Life of Onnophrius part 2 — Coptic · Cairene

Source and licence

share: attributionsahidic

Source: Coptic SCRIPTORIUM corpus "life-onnophrius", document life.onnophrius.02

Attribution: Life of Onnophrius part 2 from Coptic SCRIPTORIUM (https://copticscriptorium.org), corpus life-onnophrius, document life.onnophrius.02, version 6.2.0 (2025-11-25), annotations by Amir Zeldes, Lance Martin, Elizabeth Davidson, Philippe Zaher, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

82 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	Ⲉⲣⲉⲛⲉⲧϣⲟⲟⲡ ϩⲙ̅ⲡϫⲁⲓⲉ ⲉⲧⲃⲉⲡⲛⲟⲩⲧⲉ ⲛⲁϩⲉ ⲉⲣⲱⲙⲉ ⲧⲱⲛ · ⲣ̅ϣⲁⲛⲟⲩⲑⲗⲓⲯⲓⲥ ⲧⲁϩⲟⲟⲩ ·	ⲉ̀ⲣⲉⲛⲉⲧϣⲟⲡ ϧⲉⲛ ⲡ̀ϫⲁⲓⲉ ⲉⲑⲃⲉ ⲫ̀ⲛⲟⲩϯ ⲛⲁϫⲓⲙⲓ ⲉ̀ⲣⲱⲙⲓ ⲑⲱⲛ: ⲣ̀ϣⲁⲛⲟⲩⲑ̀ⲗⲓⲯⲓⲥ ⲧⲁϩⲟⲟⲩ:	èrenetṡop xen p̀gaie eθve f̀nouti najimi èrōmi θōn: r̀ṡanouθ̀lipsis tahoou:	But where shall those who are living in the desert, for God's sake, find a man if trouble come upon them?
2	ⲏ̅ ⲉⲩϣⲁⲛϩⲕⲟ ⲉⲩⲛⲁϩⲉ ⲉⲧⲣⲟⲫⲏ ⲧⲱⲛ ·	ⲓⲉ ⲁⲩϣⲁⲛϩⲕⲟ ⲉⲩⲛⲁϫⲓⲙⲓ ⲉ̀ⲧⲣⲟⲫⲏ ⲑⲱⲛ:	ie avṡanhko evnajimi ètrofy θōn:	If they are hungry where can they find food?
3	ⲉⲩϣⲁⲛⲉⲓⲃⲉ ⲉⲩⲛⲁϩⲉ ⲉⲙⲟⲟⲩ ⲧⲱⲛ ⲉⲥⲱ ·	ⲁⲩϣⲁⲛⲓⲃⲓ ⲉⲩⲛⲁϫⲓⲙⲓ ⲉ̀ⲙⲟⲩ ⲑⲱⲛ ⲉ̀ⲥⲱ:	avṡanivi evnajimi èmou θōn èsō:	If they are thirsty where can they find water to drink?
4	Ⲧⲁⲣⲭⲏ ⲅⲁⲣ ⲉⲩⲛⲁⲃⲱⲕ · ⲉⲧⲁⲛⲁⲭⲱⲣⲓⲥⲓⲥ · ϣⲁⲩⲣⲁϣⲉ ⲉⲙⲁⲧⲉ · ⲉⲧⲃⲉⲡⲉϩⲕⲟ ⲙⲛ̅ⲡⲉⲓⲃⲉ · ⲙⲛ̅ⲙ̅ⲡⲟⲗⲩϯⲁ · ⲉⲧⲑⲏⲧ ·	ⲧ̀ⲁⲣⲭⲏ ⲅⲁⲣ ⲉⲩⲛⲁⲃⲱⲕ: ⲉ̀ⲧⲁⲛⲁⲭⲱⲣⲓⲥⲓⲥ: ϣⲁⲩⲣⲁϣⲓ ⲉ̀ⲙⲁϣⲱ: ⲉⲑⲃⲉ ⲡ̀ϩⲕⲟ ⲛⲉⲙ ⲡⲓⲃⲓ: ⲛⲉⲙ ⲛ̀ⲡⲟⲗⲩϯⲁ: ⲉⲧⲑⲏⲧ:	t̀arṡy ġar evnavōk: ètanakōrisis: ṡavraṡi èmaṡō: eθve p̀hko nem pivi: nem ǹpolitia: etθyt:	When they begin to lead the life of the anchorite they rejoice exceedingly because of hunger, and thirst, and the excellence of their manner of life.
5	ⲛ̅ⲧⲉⲡⲡⲁⲛⲧⲩⲕⲓⲙⲉⲛⲟⲥ · ⲉⲧϯ ⲛⲙ̅ⲙⲁⲩ · ⲉⲧⲣⲉϥⲡⲩⲣⲁⲍⲉ ⲙ̅ⲙⲟⲟⲩ ⲛ̅ϩⲏⲧⲟⲩ · ⲉⲛϥ̅ⲟⲩⲱϣ ⲁⲛ ⲉⲧⲣⲉⲩϭⲱ ϩⲛ̅ⲧⲁⲛⲁⲭⲱⲣⲓⲥⲓⲥ · ⲉϥⲥⲟⲟⲩⲛ ϫⲉⲟⲩⲛⲟϭ ⲡⲉ ⲡⲃⲉⲉⲕⲉ · ⲉⲧⲟⲩⲛⲁϫⲓⲧϥ̅ ⲛ̅ⲧⲟⲟⲧϥ̅ ⲙ̅ⲡⲛⲟⲩⲧⲉ · ⲉⲩϣⲁⲛⲉⲓ ⲉⲃⲟⲗ ϩⲛ̅ⲥⲱⲙⲁ ·	ⲛ̀ⲧⲉⲡ̀ⲡⲁⲛⲧⲩⲕⲓⲙⲉⲛⲟⲥ: ⲉⲧϯ ⲛⲉⲙⲁⲟⲩ: ⲉ̀ⲑⲣⲉϥⲡⲩⲣⲁⲍⲉ ⲙ̀ⲙⲱⲟⲩ ⲛ̀ϧⲏⲧⲟⲩ: ⲉⲛ̀ⲧⲉϥⲟⲩⲱϣ ⲁⲛ ⲉ̀ⲑⲣⲉⲩϭⲱ ϧⲉⲛ ⲧ̀ⲁⲛⲁⲭⲱⲣⲓⲥⲓⲥ: ⲉϥⲥⲱⲟⲩⲛ ϫⲉ ⲟⲩⲛⲓϣϯ ⲡⲉ ⲡ̀ⲃⲉⲭⲉ: ⲉⲧⲟⲩⲛⲁϭⲓⲧϥ ⲛ̀ⲧⲟⲧϥ ⲛ̀ⲫ̀ⲛⲟⲩϯ: ⲁⲩϣⲁⲛⲓ ⲉ̀ⲃⲟⲗ ϧⲉⲛ ⲥⲱⲙⲁ:	ǹtep̀pantikimenos: etti nemaou: èθrefpiraze m̀mōou ǹxytou: eǹtefouōṡ an èθrevċō xen t̀anakōrisis: efsōoun je ouniṡti pe p̀veke: etounaċitf ǹtotf ǹf̀nouti: avṡani èvol xen sōma:	And the Adversary who fighteth with them to tempt them thereby doth not wish them to continue the life of the anchorite, for he knoweth that the reward is great which they will receive from God when they shall come forth from the body.
6	ⲙ̅ⲡⲛⲁⲩ ⲙ̅ⲙⲁⲧⲉ ⲉⲧⲟⲩⲛⲁϩⲩⲡⲟⲙⲉⲓⲛⲉ · ϣⲁⲣⲉⲙ̅ⲙⲛⲧ̅ϣⲁⲛϩⲧⲏϥ ⲙ̅ⲡⲛⲟⲩⲧⲉ ⲧⲁϩⲟⲟⲩ · ϣⲁϥⲧⲣⲉⲛ̅ⲁⲅⲅⲉⲗⲟⲥ · ⲇⲓⲁⲕⲱⲛⲉⲓ ⲛⲁⲩ ⲛ̅ⲧⲉⲩⲧⲣⲟⲫⲏ · ⲛϥ̅ⲉⲓⲛⲉ ⲛⲁⲩ ⲙ̅ⲡⲙⲟⲟⲩ ⲉⲃⲟⲗ · ϩⲛ̅ⲟⲩⲡⲉⲧⲣⲁ ⁛	ⲛ̀ⲡ̀ⲛⲁⲩ ⲙ̀ⲙⲁⲧⲉ ⲉⲧⲟⲩⲛⲁϩⲩⲡⲟⲙⲓⲛⲉ: ϣⲁⲣⲉⲛⲙⲛⲧ̀ϣⲁⲛϩⲧⲏϥ ⲛ̀ⲫ̀ⲛⲟⲩϯ ⲧⲁϩⲟⲟⲩ: ϣⲁϥⲑⲣⲉⲛⲁⲅⲅⲉⲗⲟⲥ: ⲇⲓⲁⲕⲱⲛⲉⲓ ⲛⲱⲟⲩ ⲛ̀ⲧⲟⲩⲧⲣⲟⲫⲏ: ⲛ̀ⲧⲉϥⲓ̀ⲛⲓ ⲛⲱⲟⲩ ⲛ̀ⲫ̀ⲙⲟⲩ ⲉ̀ⲃⲟⲗ: ϧⲉⲛ ⲟⲩⲡⲉⲧⲣⲁ ⁛	ǹp̀nav m̀mate etounahipomine: ṡarenmnt̀ṡanhtyf ǹf̀nouti tahoou: ṡafθrenangelos: ḋiakōnei nōou ǹtoutrofy: ǹtefìni nōou ǹf̀mou èvol: xen oupetra ⁛	When they are preaching ascetic labours the compassion of God cometh upon them, and He maketh the angels to serve them in respect of their food, and He bringeth for them water out of the rock.
7	Ϥⲥⲏϩ ⲅⲁⲣ ϩⲛ̅ⲏ̅ⲥⲁⲓⲁⲥ · ϫⲉⲛⲉⲧϩⲩⲡⲟⲙⲉⲓⲛⲉ · ⲉⲡϫⲥ̅ ⲛⲁϣⲓⲃⲉ ⲛ̅ⲧⲉⲩϭⲟⲙ ·	ϥ̀ⲥ̀ϧⲏⲟⲩⲧ ⲅⲁⲣ ϧⲉⲛ ⲏⲥⲁⲓⲁⲥ: ϫⲉ ⲛⲉⲧϩⲩⲡⲟⲙⲓⲛⲉ: ⲉ̀ⲡ̀ϭⲟⲓⲥ ⲛⲁϣⲓⲃⲉ ⲛ̀ⲧⲟⲩϫⲟⲙ:	f̀s̀xyout ġar xen ysaias: je net·hipomine: èp̀ċois naṡive ǹtougom:	For it is written in Isaiah, Those who abide patiently in the Lord shall renew their strength.
8	ⲥⲉⲛⲁⲣⲉⲧⲧⲛ̅ϩ̅ ⲛ̅ⲑⲉ ⲛ̅ⲛ̅ⲓⲁⲓⲧⲟⲥ ·	ⲥⲉⲛⲁⲣⲉⲧⲧⲛ̀ϩ ⲛ̀ⲫ̀ⲣⲏϯ ⲛⲛⲓⲁⲉⲧⲟⲥ:	senarettǹh ǹf̀ryti nniaetos:	They shall spread out their wings like the eagles in flight.
9	ⲥⲉⲛⲁⲡⲱⲧ ⲛ̅ⲥⲉⲧⲙ̅ϩⲉ ·	ⲥⲉⲛⲁⲫⲱⲧ ⲛ̀ⲧⲟⲩϣⲧⲉⲙϩⲉⲓ:	senafōt ǹtouṡtemhei:	They shall fly away and shall not fall.
10	ⲥⲉⲛⲁⲙⲟⲟϣⲉ ⲛ̅ⲥⲉⲧⲙ̅ϩⲕⲟ ·	ⲥⲉⲛⲁⲙⲟϣⲓ ⲛ̀ⲧⲟⲩϣⲧⲉⲙϩⲕⲟ:	senamoṡi ǹtouṡtemhko:	They shall journey and shall not suffer hunger.
11	ⲁϥϫⲟⲟⲥ ϫⲉⲥⲉⲛⲁⲛ̅ⲡⲙⲟⲟⲩ ⲛⲁⲩ ⲉⲃⲟⲗ ϩⲛ̅ⲟⲩⲡⲉⲧⲣⲁ ·	ⲁϥϫⲟⲥ ϫⲉ ⲥⲉⲛⲁⲛⲫ̀ⲙⲟⲩ ⲛⲱⲟⲩ ⲉ̀ⲃⲟⲗ ϧⲉⲛ ⲟⲩⲡⲉⲧⲣⲁ:	afgos je senanf̀mou nōou èvol xen oupetra:	He saith, Water shall be brought to them out of the rock.
12	ⲉⲩϣⲁⲛϩⲕⲟ · Ⲇⲉ ⲟⲛ ϣⲁϥⲧⲣⲉⲛ̅ⲃⲟⲧⲁⲛⲏ ⲉⲧϩⲛ̅ⲧⲥⲱϣⲉ · ϩⲗⲟϭ ϩⲛ̅ⲧⲉⲩⲧⲁⲡⲣⲟ · ⲛ̅ⲑⲉ ⲛ̅ⲟⲩⲉⲃⲓⲱ · ⲉϥϩⲟⲗϭ̅	ⲁⲩϣⲁⲛϩⲕⲟ: ⲇⲉ ⲟⲛ ϣⲁϥⲑⲣⲉⲛ̀ⲃⲟⲧⲁⲛⲏ ⲉⲧϧⲉⲛ ⲧ̀ⲥⲱϣⲉ: ϩⲗⲟϫ ϧⲉⲛ ⲧⲟⲩⲧⲁⲡⲣⲟ: ⲛ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ: ⲉϥϩⲟⲗϫ	avṡanhko: ḋe on ṡafθreǹvotany etxen t̀sōṡe: hlog xen toutapro: ǹf̀ryti ǹouèviō: efholg	When they suffer hunger He will make the grass which is in the field to be sweet to their mouths, even as honey is sweet.
13	ⲣ̅ϣⲁⲛⲟⲩⲑⲗⲓⲯⲓⲥ · ⲧⲁϩⲟⲟⲩ ⲏ̅ ⲛ̅ⲧⲉⲟⲩⲕⲓⲛⲇⲩⲛⲟⲥ · ⲧⲱⲟⲩⲛ ⲉϫⲱⲟⲩ · ⲛ̅ⲧⲉⲩⲛⲟⲩ ϣⲁⲩⲡⲱⲣϣ̅ ⲛ̅ⲛⲉⲩϭⲓϫ ⲉⲃⲟⲗ ⲛ̅ⲥⲉϣⲗⲏⲗ · ⲉⲡⲣ̅ⲣⲟ ⲓ̅ⲥ̅ · ϣⲁⲛⲧⲉⲧⲉϥⲃⲟⲏⲑⲓⲁ ⲧⲁϩⲟⲟⲩ ϩⲛ̅ⲟⲩϭⲉⲡⲏ · ⲛϥ̅ϫⲟⲟⲩ ⲉⲃⲟⲗ ⲛ̅ⲧⲉⲩⲛⲟⲩ ⲛϥ̅ϫⲟⲟⲣⲟⲩ ⲉⲃⲟⲗ ⲉⲧⲃⲉⲡⲥⲟⲟⲩⲧⲛ̅ ⲙ̅ⲡⲉⲩϩⲏⲧ · ⲉϩⲟⲩⲛ ⲉⲣⲟϥ ·	ⲣ̀ϣⲁⲛⲟⲩⲑ̀ⲗⲓⲯⲓⲥ: ⲧⲁϩⲟⲟⲩ ⲓⲉ ⲛ̀ⲧⲉⲟⲩⲕⲓⲛⲇⲩⲛⲟⲥ: ⲧⲱⲟⲩⲛ ⲉ̀ϫⲱⲟⲩ: ⲛ̀ϯⲟⲩⲛⲟⲩ ϣⲁⲩⲫⲱⲣϣ ⲛ̀ⲛⲟⲩϫⲓϫ ⲉ̀ⲃⲟⲗ ⲛ̀ⲧⲟⲩϣ̀ⲗⲏⲗ: ⲉ̀ⲡ̀ⲟⲩⲣⲟ ⲓⲏⲥⲟⲩⲥ: ϣⲁⲧⲉⲧⲉϥⲃⲟⲏⲑⲓⲁ ⲧⲁϩⲟⲟⲩ ϧⲉⲛ ⲟⲩϭⲉⲡⲏ: ⲛ̀ⲧⲉϥϫⲟⲟⲩ ⲉ̀ⲃⲟⲗ ⲛ̀ϯⲟⲩⲛⲟⲩ ⲛ̀ⲧⲉϥϫⲟⲟⲣⲟⲩ ⲉ̀ⲃⲟⲗ ⲉⲑⲃⲉ ⲡ̀ⲥⲟⲟⲩⲧⲉⲛ ⲛ̀ⲡⲟⲩϩⲏⲧ: ⲉ̀ϧⲟⲩⲛ ⲉ̀ⲣⲟϥ:	r̀ṡanouθ̀lipsis: tahoou ie ǹteoukinḋinos: tōoun ègōou: ǹtiounou ṡavfōrṡ ǹnoujig èvol ǹtouṡ̀lyl: èp̀ouro iysous: ṡatetefboyθia tahoou xen ouċepy: ǹtefgoou èvol ǹtiounou ǹtefgoorou èvol eθve p̀·soouten ǹpouhyt: èxoun èrof:	If tribulation come upon them, or danger rise up against them, straightway they spread out their hands and they pray to the King Jesus until there cometh to them speedily His help which He sendeth forth, and straightway He strengtheneth them because of the integrity of their heart in respect to Him.
14	Ⲙ̅ⲡⲉⲕⲥⲱⲧⲙ̅ ⲛ̅ⲧⲟⲕ ⲉⲡⲉⲧⲥⲏϩ · ϫⲉⲡϫⲥ̅ ⲛⲁⲕⲱ ⲛ̅ⲥⲱϥ ⲁⲛ · ⲙ̅ⲡϥ̅ⲗⲁⲟⲥ · ⲁⲩⲱ ϫⲉⲧϩⲩⲡⲟⲙⲟⲛⲏ · ⲙ̅ⲡⲉⲃⲓ̅ⲏⲛ ⲛⲁϩⲉ ⲉⲃⲟⲗ ⲁⲛ ϣⲁⲡⲧⲏⲣϥ̅ ·	ⲙ̀ⲡⲉⲕⲥⲱⲧⲉⲙ ⲛ̀ⲑⲟⲕ ⲉ̀ⲡⲉⲧⲥ̀ϧⲏⲟⲩⲧ: ϫⲉ ⲡ̀ϭⲟⲓⲥ ⲛⲁⲭⲱ ⲛ̀ⲥⲱϥ ⲁⲛ: ⲛ̀ⲡⲉϥⲗⲁⲟⲥ: ⲟⲩⲟϩ ϫⲉ ⲧ̀ϩⲩⲡⲟⲙⲟⲛⲏ: ⲛ̀ⲡⲉⲃⲓⲏⲛ ⲛⲁϩⲉⲓ ⲉ̀ⲃⲟⲗ ⲁⲛ ϣⲁ ⲡ̀ⲧⲏⲣϥ:	m̀pek·sōtem ǹθok èpets̀xyout: je p̀ċois nakō ǹsōf an: ǹpeflaos: ouoh je t̀·hipomony: ǹpeviyn nahei èvol an ṡa p̀tyrf:	Hast thou never heard that which is written, The Lord will not forsake His people, and the patient endurance of the miserable man shall not fail utterly?
15	ⲁⲩⲱ ⲟⲛ ϫⲉⲁⲡϩⲏⲕⲉ ⲱϣ ⲉⲃⲟⲗ ·	ⲟⲩⲟϩ ⲟⲛ ϫⲉ ⲁ ⲡ̀ϩⲏⲕⲓ ⲱϣ ⲉ̀ⲃⲟⲗ:	ouoh on je a p̀hyki ōṡ èvol:	And again, the poor man crieth out,
16	ⲁⲡϫⲥ̅ ⲥⲱⲧⲙ̅ ⲉⲣⲟϥ	ⲁ ⲡ̀ϭⲟⲓⲥ ⲥⲱⲧⲉⲙ ⲉ̀ⲣⲟϥ	a p̀ċois sōtem èrof	and the Lord heareth him,
17	ⲁϥⲧⲟⲩϫⲟϥ ⲉⲃⲟⲗ ϩⲛ̅ⲛϥ̅ⲑⲗⲓⲯⲓⲥ ⲧⲏⲣⲟⲩ ·	ⲁϥⲧⲟⲩϫⲟϥ ⲉ̀ⲃⲟⲗ ϧⲉⲛ ⲛⲉϥⲑ̀ⲗⲓⲯⲓⲥ ⲧⲏⲣⲟⲩ:	aftougof èvol xen nefθ̀lipsis tyrou:	and delivereth him in all his tribulations.
18	ⲉⲣⲉⲡⲛⲟⲩⲧⲉ · ϯ ⲙ̅ⲡⲟⲩⲁ ⲡⲟⲩⲁ ⲕⲁⲧⲁⲡϩⲓⲥⲉ · ⲉⲧⲉϥⲛⲁϣⲟⲡϥ̅ ·	ⲉ̀ⲣⲉ ⲫ̀ⲛⲟⲩϯ: ϯ ⲛ̀ⲡ̀ⲟⲩⲁⲓ ⲡ̀ⲟⲩⲁⲓ ⲕⲁⲧⲁ ⲡ̀ϧⲓⲥⲓ: ⲉⲧⲉϥⲛⲁϣⲟⲡϥ:	ère f̀nouti: ti ǹp̀ouai p̀ouai kata p̀xisi: etefnaṡopf:	The Lord giveth unto every man according to what he hath suffered.
19	ⲛⲁⲓⲁⲧϥ̅ ⲙ̅ⲡⲉⲧⲛⲁⲉⲓⲣⲉ ⲙ̅ⲡⲟⲩⲱϣ ⲙ̅ⲡⲛⲟⲩⲧⲉ · ϩⲓϫⲙ̅ⲡⲕⲁϩ ·	ⲛⲁⲓⲁⲧϥ ⲛ̀ⲡⲉⲧⲛⲁⲓ̀ⲣⲓ ⲛ̀ⲡ̀ⲟⲩⲱϣ ⲛ̀ⲫ̀ⲛⲟⲩϯ: ϩⲓϫⲉⲛ ⲡ̀ⲕⲁϩⲓ:	naiatf ǹpetnaìri ǹp̀ouōṡ ǹf̀nouti: hijen p̀kahi:	Blessed is the man who shall do the will of God upon the earth!
20	ϯϫⲱ ⲙ̅ⲙⲟⲥ ⲛⲁⲕ ϫⲉⲛ̅ⲁⲅⲅⲉⲗⲟⲥ ⲛⲁⲇⲓⲁⲕⲱⲛⲉⲓ ⲉⲣⲟϥ · ϫⲓⲛⲉϥϩⲙ̅ⲡⲥⲱⲙⲁ · ⲛⲥⲉϭⲱ ⲉⲩⲥⲟⲗⲥⲗ̅ ⲙ̅ⲙⲟϥ · ⲛ̅ⲛⲁⲩ ⲛⲓⲙ · ϩⲛ̅ⲛϥ̅ⲁⲛⲁⲅⲕⲏ ·	ϯϫⲱ ⲙ̀ⲙⲟⲥ ⲛⲁⲕ ϫⲉ ⲛ̀ⲁⲅⲅⲉⲗⲟⲥ ⲛⲁⲇⲓⲁⲕⲱⲛⲉⲓ ⲉ̀ⲣⲟϥ: ϫⲓⲛⲉϥϧⲉⲛ ⲡ̀ⲥⲱⲙⲁ: ⲛ̀ⲧⲟⲩϭⲱ ⲉⲩⲥⲟⲗⲥⲉⲗ ⲙ̀ⲙⲟϥ: ⲛ̀ⲛⲁⲩ ⲛⲓⲃⲉⲛ: ϧⲉⲛ ⲛⲉϥⲁ̀ⲛⲁⲅⲕⲏ:	tigō m̀mos nak je ǹangelos naḋiakōnei èrof: jinefxen p̀·sōma: ǹtouċō evsolsel m̀mof: ǹnav niven: xen nefànanky:	I say unto thee that the angels shall serve him from the time when he entereth the body, and they shall comfort him at all times in his need.
21	ⲁⲛⲟⲕ ⲇⲉ ⲡⲥⲟⲛ ⲛ̅ⲧⲉⲣⲉⲓⲥⲱⲧⲙ̅ ⲉⲛⲁⲓ ⲉⲃⲟⲗ ϩⲓⲧⲟⲟⲧⲟⲩ ⲛ̅ⲛⲉⲓⲧⲉⲗⲓⲟⲥ ⲛ̅ⲧⲉⲡⲛⲟⲩⲧⲉ · ⲁⲩⲣ̅ⲑⲉ ⲛ̅ⲟⲩⲉⲃⲓⲱ · ⲉϥϩⲟⲗϭ̅ ϩⲙ̅ⲡⲁϩⲏⲧ ·	ⲁⲛⲟⲕ ⲇⲉ ⲡ̀ⲥⲟⲛ ⲉ̀ⲧⲁⲓⲥⲱⲧⲉⲙ ⲉ̀ⲛⲁⲓ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲁⲓⲧⲉⲗⲓⲟⲥ ⲛ̀ⲧⲉ ⲫ̀ⲛⲟⲩϯ: ⲁⲩⲉⲣⲫ̀ⲣⲏϯ ⲛ̀ⲟⲩⲉ̀ⲃⲓⲱ: ⲉϥϩⲟⲗϫ ϧⲉⲛ ⲡⲁϩⲏⲧ:	anok ḋe p̀·son ètaisōtem ènai èvol hitotou ǹnaitelios ǹte f̀nouti: averf̀ryti ǹouèviō: efholg xen pahyt:	And to me, your brother, when I had heard these things from these perfect men of God, they became like unto honey, which is sweet in my belly,
22	ⲁⲩⲱ ⲁⲩⲛⲟϭ ⲛ̅ⲁⲓⲥⲑⲏⲥⲓⲥ · ϣⲱⲡⲉ ϩⲙ̅ⲡⲁⲥⲁ ⲛϩⲟⲩⲛ ·	ⲟⲩⲟϩ ⲁ̀ⲟⲩⲛⲓϣϯ ⲛ̀ⲁⲓⲥⲑⲏⲥⲓⲥ: ϣⲱⲡⲓ ϧⲉⲛ ⲡⲁⲥⲁ ⲥⲁϧⲟⲩⲛ:	ouoh àouniṡti ǹaisθysis: ṡōpi xen pasa saxoun:	and a mighty ecstasy took place within me,
23	ⲁⲓⲣ̅ⲑⲉ ⲛ̅ⲛⲉⲛⲧⲁⲡⲉⲩⲛⲟⲩⲥ · ⲡⲱⲱⲛⲉ ⲉⲡⲕⲉⲁⲓⲱⲛ ·	ⲁⲓⲉⲣⲫ̀ⲣⲏϯ ⲛ̀ⲛⲉⲧⲁ ⲡⲟⲩⲛⲟⲩⲥ: ⲡⲱⲱⲛⲉ ⲉ̀ⲡ̀ⲕⲉⲁⲓⲱⲛ:	aierf̀ryti ǹneta pounous: pōōne èp̀keaiōn:	and I became like unto those whose minds are carried away into another world.
24	ⲁⲓⲧⲱⲟⲩⲛ ⲛ̅ⲧⲉⲩⲛⲟⲩ	ⲁⲓⲧⲱⲟⲩⲛ ⲛ̀ϯⲟⲩⲛⲟⲩ	aitōoun ǹtiounou	And I rose up straightway,
25	ⲁⲓϥⲓ ⲛ̅ϩⲉⲛⲕⲟⲩⲓ ⲛ̅ⲟⲉⲓⲕ · ⲛⲙ̅ⲙⲁⲓ ⲛⲁⲡϣⲁⲩ ⲛ̅ϥⲧⲟⲟⲩ ⲛ̅ϩⲟⲟⲩ ⲙ̅ⲙⲟⲟϣⲉ · ⲉⲧⲣⲁⲟⲩⲱⲙ ⲛ̅ϩⲏⲧⲟⲩ · ϣⲁⲡⲙⲁ ⲉⲧⲉⲣⲉⲡϫⲟⲉⲓⲥ ⲛⲁⲧⲟϣⲧ̅ ⲉⲣⲟϥ ·	ⲁⲓϥⲁⲓ ⲛ̀ϩⲁⲛⲕⲟⲩϫⲓ ⲛ̀ⲱⲓⲕ: ⲛⲉⲙⲏⲓ ⲛⲁ ⲡ̀ϣⲁⲩ ⲛ̀ϥ̀ⲧⲟⲟⲩ ⲛ̀ⲉ̀ϩⲟⲟⲩ ⲛ̀ⲙⲟϣⲓ: ⲉⲑⲣⲁⲟⲩⲱⲙ ⲛ̀ϧⲏⲧⲟⲩ: ϣⲁ ⲡ̀ⲙⲁ ⲉ̀ⲧⲉ ⲡ̀ϭⲟⲓⲥ ⲛⲁⲑⲁϣⲧ ⲉ̀ⲣⲟϥ:	aifai ǹhankouji ǹōik: nemyi na p̀ṡav ǹf̀toou ǹèhoou ǹmoṡi: eθraouōm ǹxytou: ṡa p̀ma ète p̀ċois naθaṡt èrof:	and I took a few bread cakes with me, sufficient for the four days' journey, so that I might eat of them until I arrived at the place which God should appoint for me.
26	Ⲛ̅ⲧⲉⲣⲓ̈ⲉⲓ ⲇⲉ ⲉⲃⲟⲗ ϩⲛ̅ⲧⲁϩⲉⲛⲉⲉⲧⲉ · ⲁⲓϭⲱϣⲧ̅	ⲉ̀ⲧⲁⲓⲓ ⲇⲉ ⲉ̀ⲃⲟⲗ ϧⲉⲛ ⲧⲁϩⲉⲛⲉⲉⲧⲉ: ⲁⲓϫⲟⲩϣⲧ	ètaii ḋe èvol xen taheneete: aigouṡt	``And when I had come forth from the monastery I looked,
27	ⲁⲓⲛⲁⲩ ⲉⲩⲟⲩⲟⲉⲓⲛ ⲙ̅ⲡⲁⲙ̅ⲧⲟ ⲉⲃⲟⲗ ·	ⲁⲓⲛⲁⲩ ⲉ̀ⲟⲩⲟⲩⲱⲓⲛⲓ ⲛ̀ⲧⲉ ⲡⲁⲙ̀ⲑⲟ ⲉ̀ⲃⲟⲗ:	ainav èououōini ǹte pam̀θo èvol:	and I saw a being of light before me,
28	ⲁⲓⲣ̅ϩⲟⲧⲉ	ⲁⲓⲉⲣϩⲟϯ	aierhoti	draft · highI was afraid.
29	ⲁⲓ̈ⲙⲉⲉⲩⲉ ϩⲙ̅ⲡⲁϩⲏⲧ · ⲉⲧⲣⲁⲕⲁⲁⲧ ⲉⲡⲁϩⲟⲩ · ⲉⲡⲧⲟⲡⲟⲥ ⲉⲛⲉⲓ ⲛ̅ϩⲏⲧϥ̅ ⲛ̅ϣⲟⲣⲡ̅ · ⲧⲁϭⲱ ⲛ̅ⲑⲉ ⲉⲛⲉⲓⲟ ⲙ̅ⲙⲟⲥ ·	ⲁⲓⲙⲉⲩⲓ ϧⲉⲛ ⲡⲁϩⲏⲧ: ⲉⲑⲣⲁⲭⲁⲧ ⲉ̀ⲫⲁϩⲟⲩ: ⲉ̀ⲡ̀ⲧⲟⲡⲟⲥ ⲉ̀ⲛⲁⲓ ⲛ̀ϧⲏⲧϥ ⲛ̀ϣⲟⲣⲡ: ⲧⲁϭⲱ ⲛ̀ⲫ̀ⲣⲏϯ ⲉⲛⲁⲓⲟⲓ ⲙ̀ⲙⲟⲥ:	aimevi xen pahyt: eθrakat èfahou: èp̀topos ènai ǹxytf ǹṡorp: taċō ǹf̀ryti enaioi m̀mos:	and I thought in my mind that I would turn back to the place to which I came first of all, and remain there(?).
30	ⲛ̅ⲧⲉⲣϥ̅ⲉⲓⲙⲉ ⲇⲉ ϫⲉⲁⲓⲣ̅ϩⲟⲧⲉ · ⲡⲉϫⲁϥ ⲛⲁⲓ ϫⲉⲙ̅ⲡⲣ̅ϩⲟⲧⲉ ·	ⲉ̀ⲧⲁϥⲉⲙⲓ ⲇⲉ ϫⲉ ⲁⲓⲉⲣϩⲟϯ: ⲡⲉϫⲁϥ ⲛⲏⲓ ϫⲉ ⲙ̀ⲡⲉⲣϩⲟϯ:	ètafemi ḋe je aierhoti: pegaf nyi je m̀perhoti:	And when he knew that I was afraid, he said unto me, `Fear not,
31	ⲁⲛⲟⲕ ⲡⲉ ⲡⲁⲅⲅⲉⲗⲟⲥ ⲉⲧϭⲁⲗⲏⲩ ⲉⲣⲟⲕ · ⲉⲧⲙⲟⲟϣⲉ ⲛⲙ̅ⲙⲁⲕ · ϫⲓⲛⲧⲉⲕⲙⲛⲧ̅ⲕⲟⲩⲓ ·	ⲁⲛⲟⲕ ⲡⲉ ⲡ̀ⲁⲅⲅⲉⲗⲟⲥ ⲉⲧϭⲁⲗⲏⲩ ⲉ̀ⲣⲟⲕ: ⲉⲧⲙⲟϣⲓ ⲛⲉⲙⲁⲕ: ϫⲓⲛⲧⲉⲕⲙⲛⲧ̀ⲕⲟⲩⲓ:	anok pe p̀angelos etċalyv èrok: etmoṡi nemak: jintekmnt̀koui:	for I am the angel that dwelleth with thee, and that hath travelled with thee from thy childhood;
32	ϯⲟⲓⲕⲟⲛⲟⲙⲓⲁ ⲧⲁⲓ ⲛ̅ⲧⲁⲡϫⲥ̅ · ⲧⲟϣⲥ̅ ⲉⲣⲟⲕ · ⲕⲛⲁϫⲡⲉ ϫⲟⲕⲥ̅ ⲉⲃⲟⲗ ·	ⲧⲁⲓⲟⲓⲕⲟⲛⲟⲙⲓⲁ ⲑⲁⲓ ⲉ̀ⲧⲁ ⲡ̀ϭⲟⲓⲥ: ⲑⲁϣⲥ ⲉ̀ⲣⲟⲕ: ⲕ̀ⲛⲁϫⲡⲉ ϫⲟⲕⲥ ⲉ̀ⲃⲟⲗ:	taioikonomia θai èta p̀ċois: θaṡs èrok: k̀nagpe gok·s èvol:	this stewardship, which the Lord hath appointed to thee, thou shalt be able to fulfil.'
33	ⲛ̅ⲧⲉⲣⲓⲉⲓ ⲇⲉ ⲉϩⲟⲩⲛ ⲉⲡⲧⲟⲟⲩ · ⲁⲓⲙⲟⲟϣⲉ ϩⲙ̅ⲡϫⲁⲓⲉ ⲉⲛⲁⲥⲟⲟⲩ ⲙ̅ⲙⲏⲗⲓⲟⲛ ⲛ̅ⲥⲁϣϥ̅	ⲉ̀ⲧⲁⲓⲓ ⲇⲉ ⲉ̀ϧⲟⲩⲛ ⲉ̀ⲡ̀ⲧⲱⲟⲩ: ⲁⲓⲙⲟϣⲓ ϧⲉⲛ ⲡ̀ϫⲁⲓⲉ ⲉⲛⲛⲁⲥⲟⲟⲩ ⲛ̀ⲙⲏⲗⲓⲟⲛ ⲛ̀ⲥⲁϣⲉϥ	ètaii ḋe èxoun èp̀tōou: aimoṡi xen p̀gaie ennasoou ǹmylion ǹsaṡef	``And when I had come into the mountain, and I had journeyed in the desert for six or seven miles,
34	ⲁⲓⲛⲁⲩ ⲉⲩⲥⲡⲩⲗⲁⲓⲟⲛ	ⲁⲓⲛⲁⲩ ⲉ̀ⲟⲩⲥⲡⲩⲗⲁⲓⲟⲛ	ainav èouspilaion	I saw a cave,
35	ⲁⲓⲣⲁⲕⲧ̅ ⲉϫⲱϥ · ϫⲉⲉⲓⲉⲛⲁⲩ ϫⲉⲟⲩⲛ̅ⲣⲱⲙⲉ ⲛ̅ϩⲏⲧϥ̅ ·	ⲁⲓⲣⲁⲕⲧ ⲉ̀ϫⲱϥ: ϫⲉ ⲉⲓⲉ̀ⲛⲁⲩ ϫⲉ ⲟⲩⲟⲛ ⲣⲱⲙⲓ ⲛ̀ϧⲏⲧϥ:	airakt ègōf: je eiènav je ouon rōmi ǹxytf:	and I turned towards it, for I saw that there was a man inside it.
36	ⲁϥⲉⲓ ⲛⲁⲓ ⲉⲃⲟⲗ ⲛ̅ϭⲓⲟⲩⲛⲟϭ ⲛ̅ϩⲁⲅⲓⲟⲥ · ⲛ̅ⲧⲉⲡⲛⲟⲩⲧⲉ · ⲉⲛⲉⲥⲱϥ ϩⲙ̅ⲡϥ̅ⲥⲙⲟⲧ · ⲉⲣⲉⲟⲩⲛⲟϭ ⲛ̅ⲭⲁⲣⲓⲥ ϩⲓⲣⲙ̅ⲡⲉϥϩⲟ ·	ⲁϥⲓ̀ ⲛⲏⲓ ⲉ̀ⲃⲟⲗ ⲛ̀ϫⲉ ⲟⲩⲛⲓϣϯ ⲛ̀ⲁ̀ⲅⲓⲟⲥ: ⲛ̀ⲧⲉ ⲫ̀ⲛⲟⲩϯ: ⲉⲛⲉⲥⲱϥ ϧⲉⲛ ⲡⲉϥⲥ̀ⲙⲟⲧ: ⲉ̀ⲣⲉ ⲟⲩⲛⲓϣϯ ⲛ̀ⲭⲁⲣⲓⲥ ϩⲓⲣⲉⲛⲡⲉϥϩⲟ:	afì nyi èvol ǹje ouniṡti ǹàgios: ǹte f̀nouti: enesōf xen pefs̀mot: ère ouniṡti ǹxaris hirenpefho:	And a very great saint of God came out to me; now this form (or, behaviour) was goodly, and there was a fine graciousness over his countenance.
37	Ⲛ̅ⲧⲉⲣⲉⲓⲛⲁⲩ ⲇⲉ ⲉⲣⲟϥ ⲁⲓⲟⲩⲱϣⲧ̅ ⲛⲁϥ ·	ⲉ̀ⲧⲁⲓⲛⲁⲩ ⲇⲉ ⲉ̀ⲣⲟϥ ⲁⲓⲟⲩⲱϣⲧ ⲛⲁϥ:	ètainav ḋe èrof aiouōṡt naf:	And when I had seen him, I made obeisance unto him.
38	ⲛ̅ⲧⲟϥ ⲇⲉ ⲁϥⲧⲟⲩⲛⲟⲥⲧ̅	ⲛ̀ⲑⲟϥ ⲇⲉ ⲁϥⲧⲟⲩⲛⲟⲥⲧ	ǹθof ḋe aftounost	And he raised me up,
39	ⲁϥⲁⲥⲡⲁⲍⲉ ⲙ̅ⲙⲟⲓ ·	ⲁϥⲁⲥⲡⲁⲍⲉ ⲙ̀ⲙⲟⲓ:	afaspaze m̀moi:	and he saluted me,
40	ⲡⲉϫⲁϥ ⲛⲁⲓ ϫⲉⲛ̅ⲧⲟⲕ ⲡⲉ ⲟⲛⲛⲟⲫⲣⲓⲟⲥ ⲡⲁϣⲃⲏⲣⲣ̅ϩⲱⲃ ϩⲙ̅ⲡϫⲥ̅ ·	ⲡⲉϫⲁϥ ⲛⲏⲓ ϫⲉ ⲛ̀ⲑⲟⲕ ⲡⲉ ⲟⲛⲛⲟⲫⲣⲓⲟⲥ ⲡⲁϣⲃⲏⲣⲣ̀ϩⲱⲃ ϧⲉⲛ ⲡ̀ϭⲟⲓⲥ:	pegaf nyi je ǹθok pe onnofrios paṡvyrr̀hōb xen p̀ċois:	and he said unto me, `Thou art Onnophrios, my fellow worker in the Lord;
41	ⲁⲙⲟⲩ ⲉϩⲟⲩⲛ	ⲁ̀ⲙⲟⲩ ⲉ̀ϧⲟⲩⲛ	àmou èxoun	Come in.
42	ⲡϫⲥ̅ ⲛⲙ̅ⲙⲁⲕ · ⲛⲅ̅ⲙⲁⲁⲧⲉ ⲙ̅ⲫⲱⲃ ⲉⲧⲛⲁⲛⲟⲩϥ · ⲛⲧⲁϥⲧⲁϩⲙⲕ̅ ⲉⲣⲟϥ ·	ⲡ̀ϭⲟⲓⲥ ⲛⲉⲙⲁⲕ: ⲛ̀ⲧⲉⲕⲙⲁⲁⲧⲉ ⲛ̀ⲡⲱⲃ ⲉⲧⲛⲁⲛⲉϥ: ⲉⲧⲁϥⲑⲁϩⲙⲉⲕ ⲉ̀ⲣⲟϥ:	p̀ċois nemak: ǹtekmaate ǹpōb etnanef: etafθahmek èrof:	The Lord be with thee. Thou shalt succeed in the good work whereunto He hath invited thee.'
43	ⲁⲓⲃⲱⲕ ⲇⲉ ⲉϩⲟⲩⲛ	ⲁⲓⲃⲱⲕ ⲇⲉ ⲉ̀ϧⲟⲩⲛ	aivōk ḋe èxoun	And I went inside,
44	ⲁⲓϩⲙⲟⲟⲥ ϩⲁϩⲧⲏϥ · ⲛ̅ϩⲉⲛⲕⲟⲩⲓ ⲛ̅ϩⲟⲟⲩ ·	ⲁⲓϩⲉⲙⲥⲓ ϧⲁⲧⲟⲧϥ: ⲛ̀ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ:	aihemsi xatotf: ǹhankouji ǹèhoou:	and I sat down there with him for a few days,
45	ⲁⲓϫⲓⲥⲃⲱ ⲛ̅ⲕⲱⲧ ⲛ̅ⲧⲙⲛⲧ̅ⲛⲟⲩⲧⲉ · ⲉⲃⲟⲗ ϩⲓⲧⲟⲟⲧϥ̅ ·	ⲁⲓϭⲓⲥⲃⲱ ⲛ̀ⲕⲱⲧ ⲛ̀ⲧ̀ⲙⲛⲧ̀ⲛⲟⲩⲧⲉ: ⲉ̀ⲃⲟⲗ ϩⲓⲧⲟⲧϥ:	aiċisvō ǹkōt ǹt̀mnt̀noute: èvol hitotf:	and I learned the rules of the doctrine of God from him,
46	Ⲁⲩⲱ ⲁϥⲧⲥⲁⲃⲟⲓ ⲉⲧϭⲓⲛⲣ̅ϩⲱⲃ ⲉⲡϫⲁⲓⲉ ·	ⲟⲩⲟϩ ⲁϥⲧⲥⲁⲃⲟⲓ ⲉ̀ⲧ̀ϭⲓⲛⲣ̀ϩⲱⲃ ⲉ̀ⲡ̀ϫⲁⲓⲉ:	ouoh aftsavoi èt̀ċinr̀hōb èp̀gaie:	and he taught me the regulations which governed the life of the monk in the desert.
47	ⲛ̅ⲧⲉⲣⲉϥⲛⲁⲩ ⲇⲉ ϫⲉⲁⲓⲉⲓⲙⲉ ⲉⲡⲡⲟⲗⲩⲙⲟⲥ ⲉⲧϩⲏⲡ ⲙⲛ̅ⲛ̅ϩⲟⲧⲉ ⲉⲧϣⲟⲟⲡ ϩⲙ̅ⲡϫⲁⲓⲉ · ⲁϥϫⲟⲟⲥ ⲛⲁⲓ ϫⲉⲧⲱⲟⲩⲛ ⲙⲁⲣⲟⲛ ⲡⲁϣⲏⲣⲉ · ⲧⲁϫⲓⲧⲕ̅ · ⲉⲩⲙⲁ ⲛ̅ϫⲁⲓⲉ · ϩⲛ̅ⲧⲉⲣⲏⲙⲟⲥ ⲉⲧϩⲓϩⲟⲩⲛ · ⲛⲅ̅ϣⲱⲡⲉ ⲛ̅ϩⲏⲧϥ̅ ⲙⲁⲩⲁⲁⲕ ⲉⲧⲃⲉⲡⲛⲟⲩⲧⲉ ·	ⲉⲧⲁϥⲛⲁⲩ ⲇⲉ ϫⲉ ⲁⲓⲉⲙⲓ ⲉ̀ⲡ̀ⲡⲟⲗⲉⲙⲟⲥ ⲉⲧϩⲏⲡ ⲛⲉⲙ ⲛ̀ϩⲟϯ ⲉⲧϣⲟⲡ ϧⲉⲛ ⲡ̀ϫⲁⲓⲉ: ⲁϥϫⲟⲥ ⲛⲏⲓ ϫⲉ ⲧⲱⲟⲩⲛ ⲙⲁⲣⲟⲛ ⲡⲁϣⲏⲣⲓ: ⲧⲁϭⲓⲧⲕ: ⲉ̀ⲟⲩⲙⲁ ⲛ̀ϫⲁⲓⲉ: ϧⲉⲛ ⲧ̀ⲉⲣⲏⲙⲟⲥ ⲉⲧϩⲓϩⲟⲩⲛ: ⲛ̀ⲧⲉⲕϣⲱⲡⲓ ⲛ̀ϧⲏⲧϥ ⲙ̀ⲙⲁⲩⲁⲧⲕ ⲉⲑⲃⲉ ⲫ̀ⲛⲟⲩϯ:	etafnav ḋe je aiemi èp̀polemos et·hyp nem ǹhoti etṡop xen p̀gaie: afgos nyi je tōoun maron paṡyri: taċitk: èouma ǹgaie: xen t̀erymos et·hihoun: ǹtekṡōpi ǹxytf m̀mavatk eθve f̀nouti:	And when he saw that I was acquainted with the hidden and terrible fighting which existed in the desert, he said unto me, `Rise up, my son, and let me take thee to a desolate place in the inner desert, and thou shalt abide therein by thyself for God's sake.
48	ⲉⲡⲉⲓⲇⲏ ⲛ̅ⲧⲁⲡϫⲥ̅ ⲡⲛⲟⲩⲧⲉ ⲧⲟϣⲕ̅ ⲉⲡⲉⲓϩⲱⲃ ⲉⲧⲣⲉⲕϣⲱⲡⲉ ϩⲙ̅ⲡϫⲁⲓⲉ ·	ⲉⲡⲓⲇⲏ ⲉ̀ⲧⲁ ⲡ̀ϭⲟⲓⲥ ⲫ̀ⲛⲟⲩϯ ⲑⲁϣⲕ ⲉ̀ⲡⲁⲓϩⲱⲃ ⲉ̀ⲑⲣⲉⲕϣⲱⲡⲓ ϧⲉⲛ ⲡ̀ϫⲁⲓⲉ:	epiḋy èta p̀ċois f̀nouti θaṡk èpaihōb èθrekṡōpi xen p̀gaie:	Since God hath appointed thee to this work thou must dwell in the desert.
49	Ⲛ̅ⲧⲉⲩⲛⲟⲩ ⲁϥⲧⲱⲟⲩⲛ ⲁϥⲙⲟⲟϣⲉ ⲛⲙ̅ⲙⲁⲓ ⲉϩⲟⲩⲛ ⲉⲡϫⲁⲓⲉ ⲛ̅ⲁϥⲧⲟⲟⲩ ⲛ̅ϩⲟⲟⲩ ⲙ̅ⲙⲟⲟϣⲉ ·	ⲛ̀ϯⲟⲩⲛⲟⲩ ⲁϥⲧⲱⲟⲩⲛ ⲁϥⲙⲟϣⲓ ⲛⲉⲙⲏⲓ ⲉ̀ϧⲟⲩⲛ ⲉ̀ⲡ̀ϫⲁⲓⲉ ⲛ̀ⲁϥ̀ⲧⲟⲟⲩ ⲛ̀ⲉ̀ϩⲟⲟⲩ ⲛ̀ⲙⲟϣⲓ:	ǹtiounou aftōoun afmoṡi nemyi èxoun èp̀gaie ǹaf̀toou ǹèhoou ǹmoṡi:	And straightway he rose up, and journeyed with me into the desert for a distance of four days' journey,
50	ϩⲙ̅ⲡϫⲱⲕ ⲇⲉ ⲛ̅ϥⲧⲟⲟⲩ ⲛ̅ϩⲟⲟⲩ · ⲁⲛⲉⲓ ⲉϫⲛ̅ⲟⲩⲕⲟⲩⲓ ⲛ̅ⲕⲁⲗⲩⲃⲏ ·	ϧⲉⲛ ⲡ̀ϫⲱⲕ ⲇⲉ ⲛ̀ϥ̀ⲧⲟⲟⲩ ⲛ̀ⲉ̀ϩⲟⲟⲩ: ⲁⲛⲓ ⲉ̀ϫⲉⲛ ⲟⲩⲕⲟⲩϫⲓ ⲛ̀ⲕⲁⲗⲩⲃⲏ:	xen p̀gōk ḋe ǹf̀toou ǹèhoou: ani èjen oukouji ǹkaliby:	and at the end of the four days we came to a small hut,
51	ⲡⲉϫⲁϥ ⲛⲁⲓ ϫⲉⲡⲁⲓ ⲡⲉ ⲡⲙⲁ ⲛ̅ⲧⲁⲡϫⲥ̅ ⲧⲟϣϥ̅ ⲛⲁⲕ · ⲉⲧⲣⲉⲕϣⲱⲡⲉ ⲛ̅ϩⲏⲧϥ̅	ⲡⲉϫⲁϥ ⲛⲏⲓ ϫⲉ ⲫⲁⲓ ⲡⲉ ⲡ̀ⲙⲁ ⲉ̀ⲧⲁ ⲡ̀ϭⲟⲓⲥ ⲑⲁϣϥ ⲛⲁⲕ: ⲉ̀ⲑⲣⲉⲕϣⲱⲡⲓ ⲛ̀ϧⲏⲧϥ	pegaf nyi je fai pe p̀ma èta p̀ċois θaṡf nak: èθrekṡōpi ǹxytf	And he said unto me, 'This is the place which the Lord hath appointed thee to live in.'
52	ⲁϥϩⲙⲟⲟⲥ ⲇⲉ ϩⲁϩⲧⲏⲓ ⲛ̅ⲟⲩⲉⲃⲟⲧ ⲛ̅ϩⲟⲟⲩ ϣⲁⲛⲧⲉⲓⲛⲟⲓ ⲙ̅ⲡϩⲱⲃ ⲉⲧⲛⲁⲛⲟⲩϥ ⲉⲧⲉϣϣⲉ ⲉⲣⲟⲓ ⲉⲁⲁϥ ·	ⲁϥϩⲉⲙⲥⲓ ⲇⲉ ϧⲁⲧⲟⲧⲓ ⲛ̀ⲟⲩⲉⲃⲟⲧ ⲛ̀ⲉ̀ϩⲟⲟⲩ ϣⲁⲧⲉⲓⲉⲣⲛⲟⲓⲛ ⲛ̀ⲡ̀ϩⲱⲃ ⲉⲧⲛⲁⲛⲉϥ ⲉⲧⲉⲥ̀ϣⲉ ⲉ̀ⲣⲟⲓ ⲉⲁⲓϥ:	afhemsi ḋe xatoti ǹouevot ǹèhoou ṡateiernoin ǹp̀hōb etnanef etes̀ṡe èroi eaif:	And he sat down with me for a month of days, until I understood the good work which it was meet for me to do.
53	Ⲙⲛ̅ⲛ̅ⲥⲱⲥ ⲁϥⲙⲟⲟϣⲉ ⲉⲃⲟⲗ ϩⲓⲧⲟⲟⲧ ·	ⲙⲉⲛⲉⲛⲥⲱⲥ ⲁϥⲙⲟϣⲓ ⲉ̀ⲃⲟⲗ ϩⲓⲧⲟⲧ:	menensōs afmoṡi èvol hitot:	And afterwards he departed from me,
54	ⲁⲩⲱ ⲛ̅ⲛⲁⲩ ⲉⲛⲉⲛⲉⲣⲏⲩ · ⲛ̅ⲟⲩⲥⲟⲡ ⲧⲉⲣⲟⲙⲡⲉ · ϣⲁⲡⲉϩⲟⲟⲩ · ⲛ̅ⲧⲁϥⲕⲁⲥⲱⲙⲁ ⲉϩⲣⲁⲓ̅ ·	ⲟⲩⲟϩ ⲛ̀ⲛⲁⲩ ⲉ̀ⲛⲉⲛⲉⲣⲏⲟⲩ: ⲛ̀ⲟⲩⲥⲟⲡ ⲧ̀ⲣⲟⲙⲡⲓ: ϣⲁ ⲡ̀ⲉ̀ϩⲟⲟⲩ: ⲉⲧⲁϥⲭⲁⲥⲱⲙⲁ ⲉϩⲣⲁⲓ:	ouoh ǹnav èneneryou: ǹousop t̀rompi: ṡa p̀èhoou: etafkasōma ehrai:	and we never saw each other again until this year when I saw him once on the day whereon he laid down the body,
55	ⲁⲩⲱ ⲁⲓⲧⲱⲙⲥ̅ ⲙ̅ⲙⲟϥ ϩⲙ̅ⲡⲧⲟⲡⲟⲥ ⲉⲧϥ̅ ⲛ̅ϩⲏⲧϥ̅ ·	ⲟⲩⲟϩ ⲁⲓⲑⲱⲙⲥ ⲙ̀ⲙⲟϥ ϧⲉⲛ ⲡ̀ⲧⲟⲡⲟⲥ ⲉⲧϥ ⲛ̀ϧⲏⲧϥ:	ouoh aiθōms m̀mof xen p̀topos etf ǹxytf:	and I buried him inside the place wherein he was.''
56	ⲡⲉϫⲁⲓ̅ ⲇⲉ ⲛⲁϥ ϫⲉⲡⲁⲙⲉⲣⲓⲧ ⲛ̅ⲉⲓⲱⲧ ⲉⲧⲛⲁⲛⲟⲩϥ · ⲁⲣⲁ ⲛ̅ⲧⲁⲣⲭⲏ · ⲛ̅ⲧⲁⲕⲉⲓ ⲉⲡⲉⲓⲙⲁ · ⲁⲕϩⲓⲥⲉ ϫⲓⲛⲙ̅ⲡⲉ ·	ⲡⲉϫⲁⲓ ⲇⲉ ⲛⲁϥ ϫⲉ ⲡⲁⲙⲉⲛⲣⲓⲧ ⲛ̀ⲓⲱⲧ ⲉⲧⲛⲁⲛⲉϥ: ⲁⲣⲁ ⲛ̀ⲧⲁⲣⲭⲏ: ⲉⲧⲁⲕⲓ ⲉ̀ⲡⲁⲓⲙⲁ: ⲁⲕϧⲓⲥⲓ ϫⲓⲛⲛ̀ⲫⲉ:	pegai ḋe naf je pamenrit ǹiōt etnanef: ara ǹtarṡy: etaki èpaima: akxisi jinǹfe:	And I (i.e. Papnoute) said unto him, ``My good and beloved father, at the beginning, when thou didst first come to this place, didst thou suffer from the weather?''
57	ⲡⲉϫⲁϥ ⲛⲁⲓ ⲛ̅ϭⲓⲡϩⲗ̅ⲗⲟ ⲙ̅ⲙⲁⲕⲁⲣⲓⲟⲥ · ϫⲉⲁⲓϩⲓⲥⲉ ⲧⲱⲛⲟⲩ · ⲛ̅ⲟⲩⲙⲏⲏϣⲉ ⲛ̅ⲥⲟⲡ ⲉⲧⲃⲉⲡⲉϩⲕⲟ · ⲙⲛ̅ⲡⲉⲓⲃⲉ · ⲁⲩⲱ ⲉⲧⲃⲉⲡⲕⲱϩⲧ̅ ⲉⲧⲛ̅ⲃⲟⲗ ⲙ̅ⲡⲉϩⲟⲟⲩ · ⲙⲛ̅ⲡⲛⲟϭ ⲛ̅ϫⲁϥ ⲛ̅ⲧⲉⲩϣⲏ ·	ⲡⲉϫⲁϥ ⲛⲏⲓ ⲛ̀ϫⲉ ⲡ̀ϧⲉⲗⲗⲟ ⲛ̀ⲙⲁⲕⲁⲣⲓⲟⲥ: ϫⲉ ⲁⲓϧⲓⲥⲓ ⲧⲱⲛⲟⲩ: ⲛ̀ⲟⲩⲙⲏϣ ⲛ̀ⲥⲟⲡ ⲉⲑⲃⲉ ⲡ̀ϩⲕⲟ: ⲛⲉⲙ ⲡⲓⲃⲓ: ⲟⲩⲟϩ ⲉⲑⲃⲉ ⲡ̀ⲭ̀ⲣⲱⲙ ⲉⲧⲛⲃⲟⲗ ⲛ̀ⲡⲉ̀ϩⲟⲟⲩ: ⲛⲉⲙ ⲡ̀ⲛⲓϣϯ ⲛ̀ϫⲁϥ ⲛ̀ⲧⲉⲩϣⲏ:	pegaf nyi ǹje p̀xello ǹmakarios: je aixisi tōnou: ǹoumyṡ ǹsop eθve p̀hko: nem pivi: ouoh eθve p̀k̀rōm etnvol ǹpèhoou: nem p̀niṡti ǹgaf ǹtevṡy:	And the blessed old man said unto me, ``I suffered greatly on several occasions from hunger, and thirst, and the heat outside in the daytime, and the great cold by night,
58	ⲁⲛⲁⲥⲁⲣⲝ̅ ϭⲱϭ ⲉⲃⲟⲗ ϩⲛ̅ⲧⲉⲓⲱⲧⲉ ⲛ̅ⲧⲡⲉ ·	ⲁⲛⲁⲥⲁⲣⲝ ϭⲱϭ ⲉ̀ⲃⲟⲗ ϧⲉⲛ ⲧⲓⲱϯ ⲛ̀ⲧ̀ⲫⲉ:	anasarks ċōċ èvol xen tiōti ǹt̀fe:	and my flesh was wasted away by the dews of heaven.
59	ⲛ̅ⲧⲉⲣⲉⲡⲛⲟⲩⲧⲉ ⲇⲉ ϫⲉⲁⲓϩⲩⲡⲟⲙⲉⲓⲛⲉ ϩⲙ̅ⲡⲁⲅⲱⲛ · ⲉⲧⲛⲁⲛⲟⲩϥ · ⲛ̅ⲧⲛⲏⲥϯⲁ · ⲁⲩⲱ ϫⲉⲁⲓϯ ⲙ̅ⲡⲁϩⲏⲧ · ⲉⲧⲁⲥⲕⲏⲥⲓⲥ · ⲁϥⲧⲣⲉⲛ̅ⲁⲅⲅⲉⲗⲟⲥ ⲉⲧⲟⲩⲁⲁⲃ ⲇⲓⲁⲕⲱⲛⲉⲓ ⲛⲁⲓ · ⲛ̅ⲧⲁⲧⲣⲟⲫⲏ ⲙ̅ⲙⲏⲏⲛⲉ · ⲉϥϯ ⲙ̅ⲙⲟⲥ ⲛⲁⲓ ⲛ̅ⲧⲉⲩϣⲏ · ⲉϥⲧⲁϩⲟ ⲉⲣⲁⲧϥ̅ ⲙ̅ⲡⲁⲥⲱⲙⲁ ·	ⲉ̀ⲧⲁⲫ̀ⲛⲟⲩϯ ⲇⲉ ϫⲉ ⲁⲓϩⲩⲡⲟⲙⲓⲛⲉ ϧⲉⲛ ⲡ̀ⲁⲅⲱⲛ: ⲉⲧⲛⲁⲛⲉϥ: ⲛ̀ⲧ̀ⲛⲏⲥϯⲁ: ⲟⲩⲟϩ ϫⲉ ⲁⲓϯ ⲛ̀ⲡⲁϩⲏⲧ: ⲉ̀ⲧⲁⲥⲕⲏⲥⲓⲥ: ⲁϥⲑⲣⲉⲛⲁⲅⲅⲉⲗⲟⲥ ⲉⲑⲟⲩⲁⲃ ⲇⲓⲁⲕⲱⲛⲉⲓ ⲛⲏⲓ: ⲛ̀ⲧⲁⲧⲣⲟⲫⲏ ⲛ̀ⲙⲏⲏⲛⲉ: ⲉϥϯ ⲙ̀ⲙⲟⲥ ⲛⲏⲓ ⲛ̀ⲧⲉⲩϣⲏ: ⲉϥⲧⲁϩⲟ ⲉ̀ⲣⲁⲧϥ ⲛ̀ⲡⲁⲥⲱⲙⲁ:	ètaf̀nouti ḋe je aihipomine xen p̀aġōn: etnanef: ǹt̀nystia: ouoh je aiti ǹpahyt: ètaskysis: afθrenangelos eθouab ḋiakōnei nyi: ǹtatrofy ǹmyyne: efti m̀mos nyi ǹtevṡy: eftaho èratf ǹpasōma:	And when God [saw] that I endured patiently in my good strife of fasting, and that I gave my heart to ascetic practices, He made holy angels serve me, and bring to me my daily food, and an angel gave it to me evening by evening, and he stood by my body.
60	ⲁⲩⲱ ⲛⲉⲣⲉϯⲃⲛ̅ⲛⲉ · ⲧⲁⲩⲟ ⲉⲃⲟⲗ · ⲛⲁⲓ ⲙ̅ⲙⲛⲧ̅ⲥⲛⲟⲟⲩⲥ · ⲛ̅ⲗⲟⲟⲩ ⲧⲉⲣⲟⲙⲡⲉ ⲕⲁⲧⲁⲉⲃⲟⲧ ⲇⲉ ⲛⲉⲓⲟⲩⲱⲙ ⲛ̅ⲟⲩⲗⲟⲟⲩ ·	ⲟⲩⲟϩ ⲛⲁⲣⲉ ⲧⲁⲓⲃⲛ̀ⲛⲉ: ⲧⲁⲟⲩⲟ ⲉ̀ⲃⲟⲗ: ⲛⲏⲓ ⲛ̀ⲙⲛⲧ̀ⲥⲛⲟⲟⲩⲥ: ⲛ̀ⲗⲟⲟⲩ ⲧ̀ⲣⲟⲙⲡⲓ ⲕⲁⲧⲁ ⲉⲃⲟⲧ ⲇⲉ ⲛⲁⲓⲟⲩⲱⲙ ⲛ̀ⲟⲩⲗⲟⲟⲩ:	ouoh nare taivǹne: taouo èvol: nyi ǹmnt̀snoous: ǹloou t̀rompi kata evot ḋe naiouōm ǹouloou:	And the palm-tree yielded unto me each year twelve bunches of dates, and I ate one bunch every month.
61	ⲁⲩⲱ ⲟⲛ ⲛ̅ⲕⲉⲃⲟⲧⲁⲛⲏ ⲉⲧⲣⲏⲧ ϩⲓⲡⲧⲟⲟⲩ · ⲁϥⲧⲣⲉⲩϩⲗⲟϭ ϩⲛ̅ⲧⲁⲧⲁⲡⲣⲟ · ⲛ̅ⲑⲉ ⲛ̅ⲟⲩⲉⲓⲃⲓⲱ ·	ⲟⲩⲟϩ ⲟⲛ ⲛ̀ⲕⲉⲃⲟⲧⲁⲛⲏ ⲉⲧⲣⲏⲧ ϩⲓ ⲡ̀ⲧⲱⲟⲩ: ⲁϥⲑⲣⲉⲩϩⲗⲟϫ ϧⲉⲛ ⲧⲁⲧⲁⲡⲣⲟ: ⲛ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ:	ouoh on ǹkevotany etryt hi p̀tōou: afθrevhlog xen tatapro: ǹf̀ryti ǹouèviō:	And, moreover, he made the herbs (or, grasses) which grow in the desert to be sweet to my mouth, even as honey.
62	Ϥⲥⲏϩ ⲅⲁⲣ ϫⲉⲛⲉⲣⲉⲡⲣⲱⲙⲉ ⲛⲁⲱⲛϩ̅ ⲁⲛ ⲉⲟⲉⲓⲕ ⲙⲁⲩⲁⲁϥ ⲁⲗⲗⲁ ⲉϣⲁϫⲉ ⲛⲓⲙ ⲉⲧⲛⲏⲩ ⲉⲃⲟⲗ ϩⲛ̅ⲧⲧⲁⲡⲣⲟ ⲙ̅ⲡⲛⲟⲩⲧⲉ · ⲉⲣⲉⲡⲣⲱⲙⲉ ⲛⲁⲱⲛϩ̅ ⲉⲣⲟⲟⲩ ·	ϥ̀ⲥ̀ϧⲏⲟⲩⲧ ⲅⲁⲣ ϫⲉ ⲛⲁⲣⲉ ⲡ̀ⲣⲱⲙⲓ ⲛⲁⲱⲛϧ ⲁⲛ ⲉⲱⲓⲕ ⲙ̀ⲙⲁⲩⲁⲧϥ ⲁⲗⲗⲁ ⲉ̀ⲥⲁϫⲓ ⲛⲓⲃⲉⲛ ⲉⲧⲛⲏⲟⲩ ⲉ̀ⲃⲟⲗ ϧⲉⲛ ⲧ̀ⲧⲁⲡⲣⲟ ⲛ̀ⲫ̀ⲛⲟⲩϯ: ⲉ̀ⲣⲉ ⲡ̀ⲣⲱⲙⲓ ⲛⲁⲱⲛϧ ⲉ̀ⲣⲱⲟⲩ:	f̀s̀xyout ġar je nare p̀rōmi naōnx an eōik m̀mavatf alla èsaji niven etnyou èvol xen t̀tapro ǹf̀nouti: ère p̀rōmi naōnx èrōou:	For it is written, Man shall not live by bread alone, but by every word which cometh forth from the mouth of God doth man live.
63	ⲉⲕϣⲁⲛⲣ̅ⲡⲟⲩⲱϣ ⲙ̅ⲡⲛⲟⲩⲧⲉ ϥⲛⲁϥⲓ ⲙ̅ⲡⲉⲕⲣⲟⲟⲩϣ · ϩⲙ̅ⲙⲁ ⲛⲓⲙ ·	ⲁⲕϣⲁⲛⲉⲣⲡ̀ⲟⲩⲱϣ ⲛ̀ⲫ̀ⲛⲟⲩϯ ϥ̀ⲛⲁϥⲁⲓ ⲛ̀ⲡⲉⲕⲣⲱⲟⲩϣ: ϧⲉⲛ ⲙⲁ ⲛⲓⲃⲉⲛ:	akṡanerp̀ouōṡ ǹf̀nouti f̀nafai ǹpekrōouṡ: xen ma niven:	If thou doest the will of God, He shall take care of thee in every place.
64	ⲡⲉϫⲁϥ ⲅⲁⲣ ϩⲙ̅ⲡⲉⲩⲁⲅⲅⲉⲗⲓⲟⲛ ⲉⲧⲟⲩⲁⲁⲃ · ϫⲉⲙ̅ⲡⲣ̅ϥⲓⲣⲟⲟⲩϣ ϫⲉⲟⲩ ⲡⲉ ⲡⲉⲧⲉⲧⲛⲉⲟⲩⲟⲙϥ̅ · ⲏ̅ ⲟⲩ ⲡⲉ ⲡⲉⲧⲉⲧⲛⲉⲥⲟⲟϥ · ⲏ̅ ⲟⲩ ⲡⲉ ⲡⲉⲧⲉⲧⲛⲉⲧⲁⲁϥ ϩⲓⲱⲧⲧⲏⲩⲧⲛ̅ · ⲡⲉⲧⲛ̅ⲉⲓⲱⲧ ⲉⲧϩⲛ̅ⲙ̅ⲡⲏⲩⲉ · ⲥⲟⲟⲩⲛ ⲙ̅ⲡⲉⲧⲉⲧⲛ̅ⲣ̅ⲭⲣⲓⲁ ⲙ̅ⲙⲟϥ ⲙ̅ⲡⲁⲧⲉⲧⲛ̅ⲁⲓⲧⲉⲓ ⲙ̅ⲙⲟϥ ·	ⲡⲉϫⲁϥ ⲅⲁⲣ ϧⲉⲛ ⲡ̀ⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ: ϫⲉ ⲙ̀ⲡⲉⲣϥⲓⲣⲱⲟⲩϣ ϫⲉ ⲟⲩ ⲡⲉ ⲡ̀ⲉⲧⲉⲧⲛⲉⲟⲩⲟⲙϥ: ⲓⲉ ⲟⲩ ⲡⲉ ⲡ̀ⲉⲧⲉⲧⲛⲉⲥⲟⲟϥ: ⲓⲉ ⲟⲩ ⲡⲉ ⲡ̀ⲉⲧⲉⲧⲛⲉⲧⲏⲓϥ ϩⲓⲱⲧⲑⲏⲛⲟⲩ: ⲡⲉⲧⲉⲛⲓⲱⲧ ⲉⲧϧⲉⲛ ⲛ̀ⲫⲏⲟⲩⲓ̀: ⲥⲱⲟⲩⲛ ⲙ̀ⲡⲉⲧⲉⲧⲉⲛⲉⲣⲭⲣⲓⲁ ⲙ̀ⲙⲟϥ ⲙ̀ⲡⲁⲧⲉⲧⲉⲛⲁⲓⲧⲉⲓ ⲙ̀ⲙⲟϥ:	pegaf ġar xen p̀evangelion eθouab: je m̀perfirōouṡ je ou pe p̀etetneouomf: ie ou pe p̀etetnesoof: ie ou pe p̀etetnetyif hiōtθynou: peteniōt etxen ǹfyouì: sōoun m̀petetenerxria m̀mof m̀patetenaitei m̀mof:	For He hath said in the Holy Gospel, Take no care for what ye shall eat, or for what ye shall drink, or with what raiment ye shall clothe yourselves, for your Father Who is in heaven knoweth of what things ye have need without your asking Him.
65	ϣⲓⲛⲉ ⲛ̅ⲧⲟϥ ⲛ̅ⲥⲁⲧϥ̅ⲙⲛⲧ̅ⲉⲣⲟ ⲙⲛ̅ⲧϥ̅ⲇⲓⲕⲁⲓⲟⲥⲩⲛⲏ ·	ϣⲓⲛⲓ ⲛ̀ⲑⲟϥ ⲛ̀ⲥⲁ ⲧⲉϥⲙⲉⲧⲟⲩⲣⲟ ⲛⲉⲙ ⲧⲉϥⲇⲓⲕⲁⲓⲟⲥⲩⲛⲏ:	ṡini ǹθof ǹsa tefmetouro nem tefḋikaiosiny:	Seek ye His kingdom and His righteousness,
66	ⲁⲩⲱ ⲛⲁⲓ ⲥⲉⲛⲁⲟⲩⲟϩⲟⲩ ⲉⲣⲱⲧⲉⲛ ·	ⲟⲩⲟϩ ⲛⲁⲓ ⲥⲉⲛⲁⲟⲩⲁϩⲟⲩ ⲉⲣⲱⲧⲉⲛ:	ouoh nai senaouahou erōten:	and these things shall be added unto you.
67	Ⲛⲁⲓ ⲇⲉ ⲛ̅ⲧⲉⲣⲉⲓⲥⲱⲧⲙ̅ ⲉⲣⲟⲟⲩ · ⲁⲓⲣ̅ϣⲡⲏⲣⲉ ⲉⲙⲁⲧⲉ · ⲡⲉϫⲁⲓ ⲛⲁϥ ϫⲉⲱ̅ ⲡⲁⲉⲓⲱⲧ ⲉⲧⲟⲩⲁⲁⲃ · ⲉϣⲁⲕⲥⲩⲛⲁⲅⲉ ⲧⲱⲛ ⲙ̅ⲡⲥⲁⲃⲃⲁⲧⲟⲛ ⲙⲛ̅ⲧⲕⲩⲣⲓⲁⲕⲏ ·	ⲛⲁⲓ ⲇⲉ ⲉ̀ⲧⲁⲓⲥⲱⲧⲉⲙ ⲉ̀ⲣⲱⲟⲩ: ⲁⲓⲉⲣϣⲫⲏⲣⲓ ⲉ̀ⲙⲁϣⲱ: ⲡⲉϫⲁⲓ ⲛⲁϥ ϫⲉ ⲱ̀ ⲡⲁⲓⲱⲧ ⲉⲑⲟⲩⲁⲃ: ⲉϣⲁⲕⲥⲩⲛⲁⲅⲉ ⲧⲱⲛ ⲛ̀ⲡ̀ⲥⲁⲃⲃⲁⲧⲟⲛ ⲛⲉⲙ ⲧ̀ⲕⲩⲣⲓⲁⲕⲏ:	nai ḋe ètaisōtem èrōou: aierṡfyri èmaṡō: pegai naf je ṑ paiōt eθouab: eṡak·sinage tōn ǹp̀·sabbaton nem t̀kiriaky:	And when I had heard these things I marvelled exceedingly, and I said unto him, ``O my holy father, where dost thou partake of the Sacrament on the Sabbath Day and on the First Day of the week?''
68	ⲛ̅ⲧⲟϥ ⲇⲉ ⲡⲉϫⲁϥ ⲛⲁⲓ ϫⲉⲱ̅ ⲡⲁⲉⲓⲱⲧ ⲉⲧⲟⲩⲁⲁⲃ ·	ⲛ̀ⲑⲟϥ ⲇⲉ ⲡⲉϫⲁϥ ⲛⲏⲓ ϫⲉ ⲱ̀ ⲡⲁⲓⲱⲧ ⲉⲑⲟⲩⲁⲃ:	ǹθof ḋe pegaf nyi je ṑ paiōt eθouab:	And he said unto me, `O my holy father
69	ϥⲛⲏⲩ ⲛ̅ϭⲓⲟⲩⲁⲅⲅⲉⲗⲟⲥ · ⲛ̅ⲧⲉⲡⲛⲟⲩⲧⲉ · ⲉϥⲥⲩⲛⲁⲅⲉ ⲙ̅ⲙⲟⲓ ⲙ̅ⲡⲥⲁⲃⲃⲁⲧⲟⲛ ⲙⲛ̅ⲧⲕⲩⲣⲓⲁⲕⲏ · ⲁⲩⲱ ⲟⲩⲟⲛ ⲛⲓⲙ ⲉϥϩⲙ̅ⲡϫⲁⲓⲉ · ⲉⲧⲡⲟⲗⲩⲧⲉⲩⲉ ⲉⲧⲃⲉⲡⲛⲟⲩⲧⲉ · ⲁⲩⲱ ⲉⲧⲙ̅ⲛⲁⲩ ⲉⲣⲱⲙⲉ ·	ϥ̀ⲛⲏⲟⲩ ⲛ̀ϫⲉ ⲟⲩⲁⲅⲅⲉⲗⲟⲥ: ⲛ̀ⲧⲉ ⲫ̀ⲛⲟⲩϯ: ⲉϥⲥⲩⲛⲁⲅⲉ ⲙ̀ⲙⲟⲓ ⲛ̀ⲡ̀ⲥⲁⲃⲃⲁⲧⲟⲛ ⲛⲉⲙ ⲧ̀ⲕⲩⲣⲓⲁⲕⲏ: ⲟⲩⲟϩ ⲟⲩⲟⲛ ⲛⲓⲃⲉⲛ ⲉϥ ϧⲉⲛ ⲡ̀ϫⲁⲓⲉ: ⲉⲧⲡⲟⲗⲩⲧⲉⲩⲉ ⲉⲑⲃⲉ ⲫ̀ⲛⲟⲩϯ: ⲟⲩⲟϩ ⲉϣⲧⲉⲙⲛⲁⲩ ⲉ̀ⲣⲱⲙⲓ:	f̀nyou ǹje ouangelos: ǹte f̀nouti: efsinage m̀moi ǹp̀·sabbaton nem t̀kiriaky: ouoh ouon niven ef xen p̀gaie: etpoliteve eθve f̀nouti: ouoh eṡtemnav èrōmi:	an angel of God cometh, and he administereth to me the Sacrament on the Sabbath Day and on the First Day of the week. And the angel cometh and administereth the Sacrament to every one who is in the desert, and who liveth there for God's sake, and who seeth no man,
70	ϥⲛⲏⲩ ⲛ̅ϭⲓⲟⲩⲁⲅⲅⲉⲗⲟⲥ · ⲛϥ̅ⲥⲩⲛⲁⲅⲉ ⲙ̅ⲙⲟⲩ · ⲁⲩⲱ ⲛϥ̅ⲥⲗ̅ⲥⲱⲗⲟⲩ ·	ϥ̀ⲛⲏⲟⲩ ⲛ̀ϫⲉ ⲟⲩⲁⲅⲅⲉⲗⲟⲥ: ⲛ̀ⲧⲉϥⲥⲩⲛⲁⲅⲉ ⲙ̀ⲙⲟⲟⲩ: ⲟⲩⲟϩ ⲛ̀ⲧⲉϥⲥⲗ̀ⲥⲱⲗⲟⲩ:	f̀nyou ǹje ouangelos: ǹtefsinage m̀moou: ouoh ǹtefsl̀sōlou:	and he giveth unto them consolation.
71	Ⲉⲩϣⲁⲛⲉⲡⲉⲓⲑⲩⲙⲉⲓ ⲇⲉ ⲟⲛ ⲉⲛⲁⲩ ⲉⲣⲱⲙⲉ · ϣⲁⲩⲁⲛⲁⲗⲁⲙⲃⲁⲛⲉ ⲙ̅ⲙⲟⲟⲩ · ⲉⲛⲉⲡⲟⲩⲣⲁⲛⲓⲟⲛ · ⲛ̅ⲥⲉⲛⲁⲩ ⲉⲛⲉⲧⲟⲩⲁⲁⲃ ⲧⲏⲣⲟⲩ · ⲛ̅ⲥⲉⲁⲥⲡⲁⲍⲉ ⲙ̅ⲙⲟⲟⲩ ⲛ̅ⲧⲉⲡⲉⲩϩⲏⲧ · ϫⲓⲟⲩⲟⲉⲓⲛ ⲛ̅ⲥⲉⲟⲩⲣⲟⲧ ⲁⲩⲱ ⲛ̅ⲥⲉⲉⲩⲫⲣⲁⲛⲉ ⲙ̅ⲙⲟⲟⲩ · ⲙⲛ̅ⲡⲛⲟⲩⲧⲉ ϩⲛ̅ⲛ̅ⲁⲅⲁⲑⲟⲛ ⲉⲧⲙ̅ⲙⲁⲩ ·	ⲁⲩϣⲁⲛⲉⲣⲉⲡⲉⲓⲑⲩⲙⲓⲛ ⲇⲉ ⲟⲛ ⲉⲛⲁⲩ ⲉ̀ⲣⲱⲙⲓ: ϣⲁⲩⲁⲛⲁⲗⲁⲙⲃⲁⲛⲉ ⲙ̀ⲙⲱⲟⲩ: ⲉⲛⲉⲡⲟⲩⲣⲁⲛⲓⲟⲛ: ⲛ̀ⲧⲟⲩⲛⲁⲩ ⲉ̀ⲛⲉⲑⲟⲩⲁⲃ ⲧⲏⲣⲟⲩ: ⲛ̀ⲧⲟⲩⲁⲥⲡⲁⲍⲉ ⲙ̀ⲙⲱⲟⲩ ⲛ̀ⲧⲉ ⲡⲟⲩϩⲏⲧ: ϭⲓⲟⲩⲱⲓⲛⲓ ⲛ̀ⲧⲟⲩⲟⲩⲣⲟⲧ ⲟⲩⲟϩ ⲛ̀ⲧⲟⲩⲉⲩⲫⲣⲁⲛⲉ ⲙ̀ⲙⲱⲟⲩ: ⲛⲉⲙ ⲫ̀ⲛⲟⲩϯ ϧⲉⲛ ⲛ̀ⲁⲅⲁⲑⲟⲛ ⲉ̀ⲧⲉ ⲙ̀ⲙⲁⲩ:	avṡanerepeiθimin ḋe on enav èrōmi: ṡavanalamvane m̀mōou: enepouranion: ǹtounav èneθouab tyrou: ǹtouaspaze m̀mōou ǹte pouhyt: ċiouōini ǹtouourot ouoh ǹtouevfrane m̀mōou: nem f̀nouti xen ǹaġaθon ète m̀mav:	And, moreover, when they desire to see any one, they are taken up into the heights of heaven, and they see all the saints, and they salute them, and thereby their hearts receive light, and they rejoice, and are glad with God in those good things.
72	ⲉⲩϣⲁⲛⲛⲁⲩ ⲇⲉ ⲉⲣⲟⲟⲩ ϣⲁⲩⲥⲟⲗⲥⲗ̅ ⲛ̅ⲥⲉⲣ̅ⲡⲱⲃϣ̅ ϫⲉⲁⲩϣⲡ̅ ϩⲓⲥⲉ ⲉⲡⲧⲏⲣϥ̅ · ⲙⲛ̅ⲛ̅ⲥⲱⲥ ⲟⲛ ⲛ̅ⲥⲉⲕⲟⲧⲟⲩ ⲉⲛⲉⲩⲥⲱⲙⲁ · ⲛ̅ⲥⲉϭⲱ ⲉⲩⲥⲗ̅ⲥⲱⲗ ⲛ̅ⲟⲩⲙⲏⲏϣⲉ ⲛ̅ⲟⲩⲟⲉⲓϣ ·	ⲁⲩϣⲁⲛⲛⲁⲩ ⲇⲉ ⲉ̀ⲣⲱⲟⲩ ϣⲁⲩⲥⲟⲗⲥⲉⲗ ⲛ̀ⲧⲟⲩⲉⲣⲡⲱⲃϣ ϫⲉ ⲁⲩϣⲉⲡ ϧⲓⲥⲓ ⲉ̀ⲡ̀ⲧⲏⲣϥ: ⲙⲉⲛⲉⲛⲥⲱⲥ ⲟⲛ ⲛ̀ⲧⲟⲩⲕⲟⲧⲟⲩ ⲉ̀ⲛⲟⲩⲥⲱⲙⲁ: ⲛ̀ⲧⲟⲩϭⲱ ⲉⲩⲥⲗ̀ⲥⲱⲗ ⲛ̀ⲟⲩⲙⲏϣ ⲛ̀ⲥⲏⲟⲩ:	avṡannav ḋe èrōou ṡavsolsel ǹtouerpōvṡ je avṡep xisi èp̀tyrf: menensōs on ǹtoukotou ènousōma: ǹtouċō evsl̀sōl ǹoumyṡ ǹsyou:	And when they see them they receive consolation, and they forget that they have suffered in any way; and afterwards they return to their bodies, and they continue to feel comforted for a very long time.
73	ⲉϣϫⲉ ⲛⲧⲁⲩⲡⲱⲱⲛⲉ ⲉⲡⲕⲉⲁⲓⲱⲛ ϩⲓ̅ⲧⲙ̅ⲡⲟⲩⲣⲟⲧ ⲛ̅ⲧⲁⲩⲛⲁⲩ ⲉⲣⲟϥ · ⲙⲉⲩⲣ̅ⲡⲙⲉⲉⲩⲉ ⲣⲱ ϫⲉⲟⲩⲛ̅ⲕⲟⲥⲙⲟⲥ · ϣⲟⲟⲡ ·	ⲓⲥϫⲉ ⲛⲧⲁⲩⲡⲱⲱⲛⲉ ⲉ̀ⲡ̀ⲕⲉⲁⲓⲱⲛ ϩⲓⲧⲉⲛ ⲡ̀ⲟⲩⲣⲟⲧ ⲉ̀ⲧⲁⲩⲛⲁⲩ ⲉ̀ⲣⲟϥ: ⲙⲡⲁⲩⲉⲣⲫ̀ⲙⲉⲩⲓ ⲣⲱ ϫⲉ ⲟⲩⲟⲛ ⲕⲟⲥⲙⲟⲥ: ϣⲟⲡ:	isje ntavpōōne èp̀keaiōn hiten p̀ourot ètavnav èrof: mpaverf̀mevi rō je ouon kosmos: ṡop:	And if they are transferred to another world through the joy which they have seen they do not even remember that the world existeth.''
74	ⲛ̅ⲧⲉⲣⲉⲓⲥⲱⲧⲙ̅ ⲇⲉ ⲁⲓⲣⲁϣⲉ ⲉⲙⲁⲧⲉ ϫⲉⲁⲓⲣ̅ⲡⲙ̅ⲡϣⲁ ⲛ̅ⲥⲱⲧⲙ̅ ⲉⲛⲁⲓ ⲉⲃⲟⲗ ϩⲓⲧⲟ̅ⲟⲧϥ̅ ·	ⲉ̀ⲧⲁⲓⲥⲱⲧⲉⲙ ⲇⲉ ⲁⲓⲣⲁϣⲓ ⲉ̀ⲙⲁϣⲱ ϫⲉ ⲁⲓⲉⲣⲡ̀ⲙ̀ⲡ̀ϣⲁ ⲛ̀ⲥⲱⲧⲉⲙ ⲉ̀ⲛⲁⲓ ⲉ̀ⲃⲟⲗ ϩⲓⲧⲟⲧϥ:	ètaisōtem ḋe airaṡi èmaṡō je aierp̀m̀p̀ṡa ǹsōtem ènai èvol hitotf:	And when I had heard these things I rejoiced exceedingly that I was held to be worthy to hear them from him.
75	ⲁⲩⲱ ⲁⲓⲣ̅ⲡⲱⲃϣ̅ ⲛ̅ⲛⲁϩⲓⲥⲉ ⲧⲏⲣⲟⲩ ⲛ̅ⲧⲁⲓϣⲟⲡⲟⲩ · ⲉⲓⲙⲟⲟϣⲉ ϩⲛ̅ⲛ̅ⲧⲟⲟⲩ ·	ⲟⲩⲟϩ ⲁⲓⲉⲣⲡⲱⲃϣ ⲛ̀ⲛⲁϧⲓⲥⲓ ⲧⲏⲣⲟⲩ ⲉⲧⲁⲓϣⲟⲡⲟⲩ: ⲉⲓⲙⲟϣⲓ ϧⲉⲛ ⲛ̀ⲧⲱⲟⲩ:	ouoh aierpōvṡ ǹnaxisi tyrou etaiṡopou: eimoṡi xen ǹtōou:	And I forgot all the sufferings which I had endured when I was journeying in the desert,
76	ⲁⲩϭⲟⲙ ⲉⲓ ⲉⲡⲁⲥⲱⲙⲁ ·	ⲁ̀ⲟⲩϫⲟⲙ ⲓ̀ ⲉ̀ⲡⲁⲥⲱⲙⲁ:	àougom ì èpasōma:	and strength came to my body,
77	ⲁⲩⲱ ⲁⲩⲙⲛ̅ⲧ̅ⲃⲣ̅ⲣⲉ ⲉⲓ ⲉⲡⲁⲥⲱⲙⲁ ⲙⲛ̅ⲧⲁⲯⲩⲭⲏ ·	ⲟⲩⲟϩ ⲁ̀ⲟⲩⲙⲉⲧⲃⲉⲣⲓ ⲓ̀ ⲉ̀ⲡⲁⲥⲱⲙⲁ ⲛⲉⲙ ⲧⲁⲯⲩⲭⲏ:	ouoh àoumetveri ì èpasōma nem tapsiṡy:	and renewed power came to my body and to my soul.
78	ⲡⲉϫⲁⲓ ⲇⲉ ⲛⲁϥ ⲇⲉ ⲛ̅ⲁⲓⲁⲁⲧ ⲁⲛⲟⲕ ϫⲉⲁⲓⲙ̅ⲡϣⲁ ⲛ̅ⲛⲁⲩ ⲉⲡⲉⲕϩⲟ ⲉⲧⲟⲩⲁⲁⲃ · ⲁⲩⲱ ⲁⲓⲙ̅ⲡϣⲁ ⲛ̅ⲥⲱⲧⲙ̅ ⲉⲛⲉⲕϣⲁϫⲉ ⲉⲧϩⲟⲗϭ̅ ·	ⲡⲉϫⲁⲓ ⲇⲉ ⲛⲁϥ ⲇⲉ ⲛ̀ⲁⲓⲁⲁⲧ ⲁⲛⲟⲕ ϫⲉ ⲁⲓⲙ̀ⲡϣⲁ ⲛ̀ⲛⲁⲩ ⲉ̀ⲡⲉⲕϩⲟ ⲉⲑⲟⲩⲁⲃ: ⲟⲩⲟϩ ⲁⲓⲙ̀ⲡϣⲁ ⲛ̀ⲥⲱⲧⲉⲙ ⲉ̀ⲛⲉⲕⲥⲁϫⲓ ⲉⲧϩⲟⲗϫ:	pegai ḋe naf ḋe ǹaiaat anok je aim̀pṡa ǹnav èpek·ho eθouab: ouoh aim̀pṡa ǹsōtem ènek·saji et·holg:	And I said unto him, ``Blessed am I that I am held to be worthy to see thy holy face, and to hear thy sweet words.''
79	ⲡⲉϫⲁϥ ϭⲉ ⲛⲁⲓ · ϫⲉⲧⲱⲟⲩⲛ ⲡⲁⲥⲟⲛ · ⲛ̅ⲧⲛ̅ⲃⲱⲕ ⲉⲡⲙⲁ ⲉⲛⲉⲛϩⲏⲧϥ̅ ·	ⲡⲉϫⲁϥ ⲟⲩⲛ ⲛⲏⲓ: ϫⲉ ⲧⲱⲟⲩⲛ ⲡⲁⲥⲟⲛ: ⲛ̀ⲧⲉⲧⲉⲛⲃⲱⲕ ⲉ̀ⲡ̀ⲙⲁ ⲉⲛⲛϧⲏⲧϥ:	pegaf oun nyi: je tōoun pason: ǹtetenvōk èp̀ma ennxytf:	Then he said unto me, ``Rise up, O my brother, and let us depart to the place wherein we are to be.''
80	ⲁⲛⲧⲱⲟⲩⲛ ·	ⲁⲛⲧⲱⲟⲩⲛ:	antōoun:	And we rose up,
81	ⲁⲛⲙⲟⲟϣⲉ ⲙⲛ̅ⲛⲉⲛⲉⲣⲏⲩ · ⲙ̅ⲙⲏⲗⲓⲟⲛ ⲥⲛⲁⲩ ⲏ̅ ϣⲟⲙⲛ̅ⲧ̅ · ⲟⲩϣⲡⲏⲣⲉ ⲉⲙⲁⲧⲉ · ⲧⲉ ⲧⲉϣⲡⲏⲣⲉ ⲙ̅ⲡⲉⲓϩⲗ̅ⲗⲟ ⲙ̅ⲙⲁⲕⲁⲣⲓⲟⲥ · ⲁⲩⲱ ⲛ̅ⲁⲑⲗⲓⲧⲏⲥ ⲛ̅ⲙⲟⲟϣⲉ ⲇⲉ · ⲁⲛⲉⲓ ⲉϫⲛ̅ⲟⲩⲕⲁⲗⲏⲃⲉ ·	ⲁⲛⲙⲟϣⲓ ⲛⲉⲙ ⲛⲉⲛⲉⲣⲏⲟⲩ: ⲛ̀ⲙⲏⲗⲓⲟⲛ ⲥ̀ⲛⲁⲩ ⲓⲉ ϣⲟⲙⲧ: ⲟⲩϣ̀ⲫⲏⲣⲓ ⲉ̀ⲙⲁϣⲱ: ⲧⲉ ⲧ̀ϣ̀ⲫⲏⲣⲓ ⲛ̀ⲡⲁⲓϧⲉⲗⲗⲟ ⲛ̀ⲙⲁⲕⲁⲣⲓⲟⲥ: ⲟⲩⲟϩ ⲛⲁⲑⲗⲓⲧⲏⲥ ⲛ̀ⲙⲟϣⲓ ⲇⲉ: ⲁⲛⲓ ⲉ̀ϫⲉⲛ ⲟⲩⲕⲁⲗⲏⲃⲉ:	anmoṡi nem neneryou: ǹmylion s̀nav ie ṡomt: ouṡ̀fyri èmaṡō: te t̀ṡ̀fyri ǹpaixello ǹmakarios: ouoh naθlitys ǹmoṡi ḋe: ani èjen oukalyve:	and we journeyed along together two or three miles, and this blessed old man and athlete was one to marvel at exceedingly. And we journeyed on, and we came to a hut,
82	ⲛ̅ⲧⲉⲣⲛ̅ⲃⲱⲕ ⲇⲉ ⲉϩⲟⲩⲛ ⲉⲧⲕⲁⲗⲩⲃⲉ ⲁϥⲁϩⲉⲣⲁⲧϥ̅ ⲁϥϣⲗⲏⲗ ⲛⲙ̅ⲙⲁⲓ ·	ⲉ̀ⲧⲁⲛⲃⲱⲕ ⲇⲉ ⲉ̀ϧⲟⲩⲛ ⲉ̀ⲧ̀ⲕⲁⲗⲩⲃⲉ ⲁϥⲁϩⲉⲣⲁⲧϥ ⲁϥϣ̀ⲗⲏⲗ ⲛⲉⲙⲏⲓ:	ètanvōk ḋe èxoun èt̀kalive afaheratf afṡ̀lyl nemyi:	And when we had entered into the hut he stood up and prayed with me.

Provenance

title: Life of Onnophrius part 2
dialect: sahidic
source: Coptic SCRIPTORIUM corpus "life-onnophrius", document life.onnophrius.02
licence: CC-BY 4.0
share: attribution
attribution: Life of Onnophrius part 2 from Coptic SCRIPTORIUM (https://copticscriptorium.org), corpus life-onnophrius, document life.onnophrius.02, version 6.2.0 (2025-11-25), annotations by Amir Zeldes, Lance Martin, Elizabeth Davidson, Philippe Zaher, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
file: Hagiography/Life of onnophrius/life.onnophrius.02.sahidic.scriptorium.L0.txt
title: Life of Onnophrius part 2 — Cairene
dialect: bohairic
source: generated from life.onnophrius.02.sahidic.scriptorium.L0.txt (Coptic SCRIPTORIUM corpus "life-onnophrius", document life.onnophrius.02)
licence: CC BY-SA 4.0
share: attribution
attribution: Life of Onnophrius part 2 from Coptic SCRIPTORIUM (https://copticscriptorium.org), corpus life-onnophrius, document life.onnophrius.02, version 6.2.0 (2025-11-25), annotations by Amir Zeldes, Lance Martin, Elizabeth Davidson, Philippe Zaher, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
generated by: tools/sahidic_to_cairene.py (route D, C3a 2026-09-24; tier a, ROUTE-2 2026-09-26) then tools/cairene.py from_witness dialect=bohairic on the intermediate (L1 = Cairene(N_B(D(N_S(L0)))), RI-038; word division church); Sahidic N stage counts: abbrev=1 lexeme_L1-S-3=3 lexeme_L1-S-8=1 lexeme_open=4 n_morphs_fallback=1 numeral_single_ambiguous=5 stroke_kept=314 th_resolved=6 tokens=702
file: Hagiography/Life of onnophrius/life.onnophrius.02.sahidic.scriptorium.L1.txt
title: Life of Onnophrius part 2 — Kemetic
dialect: bohairic
source: generated from life.onnophrius.02.sahidic.scriptorium.L1.txt
licence: CC BY-SA 4.0
share: attribution
attribution: Life of Onnophrius part 2 from Coptic SCRIPTORIUM (https://copticscriptorium.org), corpus life-onnophrius, document life.onnophrius.02, version 6.2.0 (2025-11-25), annotations by Amir Zeldes, Lance Martin, Elizabeth Davidson, Philippe Zaher, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Hagiography/Life of onnophrius/life.onnophrius.02.sahidic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 81 quoted · 0 quoted with the alignment not cross-checked · 1 model drafts (marked “draft”)
quoted from: E. A. Wallis Budge — aligned in Coptic SCRIPTORIUM life-onnophrius, life.onnophrius.02 (81 lines)

Cite as:

Life of Onnophrius part 2. Coptic SCRIPTORIUM corpus "life-onnophrius", document life.onnophrius.02. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/life-of-onnophrius/life.onnophrius.02.sahidic.scriptorium/. Life of Onnophrius part 2 from Coptic SCRIPTORIUM (https://copticscriptorium.org), corpus life-onnophrius, document life.onnophrius.02, version 6.2.0 (2025-11-25), annotations by Amir Zeldes, Lance Martin, Elizabeth Davidson, Philippe Zaher, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.