Third Day of the Seventh Week of the Joyous Fifty Days (Wednesday)

Source and licence

share: publicbohairic

Source: https://saintbishoy.ca/wp-content/uploads/Joyous_Fifty_Days_Katameros_Readings_Week_7.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c8fedff2e6867ca6b0be8e1f7bd1c6f22fc0007ca258cb7e2ca92a29dc908499 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 22-31 of that book, the page range its own table of contents gives for this day (_logs/days.tsv)

Attribution: none required by the licence (public domain); please credit the source edition named above.

Licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)

Licence: CC BY-SA 4.0

Full provenance and citation

The text

221 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
p. 22
1	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲣ̅ⲓ̅ⲏ̅: ⲣ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 118:100	Psalmos tō David 118:100
2	Ⲫⲟⲩⲱⲛϩ ⲉ̀ⲃⲟⲗ ⲛ̀ⲧⲉ ⲛⲉⲕⲥⲁϫⲓ:	Ⲫ̀ⲟⲩⲱⲛϩ ⲉ̀ⲃⲟⲗ ⲛ̀ⲧⲉ ⲛⲉⲕⲥⲁϫⲓ:	F̀ouōnh èvol ǹte nek·saji:	The manifestation of thy words will enlighten, and instruct the simple.
3	ⲉϥⲉ̀ⲉⲣⲟⲩⲱⲓⲛⲓ ⲉ̀ⲣⲟⲓ: ⲟⲩⲟϩ ⲉϥⲉ̀ϯⲕⲁϯ:	ⲉϥⲉ̀ⲉⲣⲟⲩⲱⲓⲛⲓ ⲉ̀ⲣⲟⲓ: ⲟⲩⲟϩ ⲉϥⲉ̀ϯⲕⲁϯ:	efèerouōini èroi: ouoh efètikati:
4	ⲛ̀ⲛⲓⲕⲟⲩϫⲓ ⲛ̀ⲁ̀ⲗⲱⲟⲩⲓ̀. Ⲁⲗⲗⲏⲗⲟⲩⲓⲁ̀.	ⲛ̀ⲛⲓⲕⲟⲩϫⲓ ⲛ̀ⲁ̀ⲗⲱⲟⲩⲓ̀. Ⲁⲗⲗⲏⲗⲟⲩⲓⲁ̀.	ǹnikouji ǹàlōouì. Allylouià.
5	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
6	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	pievangelion eθouab kata Loukan	draft · highthe holy Gospel according to Luke
7	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
8	Ⲗⲟⲩⲕⲁⲛ ⲍ̅: ⲓ̅ⲏ̅ - ⲕ̅ⲅ̅	Ⲗⲟⲩⲕⲁⲛ 7:18, 23	Loukan 7:18, 23
9	Ⲟⲩⲟϩ ⲁⲩⲧⲁⲙⲉ Ⲓⲱⲁⲛⲛⲏⲥ ⲛ̀ϫⲉ	Ⲟⲩⲟϩ ⲁⲩⲧⲁⲙⲉ Ⲓⲱⲁⲛⲛⲏⲥ ⲛ̀ϫⲉ	Ouoh avtame Iōannys ǹje
10	ⲛⲉϥⲙⲁⲑⲏⲧⲏⲥ ⲉⲑⲃⲉ ⲛⲁⲓ ⲧⲏⲣⲟⲩ.	ⲛⲉϥⲙⲁⲑⲏⲧⲏⲥ ⲉⲑⲃⲉ ⲛⲁⲓ ⲧⲏⲣⲟⲩ.	nefmaθytys eθve nai tyrou.
11	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲥ̀ⲛⲁⲩ (ⲃ̅) ⲉ̀ⲃⲟⲗ	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲥ̀ⲛⲁⲩ (2) ⲉ̀ⲃⲟⲗ	Ouoh ètafmouti ès̀nav (2) èvol
12	ϧⲉⲛ ⲛⲉϥⲙⲁⲑⲏⲧⲏⲥ ⲛ̀ϫⲉ Ⲓⲱⲁⲛⲛⲏⲥ	ϧⲉⲛ ⲛⲉϥⲙⲁⲑⲏⲧⲏⲥ ⲛ̀ϫⲉ Ⲓⲱⲁⲛⲛⲏⲥ	xen nefmaθytys ǹje Iōannys
13	ⲁϥⲟⲩⲟⲣⲡⲟⲩ ϩⲁ Ⲓⲏⲥⲟⲩⲥ ⲉϥϫⲱ ⲙ̀ⲙⲟⲥ ϫⲉ	ⲁϥⲟⲩⲟⲣⲡⲟⲩ ϩⲁ Ⲓⲏⲥⲟⲩⲥ ⲉϥϫⲱ ⲙ̀ⲙⲟⲥ ϫⲉ	afouorpou ha Iysous efgō m̀mos je
14	ⲛ̀ⲑⲟⲕ ⲡⲉ ⲫⲏⲉⲑⲛⲏⲟⲩ ϣⲁⲛ ⲛ̀ⲧⲉⲛϫⲟⲩϣⲧ	ⲛ̀ⲑⲟⲕ ⲡⲉ ⲫⲏⲉⲑⲛⲏⲟⲩ ϣⲁⲛ ⲛ̀ⲧⲉⲛϫⲟⲩϣⲧ	ǹθok pe fyeθnyou ṡan ǹtengouṡt
15	ⲉ̀ⲃⲟⲗ ϧⲁϫⲱϥ ⲛ̀ⲕⲉⲟⲩⲁⲓ.	ⲉ̀ⲃⲟⲗ ϧⲁϫⲱϥ ⲛ̀ⲕⲉⲟⲩⲁⲓ.	èvol xagōf ǹkeouai.
p. 23
16	Ⲉⲧⲁⲩⲓ̀ ⲇⲉ ϩⲁⲣⲟϥ ⲛ̀ϫⲉ ⲛⲓⲣⲱⲙⲓ	Ⲉⲧⲁⲩⲓ̀ ⲇⲉ ϩⲁⲣⲟϥ ⲛ̀ϫⲉ ⲛⲓⲣⲱⲙⲓ	Etavì ḋe harof ǹje nirōmi	When the men had come to him, they said, 'John the Baptizer has sent us to you, saying, 'Are you he who comes, or should we look for another?''
17	ⲡⲉϫⲱⲟⲩ ϫⲉ Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ	ⲡⲉϫⲱⲟⲩ ϫⲉ Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ	pegōou je Iōannys pireftiōms
18	ⲁϥⲟⲩⲟⲣⲡⲧⲉⲛ ϩⲁⲣⲟⲕ ⲉϥϫⲱ ⲙ̀ⲙⲟⲥ ϫⲉ	ⲁϥⲟⲩⲟⲣⲡⲧⲉⲛ ϩⲁⲣⲟⲕ ⲉϥϫⲱ ⲙ̀ⲙⲟⲥ ϫⲉ	afouorpten harok efgō m̀mos je
19	ⲛ̀ⲑⲟⲕ ⲡⲉ ⲫⲏⲉⲑⲛⲏⲟⲩ ϣⲁⲛ ⲛ̀ⲧⲉⲛϫⲟⲩϣⲧ	ⲛ̀ⲑⲟⲕ ⲡⲉ ⲫⲏⲉⲑⲛⲏⲟⲩ ϣⲁⲛ ⲛ̀ⲧⲉⲛϫⲟⲩϣⲧ	ǹθok pe fyeθnyou ṡan ǹtengouṡt
20	ⲉ̀ⲃⲟⲗ ϧⲁϫⲱϥ ⲛ̀ⲕⲉⲟⲩⲁⲓ.	ⲉ̀ⲃⲟⲗ ϧⲁϫⲱϥ ⲛ̀ⲕⲉⲟⲩⲁⲓ.	èvol xagōf ǹkeouai.
21	Ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁϥⲉⲣⲫⲁϧⲣⲓ	Ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁϥⲉⲣⲫⲁϧⲣⲓ	Xen tiounou ète m̀mav aferfaxri	In that hour he cured many of diseases and plagues and evil spirits; and to many who were blind he gave sight.
22	ⲉ̀ϩⲁⲛⲙⲏϣ ⲉ̀ⲃⲟⲗ ϧⲉⲛ ϩⲁⲛϣⲱⲛⲓ ⲛⲉⲙ	ⲉ̀ϩⲁⲛⲙⲏϣ ⲉ̀ⲃⲟⲗ ϧⲉⲛ ϩⲁⲛϣⲱⲛⲓ ⲛⲉⲙ	èhanmyṡ èvol xen hanṡōni nem
23	ϩⲁⲛⲙⲁⲥⲧⲅⲅⲟⲥ ⲛⲉⲙ ϩⲁⲛⲡ̀ⲛⲉⲩⲙⲁ ⲉⲩϩⲱⲟⲩ	ϩⲁⲛⲙⲁⲥⲧⲅⲅⲟⲥ ⲛⲉⲙ ϩⲁⲛⲡ̀ⲛⲉⲩⲙⲁ ⲉⲩϩⲱⲟⲩ	hanmastnġos nem hanp̀nevma evhōou
24	ⲟⲩⲟϩ ⲟⲩⲙⲏϣ ⲙ̀ⲃⲉⲗⲗⲉ ⲁϥⲉⲣϩ̀ⲙⲟⲧ ⲛⲱⲟⲩ	ⲟⲩⲟϩ ⲟⲩⲙⲏϣ ⲛ̀ⲃⲉⲗⲗⲉ ⲁϥⲉⲣϩ̀ⲙⲟⲧ ⲛⲱⲟⲩ	ouoh oumyṡ ǹvelle aferh̀mot nōou
25	ⲙ̀ⲡⲓⲛⲁⲩ ⲙ̀ⲃⲟⲗ.	ⲙ̀ⲡⲓⲛⲁⲩ ⲛ̀ⲃⲟⲗ.	m̀pinav ǹvol.
26	Ⲟⲩⲟϩ ⲁϥⲉⲣⲟⲩⲱ̀ ⲛ̀ϫⲉ Ⲓⲏⲥⲟⲩⲥ ⲡⲉϫⲁϥ	Ⲟⲩⲟϩ ⲁϥⲉⲣⲟⲩⲱ̀ ⲛ̀ϫⲉ Ⲓⲏⲥⲟⲩⲥ ⲡⲉϫⲁϥ	Ouoh aferouṑ ǹje Iysous pegaf	Jesus answered them, 'Go and tell John the things which you have seen and heard: that the blind receive their sight, the lame walk, the lepers are cleansed, the deaf hear, the dead are raised up, and the poor have good news preached to them.
27	ⲛⲱⲟⲩ ϫⲉ ⲙⲁϣⲉⲛⲱⲧⲉⲛ ⲙⲁⲧⲁⲙⲉ	ⲛⲱⲟⲩ ϫⲉ ⲙⲁϣⲉⲛⲱⲧⲉⲛ ⲙⲁⲧⲁⲙⲉ	nōou je maṡenōten matame
28	Ⲓⲱⲁⲛⲛⲏⲥ ⲉ̀ⲛⲏⲉ̀ⲧⲁⲣⲉⲧⲉⲛⲛⲁⲩ ⲉ̀ⲣⲱⲟⲩ ⲟⲩⲟϩ	Ⲓⲱⲁⲛⲛⲏⲥ ⲉ̀ⲛⲏⲉ̀ⲧⲁⲣⲉⲧⲉⲛⲛⲁⲩ ⲉ̀ⲣⲱⲟⲩ ⲟⲩⲟϩ	Iōannys ènyètaretennav èrōou ouoh
29	ⲉ̀ⲧⲁⲣⲉⲧⲉⲛⲥⲟⲑⲙⲟⲩ ⲛⲓⲃⲉⲗⲗⲉⲩ ⲥⲉⲛⲁⲩ	ⲉ̀ⲧⲁⲣⲉⲧⲉⲛⲥⲟⲑⲙⲟⲩ ⲛⲓⲃⲉⲗⲗⲉⲩ ⲥⲉⲛⲁⲩ	ètaretensoθmou nivellev senav
30	ⲙ̀ⲃⲟⲗ ⲛⲓϭⲁⲗⲉⲩ ⲥⲉⲙⲟϣⲓ ⲛⲓⲕⲁⲕⲥⲉϩⲧ	ⲛ̀ⲃⲟⲗ ⲛⲓϭⲁⲗⲉⲩ ⲥⲉⲙⲟϣⲓ ⲛⲓⲕⲁⲕⲥⲉϩⲧ	ǹvol niċalev semoṡi nikak·seht
31	ⲥⲉⲧⲟⲩⲃⲏⲟⲩⲧ ⲛⲓⲕⲟⲩⲣ ⲥⲉⲥⲱⲧⲉⲙ	ⲥⲉⲧⲟⲩⲃⲏⲟⲩⲧ ⲛⲓⲕⲟⲩⲣ ⲥⲉⲥⲱⲧⲉⲙ	setouvyout nikour sesōtem
32	ⲛⲓⲣⲉϥⲙⲱⲟⲩⲧ ⲥⲉⲧⲱⲟⲩⲛⲟⲩ ⲛⲓϩⲏⲕⲓ	ⲛⲓⲣⲉϥⲙⲱⲟⲩⲧ ⲥⲉⲧⲱⲟⲩⲛⲟⲩ ⲛⲓϩⲏⲕⲓ	nirefmōout setōounou nihyki
33	ⲥⲉϩⲓϣⲉⲛⲛⲟⲩϥⲓ ⲛⲱⲟⲩ.	ⲥⲉϩⲓϣⲉⲛⲛⲟⲩϥⲓ ⲛⲱⲟⲩ.	sehiṡennoufi nōou.
34	Ⲟⲩⲟϩ ⲱ̀ⲟⲩⲛⲓⲁⲧϥ ⲙ̀ⲫⲏⲉ̀ⲧⲉ	Ⲟⲩⲟϩ ⲱ̀ⲟⲩⲛⲓⲁⲧϥ ⲛ̀ⲫⲏⲉ̀ⲧⲉ	Ouoh ṑouniatf ǹfyète	Blessed is he who is not offended by me.'
35	ⲛ̀ϥ̀ⲛⲁⲉⲣⲥ̀ⲕⲁⲛⲇⲁⲗⲓ ⲍⲉⲥⲑⲉ ⲁⲛ ⲛ̀ϧⲏⲧ.	ⲛ̀ϥ̀ⲛⲁⲉⲣⲥ̀ⲕⲁⲛⲇⲁⲗⲓ ⲍⲉⲥⲑⲉ ⲁⲛ ⲛ̀ϧⲏⲧ.	ǹf̀naers̀kanḋali zesθe an ǹxyt.
36	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
37	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
p. 24
38	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲓ̅ⲁ̅: ⳪	Ⲯⲁⲗⲙⲟⲥ ⲧⲱ Ⲇⲁⲩⲓⲇ 11: ⳪	Psalmos tō David 11: ⳪
39	Ⲛⲓⲥⲁϫⲓ ⲛ̀ⲧⲉ Ⲡϭⲟⲓⲥ: ϩⲁⲛⲥⲁϫⲓ ⲉⲩⲟⲩⲁⲃ	Ⲛⲓⲥⲁϫⲓ ⲛ̀ⲧⲉ Ⲡ̀ϭⲟⲓⲥ: ϩⲁⲛⲥⲁϫⲓ ⲉⲩⲟⲩⲁⲃ	Nisaji ǹte P̀ċois: hansaji evouab	The oracles of the Lord are pure oracles; as silver tried in the fire, proved in a furnace of earth, purified seven times.
40	ⲛⲉ: ⲟⲩϩⲁⲧ ⲉϥⲫⲟⲥⲓ ⲡⲉ: ⲉϥⲥⲱⲧⲡ ⲉ̀ⲡ̀ⲕⲁϩⲓ:	ⲛⲉ: ⲟⲩϩⲁⲧ ⲉϥⲫⲟⲥⲓ ⲡⲉ: ⲉϥⲥⲱⲧⲡ ⲉ̀ⲡ̀ⲕⲁϩⲓ:	ne: ouhat effosi pe: efsōtp èp̀kahi:
41	ⲉϥⲧⲟⲩⲃⲏⲟⲩⲧ ⲛ̀ϣⲁϣϥ (ⲍ̅) ⲛ̀ⲕⲱⲃ.	ⲉϥⲧⲟⲩⲃⲏⲟⲩⲧ ⲛ̀ϣⲁϣϥ (7) ⲛ̀ⲕⲱⲃ.	eftouvyout ǹṡaṡf (7) ǹkōb.
42	Ⲁⲗⲗⲏⲗⲟⲩⲓⲁ̀.	Ⲁⲗⲗⲏⲗⲟⲩⲓⲁ̀.	Allylouià.	draft · highAlleluia.
43	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
44	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	pievangelion eθouab kata Loukan	draft · highthe holy Gospel according to Luke
45	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
46	Ⲗⲟⲩⲕⲁⲛ ⲍ̅: ⲕ̅ⲇ̅ - ⲕ̅ⲏ̅	Ⲗⲟⲩⲕⲁⲛ 7:24, 28	Loukan 7:24, 28
47	Ⲉⲧⲁⲩϣⲉ ⲛⲱⲟⲩ ⲇⲉ ⲛ̀ϫⲉ ⲛⲓⲣⲉⲙⲛ̀ϩⲱⲃ	Ⲉ̀ⲧⲁⲩϣⲉ ⲛⲱⲟⲩ ⲇⲉ ⲛ̀ϫⲉ ⲛⲓⲣⲉⲙⲛ̀ϩⲱⲃ	Ètavṡe nōou ḋe ǹje niremǹhōb	When John's messengers had departed, he began to tell the multitudes about John, 'What did you go out into the wilderness to see? A reed shaken by the wind?
48	ⲛ̀ⲧⲉ Ⲓⲱⲁⲛⲛⲏⲥ ⲁϥⲉⲣϩⲏⲧⲥ ⲛ̀ϫⲟⲥ ⲛ̀ⲛⲓⲙⲏϣ	ⲛ̀ⲧⲉ Ⲓⲱⲁⲛⲛⲏⲥ ⲁϥⲉⲣϩⲏⲧⲥ ⲛ̀ϫⲟⲥ ⲛ̀ⲛⲓⲙⲏϣ	ǹte Iōannys aferhyts ǹgos ǹnimyṡ
49	ⲉⲑⲃⲉ Ⲓⲱⲁⲛⲛⲏⲥ ϫⲉ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ	ⲉⲑⲃⲉ Ⲓⲱⲁⲛⲛⲏⲥ ϫⲉ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ	eθve Iōannys je ètaretenì èvol
50	ⲉ̀ⲡ̀ϣⲁϥⲉ ⲉ̀ⲛⲁⲩ ⲉ̀ⲟⲩ ⲉ̀ⲟⲩⲕⲁϣ ⲉⲩⲕⲓⲙ ⲉ̀ⲣⲟϥ	ⲉ̀ⲡ̀ϣⲁϥⲉ ⲉ̀ⲛⲁⲩ ⲉ̀ⲟⲩ ⲉ̀ⲟⲩⲕⲁϣ ⲉⲩⲕⲓⲙ ⲉ̀ⲣⲟϥ	èp̀ṡafe ènav èou èoukaṡ evkim èrof
51	ⲉ̀ⲃⲟⲗ ϩⲓⲧⲉⲛ ⲟⲩⲑⲏⲟⲩ.	ⲉ̀ⲃⲟⲗ ϩⲓⲧⲉⲛ ⲟⲩⲑⲏⲟⲩ.	èvol hiten ouθyou.
52	Ⲁⲗⲗⲁ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ ⲉ̀ⲛⲁⲩ ⲉ̀ⲟⲩ	Ⲁⲗⲗⲁ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ ⲉ̀ⲛⲁⲩ ⲉ̀ⲟⲩ	Alla ètaretenì èvol ènav èou	But what did you go out to see? A man clothed in soft clothing? Behold, those who are gorgeously dressed, and live delicately, are in kings' courts.
53	ⲉ̀ⲟⲩⲣⲱⲙⲓ ⲉ̀ⲟⲩⲟⲛ ⲁⲛϩⲉⲃⲥⲱ ⲉⲩϫⲏⲛ ⲧⲟⲓ	ⲉ̀ⲟⲩⲣⲱⲙⲓ ⲉ̀ⲟⲩⲟⲛ ⲁⲛϩⲉⲃⲥⲱ ⲉⲩϫⲏⲛ ⲧⲟⲓ	èourōmi èouon anhevsō evjyn toi
54	ϩⲓⲱⲧϥ ϩⲏⲡⲡⲉ ⲓⲥ ⲛⲁ ⲛⲓϩ̀ⲃⲱⲥ ⲛ̀ⲧⲉ ⲡ̀ⲱⲟⲩ	ϩⲓⲱⲧϥ ϩⲏⲡⲡⲉ ⲓⲥ ⲛⲁ ⲛⲓϩ̀ⲃⲱⲥ ⲛ̀ⲧⲉ ⲡ̀ⲱ̀ⲟⲩ	hiōtf hyppe is na nih̀vōs ǹte p̀ṑou
55	ⲛⲉⲙ ⲡ̀ⲟⲩⲛⲟϥ ⲥⲉⲭⲏ ϧⲉⲛ ⲛⲓⲏⲓ ⲛ̀ⲛⲓⲟⲩⲣⲱⲟⲩ.	ⲛⲉⲙ ⲡ̀ⲟⲩⲛⲟϥ ⲥⲉⲭⲏ ϧⲉⲛ ⲛⲓⲏⲓ ⲛ̀ⲛⲓⲟⲩⲣⲱⲟⲩ.	nem p̀ounof seky xen niyi ǹniourōou.
p. 25
56	Ⲁⲗⲗⲁ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ ⲉ̀ⲛⲁⲩ ⲉ̀ⲟⲩ	Ⲁⲗⲗⲁ ⲉ̀ⲧⲁⲣⲉⲧⲉⲛⲓ̀ ⲉ̀ⲃⲟⲗ ⲉ̀ⲛⲁⲩ ⲉ̀ⲟⲩ	Alla ètaretenì èvol ènav èou	But what did you go out to see? A prophet? Yes, I tell you, and much more than a prophet.
57	ⲉ̀ⲟⲩⲡ̀ⲣⲟⲫⲏⲧⲏⲥ ⲁϩⲁ ϯϫⲱ ⲙ̀ⲙⲟⲥ ⲛⲱⲧⲉⲛ	ⲉ̀ⲟⲩⲡ̀ⲣⲟⲫⲏⲧⲏⲥ ⲁ̀ϩⲁ ϯϫⲱ ⲙ̀ⲙⲟⲥ ⲛⲱⲧⲉⲛ	èoup̀rofytys àha tigō m̀mos nōten
58	ϫⲉ ⲟⲩϩⲟⲩⲟ̀ ⲉ̀ⲟⲩⲡ̀ⲣⲟⲫⲏⲧⲏⲥ ⲡⲉ.	ϫⲉ ⲟⲩϩⲟⲩⲟ̀ ⲉ̀ⲟⲩⲡ̀ⲣⲟⲫⲏⲧⲏⲥ ⲡⲉ.	je ouhouò èoup̀rofytys pe.
59	Ⲫⲁⲓ ⲡⲉ ⲅⲁⲣ ⲫⲏⲉⲧⲥ̀ϧⲏⲟⲩⲧ ⲉⲑⲃⲏⲧϥ	Ⲫⲁⲓ ⲡⲉ ⲅⲁⲣ ⲫⲏⲉⲧⲥ̀ϧⲏⲟⲩⲧ ⲉⲑⲃⲏⲧϥ	Fai pe ġar fyets̀xyout eθvytf	This is he of whom it is written, 'Behold, I send my messenger before your face, who will prepare your way before you.'
60	ϫⲉ ϩⲏⲡⲡⲉ ϯⲛⲁⲟⲩⲱⲣⲡ ⲙ̀ⲡⲁⲁⲅⲅⲉⲗⲟⲥ	ϫⲉ ϩⲏⲡⲡⲉ ϯⲛⲁⲟⲩⲱⲣⲡ ⲛ̀ⲡⲁⲁⲅⲅⲉⲗⲟⲥ	je hyppe tinaouōrp ǹpaangelos
61	ϧⲁⲧ̀ϩⲏ ⲙ̀ⲡⲉⲕϩⲟ ⲫⲏⲉⲑⲛⲁⲥⲟⲃϯ	ϧⲁⲧ̀ϩⲏ ⲛ̀ⲡⲉⲕϩⲟ ⲫⲏⲉⲑⲛⲁⲥⲟⲃϯ	xat̀·hy ǹpek·ho fyeθnasovti
62	ⲙ̀ⲡⲉⲕⲙⲱⲓⲧ ⲙ̀ⲡⲉⲕⲙ̀ⲑⲟ.	ⲛ̀ⲡⲉⲕⲙⲱⲓⲧ ⲛ̀ⲡⲉⲕⲙ̀ⲑⲟ.	ǹpekmōit ǹpekm̀θo.
63	Ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ϧⲉⲛ	Ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ϧⲉⲛ	Tigō m̀mos nōten je xen	'For I tell you, among those who are born of women there is not a greater prophet than John the Baptizer, yet he who is least in the Kingdom of God is greater than he.'
64	ⲡ̀ϫⲓⲛⲙⲓⲥⲓ ⲛ̀ⲧⲉ ⲛⲓϩⲓⲟⲙⲓ ⲙ̀ⲙⲟⲛ ϩ̀ⲗⲓ ⲉ̀ⲛⲁⲁϥ	ⲡ̀ϫⲓⲛⲙⲓⲥⲓ ⲛ̀ⲧⲉ ⲛⲓϩⲓⲟⲙⲓ ⲙ̀ⲙⲟⲛ ϩ̀ⲗⲓ ⲉ̀ⲛⲁⲁϥ	p̀jinmisi ǹte nihiomi m̀mon h̀li ènaaf
65	ⲉ̀Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ: ⲡⲓⲕⲟⲩϫⲓ ⲇⲉ	ⲉ̀Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ: ⲡⲓⲕⲟⲩϫⲓ ⲇⲉ	èIōannys pireftiōms: pikouji ḋe
66	ⲉ̀ⲣⲟϥ ϧⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲛⲓⲫⲏⲟⲩⲓ̀	ⲉ̀ⲣⲟϥ ϧⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲛⲓⲫⲏⲟⲩⲓ̀	èrof xen timetouro ǹte nifyouì
67	ⲟⲩⲛⲓϣϯ ⲉ̀ⲣⲟϥ ⲡⲉ.	ⲟⲩⲛⲓϣϯ ⲉ̀ⲣⲟϥ ⲡⲉ.	ouniṡti èrof pe.
68	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
69	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
70	Ⲡⲁⲩⲗⲟⲥ ⲫ̀ⲃⲱⲕ ⲙ̀ⲡⲉⲛϭⲟⲓⲥ Ⲓⲏⲥⲟⲩⲥ	Ⲡⲁⲩⲗⲟⲥ ⲫ̀ⲃⲱⲕ ⲛ̀ⲡⲉⲛϭⲟⲓⲥ Ⲓⲏⲥⲟⲩⲥ	Pavlos f̀vōk ǹpenċois Iysous
71	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Pix̀ristos: piàpostolos etθahem:
72	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	fyètavθaṡf èpihiṡennoufi ǹte
73	Ⲫⲛⲟⲩϯ.	Ⲫ̀ⲛⲟⲩϯ.	F̀nouti.	draft · highGod.
74	Ⲛⲓⲣⲱⲙⲉⲟⲥ ⲏ̅: ⲕ̅ⲏ̅ - ⲗ̅ⲑ̅	Ⲛⲓⲣⲱⲙⲉⲟⲥ 8:28, 39	Nirōmeos 8:28, 39
75	Ⲧⲉⲛⲥⲱⲟⲩⲛ ⲇⲉ ϫⲉ ⲛⲏⲉ̀ⲧⲉⲣⲁ̀ⲅⲁⲡⲁⲛ	Ⲧⲉⲛⲥⲱⲟⲩⲛ ⲇⲉ ϫⲉ ⲛⲏⲉ̀ⲧⲉⲣⲁ̀ⲅⲁⲡⲁⲛ	Tensōoun ḋe je nyèteràġapan	We know that all things work together for good for those who love God, to those who are called according to his purpose.
76	ⲙ̀Ⲫⲛⲟⲩϯ ϣⲁϥⲉⲣ ϩⲱⲃ ⲛⲉⲙⲱⲟⲩ ϧⲉⲛ ϩⲱⲃ	ⲛ̀Ⲫ̀ⲛⲟⲩϯ ϣⲁϥⲉⲣ ϩⲱⲃ ⲛⲉⲙⲱⲟⲩ ϧⲉⲛ ϩⲱⲃ	ǹF̀nouti ṡafer hōb nemōou xen hōb
p. 26
77	ⲛⲓⲃⲉⲛ ⲉⲑⲛⲁⲛⲉⲩ ⲛⲏⲉ̀ⲧⲁϥⲑⲁϩⲙⲟⲩ ⲕⲁⲧⲁ	ⲛⲓⲃⲉⲛ ⲉⲑⲛⲁⲛⲉⲩ ⲛⲏⲉ̀ⲧⲁϥⲑⲁϩⲙⲟⲩ ⲕⲁⲧⲁ	niven eθnanev nyètafθahmou kata
78	ⲡⲉϥϣⲟⲣⲡ ⲛ̀ⲑⲱϣ.	ⲡⲉϥϣⲟⲣⲡ ⲛ̀ⲑⲱϣ.	pefṡorp ǹθōṡ.
79	Ϫⲉ ⲛⲏⲉ̀ⲧⲁϥⲉⲣϣⲟⲣⲡ ⲛ̀ⲥⲱⲟⲩⲛⲟⲩ ⲛⲁⲓ	Ϫⲉ ⲛⲏⲉ̀ⲧⲁϥⲉⲣϣⲟⲣⲡ ⲛ̀ⲥⲱⲟⲩⲛⲟⲩ ⲛⲁⲓ	Je nyètaferṡorp ǹsōounou nai	For whom he foreknew, he also predestined to be conformed to the image of his Son, that he might be the firstborn among many brothers.
80	ⲟⲛ ⲁϥⲉⲣϣⲟⲣⲡ ⲛ̀ⲑⲁϣⲟⲩ ⲛ̀ϣ̀ⲫⲏⲣ ⲛ̀ⲥ̀ⲙⲟⲧ	ⲟⲛ ⲁϥⲉⲣϣⲟⲣⲡ ⲛ̀ⲑⲁϣⲟⲩ ⲛ̀ϣ̀ⲫⲏⲣ ⲛ̀ⲥ̀ⲙⲟⲧ	on aferṡorp ǹθaṡou ǹṡ̀fyr ǹs̀mot
81	ⲛ̀ⲧⲉ ⲧ̀ϩⲓⲕⲱⲛ ⲙ̀ⲡⲉϥϣⲏⲣⲓ ⲉⲑⲣⲉϥϣⲱⲡⲓ	ⲛ̀ⲧⲉ ⲧ̀ϩⲓⲕⲱⲛ ⲛ̀ⲡⲉϥϣⲏⲣⲓ ⲉ̀ⲑⲣⲉϥϣⲱⲡⲓ	ǹte t̀·hikōn ǹpefṡyri èθrefṡōpi
82	ⲉϥⲟⲓ ⲛ̀ϣⲟⲣⲡ ⲙ̀ⲙⲓⲥⲓ ϧⲉⲛ ⲟⲩⲙⲏϣ ⲛ̀ⲥⲟⲡ.	ⲉϥⲟⲓ ⲛ̀ϣⲟⲣⲡ ⲛ̀ⲙⲓⲥⲓ ϧⲉⲛ ⲟⲩⲙⲏϣ ⲛ̀ⲥⲟⲡ.	efoi ǹṡorp ǹmisi xen oumyṡ ǹsop.
83	Ⲛⲏ ⲇⲉ ⲉ̀ⲧⲁϥⲉⲣϣⲟⲣⲡ ⲛ̀ⲑⲁϣⲟⲩ ⲛⲁⲓ ⲟⲛ	Ⲛⲏ ⲇⲉ ⲉ̀ⲧⲁϥⲉⲣϣⲟⲣⲡ ⲛ̀ⲑⲁϣⲟⲩ ⲛⲁⲓ ⲟⲛ	Ny ḋe ètaferṡorp ǹθaṡou nai on	Whom he predestined, those he also called. Whom he called, those he also justified. Whom he justified, those he also glorified.
84	ⲛⲏⲉ̀ⲧⲁϥⲑⲁϩⲙⲟⲩ ⲟⲩⲟϩ ⲛⲏⲉ̀ⲧⲁϥⲑⲁϩⲙⲟⲩ	ⲛⲏⲉ̀ⲧⲁϥⲑⲁϩⲙⲟⲩ ⲟⲩⲟϩ ⲛⲏⲉ̀ⲧⲁϥⲑⲁϩⲙⲟⲩ	nyètafθahmou ouoh nyètafθahmou
85	ⲛⲁⲓ ⲟⲛ ⲁϥⲑ̀ⲙⲁⲓⲱ̀ⲟⲩ: ⲛⲏ ⲇⲉ	ⲛⲁⲓ ⲟⲛ ⲁϥⲑ̀ⲙⲁⲓⲱ̀ⲟⲩ: ⲛⲏ ⲇⲉ	nai on afθ̀maiṑou: ny ḋe
86	ⲉ̀ⲧⲁϥⲑ̀ⲙⲁⲓⲱ̀ⲟⲩ ⲛⲁⲓ ⲟⲛ ⲁϥϯⲱ̀ⲟⲩ ⲛⲱⲟⲩ.	ⲉ̀ⲧⲁϥⲑ̀ⲙⲁⲓⲱ̀ⲟⲩ ⲛⲁⲓ ⲟⲛ ⲁϥϯⲱ̀ⲟⲩ ⲛⲱⲟⲩ.	ètafθ̀maiṑou nai on aftiṑou nōou.
87	Ⲟⲩ ϫⲉ ⲡⲉⲧⲉⲛⲛⲁϫⲟϥ ⲟⲩⲃⲉ ⲛⲁⲓ ⲓⲥϫⲉ	Ⲟⲩ ϫⲉ ⲡⲉⲧⲉⲛⲛⲁϫⲟϥ ⲟⲩⲃⲉ ⲛⲁⲓ ⲓⲥϫⲉ	Ou je petennagof ouve nai isje	What then shall we say about these things? If God is for us, who can be against us?
88	Ⲫⲛⲟⲩϯ ⲡⲉ ⲉⲧϯ ⲉ̀ϫⲱⲛ ⲛⲓⲙ ⲉⲑⲛⲁϣ̀ϯ	Ⲫ̀ⲛⲟⲩϯ ⲡⲉ ⲉⲧϯ ⲉ̀ϫⲱⲛ ⲛⲓⲙ ⲉⲑⲛⲁϣ̀ϯ	F̀nouti pe etti ègōn nim eθnaṡ̀ti
89	ⲟⲩⲃⲏⲛ.	ⲟⲩⲃⲏⲛ.	ouvyn.
90	Ⲫⲏⲉ̀ⲧⲉ ⲙ̀ⲡⲉϥϯⲁⲥⲟ ⲉ̀ⲡⲉϥϣⲏⲣⲓ ⲙ̀ⲙⲓⲛ	Ⲫⲏⲉ̀ⲧⲉ ⲙ̀ⲡⲉϥϯⲁⲥⲟ ⲉ̀ⲡⲉϥϣⲏⲣⲓ ⲙ̀ⲙⲓⲛ	Fyète m̀peftiaso èpefṡyri m̀min	He who didn't spare his own Son, but delivered him up for us all, how would he not also with him freely give us all things?
91	ⲙ̀ⲙⲟϥ ⲁⲗⲗⲁ ⲁϥⲧⲏⲓϥ ⲉ̀ϩ̀ⲣⲏⲓ ⲉ̀ϫⲱⲛ	ⲙ̀ⲙⲟϥ ⲁⲗⲗⲁ ⲁϥⲧⲏⲓϥ ⲉ̀ϩ̀ⲣⲏⲓ ⲉ̀ϫⲱⲛ	m̀mof alla aftyif èh̀ryi ègōn
92	ⲧⲏⲣⲉⲛ ⲡⲱⲥ ϫⲉ ⲛ̀ⲛⲉϥϯ ⲛ̀ⲉⲛⲭⲁⲓ ⲛⲓⲃⲉⲛ	ⲧⲏⲣⲉⲛ ⲡⲱⲥ ϫⲉ ⲛ̀ⲛⲉϥϯ ⲛ̀ⲉⲛⲭⲁⲓ ⲛⲓⲃⲉⲛ	tyren pōs je ǹnefti ǹenkai niven
93	ⲛⲁⲛ ⲛ̀ϩ̀ⲙⲟⲧ ⲛⲉⲙⲁϥ.	ⲛⲁⲛ ⲛ̀ϩ̀ⲙⲟⲧ ⲛⲉⲙⲁϥ.	nan ǹh̀mot nemaf.
94	Ⲛⲓⲙ ⲉⲑⲛⲁϣ̀ⲥⲉⲙⲓ ⲉ̀ⲛⲓⲥⲱⲧⲡ ⲛ̀ⲧⲉ	Ⲛⲓⲙ ⲉⲑⲛⲁϣ̀ⲥⲉⲙⲓ ⲉ̀ⲛⲓⲥⲱⲧⲡ ⲛ̀ⲧⲉ	Nim eθnaṡ̀semi ènisōtp ǹte	Who could bring a charge against God's chosen ones? It is God who justifies.
95	Ⲫⲛⲟⲩϯ: Ⲫⲛⲟⲩϯ ⲡⲉⲧⲑ̀ⲙⲁⲓⲟ̀.	Ⲫ̀ⲛⲟⲩϯ: Ⲫ̀ⲛⲟⲩϯ ⲡⲉⲧⲑ̀ⲙⲁⲓⲟ̀.	F̀nouti: F̀nouti petθ̀maiò.
96	Ⲛⲓⲙ ⲉⲑⲛⲁϣ̀ϩⲓⲟⲩⲓ̀ ⲙ̀ⲡ̀ϩⲁⲡ Ⲡⲓⲭ̀ⲣⲓⲥⲧⲟⲥ	Ⲛⲓⲙ ⲉⲑⲛⲁϣ̀ϩⲓⲟⲩⲓ̀ ⲛ̀ⲡ̀ϩⲁⲡ Ⲡⲓⲭ̀ⲣⲓⲥⲧⲟⲥ	Nim eθnaṡ̀hiouì ǹp̀hap Pix̀ristos	Who is he who condemns? It is Christ who died, yes rather, who was raised from the dead, who is at the right hand of God, who also makes intercession for us.
97	Ⲓⲏⲥⲟⲩⲥ ⲡⲉ ⲉ̀ⲧⲁϥⲙⲟⲩ ⲙⲁⲗⲗⲟⲛ ⲇⲉ	Ⲓⲏⲥⲟⲩⲥ ⲡⲉ ⲉ̀ⲧⲁϥⲙⲟⲩ ⲙⲁⲗⲗⲟⲛ ⲇⲉ	Iysous pe ètafmou mallon ḋe
98	ⲁϥⲧⲱⲛϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ	ⲁϥⲧⲱⲛϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ	aftōnf èvol xen nyeθmōout
99	ⲫⲏⲉⲧⲭⲏ ⲥⲁⲟⲩⲓ̀ⲛⲁⲙ ⲙ̀Ⲫⲛⲟⲩϯ ⲛ̀ⲑⲟϥ	ⲫⲏⲉⲧⲭⲏ ⲥⲁⲟⲩⲓ̀ⲛⲁⲙ ⲛ̀Ⲫ̀ⲛⲟⲩϯ ⲛ̀ⲑⲟϥ	fyetky saouìnam ǹF̀nouti ǹθof
100	ⲉⲧⲥⲉⲙⲓ ⲉ̀ϩ̀ⲣⲏⲓ ⲉ̀ϫⲱⲛ.	ⲉⲧⲥⲉⲙⲓ ⲉ̀ϩ̀ⲣⲏⲓ ⲉ̀ϫⲱⲛ.	etsemi èh̀ryi ègōn.
101	Ⲛⲓⲙ ⲉⲑⲛⲁϣ̀ⲫⲟⲣϫⲧⲉⲛ ⲥⲁⲃⲟⲗ	Ⲛⲓⲙ ⲉⲑⲛⲁϣ̀ⲫⲟⲣϫⲧⲉⲛ ⲥⲁⲃⲟⲗ	Nim eθnaṡ̀forgten savol	Who shall separate us from the love of Christ? Could oppression, or anguish, or persecution, or famine, or nakedness, or peril, or sword?
102	ⲛ̀ϯⲁ̀ⲅⲁⲡⲏ ⲛ̀ⲧⲉ Ⲡⲓⲭ̀ⲣⲓⲥⲧⲟⲥ ⲟⲩϩⲟϫϩⲉϫ ⲡⲉ	ⲛ̀ϯⲁ̀ⲅⲁⲡⲏ ⲛ̀ⲧⲉ Ⲡⲓⲭ̀ⲣⲓⲥⲧⲟⲥ ⲟⲩϩⲟϫϩⲉϫ ⲡⲉ	ǹtiàġapy ǹte Pix̀ristos ouhogheg pe
p. 27
103	ⲓⲉ ⲟⲩⲧⲁⲧϩⲟ ⲓⲉ ⲟⲩⲇⲓⲱⲅⲙⲟⲥ ⲓⲉ ⲟⲩϩ̀ⲕⲟ ⲓⲉ	ⲓⲉ ⲟⲩⲧⲁⲧϩⲟ ⲓⲉ ⲟⲩⲇⲓⲱⲅⲙⲟⲥ ⲓⲉ ⲟⲩϩ̀ⲕⲟ ⲓⲉ	ie outat·ho ie ouḋiōġmos ie ouh̀ko ie
104	ⲟⲩⲃⲱϣ ⲓⲉ ⲟⲩⲕⲉⲛⲇⲓⲛⲟⲥ ⲓⲉ ⲟⲩⲥⲏϥⲓ.	ⲟⲩⲃⲱϣ ⲓⲉ ⲟⲩⲕⲉⲛⲇⲓⲛⲟⲥ ⲓⲉ ⲟⲩⲥⲏϥⲓ.	ouvōṡ ie oukenḋinos ie ousyfi.
105	Ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲉⲑⲃⲏⲧⲕ	Ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲉⲑⲃⲏⲧⲕ	Kata f̀ryti ets̀xyout je eθvytk	Even as it is written, 'For your sake we are killed all day long. We were accounted as sheep for the slaughter.'
106	ⲥⲉϧⲱⲧⲉⲃ ⲙ̀ⲙⲟⲛ ⲙ̀ⲡⲓⲉ̀ϩⲟⲟⲩ ⲧⲏⲣϥ	ⲥⲉϧⲱⲧⲉⲃ ⲙ̀ⲙⲟⲛ ⲛ̀ⲡⲓⲉ̀ϩⲟⲟⲩ ⲧⲏⲣϥ	sexōteb m̀mon ǹpièhoou tyrf
107	ⲁⲩⲟⲡⲧⲉⲛ ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ	ⲁⲩⲟⲡⲧⲉⲛ ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ	avopten ǹf̀ryti ǹhanèsōou
108	ⲉ̀ⲡ̀ϧⲟⲗϧⲉⲗ.	ⲉ̀ⲡ̀ϧⲟⲗϧⲉⲗ.	èp̀xolxel.
109	Ⲁⲗⲗⲁ ϧⲉⲛ ⲛⲁⲓ ⲧⲏⲣⲟⲩ ⲧⲉⲛⲉⲣϩⲟⲩⲟ̀	Ⲁⲗⲗⲁ ϧⲉⲛ ⲛⲁⲓ ⲧⲏⲣⲟⲩ ⲧⲉⲛⲉⲣϩⲟⲩⲟ̀	Alla xen nai tyrou tenerhouò	No, in all these things, we are more than conquerors through him who loved us.
110	ϭ̀ⲣⲟ ⲉ̀ⲃⲟⲗ ϩⲓⲧⲉⲛ ⲫⲏⲉ̀ⲧⲁϥⲙⲉⲛⲣⲓⲧⲉⲛ.	ϭ̀ⲣⲟ ⲉ̀ⲃⲟⲗ ϩⲓⲧⲉⲛ ⲫⲏⲉ̀ⲧⲁϥⲙⲉⲛⲣⲓⲧⲉⲛ.	ċ̀ro èvol hiten fyètafmenriten.
111	Ⲁⲛⲟⲕ ⲅⲁⲣ ⲡⲁϩⲏⲧ ⲑⲏⲧ ϫⲉ ⲟⲩⲇⲉ	Ⲁⲛⲟⲕ ⲅⲁⲣ ⲡⲁϩⲏⲧ ⲑⲏⲧ ϫⲉ ⲟⲩⲇⲉ	Anok ġar pahyt θyt je ouḋe	For I am persuaded, that neither death, nor life, nor angels, nor principalities, nor things present, nor things to come, nor powers,
112	ⲫ̀ⲙⲟⲩ ⲟⲩⲇⲉ ⲉ̀ⲡ̀ⲱⲛϧ ⲟⲩⲇⲉ ⲁⲅⲅⲉⲗⲟⲥ	ⲫ̀ⲙⲟⲩ ⲟⲩⲇⲉ ⲉ̀ⲡ̀ⲱⲛϧ ⲟⲩⲇⲉ ⲁⲅⲅⲉⲗⲟⲥ	f̀mou ouḋe èp̀ōnx ouḋe angelos
113	ⲟⲩⲇⲉ ⲁ̀ⲣⲭⲏ ⲟⲩⲇⲉ ⲛⲏⲉⲧϣⲟⲡ ⲟⲩⲇⲉ	ⲟⲩⲇⲉ ⲁ̀ⲣⲭⲏ ⲟⲩⲇⲉ ⲛⲏⲉⲧϣⲟⲡ ⲟⲩⲇⲉ	ouḋe àrṡy ouḋe nyetṡop ouḋe
114	ⲛⲏⲉⲑⲛⲁϣⲱⲡⲓ ⲟⲩⲇⲉ ϫⲟⲙ.	ⲛⲏⲉⲑⲛⲁϣⲱⲡⲓ ⲟⲩⲇⲉ ϫⲟⲙ.	nyeθnaṡōpi ouḋe gom.
115	Ⲟⲩⲇⲉ ϭⲓⲥⲓ ⲟⲩⲇⲉ ϣⲱⲕ ⲟⲩⲇⲉ ⲕⲉⲥⲱⲛⲧ	Ⲟⲩⲇⲉ ϭⲓⲥⲓ ⲟⲩⲇⲉ ϣⲱⲕ ⲟⲩⲇⲉ ⲕⲉⲥⲱⲛⲧ	Ouḋe ċisi ouḋe ṡōk ouḋe kesōnt	nor height, nor depth, nor any other created thing, will be able to separate us from the love of God, which is in Christ Jesus our Lord.
116	ⲙ̀ⲙⲟⲛ ϣ̀ϫⲟⲙ ⲙ̀ⲙⲱⲟⲩ ⲉ̀ⲫⲟⲣϫⲧⲉⲛ ⲥⲁⲃⲟⲗ	ⲙ̀ⲙⲟⲛ ϣ̀ϫⲟⲙ ⲙ̀ⲙⲱⲟⲩ ⲉ̀ⲫⲟⲣϫⲧⲉⲛ ⲥⲁⲃⲟⲗ	m̀mon ṡ̀gom m̀mōou èforgten savol
117	ⲛ̀ϯⲁ̀ⲅⲁⲡⲏ ⲛ̀ⲧⲉ Ⲫⲛⲟⲩϯ ⲑⲏⲉⲧϧⲉⲛ	ⲛ̀ϯⲁ̀ⲅⲁⲡⲏ ⲛ̀ⲧⲉ Ⲫ̀ⲛⲟⲩϯ ⲑⲏⲉⲧϧⲉⲛ	ǹtiàġapy ǹte F̀nouti θyetxen
118	Ⲡⲓⲭ̀ⲣⲓⲥⲧⲟⲥ Ⲓⲏⲥⲟⲩⲥ Ⲡⲉⲛϭⲟⲓⲥ.	Ⲡⲓⲭ̀ⲣⲓⲥⲧⲟⲥ Ⲓⲏⲥⲟⲩⲥ Ⲡⲉⲛϭⲟⲓⲥ.	Pix̀ristos Iysous Penċois.
119	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Pih̀mot ġar nemōten nem	draft · highFor grace be with you, and
120	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	t̀·hiryny evsop: je àmyn esèṡōpi.	draft · highpeace together. Amen: may it be so.
121	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ	Kaθolikon èvol xen pe	draft · highThe Catholicon, from the
122	ⲡⲓⲙⲁϩϣⲟⲙⲧ ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ	ⲡⲓⲙⲁϩϣⲟⲙⲧ ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ	pimahṡomt ǹèpistoly ǹte peniōt	draft · highthird epistle of our father
123	Ⲓⲱⲁⲛⲛⲏⲥ. Ⲁⲙⲏⲛ. Ⲛⲁⲙⲉⲛⲣⲁϯ.	Ⲓⲱⲁⲛⲛⲏⲥ. Ⲁ̀ⲙⲏⲛ. Ⲛⲁⲙⲉⲛⲣⲁϯ.	Iōannys. Àmyn. Namenrati.	draft · highJohn. Amen. My beloved.
124	ⲅ̅ Ⲓⲱⲁⲛⲛⲏⲥ ⲁ̅: ⲁ̅ - ⲏ̅	3 Ⲓⲱⲁⲛⲛⲏⲥ 1:1, 8	3 Iōannys 1:1, 8
125	Ⲡⲓⲡ̀ⲣⲉⲥⲃⲩⲧⲉⲣⲟⲥ ⲛ̀Ⲅⲁⲓⲟⲥ ⲡⲓⲁ̀ⲅⲁⲡⲏⲧⲟⲥ	Ⲡⲓⲡ̀ⲣⲉⲥⲃⲩⲧⲉⲣⲟⲥ ⲛ̀Ⲅⲁⲓⲟⲥ ⲡⲓⲁ̀ⲅⲁⲡⲏⲧⲟⲥ	Pip̀resbiteros ǹĠaios piàġapytos	The elder to Gaius the beloved, whom I love in truth.
126	ⲫⲏ ⲁ̀ⲛⲟⲕ ⲉ̀ϯⲙⲉⲓ ⲙ̀ⲙⲟϥ ϧⲉⲛ ⲟⲩⲙⲉⲑⲙⲏⲓ.	ⲫⲏ ⲁ̀ⲛⲟⲕ ⲉ̀ϯⲙⲉⲓ ⲙ̀ⲙⲟϥ ϧⲉⲛ ⲟⲩⲙⲉⲑⲙⲏⲓ.	fy ànok ètimei m̀mof xen oumeθmyi.
p. 28
127	Ⲡⲁⲙⲉⲛⲣⲓⲧ ϯⲧⲱⲃϩ ⲉⲑⲃⲉ ϩⲱⲃ ⲛⲓⲃⲉⲛ	Ⲡⲁⲙⲉⲛⲣⲓⲧ ϯⲧⲱⲃϩ ⲉⲑⲃⲉ ϩⲱⲃ ⲛⲓⲃⲉⲛ	Pamenrit titōvh eθve hōb niven	Beloved, I pray that you may prosper in all things and be healthy, even as your soul prospers.
128	ⲉⲑⲣⲉ ⲡⲉⲕⲙⲱⲓⲧ ⲥⲱⲟⲩⲧⲉⲛ ⲟⲩⲟϩ	ⲉⲑⲣⲉ ⲡⲉⲕⲙⲱⲓⲧ ⲥⲱⲟⲩⲧⲉⲛ ⲟⲩⲟϩ	eθre pekmōit sōouten ouoh
129	ⲛ̀ⲧⲉⲕⲟⲩϫⲁⲓ ⲕⲁⲧⲁ ⲫ̀ⲣⲏϯ ⲉ̀ⲧⲉ ⲛⲉⲛⲙⲱⲓⲧ	ⲛ̀ⲧⲉⲕⲟⲩϫⲁⲓ ⲕⲁⲧⲁ ⲫ̀ⲣⲏϯ ⲉ̀ⲧⲉ ⲛⲉⲛⲙⲱⲓⲧ	ǹtekougai kata f̀ryti ète nenmōit
130	ⲛ̀ⲧⲉⲕⲯⲩⲭⲏ ⲥⲟⲩⲧⲱⲛ.	ⲛ̀ⲧⲉⲕⲯⲩⲭⲏ ⲥⲟⲩⲧⲱⲛ.	ǹtekpsiṡy soutōn.
131	Ⲁⲓⲣⲁϣⲓ ⲅⲁⲣ ⲉ̀ⲙⲁϣⲱ ⲉ̀ⲧⲁⲩⲓ̀ ⲛ̀ϫⲉ	Ⲁⲓⲣⲁϣⲓ ⲅⲁⲣ ⲉ̀ⲙⲁϣⲱ ⲉ̀ⲧⲁⲩⲓ̀ ⲛ̀ϫⲉ	Airaṡi ġar èmaṡō ètavì ǹje	For I rejoiced greatly, when brothers came and testified about your truth, even as you walk in truth.
132	ⲛⲓⲥ̀ⲛⲏⲟⲩ ⲟⲩⲟϩ ⲉ̀ⲧⲁⲩⲉⲣⲙⲉⲑⲣⲉ ϧⲁ	ⲛⲓⲥ̀ⲛⲏⲟⲩ ⲟⲩⲟϩ ⲉ̀ⲧⲁⲩⲉⲣⲙⲉⲑⲣⲉ ϧⲁ	nis̀nyou ouoh ètavermeθre xa
133	ⲧⲉⲕⲙⲉⲑⲙⲏⲓ ⲕⲁⲧⲁ ⲫ̀ⲣⲏϯ ⲛ̀ⲑⲟⲕ	ⲧⲉⲕⲙⲉⲑⲙⲏⲓ ⲕⲁⲧⲁ ⲫ̀ⲣⲏϯ ⲛ̀ⲑⲟⲕ	tekmeθmyi kata f̀ryti ǹθok
134	ⲉ̀ⲧⲉⲕⲙⲟϣⲓ ϧⲉⲛ ⲟⲩⲙⲉⲑⲙⲏⲓ.	ⲉ̀ⲧⲉⲕⲙⲟϣⲓ ϧⲉⲛ ⲟⲩⲙⲉⲑⲙⲏⲓ.	ètekmoṡi xen oumeθmyi.
135	Ⲙⲙⲟⲛϯ ϩ̀ⲙⲟⲧ ⲅⲁⲣ ⲉϥⲟⲓ ⲛ̀ⲛⲓϣϯ ⲉ̀ⲫⲁⲓ	Ⲛ̀ⲙⲟⲛϯ ϩ̀ⲙⲟⲧ ⲅⲁⲣ ⲉϥⲟⲓ ⲛ̀ⲛⲓϣϯ ⲉ̀ⲫⲁⲓ	Ǹmonti h̀mot ġar efoi ǹniṡti èfai	I have no greater joy than this, to hear about my children walking in truth.
136	ϩⲓⲛⲁ ⲛ̀ⲧⲁⲥⲱⲧⲉⲙ ⲉⲑⲃⲉ ⲛⲁϣⲏⲣⲓ ϫⲉ	ϩⲓⲛⲁ ⲛ̀ⲧⲁⲥⲱⲧⲉⲙ ⲉⲑⲃⲉ ⲛⲁϣⲏⲣⲓ ϫⲉ	hina ǹtasōtem eθve naṡyri je
137	ⲥⲉⲙⲟϣⲓ ϧⲉⲛ ⲟⲩⲙⲉⲑⲙⲏⲓ.	ⲥⲉⲙⲟϣⲓ ϧⲉⲛ ⲟⲩⲙⲉⲑⲙⲏⲓ.	semoṡi xen oumeθmyi.
138	Ⲡⲓⲁ̀ⲅⲁⲡⲏⲧⲟⲥ ⲟⲩϩⲱⲃ ⲙ̀ⲡⲓⲥⲧⲟⲥ	Ⲡⲓⲁ̀ⲅⲁⲡⲏⲧⲟⲥ ⲟⲩϩⲱⲃ ⲛ̀ⲡⲓⲥⲧⲟⲥ	Piàġapytos ouhōb ǹpistos	Beloved, you do a faithful work in whatever you accomplish for those who are brothers and strangers.
139	ⲉ̀ⲧⲉⲕⲓ̀ⲣⲓ ⲙ̀ⲙⲟϥ ⲉⲕⲉⲣϩⲱⲃ ⲛ̀ϧ̀ⲣⲏⲓ ϧⲉⲛ	ⲉ̀ⲧⲉⲕⲓ̀ⲣⲓ ⲙ̀ⲙⲟϥ ⲉⲕⲉⲣϩⲱⲃ ⲛ̀ϧ̀ⲣⲏⲓ ϧⲉⲛ	ètekìri m̀mof ekerhōb ǹx̀ryi xen
140	ⲛⲓⲥ̀ⲛⲏⲟⲩ ⲟⲩⲟϩ ⲫⲁⲓ ϧⲉⲛ ⲛⲓϣⲉⲙⲙⲱⲟⲩ.	ⲛⲓⲥ̀ⲛⲏⲟⲩ ⲟⲩⲟϩ ⲫⲁⲓ ϧⲉⲛ ⲛⲓϣⲉⲙⲙⲱⲟⲩ.	nis̀nyou ouoh fai xen niṡemmōou.
141	Ⲛⲁⲓ ⲉ̀ⲧⲁⲩⲉⲣⲙⲉⲑⲣⲉ ϧⲁ ⲧⲉⲕⲁ̀ⲅⲁⲡⲏ	Ⲛⲁⲓ ⲉ̀ⲧⲁⲩⲉⲣⲙⲉⲑⲣⲉ ϧⲁ ⲧⲉⲕⲁ̀ⲅⲁⲡⲏ	Nai ètavermeθre xa tekàġapy	They have testified about your love before the assembly. You will do well to send them forward on their journey in a manner worthy of God,
142	ⲙ̀ⲡⲉⲙ̀ⲑⲟ ⲛ̀ⲛⲟⲩⲉⲕⲕ̀ⲗⲏⲥⲓⲁ̀: ⲛⲁⲓ ⲉ̀ⲧⲉ	ⲛ̀ⲡⲉⲙ̀ⲑⲟ ⲛ̀ⲛⲟⲩⲉⲕⲕ̀ⲗⲏⲥⲓⲁ̀: ⲛⲁⲓ ⲉ̀ⲧⲉ	ǹpem̀θo ǹnouekk̀lysià: nai ète
143	ⲕⲁⲗⲱⲥ ⲕ̀ⲛⲁⲁⲓⲥ ⲉⲕⲛⲁⲧ̀ⲫⲱⲟⲩ ⲉⲩⲙ̀ⲡ̀ϣⲁ	ⲕⲁⲗⲱⲥ ⲭ̀ⲛⲁⲁⲓⲥ ⲉⲕⲛⲁⲧ̀ⲫⲱⲟⲩ ⲉⲩⲙ̀ⲡ̀ϣⲁ	kalōs k̀naais eknat̀fōou evm̀p̀ṡa
144	ⲙ̀Ⲫⲛⲟⲩϯ.	ⲛ̀Ⲫ̀ⲛⲟⲩϯ.	ǹF̀nouti.
145	Ⲉⲧⲁⲩⲓ̀ ⲅⲁⲣ ⲉ̀ⲃⲟⲗ ⲉ̀ϫⲉⲛ ⲡⲓⲣⲁⲛ ⲛ̀ⲥⲉϭⲓ	Ⲉⲧⲁⲩⲓ̀ ⲅⲁⲣ ⲉ̀ⲃⲟⲗ ⲉ̀ϫⲉⲛ ⲡⲓⲣⲁⲛ ⲛ̀ⲧⲟⲩϭⲓ	Etavì ġar èvol èjen piran ǹtouċi	because for the sake of the Name they went out, taking nothing from the Gentiles.
146	ϩ̀ⲗⲓ ⲁⲛ ⲛ̀ⲧⲉⲛ ⲛⲓⲉⲑⲛⲓⲕⲟⲥ.	ϩ̀ⲗⲓ ⲁⲛ ⲛ̀ⲧⲉⲛ ⲛⲓⲉⲑⲛⲓⲕⲟⲥ.	h̀li an ǹten nieθnikos.
147	Ⲁⲛⲟⲛ ⲟⲩⲛ ⲥ̀ϣⲉ ⲛⲁⲛ ⲉ̀ϣⲉⲡ ⲛⲁⲓ ⲟⲩⲟⲛ	Ⲁ̀ⲛⲟⲛ ⲟⲩⲛ ⲥ̀ϣⲉ ⲛⲁⲛ ⲉ̀ϣⲉⲡ ⲛⲁⲓ ⲟⲩⲟⲛ	Ànon oun s̀ṡe nan èṡep nai ouon	We therefore ought to receive such, that we may be fellow workers for the truth.
148	ⲙ̀ⲡⲁⲓⲣⲏϯ ⲉ̀ⲣⲟⲛ ϩⲓⲛⲁ ⲛ̀ⲧⲉⲛⲉⲣϣ̀ⲫⲏⲣ	ⲛ̀ⲡⲁⲓⲣⲏϯ ⲉ̀ⲣⲟⲛ ϩⲓⲛⲁ ⲛ̀ⲧⲉⲛⲉⲣϣ̀ⲫⲏⲣ	ǹpairyti èron hina ǹtenerṡ̀fyr
149	ⲛ̀ⲉⲣϩⲱⲃ ⲉ̀ϯⲙⲉⲑⲙⲏⲓ.	ⲛ̀ⲉⲣϩⲱⲃ ⲉ̀ϯⲙⲉⲑⲙⲏⲓ.	ǹerhōb ètimeθmyi.
150	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Nas̀nyou m̀permenre pikosmos
151	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ouḋe nyetṡop xen pikosmos:
152	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	pikosmos nasini nem tefèpiθimia: fy
153	ⲇⲉ ⲉⲧⲓ̀ⲣⲓ ⲙ̀ⲫ̀ⲟⲩⲱϣ ⲙ̀Ⲫⲛⲟⲩϯ ϥ̀ⲛⲁϣⲱⲡⲓ	ⲇⲉ ⲉⲧⲓ̀ⲣⲓ ⲛ̀ⲫ̀ⲟⲩⲱϣ ⲛ̀Ⲫ̀ⲛⲟⲩϯ ϥ̀ⲛⲁϣⲱⲡⲓ	ḋe etìri ǹf̀ouōṡ ǹF̀nouti f̀naṡōpi
p. 29
154	ϣⲁ ⲉ̀ⲛⲉϩ: ⲁ̀ⲙⲏⲛ.	ϣⲁ ⲉ̀ⲛⲉϩ: ⲁ̀ⲙⲏⲛ.	ṡa èneh: àmyn.	draft · highfor ever. Amen.
155	Ⲡⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	Ⲡ̀ⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	P̀raksis ǹte nenioti ǹàpostolos:	draft · highThe Acts of our fathers the apostles:
156	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ère pous̀mou eθouab ṡōpi neman.	draft · highmay their holy blessing be with us.
157	Ⲁⲙⲏⲛ.	Ⲁ̀ⲙⲏⲛ.	Àmyn.	draft · highAmen.
158	Ⲡⲣⲁⲝⲓⲥ ⲓ̅ⲉ̅: ⲇ̅ - ⲑ̅	Ⲡ̀ⲣⲁⲝⲓⲥ 15:4, 9	P̀raksis 15:4, 9
159	Ⲉⲧⲁⲩⲓ̀ ⲇⲉ ⲉ̀ϧ̀ⲣⲏⲓ ⲉ̀Ⲓⲉⲣⲟⲩⲥⲁⲗⲏⲙ	Ⲉⲧⲁⲩⲓ̀ ⲇⲉ ⲉ̀ϧ̀ⲣⲏⲓ ⲉ̀Ⲓⲉⲣⲟⲩⲥⲁⲗⲏⲙ	Etavì ḋe èx̀ryi èIerousalym	When they had come to Jerusalem, they were received by the assembly and the apostles and the elders, and they reported all things that God had done with them.
160	ⲁⲩϣⲟⲡⲟⲩ ⲉ̀ⲣⲱⲟⲩ ⲛ̀ϫⲉ ⲛⲁϯⲉⲕⲕ̀ⲗⲏⲥⲓⲁ̀	ⲁⲩϣⲟⲡⲟⲩ ⲉ̀ⲣⲱⲟⲩ ⲛ̀ϫⲉ ⲛⲁ ϯⲉⲕⲕ̀ⲗⲏⲥⲓⲁ̀	avṡopou èrōou ǹje na tiekk̀lysià
161	ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ:	ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ:	nem niàpostolos nem nip̀resbiteros:
162	ⲁⲩⲧⲁⲙⲱⲟⲩ ⲇⲉ ⲉ̀ϩⲱⲃ ⲛⲓⲃⲉⲛ ⲉ̀ⲧⲁ Ⲫⲛⲟⲩϯ	ⲁⲩⲧⲁⲙⲱⲟⲩ ⲇⲉ ⲉ̀ϩⲱⲃ ⲛⲓⲃⲉⲛ ⲉ̀ⲧⲁ Ⲫ̀ⲛⲟⲩϯ	avtamōou ḋe èhōb niven èta F̀nouti
163	ⲁⲓⲧⲟⲩ ⲛⲉⲙⲱⲟⲩ.	ⲁⲓⲧⲟⲩ ⲛⲉⲙⲱⲟⲩ.	aitou nemōou.
164	Ⲁⲩⲧⲱⲟⲩⲛⲟⲩ ⲇⲉ ⲛ̀ϫⲉ ϩⲁⲛⲟⲩⲟⲛ	Ⲁⲩⲧⲱⲟⲩⲛⲟⲩ ⲇⲉ ⲛ̀ϫⲉ ϩⲁⲛⲟⲩⲟⲛ	Avtōounou ḋe ǹje hanouon	But some of the sect of the Pharisees who believed rose up, saying, 'It is necessary to circumcise them, and to command them to keep the law of Moses.'
165	ⲉ̀ⲃⲟⲗ ϧⲉⲛ ⲧ̀Ϩⲉⲣⲉⲥⲓⲥ ⲛ̀ⲧⲉ Ⲛⲓⲫⲁⲣⲓⲥⲉⲟⲥ	ⲉ̀ⲃⲟⲗ ϧⲉⲛ ⲧ̀Ϩⲉⲣⲉⲥⲓⲥ ⲛ̀ⲧⲉ Ⲛⲓⲫⲁⲣⲓⲥⲉⲟⲥ	èvol xen t̀·Heresis ǹte Nifariseos
166	ⲛⲏⲉ̀ⲧⲁⲩ ⲛⲁϩϯ ⲉⲩϫⲱ ⲙ̀ⲙⲟⲥ: ϫⲉ ⲥ̀ϣⲉ	ⲛⲏⲉ̀ⲧⲁⲩ ⲛⲁϩϯ ⲉⲩϫⲱ ⲙ̀ⲙⲟⲥ: ϫⲉ ⲥ̀ϣⲉ	nyètav nahti evgō m̀mos: je s̀ṡe
167	ⲛ̀ⲥⲉⲥⲟⲩⲃⲏⲧⲟⲩ: ⲟⲩⲟϩ ⲉ̀ϩⲟⲛϩⲉⲛ ⲉ̀ⲁ̀ⲣⲉϩ	ⲛ̀ⲧⲟⲩⲥⲟⲩⲃⲏⲧⲟⲩ: ⲟⲩⲟϩ ⲉ̀ϩⲟⲛϩⲉⲛ ⲉ̀ⲁ̀ⲣⲉϩ	ǹtousouvytou: ouoh èhonhen èàreh
168	ⲉ̀ⲫ̀ⲛⲟⲙⲟⲥ ⲙ̀Ⲙⲱⲩ̀ⲥⲏⲥ	ⲉ̀ⲫ̀ⲛⲟⲙⲟⲥ ⲛ̀Ⲙⲱⲩ̀ⲥⲏⲥ	èf̀nomos ǹMōìsys
169	Ⲁⲩⲑⲱⲟⲩϯ ⲇⲉ ⲛ̀ϫⲉ ⲛⲓⲁ̀ⲡⲟⲥⲧⲟⲗⲟⲥ	Ⲁⲩⲑⲱⲟⲩϯ ⲇⲉ ⲛ̀ϫⲉ ⲛⲓⲁ̀ⲡⲟⲥⲧⲟⲗⲟⲥ	Avθōouti ḋe ǹje niàpostolos	The apostles and the elders were gathered together to see about this matter.
170	ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ ⲉ̀ⲛⲁⲩ ⲉⲑⲃⲉ ⲡⲁⲓⲥⲁϫⲓ.	ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ ⲉ̀ⲛⲁⲩ ⲉⲑⲃⲉ ⲡⲁⲓⲥⲁϫⲓ.	nem nip̀resbiteros ènav eθve paisaji.
171	Ⲉⲧⲁⲥϣⲱⲡⲓ ⲇⲉ ⲛ̀ϫⲉ ⲟⲩⲛⲓϣϯ	Ⲉⲧⲁⲥϣⲱⲡⲓ ⲇⲉ ⲛ̀ϫⲉ ⲟⲩⲛⲓϣϯ	Etasṡōpi ḋe ǹje ouniṡti	When there had been much discussion, Peter rose up and said to them, 'Brothers, you know that a good while ago God made a choice among you, that by my mouth the nations should hear the word of the Good News, and believe.
172	ⲛ̀ⲍⲏⲧⲏⲥⲓⲥ ⲁϥⲧⲟⲛϥ ⲛ̀ϫⲉ Ⲡⲉⲧⲣⲟⲥ: ⲟⲩⲟϩ	ⲛ̀ⲍⲏⲧⲏⲥⲓⲥ ⲁϥⲧⲟⲛϥ ⲛ̀ϫⲉ Ⲡⲉⲧⲣⲟⲥ: ⲟⲩⲟϩ	ǹzytysis aftonf ǹje Petros: ouoh
173	ⲡⲉϫⲁϥ ⲛⲱⲟⲩ: ⲛⲓⲣⲱⲙⲓ ⲛⲉⲛⲥ̀ⲛⲏⲟⲩ	ⲡⲉϫⲁϥ ⲛⲱⲟⲩ: ⲛⲓⲣⲱⲙⲓ ⲛⲉⲛⲥ̀ⲛⲏⲟⲩ	pegaf nōou: nirōmi nens̀nyou
174	ⲛ̀ⲑⲱⲧⲉⲛ ⲧⲉⲧⲉⲛⲥⲱⲟⲩⲛ ϫⲉ ⲓⲥϫⲉⲛ ⲛⲓⲉ̀ϩⲟⲟⲩ	ⲛ̀ⲑⲱⲧⲉⲛ ⲧⲉⲧⲉⲛⲥⲱⲟⲩⲛ ϫⲉ ⲓⲥϫⲉⲛ ⲛⲓⲉ̀ϩⲟⲟⲩ	ǹθōten tetensōoun je isjen nièhoou
175	ⲛ̀ⲁⲣⲭⲉⲟⲥ: ⲁ̀Ⲫⲛⲟⲩϯ ⲥⲱⲧⲡ ϧⲉⲛ ⲑⲏⲛⲟⲩ	ⲛ̀ⲁⲣⲭⲉⲟⲥ: ⲁ̀ Ⲫ̀ⲛⲟⲩϯ ⲥⲱⲧⲡ ϧⲉⲛ ⲑⲏⲛⲟⲩ	ǹarṡeos: à F̀nouti sōtp xen θynou
176	ⲉ̀ⲃⲟⲗ ϧⲉⲛ ⲣⲱⲓ ⲉⲑⲣⲉ ⲛⲓⲉⲑⲛⲟⲥ ⲥⲱⲧⲉⲙ	ⲉ̀ⲃⲟⲗ ϧⲉⲛ ⲣⲱⲓ ⲉⲑⲣⲉ ⲛⲓⲉⲑⲛⲟⲥ ⲥⲱⲧⲉⲙ	èvol xen rōi eθre nieθnos sōtem
177	ⲉ̀ⲡⲓⲥⲁϫⲓ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ ⲟⲩⲟϩ	ⲉ̀ⲡⲓⲥⲁϫⲓ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ ⲟⲩⲟϩ	èpisaji ǹte pievangelion ouoh
178	ⲛ̀ⲥⲉⲛⲁϩϯ.	ⲛ̀ⲧⲟⲩⲛⲁϩϯ.	ǹtounahti.
p. 30
179	Ⲟⲩⲟϩ ⲫⲏⲉⲧⲥⲱⲟⲩⲛ ⲛ̀ⲛⲓϩⲏⲧ Ⲫⲛⲟⲩϯ	Ⲟⲩⲟϩ ⲫⲏⲉⲧⲥⲱⲟⲩⲛ ⲛ̀ⲛⲓϩⲏⲧ Ⲫ̀ⲛⲟⲩϯ	Ouoh fyetsōoun ǹnihyt F̀nouti	God, who knows the heart, testified about them, giving them the Holy Spirit, just like he did to us.
180	ⲁϥⲉⲣⲙⲉⲑⲣⲉ ⲛⲱⲟⲩ: ⲉ̀ⲁϥϯ ⲛⲱⲟⲩ	ⲁϥⲉⲣⲙⲉⲑⲣⲉ ⲛⲱⲟⲩ: ⲉ̀ⲁϥϯ ⲛⲱⲟⲩ	afermeθre nōou: èafti nōou
181	ⲙ̀Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲕⲁⲧⲁ ⲫ̀ⲣⲏϯ	ⲛ̀Ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲕⲁⲧⲁ ⲫ̀ⲣⲏϯ	ǹPip̀nevma eθouab kata f̀ryti
182	ⲉ̀ⲧⲁϥⲧⲏⲓϥ ⲛⲁⲛ ϩⲱⲛ.	ⲉ̀ⲧⲁϥⲧⲏⲓϥ ⲛⲁⲛ ϩⲱⲛ.	ètaftyif nan hōn.
183	Ⲟⲩⲟϩ ⲙ̀ⲡⲉϥⲭⲁ ϩ̀ⲗⲓ ⲛ̀ϣⲓⲃϯ ⲟⲩⲧⲱⲛ	Ⲟⲩⲟϩ ⲙ̀ⲡⲉϥⲭⲁ ϩ̀ⲗⲓ ⲛ̀ϣⲓⲃϯ ⲟⲩⲧⲱⲛ	Ouoh m̀pefka h̀li ǹṡivti outōn	He made no distinction between us and them, cleansing their hearts by faith.
184	ⲛⲉⲙⲱⲟⲩ ⲉ̀ⲁϥⲧⲟⲩⲃⲟ ⲛ̀ⲛⲟⲩϩⲏⲧ ⲛ̀ϧ̀ⲣⲏⲓ ϧⲉⲛ	ⲛⲉⲙⲱⲟⲩ ⲉ̀ⲁϥⲧⲟⲩⲃⲟ ⲛ̀ⲛⲟⲩϩⲏⲧ ⲛ̀ϧ̀ⲣⲏⲓ ϧⲉⲛ	nemōou èaftouvo ǹnouhyt ǹx̀ryi xen
185	ⲡⲓⲛⲁϩϯ.	ⲡⲓⲛⲁϩϯ.	pinahti.
186	Ⲡⲓⲥⲁϫⲓ ⲇⲉ ⲛ̀ⲧⲉ Ⲡϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Ⲡⲓⲥⲁϫⲓ ⲇⲉ ⲛ̀ⲧⲉ Ⲡ̀ϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Pisaji ḋe ǹte P̀ċois efèaiai ouoh
187	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	efèàṡai: efèàmahi ouoh efètagro:
188	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫⲛⲟⲩϯ:	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫ̀ⲛⲟⲩϯ:	xen tiàgia ǹekk̀lysia ǹte F̀nouti:
189	ⲁ̀ⲙⲏⲛ.	ⲁ̀ⲙⲏⲛ.	àmyn.
190	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲡ̅ⲏ̅: ⲗ̅, ⲕ̅ⲑ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 88:30, 29	Psalmos tō David 88:30, 29
191	Ϥⲥ̀ⲙⲁⲣⲱⲟⲩⲧ ⲛ̀ϫⲉ Ⲡϭⲟⲓⲥ ϣⲁ ⲉ̀ⲛⲉϩ:	Ϥ̀ⲥ̀ⲙⲁⲣⲱⲟⲩⲧ ⲛ̀ϫⲉ Ⲡ̀ϭⲟⲓⲥ ϣⲁ ⲉ̀ⲛⲉϩ:	F̀s̀marōout ǹje P̀ċois ṡa èneh:	quoted · alignment uncheckedBlessed be the Lord for ever. So be it, so be it.
192	ⲉⲥⲉ̀ϣⲱⲡⲓ ⲉⲥⲉ̀ϣⲱⲡⲓ: ⲁⲩⲑⲱⲛ ⲛⲉⲕⲛⲁⲓ ⲛ̀ⲧⲉ	ⲉⲥⲉ̀ϣⲱⲡⲓ ⲉⲥⲉ̀ϣⲱⲡⲓ: ⲁⲩⲑⲱⲛ ⲛⲉⲕⲛⲁⲓ ⲛ̀ⲧⲉ	esèṡōpi esèṡōpi: avθōn neknai ǹte
193	ϣⲟⲣⲡ Ⲡϭⲟⲓⲥ: ⲛⲏⲉ̀ⲧⲁⲕⲱⲣⲕ ⲙ̀ⲙⲱⲟⲩ	ϣⲟⲣⲡ Ⲡ̀ϭⲟⲓⲥ: ⲛⲏⲉ̀ⲧⲁⲕⲱⲣⲕ ⲙ̀ⲙⲱⲟⲩ	ṡorp P̀ċois: nyètakōrk m̀mōou
194	ⲛ̀Ⲇⲁⲩⲓⲇ ϧⲉⲛ ⲟⲩⲙⲉⲑⲙⲏⲓ. Ⲁⲗⲗⲏⲗⲟⲩⲓⲁ̀.	ⲛ̀Ⲇⲁⲩⲓⲇ ϧⲉⲛ ⲟⲩⲙⲉⲑⲙⲏⲓ. Ⲁⲗⲗⲏⲗⲟⲩⲓⲁ̀.	ǹDavid xen oumeθmyi. Allylouià.
p. 31
195	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
196	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲓⲱⲁⲛⲛⲏⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲓⲱⲁⲛⲛⲏⲛ	pievangelion eθouab kata Iōannyn	draft · highthe holy Gospel according to John
197	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
198	Ⲓⲱⲁⲛⲛⲏⲛ ⲓ̅ⲉ̅: ⲓ̅ⲃ̅ - ⲓ̅⳪	Ⲓⲱⲁⲛⲛⲏⲛ 15:12, ⲓ̅⳪	Iōannyn 15:12, i⳪
199	Ⲑⲁⲓ ⲁ̀ⲛⲟⲕ ⲧⲉ ⲧⲁⲉⲛⲧⲟⲗⲏ ϩⲓⲛⲁ	Ⲑⲁⲓ ⲁ̀ⲛⲟⲕ ⲧⲉ ⲧⲁⲉⲛⲧⲟⲗⲏ ϩⲓⲛⲁ	Ɵai ànok te taentoly hina	'This is my commandment, that you love one another, even as I have loved you.
200	ⲛ̀ⲑⲱⲧⲉⲛ ⲛ̀ⲧⲉⲧⲉⲛⲙⲉⲛⲣⲉ ⲛⲉⲧⲉⲛⲉ̀ⲣⲏⲟⲩ	ⲛ̀ⲑⲱⲧⲉⲛ ⲛ̀ⲧⲉⲧⲉⲛⲙⲉⲛⲣⲉ ⲛⲉⲧⲉⲛⲉ̀ⲣⲏⲟⲩ	ǹθōten ǹtetenmenre netenèryou
201	ⲙ̀ⲫ̀ⲣⲏϯ ⲉ̀ⲧⲁⲓⲙⲉⲛⲣⲉ ⲑⲏⲛⲟⲩ ⲙ̀ⲙⲟϥ.	ⲛ̀ⲫ̀ⲣⲏϯ ⲉ̀ⲧⲁⲓⲙⲉⲛⲣⲉ ⲑⲏⲛⲟⲩ ⲙ̀ⲙⲟϥ.	ǹf̀ryti ètaimenre θynou m̀mof.
202	Ⲙⲙⲟⲛ ⲡⲉⲑⲛⲁⲁⲥ ⲉ̀ⲧⲁⲓⲁ̀ⲅⲁⲡⲏ ⲛ̀ⲧⲉⲛ	Ⲙ̀ⲙⲟⲛ ⲡⲉⲑⲛⲁⲁⲥ ⲉ̀ⲧⲁⲓⲁ̀ⲅⲁⲡⲏ ⲛ̀ⲧⲉⲛ	M̀mon peθnaas ètaiàġapy ǹten	Greater love has no one than this, that someone lay down his life for his friends.
203	ϩ̀ⲗⲓ ϩⲓⲛⲁ ⲛ̀ⲧⲉ ⲟⲩⲁⲓ ⲭⲱ ⲛ̀ⲧⲉϥⲯⲩⲭⲏ	ϩ̀ⲗⲓ ϩⲓⲛⲁ ⲛ̀ⲧⲉ ⲟⲩⲁⲓ ⲭⲱ ⲛ̀ⲧⲉϥⲯⲩⲭⲏ	h̀li hina ǹte ouai kō ǹtefpsiṡy
204	ⲉ̀ϩ̀ⲣⲏⲓ ⲉ̀ϫⲉⲛ ⲡⲉϥϣ̀ⲫⲏⲣ.	ⲉ̀ϩ̀ⲣⲏⲓ ⲉ̀ϫⲉⲛ ⲡⲉϥϣ̀ⲫⲏⲣ.	èh̀ryi èjen pefṡ̀fyr.
205	Ⲛⲑⲱⲧⲉⲛ ⲛ̀ⲑⲱⲧⲉⲛ ⲛⲁϣ̀ⲫⲏⲣ ⲉ̀ϣⲱⲡ	Ⲛ̀ⲑⲱⲧⲉⲛ ⲛ̀ⲑⲱⲧⲉⲛ ⲛⲁϣ̀ⲫⲏⲣ ⲉ̀ϣⲱⲡ	Ǹθōten ǹθōten naṡ̀fyr èṡōp	You are my friends, if you do whatever I command you.
206	ⲁ̀ⲣⲉⲧⲉⲛϣⲁⲛⲉⲣ ⲛⲏⲉ̀ϯ ϩⲟⲛϩⲉⲛ ⲙ̀ⲙⲱⲧⲉⲛ	ⲁ̀ⲣⲉⲧⲉⲛϣⲁⲛⲉⲣ ⲛⲏⲉ̀ϯ ϩⲟⲛϩⲉⲛ ⲙ̀ⲙⲱⲧⲉⲛ	àretenṡaner nyèti honhen m̀mōten
207	ⲉ̀ⲣⲱⲟⲩ.	ⲉ̀ⲣⲱⲟⲩ.	èrōou.
208	Ⲛϯⲛⲁⲙⲟⲩϯ ⲉ̀ⲣⲱⲧⲉⲛ ⲁⲛ ϫⲉ ⲃⲱⲕ: ϫⲉ	Ⲛ̀ϯⲛⲁⲙⲟⲩϯ ⲉ̀ⲣⲱⲧⲉⲛ ⲁⲛ ϫⲉ ⲃⲱⲕ: ϫⲉ	Ǹtinamouti èrōten an je vōk: je	No longer do I call you servants, for the servant doesn't know what his lord does. But I have called you friends, for everything that I heard from my Father, I have made known to you.
209	ⲙ̀ⲡⲁⲣⲉ ⲡⲓⲃⲱⲕ ⲉ̀ⲙⲓ ϫⲉ ⲟⲩ ⲡⲉ ⲉ̀ⲧⲉ ⲡⲉϥϭⲟⲓⲥ	ⲙ̀ⲡⲁⲣⲉ ⲡⲓⲃⲱⲕ ⲉ̀ⲙⲓ ϫⲉ ⲟⲩ ⲡⲉ ⲉ̀ⲧⲉ ⲡⲉϥϭⲟⲓⲥ	m̀pare pivōk èmi je ou pe ète pefċois
210	ⲣⲁ ⲙ̀ⲙⲟϥ: ⲛ̀ⲑⲱⲧⲉⲛ ⲇⲉ ⲁⲓⲙⲟⲩϯ ⲉ̀ⲣⲱⲧⲉⲛ	ⲣⲁ ⲙ̀ⲙⲟϥ: ⲛ̀ⲑⲱⲧⲉⲛ ⲇⲉ ⲁⲓⲙⲟⲩϯ ⲉ̀ⲣⲱⲧⲉⲛ	ra m̀mof: ǹθōten ḋe aimouti èrōten
211	ϫⲉ ⲛⲁϣ̀ⲫⲏⲣ ϫⲉ ϩⲱⲃ ⲛⲓⲃⲉⲛ ⲉ̀ⲧⲁⲓⲥⲟⲑⲙⲟⲩ	ϫⲉ ⲛⲁϣ̀ⲫⲏⲣ ϫⲉ ϩⲱⲃ ⲛⲓⲃⲉⲛ ⲉ̀ⲧⲁⲓⲥⲟⲑⲙⲟⲩ	je naṡ̀fyr je hōb niven ètaisoθmou
212	ⲛ̀ⲧⲟⲧϥ ⲙ̀Ⲡⲁⲓⲱⲧ ⲁⲓⲧⲁⲙⲱⲧⲉⲛ ⲉ̀ⲣⲱⲟⲩ.	ⲛ̀ⲧⲟⲧϥ ⲛ̀Ⲡⲁⲓⲱⲧ ⲁⲓⲧⲁⲙⲱⲧⲉⲛ ⲉ̀ⲣⲱⲟⲩ.	ǹtotf ǹPaiōt aitamōten èrōou.
213	Ⲛⲑⲱⲧⲉⲛ ⲁⲛ ⲁ̀ⲣⲉⲧⲉⲛⲥⲟⲧⲡⲧ ⲁⲗⲗⲁ	Ⲛ̀ⲑⲱⲧⲉⲛ ⲁⲛ ⲁ̀ⲣⲉⲧⲉⲛⲥⲟⲧⲡⲧ ⲁⲗⲗⲁ	Ǹθōten an àretensotpt alla	You didn't choose me, but I chose you, and appointed you, that you should go and bear fruit, and that your fruit should remain; that whatever you will ask of the Father in my name, he may give it to you.
214	ⲁ̀ⲛⲟⲕ ⲁⲓⲥⲉⲧⲡ ⲑⲏⲛⲟⲩ ⲟⲩⲟϩ ⲁⲓⲭⲁ ⲑⲏⲛⲟⲩ	ⲁ̀ⲛⲟⲕ ⲁⲓⲥⲉⲧⲡ ⲑⲏⲛⲟⲩ ⲟⲩⲟϩ ⲁⲓⲭⲁ ⲑⲏⲛⲟⲩ	ànok aisetp θynou ouoh aika θynou
215	ϩⲓⲛⲁ ⲛ̀ⲧⲉⲧⲉⲛϣⲉⲛⲱⲧⲉⲛ ⲟⲩⲟϩ ⲛ̀ⲧⲉⲧⲉⲛⲉⲛ	ϩⲓⲛⲁ ⲛ̀ⲧⲉⲧⲉⲛϣⲉⲛⲱⲧⲉⲛ ⲟⲩⲟϩ ⲛ̀ⲧⲉⲧⲉⲛⲉⲛ	hina ǹtetenṡenōten ouoh ǹtetenen
216	ⲟⲩⲧⲁϩ ⲉ̀ⲃⲟⲗ ⲟⲩⲟϩ ⲡⲉⲧⲉⲛⲟⲩⲧⲁϩ	ⲟⲩⲧⲁϩ ⲉ̀ⲃⲟⲗ ⲟⲩⲟϩ ⲡⲉⲧⲉⲛⲟⲩⲧⲁϩ	outah èvol ouoh petenoutah
217	ⲛ̀ⲧⲉϥⲟ̀ϩⲓ ϩⲓⲛⲁ ⲫⲏⲉ̀ⲧⲉ ⲧⲉⲛⲛⲁⲉⲣⲉ̀ⲧⲓⲛ	ⲛ̀ⲧⲉϥⲟ̀ϩⲓ ϩⲓⲛⲁ ⲫⲏⲉ̀ⲧⲉ ⲧⲉⲛⲛⲁⲉⲣⲉ̀ⲧⲓⲛ	ǹtefòhi hina fyète tennaerètin
218	ⲙ̀ⲙⲟϥ ⲛ̀ⲧⲟⲧϥ ⲙ̀Ⲫⲓⲱⲧ ϧⲉⲛ Ⲡⲁⲣⲁⲛ	ⲙ̀ⲙⲟϥ ⲛ̀ⲧⲟⲧϥ ⲛ̀Ⲫⲓⲱⲧ ϧⲉⲛ Ⲡⲁⲣⲁⲛ	m̀mof ǹtotf ǹFiōt xen Paran
219	ⲛ̀ⲧⲉϥⲧⲏⲓϥ ⲛⲱⲧⲉⲛ.	ⲛ̀ⲧⲉϥⲧⲏⲓϥ ⲛⲱⲧⲉⲛ.	ǹteftyif nōten.
220	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
221	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.

Provenance

title: Third Day of the Seventh Week of the Joyous Fifty Days (Wednesday)
dialect: bohairic
source: https://saintbishoy.ca/wp-content/uploads/Joyous_Fifty_Days_Katameros_Readings_Week_7.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c8fedff2e6867ca6b0be8e1f7bd1c6f22fc0007ca258cb7e2ca92a29dc908499 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 22-31 of that book, the page range its own table of contents gives for this day (_logs/days.tsv)
licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)
share: public
generated by: tools/katameros_stage.py; coverage: 100.00% of 44051 legacy-font glyphs mapped by tools/church_fonts/
file: Liturgy/Katameros/Joyous Fifty Days/Third Day of the Seventh Week of the Joyous Fifty Days (Wednesday).bohairic.saintbishoy.L0.txt
title: Third Day of the Seventh Week of the Joyous Fifty Days (Wednesday) — Cairene
dialect: bohairic
source: generated from Third Day of the Seventh Week of the Joyous Fifty Days (Wednesday).bohairic.saintbishoy.L0.txt (https://saintbishoy.ca/wp-content/uploads/Joyous_Fifty_Days_Katameros_Readings_Week_7.pdf (https://saintbishoy.ca/deacon)
licence: CC BY-SA 4.0
share: public
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Liturgy/Katameros/Joyous Fifty Days/Third Day of the Seventh Week of the Joyous Fifty Days (Wednesday).bohairic.saintbishoy.L1.txt
title: Third Day of the Seventh Week of the Joyous Fifty Days (Wednesday) — Kemetic
dialect: bohairic
source: generated from Third Day of the Seventh Week of the Joyous Fifty Days (Wednesday).bohairic.saintbishoy.L1.txt
licence: CC BY-SA 4.0
share: public
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Liturgy/Katameros/Joyous Fifty Days/Third Day of the Seventh Week of the Joyous Fifty Days (Wednesday).bohairic.saintbishoy.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 42 quoted · 1 quoted with the alignment not cross-checked · 26 model drafts (marked “draft”)
quoted from: World English Bible (WEB) (public domain), as attached in Coptic SCRIPTORIUM bohairic.nt (CC BY-SA 4.0) (40 lines)
quoted from: Brenton's Septuagint (1851) (public domain), as attached in Coptic SCRIPTORIUM bohairic.ot (CC BY-SA 4.0), re-aligned by content (translation/psalter_alignment.tsv) (2 lines)
quoted from: Brenton's Septuagint (1851) (public domain), as attached in Coptic SCRIPTORIUM sahidic.ot (CC BY-SA 4.0), re-aligned by content (translation/psalter_alignment.tsv), the verse read from sahidic.ot in Brenton's numbering (psalter_align.brenton_numbering), alignment unchecked (1 lines)

Cite as:

Third Day of the Seventh Week of the Joyous Fifty Days (Wednesday). https://saintbishoy.ca/wp-content/uploads/Joyous_Fifty_Days_Katameros_Readings_Week_7.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c8fedff2e6867ca6b0be8e1f7bd1c6f22fc0007ca258cb7e2ca92a29dc908499 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 22-31 of that book, the page range its own table of contents gives for this day (_logs/days.tsv). Layers as published by the Kemetic project (Yousef Hanna), 2026: Coptic · Cairene · Kemetic, /doc/liturgy/katameros/joyous-fifty-days/third-day-of-the-seventh-week-of-the-joyous-fifty-days-wednesday.bohairic.saintbishoy/.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.