Bohairic Lausiac History - Part 1 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic-lausiac", document bohairic.lausiac_01

Attribution: Bohairic Lausiac History - Part 1 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_01, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

117 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	ϯⲉⲡⲓⲥⲧⲟⲗⲏ ⲉⲧⲁⲩⲥϧⲏⲧⲥ ⲛⲗⲁⲩⲥⲓⲟⲥ ⲡⲓⲡⲣⲉⲡⲟⲥⲓⲧⲟⲥ ⲡⲓⲃⲱⲕ ⲛⲧⲉⲡⲭ︦ⲥ︦ ϧⲉⲛⲟⲩϩⲓⲣⲏⲛⲏ ⲛⲧⲉⲫ︦ϯ︦ ⲁⲙⲏⲛ .	ϯⲉⲡⲓⲥⲧⲟⲗⲏ ⲉⲧⲁⲩⲥϧⲏⲧⲥ ⲛ̀ⲗⲁⲩⲥⲓⲟⲥ ⲡⲓⲡ̀ⲣⲉⲡⲟⲥⲓⲧⲟⲥ ⲡⲓⲃⲱⲕ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ϧⲉⲛ ⲟⲩϩⲓⲣⲏⲛⲏ ⲛ̀ⲧⲉ ⲫ̀ⲛⲟⲩϯ ⲁ̀ⲙⲏⲛ.	tiepistoly etavsxyts ǹlavsios pip̀repositos pivōk ǹte pix̀ristos xen ouhiryny ǹte f̀nouti àmyn.	The letter written to Lausus, the servant of Christ. In the peace of God: amen.
2	ⲱⲟⲩ ⲛⲓⲁⲧⲥ ⲛⲧⲉⲕⲡⲣⲟϩⲉⲣⲉⲥⲓⲥ	Ⲱⲟⲩ ⲛ̀ⲓⲁⲧⲥ ⲛ̀ⲧⲉⲕⲡ̀ⲣⲟϩⲉⲣⲉⲥⲓⲥ	Ōou ǹiats ǹtekp̀roheresis	Oh, how blessed is your purpose!
3	ⲥⲉⲙⲡϣⲁ ⲅⲁⲣ ⲛⲧⲁⲉⲣϩⲏⲧⲥ ⲉϯⲉⲡⲓⲥⲧⲟⲗⲏ ⲉⲃⲟⲗ ϩⲓⲧⲉⲛϯⲙⲉⲧⲛⲁⲓⲁⲧⲥ	ⲥⲉⲙⲡ̀ϣⲁ ⲅⲁⲣ ⲛ̀ⲧⲁⲉⲣϩⲏⲧⲥ ⲉ̀ϯⲉⲡⲓⲥⲧⲟⲗⲏ ⲉ̀ⲃⲟⲗ ϩⲓⲧⲉⲛ ϯⲙⲉⲧⲛⲁⲓⲁⲧⲥ	semp̀ṡa ġar ǹtaerhyts ètiepistoly èvol hiten timetnaiats	Indeed, it is fitting that I begin the letter by proclaiming you blessed:
4	ϫⲉⲟⲩⲏⲓ ⲅⲁⲣ ⲉⲣⲉⲟⲩⲟⲛ ⲛⲓⲃⲉⲛ ⲉⲣⲉⲣⲱⲟⲩ ⲟⲩⲏⲛ ϧⲉⲛⲛⲓⲙⲉⲧⲉⲫⲗⲏⲟⲩ	ϫⲉ ⲟⲩⲏⲓ ⲅⲁⲣ ⲉ̀ⲣⲉⲟⲩⲟⲛ ⲛⲓⲃⲉⲛ ⲉ̀ⲣⲉ ⲣⲱⲟⲩ ⲟⲩⲏⲛ ϧⲉⲛ ⲛⲓⲙⲉⲧⲉⲫⲗⲏⲟⲩ	je ouyi ġar èreouon niven ère rōou ouyn xen nimeteflyou	for the mouths of all are open to vain things
5	ⲟⲩⲟϩ ⲛⲁⲓ ⲥⲉⲕⲱⲧ ⲛϩⲁⲛⲏⲓ ⲛⲱⲟⲩ ⲛⲏ ⲉⲧⲉⲙⲡⲟⲩϯϩⲏⲟⲩ ⲛⲱⲟⲩ	ⲟⲩⲟϩ ⲛⲁⲓ ⲥⲉⲕⲱⲧ ⲛ̀ϩⲁⲛⲏⲓ ⲛⲱⲟⲩ ⲛⲏ ⲉ̀ⲧⲉ ⲙⲡⲟⲩϯϩⲏⲟⲩ ⲛⲱⲟⲩ	ouoh nai sekōt ǹhanyi nōou ny ète mpoutihyou nōou	and building houses for themselves which they do not enjoy.
6	ⲛⲑⲟⲕ ⲇⲉ ϯⲛⲟⲩ ⲉⲕⲕⲱϯ ϫⲉⲛⲧⲟⲩϯⲥⲃⲱ ⲛⲁⲕ ϧⲉⲛⲛⲓⲥⲁϫⲓ ⲉⲑⲟⲩⲁⲃ ⲛⲧⲉⲡⲉⲕⲓⲱⲧ ⲛⲧⲁⲫⲙⲏⲓ ϫⲉⲟⲩⲏⲓ ⲙⲙⲟⲛ ϩⲗⲓ ⲉϥⲟⲓ ⲛⲁⲧϭⲓⲥⲃⲱ ⲉⲃⲏⲗ ⲉⲡⲓⲟⲩⲁⲓ ⲙⲙⲁⲩⲁⲧϥ ⲫ︦ϯ︦ ⲛⲧⲉⲡⲓⲉⲡⲧⲏⲣϥ ⲉⲧⲉϯⲧⲣⲓⲁⲥ ⲉⲑⲟⲩⲁⲃ ⲛⲟⲙⲟⲟⲩⲥⲓⲟⲥ ⲧⲉ	ⲛ̀ⲑⲟⲕ ⲇⲉ ϯⲛⲟⲩ ⲉⲕⲕⲱϯ ϫⲉ ⲛ̀ⲧⲟⲩϯⲥⲃⲱ ⲛⲁⲕ ϧⲉⲛ ⲛⲓⲥⲁϫⲓ ⲉⲑⲟⲩⲁⲃ ⲛ̀ⲧⲉ ⲡⲉⲕⲓⲱⲧ ⲛ̀ⲧⲁⲫ̀ⲙⲏⲓ ϫⲉ ⲟⲩⲏⲓ ⲙ̀ⲙⲟⲛ ϩ̀ⲗⲓ ⲉϥⲟⲓ ⲛ̀ⲁⲧϭⲓⲥⲃⲱ ⲉ̀ⲃⲏⲗ ⲉ̀ⲡⲓⲟⲩⲁⲓ ⲙ̀ⲙⲁⲩⲁⲧϥ ⲫ̀ⲛⲟⲩϯ ⲛ̀ⲧⲉ ⲡⲓⲉ̀ⲡ̀ⲧⲏⲣϥ ⲉ̀ⲧⲉ ϯⲧ̀ⲣⲓⲁⲥ ⲉⲑⲟⲩⲁⲃ ⲛ̀ⲟⲙⲟⲟⲩⲥⲓⲟⲥ ⲧⲉ	ǹθok ḋe tinou ekkōti je ǹtoutisvō nak xen nisaji eθouab ǹte pekiōt ǹtaf̀myi je ouyi m̀mon h̀li efoi ǹatċisvō èvyl èpiouai m̀mavatf f̀nouti ǹte pièp̀tyrf ète tit̀rias eθouab ǹomoousios te	But you now desire to be taught the truly just words of your holy father. For no one is untaught, except for the one who is the God of all things, that is, the holy and consubstantial Trinity;
7	ⲉⲡⲓⲇⲏ ⲥϣⲟⲡ ⲙⲙⲁⲩⲁⲧⲥ	ⲉⲡⲓⲇⲏ ⲥ̀ϣⲟⲡ ⲙ̀ⲙⲁⲩⲁⲧⲥ	epiḋy s̀ṡop m̀mavats	for it alone exists,
8	ⲙⲙⲟⲛ ϩⲗⲓ ϧⲁϫⲱⲥ ⲛⲧⲁⲓⲙⲉⲑⲛⲟⲩϯ ⲛⲟⲩⲱⲧ ⲧⲁⲓⲙⲉⲧⲟⲩⲣⲱ ⲛⲟⲩⲱⲧ	ⲙ̀ⲙⲟⲛ ϩ̀ⲗⲓ ϧⲁϫⲱⲥ ⲛ̀ⲧⲁⲓ̀ⲙⲉⲑⲛⲟⲩϯ ⲛ̀ⲟⲩⲱⲧ ⲧⲁⲓⲙⲉⲧⲟⲩⲣⲱ ⲛ̀ⲟⲩⲱⲧ	m̀mon h̀li xagōs ǹtaìmeθnouti ǹouōt taimetourō ǹouōt	and nothing is more excellent than this one divinity, this one kingdom.
9	ⲛⲓⲕⲉⲭⲱⲟⲩⲛⲓ ⲧⲏⲣⲟⲩ ⲓⲧⲉ ⲛⲁⲧⲫⲉ ⲓⲧⲉ ⲛⲁⲡⲕⲁϩⲓ ϣⲁⲩⲉⲣⲭⲣⲓⲁ ⲛϯⲥⲃⲱ ⲛⲱⲟⲩ ⲉⲡⲓⲇⲏ ϩⲁⲛⲥⲱⲛⲧ ⲛⲉ ⲛⲉⲙϩⲁⲛⲑⲁⲙⲓⲟ ⲛⲧⲉⲫ︦︦ϯ︦	ⲛⲓⲕⲉⲭⲱⲟⲩⲛⲓ ⲧⲏⲣⲟⲩ ⲓⲧⲉ ⲛⲁ ⲧ̀ⲫⲉ ⲓⲧⲉ ⲛⲁ ⲡ̀ⲕⲁϩⲓ ϣⲁⲩⲉⲣⲭⲣⲓⲁ ⲛ̀ϯⲥⲃⲱ ⲛⲱⲟⲩ ⲉⲡⲓⲇⲏ ϩⲁⲛⲥⲱⲛⲧ ⲛⲉ ⲛⲉⲙ ϩⲁⲛⲑⲁⲙⲓⲟ ⲛ̀ⲧⲉ ⲫ̀ⲛⲟⲩϯ	nikekōouni tyrou ite na t̀fe ite na p̀kahi ṡaverkria ǹtisvō nōou epiḋy hansōnt ne nem hanθamio ǹte f̀nouti	All other things, whether heavenly or earthly, must necessarily be taught, since they are created things and creatures of God.
10	ϯⲧⲁⲝⲓⲥ ⲛϩⲟⲩⲓϯ ⲉⲧⲉⲛⲓⲁⲅⲅⲉⲗⲟⲥ ⲛⲉ ϣⲁⲩϭⲓⲥⲃⲱ ⲛⲱⲟⲩ ⲉⲃⲟⲗ ϩⲓⲧⲟⲧⲥ ⲛϯⲧⲣⲓⲁⲥ ⲉⲑⲟⲩⲁⲃ ⲟⲩⲟϩ ⲛⲟⲙⲟⲟⲩⲥⲓⲁ	ϯⲧⲁⲝⲓⲥ ⲛ̀ϩⲟⲩⲓϯ ⲉⲧⲉⲛⲓⲁⲅⲅⲉⲗⲟⲥ ⲛⲉ ϣⲁⲩϭⲓⲥⲃⲱ ⲛⲱⲟⲩ ⲉ̀ⲃⲟⲗ ϩⲓⲧⲟⲧⲥ ⲛ̀ϯⲧ̀ⲣⲓⲁⲥ ⲉⲑⲟⲩⲁⲃ ⲟⲩⲟϩ ⲛ̀ⲟⲙⲟⲟⲩⲥⲓⲁ	titaksis ǹhouiti eteniangelos ne ṡavċisvō nōou èvol hitots ǹtit̀rias eθouab ouoh ǹomoousia	The first order, that is, the angels, are taught by the holy and consubstantial Trinity;
11	ⲟⲩⲟϩ ⲛⲁϯⲧⲁⲝⲓⲥ ⲙⲙⲁϩⲥⲛⲟⲩϯ ϣⲁⲩϭⲓⲥⲃⲱ ⲉⲃⲟⲗ ϩⲓⲧⲟⲧⲟⲩ ⲛⲛⲓϩⲟⲩⲁϯ	ⲟⲩⲟϩ ⲛⲁ ϯⲧⲁⲝⲓⲥ ⲛ̀ⲙⲁϩⲥ̀ⲛⲟⲩϯ ϣⲁⲩϭⲓⲥⲃⲱ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲓϩⲟⲩⲁϯ	ouoh na titaksis ǹmahs̀nouti ṡavċisvō èvol hitotou ǹnihouati	those of the second order are taught by those of the first;
12	ⲟⲩⲟϩ ⲛⲁϯⲧⲁⲝⲓⲥ ⲙⲙⲁϩⲅ︦ ϣⲁⲩϭⲓⲥⲃⲱ ⲉⲃⲟⲗ ϩⲓⲧⲟⲧⲥ ⲛϯⲙⲁϩⲃ︦ϯ	ⲟⲩⲟϩ ⲛⲁ ϯⲧⲁⲝⲓⲥ ⲛ̀ⲙⲁϩ3 ϣⲁⲩϭⲓⲥⲃⲱ ⲉ̀ⲃⲟⲗ ϩⲓⲧⲟⲧⲥ ⲛ̀ϯⲙⲁϩⲥⲛⲟⲩϯ	ouoh na titaksis ǹmah3 ṡavċisvō èvol hitots ǹtimahsnouti	those of the third order receive instruction from the second;
13	ⲟⲩⲟϩ ⲡⲁⲓⲣⲏϯ ⲟⲩⲟⲛ ⲥⲁⲟⲩⲟⲛ ⲕⲁⲧⲁⲧⲁⲝⲓⲥ ϣⲁⲧⲉⲕⲓ ⲉⲛⲓϧⲁⲉⲩ .	ⲟⲩⲟϩ ⲡⲁⲓⲣⲏϯ ⲟⲩⲟⲛ ⲥⲁⲟⲩⲟⲛ ⲕⲁⲧⲁ ⲧⲁⲝⲓⲥ ϣⲁⲧⲉⲕⲓ ⲉ̀ⲛⲓϧⲁⲉⲩ.	ouoh pairyti ouon saouon kata taksis ṡateki ènixaev.	and in this way all are instructed according to their rank until you reach the last.
14	ⲛⲏ ⲅⲁⲣ ⲉⲧⲟⲓ ⲛⲛⲓϣϯ ϧⲉⲛⲡⲟⲩⲉⲙⲓ ⲛⲉⲙⲧⲟⲩⲁⲣⲉⲧⲏ ⲛⲑⲱⲟⲩ ⲛⲉ ⲉϣⲁⲩϯⲥⲃⲱ ⲛⲛⲏ ⲉⲧⲟⲓ ⲛⲕⲟⲩϫⲓ ϧⲉⲛⲛⲓⲁⲣⲉⲧⲏ ⲛⲉⲙⲡⲓⲉⲙⲓ ⲙⲙⲏⲓ	Ⲛⲏ ⲅⲁⲣ ⲉⲧⲟⲓ ⲛ̀ⲛⲓϣϯ ϧⲉⲛ ⲡⲟⲩⲉⲙⲓ ⲛⲉⲙ ⲧⲟⲩⲁ̀ⲣⲉⲧⲏ ⲛ̀ⲑⲱⲟⲩ ⲛⲉ ⲉϣⲁⲩϯⲥⲃⲱ ⲛ̀ⲛⲏ ⲉⲧⲟⲓ ⲛ̀ⲕⲟⲩϫⲓ ϧⲉⲛ ⲛⲓⲁ̀ⲣⲉⲧⲏ ⲛⲉⲙ ⲡⲓⲉⲙⲓ ⲛ̀ⲙⲏⲓ	Ny ġar etoi ǹniṡti xen pouemi nem touàrety ǹθōou ne eṡavtisvō ǹny etoi ǹkouji xen niàrety nem piemi ǹmyi	For those who excel in knowledge and virtue teach those who are inferior in virtues and true knowledge.
15	ⲟⲩⲟⲛ ⲅⲁⲣ ⲛⲓⲃⲉⲛ ⲉⲧϫⲱ ⲙⲙⲟⲥ ϫⲉⲧⲉⲛⲉⲣⲭⲣⲓⲁ ⲁⲛ ⲛⲣⲉϥϯⲥⲃⲱ ⲟⲩⲟϩ ⲉⲣⲉⲡⲟⲩϩⲏⲧ ⲑⲏⲧ ⲁⲛ ⲛⲉⲙⲛⲏ ⲉⲧϯⲥⲃⲱ ⲛⲱⲟⲩ ⲛⲁⲓ ⲉⲧⲉⲙⲙⲁⲩ ⲉⲩϣⲱⲛⲓ ϧⲉⲛⲡⲓϣⲱⲛⲓ ⲛϯⲙⲉⲧⲁⲧⲉⲙⲓ ⲉⲧⲉⲑⲙⲁⲩ ⲧⲉ ⲛϯⲙⲉⲧϭⲁⲥⲓϩⲏⲧ ⲑⲏ ⲉⲧⲁⲩⲙⲉⲛⲣⲓⲧⲥ ⲛϫⲉⲛⲏ ⲉⲧⲁⲩⲥⲉⲃⲧⲱⲧⲟⲩ ⲉⲡⲧⲁⲕⲟ ⲓⲥϫⲉⲛ ϣⲟⲣⲡ ⲉⲧⲉⲛⲓⲇⲉⲙⲱⲛ ⲛⲉ ⲛⲏ ⲉⲧⲁⲩⲃⲉⲣⲃⲱⲣⲟⲩ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲛⲁⲓ ⲉⲧⲁⲩⲥⲱⲕ ⲛⲱⲟⲩ ⲛⲟⲩⲙⲉⲧϭⲁⲥⲓϩⲏⲧ ⲙⲡⲟⲩⲟⲩⲱϣ ⲉϭⲛⲉϫⲱⲟⲩ ⲛⲛⲓϫⲟⲙ ⲛⲥⲁⲡϣⲱⲓ ⲁⲗⲗⲁ ⲁⲩⲫⲱⲧ ⲛⲧⲟⲧⲟⲩ ⲛⲛⲓⲣⲉϥϯⲥⲃⲱ ⲉⲧϧⲉⲛⲛⲓⲫⲏⲟⲩⲓ .	ⲟⲩⲟⲛ ⲅⲁⲣ ⲛⲓⲃⲉⲛ ⲉⲧϫⲱ ⲙ̀ⲙⲟⲥ ϫⲉ ⲧⲉⲛⲉⲣⲭⲣⲓⲁ ⲁⲛ ⲛ̀ⲣⲉϥϯⲥ̀ⲃⲱ ⲟⲩⲟϩ ⲉ̀ⲣⲉ ⲡⲟⲩϩⲏⲧ ⲑⲏⲧ ⲁⲛ ⲛⲉⲙ ⲛⲏ ⲉⲧϯⲥⲃⲱ ⲛⲱⲟⲩ ⲛⲁⲓ ⲉ̀ⲧⲉ ⲙ̀ⲙⲁⲩ ⲉⲩϣⲱⲛⲓ ϧⲉⲛ ⲡⲓϣⲱⲛⲓ ⲛ̀ϯⲙⲉⲧⲁⲧⲉ̀ⲙⲓ ⲉ̀ⲧⲉ ⲑ̀ⲙⲁⲩ ⲧⲉ ⲛ̀ϯⲙⲉⲧϭⲁⲥⲓϩⲏⲧ ⲑⲏ ⲉⲧⲁⲩⲙⲉⲛⲣⲓⲧⲥ ⲛ̀ϫⲉ ⲛⲏ ⲉⲧⲁⲩⲥⲉⲃⲧⲱⲧⲟⲩ ⲉ̀ⲡ̀ⲧⲁⲕⲟ ⲓⲥϫⲉⲛ ϣⲟⲣⲡ ⲉⲧⲉⲛⲓⲇⲉⲙⲱⲛ ⲛⲉ ⲛⲏ ⲉⲧⲁⲩⲃⲉⲣⲃⲱⲣⲟⲩ ⲉ̀ⲡⲉⲥⲏⲧ ⲉ̀ⲃⲟⲗ ϧⲉⲛ ⲧ̀ⲫⲉ ⲛⲁⲓ ⲉⲧⲁⲩⲥⲱⲕ ⲛⲱⲟⲩ ⲛ̀ⲟⲩⲙⲉⲧϭⲁⲥⲓϩⲏⲧ ⲙⲡⲟⲩⲟⲩⲱϣ ⲉ̀ϭⲛⲉϫⲱⲟⲩ ⲛ̀ⲛⲓϫⲟⲙ ⲛ̀ⲥⲁ ⲡ̀ϣⲱⲓ ⲁⲗⲗⲁ ⲁⲩⲫⲱⲧ ⲛ̀ⲧⲟⲧⲟⲩ ⲛ̀ⲛⲓⲣⲉϥϯⲥ̀ⲃⲱ ⲉⲧϧⲉⲛ ⲛⲓⲫⲏⲟⲩⲓ̀.	ouon ġar niven etgō m̀mos je tenerxria an ǹreftis̀vō ouoh ère pouhyt θyt an nem ny ettisvō nōou nai ète m̀mav evṡōni xen piṡōni ǹtimetatèmi ète θ̀mav te ǹtimetċasihyt θy etavmenrits ǹje ny etavsevtōtou èp̀tako isjen ṡorp eteniḋemōn ne ny etavvervōrou èpesyt èvol xen t̀fe nai etavsōk nōou ǹoumetċasihyt mpououōṡ èċnegōou ǹnigom ǹsa p̀ṡōi alla avfōt ǹtotou ǹnireftis̀vō etxen nifyouì.	All those who say, “We do not need to be taught,” or who do not submit in their hearts to those who teach, suffer from the disease of ignorance, which is the mother of pride. This pride was loved by those who, from the beginning, were prepared for destruction, those who were cast down from heaven, having been led astray by the pride of their own hearts, they did not subject themselves to those superior in virtue, but fled from their heavenly teachers.
16	ⲙⲁϩⲑⲏⲕ ⲟⲛ ϧⲉⲛⲟⲩⲕⲁϯ ⲉϥⲣⲏⲥ ⲛⲏ ⲉϯⲥϧⲁⲓ ⲙⲙⲱⲟⲩ ⲛⲁⲓ ϫⲉⲟⲩⲏⲓ ⲛⲓⲗⲉⲝⲓⲥ ⲁⲛ ⲛⲉ ⲛⲓⲥⲃⲱⲟⲩⲓ ⲟⲩⲇⲉ ⲛⲓⲥⲩⲗⲁⲃⲏ ⲛⲁⲓ ⲅⲁⲣ ⲕϫⲓⲙⲓ ⲙⲙⲱⲟⲩ ⲛⲧⲟⲧⲟⲩ ⲛⲛⲓⲕⲉⲥⲁ ⲙⲡⲉⲧϩⲱⲟⲩ ⲛⲣⲱⲙⲓ	Ⲙⲁϩ̀ⲑⲏⲕ ⲟⲛ ϧⲉⲛ ⲟⲩⲕⲁϯ ⲉϥⲣⲏⲥ ⲛⲏ ⲉϯⲥ̀ϧⲁⲓ ⲙ̀ⲙⲱⲟⲩ ⲛⲁⲓ ϫⲉⲟⲩⲏⲓ ⲛⲓⲗⲉⲝⲓⲥ ⲁⲛ ⲛⲉ ⲛⲓⲥ̀ⲃⲱⲟⲩⲓ̀ ⲟⲩⲇⲉ ⲛⲓⲥⲩⲗⲁⲃⲏ ⲛⲁⲓ ⲅⲁⲣ ⲕ̀ϫⲓⲙⲓ ⲙ̀ⲙⲱⲟⲩ ⲛ̀ⲧⲟⲧⲟⲩ ⲛ̀ⲛⲓⲕⲉⲥⲁ ⲛ̀ⲡⲉⲧϩⲱⲟⲩ ⲛ̀ⲣⲱⲙⲓ	Mah̀θyk on xen oukati efrys ny etis̀xai m̀mōou nai jeouyi nileksis an ne nis̀vōouì ouḋe nisilavy nai ġar k̀jimi m̀mōou ǹtotou ǹnikesa ǹpet·hōou ǹrōmi	Be attentive, with a vigilant mind, to what I write; for these are not mere words or syllables of knowledge, as even the wicked among men possess those.
17	ⲁⲗⲗⲁ ⲑⲁⲓ ⲧⲉ ϯⲥⲃⲱ ⲛⲧⲁⲫⲙⲏⲓ ⲡⲓϫⲓⲛⲕⲁϯ ⲛⲉⲙⲡⲓⲧⲁϩⲟ ⲉⲣⲁⲧϥ ⲛⲧⲉⲛⲓⲙⲉⲩⲓ ⲉⲑⲛⲁⲛⲉⲩ ⲛⲉⲙϯⲙⲉⲧⲁⲧⲙⲕⲁϩ ⲛϩⲏⲧ ⲛⲉⲙϯⲙⲉⲧⲁⲧϫⲱⲛⲧ ⲛⲉⲙϯⲙⲉⲧⲁⲧϣⲑⲟⲣⲧⲉⲣ ⲛⲉⲙϯⲙⲉⲧⲁⲑⲙⲉⲩⲓ ⲉⲡⲓⲡⲉⲧϩⲱⲟⲩ ⲛⲉⲙϯⲡⲁⲣⲣⲏⲥⲓⲁ ⲙⲡⲉⲙⲑⲟ ⲙⲫ︦ϯ︦ ⲛⲣⲏϯ ⲛⲓⲃⲉⲛ ⲑⲏ ⲉⲧⲙⲓⲥⲓ ⲙⲡⲓⲥⲁϫⲓ ϧⲉⲡⲡⲓϩⲏⲧ ⲑⲏ ⲉⲧⲟⲓ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ .	ⲁⲗⲗⲁ ⲑⲁⲓ ⲧⲉ ϯⲥ̀ⲃⲱ ⲛ̀ⲧⲁⲫ̀ⲙⲏⲓ ⲡⲓϫⲓⲛⲕⲁϯ ⲛⲉⲙ ⲡⲓⲧⲁϩⲟ ⲉ̀ⲣⲁⲧϥ ⲛ̀ⲧⲉ ⲛⲓⲙⲉⲩⲓ ⲉⲑⲛⲁⲛⲉⲩ ⲛⲉⲙ ϯⲙⲉⲧⲁⲧⲙⲕⲁϩ ⲛ̀ϩⲏⲧ ⲛⲉⲙ ϯⲙⲉⲧⲁⲧϫⲱⲛⲧ ⲛⲉⲙ ϯⲙⲉⲧⲁⲧϣⲑⲟⲣⲧⲉⲣ ⲛⲉⲙ ϯⲙⲉⲧⲁⲑⲙⲉⲩⲓ ⲉ̀ⲡⲓⲡⲉⲧϩⲱⲟⲩ ⲛⲉⲙ ϯⲡⲁⲣⲣⲏⲥⲓⲁ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ ⲛ̀ⲣⲏϯ ⲛⲓⲃⲉⲛ ⲑⲏ ⲉⲧⲙⲓⲥⲓ ⲛ̀ⲡⲓⲥⲁϫⲓ ϧⲉⲡⲡⲓϩⲏⲧ ⲑⲏ ⲉⲧⲟⲓ ⲛ̀ⲫ̀ⲣⲏϯ ⲛ̀ⲟⲩϣⲁϩ ⲛ̀ⲭ̀ⲣⲱⲙ.	alla θai te tis̀vō ǹtaf̀myi pijinkati nem pitaho èratf ǹte nimevi eθnanev nem timetatmkah ǹhyt nem timetatgōnt nem timetatṡθorter nem timetaθmevi èpipet·hōou nem tiparrysia ǹpem̀θo ǹf̀nouti ǹryti niven θy etmisi ǹpisaji xeppihyt θy etoi ǹf̀ryti ǹouṡah ǹk̀rōm.	Rather, this is true knowledge: to understand and preserve good thoughts and humility, to avoid anger and disturbance, to think no evil, and to fully rejoice in the liberty before God, which brings forth the Word in the heart, like a flashing fire.
18	ⲡⲥⲁϫⲓ ⲅⲁⲣ ⲛⲧⲉⲫ︦ϯ︦ ⲟⲩⲭⲣⲱⲙ ⲉϥⲟⲩⲱⲙ ⲡⲉ ⲕⲁⲧⲁⲡⲥⲁϫⲓ ⲙⲡⲁⲩⲗⲟⲥ	Ⲡ̀ⲥⲁϫⲓ ⲅⲁⲣ ⲛ̀ⲧⲉ ⲫ̀ⲛⲟⲩϯ ⲟⲩⲭ̀ⲣⲱⲙ ⲉϥⲟⲩⲱⲙ ⲡⲉ ⲕⲁⲧⲁ ⲡ̀ⲥⲁϫⲓ ⲛ̀ⲡⲁⲩⲗⲟⲥ	P̀·saji ġar ǹte f̀nouti ouk̀rōm efouōm pe kata p̀·saji ǹpavlos	For the Word of God is a consuming fire, as Paul says.
19	ⲉⲛⲉ ⲫⲁⲓ ⲅⲁⲣ ⲁⲛ ⲡⲉ ⲡⲓⲥⲁϫⲓ ⲛⲁϥⲛⲁϫⲟⲥ ⲁⲛ ⲡⲉ ⲛϫⲉⲡⲓⲣⲉϥϯⲥⲃⲱ ⲉⲑⲛⲁⲛⲉϥ ⲛⲛⲏ ⲉⲧⲉⲛⲟⲩϥ ⲙⲙⲁⲑⲏⲧⲏⲥ ϫⲉⲁⲣⲓⲉⲙⲓ ⲉⲃⲟⲗ ⲙⲙⲟⲓ ϫⲉⲁⲛⲟⲕ ⲟⲩⲣⲉⲙⲣⲁⲩϣ ⲟⲩⲟϩ ϯⲑⲉⲃⲓⲏⲟⲩⲧ ϧⲉⲛⲡⲁϩⲏⲧ	ⲉⲛⲉ ⲫⲁⲓ ⲅⲁⲣ ⲁⲛ ⲡⲉ ⲡⲓⲥⲁϫⲓ ⲛⲁϥⲛⲁϫⲟⲥ ⲁⲛ ⲡⲉ ⲛ̀ϫⲉ ⲡⲓⲣⲉϥϯⲥ̀ⲃⲱ ⲉⲑⲛⲁⲛⲉϥ ⲛ̀ⲛⲏ ⲉ̀ⲧⲉ ⲛⲟⲩϥ ⲛ̀ⲙⲁⲑⲏⲧⲏⲥ ϫⲉ ⲁ̀ⲣⲓⲉ̀ⲙⲓ ⲉ̀ⲃⲟⲗ ⲙ̀ⲙⲟⲓ ϫⲉ ⲁⲛⲟⲕ ⲟⲩⲣⲉⲙⲣⲁⲩϣ ⲟⲩⲟϩ ϯⲑⲉⲃⲓⲏⲟⲩⲧ ϧⲉⲛ ⲡⲁϩⲏⲧ	ene fai ġar an pe pisaji nafnagos an pe ǹje pireftis̀vō eθnanef ǹny ète nouf ǹmaθytys je àrièmi èvol m̀moi je anok ouremravṡ ouoh tiθeviyout xen pahyt	If the Word had not existed, the Good Master would not have said to His disciples: “Learn from me, for I am meek and humble of heart.”
20	ⲛⲁϥⲥⲟⲗⲥⲉⲗ ⲛⲛⲓⲥⲁϫⲓ ⲁⲛ ϧⲉⲛⲟⲩⲙⲉⲧⲫⲓⲗⲟⲥⲟⲫⲟⲥ ϧⲁⲧⲟⲧⲟⲩ ⲛⲛⲉϥⲁⲅⲓⲟⲥ ⲛⲁⲡⲟⲥⲧⲟⲗⲟⲥ ⲁⲗⲗⲁ ϧⲉⲛⲟⲩⲙⲉⲧϣⲁⲙϣⲉⲛⲟⲩϯ ⲛⲉⲙⲟⲩϫⲓⲛⲕⲁϯ ⲉⲥϣⲟⲙ ⲛⲉⲙⲉⲛⲧⲟⲗⲏ ⲛⲓⲃⲉⲛ ⲛⲧⲉϯⲙⲉⲑⲙⲏⲓ ⲉϥⲟⲩⲱϣ ⲁⲛ ⲉϯⲙⲕⲁϩ ⲛϩⲏⲧ ⲛϩⲗⲓ ⲉⲃⲏⲗ ⲉⲛⲏ ⲉⲑⲙⲟⲥϯ ⲙⲡⲓⲥⲁϫⲓ ⲙⲙⲁⲩⲁⲧⲟⲩ ⲛⲉⲙⲛⲏ ⲉⲑⲙⲟⲥϯ ⲛⲛⲓⲣⲉϥϯⲥⲃⲱ .	ⲛⲁϥⲥⲟⲗⲥⲉⲗ ⲛ̀ⲛⲓⲥⲁϫⲓ ⲁⲛ ϧⲉⲛ ⲟⲩⲙⲉⲧⲫⲓⲗⲟⲥⲟⲫⲟⲥ ϧⲁⲧⲟⲧⲟⲩ ⲛ̀ⲛⲉϥⲁ̀ⲅⲓⲟⲥ ⲛ̀ⲁ̀ⲡⲟⲥⲧⲟⲗⲟⲥ ⲁⲗⲗⲁ ϧⲉⲛ ⲟⲩⲙⲉⲧϣⲁⲙϣⲉⲛⲟⲩϯ ⲛⲉⲙ ⲟⲩϫⲓⲛⲕⲁϯ ⲉⲥϣⲟⲙ ⲛⲉⲙ ⲉⲛⲧⲟⲗⲏ ⲛⲓⲃⲉⲛ ⲛ̀ⲧⲉ ϯⲙⲉⲑⲙⲏⲓ ⲉϥⲟⲩⲱϣ ⲁⲛ ⲉ̀ϯⲙ̀ⲕⲁϩ ⲛ̀ϩⲏⲧ ⲛ̀ϩ̀ⲗⲓ ⲉ̀ⲃⲏⲗ ⲉ̀ⲛⲏ ⲉⲑⲙⲟⲥϯ ⲛ̀ⲡⲓⲥⲁϫⲓ ⲙⲙⲁⲩⲁⲧⲟⲩ ⲛⲉⲙ ⲛⲏ ⲉⲑⲙⲟⲥϯ ⲛ̀ⲛⲓⲣⲉϥϯⲥ̀ⲃⲱ.	nafsolsel ǹnisaji an xen oumetfilosofos xatotou ǹnefàgios ǹàpostolos alla xen oumetṡamṡenouti nem oujinkati esṡom nem entoly niven ǹte timeθmyi efouōṡ an ètim̀kah ǹhyt ǹh̀li èvyl èny eθmosti ǹpisaji mmavatou nem ny eθmosti ǹnireftis̀vō.	He did not adorn His words in a philosophical manner for His holy apostles but instructed them in the service of God, sharp understanding, and every precept of truth, wishing to sadden no one except those who hated the Word and despised their teachers.
21	ϯⲯⲩⲭⲏ ⲅⲁⲣ ⲉⲧⲉⲣⲁⲥⲕⲓⲛ ⲉⲡⲭ︦ⲥ︦ ϩⲱϯ ⲉⲣⲟⲥ ⲡⲉ ⲛⲧⲉⲥϭⲓⲥⲃⲱ ϧⲉⲛⲟⲩⲕⲁϯ ⲉⲛⲏ ⲉⲧⲉⲥⲉⲙⲓ ⲉⲣⲱⲟⲩ ⲁⲛ ⲥⲉ ⲛⲧⲉⲥϭⲓⲥⲃⲱ ⲛⲑⲟϥ ⲉⲛⲏ ⲉⲧⲁⲥⲟⲩⲱ ⲉⲙⲓ ⲉⲣⲱⲟⲩ ϧⲉⲛⲟⲩⲧⲁϫⲣⲟ ⲉϣⲱⲡ ⲥⲟⲩⲱϣ ⲁⲛ ⲉⲉⲣⲟⲩⲁⲓ ϧⲉⲛⲡⲁⲓⲃ︦ ⲁⲣⲓⲉⲙⲓ ϫⲉⲉⲥϣⲱⲛⲓ ϧⲉⲛⲟⲩⲗⲓⲃⲓ	Ϯⲯⲩⲭⲏ ⲅⲁⲣ ⲉⲧⲉⲣⲁⲥⲕⲓⲛ ⲉ̀ⲡⲓⲭ̀ⲣⲓⲥⲧⲟⲥ ϩⲱϯ ⲉ̀ⲣⲟⲥ ⲡⲉ ⲛ̀ⲧⲉⲥϭⲓⲥⲃⲱ ϧⲉⲛ ⲟⲩⲕⲁϯ ⲉ̀ⲛⲏ ⲉⲧⲉⲥⲉⲙⲓ ⲉ̀ⲣⲱⲟⲩ ⲁⲛ ⲥⲉ ⲛ̀ⲧⲉⲥϭⲓⲥⲃⲱ ⲛ̀ⲑⲟϥ ⲉ̀ⲛⲏ ⲉⲧⲁⲥⲟⲩⲱ ⲉⲙⲓ ⲉ̀ⲣⲱⲟⲩ ϧⲉⲛ ⲟⲩⲧⲁϫⲣⲟ ⲉϣⲱⲡ ⲥⲟⲩⲱϣ ⲁⲛ ⲉⲉⲣⲟⲩⲁⲓ ϧⲉⲛ ⲡⲁⲓ2 ⲁ̀ⲣⲓⲉ̀ⲙⲓ ϫⲉ ⲉⲥϣⲱⲛⲓ ϧⲉⲛ ⲟⲩⲗⲓⲃⲓ	Tipsiṡy ġar eteraskin èpix̀ristos hōti èros pe ǹtesċisvō xen oukati èny etesemi èrōou an se ǹtesċisvō ǹθof èny etasouō emi èrōou xen outagro eṡōp souōṡ an eerouai xen pai2 àrièmi je esṡōni xen oulivi	For the soul that practices asceticism in Christ and does not know how to be taught with understanding or to teach what it has firmly learned should be understood to be suffering from madness.
22	ⲧⲁⲣⲭⲏ ⲅⲁⲣ ⲛϯⲁⲡⲟⲥⲧⲁⲥⲓⲁ ⲉⲃⲟⲗ ϩⲁⲫ︦ϯ︦ ⲑⲁⲓ ⲧⲉ ⲟⲩⲣⲱⲙⲓ ⲁϥϣⲁⲛⲙⲁϩϧⲏⲧϥ ⲙⲡⲥⲁϫⲓ ⲛⲫ︦ϯ︦ ⲛⲧⲉϥϣⲧⲉⲙⲉⲣⲉⲡⲓⲑⲩⲙⲓⲛ ⲉⲣⲟϥ ⲟⲩⲇⲉ ⲛⲧⲉϥϣⲧⲉⲙⲉⲣϩⲱⲃ ⲉⲣⲟϥ	ⲧ̀ⲁⲣⲭⲏ ⲅⲁⲣ ⲛ̀ϯⲁⲡⲟⲥⲧⲁⲥⲓⲁ ⲉ̀ⲃⲟⲗ ϩⲁ ⲫ̀ⲛⲟⲩϯ ⲑⲁⲓ ⲧⲉ ⲟⲩⲣⲱⲙⲓ ⲁϥϣⲁⲛⲙⲁϩϧⲏⲧϥ ⲛ̀ⲡ̀ⲥⲁϫⲓ ⲛ̀ⲫ̀ⲛⲟⲩϯ ⲛ̀ⲧⲉϥϣⲧⲉⲙⲉⲣⲉⲡⲓⲑⲩⲙⲓⲛ ⲉ̀ⲣⲟϥ ⲟⲩⲇⲉ ⲛ̀ⲧⲉϥϣⲧⲉⲙⲉⲣϩⲱⲃ ⲉ̀ⲣⲟϥ	t̀arṡy ġar ǹtiapostasia èvol ha f̀nouti θai te ourōmi afṡanmahxytf ǹp̀·saji ǹf̀nouti ǹtefṡtemerepiθimin èrof ouḋe ǹtefṡtemerhōb èrof	From God, indeed, comes the beginning of apostasy when a person fills their heart neither desiring nor acting according to the Word of God.
23	ϯⲯⲩⲭⲏ ⲅⲁⲣ ⲛⲧⲉⲡⲓⲙⲁⲓⲛⲟⲩϯ ϩⲟⲕⲉⲣ ⲙⲡⲓⲥⲁϫⲓ ⲛⲧⲉⲫ︦ϯ︦ ⲛⲥⲏⲟⲩ ⲛⲓⲃⲉⲛ ϣⲁⲧⲉϥⲛⲓϥⲓ ⲛϧⲁⲉ ϫⲉⲙⲛⲟⲙϯ ⲟⲩⲟϩ ϭⲣⲟ ⲙⲙⲟⲕ ⲟⲩⲟϩ ⲡϭ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲁϯ ⲛⲟⲩϩⲙⲟⲧ ⲛⲁⲕ ϧⲉⲛⲡⲓⲉⲙⲓ ⲉⲑⲛⲁⲛⲉϥ .	ϯⲯⲩⲭⲏ ⲅⲁⲣ ⲛ̀ⲧⲉ ⲡⲓⲙⲁⲓⲛⲟⲩϯ ϩⲟⲕⲉⲣ ⲛ̀ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ ⲛ̀ⲥⲏⲟⲩ ⲛⲓⲃⲉⲛ ϣⲁⲧⲉϥⲛⲓϥⲓ ⲛ̀ϧⲁⲉ̀ ϫⲉⲙⲛⲟⲙϯ ⲟⲩⲟϩ ϭⲣⲟ ⲙ̀ⲙⲟⲕ ⲟⲩⲟϩ ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲛⲁϯ ⲛ̀ⲟⲩϩ̀ⲙⲟⲧ ⲛⲁⲕ ϧⲉⲛ ⲡⲓⲉⲙⲓ ⲉⲑⲛⲁⲛⲉϥ.	tipsiṡy ġar ǹte pimainouti hoker ǹpisaji ǹte f̀nouti ǹsyou niven ṡatefnifi ǹxaè jemnomti ouoh ċro m̀mok ouoh p̀ċois iysous pix̀ristos nati ǹouh̀mot nak xen piemi eθnanef.	However, the mind of one who loves God hungers for the Word at all times until the very end of their spirit. Be strengthened, therefore, and act courageously, and may the Lord Jesus Christ grant you grace in true knowledge.
24	ⲟⲩϫⲁⲓ ϧⲉⲛⲡϭ︦ⲥ︦ ⲁⲙⲏⲛ .	Ⲟⲩϫⲁⲓ ϧⲉⲛ ⲡ̀ϭⲟⲓⲥ ⲁ̀ⲙⲏⲛ.	Ougai xen p̀ċois àmyn.	Farewell in the Lord: amen.
25	ⲡⲓϫⲓⲛⲱⲛϧ ⲛⲧⲉϩⲁⲛⲣⲱⲙⲓ ⲉⲩⲟⲩⲁⲃ ⲫⲏ ⲉⲧⲟⲩⲥⲁϫⲓ ⲙⲙⲟϥ ⲛⲗⲁⲩⲥⲓⲟⲥ ⲡⲓⲡⲣⲉⲡⲟⲥⲓⲧⲟⲥ ⲡⲓⲃⲱⲕ ⲛⲧⲉⲓⲏⲥ ⲡⲭⲥ .	Ⲡⲓϫⲓⲛⲱⲛϧ ⲛ̀ⲧⲉ ϩⲁⲛⲣⲱⲙⲓ ⲉⲩⲟⲩⲁⲃ ⲫⲏ ⲉⲧⲟⲩⲥⲁϫⲓ ⲙ̀ⲙⲟϥ ⲛ̀ⲗⲁⲩⲥⲓⲟⲥ ⲡⲓⲡ̀ⲣⲉⲡⲟⲥⲓⲧⲟⲥ ⲡⲓⲃⲱⲕ ⲛ̀ⲧⲉ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	Pijinōnx ǹte hanrōmi evouab fy etousaji m̀mof ǹlavsios pip̀repositos pivōk ǹte iysous pix̀ristos.	The life of holy men, written to Lausus, the servant of Jesus Christ.
26	ⲁⲟⲩⲙⲏϣ ϩⲓⲧⲟⲧⲟⲩ ⲉⲥϧⲉ ϩⲁⲛⲙⲏϣ ⲛⲃⲱⲗ ⲕⲁⲧⲁⲥⲏⲟⲩ ⲟⲩⲟϩ ⲁⲩⲭⲁⲩ ϧⲉⲛⲡⲓⲕⲟⲥⲙⲟⲥ ⲉⲡϫⲓⲛⲧⲟⲩϣⲟⲩϣⲟⲩ ⲉϫⲱⲟⲩ ⲁⲛ ⲁⲗⲗⲁ ϫⲉϩⲓⲛⲁ ⲛⲧⲉⲡⲓⲕⲟⲥⲙⲟⲥ ⲛⲁⲩ ⲙⲃⲟⲗ ⲛϧⲏⲧⲟⲩ .	Ⲁ̀ⲟⲩⲙⲏϣ ϩⲓⲧⲟⲧⲟⲩ ⲉ̀ⲥϧⲉ ϩⲁⲛⲙⲏϣ ⲛ̀ⲃⲱⲗ ⲕⲁⲧⲁ ⲥⲏⲟⲩ ⲟⲩⲟϩ ⲁⲩⲭⲁⲩ ϧⲉⲛ ⲡⲓⲕⲟⲥⲙⲟⲥ ⲉ̀ⲡ̀ϫⲓⲛⲧⲟⲩϣⲟⲩϣⲟⲩ ⲉ̀ϫⲱⲟⲩ ⲁⲛ ⲁⲗⲗⲁ ϫⲉ ϩⲓⲛⲁ ⲛ̀ⲧⲉⲡⲓⲕⲟⲥⲙⲟⲥ ⲛⲁⲩ ⲛ̀ⲃⲟⲗ ⲛ̀ϧⲏⲧⲟⲩ.	Àoumyṡ hitotou èsxe hanmyṡ ǹvōl kata syou ouoh avkav xen pikosmos èp̀jintouṡouṡou ègōou an alla je hina ǹtepikosmos nav ǹvol ǹxytou.	Many over time have endeavored to write numerous explanations, not to gain glory for themselves, but so that through them the world might see external matters.
27	ϩⲁⲛⲟⲩⲟⲛ ⲙⲉⲛ ⲁⲩⲉⲣⲕⲁⲑⲏⲕⲓⲛ ⲙⲙⲱⲟⲩ ⲉⲃⲟⲗ ϩⲓⲧⲉⲛⲡⲓⲛⲓϥⲓ ⲛⲧⲉⲡⲓϩⲙⲟⲧ ⲉⲧⲥⲁⲡϣⲱⲓ ⲫⲏ ⲉⲧⲁⲫ︦ϯ︦ ⲛⲓϥⲓ ⲙⲙⲱⲟⲩ ⲛϧⲏⲧⲟⲩ ⲉⲑⲃⲉⲟⲩⲕⲱⲧ ⲛⲉⲙⲟⲩⲧⲁϫⲣⲟ ⲛⲧⲉϯⲙⲉⲧⲣⲱⲙⲓ ⲛⲏ ⲉⲑⲙⲟϣⲓ ⲛⲥⲁⲛⲓⲉⲛⲧⲟⲗⲏ ⲛⲉⲙⲛⲓⲟⲩⲁϩⲥⲁϩⲛⲓ ⲛⲧⲉⲡⲉⲛⲥⲱⲧⲏⲣ ⲓ︦ⲏ︦ⲥ︦ ⲡⲭ︦ⲥ︦ ⲡϣⲏⲣⲓ ⲙⲫ︦ϯ︦︦ ⲫⲓⲱⲧ ϧⲉⲛⲟⲩⲛⲁϩϯ ⲛⲁⲧⲙⲉⲧϣⲟⲃⲓ	Ϩⲁⲛⲟⲩⲟⲛ ⲙⲉⲛ ⲁⲩⲉⲣⲕⲁⲑⲏⲕⲓⲛ ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲉⲛ ⲡⲓⲛⲓϥⲓ ⲛ̀ⲧⲉ ⲡⲓϩ̀ⲙⲟⲧ ⲉⲧⲥⲁⲡϣⲱⲓ ⲫⲏ ⲉ̀ⲧⲁ ⲫ̀ⲛⲟⲩϯ ⲛⲓϥⲓ ⲙ̀ⲙⲱⲟⲩ ⲛ̀ϧⲏⲧⲟⲩ ⲉⲑⲃⲉ ⲟⲩⲕⲱⲧ ⲛⲉⲙ ⲟⲩⲧⲁϫⲣⲟ ⲛ̀ⲧⲉ ϯⲙⲉⲧⲣⲱⲙⲓ ⲛⲏ ⲉⲑⲙⲟϣⲓ ⲛ̀ⲥⲁ ⲛⲓⲉⲛⲧⲟⲗⲏ ⲛⲉⲙ ⲛⲓⲟⲩⲁϩⲥⲁϩⲛⲓ ⲛ̀ⲧⲉ ⲡⲉⲛⲥⲱⲧⲏⲣ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲡ̀ϣⲏⲣⲓ ⲛ̀ⲫ̀ⲛⲟⲩϯ ⲫ̀ⲓⲱⲧ ϧⲉⲛ ⲟⲩⲛⲁϩϯ ⲛ̀ⲁⲧⲙⲉⲧϣⲟⲃⲓ	Hanouon men averkaθykin m̀mōou èvol hiten pinifi ǹte pih̀mot etsapṡōi fy èta f̀nouti nifi m̀mōou ǹxytou eθve oukōt nem outagro ǹte timetrōmi ny eθmoṡi ǹsa nientoly nem niouahsahni ǹte pensōtyr iysous pix̀ristos p̀ṡyri ǹf̀nouti f̀iōt xen ounahti ǹatmetṡovi	Some, indeed, by the heavenly inspiration that God granted them, taught and consolidated those things for the edification of humanity, which faithfully fulfills the commands and mandates of our Savior Jesus Christ, the Son of God the Father, with unchanging faith.
28	ϩⲁⲛⲕⲉⲟⲩⲟⲛ ⲇⲉ ⲟⲛ ⲁⲩⲉⲣⲙⲁⲓϩⲩⲗⲏ ⲉⲃⲟⲗϩⲓⲧⲉⲛϯⲙⲉⲧⲣⲁⲛⲁϥ ⲛⲣⲱⲙⲓ ⲉⲧⲧⲁⲕⲏⲟⲩⲧ ⲁⲩⲕⲱ ⲛϩⲁⲛⲥⲁϫⲓ ⲙⲃⲱⲗ ⲉϧⲣⲏⲓ ⲉⲩϯⲛⲟⲙϯ ⲛⲛⲏ ⲉⲑⲗⲟⲃⲓ ⲛⲥⲁϯϩⲩⲇⲟⲛⲏ ⲛⲉⲙⲡⲓϫⲱⲛⲧ ⲉⲩⲟⲓ ⲙⲙⲁⲓⲁⲣⲭⲱⲛ ⲉⲩⲟⲓ ⲙⲙⲁⲓⲣⲁⲙⲁⲟ ⲟⲩⲟϩ ⲙⲁⲓϩⲏⲕⲓ ⲁⲛ ϣⲁⲧⲟⲩⲧⲁⲕⲟ ⲛⲛⲏ ⲉⲧϣⲟⲩϣⲟⲩ ⲙⲙⲱⲟⲩ ϧⲉⲛⲛⲓⲙⲉⲩⲓ ⲉⲣⲉⲡⲟⲩⲕⲁϯ ⲟⲓ ⲙⲃⲉⲗⲗⲉ ϧⲉⲛⲛⲓⲭⲣⲏⲁ ⲉⲧⲉⲛⲓⲥⲭⲓⲥⲙⲁⲧⲓⲕⲟⲥ ⲛϩⲉⲣⲉⲧⲓⲕⲟⲥ ⲧⲏⲣⲟⲩ ⲛⲉ	ϩⲁⲛⲕⲉⲟⲩⲟⲛ ⲇⲉ ⲟⲛ ⲁⲩⲉⲣⲙⲁⲓϩⲩⲗⲏ ⲉ̀ⲃⲟⲗ ϩⲓⲧⲉⲛ ϯⲙⲉⲧⲣⲁⲛⲁϥ ⲛ̀ⲣⲱⲙⲓ ⲉⲧⲧⲁⲕⲏⲟⲩⲧ ⲁⲩⲕⲱ ⲛ̀ϩⲁⲛⲥⲁϫⲓ ⲛ̀ⲃⲱⲗ ⲉ̀ϧ̀ⲣⲏⲓ ⲉⲩϯⲛⲟⲙϯ ⲛ̀ⲛⲏ ⲉⲑⲗⲟⲃⲓ ⲛ̀ⲥⲁ ϯϩⲩⲇⲟⲛⲏ ⲛⲉⲙ ⲡⲓϫⲱⲛⲧ ⲉⲩⲟⲓ ⲛ̀ⲙⲁⲓⲁⲣⲭⲱⲛ ⲉⲩⲟⲓ ⲛ̀ⲙⲁⲓⲣⲁⲙⲁⲟ ⲟⲩⲟϩ ⲙⲁⲓϩⲏⲕⲓ ⲁⲛ ϣⲁⲧⲟⲩⲧⲁⲕⲟ ⲛ̀ⲛⲏ ⲉⲧϣⲟⲩϣⲟⲩ ⲙ̀ⲙⲱⲟⲩ ϧⲉⲛ ⲛⲓⲙⲉⲩⲓ ⲉ̀ⲣⲉ ⲡⲟⲩⲕⲁϯ ⲟⲓ ⲛ̀ⲃⲉⲗⲗⲉ ϧⲉⲛ ⲛⲓⲭⲣⲏⲁ ⲉⲧⲉⲛⲓⲥⲭⲓⲥⲙⲁⲧⲓⲕⲟⲥ ⲛ̀ϩⲉⲣⲉⲧⲓⲕⲟⲥ ⲧⲏⲣⲟⲩ ⲛⲉ	hankeouon ḋe on avermaihily èvol hiten timetranaf ǹrōmi ettakyout avkō ǹhansaji ǹvōl èx̀ryi evtinomti ǹny eθlovi ǹsa tihiḋony nem pigōnt evoi ǹmaiarxōn evoi ǹmairamao ouoh maihyki an ṡatoutako ǹny etṡouṡou m̀mōou xen nimevi ère poukati oi ǹvelle xen nixrya etenisṡismatikos ǹheretikos tyrou ne	Others, however, driven by the corrupt intention of pleasing men, loved material gain and left their explanations in words, providing comfort to those who pursue pleasure and anger, who love power, who love riches, but not the poor, until they destroy those who boast of knowledge while their understanding is blind in necessity - which is all of the heretic schismatics.
29	ⲛⲁⲓ ⲉⲧϯ ⲛⲟⲩⲑⲱⲗⲉⲃ ⲛⲥⲁϯⲛⲁⲓⲁⲧⲥ ⲉⲑⲟⲩⲁⲃ ⲛⲕⲁⲑⲟⲗⲓⲕⲏ ⲛⲛⲉⲕⲕⲗⲏⲥⲓⲁ ⲑⲏ ⲉⲧⲟⲓ ⲛⲁⲧⲁϭⲛⲓ ϧⲉⲛⲡⲉⲥϫⲓⲛⲱⲛϧ ⲧⲏⲣϥ ⲉⲩⲥⲓϯ ⲛϩⲁⲛⲥⲁϫⲓ ⲉⲩϩⲱⲟⲩ ⲙⲙⲉⲧⲫⲓⲗⲟⲥⲟⲫⲟⲥ ⲉⲡϩⲏⲧ ⲛⲛⲓⲣⲱⲙⲓ ⲛⲁⲧⲕⲁϯ ϫⲉϩⲓⲛⲁ ⲛⲧⲟⲩⲧⲁⲕⲟ ⲙⲡⲟⲩϫⲓⲛⲱⲛϧ ⲉⲃⲟⲗ ϩⲁϯⲙⲉⲧⲥⲉⲙⲛⲟⲥ .	ⲛⲁⲓ ⲉⲧϯ ⲛ̀ⲟⲩⲑⲱⲗⲉⲃ ⲛ̀ⲥⲁ ϯⲛⲁⲓⲁⲧⲥ ⲉⲑⲟⲩⲁⲃ ⲛ̀ⲕⲁⲑⲟⲗⲓⲕⲏ ⲛⲛⲉⲕⲕⲗⲏⲥⲓⲁ ⲑⲏ ⲉⲧⲟⲓ ⲛ̀ⲁⲧⲁϭⲛⲓ ϧⲉⲛ ⲡⲉⲥϫⲓⲛⲱⲛϧ ⲧⲏⲣϥ ⲉⲩⲥⲓϯ ⲛ̀ϩⲁⲛⲥⲁϫⲓ ⲉⲩϩⲱⲟⲩ ⲛ̀ⲙⲉⲧⲫⲓⲗⲟⲥⲟⲫⲟⲥ ⲉ̀ⲡ̀ϩⲏⲧ ⲛ̀ⲛⲓⲣⲱⲙⲓ ⲛ̀ⲁⲧⲕⲁϯ ϫⲉ ϩⲓⲛⲁ ⲛ̀ⲧⲟⲩⲧⲁⲕⲟ ⲛ̀ⲡⲟⲩϫⲓⲛⲱⲛϧ ⲉ̀ⲃⲟⲗ ϩⲁ ϯⲙⲉⲧⲥⲉⲙⲛⲟⲥ.	nai etti ǹouθōleb ǹsa tinaiats eθouab ǹkaθoliky nnekklysia θy etoi ǹataċni xen pesjinōnx tyrf evsiti ǹhansaji evhōou ǹmetfilosofos èp̀hyt ǹnirōmi ǹatkati je hina ǹtoutako ǹpoujinōnx èvol ha timetsemnos.	All those who have stained the happy and catholic Church, which remains free from blemish throughout its entire life, by injecting evil words of philosophy into the hearts of men without understanding, so that their lives might be destroyed far from purity.
30	ⲁⲥⲣⲁⲛⲏⲓ ϩⲱ ⲁⲛⲟⲕ ϧⲁⲡⲓϫⲱⲃ ⲟⲩⲟϩ ⲉⲧⲑⲉⲃⲓⲏⲟⲩⲧ ⲉⲧⲁⲓϣⲫⲓⲧ ϧⲁⲧϩⲏ ⲙⲡⲓⲟⲩⲁϩⲥⲁϩⲛⲓ ⲛⲧⲉⲧⲉⲕⲙⲉⲧⲙⲁⲓⲛⲟⲩϯ ⲟⲩⲟϩ ⲛϣⲁⲙϣⲉⲛⲟⲩϯ ⲛⲉⲙϯⲡⲣⲟⲕⲟⲡⲏ ⲛⲧⲉⲡⲉⲕⲙⲉⲩⲓ ⲉⲧⲁⲙⲟⲕ	Ⲁⲥⲣⲁⲛⲏⲓ ϩⲱ ⲁⲛⲟⲕ ϧⲁ ⲡⲓϫⲱⲃ ⲟⲩⲟϩ ⲉⲧⲑⲉⲃⲓⲏⲟⲩⲧ ⲉⲧⲁⲓϣⲫⲓⲧ ϧⲁⲧ̀ϩⲏ ⲛ̀ⲡⲓⲟⲩⲁϩⲥⲁϩⲛⲓ ⲛ̀ⲧⲉ ⲧⲉⲕⲙⲉⲧⲙⲁⲓⲛⲟⲩϯ ⲟⲩⲟϩ ⲛ̀ϣⲁⲙϣⲉⲛⲟⲩϯ ⲛⲉⲙ ϯⲡ̀ⲣⲟⲕⲟⲡⲏ ⲛ̀ⲧⲉ ⲡⲉⲕⲙⲉⲩⲓ ⲉ̀ⲧⲁⲙⲟⲕ	Asranyi hō anok xa pigōb ouoh etθeviyout etaiṡfit xat̀·hy ǹpiouahsahni ǹte tekmetmainouti ouoh ǹṡamṡenouti nem tip̀rokopy ǹte pekmevi ètamok	It has also pleased me, a poor and humble man, who reveres the command of your piety, your service to God, and the progress of your thoughts, to teach you these things.
31	ϫⲉⲓⲥϫⲉⲛ ⲧⲁⲙⲉⲧⲕⲟⲩϫⲓ ϣⲁϯⲛⲟⲩ ⲁⲓⲉⲣⲗ︦ⲅ︦ ⲛⲣⲟⲙⲡⲓ ϧⲉⲛϯⲡⲟⲗⲏⲧⲓⲁ ⲛⲧⲉⲛⲓⲥⲛⲏⲟⲩ ⲉⲓⲟⲓ ⲙⲙⲟⲛⲁⲭⲟⲥ ⲛⲱⲟⲩ ϧⲉⲛϯⲁⲥⲕⲩⲥⲓⲥ	ϫⲉ ⲓⲥϫⲉⲛ ⲧⲁⲙⲉⲧⲕⲟⲩϫⲓ ϣⲁ ϯⲛⲟⲩ ⲁⲓⲉⲣ33 ⲛ̀ⲣⲟⲙⲡⲓ ϧⲉⲛ ϯⲡⲟⲗⲏⲧⲓⲁ ⲛ̀ⲧⲉ ⲛⲓⲥ̀ⲛⲏⲟⲩ ⲉⲓⲟⲓ ⲛ̀ⲙⲟⲛⲁⲭⲟⲥ ⲛⲱⲟⲩ ϧⲉⲛ ϯⲁⲥⲕⲩⲥⲓⲥ	je isjen tametkouji ṡa tinou aier33 ǹrompi xen tipolytia ǹte nis̀nyou eioi ǹmonaxos nōou xen tiaskisis	From my youth until this time, spanning thirty-three years, I have confessed to leading the life of brothers, becoming a monk among them in ascetic practices.
32	ⲟⲩⲟϩ ⲓⲥ ⲕⲉⲕ̄ ⲛⲣⲟⲙⲡⲓ ⲁⲓⲁⲓⲧⲟⲩ ϧⲉⲛϯⲙⲉⲧⲉⲡⲓⲥⲕⲟⲡⲟⲥ	ⲟⲩⲟϩ ⲓⲥ ⲕⲉ20 ⲛ̀ⲣⲟⲙⲡⲓ ⲁⲓⲁⲓⲧⲟⲩ ϧⲉⲛ ϯⲙⲉⲧⲉⲡⲓⲥⲕⲟⲡⲟⲥ	ouoh is ke20 ǹrompi aiaitou xen timetepiskopos	And for these past twenty years, I have served in the episcopate.
33	ⲟⲩⲟϩ ϯⲛⲟⲩ ⲓⲥϫⲉ ⲕⲉⲋ ⲛⲣⲟⲙⲡⲓ ϯⲟⲛϧ ⲛϧⲏⲧⲟⲩ ⲉⲓⲉⲣⲉⲡⲓⲑⲩⲙⲓⲛ ⲉⲧⲁⲙⲟⲕ ⲉⲛⲓϩⲃⲏⲟⲩⲓ ⲉⲧⲧⲟⲩⲃⲏⲟⲩⲧ ⲟⲩⲟϩ ⲉⲑⲙⲉϩ ⲛⲱⲟⲩ ⲛⲉⲙⲁⲣⲉⲧⲏ ⲛⲓⲃⲉⲛ ⲛⲧⲉⲛⲓϧⲉⲗⲗⲟⲓ ⲉⲑⲟⲩⲁⲃ ⲛⲏ ⲉⲧⲁⲓⲛⲁⲩ ⲉⲣⲱⲟⲩ ⲛⲉⲙⲛⲏ ⲉⲧⲁⲓⲥⲟⲑⲙⲟⲩ ϧⲉⲛⲛⲁⲙⲁϣϫ ⲉⲃⲟⲗ ϩⲓⲧⲉⲛϩⲁⲛⲓⲟϯ ⲉⲩⲛϩⲟⲧ ϧⲉⲛⲛⲓϣⲁϥⲉⲩ ⲛⲧⲉⲭⲏⲙⲓ ⲛⲉⲙⲛⲓⲫⲁⲓⲁⲧ ⲛⲉⲙⲛⲏ ⲉⲧⲁⲩϣⲱⲡⲓ ϧⲉⲛⲙⲁⲣⲏⲥ ⲛⲉⲙⲥⲟⲩⲁⲛ ⲛⲉⲙⲛⲓⲙⲁ ⲉⲣⲉⲛⲓⲣⲉⲙⲧⲁⲃⲉⲛⲛⲏⲥⲓ ϣⲟⲡ ⲙⲙⲁⲩ ⲛⲉⲙϯⲙⲉⲥⲟⲡⲟⲧⲟⲙⲓⲁ ⲛⲉⲙϯⲥⲩⲣⲓⲁ ⲛⲉⲙϯⲡⲁⲗⲉⲥⲧⲏⲛⲏ ⲛⲉⲙⲛⲓⲙⲁ ⲛϩⲱⲧⲡ ⲣⲱⲙⲏ ⲛⲉⲙⲧⲕⲁⲃⲁⲛⲓⲁ ⲛⲉⲙⲛⲏ ⲉⲧⲥⲁϧⲟⲩⲛ ⲙⲙⲱⲟⲩ .	ⲟⲩⲟϩ ϯⲛⲟⲩ ⲓⲥϫⲉ ⲕⲉ6 ⲛ̀ⲣⲟⲙⲡⲓ ϯⲟⲛϧ ⲛ̀ϧⲏⲧⲟⲩ ⲉⲓⲉⲣⲉⲡⲓⲑⲩⲙⲓⲛ ⲉ̀ⲧⲁⲙⲟⲕ ⲉ̀ⲛⲓϩ̀ⲃⲏⲟⲩⲓ̀ ⲉⲧⲧⲟⲩⲃⲏⲟⲩⲧ ⲟⲩⲟϩ ⲉⲑⲙⲉϩ ⲛⲱⲟⲩ ⲛⲉⲙ ⲁⲣⲉⲧⲏ ⲛⲓⲃⲉⲛ ⲛ̀ⲧⲉ ⲛⲓϧⲉⲗⲗⲟⲓ ⲉⲑⲟⲩⲁⲃ ⲛⲏ ⲉⲧⲁⲓⲛⲁⲩ ⲉ̀ⲣⲱⲟⲩ ⲛⲉⲙ ⲛⲏ ⲉⲧⲁⲓⲥⲟⲑⲙⲟⲩ ϧⲉⲛ ⲛⲁⲙⲁϣϫ ⲉ̀ⲃⲟⲗ ϩⲓⲧⲉⲛ ϩⲁⲛⲓⲟϯ ⲉⲩⲛ̀ϩⲟⲧ ϧⲉⲛ ⲛⲓϣⲁϥⲉⲩ ⲛ̀ⲧⲉ ⲭⲏⲙⲓ ⲛⲉⲙ ⲛⲓⲫⲁⲓⲁⲧ ⲛⲉⲙ ⲛⲏ ⲉ̀ⲧⲁⲩϣⲱⲡⲓ ϧⲉⲛ ⲙⲁⲣⲏⲥ ⲛⲉⲙ ⲥⲟⲩⲁⲛ ⲛⲉⲙ ⲛⲓⲙⲁ ⲉ̀ⲣⲉ ⲛⲓⲣⲉⲙⲧⲁⲃⲉⲛⲛⲏⲥⲓ ϣⲟⲡ ⲙ̀ⲙⲁⲩ ⲛⲉⲙ ϯⲙⲉⲥⲟⲡⲟⲧⲟⲙⲓⲁ ⲛⲉⲙ ϯⲥⲩⲣⲓⲁ ⲛⲉⲙ ϯⲡⲁⲗⲉⲥⲧⲏⲛⲏ ⲛⲉⲙ ⲛⲓⲙⲁ ⲛ̀ϩⲱⲧⲡ ⲣⲱⲙⲏ ⲛⲉⲙ ⲧ̀ⲕⲁⲃⲁⲛⲓⲁ ⲛⲉⲙ ⲛⲏ ⲉⲧⲥⲁϧⲟⲩⲛ ⲙ̀ⲙⲱⲟⲩ.	ouoh tinou isje ke6 ǹrompi tionx ǹxytou eierepiθimin ètamok ènih̀vyouì ettouvyout ouoh eθmeh nōou nem arety niven ǹte nixelloi eθouab ny etainav èrōou nem ny etaisoθmou xen namaṡg èvol hiten hanioti evǹhot xen niṡafev ǹte kymi nem nifaiat nem ny ètavṡōpi xen marys nem souan nem nima ère niremtavennysi ṡop m̀mav nem timesopotomia nem tisiria nem tipalestyny nem nima ǹhōtp rōmy nem t̀kabania nem ny etsaxoun m̀mōou.	Now, for these five years, I desire to teach you about pure and glorious works and all the virtues of the elders, which I have seen with my eyes and heard with my ears from faithful Fathers in the desert of Egypt, in Libya, and from those who were in Upper Egypt, in Syene, in the places inhabited by the Tabennesiotes, and in Mesopotamia, Syria, Palestine, and the West, in Rome, in Campania, and in the inland regions.
34	ⲁⲓϥⲓⲣⲱⲟⲩϣ ϧⲉⲛⲟⲩϫⲱϥ ⲛϩⲏⲧ ⲉϯ ⲛϩⲑⲏⲓ ⲉⲑⲣⲓⲥϧⲉⲡⲁⲓϫⲱⲙ ⲛⲁⲕ ⲓⲥϫⲉⲛⲧⲁⲣⲭⲏ ⲛⲛⲓϩⲃⲏⲟⲩⲓ ⲛⲧⲉϯⲙⲉⲧⲙⲟⲛⲁⲭⲟⲥ ⲉⲧⲁⲥϣⲱⲡⲓ ϩⲓⲡϣⲁϥⲉ ϩⲟⲡⲟⲥ ⲛⲧⲉϥϣⲱⲡⲓ ⲛⲁⲕ ⲛⲟⲩⲓⲁⲗ ⲉⲑⲣⲉⲕⲛⲁⲩ ⲉⲡⲉⲕⲥⲙⲟⲧ ⲛϧⲏⲧϥ ⲉⲕⲓⲣⲓ ⲙⲡⲉϥⲙⲉⲩⲓ ⲙⲡⲉϩⲟⲟⲩ ⲛⲉⲙⲡⲓⲉϫⲱⲣϩ ⲉⲩⲛⲟϩⲉⲙ ⲛⲧⲉⲕⲯⲩⲭⲏ	Ⲁⲓϥⲓⲣⲱⲟⲩϣ ϧⲉⲛ ⲟⲩϫⲱϥ ⲛ̀ϩⲏⲧ ⲉ̀ϯ ⲛ̀ϩ̀ⲑⲏⲓ ⲉ̀ⲑⲣⲓⲥϧⲉⲡⲁⲓϫⲱⲙ ⲛⲁⲕ ⲓⲥϫⲉⲛ ⲧ̀ⲁⲣⲭⲏ ⲛ̀ⲛⲓϩ̀ⲃⲏⲟⲩⲓ̀ ⲛ̀ⲧⲉ ϯⲙⲉⲧⲙⲟⲛⲁⲭⲟⲥ ⲉⲧⲁⲥϣⲱⲡⲓ ϩⲓ ⲡ̀ϣⲁϥⲉ ϩⲟⲡⲟⲥ ⲛ̀ⲧⲉϥϣⲱⲡⲓ ⲛⲁⲕ ⲛ̀ⲟⲩⲓⲁⲗ ⲉ̀ⲑⲣⲉⲭⲛⲁⲩ ⲉ̀ⲡⲉⲕⲥ̀ⲙⲟⲧ ⲛ̀ϧⲏⲧϥ ⲉⲕⲓ̀ⲣⲓ ⲛ̀ⲡⲉϥⲙⲉⲩⲓ ⲛ̀ⲡⲉϩⲟⲟⲩ ⲛⲉⲙ ⲡⲓⲉ̀ϫⲱⲣϩ ⲉⲩⲛⲟϩⲉⲙ ⲛ̀ⲧⲉⲕⲯⲩⲭⲏ	Aifirōouṡ xen ougōf ǹhyt èti ǹh̀θyi èθrisxepaigōm nak isjen t̀arṡy ǹnih̀vyouì ǹte timetmonaxos etasṡōpi hi p̀ṡafe hopos ǹtefṡōpi nak ǹouial èθreknav èpek·s̀mot ǹxytf ekìri ǹpefmevi ǹpehoou nem piègōrh evnohem ǹtekpsiṡy	With all the fervor of my heart, I have striven to direct my attention to writing this book for you, from the beginnings of the monastic works that arose in the desert, so that it might be a mirror in which you see your reflection and remember it day and night for the salvation of your soul.
35	ⲉϥⲙⲉϩ ⲛⲱⲟⲩ ⲛⲉⲙⲫⲁϧⲣⲓ ⲛⲛⲟⲩϯ ⲉϥⲧⲁⲗϭⲟ ⲛϯⲉⲃϣⲓ ϫⲉϩⲓⲛⲁ ⲡⲓⲕⲉϩⲛⲓⲙ ⲛⲧⲉϯⲉⲡⲓⲑⲩⲙⲓⲁ ⲛⲧⲉϥϩⲓⲧϥ ⲉⲃⲟⲗ ϩⲁⲣⲟⲕ ⲛⲉⲙϯⲙⲉⲧϩⲏⲧⲃ︦ ⲛⲉⲙⲡⲓⲁⲛⲟⲛⲓ ⲛⲧⲉⲡⲓϩⲟⲩⲟⲭⲣⲓⲁ ⲛⲧⲉⲡⲁⲓⲕⲟⲥⲙⲟⲥ ⲛⲉⲙⲙⲉⲧϭⲉⲛⲛⲉ ⲛⲓⲃⲉⲛ ⲛⲉⲙⲡⲓⲙⲕⲁϩ ⲛϩⲏⲧ ⲛⲉⲙⲡⲓϣⲑⲟⲣⲧⲉⲣ ⲛⲉⲙϯⲙⲉⲧⲕⲟⲩϫⲓ ⲛϩⲏⲧ ⲛⲉⲙⲡⲓϫⲱⲛⲧ ⲛⲁⲧϣⲁⲙⲟⲛⲓ ⲛⲧⲟⲧϥ	ⲉϥⲙⲉϩ ⲛⲱⲟⲩ ⲛⲉⲙ ⲫⲁϧⲣⲓ ⲛ̀ⲛⲟⲩϯ ⲉϥⲧⲁⲗϭⲟ ⲛ̀ϯⲉⲃϣⲓ ϫⲉ ϩⲓⲛⲁ ⲡⲓⲕⲉϩⲛⲓⲙ ⲛ̀ⲧⲉ ϯⲉ̀ⲡⲓⲑⲩⲙⲓⲁ ⲛ̀ⲧⲉϥϩⲓⲧϥ ⲉ̀ⲃⲟⲗ ϩⲁⲣⲟⲕ ⲛⲉⲙ ϯⲙⲉⲧϩⲏⲧⲃ̅ ⲛⲉⲙ ⲡⲓⲁⲛⲟⲛⲓ ⲛ̀ⲧⲉ ⲡⲓϩⲟⲩⲟⲭⲣⲓⲁ ⲛ̀ⲧⲉ ⲡⲁⲓⲕⲟⲥⲙⲟⲥ ⲛⲉⲙ ⲙⲉⲧϭⲉⲛⲛⲉ ⲛⲓⲃⲉⲛ ⲛⲉⲙ ⲡⲓⲙ̀ⲕⲁϩ ⲛ̀ϩⲏⲧ ⲛⲉⲙ ⲡⲓϣ̀ⲑⲟⲣⲧⲉⲣ ⲛⲉⲙ ϯⲙⲉⲧⲕⲟⲩϫⲓ ⲛ̀ϩⲏⲧ ⲛⲉⲙ ⲡⲓϫⲱⲛⲧ ⲛ̀ⲁⲧϣⲁⲙⲟⲛⲓ ⲛ̀ⲧⲟⲧϥ	efmeh nōou nem faxri ǹnouti eftalċo ǹtievṡi je hina pikehnim ǹte tièpiθimia ǹtefhitf èvol harok nem timet·hytv nem pianoni ǹte pihouoxria ǹte paikosmos nem metċenne niven nem pim̀kah ǹhyt nem piṡ̀θorter nem timetkouji ǹhyt nem pigōnt ǹatṡamoni ǹtotf	For it is so full of glory and divine medicine that it will even cast out the domination of concupiscence from you, as well as the duplicity of the heart, the softness caused by the abundance of the riches of this world, all sloth, all affliction of the heart, all disturbance, faint-heartedness, and unrelenting anger.
36	ⲟⲩⲟϩ ⲛⲧⲉⲕϣⲱⲡⲓ ⲉⲕⲛⲏⲟⲩ ⲉⲧϩⲏ ϧⲉⲛϯⲡⲣⲟⲕⲟⲡⲏ ⲛⲧⲉⲛⲓⲙⲉⲩⲓ ⲛⲧⲉⲫ︦ϯ︦︦ ⲛⲉⲙϯⲙⲉⲧϣⲁⲙϣⲉⲛⲟⲩϯ ⲉⲧⲧⲟⲩⲃⲏⲟⲩⲧ ⲟⲩⲟϩ ⲛⲧⲉⲕϣⲱⲡⲓ ⲉⲕⲟⲓ ⲉϭⲁⲩⲙⲱⲓⲧ ⲛⲁⲕ ⲛⲉⲙⲛⲏ ⲉⲑⲛⲉⲙⲁⲕ ⲛⲉⲙⲛⲏ ⲉⲑⲛⲏⲟⲩ ϩⲁⲣⲟⲕ ⲛⲉⲙⲛⲓϣⲁⲙϣⲉⲛⲟⲩϯ ⲛⲟⲩⲣⲱⲟⲩ	ⲟⲩⲟϩ ⲛ̀ⲧⲉⲕϣⲱⲡⲓ ⲉⲭⲛⲏⲟⲩ ⲉ̀ⲧ̀ϩⲏ ϧⲉⲛ ϯⲡ̀ⲣⲟⲕⲟⲡⲏ ⲛ̀ⲧⲉ ⲛⲓⲙⲉⲩⲓ ⲛ̀ⲧⲉ ⲫ̀ⲛⲟⲩϯ ⲛⲉⲙ ϯⲙⲉⲧϣⲁⲙϣⲉⲛⲟⲩϯ ⲉⲧⲧⲟⲩⲃⲏⲟⲩⲧ ⲟⲩⲟϩ ⲛ̀ⲧⲉⲕϣⲱⲡⲓ ⲉⲕⲟⲓ ⲉ̀ϭⲁⲩⲙⲱⲓⲧ ⲛⲁⲕ ⲛⲉⲙ ⲛⲏ ⲉⲑⲛⲉⲙⲁⲕ ⲛⲉⲙ ⲛⲏ ⲉⲑⲛⲏⲟⲩ ϩⲁⲣⲟⲕ ⲛⲉⲙ ⲛⲓϣⲁⲙϣⲉⲛⲟⲩϯ ⲛ̀ⲟⲩⲣⲱⲟⲩ	ouoh ǹtekṡōpi eknyou èt̀·hy xen tip̀rokopy ǹte nimevi ǹte f̀nouti nem timetṡamṡenouti ettouvyout ouoh ǹtekṡōpi ekoi èċavmōit nak nem ny eθnemak nem ny eθnyou harok nem niṡamṡenouti ǹourōou	In this way, you will become one who progresses in the thought of God and sincere piety, becoming a guide for yourself and for those who are with you, as well as for those who will come to you, and for pious kings.
37	ⲉⲃⲟⲗ ϩⲓⲧⲉⲛⲛⲁⲓⲥⲃⲱⲟⲩⲓ ⲛⲉⲙⲛⲓⲥⲁϫⲓ ⲛⲧⲉⲛⲁⲓⲁⲥⲕⲏⲧⲏⲥ ⲉⲧⲉⲛϧⲉⲗⲗⲟⲓ ⲉⲑⲟⲩⲁⲃ ⲛⲉ ϩⲓⲛⲁ ⲛⲥⲉⲓⲏⲥ ⲙⲙⲱⲟⲩ ⲛϫⲉⲛⲏ ⲉⲧⲟⲓ ⲙⲙⲁⲓⲭ︦ⲣ︦ⲥ︦ ⲉⲉⲣⲟⲩⲁⲓ ⲛⲉⲙⲫ︦ϯ︦︦ ⲕⲁⲧⲁⲛⲓⲁⲣⲉⲧⲏ ⲛⲉⲙϯⲁⲅⲁⲡⲏ ⲛⲁⲧⲫⲱⲣϫ ⲉⲩⲥⲟⲡ ⲟⲩⲟϩ ⲉϫⲟⲩϣⲧ ⲉⲃⲟⲗ ⲛⲥⲏⲟⲩ ⲛⲓⲃⲉⲛ ϧⲁⲧϩⲏ ⲙⲡⲓϫⲓⲛⲓ ⲉⲃⲟⲗ ϧⲉⲛⲥⲱⲙⲁ ⲉϣⲱⲡⲓ ⲛⲉⲙⲁϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲛⲁⲛⲉⲥ ⲛⲏⲓ ⲉⲃⲱⲗ ⲉⲃⲟⲗ ϧⲉⲛⲧⲁⲓⲥⲁⲣⲝ ⲉϣⲱⲡⲓ ⲛⲉⲙ ⲡⲭ︦ⲥ︦	ⲉ̀ⲃⲟⲗ ϩⲓⲧⲉⲛ ⲛⲁⲓⲥ̀ⲃⲱⲟⲩⲓ̀ ⲛⲉⲙ ⲛⲓⲥⲁϫⲓ ⲛ̀ⲧⲉ ⲛⲁⲓⲁⲥⲕⲏⲧⲏⲥ ⲉ̀ⲧⲉ ⲛ̀ϧⲉⲗⲗⲟⲓ ⲉⲑⲟⲩⲁⲃ ⲛⲉ ϩⲓⲛⲁ ⲛ̀ⲧⲟⲩⲓⲏⲥ ⲙ̀ⲙⲱⲟⲩ ⲛ̀ϫⲉ ⲛⲏ ⲉⲧⲟⲓ ⲛ̀ⲙⲁⲓⲭⲣⲓⲥⲧⲟⲥ ⲉⲉⲣⲟⲩⲁⲓ ⲛⲉⲙ ⲫ̀ⲛⲟⲩϯ ⲕⲁⲧⲁ ⲛⲓⲁ̀ⲣⲉⲧⲏ ⲛⲉⲙ ϯⲁ̀ⲅⲁⲡⲏ ⲛ̀ⲁⲧⲫⲱⲣϫ ⲉⲩⲥⲟⲡ ⲟⲩⲟϩ ⲉ̀ϫⲟⲩϣⲧ ⲉ̀ⲃⲟⲗ ⲛ̀ⲥⲏⲟⲩ ⲛⲓⲃⲉⲛ ϧⲁⲧ̀ϩⲏ ⲛ̀ⲡⲓϫⲓⲛⲓ̀ ⲉ̀ⲃⲟⲗ ϧⲉⲛ ⲥⲱⲙⲁ ⲉϣⲱⲡⲓ ⲛⲉⲙⲁϥ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲛⲁⲛⲉⲥ ⲛⲏⲓ ⲉ̀ⲃⲱⲗ ⲉ̀ⲃⲟⲗ ϧⲉⲛ ⲧⲁⲓⲥⲁⲣⲝ ⲉϣⲱⲡⲓ ⲛⲉⲙ ⲡⲓⲭ̀ⲣⲓⲥⲧⲟⲥ	èvol hiten nais̀vōouì nem nisaji ǹte naiaskytys ète ǹxelloi eθouab ne hina ǹtouiys m̀mōou ǹje ny etoi ǹmaixristos eerouai nem f̀nouti kata niàrety nem tiàġapy ǹatfōrg evsop ouoh ègouṡt èvol ǹsyou niven xat̀·hy ǹpijinì èvol xen sōma eṡōpi nemaf kata f̀ryti ets̀xyout je nanes nyi èvōl èvol xen taisarks eṡōpi nem pix̀ristos	From the teachings and words of these ascetics, that is, the holy elders, let those who love Christ hasten to unite themselves to God according to virtue and undivided love, expecting at all times the departure of their souls from their bodies, as it is written: “It is better for me to be dissolved from this flesh so that I may be with Christ.”
38	ⲟⲩⲟϩ ⲡⲁⲗⲓⲛ ϫⲉⲥⲉⲃⲧⲉⲛⲉⲧⲉⲛϩⲃⲏⲟⲩⲓ ϧⲉⲛⲡⲉⲧⲉⲛϫⲓⲛⲓ ⲉⲃⲟⲗ ϧⲉⲛⲥⲱⲙⲁ	ⲟⲩⲟϩ ⲡⲁⲗⲓⲛ ϫⲉ ⲥⲉⲃⲧⲉⲛⲉⲧⲉⲛϩ̀ⲃⲏⲟⲩⲓ̀ ϧⲉⲛ ⲡⲉⲧⲉⲛϫⲓⲛⲓ̀ ⲉ̀ⲃⲟⲗ ϧⲉⲛ ⲥⲱⲙⲁ	ouoh palin je sevtenetenh̀vyouì xen petenjinì èvol xen sōma	And again: “Prepare your works for the departure of your soul from the body.”
39	ⲟⲩⲟⲛ ⲛⲓⲃⲉⲛ ⲉⲧⲭⲱ ⲙⲡⲟⲩⲙⲟⲩ ϧⲉⲛⲧ ⲉⲣⲱⲟⲩ ⲛⲛⲁⲩ ⲛⲓⲃⲉⲛ ϩⲱϯ ⲅⲁⲣ ⲡⲉ ⲛⲧⲉϥⲧⲁϩⲟⲛ ⲉⲛⲟⲃϣ ⲕⲁⲛ ⲉϣⲱⲡ ⲧⲉⲛⲟⲩⲱϣ ⲁⲛ ⲫⲁⲓ ⲟⲩⲛ ⲉⲧⲉⲙⲙⲁⲩ ⲉⲣⲉⲛⲉϥⲙⲉⲩⲓ ⲧⲟⲙⲓ ⲉⲫϯ ⲛⲛⲁⲩ ⲛⲓⲃⲉⲛ ϥⲛⲁⲉⲣⲟⲩⲙⲏϣ ⲛⲛⲟⲃⲓ ⲁⲛ	ⲟⲩⲟⲛ ⲛⲓⲃⲉⲛ ⲉⲧⲭⲱ ⲛ̀ⲡⲟⲩⲙⲟⲩ ϧⲉⲛⲧ ⲉ̀ⲣⲱⲟⲩ ⲛ̀ⲛⲁⲩ ⲛⲓⲃⲉⲛ ϩⲱϯ ⲅⲁⲣ ⲡⲉ ⲛ̀ⲧⲉϥⲧⲁϩⲟⲛ ⲉⲛⲟⲃϣ ⲕⲁⲛ ⲉϣⲱⲡ ⲧⲉⲛⲟⲩⲱϣ ⲁⲛ ⲫⲁⲓ ⲟⲩⲛ ⲉ̀ⲧⲉ ⲙ̀ⲙⲁⲩ ⲉ̀ⲣⲉⲛⲉϥⲙⲉⲩⲓ ⲧⲟⲙⲓ ⲉ̀ⲫ̀ⲛⲟⲩϯ ⲛ̀ⲛⲁⲩ ⲛⲓⲃⲉⲛ ϥ̀ⲛⲁⲉⲣⲟⲩⲙⲏϣ ⲛ̀ⲛⲟⲃⲓ ⲁⲛ	ouon niven etkō ǹpoumou xent èrōou ǹnav niven hōti ġar pe ǹteftahon enovṡ kan eṡōp tenouōṡ an fai oun ète m̀mav èrenefmevi tomi èf̀nouti ǹnav niven f̀naeroumyṡ ǹnovi an	For whoever places their own death before their eyes at all times will not admit many sins.
40	ϥⲛⲁⲱⲃϣ ⲅⲁⲣ ⲁⲛ ⲉⲛⲓϩⲟⲛϩⲉⲛ ⲛⲉⲙⲛⲓⲉⲛⲧⲟⲗⲏ ⲛⲧⲉⲫ︦ϯ︦︦ ⲟⲩⲇⲉ ϥⲛⲁⲉⲣⲕⲁⲧⲁⲫⲣⲟⲛⲓⲛ ⲁⲛ ⲛϯⲙⲉⲧⲕⲟⲩϫⲓ ⲛⲧⲉⲡⲉⲛϫⲓⲛⲥⲁϫⲓ ⲛⲧⲉⲛⲓⲗⲉⲝⲓⲥ ⲛⲏ ⲉⲧⲉⲛⲥⲉϭⲟⲣⲡ ⲉⲃⲟⲗ ⲁⲛ ⲛϩⲟⲩⲟ ⲟⲩⲇⲉ ⲥⲉⲥⲉⲗⲥⲱⲗ ⲁⲛ ϧⲉⲛⲟⲩⲥⲃⲱ ⲙⲙⲉⲧⲫⲓⲗⲟⲥⲟⲫⲟⲥ ⲛⲧⲉⲡⲁⲓⲕⲟⲥⲙⲟⲥ .	ϥ̀ⲛⲁⲱⲃϣ ⲅⲁⲣ ⲁⲛ ⲉ̀ⲛⲓϩⲟⲛϩⲉⲛ ⲛⲉⲙ ⲛⲓⲉⲛⲧⲟⲗⲏ ⲛ̀ⲧⲉ ⲫ̀ⲛⲟⲩϯ ⲟⲩⲇⲉ ϥ̀ⲛⲁⲉⲣⲕⲁⲧⲁⲫⲣⲟⲛⲓⲛ ⲁⲛ ⲛ̀ϯⲙⲉⲧⲕⲟⲩϫⲓ ⲛ̀ⲧⲉ ⲡⲉⲛϫⲓⲛⲥⲁϫⲓ ⲛ̀ⲧⲉ ⲛⲓⲗⲉⲝⲓⲥ ⲛⲏ ⲉⲧⲉⲛ̀ⲥⲉϭⲟⲣⲡ ⲉ̀ⲃⲟⲗ ⲁⲛ ⲛ̀ϩⲟⲩⲟ ⲟⲩⲇⲉ ⲥⲉⲥⲉⲗⲥⲱⲗ ⲁⲛ ϧⲉⲛ ⲟⲩⲥ̀ⲃⲱ ⲛ̀ⲙⲉⲧⲫⲓⲗⲟⲥⲟⲫⲟⲥ ⲛ̀ⲧⲉ ⲡⲁⲓⲕⲟⲥⲙⲟⲥ.	f̀naōvṡ ġar an ènihonhen nem nientoly ǹte f̀nouti ouḋe f̀naerkatafronin an ǹtimetkouji ǹte penjinsaji ǹte nileksis ny eteǹseċorp èvol an ǹhouo ouḋe seselsōl an xen ous̀vō ǹmetfilosofos ǹte paikosmos.	For they will not forget the commandments and precepts of God, nor will they disdain our humble prayer, which is neither clear enough nor adorned with the wisdom of this world.
41	ⲁⲛⲟⲛ ⲅⲁⲣ ⲁⲛⲟⲛ ϩⲁⲛⲓⲇⲓⲱⲧⲏⲥ ⲛⲣⲱⲙⲓ ⲙⲡⲉⲛϭⲓⲥⲃⲱ ⲛⲧⲉⲡⲁⲓⲕⲟⲥⲙⲟⲥ ⲟⲩⲇⲉ ⲛⲛⲉⲥϣⲱⲡⲓ ⲙⲙⲟⲛ	Ⲁ̀ⲛⲟⲛ ⲅⲁⲣ ⲁ̀ⲛⲟⲛ ϩⲁⲛⲓⲇⲓⲱⲧⲏⲥ ⲛ̀ⲣⲱⲙⲓ ⲙ̀ⲡⲉⲛϭⲓⲥⲃⲱ ⲛ̀ⲧⲉ ⲡⲁⲓⲕⲟⲥⲙⲟⲥ ⲟⲩⲇⲉ ⲛ̀ⲛⲉⲥϣⲱⲡⲓ ⲙ̀ⲙⲟⲛ	Ànon ġar ànon haniḋiōtys ǹrōmi m̀penċisvō ǹte paikosmos ouḋe ǹnesṡōpi m̀mon	For we are simple people and have not received the wisdom of this world (and so much the better for us).
42	ⲟⲩⲇⲉ ⲅⲁⲣ ⲟⲩϩⲱⲃ ⲛⲇⲓⲕⲉⲟⲛ ⲁⲛ ⲡⲉ ⲉⲥⲟⲗⲥⲉⲗ ⲛϯⲥⲃⲱ ⲉⲑⲟⲩⲁⲃ ⲛⲧⲉϯⲙⲉⲑⲛⲟⲩϯ ⲛⲁⲧϣⲧⲁϩⲟⲥ ⲟⲩⲟϩ ⲛⲁⲧϣⲉⲛⲁⲩⲣⲏϫϥ ⲙⲡⲉⲥⲱⲟⲩ ϧⲉⲛⲟⲩⲙⲉⲧⲫⲓⲗⲟⲥⲟⲫⲟⲥ ⲛⲧⲉⲟⲩⲥⲃⲱ ⲛⲧⲉⲡⲁⲓⲕⲟⲥⲙⲟⲥ ⲉⲥϭⲁϧⲉⲙ ⲑⲏ ⲉⲑⲙⲉϩ ⲛϣⲓⲡⲓ ⲛⲉⲙⲡⲉⲧϩⲱⲟⲩ ⲛⲓⲃⲉⲛ	ⲟⲩⲇⲉ ⲅⲁⲣ ⲟⲩϩⲱⲃ ⲛ̀ⲇⲓⲕⲉⲟⲛ ⲁⲛ ⲡⲉ ⲉ̀ⲥⲟⲗⲥⲉⲗ ⲛ̀ϯⲥ̀ⲃⲱ ⲉⲑⲟⲩⲁⲃ ⲛ̀ⲧⲉ ϯⲙⲉⲑⲛⲟⲩϯ ⲛ̀ⲁⲧϣⲧⲁϩⲟⲥ ⲟⲩⲟϩ ⲛ̀ⲁⲧϣⲉⲛⲁⲩⲣⲏϫϥ ⲛ̀ⲡⲉⲥⲱⲟⲩ ϧⲉⲛ ⲟⲩⲙⲉⲧⲫⲓⲗⲟⲥⲟⲫⲟⲥ ⲛ̀ⲧⲉ ⲟⲩⲥ̀ⲃⲱ ⲛ̀ⲧⲉ ⲡⲁⲓⲕⲟⲥⲙⲟⲥ ⲉⲥϭⲁϧⲉⲙ ⲑⲏ ⲉⲑⲙⲉϩ ⲛ̀ϣⲓⲡⲓ ⲛⲉⲙ ⲡⲉⲧϩⲱⲟⲩ ⲛⲓⲃⲉⲛ	ouḋe ġar ouhōb ǹḋikeon an pe èsolsel ǹtis̀vō eθouab ǹte timeθnouti ǹatṡtahos ouoh ǹatṡenavrygf ǹpesōou xen oumetfilosofos ǹte ous̀vō ǹte paikosmos esċaxem θy eθmeh ǹṡipi nem pet·hōou niven	It is not right to adorn the holy knowledge of incomprehensible divinity and infinite glory with the polluted philosophy of the wisdom of this world, which is full of baseness and all evil.
43	ⲁϣ ⲅⲁⲣ ⲛⲇⲓⲕⲉⲟⲛ ⲁⲛ ⲡⲉ ⲉⲥⲟⲗⲥⲉⲗ ⲙⲡⲓⲁⲧⲥⲟⲗⲥⲉⲗ ϩⲓⲧⲉⲛϩⲗⲓ ⲉⲧⲉⲫ︦ϯ︦︦ ⲡⲉ ⲫⲏ ⲉⲧⲥⲟⲗⲥⲉⲗ ⲛⲛⲉϥⲥⲱⲛⲧ ⲧⲏⲣⲟⲩ ⲛⲧⲉⲕⲥⲉⲗⲥⲱⲗϥ ϧⲉⲛⲟⲩⲥⲃⲱ ⲛⲧⲉⲡⲁⲓⲕⲟⲥⲙⲟⲥ	ⲁϣ ⲅⲁⲣ ⲛ̀ⲇⲓⲕⲉⲟⲛ ⲁⲛ ⲡⲉ ⲉ̀ⲥⲟⲗⲥⲉⲗ ⲛ̀ⲡⲓⲁⲧⲥⲟⲗⲥⲉⲗ ϩⲓⲧⲉⲛ ϩ̀ⲗⲓ ⲉ̀ⲧⲉ ⲫ̀ⲛⲟⲩϯ ⲡⲉ ⲫⲏ ⲉⲧⲥⲟⲗⲥⲉⲗ ⲛ̀ⲛⲉϥⲥⲱⲛⲧ ⲧⲏⲣⲟⲩ ⲛ̀ⲧⲉⲕⲥⲉⲗⲥⲱⲗϥ ϧⲉⲛ ⲟⲩⲥ̀ⲃⲱ ⲛ̀ⲧⲉ ⲡⲁⲓⲕⲟⲥⲙⲟⲥ	aṡ ġar ǹḋikeon an pe èsolsel ǹpiatsolsel hiten h̀li ète f̀nouti pe fy etsolsel ǹnefsōnt tyrou ǹtek·selsōlf xen ous̀vō ǹte paikosmos	How could it be just to adorn Him who cannot be adorned—that is, God—with the wisdom of this world, when He Himself adorns all His creatures?
44	ⲁⲗⲗⲁ ⲙⲁⲗⲗⲟⲛ ⲙⲁⲣⲉⲛⲑⲉⲧⲡϩⲏⲧ ⲛⲛⲓⲣⲱⲙⲓ ϧⲉⲛϯⲥⲃⲱ ⲉⲑⲟⲩⲁⲃ ⲛⲧⲉⲫ︦ϯ︦︦ ϧⲉⲛⲟⲩϫⲓⲛⲕⲁϯ ⲉⲥϣⲱⲙ ⲉⲡϫⲓⲛⲛⲁⲩ ⲉⲡⲓⲛⲓϥⲓ ⲉⲧϧⲉⲛⲛⲓⲗⲉⲝⲓⲥ ⲛⲧⲉϯⲙⲉⲑⲙⲏⲓ ⲛⲧⲉⲡϭ︦ⲥ︦ .	ⲁⲗⲗⲁ ⲙⲁⲗⲗⲟⲛ ⲙⲁⲣⲉⲛⲑⲉⲧⲡ̀ϩⲏⲧ ⲛ̀ⲛⲓⲣⲱⲙⲓ ϧⲉⲛ ϯⲥ̀ⲃⲱ ⲉⲑⲟⲩⲁⲃ ⲛ̀ⲧⲉ ⲫ̀ⲛⲟⲩϯ ϧⲉⲛ ⲟⲩϫⲓⲛⲕⲁϯ ⲉⲥϣⲱⲙ ⲉ̀ⲡ̀ϫⲓⲛⲛⲁⲩ ⲉ̀ⲡⲓⲛⲓϥⲓ ⲉⲧϧⲉⲛ ⲛⲓⲗⲉⲝⲓⲥ ⲛ̀ⲧⲉ ϯⲙⲉⲑⲙⲏⲓ ⲛ̀ⲧⲉ ⲡ̀ϭⲟⲓⲥ.	alla mallon marenθetp̀hyt ǹnirōmi xen tis̀vō eθouab ǹte f̀nouti xen oujinkati esṡōm èp̀jinnav èpinifi etxen nileksis ǹte timeθmyi ǹte p̀ċois.	But let us persuade the hearts of people much more toward the knowledge of God, in subtle understanding, so that they may see the Spirit of the Lord, who resides in the words of truth.
45	ⲡⲓⲥϧⲁⲓ ⲅⲁⲣ ϥϧⲱⲧⲉⲃ ⲉϣⲱⲡ ⲧⲉⲛⲕⲁϯ ⲁⲛ	Ⲡⲓⲥ̀ϧⲁⲓ ⲅⲁⲣ ϥ̀ϧⲱⲧⲉⲃ ⲉϣⲱⲡ ⲧⲉⲛⲕⲁϯ ⲁⲛ	Pis̀xai ġar f̀xōteb eṡōp tenkati an	For Scripture, unless it is understood, kills.
46	ⲡⲓⲡⲛ︦ⲁ︦ ⲇⲉ ϥⲧⲁⲛϧⲟ ⲁⲕϣⲁⲛⲛⲁⲩ ⲉϯⲗⲉⲝⲓⲥ ⲛⲧⲉⲫⲏ ⲉⲧⲥⲟⲩⲧⲱⲛ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲁⲟⲩⲱⲛ ⲣⲱⲕ ϧⲉⲛⲡⲥⲁϫⲓ ⲙⲫ︦ϯ︦︦ ⲟⲩⲟϩ ⲙⲁⲥⲃⲱ	ⲡⲓⲡ̀ⲛⲉⲩⲙⲁ ⲇⲉ ϥ̀ⲧⲁⲛϧⲟ ⲁⲕϣⲁⲛⲛⲁⲩ ⲉ̀ϯⲗⲉⲝⲓⲥ ⲛ̀ⲧⲉ ⲫⲏ ⲉⲧⲥⲟⲩⲧⲱⲛ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϫⲉ ⲁ̀ⲟⲩⲱⲛ ⲣⲱⲕ ϧⲉⲛ ⲡ̀ⲥⲁϫⲓ ⲛ̀ⲫ̀ⲛⲟⲩϯ ⲟⲩⲟϩ ⲙⲁⲥⲃⲱ	pip̀nevma ḋe f̀tanxo akṡannav ètileksis ǹte fy etsoutōn kata f̀ryti ets̀xyout je àouōn rōk xen p̀·saji ǹf̀nouti ouoh masvō	Ⲃut the Spirit gives life, if you see the words in the right way, as it is written: “Open your mouth to the Word of God, and learn.”
47	ⲟⲩⲟϩ ⲟⲛ ϯⲅⲣⲁⲫⲏ ϫⲱ ⲙⲙⲟⲥ ϫⲉⲙⲡⲉⲣⲉⲣⲁⲑⲛⲁϩϯ ⲉⲛⲓⲥⲁϫⲓ ⲛⲧⲉⲛⲓϧⲉⲗⲗⲟⲓ ϫⲉⲛⲑⲱⲟⲩ ϩⲱⲟⲩ ⲉⲧⲁⲩⲉⲙⲓ ⲉⲃⲟⲗϩⲓⲧⲉⲛⲛⲟⲩⲓⲟϯ ⲉⲧϧⲁϫⲱⲟⲩ	ⲟⲩⲟϩ ⲟⲛ ϯⲅⲣⲁⲫⲏ ϫⲱ ⲙ̀ⲙⲟⲥ ϫⲉ ⲙ̀ⲡⲉⲣⲉⲣⲁⲑⲛⲁϩϯ ⲉ̀ⲛⲓⲥⲁϫⲓ ⲛ̀ⲧⲉ ⲛⲓϧⲉⲗⲗⲟⲓ ϫⲉ ⲛ̀ⲑⲱⲟⲩ ϩⲱⲟⲩ ⲉⲧⲁⲩⲉⲙⲓ ⲉ̀ⲃⲟⲗ ϩⲓⲧⲉⲛ ⲛⲟⲩⲓⲟϯ ⲉⲧϧⲁϫⲱⲟⲩ	ouoh on tiġrafy gō m̀mos je m̀pereraθnahti ènisaji ǹte nixelloi je ǹθōou hōou etavemi èvol hiten nouioti etxagōou	Again, Scripture says: “Do not be incredulous of the words of the elders, for they were taught by the Fathers who lived before them.”
48	ⲁⲛⲟⲕ ϩⲱ ⲱ ⲡⲓⲣⲱⲙⲓ ⲛⲧⲉⲫϯ ⲡⲓⲙⲁⲓⲥⲃⲱ ⲉⲧⲁⲓⲙⲟϣⲓ ⲛⲥⲁⲛⲓϩⲟⲛϩⲉⲛ ⲛⲧⲉⲛⲓϧⲉⲗⲗⲟⲓ ⲁⲓⲉⲣⲁⲡⲁⲛⲧⲁⲛ ⲉⲟⲩⲙⲏϣ ⲛⲧⲉⲛⲏ ⲉⲑⲟⲩⲁⲃ	ⲁⲛⲟⲕ ϩⲱ ⲱ̀ ⲡⲓⲣⲱⲙⲓ ⲛ̀ⲧⲉ ⲫ̀ⲛⲟⲩϯ ⲡⲓⲙⲁⲓⲥⲃⲱ ⲉⲧⲁⲓⲙⲟϣⲓ ⲛ̀ⲥⲁ ⲛⲓϩⲟⲛϩⲉⲛ ⲛ̀ⲧⲉ ⲛⲓϧⲉⲗⲗⲟⲓ ⲁⲓⲉⲣⲁⲡⲁⲛⲧⲁⲛ ⲉ̀ⲟⲩⲙⲏϣ ⲛ̀ⲧⲉ ⲛⲏ ⲉⲑⲟⲩⲁⲃ	anok hō ṑ pirōmi ǹte f̀nouti pimaisvō etaimoṡi ǹsa nihonhen ǹte nixelloi aierapantan èoumyṡ ǹte ny eθouab	I too, O man of God, lover of knowledge, walked according to the precepts of the elders, and encountered many elders on my path.
49	ⲛⲉⲧⲁⲓⲓⲣⲓ ⲉⲣⲱⲟⲩ ⲁⲛ ϧⲉⲛⲟⲩⲙⲉⲧⲡⲉⲣⲓⲉⲣⲅⲟⲥ ⲁⲗⲗⲁ ϧⲉⲛⲟⲩϫⲱϥ ⲛϩⲏⲧ .	ⲛⲉⲧⲁⲓⲓ̀ⲣⲓ ⲉ̀ⲣⲱⲟⲩ ⲁⲛ ϧⲉⲛ ⲟⲩⲙⲉⲧⲡⲉⲣⲓⲉⲣⲅⲟⲥ ⲁⲗⲗⲁ ϧⲉⲛ ⲟⲩϫⲱϥ ⲛ̀ϩⲏⲧ.	netaiìri èrōou an xen oumetperierġos alla xen ougōf ǹhyt.	I did this not out of laziness but from the fervor of my heart.
50	ⲁⲓⲙⲟϣⲓ ⲙⲗ̄ ⲛⲉϩⲟⲟⲩ ⲡⲁⲗⲓⲛ ⲟⲛ ⲁⲓⲕⲟⲡⲟⲩ ⲉⲓⲙⲟϣⲓ ⲛⲛⲁⲫⲁⲧ ϣⲁϯⲙⲟⲩϣⲧ ⲙⲡⲓⲕⲁϩⲓ ⲧⲏⲣϥ ⲛⲧⲉⲣⲱⲙⲏ	Ⲁⲓⲙⲟϣⲓ ⲛ̀ⲙⲁⲃ ⲛ̀ⲉ̀ϩⲟⲟⲩ ⲡⲁⲗⲓⲛ ⲟⲛ ⲁⲓⲕⲟⲡⲟⲩ ⲉⲓⲙⲟϣⲓ ⲛ̀ⲛⲁⲫⲁⲧ ϣⲁϯⲙⲟⲩϣⲧ ⲛ̀ⲡⲓⲕⲁϩⲓ ⲧⲏⲣϥ ⲛ̀ⲧⲉ ⲣⲱⲙⲏ	Aimoṡi ǹmab ǹèhoou palin on aikopou eimoṡi ǹnafat ṡatimouṡt ǹpikahi tyrf ǹte rōmy	I walked for thirty days, and then I walked again, traveling on foot until I had traversed the entire Roman region.
51	ⲁⲓⲙⲉⲛⲣⲉ ⲡⲓⲧϩⲉⲙⲕⲟ ⲛⲧⲉⲡⲓⲥⲱⲙⲁ ⲛⲉⲙⲡⲓϧⲓⲥⲓ ⲛⲧⲉⲡⲓⲙⲱⲓⲧ ⲙⲙⲟϣⲓ ⲛⲉⲫⲗⲏⲟⲩ ⲇⲉ ⲁⲛ ⲁⲗⲗⲁ ⲉⲑⲃⲉⲡϫⲓⲛⲉⲣⲁⲡⲁⲛⲧⲁⲛ ⲛⲧⲉϩⲁⲛⲣⲱⲙⲓ ⲙⲙⲁⲓⲛⲟⲩϯ ϫⲉⲛⲧⲁϫⲉⲙϩⲏⲟⲩ ⲛϩⲁⲛϩⲱⲃ ⲉⲃⲟⲗ ϩⲓⲧⲉⲛⲟⲩϫⲓⲛⲛⲁⲩ ⲉⲛⲏ ⲉⲛⲁⲩⲉⲛⲧⲟⲧ ⲁⲛ	ⲁⲓⲙⲉⲛⲣⲉ ⲡⲓⲧϩⲉⲙⲕⲟ ⲛ̀ⲧⲉ ⲡⲓⲥⲱⲙⲁ ⲛⲉⲙ ⲡⲓϧⲓⲥⲓ ⲛ̀ⲧⲉ ⲡⲓⲙⲱⲓⲧ ⲛ̀ⲙⲟϣⲓ ⲛ̀ⲉⲫⲗⲏⲟⲩ ⲇⲉ ⲁⲛ ⲁⲗⲗⲁ ⲉⲑⲃⲉ ⲡ̀ϫⲓⲛⲉⲣⲁⲡⲁⲛⲧⲁⲛ ⲛ̀ⲧⲉ ϩⲁⲛⲣⲱⲙⲓ ⲛ̀ⲙⲁⲓⲛⲟⲩϯ ϫⲉ ⲛ̀ⲧⲁϫⲉⲙϩⲏⲟⲩ ⲛ̀ϩⲁⲛϩⲱⲃ ⲉ̀ⲃⲟⲗ ϩⲓⲧⲉⲛ ⲟⲩϫⲓⲛⲛⲁⲩ ⲉ̀ⲛⲏ ⲉⲛⲁⲩⲉⲛⲧⲟⲧ ⲁⲛ	aimenre pit·hemko ǹte pisōma nem pixisi ǹte pimōit ǹmoṡi ǹeflyou ḋe an alla eθve p̀jinerapantan ǹte hanrōmi ǹmainouti je ǹtajemhyou ǹhanhōb èvol hiten oujinnav èny enaventot an	I loved the hardships of the body and the pains of the journey, not in vain, but to meet pious men and gain from their contemplation what I had not yet attained.
52	ⲓⲥϫⲉ ⲅⲁⲣ ⲫⲏ ⲉⲑⲟⲩⲟⲧ ⲉⲣⲟⲓ ⲛⲁⲟⲩⲏⲣ ⲛⲉⲙϯⲡⲣⲟϩⲉⲣⲉⲥⲓⲥ ⲛⲁⲑⲟⲩⲱⲧⲉⲃ ⲁϥⲙⲟϣⲓ ⲓⲥϫⲉⲛ ⲧⲁⲣⲥⲟⲥ ϣⲁϯⲟⲩⲇⲉⲁ ϣⲁⲧⲉϥⲉⲣⲁⲡⲁⲛⲧⲁⲛ ⲉⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙ ⲓⲱⲁⲛⲛⲏⲥ ⲟⲩⲟϩ ⲛⲁϥϣⲟⲩϣⲟⲩ ⲙⲙⲟϥ ⲡⲉ ϧⲉⲛⲡⲉϥϧⲓⲥⲓ ⲉϥϯⲭⲟϩ ⲛⲛⲏ ⲧⲏⲣⲟⲩ ⲉⲧϣⲟⲡ ϧⲉⲛⲟⲩⲙⲉⲧⲁⲙⲉⲗⲉⲥ ⲛⲉⲙⲟⲩⲙⲉⲧϭⲉⲛⲛⲉ ⲉϥϫⲱ ⲙⲙⲟⲥ ϫⲉⲁⲓϣⲉ ⲛⲏⲓ ⲉⲓ︦ⲗ︦ⲏ︦ⲙ ϣⲁϯⲛⲁⲩ ⲉⲕⲉⲫⲁⲥ	ⲓⲥϫⲉ ⲅⲁⲣ ⲫⲏ ⲉⲑⲟⲩⲟⲧ ⲉ̀ⲣⲟⲓ ⲛ̀ⲁⲟⲩⲏⲣ ⲛⲉⲙ ϯⲡ̀ⲣⲟϩⲉⲣⲉⲥⲓⲥ ⲛ̀ⲁⲑⲟⲩⲱⲧⲉⲃ ⲁϥⲙⲟϣⲓ ⲓⲥϫⲉⲛ ⲧⲁⲣⲥⲟⲥ ϣⲁϯⲟⲩⲇⲉⲁ ϣⲁⲧⲉϥⲉⲣⲁⲡⲁⲛⲧⲁⲛ ⲉ̀ⲡⲉⲧⲣⲟⲥ ⲛⲉⲙ ⲓⲁⲕⲱⲃⲟⲥ ⲛⲉⲙ ⲓⲱⲁⲛⲛⲏⲥ ⲟⲩⲟϩ ⲛⲁϥϣⲟⲩϣⲟⲩ ⲙ̀ⲙⲟϥ ⲡⲉ ϧⲉⲛ ⲡⲉϥϧⲓⲥⲓ ⲉϥϯⲭⲟϩ ⲛ̀ⲛⲏ ⲧⲏⲣⲟⲩ ⲉⲧϣⲟⲡ ϧⲉⲛ ⲟⲩⲙⲉⲧⲁⲙⲉⲗⲉⲥ ⲛⲉⲙ ⲟⲩⲙⲉⲧϭⲉⲛⲛⲉ ⲉϥϫⲱ ⲙ̀ⲙⲟⲥ ϫⲉ ⲁⲓϣⲉ ⲛⲏⲓ ⲉ̀ⲓⲉⲣⲟⲩⲥⲁⲗⲏⲙ ϣⲁϯⲛⲁⲩ ⲉ̀ⲕⲉⲫⲁⲥ	isje ġar fy eθouot èroi ǹaouyr nem tip̀roheresis ǹaθouōteb afmoṡi isjen tarsos ṡatioudea ṡateferapantan èpetros nem iakōbos nem iōannys ouoh nafṡouṡou m̀mof pe xen pefxisi eftikoh ǹny tyrou etṡop xen oumetameles nem oumetċenne efgō m̀mos je aiṡe nyi èierousalym ṡatinav èkefas	For if a certain man, far greater than I, whose resolve was unchanging, walked from Tarsus to Judea to meet Peter, James, and John, and gloried in his sufferings, inspiring zeal in all the lazy and slothful, saying, “I went to Jerusalem to see Peter,”—
53	ⲟⲩⲟϩ ⲙⲡⲉⲥⲣⲁϣϥ ⲛϫⲉϯϫⲓⲛⲥⲱⲧⲉⲙ ⲉϯⲁⲣⲉⲧⲏ ⲉⲧⲥⲁⲃⲟⲗ ⲛⲧⲉⲛⲓⲁⲡⲟⲥⲧⲟⲗⲟⲥ ⲁⲗⲗⲁ ⲁϥϭⲓϣϣⲱⲟⲩ ⲉⲑⲣⲉϥⲛⲁⲩ ⲟⲛ ⲉⲧⲟⲩⲕⲉⲙⲟⲣⲫⲏ ⲛⲉⲙⲡⲟⲩⲥⲙⲟⲩ ⲛⲉⲙⲡⲟⲩϫⲓⲛⲱⲛϧ ⲛⲉⲙⲧⲟⲩⲡⲟⲗⲏⲧⲓⲁ .	ⲟⲩⲟϩ ⲙ̀ⲡⲉⲥⲣⲁϣϥ ⲛ̀ϫⲉ ϯϫⲓⲛⲥⲱⲧⲉⲙ ⲉ̀ϯⲁ̀ⲣⲉⲧⲏ ⲉⲧⲥⲁⲃⲟⲗ ⲛ̀ⲧⲉ ⲛⲓⲁ̀ⲡⲟⲥⲧⲟⲗⲟⲥ ⲁⲗⲗⲁ ⲁϥϭⲓϣϣⲱⲟⲩ ⲉ̀ⲑⲣⲉϥⲛⲁⲩ ⲟⲛ ⲉ̀ⲧⲟⲩⲕⲉⲙⲟⲣⲫⲏ ⲛⲉⲙ ⲡⲟⲩⲥ̀ⲙⲟⲩ ⲛⲉⲙ ⲡⲟⲩϫⲓⲛⲱⲛϧ ⲛⲉⲙ ⲧⲟⲩⲡⲟⲗⲏⲧⲓⲁ.	ouoh m̀pesraṡf ǹje tijinsōtem ètiàrety etsavol ǹte niàpostolos alla afċiṡṡōou èθrefnav on ètoukemorfy nem pous̀mou nem poujinōnx nem toupolytia.	for he did not merely content himself with hearing about the external virtues of the apostles but desired also to see their appearance, reputation, life, and instruction—
54	ⲉⲑⲃⲉⲫⲁⲓ ⲁϥⲉⲣⲁⲅⲱⲛⲓⲍⲉⲥⲑⲉ ϣⲁⲧⲉϥⲛⲁⲩ ⲉⲡⲉⲧⲣⲟⲥ .	Ⲉⲑⲃⲉ ⲫⲁⲓ ⲁϥⲉⲣⲁⲅⲱⲛⲓⲍⲉⲥⲑⲉ ϣⲁⲧⲉϥⲛⲁⲩ ⲉ̀ⲡⲉⲧⲣⲟⲥ.	Eθve fai aferaġōnizesθe ṡatefnav èpetros.	For this reason he strove until he saw Peter.
55	ⲓⲉ ⲁⲟⲩⲏⲣ ⲙⲁⲗⲗⲟⲛ ⲁⲛⲟⲕ ⲫⲁⲫⲏ ⲉⲧⲉⲟⲩⲟⲛ ⲟⲩⲑⲃⲁ ⲛⲥⲁⲑⲉⲣⲓ ⲉⲣⲟϥ ⲟⲩⲁⲛⲁⲅⲕⲉⲟⲛ ⲟⲩⲛ ⲛⲏⲓ ϩⲱ ⲡⲉ ⲉⲑⲣⲓϫⲉⲛⲏ ⲉⲧⲁⲓⲛⲁⲩ ⲉⲣⲱⲟⲩ ⲛⲧⲉⲛⲉⲛⲓⲟϯ ⲉⲑⲟⲩⲁⲃ	Ⲓⲉ ⲁⲟⲩⲏⲣ ⲙⲁⲗⲗⲟⲛ ⲁⲛⲟⲕ ⲫⲁⲫⲏ ⲉ̀ⲧⲉ ⲟⲩⲟⲛ ⲟⲩⲑⲃⲁ ⲛ̀ⲥⲁⲑⲉⲣⲓ ⲉ̀ⲣⲟϥ ⲟⲩⲁⲛⲁⲅⲕⲉⲟⲛ ⲟⲩⲛ ⲛⲏⲓ ϩⲱ ⲡⲉ ⲉ̀ⲑⲣⲓϫⲉⲛⲏ ⲉⲧⲁⲓⲛⲁⲩ ⲉ̀ⲣⲱⲟⲩ ⲛ̀ⲧⲉ ⲛⲉⲛⲓⲟϯ ⲉⲑⲟⲩⲁⲃ	Ie aouyr mallon anok fafy ète ouon ouθva ǹsaθeri èrof ouanankeon oun nyi hō pe èθrijeny etainav èrōou ǹte nenioti eθouab	How much more must I, who am a debtor of ten thousand talents, find it necessary to narrate what I have seen regarding our holy Fathers?
56	ⲉⲓϫⲱ ⲛⲑⲙⲏⲓ ⲛϯϫⲉⲙⲉⲑⲛⲁⲩϫ ⲁⲛ ⲉⲓⲟⲓ ⲙⲫⲣⲏϯ ⲁⲛ ϫⲉⲉⲓϯϩⲙⲟⲧ ⲛⲛⲓϧⲉⲗⲗⲟⲓ ⲁⲗⲗⲁ ⲉⲓϯϩⲏⲟⲩ ⲛⲧⲁⲯⲩⲭⲏ ⲙⲙⲁⲩⲁⲧ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉⲛⲟⲩϧⲓⲥⲓ ⲛⲉⲙⲛⲟⲩⲡⲟⲗⲏⲧⲓⲁ ⲉⲧⲁⲩⲁⲓⲧⲟⲩ	ⲉⲓϫⲱ ⲛ̀ⲑ̀ⲙⲏⲓ ⲛ̀ϯϫⲉⲙⲉⲑⲛⲁⲩϫ ⲁⲛ ⲉⲓⲟⲓ ⲛ̀ⲫ̀ⲣⲏϯ ⲁⲛ ϫⲉ ⲉⲓϯϩⲙⲟⲧ ⲛ̀ⲛⲓϧⲉⲗⲗⲟⲓ ⲁⲗⲗⲁ ⲉⲓϯϩⲏⲟⲩ ⲛ̀ⲧⲁⲯⲩⲭⲏ ⲙⲙⲁⲩⲁⲧ ⲛⲉⲙ ⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉ̀ⲛⲟⲩϧⲓⲥⲓ ⲛⲉⲙ ⲛⲟⲩⲡⲟⲗⲏⲧⲓⲁ ⲉⲧⲁⲩⲁⲓⲧⲟⲩ	eigō ǹθ̀myi ǹtijemeθnavg an eioi ǹf̀ryti an je eitihmot ǹnixelloi alla eitihyou ǹtapsiṡy mmavat nem ouon niven eθnasōtem ènouxisi nem noupolytia etavaitou	I speak the truth, I do not lie—not as though I am bringing benefit to the Fathers, but for the sole benefit of my soul and anyone who hears of their sufferings and exercises.
57	ⲕⲉ ⲅⲁⲣ ⲛⲏ ⲉⲧⲁⲩⲥϧⲉⲕⲉϫⲱⲙ ⲛⲧⲉⲛⲉⲛⲓⲟϯ ⲉⲧϧⲉⲛⲛⲓⲅⲣⲁⲫⲏ ⲉⲑⲟⲩⲁⲃ ⲓⲥϫⲉⲛ ⲁⲇⲁⲙ ϣⲁⲁⲃⲣⲁⲁⲙ ⲛⲉⲙⲛⲏ ⲉⲧⲁⲩⲓ ⲙⲉⲛⲉⲛⲥⲱⲟⲩ ϣⲁⲉϧⲟⲩⲛ ⲉⲫⲟⲟⲩ ⲉⲧⲁⲩⲥϧⲁⲓ ⲁⲛ ϫⲉϩⲓⲛⲁ ⲛⲧⲟⲩϯⲱⲟⲩ ⲛⲛⲏ ⲉⲧⲁⲩⲥϧⲁⲓ ⲁⲗⲗⲁ ϫⲉⲛⲧⲟⲩϫⲉⲙϩⲏⲟⲩ ⲛϫⲉⲛⲏ ⲉⲑⲛⲁⲱϣ ⲙⲙⲱⲟⲩ ⲁⲩϣⲁⲛⲭⲟϩ ⲉⲡⲟⲩϫⲓⲛⲱⲛϧ	ⲕⲉ ⲅⲁⲣ ⲛⲏ ⲉⲧⲁⲩⲥϧⲉⲕⲉϫⲱⲙ ⲛ̀ⲧⲉ ⲛⲉⲛⲓⲟϯ ⲉⲧϧⲉⲛ ⲛⲓⲅ̀ⲣⲁⲫⲏ ⲉⲑⲟⲩⲁⲃ ⲓⲥϫⲉⲛ ⲁⲇⲁⲙ ϣⲁ ⲁⲃⲣⲁⲁⲙ ⲛⲉⲙ ⲛⲏ ⲉⲧⲁⲩⲓ̀ ⲙⲉⲛⲉⲛⲥⲱⲟⲩ ϣⲁ ⲉ̀ϧⲟⲩⲛ ⲉ̀ⲫⲟⲟⲩ ⲉⲧⲁⲩⲥ̀ϧⲁⲓ ⲁⲛ ϫⲉ ϩⲓⲛⲁ ⲛ̀ⲧⲟⲩϯⲱ̀ⲟⲩ ⲛ̀ⲛⲏ ⲉⲧⲁⲩⲥ̀ϧⲁⲓ ⲁⲗⲗⲁ ϫⲉ ⲛ̀ⲧⲟⲩϫⲉⲙϩⲏⲟⲩ ⲛ̀ϫⲉ ⲛⲏ ⲉⲑⲛⲁⲱϣ ⲙ̀ⲙⲱⲟⲩ ⲁⲩϣⲁⲛⲭⲟϩ ⲉ̀ⲡⲟⲩϫⲓⲛⲱⲛϧ	ke ġar ny etavsxekegōm ǹte nenioti etxen niġ̀rafy eθouab isjen adam ṡa abraam nem ny etavì menensōou ṡa èxoun èfoou etavs̀xai an je hina ǹtoutiṑou ǹny etavs̀xai alla je ǹtoujemhyou ǹje ny eθnaōṡ m̀mōou avṡankoh èpoujinōnx	For those who wrote books about our Fathers, from Adam to Abraham, and about those who followed up to the present day as found in the Scriptures, did not write to bring glory to those about whom they wrote but to provide benefit to those who would read, so that they might emulate their lives.
58	ϩⲱⲥ ⲟⲩⲛ ⲉⲕⲉⲙⲓ ⲉⲛⲁⲓ . ⲱ ⲡⲓⲥⲧⲟⲥ ⲟⲩⲟϩ ⲛⲥⲉⲙⲛⲟⲥ ⲟⲩⲟϩ ⲙⲃⲱⲕ ⲛⲧⲉⲡⲭ︦ⲥ︦ ⲗⲁⲩⲥⲓⲉ ϣⲱⲡⲓ ⲉⲕϯⲛⲟⲙϯ ⲛⲁⲕ ⲙⲙⲁⲩⲁⲧⲕ ϧⲉⲛϯⲙⲉⲗⲉⲧⲏ ⲛⲛⲓϫⲱⲙ ⲉⲑⲟⲩⲁⲃ ⲟⲩⲟϩ ⲧⲁⲙⲉⲧⲣⲉϥⲉⲣϩⲟⲩⲟⲥⲁϫⲓ ⲉⲧⲁⲥϣⲱⲡⲓ ϩⲁⲣⲟⲕ ⲉⲑⲃⲉⲡⲁⲣⲉϩ ⲉϯⲅⲛⲱⲙⲏ ⲛⲉⲩⲥⲉⲃⲏⲥ ϣⲟⲡⲥ ⲉⲣⲟⲕ	ϩⲱⲥ ⲟⲩⲛ ⲉⲕⲉⲙⲓ ⲉ̀ⲛⲁⲓ. Ⲱ̀ ⲡⲓⲥⲧⲟⲥ ⲟⲩⲟϩ ⲛ̀ⲥⲉⲙⲛⲟⲥ ⲟⲩⲟϩ ⲛ̀ⲃⲱⲕ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ⲗⲁⲩⲥⲓⲉ ϣⲱⲡⲓ ⲉⲕϯⲛⲟⲙϯ ⲛⲁⲕ ⲙ̀ⲙⲁⲩⲁⲧⲕ ϧⲉⲛ ϯⲙⲉⲗⲉⲧⲏ ⲛ̀ⲛⲓϫⲱⲙ ⲉⲑⲟⲩⲁⲃ ⲟⲩⲟϩ ⲧⲁⲙⲉⲧⲣⲉϥⲉⲣϩⲟⲩⲟⲥⲁϫⲓ ⲉⲧⲁⲥϣⲱⲡⲓ ϩⲁⲣⲟⲕ ⲉⲑⲃⲉ ⲡ̀ⲁ̀ⲣⲉϩ ⲉ̀ϯⲅ̀ⲛⲱⲙⲏ ⲛ̀ⲉⲩⲥⲉⲃⲏⲥ ϣⲟⲡⲥ ⲉ̀ⲣⲟⲕ	hōs oun ekemi ènai. Ṑ pistos ouoh ǹsemnos ouoh ǹvōk ǹte pix̀ristos lavsie ṡōpi ektinomti nak m̀mavatk xen timelety ǹnigōm eθouab ouoh tametreferhouosaji etasṡōpi harok eθve p̀àreh ètiġ̀nōmy ǹevsebys ṡop·s èrok	Therefore, knowing these things, O faithful and venerable servant of Christ, Lausus, strengthen yourself in the meditation of the holy books, and receive my verbosity, which is presented before you, so that you may preserve holy thoughts.
59	ⲟⲩⲟϩ ⲛⲓϫⲓⲛⲕⲓⲙ ⲛⲧⲉϯⲕⲁⲕⲓⲁ ⲉⲧⲟⲓ ⲙⲫⲣⲏϯ ⲛⲛⲓϩⲱⲓⲙⲓ ⲛⲧⲉⲫⲓⲟⲙ ⲉⲩϩⲓⲥⲫⲏⲓϯ ⲉⲧⲧⲱⲟⲩⲛⲟⲩ ⲙⲙⲱⲟⲩ ⲉϩⲣⲏⲓ ⲉϫⲱⲛ ⲙⲁⲣⲉⲛⲛⲟϣⲡⲟⲩ ⲉⲃⲟⲗ ϩⲓⲧⲉⲛϯⲡⲣⲟⲥⲉⲩⲭⲏ ⲛⲉⲙⲛⲓϥⲓⲣⲱⲟⲩϣ ⲛⲧⲉϯⲙⲉⲧⲣⲉϥϯϩⲑⲏϥ ⲉⲣⲟⲛ	ⲟⲩⲟϩ ⲛⲓϫⲓⲛⲕⲓⲙ ⲛ̀ⲧⲉ ϯⲕⲁⲕⲓⲁ ⲉⲧⲟⲓ ⲛ̀ⲫ̀ⲣⲏϯ ⲛ̀ⲛⲓϩⲱⲓⲙⲓ ⲛ̀ⲧⲉ ⲫ̀ⲓⲟⲙ ⲉⲩϩⲓⲥⲫⲏⲓϯ ⲉⲧⲧⲱⲟⲩⲛⲟⲩ ⲙ̀ⲙⲱⲟⲩ ⲉ̀ϩ̀ⲣⲏⲓ ⲉ̀ϫⲱⲛ ⲙⲁⲣⲉⲛⲛⲟϣⲡⲟⲩ ⲉ̀ⲃⲟⲗ ϩⲓⲧⲉⲛ ϯⲡ̀ⲣⲟⲥⲉⲩⲭⲏ ⲛⲉⲙ ⲛⲓϥⲓⲣⲱⲟⲩϣ ⲛ̀ⲧⲉ ϯⲙⲉⲧⲣⲉϥϯϩⲑⲏϥ ⲉ̀ⲣⲟⲛ	ouoh nijinkim ǹte tikakia etoi ǹf̀ryti ǹnihōimi ǹte f̀iom evhisfyiti ettōounou m̀mōou èh̀ryi ègōn marennoṡpou èvol hiten tip̀rosevṡy nem nifirōouṡ ǹte timetreftihθyf èron	The movements of depravity, which are like the waves of the sea foaming and rising against us, should be cast far away from us through prayer and attentiveness.
60	ⲟⲩⲟⲛ ⲟⲩⲙⲏϣ ⲛϫⲓⲛⲱⲛϧ ⲛⲧⲉⲛⲏ ⲉⲑⲟⲩⲁⲃ ⲛⲉⲙⲛⲓⲥⲛⲏⲟⲩ ⲙⲙⲁⲓⲛⲟⲩϯ ⲟⲩⲉⲧ ⲡϩⲱⲃ ⲙⲫⲁⲓ ⲟⲩⲉⲧ ⲡϩⲱⲃ ⲙⲡⲁⲓⲭⲉⲧ ⲟⲩⲛⲁϩϯ ⲛⲟⲩⲱⲧ ⲛⲉⲙⲟⲩⲡ︦ⲛ︦ⲁ︦ ⲛⲟⲩⲱⲧ ⲉⲧⲉⲣϩⲱⲃ ⲛϧⲏⲧⲟⲩ ⲧⲏⲣⲟⲩ .	ⲟⲩⲟⲛ ⲟⲩⲙⲏϣ ⲛ̀ϫⲓⲛⲱⲛϧ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲉⲙ ⲛⲓⲥ̀ⲛⲏⲟⲩ ⲛ̀ⲙⲁⲓⲛⲟⲩϯ ⲟⲩⲉⲧ ⲡ̀ϩⲱⲃ ⲛ̀ⲫⲁⲓ ⲟⲩⲉⲧ ⲡ̀ϩⲱⲃ ⲛ̀ⲡⲁⲓⲭⲉⲧ ⲟⲩⲛⲁϩϯ ⲛ̀ⲟⲩⲱⲧ ⲛⲉⲙ ⲟⲩⲡ̀ⲛⲉⲩⲙⲁ ⲛ̀ⲟⲩⲱⲧ ⲉⲧⲉⲣϩⲱⲃ ⲛ̀ϧⲏⲧⲟⲩ ⲧⲏⲣⲟⲩ.	ouon oumyṡ ǹjinōnx ǹte ny eθouab nem nis̀nyou ǹmainouti ouet p̀hōb ǹfai ouet p̀hōb ǹpaiket ounahti ǹouōt nem oup̀nevma ǹouōt eterhōb ǹxytou tyrou.	Many are the lives of these holy and pious brothers, each of whom engaged in a different work: yet all shared one faith and one Spirit, working in all their endeavors.
61	ⲙⲫⲣⲏϯ ⲅⲁⲣ ⲛⲟⲩⲡⲁⲣⲁⲇⲓⲥⲟⲥ ⲉⲣⲉⲟⲩⲟⲛ ⲟⲩⲙⲏϣ ⲛϣϣⲏⲛ ⲛϧⲏⲧϥ ⲟⲩⲉⲧ ⲡⲟⲩⲧⲁϩ ⲙⲫⲁⲓ ⲟⲩⲉⲧ ⲡⲟⲩⲧⲁϩ ⲙⲡⲁⲓⲭⲉⲧ ⲁⲗⲗⲁ ⲟⲩⲙⲱⲟⲩ ⲛⲟⲩⲱⲧ ⲉⲧⲧⲥⲓⲟ ⲙⲙⲱⲟⲩ ⲧⲏⲣⲟⲩ ⲫⲁⲓ ⲡⲉ ⲙⲫⲣⲏϯ ⲛⲛⲓϧⲉⲗⲗⲟⲓ ⲉⲑⲟⲩⲁⲃ ⲟⲩⲉⲧ ⲧⲁⲣⲉⲧⲏ ⲙⲫⲁⲓ ⲟⲩⲉⲧ ⲧⲁⲣⲉⲧⲏ ⲙⲡⲁⲓⲭⲉⲧ ⲟⲩⲁⲓ ϧⲉⲛⲟⲩⲙⲉⲧⲛⲁⲏⲧ ⲟⲩⲁⲓ ϧⲉⲛⲟⲩⲁⲥⲕⲩⲥⲓⲥ ⲟⲩⲁⲓ ϧⲉⲛⲟⲩϧⲓⲥⲓ ⲛⲥⲱⲙⲁ ⲟⲩⲁⲓ ϧⲉⲛⲟⲩϫⲱⲗ ⲉⲃⲟⲗ ⲕⲉⲟⲩⲁⲓ ϧⲉⲛⲟⲩϭⲛⲉϫⲱϥ	Ⲛ̀ⲫ̀ⲣⲏϯ ⲅⲁⲣ ⲛ̀ⲟⲩⲡⲁⲣⲁⲇⲓⲥⲟⲥ ⲉ̀ⲣⲉ ⲟⲩⲟⲛ ⲟⲩⲙⲏϣ ⲛ̀ⲧⲉ ϣ̀ϣⲏⲛ ⲛ̀ϧⲏⲧϥ ⲟⲩⲉⲧ ⲡ̀ⲟⲩⲧⲁϩ ⲛ̀ⲫⲁⲓ ⲟⲩⲉⲧ ⲡ̀ⲟⲩⲧⲁϩ ⲛ̀ⲡⲁⲓⲭⲉⲧ ⲁⲗⲗⲁ ⲟⲩⲙⲱⲟⲩ ⲛ̀ⲟⲩⲱⲧ ⲉⲧⲧⲥⲓⲟ ⲙ̀ⲙⲱⲟⲩ ⲧⲏⲣⲟⲩ ⲫⲁⲓ ⲡⲉ ⲛ̀ⲫ̀ⲣⲏϯ ⲛ̀ⲛⲓϧⲉⲗⲗⲟⲓ ⲉⲑⲟⲩⲁⲃ ⲟⲩⲉⲧ ⲧ̀ⲁ̀ⲣⲉⲧⲏ ⲛ̀ⲫⲁⲓ ⲟⲩⲉⲧ ⲧ̀ⲁ̀ⲣⲉⲧⲏ ⲛ̀ⲡⲁⲓⲭⲉⲧ ⲟⲩⲁⲓ ϧⲉⲛ ⲟⲩⲙⲉⲧⲛⲁⲏⲧ ⲟⲩⲁⲓ ϧⲉⲛ ⲟⲩⲁⲥⲕⲩⲥⲓⲥ ⲟⲩⲁⲓ ϧⲉⲛ ⲟⲩϧⲓⲥⲓ ⲛ̀ⲥⲱⲙⲁ ⲟⲩⲁⲓ ϧⲉⲛ ⲟⲩϫⲱⲗ ⲉ̀ⲃⲟⲗ ⲕⲉⲟⲩⲁⲓ ϧⲉⲛ ⲟⲩϭⲛⲉϫⲱϥ	Ǹf̀ryti ġar ǹouparaḋisos ère ouon oumyṡ ǹte ṡ̀ṡyn ǹxytf ouet p̀outah ǹfai ouet p̀outah ǹpaiket alla oumōou ǹouōt ettsio m̀mōou tyrou fai pe ǹf̀ryti ǹnixelloi eθouab ouet t̀àrety ǹfai ouet t̀àrety ǹpaiket ouai xen oumetnayt ouai xen ouaskisis ouai xen ouxisi ǹsōma ouai xen ougōl èvol keouai xen ouċnegōf	For just as in a garden there are many trees, each bearing different fruits, but all watered by the same source, so these holy elders were adorned with different virtues: one with mercy, another with ascetic practices, another with bodily afflictions, another with self-denial, another with humility.
62	ⲁⲡⲁⲝ ⲁⲡⲗⲱⲥ ϧⲉⲛϩⲱⲃ ⲛⲓⲃⲉⲛ ⲛⲧⲉϯⲙⲉⲧⲉⲩⲥⲉⲃⲏⲥ ⲉⲩϣⲟⲩϣⲟⲩ ⲙⲙⲱⲟⲩ ϧⲉⲛⲛⲓⲡⲟⲗⲏⲧⲓⲁ ⲛⲉⲙⲛⲓⲛⲁϩϯ ⲉⲩⲉⲣⲑⲁⲣⲓⲛ ⲙⲙⲱⲟⲩ ϧⲉⲛⲑⲙⲉⲗⲉⲧⲏ ⲙⲡⲥⲁϫⲓ ⲙⲫ︦ϯ︦︦ ⲛⲉⲙϩⲁⲛϫⲓⲛϭⲟϫⲓ ϧⲉⲛϯⲁⲅⲁⲡⲏ ⲉⲧⲥⲟⲧⲡ	ⲁⲡⲁⲝ ⲁⲡⲗⲱⲥ ϧⲉⲛ ϩⲱⲃ ⲛⲓⲃⲉⲛ ⲛ̀ⲧⲉ ϯⲙⲉⲧⲉⲩⲥⲉⲃⲏⲥ ⲉⲩϣⲟⲩϣⲟⲩ ⲙ̀ⲙⲱⲟⲩ ϧⲉⲛ ⲛⲓⲡⲟⲗⲏⲧⲓⲁ ⲛⲉⲙ ⲛⲓⲛⲁϩϯ ⲉⲩⲉⲣⲑⲁⲣⲓⲛ ⲙ̀ⲙⲱⲟⲩ ϧⲉⲛ ⲑⲙⲉⲗⲉⲧⲏ ⲛ̀ⲡ̀ⲥⲁϫⲓ ⲛ̀ⲫ̀ⲛⲟⲩϯ ⲛⲉⲙ ϩⲁⲛϫⲓⲛϭⲟϫⲓ ϧⲉⲛ ϯⲁ̀ⲅⲁⲡⲏ ⲉⲧⲥⲟⲧⲡ	apaks aplōs xen hōb niven ǹte timetevsebys evṡouṡou m̀mōou xen nipolytia nem ninahti everθarin m̀mōou xen θmelety ǹp̀·saji ǹf̀nouti nem hanjinċoji xen tiàġapy etsotp	In sum, they excelled in every work of virtue, transforming their way of life and their faith into glory, urging themselves onward to the meditation on divine teachings and an exceptional love through mutual encouragement.
63	ϩⲁⲛⲟⲩⲟⲛ ⲙⲉⲛ ⲁⲩϩⲓⲧⲟⲧⲟⲩ ϩⲱⲟⲩ ⲉⲛⲁⲓⲁⲣⲉⲧⲏ ⲁⲗⲗⲁ ⲙⲡⲟⲩϣⲁϣⲛⲓ ⲉⲑⲃⲉⲧⲟⲩⲙⲉⲧⲁⲧϯⲁⲕⲣⲓⲥⲓⲥ ⲉⲑⲃⲉϫⲉⲉⲩⲓⲣⲓ ⲙⲙⲱⲟⲩ ϧⲉⲛⲟⲩⲙⲉⲧⲣⲁⲛⲁϣ ⲛⲣⲱⲙⲓ ⲛⲉⲙⲟⲩⲙⲉⲧⲣⲉϥϯϣⲑⲟⲩⲓⲧ ⲛⲧⲉⲛⲓⲥⲛⲏⲟⲩ ⲉⲩϭⲟϫⲓ ⲛⲥⲁⲛⲓϩⲃⲏⲟⲩⲓ ⲉⲑⲛⲁⲛⲉⲩ ⲉⲃⲟⲗ ϩⲓⲧⲉⲛⲟⲩⲑⲱϧ ⲛⲧⲉϩⲁⲛϩⲃⲏⲟⲩⲓ ⲉⲛⲟⲩⲟⲩ ⲁⲛ ⲛⲉ ⲟⲩⲟϩ ⲡⲁⲓⲣⲏϯ ⲥⲉⲧⲁⲕⲟ ⲛⲛⲓϩⲃⲏⲟⲩⲓ ⲉⲑⲛⲁⲛⲉⲩ ⲉⲃⲟⲗ ϩⲓⲧⲉⲛϯⲙⲉⲧϭⲁⲥⲓϩⲏⲧ ⲑⲙⲁⲩ ⲛϯⲙⲉⲧⲁⲧⲉⲙⲓ .	ϩⲁⲛⲟⲩⲟⲛ ⲙⲉⲛ ⲁⲩϩⲓⲧⲟⲧⲟⲩ ϩⲱⲟⲩ ⲉ̀ⲛⲁⲓⲁ̀ⲣⲉⲧⲏ ⲁⲗⲗⲁ ⲙⲡⲟⲩϣⲁϣⲛⲓ ⲉⲑⲃⲉ ⲧⲟⲩⲙⲉⲧⲁⲧϯⲁⲕⲣⲓⲥⲓⲥ ⲉⲑⲃⲉ ϫⲉ ⲉⲩⲓ̀ⲣⲓ ⲙ̀ⲙⲱⲟⲩ ϧⲉⲛ ⲟⲩⲙⲉⲧⲣⲁⲛⲁϣ ⲛ̀ⲣⲱⲙⲓ ⲛⲉⲙ ⲟⲩⲙⲉⲧⲣⲉϥϯϣⲑⲟⲩⲓⲧ ⲛ̀ⲧⲉ ⲛⲓⲥ̀ⲛⲏⲟⲩ ⲉⲩϭⲟϫⲓ ⲛ̀ⲥⲁ ⲛⲓϩ̀ⲃⲏⲟⲩⲓ ⲉⲑⲛⲁⲛⲉⲩ ⲉ̀ⲃⲟⲗ ϩⲓⲧⲉⲛ ⲟⲩⲑⲱϧ ⲛ̀ⲧⲉ ϩⲁⲛϩ̀ⲃⲏⲟⲩⲓ̀ ⲉⲛⲟⲩⲟⲩ ⲁⲛ ⲛⲉ ⲟⲩⲟϩ ⲡⲁⲓⲣⲏϯ ⲥⲉⲧⲁⲕⲟ ⲛ̀ⲛⲓϩ̀ⲃⲏⲟⲩⲓ̀ ⲉⲑⲛⲁⲛⲉⲩ ⲉ̀ⲃⲟⲗ ϩⲓⲧⲉⲛ ϯⲙⲉⲧϭⲁⲥⲓϩⲏⲧ ⲑ̀ⲙⲁⲩ ⲛ̀ϯⲙⲉⲧⲁⲧⲉ̀ⲙⲓ.	hanouon men avhitotou hōou ènaiàrety alla mpouṡaṡni eθve toumetattiakrisis eθve je evìri m̀mōou xen oumetranaṡ ǹrōmi nem oumetreftiṡθouit ǹte nis̀nyou evċoji ǹsa nih̀vyoui eθnanev èvol hiten ouθōx ǹte hanh̀vyouì enouou an ne ouoh pairyti setako ǹnih̀vyouì eθnanev èvol hiten timetċasihyt θ̀mav ǹtimetatèmi.	Some indeed strove toward these virtues but, lacking discernment, failed to attain them because they practiced these virtues to please men and to accuse their brothers, rushing toward good works out of emulation for works that were not good. In this way, they corrupted good works through pride, the mother of ignorance.
64	ⲓⲏⲥ ⲟⲩⲛ ⲙⲙⲟⲕ ⲡⲁⲥⲟⲙ ⲉⲧⲁϩⲟⲕ ⲉⲣⲁⲧⲕ ⲛⲟⲩⲉⲣⲫⲉⲓ ⲙⲫ︦ϯ︦︦	Ⲓⲏⲥ ⲟⲩⲛ ⲙ̀ⲙⲟⲕ ⲡⲁⲥⲟⲙ ⲉ̀ⲧⲁϩⲟⲕ ⲉ̀ⲣⲁⲧⲕ ⲛ̀ⲟⲩⲉⲣⲫⲉⲓ ⲛ̀ⲧⲉ ⲫ̀ⲛⲟⲩϯ	Iys oun m̀mok pasom ètahok èratk ǹouerfei ǹte f̀nouti	Therefore, hurry, my brother, to present yourself as a temple of God.
65	ⲙⲡⲉⲣϯ ⲕⲉⲏⲓ ϫⲉ ⲛϯⲙⲉⲧⲣⲁⲙⲁⲟ ⲕⲁⲧⲁⲫⲣⲏϯ ⲉⲛⲁⲕⲓⲣⲓ ⲙⲙⲟⲥ ⲛⲟⲩⲥⲏⲟⲩ ⲁⲗⲗⲁ ⲙⲁⲗⲗⲟⲛ ⲙⲁⲣⲉⲥⲙⲟⲩⲛⲕ ⲛⲧⲟⲧⲕ ⲛϫⲉϯⲙⲉⲧⲙⲁⲓϩⲁⲧ ⲟⲩⲟϩ ⲛⲑⲟⲕ ϩⲱⲕ ⲛⲧⲉⲕⲙⲟⲩⲛⲕ ⲛⲧⲟⲧⲥ	ⲙ̀ⲡⲉⲣϯ ⲕⲉⲏⲓ ϫⲉ ⲛ̀ϯⲙⲉⲧⲣⲁⲙⲁⲟ̀ ⲕⲁⲧⲁ ⲫ̀ⲣⲏϯ ⲉⲛⲁⲕⲓ̀ⲣⲓ ⲙ̀ⲙⲟⲥ ⲛ̀ⲟⲩⲥⲏⲟⲩ ⲁⲗⲗⲁ ⲙⲁⲗⲗⲟⲛ ⲙⲁⲣⲉⲥⲙⲟⲩⲛⲕ ⲛ̀ⲧⲟⲧⲕ ⲛ̀ϫⲉ ϯⲙⲉⲧⲙⲁⲓϩⲁⲧ ⲟⲩⲟϩ ⲛ̀ⲑⲟⲕ ϩⲱⲕ ⲛ̀ⲧⲉⲭⲙⲟⲩⲛⲕ ⲛ̀ⲧⲟⲧⲥ	m̀perti keyi je ǹtimetramaò kata f̀ryti enakìri m̀mos ǹousyou alla mallon maresmounk ǹtotk ǹje timetmaihat ouoh ǹθok hōk ǹtekmounk ǹtots	Do not, as you once did, build yourself another house from wealth, but rather let the desire for silver abandon you, and you abandon it.
66	ⲙⲁⲣⲉⲥⲙⲟⲩⲛⲕ ⲛⲧⲟⲧⲕ ⲛϫⲉϯⲁⲥⲟⲩⲓ ⲉϣⲁⲥⲉⲣϩⲟⲗⲓ ϫⲫⲟ ⲇⲉ ⲛⲁⲕ ⲛⲑⲏ ⲉⲧⲉⲙⲡⲁⲣⲉⲛⲓⲥⲟⲛⲓ ϩⲓϣⲁⲧⲥ ⲉⲣⲟⲥ	ⲙⲁⲣⲉⲥⲙⲟⲩⲛⲕ ⲛ̀ⲧⲟⲧⲕ ⲛ̀ϫⲉ ϯⲁⲥⲟⲩⲓ ⲉϣⲁⲥⲉⲣϩⲟⲗⲓ ϫⲫⲟ ⲇⲉ ⲛⲁⲕ ⲛ̀ⲑⲏ ⲉ̀ⲧⲉ ⲙⲡⲁⲣⲉⲛⲓⲥⲟⲛⲓ ϩⲓϣⲁⲧⲥ ⲉ̀ⲣⲟⲥ	maresmounk ǹtotk ǹje tiasoui eṡaserholi gfo ḋe nak ǹθy ète mparenisoni hiṡats èros	Let the purse, which is consumed by moths, depart from you, and instead acquire for yourself treasures that thieves do not dig through.
67	ϭⲟⲥ ⲉⲃⲟⲗ ⲉⲛⲓϩⲏⲕⲓ ⲛⲉⲙⲛⲏ ⲉⲧⲉⲣⲭⲣⲓⲁ ⲙⲁⲧⲁⲗⲉ ⲡⲉⲕⲥⲧⲁⲩⲣⲟⲥ ⲉⲣⲟⲕ ⲟⲩⲟϩ ⲙⲟϣⲓ ⲛⲥⲁⲡⲉⲕϭ︦ⲥ︦	ϭⲟⲥ ⲉ̀ⲃⲟⲗ ⲉ̀ⲛⲓϩⲏⲕⲓ ⲛⲉⲙ ⲛⲏ ⲉⲧⲉⲣⲭⲣⲓⲁ ⲙⲁⲧⲁⲗⲉ ⲡⲉⲕⲥ̀ⲧⲁⲩⲣⲟⲥ ⲉ̀ⲣⲟⲕ ⲟⲩⲟϩ ⲙⲟϣⲓ ⲛ̀ⲥⲁ ⲡⲉⲕϭⲟⲓⲥ	ċos èvol ènihyki nem ny eterxria matale pek·s̀tavros èrok ouoh moṡi ǹsa pekċois	Spend these on the poor and the needy, take up your cross, and follow the Lord.
68	ⲉⲃⲟⲗ ⲅⲁⲣ ϩⲓⲧⲉⲛⲡⲁⲓϩⲱⲃ ⲉⲕⲉϫⲫⲟ ⲛⲁⲕ ⲛⲛⲓⲁⲣⲉⲧⲏ ⲧⲏⲣⲟⲩ ⲟⲩⲟϩ ⲉⲕⲉⲁⲣⲉϩ ⲉⲣⲟⲕ ⲉⲃⲟⲗ ϩⲁϯⲙⲉⲧⲣⲁⲛⲁϥ ⲛⲣⲱⲙⲓ ⲉⲧⲧⲁⲕⲏⲟⲩⲧ	ⲉ̀ⲃⲟⲗ ⲅⲁⲣ ϩⲓⲧⲉⲛ ⲡⲁⲓϩⲱⲃ ⲉⲕⲉ̀ϫⲫⲟ ⲛⲁⲕ ⲛ̀ⲛⲓⲁ̀ⲣⲉⲧⲏ ⲧⲏⲣⲟⲩ ⲟⲩⲟϩ ⲉⲕⲉⲁ̀ⲣⲉϩ ⲉ̀ⲣⲟⲕ ⲉ̀ⲃⲟⲗ ϩⲁ ϯⲙⲉⲧⲣⲁⲛⲁϥ ⲛ̀ⲣⲱⲙⲓ ⲉⲧⲧⲁⲕⲏⲟⲩⲧ	èvol ġar hiten paihōb ekègfo nak ǹniàrety tyrou ouoh ekeàreh èrok èvol ha timetranaf ǹrōmi ettakyout	For in this way, you will acquire all virtues and guard yourself from corruptible human vanity.
69	ⲙⲡⲉⲣⲥⲱⲛϩ ⲛⲧⲉⲕⲡⲣⲟϩⲉⲣⲉⲥⲓⲥ ⲉⲃⲟⲗ ϩⲓⲧⲉⲛⲟⲩⲙⲉⲧⲁⲧⲥⲟϭⲛⲓ ϧⲉⲛⲟⲩⲁⲛⲁϣ ⲙⲙⲉⲧϭⲁⲥⲓϩⲏⲧ ϫⲉϯⲛⲁⲟⲩⲱⲙ ⲁⲛ ϯⲛⲁⲥⲱ ⲁⲛ ⲙⲫⲣⲏϯ ⲛϩⲁⲛⲟⲩⲟⲛ ⲉⲧⲁⲩⲉⲣⲟⲩϩⲱⲃ ⲙⲡⲁⲓⲣⲏϯ	ⲙ̀ⲡⲉⲣⲥⲱⲛϩ ⲛ̀ⲧⲉⲕⲡ̀ⲣⲟϩⲉⲣⲉⲥⲓⲥ ⲉ̀ⲃⲟⲗ ϩⲓⲧⲉⲛ ⲟⲩⲙⲉⲧⲁⲧⲥⲟϭⲛⲓ ϧⲉⲛ ⲟⲩⲁⲛⲁϣ ⲛ̀ⲙⲉⲧϭⲁⲥⲓϩⲏⲧ ϫⲉ ϯⲛⲁⲟⲩⲱⲙ ⲁⲛ ϯⲛⲁⲥⲱ ⲁⲛ ⲛ̀ⲫ̀ⲣⲏϯ ⲛ̀ϩⲁⲛⲟⲩⲟⲛ ⲉⲧⲁⲩⲉⲣⲟⲩϩⲱⲃ ⲛ̀ⲡⲁⲓⲣⲏϯ	m̀persōnh ǹtekp̀roheresis èvol hiten oumetatsoċni xen ouanaṡ ǹmetċasihyt je tinaouōm an tinasō an ǹf̀ryti ǹhanouon etaverouhōb ǹpairyti	Do not bind your freedom with the imprudence of an arrogant oath, saying, “I will not drink, I will not eat,” as some men have done who followed such a way of acting.
70	ⲁⲩⲣⲁⲟⲩⲱ ϧⲉⲛϩⲁⲛⲡⲁⲑⲟⲥ ⲛⲧⲉⲡⲓⲧⲱⲙⲧ ⲛⲉⲙϩⲁⲛϩⲩⲇⲟⲛⲏ ϣⲁⲧⲟⲩⲃⲱⲗ ⲙⲡⲓⲁⲛⲁϣ ⲉⲃⲟⲗ ⲉⲧⲁⲩⲧⲏⲓϥ .	ⲁⲩⲣⲁⲟⲩⲱ ϧⲉⲛ ϩⲁⲛⲡⲁⲑⲟⲥ ⲛ̀ⲧⲉ ⲡⲓⲧⲱⲙⲧ ⲛⲉⲙ ϩⲁⲛϩⲩⲇⲟⲛⲏ ϣⲁⲧⲟⲩⲃⲱⲗ ⲛ̀ⲡⲓⲁⲛⲁϣ ⲉ̀ⲃⲟⲗ ⲉⲧⲁⲩⲧⲏⲓϥ.	avraouō xen hanpaθos ǹte pitōmt nem hanhiḋony ṡatouvōl ǹpianaṡ èvol etavtyif.	For they fell into passions of hesitation and pleasures until they broke their oath.
71	ⲛⲑⲟⲕ ⲇⲉ ⲓⲧⲉ ⲉⲕⲟⲩⲱⲙ ⲟⲩⲱⲙ ϧⲉⲛⲡⲉⲕⲟⲩⲱϣ ⲓⲧⲉ ⲉⲕⲁⲙⲟⲛⲓ ⲛⲧⲟⲧⲕ ⲥⲁⲃⲟⲗ ⲙⲡⲓⲟⲩⲱⲙ ⲁⲙⲟⲛⲓ ϧⲉⲛⲡⲉⲕⲉⲣϣⲓϣⲓ ⲭⲱⲣⲓⲥⲁⲛⲁϣ ⲟⲩⲟϩ ⲛⲛⲉⲕⲉⲣⲛⲟⲃⲓ ⲉⲛⲉϩ	Ⲛ̀ⲑⲟⲕ ⲇⲉ ⲓⲧⲉ ⲉⲭⲟⲩⲱⲙ ⲟⲩⲱⲙ ϧⲉⲛ ⲡⲉⲕⲟⲩⲱϣ ⲓⲧⲉ ⲉⲕⲁ̀ⲙⲟⲛⲓ ⲛ̀ⲧⲟⲧⲕ ⲥⲁⲃⲟⲗ ⲛ̀ⲡⲓⲟⲩⲱⲙ ⲁ̀ⲙⲟⲛⲓ ϧⲉⲛ ⲡⲉⲕⲉⲣϣⲓϣⲓ ⲭⲱⲣⲓⲥⲁⲛⲁϣ ⲟⲩⲟϩ ⲛ̀ⲛⲉⲕⲉⲣⲛⲟⲃⲓ ⲉ̀ⲛⲉϩ	Ǹθok ḋe ite ekouōm ouōm xen pekouōṡ ite ekàmoni ǹtotk savol ǹpiouōm àmoni xen pekerṡiṡi kōrisanaṡ ouoh ǹnekernovi èneh	Therefore, if you eat, eat according to your will; if you refrain from eating, refrain according to your ability without making an oath, and may you never sin.
72	ⲟⲩⲛⲟⲩϯ ⲅⲁⲣ ⲡⲉ ⲡⲓⲕⲁϯ ⲉⲧϣⲟⲡ ⲛϧⲏⲧⲉⲛ ⲉϥϯ ⲟⲩⲃⲉⲛⲓⲕⲓⲙ ⲛⲧⲉⲡⲓⲡ︦ⲛ︦ⲁ︦ ⲉⲧϩⲱⲟⲩ ⲉⲑⲃⲟⲧⲥ ⲉⲣⲟⲛ ⲉⲧⲉⲛⲓⲙⲉⲩⲓ ⲛⲉ ⲉϥϩⲓⲟⲩⲓ ⲉⲃⲟⲗ ⲛⲛⲏⲉⲧⲉⲣⲃⲟⲛⲓ ⲉϥⲓⲛⲓ ⲇⲉ ⲉϧⲟⲩⲛ ⲛⲛⲏ ⲉⲧϯϩⲏⲟⲩ ⲛⲁⲛ	ⲟⲩⲛⲟⲩϯ ⲅⲁⲣ ⲡⲉ ⲡⲓⲕⲁϯ ⲉⲧϣⲟⲡ ⲛ̀ϧⲏⲧⲉⲛ ⲉϥϯ ⲟⲩⲃⲉⲛⲓⲕⲓⲙ ⲛ̀ⲧⲉ ⲡⲓⲡ̀ⲛⲉⲩⲙⲁ ⲉⲧϩⲱⲟⲩ ⲉⲑⲃⲟⲧⲥ ⲉ̀ⲣⲟⲛ ⲉⲧⲉⲛⲓⲙⲉⲩⲓ ⲛⲉ ⲉϥϩⲓⲟⲩⲓ̀ ⲉ̀ⲃⲟⲗ ⲛ̀ⲛⲏⲉⲧⲉⲣⲃⲟⲛⲓ ⲉϥⲓ̀ⲛⲓ ⲇⲉ ⲉ̀ϧⲟⲩⲛ ⲛ̀ⲛⲏ ⲉⲧϯϩⲏⲟⲩ ⲛⲁⲛ	ounouti ġar pe pikati etṡop ǹxyten efti ouvenikim ǹte pip̀nevma et·hōou eθvots èron etenimevi ne efhiouì èvol ǹnyetervoni efìni ḋe èxoun ǹny ettihyou nan	For the intelligence that resides in us is divine, fighting against the harmful movements of the evil spirit battling against us—that is, our thoughts—driving out those that are harmful and bringing in those that benefit us.
73	ⲡⲓⲑⲙⲏⲓ ⲅⲁⲣ ⲙⲙⲟⲛ ⲛⲟⲙⲟⲥ ⲭⲏ ϩⲓϫⲱϥ ⲁϥⲧⲟⲙϥ ⲅⲁⲣ ⲉⲫ︦ϯ︦︦ ⲡϭ︦ⲥ︦ ⲡⲉ ⲉⲧⲟⲓ ⲛⲛⲟⲙⲟⲥ ⲛⲁϥ .	ⲡⲓⲑ̀ⲙⲏⲓ ⲅⲁⲣ ⲙ̀ⲙⲟⲛ ⲛⲟⲙⲟⲥ ⲭⲏ ϩⲓϫⲱϥ ⲁϥⲧⲟⲙϥ ⲅⲁⲣ ⲉ̀ⲫ̀ⲛⲟⲩϯ ⲡ̀ϭⲟⲓⲥ ⲡⲉ ⲉⲧⲟⲓ ⲛ̀ⲛⲟⲙⲟⲥ ⲛⲁϥ.	piθ̀myi ġar m̀mon nomos ky higōf aftomf ġar èf̀nouti p̀ċois pe etoi ǹnomos naf.	For the law is not placed upon the righteous, for they are united with God, and the Lord Himself is their law.
74	ⲛⲁⲛⲉⲥ ⲅⲁⲣ ⲉⲥⲉⲏⲣⲡ ϩⲉⲛ ⲟⲩⲥⲟϭⲛⲓ ⲉⲛⲁⲛⲉϥ ⲉϩⲟⲧⲉ ⲉⲥⲉⲙⲱⲟⲩ ϧⲉⲛⲟⲩⲙⲉⲧϭⲁⲥⲓϩⲏⲧ	Ⲛⲁⲛⲉⲥ ⲅⲁⲣ ⲉ̀ⲥⲉⲏⲣⲡ ϩⲉⲛ ⲟⲩⲥⲟϭⲛⲓ ⲉⲛⲁⲛⲉϥ ⲉ̀ϩⲟⲧⲉ ⲉ̀ⲥⲉⲙⲱⲟⲩ ϧⲉⲛ ⲟⲩⲙⲉⲧϭⲁⲥⲓϩⲏⲧ	Nanes ġar èseyrp hen ousoċni enanef èhote èsemōou xen oumetċasihyt	It is better, therefore, to drink wine with good judgment than to drink water with pride.
75	ⲙⲁϩⲑⲏⲕ ⲟⲩⲛ ⲉⲛⲓⲑⲙⲏⲓ ⲛⲏ ⲉⲧⲁⲩⲥⲉⲏⲣⲡ ϧⲉⲛⲟⲩⲥⲟϭⲛⲓ ⲉⲛⲁⲛⲉϥ ⲟⲩⲟϩ ⲙⲡⲉⲣϯϩⲑⲏⲕ ⲉⲛⲓⲣⲱⲙⲓ ⲛⲥⲙⲟⲧ ⲛⲇⲉⲙⲱⲛ ⲛⲏ ⲉⲧⲥⲉⲙⲱⲟⲩ ϧⲉⲛⲟⲩⲙⲉⲩⲓ ⲉϥⲥⲙⲟⲛⲧ ⲁⲛ	ⲙⲁϩ̀ⲑⲏⲕ ⲟⲩⲛ ⲉ̀ⲛⲓⲑ̀ⲙⲏⲓ ⲛⲏ ⲉⲧⲁⲩⲥⲉⲏⲣⲡ ϧⲉⲛ ⲟⲩⲥⲟϭⲛⲓ ⲉⲛⲁⲛⲉϥ ⲟⲩⲟϩ ⲙ̀ⲡⲉⲣϯϩ̀ⲑⲏⲕ ⲉ̀ⲛⲓⲣⲱⲙⲓ ⲛ̀ⲥⲙⲟⲧ ⲛ̀ⲇⲉⲙⲱⲛ ⲛⲏ ⲉⲧⲥⲉⲙⲱⲟⲩ ϧⲉⲛ ⲟⲩⲙⲉⲩⲓ ⲉϥⲥⲙⲟⲛⲧ ⲁⲛ	mah̀θyk oun èniθ̀myi ny etavseyrp xen ousoċni enanef ouoh m̀pertih̀θyk ènirōmi ǹsmot ǹḋemōn ny etsemōou xen oumevi efsmont an	Consider those righteous ones who drank wine with good judgment, and do not regard as images of demons those who drink water with improper thoughts.
76	ⲉⲓⲙⲫⲣⲏϯ ⲁⲛ ϫⲉⲉⲓϣⲱϣϥ ⲓⲉ ⲉⲓϯϩⲁⲡ ⲫⲏ ⲅⲁⲣ ⲉⲑⲟⲩⲱⲙ ⲁϥⲟⲩⲱⲙ ⲙⲡϭ︦ⲥ︦ ⲟⲩⲟϩ ϥϣⲉⲡϩⲙⲟⲧ ⲛⲧⲉⲛⲫ︦ϯ︦︦ ⲫⲏ ⲟⲛ ⲉⲑⲟⲩⲱⲙ ⲁⲛ ⲁϥⲟⲩⲱⲙ ⲁⲛ ⲙⲡϭ︦ⲥ︦ ⲟⲩⲟϩ ϥϣⲉⲡϩⲙⲟⲧ ⲛⲧⲉⲛⲫϯ	ⲉⲓⲛⲫ̀ⲣⲏϯ ⲁⲛ ϫⲉ ⲉⲓϣⲱϣϥ ⲓⲉ ⲉⲓϯϩⲁⲡ ⲫⲏ ⲅⲁⲣ ⲉⲑⲟⲩⲱⲙ ⲁϥⲟⲩⲱⲙ ⲛ̀ⲡ̀ϭⲟⲓⲥ ⲟⲩⲟϩ ϥ̀ϣⲉⲡϩⲙⲟⲧ ⲛ̀ⲧⲉⲛ ⲫ̀ⲛⲟⲩϯ ⲫⲏ ⲟⲛ ⲉⲑⲟⲩⲱⲙ ⲁⲛ ⲁϥⲟⲩⲱⲙ ⲁⲛ ⲛ̀ⲡ̀ϭⲟⲓⲥ ⲟⲩⲟϩ ϥ̀ϣⲉⲡϩⲙⲟⲧ ⲛ̀ⲧⲉⲛ ⲫ̀ⲛⲟⲩϯ	einf̀ryti an je eiṡōṡf ie eitihap fy ġar eθouōm afouōm ǹp̀ċois ouoh f̀ṡephmot ǹten f̀nouti fy on eθouōm an afouōm an ǹp̀ċois ouoh f̀ṡephmot ǹten f̀nouti	I am not one to criticize or judge, for the one who eats, eats to the Lord and gives thanks to the Lord; and the one who does not eat, does not eat to the Lord and gives thanks to God.
77	ⲁⲗⲗⲁ ⲡⲓϩⲱⲃ ϭⲓ ⲉⲑⲣⲉ ⲡϧⲓⲥⲓ ⲙⲡⲓⲣⲱⲙⲓ ϣⲱⲡⲓ ϧⲉⲛⲡⲁⲣⲉϩ ⲙⲡⲓⲥⲟϭⲛⲓ ⲙⲏⲡⲱⲥ ⲛⲧⲉϥϩⲉⲓ ⲉⲟⲩⲥⲱⲃⲓ ⲛⲧⲉⲛⲓⲇⲉⲙⲱⲛ	ⲁⲗⲗⲁ ⲡⲓϩⲱⲃ ϭⲓ ⲉⲑⲣⲉ ⲡ̀ϧⲓⲥⲓ ⲛ̀ⲡⲓⲣⲱⲙⲓ ϣⲱⲡⲓ ϧⲉⲛ ⲡ̀ⲁ̀ⲣⲉϩ ⲛ̀ⲡⲓⲥⲟϭⲛⲓ ⲙⲏⲡⲱⲥ ⲛ̀ⲧⲉϥϩⲉⲓ ⲉ̀ⲟⲩⲥⲱⲃⲓ ⲛ̀ⲧⲉ ⲛⲓⲇⲉⲙⲱⲛ	alla pihōb ċi eθre p̀xisi ǹpirōmi ṡōpi xen p̀àreh ǹpisoċni mypōs ǹtefhei èousōvi ǹte niḋemōn	But it is very important that a person's affliction be carried out rationally, lest they fall into the mockery of demons.
78	ϯϣⲱϣϥ ⲁⲛ ⲛⲛⲓϧⲣⲏⲟⲩⲓ ⲟⲩⲇⲉ ϯϣⲟⲩϣⲟⲩ ⲉϫⲱⲟⲩ ⲁⲛ ⲟⲛ ⲁⲗⲗⲁ ⲙⲁⲗⲗⲟⲛ ϯϣⲟⲩϣⲟⲩ ⲉϫⲉⲛϯⲅⲛⲱⲙⲏ ⲉⲧϭⲓ ⲉⲃⲟⲗ ϧⲉⲛⲛⲓϧⲣⲏⲟⲩⲓ ϧⲉⲛⲟⲩⲥⲟϭⲛⲓ ⲛⲕⲁⲗⲱⲥ	ϯϣⲱϣϥ ⲁⲛ ⲛ̀ⲛⲓϧⲣⲏⲟⲩⲓ ⲟⲩⲇⲉ ϯϣⲟⲩϣⲟⲩ ⲉ̀ϫⲱⲟⲩ ⲁⲛ ⲟⲛ ⲁⲗⲗⲁ ⲙⲁⲗⲗⲟⲛ ϯϣⲟⲩϣⲟⲩ ⲉ̀ϫⲉⲛ ϯⲅ̀ⲛⲱⲙⲏ ⲉⲧϭⲓ ⲉ̀ⲃⲟⲗ ϧⲉⲛ ⲛⲓϧⲣⲏⲟⲩⲓ ϧⲉⲛ ⲟⲩⲥⲟϭⲛⲓ ⲛ̀ⲕⲁⲗⲱⲥ	tiṡōṡf an ǹnixryoui ouḋe tiṡouṡou ègōou an on alla mallon tiṡouṡou èjen tiġ̀nōmy etċi èvol xen nixryoui xen ousoċni ǹkalōs	I do not criticize food, nor do I exalt it with praise, but rather the judgment that receives food with good counsel.
79	ⲛⲏ ⲉⲧϭⲓ ⲉⲃⲟⲗ ϧⲉⲛⲛⲓϧⲣⲏⲟⲩⲓ ⲛⲕⲁⲗⲱⲥ ϯⲓⲣⲓ ⲙⲙⲱⲟⲩ ⲛϫⲱⲃ ⲟⲩⲟϩ ⲛⲁⲧⲉⲙⲓ .	ⲛⲏ ⲉⲧϭⲓ ⲉ̀ⲃⲟⲗ ϧⲉⲛ ⲛⲓϧⲣⲏⲟⲩⲓ ⲛ̀ⲕⲁⲗⲱⲥ ϯⲓ̀ⲣⲓ ⲙ̀ⲙⲱⲟⲩ ⲛ̀ϫⲱⲃ ⲟⲩⲟϩ ⲛ̀ⲁⲧⲉⲙⲓ.	ny etċi èvol xen nixryoui ǹkalōs tiìri m̀mōou ǹgōb ouoh ǹatemi.	Those who receive good food I consider weak and ignorant.
80	ⲁⲛⲁⲩ ⲉⲡⲓⲙⲁⲕⲁⲣⲓⲟⲥ ⲓⲱⲥⲏⲫ ϫⲉⲁϥⲥⲉⲏⲣⲡ ϧⲉⲛⲟⲩⲥⲟϭⲛⲓ ϧⲉⲛⲡⲓⲕⲁϩⲓ ⲛⲭⲏⲙⲓ ⲁⲗⲗⲁ ⲙⲡⲉϥϣⲓⲃϯ ⲛϫⲉⲡⲉϥⲕⲁϯ ⲟⲩⲇⲉ ⲙⲡⲉⲧⲉϥⲥⲃⲱ ⲧⲁⲕⲟ	Ⲁ̀ⲛⲁⲩ ⲉ̀ⲡⲓⲙⲁⲕⲁⲣⲓⲟⲥ ⲓⲱⲥⲏⲫ ϫⲉ ⲁϥⲥⲉⲏⲣⲡ ϧⲉⲛ ⲟⲩⲥⲟϭⲛⲓ ϧⲉⲛ ⲡⲓⲕⲁϩⲓ ⲛ̀ⲭⲏⲙⲓ ⲁⲗⲗⲁ ⲙ̀ⲡⲉϥϣⲓⲃϯ ⲛ̀ϫⲉ ⲡⲉϥⲕⲁϯ ⲟⲩⲇⲉ ⲙ̀ⲡⲉⲧⲉϥⲥ̀ⲃⲱ ⲧⲁⲕⲟ	Ànav èpimakarios iōsyf je afseyrp xen ousoċni xen pikahi ǹkymi alla m̀pefṡivti ǹje pefkati ouḋe m̀petefs̀vō tako	Look at the blessed Joseph: he drank wine with good judgment in the land of Egypt, but his mind was not changed, nor was his discipline corrupted.
81	ⲛⲁϥⲧⲁϫⲣⲏⲟⲩⲧ ⲅⲁⲣ ⲡⲉ ⲛϫⲉⲡⲉϥϩⲏⲧ ⲟⲩⲟϩ ⲙⲡⲉⲥϣϫⲉⲙϫⲟⲙ ⲛⲉⲣϩⲁⲗ ⲙⲙⲟϥ ⲛϫⲉⲧⲉϥϭ︦ⲥ︦ ⲉⲡϭⲱϧⲉⲙ .	ⲛⲁϥⲧⲁϫⲣⲏⲟⲩⲧ ⲅⲁⲣ ⲡⲉ ⲛ̀ϫⲉ ⲡⲉϥϩⲏⲧ ⲟⲩⲟϩ ⲙ̀ⲡⲉⲥϣϫⲉⲙϫⲟⲙ ⲛ̀ⲉⲣϩⲁⲗ ⲙ̀ⲙⲟϥ ⲛ̀ϫⲉ ⲧⲉϥϭ̅ⲥ̅ ⲉ̀ⲡ̀ϭⲱϧⲉⲙ.	naftagryout ġar pe ǹje pefhyt ouoh m̀pesṡjemgom ǹerhal m̀mof ǹje tefċs èp̀ċōxem.	For his heart was steadfast, and his master's wife could not deceive him into defilement.
82	ⲁⲩⲥⲉⲙⲱⲟⲩ ϩⲱⲟⲩ ⲛϫⲉⲛⲓⲫⲓⲗⲟⲥⲟⲫⲟⲥ ⲉⲧⲉⲡⲓⲑⲁⲅⲟⲣⲁⲥ ⲡⲉ ⲛⲉⲙⲇⲓⲟⲅⲉⲛⲏⲥ ⲛⲉⲙⲡⲗⲁⲧⲱⲛ ⲛⲉⲙⲛⲓⲕⲉⲙⲁⲛⲓⲭⲉⲟⲥ ⲉⲧⲁⲩⲓ ⲉⲃⲟⲗ ⲛϧⲏⲧⲟⲩ ⲛⲉⲙϯⲑⲱⲟⲩⲧⲥ ⲧⲏⲣⲥ ⲛⲧⲉⲛⲓⲥⲁⲃⲉⲩ ⲛⲛⲟⲩϫ ⲛⲁⲓ ⲉⲧⲁⲩⲥⲣⲱϥⲧ ⲉϩⲁⲛⲛⲓϣϯ ⲛⲛⲟⲃⲓ ⲛⲧⲁⲓⲙⲁⲓⲏ ϩⲱⲥⲇⲉ ⲛⲧⲟⲩϣⲱⲡⲓ ⲛⲁⲧⲥⲟⲩⲉⲛⲫ︦ϯ︦︦ ⲟⲩⲟϩ ⲛⲧⲟⲩⲟⲩⲱϣⲧ ⲛⲛⲓⲓⲇⲱⲗⲟⲛ ⲉⲧⲥⲟϥ .	Ⲁⲩⲥⲉⲙⲱⲟⲩ ϩⲱⲟⲩ ⲛ̀ϫⲉ ⲛⲓⲫⲓⲗⲟⲥⲟⲫⲟⲥ ⲉ̀ⲧⲉ ⲡⲓⲑⲁⲅⲟⲣⲁⲥ ⲡⲉ ⲛⲉⲙ ⲇⲓⲟⲅⲉⲛⲏⲥ ⲛⲉⲙ ⲡ̀ⲗⲁⲧⲱⲛ ⲛⲉⲙ ⲛⲓⲕⲉⲙⲁⲛⲓⲭⲉⲟⲥ ⲉⲧⲁⲩⲓ̀ ⲉ̀ⲃⲟⲗ ⲛ̀ϧⲏⲧⲟⲩ ⲛⲉⲙ ϯⲑⲱⲟⲩⲧⲥ ⲧⲏⲣⲥ ⲛ̀ⲧⲉ ⲛⲓⲥⲁⲃⲉⲩ ⲛ̀ⲛⲟⲩϫ ⲛⲁⲓ ⲉⲧⲁⲩⲥⲣⲱϥⲧ ⲉ̀ϩⲁⲛⲛⲓϣϯ ⲛ̀ⲛⲟⲃⲓ ⲛ̀ⲧⲁⲓ̀ⲙⲁⲓⲏ ϩⲱⲥⲇⲉ ⲛ̀ⲧⲟⲩϣⲱⲡⲓ ⲛⲁⲧⲥⲟⲩⲉⲛⲫ̅ϯ̅︦ ⲟⲩⲟϩ ⲛ̀ⲧⲟⲩⲟⲩⲱϣⲧ ⲛ̀ⲛⲓⲓ̀ⲇⲱⲗⲟⲛ ⲉⲧⲥⲟϥ.	Avsemōou hōou ǹje nifilosofos ète piθaġoras pe nem diogenys nem p̀latōn nem nikemanikeos etavì èvol ǹxytou nem tiθōouts tyrs ǹte nisavev ǹnoug nai etavsrōft èhanniṡti ǹnovi ǹtaìmaiy hōsḋe ǹtouṡōpi natsouenfti︦ ouoh ǹtououōṡt ǹniìḋōlon etsof.	On the other hand, philosophers such as Pythagoras, Diogenes, Plato, and the Manichees who originated from them, and all the groups of false sages, drank water and committed such great sins of this kind that they forgot God and worshiped impure idols.
83	ⲁⲩⲥⲉⲏⲣⲡ ϩⲱⲟⲩ ⲛⲉⲙⲡⲉⲛϭ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛϫⲉⲛⲁⲛⲏⲓ ⲙⲡⲉⲧⲣⲟⲥ ⲡⲓⲁⲡⲟⲥⲧⲟⲗⲟⲥ ⲛⲉⲙⲛⲉϥⲙⲁⲑⲏⲧⲏⲥ ⲧⲏⲣⲟⲩ ϩⲱⲥⲇⲉ ⲛⲥⲉⲭⲣⲉⲙⲣⲉⲙ ⲛϫⲉⲛⲓⲓⲟⲩⲇⲁⲓ ⲛⲥⲁⲡⲓⲣⲉϥϯⲥⲃⲱ ⲉⲩϫⲱ ⲙⲙⲟⲥ ⲛⲁϥ ϫⲉⲉⲑⲃⲉⲟⲩ ⲛⲉⲕⲙⲁⲑⲏⲧⲏⲥ ⲥⲉⲉⲣⲛⲏⲥⲧⲉⲩⲓⲛ ⲁⲛ ⲙⲫⲣⲏϯ ⲛⲛⲓⲙⲁⲑⲏⲧⲏⲥ ⲛⲧⲉⲓⲱⲁⲛⲛⲏⲥ	Ⲁⲩⲥⲉⲏⲣⲡ ϩⲱⲟⲩ ⲛⲉⲙ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲛ̀ϫⲉ ⲛⲁⲛⲏⲓ ⲛ̀ⲡⲉⲧⲣⲟⲥ ⲡⲓⲁ̀ⲡⲟⲥⲧⲟⲗⲟⲥ ⲛⲉⲙ ⲛⲉϥⲙⲁⲑⲏⲧⲏⲥ ⲧⲏⲣⲟⲩ ϩⲱⲥⲇⲉ ⲛ̀ⲧⲟⲩⲭⲣⲉⲙⲣⲉⲙ ⲛ̀ϫⲉ ⲛⲓⲓⲟⲩⲇⲁⲓ ⲛ̀ⲥⲁ ⲡⲓⲣⲉϥϯⲥ̀ⲃⲱ ⲉⲩϫⲱ ⲙ̀ⲙⲟⲥ ⲛⲁϥ ϫⲉ ⲉⲑⲃⲉ ⲟⲩ ⲛⲉⲕⲙⲁⲑⲏⲧⲏⲥ ⲥⲉⲉⲣⲛⲏⲥⲧⲉⲩⲓⲛ ⲁⲛ ⲛ̀ⲫ̀ⲣⲏϯ ⲛ̀ⲛⲓⲙⲁⲑⲏⲧⲏⲥ ⲛ̀ⲧⲉ ⲓⲱⲁⲛⲛⲏⲥ	Avseyrp hōou nem penċois iysous pix̀ristos ǹje nanyi ǹpetros piàpostolos nem nefmaθytys tyrou hōsḋe ǹtoukremrem ǹje niioudai ǹsa pireftis̀vō evgō m̀mos naf je eθve ou nekmaθytys seernystevin an ǹf̀ryti ǹnimaθytys ǹte iōannys	Those in the house of Peter and all the disciples of our Lord Jesus Christ also drank wine with Him, so much so that the Jews murmured against the Master, saying: “Why do your disciples not fast like John's disciples?”
84	ⲟⲩⲟϩ ⲁⲡϭ︦ⲥ︦ ⲥⲟϩⲓ ⲛⲧⲟⲩⲙⲉⲧⲁⲧϩⲏⲧ ⲉϥϫⲱ ⲙⲙⲟⲥ ϫⲉⲙⲙⲟⲛ ϣϫⲟⲙ ⲛⲧⲉⲛⲓϣⲫⲏⲣⲓ ⲛⲧⲉⲡⲓⲡⲉⲧϣⲉⲗⲉⲧ ⲉⲣⲛⲏⲥⲧⲉⲩⲓⲛ ϩⲟⲥⲟⲛ ⲉⲣⲉⲡⲓⲡⲁⲧϣⲉⲗⲉⲧ ⲛⲉⲙⲱⲟⲩ ⲉⲧⲉⲁⲛⲟⲕ ⲡⲉ ⲉⲧϣⲟⲡ ϧⲉⲛⲟⲩⲕⲁϯ ⲛⲉⲙⲡⲟⲩⲥⲟϭⲛⲓ ⲉⲑⲛⲁⲛⲉϥ .	ⲟⲩⲟϩ ⲁ ⲡ̀ϭⲟⲓⲥ ⲥⲟϩⲓ ⲛ̀ⲧⲟⲩⲙⲉⲧⲁⲧϩⲏⲧ ⲉϥϫⲱ ⲙ̀ⲙⲟⲥ ϫⲉ ⲙ̀ⲙⲟⲛ ϣ̀ϫⲟⲙ ⲛ̀ⲧⲉⲛⲓϣ̀ⲫⲏⲣⲓ ⲛ̀ⲧⲉ ⲡⲓⲡⲉⲧϣⲉⲗⲉⲧ ⲉⲣⲛⲏⲥⲧⲉⲩⲓⲛ ϩⲟⲥⲟⲛ ⲉ̀ⲣⲉ ⲡⲓⲡⲁⲧϣⲉⲗⲉⲧ ⲛⲉⲙⲱⲟⲩ ⲉ̀ⲧⲉ ⲁⲛⲟⲕ ⲡⲉ ⲉⲧϣⲟⲡ ϧⲉⲛ ⲟⲩⲕⲁϯ ⲛⲉⲙ ⲡⲟⲩⲥⲟϭⲛⲓ ⲉⲑⲛⲁⲛⲉϥ.	ouoh a p̀ċois sohi ǹtoumetat·hyt efgō m̀mos je m̀mon ṡ̀gom ǹteniṡ̀fyri ǹte pipetṡelet ernystevin hoson ère pipatṡelet nemōou ète anok pe etṡop xen oukati nem pousoċni eθnanef.	But the Lord rebuked their foolishness, saying: “The sons of the bridegroom cannot fast while the bridegroom is with them,” meaning that He Himself, who dwelt in their minds and good counsel, was present with them.
85	ⲡⲁⲗⲓⲛ ⲟⲛ ⲁⲩϫⲉⲙⲁⲣⲓⲕⲓ ⲉⲛⲉϥⲙⲁⲑⲏⲧⲏⲥ ϫⲉⲉⲧⲃⲉⲟⲩ ⲡⲉⲧⲉⲛⲣⲉϥϯⲥⲃⲱ ϥⲟⲩⲱⲙ ⲟⲩⲟϩ ϥⲥⲱ ⲛⲉⲙⲛⲓⲧⲉⲗⲱⲛⲏⲥ ⲛⲉⲙⲛⲓⲣⲉϥⲉⲣⲛⲟⲃⲓ	Ⲡⲁⲗⲓⲛ ⲟⲛ ⲁⲩϫⲉⲙⲁⲣⲓⲕⲓ ⲉ̀ⲛⲉϥⲙⲁⲑⲏⲧⲏⲥ ϫⲉ ⲉⲧⲃⲉⲟⲩ ⲡⲉⲧⲉⲛⲣⲉϥϯⲥ̀ⲃⲱ ϥ̀ⲟⲩⲱⲙ ⲟⲩⲟϩ ϥ̀ⲥⲱ ⲛⲉⲙ ⲛⲓⲧⲉⲗⲱⲛⲏⲥ ⲛⲉⲙ ⲛⲓⲣⲉϥⲉⲣⲛⲟⲃⲓ	Palin on avjemariki ènefmaθytys je etveou petenreftis̀vō f̀ouōm ouoh f̀sō nem nitelōnys nem nirefernovi	Again, they rebuked His disciples, saying: “Why does your teacher eat and drink with publicans and sinners?”
86	ⲛⲁⲩϫⲉⲙⲁⲣⲓⲕⲓ ⲁⲛ ⲡⲓϫⲁⲓ ⲉⲃⲏⲗ ϫⲉϧⲉⲛⲟⲩⲙⲉⲑⲙⲏⲓ ⲁϥⲟⲩⲱⲙ ⲟⲩⲟϩ ⲁϥⲥⲱ .	ⲛⲁⲩϫⲉⲙⲁⲣⲓⲕⲓ ⲁⲛ ⲡⲓϫⲁⲓ ⲉ̀ⲃⲏⲗ ϫⲉ ϧⲉⲛ ⲟⲩⲙⲉⲑⲙⲏⲓ ⲁϥⲟⲩⲱⲙ ⲟⲩⲟϩ ⲁϥⲥⲱ.	navjemariki an pigai èvyl je xen oumeθmyi afouōm ouoh afsō.	They did not criticize in vain only because He truly ate and drank.
87	ⲁϥⲉⲣⲟⲩⲱ ⲛϫⲉⲡⲉⲛϭ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϫⲉⲁϥⲓ ϩⲁⲣⲱⲧⲉⲛ ⲛϫⲉⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲛϥⲟⲩⲱⲙ ⲁⲛ ⲟⲩⲇⲉ ⲛϥⲥⲱ ⲁⲛ ⲡⲉϫⲱⲧⲉⲛ ϫⲉⲟⲩⲟⲛ ⲟⲩⲇⲉⲙⲱⲛ ⲛⲉⲙⲁϥ ⲉϥϫⲱ ⲙⲙⲟⲥ ϫⲉⲛⲁϥⲟⲩⲉⲙⲁϥ ⲡⲉ ⲟⲩⲇⲉ ⲛⲁϥⲥⲉⲏⲣⲡ ⲁⲛ ⲡⲉ ⲙⲙⲟⲛ ⲉϣ ⲟⲩⲣⲱⲙⲓ ⲱⲛϧ ϧⲉⲛⲡⲓⲥⲱⲙⲁ ⲛⲁⲧϥⲟⲩⲉⲙϧⲣⲉ ⲛⲉⲙⲙⲱⲟⲩ ⲉⲥⲱ .	Ⲁϥⲉⲣⲟⲩⲱ ⲛ̀ϫⲉ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ϫⲉ ⲁϥⲓ̀ ϩⲁⲣⲱⲧⲉⲛ ⲛ̀ϫⲉ ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲛ̀ϥⲟⲩⲱⲙ ⲁⲛ ⲟⲩⲇⲉ ⲛ̀ϥⲥⲱ ⲁⲛ ⲡⲉϫⲱⲧⲉⲛ ϫⲉ ⲟⲩⲟⲛ ⲟⲩⲇⲉⲙⲱⲛ ⲛⲉⲙⲁϥ ⲉϥϫⲱ ⲙ̀ⲙⲟⲥ ϫⲉ ⲛⲁϥⲟⲩⲉⲙⲁϥ ⲡⲉ ⲟⲩⲇⲉ ⲛⲁϥⲥⲉⲏⲣⲡ ⲁⲛ ⲡⲉ ⲙ̀ⲙⲟⲛ ⲉϣ ⲟⲩⲣⲱⲙⲓ ⲱⲛϧ ϧⲉⲛ ⲡⲓⲥⲱⲙⲁ ⲛ̀ⲁⲧϥⲟⲩⲉⲙϧⲣⲉ ⲛⲉⲙ ⲙⲱⲟⲩ ⲉ̀ⲥⲱ.	Aferouō ǹje penċois iysous pix̀ristos je afì harōten ǹje iōannys pireftiōms ǹfouōm an ouḋe ǹfsō an pegōten je ouon ouḋemōn nemaf efgō m̀mos je nafouemaf pe ouḋe nafseyrp an pe m̀mon eṡ ourōmi ōnx xen pisōma ǹatfouemxre nem mōou èsō.	The Lord Jesus Christ answered them: “John the Baptist came to you neither eating nor drinking, and you said, ‘He has a demon’ (for he did not eat meat nor drink wine, though no one can live in the body without eating food or drinking water);
88	ⲁϥⲓ ⲛϫⲉⲡϣⲏⲣⲓ ⲙⲫⲣⲱⲙⲓ ⲉϥⲟⲩⲱⲙ ⲟⲩⲟϩ ⲉϥⲥⲱ ⲡⲉϫⲱⲧⲉⲛ ϫⲉⲓⲥ ⲟⲩⲣⲱⲙⲓ ⲛⲣⲉϥⲟⲩⲱⲙ ⲟⲩⲟϩ ⲛⲣⲉϥⲥⲱ ⲉϥⲟⲓ ⲛϣⲫⲏⲣ ⲉⲛⲓⲧⲉⲗⲱⲛⲏⲥ ⲛⲉⲙⲛⲓⲣⲉϥⲉⲣⲛⲟⲃⲓ	Ⲁϥⲓ̀ ⲛ̀ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲉϥⲟⲩⲱⲙ ⲟⲩⲟϩ ⲉϥⲥⲱ ⲡⲉϫⲱⲧⲉⲛ ϫⲉ ⲓⲥ ⲟⲩⲣⲱⲙⲓ ⲛ̀ⲣⲉϥⲟⲩⲱⲙ ⲟⲩⲟϩ ⲛ̀ⲣⲉϥⲥⲱ ⲉϥⲟⲓ ⲛ̀ϣ̀ⲫⲏⲣ ⲉ̀ⲛⲓⲧⲉⲗⲱⲛⲏⲥ ⲛⲉⲙ ⲛⲓⲣⲉϥⲉⲣⲛⲟⲃⲓ	Afì ǹje p̀ṡyri ǹf̀rōmi efouōm ouoh efsō pegōten je is ourōmi ǹrefouōm ouoh ǹrefsō efoi ǹṡ̀fyr ènitelōnys nem nirefernovi	The Son of Man came eating and drinking, and you say, ‘Behold a man who eats and drinks, who is a friend of publicans and sinners.’”
89	ⲟⲩⲟϩ ⲁⲥⲁⲙⲁϩⲓ ⲛϫⲉϯⲥⲟⲫⲓⲁ ⲉⲃⲟⲗ ϧⲉⲛⲛⲉⲥϩⲃⲏⲟⲩⲓ .	ⲟⲩⲟϩ ⲁⲥⲁⲙⲁϩⲓ ⲛ̀ϫⲉ ϯⲥⲟⲫⲓⲁ ⲉ̀ⲃⲟⲗ ϧⲉⲛ ⲛⲉⲥϩ̀ⲃⲏⲟⲩⲓ̀.	ouoh asamahi ǹje tisofia èvol xen nes·h̀vyouì.	Thus, Wisdom was fulfilled by its deeds.
90	ⲭⲟⲩⲱϣ ⲛⲧⲉⲛⲉⲣⲟⲩ ϫⲉ ⲁⲛⲟⲛ ⲟⲩⲇⲉ ⲛⲏ ⲉⲧϣⲟⲩϣⲟⲩ ⲉϫⲱⲛ ⲟⲩⲇⲉ ⲛⲏ ⲉⲧϯϣⲱϣ ⲛⲁⲛ ⲙⲡⲉⲛⲑⲣⲉⲛⲙⲟϣⲓ ⲛⲥⲱⲟⲩ ⲁⲗⲗⲁ ⲙⲁⲣⲉⲛⲙⲟϣⲓ ⲛⲉⲙⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲛⲧⲉⲛⲉⲣⲛⲏⲥⲧⲉⲩⲓⲛ ⲛⲉⲙⲁϥ ϧⲉⲛⲟⲩⲕⲁϯ ⲕⲁⲛ ⲟⲩϣⲁⲛϫⲟⲥ ϫⲉⲟⲩⲟⲛ ⲟⲩⲇⲉⲙⲱⲛ ⲛⲉⲙⲱⲟⲩ	Ⲭ̀ⲟⲩⲱϣ ⲛ̀ⲧⲉⲛⲉⲣⲟⲩ ϫⲉ ⲁ̀ⲛⲟⲛ ⲟⲩⲇⲉ ⲛⲏ ⲉⲧϣⲟⲩϣⲟⲩ ⲉ̀ϫⲱⲛ ⲟⲩⲇⲉ ⲛⲏ ⲉⲧϯϣⲱϣ ⲛⲁⲛ ⲙⲡⲉⲛⲑⲣⲉⲛⲙⲟϣⲓ ⲛ̀ⲥⲱⲟⲩ ⲁⲗⲗⲁ ⲙⲁⲣⲉⲛⲙⲟϣⲓ ⲛⲉⲙ ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲛ̀ⲧⲉⲛⲉⲣⲛⲏⲥⲧⲉⲩⲓⲛ ⲛⲉⲙⲁϥ ϧⲉⲛ ⲟⲩⲕⲁϯ ⲕⲁⲛ ⲟⲩϣⲁⲛϫⲟⲥ ϫⲉ ⲟⲩⲟⲛ ⲟⲩⲇⲉⲙⲱⲛ ⲛⲉⲙⲱⲟⲩ	K̀ouōṡ ǹtenerou je ànon ouḋe ny etṡouṡou ègōn ouḋe ny ettiṡōṡ nan mpenθrenmoṡi ǹsōou alla marenmoṡi nem iōannys pireftiōms ǹtenernystevin nemaf xen oukati kan ouṡangos je ouon ouḋemōn nemōou	What then do you think we should do? Let us follow neither those who heap praises on us nor those who criticize us, but let us follow John the Baptist, let us fast intelligently with him, even if they say, “He has a demon.”
91	ⲟⲩⲟϩ ⲙⲁⲣⲉⲛⲥⲉⲏⲣⲡ ⲛⲧⲉⲛⲟⲩⲉⲙⲧⲉⲃⲧ ⲛⲉⲙⲡⲭ︦ⲥ︦ ϧⲉⲛⲟⲩϣⲉⲡϩⲙⲟⲧ ⲛⲉⲙⲟⲩⲕⲁϯ ⲉϣⲱⲡ ⲉⲣⲉⲧⲉⲛⲥⲁⲣⲝ ϣⲱⲛⲓ ⲓⲉ ⲉⲥⲉⲣⲭⲣⲓⲁ	ⲟⲩⲟϩ ⲙⲁⲣⲉⲛⲥⲉⲏⲣⲡ ⲛ̀ⲧⲉⲛⲟⲩⲉⲙⲧⲉⲃⲧ ⲛⲉⲙ ⲡⲓⲭ̀ⲣⲓⲥⲧⲟⲥ ϧⲉⲛ ⲟⲩϣⲉⲡϩ̀ⲙⲟⲧ ⲛⲉⲙ ⲟⲩⲕⲁϯ ⲉϣⲱⲡ ⲉ̀ⲣⲉⲧⲉⲛⲥⲁⲣⲝ ϣⲱⲛⲓ ⲓⲉ ⲉⲥⲉⲣⲭⲣⲓⲁ	ouoh marenseyrp ǹtenouemtevt nem pix̀ristos xen ouṡeph̀mot nem oukati eṡōp èretensarks ṡōni ie eserxria	And let us drink wine and eat fish with Christ in thanksgiving and with good counsel if our flesh is weak or in need, even if they say, “Behold, men who eat meat and drink wine.”
92	ⲟⲩⲟϩ ϯⲙⲉⲧⲁⲑⲟⲩⲱⲙ ϩⲗⲓ ⲡⲉ ⲁⲗⲗⲁ ⲡⲓⲛⲁϩϯ ⲉⲧⲥⲟⲩⲧⲱⲛ ⲡⲉ ⲉⲧⲟⲩⲕⲱϯ ⲛⲥⲱϥ ⲛⲧⲟⲧⲉⲛ ⲛⲉⲙⲡⲓⲁⲣⲉϩ ⲛⲧⲉⲛⲓⲉⲛⲧⲟⲗⲏ ⲉⲡⲁⲓⲧⲟⲩ ϧⲉⲛⲟⲩⲱⲛϩ ⲉⲃⲟⲗ ⲛⲧⲉⲛⲓϩⲃⲏⲟⲩⲓ ⲉⲑⲛⲁⲛⲉⲩ .	ⲟⲩⲟϩ ϯⲙⲉⲧⲁⲑⲟⲩⲱⲙ ϩ̀ⲗⲓ ⲡⲉ ⲁⲗⲗⲁ ⲡⲓⲛⲁϩϯ ⲉⲧⲥⲟⲩⲧⲱⲛ ⲡⲉ ⲉⲧⲟⲩⲕⲱϯ ⲛ̀ⲥⲱϥ ⲛ̀ⲧⲟⲧⲉⲛ ⲛⲉⲙ ⲡⲓⲁ̀ⲣⲉϩ ⲛ̀ⲧⲉ ⲛⲓⲉⲛⲧⲟⲗⲏ ⲉ̀ⲡⲁⲓⲧⲟⲩ ϧⲉⲛ ⲟⲩⲱⲛϩ ⲉ̀ⲃⲟⲗ ⲛ̀ⲧⲉ ⲛⲓϩ̀ⲃⲏⲟⲩⲓ ⲉⲑⲛⲁⲛⲉⲩ.	ouoh timetaθouōm h̀li pe alla pinahti etsoutōn pe etoukōti ǹsōf ǹtoten nem piàreh ǹte nientoly èpaitou xen ouōnh èvol ǹte nih̀vyoui eθnanev.	For not eating is nothing, but what matters is right faith, which is required of you, and the observance of the commandments, which is made evident through good works.
93	ⲉϣⲱⲡ ⲟⲩⲛ ⲉⲣⲉⲡⲓⲛⲁϩϯ ⲙⲟϣⲓ ⲛⲥⲁϩⲱⲃ ⲛⲓⲃⲉⲛ ⲉⲧⲉⲛⲛⲁⲁⲓⲧⲟⲩ ⲉⲑⲃⲉⲫ︦ϯ︦︦ ⲓⲧⲉ ⲡⲓⲟⲩⲱⲙ ⲓⲧⲉ ⲡⲓⲥⲱ ⲓⲧⲉ ⲕⲉϩⲱⲃ ⲕⲉϩⲱⲃ ⲉⲩⲉϣⲱⲡⲓ ⲉⲩⲟⲓ ⲛⲁⲧϯϩⲁⲡ ⲉⲣⲱⲟⲩ ⲉⲑⲃⲉⲡⲓⲛⲁϩϯ ⲉⲧⲥⲟⲩⲧⲱⲛ .	Ⲉϣⲱⲡ ⲟⲩⲛ ⲉ̀ⲣⲉ ⲡⲓⲛⲁϩϯ ⲙⲟϣⲓ ⲛ̀ⲥⲁϩⲱⲃ ⲛⲓⲃⲉⲛ ⲉⲧⲉⲛⲛⲁⲁⲓⲧⲟⲩ ⲉⲑⲃⲉ ⲫ̀ⲛⲟⲩϯ ⲓⲧⲉ ⲡⲓⲟⲩⲱⲙ ⲓⲧⲉ ⲡⲓⲥⲱ ⲓⲧⲉ ⲕⲉϩⲱⲃ ⲕⲉϩⲱⲃ ⲉⲩⲉ̀ϣⲱⲡⲓ ⲉⲩⲟⲓ ⲛ̀ⲁⲧϯϩⲁⲡ ⲉ̀ⲣⲱⲟⲩ ⲉⲑⲃⲉ ⲡⲓⲛⲁϩϯ ⲉⲧⲥⲟⲩⲧⲱⲛ.	Eṡōp oun ère pinahti moṡi ǹsahōb niven etennaaitou eθve f̀nouti ite piouōm ite pisō ite kehōb kehōb evèṡōpi evoi ǹattihap èrōou eθve pinahti etsoutōn.	If, therefore, every good work we do for God is accompanied by faith—whether eating, drinking, or any other act—such works cannot be condemned because of right faith.
94	ϩⲱⲃ ⲇⲉ ⲛⲓⲃⲉⲛ ⲉⲧⲥⲁⲃⲟⲗ ⲙⲫⲛⲁϩϯ ⲫⲛⲟⲃⲓ ⲡⲉ .	Ϩⲱⲃ ⲇⲉ ⲛⲓⲃⲉⲛ ⲉⲧⲥⲁⲃⲟⲗ ⲛ̀ⲫ̀ⲛⲁϩϯ ⲫ̀ⲛⲟⲃⲓ ⲡⲉ.	Hōb ḋe niven etsavol ǹf̀nahti f̀novi pe.	However, any work done apart from faith is sin.
95	ⲁⲗⲗⲁ ⲉⲡⲓⲇⲏ ⲛⲏⲕⲉⲟⲩⲟⲛ ⲉⲑⲟⲩⲱⲙ ϧⲉⲛⲟⲩⲡⲁⲑⲟⲥ ⲛⲉⲙⲟⲩϩⲩⲇⲟⲛⲏ ⲉⲩϫⲱ ⲙⲙⲟⲥ ϫⲉⲛⲟⲩⲱⲙ ϧⲉⲛⲟⲩⲛⲁϩϯ ⲁⲗⲗⲁ ⲥⲉⲟⲩⲱⲙ ⲁⲛ ϧⲉⲛⲟⲩϣⲓ ⲉϥⲣⲱϣⲓ ⲁⲗⲗⲁ ϧⲉⲛⲟⲩⲙⲉⲧⲁⲧⲥⲓ ⲛⲧⲉⲟⲩϩⲩⲇⲟⲛⲏ ⲡⲱⲥ ⲧⲉⲛⲛⲁⲉⲙⲓ ⲉⲣⲱⲟⲩ .	Ⲁⲗⲗⲁ ⲉⲡⲓⲇⲏ ⲛⲏⲕⲉⲟⲩⲟⲛ ⲉⲑⲟⲩⲱⲙ ϧⲉⲛ ⲟⲩⲡⲁⲑⲟⲥ ⲛⲉⲙ ⲟⲩϩⲩⲇⲟⲛⲏ ⲉⲩϫⲱ ⲙ̀ⲙⲟⲥ ϫⲉ ⲛⲟⲩⲱⲙ ϧⲉⲛ ⲟⲩⲛⲁϩϯ ⲁⲗⲗⲁ ⲥⲉⲟⲩⲱⲙ ⲁⲛ ϧⲉⲛ ⲟⲩϣⲓ ⲉϥⲣⲱϣⲓ ⲁⲗⲗⲁ ϧⲉⲛ ⲟⲩⲙⲉⲧⲁⲧⲥⲓ ⲛ̀ⲧⲉ ⲟⲩϩⲩⲇⲟⲛⲏ ⲡⲱⲥ ⲧⲉⲛⲛⲁⲉⲙⲓ ⲉ̀ⲣⲱⲟⲩ.	Alla epiḋy nykeouon eθouōm xen oupaθos nem ouhiḋony evgō m̀mos je nouōm xen ounahti alla seouōm an xen ouṡi efrōṡi alla xen oumetatsi ǹte ouhiḋony pōs tennaemi èrōou.	But since there are those who eat with passion and indulgence, saying, “We eat with faith,” and who do not eat according to the measure of sufficiency but with insatiable greed, how shall we discern them?
96	ⲧⲉⲛⲛⲁⲉⲙⲓ ϥϫⲱ ⲅⲁⲣ ⲙⲙⲟⲥ ⲛϫⲉⲡⲉⲛⲥⲱⲧⲏⲣ ⲡⲭ︦ⲥ︦ ϫⲉⲉⲃⲟⲗ ϧⲉⲛⲛⲟⲩⲟⲩⲧⲁϩ ⲉⲣⲉⲧⲉⲛⲥⲟⲩⲱⲛⲟⲩ .	Ⲧⲉⲛⲛⲁⲉⲙⲓ ϥ̀ϫⲱ ⲅⲁⲣ ⲙ̀ⲙⲟⲥ ⲛ̀ϫⲉ ⲡⲉⲛⲥⲱⲧⲏⲣ ⲡⲓⲭ̀ⲣⲓⲥⲧⲟⲥ ϫⲉ ⲉ̀ⲃⲟⲗ ϧⲉⲛ ⲛⲟⲩⲟⲩⲧⲁϩ ⲉ̀ⲣⲉⲧⲉⲛⲥⲟⲩⲱⲛⲟⲩ.	Tennaemi f̀gō ġar m̀mos ǹje pensōtyr pix̀ristos je èvol xen nououtah èretensouōnou.	Certainly, we will recognize them, for Christ, our Savior, says: “You will know them by their fruits.”
97	ⲡⲟⲩⲧⲁϩ ⲇⲉ ⲛⲧⲉⲛⲏ ⲉⲧⲉⲣⲁⲅⲱⲛⲓⲍⲉⲥⲑⲉ ϧⲉⲛⲟⲩⲙⲉⲑⲙⲏⲓ ⲫⲁⲓ ⲡⲉ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲛϫⲉⲡⲓⲁⲡⲟⲥⲧⲟⲗⲟⲥ ϫⲉⲧⲁⲅⲁⲡⲏ ⲫⲣⲁϣⲓ ϯϩⲓⲣⲓⲛⲏ ϯⲙⲉⲧⲣⲉϥⲱⲟⲩ ⲛϩⲏⲧ ϯⲙⲉⲧⲭ︦ⲣ︦ⲥ︦ ϯⲙⲉⲧⲁⲅⲁⲑⲟⲥ ⲫⲛⲁϩϯ ϯⲙⲉⲧⲣⲉⲙⲣⲁⲩϣ ϯⲉⲛⲕⲣⲁⲧⲓⲁ	Ⲡ̀ⲟⲩⲧⲁϩ ⲇⲉ ⲛ̀ⲧⲉ ⲛⲏ ⲉⲧⲉⲣⲁⲅⲱⲛⲓⲍⲉⲥⲑⲉ ϧⲉⲛ ⲟⲩⲙⲉⲑⲙⲏⲓ ⲫⲁⲓ ⲡⲉ ⲕⲁⲧⲁ ⲫ̀ⲣⲏϯ ⲉ̀ⲧⲁϥϫⲟⲥ ⲛ̀ϫⲉ ⲡⲓⲁ̀ⲡⲟⲥⲧⲟⲗⲟⲥ ϫⲉ ⲧ̀ⲁ̀ⲅⲁⲡⲏ ⲫ̀ⲣⲁϣⲓ ϯϩⲓⲣⲓⲛⲏ ϯⲙⲉⲧⲣⲉϥⲱⲟⲩ ⲛ̀ϩⲏⲧ ϯⲙⲉⲧⲭ̅ⲣ̅ⲥ̅ ϯⲙⲉⲧⲁ̀ⲅⲁⲑⲟⲥ ⲫ̀ⲛⲁϩϯ ϯⲙⲉⲧⲣⲉⲙⲣⲁⲩϣ ϯⲉⲛⲕⲣⲁⲧⲓⲁ	P̀outah ḋe ǹte ny eteraġōnizesθe xen oumeθmyi fai pe kata f̀ryti ètafgos ǹje piàpostolos je t̀àġapy f̀raṡi tihiriny timetrefōou ǹhyt timetkrs timetàġaθos f̀nahti timetremravṡ tienkratia	The fruits of those who strive in righteousness are, as the Apostle says: love, joy, peace, patience, kindness, goodness, faith, gentleness, and self-control.
98	ⲫⲁⲓ ⲡⲉ ⲛⲟⲩⲧⲁϩ ⲛⲧⲉⲡⲓⲡ︦ⲛ︦ⲁ︦	ⲫⲁⲓ ⲡⲉ ⲛⲟⲩⲧⲁϩ ⲛ̀ⲧⲉ ⲡⲓⲡ̀ⲛⲉⲩⲙⲁ	fai pe noutah ǹte pip̀nevma	These are the fruits of the Spirit.
99	ⲟⲧⲓ ⲇⲉ ϫⲉ ⲫⲏ ⲉⲑⲟⲩⲱϣ ⲉϯ ⲙⲡⲁⲓⲣⲏϯ ϥⲛⲁⲟⲩⲱϣ ⲁⲛ ⲉⲟⲩⲉⲙⲁϥ ⲓⲉ ⲉⲥⲉⲏⲣⲡ ϧⲉⲛⲟⲩⲙⲉⲧⲁⲧⲥⲟϭⲛⲓ ⲓⲉ ϧⲉⲛⲟⲩⲙⲉⲧⲁⲧϧⲟⲧϧⲉⲧ ⲟⲩⲇⲉ ϥⲛⲁϯⲙⲁϯ ⲁⲛ ⲉϫⲉⲛⲟⲩⲥⲩⲛⲏⲇⲏⲥⲓⲥ ⲉⲥϩⲱⲟⲩ	ⲟ̀ⲧⲓ ⲇⲉ ϫⲉ ⲫⲏ ⲉⲑⲟⲩⲱϣ ⲉ̀ϯ ⲛ̀ⲡⲁⲓⲣⲏϯ ϥ̀ⲛⲁⲟⲩⲱϣ ⲁⲛ ⲉ̀ⲟⲩⲉⲙⲁϥ ⲓⲉ ⲉ̀ⲥⲉⲏⲣⲡ ϧⲉⲛ ⲟⲩⲙⲉⲧⲁⲧⲥⲟϭⲛⲓ ⲓⲉ ϧⲉⲛ ⲟⲩⲙⲉⲧⲁⲧϧⲟⲧϧⲉⲧ ⲟⲩⲇⲉ ϥ̀ⲛⲁϯⲙⲁϯ ⲁⲛ ⲉ̀ϫⲉⲛ ⲟⲩⲥⲩⲛⲏⲇⲏⲥⲓⲥ ⲉⲥϩⲱⲟⲩ	òti ḋe je fy eθouōṡ èti ǹpairyti f̀naouōṡ an èouemaf ie èseyrp xen oumetatsoċni ie xen oumetatxotxet ouḋe f̀natimati an èjen ousinyḋysis es·hōou	But whoever desires these fruits will not desire to eat meat or drink wine imprudently or carelessly, nor will they find satisfaction in a guilty conscience.
100	ϥⲛⲁⲥⲟϩⲓ ⲙⲙⲟϥ ⲛϫⲉⲡⲁⲩⲗⲟⲥ ⲉϥϫⲱ ⲙⲙⲟⲥ ϫⲉⲫⲏ ⲉⲧⲉⲣⲁⲅⲱⲛⲓⲍⲉⲥⲑⲉ ϣⲁϥⲁⲙⲟⲛⲓ ⲛⲧⲟⲧϥ ϧⲉⲛϩⲱⲃ ⲛⲓⲃⲉⲛ	ϥ̀ⲛⲁⲥⲟϩⲓ ⲙ̀ⲙⲟϥ ⲛ̀ϫⲉ ⲡⲁⲩⲗⲟⲥ ⲉϥϫⲱ ⲙ̀ⲙⲟⲥ ϫⲉ ⲫⲏ ⲉⲧⲉⲣⲁⲅⲱⲛⲓⲍⲉⲥⲑⲉ ϣⲁϥⲁ̀ⲙⲟⲛⲓ ⲛ̀ⲧⲟⲧϥ ϧⲉⲛ ϩⲱⲃ ⲛⲓⲃⲉⲛ	f̀nasohi m̀mof ǹje pavlos efgō m̀mos je fy eteraġōnizesθe ṡafàmoni ǹtotf xen hōb niven	Paul reproves such a person, saying: “Whoever competes abstains from all things.”
101	ⲉϣⲱⲡ ⲟⲩⲛ ⲉⲣⲉⲧⲉⲛⲥⲁⲣⲝ ⲭⲏ ⲥⲁⲃⲟⲗ ⲛϣⲱⲛⲓ ϣⲁϥⲁⲙⲟⲛⲓ ⲛⲧⲟⲧϥ ϧⲉⲛϩⲱⲃ ⲛⲓⲃⲉⲛ	ⲉϣⲱⲡ ⲟⲩⲛ ⲉ̀ⲣⲉⲧⲉⲛⲥⲁⲣⲝ ⲭⲏ ⲥⲁⲃⲟⲗ ⲛ̀ϣⲱⲛⲓ ϣⲁϥⲁ̀ⲙⲟⲛⲓ ⲛ̀ⲧⲟⲧϥ ϧⲉⲛ ϩⲱⲃ ⲛⲓⲃⲉⲛ	eṡōp oun èretensarks ky savol ǹṡōni ṡafàmoni ǹtotf xen hōb niven	If, therefore, our flesh is healthy, one will abstain from all things;
102	ⲉϣⲱⲡ ⲉⲣⲉⲧⲉϥⲥⲁⲣⲝ ⲇⲉ ⲭⲏ ϧⲉⲛϩⲁⲛϣⲱⲛⲓ ⲓⲉ ⲉⲥⲭⲏ ϧⲉⲛϩⲁⲛϧⲓϯ ⲓⲉ ⲉϥⲟⲓ ⲛⲙⲕⲁϩ ⲛϩⲏⲧ ϥⲛⲁⲟⲩⲱⲙ ⲟⲩⲟϩ ϥⲛⲁⲥⲱ ⲉϥⲟⲓ ⲙⲫⲣⲏϯ ϫⲉⲡⲓⲟⲩⲱⲙ ⲛⲉⲙⲡⲓⲥⲱ ⲁⲩⲟⲓ ⲙⲫⲁϧⲣⲓ ⲛⲧⲉⲡⲓⲙⲕⲁϩ ⲛϩⲏⲧ ⲛⲧⲉⲛⲓϣⲱⲛⲓ ⲛⲉⲙⲛⲓϧⲟϯ ⲉⲧϧⲉⲛⲡⲉϥⲥⲱⲙⲁ ϫⲉϩⲓⲛⲁ ⲛⲧⲉϥϫⲉⲙϫⲟⲙ ⲛϥⲁⲓ ϧⲁⲡⲓϣⲱⲛⲓ ⲛⲧⲉⲡⲓⲥⲱⲙⲁ	ⲉϣⲱⲡ ⲉ̀ⲣⲉⲧⲉϥⲥⲁⲣⲝ ⲇⲉ ⲭⲏ ϧⲉⲛ ϩⲁⲛϣⲱⲛⲓ ⲓⲉ ⲉⲥⲭⲏ ϧⲉⲛ ϩⲁⲛϧⲓϯ ⲓⲉ ⲉϥⲟⲓ ⲛ̀ⲙ̀ⲕⲁϩ ⲛ̀ϩⲏⲧ ϥ̀ⲛⲁⲟⲩⲱⲙ ⲟⲩⲟϩ ϥ̀ⲛⲁⲥⲱ ⲉϥⲟⲓ ⲛ̀ⲫ̀ⲣⲏϯ ϫⲉ ⲡⲓⲟⲩⲱⲙ ⲛⲉⲙ ⲡⲓⲥⲱ ⲁⲩⲟⲓ ⲛ̀ⲫⲁϧⲣⲓ ⲛ̀ⲧⲉ ⲡⲓⲙ̀ⲕⲁϩ ⲛ̀ϩⲏⲧ ⲛ̀ⲧⲉ ⲛⲓϣⲱⲛⲓ ⲛⲉⲙ ⲛⲓϧⲟϯ ⲉⲧϧⲉⲛ ⲡⲉϥⲥⲱⲙⲁ ϫⲉ ϩⲓⲛⲁ ⲛ̀ⲧⲉϥϫⲉⲙϫⲟⲙ ⲛ̀ϥⲁⲓ ϧⲁ ⲡⲓϣⲱⲛⲓ ⲛ̀ⲧⲉ ⲡⲓⲥⲱⲙⲁ	eṡōp èretefsarks ḋe ky xen hanṡōni ie esky xen hanxiti ie efoi ǹm̀kah ǹhyt f̀naouōm ouoh f̀nasō efoi ǹf̀ryti je piouōm nem pisō avoi ǹfaxri ǹte pim̀kah ǹhyt ǹte niṡōni nem nixoti etxen pefsōma je hina ǹtefjemgom ǹfai xa piṡōni ǹte pisōma	But if their body suffers from illness or pain, or if they are in sorrow, they will eat and drink so that food and drink may serve as remedies for the illness, pain, or sorrow within them, enabling them to endure the affliction of the body.
103	ϥⲛⲁⲁⲙⲟⲛⲓ ⲛⲧⲟⲧϥ ϩⲱϥ ⲥⲁⲃⲟⲗ ⲛⲛⲏ ⲉⲧⲉⲣⲃⲟⲛⲓ ⲛϯⲯⲩⲭⲏ ⲉⲧⲉⲡⲓϫⲱⲛⲧ ⲡⲉ ⲛⲉⲙⲡⲓⲫⲑⲟⲛⲟⲥ ⲛⲉⲙ ϯⲕⲁⲧⲁⲗⲁⲗⲓⲁ ⲛⲉⲙⲡⲓⲙⲟⲥϯ ⲛⲉⲙⲡⲓⲭⲟϩ ⲛⲉⲙϯⲙⲉⲧⲣⲉϥϯϣⲱϣ ⲛⲉⲙϯⲙⲉⲧϭⲁⲥⲓϩⲏⲧ ⲉⲃⲟⲗ ⲙⲫ︦ϯ︦︦ ⲛⲉⲙⲛⲉϥⲁⲅⲅⲉⲗⲟⲥ	ϥ̀ⲛⲁⲁ̀ⲙⲟⲛⲓ ⲛ̀ⲧⲟⲧϥ ϩⲱϥ ⲥⲁⲃⲟⲗ ⲛ̀ⲛⲏ ⲉⲧⲉⲣⲃⲟⲛⲓ ⲛ̀ϯⲯⲩⲭⲏ ⲉ̀ⲧⲉ ⲡⲓϫⲱⲛⲧ ⲡⲉ ⲛⲉⲙ ⲡⲓⲫ̀ⲑⲟⲛⲟⲥ ⲛⲉⲙ ϯⲕⲁⲧⲁⲗⲁⲗⲓⲁ ⲛⲉⲙ ⲡⲓⲙⲟⲥϯ ⲛⲉⲙ ⲡⲓⲭⲟϩ ⲛⲉⲙ ϯⲙⲉⲧⲣⲉϥϯϣⲱϣ ⲛⲉⲙ ϯⲙⲉⲧϭⲁⲥⲓϩⲏⲧ ⲉ̀ⲃⲟⲗ ⲛ̀ⲫ̀ⲛⲟⲩϯ ⲛⲉⲙ ⲛⲉϥⲁⲅⲅⲉⲗⲟⲥ	f̀naàmoni ǹtotf hōf savol ǹny etervoni ǹtipsiṡy ète pigōnt pe nem pif̀θonos nem tikatalalia nem pimosti nem pikoh nem timetreftiṡōṡ nem timetċasihyt èvol ǹf̀nouti nem nefangelos	However, they will abstain from those things that harm the soul, such as anger, envy, vanity, hatred, jealousy, insult, and pride in the sight of God and His angels.
104	ⲟⲩⲟϩ ⲉⲧⲓ ⲉϥⲭⲏ ϧⲉⲛⲛⲓϣⲱⲛⲓ ⲛⲧⲉⲡⲓⲥⲱⲙⲁ ϥⲛⲁϣⲉⲡϩⲙⲟⲧ ⲛⲧⲉⲛⲫ︦ϯ︦︦ ⲛⲥⲏⲟⲩ ⲛⲓⲃⲉⲛ .	ⲟⲩⲟϩ ⲉ̀ⲧⲓ ⲉϥⲭⲏ ϧⲉⲛ ⲛⲓϣⲱⲛⲓ ⲛ̀ⲧⲉ ⲡⲓⲥⲱⲙⲁ ϥ̀ⲛⲁϣⲉⲡϩⲙⲟⲧ ⲛ̀ⲧⲉⲛ ⲫ̀ⲛⲟⲩϯ ⲛ̀ⲥⲏⲟⲩ ⲛⲓⲃⲉⲛ.	ouoh èti efky xen niṡōni ǹte pisōma f̀naṡephmot ǹten f̀nouti ǹsyou niven.	And while they endure this bodily affliction, they will give thanks to God at all times.
105	ϯⲛⲁⲕⲏⲛ ⲇⲉ ϯⲛⲟⲩ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉⲡⲁⲓϩⲱⲃ ⲁ ⲫⲣⲱϣⲓ ϣⲱⲡⲓ	Ϯⲛⲁⲕⲏⲛ ⲇⲉ ϯⲛⲟⲩ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉ ⲡⲁⲓϩⲱⲃ ⲁ ⲫ̀ⲣⲱϣⲓ ϣⲱⲡⲓ	Tinakyn ḋe tinou eisaji nemak eθve paihōb a f̀rōṡi ṡōpi	Now I will conclude my discourse with you on these matters: it is sufficient.
106	ϯϯϩⲟ ⲟⲩⲛ ⲉⲧⲉⲕⲙⲉⲧⲙⲁⲓⲥⲃⲱ ϧⲉⲛⲡⲁⲓ ⲕⲉⲟⲩⲁⲓ ⲉⲑⲣⲉⲕⲫⲱⲧ ⲥⲁⲃⲟⲗ ⲙⲡⲓϫⲓⲛⲉⲣⲁⲡⲁⲛⲧⲁⲛ ⲛⲧⲉⲛⲓⲣⲱⲙⲓ ⲉⲧⲉⲙⲙⲟⲛ ⲛϧⲏⲧⲟⲩ ϧⲉⲛⲡⲓⲥⲙⲟⲧ ⲙⲉⲛⲛⲧⲉⲡⲟⲩϫⲓⲛⲱⲛϧ ⲛⲉⲙⲧⲟⲩⲡⲟⲗⲏⲧⲓⲁ	ϯϯϩⲟ ⲟⲩⲛ ⲉ̀ⲧⲉⲕⲙⲉⲧⲙⲁⲓⲥⲃⲱ ϧⲉⲛ ⲡⲁⲓ ⲕⲉⲟⲩⲁⲓ ⲉ̀ⲑⲣⲉⲕⲫⲱⲧ ⲥⲁⲃⲟⲗ ⲛ̀ⲡⲓϫⲓⲛⲉⲣⲁⲡⲁⲛⲧⲁⲛ ⲛ̀ⲧⲉ ⲛⲓⲣⲱⲙⲓ ⲉ̀ⲧⲉ ⲙ̀ⲙⲟⲛ ⲛ̀ϧⲏⲧⲟⲩ ϧⲉⲛ ⲡⲓⲥ̀ⲙⲟⲧ ⲙⲉⲛⲛ̀ⲧⲉ ⲡⲟⲩϫⲓⲛⲱⲛϧ ⲛⲉⲙ ⲧⲟⲩⲡⲟⲗⲏⲧⲓⲁ	titiho oun ètekmetmaisvō xen pai keouai èθrekfōt savol ǹpijinerapantan ǹte nirōmi ète m̀mon ǹxytou xen pis̀mot menǹte poujinōnx nem toupolytia	I also ask, for the sake of your love of knowledge, that you avoid associating with people from whom no benefit comes, nor follow the pattern of their lives or leadership.
107	ⲉⲩⲥⲟⲗⲥⲉⲗ ⲅⲁⲣ ⲙⲡⲓϣⲁⲣ ⲛⲧⲉⲥⲁⲃⲟⲗ ⲙⲙⲁⲩⲁⲧϥ ⲉⲧⲧⲟⲓ ϩⲓⲱⲧⲟⲩ ⲥⲁϧⲟⲩⲛ ⲇⲉ ⲙⲙⲱⲟⲩ ⲧⲟⲩⲃⲏⲟⲩⲧ ⲁⲛ .	ⲉⲩⲥⲟⲗⲥⲉⲗ ⲅⲁⲣ ⲛ̀ⲡⲓϣⲁⲣ ⲛ̀ⲧⲉ ⲥⲁⲃⲟⲗ ⲙ̀ⲙⲁⲩⲁⲧϥ ⲉⲧⲧⲟⲓ ϩⲓⲱⲧⲟⲩ ⲥⲁϧⲟⲩⲛ ⲇⲉ ⲙ̀ⲙⲱⲟⲩ ⲧⲟⲩⲃⲏⲟⲩⲧ ⲁⲛ.	evsolsel ġar ǹpiṡar ǹte savol m̀mavatf ettoi hiōtou saxoun ḋe m̀mōou touvyout an.	For they decorate the exterior, like a skin that is clean only on the outside, but not the interior.
108	ⲉϣⲱⲡ ⲇⲉ ⲛⲧⲟⲩϫⲟⲥ ϫⲉⲡⲉⲛⲛⲁϩϯ ⲥⲟⲩⲧⲱⲛ ⲟⲩⲟϩ ⲛⲧⲉⲕⲙⲟϣⲧⲟⲩ ϧⲉⲛⲡⲉⲕⲕⲁϯ ⲛⲧⲉⲕⲛⲁⲩ ⲉⲛⲓⲟⲩⲧⲁϩ ϫⲉⲛⲁⲡⲓⲛⲁϩϯ ⲉⲧⲥⲟⲩⲧⲱⲛ ⲛⲉ ⲓⲉ ⲕⲁⲗⲱⲥ ⲕⲉⲣⲁⲡⲁⲛⲧⲁⲛ ⲉⲣⲱⲟⲩ	Ⲉϣⲱⲡ ⲇⲉ ⲛ̀ⲧⲟⲩϫⲟⲥ ϫⲉ ⲡⲉⲛⲛⲁϩϯ ⲥⲟⲩⲧⲱⲛ ⲟⲩⲟϩ ⲛ̀ⲧⲉⲭⲙⲟϣⲧⲟⲩ ϧⲉⲛ ⲡⲉⲕⲕⲁϯ ⲛ̀ⲧⲉⲭⲛⲁⲩ ⲉ̀ⲛⲓⲟⲩⲧⲁϩ ϫⲉ ⲛⲁ ⲡⲓⲛⲁϩϯ ⲉⲧⲥⲟⲩⲧⲱⲛ ⲛⲉ ⲓⲉ ⲕⲁⲗⲱⲥ ⲕ̀ⲉⲣⲁⲡⲁⲛⲧⲁⲛ ⲉ̀ⲣⲱⲟⲩ	Eṡōp ḋe ǹtougos je pennahti soutōn ouoh ǹtekmoṡtou xen pekkati ǹteknav ènioutah je na pinahti etsoutōn ne ie kalōs k̀erapantan èrōou	If they say, “Our faith is right,” and if you examine them with your understanding to see whether the fruits of true faith are present in them, then you may associate with them.
109	ⲉϣⲱⲡ ⲇⲉ ⲉⲩⲟⲓ ⲛϩⲉⲣⲉⲥⲓⲥ ⲉⲩϯⲟⲥⲓ ϧⲉⲛⲡⲟⲩϫⲓⲛⲛⲁⲩ ⲛⲉⲙⲧⲟⲩⲙⲉⲧϣⲟⲃⲓ ⲕⲁⲛ ⲉϣⲱⲡ ⲉⲩⲣⲏⲧ ⲛⲥⲭⲓⲙ ⲟⲩⲟϩ ⲉⲣⲉⲡⲟⲩϩⲟ ⲟⲓ ⲛⲉϥϫⲓ ϧⲉⲛϯⲙⲉⲧϧⲉⲗⲗⲟ ⲉϣⲱⲡ ⲙⲙⲟⲛ ⲟⲩⲧⲁϩ ⲛⲧⲉⲫ︦ϯ︦︦ ϣⲟⲡ ⲛϧⲏⲧⲟⲩ ⲁⲛ ⲁⲣⲓⲡⲁⲣⲉⲧⲓⲥⲑⲉ ⲙⲡⲟⲩϫⲓⲛⲛⲁⲩ ⲉⲣⲱⲟⲩ	ⲉϣⲱⲡ ⲇⲉ ⲉⲩⲟⲓ ⲛ̀ϩⲉⲣⲉⲥⲓⲥ ⲉⲩϯⲟⲥⲓ ϧⲉⲛ ⲡⲟⲩϫⲓⲛⲛⲁⲩ ⲛⲉⲙ ⲧⲟⲩⲙⲉⲧϣⲟⲃⲓ ⲕⲁⲛ ⲉϣⲱⲡ ⲉⲩⲣⲏⲧ ⲛ̀ⲥⲭⲓⲙ ⲟⲩⲟϩ ⲉ̀ⲣⲉ ⲡⲟⲩϩⲟ ⲟⲓ ⲛ̀ⲉϥϫⲓ ϧⲉⲛ ϯⲙⲉⲧϧⲉⲗⲗⲟ ⲉϣⲱⲡ ⲙ̀ⲙⲟⲛ ⲟⲩⲧⲁϩ ⲛ̀ⲧⲉ ⲫ̀ⲛⲟⲩϯ ϣⲟⲡ ⲛ̀ϧⲏⲧⲟⲩ ⲁⲛ ⲁⲣⲓⲡⲁⲣⲉⲧⲓⲥⲑⲉ ⲛ̀ⲡⲟⲩϫⲓⲛⲛⲁⲩ ⲉ̀ⲣⲱⲟⲩ	eṡōp ḋe evoi ǹheresis evtiosi xen poujinnav nem toumetṡovi kan eṡōp evryt ǹskim ouoh ère pouho oi ǹefji xen timetxello eṡōp m̀mon outah ǹte f̀nouti ṡop ǹxytou an ariparetisθe ǹpoujinnav èrōou	But if they are heretics, offering harm through their appearance and hypocrisy—even if their hair is white and their faces show the marks of old age—if they do not bear the fruits of God, avoid their company.
110	ⲕⲁⲛ ⲁⲕϣⲁⲛϫⲟⲥ ϫⲉⲥⲉⲛⲁⲉⲣⲃⲗⲁⲡⲧⲓⲛ ⲙⲙⲟⲓ ⲁⲛ ⲉⲑⲃⲉⲡⲓⲥⲙⲟⲧ ⲛⲧⲉⲧⲉⲕⲙⲉⲧⲉⲩⲥⲉⲃⲏⲥ ϫⲉⲥⲉⲛⲁϣⲃⲱⲗ ⲙⲡⲉⲧϭⲱⲗⲕ ⲉⲃⲟⲗ ⲁⲛ ⲓⲉ ⲁⲣⲏⲟⲩ ⲭⲛⲁϭⲁⲥⲕ ⲉϫⲱⲟⲩ ⲓⲉ ⲛⲧⲉⲕⲥⲱⲃⲓ ⲙⲙⲱⲟⲩ	ⲕⲁⲛ ⲁⲕϣⲁⲛϫⲟⲥ ϫⲉ ⲥⲉⲛⲁⲉⲣⲃⲗⲁⲡⲧⲓⲛ ⲙ̀ⲙⲟⲓ ⲁⲛ ⲉⲑⲃⲉ ⲡⲓⲥ̀ⲙⲟⲧ ⲛ̀ⲧⲉ ⲧⲉⲕⲙⲉⲧⲉⲩⲥⲉⲃⲏⲥ ϫⲉ ⲥⲉⲛⲁϣⲃⲱⲗ ⲛ̀ⲡⲉⲧϭⲱⲗⲕ ⲉ̀ⲃⲟⲗ ⲁⲛ ⲓⲉ ⲁⲣⲏⲟⲩ ⲭ̀ⲛⲁϭⲁⲥⲕ ⲉ̀ϫⲱⲟⲩ ⲓⲉ ⲛ̀ⲧⲉⲕⲥⲱⲃⲓ ⲙ̀ⲙⲱⲟⲩ	kan akṡangos je senaervlaptin m̀moi an eθve pis̀mot ǹte tekmetevsebys je senaṡvōl ǹpetċōlk èvol an ie aryou k̀naċask ègōou ie ǹtek·sōvi m̀mōou	Even if you say, “They will not harm me,” because of the strength of your piety, do not let them weaken your fervor, nor make yourself proud before them, nor mock them.
111	ⲁⲗⲗⲁ ⲥⲉⲛⲁⲙⲓϣⲓ ⲛⲧⲉⲕⲥⲩⲛⲏⲇⲏⲥⲓⲥ ϧⲉⲛⲟⲩⲥⲁϫⲓ ⲛϫⲉⲟⲩⲁⲓ ⲉⲧⲁⲩϫⲱ ⲙⲙⲱⲟⲩ ⲟⲩⲟϩ ⲥⲉⲛⲁⲧⲁⲕⲟ ⲛⲧⲉⲕⲯⲩⲭⲏ ϧⲉⲛⲟⲩⲥⲁϫⲓ ⲉⲧϩⲱⲟⲩ ⲉⲑⲙⲉϩ ⲛⲉⲩⲃⲗⲁⲥⲫⲏⲙⲓⲁ .	ⲁⲗⲗⲁ ⲥⲉⲛⲁⲙⲓϣⲓ ⲛ̀ⲧⲉⲕⲥⲩⲛⲏⲇⲉⲥⲓⲥ ϧⲉⲛ ⲟⲩⲥⲁϫⲓ ⲛ̀ϫⲉⲟⲩⲁⲓ ⲉⲧⲁⲩϫⲱ ⲙ̀ⲙⲱⲟⲩ ⲟⲩⲟϩ ⲥⲉⲛⲁⲧⲁⲕⲟ ⲛ̀ⲧⲉⲕⲯⲩⲭⲏ ϧⲉⲛ ⲟⲩⲥⲁϫⲓ ⲉⲧϩⲱⲟⲩ ⲉⲑⲙⲉϩ ⲛ̀ⲉⲩⲃⲗⲁⲥⲫⲏⲙⲓⲁ.	alla senamiṡi ǹtek·sinyḋesis xen ousaji ǹjeouai etavgō m̀mōou ouoh senatako ǹtekpsiṡy xen ousaji et·hōou eθmeh ǹevblasfymia.	For they will attack your conscience with their blasphemous words and destroy your soul with evil and blasphemous speech.
112	ⲛⲑⲟⲕ ⲟⲩⲛ ϯⲛⲟⲩ ϣⲱⲡⲓ ⲉⲕϫⲟⲩϣⲧ ⲉⲃⲟⲗ ϧⲉⲛⲟⲩⲣⲱⲥ ⲛⲉⲙⲟⲩⲛⲟⲩⲥ ⲉϥⲉⲣⲟⲩⲱⲓⲛⲓ	Ⲛ̀ⲑⲟⲕ ⲟⲩⲛ ϯⲛⲟⲩ ϣⲱⲡⲓ ⲉⲕϫⲟⲩϣⲧ ⲉ̀ⲃⲟⲗ ϧⲉⲛ ⲟⲩⲣⲱⲥ ⲛⲉⲙ ⲟⲩⲛⲟⲩⲥ ⲉϥⲉⲣⲟⲩⲱⲓⲛⲓ	Ǹθok oun tinou ṡōpi ekgouṡt èvol xen ourōs nem ounous eferouōini	Therefore, now consider them with clear speech and mind.
113	ⲟⲩⲟϩ ⲁⲣⲓⲁⲡⲁⲛⲧⲁⲛ ⲉⲛⲓⲣⲱⲙⲓ ⲉⲑⲟⲩⲁⲃ ⲉⲕϩⲓⲕⲁⲧ ⲉⲣⲱⲟⲩ ⲉⲕϭⲓ ⲛⲧⲟⲧⲟⲩ ⲛⲛⲓϩⲙⲟⲧ ⲛⲧⲉⲧⲉⲕⲯⲩⲭⲏ ϩⲓⲛⲁ ⲉⲃⲟⲗ ϩⲓⲧⲟⲧⲟⲩ ⲙⲫⲣⲏϯ ⲛⲉⲉⲃⲟⲗϩⲓⲧⲉⲛⲟⲩϫⲱⲙ ⲛⲱϣ ⲛⲧⲉⲕϫⲉⲙϫⲟⲙ ⲛⲛⲁⲩ ⲉⲡⲉⲕϩⲏⲧ ϫⲉⲁⲛ ϥⲥⲙⲟⲛⲧ ⲓⲉ ⲉϥⲟⲓ ⲛⲕⲉⲣⲏϯ	ⲟⲩⲟϩ ⲁⲣⲓⲁⲡⲁⲛⲧⲁⲛ ⲉ̀ⲛⲓⲣⲱⲙⲓ ⲉⲑⲟⲩⲁⲃ ⲉⲕϩⲓⲕⲁⲧ ⲉ̀ⲣⲱⲟⲩ ⲉⲕϭⲓ ⲛ̀ⲧⲟⲧⲟⲩ ⲛ̀ⲛⲓϩ̀ⲙⲟⲧ ⲛ̀ⲧⲉ ⲧⲉⲕⲯⲩⲭⲏ ϩⲓⲛⲁ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲫ̀ⲣⲏϯ ⲛⲉⲉ̀ⲃⲟⲗ ϩⲓⲧⲉⲛ ⲟⲩϫⲱⲙ ⲛ̀ⲱϣ ⲛ̀ⲧⲉⲕϫⲉⲙϫⲟⲙ ⲛ̀ⲛⲁⲩ ⲉ̀ⲡⲉⲕϩⲏⲧ ϫⲉ ⲁⲛ ϥ̀ⲥⲙⲟⲛⲧ ⲓⲉ ⲉϥⲟⲓ ⲛ̀ⲕⲉⲣⲏϯ	ouoh ariapantan ènirōmi eθouab ek·hikat èrōou ekċi ǹtotou ǹnih̀mot ǹte tekpsiṡy hina èvol hitotou ǹf̀ryti neèvol hiten ougōm ǹōṡ ǹtekjemgom ǹnav èpek·hyt je an f̀smont ie efoi ǹkeryti	Associate with holy men, seek them out, and receive grace for your soul from them so that, like reading books, you may see whether your heart is steadfast or not.
114	ϫⲉϩⲓⲛⲁ ⲉⲃⲟⲗ ϩⲓⲧⲟⲧⲥ ⲛϯϫⲓⲛⲛⲁⲩ ⲛⲧⲉⲛⲏ ⲉⲑⲟⲩⲁⲃ ⲛⲉⲙⲡⲓⲁⲟⲩⲁⲛ ⲛⲧⲉⲡⲟⲩϩⲟ ⲛⲉⲙⲛⲟⲩⲥⲭⲓⲙ ⲉⲑⲙⲉϩ ⲛϩⲙⲟⲧ ⲛⲉⲙⲡϫⲓⲛⲕⲱⲗϩ ⲛⲧⲉⲛⲟⲩϩⲃⲱⲥ ϧⲉⲛⲟⲩⲑⲉⲃⲓⲟ ⲛⲉⲙⲡⲟⲩϫⲓⲛⲥⲁϫⲓ ⲛⲁⲧⲙⲉⲧϭⲁⲥⲓϩⲏⲧ ⲛⲉⲙⲛⲟⲩⲗⲉⲝⲓⲥ ⲉⲑⲙⲉϩ ⲙⲙⲉⲧϣⲁⲙϣⲉⲛⲟⲩϯ ⲛⲉⲙⲡⲓϩⲙⲟⲧ ⲉⲧϧⲉⲛⲡⲟⲩⲕⲁϯ ⲉϥⲉϯⲛⲟⲙϯ ⲛⲁⲕ ⲛϩⲟⲩⲟ ⲕⲁⲛ ⲉⲕⲭⲏ ϧⲉⲛⲟⲩⲧⲱⲙⲧ	ϫⲉ ϩⲓⲛⲁ ⲉ̀ⲃⲟⲗ ϩⲓⲧⲟⲧⲥ ⲛ̀ϯϫⲓⲛⲛⲁⲩ ⲛ̀ⲧⲉ ⲛⲏ ⲉⲑⲟⲩⲁⲃ ⲛⲉⲙ ⲡⲓⲁⲟⲩⲁⲛ ⲛ̀ⲧⲉ ⲡⲟⲩϩⲟ ⲛⲉⲙ ⲛⲟⲩⲥⲭⲓⲙ ⲉⲑⲙⲉϩ ⲛ̀ϩ̀ⲙⲟⲧ ⲛⲉⲙ ⲡ̀ϫⲓⲛⲕⲱⲗϩ ⲛ̀ⲧⲉ ⲛⲟⲩϩ̀ⲃⲱⲥ ϧⲉⲛ ⲟⲩⲑⲉⲃⲓⲟ ⲛⲉⲙ ⲡⲟⲩϫⲓⲛⲥⲁϫⲓ ⲛ̀ⲁⲧⲙⲉⲧϭⲁⲥⲓϩⲏⲧ ⲛⲉⲙ ⲛⲟⲩⲗⲉⲝⲓⲥ ⲉⲑⲙⲉϩ ⲛ̀ⲙⲉⲧϣⲁⲙϣⲉⲛⲟⲩϯ ⲛⲉⲙ ⲡⲓϩ̀ⲙⲟⲧ ⲉⲧϧⲉⲛ ⲡⲟⲩⲕⲁϯ ⲉϥⲉ̀ϯⲛⲟⲙϯ ⲛⲁⲕ ⲛ̀ϩⲟⲩⲟ ⲕⲁⲛ ⲉⲕⲭⲏ ϧⲉⲛ ⲟⲩⲧⲱⲙⲧ	je hina èvol hitots ǹtijinnav ǹte ny eθouab nem piaouan ǹte pouho nem nouskim eθmeh ǹh̀mot nem p̀jinkōlh ǹte nouh̀vōs xen ouθevio nem poujinsaji ǹatmetċasihyt nem nouleksis eθmeh ǹmetṡamṡenouti nem pih̀mot etxen poukati efètinomti nak ǹhouo kan ekky xen outōmt	From the sight of holy men, their gracious countenance, and their aged, honorable hair, from their humble clothing and lack of pride, from their words full of piety, from their readings and grace, which reside in their understanding, you may draw great strength, even if you have been negligent.
115	ⲟⲩϫⲓⲛⲕⲱⲗϩ ⲅⲁⲣ ⲛⲧⲉϩⲁⲛϩⲃⲱⲥ ⲛⲧⲉⲟⲩⲣⲱⲙⲓ ⲛⲉⲙⲡⲓϫⲓⲛⲙⲟϣⲓ ⲛⲧⲉⲛⲉϥϭⲁⲗⲁⲩϫ ⲛⲉⲙⲡⲓⲛⲉϥⲧⲣⲱϥ ⲛⲥⲱⲃⲓ ⲛⲧⲉⲛⲓⲛⲁϫϩⲓ ⲥⲉⲟⲩⲱⲛϩ ⲙⲡⲓⲣⲱⲙⲓ ⲉⲃⲟⲗ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϧⲉⲛϯⲅⲣⲁⲫⲏ	ⲟⲩϫⲓⲛⲕⲱⲗϩ ⲅⲁⲣ ⲛ̀ⲧⲉ ϩⲁⲛϩ̀ⲃⲱⲥ ⲛ̀ⲧⲉ ⲟⲩⲣⲱⲙⲓ ⲛⲉⲙ ⲡⲓϫⲓⲛⲙⲟϣⲓ ⲛ̀ⲧⲉ ⲛⲉϥϭⲁⲗⲁⲩϫ ⲛⲉⲙ ⲡⲓⲛⲉϥⲧⲣⲱϥ ⲛ̀ⲥⲱⲃⲓ ⲛ̀ⲧⲉ ⲛⲓⲛⲁϫϩⲓ ⲥⲉⲟⲩⲱⲛϩ ⲛ̀ⲡⲓⲣⲱⲙⲓ ⲉ̀ⲃⲟⲗ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϧⲉⲛ ϯⲅⲣⲁⲫⲏ	oujinkōlh ġar ǹte hanh̀vōs ǹte ourōmi nem pijinmoṡi ǹte nefċalavg nem pineftrōf ǹsōvi ǹte ninaghi seouōnh ǹpirōmi èvol kata f̀ryti ets̀xyout xen tiġrafy	For a person's clothing, the manner of their dress, their gait, and the way they laugh reveal what kind of person they are, as it is written in Scripture.
116	ⲉϣⲱⲡ ⲁⲓϣⲁⲛⲉⲣϩⲏⲧⲥ ⲙⲫⲓⲣⲓ ⲉⲡⲓϫⲓⲛⲱⲛϧ ⲛⲧⲉⲛⲉⲛⲓⲟϯ ϯⲛⲁⲭⲁⲟⲩⲧⲟⲡⲟⲥ ⲉⲃⲟⲗ ⲁⲛ ⲉⲁⲓϩⲱⲗ ⲉⲣⲟϥ ⲛⲧⲁϣⲧⲉⲙⲧⲁⲙⲟⲕ ⲉⲣⲟϥ ⲓⲧⲉ ⲛⲏ ⲉⲧϧⲉⲛⲛⲓⲃⲁⲕⲓ ⲓⲧⲉ ⲛⲏ ⲉⲧϧⲉⲛⲛⲓϯⲙⲓ ⲓⲧⲉ ⲛⲏ ⲉⲧϧⲉⲛⲡϣⲁϥⲉ ⲓⲧⲉ ⲛⲏ ⲉⲧϧⲉⲛⲧⲉⲛⲓⲣⲱⲙⲓ ⲛⲟⲩⲕⲟⲩϫⲓ	ⲉϣⲱⲡ ⲁⲓϣⲁⲛⲉⲣϩⲏⲧⲥ ⲛ̀ⲫⲓⲣⲓ ⲉ̀ⲡⲓϫⲓⲛⲱⲛϧ ⲛ̀ⲧⲉ ⲛⲉⲛⲓⲟϯ ϯⲛⲁⲭⲁⲟⲩⲧⲟⲡⲟⲥ ⲉ̀ⲃⲟⲗ ⲁⲛ ⲉⲁⲓϩⲱⲗ ⲉ̀ⲣⲟϥ ⲛ̀ⲧⲁϣⲧⲉⲙⲧⲁⲙⲟⲕ ⲉ̀ⲣⲟϥ ⲓⲧⲉ ⲛⲏ ⲉⲧϧⲉⲛ ⲛⲓⲃⲁⲕⲓ ⲓⲧⲉ ⲛⲏ ⲉⲧϧⲉⲛ ⲛⲓϯⲙⲓ ⲓⲧⲉ ⲛⲏ ⲉⲧϧⲉⲛ ⲡ̀ϣⲁϥⲉ ⲓⲧⲉ ⲛⲏ ⲉⲧϧⲉⲛ ⲧⲉⲛⲓⲣⲱⲙⲓ ⲛ̀ⲟⲩⲕⲟⲩϫⲓ	eṡōp aiṡanerhyts ǹfiri èpijinōnx ǹte nenioti tinakaoutopos èvol an eaihōl èrof ǹtaṡtemtamok èrof ite ny etxen nivaki ite ny etxen nitimi ite ny etxen p̀ṡafe ite ny etxen tenirōmi ǹoukouji	When I begin to tell you the lives of our Fathers, I will omit no place into which I have entered to instruct you—neither those who dwell in cities, nor in villages, nor in the desert, nor those who live only briefly among others.
117	ϫⲉⲟⲩⲏⲓ ⲅⲁⲣ ⲛⲓⲧⲟⲡⲟⲥ ⲁⲛ ⲡⲉ ⲧⲉⲛⲕⲱϯ ⲛⲥⲱⲟⲩ ⲛⲏ ⲉⲧⲁⲩϣⲱⲡⲓ ⲛϧⲏⲧⲟⲩ ⲁⲗⲗⲁ ⲉⲛⲕⲱϯ ⲛⲥⲁⲛⲟⲩⲧⲣⲟⲡⲟⲥ ⲛⲉⲙⲧⲟⲩⲡⲣⲟϩⲉⲣⲉⲥⲓⲥ ⲉϧⲟⲩⲛ ⲉⲫϯ .	ϫⲉ ⲟⲩⲏⲓ ⲅⲁⲣ ⲛⲓⲧⲟⲡⲟⲥ ⲁⲛ ⲡⲉ ⲧⲉⲛⲕⲱϯ ⲛ̀ⲥⲱⲟⲩ ⲛⲏ ⲉ̀ⲧⲁⲩϣⲱⲡⲓ ⲛ̀ϧⲏⲧⲟⲩ ⲁⲗⲗⲁ ⲉⲛⲕⲱϯ ⲛ̀ⲥⲁ ⲛⲟⲩⲧⲣⲟⲡⲟⲥ ⲛⲉⲙ ⲧⲟⲩⲡ̀ⲣⲟϩⲉⲣⲉⲥⲓⲥ ⲉ̀ϧⲟⲩⲛ ⲉ̀ⲫ̀ⲛⲟⲩϯ.	je ouyi ġar nitopos an pe tenkōti ǹsōou ny ètavṡōpi ǹxytou alla enkōti ǹsa noutropos nem toup̀roheresis èxoun èf̀nouti.	For we do not seek the places or the people who dwell in them, but rather their character and their choice for God.

Provenance

title: Bohairic Lausiac History - Part 1
dialect: bohairic
source: Coptic SCRIPTORIUM corpus "bohairic-lausiac", document bohairic.lausiac_01
licence: CC-BY 4.0
share: attribution
attribution: Bohairic Lausiac History - Part 1 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_01, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
file: Monastic/Lausiac History (Bohairic)/bohairic.lausiac_01.bohairic.scriptorium.L0.txt
title: Bohairic Lausiac History - Part 1 — Cairene
dialect: bohairic
source: generated from bohairic.lausiac_01.bohairic.scriptorium.L0.txt (Coptic SCRIPTORIUM corpus "bohairic-lausiac", document bohairic.lausiac_01)
licence: CC BY-SA 4.0
share: attribution
attribution: Bohairic Lausiac History - Part 1 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_01, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Monastic/Lausiac History (Bohairic)/bohairic.lausiac_01.bohairic.scriptorium.L1.txt
title: Bohairic Lausiac History - Part 1 — Kemetic
dialect: bohairic
source: generated from bohairic.lausiac_01.bohairic.scriptorium.L1.txt
licence: CC BY-SA 4.0
share: attribution
attribution: Bohairic Lausiac History - Part 1 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_01, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Monastic/Lausiac History (Bohairic)/bohairic.lausiac_01.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 117 quoted · 0 quoted with the alignment not cross-checked · 0 model drafts (marked “draft”)
quoted from: Émile Amélineau, Nicholas Wagner — aligned in Coptic SCRIPTORIUM bohairic-lausiac, bohairic.lausiac_01 (117 lines)

Cite as:

Bohairic Lausiac History - Part 1. Coptic SCRIPTORIUM corpus "bohairic-lausiac", document bohairic.lausiac_01. Layers as published by the Kemetic project (Yousef Hanna), 2026: Coptic · Cairene · Kemetic, /doc/monastic/lausiac-history-bohairic/bohairic.lausiac-01.bohairic.scriptorium/. Bohairic Lausiac History - Part 1 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_01, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.