǹtetenmetouyb ouoh piṡemmo etnai harōten efèmou	And thou and thy sons after thee shall keep up your priestly ministration, according to the whole manner of the altar, and that which is within the veil; and ye shall minister in the services as the office of your priesthood; and the stranger that comes near shall die.
18:8	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ ϫⲉϩⲏⲡⲡⲉ ⲁⲛⲟⲕ ⲁⲓϯ ⲛⲱⲧⲉⲛ ⲛϯⲁⲡⲁⲣⲭⲏ ⲛⲧⲉⲡⲉⲧⲉⲛⲁⲣⲉϩ ⲉⲃⲟⲗ ϧⲉⲛϩⲱⲃ ⲛⲓⲃⲉⲛ ⲉⲧⲧⲟⲩⲃⲏⲟⲩⲧ ⲛⲏⲓ ⲛⲧⲟⲧⲟⲩ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲉⲩⲧⲁⲓⲟ ⲛⲉⲙⲛⲉⲕϣⲏⲣⲓ ⲛⲉⲙⲁⲕ ⲛⲟⲩⲛⲟⲙⲓⲙⲟⲛ ϣⲁⲉⲛⲉϩ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ϩⲏⲡⲡⲉ ⲁⲛⲟⲕ ⲁⲓϯ ⲛⲱⲧⲉⲛ ⲛ̀ϯⲁ̀ⲡⲁⲣⲭⲏ ⲛ̀ⲧⲉ ⲡⲉⲧⲉⲛⲁ̀ⲣⲉϩ ⲉ̀ⲃⲟⲗ ϧⲉⲛ ϩⲱⲃ ⲛⲓⲃⲉⲛ ⲉⲧⲧⲟⲩⲃⲏⲟⲩⲧ ⲛⲏⲓ ⲛ̀ⲧⲟⲧⲟⲩ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲉⲩⲧⲁⲓⲟ ⲛⲉⲙ ⲛⲉⲕϣⲏⲣⲓ ⲛⲉⲙⲁⲕ ⲛ̀ⲟⲩⲛⲟⲙⲓⲙⲟⲛ ϣⲁ ⲉ̀ⲛⲉϩ	ouoh a p̀ċois saji nem mōisys nem àarōn efgō m̀mos je hyppe anok aiti nōten ǹtiàparṡy ǹte petenàreh èvol xen hōb niven ettouvyout nyi ǹtotou ǹnenṡyri ǹpisrayl aityitou nak evtaio nem nekṡyri nemak ǹounomimon ṡa èneh	And the Lord said to Aaron, And, behold, I have given you the charge of the first-fruits of all things consecrated to me by the children of Israel; and I have given them to thee as an honour, and to thy sons after thee for a perpetual ordinance.
18:9	ⲟⲩⲟϩ ⲫⲁⲓ ⲉϥⲉϣⲱⲡⲓ ⲛⲱⲧⲉⲛ ⲉⲃⲟⲗ ϧⲉⲛⲛⲏ ⲉⲧⲁⲩⲧⲟⲩⲃⲱⲟⲩ ϧⲉⲛⲛⲏ ⲉⲑⲟⲩⲁⲃ ⲛⲧⲉⲛⲓϭⲗⲓⲗ ⲛⲉⲙⲉⲃⲟⲗ ϧⲉⲛⲛⲟⲩⲧⲁⲓⲟ ⲧⲏⲣⲟⲩ ⲛⲉⲙⲉⲃⲟⲗ ϧⲉⲛⲛⲟⲩϣⲟⲩϣⲱⲟⲩϣⲓ ⲧⲏⲣⲟⲩ ⲛⲉⲙⲉⲃⲟⲗ ϧⲉⲛⲛⲏ ⲉⲧⲟⲩⲓⲛⲓ ⲙⲙⲱⲟⲩ ⲉϫⲉⲛⲛⲟⲩⲛⲟⲃⲓ ⲛⲉⲙⲉϫⲉⲛⲛⲟⲩⲙⲉⲧⲁⲙⲉⲗⲏⲥ ϩⲱⲃ ⲛⲓⲃⲉⲛ ⲉⲧⲟⲩⲛⲁⲧⲏⲓⲧⲟⲩ ⲛⲏⲓ ⲉⲃⲟⲗ ϧⲉⲛⲛⲏ ⲉⲧⲧⲟⲩⲃⲏⲟⲩⲧ ⲧⲏⲣⲟⲩ ⲉⲩⲉϣⲱⲡⲓ ⲛⲁⲕ ⲛⲉⲙⲛⲉⲕϣⲏⲣⲓ ⲧⲏⲣⲟⲩ	ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲱⲧⲉⲛ ⲉ̀ⲃⲟⲗ ϧⲉⲛ ⲛⲏ ⲉⲧⲁⲩⲧⲟⲩⲃⲱⲟⲩ ϧⲉⲛ ⲛⲏ ⲉⲑⲟⲩⲁⲃ ⲛ̀ⲧⲉ ⲛⲓϭⲗⲓⲗ ⲛⲉⲙ ⲉ̀ⲃⲟⲗ ϧⲉⲛ ⲛ̀ⲟⲩⲧⲁⲓⲟ ⲧⲏⲣⲟⲩ ⲛⲉⲙ ⲉ̀ⲃⲟⲗ ϧⲉⲛ ⲛⲟⲩϣⲟⲩϣⲱⲟⲩϣⲓ ⲧⲏⲣⲟⲩ ⲛⲉⲙ ⲉ̀ⲃⲟⲗ ϧⲉⲛ ⲛⲏ ⲉ̀ⲧⲟⲩⲓ̀ⲛⲓ ⲙ̀ⲙⲱⲟⲩ ⲉ̀ϫⲉⲛ ⲛⲟⲩⲛⲟⲃⲓ ⲛⲉⲙ ⲉ̀ϫⲉⲛ ⲛ̀ⲟⲩⲙⲉⲧⲁⲙⲉⲗⲏⲥ ϩⲱⲃ ⲛⲓⲃⲉⲛ ⲉⲧⲟⲩⲛⲁⲧⲏⲓⲧⲟⲩ ⲛⲏⲓ ⲉ̀ⲃⲟⲗ ϧⲉⲛ ⲛⲏ ⲉⲧⲧⲟⲩⲃⲏⲟⲩⲧ ⲧⲏⲣⲟⲩ ⲉⲩⲉ̀ϣⲱⲡⲓ ⲛⲁⲕ ⲛⲉⲙ ⲛⲉⲕϣⲏⲣⲓ ⲧⲏⲣⲟⲩ	ouoh fai efèṡōpi nōten èvol xen ny etavtouvōou xen ny eθouab ǹte niċlil nem èvol xen ǹoutaio tyrou nem èvol xen nouṡouṡōouṡi tyrou nem èvol xen ny ètouìni m̀mōou èjen nounovi nem èjen ǹoumetamelys hōb niven etounatyitou nyi èvol xen ny ettouvyout tyrou evèṡōpi nak nem nekṡyri tyrou	And let this be to you from all the holy things that are consecrated to me, even the burnt-offerings, from all their gifts, and from all their sacrifices, and from every trespass-offering of theirs, and from all their sin-offerings, whatever things they give to me of all their holy things, they shall be thine and thy sons'.
18:10	ⲉⲣⲉⲧⲉⲛⲉⲟⲩⲟⲙⲟⲩ ϧⲉⲛⲡⲉⲑⲟⲩⲁⲃ ⲛⲧⲉⲛⲏ ⲉⲑⲟⲩⲁⲃ ⲛⲓϩⲱⲟⲩⲧ ⲧⲏⲣⲟⲩ ⲉⲣⲉⲧⲉⲛⲉⲟⲩⲟⲙⲟⲩ ⲛⲑⲟⲕ ⲛⲉⲙⲛⲉⲕϣⲏⲣⲓ ⲉⲩⲉϣⲱⲡⲓ ⲉⲩⲧⲟⲩⲃⲏⲟⲩⲧ ⲛⲁⲕ	ⲉⲣⲉⲧⲉⲛⲉⲟⲩⲟⲙⲟⲩ ϧⲉⲛ ⲡⲉⲑⲟⲩⲁⲃ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲓϩⲱⲟⲩⲧ ⲧⲏⲣⲟⲩ ⲉⲣⲉⲧⲉⲛⲉⲟⲩⲟⲙⲟⲩ ⲛ̀ⲑⲟⲕ ⲛⲉⲙ ⲛⲉⲕϣⲏⲣⲓ ⲉⲩⲉ̀ϣⲱⲡⲓ ⲉⲩⲧⲟⲩⲃⲏⲟⲩⲧ ⲛⲁⲕ	ereteneouomou xen peθouab ǹte ny eθouab nihōout tyrou ereteneouomou ǹθok nem nekṡyri evèṡōpi evtouvyout nak	In the most holy place shall ye eat them; every male shall eat them, thou and thy sons: they shall be holy to thee.
18:11	ⲟⲩⲟϩ ⲫⲁⲓ ⲉϥⲉϣⲱⲡⲓ ⲛⲱⲧⲉⲛ ⲛⲁⲡⲁⲣⲭⲏ ⲛⲧⲉⲛⲟⲩⲧⲁⲓⲟ ⲉⲃⲟⲗ ϧⲉⲛⲛⲏ ⲧⲏⲣⲟⲩ ⲉⲧⲟⲩⲉⲣⲉⲡⲓⲑⲩⲙⲓⲛ ⲉⲣⲱⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲛⲉⲙⲛⲉⲕϣⲏⲣⲓ ⲛⲉⲙⲛⲉⲕϣⲉⲣⲓ ⲛⲉⲙⲁⲕ ⲛⲟⲩⲛⲟⲙⲓⲙⲟⲛ ϣⲁⲉⲛⲉϩ ⲟⲩⲟⲛ ⲛⲓⲃⲉⲛ ⲉⲑⲟⲩⲁⲃ ϧⲉⲛⲡⲉⲕⲏⲓ ⲉⲩⲉⲟⲩⲟⲙⲟⲩ	ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ⲁ̀ⲡⲁⲣⲭⲏ ⲛ̀ⲧⲉ ⲛ̀ⲟⲩⲧⲁⲓⲟ ⲉ̀ⲃⲟⲗ ϧⲉⲛ ⲛⲏ ⲧⲏⲣⲟⲩ ⲉⲧⲟⲩⲉⲣⲉⲡⲓⲑⲩⲙⲓⲛ ⲉ̀ⲣⲱⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲛⲉⲙ ⲛⲉⲕϣⲏⲣⲓ ⲛⲉⲙ ⲛⲉⲕϣⲉⲣⲓ ⲛⲉⲙⲁⲕ ⲛ̀ⲟⲩⲛⲟⲙⲓⲙⲟⲛ ϣⲁ ⲉ̀ⲛⲉϩ ⲟⲩⲟⲛ ⲛⲓⲃⲉⲛ ⲉⲑⲟⲩⲁⲃ ϧⲉⲛ ⲡⲉⲕⲏⲓ ⲉⲩⲉ̀ⲟⲩⲟⲙⲟⲩ	ouoh fai efèṡōpi nōten ǹàparṡy ǹte ǹoutaio èvol xen ny tyrou etouerepiθimin èrōou ǹje nenṡyri ǹpisrayl aityitou nak nem nekṡyri nem nekṡeri nemak ǹounomimon ṡa èneh ouon niven eθouab xen pekyi evèouomou	And this shall be to you of the first-fruits of their gifts, of all the wave-offerings of the children of Israel; to thee have I given them and to thy sons and thy daughters with thee, a perpetual ordinance; every clean person in thy house shall eat them.
18:12	ⲟⲩⲟϩ ⲁⲡⲁⲣⲭⲏ ⲛⲓⲃⲉⲛ ⲛⲧⲉⲡⲓⲛⲉϩ ⲛⲉⲙⲡⲓⲏⲣⲡ ⲛⲉⲙⲡⲓⲥⲟⲩⲟ ⲛⲟⲩⲁⲡⲁⲣⲭⲏ ⲉⲧⲟⲩⲛⲁⲧⲏⲓⲧⲟⲩ ⲙⲡϭⲟⲓⲥ ⲁⲓⲧⲏⲓⲧⲟⲩ ⲛⲁⲕ	ⲟⲩⲟϩ ⲁ ⲡ̀ⲁⲣⲭⲏ ⲛⲓⲃⲉⲛ ⲛ̀ⲧⲉ ⲡⲓⲛⲉϩ ⲛⲉⲙ ⲡⲓⲏⲣⲡ ⲛⲉⲙ ⲡⲓⲥⲟⲩⲟ̀ ⲛ̀ⲟⲩⲁ̀ⲡⲁⲣⲭⲏ ⲉⲧⲟⲩⲛⲁⲧⲏⲓⲧⲟⲩ ⲛ̀ⲡ̀ϭⲟⲓⲥ ⲁⲓⲧⲏⲓⲧⲟⲩ ⲛⲁⲕ	ouoh a p̀arṡy niven ǹte pineh nem piyrp nem pisouò ǹouàparṡy etounatyitou ǹp̀ċois aityitou nak	Every first-offering of oil, and every first-offering of wine, their first-fruits of corn, whatsoever they may give to the Lord, to thee have I given them.
18:13	ⲟⲩⲟϩ ϣⲟⲣⲡ ⲛⲟⲩⲧⲁϩ ⲛⲓⲃⲉⲛ ⲉⲧϧⲉⲛⲡⲟⲩⲕⲁϩⲓ ⲛⲏ ⲉⲧⲟⲩⲛⲁⲉⲛⲟⲩ ⲙⲡϭⲟⲓⲥ ⲉⲩⲉϣⲱⲡⲓ ⲛⲁⲕ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲑⲟⲩⲁⲃ ϧⲉⲛⲡⲉⲕⲏⲓ ⲉⲩⲉⲟⲩⲟⲙⲟⲩ	ⲟⲩⲟϩ ϣⲟⲣⲡ ⲛ̀ⲟⲩⲧⲁϩ ⲛⲓⲃⲉⲛ ⲉⲧϧⲉⲛ ⲡⲟⲩⲕⲁϩⲓ ⲛⲏ ⲉⲧⲟⲩⲛⲁⲉⲛⲟⲩ ⲛ̀ⲡ̀ϭⲟⲓⲥ ⲉⲩⲉ̀ϣⲱⲡⲓ ⲛⲁⲕ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲑⲟⲩⲁⲃ ϧⲉⲛ ⲡⲉⲕⲏⲓ ⲉⲩⲉ̀ⲟⲩⲟⲙⲟⲩ	ouoh ṡorp ǹoutah niven etxen poukahi ny etounaenou ǹp̀ċois evèṡōpi nak ouoh ouon niven eθouab xen pekyi evèouomou	All the first-fruits that are in their land, whatsoever they shall offer to the Lord, shall be thine: every clean person in thy house shall eat them.
18:14	ⲟⲩⲟϩ ⲉⲛⲭⲁⲓ ⲛⲓⲃⲉⲛ ⲉⲧⲟⲓ ⲛⲁⲛⲁⲑⲉⲙⲁ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲩⲉϣⲱⲡⲓ ⲛⲁⲕ	ⲟⲩⲟϩ ⲉⲛⲭⲁⲓ ⲛⲓⲃⲉⲛ ⲉⲧⲟⲓ ⲛ̀ⲁⲛⲁⲑⲉⲙⲁ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲩⲉ̀ϣⲱⲡⲓ ⲛⲁⲕ	ouoh enkai niven etoi ǹanaθema ǹte nenṡyri ǹpisrayl evèṡōpi nak	Every devoted thing among the children of Israel shall be thine.
18:15	ⲛⲉⲙⲟⲩⲟⲛ ⲛⲓⲃⲉⲛ ⲉⲧⲛⲁⲟⲩⲱⲛ ⲛⲧⲉϥⲧⲟϯ ⲉⲃⲟⲗ ϧⲉⲛⲥⲁⲣⲝ ⲛⲓⲃⲉⲛ ⲉⲧⲟⲩⲛⲁⲉⲛⲟⲩ ⲙⲡϭⲟⲓⲥ ⲓⲥϫⲉⲛ ⲫⲣⲱⲙⲓ ϣⲁⲡⲧⲉⲃⲛⲏ ⲉⲩⲉϣⲱⲡⲓ ⲛⲁⲕ ⲁⲗⲗⲁ ϧⲉⲛⲟⲩⲥⲱϯ ⲉⲩⲉⲥⲟⲧⲟⲩ ⲛⲓϣⲁⲙⲓⲥⲓ ⲛⲧⲉⲛⲓⲣⲱⲙⲓ ⲛⲉⲙϣⲁⲙⲓⲥⲓ ⲛⲓⲃⲉⲛ ⲛⲧⲉⲛⲓⲧⲉⲃⲛⲱⲟⲩⲓ ⲉⲧϭⲁϧⲉⲙ ⲉⲕⲉⲥⲟⲧⲟⲩ	ⲛⲉⲙ ⲟⲩⲟⲛ ⲛⲓⲃⲉⲛ ⲉⲧⲛⲁⲟⲩⲱⲛ ⲛ̀ⲧⲉϥⲧⲟϯ ⲉ̀ⲃⲟⲗ ϧⲉⲛ ⲥⲁⲣⲝ ⲛⲓⲃⲉⲛ ⲉⲧⲟⲩⲛⲁⲉⲛⲟⲩ ⲛ̀ⲡ̀ϭⲟⲓⲥ ⲓⲥϫⲉⲛ ⲫ̀ⲣⲱⲙⲓ ϣⲁ ⲡ̀ⲧⲉⲃⲛⲏ ⲉⲩⲉ̀ϣⲱⲡⲓ ⲛⲁⲕ ⲁⲗⲗⲁ ϧⲉⲛ ⲟⲩⲥⲱϯ ⲉⲩⲉ̀ⲥⲟⲧⲟⲩ ⲛⲓϣⲁⲙⲓⲥⲓ ⲛ̀ⲧⲉ ⲛⲓⲣⲱⲙⲓ ⲛⲉⲙ ϣⲁⲙⲓⲥⲓ ⲛⲓⲃⲉⲛ ⲛ̀ⲧⲉ ⲛⲓⲧⲉⲃⲛⲱⲟⲩⲓ̀ ⲉⲧϭⲁϧⲉⲙ ⲉⲕⲉ̀ⲥⲟⲧⲟⲩ	nem ouon niven etnaouōn ǹteftoti èvol xen sarks niven etounaenou ǹp̀ċois isjen f̀rōmi ṡa p̀tevny evèṡōpi nak alla xen ousōti evèsotou niṡamisi ǹte nirōmi nem ṡamisi niven ǹte nitevnōouì etċaxem ekèsotou	And every thing that opens the womb of all flesh, whatsoever they bring to the Lord, whether man or beast, shall be thine: only the first-born of men shall be surely redeemed, and thou shalt redeem the first-born of unclean cattle.
18:16	ⲉⲕⲉⲥⲱϯ ⲛⲛⲁ ⲛⲓⲣⲱⲙⲓ ⲟⲩⲟϩ ⲡⲉϥⲥⲱϯ ⲓⲥϫⲉⲛ ⲟⲩⲁⲃⲟⲧ ϯⲧⲓⲙⲏ ⲉ̅ⲛⲥⲓⲕⲗⲟⲥ ⲕⲁⲧⲁⲡⲓⲥⲓⲕⲗⲟⲥ ⲉⲑⲟⲩⲁⲃ ⲕ̅ ⲛⲧⲉⲃⲓ ⲛⲉ	ⲉⲕⲉ̀ⲥⲱϯ ⲛ̀ⲛⲁ ⲛⲓⲣⲱⲙⲓ ⲟⲩⲟϩ ⲡⲉϥⲥⲱϯ ⲓⲥϫⲉⲛ ⲟⲩⲁ̀ⲃⲟⲧ ϯⲧⲓⲙⲏ ⲧⲓⲟⲩ ⲛ̀ⲥⲓⲕⲗⲟⲥ ⲕⲁⲧⲁ ⲡⲓⲥⲓⲕⲗⲟⲥ ⲉⲑⲟⲩⲁⲃ 20 ⲛ̀ⲧⲉⲃⲓ ⲛⲉ	ekèsōti ǹna nirōmi ouoh pefsōti isjen ouàvot titimy tiou ǹsiklos kata pisiklos eθouab 20 ǹtevi ne	And the redemption of them shall be from a month old; their valuation of five shekelsit is twenty oboli according to the holy shekel.
18:17	ⲡⲗⲏⲛ ⲛⲓϣⲁⲙⲓⲥⲓ ⲛⲧⲉⲛⲓⲙⲁⲥⲓ ⲛⲉⲙⲛⲓϣⲁⲙⲓⲥⲓ ⲛⲧⲉⲛⲓⲉⲥⲱⲟⲩ ⲛⲉⲙⲛⲓϣⲁⲙⲓⲥⲓ ⲛⲧⲉⲛⲓⲃⲁⲉⲙⲡⲓ ⲛⲛⲉⲕⲥⲟⲧⲟⲩ ϫⲉⲟⲩⲏⲓ ⲥⲉⲟⲩⲁⲃ ⲟⲩⲟϩ ⲡⲟⲩⲥⲛⲟϥ ⲉⲕⲉⲫⲟⲛϥ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲡⲟⲩⲱⲧ ⲉⲕⲉⲉⲛϥ ⲉϩⲣⲏⲓ ⲛⲟⲩⲥⲑⲩⲛⲟⲩϥⲓ ⲙⲡϭⲟⲓⲥ	ⲡ̀ⲗⲏⲛ ⲛⲓϣⲁⲙⲓⲥⲓ ⲛ̀ⲧⲉ ⲛⲓⲙⲁⲥⲓ ⲛⲉⲙ ⲛⲓϣⲁⲙⲓⲥⲓ ⲛ̀ⲧⲉ ⲛⲓⲉ̀ⲥⲱⲟⲩ ⲛⲉⲙ ⲛⲓϣⲁⲙⲓⲥⲓ ⲛ̀ⲧⲉ ⲛⲓⲃⲁⲉⲙⲡⲓ ⲛ̀ⲛⲉⲕⲥⲟⲧⲟⲩ ϫⲉ ⲟⲩⲏⲓ ⲥⲉⲟⲩⲁⲃ ⲟⲩⲟϩ ⲡⲟⲩⲥ̀ⲛⲟϥ ⲉⲕⲉ̀ⲫⲟⲛϥ ϧⲁⲧⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲟⲩⲟϩ ⲡⲟⲩⲱⲧ ⲉⲕⲉⲉⲛϥ ⲉ̀ϩ̀ⲣⲏⲓ ⲛ̀ⲟⲩⲥⲑⲩⲛⲟⲩϥⲓ ⲛ̀ⲧⲉ ⲡ̀ϭⲟⲓⲥ	p̀lyn niṡamisi ǹte nimasi nem niṡamisi ǹte nièsōou nem niṡamisi ǹte nivaempi ǹnek·sotou je ouyi seouab ouoh pous̀nof ekèfonf xaten pimaǹerṡōouṡi ouoh pouōt ekeenf èh̀ryi ǹousθinoufi ǹte p̀ċois	But thou shalt not redeem the first-born of calves and the first-born of sheep and the first-born of goats; they are holy: and thou shalt pour their blood upon the altar, and thou shalt offer the fat as a burnt-offering for a smell of sweet savour to the Lord.
18:18	ⲟⲩⲟϩ ⲛⲓⲁϥ ⲉⲩⲉϣⲱⲡⲓ ⲛⲁⲕ ⲙⲫⲣⲏϯ ⲛϯⲙⲉⲥⲧⲉⲛϩⲏⲧ ⲉϣⲁⲕⲉⲛⲥ ⲉⲡϣⲱⲓ ⲛⲉⲙⲕⲁⲧⲁⲡⲓϣⲱⲃϣ ⲛⲟⲩⲓⲛⲁⲙ ⲉⲩⲉϣⲱⲡⲓ ⲛⲁⲕ	ⲟⲩⲟϩ ⲛⲓⲁϥ ⲉⲩⲉ̀ϣⲱⲡⲓ ⲛⲁⲕ ⲛ̀ⲫ̀ⲣⲏϯ ⲛ̀ϯⲙⲉⲥⲧⲉⲛϩⲏⲧ ⲉϣⲁⲕⲉⲛⲥ ⲉ̀ⲡ̀ϣⲱⲓ ⲛⲉⲙ ⲕⲁⲧⲁ ⲡⲓϣⲱⲃϣ ⲛ̀ⲟⲩⲓ̀ⲛⲁⲙ ⲉⲩⲉ̀ϣⲱⲡⲓ ⲛⲁⲕ	ouoh niaf evèṡōpi nak ǹf̀ryti ǹtimestenhyt eṡakens èp̀ṡōi nem kata piṡōvṡ ǹouìnam evèṡōpi nak	And the flesh shall be thine, as also the breast of the wave-offering and as the right shoulder, it shall be thine.
18:19	ⲟⲩⲟϩ ⲁⲫⲉⲣⲉⲙⲁ ⲛⲓⲃⲉⲛ ⲛⲧⲉⲛⲏ ⲉⲑⲟⲩⲁⲃ ⲛⲏ ⲉⲧⲟⲩⲛⲁⲉⲛⲟⲩ ⲙⲡϭⲟⲓⲥ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲛⲉⲙⲛⲉⲕϣⲏⲣⲓ ⲛⲉⲙⲛⲉⲕϣⲉⲣⲓ ⲛⲉⲙⲁⲕ ⲟⲩⲛⲟⲙⲟⲥ ⲛⲉⲛⲉϩ ⲟⲩⲇⲓⲁⲑⲏⲕⲏ ⲛⲧⲉⲟⲩϩⲙⲟⲩ ⲛⲉⲛⲉϩ ⲧⲉ ⲙⲡⲉⲙⲑⲟ ⲙⲡϭⲟⲓⲥ ⲛⲁⲕ ⲛⲉⲙⲡⲉⲕϫⲣⲟϫ ⲙⲉⲛⲉⲛⲥⲱⲕ	ⲟⲩⲟϩ ⲁⲫⲉⲣⲉⲙⲁ ⲛⲓⲃⲉⲛ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲏ ⲉⲧⲟⲩⲛⲁⲉⲛⲟⲩ ⲛ̀ⲡ̀ϭⲟⲓⲥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲓⲧⲏⲓⲧⲟⲩ ⲛⲁⲕ ⲛⲉⲙ ⲛⲉⲕϣⲏⲣⲓ ⲛⲉⲙ ⲛⲉⲕϣⲉⲣⲓ ⲛⲉⲙⲁⲕ ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲟⲩⲇⲓⲁⲑⲏⲕⲏ ⲛ̀ⲧⲉ ⲟⲩϩⲙⲟⲩ ⲛ̀ⲉ̀ⲛⲉϩ ⲧⲉ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛⲁⲕ ⲛⲉⲙ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ	ouoh aferema niven ǹte ny eθouab ny etounaenou ǹp̀ċois ǹje nenṡyri ǹpisrayl aityitou nak nem nekṡyri nem nekṡeri nemak ounomos ǹèneh ouḋiaθyky ǹte ouhmou ǹèneh te ǹpem̀θo ǹp̀ċois nak nem pekg̀rog menensōk	Every special offering of the holy things, whatsoever the children of Israel shall specially offer to the Lord, I have given to thee and to thy sons and to thy daughters with thee, a perpetual ordinance: it is a covenant of salt for ever before the Lord, for thee and thy seed after thee.
18:20	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ ϫⲉⲛⲛⲉⲕⲉⲣⲕⲗⲏⲣⲟⲛⲟⲙⲓⲛ ϧⲉⲛⲡⲟⲩⲕⲁϩⲓ ⲟⲩⲟϩ ⲛⲛⲉ ⲧⲟⲓ ϣⲱⲡⲓ ⲛⲁⲕ ⲛϧⲣⲏⲓ ⲛϧⲏⲧⲟⲩ ϫⲉⲁⲛⲟⲕ ⲡⲉ ⲧⲉⲕⲧⲟⲓ ⲛⲉⲙⲧⲉⲕⲕⲗⲏⲣⲟⲛⲟⲙⲓⲁ ϧⲉⲛⲑⲙⲏϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ ϫⲉ ⲛ̀ⲛⲉⲕⲉⲣⲕⲗⲏⲣⲟⲛⲟⲙⲓⲛ ϧⲉⲛ ⲡⲟⲩⲕⲁϩⲓ ⲟⲩⲟϩ ⲛ̀ⲛⲉ ⲧⲟⲓ ϣⲱⲡⲓ ⲛⲁⲕ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϫⲉ ⲁⲛⲟⲕ ⲡⲉ ⲧⲉⲕⲧⲟⲓ ⲛⲉⲙ ⲧⲉⲕⲕ̀ⲗⲏⲣⲟⲛⲟⲙⲓⲁ ϧⲉⲛ ⲑ̀ⲙⲏϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh a p̀ċois saji nem àarōn efgō m̀mos je ǹnekerklyronomin xen poukahi ouoh ǹne toi ṡōpi nak ǹx̀ryi ǹxytou je anok pe tektoi nem tekk̀lyronomia xen θ̀myti ǹnenṡyri ǹpisrayl	And the Lord said to Aaron, Thou shalt have no inheritance in their land, neither shalt thou have any portion among them; for I am thy portion and thine inheritance in the midst of the children of Israel.
18:21	ⲟⲩⲟϩ ⲛⲉⲛϣⲏⲣⲓ ⲛⲗⲉⲩⲓ ⲁⲓϯ ⲛⲱⲟⲩ ⲛⲣⲉⲙⲁϯ ⲛⲓⲃⲉⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϧⲉⲛⲟⲩⲕⲗⲏⲣⲟⲥ ⲛⲧϣⲉⲃⲓⲱ ⲛⲛⲟⲩⲫⲱϣⲉⲛ ⲛⲏ ⲛⲑⲱⲟⲩ ⲉⲧⲟⲩⲛⲁⲫⲱϣⲉⲛ ⲛϧⲏⲧⲟⲩ ⲛⲓⲫⲱϣⲉⲛ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲛⲉⲛϣⲏⲣⲓ ⲛ̀ⲗⲉⲩⲓ ⲁⲓϯ ⲛⲱⲟⲩ ⲛ̀ⲣⲉⲙⲁϯ ⲛⲓⲃⲉⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϧⲉⲛ ⲟⲩⲕ̀ⲗⲏⲣⲟⲥ ⲛ̀ⲧⲉ ⲧ̀ϣⲉⲃⲓⲱ ⲛ̀ⲛⲟⲩⲫⲱϣⲉⲛ ⲛⲏ ⲛ̀ⲑⲱⲟⲩ ⲉⲧⲟⲩⲛⲁⲫⲱϣⲉⲛ ⲛ̀ϧⲏⲧⲟⲩ ⲛⲓⲫⲱϣⲉⲛ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh nenṡyri ǹlevi aiti nōou ǹremati niven ǹte nenṡyri ǹpisrayl xen ouk̀lyros ǹte t̀ṡeviō ǹnoufōṡen ny ǹθōou etounafōṡen ǹxytou nifōṡen ǹte tis̀kiny ǹte timetmeθre	And, behold, I have given to the sons of Levi every tithe in Israel for an inheritance for their services, whereinsoever they perform ministry in the tabernacle of witness.
18:22	ⲟⲩⲟϩ ⲛⲛⲟⲩⲓ ϫⲉⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲉϭⲓ ⲛⲟⲩⲛⲟⲃⲓ ⲛⲧⲉⲫⲙⲟⲩ	ⲟⲩⲟϩ ⲛ̀ⲛⲟⲩⲓ ϫⲉ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲉ̀ϭⲓ ⲛⲟⲩⲛⲟⲃⲓ ⲛ̀ⲧⲉ ⲫ̀ⲙⲟⲩ	ouoh ǹnoui je ǹje nenṡyri ǹpisrayl ètis̀kiny ǹte timetmeθre èċi nounovi ǹte f̀mou	And the children of Israel shall no more draw nigh to the tabernacle of witness to incur fatal guilt.
18:23	ⲟⲩⲟϩ ⲉϥⲉⲫⲱϣⲉⲛ ⲛϫⲉⲡⲓⲗⲉⲩⲓⲧⲏⲥ ⲉⲡⲓⲫⲱϣⲉⲛ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲛⲑⲱⲟⲩ ⲉⲩⲉϭⲓ ⲛⲛⲟⲩⲛⲟⲃⲓ ⲟⲩⲛⲟⲙⲟⲥ ϣⲁⲉⲛⲉϩ ϣⲁⲛⲟⲩϫⲱⲟⲩ ⲟⲩⲟϩ ϧⲉⲛⲑⲙⲏϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲛⲟⲩⲉⲣⲕⲗⲏⲣⲟⲛⲟⲙⲓⲛ ⲛⲟⲩⲕⲗⲏⲣⲟⲛⲟⲙⲓⲁ	ⲟⲩⲟϩ ⲉϥⲉ̀ⲫⲱϣⲉⲛ ⲛ̀ϫⲉ ⲡⲓⲗⲉⲩⲓⲧⲏⲥ ⲉ̀ⲡⲓⲫⲱϣⲉⲛ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲟⲩⲟϩ ⲛ̀ⲑⲱⲟⲩ ⲉⲩⲉ̀ϭⲓ ⲛ̀ⲛⲟⲩⲛⲟⲃⲓ ⲟⲩⲛⲟⲙⲟⲥ ϣⲁ ⲉ̀ⲛⲉϩ ϣⲁⲛⲟⲩϫⲱⲟⲩ ⲟⲩⲟϩ ϧⲉⲛ ⲑ̀ⲙⲏϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲛⲟⲩⲉⲣⲕⲗⲏⲣⲟⲛⲟⲙⲓⲛ ⲛ̀ⲟⲩⲕ̀ⲗⲏⲣⲟⲛⲟⲙⲓⲁ	ouoh efèfōṡen ǹje pilevitys èpifōṡen ǹte tis̀kiny ǹte timetmeθre ouoh ǹθōou evèċi ǹnounovi ounomos ṡa èneh ṡanougōou ouoh xen θ̀myti ǹnenṡyri ǹpisrayl ǹnouerklyronomin ǹouk̀lyronomia	And the Levite himself shall perform the service of the tabernacle of witness; and they shall bear their iniquities, it is a perpetual statute throughout their generations; and in the midst of the children of Israel they shall not receive an inheritance.
18:24	ϫⲉⲛⲓⲣⲉⲙⲁϯ ⲉⲧⲟⲩⲛⲁⲉⲛⲟⲩ ⲙⲡϭⲟⲓⲥ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϩⲁⲛⲁⲫⲉⲣⲉⲙⲁ ⲁⲓⲧⲏⲓⲧⲟⲩ ⲛⲛⲓⲗⲉⲩⲓⲧⲏⲥ ϧⲉⲛⲟⲩⲕⲗⲏⲣⲟⲥ ⲉⲑⲃⲉⲫⲁⲓ ⲁⲓϫⲟⲥ ⲛⲱⲟⲩ ϫⲉϧⲉⲛⲑⲙⲏϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲛⲟⲩⲕⲗⲏⲣⲟⲛⲟⲙⲓⲛ ⲛⲟⲩⲕⲗⲏⲣⲟⲥ	ϫⲉ ⲛⲓⲣⲉⲙⲁϯ ⲉⲧⲟⲩⲛⲁⲉⲛⲟⲩ ⲛ̀ⲡ̀ϭⲟⲓⲥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϩⲁ ⲛⲁⲫⲉⲣⲉⲙⲁ ⲁⲓⲧⲏⲓⲧⲟⲩ ⲛ̀ⲛⲓⲗⲉⲩⲓⲧⲏⲥ ϧⲉⲛ ⲟⲩⲕ̀ⲗⲏⲣⲟⲥ ⲉⲑⲃⲉ ⲫⲁⲓ ⲁⲓϫⲟⲥ ⲛⲱⲟⲩ ϫⲉ ϧⲉⲛ ⲑ̀ⲙⲏϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲛⲟⲩⲕⲗⲏⲣⲟⲛⲟⲙⲓⲛ ⲛ̀ⲧⲉ ⲟⲩⲕ̀ⲗⲏⲣⲟⲥ	je niremati etounaenou ǹp̀ċois ǹje nenṡyri ǹpisrayl ha naferema aityitou ǹnilevitys xen ouk̀lyros eθve fai aigos nōou je xen θ̀myti ǹnenṡyri ǹpisrayl ǹnouklyronomin ǹte ouk̀lyros	Because I have given as a distinct portion to the Levites for an inheritance the tithes of the children of Israel, whatsoever they shall offer to the Lord; therefore I said to them, In the midst of the children of Israel they shall have no inheritance.
18:25	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
18:26	ϫⲉⲥⲁϫⲓ ⲛⲉⲙⲛⲓⲗⲉⲩⲓⲧⲏⲥ ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲉϣⲱⲡ ⲁⲣⲉⲧⲉⲛϣⲁⲛϭⲓ ⲛⲧⲟⲧⲟⲩ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲙⲡⲓⲣⲉⲙⲏⲧ ⲉⲧⲁⲓⲧⲏⲓϥ ⲛⲱⲧⲉⲛ ⲉⲃⲟⲗ ⲛⲧⲟⲧⲟⲩ ϧⲉⲛⲟⲩⲕⲗⲏⲣⲟⲥ ⲟⲩⲟϩ ⲉⲣⲉⲧⲉⲛⲉⲱⲗⲓ ⲛⲑⲱⲧⲉⲛ ⲛϧⲏⲧϥ ⲛⲟⲩⲁⲫⲉⲣⲉⲙⲁ ⲙⲡϭⲟⲓⲥ ⲟⲩⲣⲉⲙⲏⲧ ⲉⲃⲟⲗ ϧⲉⲛⲛⲓⲣⲉⲙⲏⲧ	ϫⲉ ⲥⲁϫⲓ ⲛⲉⲙ ⲛⲓⲗⲉⲩⲓⲧⲏⲥ ⲟⲩⲟϩ ⲉⲕⲉ̀ϫⲟⲥ ⲛⲱⲟⲩ ϫⲉ ⲉϣⲱⲡ ⲁⲣⲉⲧⲉⲛϣⲁⲛϭⲓ ⲛ̀ⲧⲟⲧⲟⲩ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲡⲓⲣⲉⲙⲏⲧ ⲉⲧⲁⲓⲧⲏⲓϥ ⲛⲱⲧⲉⲛ ⲉ̀ⲃⲟⲗ ⲛ̀ⲧⲟⲧⲟⲩ ϧⲉⲛ ⲟⲩⲕ̀ⲗⲏⲣⲟⲥ ⲟⲩⲟϩ ⲉ̀ⲣⲉⲧⲉⲛⲉⲱ̀ⲗⲓ ⲛ̀ⲑⲱⲧⲉⲛ ⲛ̀ϧⲏⲧϥ ⲛ̀ⲟⲩⲁⲫⲉⲣⲉⲙⲁ ⲛ̀ⲧⲉ ⲡ̀ϭⲟⲓⲥ ⲟⲩⲣⲉⲙⲏⲧ ⲉ̀ⲃⲟⲗ ϧⲉⲛ ⲛⲓⲣⲉⲙⲏⲧ	je saji nem nilevitys ouoh ekègos nōou je eṡōp aretenṡanċi ǹtotou ǹnenṡyri ǹpisrayl ǹpiremyt etaityif nōten èvol ǹtotou xen ouk̀lyros ouoh èreteneṑli ǹθōten ǹxytf ǹouaferema ǹte p̀ċois ouremyt èvol xen niremyt	Thou shalt also speak to the Levites, and shalt say to them, If ye take the tithe from the children of Israel, which I have given you from them for an inheritance, then shall ye separate from it a heave-offering to the Lord, a tenth of the tenth.
18:27	ⲟⲩⲟϩ ⲉⲩⲉⲟⲡⲟⲩ ⲛⲱⲧⲉⲛ ⲛⲛⲉⲧⲉⲛⲁⲫⲉⲣⲉⲙⲁ ⲙⲫⲣⲏϯ ⲛⲟⲩⲥⲟⲩⲟ ⲉⲃⲟⲗ ϧⲉⲛⲟⲩϭⲛⲱⲟⲩ ⲛⲉⲙⲟⲩⲁⲫⲉⲣⲉⲙⲁ ⲉⲃⲟⲗ ϧⲉⲛⲟⲩϩⲣⲱⲧ	ⲟⲩⲟϩ ⲉⲩⲉⲟⲡⲟⲩ ⲛⲱⲧⲉⲛ ⲛ̀ⲛⲉⲧⲉⲛⲁⲫⲉⲣⲉⲙⲁ ⲛ̀ⲫ̀ⲣⲏϯ ⲛ̀ⲟⲩⲥⲟⲩⲟ̀ ⲉ̀ⲃⲟⲗ ϧⲉⲛ ⲟⲩϭⲛⲱⲟⲩ ⲛⲉⲙ ⲟⲩⲁⲫⲉⲣⲉⲙⲁ ⲉ̀ⲃⲟⲗ ϧⲉⲛ ⲟⲩϩⲣⲱⲧ	ouoh eveopou nōten ǹnetenaferema ǹf̀ryti ǹousouò èvol xen ouċnōou nem ouaferema èvol xen ouhrōt	And your heave-offerings shall be reckoned to you as corn from the floor, and an offering from the wine-press.
18:28	ⲡⲁⲓⲣⲏϯ ⲉⲣⲉⲧⲉⲛⲉⲱⲗⲓ ϩⲱⲧⲉⲛ ⲛⲑⲱⲧⲉⲛ ⲉⲃⲟⲗ ϧⲉⲛⲛⲓⲁⲫⲉⲣⲉⲙⲁ ⲙⲡϭⲟⲓⲥ ⲉⲃⲟⲗ ϧⲉⲛⲛⲉⲧⲉⲛⲣⲉⲙⲏⲧ ⲛⲓⲃⲉⲛ ⲛⲏ ⲉⲧⲉⲧⲉⲛⲛⲁϭⲓⲧⲟⲩ ⲛⲧⲟⲧⲟⲩ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲣⲉⲧⲉⲛⲉϯ ⲉⲃⲟⲗ ⲛϧⲏⲧⲟⲩ ⲛⲟⲩⲁⲫⲉⲣⲉⲙⲁ ⲙⲡϭⲟⲓⲥ ⲛⲁⲁⲣⲱⲛ ⲡⲓⲟⲩⲏⲃ	ⲡⲁⲓⲣⲏϯ ⲉ̀ⲣⲉⲧⲉⲛⲉⲱ̀ⲗⲓ ϩⲱⲧⲉⲛ ⲛ̀ⲑⲱⲧⲉⲛ ⲉ̀ⲃⲟⲗ ϧⲉⲛ ⲛⲓⲁⲫⲉⲣⲉⲙⲁ ⲛ̀ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲛⲉⲧⲉⲛⲣⲉⲙⲏⲧ ⲛⲓⲃⲉⲛ ⲛⲏ ⲉⲧⲉⲧⲉⲛⲛⲁϭⲓⲧⲟⲩ ⲛ̀ⲧⲟⲧⲟⲩ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲣⲉⲧⲉⲛⲉϯ ⲉ̀ⲃⲟⲗ ⲛ̀ϧⲏⲧⲟⲩ ⲛ̀ⲟⲩⲁⲫⲉⲣⲉⲙⲁ ⲛ̀ⲧⲉ ⲡ̀ϭⲟⲓⲥ ⲛ̀ⲁⲁⲣⲱⲛ ⲡⲓⲟⲩⲏⲃ	pairyti èreteneṑli hōten ǹθōten èvol xen niaferema ǹp̀ċois èvol xen netenremyt niven ny etetennaċitou ǹtotou ǹnenṡyri ǹpisrayl èreteneti èvol ǹxytou ǹouaferema ǹte p̀ċois ǹaarōn piouyb	So shall ye also separate them from all the offerings of the Lord out of all your tithes, whatsoever ye shall receive from the children of Israel; and ye shall give of them an offering to the Lord to Aaron the priest.
18:29	ⲉⲃⲟⲗ ϧⲉⲛⲛⲉⲧⲉⲛⲧⲁⲓⲟ ⲧⲏⲣⲟⲩ ⲉⲣⲉⲧⲉⲛⲉϯ ⲛⲟⲩⲁⲫⲉⲣⲉⲙⲁ ⲙⲡϭⲟⲓⲥ ⲉⲃⲟⲗ ϧⲉⲛⲛⲓⲁⲡⲁⲣⲭⲏ ⲧⲏⲣⲟⲩ ⲉⲧⲧⲟⲩⲃⲏⲟⲩⲧ ⲛⲧⲁϥ	ⲉ̀ⲃⲟⲗ ϧⲉⲛ ⲛⲉⲧⲉⲛⲧⲁⲓⲟ ⲧⲏⲣⲟⲩ ⲉ̀ⲣⲉⲧⲉⲛⲉϯ ⲛ̀ⲟⲩⲁⲫⲉⲣⲉⲙⲁ ⲛ̀ⲧⲉ ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲛⲓⲁ̀ⲡⲁⲣⲭⲏ ⲧⲏⲣⲟⲩ ⲉⲧⲧⲟⲩⲃⲏⲟⲩⲧ ⲛ̀ⲧⲁϥ	èvol xen netentaio tyrou èreteneti ǹouaferema ǹte p̀ċois èvol xen niàparṡy tyrou ettouvyout ǹtaf	Of all your gifts ye shall offer an offering to the Lord, and of every first-fruit the consecrated part from it.
18:30	ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲉϣⲱⲡ ⲁⲣⲉⲧⲉⲛϣⲁⲛⲱⲗⲓ ⲛϯⲁⲡⲁⲣⲭⲏ ⲉⲃⲟⲗ ⲙⲙⲟϥ ⲉⲩⲱⲡ ⲛⲛⲓⲗⲉⲩⲓⲧⲏⲥ ⲙⲫⲣⲏϯ ⲛⲟⲩⲅⲉⲛⲏⲙⲁ ⲛⲧⲉⲟⲩϭⲛⲱⲟⲩ ⲛⲉⲙⲙⲫⲣⲏϯ ⲛⲟⲩⲅⲉⲛⲏⲙⲁ ⲛⲧⲉⲟⲩϩⲣⲱⲧ	ⲟⲩⲟϩ ⲉⲕⲉ̀ϫⲟⲥ ⲛⲱⲟⲩ ϫⲉ ⲉϣⲱⲡ ⲁⲣⲉⲧⲉⲛϣⲁⲛⲱ̀ⲗⲓ ⲛ̀ϯⲁ̀ⲡⲁⲣⲭⲏ ⲉ̀ⲃⲟⲗ ⲙ̀ⲙⲟϥ ⲉⲩⲱⲡ ⲛ̀ⲛⲓⲗⲉⲩⲓⲧⲏⲥ ⲛ̀ⲫ̀ⲣⲏϯ ⲛ̀ⲟⲩⲅⲉⲛⲏⲙⲁ ⲛ̀ⲧⲉ ⲟⲩϭⲛⲱⲟⲩ ⲛⲉⲙ ⲛ̀ⲫ̀ⲣⲏϯ ⲛ̀ⲟⲩⲅⲉⲛⲏⲙⲁ ⲛ̀ⲧⲉ ⲟⲩϩⲣⲱⲧ	ouoh ekègos nōou je eṡōp aretenṡanṑli ǹtiàparṡy èvol m̀mof evōp ǹnilevitys ǹf̀ryti ǹougenyma ǹte ouċnōou nem ǹf̀ryti ǹougenyma ǹte ouhrōt	And thou shalt say to them, When ye shall offer the first-fruits from it, then shall it be reckoned to the Levites as produce from the threshing-floor, and as produce from the wine-press.
18:31	ⲉⲣⲉⲧⲉⲛⲉⲟⲩⲟⲙⲟⲩ ϧⲉⲛⲙⲁⲓ ⲛⲓⲃⲉⲛ ⲛⲧⲱⲧⲉⲛ ⲛⲉⲙⲛⲉⲧⲉⲛϣⲏⲣⲓ ϫⲉⲫⲁⲓ ⲡⲉ ⲡⲉⲧⲉⲛⲃⲉⲭⲉ ⲛⲧϣⲉⲃⲓⲱ ⲙⲡⲉⲧⲉⲛⲫⲱϣⲉⲛ ⲉⲧϧⲉⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲉⲣⲉⲧⲉⲛⲉⲟⲩⲟⲙⲟⲩ ϧⲉⲛ ⲙⲁⲓ ⲛⲓⲃⲉⲛ ⲛⲧⲱⲧⲉⲛ ⲛⲉⲙ ⲛⲉⲧⲉⲛϣⲏⲣⲓ ϫⲉ ⲫⲁⲓ ⲡⲉ ⲡⲉⲧⲉⲛⲃⲉⲭⲉ ⲛ̀ⲧ̀ϣⲉⲃⲓⲱ ⲙ̀ⲡⲉⲧⲉⲛⲫⲱϣⲉⲛ ⲉⲧϧⲉⲛ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ereteneouomou xen mai niven ntōten nem netenṡyri je fai pe petenveke ǹt̀ṡeviō m̀petenfōṡen etxen tis̀kiny ǹte timetmeθre	And ye shall eat it in any place, ye and your families; for this is your reward for your services in the tabernacle of witness.
18:32	ⲟⲩⲟϩ ⲉⲑⲃⲉⲫⲁⲓ ⲛⲛⲉ ⲛⲟⲃⲓ ⲓ ⲉϫⲉⲛⲑⲏⲛⲟⲩ ⲉϣⲱⲡ ⲁⲣⲉⲧⲉⲛϣⲁⲛⲱⲗⲓ ⲛϯⲁⲡⲁⲣⲭⲏ ⲉⲃⲟⲗ ⲛϧⲏⲧϥ ⲟⲩⲟϩ ⲛⲏ ⲉⲑⲟⲩⲁⲃ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲛⲉⲧⲉⲛⲥⲟϥⲟⲩ ϩⲓⲛⲁ ⲛⲧⲉⲧⲉⲛϣⲧⲉⲙⲙⲟⲩ	ⲟⲩⲟϩ ⲉⲑⲃⲉ ⲫⲁⲓ ⲛ̀ⲛⲉ ⲛⲟⲃⲓ ⲓ̀ ⲉ̀ϫⲉⲛ ⲑⲏⲛⲟⲩ ⲉϣⲱⲡ ⲁⲣⲉⲧⲉⲛϣⲁⲛⲱ̀ⲗⲓ ⲛ̀ϯⲁ̀ⲡⲁⲣⲭⲏ ⲉ̀ⲃⲟⲗ ⲛ̀ϧⲏⲧϥ ⲟⲩⲟϩ ⲛⲏ ⲉⲑⲟⲩⲁⲃ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲛⲉⲧⲉⲛⲥⲟϥⲟⲩ ϩⲓⲛⲁ ⲛ̀ⲧⲉⲧⲉⲛϣⲧⲉⲙⲙⲟⲩ	ouoh eθve fai ǹne novi ì èjen θynou eṡōp aretenṡanṑli ǹtiàparṡy èvol ǹxytf ouoh ny eθouab ǹte nenṡyri ǹpisrayl nnetensofou hina ǹtetenṡtemmou	And ye shall not bear sin by reason of it, for ye shall have offered an offering of first-fruits from it, and ye shall not profane the holy things of the children of Israel, that ye die not.

Provenance

title: 04_Numeri_18
dialect: bohairic
source: Coptic SCRIPTORIUM corpus "bohairic.ot", document 04_Numeri_18
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_Numeri_18 from Coptic SCRIPTORIUM (https://copticscriptorium.org), corpus bohairic.ot, document 04_Numeri_18, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Numbers/18.bohairic.scriptorium.L0.txt
title: 04_Numeri_18 — Cairene
dialect: bohairic
source: generated from 18.bohairic.scriptorium.L0.txt (Coptic SCRIPTORIUM corpus "bohairic.ot", document 04_Numeri_18)
licence: CC BY-SA 4.0
share: attribution
attribution: 04_Numeri_18 from Coptic SCRIPTORIUM (https://copticscriptorium.org), corpus bohairic.ot, document 04_Numeri_18, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Numbers/18.bohairic.scriptorium.L1.txt
title: 04_Numeri_18 — Kemetic
dialect: bohairic
source: generated from 18.bohairic.scriptorium.L1.txt
licence: CC BY-SA 4.0
share: attribution
attribution: 04_Numeri_18 from Coptic SCRIPTORIUM (https://copticscriptorium.org), corpus bohairic.ot, document 04_Numeri_18, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Numbers/18.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 32 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 04_Numeri_18 (32 lines)

Cite as:

04_Numeri_18. Coptic SCRIPTORIUM corpus "bohairic.ot", document 04_Numeri_18. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/numbers/18.bohairic.scriptorium/. 04_Numeri_18 from Coptic SCRIPTORIUM (https://copticscriptorium.org), corpus bohairic.ot, document 04_Numeri_18, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.