Third Day of the Second Week of the Joyous Fifty Days (Wednesday)

Source and licence

share: publicbohairic

Source: https://saintbishoy.ca/wp-content/uploads/Joyous_Fifty_Days_Katameros_Readings_Week_2.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 1adf82d14479f764da751ef8b823b0907a43a89ecb38155f296da65decce3c1a and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 19-26 of that book, the page range its own table of contents gives for this day (_logs/days.tsv)

Attribution: none required by the licence (public domain); please credit the source edition named above.

Licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)

Licence: CC BY-SA 4.0

Full provenance and citation

The text

165 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
p. 19
1	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲙ̅: ⲃ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 40:2	Psalmos tō David 40:2
2	Ⲡϭⲟⲓⲥ ⲉϥⲉ̀ⲁ̀ⲣⲉϩ ⲉ̀ⲣⲟϥ ⲉϥⲉ̀ⲧⲁⲛϧⲟϥ:	Ⲡ̀ϭⲟⲓⲥ ⲉϥⲉ̀ⲁ̀ⲣⲉϩ ⲉ̀ⲣⲟϥ ⲉϥⲉ̀ⲧⲁⲛϧⲟϥ:	P̀ċois efèàreh èrof efètanxof:	May the Lord preserve him and keep him alive, and bless him on the earth, and not deliver him into the hands of his enemy.
3	ⲟⲩⲟϩ ⲉϥⲉ̀ⲁⲓϥ ⲛ̀ⲛⲁⲓⲁⲧϥ ϩⲓϫⲉⲛ ⲡ̀ⲕⲁϩⲓ:	ⲟⲩⲟϩ ⲉϥⲉ̀ⲁⲓϥ ⲛ̀ⲛⲁⲓⲁⲧϥ ϩⲓϫⲉⲛ ⲡ̀ⲕⲁϩⲓ:	ouoh efèaif ǹnaiatf hijen p̀kahi:
4	ⲟⲩⲟϩ ⲛ̀ⲛⲉϥⲧⲏⲓϥ ⲉ̀ϧ̀ⲣⲏⲓ: ⲉ̀ⲛⲉⲛϫⲓϫ	ⲟⲩⲟϩ ⲛ̀ⲛⲉϥⲧⲏⲓϥ ⲉ̀ϧ̀ⲣⲏⲓ: ⲉ̀ⲛⲉⲛϫⲓϫ	ouoh ǹneftyif èx̀ryi: ènenjig
5	ⲛ̀ⲛⲉϥϫⲁϫⲓ. Ⲁⲗⲗⲏⲗⲟⲩⲓⲁ̀.	ⲛ̀ⲛⲉϥϫⲁϫⲓ. Ⲁⲗⲗⲏⲗⲟⲩⲓⲁ̀.	ǹnefgaji. Allylouià.
6	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
7	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	pievangelion eθouab kata Matθeon	draft · highthe holy Gospel according to Matthew
8	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
9	Ⲙⲁⲧⲑⲉⲟⲛ ⲑ̅: ⲗ̅⳪ - ⲗ̅ⲏ̅	Ⲙⲁⲧⲑⲉⲟⲛ 9:36, 38	Matθeon 9:36, 38
10	Ⲉⲧⲁϥⲛⲁⲩ ⲇⲉ ⲉ̀ⲛⲓⲙⲏϣ ⲁϥϣⲉⲛϩⲏⲧ	Ⲉⲧⲁϥⲛⲁⲩ ⲇⲉ ⲉ̀ⲛⲓⲙⲏϣ ⲁϥϣⲉⲛϩⲏⲧ	Etafnav ḋe ènimyṡ afṡenhyt	But when he saw the multitudes, he was moved with compassion for them, because they were harassed and scattered, like sheep without a shepherd.
11	ϧⲁⲣⲱⲟⲩ: ϫⲉ ⲛⲁⲩⲥⲱⲣⲉⲙ ⲡⲉ ⲟⲩⲟϩ	ϧⲁⲣⲱⲟⲩ: ϫⲉ ⲛⲁⲩⲥⲱⲣⲉⲙ ⲡⲉ ⲟⲩⲟϩ	xarōou: je navsōrem pe ouoh
12	ⲛⲁⲩⲣⲟϫⲡ ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲙ̀ⲙⲟⲛⲧⲟⲩ	ⲛⲁⲩⲣⲟϫⲡ ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲙ̀ⲙⲟⲛⲧⲟⲩ	navrogp ǹf̀ryti ǹhanèsōou m̀montou
13	ⲙⲁⲛⲉ̀ⲥⲱⲟⲩ.	ⲙⲁⲛⲉ̀ⲥⲱⲟⲩ.	manèsōou.
p. 20
14	Ⲧⲟⲧⲉ ⲡⲉϫⲁϥ ⲛ̀ⲛⲉϥⲙⲁⲑⲏⲧⲏⲥ: ϫⲉ	Ⲧⲟⲧⲉ ⲡⲉϫⲁϥ ⲛ̀ⲛⲉϥⲙⲁⲑⲏⲧⲏⲥ: ϫⲉ	Tote pegaf ǹnefmaθytys: je	Then he said to his disciples, 'The harvest indeed is plentiful, but the laborers are few.
15	ⲡⲓⲱⲥϧ ⲙⲉⲛ ⲟⲩⲛⲓϣϯ ⲡⲉ: ⲛⲓⲉⲣⲅⲁⲧⲏⲥ ⲇⲉ	ⲡⲓⲱⲥϧ ⲙⲉⲛ ⲟⲩⲛⲓϣϯ ⲡⲉ: ⲛⲓⲉⲣⲅⲁⲧⲏⲥ ⲇⲉ	piōsx men ouniṡti pe: nierġatys ḋe
16	ϩⲁⲛⲕⲟⲩϫⲓ ⲛⲉ.	ϩⲁⲛⲕⲟⲩϫⲓ ⲛⲉ.	hankouji ne.
17	Ⲧⲱⲃϩ ⲟⲩⲛ ⲙ̀Ⲡϭⲟⲓⲥ ⲙ̀ⲡⲓⲱⲥϧ: ϩⲓⲛⲁ	Ⲧⲱⲃϩ ⲟⲩⲛ ⲛ̀Ⲡ̀ϭⲟⲓⲥ ⲙ̀ⲡⲓⲱⲥϧ: ϩⲓⲛⲁ	Tōvh oun ǹP̀ċois m̀piōsx: hina	Pray therefore that the Lord of the harvest will send out laborers into his harvest.'
18	ⲛ̀ⲧⲉϥⲧⲁⲟⲩⲟ̀ ⲛ̀ϩⲁⲛⲉⲣⲅⲁⲧⲏⲥ ⲉ̀ⲃⲟⲗ	ⲛ̀ⲧⲉϥⲧⲁⲟⲩⲟ̀ ⲛ̀ϩⲁⲛⲉⲣⲅⲁⲧⲏⲥ ⲉ̀ⲃⲟⲗ	ǹteftaouò ǹhanerġatys èvol
19	ⲉ̀ⲡⲉϥⲱⲥϧ.	ⲉ̀ⲡⲉϥⲱⲥϧ.	èpefōsx.
20	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
21	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
22	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲝ̅ⲃ̅: ⲁ̅, ⲃ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 62:1, 2	Psalmos tō David 62:1, 2
23	Ⲫⲛⲟⲩϯ Ⲡⲁⲛⲟⲩϯ ⲁⲓⲛⲁϣⲟⲣⲡⲧ ϩⲁⲣⲟⲕ:	Ⲫ̀ⲛⲟⲩϯ Ⲡⲁⲛⲟⲩϯ ⲁⲓⲛⲁϣⲟⲣⲡⲧ ϩⲁⲣⲟⲕ:	F̀nouti Panouti ainaṡorpt harok:	O God, my God, I cry to thee early; my soul has thirsted for thee: how often has my flesh longed after thee, in a barren and trackless and dry land!
24	ϫⲉ ⲁⲥⲓ̀ⲃⲓ ⲛ̀ϧⲏⲧⲕ ⲛ̀ϫⲉ ⲧⲁⲯⲩⲭⲏ: Ⲡⲁⲓⲣⲏϯ	ϫⲉ ⲁⲥⲓ̀ⲃⲓ ⲛ̀ϧⲏⲧⲕ ⲛ̀ϫⲉ ⲧⲁⲯⲩⲭⲏ: Ⲡⲁⲓⲣⲏϯ	je asìvi ǹxytk ǹje tapsiṡy: Pairyti	Thus have I appeared before thee in the sanctuary, that I might see thy power and thy glory. For thy mercy is better than life: my lips shall praise thee.
25	ⲁⲓⲟⲩⲟⲛϩⲧ ⲉ̀ⲣⲟⲕ ϧⲉⲛ ⲡⲉⲑⲟⲩⲁⲃ: ⲉ̀ⲛⲁⲩ	ⲁⲓⲟⲩⲟⲛϩⲧ ⲉ̀ⲣⲟⲕ ϧⲉⲛ ⲡⲉⲑⲟⲩⲁⲃ: ⲉ̀ⲛⲁⲩ	aiouonht èrok xen peθouab: ènav
26	ⲉ̀ⲧⲉⲕϫⲟⲙ ⲛⲉⲙ ⲡⲉⲕⲱ̀ⲟⲩ. Ⲁⲗⲗⲏⲗⲟⲩⲓⲁ̀.	ⲉ̀ⲧⲉⲕϫⲟⲙ ⲛⲉⲙ ⲡⲉⲕⲱ̀ⲟⲩ. Ⲁⲗⲗⲏⲗⲟⲩⲓⲁ̀.	ètekgom nem pekṑou. Allylouià.
27	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
28	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	pievangelion eθouab kata Matθeon	draft · highthe holy Gospel according to Matthew
29	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
30	Ⲙⲁⲧⲑⲉⲟⲛ ⲑ̅: ⲗ̅ⲃ̅ - ⲗ̅ⲉ̅	Ⲙⲁⲧⲑⲉⲟⲛ 9:32, 35	Matθeon 9:32, 35
p. 21
31	Ⲉϥⲛⲏⲟⲩ ⲇⲉ ⲉ̀ⲃⲟⲗ ⲙ̀ⲙⲁⲩ ϩⲏⲡⲡⲉ	Ⲉϥⲛⲏⲟⲩ ⲇⲉ ⲉ̀ⲃⲟⲗ ⲙ̀ⲙⲁⲩ ϩⲏⲡⲡⲉ	Efnyou ḋe èvol m̀mav hyppe	As they went out, behold, a mute man who was demon possessed was brought to him.
32	ⲁⲩⲓ̀ⲛⲓ ⲛⲁϥ ⲛⲟⲩⲉ̀ⲃⲟ ⲉ̀ⲟⲩⲟⲛ ⲟⲩⲇⲉⲙⲱⲛ	ⲁⲩⲓ̀ⲛⲓ ⲛⲁϥ ⲛ̀ⲟⲩⲉ̀ⲃⲟ ⲉ̀ⲟⲩⲟⲛ ⲟⲩⲇⲉⲙⲱⲛ	avìni naf ǹouèvo èouon ouḋemōn
33	ⲛⲉⲙⲁϥ.	ⲛⲉⲙⲁϥ.	nemaf.
34	Ⲟⲩⲟϩ ⲉ̀ⲧⲁϥϩⲓ ⲡⲓⲇⲉⲙⲱⲛ ⲉ̀ⲃⲟⲗ	Ⲟⲩⲟϩ ⲉ̀ⲧⲁϥϩⲓ ⲡⲓⲇⲉⲙⲱⲛ ⲉ̀ⲃⲟⲗ	Ouoh ètafhi piḋemōn èvol
35	ⲁϥⲥⲁϫⲓ ⲛ̀ϫⲉ ⲡⲓⲉ̀ⲃⲟ: ⲟⲩⲟϩ ⲛⲁⲩⲉⲣϣ̀ⲫⲏⲣⲓ	ⲁϥⲥⲁϫⲓ ⲛ̀ϫⲉ ⲡⲓⲉ̀ⲃⲟ: ⲟⲩⲟϩ ⲛⲁⲩⲉⲣϣ̀ⲫⲏⲣⲓ	afsaji ǹje pièvo: ouoh naverṡ̀fyri
36	ⲛ̀ϫⲉ ⲛⲓⲙⲏϣ ⲉⲩϫⲱ ⲙ̀ⲙⲟⲥ ϫⲉ ⲙ̀ⲡⲉ ϩ̀ⲗⲓ	ⲛ̀ϫⲉ ⲛⲓⲙⲏϣ ⲉⲩϫⲱ ⲙ̀ⲙⲟⲥ ϫⲉ ⲙ̀ⲡⲉ ϩ̀ⲗⲓ	ǹje nimyṡ evgō m̀mos je m̀pe h̀li
37	ⲟⲩⲟⲛϩϥ ⲉ̀ⲛⲉϩ ⲙ̀ⲡⲁⲓⲣⲏϯ ϧⲉⲛ Ⲡⲓⲥⲣⲁⲏⲗ.	ⲟⲩⲟⲛϩϥ ⲉ̀ⲛⲉϩ ⲛ̀ⲡⲁⲓⲣⲏϯ ϧⲉⲛ Ⲡⲓⲥⲣⲁⲏⲗ.	ouonhf èneh ǹpairyti xen Pisrayl.
38	Ⲛⲓⲫⲁⲣⲓⲥⲉⲟⲥ ⲇⲉ ⲛⲁⲩϫⲱ ⲙ̀ⲙⲟⲥ ϫⲉ	Ⲛⲓⲫⲁⲣⲓⲥⲉⲟⲥ ⲇⲉ ⲛⲁⲩϫⲱ ⲙ̀ⲙⲟⲥ ϫⲉ	Nifariseos ḋe navgō m̀mos je
39	ϧⲉⲛ ⲡ̀ⲁⲣⲭⲱⲛ ⲛ̀ⲧⲉ ⲛⲓⲇⲉⲙⲱⲛ ⲁϥϩⲓⲟⲩⲓ̀	ϧⲉⲛ ⲡ̀ⲁⲣⲭⲱⲛ ⲛ̀ⲧⲉ ⲛⲓⲇⲉⲙⲱⲛ ⲁϥϩⲓⲟⲩⲓ̀	xen p̀arxōn ǹte niḋemōn afhiouì
40	ⲛ̀ⲛⲓⲇⲉⲙⲱⲛ ⲉ̀ⲃⲟⲗ.	ⲛ̀ⲛⲓⲇⲉⲙⲱⲛ ⲉ̀ⲃⲟⲗ.	ǹniḋemōn èvol.
41	Ⲟⲩⲟϩ ⲛⲁϥⲕⲱϯ ⲡⲉ ⲛ̀ϫⲉ Ⲓⲏⲥⲟⲩⲥ	Ⲟⲩⲟϩ ⲛⲁϥⲕⲱϯ ⲡⲉ ⲛ̀ϫⲉ Ⲓⲏⲥⲟⲩⲥ	Ouoh nafkōti pe ǹje Iysous	Jesus went about all the cities and the villages, teaching in their synagogues, and preaching the Good News of the Kingdom, and healing every disease and every sickness among the people.
42	ⲉ̀ⲛⲓⲃⲁⲕⲓ ⲧⲏⲣⲟⲩ ⲛⲉⲙ ⲛⲓϯⲙⲓ: ⲉϥϯⲥ̀ⲃⲱ	ⲉ̀ⲛⲓⲃⲁⲕⲓ ⲧⲏⲣⲟⲩ ⲛⲉⲙ ⲛⲓϯⲙⲓ: ⲉϥϯⲥ̀ⲃⲱ	ènivaki tyrou nem nitimi: eftis̀vō
43	ⲛ̀ϩ̀ⲣⲏⲓ ϧⲉⲛ ⲛⲟⲩⲥⲩⲛⲁⲅⲱⲅⲏ ⲟⲩⲟϩ ⲉϥϩⲓⲱⲓϣ	ⲛ̀ϩ̀ⲣⲏⲓ ϧⲉⲛ ⲛ̀ⲟⲩⲥⲩⲛⲁⲅⲱⲅⲏ ⲟⲩⲟϩ ⲉϥϩⲓⲱⲓϣ	ǹh̀ryi xen ǹousinaġōgy ouoh efhiōiṡ
44	ⲙ̀ⲡⲓⲉⲩⲁⲅⲅⲉⲗⲓⲟⲛ ⲛ̀ⲧⲉ ϯⲙⲉⲧⲟⲩⲣⲟ: ⲟⲩⲟϩ	ⲛ̀ⲡⲓⲉⲩⲁⲅⲅⲉⲗⲓⲟⲛ ⲛ̀ⲧⲉ ϯⲙⲉⲧⲟⲩⲣⲟ: ⲟⲩⲟϩ	ǹpievangelion ǹte timetouro: ouoh
45	ⲉϥⲉⲣⲫⲁϧⲣⲓ ⲉ̀ϣⲱⲛⲓ ⲛⲓⲃⲉⲛ ⲛⲉⲙ ⲓⲁⲃⲓ ⲛⲓⲃⲉⲛ.	ⲉϥⲉⲣⲫⲁϧⲣⲓ ⲉ̀ϣⲱⲛⲓ ⲛⲓⲃⲉⲛ ⲛⲉⲙ ⲓⲁⲃⲓ ⲛⲓⲃⲉⲛ.	eferfaxri èṡōni niven nem iavi niven.
46	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
47	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
48	Ⲡⲁⲩⲗⲟⲥ ⲫ̀ⲃⲱⲕ ⲙ̀ⲡⲉⲛϭⲟⲓⲥ Ⲓⲏⲥⲟⲩⲥ	Ⲡⲁⲩⲗⲟⲥ ⲫ̀ⲃⲱⲕ ⲛ̀ⲡⲉⲛϭⲟⲓⲥ Ⲓⲏⲥⲟⲩⲥ	Pavlos f̀vōk ǹpenċois Iysous
49	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Pix̀ristos: piàpostolos etθahem:
50	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	fyètavθaṡf èpihiṡennoufi ǹte
51	Ⲫⲛⲟⲩϯ.	Ⲫ̀ⲛⲟⲩϯ.	F̀nouti.	draft · highGod.
p. 22
52	Ⲣⲱⲙⲉⲟⲥ ⲁ̅: ⲓ̅ⲁ - ⲓ̅ⲅ̅	Ⲣⲱⲙⲉⲟⲥ 1:11, 13	Rōmeos 1:11, 13
53	Ϯⲟⲩⲱϣ ⲅⲁⲣ ⲉ̀ⲛⲁⲩ ⲉ̀ⲣⲱⲧⲉⲛ ϩⲓⲛⲁ	Ϯⲟⲩⲱϣ ⲅⲁⲣ ⲉ̀ⲛⲁⲩ ⲉ̀ⲣⲱⲧⲉⲛ ϩⲓⲛⲁ	Tiouōṡ ġar ènav èrōten hina	For I long to see you, that I may impart to you some spiritual gift, to the end that you may be established;
54	ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩ̀ⲙⲟⲧ ⲙ̀ⲡ̀ⲛⲉⲩⲙⲁⲧⲓⲕⲟⲛ	ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩ̀ⲙⲟⲧ ⲛ̀ⲡ̀ⲛⲉⲩⲙⲁⲧⲓⲕⲟⲛ	ǹtati nōten ǹouh̀mot ǹp̀nevmatikon
55	ⲉ̀ⲡ̀ϫⲓⲛⲧⲁϫⲣⲉ ⲑⲏⲛⲟⲩ.	ⲉ̀ⲡ̀ϫⲓⲛⲧⲁϫⲣⲉ ⲑⲏⲛⲟⲩ.	èp̀jintagre θynou.
56	Ⲉⲧⲉ ⲫⲁⲓ ⲡⲉ ⲉ̀ⲉⲣϣ̀ⲫⲏⲣ ⲛ̀ⲧⲁϫⲣⲟ ⲛ̀ϩⲏⲧ	Ⲉ̀ⲧⲉ ⲫⲁⲓ ⲡⲉ ⲉ̀ⲉⲣϣ̀ⲫⲏⲣ ⲛ̀ⲧⲁϫⲣⲟ ⲛ̀ϩⲏⲧ	Ète fai pe èerṡ̀fyr ǹtagro ǹhyt
57	ϧⲉⲛ ⲑⲏⲛⲟⲩ ⲉ̀ⲃⲟⲗ ϩⲓⲧⲉⲛ ⲡⲓⲛⲁϩϯ	ϧⲉⲛ ⲑⲏⲛⲟⲩ ⲉ̀ⲃⲟⲗ ϩⲓⲧⲉⲛ ⲡⲓⲛⲁϩϯ	xen θynou èvol hiten pinahti
58	ⲫⲏⲉⲧϣⲟⲡ ⲛ̀ϧⲏⲧⲉⲛ ⲛⲉⲙ ⲛⲉⲛⲉ̀ⲣⲏⲟⲩ	ⲫⲏⲉⲧϣⲟⲡ ⲛ̀ϧⲏⲧⲉⲛ ⲛⲉⲙ ⲛⲉⲛⲉ̀ⲣⲏⲟⲩ	fyetṡop ǹxyten nem nenèryou
59	ⲫⲱⲧⲉⲛ ⲛⲉⲙ ⲫⲱⲓ ϩⲱ.	ⲫⲱⲧⲉⲛ ⲛⲉⲙ ⲫⲱⲓ ϩⲱ.	fōten nem fōi hō.
60	Ⲛϯⲟⲩⲉϣ ⲑⲏⲛⲟⲩ ⲇⲉ ⲁⲛ ⲉ̀ⲣⲉⲧⲉⲛⲟⲓ	Ⲛ̀ϯⲟⲩⲉϣ ⲑⲏⲛⲟⲩ ⲇⲉ ⲁⲛ ⲉ̀ⲣⲉⲧⲉⲛⲟⲓ	Ǹtioueṡ θynou ḋe an èretenoi	Now I don't desire to have you unaware, brothers, that I often planned to come to you, and was hindered so far, that I might have some fruit among you also, even as among the rest of the Gentiles.
61	ⲛ̀ⲁⲧⲉ̀ⲙⲓ ⲛⲁⲥ̀ⲛⲏⲟⲩ ϫⲉ ⲓⲥ ⲟⲩⲙⲏϣ ⲛ̀ⲥⲟⲡ	ⲛ̀ⲁⲧⲉ̀ⲙⲓ ⲛⲁⲥ̀ⲛⲏⲟⲩ ϫⲉ ⲓⲥ ⲟⲩⲙⲏϣ ⲛ̀ⲥⲟⲡ	ǹatèmi nas̀nyou je is oumyṡ ǹsop
62	ϯⲥⲟⲃϯ ⲙ̀ⲙⲟⲓ ⲉ̀ⲓ̀ ϩⲁⲣⲱⲧⲉⲛ ⲟⲩⲟϩ	ϯⲥⲟⲃϯ ⲙ̀ⲙⲟⲓ ⲉ̀ⲓ̀ ϩⲁⲣⲱⲧⲉⲛ ⲟⲩⲟϩ	tisovti m̀moi èì harōten ouoh
63	ⲁⲩⲧⲁϩⲛⲟ ⲙ̀ⲙⲟⲓ ϣⲁ ⲉ̀ϧⲟⲩⲛ ⲉ̀ϯⲛⲟⲩ ϩⲓⲛⲁ	ⲁⲩⲧⲁϩⲛⲟ ⲙ̀ⲙⲟⲓ ϣⲁ ⲉ̀ϧⲟⲩⲛ ⲉ̀ϯⲛⲟⲩ ϩⲓⲛⲁ	avtahno m̀moi ṡa èxoun ètinou hina
64	ⲛ̀ⲧⲁϭⲓ ⲛ̀ⲟⲩⲟⲩⲧⲁϩ ϧⲉⲛ ⲑⲏⲛⲟⲩ ϩⲱⲧⲉⲛ	ⲛ̀ⲧⲁϭⲓ ⲛ̀ⲟⲩⲟⲩⲧⲁϩ ϧⲉⲛ ⲑⲏⲛⲟⲩ ϩⲱⲧⲉⲛ	ǹtaċi ǹououtah xen θynou hōten
65	ⲕⲁⲧⲁ ⲫ̀ⲣⲏϯ ⲙ̀ⲡ̀ⲥⲱϫⲡ ⲛ̀ⲛⲓⲕⲉ ⲉⲑⲛⲟⲥ.	ⲕⲁⲧⲁ ⲫ̀ⲣⲏϯ ⲛ̀ⲡ̀ⲥⲱϫⲡ ⲛ̀ⲛⲓⲕⲉ ⲉⲑⲛⲟⲥ.	kata f̀ryti ǹp̀·sōgp ǹnike eθnos.
66	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Pih̀mot ġar nemōten nem	draft · highFor grace be with you, and
67	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	t̀·hiryny evsop: je àmyn esèṡōpi.	draft · highpeace together. Amen: may it be so.
68	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ ⲡⲓϩⲟⲩⲓⲧ	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ ⲡⲓϩⲟⲩⲓⲧ	Kaθolikon èvol xen pe pihouit	draft · highCatholic (epistle), from the first
69	ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ Ⲓⲱⲁⲛⲛⲏⲥ.	ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ Ⲓⲱⲁⲛⲛⲏⲥ.	ǹèpistoly ǹte peniōt Iōannys.	draft · highof the epistle of our father John.
70	Ⲁⲙⲏⲛ. Ⲛⲁⲙⲉⲛⲣⲁϯ.	Ⲁ̀ⲙⲏⲛ. Ⲛⲁⲙⲉⲛⲣⲁϯ.	Àmyn. Namenrati.	draft · highAmen. My beloved ones.
71	ⲁ̅ Ⲓⲱⲁⲛⲛⲏⲥ ⲃ̅: ⲁ̅ - ⳪	1 Ⲓⲱⲁⲛⲛⲏⲥ 2:1, ⳪	1 Iōannys 2:1, ⳪
72	Ⲛⲁϣⲏⲣⲓ ⲛⲁⲓ ϯⲥ̀ϧⲁⲓ ⲙ̀ⲙⲱⲟⲩ ⲛⲱⲧⲉⲛ	Ⲛⲁϣⲏⲣⲓ ⲛⲁⲓ ϯⲥ̀ϧⲁⲓ ⲙ̀ⲙⲱⲟⲩ ⲛⲱⲧⲉⲛ	Naṡyri nai tis̀xai m̀mōou nōten	My little children, I write these things to you so that you may not sin. If anyone sins, we have a Counselor with the Father, Jesus Christ, the righteous.
73	ϩⲓⲛⲁ ⲛ̀ⲧⲉⲧⲉⲛϣ̀ⲧⲉⲙⲉⲣⲛⲟⲃⲓ ⲟⲩⲟϩ ⲉ̀ϣⲱⲡ	ϩⲓⲛⲁ ⲛ̀ⲧⲉⲧⲉⲛϣ̀ⲧⲉⲙⲉⲣⲛⲟⲃⲓ ⲟⲩⲟϩ ⲉ̀ϣⲱⲡ	hina ǹtetenṡ̀temernovi ouoh èṡōp
74	ⲁ̀ⲣⲉϣⲁⲛ ⲟⲩⲁⲓ ⲉⲣⲛⲟⲃⲓ ⲟⲩⲟⲛ ⲛ̀ⲧⲁⲛ ⲙ̀ⲙⲁⲩ	ⲁ̀ⲣⲉϣⲁⲛ ⲟⲩⲁⲓ ⲉⲣⲛⲟⲃⲓ ⲟⲩⲟⲛ ⲛ̀ⲧⲁⲛ ⲙ̀ⲙⲁⲩ	àreṡan ouai ernovi ouon ǹtan m̀mav
75	ⲙ̀Ⲡⲓⲡⲁⲣⲁⲕⲗⲏⲧⲟⲥ ϧⲁⲧⲉⲛ Ⲫⲓⲱⲧ Ⲓⲏⲥⲟⲩⲥ	ⲛ̀Ⲡⲓⲡⲁⲣⲁⲕⲗⲏⲧⲟⲥ ϧⲁⲧⲉⲛ Ⲫ̀ⲓⲱⲧ Ⲓⲏⲥⲟⲩⲥ	ǹPiparaklytos xaten F̀iōt Iysous
p. 23
76	Ⲡⲓⲭ̀ⲣⲓⲥⲧⲟⲥ ⲡⲓⲑ̀ⲙⲏⲓ.	Ⲡⲓⲭ̀ⲣⲓⲥⲧⲟⲥ ⲡⲓⲑ̀ⲙⲏⲓ.	Pix̀ristos piθ̀myi.
77	Ⲟⲩⲟϩ ⲛ̀ⲑⲟϥ ⲡⲉ ⲡ̀ⲥⲱϯ ⲛ̀ⲧⲉ ⲛⲉⲛⲛⲟⲃⲓ	Ⲟⲩⲟϩ ⲛ̀ⲑⲟϥ ⲡⲉ ⲡ̀ⲥⲱϯ ⲛ̀ⲧⲉ ⲛⲉⲛⲛⲟⲃⲓ	Ouoh ǹθof pe p̀·sōti ǹte nennovi	And he is the atoning sacrifice for our sins, and not for ours only, but also for the whole world.
78	ⲉⲑⲃⲉ ⲛⲟⲩⲛ ⲇⲉ ⲙ̀ⲙⲁⲩⲁⲧⲉⲛ ⲁⲛ ⲁⲗⲗⲁ	ⲉⲑⲃⲉ ⲛⲟⲩⲛ ⲇⲉ ⲙ̀ⲙⲁⲩⲁⲧⲉⲛ ⲁⲛ ⲁⲗⲗⲁ	eθve noun ḋe m̀mavaten an alla
79	ⲛⲉⲙ ⲉⲑⲃⲉ ⲛⲁ ⲡⲓⲕⲟⲥⲙⲟⲥ ⲧⲏⲣϥ.	ⲛⲉⲙ ⲉⲑⲃⲉ ⲛⲁ ⲡⲓⲕⲟⲥⲙⲟⲥ ⲧⲏⲣϥ.	nem eθve na pikosmos tyrf.
80	Ⲟⲩⲟϩ ϧⲉⲛ ⲫⲁⲓ ⲧⲉⲛⲉ̀ⲙⲓ ϫⲉ	Ⲟⲩⲟϩ ϧⲉⲛ ⲫⲁⲓ ⲧⲉⲛⲉ̀ⲙⲓ ϫⲉ	Ouoh xen fai tenèmi je	This is how we know that we know him: if we keep his commandments.
81	ⲁⲛⲥⲟⲩⲱⲛϥ ⲉ̀ϣⲱⲡ ⲁⲛϣⲁⲛⲁ̀ⲣⲉϩ	ⲁⲛⲥⲟⲩⲱⲛϥ ⲉ̀ϣⲱⲡ ⲁⲛϣⲁⲛⲁ̀ⲣⲉϩ	ansouōnf èṡōp anṡanàreh
82	ⲉ̀ⲛⲉϥⲉⲛⲧⲟⲗⲏ.	ⲉ̀ⲛⲉϥⲉⲛⲧⲟⲗⲏ.	ènefentoly.
83	Ⲫⲏⲉ̀ⲧϫⲱ ⲙ̀ⲙⲟⲥ ϫⲉ ⲁⲓⲥⲟⲩⲱⲛϥ ⲟⲩⲟϩ	Ⲫⲏⲉ̀ⲧϫⲱ ⲙ̀ⲙⲟⲥ ϫⲉ ⲁⲓⲥⲟⲩⲱⲛϥ ⲟⲩⲟϩ	Fyètgō m̀mos je aisouōnf ouoh	One who says, 'I know him,' and doesn't keep his commandments, is a liar, and the truth isn't in him.
84	ⲛ̀ⲧⲉϥϣ̀ⲧⲉⲙⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ	ⲛ̀ⲧⲉϥϣ̀ⲧⲉⲙⲁ̀ⲣⲉϩ ⲉ̀ⲛⲉϥⲉⲛⲧⲟⲗⲏ	ǹtefṡ̀temàreh ènefentoly
85	ⲟⲩⲥⲁⲙⲉⲑⲛⲟⲩϫ ⲡⲉ ⲟⲩⲟϩ ⲟⲩⲑ̀ⲙⲏⲓ ϣⲟⲡ	ⲟⲩⲥⲁⲙⲉⲑⲛⲟⲩϫ ⲡⲉ ⲟⲩⲟϩ ⲟⲩⲑ̀ⲙⲏⲓ ϣⲟⲡ	ousameθnoug pe ouoh ouθ̀myi ṡop
86	ϧⲉⲛ ⲫⲁⲓ ⲁⲛ.	ϧⲉⲛ ⲫⲁⲓ ⲁⲛ.	xen fai an.
87	Ⲫⲏⲉ ⲇⲉ ⲉⲑⲛⲁⲁ̀ⲣⲉϩ ⲉ̀ⲡⲉϥⲥⲁϫⲓ	Ⲫⲏⲉ ⲇⲉ ⲉⲑⲛⲁⲁ̀ⲣⲉϩ ⲉ̀ⲡⲉϥⲥⲁϫⲓ	Fye ḋe eθnaàreh èpefsaji	But whoever keeps his word, God's love has most certainly been perfected in him. This is how we know that we are in him:
88	ⲁ̀ⲗⲏⲑⲱⲥ ϯⲁ̀ⲅⲁⲡⲏ ⲛ̀ⲧⲉ Ⲫⲛⲟⲩϯ ⲁⲥϫⲱⲕ	ⲁ̀ⲗⲏⲑⲱⲥ ϯⲁ̀ⲅⲁⲡⲏ ⲛ̀ⲧⲉ Ⲫ̀ⲛⲟⲩϯ ⲁⲥϫⲱⲕ	àlyθōs tiàġapy ǹte F̀nouti asgōk
89	ⲉ̀ⲃⲟⲗ ⲛ̀ϧ̀ⲣⲏⲓ ϧⲉⲛ ⲫⲁⲓ: ϧⲉⲛ ⲫⲁⲓ ⲧⲉⲛⲉ̀ⲙⲓ	ⲉ̀ⲃⲟⲗ ⲛ̀ϧ̀ⲣⲏⲓ ϧⲉⲛ ⲫⲁⲓ: ϧⲉⲛ ⲫⲁⲓ ⲧⲉⲛⲉ̀ⲙⲓ	èvol ǹx̀ryi xen fai: xen fai tenèmi
90	ϫⲉ ⲧⲉⲛϣⲟⲡ ⲛ̀ϧⲏⲧϥ.	ϫⲉ ⲧⲉⲛϣⲟⲡ ⲛ̀ϧⲏⲧϥ.	je tenṡop ǹxytf.
91	Ⲫⲏⲉ̀ⲧϫⲱ ⲙ̀ⲙⲟⲥ ϫⲉ ϯϣⲟⲡ ⲛ̀ϧⲏⲧϥ	Ⲫⲏⲉ̀ⲧϫⲱ ⲙ̀ⲙⲟⲥ ϫⲉ ϯϣⲟⲡ ⲛ̀ϧⲏⲧϥ	Fyètgō m̀mos je tiṡop ǹxytf	he who says he remains in him ought himself also to walk just like he walked.
92	ⲥ̀ⲉⲙⲡ̀ϣⲁ ⲙ̀ⲫ̀ⲣⲏϯ ⲉ̀ⲧⲁ ⲫⲏ ⲙⲟϣⲓ ⲙ̀ⲙⲟϥ	ⲥ̀ⲉⲙⲡ̀ϣⲁ ⲛ̀ⲫ̀ⲣⲏϯ ⲉ̀ⲧⲁ ⲫⲏ ⲙⲟϣⲓ ⲙ̀ⲙⲟϥ	s̀emp̀ṡa ǹf̀ryti èta fy moṡi m̀mof
93	ⲛ̀ⲧⲉϥⲙⲟϣⲓ ϩⲱϥ ⲙ̀ⲡⲁⲓⲣⲏϯ.	ⲛ̀ⲧⲉϥⲙⲟϣⲓ ϩⲱϥ ⲛ̀ⲡⲁⲓⲣⲏϯ.	ǹtefmoṡi hōf ǹpairyti.
94	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Nas̀nyou m̀permenre pikosmos
95	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ouḋe nyetṡop xen pikosmos:
96	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	pikosmos nasini nem tefèpiθimia: fy
97	ⲇⲉ ⲉⲧⲓ̀ⲣⲓ ⲙ̀ⲫ̀ⲟⲩⲱϣ ⲙ̀Ⲫⲛⲟⲩϯ ϥ̀ⲛⲁϣⲱⲡⲓ	ⲇⲉ ⲉⲧⲓ̀ⲣⲓ ⲛ̀ⲫ̀ⲟⲩⲱϣ ⲛ̀Ⲫ̀ⲛⲟⲩϯ ϥ̀ⲛⲁϣⲱⲡⲓ	ḋe etìri ǹf̀ouōṡ ǹF̀nouti f̀naṡōpi
98	ϣⲁ ⲉ̀ⲛⲉϩ: ⲁ̀ⲙⲏⲛ.	ϣⲁ ⲉ̀ⲛⲉϩ: ⲁ̀ⲙⲏⲛ.	ṡa èneh: àmyn.	draft · highfor ever. Amen.
99	Ⲡⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	Ⲡ̀ⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	P̀raksis ǹte nenioti ǹàpostolos:	draft · highThe Acts of our fathers the apostles:
100	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ère pous̀mou eθouab ṡōpi neman.	draft · highmay their holy blessing be with us.
p. 24
101	Ⲁⲙⲏⲛ.	Ⲁ̀ⲙⲏⲛ.	Àmyn.	draft · highAmen.
102	Ⲡⲣⲁⲝⲓⲥ ⲇ̅: ⲏ̅ - ⲓ̅ⲃ̅	Ⲡ̀ⲣⲁⲝⲓⲥ 4:8, 12	P̀raksis 4:8, 12
103	Ⲧⲟⲧⲉ Ⲡⲉⲧⲣⲟⲥ ⲁϥⲙⲟϩ ⲉ̀ⲃⲟⲗϧⲉⲛ	Ⲧⲟⲧⲉ Ⲡⲉⲧⲣⲟⲥ ⲁϥⲙⲟϩ ⲉ̀ⲃⲟⲗ ϧⲉⲛ	Tote Petros afmoh èvol xen	Then Peter, filled with the Holy Spirit, said to them, 'You rulers of the people, and elders of Israel,
104	Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲡⲉϫⲁϥ ⲛⲱⲟⲩ	Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲡⲉϫⲁϥ ⲛⲱⲟⲩ	Pip̀nevma eθouab pegaf nōou
105	ⲛⲓⲁⲣⲭⲱⲛ ⲛ̀ⲧⲉ ⲡⲓⲗⲁⲟⲥ ⲛⲉⲙ	ⲛⲓⲁⲣⲭⲱⲛ ⲛ̀ⲧⲉ ⲡⲓⲗⲁⲟⲥ ⲛⲉⲙ	niarxōn ǹte pilaos nem
106	ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ Ⲡⲓⲥⲣⲁⲏⲗ.	ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ Ⲡⲓⲥⲣⲁⲏⲗ.	nip̀resbiteros ǹte Pisrayl.
107	Ⲓⲥϫⲉ ⲁ̀ⲛⲟⲛ ⲙ̀ⲫⲟⲟⲩ ⲥⲉⲉⲣⲁ̀ⲛⲁⲕⲣⲓⲛⲓⲛ	Ⲓⲥϫⲉ ⲁ̀ⲛⲟⲛ ⲛ̀ⲫⲟⲟⲩ ⲥⲉⲉⲣⲁ̀ⲛⲁⲕⲣⲓⲛⲓⲛ	Isje ànon ǹfoou seerànakrinin	if we are examined today concerning a good deed done to a crippled man, by what means this man has been healed,
108	ⲙ̀ⲙⲟⲛ ⲉⲑⲃⲉ ⲟⲩϩⲱⲃ ⲉ̀ⲛⲁⲛⲉϥ ⲉ̀ⲁϥϣⲱⲡⲓ	ⲙ̀ⲙⲟⲛ ⲉⲑⲃⲉ ⲟⲩϩⲱⲃ ⲉ̀ⲛⲁⲛⲉϥ ⲉ̀ⲁϥϣⲱⲡⲓ	m̀mon eθve ouhōb ènanef èafṡōpi
109	ⲛ̀ⲟⲩⲣⲱⲙⲓ ⲛ̀ϫⲱⲃ ϫⲉ ⲉ̀ⲧⲁ ⲫⲁⲓ ⲟⲩϫⲁⲓ ϧⲉⲛ	ⲛ̀ⲟⲩⲣⲱⲙⲓ ⲛ̀ϫⲱⲃ ϫⲉ ⲉ̀ⲧⲁ ⲫⲁⲓ ⲟⲩϫⲁⲓ ϧⲉⲛ	ǹourōmi ǹgōb je èta fai ougai xen
110	ⲛⲓⲙ.	ⲛⲓⲙ.	nim.
111	Ⲙⲁⲣⲉ ⲡⲓϩⲱⲃ ⲟⲩⲛ ⲟⲩⲱⲛϩ ⲉ̀ⲣⲱⲧⲉⲛ	Ⲙⲁⲣⲉ ⲡⲓϩⲱⲃ ⲟⲩⲛ ⲟⲩⲱⲛϩ ⲉ̀ⲣⲱⲧⲉⲛ	Mare pihōb oun ouōnh èrōten	be it known to you all, and to all the people of Israel, that in the name of Jesus Christ of Nazareth, whom you crucified, whom God raised from the dead, in him does this man stand here before you whole.
112	ⲧⲏⲣⲟⲩ ⲛⲉⲙ ⲡⲓⲗⲁⲟⲥ ⲧⲏⲣϥ ⲛ̀ⲧⲉ Ⲡⲓⲥⲣⲁⲏⲗ	ⲧⲏⲣⲟⲩ ⲛⲉⲙ ⲡⲓⲗⲁⲟⲥ ⲧⲏⲣϥ ⲛ̀ⲧⲉ Ⲡⲓⲥⲣⲁⲏⲗ	tyrou nem pilaos tyrf ǹte Pisrayl
113	ϫⲉ ϧⲉⲛ ⲫ̀ⲣⲁⲛ ⲛ̀Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	ϫⲉ ϧⲉⲛ ⲫ̀ⲣⲁⲛ ⲛ̀Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	je xen f̀ran ǹIysous Pix̀ristos
114	Ⲡⲓⲛⲁⲍⲱⲣⲉⲟⲥ: ⲫⲁⲓ ⲛ̀ⲑⲱⲧⲉⲛ	Ⲡⲓⲛⲁⲍⲱⲣⲉⲟⲥ: ⲫⲁⲓ ⲛ̀ⲑⲱⲧⲉⲛ	Pinazōreos: fai ǹθōten
115	ⲉ̀ⲧⲁⲣⲉⲧⲉⲛⲁϣϥ: ⲫⲁⲓ ⲉ̀ⲧⲁ Ⲫⲛⲟⲩϯ	ⲉ̀ⲧⲁⲣⲉⲧⲉⲛⲁϣϥ: ⲫⲁⲓ ⲉ̀ⲧⲁ Ⲫ̀ⲛⲟⲩϯ	ètaretenaṡf: fai èta F̀nouti
116	ⲧⲟⲩⲛⲟⲥϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ ⲛ̀ϧ̀ⲣⲏⲓ	ⲧⲟⲩⲛⲟⲥϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ ⲛ̀ϧ̀ⲣⲏⲓ	tounosf èvol xen nyeθmōout ǹx̀ryi
117	ϧⲉⲛ ⲫⲁⲓ ϥ̀ⲟ̀ϩⲓ ⲉ̀ⲣⲁⲧϥ ⲛ̀ϫⲉ ⲫⲁⲓ	ϧⲉⲛ ⲫⲁⲓ ϥ̀ⲟ̀ϩⲓ ⲉ̀ⲣⲁⲧϥ ⲛ̀ϫⲉ ⲫⲁⲓ	xen fai f̀òhi èratf ǹje fai
118	ⲙ̀ⲡⲉⲧⲉⲛⲙ̀ⲑⲟ ⲉ̀ⲃⲟⲗ ⲉϥⲟⲩⲟϫ.	ⲛ̀ⲡⲉⲧⲉⲛⲙ̀ⲑⲟ ⲉ̀ⲃⲟⲗ ⲉϥⲟⲩⲟϫ.	ǹpetenm̀θo èvol efouog.
119	Ⲫⲁⲓ ⲡⲉ ⲡⲓⲱ̀ⲛⲓ ⲉ̀ⲧⲁⲩϣⲟϣϥ ⲉ̀ⲃⲟⲗ	Ⲫⲁⲓ ⲡⲉ ⲡⲓⲱ̀ⲛⲓ ⲉ̀ⲧⲁⲩϣⲟϣϥ ⲉ̀ⲃⲟⲗ	Fai pe piṑni ètavṡoṡf èvol	He is 'the stone which was regarded as worthless by you, the builders, which has become the head of the corner.'
120	ϩⲓⲧⲉⲛ ⲑⲏⲛⲟⲩ ⲛⲏⲉⲧⲕⲱⲧ: ⲫⲁⲓ ⲁϥϣⲱⲡⲓ	ϩⲓⲧⲉⲛ ⲑⲏⲛⲟⲩ ⲛⲏⲉⲧⲕⲱⲧ: ⲫⲁⲓ ⲁϥϣⲱⲡⲓ	hiten θynou nyetkōt: fai afṡōpi
121	ⲛ̀ⲟⲩϫⲱϫ ⲛ̀ⲗⲁⲕϩ.	ⲛ̀ⲟⲩϫⲱϫ ⲛ̀ⲗⲁⲕϩ.	ǹougōg ǹlak·h.
122	Ⲟⲩⲟϩ ⲙ̀ⲙⲟⲛ ⲕⲉ ⲟⲩⲁⲓ ⲉ̀ⲣⲉ ⲫ̀ⲛⲟϩⲉⲙ	Ⲟⲩⲟϩ ⲙ̀ⲙⲟⲛ ⲕⲉ ⲟⲩⲁⲓ ⲉ̀ⲣⲉ ⲫ̀ⲛⲟϩⲉⲙ	Ouoh m̀mon ke ouai ère f̀nohem	There is salvation in none other, for neither is there any other name under heaven, that is given among men, by which we must be saved!'
123	ϣⲟⲡ ⲛ̀ϧⲏⲧϥ: ⲟⲩⲇⲉ ⲙ̀ⲙⲟⲛ ⲕⲉⲣⲁⲛ	ϣⲟⲡ ⲛ̀ϧⲏⲧϥ: ⲟⲩⲇⲉ ⲙ̀ⲙⲟⲛ ⲕⲉⲣⲁⲛ	ṡop ǹxytf: ouḋe m̀mon keran
124	ⲥⲁⲡⲉⲥⲏⲧ ⲛ̀ⲧ̀ⲫⲉ ⲉ̀ⲁⲩⲧⲏⲓϥ ⲛ̀ⲛⲓⲣⲱⲙⲓ ⲫⲏⲉ̀ⲧⲉ	ⲥⲁⲡⲉⲥⲏⲧ ⲛ̀ⲧ̀ⲫⲉ ⲉ̀ⲁⲩⲧⲏⲓϥ ⲛ̀ⲛⲓⲣⲱⲙⲓ ⲫⲏⲉ̀ⲧⲉ	sapesyt ǹt̀fe èavtyif ǹnirōmi fyète
125	ϩⲱϯ ⲛ̀ⲧⲟⲩⲛⲟϩⲉⲙ ⲛ̀ϧ̀ⲣⲏⲓ ⲛ̀ϧⲏⲧϥ.	ϩⲱϯ ⲛ̀ⲧⲟⲩⲛⲟϩⲉⲙ ⲛ̀ϧ̀ⲣⲏⲓ ⲛ̀ϧⲏⲧϥ.	hōti ǹtounohem ǹx̀ryi ǹxytf.
126	Ⲡⲓⲥⲁϫⲓ ⲇⲉ ⲛ̀ⲧⲉ Ⲡϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Ⲡⲓⲥⲁϫⲓ ⲇⲉ ⲛ̀ⲧⲉ Ⲡ̀ϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Pisaji ḋe ǹte P̀ċois efèaiai ouoh
127	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	efèàṡai: efèàmahi ouoh efètagro:
p. 25
128	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫⲛⲟⲩϯ:	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫ̀ⲛⲟⲩϯ:	xen tiàgia ǹekk̀lysia ǹte F̀nouti:
129	ⲁ̀ⲙⲏⲛ.	ⲁ̀ⲙⲏⲛ.	àmyn.
130	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲑ̅: ⲁ̅, ⲃ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 9:1, 2	Psalmos tō David 9:1, 2
131	Ϯⲛⲁⲟⲩⲱⲛϩ ⲛⲁⲕ ⲉ̀ⲃⲟⲗ Ⲡϭⲟⲓⲥ ϧⲉⲛ	Ϯⲛⲁⲟⲩⲱⲛϩ ⲛⲁⲕ ⲉ̀ⲃⲟⲗ Ⲡ̀ϭⲟⲓⲥ ϧⲉⲛ	Tinaouōnh nak èvol P̀ċois xen	I will give thanks to thee, O Lord, with my whole heart; I will recount all thy wonderful works. I will be glad and exult in thee: I will sing to thy name, O thou Most High.
132	ⲡⲁϩⲏⲧ ⲧⲏⲣϥ: ϯⲛⲁⲥⲁϫⲓ ⲛ̀ⲛⲉⲕϣ̀ⲫⲏⲣⲓ	ⲡⲁϩⲏⲧ ⲧⲏⲣϥ: ϯⲛⲁⲥⲁϫⲓ ⲛ̀ⲛⲉⲕϣ̀ⲫⲏⲣⲓ	pahyt tyrf: tinasaji ǹnekṡ̀fyri
133	ⲧⲏⲣⲟⲩ: ϯⲛⲁⲟⲩⲛⲟϥ ⲛ̀ⲧⲁⲑⲉⲗⲏⲗ ⲛ̀ϧⲏⲧⲕ:	ⲧⲏⲣⲟⲩ: ϯⲛⲁⲟⲩⲛⲟϥ ⲛ̀ⲧⲁⲑⲉⲗⲏⲗ ⲛ̀ϧⲏⲧⲕ:	tyrou: tinaounof ǹtaθelyl ǹxytk:
134	ϯⲛⲁⲉⲣⲯⲁⲗⲓⲛ ⲉ̀ⲡⲉⲕⲣⲁⲛ Ⲡⲉⲧϭⲟⲥⲓ.	ϯⲛⲁⲉⲣⲯⲁⲗⲓⲛ ⲉ̀ⲡⲉⲕⲣⲁⲛ Ⲡⲉⲧϭⲟⲥⲓ.	tinaerpsalin èpekran Petċosi.
135	Ⲁⲗⲗⲏⲗⲟⲩⲓⲁ̀.	Ⲁⲗⲗⲏⲗⲟⲩⲓⲁ̀.	Allylouià.	draft · highAlleluia.
136	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
137	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲓⲱⲁⲛⲛⲏⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲓⲱⲁⲛⲛⲏⲛ	pievangelion eθouab kata Iōannyn	draft · highthe holy Gospel according to John
138	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
139	Ⲓⲱⲁⲛⲛⲏⲛ ⲉ̅: ⲗ̅ⲁ̅ - ⲗ̅ⲍ̅	Ⲓⲱⲁⲛⲛⲏⲛ 5:31, 37	Iōannyn 5:31, 37
140	Ⲉϣⲱⲡ ⲁ̀ⲛⲟⲕ ⲁⲓϣⲁⲛⲉⲣⲙⲉⲑⲣⲉ ⲉⲑⲃⲏⲧ	Ⲉϣⲱⲡ ⲁ̀ⲛⲟⲕ ⲁⲓϣⲁⲛⲉⲣⲙⲉⲑⲣⲉ ⲉⲑⲃⲏⲧ	Eṡōp ànok aiṡanermeθre eθvyt	'If I testify about myself, my witness is not valid. It is another who testifies about me. I know that the testimony which he testifies about me is true.
141	ⲧⲁⲙⲉⲧⲙⲙⲑⲣⲉ ⲟⲩⲙⲏⲓ ⲁⲛ ⲧⲉ.	ⲧⲁⲙⲉⲧⲙⲙⲑⲣⲉ ⲟⲩⲙⲏⲓ ⲁⲛ ⲧⲉ.	tametmmθre oumyi an te.
142	Ⲕⲉⲟⲩⲁⲓ ⲡⲉ ⲉⲧⲉⲣⲙⲉⲑⲣⲉ ⲉⲑⲃⲏⲧ: ⲟⲩⲟϩ	Ⲕⲉⲟⲩⲁⲓ ⲡⲉ ⲉⲧⲉⲣⲙⲉⲑⲣⲉ ⲉⲑⲃⲏⲧ: ⲟⲩⲟϩ	Keouai pe etermeθre eθvyt: ouoh
143	ϯⲉ̀ⲙⲓ ϫⲉ ⲧⲉϥⲙⲉⲧⲙⲉⲑⲣⲉ ⲟⲩⲙⲏⲓ ⲧⲉ	ϯⲉ̀ⲙⲓ ϫⲉ ⲧⲉϥⲙⲉⲧⲙⲉⲑⲣⲉ ⲟⲩⲙⲏⲓ ⲧⲉ	tièmi je tefmetmeθre oumyi te
144	ⲑⲏⲉ̀ⲧⲁϥⲉⲣⲙⲉⲑⲣⲉ ⲙ̀ⲙⲟⲥ ⲉⲑⲃⲏⲧ.	ⲑⲏⲉ̀ⲧⲁϥⲉⲣⲙⲉⲑⲣⲉ ⲙ̀ⲙⲟⲥ ⲉⲑⲃⲏⲧ.	θyètafermeθre m̀mos eθvyt.
p. 26
145	Ⲛⲑⲱⲧⲉⲛ ⲁ̀ⲧⲉⲧⲉⲛⲟⲩⲱⲣⲡ ϩⲁ	Ⲛ̀ⲑⲱⲧⲉⲛ ⲁ̀ⲣⲉⲧⲉⲛⲟⲩⲱⲣⲡ ϩⲁ	Ǹθōten àretenouōrp ha	You have sent to John, and he has testified to the truth.
146	Ⲓⲱⲁⲛⲛⲏⲥ ⲟⲩⲟϩ ⲁϥⲉⲣⲙⲉⲏⲣⲉ ⲛ̀ⲑ̀ⲙⲏⲓ.	Ⲓⲱⲁⲛⲛⲏⲥ ⲟⲩⲟϩ ⲁϥⲉⲣⲙⲉⲏⲣⲉ ⲛ̀ⲑ̀ⲙⲏⲓ.	Iōannys ouoh afermeyre ǹθ̀myi.
147	Ⲁⲛⲟⲕ ⲇⲉ ⲛⲁⲓϭⲓ ⲙⲉⲧⲙⲉⲑⲣⲉ ⲛ̀ⲧⲉⲛ	Ⲁⲛⲟⲕ ⲇⲉ ⲛⲁⲓϭⲓ ⲙⲉⲧⲙⲉⲑⲣⲉ ⲛ̀ⲧⲉⲛ	Anok ḋe naiċi metmeθre ǹten	But the testimony which I receive is not from man. However, I say these things that you may be saved.
148	ⲣⲱⲙⲓ ⲁⲛ: ⲁⲗⲗⲁ ⲛⲁⲓ ϯϫⲱ ⲙ̀ⲙⲱⲟⲩ ϩⲓⲛⲁ	ⲣⲱⲙⲓ ⲁⲛ: ⲁⲗⲗⲁ ⲛⲁⲓ ϯϫⲱ ⲙ̀ⲙⲱⲟⲩ ϩⲓⲛⲁ	rōmi an: alla nai tigō m̀mōou hina
149	ⲛ̀ⲑⲱⲧⲉⲛ ⲛ̀ⲧⲉ ⲧⲉⲛⲛⲟϩⲉⲙ.	ⲛ̀ⲑⲱⲧⲉⲛ ⲛ̀ⲧⲉ ⲧⲉⲛⲛⲟϩⲉⲙ.	ǹθōten ǹte tennohem.
150	Ⲫⲏⲉ̀ⲧⲉ ⲙ̀ⲙⲁⲩ ⲛⲉ ⲛ̀ⲑⲟϥ ⲡⲉ ⲡⲓϧⲏⲃⲥ	Ⲫⲏⲉ̀ⲧⲉ ⲙ̀ⲙⲁⲩ ⲛⲉ ⲛ̀ⲑⲟϥ ⲡⲉ ⲡⲓϧⲏⲃⲥ	Fyète m̀mav ne ǹθof pe pixyvs	He was the burning and shining lamp, and you were willing to rejoice for a while in his light.
151	ⲉⲑⲙⲟϩ ⲟⲩⲟϩ ⲉ̀ⲧⲉⲣⲟⲩⲱⲓⲛⲓ: ⲛ̀ⲑⲱⲧⲉⲛ ⲇⲉ	ⲉⲑⲙⲟϩ ⲟⲩⲟϩ ⲉ̀ⲧⲉⲣⲟⲩⲱⲓⲛⲓ: ⲛ̀ⲑⲱⲧⲉⲛ ⲇⲉ	eθmoh ouoh èterouōini: ǹθōten ḋe
152	ⲁ̀ⲧⲉⲧⲉⲛⲟⲩⲱϣ ⲉ̀ⲑⲉⲗⲏⲗ ⲙ̀ⲙⲱⲧⲉⲛ ⲡ̀ⲣⲟⲥ	ⲁ̀ⲣⲉⲧⲉⲛⲟⲩⲱϣ ⲉ̀ⲑⲉⲗⲏⲗ ⲙ̀ⲙⲱⲧⲉⲛ ⲡ̀ⲣⲟⲥ	àretenouōṡ èθelyl m̀mōten p̀ros
153	ⲟⲩⲟⲩⲛⲟⲩ ϧⲉⲛ ⲡⲉϥⲟⲩⲱⲓⲛⲓ.	ⲟⲩⲟⲩⲛⲟⲩ ϧⲉⲛ ⲡⲉϥⲟⲩⲱⲓⲛⲓ.	ouounou xen pefouōini.
154	Ⲁⲛⲟⲕ ⲇⲉ ⲟⲩⲟⲛϯ ⲟⲩⲙⲉⲧⲙⲉⲑⲣⲉ	Ⲁⲛⲟⲕ ⲇⲉ ⲟⲩⲟⲛϯ ⲟⲩⲙⲉⲧⲙⲉⲑⲣⲉ	Anok ḋe ouonti oumetmeθre	But the testimony which I have is greater than that of John, for the works which the Father gave me to accomplish, the very works that I do, testify about me, that the Father has sent me.
155	ⲉ̀ⲛⲁⲁⲥ ⲉ̀ⲑⲁ Ⲓⲱⲁⲛⲛⲏⲥ: ⲛⲓϩ̀ⲃⲏⲟⲩⲓ̀ ⲅⲁⲣ	ⲉ̀ⲛⲁⲁⲥ ⲉ̀ⲑⲁ Ⲓⲱⲁⲛⲛⲏⲥ: ⲛⲓϩ̀ⲃⲏⲟⲩⲓ̀ ⲅⲁⲣ	ènaas èθa Iōannys: nih̀vyouì ġar
156	ⲉ̀ⲧⲁϥⲧⲏⲓⲧⲟⲩ ⲛⲏⲓ ⲛ̀ϫⲉ Ⲡⲁⲓⲱⲧ ϩⲓⲛⲁ	ⲉ̀ⲧⲁϥⲧⲏⲓⲧⲟⲩ ⲛⲏⲓ ⲛ̀ϫⲉ Ⲡⲁⲓⲱⲧ ϩⲓⲛⲁ	ètaftyitou nyi ǹje Paiōt hina
157	ⲛ̀ⲧⲁϫⲟⲕⲟⲩ ⲉ̀ⲃⲟⲗ ⲛ̀ⲑⲱⲟⲩ ⲛⲓϩ̀ⲃⲏⲟⲩⲓ̀ ⲉ̀ϯⲣⲁ	ⲛ̀ⲧⲁϫⲟⲕⲟⲩ ⲉ̀ⲃⲟⲗ ⲛ̀ⲑⲱⲟⲩ ⲛⲓϩ̀ⲃⲏⲟⲩⲓ̀ ⲉ̀ϯⲣⲁ	ǹtagokou èvol ǹθōou nih̀vyouì ètira
158	ⲙ̀ⲙⲱⲟⲩ ⲥⲉⲉⲣⲙⲉⲑⲣⲉ ϧⲁⲣⲟⲓ ϫⲉ Ⲫⲓⲱⲧ	ⲙ̀ⲙⲱⲟⲩ ⲥⲉⲉⲣⲙⲉⲑⲣⲉ ϧⲁⲣⲟⲓ ϫⲉ Ⲫ̀ⲓⲱⲧ	m̀mōou seermeθre xaroi je F̀iōt
159	ⲫⲏⲉ̀ⲧⲁϥⲧⲁⲟⲩⲟⲓ.	ⲫⲏⲉ̀ⲧⲁϥⲧⲁⲟⲩⲟⲓ.	fyètaftaouoi.
160	Ⲟⲩⲟϩ Ⲫⲓⲱⲧ ⲫⲏⲉ̀ⲧⲁϥⲟⲩⲟⲣⲡⲧ ⲛ̀ⲑⲟϥ	Ⲟⲩⲟϩ Ⲫ̀ⲓⲱⲧ ⲫⲏⲉ̀ⲧⲁϥⲟⲩⲟⲣⲡⲧ ⲛ̀ⲑⲟϥ	Ouoh F̀iōt fyètafouorpt ǹθof	The Father himself, who sent me, has testified about me. You have neither heard his voice at any time, nor seen his form.
161	ⲡⲉ ⲉ̀ⲧⲁϥⲉⲣⲙⲉⲑⲣⲉ ⲉⲑⲃⲏⲧ: ⲟⲩⲇⲉ	ⲡⲉ ⲉ̀ⲧⲁϥⲉⲣⲙⲉⲑⲣⲉ ⲉⲑⲃⲏⲧ: ⲟⲩⲇⲉ	pe ètafermeθre eθvyt: ouḋe
162	ⲙ̀ⲡⲉⲧⲉⲛⲥⲱⲧⲉⲙ ⲉ̀ⲥ̀ⲙⲏ ⲛ̀ⲧⲁϥ ⲉ̀ⲛⲉϩ: ⲟⲩⲇⲉ	ⲙ̀ⲡⲉⲧⲉⲛⲥⲱⲧⲉⲙ ⲉ̀ⲥ̀ⲙⲏ ⲛ̀ⲧⲁϥ ⲉ̀ⲛⲉϩ: ⲟⲩⲇⲉ	m̀petensōtem ès̀my ǹtaf èneh: ouḋe
163	ⲙ̀ⲡⲉⲧⲉⲛⲛⲁⲩ ⲉ̀ⲥ̀ⲙⲟⲧ ⲛ̀ⲧⲁϥ.	ⲙ̀ⲡⲉⲧⲉⲛⲛⲁⲩ ⲉ̀ⲥ̀ⲙⲟⲧ ⲛ̀ⲧⲁϥ.	m̀petennav ès̀mot ǹtaf.
164	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
165	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.

Provenance

title: Third Day of the Second Week of the Joyous Fifty Days (Wednesday)
dialect: bohairic
source: https://saintbishoy.ca/wp-content/uploads/Joyous_Fifty_Days_Katameros_Readings_Week_2.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 1adf82d14479f764da751ef8b823b0907a43a89ecb38155f296da65decce3c1a and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 19-26 of that book, the page range its own table of contents gives for this day (_logs/days.tsv)
licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)
share: public
generated by: tools/katameros_stage.py; coverage: 100.00% of 33383 legacy-font glyphs mapped by tools/church_fonts/
file: Liturgy/Katameros/Joyous Fifty Days/Third Day of the Second Week of the Joyous Fifty Days (Wednesday).bohairic.saintbishoy.L0.txt
title: Third Day of the Second Week of the Joyous Fifty Days (Wednesday) — Cairene
dialect: bohairic
source: generated from Third Day of the Second Week of the Joyous Fifty Days (Wednesday).bohairic.saintbishoy.L0.txt (https://saintbishoy.ca/wp-content/uploads/Joyous_Fifty_Days_Katameros_Readings_Week_2.pdf (https://saintbishoy.ca/deacon)
licence: CC BY-SA 4.0
share: public
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Liturgy/Katameros/Joyous Fifty Days/Third Day of the Second Week of the Joyous Fifty Days (Wednesday).bohairic.saintbishoy.L1.txt
title: Third Day of the Second Week of the Joyous Fifty Days (Wednesday) — Kemetic
dialect: bohairic
source: generated from Third Day of the Second Week of the Joyous Fifty Days (Wednesday).bohairic.saintbishoy.L1.txt
licence: CC BY-SA 4.0
share: public
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Liturgy/Katameros/Joyous Fifty Days/Third Day of the Second Week of the Joyous Fifty Days (Wednesday).bohairic.saintbishoy.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 28 quoted · 0 quoted with the alignment not cross-checked · 26 model drafts (marked “draft”)
quoted from: World English Bible (WEB) (public domain), as attached in Coptic SCRIPTORIUM bohairic.nt (CC BY-SA 4.0) (24 lines)
quoted from: Brenton's Septuagint (1851) (public domain), as attached in Coptic SCRIPTORIUM bohairic.ot (CC BY-SA 4.0), re-aligned by content (translation/psalter_alignment.tsv) (4 lines)

Cite as:

Third Day of the Second Week of the Joyous Fifty Days (Wednesday). https://saintbishoy.ca/wp-content/uploads/Joyous_Fifty_Days_Katameros_Readings_Week_2.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 1adf82d14479f764da751ef8b823b0907a43a89ecb38155f296da65decce3c1a and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 19-26 of that book, the page range its own table of contents gives for this day (_logs/days.tsv). Layers as published by the Kemetic project (Yousef Hanna), 2026: Coptic · Cairene · Kemetic, /doc/liturgy/katameros/joyous-fifty-days/third-day-of-the-second-week-of-the-joyous-fifty-days-wednesday.bohairic.saintbishoy/.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.