Life of Onnophrius part 3 — Coptic · Cairene

Source and licence

share: attributionsahidic

Source: Coptic SCRIPTORIUM corpus "life-onnophrius", document life.onnophrius.03

Attribution: Life of Onnophrius part 3 from Coptic SCRIPTORIUM (https://copticscriptorium.org), corpus life-onnophrius, document life.onnophrius.03, version 6.2.0 (2025-11-25), annotations by Amir Zeldes, Lance Martin, Elizabeth Davidson, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

86 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	Ⲛⲧⲉⲣⲛ̅ϫⲱⲕ ⲇⲉ ⲉⲃⲟⲗ ⲙ̅ⲡⲉϣⲗⲏⲗ · ⲁⲛϯ ⲙ̅ⲡϩⲁⲙⲏⲛ ·	ⲉ̀ⲧⲁⲛϫⲱⲕ ⲇⲉ ⲉ̀ⲃⲟⲗ ⲛ̀ⲡ̀ϣ̀ⲗⲏⲗ: ⲁⲛϯ ⲛ̀ⲡ̀ϩⲁⲙⲏⲛ:	ètangōk ḋe èvol ǹp̀ṡ̀lyl: anti ǹp̀hamyn:	And when we had finished the prayer we gave (i.e. said) the 'Amen',
2	ⲁⲛϩⲙⲟⲟⲥ ⲇⲉ ϩⲓⲟⲩⲥⲟⲡ	ⲁⲛϩⲉⲙⲥⲓ ⲇⲉ ϩⲓ ⲟⲩⲥⲟⲡ	anhemsi ḋe hi ousop	and we sat down together
3	ⲁⲛϭⲱ ⲛ̅ϣⲁϫⲉ ⲙ̅ⲙⲛ̅ⲧ̅ⲛⲟϭ ⲙ̅ⲡⲛⲟⲩⲧⲉ ·	ⲁⲛϭⲱ ⲛ̀ⲥⲁϫⲓ ⲛ̀ⲙⲉⲧⲛⲓϣϯ ⲛ̀ⲫ̀ⲛⲟⲩϯ:	anċō ǹsaji ǹmetniṡti ǹf̀nouti:	and talked on about the majesty of God.
4	ⲁⲩⲱ ⲙ̅ⲡⲛⲁⲩ ⲙ̅ⲡⲣⲏ ⲉϥⲛⲁϩⲱⲧⲡ̅ · ⲁⲓϭⲱϣⲧ̅	ⲟⲩⲟϩ ⲛ̀ⲡ̀ⲛⲁⲩ ⲛ̀ⲡ̀ⲣⲏ ⲉϥⲛⲁϩⲱⲧⲡ: ⲁⲓϫⲟⲩϣⲧ	ouoh ǹp̀nav ǹp̀ry efnahōtp: aigouṡt	And at the time when the sun was about to set I looked
5	ⲁⲓⲛⲁⲩ ⲉⲩⲟⲉⲓⲕ ⲉϥⲕⲏ ⲉϩⲣⲁⲓ ⲙⲛ̅ⲟⲩϩⲛⲁⲩ ⲙ̅ⲙⲟⲟⲩ ·	ⲁⲓⲛⲁⲩ ⲉ̀ⲟⲩⲱⲓⲕ ⲉϥⲭⲏ ⲉϩⲣⲁⲓ ⲛⲉⲙ ⲟⲩϩⲛⲁⲩ ⲛ̀ⲙⲟⲩ:	ainav èouōik efky ehrai nem ouhnav ǹmou:	and I saw a loaf of bread and a vessel of water.
6	ⲡⲉϫⲁϥ ⲛⲁⲓ̅ ϫⲉⲧⲱⲟⲩⲛ ⲡⲁⲥⲟⲛ ⲛⲅ̅ⲟⲩⲱⲙ · ⲁⲩⲱ ⲛⲅ̅ⲥⲱ ⲙ̅ⲡⲉⲓⲕⲟⲩⲓ ⲙ̅ⲙⲟⲟⲩ · ϫⲉϯⲛⲁⲩ ⲉⲣⲟⲕ ϫⲉⲉⲕⲕⲩⲛⲇⲩⲛⲉⲩⲉ · ϩⲁⲡⲉϩⲕⲟ · ⲙⲛ̅ⲡⲉⲓⲃⲉ ⲙⲛ̅ⲡϩⲓⲥⲉ ⲛ̅ⲛⲉϩⲓⲟⲟⲩⲉ ·	ⲡⲉϫⲁϥ ⲛⲏⲓ ϫⲉ ⲧⲱⲟⲩⲛ ⲡⲁⲥⲟⲛ ⲛ̀ⲧⲉⲕⲟⲩⲱⲙ: ⲟⲩⲟϩ ⲛ̀ⲧⲉⲕⲥⲱ ⲛ̀ⲡⲁⲓⲕⲟⲩϫⲓ ⲛ̀ⲙⲟⲩ: ϫⲉ ϯⲛⲁⲩ ⲉ̀ⲣⲟⲕ ϫⲉ ⲁⲣⲉⲕⲕⲩⲛⲇⲩⲛⲉⲩⲉ: ϧⲁ ⲡ̀ϩⲕⲟ: ⲛⲉⲙ ⲡⲓⲃⲓ ⲛⲉⲙ ⲡ̀ϧⲓⲥⲓ ⲛ̀ⲛ̀ⲙⲱⲓⲧ:	pegaf nyi je tōoun pason ǹtekouōm: ouoh ǹtek·sō ǹpaikouji ǹmou: je tinav èrok je arekkinḋineve: xa p̀hko: nem pivi nem p̀xisi ǹǹmōit:	And he said unto me, ``Rise up, my brother, and eat, and drink this small quantity of water, for I see that thou art exhausted by hunger and thirst, and by the toil of the road.''
7	ⲁⲛⲟⲕ ⲇⲉ ⲡⲉϫⲁⲓ ⲛⲁϥ ϫⲉϥⲟⲛϩ̅ ⲛ̅ϭⲓⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ · ϫⲉⲛ̅ϯⲛⲁⲟⲩⲱⲙ ⲁⲛ ⲟⲩⲇⲉ ⲛ̅ϯⲛⲁⲥⲱ ⲁⲛ ϣⲁⲛⲧⲛ̅ⲥⲟⲟⲩⲧⲛ̅ ⲉⲃⲟⲗ ⲛ̅ⲧⲛ̅ⲟⲩⲱⲙ ⲙⲛ̅ⲛⲉⲛⲉⲣⲏⲩ ·	ⲁⲛⲟⲕ ⲇⲉ ⲡⲉϫⲁⲓ ⲛⲁϥ ϫⲉ ϥ̀ⲟⲛϧ ⲛ̀ϫⲉ ⲫ̀ⲛⲟⲩϯ ⲡⲓⲡⲁⲛⲧⲱⲕⲣⲁⲧⲱⲣ: ϫⲉ ⲛ̀ϯⲛⲁⲟⲩⲱⲙ ⲁⲛ ⲟⲩⲇⲉ ⲛ̀ϯⲛⲁⲥⲱ ⲁⲛ ϣⲁⲧⲛⲥⲟⲩⲧⲉⲛ ⲉ̀ⲃⲟⲗ ⲛ̀ⲧⲉⲧⲉⲛⲟⲩⲱⲙ ⲛⲉⲙ ⲛⲉⲛⲉⲣⲏⲟⲩ:	anok ḋe pegai naf je f̀onx ǹje f̀nouti pipantōkratōr: je ǹtinaouōm an ouḋe ǹtinasō an ṡatnsouten èvol ǹtetenouōm nem neneryou:	And I said unto him, ``As God Almighty liveth, I will neither eat nor drink unless we stretch ourselves out and eat the bread together.''
8	Ⲛ̅ⲧⲉⲣⲉⲓϭⲱ ⲇⲉ ⲉⲓϭⲱⲣϣ̅ ⲉⲣⲟϥ ⲙⲟⲅⲓⲥ ⲁⲛⲥⲟⲟⲩⲧⲛ̅ ⲉⲃⲟⲗ · ⲙⲛ̅ⲛⲉⲛⲉⲣⲏⲩ ·	ⲉ̀ⲧⲁⲓϭⲱ ⲇⲉ ⲉⲓϭⲱⲣⲉϣ ⲉ̀ⲣⲟϥ ⲙⲟⲅⲓⲥ ⲁⲛⲥⲟⲩⲧⲉⲛ ⲉ̀ⲃⲟⲗ: ⲛⲉⲙ ⲛⲉⲛⲉⲣⲏⲟⲩ:	ètaiċō ḋe eiċōreṡ èrof mogis ansouten èvol: nem neneryou:	And when I continued to press him with difficulty [he agreed], and we stretched ourselves out together,
9	ⲁⲛⲡⲱϣ ⲙ̅ⲡⲟⲉⲓⲕ	ⲁⲛⲫⲱϣ ⲛ̀ⲡⲱⲓⲕ	anfōṡ ǹpōik	and we divided the bread,
10	ⲁⲛⲟⲩⲱⲙ ·	ⲁⲛⲟⲩⲱⲙ:	anouōm:	draft · highWe ate.
11	ⲁⲛⲕⲱ ⲉⲡⲁϩⲟⲩ ⲛ̅ϩⲏⲧϥ̅ ·	ⲁⲛⲭⲱ ⲉ̀ⲫⲁϩⲟⲩ ⲛ̀ϧⲏⲧϥ:	ankō èfahou ǹxytf:	draft · lowWe left the rest behind in it.
12	ⲁⲛⲥⲱ ⲇⲉ ⲟⲛ ⲙ̅ⲡⲉⲥⲛⲁⲩ ϩⲙ̅ⲡⲉϩⲛⲁⲩ ⲙ̅ⲙⲟⲟⲩ ·	ⲁⲛⲥⲱ ⲇⲉ ⲟⲛ ⲛ̀ⲡⲥ̀ⲛⲁⲩ ϧⲉⲛ ⲡ̀ϩⲛⲁⲩ ⲛ̀ⲙⲟⲩ:	ansō ḋe on ǹp·s̀nav xen p̀hnav ǹmou:	and the two of us drank from the vessel of water,
13	ⲁⲛⲥⲉⲓ ⲁⲩⲱ ⲁⲛⲕⲱ ⲉⲡⲁϩⲟⲩ ⲛ̅ϩⲏⲧϥ̅ ·	ⲁⲛⲥⲓ ⲟⲩⲟϩ ⲁⲛⲭⲱ ⲉ̀ⲫⲁϩⲟⲩ ⲛ̀ϧⲏⲧϥ:	ansi ouoh ankō èfahou ǹxytf:	and we were satisfied, and we left some of it in the vessel.
14	ⲁⲩⲱ ⲁⲛⲣ̅ⲧⲉⲩϣⲏ ⲧⲏⲣⲥ̅ ⲛ̅ϣⲗⲏⲗ · ⲉⲡⲛⲟⲩⲧⲉ ϣⲁϩⲧⲟⲟⲩⲉ ·	ⲟⲩⲟϩ ⲁⲛⲉⲣⲧⲉⲩϣⲏ ⲧⲏⲣⲥ ⲛ̀ϣ̀ⲗⲏⲗ: ⲉ̀ⲫ̀ⲛⲟⲩϯ ϣⲁ ϩⲧⲟⲟⲩⲉ:	ouoh anertevṡy tyrs ǹṡ̀lyl: èf̀nouti ṡa htooue:	And we passed the whole night in prayer, and we prayed to God until the morning.
15	ⲛ̅ⲧⲉⲣⲉϩⲧⲟⲟⲩⲉ ⲇⲉ ϣⲱⲡⲉ ⲁⲓⲛⲁⲩ ⲉⲡⲉϥϩⲟ ⲛ̅ⲧⲁϥϣⲓⲃⲉ	ⲉ̀ⲧⲁϩⲧⲟⲟⲩⲉ ⲇⲉ ϣⲱⲡⲓ ⲁⲓⲛⲁⲩ ⲉ̀ⲡⲉϥϩⲟ ⲉⲧⲁϥϣⲓⲃⲉ	ètahtooue ḋe ṡōpi ainav èpefho etafṡive	And when it was morning I saw that his face was changed,
16	ⲁϥⲡⲱⲛⲉ · ϩⲱⲥ ⲛϥ̅ⲣ̅ⲑⲉ ⲛ̅ⲕⲉⲣⲱⲙⲉ	ⲁϥⲡⲱⲛⲉ: ϩⲱⲥ ⲛ̀ⲧⲉϥⲉⲣⲫ̀ⲣⲏϯ ⲛ̀ⲕⲉⲣⲱⲙⲓ	afpōne: hōs ǹteferf̀ryti ǹkerōmi	and was altogether transformed, and that it was like unto that of another man,
17	ⲁϥⲣ̅ⲑⲉ ⲛ̅ⲟⲩⲕⲱϩⲧ̅ ⲧⲏⲣϥ̅ ·	ⲁϥⲉⲣⲫ̀ⲣⲏϯ ⲛ̀ⲟⲩⲭ̀ⲣⲱⲙ ⲧⲏⲣϥ:	aferf̀ryti ǹouk̀rōm tyrf:	and that it seemed to be [made] wholly of fire.
18	ⲁⲩⲱ ⲁⲧⲉϥⲙⲟⲣⲫⲏ ϯϩⲟⲧⲉ ⲛⲁⲓ ⲉⲙⲁⲧⲉ ·	ⲟⲩⲟϩ ⲁⲧⲉϥⲙⲟⲣⲫⲏ ϯϩⲟⲧⲉ ⲛⲏⲓ ⲉ̀ⲙⲁϣⲱ:	ouoh atefmorfy tihote nyi èmaṡō:	And his form terrified me exceedingly.
19	ⲛ̅ⲧⲟϥ ⲇⲉ ⲡⲉϫⲁϥ ⲛⲁⲓ · ϫⲉⲙ̅ⲡⲣ̅ⲣ̅ϩⲟⲧⲉ ⲡⲁⲥⲟⲛ · ⲡⲁⲡⲛⲟⲩⲧⲉ · ⲛ̅ⲧⲁⲡϫⲥ̅ ⲅⲁⲣ ⲧⲛ̅ⲛⲟⲟⲩⲕ ⲉϥⲓ ⲡⲣⲟⲟⲩϣ ⲙ̅ⲡⲁⲥⲱⲙⲁ ⲛⲅ̅ⲧⲟⲙⲥϥ̅	ⲛ̀ⲑⲟϥ ⲇⲉ ⲡⲉϫⲁϥ ⲛⲏⲓ: ϫⲉ ⲙ̀ⲡⲉⲣⲉⲣϩⲟϯ ⲡⲁⲥⲟⲛ: ⲡⲁⲫ̀ⲛⲟⲩϯ: ⲉ̀ⲧⲁ ⲡ̀ϭⲟⲓⲥ ⲅⲁⲣ ⲟⲩⲟⲣⲡⲕ ⲉ̀ϥⲁⲓ ⲡ̀ⲣⲱⲟⲩϣ ⲛ̀ⲡⲁⲥⲱⲙⲁ ⲛ̀ⲧⲉⲕⲑⲟⲙⲥϥ	ǹθof ḋe pegaf nyi: je m̀pererhoti pason: paf̀nouti: èta p̀ċois ġar ouorpk èfai p̀rōouṡ ǹpasōma ǹtekθomsf	And he said unto me, 'Fear thou not, O my brother in God, for the Lord hath sent thee to care for my body, and to bury it.
20	ϩⲣⲁⲓ ⲅⲁⲣ ϩⲙ̅ⲡⲟⲟⲩ ⲛ̅ϩⲟⲟⲩ ϯⲛⲁϫⲱⲕ ⲉⲃⲟⲗ ⲛ̅ⲧⲁⲟⲓⲕⲟⲛⲟⲙⲓⲁ ⲧⲁⲃⲱⲕ ⲉⲡⲙⲁ ⲛ̅ⲙ̅ⲧⲟⲛ ϣⲁⲉⲛⲉϩ ·	ϩⲣⲁⲓ ⲅⲁⲣ ϧⲉⲛ ⲡ̀ⲉ̀ϩⲟⲟⲩ ⲛ̀ⲉ̀ϩⲟⲟⲩ ϯⲛⲁϫⲱⲕ ⲉ̀ⲃⲟⲗ ⲛ̀ⲧⲁⲟⲓⲕⲟⲛⲟⲙⲓⲁ ⲧⲁⲃⲱⲕ ⲉ̀ⲡ̀ⲙⲁ ⲛ̀ⲙ̀ⲧⲟⲛ ϣⲁ ⲉ̀ⲛⲉϩ:	hrai ġar xen p̀èhoou ǹèhoou tinagōk èvol ǹtaoikonomia tavōk èp̀ma ǹm̀ton ṡa èneh:	In a day or two I shall fulfil my stewardship, and shall go to the place of everlasting rest.'
21	ⲛⲉⲥⲟⲩⲙⲛ̅ⲧⲁⲥⲉ ⲅⲁⲣ ⲙ̅ⲡⲉⲃⲟⲧ ⲡⲁⲱⲛⲉ ⲡⲉ ⲡⲉϩⲟⲟⲩ ⲉⲧⲙ̅ⲙⲁⲩ ·	ⲛⲁⲥⲟⲩⲙⲛ̀ⲧⲁⲥⲉ ⲅⲁⲣ ⲛ̀ⲡⲉⲃⲟⲧ ⲡⲁⲱⲛⲉ ⲡⲉ ⲡ̀ⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ:	nasoumǹtase ġar ǹpevot paōne pe p̀èhoou ète m̀mav:	Now that day was the sixteenth day of the month Paone [June 10].
22	ⲡⲉϫⲁϥ ⲟⲛ ⲛⲁⲓ ϫⲉⲉⲕϣⲁⲛⲃⲱⲕ ⲉⲕⲏⲙⲉ ⲧⲁϣⲉⲟⲉⲓϣ ⲙ̅ⲡⲁⲣ̅ⲡⲙⲉⲉⲩⲉ · ⲉⲩⲥϯⲛⲟⲩϥⲉ ⲛ̅ⲛⲉⲥⲛⲏⲩ ·	ⲡⲉϫⲁϥ ⲟⲛ ⲛⲏⲓ ϫⲉ ⲁⲕϣⲁⲛⲃⲱⲕ ⲉ̀ⲭⲏⲙⲓ ⲧⲁϣⲉⲟⲉⲓϣ ⲛ̀ⲡⲁⲣ̀ⲡⲙⲉⲉⲩⲉ: ⲉⲩⲥϯⲛⲟⲩϥⲉ ⲛ̀ⲛ̀ⲥ̀ⲛⲏⲟⲩ:	pegaf on nyi je akṡanvōk èkymi taṡeoeiṡ ǹpar̀pmeeve: evstinoufe ǹǹs̀nyou:	And he also said unto me, 'When thou departest into Egypt proclaim the remembrance of me as a sweet-smelling thing to the brethren.
23	ⲡⲉⲧⲛⲁϯ ⲛ̅ⲟⲩⲡⲣⲟⲥⲫⲟⲣⲁ · ϩⲙ̅ⲡⲁⲣⲁⲛ ⲉⲩⲣ̅ⲡⲙⲉⲉⲩⲉ ⲛⲁⲓ · ⲓ̅ⲥ̅ ϩⲱⲱϥ ⲛⲁⲛ̅ⲧϥ̅ ϩⲛ̅ⲧϣⲟⲣⲡ̅ ⲛ̅ⲟⲩⲛⲟⲩ ⲙ̅ⲡϣⲟ ⲛ̅ⲣⲟⲙⲡⲉ ·	ⲡⲉⲧⲛⲁϯ ⲛ̀ⲟⲩⲡ̀ⲣⲟⲥⲫⲟⲣⲁ: ϧⲉⲛ ⲡⲁⲣⲁⲛ ⲉⲩⲉⲣⲫ̀ⲙⲉⲩⲓ ⲛⲏⲓ: ⲓⲏⲥⲟⲩⲥ ϩⲱϥ ⲛⲁⲉⲛϥ ϧⲉⲛ ⲧ̀ϣⲟⲣⲡ ⲛ̀ⲟⲩⲛⲟⲩ ⲛ̀ⲡ̀ϣⲟ ⲛ̀ⲣⲟⲙⲡⲓ:	petnati ǹoup̀rosfora: xen paran everf̀mevi nyi: iysous hōf naenf xen t̀ṡorp ǹounou ǹp̀ṡo ǹrompi:	Whosoever shall make an offering in my name, and keep me in remembrance, Jesus Himself shall bring him in the first hour of a thousand years.'
24	ⲁⲛⲟⲕ ⲇⲉ ⲡⲉϫⲁⲓ ⲛⲁϥ · ϫⲉⲉϣⲱⲡⲉ ⲟⲩϩⲏⲕⲉ ⲡⲉ ⲉⲙⲛ̅[ϣ]ϭⲟⲙ ⲙ̅ⲙⲟϥ · ⲉϯⲛ̅ⲟⲩⲡⲣⲟⲥⲫⲟⲣⲁ ⲙ̅ⲡⲉⲕⲣⲁⲛ ·	ⲁⲛⲟⲕ ⲇⲉ ⲡⲉϫⲁⲓ ⲛⲁϥ: ϫⲉ ⲉϣⲱⲡ ⲟⲩϩⲏⲕⲓ ⲡⲉ ⲉⲙ̀ⲙⲟⲛ ϣϭⲟⲙ ⲙ̀ⲙⲟϥ: ⲉ̀ϯⲛⲟⲩⲡ̀ⲣⲟⲥⲫⲟⲣⲁ ⲛ̀ⲧⲉ ⲡⲉⲕⲣⲁⲛ:	anok ḋe pegai naf: je eṡōp ouhyki pe em̀mon ṡċom m̀mof: ètinoup̀rosfora ǹte pekran:	And I said unto him, 'If he be a poor man he will not be able to give an offering in thy name.'
25	ⲡⲉϫⲁϥ ⲛⲁⲓ ϫⲉⲙⲁⲣⲉϥⲧⲙ̅ⲙⲉ ⲟⲩⲥⲟⲛ ⲛ̅ϩⲏⲕⲉ ϩⲙ̅ⲡⲁⲣⲁⲛ ·	ⲡⲉϫⲁϥ ⲛⲏⲓ ϫⲉ ⲙⲁⲣⲉϥⲧⲙ̀ⲙⲉ ⲟⲩⲥⲟⲛ ⲛ̀ϩⲏⲕⲓ ϧⲉⲛ ⲡⲁⲣⲁⲛ:	pegaf nyi je mareftm̀me ouson ǹhyki xen paran:	And he said unto me, 'Let him feed a poor brother in my name.'
26	Ⲡⲉϫⲁϥ ⲛⲁⲓ ϫⲉⲉϣⲱⲡⲉ ⲟⲩϩⲏⲕⲉ ⲡⲉ ⲙⲛ̅ϣϭⲟⲙ ⲙ̅ⲙⲟϥ ⲉⲧⲙ̅ⲙⲟϥ · ⲕⲛⲁⲛ̅ⲧϥ̅ ⲁⲛ ⲉⲡⲇⲩⲡⲛⲟⲛ ⲛ̅ⲧϣⲟⲣⲡ̅ ⲛ̅ⲟⲩⲛⲟⲩ ⲙ̅ⲡϣⲟ ⲛ̅ⲣⲟⲙⲡⲉ ·	ⲡⲉϫⲁϥ ⲛⲏⲓ ϫⲉ ⲉϣⲱⲡ ⲟⲩϩⲏⲕⲓ ⲡⲉ ⲛⲉⲙ ϣϭⲟⲙ ⲙ̀ⲙⲟϥ ⲉ̀ⲧⲙ̀ⲙⲟϥ: ⲕ̀ⲛⲁⲉⲛϥ ⲁⲛ ⲉ̀ⲡ̀ⲇⲩⲡⲛⲟⲛ ⲛ̀ⲧ̀ϣⲟⲣⲡ ⲛ̀ⲟⲩⲛⲟⲩ ⲛ̀ⲡ̀ϣⲟ ⲛ̀ⲣⲟⲙⲡⲓ:	pegaf nyi je eṡōp ouhyki pe nem ṡċom m̀mof ètm̀mof: k̀naenf an èp̀ḋipnon ǹt̀ṡorp ǹounou ǹp̀ṡo ǹrompi:	And I said unto him, 'If he be a poor man he will not be able to feed him; wilt thou not take him in to the feast at the first hour of a thousand years?'
27	ⲡⲉϫⲁϥ ⲛⲁⲓ̈ ϫⲉⲙⲁⲣⲉϥϯ ⲟⲩⲕⲟⲩⲓ ⲛ̅ⲥⲧⲟⲓ ϩⲙ̅ⲡⲁⲣⲁⲛ ·	ⲡⲉϫⲁϥ ⲛⲏⲓ ϫⲉ ⲙⲁⲣⲉϥϯ ⲟⲩⲕⲟⲩϫⲓ ⲛ̀ⲥⲧⲟⲓ ϧⲉⲛ ⲡⲁⲣⲁⲛ:	pegaf nyi je marefti oukouji ǹstoi xen paran:	And he said unto me, 'Let him give a little scent in my name.'
28	ⲁⲛⲟⲕ ⲇⲉ ⲡⲉϫⲁⲓ ⲛⲁϥ · ϫⲉⲉϣⲱⲡⲉ · ⲟⲩϩⲏⲕⲉ ⲡⲉ ⲙⲛ̅ϣϭⲟⲙ ⲙ̅ⲙⲟϥ ⲉϯⲥⲧⲟⲓ · ⲉϩⲣⲁⲓ ⲙ̅ⲡⲉⲕⲣⲁⲛ · ⲉⲧⲃⲉⲧⲙⲛ̅ⲧ̅ϩⲏⲕⲉ ·	ⲁⲛⲟⲕ ⲇⲉ ⲡⲉϫⲁⲓ ⲛⲁϥ: ϫⲉ ⲉϣⲱⲡ: ⲟⲩϩⲏⲕⲓ ⲡⲉ ⲛⲉⲙ ϣϭⲟⲙ ⲙ̀ⲙⲟϥ ⲉ̀ϯⲥⲧⲟⲓ: ⲉϩⲣⲁⲓ ⲛ̀ⲡⲉⲕⲣⲁⲛ: ⲉⲑⲃⲉ ⲧ̀ⲙⲉⲧϩⲏⲕⲓ:	anok ḋe pegai naf: je eṡōp: ouhyki pe nem ṡċom m̀mof ètistoi: ehrai ǹpekran: eθve t̀met·hyki:	And I said unto him, 'If he be a poor man he will not be able to give scent in thy name because of [his] poverty.
29	ⲁⲓⲟ ⲡⲁⲉⲓⲱⲧ ⲉⲧⲛⲁⲛⲟⲩϥ ⲙⲁⲣⲉⲡⲉⲕⲛⲁ ⲧⲁϩⲟⲛ ⲧⲏⲣⲛ̅ ϫⲉⲡⲉⲧⲕ̅ⲛⲁⲁⲓⲧⲉⲓ ⲙ̅ⲙⲟϥ ⲛ̅ⲧⲙ̅ⲡⲛⲟⲩⲧⲉ · ⲡⲛⲟⲩⲧⲉ ⲛⲁⲧⲁⲁϥ ⲛⲁⲕ ·	ⲁⲓⲟ ⲡⲁⲓⲱⲧ ⲉⲧⲛⲁⲛⲉϥ ⲙⲁⲣⲉ ⲡⲉⲕⲛⲁ ⲧⲁϩⲟⲛ ⲧⲏⲣⲛ ϫⲉ ⲡⲉⲧⲕⲛⲁⲁⲓⲧⲉⲓ ⲙ̀ⲙⲟϥ ⲛ̀ⲧⲉⲙⲫ̀ⲛⲟⲩϯ: ⲫ̀ⲛⲟⲩϯ ⲛⲁⲧⲏⲓϥ ⲛⲁⲕ:	aio paiōt etnanef mare pekna tahon tyrn je petknaaitei m̀mof ǹtemf̀nouti: f̀nouti natyif nak:	O my good father, let thy grace be with us all, for whatsoever thou shalt ask of God that will God give unto thee.'
30	ⲡⲉϫⲁϥ ⲛⲁⲓ ϫⲉⲙⲁⲣⲉϥⲁϩⲉⲣⲁⲧϥ̅ ⲛϥ̅ϫⲉϣⲟⲙⲛ̅ⲧ̅ ⲛ̅ⲥⲟⲡ ⲛ̅ϣⲗⲏⲗ ⲉⲡⲛⲟⲩⲧⲉ · ϩⲙ̅ⲡⲁⲣⲁⲛ ⲁⲩⲱ ⲡϫⲥ̅ ⲓ̅ⲥ̅ ⲛⲁⲛⲧϥ̅ ⲉⲡϣⲟ ⲛ̅ⲣⲟⲙⲡⲉ · ⲛϥ̅ⲕⲗⲏⲣⲟⲛⲟⲙⲉⲓ ⲙⲛ̅ⲛⲉⲧⲟⲩⲁⲁⲃ ⲧⲏⲣⲟⲩ ·	ⲡⲉϫⲁϥ ⲛⲏⲓ ϫⲉ ⲙⲁⲣⲉϥⲁϩⲉⲣⲁⲧϥ ⲛ̀ⲧⲉϥϫⲉϣⲟⲙⲧ ⲛ̀ⲥⲟⲡ ⲛ̀ϣ̀ⲗⲏⲗ ⲉ̀ⲫ̀ⲛⲟⲩϯ: ϧⲉⲛ ⲡⲁⲣⲁⲛ ⲟⲩⲟϩ ⲡ̀ϭⲟⲓⲥ ⲓⲏⲥⲟⲩⲥ ⲛⲁⲉⲛϥ ⲉ̀ⲡ̀ϣⲟ ⲛ̀ⲣⲟⲙⲡⲓ: ⲛ̀ⲧⲉϥⲉⲣⲕⲗⲏⲣⲟⲛⲟⲙⲓⲛ ⲛⲉⲙ ⲛⲉⲑⲟⲩⲁⲃ ⲧⲏⲣⲟⲩ:	pegaf nyi je marefaheratf ǹtefjeṡomt ǹsop ǹṡ̀lyl èf̀nouti: xen paran ouoh p̀ċois iysous naenf èp̀ṡo ǹrompi: ǹteferklyronomin nem neθouab tyrou:	And he said unto me, 'Let him stand up and say three times prayers to God in my name, and the Lord Jesus shall bring him to the thousand years, and he shall receive an inheritance with all the saints.'
31	ⲁⲛⲟⲕ ⲇⲉ ⲡⲉϫⲁⲓ ⲛⲁϥ ϫⲉⲱ̅ ⲡⲁⲉⲓⲱⲧ ⲉⲧⲟⲩⲁⲁⲃ · ⲉϣⲱⲡⲉ ϯⲙ̅ⲡϣⲁ · ϯⲟⲩⲱϣ ⲉⲧⲣⲁϣⲱⲡⲉ · ϩⲙ̅ⲡⲉⲕⲧⲟⲡⲟⲥ · ⲉⲧⲟⲩⲁⲁⲃ ⲉⲕϣⲁⲛⲗⲟ ϩⲙ̅ⲡⲉⲓⲥⲱⲙⲁ ·	ⲁⲛⲟⲕ ⲇⲉ ⲡⲉϫⲁⲓ ⲛⲁϥ ϫⲉ ⲱ̀ ⲡⲁⲓⲱⲧ ⲉⲑⲟⲩⲁⲃ: ⲉϣⲱⲡ ϯⲙ̀ⲡϣⲁ: ϯⲟⲩⲱϣ ⲉ̀ⲑⲣⲁϣⲱⲡⲓ: ϧⲉⲛ ⲡⲉⲕⲧⲟⲡⲟⲥ: ⲉⲑⲟⲩⲁⲃ ⲁⲕϣⲁⲛⲗⲟ ϧⲉⲛ ⲡⲁⲓⲥⲱⲙⲁ:	anok ḋe pegai naf je ṑ paiōt eθouab: eṡōp tim̀pṡa: tiouōṡ èθraṡōpi: xen pektopos: eθouab akṡanlo xen paisōma:	And I said unto him, 'O my holy father, if I am worthy of it, I should like to be present in thy holy abode when thou shalt cease [to be] in this body.'
32	ⲡⲉϫⲁϥ ⲛⲁⲓ ϫⲉⲙ̅ⲡⲱⲣ ⲡⲁϣⲏⲣⲉ ·	ⲡⲉϫⲁϥ ⲛⲏⲓ ϫⲉ ⲙ̀ⲡⲱⲣ ⲡⲁϣⲏⲣⲓ:	pegaf nyi je m̀pōr paṡyri:	And he said unto me, 'Certainly thou shalt, my son.
33	ⲙ̅ⲡⲟⲩⲧⲟϣⲕ̅ ⲅⲁⲣ ⲉϯⲟⲓⲕⲟⲛⲟⲙⲓⲁ · ⲁⲗⲗⲁ ⲛ̅ⲧⲁⲡϫⲥ̅ ⲧⲟϣⲕ̅ ⲉⲩⲥⲟⲗⲥⲗ̅ ⲛ̅ⲛⲉⲥⲛⲏⲩ ⲉⲧⲟⲩⲁⲁⲃ · ⲉⲧϣⲟⲟⲡ ϩⲙ̅ⲡϫⲁⲓⲉ · ⲉⲧⲣⲉⲕⲧⲁϣⲉⲟⲉⲓϣ ⲙ̅ⲙⲟⲟⲩ ⲙⲛ̅ⲡⲉⲩⲥϯⲛⲟⲩϥⲉ · ϩⲛ̅ⲧⲙⲏⲏⲧⲉ ⲛⲛⲉⲥⲛⲏⲩ · ⲛ̅ⲣϥ̅ϣⲙ̅ϣⲉⲛⲟⲩⲧⲉ ⲉⲩϩⲏⲩ ⲛ̅ⲛⲉⲧⲥⲱⲧⲙ̅	ⲙ̀ⲡⲉⲟⲩⲑⲁϣⲕ ⲅⲁⲣ ⲉ̀ⲧⲁⲓⲟⲓⲕⲟⲛⲟⲙⲓⲁ: ⲁⲗⲗⲁ ⲛ̀ⲧⲁ ⲡ̀ϭⲟⲓⲥ ⲑⲁϣⲕ ⲉ̀ⲟⲩⲥⲟⲗⲥⲉⲗ ⲛ̀ⲧⲉⲛ̀ⲥ̀ⲛⲏⲟⲩ ⲉⲑⲟⲩⲁⲃ: ⲉⲧϣⲟⲡ ϧⲉⲛ ⲡ̀ϫⲁⲓⲉ: ⲉ̀ⲑⲣⲉⲕⲧⲁϣⲉⲟⲉⲓϣ ⲙ̀ⲙⲱⲟⲩ ⲛⲉⲙ ⲡⲟⲩⲥϯⲛⲟⲩϥⲉ: ϧⲉⲛ ⲑ̀ⲙⲏϯ ⲛ̀ⲛ̀ⲥ̀ⲛⲏⲟⲩ: ⲛ̀ⲣϥ̀ϣⲙ̀ϣⲉⲛⲟⲩⲧⲉ ⲉ̀ⲟⲩϩⲏⲟⲩ ⲛ̀ⲛⲉⲧⲥⲱⲧⲉⲙ	m̀peouθaṡk ġar ètaioikonomia: alla ǹta p̀ċois θaṡk èousolsel ǹteǹs̀nyou eθouab: etṡop xen p̀gaie: èθrektaṡeoeiṡ m̀mōou nem poustinoufe: xen θ̀myti ǹǹs̀nyou: ǹrf̀ṡm̀ṡenoute èouhyou ǹnetsōtem	For thou hast not been appointed to the stewardship, but the Lord hath appointed thee to console the holy brethren who live in the desert, and to proclaim their sweet odour among the brethren who worship God for the benefit of those who hearken unto thee.
34	ⲃⲱⲕ ⲛⲁⲕ ⲉⲃⲟⲗ ⲉⲕⲏⲙⲉ ⲱ̅ ⲡⲁϣⲏⲣⲉ ⲛⲅ̅ϣⲱⲡⲉ · ⲉⲕⲙⲏⲛ ⲉⲃⲟⲗ ϩⲙ̅ⲡϩⲱⲃ ⲉⲧⲛⲁⲛⲟⲩϥ ·	ⲃⲱⲕ ⲛⲁⲕ ⲉ̀ⲃⲟⲗ ⲉ̀ⲭⲏⲙⲓ ⲱ̀ ⲡⲁϣⲏⲣⲓ ⲛ̀ⲧⲉⲕϣⲱⲡⲓ: ⲉⲕⲙⲏⲛ ⲉ̀ⲃⲟⲗ ϧⲉⲛ ⲡ̀ϩⲱⲃ ⲉⲧⲛⲁⲛⲉϥ:	vōk nak èvol èkymi ṑ paṡyri ǹtekṡōpi: ekmyn èvol xen p̀hōb etnanef:	Get thee forth to Egypt, O my son, and do thou continue to carry on the good work.'
35	ⲁⲛⲟⲕ ⲇⲉ ⲛ̅ⲧⲉⲩⲛⲟⲩ ⲁⲓⲡⲁϩⲧ̅ ⲉϫⲙ̅ⲡⲕⲁϩ ·	ⲁⲛⲟⲕ ⲇⲉ ⲛ̀ϯⲟⲩⲛⲟⲩ ⲁⲓⲡⲁϩⲉⲧ ⲉ̀ϫⲉⲛ ⲡ̀ⲕⲁϩⲓ:	anok ḋe ǹtiounou aipahet èjen p̀kahi:	And straightway I fell down upon the ground,
36	ⲡⲉϫⲁⲓ ⲛⲁϥ ϫⲉⲥⲙⲟⲩ ⲉⲣⲟⲓ ⲡⲁⲉⲓⲱⲧ · ⲛ̅ⲧⲉⲟⲩⲛⲁ ⲧⲁϩⲟⲓ ϩⲁϩⲧⲙ̅ⲡⲛⲟⲩⲧⲉ · ⲛ̅ⲑⲉ ⲛ̅ⲧⲁⲓⲙ̅ⲡϣⲁ ⲛ̅ⲛⲁⲩ ⲉⲣⲟⲕ ϩⲓϫⲙ̅ⲡⲕⲁϩ ⲛ̅ⲧⲁⲙ̅ⲡϣⲁ ⲟⲛ ⲛ̅ⲛⲁⲩ ⲉⲣⲟⲕ ϩⲙ̅ⲡⲕⲉⲁⲓⲱⲛ · ϩⲁϩⲧⲙ̅ⲡϫⲥ̅ ⲓⲥ̅ ⲡⲉⲭⲥ̅ ·	ⲡⲉϫⲁⲓ ⲛⲁϥ ϫⲉ ⲥ̀ⲙⲟⲩ ⲉ̀ⲣⲟⲓ ⲡⲁⲓⲱⲧ: ⲛ̀ⲧⲉⲟⲩⲛⲁ ⲧⲁϩⲟⲓ ϩⲁϩⲧⲉⲙ ⲫ̀ⲛⲟⲩϯ: ⲛ̀ⲫ̀ⲣⲏϯ ⲉⲧⲁⲓⲙ̀ⲡϣⲁ ⲛ̀ⲛⲁⲩ ⲉ̀ⲣⲟⲕ ϩⲓϫⲉⲛ ⲡ̀ⲕⲁϩⲓ ⲛ̀ⲧⲁⲙ̀ⲡϣⲁ ⲟⲛ ⲛ̀ⲛⲁⲩ ⲉ̀ⲣⲟⲕ ϧⲉⲛ ⲡ̀ⲕⲉⲁⲓⲱⲛ: ϩⲁϩⲧⲉⲙ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭⲥ:	pegai naf je s̀mou èroi paiōt: ǹteouna tahoi hahtem f̀nouti: ǹf̀ryti etaim̀pṡa ǹnav èrok hijen p̀kahi ǹtam̀pṡa on ǹnav èrok xen p̀keaiōn: hahtem p̀ċois iysous pik·s:	and I said unto him, 'Bless me, O my father, that I may be made to stand before God, and that as I have been held worthy to see thee upon the earth, I may also be held worthy to see thee in the Other World before the Lord Jesus the Christ.'
37	Ⲛ̅ⲧⲟϥ ⲇⲉ ⲡⲉϫⲁϥ ⲛⲁⲓ̅ · ϫⲉⲡⲁϣⲏⲣⲉ ⲙ̅ⲡⲛⲟⲩⲧⲉ ⲛⲁⲗⲩⲡⲉⲓ ⲙ̅ⲙⲟⲕ ⲁⲛ ϩⲛ̅ⲗⲁⲁⲩ ⲛ̅ϩⲱⲃ ⲉϥⲉⲧⲁϫⲣⲟⲕ ϩⲛ̅ⲧϥ̅ⲁⲅⲁⲡⲏ · ⲛ̅ⲧⲉⲛⲉⲕⲃⲁⲗ ϫⲓⲟⲩⲟⲉⲓⲛ · ϩⲛ̅ⲧϥ̅ⲙⲛ̅ⲧ̅ⲛⲟⲩⲧⲉ · ⲛ̅ⲛⲉⲕⲣⲓⲕⲉ ⲟⲩⲇⲉ ⲛ̅ⲛⲉⲕϩⲉ · ⲁⲗⲗⲁ ⲉⲕⲛⲁⲙⲁⲧⲉ ⲙ̅ⲫⲱⲃ · ⲛ̅ⲧⲁⲕϩⲓⲧⲟⲟⲧⲕ̅ ⲉⲣⲟϥ ·	ⲛ̀ⲑⲟϥ ⲇⲉ ⲡⲉϫⲁϥ ⲛⲏⲓ: ϫⲉ ⲡⲁϣⲏⲣⲓ ⲛ̀ⲫ̀ⲛⲟⲩϯ ⲛⲁⲗⲩⲡⲉⲓ ⲙ̀ⲙⲟⲕ ⲁⲛ ϧⲉⲛ ⲗⲁⲁⲩ ⲛ̀ϩⲱⲃ ⲉϥⲉ̀ⲧⲁϫⲣⲟⲕ ϧⲉⲛ ⲧⲉϥⲁ̀ⲅⲁⲡⲏ: ⲛ̀ⲧⲉ ⲛⲉⲕⲃⲁⲗ ϫⲓⲟⲩⲟⲉⲓⲛ: ϧⲉⲛ ⲧⲉϥⲙⲛ̀ⲧⲛⲟⲩⲧⲉ: ⲛ̀ⲛⲉⲕⲣⲓⲕⲓ ⲟⲩⲇⲉ ⲛ̀ⲛⲉⲕⲣⲏϯ: ⲁⲗⲗⲁ ⲁⲣⲉⲕⲛⲁⲙⲁⲧⲉ ⲛ̀ⲡ̀ϩⲱⲃ: ⲉⲧⲁⲕϩⲓⲧⲟⲧⲕ ⲉ̀ⲣⲟϥ:	ǹθof ḋe pegaf nyi: je paṡyri ǹf̀nouti nalipei m̀mok an xen laav ǹhōb efètagrok xen tefàġapy: ǹte nekval jiouoein: xen tefmǹtnoute: ǹnekriki ouḋe ǹnekryti: alla areknamate ǹp̀hōb: etak·hitotk èrof:	And he said unto me, 'O my son, may God not cause thee to grieve about any matter whatsoever, and may He strengthen thee in His love, so that thine eyes may receive the light of His Godhead, and so that thou mayest neither lean to one side nor fall, but mayest end successfully the work whereunto thou has set thy hand.
38	ⲉⲣⲉⲛ̅ⲁⲅⲅⲉⲗⲟⲥ ⲥⲕⲉⲡⲁⲍⲉ ⲙ̅ⲙⲟⲕ · ⲛ̅ⲥⲉⲛⲁϩⲙⲉⲕ ⲉⲛⲉⲡⲉⲓⲃⲟⲩⲗⲏ ⲛ̅ⲛⲓⲟⲩⲇⲁⲓ ⲛ̅ⲛⲉⲩϩⲉ ⲉⲗⲁⲁⲩ ⲛ̅ⲕⲁⲧⲏⲅⲟⲣⲓⲁ ⲉϩⲟⲩⲛ ⲉⲣⲟⲕ · ϩⲛ̅ⲧⲉⲕϭⲓⲛⲁⲡⲁⲛⲧⲁ ⲉⲡⲛⲟⲩⲧⲉ ·	ⲉ̀ⲣⲉⲛⲁⲅⲅⲉⲗⲟⲥ ⲉⲣⲥⲕⲉⲡⲁⲍⲓⲛ ⲙ̀ⲙⲟⲕ: ⲛ̀ⲧⲟⲩⲛⲁϩⲙⲉⲕ ⲉ̀ⲛⲉⲡⲉⲓⲃⲟⲩⲗⲏ ⲛ̀ⲛⲓⲟⲩⲇⲁⲓ ⲛ̀ⲛⲉⲩϫⲓⲙⲓ ⲉ̀ⲗⲁⲁⲩ ⲛ̀ⲕⲁⲧⲏⲅⲟⲣⲓⲁ ⲉ̀ϧⲟⲩⲛ ⲉ̀ⲣⲟⲕ: ϧⲉⲛ ⲧⲉⲕϭⲓⲛⲁⲡⲁⲛⲧⲁ ⲉ̀ⲫ̀ⲛⲟⲩϯ:	èrenangelos erskepazin m̀mok: ǹtounahmek ènepeibouly ǹnioudai ǹnevjimi èlaav ǹkatyġoria èxoun èrok: xen tekċinapanta èf̀nouti:	May the angels shelter thee, and deliver thee from the plottings of the Jews, and may no accusation fall upon thee when thou hast to meet God.'
39	Ⲛ̅ⲧⲉⲣⲉϥⲟⲩⲱ ⲇⲉ ⲉϥϫⲱ ⲛ̅ⲛⲁⲓ ⲁϥⲧⲱⲟⲩⲛ	ⲉ̀ⲧⲁϥⲟⲩⲱ ⲇⲉ ⲉϥϫⲱ ⲛ̀ⲛⲁⲓ ⲁϥⲧⲱⲟⲩⲛ	ètafouō ḋe efgō ǹnai aftōoun	And when he had made an end of saying these things he rose up,
40	ⲁϥϣⲗⲏⲗ ⲉⲡⲛⲟⲩⲧⲉ ϩⲛ̅ϩⲉⲛⲁϣⲁϩⲟⲙ ⲙⲛ̅ϩⲉⲛⲣⲙ̅ⲉⲓⲟⲟⲩⲉ ⲉⲩⲟϣ ·	ⲁϥϣ̀ⲗⲏⲗ ⲉ̀ⲫ̀ⲛⲟⲩϯ ϧⲉⲛ ϩⲁⲛⲁϣⲁϩⲟⲙ ⲛⲉⲙ ϩⲁⲛⲣⲙ̀ⲉⲓⲟⲟⲩⲉ ⲉⲩⲟϣ:	afṡ̀lyl èf̀nouti xen hanaṡahom nem hanrm̀eiooue evoṡ:	and prayed to God with sighings and many tears;
41	ⲙⲛ̅ⲛ̅ⲥⲱⲥ ⲁϥⲛ̅ⲕⲟⲧⲕ̅ ⲉⲡⲕⲁϩ ·	ⲙⲉⲛⲉⲛⲥⲱⲥ ⲁϥⲉⲛⲕⲟⲧ ⲉ̀ⲡ̀ⲕⲁϩⲓ:	menensōs afenkot èp̀kahi:	and afterwards he laid himself upon the ground,
42	ⲁϥϫⲱⲕ ⲉⲃⲟⲗ ⲛ̅ⲧⲉϥⲟⲓⲕⲟⲛⲟⲙⲓⲁ ⲛ̅ⲧⲉⲡⲛⲟⲩⲧⲉ · ⲁⲩⲱ ⲁϥϯ ⲙ̅ⲡϥ̅ⲡⲛⲁ̅ ⲛ̅ϭⲓϫ ⲙ̅ⲡⲛⲟⲩⲧⲉ ϩⲛ̅ⲥⲟⲩⲙⲛ̅ⲧⲁⲥⲉ ⲙ̅ⲡⲉⲃⲟⲧ ⲡⲁⲱⲛⲉ ·	ⲁϥϫⲱⲕ ⲉ̀ⲃⲟⲗ ⲛ̀ⲧⲉϥⲟⲓⲕⲟⲛⲟⲙⲓⲁ ⲛ̀ⲧⲉ ⲫ̀ⲛⲟⲩϯ: ⲟⲩⲟϩ ⲁϥϯ ⲛ̀ⲡⲉϥⲡ̀ⲛⲁ ⲛ̀ϫⲓϫ ⲛ̀ⲫ̀ⲛⲟⲩϯ ϧⲉⲛ ⲥⲟⲩⲙⲛ̀ⲧⲁⲥⲉ ⲛ̀ⲡⲉⲃⲟⲧ ⲡⲁⲱⲛⲉ:	afgōk èvol ǹtefoikonomia ǹte f̀nouti: ouoh afti ǹpefp̀na ǹjig ǹf̀nouti xen soumǹtase ǹpevot paōne:	and he completed his stewardship in God, and yielded up his spirit into the hand of God on the sixteenth day of the month Paone.
43	ⲁⲛⲟⲕ ⲇⲉ ⲁⲓⲥⲱⲧⲙ̅ ⲉϩⲉⲛⲫⲱⲛⲏ ⲛ̅ⲁⲅⲅⲉⲗⲟⲥ ⲉⲩϩⲩⲙⲛⲉⲩⲉ ϩⲓⲑⲏ ⲙ̅ⲡⲙⲁⲕⲁⲣⲓⲟⲥ ⲁⲡⲁ ⲟⲛⲛⲟϥⲣⲓⲟⲥ · Ⲁⲩⲱ ⲛⲉⲣⲉⲟⲩⲛⲟϭ ⲛ̅ⲟⲩⲣⲟⲧ ϣⲟⲟⲡ ϩⲛ̅ⲧⲉϥϭⲓⲛⲁⲡⲁⲛⲧⲁ ⲉⲡⲛⲟⲩⲧⲉ ·	ⲁⲛⲟⲕ ⲇⲉ ⲁⲓⲥⲱⲧⲉⲙ ⲉ̀ϩⲁⲛⲫⲱⲛⲏ ⲛ̀ⲁⲅⲅⲉⲗⲟⲥ ⲉⲩϩⲩⲙⲛⲉⲩⲉ ϩⲓⲑⲏ ⲛ̀ⲡ̀ⲙⲁⲕⲁⲣⲓⲟⲥ ⲁⲡⲁ ⲟⲛⲛⲟϥⲣⲓⲟⲥ: ⲟⲩⲟϩ ⲛⲁⲣⲉ ⲟⲩⲛⲓϣϯ ⲛ̀ⲟⲩⲣⲟⲧ ϣⲟⲡ ϧⲉⲛ ⲧⲉϥϭⲓⲛⲁⲡⲁⲛⲧⲁ ⲉ̀ⲫ̀ⲛⲟⲩϯ:	anok ḋe aisōtem èhanfōny ǹangelos evhimneve hiθy ǹp̀makarios apa onnofrios: ouoh nare ouniṡti ǹourot ṡop xen tefċinapanta èf̀nouti:	And I heard the voices of the angels singing hymns before the blessed Apa Onnofrios, and there was great joy at his meeting God.
44	ⲁⲛⲟⲕ ⲇⲉ ⲁⲓⲕⲁⲧ ⲕⲁϩⲏⲩ ⲛ̅ⲧⲁⲗⲟⲃⲏⲧⲉ ⲉⲧⲧⲟ ϩⲓⲱⲱⲧ	ⲁⲛⲟⲕ ⲇⲉ ⲁⲓⲭⲁⲧ ⲕⲁϩⲏⲩ ⲛ̀ⲧⲁⲗⲟⲃⲏⲧⲉ ⲉⲧⲧⲟⲓ ϩⲓⲱⲧⲧ	anok ḋe aikat kahyv ǹtalovyte ettoi hiōtt	And I took off the garment wherewith I was clothed,
45	ⲁⲓϯⲛ̅ⲧⲉⲥⲡⲁϣⲉ · ⲉⲧⲕⲁⲓⲥⲉ · ⲧⲕⲉⲡⲁϣⲉ ⲇⲉ ⲁⲓϭⲟⲗⲧ̅ ⲙ̅ⲙⲟⲥ ϫⲉⲛ̅ⲛⲉⲓϭⲱ ⲉⲓⲕⲏⲕⲁϩⲏⲩ ·	ⲁⲓϯⲛⲧⲉⲥⲫⲁϣⲓ: ⲉ̀ⲧ̀ⲕⲁⲓⲥⲓ: ⲧ̀ⲕⲉⲫⲁϣⲓ ⲇⲉ ⲁⲓϭⲟⲗⲧ ⲙ̀ⲙⲟⲥ ϫⲉ ⲛ̀ⲛⲉⲓϭⲱ ⲉⲓⲕⲏⲕⲁϩⲏⲩ:	aitintesfaṡi: èt̀kaisi: t̀kefaṡi ḋe aiċolt m̀mos je ǹneiċō eikykahyv:	and tore it into two pieces; in the one I wrapped up [the holy man] for burial, and the other I used as raiment, so that I might not be naked.
46	Ⲁⲓϯ ⲇⲉ ⲙ̅ⲡϥ̅ⲥⲱⲙⲁ ⲉⲡⲉⲥⲏⲧ ⲉⲡⲟⲩⲱϣ ⲛ̅ⲟⲩⲡⲉⲧⲣ	ⲁⲓϯ ⲇⲉ ⲛ̀ⲡⲉϥⲥⲱⲙⲁ ⲉ̀ⲡⲉⲥⲏⲧ ⲉ̀ⲡ̀ⲟⲩⲱϣ ⲛ̀ⲟⲩⲡⲉⲧⲣⲁ	aiti ḋe ǹpefsōma èpesyt èp̀ouōṡ ǹoupetra	And I placed his body down in a cleft in the rock,
47	ⲁⲓⲥⲱⲧⲙ̅ ⲉⲡⲉϩⲣⲟⲟⲩ ⲛ̅ⲟⲩⲙⲏⲏϣⲉ ⲛ̅ⲁⲅⲅⲉⲗⲟⲥ ⲉⲩⲣⲁϣⲉ ⲁⲩⲱ ⲉⲩⲱϣ ⲉⲃⲟⲗ ϫⲉⲁⲗⲗⲏⲗⲟⲩⲓⲁ ·	ⲁⲓⲥⲱⲧⲉⲙ ⲉ̀ⲡ̀ϩⲣⲟⲟⲩ ⲛ̀ⲟⲩⲙⲏϣ ⲛ̀ⲁⲅⲅⲉⲗⲟⲥ ⲉⲩⲣⲁϣⲓ ⲟⲩⲟϩ ⲉⲩⲱϣ ⲉ̀ⲃⲟⲗ ϫⲉ ⲁⲗⲗⲏⲗⲟⲩⲓⲁ:	aisōtem èp̀hroou ǹoumyṡ ǹangelos evraṡi ouoh evōṡ èvol je allylouia:	and I heard the sounds of a multitude of angels rejoicing, and crying out, 'Alleluia;'
48	Ⲁⲓϯ ⲇⲉ ⲙ̅ⲡⲁϣⲗⲏⲗ ⲉϩⲣⲁⲓ ⲉϫⲱϥ · ⲁⲩⲱ ⲁⲓϭⲱⲗ ⲛ̅ⲟⲩⲁϣⲏ ⲛ̅ⲱⲛⲉ · ⲉϩⲣⲁⲓ ⲉϫⲱϥ	ⲁⲓϯ ⲇⲉ ⲛ̀ⲡⲁϣ̀ⲗⲏⲗ ⲉϩⲣⲁⲓ ⲉ̀ϫⲱϥ: ⲟⲩⲟϩ ⲁⲓϭⲱⲗ ⲛ̀ⲟⲩⲁϣⲏ ⲛ̀ⲱⲛⲓ: ⲉϩⲣⲁⲓ ⲉ̀ϫⲱϥ	aiti ḋe ǹpaṡ̀lyl ehrai ègōf: ouoh aiċōl ǹouaṡy ǹōni: ehrai ègōf	and I said my prayer over him, and I rolled several stones upon him.
49	ⲁⲓⲁϩⲉⲣⲁⲧ	ⲁⲓⲁϩⲉⲣⲁⲧ	aiaherat	And I stood up
50	ⲁⲓϣⲗⲏⲗ · ⲡⲙⲉϩⲥⲡ̅ⲥⲛⲁⲩ · ⲁⲩⲱ ⲛ̅ⲧⲉⲩⲛⲟⲩ ⲁⲧⲃⲛ̅ⲛⲉ ϩⲉ ·	ⲁⲓϣ̀ⲗⲏⲗ: ⲡ̀ⲙⲉϩⲥⲡ̀ⲥⲛⲁⲩ: ⲟⲩⲟϩ ⲛ̀ϯⲟⲩⲛⲟⲩ ⲁⲧ̀ⲃⲛ̀ⲛⲉ ϩⲉⲓ:	aiṡ̀lyl: p̀mehsp̀·snav: ouoh ǹtiounou at̀vǹne hei:	and prayed the second time, and straightway the palm-tree fell down,
51	ⲁⲛⲟⲕ ⲇⲉ ⲁⲓⲣ̅ϣⲡⲏⲣⲉ ⲉⲙⲁⲧⲉ · ⲙ̅ⲡⲉⲛⲧⲁϥϣⲱⲡⲉ ·	ⲁⲛⲟⲕ ⲇⲉ ⲁⲓⲉⲣϣⲫⲏⲣⲓ ⲉ̀ⲙⲁϣⲱ: ⲛ̀ⲡⲉⲧⲁϥϣⲱⲡⲓ:	anok ḋe aierṡfyri èmaṡō: ǹpetafṡōpi:	and I marvelled exceedingly at what had taken place;
52	ⲁⲓⲟⲩⲱⲙ ⲙ̅ⲡⲉⲛⲧⲁϥⲥⲉⲉⲡⲉ ⲙ̅ⲡⲟⲉⲓⲕ · ⲁⲩⲱ ⲁⲓⲥⲱ ⲙ̅ⲡⲙⲟⲟⲩ ⲛ̅ⲧⲁϥⲥⲉⲉⲡⲉ ⲉⲣⲟⲛ ·	ⲁⲓⲟⲩⲱⲙ ⲛ̀ⲡⲉⲧⲁϥⲥⲉⲡⲓ ⲛ̀ⲡⲱⲓⲕ: ⲟⲩⲟϩ ⲁⲓⲥⲱ ⲛ̀ⲫ̀ⲙⲟⲩ ⲉⲧⲁϥⲥⲉⲡⲓ ⲉ̀ⲣⲟⲛ:	aiouōm ǹpetafsepi ǹpōik: ouoh aisō ǹf̀mou etafsepi èron:	and I ate what was left of the bread, and I drank of the water which was left to us.
53	ⲛ̅ⲧⲉⲣⲉⲓⲛⲁⲩ ⲇⲉ ϫⲉⲙ̅ⲡⲟⲩⲱϣ ⲁⲛ ⲙ̅ⲡⲛⲟⲩⲧⲉ ⲡⲉ ⲉⲧⲣⲁϭⲱ ⲙ̅ⲡⲉⲓⲙⲁ · ⲁⲓⲡⲉⲣϣ̅ⲧⲟⲟⲧ ⲉⲃⲟⲗ	ⲉ̀ⲧⲁⲓⲛⲁⲩ ⲇⲉ ϫⲉ ⲛ̀ⲡ̀ⲟⲩⲱϣ ⲁⲛ ⲛ̀ⲫ̀ⲛⲟⲩϯ ⲡⲉ ⲉ̀ⲑⲣⲁϭⲱ ⲛ̀ⲡⲁⲓⲙⲁ: ⲁⲓⲡⲉⲣⲉϣⲧⲟⲟⲧ ⲉ̀ⲃⲟⲗ	ètainav ḋe je ǹp̀ouōṡ an ǹf̀nouti pe èθraċō ǹpaima: aipereṡtoot èvol	And when I perceived that it was not according to the will of God for me to remain in this place, I spread out my hands,
54	ⲁⲓϣⲗⲏⲗ ⲉϩⲣⲁⲓ ⲉⲡϫ̅ⲥ̅ · ⲁⲩⲱ ⲉⲓⲥⲡⲣⲱⲙⲉ ⲛ̅ⲧⲁϥⲉⲓ ϣⲁⲣⲟⲓ ⲛ̅ϣⲟⲣⲡ̅ ⲁϥϯϭⲟⲙ ⲛⲁⲓ · ⲁϥⲉⲓ ⲟⲛ ϣⲁⲣⲟⲓ ⲛ̅ⲑⲉ ⲛ̅ⲧⲉϩⲟⲩⲉⲓⲧⲉ ·	ⲁⲓϣ̀ⲗⲏⲗ ⲉϩⲣⲁⲓ ⲉ̀ⲡ̀ϭⲟⲓⲥ: ⲟⲩⲟϩ ⲓⲥⲡ̀ⲣⲱⲙⲓ ⲉ̀ⲧⲁϥⲓ̀ ϩⲁⲣⲟⲓ ⲛ̀ϣⲟⲣⲡ ⲁϥϯϭⲟⲙ ⲛⲏⲓ: ⲁϥⲓ̀ ⲟⲛ ϩⲁⲣⲟⲓ ⲛ̀ⲫ̀ⲣⲏϯ ⲛ̀ⲧ̀ϩⲟⲩⲉⲓⲧⲉ:	aiṡ̀lyl ehrai èp̀ċois: ouoh isp̀rōmi ètafì haroi ǹṡorp aftiċom nyi: afì on haroi ǹf̀ryti ǹt̀·houeite:	and I prayed unto the Lord; and behold, the man who had come to me at the first, and who had given me strength, came to me again as he had done before.
55	Ⲡⲉϫⲁϥ ⲛⲁⲓ · ϫⲉⲡⲁⲡⲛⲟⲩⲧⲉ ⲁⲡⲉⲛϫⲥ̅ ⲧⲁⲙⲟⲛ ⲙ̅ⲡⲟⲟⲩ ϫⲉⲕⲛⲏⲩ ϣⲁⲣⲟⲛ ⲉⲡⲉⲓⲙⲁ ·	ⲡⲉϫⲁϥ ⲛⲏⲓ: ϫⲉ ⲡⲁⲫ̀ⲛⲟⲩϯ ⲁⲡⲉⲛϭⲟⲓⲥ ⲧⲁⲙⲟⲛ ⲛ̀ⲫⲟⲟⲩ ϫⲉ ⲕ̀ⲛⲏⲟⲩ ϩⲁⲣⲟⲛ ⲉ̀ⲡⲁⲓⲙⲁ:	pegaf nyi: je paf̀nouti apenċois tamon ǹfoou je k̀nyou haron èpaima:	And he said unto me, 'My God, our Lord, informed us this day that thou wast coming to us in this place.
56	ⲉⲓⲥⲥⲉ ⲛ̅ⲣⲟⲙⲡⲉ ⲙ̅ⲡⲉⲛⲛⲁⲩ ⲉⲣⲱⲙⲉ ⲉⲓⲙⲏⲧⲉⲓ ⲛ̅ⲧⲟⲕ ⲙⲁⲩⲁⲁⲕ ·	ⲓⲥⲥⲉ ⲛ̀ⲣⲟⲙⲡⲓ ⲙ̀ⲡⲉⲛⲛⲁⲩ ⲉ̀ⲣⲱⲙⲓ ⲉⲓⲙⲏⲧⲓ ⲛ̀ⲑⲟⲕ ⲙ̀ⲙⲁⲩⲁⲧⲕ:	isse ǹrompi m̀pennav èrōmi eimyti ǹθok m̀mavatk:	Behold, for six years we have seen no man except thyself.'
57	ⲛ̅ⲧⲉⲣⲛ̅ⲱ̅ⲥⲕ̅ ⲇⲉ ⲛϣⲁϫⲉ ⲙⲛ̅ⲛⲉⲛⲉⲣⲏⲩ ·	ⲉ̀ⲧⲁⲛⲱⲥⲕ ⲇⲉ ⲛ̀ⲥⲁϫⲓ ⲛⲉⲙ ⲛⲉⲛⲉⲣⲏⲟⲩ:	ètanōsk ḋe ǹsaji nem neneryou:	And when we had talked together for a long time . . . . . .
58	Ⲗⲟⲓⲡⲟⲛ ⲡⲉϫⲁⲛ ⲛⲁϥ ϫⲉⲱ ⲡⲉⲛⲥⲟⲛ · ⲥⲙⲛ̅ⲡⲉⲕϩⲏⲧ ⲛ̅ⲟⲩⲕⲟⲩⲓ ⲛ̅ⲟⲉⲓⲕ ϫⲉⲛ̅ⲧⲁⲕⲉⲓ̅ ϩⲛ̅ⲟⲩϩⲓⲏ ⲉⲥⲟⲩⲏⲏⲩ ·	ⲗⲟⲓⲡⲟⲛ ⲡⲉϫⲁⲛ ⲛⲁϥ ϫⲉ ⲱ̀ ⲡⲉⲛⲥⲟⲛ: ⲥⲙⲉⲛⲡⲉⲕϩⲏⲧ ⲛ̀ⲟⲩⲕⲟⲩϫⲓ ⲛ̀ⲱⲓⲕ ϫⲉ ⲛ̀ⲧⲁⲕⲓ ϧⲉⲛ ⲟⲩⲙⲱⲓⲧ ⲉⲥⲟⲩⲏⲟⲩ:	loipon pegan naf je ṑ penson: smenpek·hyt ǹoukouji ǹōik je ǹtaki xen oumōit esouyou:	. . . said unto him, ``O our brother, stablish thy heart with a little bread, for thou hast travelled from a place afar off.
59	ⲁⲡϫⲥ̅ ⲇⲉ ⲧⲟϣⲛ̅ ⲉⲧⲣⲛ̅ϭⲱ ⲙⲛ̅ⲛⲉⲛⲉⲣⲏⲩ · ⲛ̅ⲟⲩϩⲟⲟⲩ ·	ⲁ ⲡ̀ϭⲟⲓⲥ ⲇⲉ ⲑⲁϣⲛ ⲉ̀ⲑⲣⲛϭⲱ ⲛⲉⲙ ⲛⲉⲛⲉⲣⲏⲟⲩ: ⲛⲟⲩⲉ̀ϩⲟⲟⲩ:	a p̀ċois ḋe θaṡn èθrnċō nem neneryou: nouèhoou:	The Lord hath ordained that we are to remain with each other for some days,
60	ⲧⲛ̅ⲣⲁϣⲉ ⲇⲉ ⲛⲙ̅ⲙⲁⲕ · ⲱ̅ ⲡⲉⲛⲥⲟⲛ ⲙ̅ⲙⲉⲣⲓⲧ ·	ⲧⲉⲛⲣⲁϣⲓ ⲇⲉ ⲛⲉⲙⲁⲕ: ⲱ̀ ⲡⲉⲛⲥⲟⲛ ⲛ̀ⲙⲉⲛⲣⲓⲧ:	tenraṡi ḋe nemak: ṑ penson ǹmenrit:	and we will rejoice with thee, O our beloved brother.''
61	Ⲛ̅ϩⲟⲥⲟⲛ ⲇⲉ ⲛ̅ϣⲁϫⲉ ⲙⲛ̅ⲛⲉⲛⲉⲣⲏⲩ · ⲉⲓⲥϩⲏⲏⲧⲉ · ⲁⲩⲉⲓⲛⲉ ⲉϩⲟⲩⲛ ⲛ̅ϯⲟⲩ ⲛ̅ⲟⲉⲓⲕ · ⲉⲩϩⲏⲙ ⲁⲩⲱ ⲉⲩⲣⲟⲟⲩⲧ ϩⲱⲥ ϫⲉⲛ̅ⲧⲁⲩϣⲁⲧⲟⲩ ϩⲛ̅ⲧⲉⲧⲣⲓⲣ ·	ⲛ̀ϩⲟⲥⲟⲛ ⲇⲉ ⲛ̀ⲥⲁϫⲓ ⲛⲉⲙ ⲛⲉⲛⲉⲣⲏⲟⲩ: ⲓⲥϩⲏⲏⲧⲉ: ⲁⲩⲓ̀ⲛⲓ ⲉ̀ϧⲟⲩⲛ ⲛ̀ϯⲟⲩ ⲛ̀ⲱⲓⲕ: ⲉⲩϩⲏⲙ ⲟⲩⲟϩ ⲉⲩⲣⲟⲟⲩⲧ ϩⲱⲥ ϫⲉ ⲉⲧⲁⲩϣⲁⲧⲟⲩ ϧⲉⲛ ⲧ̀ⲑⲣⲓⲣ:	ǹhoson ḋe ǹsaji nem neneryou: is·hyyte: avìni èxoun ǹtiou ǹōik: evhym ouoh evroout hōs je etavṡatou xen t̀θrir:	And whilst we were talking to each other, behold, five loaves of bread were brought in, and they were warm and soft as if they had been [just] baked in the oven,
62	ⲛ̅ⲧⲉⲩⲛⲟⲩ ⲁⲩⲉⲓⲛⲉ ⲇⲉ ⲟⲛ ⲛ̅ⲟⲩⲛ̅ⲕⲁ ⲉϣⲁⲩⲟⲩⲟⲙϥ̅	ⲛ̀ϯⲟⲩⲛⲟⲩ ⲁⲩⲓ̀ⲛⲓ ⲇⲉ ⲟⲛ ⲛ̀ⲟⲩⲉⲛⲭⲁⲓ ⲉϣⲁⲩⲟⲩⲟⲙϥ	ǹtiounou avìni ḋe on ǹouenkai eṡavouomf	And whilst we were talking to each other, behold, five loaves of bread were brought in, and they were warm and soft as if they had been [just] baked in the oven,
63	ⲁⲛϩⲙⲟⲟⲥ ⲇⲉ ⲁⲛⲟⲩⲱⲙ ⲙⲛ̅ⲛⲉⲛⲉⲣⲏⲩ ·	ⲁⲛϩⲉⲙⲥⲓ ⲇⲉ ⲁⲛⲟⲩⲱⲙ ⲛⲉⲙ ⲛⲉⲛⲉⲣⲏⲟⲩ:	anhemsi ḋe anouōm nem neneryou:	and we sat down and ate together.
64	ⲁⲩⲱ ⲡⲉϫⲁϥ ⲛⲁⲓ ϫⲉⲉⲓⲥ ⲧⲙⲉϩⲥⲟ ⲛ̅ⲣⲟⲙⲡⲉ ϫⲓⲛⲛ̅ⲧⲁⲛⲉⲓ ⲉⲡⲉⲓⲙⲁ	ⲟⲩⲟϩ ⲡⲉϫⲁϥ ⲛⲏⲓ ϫⲉ ⲓⲥ ⲧ̀ⲙⲉϩⲥⲟ ⲛ̀ⲣⲟⲙⲡⲓ ϫⲓⲛⲉⲧⲁⲛⲓ ⲉ̀ⲡⲁⲓⲙⲁ	ouoh pegaf nyi je is t̀mehso ǹrompi jinetani èpaima	And he said unto me, ``Behold, this is the sixth year since we came to this place,
65	ϥⲧⲟⲟⲩ ⲛ̅ⲟⲉⲓⲕ ⲛⲉⲧⲧⲏϣ ⲛⲁⲛ ⲙ̅ⲙⲏⲏⲛⲉ · ⲉⲩⲉⲓⲛⲉ ⲙ̅ⲙⲟⲟⲩ ⲛⲁⲛ ⲉⲃⲟⲗ ϩⲓⲧⲙ̅ⲡⲛⲟⲩⲧⲉ ·	ϥ̀ⲧⲟⲟⲩ ⲛ̀ⲱⲓⲕ ⲛⲉⲧⲑⲏϣ ⲛⲁⲛ ⲛ̀ⲙⲏⲏⲛⲉ: ⲉⲩⲓ̀ⲛⲓ ⲙ̀ⲙⲱⲟⲩ ⲛⲁⲛ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ:	f̀toou ǹōik netθyṡ nan ǹmyyne: evìni m̀mōou nan èvol hiten f̀nouti:	and four loaves of bread have been allotted to us daily, and these came to us through God;
66	ⲛ̅ⲧⲉⲣⲕ̅ⲉⲓ̅ ⲇⲉ ϣⲁⲣⲟⲛ ⲙ̅ⲡⲟⲟⲩ ⲉⲓⲥⲧⲕ̅ⲧⲟ ⲁⲩⲛ̅ⲧⲥ̅ ⲛⲁⲕ ·	ⲉ̀ⲧⲁⲕⲓ ⲇⲉ ϩⲁⲣⲟⲛ ⲛ̀ⲫⲟⲟⲩ ⲓⲥⲧⲕ̀ⲧⲟ ⲁⲩⲉⲛⲥ ⲛⲁⲕ:	ètaki ḋe haron ǹfoou istk̀to avens nak:	but as soon as thou didst come unto us this day, behold, a fifth loaf hath been brought for thee.
67	ⲁⲩⲱ ⲉⲙⲛ̅ⲉⲓⲙⲉ ⲉⲛⲉϩ ϫⲉⲛ̅ⲧⲁⲩⲉⲓ ⲧⲱⲛ ⲁⲗⲗⲁ ⲛ̅ⲛⲏⲩ ⲉϩⲟⲩⲛ ⲛ̅ϩⲉ ⲉⲣⲟⲟⲩ ⲉⲩⲕⲏ ⲉϩⲣⲁⲓ ·	ⲟⲩⲟϩ ⲉⲙ̀ⲙⲟⲛ ⲉⲙⲓ ⲉ̀ⲛⲉϩ ϫⲉ ⲛ̀ⲧⲁⲩⲓ ⲧⲱⲛ ⲁⲗⲗⲁ ⲛ̀ⲛⲏⲟⲩ ⲉ̀ϧⲟⲩⲛ ⲛ̀ⲣⲏϯ ⲉ̀ⲣⲱⲟⲩ ⲉⲩⲭⲏ ⲉϩⲣⲁⲓ:	ouoh em̀mon emi èneh je ǹtavi tōn alla ǹnyou èxoun ǹryti èrōou evṡy ehrai:	And we have never known whence they came, but when we came in we found them placed here.''
68	ⲛ̅ⲧⲉⲣⲛ̅ⲟⲩⲱ ⲇⲉ ⲛ̅ⲟⲩⲱⲙ ⲙⲛ̅ⲛⲉⲛⲉⲣⲏⲩ ⲁⲛⲣ̅ⲧⲉⲩϣⲏ ⲧⲏⲣⲥ̅ ⲛ̅ϣⲗⲏⲗ ϣⲁϩⲧⲟⲟⲩⲉ ·	ⲉ̀ⲧⲁⲛⲟⲩⲱ ⲇⲉ ⲛ̀ⲟⲩⲱⲙ ⲛⲉⲙ ⲛⲉⲛⲉⲣⲏⲟⲩ ⲁⲛⲉⲣⲧⲉⲩϣⲏ ⲧⲏⲣⲥ ⲛ̀ϣ̀ⲗⲏⲗ ϣⲁ ϩⲧⲟⲟⲩⲉ:	ètanouō ḋe ǹouōm nem neneryou anertevṡy tyrs ǹṡ̀lyl ṡa htooue:	And when we had finished eating together we passed the whole night in praying, and we prayed till morning.
69	ϩⲧⲟⲟⲩⲉ ⲇⲉ ⲛ̅ⲧⲉⲣⲉϥϣⲱⲡⲉ · ⲁⲓⲡⲁⲣⲁⲕⲁⲗⲉⲓ ⲙ̅ⲙⲟⲟⲩ ⲉⲧⲣⲉⲩⲕⲁⲁⲧ ϩⲁϩⲧⲏⲩ ϣⲁⲡⲉϩⲟⲟⲩ ⲙ̅ⲡⲁⲙⲟⲩ ·	ϩⲧⲟⲟⲩⲉ ⲇⲉ ⲉⲧⲁϥϣⲱⲡⲓ: ⲁⲓⲡⲁⲣⲁⲕⲁⲗⲉⲓ ⲙ̀ⲙⲱⲟⲩ ⲉ̀ⲑⲣⲉⲩⲭⲁⲧ ϧⲁⲧⲟⲧⲟⲩ ϣⲁ ⲡ̀ⲉ̀ϩⲟⲟⲩ ⲛ̀ⲡⲁⲙⲟⲩ:	htooue ḋe etafṡōpi: aiparakalei m̀mōou èθrevkat xatotou ṡa p̀èhoou ǹpamou:	And when the morning had come I entreated them to let me remain with them until the day of my death.
70	Ⲡⲉϫⲁⲩ ⲛⲁⲓ ϫⲉⲱ̅ ⲡⲉⲛⲥⲟⲛ ⲙ̅ⲡϩⲱⲃ · ⲧⲏϣ ⲛⲁⲕ ⲁⲛ ⲉⲃⲟⲗ ⲉⲧⲣⲉⲕϭⲱ ⲙ̅ⲡⲉⲓⲙⲁ ·	ⲡⲉϫⲁⲩ ⲛⲏⲓ ϫⲉ ⲱ̀ ⲡⲉⲛⲥⲟⲛ ⲛ̀ⲡ̀ϩⲱⲃ: ⲧⲏϣ ⲛⲁⲕ ⲁⲛ ⲉ̀ⲃⲟⲗ ⲉ̀ⲑⲣⲉⲕϭⲱ ⲛ̀ⲡⲁⲓⲙⲁ:	pegav nyi je ṑ penson ǹp̀hōb: tyṡ nak an èvol èθrekċō ǹpaima:	And they said unto me, 'O our brother labourer, it is not ordained for thee to tarry in this place.
71	ⲁⲗⲗⲁ ⲧⲱⲟⲩⲛ ⲛⲅ̅ⲃⲱⲕ ⲉⲕⲏⲙⲉ · ⲛⲅ̅ϫⲱ ⲛ̅ⲛⲉⲛⲧⲁⲕⲛⲁⲩ ⲉⲣⲟⲟⲩ · ⲉⲛⲉⲥⲛⲏⲩ ⲉⲩⲣ̅ⲡⲙⲉⲉⲩⲉ ⲛⲁⲩ · ⲁⲩⲱ ⲉⲩϩⲏⲩ ⲛ̅ⲛⲉⲧⲥⲱⲧⲙ̅ ·	ⲁⲗⲗⲁ ⲧⲱⲟⲩⲛ ⲛ̀ⲧⲉⲕⲃⲱⲕ ⲉ̀ⲭⲏⲙⲓ: ⲛ̀ⲧⲉⲕϫⲱ ⲛ̀ⲛⲉⲧⲁⲕⲛⲁⲩ ⲉ̀ⲣⲱⲟⲩ: ⲉ̀ⲛ̀ⲥ̀ⲛⲏⲟⲩ ⲉ̀ⲟⲩⲣ̀ⲡⲙⲉⲉⲩⲉ ⲛⲱⲟⲩ: ⲟⲩⲟϩ ⲉ̀ⲟⲩϩⲏⲟⲩ ⲛ̀ⲛⲉⲧⲥⲱⲧⲉⲙ:	alla tōoun ǹtekvōk èkymi: ǹtekgō ǹnetaknav èrōou: èǹs̀nyou èour̀pmeeve nōou: ouoh èouhyou ǹnetsōtem:	But rise up, and go into Egypt, and tell those whom thou shalt see there that the brethren [here] remember them; and it shall be a benefit unto those who hearken.'
72	ⲁⲛⲟⲕ ⲇⲉ ⲁⲓⲡⲁⲣⲁⲕⲁⲗⲉⲓ ⲙ̅ⲙⲟⲟⲩ ⲉⲧⲣⲉⲩϫⲱ ⲉⲣⲟⲓ ⲛ̅ⲛⲉⲩⲣⲁⲛ ⲛ̅ⲧⲟⲟⲩ ⲇⲉ ⲙ̅ⲡⲟⲩⲡⲉⲓⲑⲉ ⲛ̅ϫⲟⲟⲩ ⲉⲣⲟⲟⲩ ·	ⲁⲛⲟⲕ ⲇⲉ ⲁⲓⲡⲁⲣⲁⲕⲁⲗⲉⲓ ⲙ̀ⲙⲱⲟⲩ ⲉ̀ⲑⲣⲉⲩϫⲱ ⲉ̀ⲣⲟⲓ ⲛ̀ⲛⲟⲩⲣⲁⲛ ⲛ̀ⲑⲱⲟⲩ ⲇⲉ ⲙ̀ⲡⲉⲟⲩⲡⲓⲑⲉ ⲛ̀ϫⲟⲟⲩ ⲉ̀ⲣⲱⲟⲩ:	anok ḋe aiparakalei m̀mōou èθrevgō èroi ǹnouran ǹθōou ḋe m̀peoupiθe ǹgoou èrōou:	And I entreated them to tell me their names, but they would no be persuaded to utter them,
73	ⲁⲓⲁⲛⲁⲅⲕⲁⲍⲉ ⲙ̅ⲙⲟⲟⲩ ⲁⲩⲱ ⲟⲛ ⲙ̅ⲡⲟⲩϫⲱ ⲉⲣⲟⲓ ⲛ̅ⲛⲉⲩⲣⲁⲛ ·	ⲁⲓⲉⲣⲁⲛⲁⲅⲕⲁⲍⲓⲛ ⲙ̀ⲙⲱⲟⲩ ⲟⲩⲟϩ ⲟⲛ ⲙ̀ⲡⲉⲟⲩϫⲱ ⲉ̀ⲣⲟⲓ ⲛ̀ⲛⲟⲩⲣⲁⲛ:	aieranankazin m̀mōou ouoh on m̀peougō èroi ǹnouran:	and although I pressed them to do so they would not tell me their names.
74	ⲁⲩⲟⲩⲱϣⲃ̅ ⲡⲉϫⲁⲩ ϫⲉⲡⲉⲛⲧⲁϥϯⲣⲁⲛ ⲉⲗⲁⲁⲩ ⲛⲓⲙ · ⲁⲩⲱ ⲉⲧⲥⲟⲟⲩⲛ ⲛ̅ϩⲱⲃ ⲛⲓⲙ ⲛ̅ⲧⲟϥ ⲉⲧⲥⲟⲟⲩⲛ ⲛ̅ⲛⲉⲛⲣⲁⲛ ·	ⲁⲩⲉⲣⲟⲩⲱ ⲡⲉϫⲁⲩ ϫⲉ ⲡⲉⲧⲁϥϯⲣⲁⲛ ⲉ̀ⲗⲁⲁⲩ ⲛⲓⲃⲉⲛ: ⲟⲩⲟϩ ⲉⲧⲥⲱⲟⲩⲛ ⲛ̀ϩⲱⲃ ⲛⲓⲃⲉⲛ ⲛ̀ⲑⲟϥ ⲉⲧⲥⲱⲟⲩⲛ ⲛ̀ⲛⲉⲛⲣⲁⲛ:	averouō pegav je petaftiran èlaav niven: ouoh etsōoun ǹhōb niven ǹθof etsōoun ǹnenran:	And they answered and said, 'He Who hath given names unto everything, and Who knoweth everything, He it is Who knoweth our names.
75	ⲧⲉⲛⲟⲩ ϭⲉ ⲡⲉⲛⲥⲟⲛ ⲁⲣⲓⲡⲉⲛⲙⲉⲉⲩⲉ ϣⲁⲛⲧⲛ̅ⲛⲁⲩ ⲉⲣⲟⲕ ϩⲙ̅ⲡⲏⲓ ⲙ̅ⲡⲛⲟⲩⲧⲉ ·	ϯⲛⲟⲩ ⲟⲩⲛ ⲡⲉⲛⲥⲟⲛ ⲁ̀ⲣⲓⲡⲉⲛⲙⲉⲩⲓ ϣⲁⲧⲛⲛⲁⲩ ⲉ̀ⲣⲟⲕ ϧⲉⲛ ⲡ̀ⲏⲓ ⲛ̀ⲫ̀ⲛⲟⲩϯ:	tinou oun penson àripenmevi ṡatnnav èrok xen p̀yi ǹf̀nouti:	Now therefore, O our brother, keep us in thy memory until we see thee in the House of God.
76	ⲥⲡⲟⲩⲇⲁⲍⲉ ⲇⲉ ⲙ̅ⲡⲣ̅ⲕⲁⲡⲕⲟⲥⲙⲟⲥ ⲉⲣ̅ϩⲁⲗ ⲙ̅ⲙⲟⲕ · ϫⲉⲁϥⲣ̅ϩⲁⲗ ⲛⲟⲩⲙⲏⲏϣⲉ ·	ⲥⲡⲟⲩⲇⲁⲍⲉ ⲇⲉ ⲙ̀ⲡⲉⲣⲭⲁⲡⲓⲕⲟⲥⲙⲟⲥ ⲉ̀ⲣϩⲁⲗ ⲙ̀ⲙⲟⲕ: ϫⲉ ⲁϥⲣϩⲁⲗ ⲛ̀ⲟⲩⲙⲏϣ:	spouḋaze ḋe m̀perkapikosmos èrhal m̀mok: je afrhal ǹoumyṡ:	And be thou most careful and let not the world lead thee astray as it hath lead astray many.'
77	ⲛ̅ⲧⲉⲣⲟⲩⲱ̅ ⲇⲉ ⲛ̅ⲛⲁⲓ · ⲁⲩⲥⲙⲟⲩ ⲉⲣⲟⲓ ⲁⲩⲱ ⲁⲩⲁⲥⲡⲁⲍⲉ ⲙ̅ⲙⲟⲓ ·	ⲉ̀ⲧⲁⲩⲱ̀ ⲇⲉ ⲛ̀ⲛⲁⲓ: ⲁⲩⲥ̀ⲙⲟⲩ ⲉ̀ⲣⲟⲓ ⲟⲩⲟϩ ⲁⲩⲁⲥⲡⲁⲍⲉ ⲙ̀ⲙⲟⲓ:	ètavṑ ḋe ǹnai: avs̀mou èroi ouoh avaspaze m̀moi:	And when they had finished [saying] these things they blessed me, and they saluted me,
78	ⲁⲓⲉⲓ̈ ⲉⲃⲟⲗ ϩⲓⲧⲟⲟⲩⲟⲩ ·	ⲁⲓⲓ ⲉ̀ⲃⲟⲗ ϩⲓⲧⲱⲟⲩⲟⲩ:	aii èvol hitōouou:	and I came forth from their mountain.
79	ⲛ̅ⲧⲉⲣⲉⲓ̈ⲟⲩⲉ Ⲙ̅ⲙⲟⲟⲩ ⲛ̅ⲁⲩϩⲟⲟⲩ ⲙ̅ⲙⲟⲟϣⲉ · ⲁⲓⲉⲓ ⲉⲃⲟⲗ ⲉϩⲣⲁⲓ ⲉϫⲛ̅ⲟⲩⲡⲩⲅⲏ ⲙ̅ⲙⲟⲟⲩ ·	ⲉ̀ⲧⲁⲓⲟⲩⲉⲓ ⲙ̀ⲙⲱⲟⲩ ⲛⲁⲟⲩⲉ̀ϩⲟⲟⲩ ⲛ̀ⲙⲟϣⲓ: ⲁⲓⲓ ⲉ̀ⲃⲟⲗ ⲉϩⲣⲁⲓ ⲉ̀ϫⲉⲛ ⲟⲩⲡⲏⲅⲏ ⲛ̀ⲙⲟⲩ:	ètaiouei m̀mōou naouèhoou ǹmoṡi: aii èvol ehrai èjen oupygy ǹmou:	And when I had journeyed away from them for some days I came to a well of water,
80	ⲁⲛⲟⲕ ⲇⲉ ⲁⲓϩⲙⲟⲟⲥ ⲛ̅ⲟⲩⲕⲟⲩⲓ ⲉⲧⲃⲉⲡϩⲓⲥⲉ · ⲁⲩⲱ ⲛⲉⲩⲛ̅ϩⲉⲛⲛⲟϭ ⲛ̅ϣⲏⲛ ⲣⲏⲧ ϩⲓϫⲛ̅ⲧⲡⲩⲅⲏ ·	ⲁⲛⲟⲕ ⲇⲉ ⲁⲓϩⲉⲙⲥⲓ ⲛ̀ⲟⲩⲕⲟⲩϫⲓ ⲉⲑⲃⲉ ⲡ̀ϧⲓⲥⲓ: ⲟⲩⲟϩ ⲛⲁⲟⲩⲟⲛ ϩⲁⲛⲛⲓϣϯ ⲛ̀ϣⲏⲛ ⲣⲏⲧ ϩⲓϫⲉⲛ ⲧ̀ⲡⲏⲅⲏ:	anok ḋe aihemsi ǹoukouji eθve p̀xisi: ouoh naouon hanniṡti ǹṡyn ryt hijen t̀pygy:	and I sat down there for a little because of [my] fatigue; and large trees were growing by the well.
81	ⲛ̅ⲧⲉⲣⲉⲓⲙⲓⲕⲉ ⲁⲩⲱ ⲛ̅ⲧⲁⲙ̅ⲧⲟⲛ ⲛ̅ⲟⲩⲕⲟⲩⲓ · ⲁⲓϭⲱ ⲉⲓϯⲟⲩⲟⲓ ϩⲛ̅ⲛ̅ϣⲏⲛ · ⲉⲓⲣ̅ϣⲡⲏⲣⲉ ·	ⲉ̀ⲧⲁⲓⲙⲓⲕⲉ ⲟⲩⲟϩ ⲛ̀ⲧⲁⲙ̀ⲧⲟⲛ ⲛ̀ⲟⲩⲕⲟⲩϫⲓ: ⲁⲓϭⲱ ⲉⲓϯⲟⲩⲟⲓ ϧⲉⲛ ⲛ̀ϣⲏⲛ: ⲉⲓⲉⲣϣⲫⲏⲣⲓ:	ètaimike ouoh ǹtam̀ton ǹoukouji: aiċō eitiouoi xen ǹṡyn: eierṡfyri:	And when I had refreshed myself and had rested a little, I walked among the trees, and I marvelled,
82	ⲁⲩⲱ ⲉⲓⲙⲉⲉⲩⲉ ⲉⲃⲟⲗ ϫⲉⲛⲓⲙ ⲡⲉ ⲛ̅ⲧⲁϥⲧⲱⲱϭⲉ ⲙ̅ⲙⲟⲟⲩ ⲙ̅ⲡⲉⲓⲙⲁ ·	ⲟⲩⲟϩ ⲁⲣⲉⲓⲙⲉⲩⲓ ⲉ̀ⲃⲟⲗ ϫⲉ ⲛⲓⲙ ⲡⲉ ⲉⲧⲁϥⲧⲱⲱϭⲉ ⲙ̀ⲙⲱⲟⲩ ⲛ̀ⲡⲁⲓⲙⲁ:	ouoh areimevi èvol je nim pe etaftōōċe m̀mōou ǹpaima:	and I said unto myself, ``Who was it that planted them in this place?''
83	ⲁⲩⲱ ⲟⲛ ⲟⲩⲛ̅ϩⲉⲛⲃⲛ̅ⲛⲉ ⲛ̅ϩⲏⲧⲟⲩ ⲉⲩⲟⲧⲡ̅ ⲛ̅ⲕⲁⲣⲡⲟⲥ · ⲙⲛ̅ϩⲉⲛⲕⲓⲧⲣⲉ ⲁⲩⲱ ϩⲉⲛϩⲣ̅ⲙⲁⲛ · ⲙⲛ̅ϩⲉⲛⲕⲛ̅ⲧⲉ · ⲙⲛ̅ϩⲉⲛϫⲙ̅ⲡⲉϩ · ⲙⲛ̅ϩⲉⲛⲉⲗⲟⲟⲗⲉ · ⲁⲩⲱ ϩⲉⲛⲇⲟⲣⲁⲕⲓⲟⲛ · ⲙⲛ̅ϩⲉⲛⲕⲓⲥⲙⲁ · ⲙⲛ̅ϩⲉⲛⲕⲉϣⲏⲛ ⲉⲩϣⲉϣⲥϯⲛⲟⲩϥⲉ ⲉⲃⲟⲗ ·	ⲟⲩⲟϩ ⲟⲛ ⲟⲩⲟⲛ ϩⲁⲛⲃⲛ̀ⲛⲉ ⲛ̀ϧⲏⲧⲟⲩ ⲉⲩⲟⲧⲉⲡ ⲛ̀ⲕⲁⲣⲡⲟⲥ: ⲛⲉⲙ ϩⲁⲛⲕⲓⲧⲣⲉ ⲟⲩⲟϩ ϩⲁⲛϩⲣ̀ⲙⲁⲛ: ⲛⲉⲙ ϩⲁⲛⲕⲉⲛⲧⲉ: ⲛⲉⲙ ϩⲁⲛϫⲙ̀ⲡⲉϩ: ⲛⲉⲙ ϩⲁⲛⲉⲗⲟⲟⲗⲉ: ⲟⲩⲟϩ ϩⲁⲛⲇⲟⲣⲁⲕⲓⲟⲛ: ⲛⲉⲙ ϩⲁⲛⲕⲓⲥⲙⲁ: ⲛⲉⲙ ϩⲁⲛⲕⲉϣⲏⲛ ⲉⲩϣⲉϣⲥϯⲛⲟⲩϥⲉ ⲉ̀ⲃⲟⲗ:	ouoh on ouon hanvǹne ǹxytou evotep ǹkarpos: nem hankitre ouoh hanhr̀man: nem hankente: nem hangm̀peh: nem haneloole: ouoh hanḋorakion: nem hankisma: nem hankeṡyn evṡeṡstinoufe èvol:	And among them there were date-palms, loaded with fruit, and citron trees, and pomegranate trees, and fig trees, and apple trees, and vines, and dorakion trees, and kisma trees, and trees which emitted sweet odours.
84	ⲧⲡⲩⲅⲏ ⲛⲉⲥⲧⲁⲩⲉ ⲙⲟⲟⲩ ⲉⲃⲟⲗ ⲉⲥⲧⲥⲟ ⲛ̅ⲛ̅ϣⲏⲛ ⲧⲏⲣⲟⲩ ⲉⲧⲣⲏⲧ ϩⲙ̅ⲡⲙⲁ ⲉⲧⲙ̅ⲙⲁⲩ ·	ⲧ̀ⲡⲏⲅⲏ ⲛⲁⲥⲧⲁⲩⲉ ⲙⲉ̀ϩⲟⲟⲩ ⲉ̀ⲃⲟⲗ ⲉⲥⲧ̀ⲥⲟ ⲛ̀ⲛ̀ϣⲏⲛ ⲧⲏⲣⲟⲩ ⲉⲧⲣⲏⲧ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ:	t̀pygy nastave mèhoou èvol est̀so ǹǹṡyn tyrou etryt xen p̀ma ète m̀mav:	And the well supplied water, and it watered all the trees which were growing in that place.
85	ⲛ̅ϩⲟⲥⲟⲛ ⲇⲉ ⲉⲓⲣ̅ϣⲡⲏⲣⲉ · ⲛ̅ⲛ̅ϣⲏⲛ · ⲁⲩⲱ ⲉⲓⲑⲉⲱⲣⲉⲓ ⲙ̅ⲙⲟⲟⲩ ⲙⲛ̅ⲛⲉⲩⲕⲁⲣⲡⲟⲥ · ⲉⲓⲥϥⲧⲟⲟⲩ ⲛ̅ϣⲏⲣⲉ ϣⲏⲙ ⲁⲩⲉⲓ̈ ⲙ̅ⲡⲟⲩⲉ ⲉⲛⲉⲥⲱⲟⲩ ϩⲛ̅ⲧⲉⲩϩⲓⲕⲱⲛ · ⲉⲣⲉϩⲉⲛⲃⲁⲗⲟⲧ ⲉⲛⲉⲥⲟⲟⲩ ⲧⲟ ϩⲓⲱⲟⲩ · ⲙ̅ⲡⲉⲥⲙⲟⲧ ⲛ̅ϩⲉⲛⲡⲉⲣⲓⲥⲱⲙⲁ ·	ⲛ̀ϩⲟⲥⲟⲛ ⲇⲉ ⲉⲓⲉⲣϣⲫⲏⲣⲓ: ⲛ̀ⲛ̀ϣⲏⲛ: ⲟⲩⲟϩ ⲁⲣⲉⲓⲉⲣⲑⲉⲱⲣⲓⲛ ⲙ̀ⲙⲱⲟⲩ ⲛⲉⲙ ⲛⲟⲩⲕⲁⲣⲡⲟⲥ: ⲓⲥϥ̀ⲧⲟⲟⲩ ⲛ̀ϣⲏⲣⲓ ϣⲏⲙ ⲁⲩⲓ̀ ⲛ̀ⲡ̀ⲟⲩⲉⲓ ⲉⲛⲉⲥⲱⲟⲩ ϧⲉⲛ ⲧⲟⲩϩⲓⲕⲱⲛ: ⲉ̀ⲣⲉ ϩⲁⲛⲃⲁⲗⲟⲧ ⲉⲛⲉⲥⲟⲟⲩ ⲧⲟⲓ ϩⲓⲱⲧⲟⲩ: ⲛ̀ⲡ̀ⲥ̀ⲙⲟⲧ ⲛ̀ϩⲁⲛⲡⲉⲣⲓⲥⲱⲙⲁ:	ǹhoson ḋe eierṡfyri: ǹǹṡyn: ouoh areierθeōrin m̀mōou nem noukarpos: isf̀toou ǹṡyri ṡym avì ǹp̀ouei enesōou xen touhikōn: ère hanvalot enesoou toi hiōtou: ǹp̀·s̀mot ǹhanperisōma:	And whilst I was marvelling at the trees, and was looking at them, and at the fruit that was on them, behold four young men appeared in the distance, and their forms were goodly, and they were dressed in fine skin garments which, as it were, covered all their bodies.
86	ⲛ̅ⲧⲉⲣⲟⲩⲡⲱϩ ⲇⲉ ⲉⲣⲟⲓ ⲡⲉϫⲁⲩ ⲛⲁⲓ̈ ϫⲉⲭⲁⲓⲣⲉ ⲡⲁⲡⲛⲟⲩⲧⲉ ⲡⲉⲛⲙⲉⲣⲓⲧ ⲛ̅ⲥⲟⲛ ·	ⲉ̀ⲧⲁⲩⲫⲱϧ ⲇⲉ ⲉ̀ⲣⲟⲓ ⲡⲉϫⲁⲩ ⲛⲏⲓ ϫⲉ ⲭⲁⲓⲣⲉ ⲡⲁⲫ̀ⲛⲟⲩϯ ⲡⲉⲛⲙⲉⲛⲣⲓⲧ ⲛ̀ⲥⲟⲛ:	ètavfōx ḋe èroi pegav nyi je xaire paf̀nouti penmenrit ǹson:	And when they had come up to me they said unto me, ``Hail, thou man of God, O our beloved brother!''

Provenance

title: Life of Onnophrius part 3
dialect: sahidic
source: Coptic SCRIPTORIUM corpus "life-onnophrius", document life.onnophrius.03
licence: CC-BY 4.0
share: attribution
attribution: Life of Onnophrius part 3 from Coptic SCRIPTORIUM (https://copticscriptorium.org), corpus life-onnophrius, document life.onnophrius.03, version 6.2.0 (2025-11-25), annotations by Amir Zeldes, Lance Martin, Elizabeth Davidson, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
file: Hagiography/Life of onnophrius/life.onnophrius.03.sahidic.scriptorium.L0.txt
title: Life of Onnophrius part 3 — Cairene
dialect: bohairic
source: generated from life.onnophrius.03.sahidic.scriptorium.L0.txt (Coptic SCRIPTORIUM corpus "life-onnophrius", document life.onnophrius.03)
licence: CC BY-SA 4.0
share: attribution
attribution: Life of Onnophrius part 3 from Coptic SCRIPTORIUM (https://copticscriptorium.org), corpus life-onnophrius, document life.onnophrius.03, version 6.2.0 (2025-11-25), annotations by Amir Zeldes, Lance Martin, Elizabeth Davidson, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
generated by: tools/sahidic_to_cairene.py (route D, C3a 2026-09-24; tier a, ROUTE-2 2026-09-26) then tools/cairene.py from_witness dialect=bohairic on the intermediate (L1 = Cairene(N_B(D(N_S(L0)))), RI-038; word division church); Sahidic N stage counts: abbrev=3 abbrev_by_lemma=1 aspirate_boundary_resolved=1 lexeme_L1-S-3=1 lexeme_L1-S-5=1 lexeme_L1-S-8=3 lexeme_open=7 n_morphs_fallback=1 numeral_single_ambiguous=4 restored_accepted=1 stroke_kept=333 th_resolved=4 tokens=773
file: Hagiography/Life of onnophrius/life.onnophrius.03.sahidic.scriptorium.L1.txt
title: Life of Onnophrius part 3 — Kemetic
dialect: bohairic
source: generated from life.onnophrius.03.sahidic.scriptorium.L1.txt
licence: CC BY-SA 4.0
share: attribution
attribution: Life of Onnophrius part 3 from Coptic SCRIPTORIUM (https://copticscriptorium.org), corpus life-onnophrius, document life.onnophrius.03, version 6.2.0 (2025-11-25), annotations by Amir Zeldes, Lance Martin, Elizabeth Davidson, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Hagiography/Life of onnophrius/life.onnophrius.03.sahidic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 84 quoted · 0 quoted with the alignment not cross-checked · 2 model drafts (marked “draft”)
quoted from: E. A. Wallis Budge — aligned in Coptic SCRIPTORIUM life-onnophrius, life.onnophrius.03 (84 lines)

Cite as:

Life of Onnophrius part 3. Coptic SCRIPTORIUM corpus "life-onnophrius", document life.onnophrius.03. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/life-of-onnophrius/life.onnophrius.03.sahidic.scriptorium/. Life of Onnophrius part 3 from Coptic SCRIPTORIUM (https://copticscriptorium.org), corpus life-onnophrius, document life.onnophrius.03, version 6.2.0 (2025-11-25), annotations by Amir Zeldes, Lance Martin, Elizabeth Davidson, Caroline T. Schroeder; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.