04_Numeri_19 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 04_Numeri_19

Attribution: 04_Numeri_19 from Coptic SCRIPTORIUM (https://copticscriptorium.org), corpus bohairic.ot, document 04_Numeri_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

22 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
19:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys nem àarōn efgō m̀mos	And the Lord spoke to Moses and Aaron, saying,
19:2	ϫⲉⲫⲁⲓ ⲡⲉ ⲡⲓϩⲱⲛ ⲛⲧⲉⲡⲓⲛⲟⲙⲟⲥ ⲫⲏ ⲉⲧⲁ ⲡϭⲟⲓⲥ ⲟⲩⲁϩⲥⲁϩⲛⲓ ⲙⲙⲟϥ ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉⲙⲁⲣⲟⲩϭⲓ ⲛⲟⲩⲃⲁϩⲥⲓ ⲉⲥⲑⲣⲉϣⲣⲱϣ ⲛⲁⲧⲁϭⲛⲓ ⲑⲏ ⲉⲧⲉⲙⲙⲟⲛ ⲁϭⲛⲓ ϩⲓⲱⲧⲥ ⲟⲩⲟϩ ⲙⲡⲟⲩⲧⲁⲗⲉ ⲛⲁϩⲃⲉϥ ⲉⲣⲟⲥ	ϫⲉ ⲫⲁⲓ ⲡⲉ ⲡⲓϩⲱⲛ ⲛ̀ⲧⲉ ⲡⲓⲛⲟⲙⲟⲥ ⲫⲏ ⲉ̀ⲧⲁ ⲡ̀ϭⲟⲓⲥ ⲟⲩⲁϩⲥⲁϩⲛⲓ ⲙ̀ⲙⲟϥ ϫⲉ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲕϫⲱ ⲙ̀ⲙⲟⲥ ϫⲉ ⲙⲁⲣⲟⲩϭⲓ ⲛ̀ⲟⲩⲃⲁϩⲥⲓ ⲉ̀ⲥⲑⲣⲉϣⲣⲱϣ ⲛ̀ⲁⲧⲁϭⲛⲓ ⲑⲏ ⲉⲧⲉⲙ̀ⲙⲟⲛ ⲁϭⲛⲓ ϩⲓⲱⲧⲥ ⲟⲩⲟϩ ⲙ̀ⲡⲟⲩⲧⲁⲗⲉ ⲛⲁϩⲃⲉϥ ⲉ̀ⲣⲟⲥ	je fai pe pihōn ǹte pinomos fy èta p̀ċois ouahsahni m̀mof je saji nem nenṡyri ǹpisrayl ekgō m̀mos je marouċi ǹouvahsi èsθreṡrōṡ ǹataċni θy etem̀mon aċni hiōts ouoh m̀poutale nahvef èros	This is the constitution of the law, as the Lord has commanded, saying, Speak to the sons of Israel, and let them take for thee a red heifer without spot, which has no spot on her, and on which no yoke has been put.
19:3	ⲟⲩⲟϩ ⲉⲕⲉⲧⲏⲓⲥ ⲛⲉⲗⲉⲁⲍⲁⲣ ⲡⲓⲟⲩⲏⲃ ⲟⲩⲟϩ ⲉⲩⲉⲉⲛⲥ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲉⲟⲩⲙⲁ ⲉϥⲟⲩⲁⲃ ⲟⲩⲟϩ ⲉⲩⲉϧⲉⲗϧⲱⲗⲟⲩ ⲙⲡⲉϥⲙⲑⲟ	ⲟⲩⲟϩ ⲉⲕⲉ̀ⲧⲏⲓⲥ ⲛⲉⲗⲉⲁⲍⲁⲣ ⲡⲓⲟⲩⲏⲃ ⲟⲩⲟϩ ⲉⲩⲉⲉⲛⲥ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲉ̀ⲟⲩⲙⲁ ⲉϥⲟⲩⲁⲃ ⲟⲩⲟϩ ⲉⲩⲉ̀ϧⲉⲗϧⲱⲗⲟⲩ ⲛ̀ⲡⲉϥⲙ̀ⲑⲟ	ouoh ekètyis neleazar piouyb ouoh eveens savol ǹtiparemboly èouma efouab ouoh evèxelxōlou ǹpefm̀θo	And thou shalt give her to Eleazar the priest; and they shall bring her out of the camp into a clean place, and shall kill her before his face.
19:4	ⲟⲩⲟϩ ⲉϥⲉϭⲓ ⲛϫⲉⲉⲗⲉⲁⲍⲁⲣ ⲉⲃⲟⲗ ϧⲉⲛⲡⲉⲥⲥⲛⲟϥ ⲟⲩⲟϩ ⲉϥⲉⲛⲟⲩϫϧ ⲙⲡⲉⲙⲑⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲉⲃⲟⲗ ϧⲉⲛⲡⲉⲥⲥⲛⲟϥ ⲛⲍ̅ ⲛⲥⲟⲡ	ⲟⲩⲟϩ ⲉϥⲉ̀ϭⲓ ⲛ̀ϫⲉ ⲉⲗⲉⲁⲍⲁⲣ ⲉ̀ⲃⲟⲗ ϧⲉⲛ ⲡⲉⲥⲥ̀ⲛⲟϥ ⲟⲩⲟϩ ⲉϥⲉ̀ⲛⲟⲩϫϧ ⲛ̀ⲡⲉⲙ̀ⲑⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲉ̀ⲃⲟⲗ ϧⲉⲛ ⲡⲉⲥⲥ̀ⲛⲟϥ ⲛ̀7 ⲛ̀ⲥⲟⲡ	ouoh efèċi ǹje eleazar èvol xen pess̀nof ouoh efènougx ǹpem̀θo ǹtis̀kiny ǹte timetmeθre èvol xen pess̀nof ǹ7 ǹsop	And Eleazar shall take of her blood, and sprinkle of her blood seven times in front of the tabernacle of witness.
19:5	ⲟⲩⲟϩ ⲉⲩⲉⲣⲟⲕϩⲥ ⲙⲡⲉϥⲙⲑⲟ ⲛⲉⲙⲡⲉⲥϣⲁⲣ ⲛⲉⲙⲛⲉⲥⲁϥⲟⲩⲓ ⲛⲉⲙⲡⲉⲥⲥⲛⲟϥ ⲛⲉⲙⲛⲉⲥϩⲱⲓⲣⲓ ⲉⲩⲉⲣⲟⲕϩⲟⲩ	ⲟⲩⲟϩ ⲉⲩⲉ̀ⲣⲟⲕϩⲥ ⲛ̀ⲡⲉϥⲙ̀ⲑⲟ ⲛⲉⲙ ⲡⲉⲥϣⲁⲣ ⲛⲉⲙ ⲛⲉⲥⲁϥⲟⲩⲓ ⲛⲉⲙ ⲡⲉⲥⲥ̀ⲛⲟϥ ⲛⲉⲙ ⲛⲉⲥϩⲱⲓⲣⲓ ⲉⲩⲉ̀ⲣⲟⲕϩⲟⲩ	ouoh evèrok·hs ǹpefm̀θo nem pesṡar nem nesafoui nem pess̀nof nem nes·hōiri evèrok·hou	And they shall burn her to ashes before him; and her skin and her flesh and her blood, with her dung, shall be consumed.
19:6	ⲟⲩⲟϩ ⲉⲣⲉⲡⲓⲟⲩⲏⲃ ϭⲓ ⲛⲟⲩϣⲉ ⲛϩⲩⲥⲱⲡⲟⲛ ⲛⲉⲙⲟⲩϣⲉⲛⲥⲓϥⲓ ⲛⲉⲙⲟⲩⲕⲟⲕⲕⲟⲥ ⲟⲩⲟϩ ⲉⲩⲉϩⲓⲧⲟⲩ ⲉⲑⲙⲏϯ ⲙⲫⲣⲱⲕϩ ⲛϯⲃⲁϩⲥⲓ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ϭⲓ ⲛ̀ⲟⲩϣⲉ ⲛ̀ϩⲩⲥⲱⲡⲟⲛ ⲛⲉⲙ ⲟⲩϣⲉⲛⲥⲓϥⲓ ⲛⲉⲙ ⲟⲩⲕⲟⲕⲕⲟⲥ ⲟⲩⲟϩ ⲉⲩⲉ̀ϩⲓⲧⲟⲩ ⲉ̀ⲑⲙⲏϯ ⲛ̀ⲫ̀ⲣⲱⲕϩ ⲛ̀ϯⲃⲁϩⲥⲓ	ouoh ère piouyb ċi ǹouṡe ǹhisōpon nem ouṡensifi nem oukokkos ouoh evèhitou èθmyti ǹf̀rōk·h ǹtivahsi	And the priest shall take cedar wood and hyssop and scarlet wool, and they shall cast them into the midst of the burning of the heifer.
19:7	ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲛϫⲉⲡⲓⲟⲩⲏⲃ ⲟⲩⲟϩ ⲉϥⲉϫⲱⲕⲉⲙ ⲙⲡⲉϥⲥⲱⲙⲁ ϧⲉⲛⲟⲩⲙⲱⲟⲩ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉϥⲉⲓ ⲉϧⲟⲩⲛ ⲛϫⲉⲡⲓⲟⲩⲏⲃ ⲉϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉϣⲱⲡⲓ ⲛϫⲉⲡⲓⲟⲩⲏⲃ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉϥⲉ̀ϫⲱⲕⲉⲙ ⲛ̀ⲡⲉϥⲥⲱⲙⲁ ϧⲉⲛ ⲟⲩⲙⲱⲟⲩ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲉϥⲉ̀ⲓ̀ ⲉ̀ϧⲟⲩⲛ ⲛ̀ϫⲉ ⲡⲓⲟⲩⲏⲃ ⲉ̀ϯⲡⲁⲣⲉⲙⲃⲟⲗⲏ ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲡⲓⲟⲩⲏⲃ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ouoh efèrōxi ǹnefh̀vōs ǹje piouyb ouoh efègōkem ǹpefsōma xen oumōou ouoh menensa nai efèì èxoun ǹje piouyb ètiparemboly ouoh efèṡōpi ǹje piouyb efċaxem ṡate rouhi ṡōpi	And the priest shall wash his garments, and bathe his body in water, and afterwards he shall go into the camp, and the priest shall be unclean till evening.
19:8	ⲟⲩⲟϩ ⲫⲏ ⲉⲧⲣⲱⲕϩ ⲙⲙⲟⲥ ⲉϥⲉⲣⲱϧⲓ ⲛⲛⲉϥϩⲃⲱⲥ ⲉϥⲉϫⲱⲕⲉⲙ ⲙⲡⲉϥⲥⲱⲙⲁ ϧⲉⲛⲟⲩⲙⲱⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ⲟⲩⲟϩ ⲫⲏ ⲉⲧⲣⲱⲕϩ ⲙ̀ⲙⲟⲥ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲉϥⲉ̀ϫⲱⲕⲉⲙ ⲛ̀ⲡⲉϥⲥⲱⲙⲁ ϧⲉⲛ ⲟⲩⲙⲱⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ouoh fy etrōk·h m̀mos efèrōxi ǹnefh̀vōs efègōkem ǹpefsōma xen oumōou efèṡōpi efċaxem ṡate rouhi ṡōpi	And he that burns her shall wash his garments, and bathe his body, and shall be unclean till evening.
19:9	ⲟⲩⲟϩ ⲉⲣⲉⲟⲩⲣⲱⲙⲓ ⲉϥⲟⲩⲁⲃ ⲑⲟⲩⲉⲧ ϯⲕⲉⲣⲙⲓ ⲛⲧⲉϯⲃⲁϩⲥⲓ ⲟⲩⲟϩ ⲉϥⲉⲭⲁⲥ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ϧⲉⲛⲟⲩⲙⲁ ⲉϥⲧⲟⲩⲃⲏⲟⲩⲧ ⲟⲩⲟϩ ⲉϥⲉϣⲱⲡⲓ ⲛϯⲥⲩⲛⲁⲅⲱⲅⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲩⲉⲁⲣⲉϩ ⲟⲩⲙⲱⲟⲩ ⲛⲛⲟⲩϫϧ ⲉϥⲧⲟⲩⲃⲏⲟⲩⲧ ⲡⲉ	ⲟⲩⲟϩ ⲉ̀ⲣⲉ ⲟⲩⲣⲱⲙⲓ ⲉϥⲟⲩⲁⲃ ⲑⲟⲩⲉⲧ ϯⲕⲉⲣⲙⲓ ⲛ̀ⲧⲉ ϯⲃⲁϩⲥⲓ ⲟⲩⲟϩ ⲉϥⲉ̀ⲭⲁⲥ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ϧⲉⲛ ⲟⲩⲙⲁ ⲉϥⲧⲟⲩⲃⲏⲟⲩⲧ ⲟⲩⲟϩ ⲉϥⲉ̀ϣⲱⲡⲓ ⲛ̀ϯⲥⲩⲛⲁⲅⲱⲅⲏ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲩⲉⲁ̀ⲣⲉϩ ⲟⲩⲙⲱⲟⲩ ⲛⲛⲟⲩϫϧ ⲉϥⲧⲟⲩⲃⲏⲟⲩⲧ ⲡⲉ	ouoh ère ourōmi efouab θouet tikermi ǹte tivahsi ouoh efèkas savol ǹtiparemboly xen ouma eftouvyout ouoh efèṡōpi ǹtisinaġōgy ǹte nenṡyri ǹpisrayl eveàreh oumōou nnougx eftouvyout pe	And a clean man shall gather up the ashes of the heifer, and lay them up in a clean place outside the camp; and they shall be for the congregation of the children of Israel to keep: it is the water of sprinkling, a purification.
19:10	ⲉϥⲉⲣⲱϧⲓ ⲛⲛⲉϥϩⲃⲱⲥ ⲛϫⲉⲫⲏ ⲉⲧⲛⲁⲑⲟⲩⲉⲧ ϯⲕⲉⲣⲙⲓ ⲛⲧⲉϯⲃⲁϩⲥⲓ ⲟⲩⲟϩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲣⲟⲩϩⲓ ⲟⲩⲟϩ ⲉϥⲉϣⲱⲡⲓ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲉⲙⲛⲓϣⲉⲙⲙⲱⲟⲩ ⲉⲑⲟⲩⲉϩ ⲉⲣⲱⲟⲩ ⲛⲟⲩⲛⲟⲙⲟⲥ ⲛⲉⲛⲉϩ	ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲛ̀ϫⲉ ⲫⲏ ⲉⲧⲛⲁⲑⲟⲩⲉⲧ ϯⲕⲉⲣⲙⲓ ⲛ̀ⲧⲉ ϯⲃⲁϩⲥⲓ ⲟⲩⲟϩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲣⲟⲩϩⲓ ⲟⲩⲟϩ ⲉϥⲉ̀ϣⲱⲡⲓ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲉⲙ ⲛⲓϣⲉⲙⲙⲱⲟⲩ ⲉⲑⲟⲩⲉϩ ⲉ̀ⲣⲱⲟⲩ ⲛ̀ⲟⲩⲛⲟⲙⲟⲥ ⲛ̀ⲉ̀ⲛⲉϩ	efèrōxi ǹnefh̀vōs ǹje fy etnaθouet tikermi ǹte tivahsi ouoh efèṡōpi efċaxem ṡa rouhi ouoh efèṡōpi ǹnenṡyri ǹpisrayl nem niṡemmōou eθoueh èrōou ǹounomos ǹèneh	And he that gathers up the ashes of the heifer shall wash his garments, and shall be unclean until evening; and it shall be a perpetual statute for the children of Israel and for the strangers joined to them.
19:11	ⲟⲩⲟϩ ⲫⲏ ⲉⲧⲛⲁϭⲓ ⲛⲉⲙⲫⲏ ⲉⲑⲙⲱⲟⲩⲧ ⲛⲧⲉⲯⲩⲭⲏ ⲛⲓⲃⲉⲛ ⲛⲧⲉⲛⲓⲣⲱⲙⲓ ⲉϥⲉϣⲱⲡⲓ ⲉϥϭⲁϧⲉⲙ ⲛⲍ̅ ⲛⲉϩⲟⲟⲩ	ⲟⲩⲟϩ ⲫⲏ ⲉⲧⲛⲁϭⲓ ⲛⲉⲙ ⲫⲏ ⲉⲑⲙⲱⲟⲩⲧ ⲛ̀ⲧⲉⲯⲩⲭⲏ ⲛⲓⲃⲉⲛ ⲛ̀ⲧⲉ ⲛⲓⲣⲱⲙⲓ ⲉϥⲉ̀ϣⲱⲡⲓ ⲉϥϭⲁϧⲉⲙ ⲛ̀ϣⲁϣϥ ⲛⲉ ϩⲟⲟⲩ	ouoh fy etnaċi nem fy eθmōout ǹtepsiṡy niven ǹte nirōmi efèṡōpi efċaxem ǹṡaṡf ne hoou	He that touches the dead body of any man, shall be unclean seven days.
19:12	ⲫⲁⲓ ⲉϥⲉⲧⲟⲩⲃⲟϥ ⲙⲡⲓⲉϩⲟⲟⲩ ⲙⲙⲁϩ ⲅ̅ ⲛⲉⲙⲡⲓⲉϩⲟⲟⲩ ⲙⲙⲁϩ ⲍ̅ ⲉϥⲉⲧⲟⲩⲃⲟ ⲉϣⲱⲡ ⲇⲉ ⲁϥϣⲧⲉⲙⲧⲟⲩⲃⲟ ϧⲉⲛⲡⲓⲉϩⲟⲟⲩ ⲙⲙⲁϩ ⲅ̅ ⲛⲉⲙⲡⲓⲉϩⲟⲟⲩ ⲙⲙⲁϩ ⲍ̅ ⲛⲛⲉϥⲧⲟⲩⲃⲟ	ⲫⲁⲓ ⲉϥⲉ̀ⲧⲟⲩⲃⲟϥ ⲛ̀ⲡⲓⲉϩⲟⲟⲩ ⲛ̀ⲙⲁϩ 3 ⲛⲉⲙ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲉϥⲉ̀ⲧⲟⲩⲃⲟ ⲉϣⲱⲡ ⲇⲉ ⲁϥϣⲧⲉⲙⲧⲟⲩⲃⲟ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 3 ⲛⲉⲙ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲛ̀ⲛⲉϥⲧⲟⲩⲃⲟ	fai efètouvof ǹpiehoou ǹmah 3 nem pièhoou ǹmah 7 efètouvo eṡōp ḋe afṡtemtouvo xen pièhoou ǹmah 3 nem pièhoou ǹmah 7 ǹneftouvo	He shall be purified on the third day and the seventh day, and shall be clean; but if he be not purged on the third day and the seventh day, he shall not be clean.
19:13	ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙⲫⲏ ⲉⲑⲙⲱⲟⲩⲧ ϧⲉⲛⲟⲩⲯⲩⲭⲏ ⲛⲣⲱⲙⲓ ⲉϣⲱⲡ ⲁϥϣⲁⲛⲙⲟⲩ ⲟⲩⲟϩ ⲛⲧⲉϥϣⲧⲉⲙⲧⲟⲩⲃⲟϥ ⲁϥⲥⲱϥ ⲛϯⲥⲕⲩⲛⲏ ⲛⲧⲉⲡϭⲟⲓⲥ ⲉⲩⲉϥⲱϯ ⲛϯⲯⲩⲭⲏ ⲉⲧⲉⲙⲙⲁⲩ ⲉⲃⲟⲗ ϧⲉⲛⲡⲓⲥⲣⲁⲏⲗ ϫⲉⲙⲡⲟⲩⲛⲟⲩϫϧ ⲉϫⲱϥ ⲛⲟⲩⲙⲱⲟⲩ ⲛⲛⲟⲩϫϧ ϥϭⲁϧⲉⲙ ⲉⲧⲓ ⲧⲉϥϫⲓⲛϭⲱϧⲉⲙ ⲛϧⲏⲧϥ ⲡⲉ	ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙ ⲫⲏ ⲉⲑⲙⲱⲟⲩⲧ ϧⲉⲛ ⲟⲩⲯⲩⲭⲏ ⲛ̀ⲣⲱⲙⲓ ⲉϣⲱⲡ ⲁϥϣⲁⲛⲙⲟⲩ ⲟⲩⲟϩ ⲛ̀ⲧⲉϥϣⲧⲉⲙⲧⲟⲩⲃⲟϥ ⲁϥⲥⲱϥ ⲛ̀ϯⲥ̀ⲕⲩⲛⲏ ⲛ̀ⲧⲉ ⲡ̀ϭⲟⲓⲥ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ⲡⲓⲥⲣⲁⲏⲗ ϫⲉⲙⲡⲟⲩⲛⲟⲩϫϧ ⲉ̀ϫⲱϥ ⲛ̀ⲟⲩⲙⲱⲟⲩ ⲛ̀ⲧⲉ ⲛⲟⲩϫϧ ϥ̀ϭⲁϧⲉⲙ ⲉ̀ⲧⲓ ⲧⲉϥϫⲓⲛϭⲱϧⲉⲙ ⲛ̀ϧⲏⲧϥ ⲡⲉ	ouoh ouon niven etnaċi nem fy eθmōout xen oupsiṡy ǹrōmi eṡōp afṡanmou ouoh ǹtefṡtemtouvof afsōf ǹtis̀kiny ǹte p̀ċois evèfōti ǹtipsiṡy ète m̀mav èvol xen pisrayl jempounougx ègōf ǹoumōou ǹte nougx f̀ċaxem èti tefjinċōxem ǹxytf pe	Every one that touches the carcase of the person of a man, if he should have died, and the other not have been purified, has defiled the tabernacle of the Lord: that soul shall be cut off from Israel, because the water of sprinkling has not been sprinkled upon him; he is unclean; his uncleanness is yet upon him.
19:14	ⲫⲁⲓ ⲡⲉ ⲫⲛⲟⲙⲟⲥ ⲟⲩⲟϩ ⲟⲩⲣⲱⲙⲓ ⲁϥϣⲁⲛⲙⲟⲩ ϧⲉⲛⲟⲩⲏⲓ ⲟⲩⲟⲛ ⲛⲓⲃⲉⲛ ⲉⲧⲛⲁⲓ ⲉϧⲟⲩⲛ ⲉⲡⲓⲏⲓ ⲟⲩⲟϩ ⲛⲏ ⲉⲧϣⲟⲡ ϧⲉⲛⲡⲓⲏⲓ ⲉⲩⲉϣⲱⲡⲓ ⲉⲩϭⲁϧⲉⲙ ⲛⲍ̅ ⲛⲉϩⲟⲟⲩ	ⲫⲁⲓ ⲡⲉ ⲫ̀ⲛⲟⲙⲟⲥ ⲟⲩⲟϩ ⲟⲩⲣⲱⲙⲓ ⲁϥϣⲁⲛⲙⲟⲩ ϧⲉⲛ ⲟⲩⲏⲓ ⲟⲩⲟⲛ ⲛⲓⲃⲉⲛ ⲉⲧⲛⲁⲓ ⲉ̀ϧⲟⲩⲛ ⲉ̀ⲡⲓⲏⲓ ⲟⲩⲟϩ ⲛⲏ ⲉⲧϣⲟⲡ ϧⲉⲛ ⲡⲓⲏⲓ ⲉⲩⲉ̀ϣⲱⲡⲓ ⲉⲩϭⲁϧⲉⲙ ⲛ̀ϣⲁϣϥ ⲛ̀ⲉ̀ϩⲟⲟⲩ	fai pe f̀nomos ouoh ourōmi afṡanmou xen ouyi ouon niven etnai èxoun èpiyi ouoh ny etṡop xen piyi evèṡōpi evċaxem ǹṡaṡf ǹèhoou	And this is the law; if a man die in a house, every one that goes into the house, and all things in the house, shall be unclean seven days.
19:15	ⲟⲩⲟϩ ⲥⲕⲉⲩⲟⲥ ⲛⲓⲃⲉⲛ ⲉⲑⲟⲩⲏⲛ ⲉⲧⲉⲙⲙⲟⲛ ⲙⲟⲩⲣⲙⲏⲣ ⲙⲙⲱⲟⲩ ⲉⲩⲉϣⲱⲡⲓ ⲉⲩϭⲁϧⲉⲙ	ⲟⲩⲟϩ ⲥⲕⲉⲩⲟⲥ ⲛⲓⲃⲉⲛ ⲉⲑⲟⲩⲏⲛ ⲉ̀ⲧⲉⲙ̀ⲙⲟⲛ ⲙⲟⲩⲣⲙⲏⲣ ⲙ̀ⲙⲱⲟⲩ ⲉⲩⲉ̀ϣⲱⲡⲓ ⲉⲩϭⲁϧⲉⲙ	ouoh skevos niven eθouyn ètem̀mon mourmyr m̀mōou evèṡōpi evċaxem	And every open vessel which has not a covering bound upon it, shall be unclean.
19:16	ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙⲟⲩϧⲱⲧⲉⲃ ⲉϥ ϩⲓϫⲉⲛⲡϩⲟ ⲛⲟⲩⲙⲉϣϣⲱⲧ ⲓⲉ ⲟⲩⲣⲉϥⲙⲱⲟⲩⲧ ⲓⲉ ⲟⲩⲕⲁⲥ ⲛⲣⲱⲙⲓ ⲓⲉ ⲟⲩⲙϩⲁⲩ ⲉϥⲉϣⲱⲡⲓ ⲉϥϭⲁϧⲉⲙ ⲛⲍ̅ ⲛⲉϩⲟⲟⲩ	ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲛⲁϭⲓ ⲛⲉⲙ ⲟⲩϧⲱⲧⲉⲃ ⲉϥ ϩⲓϫⲉⲛ ⲡ̀ϩⲟ ⲛ̀ⲟⲩⲙⲉϣϣⲱⲧ ⲓⲉ ⲟⲩⲣⲉϥⲙⲱⲟⲩⲧ ⲓⲉ ⲟⲩⲕⲁⲥ ⲛ̀ⲣⲱⲙⲓ ⲓⲉ ⲟⲩⲙ̀ϩⲁⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ⲛ̀ϣⲁϣϥ ⲛ̀ⲉ̀ϩⲟⲟⲩ	ouoh ouon niven etnaċi nem ouxōteb ef hijen p̀ho ǹoumeṡṡōt ie ourefmōout ie oukas ǹrōmi ie oum̀hav efèṡōpi efċaxem ǹṡaṡf ǹèhoou	And every one who shall touch a man slain by violence, or a corpse, or human bone, or sepulchre, shall be unclean seven days.
19:17	ⲟⲩⲟϩ ⲉϥⲉϭⲓ ⲛϫⲉⲫⲏ ⲉⲧϭⲁϧⲉⲙ ⲉⲃⲟⲗ ϧⲉⲛϯⲕⲉⲣⲙⲓ ⲛⲧⲉϯⲃⲁϩⲥⲓ ⲉⲧⲁⲩⲣⲟⲕϩⲥ ⲛⲧⲉⲡⲓⲧⲟⲩⲃⲟ ⲟⲩⲟϩ ⲉϥⲉϫⲱϣ ⲛⲟⲩⲙⲱⲟⲩ ⲉϥⲟⲛϧ ⲉϧⲣⲏⲓ ⲉⲟⲩⲥⲕⲉⲩⲟⲥ	ⲟⲩⲟϩ ⲉϥⲉ̀ϭⲓ ⲛ̀ϫⲉ ⲫⲏ ⲉⲧϭⲁϧⲉⲙ ⲉ̀ⲃⲟⲗ ϧⲉⲛ ϯⲕⲉⲣⲙⲓ ⲛ̀ⲧⲉ ϯⲃⲁϩⲥⲓ ⲉⲧⲁⲩⲣⲟⲕϩⲥ ⲛ̀ⲧⲉ ⲡⲓⲧⲟⲩⲃⲟ ⲟⲩⲟϩ ⲉϥⲉ̀ϫⲱϣ ⲛ̀ⲟⲩⲙⲱⲟⲩ ⲉϥⲟⲛϧ ⲉ̀ϧ̀ⲣⲏⲓ ⲉ̀ⲟⲩⲥ̀ⲕⲉⲩⲟⲥ	ouoh efèċi ǹje fy etċaxem èvol xen tikermi ǹte tivahsi etavrok·hs ǹte pitouvo ouoh efègōṡ ǹoumōou efonx èx̀ryi èous̀kevos	And they shall take for the unclean of the burnt ashes of purification, and they shall pour upon them running water into a vessel.
19:18	ⲟⲩⲟϩ ⲉⲩⲉϭⲓ ⲛⲟⲩϩⲩⲥⲱⲡⲟⲥ ⲟⲩⲟϩ ⲉϥⲉⲥⲟⲡϥ ϧⲉⲛⲟⲩⲙⲱⲟⲩ ⲛϫⲉⲟⲩⲣⲱⲙⲓ ⲉϥⲟⲩⲁⲃ ⲟⲩⲟϩ ⲉϥⲉⲛⲟⲩϫϧ ⲉϫⲉⲛⲡⲓⲏⲓ ⲛⲉⲙⲉϫⲉⲛⲛⲓⲥⲕⲉⲩⲟⲥ ⲛⲉⲙⲉϫⲉⲛⲯⲩⲭⲏ ⲛⲓⲃⲉⲛ ⲉⲧⲉⲙⲙⲁⲩ ⲛⲉⲙⲉϫⲉⲛⲫⲏ ⲉⲧⲁϥϭⲓ ⲛⲉⲙⲛⲓⲕⲁⲥ ⲛⲧⲉⲡⲓⲣⲉϥⲙⲱⲟⲩⲧ ⲓⲉ ⲡⲓϧⲱⲧⲉⲃ ⲓⲉ ⲫⲏ ⲉⲧⲁϥⲙⲟⲩ ⲓⲉ ⲡⲓⲉⲙϩⲁⲩ	ⲟⲩⲟϩ ⲉⲩⲉ̀ϭⲓ ⲛ̀ⲟⲩϩⲩⲥⲱⲡⲟⲥ ⲟⲩⲟϩ ⲉϥⲉ̀ⲥⲟⲡϥ ϧⲉⲛ ⲟⲩⲙⲱⲟⲩ ⲛ̀ϫⲉ ⲟⲩⲣⲱⲙⲓ ⲉϥⲟⲩⲁⲃ ⲟⲩⲟϩ ⲉϥⲉ̀ⲛⲟⲩϫϧ ⲉ̀ϫⲉⲛ ⲡⲓⲏⲓ ⲛⲉⲙ ⲉ̀ϫⲉⲛ ⲛⲓⲥⲕⲉⲩⲟⲥ ⲛⲉⲙ ⲉ̀ϫⲉⲛ ⲯⲩⲭⲏ ⲛⲓⲃⲉⲛ ⲉ̀ⲧⲉ ⲙ̀ⲙⲁⲩ ⲛⲉⲙ ⲉ̀ϫⲉⲛ ⲫⲏ ⲉⲧⲁϥϭⲓ ⲛⲉⲙ ⲛⲓⲕⲁⲥ ⲛ̀ⲧⲉ ⲡⲓⲣⲉϥⲙⲱⲟⲩⲧ ⲓⲉ ⲡⲓϧⲱⲧⲉⲃ ⲓⲉ ⲫⲏ ⲉⲧⲁϥⲙⲟⲩ ⲓⲉ ⲡⲓⲉⲙϩⲁⲩ	ouoh evèċi ǹouhisōpos ouoh efèsopf xen oumōou ǹje ourōmi efouab ouoh efènougx èjen piyi nem èjen niskevos nem èjen psiṡy niven ète m̀mav nem èjen fy etafċi nem nikas ǹte pirefmōout ie pixōteb ie fy etafmou ie piemhav	And a clean man shall take hyssop, and dip it into the water, and sprinkle it upon the house, and the furniture, and all the souls that are therein, and upon him that touched the human bone, or the slain man, or the corpse, or the tomb.
19:19	ⲟⲩⲟϩ ⲉⲣⲉⲫⲏ ⲉⲑⲟⲩⲁⲃ ⲉϥⲉⲛⲟⲩϫϧ ⲉⲃⲟⲗ ⲉϫⲉⲛⲫⲏ ⲉⲧϭⲁϧⲉⲙ ϧⲉⲛⲡⲓⲉϩⲟⲟⲩ ⲙⲙⲁϩ ⲅ̅ ⲛⲉⲙⲡⲓⲉϩⲟⲟⲩ ⲙⲙⲁϩ ⲍ̅ ⲟⲩⲟϩ ⲉϥⲉⲧⲟⲩⲃⲟ ϧⲉⲛⲡⲓⲉϩⲟⲟⲩ ⲙⲙⲁϩⲍ̅ ⲟⲩⲟϩ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲉϥⲉϫⲱⲕⲉⲙ ϧⲉⲛⲟⲩⲙⲱⲟⲩ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ⲟⲩⲟϩ ⲉ̀ⲣⲉⲫⲏ ⲉⲑⲟⲩⲁⲃ ⲉϥⲉ̀ⲛⲟⲩϫϧ ⲉ̀ⲃⲟⲗ ⲉ̀ϫⲉⲛ ⲫⲏ ⲉⲧϭⲁϧⲉⲙ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 3 ⲛⲉⲙ ⲡⲓⲉ̀ϩⲟⲟⲩ ⲛ̀ⲙⲁϩ 7 ⲟⲩⲟϩ ⲉϥⲉ̀ⲧⲟⲩⲃⲟ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ7 ⲟⲩⲟϩ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲉϥⲉ̀ϫⲱⲕⲉⲙ ϧⲉⲛ ⲟⲩⲙⲱⲟⲩ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁⲧⲉ ⲣⲟⲩϩⲓ ϣⲱⲡⲓ	ouoh èrefy eθouab efènougx èvol èjen fy etċaxem xen pièhoou ǹmah 3 nem pièhoou ǹmah 7 ouoh efètouvo xen pièhoou ǹmah7 ouoh efèrōxi ǹnefh̀vōs ouoh efègōkem xen oumōou efèṡōpi efċaxem ṡate rouhi ṡōpi	And the clean man shall sprinkle the water on the unclean on the third day and on the seventh day, and on the seventh day he shall purify himself; and the other shall wash his garments, and bathe himself in water, and shall be unclean until evening.
19:20	ⲟⲩⲟϩ ⲟⲩⲣⲱⲙⲓ ⲁϥϣⲁⲛⲥⲱϥ ⲟⲩⲟϩ ⲛⲧⲉϥϣⲧⲉⲙⲧⲟⲩⲃⲟϥ ⲉⲩⲉϥⲱϯ ⲛϯⲯⲩⲭⲏ ⲉⲧⲉⲙⲙⲁⲩ ⲉⲃⲟⲗ ϧⲉⲛⲑⲙⲏϯ ⲛϯⲥⲩⲛⲁⲅⲱⲅⲏ ϫⲉⲁϥⲥⲱϥ ⲛⲛⲏ ⲉⲑⲟⲩⲁⲃ ⲛⲧⲉⲡϭⲟⲓⲥ ϫⲉⲙⲡⲟⲩⲛⲟⲩϫϧ ⲉϫⲱϥ ⲛⲟⲩⲙⲱⲟⲩ ⲛⲛⲟⲩϫϧ ⲉⲑⲃⲉⲫⲁⲓ ϥϭⲁϧⲉⲙ	ⲟⲩⲟϩ ⲟⲩⲣⲱⲙⲓ ⲁϥϣⲁⲛⲥⲱϥ ⲟⲩⲟϩ ⲛ̀ⲧⲉϥϣⲧⲉⲙⲧⲟⲩⲃⲟϥ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ϯⲥⲩⲛⲁⲅⲱⲅⲏ ϫⲉ ⲁϥⲥⲱϥ ⲛ̀ⲛⲏ ⲉⲑⲟⲩⲁⲃ ⲛ̀ⲧⲉ ⲡ̀ϭⲟⲓⲥ ϫⲉⲙⲡⲟⲩⲛⲟⲩϫϧ ⲉ̀ϫⲱϥ ⲛ̀ⲟⲩⲙⲱⲟⲩ ⲛⲛⲟⲩϫϧ ⲉⲑⲃⲉ ⲫⲁⲓ ϥ̀ϭⲁϧⲉⲙ	ouoh ourōmi afṡansōf ouoh ǹtefṡtemtouvof evèfōti ǹtipsiṡy ète m̀mav èvol xen θ̀myti ǹtisinaġōgy je afsōf ǹny eθouab ǹte p̀ċois jempounougx ègōf ǹoumōou nnougx eθve fai f̀ċaxem	And whatever man shall be defiled and shall not purify himself, that soul shall be cut off from the midst of the congregation, because he has defiled the holy things of the Lord, because the water of sprinkling has not been sprinkled upon him; he is unclean.
19:21	ⲟⲩⲟϩ ⲉϥⲉϣⲱⲡⲓ ⲛⲱⲧⲉⲛ ⲛⲟⲩⲛⲟⲙⲟⲥ ⲛⲉⲛⲉϩ ⲟⲩⲟϩ ⲫⲏ ⲉⲧⲛⲟⲩϫϧ ⲙⲡⲓⲙⲱⲟⲩ ⲛⲛⲟⲩϫϧ ⲉϥⲉⲣⲱϧⲓ ⲛⲛⲉϥϩⲃⲱⲥ ⲟⲩⲟϩ ⲫⲏ ⲉⲧϭⲓ ⲛⲉⲙⲡⲓⲙⲱⲟⲩ ⲛⲛⲟⲩϫϧ ⲉϥⲉϣⲱⲡⲓ ⲉϥϭⲁϧⲉⲙ ϣⲁⲣⲟⲩϩⲓ	ⲟⲩⲟϩ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ⲟⲩⲛⲟⲙⲟⲥ ⲛ̀ⲉ̀ⲛⲉϩ ⲟⲩⲟϩ ⲫⲏ ⲉⲧⲛⲟⲩϫϧ ⲛ̀ⲡⲓⲙⲱⲟⲩ ⲛ̀ⲛⲟⲩϫϧ ⲉϥⲉ̀ⲣⲱϧⲓ ⲛ̀ⲛⲉϥϩ̀ⲃⲱⲥ ⲟⲩⲟϩ ⲫⲏ ⲉⲧϭⲓ ⲛⲉⲙ ⲡⲓⲙⲱⲟⲩ ⲛⲛⲟⲩϫϧ ⲉϥⲉ̀ϣⲱⲡⲓ ⲉϥϭⲁϧⲉⲙ ϣⲁ ⲣⲟⲩϩⲓ	ouoh efèṡōpi nōten ǹounomos ǹèneh ouoh fy etnougx ǹpimōou ǹnougx efèrōxi ǹnefh̀vōs ouoh fy etċi nem pimōou nnougx efèṡōpi efċaxem ṡa rouhi	And it shall be to you a perpetual statute; and he that sprinkles the water of sprinkling shall wash his garments; and he that touches the water of sprinkling shall be unclean until evening.
19:22	ⲟⲩⲟϩ ⲛⲭⲁⲓ ⲛⲓⲃⲉⲛ ⲉⲧⲉϥⲛⲁϭⲓ ⲛⲉⲙⲱⲟⲩ ⲛϫⲉⲫⲏ ⲉⲧϭⲁϧⲉⲙ ⲉⲩⲉϣⲱⲡⲓ ⲉⲩϭⲁϧⲉⲙ ⲟⲩⲟϩ ϯⲯⲩⲭⲏ ⲉⲧⲛⲁϭⲓ ⲉⲥⲉϣⲱⲡⲓ ⲉⲥϭⲁϧⲉⲙ ϣⲁⲣⲟⲩϩⲓ	ⲟⲩⲟϩ ⲛ̀ⲭⲁⲓ ⲛⲓⲃⲉⲛ ⲉⲧⲉϥⲛⲁϭⲓ ⲛⲉⲙⲱⲟⲩ ⲛ̀ϫⲉ ⲫⲏ ⲉⲧϭⲁϧⲉⲙ ⲉⲩⲉ̀ϣⲱⲡⲓ ⲉⲩϭⲁϧⲉⲙ ⲟⲩⲟϩ ϯⲯⲩⲭⲏ ⲉⲧⲛⲁϭⲓ ⲉⲥⲉϣⲱⲡⲓ ⲉⲥϭⲁϧⲉⲙ ϣⲁ ⲣⲟⲩϩⲓ	ouoh ǹkai niven etefnaċi nemōou ǹje fy etċaxem evèṡōpi evċaxem ouoh tipsiṡy etnaċi eseṡōpi esċaxem ṡa rouhi	And whatsoever the unclean man shall touch shall be unclean, and the soul that touches it shall be unclean till evening.

Provenance

title: 04_Numeri_19
dialect: bohairic
source: Coptic SCRIPTORIUM corpus "bohairic.ot", document 04_Numeri_19
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_Numeri_19 from Coptic SCRIPTORIUM (https://copticscriptorium.org), corpus bohairic.ot, document 04_Numeri_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Numbers/19.bohairic.scriptorium.L0.txt
title: 04_Numeri_19 — Cairene
dialect: bohairic
source: generated from 19.bohairic.scriptorium.L0.txt (Coptic SCRIPTORIUM corpus "bohairic.ot", document 04_Numeri_19)
licence: CC BY-SA 4.0
share: attribution
attribution: 04_Numeri_19 from Coptic SCRIPTORIUM (https://copticscriptorium.org), corpus bohairic.ot, document 04_Numeri_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Numbers/19.bohairic.scriptorium.L1.txt
title: 04_Numeri_19 — Kemetic
dialect: bohairic
source: generated from 19.bohairic.scriptorium.L1.txt
licence: CC BY-SA 4.0
share: attribution
attribution: 04_Numeri_19 from Coptic SCRIPTORIUM (https://copticscriptorium.org), corpus bohairic.ot, document 04_Numeri_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Numbers/19.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 22 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 04_Numeri_19 (22 lines)

Cite as:

04_Numeri_19. Coptic SCRIPTORIUM corpus "bohairic.ot", document 04_Numeri_19. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/numbers/19.bohairic.scriptorium/. 04_Numeri_19 from Coptic SCRIPTORIUM (https://copticscriptorium.org), corpus bohairic.ot, document 04_Numeri_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.