Life of Shenoute - part 1 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic-life-shenoute", document bohairic.life.shenoute_01

Attribution: Life of Shenoute - part 1 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_01, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

148 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	ϩⲁⲛⲕⲟⲩϫⲓ ⲉ̀ⲃⲟⲗ ϧⲉⲛⲛⲓϫⲟⲙ ⲛⲉⲙⲛⲓϣⲫⲏⲣⲓ ⲉ̀ⲧⲁⲫϯ ⲁⲓⲧⲟⲩ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲉⲛⲓ̀ⲱⲧ ⲉⲑⲟⲩⲁⲃ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲡⲓⲁⲣⲭⲓⲙⲁⲛⲇⲣⲓⲧⲏⲥ ⲉ̀ⲁϥϩⲩⲥⲧⲟⲣⲓⲛ ⲙ̀ⲙⲱⲟⲩ ⲛ̀ϫⲉⲫⲏ ⲉⲑⲟⲩⲁⲃ ⲁⲡⲁ ⲃⲏⲥⲁ ⲡⲉϥⲙⲁⲑⲏⲧⲏⲥ ⲉⲩⲱ̀ⲟⲩ ⲙ̀ⲫϯ	ϩⲁⲛⲕⲟⲩϫⲓ ⲉ̀ⲃⲟⲗ ϧⲉⲛ ⲛⲓϫⲟⲙ ⲛⲉⲙ ⲛⲓϣ̀ⲫⲏⲣⲓ ⲉ̀ⲧⲁ ⲫ̀ⲛⲟⲩϯ ⲁⲓⲧⲟⲩ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲉⲛⲓ̀ⲱⲧ ⲉⲑⲟⲩⲁⲃ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲓⲡ̀ⲣⲉⲥⲃⲩⲧⲉⲣⲟⲥ ⲟⲩⲟϩ ⲡⲓⲁⲣⲭⲓⲙⲁⲛⲇ̀ⲣⲓⲧⲏⲥ ⲉ̀ⲁϥϩⲩⲥⲧⲟⲣⲓⲛ ⲙ̀ⲙⲱⲟⲩ ⲛ̀ϫⲉ ⲫⲏ ⲉⲑⲟⲩⲁⲃ ⲁⲡⲁ ⲃⲏⲥⲁ ⲡⲉϥⲙⲁⲑⲏⲧⲏⲥ ⲉⲩⲱ̀ⲟⲩ ⲛ̀ⲫ̀ⲛⲟⲩϯ	hankouji èvol xen nigom nem niṡ̀fyri èta f̀nouti aitou èvol hitotf ǹpenìōt eθouab ǹp̀rofytys apa ṡenouti pip̀resbiteros ouoh piarṡimanḋ̀ritys èafhistorin m̀mōou ǹje fy eθouab apa bysa pefmaθytys evṑou ǹf̀nouti	A few of the miracles and wonders which God performed through our holy father, the prophet Shenoute the Presbyter and Archimandrite, which the holy Apa Besa, his disciple, chronicled for the glory of God.
2	ⲟⲩⲟϩ ⲟⲩϩⲏⲟⲩ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉ̀ⲣⲱⲟⲩ ⲛ̀ⲥⲉϯⲱ̀ⲟⲩ ⲙ̀ⲫϯ ⲛ̀ⲥⲏⲟⲩ ⲛⲓⲃⲉⲛ ⲛ̀ϩⲟⲩⲟ ⲇⲉ ⲡⲓⲉ̀ϩⲟⲟⲩ ⲛ̀ⲧⲉⲡⲉϥⲉⲣⲫⲙⲉⲩⲓ̀ ⲉⲑⲟⲩⲁⲃ ⲉ̀ⲧⲉⲥⲟⲩⲍ̅ ⲙ̀ⲡⲓⲁ̀ⲃⲟⲧ ⲉⲡⲏⲡ ⲡⲉ ϧⲉⲛⲟⲩϩⲓⲣⲏⲛⲏ ⲛ̀ⲧⲉⲫϯ ⲁ̀ⲙⲏⲛ .	ⲟⲩⲟϩ ⲟⲩϩⲏⲟⲩ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉ̀ⲣⲱⲟⲩ ⲛ̀ⲧⲟⲩϯⲱ̀ⲟⲩ ⲛ̀ⲫ̀ⲛⲟⲩϯ ⲛ̀ⲥⲏⲟⲩ ⲛⲓⲃⲉⲛ ⲛ̀ϩⲟⲩⲟ ⲇⲉ ⲡⲓⲉ̀ϩⲟⲟⲩ ⲛ̀ⲧⲉ ⲡⲉϥⲉⲣⲫⲙⲉⲩⲓ̀ ⲉⲑⲟⲩⲁⲃ ⲉ̀ⲧⲉ ⲥⲟⲩ7 ⲛ̀ⲡⲓⲁ̀ⲃⲟⲧ ⲉⲡⲏⲡ ⲡⲉ ϧⲉⲛ ⲟⲩϩⲓⲣⲏⲛⲏ ⲛ̀ⲧⲉ ⲫ̀ⲛⲟⲩϯ ⲁ̀ⲙⲏⲛ.	ouoh ouhyou ǹouon niven eθnasōtem èrōou ǹtoutiṑou ǹf̀nouti ǹsyou niven ǹhouo ḋe pièhoou ǹte peferfmevì eθouab ète sou7 ǹpiàvot epyp pe xen ouhiryny ǹte f̀nouti àmyn.	And a boon to all who will hear them and give glory to God at any moment, but more so on the day of his commemoration, wihch is the 7th of the month of Epep, in the peace of God, amen.
3	ϯⲛⲁⲉⲣϩⲏⲧⲥ ⲛ̀ⲥⲁϫⲓ ⲉⲑⲃⲉⲛⲓϫⲟⲙ ⲛⲉⲙⲛⲓϣⲫⲏⲣⲓ ⲉ̀ⲧⲁϥⲁⲓⲧⲟⲩ ⲛ̀ϫⲉⲫϯ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲉⲛⲙⲁⲕⲁⲣⲓⲟⲥ ⲛ̀ⲓ̀ⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲛⲁⲓ ⲉ̀ⲧⲁⲓⲛⲁⲩ ⲉ̀ⲣⲱⲟⲩ ϧⲉⲛⲛⲁⲃⲁⲗ ⲁ̀ⲛⲟⲕ ⲃⲏⲥⲁ ⲡⲉϥⲙⲁⲑⲏⲧⲏⲥ ⲛⲉⲙⲛⲓⲕⲉⲭⲱⲟⲩⲛⲓ ⲟⲛ ⲉ̀ⲧⲁⲡⲉⲛⲓ̀ⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ϫⲟⲧⲟⲩ ⲉ̀ⲣⲟⲓ ϧⲉⲛⲡⲉϥⲣⲱϥ ⲉ̀ⲧⲉⲙ̀ⲙⲟⲛ ϩⲗⲓ ⲙ̀ⲙⲉⲑⲛⲟⲩϫ ⲛ̀ϧⲏⲧϥ	Ϯⲛⲁⲉⲣϩⲏⲧⲥ ⲛ̀ⲥⲁϫⲓ ⲉⲑⲃⲉ ⲛⲓϫⲟⲙ ⲛⲉⲙ ⲛⲓϣ̀ⲫⲏⲣⲓ ⲉ̀ⲧⲁϥⲁⲓⲧⲟⲩ ⲛ̀ϫⲉ ⲫ̀ⲛⲟⲩϯ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲉⲛⲙⲁⲕⲁⲣⲓⲟⲥ ⲛ̀ⲓ̀ⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲛⲁⲓ ⲉ̀ⲧⲁⲓⲛⲁⲩ ⲉ̀ⲣⲱⲟⲩ ϧⲉⲛ ⲛⲁⲃⲁⲗ ⲁ̀ⲛⲟⲕ ⲃⲏⲥⲁ ⲡⲉϥⲙⲁⲑⲏⲧⲏⲥ ⲛⲉⲙ ⲛⲓⲕⲉⲭⲱⲟⲩⲛⲓ ⲟⲛ ⲉ̀ⲧⲁⲡⲉⲛⲓ̀ⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ϫⲟⲧⲟⲩ ⲉ̀ⲣⲟⲓ ϧⲉⲛ ⲡⲉϥⲣⲱϥ ⲉ̀ⲧⲉ ⲙ̀ⲙⲟⲛ ϩ̀ⲗⲓ ⲛ̀ⲙⲉⲑⲛⲟⲩϫ ⲛ̀ϧⲏⲧϥ	Tinaerhyts ǹsaji eθve nigom nem niṡ̀fyri ètafaitou ǹje f̀nouti èvol hitotf ǹpenmakarios ǹìōt eθouab apa ṡenouti nai ètainav èrōou xen naval ànok bysa pefmaθytys nem nikekōouni on ètapenìōt eθouab apa ṡenouti gotou èroi xen pefrōf ète m̀mon h̀li ǹmeθnoug ǹxytf	I shall begin to tell about the miracles and wonders which God performed through our blessed father Apa Shenoute, the ones which I saw with my own eys, I, Besa, his disciple, and also the other things that our holy father Apa Shenoute said to me with his mouth, in which there is no guile.
4	ⲛⲁⲓ ϯⲛⲟⲩ ⲉ̀ϯⲛⲁⲧⲁⲟⲩⲉϩⲁⲛⲕⲟⲩϫⲓ ⲉ̀ⲣⲱⲧⲉⲛ ⲉ̀ⲃⲟⲗ ⲛ̀ϧⲏⲧⲟⲩ .	ⲛⲁⲓ ϯⲛⲟⲩ ⲉ̀ϯⲛⲁⲧⲁⲟⲩⲉϩⲁⲛⲕⲟⲩϫⲓ ⲉ̀ⲣⲱⲧⲉⲛ ⲉ̀ⲃⲟⲗ ⲛ̀ϧⲏⲧⲟⲩ.	nai tinou ètinataouehankouji èrōten èvol ǹxytou.	I will now recount a few of them to you.
5	ⲁⲩⲓⲥ ⲛ̀ⲧⲉⲛⲟⲩⲱⲛϩ ⲛⲱⲧⲉⲛ ⲉ̀ⲃⲟⲗ ϯⲛⲟⲩ ⲛ̀ⲛⲓϫⲟⲙ ⲛⲉⲙⲛⲓϣⲫⲏⲣⲓ ⲉ̀ⲧⲁⲫϯ ⲉⲣⲉⲛⲉⲣⲅⲓⲛ ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲁⲓⲱⲧ ⲛ̀ϧⲉⲗⲗⲟ .	Ⲁⲩⲓ̀ⲥ ⲛ̀ⲧⲉⲛⲟⲩⲱⲛϩ ⲛⲱⲧⲉⲛ ⲉ̀ⲃⲟⲗ ϯⲛⲟⲩ ⲛ̀ⲛⲓϫⲟⲙ ⲛⲉⲙ ⲛⲓϣ̀ⲫⲏⲣⲓ ⲉ̀ⲧⲁ ⲫ̀ⲛⲟⲩϯ ⲉⲣⲉⲛⲉⲣⲅⲓⲛ ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲁⲓⲱⲧ ⲛ̀ϧⲉⲗⲗⲟ.	Avìs ǹtenouōnh nōten èvol tinou ǹnigom nem niṡ̀fyri èta f̀nouti erenergin m̀mōou èvol hitotf ǹpaiōt ǹxello.	Come and we will reveal to you now the miracles and the wonders which God worked through my elder father.
6	ⲓⲥ ⲟⲩⲙⲏϣ ⲅⲁⲣ ⲛ̀ⲉ̀ϩⲟⲟⲩ ϯϧⲟⲥⲓ ⲟⲩⲟϩ ϯϣⲧⲉⲣⲧⲱⲣ ⲉⲓⲉⲣϩⲟϯ ⲉ̀ϯ ⲙ̀ⲡⲁⲟⲩⲟⲓ ⲉ̀ϧⲟⲩⲛ ⲉ̀ⲛⲓϩⲃⲏⲟⲩⲓ̀ ⲛ̀ϣⲫⲏⲣⲓ ⲛ̀ⲧⲉⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ϫⲉⲁ̀ⲛⲟⲕ ⲟⲩⲁⲥⲑⲉⲛⲏⲥ ⲟⲩⲟϩ ⲛ̀ϩⲓⲇⲓⲱⲧⲏⲥ ϧⲉⲛⲡⲥⲁϫⲓ ⲙⲏⲡⲱⲥ ⲛ̀ⲧⲁⲱⲙⲥ ϧⲉⲛⲡⲓⲡⲉⲗⲁⲅⲟⲥ ⲛⲧⲉⲛⲓⲙⲱⲟⲩ ⲉⲑⲃⲉϫⲉϯⲉ̀ⲙⲓ ⲛ̀ⲛⲏⲃⲓ ⲁⲛ .	Ⲓⲥ ⲟⲩⲙⲏϣ ⲅⲁⲣ ⲛ̀ⲉ̀ϩⲟⲟⲩ ϯϧⲟⲥⲓ ⲟⲩⲟϩ ϯϣⲧⲉⲣⲧⲱⲣ ⲉⲓⲉⲣϩⲟϯ ⲉ̀ϯ ⲛ̀ⲡⲁⲟⲩⲟⲓ ⲉ̀ϧⲟⲩⲛ ⲉ̀ⲛⲓϩⲃⲏⲟⲩⲓ̀ ⲛ̀ϣ̀ⲫⲏⲣⲓ ⲛ̀ⲧⲉ ⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ϫⲉ ⲁ̀ⲛⲟⲕ ⲟⲩⲁⲥⲑⲉⲛⲏⲥ ⲟⲩⲟϩ ⲛ̀ϩⲓⲇⲓⲱⲧⲏⲥ ϧⲉⲛ ⲡ̀ⲥⲁϫⲓ ⲙⲏⲡⲱⲥ ⲛ̀ⲧⲁⲱⲙⲥ ϧⲉⲛ ⲡⲓⲡⲉⲗⲁⲅⲟⲥ ⲛ̀ⲧⲉ ⲛⲓⲙⲱⲟⲩ ⲉⲑⲃⲉ ϫⲉ ϯⲉ̀ⲙⲓ ⲛ̀ⲛⲏⲃⲓ ⲁⲛ.	Is oumyṡ ġar ǹèhoou tixosi ouoh tiṡtertōr eierhoti èti ǹpaouoi èxoun ènihvyouì ǹṡ̀fyri ǹte paìōt apa ṡenouti je ànok ouasθenys ouoh ǹhiḋiōtys xen p̀·saji mypōs ǹtaōms xen pipelaġos ǹte nimōou eθve je tièmi ǹnyvi an.	For many days I have been troubled and disturbed, fearing to go forward into the miraculous deeds of my father Apa Shenoute, as I am weak and unskilled in speaking, for fear that I should drown in a sea of water because I don't know how to swim.
7	ϯⲉⲣⲭⲣⲉⲱⲥⲧⲓⲛ ⲅⲁⲣ ϧⲉⲛⲟⲩⲛⲓϣϯ ⲛ̀ⲭⲣⲉⲟⲥ ⲁⲗⲗⲁ ⲡⲓⲇⲁⲛⲓⲥⲧⲏⲥ ϣⲑⲟⲣⲧⲉⲣ ⲁⲛ ϧⲉⲛⲛⲉϥϩⲃⲏⲟⲩⲓ̀ .	Ϯⲉⲣⲭⲣⲉⲱⲥⲧⲓⲛ ⲅⲁⲣ ϧⲉⲛ ⲟⲩⲛⲓϣϯ ⲛ̀ⲭⲣⲉⲟⲥ ⲁⲗⲗⲁ ⲡⲓⲇⲁⲛⲓⲥⲧⲏⲥ ϣⲑⲟⲣⲧⲉⲣ ⲁⲛ ϧⲉⲛ ⲛⲉϥϩ̀ⲃⲏⲟⲩⲓ̀.	Tierxreōstin ġar xen ouniṡti ǹxreos alla piḋanistys ṡθorter an xen nefh̀vyouì.	I owe a great debt, but the creditor is not disturbed in his deeds.
8	ⲡⲁⲓⲱⲧ ⲅⲁⲣ ⲁⲡⲁ ϣⲉⲛⲟⲩϯ ⲫⲁⲡⲓⲉⲣⲫⲙⲉⲩⲓ̀ ⲉⲑⲛⲁⲛⲉϥ ⲫⲁⲓ ⲉ̀ⲧⲉⲛⲉⲣϣⲁⲓ ⲛⲁϥ ⲙ̀ⲫⲟⲟⲩ ⲟⲩϣⲟⲩⲥⲁϫⲓ ⲡⲉ ⲛ̀ⲛⲉϥϩⲃⲏⲟⲩⲓ̀ ⲉⲑⲛⲁⲛⲉⲩ ⲛⲉϥⲁⲥⲕⲏⲥⲓⲥ ⲛⲉⲙⲛⲉϥⲡⲟⲗⲏⲧⲓⲁ ⲛⲉⲙⲛⲉϥⲁⲣⲉⲧⲏ ⲛ̀ϣⲟⲩⲉⲣϣⲫⲏⲣⲓ ⲙ̀ⲙⲱⲟⲩ ⲛⲉⲙⲛⲓⲛⲓϣϯ ⲙ̀ⲙⲏⲓⲛⲓ ⲙ̀ⲡⲁⲣⲁⲇⲟⲝⲟⲛ ⲉⲧⲁⲩϣⲱⲡⲓ ⲉ̀ⲃⲟⲗ ϩⲓⲧⲟⲧϥ ⲉ̀ⲟⲩⲟⲛⲓ ⲛ̀ⲛⲁⲛⲓⲡⲣⲟⲫⲏⲧⲏⲥ ⲉⲑⲟⲩⲁⲃ ⲛⲉⲙⲛⲓⲁ̀ⲡⲟⲥⲧⲟⲗⲟⲥ ⲛ̀ⲧⲉⲡϭ̅ⲥ̅ .	Ⲡⲁⲓⲱⲧ ⲅⲁⲣ ⲁⲡⲁ ϣⲉⲛⲟⲩϯ ⲫⲁⲡⲓⲉⲣⲫⲙⲉⲩⲓ̀ ⲉⲑⲛⲁⲛⲉϥ ⲫⲁⲓ ⲉ̀ⲧⲉⲛⲉⲣϣⲁⲓ ⲛⲁϥ ⲛ̀ⲫⲟⲟⲩ ⲟⲩϣⲟⲩⲥⲁϫⲓ ⲡⲉ ⲛ̀ⲛⲉϥϩⲃⲏⲟⲩⲓ̀ ⲉⲑⲛⲁⲛⲉⲩ ⲛⲉϥⲁⲥⲕⲏⲥⲓⲥ ⲛⲉⲙ ⲛⲉϥⲡⲟⲗⲏⲧⲓⲁ ⲛⲉⲙ ⲛⲉϥⲁ̀ⲣⲉⲧⲏ ⲛ̀ϣⲟⲩⲉⲣϣⲫⲏⲣⲓ ⲙ̀ⲙⲱⲟⲩ ⲛⲉⲙ ⲛⲓⲛⲓϣϯ ⲛ̀ⲙⲏⲓⲛⲓ ⲛ̀ⲡⲁⲣⲁⲇⲟⲝⲟⲛ ⲉ̀ⲧⲁⲩϣⲱⲡⲓ ⲉ̀ⲃⲟⲗ ϩⲓⲧⲟⲧϥ ⲉ̀ⲟⲩⲟⲛⲓ ⲛ̀ⲛⲁ ⲛⲓⲡ̀ⲣⲟⲫⲏⲧⲏⲥ ⲉⲑⲟⲩⲁⲃ ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ ⲛ̀ⲧⲉ ⲡ̀ϭⲟⲓⲥ.	Paiōt ġar apa ṡenouti fapierfmevì eθnanef fai ètenerṡai naf ǹfoou ouṡousaji pe ǹnefhvyouì eθnanev nefaskysis nem nefpolytia nem nefàrety ǹṡouerṡfyri m̀mōou nem niniṡti ǹmyini ǹparaḋokson ètavṡōpi èvol hitotf èouoni ǹna nip̀rofytys eθouab nem niàpostolos ǹte p̀ċois.	For my father Apa Shenoute, the one of good remembrance for whom we celebrate today is worthy of words for his good deeds, his asceticism, conduct and virtue to be marveled at, and the great incredible signs which were brought about by him which are like those of the holy prophets and the apostles of the Lord.
9	ⲛⲉⲟⲩⲟⲛ ⲟⲩϯⲙⲓ ⲇⲉ ϫⲉϣⲉⲛⲁⲗⲟⲗⲉⲧ ϧⲉⲛⲡⲑⲟϣ ϣⲙⲓⲛ ϯⲡⲟⲗⲓⲥ ⲟⲩⲟϩ ⲛⲁⲩϣⲟⲡ ⲛϧⲏⲧϥ ⲛϫⲉⲛⲉⲛⲓⲟϯ ⲛⲇⲩⲕⲉⲟⲥ ⲙⲡⲉⲛⲓⲱⲧ ⲉⲧⲥⲙⲁⲣⲱⲟⲩⲧ .	Ⲛⲉ ⲟⲩⲟⲛ ⲟⲩϯⲙⲓ ⲇⲉ ϫⲉ ϣⲉⲛⲁⲗⲟⲗⲉⲧ ϧⲉⲛ ⲡ̀ⲑⲟϣ ϣⲙⲓⲛ ϯⲡⲟⲗⲓⲥ ⲟⲩⲟϩ ⲛⲁⲩϣⲟⲡ ⲛ̀ϧⲏⲧϥ ⲛ̀ϫⲉ ⲛⲉⲛⲓⲟϯ ⲛ̀ⲇⲓⲕⲉⲟⲥ ⲛ̀ⲡⲉⲛⲓⲱⲧ ⲉⲧⲥ̀ⲙⲁⲣⲱⲟⲩⲧ.	Ne ouon outimi ḋe je ṡenalolet xen p̀θoṡ ṡmin tipolis ouoh navṡop ǹxytf ǹje nenioti ǹḋikeos ǹpeniōt ets̀marōout.	There was a village called Sehnalolet in the region of the city of Shmin, and in it lived the righteous parents of our blessed father.
10	ⲫⲓⲱⲧ ⲇⲉ ⲛⲁⲡⲁ ϣⲉⲛⲟⲩϯ ⲛⲉⲟⲩⲟⲩⲱⲓ ⲡⲉ ϧⲉⲛⲡⲓⲕⲁϩⲓ ⲟⲩⲟϩ ⲛⲁⲩϣⲟⲡ ⲛⲁϥ ⲡⲉ ⲛϫⲉϩⲁⲛⲕⲟⲩϫⲓ ⲛⲉⲥⲱⲟⲩ ⲟⲩⲟϩ ⲁϥⲧⲏⲓⲧⲟⲩ ⲉⲧⲟⲧϥ ⲛⲟⲩⲙⲁ ⲛⲉⲥⲱⲟⲩ ⲉⲑⲣⲉϥⲁⲙⲟⲛⲓ ⲙⲙⲱⲟⲩ ϧⲉⲛⲧⲕⲟⲓ .	Ⲫ̀ⲓⲱⲧ ⲇⲉ ⲛ̀ⲁⲡⲁ ϣⲉⲛⲟⲩϯ ⲛⲉ ⲟⲩⲟⲩⲱⲓ ⲡⲉ ϧⲉⲛ ⲡⲓⲕⲁϩⲓ ⲟⲩⲟϩ ⲛⲁⲩϣⲟⲡ ⲛⲁϥ ⲡⲉ ⲛ̀ϫⲉ ϩⲁⲛⲕⲟⲩϫⲓ ⲛ̀ⲉⲥⲱⲟⲩ ⲟⲩⲟϩ ⲁϥⲧⲏⲓⲧⲟⲩ ⲉⲧⲟⲧϥ ⲛ̀ⲟⲩⲙⲁ ⲛ̀ⲉⲥⲱⲟⲩ ⲉ̀ⲑⲣⲉϥⲁ̀ⲙⲟⲛⲓ ⲙ̀ⲙⲱⲟⲩ ϧⲉⲛ ⲧ̀ⲕⲟⲓ.	F̀iōt ḋe ǹapa ṡenouti ne ououōi pe xen pikahi ouoh navṡop naf pe ǹje hankouji ǹesōou ouoh aftyitou etotf ǹouma ǹesōou èθrefàmoni m̀mōou xen t̀koi.	And Apa Shenoute's father was a farmer in that land, he had a few sheep and he gave them to a shepherd to be responsible for them in the field.
11	ⲡⲓⲙⲁ ⲛⲉⲥⲱⲟⲩ ⲇⲉ ⲁϥϫⲟⲥ ⲙⲫⲓⲱⲧ ⲛⲁⲡⲁ ϣⲉⲛⲟⲩϯ ϫⲉⲙⲁ ⲡⲓⲁ̀ⲗⲟⲩ ϣⲉⲛⲟⲩϯ ⲛⲏⲓ ⲛ̀ⲧⲉϥϫⲟⲩϣⲧ ⲉ̀ⲛⲓⲉ̀ⲥⲱⲟⲩ ⲛⲉⲙⲏⲓ ⲟⲩⲟϩ ϯⲛⲁⲭⲁⲟⲩⲕⲟⲩϫⲓ ⲛⲁⲕ ⲉ̀ⲃⲟⲗ ϧⲉⲛⲡⲁⲃⲉⲭⲉ ⲉⲑⲃⲏⲧϥ .	Ⲡⲓⲙⲁ ⲛ̀ⲉⲥⲱⲟⲩ ⲇⲉ ⲁϥϫⲟⲥ ⲛ̀ⲫⲓⲱⲧ ⲛ̀ⲁⲡⲁ ϣⲉⲛⲟⲩϯ ϫⲉ ⲙⲁ ⲡⲓⲁ̀ⲗⲟⲩ ϣⲉⲛⲟⲩϯ ⲛⲏⲓ ⲛ̀ⲧⲉϥϫⲟⲩϣⲧ ⲉ̀ⲛⲓⲉ̀ⲥⲱⲟⲩ ⲛⲉⲙⲏⲓ ⲟⲩⲟϩ ϯⲛⲁⲭⲁⲟⲩⲕⲟⲩϫⲓ ⲛⲁⲕ ⲉ̀ⲃⲟⲗ ϧⲉⲛ ⲡⲁⲃⲉⲭⲉ ⲉⲑⲃⲏⲧϥ.	Pima ǹesōou ḋe afgos ǹfiōt ǹapa ṡenouti je ma piàlou ṡenouti nyi ǹtefgouṡt ènièsōou nemyi ouoh tinakaoukouji nak èvol xen paveke eθvytf.	The shepherd said to Apa Shenoute's father: “give the boy Shenoute to me so that he can look after the sheep with me and I will give you a little of my wages for him.”
12	ⲧⲟⲧⲉ ⲡⲓⲕⲟⲩϫⲓ ⲛ̀ⲁ̀ⲗⲟⲩ ϣⲉⲛⲟⲩϯ ⲛⲉⲁϥⲉⲣϩⲏⲧⲥ ⲛ̀ⲁⲓⲁⲓ ⲡⲉ ϧⲉⲛⲡⲓϩⲙⲟⲧ ⲛ̀ⲧⲉⲫϯ ⲉⲧϣⲟⲡ ⲛ̀ϧⲏⲧϥ ⲟⲩⲟϩ ⲛⲁϥϯ ⲉ̀ⲡⲁⲛⲁⲓ ⲛ̀ⲕⲟⲩϫⲓ . ⲕⲟⲩϫⲓ .	Ⲧⲟⲧⲉ ⲡⲓⲕⲟⲩϫⲓ ⲛ̀ⲁ̀ⲗⲟⲩ ϣⲉⲛⲟⲩϯ ⲛⲉ ⲁϥⲉⲣϩⲏⲧⲥ ⲛ̀ⲁⲓⲁⲓ ⲡⲉ ϧⲉⲛ ⲡⲓϩ̀ⲙⲟⲧ ⲛ̀ⲧⲉ ⲫ̀ⲛⲟⲩϯ ⲉⲧϣⲟⲡ ⲛ̀ϧⲏⲧϥ ⲟⲩⲟϩ ⲛⲁϥϯ ⲉ̀ⲡⲁⲛⲁⲓ ⲛ̀ⲕⲟⲩϫⲓ. Ⲕⲟⲩϫⲓ.	Tote pikouji ǹàlou ṡenouti ne aferhyts ǹaiai pe xen pih̀mot ǹte f̀nouti etṡop ǹxytf ouoh nafti èpanai ǹkouji. Kouji.	Then the little boy Shenote began to grow in the grace of God which dwelt inside him and bit by bit grew beautiful.
13	ⲡⲉϫⲉⲑⲙⲁⲩ ⲙ̀ⲡⲓⲕⲟⲩϫⲓ ⲛ̀ⲁⲗⲟⲩ ϣⲉⲛⲟⲩϯ ⲙ̀ⲡⲓⲙⲁ ⲛⲉ̀ⲥⲱⲟⲩ ϫⲉϩⲏⲡⲡⲉ ϯⲛⲁϯ ⲛⲁⲕ ⲙ̀ⲡⲁϣⲏⲣⲓ ⲁⲗⲗⲁ ⲟⲩⲟⲣⲡϥ ⲛⲏⲓ ⲛ̀ϩⲁⲛⲁ̀ⲣⲟⲩϩⲓ ⲙ̀ⲙⲏⲓⲛⲓ ϫⲉⲟⲩϣⲏⲣⲓ ⲙ̀ⲙⲁⲩⲁⲧϥ ⲛⲏⲓ ⲡⲉ ⲉⲓⲣⲁϣⲓ ⲉ̀ⲫϯ ⲛⲉⲙⲁϥ ⲙ̀ⲡⲓⲉ̀ϩⲟⲟⲩ ⲛⲉⲙⲡⲓⲉ̀ϫⲱⲣϩ .	Ⲡⲉϫⲉⲑⲙⲁⲩ ⲛ̀ⲡⲓⲕⲟⲩϫⲓ ⲛ̀ⲁⲗⲟⲩ ϣⲉⲛⲟⲩϯ ⲛ̀ⲡⲓⲙⲁ ⲛ̀ⲉ̀ⲥⲱⲟⲩ ϫⲉ ϩⲏⲡⲡⲉ ϯⲛⲁϯ ⲛⲁⲕ ⲛ̀ⲡⲁϣⲏⲣⲓ ⲁⲗⲗⲁ ⲟⲩⲟⲣⲡϥ ⲛⲏⲓ ⲛ̀ϩⲁⲛⲁ̀ⲣⲟⲩϩⲓ ⲛ̀ⲙⲏⲓⲛⲓ ϫⲉ ⲟⲩϣⲏⲣⲓ ⲙ̀ⲙⲁⲩⲁⲧϥ ⲛⲏⲓ ⲡⲉ ⲉⲓⲣⲁϣⲓ ⲉ̀ⲫ̀ⲛⲟⲩϯ ⲛⲉⲙⲁϥ ⲛ̀ⲡⲓⲉ̀ϩⲟⲟⲩ ⲛⲉⲙ ⲡⲓⲉ̀ϫⲱⲣϩ.	Pejeθmav ǹpikouji ǹalou ṡenouti ǹpima ǹèsōou je hyppe tinati nak ǹpaṡyri alla ouorpf nyi ǹhanàrouhi ǹmyini je ouṡyri m̀mavatf nyi pe eiraṡi èf̀nouti nemaf ǹpièhoou nem piègōrh.	The boy Shenoute's mother said to the shepherd: “Here, I will give you my boy, but send him to me in the evenings every day, since he is my only child and I rejoice to God with him day and night.”
14	ⲟⲩⲟϩ ⲡⲉϫⲉⲡⲓⲙⲁ ⲛⲉ̀ⲥⲱⲟⲩ ⲛⲱⲟⲩ ϫⲉϯⲛⲁⲟⲩⲟⲣⲡϥ ⲛⲱⲧⲉⲛ ⲉ̀ϩⲣⲏⲓ ⲙ̀ⲙⲏⲛⲓ ⲙ̀ⲡⲁⲧⲉⲫⲣⲏ ϩⲱⲧⲡ .	Ⲟⲩⲟϩ ⲡⲉϫⲉⲡⲓⲙⲁ ⲛ̀ⲉ̀ⲥⲱⲟⲩ ⲛⲱⲟⲩ ϫⲉ ϯⲛⲁⲟⲩⲟⲣⲡϥ ⲛⲱⲧⲉⲛ ⲉ̀ϩ̀ⲣⲏⲓ ⲛ̀ⲙⲏⲛⲓ ⲙ̀ⲡⲁⲧⲉⲫ̀ⲣⲏ ϩⲱⲧⲡ.	Ouoh pejepima ǹèsōou nōou je tinaouorpf nōten èh̀ryi ǹmyni m̀patef̀ry hōtp.	And the shepherd said to them: “I will send him up to you every day before the sun sets.”
15	ⲧⲟⲧⲉ ⲗⲟⲓⲡⲟⲛ ⲁ̀ⲡⲓⲙⲁ ⲛⲉ̀ⲥⲱⲟⲩ ϭⲓ ⲙ̀ⲡⲓⲁ̀ⲗⲟⲩ ϣⲉⲛⲟⲩϯ ⲟⲩⲟϩ ⲁϥⲁ̀ⲙⲟⲛⲓ ⲛ̀ⲛⲓⲉ̀ⲥⲱⲟⲩ ⲛⲉⲙⲁϥ ⲟⲩⲟϩ ⲁⲣⲉϣⲁⲛⲣⲟⲩϩⲓ ϣⲱⲡⲓ ⲙ̀ⲙⲏⲛⲓ ϣⲁⲣⲉⲡⲓⲙⲁ ⲛⲉ̀ⲥⲱⲟⲩ ⲟⲩⲱⲣⲡ ⲙ̀ⲡⲓⲁ̀ⲗⲟⲩ ϣⲉⲛⲟⲩϯ ⲛ̀ⲛⲉϥⲓⲟϯ ⲉ̀ⲡⲓϯⲙⲓ .	Ⲧⲟⲧⲉ ⲗⲟⲓⲡⲟⲛ ⲁ̀ ⲡⲓⲙⲁ ⲛ̀ⲉ̀ⲥⲱⲟⲩ ϭⲓ ⲛ̀ⲡⲓⲁ̀ⲗⲟⲩ ϣⲉⲛⲟⲩϯ ⲟⲩⲟϩ ⲁϥⲁ̀ⲙⲟⲛⲓ ⲛ̀ⲛⲓⲉ̀ⲥⲱⲟⲩ ⲛⲉⲙⲁϥ ⲟⲩⲟϩ ⲁⲣⲉϣⲁⲛⲣⲟⲩϩⲓ ϣⲱⲡⲓ ⲛ̀ⲙⲏⲛⲓ ϣⲁⲣⲉⲡⲓⲙⲁ ⲛ̀ⲉ̀ⲥⲱⲟⲩ ⲟⲩⲱⲣⲡ ⲛ̀ⲡⲓⲁ̀ⲗⲟⲩ ϣⲉⲛⲟⲩϯ ⲛ̀ⲛⲉϥⲓⲟϯ ⲉ̀ⲡⲓϯⲙⲓ.	Tote loipon à pima ǹèsōou ċi ǹpiàlou ṡenouti ouoh afàmoni ǹnièsōou nemaf ouoh areṡanrouhi ṡōpi ǹmyni ṡarepima ǹèsōou ouōrp ǹpiàlou ṡenouti ǹnefioti èpitimi.	Then finally the shepherd took the boy Shenoute and he watched over the sheep with him, and when evening came every day the shepherd would send the boy Shenoute to his parents to the village.
16	ⲛⲑⲟϥ ⲇⲉ ⲁⲡⲁ ϣⲉⲛⲟⲩϯ ⲛⲉϣⲁϥϩⲱⲗ ⲉ̀ϧⲣⲏⲓ ⲉ̀ⲟⲩϣⲏⲓ ⲙ̀ⲙⲱⲟⲩ ⲉϥⲟⲩⲏ̀ⲟⲩ ⲉ̀ⲃⲟⲗ ⲙ̀ⲡϯⲙⲓ ⲛ̀ⲟⲩⲕⲟⲩϫⲓ ⲟⲩⲟϩ ⲛⲉⲡⲓⲁ̀ⲃⲟⲧ ⲧⲱⲃⲓ ⲛⲉ ⲛⲓⲉ̀ϩⲟⲟⲩ ⲉ̀ⲧⲉⲙⲙⲁⲩ ⲟⲩⲟϩ ⲡⲁⲓⲣⲏϯ ⲛⲉϣⲁϥⲫⲱⲣϣ ⲛ̀ⲛⲉϥϫⲓϫ ⲉ̀ⲃⲟⲗ ⲛ̀ⲧⲉϥϣⲗⲏⲗ ⲉ̀ⲣⲉⲡⲓⲙⲱⲟⲩ ⲛⲏⲟⲩ ϣⲁⲡⲉϥⲙⲟⲩⲧ	Ⲛ̀ⲑⲟϥ ⲇⲉ ⲁⲡⲁ ϣⲉⲛⲟⲩϯ ⲛⲉϣⲁϥϩⲱⲗ ⲉ̀ϧ̀ⲣⲏⲓ ⲉ̀ⲟⲩϣⲏⲓ ⲛ̀ⲙⲱⲟⲩ ⲉϥⲟⲩⲏ̀ⲟⲩ ⲉ̀ⲃⲟⲗ ⲛ̀ⲡ̀ϯⲙⲓ ⲛ̀ⲟⲩⲕⲟⲩϫⲓ ⲟⲩⲟϩ ⲛⲉⲡⲓⲁ̀ⲃⲟⲧ ⲧⲱⲃⲓ ⲛⲉ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲡⲁⲓⲣⲏϯ ⲛⲉϣⲁϥⲫⲱⲣϣ ⲛ̀ⲛⲉϥϫⲓϫ ⲉ̀ⲃⲟⲗ ⲛ̀ⲧⲉϥϣ̀ⲗⲏⲗ ⲉ̀ⲣⲉ ⲡⲓⲙⲱⲟⲩ ⲛⲏⲟⲩ ϣⲁ ⲡⲉϥⲙⲟⲩⲧ	Ǹθof ḋe apa ṡenouti neṡafhōl èx̀ryi èouṡyi ǹmōou efouỳou èvol ǹp̀timi ǹoukouji ouoh nepiàvot tōvi ne nièhoou ète m̀mav ouoh pairyti neṡaffōrṡ ǹnefjig èvol ǹtefṡ̀lyl ère pimōou nyou ṡa pefmout	But Apa Shenoute would always hurry down to a water cistern a little outside the village and it was the month of Tobi in those days, and so he would spread his hands out and pray with the water coming up to his neck.
17	ⲟⲩⲟϩ ⲁⲣⲉϣⲁⲛⲡⲓⲟⲩⲱⲓⲛⲓ ⲓ̀ ⲉ̀ⲃⲟⲗ ⲙ̀ⲙⲏⲛⲓ ϣⲁⲣⲉⲑⲙⲁⲩ ⲙ̀ⲡⲓⲕⲟⲩϫⲓ ⲛ̀ϣⲏⲣⲓ ⲛⲉⲙⲡⲉϥⲓ̀ⲱⲧ ⲉⲙⲗⲁϧ ⲛⲉⲙⲡⲓⲙⲁ ⲛⲉ̀ⲥⲱⲟⲩ ⲉⲩϫⲱ ⲙ̀ⲙⲟⲥ ϫⲉⲉⲑⲃⲉⲟⲩ ⲙ̀ⲡⲉⲕⲟⲩⲱⲣⲡ ⲙ̀ⲡⲉⲛϣⲏⲣⲓ ⲛⲁⲛ ⲛ̀ⲣⲟⲩϩⲓ ;	ⲟⲩⲟϩ ⲁⲣⲉϣⲁⲛⲡⲓⲟⲩⲱⲓⲛⲓ ⲓ̀ ⲉ̀ⲃⲟⲗ ⲛ̀ⲙⲏⲛⲓ ϣⲁⲣⲉⲑⲙⲁⲩ ⲛ̀ⲡⲓⲕⲟⲩϫⲓ ⲛ̀ϣⲏⲣⲓ ⲛⲉⲙ ⲡⲉϥⲓ̀ⲱⲧ ⲉⲙⲗⲁϧ ⲛⲉⲙ ⲡⲓⲙⲁ ⲛ̀ⲉ̀ⲥⲱⲟⲩ ⲉⲩϫⲱ ⲙ̀ⲙⲟⲥ ϫⲉ ⲉⲑⲃⲉ ⲟⲩ ⲙ̀ⲡⲉⲭⲟⲩⲱⲣⲡ ⲛ̀ⲡⲉⲛϣⲏⲣⲓ ⲛⲁⲛ ⲛ̀ⲣⲟⲩϩⲓ ;	ouoh areṡanpiouōini ì èvol ǹmyni ṡareθmav ǹpikouji ǹṡyri nem pefìōt emlax nem pima ǹèsōou evgō m̀mos je eθve ou m̀pekouōrp ǹpenṡyri nan ǹrouhi ;	And when light came out every day the little boy's mother and his father would quarrel with the shepherd saying: “Why didn't you send our son to us in the evening?
18	ⲧⲉⲛⲉⲣϩⲟϯ ⲅⲁⲣ ϫⲉⲛ̀ⲛⲉⲟⲩⲡⲉⲧϩⲱⲟⲩ ϣⲱⲡⲓ ⲙ̀ⲙⲟϥ .	ⲧⲉⲛⲉⲣϩⲟϯ ⲅⲁⲣ ϫⲉ ⲛ̀ⲛⲉⲟⲩⲡⲉⲧϩⲱⲟⲩ ϣⲱⲡⲓ ⲙ̀ⲙⲟϥ.	tenerhoti ġar je ǹneoupet·hōou ṡōpi m̀mof.	We worry lest something bad might happen to him.”
19	ⲧⲟⲧⲉ ϣⲁⲣⲉⲡⲓⲙⲁ ⲛⲉ̀ⲥⲱⲟⲩ ϫⲟⲥ ⲛ̀ⲛⲉϥⲓⲟϯ ϫⲉϧⲉⲛⲟⲩⲙⲉⲑⲙⲏⲓ ϯⲟⲩⲱⲣⲡ ⲙ̀ⲙⲟϥ ⲛⲱⲧⲉⲛ ⲛ̀ⲣⲟⲩϩⲓ ⲙ̀ⲙⲏⲛⲓ .	Ⲧⲟⲧⲉ ϣⲁⲣⲉⲡⲓⲙⲁ ⲛ̀ⲉ̀ⲥⲱⲟⲩ ϫⲟⲥ ⲛ̀ⲛⲉϥⲓⲟϯ ϫⲉ ϧⲉⲛ ⲟⲩⲙⲉⲑⲙⲏⲓ ϯⲟⲩⲱⲣⲡ ⲙ̀ⲙⲟϥ ⲛⲱⲧⲉⲛ ⲛ̀ⲣⲟⲩϩⲓ ⲛ̀ⲙⲏⲛⲓ.	Tote ṡarepima ǹèsōou gos ǹnefioti je xen oumeθmyi tiouōrp m̀mof nōten ǹrouhi ǹmyni.	Then the shepherd would say to his parents: “in truth, I send him to you in the evening every day.”
20	ⲟⲩⲉ̀ϩⲟⲟⲩ ⲇⲉ ⲉ̀ⲃⲟⲗ ϧⲉⲛⲟⲩⲉ̀ϩⲟⲟⲩ ⲁ̀ⲡⲓⲙⲁ ⲛⲉ̀ⲥⲱⲟⲩ ⲙⲟϣⲓ ϩⲓⲫⲁϩⲟⲩ ⲙ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ϣⲁⲧⲉϥⲫⲟϩ ⲉ̀ⲡⲓϣⲏⲓ ⲙ̀ⲙⲱⲟⲩ .	Ⲟⲩⲉ̀ϩⲟⲟⲩ ⲇⲉ ⲉ̀ⲃⲟⲗ ϧⲉⲛ ⲟⲩⲉ̀ϩⲟⲟⲩ ⲁ̀ ⲡⲓⲙⲁ ⲛ̀ⲉ̀ⲥⲱⲟⲩ ⲙⲟϣⲓ ϩⲓ ⲫⲁϩⲟⲩ ⲛ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ϣⲁⲧⲉϥⲫⲟϩ ⲉ̀ⲡⲓϣⲏⲓ ⲛ̀ⲙⲱⲟⲩ.	Ouèhoou ḋe èvol xen ouèhoou à pima ǹèsōou moṡi hi fahou ǹpikouji ǹṡyri ṡenouti ṡateffoh èpiṡyi ǹmōou.	But one day the shepherd went after the little boy Shenoute until he reached the water cistern.
21	ⲛⲉⲟⲩⲟⲛ ⲟⲩⲛⲟⲩϩⲓ ⲇⲉ ϩⲓϫⲉⲛⲡⲓϣⲏⲓ ⲙ̀ⲙⲱⲟⲩ .	Ⲛⲉ ⲟⲩⲟⲛ ⲟⲩⲛⲟⲩϩⲓ ⲇⲉ ϩⲓϫⲉⲛ ⲡⲓϣⲏⲓ ⲛ̀ⲙⲱⲟⲩ.	Ne ouon ounouhi ḋe hijen piṡyi ǹmōou.	And there was a sycamore tree next to the water cistern.
22	ⲧⲟⲧⲉ ⲡⲓⲁ̀ⲗⲟⲩ ⲁϥϩⲱⲗ ⲉ̀ⲡⲉⲥⲏⲧ ⲉ̀ⲡⲓⲙⲱⲟⲩ ⲟⲩⲟϩ ⲁϥϣⲗⲏⲗ ⲉ̀ϩⲣⲏⲓ ϩⲁⲫϯ ⲉⲣⲉⲛⲉϥϫⲓϫ ⲫⲟⲣϣ ⲉ̀ⲃⲟⲗ ⲉ̀ⲡϣⲱⲓ ⲉ̀ⲧⲫⲉ .	Ⲧⲟⲧⲉ ⲡⲓⲁ̀ⲗⲟⲩ ⲁϥϩⲱⲗ ⲉ̀ⲡⲉⲥⲏⲧ ⲉ̀ⲡⲓⲙⲱⲟⲩ ⲟⲩⲟϩ ⲁϥϣ̀ⲗⲏⲗ ⲉ̀ϩ̀ⲣⲏⲓ ϩⲁ ⲫ̀ⲛⲟⲩϯ ⲉ̀ⲣⲉⲛⲉϥϫⲓϫ ⲫⲟⲣϣ ⲉ̀ⲃⲟⲗ ⲉ̀ⲡ̀ϣⲱⲓ ⲉ̀ⲧ̀ⲫⲉ.	Tote piàlou afhōl èpesyt èpimōou ouoh afṡ̀lyl èh̀ryi ha f̀nouti èrenefjig forṡ èvol èp̀ṡōi èt̀fe.	Then the boy hurried down to the water and prayed up towards God with his hands spread up to the sky.
23	ⲡⲓⲙⲁ ⲛⲉ̀ⲥⲱⲟⲩ ⲇⲉ ⲁϥⲉⲣ ϩⲓⲫⲁϩⲟⲩ ⲙ̀ⲙⲟϥ ⲁϥⲭⲟⲡϥ ϧⲁⲧⲉⲛϯⲛⲟⲩϩⲓ ϣⲁⲧⲉϥⲛⲁⲩ ⲉ̀ⲫⲏ ⲉⲣⲉⲡⲓⲕⲟⲩϫⲓ ⲛ̀ϣⲏⲣⲓ ⲛⲁⲁⲓϥ	Ⲡⲓⲙⲁ ⲛ̀ⲉ̀ⲥⲱⲟⲩ ⲇⲉ ⲁϥⲉⲣ ϩⲓ ⲫⲁϩⲟⲩ ⲙ̀ⲙⲟϥ ⲁϥⲭⲟⲡϥ ϧⲁⲧⲉⲛ ϯⲛⲟⲩϩⲓ ϣⲁⲧⲉϥⲛⲁⲩ ⲉ̀ⲫⲏ ⲉ̀ⲣⲉ ⲡⲓⲕⲟⲩϫⲓ ⲛ̀ϣⲏⲣⲓ ⲛⲁⲁⲓϥ	Pima ǹèsōou ḋe afer hi fahou m̀mof afkopf xaten tinouhi ṡatefnav èfy ère pikouji ǹṡyri naaif	But the shepherd stood behind him and hid behind the sycamore until he saw what the boy was going to do.
24	ⲟⲩⲟϩ ⲛⲁⲣⲉⲡⲓⲙⲁ ⲛⲉ̀ⲥⲱⲟⲩ ⲉⲣⲙⲉⲑⲣⲉ ⲉϥϫⲱ ⲙ̀ⲙⲟⲥ ϫⲉⲁⲓⲛⲁⲩ ⲉ̀ⲡⲓⲓ̅ ⲛ̀ⲧⲏⲃ ⲛ̀ⲧⲉⲡⲓⲕⲟⲩϫⲓ ⲛ̀ϣⲏⲣⲓ ⲉⲩⲟⲓ ⲙ̀ⲫⲣⲏϯ ⲙ̀ⲓ̅ ⲛ̀ⲗⲁⲙⲡⲁⲥ ⲛ̀ⲭⲣⲱⲙ ⲟⲩⲟϩ ⲡⲁⲓⲣⲏϯ ⲁⲓⲧⲁⲥⲑⲟⲓ ⲉ̀ⲫⲁϩⲟⲩ ⲁⲓϣⲉ ⲛⲏⲓ ⲉⲥⲕⲉⲛⲛⲁⲉ̀ⲥⲱⲟⲩ .	ⲟⲩⲟϩ ⲛⲁⲣⲉ ⲡⲓⲙⲁ ⲛ̀ⲉ̀ⲥⲱⲟⲩ ⲉⲣⲙⲉⲑⲣⲉ ⲉϥϫⲱ ⲙ̀ⲙⲟⲥ ϫⲉ ⲁⲓⲛⲁⲩ ⲉ̀ⲡⲓ10 ⲛ̀ⲧⲏⲃ ⲛ̀ⲧⲉ ⲡⲓⲕⲟⲩϫⲓ ⲛ̀ϣⲏⲣⲓ ⲉⲩⲟⲓ ⲛ̀ⲫ̀ⲣⲏϯ ⲙ̀̀10 ⲛ̀ⲗⲁⲙⲡⲁⲥ ⲛ̀ⲭ̀ⲣⲱⲙ ⲟⲩⲟϩ ⲡⲁⲓⲣⲏϯ ⲁⲓⲧⲁⲥⲑⲟⲓ ⲉ̀ⲫⲁϩⲟⲩ ⲁⲓϣⲉ ⲛⲏⲓ ⲉⲥⲕⲉⲛⲛⲁⲉ̀ⲥⲱⲟⲩ.	ouoh nare pima ǹèsōou ermeθre efgō m̀mos je ainav èpi10 ǹtyb ǹte pikouji ǹṡyri evoi ǹf̀ryti m̀10 ǹlampas ǹk̀rōm ouoh pairyti aitasθoi èfahou aiṡe nyi eskennaèsōou.	And the shepherd was witness, saying “I saw the ten fingers of the little boy becoming as ten flaming lanterns, and so I turned back and went to my sheep.”
25	ⲉ̀ⲧⲁⲧⲟⲟⲩⲓ̀ ⲇⲉ ϣⲱⲡⲓ ⲡⲉϫⲁ[ϥ] ⲁϥⲓ̀ ⲛ̀ϫⲉⲡⲉϥⲓ̀ⲱⲧ ⲁϥⲉⲙⲗⲁϧ ⲛⲉⲙⲏⲓ ⲟⲛ ⲉϥϫⲱ ⲙ̀ⲙⲟⲥ ϫⲉⲉⲑⲃⲉⲟⲩ ⲙ̀ⲡⲉⲕⲟⲩⲱⲣⲡ ⲙ̀ⲡⲁϣⲏⲣⲓ ⲛⲏⲓ ⲛ̀ⲣⲟⲩϩⲓ ;	Ⲉ̀ⲧⲁⲧⲟⲟⲩⲓ̀ ⲇⲉ ϣⲱⲡⲓ ⲡⲉϫⲁϥ ⲁϥⲓ̀ ⲛ̀ϫⲉ ⲡⲉϥⲓ̀ⲱⲧ ⲁϥⲉⲙⲗⲁϧ ⲛⲉⲙⲏⲓ ⲟⲛ ⲉϥϫⲱ ⲙ̀ⲙⲟⲥ ϫⲉ ⲉⲑⲃⲉ ⲟⲩ ⲙ̀ⲡⲉⲭⲟⲩⲱⲣⲡ ⲛ̀ⲡⲁϣⲏⲣⲓ ⲛⲏⲓ ⲛ̀ⲣⲟⲩϩⲓ ;	Ètatoouì ḋe ṡōpi pegaf afì ǹje pefìōt afemlax nemyi on efgō m̀mos je eθve ou m̀pekouōrp ǹpaṡyri nyi ǹrouhi ;	“And when it was morning,” he said, “his father came and quarreled with me again saying ‘why didn't you send my son to me in the evening?’.
26	ⲡⲉϫⲏⲓ ⲛⲁϥ ϫⲉⲱ̀ⲗⲓ ⲙ̀ⲡⲉⲕϣⲏⲣⲓ ⲛⲁⲕ ⲙ̀ⲙⲟⲛ ϯⲉⲙⲡϣⲁ ⲙ̀ⲙⲟϥ ⲁⲛ ⲉⲑⲣⲉϥⲟ̀ϩⲓ ϧⲁⲧⲟⲧ .	ⲡⲉϫⲏⲓ ⲛⲁϥ ϫⲉ ⲱ̀ⲗⲓ ⲛ̀ⲡⲉⲕϣⲏⲣⲓ ⲛⲁⲕ ⲙ̀ⲙⲟⲛ ϯⲉⲙⲡϣⲁ ⲙ̀ⲙⲟϥ ⲁⲛ ⲉ̀ⲑⲣⲉϥⲟ̀ϩⲓ ϧⲁⲧⲟⲧ.	pejyi naf je ṑli ǹpekṡyri nak m̀mon tiempṡa m̀mof an èθrefòhi xatot.	I said to him: ‘Take your son back, no, I am not worthy of him staying with me.’
27	ⲟⲩⲟϩ ⲁ̀ⲡⲉϥⲓⲱⲧ ⲟⲗϥ ⲉ̀ⲡⲉϥⲏⲓ .	Ⲟⲩⲟϩ ⲁ̀ⲡⲉϥⲓⲱⲧ ⲟⲗϥ ⲉ̀ⲡⲉϥⲏⲓ.	Ouoh àpefiōt olf èpefyi.	And his father took him to his home.”
28	ⲛⲁⲓ ⲛⲉ ⲛⲏ ⲉ̀ⲧⲁⲡⲓⲙⲁ ⲛⲉ̀ⲥⲱⲟⲩ ϫⲟⲧⲟⲩ ⲉ̀ⲁϥⲉⲣⲙⲉⲑⲣⲉ ⲙ̀ⲙⲱⲟⲩ ⲛⲁⲛ .	Ⲛⲁⲓ ⲛⲉ ⲛⲏ ⲉ̀ⲧⲁ ⲡⲓⲙⲁ ⲛ̀ⲉ̀ⲥⲱⲟⲩ ϫⲟⲧⲟⲩ ⲉ̀ⲁϥⲉⲣⲙⲉⲑⲣⲉ ⲙ̀ⲙⲱⲟⲩ ⲛⲁⲛ.	Nai ne ny èta pima ǹèsōou gotou èafermeθre m̀mōou nan.	These are the things that the shepherd said, which he testified to us.
29	ⲙⲉⲛⲉⲥⲁⲓ̅ ⲇⲉ ⲛ̀ⲉϩⲟⲟⲩ ⲓⲥϫⲉⲛ ⲉ̀ⲧⲁⲛⲁⲓ ϣⲱⲡⲓ ⲁ̀ⲡⲉϥⲓⲱⲧ ⲟⲗϥ ϣⲁⲫⲏ ⲉⲑⲟⲩⲁⲃ ⲁⲡⲁ ⲡϫⲱⲗ ϫⲉⲛ̀ⲧⲉϥϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ .	Ⲙⲉⲛⲉⲥⲁ10 ⲇⲉ ⲛ̀ⲉ̀ϩⲟⲟⲩ ⲓⲥϫⲉⲛ ⲉ̀ⲧⲁ ⲛⲁⲓ ϣⲱⲡⲓ ⲁ̀ⲡⲉϥⲓⲱⲧ ⲟⲗϥ ϣⲁ ⲫⲏ ⲉⲑⲟⲩⲁⲃ ⲁⲡⲁ ⲡ̀ϫⲱⲗ ϫⲉ ⲛ̀ⲧⲉϥϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ.	Menesa10 ḋe ǹèhoou isjen èta nai ṡōpi àpefiōt olf ṡa fy eθouab apa p̀gōl je ǹtefċismou èvol hitotf.	And 10 days after this happened, his father took him to the holy Apa Pjol, in order for him to receive a blessing from him.
30	ⲉ̀ⲧⲓ ⲇⲉ ⲉⲩϩⲓⲡⲓⲙⲱⲓⲧ ⲉ̀ⲧⲁϥϧⲱⲛⲧ ⲉ̀ⲡⲓⲧⲟⲡⲟⲥ ⲛ̀ⲧⲉⲫⲏ ⲉⲑⲟⲩⲁⲃ ⲁⲡⲁ ⲡϫⲱⲗ ϣⲁⲧⲉⲛⲟⲩⲙⲩⲗⲗⲓⲟⲛ ⲕⲁⲧⲁⲟⲩϯⲙⲁϯ ⲇⲉ ⲛⲁⲣⲉⲟⲩⲟⲛ ϩⲁⲛⲙⲏϣ ⲛ̀ⲁⲣⲭⲱⲛ ⲛ̀ⲧⲉϯⲡⲟⲗⲓⲥ ϣⲙⲓⲛ ϧⲁⲧⲟⲧϥ ⲉϥϯⲥⲃⲱ ⲛⲱⲟⲩ ⲉ̀ⲛⲏ ⲉⲧⲉⲣⲛⲟϥⲣⲓ ⲉ̀ⲛⲟⲩⲯⲩⲭⲏ	Ⲉ̀ⲧⲓ ⲇⲉ ⲉⲩϩⲓⲡⲓⲙⲱⲓⲧ ⲉ̀ⲧⲁϥϧⲱⲛⲧ ⲉ̀ⲡⲓⲧⲟⲡⲟⲥ ⲛ̀ⲧⲉ ⲫⲏ ⲉⲑⲟⲩⲁⲃ ⲁⲡⲁ ⲡ̀ϫⲱⲗ ϣⲁⲧⲉⲛⲟⲩⲙⲩⲗⲗⲓⲟⲛ ⲕⲁⲧⲁ ⲟⲩϯⲙⲁϯ ⲇⲉ ⲛⲁⲣⲉ ⲟⲩⲟⲛ ϩⲁⲛⲙⲏϣ ⲛ̀ⲁⲣⲭⲱⲛ ⲛ̀ⲧⲉ ϯⲡⲟⲗⲓⲥ ϣⲙⲓⲛ ϧⲁⲧⲟⲧϥ ⲉϥϯⲥⲃⲱ ⲛⲱⲟⲩ ⲉ̀ⲛⲏ ⲉⲧⲉⲣⲛⲟϥⲣⲓ ⲉ̀ⲛⲟⲩⲯⲩⲭⲏ	Èti ḋe evhipimōit ètafxōnt èpitopos ǹte fy eθouab apa p̀gōl ṡatenoumillion kata outimati ḋe nare ouon hanmyṡ ǹarxōn ǹte tipolis ṡmin xatotf eftisvō nōou èny eternofri ènoupsiṡy	But while they were still on the way, they approached the place of the holy Apa Pjol, with about a mile to reach it, there was a crowd of nobles of the city of Shmin with him, while he was teaching them the things that were good for their soul.
31	ⲡⲉϫⲉ ⲫⲏ ⲉⲑⲟⲩⲁⲃ ⲁⲡⲁ ⲡϫⲱⲗ ⲛ̀ⲛⲓⲣⲱⲙⲓ ⲉⲧϩⲉⲙⲥⲓ ϧⲁⲧⲟⲧϥ ϫⲉⲧⲉⲛⲑⲏⲛⲟⲩ ⲙⲁⲣⲟⲛ ⲉ̀ⲃⲟⲗ ϩⲓⲧϩⲏ ⲙ̀ⲡⲓⲁⲣⲭⲏⲙⲁⲛⲇⲣⲓⲧⲏⲥ .	ⲡⲉϫⲉ ⲫⲏ ⲉⲑⲟⲩⲁⲃ ⲁⲡⲁ ⲡ̀ϫⲱⲗ ⲛ̀ⲛⲓⲣⲱⲙⲓ ⲉⲧϩⲉⲙⲥⲓ ϧⲁⲧⲟⲧϥ ϫⲉ ⲧⲉⲛ ⲑⲏⲛⲟⲩ ⲙⲁⲣⲟⲛ ⲉ̀ⲃⲟⲗ ϩⲓ ⲧ̀ϩⲏ ⲛ̀ⲡⲓⲁⲣⲭⲓⲙⲁⲛⲇ̀ⲣⲓⲧⲏⲥ.	peje fy eθouab apa p̀gōl ǹnirōmi et·hemsi xatotf je ten θynou maron èvol hi t̀·hy ǹpiarṡimanḋ̀ritys.	The holy Apa Pjol said to the people who were sitting with him: “Get up, let us get out of the way of the Archimandrite.”
32	ⲁϥⲧⲱⲛϥ ⲇⲉ ⲛ̀ϫⲉⲫⲏ ⲉⲑⲟⲩⲁⲃ ⲁⲡⲁ ⲡϫⲱⲗ ⲛⲉⲙⲛⲓⲕⲉⲣⲱⲙⲓ ⲉⲧϩⲉⲙⲥⲓ ϧⲁⲧⲟⲧϥ ⲁⲩⲓ̀ ⲥⲁⲃⲟⲗ .	Ⲁϥⲧⲱⲛϥ ⲇⲉ ⲛ̀ϫⲉ ⲫⲏ ⲉⲑⲟⲩⲁⲃ ⲁⲡⲁ ⲡ̀ϫⲱⲗ ⲛⲉⲙ ⲛⲓⲕⲉⲣⲱⲙⲓ ⲉⲧϩⲉⲙⲥⲓ ϧⲁⲧⲟⲧϥ ⲁⲩⲓ̀ ⲥⲁⲃⲟⲗ.	Aftōnf ḋe ǹje fy eθouab apa p̀gōl nem nikerōmi et·hemsi xatotf avì savol.	And the holy Apa Pjol got up with the other people who were sitting with him and they went away.
33	ⲉ̀ⲧⲁϥⲫⲟϩ ⲇⲉ ⲉ̀ⲁⲡⲁ ϣⲉⲛⲟⲩϯ ⲛ̀ϫⲉⲁⲡⲁ ⲡϫⲱⲗ ⲁϥⲁ̀ⲙⲟⲛⲓ ⲛ̀ⲧϫⲓϫ ⲛ̀ⲁⲡⲁ ϣⲉⲛⲟⲩϯ	Ⲉ̀ⲧⲁϥⲫⲟϩ ⲇⲉ ⲉ̀ⲁⲡⲁ ϣⲉⲛⲟⲩϯ ⲛ̀ϫⲉ ⲁⲡⲁ ⲡ̀ϫⲱⲗ ⲁϥⲁ̀ⲙⲟⲛⲓ ⲛ̀ⲧ̀ϫⲓϫ ⲛ̀ⲁⲡⲁ ϣⲉⲛⲟⲩϯ	Ètaffoh ḋe èapa ṡenouti ǹje apa p̀gōl afàmoni ǹt̀jig ǹapa ṡenouti	And after Apa Pjol reached Apa Shenoute, he took Apa Shenoute's hand.
34	ⲁⲡⲁ ϣⲉⲛⲟⲩϯ ⲁϥⲧⲁⲗⲟⲥ ⲉ̀ϫⲉⲛⲧⲉϥⲁ̀ⲫⲉ ⲉϥϫⲱ ⲙ̀ⲙⲟⲥ ϫⲉⲥⲙⲟⲩ ⲉ̀ⲣⲟⲓ ⲡⲁⲓⲱⲧ ⲡⲓⲁⲣⲭⲏⲙⲁⲛⲇⲣⲓⲧⲏⲥ .	ⲁⲡⲁ ϣⲉⲛⲟⲩϯ ⲁϥⲧⲁⲗⲟⲥ ⲉ̀ϫⲉⲛ ⲧⲉϥⲁ̀ⲫⲉ ⲉϥϫⲱ ⲙ̀ⲙⲟⲥ ϫⲉ ⲥ̀ⲙⲟⲩ ⲉ̀ⲣⲟⲓ ⲡⲁⲓⲱⲧ ⲡⲓⲁⲣⲭⲓⲙⲁⲛⲇ̀ⲣⲓⲧⲏⲥ.	apa ṡenouti aftalos èjen tefàfe efgō m̀mos je s̀mou èroi paiōt piarṡimanḋ̀ritys.	Apa Shenoute raised it upon his head and said: “Bless me my father, the archimandrite.”
35	ⲟⲩⲟϩ ⲉ̀ⲧⲁⲩϣⲉ ⲉ̀ϧⲟⲩⲛ ⲁⲩϩⲉⲙⲥⲓ .	Ⲟⲩⲟϩ ⲉ̀ⲧⲁⲩϣⲉ ⲉ̀ϧⲟⲩⲛ ⲁⲩϩⲉⲙⲥⲓ.	Ouoh ètavṡe èxoun avhemsi.	And after they went inside they sat down.
36	ⲧⲟⲧⲉ ⲛⲉⲟⲩⲟⲛ ⲟⲩⲣⲱⲙⲓ ⲉϥϩⲉⲙⲥⲓ ϧⲁⲧⲉⲛⲁⲡⲁ ⲡϫⲱⲗ ⲉ̀ⲣⲉⲟⲩⲟⲛ ⲟⲩⲡⲛ̅ⲁ̅ ⲛ̀ⲁ̀ⲕⲁⲑⲁⲣⲧⲟⲛ ϩⲓⲱⲧϥ ⲟⲩⲟϩ ⲉ̀ⲧⲁⲡⲓⲕⲟⲩϫⲓ ⲛ̀ϣⲏⲣⲓ ⲛⲁⲩ ⲉ̀ⲡⲓⲡⲛ̅ⲁ̅ ⲉϥϧⲉⲛⲡⲓⲣⲱⲙⲓ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲛ̀ⲧⲉϥϫⲓϫ ⲁϥⲱⲗⲓ ⲛ̀ⲟⲩⲕⲟⲩϫⲓ ⲛ̀ⲕⲉⲗⲉⲗⲓ ⲁϥⲉⲣϩⲏⲧⲥ ⲛ̀ⲣⲱϧⲧ ⲙ̀ⲡⲓⲇⲉⲙⲱⲛ ⲉⲧϧⲉⲛⲡⲓⲣⲱⲙⲓ	Ⲧⲟⲧⲉ ⲛⲉ ⲟⲩⲟⲛ ⲟⲩⲣⲱⲙⲓ ⲉϥϩⲉⲙⲥⲓ ϧⲁⲧⲉⲛ ⲁⲡⲁ ⲡ̀ϫⲱⲗ ⲉ̀ⲣⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲛ̀ⲁ̀ⲕⲁⲑⲁⲣⲧⲟⲛ ϩⲓⲱⲧϥ ⲟⲩⲟϩ ⲉ̀ⲧⲁ ⲡⲓⲕⲟⲩϫⲓ ⲛ̀ϣⲏⲣⲓ ⲛⲁⲩ ⲉ̀ⲡⲓⲡ̀ⲛⲉⲩⲙⲁ ⲉϥ ϧⲉⲛ ⲡⲓⲣⲱⲙⲓ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲛ̀ⲧⲉϥϫⲓϫ ⲁϥⲱ̀ⲗⲓ ⲛ̀ⲟⲩⲕⲟⲩϫⲓ ⲛ̀ⲕⲉⲗⲉⲗⲓ ⲁϥⲉⲣϩⲏⲧⲥ ⲛ̀ⲣⲱϧⲧ ⲛ̀ⲡⲓⲇⲉⲙⲱⲛ ⲉⲧϧⲉⲛ ⲡⲓⲣⲱⲙⲓ	Tote ne ouon ourōmi efhemsi xaten apa p̀gōl ère ouon oup̀nevma ǹàkaθarton hiōtf ouoh èta pikouji ǹṡyri nav èpip̀nevma ef xen pirōmi afsōouten èvol ǹtefjig afṑli ǹoukouji ǹkeleli aferhyts ǹrōxt ǹpiḋemōn etxen pirōmi	Now there was a man sitting with Apa Pjol who has an unclean spirit upon him, and after the little boy saw the spirit that was inside the man, he stretched out his hand and took a little sounding board and began to strike the demon that was inside the man.
37	ⲟⲩⲟϩ ⲁϥⲱϣ ⲉ̀ⲃⲟⲗ ⲛ̀ϫⲉⲡⲓⲡⲛ̅ⲁ̅ ⲙ̀ⲡⲟⲛⲏⲣⲟⲛ ⲉϥϫⲱ ⲙ̀ⲙⲟⲥ ϫⲉϯⲛⲁⲫⲱⲧ ⲉ̀ⲃⲟⲗ ϩⲁⲣⲟⲕ ⲱ̀ ϣⲉⲛⲟⲩϯ ϫⲉⲟⲩⲏⲓ ⲓⲥϫⲉⲛ ⲡⲓⲛⲁⲩ ⲉ̀ⲧⲁⲓⲛⲁⲩ ⲉ̀ⲣⲟⲕ ⲁ̀ⲡⲓⲭⲣⲱⲙ ⲟⲩⲱⲙ ⲛ̀ⲥⲱⲓ .	ⲟⲩⲟϩ ⲁϥⲱϣ ⲉ̀ⲃⲟⲗ ⲛ̀ϫⲉ ⲡⲓⲡ̀ⲛⲉⲩⲙⲁ ⲛ̀ⲡⲟⲛⲏⲣⲟⲛ ⲉϥϫⲱ ⲙ̀ⲙⲟⲥ ϫⲉ ϯⲛⲁⲫⲱⲧ ⲉ̀ⲃⲟⲗ ϩⲁⲣⲟⲕ ⲱ̀ ϣⲉⲛⲟⲩϯ ϫⲉ ⲟⲩⲏⲓ ⲓⲥϫⲉⲛ ⲡⲓⲛⲁⲩ ⲉ̀ⲧⲁⲓⲛⲁⲩ ⲉ̀ⲣⲟⲕ ⲁ̀ ⲡⲓⲭ̀ⲣⲱⲙ ⲟⲩⲱⲙ ⲛ̀ⲥⲱⲓ.	ouoh afōṡ èvol ǹje pip̀nevma ǹponyron efgō m̀mos je tinafōt èvol harok ṑ ṡenouti je ouyi isjen pinav ètainav èrok à pik̀rōm ouōm ǹsōi.	And the evil spirit cried out saying: “I will run away from you, o Shenoute, for indeed since the moment that I saw you, fire has gnawed upon me.”
38	ⲟⲩⲟϩ ϧⲉⲛϯⲟⲩⲛⲟⲩ ⲁ̀ⲡⲓⲡⲛ̅ⲁ̅ ⲉⲣⲁ̀ⲛⲁⲭⲱⲣⲓⲛ ⲛⲁϥ ⲉ̀ⲃⲟⲗ ϧⲉⲛⲡⲓⲣⲱⲙⲓ ⲟⲩⲟϩ ⲁϥⲟⲩϫⲁⲓ ⲁϥϯⲱ̀ⲟⲩ ⲙ̀ⲫϯ ⲡⲓⲁ̀ⲕⲁⲑⲟⲥ .	Ⲟⲩⲟϩ ϧⲉⲛ ϯⲟⲩⲛⲟⲩ ⲁ̀ ⲡⲓⲡ̀ⲛⲉⲩⲙⲁ ⲉⲣⲁ̀ⲛⲁⲭⲱⲣⲓⲛ ⲛⲁϥ ⲉ̀ⲃⲟⲗ ϧⲉⲛ ⲡⲓⲣⲱⲙⲓ ⲟⲩⲟϩ ⲁϥⲟⲩϫⲁⲓ ⲁϥϯⲱ̀ⲟⲩ ⲛ̀ⲫ̀ⲛⲟⲩϯ ⲡⲓⲁ̀ⲕⲁⲑⲟⲥ.	Ouoh xen tiounou à pip̀nevma erànaxōrin naf èvol xen pirōmi ouoh afougai aftiṑou ǹf̀nouti piàkaθos.	And at that moment the spirit withdrew from the man and he was well, and he praised good God.
39	ⲡⲉϫⲉⲁⲡⲁ ⲡϫⲱⲗ ⲙ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ϫⲉⲟ̀ϩⲓ ϣⲁⲧⲉⲡⲓⲥⲏⲟⲩ ⲓ̀ ⲡⲁϣⲏⲣⲓ .	Ⲡⲉϫⲉⲁⲡⲁ ⲡ̀ϫⲱⲗ ⲛ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ϫⲉ ⲟ̀ϩⲓ ϣⲁⲧⲉⲡⲓⲥⲏⲟⲩ ⲓ̀ ⲡⲁϣⲏⲣⲓ.	Pejeapa p̀gōl ǹpikouji ǹṡyri ṡenouti je òhi ṡatepisyou ì paṡyri.	Apa Pjol told the little boy Shenoute: “Wait until the moment arrives, my boy.”
40	ⲁⲥϣⲱⲡⲓ ⲇⲉ ⲟⲛ ⲙⲉⲛⲉⲛⲥⲁⲛⲁⲓ ⲁ̀ⲁⲡⲁ ⲡϫⲱⲗ ⲥⲁϫⲓ ⲛⲉⲙⲫⲓ̀ⲱⲧ ⲛ̀ⲁⲡⲁ ϣⲉⲛⲟⲩϯ ⲉϥϫⲱ ⲙ̀ⲙⲟⲥ ϫⲉⲙⲁⲣⲉⲡⲓⲕⲟⲩϫⲓ ⲛ̀ϣⲏⲣⲓ ⲟ̀ϩⲓ ϧⲁⲧⲟⲧ ⲛ̀ⲧⲁⲓϩⲉⲃⲧⲟⲙⲁⲥ ⲟⲩⲟϩ ⲛ̀ⲧⲉⲕⲓ̀ ⲛ̀ⲥⲱϥ .	Ⲁⲥϣⲱⲡⲓ ⲇⲉ ⲟⲛ ⲙⲉⲛⲉⲛⲥⲁ ⲛⲁⲓ ⲁ̀ⲁⲡⲁ ⲡ̀ϫⲱⲗ ⲥⲁϫⲓ ⲛⲉⲙ ⲫ̀ⲓ̀ⲱⲧ ⲛ̀ⲁⲡⲁ ϣⲉⲛⲟⲩϯ ⲉϥϫⲱ ⲙ̀ⲙⲟⲥ ϫⲉ ⲙⲁⲣⲉⲡⲓⲕⲟⲩϫⲓ ⲛ̀ϣⲏⲣⲓ ⲟ̀ϩⲓ ϧⲁⲧⲟⲧ ⲛ̀ⲧⲁⲓ̀ϩⲉⲃⲧⲟⲙⲁⲥ ⲟⲩⲟϩ ⲛ̀ⲧⲉⲕⲓ̀ ⲛ̀ⲥⲱϥ.	Asṡōpi ḋe on menensa nai àapa p̀gōl saji nem f̀ìōt ǹapa ṡenouti efgō m̀mos je marepikouji ǹṡyri òhi xatot ǹtaìhevtomas ouoh ǹtekì ǹsōf.	And it happened after these things that Apa Pjol spoke with Apa Shenoute's father, saying: “let the little boy stay with me this week and you will come back for him.”
41	ⲉ̀ⲡⲓⲧⲏ ⲅⲁⲣ ⲑⲙⲁⲩ ⲛ̀ⲁⲡⲁ ϣⲉⲛⲟⲩϯ ⲧⲥⲱⲛⲓ ⲛ̀ⲁⲡⲁ ⲡϫⲱⲗ ⲧⲉ ⲛ̀ϣⲉ ⲛⲓ̀ⲱⲧ ϩⲓⲙⲁⲩ ⲟⲩⲟϩ ⲁϥⲭⲁϥ ϧⲁⲧⲟⲧϥ .	Ⲉ̀ⲡⲓⲧⲏ ⲅⲁⲣ ⲑ̀ⲙⲁⲩ ⲛ̀ⲁⲡⲁ ϣⲉⲛⲟⲩϯ ⲧ̀ⲥⲱⲛⲓ ⲛ̀ⲁⲡⲁ ⲡ̀ϫⲱⲗ ⲧⲉ ⲛ̀ϣⲉ ⲛ̀ⲓ̀ⲱⲧ ϩⲓⲙⲁⲩ ⲟⲩⲟϩ ⲁϥⲭⲁϥ ϧⲁⲧⲟⲧϥ.	Èpity ġar θ̀mav ǹapa ṡenouti t̀sōni ǹapa p̀gōl te ǹṡe ǹìōt himav ouoh afkaf xatotf.	For the mother of Apa Shenoute was the sister of Apa Pjol, children of (the same) father and mother, and he left him with him.
42	ⲉ̀ⲧⲁⲣⲟⲩϩⲓ ⲇⲉ ϣⲱⲡⲓ ⲙ̀ⲡⲓⲉ̀ϩⲟⲟⲩ ⲉ̀ⲧⲉⲙⲙⲁⲩ ⲁ̀ⲁⲡⲁ ⲡϫⲱⲗ ⲉⲛⲕⲟⲧ ϧⲉⲛⲟⲩⲙⲁ ⲙ̀ⲙⲁⲩⲁⲧϥ .	Ⲉ̀ⲧⲁⲣⲟⲩϩⲓ ⲇⲉ ϣⲱⲡⲓ ⲛ̀ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁ̀ⲁⲡⲁ ⲡ̀ϫⲱⲗ ⲉⲛⲕⲟⲧ ϧⲉⲛ ⲟⲩⲙⲁ ⲙ̀ⲙⲁⲩⲁⲧϥ.	Ètarouhi ḋe ṡōpi ǹpièhoou ète m̀mav àapa p̀gōl enkot xen ouma m̀mavatf.	And after the evening of that day had come, Apa Pjol went into a room to sleep by himself.
43	ⲡⲓⲕⲟⲩϫⲓ ⲇⲉ ϩⲱϥ ⲛ̀ⲁ̀ⲗⲟⲩ ϣⲉⲛⲟⲩϯ ⲁϥⲧⲏⲓϥ ⲉ̀ⲟⲩⲙⲁ ⲙ̀ⲙⲁⲩⲁⲧϥ .	Ⲡⲓⲕⲟⲩϫⲓ ⲇⲉ ϩⲱϥ ⲛ̀ⲁ̀ⲗⲟⲩ ϣⲉⲛⲟⲩϯ ⲁϥⲧⲏⲓϥ ⲉ̀ⲟⲩⲙⲁ ⲙ̀ⲙⲁⲩⲁⲧϥ.	Pikouji ḋe hōf ǹàlou ṡenouti aftyif èouma m̀mavatf.	And the little boy Shenoute also went into a room to sleep by himself.
44	ⲁ̀ⲁⲡⲁ ⲡϫⲱⲗ ⲇⲉ ⲁϥϥⲁⲓ ⲛ̀ⲛⲉϥⲃⲁⲗ ⲉ̀ⲡϣⲱⲓ ⲉ̀ⲧⲫⲉ ⲁϥⲛⲁⲩ ⲉ̀ⲟⲩⲁⲅⲅⲉⲗⲟⲥ ⲛ̀ⲧⲉⲡϭ̅ⲥ̅ ⲉϥⲣⲱⲓⲥ ⲉ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ⲉϥⲉⲛⲕⲟⲧ	Ⲁ̀ⲁⲡⲁ ⲡ̀ϫⲱⲗ ⲇⲉ ⲁϥϥⲁⲓ ⲛ̀ⲛⲉϥⲃⲁⲗ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲁϥⲛⲁⲩ ⲉ̀ⲟⲩⲁⲅⲅⲉⲗⲟⲥ ⲛ̀ⲧⲉ ⲡ̀ϭⲟⲓⲥ ⲉϥⲣⲱⲓⲥ ⲉ̀ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ ⲉϥⲉⲛⲕⲟⲧ	Àapa p̀gōl ḋe affai ǹnefval èp̀ṡōi èt̀fe afnav èouangelos ǹte p̀ċois efrōis èpikouji ǹṡyri ṡenouti efenkot	But Apa Pjol raised his eyes up to the sky and saw an angel of the Lord watching over the little boy Shenoute as he slept.
45	ⲟⲩⲟϩ ⲡⲉϫⲉ ⲡⲓⲁⲅⲅⲉⲗⲟⲥ ⲛ̀ⲁⲡⲁ ⲡϫⲱⲗ ϫⲉⲁⲕϣⲁⲛⲧⲱⲛⲕ ⲛ̀ϣⲱⲣⲡ ⲡⲓⲥⲭⲏⲙⲁ ⲉ̀ⲧⲉⲕⲛⲁϫⲉⲙϥ ϧⲁϫⲱⲕ ⲙⲏⲓϥ ϩⲓϫⲉⲛⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ .	ⲟⲩⲟϩ ⲡⲉϫⲉ ⲡⲓⲁⲅⲅⲉⲗⲟⲥ ⲛ̀ⲁⲡⲁ ⲡ̀ϫⲱⲗ ϫⲉ ⲁⲕϣⲁⲛⲧⲱⲛⲕ ⲛ̀ϣⲱⲣⲡ ⲡⲓⲥⲭⲏⲙⲁ ⲉ̀ⲧⲉ ⲭ̀ⲛⲁϫⲉⲙϥ ϧⲁϫⲱⲕ ⲙⲏⲓϥ ϩⲓϫⲉⲛ ⲡⲓⲕⲟⲩϫⲓ ⲛ̀ϣⲏⲣⲓ ϣⲉⲛⲟⲩϯ.	ouoh peje piangelos ǹapa p̀gōl je akṡantōnk ǹṡōrp pisṡyma ète k̀najemf xagōk myif hijen pikouji ǹṡyri ṡenouti.	And the angel said to Apa Pjol: “When you get up early, put the clothes that you will find before you on the little boy Shenoute.
46	ⲡⲓⲥⲭⲏⲙⲁ ⲅⲁⲣ ⲛ̀ⲧⲉⲏⲗⲓⲁⲥ ⲡⲓⲑⲉⲥⲃⲩⲧⲏⲥ ⲡⲉ ⲉ̀ⲁ̀ⲡϭ̅ⲥ̅ ⲓⲏ̅ⲥ̅ ⲟⲩⲟⲣⲡϥ ⲛⲁⲕ ⲉⲑⲣⲉⲕⲧⲏⲓϥ ⲉ̀ϫⲱϥ ϫⲉⲟⲩⲏⲓ ⲅⲁⲣ ϥⲛⲁϣⲱⲡⲓ ⲛ̀ⲟⲩⲣⲱⲙⲓ ⲛ̀ⲇⲩⲕⲉⲟⲥ ⲟⲩⲟϩ ⲛ̀ⲥⲱⲧⲡ ⲙ̀ⲙⲟⲛ ⲟⲩⲟⲛ ⲛⲁⲧⲱⲛϥ ⲙⲉⲛⲉⲛⲥⲱϥ ϧⲉⲛⲛⲓⲭⲱⲣⲁ ⲧⲏⲣⲟⲩ ⲉϥⲟ̀ⲛⲓ ⲙ̀ⲙⲟϥ ϥ̀ⲛⲁⲕⲱⲧ ⲛ̀ⲟⲩⲙⲟⲛⲁⲥⲧⲏⲣⲓⲟⲛ	Ⲡⲓⲥⲭⲏⲙⲁ ⲅⲁⲣ ⲛ̀ⲧⲉ ⲏⲗⲓⲁⲥ ⲡⲓⲑⲉⲥⲃⲩⲧⲏⲥ ⲡⲉ ⲉ̀ⲁ̀ ⲡ̀ϭⲟⲓⲥ ⲓⲏⲥⲟⲩⲥ ⲟⲩⲟⲣⲡϥ ⲛⲁⲕ ⲉ̀ⲑⲣⲉⲕⲧⲏⲓϥ ⲉ̀ϫⲱϥ ϫⲉ ⲟⲩⲏⲓ ⲅⲁⲣ ϥ̀ⲛⲁϣⲱⲡⲓ ⲛ̀ⲟⲩⲣⲱⲙⲓ ⲛ̀ⲇⲓⲕⲉⲟⲥ ⲟⲩⲟϩ ⲛ̀ⲥⲱⲧⲡ ⲙ̀ⲙⲟⲛ ⲟⲩⲟⲛ ⲛⲁⲧⲱⲛϥ ⲙⲉⲛⲉⲛⲥⲱϥ ϧⲉⲛ ⲛⲓⲭⲱⲣⲁ ⲧⲏⲣⲟⲩ ⲉϥⲟ̀ⲛⲓ ⲙ̀ⲙⲟϥ ϥ̀ⲛⲁⲕⲱⲧ ⲛ̀ⲟⲩⲙⲟⲛⲁⲥⲧⲏⲣⲓⲟⲛ	Pisṡyma ġar ǹte ylias piθesbitys pe èà p̀ċois iysous ouorpf nak èθrektyif ègōf je ouyi ġar f̀naṡōpi ǹourōmi ǹḋikeos ouoh ǹsōtp m̀mon ouon natōnf menensōf xen nixōra tyrou efòni m̀mof f̀nakōt ǹoumonastyrion	For they are the clothes of Elijah the Tishbite, which the Lord Jesus has returned to you so that you put them on him, for verily he will become a righteous and chosen man and there will be no one like him after him to arise in all these parts.
47	ⲟⲩⲟϩ ϥⲛⲁϣⲱⲡⲓ ⲛ̀ⲥⲟⲗⲥⲉⲗ ⲛⲉⲙⲥⲕⲉⲡⲓ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁϣⲉ ⲉ̀ⲣⲁⲧϥ ⲙ̀ⲡⲉϥⲧⲟⲡⲟⲥ ⲟⲩⲟϩ ⲧⲉϥⲉⲕⲕⲗⲏⲥⲓⲁ̀ ⲥⲛⲁϣⲱⲡⲓ ⲉⲥⲙⲏⲛ ⲉ̀ⲃⲟⲗ ϣⲁϩⲁⲛϫⲱⲟⲩ .	ⲟⲩⲟϩ ϥ̀ⲛⲁϣⲱⲡⲓ ⲛ̀ⲥⲟⲗⲥⲉⲗ ⲛⲉⲙ ⲥⲕⲉⲡⲓ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁϣⲉ ⲉ̀ⲣⲁⲧϥ ⲛ̀ⲡⲉϥⲧⲟⲡⲟⲥ ⲟⲩⲟϩ ⲧⲉϥⲉⲕⲕⲗⲏⲥⲓⲁ̀ ⲥ̀ⲛⲁϣⲱⲡⲓ ⲉⲥⲙⲏⲛ ⲉ̀ⲃⲟⲗ ϣⲁ ϩⲁⲛϫⲱⲟⲩ.	ouoh f̀naṡōpi ǹsolsel nem skepi ǹouon niven eθnaṡe èratf ǹpeftopos ouoh tefekklysià s̀naṡōpi esmyn èvol ṡa hangōou.	He will build a monastery, and he will become a jewel and a protector for anyone who will come before his place, and his church will remain for generations.”
48	ⲁ̀ⲁⲡⲁ ⲡϫⲱⲗ ⲇⲉ ⲁϥⲧⲱⲛϥ ϩⲁⲛⲁⲧⲟⲟⲩⲓ̀ ⲁϥⲱ̀ⲗⲓ ⲙ̀ⲡⲓⲥⲭⲏⲙⲁ ⲉⲧⲁϥϫⲉⲙϥ ϧⲁϫⲱϥ ⲁϥⲙⲟⲩϯ ⲉ̀ⲁⲡⲁ ϣⲉⲛⲟⲩϯ ⲁϥⲧⲏⲓϥ ϩⲓⲱⲧϥ ⲟⲩⲟϩ ⲁϥⲁⲓϥ ⲙ̀ⲙⲟⲛⲁⲭⲟⲥ ⲁϥⲭⲁϥ ϧⲁⲧⲟⲧϥ .	Ⲁ̀ⲁⲡⲁ ⲡ̀ϫⲱⲗ ⲇⲉ ⲁϥⲧⲱⲛϥ ϩⲁⲛⲁ̀ⲧⲟⲟⲩⲓ̀ ⲁϥⲱ̀ⲗⲓ ⲛ̀ⲡⲓⲥⲭⲏⲙⲁ ⲉⲧⲁϥϫⲉⲙϥ ϧⲁϫⲱϥ ⲁϥⲙⲟⲩϯ ⲉ̀ⲁⲡⲁ ϣⲉⲛⲟⲩϯ ⲁϥⲧⲏⲓϥ ϩⲓⲱⲧϥ ⲟⲩⲟϩ ⲁϥⲁⲓϥ ⲛ̀ⲙⲟⲛⲁⲭⲟⲥ ⲁϥⲭⲁϥ ϧⲁⲧⲟⲧϥ.	Àapa p̀gōl ḋe aftōnf hanàtoouì afṑli ǹpisṡyma etafjemf xagōf afmouti èapa ṡenouti aftyif hiōtf ouoh afaif ǹmonaxos afkaf xatotf.	And Apa Pjol got up in the morning and took the clothes which he found before him, and he called Apa Shenoute and put them on him, making him a monk under him.
49	ⲙⲉⲛⲉⲛⲥⲁϩⲁⲛⲕⲟⲩϫⲓ ⲇⲉ ⲛ̀ⲉ̀ϩⲟⲟⲩ ⲉⲩϣⲟⲡ ⲛⲉⲙⲛⲟⲩⲉ̀ⲣⲏⲟⲩ ϩⲓⲟⲩⲥⲟⲡ ⲛ̀ϫⲉⲫⲏ ⲉⲑⲟⲩⲁⲃ ⲁⲡⲁ ⲡϫⲱⲗ ⲛⲉⲙⲡⲓϧⲉⲗϣⲓⲣⲓ ϣⲉⲛⲟⲩϯ ⲁⲩⲓ̀ ⲉ̀ⲃⲟⲗ ⲉⲩⲙⲟϣⲓ ⲛⲉⲙⲛⲟⲩⲉ̀ⲣⲏⲟⲩ ⲟⲩⲟϩ ⲛⲁⲣⲉⲡⲓⲕⲉⲁⲡⲁ ⲡϣⲟⲓ ⲙⲟϣⲓ ⲛⲉⲙⲱⲟⲩ ⲡⲉ ⲫⲁⲡⲧⲱⲟⲩ ⲙ̀ⲡⲥⲱⲟⲩ	Ⲙⲉⲛⲉⲛⲥⲁϩⲁⲛⲕⲟⲩϫⲓ ⲇⲉ ⲛ̀ⲉ̀ϩⲟⲟⲩ ⲉⲩϣⲟⲡ ⲛⲉⲙ ⲛⲟⲩⲉ̀ⲣⲏⲟⲩ ϩⲓ ⲟⲩⲥⲟⲡ ⲛ̀ϫⲉ ⲫⲏ ⲉⲑⲟⲩⲁⲃ ⲁⲡⲁ ⲡ̀ϫⲱⲗ ⲛⲉⲙ ⲡⲓϧⲉⲗϣⲓⲣⲓ ϣⲉⲛⲟⲩϯ ⲁⲩⲓ̀ ⲉ̀ⲃⲟⲗ ⲉⲩⲙⲟϣⲓ ⲛⲉⲙ ⲛⲟⲩⲉ̀ⲣⲏⲟⲩ ⲟⲩⲟϩ ⲛⲁⲣⲉ ⲡⲓⲕⲉⲁⲡⲁ ⲡ̀ϣⲟⲓ ⲙⲟϣⲓ ⲛⲉⲙⲱⲟⲩ ⲡⲉ ⲫⲁⲡ̀ⲧⲱⲟⲩ ⲛ̀ⲡ̀ⲥⲱⲟⲩ	Menensahankouji ḋe ǹèhoou evṡop nem nouèryou hi ousop ǹje fy eθouab apa p̀gōl nem pixelṡiri ṡenouti avì èvol evmoṡi nem nouèryou ouoh nare pikeapa p̀ṡoi moṡi nemōou pe fap̀tōou ǹp̀·sōou	But after Apa Pjol and the boy Shenoute had been together with each other for a few days, they went out walking together, and Apa Pshoi from the monutain of Psoou was walking with them too.
50	ⲛ̀ⲑⲟϥ ϩⲱϥ ⲛⲉⲟⲩⲣⲱⲙⲓ ⲉϥⲟⲩⲁⲃ ⲡⲉ ⲉϥⲙⲟϣⲓ ϧⲉⲛⲛⲁⲫϯ	ⲛ̀ⲑⲟϥ ϩⲱϥ ⲛⲉ ⲟⲩⲣⲱⲙⲓ ⲉϥⲟⲩⲁⲃ ⲡⲉ ⲉϥⲙⲟϣⲓ ϧⲉⲛ ⲛⲁⲫ̀ⲛⲟⲩϯ	ǹθof hōf ne ourōmi efouab pe efmoṡi xen naf̀nouti	As for the latter, he too was a holy man who walked in the ways of God.
51	ⲟⲩⲟϩ ⲉ̀ⲧⲓ ⲉⲩⲙⲟϣⲓ ⲛⲉⲙⲛⲟⲩⲉ̀ⲣⲏⲟⲩ ⲙ̀ⲡⲅ̅ ⲁⲡⲁ ⲡϫⲱⲗ ⲛⲉⲙⲁⲡⲁ ϣⲉⲛⲟⲩϯ ⲛⲉⲙⲁⲡⲁ ⲡϣⲟⲓ ⲁ̀ⲟⲩⲥⲙⲏ ϣⲱⲡⲓ ϣⲁⲣⲱⲟⲩ ⲉ̀ⲃⲟⲗ ϧⲉⲛⲧⲫⲉ ⲉⲥϫⲱ ⲙ̀ⲙⲟⲥ ϫⲉⲁⲩⲑⲁϣϣⲉⲛⲟⲩϯ ⲛ̀ⲁⲣⲭⲏⲙⲁⲛⲇⲣⲓⲧⲏⲥ ⲉ̀ⲡⲓⲕⲟⲥⲙⲟⲥ ⲧⲏⲣϥ ⲙ̀ⲫⲟⲟⲩ .	ⲟⲩⲟϩ ⲉ̀ⲧⲓ ⲉⲩⲙⲟϣⲓ ⲛⲉⲙ ⲛⲟⲩⲉ̀ⲣⲏⲟⲩ ⲛ̀ⲡ3 ⲁⲡⲁ ⲡ̀ϫⲱⲗ ⲛⲉⲙ ⲁⲡⲁ ϣⲉⲛⲟⲩϯ ⲛⲉⲙ ⲁⲡⲁ ⲡ̀ϣⲟⲓ ⲁ̀ⲟⲩⲥ̀ⲙⲏ ϣⲱⲡⲓ ϣⲁⲣⲱⲟⲩ ⲉ̀ⲃⲟⲗ ϧⲉⲛ ⲧ̀ⲫⲉ ⲉⲥϫⲱ ⲙ̀ⲙⲟⲥ ϫⲉ ⲁⲩⲑⲁϣϣⲉⲛⲟⲩϯ ⲛ̀ⲁⲣⲭⲓⲙⲁⲛⲇ̀ⲣⲓⲧⲏⲥ ⲉ̀ⲡⲓⲕⲟⲥⲙⲟⲥ ⲧⲏⲣϥ ⲛ̀ⲫⲟⲟⲩ.	ouoh èti evmoṡi nem nouèryou ǹp3 apa p̀gōl nem apa ṡenouti nem apa p̀ṡoi àous̀my ṡōpi ṡarōou èvol xen t̀fe esgō m̀mos je avθaṡṡenouti ǹarṡimanḋ̀ritys èpikosmos tyrf ǹfoou.	And as the three of them were walking, Apa Pjol, Apa Shenoute and Apa Pshoi, a voice came to them out of the sky saying: “Shenoute has been appointed archimandrite of the whole world today.”
52	ⲡⲉϫⲉ ⲁⲡⲁ ⲡϫⲱⲗ ⲛ̀ⲁⲡⲁ ⲡϣⲟⲓ ϫⲉⲡⲁⲥⲟⲛ ⲡϣⲟⲓ ⲁⲕⲥⲱⲧⲉⲙ ϩⲱⲕ ⲉ̀ⲧⲁⲓⲥⲙⲏ ⲉ̀ⲧⲁⲥⲓ̀ ⲉ̀ⲃⲟⲗ ϧⲉⲛⲧⲫⲉ ϯⲛⲟⲩ ;	Ⲡⲉϫⲉ ⲁⲡⲁ ⲡ̀ϫⲱⲗ ⲛ̀ⲁⲡⲁ ⲡ̀ϣⲟⲓ ϫⲉ ⲡⲁⲥⲟⲛ ⲡ̀ϣⲟⲓ ⲁⲕⲥⲱⲧⲉⲙ ϩⲱⲕ ⲉ̀ⲧⲁⲓ̀ⲥ̀ⲙⲏ ⲉ̀ⲧⲁⲥⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ ϯⲛⲟⲩ ;	Peje apa p̀gōl ǹapa p̀ṡoi je pason p̀ṡoi ak·sōtem hōk ètaìs̀my ètasì èvol xen t̀fe tinou ;	Apa Pjol said to Apa Pshoi: “My brother Pshoi, did you hear this voice that came out of the sky now?”
53	ⲡⲉϫⲉ ⲁⲡⲁ ⲡϣⲟⲓ ⲛ̀ⲁⲡⲁ ⲡϫⲱⲗ ϫⲉⲁ̀ϩⲏ .	ⲡⲉϫⲉ ⲁⲡⲁ ⲡ̀ϣⲟⲓ ⲛ̀ⲁⲡⲁ ⲡ̀ϫⲱⲗ ϫⲉ ⲁ̀ϩⲏ.	peje apa p̀ṡoi ǹapa p̀gōl je àhy.	Apa Pshoi said to Apa Pjol: “Yes.”
54	ⲟⲩⲟϩ ⲉ̀ⲧⲁⲩⲉⲣⲟⲩⲥⲩⲛⲫⲱⲛⲓⲛ ⲛⲉⲙⲛⲟⲩⲉ̀ⲣⲏⲟⲩ ϧⲉⲛⲫⲏ ⲉⲧⲁⲩⲥⲟⲑⲙⲉϥ ⲡⲉϫⲉⲁⲡⲁ ⲡϫⲱⲗ ⲛ̀ⲁⲡⲁ ⲡϣⲟⲓ ϫⲉⲙⲁⲣⲉⲛϣⲉⲛⲡⲓⲕⲟⲩϫⲓ ⲛ̀ⲁⲗⲟⲩ ϣⲉⲛⲟⲩϯ ϩⲱϥ .	Ⲟⲩⲟϩ ⲉ̀ⲧⲁⲩⲉⲣⲟⲩⲥⲩⲛⲫⲱⲛⲓⲛ ⲛⲉⲙ ⲛⲟⲩⲉ̀ⲣⲏⲟⲩ ϧⲉⲛ ⲫⲏ ⲉⲧⲁⲩⲥⲟⲑⲙⲉϥ ⲡⲉϫⲉⲁⲡⲁ ⲡ̀ϫⲱⲗ ⲛ̀ⲁⲡⲁ ⲡ̀ϣⲟⲓ ϫⲉ ⲙⲁⲣⲉⲛϣⲉⲛⲡⲓⲕⲟⲩϫⲓ ⲛ̀ⲁⲗⲟⲩ ϣⲉⲛⲟⲩϯ ϩⲱϥ.	Ouoh ètaverousinfōnin nem nouèryou xen fy etavsoθmef pejeapa p̀gōl ǹapa p̀ṡoi je marenṡenpikouji ǹalou ṡenouti hōf.	Once they had confirmed the message between themselves, apa Pjol proposed, ‘Let’s ask the young Shenoute what he heard.’
55	ⲟⲩⲟϩ ⲉ̀ⲧⲁⲩϭⲛⲟⲩϥ ϫⲉⲁⲛ ⲁⲕⲥⲱⲧⲉⲙ ⲉ̀ⲧⲁⲓⲥⲙⲏ ⲉ̀ⲧⲁⲥⲓ̀ ⲉ̀ⲃⲟⲗ ϧⲉⲛⲧⲫⲉ ϯⲛⲟⲩ ;	Ⲟⲩⲟϩ ⲉ̀ⲧⲁⲩϭⲛⲟⲩϥ ϫⲉ ⲁⲛ ⲁⲕⲥⲱⲧⲉⲙ ⲉ̀ⲧⲁⲓ̀ⲥ̀ⲙⲏ ⲉ̀ⲧⲁⲥⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ ϯⲛⲟⲩ ;	Ouoh ètavċnouf je an ak·sōtem ètaìs̀my ètasì èvol xen t̀fe tinou ;	They turned to him and asked, ‘Did you hear the same voice from heaven?’
56	ⲛ̀ⲑⲟϥ ⲇⲉ ⲡⲉϫⲁϥ ϫⲉⲁ̀ϩⲏ .	ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲁ̀ϩⲏ.	ǹθof ḋe pegaf je àhy.	‘Yes, I heard it,’ Shenoute affirmed.
57	ⲡⲉϫⲉⲁⲡⲁ ⲡϫⲱⲗ ⲛⲁϥ ϫⲉⲉ̀ⲧⲁⲕⲥⲟⲑⲙⲉⲥ ϫⲉⲟⲩ ;	Ⲡⲉϫⲉⲁⲡⲁ ⲡ̀ϫⲱⲗ ⲛⲁϥ ϫⲉ ⲉ̀ⲧⲁⲕⲥⲟⲑⲙⲉⲥ ϫⲉ ⲟⲩ ;	Pejeapa p̀gōl naf je ètak·soθmes je ou ;	‘And what exactly did you hear?’ asked apa Pjol.
58	ⲡⲉϫⲉⲁⲡⲁ ϣⲉⲛⲟⲩϯ ⲛ̀ⲁⲡⲁ ⲡϫⲱⲗ ⲁⲧϭⲛⲉϩⲗⲓ ⲙ̀ⲙⲉⲑⲛⲟⲩϫ ϫⲉⲉ̀ⲧⲁⲓⲥⲱⲧⲉⲙ ϫⲉⲁⲩⲑⲁϣϣⲉⲛⲟⲩϯ ⲛ̀ⲁⲣⲭⲏⲙⲁⲛⲇⲣⲓⲧⲏⲥ ⲉ̀ⲡⲕⲟⲥⲙⲟⲥ ⲧⲏⲣϥ ⲙ̀ⲫⲟⲟⲩ .	ⲡⲉϫⲉⲁⲡⲁ ϣⲉⲛⲟⲩϯ ⲛ̀ⲁⲡⲁ ⲡ̀ϫⲱⲗ ⲁⲧϭⲛⲉϩ̀ⲗⲓ ⲛ̀ⲙⲉⲑⲛⲟⲩϫ ϫⲉ ⲉ̀ⲧⲁⲓⲥⲱⲧⲉⲙ ϫⲉ ⲁⲩⲑⲁϣϣⲉⲛⲟⲩϯ ⲛ̀ⲁⲣⲭⲓⲙⲁⲛⲇ̀ⲣⲓⲧⲏⲥ ⲉ̀ⲡⲓⲕⲟⲥⲙⲟⲥ ⲧⲏⲣϥ ⲛ̀ⲡⲓⲟⲟⲩ.	pejeapa ṡenouti ǹapa p̀gōl atċneh̀li ǹmeθnoug je ètaisōtem je avθaṡṡenouti ǹarṡimanḋ̀ritys èpikosmos tyrf ǹpioou.	Shenoute, without hesitation or pretense, answered: ‘I heard, ‘Today Shenoute has been appointed archimandrite of the whole world.’
59	ⲁⲡⲁ ⲡϫⲱⲗ ⲇⲉ ⲛⲉⲙⲁⲡⲁ ⲡϣⲟⲓ ⲁⲩⲉⲣϣⲫⲏⲣⲓ ⲙ̀ⲙⲟϥ ⲉ̀ⲙⲁϣⲱ ⲟⲩⲟϩ ⲛⲁⲩϯⲱ̀ⲟⲩ ⲙ̀ⲫϯ ⲉⲩϫⲱ ⲙ̀ⲙⲟⲥ ϫⲉⲁ̀ⲗⲏⲑⲱⲥ ϥⲛⲁϣⲱⲡⲓ ⲛ̀ⲟⲩⲧⲉⲗⲓⲟⲥ ⲉϥϫⲏⲕ ⲉ̀ⲃⲟⲗ .	Ⲁⲡⲁ ⲡ̀ϫⲱⲗ ⲇⲉ ⲛⲉⲙ ⲁⲡⲁ ⲡ̀ϣⲟⲓ ⲁⲩⲉⲣϣ̀ⲫⲏⲣⲓ ⲙ̀ⲙⲟϥ ⲉ̀ⲙⲁϣⲱ ⲟⲩⲟϩ ⲛⲁⲩϯⲱ̀ⲟⲩ ⲛ̀ⲫ̀ⲛⲟⲩϯ ⲉⲩϫⲱ ⲙ̀ⲙⲟⲥ ϫⲉ ⲁ̀ⲗⲏⲑⲱⲥ ϥ̀ⲛⲁϣⲱⲡⲓ ⲛ̀ⲟⲩⲧⲉⲗⲓⲟⲥ ⲉϥϫⲏⲕ ⲉ̀ⲃⲟⲗ.	Apa p̀gōl ḋe nem apa p̀ṡoi averṡ̀fyri m̀mof èmaṡō ouoh navtiṑou ǹf̀nouti evgō m̀mos je àlyθōs f̀naṡōpi ǹoutelios efjyk èvol.	Apa Pjol and apa Pshoi were very surprised and gave glory to God. They said: ‘He will indeed be entirely perfect!’
60	ⲫⲏ ⲉⲑⲟⲩⲁⲃ ⲇⲉ ⲁⲡⲁ ϣⲉⲛⲟⲩϯ ⲉ̀ⲧⲁϥϭⲓ ⲙ̀ⲡⲓⲥⲭⲏⲙⲁ ⲛ̀ⲁⲅⲅⲉⲗⲓⲕⲟⲛ ⲉ̀ⲧⲁϥⲓ̀ ⲛⲁϥ ⲉ̀ⲃⲟⲗ ϧⲉⲛⲧⲫⲉ ⲁϥⲧⲏⲓϥ ⲉ̀ϯⲁⲛⲁⲭⲱⲣⲏⲥⲓⲥ ϧⲉⲛϩⲁⲛⲛⲓϣϯ ⲛ̀ϧⲓⲥⲓ ⲉⲩⲟϣ ⲛⲉⲙϩⲁⲛⲉ̀ϫⲱⲣϩ ⲛ̀ϣⲣⲱⲓⲥ ⲉⲩⲟϣ ⲛⲉⲙϩⲁⲛⲛⲏⲥⲧⲓⲁ̀ ⲙ̀ⲙⲟⲛ ⲏ̀ⲡⲓ ⲧⲟⲓ ⲉ̀ⲣⲱⲟⲩ .	Ⲫⲏ ⲉⲑⲟⲩⲁⲃ ⲇⲉ ⲁⲡⲁ ϣⲉⲛⲟⲩϯ ⲉ̀ⲧⲁϥϭⲓ ⲛ̀ⲡⲓⲥⲭⲏⲙⲁ ⲛ̀ⲁⲅⲅⲉⲗⲓⲕⲟⲛ ⲉ̀ⲧⲁϥⲓ̀ ⲛⲁϥ ⲉ̀ⲃⲟⲗ ϧⲉⲛ ⲧ̀ⲫⲉ ⲁϥⲧⲏⲓϥ ⲉ̀ϯⲁⲛⲁⲭⲱⲣⲏⲥⲓⲥ ϧⲉⲛ ϩⲁⲛⲛⲓϣϯ ⲛ̀ϧⲓⲥⲓ ⲉⲩⲟϣ ⲛⲉⲙ ϩⲁⲛⲉ̀ϫⲱⲣϩ ⲛ̀ϣ̀ⲣⲱⲓⲥ ⲉⲩⲟϣ ⲛⲉⲙ ϩⲁⲛⲛⲏⲥⲧⲓⲁ̀ ⲙ̀ⲙⲟⲛ ⲏ̀ⲡⲓ ⲧⲟⲓ ⲉ̀ⲣⲱⲟⲩ.	Fy eθouab ḋe apa ṡenouti ètafċi ǹpisṡyma ǹangelikon ètafì naf èvol xen t̀fe aftyif ètianaxōrysis xen hanniṡti ǹxisi evoṡ nem hanègōrh ǹṡ̀rōis evoṡ nem hannystià m̀mon ỳpi toi èrōou.	After receiving the angelic garment sent to him from heaven, the revered apa Shenoute devoted himself entirely to the ascetic life, marked by intense toil, countless night vigils, and innumerable fasts.
61	ⲕⲉ ⲅⲁⲣ ⲛⲉⲙ̀ⲡⲁϥⲟⲩⲱⲙ ⲙ̀ⲙⲏⲛⲓ ⲡⲉ ϣⲁⲣⲟⲩϩⲓ ⲛ̀ⲧⲉⲫⲣⲏ ϩⲱⲧⲡ ⲟⲩⲟϩ ⲟⲛ ⲛⲉⲙ̀ⲡⲁϥⲟⲩⲱⲙ ϣⲁⲧⲉϥⲥⲓ ⲁⲗⲗⲁ ⲟⲩⲱⲓⲕ ⲛⲉⲙⲟⲩϩⲙⲟⲩ ⲡⲉ ⲧⲉϥⲧⲣⲟⲫⲏ .	Ⲕⲉ ⲅⲁⲣ ⲛⲉⲙ̀ⲡⲁϥⲟⲩⲱⲙ ⲛ̀ⲙⲏⲛⲓ ⲡⲉ ϣⲁ ⲣⲟⲩϩⲓ ⲛ̀ⲧⲉ ⲫ̀ⲣⲏ ϩⲱⲧⲡ ⲟⲩⲟϩ ⲟⲛ ⲛⲉⲙ̀ⲡⲁϥⲟⲩⲱⲙ ϣⲁⲧⲉϥⲥⲓ ⲁⲗⲗⲁ ⲟⲩⲱⲓⲕ ⲛⲉⲙ ⲟⲩϩⲙⲟⲩ ⲡⲉ ⲧⲉϥⲧⲣⲟⲫⲏ.	Ke ġar nem̀pafouōm ǹmyni pe ṡa rouhi ǹte f̀ry hōtp ouoh on nem̀pafouōm ṡatefsi alla ouōik nem ouhmou pe teftrofy.	He refused to eat during daylight hours, waiting until sunset, and even then refrained from satisfying his hunger. His diet consisted solely of bread and salt.
62	ϧⲉⲛⲛⲁⲓ ⲁⲡⲉϥⲥⲱⲙⲁ ϣⲱⲟⲩⲓ̀ ⲟⲩⲟϩ ⲁ̀ⲡⲉϥϣⲁⲣ ⲧⲱⲙⲓ ⲉ̀ⲛⲉϥⲕⲁⲥ ⲉ̀ⲁϥϣⲙⲁ ⲉ̀ⲙⲁϣⲱ ⲟⲩⲟϩ ⲡⲉϥⲃⲓⲟⲥ ⲧⲏⲣϥ ⲛⲉⲙⲡⲉϥⲥⲕⲟⲡⲟⲥ ⲛⲁϥⲧⲉⲛⲑⲱⲛⲧ ⲉ̀ⲏⲗⲓⲁⲥ ⲡⲓⲑⲉⲥⲃⲩⲧⲏⲥ ⲡⲓⲉ̀ⲛⲓⲱⲭⲟⲥ ⲛ̀ⲧⲉⲡⲓⲥ̅ⲗ̅ .	Ϧⲉⲛ ⲛⲁⲓ ⲁⲡⲉϥⲥⲱⲙⲁ ϣⲱⲟⲩⲓ̀ ⲟⲩⲟϩ ⲁ̀ⲡⲉϥϣⲁⲣ ⲧⲱⲙⲓ ⲉ̀ⲛⲉϥⲕⲁⲥ ⲉ̀ⲁϥϣⲙⲁ ⲉ̀ⲙⲁϣⲱ ⲟⲩⲟϩ ⲡⲉϥⲃⲓⲟⲥ ⲧⲏⲣϥ ⲛⲉⲙ ⲡⲉϥⲥⲕⲟⲡⲟⲥ ⲛⲁϥⲧⲉⲛⲑⲱⲛⲧ ⲉ̀ⲏⲗⲓⲁⲥ ⲡⲓⲑⲉⲥⲃⲩⲧⲏⲥ ⲡⲓⲉ̀ⲛⲓⲱⲭⲟⲥ ⲛ̀ⲧⲉ ⲡⲓⲥⲣⲁⲏⲗ.	Xen nai apefsōma ṡōouì ouoh àpefṡar tōmi ènefkas èafṡma èmaṡō ouoh pefbios tyrf nem pefskopos naftenθōnt èylias piθesbitys pièniōxos ǹte pisrayl.	As a result, his body became emaciated—his skin taut and clinging to his bones. Shenoute modeled his entire life and purpose after Elijah the Tishbite, the charioteer of Israel.
63	ⲡⲁⲓⲣⲏϯ ⲟⲛ ⲁϥϣⲱⲡⲓ ⲛ̀ⲟⲩⲣⲉϥϯⲥⲃⲱ ⲛ̀ⲟⲩⲟⲛ ⲛⲓⲃⲉⲛ ⲛⲓⲕⲟⲩϫⲓ ⲛ̀ⲁ̀ⲗⲱⲟⲩⲓ̀ ⲙ̀ⲙⲁⲩⲁⲧⲟⲩ ⲁⲛ ⲁⲗⲗⲁ ⲛⲉⲙⲛⲓⲕⲉϧⲉⲗⲗⲟⲓ ⲉϥⲟⲓ ⲛ̀ⲥⲡⲟⲩⲇⲉⲟⲥ ϧⲉⲛⲛⲉϥϩⲃⲏⲟⲩⲓ̀ ⲙ̀ⲡⲉϥⲥⲏⲟⲩ ⲧⲏⲣϥ .	Ⲡⲁⲓⲣⲏϯ ⲟⲛ ⲁϥϣⲱⲡⲓ ⲛ̀ⲟⲩⲣⲉϥϯⲥ̀ⲃⲱ ⲛ̀ⲟⲩⲟⲛ ⲛⲓⲃⲉⲛ ⲛⲓⲕⲟⲩϫⲓ ⲛ̀ⲁ̀ⲗⲱⲟⲩⲓ̀ ⲙ̀ⲙⲁⲩⲁⲧⲟⲩ ⲁⲛ ⲁⲗⲗⲁ ⲛⲉⲙ ⲛⲓⲕⲉϧⲉⲗⲗⲟⲓ ⲉϥⲟⲓ ⲛ̀ⲥⲡⲟⲩⲇⲉⲟⲥ ϧⲉⲛ ⲛⲉϥϩ̀ⲃⲏⲟⲩⲓ̀ ⲛ̀ⲡⲉϥⲥⲏⲟⲩ ⲧⲏⲣϥ.	Pairyti on afṡōpi ǹoureftis̀vō ǹouon niven nikouji ǹàlōouì m̀mavatou an alla nem nikexelloi efoi ǹspouḋeos xen nefh̀vyouì ǹpefsyou tyrf.	Because he was always so dedicated in his work, he became a guide for all—young boys and elderly men alike.
64	ⲛⲁϥⲉⲣⲫⲟⲣⲓⲛ ⲙ̀ⲡⲭ̅ⲥ̅ ⲉϥⲙⲏⲛ ⲉ̀ⲃⲟⲗ ϧⲉⲛⲧⲙⲉⲗⲉⲧⲏ ⲛ̀ⲛⲓⲅⲣⲁⲫⲏ ϩⲱⲥⲇⲉ ⲡⲁⲓⲣⲏϯ ⲛ̀ⲧⲉⲡⲉϥⲥⲓⲱⲧ ⲛⲉⲙⲛⲉϥⲥⲃⲱⲟⲩⲓ̀ ϣⲱⲡⲓ ⲉⲩϩⲟⲗϫ ϧⲉⲛⲣⲱϥ ⲛ̀ⲟⲩⲟⲛ ⲛⲓⲃⲉⲛ ⲙ̀ⲫⲣⲏϯ ⲛ̀ⲟⲩⲉ̀ⲃⲓⲱ ϧⲉⲛⲡϩⲏⲧ ⲛ̀ⲛⲏ ⲉⲑⲟⲩⲱϣ ⲉ̀ⲙⲉⲛⲣⲉⲡⲓⲱⲛϧ ⲛ̀ⲉ̀ⲛⲉϩ	Ⲛⲁϥⲉⲣⲫⲟⲣⲓⲛ ⲛ̀ⲡⲓⲓⲭⲣⲓⲥⲧⲟⲥ ⲉϥⲙⲏⲛ ⲉ̀ⲃⲟⲗ ϧⲉⲛ ⲧ̀ⲙⲉⲗⲉⲧⲏ ⲛ̀ⲛⲓⲅ̀ⲣⲁⲫⲏ ϩⲱⲥⲇⲉ ⲡⲁⲓⲣⲏϯ ⲛ̀ⲧⲉⲡⲉϥⲥⲓⲱⲧ ⲛⲉⲙ ⲛⲉϥⲥⲃⲱⲟⲩⲓ̀ ϣⲱⲡⲓ ⲉⲩϩⲟⲗϫ ϧⲉⲛ ⲣⲱϥ ⲛ̀ⲟⲩⲟⲛ ⲛⲓⲃⲉⲛ ⲛ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ ϧⲉⲛ ⲡ̀ϩⲏⲧ ⲛ̀ⲛⲏ ⲉⲑⲟⲩⲱϣ ⲉ̀ⲙⲉⲛⲣⲉⲡⲓⲱⲛϧ ⲛ̀ⲉ̀ⲛⲉϩ	Naferforin ǹpiikristos efmyn èvol xen t̀melety ǹniġ̀rafy hōsḋe pairyti ǹtepefsiōt nem nefsvōouì ṡōpi evholg xen rōf ǹouon niven ǹf̀ryti ǹouèviō xen p̀hyt ǹny eθouōṡ èmenrepiōnx ǹèneh	His commitment to Christ was evident in his constant reading of Scripture, which earned him widespread respect; his teachings, cherished like honey by those yearning for eternal life, were pleasing to all who heard them.
65	ⲟⲩⲟϩ ⲛⲁϥϫⲱ ⲡⲉ ⲛ̀ϩⲁⲛⲙⲏϣ ⲛ̀ⲉ̀ⲝⲏⲅⲓⲥⲓⲥ ⲛⲉⲙϩⲁⲛⲗⲟⲅⲟⲥ ⲉⲩⲙⲉϩ ⲛ̀ⲉⲛⲧⲟⲗⲏ ⲉⲩⲟⲩⲁⲃ	ⲟⲩⲟϩ ⲛⲁϥϫⲱ ⲡⲉ ⲛ̀ϩⲁⲛⲙⲏϣ ⲛ̀ⲉ̀ⲝⲏⲅⲓⲥⲓⲥ ⲛⲉⲙ ϩⲁⲛⲗⲟⲅⲟⲥ ⲉⲩⲙⲉϩ ⲛ̀ⲉⲛⲧⲟⲗⲏ ⲉⲩⲟⲩⲁⲃ	ouoh nafgō pe ǹhanmyṡ ǹèksygisis nem hanloġos evmeh ǹentoly evouab	He offered numerous interpretations and reflections rich in sacred instruction.
66	ⲟⲩⲟϩ ⲁϥⲥⲉⲙⲛⲓ ⲛ̀ϩⲁⲛⲕⲁⲛⲱⲛ ⲛ̀ⲛⲓⲙⲟⲩⲛⲁⲭⲟⲥ ⲛⲉⲙϩⲁⲛⲉ̀ⲡⲓⲥⲧⲟⲗⲏ ⲉⲩϫⲟⲕⲉⲣ ⲟⲩⲟϩ ⲉⲩⲟⲓ ⲛ̀ϩⲟϯ ⲛⲉⲙⲥⲟⲗⲥⲉⲗ ⲛ̀ⲛⲓⲯⲩⲭⲏ ⲛ̀ⲧⲉⲛⲓⲣⲱⲙⲓ	ⲟⲩⲟϩ ⲁϥⲥⲉⲙⲛⲓ ⲛ̀ϩⲁⲛⲕⲁⲛⲱⲛ ⲛ̀ⲧⲉ ⲛⲓⲙⲟⲩⲛⲁⲭⲟⲥ ⲛⲉⲙ ϩⲁⲛⲉ̀ⲡⲓⲥⲧⲟⲗⲏ ⲉⲩϫⲟⲕⲉⲣ ⲟⲩⲟϩ ⲉⲩⲟⲓ ⲛ̀ϩⲟϯ ⲛⲉⲙ ⲥⲟⲗⲥⲉⲗ ⲛ̀ⲛⲓⲯⲩⲭⲏ ⲛ̀ⲧⲉ ⲛⲓⲣⲱⲙⲓ	ouoh afsemni ǹhankanōn ǹte nimounaxos nem hanèpistoly evgoker ouoh evoi ǹhoti nem solsel ǹnipsiṡy ǹte nirōmi	He crafted monastic guidelines and composed letters, instilling both fear and encouragement in his listeners.
67	ⲟⲩⲟϩ ϧⲉⲛⲛⲁⲓ ⲧⲏⲣⲟⲩ ⲛⲁϥϫⲱ ⲙ̀ⲙⲟⲥ ϧⲉⲛⲡⲉϥⲣⲱϥ ⲉ̀ⲧⲉⲙ̀ⲙⲟⲛ ⲙⲉⲑⲛⲟⲩϫ ⲛ̀ϧⲏⲧϥ ϫⲉⲙ̀ⲡⲓϫⲉⲟⲩⲥⲁϫⲓ ⲉ̀ⲃⲟⲗ ϩⲓⲧⲟⲧ ⲙ̀ⲙⲁⲩⲁⲧ ⲙ̀ⲡⲉⲡⲭ̅ⲥ̅ ⲧⲏⲓϥ ⲉ̀ϧⲟⲩⲛ ⲉ̀ⲣⲱⲓ .	ⲟⲩⲟϩ ϧⲉⲛ ⲛⲁⲓ ⲧⲏⲣⲟⲩ ⲛⲁϥϫⲱ ⲙ̀ⲙⲟⲥ ϧⲉⲛ ⲡⲉϥⲣⲱϥ ⲉ̀ⲧⲉ ⲙ̀ⲙⲟⲛ ⲙⲉⲑⲛⲟⲩϫ ⲛ̀ϧⲏⲧϥ ϫⲉⲙ̀ⲡⲓϫⲉⲟⲩⲥⲁϫⲓ ⲉ̀ⲃⲟⲗ ϩⲓⲧⲟⲧ ⲙ̀ⲙⲁⲩⲁⲧ ⲙ̀ⲡⲉⲡⲓⲭ̀ⲣⲓⲥⲧⲟⲥ ⲧⲏⲓϥ ⲉ̀ϧⲟⲩⲛ ⲉ̀ⲣⲱⲓ.	ouoh xen nai tyrou nafgō m̀mos xen pefrōf ète m̀mon meθnoug ǹxytf jem̀pijeousaji èvol hitot m̀mavat m̀pepix̀ristos tyif èxoun èrōi.	Everything he spoke came from a place of sincerity. As he once said: ‘None of my words are my own; there is nothing I speak that Christ has not given me.’
68	ⲟⲩⲟϩ ⲛⲁϥⲥⲟⲗⲥⲉⲗ ⲙ̀ⲡⲉϥⲃⲓⲟⲥ ⲛ̀ⲕⲁⲗⲱⲥ ⲡⲉ ϧⲉⲛⲡϫⲱⲕ ⲉ̀ⲃⲟⲗ ⲛ̀ⲛⲓϩⲃⲏⲟⲩⲓ̀ ⲛ̀ⲧⲉϯⲙⲉⲧⲙⲟⲩⲛⲁⲭⲟⲥ ϧⲉⲛϩⲁⲛⲛⲓϣϯ ⲛ̀ⲁ̀ⲥⲕⲏⲥⲓⲥ ⲛⲉⲙϩⲁⲛⲡⲟⲗⲉⲧⲓⲁ̀ ⲉⲩⲟϣ .	Ⲟⲩⲟϩ ⲛⲁϥⲥⲟⲗⲥⲉⲗ ⲛ̀ⲡⲉϥⲃⲓⲟⲥ ⲛ̀ⲕⲁⲗⲱⲥ ⲡⲉ ϧⲉⲛ ⲡ̀ϫⲱⲕ ⲉ̀ⲃⲟⲗ ⲛ̀ⲛⲓϩⲃⲏⲟⲩⲓ̀ ⲛ̀ⲧⲉ ϯⲙⲉⲧⲙⲟⲩⲛⲁⲭⲟⲥ ϧⲉⲛ ϩⲁⲛⲛⲓϣϯ ⲛ̀ⲁ̀ⲥⲕⲏⲥⲓⲥ ⲛⲉⲙ ϩⲁⲛⲡⲟⲗⲉⲧⲓⲁ̀ ⲉⲩⲟϣ.	Ouoh nafsolsel ǹpefbios ǹkalōs pe xen p̀gōk èvol ǹnihvyouì ǹte timetmounaxos xen hanniṡti ǹàskysis nem hanpoletià evoṡ.	He enhanced his life with exemplary devotion to monastic discipline, rigorous self-denial, and countless practices of ascetic rigor.
69	ⲛⲁϥϣⲗⲏⲗ ⲅⲁⲣ ⲛ̀ⲓ̅ⲃ̅ ⲛ̀ⲥⲟⲡ ⲙ̀ⲡⲓⲉ̀ϩⲟⲟⲩ ⲁϥϯ ⲛ̀ⲕ̅ⲇ̅ ⲙ̀ⲙⲉⲧⲁⲛⲟⲓⲁ ⲕⲁⲧⲁⲥⲟⲡ .	Ⲛⲁϥϣ̀ⲗⲏⲗ ⲅⲁⲣ ⲛ̀̀12 ⲛ̀ⲥⲟⲡ ⲛ̀ⲡⲓⲉ̀ϩⲟⲟⲩ ⲁϥϯ ⲛ̀̀24 ⲛ̀ⲙⲉⲧⲁⲛⲟⲓⲁ ⲕⲁⲧⲁ ⲥⲟⲡ.	Nafṡ̀lyl ġar ǹ12 ǹsop ǹpièhoou afti ǹ24 ǹmetanoia kata sop.	He is said to have prayed a dozen times daily, each session involving twenty-four full prostrations.
70	ϧⲉⲛⲡⲓⲉ̀ϫⲱⲣϩ ⲇⲉ ⲙ̀ⲡⲁϥⲛⲕⲟⲧ ⲉ̀ⲡⲧⲏⲣϥ ϣⲁⲧⲉⲡⲓⲟⲩⲱⲓⲛⲓ ϣⲁⲓ .	Ϧⲉⲛ ⲡⲓⲉ̀ϫⲱⲣϩ ⲇⲉ ⲙ̀ⲡⲁϥⲛ̀ⲕⲟⲧ ⲉ̀ⲡ̀ⲧⲏⲣϥ ϣⲁⲧⲉⲡⲓⲟⲩⲱⲓⲛⲓ ϣⲁⲓ.	Xen piègōrh ḋe m̀pafǹkot èp̀tyrf ṡatepiouōini ṡai.	Through the night he remained awake until dawn.
71	ⲙⲉⲛⲉⲛⲥⲱⲥ ⲛ̀ⲧⲉϥϭⲓ ⲛ̀ⲟⲩⲕⲟⲩϫⲓ ⲛ̀ⲥⲣⲟⲙ ⲉⲑⲃⲉⲡⲓⲥⲱⲙⲁ ϫⲉⲛ̀ⲛⲉϥⲙⲟⲩⲛⲕ ⲛ̀ⲭⲱⲗⲉⲙ .	Ⲙⲉⲛⲉⲛⲥⲱⲥ ⲛ̀ⲧⲉϥϭⲓ ⲛ̀ⲟⲩⲕⲟⲩϫⲓ ⲛ̀ⲥⲣⲟⲙ ⲉⲑⲃⲉ ⲡⲓⲥⲱⲙⲁ ϫⲉ ⲛ̀ⲛⲉϥⲙⲟⲩⲛⲕ ⲛ̀ⲭⲱⲗⲉⲙ.	Menensōs ǹtefċi ǹoukouji ǹsrom eθve pisōma je ǹnefmounk ǹkōlem.	Only then would he allow himself minimal rest—just enough to prevent physical collapse.
72	ⲟⲩⲙⲏϣ ⲅⲁⲣ ⲛ̀ⲥⲟⲡ ⲙ̀ⲡⲁϥⲟⲩⲱⲙ ⲓⲥϫⲉⲛⲡⲥⲁⲃⲃⲁⲧⲟⲛ ϣⲁⲡⲥⲁⲃⲃⲁⲧⲟⲛ .	Ⲟⲩⲙⲏϣ ⲅⲁⲣ ⲛ̀ⲥⲟⲡ ⲙ̀ⲡⲁϥⲟⲩⲱⲙ ⲓⲥϫⲉⲛ ⲡ̀ⲥⲁⲃⲃⲁⲧⲟⲛ ϣⲁ ⲡ̀ⲥⲁⲃⲃⲁⲧⲟⲛ.	Oumyṡ ġar ǹsop m̀pafouōm isjen p̀·sabbaton ṡa p̀·sabbaton.	On many occasions, he abstained entirely from food for an entire week, from one Saturday to the next.
73	ⲟⲩⲟϩ ⲟⲛ ϣⲁϥⲉⲣⲡⲓⲙ̅ ⲛ̀ⲉ̀ϩⲟⲟⲩ ⲛ̀ⲧⲉⲡⲓⲡⲁⲥⲭⲁ ⲉⲑⲟⲩⲁⲃ ⲛ̀ⲁⲑⲟⲩⲉⲙⲱⲓⲕ .	Ⲟⲩⲟϩ ⲟⲛ ϣⲁϥⲉⲣⲡⲓ40 ⲛ̀ⲉ̀ϩⲟⲟⲩ ⲛ̀ⲧⲉ ⲡⲓⲡⲁⲥⲭⲁ ⲉⲑⲟⲩⲁⲃ ⲛ̀ⲁⲑⲟⲩⲉⲙⲱⲓⲕ.	Ouoh on ṡaferpi40 ǹèhoou ǹte pipasxa eθouab ǹaθouemōik.	During the forty days of Easter, he refrained even from bread.
74	ⲁⲗⲗⲁ ⲧⲉϥⲧⲣⲟⲫⲏ ⲟⲩⲟⲩⲟϯ ⲛ̀ⲟⲩⲱⲙ ⲧⲉ ⲛⲉⲙⲟⲩϣⲃⲓⲛ ⲉⲧϩⲟⲣⲡ ϩⲱⲥⲇⲉ ⲡⲁⲓⲣⲏϯ ⲛ̀ⲧⲉⲧⲉϥⲥⲁⲣⲝ ⲙⲟⲩⲛⲕ ⲉ̀ⲣⲟϥ ⲉ̀ⲙⲁϣⲱ	Ⲁⲗⲗⲁ ⲧⲉϥⲧⲣⲟⲫⲏ ⲟⲩⲟⲩⲟϯ ⲛ̀ⲟⲩⲱⲙ ⲧⲉ ⲛⲉⲙ ⲟⲩϣⲃⲓⲛ ⲉⲧϩⲟⲣⲡ ϩⲱⲥⲇⲉ ⲡⲁⲓⲣⲏϯ ⲛ̀ⲧⲉ ⲧⲉϥⲥⲁⲣⲝ ⲙⲟⲩⲛⲕ ⲉ̀ⲣⲟϥ ⲉ̀ⲙⲁϣⲱ	Alla teftrofy ououoti ǹouōm te nem ouṡvin et·horp hōsḋe pairyti ǹte tefsarks mounk èrof èmaṡō	He sustained himself instead on greens and soaked grains. As a consequence, his body was emaciated.
75	ⲟⲩⲟϩ ⲁ̀ⲡⲓⲣⲓⲙⲓ ϣⲱⲡⲓ ⲉϥϩⲟⲗϫ ⲛⲁϩⲣⲁϥ ⲙ̀ⲫⲣⲏϯ ⲛ̀ⲟⲩⲉ̀ⲃⲓⲱ ϩⲱⲥⲧⲉ ⲟⲩⲛ ⲛ̀ⲧⲉⲛⲉϥⲃⲁⲗ ϣⲱⲕ ⲉ̀ⲡⲉⲥⲏⲧ ⲙ̀ⲫⲣⲏϯ ⲛ̀ϩⲁⲛⲭⲟⲗ ⲛ̀ⲧⲉϩⲁⲛϫⲟⲓ ⲟⲩⲟϩ ⲛ̀ⲥⲉϣⲱⲡⲓ ⲛ̀ⲭⲁⲙⲉ ⲉ̀ⲙⲁϣⲱ ⲉⲑⲃⲉⲡⲓϩⲟⲩⲟ̀ϣⲟⲩⲟ̀ ⲉ̀ⲡⲉⲥⲏⲧ ⲛ̀ⲧⲉⲛⲓⲉⲣⲙⲱⲟⲩⲓ̀ ⲛⲁⲓ ⲉⲧϧⲁϯ ⲛ̀ⲛⲁⲩ ⲛⲓⲃⲉⲛ ϧⲉⲛⲛⲉϥⲃⲁⲗ ⲙ̀ⲫⲣⲏϯ ⲛ̀ⲟⲩⲙⲱⲟⲩ	ⲟⲩⲟϩ ⲁ̀ ⲡⲓⲣⲓⲙⲓ ϣⲱⲡⲓ ⲉϥϩⲟⲗϫ ⲛⲁϩⲣⲁϥ ⲛ̀ⲫ̀ⲣⲏϯ ⲛ̀ⲟⲩⲉ̀ⲃⲓⲱ ϩⲱⲥⲧⲉ ⲟⲩⲛ ⲛ̀ⲧⲉⲛⲉϥⲃⲁⲗ ϣⲱⲕ ⲉ̀ⲡⲉⲥⲏⲧ ⲛ̀ⲫ̀ⲣⲏϯ ⲛ̀ϩⲁⲛⲭⲟⲗ ⲛ̀ⲧⲉ ϩⲁⲛϫⲟⲓ ⲟⲩⲟϩ ⲛ̀ⲧⲟⲩϣⲱⲡⲓ ⲛ̀ⲭⲁⲙⲉ ⲉ̀ⲙⲁϣⲱ ⲉⲑⲃⲉ ⲡⲓϩⲟⲩⲟ̀ϣⲟⲩⲟ̀ ⲉ̀ⲡⲉⲥⲏⲧ ⲛ̀ⲧⲉ ⲛⲓⲉⲣⲙⲱⲟⲩⲓ̀ ⲛⲁⲓ ⲉⲧϧⲁϯ ⲛ̀ⲛⲁⲩ ⲛⲓⲃⲉⲛ ϧⲉⲛ ⲛⲉϥⲃⲁⲗ ⲛ̀ⲫ̀ⲣⲏϯ ⲛ̀ⲟⲩⲙⲱⲟⲩ	ouoh à pirimi ṡōpi efholg nahraf ǹf̀ryti ǹouèviō hōste oun ǹtenefval ṡōk èpesyt ǹf̀ryti ǹhankol ǹte hangoi ouoh ǹtouṡōpi ǹkame èmaṡō eθve pihouòṡouò èpesyt ǹte niermōouì nai etxati ǹnav niven xen nefval ǹf̀ryti ǹoumōou	He wept so frequently and with such intensity that tears were, for him, a source of sweetness; his eyes sank deeply into his face, resembling holes in a wall, and the constant weeping darkened them to a deep black.
76	ⲟⲩⲟϩ ⲛⲁⲣⲉⲫϯ ϣⲟⲡ ⲛⲉⲙⲁϥ ⲡⲉ ϧⲉⲛⲛⲉϥⲉ̀ϩⲟⲟⲩ ⲧⲏⲣⲟⲩ .	ⲟⲩⲟϩ ⲛⲁⲣⲉⲫϯ ϣⲟⲡ ⲛⲉⲙⲁϥ ⲡⲉ ϧⲉⲛ ⲛⲉϥⲉ̀ϩⲟⲟⲩ ⲧⲏⲣⲟⲩ.	ouoh narefti ṡop nemaf pe xen nefèhoou tyrou.	Throughout his life, the presence of God was unmistakably with him.
77	ⲉϥϣⲟⲡ ⲇⲉ ⲟⲛ ϧⲉⲛⲡⲉϥⲙⲟⲛⲁⲥⲧⲏⲣⲓⲟⲛ ⲛⲁϥⲉⲣⲑⲉⲟⲣⲓⲛ ⲛ̀ⲟⲩⲙⲏϣ ⲛ̀ⲛⲟⲃⲓ ⲉ̀ⲧⲟⲩⲓ̀ⲣⲓ ⲙ̀ⲙⲱⲟⲩ ϧⲉⲛⲡⲓⲕⲟⲥⲙⲟⲥ ⲧⲏⲣϥ	Ⲉϥϣⲟⲡ ⲇⲉ ⲟⲛ ϧⲉⲛ ⲡⲉϥⲙⲟⲛⲁⲥⲧⲏⲣⲓⲟⲛ ⲛⲁϥⲉⲣⲑⲉⲟⲣⲓⲛ ⲛ̀ⲟⲩⲙⲏϣ ⲛ̀ⲛⲟⲃⲓ ⲉ̀ⲧⲟⲩⲓ̀ⲣⲓ ⲙ̀ⲙⲱⲟⲩ ϧⲉⲛ ⲡⲓⲕⲟⲥⲙⲟⲥ ⲧⲏⲣϥ	Efṡop ḋe on xen pefmonastyrion naferθeorin ǹoumyṡ ǹnovi ètouìri m̀mōou xen pikosmos tyrf	While he remained in the monastery, he would witness a vast number of transgressions occurring across the world.
78	ⲟⲩⲟϩ ⲛⲏ ⲉⲑⲛⲏⲟⲩ ϣⲁⲣⲟϥ ϣⲁϥⲉ̀ⲙⲓ ⲉ̀ⲛⲟⲩⲙⲟⲕⲙⲉⲕ ⲛⲉⲙⲛⲏ ⲉ̀ⲧⲟⲩⲁⲓⲧⲟⲩ ⲧⲏⲣⲟⲩ	ⲟⲩⲟϩ ⲛⲏ ⲉⲑⲛⲏⲟⲩ ϣⲁⲣⲟϥ ϣⲁϥⲉ̀ⲙⲓ ⲉ̀ⲛⲟⲩⲙⲟⲕⲙⲉⲕ ⲛⲉⲙ ⲛⲏ ⲉ̀ⲧⲟⲩⲁⲓⲧⲟⲩ ⲧⲏⲣⲟⲩ	ouoh ny eθnyou ṡarof ṡafèmi ènoumokmek nem ny ètouaitou tyrou	He had the remarkable ability to discern the thoughts and actions of all who approached him.
79	ⲟⲩⲟϩ ⲡⲁⲓⲣⲏϯ ⲛⲁϥⲧⲱⲃϩ ⲉ̀ϫⲱⲟⲩ ⲧⲏⲣⲟⲩ ⲉⲑⲣⲟⲩⲟⲩϫⲁⲓ ⲟⲩⲟϩ ⲛ̀ⲥⲉϫⲓⲙⲓ ⲛ̀ⲟⲩⲛⲁⲓ ϧⲉⲛⲡⲓⲃⲏⲙⲁ ⲛ̀ⲧⲉⲡⲭ̅ⲥ̅ .	ⲟⲩⲟϩ ⲡⲁⲓⲣⲏϯ ⲛⲁϥⲧⲱⲃϩ ⲉ̀ϫⲱⲟⲩ ⲧⲏⲣⲟⲩ ⲉ̀ⲑⲣⲟⲩⲟⲩϫⲁⲓ ⲟⲩⲟϩ ⲛ̀ⲧⲟⲩϫⲓⲙⲓ ⲛ̀ⲟⲩⲛⲁⲓ ϧⲉⲛ ⲡⲓⲃⲏⲙⲁ ⲛ̀ⲧⲉ ⲡⲓⲭ̀ⲣⲓⲥⲧⲟⲥ.	ouoh pairyti naftōvh ègōou tyrou èθrouougai ouoh ǹtoujimi ǹounai xen pibyma ǹte pix̀ristos.	In response, he would intercede in prayer on their behalf, seeking their salvation and hoping they might obtain divine mercy before Christ’s judgment.
80	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲁϥⲓ̀ ⲛ̀ϫⲉⲟⲩⲣⲱⲙⲓ ϣⲁⲡⲁⲓ̀ⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲉϥⲏⲡ ⲉ̀ⲟⲩϯⲙⲓ ϫⲉⲡⲥⲉⲛϧⲱⲟⲩⲧ ϧⲉⲛⲡⲑⲟϣ ⲡⲥⲟⲓ ϯⲡⲟⲗⲓⲥ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲁϥⲓ̀ ⲛ̀ϫⲉ ⲟⲩⲣⲱⲙⲓ ϣⲁ ⲡⲁⲓ̀ⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲉϥⲏⲡ ⲉ̀ⲟⲩϯⲙⲓ ϫⲉ ⲡ̀ⲥⲉⲛϧⲱⲟⲩⲧ ϧⲉⲛ ⲡ̀ⲑⲟϣ ⲡ̀ⲥⲟⲓ ϯⲡⲟⲗⲓⲥ.	Asṡōpi ḋe on ǹouèhoou afì ǹje ourōmi ṡa paìōt ǹp̀rofytys apa ṡenouti efyp èoutimi je p̀·senxōout xen p̀θoṡ p̀·soi tipolis.	On one occasion, a man from the village of Psenkhout, near the city of Psoi, came to visit my father, the prophet Apa Shenoute.
81	ⲫⲁⲓ ⲟⲩⲛ ⲁϥⲓ̀ ⲉϥϧⲉⲛⲟⲩⲛⲓϣϯ ⲛ̀ⲉⲙⲕⲁϩ ⲛ̀ϩⲏⲧ ⲉϥⲟϣ ⲟⲩⲟϩ ⲁϥⲟⲩⲱⲣⲡ ⲉ̀ϧⲟⲩⲛ ⲙ̀ⲡⲁⲓ̀ⲱⲧ ⲉϥϫⲱ ⲙ̀ⲙⲟⲥ ϫⲉⲉⲓⲟⲩⲱϣ ⲉ̀ϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲟⲧⲕ ⲱ ⲡⲁⲓ̀ⲱⲧ ⲉⲑⲟⲩⲁⲃ ⲁ̀ⲣⲏⲟⲩ ⲛ̀ⲧⲉⲫⲛⲁⲓ ⲙ̀ⲫϯ ⲧⲁϩⲟⲓ ⲛⲉⲙⲛⲉⲕϣⲗⲏⲗ ⲉⲑⲟⲩⲁⲃ ϩⲓⲛⲁ ⲛ̀ⲧⲉⲫϯ ⲭⲁⲛⲁⲛⲟⲃⲓ ⲛⲏⲓ ⲉ̀ⲃⲟⲗ ϫⲉⲥⲉⲟϣ ⲛ̀ϩⲟⲩⲟ̀ .	Ⲫⲁⲓ ⲟⲩⲛ ⲁϥⲓ̀ ⲉϥ ϧⲉⲛ ⲟⲩⲛⲓϣϯ ⲛ̀ⲉⲙⲕⲁϩ ⲛ̀ϩⲏⲧ ⲉϥⲟϣ ⲟⲩⲟϩ ⲁϥⲟⲩⲱⲣⲡ ⲉ̀ϧⲟⲩⲛ ⲛ̀ⲡⲁⲓ̀ⲱⲧ ⲉϥϫⲱ ⲙ̀ⲙⲟⲥ ϫⲉ ⲉⲓⲟⲩⲱϣ ⲉ̀ϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲟⲧⲕ ⲱ̀ ⲡⲁⲓ̀ⲱⲧ ⲉⲑⲟⲩⲁⲃ ⲁ̀ⲣⲏⲟⲩ ⲛ̀ⲧⲉ ⲫ̀ⲛⲁⲓ ⲛ̀ⲫ̀ⲛⲟⲩϯ ⲧⲁϩⲟⲓ ⲛⲉⲙ ⲛⲉⲕϣ̀ⲗⲏⲗ ⲉⲑⲟⲩⲁⲃ ϩⲓⲛⲁ ⲛ̀ⲧⲉ ⲫ̀ⲛⲟⲩϯ ⲭⲁⲛⲁⲛⲟⲃⲓ ⲛⲏⲓ ⲉ̀ⲃⲟⲗ ϫⲉ ⲥⲉⲟϣ ⲛ̀ϩⲟⲩⲟ̀.	Fai oun afì ef xen ouniṡti ǹemkah ǹhyt efoṡ ouoh afouōrp èxoun ǹpaìōt efgō m̀mos je eiouōṡ èċismou èvol hitootk ṑ paìōt eθouab àryou ǹte f̀nai ǹf̀nouti tahoi nem nekṡ̀lyl eθouab hina ǹte f̀nouti kananovi nyi èvol je seoṡ ǹhouò.	Burdened with deep sorrow, the man sent a message to my father, pleading: ‘O holy father, I seek your blessing. Perhaps through your intercession, God in his mercy will grant me forgiveness, for I carry many sins.’
82	ⲟⲩⲟϩ ⲁⲩⲧⲁⲙⲉⲡⲓⲡⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉ̀ⲛⲏ ⲧⲏⲣⲟⲩ ⲉ̀ⲧⲁⲡⲓⲣⲱⲙⲓ ϫⲟⲧⲟⲩ .	Ⲟⲩⲟϩ ⲁⲩⲧⲁⲙⲉⲡⲓⲡ̀ⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉ̀ⲛⲏ ⲧⲏⲣⲟⲩ ⲉ̀ⲧⲁ ⲡⲓⲣⲱⲙⲓ ϫⲟⲧⲟⲩ.	Ouoh avtamepip̀rofytys eθouab apa ṡenouti èny tyrou èta pirōmi gotou.	Apa Shenoute was informed of the man’s words.
83	ⲡⲁⲓ̀ⲱⲧ ⲇⲉ ⲡⲉϫⲁϥ ⲙ̀ⲫⲏ ⲉⲧⲥⲁϫⲓ ⲛⲉⲙⲁϥ ϫⲉϩⲱⲗ ⲁ̀ϫⲟⲥ ⲙ̀ⲡⲓⲣⲱⲙⲓ ⲉ̀ⲧⲁϥⲓ̀ ϫⲉⲉ̀ϣⲱⲡ ⲭⲛⲁⲥⲱⲧⲉⲙ ⲛ̀ⲥⲱⲓ ϧⲉⲛⲫⲏ ⲉ̀ϯⲛⲁϫⲟϥ ⲛⲁⲕ ⲓⲉ ⲭⲛⲁⲛⲁⲩ ⲉ̀ⲣⲟⲓ ⲉ̀ϣⲱⲡ ⲭⲛⲁⲥⲱⲧⲉⲙ ⲛ̀ⲥⲱⲓ ⲁⲛ ⲓⲉ ⲭⲛⲁⲛⲁⲩ ⲉ̀ⲡⲁϩⲟ ⲁⲛ .	Ⲡⲁⲓ̀ⲱⲧ ⲇⲉ ⲡⲉϫⲁϥ ⲛ̀ⲫⲏ ⲉⲧⲥⲁϫⲓ ⲛⲉⲙⲁϥ ϫⲉ ϩⲱⲗ ⲁ̀ϫⲟⲥ ⲛ̀ⲡⲓⲣⲱⲙⲓ ⲉ̀ⲧⲁϥⲓ̀ ϫⲉ ⲉ̀ϣⲱⲡ ⲭ̀ⲛⲁⲥⲱⲧⲉⲙ ⲛ̀ⲥⲱⲓ ϧⲉⲛ ⲫⲏ ⲉ̀ⲓⲛⲁϫⲟϥ ⲛⲁⲕ ⲓⲉ ⲭ̀ⲛⲁⲛⲁⲩ ⲉ̀ⲣⲟⲓ ⲉ̀ϣⲱⲡ ⲭ̀ⲛⲁⲥⲱⲧⲉⲙ ⲛ̀ⲥⲱⲓ ⲁⲛ ⲓⲉ ⲭ̀ⲛⲁⲛⲁⲩ ⲉ̀ⲡⲁϩⲟ ⲁⲛ.	Paìōt ḋe pegaf ǹfy etsaji nemaf je hōl àgos ǹpirōmi ètafì je èṡōp k̀nasōtem ǹsōi xen fy èinagof nak ie k̀nanav èroi èṡōp k̀nasōtem ǹsōi an ie k̀nanav èpaho an.	He instructed the messenger to return with this reply: ‘Tell him: if you are willing to follow my instruction, then you will see me. But if you refuse, I shall not reveal myself to you.’
84	ⲟⲩⲟϩ ⲡⲉϫⲉⲡⲓⲣⲱⲙⲓ ϫⲉϯⲛⲁⲥⲱⲧⲉⲙ ⲛ̀ⲥⲱⲕ ⲡⲁϭ̅ⲥ̅ ⲛ̀ⲓⲱⲧ ϧⲉⲛϩⲱⲃ ⲛⲓⲃⲉⲛ ⲉ̀ⲧⲉⲕⲛⲁⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛⲏⲓ .	Ⲟⲩⲟϩ ⲡⲉϫⲉⲡⲓⲣⲱⲙⲓ ϫⲉ ϯⲛⲁⲥⲱⲧⲉⲙ ⲛ̀ⲥⲱⲕ ⲡⲁϭⲟⲓⲥ ⲛ̀ⲓⲱⲧ ϧⲉⲛ ϩⲱⲃ ⲛⲓⲃⲉⲛ ⲉ̀ⲧⲉ ⲭ̀ⲛⲁⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛⲏⲓ.	Ouoh pejepirōmi je tinasōtem ǹsōk paċois ǹiōt xen hōb niven ète k̀naouahsahni m̀mōou nyi.	The man responded, ‘I will do as you say, my master and father, in every matter you command.’
85	ⲡⲉⲑⲟⲩⲁⲃ ⲇⲉ ⲁⲡⲁ ϣⲉⲛⲟⲩϯ ⲡⲉϫⲁϥ ϫⲉⲁⲛⲓⲧϥ ⲛⲏⲓ ⲉ̀ϧⲟⲩⲛ .	Ⲡⲉⲑⲟⲩⲁⲃ ⲇⲉ ⲁⲡⲁ ϣⲉⲛⲟⲩϯ ⲡⲉϫⲁϥ ϫⲉ ⲁⲛⲓⲧϥ ⲛⲏⲓ ⲉ̀ϧⲟⲩⲛ.	Peθouab ḋe apa ṡenouti pegaf je anitf nyi èxoun.	Then Apa Shenoute said, ‘Bring him to me.’
86	ⲉ̀ⲧⲁϥⲓ̀ ⲇⲉ ⲉ̀ϧⲟⲩⲛ ϣⲁⲡⲁⲓⲱⲧ ⲁϥϥⲓⲧϥ ⲉ̀ϧⲣⲏⲓ ⲁϥⲟⲩⲱϣⲧ ⲙ̀ⲙⲟϥ .	Ⲉ̀ⲧⲁϥⲓ̀ ⲇⲉ ⲉ̀ϧⲟⲩⲛ ϣⲁ ⲡⲁⲓⲱⲧ ⲁϥϥⲓⲧϥ ⲉ̀ϧ̀ⲣⲏⲓ ⲁϥⲟⲩⲱϣⲧ ⲙ̀ⲙⲟϥ.	Ètafì ḋe èxoun ṡa paiōt affitf èx̀ryi afouōṡt m̀mof.	When he approached my father, he prostrated himself and offered greetings.
87	ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲁ̀ϫⲉⲡⲉⲕⲛⲟⲃⲓ ⲙ̀ⲡⲉⲙⲑⲟ ⲉ̀ⲃⲟⲗ ⲛ̀ⲟⲩⲟⲛ ⲛⲓⲃⲉⲛ ⲉⲑⲣⲉⲕϩⲱⲗ ⲉ̀ⲫⲙⲁ ⲉ̀ⲧⲉⲕⲛⲁϩⲱⲗ ⲉ̀ⲣⲟϥ .	Ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉ ⲁ̀ϫⲉⲡⲉⲕⲛⲟⲃⲓ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲟⲩⲟⲛ ⲛⲓⲃⲉⲛ ⲉ̀ⲑⲣⲉⲕϩⲱⲗ ⲉ̀ⲫ̀ⲙⲁ ⲉ̀ⲧⲉ ⲭ̀ⲛⲁϩⲱⲗ ⲉ̀ⲣⲟϥ.	Pejepaiōt apa ṡenouti naf je àjepeknovi ǹpem̀θo èvol ǹouon niven èθrek·hōl èf̀ma ète k̀nahōl èrof.	My father, apa Shenoute, addressed him: ‘Confess your wrongdoing openly before us, so that you may be shown where your path leads.’
88	ⲡⲉϫⲉⲡⲓⲣⲱⲙⲓ ⲛⲁϥ ϫⲉⲁⲥϣⲱⲡⲓ ⲙ̀ⲙⲟⲓ ⲛ̀ⲟⲩⲉϩⲟⲟⲩ ⲉⲓϩⲉⲙⲥⲓ ϣⲁⲧⲉⲛⲡⲓϭⲛⲱⲟⲩ ⲛ̀ⲧⲉⲡⲁϯⲙⲓ ⲁ̀ⲟⲩⲣⲱⲙⲓ ⲥⲓⲛⲓ ⲙ̀ⲙⲟⲓ ⲉⲣⲉⲟⲩⲟⲛ ⲟⲩⲁ̀ⲥⲟⲩⲓ̀ ϧⲉⲛⲡⲉϥⲙⲟⲩⲧ	Ⲡⲉϫⲉⲡⲓⲣⲱⲙⲓ ⲛⲁϥ ϫⲉ ⲁⲥϣⲱⲡⲓ ⲙ̀ⲙⲟⲓ ⲛ̀ⲟⲩⲉ̀ϩⲟⲟⲩ ⲉⲓϩⲉⲙⲥⲓ ϣⲁⲧⲉⲛⲡⲓϭⲛⲱⲟⲩ ⲛ̀ⲧⲉ ⲡⲁϯⲙⲓ ⲁ̀ⲟⲩⲣⲱⲙⲓ ⲥⲓⲛⲓ ⲙ̀ⲙⲟⲓ ⲉ̀ⲣⲉ ⲟⲩⲟⲛ ⲟⲩⲁ̀ⲥⲟⲩⲓ̀ ϧⲉⲛ ⲡⲉϥⲙⲟⲩⲧ	Pejepirōmi naf je asṡōpi m̀moi ǹouèhoou eihemsi ṡatenpiċnōou ǹte patimi àourōmi sini m̀moi ère ouon ouàsouì xen pefmout	The man responded, ‘One day I was sitting near the threshing floor of my village when someone passed by on a mule.
89	ⲟⲩⲟϩ ⲁⲓⲛⲁⲩ ⲉ̀ⲡⲓⲇⲱⲣⲟⲥ ⲉϥⲟⲩⲟⲛ ⲉ̀ⲃⲟⲗ ϧⲉⲛⲡⲉϥⲙⲟⲩⲧ ⲟⲩⲟϩ ⲡⲓⲣⲱⲙⲓ ⲛⲁϥⲧⲁⲗⲏⲟⲩⲧ ⲉ̀ⲡⲉϥⲧⲉⲃⲛⲏ ⲉϥϭⲱⲣⲉ ⲙ̀ⲙⲟϥ .	ⲟⲩⲟϩ ⲁⲓⲛⲁⲩ ⲉ̀ⲡⲓⲇⲱⲣⲟⲥ ⲉϥⲟⲩⲟⲛ ⲉ̀ⲃⲟⲗ ϧⲉⲛ ⲡⲉϥⲙⲟⲩⲧ ⲟⲩⲟϩ ⲡⲓⲣⲱⲙⲓ ⲛⲁϥⲧⲁⲗⲏⲟⲩⲧ ⲉ̀ⲡⲉϥⲧⲉⲃⲛⲏ ⲉϥϭⲱⲣⲉ ⲙ̀ⲙⲟϥ.	ouoh ainav èpiḋōros efouon èvol xen pefmout ouoh pirōmi naftalyout èpeftevny efċōre m̀mof.	He wore a money pouch tied with a leather strap around his neck.
90	ⲁ̀ⲛⲟⲕ ⲇⲉ ⲁⲓⲱⲗⲓ ⲛ̀ⲧⲁⲥⲏϥⲓ ⲁⲓϭⲟϫⲓ ⲥⲁⲫⲁϩⲟⲩ ⲙ̀ⲙⲟϥ ⲁⲓϧⲟⲑⲃⲉϥ ⲟⲩⲟϩ ⲛ̀ϯⲟⲩⲛⲟⲩ ⲁⲓⲕⲱϯ ϧⲉⲛϯⲁ̀ⲥⲟⲩⲓ̀ ⲉⲧϧⲉⲛⲡⲉϥⲙⲟⲩⲧ ⲉⲓⲙⲉⲩⲓ̀ ϫⲉϯⲛⲁϫⲓⲙⲓ ⲛ̀ⲟⲩⲛⲓϣϯ ⲛ̀ⲓⲇⲟⲥ ⲛ̀ⲛⲟⲩⲃ ⲛ̀ϧⲏⲧⲥ ⲛ̀ⲧⲁⲟⲗⲟⲩ ⲛ̀ⲧⲁⲟⲩⲛⲟϥ ⲙ̀ⲙⲟⲓ ⲛ̀ϧⲏⲧⲟⲩ ⲛ̀ⲟⲩⲙⲏϣ ⲛ̀ⲉ̀ϩⲟⲟⲩ .	Ⲁ̀ⲛⲟⲕ ⲇⲉ ⲁⲓⲱ̀ⲗⲓ ⲛ̀ⲧⲁⲥⲏϥⲓ ⲁⲓϭⲟϫⲓ ⲥⲁⲫⲁϩⲟⲩ ⲙ̀ⲙⲟϥ ⲁⲓϧⲟⲑⲃⲉϥ ⲟⲩⲟϩ ⲛ̀ϯⲟⲩⲛⲟⲩ ⲁⲓⲕⲱϯ ϧⲉⲛ ϯⲁ̀ⲥⲟⲩⲓ̀ ⲉⲧϧⲉⲛ ⲡⲉϥⲙⲟⲩⲧ ⲉⲓⲙⲉⲩⲓ̀ ϫⲉ ϯⲛⲁϫⲓⲙⲓ ⲛ̀ⲟⲩⲛⲓϣϯ ⲛ̀ⲓⲇⲟⲥ ⲛ̀ⲛⲟⲩⲃ ⲛ̀ϧⲏⲧⲥ ⲛ̀ⲧⲁⲟⲗⲟⲩ ⲛ̀ⲧⲁⲟⲩⲛⲟϥ ⲙ̀ⲙⲟⲓ ⲛ̀ϧⲏⲧⲟⲩ ⲛ̀ⲟⲩⲙⲏϣ ⲛ̀ⲉ̀ϩⲟⲟⲩ.	Ànok ḋe aiṑli ǹtasyfi aiċoji safahou m̀mof aixoθvef ouoh ǹtiounou aikōti xen tiàsouì etxen pefmout eimevì je tinajimi ǹouniṡti ǹiḋos ǹnoub ǹxyts ǹtaolou ǹtaounof m̀moi ǹxytou ǹoumyṡ ǹèhoou.	I noticed it and, driven by greed, I grabbed my sword, pursued him, and struck him down. I searched the pouch, expecting to discover a large sum in gold that would allow me to live in ease for years.
91	ⲟⲩⲑⲉⲣⲙⲏⲥⲓ ⲛ̀ⲟⲩⲱⲧ ⲡⲉ ⲉ̀ⲧⲁⲓϫⲉⲙϥ ⲛ̀ϧⲏⲧⲥ .	Ⲟⲩⲑⲉⲣⲙⲏⲥⲓ ⲛ̀ⲟⲩⲱⲧ ⲡⲉ ⲉ̀ⲧⲁⲓϫⲉⲙϥ ⲛ̀ϧⲏⲧⲥ.	Ouθermysi ǹouōt pe ètaijemf ǹxyts.	But there was only a single coin inside.
92	ⲟⲩⲟϩ ⲧⲟⲧⲉ ⲁⲓϣⲱⲕⲓ ϧⲉⲛⲡⲓⲕⲁϩⲓ ⲁⲓⲑⲟⲙⲥϥ ⲁⲓⲓ̀ ϣⲁⲣⲟⲕ ⲉ̀ⲡⲁⲓⲙⲁ ⲡⲁⲓ̀ⲱⲧ ⲉⲑⲟⲩⲁⲃ .	Ⲟⲩⲟϩ ⲧⲟⲧⲉ ⲁⲓϣⲱⲕⲓ ϧⲉⲛ ⲡⲓⲕⲁϩⲓ ⲁⲓⲑⲟⲙⲥϥ ⲁⲓⲓ̀ ϣⲁⲣⲟⲕ ⲉ̀ⲡⲁⲓⲙⲁ ⲡⲁⲓ̀ⲱⲧ ⲉⲑⲟⲩⲁⲃ.	Ouoh tote aiṡōki xen pikahi aiθomsf aiì ṡarok èpaima paìōt eθouab.	I buried the body, concealed the deed, and made my way here, holy father.
93	ϯⲛⲟⲩ ϫⲉ ⲙⲁⲧⲁⲙⲟⲓ ϫⲉⲉⲕⲟⲩⲱϣ ⲛ̀ⲧⲁⲉⲣⲟⲩ ϩⲓⲛⲁ ⲛ̀ⲧⲉⲡϭ̅ⲥ̅ ϣⲁⲛⲁϩⲑⲏϥ ϧⲁⲣⲟⲓ ⲟⲩⲟϩ ⲛ̀ⲧⲉϥⲭⲁⲛⲁⲛⲟⲃⲓ ⲛⲏⲓ ⲉ̀ⲃⲟⲗ .	Ϯⲛⲟⲩ ϫⲉ ⲙⲁⲧⲁⲙⲟⲓ ϫⲉ ⲉⲭⲟⲩⲱϣ ⲛ̀ⲧⲁⲉⲣⲟⲩ ϩⲓⲛⲁ ⲛ̀ⲧⲉⲡ̀ϭⲟⲓⲥ ϣⲁⲛⲁϩ̀ⲑⲏϥ ϧⲁⲣⲟⲓ ⲟⲩⲟϩ ⲛ̀ⲧⲉϥⲭⲁ ⲛⲁⲛⲟⲃⲓ ⲛⲏⲓ ⲉ̀ⲃⲟⲗ.	Tinou je matamoi je ekouōṡ ǹtaerou hina ǹtep̀ċois ṡanah̀θyf xaroi ouoh ǹtefka nanovi nyi èvol.	Tell me what I must now do so that the Lord may grant me mercy and pardon my transgressions.’
94	ⲡⲁⲓ̀ⲱⲧ ⲇⲉ ⲛ̀ⲇⲓⲕⲉⲟⲥ ⲟⲩⲟϩ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲉϫⲁϥ ⲛⲁϥ ϫⲉⲙ̀ⲡⲉⲣⲟ̀ϩⲓ ⲙ̀ⲡⲁⲓⲙⲁ , ⲁⲗⲗⲁ ⲧⲱⲛⲕ ϧⲉⲛⲟⲩⲭⲱⲗⲉⲙ ϧⲱⲗ ⲉ̀ϧⲟⲩⲛ ⲉ̀ϯⲡⲟⲗⲓⲥ ϣⲙⲓⲛ ⲭⲛⲁϫⲉⲙⲡⲓⲇⲟⲩⲝ ⲉ̀ⲁϥⲓ̀ ⲉ̀ⲣⲏⲥ ⲉ̀ⲃⲟⲗ ϧⲉⲛⲫⲓⲁⲣⲟ ⲉⲩϩⲓⲫⲱⲛⲏ ⲉ̀ⲃⲟⲗ ϩⲓⲧϩⲏ ⲙ̀ⲙⲟϥ ⲟⲩⲟϩ ⲥⲉⲛⲁϯ ⲛⲁϥ ⲛ̀ϩⲁⲛⲥⲟⲛⲓ ⲉ̀ⲁⲩⲕⲱⲗⲡ ⲛ̀ⲟⲩⲛⲓϣϯ ⲛ̀ⲣⲱⲙⲓ ⲛ̀ⲧⲉϯⲡⲟⲗⲓⲥ ϣⲙⲓⲛ ϥⲛⲁϫⲱⲛⲧ ⲉ̀ⲣⲱⲟⲩ ⲉ̀ⲙⲁϣⲱ	Ⲡⲁⲓ̀ⲱⲧ ⲇⲉ ⲛ̀ⲇⲓⲕⲉⲟⲥ ⲟⲩⲟϩ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲉϫⲁϥ ⲛⲁϥ ϫⲉ ⲙ̀ⲡⲉⲣⲟ̀ϩⲓ ⲛ̀ⲡⲁⲓⲙⲁ, ⲁⲗⲗⲁ ⲧⲱⲛⲕ ϧⲉⲛ ⲟⲩⲭⲱⲗⲉⲙ ϧⲱⲗ ⲉ̀ϧⲟⲩⲛ ⲉ̀ϯⲡⲟⲗⲓⲥ ϣⲙⲓⲛ ⲭ̀ⲛⲁϫⲉⲙⲡⲓⲇⲟⲩⲝ ⲉ̀ⲁϥⲓ̀ ⲉ̀ⲣⲏⲥ ⲉ̀ⲃⲟⲗ ϧⲉⲛ ⲫ̀ⲓⲁⲣⲟ ⲉⲩϩⲓⲫⲱⲛⲏ ⲉ̀ⲃⲟⲗ ϩⲓ ⲧ̀ϩⲏ ⲙ̀ⲙⲟϥ ⲟⲩⲟϩ ⲥⲉⲛⲁϯ ⲛⲁϥ ⲛ̀ϩⲁⲛⲥⲟⲛⲓ ⲉ̀ⲁⲩⲕⲱⲗⲡ ⲛ̀ⲟⲩⲛⲓϣϯ ⲛ̀ⲣⲱⲙⲓ ⲛ̀ⲧⲉ ϯⲡⲟⲗⲓⲥ ϣⲙⲓⲛ ϥ̀ⲛⲁϫⲱⲛⲧ ⲉ̀ⲣⲱⲟⲩ ⲉ̀ⲙⲁϣⲱ	Paìōt ḋe ǹḋikeos ouoh ǹp̀rofytys apa ṡenouti pegaf naf je m̀peròhi ǹpaima, alla tōnk xen oukōlem xōl èxoun ètipolis ṡmin k̀najempiḋouks èafì èrys èvol xen f̀iaro evhifōny èvol hi t̀·hy m̀mof ouoh senati naf ǹhansoni èavkōlp ǹouniṡti ǹrōmi ǹte tipolis ṡmin f̀nagōnt èrōou èmaṡō	Then the righteous prophet apa Shenoute instructed him: ‘You cannot remain here. Rise and go swiftly to the city of Šmin.
95	ⲙⲟϣⲓ ϩⲱⲕ ⲛ̀ⲧⲉⲕϣⲉ ⲉ̀ϧⲟⲩⲛ ⲉ̀ⲛⲓⲥⲟⲛⲓ ⲟⲩⲟϩ ⲥⲉⲛⲁϫⲟⲥ ⲙ̀ⲡⲓⲇⲟⲩⲝ ϫⲉⲉϥⲭⲏ ⲙ̀ⲙⲁⲩ ⲛⲉⲙⲁⲛ ⲟⲩⲟϩ ⲡⲓⲇⲟⲩⲝ ⲛⲁϣⲉⲛⲕ ϫⲉⲑⲙⲏⲓ ⲧⲉ	ⲙⲟϣⲓ ϩⲱⲕ ⲛ̀ⲧⲉⲕϣⲉ ⲉ̀ϧⲟⲩⲛ ⲉ̀ⲛⲓⲥⲟⲛⲓ ⲟⲩⲟϩ ⲥⲉⲛⲁϫⲟⲥ ⲛ̀ⲡⲓⲇⲟⲩⲝ ϫⲉ ⲉϥⲭⲏ ⲙ̀ⲙⲁⲩ ⲛⲉⲙⲁⲛ ⲟⲩⲟϩ ⲡⲓⲇⲟⲩⲝ ⲛⲁϣⲉⲛⲕ ϫⲉ ⲑⲙⲏⲓ ⲧⲉ	moṡi hōk ǹtekṡe èxoun ènisoni ouoh senagos ǹpidouks je efky m̀mav neman ouoh pidouks naṡenk je θmyi te	There you will find the duke, who has just arrived from upriver and is receiving his people. Some bandits who plundered a prominent citizen of Šmin will be surrendered to him, and his anger will be fierce.
96	ⲁϫⲟⲥ ⲛⲁϥ ϫⲉⲑⲙⲏⲓ ⲧⲉ ⲟⲩⲟϩ ⲡⲁⲓⲣⲏϯ ϥⲛⲁϧⲟⲑⲃⲉⲕ ⲛⲉⲙⲱⲟⲩ ⲧⲟⲧⲉ ⲭⲛⲁϩⲱⲗ ⲉ̀ϧⲟⲩⲛ ⲉ̀ⲡⲓⲱⲛϧ ⲛ̀ⲉ̀ⲛⲉϩ ⲛ̀ⲧⲉⲫϯ .	ⲁ̀ϫⲟⲥ ⲛⲁϥ ϫⲉ ⲑⲙⲏⲓ ⲧⲉ ⲟⲩⲟϩ ⲡⲁⲓⲣⲏϯ ϥ̀ⲛⲁϧⲟⲑⲃⲉⲕ ⲛⲉⲙⲱⲟⲩ ⲧⲟⲧⲉ ⲭ̀ⲛⲁϩⲱⲗ ⲉ̀ϧⲟⲩⲛ ⲉ̀ⲡⲓⲱⲛϧ ⲛ̀ⲉ̀ⲛⲉϩ ⲛ̀ⲧⲉ ⲫ̀ⲛⲟⲩϯ.	àgos naf je θmyi te ouoh pairyti f̀naxoθvek nemōou tote k̀nahōl èxoun èpiōnx ǹèneh ǹte f̀nouti.	Join them, and when they say to the duke, ‘This man was among us,’ and he questions you, respond, ‘Yes, it is true.’ He will order your death with the others, and in this way, you will enter the everlasting life of God.’
97	ⲟⲩⲟϩ ⲛ̀ϯⲟⲩⲛⲟⲩ ⲁϥϣⲉ ⲛⲁϥ ⲛ̀ϫⲉⲡⲓⲣⲱⲙⲓ ⲁϥⲓ̀ⲣⲓ ⲕⲁⲧⲁⲫⲣⲏϯ ⲉ̀ⲧⲁⲫⲏ ⲉⲑⲟⲩⲁⲃ ϫⲟⲥ ⲛⲁϥ ⲟⲩⲟϩ ⲁ̀ⲡⲓⲇⲟⲩⲝ ⲱ̀ⲗⲓ ⲛ̀ⲧⲉϥⲁⲫⲉ ϩⲱϥ ⲛⲉⲙⲛⲓⲥⲟⲛⲓ ⲟⲩⲟϩ ⲡⲁⲓⲣⲏϯ ⲁ̀ⲫⲛⲁⲓ ⲙ̀ⲫϯ ⲧⲁϩⲟϥ ⲕⲁⲧⲁⲡⲣⲏϯ ⲉ̀ⲧⲁⲡⲁⲓⲱⲧ ⲧⲁⲙⲟⲛ ⲙ̀ⲙⲟϥ .	Ⲟⲩⲟϩ ⲛ̀ϯⲟⲩⲛⲟⲩ ⲁϥϣⲉ ⲛⲁϥ ⲛ̀ϫⲉ ⲡⲓⲣⲱⲙⲓ ⲁϥⲓ̀ⲣⲓ ⲕⲁⲧⲁ ⲫ̀ⲣⲏϯ ⲉ̀ⲧⲁⲫⲏ ⲉⲑⲟⲩⲁⲃ ϫⲟⲥ ⲛⲁϥ ⲟⲩⲟϩ ⲁ̀ ⲡⲓⲇⲟⲩⲝ ⲱ̀ⲗⲓ ⲛ̀ⲧⲉϥⲁ̀ⲫⲉ ϩⲱϥ ⲛⲉⲙ ⲛⲓⲥⲟⲛⲓ ⲟⲩⲟϩ ⲡⲁⲓⲣⲏϯ ⲁ̀ ⲫ̀ⲛⲁⲓ ⲛ̀ⲫ̀ⲛⲟⲩϯ ⲧⲁϩⲟϥ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲡⲁⲓⲱⲧ ⲧⲁⲙⲟⲛ ⲙ̀ⲙⲟϥ.	Ouoh ǹtiounou afṡe naf ǹje pirōmi afìri kata f̀ryti ètafy eθouab gos naf ouoh à pidouks ṑli ǹtefàfe hōf nem nisoni ouoh pairyti à f̀nai ǹf̀nouti tahof kata f̀ryti èta paiōt tamon m̀mof.	The man departed at once, obeying apa Shenoute’s instruction. He joined the captured thieves, and the duke beheaded him along with the rest. In this way, the mercy of God was fulfilled, just as my father had said.
98	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁ̀ⲡⲓⲁ̀ⲅⲓⲟⲥ ⲕⲩⲣⲓⲗⲗⲟⲥ ⲟⲩⲱⲣⲡ ⲛ̀ⲥⲁⲡⲁⲓⲱⲧ ⲁⲡⲁ ϣⲉⲛⲟⲩϯ ⲡⲓⲡⲣⲟⲫⲏⲧⲏⲥ ⲛⲉⲙⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲏⲙⲁⲛⲇⲣⲓⲧⲏⲥ ⲉⲑⲃⲉⲛⲉⲥⲧⲟⲣⲓⲟⲥ ⲡⲓⲁ̀ⲥⲉⲃⲏⲥ	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁ̀ ⲡⲓⲁ̀ⲅⲓⲟⲥ ⲕⲩⲣⲓⲗⲗⲟⲥ ⲟⲩⲱⲣⲡ ⲛ̀ⲥⲁ ⲡⲁⲓⲱⲧ ⲁⲡⲁ ϣⲉⲛⲟⲩϯ ⲡⲓⲡ̀ⲣⲟⲫⲏⲧⲏⲥ ⲛⲉⲙ ⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲓⲙⲁⲛⲇ̀ⲣⲓⲧⲏⲥ ⲉⲑⲃⲉ ⲛⲉⲥⲧⲟⲣⲓⲟⲥ ⲡⲓⲁ̀ⲥⲉⲃⲏⲥ	Asṡōpi ḋe on ǹousop à piàgios kirillos ouōrp ǹsa paiōt apa ṡenouti pip̀rofytys nem apa biktōr piàrṡimanḋ̀ritys eθve nestorios piàsebys	On one occasion, the revered Cyril summoned my spiritual father, Apa Shenoute the prophet, along with Apa Victor the archimandrite, because of matters concerning the heretic Nestorius.
99	ⲟⲩⲟϩ ⲉ̀ⲧⲁϥϣⲉ ⲉ̀ϧⲟⲩⲛ ⲉ̀ⲧⲡⲟⲗⲓⲥ ⲛ̀ⲧⲉϯⲙⲉⲧⲟⲩⲣⲟ ⲁ̀ⲡⲉⲛⲓⲱⲧ ⲛ̀ⲇⲩⲕⲉⲟⲥ ⲁⲡⲁ ϣⲉⲛⲟⲩϯ ⲓ̀ ⲉϥⲙⲟϣⲓ ϧⲉⲛⲡⲓⲡⲁⲗⲗⲁⲧⲓⲟⲛ ⲛ̀ⲧⲉⲡⲟⲩⲣⲟ ⲁϥϫⲓⲙⲓ ⲛ̀ⲟⲩⲛⲁⲫⲣⲓ ⲛ̀ⲥⲟⲩⲟ̀ ⲉⲥⲥⲏϯ ⲉ̀ⲃⲟⲗ	ⲟⲩⲟϩ ⲉ̀ⲧⲁϥϣⲉ ⲉ̀ϧⲟⲩⲛ ⲉ̀ⲧ̀ⲡⲟⲗⲓⲥ ⲛ̀ⲧⲉ ϯⲙⲉⲧⲟⲩⲣⲟ ⲁ̀ⲡⲉⲛⲓⲱⲧ ⲛ̀ⲇⲓⲕⲉⲟⲥ ⲁⲡⲁ ϣⲉⲛⲟⲩϯ ⲓ̀ ⲉϥⲙⲟϣⲓ ϧⲉⲛ ⲡⲓⲡⲁⲗⲗⲁⲧⲓⲟⲛ ⲛ̀ⲧⲉ ⲡ̀ⲟⲩⲣⲟ ⲁϥϫⲓⲙⲓ ⲛ̀ⲟⲩⲛⲁⲫⲣⲓ ⲛ̀ⲥⲟⲩⲟ̀ ⲉⲥⲥⲏϯ ⲉ̀ⲃⲟⲗ	ouoh ètafṡe èxoun èt̀polis ǹte timetouro àpeniōt ǹḋikeos apa ṡenouti ì efmoṡi xen pipallation ǹte p̀ouro afjimi ǹounafri ǹsouò essyti èvol	After they arrived in the imperial capital, Apa Shenoute, our righteous father, was walking within the royal palace and noticed a discarded grain of wheat.
100	ⲁϥⲟ̀ⲗⲥ ⲁϥⲧⲏⲓⲥ ⲉ̀ϯⲑⲏⲃⲓ ⲛ̀ⲧⲉⲡⲉϥϣⲁⲣ ϣⲁⲡⲓⲛⲁⲩ ⲉ̀ⲧⲁϥⲓ̀ ⲉ̀ⲡⲉϥⲙⲟⲛⲁⲥⲧⲏⲣⲓⲟⲛ .	ⲁϥⲟ̀ⲗⲥ ⲁϥⲧⲏⲓⲥ ⲉ̀ϯⲑⲏⲃⲓ ⲛ̀ⲧⲉ ⲡⲉϥϣⲁⲣ ϣⲁ ⲡⲓⲛⲁⲩ ⲉ̀ⲧⲁϥⲓ̀ ⲉ̀ⲡⲉϥⲙⲟⲛⲁⲥⲧⲏⲣⲓⲟⲛ.	afòls aftyis ètiθyvi ǹte pefṡar ṡa pinav ètafì èpefmonastyrion.	He picked it up and tucked it into the pouch of his goatskin garment, keeping it safe until he was back at his monastery.
101	ⲁⲥϣⲱⲡⲓ ⲇⲉ ⲉ̀ⲧⲁⲡⲟⲩⲣⲟ ⲭⲁⲩ ⲉ̀ⲃⲟⲗ ⲉⲑⲣⲟⲩϣⲉ ⲛⲱⲟⲩ ⲉ̀ⲛⲟⲩⲧⲟⲡⲟⲥ ⲧⲟⲧⲉ ⲁ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ⲓ̀ ϫⲉϥⲛⲁⲧⲁⲗⲟϥ ⲉ̀ⲡⲓϫⲟⲓ ⲛⲉⲙⲛⲉⲛⲓⲟϯ ⲉⲑⲟⲩⲁⲃ ⲁⲃⲃⲁ ⲕⲩⲣⲓⲗⲗⲟⲥ ⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ⲛⲉⲙⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲏⲙⲁⲛⲇⲣⲓⲧⲏⲥ ⲁ̀ⲛⲓⲕⲟⲩϫⲓ ⲛ̀ⲣⲉϥϣⲉⲙϣⲓ ϫⲟⲥ ⲛⲁϥ ϫⲉⲭⲛⲁϣⲧⲁⲗⲟⲕ ⲁⲛ ⲛⲉⲙⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ .	Ⲁⲥϣⲱⲡⲓ ⲇⲉ ⲉ̀ⲧⲁ ⲡ̀ⲟⲩⲣⲟ ⲭⲁⲩ ⲉ̀ⲃⲟⲗ ⲉ̀ⲑⲣⲟⲩϣⲉ ⲛⲱⲟⲩ ⲉ̀ⲛⲟⲩⲧⲟⲡⲟⲥ ⲧⲟⲧⲉ ⲁ̀ ⲡⲁⲓⲱⲧ ⲁⲡⲁ ϣⲉⲛⲟⲩϯ ⲓ̀ ϫⲉ ϥ̀ⲛⲁⲧⲁⲗⲟϥ ⲉ̀ⲡⲓϫⲟⲓ ⲛⲉⲙ ⲛⲉⲛⲓⲟϯ ⲉⲑⲟⲩⲁⲃ ⲁⲃⲃⲁ ⲕⲩⲣⲓⲗⲗⲟⲥ ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ⲛⲉⲙ ⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲓⲙⲁⲛⲇ̀ⲣⲓⲧⲏⲥ ⲁ̀ⲛⲓⲕⲟⲩϫⲓ ⲛ̀ⲣⲉϥϣⲉⲙϣⲓ ϫⲟⲥ ⲛⲁϥ ϫⲉ ⲭ̀ⲛⲁϣⲧⲁⲗⲟⲕ ⲁⲛ ⲛⲉⲙ ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ.	Asṡōpi ḋe èta p̀ouro kav èvol èθrouṡe nōou ènoutopos tote à paiōt apa ṡenouti ì je f̀natalof èpigoi nem nenioti eθouab abba kirillos piàrṡièpiskopos nem apa biktōr piàrṡimanḋ̀ritys ànikouji ǹrefṡemṡi gos naf je k̀naṡtalok an nem piàrṡièpiskopos.	Once the king had granted them leave to return to their respective homes, my father, Apa Shenoute, went to board a ship with the holy bishops—Abba Cyril and Apa Victor. However, told him he could not board alongside the archbishop.
102	ⲛⲁⲩⲥⲱⲟⲩⲛ ⲅⲁⲣ ⲙ̀ⲙⲟϥ ⲁⲛ ⲡⲉ .	Ⲛⲁⲩⲥⲱⲟⲩⲛ ⲅⲁⲣ ⲙ̀ⲙⲟϥ ⲁⲛ ⲡⲉ.	Navsōoun ġar m̀mof an pe.	For the junior attendants did not recognize him.
103	ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲱⲟⲩ ϫⲉⲓⲥϫⲉ ⲙ̀ⲙⲟⲛ ⲙⲁⲣⲉⲫⲟⲩⲱϣ ⲙ̀ⲡϭ̅ⲥ̅ ϣⲱⲡⲓ .	Ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲱⲟⲩ ϫⲉ ⲓⲥϫⲉ ⲙ̀ⲙⲟⲛ ⲙⲁⲣⲉⲫ̀ⲟⲩⲱϣ ⲛ̀ⲡ̀ϭⲟⲓⲥ ϣⲱⲡⲓ.	Paìōt ḋe pegaf nōou je isje m̀mon maref̀ouōṡ ǹp̀ċois ṡōpi.	He replied, ‘If that’s the case, then let the will of the Lord be done!’
104	ⲧⲟⲧⲉ ⲁϥϣⲉ ϩⲓⲫⲟⲩⲉⲓ ⲛ̀ⲟⲩⲕⲟⲩϫⲓ ⲛ̀ⲑⲟϥ ⲛⲉⲙⲡⲉϥⲙⲁⲑⲏⲧⲏⲥ ⲉⲑⲙⲟϣⲓ ⲛⲉⲙⲁϥ ⲁϥⲟ̀ϩⲓ ⲉ̀ⲣⲁⲧϥ ⲁϥϣⲗⲏⲗ ⲉϥϫⲱ ⲙ̀ⲙⲟⲥ ϫⲉⲡⲁϭ̅ⲥ̅ ⲓⲏ̅ⲥ̅ ⲡⲭ̅ⲥ̅ ⲁϣ ⲡⲉ ⲡⲓⲣⲏϯ ⲉⲑⲣⲉⲕⲟⲗⲧ ⲉ̀ⲡⲁⲙⲟⲛⲁⲥⲧⲏⲣⲓⲟⲛ ;	Ⲧⲟⲧⲉ ⲁϥϣⲉ ϩⲓ ⲫ̀ⲟⲩⲉⲓ ⲛ̀ⲟⲩⲕⲟⲩϫⲓ ⲛ̀ⲑⲟϥ ⲛⲉⲙ ⲡⲉϥⲙⲁⲑⲏⲧⲏⲥ ⲉⲑⲙⲟϣⲓ ⲛⲉⲙⲁϥ ⲁϥⲟ̀ϩⲓ ⲉ̀ⲣⲁⲧϥ ⲁϥϣ̀ⲗⲏⲗ ⲉϥϫⲱ ⲙ̀ⲙⲟⲥ ϫⲉ ⲡⲁϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲁϣ ⲡⲉ ⲫ̀ⲣⲏϯ ⲉ̀ⲑⲣⲉⲕⲟⲗⲧ ⲉ̀ⲡⲁⲙⲟⲛⲁⲥⲧⲏⲣⲓⲟⲛ ;	Tote afṡe hi f̀ouei ǹoukouji ǹθof nem pefmaθytys eθmoṡi nemaf afòhi èratf afṡ̀lyl efgō m̀mos je paċois iysous pix̀ristos aṡ pe f̀ryti èθrekolt èpamonastyrion ;	He and the disciple who accompanied him withdrew a little way and began to pray. Standing apart, he called out, ‘My Lord Jesus Christ, how long until you bring me back to my monastery?’
105	ϩⲟⲥⲟⲛ ⲉϥⲙⲟⲕⲙⲉⲕ ⲙ̀ⲙⲟϥ ϧⲉⲛⲛⲁⲓ ⲓⲥ ⲟⲩϭⲏⲡⲓ ⲛ̀ⲟⲩⲱⲓⲛⲓ ⲁⲥⲓ̀ ⲉ̀ⲃⲟⲗ ϧⲉⲛⲧⲫⲉ ⲟⲩⲟϩ ⲁⲥⲧⲁⲗⲟϥ ⲛⲉⲙⲡⲉϥⲙⲁⲑⲏⲧⲏⲥ ⲁⲥϩⲟⲗⲙⲉϥ ⲉ̀ⲡϭⲓⲥⲓ ⲁⲥϩⲱⲗ ⲛⲉⲙⲁϥ .	ϩⲟⲥⲟⲛ ⲉϥⲙⲟⲕⲙⲉⲕ ⲙ̀ⲙⲟϥ ϧⲉⲛ ⲛⲁⲓ ⲓⲥ ⲟⲩϭⲏⲡⲓ ⲛ̀ⲟⲩⲱⲓⲛⲓ ⲁⲥⲓ̀ ⲉ̀ⲃⲟⲗ ϧⲉⲛ ⲧ̀ⲫⲉ ⲟⲩⲟϩ ⲁⲥⲧⲁⲗⲟϥ ⲛⲉⲙ ⲡⲉϥⲙⲁⲑⲏⲧⲏⲥ ⲁⲥϩⲟⲗⲙⲉϥ ⲉ̀ⲡ̀ϭⲓⲥⲓ ⲁⲥϩⲱⲗ ⲛⲉⲙⲁϥ.	hoson efmokmek m̀mof xen nai is ouċypi ǹouōini asì èvol xen t̀fe ouoh astalof nem pefmaθytys as·holmef èp̀ċisi as·hōl nemaf.	While he pondered this, suddenly a radiant cloud descended from the heavens. It lifted both him and his disciple into the sky and carried them away.
106	ⲉ̀ⲧⲁⲩⲫⲟϩ ⲇⲉ ⲉ̀ⲡⲓⲡⲉⲗⲁⲅⲟⲥ ⲛ̀ⲧⲉⲫⲓⲟⲙ ⲁϥϫⲟⲩϣⲧ ⲉ̀ⲡϣⲱⲓ ⲛ̀ϫⲉⲁⲃⲃⲁ ⲕⲩⲣⲓⲗⲗⲟⲥ ⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ⲁϥⲛⲁⲩ ⲉ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ⲉϥϧⲉⲛⲑⲙⲏϯ ⲛ̀ϯϭⲏⲡⲓ ⲛⲉⲙⲡⲉϥⲙⲁⲑⲏⲧⲏⲥ ⲁϥⲱϣ ⲉ̀ⲃⲟⲗ ⲉϥϫⲱ ⲙ̀ⲙⲟⲥ ϫⲉⲥⲙⲟⲩ ⲉ̀ⲣⲟⲛ ⲡⲉⲛⲓ̀ⲱⲧ ⲉⲑⲟⲩⲁⲃ ⲏⲗⲓⲁⲥ ⲛ̀ⲃⲉⲣⲓ .	Ⲉ̀ⲧⲁⲩⲫⲟϩ ⲇⲉ ⲉ̀ⲡⲓⲡⲉⲗⲁⲅⲟⲥ ⲛ̀ⲧⲉ ⲫ̀ⲓⲟⲙ ⲁϥϫⲟⲩϣⲧ ⲉ̀ⲡ̀ϣⲱⲓ ⲛ̀ϫⲉ ⲁⲃⲃⲁ ⲕⲩⲣⲓⲗⲗⲟⲥ ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ⲁϥⲛⲁⲩ ⲉ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ⲉϥ ϧⲉⲛ ⲑ̀ⲙⲏϯ ⲛ̀ϯϭⲏⲡⲓ ⲛⲉⲙ ⲡⲉϥⲙⲁⲑⲏⲧⲏⲥ ⲁϥⲱϣ ⲉ̀ⲃⲟⲗ ⲉϥϫⲱ ⲙ̀ⲙⲟⲥ ϫⲉ ⲥ̀ⲙⲟⲩ ⲉ̀ⲣⲟⲛ ⲡⲉⲛⲓ̀ⲱⲧ ⲉⲑⲟⲩⲁⲃ ⲏⲗⲓⲁⲥ ⲛ̀ⲃⲉⲣⲓ.	Ètavfoh ḋe èpipelaġos ǹte f̀iom afgouṡt èp̀ṡōi ǹje abba kirillos piàrṡièpiskopos afnav èpaiōt apa ṡenouti ef xen θ̀myti ǹtiċypi nem pefmaθytys afōṡ èvol efgō m̀mos je s̀mou èron penìōt eθouab ylias ǹveri.	As the bishops’ ship reached the open sea, Abba Cyril looked up and saw Apa Shenoute and his disciple being borne aloft in the midst of the cloud. He exclaimed, ‘Bless us, holy father, you are the new Elijah!’
107	ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲁⲣⲓⲡⲁⲙⲉⲩⲓ̀ ⲱ̀ ⲡⲁⲓ̀ⲱⲧ ⲉⲑⲟⲩⲁⲃ .	Ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉ ⲁ̀ⲣⲓⲡⲁⲙⲉⲩⲓ̀ ⲱ̀ ⲡⲁⲓ̀ⲱⲧ ⲉⲑⲟⲩⲁⲃ.	Pejepaiōt apa ṡenouti naf je àripamevì ṑ paìōt eθouab.	Apa Shenoute answered, ‘Do not forget me, O my holy father.’
108	ⲟⲩⲟϩ ⲡⲁⲓⲣⲏϯ ⲁ̀ϯϭⲏⲡⲓ ϩⲱⲗ ⲛⲉⲙⲁϥ ⲁⲥⲉ̀ⲛϥ ⲉ̀ⲡⲉϥⲙⲟⲛⲥⲧⲏⲣⲓⲟⲛ .	Ⲟⲩⲟϩ ⲡⲁⲓⲣⲏϯ ⲁ̀ϯϭⲏⲡⲓ ϩⲱⲗ ⲛⲉⲙⲁϥ ⲁⲥⲉ̀ⲛϥ ⲉ̀ⲡⲉϥⲙⲟⲛⲥⲧⲏⲣⲓⲟⲛ.	Ouoh pairyti àtiċypi hōl nemaf asènf èpefmonstyrion.	And with that, the cloud continued on its way and brought him safely home to his monastery.
109	ⲛⲉⲡⲥⲏⲟⲩ ⲅⲁⲣ ⲙ̀ⲡⲓϣⲱⲙ ⲛⲉ ⲛⲓⲉ̀ϩⲟⲟⲩ ⲉ̀ⲧⲉⲙⲙⲁⲩ .	Ⲛⲉⲡ̀ⲥⲏⲟⲩ ⲅⲁⲣ ⲛ̀ⲡⲓϣⲱⲙ ⲛⲉ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	Nep̀·syou ġar ǹpiṡōm ne nièhoou ète m̀mav.	For it was the summer at that time.
110	ⲉⲩⲥⲓⲕⲓ ⲙ̀ⲡⲓⲱⲓⲕ ⲛ̀ϫⲉⲛⲓⲥⲛⲏⲟⲩ ⲁϥⲱ̀ⲗⲓ ⲛ̀ϯⲛⲁⲫⲣⲓ ⲛ̀ⲥⲟⲩⲟ̀ ⲉ̀ⲧⲁϥⲉⲛⲥ ⲉϥⲛⲏⲟⲩ ⲉ̀ⲃⲟⲗ ϧⲉⲛⲡⲓⲡⲁⲗⲗⲁⲧⲓⲟⲛ ⲛ̀ⲧⲉⲡⲟⲩⲣⲟ	Ⲉⲩⲥⲓⲕⲓ ⲛ̀ⲡⲓⲱⲓⲕ ⲛ̀ϫⲉ ⲛⲓⲥ̀ⲛⲏⲟⲩ ⲁϥⲱ̀ⲗⲓ ⲛ̀ϯⲛⲁⲫⲣⲓ ⲛ̀ⲥⲟⲩⲟ̀ ⲉ̀ⲧⲁϥⲉⲛⲥ ⲉϥⲛⲏⲟⲩ ⲉ̀ⲃⲟⲗ ϧⲉⲛ ⲡⲓⲡⲁⲗⲗⲁⲧⲓⲟⲛ ⲛ̀ⲧⲉ ⲡ̀ⲟⲩⲣⲟ	Evsiki ǹpiōik ǹje nis̀nyou afṑli ǹtinafri ǹsouò ètafens efnyou èvol xen pipallation ǹte p̀ouro	As the brethren were milling wheat for bread, one of them cast under the stone the grain he had brought back from the royal court and placed it beneath the millstone.
111	ⲟⲩⲟϩ ⲁϥϩⲓⲧⲥ ⲉ̀ϧⲣⲏⲓ ⲉ̀ⲡⲓⲱ̀ⲛⲓ ⲛ̀ⲥⲓⲕⲓ ⲟⲩⲟϩ ⲟⲩⲛⲓϣϯ ⲛ̀ⲥⲙⲟⲩ ⲛ̀ⲧⲉⲡϭ̅ⲥ̅ ⲁϥϣⲱⲡⲓ ϧⲉⲛⲡⲓⲱ̀ⲛⲓ ⲛ̀ⲥⲓⲕⲓ ⲙ̀ⲡⲟⲩϣϫⲉⲙϫⲟⲙ ⲛ̀ⲕⲟⲗϥ ⲉ̀ⲃⲟⲗ	ⲟⲩⲟϩ ⲁϥϩⲓⲧⲥ ⲉ̀ϧ̀ⲣⲏⲓ ⲉ̀ⲡⲓⲱ̀ⲛⲓ ⲛ̀ⲥⲓⲕⲓ ⲟⲩⲟϩ ⲟⲩⲛⲓϣϯ ⲛ̀ⲥ̀ⲙⲟⲩ ⲛ̀ⲧⲉ ⲡ̀ϭⲟⲓⲥ ⲁϥϣⲱⲡⲓ ϧⲉⲛ ⲡⲓⲱ̀ⲛⲓ ⲛ̀ⲥⲓⲕⲓ ⲙ̀ⲡⲟⲩϣϫⲉⲙϫⲟⲙ ⲛ̀ⲕⲟⲗϥ ⲉ̀ⲃⲟⲗ	ouoh afhits èx̀ryi èpiṑni ǹsiki ouoh ouniṡti ǹs̀mou ǹte p̀ċois afṡōpi xen piṑni ǹsiki m̀pouṡjemgom ǹkolf èvol	At that moment, the Lord caused an overwhelming quantity of flour to pour forth—so much that the brothers could not possibly collect it all.
112	ⲟⲩⲟϩ ⲁ̀ⲛⲓⲥⲛⲏⲟⲩ ⲭⲣⲉⲙⲣⲉⲙ ⲉⲑⲃⲉϫⲉⲁⲩϧⲓⲥⲓ ⲙ̀ⲡⲟⲩϣϫⲉⲙϫⲟⲙ ⲛ̀ⲕⲟⲗϥ ⲉ̀ⲃⲟⲗ .	ⲟⲩⲟϩ ⲁ̀ⲛⲓⲥ̀ⲛⲏⲟⲩ ⲭⲣⲉⲙⲣⲉⲙ ⲉⲑⲃⲉ ϫⲉ ⲁⲩϧⲓⲥⲓ ⲙ̀ⲡⲟⲩϣϫⲉⲙϫⲟⲙ ⲛ̀ⲕⲟⲗϥ ⲉ̀ⲃⲟⲗ.	ouoh ànis̀nyou kremrem eθve je avxisi m̀pouṡjemgom ǹkolf èvol.	Worn out and unable to keep pace with the abundance, they began to voice their frustration.
113	ⲡⲁⲓ̀ⲱⲧ ⲇⲉ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲁϥϯ ⲙ̀ⲡⲉϥⲟⲩⲟⲓ ⲉ̀ⲡⲓⲱⲛⲓ ⲛ̀ⲥⲓⲕⲓ ⲁϥⲭⲱ ⲙ̀ⲡⲉϥⲃⲁⲓ ϩⲓϫⲱϥ ⲟⲩⲟϩ ⲡⲉϫⲁϥ ϫⲉⲁⲓϫⲉⲣⲟⲕ ⲱ ⲡⲓⲱ̀ⲛⲓ ⲛ̀ⲥⲓⲕⲓ ⲟ̀ϩⲓ ⲛⲁⲕ ϫⲉ .	Ⲡⲁⲓ̀ⲱⲧ ⲇⲉ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲁϥϯ ⲛ̀ⲡⲉϥⲟⲩⲟⲓ ⲉ̀ⲡⲓⲱⲛⲓ ⲛ̀ⲥⲓⲕⲓ ⲁϥⲭⲱ ⲛ̀ⲡⲉϥⲃⲁⲓ ϩⲓϫⲱϥ ⲟⲩⲟϩ ⲡⲉϫⲁϥ ϫⲉ ⲁⲓϫⲉⲣⲟⲕ ⲱ̀ ⲡⲓⲱ̀ⲛⲓ ⲛ̀ⲥⲓⲕⲓ ⲟ̀ϩⲓ ⲛⲁⲕ ϫⲉ.	Paìōt ḋe eθouab apa ṡenouti afti ǹpefouoi èpiōni ǹsiki afkō ǹpefvai higōf ouoh pegaf je aijerok ṑ piṑni ǹsiki òhi nak je.	My holy father apa Shenoute then approached the millstone, placed his palm branch upon it, and declared, ‘Millstone, I command you—stop!’
114	ⲟⲩⲟϩ ϧⲉⲛϯⲟⲩⲛⲟⲩ ⲁϥⲟ̀ϩⲓ ⲕⲁⲧⲁⲡⲥⲁϫⲓ ⲙ̀ⲡⲁⲓ̀ⲱⲧ ⲙ̀ⲡⲣⲟⲫⲏⲧⲏⲥ ⲛ̀ⲇⲩⲕⲉⲟⲥ ⲁⲡⲁ ϣⲉⲛⲟⲩϯ ⲫⲣⲱⲙⲓ ⲙ̀ⲫϯ ϧⲉⲛⲟⲩⲙⲉⲑⲙⲏⲓ ⲫⲏ ⲉ̀ⲧⲉⲛⲉϥϩⲃⲏⲟⲩⲓ̀ ϣⲟⲡ ϧⲉⲛⲟⲩⲉⲣϣⲓϣⲓ ⲙ̀ⲫⲣⲏϯ ⲛ̀ⲛⲓⲡⲣⲟⲫⲏⲧⲏⲥ ⲛ̀ⲧⲉϣⲟⲣⲡ ⲛⲉⲙⲛⲓⲁ̀ⲡⲟⲥⲧⲟⲗⲟⲥ ϩⲁⲛⲁⲧϭⲓⲏ̀ⲡⲓ ⲙ̀ⲙⲱⲟⲩ ⲛⲉ ⲛⲉϥⲕⲁⲧⲟⲣⲑⲱⲙⲁ ⲛⲉⲙⲛⲓϣⲫⲏⲣⲓ ⲉ̀ⲧⲁϥⲁⲓⲧⲟⲩ ⲉ̀ⲃⲟⲗ ϩⲓⲧⲉⲛⲡⲓϩⲙⲟⲧ ⲛ̀ⲧⲉⲡⲓⲡⲛ̅ⲁ̅ ⲉⲑⲟⲩⲁⲃ ⲉⲧϣⲟⲡ ⲛ̀ϧⲏⲧϥ ⲛ̀ⲥⲏⲟⲩ ⲛⲓⲃⲉⲛ .	Ⲟⲩⲟϩ ϧⲉⲛ ϯⲟⲩⲛⲟⲩ ⲁϥⲟ̀ϩⲓ ⲕⲁⲧⲁ ⲡ̀ⲥⲁϫⲓ ⲛ̀ⲡⲁⲓ̀ⲱⲧ ⲛ̀ⲡ̀ⲣⲟⲫⲏⲧⲏⲥ ⲛ̀ⲇⲓⲕⲉⲟⲥ ⲁⲡⲁ ϣⲉⲛⲟⲩϯ ⲫ̀ⲣⲱⲙⲓ ⲛ̀ⲫ̀ⲛⲟⲩϯ ϧⲉⲛ ⲟⲩⲙⲉⲑⲙⲏⲓ ⲫⲏ ⲉ̀ⲧⲉ ⲛⲉϥϩ̀ⲃⲏⲟⲩⲓ̀ ϣⲟⲡ ϧⲉⲛ ⲟⲩⲉⲣϣⲓϣⲓ ⲛ̀ⲫ̀ⲣⲏϯ ⲛ̀ⲛⲓⲡⲣⲟⲫⲏⲧⲏⲥ ⲛ̀ⲧⲉ ϣⲟⲣⲡ ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ ϩⲁⲛⲁⲧϭⲓⲏ̀ⲡⲓ ⲙ̀ⲙⲱⲟⲩ ⲛⲉ ⲛⲉϥⲕⲁⲧⲟⲣⲑⲱⲙⲁ ⲛⲉⲙ ⲛⲓϣ̀ⲫⲏⲣⲓ ⲉ̀ⲧⲁϥⲁⲓⲧⲟⲩ ⲉ̀ⲃⲟⲗ ϩⲓⲧⲉⲛ ⲡⲓϩ̀ⲙⲟⲧ ⲛ̀ⲧⲉ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲉⲧϣⲟⲡ ⲛ̀ϧⲏⲧϥ ⲛ̀ⲥⲏⲟⲩ ⲛⲓⲃⲉⲛ.	Ouoh xen tiounou afòhi kata p̀·saji ǹpaìōt ǹp̀rofytys ǹḋikeos apa ṡenouti f̀rōmi ǹf̀nouti xen oumeθmyi fy ète nefh̀vyouì ṡop xen ouerṡiṡi ǹf̀ryti ǹniprofytys ǹte ṡorp nem niàpostolos hanatċiỳpi m̀mōou ne nefkatorθōma nem niṡ̀fyri ètafaitou èvol hiten pih̀mot ǹte pip̀nevma eθouab etṡop ǹxytf ǹsyou niven.	Instantly it obeyed, halting just as he had spoken. This took place according to the authority of my father, the prophet and servant of God, apa Shenoute, whose mighty acts rival those of the earliest prophets and apostles. His life was full of righteous deeds and miraculous works, brought about through the abiding presence of the Holy Spirit within him.
115	ⲁⲥϣⲱⲡⲓ ⲇⲉ ⲗⲟⲓⲡⲟⲛ ⲉ̀ⲧⲁⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ⲉⲑⲟⲩⲁⲃ ⲕⲩⲣⲓⲗⲗⲟⲥ ϩⲱⲗ ⲉ̀ⲧⲉϥⲡⲟⲗⲓⲥ ⲁϥⲟⲩⲱⲣⲡ ⲛ̀ⲥⲁⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ⲁϥϣⲉⲛϥ ϫⲉⲁⲕⲉⲣⲟⲩⲏⲣ ⲛ̀ⲉ̀ϩⲟⲟⲩ ⲉⲕⲧⲁⲗⲏⲟⲩⲧ ⲉ̀ϯϭⲏⲡⲓ ϣⲁⲧⲉⲕⲫⲟϩ ⲉ̀ⲡⲉⲕⲙⲟⲛⲁⲥⲧⲏⲣⲓⲟⲛ ;	Ⲁⲥϣⲱⲡⲓ ⲇⲉ ⲗⲟⲓⲡⲟⲛ ⲉ̀ⲧⲁ ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ⲉⲑⲟⲩⲁⲃ ⲕⲩⲣⲓⲗⲗⲟⲥ ϩⲱⲗ ⲉ̀ⲧⲉϥⲡⲟⲗⲓⲥ ⲁϥⲟⲩⲱⲣⲡ ⲛ̀ⲥⲁ ⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ⲁϥϣⲉⲛϥ ϫⲉ ⲁⲕⲉⲣⲟⲩⲏⲣ ⲛ̀ⲉ̀ϩⲟⲟⲩ ⲉⲕⲧⲁⲗⲏⲟⲩⲧ ⲉ̀ϯϭⲏⲡⲓ ϣⲁⲧⲉⲕⲫⲟϩ ⲉ̀ⲡⲉⲕⲙⲟⲛⲁⲥⲧⲏⲣⲓⲟⲛ ;	Asṡōpi ḋe loipon èta piàrṡièpiskopos eθouab kirillos hōl ètefpolis afouōrp ǹsa paìōt apa ṡenouti afṡenf je akerouyr ǹèhoou ektalyout ètiċypi ṡatekfoh èpekmonastyrion ;	After Archbishop Cyril had returned to his own city, he sent a message requesting the presence of my father, apa Shenoute, and questioned him: ‘While you were seated upon the cloud, how long did it take you to arrive at your monastery?’
116	ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲙ̀ⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ϫⲉⲭⲱ ⲛⲏⲓ ⲉ̀ⲃⲟⲗ ⲡⲁⲓ̀ⲱⲧ ⲉⲑⲟⲩⲁⲃ ϯⲙⲡϣⲁ ⲁⲛ ⲉ̀ϩⲱⲃ ⲙ̀ⲡⲁⲓⲣⲏϯ .	ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛ̀ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ϫⲉ ⲭⲱ ⲛⲏⲓ ⲉ̀ⲃⲟⲗ ⲡⲁⲓ̀ⲱⲧ ⲉⲑⲟⲩⲁⲃ ϯⲙ̀ⲡϣⲁ ⲁⲛ ⲉ̀ϩⲱⲃ ⲛ̀ⲡⲁⲓⲣⲏϯ.	pejepaiōt apa ṡenouti ǹpiàrṡièpiskopos je kō nyi èvol paìōt eθouab tim̀pṡa an èhōb ǹpairyti.	In response, my father said with humility, ‘My lord, I am not worthy to speak of such a matter.’
117	ⲡⲉϫⲉⲁⲃⲃⲁ ⲕⲩⲣⲓⲗⲗⲟⲥ ⲛⲁϥ ϫⲉϯⲧⲁⲣⲕⲟ ⲙ̀ⲙⲟⲕ ⲛ̀ⲛⲓϣⲗⲏⲗ ⲛ̀ⲧⲉⲛⲏ ⲉⲑⲟⲩⲁⲃ ϩⲓⲛⲁ ⲉⲕⲉ̀ⲧⲁⲙⲟⲓ ⲉ̀ⲡⲓϩⲱⲃ ⲉ̀ⲧⲁϥϣⲱⲡⲓ ⲙ̀ⲙⲟⲕ .	Ⲡⲉϫⲉⲁⲃⲃⲁ ⲕⲩⲣⲓⲗⲗⲟⲥ ⲛⲁϥ ϫⲉ ϯⲧⲁⲣⲕⲟ ⲙ̀ⲙⲟⲕ ⲛ̀ⲛⲓϣ̀ⲗⲏⲗ ⲛ̀ⲧⲉ ⲛⲏ ⲉⲑⲟⲩⲁⲃ ϩⲓⲛⲁ ⲉⲕⲉ̀ⲧⲁⲙⲟⲓ ⲉ̀ⲡⲓϩⲱⲃ ⲉ̀ⲧⲁϥϣⲱⲡⲓ ⲙ̀ⲙⲟⲕ.	Pejeabba kirillos naf je titarko m̀mok ǹniṡ̀lyl ǹte ny eθouab hina ekètamoi èpihōb ètafṡōpi m̀mok.	But Abba Cyril pressed him: ‘I beg you, by the intercession of the saints, reveal to me what took place.’
118	ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲁϥ ϧⲉⲛⲟⲩⲑⲉⲃⲓⲟ ϫⲉϩⲟⲥⲟⲛ ⲁⲕⲧⲁⲣⲕⲟⲓ ⲁⲓϩⲱⲗ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲙ̀ⲡⲓⲉ̀ϩⲟⲟⲩ ⲉ̀ⲧⲁⲛⲥⲁϫⲓ ⲛⲉⲙⲛⲉⲛⲉ̀ⲣⲏⲟⲩ ⲛ̀ϧⲏⲧϥ ⲉⲕϧⲉⲛⲡⲓϫⲟⲓ ⲟⲩⲟϩ ⲉⲓϩⲓϫⲉⲛϯϭⲏⲡⲓ ⲁⲓⲉⲣϯⲥⲩⲛⲁⲝⲓⲥ ⲛⲉⲙⲛⲓⲥⲛⲏⲟⲩ ⲛ̀ϩⲁⲛⲁ̀ⲣⲟⲩϩⲓ ⲙ̀ⲡⲓⲉ̀ϩⲟⲟⲩ ⲉ̀ⲧⲉⲙⲙⲁⲩ .	Ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲁϥ ϧⲉⲛ ⲟⲩⲑⲉⲃⲓⲟ ϫⲉ ϩⲟⲥⲟⲛ ⲁⲕⲧⲁⲣⲕⲟⲓ ⲁⲓϩⲱⲗ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲡⲓⲉ̀ϩⲟⲟⲩ ⲉ̀ⲧⲁⲛⲥⲁϫⲓ ⲛⲉⲙ ⲛⲉⲛⲉ̀ⲣⲏⲟⲩ ⲛ̀ϧⲏⲧϥ ⲉⲕϧⲉⲛ ⲡⲓϫⲟⲓ ⲟⲩⲟϩ ⲉⲓϩⲓϫⲉⲛ ϯϭⲏⲡⲓ ⲁⲓⲉⲣϯⲥⲩⲛⲁⲝⲓⲥ ⲛⲉⲙ ⲛⲓⲥ̀ⲛⲏⲟⲩ ⲛ̀ϩⲁⲛⲁ̀ⲣⲟⲩϩⲓ ⲛ̀ⲧⲉ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	Paìōt ḋe pegaf naf xen ouθevio je hoson aktarkoi aihōl èpimonastyrion ǹpièhoou ètansaji nem nenèryou ǹxytf ekxen pigoi ouoh eihijen tiċypi aiertisinaksis nem nis̀nyou ǹhanàrouhi ǹte pièhoou ète m̀mav.	So Shenoute answered modestly, ‘Since you compel me, I shall tell you: I reached the monastery the very day we spoke together—you disembarked from the ship, and I descended from the cloud—and that evening I was already with the brethren, gathered for worship.’
119	ⲟⲩⲟϩ ⲁϥⲉⲣϣⲫⲏⲣⲓ ⲥⲁⲧⲟⲧϥ ⲛ̀ϫⲉⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ⲉⲑⲟⲩⲁⲃ ⲕⲩⲣⲓⲗⲗⲟⲥ ⲛⲉⲙⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲏⲙⲁⲛⲇⲣⲓⲧⲏⲥ ⲟⲩⲟϩ ⲡⲁⲓⲣⲏϯ ⲁⲩϯⲱⲟⲩ ⲙ̀ⲫϯ ⲫⲏ ⲉ̀ⲧⲓⲣⲓ ⲛ̀ⲛⲓϣⲫⲏⲣⲓ ⲙ̀ⲙⲁⲩⲁⲧϥ ϧⲉⲛⲛⲏ ⲉⲑⲟⲩⲁⲃ ⲛ̀ⲧⲁϥ ⲛⲏ ⲉ̀ⲧⲓ̀ⲣⲓ ⲙ̀ⲡⲉϥⲟⲩⲱϣ ⲟⲩⲟϩ ⲉⲣⲉϩⲑⲏⲟⲩ ⲭⲏ ⲉ̀ⲣⲟϥ .	Ⲟⲩⲟϩ ⲁϥⲉⲣϣⲫⲏⲣⲓ ⲥⲁⲧⲟⲧϥ ⲛ̀ϫⲉ ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ⲉⲑⲟⲩⲁⲃ ⲕⲩⲣⲓⲗⲗⲟⲥ ⲛⲉⲙ ⲁⲡⲁ ⲃⲓⲕⲧⲱⲣ ⲡⲓⲁ̀ⲣⲭⲓⲙⲁⲛⲇ̀ⲣⲓⲧⲏⲥ ⲟⲩⲟϩ ⲡⲁⲓⲣⲏϯ ⲁⲩϯⲱ̀ⲟⲩ ⲛ̀ⲫ̀ⲛⲟⲩϯ ⲫⲏ ⲉ̀ⲧⲓⲣⲓ ⲛ̀ⲛⲓϣ̀ⲫⲏⲣⲓ ⲙ̀ⲙⲁⲩⲁⲧϥ ϧⲉⲛ ⲛⲏ ⲉⲑⲟⲩⲁⲃ ⲛ̀ⲧⲁϥ ⲛⲏ ⲉ̀ⲧⲓ̀ⲣⲓ ⲛ̀ⲡⲉϥⲟⲩⲱϣ ⲟⲩⲟϩ ⲉ̀ⲣⲉ ϩⲑⲏⲟⲩ ⲭⲏ ⲉ̀ⲣⲟϥ.	Ouoh aferṡfyri satotf ǹje piàrṡièpiskopos eθouab kirillos nem apa biktōr piàrṡimanḋ̀ritys ouoh pairyti avtiṑou ǹf̀nouti fy ètiri ǹniṡ̀fyri m̀mavatf xen ny eθouab ǹtaf ny ètìri ǹpefouōṡ ouoh ère hθyou ky èrof.	Archbishop Cyril and apa Victor the archimandrite were both deeply struck by this revelation. Together they glorified God, who alone performs wonders through his saints—those who obey his will and place their faith in him.
120	ⲙⲉⲛⲉⲛⲥⲱⲥ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲓⲁ̀ⲣⲭⲏⲉ̀ⲡⲓⲥⲕⲟⲡⲟⲥ ⲟⲩⲟϩ ⲁϥⲓ̀ ⲉ̀ⲡⲉϥⲙⲟⲛⲁⲥⲧⲏⲣⲓⲟⲛ .	Ⲙⲉⲛⲉⲛⲥⲱⲥ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲓⲁ̀ⲣⲭⲓⲉ̀ⲡⲓⲥⲕⲟⲡⲟⲥ ⲟⲩⲟϩ ⲁϥⲓ̀ ⲉ̀ⲡⲉϥⲙⲟⲛⲁⲥⲧⲏⲣⲓⲟⲛ.	Menensōs afì èvol hitotf ǹpiàrṡièpiskopos ouoh afì èpefmonastyrion.	After this, my father, apa Shenoute, took his leave and made his way back to the monastery.
121	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉϥϩⲉⲙⲥⲓ ⲛ̀ϫⲉⲡⲉⲛⲓⲱⲧ ⲁⲡⲁ ϣⲉⲛⲟⲩϯ ϧⲁⲧⲉⲛⲡⲓⲗⲁⲕϩ ⲙ̀ⲡⲉⲧⲣⲁ ⲛ̀ⲑⲟϥ ⲛⲉⲙⲡⲉⲛϭ̅ⲥ̅ ⲓⲏ̅ⲥ̅ ⲡⲭ̅ⲥ̅ ⲉⲩⲥⲁϫⲓ ⲛⲉⲙⲛⲟⲩⲉ̀ⲣⲏⲟⲩ ⲧⲟⲧⲉ ⲡⲉϫⲉⲡⲁⲓ̀ⲱⲧ ⲙ̀ⲡⲣⲟⲫⲏⲧⲏⲥ ⲛⲁϥ ϫⲉⲡⲁϭ̅ⲥ̅ ⲉⲓⲉⲣⲉ̀ⲡⲓⲑⲩⲙⲓⲛ ⲉ̀ⲛⲁⲩ ⲉ̀ⲟⲩϫⲟⲓ ⲁϥⲉⲣϩⲱⲧ ⲙ̀ⲡⲁⲓⲙⲁ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉϥϩⲉⲙⲥⲓ ⲛ̀ϫⲉ ⲡⲉⲛⲓⲱⲧ ⲁⲡⲁ ϣⲉⲛⲟⲩϯ ϧⲁⲧⲉⲛ ⲡⲓⲗⲁⲕϩ ⲛ̀ⲡⲉⲧⲣⲁ ⲛ̀ⲑⲟϥ ⲛⲉⲙ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲉⲩⲥⲁϫⲓ ⲛⲉⲙ ⲛⲟⲩⲉ̀ⲣⲏⲟⲩ ⲧⲟⲧⲉ ⲡⲉϫⲉⲡⲁⲓ̀ⲱⲧ ⲛ̀ⲡ̀ⲣⲟⲫⲏⲧⲏⲥ ⲛⲁϥ ϫⲉ ⲡⲁϭⲟⲓⲥ ⲉⲓⲉⲣⲉ̀ⲡⲓⲑⲩⲙⲓⲛ ⲉ̀ⲛⲁⲩ ⲉ̀ⲟⲩϫⲟⲓ ⲁϥⲉⲣϩⲱⲧ ⲛ̀ⲡⲁⲓⲙⲁ.	Asṡōpi ḋe on ǹouèhoou efhemsi ǹje peniōt apa ṡenouti xaten pilak·h ǹpetra ǹθof nem penċois iysous pix̀ristos evsaji nem nouèryou tote pejepaìōt ǹp̀rofytys naf je paċois eierèpiθimin ènav èougoi aferhōt ǹpaima.	On one occasion, our father apa Shenoute was seated beside a rocky ledge, speaking with our Lord Jesus Christ. As they conversed, my father the prophet expressed a wish: ‘My Lord, I would like to witness a ship passing through this place.’
122	ⲟⲩⲟϩ ⲡⲉϫⲉⲡϭ̅ⲥ̅ ⲛⲁϥ ϫⲉϯⲛⲁϯⲙⲕⲁϩ ⲛ̀ϩⲏⲧ ⲛⲁⲕ ⲁⲛ ⲱ ⲡⲁⲥⲱⲧⲡ ϣⲉⲛⲟⲩϯ .	Ⲟⲩⲟϩ ⲡⲉϫⲉⲡ̀ϭⲟⲓⲥ ⲛⲁϥ ϫⲉ ϯⲛⲁϯⲙ̀ⲕⲁϩ ⲛ̀ϩⲏⲧ ⲛⲁⲕ ⲁⲛ ⲱ̀ ⲡⲁⲥⲱⲧⲡ ϣⲉⲛⲟⲩϯ.	Ouoh pejep̀ċois naf je tinatim̀kah ǹhyt nak an ṑ pasōtp ṡenouti.	The Lord responded, ‘Beloved Shenoute, I will not bring you any sorrow.’
123	ⲟⲩⲟϩ ⲁϥϣⲉ ⲉ̀ⲃⲟⲗ ϩⲓⲧⲟⲧϥ .	Ⲟⲩⲟϩ ⲁϥϣⲉ ⲉ̀ⲃⲟⲗ ϩⲓⲧⲟⲧϥ.	Ouoh afṡe èvol hitotf.	He then departed from him.
124	ⲙⲉⲛⲉⲛⲥⲁⲟⲩⲕⲟⲩϫⲓ ⲇⲉ ⲁ̀ⲡⲓⲙⲁ ⲙⲟϩ ⲙ̀ⲙⲱⲟⲩ ϩⲓⲧⲉⲛⲫⲟⲩⲁϩⲥⲁϩⲛⲓ ⲙ̀ⲡⲓⲇⲏⲙⲓⲟⲩⲣⲅⲟⲥ ⲫϯ ⲟⲩⲟϩ ⲁϥⲑⲣⲉⲡⲓϫⲟⲓ ϣⲱⲡⲓ ⲉϥⲉⲣϩⲱⲧ ϧⲉⲛⲡⲓϫⲁⲛⲉ ⲙ̀ⲙⲱⲟⲩ ⲉ̀ⲧⲁϥϣⲱⲡⲓ	Ⲙⲉⲛⲉⲛⲥⲁⲟⲩⲕⲟⲩϫⲓ ⲇⲉ ⲁ̀ ⲡⲓⲙⲁ ⲙⲟϩ ⲛ̀ⲙⲱⲟⲩ ϩⲓⲧⲉⲛ ⲫ̀ⲟⲩⲁϩⲥⲁϩⲛⲓ ⲛ̀ⲡⲓⲇⲏⲙⲓⲟⲩⲣⲅⲟⲥ ⲫ̀ⲛⲟⲩϯ ⲟⲩⲟϩ ⲁϥⲑⲣⲉⲡⲓϫⲟⲓ ϣⲱⲡⲓ ⲉϥⲉⲣϩⲱⲧ ϧⲉⲛ ⲡⲓϫⲁⲛⲉ ⲛ̀ⲙⲱⲟⲩ ⲉ̀ⲧⲁϥϣⲱⲡⲓ	Menensaoukouji ḋe à pima moh ǹmōou hiten f̀ouahsahni ǹpiḋymiourġos f̀nouti ouoh afθrepigoi ṡōpi eferhōt xen pigane ǹmōou ètafṡōpi	Not long afterward, at God’s command, the area was transformed as water filled the place, and a ship was seen gliding over the newly formed sea.
125	ⲟⲩⲟϩ ⲛ̀ⲑⲟϥ ⲡϭ̅ⲥ̅ ⲉϥⲟⲓ ⲙ̀ⲡⲥⲙⲟⲧ ⲙ̀ⲡⲓⲛⲓϣϯ ⲛ̀ⲛⲉϥ ⲟⲩⲟϩ ϩⲁⲛⲕⲉⲁ̀ⲅⲅⲉⲗⲟⲥ ⲟⲛ ⲉⲩⲟⲓ ⲙ̀ⲡⲥⲙⲟⲧ ⲛ̀ϩⲁⲛⲕⲉⲛⲉϥ .	ⲟⲩⲟϩ ⲛ̀ⲑⲟϥ ⲡ̀ϭⲟⲓⲥ ⲉϥⲟⲓ ⲛ̀ⲡ̀ⲥ̀ⲙⲟⲧ ⲛ̀ⲡⲓⲛⲓϣϯ ⲛ̀ⲛⲉϥ ⲟⲩⲟϩ ϩⲁⲛⲕⲉⲁ̀ⲅⲅⲉⲗⲟⲥ ⲟⲛ ⲉⲩⲟⲓ ⲛ̀ⲡ̀ⲥ̀ⲙⲟⲧ ⲛ̀ϩⲁⲛⲕⲉⲛⲉϥ.	ouoh ǹθof p̀ċois efoi ǹp̀·s̀mot ǹpiniṡti ǹnef ouoh hankeàngelos on evoi ǹp̀·s̀mot ǹhankenef.	The Lord himself appeared as the ship’s captain, and angels assumed the roles of the crew.
126	ⲁϥⲉⲣϩⲱⲧ ϣⲁⲧⲉϥⲫⲟϩ ⲉ̀ⲫⲏ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉϥⲟ̀ϩⲓ ⲉ̀ⲣⲁⲧϥ ⲉϥϣⲗⲏⲗ ⲟⲩⲟϩ ⲡⲉϫⲉⲡϭ̅ⲥ̅ ⲙ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ϫⲉⲧⲁϩⲟⲡⲓⲛⲟϩ ⲛⲁⲕ .	Ⲁϥⲉⲣϩⲱⲧ ϣⲁⲧⲉϥⲫⲟϩ ⲉ̀ⲫⲏ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉϥⲟ̀ϩⲓ ⲉ̀ⲣⲁⲧϥ ⲉϥϣ̀ⲗⲏⲗ ⲟⲩⲟϩ ⲡⲉϫⲉⲡ̀ϭⲟⲓⲥ ⲛ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ϫⲉ ⲧⲁϩⲟⲡⲓⲛⲟϩ ⲛⲁⲕ.	Aferhōt ṡateffoh èfy eθouab apa ṡenouti efòhi èratf efṡ̀lyl ouoh pejep̀ċois ǹpaiōt apa ṡenouti je tahopinoh nak.	The vessel sailed forward until it reached the spot where apa Shenoute stood in prayer. Then the Lord called out to him, ‘Take hold of the rope!’
127	ⲛ̀ⲑⲟϥ ⲇⲉ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲛ̀ⲧⲉϥϫⲓϫ ⲁϥⲧⲁϩⲉⲡⲓⲛⲟϩ ⲟⲩⲟϩ ⲙ̀ⲡⲉϥϣϫⲉⲙϫⲟⲙ ⲙ̀ⲙⲟⲣϥ .	Ⲛ̀ⲑⲟϥ ⲇⲉ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲛ̀ⲧⲉϥϫⲓϫ ⲁϥⲧⲁϩⲉⲡⲓⲛⲟϩ ⲟⲩⲟϩ ⲙ̀ⲡⲉϥϣϫⲉⲙϫⲟⲙ ⲛ̀ⲙⲟⲣϥ.	Ǹθof ḋe afsōouten èvol ǹtefjig aftahepinoh ouoh m̀pefṡjemgom ǹmorf.	He extended his hand and received the rope, but found no anchor point.
128	ⲧⲟⲧⲉ ⲁϥϯ ⲙ̀ⲡⲉϥⲟⲩⲟⲓ ⲉ̀ⲡⲓⲗⲁⲕϩ ⲙ̀ⲡⲉⲧⲣⲁ ⲉ̀ⲧⲁ̀ϣⲓ ⲉ̀ⲃⲟⲗ ⲁϥⲁ̀ⲙⲟⲛⲓ ⲙ̀ⲙⲟϥ ϧⲉⲛⲡⲉϥⲧⲏⲃ ⲛⲉⲙⲧⲉϥⲓ̀ⲛⲓ .	Ⲧⲟⲧⲉ ⲁϥϯ ⲛ̀ⲡⲉϥⲟⲩⲟⲓ ⲉ̀ⲡⲓⲗⲁⲕϩ ⲛ̀ⲡⲉⲧⲣⲁ ⲉ̀ⲧⲁ̀ϣⲓ ⲉ̀ⲃⲟⲗ ⲁϥⲁ̀ⲙⲟⲛⲓ ⲙ̀ⲙⲟϥ ϧⲉⲛ ⲡⲉϥⲧⲏⲃ ⲛⲉⲙ ⲧⲉϥⲓ̀ⲛⲓ.	Tote afti ǹpefouoi èpilak·h ǹpetra ètàṡi èvol afàmoni m̀mof xen peftyb nem tefìni.	Looking around, he approached a jutting section of the rock, grasped it with his fingers and thumb.
129	ⲥⲁⲧⲟⲧϥ ⲁϥⲟⲩⲱⲧⲉⲛ ⲛ̀ϯⲟⲩⲛⲟⲩ ⲙ̀ⲫⲣⲏϯ ⲛ̀ⲟⲩⲙⲟⲩⲗϩ ⲛⲁϩⲣⲉⲛⲟⲩⲭⲣⲱⲙ ⲟⲩⲟϩ ⲁϥϯⲛⲟϩ ⲉ̀ϧⲟⲩⲛ ⲉ̀ⲡⲓⲱ̀ⲛⲓ ⲁϥⲁ̀ⲙⲟⲛⲓ ⲙ̀ⲙⲟϥ	Ⲥⲁⲧⲟⲧϥ ⲁϥⲟⲩⲱⲧⲉⲛ ⲛ̀ϯⲟⲩⲛⲟⲩ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲗϩ ⲛⲁϩⲣⲉⲛⲟⲩⲭ̀ⲣⲱⲙ ⲟⲩⲟϩ ⲁϥϯⲛⲟϩ ⲉ̀ϧⲟⲩⲛ ⲉ̀ⲡⲓⲱ̀ⲛⲓ ⲁϥⲁ̀ⲙⲟⲛⲓ ⲙ̀ⲙⲟϥ	Satotf afouōten ǹtiounou ǹf̀ryti ǹoumoulh nahrenouk̀rōm ouoh aftinoh èxoun èpiṑni afàmoni m̀mof	Instantly, the stone gave way, pierced as effortlessly as wax before a flame. He threaded the rope through the opening and fastened it.
130	ⲟⲩⲟϩ ⲁϥⲟⲩⲟⲧⲉⲛ ⲛ̀ϫⲉⲡⲓⲱ̀ⲛⲓ ⲉ̀ⲧⲉⲙⲙⲁⲩ ϣⲁⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ⲉⲩⲙⲏⲓⲛⲓ ⲛ̀ⲉ̀ⲛⲉϩ ϣⲁϩⲁⲛϫⲱⲟⲩ ⲛ̀ϫⲱⲟⲩ .	ⲟⲩⲟϩ ⲁϥⲟⲩⲟⲧⲉⲛ ⲛ̀ϫⲉ ⲡⲓⲱ̀ⲛⲓ ⲉ̀ⲧⲉ ⲙ̀ⲙⲁⲩ ϣⲁ ⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ⲉⲩⲙⲏⲓⲛⲓ ⲛ̀ⲉ̀ⲛⲉϩ ϣⲁ ϩⲁⲛϫⲱⲟⲩ ⲛ̀ϫⲱⲟⲩ.	ouoh afouoten ǹje piṑni ète m̀mav ṡa èxoun èpaièhoou evmyini ǹèneh ṡa hangōou ǹgōou.	That hole remains visible in the stone to this day, a lasting testimony for all future generations.
131	ⲁⲥϣⲱⲡⲓ ⲟⲛ ⲛ̀ⲟⲩⲥⲏⲟⲩ ⲉⲩⲉⲣϩⲱⲃ ⲉ̀ϯϣⲱϯ ⲉⲩϣⲱⲕⲓ ⲙ̀ⲙⲟⲥ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲉ̀ⲣⲉⲛⲓⲥⲛⲏⲟⲩ ⲉⲣϩⲱⲃ ⲉ̀ⲣⲟⲥ ⲧⲟⲧⲉ ⲁ̀ⲡⲓⲇⲓⲁ̀ⲃⲟⲗⲟⲥ ⲉⲣⲉⲡⲓⲃⲟⲩⲗⲉⲩⲓⲛ ⲉ̀ⲣⲱⲟⲩ ⲉϥⲟⲩⲱϣ ⲉ̀ϣⲉⲣϣⲱⲣⲥ ⲉ̀ϫⲉⲛⲛⲓⲉⲣⲅⲁⲧⲏⲥ ⲉⲧⲉⲣϩⲱⲃ ⲉ̀ⲣⲟⲥ ⲡⲉ .	Ⲁⲥϣⲱⲡⲓ ⲟⲛ ⲛ̀ⲟⲩⲥⲏⲟⲩ ⲉⲩⲉⲣϩⲱⲃ ⲉ̀ϯϣⲱϯ ⲉⲩϣⲱⲕⲓ ⲙ̀ⲙⲟⲥ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲉ̀ⲣⲉ ⲛⲓⲥ̀ⲛⲏⲟⲩ ⲉⲣϩⲱⲃ ⲉ̀ⲣⲟⲥ ⲧⲟⲧⲉ ⲁ̀ ⲡⲓⲇⲓⲁ̀ⲃⲟⲗⲟⲥ ⲉⲣⲉⲡⲓⲃⲟⲩⲗⲉⲩⲓⲛ ⲉ̀ⲣⲱⲟⲩ ⲉϥⲟⲩⲱϣ ⲉ̀ϣⲉⲣϣⲱⲣⲥ ⲉ̀ϫⲉⲛ ⲛⲓⲉⲣⲅⲁⲧⲏⲥ ⲉⲧⲉⲣϩⲱⲃ ⲉ̀ⲣⲟⲥ ⲡⲉ.	Asṡōpi on ǹousyou everhōb ètiṡōti evṡōki m̀mos xen pimonastyrion ère nis̀nyou erhōb èros tote à pidiàbolos erepiboulevin èrōou efouōṡ èṡerṡōrs èjen nierġatys eterhōb èros pe.	There was a time when the brethren were laboring in a well that was being excavated within the monastery grounds. While they worked, the adversary set a trap: the structure collapsed, trapping the workers inside.
132	ⲁ̀ⲟⲩⲁⲓ ⲇⲉ ϧⲉⲛⲛⲓⲥⲛⲏⲟⲩ ⲉ̀ⲧⲟ̀ϩⲓ ⲉ̀ⲣⲁⲧⲟⲩ ⲉ̀ⲡⲓⲕⲱⲧ ⲁϥϭⲟϫⲓ ⲁϥⲧⲁⲙⲉⲡⲉⲛⲓ̀ⲱⲧ ⲁⲡⲁ ϣⲉⲛⲟⲩϯ ⲟⲩⲟϩ ⲁϥⲧⲱⲛϥ ⲁϥⲁ̀ⲙⲟⲛⲓ ⲙ̀ⲡⲉϥⲃⲁⲓ ⲁϥⲓ̀ ⲉ̀ϧⲣⲏⲓ ⲉ̀ϫⲉⲛϯϣⲱϯ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲙ̀ⲡⲉϥⲃⲁⲓ ⲁϥⲑⲟⲕⲥϥ ⲉ̀ϯϫⲟⲓ ⲛ̀ⲧⲉϯϣⲱϯ	Ⲁ̀ ⲟⲩⲁⲓ ⲇⲉ ϧⲉⲛ ⲛⲓⲥ̀ⲛⲏⲟⲩ ⲉ̀ⲧⲟ̀ϩⲓ ⲉ̀ⲣⲁⲧⲟⲩ ⲉ̀ⲡⲓⲕⲱⲧ ⲁϥϭⲟϫⲓ ⲁϥⲧⲁⲙⲉⲡⲉⲛⲓ̀ⲱⲧ ⲁⲡⲁ ϣⲉⲛⲟⲩϯ ⲟⲩⲟϩ ⲁϥⲧⲱⲛϥ ⲁϥⲁ̀ⲙⲟⲛⲓ ⲛ̀ⲡⲉϥⲃⲁⲓ ⲁϥⲓ̀ ⲉ̀ϧ̀ⲣⲏⲓ ⲉ̀ϫⲉⲛ ϯϣⲱϯ ⲁϥⲥⲱⲟⲩⲧⲉⲛ ⲉ̀ⲃⲟⲗ ⲛ̀ⲡⲉϥⲃⲁⲓ ⲁϥⲑⲟⲕⲥϥ ⲉ̀ϯϫⲟⲓ ⲛ̀ⲧⲉ ϯϣⲱϯ	À ouai ḋe xen nis̀nyou ètòhi èratou èpikōt afċoji aftamepenìōt apa ṡenouti ouoh aftōnf afàmoni ǹpefvai afì èx̀ryi èjen tiṡōti afsōouten èvol ǹpefvai afθok·sf ètigoi ǹte tiṡōti	One of the monks who had been helping with the excavation ran to inform our father apa Shenoute. He rose at once, took up his palm-branch, and made his way to the site. Stretching out his hand, he drove the branch into the side of the well.
133	ⲟⲩⲟϩ ϧⲉⲛϯⲟⲩⲛⲟⲩ ⲁϥϭⲉⲛⲟⲩⲛⲓ ⲉ̀ⲃⲟⲗ ⲁϥϯⲟⲩⲱ̀ ⲉ̀ⲡϣⲱⲓ ⲛ̀ϩⲁⲛⲃⲁⲓ ⲛⲉⲙϩⲁⲛⲥⲡⲁϯ ⲛ̀ⲃⲉⲛⲓ ⲟⲩⲟϩ ⲁ̀ⲛⲓⲣⲱⲙⲓ ⲉⲧⲉⲣϩⲱⲃ ⲟⲩⲱⲙ ⲉ̀ⲃⲟⲗ ϧⲉⲛⲡⲉⲥⲕⲁⲣⲡⲟⲥ ⲟⲩⲟϩ ⲁ̀ϯϣⲱϯ ϣⲱⲡⲓ ⲛ̀ⲁⲧⲕⲓⲙ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ .	ⲟⲩⲟϩ ϧⲉⲛ ϯⲟⲩⲛⲟⲩ ⲁϥϭⲉⲛⲟⲩⲛⲓ ⲉ̀ⲃⲟⲗ ⲁϥϯⲟⲩⲱ̀ ⲉ̀ⲡ̀ϣⲱⲓ ⲛ̀ϩⲁⲛⲃⲁⲓ ⲛⲉⲙ ϩⲁⲛⲥⲡⲁϯ ⲛ̀ⲃⲉⲛⲓ ⲟⲩⲟϩ ⲁ̀ⲛⲓⲣⲱⲙⲓ ⲉⲧⲉⲣϩⲱⲃ ⲟⲩⲱⲙ ⲉ̀ⲃⲟⲗ ϧⲉⲛ ⲡⲉⲥⲕⲁⲣⲡⲟⲥ ⲟⲩⲟϩ ⲁ̀ϯϣⲱϯ ϣⲱⲡⲓ ⲛ̀ⲁⲧⲕⲓⲙ ϣⲁ ⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ.	ouoh xen tiounou afċenouni èvol aftiouṑ èp̀ṡōi ǹhanvai nem hanspati ǹveni ouoh ànirōmi eterhōb ouōm èvol xen peskarpos ouoh àtiṡōti ṡōpi ǹatkim ṡa èxoun èfoou ǹèhoou.	Immediately, it took hold and began to sprout, producing shoots and leaves. The workers, sustained by the fruit it bore, ate of it. From that day forward, the well remained fixed in place and has never shifted.
134	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉⲣⲉⲡⲉⲛⲥⲱⲧⲏⲣ ϩⲉⲙⲥⲓ ⲛⲉⲙⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ⲉϥⲥⲁϫⲓ ⲛⲉⲙⲁϥ ⲁⲓϣⲉ ⲉ̀ϧⲟⲩⲛ ⲁ̀ⲛⲟⲕ ⲃⲏⲥⲁ ⲡⲉϥⲙⲁⲑⲏⲧⲏⲥ ⲉⲓⲟⲩⲱϣ ⲉ̀ⲉⲣⲁⲡⲁⲛⲧⲁⲛ ⲉ̀ⲣⲟϥ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉ̀ⲣⲉⲡⲉⲛⲥⲱⲧⲏⲣ ϩⲉⲙⲥⲓ ⲛⲉⲙ ⲡⲁⲓ̀ⲱⲧ ⲁⲡⲁ ϣⲉⲛⲟⲩϯ ⲉϥⲥⲁϫⲓ ⲛⲉⲙⲁϥ ⲁⲓϣⲉ ⲉ̀ϧⲟⲩⲛ ⲁ̀ⲛⲟⲕ ⲃⲏⲥⲁ ⲡⲉϥⲙⲁⲑⲏⲧⲏⲥ ⲉⲓⲟⲩⲱϣ ⲉ̀ⲉⲣⲁⲡⲁⲛⲧⲁⲛ ⲉ̀ⲣⲟϥ.	Asṡōpi ḋe on ǹouèhoou èrepensōtyr hemsi nem paìōt apa ṡenouti efsaji nemaf aiṡe èxoun ànok bysa pefmaθytys eiouōṡ èerapantan èrof.	On another day, our Savior appeared and was speaking with my father apa Shenoute. I, Besa his disciple, came near, desiring to see the one who was with him.
135	ϧⲉⲛϯⲟⲩⲛⲟⲩ ⲁ̀ⲡⲓⲥⲱⲧⲏⲣ ⲉⲣⲁ̀ⲛⲁⲭⲱⲣⲓⲛ ⲛⲁϥ .	Ϧⲉⲛ ϯⲟⲩⲛⲟⲩ ⲁ̀ ⲡⲓⲥⲱⲧⲏⲣ ⲉⲣⲁ̀ⲛⲁⲭⲱⲣⲓⲛ ⲛⲁϥ.	Xen tiounou à pisōtyr erànaxōrin naf.	At once the Savior withdrew.
136	ⲉ̀ⲧⲁⲓϣⲉ ⲇⲉ ⲉ̀ϧⲟⲩⲛ ⲁⲓϭⲓⲥⲙⲟⲩ ⲛ̀ⲧⲟⲧϥ ⲙ̀ⲡⲁⲓ̀ⲱⲧ .	Ⲉ̀ⲧⲁⲓϣⲉ ⲇⲉ ⲉ̀ϧⲟⲩⲛ ⲁⲓϭⲓⲥⲙⲟⲩ ⲛ̀ⲧⲟⲧϥ ⲛ̀ⲡⲁⲓ̀ⲱⲧ.	Ètaiṡe ḋe èxoun aiċismou ǹtotf ǹpaìōt.	When I entered, I received a blessing from my father.
137	ⲙⲉⲛⲉⲛⲥⲱⲥ ⲁⲓϣⲉⲛϥ ϫⲉⲡⲁⲓ̀ⲱⲧ ⲉⲑⲟⲩⲁⲃ ⲛⲓⲙ ⲡⲉ ⲫⲁⲓ ⲉⲧⲥⲁϫⲓ ⲛⲉⲙⲁⲕ ⲟⲩⲟϩ ⲉ̀ⲧⲁⲓⲓ̀ ⲉ̀ϧⲟⲩⲛ ⲛⲁϥⲉⲣⲁ̀ⲛⲁⲭⲱⲣⲓⲛ ⲛⲁϥ ;	Ⲙⲉⲛⲉⲛⲥⲱⲥ ⲁⲓϣⲉⲛϥ ϫⲉ ⲡⲁⲓ̀ⲱⲧ ⲉⲑⲟⲩⲁⲃ ⲛⲓⲙ ⲡⲉ ⲫⲁⲓ ⲉⲧⲥⲁϫⲓ ⲛⲉⲙⲁⲕ ⲟⲩⲟϩ ⲉ̀ⲧⲁⲓⲓ̀ ⲉ̀ϧⲟⲩⲛ ⲛⲁϥⲉⲣⲁ̀ⲛⲁⲭⲱⲣⲓⲛ ⲛⲁϥ ;	Menensōs aiṡenf je paìōt eθouab nim pe fai etsaji nemak ouoh ètaiì èxoun naferànaxōrin naf ;	Afterwards I asked my holy father, ‘Who was speaking with you just now, and where did he go?’
138	ⲡⲉϫⲉⲡⲁⲓ̀ⲱⲧ ⲙ̀ⲡⲣⲟⲫⲏⲧⲏⲥ ⲛⲏⲓ ϫⲉⲡϭ̅ⲥ̅ ⲓⲏ̅ⲥ̅ ⲡⲭ̅ⲥ̅ ⲡⲉ ⲡⲉⲧⲁϥⲕⲏⲛ ϧⲁⲧⲟⲧ ϯⲛⲟⲩ ⲉϥϫⲱ ⲉ̀ⲣⲟⲓ ⲛ̀ϩⲁⲛⲙⲩⲥⲧⲏⲣⲓⲟⲛ .	ⲡⲉϫⲉⲡⲁⲓ̀ⲱⲧ ⲛ̀ⲡ̀ⲣⲟⲫⲏⲧⲏⲥ ⲛⲏⲓ ϫⲉ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲡⲉ ⲡⲉⲧⲁϥⲕⲏⲛ ϧⲁⲧⲟⲧ ϯⲛⲟⲩ ⲉϥϫⲱ ⲉ̀ⲣⲟⲓ ⲛ̀ϩⲁⲛⲙⲩⲥⲧⲏⲣⲓⲟⲛ.	pejepaìōt ǹp̀rofytys nyi je p̀ċois iysous pix̀ristos pe petafkyn xatot tinou efgō èroi ǹhanmistyrion.	He replied, ‘It was the Lord Jesus Christ himself, speaking to me in divine mysteries.’
139	ⲡⲉϫⲏⲓ ⲛⲁϥ ϫⲉⲛⲁⲓⲟⲩⲱϣ ϩⲱ ⲡⲉ ⲉ̀ⲛⲁⲩ ⲉ̀ⲣⲟϥ ⲟⲩⲟϩ ⲛ̀ⲧⲉϥⲥⲙⲟⲩ ⲉ̀ⲣⲟⲓ .	Ⲡⲉϫⲏⲓ ⲛⲁϥ ϫⲉ ⲛⲁⲓⲟⲩⲱϣ ϩⲱ ⲡⲉ ⲉ̀ⲛⲁⲩ ⲉ̀ⲣⲟϥ ⲟⲩⲟϩ ⲛ̀ⲧⲉϥⲥ̀ⲙⲟⲩ ⲉ̀ⲣⲟⲓ.	Pejyi naf je naiouōṡ hō pe ènav èrof ouoh ǹtefs̀mou èroi.	I said, ‘I long to see him, that I too might receive his blessing.’
140	ⲡⲉϫⲉⲡⲁⲓ̀ⲱⲧ ⲛⲏⲓ ϫⲉⲭⲛⲁϣⲛⲁⲩ ⲉ̀ⲣⲟϥ ⲁⲛ ϫⲉⲛ̀ⲑⲟⲕ ⲟⲩⲕⲟⲩϫⲓ ⲛ̀ϣⲏⲣⲓ ⲛ̀ⲑⲟⲕ .	Ⲡⲉϫⲉⲡⲁⲓ̀ⲱⲧ ⲛⲏⲓ ϫⲉ ⲭ̀ⲛⲁϣⲛⲁⲩ ⲉ̀ⲣⲟϥ ⲁⲛ ϫⲉ ⲛ̀ⲑⲟⲕ ⲟⲩⲕⲟⲩϫⲓ ⲛ̀ϣⲏⲣⲓ ⲛ̀ⲑⲟⲕ.	Pejepaìōt nyi je k̀naṡnav èrof an je ǹθok oukouji ǹṡyri ǹθok.	My father answered, ‘You will not see him, for you are still a young boy.’
141	ⲡⲉϫⲏⲓ ⲛⲁϥ ϫⲉⲁ̀ⲛⲟⲕ ⲟⲩⲣⲉϥⲉⲣⲛⲟⲃⲓ ⲡⲁⲓ̀ⲱⲧ ⲉⲑⲟⲩⲁⲃ .	Ⲡⲉϫⲏⲓ ⲛⲁϥ ϫⲉ ⲁ̀ⲛⲟⲕ ⲟⲩⲣⲉϥⲉⲣⲛⲟⲃⲓ ⲡⲁⲓ̀ⲱⲧ ⲉⲑⲟⲩⲁⲃ.	Pejyi naf je ànok ourefernovi paìōt eθouab.	I said, ‘I am a sinner, my holy father.’
142	ⲡⲉϫⲁϥ ⲛⲏⲓ ϫⲉⲙ̀ⲙⲟⲛ ⲁⲗⲗⲁ ⲛ̀ⲑⲟⲕ ⲟⲩⲕⲟⲩϫⲓ ⲛ̀ϩⲏⲧ .	Ⲡⲉϫⲁϥ ⲛⲏⲓ ϫⲉ ⲙ̀ⲙⲟⲛ ⲁⲗⲗⲁ ⲛ̀ⲑⲟⲕ ⲟⲩⲕⲟⲩϫⲓ ⲛ̀ϩⲏⲧ.	Pegaf nyi je m̀mon alla ǹθok oukouji ǹhyt.	He replied, ‘no, but your heart is not yet strong.’
143	ⲡⲉϫⲏⲓ ⲛⲁϥ ⲟⲛ ⲉⲓⲣⲓⲙⲓ ϫⲉⲡⲁⲓⲱⲧ ϯϯϩⲟ ⲉ̀ⲣⲟⲕ ⲙⲁⲣⲉⲡⲉⲕⲛⲁⲓ ⲧⲁϩⲟⲓ ⲛ̀ⲧⲁⲉⲣⲙⲡϣⲁ ⲛ̀ⲛⲁⲩ ⲉ̀ⲣⲟϥ ϩⲱ .	Ⲡⲉϫⲏⲓ ⲛⲁϥ ⲟⲛ ⲉⲓⲣⲓⲙⲓ ϫⲉ ⲡⲁⲓⲱⲧ ϯϯϩⲟ ⲉ̀ⲣⲟⲕ ⲙⲁⲣⲉ ⲡⲉⲕⲛⲁⲓ ⲧⲁϩⲟⲓ ⲛ̀ⲧⲁⲉⲣⲙⲡϣⲁ ⲛ̀ⲛⲁⲩ ⲉ̀ⲣⲟϥ ϩⲱ.	Pejyi naf on eirimi je paiōt titiho èrok mare peknai tahoi ǹtaermpṡa ǹnav èrof hō.	I said to him while crying, ‘Show me mercy, my father, so that I too may be worthy of seein him.’
144	ⲡⲉϫⲉⲡⲁⲓ̀ⲱⲧ ⲛⲏⲓ ϫⲉⲁⲕϣⲁⲛⲫⲟϩ ⲉ̀ⲁϫⲡⲋ̅ ⲛ̀ⲣⲁⲥϯ ⲁ̀ⲙⲟⲩ ⲉ̀ϧⲟⲩⲛ ⲭⲛⲁϫⲉⲙⲧ ⲉⲓϩⲉⲙⲥⲓ ⲉ̀ϧⲣⲏⲓ ⲛⲉⲙⲁϥ ⲁ̀ⲛⲁⲩ ⲙ̀ⲡⲉⲣⲥⲁϫⲓ ⲁⲛ ⲉ̀ⲡⲧⲏⲣϥ .	Ⲡⲉϫⲉⲡⲁⲓ̀ⲱⲧ ⲛⲏⲓ ϫⲉ ⲁⲕϣⲁⲛⲫⲟϩ ⲉ̀ⲁϫⲡ6 ⲛ̀ⲣⲁⲥϯ ⲁ̀ⲙⲟⲩ ⲉ̀ϧⲟⲩⲛ ⲭ̀ⲛⲁϫⲉⲙⲧ ⲉⲓϩⲉⲙⲥⲓ ⲉ̀ϧ̀ⲣⲏⲓ ⲛⲉⲙⲁϥ ⲁ̀ⲛⲁⲩ ⲙ̀ⲡⲉⲣⲥⲁϫⲓ ⲁⲛ ⲉ̀ⲡ̀ⲧⲏⲣϥ.	Pejepaìōt nyi je akṡanfoh èagp6 ǹrasti àmou èxoun k̀najemt eihemsi èx̀ryi nemaf ànav m̀persaji an èp̀tyrf.	My father responded, ‘If you come to me tomorrow at the sixth hour, you will find me again seated with him, look and don't speak at all.’
145	ⲁⲥϣⲱⲡⲓ ⲇⲉ ⲉ̀ⲡⲉϥⲣⲁⲥϯ ⲁⲓϣⲉ ⲕⲁⲧⲁⲡⲓⲟⲩⲁϩⲥⲁϩⲛⲓ ⲛ̀ⲧⲉⲡⲁⲓ̀ⲱⲧ ⲟⲩⲟϩ ⲁⲓⲕⲱⲗϩ ⲉ̀ϯⲁⲗⲁⲕ ⲕⲁⲧⲁϯⲕⲁϩⲥ ϫⲉⲉⲓⲛⲁϣⲉ ⲉ̀ϧⲟⲩⲛ ⲛ̀ⲧⲁϭⲓⲥⲙⲟⲩ ⲟⲩⲟϩ ⲛ̀ϯⲟⲩⲛⲟⲩ ⲁⲡϭ̅ⲥ̅ ⲉⲣⲁ̀ⲛⲁⲭⲱⲣⲓⲛ ⲛⲁϥ .	Ⲁⲥϣⲱⲡⲓ ⲇⲉ ⲉ̀ⲡⲉϥⲣⲁⲥϯ ⲁⲓϣⲉ ⲕⲁⲧⲁ ⲡⲓⲟⲩⲁϩⲥⲁϩⲛⲓ ⲛ̀ⲧⲉ ⲡⲁⲓ̀ⲱⲧ ⲟⲩⲟϩ ⲁⲓⲕⲱⲗϩ ⲉ̀ϯⲁⲗⲁⲕ ⲕⲁⲧⲁ ϯⲕⲁϩⲥ ϫⲉ ⲉⲓⲛⲁϣⲉ ⲉ̀ϧⲟⲩⲛ ⲛ̀ⲧⲁϭⲓⲥⲙⲟⲩ ⲟⲩⲟϩ ⲛ̀ϯⲟⲩⲛⲟⲩ ⲁ ⲡ̀ϭⲟⲓⲥ ⲉⲣⲁ̀ⲛⲁⲭⲱⲣⲓⲛ ⲛⲁϥ.	Asṡōpi ḋe èpefrasti aiṡe kata piouahsahni ǹte paìōt ouoh aikōlh ètialak kata tikahs je einaṡe èxoun ǹtaċismou ouoh ǹtiounou a p̀ċois erànaxōrin naf.	The next day, following his instructions, I entered at the appointed time and knocked according to the custom so I might enter and receive a blessing, and the moment I entered, the Lord withdrew.
146	ⲁ̀ⲛⲟⲕ ⲇⲉ ⲁⲓⲣⲓⲙⲓ ϫⲉⲡⲁⲛⲧⲱⲥ ϯⲙⲡϣⲁ ⲁⲛ ⲛ̀ⲛⲁⲩ ⲉ̀ⲡϭ̅ⲥ̅ ϧⲉⲛϯⲥⲁⲣⲝ .	Ⲁ̀ⲛⲟⲕ ⲇⲉ ⲁⲓⲣⲓⲙⲓ ϫⲉ ⲡⲁⲛⲧⲱⲥ ϯⲙ̀ⲡ̀ϣⲁ ⲁⲛ ⲛ̀ⲛⲁⲩ ⲉ̀ⲡ̀ϭⲟⲓⲥ ϧⲉⲛ ϯⲥⲁⲣⲝ.	Ànok ḋe airimi je pantōs tim̀p̀ṡa an ǹnav èp̀ċois xen tisarks.	I wept and said, ‘I am not worthy to behold the Lord in his body.’
147	ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲏⲓ ϫⲉϥⲛⲁⲑⲱⲧ ⲙ̀ⲡⲉⲕϩⲏⲧ ⲡⲁϣⲏⲣⲓ ⲃⲏⲥⲁ ⲛ̀ⲧⲉϥⲑⲣⲉⲕⲥⲱⲧⲉⲙ ⲉ̀ⲧⲉϥⲥⲙⲏ ⲉⲧϩⲟⲗϫ .	Ⲡⲁⲓ̀ⲱⲧ ⲇⲉ ⲡⲉϫⲁϥ ⲛⲏⲓ ϫⲉ ϥ̀ⲛⲁⲑⲱⲧ ⲛ̀ⲡⲉⲕϩⲏⲧ ⲡⲁϣⲏⲣⲓ ⲃⲏⲥⲁ ⲛ̀ⲧⲉϥⲑⲣⲉⲕⲥⲱⲧⲉⲙ ⲉ̀ⲧⲉϥⲥ̀ⲙⲏ ⲉⲧϩⲟⲗϫ.	Paìōt ḋe pegaf nyi je f̀naθōt ǹpek·hyt paṡyri bysa ǹtefθrek·sōtem ètefs̀my et·holg.	My father consoled me, saying, ‘He will bring peace to your heart, Besa, my child, and you will come to know his sweet voice.’
148	ⲟⲩⲟϩ ⲡⲁⲣⲁⲡⲁⲙⲡϣⲁ ⲁⲓⲥⲱⲧⲉⲙ ⲉ̀ⲣⲟϥ ⲉϥⲥⲁϫⲓ ⲛⲉⲙⲡⲁⲓ̀ⲱⲧ ⲛ̀ⲟⲩⲥⲟⲡ ⲟⲩⲟϩ ⲁⲓϣⲱⲡⲓ ⲉⲓϣⲉⲡϩⲙⲟⲧ ⲛ̀ⲧⲟⲧϥ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉⲡⲁⲱⲛϧ .	Ⲟⲩⲟϩ ⲡⲁⲣⲁⲡⲁⲙ̀ⲡ̀ϣⲁ ⲁⲓⲥⲱⲧⲉⲙ ⲉ̀ⲣⲟϥ ⲉϥⲥⲁϫⲓ ⲛⲉⲙ ⲡⲁⲓ̀ⲱⲧ ⲛ̀ⲟⲩⲥⲟⲡ ⲟⲩⲟϩ ⲁⲓϣⲱⲡⲓ ⲉⲓϣⲉⲡϩⲙⲟⲧ ⲛ̀ⲧⲟⲧϥ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲡⲁⲱⲛϧ.	Ouoh parapam̀p̀ṡa aisōtem èrof efsaji nem paìōt ǹousop ouoh aiṡōpi eiṡephmot ǹtotf ǹnièhoou tyrou ǹte paōnx.	And on that occasion—though I did not merit it—I heard him conversing with my father, and from that moment, I have given thanks for it all the days of my life.

Provenance

title: Life of Shenoute - part 1
dialect: bohairic
source: Coptic SCRIPTORIUM corpus "bohairic-life-shenoute", document bohairic.life.shenoute_01
licence: CC-BY 4.0
share: attribution
attribution: Life of Shenoute - part 1 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_01, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
file: Hagiography/Life of Shenoute (Bohairic)/bohairic.life.shenoute_01.bohairic.scriptorium.L0.txt
title: Life of Shenoute - part 1 — Cairene
dialect: bohairic
source: generated from bohairic.life.shenoute_01.bohairic.scriptorium.L0.txt (Coptic SCRIPTORIUM corpus "bohairic-life-shenoute", document bohairic.life.shenoute_01)
licence: CC BY-SA 4.0
share: attribution
attribution: Life of Shenoute - part 1 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_01, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Hagiography/Life of Shenoute (Bohairic)/bohairic.life.shenoute_01.bohairic.scriptorium.L1.txt
title: Life of Shenoute - part 1 — Kemetic
dialect: bohairic
source: generated from bohairic.life.shenoute_01.bohairic.scriptorium.L1.txt
licence: CC BY-SA 4.0
share: attribution
attribution: Life of Shenoute - part 1 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_01, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Hagiography/Life of Shenoute (Bohairic)/bohairic.life.shenoute_01.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 148 quoted · 0 quoted with the alignment not cross-checked · 0 model drafts (marked “draft”)
quoted from: Amir Zeldes — aligned in Coptic SCRIPTORIUM bohairic-life-shenoute, bohairic.life.shenoute_01 (148 lines)

Cite as:

Life of Shenoute - part 1. Coptic SCRIPTORIUM corpus "bohairic-life-shenoute", document bohairic.life.shenoute_01. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/life-of-shenoute-bohairic/bohairic.life.shenoute-01.bohairic.scriptorium/. Life of Shenoute - part 1 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_01, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.