19_Psalmi_17 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 19_Psalmi_017

Attribution: 19_Psalmi_17 from Coptic SCRIPTORIUM (https://copticscriptorium.org), corpus bohairic.ot, document 19_Psalmi_017, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

52 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
17:0	ⲉ̀ⲡ̀ϫⲱⲕ ⲉ̀ⲃⲟⲗ ⲙ̀ⲡ̀ⲁⲗⲟⲩ ⲙ̀ⲡϭⲟⲓⲥ ⲇⲁⲩⲓⲇ ⲛ̀ⲛⲓⲥⲁϫⲓ ⲉ̀ⲧⲁϥⲥⲁϫⲓ ⲙ̀ⲙⲱⲟⲩ ⲛⲉⲙⲡϭⲟⲓⲥ ⲛⲓⲥⲁϫⲓ ⲛ̀ⲧⲉⲧⲁⲓϩⲱⲇⲏ ⲑⲁⲓ ϧⲉⲛⲡⲓⲉ̀ϩⲟⲟⲩ ⲉ̀ⲧⲁϥⲛⲁϩⲙⲉϥ ⲛ̀ϫⲉⲡϭⲟⲓⲥ ⲉ̀ⲃⲟⲗ ϧⲉⲛⲛⲉⲛϫⲓϫ ⲛ̀ⲛⲉϥϫⲁϫⲓ ⲧⲏⲣⲟⲩ ⲛⲉⲙⲉ̀ⲃⲟⲗ ϧⲉⲛⲛⲉⲛϫⲓϫ ⲛ̀ⲥⲁⲟⲩⲗ ⲟⲩⲟϩ ⲡⲉϫⲁϥ	ⲉ̀ⲡ̀ϫⲱⲕ ⲉ̀ⲃⲟⲗ ⲛ̀ⲡ̀ⲁ̀ⲗⲟⲩ ⲛ̀ⲡ̀ϭⲟⲓⲥ ⲇⲁⲩⲓⲇ ⲛ̀ⲛⲓⲥⲁϫⲓ ⲉ̀ⲧⲁϥⲥⲁϫⲓ ⲙ̀ⲙⲱⲟⲩ ⲛⲉⲙ ⲡ̀ϭⲟⲓⲥ ⲛⲓⲥⲁϫⲓ ⲛ̀ⲧⲉ ⲧⲁⲓϩⲱⲇⲏ ⲑⲁⲓ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲁϥⲛⲁϩⲙⲉϥ ⲛ̀ϫⲉ ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲛⲉⲛϫⲓϫ ⲛ̀ⲛⲉϥϫⲁϫⲓ ⲧⲏⲣⲟⲩ ⲛⲉⲙ ⲉ̀ⲃⲟⲗ ϧⲉⲛ ⲛⲉⲛϫⲓϫ ⲛ̀ⲥⲁⲟⲩⲗ ⲟⲩⲟϩ ⲡⲉϫⲁϥ	èp̀gōk èvol ǹp̀àlou ǹp̀ċois david ǹnisaji ètafsaji m̀mōou nem p̀ċois nisaji ǹte taihōḋy θai xen pièhoou ètafnahmef ǹje p̀ċois èvol xen nenjig ǹnefgaji tyrou nem èvol xen nenjig ǹsaoul ouoh pegaf	draft · highFor the end. Of the servant of the Lord, David, the words which he spoke to the Lord, the words of this song, on the day the Lord delivered him from the hands of all his enemies and from the hands of Saoul; and he said:
17:1	ϯⲛⲁⲙⲉⲛⲣⲓⲧⲕ ⲡϭⲟⲓⲥ ⲧⲁϫⲟⲙ . ⲡϭⲟⲓⲥ ⲡⲉ ⲡⲁⲧⲁϫⲣⲟ ⲛⲉⲙⲡⲁⲙⲁⲙ̀ⲫⲱⲧ ⲛⲉⲙⲡⲁⲣⲉϥⲛⲁϩⲙⲉⲧ . ⲡⲁⲛⲟⲩϯ ⲡⲉ ⲡⲁⲃⲟⲏⲑⲟⲥ ⲉⲓⲉ̀ⲉⲣϩⲉⲗⲡⲓⲥ ⲉ̀ⲣⲟϥ .	ϯⲛⲁⲙⲉⲛⲣⲓⲧⲕ ⲡ̀ϭⲟⲓⲥ ⲧⲁϫⲟⲙ. Ⲡ̀ϭⲟⲓⲥ ⲡⲉ ⲡⲁⲧⲁϫⲣⲟ ⲛⲉⲙ ⲡⲁⲙⲁⲙ̀ⲫⲱⲧ ⲛⲉⲙ ⲡⲁⲣⲉϥⲛⲁϩⲙⲉⲧ. Ⲡⲁⲛⲟⲩϯ ⲡⲉ ⲡⲁⲃⲟⲏ̀ⲑⲟⲥ ⲓⲉ̀ⲉⲣϩⲉⲗⲡⲓⲥ ⲉ̀ⲣⲟϥ.	tinamenritk p̀ċois tagom. P̀ċois pe patagro nem pamam̀fōt nem parefnahmet. Panouti pe paboỳθos ièerhelpis èrof.	I will love thee, O Lord, my strength. The Lord is my firm support, and my refuge, and my deliverer; my God is my helper, I will hope in him; he is my defender, and the horn of my salvation, and my helper.
17:2	ⲡⲁⲣⲉϥϯ ⲉ̀ϩ̀ⲣⲏⲓ ⲉ̀ϫⲱⲓ ⲛⲉⲙⲡ̀ⲧⲁⲡ ⲛ̀ⲧⲉⲡⲁⲛⲟϩⲉⲙ ⲛⲉⲙⲡⲁⲣⲉϥϣⲟⲡⲧ ⲉ̀ⲣⲟϥ .	Ⲡⲁⲣⲉϥϯ ⲉ̀ϩ̀ⲣⲏⲓ ⲉ̀ϫⲱⲓ ⲛⲉⲙ ⲡ̀ⲧⲁⲡ ⲛ̀ⲧⲉ ⲡⲁⲛⲟϩⲉⲙ ⲛⲉⲙ ⲡⲁⲣⲉϥϣⲟⲡⲧ ⲉ̀ⲣⲟϥ.	Parefti èh̀ryi ègōi nem p̀tap ǹte panohem nem parefṡopt èrof.	The Lord is my firm support, and my refuge, and my deliverer; my God is my helper, I will hope in him; he is my defender, and the horn of my salvation, and my helper.
17:3	ⲉⲓⲉ̀ⲥ̀ⲙⲟⲩ ϯⲛⲁⲱϣ ⲟⲩⲃⲉ ⲡϭⲟⲓⲥ ⲟⲩⲟϩ ⲉⲓⲉ̀ⲛⲟϩⲉⲙ ⲉ̀ⲃⲟⲗ ϧⲉⲛⲛⲁϫⲁϫⲓ .	Ⲉⲓⲉ̀ⲥ̀ⲙⲟⲩ ϯⲛⲁⲱϣ ⲟⲩⲃⲉ ⲡ̀ϭⲟⲓⲥ ⲟⲩⲟϩ ⲉⲓⲉ̀ⲛⲟϩⲉⲙ ⲉ̀ⲃⲟⲗ ϧⲉⲛ ⲛⲁϫⲁϫⲓ.	Eiès̀mou tinaōṡ ouve p̀ċois ouoh eiènohem èvol xen nagaji.	I will call upon the Lord with praises, and I shall be saved from mine enemies.
17:4	ⲁⲩⲁ̀ⲙⲟⲛⲓ ⲙ̀ⲙⲟⲓ ⲛ̀ϫⲉⲛⲉⲛⲛⲁⲕϩⲓ ⲙ̀ⲫ̀ⲙⲟⲩ ⲟⲩⲟϩ ⲛⲓⲙⲟⲩⲛⲥⲱⲣⲉⲙ ⲛ̀ⲧⲉⲧⲁⲁ̀ⲛⲟⲙⲓⲁ ⲁⲩϣ̀ⲧⲉⲣⲑⲱⲣⲧ .	Ⲁⲩⲁ̀ⲙⲟⲛⲓ ⲙ̀ⲙⲟⲓ ⲛ̀ϫⲉ ⲛⲉⲛⲛⲁⲕϩⲓ ⲛ̀ⲫ̀ⲙⲟⲩ ⲟⲩⲟϩ ⲛⲓⲙⲟⲩⲛⲥⲱⲣⲉⲙ ⲛ̀ⲧⲉ ⲧⲁⲁ̀ⲛⲟⲙⲓⲁ ⲁⲩϣ̀ⲧⲉⲣⲑⲱⲣⲧ.	Avàmoni m̀moi ǹje nennak·hi ǹf̀mou ouoh nimounsōrem ǹte taànomia avṡ̀terθōrt.	The pangs of death compassed me, and the torrents of ungodliness troubled me exceedingly.
17:5	ⲛⲓⲛⲁⲕϩⲓ ⲛ̀ⲧⲉⲁⲙⲉⲛϯ ⲁⲩⲕⲱϯ ⲉ̀ⲣⲟⲓ . ⲁⲩⲉⲣϣⲟⲣⲡ ⲉ̀ⲣⲟⲓ ⲛ̀ϫⲉⲛⲓⲫⲁϣ ⲛ̀ⲧⲉⲫ̀ⲙⲟⲩ .	Ⲛⲓⲛⲁⲕϩⲓ ⲛ̀ⲧⲉ ⲁ̀ⲙⲉⲛϯ ⲁⲩⲕⲱϯ ⲉ̀ⲣⲟⲓ. Ⲁⲩⲉⲣϣⲟⲣⲡ ⲉ̀ⲣⲟⲓ ⲛ̀ϫⲉ ⲛⲓⲫⲁϣ ⲛ̀ⲧⲉ ⲫ̀ⲙⲟⲩ.	Ninak·hi ǹte àmenti avkōti èroi. Averṡorp èroi ǹje nifaṡ ǹte f̀mou.	The pangs of hell came round about me: the snares of death prevented me.
17:6	ⲟⲩⲟϩ ϧⲉⲛⲡ̀ϫⲓⲛⲧⲁϩⲟϫϩⲉϫ ⲁⲓⲧⲱⲃϩ ⲙ̀ⲡϭⲟⲓⲥ ⲟⲩⲟϩ ⲁⲓⲱϣ ϩⲁⲡⲁⲛⲟⲩϯ . ⲁϥⲥⲱⲧⲉⲙ ⲉ̀ⲧⲁⲥ̀ⲙⲏ ⲉ̀ⲃⲟⲗ ϧⲉⲛⲡⲉϥⲉⲣⲫⲉⲓ ⲉⲑⲟⲩⲁⲃ .	Ⲟⲩⲟϩ ϧⲉⲛ ⲡ̀ϫⲓⲛⲧⲁϩⲟϫϩⲉϫ ⲁⲓⲧⲱⲃϩ ⲛ̀ⲡ̀ϭⲟⲓⲥ ⲟⲩⲟϩ ⲁⲓⲱϣ ϩⲁ ⲡⲁⲛⲟⲩϯ. Ⲁϥⲥⲱⲧⲉⲙ ⲉ̀ⲧⲁⲥ̀ⲙⲏ ⲉ̀ⲃⲟⲗ ϧⲉⲛ ⲡⲉϥⲉⲣⲫⲉⲓ ⲉⲑⲟⲩⲁⲃ.	Ouoh xen p̀jintahogheg aitōvh ǹp̀ċois ouoh aiōṡ ha panouti. Afsōtem ètas̀my èvol xen peferfei eθouab.	And when I was afflicted I called upon the Lord, and cried to my God: he heard my voice out of this holy temple, and my cry shall enter before him, even into his ears.
17:7	ⲟⲩⲟϩ ⲡⲁϧ̀ⲣⲱⲟⲩ ⲙ̀ⲡⲉϥⲙ̀ⲑⲟ ⲉ̀ⲃⲟⲗ ⲉϥⲉ̀ϣⲉ ⲉ̀ϧⲟⲩⲛ ⲉ̀ⲛⲉϥⲙⲁϣϫ: ⲁϥⲕⲓⲙ ⲟⲩⲟϩ ⲁϥϣⲱⲡⲓ ⲉϥⲥ̀ⲑⲉⲣⲧⲉⲣ ⲛ̀ϫⲉⲡ̀ⲕⲁϩⲓ .	Ⲟⲩⲟϩ ⲡⲁϧ̀ⲣⲱⲟⲩ ⲛ̀ⲡⲉϥⲙ̀ⲑⲟ ⲉ̀ⲃⲟⲗ ⲉϥⲉ̀ϣⲉ ⲉ̀ϧⲟⲩⲛ ⲉ̀ⲛⲉϥⲙⲁϣϫ: ⲁϥⲕⲓⲙ ⲟⲩⲟϩ ⲁϥϣⲱⲡⲓ ⲉϥⲥ̀ⲑⲉⲣⲧⲉⲣ ⲛ̀ϫⲉ ⲡ̀ⲕⲁϩⲓ.	Ouoh pax̀rōou ǹpefm̀θo èvol efèṡe èxoun ènefmaṡg: afkim ouoh afṡōpi efs̀θerter ǹje p̀kahi.	And when I was afflicted I called upon the Lord, and cried to my God: he heard my voice out of this holy temple, and my cry shall enter before him, even into his ears.
17:8	ⲛⲓⲥⲉⲛϯ ⲛ̀ⲧⲉⲛⲓⲧⲱⲟⲩ ⲁⲩϣ̀ⲑⲟⲣⲧⲉⲣ: ⲟⲩⲟϩ ⲁⲩⲕⲓⲙ ϫⲉⲁ̀ ⲡϭⲟⲓⲥ ϫⲱⲛⲧ ⲉ̀ⲣⲱⲟⲩ .	Ⲛⲓⲥⲉⲛϯ ⲛ̀ⲧⲉ ⲛⲓⲧⲱⲟⲩ ⲁⲩϣ̀ⲑⲟⲣⲧⲉⲣ: ⲟⲩⲟϩ ⲁⲩⲕⲓⲙ ϫⲉ ⲁ̀ ⲡ̀ϭⲟⲓⲥ ϫⲱⲛⲧ ⲉ̀ⲣⲱⲟⲩ.	Nisenti ǹte nitōou avṡ̀θorter: ouoh avkim je à p̀ċois gōnt èrōou.	Then the earth shook and quaked, and the foundations of the mountains were disturbed, and were shaken, because God was angry with them.
17:9	ⲁⲥⲓ̀ ⲉ̀ⲡ̀ϣⲱⲓ ϧⲉⲛⲡⲉϥϫⲱⲛⲧ: ⲟⲩⲟϩ ⲟⲩⲭ̀ⲣⲱⲙ ⲁϥⲙⲟϩ ⲛⲁϩⲣⲁϥ: ϩⲁⲛϫⲉⲃⲥ ⲛ̀ⲭ̀ⲣⲱⲙ ⲁⲩⲙⲟϩ ⲉ̀ⲃⲟⲗ ⲙ̀ⲙⲟϥ .	Ⲁⲥⲓ̀ ⲉ̀ⲡ̀ϣⲱⲓ ϧⲉⲛⲡⲉϥϫⲱⲛⲧ: ⲟⲩⲟϩ ⲟⲩⲭ̀ⲣⲱⲙ ⲁϥⲙⲟϩ ⲛⲁϩⲣⲁϥ: ϩⲁⲛϫⲉⲃⲥ ⲛ̀ⲭ̀ⲣⲱⲙ ⲁⲩⲙⲟϩ ⲉ̀ⲃⲟⲗ ⲙ̀ⲙⲟϥ.	Asì èp̀ṡōi xenpefgōnt: ouoh ouk̀rōm afmoh nahraf: hanjevs ǹk̀rōm avmoh èvol m̀mof.	There went up a smoke in his wrath, and fire burst into a flame at his presence: coals were kindled at it.
17:10	ⲁϥⲣⲉⲕ ⲧ̀ⲫⲉ ⲁϥⲓ̀ ⲉ̀ⲡⲉⲥⲏⲧ ⲟⲩⲟϩ ⲟⲩⲅ̀ⲛⲟⲫⲟⲥ ⲁϥϣⲱⲡⲓ ϧⲁⲛⲉϥϭⲁⲗⲁⲩϫ .	Ⲁϥⲣⲉⲕ ⲧ̀ⲫⲉ ⲁϥⲓ̀ ⲉ̀ⲡⲉⲥⲏⲧ ⲟⲩⲟϩ ⲟⲩⲅ̀ⲛⲟⲫⲟⲥ ⲁϥϣⲱⲡⲓ ϧⲁ ⲛⲉϥϭⲁⲗⲁⲩϫ.	Afrek t̀fe afì èpesyt ouoh ouġ̀nofos afṡōpi xa nefċalavg.	And he bowed the heaven, and came down: and thick darkness was under his feet.
17:11	ⲁϥⲟⲗϥ ⲉ̀ϫⲉⲛⲛⲓⲭⲉⲣⲟⲩⲃⲓⲙ ⲟⲩⲟϩ ⲁϥϩⲁⲗⲁⲓ: ⲁϥϩⲁⲗⲁⲓ ⲉ̀ϫⲉⲛⲛⲓⲧⲉⲛϩ ⲛ̀ⲧⲉⲛⲓⲑⲏⲟⲩ: ⲁϥⲭⲱ ⲛ̀ⲟⲩⲭⲁⲕⲓ ⲛ̀ⲗⲓ ⲛⲁϥ: ⲥ̀ⲕⲱϯ ⲉ̀ⲣⲟϥ ⲛ̀ϫⲉⲧⲉϥⲥ̀ⲕⲏⲛⲏ .	Ⲁϥⲟⲗϥ ⲉ̀ϫⲉⲛ ⲛⲓⲭⲉⲣⲟⲩⲃⲓⲙ ⲟⲩⲟϩ ⲁϥϩⲁⲗⲁⲓ: ⲁϥϩⲁⲗⲁⲓ ⲉ̀ϫⲉⲛ ⲛⲓⲧⲉⲛϩ ⲛ̀ⲧⲉⲛⲓⲑⲏⲟⲩ: ⲁϥⲭⲱ ⲛ̀ⲟⲩⲭⲁⲕⲓ ⲛ̀ⲗⲓ ⲛⲁϥ: ⲥ̀ⲕⲱϯ ⲉ̀ⲣⲟϥ ⲛ̀ϫⲉ ⲧⲉϥⲥ̀ⲕⲩⲛⲏ.	Afolf èjen niṡeroubim ouoh afhalai: afhalai èjen nitenh ǹteniθyou: afkō ǹoukaki ǹli naf: s̀kōti èrof ǹje tefs̀kiny.	And he mounted on cherubs and flew: he flew on the wings of winds. And he made darkness his secret place: round about him was his tabernacle, even dark water in the clouds of the air.
17:12	ⲟⲩⲙⲱⲟⲩ ⲛ̀ⲭⲁⲕⲓ ϧⲉⲛⲛⲓϭⲏⲡⲓ ⲛ̀ⲧⲉⲡⲓⲁⲏⲣ ⲛ̀ⲧⲉⲛ: ⲡⲓⲙⲟⲩⲉ ⲛ̀ⲧⲉⲡⲉϥϩⲟ ⲁⲩⲥⲓⲛⲓ ⲛⲁϩⲣⲁϥ ⲛ̀ϫⲉϩⲁⲛϭⲏⲡⲓ ϩⲁⲛⲁⲗ ⲛⲉⲙϩⲁⲛϫⲉⲃⲥ ⲛ̀ⲭ̀ⲣⲱⲙ .	Ⲟⲩⲙⲱⲟⲩ ⲛ̀ⲭⲁⲕⲓ ϧⲉⲛ ⲛⲓϭⲏⲡⲓ ⲛ̀ⲧⲉ ⲡⲓⲁⲏⲣ ⲛ̀ⲧⲉⲛ: ⲡⲓⲙⲟⲩⲉ ⲛ̀ⲧⲉ ⲡⲉϥϩⲟ ⲁⲩⲥⲓⲛⲓ ⲛⲁϩⲣⲁϥ ⲛ̀ϫⲉ ϩⲁⲛϭⲏⲡⲓ ϩⲁⲛⲁⲗ ⲛⲉⲙ ϩⲁⲛϫⲉⲃⲥ ⲛ̀ⲭ̀ⲣⲱⲙ.	Oumōou ǹkaki xen niċypi ǹte piayr ǹten: pimoue ǹte pefho avsini nahraf ǹje hanċypi hanal nem hanjevs ǹk̀rōm.	At the brightness before him the clouds passed, hail and coals of fire.
17:13	ⲁϥⲉⲣϧⲁⲣⲁⲃⲁⲓ ⲉ̀ⲃⲟⲗ ϧⲉⲛⲧ̀ⲫⲉ ⲛ̀ϫⲉⲡϭⲟⲓⲥ ⲟⲩⲟϩ ⲡⲉⲧϭⲟⲥⲓ ⲁϥϯ ⲛ̀ⲧⲉϥⲥ̀ⲙⲏ .	Ⲁϥⲉⲣϧⲁⲣⲁⲃⲁⲓ ⲉ̀ⲃⲟⲗ ϧⲉⲛ ⲧ̀ⲫⲉ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲡⲉⲧϭⲟⲥⲓ ⲁϥϯ ⲛ̀ⲧⲉϥⲥ̀ⲙⲏ.	Aferxaravai èvol xen t̀fe ǹje p̀ċois ouoh petċosi afti ǹtefs̀my.	The Lord also thundered from heaven, and the Highest uttered his voice.
17:14	ⲁϥⲟⲩⲱⲣⲡ ⲛ̀ⲛⲉϥⲥⲟⲑⲛⲉϥ: ⲟⲩⲟϩ ⲁϥϫⲟⲣⲟⲩ ⲉ̀ⲃⲟⲗ: ⲁϥⲧⲁⲛϣⲟ ⲛ̀ⲛⲉϥⲥⲉⲧⲉⲃⲣⲏϫ ⲟⲩⲟϩ ⲁϥϣ̀ⲧⲉⲣⲑⲱⲣⲟⲩ .	Ⲁϥⲟⲩⲱⲣⲡ ⲛ̀ⲛⲉϥⲥⲟⲑⲛⲉϥ: ⲟⲩⲟϩ ⲁϥϫⲟⲣⲟⲩ ⲉ̀ⲃⲟⲗ: ⲁϥⲧⲁⲛϣⲟ ⲛ̀ⲛⲉϥⲥⲉⲧⲉⲃⲣⲏϫ ⲟⲩⲟϩ ⲁϥϣ̀ⲧⲉⲣⲑⲱⲣⲟⲩ.	Afouōrp ǹnefsoθnef: ouoh afgorou èvol: aftanṡo ǹnefsetevryg ouoh afṡ̀terθōrou.	And he sent forth his weapons, and scattered them; and multiplied lightnings, and routed them.
17:15	ⲁⲩⲟⲩⲱⲛϩ ⲉ̀ⲃⲟⲗ ⲛ̀ϫⲉⲛⲓⲙⲟⲩⲙⲓ ⲛ̀ⲧⲉⲛⲓⲙⲱⲟⲩ: ⲟⲩⲟϩ ⲛⲓⲥⲉⲛϯ ⲛ̀ⲧⲉϯⲟⲓⲕⲟⲩⲙⲉⲛⲏ ⲁⲩϭⲱⲣⲡ ⲉ̀ⲃⲟⲗ ⲛ̀ⲧⲉⲛⲧⲉⲕⲉ̀ⲡⲓⲧⲓⲙⲓⲁ ⲡϭⲟⲓⲥ: ⲛⲉⲙⲛ̀ⲧⲉⲛⲫ̀ⲛⲓϥⲓ ⲙ̀ⲡⲓⲡ̀ⲛⲉⲩⲙⲁ ⲛ̀ⲧⲉⲡⲉⲕⲙ̀ⲃⲟⲛ .	Ⲁⲩⲟⲩⲱⲛϩ ⲉ̀ⲃⲟⲗ ⲛ̀ϫⲉ ⲛⲓⲙⲟⲩⲙⲓ ⲛ̀ⲧⲉⲛⲓⲙⲱⲟⲩ: ⲟⲩⲟϩ ⲛⲓⲥⲉⲛϯ ⲛ̀ⲧⲉ ϯⲟⲓⲕⲟⲩⲙⲉⲛⲏ ⲁⲩϭⲱⲣⲡ ⲉ̀ⲃⲟⲗ ⲛ̀ⲧⲉⲛⲧⲉⲕⲉ̀ⲡⲓⲧⲓⲙⲓⲁ ⲡ̀ϭⲟⲓⲥ: ⲛⲉⲙ ⲛ̀ⲧⲉⲛ ⲫ̀ⲛⲓϥⲓ ⲛ̀ⲡⲓⲡ̀ⲛⲉⲩⲙⲁ ⲛ̀ⲧⲉ ⲡⲉⲕⲙ̀ⲃⲟⲛ.	Avouōnh èvol ǹje nimoumi ǹtenimōou: ouoh nisenti ǹte tioikoumeny avċōrp èvol ǹtentekèpitimia p̀ċois: nem ǹten f̀nifi ǹpip̀nevma ǹte pekm̀von.	And the springs of waters appeared, and the foundations of the world were exposed, at thy rebuke, O Lord, at the blasting of the breath of thy wrath.
17:16	ⲁϥⲟⲩⲱⲣⲡ ⲉ̀ⲃⲟⲗ ϧⲉⲛⲡ̀ϭⲓⲥⲓ ⲟⲩⲟϩ ⲁϥϭⲓⲧⲧ: ⲉ̀ⲁϥϣⲟⲡⲧ ⲉ̀ⲣⲟϥ ⲉ̀ⲃⲟⲗ ϧⲉⲛϩⲁⲛⲙⲱⲟⲩ ⲉⲩⲟϣ: ⲉϥⲉ̀ⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲉⲧϫⲟⲣ: ⲛⲉⲙⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲏⲉⲑⲙⲟⲥϯ ⲙ̀ⲙⲟⲓ .	Ⲁϥⲟⲩⲱⲣⲡ ⲉ̀ⲃⲟⲗ ϧⲉⲛ ⲡ̀ϭⲓⲥⲓ ⲟⲩⲟϩ ⲁϥϭⲓⲧⲧ: ⲉ̀ⲁϥϣⲟⲡⲧ ⲉ̀ⲣⲟϥ ⲉ̀ⲃⲟⲗ ϧⲉⲛ ϩⲁⲛⲙⲱⲟⲩ ⲉⲩⲟϣ: ⲉϥⲉ̀ⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲉⲧϫⲟⲣ: ⲛⲉⲙ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲏⲉⲑⲙⲟⲥϯ ⲙ̀ⲙⲟⲓ.	Afouōrp èvol xen p̀ċisi ouoh afċitt: èafṡopt èrof èvol xen hanmōou evoṡ: efènahmet èvol ǹtotou ǹnagaji etgor: nem èvol ǹtotou ǹnyeθmosti m̀moi.
17:17	ϫⲉⲁⲩⲧⲁϫⲣⲟ ⲉ̀ϩⲟⲧⲉⲣⲟⲓ: ⲁⲩⲉⲣϣⲟⲣⲡ ⲉ̀ⲣⲟⲓ ϧⲉⲛⲡ̀ⲉ̀ϩⲟⲟⲩ ⲛ̀ⲧⲉⲡⲁⲧ̀ϩⲉⲙⲕⲟ .	Ϫⲉ ⲁⲩⲧⲁϫⲣⲟ ⲉ̀ϩⲟⲧⲉⲣⲟⲓ: ⲁⲩⲉⲣϣⲟⲣⲡ ⲉ̀ⲣⲟⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲁⲧ̀ϩⲉⲙⲕⲟ.	Je avtagro èhoteroi: averṡorp èroi xen pièhoou ǹte pat̀·hemko.
17:18	ⲁ̀ ⲡϭⲟⲓⲥ ϣⲱⲡⲓ ⲛⲏⲓ ⲛ̀ⲟⲩⲧⲁϫⲣⲟ: ⲟⲩⲟϩ ⲁϥⲉⲛⲧ ⲉ̀ⲃⲟⲗ ⲉ̀ⲫ̀ⲟⲩⲟⲥⲑⲉⲛ ⲉϥⲉ̀ⲧⲟⲩϫⲟⲓ ϫⲉⲁϥⲟⲩⲁϣⲧ .	Ⲁ̀ ⲡ̀ϭⲟⲓⲥ ϣⲱⲡⲓ ⲛⲏⲓ ⲛ̀ⲟⲩⲧⲁϫⲣⲟ: ⲟⲩⲟϩ ⲁϥⲉⲛⲧ ⲉ̀ⲃⲟⲗ ⲉ̀ⲫ̀ⲟⲩⲟⲥⲑⲉⲛ ⲉϥⲉ̀ⲧⲟⲩϫⲟⲓ ϫⲉ ⲁϥⲟⲩⲁϣⲧ.	À p̀ċois ṡōpi nyi ǹoutagro: ouoh afent èvol èf̀ouosθen efètougoi je afouaṡt.
17:19	ⲉϥⲉ̀ⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲉⲧϫⲟⲣ: ⲛⲉⲙⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲏⲉⲑⲙⲟⲥϯ ⲙ̀ⲙⲟⲓ .	Ⲉϥⲉ̀ⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲉⲧϫⲟⲣ: ⲛⲉⲙ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲏⲉⲑⲙⲟⲥϯ ⲙ̀ⲙⲟⲓ.	Efènahmet èvol ǹtotou ǹnagaji etgor: nem èvol ǹtotou ǹnyeθmosti m̀moi.	draft · highHe will deliver me from my strong enemies and from those who hate me.
17:20	ⲟⲩⲟϩ ⲉϥⲉ̀ϯ ⲛⲏⲓ ⲛ̀ϫⲉⲡϭⲟⲓⲥ ⲕⲁⲧⲁⲧⲁⲙⲉⲑⲙⲏⲓ: ⲛⲉⲙⲕⲁⲧⲁⲡ̀ⲧⲟⲩⲃⲟ ⲛ̀ⲧⲉⲛⲁϫⲓϫ ⲉϥⲉ̀ϯ ⲛⲏⲓ ⲛ̀ⲧⲟⲩϣⲉⲃⲓⲱ .	Ⲟⲩⲟϩ ⲉϥⲉ̀ϯ ⲛⲏⲓ ⲛ̀ϫⲉ ⲡ̀ϭⲟⲓⲥ ⲕⲁⲧⲁⲧⲁⲙⲉⲑⲙⲏⲓ: ⲛⲉⲙ ⲕⲁⲧⲁ ⲡ̀ⲧⲟⲩⲃⲟ ⲛ̀ⲧⲉ ⲛⲁϫⲓϫ ⲉϥⲉ̀ϯ ⲛⲏⲓ ⲛ̀ⲧⲟⲩϣⲉⲃⲓⲱ.	Ouoh efèti nyi ǹje p̀ċois katatameθmyi: nem kata p̀touvo ǹte najig efèti nyi ǹtouṡeviō.	And the Lord will recompense me according to my righteousness; even according to the purity of my hands will he recompense me.
17:21	ϫⲉⲛⲓⲙⲱⲓⲧ ⲛ̀ⲧⲉⲡϭⲟⲓⲥ ⲁⲓⲁ̀ⲣⲉϩ ⲉ̀ⲣⲱⲟⲩ: ⲟⲩⲟϩ ⲙ̀ⲡⲓⲉⲣⲁⲥⲉⲃⲏⲥ ⲉ̀ⲃⲟⲗ ϩⲁⲡⲁⲛⲟⲩϯ .	Ϫⲉ ⲛⲓⲙⲱⲓⲧ ⲛ̀ⲧⲉ ⲡ̀ϭⲟⲓⲥ ⲁⲓⲁ̀ⲣⲉϩ ⲉ̀ⲣⲱⲟⲩ: ⲟⲩⲟϩ ⲙ̀ⲡⲓⲉⲣⲁⲥⲉⲃⲏⲥ ⲉ̀ⲃⲟⲗ ϩⲁ ⲡⲁⲛⲟⲩϯ.	Je nimōit ǹte p̀ċois aiàreh èrōou: ouoh m̀pierasebys èvol ha panouti.	For I have kept the way of the Lord and have not wickedly departed from my God.
17:22	ϫⲉⲛⲉϥϩⲁⲡ ⲧⲏⲣⲟⲩ ⲥⲉⲭⲏ ⲙ̀ⲡⲁⲙ̀ⲑⲟ ⲉ̀ⲃⲟⲗ: ⲟⲩⲟⲏ ⲛⲉϥⲙⲉⲑⲙⲏⲓ ⲙ̀ⲡⲓϩⲉⲛⲟⲩ ⲥⲁⲃⲟⲗ ⲙ̀ⲙⲟⲓ .	Ϫⲉ ⲛⲉϥϩⲁⲡ ⲧⲏⲣⲟⲩ ⲥⲉⲭⲏ ⲛ̀ⲡⲁⲙ̀ⲑⲟ ⲉ̀ⲃⲟⲗ: ⲟⲩⲟⲏ ⲛⲉϥⲙⲉⲑⲙⲏⲓ ⲙ̀ⲡⲓϩⲉⲛⲟⲩ ⲥⲁⲃⲟⲗ ⲙ̀ⲙⲟⲓ.	Je nefhap tyrou seky ǹpam̀θo èvol: ouoy nefmeθmyi m̀pihenou savol m̀moi.	For all his judgments were before me, and his ordinances departed not from me.
17:23	ⲉⲓⲉ̀ϣⲱⲡⲓ ⲉⲓⲟⲓ ⲛ̀ⲁⲧⲁϭⲛⲓ ⲛⲉⲙⲁϥ: ⲟⲩⲟϩ ⲉⲓⲉ̀ⲁⲣⲉϩ ⲉ̀ⲣⲟⲓ ⲥⲁⲃⲟⲗ ⲛ̀ⲧⲁⲁ̀ⲛⲟⲙⲓⲁ .	Ⲉⲓⲉ̀ϣⲱⲡⲓ ⲉⲓⲟⲓ ⲛ̀ⲁⲧⲁϭⲛⲓ ⲛⲉⲙⲁϥ: ⲟⲩⲟϩ ⲉⲓⲉ̀ⲁ̀ⲣⲉϩ ⲉ̀ⲣⲟⲓ ⲥⲁⲃⲟⲗ ⲛ̀ⲧⲁⲁ̀ⲛⲟⲙⲓⲁ.	Eièṡōpi eioi ǹataċni nemaf: ouoh eièàreh èroi savol ǹtaànomia.	And I shall be blameless with hem, and shall keep myself from mine iniquity.
17:24	ⲉϥⲉ̀ϯ ⲛⲏⲓ ⲛ̀ϫⲉⲡϭⲟⲓⲥ ⲕⲁⲧⲁⲧⲁⲙⲉⲑⲙⲏ:ⲓ ⲛⲉⲙⲕⲁⲧⲁⲡ̀ⲧⲟⲩⲃⲟ ⲛ̀ⲧⲉⲛⲁϫⲓϫ ⲙ̀ⲡⲉⲙ̀ⲑⲟ ⲛ̀ⲛⲉϥⲃⲁⲗ ⲉ̀ⲃⲟⲗ .	Ⲉϥⲉ̀ϯ ⲛⲏⲓ ⲛ̀ϫⲉ ⲡ̀ϭⲟⲓⲥ ⲕⲁⲧⲁⲧⲁⲙⲉⲑⲙⲏ: ⲓ̀ ⲛⲉⲙ ⲕⲁⲧⲁ ⲡ̀ⲧⲟⲩⲃⲟ ⲛ̀ⲧⲉ ⲛⲁϫⲓϫ ⲛ̀ⲡⲉⲙ̀ⲑⲟ ⲛ̀ⲛⲉϥⲃⲁⲗ ⲉ̀ⲃⲟⲗ.	Efèti nyi ǹje p̀ċois katatameθmy: ì nem kata p̀touvo ǹte najig ǹpem̀θo ǹnefval èvol.	And the Lord shall recompense me according to my righteousness, and according to the purity of my hands before his eyes.
17:25	ⲉⲕⲉ̀ⲧⲟⲩⲃⲟ ⲛⲉⲙⲫⲏⲉⲑⲟⲩⲁⲃ: ⲟⲩⲟϩ ⲉⲕⲉ̀ⲉⲣ ⲟⲩⲁⲑⲛⲟⲃⲓ ⲛⲉⲙⲟⲩⲣⲱⲙⲓ ⲛ̀ⲁⲑⲛⲟⲃⲓ .	Ⲉⲕⲉ̀ⲧⲟⲩⲃⲟ ⲛⲉⲙⲫⲏⲉⲑⲟⲩⲁⲃ: ⲟⲩⲟϩ ⲉⲕⲉ̀ⲉⲣ ⲟⲩⲁⲧⲛⲟⲃⲓ ⲛⲉⲙ ⲟⲩⲣⲱⲙⲓ ⲛ̀ⲁⲑⲛⲟⲃⲓ.	Ekètouvo nemfyeθouab: ouoh ekèer ouatnovi nem ourōmi ǹaθnovi.	With the holy thou wilt be holy; and with the innocent man thou wilt be innocent.
17:26	ⲉⲕⲉ̀ⲉⲣ ⲟⲩⲥⲱⲧⲡ ⲛⲉⲙⲟⲩⲥⲱⲧⲡ: ⲟⲩⲟϩ ⲉⲕⲉ̀ⲫⲟⲛϩⲕ ⲛⲉⲙⲟⲩⲥ̀ⲧⲣⲉⲃⲗⲁ .	Ⲉⲕⲉ̀ⲉⲣ ⲟⲩⲥⲱⲧⲡ ⲛⲉⲙⲟⲩⲥⲱⲧⲡ: ⲟⲩⲟϩ ⲉⲕⲉ̀ⲫⲟⲛϩⲕ ⲛⲉⲙ ⲟⲩⲥ̀ⲧⲣⲉⲃⲗⲁ.	Ekèer ousōtp nemousōtp: ouoh ekèfonhk nem ous̀trevla.	And with the excellent man thou wilt be excellent; and with the perverse thou wilt shew frowardness.
17:27	ϫⲉⲛ̀ⲑⲟⲕ ⲡϭⲟⲓⲥ ⲉⲑⲛⲁⲛⲟϩⲉⲙ ⲛ̀ⲟⲩⲗⲁⲟⲥ ⲉϥⲑⲉⲃⲓⲏⲟⲩⲧ: ⲟⲩⲟϩ ⲛⲉⲛⲃⲁⲗ ⲛ̀ⲛⲓⲣⲉϥϩⲓⲡ̀ϩⲟ ⲉⲕⲉ̀ⲑⲉⲃⲓⲱⲟⲩ .	Ϫⲉ ⲛ̀ⲑⲟⲕ ⲡ̀ϭⲟⲓⲥ ⲉⲑⲛⲁⲛⲟϩⲉⲙ ⲛ̀ⲟⲩⲗⲁⲟⲥ ⲉϥⲑⲉⲃⲓⲏⲟⲩⲧ: ⲟⲩⲟϩ ⲛⲉⲛⲃⲁⲗ ⲛ̀ⲛⲓⲣⲉϥϩⲓⲡ̀ϩⲟ ⲉ̀ⲕⲉ̀ⲑⲉⲃⲓⲱⲟⲩ.	Je ǹθok p̀ċois eθnanohem ǹoulaos efθeviyout: ouoh nenval ǹnirefhip̀ho èkèθeviōou.	For thou wilt save the lowly people, and wilt humble the eyes of the proud.
17:28	ϫⲉⲛ̀ⲑⲟⲕ ⲉⲑⲛⲁϯ ⲙ̀ⲫ̀ⲟⲩⲱⲓⲛⲓ ⲙ̀ⲡⲁϧⲏⲃⲥ . ⲡⲁⲛⲟⲩϯ ⲉϥⲉ̀ⲑ̀ⲣⲉ ⲡⲁⲭⲁⲕ ⲉⲣⲟⲩⲱⲓⲛⲓ .	Ϫⲉ ⲛ̀ⲑⲟⲕ ⲉⲑⲛⲁϯ ⲛ̀ⲫ̀ⲟⲩⲱⲓⲛⲓ ⲛ̀ⲡⲁϧⲏⲃⲥ. Ⲡⲁⲛⲟⲩϯ ⲉϥⲉ̀ⲑ̀ⲣⲉ ⲡⲁⲭⲁⲕ ⲉⲣⲟⲩⲱⲓⲛⲓ.	Je ǹθok eθnati ǹf̀ouōini ǹpaxyvs. Panouti efèθ̀re pakak erouōini.	For thou, O Lord, wilt light my lamp: my God, thou wilt lighten my darkness.
17:29	ϫⲉⲛ̀ϧ̀ⲣⲏⲓ ⲛ̀ϧⲏⲧⲕ ⲉⲓⲉ̀ⲛⲟϩⲉⲙ ⲉ̀ⲃⲟⲗ ⲛ̀ⲧⲟⲧϥ ⲛ̀ⲟⲩⲙⲁⲛ̀ϭⲱⲛⲧ: ⲟⲩⲟϩ ϧⲉⲛⲡⲁⲛⲟⲩϯ ⲉⲓⲉ̀ⲟⲩⲱⲧⲉⲃ ⲛ̀ⲟⲩⲥⲟⲃⲧ .	Ϫⲉ ⲛ̀ϧ̀ⲣⲏⲓ ⲛ̀ϧⲏⲧⲕ ⲉⲓⲉ̀ⲛⲟϩⲉⲙ ⲉ̀ⲃⲟⲗ ⲛ̀ⲧⲟⲧϥ ⲛ̀ⲟⲩⲙⲁⲛ̀ϭⲱⲛⲧ: ⲟⲩⲟϩ ϧⲉⲛ ⲡⲁⲛⲟⲩϯ ⲉⲓⲉ̀ⲟⲩⲱⲧⲉⲃ ⲛ̀ⲟⲩⲥⲟⲃⲧ.	Je ǹx̀ryi ǹxytk eiènohem èvol ǹtotf ǹoumaǹċōnt: ouoh xen panouti eièouōteb ǹousovt.	For by thee shall I be delivered from a troop; and by my God I will pass over a wall.
17:30	ⲡⲁⲛⲟⲩϯ ϥ̀ⲧⲟⲩⲃⲏⲟⲩⲧ ⲛ̀ϫⲉⲡⲉϥⲙⲱⲓⲧ: ⲛⲉⲛⲥⲁϫⲓ ⲙ̀ⲡϭⲟⲓⲥ ⲥⲉⲫⲟⲥⲓ ϧⲉⲛⲟⲩⲭ̀ⲣⲱⲙ: ⲫ̀ⲛⲁϣϯ ⲡⲉ ⲛ̀ⲟⲩⲟⲛ ⲛⲓⲃⲉⲛ ⲉⲧⲉⲣϩⲉⲗⲡⲓⲥ ⲉ̀ⲣⲟϥ .	Ⲡⲁⲛⲟⲩϯ ϥ̀ⲧⲟⲩⲃⲏⲟⲩⲧ ⲛ̀ϫⲉⲡⲉϥⲙⲱⲓⲧ: ⲛⲉⲛⲥⲁϫⲓ ⲛ̀ⲡ̀ϭⲟⲓⲥ ⲥⲉⲫⲟⲥⲓ ϧⲉⲛⲟⲩⲭ̀ⲣⲱⲙ: ⲫ̀ⲛⲁϣϯ ⲡⲉ ⲛ̀ⲟⲩⲟⲛ ⲛⲓⲃⲉⲛ ⲉⲧⲉⲣϩⲉⲗⲡⲓⲥ ⲉ̀ⲣⲟϥ.	Panouti f̀touvyout ǹjepefmōit: nensaji ǹp̀ċois sefosi xenouk̀rōm: f̀naṡti pe ǹouon niven eterhelpis èrof.	As for my God, his way is perfect: the oracles of the Lord are tried in the fire; he is a protector of all them that hope in him.
17:31	ϫⲉⲛⲓⲙ ⲡⲉ ⲫⲛⲟⲩϯ ⲉ̀ⲃⲏⲗ ⲉ̀ⲡϭⲟⲓⲥ: ⲟⲩⲟϩ ⲛⲓⲙ ⲡⲉ ⲫⲛⲟⲩϯ ⲉ̀ⲃⲏⲗ ⲉ̀ⲡⲉⲛⲛⲟⲩϯ	Ϫⲉ ⲛⲓⲙ ⲡⲉ ⲫ̀ⲛⲟⲩϯ ⲉ̀ⲃⲏⲗ ⲉ̀ⲡ̀ϭⲟⲓⲥ: ⲟⲩⲟϩ ⲛⲓⲙ ⲡⲉ ⲫ̀ⲛⲟⲩϯ ⲉ̀ⲃⲏⲗ ⲉ̀ⲡⲉⲛⲛⲟⲩϯ	Je nim pe f̀nouti èvyl èp̀ċois: ouoh nim pe f̀nouti èvyl èpennouti	For who is God but the Lord? and who is a God except our God?
17:32	ⲫⲛⲟⲩϯ ⲡⲉⲑⲙⲟⲩⲣ ⲙ̀ⲙⲟⲓ ⲛ̀ⲟⲩϫⲟⲙ: ⲟⲩⲟϩ ⲁϥⲭⲱ ⲙ̀ⲡⲁⲙⲱⲓⲧ ⲉϥⲟⲓ ⲛ̀ⲁⲧⲁϭⲛⲓ .	ⲫ̀ⲛⲟⲩϯ ⲡⲉⲑⲙⲟⲩⲣ ⲙ̀ⲙⲟⲓ ⲛ̀ⲟⲩϫⲟⲙ: ⲟⲩⲟϩ ⲁϥⲭⲱ ⲛ̀ⲡⲁⲙⲱⲓⲧ ⲉϥⲟⲓ ⲛ̀ⲁⲧⲁϭⲛⲓ.	f̀nouti peθmour m̀moi ǹougom: ouoh afkō ǹpamōit efoi ǹataċni.	It is God that girds me with strength, and has made my way blameless:
17:33	ⲫⲏⲉⲧⲥⲟⲃϯ ⲛ̀ⲛⲁϭⲁⲗⲁⲩϫ ⲙ̀ⲫ̀ⲣⲏϯ ⲛ̀ⲛⲁⲟⲩⲉⲓⲟⲩⲗ: ⲟⲩⲟϩ ⲉϥⲧⲁϩⲟ ⲙ̀ⲙⲟⲓ ⲉ̀ⲣⲁⲧⲉ̀ϫⲉⲛⲛⲏⲉⲧϭⲟⲥⲓ ⲛ̀ⲧⲁϥ .	Ⲫⲏⲉⲧⲥⲟⲃϯ ⲛ̀ⲛⲁϭⲁⲗⲁⲩϫ ⲛ̀ⲫ̀ⲣⲏϯ ⲛ̀ⲛⲁⲟⲩⲉⲓⲟⲩⲗ: ⲟⲩⲟϩ ⲉϥⲧⲁϩⲟ ⲙ̀ⲙⲟⲓ ⲉ̀ⲣⲁⲧⲉ̀ϫⲉⲛ ⲛⲏⲉⲧϭⲟⲥⲓ ⲛ̀ⲧⲁϥ.	Fyetsovti ǹnaċalavg ǹf̀ryti ǹnaoueioul: ouoh eftaho m̀moi èratèjen nyetċosi ǹtaf.
17:34	ⲫⲏⲉⲧϯⲥ̀ⲃⲱ ⲛ̀ⲛⲁϫⲓϫ ⲉ̀ⲡⲓⲡⲟⲗⲉⲙⲟⲥ: ⲁϥⲭⲱ ⲛ̀ⲛⲁϣⲱⲃϣ ⲉ̀ϩⲁⲛⲫⲓϯ ⲛ̀ϩⲟⲙⲧ .	Ⲫⲏⲉⲧϯⲥ̀ⲃⲱ ⲛ̀ⲛⲁϫⲓϫ ⲉ̀ⲡⲓⲡⲟⲗⲉⲙⲟⲥ: ⲁϥⲭⲱ ⲛ̀ⲛⲁϣⲱⲃϣ ⲉ̀ϩⲁⲛⲫⲓϯ ⲛ̀ϩⲟⲙⲧ.	Fyettis̀vō ǹnajig èpipolemos: afkō ǹnaṡōvṡ èhanfiti ǹhomt.	He instructs my hands for war: and thou hast made my arms as a brazen bow.
17:35	ⲁⲕϯ ⲛⲏⲓ ⲙⲫ̀ⲛⲁϣϯ ⲛ̀ⲧⲉⲡⲁⲟⲩϫⲁⲓ: ⲟⲩⲟϩ ⲧⲉⲕⲟⲩⲓ̀ⲛⲁⲙ ⲡⲉⲧⲁⲥϣⲟⲡⲧ ⲉ̀ⲣⲟⲥ .	Ⲁⲕϯ ⲛⲏⲓ ⲛ̀ⲫ̀ⲛⲁϣϯ ⲛ̀ⲧⲉⲡⲁⲟⲩϫⲁⲓ: ⲟⲩⲟϩ ⲧⲉⲕⲟⲩⲓ̀ⲛⲁⲙ ⲡⲉⲧⲁⲥϣⲟⲡⲧ ⲉ̀ⲣⲟⲥ.	Akti nyi ǹf̀naṡti ǹtepaougai: ouoh tekouìnam petasṡopt èros.	And thou hast made me secure in my salvation: and thy right hand has helped me, and thy correction has upheld me to the end; yea, thy correction itself shall instruct me.
17:36	ⲟⲩⲟϩ ⲧⲉⲕⲥ̀ⲃⲱ ⲡⲉⲧⲁⲥⲧⲁϩⲟⲓ ⲉ̀ⲣⲁⲧϣⲁⲉ̀ⲃⲟⲗ: ⲟⲩⲟϩ ⲧⲉⲕⲥⲟⲫⲓⲁ ⲡⲉⲑⲛⲁⲧ̀ⲥⲁⲃⲟⲓ .	Ⲟⲩⲟϩ ⲧⲉⲕⲥ̀ⲃⲱ ⲡⲉⲧⲁⲥⲧⲁϩⲟⲓ ⲉ̀ⲣⲁⲧϣⲁⲉ̀ⲃⲟⲗ: ⲟⲩⲟϩ ⲧⲉⲕⲥⲟⲫⲓⲁ ⲡⲉⲑⲛⲁⲧ̀ⲥⲁⲃⲟⲓ.	Ouoh tek·s̀vō petastahoi èratṡaèvol: ouoh tek·sofia peθnat̀savoi.	And thou hast made me secure in my salvation: and thy right hand has helped me, and thy correction has upheld me to the end; yea, thy correction itself shall instruct me.
17:37	ⲁⲕⲟⲩⲟⲥⲑⲉⲛ ⲛ̀ⲛⲁⲛⲁⲩⲃⲉⲛ ⲥⲁⲡⲉⲥⲏⲧ ⲙ̀ⲙⲟⲓ: ⲟⲩⲟϩ ⲛⲁⲧⲁⲧⲥⲓ ⲙ̀ⲡⲟⲩⲥⲱⲛⲓ .	Ⲁⲭⲟⲩⲟⲥⲑⲉⲛ ⲛ̀ⲛⲁⲛⲁⲩⲃⲉⲛ ⲥⲁⲡⲉⲥⲏⲧ ⲙ̀ⲙⲟⲓ: ⲟⲩⲟϩ ⲛⲁⲧⲁⲧⲥⲓ ⲛ̀ⲡⲟⲩⲥⲱⲛⲓ.	Akouosθen ǹnanavven sapesyt m̀moi: ouoh natatsi ǹpousōni.	Thou has made room for my goings under me, and by footsteps did not fail.
17:38	ⲉⲓⲉ̀ϭⲟϫⲓ ⲛ̀ⲥⲁⲛⲁϫⲁϫⲓ ⲉⲓⲉ̀ⲧⲁϩⲱⲟⲩ: ⲟⲩⲟϩ ⲛ̀ⲛⲁⲕⲟⲧⲧ ⲉ̀ⲫⲁϩⲟⲩ ϣⲁⲧⲟⲩⲙⲟⲩⲛⲕ .	Ⲉⲓⲉ̀ϭⲟϫⲓ ⲛ̀ⲥⲁ ⲛⲁϫⲁϫⲓ ⲉⲓⲉ̀ⲧⲁϩⲱⲟⲩ: ⲟⲩⲟϩ ⲛ̀ⲛⲁⲕⲟⲧⲧ ⲉ̀ⲫⲁϩⲟⲩ ϣⲁ ⲧⲟⲩⲙⲟⲩⲛⲕ.	Eièċoji ǹsa nagaji eiètahōou: ouoh ǹnakott èfahou ṡa toumounk.	I will pursue mine enemies, and overtake them; and I will not turn back until they are consumed.
17:39	ⲉⲓⲉ̀ϩⲉϫϩⲱϫⲟⲩ ⲟⲩⲟϩ ⲛ̀ⲛⲟⲩϣ̀ϫⲉⲙϫⲟⲙ ⲛ̀ⲟϩⲓ ⲉ̀ⲣⲁⲧⲟⲩ: ⲉⲩⲉ̀ϩⲉⲓ ϧⲁⲣⲁⲧⲟⲩ ⲛ̀ⲛⲁϭⲁⲗⲁⲩϫ .	Ⲉⲓⲉ̀ϩⲉϫϩⲱϫⲟⲩ ⲟⲩⲟϩ ⲛ̀ⲛⲟⲩϣ̀ϫⲉⲙϫⲟⲙ ⲛ̀ⲟ̀ϩⲓ ⲉ̀ⲣⲁⲧⲟⲩ: ⲉⲩⲉ̀ϩⲉⲓ ϧⲁⲣⲁⲧⲟⲩ ⲛ̀ⲛⲁϭⲁⲗⲁⲩϫ.	Eièheghōgou ouoh ǹnouṡ̀jemgom ǹòhi èratou: evèhei xaratou ǹnaċalavg.	I will dash them to pieces and they shall not be able to stand: they shall fall under my feet.
17:40	ⲁⲕⲙⲟⲣⲧ ⲛ̀ⲟⲩϫⲟⲙ ⲉ̀ⲡⲓⲡⲟⲗⲉⲙⲟⲥ ⲟⲩⲟϩ ⲁⲕⲥⲉⲛϩ ⲟⲩⲟⲛ ⲛⲓⲃⲉⲛ ⲉ̀ⲧⲁⲩⲧⲱⲟⲩⲛⲟⲩ ⲉ̀ϩ̀ⲣⲏⲓ ⲉ̀ϫⲱⲓ ⲥⲁⲡⲉⲥⲏⲧ ⲙ̀ⲙⲟⲓ .	Ⲁⲭⲙⲟⲣⲧ ⲛ̀ⲟⲩϫⲟⲙ ⲉ̀ⲡⲓⲡⲟⲗⲉⲙⲟⲥ ⲟⲩⲟϩ ⲁⲕⲥⲉⲛϩ ⲟⲩⲟⲛ ⲛⲓⲃⲉⲛ ⲉ̀ⲧⲁⲩⲧⲱⲟⲩⲛⲟⲩ ⲉ̀ϩ̀ⲣⲏⲓ ⲉ̀ϫⲱⲓ ⲥⲁⲡⲉⲥⲏⲧ ⲙ̀ⲙⲟⲓ.	Akmort ǹougom èpipolemos ouoh ak·senh ouon niven ètavtōounou èh̀ryi ègōi sapesyt m̀moi.	For thou hast girded me with strength for war: thou hast beaten down under me all that rose up against me.
17:41	ⲁⲕϯ ⲛⲏⲓ ⲛ̀ⲛⲁϫⲁϫⲓ ⲉⲩⲣⲁϧⲧ ⲉ̀ϫⲉⲛⲡ̀ⲟⲩⲥⲟⲓ: ⲟⲩⲟϩ ⲛⲏⲉⲑⲙⲟⲥϯ ⲙ̀ⲙⲟⲓ ⲁⲕϥ̀ⲟⲧⲟⲩ ⲉ̀ⲃⲟⲗ .	Ⲁⲕϯ ⲛⲏⲓ ⲛ̀ⲛⲁϫⲁϫⲓ ⲉⲩⲣⲁϧⲧ ⲉ̀ϫⲉⲛⲡ̀ⲟⲩⲥⲟⲓ: ⲟⲩⲟϩ ⲛⲏⲉⲑⲙⲟⲥϯ ⲙ̀ⲙⲟⲓ ⲁⲕϥ̀ⲟⲧⲟⲩ ⲉ̀ⲃⲟⲗ.	Akti nyi ǹnagaji evraxt èjenp̀ousoi: ouoh nyeθmosti m̀moi akf̀otou èvol.	And thou has made mine enemies turn their backs before me; and thou hast destroyed them that hated me.
17:42	ⲁⲩⲱϣ ⲉ̀ⲃⲟⲗ: ⲙ̀ⲙⲟⲛ ⲡⲉⲑⲛⲟϩⲉⲙ: ⲉ̀ϩ̀ⲣⲏⲓ ϩⲁⲡϭⲟⲓⲥ ⲟⲩⲟϩ ⲙ̀ⲡⲉϥⲥⲱⲧⲉⲙ ⲉ̀ⲣⲱⲟⲩ . ⲉⲓⲉ̀ⲑⲣⲟⲩϣ̀ⲙⲁ ⲙ̀ⲫ̀ⲣⲏϯ ⲛ̀ⲟⲩϣⲱⲓϣ ⲙ̀ⲡⲉⲙ̀ⲑⲟ ⲛ̀ⲟⲩⲑⲏⲟⲩ: ⲛⲉⲙⲙ̀ⲫ̀ⲣⲏϯ ⲛ̀ⲟⲩⲟⲙⲓ ⲛ̀ⲧⲉϩⲁⲛϣ̀ⲑⲉϩ ⲉⲓⲉ̀ϥⲟⲧⲟⲩ ⲉ̀ⲃⲟⲗ .	Ⲁⲩⲱϣ ⲉ̀ⲃⲟⲗ: ⲙ̀ⲙⲟⲛ ⲡⲉⲑⲛⲟϩⲉⲙ: ⲉ̀ϩ̀ⲣⲏⲓ ϩⲁ ⲡ̀ϭⲟⲓⲥ ⲟⲩⲟϩ ⲙ̀ⲡⲉϥⲥⲱⲧⲉⲙ ⲉ̀ⲣⲱⲟⲩ. Ⲓⲉ̀ⲑⲣⲟⲩϣ̀ⲙⲁ ⲛ̀ⲫ̀ⲣⲏϯ ⲛ̀ⲟⲩϣⲱⲓϣ ⲛ̀ⲡⲉⲙ̀ⲑⲟ ⲛ̀ⲟⲩⲑⲏⲟⲩ: ⲛⲉⲙ ⲛ̀ⲫ̀ⲣⲏϯ ⲛ̀ⲟⲩⲟⲙⲓ ⲛ̀ⲧⲉ ϩⲁⲛϣ̀ⲑⲉϩ ⲉⲓⲉ̀ϥⲟⲧⲟⲩ ⲉ̀ⲃⲟⲗ.	Avōṡ èvol: m̀mon peθnohem: èh̀ryi ha p̀ċois ouoh m̀pefsōtem èrōou. Ièθrouṡ̀ma ǹf̀ryti ǹouṡōiṡ ǹpem̀θo ǹouθyou: nem ǹf̀ryti ǹouomi ǹte hanṡ̀θeh eièfotou èvol.
17:43	ⲛⲁϩⲙⲉⲧ ⲉ̀ⲃⲟⲗ ϧⲉⲛϩⲁⲛⲁⲛⲧⲓⲗⲟⲅⲓⲁ ⲛ̀ⲧⲉⲟⲩⲗⲁⲟⲥ: ⲟⲩⲟϩ ⲉⲕⲉ̀ⲁⲓⲧ ⲛ̀ϫⲱϫ ⲛ̀ⲧⲉϩⲁⲛⲉⲑⲛⲟⲥ .	Ⲛⲁϩⲙⲉⲧ ⲉ̀ⲃⲟⲗ ϧⲉⲛ ϩⲁⲛⲁⲛⲧⲓⲗⲟⲅⲓⲁ ⲛ̀ⲧⲉⲟⲩⲗⲁⲟⲥ: ⲟⲩⲟϩ ⲉⲕⲉ̀ⲁⲓⲧ ⲛ̀ϫⲱϫ ⲛ̀ⲧⲉ ϩⲁⲛⲉⲑⲛⲟⲥ.	Nahmet èvol xen hanantilogia ǹteoulaos: ouoh ekèait ǹgōg ǹte haneθnos.	Deliver me from the gain sayings of the people: thou shalt make me head of the Gentiles: a people whom I knew not served me,
17:44	ⲡⲓⲗⲁⲟⲥ ⲉ̀ⲧⲉⲙ̀ⲡⲓⲥⲟⲩⲱⲛϥ ⲁϥⲉⲣⲃⲱⲕ ⲛⲏⲓ: ϧⲉⲛⲟⲩⲥ̀ⲙⲏ ⲙ̀ⲙⲁϣϫ ⲁϥⲥⲱⲧⲉⲙ ⲉ̀ⲣⲟⲓ .	Ⲡⲓⲗⲁⲟⲥ ⲉ̀ⲧⲉ ⲙ̀ⲡⲓⲥⲟⲩⲱⲛϥ ⲁϥⲉⲣⲃⲱⲕ ⲛⲏⲓ: ϧⲉⲛ ⲟⲩⲥ̀ⲙⲏ ⲛ̀ⲙⲁϣϫ ⲁϥⲥⲱⲧⲉⲙ ⲉ̀ⲣⲟⲓ.	Pilaos ète m̀pisouōnf afervōk nyi: xen ous̀my ǹmaṡg afsōtem èroi.
17:45	ϩⲁⲛϣ̀ⲏⲣⲓ ⲛ̀ϣⲉⲙⲙⲟ ⲁⲩϫⲉ ⲙⲉⲑⲛⲟⲩϫ ⲉ̀ⲣⲟⲓ: ϩⲁⲛϣⲏⲣⲓ ⲛ̀ϣⲉⲙⲙⲟ ⲁⲩⲉⲣⲁⲡⲁⲥ: ⲁⲩⲉⲣϭⲁⲗⲉ ⲉ̀ⲃⲟⲗ ϧⲉⲛⲛⲟⲩⲙⲱⲓⲧ .	Ϩⲁⲛϣ̀ⲏⲣⲓ ⲛ̀ϣⲉⲙⲙⲟ ⲁⲩϫⲉ ⲙⲉⲑⲛⲟⲩϫ ⲉ̀ⲣⲟⲓ: ϩⲁⲛϣⲏⲣⲓ ⲛ̀ϣⲉⲙⲙⲟ ⲁⲩⲉⲣⲁⲡⲁⲥ: ⲁⲩⲉⲣϭⲁⲗⲉ ⲉ̀ⲃⲟⲗ ϧⲉⲛ ⲛⲟⲩⲙⲱⲓⲧ.	Hanṡ̀yri ǹṡemmo avje meθnoug èroi: hanṡyri ǹṡemmo averapas: averċale èvol xen noumōit.	The strange children waxed old, and fell away from their paths through lameness.
17:46	ϥ̀ⲟⲛϧ ⲛ̀ϫⲉⲡϭⲟⲓⲥ: ⲟⲩⲟϩ ϥ̀ⲥ̀ⲙⲁⲣⲱⲟⲩⲧ ⲛ̀ϫⲉⲡⲁⲛⲟⲩϯ: ⲟⲩⲟϩ ⲉϥⲉ̀ϭⲓⲥⲓ ⲛ̀ϫⲉⲫⲛⲟⲩϯ ⲛ̀ⲧⲉⲡⲁⲟⲩϫⲁⲓ .	Ϥ̀ⲟⲛϧ ⲛ̀ϫⲉⲡϭⲟⲓⲥ: ⲟⲩⲟϩ ϥ̀ⲥ̀ⲙⲁⲣⲱⲟⲩⲧ ⲛ̀ϫⲉⲡⲁⲛⲟⲩϯ: ⲟⲩⲟϩ ⲉϥⲉ̀ϭⲓⲥⲓ ⲛ̀ϫⲉ ⲫ̀ⲛⲟⲩϯ ⲛ̀ⲧⲉ ⲡⲁⲟⲩϫⲁⲓ.	F̀onx ǹjepċois: ouoh f̀s̀marōout ǹjepanouti: ouoh efèċisi ǹje f̀nouti ǹte paougai.	The Lord lives; and blessed be my God; and let the God of my salvation be exalted.
17:47	ⲫⲛⲟⲩϯ ⲫⲏⲉⲧϯ ⲛⲏⲓ ⲛ̀ϩⲁⲛϭⲓⲙ̀ⲡ̀ϣⲓϣ: ⲁϥⲑ̀ⲣⲉ ϩⲁⲛⲗⲁⲟⲥ ⲉϭⲛⲉϫⲱⲟⲩ ⲛⲏⲓ .	Ⲫ̀ⲛⲟⲩϯ ⲫⲏⲉⲧϯ ⲛⲏⲓ ⲛ̀ϩⲁⲛϭⲓⲙ̀ⲡ̀ϣⲓϣ: ⲁϥⲑ̀ⲣⲉ ϩⲁⲛⲗⲁⲟⲥ ⲉ̀ϭⲛⲉϫⲱⲟⲩ ⲛⲏⲓ.	F̀nouti fyetti nyi ǹhanċim̀p̀ṡiṡ: afθ̀re hanlaos èċnegōou nyi.	It is God that avenges me, and has subdued the nations under me;
17:48	ⲡⲁⲣⲉϥⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲛ̀ⲣⲉϥϫⲱⲛⲧ: ⲛⲉⲙⲉ̀ⲃⲟⲗ ⲛ̀ⲧⲟⲧⲟⲩ ⲛⲏⲉⲧⲧⲱⲟⲩⲛ ⲙ̀ⲙⲱⲟⲩ ⲉ̀ϩ̀ⲣⲏⲓ ⲉ̀ϫⲱⲓ ⲉⲕⲉ̀ϭⲁⲥⲧ: ⲛⲁϩⲙⲉⲧ ⲉ̀ⲃⲟⲗ ϩⲁⲟⲩⲣⲱⲙⲓ ⲛ̀ⲟϫⲓ .	Ⲡⲁⲣⲉϥⲛⲁϩⲙⲉⲧ ⲉ̀ⲃⲟⲗ ⲛ̀ⲧⲟⲧⲟⲩ ⲛ̀ⲛⲁϫⲁϫⲓ ⲛ̀ⲣⲉϥϫⲱⲛⲧ: ⲛⲉⲙ ⲉ̀ⲃⲟⲗ ⲛ̀ⲧⲟⲧⲟⲩ ⲛⲏⲉⲧⲧⲱⲟⲩⲛ ⲙ̀ⲙⲱⲟⲩ ⲉ̀ϩ̀ⲣⲏⲓ ⲉ̀ϫⲱⲓ ⲉⲕⲉ̀ϭⲁⲥⲧ: ⲛⲁϩⲙⲉⲧ ⲉ̀ⲃⲟⲗ ϩⲁ ⲟⲩⲣⲱⲙⲓ ⲛ̀ⲟ̀ϫⲓ.	Parefnahmet èvol ǹtotou ǹnagaji ǹrefgōnt: nem èvol ǹtotou nyettōoun m̀mōou èh̀ryi ègōi ekèċast: nahmet èvol ha ourōmi ǹòji.	my deliverer from angry enemies: thou shalt set me on high above them that rise up against me: thou shalt deliver me from the unrighteous man.
17:49	ⲉⲑⲃⲉⲫⲁⲓ ϯⲛⲁⲟⲩⲱⲛϩ ⲛⲁⲕ ⲉ̀ⲃⲟⲗ ⲡϭⲟⲓⲥ ϧⲉⲛⲛⲓⲉⲑⲛⲟⲥ .	Ⲉⲑⲃⲉ ⲫⲁⲓ ϯⲛⲁⲟⲩⲱⲛϩ ⲛⲁⲕ ⲉ̀ⲃⲟⲗ ⲡ̀ϭⲟⲓⲥ ϧⲉⲛ ⲛⲓⲉⲑⲛⲟⲥ.	Eθve fai tinaouōnh nak èvol p̀ċois xen nieθnos.	Therefore will I confess to thee, O Lord, among the Gentiles, and sing to thy name.
17:50	ⲟⲩⲟϩ ϯⲛⲁⲉⲣ\'ⲁⲗⲓⲛ ⲉ̀ⲡⲉⲕⲣⲁⲛ ⲫⲏⲉⲧϭⲓⲥⲓ ⲛ̀ⲛⲓⲟⲩϫⲁⲓ ⲛ̀ⲧⲉⲡⲉϥⲟⲩⲣⲟ .	Ⲟⲩⲟϩ ϯⲛⲁⲉⲣ\'ⲁⲗⲓⲛ ⲉ̀ⲡⲉⲕⲣⲁⲛ ⲫⲏⲉⲧϭⲓⲥⲓ ⲛ̀ⲛⲓⲟⲩϫⲁⲓ ⲛ̀ⲧⲉ ⲡⲉϥⲟⲩⲣⲟ.	Ouoh tinaer\'alin èpekran fyetċisi ǹniougai ǹte pefouro.	God magnifies the deliverances of his king; and deals mercifully with David his anointed, and his seed, for ever.
17:51	ⲟⲩⲟϩ ⲉϥⲓ̀ⲣⲓ ⲛ̀ⲟⲩⲛⲁⲓ ⲛⲉⲙⲡⲉϥⲭ̀ⲣⲓⲥⲧⲟⲥ ⲇⲁⲩⲓⲇ ⲛⲉⲙⲡⲉϥϫ̀ⲣⲟϫ ϣⲁⲉ̀ⲛⲉϩ .	Ⲟⲩⲟϩ ⲉϥⲓ̀ⲣⲓ ⲛ̀ⲟⲩⲛⲁⲓ ⲛⲉⲙ ⲡⲉϥⲭ̀ⲣⲓⲥⲧⲟⲥ ⲇⲁⲩⲓⲇ ⲛⲉⲙ ⲡⲉϥϫ̀ⲣⲟϫ ϣⲁ ⲉ̀ⲛⲉϩ.	Ouoh efìri ǹounai nem pefx̀ristos david nem pefg̀rog ṡa èneh.	God magnifies the deliverances of his king; and deals mercifully with David his anointed, and his seed, for ever.

Provenance

title: 19_Psalmi_17
dialect: bohairic
source: Coptic SCRIPTORIUM corpus "bohairic.ot", document 19_Psalmi_017
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 19_Psalmi_17 from Coptic SCRIPTORIUM (https://copticscriptorium.org), corpus bohairic.ot, document 19_Psalmi_017, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Psalms/017.bohairic.scriptorium.L0.txt
title: 19_Psalmi_17 — Cairene
dialect: bohairic
source: generated from 017.bohairic.scriptorium.L0.txt (Coptic SCRIPTORIUM corpus "bohairic.ot", document 19_Psalmi_017)
licence: CC BY-SA 4.0
share: attribution
attribution: 19_Psalmi_17 from Coptic SCRIPTORIUM (https://copticscriptorium.org), corpus bohairic.ot, document 19_Psalmi_017, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Psalms/017.bohairic.scriptorium.L1.txt
title: 19_Psalmi_17 — Kemetic
dialect: bohairic
source: generated from 017.bohairic.scriptorium.L1.txt
licence: CC BY-SA 4.0
share: attribution
attribution: 19_Psalmi_17 from Coptic SCRIPTORIUM (https://copticscriptorium.org), corpus bohairic.ot, document 19_Psalmi_017, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Psalms/017.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 44 quoted · 0 quoted with the alignment not cross-checked · 2 model drafts (marked “draft”)
quoted from: Brenton's Septuagint (1851), Psalms 17:1–2 — Coptic SCRIPTORIUM bohairic.ot, 19_Psalmi_017, verse 17:1, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: Brenton's Septuagint (1851), Psalms 17:2 — Coptic SCRIPTORIUM bohairic.ot, 19_Psalmi_017, verse 17:2, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: Brenton's Septuagint (1851), Psalms 17:3 — Coptic SCRIPTORIUM bohairic.ot, 19_Psalmi_017, verse 17:3, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: Brenton's Septuagint (1851), Psalms 17:4 — Coptic SCRIPTORIUM bohairic.ot, 19_Psalmi_017, verse 17:4, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: Brenton's Septuagint (1851), Psalms 17:5 — Coptic SCRIPTORIUM bohairic.ot, 19_Psalmi_017, verse 17:5, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: Brenton's Septuagint (1851), Psalms 17:6 — Coptic SCRIPTORIUM bohairic.ot, 19_Psalmi_017, verse 17:6, re-aligned by content (PSALTER): SCRIPTORIUM attaches its Psalter English by verse number, where its Coptic divides the verses otherwise (translation/psalter_alignment.tsv: aligned · both releases) (1 lines)
quoted from: and 38 further credits

Cite as:

19_Psalmi_17. Coptic SCRIPTORIUM corpus "bohairic.ot", document 19_Psalmi_017. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/psalms/017.bohairic.scriptorium/. 19_Psalmi_17 from Coptic SCRIPTORIUM (https://copticscriptorium.org), corpus bohairic.ot, document 19_Psalmi_017, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.