Life of Shenoute - part 3 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic-life-shenoute", document bohairic.life.shenoute_03

Attribution: Life of Shenoute - part 3 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_03, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

105 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	ⲡⲟⲩⲣⲟ ⲇⲉ ⲁϥϥⲟϫϥ ⲉ̀ⲡϣⲱⲓ ⲁϥⲥⲁϫⲓ ⲛⲉⲙⲡⲁⲓⲱⲧ ⲉϥϫⲱ ⲙ̀ⲙⲟⲥ ϫⲉⲛ̀ⲑⲟⲕ ⲟⲩ ⲙ̀ⲡⲁⲓⲣⲏϯ ⲉⲑⲃⲉϫⲉ ϯϣⲟⲡ ϧⲉⲛⲟⲩⲛⲓϣϯ ⲛ̀ϣⲑⲟⲣⲧⲉⲣ ; ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲁ̀ⲛⲟⲕ ⲡⲉ ϣⲉⲛⲟⲩϯ ⲡⲓⲙⲟⲛⲁⲭⲟⲥ ⲉⲧⲁⲕⲟⲩⲱⲣⲡ ⲛ̀ⲥⲱϥ .	ⲡ̀ⲟⲩⲣⲟ ⲇⲉ ⲁϥϥⲟϫϥ ⲉ̀ⲡ̀ϣⲱⲓ ⲁϥⲥⲁϫⲓ ⲛⲉⲙ ⲡⲁⲓⲱⲧ ⲉϥϫⲱ ⲙ̀ⲙⲟⲥ ϫⲉ ⲛ̀ⲑⲟⲕ ⲟⲩ ⲛ̀ⲡⲁⲓⲣⲏϯ ⲉⲑⲃⲉ ϫⲉ ϯϣⲟⲡ ϧⲉⲛ ⲟⲩⲛⲓϣϯ ⲛ̀ϣ̀ⲑⲟⲣⲧⲉⲣ ; ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉ ⲁ̀ⲛⲟⲕ ⲡⲉ ϣⲉⲛⲟⲩϯ ⲡⲓⲙⲟⲛⲁⲭⲟⲥ ⲉⲧⲁⲭⲟⲩⲱⲣⲡ ⲛ̀ⲥⲱϥ.	p̀ouro ḋe affogf èp̀ṡōi afsaji nem paiōt efgō m̀mos je ǹθok ou ǹpairyti eθve je tiṡop xen ouniṡti ǹṡ̀θorter ; pejepaiōt apa ṡenouti naf je ànok pe ṡenouti pimonaxos etakouōrp ǹsōf.	draft · highThe emperor sprang up and spoke with my father, saying: 'Who are you, thus? For I am in great alarm.' My father Apa Shenoute said to him: 'I am Shenoute, the monk whom you sent for.
2	ⲉⲕⲉⲣⲟⲩ ⲛ̀ⲟⲩⲣⲉϥⲉⲣⲛⲟⲃⲓ ⲉⲧⲉⲁ̀ⲛⲟⲕ ⲡⲉ ϫⲉⲉⲕⲉ̀ϯϩⲓⲥⲓ ⲛ̀ⲛⲉⲕⲙⲁⲧⲟⲓ ⲛ̀ⲥⲉⲉⲓ ⲛ̀ⲥⲱⲓ ⲁ̀ⲛⲟⲕ ⲟⲩϫⲱⲃ ⲙ̀ⲙⲟⲛⲁⲭⲟⲥ ;	Ⲉⲕⲉⲣⲟⲩ ⲛ̀ⲟⲩⲣⲉϥⲉⲣⲛⲟⲃⲓ ⲉ̀ⲧⲉ ⲁ̀ⲛⲟⲕ ⲡⲉ ϫⲉ ⲉⲕⲉ̀ϯϩⲓⲥⲓ ⲛ̀ⲛⲉⲕⲙⲁⲧⲟⲓ ⲛ̀ⲧⲟⲩⲓ ⲛ̀ⲥⲱⲓ ⲁ̀ⲛⲟⲕ ⲟⲩϫⲱⲃ ⲛ̀ⲙⲟⲛⲁⲭⲟⲥ ;	Ekerou ǹourefernovi ète ànok pe je ekètihisi ǹnekmatoi ǹtoui ǹsōi ànok ougōb ǹmonaxos ;	draft · highWhat do you want with a sinner, which is what I am, that you should trouble your soldiers to come after me, a feeble monk?'
3	ⲡⲉϫⲉⲡⲟⲩⲣⲟ ⲛⲁϥ ϫⲉⲉⲧⲁⲕⲓ̀ ⲉⲙⲛⲁⲓ ⲛ̀ⲁϣ ⲛ̀ⲣⲏϯ ⲡⲁⲓⲱⲧ ⲉⲑⲟⲩⲁⲃ ⲟⲩⲟϩ ⲓⲥ ⲟⲩⲏⲣ ⲛ̀ⲉϩⲟⲟⲩ ⲕϩⲓⲡⲓⲙⲱⲓⲧ ;	ⲡⲉϫⲉⲡ̀ⲟⲩⲣⲟ ⲛⲁϥ ϫⲉ ⲉ̀ⲧⲁⲕⲓ̀ ⲉ̀ⲙ̀ⲛⲁⲓ ⲛ̀ⲁϣ ⲛ̀ⲣⲏϯ ⲡⲁⲓⲱⲧ ⲉⲑⲟⲩⲁⲃ ⲟⲩⲟϩ ⲓⲥ ⲟⲩⲏⲣ ⲛ̀ⲉ̀ϩⲟⲟⲩ ⲕ̀ϩⲓⲡⲓⲙⲱⲓⲧ ;	pejep̀ouro naf je ètakì èm̀nai ǹaṡ ǹryti paiōt eθouab ouoh is ouyr ǹèhoou k̀·hipimōit ;	draft · highThe emperor said to him: 'How did you come here, holy father, when behold, the road is so many days long?'
4	ⲡⲉϫⲉⲡⲁⲓⲱⲧ ⲙ̀ⲡⲟⲩⲣⲟ ϫⲉⲡⲭ̅ⲥ̅ ⲓⲏ̅ⲥ̅ ⲡϣⲏⲣⲓ ⲙ̀ⲫϯ ⲉⲧⲟⲛϧ ⲫⲏ ⲉⲧⲉⲛⲛⲁϩϯ ⲉ̀ⲣⲟϥ ⲛⲉⲙⲡⲉϥⲓⲱⲧ ⲛ̀ⲁⲅⲁⲑⲟⲥ ⲛⲉⲙⲡⲓⲡⲛ̅ⲁ̅ ⲉⲑⲟⲩⲁⲃ ⲛ̀ⲑⲟϥ ⲡⲉ ⲉⲧⲁϥⲉⲛⲧ ϣⲁⲣⲟⲕ ⲉⲡⲁⲓⲙⲁ ϫⲉⲉⲓⲉ̀ⲉⲣⲡⲗⲏⲣⲟⲫⲟⲣⲓⲛ ⲙ̀ⲙⲟⲕ ϧⲉⲛⲫⲏ ⲉⲧⲉⲕⲙⲉⲩⲓ̀ ⲉ̀ⲣⲟϥ ⲟⲩⲟϩ ⲉⲑⲣⲉⲕⲉⲙⲓ ⲛⲁⲕ ϫⲉⲁⲓⲉⲣϯⲥⲩⲛⲁⲝⲓⲥ ⲛⲉⲙⲛⲓⲥⲛⲏⲟⲩ ⲛ̀ⲣⲟⲩϩⲓ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲙ̀ⲡⲁϯⲓ̀ ϣⲁⲣⲟⲕ ⲉ̀ⲡⲁⲓⲙⲁ .	ⲡⲉϫⲉⲡⲁⲓⲱⲧ ⲛ̀ⲡ̀ⲟⲩⲣⲟ ϫⲉ ⲡⲓⲭ̀ⲣⲓⲥⲧⲟⲥ ⲓⲏⲥⲟⲩⲥ ⲡ̀ϣⲏⲣⲓ ⲛ̀ⲫ̀ⲛⲟⲩϯ ⲉⲧⲟⲛϧ ⲫⲏ ⲉⲧⲉⲛⲛⲁϩϯ ⲉ̀ⲣⲟϥ ⲛⲉⲙ ⲡⲉϥⲓⲱⲧ ⲛ̀ⲁ̀ⲅⲁⲑⲟⲥ ⲛⲉⲙ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲛ̀ⲑⲟϥ ⲡⲉ ⲉⲧⲁϥⲉⲛⲧ ϣⲁⲣⲟⲕ ⲉ̀ⲡⲁⲓⲙⲁ ϫⲉ ⲉⲓⲉ̀ⲉⲣⲡⲗⲏⲣⲟⲫⲟⲣⲓⲛ ⲙ̀ⲙⲟⲕ ϧⲉⲛ ⲫⲏ ⲉ̀ⲧⲉ ⲭ̀ⲙⲉⲩⲓ̀ ⲉ̀ⲣⲟϥ ⲟⲩⲟϩ ⲉ̀ⲑⲣⲉⲕⲉⲙⲓ ⲛⲁⲕ ϫⲉ ⲁⲓⲉⲣϯⲥⲩⲛⲁⲝⲓⲥ ⲛⲉⲙ ⲛⲓⲥ̀ⲛⲏⲟⲩ ⲛ̀ⲣⲟⲩϩⲓ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲙ̀ⲡⲁϯⲓ̀ ϣⲁⲣⲟⲕ ⲉ̀ⲡⲁⲓⲙⲁ.	pejepaiōt ǹp̀ouro je pix̀ristos iysous p̀ṡyri ǹf̀nouti etonx fy etennahti èrof nem pefiōt ǹàġaθos nem pip̀nevma eθouab ǹθof pe etafent ṡarok èpaima je eièerplyroforin m̀mok xen fy ète k̀mevì èrof ouoh èθrekemi nak je aiertisinaksis nem nis̀nyou ǹrouhi xen pimonastyrion m̀patiì ṡarok èpaima.	draft · highMy father said to the emperor: 'Christ Jesus, the Son of the living God, in whom we believe, with his good Father and the Holy Spirit, he is the one who brought me here to you, so that I may assure you of what you think concerning him, and that you may know that I held the synaxis with the brothers in the evening in the monastery before I came here to you.'
5	ⲡⲉϫⲉⲡⲟⲩⲣⲟ ⲛⲁϥ ϫⲉⲡⲁⲓⲱⲧ ⲉⲑⲟⲩⲁⲃ ⲉⲧⲁⲕⲭⲁⲡⲓⲃⲉⲣⲉⲧⲁⲣⲓⲟⲥ ⲛ̀ⲑⲱⲛ ⲛⲉⲙⲛⲓⲙⲁⲧⲟⲓ ⲉⲧⲁⲓⲟⲩⲟⲣⲡⲟⲩ ⲛⲉⲙⲁϥ ;	Ⲡⲉϫⲉⲡ̀ⲟⲩⲣⲟ ⲛⲁϥ ϫⲉ ⲡⲁⲓⲱⲧ ⲉⲑⲟⲩⲁⲃ ⲉⲧⲁⲕⲭⲁⲡⲓⲃⲉⲣⲉⲧⲁⲣⲓⲟⲥ ⲛ̀ⲑⲱⲛ ⲛⲉⲙ ⲛⲓⲙⲁⲧⲟⲓ ⲉⲧⲁⲓⲟⲩⲟⲣⲡⲟⲩ ⲛⲉⲙⲁϥ ;	Pejep̀ouro naf je paiōt eθouab etakkapiveretarios ǹθōn nem nimatoi etaiouorpou nemaf ;	draft · highThe emperor said to him: 'Holy father, where did you leave the courier and the soldiers whom I sent with him?'
6	ⲁϥⲉⲣⲟⲩⲱ ⲛ̀ϫⲉⲡⲁⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲡⲉϫⲁϥ ⲙ̀ⲡⲟⲩⲣⲟ ϫⲉⲁⲓⲭⲁⲩ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲉⲩⲛ̀ⲕⲟⲧ . ⲡⲉϫⲉⲡⲟⲩⲣⲟ ϧⲉⲛⲟⲩⲛⲓϣϯ ⲛ̀ⲛⲁϩϯ ϫⲉϧⲁⲧϩⲏ ⲙⲉⲛ ⲙ̀ⲫⲟⲟⲩ ⲛⲁⲓⲥⲱⲧⲉⲙ ⲡⲉ ϧⲉⲛⲛⲁⲙⲁϣϫ ,	ⲁϥⲉⲣⲟⲩⲱ ⲛ̀ϫⲉ ⲡⲁⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲡⲉϫⲁϥ ⲛ̀ⲡ̀ⲟⲩⲣⲟ ϫⲉ ⲁⲓⲭⲁⲩ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲉⲩⲛ̀ⲕⲟⲧ. Ⲡⲉϫⲉⲡ̀ⲟⲩⲣⲟ ϧⲉⲛ ⲟⲩⲛⲓϣϯ ⲛ̀ⲛⲁϩϯ ϫⲉ ϧⲁⲧ̀ϩⲏ ⲙⲉⲛ ⲛ̀ⲫⲟⲟⲩ ⲛⲁⲓⲥⲱⲧⲉⲙ ⲡⲉ ϧⲉⲛ ⲛⲁⲙⲁϣϫ,	aferouō ǹje paiōt eθouab apa ṡenouti pegaf ǹp̀ouro je aikav xen pimonastyrion evǹkot. Pejep̀ouro xen ouniṡti ǹnahti je xat̀·hy men ǹfoou naisōtem pe xen namaṡg,	draft · highThe holy father Apa Shenoute answered and said to the emperor: 'I left them in the monastery, asleep.' The emperor said with great faith: 'Before today I used to hear with my ears,
7	ⲙ̀ⲫⲟⲟⲩ ⲇⲉ ⲁⲓⲛⲁⲩ ⲛ̀ϩⲟ ⲟⲩⲃⲉϩⲟ ⲉ̀ⲛⲓϣⲫⲏⲣⲓ ⲛ̀ⲧⲉⲧⲉⲕⲙⲉⲧⲓⲱⲧ ⲉⲑⲟⲩⲁⲃ ⲟⲩⲟϩ ⲉⲧⲥⲙⲁⲙⲁⲧ .	ⲛ̀ⲫⲟⲟⲩ ⲇⲉ ⲁⲓⲛⲁⲩ ⲛ̀ϩⲟ ⲟⲩⲃⲉϩⲟ ⲉ̀ⲛⲓϣ̀ⲫⲏⲣⲓ ⲛ̀ⲧⲉ ⲧⲉⲕⲙⲉⲧⲓⲱⲧ ⲉⲑⲟⲩⲁⲃ ⲟⲩⲟϩ ⲉⲧⲥⲙⲁⲙⲁⲧ.	ǹfoou ḋe ainav ǹho ouveho èniṡ̀fyri ǹte tekmetiōt eθouab ouoh etsmamat.	draft · highbut today I have seen face to face the wonders of your holy and blessed fatherhood.'
8	ⲡⲉϫⲉⲡⲁⲓⲱⲧ ⲛⲁϥ ⲟⲛ ϫⲉⲟⲩⲟϩ ⲟⲩⲧⲉϯⲗⲱⲓϫⲓ ⲉⲧⲁⲕⲟⲩⲱⲣⲡ ⲛ̀ⲥⲱⲓ ⲉⲑⲃⲏⲧⲥ ; ⲡⲉϫⲉⲡⲟⲩⲣⲟ ⲛⲁϥ ϫⲉⲉⲧⲁⲓⲟⲩⲱⲣⲡ ⲛ̀ⲥⲁⲧⲉⲕⲁⲅⲓⲱⲥⲩⲛⲏ ⲉⲓⲟⲩⲱϣ ⲁ̀ⲛⲟⲕ ⲛⲉⲙⲡⲓⲡⲁⲗⲗⲁⲧⲓⲟⲛ ⲛⲉⲙϯⲡⲟⲗⲓⲥ ⲧⲏⲣⲥ ⲉⲑⲣⲉⲛⲉⲣⲁⲡⲟⲗⲁⲩⲓⲛ ⲙ̀ⲡⲉⲕⲥⲙⲟⲩ ⲉⲑⲟⲩⲁⲃ ⲛⲉⲙⲛⲉⲕϣⲗⲏⲗ ⲉⲧⲥⲙⲁⲣⲱⲟⲩⲧ . ⲡⲉϫⲉⲡⲁⲓⲱⲧ ⲛⲁϥ ϫⲉⲉⲣⲉⲡϭ̅ⲥ̅ ⲓⲏ̅ⲥ̅ ⲡⲭ̅ⲥ̅ ⲥⲙⲟⲩ ⲉ̀ⲣⲟⲕ ⲱ ⲡⲟⲩⲣⲟ ⲙ̀ⲙⲁⲓⲛⲟⲩϯ ⲛⲉⲙⲧⲉⲕⲡⲟⲗⲓⲥ ⲧⲏⲣⲥ ⲟⲩⲟϩ ⲛ̀ⲧⲉϥⲧⲁϫⲣⲟⲡⲉⲕⲑⲣⲟⲛⲟⲥ ⲙ̀ⲫⲣⲏϯ ⲙ̀ⲫⲁⲛⲉⲕⲓⲟϯ ⲉⲑⲟⲩⲁⲃ ⲁⲣⲕⲁⲇⲓⲟⲥ ⲛⲉⲙⲟⲛⲛⲟⲩⲣⲓⲟⲥ ⲟⲩⲟϩ ⲛ̀ⲧⲉϥϫⲉⲕ ⲑⲏⲛⲟⲩ ⲉ̀ⲃⲟⲗ ϧⲉⲛⲫⲛⲁϩϯ ⲛ̀ⲛⲉⲧⲉⲛⲓⲟϯ ⲉⲣⲉⲧⲉⲛⲧⲁϫⲣⲏⲟⲩⲧ ⲛ̀ϧⲏⲧϥ ⲟⲩⲟϩ ⲉⲣⲉⲧⲉⲛⲁ̀ⲣⲉϩ ⲉ̀ⲛⲓⲛⲧⲟⲗⲏ ⲛⲉⲙⲫⲛⲁϩϯ ⲛ̀ⲛⲉⲛⲓⲟϯ ⲛ̀ⲁⲡⲟⲥⲧⲟⲗⲟⲥ .	Ⲡⲉϫⲉⲡⲁⲓⲱⲧ ⲛⲁϥ ⲟⲛ ϫⲉ ⲟⲩⲟϩ ⲟⲩⲧⲉϯⲗⲱⲓϫⲓ ⲉⲧⲁⲭⲟⲩⲱⲣⲡ ⲛ̀ⲥⲱⲓ ⲉⲑⲃⲏⲧⲥ ; ⲡⲉϫⲉⲡ̀ⲟⲩⲣⲟ ⲛⲁϥ ϫⲉ ⲉ̀ⲧⲁⲓⲟⲩⲱⲣⲡ ⲛ̀ⲥⲁ ⲧⲉⲕⲁⲅⲓⲱⲥⲩⲛⲏ ⲉⲓⲟⲩⲱϣ ⲁ̀ⲛⲟⲕ ⲛⲉⲙ ⲡⲓⲡⲁⲗⲗⲁⲧⲓⲟⲛ ⲛⲉⲙ ϯⲡⲟⲗⲓⲥ ⲧⲏⲣⲥ ⲉ̀ⲑⲣⲉⲛⲉⲣⲁⲡⲟⲗⲁⲩⲓⲛ ⲛ̀ⲡⲉⲕⲥ̀ⲙⲟⲩ ⲉⲑⲟⲩⲁⲃ ⲛⲉⲙ ⲛⲉⲕϣ̀ⲗⲏⲗ ⲉⲧⲥ̀ⲙⲁⲣⲱⲟⲩⲧ. Ⲡⲉϫⲉⲡⲁⲓⲱⲧ ⲛⲁϥ ϫⲉ ⲉ̀ⲣⲉ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲥ̀ⲙⲟⲩ ⲉ̀ⲣⲟⲕ ⲱ̀ ⲡ̀ⲟⲩⲣⲟ ⲛ̀ⲙⲁⲓⲛⲟⲩϯ ⲛⲉⲙ ⲧⲉⲕⲡⲟⲗⲓⲥ ⲧⲏⲣⲥ ⲟⲩⲟϩ ⲛ̀ⲧⲉϥⲧⲁϫⲣⲟⲡⲉⲕⲑ̀ⲣⲟⲛⲟⲥ ⲛ̀ⲫ̀ⲣⲏϯ ⲛ̀ⲫⲁⲛⲉⲕⲓⲟϯ ⲉⲑⲟⲩⲁⲃ ⲁⲣⲕⲁⲇⲓⲟⲥ ⲛⲉⲙ ⲟⲛⲛⲟⲩⲣⲓⲟⲥ ⲟⲩⲟϩ ⲛ̀ⲧⲉϥϫⲉⲕ ⲑⲏⲛⲟⲩ ⲉ̀ⲃⲟⲗ ϧⲉⲛ ⲫ̀ⲛⲁϩϯ ⲛ̀ⲛⲉⲧⲉⲛⲓⲟϯ ⲉ̀ⲣⲉⲧⲉⲛⲧⲁϫⲣⲏⲟⲩⲧ ⲛ̀ϧⲏⲧϥ ⲟⲩⲟϩ ⲉ̀ⲣⲉⲧⲉⲛⲁ̀ⲣⲉϩ ⲉ̀ⲛⲓⲛ̀ⲧⲟⲗⲏ ⲛⲉⲙ ⲫ̀ⲛⲁϩϯ ⲛ̀ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ.	Pejepaiōt naf on je ouoh outetilōiji etakouōrp ǹsōi eθvyts ; pejep̀ouro naf je ètaiouōrp ǹsa tekagiōsiny eiouōṡ ànok nem pipallation nem tipolis tyrs èθrenerapolavin ǹpek·s̀mou eθouab nem nekṡ̀lyl ets̀marōout. Pejepaiōt naf je ère p̀ċois iysous pix̀ristos s̀mou èrok ṑ p̀ouro ǹmainouti nem tekpolis tyrs ouoh ǹteftagropekθ̀ronos ǹf̀ryti ǹfanekioti eθouab arkadios nem onnourios ouoh ǹtefjek θynou èvol xen f̀nahti ǹnetenioti èretentagryout ǹxytf ouoh èretenàreh èniǹtoly nem f̀nahti ǹnenioti ǹàpostolos.	draft · highMy father said to him again: 'And why did you send for me?' The emperor said to him: 'I sent for your holiness because I wished, I with the palace and the whole city, that we might enjoy your holy blessing and your blessed prayers.' My father said to him: 'May the Lord Jesus Christ bless you, O God-loving emperor, and your whole city, and establish your throne like that of your holy fathers Arcadius and Honorius, and perfect you in the faith of your fathers, you being established in it and keeping the commandments and the faith of our fathers the apostles.'
9	ⲡⲉϫⲉⲡⲟⲩⲣⲟ ⲙ̀ⲡⲁⲓⲱⲧ ϫⲉⲟϩⲓ ⲛⲉⲙⲁⲛ ⲛ̀ϩⲁⲛⲕⲟⲩϫⲓ ⲛ̀ⲉϩⲟⲟⲩ ⲡⲁⲓⲱⲧ ⲉⲑⲟⲩⲁⲃ ϩⲓⲛⲁ ⲛ̀ⲧⲉⲛⲥⲓ ⲙ̀ⲙⲟⲕ . ⲡⲉϫⲉⲡⲁⲓⲱⲧ ⲛⲁϥ ϫⲉϯⲉⲣⲛ̀ⲭⲣⲓⲁ ⲛ̀ϣⲉ ⲛⲏⲓ ,	Ⲡⲉϫⲉⲡ̀ⲟⲩⲣⲟ ⲛ̀ⲡⲁⲓⲱⲧ ϫⲉ ⲟ̀ϩⲓ ⲛⲉⲙⲁⲛ ⲛ̀ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ ⲡⲁⲓⲱⲧ ⲉⲑⲟⲩⲁⲃ ϩⲓⲛⲁ ⲛ̀ⲧⲉⲛⲥⲓ ⲙ̀ⲙⲟⲕ. Ⲡⲉϫⲉⲡⲁⲓⲱⲧ ⲛⲁϥ ϫⲉ ϯⲉⲣⲛ̀ⲭⲣⲓⲁ ⲛ̀ϣⲉ ⲛⲏⲓ,	Pejep̀ouro ǹpaiōt je òhi neman ǹhankouji ǹèhoou paiōt eθouab hina ǹtensi m̀mok. Pejepaiōt naf je tierǹxria ǹṡe nyi,	draft · highThe emperor said to my father: 'Stay with us a few days, holy father, that we may have our fill of you.' My father said to him: 'I need to go.
10	ⲁⲣⲓϯⲁⲅⲁⲡⲏ ⲥϧⲁⲓ ⲛ̀ⲟⲩⲉⲡⲓⲥⲧⲟⲗⲏ ϧⲉⲛⲡⲉⲕⲣⲁⲛ ⲛ̀ⲧⲁⲧⲏⲓⲥ ⲙ̀ⲡⲓⲃⲉⲣⲉⲧⲁⲣⲓⲟⲥ ϫⲉⲛ̀ⲛⲉϥⲟⲩⲁϩⲧⲟⲧϥ ⲉ̀ϯϩⲓⲥⲓ ⲛⲏⲓ , ⲉ̀ⲉⲛⲧ ⲉ̀ⲣⲁⲧⲕ ⲛ̀ⲕⲉⲥⲟⲡ ⲁⲗⲗⲁ ⲛ̀ⲧⲉϥⲧⲁⲥⲑⲟϥ ϩⲁⲣⲟⲕ ϧⲉⲛⲟⲩϩⲓⲣⲏⲛⲏ ⲛⲉⲙⲛⲏ ⲉⲑⲛⲉⲙⲁϥ .	ⲁ̀ⲣⲓϯⲁ̀ⲅⲁⲡⲏ ⲥ̀ϧⲁⲓ ⲛ̀ⲟⲩⲉⲡⲓⲥⲧⲟⲗⲏ ϧⲉⲛ ⲡⲉⲕⲣⲁⲛ ⲛ̀ⲧⲁⲧⲏⲓⲥ ⲛ̀ⲡⲓⲃⲉⲣⲉⲧⲁⲣⲓⲟⲥ ϫⲉ ⲛ̀ⲛⲉϥⲟⲩⲁϩⲧⲟⲧϥ ⲉ̀ϯϩⲓⲥⲓ ⲛⲏⲓ, ⲉ̀ⲉⲛⲧ ⲉ̀ⲣⲁⲧⲕ ⲛ̀ⲕⲉⲥⲟⲡ ⲁⲗⲗⲁ ⲛ̀ⲧⲉϥⲧⲁⲥⲑⲟϥ ϩⲁⲣⲟⲕ ϧⲉⲛ ⲟⲩϩⲓⲣⲏⲛⲏ ⲛⲉⲙ ⲛⲏ ⲉⲑⲛⲉⲙⲁϥ.	àritiàġapy s̀xai ǹouepistoly xen pekran ǹtatyis ǹpiberetarios je ǹnefouahtotf ètihisi nyi, èent èratk ǹkesop alla ǹteftasθof harok xen ouhiryny nem ny eθnemaf.	draft · highDo me a kindness: write a letter in your name that I may give to the courier, so that he does not go on troubling me to bring me to you again, but returns to you in peace with those who are with him.'
11	ⲧⲟⲧⲉ ⲡⲟⲩⲣⲟ ⲑⲉⲟⲇⲟⲥⲓⲟⲥ ⲁϥⲥϧⲁⲓ ⲛ̀ⲟⲩⲉⲡⲓⲥⲧⲟⲗⲏ ⲙ̀ⲡⲁⲓⲣⲏϯ ϫⲉⲁ̀ⲛⲟⲕ ⲡⲉ ⲡⲟⲩⲣⲟ ⲑⲉⲟⲇⲟⲥⲓⲟⲥ ⲉⲓⲥϧⲁⲓ ⲛ̀ⲉⲩⲇⲟⲝⲓⲟⲥ ⲡⲓⲃⲉⲣⲉⲧⲁⲣⲓⲟⲥ ϫⲉϧⲉⲛϯⲟⲩⲛⲟⲩ ⲉⲧⲉⲕⲛⲁϭⲓ ⲛ̀ⲛⲁⲓⲥϧⲁⲓ ⲛ̀ⲧⲟⲧϥ ⲙ̀ⲡⲉⲛⲓⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲡⲓⲙⲟⲛⲁⲭⲟⲥ ⲟⲩⲟϩ ⲡⲓⲁⲣⲭⲏⲙⲁⲛⲇⲣⲓⲧⲏⲥ ⲫⲁⲓ ⲉⲧⲁϥⲓ̀ ϣⲁⲣⲟⲓ ⲙ̀ⲡⲁⲓⲉϫⲱⲣϩ ⲛ̀ϧⲟⲩⲛ ⲉ̀ⲡⲓⲙⲁ ⲉ̀ϯⲉⲛⲕⲟⲧ ⲛ̀ϧⲏⲧϥ	Ⲧⲟⲧⲉ ⲡ̀ⲟⲩⲣⲟ ⲑⲉⲟⲇⲟⲥⲓⲟⲥ ⲁϥⲥ̀ϧⲁⲓ ⲛ̀ⲟⲩⲉⲡⲓⲥⲧⲟⲗⲏ ⲛ̀ⲡⲁⲓⲣⲏϯ ϫⲉ ⲁ̀ⲛⲟⲕ ⲡⲉ ⲡ̀ⲟⲩⲣⲟ ⲑⲉⲟⲇⲟⲥⲓⲟⲥ ⲉⲓⲥ̀ϧⲁⲓ ⲛ̀ⲉⲩⲇⲟⲝⲓⲟⲥ ⲡⲓⲃⲉⲣⲉⲧⲁⲣⲓⲟⲥ ϫⲉ ϧⲉⲛ ϯⲟⲩⲛⲟⲩ ⲉ̀ⲧⲉ ⲭ̀ⲛⲁϭⲓ ⲛ̀ⲛⲁⲓⲥ̀ϧⲁⲓ ⲛ̀ⲧⲟⲧϥ ⲛ̀ⲡⲉⲛⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲓⲡ̀ⲣⲉⲥⲃⲩⲧⲉⲣⲟⲥ ⲟⲩⲟϩ ⲡⲓⲙⲟⲛⲁⲭⲟⲥ ⲟⲩⲟϩ ⲡⲓⲁⲣⲭⲓⲙⲁⲛⲇ̀ⲣⲓⲧⲏⲥ ⲫⲁⲓ ⲉ̀ⲧⲁϥⲓ̀ ϣⲁⲣⲟⲓ ⲛ̀ⲡⲁⲓⲉ̀ϫⲱⲣϩ ⲛ̀ϧⲟⲩⲛ ⲉ̀ⲡⲓⲙⲁ ⲉ̀ⲓⲉⲛⲕⲟⲧ ⲛ̀ϧⲏⲧϥ	Tote p̀ouro θeodosios afs̀xai ǹouepistoly ǹpairyti je ànok pe p̀ouro θeodosios eis̀xai ǹevdoksios piberetarios je xen tiounou ète k̀naċi ǹnais̀xai ǹtotf ǹpeniōt ǹp̀rofytys apa ṡenouti pip̀resbiteros ouoh pimonaxos ouoh piarṡimanḋ̀ritys fai ètafì ṡaroi ǹpaiègōrh ǹxoun èpima èienkot ǹxytf	draft · highThen the emperor Theodosius wrote a letter thus: 'I am the emperor Theodosius, writing to Eudoxios the courier: at the hour when you receive these letters from the hand of our father the prophet Apa Shenoute, the presbyter, monk and archimandrite, who came to me this night into the place where I sleep
12	ⲛ̀ⲁϣ ⲇⲉ ⲛ̀ⲣⲏϯ ⲫϯ ⲡⲉⲧⲥⲱⲟⲩⲛ ⲓⲱⲥ ⲙ̀ⲙⲟⲕ ⲁ̀ⲙⲟⲩ ⲟⲩⲟϩ ⲛ̀ⲛⲉⲕⲟⲩⲁϩⲧⲟⲧⲕ ⲉ̀ⲉⲛϥ ϣⲁⲣⲟⲛ .	ⲛ̀ⲁϣ ⲇⲉ ⲛ̀ⲣⲏϯ ⲫ̀ⲛⲟⲩϯ ⲡⲉⲧⲥⲱⲟⲩⲛ ⲓⲱⲥ ⲙ̀ⲙⲟⲕ ⲁ̀ⲙⲟⲩ ⲟⲩⲟϩ ⲛ̀ⲛⲉⲭⲟⲩⲁϩⲧⲟⲧⲕ ⲉ̀ⲉⲛϥ ϣⲁⲣⲟⲛ.	ǹaṡ ḋe ǹryti f̀nouti petsōoun iōs m̀mok àmou ouoh ǹnekouahtotk èenf ṡaron.	draft · mediumin a manner God knows, therefore come, and do not go on trying to bring him to us.'
13	ⲟⲩⲟϩ ⲟⲛ ⲁϥⲥϧⲁⲓ ϣⲁⲣⲟϥ ⲛ̀ϩⲁⲛⲕⲉⲙⲩⲥⲧⲏⲣⲓⲟⲛ ⲉⲩϧⲉⲛⲧⲟⲩⲙⲏϯ ϩⲓⲟⲩⲥⲟⲡ ⲡⲟⲩⲣⲟ ⲛⲉⲙⲡⲓⲃⲉⲣⲉⲧⲁⲣⲓⲟⲥ ⲟⲩⲟϩ ⲁϥⲧⲟⲃⲥ ϧⲉⲛⲡⲉϥϣϭⲟⲩⲣ ⲁϥⲧⲏⲓⲥ ⲙ̀ⲡⲉⲛⲓⲱⲧ ⲟⲩⲟϩ ⲁϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟϥ ⲁϥϭⲓ ⲙ̀ⲡⲉϥⲥⲙⲟⲩ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ϧⲉⲛⲟⲩϩⲓⲣⲏⲛⲏ .	Ⲟⲩⲟϩ ⲟⲛ ⲁϥⲥ̀ϧⲁⲓ ϣⲁⲣⲟϥ ⲛ̀ϩⲁⲛⲕⲉⲙⲩⲥⲧⲏⲣⲓⲟⲛ ⲉⲩϧⲉⲛ ⲧⲟⲩⲙⲏϯ ϩⲓ ⲟⲩⲥⲟⲡ ⲡ̀ⲟⲩⲣⲟ ⲛⲉⲙ ⲡⲓⲃⲉⲣⲉⲧⲁⲣⲓⲟⲥ ⲟⲩⲟϩ ⲁϥⲧⲟⲃⲥ ϧⲉⲛ ⲡⲉϥϣϭⲟⲩⲣ ⲁϥⲧⲏⲓⲥ ⲛ̀ⲡⲉⲛⲓⲱⲧ ⲟⲩⲟϩ ⲁϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟϥ ⲁϥϭⲓ ⲛ̀ⲡⲉϥⲥ̀ⲙⲟⲩ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ϧⲉⲛ ⲟⲩϩⲓⲣⲏⲛⲏ.	Ouoh on afs̀xai ṡarof ǹhankemistyrion evxen toumyti hi ousop p̀ouro nem piberetarios ouoh aftovs xen pefṡċour aftyis ǹpeniōt ouoh aferaspazesθe m̀mof afċi ǹpefs̀mou afì èvol hitotf xen ouhiryny.	draft · mediumAnd again he wrote to him other secret matters, which were between them alone, the king and the courier; and he sealed it with his ring and gave it to our father, and he greeted him, received his blessing, and went out from him in peace.
14	ⲙⲉⲛⲉⲛⲥⲱⲥ ⲁϯϭⲏⲡⲓ ϩⲱⲗⲉⲙ ⲙ̀ⲡⲁⲓⲱⲧ ⲟⲛ ⲁⲥⲉⲛϥ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ϧⲉⲛⲡⲓⲉ̀ϫⲱⲣϩ ⲛ̀ⲟⲩⲱⲧ	Ⲙⲉⲛⲉⲛⲥⲱⲥ ⲁϯϭⲏⲡⲓ ϩⲱⲗⲉⲙ ⲛ̀ⲡⲁⲓⲱⲧ ⲟⲛ ⲁⲥⲉⲛϥ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ϧⲉⲛ ⲡⲓⲉ̀ϫⲱⲣϩ ⲛ̀ⲟⲩⲱⲧ	Menensōs atiċypi hōlem ǹpaiōt on asenf èpimonastyrion xen piègōrh ǹouōt	draft · highAfter that the cloud snatched up my father again and brought him to the monastery in the same night.
15	ⲟⲩⲟϩ ⲁϥⲉⲣϯⲥⲩⲛⲁⲝⲓⲥ ⲛⲉⲙⲛⲓⲥⲛⲏⲟⲩ ⲙ̀ⲡⲓⲉ̀ϫⲱⲣϩ ⲛ̀ⲟⲩⲱⲧ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲙ̀ⲡⲁⲧⲉⲡⲓⲟⲩⲱⲓⲛⲓ ϣⲁⲓ ⲡⲉ ⲟⲩⲟϩ ⲙ̀ⲡⲉϩⲗⲓ ⲉⲙⲓ ϫⲉⲁϥϩⲱⲗ ϣⲁⲡⲟⲩⲣⲟ ⲟⲩⲟϩ ⲁϥⲕⲟⲧϥ ⲉⲡⲉϥⲙⲟⲛⲁⲥⲧⲏⲣⲓⲟⲛ .	ⲟⲩⲟϩ ⲁϥⲉⲣϯⲥⲩⲛⲁⲝⲓⲥ ⲛⲉⲙ ⲛⲓⲥ̀ⲛⲏⲟⲩ ⲛ̀ⲡⲓⲉ̀ϫⲱⲣϩ ⲛ̀ⲟⲩⲱⲧ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲙ̀ⲡⲁⲧⲉⲡⲓⲟⲩⲱⲓⲛⲓ ϣⲁⲓ ⲡⲉ ⲟⲩⲟϩ ⲙ̀ⲡⲉ ϩ̀ⲗⲓ ⲉⲙⲓ ϫⲉ ⲁϥϩⲱⲗ ϣⲁ ⲡ̀ⲟⲩⲣⲟ ⲟⲩⲟϩ ⲁϥⲕⲟⲧϥ ⲉ̀ⲡⲉϥⲙⲟⲛⲁⲥⲧⲏⲣⲓⲟⲛ.	ouoh afertisinaksis nem nis̀nyou ǹpiègōrh ǹouōt xen pimonastyrion m̀patepiouōini ṡai pe ouoh m̀pe h̀li emi je afhōl ṡa p̀ouro ouoh afkotf èpefmonastyrion.	draft · highAnd he celebrated the synaxis with the brethren that same night in the monastery before daylight dawned, and no one knew that he had gone to the king and returned to his monastery.
16	ⲉⲧⲁⲧⲟⲟⲩⲓ̀ ⲇⲉ ϣⲱⲡⲓ ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲙ̀ⲡⲁⲓⲱⲧ ⲉⲑⲟⲩⲁⲃ ⲙ̀ⲡⲣⲟⲉⲥⲧⲟⲥ ϫⲉⲁⲣⲓϯⲁⲅⲁⲡⲏ ⲧⲱⲛⲕ ⲙⲁⲣⲟⲛ ⲛⲁⲛ ϫⲉⲛ̀ⲛⲉⲕⲓ̀ⲛⲓ ⲉ̀ϫⲱⲓ ⲛ̀ⲟⲩⲛⲓϣϯ ⲛ̀ⲛⲟⲃⲓ ⲛⲉⲙⲟⲩⲙ̀ⲃⲟⲛ ϧⲁⲧⲉⲛⲡⲁϭ̅ⲥ̅ ⲡⲟⲩⲣⲟ . ⲡⲉϫⲉⲡⲁⲓⲱⲧ ⲙ̀ⲡⲓⲃⲉⲣⲉⲧⲁⲣⲓⲟⲥ ϫⲉⲁ̀ⲛⲁⲩ ⲡⲁϣⲏⲣⲓ ϫⲉⲭⲛⲁϩⲱⲗ ϣⲁⲡⲟⲩⲣⲟ ⲛ̀ⲧⲉⲕϫⲟⲥ ⲛⲁϥ ϫⲉⲁϥⲉⲣϧⲉⲗⲗⲟ ⲛ̀ⲣⲱⲙⲓ . ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉⲓⲥϫⲉ ⲭⲛⲏⲟⲩ ⲁⲛ ϧⲉⲛⲡⲉⲕⲟⲩⲱϣ ⲓⲉ ϯⲛⲁⲟⲗⲕ ⲉϩⲛⲁⲕ ⲁⲛ .	Ⲉ̀ⲧⲁⲧⲟⲟⲩⲓ̀ ⲇⲉ ϣⲱⲡⲓ ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛ̀ⲡⲁⲓⲱⲧ ⲉⲑⲟⲩⲁⲃ ⲛ̀ⲡ̀ⲣⲟⲉⲥⲧⲟⲥ ϫⲉ ⲁ̀ⲣⲓϯⲁ̀ⲅⲁⲡⲏ ⲧⲱⲛⲕ ⲙⲁⲣⲟⲛ ⲛⲁⲛ ϫⲉ ⲛ̀ⲛⲉⲕⲓ̀ⲛⲓ ⲉ̀ϫⲱⲓ ⲛ̀ⲟⲩⲛⲓϣϯ ⲛ̀ⲛⲟⲃⲓ ⲛⲉⲙ ⲟⲩⲙ̀ⲃⲟⲛ ϧⲁⲧⲉⲛ ⲡⲁϭⲟⲓⲥ ⲡ̀ⲟⲩⲣⲟ. Ⲡⲉϫⲉⲡⲁⲓⲱⲧ ⲛ̀ⲡⲓⲃⲉⲣⲉⲧⲁⲣⲓⲟⲥ ϫⲉ ⲁ̀ⲛⲁⲩ ⲡⲁϣⲏⲣⲓ ϫⲉ ⲭ̀ⲛⲁϩⲱⲗ ϣⲁ ⲡ̀ⲟⲩⲣⲟ ⲛ̀ⲧⲉⲕϫⲟⲥ ⲛⲁϥ ϫⲉ ⲁϥⲉⲣϧⲉⲗⲗⲟ ⲛ̀ⲣⲱⲙⲓ. Ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉ ⲓⲥϫⲉ ⲭ̀ⲛⲏⲟⲩ ⲁⲛ ϧⲉⲛ ⲡⲉⲕⲟⲩⲱϣ ⲓⲉ ϯⲛⲁⲟⲗⲕ ⲉ̀ϩⲛⲁⲕ ⲁⲛ.	Ètatoouì ḋe ṡōpi pejepiberetarios ǹpaiōt eθouab ǹp̀roestos je àritiàġapy tōnk maron nan je ǹnekìni ègōi ǹouniṡti ǹnovi nem oum̀von xaten paċois p̀ouro. Pejepaiōt ǹpiberetarios je ànav paṡyri je k̀nahōl ṡa p̀ouro ǹtekgos naf je aferxello ǹrōmi. Pejepiberetarios naf je isje k̀nyou an xen pekouōṡ ie tinaolk èhnak an.	draft · mediumWhen morning came, the courier said to my holy father the superior: 'Please, rise, let us go, so that you do not bring upon me a great sin and anger from my lord the king.' My father said to the courier: 'See, my son, you will go to the king and tell him that the man has grown old.' The courier said to him: 'If you do not come of your own will, will I not take you against your will?'
17	ⲉⲧⲁⲡⲁⲓⲱⲧ ⲉⲙⲓ ϫⲉϥⲛⲁⲟⲗϥ ⲛ̀ϫⲟⲛⲥ ⲟⲩⲟϩ ϫⲉϥⲛⲁϣⲉ ⲛⲁϥ ⲁⲛ ⲛ̀ⲧⲉϥⲭⲁϥ	Ⲉ̀ⲧⲁ ⲡⲁⲓⲱⲧ ⲉⲙⲓ ϫⲉ ϥ̀ⲛⲁⲟⲗϥ ⲛ̀ϫⲟⲛⲥ ⲟⲩⲟϩ ϫⲉ ϥ̀ⲛⲁϣⲉ ⲛⲁϥ ⲁⲛ ⲛ̀ⲧⲉϥⲭⲁϥ	Èta paiōt emi je f̀naolf ǹgons ouoh je f̀naṡe naf an ǹtefkaf	draft · highWhen my father knew that he would take him by force and would not go away and leave him,
18	ⲧⲟⲧⲉ ⲁϥϩⲓⲧⲉϥϫⲓϫ ⲉ̀ϧⲟⲩⲛ ϧⲁⲧⲉϥⲥⲧⲟⲗⲏ ⲁϥⲓ̀ⲛⲓ ⲉ̀ⲃⲟⲗ ⲛ̀ϯⲉⲡⲓⲥⲧⲟⲗⲏ ⲛ̀ⲧⲉⲡⲟⲩⲣⲟ ⲟⲩⲟϩ ⲁϥⲥⲱⲟⲩⲧⲉⲛ ⲙ̀ⲙⲟⲥ ⲙ̀ⲡⲓⲃⲉⲣⲉⲧⲁⲣⲓⲟⲥ .	ⲧⲟⲧⲉ ⲁϥϩⲓⲧⲉϥϫⲓϫ ⲉ̀ϧⲟⲩⲛ ϧⲁ ⲧⲉϥⲥ̀ⲧⲟⲗⲏ ⲁϥⲓ̀ⲛⲓ ⲉ̀ⲃⲟⲗ ⲛ̀ϯⲉⲡⲓⲥⲧⲟⲗⲏ ⲛ̀ⲧⲉ ⲡ̀ⲟⲩⲣⲟ ⲟⲩⲟϩ ⲁϥⲥⲱⲟⲩⲧⲉⲛ ⲙ̀ⲙⲟⲥ ⲛ̀ⲡⲓⲃⲉⲣⲉⲧⲁⲣⲓⲟⲥ.	tote afhitefjig èxoun xa tefs̀toly afìni èvol ǹtiepistoly ǹte p̀ouro ouoh afsōouten m̀mos ǹpiberetarios.	draft · highthen he put his hand inside his robe, brought out the letter of the king, and handed it to the courier.
19	ⲛ̀ⲑⲟϥ ⲇⲉ ⲉⲧⲁϥϭⲓⲧⲥ ⲁϥϫⲟⲩϣⲧ ⲉ̀ϫⲱⲥ ⲁϥⲥⲟⲩⲱⲛⲥ ϫⲉⲑⲁⲡⲟⲩⲣⲟ ⲧⲉ ⲟⲩⲟϩ ⲁϥϫⲟⲩϣⲧ ⲉ̀ϧⲟⲩⲛ ϧⲉⲛⲡϩⲟ ⲙ̀ⲡⲁⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ . ⲡⲉϫⲉⲡⲁⲓⲱⲧ ⲛⲁϥ ϫⲉⲁⲟⲩⲱⲛ ⲙ̀ⲙⲟⲥ ⲟⲩⲟϩ ⲟϣⲥ .	Ⲛ̀ⲑⲟϥ ⲇⲉ ⲉ̀ⲧⲁϥϭⲓⲧⲥ ⲁϥϫⲟⲩϣⲧ ⲉ̀ϫⲱⲥ ⲁϥⲥⲟⲩⲱⲛⲥ ϫⲉ ⲑⲁⲡ̀ⲟⲩⲣⲟ ⲧⲉ ⲟⲩⲟϩ ⲁϥϫⲟⲩϣⲧ ⲉ̀ϧⲟⲩⲛ ϧⲉⲛ ⲡ̀ϩⲟ ⲛ̀ⲡⲁⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ. Ⲡⲉϫⲉⲡⲁⲓⲱⲧ ⲛⲁϥ ϫⲉ ⲁ̀ⲟⲩⲱⲛ ⲙ̀ⲙⲟⲥ ⲟⲩⲟϩ ⲟϣⲥ.	Ǹθof ḋe ètafċits afgouṡt ègōs afsouōns je θap̀ouro te ouoh afgouṡt èxoun xen p̀ho ǹpaiōt eθouab apa ṡenouti. Pejepaiōt naf je àouōn m̀mos ouoh oṡs.	draft · highWhen he took it and looked at it, he recognized that it was the king's, and he gazed into the face of my holy father Apa Shenoute. My father said to him: 'Open it and read it.'
20	ⲟⲩⲟϩ ⲉⲧⲁϥⲉⲣϩⲏⲧⲥ ⲛ̀ⲱϣ ⲛ̀ϧⲏⲧⲥ ⲁϥⲓ̀ ⲉ̀ⲡⲉⲥⲏⲧ ⲉ̀ϫⲉⲛⲛⲓⲙⲩⲥⲧⲏⲣⲓⲟⲛ ⲉⲧⲟⲩⲧⲱϥ ⲛⲉⲙⲁϥ ⲁϥϣⲱⲡⲓ ⲉϥⲥⲟⲣⲉⲙ ⲛ̀ϩⲏⲧ .	Ⲟⲩⲟϩ ⲉ̀ⲧⲁϥⲉⲣϩⲏⲧⲥ ⲛ̀ⲱϣ ⲛ̀ϧⲏⲧⲥ ⲁϥⲓ̀ ⲉ̀ⲡⲉⲥⲏⲧ ⲉ̀ϫⲉⲛ ⲛⲓⲙⲩⲥⲧⲏⲣⲓⲟⲛ ⲉⲧⲟⲩⲧⲱϥ ⲛⲉⲙⲁϥ ⲁϥϣⲱⲡⲓ ⲉϥⲥⲟⲣⲉⲙ ⲛ̀ϩⲏⲧ.	Ouoh ètaferhyts ǹōṡ ǹxyts afì èpesyt èjen nimistyrion etoutōf nemaf afṡōpi efsorem ǹhyt.	draft · mediumAnd when he began to read in it, he came down to the secret matters that were between him and the king, and he became bewildered.
21	ⲛ̀ϯⲟⲩⲛⲟⲩ ⲁ ⲡⲁⲓⲱⲧ ⲉⲣⲥⲫⲣⲁⲅⲓⲍⲓⲛ ⲙ̀ⲙⲟϥ ϣⲁⲧⲉⲡⲉϥϩⲏⲧ ⲥⲉⲙⲛⲏⲧϥ ⲟⲩⲟϩ ⲙⲉⲛⲉⲛⲥⲱⲥ ⲁϥⲱϣ ⲙ̀ⲙⲟⲥ ⲧⲏⲣⲥ .	Ⲛ̀ϯⲟⲩⲛⲟⲩ ⲁ ⲡⲁⲓⲱⲧ ⲉⲣⲥⲫⲣⲁⲅⲓⲍⲓⲛ ⲙ̀ⲙⲟϥ ϣⲁⲧⲉⲡⲉϥϩⲏⲧ ⲥⲉⲙⲛⲏⲧϥ ⲟⲩⲟϩ ⲙⲉⲛⲉⲛⲥⲱⲥ ⲁϥⲱϣ ⲙ̀ⲙⲟⲥ ⲧⲏⲣⲥ.	Ǹtiounou a paiōt ersfragizin m̀mof ṡatepefhyt semnytf ouoh menensōs afōṡ m̀mos tyrs.	draft · highAt once my father signed him with the cross until his heart was settled, and after that he read it all.
22	ⲉⲧⲁϥⲕⲏⲛ ⲇⲉ ⲉϥⲱϣ ⲙ̀ⲙⲟⲥ ⲥⲁⲧⲟⲧϥ ⲁϥϩⲓⲧϥ ⲉ̀ϧⲣⲏⲓ ϧⲁⲣⲁⲧⲟⲩ ⲛ̀ⲛⲉⲛϭⲁⲗⲁⲩϫ ⲙ̀ⲡⲁⲓⲱⲧ ⲡⲉϫⲁϥ ⲛⲁϥ ϫⲉⲁⲗⲏⲑⲱⲥ ⲡⲁϭ̅ⲥ̅ ⲛ̀ⲓⲱⲧ ⲛ̀ⲑⲟⲕ ⲟⲩⲣⲱⲙⲓ ⲛ̀ϣⲟⲩ ⲭⲁⲛⲉϥϭⲁⲗⲁⲩϫ ⲉ̀ϩⲱⲙⲓ ⲁⲛ ⲉ̀ϫⲉⲛⲡⲓⲕⲁϩⲓ ⲉⲧϭⲁϧⲉⲙ .	Ⲉ̀ⲧⲁϥⲕⲏⲛ ⲇⲉ ⲉϥⲱϣ ⲙ̀ⲙⲟⲥ ⲥⲁⲧⲟⲧϥ ⲁϥϩⲓⲧϥ ⲉ̀ϧ̀ⲣⲏⲓ ϧⲁⲣⲁⲧⲟⲩ ⲛ̀ⲛⲉⲛϭⲁⲗⲁⲩϫ ⲛ̀ⲡⲁⲓⲱⲧ ⲡⲉϫⲁϥ ⲛⲁϥ ϫⲉ ⲁ̀ⲗⲏⲑⲱⲥ ⲡⲁϭⲟⲓⲥ ⲛ̀ⲓⲱⲧ ⲛ̀ⲑⲟⲕ ⲟⲩⲣⲱⲙⲓ ⲛ̀ϣⲟⲩ ⲭⲁⲛⲉϥϭⲁⲗⲁⲩϫ ⲉ̀ϩⲱⲙⲓ ⲁⲛ ⲉ̀ϫⲉⲛ ⲡⲓⲕⲁϩⲓ ⲉⲧϭⲁϧⲉⲙ.	Ètafkyn ḋe efōṡ m̀mos satotf afhitf èx̀ryi xaratou ǹnenċalavg ǹpaiōt pegaf naf je àlyθōs paċois ǹiōt ǹθok ourōmi ǹṡou kanefċalavg èhōmi an èjen pikahi etċaxem.	draft · highWhen he had finished reading it, immediately he threw himself down at the feet of my father and said to him: 'Truly, my lord father, you are a man worthy not to set his feet down upon the defiled earth.'
23	ⲟⲩⲟϩ ⲡⲉϫⲁϥ ⲛⲁϥ ϫⲉⲉⲓⲟⲩⲱϣ ⲉ̀ⲟϩⲓ ϧⲁⲧⲟⲧⲕ ⲛ̀ⲧⲁⲉⲣⲙⲟⲛⲁⲭⲟⲥ . ⲡⲉϫⲉⲡⲁⲓⲱⲧ ⲛⲁϥ ϫⲉⲙ̀ⲙⲟⲛ ⲡⲁϣⲏⲣⲓ ⲁⲗⲗⲁ ⲧⲱⲛⲕ ⲛ̀ⲧⲉⲕϣⲉ ⲛⲁⲕ ⲉ̀ⲣⲁⲧϥ ⲙ̀ⲡⲟⲩⲣⲟ ϫⲉⲉϥϣⲓⲛⲓ ⲛ̀ⲥⲱⲕ ⲛ̀ⲑⲟⲕ ⲛⲉⲙⲛⲉⲕⲙⲁⲧⲟⲓ . ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉⲁⲣⲓϯⲁⲅⲁⲡⲏ ⲡⲁⲓⲱⲧ ⲉⲑⲟⲩⲁⲃ ⲛ̀ⲧⲉⲕⲥⲙⲟⲩ ⲉ̀ⲣⲟⲓ ϧⲉⲛⲡⲉⲕⲣⲱϥ ⲉⲑⲟⲩⲁⲃ ⲱ ⲡⲓⲙⲁⲑⲓⲧⲏⲥ ⲛ̀ϫⲱⲣⲓ ⲟⲩⲟϩ ⲫⲙⲁ ⲛ̀ⲟⲩⲟϩ ⲙ̀ⲫϯ .	Ⲟⲩⲟϩ ⲡⲉϫⲁϥ ⲛⲁϥ ϫⲉ ⲉⲓⲟⲩⲱϣ ⲉ̀ⲟ̀ϩⲓ ϧⲁⲧⲟⲧⲕ ⲛ̀ⲧⲁⲉⲣⲙⲟⲛⲁⲭⲟⲥ. Ⲡⲉϫⲉⲡⲁⲓⲱⲧ ⲛⲁϥ ϫⲉ ⲙ̀ⲙⲟⲛ ⲡⲁϣⲏⲣⲓ ⲁⲗⲗⲁ ⲧⲱⲛⲕ ⲛ̀ⲧⲉⲕϣⲉ ⲛⲁⲕ ⲉ̀ⲣⲁⲧϥ ⲛ̀ⲡ̀ⲟⲩⲣⲟ ϫⲉ ⲉϥϣⲓⲛⲓ ⲛ̀ⲥⲱⲕ ⲛ̀ⲑⲟⲕ ⲛⲉⲙ ⲛⲉⲕⲙⲁⲧⲟⲓ. Ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉ ⲁ̀ⲣⲓϯⲁ̀ⲅⲁⲡⲏ ⲡⲁⲓⲱⲧ ⲉⲑⲟⲩⲁⲃ ⲛ̀ⲧⲉⲕⲥ̀ⲙⲟⲩ ⲉ̀ⲣⲟⲓ ϧⲉⲛ ⲡⲉⲕⲣⲱϥ ⲉⲑⲟⲩⲁⲃ ⲱ̀ ⲡⲓⲙⲁⲑⲓⲧⲏⲥ ⲛ̀ϫⲱⲣⲓ ⲟⲩⲟϩ ⲫ̀ⲙⲁ ⲛ̀ⲟⲩⲟϩ ⲛ̀ⲫ̀ⲛⲟⲩϯ.	Ouoh pegaf naf je eiouōṡ èòhi xatotk ǹtaermonaxos. Pejepaiōt naf je m̀mon paṡyri alla tōnk ǹtekṡe nak èratf ǹp̀ouro je efṡini ǹsōk ǹθok nem nekmatoi. Pejepiberetarios naf je àritiàġapy paiōt eθouab ǹtek·s̀mou èroi xen pekrōf eθouab ṑ pimaθitys ǹgōri ouoh f̀ma ǹouoh ǹf̀nouti.	draft · highAnd he said to him: 'I wish to stay with you and become a monk.' My father said to him: 'No, my son; but rise and go to the king, lest he seek after you, you and your soldiers.' The courier said to him: 'Please, my holy father, bless me with your holy mouth, O strong disciple and dwelling-place of God.'
24	ⲡⲁⲓⲱⲧ ⲇⲉ ⲁϥⲥⲙⲟⲩ ⲉ̀ⲣⲟϥ ⲉϥϫⲱ ⲙ̀ⲙⲟⲥ ϫⲉⲉⲣⲉⲡϭ̅ⲥ̅ ⲓⲏ̅ⲥ̅ ⲡⲭ̅ⲥ̅ ⲥⲙⲟⲩ ⲉ̀ⲣⲟⲕ ⲟⲩⲟϩ ⲛ̀ⲧⲉϥⲛⲁϩⲙⲉⲕ ⲉ̀ⲃⲟⲗ ϩⲁⲛⲓϫⲟⲣϫⲥ ⲛ̀ⲧⲉⲡⲓⲇⲓⲁⲃⲟⲗⲟⲥ ⲟⲩⲟϩ ⲛ̀ⲧⲉⲕⲉⲣⲕⲗⲏⲣⲟⲛⲟⲙⲓⲛ ⲛ̀ⲛⲓⲁⲅⲁⲑⲟⲛ ⲉⲑⲙⲏⲛ ⲉ̀ⲃⲟⲗ ϣⲁⲉ̀ⲛⲉϩ .	Ⲡⲁⲓⲱⲧ ⲇⲉ ⲁϥⲥ̀ⲙⲟⲩ ⲉ̀ⲣⲟϥ ⲉϥϫⲱ ⲙ̀ⲙⲟⲥ ϫⲉ ⲉ̀ⲣⲉ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲥ̀ⲙⲟⲩ ⲉ̀ⲣⲟⲕ ⲟⲩⲟϩ ⲛ̀ⲧⲉϥⲛⲁϩⲙⲉⲕ ⲉ̀ⲃⲟⲗ ϩⲁ ⲛⲓϫⲟⲣϫⲥ ⲛ̀ⲧⲉ ⲡⲓⲇⲓⲁⲃⲟⲗⲟⲥ ⲟⲩⲟϩ ⲛ̀ⲧⲉⲕⲉⲣⲕⲗⲏⲣⲟⲛⲟⲙⲓⲛ ⲛ̀ⲛⲓⲁ̀ⲅⲁⲑⲟⲛ ⲉⲑⲙⲏⲛ ⲉ̀ⲃⲟⲗ ϣⲁ ⲉ̀ⲛⲉϩ.	Paiōt ḋe afs̀mou èrof efgō m̀mos je ère p̀ċois iysous pix̀ristos s̀mou èrok ouoh ǹtefnahmek èvol ha nigorgs ǹte pidiabolos ouoh ǹtekerklyronomin ǹniàġaθon eθmyn èvol ṡa èneh.	draft · highMy father blessed him, saying: 'May the Lord Jesus Christ bless you and save you from the snares of the devil, and may you inherit the good things that endure for ever.'
25	ⲟⲩⲟϩ ⲡⲁⲓⲣⲏϯ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲉⲛⲓⲱⲧ ⲁϥⲙⲟϣⲓ ϩⲓⲡⲉϥⲙⲱⲓⲧ ⲉ̀ⲣⲁⲧϥ ⲙ̀ⲡⲟⲩⲣⲟ ⲉⲥⲉⲛⲧⲟⲧϥ ⲛ̀ϫⲉϯⲉ̀ⲡⲓⲥⲧⲟⲗⲏ ⲉⲧⲁⲡⲉⲛⲓⲱⲧ ⲉⲛⲥ ⲉϥⲛⲏⲟⲩ ⲉ̀ⲃⲟⲗ ϧⲉⲛⲫⲙⲁ ⲙ̀ⲡⲟⲩⲣⲟ ⲉⲥϣⲟⲡ ⲛⲁϥ ⲛ̀ⲛⲁϣϯ ⲛⲉⲙⲡⲁⲣⲁⲙⲏⲑⲓⲁ ⲙ̀ⲡⲉϥⲥⲏⲟⲩ ⲧⲏⲣϥ .	Ⲟⲩⲟϩ ⲡⲁⲓⲣⲏϯ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲉⲛⲓⲱⲧ ⲁϥⲙⲟϣⲓ ϩⲓ ⲡⲉϥⲙⲱⲓⲧ ⲉ̀ⲣⲁⲧϥ ⲛ̀ⲡ̀ⲟⲩⲣⲟ ⲉⲥⲉⲛ̀ⲧⲟⲧϥ ⲛ̀ϫⲉ ϯⲉ̀ⲡⲓⲥⲧⲟⲗⲏ ⲉⲧⲁⲡⲉⲛⲓⲱⲧ ⲉⲛⲥ ⲉϥⲛⲏⲟⲩ ⲉ̀ⲃⲟⲗ ϧⲉⲛ ⲫ̀ⲙⲁ ⲛ̀ⲡ̀ⲟⲩⲣⲟ ⲉⲥϣⲟⲡ ⲛⲁϥ ⲛ̀ⲛⲁϣϯ ⲛⲉⲙ ⲡⲁⲣⲁⲙⲏⲑⲓⲁ ⲛ̀ⲡⲉϥⲥⲏⲟⲩ ⲧⲏⲣϥ.	Ouoh pairyti afì èvol hitotf ǹpeniōt afmoṡi hi pefmōit èratf ǹp̀ouro eseǹtotf ǹje tièpistoly etapeniōt ens efnyou èvol xen f̀ma ǹp̀ouro esṡop naf ǹnaṡti nem paramyθia ǹpefsyou tyrf.	draft · mediumAnd so he went out from our father and walked on his way to the king, holding the letter which our father had brought when he came from the king's presence; and it was to him a strength and consolation all his days.
26	ⲁⲥϣⲱⲡⲓ ⲟⲛ ⲛ̀ⲟⲩⲉϩⲟⲟⲩ ⲁϩⲁⲛⲛⲓϣϯ ⲛ̀ⲣⲱⲙⲓ ⲛ̀ⲧⲉϯⲡⲟⲗⲓⲥ ϣⲙⲓⲛ ⲓ̀ ϩⲁⲣⲟϥ ⲉⲩⲟⲩⲱϣ ⲉ̀ϭⲓⲥⲙⲟⲩ ⲛ̀ⲧⲟⲧϥ	Ⲁⲥϣⲱⲡⲓ ⲟⲛ ⲛ̀ⲟⲩⲉ̀ϩⲟⲟⲩ ⲁϩⲁⲛⲛⲓϣϯ ⲛ̀ⲣⲱⲙⲓ ⲛ̀ⲧⲉ ϯⲡⲟⲗⲓⲥ ϣⲙⲓⲛ ⲓ̀ ϩⲁⲣⲟϥ ⲉⲩⲟⲩⲱϣ ⲉ̀ϭⲓⲥⲙⲟⲩ ⲛ̀ⲧⲟⲧϥ	Asṡōpi on ǹouèhoou ahanniṡti ǹrōmi ǹte tipolis ṡmin ì harof evouōṡ èċismou ǹtotf	draft · highIt happened again one day that some great men of the city of Shmin came to him, wishing to receive a blessing from him,
27	ⲟⲩⲟϩ ⲟⲛ ϩⲁⲛⲕⲉⲛⲓϣϯ ⲛ̀ⲙⲟⲛⲁⲭⲟⲥ ⲛ̀ⲥⲓⲱⲧ ⲛ̀ⲧⲉϣⲓⲏⲧ ⲁⲩⲓ̀ ⲉⲩⲟⲩⲱϣ ⲉ̀ⲥⲱⲧⲉⲙ ⲉ̀ϩⲁⲛⲥⲁϫⲓ ⲛ̀ⲧⲟⲧϥ .	ⲟⲩⲟϩ ⲟⲛ ϩⲁⲛⲕⲉⲛⲓϣϯ ⲛ̀ⲙⲟⲛⲁⲭⲟⲥ ⲛ̀ⲥⲓⲱⲧ ⲛ̀ⲧⲉ ϣⲓⲏⲧ ⲁⲩⲓ̀ ⲉⲩⲟⲩⲱϣ ⲉ̀ⲥⲱⲧⲉⲙ ⲉ̀ϩⲁⲛⲥⲁϫⲓ ⲛ̀ⲧⲟⲧϥ.	ouoh on hankeniṡti ǹmonaxos ǹsiōt ǹte ṡiyt avì evouōṡ èsōtem èhansaji ǹtotf.	draft · highand also other great monks of the fathers of Shiet came, wishing to hear words from him.
28	ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲉⲑⲟⲩⲁⲃ ϩⲁⲣⲁ ⲟⲩⲟⲛ ⲙⲟⲛⲁⲭⲟⲥ ϧⲉⲛⲧⲁⲓⲅⲉⲛⲉⲁ ⲛⲁⲉⲣ ⲙ̀ⲫⲣⲏϯ ⲙ̀ⲡⲓⲙⲁⲕⲁⲣⲓⲟⲥ ⲁⲛⲧⲱⲛⲓⲟⲥ .	Ⲡⲉϫⲱⲟⲩ ⲛⲁϥ ϫⲉ ⲡⲉⲛⲓⲱⲧ ⲉⲑⲟⲩⲁⲃ ϩⲁⲣⲁ ⲟⲩⲟⲛ ⲙⲟⲛⲁⲭⲟⲥ ϧⲉⲛ ⲧⲁⲓⲅⲉⲛⲉⲁ̀ ⲛⲁⲉⲣ ⲛ̀ⲫ̀ⲣⲏϯ ⲛ̀ⲡⲓⲙⲁⲕⲁⲣⲓⲟⲥ ⲁⲛⲧⲱⲛⲓⲟⲥ.	Pegōou naf je peniōt eθouab hara ouon monaxos xen taigeneà naer ǹf̀ryti ǹpimakarios antōnios.	draft · highThey said to him: 'Our holy father, is there any monk in this generation who will be like the blessed Antony?'
29	ⲡⲉϫⲉⲡⲁⲓⲱⲧ ⲛ̀ⲇⲩⲕⲉⲟⲥ ⲛⲱⲟⲩ ϫⲉⲁⲣⲉϣⲁⲛⲛⲓⲙⲟⲛⲁⲭⲟⲥ ⲧⲏⲣⲟⲩ ⲛ̀ⲧⲉⲡⲁⲓⲕⲉⲣⲟⲥ ⲓ̀ ⲉⲩⲙⲁ ⲛ̀ⲟⲩⲱⲧ ⲛ̀ⲛⲟⲩⲉⲣⲟⲩⲁⲛⲧⲱⲛⲓⲟⲥ ⲛ̀ⲟⲩⲱⲧ .	Ⲡⲉϫⲉⲡⲁⲓⲱⲧ ⲛ̀ⲇⲓⲕⲉⲟⲥ ⲛⲱⲟⲩ ϫⲉ ⲁⲣⲉϣⲁⲛⲛⲓⲙⲟⲛⲁⲭⲟⲥ ⲧⲏⲣⲟⲩ ⲛ̀ⲧⲉ ⲡⲁⲓⲕⲉⲣⲟⲥ ⲓ̀ ⲉⲩⲙⲁ ⲛ̀ⲟⲩⲱⲧ ⲛ̀ⲛⲟⲩⲉⲣⲟⲩⲁⲛⲧⲱⲛⲓⲟⲥ ⲛ̀ⲟⲩⲱⲧ.	Pejepaiōt ǹḋikeos nōou je areṡannimonakos tyrou ǹte paikeros ì evma ǹouōt ǹnouerouantōnios ǹouōt.	draft · highMy righteous father said to them: 'If all the monks of this time came to one place, they would not make a single Antony.'
30	ⲟⲩⲟϩ ⲁ̀ⲛⲓⲥⲛⲏⲟⲩ ⲛⲉⲙⲛⲓⲛⲓϣϯ ⲛ̀ⲧⲉϯⲡⲟⲗⲓⲥ ⲉⲣϣⲫⲏⲣⲓ ⲙ̀ⲡⲓⲥⲁϫⲓ ⲛ̀ⲧⲉⲡⲉⲛⲓⲱⲧ ⲙ̀ⲡⲣⲟⲫⲏⲧⲏⲥ ⲟⲩⲟϩ ⲡⲁⲓⲣⲏϯ ⲁⲩϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ ⲁⲩϣⲉ ⲛⲱⲟⲩ ⲉⲩϯⲱⲟⲩ ⲙ̀ⲫϯ .	Ⲟⲩⲟϩ ⲁ̀ⲛⲓⲥ̀ⲛⲏⲟⲩ ⲛⲉⲙ ⲛⲓⲛⲓϣϯ ⲛ̀ⲧⲉ ϯⲡⲟⲗⲓⲥ ⲉⲣϣⲫⲏⲣⲓ ⲛ̀ⲡⲓⲥⲁϫⲓ ⲛ̀ⲧⲉ ⲡⲉⲛⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲟⲩⲟϩ ⲡⲁⲓⲣⲏϯ ⲁⲩϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ ⲁⲩϣⲉ ⲛⲱⲟⲩ ⲉⲩϯⲱⲟⲩ ⲛ̀ⲫ̀ⲛⲟⲩϯ.	Ouoh ànis̀nyou nem niniṡti ǹte tipolis erṡfyri ǹpisaji ǹte peniōt ǹp̀rofytys ouoh pairyti avċismou èvol hitotf avṡe nōou evtiōou ǹf̀nouti.	draft · highAnd the brethren and the great men of the city marvelled at the word of our father the prophet, and so they received a blessing from him and went away glorifying God.
31	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉϩⲟⲟⲩ ⲉⲣⲉⲡⲉⲛⲓⲱⲧ ϩⲉⲙⲥⲓ ⲉ̀ϧⲣⲏⲓ ⲛⲉⲙⲡⲉⲛϭ̅ⲥ̅ ⲓⲏ̅ⲥ̅ ⲉⲩⲥⲁϫⲓ ⲛⲉⲙⲛⲟⲩ̀ⲉⲣⲏⲟⲩ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉ̀ⲣⲉⲡⲉⲛⲓⲱⲧ ϩⲉⲙⲥⲓ ⲉ̀ϧ̀ⲣⲏⲓ ⲛⲉⲙ ⲡⲉⲛϭⲟⲓⲥ ⲓⲏⲥⲟⲩⲥ ⲉⲩⲥⲁϫⲓ ⲛⲉⲙ ⲛⲟⲩ̀ⲉ̀ⲣⲏⲟⲩ.	Asṡōpi ḋe on ǹouèhoou èrepeniōt hemsi èx̀ryi nem penċois iysous evsaji nem noùèryou.	draft · highIt happened also one day, as our father was sitting with our Lord Jesus and they were speaking with one another,
32	ⲛ̀ϯⲟⲩⲛⲟⲩ ⲉ̀ⲧⲉⲙ̀ⲙⲁⲩ ⲓⲥ ⲡⲓⲉⲡⲓⲥⲕⲟⲡⲟⲥ ⲛ̀ⲧⲉϯⲡⲟⲗⲓⲥ ϣⲙⲓⲛ ⲁϥⲥⲓⲛⲓ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲛⲁϥⲟⲩⲱϣ ⲉ̀ⲉⲣⲁⲡⲁⲛⲧⲁⲛ ⲉ̀ⲡⲁⲓⲱⲧ ⲙ̀ⲡⲁⲧⲉϥⲟⲩⲱⲧⲉⲃ ⲉ̀ϧⲏⲧ ⲉϥⲟⲩⲱϣ ⲉ̀ϣⲉ ⲉ̀ⲣⲁⲕⲟϯ ⲉ̀ⲉⲣⲡⲣⲟⲥⲕⲩⲛⲓⲛ ⲙ̀ⲡⲓⲁⲣⲭⲏⲉⲡⲓⲥⲕⲟⲡⲟⲥ .	Ⲛ̀ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲓⲥ ⲡⲓⲉ̀ⲡⲓⲥⲕⲟⲡⲟⲥ ⲛ̀ⲧⲉ ϯⲡⲟⲗⲓⲥ ϣⲙⲓⲛ ⲁϥⲥⲓⲛⲓ ⲛ̀ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲛⲁϥⲟⲩⲱϣ ⲉ̀ⲉⲣⲁⲡⲁⲛⲧⲁⲛ ⲉ̀ⲡⲁⲓⲱⲧ ⲙ̀ⲡⲁⲧⲉϥⲟⲩⲱⲧⲉⲃ ⲉ̀ϧⲏⲧ ⲉϥⲟⲩⲱϣ ⲉ̀ϣⲉ ⲉ̀ⲣⲁⲕⲟϯ ⲉ̀ⲉⲣⲡⲣⲟⲥⲕⲩⲛⲓⲛ ⲛ̀ⲡⲓⲁⲣⲭⲓⲉ̀ⲡⲓⲥⲕⲟⲡⲟⲥ.	Ǹtiounou ète m̀mav is pièpiskopos ǹte tipolis ṡmin afsini ǹpimonastyrion ouoh nafouōṡ èerapantan èpaiōt m̀patefouōteb èxyt efouōṡ èṡe èrakoti èerproskinin ǹpiarṡièpiskopos.	draft · highat that hour, behold, the bishop of the city of Shmin came to the monastery, and he wished to meet my father before he sailed north, since he wished to go to Rakote to pay homage to the archbishop.
33	ⲟⲩⲟϩ ⲁϥⲟⲩⲱⲣⲡ ⲉ̀ⲣⲁⲧϥ ⲙ̀ⲡⲁⲓⲱⲧ ⲉϥϯϩⲟ ⲉ̀ⲣⲟϥ ⲉϥϫⲱ ⲙ̀ⲙⲟⲥ ϫⲉⲁⲣⲓⲥⲕⲩⲗⲓ ⲙ̀ⲙⲟⲕ ⲛ̀ⲧⲉⲕⲓ̀ ⲛ̀ⲧⲁⲉⲣⲁ̀ⲡⲁⲛⲧⲁⲛ ⲉ̀ⲣⲟⲕ ⲉⲑⲃⲉⲡⲁⲓⲕⲟⲩϫⲓ ⲛ̀ϩⲱⲃ ⲙ̀ⲡⲁϯⲟⲩⲱⲧⲉⲃ ⲉ̀ϧⲏⲧ .	Ⲟⲩⲟϩ ⲁϥⲟⲩⲱⲣⲡ ⲉ̀ⲣⲁⲧϥ ⲛ̀ⲡⲁⲓⲱⲧ ⲉϥϯϩⲟ ⲉ̀ⲣⲟϥ ⲉϥϫⲱ ⲙ̀ⲙⲟⲥ ϫⲉ ⲁⲣⲓⲥⲕⲩⲗⲓ ⲙ̀ⲙⲟⲕ ⲛ̀ⲧⲉⲕⲓ̀ ⲛ̀ⲧⲁⲉⲣⲁ̀ⲡⲁⲛⲧⲁⲛ ⲉ̀ⲣⲟⲕ ⲉⲑⲃⲉ ⲡⲁⲓⲕⲟⲩϫⲓ ⲛ̀ϩⲱⲃ ⲙ̀ⲡⲁϯⲟⲩⲱⲧⲉⲃ ⲉ̀ϧⲏⲧ.	Ouoh afouōrp èratf ǹpaiōt eftiho èrof efgō m̀mos je ariskili m̀mok ǹtekì ǹtaeràpantan èrok eθve paikouji ǹhōb m̀patiouōteb èxyt.	draft · highAnd he sent to my father, beseeching him and saying: 'Please take the trouble to come so that I may meet you about this small matter before I sail north.'
34	ⲡⲁⲓⲱⲧ ⲇⲉ ⲛⲁⲣⲉⲡⲓⲥⲱⲧⲏⲣ ϩⲉⲙⲥⲓ ϧⲁⲧⲟⲧϥ ⲡⲉ ⲙ̀ⲡⲓⲛⲁⲩ ⲉ̀ⲧⲉⲙ̀ⲙⲁⲩ ⲕⲁⲧⲁⲫⲣⲏϯ ⲉⲧⲁⲓⲉⲣϣⲟⲣⲡ ⲛ̀ϫⲟⲥ ⲟⲩⲟϩ ⲡⲉϫⲁϥ ⲙ̀ⲡⲓⲇⲓⲁⲕⲟⲛⲓⲧⲏⲥ ϫⲉϩⲱⲗ ⲛ̀ⲧⲉⲕϫⲟⲥ ⲛⲁϥ ϫⲉⲁϥϫⲟⲥ ϫⲉϯⲥⲣⲱϥⲧ ⲁⲛ ϯⲛⲟⲩ .	Ⲡⲁⲓⲱⲧ ⲇⲉ ⲛⲁⲣⲉ ⲡⲓⲥⲱⲧⲏⲣ ϩⲉⲙⲥⲓ ϧⲁⲧⲟⲧϥ ⲡⲉ ⲛ̀ⲡⲓⲛⲁⲩ ⲉ̀ⲧⲉ ⲙ̀ⲙⲁⲩ ⲕⲁⲧⲁ ⲫ̀ⲣⲏϯ ⲉⲧⲁⲓⲉⲣϣⲟⲣⲡ ⲛ̀ϫⲟⲥ ⲟⲩⲟϩ ⲡⲉϫⲁϥ ⲛ̀ⲡⲓⲇⲓⲁⲕⲟⲛⲓⲧⲏⲥ ϫⲉ ϩⲱⲗ ⲛ̀ⲧⲉⲕϫⲟⲥ ⲛⲁϥ ϫⲉ ⲁϥϫⲟⲥ ϫⲉ ϯⲥⲣⲱϥⲧ ⲁⲛ ϯⲛⲟⲩ.	Paiōt ḋe nare pisōtyr hemsi xatotf pe ǹpinav ète m̀mav kata f̀ryti etaierṡorp ǹgos ouoh pegaf ǹpiḋiakonitys je hōl ǹtekgos naf je afgos je tisrōft an tinou.	draft · highNow the Saviour was sitting with my father at that time, as I said before; and he said to the attendant: 'Go and tell him: he says, I am not free now.'
35	ⲁϥϣⲉ ⲛⲁϥ ⲛ̀ϫⲉⲡⲓⲇⲓⲁⲕⲟⲛⲓⲧⲏⲥ ⲁϥⲥⲁϫⲓ ⲛⲉⲙⲡⲓⲉⲡⲓⲥⲕⲟⲡⲟⲥ ⲕⲁⲧⲁⲛⲁⲓⲥⲁϫⲓ .	Ⲁϥϣⲉ ⲛⲁϥ ⲛ̀ϫⲉ ⲡⲓⲇⲓⲁⲕⲟⲛⲓⲧⲏⲥ ⲁϥⲥⲁϫⲓ ⲛⲉⲙ ⲡⲓⲉ̀ⲡⲓⲥⲕⲟⲡⲟⲥ ⲕⲁⲧⲁ ⲛⲁⲓⲥⲁϫⲓ.	Afṡe naf ǹje piḋiakonitys afsaji nem pièpiskopos kata naisaji.	draft · highThe attendant went and spoke with the bishop according to these words.
36	ⲡⲁⲗⲓⲛ ⲟⲛ ⲁ̀ⲡⲓⲉⲡⲓⲥⲕⲟⲡⲟⲥ ⲥⲁϫⲓ ⲛⲉⲙⲡⲓⲇⲓⲁⲕⲟⲛⲓⲧⲏⲥ ϫⲉⲁ̀ϫⲟⲥ ⲛⲁϥ ϫⲉⲁⲣⲓϯⲁⲅⲁⲡⲏ ⲁ̀ⲙⲟⲩ ⲛ̀ⲧⲁⲉⲣⲁ̀ⲡⲁⲛⲧⲁⲛ ⲉ̀ⲣⲟⲕ . ⲡⲉϫⲉⲡⲓϧⲉⲗⲗⲟ ⲛⲁϥ ϩⲓⲧⲉⲛⲡⲓⲥⲟⲛ ϫⲉⲁ̀ϫⲟⲥ ⲛⲁϥ ϫⲉϯⲥⲣⲱϥⲧ ⲁⲛ ϯⲛⲟⲩ .	Ⲡⲁⲗⲓⲛ ⲟⲛ ⲁ̀ ⲡⲓⲉ̀ⲡⲓⲥⲕⲟⲡⲟⲥ ⲥⲁϫⲓ ⲛⲉⲙ ⲡⲓⲇⲓⲁⲕⲟⲛⲓⲧⲏⲥ ϫⲉ ⲁ̀ϫⲟⲥ ⲛⲁϥ ϫⲉ ⲁ̀ⲣⲓϯⲁ̀ⲅⲁⲡⲏ ⲁ̀ⲙⲟⲩ ⲛ̀ⲧⲁⲉⲣⲁ̀ⲡⲁⲛⲧⲁⲛ ⲉ̀ⲣⲟⲕ. Ⲡⲉϫⲉⲡⲓϧⲉⲗⲗⲟ ⲛⲁϥ ϩⲓⲧⲉⲛ ⲡⲓⲥⲟⲛ ϫⲉ ⲁ̀ϫⲟⲥ ⲛⲁϥ ϫⲉ ϯⲥⲣⲱϥⲧ ⲁⲛ ϯⲛⲟⲩ.	Palin on à pièpiskopos saji nem piḋiakonitys je àgos naf je àritiàġapy àmou ǹtaeràpantan èrok. Pejepixello naf hiten pison je àgos naf je tisrōft an tinou.	draft · highAgain the bishop spoke with the attendant: 'Tell him: please come, so that I may meet you.' The old man said to him through the brother: 'Tell him: I am not free now.'
37	ⲟⲩⲟϩ ⲁ̀ⲡⲓⲇⲓⲁⲕⲟⲛⲓⲧⲏⲥ ⲥⲁϫⲓ ⲛⲉⲙⲡⲓⲉⲡⲓⲥⲕⲟⲡⲟⲥ .	Ⲟⲩⲟϩ ⲁ̀ ⲡⲓⲇⲓⲁⲕⲟⲛⲓⲧⲏⲥ ⲥⲁϫⲓ ⲛⲉⲙ ⲡⲓⲉ̀ⲡⲓⲥⲕⲟⲡⲟⲥ.	Ouoh à piḋiakonitys saji nem pièpiskopos.	draft · highAnd the attendant spoke with the bishop.
38	ⲁ̀ⲡⲓⲉⲡⲓⲥⲕⲟⲡⲟⲥ ϣⲑⲟⲣⲧⲉⲣ ⲟⲩⲟϩ ⲡⲉϫⲁϥ ⲙ̀ⲡⲓⲇⲓⲁⲕⲟⲛⲓⲧⲏⲥ ϫⲉⲁ̀ϫⲟⲥ ⲛⲁϥ ϫⲉⲉ̀ϣⲱⲡ ⲭⲛⲁⲓ ⲁⲛ ⲕⲭⲏ ⲥⲁⲃⲟⲗ . ⲡⲓⲇⲓⲁⲕⲟⲛⲓⲧⲏⲥ ⲇⲉ ⲁϥⲓ̀ ϣⲁⲡⲉⲛⲓⲱⲧ ⲁϥϫⲟⲥ ⲛⲁϥ ⲙ̀ⲡⲓⲣⲏϯ ⲉⲧⲁⲡⲓⲉⲡⲓⲥⲕⲟⲡⲟⲥ ⲧⲁⲙⲟϥ .	Ⲁ̀ ⲡⲓⲉ̀ⲡⲓⲥⲕⲟⲡⲟⲥ ϣⲑⲟⲣⲧⲉⲣ ⲟⲩⲟϩ ⲡⲉϫⲁϥ ⲛ̀ⲡⲓⲇⲓⲁⲕⲟⲛⲓⲧⲏⲥ ϫⲉ ⲁ̀ϫⲟⲥ ⲛⲁϥ ϫⲉ ⲉ̀ϣⲱⲡ ⲭ̀ⲛⲁⲓ ⲁⲛ ⲕ̀ⲭⲏ ⲥⲁⲃⲟⲗ. Ⲡⲓⲇⲓⲁⲕⲟⲛⲓⲧⲏⲥ ⲇⲉ ⲁϥⲓ̀ ϣⲁ ⲡⲉⲛⲓⲱⲧ ⲁϥϫⲟⲥ ⲛⲁϥ ⲛ̀ⲫ̀ⲣⲏϯ ⲉ̀ⲧⲁ ⲡⲓⲉ̀ⲡⲓⲥⲕⲟⲡⲟⲥ ⲧⲁⲙⲟϥ.	À pièpiskopos ṡθorter ouoh pegaf ǹpiḋiakonitys je àgos naf je èṡōp k̀nai an k̀ky savol. Piḋiakonitys ḋe afì ṡa peniōt afgos naf ǹf̀ryti èta pièpiskopos tamof.	draft · highThe bishop was troubled and said to the attendant: 'Tell him: if you will not come, you are put outside (excommunicated).' The attendant came to our father and told him the way the bishop had informed him.
39	ⲡⲁⲓⲱⲧ ⲇⲉ ⲁϥⲛⲉⲧϥⲣⲱϥ ⲛ̀ⲥⲱⲃⲓ ϧⲉⲛⲟⲩϩⲙⲟⲧ ⲟⲩⲟϩ ⲡⲉϫⲁϥ ϫⲉⲁ̀ⲛⲁⲩ ϫⲉⲉⲧⲁⲡⲁⲓⲣⲱⲙⲓ ⲛ̀ⲥⲁⲣⲝ ϩⲓⲥⲛⲟϥ ϫⲟⲥ ϫⲉⲟⲩ ; ϩⲏⲡⲡⲉ ϥϩⲉⲙⲥⲓ ϧⲁⲧⲟⲧ ⲛ̀ϫⲉⲫⲏ ⲉⲧⲁϥⲑⲁⲙⲓⲟ ⲛ̀ⲧⲫⲉ ⲛⲉⲙⲡⲕⲁϩⲓ , ϯⲛⲁϩⲱⲗ ⲁⲛ ⲉⲓⲭⲏ ϧⲁⲧⲟⲧϥ .	Ⲡⲁⲓⲱⲧ ⲇⲉ ⲁϥⲛⲉⲧϥⲣⲱϥ ⲛ̀ⲥⲱⲃⲓ ϧⲉⲛ ⲟⲩϩ̀ⲙⲟⲧ ⲟⲩⲟϩ ⲡⲉϫⲁϥ ϫⲉ ⲁ̀ⲛⲁⲩ ϫⲉ ⲉⲧⲁⲡⲁⲓⲣⲱⲙⲓ ⲛ̀ⲥⲁⲣⲝ ϩⲓⲥ̀ⲛⲟϥ ϫⲟⲥ ϫⲉ ⲟⲩ ; ϩⲏⲡⲡⲉ ϥ̀ϩⲉⲙⲥⲓ ϧⲁⲧⲟⲧ ⲛ̀ϫⲉ ⲫⲏ ⲉⲧⲁϥⲑⲁⲙⲓⲟ ⲛ̀ⲧ̀ⲫⲉ ⲛⲉⲙ ⲡ̀ⲕⲁϩⲓ, ϯⲛⲁϩⲱⲗ ⲁⲛ ⲉⲓⲭⲏ ϧⲁⲧⲟⲧϥ.	Paiōt ḋe afnetfrōf ǹsōvi xen ouh̀mot ouoh pegaf je ànav je etapairōmi ǹsarks his̀nof gos je ou ; hyppe f̀hemsi xatot ǹje fy etafθamio ǹt̀fe nem p̀kahi, tinahōl an eiky xatotf.	draft · highMy father opened his mouth to laugh, graciously, and said: 'See what this man of flesh and blood has said! Behold, he who made heaven and earth is sitting with me; I will not go while he is with me.'
40	ⲧⲟⲧⲉ ⲡⲉϫⲉⲡⲓⲥⲱⲧⲏⲣ ⲙ̀ⲡⲁⲓⲱⲧ ϫⲉⲱ̀ ϣⲉⲛⲟⲩϯ ⲧⲱⲛⲕ ⲛ̀ⲧⲉⲕϩⲱⲗ ⲉ̀ⲃⲟⲗ ϣⲁⲡⲓⲉⲡⲓⲥⲕⲟⲡⲟⲥ ϫⲉⲛ̀ⲛⲉϥϣⲁⲧⲕ ⲉ̀ⲃⲟⲗ ,	Ⲧⲟⲧⲉ ⲡⲉϫⲉⲡⲓⲥⲱⲧⲏⲣ ⲛ̀ⲡⲁⲓⲱⲧ ϫⲉ ⲱ̀ ϣⲉⲛⲟⲩϯ ⲧⲱⲛⲕ ⲛ̀ⲧⲉⲕϩⲱⲗ ⲉ̀ⲃⲟⲗ ϣⲁ ⲡⲓⲉ̀ⲡⲓⲥⲕⲟⲡⲟⲥ ϫⲉ ⲛ̀ⲛⲉϥϣⲁⲧⲕ ⲉ̀ⲃⲟⲗ,	Tote pejepisōtyr ǹpaiōt je ṑ ṡenouti tōnk ǹtek·hōl èvol ṡa pièpiskopos je ǹnefṡatk èvol,	draft · highThen the Saviour said to my father: 'O Shenoute, rise and go out to the bishop, lest he exclude you;
41	ⲙ̀ⲙⲟⲛ ϯⲛⲁⲭⲁⲕ ⲉ̀ϩⲟⲩⲛ ⲁⲛ ⲉⲑⲃⲉϯⲇⲓⲁⲑⲏⲕⲏ ⲉⲧⲁⲓⲥⲉⲙⲛⲏⲧⲥ ⲛⲉⲙⲡⲉⲧⲣⲟⲥ ⲉⲓϫⲱ ⲙ̀ⲙⲟⲥ ϫⲉⲫⲏ ⲉⲧⲉⲕⲛⲁⲥⲟⲛϩϥ ϩⲓϫⲉⲛⲡⲓⲕⲁϩⲓ ⲉϥⲉ̀ϣⲱⲡⲓ ⲉϥⲥⲟⲛϩ ϧⲉⲛⲛⲓⲫⲏⲟⲩⲓ̀ ⲟⲩⲟϩ ⲫⲏ ⲉⲧⲉⲕⲛⲁⲃⲟⲗϥ ⲉ̀ⲃⲟⲗ ϩⲓϫⲉⲛⲡⲓⲕⲁϩⲓ ⲉϥⲉ̀ϣⲱⲡⲓ ⲉϥⲃⲏⲗ ϧⲉⲛⲛⲓⲫⲏⲟⲩⲓ̀ .	ⲙ̀ⲙⲟⲛ ϯⲛⲁⲭⲁⲕ ⲉ̀ϩⲟⲩⲛ ⲁⲛ ⲉⲑⲃⲉ ϯⲇⲓⲁⲑⲏⲕⲏ ⲉⲧⲁⲓⲥⲉⲙⲛⲏⲧⲥ ⲛⲉⲙ ⲡⲉⲧⲣⲟⲥ ⲉⲓϫⲱ ⲙ̀ⲙⲟⲥ ϫⲉ ⲫⲏ ⲉ̀ⲧⲉ ⲭ̀ⲛⲁⲥⲟⲛϩϥ ϩⲓϫⲉⲛ ⲡⲓⲕⲁϩⲓ ⲉϥⲉ̀ϣⲱⲡⲓ ⲉϥⲥⲟⲛϩ ϧⲉⲛ ⲛⲓⲫⲏⲟⲩⲓ̀ ⲟⲩⲟϩ ⲫⲏ ⲉ̀ⲧⲉ ⲭ̀ⲛⲁⲃⲟⲗϥ ⲉ̀ⲃⲟⲗ ϩⲓϫⲉⲛ ⲡⲓⲕⲁϩⲓ ⲉϥⲉ̀ϣⲱⲡⲓ ⲉϥⲃⲏⲗ ϧⲉⲛ ⲛⲓⲫⲏⲟⲩⲓ̀.	m̀mon tinakak èhoun an eθve tiḋiaθyky etaisemnyts nem petros eigō m̀mos je fy ète k̀nasonhf hijen pikahi efèṡōpi efsonh xen nifyouì ouoh fy ète k̀navolf èvol hijen pikahi efèṡōpi efvyl xen nifyouì.	draft · highotherwise I will not bring you in, because of the covenant which I established with Peter, saying: Whatever you bind on earth shall be bound in heaven, and whatever you loose on earth shall be loosed in heaven.'
42	ⲟⲩⲟϩ ⲉⲧⲁⲡⲁⲓⲱⲧ ⲥⲱⲧⲉⲙ ⲉ̀ⲛⲁⲓⲥⲁϫⲓ ⲛ̀ⲧⲟⲧϥ ⲙ̀ⲡⲓⲥⲱⲧⲏⲣ ⲁϥⲧⲱⲛϥ ⲁϥⲓ̀ ⲉ̀ⲃⲟⲗ ϣⲁⲡⲓⲉⲡⲓⲥⲕⲟⲡⲟⲥ ⲟⲩⲟϩ ⲁϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟϥ .	Ⲟⲩⲟϩ ⲉ̀ⲧⲁ ⲡⲁⲓⲱⲧ ⲥⲱⲧⲉⲙ ⲉ̀ⲛⲁⲓⲥⲁϫⲓ ⲛ̀ⲧⲟⲧϥ ⲛ̀ⲡⲓⲥⲱⲧⲏⲣ ⲁϥⲧⲱⲛϥ ⲁϥⲓ̀ ⲉ̀ⲃⲟⲗ ϣⲁ ⲡⲓⲉ̀ⲡⲓⲥⲕⲟⲡⲟⲥ ⲟⲩⲟϩ ⲁϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟϥ.	Ouoh èta paiōt sōtem ènaisaji ǹtotf ǹpisōtyr aftōnf afì èvol ṡa pièpiskopos ouoh aferaspazesθe m̀mof.	draft · highAnd when my father heard these words from the Saviour, he rose and went out to the bishop and greeted him.
43	ⲉⲧⲁⲩⲕⲏⲛ ⲉⲩⲥⲁϫⲓ ⲛⲉⲙⲛⲟⲩⲉⲣⲏⲟⲩ ⲁϥϣⲉ ⲛⲁϥ ⲛ̀ϫⲉⲡⲓⲉ̀ⲡⲓⲥⲕⲟⲡⲟⲥ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ϧⲉⲛⲟⲩϩⲓⲣⲏⲛⲏ ⲛ̀ⲧⲉⲫϯ ⲁ̀ⲙⲏⲛ .	Ⲉ̀ⲧⲁⲩⲕⲏⲛ ⲉⲩⲥⲁϫⲓ ⲛⲉⲙ ⲛⲟⲩⲉ̀ⲣⲏⲟⲩ ⲁϥϣⲉ ⲛⲁϥ ⲛ̀ϫⲉ ⲡⲓⲉ̀ⲡⲓⲥⲕⲟⲡⲟⲥ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ϧⲉⲛ ⲟⲩϩⲓⲣⲏⲛⲏ ⲛ̀ⲧⲉ ⲫ̀ⲛⲟⲩϯ ⲁ̀ⲙⲏⲛ.	Ètavkyn evsaji nem nouèryou afṡe naf ǹje pièpiskopos èvol hitotf ǹpaiōt apa ṡenouti xen ouhiryny ǹte f̀nouti àmyn.	draft · highWhen they had finished speaking with one another, the bishop went away from my father Apa Shenoute in the peace of God. Amen.
44	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉϩⲟⲟⲩ ⲉⲣⲉⲡⲁⲓⲱⲧ ϩⲉⲙⲥⲓ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲓⲥ ϩⲏⲡⲡⲉ ⲁϥⲓ̀ ⲉ̀ϧⲟⲩⲛ ⲛ̀ϫⲉⲡⲓⲇⲓⲁⲃⲟⲗⲟⲥ ⲛⲉⲙⲕⲉⲙⲏϣⲉ ⲛ̀ⲇⲉⲙⲱⲛ ⲛⲉⲙⲁϥ	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉ̀ⲣⲉⲡⲁⲓⲱⲧ ϩⲉⲙⲥⲓ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲓⲥ ϩⲏⲡⲡⲉ ⲁϥⲓ̀ ⲉ̀ϧⲟⲩⲛ ⲛ̀ϫⲉ ⲡⲓⲇⲓⲁⲃⲟⲗⲟⲥ ⲛⲉⲙ ⲕⲉⲙⲏϣⲉ ⲛ̀ⲇⲉⲙⲱⲛ ⲛⲉⲙⲁϥ	Asṡōpi ḋe on ǹouèhoou èrepaiōt hemsi xen pimonastyrion is hyppe afì èxoun ǹje pidiabolos nem kemyṡe ǹḋemōn nemaf	draft · highIt happened also one day, as my father was sitting in the monastery, behold, the devil came in, and a multitude of demons with him,
45	ⲟⲩⲟϩ ⲁϥⲥⲁϫⲓ ⲛⲉⲙⲡⲁⲓⲱⲧ ϧⲉⲛⲟⲩⲛⲓϣϯ ⲛ̀ⲁⲡⲩⲗⲏ ⲛⲉⲙϩⲁⲛⲡⲉⲧϩⲱⲟⲩ .	ⲟⲩⲟϩ ⲁϥⲥⲁϫⲓ ⲛⲉⲙ ⲡⲁⲓⲱⲧ ϧⲉⲛ ⲟⲩⲛⲓϣϯ ⲛ̀ⲁⲡⲩⲗⲏ ⲛⲉⲙ ϩⲁⲛⲡⲉⲧϩⲱⲟⲩ.	ouoh afsaji nem paiōt xen ouniṡti ǹapily nem hanpet·hōou.	draft · highand he spoke with my father with great threats and evil words.
46	ⲡⲁⲓⲱⲧ ⲇⲉ ⲉⲧⲁϥⲛⲁⲩ ⲉ̀ⲡⲓⲇⲓⲁⲃⲟⲗⲟⲥ ⲁϥⲉⲙⲓ ⲥⲁⲧⲟⲧϥ ⲛ̀ϯⲟⲩⲛⲟⲩ ⲁϥϥⲟϫϥ ⲉ̀ⲡϣⲱⲓ ⲁϥϫⲉⲙϫⲟⲙ ⲉ̀ⲣⲟϥ	Ⲡⲁⲓⲱⲧ ⲇⲉ ⲉⲧⲁϥⲛⲁⲩ ⲉ̀ⲡⲓⲇⲓⲁⲃⲟⲗⲟⲥ ⲁϥⲉⲙⲓ ⲥⲁⲧⲟⲧϥ ⲛ̀ϯⲟⲩⲛⲟⲩ ⲁϥϥⲟϫϥ ⲉ̀ⲡ̀ϣⲱⲓ ⲁϥϫⲉⲙϫⲟⲙ ⲉ̀ⲣⲟϥ	Paiōt ḋe etafnav èpidiabolos afemi satotf ǹtiounou affogf èp̀ṡōi afjemgom èrof	draft · highWhen my father saw the devil he recognized him at once; he sprang up and overpowered him,
47	ⲟⲩⲟϩ ⲁϥⲁ̀ⲙⲟⲛⲓ ⲙ̀ⲙⲟϥ ⲁϥϣⲱⲡⲓ ⲉϥⲣⲱϧⲧ ⲙ̀ⲙⲟϥ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁϥⲧⲁⲗⲟⲧⲉϥⲫⲁⲧ ⲉ̀ϧⲣⲏⲓ ⲉ̀ϫⲱϥ	ⲟⲩⲟϩ ⲁϥⲁ̀ⲙⲟⲛⲓ ⲙ̀ⲙⲟϥ ⲁϥϣⲱⲡⲓ ⲉϥⲣⲱϧⲧ ⲙ̀ⲙⲟϥ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁϥⲧⲁⲗⲟⲧⲉϥⲫⲁⲧ ⲉ̀ϧ̀ⲣⲏⲓ ⲉ̀ϫⲱϥ	ouoh afàmoni m̀mof afṡōpi efrōxt m̀mof hijen pikahi ouoh aftaloteffat èx̀ryi ègōf	draft · highand he seized him, threw him down on the ground, and set his foot upon him,
48	ⲟⲩⲟϩ ⲁϥⲱϣ ⲉ̀ⲃⲟⲗ ⲉ̀ⲛⲓⲥⲛⲏⲟⲩ ⲉⲧϧⲁⲧⲟⲧϥ ϫⲉⲧⲁϩⲟ ⲛ̀ⲛⲁⲓⲕⲉⲭⲱⲟⲩⲛⲓ ⲉⲧⲟⲩⲉϩ ⲛ̀ⲥⲱϥ ⲟⲩⲟϩ ⲥⲁⲧⲟⲧⲟⲩ ⲁⲩⲃⲱⲗ ⲉ̀ⲃⲟⲗ ⲙ̀ⲫⲣⲏϯ ⲛ̀ⲟⲩⲕⲁⲡⲛⲟⲥ .	ⲟⲩⲟϩ ⲁϥⲱϣ ⲉ̀ⲃⲟⲗ ⲉ̀ⲛⲓⲥ̀ⲛⲏⲟⲩ ⲉⲧϧⲁⲧⲟⲧϥ ϫⲉ ⲧⲁϩⲟ ⲛ̀ⲛⲁⲓ ⲕⲉⲭⲱⲟⲩⲛⲓ ⲉⲧⲟⲩⲉϩ ⲛ̀ⲥⲱϥ ⲟⲩⲟϩ ⲥⲁⲧⲟⲧⲟⲩ ⲁⲩⲃⲱⲗ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲟⲩⲕⲁⲡⲛⲟⲥ.	ouoh afōṡ èvol ènis̀nyou etxatotf je taho ǹnai kekōouni etoueh ǹsōf ouoh satotou avvōl èvol ǹf̀ryti ǹoukapnos.	draft · highand he cried out to the brethren who were with him: 'Seize these others who follow him.' And immediately they vanished like smoke.
49	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉϩⲟⲟⲩ ⲉⲣⲉⲁⲡⲁ ⲙⲁⲣⲧⲩⲣⲓⲟⲥ ⲛ̀ⲧⲉⲫⲃⲱⲟⲩ ⲛⲁϩⲱⲗ ⲉ̀ⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ⲉ̀ⲣⲁⲧϥ ⲙ̀ⲡⲟⲩⲣⲟ ⲑⲉⲟⲇⲟⲥⲓⲟⲥ ⲟⲩⲟϩ ⲉⲧⲁϥⲫⲟϩ ⲙ̀ⲡⲉⲙⲉⲥ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲁϥϫⲟⲥ ϫⲉϯⲟⲩⲱϣ ⲉ̀ϩⲱⲗ ⲉ̀ⲉⲣⲡⲣⲟⲥⲕⲩⲛⲓⲛ ⲙ̀ⲡⲁⲓⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲙ̀ⲡⲁϯⲟⲩⲱⲧⲉⲃ ⲉ̀ϧⲏⲧ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲉ̀ϩⲟⲟⲩ ⲉ̀ⲣⲉ ⲁⲡⲁ ⲙⲁⲣⲧⲩⲣⲓⲟⲥ ⲛ̀ⲧⲉ ⲫ̀ⲃⲱⲟⲩ ⲛⲁϩⲱⲗ ⲉ̀ⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ⲉ̀ⲣⲁⲧϥ ⲛ̀ⲡ̀ⲟⲩⲣⲟ ⲑⲉⲟⲇⲟⲥⲓⲟⲥ ⲟⲩⲟϩ ⲉ̀ⲧⲁϥⲫⲟϩ ⲛ̀ⲡⲉⲙⲉⲥ ⲛ̀ⲡⲓⲙⲟⲛⲁⲥⲧⲏⲣⲓⲟⲛ ⲁϥϫⲟⲥ ϫⲉ ϯⲟⲩⲱϣ ⲉ̀ϩⲱⲗ ⲉ̀ⲉⲣⲡⲣⲟⲥⲕⲩⲛⲓⲛ ⲛ̀ⲡⲁⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲙ̀ⲡⲁϯⲟⲩⲱⲧⲉⲃ ⲉ̀ϧⲏⲧ.	Asṡōpi ḋe on ǹouèhoou ère apa martirios ǹte f̀vōou nahōl èkōnstantinoupolis èratf ǹp̀ouro θeodosios ouoh ètaffoh ǹpemes ǹpimonastyrion afgos je tiouōṡ èhōl èerproskinin ǹpaiōt ǹp̀rofytys apa ṡenouti m̀patiouōteb èxyt.	draft · highIt happened also one day that Apa Martyrius of Phbow was going to Constantinople to the emperor Theodosius; and when he reached the monastery he said: 'I wish to go and pay homage to my father the prophet Apa Shenoute before I sail north.'
50	ⲁⲟⲩϩⲉⲗϣⲓⲣⲓ ⲙ̀ⲙⲟⲛⲁⲭⲟⲥ ⲉϥⲟⲓ ⲛ̀ⲛⲟⲧⲁⲣⲓⲟⲥ ⲙ̀ⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓⲟⲥ ⲉ̀ⲡⲉϥⲣⲁⲛ ⲡⲉ ⲓⲱⲁⲛⲛⲏⲥ ⲁϥⲉⲣⲟⲩⲱ ϧⲉⲛⲟⲩⲙⲉⲧⲛⲁϣⲧ ⲛⲁϩⲃⲓ ⲡⲉϫⲁϥ ϫⲉⲁϣ ⲙ̀ⲡⲣⲟⲫⲏⲧⲏⲥ ; ⲙⲁⲣⲟⲛ ⲛⲁⲛ , ϧⲉⲛⲟⲩⲙⲉⲑⲙⲏⲓ ⲅⲁⲣ ⲫⲏ ⲉⲧⲉⲙ̀ⲙⲁⲩ ⲉⲙⲓ ⲁⲛ ϫⲉⲉⲧⲁϥⲟⲩⲉⲙⲟⲩ ⲛ̀ⲣⲟⲩϩⲓ .	Ⲁ̀ⲟⲩϩⲉⲗϣⲓⲣⲓ ⲛ̀ⲙⲟⲛⲁⲭⲟⲥ ⲉϥⲟⲓ ⲛ̀ⲛⲟⲧⲁⲣⲓⲟⲥ ⲛ̀ⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓⲟⲥ ⲉ̀ⲡⲉϥⲣⲁⲛ ⲡⲉ ⲓⲱⲁⲛⲛⲏⲥ ⲁϥⲉⲣⲟⲩⲱ ϧⲉⲛ ⲟⲩⲙⲉⲧⲛⲁϣⲧ ⲛⲁϩⲃⲓ ⲡⲉϫⲁϥ ϫⲉ ⲁϣ ⲛ̀ⲡ̀ⲣⲟⲫⲏⲧⲏⲥ ; ⲙⲁⲣⲟⲛ ⲛⲁⲛ, ϧⲉⲛ ⲟⲩⲙⲉⲑⲙⲏⲓ ⲅⲁⲣ ⲫⲏ ⲉ̀ⲧⲉ ⲙ̀ⲙⲁⲩ ⲉⲙⲓ ⲁⲛ ϫⲉ ⲉ̀ⲧⲁϥⲟⲩⲉⲙⲟⲩ ⲛ̀ⲣⲟⲩϩⲓ.	Àouhelṡiri ǹmonaxos efoi ǹnotarios ǹpixello apa martirios èpefran pe iōannys aferouō xen oumetnaṡt nahvi pegaf je aṡ ǹp̀rofytys ; maron nan, xen oumeθmyi ġar fy ète m̀mav emi an je ètafouemou ǹrouhi.	draft · highA little old monk who was notary of the old man Apa Martyrius, whose name was John, answered with a stiff neck and said: 'What prophet? Let us go on; for truly that man does not know what he ate in the evening.'
51	ⲟⲩⲟϩ ⲙⲉⲛⲉⲛⲥⲱⲥ ⲟⲛ ⲁϥⲓ̀ ⲉ̀ⲡϣⲱⲓ ⲁϥⲙⲟϣⲓ ⲛⲉⲙⲡⲉϥⲓⲱⲧ ϩⲓⲡⲓⲙⲱⲓⲧ .	Ⲟⲩⲟϩ ⲙⲉⲛⲉⲛⲥⲱⲥ ⲟⲛ ⲁϥⲓ̀ ⲉ̀ⲡ̀ϣⲱⲓ ⲁϥⲙⲟϣⲓ ⲛⲉⲙ ⲡⲉϥⲓⲱⲧ ϩⲓ ⲡⲓⲙⲱⲓⲧ.	Ouoh menensōs on afì èp̀ṡōi afmoṡi nem pefiōt hi pimōit.	draft · highAnd after that he too went up and walked with his father on the road.
52	ⲉⲧⲁϥϧⲱⲛⲧ ⲇⲉ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁⲡⲁⲓⲱⲧ ⲧⲱⲛϥ ⲁϥⲓ̀ ⲉ̀ⲃⲟⲗ ϧⲁϫⲱϥ ⲟⲩⲟϩ ⲁⲩⲉⲣⲁⲥⲡⲁⲍⲉⲥⲑⲉ ⲛ̀ⲛⲟⲩⲉⲣⲏⲟⲩ	Ⲉⲧⲁϥϧⲱⲛⲧ ⲇⲉ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁ ⲡⲁⲓⲱⲧ ⲧⲱⲛϥ ⲁϥⲓ̀ ⲉ̀ⲃⲟⲗ ϧⲁϫⲱϥ ⲟⲩⲟϩ ⲁⲩⲉⲣⲁⲥⲡⲁⲍⲉⲥⲑⲉ ⲛ̀ⲛⲟⲩⲉⲣⲏⲟⲩ	Etafxōnt ḋe èxoun èpimonastyrion a paiōt tōnf afì èvol xagōf ouoh averaspazesθe ǹnoueryou	draft · highWhen he drew near to the monastery, my father rose and went out to meet him, and they greeted one another.
53	ⲟⲩⲟϩ ⲧⲟⲧⲉ ⲁϥⲟⲗⲟⲩ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲉⲧⲁⲩϣⲗⲏⲗ ⲁⲩϩⲉⲙⲥⲓ .	ⲟⲩⲟϩ ⲧⲟⲧⲉ ⲁϥⲟ̀ⲗⲟⲩ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲉ̀ⲧⲁⲩϣ̀ⲗⲏⲗ ⲁⲩϩⲉⲙⲥⲓ.	ouoh tote afòlou èxoun èpimonastyrion ouoh ètavṡ̀lyl avhemsi.	draft · highAnd then he brought him into the monastery, and when they had prayed they sat down.
54	ϧⲉⲛϯⲟⲩⲛⲟⲩ ⲡⲉϫⲉⲡⲁⲓⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲙ̀ⲡⲁⲓⲣⲏϯ ϫⲉⲁϥⲑⲱⲛ ⲓⲱⲁⲛⲛⲏⲥ ;	Ϧⲉⲛ ϯⲟⲩⲛⲟⲩ ⲡⲉϫⲉⲡⲁⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲛ̀ⲡⲁⲓⲣⲏϯ ϫⲉ ⲁϥⲑⲱⲛ ⲓⲱⲁⲛⲛⲏⲥ ;	Xen tiounou pejepaiōt ǹp̀rofytys apa ṡenouti ǹpairyti je afθōn iōannys ;	draft · highAt once my father the prophet Apa Shenoute said: 'Where is John?'
55	ⲁⲛⲓⲥⲛⲏⲟⲩ ⲇⲉ ϫⲟⲩϣⲧ ⲛ̀ⲥⲁⲛⲟⲩⲉⲣⲏⲟⲩ .	ⲁⲛⲓⲥ̀ⲛⲏⲟⲩ ⲇⲉ ϫⲟⲩϣⲧ ⲛ̀ⲥⲁ ⲛⲟⲩⲉ̀ⲣⲏⲟⲩ.	anis̀nyou ḋe gouṡt ǹsa nouèryou.	draft · highThe brethren looked at one another.
56	ⲙⲉⲛⲉⲛⲥⲱⲥ ⲡⲉϫⲁϥ ϫⲉⲁⲓϫⲉ ⲉ̀ⲣⲟⲕ ⲛ̀ⲑⲟⲕ ⲓⲱⲁⲛⲛⲏⲥ ⲡⲓⲛⲟⲧⲁⲣⲓⲟⲥ ⲛ̀ⲧⲉⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓ .	Ⲙⲉⲛⲉⲛⲥⲱⲥ ⲡⲉϫⲁϥ ϫⲉ ⲁⲓϫⲉ ⲉ̀ⲣⲟⲕ ⲛ̀ⲑⲟⲕ ⲓⲱⲁⲛⲛⲏⲥ ⲡⲓⲛⲟⲧⲁⲣⲓⲟⲥ ⲛ̀ⲧⲉ ⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓ.	Menensōs pegaf je aije èrok ǹθok iōannys pinotarios ǹte pixello apa martiri.	draft · highAfter that he said: 'I mean you, John, the notary of the old man Apa Martyrius.'
57	ⲧⲟⲧⲉ ⲁⲡⲁⲓⲱⲧ ⲁ̀ⲙⲟⲛⲓ ⲙ̀ⲙⲟϥ ⲟⲩⲟϩ ⲡⲉϫⲁϥ ⲛⲁϥ ϫⲉⲓⲱⲁⲛⲛⲏⲥ ϧⲉⲛⲟⲩⲙⲉⲑⲙⲏⲓ ϣⲉⲛⲟⲩϯ ⲉⲙⲓ ⲁⲛ ϫⲉⲉⲧⲁϥⲟⲩⲉⲙⲟⲩ ⲛ̀ⲣⲟⲩϩⲓ ⲟⲩⲟϩ ⲡⲁⲓⲥⲱⲙⲁ ⲛ̀ⲉⲃⲓⲏⲛ ⲉⲧⲥⲁϫⲓ ⲛⲉⲙⲁⲕ ϯⲛⲟⲩ ϥⲛⲁϩⲉⲙⲥⲓ ⲉ̀ϧⲣⲏⲓ ⲛⲉⲙⲛⲓⲁ̀ⲡⲟⲥⲧⲟⲗⲟⲥ ϧⲉⲛⲡⲓⲉ̀ϩⲟⲟⲩ ⲛ̀ⲧⲉⲡⲓϩⲁⲡ ⲟⲩⲟϩ ⲛ̀ⲧⲉϥϯϩⲁⲡ ⲛⲉⲙⲱⲟⲩ .	Ⲧⲟⲧⲉ ⲁ ⲡⲁⲓⲱⲧ ⲁ̀ⲙⲟⲛⲓ ⲙ̀ⲙⲟϥ ⲟⲩⲟϩ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ϧⲉⲛ ⲟⲩⲙⲉⲑⲙⲏⲓ ϣⲉⲛⲟⲩϯ ⲉⲙⲓ ⲁⲛ ϫⲉ ⲉ̀ⲧⲁϥⲟⲩⲉⲙⲟⲩ ⲛ̀ⲣⲟⲩϩⲓ ⲟⲩⲟϩ ⲡⲁⲓⲥⲱⲙⲁ ⲛ̀ⲉⲃⲓⲏⲛ ⲉⲧⲥⲁϫⲓ ⲛⲉⲙⲁⲕ ϯⲛⲟⲩ ϥ̀ⲛⲁϩⲉⲙⲥⲓ ⲉ̀ϧ̀ⲣⲏⲓ ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲓϩⲁⲡ ⲟⲩⲟϩ ⲛ̀ⲧⲉϥϯϩⲁⲡ ⲛⲉⲙⲱⲟⲩ.	Tote a paiōt àmoni m̀mof ouoh pegaf naf je iōannys xen oumeθmyi ṡenouti emi an je ètafouemou ǹrouhi ouoh paisōma ǹeviyn etsaji nemak tinou f̀nahemsi èx̀ryi nem niàpostolos xen pièhoou ǹte pihap ouoh ǹteftihap nemōou.	draft · highThen my father took hold of him and said to him: 'John, truly Shenoute does not know what he ate in the evening; yet this wretched body that is speaking with you now will sit with the apostles on the day of judgement and will judge with them.
58	ⲗⲟⲓⲡⲟⲛ ⲁ̀ⲛⲁⲩ ⲙⲡⲉⲣⲉⲣⲁⲧⲛⲁϩⲧ ⲉ̀ⲫϯ ⲛⲉⲙⲛⲉϥⲉ̀ⲃⲓⲁⲕ . ⲡⲓⲁⲗⲟⲩ ⲇⲉ ⲛ̀ϯⲟⲩⲛⲟⲩ ⲁϥϩⲓⲧϥ ⲉ̀ϧⲣⲏⲓ ϧⲁⲣⲁⲧϥ ⲙ̀ⲡⲁⲓⲱⲧ ⲉⲑⲟⲩⲁⲃ ⲉϥϯϩⲟ ⲉ̀ⲣⲟϥ ϫⲉⲭⲱ ⲛⲏⲓ ⲉ̀ⲃⲟⲗ ⲁⲓⲉⲣⲛⲟⲃⲓ .	Ⲗⲟⲓⲡⲟⲛ ⲁ̀ⲛⲁⲩ ⲙ̀ⲡⲉⲣⲉⲣⲁⲧⲛⲁϩⲧ ⲉ̀ⲫ̀ⲛⲟⲩϯ ⲛⲉⲙ ⲛⲉϥⲉ̀ⲃⲓⲁⲕ. Ⲡⲓⲁ̀ⲗⲟⲩ ⲇⲉ ⲛ̀ϯⲟⲩⲛⲟⲩ ⲁϥϩⲓⲧϥ ⲉ̀ϧ̀ⲣⲏⲓ ϧⲁⲣⲁⲧϥ ⲛ̀ⲡⲁⲓⲱⲧ ⲉⲑⲟⲩⲁⲃ ⲉϥϯϩⲟ ⲉ̀ⲣⲟϥ ϫⲉ ⲭⲱ ⲛⲏⲓ ⲉ̀ⲃⲟⲗ ⲁⲓⲉⲣⲛⲟⲃⲓ.	Loipon ànav m̀pereratnaht èf̀nouti nem nefèviak. Piàlou ḋe ǹtiounou afhitf èx̀ryi xaratf ǹpaiōt eθouab eftiho èrof je kō nyi èvol aiernovi.	draft · highFrom now on, see that you are not unbelieving toward God and his servants.' The youth at once threw himself down at the feet of my holy father, beseeching him: 'Forgive me, I have sinned.'
59	ⲟⲩⲟϩ ⲙⲉⲛⲉⲛⲥⲱⲥ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲙ̀ⲡⲁⲓⲱⲧ ⲛ̀ϫⲉⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓⲟⲥ ⲉϥϯⲱⲟⲩ ⲙ̀ⲫϯ ⲟⲩⲟϩ ⲉϥⲉⲣϣⲫⲏⲣⲓ ⲙ̀ⲫⲏ ⲉⲧⲁϥϣⲱⲡⲓ .	Ⲟⲩⲟϩ ⲙⲉⲛⲉⲛⲥⲱⲥ ⲁϥⲓ̀ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲁⲓⲱⲧ ⲛ̀ϫⲉ ⲡⲓϧⲉⲗⲗⲟ ⲁⲡⲁ ⲙⲁⲣⲧⲩⲣⲓⲟⲥ ⲉϥϯⲱ̀ⲟⲩ ⲛ̀ⲫ̀ⲛⲟⲩϯ ⲟⲩⲟϩ ⲉϥⲉⲣϣⲫⲏⲣⲓ ⲛ̀ⲫⲏ ⲉⲧⲁϥϣⲱⲡⲓ.	Ouoh menensōs afì èvol hitotf ǹpaiōt ǹje pixello apa martirios eftiṑou ǹf̀nouti ouoh eferṡfyri ǹfy etafṡōpi.	draft · highAnd after that the old man Apa Martyrius went out from my father, glorifying God and marvelling at what had happened.
60	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁⲡⲉⲛⲓⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ϩⲱⲗ ϣⲁⲡⲓⲕⲟⲓⲙⲏⲧⲁⲧⲱⲛ ⲛ̀ⲧⲉⲛⲓⲟⲩⲣⲱⲟⲩ ϣⲁⲛⲓⲟⲩⲣⲱⲟⲩ ⲉ̀ⲛⲉⲩⲥⲉⲃⲏⲥ ⲉⲑⲃⲉⲛⲓϭⲓⲛ̀ϫⲟⲛⲥ ⲉⲧⲉⲣⲉⲛⲓⲁ̀ⲣⲭⲱⲛ ⲓⲣⲓ ⲙ̀ⲙⲱⲟⲩ ⲛ̀ⲛⲓϩⲏⲕⲓ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁⲡⲉⲛⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ϩⲱⲗ ϣⲁ ⲡⲓⲕⲟⲓⲙⲏⲧⲁⲧⲱⲛ ⲛ̀ⲧⲉ ⲛⲓⲟⲩⲣⲱⲟⲩ ϣⲁ ⲛⲓⲟⲩⲣⲱⲟⲩ ⲉ̀ⲛⲉⲩⲥⲉⲃⲏⲥ ⲉⲑⲃⲉ ⲛⲓϭⲓⲛ̀ϫⲟⲛⲥ ⲉⲧⲉⲣⲉⲛⲓⲁ̀ⲣⲭⲱⲛ ⲓ̀ⲣⲓ ⲙ̀ⲙⲱⲟⲩ ⲛ̀ⲛⲓϩⲏⲕⲓ.	Asṡōpi ḋe on ǹousop apeniōt ǹp̀rofytys apa ṡenouti hōl ṡa pikoimytatōn ǹte niourōou ṡa niourōou ènevsebys eθve niċiǹgons etereniàrxōn ìri m̀mōou ǹnihyki.	draft · highIt happened also once that our father the prophet Apa Shenoute went to the court of the emperors, to the pious emperors, because of the acts of violence which the magistrates were doing to the poor.
61	ⲉⲧⲁϥϣⲉ ⲇⲉ ⲉ̀ϧⲟⲩⲛ ⲉ̀ϯⲡⲟⲗⲓⲥ ⲁ̀ϯⲃⲁⲕⲓ ⲧⲏⲣⲥ ⲙⲟⲛⲙⲉⲛ ⲉⲑⲃⲉⲧⲉϥⲡⲁⲣⲣⲏⲥⲓⲁ ϣⲁⲣⲱⲟⲩ	Ⲉⲧⲁϥϣⲉ ⲇⲉ ⲉ̀ϧⲟⲩⲛ ⲉ̀ϯⲡⲟⲗⲓⲥ ⲁ̀ϯⲃⲁⲕⲓ ⲧⲏⲣⲥ ⲙⲟⲛⲙⲉⲛ ⲉⲑⲃⲉ ⲧⲉϥⲡⲁⲣⲣⲏⲥⲓⲁ ϣⲁⲣⲱⲟⲩ	Etafṡe ḋe èxoun ètipolis àtivaki tyrs monmen eθve tefparrysia ṡarōou	draft · mediumWhen he entered the city, the whole city was stirred because of his boldness toward them.
62	ⲟⲩⲟϩ ⲛⲁⲣⲉⲟⲩⲟⲛ ⲛⲓⲃⲉⲛ ⲛⲏⲟⲩ ϣⲁⲣⲟϥ ⲛⲁⲡⲓⲡⲁⲗⲁⲧⲓⲟⲛ ⲛⲉⲙⲛⲁϯⲡⲟⲗⲓⲥ ⲧⲏⲣⲥ ⲉⲩϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ ϧⲉⲛⲟⲩⲛⲓϣϯ ⲛ̀ⲛⲁϩϯ ⲟⲩⲟϩ ⲛⲁⲣⲉⲫⲟⲩⲁⲓ ⲫⲟⲩⲁⲓ ⲱⲗⲓ ⲙ̀ⲙⲟϥ ⲉ̀ϧⲟⲩⲛ ⲉ̀ⲛⲟⲩⲏⲓ ϫⲉϩⲓⲛⲁ ⲛ̀ⲧⲉϥϣⲗⲏⲗ ⲛ̀ϧⲏⲧⲟⲩ .	ⲟⲩⲟϩ ⲛⲁⲣⲉ ⲟⲩⲟⲛ ⲛⲓⲃⲉⲛ ⲛⲏⲟⲩ ϣⲁⲣⲟϥ ⲛⲁⲡⲓⲡⲁⲗⲁⲧⲓⲟⲛ ⲛⲉⲙ ⲛⲁ ϯⲡⲟⲗⲓⲥ ⲧⲏⲣⲥ ⲉⲩϭⲓⲥⲙⲟⲩ ⲉ̀ⲃⲟⲗ ϩⲓⲧⲟⲧϥ ϧⲉⲛ ⲟⲩⲛⲓϣϯ ⲛ̀ⲛⲁϩϯ ⲟⲩⲟϩ ⲛⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲱ̀ⲗⲓ ⲙ̀ⲙⲟϥ ⲉ̀ϧⲟⲩⲛ ⲉ̀ⲛⲟⲩⲏⲓ ϫⲉ ϩⲓⲛⲁ ⲛ̀ⲧⲉϥϣ̀ⲗⲏⲗ ⲛ̀ϧⲏⲧⲟⲩ.	ouoh nare ouon niven nyou ṡarof napipalation nem na tipolis tyrs evċismou èvol hitotf xen ouniṡti ǹnahti ouoh nare f̀ouai f̀ouai ṑli m̀mof èxoun ènouyi je hina ǹtefṡ̀lyl ǹxytou.	draft · highAnd everyone came to him, those of the palace and those of the whole city, receiving a blessing from him with great faith, and each one would bring him into his house so that he might pray in it.
63	ⲗⲟⲓⲡⲟⲛ ⲟⲩⲛ ⲉϥⲙⲟϣⲓ ⲛ̀ⲟⲩⲉϩⲟⲟⲩ ⲉⲑⲣⲉϥϣⲉ ⲉ̀ⲡⲏⲓ ⲛ̀ⲟⲩⲁⲓ ϧⲉⲛⲛⲏ ⲉⲧⲧⲁⲓⲏⲟⲩⲧ ⲛ̀ⲧⲟⲧϥ ⲙ̀ⲡⲟⲩⲣⲟ ⲛ̀ⲧⲉϥϣⲗⲏⲗ ⲙ̀ⲙⲁⲩ ,	Ⲗⲟⲓⲡⲟⲛ ⲟⲩⲛ ⲉϥⲙⲟϣⲓ ⲛ̀ⲟⲩⲉ̀ϩⲟⲟⲩ ⲉ̀ⲑⲣⲉϥϣⲉ ⲉ̀ⲡ̀ⲏⲓ ⲛ̀ⲟⲩⲁⲓ ϧⲉⲛ ⲛⲏ ⲉⲧⲧⲁⲓⲏⲟⲩⲧ ⲛ̀ⲧⲟⲧϥ ⲛ̀ⲡ̀ⲟⲩⲣⲟ ⲛ̀ⲧⲉϥϣ̀ⲗⲏⲗ ⲙ̀ⲙⲁⲩ,	Loipon oun efmoṡi ǹouèhoou èθrefṡe èp̀yi ǹouai xen ny ettaiyout ǹtotf ǹp̀ouro ǹtefṡ̀lyl m̀mav,	draft · highSo, as he was walking one day to go to the house of one of those honoured by the king, to pray there,
64	ⲟⲩⲟϩ ⲡⲓⲉ̀ϩⲟⲟⲩ ⲛⲉⲁϥⲉⲣϩⲏⲧⲥ ⲛ̀ⲣⲓⲕⲓ ⲟⲩⲟϩ ⲁⲡⲓⲛⲁⲩ ϣⲱⲡⲓ ⲛ̀ϩⲟⲩⲟ ⲉⲑⲣⲉⲛⲓⲥⲛⲏⲟⲩ ⲉⲑⲛⲉⲙⲁϥ ⲟⲩⲱⲙ ⲙ̀ⲡⲟⲩⲱⲓⲕ ,	ⲟⲩⲟϩ ⲡⲓⲉ̀ϩⲟⲟⲩ ⲛⲉ ⲁϥⲉⲣϩⲏⲧⲥ ⲛ̀ⲣⲓⲕⲓ ⲟⲩⲟϩ ⲁ ⲡⲓⲛⲁⲩ ϣⲱⲡⲓ ⲛ̀ϩⲟⲩⲟ ⲉ̀ⲑⲣⲉⲛⲓⲥ̀ⲛⲏⲟⲩ ⲉⲑⲛⲉⲙⲁϥ ⲟⲩⲱⲙ ⲛ̀ⲡⲟⲩⲱⲓⲕ,	ouoh pièhoou ne aferhyts ǹriki ouoh a pinav ṡōpi ǹhouo èθrenis̀nyou eθnemaf ouōm ǹpouōik,	draft · mediumthe day had begun to decline, and the hour for the brethren with him to eat bread had long passed;
65	ⲟⲩⲟϩ ⲧⲟⲧⲉ ⲛⲁⲩⲭⲣⲉⲙⲣⲉⲙ ⲡⲉ ⲉⲩϫⲱ ⲙ̀ⲙⲟⲥ ϫⲉⲡⲉⲛⲓⲱⲧ ⲛⲁϧⲟⲧⲃⲉⲛ ⲙ̀ⲡⲁⲓⲣⲏϯ ⲉⲛⲟⲩⲱϣ ⲉ̀ⲥⲉⲟⲩⲕⲟⲩϫⲓ ⲙ̀ⲙⲱⲟⲩ .	ⲟⲩⲟϩ ⲧⲟⲧⲉ ⲛⲁⲩⲭⲣⲉⲙⲣⲉⲙ ⲡⲉ ⲉⲩϫⲱ ⲙ̀ⲙⲟⲥ ϫⲉ ⲡⲉⲛⲓⲱⲧ ⲛⲁϧⲟⲧⲃⲉⲛ ⲛ̀ⲡⲁⲓⲣⲏϯ ⲉⲛⲟⲩⲱϣ ⲉ̀ⲥⲉⲟⲩⲕⲟⲩϫⲓ ⲙ̀ⲙⲱⲟⲩ.	ouoh tote navkremrem pe evgō m̀mos je peniōt naxotven ǹpairyti enouōṡ èseoukouji m̀mōou.	draft · highand then they were murmuring, saying: 'Our father will kill us like this, when we want to eat a little.'
66	ⲛⲉⲡⲥⲏⲟⲩ ⲅⲁⲣ ⲙ̀ⲡⲓϣⲱⲙ ⲡⲉ ⲟⲩⲟϩ ⲁⲛⲏ ⲉⲧⲁⲩϩⲱⲗ ⲉ̀ⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ϫⲟⲥ ϫⲉϣⲁⲣⲉϩⲁⲛⲛⲓϣϯ ⲛ̀ⲕⲁⲩⲥⲱⲛ ϣⲱⲡⲓ ⲛ̀ϧⲏⲧⲥ .	Ⲛⲉⲡ̀ⲥⲏⲟⲩ ⲅⲁⲣ ⲛ̀ⲡⲓϣⲱⲙ ⲡⲉ ⲟⲩⲟϩ ⲁⲛⲏ ⲉⲧⲁⲩϩⲱⲗ ⲉ̀ⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ϫⲟⲥ ϫⲉ ϣⲁⲣⲉϩⲁⲛⲛⲓϣϯ ⲛ̀ⲕⲁⲩⲥⲱⲛ ϣⲱⲡⲓ ⲛ̀ϧⲏⲧⲥ.	Nep̀·syou ġar ǹpiṡōm pe ouoh any etavhōl èkōstantinoupolis gos je ṡarehanniṡti ǹkavsōn ṡōpi ǹxyts.	draft · highFor it was summer time, and those who have gone to Constantinople say that great heat comes upon it.
67	ⲡⲉⲛⲓⲱⲧ ⲇⲉ ⲁⲡⲁ ϣⲉⲛⲟⲩϯ ⲁϥⲉⲙⲓ ⲉ̀ⲛⲟⲩⲙⲟⲕⲙⲉⲕ ϧⲉⲛⲡⲓⲡⲛ̅ⲁ̅ ⲟⲩⲟϩ ⲉⲧⲓ ⲉϥⲙⲟϣⲓ ⲛⲉⲙⲱⲟⲩ ϧⲉⲛⲟⲩϧⲓⲣ ⲁϥϭⲟϩ ⲉ̀ⲟⲩⲣⲟ .	Ⲡⲉⲛⲓⲱⲧ ⲇⲉ ⲁⲡⲁ ϣⲉⲛⲟⲩϯ ⲁϥⲉⲙⲓ ⲉ̀ⲛⲟⲩⲙⲟⲕⲙⲉⲕ ϧⲉⲛ ⲡⲓⲡ̀ⲛⲉⲩⲙⲁ ⲟⲩⲟϩ ⲉ̀ⲧⲓ ⲉϥⲙⲟϣⲓ ⲛⲉⲙⲱⲟⲩ ϧⲉⲛ ⲟⲩϧⲓⲣ ⲁϥϭⲟϩ ⲉ̀ⲟⲩⲣⲟ.	Peniōt ḋe apa ṡenouti afemi ènoumokmek xen pip̀nevma ouoh èti efmoṡi nemōou xen ouxir afċoh èouro.	draft · highOur father Apa Shenoute knew their thoughts in the Spirit, and while he was still walking with them in a street he came to a door.
68	ϧⲉⲛⲟⲩⲉ̀ⲝⲁⲡⲓⲛⲁ ⲁϥⲟⲩⲱⲛ ⲛⲁϥ ⲁϥϣⲉ ⲉ̀ϧⲟⲩⲛ ⲟⲩⲟϩ ⲁϥⲙⲟⲩϯ ⲉ̀ⲛⲓⲥⲛⲏⲟⲩ ⲉⲑⲙⲟϣⲓ ⲛⲉⲙⲁϥ ϫⲉⲁⲙⲱⲓⲛⲓ ⲉ̀ϧⲟⲩⲛ ⲟⲩⲱⲙ .	Ϧⲉⲛ ⲟⲩⲉ̀ⲝⲁⲡⲓⲛⲁ ⲁϥⲟⲩⲱⲛ ⲛⲁϥ ⲁϥϣⲉ ⲉ̀ϧⲟⲩⲛ ⲟⲩⲟϩ ⲁϥⲙⲟⲩϯ ⲉ̀ⲛⲓⲥ̀ⲛⲏⲟⲩ ⲉⲑⲙⲟϣⲓ ⲛⲉⲙⲁϥ ϫⲉ ⲁⲙⲱⲓⲛⲓ ⲉ̀ϧⲟⲩⲛ ⲟⲩⲱⲙ.	Xen ouèksapina afouōn naf afṡe èxoun ouoh afmouti ènis̀nyou eθmoṡi nemaf je amōini èxoun ouōm.	draft · highSuddenly it opened for him; he went in and called to the brethren walking with him: 'Come in and eat.'
69	ⲟⲩⲟϩ ⲉⲧⲁⲩϣⲉ ⲉ̀ϧⲟⲩⲛ ⲁⲩϫⲓⲙⲓ ⲙ̀ⲡⲓⲙⲁ ⲛ̀ⲟⲩⲱⲙ ⲉϥⲥⲉⲃⲧⲱⲧ ⲟⲩⲟϩ ϯⲧⲣⲁⲡⲉⲍⲁ ⲉⲥⲭⲏ ⲉ̀ϧⲣⲏⲓ ⲙ̀ⲡⲥⲙⲟⲧ ⲧⲏⲣϥ ⲙ̀ⲡⲟⲩⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲧⲟⲩⲭⲣⲓⲁ ⲧⲏⲣⲥ ⲉⲥⲭⲏ ⲉϧⲣⲏⲓ ⲛⲉⲙⲡⲓⲱⲓⲕ ⲉⲣⲉⲁⲗⲟⲩ ⲃ ⲙ̀ⲙⲟⲛⲁⲭⲟⲥ ⲟϩⲓ ⲉ̀ⲣⲁⲧⲟⲩ ⲛⲉⲙϩⲁⲛⲕⲟⲩϫⲓ ⲛ̀ⲝⲉⲥⲧⲏⲥ ⲉⲩⲥⲉⲃⲧⲱⲧ ⲉ̀ⲥⲉⲣⲙⲱⲟⲩ ⲛⲱⲟⲩ ⲛⲉⲙⲡⲕⲉⲥⲉⲉⲡⲓ ⲛ̀ϯⲭⲣⲓⲁ .	Ⲟⲩⲟϩ ⲉ̀ⲧⲁⲩϣⲉ ⲉ̀ϧⲟⲩⲛ ⲁⲩϫⲓⲙⲓ ⲛ̀ⲡⲓⲙⲁ ⲛ̀ⲟⲩⲱⲙ ⲉϥⲥⲉⲃⲧⲱⲧ ⲟⲩⲟϩ ϯⲧ̀ⲣⲁⲡⲉⲍⲁ ⲉⲥⲭⲏ ⲉ̀ϧ̀ⲣⲏⲓ ⲛ̀ⲡ̀ⲥ̀ⲙⲟⲧ ⲧⲏⲣϥ ⲛ̀ⲡⲟⲩⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲧⲟⲩⲭⲣⲓⲁ ⲧⲏⲣⲥ ⲉⲥⲭⲏ ⲉ̀ϧ̀ⲣⲏⲓ ⲛⲉⲙ ⲡⲓⲱⲓⲕ ⲉ̀ⲣⲉ ⲁⲗⲟⲩ ⲃ ⲛ̀ⲙⲟⲛⲁⲭⲟⲥ ⲟ̀ϩⲓ ⲉ̀ⲣⲁⲧⲟⲩ ⲛⲉⲙ ϩⲁⲛⲕⲟⲩϫⲓ ⲛ̀ⲝⲉⲥⲧⲏⲥ ⲉⲩⲥⲉⲃⲧⲱⲧ ⲉ̀ⲥⲉⲣⲙⲱⲟⲩ ⲛⲱⲟⲩ ⲛⲉⲙ ⲡ̀ⲕⲉⲥⲉⲉⲡⲓ ⲛ̀ϯⲭⲣⲓⲁ.	Ouoh ètavṡe èxoun avjimi ǹpima ǹouōm efsevtōt ouoh tit̀rapeza esky èx̀ryi ǹp̀·s̀mot tyrf ǹpoumonastyrion ouoh touxria tyrs esky èx̀ryi nem piōik ère alou v ǹmonaxos òhi èratou nem hankouji ǹksestys evsevtōt èsermōou nōou nem p̀keseepi ǹtixria.	draft · mediumAnd when they went in they found the dining place prepared and the table laid in exactly the fashion of their monastery, and all their needs set out with the bread, while two young monks stood with small jugs ready to pour water for them, and the rest of what was needed.
70	ⲟⲩⲟϩ ⲡⲉϫⲁϥ ⲛ̀ⲛⲓⲥⲛⲏⲟⲩ ϫⲉϩⲉⲙⲥⲓ ⲛ̀ⲧⲉⲧⲉⲛⲟⲩⲱⲙ . ⲟⲩⲟϩ ⲙⲉⲛⲉⲛⲥⲁⲉⲑⲣⲟⲩⲟⲩⲱⲙ ⲁⲩⲧⲱⲟⲩⲛⲟⲩ ⲁⲩⲓ̀ ⲉ̀ⲃⲟⲗ .	Ⲟⲩⲟϩ ⲡⲉϫⲁϥ ⲛ̀ⲛⲓⲥ̀ⲛⲏⲟⲩ ϫⲉ ϩⲉⲙⲥⲓ ⲛ̀ⲧⲉⲧⲉⲛⲟⲩⲱⲙ. Ⲟⲩⲟϩ ⲙⲉⲛⲉⲛⲥⲁⲉⲑⲣⲟⲩⲟⲩⲱⲙ ⲁⲩⲧⲱⲟⲩⲛⲟⲩ ⲁⲩⲓ̀ ⲉ̀ⲃⲟⲗ.	Ouoh pegaf ǹnis̀nyou je hemsi ǹtetenouōm. Ouoh menensaeθrououōm avtōounou avì èvol.	draft · highAnd he said to the brethren: 'Sit down and eat.' And after they had eaten they rose and went out.
71	ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲛⲓⲙ ⲡⲉ ⲉⲧⲁϥⲥⲉⲃⲧⲱⲧ ⲡⲁⲓⲙⲁ ⲛ̀ⲟⲩⲱⲙ ⲓⲉ ⲛⲓⲙ ⲛⲉ ⲡⲁⲓⲥⲟⲛ ⲃ̅ ⲉⲧⲉⲣⲇⲓⲁⲕⲟⲛⲓⲛ ⲉⲣⲇⲓⲁⲕⲟⲛⲓⲛ ⲉ̀ⲣⲟⲛ ; ϧⲉⲛⲟⲩⲙⲉⲑⲙⲏⲓ ⲅⲁⲣ ⲙⲟⲅⲓⲥ ⲛ̀ⲧⲉⲛϫⲓⲙⲓ ⲛ̀ⲧⲉⲛⲭⲣⲓⲁ ⲙ̀ⲡⲁⲓⲣⲏϯ ϧⲉⲛⲡⲉⲛⲙⲟⲛⲁⲥⲧⲏⲣⲓⲟⲛ .	Ⲡⲉϫⲱⲟⲩ ⲛⲁϥ ϫⲉ ⲡⲉⲛⲓⲱⲧ ⲛⲓⲙ ⲡⲉ ⲉⲧⲁϥⲥⲉⲃⲧⲱⲧ ⲡⲁⲓⲙⲁ ⲛ̀ⲟⲩⲱⲙ ⲓⲉ ⲛⲓⲙ ⲛⲉ ⲡⲁⲓⲥⲟⲛ 2 ⲉⲧⲉⲣⲇⲓⲁⲕⲟⲛⲓⲛ ⲉⲣⲇⲓⲁⲕⲟⲛⲓⲛ ⲉ̀ⲣⲟⲛ ; ϧⲉⲛ ⲟⲩⲙⲉⲑⲙⲏⲓ ⲅⲁⲣ ⲙⲟⲅⲓⲥ ⲛ̀ⲧⲉⲛϫⲓⲙⲓ ⲛ̀ⲧⲉⲛⲭⲣⲓⲁ ⲛ̀ⲡⲁⲓⲣⲏϯ ϧⲉⲛ ⲡⲉⲛⲙⲟⲛⲁⲥⲧⲏⲣⲓⲟⲛ.	Pegōou naf je peniōt nim pe etafsevtōt paima ǹouōm ie nim ne paison 2 eterḋiakonin erḋiakonin èron ; xen oumeθmyi ġar mogis ǹtenjimi ǹtenxria ǹpairyti xen penmonastyrion.	draft · highThey said to him: 'Our father, who is it that prepared this dining place, or who are these two brothers who served us? For truly we hardly find our needs like this in our own monastery.'
72	ⲛ̀ⲑⲟϥ ⲇⲉ ⲡⲉϫⲁϥ ⲛⲱⲟⲩ ϧⲉⲛⲟⲩⲡⲁⲣⲏⲥⲓⲁ ϫⲉⲙⲁⲱⲟⲩ ⲙ̀ⲫϯ ϫⲉⲫⲏ ⲉⲧⲁϥⲟⲩⲱⲣⲡ ⲙ̀ⲡⲁⲣⲓⲥⲧⲟⲛ ⲛ̀ⲇⲁⲛⲓⲏⲗ ϧⲉⲛⲫⲗⲁⲕⲕⲟⲥ ⲛ̀ⲧⲉⲛⲓⲙⲟⲩⲓ̀ ⲛ̀ⲑⲟϥ ⲟⲛ ϯⲛⲟⲩ ⲡⲉ ⲡⲉⲧⲁϥⲥⲉⲃⲧⲉⲡⲁⲓⲙⲁ ⲛ̀ⲟⲩⲱⲙ ⲛⲱⲧⲉⲛ ⲙ̀ⲫⲟⲟⲩ ⲟⲩⲟϩ ⲡⲁⲓⲥⲟⲛ ⲃ̅ ⲉⲧⲉⲣⲇⲓⲁⲕⲟⲛⲓⲛ ⲉⲧⲉⲣⲇⲓⲁⲕⲟⲛⲓⲛ ⲉ̀ⲣⲱⲧⲉⲛ ϩⲁⲛⲁⲅⲅⲉⲗⲟⲥ ⲛ̀ⲧⲉⲡϭ̅ⲥ̅ ⲛⲉ .	Ⲛ̀ⲑⲟϥ ⲇⲉ ⲡⲉϫⲁϥ ⲛⲱⲟⲩ ϧⲉⲛ ⲟⲩⲡⲁⲣⲏⲥⲓⲁ ϫⲉ ⲙⲁⲱ̀ⲟⲩ ⲛ̀ⲫ̀ⲛⲟⲩϯ ϫⲉ ⲫⲏ ⲉⲧⲁϥⲟⲩⲱⲣⲡ ⲛ̀ⲡⲁⲣⲓⲥⲧⲟⲛ ⲛ̀ⲇⲁⲛⲓⲏⲗ ϧⲉⲛ ⲫ̀ⲗⲁⲕⲕⲟⲥ ⲛ̀ⲧⲉ ⲛⲓⲙⲟⲩⲓ̀ ⲛ̀ⲑⲟϥ ⲟⲛ ϯⲛⲟⲩ ⲡⲉ ⲡⲉⲧⲁϥⲥⲉⲃⲧⲉⲡⲁⲓⲙⲁ ⲛ̀ⲟⲩⲱⲙ ⲛⲱⲧⲉⲛ ⲛ̀ⲫⲟⲟⲩ ⲟⲩⲟϩ ⲡⲁⲓⲥⲟⲛ 2 ⲉⲧⲉⲣⲇⲓⲁⲕⲟⲛⲓⲛ ⲉⲧⲉⲣⲇⲓⲁⲕⲟⲛⲓⲛ ⲉ̀ⲣⲱⲧⲉⲛ ϩⲁⲛⲁⲅⲅⲉⲗⲟⲥ ⲛ̀ⲧⲉⲡϭⲟⲓⲥ ⲛⲉ.	Ǹθof ḋe pegaf nōou xen ouparysia je maṑou ǹf̀nouti je fy etafouōrp ǹpariston ǹdaniyl xen f̀lakkos ǹte nimouì ǹθof on tinou pe petafsevtepaima ǹouōm nōten ǹfoou ouoh paison 2 eterḋiakonin eterḋiakonin èrōten hanangelos ǹtepċois ne.	draft · highHe said to them openly: 'Glorify God; for he who sent the meal to Daniel in the lions' pit, he it is now who prepared this dining place for you today, and these two brothers who served you are angels of the Lord.'
73	ⲛⲓⲥⲛⲏⲟⲩ ⲇⲉ ⲁⲩⲉⲣϣⲫⲏⲣⲓ ⲟⲩⲟϩ ⲁⲩϯⲱⲟⲩ ⲙ̀ⲫϯ ⲛⲉⲙⲡⲉⲛⲓⲱⲧ .	Ⲛⲓⲥ̀ⲛⲏⲟⲩ ⲇⲉ ⲁⲩⲉⲣϣ̀ⲫⲏⲣⲓ ⲟⲩⲟϩ ⲁⲩϯⲱ̀ⲟⲩ ⲛ̀ⲫ̀ⲛⲟⲩϯ ⲛⲉⲙ ⲡⲉⲛⲓⲱⲧ.	Nis̀nyou ḋe averṡ̀fyri ouoh avtiṑou ǹf̀nouti nem peniōt.	draft · highThe brethren marvelled and glorified God together with our father.
74	ⲁⲥϣⲱⲡⲓ ⲇⲉ ⲟⲛ ⲉⲣⲉⲡⲉⲛⲓⲱⲧ ⲁⲡⲁ ϣⲉⲛⲟⲩϯ ϩⲉⲙⲥⲓ ϧⲁⲧⲉⲛⲡⲟⲩⲣⲟ ⲓⲥ ⲟⲩⲛⲓϣϯ ⲛ̀ⲥⲩⲛⲕⲗⲏⲧⲓⲕⲟⲥ ⲛ̀ⲧⲉⲡⲟⲩⲣⲟ ⲉϥⲧⲁⲓⲏⲟⲩⲧ ⲛ̀ⲧⲟⲧϥ ⲙ̀ⲙⲁϣⲱ ⲁϥⲓ̀ ⲉϥⲟⲩⲱϣ ⲉ̀ϭⲓⲥⲙⲟⲩ ⲛ̀ⲧⲟⲧϥ ⲙ̀ⲡⲁⲓⲱⲧ ⲟⲩⲟϩ ⲁϥⲟⲩⲱϣⲧ ⲛⲁϥ ⲁϥⲓ̀ ϫⲉⲉϥⲛⲁⲁ̀ⲙⲟⲛⲓ ⲛ̀ⲧⲉϥϫⲓϫ ⲛ̀ⲧⲉϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟⲥ . ⲁⲡⲁⲓⲱⲧ ⲥⲟⲕⲧⲉϥϫⲓϫ ⲉ̀ⲣⲟϥ ⲙ̀ⲡⲉϥⲧⲏⲓⲥ ⲛⲁϥ . ⲡⲉϫⲉⲡⲟⲩⲣⲟ ⲛⲁϥ ϫⲉⲡⲁⲓⲱⲧ ⲉⲑⲟⲩⲁⲃ ⲁⲣⲓϯⲁ̀ⲅⲁⲡⲏ ⲛ̀ⲧⲉⲕⲥⲙⲟⲩ ⲉ̀ⲣⲟϥ ϫⲉⲟⲩⲛⲓϣϯ ⲡⲉ ϧⲉⲛⲡⲓⲡⲁⲗⲁⲧⲓⲟⲛ ⲛⲉⲙϧⲉⲛϯⲥⲩⲛⲕⲗⲏⲧⲟⲥ ⲧⲏⲣⲥ .	Ⲁⲥϣⲱⲡⲓ ⲇⲉ ⲟⲛ ⲉ̀ⲣⲉⲡⲉⲛⲓⲱⲧ ⲁⲡⲁ ϣⲉⲛⲟⲩϯ ϩⲉⲙⲥⲓ ϧⲁⲧⲉⲛ ⲡ̀ⲟⲩⲣⲟ ⲓⲥ ⲟⲩⲛⲓϣϯ ⲛ̀ⲥⲩⲛⲕⲗⲏⲧⲓⲕⲟⲥ ⲛ̀ⲧⲉ ⲡ̀ⲟⲩⲣⲟ ⲉϥⲧⲁⲓⲏⲟⲩⲧ ⲛ̀ⲧⲟⲧϥ ⲛ̀ⲙⲁϣⲱ ⲁϥⲓ̀ ⲉϥⲟⲩⲱϣ ⲉ̀ϭⲓⲥⲙⲟⲩ ⲛ̀ⲧⲟⲧϥ ⲛ̀ⲡⲁⲓⲱⲧ ⲟⲩⲟϩ ⲁϥⲟⲩⲱϣⲧ ⲛⲁϥ ⲁϥⲓ̀ ϫⲉ ⲉϥⲛⲁⲁ̀ⲙⲟⲛⲓ ⲛ̀ⲧⲉϥϫⲓϫ ⲛ̀ⲧⲉϥⲉⲣⲁⲥⲡⲁⲍⲉⲥⲑⲉ ⲙ̀ⲙⲟⲥ. Ⲁ ⲡⲁⲓⲱⲧ ⲥⲟⲕⲧⲉϥϫⲓϫ ⲉ̀ⲣⲟϥ ⲙ̀ⲡⲉϥⲧⲏⲓⲥ ⲛⲁϥ. Ⲡⲉϫⲉⲡ̀ⲟⲩⲣⲟ ⲛⲁϥ ϫⲉ ⲡⲁⲓⲱⲧ ⲉⲑⲟⲩⲁⲃ ⲁ̀ⲣⲓϯⲁ̀ⲅⲁⲡⲏ ⲛ̀ⲧⲉⲕⲥ̀ⲙⲟⲩ ⲉ̀ⲣⲟϥ ϫⲉ ⲟⲩⲛⲓϣϯ ⲡⲉ ϧⲉⲛ ⲡⲓⲡⲁⲗⲁⲧⲓⲟⲛ ⲛⲉⲙ ϧⲉⲛ ϯⲥⲩⲛⲕⲗⲏⲧⲟⲥ ⲧⲏⲣⲥ.	Asṡōpi ḋe on èrepeniōt apa ṡenouti hemsi xaten p̀ouro is ouniṡti ǹsinklytikos ǹte p̀ouro eftaiyout ǹtotf ǹmaṡō afì efouōṡ èċismou ǹtotf ǹpaiōt ouoh afouōṡt naf afì je efnaàmoni ǹtefjig ǹteferaspazesθe m̀mos. A paiōt soktefjig èrof m̀peftyis naf. Pejep̀ouro naf je paiōt eθouab àritiàġapy ǹtek·s̀mou èrof je ouniṡti pe xen pipalation nem xen tisinklytos tyrs.	draft · highIt happened also, while our father Apa Shenoute was sitting with the king, behold, a great senator of the king, greatly honoured by him, came wishing to receive a blessing from my father; he bowed to him and came to take his hand and kiss it. My father drew back his hand from him and did not give it to him. The king said to him: 'My holy father, please bless him, for he is a great man in the palace and in the whole senate.'
75	ⲡⲉⲛⲓⲱⲧ ⲇⲉ ⲡⲉϫⲁϥ ϧⲉⲛⲟⲩϫⲱⲛⲧ ⲛⲉⲙⲟⲩⲙ̀ⲕⲁϩ ⲛ̀ϩⲏⲧ ϫⲉⲉⲕⲟⲩⲱϣ ⲛ̀ⲧⲁϯ ⲛ̀ⲧⲁϫⲓϫ ⲛ̀ⲟⲩⲣⲱⲙⲓ ⲉϥⲥⲱϥ ⲙ̀ⲡⲓⲉⲣⲫⲉⲓ ⲛ̀ⲧⲉⲫϯ ϧⲉⲛⲛⲉϥϩⲃⲏⲟⲩⲓ̀ ⲉⲧⲟⲓ ⲛ̀ⲃⲟϯ ⲉⲧⲉϥⲓⲣⲓ ⲙ̀ⲙⲱⲟⲩ ;	Ⲡⲉⲛⲓⲱⲧ ⲇⲉ ⲡⲉϫⲁϥ ϧⲉⲛ ⲟⲩϫⲱⲛⲧ ⲛⲉⲙ ⲟⲩⲙ̀ⲕⲁϩ ⲛ̀ϩⲏⲧ ϫⲉ ⲉⲭⲟⲩⲱϣ ⲛ̀ⲧⲁϯ ⲛ̀ⲧⲁϫⲓϫ ⲛ̀ⲟⲩⲣⲱⲙⲓ ⲉϥⲥⲱϥ ⲛ̀ⲡⲓⲉⲣⲫⲉⲓ ⲛ̀ⲧⲉ ⲫ̀ⲛⲟⲩϯ ϧⲉⲛ ⲛⲉϥϩ̀ⲃⲏⲟⲩⲓ̀ ⲉⲧⲟⲓ ⲛ̀ⲃⲟϯ ⲉⲧⲉϥⲓ̀ⲣⲓ ⲙ̀ⲙⲱⲟⲩ ;	Peniōt ḋe pegaf xen ougōnt nem oum̀kah ǹhyt je ekouōṡ ǹtati ǹtajig ǹourōmi efsōf ǹpierfei ǹte f̀nouti xen nefh̀vyouì etoi ǹvoti etefìri m̀mōou ;	draft · highOur father said with anger and grief of heart: 'Do you want me to give my hand to a man who defiles the temple of God with the abominable deeds that he does?'
76	ⲧⲟⲧⲉ ⲁϥⲉⲣϣⲫⲏⲣⲓ ⲛ̀ϫⲉⲡⲟⲩⲣⲟ ⲟⲩⲟϩ ⲁϥϯⲱⲟⲩ ⲙ̀ⲫϯ ⲛⲉⲙⲡⲉϥⲡⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ .	ⲧⲟⲧⲉ ⲁϥⲉⲣϣⲫⲏⲣⲓ ⲛ̀ϫⲉ ⲡ̀ⲟⲩⲣⲟ ⲟⲩⲟϩ ⲁϥϯⲱ̀ⲟⲩ ⲛ̀ⲫ̀ⲛⲟⲩϯ ⲛⲉⲙ ⲡⲉϥⲡ̀ⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ.	tote aferṡfyri ǹje p̀ouro ouoh aftiṑou ǹf̀nouti nem pefp̀rofytys eθouab apa ṡenouti.	draft · highThen the king marvelled and glorified God and his holy prophet Apa Shenoute.
77	ⲁϥⲧⲱⲛϥ ⲟⲛ ⲛ̀ⲟⲩⲥⲟⲡ ⲛ̀ϫⲉⲡⲉⲛⲓⲱⲧ ⲉⲩⲟⲩⲁⲃ ⲁⲡⲁ ϣⲉⲛⲟⲩϯ ⲁϥϣⲉ ⲉ̀ϧⲟⲩⲛ ⲉ̀ϣⲙⲓⲛ ϯⲡⲟⲗⲓⲥ ⲉⲑⲣⲉϥⲥⲟϩⲓ ⲛ̀ⲟⲩϩⲉⲗⲏⲛⲟⲥ ⲉⲑⲃⲉⲛⲓϭⲓⲛ̀ϫⲟⲛⲥ ⲉⲧⲉϥⲓⲣⲓ ⲙ̀ⲙⲱⲟⲩ ⲛ̀ⲛⲓϩⲏⲕⲓ ⲟⲩⲟϩ ⲛ̀ⲧⲉϥϫⲉⲙϥ ⲛ̀ⲧⲉϥⲁ̀ⲡⲩⲗⲏ ⲉ̀ⲣⲟϥ ⲛ̀ϩⲁⲛⲡⲉⲧϩⲱⲟⲩ ϩⲱⲥ ⲉⲩⲛⲁⲓ ⲉ̀ϫⲱϥ ⲉ̀ⲃⲟⲗ ϩⲓⲧⲉⲛⲫϯ .	Ⲁϥⲧⲱⲛϥ ⲟⲛ ⲛ̀ⲟⲩⲥⲟⲡ ⲛ̀ϫⲉ ⲡⲉⲛⲓⲱⲧ ⲉⲩⲟⲩⲁⲃ ⲁⲡⲁ ϣⲉⲛⲟⲩϯ ⲁϥϣⲉ ⲉ̀ϧⲟⲩⲛ ⲉ̀ϣⲙⲓⲛ ϯⲡⲟⲗⲓⲥ ⲉ̀ⲑⲣⲉϥⲥⲟϩⲓ ⲛ̀ⲟⲩϩⲉⲗⲏⲛⲟⲥ ⲉⲑⲃⲉ ⲛⲓϭⲓⲛ̀ϫⲟⲛⲥ ⲉⲧⲉϥⲓ̀ⲣⲓ ⲙ̀ⲙⲱⲟⲩ ⲛ̀ⲛⲓϩⲏⲕⲓ ⲟⲩⲟϩ ⲛ̀ⲧⲉϥϫⲉⲙϥ ⲛ̀ⲧⲉϥⲁ̀ⲡⲩⲗⲏ ⲉ̀ⲣⲟϥ ⲛ̀ϩⲁⲛⲡⲉⲧϩⲱⲟⲩ ϩⲱⲥ ⲉⲩⲛⲁⲓ ⲉ̀ϫⲱϥ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ.	Aftōnf on ǹousop ǹje peniōt evouab apa ṡenouti afṡe èxoun èṡmin tipolis èθrefsohi ǹouhelynos eθve niċiǹgons etefìri m̀mōou ǹnihyki ouoh ǹtefjemf ǹtefàpily èrof ǹhanpet·hōou hōs evnai ègōf èvol hiten f̀nouti.	draft · highOur holy father Apa Shenoute rose again once and went into Shmin the city to rebuke a pagan because of the acts of violence he was doing to the poor, and to find him and threaten him with evils as coming upon him from God.
78	ⲟⲩⲟϩ ⲉⲧⲁϥϫⲉⲙϥ ⲁϥⲥⲁϫⲓ ⲛⲉⲙⲁϥ ϧⲉⲛⲛⲁⲓ . ⲫⲏ ⲉ̀ⲧⲉⲙ̀ⲙⲁⲩ ⲇⲉ ϩⲱⲥ ⲁⲑⲛⲟⲩϯ ⲁϥⲥⲟⲩⲧⲱⲛⲧⲉϥϫⲓϫ ⲉ̀ⲃⲟⲗ ⲛ̀ϣⲟⲩⲥⲟⲗⲡⲥ ⲁϥϯ ⲛ̀ⲟⲩϣⲉⲛⲕⲟⲩⲣ ⲉ̀ϧⲟⲩⲛ ϧⲉⲛⲡϩⲟ ⲙ̀ⲡⲉⲛⲓⲱⲧ ⲁⲡⲁ ϣⲉⲛⲟⲩϯ .	Ⲟⲩⲟϩ ⲉ̀ⲧⲁϥϫⲉⲙϥ ⲁϥⲥⲁϫⲓ ⲛⲉⲙⲁϥ ϧⲉⲛ ⲛⲁⲓ. Ⲫⲏ ⲉ̀ⲧⲉ ⲙ̀ⲙⲁⲩ ⲇⲉ ϩⲱⲥ ⲁⲑⲛⲟⲩϯ ⲁϥⲥⲟⲩⲧⲱⲛⲧⲉϥϫⲓϫ ⲉ̀ⲃⲟⲗ ⲛ̀ϣⲟⲩⲥⲟⲗⲡⲥ ⲁϥϯ ⲛ̀ⲟⲩϣⲉⲛⲕⲟⲩⲣ ⲉ̀ϧⲟⲩⲛ ϧⲉⲛ ⲡ̀ϩⲟ ⲛ̀ⲡⲉⲛⲓⲱⲧ ⲁⲡⲁ ϣⲉⲛⲟⲩϯ.	Ouoh ètafjemf afsaji nemaf xen nai. Fy ète m̀mav ḋe hōs aθnouti afsoutōntefjig èvol ǹṡousolp·s afti ǹouṡenkour èxoun xen p̀ho ǹpeniōt apa ṡenouti.	draft · mediumAnd when he found him he spoke with him about these things. But that godless man stretched out his hand [...] and gave a slap to the face of our father Apa Shenoute.
79	ϧⲉⲛϯⲟⲩⲛⲟⲩ ⲉⲧⲁϥϣⲟⲕϩϥ ⲓⲥ ⲟⲩⲁⲓ ⲁϥϯ ⲙ̀ⲡⲉϥⲟⲩⲟⲓ ⲉ̀ⲡⲓⲁⲑⲛⲟⲩϯ ⲉ̀ⲧⲉⲙ̀ⲙⲁⲩ ⲉ̀ⲁϥⲓ̀ ⲉ̀ϩⲣⲏⲓ ϧⲉⲛⲛⲓⲡⲗⲁⲧⲓⲁ ⲛ̀ⲧⲉϯⲡⲟⲗⲓⲥ ⲉϥϩⲓϩⲟϯ ⲉ̀ⲃⲟⲗ ⲙ̀ⲙⲁϣⲱ ϩⲱⲥ ⲟⲩⲛⲓϣϯ ⲛ̀ⲧⲉⲡⲟⲩⲣⲟ ⲟⲩⲟϩ ⲁϥⲁ̀ⲙⲟⲛⲓ ⲙ̀ⲡϥⲱⲓ ⲛ̀ⲧⲉⲧⲉϥⲁⲫⲉ ⲁϥϯ ⲛⲁϥ ⲛ̀ⲟⲩϣⲉⲛⲕⲟⲩⲣ ⲉ̀ϧⲟⲩⲛ ϧⲉⲛⲡⲉϥϩⲟ ⲟⲩⲟϩ ⲁϥⲥⲱⲕ ⲙ̀ⲙⲟϥ ϧⲉⲛϯⲡⲟⲗⲓⲥ ⲧⲏⲣⲥ ⲉⲣⲉⲟⲩⲛⲓϣϯ ⲙ̀ⲙⲏϣ ⲟⲩⲉϩ ⲛ̀ⲥⲱϥ ϣⲁⲧⲉϥϭⲓⲧϥ ⲉ̀ⲃⲟⲗ ⲉ̀ϫⲉⲛⲫⲓⲁⲣⲟ ⲟⲩⲟϩ ⲁϥⲥⲱⲕ ⲙ̀ⲙⲟϥ ⲉ̀ⲡⲉⲥⲏⲧ ⲉ̀ⲡⲓⲙⲱⲟⲩ ⲟⲩⲟϩ ⲁⲩⲱⲙⲥ ⲙ̀ⲡⲃ̅ ⲟⲩⲟϩ ⲙ̀ⲡⲟⲩⲕⲟⲧⲟⲩ ⲉ̀ⲛⲁⲩ ⲉ̀ⲣⲱⲟⲩ ⲛ̀ⲕⲉⲥⲟⲡ ϩⲱⲥⲇⲉ ⲛ̀ⲧⲉⲟⲩⲟⲛ ⲛⲓⲃⲉⲛ ⲉⲧⲁⲩⲛⲁⲩ ⲉ̀ⲣⲱⲟⲩ ⲛ̀ⲧⲟⲩϫⲟⲥ ϫⲉⲑⲁⲓ ⲟⲩⲉ̀ⲝⲟⲩⲥⲓⲁ ⲛ̀ⲧⲉⲫϯ ⲧⲉ ⲉⲧⲁϥⲟⲩⲟⲣⲡⲥ ⲉ̀ϭⲓ ⲙ̀ⲡϣⲓϣ ⲙ̀ⲡⲓⲁⲥⲉⲃⲏⲥ ⲛ̀ϩⲉⲗⲏⲛⲟⲥ ⲉ̀ⲧⲉⲙ̀ⲙⲁⲩ ⲛ̀ⲭⲱⲗⲉⲙ ⲉⲑⲃⲉⲡⲁϣⲁⲓ ⲛ̀ⲛⲓϭⲓⲛ̀ϫⲟⲛⲥ ⲉⲧⲉϥⲓⲣⲓ ⲙ̀ⲙⲱⲟⲩ .	Ϧⲉⲛ ϯⲟⲩⲛⲟⲩ ⲉⲧⲁϥϣⲟⲕϩϥ ⲓⲥ ⲟⲩⲁⲓ ⲁϥϯ ⲛ̀ⲡⲉϥⲟⲩⲟⲓ ⲉ̀ⲡⲓⲁⲑⲛⲟⲩϯ ⲉ̀ⲧⲉ ⲙ̀ⲙⲁⲩ ⲉ̀ⲁϥⲓ̀ ⲉ̀ϩ̀ⲣⲏⲓ ϧⲉⲛ ⲛⲓⲡ̀ⲗⲁⲧⲓⲁ ⲛ̀ⲧⲉ ϯⲡⲟⲗⲓⲥ ⲉϥϩⲓϩⲟϯ ⲉ̀ⲃⲟⲗ ⲛ̀ⲙⲁϣⲱ ϩⲱⲥ ⲟⲩⲛⲓϣϯ ⲛ̀ⲧⲉ ⲡ̀ⲟⲩⲣⲟ ⲟⲩⲟϩ ⲁϥⲁ̀ⲙⲟⲛⲓ ⲛ̀ⲡ̀ϥⲱⲓ ⲛ̀ⲧⲉ ⲧⲉϥⲁ̀ⲫⲉ ⲁϥϯ ⲛⲁϥ ⲛ̀ⲟⲩϣⲉⲛⲕⲟⲩⲣ ⲉ̀ϧⲟⲩⲛ ϧⲉⲛ ⲡⲉϥϩⲟ ⲟⲩⲟϩ ⲁϥⲥⲱⲕ ⲙ̀ⲙⲟϥ ϧⲉⲛ ϯⲡⲟⲗⲓⲥ ⲧⲏⲣⲥ ⲉ̀ⲣⲉ ⲟⲩⲛⲓϣϯ ⲛ̀ⲙⲏϣ ⲟⲩⲉϩ ⲛ̀ⲥⲱϥ ϣⲁⲧⲉϥϭⲓⲧϥ ⲉ̀ⲃⲟⲗ ⲉ̀ϫⲉⲛ ⲫ̀ⲓⲁⲣⲟ ⲟⲩⲟϩ ⲁϥⲥⲱⲕ ⲙ̀ⲙⲟϥ ⲉ̀ⲡⲉⲥⲏⲧ ⲉ̀ⲡⲓⲙⲱⲟⲩ ⲟⲩⲟϩ ⲁⲩⲱⲙⲥ ⲛ̀ⲡ2 ⲟⲩⲟϩ ⲙ̀ⲡⲟⲩⲕⲟⲧⲟⲩ ⲉ̀ⲛⲁⲩ ⲉ̀ⲣⲱⲟⲩ ⲛ̀ⲕⲉⲥⲟⲡ ϩⲱⲥ ⲇⲉ ⲛ̀ⲧⲉ ⲟⲩⲟⲛ ⲛⲓⲃⲉⲛ ⲉ̀ⲧⲁⲩⲛⲁⲩ ⲉ̀ⲣⲱⲟⲩ ⲛ̀ⲧⲟⲩϫⲟⲥ ϫⲉ ⲑⲁⲓ ⲟⲩⲉ̀ⲝⲟⲩⲥⲓⲁ ⲛ̀ⲧⲉ ⲫ̀ⲛⲟⲩϯ ⲧⲉ ⲉⲧⲁϥⲟⲩⲟⲣⲡⲥ ⲉ̀ϭⲓ ⲛ̀ⲡ̀ϣⲓϣ ⲛ̀ⲡⲓⲁ̀ⲥⲉⲃⲏⲥ ⲛ̀ϩⲉⲗⲏⲛⲟⲥ ⲉ̀ⲧⲉ ⲙ̀ⲙⲁⲩ ⲛ̀ⲭⲱⲗⲉⲙ ⲉⲑⲃⲉ ⲡ̀ⲁ̀ϣⲁⲓ ⲛ̀ⲛⲓϭⲓⲛ̀ϫⲟⲛⲥ ⲉⲧⲉϥⲓ̀ⲣⲓ ⲙ̀ⲙⲱⲟⲩ.	Xen tiounou etafṡok·hf is ouai afti ǹpefouoi èpiaθnouti ète m̀mav èafì èh̀ryi xen nip̀latia ǹte tipolis efhihoti èvol ǹmaṡō hōs ouniṡti ǹte p̀ouro ouoh afàmoni ǹp̀fōi ǹte tefàfe afti naf ǹouṡenkour èxoun xen pefho ouoh afsōk m̀mof xen tipolis tyrs ère ouniṡti ǹmyṡ oueh ǹsōf ṡatefċitf èvol èjen f̀iaro ouoh afsōk m̀mof èpesyt èpimōou ouoh avōms ǹp2 ouoh m̀poukotou ènav èrōou ǹkesop hōs ḋe ǹte ouon niven ètavnav èrōou ǹtougos je θai ouèksousia ǹte f̀nouti te etafouorp·s èċi ǹp̀ṡiṡ ǹpiàsebys ǹhelynos ète m̀mav ǹkōlem eθve p̀àṡai ǹniċiǹgons etefìri m̀mōou.	draft · mediumIn the very hour that he struck him, behold, someone made for that godless man, coming up through the streets of the city, very fearsome, like a great official of the king; he seized the hair of his head, struck him a blow in his face, and dragged him through the whole city, a great crowd following him, until he brought him out onto the river, and he dragged him down into the water and the two sank, and they were not seen again; so that all who saw them said: 'This is a power of God that he sent to take vengeance quickly on that impious pagan because of the multitude of violent deeds that he does.'
80	ⲟⲩⲟϩ ⲡⲁⲓⲣⲏϯ ⲛⲁⲩϯⲱⲟⲩ ⲙ̀ⲫϯ ⲫⲏ ⲉⲧⲓⲣⲓ ⲛ̀ⲛⲓϣⲫⲏⲣⲓ ϧⲉⲛⲛⲉⲛϫⲓϫ ⲛ̀ⲛⲉϥⲥⲱⲧⲡ .	Ⲟⲩⲟϩ ⲡⲁⲓⲣⲏϯ ⲛⲁⲩϯⲱ̀ⲟⲩ ⲛ̀ⲫ̀ⲛⲟⲩϯ ⲫⲏ ⲉⲧⲓⲣⲓ ⲛ̀ⲛⲓϣ̀ⲫⲏⲣⲓ ϧⲉⲛ ⲛⲉⲛϫⲓϫ ⲛ̀ⲛⲉϥⲥⲱⲧⲡ.	Ouoh pairyti navtiṑou ǹf̀nouti fy etiri ǹniṡ̀fyri xen nenjig ǹnefsōtp.	draft · highAnd so they glorified God, who works wonders by the hands of his chosen ones.
81	ⲁϥⲧⲱⲛϥ ⲟⲛ ⲛ̀ⲟⲩⲥⲏⲟⲩ ⲛ̀ϫⲉⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉⲑⲣⲉϥϣⲉ ⲉ̀ⲡⲓϯⲙⲓ ⲡⲗⲉⲩⲓⲧ ϫⲉϩⲓⲛⲁ ⲉϥⲉ̀ⲧⲁⲟⲩⲟ ⲉ̀ϧⲣⲏⲓ ⲛ̀ⲛⲓⲓ̀ⲇⲱⲗⲟⲛ ⲉⲧϧⲉⲛⲡⲓⲙⲁ ⲉ̀ⲧⲉⲙ̀ⲙⲁⲩ .	Ⲁϥⲧⲱⲛϥ ⲟⲛ ⲛ̀ⲟⲩⲥⲏⲟⲩ ⲛ̀ϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉ̀ⲑⲣⲉϥϣⲉ ⲉ̀ⲡⲓϯⲙⲓ ⲡ̀ⲗⲉⲩⲓⲧ ϫⲉ ϩⲓⲛⲁ ⲉϥⲉ̀ⲧⲁⲟⲩⲟ ⲉ̀ϧ̀ⲣⲏⲓ ⲛ̀ⲛⲓⲓ̀ⲇⲱⲗⲟⲛ ⲉⲧϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ.	Aftōnf on ǹousyou ǹje peniōt eθouab apa ṡenouti èθrefṡe èpitimi p̀levit je hina efètaouo èx̀ryi ǹniìḋōlon etxen pima ète m̀mav.	draft · highOur holy father Apa Shenoute rose again once to go to the village of Pleuit, so that he might cast down the idols that were in that place.
82	ⲟⲩⲟϩ ϧⲉⲛⲡϫⲓⲛⲑ̀ⲣⲟⲩⲉⲙⲓ ⲛ̀ϫⲉϩⲉⲗⲏⲛⲟⲥ ⲉ̀ⲧⲉⲙ̀ⲙⲁⲩ ⲁⲩϣⲉ ⲛⲱⲟⲩ ⲁⲩϣⲱⲕⲓ ϧⲉⲛⲡⲓⲙⲁ ⲛ̀ⲙⲟϣⲓ ⲉ̀ϧⲟⲩⲛ ⲉ̀ⲡⲓϯⲙⲓ ⲁⲩⲑⲱⲙⲥ ⲛ̀ϩⲁⲛⲫⲁⲣⲙⲁⲅⲓⲁ ⲕⲁⲧⲁⲛⲟⲩϫⲱⲙ ⲉⲩⲟⲩⲱϣ ⲉ̀ϯ ⲛ̀ⲟⲩϣⲱϣⲧ ⲙ̀ⲡⲓⲙⲱⲓⲧ ⲙ̀ⲙⲟϣⲓ .	Ⲟⲩⲟϩ ϧⲉⲛ ⲡ̀ϫⲓⲛⲑ̀ⲣⲟⲩⲉⲙⲓ ⲛ̀ϫⲉ ϩⲉⲗⲏⲛⲟⲥ ⲉ̀ⲧⲉ ⲙ̀ⲙⲁⲩ ⲁⲩϣⲉ ⲛⲱⲟⲩ ⲁⲩϣⲱⲕⲓ ϧⲉⲛ ⲡⲓⲙⲁ ⲛ̀ⲙⲟϣⲓ ⲉ̀ϧⲟⲩⲛ ⲉ̀ⲡⲓϯⲙⲓ ⲁⲩⲑⲱⲙⲥ ⲛ̀ϩⲁⲛⲫⲁⲣⲙⲁⲅⲓⲁ ⲕⲁⲧⲁ ⲛⲟⲩϫⲱⲙ ⲉⲩⲟⲩⲱϣ ⲉ̀ϯ ⲛ̀ⲟⲩϣⲱϣⲧ ⲛ̀ⲧⲉ ⲡⲓⲙⲱⲓⲧ ⲛ̀ⲙⲟϣⲓ.	Ouoh xen p̀jinθ̀rouemi ǹje helynos ète m̀mav avṡe nōou avṡōki xen pima ǹmoṡi èxoun èpitimi avθōms ǹhanfarmagia kata nougōm evouōṡ èti ǹouṡōṡt ǹte pimōit ǹmoṡi.	draft · highAnd when those pagans learned of it, they went and dug in the path leading into the village and buried magical charms according to their books, wishing to block the road.
83	ⲡⲉⲛⲓⲱⲧ ⲇⲉ ⲁⲡⲁ ϣⲉⲛⲟⲩϯ ⲁϥⲁ̀ⲗⲏⲓ ⲉ̀ⲡⲉϥⲓⲱ ⲟⲩⲟϩ ⲉⲧⲁϥⲉⲣϩⲏⲧⲥ ⲙ̀ⲙⲟϣⲓ ⲉ̀ⲡⲓⲙⲱⲓⲧ ⲉ̀ϣⲱⲡ ⲛ̀ⲧⲉϥⲫⲟϩ ⲉ̀ⲡⲓⲙⲁ ⲉⲧⲁⲩⲑⲱⲙⲥ ⲛ̀ⲛⲓⲫⲁⲣⲙⲁⲅⲓⲁ ⲛ̀ϧⲏⲧϥ ϣⲁⲣⲉⲡⲓⲱ ⲟϩⲓ ⲉ̀ⲣⲁⲧϥ ⲟⲩⲟϩ ⲛ̀ⲧⲉϥϣⲱⲕⲓ ⲛ̀ⲧⲉϥⲫⲁⲧ . ϧⲉⲛϯⲟⲩⲛⲟⲩ ϣⲁⲩⲟⲩⲱⲛϩ ⲉ̀ⲃⲟⲗ ⲛ̀ϫⲉⲛⲓⲫⲁⲣⲙⲁⲅⲓⲁ ⲛ̀ⲧⲱⲟⲩ ⲟⲩⲟϩ ϣⲁⲣⲉⲡⲁⲓⲱⲧ ⲥⲁϫⲓ ⲛⲉⲙⲡⲓϩⲩⲡⲉⲣⲉⲧⲏⲥ ϫⲉⲥⲟⲕⲟⲩ ⲛ̀ⲧⲉⲕⲁ̀ϣⲟⲩ ⲉ̀ⲡⲟⲩⲙⲟⲩⲧ .	Ⲡⲉⲛⲓⲱⲧ ⲇⲉ ⲁⲡⲁ ϣⲉⲛⲟⲩϯ ⲁϥⲁ̀ⲗⲏⲓ ⲉ̀ⲡⲉϥⲓⲱ ⲟⲩⲟϩ ⲉ̀ⲧⲁϥⲉⲣϩⲏⲧⲥ ⲛ̀ⲙⲟϣⲓ ⲉ̀ⲡⲓⲙⲱⲓⲧ ⲉ̀ϣⲱⲡ ⲛ̀ⲧⲉϥⲫⲟϩ ⲉ̀ⲡⲓⲙⲁ ⲉⲧⲁⲩⲑⲱⲙⲥ ⲛ̀ⲛⲓⲫⲁⲣⲙⲁⲅⲓⲁ ⲛ̀ϧⲏⲧϥ ϣⲁⲣⲉⲡⲓⲱ ⲟ̀ϩⲓ ⲉ̀ⲣⲁⲧϥ ⲟⲩⲟϩ ⲛ̀ⲧⲉϥϣⲱⲕⲓ ⲛ̀ⲧⲉϥⲫⲁⲧ. Ϧⲉⲛ ϯⲟⲩⲛⲟⲩ ϣⲁⲩⲟⲩⲱⲛϩ ⲉ̀ⲃⲟⲗ ⲛ̀ϫⲉ ⲛⲓⲫⲁⲣⲙⲁⲅⲓⲁ ⲛ̀ⲧⲱⲟⲩ ⲟⲩⲟϩ ϣⲁⲣⲉⲡⲁⲓⲱⲧ ⲥⲁϫⲓ ⲛⲉⲙ ⲡⲓϩⲩⲡⲉⲣⲉⲧⲏⲥ ϫⲉ ⲥⲟⲕⲟⲩ ⲛ̀ⲧⲉⲕⲁ̀ϣⲟⲩ ⲉ̀ⲡⲟⲩⲙⲟⲩⲧ.	Peniōt ḋe apa ṡenouti afàlyi èpefiō ouoh ètaferhyts ǹmoṡi èpimōit èṡōp ǹteffoh èpima etavθōms ǹnifarmagia ǹxytf ṡarepiō òhi èratf ouoh ǹtefṡōki ǹteffat. Xen tiounou ṡavouōnh èvol ǹje nifarmagia ǹtōou ouoh ṡarepaiōt saji nem pihiperetys je sokou ǹtekàṡou èpoumout.	draft · mediumOur father Apa Shenoute mounted his donkey, and when he set out on the road, whenever he came to a place where they had buried the charms, the donkey would stand still and dig with its foot. At once the charms would be exposed, and my father would say to the servant: 'Pull them out and hang them by their necks.'
84	ⲟⲩⲙⲏϣ ⲛ̀ⲥⲟⲡ ϣⲁⲣⲉⲡⲓϩⲩⲡⲉⲣⲉⲧⲏⲥ ⲉⲑⲙⲟϣⲓ ⲛⲉⲙⲁϥ ϩⲓⲟⲩⲓ̀ ⲉ̀ⲡⲓⲓⲱ ϫⲉⲙⲟϣⲓ .	Ⲟⲩⲙⲏϣ ⲛ̀ⲥⲟⲡ ϣⲁⲣⲉⲡⲓϩⲩⲡⲉⲣⲉⲧⲏⲥ ⲉⲑⲙⲟϣⲓ ⲛⲉⲙⲁϥ ϩⲓⲟⲩⲓ̀ ⲉ̀ⲡⲓⲓⲱ ϫⲉ ⲙⲟϣⲓ.	Oumyṡ ǹsop ṡarepihiperetys eθmoṡi nemaf hiouì èpiiō je moṡi.	draft · highMany times the servant walking with him would strike the donkey, saying, 'Walk on!'
85	ⲡⲁⲓⲱⲧ ⲇⲉ ϣⲁϥⲥⲁϫⲓ ⲛⲉⲙⲁϥ ϫⲉⲭⲁϥ ,	Ⲡⲁⲓⲱⲧ ⲇⲉ ϣⲁϥⲥⲁϫⲓ ⲛⲉⲙⲁϥ ϫⲉ ⲭⲁϥ,	Paiōt ḋe ṡafsaji nemaf je kaf,	draft · highBut my father would say to him: 'Leave it;
86	ϥⲉⲙⲓ ⲅⲁⲣ ⲉ̀ⲫⲏ ⲉⲧⲉϥⲓⲣⲓ ⲙ̀ⲙⲟϥ .	ϥ̀ⲉⲙⲓ ⲅⲁⲣ ⲉ̀ⲫⲏ ⲉⲧⲉϥⲓ̀ⲣⲓ ⲙ̀ⲙⲟϥ.	f̀emi ġar èfy etefìri m̀mof.	draft · highfor it knows what it is doing.'
87	ⲟⲩⲟϩ ⲟⲛ ⲛⲉϣⲁϥϫⲟⲥ ⲙ̀ⲡⲓϩⲩⲡⲉⲣⲉⲧⲏⲥ ϫⲉϭⲓ ⲛ̀ⲛⲓⲥⲕⲉⲩⲟⲥ ⲛ̀ⲧⲉⲕⲭⲁⲩ ⲛ̀ⲧⲟⲧⲕ ϣⲁⲧⲉⲛϣⲉ ⲉ̀ϧⲟⲩⲛ ⲉ̀ⲡⲓϯⲙⲓ ⲛ̀ⲧⲉⲛⲁ̀ϣⲟⲩ ⲉ̀ⲡⲟⲩⲙⲟⲩⲧ .	Ⲟⲩⲟϩ ⲟⲛ ⲛⲉϣⲁϥϫⲟⲥ ⲛ̀ⲡⲓϩⲩⲡⲉⲣⲉⲧⲏⲥ ϫⲉ ϭⲓ ⲛ̀ⲛⲓⲥ̀ⲕⲉⲩⲟⲥ ⲛ̀ⲧⲉⲕⲭⲁⲩ ⲛ̀ⲧⲟⲧⲕ ϣⲁⲧⲉⲛϣⲉ ⲉ̀ϧⲟⲩⲛ ⲉ̀ⲡⲓϯⲙⲓ ⲛ̀ⲧⲉⲛⲁ̀ϣⲟⲩ ⲉ̀ⲡⲟⲩⲙⲟⲩⲧ.	Ouoh on neṡafgos ǹpihiperetys je ċi ǹnis̀kevos ǹtekkav ǹtotk ṡatenṡe èxoun èpitimi ǹtenàṡou èpoumout.	draft · mediumAnd again he would say to the servant: 'Take the objects and keep them with you until we go into the village, and we will hang them up by their necks.'
88	ⲉⲧⲁϥϣⲉ ⲇⲉ ⲉ̀ϧⲟⲩⲛ ⲉ̀ⲡⲓϯⲙⲓ ⲁ̀ⲛⲓϩⲉⲗⲏⲛⲟⲥ ⲛⲁⲩ ⲉ̀ⲣⲟϥ ⲛⲉⲙⲛⲓⲥⲕⲉⲩⲟⲥ ⲛ̀ϩⲓⲕ ⲉⲩϧⲉⲛⲛⲉⲛϫⲓϫ ⲙ̀ⲡⲓϩⲩⲡⲉⲣⲉⲧⲏⲥ . ϧⲉⲛϯⲟⲩⲛⲟⲩ ⲁⲩⲫⲱⲧ ⲟⲩⲟϩ ⲁⲩⲉⲣⲁⲑⲟⲩⲱⲛϩ ⲉ̀ⲃⲟⲗ .	Ⲉⲧⲁϥϣⲉ ⲇⲉ ⲉ̀ϧⲟⲩⲛ ⲉ̀ⲡⲓϯⲙⲓ ⲁ̀ⲛⲓϩⲉⲗⲏⲛⲟⲥ ⲛⲁⲩ ⲉ̀ⲣⲟϥ ⲛⲉⲙ ⲛⲓⲥ̀ⲕⲉⲩⲟⲥ ⲛ̀ϩⲓⲕ ⲉⲩϧⲉⲛ ⲛⲉⲛϫⲓϫ ⲛ̀ⲡⲓϩⲩⲡⲉⲣⲉⲧⲏⲥ. Ϧⲉⲛ ϯⲟⲩⲛⲟⲩ ⲁⲩⲫⲱⲧ ⲟⲩⲟϩ ⲁⲩⲉⲣⲁⲑⲟⲩⲱⲛϩ ⲉ̀ⲃⲟⲗ.	Etafṡe ḋe èxoun èpitimi ànihelynos nav èrof nem nis̀kevos ǹhik evxen nenjig ǹpihiperetys. Xen tiounou avfōt ouoh averaθouōnh èvol.	draft · highWhen he entered the village, the pagans saw him with the magical objects in the servant's hands. Immediately they fled and disappeared.
89	ⲡⲁⲓⲱⲧ ⲇⲉ ⲁϥϯ ⲙ̀ⲡⲉϥⲟⲩⲟⲓ ⲉ̀ϧⲟⲩⲛ ⲉ̀ⲡⲓⲉⲣⲫⲉⲓ ⲁϥⲟⲩⲱϫⲡ ⲛ̀ⲛⲓⲓ̀ⲇⲱⲗⲟⲛ ⲉ̀ϫⲉⲛⲛⲟⲩⲉⲣⲏⲟⲩ ⲁϥⲧⲁⲕⲱⲟⲩ .	Ⲡⲁⲓⲱⲧ ⲇⲉ ⲁϥϯ ⲛ̀ⲡⲉϥⲟⲩⲟⲓ ⲉ̀ϧⲟⲩⲛ ⲉ̀ⲡⲓⲉⲣⲫⲉⲓ ⲁϥⲟⲩⲱϫⲡ ⲛ̀ⲛⲓⲓ̀ⲇⲱⲗⲟⲛ ⲉ̀ϫⲉⲛ ⲛⲟⲩⲉ̀ⲣⲏⲟⲩ ⲁϥⲧⲁⲕⲱⲟⲩ.	Paiōt ḋe afti ǹpefouoi èxoun èpierfei afouōgp ǹniìḋōlon èjen nouèryou aftakōou.	draft · highMy father made his way into the temple; he smashed the idols one upon another and destroyed them.
90	ⲙⲉⲛⲉⲛⲥⲁⲛⲁⲓ ⲛⲉⲟⲩⲟⲛ ⲟⲩⲙⲟⲩⲓ̀ ⲥⲁⲡⲉⲙⲉⲛⲧ ⲙ̀ⲫⲓⲁⲣⲟ ⲉⲣⲉⲟⲩⲟⲛ ϩⲁⲛϭⲱⲙ ⲣⲏⲧ ⲛ̀ϧⲏⲧⲥ ⲉ̀ϣⲁⲩⲙⲟⲩϯ ⲉ̀ⲣⲟⲥ ϫⲉⲑⲙⲟⲩⲓ̀ ⲙ̀ⲡⲁⲛⲉϩⲏⲟⲩ ⲉⲥⲭⲏ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ϯⲡⲟⲗⲓⲥ ϣⲙⲓⲛ ⲡⲉ .	Ⲙⲉⲛⲉⲛⲥⲁ ⲛⲁⲓ ⲛⲉ ⲟⲩⲟⲛ ⲟⲩⲙⲟⲩⲓ̀ ⲥⲁⲡⲉⲙⲉⲛⲧ ⲛ̀ⲫ̀ⲓⲁⲣⲟ ⲉ̀ⲣⲉ ⲟⲩⲟⲛ ϩⲁⲛϭⲱⲙ ⲣⲏⲧ ⲛ̀ϧⲏⲧⲥ ⲉ̀ϣⲁⲩⲙⲟⲩϯ ⲉ̀ⲣⲟⲥ ϫⲉ ⲑⲙⲟⲩⲓ̀ ⲛ̀ⲡⲁⲛⲉϩⲏⲟⲩ ⲉⲥⲭⲏ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ϯⲡⲟⲗⲓⲥ ϣⲙⲓⲛ ⲡⲉ.	Menensa nai ne ouon oumouì sapement ǹf̀iaro ère ouon hanċōm ryt ǹxyts èṡavmouti èros je θmouì ǹpanehyou esky ǹpem̀θo èvol ǹtipolis ṡmin pe.	draft · highAfter these things: there was an island on the west of the river on which vineyards grew, which they call the Island of Panehêou, lying opposite the city of Shmin.
91	ⲛⲓϭ̅ⲥ̅ ⲇⲉ ⲛ̀ⲧⲉⲛⲓϭⲱⲙ ⲉ̀ⲧⲉⲙ̀ⲙⲁⲩ ⲛⲉ ϩⲁⲛϩⲉⲗⲏⲛⲟⲥ ⲛⲉ ⲉⲩⲥⲓϯ ⲛ̀ⲛⲓⲏⲣⲡ ⲉⲑⲗⲟⲙⲥ ⲛ̀ⲧⲉϯⲙⲟⲩⲓ̀ ⲉ̀ϫⲉⲛⲛⲓⲟⲩⲓⲏ ⲕⲁⲧⲁⲣⲟⲙⲡⲓ ⲉⲩϣⲓϯ ⲙ̀ⲙⲱⲟⲩ ϧⲉⲛⲟⲩϭⲓⲛ̀ϫⲟⲛⲥ ⲙ̀ⲫⲏ ⲉⲧⲉⲛ̀ⲧⲱⲟⲩ ⲁⲛ . ⲛⲓⲟⲩⲓⲏ ⲇⲉ ⲉ̀ⲧⲉⲙ̀ⲙⲁⲩ ⲁⲩⲧⲱⲟⲩⲛ ⲁⲩⲓ̀ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁⲩϯϩⲟ ⲉ̀ⲡⲁⲓⲱⲧ ⲉⲑⲟⲩⲁⲃ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ	Ⲛⲓϭⲟⲓⲥ ⲇⲉ ⲛ̀ⲧⲉ ⲛⲓϭⲱⲙ ⲉ̀ⲧⲉ ⲙ̀ⲙⲁⲩ ⲛⲉ ϩⲁⲛϩⲉⲗⲏⲛⲟⲥ ⲛⲉ ⲉⲩⲥⲓϯ ⲛ̀ⲛⲓⲏⲣⲡ ⲉⲑⲗⲟⲙⲥ ⲛ̀ⲧⲉ ϯⲙⲟⲩⲓ̀ ⲉ̀ϫⲉⲛ ⲛⲓⲟⲩⲓⲏ ⲕⲁⲧⲁ ⲣⲟⲙⲡⲓ ⲉⲩϣⲓϯ ⲙ̀ⲙⲱⲟⲩ ϧⲉⲛ ⲟⲩϭⲓⲛ̀ϫⲟⲛⲥ ⲛ̀ⲫⲏ ⲉ̀ⲧⲉ ⲛ̀ⲧⲱⲟⲩ ⲁⲛ. Ⲛⲓⲟⲩⲓⲏ ⲇⲉ ⲉ̀ⲧⲉ ⲙ̀ⲙⲁⲩ ⲁⲩⲧⲱⲟⲩⲛ ⲁⲩⲓ̀ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁⲩϯϩⲟ ⲉ̀ⲡⲁⲓⲱⲧ ⲉⲑⲟⲩⲁⲃ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ	Niċois ḋe ǹte niċōm ète m̀mav ne hanhelynos ne evsiti ǹniyrp eθloms ǹte timouì èjen niouiy kata rompi evṡiti m̀mōou xen ouċiǹgons ǹfy ète ǹtōou an. Niouiy ḋe ète m̀mav avtōoun avì èpimonastyrion avtiho èpaiōt eθouab ǹp̀rofytys apa ṡenouti	draft · mediumThe owners of those vineyards were pagans, who every year forced the [spoiled?] wine of the island upon the farmers, measuring it out to them by violence, which was not theirs. Those farmers rose and came to the monastery and besought my holy father the prophet Apa Shenoute,
92	ⲟⲩⲟϩ ⲁⲩϫⲱ ⲉ̀ⲣⲟϥ ⲛ̀ⲛⲓϭⲓⲛ̀ϫⲟⲛⲥ ⲉⲧⲉⲣⲉⲛⲓⲣⲱⲙⲓ ⲓⲣⲓ ⲙ̀ⲙⲱⲟⲩ ⲛⲱⲟⲩ ⲛⲉⲙⲡⲓϩⲟϫϩⲉϫ ⲉⲧⲟⲩⲛ̀ϧⲏⲧϥ .	ⲟⲩⲟϩ ⲁⲩϫⲱ ⲉ̀ⲣⲟϥ ⲛ̀ⲛⲓϭⲓⲛ̀ϫⲟⲛⲥ ⲉⲧⲉⲣⲉⲛⲓⲣⲱⲙⲓ ⲓ̀ⲣⲓ ⲙ̀ⲙⲱⲟⲩ ⲛⲱⲟⲩ ⲛⲉⲙ ⲡⲓϩⲟϫϩⲉϫ ⲉⲧⲟⲩⲛ̀ϧⲏⲧϥ.	ouoh avgō èrof ǹniċiǹgons eterenirōmi ìri m̀mōou nōou nem pihogheg etouǹxytf.	draft · highand they told him of the acts of violence which the men were doing to them and the distress they were in.
93	ⲡⲁⲓⲱⲧ ⲇⲉ ⲙ̀ⲡⲣⲟⲫⲏⲧⲏⲥ ⲡⲉϫⲁϥ ⲛⲱⲟⲩ ϫⲉⲧⲉⲛ ⲑⲏⲛⲟⲩ ⲛ̀ⲧⲉⲧⲉⲛϩⲱⲗ ⲟⲩⲟϩ ⲫϯ ⲛⲁⲉⲣⲡⲉⲧⲉⲛϩⲁⲡ .	Ⲡⲁⲓⲱⲧ ⲇⲉ ⲛ̀ⲡ̀ⲣⲟⲫⲏⲧⲏⲥ ⲡⲉϫⲁϥ ⲛⲱⲟⲩ ϫⲉ ⲧⲉⲛ ⲑⲏⲛⲟⲩ ⲛ̀ⲧⲉⲧⲉⲛϩⲱⲗ ⲟⲩⲟϩ ⲫ̀ⲛⲟⲩϯ ⲛⲁⲉⲣⲡⲉⲧⲉⲛϩⲁⲡ.	Paiōt ḋe ǹp̀rofytys pegaf nōou je ten θynou ǹtetenhōl ouoh f̀nouti naerpetenhap.	draft · mediumMy father the prophet said to them: 'Go your way, and God will judge your case.'
94	ⲟⲩⲟϩ ⲁϥⲧⲱⲛϥ ⲛ̀ϫⲉⲡⲉⲛⲓⲱⲧ ⲙ̀ⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ϧⲉⲛⲡⲓⲉ̀ϫⲱⲣϩ ⲁϥϣⲉ ⲉ̀ⲃⲟⲗ ⲉ̀ϯⲙⲟⲩⲓ̀ ⲉ̀ⲧⲉⲙ̀ⲙⲁⲩ ⲉⲧϩⲓϫⲉⲛⲛⲓⲙⲱⲟⲩ ⲉⲣⲉⲛⲓϭⲱⲙ ⲣⲏⲧ ϩⲓϫⲱⲥ ⲁϥϯ ⲛ̀ⲟⲩϣⲉ ⲛ̀ⲃⲁⲓ ϧⲉⲛⲡⲓⲕⲁϩⲓ ⲛ̀ⲧⲉϯⲙⲟⲩⲓ ⲙ̀ⲡⲓⲕⲟⲩϫⲓ ⲛ̀ⲃⲁⲓ ⲉⲧϧⲉⲛⲧⲉϥϫⲓϫ ⲟⲩⲟϩ ⲡⲉϫⲁϥ ϫⲉⲉⲓϫⲱ ⲉ̀ⲣⲟⲛ̀ⲑⲟ ⲱ̀ ϯⲙⲟⲩⲓ̀ ⲛ̀ⲧⲉⲡⲁⲛⲉϩⲏⲟⲩ ⲙⲁϣⲉ ⲛⲉ ⲉⲑⲙⲏϯ ⲙ̀ⲫⲓⲁⲣⲟ ⲛ̀ⲧⲉⲱⲙⲥ ϣⲁⲉⲛⲉϩ ⲛ̀ⲥⲉⲕⲏⲛ ⲉⲩϯϧⲓⲥⲓ ⲛ̀ⲛⲓϩⲏⲕⲓ ⲉⲑⲃⲏϯ . ϧⲉⲛϯⲟⲩⲛⲟⲩ ⲁ̀ϯⲙⲟⲩⲓ̀ ⲛⲉⲙⲛⲓϭⲱⲙ ⲛⲉⲙⲛⲓⲭⲁⲙⲁⲛⲱⲟⲩⲓ̀ ⲟⲩⲱⲧⲉⲃ ⲁⲩϣⲉ ⲉⲑⲙⲏϯ ⲙ̀ⲫⲓⲁⲣⲟ ⲟⲩⲟϩ ⲁ̀ⲡⲓⲙⲱⲟⲩ ϩⲱⲃⲥ ⲉ̀ⲃⲟⲗ ϩⲓϫⲱⲟⲩ ⲙ̀ⲡⲁⲧⲉⲡⲓⲟⲩⲱⲓⲛⲓ ⲓ̀ ⲉ̀ⲃⲟⲗ ⲟⲩⲟϩ ⲁⲛⲓⲉϫⲏⲟⲩ ⲉⲣϩⲱⲧ ⲉ̀ϫⲱⲟⲩ .	Ⲟⲩⲟϩ ⲁϥⲧⲱⲛϥ ⲛ̀ϫⲉ ⲡⲉⲛⲓⲱⲧ ⲛ̀ⲡ̀ⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ϧⲉⲛ ⲡⲓⲉ̀ϫⲱⲣϩ ⲁϥϣⲉ ⲉ̀ⲃⲟⲗ ⲉ̀ϯⲙⲟⲩⲓ̀ ⲉ̀ⲧⲉ ⲙ̀ⲙⲁⲩ ⲉⲧϩⲓϫⲉⲛ ⲛⲓⲙⲱⲟⲩ ⲉ̀ⲣⲉ ⲛⲓϭⲱⲙ ⲣⲏⲧ ϩⲓϫⲱⲥ ⲁϥϯ ⲛ̀ⲟⲩϣⲉ ⲛ̀ⲃⲁⲓ ϧⲉⲛ ⲡⲓⲕⲁϩⲓ ⲛ̀ⲧⲉ ϯⲙⲟⲩⲓ̀ ⲛ̀ⲡⲓⲕⲟⲩϫⲓ ⲛ̀ⲃⲁⲓ ⲉⲧϧⲉⲛ ⲧⲉϥϫⲓϫ ⲟⲩⲟϩ ⲡⲉϫⲁϥ ϫⲉ ⲉⲓϫⲱ ⲉ̀ⲣⲟⲛ̀ⲑⲟ ⲱ̀ ϯⲙⲟⲩⲓ̀ ⲛ̀ⲧⲉ ⲡⲁⲛⲉϩⲏⲟⲩ ⲙⲁϣⲉ ⲛⲉ ⲉ̀ⲑⲙⲏϯ ⲛ̀ⲫ̀ⲓⲁⲣⲟ ⲛ̀ⲧⲉⲱⲙⲥ ϣⲁ ⲉ̀ⲛⲉϩ ⲛ̀ⲧⲟⲩⲕⲏⲛ ⲉⲩϯϧⲓⲥⲓ ⲛ̀ⲛⲓϩⲏⲕⲓ ⲉⲑⲃⲏϯ. Ϧⲉⲛ ϯⲟⲩⲛⲟⲩ ⲁ̀ϯⲙⲟⲩⲓ̀ ⲛⲉⲙ ⲛⲓϭⲱⲙ ⲛⲉⲙ ⲛⲓⲭⲁⲙⲁⲛⲱⲟⲩⲓ̀ ⲟⲩⲱⲧⲉⲃ ⲁⲩϣⲉ ⲉ̀ⲑⲙⲏϯ ⲛ̀ⲫ̀ⲓⲁⲣⲟ ⲟⲩⲟϩ ⲁ̀ ⲡⲓⲙⲱⲟⲩ ϩⲱⲃⲥ ⲉ̀ⲃⲟⲗ ϩⲓϫⲱⲟⲩ ⲙ̀ⲡⲁⲧⲉⲡⲓⲟⲩⲱⲓⲛⲓ ⲓ̀ ⲉ̀ⲃⲟⲗ ⲟⲩⲟϩ ⲁⲛⲓⲉϫⲏⲟⲩ ⲉⲣϩⲱⲧ ⲉ̀ϫⲱⲟⲩ.	Ouoh aftōnf ǹje peniōt ǹp̀rofytys apa ṡenouti xen piègōrh afṡe èvol ètimouì ète m̀mav et·hijen nimōou ère niċōm ryt higōs afti ǹouṡe ǹvai xen pikahi ǹte timouì ǹpikouji ǹvai etxen tefjig ouoh pegaf je eigō èroǹθo ṑ timouì ǹte panehyou maṡe ne èθmyti ǹf̀iaro ǹteōms ṡa èneh ǹtoukyn evtixisi ǹnihyki eθvyti. Xen tiounou àtimouì nem niċōm nem nikamanōouì ouōteb avṡe èθmyti ǹf̀iaro ouoh à pimōou hōvs èvol higōou m̀patepiouōini ì èvol ouoh aniejyou erhōt ègōou.	draft · mediumAnd our father the prophet Apa Shenoute rose in the night and went out to that island which is upon the waters, with the vineyards growing on it, and he struck the ground of the island with the little palm-rod that was in his hand and said: 'I say to you, O island of Panehêou: go into the middle of the river and sink for ever, and let them cease oppressing the poor because of you.' At once the island with the vineyards and the [...] moved and went into the middle of the river, and the water covered them before daylight came, and the boats sailed over them.
95	ⲡⲁⲓⲣⲏϯ ⲁⲫⲣⲁⲛ ⲙ̀ⲫϯ ϭⲓⲱ̀ⲟⲩ ⲉ̀ⲃⲟⲗ ϩⲓⲧⲉⲛⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲡⲓⲑⲙⲏⲓ .	Ⲡⲁⲓⲣⲏϯ ⲁ ⲫ̀ⲣⲁⲛ ⲛ̀ⲫ̀ⲛⲟⲩϯ ϭⲓⲱ̀ⲟⲩ ⲉ̀ⲃⲟⲗ ϩⲓⲧⲉⲛ ⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲡⲓⲑ̀ⲙⲏⲓ.	Pairyti a f̀ran ǹf̀nouti ċiṑou èvol hiten peniōt eθouab apa ṡenouti piθ̀myi.	draft · highThus the name of God was glorified through our holy father Apa Shenoute the righteous.
96	ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁⲟⲩⲉ̀ϩⲟⲟⲩ ⲛ̀ϣⲁⲓ ϣⲱⲡⲓ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲉ̀ⲫⲁⲛⲉⲛⲓⲟϯ ⲡⲉ ⲁϩⲁⲛⲟⲩⲟⲛ ϧⲉⲛⲛⲓⲕⲗⲏⲣⲓⲕⲟⲥ ⲛⲉⲙⲛⲓⲯⲁⲗⲧⲏⲥ ⲓ̀ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁⲩϯⲡⲟⲩⲟⲓ ⲉ̀ϧⲟⲩⲛ ⲉ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ⲁⲩⲉⲣⲉⲧⲓⲛ ⲙ̀ⲙⲟϥ ⲛ̀ⲟⲩⲕⲟⲩϫⲓ ⲛ̀ⲏⲣⲡ .	Ⲁⲥϣⲱⲡⲓ ⲇⲉ ⲟⲛ ⲛ̀ⲟⲩⲥⲟⲡ ⲁ̀ⲟⲩⲉ̀ϩⲟⲟⲩ ⲛ̀ϣⲁⲓ ϣⲱⲡⲓ ϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲉ̀ⲫⲁⲛⲉⲛⲓⲟϯ ⲡⲉ ⲁϩⲁⲛⲟⲩⲟⲛ ϧⲉⲛ ⲛⲓⲕⲗⲏⲣⲓⲕⲟⲥ ⲛⲉⲙ ⲛⲓⲯⲁⲗⲧⲏⲥ ⲓ̀ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲁⲩϯⲡⲟⲩⲟⲓ ⲉ̀ϧⲟⲩⲛ ⲉ̀ⲡⲁⲓⲱⲧ ⲁⲡⲁ ϣⲉⲛⲟⲩϯ ⲁⲩⲉⲣⲉⲧⲓⲛ ⲙ̀ⲙⲟϥ ⲛ̀ⲟⲩⲕⲟⲩϫⲓ ⲛ̀ⲏⲣⲡ.	Asṡōpi ḋe on ǹousop àouèhoou ǹṡai ṡōpi xen pimonastyrion èfanenioti pe ahanouon xen niklyrikos nem nipsaltys ì èxoun èpimonastyrion avtipouoi èxoun èpaiōt apa ṡenouti averetin m̀mof ǹoukouji ǹyrp.	draft · highIt happened also once that a feast day took place in the monastery, that of our fathers; some of the clergy and the psalm-singers came into the monastery, made their way in to my father Apa Shenoute, and asked him for a little wine.
97	ⲧⲟⲧⲉ ⲁϥϯⲧⲟⲩⲭ̀ⲣⲓⲁ ⲛⲱⲟⲩ .	Ⲧⲟⲧⲉ ⲁϥϯⲧⲟⲩⲭ̀ⲣⲓⲁ ⲛⲱⲟⲩ.	Tote aftitoux̀ria nōou.	draft · highThen he gave them what they needed.
98	ⲙⲉⲛⲉⲛⲥⲱⲥ ⲁⲩⲉⲣⲉⲧⲓⲛ ⲙ̀ⲙⲟϥ ⲛ̀ϩⲁⲛⲕⲉⲭⲱⲟⲩⲛⲓ ⲟⲩⲟϩ ⲁϥⲧⲏⲓⲧⲟⲩ ⲛⲱⲟⲩ ⲉϥⲣⲁϣⲓ .	Ⲙⲉⲛⲉⲛⲥⲱⲥ ⲁⲩⲉⲣⲉⲧⲓⲛ ⲙ̀ⲙⲟϥ ⲛ̀ϩⲁⲛⲕⲉⲭⲱⲟⲩⲛⲓ ⲟⲩⲟϩ ⲁϥⲧⲏⲓⲧⲟⲩ ⲛⲱⲟⲩ ⲉϥⲣⲁϣⲓ.	Menensōs averetin m̀mof ǹhankekōouni ouoh aftyitou nōou efraṡi.	draft · highAfter that they asked him for more, and he gave it to them gladly.
99	ⲟⲙⲟⲓⲱⲥ ⲟⲛ ⲁⲩⲟⲩⲁϩⲉⲙ ⲉⲣⲉⲧⲓⲛ ⲙ̀ⲙⲟϥ ϧⲉⲛⲧⲟⲩⲙⲉⲧⲁⲧⲥⲓ	Ⲟⲙⲟⲓⲱⲥ ⲟⲛ ⲁⲩⲟⲩⲁϩⲉⲙ ⲉⲣⲉⲧⲓⲛ ⲙ̀ⲙⲟϥ ϧⲉⲛ ⲧⲟⲩⲙⲉⲧⲁⲧⲥⲓ	Omoiōs on avouahem eretin m̀mof xen toumetatsi	draft · mediumLikewise again they asked him in their insatiability,
100	ⲟⲩⲟϩ ⲡⲁⲗⲓⲛ ⲁϥϯ ⲛⲱⲟⲩ ⲙ̀ⲫⲙⲁϩⲅ ⲛ̀ⲥⲟⲡ . ⲁⲛⲏ ⲉⲧϩⲉⲙⲥⲓ ϧⲁⲧⲟⲧϥ ⲉⲣϣⲫⲏⲣⲓ ⲛ̀ⲧⲉϥⲙⲉⲧⲣⲉϥϣⲉⲛϩⲏⲧ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲁⲩϣⲁⲛⲟϩⲓ ⲉⲩⲉⲣⲉⲧⲓⲛ ⲙ̀ⲙⲟⲕ ⲭⲛⲁⲟϩⲓ ⲉⲕϯ ⲛⲱⲟⲩ ; ⲡⲉϫⲁϥ ⲛⲱⲟⲩ ϫⲉⲥⲉ .	ⲟⲩⲟϩ ⲡⲁⲗⲓⲛ ⲁϥϯ ⲛⲱⲟⲩ ⲛ̀ⲫ̀ⲙⲁϩⲅ ⲛ̀ⲥⲟⲡ. Ⲁⲛⲏ ⲉⲧϩⲉⲙⲥⲓ ϧⲁⲧⲟⲧϥ ⲉⲣϣⲫⲏⲣⲓ ⲛ̀ⲧⲉϥⲙⲉⲧⲣⲉϥϣⲉⲛϩⲏⲧ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲁⲩϣⲁⲛⲟ̀ϩⲓ ⲉⲩⲉⲣⲉⲧⲓⲛ ⲙ̀ⲙⲟⲕ ⲭ̀ⲛⲁⲟ̀ϩⲓ ⲉⲕϯ ⲛⲱⲟⲩ ; ⲡⲉϫⲁϥ ⲛⲱⲟⲩ ϫⲉ ⲥⲉ.	ouoh palin afti nōou ǹf̀mahġ ǹsop. Any et·hemsi xatotf erṡfyri ǹtefmetrefṡenhyt ouoh pegōou naf je avṡanòhi everetin m̀mok k̀naòhi ekti nōou ; pegaf nōou je se.	draft · highand again he gave to them a third time. Those sitting with him marvelled at his long-suffering and said to him: 'If they keep asking you, will you keep giving to them?' He said to them: 'Yes.
101	ⲁⲗⲗⲁ ⲥⲉⲛⲁⲟⲩⲁϩⲧⲟⲧⲟⲩ ⲉ̀ⲥⲱ ⲁⲛ ⲛ̀ⲥⲁⲛⲏ ⲉⲧϧⲉⲛⲡⲁⲓⲙⲁ ⲉ̀ⲡⲓⲇⲏ ⲙ̀ⲙⲟⲛ ⲧⲟⲩϩⲉⲗⲡⲓⲥ ⲙ̀ⲙⲁⲩ ϧⲉⲛⲡⲓⲕⲉⲉ̀ⲱⲛ .	Ⲁⲗⲗⲁ ⲥⲉⲛⲁⲟⲩⲁϩⲧⲟⲧⲟⲩ ⲉ̀ⲥⲱ ⲁⲛ ⲛ̀ⲥⲁ ⲛⲏ ⲉⲧϧⲉⲛ ⲡⲁⲓⲙⲁ ⲉ̀ⲡⲓⲇⲏ ⲙ̀ⲙⲟⲛ ⲧⲟⲩϩⲉⲗⲡⲓⲥ ⲙ̀ⲙⲁⲩ ϧⲉⲛ ⲡⲓⲕⲉⲉ̀ⲱⲛ.	Alla senaouahtotou èsō an ǹsa ny etxen paima èpiḋy m̀mon touhelpis m̀mav xen pikeèōn.	draft · mediumBut they will not go on drinking beyond what is in this place, since they have no hope in the age to come.'
102	ⲁϥϣⲱⲡⲓ ⲇⲉ ⲟⲛ ⲛ̀ⲟⲩⲥⲏⲟⲩ ⲛ̀ϫⲉⲟⲩϩⲉⲗⲏⲛⲟⲥ ⲉ̀ⲡⲉϥⲣⲁⲛ ⲡⲉ ⲕⲉⲥⲓⲟⲥ ⲫⲁⲓ ⲛⲉⲟⲩⲁⲥⲉⲃⲏⲥ ⲡⲉ ⲙ̀ⲡⲓϩⲟⲩⲟ̀ ⲟⲩⲟϩ ⲛⲁϥⲉⲣⲃⲗⲁⲥⲫⲏⲙⲓⲛ ⲉ̀ⲡⲭ̅ⲥ̅ ⲉϥϫⲉⲟⲩⲁ ⲉ̀ⲣⲟϥ ϧⲉⲛⲧⲉϥⲙⲉⲧⲥⲟϫ ⲛⲉⲙⲧⲉϥⲙⲉⲧⲡⲁⲛⲟⲩⲣⲅⲓⲁ ⲉⲧϩⲱⲟⲩ .	Ⲁϥϣⲱⲡⲓ ⲇⲉ ⲟⲛ ⲛ̀ⲟⲩⲥⲏⲟⲩ ⲛ̀ϫⲉ ⲟⲩϩⲉⲗⲏⲛⲟⲥ ⲉ̀ⲡⲉϥⲣⲁⲛ ⲡⲉ ⲕⲉⲥⲓⲟⲥ ⲫⲁⲓ ⲛⲉ ⲟⲩⲁ̀ⲥⲉⲃⲏⲥ ⲡⲉ ⲛ̀ⲡⲓϩⲟⲩⲟ̀ ⲟⲩⲟϩ ⲛⲁϥⲉⲣⲃⲗⲁⲥⲫⲏⲙⲓⲛ ⲉ̀ⲡⲓⲭ̀ⲣⲓⲥⲧⲟⲥ ⲉϥϫⲉⲟⲩⲁ ⲉ̀ⲣⲟϥ ϧⲉⲛ ⲧⲉϥⲙⲉⲧⲥⲟϫ ⲛⲉⲙ ⲧⲉϥⲙⲉⲧⲡⲁⲛⲟⲩⲣⲅⲓⲁ ⲉⲧϩⲱⲟⲩ.	Afṡōpi ḋe on ǹousyou ǹje ouhelynos èpefran pe kesios fai ne ouàsebys pe ǹpihouò ouoh naferblasfymin èpix̀ristos efjeoua èrof xen tefmetsog nem tefmetpanourgia et·hōou.	draft · highThere was also once a pagan whose name was Kesios; he was exceedingly impious and used to blaspheme Christ, reviling him in his folly and his wicked villainy.
103	ⲡⲉⲛⲓⲱⲧ ⲇⲉ ⲛ̀ⲇⲓⲕⲉⲟⲥ ⲉⲧⲁϥⲉⲙⲓ ⲉ̀ⲛⲉϥⲙⲉⲧⲣⲉϥϫⲉⲟⲩⲁ ⲁϥⲥϩⲟⲩⲱⲣϥ ⲉϥϫⲱ ⲙ̀ⲙⲟⲥ ϫⲉⲉⲩⲉ̀ⲙⲟⲩⲣ ⲙ̀ⲡⲉϥⲗⲁⲥ ⲉ̀ϯⲓⲛⲓ ⲛ̀ⲧⲉⲧⲉϥϭⲁⲗⲟϫ ⲉ̀ϧⲣⲏⲓ ϧⲉⲛⲁⲙⲉⲛϯ .	Ⲡⲉⲛⲓⲱⲧ ⲇⲉ ⲛ̀ⲇⲓⲕⲉⲟⲥ ⲉⲧⲁϥⲉⲙⲓ ⲉ̀ⲛⲉϥⲙⲉⲧⲣⲉϥϫⲉⲟⲩⲁ ⲁϥⲥϩⲟⲩⲱⲣϥ ⲉϥϫⲱ ⲙ̀ⲙⲟⲥ ϫⲉ ⲉⲩⲉ̀ⲙⲟⲩⲣ ⲛ̀ⲡⲉϥⲗⲁⲥ ⲉ̀ϯⲓ̀ⲛⲓ ⲛ̀ⲧⲉ ⲧⲉϥϭⲁⲗⲟϫ ⲉ̀ϧ̀ⲣⲏⲓ ϧⲉⲛ ⲁ̀ⲙⲉⲛϯ.	Peniōt ḋe ǹḋikeos etafemi ènefmetrefjeoua afs·houōrf efgō m̀mos je evèmour ǹpeflas ètiìni ǹte tefċalog èx̀ryi xen àmenti.	draft · mediumOur righteous father, when he learned of his blasphemies, cursed him, saying: 'His tongue shall be tied to the great toe of his foot down in Amente.'
104	ⲟⲩⲟϩ ⲉⲧⲁϥⲙⲟⲩ ⲫⲁⲓ ⲡⲉ ⲡⲓⲣⲏϯ ⲉⲧⲁⲩⲁⲓⲥ ⲛⲁϥ .	Ⲟⲩⲟϩ ⲉ̀ⲧⲁϥⲙⲟⲩ ⲫⲁⲓ ⲡⲉ ⲫ̀ⲣⲏϯ ⲉⲧⲁⲩⲁⲓⲥ ⲛⲁϥ.	Ouoh ètafmou fai pe f̀ryti etavais naf.	draft · highAnd when he died, this is the way it was done to him.
105	ⲁϥⲉⲣⲙⲉⲑⲣⲉ ⲛⲁⲛ ⲛ̀ϫⲉⲡⲁⲓⲱⲧ ϫⲉⲁⲓⲉⲣⲑⲉⲱⲣⲓⲛ ⲙ̀ⲙⲟϥ ⲛ̀ϧⲣⲏⲓ ϧⲉⲛⲁ̀ⲙⲉⲛϯ ⲉⲣⲉⲡⲉϥⲗⲁⲥ ⲙⲏⲣ ⲉ̀ϯⲓ̀ⲛⲓ ⲛ̀ⲧⲉⲧⲉϥϭⲁⲗⲟϫ ⲉⲩⲉⲣⲃⲁⲥⲁⲛⲓⲍⲓⲛ ⲙ̀ⲙⲟϥ ϧⲉⲛⲟⲩⲙⲉⲧⲁⲧϯⲁⲥⲟ ⲉⲑⲃⲉⲧⲉϥⲙⲉⲧⲁⲥⲉⲃⲏⲥ .	Ⲁϥⲉⲣⲙⲉⲑⲣⲉ ⲛⲁⲛ ⲛ̀ϫⲉ ⲡⲁⲓⲱⲧ ϫⲉ ⲁⲓⲉⲣⲑⲉⲱⲣⲓⲛ ⲙ̀ⲙⲟϥ ⲛ̀ϧ̀ⲣⲏⲓ ϧⲉⲛ ⲁ̀ⲙⲉⲛϯ ⲉ̀ⲣⲉ ⲡⲉϥⲗⲁⲥ ⲙⲏⲣ ⲉ̀ϯⲓ̀ⲛⲓ ⲛ̀ⲧⲉ ⲧⲉϥϭⲁⲗⲟϫ ⲉⲩⲉ̀ⲣⲃⲁⲥⲁⲛⲓⲍⲓⲛ ⲙ̀ⲙⲟϥ ϧⲉⲛ ⲟⲩⲙⲉⲧⲁⲧϯⲁⲥⲟ ⲉⲑⲃⲉ ⲧⲉϥⲙⲉⲧⲁⲥⲉⲃⲏⲥ.	Afermeθre nan ǹje paiōt je aierθeōrin m̀mof ǹx̀ryi xen àmenti ère peflas myr ètiìni ǹte tefċalog evèrbasanizin m̀mof xen oumetattiaso eθve tefmetasebys.	draft · mediumMy father testified to us: 'I beheld him down in Amente, his tongue tied to the [...] of his foot, and they were tormenting him without mercy because of his impiety.'

Provenance

title: Life of Shenoute - part 3
dialect: bohairic
source: Coptic SCRIPTORIUM corpus "bohairic-life-shenoute", document bohairic.life.shenoute_03
licence: CC-BY 4.0
share: attribution
attribution: Life of Shenoute - part 3 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_03, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
file: Hagiography/Life of Shenoute (Bohairic)/bohairic.life.shenoute_03.bohairic.scriptorium.L0.txt
title: Life of Shenoute - part 3 — Cairene
dialect: bohairic
source: generated from bohairic.life.shenoute_03.bohairic.scriptorium.L0.txt (Coptic SCRIPTORIUM corpus "bohairic-life-shenoute", document bohairic.life.shenoute_03)
licence: CC BY-SA 4.0
share: attribution
attribution: Life of Shenoute - part 3 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_03, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Hagiography/Life of Shenoute (Bohairic)/bohairic.life.shenoute_03.bohairic.scriptorium.L1.txt
title: Life of Shenoute - part 3 — Kemetic
dialect: bohairic
source: generated from bohairic.life.shenoute_03.bohairic.scriptorium.L1.txt
licence: CC BY-SA 4.0
share: attribution
attribution: Life of Shenoute - part 3 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_03, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Hagiography/Life of Shenoute (Bohairic)/bohairic.life.shenoute_03.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 0 quoted · 0 quoted with the alignment not cross-checked · 105 model drafts (marked “draft”)

Cite as:

Life of Shenoute - part 3. Coptic SCRIPTORIUM corpus "bohairic-life-shenoute", document bohairic.life.shenoute_03. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/life-of-shenoute-bohairic/bohairic.life.shenoute-03.bohairic.scriptorium/. Life of Shenoute - part 3 from Coptic SCRIPTORIUM (https://copticscriptorium.org), corpus bohairic-life-shenoute, document bohairic.life.shenoute_03, version 6.2.0 (2025-11-25), annotations by Hany Takla, Nicholas Wagner, Amir Zeldes, Caroline T. Schroeder; source edition Hany Takla. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.