Life of Isaac of Alexandria - part 1 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic-life-isaac", document bohairic.life.isaac01

Attribution: Life of Isaac of Alexandria - part 1 from Coptic SCRIPTORIUM (https://copticscriptorium.org), corpus bohairic-life-isaac, document bohairic.life.isaac01, version 6.2.0 (2025-11-25), annotations by Lydia Bremer-McCollum, Amir Zeldes, Caroline T. Schroeder; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

143 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	ⲫⲃⲓⲟⲥ ⲙⲡⲓⲡⲁⲧⲣⲓⲁⲣⲭⲏⲥ ⲉⲑⲟⲩⲁⲃ ⲟⲩⲟϩ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲧⲉϯⲛⲓϣϯ ⲙⲡⲟⲗⲓⲥ ⲣⲁⲕⲟϯ ⲁⲃⲃⲁ ⲓⲥⲁⲁⲕ ⲉⲁϥϩⲓⲥⲧⲟⲣⲉⲓⲛ ⲙⲙⲟϥ ⲛϫⲉⲫⲏ ⲉⲑⲟⲩⲁⲃ ⲁⲃⲃⲁ ⲙⲏⲛⲁ ⲡⲓϩⲟⲥⲓⲱⲧⲁⲧⲟⲥ ⲛⲉⲡⲓⲥⲕⲡⲟⲥ ⲛⲧⲉϯⲡⲟⲗⲓⲥ ⲡϣⲁϯ ϧⲉⲛⲟⲩϩⲉⲓⲣⲏⲛⲏ ⲛⲧⲉⲫ︦ϯ︦ ⲁⲙⲏⲛ .	ⲫ̀ⲃⲓⲟⲥ ⲛ̀ⲡⲓⲡⲁⲧⲣⲓⲁⲣⲭⲏⲥ ⲉⲑⲟⲩⲁⲃ ⲟⲩⲟϩ ⲡⲓⲁⲣⲭⲓⲉ̀ⲡⲓⲥⲕⲟⲡⲟⲥ ⲛ̀ⲧⲉ ϯⲛⲓϣϯ ⲛ̀ⲡⲟⲗⲓⲥ ⲣⲁⲕⲟϯ ⲁⲃⲃⲁ ⲓⲥⲁⲁⲕ ⲉⲁϥϩⲓⲥⲧⲟⲣⲉⲓⲛ ⲙ̀ⲙⲟϥ ⲛ̀ϫⲉ ⲫⲏ ⲉⲑⲟⲩⲁⲃ ⲁⲃⲃⲁ ⲙⲏⲛⲁ ⲡⲓϩⲟⲥⲓⲱⲧⲁⲧⲟⲥ ⲛ̀ⲉⲡⲓⲥⲕⲡⲟⲥ ⲛ̀ⲧⲉ ϯⲡⲟⲗⲓⲥ ⲡ̀ϣⲁϯ ϧⲉⲛ ⲟⲩϩⲓⲣⲏⲛⲏ ⲛ̀ⲧⲉ ⲫ̀ⲛⲟⲩϯ ⲁ̀ⲙⲏⲛ.	f̀vios ǹpipatriarṡys eθouab ouoh piarṡièpiskopos ǹte tiniṡti ǹpolis rakoti abba isaak eafhistorein m̀mof ǹje fy eθouab abba myna pihosiōtatos ǹepiskpos ǹte tipolis p̀ṡati xen ouhiryny ǹte f̀nouti àmyn.	The life of the holy patriarch and archbishop of the great city of Alexandria, which the holy Abba Mina recounted, the most holy archbishop of the city of Pshati (Zawyat Razin). In the peace of God: Amen.
2	ϥⲑⲱϩⲉⲙ ⲙⲙⲟⲛ ⲙⲫⲟⲟⲩ ⲛϫⲉⲡⲓⲉⲣⲫⲙⲉⲩⲓ ⲙⲡⲓⲡⲁⲧⲣⲓⲁⲣⲭⲏⲥ ⲉⲧⲧⲁⲓⲏⲟⲧ	Ϥ̀ⲑⲱϩⲉⲙ ⲙ̀ⲙⲟⲛ ⲛ̀ⲫⲟⲟⲩ ⲛ̀ϫⲉ ⲡⲓⲉⲣⲫⲙⲉⲩⲓ ⲛ̀ⲡⲓⲡⲁⲧⲣⲓⲁⲣⲭⲏⲥ ⲉⲧⲧⲁⲓⲏⲟⲧ	F̀θōhem m̀mon ǹfoou ǹje pierfmevi ǹpipatriarṡys ettaiyot	The commemoration of the glorious Patriarch calls us today!
3	ⲱ ⲛⲁⲙⲉⲛⲣⲁϯ ⲉϥⲧⲟⲩⲛⲟⲥ ⲉϩⲣⲏⲓ ⲙⲫⲣⲱⲟⲩⲧϥ ⲙⲡⲁϩⲏⲧ ⲉⲑⲣⲉⲛϭⲓⲫⲉⲓ ϧⲁⲡⲓⲣⲁϣⲓ ⲙⲡⲛ︦ⲁ︦ⲧⲓⲕⲟⲛ ⲟⲩⲟϩ ⲛⲧⲁϯⲙⲡⲁⲟⲩⲟⲓ ⲉϧⲟⲩⲛ ⲉⲛⲉϥⲉⲅⲕⲱⲓⲟⲛ ⲉⲑⲟⲩⲁⲃ	ⲱ̀ ⲛⲁⲙⲉⲛⲣⲁϯ ⲉϥⲧⲟⲩⲛⲟⲥ ⲉ̀ϩ̀ⲣⲏⲓ ⲛ̀ⲫ̀ⲣⲱⲟⲩⲧϥ ⲛ̀ⲡⲁϩⲏⲧ ⲉ̀ⲑⲣⲉⲛϭⲓⲫⲉⲓ ϧⲁ ⲡⲓⲣⲁϣⲓ ⲛ̀ⲡ̀ⲛⲉⲩⲙⲁⲧⲓⲕⲟⲛ ⲟⲩⲟϩ ⲛ̀ⲧⲁϯⲛⲡⲁⲟⲩⲟⲓ ⲉ̀ϧⲟⲩⲛ ⲉ̀ⲛⲉϥⲉⲅⲕⲱⲓⲟⲛ ⲉⲑⲟⲩⲁⲃ	ṑ namenrati eftounos èh̀ryi ǹf̀rōoutf ǹpahyt èθrenċifei xa piraṡi ǹp̀nevmatikon ouoh ǹtatinpaouoi èxoun ènefenkōion eθouab	O dearly beloved, it excites the gladness of our hearts, to rejoice in spiritual joy and to undertake its holy encomium.
4	ⲛⲓⲙ ⲅⲁⲣ ⲡⲉⲑⲛⲁϣⲁϫⲓ ⲙⲡⲧⲁⲓⲟ ⲙⲡⲓⲙⲁ ⲛⲉⲥⲱⲟⲩ ⲛⲁⲗⲏⲑⲓⲛⲟⲛ ⲟⲩⲟϩ ⲛⲁⲣⲭⲓⲉⲣⲉⲩⲥ ⲉⲧⲉⲛϩⲟⲧ ⲛⲧⲉϯⲇⲓⲕⲁⲓⲟⲥⲩⲛⲏ ⲫⲏ ⲉⲧⲁϥⲙⲉⲛⲣⲉ ϯⲁⲣⲉⲧⲏ ⲓⲥϫⲉⲛⲧⲉϥⲙⲉⲧⲕⲟⲩϫⲓ ⲛⲉⲙⲡⲓϫⲓ ⲛⲱⲛϧ ⲛⲧⲉⲛⲓⲁⲅⲅⲉⲗⲟⲥ ⲉⲑⲟⲩⲁⲃ ⲛⲁⲓ ⲉⲧⲁϥⲭⲟϩ ⲉⲛⲟⲩϫⲓ ⲛⲱⲛϧ ⲁϥⲧⲉⲛⲑⲱⲛϥ ⲉⲣⲱⲟⲩ .	ⲛⲓⲙ ⲅⲁⲣ ⲡⲉⲑⲛⲁϣⲁϫⲓ ⲛ̀ⲡ̀ⲧⲁⲓⲟ ⲛ̀ⲡⲓⲙⲁ ⲛ̀ⲉⲥⲱⲟⲩ ⲛ̀ⲁⲗⲏⲑⲓⲛⲟⲛ ⲟⲩⲟϩ ⲛ̀ⲁⲣⲭⲓⲉ̀ⲣⲉⲩⲥ ⲉ̀ⲧⲉⲛϩⲟⲧ ⲛ̀ⲧⲉ ϯⲇⲓⲕⲁⲓⲟⲥⲩⲛⲏ ⲫⲏ ⲉⲧⲁϥⲙⲉⲛⲣⲉ ϯⲁ̀ⲣⲉⲧⲏ ⲓⲥϫⲉⲛ ⲧⲉϥⲙⲉⲧⲕⲟⲩϫⲓ ⲛⲉⲙ ⲡⲓϫⲓ ⲛ̀ⲱⲛϧ ⲛ̀ⲧⲉ ⲛⲓⲁⲅⲅⲉⲗⲟⲥ ⲉⲑⲟⲩⲁⲃ ⲛⲁⲓ ⲉⲧⲁϥⲭⲟϩ ⲉ̀ⲛ̀ⲟⲩϫⲓ ⲛ̀ⲱⲛϧ ⲁϥⲧⲉⲛⲑⲱⲛϥ ⲉ̀ⲣⲱⲟⲩ.	nim ġar peθnaṡaji ǹp̀taio ǹpima ǹesōou ǹalyθinon ouoh ǹarṡièrevs ètenhot ǹte tiḋikaiosiny fy etafmenre tiàrety isjen tefmetkouji nem piji ǹōnx ǹte niangelos eθouab nai etafkoh èǹouji ǹōnx aftenθōnf èrōou.	For who can tell the glory of the true shepherd, of the faithful archpriest of justice, who from his childhood loved virtue and the life of the holy angels, whom he has zealously imitated in their existence, and has made himself like them?
5	ϧⲉⲛⲫⲁⲓ ⲅⲁⲣ ⲁϥⲟⲩⲱⲛϩ ⲉⲃⲟⲗ ⲉϥⲉⲣⲟⲩⲱⲓⲛⲓ ⲛⲧⲁⲓϧⲉ ⲧⲏⲣⲟ ϩⲱⲥⲧⲉ ⲛⲥⲉⲧⲉⲛϩⲟⲩⲧϥ ⲉⲁⲙⲟⲛⲓ ⲛⲛⲓϩⲓⲏⲃ ⲛⲧⲉϯⲉⲕⲕⲗⲏⲥⲓⲁ ⲛⲧⲉϯⲛⲓϣϯ ⲙⲡⲟⲗⲓⲥ ⲣⲁⲕⲟϯ ⲛⲉⲙⲭⲏⲙⲓ ⲧⲏⲣϥ ⲙⲁⲗⲗⲟⲛ ⲇⲉ ⲛⲉⲙⲥⲁⲡⲉⲥⲏⲧ ⲛⲧⲫⲉ ⲧⲏⲣⲥ .	Ϧⲉⲛ ⲫⲁⲓ ⲅⲁⲣ ⲁϥⲟⲩⲱⲛϩ ⲉ̀ⲃⲟⲗ ⲉϥⲉⲣⲟⲩⲱⲓⲛⲓ ⲛ̀ⲧⲁⲓ̀ϧⲉ ⲧⲏⲣⲟ ϩⲱⲥⲧⲉ ⲛ̀ⲧⲟⲩⲧⲉⲛϩⲟⲩⲧϥ ⲉⲁ̀ⲙⲟⲛⲓ ⲛ̀ⲛⲓϩⲓⲏⲃ ⲛ̀ⲧⲉ ϯⲉⲕⲕⲗⲏⲥⲓⲁ ⲛ̀ⲧⲉ ϯⲛⲓϣϯ ⲛ̀ⲡⲟⲗⲓⲥ ⲣⲁⲕⲟϯ ⲛⲉⲙ ⲭⲏⲙⲓ ⲧⲏⲣϥ ⲙⲁⲗⲗⲟⲛ ⲇⲉ ⲛⲉⲙ ⲥⲁⲡⲉⲥⲏⲧ ⲛ̀ⲧ̀ⲫⲉ ⲧⲏⲣⲥ.	Xen fai ġar afouōnh èvol eferouōini ǹtaìxe tyro hōste ǹtoutenhoutf eàmoni ǹnihiyb ǹte tiekklysia ǹte tiniṡti ǹpolis rakoti nem kymi tyrf mallon ḋe nem sapesyt ǹt̀fe tyrs.	In this he manifested himself with brilliance of all kinds, so that he was entrusted with the care of the lambs of the church of the great city of Alexandria, of all Egypt and even under the whole heaven.
6	ⲟⲩ ⲅⲁⲣ ⲉⲧⲁⲓⲉⲣⲧⲟⲗⲙⲁⲛ ⲁⲛ ⲉϫⲱ ⲛⲟⲩⲥⲁϫⲓ ⲉⲃⲟⲗ ϩⲓⲧⲟⲧ ⲙⲙⲁⲩⲁⲧ ⲁⲛⲟⲕ ϧⲁⲡⲓⲉⲗⲁⲭⲓⲥⲧⲟⲥ ⲁⲗⲗⲁ ⲛⲏ ⲉⲧⲁⲛⲥⲟⲑⲙⲟⲩ ⲛⲉⲙⲛⲏ ⲉⲧⲁⲛⲉⲙⲓ ⲉⲣⲱⲟⲩ ⲛⲁⲓ ⲛⲉ ⲛⲏ ⲉⲧⲁⲛⲥϧⲏⲧⲟⲩ ⲛⲱⲧⲉⲛ ϧⲁⲛⲏ ⲉⲧⲱϣ ⲛⲉⲙⲛⲏ ⲉⲧⲥⲱⲧⲉⲙ ⲉⲟⲩⲱⲟⲩ ⲙⲫ︦ϯ︦ ⲛⲉⲙⲛⲏ ⲉⲑⲟⲩⲁⲃ ⲛⲧⲁϥ	Ⲟⲩ ⲅⲁⲣ ⲉⲧⲁⲓⲉⲣⲧⲟⲗⲙⲁⲛ ⲁⲛ ⲉ̀ϫⲱ ⲛⲟⲩⲥⲁϫⲓ ⲉ̀ⲃⲟⲗ ϩⲓⲧⲟⲧ ⲙⲙⲁⲩⲁⲧ ⲁⲛⲟⲕ ϧⲁ ⲡⲓⲉ̀ⲗⲁⲭⲓⲥⲧⲟⲥ ⲁⲗⲗⲁ ⲛⲏ ⲉⲧⲁⲛⲥⲟⲑⲙⲟⲩ ⲛⲉⲙ ⲛⲏ ⲉⲧⲁⲛⲉⲙⲓ ⲉ̀ⲣⲱⲟⲩ ⲛⲁⲓ ⲛⲉ ⲛⲏ ⲉⲧⲁⲛⲥϧⲏⲧⲟⲩ ⲛⲱⲧⲉⲛ ϧⲁ ⲛⲏ ⲉⲧⲱϣ ⲛⲉⲙ ⲛⲏ ⲉⲧⲥⲱⲧⲉⲙ ⲉ̀ⲟⲩⲱⲟⲩ ⲛ̀ⲧⲉ ⲫ̀ⲛⲟⲩϯ ⲛⲉⲙ ⲛⲏ ⲉⲑⲟⲩⲁⲃ ⲛ̀ⲧⲁϥ	Ou ġar etaiertolman an ègō nousaji èvol hitot mmavat anok xa pièlaṡistos alla ny etansoθmou nem ny etanemi èrōou nai ne ny etansxytou nōten xa ny etōṡ nem ny etsōtem èouōou ǹte f̀nouti nem ny eθouab ǹtaf	And how could I dare to make such a speech with myself, I who am so small? But what we have heard and what we have learned, this is what we have written for you who read or listen, for the glory of God and his saints.
7	ⲡⲁⲓⲁⲅⲓⲟⲥ ⲇⲉ ⲟⲩⲛ ⲛⲁⲥⲛⲏⲟⲩ ⲟⲩⲣⲉⲙⲛⲭⲏⲙⲓ ⲡⲉ ϧⲉⲛⲡⲉϥⲅⲉⲛⲟⲥ ⲟⲩⲉⲃⲟⲗ ⲡⲉ ϧⲉⲛⲟⲩϯⲙⲓ ⲉⲩⲙⲟⲩϯ ⲉⲣⲟϥ ϫⲉⲡⲓϣⲱ .	ⲡⲁⲓⲁⲅⲓⲟⲥ ⲇⲉ ⲟⲩⲛ ⲛⲁⲥ̀ⲛⲏⲟⲩ ⲟⲩⲣⲉⲙⲛⲭⲏⲙⲓ ⲡⲉ ϧⲉⲛ ⲡⲉϥⲅⲉⲛⲟⲥ ⲟⲩⲉ̀ⲃⲟⲗ ⲡⲉ ϧⲉⲛ ⲟⲩϯⲙⲓ ⲉⲩⲙⲟⲩϯ ⲉ̀ⲣⲟϥ ϫⲉ ⲡⲓϣⲱ.	paiagios ḋe oun nas̀nyou ouremnkymi pe xen pefgenos ouèvol pe xen outimi evmouti èrof je piṡō.	This saint then, my brethren, was a man of Egypt by his race, from a village called Pisho.
8	ⲛⲉϥⲓⲟϯ ⲇⲉ ⲛⲉϩⲁⲛⲙⲁⲓⲛⲟⲩϯ ⲛⲉ ⲉⲙⲁϣⲱ .	Ⲛⲉϥⲓⲟϯ ⲇⲉ ⲛⲉϩⲁⲛⲙⲁⲓⲛⲟⲩϯ ⲛⲉ ⲉ̀ⲙⲁϣⲱ.	Nefioti ḋe nehanmainouti ne èmaṡō.	His parents were very God loving.
9	ⲛⲉⲟⲩⲟⲛ ⲛⲧⲱⲟⲩ ⲙⲙⲁⲩ ⲛⲟⲩⲙⲏϣ ⲛϩⲩⲡⲁⲣⲭⲟⲛⲧⲁ ϩⲁⲛⲃⲱⲕ ⲛⲉⲙϩⲁⲛⲃⲱⲕⲓ .	Ⲛⲉ ⲟⲩⲟⲛ ⲛ̀ⲧⲱⲟⲩ ⲙ̀ⲙⲁⲩ ⲛ̀ⲟⲩⲙⲏϣ ⲛ̀ϩⲩⲡⲁⲣⲭⲟⲛⲧⲁ ϩⲁⲛⲃⲱⲕ ⲛⲉⲙ ϩⲁⲛⲃⲱⲕⲓ.	Ne ouon ǹtōou m̀mav ǹoumyṡ ǹhiparxonta hanvōk nem hanvōki.	They possessed a multitude of possessions, and servants and maidservants.
10	ⲁⲥϣⲱⲡⲓ ⲇⲉ ⲉⲧⲁⲩϫⲫⲟ ⲙⲡⲓⲁⲗⲟⲩ ⲉⲑⲟⲩⲁⲃ ⲁⲩⲙⲟⲩϯ ⲉⲡⲉϥⲣⲁⲛ ϫⲉⲓⲥⲁⲁⲕ ⲉⲧⲉⲧⲉⲣⲙⲏⲛⲓⲁ ⲙⲡⲉϥⲣⲁⲛ ϫⲉⲡⲓⲣⲁϫⲓ	Ⲁⲥϣⲱⲡⲓ ⲇⲉ ⲉ̀ⲧⲁⲩϫⲫⲟ ⲛ̀ⲡⲓⲁ̀ⲗⲟⲩ ⲉⲑⲟⲩⲁⲃ ⲁⲩⲙⲟⲩϯ ⲉ̀ⲡⲉϥⲣⲁⲛ ϫⲉ ⲓⲥⲁⲁⲕ ⲉ̀ⲧⲉ ⲧ̀ⲉⲣⲙⲏⲛⲓⲁ ⲛ̀ⲡⲉϥⲣⲁⲛ ϫⲉ ⲡⲓⲣⲁϫⲓ	Asṡōpi ḋe ètavgfo ǹpiàlou eθouab avmouti èpefran je isaak ète t̀ermynia ǹpefran je piraji	It came to pass when the holy child came into the world that he was called by the name of Isaac: the meaning of this name is joy.
11	ⲉⲧⲁⲩⲙⲟϩ ⲇⲉ ⲉⲃⲟⲗ ⲛϫⲉⲛⲓⲉϩⲟⲟⲩ ϫⲉϩⲓⲛⲁ ⲛⲧⲟⲩϯⲱⲙⲥ ⲛⲁϥ ⲕⲁⲧⲁⲛⲓⲡⲁⲣⲁⲇⲟⲥⲓⲥ ⲛⲧⲉⲛⲓⲭⲣⲏⲥⲧⲓⲁⲛⲟⲥ ⲁⲩϭⲓⲧϥ ⲛϫⲉⲛⲉϥⲓⲟϯ ⲉⲣⲁⲧϥ ⲙⲡⲓⲉⲡⲓⲥⲕⲟⲡⲟⲥ ⲛⲧⲉⲡⲓⲥⲏⲟⲩ ⲉⲧⲉⲙⲙⲁⲩ ⲉⲟⲩⲣⲱⲙⲓ ⲡⲉ ⲙⲡ︤ⲛ︦ⲁ︥ⲧⲟⲫⲟⲣⲟⲥ ⲡⲉ .	ⲉ̀ⲧⲁⲩⲙⲟϩ ⲇⲉ ⲉ̀ⲃⲟⲗ ⲛ̀ϫⲉ ⲛⲓⲉ̀ϩⲟⲟⲩ ϫⲉ ϩⲓⲛⲁ ⲛ̀ⲧⲟⲩϯⲱⲙⲥ ⲛⲁϥ ⲕⲁⲧⲁ ⲛⲓⲡⲁⲣⲁⲇⲟⲥⲓⲥ ⲛ̀ⲧⲉ ⲛⲓⲭⲣⲏⲥⲧⲓⲁⲛⲟⲥ ⲁⲩϭⲓⲧϥ ⲛ̀ϫⲉ ⲛⲉϥⲓⲟϯ ⲉ̀ⲣⲁⲧϥ ⲛ̀ⲡⲓⲉ̀ⲡⲓⲥⲕⲟⲡⲟⲥ ⲛ̀ⲧⲉ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲉ̀ⲟⲩⲣⲱⲙⲓ ⲡⲉ ⲙⲡ̅ⲛ̅ⲁ̅ⲧⲟⲫⲟⲣⲟⲥ ⲡⲉ.	ètavmoh ḋe èvol ǹje nièhoou je hina ǹtoutiōms naf kata niparaḋosis ǹte nixrystianos avċitf ǹje nefioti èratf ǹpièpiskopos ǹte pisyou ète m̀mav èourōmi pe mpnatoforos pe.	When the day came to baptize him according to the traditions of the Christians, his parents took him to the bishop of that time: he was an inspired man.
12	ⲫⲁⲓ ⲇⲉ ϧⲉⲛⲡϫⲓⲛⲑⲣⲉϥⲱⲙⲉ ⲙⲡⲓⲁⲗⲟⲩ ⲉⲑⲟⲩⲁⲃ ϧⲉⲛϯⲕⲱⲗⲩⲃⲏⲑⲣⲁ ϧⲉⲛⲫⲣⲁⲛ ⲙⲫⲓⲱⲧ ⲛⲉⲙⲡϣⲏⲣⲓ ⲛⲉⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ϯⲧⲣⲓⲁⲉ ⲛⲟⲙⲟⲟⲩⲉⲓⲟⲉ ⲟⲩⲟϩ ⲁⲩⲟⲩⲱⲛ ⲛϫⲉⲛⲉϥⲃⲁⲗ ⲁϥⲛⲁⲩ ⲉⲟⲩ⳧ ⲛⲟⲩⲱⲓⲛⲓ ⲉϫⲉⲛⲧⲁⲫⲉ ⲙⲡⲓⲁⲗⲟⲩ	Ⲫⲁⲓ ⲇⲉ ϧⲉⲛ ⲡ̀ϫⲓⲛⲑⲣⲉϥⲱⲙⲉ ⲛ̀ⲡⲓⲁ̀ⲗⲟⲩ ⲉⲑⲟⲩⲁⲃ ϧⲉⲛ ϯⲕⲱⲗⲩⲃⲏⲑⲣⲁ ϧⲉⲛ ⲫ̀ⲣⲁⲛ ⲛ̀ⲫⲓⲱⲧ ⲛⲉⲙ ⲡ̀ϣⲏⲣⲓ ⲛⲉⲙ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ϯⲧⲣⲓⲁⲉ ⲛ̀ⲟⲙⲟⲟⲩⲉⲓⲟⲉ ⲟⲩⲟϩ ⲁⲩⲟⲩⲱⲛ ⲛ̀ϫⲉ ⲛⲉϥⲃⲁⲗ ⲁϥⲛⲁⲩ ⲉ̀ⲟⲩ⳧ ⲛ̀ⲟⲩⲱⲓⲛⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲁ̀ⲗⲟⲩ	Fai ḋe xen p̀jinθrefōme ǹpiàlou eθouab xen tikōlibyθra xen f̀ran ǹfiōt nem p̀ṡyri nem pip̀nevma eθouab titriae ǹomooueioe ouoh avouōn ǹje nefval afnav èou⳧ ǹouōini èjen t̀àfe ǹpiàlou	As he was baptizing the holy child in the pool in the name of the Father, the Son, and the Holy Spirit, the consubstantial Trinity, his eyes were opened, and he saw a luminous cross on the head of the child.
13	ⲟⲩⲟϩ ϩⲱⲥ ⲉⲁⲩⲕⲓⲙ ⲉⲣⲟϥ ϩⲓⲧⲉⲛⲡⲓⲡ︦︦︦︦ⲛ︦ⲁ︦ ⲉⲑⲟⲩⲁⲃ ⲁϥⲱϣ ⲉⲃⲟⲗ ϧⲉⲛⲟⲩⲥⲙⲏ ⲙⲡⲣⲟⲫⲏⲧⲓⲕⲟⲛ ⲉϥϫⲱ ⲙⲙⲟⲥ ϫⲉⲛⲑⲟⲕ ⲟⲩⲛⲓϣϯ ⲡⲟ︦︦ⲥ︦ ⲫ︦ϯ︦ ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲛⲑⲟⲕ ⲙⲙⲁⲩⲁⲧⲕ ⲉⲑⲛⲁⲁϥ ⲟⲩⲟϩ ⲛϩⲣⲏⲓ ϧⲉⲛⲛⲉⲕⲙⲟⲕⲙⲉⲕ ⲙⲙⲟⲛ ⲡⲉⲧⲛⲁϣⲓⲛⲓ ⲙⲙⲟⲕ .	ⲟⲩⲟϩ ϩⲱⲥ ⲉⲁⲩⲕⲓⲙ ⲉ̀ⲣⲟϥ ϩⲓⲧⲉⲛ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲁϥⲱϣ ⲉ̀ⲃⲟⲗ ϧⲉⲛ ⲟⲩⲥ̀ⲙⲏ ⲛ̀ⲡ̀ⲣⲟⲫⲏⲧⲓⲕⲟⲛ ⲉϥϫⲱ ⲙ̀ⲙⲟⲥ ϫⲉ ⲛ̀ⲑⲟⲕ ⲟⲩⲛⲓϣϯ ⲡ̀ϭⲟⲓⲥ ⲫ̀ⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲛ̀ⲑⲟⲕ ⲙ̀ⲙⲁⲩⲁⲧⲕ ⲉⲑⲛⲁⲁϥ ⲟⲩⲟϩ ⲛ̀ϩ̀ⲣⲏⲓ ϧⲉⲛ ⲛⲉⲕⲙⲟⲕⲙⲉⲕ ⲙ̀ⲙⲟⲛ ⲡⲉⲧⲛⲁϣⲓⲛⲓ ⲙ̀ⲙⲟⲕ.	ouoh hōs eavkim èrof hiten pip̀nevma eθouab afōṡ èvol xen ous̀my ǹp̀rofytikon efgō m̀mos je ǹθok ouniṡti p̀ċois f̀nouti pipantokratōr ouoh ǹθok m̀mavatk eθnaaf ouoh ǹh̀ryi xen nekmokmek m̀mon petnaṡini m̀mok.	As if he had been moved by the Holy Spirit, he cried out in a prophetic voice, saying, ‘Thou art great, O Lord God, Creator of all things, thou alone art great, and no one shall question thee about thy thoughts.’
14	ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛϫⲉⲡⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲁϥⲧⲏⲓϥ ⲛⲛⲉϥⲓⲟϯ ⲉϥϫⲱ ⲙⲙⲟⲥ ϫⲉⲁⲣⲉϩ ⲉⲡⲁⲓⲁⲗⲟⲩ ϫⲉⲟⲩⲇⲱⲣⲟⲛ ⲛⲧⲉⲫϯ ⲡⲉ ⲫⲁⲓ ⲅⲁⲣ ⲛⲁϣⲱⲡⲓ ⲛⲟⲩⲛⲓϣϯ ⲛⲁⲣⲭⲓⲉⲣⲉⲩⲥ ϧⲉⲛⲡⲏⲓ ⲙⲫ︦ϯ︦ ⲟⲩⲟϩ ⲥⲉⲛⲁⲧⲉⲛϩⲟⲩⲧϥ ⲉϩⲁⲛⲗⲁⲟⲥ ⲉⲩⲟϣ .	Ⲛⲁⲓ ⲇⲉ ⲉ̀ⲧⲁϥϫⲟⲧⲟⲩ ⲛ̀ϫⲉ ⲡⲓⲉ̀ⲡⲓⲥⲕⲟⲡⲟⲥ ⲉⲑⲟⲩⲁⲃ ⲁϥⲧⲏⲓϥ ⲛ̀ⲛⲉϥⲓⲟϯ ⲉϥϫⲱ ⲙ̀ⲙⲟⲥ ϫⲉ ⲁ̀ⲣⲉϩ ⲉ̀ⲡⲁⲓⲁ̀ⲗⲟⲩ ϫⲉ ⲟⲩⲇⲱⲣⲟⲛ ⲛ̀ⲧⲉ ⲫ̀ⲛⲟⲩϯ ⲡⲉ ⲫⲁⲓ ⲅⲁⲣ ⲛⲁϣⲱⲡⲓ ⲛ̀ⲟⲩⲛⲓϣϯ ⲛ̀ⲁⲣⲭⲓⲉ̀ⲣⲉⲩⲥ ϧⲉⲛ ⲡ̀ⲏⲓ ⲛ̀ⲫ̀ⲛⲟⲩϯ ⲟⲩⲟϩ ⲥⲉⲛⲁⲧⲉⲛϩⲟⲩⲧϥ ⲉ̀ϩⲁⲛⲗⲁⲟⲥ ⲉⲩⲟϣ.	Nai ḋe ètafgotou ǹje pièpiskopos eθouab aftyif ǹnefioti efgō m̀mos je àreh èpaiàlou je ouḋōron ǹte f̀nouti pe fai ġar naṡōpi ǹouniṡti ǹarṡièrevs xen p̀yi ǹf̀nouti ouoh senatenhoutf èhanlaos evoṡ.	After saying these words, the holy bishop gave the child to his parents, saying: ‘Keep this child well, for he is a gift from God, he will be a great pontiff in the house of God and many peoples will be entrusted to him.’
15	ⲛⲁⲓ ⲇⲉ ⲉⲧⲁⲩⲥⲟⲑⲙⲟⲩ ⲛϫⲉⲛⲉϥⲓⲟϯ ⲁⲩϭⲓⲥⲓ ⲛⲧⲟⲩⲥⲙⲏ ⲉⲩϫⲱ ⲙⲙⲟⲥ ϫⲉⲙⲁⲣⲉϥϣⲱⲡⲓ ⲛϫⲉⲫⲣⲁⲛ ⲙⲡⲟⲥ ⲉϥⲥⲙⲁⲣⲱⲟⲩⲧ ⲓⲥϫⲉⲛⲡⲓⲉⲛⲉϩ ϣⲁⲉⲛⲉϩ .	Ⲛⲁⲓ ⲇⲉ ⲉ̀ⲧⲁⲩⲥⲟⲑⲙⲟⲩ ⲛ̀ϫⲉ ⲛⲉϥⲓⲟϯ ⲁⲩϭⲓⲥⲓ ⲛ̀ⲧⲟⲩⲥ̀ⲙⲏ ⲉⲩϫⲱ ⲙ̀ⲙⲟⲥ ϫⲉ ⲙⲁⲣⲉϥϣⲱⲡⲓ ⲛ̀ϫⲉ ⲫ̀ⲣⲁⲛ ⲛ̀ⲡ̀ϭⲟⲓⲥ ⲉϥⲥ̀ⲙⲁⲣⲱⲟⲩⲧ ⲓⲥϫⲉⲛ ⲡⲓⲉ̀ⲛⲉϩ ϣⲁ ⲉ̀ⲛⲉϩ.	Nai ḋe ètavsoθmou ǹje nefioti avċisi ǹtous̀my evgō m̀mos je marefṡōpi ǹje f̀ran ǹp̀ċois efs̀marōout isjen pièneh ṡa èneh.	When his parents heard this, they raised their voices and said, ‘From ever since and until forever, prasied be the name of the Lord!’
16	ⲉⲧⲁϥⲉⲣⲡⲣⲟⲕⲟⲡⲧⲉⲓⲛ ⲇⲉ ⲛϫⲉⲡⲓⲁⲗⲟⲩ ⲉⲑⲟⲩⲁⲃ ϧⲉⲛϯⲙⲁⲓⲏ ⲁⲩⲧⲏⲓϥ ⲛϫⲉⲛⲉϥⲓⲟϯ ⲉϯⲁⲛⲍⲏⲃ ⲟⲩⲟϩ ϧⲉⲛϩⲁⲛⲕⲟⲩϫⲓ ⲛⲉϩⲟⲟⲩ ⲁϥⲉⲙⲓ ⲉⲧϫⲟⲙ ⲛⲛⲓⲥϧⲁⲓ ⲛⲉⲙⲛⲓⲙⲁⲑⲏⲙⲁ ϩⲱⲥⲧⲉ ⲛⲧⲟⲩⲉⲣϣⲫⲏⲣⲓ ⲙⲙⲟϥ ⲛϫⲉⲟⲩⲟⲛ ⲛⲓⲃⲉⲛ ⲉⲧⲭⲏ ϧⲉⲛϯⲁⲛⲍⲏⲃ ⲛⲉⲙⲁϥ ⲉⲩⲛⲁⲩ ⲉⲡⲓⲉⲙⲓ ⲉⲧⲁⲫϯ ⲧⲏⲓϥ ⲛⲁϥ ⲟⲩⲟϩ ⲛⲁⲩϭⲛⲟⲛ ⲛϫⲱⲟⲩ ⲛⲁϥ ⲧⲏⲣⲟⲩ ⲛϫⲉⲟⲩⲟⲛ ⲛⲓⲃⲉⲛ ⲉⲧϧⲉⲛϯⲁⲛⲍⲏⲃ .	Ⲉ̀ⲧⲁϥⲉⲣⲡⲣⲟⲕⲟⲡⲧⲉⲓⲛ ⲇⲉ ⲛ̀ϫⲉ ⲡⲓⲁ̀ⲗⲟⲩ ⲉⲑⲟⲩⲁⲃ ϧⲉⲛ ϯⲙⲁⲓⲏ ⲁⲩⲧⲏⲓϥ ⲛ̀ϫⲉ ⲛⲉϥⲓⲟϯ ⲉ̀ϯⲁⲛⲍⲏⲃ ⲟⲩⲟϩ ϧⲉⲛ ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ ⲁϥⲉⲙⲓ ⲉ̀ⲧ̀ϫⲟⲙ ⲛ̀ⲛⲓⲥ̀ϧⲁⲓ ⲛⲉⲙ ⲛⲓⲙⲁⲑⲏⲙⲁ ϩⲱⲥⲧⲉ ⲛ̀ⲧⲟⲩⲉⲣϣⲫⲏⲣⲓ ⲙ̀ⲙⲟϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲧⲭⲏ ϧⲉⲛ ϯⲁⲛⲍⲏⲃ ⲛⲉⲙⲁϥ ⲉⲩⲛⲁⲩ ⲉ̀ⲡⲓⲉⲙⲓ ⲉ̀ⲧⲁ ⲫ̀ⲛⲟⲩϯ ⲧⲏⲓϥ ⲛⲁϥ ⲟⲩⲟϩ ⲛⲁⲩϭⲛⲟⲛ ⲛ̀ϫⲱⲟⲩ ⲛⲁϥ ⲧⲏⲣⲟⲩ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲧϧⲉⲛ ϯⲁⲛⲍⲏⲃ.	Ètaferprokoptein ḋe ǹje piàlou eθouab xen timaiy avtyif ǹje nefioti ètianzyb ouoh xen hankouji ǹèhoou afemi èt̀gom ǹnis̀xai nem nimaθyma hōste ǹtouerṡfyri m̀mof ǹje ouon niven etky xen tianzyb nemaf evnav èpiemi èta f̀nouti tyif naf ouoh navċnon ǹgōou naf tyrou ǹje ouon niven etxen tianzyb.	When the holy child was advanced in years, his parents sent him to school, and in a few days he learned the value of letters and the things taught, so that all those who were with him in school admired him when they saw the knowledge that God had given him, and all his fellow-students bowed their heads to him.
17	ⲉⲧⲁϥⲙⲟϩ ⲇⲉ ⲉⲃⲟⲗ ϧⲉⲛⲡⲓⲉⲙⲓ ⲛⲉⲙϯⲥⲟⲫⲓⲁ ⲁⲩⲧⲏⲓϥ ⲛϫⲉⲛⲉϥⲓⲟϯ ⲉⲧⲟⲧϥ ⲛⲟⲩⲥⲩⲅⲅⲉⲛⲏⲥ ⲛⲧⲱⲟⲩ ⲉⲡⲉϥⲣⲁⲛ ⲡⲉ ⲙⲉⲛⲉⲥⲱⲛ ⲉϥⲟⲓ ⲛⲭⲁⲣⲧⲟⲗⲁⲣⲓⲟⲥ ϧⲁⲣⲁⲧϥ ⲛⲅⲉⲱⲣⲅⲓⲟⲥ ⲉϥⲟⲓ ⲛⲉⲡⲁⲣⲭⲟⲥ ⲉϯⲭⲱⲣⲁ ⲛⲧⲉⲭⲏⲙⲓ ϫⲉϩⲓⲛⲁ ⲛⲧⲉⲡⲓⲁⲗⲟⲩ ⲓⲥⲁⲁⲕ ϣⲱⲡⲓ ⲛⲛⲟⲧⲁⲣⲓⲟⲥ ϧⲁⲣⲁⲧϥ .	Ⲉ̀ⲧⲁϥⲙⲟϩ ⲇⲉ ⲉ̀ⲃⲟⲗ ϧⲉⲛ ⲡⲓⲉⲙⲓ ⲛⲉⲙ ϯⲥⲟⲫⲓⲁ ⲁⲩⲧⲏⲓϥ ⲛ̀ϫⲉ ⲛⲉϥⲓⲟϯ ⲉⲧⲟⲧϥ ⲛ̀ⲟⲩⲥⲩⲅⲅⲉⲛⲏⲥ ⲛ̀ⲧⲱⲟⲩ ⲉ̀ⲡⲉϥⲣⲁⲛ ⲡⲉ ⲙⲉⲛⲉⲥⲱⲛ ⲉϥⲟⲓ ⲛ̀ⲭⲁⲣⲧⲟⲗⲁⲣⲓⲟⲥ ϧⲁⲣⲁⲧϥ ⲛ̀ⲅⲉⲱⲣⲅⲓⲟⲥ ⲉϥⲟⲓ ⲛ̀ⲉⲡⲁⲣⲭⲟⲥ ⲉ̀ϯⲭⲱⲣⲁ ⲛ̀ⲧⲉ ⲭⲏⲙⲓ ϫⲉ ϩⲓⲛⲁ ⲛ̀ⲧⲉ ⲡⲓⲁ̀ⲗⲟⲩ ⲓⲥⲁⲁⲕ ϣⲱⲡⲓ ⲛ̀ⲛⲟⲧⲁⲣⲓⲟⲥ ϧⲁⲣⲁⲧϥ.	Ètafmoh ḋe èvol xen piemi nem tisofia avtyif ǹje nefioti etotf ǹousingenys ǹtōou èpefran pe menesōn efoi ǹxartolarios xaratf ǹgeōrgios efoi ǹeparxos ètixōra ǹte kymi je hina ǹte piàlou isaak ṡōpi ǹnotarios xaratf.	And when he was full of knowledge and wisdom, his parents entrusted him to one of their relatives, named Meneson, secretary to Georgios, eparch of the land of Egypt: the little boy Isaac was to be a notary under his direction.
18	ⲟⲩⲟϩ ⲉⲧⲓ ⲉϥϣⲟⲡ ϧⲉⲛⲡⲓⲙⲁ ⲉⲧⲉⲙⲙⲁⲩ ⲁϥⲟⲩⲱⲛϧ ⲙⲫⲃⲓⲟⲥ ⲛϯⲙⲉⲧⲙⲟⲛⲁⲭⲟⲥ ⲉⲃⲟⲗ .	Ⲟⲩⲟϩ ⲉ̀ⲧⲓ ⲉϥϣⲟⲡ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲁϥⲟⲩⲱⲛϧ ⲛ̀ⲫ̀ⲃⲓⲟⲥ ⲛ̀ϯⲙⲉⲧⲙⲟⲛⲁⲭⲟⲥ ⲉ̀ⲃⲟⲗ.	Ouoh èti efṡop xen pima ète m̀mav afouōnx ǹf̀vios ǹtimetmonaxos èvol.	As long as he was in this place, he set an example of a monk's life:
19	ⲛϣⲟⲣⲡ ⲙⲉⲛ ⲁϥⲱⲗⲓ ⲛⲛⲓⲯⲁⲗⲙⲟⲥ ⲛⲁⲡⲟⲥⲧⲏⲑⲏⲥ ⲉϥⲉⲣⲛⲏⲥⲧⲉⲩⲉⲓⲛ ϣⲁⲣⲟⲩϩⲓ ⲙⲙⲏⲛⲓ ⲉϥⲙⲏⲛ ⲉⲛⲓⲥⲩⲛⲁⲝⲓⲥ ⲉϥⲉⲣⲫⲟⲣⲉⲓⲛ ⲛⲟⲩϣⲑⲏⲛ ⲛϥⲱⲓ ⲉⲃⲟⲗ ⲥⲁϧⲟⲩⲛ ⲙⲙⲟϥ ⲥⲁⲃⲟⲗ ⲇⲉ ⲛⲑⲁⲓ ⲟⲩϩⲉⲃⲥⲱ ⲉⲥⲫⲉⲣⲓⲱⲟⲩ .	Ⲛ̀ϣⲟⲣⲡ ⲙⲉⲛ ⲁϥⲱ̀ⲗⲓ ⲛ̀ⲛⲓⲯⲁⲗⲙⲟⲥ ⲛ̀ⲁⲡⲟⲥⲧⲏⲑⲏⲥ ⲉϥⲉⲣⲛⲏⲥⲧⲉⲩⲓⲛ ϣⲁ ⲣⲟⲩϩⲓ ⲛ̀ⲙⲏⲛⲓ ⲉϥⲙⲏⲛ ⲉ̀ⲛⲓⲥⲩⲛⲁⲝⲓⲥ ⲉϥⲉⲣⲫⲟⲣⲉⲓⲛ ⲛ̀ⲟⲩϣⲑⲏⲛ ⲛ̀ϥⲱⲓ ⲉ̀ⲃⲟⲗ ⲥⲁϧⲟⲩⲛ ⲙ̀ⲙⲟϥ ⲥⲁⲃⲟⲗ ⲇⲉ ⲛ̀ⲑⲁⲓ ⲟⲩϩⲉⲃⲥⲱ ⲉⲥⲫⲉⲣⲓⲱⲟⲩ.	Ǹṡorp men afṑli ǹnipsalmos ǹapostyθys efernystevin ṡa rouhi ǹmyni efmyn ènisinaksis eferforein ǹouṡθyn ǹfōi èvol saxoun m̀mof savol ḋe ǹθai ouhevsō esferiōou.	first of all, he learned the psalms by heart, he fasted every day until evening, he always went to church services, he wore a tunic of hair on his skin and on it a magnificent garment.
20	ⲁⲥϣⲱⲡⲓ ⲇⲉ ⲛⲟⲩⲁⲓ ⲛⲛⲓⲉϩⲟⲟⲩ ⲁϥⲙⲟⲩϯ ⲛϫⲉⲡⲓⲁⲣⲭⲱⲛ ⲉⲙⲉⲛⲉⲥⲱⲛ ⲉϥⲟⲩⲱϣ ⲉⲥϧⲏⲧⲟⲩⲉⲡⲓⲥⲧⲟⲗⲏ ⲛⲁⲛⲁⲅⲕⲁⲓⲟⲛ ϩⲱⲥ ⲛⲑⲟϥ ⲡⲉ ⲡⲓⲛⲓϣϯ ⲛⲛⲟⲧⲁⲣⲓⲟⲥ ⲟⲩⲟϩ ⲉⲧⲉⲙⲡⲉϥϫⲉⲙϥ ⲡⲣⲟⲥⲡⲓⲛⲁⲩ ⲁϥⲙⲃⲟⲛ ϧⲉⲛⲟⲩⲛⲓϣϯ ⲛϫⲱⲛⲧ .	Ⲁⲥϣⲱⲡⲓ ⲇⲉ ⲛ̀ⲟⲩⲁⲓ ⲛ̀ⲛⲓⲉ̀ϩⲟⲟⲩ ⲁϥⲙⲟⲩϯ ⲛ̀ϫⲉ ⲡⲓⲁⲣⲭⲱⲛ ⲉ̀ⲙⲉⲛⲉⲥⲱⲛ ⲉϥⲟⲩⲱϣ ⲉ̀ⲥϧⲏⲧⲟⲩⲉⲡⲓⲥⲧⲟⲗⲏ ⲛ̀ⲁⲛⲁⲅⲕⲁⲓⲟⲛ ϩⲱⲥ ⲛ̀ⲑⲟϥ ⲡⲉ ⲡⲓⲛⲓϣϯ ⲛ̀ⲛⲟⲧⲁⲣⲓⲟⲥ ⲟⲩⲟϩ ⲉ̀ⲧⲉⲙⲡⲉϥϫⲉⲙϥ ⲡ̀ⲣⲟⲥⲡⲓⲛⲁⲩ ⲁϥⲙ̀ⲃⲟⲛ ϧⲉⲛ ⲟⲩⲛⲓϣϯ ⲛ̀ϫⲱⲛⲧ.	Asṡōpi ḋe ǹouai ǹnièhoou afmouti ǹje piarxōn èmenesōn efouōṡ èsxytouepistoly ǹanankaion hōs ǹθof pe piniṡti ǹnotarios ouoh ètempefjemf p̀rospinav afm̀von xen ouniṡti ǹgōnt.	One day it happened that the prefect called Meneson, desiring to have him write a necessary letter, for he was the first of the notaries; but he did not find him immediately and became very angry.
21	ⲟⲩⲟϩ ⲉⲧⲁϥⲙⲟⲩϯ ⲉⲡⲓⲁⲗⲟⲩ ⲓⲥⲁⲁⲕ ⲁϥϣⲉⲛϥ ϫⲉⲉⲣⲉⲡⲉⲕⲥⲁϧ ⲑⲱⲛ .	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲡⲓⲁ̀ⲗⲟⲩ ⲓⲥⲁⲁⲕ ⲁϥϣⲉⲛϥ ϫⲉ ⲉ̀ⲣⲉⲡⲉⲕⲥⲁϧ ⲑⲱⲛ.	Ouoh ètafmouti èpiàlou isaak afṡenf je èrepek·sax θōn.	He asked the boy Isaac, 'Where is your master?'
22	ⲡⲉϫⲁϥ ϫⲉϯⲉⲙⲓ ⲁⲛ .	Ⲡⲉϫⲁϥ ϫⲉ ϯⲉⲙⲓ ⲁⲛ.	Pegaf je tiemi an.	He answered, 'I don't know.'
23	ⲉⲧⲁⲡⲓⲁⲗⲟⲩ ⲛⲁⲩ ⲉⲣⲟϥ ⲉⲣⲉⲡⲉϥϩⲟ ⲟⲕⲉⲙ ⲁϥⲉⲣⲟⲩⲱ ⲛⲁϩⲣⲁϥ ⲙⲫⲣⲏϯ ⲙⲫⲏ ⲉⲑⲟⲩⲁⲃ ⲇⲁⲩⲓⲇ ⲛⲁϩⲣⲉⲛⲡⲟⲩⲣⲟ ⲙⲡⲓ︤ⲥ︦ⲗ︥ ⲉϥϫⲱ ⲙⲙⲟⲥ ϫⲉⲉⲑⲃⲉⲟⲩ ⲡϩⲟ ⲙⲡⲁⲟ︤ⲥ︥ ⲟⲕⲉⲙ ⲟⲩⲁϩⲥⲁϩⲛⲓ ⲛⲏⲓ ϯⲛⲁⲥϧⲉϯⲉⲡⲓⲥⲧⲟⲗⲏ ⲙⲫⲣⲏϯ ⲉⲧⲉⲕⲟⲩⲱϣ .	Ⲉ̀ⲧⲁ ⲡⲓⲁ̀ⲗⲟⲩ ⲛⲁⲩ ⲉ̀ⲣⲟϥ ⲉ̀ⲣⲉ ⲡⲉϥϩⲟ ⲟⲕⲉⲙ ⲁϥⲉⲣⲟⲩⲱ ⲛⲁϩⲣⲁϥ ⲛ̀ⲫ̀ⲣⲏϯ ⲛ̀ⲫⲏ ⲉⲑⲟⲩⲁⲃ ⲇⲁⲩⲓⲇ ⲛⲁϩⲣⲉⲛ ⲡ̀ⲟⲩⲣⲟ ⲛ̀ⲡⲓⲥⲣⲁⲏⲗ ⲉϥϫⲱ ⲙ̀ⲙⲟⲥ ϫⲉ ⲉⲑⲃⲉ ⲟⲩ ⲡ̀ϩⲟ ⲛ̀ⲡⲁϭⲟⲓⲥ ⲟⲕⲉⲙ ⲟⲩⲁϩⲥⲁϩⲛⲓ ⲛⲏⲓ ϯⲛⲁⲥϧⲉϯⲉⲡⲓⲥⲧⲟⲗⲏ ⲛ̀ⲫ̀ⲣⲏϯ ⲉ̀ⲧⲉ ⲭ̀ⲟⲩⲱϣ.	Èta piàlou nav èrof ère pefho okem aferouō nahraf ǹf̀ryti ǹfy eθouab david nahren p̀ouro ǹpisrayl efgō m̀mos je eθve ou p̀ho ǹpaċois okem ouahsahni nyi tinasxetiepistoly ǹf̀ryti ète k̀ouōṡ.	And when the little boy saw that his face was sad, he spoke to him as the holy David spoke to the king of Israel, saying: ‘Why is the face of my lord sad? command me, and I will write the letter as you wish.’
24	ⲉⲧⲁϥⲉⲣϣⲫⲏⲣⲓ ⲇⲉ ⲛϫⲉⲡⲓⲁⲣⲭⲱⲛ ⲉϫⲉⲛⲧⲉϥϫⲓⲛⲉⲣⲟⲩⲱ ⲟⲩⲟϩ ϩⲱⲥ ϫⲉⲉϥⲉⲣⲇⲟⲕⲓⲙⲁⲍⲓⲛ ⲙⲙⲟϥ ⲡⲉϫⲁϥ ⲛⲁϥ ϫⲉⲙⲁϣⲉ ⲛⲁⲕ ⲉϧⲟⲩⲛ ⲉⲟⲩⲁⲓ ⲙⲙⲁ ⲛⲕⲟⲓⲧⲱⲛ ⲥϧⲏⲧⲥ ⲁⲛⲓⲧⲥ ⲛⲧⲁⲛⲁⲩ ⲉⲣⲟⲥ .	Ⲉ̀ⲧⲁϥⲉⲣϣⲫⲏⲣⲓ ⲇⲉ ⲛ̀ϫⲉ ⲡⲓⲁⲣⲭⲱⲛ ⲉ̀ϫⲉⲛ ⲧⲉϥϫⲓⲛⲉⲣⲟⲩⲱ ⲟⲩⲟϩ ϩⲱⲥ ϫⲉ ⲉϥⲉⲣⲇⲟⲕⲓⲙⲁⲍⲓⲛ ⲙ̀ⲙⲟϥ ⲡⲉϫⲁϥ ⲛⲁϥ ϫⲉ ⲙⲁϣⲉ ⲛⲁⲕ ⲉ̀ϧⲟⲩⲛ ⲉ̀ⲟⲩⲁⲓ ⲛ̀ⲙⲁ ⲛ̀ⲕⲟⲓⲧⲱⲛ ⲥϧⲏⲧⲥ ⲁⲛⲓⲧⲥ ⲛ̀ⲧⲁⲛⲁⲩ ⲉ̀ⲣⲟⲥ.	Ètaferṡfyri ḋe ǹje piarxōn èjen tefjinerouō ouoh hōs je eferḋokimazin m̀mof pegaf naf je maṡe nak èxoun èouai ǹma ǹkoitōn sxyts anits ǹtanav èros.	The prefect, surprised at his reply, said to him, as if to put him to the test: ‘Go to one of the rooms, write it down, bring it to me, so that I may see it.’
25	ⲟⲩⲟϩ ⲉⲧⲁϥⲥϧⲏⲧⲥ ⲁϥⲉⲛⲥ ⲁϥⲧⲁⲙⲟⲥ ⲉⲣⲟϥ ⲟⲩⲟϩ ⲉⲧⲁⲡⲓⲁⲣⲭⲱⲛ ⲛⲁⲩ ⲉϯⲉⲡⲓⲥⲧⲟⲗⲏ ⲉⲧⲁⲡⲓⲁⲗⲟⲩ ⲥϧⲏⲧⲥ ⲁϥⲧⲱⲙⲧ ⲉϧⲣⲏⲓ ⲉϫⲱⲥ	Ⲟⲩⲟϩ ⲉ̀ⲧⲁϥⲥϧⲏⲧⲥ ⲁϥⲉⲛⲥ ⲁϥⲧⲁⲙⲟⲥ ⲉ̀ⲣⲟϥ ⲟⲩⲟϩ ⲉ̀ⲧⲁ ⲡⲓⲁⲣⲭⲱⲛ ⲛⲁⲩ ⲉ̀ϯⲉⲡⲓⲥⲧⲟⲗⲏ ⲉ̀ⲧⲁ ⲡⲓⲁ̀ⲗⲟⲩ ⲥϧⲏⲧⲥ ⲁϥⲧⲱⲙⲧ ⲉ̀ϧ̀ⲣⲏⲓ ⲉ̀ϫⲱⲥ	Ouoh ètafsxyts afens aftamos èrof ouoh èta piarxōn nav ètiepistoly èta piàlou sxyts aftōmt èx̀ryi ègōs	And when he had written it, he brought it and showed it to him, and when the prefect saw the letter that the little boy had written, he was stupefied.
26	ⲁϥⲉⲣⲟⲩⲱ ⲛϫⲉⲡⲓⲁⲣⲭⲱⲛ ϫⲉⲟⲩⲕⲟⲩⲛ ⲛⲑⲟⲕ ⲟⲩⲁⲓ ⲙⲡⲁⲓⲣⲏϯ ⲟⲩⲟϩ ⲙⲡⲓⲉⲙⲓ ϣⲁⲫⲟⲟⲩ ⲁⲗⲏⲑⲱⲥ ⲉⲣⲉⲡⲓⲣⲱⲙⲓ ϫⲟⲩϣⲧ ⲉⲡⲓϩⲟ ⲫ︦ϯ︦ ⲇⲉ ⲛⲑⲟϥ ⲉⲡⲓϩⲏⲧ	ⲁϥⲉⲣⲟⲩⲱ ⲛ̀ϫⲉ ⲡⲓⲁⲣⲭⲱⲛ ϫⲉ ⲟⲩⲕⲟⲩⲛ ⲛ̀ⲑⲟⲕ ⲟⲩⲁⲓ ⲛ̀ⲡⲁⲓⲣⲏϯ ⲟⲩⲟϩ ⲙⲡⲓⲉⲙⲓ ϣⲁ ⲫⲟⲟⲩ ⲁ̀ⲗⲏⲑⲱⲥ ⲉ̀ⲣⲉ ⲡⲓⲣⲱⲙⲓ ϫⲟⲩϣⲧ ⲉ̀ⲡⲓϩⲟ ⲫ̀ⲛⲟⲩϯ ⲇⲉ ⲛ̀ⲑⲟϥ ⲉ̀ⲡⲓϩⲏⲧ	aferouō ǹje piarxōn je oukoun ǹθok ouai ǹpairyti ouoh mpiemi ṡa foou àlyθōs ère pirōmi gouṡt èpiho f̀nouti ḋe ǹθof èpihyt	The prefect spoke up and said: ‘You have such merit and I have not known it until today? Truly man looks at the appearance, but God at the heart.’
27	ⲟⲩⲟϩ ⲓⲥϫⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲁⲡⲓⲁⲣⲭⲱⲛ ⲁⲓϥ ⲛⲁⲫⲉ ⲉϫⲉⲛⲛⲓⲛⲟⲧⲁⲣⲓⲟⲥ ⲧⲏⲣⲩ ⲟⲩⲟϩ ⲛⲁⲩⲙⲉⲓ ⲙⲙⲟϥ ⲧⲏⲣⲟⲩ ⲡⲉ ⲉⲩⲉⲣⲁⲅⲁⲡⲁⲛ ⲙⲙⲟϥ ⲛϫⲉⲟⲩⲟⲛ ⲛⲓⲃⲉⲛ ⲉⲧϧⲉⲛⲡⲓⲡⲣⲁⲓⲧⲱⲣⲓⲟⲛ ⲉⲩⲙⲟⲩϯ ⲉⲣⲟϥ ϫⲉⲫⲏ ⲉⲑⲟⲩⲁⲃ ⲉⲑⲃⲉϯⲥⲟⲫⲓⲁ ⲉⲧⲉⲛϧⲏⲧϥ .	ⲟⲩⲟϩ ⲓⲥϫⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁ ⲡⲓⲁⲣⲭⲱⲛ ⲁⲓϥ ⲛ̀ⲁ̀ⲫⲉ ⲉ̀ϫⲉⲛ ⲛⲓⲛⲟⲧⲁⲣⲓⲟⲥ ⲧⲏⲣⲩ ⲟⲩⲟϩ ⲛⲁⲩⲙⲉⲓ ⲙ̀ⲙⲟϥ ⲧⲏⲣⲟⲩ ⲡⲉ ⲉⲩⲉⲣⲁⲅⲁⲡⲁⲛ ⲙ̀ⲙⲟϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲧϧⲉⲛ ⲡⲓⲡ̀ⲣⲁⲓⲧⲱⲣⲓⲟⲛ ⲉⲩⲙⲟⲩϯ ⲉ̀ⲣⲟϥ ϫⲉ ⲫⲏ ⲉⲑⲟⲩⲁⲃ ⲉⲑⲃⲉ ϯⲥⲟⲫⲓⲁ ⲉ̀ⲧⲉ ⲛ̀ϧⲏⲧϥ.	ouoh isjen pièhoou ète m̀mav a piarxōn aif ǹàfe èjen ninotarios tyri ouoh navmei m̀mof tyrou pe everaġapan m̀mof ǹje ouon niven etxen pip̀raitōrion evmouti èrof je fy eθouab eθve tisofia ète ǹxytf.	And from that day the prefect put him at the head of all the notaries, and everyone cherished him: all those who were in the praetorium loved him; he was called the saint because of the wisdom that was in him.
28	ⲗⲟⲓⲡⲟⲛ ⲛⲁⲣⲉⲛⲉϥⲓⲟϯ ϫⲟⲩϣⲧ ⲉⲣⲟϥ ⲙⲫⲣⲏϯ ⲛⲟⲩⲓⲁⲗ ⲉⲩⲉⲣϩⲉⲗⲡⲓⲥ ϫⲉⲛⲑⲟϥ ⲉⲑⲛⲁⲉⲣⲟ︤ⲥ︥ ⲉϫⲉⲛⲛⲏ ⲉⲧⲉⲛⲧⲱⲟⲩ ⲧⲏⲣⲟⲩ ⲟⲩⲟϩ ⲛⲁⲩⲟⲩⲱϣ ⲉϭⲓⲥϩⲓⲙⲓ ⲛⲁϥ ⲡⲉ ⲉⲩⲉⲣϩⲉⲗⲡⲓⲥ ⲉⲛⲁⲩ ⲉϩⲁⲛϣⲏⲣⲓ ⲉⲃⲟⲗ ⲙⲙⲟϥ ⲛⲥⲉⲉⲙⲓ ⲁⲛ ⲣⲱ ϫⲉⲟⲩⲡⲁⲓⲣⲏϯ ⲁⲛ ⲧⲉ ⲧⲧⲟⲓ ⲛⲓⲁⲕⲱⲃ ⲁⲗⲗⲁ ⲉⲁⲓϥ ⲛⲓⲱⲧ ⲉϫⲉⲛⲟⲩⲙⲏϣ ⲛϣⲏⲣⲓ ⲁⲗⲗⲁ ⲫⲏ ⲉⲧⲁϥⲫⲱⲣϫ ⲉⲃⲟⲗ ⲛⲓⲉⲣⲉⲙⲓⲁⲥ ⲓⲥϫⲉⲛⲉϥϧⲉⲛⲑⲛⲉϫⲓ ⲛⲑⲟϥ ⲟⲛ ⲁϥⲫⲱⲣϫ ⲉⲃⲟⲗ ⲙⲡⲁⲓⲁⲅⲓⲟⲥ	Ⲗⲟⲓⲡⲟⲛ ⲛⲁⲣⲉⲛⲉϥⲓⲟϯ ϫⲟⲩϣⲧ ⲉ̀ⲣⲟϥ ⲛ̀ⲫ̀ⲣⲏϯ ⲛ̀ⲟⲩⲓⲁⲗ ⲉⲩⲉⲣϩⲉⲗⲡⲓⲥ ϫⲉ ⲛ̀ⲑⲟϥ ⲉⲑⲛⲁⲉⲣⲟ̅ⲥ̅ ⲉ̀ϫⲉⲛ ⲛⲏ ⲉ̀ⲧⲉ ⲛ̀ⲧⲱⲟⲩ ⲧⲏⲣⲟⲩ ⲟⲩⲟϩ ⲛⲁⲩⲟⲩⲱϣ ⲉ̀ϭⲓⲥϩⲓⲙⲓ ⲛⲁϥ ⲡⲉ ⲉⲩⲉⲣϩⲉⲗⲡⲓⲥ ⲉⲛⲁⲩ ⲉ̀ϩⲁⲛϣⲏⲣⲓ ⲉ̀ⲃⲟⲗ ⲙ̀ⲙⲟϥ ⲛ̀ⲧⲟⲩⲉⲙⲓ ⲁⲛ ⲣⲱ ϫⲉ ⲟⲩⲡⲁⲓⲣⲏϯ ⲁⲛ ⲧⲉ ⲧ̀ⲧⲟⲓ ⲛ̀ⲓⲁⲕⲱⲃ ⲁⲗⲗⲁ ⲉⲁⲓϥ ⲛ̀ⲓⲱⲧ ⲉ̀ϫⲉⲛ ⲟⲩⲙⲏϣ ⲛ̀ϣⲏⲣⲓ ⲁⲗⲗⲁ ⲫⲏ ⲉⲧⲁϥⲫⲱⲣϫ ⲉ̀ⲃⲟⲗ ⲛ̀ⲓⲉⲣⲉⲙⲓⲁⲥ ⲓⲥϫⲉⲛ ⲉϥ ϧⲉⲛ ⲑ̀ⲛⲉϫⲓ ⲛ̀ⲑⲟϥ ⲟⲛ ⲁϥⲫⲱⲣϫ ⲉ̀ⲃⲟⲗ ⲛ̀ⲡⲁⲓⲁⲅⲓⲟⲥ	Loipon narenefioti gouṡt èrof ǹf̀ryti ǹouial everhelpis je ǹθof eθnaeros èjen ny ète ǹtōou tyrou ouoh navouōṡ èċis·himi naf pe everhelpis enav èhanṡyri èvol m̀mof ǹtouemi an rō je oupairyti an te t̀toi ǹiakōb alla eaif ǹiōt èjen oumyṡ ǹṡyri alla fy etaffōrg èvol ǹieremias isjen ef xen θ̀neji ǹθof on affōrg èvol ǹpaiagios	From that point on his parents looked at him as at a mirror, hoping that he would become the master of all that belonged to them, and they desired to make him take a wife in the hope of seeing children born of him: they did not know that his was not the lot of Jacob, but rather that he was destined to be father to a multitude of children, and that the one who had distinguished Jeremiah while he was in the womb had also distinguished this saint.
29	ⲡⲗⲏⲛ ⲁⲛⲉϥⲓⲟϯ ϭⲓⲧϥ ⲛϫⲟⲛⲥ ⲡⲁⲣⲁⲡⲉϥⲟⲩⲱϣ ⲁⲩⲱⲡ ⲛⲥⲁϯⲥϩⲓⲙⲓ ⲛⲁϥ ⲟⲩⲟϩ ⲁⲩⲟϩⲓ ϣⲁⲡⲓⲥⲏⲟⲩ ⲙⲡⲓϩⲟⲡ .	ⲡ̀ⲗⲏⲛ ⲁⲛⲉϥⲓⲟϯ ϭⲓⲧϥ ⲛ̀ϫⲟⲛⲥ ⲡⲁⲣⲁⲡⲉϥⲟⲩⲱϣ ⲁⲩⲱⲡ ⲛ̀ⲥⲁ ϯⲥ̀ϩⲓⲙⲓ ⲛⲁϥ ⲟⲩⲟϩ ⲁⲩⲟ̀ϩⲓ ϣⲁ ⲡⲓⲥⲏⲟⲩ ⲛ̀ⲡⲓϩⲟⲡ.	p̀lyn anefioti ċitf ǹgons parapefouōṡ avōp ǹsa tis̀·himi naf ouoh avòhi ṡa pisyou ǹpihop.	However, against his wishes, his parents took him and betrothed him to a young woman: they waited until the day of marriage came.
30	ⲡⲓⲁⲗⲟⲩ ⲇⲉ ⲓⲥⲁⲁⲕ ⲛⲁⲣⲉⲟⲩⲟⲛ ⲟⲩⲛⲓϣϯ ⲛϭⲓϣϣⲱⲟⲩ ϣⲟⲡ ⲛⲁϥ ⲡⲉ ⲉϧⲟⲩⲛ ⲉϯϫⲓⲛⲱⲛϧ ⲉⲧϩⲟⲗϫ ⲛⲧⲉϯⲙⲉⲧⲙⲟⲛⲁⲭⲟⲥ ⲉϥⲓⲣⲓ ⲙⲫⲙⲉⲩⲓ ⲙⲡⲟ︦ⲥ︦ ⲛϫⲉⲡⲁⲓⲁⲗⲟⲩ ⲉⲑⲟⲩⲁⲃ ⲉϥⲱϣ ⲉⲃⲟⲗ ϧⲉⲛⲡⲓⲉⲩⲁⲅⲅⲉⲗⲓⲟⲛ ⲉϥϫⲱ ⲙⲙⲟⲥ ϫⲉⲡⲉⲧⲙⲉⲓ ⲙⲡⲉϥⲓⲱⲧ ⲓⲉ ⲧⲉϥⲙⲁⲩ ⲉϩⲟⲧ ⲉⲣⲟⲓ ϥⲉⲙⲡϣⲁ ⲙⲙⲟⲓ ⲁⲛ	Ⲡⲓⲁ̀ⲗⲟⲩ ⲇⲉ ⲓⲥⲁⲁⲕ ⲛⲁⲣⲉ ⲟⲩⲟⲛ ⲟⲩⲛⲓϣϯ ⲛ̀ϭⲓϣϣⲱⲟⲩ ϣⲟⲡ ⲛⲁϥ ⲡⲉ ⲉ̀ϧⲟⲩⲛ ⲉ̀ϯϫⲓⲛⲱⲛϧ ⲉⲧϩⲟⲗϫ ⲛ̀ⲧⲉ ϯⲙⲉⲧⲙⲟⲛⲁⲭⲟⲥ ⲉϥⲓ̀ⲣⲓ ⲛ̀ⲫ̀ⲙⲉⲩⲓ ⲛ̀ⲡ̀ϭⲟⲓⲥ ⲛ̀ϫⲉ ⲡⲁⲓⲁ̀ⲗⲟⲩ ⲉⲑⲟⲩⲁⲃ ⲉϥⲱϣ ⲉ̀ⲃⲟⲗ ϧⲉⲛ ⲡⲓⲉⲩⲁⲅⲅⲉⲗⲓⲟⲛ ⲉϥϫⲱ ⲙ̀ⲙⲟⲥ ϫⲉ ⲡⲉⲧⲙⲉⲓ ⲛ̀ⲡⲉϥⲓⲱⲧ ⲓⲉ ⲧⲉϥⲙⲁⲩ ⲉϩⲟⲧ ⲉ̀ⲣⲟⲓ ϥ̀ⲉⲙⲡ̀ϣⲁ ⲙ̀ⲙⲟⲓ ⲁⲛ	Piàlou ḋe isaak nare ouon ouniṡti ǹċiṡṡōou ṡop naf pe èxoun ètijinōnx et·holg ǹte timetmonaxos efìri ǹf̀mevi ǹp̀ċois ǹje paiàlou eθouab efōṡ èvol xen pievangelion efgō m̀mos je petmei ǹpefiōt ie tefmav ehot èroi f̀emp̀ṡa m̀moi an	But the young Isaac had within himself a great desire to lead the sweet regime of monastic life: this holy child remembered that the Lord had spoken out in his Gospel and had said: ‘He who loves his father and mother more than me is not worthy of me’;
31	ⲟⲩⲟϩ ⲡⲁⲗⲓⲛ ϫⲉⲫⲏ ⲉⲧⲁϥⲭⲁⲓⲱⲧ ⲛⲥⲱϥ ⲓⲉ ⲙⲁⲩ ⲓⲉ ⲥϩⲓⲙⲓ ⲓⲉ ⲥⲱⲛⲓ ⲓⲉ ⲥⲟⲛ ⲓⲉ ⲏⲓ ⲓⲉ ⲟϩⲓ ⲓⲉ ϣⲏⲣⲓ ⲉⲑⲃⲉⲧⲙⲉⲧⲟⲩⲣⲟ ⲛⲧⲉⲫ︦ϯ︦ ϥⲛⲁϭⲓⲧⲟⲩ ⲛⲣ︦ ⲛⲕⲱⲡ ⲛⲥⲟⲡ ϧⲉⲛⲡⲁⲓⲉⲛⲉϩ ⲟⲩⲟϩ ϧⲉⲛⲡⲉⲑⲛⲏⲟⲩ ⲟⲩⲱⲛϧ ⲛⲉⲛⲉϩ .	ⲟⲩⲟϩ ⲡⲁⲗⲓⲛ ϫⲉ ⲫⲏ ⲉⲧⲁϥⲭⲁⲓⲱⲧ ⲛ̀ⲥⲱϥ ⲓⲉ ⲙⲁⲩ ⲓⲉ ⲥϩⲓⲙⲓ ⲓⲉ ⲥⲱⲛⲓ ⲓⲉ ⲥⲟⲛ ⲓⲉ ⲏⲓ ⲓⲉ ⲟ̀ϩⲓ ⲓⲉ ϣⲏⲣⲓ ⲉⲑⲃⲉ ⲧ̀ⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ϥ̀ⲛⲁϭⲓⲧⲟⲩ ⲛ̀ϣⲉ ⲛ̀ⲕⲱⲡ ⲛ̀ⲥⲟⲡ ϧⲉⲛ ⲡⲁⲓⲉⲛⲉϩ ⲟⲩⲟϩ ϧⲉⲛ ⲡⲉⲑⲛⲏⲟⲩ ⲟⲩⲱⲛϧ ⲛ̀ⲉ̀ⲛⲉϩ.	ouoh palin je fy etafkaiōt ǹsōf ie mav ie s·himi ie sōni ie son ie yi ie òhi ie ṡyri eθve t̀metouro ǹte f̀nouti f̀naċitou ǹṡe ǹkōp ǹsop xen paieneh ouoh xen peθnyou ouōnx ǹèneh.	and also: ‘He who leaves his father, or his mother, or his wife, or his sister, or his brother, or his house, or his flock, or his children for the kingdom of God, shall receive them a hundredfold in this world, and eternal life in the world to come’;
32	ⲡⲁⲗⲓⲛ ⲟⲛ ⲡⲓⲁⲡⲟⲥⲧⲟⲗⲟⲥ ⲱϣ ⲉⲃⲟⲗ ϫⲉϥⲛⲁⲥⲓⲛⲓ ⲛϫⲉⲡⲓⲥⲭⲏⲙⲁ ⲛⲧⲉⲡⲁⲓⲕⲟⲥⲙⲟⲥ	Ⲡⲁⲗⲓⲛ ⲟⲛ ⲡⲓⲁ̀ⲡⲟⲥⲧⲟⲗⲟⲥ ⲱϣ ⲉ̀ⲃⲟⲗ ϫⲉ ϥ̀ⲛⲁⲥⲓⲛⲓ ⲛ̀ϫⲉ ⲡⲓⲥⲭⲏⲙⲁ ⲛ̀ⲧⲉ ⲡⲁⲓⲕⲟⲥⲙⲟⲥ	Palin on piàpostolos ōṡ èvol je f̀nasini ǹje pisṡyma ǹte paikosmos	and the Apostle also proclaimed: ‘The form of this world will pass away;
33	ϯⲟⲩⲉϣⲑⲏⲛⲟⲩ ⲇⲉ ⲉⲣⲉⲧⲉⲛⲟⲓ ⲛⲁⲧⲣⲱⲟⲩϣ .	ϯⲟⲩⲉϣ ⲑⲏⲛⲟⲩ ⲇⲉ ⲉⲣⲉⲧⲉⲛⲟⲓ ⲛ̀ⲁⲧⲣⲱⲟⲩϣ.	tioueṡ θynou ḋe eretenoi ǹatrōouṡ.	but I desire that you should all now be without disquiet’;
34	ⲟⲩⲟϩ ⲡⲁⲗⲓⲛ ⲟⲛ ⲓⲱⲁⲛⲛⲏⲥ ⲡⲓⲁⲡⲟⲥⲧⲟⲗⲟⲥ ϫⲱ ⲙⲙⲟⲥ ϫⲉⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙⲧⲉϥⲉⲡⲓⲑⲩⲙⲓⲁ	Ⲟⲩⲟϩ ⲡⲁⲗⲓⲛ ⲟⲛ ⲓⲱⲁⲛⲛⲏⲥ ⲡⲓⲁ̀ⲡⲟⲥⲧⲟⲗⲟⲥ ϫⲱ ⲙ̀ⲙⲟⲥ ϫⲉ ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ	Ouoh palin on iōannys piàpostolos gō m̀mos je pikosmos nasini nem tefèpiθimia	and the apostle John also said, ‘The world will pass away with its desires;
35	ⲫⲏ ⲇⲉ ⲉⲧⲓⲣⲓ ⲙⲫⲟⲩⲱϣ ⲙⲫϯ ϥⲛⲁϣⲱⲡⲓ ϣⲁⲉⲛⲉϩ	ⲫⲏ ⲇⲉ ⲉⲧⲓⲣⲓ ⲛ̀ⲫ̀ⲟⲩⲱϣ ⲛ̀ⲫ̀ⲛⲟⲩϯ ϥ̀ⲛⲁϣⲱⲡⲓ ϣⲁ ⲉ̀ⲛⲉϩ	fy ḋe etiri ǹf̀ouōṡ ǹf̀nouti f̀naṡōpi ṡa èneh	but he who does the will of God shall abide forever,’
36	ⲟⲩⲟϩ ⲟⲛ ϫⲉⲛⲭⲁⲓ ⲛⲓⲃⲉⲛ ⲉⲧϧⲉⲛ ⲡⲓⲕⲟⲥⲙⲟⲥ ϯⲉⲡⲓⲑⲩⲙⲓⲁ ⲛⲧⲉⲛⲓⲃⲁⲗ ⲛⲉⲙϯⲉⲡⲓⲑⲩⲙⲓⲁ ⲛⲧⲉϯⲥⲁⲣⲝ ϩⲁⲛⲁⲧϣⲧⲁϩⲱⲟⲩ ⲛⲉ ϧⲉⲛⲡⲟⲩϭⲓⲙⲡϣⲓϣ	ⲟⲩⲟϩ ⲟⲛ ϫⲉ ⲛ̀ⲭⲁⲓ ⲛⲓⲃⲉⲛ ⲉⲧϧⲉⲛ ⲡⲓⲕⲟⲥⲙⲟⲥ ϯⲉ̀ⲡⲓⲑⲩⲙⲓⲁ ⲛ̀ⲧⲉ ⲛⲓⲃⲁⲗ ⲛⲉⲙ ϯⲉ̀ⲡⲓⲑⲩⲙⲓⲁ ⲛ̀ⲧⲉ ϯⲥⲁⲣⲝ ϩⲁⲛⲁⲧϣⲧⲁϩⲱⲟⲩ ⲛⲉ ϧⲉⲛ ⲡⲟⲩϭⲓⲙⲡϣⲓϣ	ouoh on je ǹkai niven etxen pikosmos tièpiθimia ǹte nival nem tièpiθimia ǹte tisarks hanatṡtahōou ne xen pouċimpṡiṡ	and also: ‘All the things of this world, desires of the eyes and desires of the flesh, are unattainable in their violent desire
37	ⲛⲁⲓ ϩⲁⲛⲉⲃⲟⲗ ⲙⲫ︦ϯ︦ ⲁⲛ ⲛⲉ ⲁⲗⲗⲁ ϩⲁⲛⲉⲃⲟⲗ ϧⲉⲛⲡⲓⲕⲟⲥⲙⲟⲥ ⲛⲉ .	ⲛⲁⲓ ϩⲁⲛⲉ̀ⲃⲟⲗ ⲛ̀ⲫ̀ⲛⲟⲩϯ ⲁⲛ ⲛⲉ ⲁⲗⲗⲁ ϩⲁⲛⲉ̀ⲃⲟⲗ ϧⲉⲛ ⲡⲓⲕⲟⲥⲙⲟⲥ ⲛⲉ.	nai hanèvol ǹf̀nouti an ne alla hanèvol xen pikosmos ne.	for they are not things of God, but things of this world.’
38	ⲛⲁⲓ ⲇⲉ ⲉⲣⲉⲡⲓⲑⲙⲏⲓ ⲉⲣⲙⲉⲗⲉⲧⲁⲛ ⲙⲙⲱⲟⲩ ⲉⲛⲉϩⲟⲟⲩ ϧⲁⲧϩⲏ ⲛⲉϩⲟⲟⲩ ⲟⲩⲟϩ ⲉϥⲥⲟϭⲛⲓ ⲛϧⲣⲏⲓ ⲛϧⲏⲧⲓ ⲉⲭⲱ ⲛⲥⲱϥ ⲛϯⲙⲉⲧⲉⲫⲗⲏⲟⲩ ⲛⲧⲉⲡⲁⲓⲕⲟⲥⲙⲟⲥ ⲛⲉⲙⲛⲉϥⲣⲱⲟⲩϣ .	Ⲛⲁⲓ ⲇⲉ ⲉ̀ⲣⲉⲡⲓⲑ̀ⲙⲏⲓ ⲉⲣⲙⲉⲗⲉⲧⲁⲛ ⲙ̀ⲙⲱⲟⲩ ⲉ̀ⲛⲉ̀ϩⲟⲟⲩ ϧⲁⲧ̀ϩⲏ ⲛ̀ⲉ̀ϩⲟⲟⲩ ⲟⲩⲟϩ ⲉϥⲥⲟϭⲛⲓ ⲛ̀ϧ̀ⲣⲏⲓ ⲛ̀ϧⲏⲧⲓ ⲉ̀ⲭⲱ ⲛ̀ⲥⲱϥ ⲛ̀ϯⲙⲉⲧⲉⲫⲗⲏⲟⲩ ⲛ̀ⲧⲉ ⲡⲁⲓⲕⲟⲥⲙⲟⲥ ⲛⲉⲙ ⲛⲉϥⲣⲱⲟⲩϣ.	Nai ḋe èrepiθ̀myi ermeletan m̀mōou ènèhoou xat̀·hy ǹèhoou ouoh efsoċni ǹx̀ryi ǹxyti èkō ǹsōf ǹtimeteflyou ǹte paikosmos nem nefrōouṡ.	This is what the righteous man meditated day by day, and he decided to abandon the vanity of this world with its cares.
39	ⲉⲣⲉⲛⲁⲓ ϣⲟⲡ ⲙⲡⲁⲓⲣⲏϯ ⲁϥⲓ ⲉⲃⲟⲗ ϧⲉⲛⲥⲱⲙⲁ ⲛϫⲉⲅⲉⲱⲣⲅⲓⲟⲥ ⲡⲓⲉⲡⲁⲣⲭⲟⲥ ⲫⲁⲓ ⲉⲣⲉⲡⲓⲁⲗⲟⲩ ⲟⲓ ⲛⲛⲟⲧⲁⲣⲓⲟⲥ ⲛⲁϥ .	Ⲉ̀ⲣⲉⲛⲁⲓ ϣⲟⲡ ⲛ̀ⲡⲁⲓⲣⲏϯ ⲁϥⲓ̀ ⲉ̀ⲃⲟⲗ ϧⲉⲛ ⲥⲱⲙⲁ ⲛ̀ϫⲉ ⲅⲉⲱⲣⲅⲓⲟⲥ ⲡⲓⲉⲡⲁⲣⲭⲟⲥ ⲫⲁⲓ ⲉ̀ⲣⲉ ⲡⲓⲁ̀ⲗⲟⲩ ⲟⲓ ⲛ̀ⲛⲟⲧⲁⲣⲓⲟⲥ ⲛⲁϥ.	Èrenai ṡop ǹpairyti afì èvol xen sōma ǹje geōrgios pieparxos fai ère piàlou oi ǹnotarios naf.	This being as it was, Georgios, the eparch whose notary the young boy had been, died.
40	ⲉⲧⲁϥⲙⲟⲩ ⲇⲉ ⲛϫⲉⲡⲓⲁⲣⲭⲱⲛ ⲟⲩⲟϩ ϩⲱⲥ ϫⲉⲁⲡⲉⲑⲟⲩⲁⲃ ϫⲉⲙⲡⲓⲥⲏⲟⲩ ⲉⲧⲉϥⲉⲣⲉⲡⲓⲑⲩⲙⲉⲓⲛ ⲉⲣⲟϥ ⲁϥⲓ ⲉⲃⲟⲗ ϧⲉⲛ ⲡⲓⲡⲣⲁⲓⲧⲱⲣⲓⲟⲛ ⲁϥϣⲉ ⲛⲁϥ ⲉⲡⲉϥⲏⲓ ⲁϥϣⲱⲡⲓ ϧⲁⲧⲉⲛⲛⲉϥⲓⲟϯ ⲛϩⲁⲛⲕⲟⲩϫⲓ ⲛⲉϩⲟⲟⲩ .	Ⲉ̀ⲧⲁϥⲙⲟⲩ ⲇⲉ ⲛ̀ϫⲉ ⲡⲓⲁⲣⲭⲱⲛ ⲟⲩⲟϩ ϩⲱⲥ ϫⲉ ⲁ ⲡⲉⲑⲟⲩⲁⲃ ϫⲉⲙⲡⲓⲥⲏⲟⲩ ⲉⲧⲉϥⲉⲣⲉⲡⲓⲑⲩⲙⲉⲓⲛ ⲉ̀ⲣⲟϥ ⲁϥⲓ̀ ⲉ̀ⲃⲟⲗ ϧⲉⲛ ⲡⲓⲡ̀ⲣⲁⲓⲧⲱⲣⲓⲟⲛ ⲁϥϣⲉ ⲛⲁϥ ⲉ̀ⲡⲉϥⲏⲓ ⲁϥϣⲱⲡⲓ ϧⲁⲧⲉⲛ ⲛⲉϥⲓⲟϯ ⲛ̀ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ.	Ètafmou ḋe ǹje piarxōn ouoh hōs je a peθouab jempisyou eteferepiθimein èrof afì èvol xen pip̀raitōrion afṡe naf èpefyi afṡōpi xaten nefioti ǹhankouji ǹèhoou.	When the prefect was dead, as the saint found the opportunity he desired, he left the praetorium, went to his house, and stayed a few days near his parents.
41	ⲛⲑⲱⲟⲩ ⲇⲉ ⲛⲁⲩⲉⲣⲁⲅⲁⲡⲁⲛ ⲙⲙⲟϥ ⲡⲉ ⲉⲩϯⲛⲟⲙϯ ⲛⲁϥ ⲉⲩⲉⲣϩⲟϯ ϫⲉⲙⲏⲡⲱⲥ ⲛⲧⲉϥⲉⲣⲁⲑⲟⲩⲱⲛϩ ⲉⲃⲟⲗ ϩⲁⲣⲱⲟⲩ ⲉⲩⲛⲁⲩ ⲉⲡⲓⲛⲓϣϯ ⲛϧⲙⲟⲙ ⲉⲧϣⲟⲡ ⲛⲁϥ ⲉϧⲟⲩⲛ ⲉⲡⲓⲁⲅⲁⲑⲟⲛ .	Ⲛ̀ⲑⲱⲟⲩ ⲇⲉ ⲛⲁⲩⲉⲣⲁⲅⲁⲡⲁⲛ ⲙ̀ⲙⲟϥ ⲡⲉ ⲉⲩϯⲛⲟⲙϯ ⲛⲁϥ ⲉⲩⲉⲣϩⲟϯ ϫⲉ ⲙⲏⲡⲱⲥ ⲛ̀ⲧⲉϥⲉⲣⲁⲑⲟⲩⲱⲛϩ ⲉ̀ⲃⲟⲗ ϩⲁⲣⲱⲟⲩ ⲉⲩⲛⲁⲩ ⲉ̀ⲡⲓⲛⲓϣϯ ⲛ̀ϧⲙⲟⲙ ⲉⲧϣⲟⲡ ⲛⲁϥ ⲉ̀ϧⲟⲩⲛ ⲉ̀ⲡⲓⲁ̀ⲅⲁⲑⲟⲛ.	Ǹθōou ḋe naveraġapan m̀mof pe evtinomti naf everhoti je mypōs ǹteferaθouōnh èvol harōou evnav èpiniṡti ǹxmom etṡop naf èxoun èpiàġaθon.	As for them, they loved and encouraged him, fearing that he would disappear from their house because they saw the great fervor he had for good.
42	ⲗⲟⲓⲡⲟⲛ ⲉⲣⲉⲛⲁⲓ ϣⲟⲡ ⲙⲡⲁⲓⲣⲏϯ ⲁϥⲓ ⲉⲃⲟⲗ ϧⲉⲛⲡⲓⲏⲓ ⲛϫⲉⲡⲓⲁⲗⲟⲩ ⲓⲥⲁⲁⲕ ⲙⲡⲉϥⲭⲁϩⲗⲓ ϧⲉⲛⲛⲏ ⲉⲧⲉⲛⲟⲩϥ ⲉⲉⲙⲓ .	Ⲗⲟⲓⲡⲟⲛ ⲉ̀ⲣⲉⲛⲁⲓ ϣⲟⲡ ⲛ̀ⲡⲁⲓⲣⲏϯ ⲁϥⲓ̀ ⲉ̀ⲃⲟⲗ ϧⲉⲛ ⲡⲓⲏⲓ ⲛ̀ϫⲉ ⲡⲓⲁ̀ⲗⲟⲩ ⲓⲥⲁⲁⲕ ⲙ̀ⲡⲉϥⲭⲁϩ̀ⲗⲓ ϧⲉⲛ ⲛⲏ ⲉ̀ⲧⲉ ⲛⲟⲩϥ ⲉⲉⲙⲓ.	Loipon èrenai ṡop ǹpairyti afì èvol xen piyi ǹje piàlou isaak m̀pefkah̀li xen ny ète nouf eemi.	Finally, things being this way, the young boy Isaac left the house, making sure that no one knew about it.
43	ⲁϥϣⲉ ⲛⲁϥ ⲉⲡⲓⲧⲱⲟⲩ ⲉⲑⲟⲩⲁⲃ ⲛⲧⲉϣⲓⲏⲧ ⲫⲁⲓ ⲉⲧⲟⲩϣⲟⲡ ⲛϫⲉ ϩⲁⲛⲭⲱⲣⲟⲥ ⲛⲁⲅⲅⲉⲗⲟⲥ ⲉⲩⲟⲩⲁⲃ ⲛⲧⲉⲫ︦ϯ ⲉⲧⲉⲛⲁⲓ ⲛⲉ ⲛⲓⲙⲟⲛⲁⲭⲟⲥ ⲉⲧⲥⲙⲁⲣⲱⲟⲩⲧ ⲛⲁⲓ ⲉⲧⲁⲩⲉⲣⲥⲧⲁⲩⲣⲱⲛⲉⲓⲛ ⲛⲧⲟⲩⲥⲁⲣⲝ ϧⲉⲛⲛⲓϧⲓⲥⲓ ⲛⲧⲉⲧⲁⲣⲉⲧⲏ ⲉⲩϥⲁⲓ ϧⲁⲫⲙⲟⲩ ⲛⲓⲏ︦ⲥ︦ ⲥⲏⲟⲩ ⲛⲓⲃⲉⲛ ϧⲉⲛⲡⲟⲩⲥⲱⲙⲁ ⲉⲩⲉⲣϩⲉⲗⲡⲓⲥ ⲉⲡⲓⲱⲟⲩ ⲉⲑⲛⲁϭⲱⲣⲡ ⲛⲱⲟⲩ ⲉⲃⲟⲗ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ⲓⲥϫⲉ ⲧⲉⲛϭⲓⲙⲕⲁϩ ⲛⲉⲙⲁϥ ⲧⲉⲛⲛⲁϭⲓⲱⲟⲩ ⲛⲉⲙⲁϥ ⲟⲛ .	Ⲁϥϣⲉ ⲛⲁϥ ⲉ̀ⲡⲓⲧⲱⲟⲩ ⲉⲑⲟⲩⲁⲃ ⲛ̀ⲧⲉ ϣⲓⲏⲧ ⲫⲁⲓ ⲉⲧⲟⲩϣⲟⲡ ⲛ̀ϫⲉ ϩⲁⲛⲭⲱⲣⲟⲥ ⲛ̀ⲁⲅⲅⲉⲗⲟⲥ ⲉⲩⲟⲩⲁⲃ ⲛ̀ⲧⲉ ⲫ̀ⲛⲟⲩϯ ⲉ̀ⲧⲉ ⲛⲁⲓ ⲛⲉ ⲛⲓⲙⲟⲛⲁⲭⲟⲥ ⲉⲧⲥ̀ⲙⲁⲣⲱⲟⲩⲧ ⲛⲁⲓ ⲉⲧⲁⲩⲉⲣⲥⲧⲁⲩⲣⲱⲛⲉⲓⲛ ⲛ̀ⲧⲟⲩⲥⲁⲣⲝ ϧⲉⲛ ⲛⲓϧⲓⲥⲓ ⲛ̀ⲧⲉ ⲧ̀ⲁ̀ⲣⲉⲧⲏ ⲉⲩϥⲁⲓ ϧⲁ ⲫ̀ⲙⲟⲩ ⲛ̀ⲓⲏⲥⲟⲩⲥ ⲥⲏⲟⲩ ⲛⲓⲃⲉⲛ ϧⲉⲛ ⲡⲟⲩⲥⲱⲙⲁ ⲉⲩⲉⲣϩⲉⲗⲡⲓⲥ ⲉ̀ⲡⲓⲱⲟⲩ ⲉⲑⲛⲁϭⲱⲣⲡ ⲛⲱⲟⲩ ⲉ̀ⲃⲟⲗ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ⲓⲥϫⲉ ⲧⲉⲛϭⲓⲙⲕⲁϩ ⲛⲉⲙⲁϥ ⲧⲉⲛⲛⲁϭⲓⲱⲟⲩ ⲛⲉⲙⲁϥ ⲟⲛ.	Afṡe naf èpitōou eθouab ǹte ṡiyt fai etouṡop ǹje hanxōros ǹangelos evouab ǹte f̀nouti ète nai ne nimonaxos ets̀marōout nai etaverstavrōnein ǹtousarks xen nixisi ǹte t̀àrety evfai xa f̀mou ǹiysous syou niven xen pousōma everhelpis èpiōou eθnaċōrp nōou èvol kata f̀ryti ets̀xyout isje tenċimkah nemaf tennaċiōou nemaf on.	He went to the holy mountain of Skete, where dwell the choirs of the holy angels of God, that is, of the blessed monks who have crucified their flesh in the sufferings of virtue, who endure at all times the death of Jesus in their bodies, hoping for the glory that will be manifested to them, as it is written: ‘If we have suffered with him, we will also be glorified with him.’
44	ⲉⲧⲁϥⲓ ⲇⲉ ⲉϣⲓⲏⲧ ⲁϥϫⲱⲓⲗⲓ ⲙⲫⲙⲟⲛⲁⲥⲧⲏⲣⲓⲟⲛ ⲙⲫⲁ ⲡⲓⲉⲣⲫⲙⲉⲩⲓ ⲉⲑⲛⲁⲛⲉϥ ⲁⲃⲃⲁ ⲍⲁⲭⲁⲣⲓⲁⲥ ⲡⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲛϩⲏⲅⲟⲩⲙⲉⲛⲟⲥ ⲛⲧⲉϯⲗⲁⲩⲣⲁ ⲉⲑⲟⲩⲁⲃ ⲛⲧⲉⲁⲃⲃⲁ ⲙⲁⲕⲁⲣⲓⲟⲥ ⲫⲁⲓ ⲉⲧⲁϥⲉⲣⲉⲡⲓⲥⲕⲟⲡⲟⲥ ⲉϯⲡⲟⲗⲓⲥ ⲥⲁⲓ ⲉⲟⲩⲣⲱⲙⲓ ⲡⲉ ⲉϥⲟⲩⲁⲃ ⲫⲁⲓ ⲉⲑⲛⲁⲩ ⲉϩⲁⲛϭⲱⲣⲡ ⲉⲃⲟⲗ .	Ⲉ̀ⲧⲁϥⲓ̀ ⲇⲉ ⲉ̀ϣⲓⲏⲧ ⲁϥϫⲱⲓⲗⲓ ⲛ̀ⲫ̀ⲙⲟⲛⲁⲥⲧⲏⲣⲓⲟⲛ ⲛ̀ⲫⲁ ⲡⲓⲉⲣⲫⲙⲉⲩⲓ ⲉⲑⲛⲁⲛⲉϥ ⲁⲃⲃⲁ ⲍⲁⲭⲁⲣⲓⲁⲥ ⲡⲓⲡ̀ⲣⲉⲥⲃⲩⲧⲉⲣⲟⲥ ⲟⲩⲟϩ ⲛ̀ϩⲩⲅⲟⲩⲙⲉⲛⲟⲥ ⲛ̀ⲧⲉ ϯⲗⲁⲩⲣⲁ ⲉⲑⲟⲩⲁⲃ ⲛ̀ⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲫⲁⲓ ⲉⲧⲁϥⲉⲣⲉⲡⲓⲥⲕⲟⲡⲟⲥ ⲉ̀ϯⲡⲟⲗⲓⲥ ⲥⲁⲓ ⲉ̀ⲟⲩⲣⲱⲙⲓ ⲡⲉ ⲉϥⲟⲩⲁⲃ ⲫⲁⲓ ⲉⲑⲛⲁⲩ ⲉ̀ϩⲁⲛϭⲱⲣⲡ ⲉ̀ⲃⲟⲗ.	Ètafì ḋe èṡiyt afgōili ǹf̀monastyrion ǹfa pierfmevi eθnanef abba zaxarias pip̀resbiteros ouoh ǹhiġoumenos ǹte tilavra eθouab ǹte abba makarios fai etaferepiskopos ètipolis sai èourōmi pe efouab fai eθnav èhanċōrp èvol.	When he arrived at Skete, he dwelt as a guest in the monastery of Abba Zacharias of good memory, the priest and hegumen of the holy Laura of Abba Macarius and bishop of the city of Sais, who was a holy man with visions.
45	ⲉⲧⲁϥⲛⲁⲩ ⲇⲉ ⲉⲡⲓⲁⲗⲟⲩ ⲉⲑⲟⲩⲁⲃ ⲛϫⲉⲡⲓϧⲉⲗⲗⲟ ⲁⲃⲃⲁ ⲍⲁⲭⲁⲣⲓⲁⲥ ⲉϥⲛⲏⲟⲩ ϧⲁⲣⲟϥ ⲁⲡⲟ︤ⲥ︥ ⲟⲩⲱⲛ ⲛⲛⲉϥⲃⲁⲗ ⲁϥⲛⲁⲩ ⲉⲫⲙⲏⲓⲛⲓ ⲛⲟⲩⲥⲧⲁⲩⲣⲟⲥ ϩⲓϫⲉⲛⲧⲉϥⲁⲫⲉ	Ⲉⲧⲁϥⲛⲁⲩ ⲇⲉ ⲉ̀ⲡⲓⲁ̀ⲗⲟⲩ ⲉⲑⲟⲩⲁⲃ ⲛ̀ϫⲉ ⲡⲓϧⲉⲗⲗⲟ ⲁⲃⲃⲁ ⲍⲁⲭⲁⲣⲓⲁⲥ ⲉϥⲛⲏⲟⲩ ϧⲁⲣⲟϥ ⲁ ⲡ̀ϭⲟⲓⲥ ⲟⲩⲱⲛ ⲛ̀ⲛⲉϥⲃⲁⲗ ⲁϥⲛⲁⲩ ⲉ̀ⲫ̀ⲙⲏⲓⲛⲓ ⲛ̀ⲟⲩⲥ̀ⲧⲁⲩⲣⲟⲥ ϩⲓϫⲉⲛ ⲧⲉϥⲁ̀ⲫⲉ	Etafnav ḋe èpiàlou eθouab ǹje pixello abba zaxarias efnyou xarof a p̀ċois ouōn ǹnefval afnav èf̀myini ǹous̀tavros hijen tefàfe	But when the old man Abbot Zacharias saw the holy young man coming to him, the Lord opened his eyes, and he saw the sign of the cross on his head.
46	ⲟⲩⲟϩ ⲉⲧⲁϥⲛⲁⲩ ⲉⲡⲁⲓⲙⲏⲓⲛⲓ ⲙⲡⲁⲣⲁⲇⲟⲝⲟⲛ ⲁϥⲉⲣϣⲫⲏⲣⲓ ⲉⲙⲁϣⲱ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲙⲫⲣⲏϯ ⲉⲧⲟⲩⲉⲣⲛⲓϣϯ ⲛϫⲉⲛⲉⲕϩⲃⲏⲟⲩⲓ ⲡⲟ︦ⲥ︦ ⲁⲩϣⲱⲕ ⲛϫⲉⲛⲉⲕⲙⲟⲕⲙⲉⲕ ⲉⲙⲁϣⲱ .	ⲟⲩⲟϩ ⲉⲧⲁϥⲛⲁⲩ ⲉ̀ⲡⲁⲓⲙⲏⲓⲛⲓ ⲛ̀ⲡⲁⲣⲁⲇⲟⲝⲟⲛ ⲁϥⲉⲣϣⲫⲏⲣⲓ ⲉ̀ⲙⲁϣⲱ ⲁϥⲱϣ ⲉ̀ⲃⲟⲗ ⲉϥϫⲱ ⲙ̀ⲙⲟⲥ ϫⲉ ⲛ̀ⲫ̀ⲣⲏϯ ⲉⲧⲟⲩⲉⲣⲛⲓϣϯ ⲛ̀ϫⲉ ⲛⲉⲕϩ̀ⲃⲏⲟⲩⲓ̀ ⲡ̀ϭⲟⲓⲥ ⲁⲩϣⲱⲕ ⲛ̀ϫⲉ ⲛⲉⲕⲙⲟⲕⲙⲉⲕ ⲉ̀ⲙⲁϣⲱ.	ouoh etafnav èpaimyini ǹparaḋokson aferṡfyri èmaṡō afōṡ èvol efgō m̀mos je ǹf̀ryti etouerniṡti ǹje nek·h̀vyouì p̀ċois avṡōk ǹje nekmokmek èmaṡō.	When he saw this glorious sign, he was greatly astonished and cried out, saying, ‘How great are your works, O Lord! Your intentions are so deep!’
47	ⲟⲩⲟϩ ϩⲱⲥ ⲉϥⲥⲟϭⲛⲓ ⲛϧⲣⲏⲓ ⲛϧⲏⲧϥ ⲛϫⲉⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲍⲁⲭⲁⲣⲓⲁⲥ ϫⲉⲟⲩ ϩⲁⲣⲁ ⲡⲉⲧⲛⲁϣⲱⲡⲓ ⲙⲡⲁⲓⲁⲗⲟⲩ ⲥⲁⲧⲟⲧϥ ⲁⲩϯ ⲛⲓⲁⲧϥ ⲉⲃⲟⲗ ϩⲓⲧⲉⲛⲟⲩⲁⲅⲅⲉⲗⲟⲥ ⲛⲧⲉⲡⲟ︦ⲥ︦ ⲉϥϫⲱ ⲙⲙⲟⲥ ϫⲉϩⲏⲡⲡⲉ ⲁⲡⲟ︤ⲥ︥ ⲉⲣⲭⲁⲣⲓⲍⲉⲥⲧⲉ ⲛⲁⲕ ⲛⲟⲩⲛⲓϣϯ ⲛⲇⲱⲣⲟⲛ ⲉϥⲟⲩⲁⲃ ⲉⲧⲉⲡⲁⲓⲁⲗⲟⲩ ⲡⲉ ⲉⲧⲁϥⲓ ϣⲁⲣⲟⲕ	Ⲟⲩⲟϩ ϩⲱⲥ ⲉϥⲥⲟϭⲛⲓ ⲛ̀ϧ̀ⲣⲏⲓ ⲛ̀ϧⲏⲧϥ ⲛ̀ϫⲉ ⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲍⲁⲭⲁⲣⲓⲁⲥ ϫⲉ ⲟⲩ ϩⲁⲣⲁ ⲡⲉⲧⲛⲁϣⲱⲡⲓ ⲛ̀ⲡⲁⲓⲁ̀ⲗⲟⲩ ⲥⲁⲧⲟⲧϥ ⲁⲩϯ ⲛ̀ⲓⲁⲧϥ ⲉ̀ⲃⲟⲗ ϩⲓⲧⲉⲛ ⲟⲩⲁⲅⲅⲉⲗⲟⲥ ⲛ̀ⲧⲉ ⲡ̀ϭⲟⲓⲥ ⲉϥϫⲱ ⲙ̀ⲙⲟⲥ ϫⲉ ϩⲏⲡⲡⲉ ⲁ ⲡ̀ϭⲟⲓⲥ ⲉⲣⲭⲁⲣⲓⲍⲉⲥⲧⲉ ⲛⲁⲕ ⲛ̀ⲟⲩⲛⲓϣϯ ⲛ̀ⲇⲱⲣⲟⲛ ⲉϥⲟⲩⲁⲃ ⲉ̀ⲧⲉ ⲡⲁⲓⲁ̀ⲗⲟⲩ ⲡⲉ ⲉ̀ⲧⲁϥⲓ̀ ϣⲁⲣⲟⲕ	Ouoh hōs efsoċni ǹx̀ryi ǹxytf ǹje pixello eθouab abba zaxarias je ou hara petnaṡōpi ǹpaiàlou satotf avti ǹiatf èvol hiten ouangelos ǹte p̀ċois efgō m̀mos je hyppe a p̀ċois erkarizeste nak ǹouniṡti ǹḋōron efouab ète paiàlou pe ètafì ṡarok	And so when the holy old man Abba Zacharias took counsel to himself, and said to himself, ‘What will become of this young boy?’, immediately he was warned by an angel of the Lord, who said to him, ‘Behold, the Lord has given you a great and holy gift: this young boy has come to you,
48	ⲫⲁⲓ ⲅⲁⲣ ⲛⲁϣⲱⲡⲓ ⲛⲟⲩⲙⲁ ⲛⲉⲥⲱⲟⲩ ⲛⲧⲉⲡⲭ︤ⲥ︥ ⲟⲩⲟϩ ⲙⲡⲁⲧⲣⲓⲁⲣⲭⲏⲥ ⲛⲛⲓⲉⲡⲓⲥⲕⲟⲡⲟⲥ .	ⲫⲁⲓ ⲅⲁⲣ ⲛⲁϣⲱⲡⲓ ⲛ̀ⲟⲩⲙⲁ ⲛ̀ⲉⲥⲱⲟⲩ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ⲟⲩⲟϩ ⲛ̀ⲡⲁⲧⲣⲓⲁⲣⲭⲏⲥ ⲛ̀ⲛⲓⲉ̀ⲡⲓⲥⲕⲟⲡⲟⲥ.	fai ġar naṡōpi ǹouma ǹesōou ǹte pix̀ristos ouoh ǹpatriarṡys ǹnièpiskopos.	for he will be a shepherd for the sheep of Christ and the patriarch of the bishops.’
49	ⲛⲁⲓ ⲇⲉ ⲉⲧⲁϥⲥⲟⲑⲙⲟⲩ ⲛⲧⲟⲧϥ ⲙⲡⲓⲁⲅⲅⲉⲗⲟⲥ ⲛϫⲉⲛⲓϧⲉⲗⲗⲟ ⲉⲑⲟⲩⲁⲃ ⲁϥⲣⲁϣⲓ ⲉⲙⲁϣⲱ .	Ⲛⲁⲓ ⲇⲉ ⲉ̀ⲧⲁϥⲥⲟⲑⲙⲟⲩ ⲛ̀ⲧⲟⲧϥ ⲛ̀ⲡⲓⲁⲅⲅⲉⲗⲟⲥ ⲛ̀ϫⲉ ⲛⲓϧⲉⲗⲗⲟ ⲉⲑⲟⲩⲁⲃ ⲁϥⲣⲁϣⲓ ⲉ̀ⲙⲁϣⲱ.	Nai ḋe ètafsoθmou ǹtotf ǹpiangelos ǹje nixello eθouab afraṡi èmaṡō.	And when the old man heard the angel's words, he rejoiced greatly.
50	ⲉⲧⲁϥϣⲱⲡⲓ ⲇⲉ ϧⲁⲧⲟⲧϥ ⲙⲡⲓϧⲉⲗⲗⲟ ⲉⲑⲟⲩⲁⲃ ⲛⲁⲩⲅ︦ ⲛⲉϩⲟⲟⲩ ⲁϥⲥⲁϫⲓ ⲛⲉⲙⲁϥ ⲉⲑⲃⲉⲡⲉϥⲟⲩϫⲁⲓ	Ⲉⲧⲁϥϣⲱⲡⲓ ⲇⲉ ϧⲁⲧⲟⲧϥ ⲛ̀ⲡⲓϧⲉⲗⲗⲟ ⲉⲑⲟⲩⲁⲃ ⲛⲁⲩ 3 ⲛ̀ⲉ̀ϩⲟⲟⲩ ⲁϥⲥⲁϫⲓ ⲛⲉⲙⲁϥ ⲉⲑⲃⲉ ⲡⲉϥⲟⲩϫⲁⲓ	Etafṡōpi ḋe xatotf ǹpixello eθouab nav 3 ǹèhoou afsaji nemaf eθve pefougai	When Isaac had stayed with the old man about three days, the old man spoke to him of his safety;
51	ⲥⲁⲧⲟⲧϥ ⲁϥⲟⲩⲟⲣⲡϥ ⲉⲧⲉⲣⲉⲛⲟⲩϯ ⲉⲫⲙⲁ ⲛⲟⲩⲁⲅⲁⲡⲏⲧⲟⲥ ⲛⲧⲁϥ ϫⲉⲛⲧⲉϥϣⲱⲡⲓ ϧⲁⲧⲟⲧϥ ϣⲁⲛⲧⲉϥⲉⲙⲓ ϫⲉⲟⲩ ⲡⲉ ⲉⲧⲉⲣⲉⲛⲉⲛⲓⲟϯ ⲙⲡⲓⲁⲗⲟⲩ ⲛⲁⲁⲓϥ ⲉϥⲉⲣϩⲟϯ ϫⲉⲙⲏⲡⲟⲥ ⲛⲧⲟⲩϫⲉⲙϥ ϧⲁⲧⲟⲧϥ ⲟⲩⲟϩ ⲛⲧⲟⲩⲉⲣⲡⲉⲧϩⲱⲟⲩ ⲙⲡⲓⲙⲁ ⲉⲑⲟⲩⲁⲃ ⲉⲑⲃⲏⲧϥ ϫⲉⲛⲉⲡⲓϧⲉⲗⲗⲟ ⲟⲩⲣⲱⲙⲓ ⲡⲉ ⲉϥⲟⲓ ⲛⲥⲱⲓⲧ ⲉⲙⲁϣⲱ .	ⲥⲁⲧⲟⲧϥ ⲁϥⲟⲩⲟⲣⲡϥ ⲉ̀ⲧⲉⲣⲉⲛⲟⲩϯ ⲉ̀ⲫ̀ⲙⲁ ⲛ̀ⲟⲩⲁⲅⲁⲡⲏⲧⲟⲥ ⲛ̀ⲧⲁϥ ϫⲉ ⲛ̀ⲧⲉϥϣⲱⲡⲓ ϧⲁⲧⲟⲧϥ ϣⲁⲧⲉϥⲉⲙⲓ ϫⲉ ⲟⲩ ⲡⲉ ⲉⲧⲉⲣⲉⲛⲉⲛⲓⲟϯ ⲛ̀ⲡⲓⲁ̀ⲗⲟⲩ ⲛⲁⲁⲓϥ ⲉϥⲉⲣϩⲟϯ ϫⲉ ⲙⲏⲡⲟⲥ ⲛ̀ⲧⲟⲩϫⲉⲙϥ ϧⲁⲧⲟⲧϥ ⲟⲩⲟϩ ⲛ̀ⲧⲟⲩⲉⲣⲡⲉⲧϩⲱⲟⲩ ⲛ̀ⲡⲓⲙⲁ ⲉⲑⲟⲩⲁⲃ ⲉⲑⲃⲏⲧϥ ϫⲉ ⲛⲉⲡⲓϧⲉⲗⲗⲟ ⲟⲩⲣⲱⲙⲓ ⲡⲉ ⲉϥⲟⲓ ⲛ̀ⲥⲱⲓⲧ ⲉ̀ⲙⲁϣⲱ.	satotf afouorpf èterenouti èf̀ma ǹouaġapytos ǹtaf je ǹtefṡōpi xatotf ṡatefemi je ou pe eterenenioti ǹpiàlou naaif eferhoti je mypos ǹtoujemf xatotf ouoh ǹtouerpet·hōou ǹpima eθouab eθvytf je nepixello ourōmi pe efoi ǹsōit èmaṡō.	He immediately sent him to Terenuti to the house of a friend, to stay with him until he knew what the parents of the young boy would do, for he feared that if they found him near him, they would harm the holy place, for this old man was very famous.
52	ⲉⲧⲁⲡⲁⲓⲁⲗⲟⲩ ⲇⲉ ⲓ ⲉⲧⲉⲣⲉⲛⲟⲩϯ ⲁϥϣⲉ ⲉϧⲟⲩⲛ ⲉⲡⲏⲓ ⲙⲡⲓⲣⲱⲙⲓ ⲁⲩϫⲟⲥ ⲛⲁϥ ⲛϫⲉⲛⲉⲛϣⲏⲣⲓ ⲙⲡⲓⲣⲱⲙⲓ ϫⲉⲁⲡⲉⲛⲓⲱⲧ ϩⲱⲗ ⲉⲧⲕⲟⲓ	Ⲉ̀ⲧⲁⲡⲁⲓⲁ̀ⲗⲟⲩ ⲇⲉ ⲓ̀ ⲉ̀ⲧⲉⲣⲉⲛⲟⲩϯ ⲁϥϣⲉ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲡⲓⲣⲱⲙⲓ ⲁⲩϫⲟⲥ ⲛⲁϥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲣⲱⲙⲓ ϫⲉ ⲁⲡⲉⲛⲓⲱⲧ ϩⲱⲗ ⲉ̀ⲧ̀ⲕⲟⲓ	Ètapaiàlou ḋe ì èterenouti afṡe èxoun èp̀yi ǹpirōmi avgos naf ǹje nenṡyri ǹpirōmi je apeniōt hōl èt̀koi	But when this young boy had arrived at Terenuti and entered the man's house, the man's children said to him, ‘Our father is in the field.’
53	ⲧⲟⲧⲉ ⲁⲡⲓⲁⲗⲟⲩ ⲁϥϩⲱⲗ ⲉⲡϣⲱⲓ ⲉϯϣⲉⲩⲛⲓ ⲛⲧⲉⲡⲓⲣⲱⲙⲓ ⲁϥⲱⲗⲓ ⲛⲟⲩϣⲟⲗ ⲛⲥⲱⲟⲩⲃⲉⲛ ⲁϥⲧⲁⲗⲟϥ ⲉϫⲱϥ ⲁϥⲛⲕⲟⲧ .	ⲧⲟⲧⲉ ⲁ ⲡⲓⲁ̀ⲗⲟⲩ ⲁϥϩⲱⲗ ⲉ̀ⲡ̀ϣⲱⲓ ⲉ̀ϯϣⲉⲩⲛⲓ ⲛ̀ⲧⲉ ⲡⲓⲣⲱⲙⲓ ⲁϥⲱ̀ⲗⲓ ⲛ̀ⲟⲩϣⲟⲗ ⲛ̀ⲥⲱⲟⲩⲃⲉⲛ ⲁϥⲧⲁⲗⲟϥ ⲉ̀ϫⲱϥ ⲁϥⲛ̀ⲕⲟⲧ.	tote a piàlou afhōl èp̀ṡōi ètiṡevni ǹte pirōmi afṑli ǹouṡol ǹsōouven aftalof ègōf afǹkot.	Then the boy climbed into the man's hayloft, took a bundle of hay, placed it on him, and fell asleep.
54	ⲁⲥϣⲱⲡⲓ ⲉⲧⲁⲡⲓⲣⲱⲙⲓ ⲓ ⲉϩⲣⲏⲓ ⲉⲃⲟⲗ ϧⲉⲛⲧⲕⲟⲓ ⲉⲡⲉϥⲣⲁⲛ ⲡⲉ ⲓⲱⲥⲏⲫ ⲟⲩⲡⲣⲉⲥⲃⲩⲧⲉⲣⲟⲥ ⲡⲉ ⲉⲩⲉⲣⲙⲉⲑⲣⲉ ϧⲁⲣⲟϥ ⲛⲧⲉⲛⲟⲩⲙⲏϣ ϫⲉⲁϥϣⲱⲡⲓ ⲛⲟⲙⲟⲗⲟⲅⲏⲧⲏⲥ ⲉⲁⲩⲧⲁϩⲟϥ ⲉⲣⲁⲧϥ ⲉⲡⲓⲃⲏⲙⲁ ⲛⲧⲉⲕⲩⲣⲟⲥ ⲡⲓⲁⲥⲉⲃⲏⲥ ⲁⲩϯ ⲟⲩⲙⲏϣ ⲛϣⲁϣ ⲛⲁϥ ⲉⲑⲃⲉⲧⲟⲙⲟⲗⲟⲅⲓⲁ ⲙⲡⲓⲛⲁϩϯ .	Ⲁⲥϣⲱⲡⲓ ⲉ̀ⲧⲁ ⲡⲓⲣⲱⲙⲓ ⲓ̀ ⲉ̀ϩ̀ⲣⲏⲓ ⲉ̀ⲃⲟⲗ ϧⲉⲛ ⲧ̀ⲕⲟⲓ ⲉ̀ⲡⲉϥⲣⲁⲛ ⲡⲉ ⲓⲱⲥⲏⲫ ⲟⲩⲡ̀ⲣⲉⲥⲃⲩⲧⲉⲣⲟⲥ ⲡⲉ ⲉⲩⲉⲣⲙⲉⲑⲣⲉ ϧⲁⲣⲟϥ ⲛ̀ⲧⲉⲛⲟⲩⲙⲏϣ ϫⲉ ⲁϥϣⲱⲡⲓ ⲛ̀ⲟⲙⲟⲗⲟⲅⲏⲧⲏⲥ ⲉⲁⲩⲧⲁϩⲟϥ ⲉ̀ⲣⲁⲧϥ ⲉ̀ⲡⲓⲃⲏⲙⲁ ⲛ̀ⲧⲉ ⲕⲩⲣⲟⲥ ⲡⲓⲁ̀ⲥⲉⲃⲏⲥ ⲁⲩϯ ⲟⲩⲙⲏϣ ⲛ̀ϣⲁϣ ⲛⲁϥ ⲉⲑⲃⲉ ⲧ̀ⲟ̀ⲙⲟⲗⲟⲅⲓⲁ ⲛ̀ⲡⲓⲛⲁϩϯ.	Asṡōpi èta pirōmi ì èh̀ryi èvol xen t̀koi èpefran pe iōsyf oup̀resbiteros pe evermeθre xarof ǹtenoumyṡ je afṡōpi ǹomologytys eavtahof èratf èpibyma ǹte kiros piàsebys avti oumyṡ ǹṡaṡ naf eθve t̀òmologia ǹpinahti.	It happened that the man came back from the field, whose name was Joseph, and he was a priest: many have testified of him that he was a confessor, that he was brought up on the tribunal of the impious Cyrus, and that he was given a multitude of blows with a stick, because he confessed the faith.
55	ⲉⲧⲁⲡⲓⲡⲣⲉⲥⲃⲩⲧⲉⲣⲟⲥ ⲓ ⲉⲡϣⲱⲓ ⲉⲃⲟⲗ ϧⲉⲛⲧⲕⲟⲓ ⲁϥⲭⲁϯⲓⲱ ⲉϧⲟⲩⲛ ⲉⲡⲓⲟⲩⲟⲛϩϥ ⲁϥϩⲱⲗ ⲉⲡϣⲱⲓ ⲉϯϣⲉⲩⲛⲓ ϫⲉⲛⲧⲉϥϯ ⲟⲩϣⲟⲗ ⲛⲥⲓⲙ ⲛϯⲉⲱ	Ⲉ̀ⲧⲁ ⲡⲓⲡ̀ⲣⲉⲥⲃⲩⲧⲉⲣⲟⲥ ⲓ̀ ⲉ̀ⲡ̀ϣⲱⲓ ⲉ̀ⲃⲟⲗ ϧⲉⲛ ⲧ̀ⲕⲟⲓ ⲁϥⲭⲁϯⲓⲱ ⲉ̀ϧⲟⲩⲛ ⲉ̀ⲡⲓⲟⲩⲟⲛϩϥ ⲁϥϩⲱⲗ ⲉ̀ⲡ̀ϣⲱⲓ ⲉ̀ϯϣⲉⲩⲛⲓ ϫⲉ ⲛ̀ⲧⲉϥϯ ⲟⲩϣⲟⲗ ⲛ̀ⲥⲓⲙ ⲛ̀ϯⲉ̀ⲱ̀	Èta pip̀resbiteros ì èp̀ṡōi èvol xen t̀koi afkatiiō èxoun èpiouonhf afhōl èp̀ṡōi ètiṡevni je ǹtefti ouṡol ǹsim ǹtièṑ	When the priest had come up from the country, he placed the she-ass in his stable, and went up to fetch hay to give the ass a bundle of it.
56	ⲁϥⲛⲁⲩ ⲉⲡⲓϣⲟⲗ ⲛⲥⲱⲟⲩⲃⲉⲛ ⲫⲏ ⲉⲧⲧⲁⲗⲏⲟⲩⲧ ⲉⲡⲓⲁⲗⲟⲩ ⲉⲣⲉⲡⲧⲩⲡⲟⲥ ⲛⲟⲩⲥⲧⲁⲩⲣⲟⲥ ⲛⲟⲩⲱⲓⲛⲓ ⲭⲏ ϩⲓϫⲱϥ ⲉϥϩⲓ ⲉϧⲓⲣⲏϫ ⲛⲟⲩⲱⲓⲛⲓ ⲉⲃⲟⲗ .	ⲁϥⲛⲁⲩ ⲉ̀ⲡⲓϣⲟⲗ ⲛ̀ⲥⲱⲟⲩⲃⲉⲛ ⲫⲏ ⲉⲧⲧⲁⲗⲏⲟⲩⲧ ⲉ̀ⲡⲓⲁ̀ⲗⲟⲩ ⲉ̀ⲣⲉ ⲡ̀ⲧⲩⲡⲟⲥ ⲛ̀ⲟⲩⲥ̀ⲧⲁⲩⲣⲟⲥ ⲛ̀ⲟⲩⲱⲓⲛⲓ ⲭⲏ ϩⲓϫⲱϥ ⲉϥϩⲓ ⲉϧⲓⲣⲏϫ ⲛ̀ⲟⲩⲱⲓⲛⲓ ⲉ̀ⲃⲟⲗ.	afnav èpiṡol ǹsōouven fy ettalyout èpiàlou ère p̀tipos ǹous̀tavros ǹouōini ky higōf efhi exiryg ǹouōini èvol.	He saw the bundle placed on the young boy having the shape of luminous crosses, throwing flashes of light.
57	ⲉⲧⲁϥⲛⲁⲩ ⲇⲉ ⲉⲧⲁⲓⲟⲡⲧⲁⲥⲓⲁ ⲛϣⲫⲏⲣⲓ ⲛϫⲉⲡⲓⲡⲣⲉⲥⲃⲩⲧⲉⲣⲟⲥ ⲁϥⲧⲱⲙⲛⲧ ⲟⲩⲟϩ ⲉⲧⲁϥⲓ ⲉϯ ⲛⲓⲁⲧϥ ⲉⲛⲁⲩ ⲉⲡⲓⲗⲟⲩ ⲉⲑⲟⲩⲁⲃ ⲁϥϫⲉⲛϥ ϫⲉⲛⲑⲟⲕ ⲟⲩⲉⲃⲟⲗ ⲑⲱⲛ ⲡⲁϣⲏⲣⲓ .	Ⲉⲧⲁϥⲛⲁⲩ ⲇⲉ ⲉ̀ⲧⲁⲓⲟⲡⲧⲁⲥⲓⲁ ⲛ̀ϣ̀ⲫⲏⲣⲓ ⲛ̀ϫⲉ ⲡⲓⲡ̀ⲣⲉⲥⲃⲩⲧⲉⲣⲟⲥ ⲁϥⲧⲱⲙⲛⲧ ⲟⲩⲟϩ ⲉ̀ⲧⲁϥⲓ̀ ⲉ̀ϯ ⲛ̀ⲓⲁⲧϥ ⲉⲛⲁⲩ ⲉ̀ⲡⲓⲗⲟⲩ ⲉⲑⲟⲩⲁⲃ ⲁϥϫⲉⲛϥ ϫⲉ ⲛ̀ⲑⲟⲕ ⲟⲩⲉ̀ⲃⲟⲗ ⲑⲱⲛ ⲡⲁϣⲏⲣⲓ.	Etafnav ḋe ètaioptasia ǹṡ̀fyri ǹje pip̀resbiteros aftōmnt ouoh ètafì èti ǹiatf enav èpilou eθouab afjenf je ǹθok ouèvol θōn paṡyri.	At the sight of this marvellous spectacle, the priest ran and when he arrived to look at and see the young and holy boy, he asked him: ‘Where are you from, my son?’
58	ⲁϥⲧⲁⲙⲟϥ ⲉϯⲁⲓⲧⲓⲁ ⲛⲧⲉⲡⲓϩⲱⲃ .	Ⲁϥⲧⲁⲙⲟϥ ⲉ̀ϯⲁⲓⲧⲓⲁ ⲛ̀ⲧⲉ ⲡⲓϩⲱⲃ.	Aftamof ètiaitia ǹte pihōb.	Isaac informed him of the reason.
59	ϧⲉⲛϯⲟⲩⲛⲟⲩ ⲁϥⲁⲙⲟⲛⲓ ⲛⲧⲁⲫⲉ ⲙⲡⲓⲁⲗⲟⲩ ⲁϥϯⲫⲓ ⲉⲣⲱⲥ ⲉϥϫⲱ ⲙⲙⲟⲥ ϫⲉⲡⲥⲙⲟⲩ ⲙⲡⲟ︤ⲥ︥ ⲉϫⲉⲛⲧⲁⲫⲉ ⲙⲡⲓⲑⲙⲏⲓ ⲟⲩⲟϩ ⲡⲁⲗⲓⲛ ⲉϫⲉⲛⲧⲟⲩⲁⲫⲉ ⲟⲩⲥⲙⲟⲩ ⲛⲉⲙⲟⲩⲑⲉⲗⲏⲗ .	Ϧⲉⲛ ϯⲟⲩⲛⲟⲩ ⲁϥⲁ̀ⲙⲟⲛⲓ ⲛ̀ⲧⲁ̀ⲫⲉ ⲛ̀ⲡⲓⲁ̀ⲗⲟⲩ ⲁϥϯⲫⲓ ⲉ̀ⲣⲱⲥ ⲉϥϫⲱ ⲙ̀ⲙⲟⲥ ϫⲉ ⲡⲓⲥ̀ⲙⲟⲩ ⲛ̀ⲡ̀ϭⲟⲓⲥ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲑ̀ⲙⲏⲓ ⲟⲩⲟϩ ⲡⲁⲗⲓⲛ ⲉ̀ϫⲉⲛ ⲧⲟⲩⲁ̀ⲫⲉ ⲟⲩⲥ̀ⲙⲟⲩ ⲛⲉⲙ ⲟⲩⲑⲉⲗⲏⲗ.	Xen tiounou afàmoni ǹtàfe ǹpiàlou aftifi èrōs efgō m̀mos je pis̀mou ǹp̀ċois èjen t̀àfe ǹpiθ̀myi ouoh palin èjen touàfe ous̀mou nem ouθelyl.	And immediately the priest took the boy's head and kissed it, saying, ‘the blessing of the Lord is on the head of the righteous’; and also: ‘upon their heads blessing and joy.’
60	ⲟⲩⲟϩ ⲁⲡⲓϧⲉⲗⲗⲟ ⲙⲡⲣⲉⲥⲃⲩⲧⲉⲣⲟⲥ ⲭⲁϥ ϧⲁⲧⲟⲧϥ ⲛϩⲁⲛⲉϩⲟⲟⲩ .	Ⲟⲩⲟϩ ⲁ ⲡⲓϧⲉⲗⲗⲟ ⲛ̀ⲡ̀ⲣⲉⲥⲃⲩⲧⲉⲣⲟⲥ ⲭⲁϥ ϧⲁⲧⲟⲧϥ ⲛ̀ϩⲁⲛⲉ̀ϩⲟⲟⲩ.	Ouoh a pixello ǹp̀resbiteros kaf xatotf ǹhanèhoou.	And the old priest left him with him for several days.
61	ⲙⲁⲣⲉⲛⲧⲁⲥⲑⲟ ⲡⲓⲥⲁϫⲓ ⲉϫⲉⲛⲡⲓⲉϩⲟⲟⲩ ⲉⲧⲁⲡⲓⲁⲗⲟⲩ ⲓⲥⲁⲁⲕ ⲓ ⲉⲃⲟⲗ ϧⲉⲛⲡⲉϥⲏⲓ ⲧⲉⲛⲛⲁⲧⲁⲙⲱⲧⲉⲛ ⲉⲡⲓϫⲱⲕ ⲉⲟⲩⲱⲟⲩ ⲙⲫ︦ϯ︦ .	Ⲙⲁⲣⲉⲛⲧⲁⲥⲑⲟ ⲡⲓⲥⲁϫⲓ ⲉ̀ϫⲉⲛ ⲡⲓⲉ̀ϩⲟⲟⲩ ⲉ̀ⲧⲁ ⲡⲓⲁ̀ⲗⲟⲩ ⲓⲥⲁⲁⲕ ⲓ̀ ⲉ̀ⲃⲟⲗ ϧⲉⲛ ⲡⲉϥⲏⲓ ⲧⲉⲛⲛⲁⲧⲁⲙⲱⲧⲉⲛ ⲉ̀ⲡⲓϫⲱⲕ ⲉ̀ⲟⲩⲱⲟⲩ ⲛ̀ⲧⲉ ⲫ̀ⲛⲟⲩϯ.	Marentasθo pisaji èjen pièhoou èta piàlou isaak ì èvol xen pefyi tennatamōten èpigōk èouōou ǹte f̀nouti.	Let us now bring back the discourse on the day when the young boy Isaac left his house: we will tell you everything for the glory of God.
62	ⲉⲧⲁⲩⲕⲱϯ ⲇⲉ ⲛⲥⲱϥ ⲛϫⲉⲛⲉϥⲓⲟϯ ⲉⲧⲉⲙⲡⲟⲩϫⲉⲙϥ ⲁϥϣⲱⲡⲓ ⲛϫⲉ ⲟⲩⲛⲓϣϯ ⲛⲣⲓⲙⲓ ⲛⲉⲙⲟⲩϩⲏⲃⲓ ⲉⲛⲁϣⲱϥ ⲟⲩⲟϩ ⲁⲡⲟⲩⲣⲁϣⲓ ϣⲱⲡⲓ ⲛⲱⲟⲩ ⲛϩⲏⲃⲓ .	Ⲉ̀ⲧⲁⲩⲕⲱϯ ⲇⲉ ⲛ̀ⲥⲱϥ ⲛ̀ϫⲉ ⲛⲉϥⲓⲟϯ ⲉ̀ⲧⲉ ⲙⲡⲟⲩϫⲉⲙϥ ⲁϥϣⲱⲡⲓ ⲛ̀ϫⲉ ⲟⲩⲛⲓϣϯ ⲛ̀ⲣⲓⲙⲓ ⲛⲉⲙ ⲟⲩϩⲏⲃⲓ ⲉ̀ⲛⲁϣⲱϥ ⲟⲩⲟϩ ⲁⲡⲟⲩⲣⲁϣⲓ ϣⲱⲡⲓ ⲛⲱⲟⲩ ⲛ̀ϩⲏⲃⲓ.	Ètavkōti ḋe ǹsōf ǹje nefioti ète mpoujemf afṡōpi ǹje ouniṡti ǹrimi nem ouhyvi ènaṡōf ouoh apouraṡi ṡōpi nōou ǹhyvi.	When his parents had looked for him without finding him, there were great tears and many mournings: their joy changed into sadness.
63	ⲉⲧⲁⲩⲙⲉϣⲧⲛⲓⲙⲟⲛⲁⲥⲧⲏⲣⲓⲟⲛ ⲧⲏⲣⲟⲩ ⲙⲡⲟⲩϫⲉⲙϥ ⲁⲩⲓ ⲉϣⲓⲏⲧ ⲉⲩⲕⲱϯ ⲛⲥⲱϥ	Ⲉ̀ⲧⲁⲩⲙⲉϣⲧⲛⲓⲙⲟⲛⲁⲥⲧⲏⲣⲓⲟⲛ ⲧⲏⲣⲟⲩ ⲙⲡⲟⲩϫⲉⲙϥ ⲁⲩⲓ̀ ⲉ̀ϣⲓⲏⲧ ⲉⲩⲕⲱϯ ⲛ̀ⲥⲱϥ	Ètavmeṡtnimonastyrion tyrou mpoujemf avì èṡiyt evkōti ǹsōf	When they had gone through all the monasteries and had not found him, they went to Skete to look for him.
64	ⲟⲩⲟϩ ⲙⲡⲟⲩⲟⲩⲟⲛϩϥ ⲉⲣⲱⲟⲩ ⲛϫⲉⲛⲓϧⲉⲗⲗⲟ ⲉⲑⲟⲩⲁⲃ ⲉⲡⲉⲓⲇⲏ ⲧⲟⲩⲥⲩⲛⲏⲑⲉⲓⲁ ⲧⲉ ⲑⲁⲓ ⲉⲩϣⲉⲡϧⲓⲥⲓ ⲉϫⲉⲛⲛⲟⲩⲉⲣⲏⲟⲩ ⲉⲑⲣⲟⲩⲛⲁϩⲙⲟⲩ ⲉⲃⲟⲗ ϩⲗⲓ ⲛⲉⲡⲓⲑⲩⲙⲓⲁ ⲛⲧⲉⲡⲓⲕⲟⲥⲙⲟⲥ ⲉⲩⲓⲣⲓ ⲛⲧⲟⲩⲥⲡⲟⲩⲇⲏ ⲧⲏⲣⲥ ⲉⲑⲣⲟⲩϫⲱⲕ ⲙⲡⲥⲁϫⲓ ⲙⲡⲓⲥⲱⲧⲏⲣ ⲉⲃⲟⲗ ϫⲉⲙⲙⲟⲛ ⲡⲉⲑⲛⲁⲁⲥ ⲉⲧⲁⲓⲁⲅⲁⲡⲏ ⲛⲧⲉⲟⲩⲁⲓ ⲭⲱ ⲛⲧⲉϥⲯⲩⲭⲏ ⲉϫⲉⲛⲡⲉϥϣⲫⲏⲣ .	ⲟⲩⲟϩ ⲙⲡⲟⲩⲟⲩⲟⲛϩϥ ⲉ̀ⲣⲱⲟⲩ ⲛ̀ϫⲉ ⲛⲓϧⲉⲗⲗⲟ ⲉⲑⲟⲩⲁⲃ ⲉⲡⲓⲇⲏ ⲧⲟⲩⲥⲩⲛⲏⲑⲉⲓⲁ ⲧⲉ ⲑⲁⲓ ⲉⲩϣⲉⲡϧⲓⲥⲓ ⲉϫⲉⲛⲛⲟⲩⲉⲣⲏⲟⲩ ⲉⲑⲣⲟⲩⲛⲁϩⲙⲟⲩ ⲉ̀ⲃⲟⲗ ϩ̀ⲗⲓ ⲛ̀ⲉ̀ⲡⲓⲑⲩⲙⲓⲁ ⲛ̀ⲧⲉ ⲡⲓⲕⲟⲥⲙⲟⲥ ⲉⲩⲓ̀ⲣⲓ ⲛ̀ⲧⲟⲩⲥ̀ⲡⲟⲩⲇⲏ ⲧⲏⲣⲥ ⲉ̀ⲑⲣⲟⲩϫⲱⲕ ⲛ̀ⲡ̀ⲥⲁϫⲓ ⲛ̀ⲡⲓⲥⲱⲧⲏⲣ ⲉ̀ⲃⲟⲗ ϫⲉ ⲙ̀ⲙⲟⲛ ⲡⲉⲑⲛⲁⲁⲥ ⲉ̀ⲧⲁⲓⲁ̀ⲅⲁⲡⲏ ⲛ̀ⲧⲉ ⲟⲩⲁⲓ ⲭⲱ ⲛ̀ⲧⲉϥⲯⲩⲭⲏ ⲉ̀ϫⲉⲛ ⲡⲉϥϣ̀ⲫⲏⲣ.	ouoh mpououonhf èrōou ǹje nixello eθouab epiḋy tousinyθeia te θai evṡepxisi ejennoueryou eθrounahmou èvol h̀li ǹèpiθimia ǹte pikosmos evìri ǹtous̀pouḋy tyrs èθrougōk ǹp̀·saji ǹpisōtyr èvol je m̀mon peθnaas ètaiàġapy ǹte ouai kō ǹtefpsiṡy èjen pefṡ̀fyr.	And the holy elders did not reveal it, for it is their custom to suffer for one another, to deliver themselves from all the desires of the world, to put all their cares into fulfilling the word of the Lord who said: ‘There is no greater charity than for one to give their soul for a companion.’
65	ⲉⲧⲁⲩⲛⲁⲩ ⲇⲉ ⲛϫⲉⲛⲉϥⲓⲟϯ ϫⲉⲙⲡⲟⲩⲟⲩⲟⲛϩϥ ⲉⲣⲱⲟⲩ ⲁⲩϣⲉ ⲛⲱⲟⲩ ⲉⲣⲁⲕⲟϯ ⲉⲣⲁⲧϥ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁⲩⲧⲁⲙⲟϥ ⲉⲡⲓϩⲱⲃ	Ⲉ̀ⲧⲁⲩⲛⲁⲩ ⲇⲉ ⲛ̀ϫⲉ ⲛⲉϥⲓⲟϯ ϫⲉ ⲙⲡⲟⲩⲟⲩⲟⲛϩϥ ⲉ̀ⲣⲱⲟⲩ ⲁⲩϣⲉ ⲛⲱⲟⲩ ⲉ̀ⲣⲁⲕⲟϯ ⲉ̀ⲣⲁⲧϥ ⲛ̀ⲡⲓⲁⲣⲭⲓⲉ̀ⲡⲓⲥⲕⲟⲡⲟⲥ ⲁⲩⲧⲁⲙⲟϥ ⲉ̀ⲡⲓϩⲱⲃ	Ètavnav ḋe ǹje nefioti je mpououonhf èrōou avṡe nōou èrakoti èratf ǹpiarṡièpiskopos avtamof èpihōb	And when his parents saw that the monks did not reveal it to them, and they went to Alexandria to the archbishop, they told him about it.
66	ⲉⲧⲁϥⲉⲣϩⲟϯ ⲇⲉ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ϫⲉⲙⲏⲡⲱⲥ ⲛⲧⲟⲩⲧⲁⲙⲉϯⲉⲝⲟⲩⲥⲓⲁ ⲟⲩⲟϩ ⲛⲧⲟⲩⲉⲣⲡⲉⲧϩⲱⲟⲩ ⲙⲡⲓⲙⲁ ⲉⲑⲟⲩⲁⲃ ⲁϥⲟⲩⲱⲣⲡ ⲛⲟⲩⲉⲡⲓⲥⲧⲟⲗⲏ ⲉϣⲓⲏⲧ ϫⲉϩⲓⲛⲁ ⲛⲛⲟⲩⲭⲁϥ ⲥⲁⲡⲉⲙⲉⲛⲧ ⲙⲫⲓⲁⲣⲟ .	ⲉ̀ⲧⲁϥⲉⲣϩⲟϯ ⲇⲉ ⲛ̀ϫⲉ ⲡⲓⲁⲣⲭⲓⲉ̀ⲡⲓⲥⲕⲟⲡⲟⲥ ϫⲉ ⲙⲏⲡⲱⲥ ⲛ̀ⲧⲟⲩⲧⲁⲙⲉϯⲉⲝⲟⲩⲥⲓⲁ ⲟⲩⲟϩ ⲛ̀ⲧⲟⲩⲉⲣⲡⲉⲧϩⲱⲟⲩ ⲛ̀ⲡⲓⲙⲁ ⲉⲑⲟⲩⲁⲃ ⲁϥⲟⲩⲱⲣⲡ ⲛ̀ⲟⲩⲉⲡⲓⲥⲧⲟⲗⲏ ⲉ̀ϣⲓⲏⲧ ϫⲉ ϩⲓⲛⲁ ⲛⲛⲟⲩⲭⲁϥ ⲥⲁⲡⲉⲙⲉⲛⲧ ⲛ̀ⲫ̀ⲓⲁⲣⲟ.	ètaferhoti ḋe ǹje piarṡièpiskopos je mypōs ǹtoutametieksousia ouoh ǹtouerpet·hōou ǹpima eθouab afouōrp ǹouepistoly èṡiyt je hina nnoukaf sapement ǹf̀iaro.	When the archbishop feared that the authorities would be warned and that misfortune would happen to the holy place, he sent a letter to Skete, that they might not place the boy to the west of the river.
67	ⲉⲧⲁϥⲛⲁⲩ ⲇⲉ ⲛϫⲉⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲍⲁⲭⲁⲣⲓⲁⲥ ⲉⲛⲓϫⲟⲣϫⲥ ⲛⲧⲉⲡⲓⲇⲓⲁⲃⲟⲗⲟⲥ ⲁⲫⲥⲟⲧⲡⲥ ⲛⲁϥ ⲉϣⲉⲡϩⲁⲛⲑⲃⲁ ⲛⲕⲩⲛⲇⲓⲛⲟⲥ ⲉⲑⲃⲏⲧϥ ⲉϩⲟⲧⲉ ⲉⲧⲏⲓϥ ⲛⲛⲉϥⲕⲁⲧⲁⲥⲁⲣⲝ ⲛⲕⲉⲥⲟⲡ ⲉϥϫⲱⲕ ⲉⲃⲟⲗ ⲙⲡⲥⲁϫⲓ ⲙⲡⲓⲥⲱⲧⲏⲣ ϫⲉⲫⲏ ⲉⲑⲛⲁϣⲉⲡⲟⲩⲁⲗⲟⲩ ⲉⲣⲟϥ ⲙⲡⲁⲓⲣⲏϯ ϧⲉⲛⲡⲁⲣⲁⲛ ⲁⲛⲟⲕ ⲡⲉ ⲉⲧⲉϥϣⲱⲡ ⲙⲙⲟⲓ .	Ⲉⲧⲁϥⲛⲁⲩ ⲇⲉ ⲛ̀ϫⲉ ⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲍⲁⲭⲁⲣⲓⲁⲥ ⲉ̀ⲛⲓϫⲟⲣϫⲥ ⲛ̀ⲧⲉ ⲡⲓⲇⲓⲁⲃⲟⲗⲟⲥ ⲁⲫ̀ⲥⲟⲧⲡⲥ ⲛⲁϥ ⲉ̀ϣⲉⲡϩⲁⲛⲑⲃⲁ ⲛ̀ⲕⲩⲛⲇⲓⲛⲟⲥ ⲉⲑⲃⲏⲧϥ ⲉ̀ϩⲟⲧⲉ ⲉ̀ⲧⲏⲓϥ ⲛ̀ⲛⲉϥⲕⲁⲧⲁ ⲥⲁⲣⲝ ⲛ̀ⲕⲉⲥⲟⲡ ⲉϥϫⲱⲕ ⲉ̀ⲃⲟⲗ ⲛ̀ⲡ̀ⲥⲁϫⲓ ⲛ̀ⲡⲓⲥⲱⲧⲏⲣ ϫⲉ ⲫⲏ ⲉⲑⲛⲁϣⲉⲡⲟⲩⲁ̀ⲗⲟⲩ ⲉ̀ⲣⲟϥ ⲛ̀ⲡⲁⲓⲣⲏϯ ϧⲉⲛ ⲡⲁⲣⲁⲛ ⲁⲛⲟⲕ ⲡⲉ ⲉⲧⲉϥϣⲱⲡ ⲙ̀ⲙⲟⲓ.	Etafnav ḋe ǹje pixello eθouab abba zaxarias ènigorgs ǹte pidiabolos af̀sotp·s naf èṡephanθva ǹkinḋinos eθvytf èhote ètyif ǹnefkata sarks ǹkesop efgōk èvol ǹp̀·saji ǹpisōtyr je fy eθnaṡepouàlou èrof ǹpairyti xen paran anok pe etefṡōp m̀moi.	When the holy old man Abba Zacharias saw the snares of the devil, he resolved to face tens of thousands of dangers on his own rather than deliver him up again to his parents according to the flesh, fulfilling the Savior's words: ‘He who receives a child in my name will receive me myself.’
68	ⲉⲧⲁϥϣⲉⲡϫⲱϥ ⲇⲉ ⲙⲡⲓⲁⲗⲟⲩ ⲁϥϯ ⲉϫⲱϥ ⲛϯϩⲉⲃⲥⲱ ⲛⲧⲉⲛⲓⲙⲟⲛⲁⲭⲟⲥ ⲁϥⲙⲟⲩϯ ⲉⲟⲩⲁⲓ ⲛⲛⲉϥⲙⲁⲑⲏⲧⲏⲥ ⲉⲡⲉϥⲣⲁⲛⲡⲉ ⲡⲉ ⲁⲃⲣⲁⲁⲙ ⲉⲟⲩⲁⲥⲕⲏⲧⲏⲥ ⲡⲉ ⲡⲉϫⲁϥ ⲛⲁϥ ϫⲉⲧⲱⲛⲕ ϭⲓ ⲙⲡⲁⲓⲁⲗⲟⲩ ⲙⲁϣⲉ ⲛⲁⲕ ⲉⲡⲧⲱⲟⲩ ⲙⲡⲁⲙⲁϩⲟ ϣⲱⲡⲓ ⲛⲱⲧⲉⲛⲙⲙⲁⲩ ϣⲁⲧⲉⲡⲟ︤ⲥ︥ ⲑⲱⲧ ⲙⲡϩⲏⲧ ⲛⲛⲉϥⲓⲟϯ ⲟⲩⲟϩ ϯⲛⲁⲟⲩⲱⲣⲡ ⲛⲥⲁⲑⲏⲛⲟⲩ .	Ⲉ̀ⲧⲁϥϣⲉⲡϫⲱϥ ⲇⲉ ⲛ̀ⲡⲓⲁ̀ⲗⲟⲩ ⲁϥϯ ⲉ̀ϫⲱϥ ⲛ̀ϯϩⲉⲃⲥⲱ ⲛ̀ⲧⲉ ⲛⲓⲙⲟⲛⲁⲭⲟⲥ ⲁϥⲙⲟⲩϯ ⲉ̀ⲟⲩⲁⲓ ⲛ̀ⲛⲉϥⲙⲁⲑⲏⲧⲏⲥ ⲉⲡⲉϥⲣⲁⲛⲡⲉ ⲡⲉ ⲁⲃⲣⲁⲁⲙ ⲉ̀ⲟⲩⲁⲥⲕⲏⲧⲏⲥ ⲡⲉ ⲡⲉϫⲁϥ ⲛⲁϥ ϫⲉ ⲧⲱⲛⲕ ϭⲓ ⲛ̀ⲡⲁⲓⲁ̀ⲗⲟⲩ ⲙⲁϣⲉ ⲛⲁⲕ ⲉ̀ⲡ̀ⲧⲱⲟⲩ ⲛ̀ⲡⲁⲙⲁϩⲟ ϣⲱⲡⲓ ⲛⲱⲧⲉⲛⲙ̀ⲙⲁⲩ ϣⲁⲧⲉⲡⲟ̅ⲥ̅ ⲑⲱⲧ ⲛ̀ⲡ̀ϩⲏⲧ ⲛ̀ⲛⲉϥⲓⲟϯ ⲟⲩⲟϩ ϯⲛⲁⲟⲩⲱⲣⲡ ⲛ̀ⲥⲁ ⲑⲏⲛⲟⲩ.	Ètafṡepgōf ḋe ǹpiàlou afti ègōf ǹtihevsō ǹte nimonaxos afmouti èouai ǹnefmaθytys epefranpe pe abraam èouaskytys pe pegaf naf je tōnk ċi ǹpaiàlou maṡe nak èp̀tōou ǹpamaho ṡōpi nōtenm̀mav ṡatepos θōt ǹp̀hyt ǹnefioti ouoh tinaouōrp ǹsa θynou.	When he had shaved the child's head, he gave him the habit of the monks and he called one of his disciples, named Abraham, who was an ascetic, and said to him, Take this young boy, go to Mount Pamaho, and stay there until God has persuaded the hearts of his parents, and I will send for you.
69	ⲁⲩⲧⲱⲟⲩⲛⲟⲩ ⲇⲉ ⲁⲩϣⲉ ⲛⲱⲟⲩ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛⲱⲟⲩ ⲛϫⲉⲡⲟⲩⲓⲱⲧ .	Ⲁⲩⲧⲱⲟⲩⲛⲟⲩ ⲇⲉ ⲁⲩϣⲉ ⲛⲱⲟⲩ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛⲱⲟⲩ ⲛ̀ϫⲉ ⲡⲟⲩⲓⲱⲧ.	Avtōounou ḋe avṡe nōou kata f̀ryti ètafgos nōou ǹje pouiōt.	They got up and walked, as their father had told them.
70	ⲉⲧⲁⲩϣⲱⲡⲓ ⲟⲩⲛ ϧⲉⲛⲡⲓⲧⲱⲟⲩ ⲉⲧⲉⲙⲙⲁⲩ ⲛⲟⲩⲙⲏϣ ⲛⲉϩⲟⲟⲩ ϣⲁⲋ︦ ⲛⲁⲃⲟⲧ ⲁϥⲥⲁϫⲓ ⲛϫⲉⲫⲏ ⲉⲑⲟⲩⲁⲃ ⲓⲥⲁⲁⲕ ⲛⲉⲙⲡⲓϧⲉⲗⲗⲟ ⲁⲃⲣⲁⲁⲙ ϫⲉⲧⲱⲛⲕ ⲁⲙⲟⲩ ⲛⲉⲙⲏⲓ ϣⲁⲛⲁⲓⲟϯ ⲛⲧⲁⲟⲩⲟⲛϩⲧ ⲉⲣⲱⲟⲩ ϫⲉⲟⲩⲏⲓ ⲁⲓϣⲧⲉⲙⲟⲩⲟⲛϩⲧ ⲉⲣⲱⲟⲩ ⲥⲉⲛⲁⲁⲓⲧ ⲛⲣⲉⲙϩⲉ ⲁⲛ .	Ⲉ̀ⲧⲁⲩϣⲱⲡⲓ ⲟⲩⲛ ϧⲉⲛ ⲡⲓⲧⲱⲟⲩ ⲉ̀ⲧⲉ ⲙ̀ⲙⲁⲩ ⲛ̀ⲟⲩⲙⲏϣ ⲛ̀ⲉ̀ϩⲟⲟⲩ ϣⲁ 6 ⲛ̀ⲁ̀ⲃⲟⲧ ⲁϥⲥⲁϫⲓ ⲛ̀ϫⲉ ⲫⲏ ⲉⲑⲟⲩⲁⲃ ⲓⲥⲁⲁⲕ ⲛⲉⲙ ⲡⲓϧⲉⲗⲗⲟ ⲁⲃⲣⲁⲁⲙ ϫⲉ ⲧⲱⲛⲕ ⲁ̀ⲙⲟⲩ ⲛⲉⲙⲏⲓ ϣⲁ ⲛⲁⲓⲟϯ ⲛ̀ⲧⲁⲟⲩⲟⲛϩⲧ ⲉ̀ⲣⲱⲟⲩ ϫⲉ ⲟⲩⲏⲓ ⲁⲓϣⲧⲉⲙⲟⲩⲟⲛϩⲧ ⲉ̀ⲣⲱⲟⲩ ⲥⲉⲛⲁⲁⲓⲧ ⲛ̀ⲣⲉⲙϩⲉ ⲁⲛ.	Ètavṡōpi oun xen pitōou ète m̀mav ǹoumyṡ ǹèhoou ṡa 6 ǹàvot afsaji ǹje fy eθouab isaak nem pixello abraam je tōnk àmou nemyi ṡa naioti ǹtaouonht èrōou je ouyi aiṡtemouonht èrōou senaait ǹremhe an.	And after they remained on this mountain for a multitude of days, up to six months, Saint Isaac spoke to the old man Abraham and said to him, ‘Arise, come with me to my parents to show me to them, for surely if I do not show myself to them, they will not make me a free man.’
71	ⲉⲧⲁⲡⲓϧⲉⲗⲗⲟ ⲁⲃⲣⲁⲁⲙ ⲥⲱⲧⲉⲙ ⲉⲛⲁⲓ ⲛⲧⲟⲧϥ ⲛⲓⲥⲁⲁⲕ ⲁϥⲉⲣⲙⲁϩ ⲛϩⲏⲧ ⲉⲙⲁϣⲱ ⲉϥⲙⲉⲩⲓ ϫⲉⲁⲡⲓⲁⲗⲟⲩ ⲟⲩⲱⲙ ⲛϩⲑⲏϥ ⲉϥⲟⲩⲱϣ ⲉⲭⲁⲧⲟⲧϥ ⲉⲃⲟⲗ ϧⲉⲛ ϯⲙⲉⲧⲙⲟⲛⲁⲭⲟⲥ ⲉⲑⲃⲉⲛⲓϩⲟϫϩⲉϫ ⲉⲧⲁⲩⲓ ⲉϩⲣⲏⲓ ⲉϫⲱϥ .	Ⲉ̀ⲧⲁ ⲡⲓϧⲉⲗⲗⲟ ⲁⲃⲣⲁⲁⲙ ⲥⲱⲧⲉⲙ ⲉ̀ⲛⲁⲓ ⲛ̀ⲧⲟⲧϥ ⲛ̀ⲓⲥⲁⲁⲕ ⲁϥⲉⲣⲙⲁϩ ⲛ̀ϩⲏⲧ ⲉ̀ⲙⲁϣⲱ ⲉϥⲙⲉⲩⲓ ϫⲉ ⲁ ⲡⲓⲁ̀ⲗⲟⲩ ⲟⲩⲱⲙ ⲛ̀ϩ̀ⲑⲏϥ ⲉϥⲟⲩⲱϣ ⲉ̀ⲭⲁⲧⲟⲧϥ ⲉ̀ⲃⲟⲗ ϧⲉⲛ ϯⲙⲉⲧⲙⲟⲛⲁⲭⲟⲥ ⲉⲑⲃⲉ ⲛⲓϩⲟϫϩⲉϫ ⲉⲧⲁⲩⲓ̀ ⲉ̀ϩ̀ⲣⲏⲓ ⲉ̀ϫⲱϥ.	Èta pixello abraam sōtem ènai ǹtotf ǹisaak afermah ǹhyt èmaṡō efmevi je a piàlou ouōm ǹh̀θyf efouōṡ èkatotf èvol xen timetmonaxos eθve nihogheg etavì èh̀ryi ègōf.	When the old man Abraham heard this of Isaac, he was greatly saddened, thinking that the young man was devouring his heart and desired to give up the monastic life because of the afflictions that had been brought upon him.
72	ⲧⲟⲧⲉ ⲡⲓϧⲉⲗⲗⲟ ⲥⲁϫⲓ ⲛⲉⲙⲁϥ ⲉϥϫⲱ ⲙⲙⲟⲥ ϫⲉⲙⲡⲉⲣⲉⲣⲕⲟⲩϫⲓ ⲛϩⲏⲧ ϧⲉⲛⲛⲓϩⲟϫϩⲉϫ ⲥⲥϧⲏⲟⲩⲧ ⲅⲁⲣ ϫⲉⲡⲓϩⲟϫϩⲉϫ ⲁϥⲉⲣϩⲱⲃ ⲉⲩϩⲩⲡⲟⲙⲟⲛⲏ ϯϩⲩⲡⲟⲙⲟⲛⲏ ⲇⲉ ⲉⲩⲇⲟⲕⲓⲙⲏ ϯⲇⲟⲕⲓⲙⲏ ⲉⲟⲩϩⲉⲗⲡⲓⲥ ϯϩⲉⲗⲡⲓⲥ ⲙⲡⲁⲥϭⲓϣⲓⲡⲓ .	Ⲧⲟⲧⲉ ⲡⲓϧⲉⲗⲗⲟ ⲥⲁϫⲓ ⲛⲉⲙⲁϥ ⲉϥϫⲱ ⲙ̀ⲙⲟⲥ ϫⲉ ⲙ̀ⲡⲉⲣⲉⲣⲕⲟⲩϫⲓ ⲛ̀ϩⲏⲧ ϧⲉⲛ ⲛⲓϩⲟϫϩⲉϫ ⲥ̀ⲥ̀ϧⲏⲟⲩⲧ ⲅⲁⲣ ϫⲉ ⲡⲓϩⲟϫϩⲉϫ ⲁϥⲉⲣϩⲱⲃ ⲉⲩϩⲩⲡⲟⲙⲟⲛⲏ ϯϩⲩⲡⲟⲙⲟⲛⲏ ⲇⲉ ⲉⲩⲇⲟⲕⲓⲙⲏ ϯⲇⲟⲕⲓⲙⲏ ⲉ̀ⲟⲩϩⲉⲗⲡⲓⲥ ϯϩⲉⲗⲡⲓⲥ ⲙⲡⲁⲥϭⲓϣⲓⲡⲓ.	Tote pixello saji nemaf efgō m̀mos je m̀pererkouji ǹhyt xen nihogheg s̀s̀xyout ġar je pihogheg aferhōb evhipomony tihipomony ḋe evḋokimy tiḋokimy èouhelpis tihelpis mpasċiṡipi.	Then the old man spoke to him and said to him, ‘Do not be fainthearted in afflictions, for it is written, 'Affliction produces patience, patience probation, probation hope, and hope is not confounded.'
73	ϯⲛⲟⲩ ⲇⲉ ⲡⲁⲙⲉⲛⲣⲓⲧ ⲛⲥⲟⲛ ⲙⲁⲣⲉⲛⲉⲣϩⲩⲡⲟⲙⲉⲛⲓⲛ ⲙⲡⲁⲓⲕⲟⲩϫⲓ ⲛⲥⲏⲟⲩ ϫⲉⲟⲩⲏⲓ ⲥⲥϧⲏⲟⲩⲧ ϫⲉⲫⲏ ⲉⲧⲉⲡⲟ︦ⲥ︦ ⲙⲉⲓ ⲙⲙⲟϥ ϣⲁϥϯⲥⲃⲱ ⲛⲁϥ	Ϯⲛⲟⲩ ⲇⲉ ⲡⲁⲙⲉⲛⲣⲓⲧ ⲛ̀ⲥⲟⲛ ⲙⲁⲣⲉⲛⲉⲣϩⲩⲡⲟⲙⲉⲛⲓⲛ ⲛ̀ⲡⲁⲓⲕⲟⲩϫⲓ ⲛ̀ⲥⲏⲟⲩ ϫⲉ ⲟⲩⲏⲓ ⲥ̀ⲥ̀ϧⲏⲟⲩⲧ ϫⲉ ⲫⲏ ⲉ̀ⲧⲉ ⲡ̀ϭⲟⲓⲥ ⲙⲉⲓ ⲙ̀ⲙⲟϥ ϣⲁϥϯⲥⲃⲱ ⲛⲁϥ	Tinou ḋe pamenrit ǹson marenerhipomenin ǹpaikouji ǹsyou je ouyi s̀s̀xyout je fy ète p̀ċois mei m̀mof ṡaftisvō naf	Now, therefore, my beloved brother, let us endure (our trials) during this short time, for it is written, ‘The Lord instructs him whom he loves’;
74	ⲟⲩⲟϩ ⲡⲁⲗⲓⲛ ⲥⲥϧⲏⲟⲩⲧ ϫⲉⲡⲁϣⲏⲣⲓ ⲓⲥϫⲉ ⲁⲕⲓ ⲉⲉⲣⲃⲱⲕ ⲙⲡⲟ︦ⲥ︦ ⲓⲉ ⲥⲉⲃⲧⲉⲧⲉⲕⲯⲩⲭⲏ ⲉϩⲁⲛⲡⲓⲣⲁⲥⲙⲟⲥ	ⲟⲩⲟϩ ⲡⲁⲗⲓⲛ ⲥ̀ⲥ̀ϧⲏⲟⲩⲧ ϫⲉ ⲡⲁϣⲏⲣⲓ ⲓⲥϫⲉ ⲁⲕⲓ̀ ⲉⲉⲣⲃⲱⲕ ⲛ̀ⲡ̀ϭⲟⲓⲥ ⲓⲉ ⲥⲉⲃⲧⲉⲧⲉⲕⲯⲩⲭⲏ ⲉ̀ϩⲁⲛⲡⲓⲣⲁⲥⲙⲟⲥ	ouoh palin s̀s̀xyout je paṡyri isje akì eervōk ǹp̀ċois ie sevtetekpsiky èhanpirasmos	And likewise it is written: ‘My son, if you come to work for the Lord, prepare your soul for temptation.’
75	ⲥⲥϧⲏⲟⲩⲧ ⲅⲁⲣ ϫⲉⲁⲣⲓⲇⲟⲕⲓⲙⲁⲍⲓⲛ ⲙⲙⲟⲓ ⲫ︦ϯ︦ ⲟⲩⲟϩ ⲁⲣⲓⲉⲓⲙⲉⲡⲁϩⲏⲧ ⲁⲣⲉϣⲧⲉⲙⲫ︦ϯ︦ ⲉⲣⲇⲟⲕⲓⲙⲁⲍⲉⲓⲛ ⲙⲙⲟⲕ ⲛϣⲟⲣⲡ ⲡⲱⲥ ϥⲛⲁⲉⲙⲓ ⲉⲡⲉⲛⲙⲉⲓ ⲉϧⲟⲩⲛ ⲉⲣⲟϥ .	ⲥ̀ⲥ̀ϧⲏⲟⲩⲧ ⲅⲁⲣ ϫⲉ ⲁⲣⲓⲇⲟⲕⲓⲙⲁⲍⲓⲛ ⲙ̀ⲙⲟⲓ ⲫ̀ⲛⲟⲩϯ ⲟⲩⲟϩ ⲁⲣⲓⲉⲓⲙⲉⲡⲁϩⲏⲧ ⲁⲣⲉϣⲧⲉⲙⲫ̅ϯ̅ ⲉⲣⲇⲟⲕⲓⲙⲁⲍⲓⲛ ⲙ̀ⲙⲟⲕ ⲛ̀ϣⲟⲣⲡ ⲡⲱⲥ ϥ̀ⲛⲁⲉⲙⲓ ⲉ̀ⲡⲉⲛⲙⲉⲓ ⲉ̀ϧⲟⲩⲛ ⲉ̀ⲣⲟϥ.	s̀s̀xyout ġar je ariḋokimazin m̀moi f̀nouti ouoh arieimepahyt areṡtemfti erḋokimazin m̀mok ǹṡorp pōs f̀naemi èpenmei èxoun èrof.	For it is written: ‘O God, test me and know my heart. If God does not test us first, how will he know our love for him?’
76	ⲛⲁⲓ ⲇⲉ ⲛⲉⲙⲛⲏ ⲉⲧⲟⲛⲓ ⲙⲙⲱⲟⲩ ⲁϥϫⲟⲧⲟⲩ ⲛⲁϥ ⲛϫⲉⲡⲓϧⲉⲗⲗⲟ ⲉⲑⲟⲩⲁⲃ .	Ⲛⲁⲓ ⲇⲉ ⲛⲉⲙ ⲛⲏ ⲉⲧⲟ̀ⲛⲓ ⲙ̀ⲙⲱⲟⲩ ⲁϥϫⲟⲧⲟⲩ ⲛⲁϥ ⲛ̀ϫⲉ ⲡⲓϧⲉⲗⲗⲟ ⲉⲑⲟⲩⲁⲃ.	Nai ḋe nem ny etòni m̀mōou afgotou naf ǹje pixello eθouab.	These and other similar things the holy old man told him.
77	ⲁϥⲉⲣⲟⲩⲱ ⲛϫⲉⲡⲓⲁⲗⲟⲩ ⲉⲑⲟⲩⲁⲃ ⲓⲥⲁⲁⲕ ⲉϥϫⲱ ⲙⲙⲟⲥ ϫⲉⲕⲁⲗⲱⲥ ⲙⲉⲛ ⲁⲕϯⲥⲃⲱ ⲛⲏⲓ ⲱ ⲡⲁⲓⲱⲧ ⲉⲑⲟⲩⲁⲃ ⲟⲩ ⲙⲟⲛⲟⲛ ⲉϭⲟϫⲓ ⲛⲥⲱⲓ ⲁⲗⲗⲁ ϯⲥⲉⲃⲧⲱⲧ ⲉⲙⲟⲩ ⲉϫⲉⲛⲫⲣⲁⲛ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲫⲁⲓ ⲉⲧⲁⲓⲭⲁϩⲱⲃ ⲛⲓⲃⲉⲛ ⲛⲥⲱⲓ ⲟⲩⲟϩ ⲁⲓⲟⲩⲁϩⲅ ⲛⲥⲱϥ ⲉϣⲱⲡ ϯⲛⲁⲉⲣⲡⲉⲙⲡϣⲁ ⲙⲡⲓⲱⲛϧ ⲛⲉⲛⲉϩ ⲉⲃⲟⲗ ϩⲓⲧⲉⲛⲧⲉϥⲙⲉⲧⲁⲅⲁⲑⲟⲥ .	Ⲁϥⲉⲣⲟⲩⲱ ⲛ̀ϫⲉ ⲡⲓⲁ̀ⲗⲟⲩ ⲉⲑⲟⲩⲁⲃ ⲓⲥⲁⲁⲕ ⲉϥϫⲱ ⲙ̀ⲙⲟⲥ ϫⲉ ⲕⲁⲗⲱⲥ ⲙⲉⲛ ⲁⲕϯⲥⲃⲱ ⲛⲏⲓ ⲱ̀ ⲡⲁⲓⲱⲧ ⲉⲑⲟⲩⲁⲃ ⲟⲩ ⲙⲟⲛⲟⲛ ⲉ̀ϭⲟϫⲓ ⲛ̀ⲥⲱⲓ ⲁⲗⲗⲁ ϯⲥⲉⲃⲧⲱⲧ ⲉ̀ⲙⲟⲩ ⲉ̀ϫⲉⲛ ⲫ̀ⲣⲁⲛ ⲛ̀ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲫⲁⲓ ⲉⲧⲁⲓⲭⲁϩⲱⲃ ⲛⲓⲃⲉⲛ ⲛ̀ⲥⲱⲓ ⲟⲩⲟϩ ⲁⲓⲟⲩⲁϩⲅ ⲛ̀ⲥⲱϥ ⲉϣⲱⲡ ϯⲛⲁⲉⲣⲡⲉⲙ̀ⲡ̀ϣⲁ ⲛ̀ⲡⲓⲱⲛϧ ⲛ̀ⲉ̀ⲛⲉϩ ⲉ̀ⲃⲟⲗ ϩⲓⲧⲉⲛⲧⲉϥⲙⲉⲧⲁⲅⲁⲑⲟⲥ.	Aferouō ǹje piàlou eθouab isaak efgō m̀mos je kalōs men aktisvō nyi ṑ paiōt eθouab ou monon èċoji ǹsōi alla tisevtōt èmou èjen f̀ran ǹpenċois iysous pix̀ristos fai etaikahōb niven ǹsōi ouoh aiouahġ ǹsōf eṡōp tinaerpem̀p̀ṡa ǹpiōnx ǹèneh èvol hitentefmetaġaθos.	The young and holy boy Isaac answered him and said to him, ‘Truly you give me excellent teachings, O my holy father; not only will I follow you, but I am also ready to die for the name of my Lord Jesus the Messiah, for whom I have left everything behind, in order to make myself worthy of eternal life, thanks to his goodness.’
78	ⲉⲧⲁϥⲥⲱⲧⲉⲙ ⲇⲉ ⲉⲛⲁⲓ ⲛϫⲉⲡⲓϧⲉⲗⲗⲟ ⲛⲧⲟⲧϥ ⲙⲡⲓⲁⲗⲟⲩ ⲁϥⲣⲁϣⲓ ⲉⲙⲁϣⲱ ⲧⲟⲧⲉ ⲁⲩⲧⲱⲟⲩⲛⲟⲩ ⲙⲡⲃ̄ ϩⲓⲟⲩⲥⲟⲡ ⲁⲩⲙⲟϣⲓ ⲛⲉⲙⲛⲟⲩⲉⲣⲏⲟⲩ ⲉⲩⲉⲣⲙⲉⲗⲉⲧⲁⲛ ϧⲉⲛⲡⲥⲁϫⲓ ⲙⲫ︦ϯ︦ ϣⲁⲧⲟⲩⲫⲟϩ ⲉⲡⲓⲧⲓⲙⲓ ⲙⲡⲓⲁⲗⲟⲩ .	Ⲉ̀ⲧⲁϥⲥⲱⲧⲉⲙ ⲇⲉ ⲉ̀ⲛⲁⲓ ⲛ̀ϫⲉ ⲡⲓϧⲉⲗⲗⲟ ⲛ̀ⲧⲟⲧϥ ⲛ̀ⲡⲓⲁ̀ⲗⲟⲩ ⲁϥⲣⲁϣⲓ ⲉ̀ⲙⲁϣⲱ ⲧⲟⲧⲉ ⲁⲩⲧⲱⲟⲩⲛⲟⲩ ⲛ̀ⲡ2 ϩⲓ ⲟⲩⲥⲟⲡ ⲁⲩⲙⲟϣⲓ ⲛⲉⲙ ⲛⲟⲩⲉ̀ⲣⲏⲟⲩ ⲉⲩⲉⲣⲙⲉⲗⲉⲧⲁⲛ ϧⲉⲛ ⲡ̀ⲥⲁϫⲓ ⲛ̀ⲫ̀ⲛⲟⲩϯ ϣⲁⲧⲟⲩⲫⲟϩ ⲉ̀ⲡⲓⲧⲓⲙⲓ ⲛ̀ⲡⲓⲁ̀ⲗⲟⲩ.	Ètafsōtem ḋe ènai ǹje pixello ǹtotf ǹpiàlou afraṡi èmaṡō tote avtōounou ǹp2 hi ousop avmoṡi nem nouèryou evermeletan xen p̀·saji ǹf̀nouti ṡatoufoh èpitimi ǹpiàlou.	When the old man heard these words of the boy, he rejoiced very much, so they both got up together, and walked with each other, meditating on God's words, until they reached the boy's village.
79	ⲛⲉ ⲟⲩⲟⲛ ⲟⲩⲧⲟⲡⲟⲥ ⲛⲧⲉⲛⲉϥⲓⲟϯ ⲥⲁⲃⲟⲗ ⲙⲡⲓⲧⲓⲙⲓ ⲉϥϣⲟⲡ ⲛϧⲏⲧϥ ⲛϫⲉⲟⲩϧⲉⲗⲗⲟ ⲙⲙⲟⲛⲁⲭⲟⲥ ⲁⲩϫⲱⲓⲗⲓ ⲉⲡⲓⲧⲟⲡⲟⲥ ⲛⲉⲁⲫⲣⲏ ϩⲱⲧⲡ ⲡⲉ .	Ⲛⲉ ⲟⲩⲟⲛ ⲟⲩⲧⲟⲡⲟⲥ ⲛ̀ⲧⲉ ⲛⲉϥⲓⲟϯ ⲥⲁⲃⲟⲗ ⲛ̀ⲡⲓⲧⲓⲙⲓ ⲉϥϣⲟⲡ ⲛ̀ϧⲏⲧϥ ⲛ̀ϫⲉ ⲟⲩϧⲉⲗⲗⲟ ⲛ̀ⲙⲟⲛⲁⲭⲟⲥ ⲁⲩϫⲱⲓⲗⲓ ⲉ̀ⲡⲓⲧⲟⲡⲟⲥ ⲛⲉ ⲁ ⲫ̀ⲣⲏ ϩⲱⲧⲡ ⲡⲉ.	Ne ouon outopos ǹte nefioti savol ǹpitimi efṡop ǹxytf ǹje ouxello ǹmonaxos avgōili èpitopos ne a f̀ry hōtp pe.	There was a place outside the village belonging to his parents, and inhabited by an old monk, and there they sought hospitality at the moment when the sun had set.
80	ⲁϥϣⲟⲡⲟⲩ ⲇⲉ ⲉⲣⲟϥ ϧⲉⲛⲟⲩⲣⲁϣⲓ ⲙⲉⲛⲧⲟⲓ ⲙⲡⲉϥⲥⲟⲩⲱⲛⲟⲩ .	Ⲁϥϣⲟⲡⲟⲩ ⲇⲉ ⲉ̀ⲣⲟϥ ϧⲉⲛ ⲟⲩⲣⲁϣⲓ ⲙⲉⲛⲧⲟⲓ ⲙ̀ⲡⲉϥⲥⲟⲩⲱⲛⲟⲩ.	Afṡopou ḋe èrof xen ouraṡi mentoi m̀pefsouōnou.	The old man received them with joy, but he did not recognize them.
81	ⲁϥϣⲉⲛϥ ⲛϫⲉⲡⲓⲁⲗⲟⲩ ⲓⲥⲁⲁⲕ ⲉϥϫⲱ ⲙⲙⲟⲥ ϫⲉⲁⲕⲉⲙⲓ ⲡⲁⲓⲱⲧ ϫⲉⲁⲩϫⲓⲙⲓ ⲛⲓⲥⲁⲁⲕ ⲡⲓⲛⲟⲧⲁⲣⲓⲟⲥ .	Ⲁϥϣⲉⲛϥ ⲛ̀ϫⲉ ⲡⲓⲁ̀ⲗⲟⲩ ⲓⲥⲁⲁⲕ ⲉϥϫⲱ ⲙ̀ⲙⲟⲥ ϫⲉ ⲁⲕⲉⲙⲓ ⲡⲁⲓⲱⲧ ϫⲉ ⲁⲩϫⲓⲙⲓ ⲛ̀ⲓⲥⲁⲁⲕ ⲡⲓⲛⲟⲧⲁⲣⲓⲟⲥ.	Afṡenf ǹje piàlou isaak efgō m̀mos je akemi paiōt je avjimi ǹisaak pinotarios.	Young Isaac spoke to him, asking, ‘Do you know, father, whether Isaac the notary has been found?’
82	ⲁϥⲉⲣⲟⲩⲱ ϫⲉⲙⲫⲏ ⲙⲡⲟⲩϫⲉⲙϥ ⲟⲩⲟⲛ ⲟⲩⲛⲓϣϯ ⲛϩⲏⲃⲓ ϧⲉⲛⲡⲏⲓ ⲙⲡⲓⲁⲗⲟⲩ ⲉⲑⲃⲏⲧϥ ⲕⲉ ⲅⲁⲣ ⲓⲥϫⲉⲛ ⲉⲧⲁϥϩⲱⲗ ⲉⲃⲟⲗ ϩⲓⲧⲟⲟⲧⲟⲩ ⲥⲉⲉⲣϩⲏⲃⲓ .	Ⲁϥⲉⲣⲟⲩⲱ ϫⲉ ⲙ̀ⲫⲏ ⲙⲡⲟⲩϫⲉⲙϥ ⲟⲩⲟⲛ ⲟⲩⲛⲓϣϯ ⲛ̀ϩⲏⲃⲓ ϧⲉⲛ ⲡ̀ⲏⲓ ⲛ̀ⲡⲓⲁ̀ⲗⲟⲩ ⲉⲑⲃⲏⲧϥ ⲕⲉ ⲅⲁⲣ ⲓⲥϫⲉⲛ ⲉ̀ⲧⲁϥϩⲱⲗ ⲉ̀ⲃⲟⲗ ϩⲓⲧⲟⲟⲧⲟⲩ ⲥⲉⲉⲣϩⲏⲃⲓ.	Aferouō je m̀fy mpoujemf ouon ouniṡti ǹhyvi xen p̀yi ǹpiàlou eθvytf ke ġar isjen ètafhōl èvol hitootou seerhyvi.	He answered, ‘No, they have not found him: there is great sorrow in the boy's house because of him, for since he has been gone they have been in mourning.’
83	ⲧⲟⲧⲉ ⲁϥⲉⲣⲟⲩⲱ ⲡⲉϫⲁϥ ϫⲉⲁⲛⲟⲕ ⲡⲉ ⲓⲥⲁⲁⲕ .	Ⲧⲟⲧⲉ ⲁϥⲉⲣⲟⲩⲱ ⲡⲉϫⲁϥ ϫⲉ ⲁⲛⲟⲕ ⲡⲉ ⲓⲥⲁⲁⲕ.	Tote aferouō pegaf je anok pe isaak.	Then Isaac said, ‘I am Isaac.’
84	ⲉⲧⲁϥϣⲱⲡⲓ ⲇⲉ ϧⲉⲛⲟⲩⲧⲱⲙⲛⲧ ⲛϫⲉⲡⲓϧⲉⲗⲗⲟ ⲙⲙⲟⲛⲁⲭⲟⲥ ⲙⲉⲛⲉⲛⲥⲱⲥ ⲁϥⲟⲩⲱϣⲧ ⲙⲙⲟϥ ⲟⲩⲟϩ ⲁϥⲧⲁⲣⲕⲟϥ ϫⲉⲙⲡⲉⲣⲧⲁⲙⲉϩⲗⲓ .	Ⲉⲧⲁϥϣⲱⲡⲓ ⲇⲉ ϧⲉⲛ ⲟⲩⲧⲱⲙⲛⲧ ⲛ̀ϫⲉ ⲡⲓϧⲉⲗⲗⲟ ⲛ̀ⲙⲟⲛⲁⲭⲟⲥ ⲙⲉⲛⲉⲛⲥⲱⲥ ⲁϥⲟⲩⲱϣⲧ ⲙ̀ⲙⲟϥ ⲟⲩⲟϩ ⲁϥⲧⲁⲣⲕⲟϥ ϫⲉ ⲙ̀ⲡⲉⲣⲧⲁⲙⲉϩ̀ⲗⲓ.	Etafṡōpi ḋe xen outōmnt ǹje pixello ǹmonaxos menensōs afouōṡt m̀mof ouoh aftarkof je m̀pertameh̀li.	After being amazed, the old monk greeted him, and he made him swear not to tell anyone.
85	ⲛⲉ ⲟⲩⲟⲛ ⲟⲩⲥⲩⲅⲅⲉⲛⲏⲥ ⲛⲧⲉⲡⲓⲁⲗⲟⲩ ⲓⲥⲁⲁⲕ ⲟⲩⲇⲓⲁⲕⲱⲛ ⲡⲉ ⲉⲡⲉϥⲣⲁⲛ ⲡⲉ ⲫⲓⲗⲟⲑⲉⲟⲥ ⲉⲟⲩⲣⲱⲙⲓ ⲡⲉ ⲉϥⲉⲣϩⲟϯ ϧⲁⲧϩⲏ ⲙⲫ︦ϯ︦ ⲟⲩⲟϩ ⲛⲁϥⲭⲏ ϧⲁϫⲱⲟⲩ ⲛⲛⲉϥⲥⲩⲅⲅⲉⲛⲏⲥ ⲧⲏⲣⲟⲩ ⲡⲉ ϩⲱⲥ ⲓⲱⲧ .	Ⲛⲉ ⲟⲩⲟⲛ ⲟⲩⲥⲩⲅⲅⲉⲛⲏⲥ ⲛ̀ⲧⲉ ⲡⲓⲁ̀ⲗⲟⲩ ⲓⲥⲁⲁⲕ ⲟⲩⲇⲓⲁⲕⲱⲛ ⲡⲉ ⲉ̀ⲡⲉϥⲣⲁⲛ ⲡⲉ ⲫⲓⲗⲟⲑⲉⲟⲥ ⲉ̀ⲟⲩⲣⲱⲙⲓ ⲡⲉ ⲉϥⲉⲣϩⲟϯ ϧⲁⲧ̀ϩⲏ ⲛ̀ⲫ̀ⲛⲟⲩϯ ⲟⲩⲟϩ ⲛⲁϥⲭⲏ ϧⲁϫⲱⲟⲩ ⲛ̀ⲛⲉϥⲥⲩⲅⲅⲉⲛⲏⲥ ⲧⲏⲣⲟⲩ ⲡⲉ ϩⲱⲥ ⲓⲱⲧ.	Ne ouon ousingenys ǹte piàlou isaak ouḋiakōn pe èpefran pe filoθeos èourōmi pe eferhoti xat̀·hy ǹf̀nouti ouoh nafky xagōou ǹnefsingenys tyrou pe hōs iōt.	There was a relative of the young Isaac: he was a deacon named Philothea, a man filled with fear in the presence of God, all his relatives looked upon him as a father.
86	ⲉⲧⲁϥⲟⲩⲱⲣⲡ ⲛⲥⲱϥ ⲁϥⲓ ϣⲁⲣⲟϥ ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲁϥⲣⲁϣⲓ ⲉⲙⲁϣⲱ .	Ⲉ̀ⲧⲁϥⲟⲩⲱⲣⲡ ⲛ̀ⲥⲱϥ ⲁϥⲓ̀ ϣⲁⲣⲟϥ ⲟⲩⲟϩ ⲉⲧⲁϥⲛⲁⲩ ⲉ̀ⲣⲟϥ ⲁϥⲣⲁϣⲓ ⲉ̀ⲙⲁϣⲱ.	Ètafouōrp ǹsōf afì ṡarof ouoh etafnav èrof afraṡi èmaṡō.	When Isaac had sent for him, he came and, when he saw the boy, he rejoiced greatly.
87	ⲁϥⲥⲁϫⲓ ⲛⲉⲙⲁϥ ⲛϫⲉⲫⲏ ⲉⲑⲟⲩⲁⲃ ⲓⲥⲁⲁⲕ ⲉϥϫⲱ ⲙⲙⲟⲥ ϫⲉⲓⲥϫⲉ ⲁⲓϫⲓⲙⲓ ⲛⲟⲩϩⲙⲟⲧ ⲙⲡⲉⲕⲙⲑⲟ ⲓⲉ ⲥⲁϫⲓ ⲉϫⲱⲓ ⲛⲁϩⲣⲉⲛⲛⲁⲓⲟϯ ϩⲓⲛⲁ ⲛⲧⲟⲩϣⲧⲉⲙⲧⲁϩⲛⲟ ⲙⲙⲟⲓ .	Ⲁϥⲥⲁϫⲓ ⲛⲉⲙⲁϥ ⲛ̀ϫⲉ ⲫⲏ ⲉⲑⲟⲩⲁⲃ ⲓⲥⲁⲁⲕ ⲉϥϫⲱ ⲙ̀ⲙⲟⲥ ϫⲉ ⲓⲥϫⲉ ⲁⲓϫⲓⲙⲓ ⲛ̀ⲟⲩϩ̀ⲙⲟⲧ ⲛ̀ⲡⲉⲕⲙ̀ⲑⲟ ⲓⲉ ⲥⲁϫⲓ ⲉ̀ϫⲱⲓ ⲛⲁϩⲣⲉⲛⲛⲁⲓⲟϯ ϩⲓⲛⲁ ⲛ̀ⲧⲟⲩϣⲧⲉⲙⲧⲁϩⲛⲟ ⲙ̀ⲙⲟⲓ.	Afsaji nemaf ǹje fy eθouab isaak efgō m̀mos je isje aijimi ǹouh̀mot ǹpekm̀θo ie saji ègōi nahrennaioti hina ǹtouṡtemtahno m̀moi.	Saint Isaac spoke to him and said to him: If I have found favor with you, speak to my parents about me, so that they may not hinder me.
88	ⲟⲩⲟϩ ⲉⲧⲁⲡⲓⲇⲓⲁⲕⲱⲛ ⲓ ⲉⲃⲟⲗ ϩⲓⲧⲟⲧϥ ⲁϥⲥⲁϫⲓ ⲛⲉⲙⲛⲉϥⲓⲟϯ ⲁⲩⲱⲣⲕ ⲛⲁϥ ⲧⲟⲧⲉ ⲁϥⲟⲩⲱⲛϧ ⲙⲡⲓϩⲱⲃ ⲉⲣⲱⲟⲩ .	Ⲟⲩⲟϩ ⲉ̀ⲧⲁ ⲡⲓⲇⲓⲁⲕⲱⲛ ⲓ̀ ⲉ̀ⲃⲟⲗ ϩⲓⲧⲟⲧϥ ⲁϥⲥⲁϫⲓ ⲛⲉⲙ ⲛⲉϥⲓⲟϯ ⲁⲩⲱⲣⲕ ⲛⲁϥ ⲧⲟⲧⲉ ⲁϥⲟⲩⲱⲛϧ ⲛ̀ⲡⲓϩⲱⲃ ⲉ̀ⲣⲱⲟⲩ.	Ouoh èta piḋiakōn ì èvol hitotf afsaji nem nefioti avōrk naf tote afouōnx ǹpihōb èrōou.	And when the deacon had left him, he spoke to his parents, made them take an oath, and then he revealed the matter to them.
89	ⲉⲧⲁⲩⲥⲱⲧⲉⲙ ⲇⲉ ⲁⲩϣⲱⲡⲓ ϧⲉⲛⲟⲩϧⲣⲱⲟⲩ ⲛⲣⲁϣⲓ ⲛⲉⲙⲟⲩⲑⲉⲗⲏⲗ ⲟⲩⲟϩ ⲁϥϣⲱⲡⲓ ⲛϫⲉⲟⲩϭⲟϫⲓ ⲛⲧⲉⲡⲓⲧⲓⲙⲓ ⲧⲏⲣϥ ⲉⲟⲩⲥⲟⲡ ⲉϫⲉⲛⲡⲓⲁⲗⲟⲩ .	Ⲉⲧⲁⲩⲥⲱⲧⲉⲙ ⲇⲉ ⲁⲩϣⲱⲡⲓ ϧⲉⲛ ⲟⲩϧ̀ⲣⲱⲟⲩ ⲛ̀ⲣⲁϣⲓ ⲛⲉⲙ ⲟⲩⲑⲉⲗⲏⲗ ⲟⲩⲟϩ ⲁϥϣⲱⲡⲓ ⲛ̀ϫⲉ ⲟⲩϭⲟϫⲓ ⲛ̀ⲧⲉ ⲡⲓⲧⲓⲙⲓ ⲧⲏⲣϥ ⲉ̀ⲟⲩⲥⲟⲡ ⲉ̀ϫⲉⲛ ⲡⲓⲁ̀ⲗⲟⲩ.	Etavsōtem ḋe avṡōpi xen oux̀rōou ǹraṡi nem ouθelyl ouoh afṡōpi ǹje ouċoji ǹte pitimi tyrf èousop èjen piàlou.	When they heard of this, they uttered exclamations of joy and exultation, and there was eagerness of the whole village to run at once on account of the young boy.
90	ⲉⲧⲁⲩⲛⲁⲩ ⲇⲉ ⲉⲣⲟϥ ⲛϫⲉⲛⲉϥⲓⲟϯ ⲉϥⲟⲓ ⲙⲙⲟⲛⲁⲭⲟⲥ ⲙⲡⲟⲩⲉⲙⲓ ϫⲉⲟⲩ ⲡⲉ ⲉⲧⲟⲩⲛⲁⲁⲓϥ	Ⲉ̀ⲧⲁⲩⲛⲁⲩ ⲇⲉ ⲉ̀ⲣⲟϥ ⲛ̀ϫⲉ ⲛⲉϥⲓⲟϯ ⲉϥⲟⲓ ⲛ̀ⲙⲟⲛⲁⲭⲟⲥ ⲙⲡⲟⲩⲉⲙⲓ ϫⲉ ⲟⲩ ⲡⲉ ⲉⲧⲟⲩⲛⲁⲁⲓϥ	Ètavnav ḋe èrof ǹje nefioti efoi ǹmonaxos mpouemi je ou pe etounaaif	And when his parents saw that he was a monk, they did not know what to do.
91	ⲉⲧⲁⲩϣⲱⲡⲓ ⲇⲉ ϧⲉⲛⲟⲩⲧⲱⲙⲧ ⲛⲁⲩⲉⲙⲓ ⲁⲛ ⲡⲉ ϫⲉⲟⲩ ⲡⲉ ⲉⲧⲟⲩⲛⲁϫⲟϥ ⲙⲁⲗⲓⲥⲧⲁ ⲛⲁⲩϣⲉⲣϩⲗⲓ ⲛϩⲱⲃ ⲁⲛ ⲡⲉ ⲉⲑⲃⲉⲡⲓⲁⲛⲁϣ ⲉⲧⲁⲩⲱⲣⲕ ⲙⲙⲟϥ ⲙⲡⲓⲇⲓⲁⲕⲱⲛ	ⲉ̀ⲧⲁⲩϣⲱⲡⲓ ⲇⲉ ϧⲉⲛ ⲟⲩⲧⲱⲙⲧ ⲛⲁⲩⲉⲙⲓ ⲁⲛ ⲡⲉ ϫⲉ ⲟⲩ ⲡⲉ ⲉⲧⲟⲩⲛⲁϫⲟϥ ⲙⲁⲗⲓⲥⲧⲁ ⲛⲁⲩϣⲉⲣϩ̀ⲗⲓ ⲛ̀ϩⲱⲃ ⲁⲛ ⲡⲉ ⲉⲑⲃⲉ ⲡⲓⲁⲛⲁϣ ⲉⲧⲁⲩⲱⲣⲕ ⲙ̀ⲙⲟϥ ⲛ̀ⲡⲓⲇⲓⲁⲕⲱⲛ	ètavṡōpi ḋe xen outōmt navemi an pe je ou pe etounagof malista navṡerh̀li ǹhōb an pe eθve pianaṡ etavōrk m̀mof ǹpiḋiakōn	They were amazed, they did not know what to say, but they did nothing because of the oath they had sworn to the deacon.
92	ⲟⲩⲟϩ ⲁⲩⲁⲙⲟⲛⲓ ⲙⲙⲟϥ ϧⲁⲧⲟⲧⲟⲩ ⲛⲟⲩⲁⲃⲟⲧ ⲛⲉϩⲟⲟⲩ ϣⲁⲧⲟⲩⲥⲓ ⲙⲡⲉϥⲥⲁⲓ ϫⲉⲛⲉⲟⲩⲥⲁⲓⲉ ⲡⲉ ϧⲉⲛⲡⲉϥⲓⲛⲓ ⲥⲭⲉⲇⲟⲛ ⲉϫⲟⲥ ϫⲉⲟⲩⲁⲅⲅⲉⲗⲟⲥ ⲛⲧⲉⲫ︦ϯ︦ ⲡⲉ .	ⲟⲩⲟϩ ⲁⲩⲁ̀ⲙⲟⲛⲓ ⲙ̀ⲙⲟϥ ϧⲁⲧⲟⲧⲟⲩ ⲛ̀ⲟⲩⲁ̀ⲃⲟⲧ ⲛ̀ⲉ̀ϩⲟⲟⲩ ϣⲁⲧⲟⲩⲥⲓ ⲛ̀ⲡⲉϥⲥⲁⲓ ϫⲉ ⲛⲉ ⲟⲩⲥⲁⲓⲉ ⲡⲉ ϧⲉⲛ ⲡⲉϥⲓ̀ⲛⲓ ⲥⲭⲉⲇⲟⲛ ⲉϫⲟⲥ ϫⲉ ⲟⲩⲁⲅⲅⲉⲗⲟⲥ ⲛ̀ⲧⲉ ⲫ̀ⲛⲟⲩϯ ⲡⲉ.	ouoh avàmoni m̀mof xatotou ǹouàvot ǹèhoou ṡatousi ǹpefsai je ne ousaie pe xen pefìni sṡeḋon egos je ouangelos ǹte f̀nouti pe.	And they kept him with them for a month, until they were sated of his beauty; for he was beautiful in form, so handsome that one could almost say that he was an angel of God.
93	ⲛⲁϥⲥⲁϫⲓ ⲛⲉⲙⲱⲟⲩ ⲡⲉ ⲛⲛⲏ ⲉⲧⲉⲣⲛⲟϥⲣⲓ ⲛⲛⲟⲩⲯⲩⲭⲏ .	Ⲛⲁϥⲥⲁϫⲓ ⲛⲉⲙⲱⲟⲩ ⲡⲉ ⲛ̀ⲛⲏ ⲉⲧⲉⲣⲛⲟϥⲣⲓ ⲛ̀ⲛⲟⲩⲯⲩⲭⲏ.	Nafsaji nemōou pe ǹny eternofri ǹnoupsiṡy.	He talked with them about what was good for their souls.
94	ⲛⲁⲓ ⲇⲉ ⲛⲉ ⲛⲓⲥⲁϫⲓ ⲉⲧⲁϥϫⲟⲧⲟⲩ ⲛⲱⲟⲩ ϫⲉⲱ ⲛⲁⲓⲟϯ ϯϯϩⲟ ⲉⲣⲱⲧⲉⲛ ⲙⲡⲉⲣⲭⲁϩⲑⲏⲧⲉⲛ ⲉⲧⲁⲓⲙⲉⲧⲣⲁⲙⲁⲟ ⲉⲧⲉⲛⲥⲙⲟⲛⲧ ⲁⲛ ⲟⲩⲇⲉ ⲙⲡⲉⲣϣⲟⲩϣⲟⲩ ⲙⲙⲱⲧⲉⲛ ϩⲓⲧⲉⲛⲡⲁϣⲁⲓ ⲛⲛⲉⲧⲉⲛϩⲩⲡⲁⲣⲭⲟⲛⲧⲁ ϫⲉⲛⲁⲓ ⲧⲏⲣⲟⲩ ⲥⲉⲛⲁⲥⲓⲛⲓ ⲛⲭⲱⲗⲉⲙ	Ⲛⲁⲓ ⲇⲉ ⲛⲉ ⲛⲓⲥⲁϫⲓ ⲉ̀ⲧⲁϥϫⲟⲧⲟⲩ ⲛⲱⲟⲩ ϫⲉ ⲱ̀ ⲛⲁⲓⲟϯ ϯϯϩⲟ ⲉⲣⲱⲧⲉⲛ ⲙ̀ⲡⲉⲣⲭⲁϩ̀ⲑⲏⲧⲉⲛ ⲉ̀ⲧⲁⲓ̀ⲙⲉⲧⲣⲁⲙⲁⲟ̀ ⲉⲧⲉⲛⲥⲙⲟⲛⲧ ⲁⲛ ⲟⲩⲇⲉ ⲙ̀ⲡⲉⲣϣⲟⲩϣⲟⲩ ⲙ̀ⲙⲱⲧⲉⲛ ϩⲓⲧⲉⲛ ⲡ̀ⲁ̀ϣⲁⲓ ⲛ̀ⲛⲉⲧⲉⲛϩⲩⲡⲁⲣⲭⲟⲛⲧⲁ ϫⲉ ⲛⲁⲓ ⲧⲏⲣⲟⲩ ⲥⲉⲛⲁⲥⲓⲛⲓ ⲛ̀ⲭⲱⲗⲉⲙ	Nai ḋe ne nisaji ètafgotou nōou je ṑ naioti titiho erōten m̀perkah̀θyten ètaìmetramaò etensmont an ouḋe m̀perṡouṡou m̀mōten hiten p̀àṡai ǹnetenhiparxonta je nai tyrou senasini ǹkōlem	And these are the words he said to them: ‘O my parents, I beseech you, do not rest your hearts on these unstable riches; do not glory in the abundance of your goods, they will pass away quickly.
95	ⲗⲟⲓⲡⲟⲛ ⲙⲡⲉⲛⲑⲣⲉⲛⲓⲡⲣⲟⲥⲟⲩⲥⲏⲟⲩ ⲧⲁⲕⲟ ⲛⲛⲓϣⲁⲉⲛⲉϩ ⲛⲧⲟⲧⲑⲏⲛⲟⲩ	ⲗⲟⲓⲡⲟⲛ ⲙⲡⲉⲛⲑⲣⲉⲛⲓⲡ̀ⲣⲟⲥⲟⲩⲥⲏⲟⲩ ⲧⲁⲕⲟ ⲛ̀ⲛⲓϣⲁⲉ̀ⲛⲉϩ ⲛ̀ⲧⲟⲧⲑⲏⲛⲟⲩ	loipon mpenθrenip̀rosousyou tako ǹniṡaèneh ǹtotθynou	Moreover, let not ephemeral things cause us to lose eternity.
96	ⲙⲁⲣⲉⲛⲓⲛⲉϫⲓ ⲛⲧⲉⲛⲓϩⲏⲕⲓ ⲥⲏ ⲉⲃⲟⲗ ϧⲉⲛⲛⲏ ⲉⲧⲉⲛⲟⲩⲧⲉⲛ .	ⲙⲁⲣⲉⲛⲓⲛⲉϫⲓ ⲛ̀ⲧⲉ ⲛⲓϩⲏⲕⲓ ⲥⲏ ⲉ̀ⲃⲟⲗ ϧⲉⲛ ⲛⲏ ⲉ̀ⲧⲉ ⲛⲟⲩⲧⲉⲛ.	marenineji ǹte nihyki sy èvol xen ny ète nouten.	But now let the bowels of the poor be satisfied with what belongs to you.
97	ⲡⲁⲓ ⲣⲏϯ ⲁϥⲓ ⲉⲃⲟⲗ ϩⲓⲧⲉⲛⲛⲉϥⲓⲟϯ ⲁϥϩⲱⲗ ⲉⲡϣⲁϥⲉ .	Ⲡⲁⲓ ⲣⲏϯ ⲁϥⲓ̀ ⲉ̀ⲃⲟⲗ ϩⲓⲧⲉⲛ ⲛⲉϥⲓⲟϯ ⲁϥϩⲱⲗ ⲉ̀ⲡ̀ϣⲁϥⲉ.	Pai ryti afì èvol hiten nefioti afhōl èp̀ṡafe.	Thus he left his parents and went into the desert.
98	ⲁⲩϫⲟⲥ ⲟⲛ ⲉⲑⲃⲏⲧϥ ϫⲉⲟⲩⲙⲏϣ ⲛⲥⲟⲡ ⲉϥⲉⲛⲕⲟⲧ ϣⲁϥⲛⲁⲩ ⲉⲟⲩⲭⲉⲣⲟⲩⲃⲓⲙ ⲛⲟⲩⲱⲓⲛⲓ ⲉϥⲛⲏⲟⲩ ⲉϥϩⲱⲃⲥ ⲛⲛⲉϥⲧⲉⲛϩ ⲉⲃⲟⲗ ⲉϫⲱϥ ϣⲁⲧⲉϥⲧⲱⲛϥ ⲉⲃⲟⲗ ϧⲉⲛ ⲡⲓⲛⲕⲟⲧ ⲟⲩⲟϩ ⲡⲁⲓⲣⲏϯ ϣⲁϥⲛⲁⲩ ⲉⲣⲟϥ ⲉϥϩⲱⲗ ⲉⲡϣⲱⲓ ⲉⲛⲓⲫⲏⲟⲩⲓ .	Ⲁⲩϫⲟⲥ ⲟⲛ ⲉⲑⲃⲏⲧϥ ϫⲉ ⲟⲩⲙⲏϣ ⲛ̀ⲥⲟⲡ ⲉϥⲉⲛⲕⲟⲧ ϣⲁϥⲛⲁⲩ ⲉ̀ⲟⲩⲭⲉⲣⲟⲩⲃⲓⲙ ⲛ̀ⲟⲩⲱⲓⲛⲓ ⲉϥⲛⲏⲟⲩ ⲉϥϩⲱⲃⲥ ⲛ̀ⲛⲉϥⲧⲉⲛϩ ⲉ̀ⲃⲟⲗ ⲉ̀ϫⲱϥ ϣⲁⲧⲉϥⲧⲱⲛϥ ⲉ̀ⲃⲟⲗ ϧⲉⲛ ⲡⲓⲛ̀ⲕⲟⲧ ⲟⲩⲟϩ ⲡⲁⲓⲣⲏϯ ϣⲁϥⲛⲁⲩ ⲉ̀ⲣⲟϥ ⲉϥϩⲱⲗ ⲉ̀ⲡ̀ϣⲱⲓ ⲉ̀ⲛⲓⲫⲏⲟⲩⲓ̀.	Avgos on eθvytf je oumyṡ ǹsop efenkot ṡafnav èouṡeroubim ǹouōini efnyou efhōvs ǹneftenh èvol ègōf ṡateftōnf èvol xen piǹkot ouoh pairyti ṡafnav èrof efhōl èp̀ṡōi ènifyouì.	It is reported of him that a multitude of times he saw a luminous cherub spreading his wings over him while he was sleeping, and he would see him ascend to heaven.
99	ⲱ ⲛⲓϩⲙⲟⲧ ⲉⲛⲁⲧⲥⲁϫⲓ ⲉⲣⲱⲟⲩ ⲉⲣⲉⲫ︦ϯ︦ ⲉⲣⲭⲁⲣⲓⲍⲉⲥⲑⲁⲓ ⲙⲙⲱⲟⲩ ⲛⲛⲓϣⲏⲣⲓ ⲛⲧⲉⲛⲓⲣⲱⲙⲓ	Ⲱ̀ ⲛⲓϩ̀ⲙⲟⲧ ⲛ̀ⲁⲧⲥⲁϫⲓ ⲉ̀ⲣⲱⲟⲩ ⲉ̀ⲣⲉ ⲫ̀ⲛⲟⲩϯ ⲉⲣⲭⲁⲣⲓⲍⲉⲥⲑⲁⲓ ⲙ̀ⲙⲱⲟⲩ ⲛ̀ⲛⲓϣⲏⲣⲓ ⲛ̀ⲧⲉ ⲛⲓⲣⲱⲙⲓ	Ṑ nih̀mot ǹatsaji èrōou ère f̀nouti erxarizesθai m̀mōou ǹniṡyri ǹte nirōmi	O unspeakable graces which the Lord grants to the children of men!
100	ⲁⲙⲱⲓⲛⲓ ⲁⲛⲁⲩ ⲉⲡⲧⲁⲓⲟ ⲙⲡⲁⲓⲣⲱⲙⲓ ⲉⲣⲉⲛⲓⲭⲉⲣⲟⲩⲃⲓⲙ ⲉⲣϧⲏⲓⲃⲓ ⲉϫⲱϥ	ⲁⲙⲱⲓⲛⲓ ⲁ̀ⲛⲁⲩ ⲉ̀ⲡ̀ⲧⲁⲓⲟ ⲛ̀ⲡⲁⲓⲣⲱⲙⲓ ⲉ̀ⲣⲉ ⲛⲓⲭⲉⲣⲟⲩⲃⲓⲙ ⲉⲣϧⲏⲓⲃⲓ ⲉ̀ϫⲱϥ	amōini ànav èp̀taio ǹpairōmi ère niṡeroubim erxyivi ègōf	Come, let us see the glory of the man whom the cherubim shaded.
101	ⲁⲩϫⲟⲥ ⲟⲛ ⲉⲑⲃⲏⲧϥ ϫⲉⲓⲥϫⲉⲛⲛⲓⲉϩⲟⲟⲩ ⲉⲧⲁⲩϫⲫⲟϥ . ϣⲁⲧⲉϥϣⲉ ⲛⲁϥ ϩⲁⲫ︦ϯ︦ ⲙⲡⲉϩⲗⲓ ⲛⲥⲩⲛⲟⲩⲥⲓⲁ ⲛϩⲱⲟⲩⲧ ⲓ ⲉⲃⲟⲗ ⲛϧⲏⲧϥ	ⲁⲩϫⲟⲥ ⲟⲛ ⲉⲑⲃⲏⲧϥ ϫⲉ ⲓⲥϫⲉⲛ ⲛⲓⲉ̀ϩⲟⲟⲩ ⲉⲧⲁⲩϫⲫⲟϥ. Ϣⲁⲧⲉϥϣⲉ ⲛⲁϥ ϩⲁ ⲫ̀ⲛⲟⲩϯ ⲙ̀ⲡⲉ ϩ̀ⲗⲓ ⲛ̀ⲥⲩⲛⲟⲩⲥⲓⲁ ⲛ̀ϩⲱⲟⲩⲧ ⲓ̀ ⲉ̀ⲃⲟⲗ ⲛ̀ϧⲏⲧϥ	avgos on eθvytf je isjen nièhoou etavgfof. Ṡatefṡe naf ha f̀nouti m̀pe h̀li ǹsinousia ǹhōout ì èvol ǹxytf	It is said of him that from the day he was born until the day he went to God, no male sperm came out of him.
102	ⲥⲥϧⲏⲟⲩⲧ ⲅⲁⲣ ϫⲉϣⲁⲣⲉⲡⲁⲅⲅⲉⲗⲟⲥ ⲙⲡⲟ︦ⲥ︦ ϩⲓⲕⲟⲧ ⲙⲡⲕⲱϯ ⲛⲟⲩⲟⲛ ⲛⲓⲃⲉⲛ ⲉⲧⲉⲣϩⲟϯ ϧⲁⲧⲉϥϩⲏ ⲟⲩⲟϩ ϥⲛⲁⲛⲁϩⲙⲟⲩ .	ⲥ̀ⲥ̀ϧⲏⲟⲩⲧ ⲅⲁⲣ ϫⲉ ϣⲁⲣⲉⲡⲁⲅⲅⲉⲗⲟⲥ ⲛ̀ⲡ̀ϭⲟⲓⲥ ϩⲓⲕⲟⲧ ⲛ̀ⲡ̀ⲕⲱϯ ⲛ̀ⲟⲩⲟⲛ ⲛⲓⲃⲉⲛ ⲉⲧⲉⲣϩⲟϯ ϧⲁ ⲧⲉϥϩⲏ ⲟⲩⲟϩ ϥ̀ⲛⲁⲛⲁϩⲙⲟⲩ.	s̀s̀xyout ġar je ṡarepangelos ǹp̀ċois hikot ǹp̀kōti ǹouon niven eterhoti xa tefhy ouoh f̀nanahmou.	For it is written, ‘The angels of the Lord will surround everyone who is filled with fear in his presence, and he will save them.’
103	ⲙⲉⲛⲉⲛⲥⲁⲡⲓⲁⲃⲟⲧ ⲇⲉ ⲛⲉϩⲟⲟⲩ ⲉⲧⲁϥⲓ ⲉⲃⲟⲗ ϧⲁⲧⲉⲛⲛⲉϥⲓⲟϯ ⲛⲁⲩⲉⲣϩⲙⲟⲧ ⲛⲁϥ ⲡⲉ ⲙⲫⲏ ⲉⲧⲉϥⲉⲣⲉⲡⲓⲑⲩⲙⲉⲓⲛ ⲉⲣⲟϥ .	Ⲙⲉⲛⲉⲛⲥⲁ ⲡⲓⲁ̀ⲃⲟⲧ ⲇⲉ ⲛ̀ⲉ̀ϩⲟⲟⲩ ⲉ̀ⲧⲁϥⲓ̀ ⲉ̀ⲃⲟⲗ ϧⲁⲧⲉⲛ ⲛⲉϥⲓⲟϯ ⲛⲁⲩⲉⲣϩⲙⲟⲧ ⲛⲁϥ ⲡⲉ ⲛ̀ⲫⲏ ⲉⲧⲉϥⲉⲣⲉⲡⲓⲑⲩⲙⲉⲓⲛ ⲉ̀ⲣⲟϥ.	Menensa piàvot ḋe ǹèhoou ètafì èvol xaten nefioti naverhmot naf pe ǹfy eteferepiθimein èrof.	And a month after he had presented himself at his parents' house, they allowed him what he desired.
104	ⲧⲟⲧⲉ ⲛⲁϥⲉⲣⲯⲁⲗⲗⲉⲓⲛ ⲛⲉⲙⲡⲓⲡⲣⲟⲫⲏⲧⲏⲥ ⲉϥϫⲱ ⲙⲙⲟⲥ ϫⲉϧⲉⲛⲡⲁⲛⲟⲩϯ ϯⲛⲁⲟⲩⲱⲧⲉⲃ ⲡⲟⲩⲥⲟⲃⲧ	Ⲧⲟⲧⲉ ⲛⲁϥⲉⲣⲯⲁⲗⲗⲉⲓⲛ ⲛⲉⲙ ⲡⲓⲡ̀ⲣⲟⲫⲏⲧⲏⲥ ⲉϥϫⲱ ⲙ̀ⲙⲟⲥ ϫⲉ ϧⲉⲛ ⲡⲁⲛⲟⲩϯ ϯⲛⲁⲟⲩⲱⲧⲉⲃ ⲡⲟⲩⲥⲟⲃⲧ	Tote naferpsallein nem pip̀rofytys efgō m̀mos je xen panouti tinaouōteb pousovt	Then he sang with the prophet and said, ‘In the name of my God I will cross the fortification wall’;
105	ⲟⲩⲟϩ ⲡⲁⲓ ⲟⲛ ϫⲉⲡⲓⲫⲁϣ ⲁϥϧⲟⲙϧⲉⲙ ⲟⲩⲟϩ ⲟⲛ ϫⲉⲧⲉⲕⲟⲩⲓⲛⲁⲙ ⲛⲟ︦ⲥ︦ ⲁⲥⲓⲣⲓⲛⲟⲩϫⲟⲙ .	ⲟⲩⲟϩ ⲡⲁⲓ ⲟⲛ ϫⲉ ⲡⲓⲫⲁϣ ⲁϥϧⲟⲙϧⲉⲙ ⲟⲩⲟϩ ⲟⲛ ϫⲉ ⲧⲉⲕⲟⲩⲓ̀ⲛⲁⲙ ⲛ̀ϭⲟⲓⲥ ⲁⲥⲓ̀ⲣⲓⲛⲟⲩϫⲟⲙ.	ouoh pai on je pifaṡ afxomxem ouoh on je tekouìnam ǹċois asìrinougom.	and also this: ‘the trap has been broken’; and also, ‘Thy right hand, O Lord, hath done wonders.’
106	ⲟⲩⲟϩ ⲉⲧⲁϥⲓ ⲉϣⲓⲏⲧ ⲡⲓⲧⲱⲟⲩ ⲉⲑⲟⲩⲁⲃ ⲛⲧⲉⲫ︦ϯ︦ ⲛⲁϥϫⲱ ⲙⲡⲥⲁϫⲓ ⲙⲡⲓⲑⲉⲟⲗⲟⲅⲟⲥ ϫⲉⲙⲟⲓ ⲛⲏⲓ ⲙⲡϣⲁϥⲉ ⲛⲉⲙⲡⲭ︦ⲥ︦	Ⲟⲩⲟϩ ⲉ̀ⲧⲁϥⲓ̀ ⲉ̀ϣⲓⲏⲧ ⲡⲓⲧⲱⲟⲩ ⲉⲑⲟⲩⲁⲃ ⲛ̀ⲧⲉ ⲫ̀ⲛⲟⲩϯ ⲛⲁϥϫⲱ ⲛ̀ⲡ̀ⲥⲁϫⲓ ⲛ̀ⲡⲓⲑⲉⲟⲗⲟⲅⲟⲥ ϫⲉ ⲙⲟⲓ ⲛⲏⲓ ⲛ̀ⲡ̀ϣⲁϥⲉ ⲛⲉⲙ ⲡⲓⲭ̀ⲣⲓⲥⲧⲟⲥ	Ouoh ètafì èṡiyt pitōou eθouab ǹte f̀nouti nafgō ǹp̀·saji ǹpiθeoloġos je moi nyi ǹp̀ṡafe nem pix̀ristos	And when he arrived at Skete, the holy mountain of God, he repeated the words of the Theologian: ‘Give me the wilderness with Christ.’
107	ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲛϫⲉⲡⲉϥⲓⲱⲧ ⲙⲡ︦ⲛ︦︦︦ⲁ︦ⲧⲓⲕⲟⲛ ⲁϥⲣⲁϣⲓ ⲉⲙⲁϣⲱ .	ⲟⲩⲟϩ ⲉⲧⲁϥⲛⲁⲩ ⲉ̀ⲣⲟϥ ⲛ̀ϫⲉ ⲡⲉϥⲓⲱⲧ ⲛ̀ⲡ̀ⲛⲉⲩⲙⲁⲧⲓⲕⲟⲛ ⲁϥⲣⲁϣⲓ ⲉ̀ⲙⲁϣⲱ.	ouoh etafnav èrof ǹje pefiōt ǹp̀nevmatikon afraṡi èmaṡō.	And when his spiritual father saw him again, he rejoiced greatly.
108	ⲗⲟⲓⲡⲟⲡ ⲁϥϣⲱⲡⲓ ϧⲁⲧⲟⲧϥ ⲙⲡⲓϧⲉⲗⲗⲟ ⲁⲃⲃⲁ ⲍⲁⲭⲁⲣⲓⲁⲥ ⲉϥϯ ⲛⲧⲟⲧϥ ϧⲉⲛⲛⲉϥϩⲃⲏⲟⲩⲓ ⲧⲏⲣⲟⲩ ⲙⲫⲣⲏϯ ⲛⲓⲏⲥⲟⲩ ⲉϥϣⲉⲙϣⲓ ⲙⲙⲱⲩⲥⲏⲥ ⲉϥⲛⲁⲩ ⲇⲉ ⲉⲧⲡⲟⲗⲓⲧⲉⲓⲁ ⲛⲛⲓⲥⲛⲏⲟⲩ ⲉⲧϣⲟⲡ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲉⲩⲙⲟϣⲓ ϧⲉⲛⲟⲩⲕⲱⲧ ⲛⲉⲙⲟⲩⲁⲣⲉϩ ⲉⲩⲟⲩⲟⲧⲉⲃ ⲉⲛⲟⲩⲉⲣⲏⲟⲩ ϧⲉⲛⲧⲁⲣⲉⲧⲏ ⲙⲫⲣⲏϯ ⲛϩⲁⲛϣϣⲏⲛ ⲉⲩⲟⲡⲧ ⲛⲕⲁⲣⲡⲟⲥ .	Ⲗⲟⲓⲡⲟⲡ ⲁϥϣⲱⲡⲓ ϧⲁⲧⲟⲧϥ ⲛ̀ⲡⲓϧⲉⲗⲗⲟ ⲁⲃⲃⲁ ⲍⲁⲭⲁⲣⲓⲁⲥ ⲉϥϯ ⲛ̀ⲧⲟⲧϥ ϧⲉⲛ ⲛⲉϥϩ̀ⲃⲏⲟⲩⲓ ⲧⲏⲣⲟⲩ ⲛ̀ⲫ̀ⲣⲏϯ ⲛ̀ⲓⲏⲥⲟⲩ ⲉϥϣⲉⲙϣⲓ ⲛ̀ⲙⲱⲩⲥⲏⲥ ⲉϥⲛⲁⲩ ⲇⲉ ⲉ̀ⲧ̀ⲡⲟⲗⲓⲧⲉⲓⲁ ⲛ̀ⲛⲓⲥ̀ⲛⲏⲟⲩ ⲉⲧϣⲟⲡ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲉⲩⲙⲟϣⲓ ϧⲉⲛ ⲟⲩⲕⲱⲧ ⲛⲉⲙ ⲟⲩⲁ̀ⲣⲉϩ ⲉⲩⲟⲩⲟⲧⲉⲃ ⲉ̀ⲛⲟⲩⲉⲣⲏⲟⲩ ϧⲉⲛ ⲧ̀ⲁ̀ⲣⲉⲧⲏ ⲛ̀ⲫ̀ⲣⲏϯ ⲛ̀ϩⲁⲛϣ̀ϣⲏⲛ ⲉⲩⲟⲡⲧ ⲛ̀ⲕⲁⲣⲡⲟⲥ.	Loipop afṡōpi xatotf ǹpixello abba zaxarias efti ǹtotf xen nefh̀vyoui tyrou ǹf̀ryti ǹiysou efṡemṡi ǹmōisys efnav ḋe èt̀politeia ǹnis̀nyou etṡop xen pimonastyrion evmoṡi xen oukōt nem ouàreh evouoteb ènoueryou xen t̀àrety ǹf̀ryti ǹhanṡ̀ṡyn evopt ǹkarpos.	Moreover, he remained near the old man Abba Zacharias, assisting him in all his works, as Joshua had served Moses, considering the way of life of the brethren who were in the monastery, walked in rule and observance, and prevailed over each other in virtue, like trees laden with fruit.
109	ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲛⲉϥⲁⲣⲉⲧⲏ ⲉⲧⲟⲓ ⲛϣⲫⲏⲣⲓ ⲛⲁⲓ ⲉⲧⲁϥⲟⲩⲟⲛϩ ⲉⲃⲟⲗ ⲛϧⲣⲏⲓ ⲛϧⲏⲧϥ ϩⲱⲥⲧⲉ ⲛⲧⲉϥⲉⲣⲥⲁⲡϣⲱⲓ ⲛⲟⲩⲟⲛ ⲛⲓⲃⲉⲛ ⲉⲧϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ϯⲥⲁⲣⲝ ⲙⲉⲛ ⲁϥⲑⲉⲃⲓⲟⲥ ϧⲓⲧⲉⲛⲡϧⲓⲥⲓ ⲛⲛⲓⲁⲥⲕⲏⲥⲓⲥ	Ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲛⲉϥⲁ̀ⲣⲉⲧⲏ ⲉⲧⲟⲓ ⲛ̀ϣ̀ⲫⲏⲣⲓ ⲛⲁⲓ ⲉⲧⲁϥⲟⲩⲟⲛϩ ⲉ̀ⲃⲟⲗ ⲛ̀ϧ̀ⲣⲏⲓ ⲛ̀ϧⲏⲧϥ ϩⲱⲥⲧⲉ ⲛ̀ⲧⲉϥⲉⲣⲥⲁⲡ̀ϣⲱⲓ ⲛ̀ⲟⲩⲟⲛ ⲛⲓⲃⲉⲛ ⲉⲧϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ϯⲥⲁⲣⲝ ⲙⲉⲛ ⲁϥⲑⲉⲃⲓⲟⲥ ϧⲓⲧⲉⲛⲡ̀ϧⲓⲥⲓ ⲛ̀ⲛⲓⲁⲥⲕⲏⲥⲓⲥ	Fy eθouab ḋe isaak nefàrety etoi ǹṡ̀fyri nai etafouonh èvol ǹx̀ryi ǹxytf hōste ǹtefersap̀ṡōi ǹouon niven etxen pimonastyrion ouoh tisarks men afθevios xitenp̀xisi ǹniaskysis	As for Saint Isaac, the virtues that appeared in him were marvellous, so that he surpassed all those who were in the monastery; his flesh submitted to the sufferings of his ascetic life.
110	ⲟⲩⲟϩ ⲟⲛ ⲛⲉⲟⲩⲣⲉⲙⲣⲁⲩϣ ⲡⲉ ⲛⲑⲉⲃⲓⲉ ⲉϥⲉⲣⲕⲟⲥⲙⲉⲓⲛ ϧⲉⲛⲛⲓϩⲙⲟⲧ ⲧⲏⲣⲟⲩ ⲛⲧⲉⲡⲓⲡ︦ⲛ︦ⲁ︦ ⲉⲑⲟⲩⲁⲃ	ⲟⲩⲟϩ ⲟⲛ ⲛⲉ ⲟⲩⲣⲉⲙⲣⲁⲩϣ ⲡⲉ ⲛ̀ⲑⲉⲃⲓⲉ ⲉϥⲉⲣⲕⲟⲥⲙⲉⲓⲛ ϧⲉⲛ ⲛⲓϩ̀ⲙⲟⲧ ⲧⲏⲣⲟⲩ ⲛ̀ⲧⲉ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ	ouoh on ne ouremravṡ pe ǹθevie eferkosmein xen nih̀mot tyrou ǹte pip̀nevma eθouab	He was meek, humble, adorned with all the gifts of the Holy Spirit;
111	ⲟⲩⲟϩ ⲛⲉⲙⲡⲁϥϩⲱⲣⲡ ⲛⲟⲩⲙⲏϣ ⲛⲛⲁⲩ ϧⲉⲛⲡⲓⲉϫⲱⲣϩ	ⲟⲩⲟϩ ⲛⲉⲙⲡⲁϥϩⲱⲣⲡ ⲛ̀ⲟⲩⲙⲏϣ ⲛ̀ⲛⲁⲩ ϧⲉⲛ ⲡⲓⲉ̀ϫⲱⲣϩ	ouoh nempafhōrp ǹoumyṡ ǹnav xen piègōrh	he did not sleep a multitude of hours during the night;
112	ⲙⲁⲗⲗⲟⲛ ⲇⲉ ϯⲕⲩⲣⲓⲁⲕⲏ ⲙⲡⲁϥϩⲱⲣⲡ ⲉⲡⲧⲏⲣϥ ⲟⲩⲟϩ ⲛⲑⲟϥ ⲉⲧⲥⲁϩϯ ⲛⲛⲓⲥⲛⲏⲟⲩ ⲉϥϣⲉⲙϣⲓ ⲙⲙⲱⲟⲩ ⲉϥⲫⲱⲣϫ ϧⲁⲣⲱⲟⲩ ⲉϥⲑⲟⲛⲧⲉⲛ ⲙⲙⲟϥ ⲉⲡⲓⲥⲱⲧⲏⲣ ⲫⲁⲓ ⲉⲧϫⲱ ⲙⲙⲟⲥ ϫⲉⲡⲓⲛⲓϣϯ ⲉⲧϧⲉⲛⲑⲏⲛⲟⲩ ⲉϥⲉⲣⲃⲱⲕ ⲛⲱⲧⲉⲛ .	ⲙⲁⲗⲗⲟⲛ ⲇⲉ ϯⲕⲩⲣⲓⲁⲕⲏ ⲙⲡⲁϥϩⲱⲣⲡ ⲉ̀ⲡ̀ⲧⲏⲣϥ ⲟⲩⲟϩ ⲛ̀ⲑⲟϥ ⲉⲧⲥⲁϩϯ ⲛ̀ⲛⲓⲥ̀ⲛⲏⲟⲩ ⲉϥϣⲉⲙϣⲓ ⲙ̀ⲙⲱⲟⲩ ⲉϥⲫⲱⲣϫ ϧⲁⲣⲱⲟⲩ ⲉϥⲑⲟⲛⲧⲉⲛ ⲙ̀ⲙⲟϥ ⲉ̀ⲡⲓⲥⲱⲧⲏⲣ ⲫⲁⲓ ⲉⲧϫⲱ ⲙ̀ⲙⲟⲥ ϫⲉ ⲡⲓⲛⲓϣϯ ⲉⲧϧⲉⲛ ⲑⲏⲛⲟⲩ ⲉϥⲉⲣⲃⲱⲕ ⲛⲱⲧⲉⲛ.	mallon ḋe tikiriaky mpafhōrp èp̀tyrf ouoh ǹθof etsahti ǹnis̀nyou efṡemṡi m̀mōou effōrg xarōou efθonten m̀mof èpisōtyr fai etgō m̀mos je piniṡti etxen θynou efervōk nōten.	and even on Sundays he did not sleep at all, he lit the fire for the brethren, served them, parting bread before them, imitating the Saviour who had said, ‘Let the greatest among you serve others.’
113	ⲛⲁⲩⲛⲏⲟⲩ ⲇⲉ ϩⲁⲣⲟϥ ⲛϫⲉⲛⲉϥⲥⲛⲏⲟⲩ ⲉⲩⲓⲛⲓ ⲛⲁϥ ⲛⲟⲩⲙⲏϣ ⲛⲭⲣⲏⲙⲁ ⲛⲉⲙϩⲁⲛϩⲃⲱⲥ ⲟⲩⲟϩ ⲛⲁϥⲥⲱⲣ ⲙⲙⲱⲟⲩ ⲛⲛⲓⲥⲛⲏⲟⲩ ⲉⲧϧⲉⲛⲡⲓⲧⲟⲡⲟⲥ ⲟⲩⲟϩ ⲛⲁϥϣⲟⲡ ⲛⲥⲟⲗⲥⲉⲗ ⲛⲛⲓⲥⲛⲏⲟⲩ ⲧⲏⲣⲟⲩ ⲉⲩⲛⲏⲟⲩ ϩⲁⲣⲟϥ ⲉⲩϭⲓ ⲛⲟⲙϯ ⲉⲃⲟⲗ ϩⲓⲧⲟⲧϥ .	Ⲛⲁⲩⲛⲏⲟⲩ ⲇⲉ ϩⲁⲣⲟϥ ⲛ̀ϫⲉ ⲛⲉϥⲥ̀ⲛⲏⲟⲩ ⲉⲩⲓ̀ⲛⲓ ⲛⲁϥ ⲛ̀ⲟⲩⲙⲏϣ ⲛ̀ⲭⲣⲏⲙⲁ ⲛⲉⲙ ϩⲁⲛϩ̀ⲃⲱⲥ ⲟⲩⲟϩ ⲛⲁϥⲥⲱⲣ ⲙ̀ⲙⲱⲟⲩ ⲛ̀ⲛⲓⲥ̀ⲛⲏⲟⲩ ⲉⲧϧⲉⲛ ⲡⲓⲧⲟⲡⲟⲥ ⲟⲩⲟϩ ⲛⲁϥϣⲟⲡ ⲛ̀ⲥⲟⲗⲥⲉⲗ ⲛ̀ⲛⲓⲥ̀ⲛⲏⲟⲩ ⲧⲏⲣⲟⲩ ⲉⲩⲛⲏⲟⲩ ϩⲁⲣⲟϥ ⲉⲩϭⲓ ⲛ̀ⲟⲙϯ ⲉ̀ⲃⲟⲗ ϩⲓⲧⲟⲧϥ.	Navnyou ḋe harof ǹje nefs̀nyou evìni naf ǹoumyṡ ǹxryma nem hanh̀vōs ouoh nafsōr m̀mōou ǹnis̀nyou etxen pitopos ouoh nafṡop ǹsolsel ǹnis̀nyou tyrou evnyou harof evċi ǹomti èvol hitotf.	When his brothers came to see him and brought him an abundance of wealth and clothing, he distributed them to the brothers who lived in the monastery, and he was a consolation to all who came to him for encouragement.
114	ⲟⲩⲟϩ ⲁϥϩⲟⲛϩⲉⲛ ⲉⲧⲟⲧⲟⲩ ⲛⲛⲓⲥⲛⲏⲟⲩ ⲉⲧϧⲉⲛⲡⲓⲁⲃⲏⲧ ⲛϫⲉⲡⲟⲩⲓⲱⲧ ⲙⲡⲛⲁⲧⲓⲕⲟⲛ ϫⲉⲉϣⲱⲡ ⲛⲧⲉⲓⲥⲁⲁⲕ ⲓ ⲉϧⲟⲩⲛ ⲉⲫⲙⲁ ⲛϣⲱⲡⲓ ⲛⲟⲩⲁⲓ ⲙⲙⲱⲧⲉⲛ ⲟϩⲓ ⲉⲣⲁⲧ ⲉⲛⲑⲏⲛⲟⲩ ϣⲁⲧⲉϥϣⲉ ⲛⲁϥ .	Ⲟⲩⲟϩ ⲁϥϩⲟⲛϩⲉⲛ ⲉ̀ⲧⲟⲧⲟⲩ ⲛ̀ⲛⲓⲥ̀ⲛⲏⲟⲩ ⲉⲧϧⲉⲛ ⲡⲓⲁⲃⲏⲧ ⲛ̀ϫⲉ ⲡⲟⲩⲓⲱⲧ ⲛ̀ⲡ̀ⲛⲉⲩⲙⲁⲧⲓⲕⲟⲛ ϫⲉ ⲉϣⲱⲡ ⲛ̀ⲧⲉⲓⲥⲁⲁⲕ ⲓ̀ ⲉ̀ϧⲟⲩⲛ ⲉ̀ⲫ̀ⲙⲁ ⲛ̀ϣⲱⲡⲓ ⲛ̀ⲟⲩⲁⲓ ⲙ̀ⲙⲱⲧⲉⲛ ⲟ̀ϩⲓ ⲉ̀ⲣⲁⲧ ⲛ̀ⲑⲏⲛⲟⲩ ϣⲁⲧⲉϥϣⲉ ⲛⲁϥ.	Ouoh afhonhen ètotou ǹnis̀nyou etxen piavyt ǹje pouiōt ǹp̀nevmatikon je eṡōp ǹteisaak ì èxoun èf̀ma ǹṡōpi ǹouai m̀mōten òhi èrat ǹθynou ṡatefṡe naf.	Their spiritual father gave this order to all the brethren who were in the convent: ‘If Isaac goes to the dwelling of any of you, stand until he goes.’
115	ⲛⲑⲟϥ ⲇⲉ ⲙⲡⲉϥⲧⲁⲙⲟϥ ϫⲉⲛⲛⲉϥϭⲓⲥⲓ ⲛϩⲏⲧ .	Ⲛ̀ⲑⲟϥ ⲇⲉ ⲙ̀ⲡⲉϥⲧⲁⲙⲟϥ ϫⲉ ⲛ̀ⲛⲉϥϭⲓⲥⲓ ⲛ̀ϩⲏⲧ.	Ǹθof ḋe m̀peftamof je ǹnefċisi ǹhyt.	As for him, he did not let him know it, lest he should become proud of heart.
116	ⲟⲩⲟϩ ϧⲉⲛⲡϫⲓⲛⲑⲣⲉⲡⲟⲥ ⲧⲁⲙⲉⲡⲓϧⲉⲗⲗⲟ ⲉⲑⲟⲩⲁⲃ ⲉⲛⲏ ⲉⲑⲛⲁϣⲱⲡⲓ ⲙⲙⲟϥ ⲁϥϩⲟⲛϩⲉⲛ ⲛⲛⲓⲥⲛⲏⲟⲩ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲙⲏ ⲡⲟ︦ⲥ︦ ⲛⲁⲉⲣⲟⲩϩⲱⲃ ⲉϣⲧⲉⲙⲧⲁⲙⲉⲛⲉϥⲉⲃⲓⲁⲓⲕ ⲉⲣⲱⲟⲩ .	Ⲟⲩⲟϩ ϧⲉⲛ ⲡ̀ϫⲓⲛⲑⲣⲉⲡⲟⲥ ⲧⲁⲙⲉⲡⲓϧⲉⲗⲗⲟ ⲉⲑⲟⲩⲁⲃ ⲉ̀ⲛⲏ ⲉⲑⲛⲁϣⲱⲡⲓ ⲙ̀ⲙⲟϥ ⲁϥϩⲟⲛϩⲉⲛ ⲛ̀ⲛⲓⲥ̀ⲛⲏⲟⲩ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲙⲏ ⲡ̀ϭⲟⲓⲥ ⲛⲁⲉⲣⲟⲩϩⲱⲃ ⲉ̀ϣⲧⲉⲙⲧⲁⲙⲉⲛⲉϥⲉ̀ⲃⲓⲁⲓⲕ ⲉ̀ⲣⲱⲟⲩ.	Ouoh xen p̀jinθrepos tamepixello eθouab èny eθnaṡōpi m̀mof afhonhen ǹnis̀nyou kata f̀ryti ets̀xyout je my p̀ċois naerouhōb èṡtemtamenefèviaik èrōou.	And when the Lord had made known to the old man all that was to happen to Isaac, the old man gave orders to the brethren, for it is written, ‘Shall the Lord do anything that he does not tell his servants?’
117	ⲁⲓϣⲁⲛϫⲟⲟⲥ ⲉⲡⲁⲓⲁⲅⲓⲟⲥ ϩⲱϥ ⲱ ⲛⲁⲙⲉⲛⲣⲁϯ ϫⲉⲁⲩⲫⲟⲣϫϥ ⲉⲃⲟⲗ ϩⲱϥ ⲓⲥϫⲉⲛ ⲛⲉϥϧⲉⲛⲑⲛⲉϫⲓ ϯⲛⲁϣⲱϥⲧ ⲁⲛ ϯⲛⲁⲩ ⲅⲁⲣ ⲉⲡⲓⲥⲁϫⲓ ⲉϥⲧⲟⲙⲓ .	Ⲁⲓϣⲁⲛϫⲟⲟⲥ ⲉ̀ⲡⲁⲓⲁⲅⲓⲟⲥ ϩⲱϥ ⲱ̀ ⲛⲁⲙⲉⲛⲣⲁϯ ϫⲉ ⲁⲩⲫⲟⲣϫϥ ⲉ̀ⲃⲟⲗ ϩⲱϥ ⲓⲥϫⲉⲛ ⲛⲉϥ ϧⲉⲛ ⲑ̀ⲛⲉϫⲓ ϯⲛⲁϣⲱϥⲧ ⲁⲛ ϯⲛⲁⲩ ⲅⲁⲣ ⲉ̀ⲡⲓⲥⲁϫⲓ ⲉϥⲧⲟⲙⲓ.	Aiṡangoos èpaiagios hōf ṑ namenrati je avforgf èvol hōf isjen nef xen θ̀neji tinaṡōft an tinav ġar èpisaji eftomi.	If I have said of this saint, O my dearly beloved, that he was chosen from the womb, I am not mistaken, for I see that this expression is appropriate.
118	ⲉⲧⲁϥϯ ⲇⲉ ⲙⲡⲉϥϩⲏⲧ ⲉⲛⲓⲅⲣⲁϥⲏ ⲙⲡⲉϩⲗⲓ ⲛⲍⲏⲧⲏⲙⲁ ⲉⲣⲁⲧϫⲟⲙ ⲛⲧⲟⲧϥ ⲙⲁⲗⲓⲥⲧⲁ ⲛⲓⲗⲟⲅⲟⲥ ⲛⲧⲉⲛⲓⲥⲁϧ ⲛⲧⲉϯⲉⲕⲕⲗⲏⲥⲓⲁ .	Ⲉ̀ⲧⲁϥϯ ⲇⲉ ⲛ̀ⲡⲉϥϩⲏⲧ ⲉ̀ⲛⲓⲅⲣⲁϥⲏ ⲙ̀ⲡⲉ ϩ̀ⲗⲓ ⲛ̀ⲍⲏⲧⲏⲙⲁ ⲉⲣⲁⲧϫⲟⲙ ⲛ̀ⲧⲟⲧϥ ⲙⲁⲗⲓⲥⲧⲁ ⲛⲓⲗⲟⲅⲟⲥ ⲛ̀ⲧⲉ ⲛⲓⲥⲁϧ ⲛ̀ⲧⲉ ϯⲉⲕⲕⲗⲏⲥⲓⲁ.	Ètafti ḋe ǹpefhyt èniġrafy m̀pe h̀li ǹzytyma eratgom ǹtotf malista niloġos ǹte nisax ǹte tiekklysia.	And when he had given his heart to the Scriptures, no search was impossible for him, especially in the discourses of the scribes of the Church.
119	ⲛⲉⲟⲩⲟⲛ ⲟⲩϧⲉⲗⲗⲟ ⲇⲉ ⲟⲛ ϧⲉⲛⲡⲓⲧⲱⲟⲩ ⲡⲉ ⲉⲟⲩⲛⲓϣϯ ⲛⲁⲥⲕⲏⲧⲏⲥ ⲡⲉ	Ⲛⲉ ⲟⲩⲟⲛ ⲟⲩϧⲉⲗⲗⲟ ⲇⲉ ⲟⲛ ϧⲉⲛ ⲡⲓⲧⲱⲟⲩ ⲡⲉ ⲉ̀ⲟⲩⲛⲓϣϯ ⲛ̀ⲁⲥⲕⲏⲧⲏⲥ ⲡⲉ	Ne ouon ouxello ḋe on xen pitōou pe èouniṡti ǹaskytys pe	There was an old man in the mountain who was a great ascetic.
120	ⲫⲁⲓ ⲇⲉ ⲉⲩⲉⲣⲙⲉⲑⲣⲉ ϧⲁⲣⲟϥ ⲛϫⲉⲟⲩⲟⲛ ⲛⲓⲃⲉⲛ ⲉⲑⲃⲉ ⲛⲉϥⲁⲣⲉⲧⲏ .	ⲫⲁⲓ ⲇⲉ ⲉⲩⲉⲣⲙⲉⲑⲣⲉ ϧⲁⲣⲟϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲃⲉ ⲛⲉϥⲁ̀ⲣⲉⲧⲏ.	fai ḋe evermeθre xarof ǹje ouon niven eθve nefàrety.	Everyone testified to his virtues.
121	ⲁⲥϣⲱⲡⲓ ⲉⲧⲁϥⲛⲁⲩ ⲉⲫⲏ ⲉⲑⲟⲩⲁⲃ ⲓⲥⲁⲁⲕ ⲡⲉϫⲁϥ ⲛⲛⲓⲥⲛⲏⲟⲩ ⲉⲑⲙⲟϣⲓ ⲛⲉⲙⲁϥ ϫⲉⲓⲥ ⲟⲩⲓⲥⲣⲁⲏⲗⲓⲧⲏⲥ ⲙⲙⲟⲛ ⲇⲟⲗⲟⲥ ⲛϧⲏⲧϥ ⲫⲁⲓ ⲛⲁϣⲱⲡⲓ ⲛⲟⲩⲁⲣⲭⲓⲉⲡⲓⲥⲕⲟⲡⲟⲥ ⲛϯⲡⲟⲗⲓⲥ ⲣⲁⲕⲟϯ ⲟⲩⲟϩ ⲙⲡⲁⲧⲣⲓⲁⲣⲭⲏⲥ	Ⲁⲥϣⲱⲡⲓ ⲉⲧⲁϥⲛⲁⲩ ⲉ̀ⲫⲏ ⲉⲑⲟⲩⲁⲃ ⲓⲥⲁⲁⲕ ⲡⲉϫⲁϥ ⲛ̀ⲛⲓⲥ̀ⲛⲏⲟⲩ ⲉⲑⲙⲟϣⲓ ⲛⲉⲙⲁϥ ϫⲉ ⲓⲥ ⲟⲩⲓⲥⲣⲁⲏⲗⲓⲧⲏⲥ ⲙ̀ⲙⲟⲛ ⲇⲟⲗⲟⲥ ⲛ̀ϧⲏⲧϥ ⲫⲁⲓ ⲛⲁϣⲱⲡⲓ ⲛ̀ⲟⲩⲁⲣⲭⲓⲉ̀ⲡⲓⲥⲕⲟⲡⲟⲥ ⲛ̀ⲧⲉ ϯⲡⲟⲗⲓⲥ ⲣⲁⲕⲟϯ ⲟⲩⲟϩ ⲛ̀ⲡⲁⲧⲣⲓⲁⲣⲭⲏⲥ	Asṡōpi etafnav èfy eθouab isaak pegaf ǹnis̀nyou eθmoṡi nemaf je is ouisraylitys m̀mon ḋolos ǹxytf fai naṡōpi ǹouarṡièpiskopos ǹte tipolis rakoti ouoh ǹpatriarṡys	It came to pass that after seeing the holy Isaac, he said to the brethren who were walking with him, ‘Here is an Israelite in whom there is no cunning: he will be archbishop of the city of Alexandria and patriarch;
122	ⲫⲁⲓ ⲛⲁϣⲱⲡⲓ ⲉϥⲟⲓ ⲛⲛⲓϣϯ ⲙⲡⲉⲙⲑⲟ ⲙⲡⲟ︦ⲥ︦ ⲟⲩⲟϩ ⲛⲉϥⲥⲁϫⲓ ⲛⲁⲫⲟϩ ϣⲁⲁⲩⲣⲏϫⲥ ⲛϯⲟⲓⲕⲟⲩⲙⲉⲛⲏ .	ⲫⲁⲓ ⲛⲁϣⲱⲡⲓ ⲉϥⲟⲓ ⲛ̀ⲛⲓϣϯ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲟⲩⲟϩ ⲛⲉϥⲥⲁϫⲓ ⲛⲁⲫⲟϩ ϣⲁ ⲁⲩⲣⲏϫⲥ ⲛ̀ϯⲟⲓⲕⲟⲩⲙⲉⲛⲏ.	fai naṡōpi efoi ǹniṡti ǹpem̀θo ǹp̀ċois ouoh nefsaji nafoh ṡa avrygs ǹtioikoumeny.	he will be great before God, and his words will reach the limits of the inhabited earth.
123	ⲉⲧⲁⲩⲥⲱⲧⲉⲙ ⲇⲉ ⲉⲛⲁⲓ ⲛϫⲉⲛⲓⲥⲛⲏⲟⲩ ⲛⲧⲟⲧϥ ⲙⲡⲓϧⲉⲗⲗⲟ ⲉⲑⲟⲩⲁⲃ ⲁⲩⲉⲣϣⲫⲏⲣⲓ ⲟⲩⲟϩ ⲁⲩϯⲱⲟⲩ ⲙⲫ︦ϯ︦ ⲫⲁⲓ ⲉⲧϭⲱⲣⲡ ⲛⲛⲉϥⲙⲩⲥⲧⲏⲣⲓⲟⲛ ⲉⲃⲟⲗ ⲛⲛⲏ ⲉⲧⲉⲙⲡϣⲁ ⲙⲙⲱⲟⲩ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲉⲩⲉⲛⲁⲩ ⲛϫⲉⲛⲏ ⲉⲧⲉⲙⲡⲟⲩⲛⲁⲩ ⲟⲩⲟϩ ⲛⲏ ⲉⲧⲥⲱⲧⲉⲙ ⲙⲡⲟⲩⲕⲁϯ .	Ⲉⲧⲁⲩⲥⲱⲧⲉⲙ ⲇⲉ ⲉ̀ⲛⲁⲓ ⲛ̀ϫⲉ ⲛⲓⲥ̀ⲛⲏⲟⲩ ⲛ̀ⲧⲟⲧϥ ⲛ̀ⲡⲓϧⲉⲗⲗⲟ ⲉⲑⲟⲩⲁⲃ ⲁⲩⲉⲣϣ̀ⲫⲏⲣⲓ ⲟⲩⲟϩ ⲁⲩϯⲱ̀ⲟⲩ ⲛ̀ⲫ̀ⲛⲟⲩϯ ⲫⲁⲓ ⲉⲧϭⲱⲣⲡ ⲛ̀ⲛⲉϥⲙⲩⲥⲧⲏⲣⲓⲟⲛ ⲉ̀ⲃⲟⲗ ⲛ̀ⲛⲏ ⲉⲧⲉⲙ̀ⲡϣⲁ ⲙ̀ⲙⲱⲟⲩ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲉⲩⲉ̀ⲛⲁⲩ ⲛ̀ϫⲉ ⲛⲏ ⲉ̀ⲧⲉ ⲙⲡⲟⲩⲛⲁⲩ ⲟⲩⲟϩ ⲛⲏ ⲉⲧⲥⲱⲧⲉⲙ ⲙⲡⲟⲩⲕⲁϯ.	Etavsōtem ḋe ènai ǹje nis̀nyou ǹtotf ǹpixello eθouab averṡ̀fyri ouoh avtiṑou ǹf̀nouti fai etċōrp ǹnefmistyrion èvol ǹny etem̀pṡa m̀mōou kata f̀ryti ets̀xyout je evènav ǹje ny ète mpounav ouoh ny etsōtem mpoukati.	When the brethren heard these words of the holy old man, they were filled with admiration and gave glory to God, who has made his mysteries manifest to those who are worthy, for it is written, ‘They that see not shall see, and those that hear shall not understand.’
124	ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲛⲁϥⲉⲣⲡⲣⲟⲕⲟⲡⲧⲉⲓⲛ ϧⲉⲛⲛⲓⲁⲣⲉⲧⲏ ⲧⲏⲣⲟⲩ ϩⲱⲥⲧⲉ ⲛⲧⲟⲩⲥⲱⲧⲉⲙ ⲉⲡⲉϥⲥⲱⲓⲧ ϧⲉⲛⲭⲱⲣⲁ ⲧⲏⲣⲥ ⲛⲧⲉⲭⲏⲙⲓ ⲟⲩⲟϩ ⲁⲟⲩⲙⲏϣ ⲭⲁⲡⲓⲕⲟⲥⲙⲟⲥ ⲛⲥⲱⲟⲩ ⲁⲩⲉⲣⲙⲟⲛⲁⲭⲟⲥ ⲉⲟⲩⲁⲓ ⲉⲃⲟⲗ ⲛϧⲏⲧⲟⲩ ⲡⲉ ⲙⲉⲛⲉⲛⲥⲱⲛ ⲫⲁⲓ ⲉⲛⲁϥⲟⲓ ⲛⲛⲟⲧⲁⲣⲓⲟⲥ ⲛⲁϥ ⲛϣⲟⲣⲡ .	Ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲛⲁϥⲉⲣⲡⲣⲟⲕⲟⲡⲧⲉⲓⲛ ϧⲉⲛ ⲛⲓⲁ̀ⲣⲉⲧⲏ ⲧⲏⲣⲟⲩ ϩⲱⲥⲧⲉ ⲛ̀ⲧⲟⲩⲥⲱⲧⲉⲙ ⲉ̀ⲡⲉϥⲥⲱⲓⲧ ϧⲉⲛ ⲭⲱⲣⲁ ⲧⲏⲣⲥ ⲛ̀ⲧⲉ ⲭⲏⲙⲓ ⲟⲩⲟϩ ⲁ̀ⲟⲩⲙⲏϣ ⲭⲁⲡⲓⲕⲟⲥⲙⲟⲥ ⲛ̀ⲥⲱⲟⲩ ⲁⲩⲉⲣⲙⲟⲛⲁⲭⲟⲥ ⲉ̀ⲟⲩⲁⲓ ⲉ̀ⲃⲟⲗ ⲛ̀ϧⲏⲧⲟⲩ ⲡⲉ ⲙⲉⲛⲉⲛⲥⲱⲛ ⲫⲁⲓ ⲉⲛⲁϥⲟⲓ ⲛ̀ⲛⲟⲧⲁⲣⲓⲟⲥ ⲛⲁϥ ⲛ̀ϣⲟⲣⲡ.	Fy eθouab ḋe isaak naferprokoptein xen niàrety tyrou hōste ǹtousōtem èpefsōit xen xōra tyrs ǹte kymi ouoh àoumyṡ kapikosmos ǹsōou avermonaxos èouai èvol ǹxytou pe menensōn fai enafoi ǹnotarios naf ǹṡorp.	But the holy Isaac progressed in all the virtues, so that his glory was heard of in all the land of Egypt, and many forsook the world and became monks: among them was Meneson, under whom Isaac had first been a notary.
125	ⲉⲧⲁϥⲥⲱⲧⲉⲙ ⲇⲉ ϫⲉⲁⲫⲏ ⲉⲑⲟⲩⲁⲃ ⲉⲣⲁⲡⲟⲧⲁⲍⲉⲥⲑⲁⲓ ⲙⲡⲓⲕⲟⲥⲙⲟⲥ ⲁϥⲓ ϩⲱϥ ⲁϥⲉⲣⲙⲟⲛⲁⲭⲟⲥ ϧⲁⲧⲟⲧϥ	Ⲉ̀ⲧⲁϥⲥⲱⲧⲉⲙ ⲇⲉ ϫⲉ ⲁⲫⲏ ⲉⲑⲟⲩⲁⲃ ⲉⲣⲁⲡⲟⲧⲁⲍⲉⲥⲑⲁⲓ ⲛ̀ⲡⲓⲕⲟⲥⲙⲟⲥ ⲁϥⲓ̀ ϩⲱϥ ⲁϥⲉⲣⲙⲟⲛⲁⲭⲟⲥ ϧⲁⲧⲟⲧϥ	Ètafsōtem ḋe je afy eθouab erapotazesθai ǹpikosmos afì hōf afermonaxos xatotf	For when he heard that this saint had withdrawn from the world, he also went and became a monk near him.
126	ⲕⲁⲓ ⲟⲩⲁⲓ ⲇⲉ ⲟⲛ ⲉⲡⲉϥⲣⲁⲛ ⲡⲉ ⲓⲁⲛⲛⲏ ⲫⲁⲓ ⲇⲉ ⲟⲩⲅⲉⲛⲟⲥ ⲉⲧϭⲟⲥⲓ ⲡⲉ ⲉϥⲟⲓ ⲛϣⲏⲣⲓ ⲙⲫⲏ ⲉⲑⲟⲩⲁⲃ ⲛⲉⲟⲩⲉⲃⲟⲗ ⲡⲉ ϧⲉⲛⲧϩⲁⲓⲣⲉⲥⲓⲥ ⲛⲛⲓⲁⲧⲥⲙⲟⲩ ⲛⲁⲓ ⲉⲧϫⲱ ⲙⲙⲟⲥ ϫⲉⲓⲥϫⲉⲛ ⲡⲓⲁⲅⲓⲟⲥ ⲇⲓⲟⲥⲕⲟⲣⲟⲥ ⲙⲡⲉⲁⲣⲭⲓⲉⲡⲓⲥⲕⲟⲡⲟⲥ ϣⲱⲡⲓ ⲉϫⲱⲟⲩ ϧⲉⲛⲫⲁⲓ ⲁⲩⲡⲱⲣϫ ⲥⲁⲃⲟⲗ ⲛⲛⲓⲉⲕⲕⲗⲏⲥⲓⲁ ⲁⲩϣⲱⲡⲓ ⲛϩⲁⲓⲣⲉⲧⲓⲕⲟⲥ .	ⲕⲁⲓ ⲟⲩⲁⲓ ⲇⲉ ⲟⲛ ⲉ̀ⲡⲉϥⲣⲁⲛ ⲡⲉ ⲓⲁⲛⲛⲏ ⲫⲁⲓ ⲇⲉ ⲟⲩⲅⲉⲛⲟⲥ ⲉⲧϭⲟⲥⲓ ⲡⲉ ⲉϥⲟⲓ ⲛ̀ϣⲏⲣⲓ ⲛ̀ⲫⲏ ⲉⲑⲟⲩⲁⲃ ⲛⲉ ⲟⲩⲉ̀ⲃⲟⲗ ⲡⲉ ϧⲉⲛ ⲧ̀ϩⲁⲓⲣⲉⲥⲓⲥ ⲛ̀ⲛⲓⲁⲧⲥⲙⲟⲩ ⲛⲁⲓ ⲉⲧϫⲱ ⲙ̀ⲙⲟⲥ ϫⲉ ⲓⲥϫⲉⲛ ⲡⲓⲁ̀ⲅⲓⲟⲥ ⲇⲓⲟⲥⲕⲟⲣⲟⲥ ⲙ̀ⲡⲉ ⲁⲣⲭⲓⲉⲡⲓⲥⲕⲟⲡⲟⲥ ϣⲱⲡⲓ ⲉ̀ϫⲱⲟⲩ ϧⲉⲛ ⲫⲁⲓ ⲁⲩⲡⲱⲣϫ ⲥⲁⲃⲟⲗ ⲛ̀ⲛⲓⲉⲕⲕⲗⲏⲥⲓⲁ ⲁⲩϣⲱⲡⲓ ⲛ̀ϩⲁⲓⲣⲉⲧⲓⲕⲟⲥ.	kai ouai ḋe on èpefran pe ianny fai ḋe ougenos etċosi pe efoi ǹṡyri ǹfy eθouab ne ouèvol pe xen t̀·hairesis ǹniatsmou nai etgō m̀mos je isjen piàgios dioskoros m̀pe arṡiepiskopos ṡōpi ègōou xen fai avpōrg savol ǹniekklysia avṡōpi ǹhairetikos.	And another whose name was Ianni, who came from a high family and became the son of the saint, and belonged to the heresy of the accursed ones who say that, since the time of the holy Dioscorus, there has been no patriarch for them: in this they have divided the churches and become heretics.
127	ⲉⲧⲁϥⲓ ϣⲁⲣⲟϥ ⲁϥⲁⲓϥ ⲛⲭⲣⲓⲥⲧⲓⲁⲛⲟⲥ ⲟⲩⲟϩ ⲙⲙⲟⲛⲁⲭⲟⲥ ⲁϥϣⲱⲡⲓ ϩⲱϥ ⲛⲟⲩⲁⲅⲓⲟⲥ ϩⲱⲥⲧⲉ ⲛⲥⲉⲁⲓϥ ⲛⲉⲡⲓⲥⲕⲟⲡⲟⲥ ⲛⲥⲉⲧⲉⲛϩⲟⲩⲧϥ ⲉϩⲁⲛⲗⲁⲟⲥ ⲉⲩⲟϣ .	Ⲉ̀ⲧⲁϥⲓ̀ ϣⲁⲣⲟϥ ⲁϥⲁⲓϥ ⲛ̀ⲭ̀ⲣⲓⲥⲧⲓⲁⲛⲟⲥ ⲟⲩⲟϩ ⲛ̀ⲙⲟⲛⲁⲭⲟⲥ ⲁϥϣⲱⲡⲓ ϩⲱϥ ⲛ̀ⲟⲩⲁⲅⲓⲟⲥ ϩⲱⲥⲧⲉ ⲛ̀ⲧⲟⲩⲁⲓϥ ⲛ̀ⲉ̀ⲡⲓⲥⲕⲟⲡⲟⲥ ⲛ̀ⲧⲟⲩⲧⲉⲛϩⲟⲩⲧϥ ⲉ̀ϩⲁⲛⲗⲁⲟⲥ ⲉⲩⲟϣ.	Ètafì ṡarof afaif ǹx̀ristianos ouoh ǹmonaxos afṡōpi hōf ǹouagios hōste ǹtouaif ǹèpiskopos ǹtoutenhoutf èhanlaos evoṡ.	When he came to Isaac, he became a Christian and a monk, and also became a saint, so that he was made a bishop and entrusted with a large population.
128	ⲛⲁⲓ ⲛⲉ ⲛⲓϣⲟⲣⲡ ⲛⲇⲱⲣⲟⲛ ⲉⲧⲁⲫⲏ ⲉⲑⲟⲩⲁⲃ ⲁⲃⲃⲁ ⲓⲥⲁⲁⲕ ⲉⲛⲟⲩ ⲉϧⲟⲩⲛ ⲙⲡⲟⲥ ⲙⲡⲉⲡⲓⲡⲟⲛⲏⲣⲟⲥ ⲛⲇⲓⲁⲃⲟⲗⲟⲥ ϣⲛⲁⲩ ⲉⲡⲁⲓⲁⲅⲓⲟⲥ ⲉϥⲉⲣⲡⲣⲟⲕⲟⲡⲧⲉⲓⲛ ϧⲉⲛⲛⲓⲁⲣⲉⲧⲏ .	Ⲛⲁⲓ ⲛⲉ ⲛⲓϣⲟⲣⲡ ⲛ̀ⲇⲱⲣⲟⲛ ⲉⲧⲁⲫⲏ ⲉⲑⲟⲩⲁⲃ ⲁⲃⲃⲁ ⲓⲥⲁⲁⲕ ⲉⲛⲟⲩ ⲉ̀ϧⲟⲩⲛ ⲛ̀ⲡ̀ϭⲟⲓⲥ ⲙ̀ⲡⲉⲡⲓⲡⲟⲛⲏⲣⲟⲥ ⲛ̀ⲇⲓⲁⲃⲟⲗⲟⲥ ϣⲛⲁⲩ ⲉ̀ⲡⲁⲓⲁⲅⲓⲟⲥ ⲉϥⲉⲣⲡⲣⲟⲕⲟⲡⲧⲉⲓⲛ ϧⲉⲛ ⲛⲓⲁ̀ⲣⲉⲧⲏ.	Nai ne niṡorp ǹḋōron etafy eθouab abba isaak enou èxoun ǹp̀ċois m̀pepiponyros ǹdiabolos ṡnav èpaiagios eferprokoptein xen niàrety.	These were the first gifts that the holy Isaac presented to the Lord; but the wicked devil could not see this saint make progress in virtue.
129	ⲁⲥϣⲱⲡⲓ ⲉⲣⲉⲫⲏ ⲉⲑⲟⲩⲁⲃ ⲛⲕⲟⲧ ϧⲉⲛⲡⲓⲉϫⲱⲣϩ ⲁⲟⲩⲇⲁⲓⲙⲱⲛ ⲛⲓϥⲓ ⲉϧⲣⲏⲓ ⲉⲛⲉϥⲙⲁϣϫ .	Ⲁⲥϣⲱⲡⲓ ⲉ̀ⲣⲉⲫⲏ ⲉⲑⲟⲩⲁⲃ ⲛ̀ⲕⲟⲧ ϧⲉⲛ ⲡⲓⲉ̀ϫⲱⲣϩ ⲁ̀ⲟⲩⲇⲉⲙⲱⲛ ⲛⲓϥⲓ ⲉ̀ϧ̀ⲣⲏⲓ ⲉ̀ⲛⲉϥⲙⲁϣϫ.	Asṡōpi èrefy eθouab ǹkot xen piègōrh àouḋemōn nifi èx̀ryi ènefmaṡg.	It happened that, while the saint was sleeping, a demon blew into his ears.
130	ⲉⲧⲁϥⲧⲱⲛϥ ϧⲉⲛⲡⲓⲛⲕⲟⲧ ⲙⲡⲉϥϣϫⲉⲙϫⲟⲙ ⲛϩⲉⲙⲥⲓ ⲁϥⲧⲁⲙⲉⲡⲉϥⲓⲱⲧ ⲉⲡⲓⲡⲟⲗⲉⲙⲟⲥ ⲁϥⲉⲣⲙⲕⲁϩ ⲛϩⲏⲧ ⲉⲙⲁϣⲱ	Ⲉⲧⲁϥⲧⲱⲛϥ ϧⲉⲛ ⲡⲓⲛ̀ⲕⲟⲧ ⲙ̀ⲡⲉϥϣϫⲉⲙϫⲟⲙ ⲛ̀ϩⲉⲙⲥⲓ ⲁϥⲧⲁⲙⲉⲡⲉϥⲓⲱⲧ ⲉ̀ⲡⲓⲡⲟⲗⲉⲙⲟⲥ ⲁϥⲉⲣⲙ̀ⲕⲁϩ ⲛ̀ϩⲏⲧ ⲉ̀ⲙⲁϣⲱ	Etaftōnf xen piǹkot m̀pefṡjemgom ǹhemsi aftamepefiōt èpipolemos aferm̀kah ǹhyt èmaṡō	And when Isaac had risen from sleep, he could no longer sit down; he informed his father of this battle and he was very sad.
131	ⲟⲩⲟϩ ϩⲱⲥ ϫⲉⲉⲣⲉⲡⲓϧⲉⲗⲗⲟ ϭⲟⲛⲧ ⲁⲛ ϧⲉⲛⲡⲁⲓⲛⲓϣϯ ⲙⲡⲟⲗⲉⲙⲟⲥ ⲁϥⲟⲩⲟⲣⲡϥ ⲉⲫⲙⲁ ⲛⲟⲩⲛⲓϣϯ ⲛⲁⲥⲕⲏⲧⲏⲥ ⲫⲁⲓ ⲁϥϭⲓ ⲟⲩⲙⲏϣ ⲛϧⲓⲥⲓ ⲛⲧⲟⲧⲟⲩ ⲛⲛⲓⲇⲁⲓⲙⲱⲛ	ⲟⲩⲟϩ ϩⲱⲥ ϫⲉ ⲉ̀ⲣⲉ ⲡⲓϧⲉⲗⲗⲟ ϭⲟⲛⲧ ⲁⲛ ϧⲉⲛ ⲡⲁⲓⲛⲓϣϯ ⲛ̀ⲡⲟⲗⲉⲙⲟⲥ ⲁϥⲟⲩⲟⲣⲡϥ ⲉ̀ⲫ̀ⲙⲁ ⲛ̀ⲟⲩⲛⲓϣϯ ⲛ̀ⲁⲥⲕⲏⲧⲏⲥ ⲫⲁⲓ ⲁϥϭⲓ ⲟⲩⲙⲏϣ ⲛ̀ϧⲓⲥⲓ ⲛ̀ⲧⲟⲧⲟⲩ ⲛ̀ⲛⲓⲇⲉⲙⲱⲛ	ouoh hōs je ère pixello ċont an xen painiṡti ǹpolemos afouorpf èf̀ma ǹouniṡti ǹaskytys fai afċi oumyṡ ǹxisi ǹtotou ǹniḋemōn	And as the old man had no experience in this great war, he sent him to a great ascetic who had endured a great deal of suffering at the hands of demons.
132	ⲟⲩⲟϩ ⲉⲧⲁⲡⲓϧⲉⲗⲗⲟ ⲛⲁⲩ ⲉⲣⲟϥ ⲁⲡⲓⲁⲗⲟⲩ ϫⲱ ⲉⲣⲁϥ ⲙⲡⲓⲡⲟⲗⲉⲙⲟⲥ .	ⲟⲩⲟϩ ⲉ̀ⲧⲁ ⲡⲓϧⲉⲗⲗⲟ ⲛⲁⲩ ⲉ̀ⲣⲟϥ ⲁ ⲡⲓⲁ̀ⲗⲟⲩ ϫⲱ ⲉ̀ⲣⲁϥ ⲛ̀ⲡⲓⲡⲟⲗⲉⲙⲟⲥ.	ouoh èta pixello nav èrof a piàlou gō èraf ǹpipolemos.	And when the old man saw him, the young boy told him about this battle.
133	ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉⲡⲁϣⲏⲣⲓ ϯⲛⲁϣϯⲛⲧⲟⲗⲏ ⲉⲧⲟⲧⲕ ⲁⲛ ⲉⲑⲃⲉⲡⲉⲕⲓⲱⲧ ϫⲉⲛⲑⲟⲕ ⲟⲩϣⲏⲣⲓ ⲛⲕⲟⲓⲛⲱⲛⲓⲁ ⲁⲗⲗⲁ ⲙⲁϣⲉ ⲛⲁⲕ ⲉⲫⲙⲁ ⲙⲡⲉⲕⲓⲱⲧ ⲫⲏ ⲉⲧⲉϥⲛⲁϫⲟϥ ⲛⲁⲕ ⲁⲣⲓⲧϥ ϯⲉⲣϩⲉⲗⲡⲓⲥ ⲉⲫ︦ϯ︦ ϫⲉⲭⲛⲁⲙⲧⲟⲛ .	Ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲁϣⲏⲣⲓ ϯⲛⲁϣϯⲛⲧⲟⲗⲏ ⲉⲧⲟⲧⲕ ⲁⲛ ⲉⲑⲃⲉ ⲡⲉⲕⲓⲱⲧ ϫⲉ ⲛ̀ⲑⲟⲕ ⲟⲩϣⲏⲣⲓ ⲛ̀ⲕⲟⲓⲛⲱⲛⲓⲁ ⲁⲗⲗⲁ ⲙⲁϣⲉ ⲛⲁⲕ ⲉ̀ⲫ̀ⲙⲁ ⲛ̀ⲡⲉⲕⲓⲱⲧ ⲫⲏ ⲉⲧⲉϥⲛⲁϫⲟϥ ⲛⲁⲕ ⲁ̀ⲣⲓⲧϥ ϯⲉⲣϩⲉⲗⲡⲓⲥ ⲉ̀ⲫ̀ⲛⲟⲩϯ ϫⲉ ⲭ̀ⲛⲁⲙ̀ⲧⲟⲛ.	Peje pixello naf je paṡyri tinaṡtintoly etotk an eθve pekiōt je ǹθok ouṡyri ǹkoinōnia alla maṡe nak èf̀ma ǹpekiōt fy etefnagof nak àritf tierhelpis èf̀nouti je k̀nam̀ton.	The old man said to him, ‘My son, I cannot give you orders for your father's sake, for you are a child of cenobitism; but go to your father, what he tells you, do it; I hope God will give you rest.
134	ⲉⲧⲁϥⲓ ⲁϥⲧⲁⲙⲉⲡⲉϥⲓⲱⲧ ⲉⲛⲉⲛⲥⲁϫⲓ ⲙⲡⲓϧⲉⲗⲗⲟ ⲁϥⲉⲣⲟⲩⲱ ⲛϫⲉⲡⲉϥⲓⲱⲧ ⲡⲉϫⲁϥ ⲛⲁϥ ϫⲉϩⲱⲗ ⲁⲣⲓⲕⲁⲑⲁⲣⲓⲍⲓⲛ ⲛⲛⲓⲙⲁ ⲛϩⲉⲙⲥⲓ ⲛⲧⲉⲛⲓⲥⲛⲏⲟⲩ ⲟⲩⲟϩ ϯⲛⲁϩϯ ϫⲉⲫ︦ϯ︦ ⲛⲁϯⲙⲧⲟⲛ ⲛⲁⲕ .	Ⲉ̀ⲧⲁϥⲓ̀ ⲁϥⲧⲁⲙⲉⲡⲉϥⲓⲱⲧ ⲉ̀ⲛⲉⲛⲥⲁϫⲓ ⲛ̀ⲡⲓϧⲉⲗⲗⲟ ⲁϥⲉⲣⲟⲩⲱ ⲛ̀ϫⲉ ⲡⲉϥⲓⲱⲧ ⲡⲉϫⲁϥ ⲛⲁϥ ϫⲉ ϩⲱⲗ ⲁⲣⲓⲕⲁⲑⲁⲣⲓⲍⲓⲛ ⲛ̀ⲛⲓⲙⲁ ⲛ̀ϩⲉⲙⲥⲓ ⲛ̀ⲧⲉ ⲛⲓⲥ̀ⲛⲏⲟⲩ ⲟⲩⲟϩ ϯⲛⲁϩϯ ϫⲉ ⲫ̀ⲛⲟⲩϯ ⲛⲁϯⲙ̀ⲧⲟⲛ ⲛⲁⲕ.	Ètafì aftamepefiōt ènensaji ǹpixello aferouō ǹje pefiōt pegaf naf je hōl arikaθarizin ǹnima ǹhemsi ǹte nis̀nyou ouoh tinahti je f̀nouti natim̀ton nak.	When he had gone, he informed his father of the old man's words; his father answered him and said, ‘Go, and wash the brethren's seats; I hope God will give you rest.’
135	ⲟⲩⲟϩ ⲁϥϣⲉⲡⲡⲓⲥⲁϫⲓ ⲉⲣⲟϥ ϧⲉⲛⲟⲩϩⲉⲓⲣⲏⲛⲏ ⲉⲡⲉⲓⲇⲏ ⲛⲥⲏⲟⲩ ⲛⲓⲃⲉⲛ ⲁϥϭⲟϫⲓ ⲛⲥⲁⲡⲓⲑⲉⲃⲓⲟ ⲁϥϩⲉⲙⲥⲓ ϧⲉⲛⲛⲁⲓϧⲓⲥⲓ ⲙⲡⲁⲓⲣⲏϯ ⲛⲥ ⲛⲁⲃⲟⲧ ⲉϥⲙⲁϩⲙⲱⲟⲩ ⲛⲱⲟⲩ ⲙⲡⲓⲉϫⲱⲣϩ ⲉϥⲉⲣⲕⲁⲑⲁⲣⲓⲍⲓⲛ ⲛⲡⲓⲙⲁ ⲛϩⲉⲙⲥⲓ ϧⲉⲛⲡⲓⲉϫⲱⲣϩ .	Ⲟⲩⲟϩ ⲁϥϣⲉⲡⲡⲓⲥⲁϫⲓ ⲉ̀ⲣⲟϥ ϧⲉⲛ ⲟⲩϩⲓⲣⲏⲛⲏ ⲉⲡⲓⲇⲏ ⲛ̀ⲥⲏⲟⲩ ⲛⲓⲃⲉⲛ ⲁϥϭⲟϫⲓ ⲛ̀ⲥⲁ ⲡⲓⲑⲉⲃⲓⲟ ⲁϥϩⲉⲙⲥⲓ ϧⲉⲛ ⲛⲁⲓϧⲓⲥⲓ ⲛ̀ⲡⲁⲓⲣⲏϯ ⲛ̀ⲥ ⲛ̀ⲁ̀ⲃⲟⲧ ⲉϥⲙⲁϩⲙⲱⲟⲩ ⲛⲱⲟⲩ ⲛ̀ⲡⲓⲉϫⲱⲣϩ ⲉϥⲉⲣⲕⲁⲑⲁⲣⲓⲍⲓⲛ ⲛ̀ⲡⲓⲙⲁ ⲛ̀ϩⲉⲙⲥⲓ ϧⲉⲛ ⲡⲓⲉ̀ϫⲱⲣϩ.	Ouoh afṡeppisaji èrof xen ouhiryny epiḋy ǹsyou niven afċoji ǹsa piθevio afhemsi xen naixisi ǹpairyti ǹs ǹàvot efmahmōou nōou ǹpiegōrh eferkaθarizin ǹpima ǹhemsi xen piègōrh.	He spoke this in peace, because on every occasion he followed humility: he remained six months in this suffering, drawing water for the brethren during the night and washing their seats during the night.
136	ⲙⲉⲛⲉⲛⲥⲁⲡⲁⲓⲡⲟⲗⲉⲙⲟⲥ ⲉⲑⲛⲁϣⲧ ⲉⲧⲭⲏ ϧⲁϫⲱϥ ⲁⲫ︦ϯ︦ ⲉⲣϩⲙⲟⲧ ⲛⲁϥ ⲛϩⲁⲛⲧⲁⲗϭⲟ ⲉⲩⲟϣ .	Ⲙⲉⲛⲉⲛⲥⲁⲡⲁⲓⲡⲟⲗⲉⲙⲟⲥ ⲉⲑⲛⲁϣⲧ ⲉⲧⲭⲏ ϧⲁϫⲱϥ ⲁ ⲫ̀ⲛⲟⲩϯ ⲉⲣϩⲙⲟⲧ ⲛⲁϥ ⲛ̀ϩⲁⲛⲧⲁⲗϭⲟ ⲉⲩⲟϣ.	Menensapaipolemos eθnaṡt etky xagōf a f̀nouti erhmot naf ǹhantalċo evoṡ.	After this hard battle that he had to endure, God gave him the grace of many healings.
137	ⲁⲥϣⲱⲡⲓ ⲇⲉ ⲛⲟⲩⲥⲟⲡ ⲉⲧⲁⲩϣⲉ ⲛⲱⲟⲩ ⲛϫⲉⲛⲓⲥⲛⲏⲟⲩ ⲉⲧⲕⲟⲓ ⲉⲑⲃⲉϩⲁⲛⲕⲟⲩϫⲓ ⲛⲣⲟⲕϩ ⲉⲧⲁⲩϫⲱⲕ ⲙⲡⲟⲩϩⲱⲃ ⲉⲃⲟⲗ ⲁⲩⲓ ⲉⲩⲛⲏⲟⲩ ⲉⲡⲟⲩⲙⲁ ⲛϣⲱⲡⲓ	Ⲁⲥϣⲱⲡⲓ ⲇⲉ ⲛ̀ⲟⲩⲥⲟⲡ ⲉ̀ⲧⲁⲩϣⲉ ⲛⲱⲟⲩ ⲛ̀ϫⲉ ⲛⲓⲥ̀ⲛⲏⲟⲩ ⲉ̀ⲧ̀ⲕⲟⲓ ⲉⲑⲃⲉ ϩⲁⲛⲕⲟⲩϫⲓ ⲛ̀ⲣⲟⲕϩ ⲉ̀ⲧⲁⲩϫⲱⲕ ⲛ̀ⲡⲟⲩϩⲱⲃ ⲉ̀ⲃⲟⲗ ⲁⲩⲓ̀ ⲉⲩⲛⲏⲟⲩ ⲉ̀ⲡⲟⲩⲙⲁ ⲛ̀ϣⲱⲡⲓ	Asṡōpi ḋe ǹousop ètavṡe nōou ǹje nis̀nyou èt̀koi eθve hankouji ǹrok·h ètavgōk ǹpouhōb èvol avì evnyou èpouma ǹṡōpi	It happened once that the brothers went into the fields to gather some fuel, and when they had finished the work they returned to their dwelling.
138	ⲟⲩⲟϩ ϩⲱⲥ ⲉⲩⲙⲟϣⲓ ϩⲓⲡⲓⲙⲱⲓⲧ ⲁⲫⲏ ⲉⲑⲟⲩⲁⲃ ⲓⲥⲁⲁⲕ ⲉⲣⲥⲁⲫⲁⲟⲩ ⲛⲛⲓⲥⲛⲏⲟⲩ ⲉϥϥⲱϫⲓ ⲛⲥⲁⲛⲓⲥⲑⲟⲓ ⲛⲧⲱⲟⲩ .	ⲟⲩⲟϩ ϩⲱⲥ ⲉⲩⲙⲟϣⲓ ϩⲓ ⲡⲓⲙⲱⲓⲧ ⲁⲫⲏ ⲉⲑⲟⲩⲁⲃ ⲓⲥⲁⲁⲕ ⲉⲣⲥⲁⲫⲁⲟⲩ ⲛ̀ⲛⲓⲥ̀ⲛⲏⲟⲩ ⲉϥϥⲱϫⲓ ⲛ̀ⲥⲁ ⲛⲓⲥ̀ⲑⲟⲓ ⲛ̀ⲧⲱⲟⲩ.	ouoh hōs evmoṡi hi pimōit afy eθouab isaak ersafaou ǹnis̀nyou effōji ǹsa nis̀θoi ǹtōou.	As they were walking along the road, Saint Isaac stayed behind to gather fragrant flowers for them;
139	ⲉⲧⲁϥⲓ ⲇⲉ ⲉϫⲉⲛⲟⲩⲃⲱ ⲛⲥⲑⲟⲓ ϫⲉⲉϥⲛⲁϥⲟϫⲥ ⲛⲉⲟⲩⲟⲛ ⲟⲩⲁϫⲱ ϧⲉⲛⲧⲉⲥⲙⲏϯ ⲁⲥⲭⲗⲟⲙⲗⲉⲙ ⲉⲧⲉϥϫⲓϫ .	Ⲉ̀ⲧⲁϥⲓ̀ ⲇⲉ ⲉ̀ϫⲉⲛ ⲟⲩⲃⲱ ⲛ̀ⲥ̀ⲑⲟⲓ ϫⲉ ⲉϥⲛⲁϥⲟϫⲥ ⲛⲉ ⲟⲩⲟⲛ ⲟⲩⲁϫⲱ ϧⲉⲛ ⲧⲉⲥⲙⲏϯ ⲁⲥⲭⲗⲟⲙⲗⲉⲙ ⲉ̀ⲧⲉϥϫⲓϫ.	Ètafì ḋe èjen ouvō ǹs̀θoi je efnafogs ne ouon ouagō xen tesmyti asklomlem ètefjig.	but when he came to a flowering shrub to gather it, a viper in the middle rushed upon his hand.
140	ⲉⲧⲁⲩⲛⲁⲩ ⲇⲉ ⲉⲣⲟϥ ⲛϫⲉⲛⲓⲥⲛⲏⲟⲩ ⲙⲡⲁⲓⲣⲏϯ ⲁⲩⲉϣⲟⲩϧⲣⲱⲟⲩ ⲉⲃⲟⲗ ⲉⲩⲙⲉⲩⲓ ⲉⲃⲟⲗ ϫⲉ ϥⲛⲁⲙⲟⲩ ⲛϯⲟⲩⲛⲟⲩ .	Ⲉ̀ⲧⲁⲩⲛⲁⲩ ⲇⲉ ⲉ̀ⲣⲟϥ ⲛ̀ϫⲉ ⲛⲓⲥ̀ⲛⲏⲟⲩ ⲛ̀ⲡⲁⲓⲣⲏϯ ⲁⲩⲉϣⲟⲩϧ̀ⲣⲱⲟⲩ ⲉ̀ⲃⲟⲗ ⲉⲩⲙⲉⲩⲓ ⲉ̀ⲃⲟⲗ ϫⲉ ϥ̀ⲛⲁⲙⲟⲩ ⲛ̀ϯⲟⲩⲛⲟⲩ.	Ètavnav ḋe èrof ǹje nis̀nyou ǹpairyti aveṡoux̀rōou èvol evmevi èvol je f̀namou ǹtiounou.	When the brothers saw him thus, they cried out, believing that he would die on the spot.
141	ⲧⲟⲧⲉ ⲁϥⲃⲉⲣⲃⲱⲣⲥ ⲉⲃⲟⲗ ⲙⲡⲉϩⲗⲓ ⲙⲡⲉⲧϩⲱⲟⲩ ⲧⲁϩⲟϥ .	Ⲧⲟⲧⲉ ⲁϥⲃⲉⲣⲃⲱⲣⲥ ⲉ̀ⲃⲟⲗ ⲙ̀ⲡⲉ ϩ̀ⲗⲓ ⲛ̀ⲡⲉⲧϩⲱⲟⲩ ⲧⲁϩⲟϥ.	Tote afvervōrs èvol m̀pe h̀li ǹpet·hōou tahof.	But he threw the viper away, without any evil having reached him.
142	ⲉⲧⲁⲩⲛⲁⲩ ⲇⲉ ⲛϫⲉⲛⲓⲥⲛⲏⲟⲩ ⲉⲡⲁⲓϩⲱⲃ ⲛϣⲫⲏⲣⲓ ⲁⲩϩⲓⲧⲟⲩ ⲉⲡⲉⲥⲏⲧ ⲁⲩⲟⲩⲱϣⲧ ⲙⲙⲟϥ .	Ⲉ̀ⲧⲁⲩⲛⲁⲩ ⲇⲉ ⲛ̀ϫⲉ ⲛⲓⲥ̀ⲛⲏⲟⲩ ⲉ̀ⲡⲁⲓϩⲱⲃ ⲛ̀ϣ̀ⲫⲏⲣⲓ ⲁⲩϩⲓⲧⲟⲩ ⲉ̀ⲡⲉⲥⲏⲧ ⲁⲩⲟⲩⲱϣⲧ ⲙ̀ⲙⲟϥ.	Ètavnav ḋe ǹje nis̀nyou èpaihōb ǹṡ̀fyri avhitou èpesyt avouōṡt m̀mof.	When the brethren saw this wonderful work, they bowed down and worshipped it.
143	ⲧⲉⲧⲉⲛⲛⲁⲩ ⲱ ⲛⲁⲙⲉⲛⲣⲁϯ ϫⲉⲁⲡⲁⲓⲁⲅⲓⲟⲥ ⲛⲁⲗⲟⲩ ϣⲱⲡⲓ ⲉϥⲧⲉⲛⲑⲱⲛⲧ ⲉⲛⲓⲁⲡⲟⲥⲧⲟⲗⲟⲥ ⲟⲩⲟϩ ⲁϥϣⲱⲡⲓ ⲉϥⲟⲛⲓ ⲙⲙⲱⲟⲩ ⲕⲁⲧⲁⲫⲣⲏϯ ⲉⲧⲁⲡⲟ︦ⲥ︦ ϫⲟⲥ ⲛⲛⲉϥⲁⲡⲟⲥⲧⲟⲗⲟⲥ ⲟⲩⲟϩ ⲁϥϣⲱⲡⲓ ⲉϥⲟⲛⲓ ⲙⲙⲱⲟⲩ ϫⲉⲫⲏ ⲉⲧⲁⲣⲉϩ ⲉⲛⲁⲉⲛⲧⲟⲗⲏ ⲛⲓⲙⲏⲓⲛⲓ ⲧⲏⲣⲟⲩ ⲉⲧⲁⲓⲁⲓⲧⲟⲩ ⲉϥⲉⲁⲓⲧⲟⲩ ϩⲱⲟⲩ .	Ⲧⲉⲧⲉⲛⲛⲁⲩ ⲱ̀ ⲛⲁⲙⲉⲛⲣⲁϯ ϫⲉ ⲁⲡⲁⲓⲁⲅⲓⲟⲥ ⲛ̀ⲁⲗⲟⲩ ϣⲱⲡⲓ ⲉϥⲧⲉⲛⲑⲱⲛⲧ ⲉ̀ⲛⲓⲁⲡⲟⲥⲧⲟⲗⲟⲥ ⲟⲩⲟϩ ⲁϥϣⲱⲡⲓ ⲉϥⲟⲛⲓ ⲙ̀ⲙⲱⲟⲩ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡ̀ϭⲟⲓⲥ ϫⲟⲥ ⲛ̀ⲛⲉϥⲁ̀ⲡⲟⲥⲧⲟⲗⲟⲥ ⲟⲩⲟϩ ⲁϥϣⲱⲡⲓ ⲉϥⲟⲛⲓ ⲙ̀ⲙⲱⲟⲩ ϫⲉ ⲫⲏ ⲉⲧⲁ̀ⲣⲉϩ ⲉ̀ⲛⲁⲉⲛⲧⲟⲗⲏ ⲛⲓⲙⲏⲓⲛⲓ ⲧⲏⲣⲟⲩ ⲉ̀ⲧⲁⲓⲁⲓⲧⲟⲩ ⲉϥⲉ̀ⲁⲓⲧⲟⲩ ϩⲱⲟⲩ.	Tetennav ṑ namenrati je apaiagios ǹalou ṡōpi eftenθōnt èniapostolos ouoh afṡōpi efoni m̀mōou kata f̀ryti èta p̀ċois gos ǹnefàpostolos ouoh afṡōpi efoni m̀mōou je fy etàreh ènaentoly nimyini tyrou ètaiaitou efèaitou hōou.	You see, my dearly beloved, a holy young man imitated the apostles and became like them, according to what the Lord said to his apostles, whom he resembled, ‘He who keeps my commandments will make all the signs that I have made.’

Provenance

title: Life of Isaac of Alexandria - part 1
dialect: bohairic
source: Coptic SCRIPTORIUM corpus "bohairic-life-isaac", document bohairic.life.isaac01
licence: CC-BY 4.0
share: attribution
attribution: Life of Isaac of Alexandria - part 1 from Coptic SCRIPTORIUM (https://copticscriptorium.org), corpus bohairic-life-isaac, document bohairic.life.isaac01, version 6.2.0 (2025-11-25), annotations by Lydia Bremer-McCollum, Amir Zeldes, Caroline T. Schroeder; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
file: Hagiography/Life of Isaac (Bohairic)/bohairic.life.isaac01.bohairic.scriptorium.L0.txt
title: Life of Isaac of Alexandria - part 1 — Cairene
dialect: bohairic
source: generated from bohairic.life.isaac01.bohairic.scriptorium.L0.txt (Coptic SCRIPTORIUM corpus "bohairic-life-isaac", document bohairic.life.isaac01)
licence: CC BY-SA 4.0
share: attribution
attribution: Life of Isaac of Alexandria - part 1 from Coptic SCRIPTORIUM (https://copticscriptorium.org), corpus bohairic-life-isaac, document bohairic.life.isaac01, version 6.2.0 (2025-11-25), annotations by Lydia Bremer-McCollum, Amir Zeldes, Caroline T. Schroeder; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Hagiography/Life of Isaac (Bohairic)/bohairic.life.isaac01.bohairic.scriptorium.L1.txt
title: Life of Isaac of Alexandria - part 1 — Kemetic
dialect: bohairic
source: generated from bohairic.life.isaac01.bohairic.scriptorium.L1.txt
licence: CC BY-SA 4.0
share: attribution
attribution: Life of Isaac of Alexandria - part 1 from Coptic SCRIPTORIUM (https://copticscriptorium.org), corpus bohairic-life-isaac, document bohairic.life.isaac01, version 6.2.0 (2025-11-25), annotations by Lydia Bremer-McCollum, Amir Zeldes, Caroline T. Schroeder; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Hagiography/Life of Isaac (Bohairic)/bohairic.life.isaac01.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 143 quoted · 0 quoted with the alignment not cross-checked · 0 model drafts (marked “draft”)
quoted from: Émile Amélineau, Amir Zeldes — aligned in Coptic SCRIPTORIUM bohairic-life-isaac, bohairic.life.isaac01 (143 lines)

Cite as:

Life of Isaac of Alexandria - part 1. Coptic SCRIPTORIUM corpus "bohairic-life-isaac", document bohairic.life.isaac01. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/life-of-isaac-bohairic/bohairic.life.isaac01.bohairic.scriptorium/. Life of Isaac of Alexandria - part 1 from Coptic SCRIPTORIUM (https://copticscriptorium.org), corpus bohairic-life-isaac, document bohairic.life.isaac01, version 6.2.0 (2025-11-25), annotations by Lydia Bremer-McCollum, Amir Zeldes, Caroline T. Schroeder; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.