Bohairic Lausiac History - Part 2 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic-lausiac", document bohairic.lausiac_02

Attribution: Bohairic Lausiac History - Part 2 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_02, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0

Licence: CC BY-SA 4.0

Full provenance and citation

The text

20 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1	ⲉⲑⲃⲉⲁⲡⲁ ⲡⲁⲙⲱ .	ⲉⲑⲃⲉ ⲁⲡⲁ ⲡⲁⲙⲱ.	eθve apa pamō.	Concerning Abba Pambo.
2	ⲁ ⲟⲩⲁⲓ ⲟⲩⲟⲛϩϥ ϧⲉⲛⲡⲓⲧⲱⲟⲩ ⲛⲧⲉⲡⲉⲣⲛⲟⲩϫ ⲉⲩⲙⲟⲩϯ ⲉⲣⲟϥ ϫⲉⲁⲡⲁ ⲡⲁⲙⲱ ⲫⲁⲓ ⲇⲉ ⲁϥⲉⲣⲙⲁ ⲃ︦ ⲛⲁⲃⲃⲁ ⲁⲛⲧⲱⲛⲓ ⲫⲁⲓ ⲟⲩⲛ ⲉⲧⲟⲩⲙⲟⲩϯ ⲉⲣⲟϥ ϫⲉⲁⲡⲁ ⲡⲁⲙⲱ ⲡⲓ ⲁⲗⲏⲑⲏⲛⲟⲥ ⲛⲑⲙⲏⲓ ⲫⲁⲓ ⲉⲧⲁϯⲙⲉⲧⲥⲟⲛ ⲧⲏⲣⲥ ⲉⲣⲙⲉⲑⲣⲉ ⲉⲑⲃⲉⲛⲉϥⲁⲣⲉⲧⲏ .	Ⲁ ⲟⲩⲁⲓ ⲟⲩⲟⲛϩϥ ϧⲉⲛ ⲡⲓⲧⲱⲟⲩ ⲛ̀ⲧⲉ ⲡⲉⲣⲛⲟⲩϫ ⲉⲩⲙⲟⲩϯ ⲉ̀ⲣⲟϥ ϫⲉ ⲁⲡⲁ ⲡⲁⲙⲱ ⲫⲁⲓ ⲇⲉ ⲁϥⲉⲣⲙⲁ 2 ⲛ̀ⲁⲃⲃⲁ ⲁⲛⲧⲱⲛⲓ ⲫⲁⲓ ⲟⲩⲛ ⲉⲧⲟⲩⲙⲟⲩϯ ⲉ̀ⲣⲟϥ ϫⲉ ⲁⲡⲁ ⲡⲁⲙⲱ ⲡⲓ ⲁⲗⲏⲑⲏⲛⲟⲥ ⲛ̀ⲑ̀ⲙⲏⲓ ⲫⲁⲓ ⲉⲧⲁϯⲙⲉⲧⲥⲟⲛ ⲧⲏⲣⲥ ⲉⲣⲙⲉⲑⲣⲉ ⲉⲑⲃⲉ ⲛⲉϥⲁ̀ⲣⲉⲧⲏ.	A ouai ouonhf xen pitōou ǹte pernoug evmouti èrof je apa pamō fai ḋe aferma 2 ǹabba antōni fai oun etoumouti èrof je apa pamō pi alyθynos ǹθ̀myi fai etatimetson tyrs ermeθre eθve nefàrety.	A certain man was seen on Mount Pernoudj, whom they called apa Pambo. He was second only to Abba Antony, and they call him apa Pamo ἀληθινόν (that is, “the truthful”), of whose virtues all the brothers bear witness.
3	ⲫⲁⲓ ⲇⲉ ⲙⲡⲓⲧⲁϩⲟϥ ⲁⲛⲟⲕ ϧⲉⲛⲡⲁⲥⲏⲟⲩ ⲛⲓⲥⲛⲏⲟⲩ ⲇⲉ ⲡⲉ ⲉⲧⲁⲩⲫⲓⲣⲓ ⲛⲉⲙⲏⲓ ⲉⲑⲃⲏⲧϥ ϫⲉⲡⲁⲓⲣⲱⲛⲓ ⲉⲧⲉⲙⲙⲁⲩ ⲛⲧⲉϥϫⲉⲙⲉⲑⲛⲟⲩϫ ⲉⲛⲉϩ ⲟⲩⲇⲉ ⲟⲛ ⲙⲡⲉϥⲉⲣⲛⲟⲃⲓ ϧⲉⲛⲡⲉϥⲗⲁⲥ ⲉⲡⲧⲏⲣϥ ⲓⲥϫⲉⲛ ⲉⲧⲁϥⲉⲣⲙⲟⲛⲁⲭⲟⲥ ⲟⲩⲇⲉ ⲟⲩⲁⲛⲁϣ ⲟⲩⲇⲉ ⲟⲩⲥⲁϩⲟⲩⲓ ⲙⲡⲟⲩⲓ ⲉⲃⲟⲗ ϧⲉⲛⲣⲱϥ ⲟⲩⲇⲉ ⲙⲡⲉϥϫⲉⲟⲩⲥⲁϫⲓ ⲉⲛⲉϩ ⲥⲁⲃⲟⲗ ⲛϯⲭⲣⲓⲁ .	Ⲫⲁⲓ ⲇⲉ ⲙ̀ⲡⲓⲧⲁϩⲟϥ ⲁⲛⲟⲕ ϧⲉⲛ ⲡⲁⲥⲏⲟⲩ ⲛⲓⲥ̀ⲛⲏⲟⲩ ⲇⲉ ⲡⲉ ⲉⲧⲁⲩⲫⲓⲣⲓ ⲛⲉⲙⲏⲓ ⲉⲑⲃⲏⲧϥ ϫⲉⲡⲁⲓⲣⲱⲛⲓ ⲉ̀ⲧⲉ ⲙ̀ⲙⲁⲩ ⲛ̀ⲧⲉϥϫⲉⲙⲉⲑⲛⲟⲩϫ ⲉ̀ⲛⲉϩ ⲟⲩⲇⲉ ⲟⲛ ⲙ̀ⲡⲉϥⲉⲣⲛⲟⲃⲓ ϧⲉⲛ ⲡⲉϥⲗⲁⲥ ⲉ̀ⲡ̀ⲧⲏⲣϥ ⲓⲥϫⲉⲛ ⲉ̀ⲧⲁϥⲉⲣⲙⲟⲛⲁⲭⲟⲥ ⲟⲩⲇⲉ ⲟⲩⲁⲛⲁϣ ⲟⲩⲇⲉ ⲟⲩⲥⲁϩⲟⲩⲓ ⲛ̀ⲡ̀ⲟⲩⲓ ⲉ̀ⲃⲟⲗ ϧⲉⲛ ⲣⲱϥ ⲟⲩⲇⲉ ⲙ̀ⲡⲉϥϫⲉⲟⲩⲥⲁϫⲓ ⲉ̀ⲛⲉϩ ⲥⲁⲃⲟⲗ ⲛ̀ϯⲭⲣⲓⲁ.	Fai ḋe m̀pitahof anok xen pasyou nis̀nyou ḋe pe etavfiri nemyi eθvytf jepairōni ète m̀mav ǹtefjemeθnoug èneh ouḋe on m̀pefernovi xen peflas èp̀tyrf isjen ètafermonaxos ouḋe ouanaṡ ouḋe ousahoui ǹp̀oui èvol xen rōf ouḋe m̀pefjeousaji èneh savol ǹtixria.	I did not meet him in my time, but the brothers told me that this man had never lied, nor spouted evil from his mouth, nor, since becoming a monk, taken an oath nor cursed, nor had he spoken a word unless it was necessary.
4	ⲛⲉⲟⲩⲟⲛⲧⲉϥ ⲟⲩⲥϩⲓⲙⲓ ⲙⲙⲁⲩ ⲡⲉ ⲛⲉⲙϣⲏⲣⲓ ⲃ︦ ⲛⲁⲓ ⲇⲉ ⲙⲡⲟⲩϯⲙⲁϯ ⲛⲑⲱⲟⲩ ⲉⲑⲣⲟⲩⲉⲣⲙⲟⲛⲁⲭⲟⲥ . ⲉⲧⲁϥⲓ ⲇⲉ ⲉⲛⲓⲥⲛⲏⲟⲩ ⲁϥϣⲉ ⲛⲁϥ ⲁϥⲉⲣⲁⲡⲁⲛⲧⲁⲛ ⲉⲟⲩϧⲉⲗⲗⲟ ⲡⲉϫⲁϥ ⲛⲁϥ ϫⲉⲙⲁⲧⲥⲁⲃⲟⲓ ⲉⲟⲩⲯⲁⲗⲙⲟⲥ . ⲛⲉ ⲟⲩⲁⲧⲥϧⲁⲓ ⲅⲁⲣ ⲡⲉ .	Ⲛⲉⲟⲩⲟⲛⲧⲉϥ ⲟⲩⲥ̀ϩⲓⲙⲓ ⲙ̀ⲙⲁⲩ ⲡⲉ ⲛⲉⲙ ϣⲏⲣⲓ 2 ⲛⲁⲓ ⲇⲉ ⲙ̀ⲡⲟⲩϯⲙⲁϯ ⲛ̀ⲑⲱⲟⲩ ⲉ̀ⲑⲣⲟⲩⲉⲣⲙⲟⲛⲁⲭⲟⲥ. Ⲉ̀ⲧⲁϥⲓ̀ ⲇⲉ ⲉ̀ⲛⲓⲥ̀ⲛⲏⲟⲩ ⲁϥϣⲉ ⲛⲁϥ ⲁϥⲉⲣⲁⲡⲁⲛⲧⲁⲛ ⲉ̀ⲟⲩϧⲉⲗⲗⲟ ⲡⲉϫⲁϥ ⲛⲁϥ ϫⲉ ⲙⲁⲧ̀ⲥⲁⲃⲟⲓ ⲉ̀ⲟⲩⲯⲁⲗⲙⲟⲥ. Ⲛⲉ ⲟⲩⲁⲧⲥϧⲁⲓ ⲅⲁⲣ ⲡⲉ.	Neouontef ous̀·himi m̀mav pe nem ṡyri 2 nai ḋe m̀poutimati ǹθōou èθrouermonakos. Ètafì ḋe ènis̀nyou afṡe naf aferapantan èouxello pegaf naf je mat̀savoi èoupsalmos. Ne ouatsxai ġar pe.	He had a wife and two sons who did not want to become monks. When he had come to the brothers, he approached an elder and said to him: “Teach me a psalm”; for he was illiterate.
5	ⲟⲩⲟϩ ⲡⲓϧⲉⲗⲗⲟ ⲉⲣϩⲏⲧⲥ ⲛϯ ⲉⲧⲟⲧϥ ϧⲉⲛⲡⲁⲓⲯⲁⲗⲙⲟⲥ ϫⲉⲁⲓϫⲟⲥ ϫⲉϯⲛⲁⲁⲣⲉϩ ⲉⲛⲁⲙⲱⲓⲧ ϩⲓⲛⲁ ⲛⲧⲁϣⲧⲉⲙⲉⲣⲛⲟⲃⲓ ϧⲉⲛⲡⲁⲗⲁⲥ . ⲟⲩⲟϩ ⲉⲧⲁ ⲡⲓϧⲉⲗⲗⲟ ϫⲉϯϩⲟⲩⲓϯ ⲛⲗⲉⲝⲓⲥ ⲛⲁϥ ⲛⲁϥⲧⲁϩⲛⲟ ⲙⲙⲟϥ ⲡⲉ ⲉϥϫⲱ ⲙⲙⲟⲥ ϫⲉⲡⲁⲓⲱⲧ ⲉⲃⲏⲗ ⲛⲧⲁϭⲓⲥⲃⲱ ⲉϯϩⲟⲩⲓϯ ⲛⲗⲉⲝⲓⲥ ϯⲛⲁϭⲓ ⲛϯⲙⲁϩⲥⲛⲟⲩϯ ⲁⲛ .	Ⲟⲩⲟϩ ⲡⲓϧⲉⲗⲗⲟ ⲉⲣϩⲏⲧⲥ ⲛ̀ϯ ⲉⲧⲟⲧϥ ϧⲉⲛ ⲡⲁⲓⲯⲁⲗⲙⲟⲥ ϫⲉ ⲁⲓϫⲟⲥ ϫⲉ ϯⲛⲁⲁ̀ⲣⲉϩ ⲉ̀ⲛⲁⲙⲱⲓⲧ ϩⲓⲛⲁ ⲛ̀ⲧⲁϣⲧⲉⲙⲉⲣⲛⲟⲃⲓ ϧⲉⲛ ⲡⲁⲗⲁⲥ. Ⲟⲩⲟϩ ⲉ̀ⲧⲁ ⲡⲓϧⲉⲗⲗⲟ ϫⲉ ϯϩⲟⲩⲓϯ ⲛ̀ⲗⲉⲝⲓⲥ ⲛⲁϥ ⲛⲁϥⲧⲁϩⲛⲟ ⲙ̀ⲙⲟϥ ⲡⲉ ⲉϥϫⲱ ⲙ̀ⲙⲟⲥ ϫⲉ ⲡⲁⲓⲱⲧ ⲉ̀ⲃⲏⲗ ⲛ̀ⲧⲁϭⲓⲥⲃⲱ ⲉ̀ϯϩⲟⲩⲓϯ ⲛ̀ⲗⲉⲝⲓⲥ ϯⲛⲁϭⲓ ⲛ̀ϯⲙⲁϩ ⲥ̀ⲛⲟⲩϯ ⲁⲛ.	Ouoh pixello erhyts ǹti etotf xen paipsalmos je aigos je tinaàreh ènamōit hina ǹtaṡtemernovi xen palas. Ouoh èta pixello je tihouiti ǹleksis naf naftahno m̀mof pe efgō m̀mos je paiōt èvyl ǹtaċisvō ètihouiti ǹleksis tinaċi ǹtimah s̀nouti an.	The elder began to teach him this psalm: “I said: I will guard my ways, so that I may not sin with my tongue;” And when the elder had recited the earlier words, he restrained him, saying: “My father, unless I learn the first verse, I will not study the second.”
6	ⲟⲩⲟϩ ⲉⲧⲁϥϣⲉ ⲛⲁϥ ⲉⲧⲉϥⲣⲓ ⲛϫⲉⲁⲃⲃⲁ ⲡⲁⲙⲱ ⲁϥⲉⲣⲏ̄ ⲛⲣⲟⲙⲡⲓ ⲉϥⲉⲣⲁⲥⲕⲓⲛ ⲉⲡⲓⲥⲁϫⲓ ⲉⲧⲁϥϭⲓⲥⲃⲱ ⲉⲣⲟϥ ⲛⲁϥⲉⲣⲁⲡⲁⲛⲧⲁⲛ ⲅⲁⲣ ⲉⲣⲱⲙⲓ ⲁⲛ ⲡⲉ ⲉϥϫⲱ ⲙⲙⲟⲥ ϫⲉⲉⲃⲏⲗ ⲛⲧⲁϫⲫⲟ ⲙⲡⲁⲗⲁⲥ ⲛϣⲟⲣⲡ ⲛϯⲛⲁⲉⲣⲁⲡⲁⲛⲧⲁⲛ ⲉⲣⲱⲙⲓ ⲁⲛ ⲙⲏⲡⲱⲥ ⲛⲧⲁϩⲉⲓ ϧⲉⲛⲡⲁⲗⲁⲥ .	Ⲟⲩⲟϩ ⲉⲧⲁϥϣⲉ ⲛⲁϥ ⲉ̀ⲧⲉϥⲣⲓ ⲛ̀ϫⲉ ⲁⲃⲃⲁ ⲡⲁⲙⲱ ⲁϥⲉⲣ8 ⲛ̀ⲣⲟⲙⲡⲓ ⲉϥⲉⲣⲁⲥⲕⲓⲛ ⲉ̀ⲡⲓⲥⲁϫⲓ ⲉⲧⲁϥϭⲓⲥⲃⲱ ⲉ̀ⲣⲟϥ ⲛⲁϥⲉⲣⲁⲡⲁⲛⲧⲁⲛ ⲅⲁⲣ ⲉ̀ⲣⲱⲙⲓ ⲁⲛ ⲡⲉ ⲉϥϫⲱ ⲙ̀ⲙⲟⲥ ϫⲉ ⲉ̀ⲃⲏⲗ ⲛ̀ⲧⲁϫⲫⲟ ⲛ̀ⲡⲁⲗⲁⲥ ⲛ̀ϣⲟⲣⲡ ⲛ̀ϯⲛⲁⲉⲣⲁⲡⲁⲛⲧⲁⲛ ⲉ̀ⲣⲱⲙⲓ ⲁⲛ ⲙⲏⲡⲱⲥ ⲛ̀ⲧⲁϩⲉⲓ ϧⲉⲛ ⲡⲁⲗⲁⲥ.	Ouoh etafṡe naf ètefri ǹje abba pamō afer8 ǹrompi eferaskin èpisaji etafċisvō èrof naferapantan ġar èrōmi an pe efgō m̀mos je èvyl ǹtagfo ǹpalas ǹṡorp ǹtinaerapantan èrōmi an mypōs ǹtahei xen palas.	And when Abba Pamo had returned to his cell, he spent eight years so that he might accomplish through his actions what he had learned in words. For he would not go to anyone, saying: Unless I first master my tongue, I will not approach anyone, lest my tongue should cause me to fall.
7	ⲙⲉⲛⲉⲛⲥⲁⲏ︦ ⲛⲣⲟⲙⲡⲓ ⲁϥϣⲉ ⲛⲁϥ ⲁϥϩⲓⲕⲟⲧ ⲉⲡⲓϧⲑⲉⲗⲗⲟ ⲫⲏ ⲉⲧⲁϥϯ ⲙⲡⲓⲯⲁⲗⲙⲟⲥ ⲉⲧⲟⲧϥ . ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉⲡⲁⲙⲱ ⲉⲑⲃⲉⲟⲩ ϣⲁⲫⲟⲟⲩ ⲙⲡⲉⲛⲛⲁⲩ ⲉⲣⲟⲕ ⲡⲱⲥ ⲙⲡⲉⲕⲓ ⲉϭⲓ ⲙⲡⲓⲯⲁⲗⲟⲥ . ⲡⲉϫⲉ ⲁⲡⲁ ⲡⲁⲙⲱ ⲛⲁϥ ϫⲉⲉⲡⲓⲇⲏ ⲙⲡⲁϯⲥⲃⲱ ⲉⲡⲓϩⲟⲩⲓⲧ ⲛⲥⲧⲩⲭⲟⲥ ⲙⲡⲓⲧⲁⲥⲑⲟⲓ ⲉⲣⲟⲕ ⲉϭⲓ ⲙⲡⲓⲙⲁϩⲃ︦ ⲉⲡⲓⲇⲏ ⲙⲡⲉⲫ︦︦ϯ︦ ϯ ⲙⲡⲓϩⲙⲟⲧ ⲛⲏⲓ ϣⲁϯⲛⲟⲩ ⲉⲑⲣⲓⲥⲁⲃⲟ ⲉⲣⲟϥ ⲟⲩⲟϩ ⲛⲧⲁϣⲧⲉⲙⲉⲣ ⲙⲫⲣⲏϯ ϫⲉⲉⲓⲉⲣⲕⲁⲧⲁⲫⲣⲟⲛⲓⲛ ⲙⲙⲟⲕ ⲁⲓⲓ ϣⲁⲣⲟⲕ ⲡⲁⲓⲱⲧ ⲉϣⲱⲡ ⲅⲁⲣ ⲁⲓϣⲁⲛⲥⲁⲃⲟ ⲉⲡⲓⲥⲧⲩⲭⲟⲥ ⲛϩⲟⲩⲓⲧ ϯⲛⲁⲓ ϩⲁⲣⲟⲕ ⲟⲛ .	Ⲙⲉⲛⲉⲛⲥⲁ8 ⲛ̀ⲣⲟⲙⲡⲓ ⲁϥϣⲉ ⲛⲁϥ ⲁϥϩⲓⲕⲟⲧ ⲉⲡⲓϧⲑⲉⲗⲗⲟ ⲫⲏ ⲉⲧⲁϥϯ ⲛ̀ⲡⲓⲯⲁⲗⲙⲟⲥ ⲉⲧⲟⲧϥ. Ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲁⲙⲱ ⲉⲑⲃⲉ ⲟⲩ ϣⲁ ⲫⲟⲟⲩ ⲙ̀ⲡⲉⲛⲛⲁⲩ ⲉ̀ⲣⲟⲕ ⲡⲱⲥ ⲙ̀ⲡⲉⲕⲓ ⲉ̀ϭⲓ ⲛ̀ⲡⲓⲯⲁⲗⲟⲥ. Ⲡⲉϫⲉ ⲁⲡⲁ ⲡⲁⲙⲱ ⲛⲁϥ ϫⲉ ⲉⲡⲓⲇⲏ ⲙ̀ⲡⲁϯⲥⲃⲱ ⲉ̀ⲡⲓϩⲟⲩⲓⲧ ⲛ̀ⲥⲧⲩⲭⲟⲥ ⲙ̀ⲡⲓⲧⲁⲥⲑⲟⲓ ⲉ̀ⲣⲟⲕ ⲉ̀ϭⲓ ⲙ̀ⲡⲓⲙⲁϩ 2 ⲉⲡⲓⲇⲏ ⲙ̀ⲡⲉⲫ̀ⲛⲟⲩϯ ϯ ⲛ̀ⲡⲓϩ̀ⲙⲟⲧ ⲛⲏⲓ ϣⲁϯⲛ̀ⲟⲩ ⲉ̀ⲑⲣⲓⲥⲁⲃⲟ ⲉ̀ⲣⲟϥ ⲟⲩⲟϩ ⲛ̀ⲧⲁϣⲧⲉⲙⲉⲣ ⲛ̀ⲫ̀ⲣⲏϯ ϫⲉ ⲉⲓⲉⲣⲕⲁⲧⲁⲫⲣⲟⲛⲓⲛ ⲙ̀ⲙⲟⲕ ⲁⲓⲓ ϣⲁⲣⲟⲕ ⲡⲁⲓⲱⲧ ⲉϣⲱⲡ ⲅⲁⲣ ⲁⲓϣⲁⲛⲥⲁⲃⲟ ⲉ̀ⲡⲓⲥⲧⲩⲭⲟⲥ ⲛ̀ϩⲟⲩⲓⲧ ϯⲛⲁⲓ ϩⲁⲣⲟⲕ ⲟⲛ.	Menensa8 ǹrompi afṡe naf afhikot epixθello fy etafti ǹpipsalmos etotf. Peje pixello naf je pamō eθve ou ṡa foou m̀pennav èrok pōs m̀peki èċi ǹpipsalos. Peje apa pamō naf je epiḋy m̀patisvō èpihouit ǹstixos m̀pitasθoi èrok èċi m̀pimah 2 epiḋy m̀pef̀nouti ti ǹpih̀mot nyi ṡatiǹou èθrisavo èrof ouoh ǹtaṡtemer ǹf̀ryti je eierkatafronin m̀mok aii ṡarok paiōt eṡōp ġar aiṡansavo èpistixos ǹhouit tinai harok on.	After spending eight years, he returned to the elder from whom he had first learned the verse, and the elder said to him: “Pamo, why have I not seen you until now? Have you not yet learned the psalm?” Apa Pamo replied: “Since I have not learned the first verse, I have not come to you to learn the second, for until now God has not granted me to learn it. And so, lest I seem to despise you, father, I have come to you. But when I recite this first verse, I will come to you again.”
8	ⲟⲩⲟϩ ⲉⲧⲁϥϩⲱⲗ ⲟⲛ ⲉⲧⲉϥⲣⲓ ⲁϥⲉⲣⲕⲉⲓ ⲛⲣⲟⲙⲡⲓ ⲙⲡⲉϥⲉⲣ . ⲁⲡⲁⲛⲧⲁⲛ ⲉϩⲗⲓ . ⲁϥϣⲱⲡⲓ ⲟⲩⲛ ϧⲉⲛⲡⲁⲓⲧⲱⲟⲩ ⲛϫⲉⲡⲓⲙⲁⲕⲁⲣⲓⲟⲥ ⲁⲃⲃⲁ ⲡⲁⲙⲱ ⲫⲏ ⲉⲧⲁϥϯⲥⲃⲱ ⲛⲁⲃⲃⲁ ⲇⲓⲟⲥⲕⲟⲣⲟⲥ ⲡⲓⲉⲡⲓⲥⲕⲟⲡⲟⲥ ⲛⲉⲙⲁⲃⲃⲁ ⲁⲙⲱⲛ ⲛⲉⲙⲁⲃⲃⲁ ⲓⲱⲁⲛⲛⲏⲥ ⲡϣⲏⲣⲓ ⲙⲡⲥⲟⲛ ⲛⲁⲃⲃⲁ ⲇⲣⲁⲕⲟⲛϯ ⲡⲓⲉⲡⲓⲥⲕⲟⲡⲟⲥ ⲛⲧⲉⲡⲧⲓⲙⲓ ⲛϩⲱⲣ . ⲡⲁⲓ ⲁⲃⲃⲁ ⲡⲁⲙⲱ ⲇⲉ ⲛⲉ ⲟⲩⲣⲱⲙⲓ ⲡⲉ ⲛϭⲓ ϣⲫⲏⲣⲓ ⲙⲙⲟϥ ⲛⲉϥⲁⲣⲉⲧⲏ ⲅⲁⲣ ⲛⲉⲙⲛⲉϥⲧⲁϩⲟ ⲉⲣⲁⲧⲟⲩ ϩⲁⲛⲛⲓϣϯ ⲛⲉ ⲡϩⲟⲩⲟ ⲇⲉ ⲙⲡⲓϫⲓ ⲛϭⲓ ϣⲫⲏⲣⲓ ⲙⲙⲟϥ ⲛⲧⲁϥ ⲫⲁⲓ ⲡⲉ ⲉϥⲙⲟⲥϯ ⲙⲡⲓⲛⲟⲩⲃ ⲛⲉⲙⲡⲓϩⲁⲧ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ⲉⲑⲃⲏⲧϥ . ⲁⲥⲫⲓⲣⲓ ⲛⲉⲙⲏⲓ ⲛⲟⲩⲥⲟⲡ ⲛϫⲉϯⲙⲁⲕⲁⲣⲓⲁ ⲙⲉⲗⲁⲛⲏ ⲉⲑⲃⲏⲧϥ ϫⲉϧⲉⲛⲧⲁⲣⲭⲏ ⲙⲙⲟⲓ ⲉⲧⲁⲓⲓ ⲉⲣⲁⲕⲟϯ ⲉⲃⲟⲗ ϧⲉⲛⲣⲱⲙⲏ ⲁϥⲥⲁϫⲓ ϧⲁⲧⲟⲧ ⲛϫⲉⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ ⲉⲑⲃⲉⲛⲓⲁⲣⲉⲧⲏ ⲛⲧⲉⲁⲃⲃⲁ ⲡⲁⲙⲱ ⲁⲛⲟⲕ ⲇⲉ ⲁⲓϯϩⲟ ⲉⲣⲟϥ ϫⲉⲛⲧⲉϥϭⲓⲙⲱⲓⲧ ϧⲁϫⲱⲓ ⲉϧⲟⲩⲛ ⲉⲛⲓϣⲁϥⲉ ⲉⲫⲙⲁ ⲛⲁⲃⲃⲁ ⲡⲁⲙⲱ ϩⲓⲛⲁ ⲛⲧⲁⲛⲁⲩ ⲉⲣⲟϥ ⲟⲩⲟϩ ⲉⲧⲁϥⲟⲗⲧ ⲉⲡⲓⲧⲱⲟⲩ ⲁϥⲥⲁϫⲓ ⲛⲉⲙⲁϥ ⲁϥⲟⲗⲧ ⲉϧⲟⲩⲛ ⲉⲡⲉϥⲙⲁ . ⲉⲧⲁⲓϩⲓⲧⲧ ⲟⲩⲛ ⲉⲡⲉⲥⲏⲧ ⲁⲓⲟⲩⲱϣⲧ ⲙⲙⲟϥ ⲁϥⲑⲣⲓϩⲉⲙⲥⲓ ⲛⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲉⲣϩⲱⲃ ⲉⲛⲓⲃⲏⲧ .	Ⲟⲩⲟϩ ⲉ̀ⲧⲁϥϩⲱⲗ ⲟⲛ ⲉ̀ⲧⲉϥⲣⲓ ⲁϥⲉⲣⲕⲉⲓ ⲛ̀ⲣⲟⲙⲡⲓ ⲙ̀ⲡⲉϥⲉⲣ. Ⲁⲡⲁⲛⲧⲁⲛ ⲉ̀ϩ̀ⲗⲓ. Ⲁϥϣⲱⲡⲓ ⲟⲩⲛ ϧⲉⲛ ⲡⲁⲓⲧⲱⲟⲩ ⲛ̀ϫⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲡⲁⲙⲱ ⲫⲏ ⲉⲧⲁϥϯⲥⲃⲱ ⲛ̀ⲁⲃⲃⲁ ⲇⲓⲟⲥⲕⲟⲣⲟⲥ ⲡⲓⲉ̀ⲡⲓⲥⲕⲟⲡⲟⲥ ⲛⲉⲙ ⲁⲃⲃⲁ ⲁⲙⲱⲛ ⲛⲉⲙ ⲁⲃⲃⲁ ⲓⲱⲁⲛⲛⲏⲥ ⲡ̀ϣⲏⲣⲓ ⲛ̀ⲡ̀ⲥⲟⲛ ⲛ̀ⲁⲃⲃⲁ ⲇⲣⲁⲕⲟⲛϯ ⲡⲓⲉ̀ⲡⲓⲥⲕⲟⲡⲟⲥ ⲛ̀ⲧⲉ ⲡ̀ⲧⲓⲙⲓ ⲛ̀ϩⲱⲣ. Ⲡⲁⲓ ⲁⲃⲃⲁ ⲡⲁⲙⲱ ⲇⲉ ⲛⲉ ⲟⲩⲣⲱⲙⲓ ⲡⲉ ⲛ̀ϭⲓ ϣ̀ⲫⲏⲣⲓ ⲙ̀ⲙⲟϥ ⲛⲉϥⲁ̀ⲣⲉⲧⲏ ⲅⲁⲣ ⲛⲉⲙ ⲛⲉϥⲧⲁϩⲟ ⲉ̀ⲣⲁⲧⲟⲩ ϩⲁⲛⲛⲓϣϯ ⲛⲉ ⲡ̀ϩⲟⲩⲟ̀ ⲇⲉ ⲛ̀ⲡⲓϫⲓ ⲛ̀ϭⲓ ϣ̀ⲫⲏⲣⲓ ⲙ̀ⲙⲟϥ ⲛ̀ⲧⲁϥ ⲫⲁⲓ ⲡⲉ ⲉϥⲙⲟⲥϯ ⲛ̀ⲡⲓⲛⲟⲩⲃ ⲛⲉⲙ ⲡⲓϩⲁⲧ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ⲉⲑⲃⲏⲧϥ. Ⲁⲥⲫⲓⲣⲓ ⲛⲉⲙⲏⲓ ⲛ̀ⲟⲩⲥⲟⲡ ⲛ̀ϫⲉ ϯⲙⲁⲕⲁⲣⲓⲁ ⲙⲉⲗⲁⲛⲏ ⲉⲑⲃⲏⲧϥ ϫⲉ ϧⲉⲛ ⲧ̀ⲁⲣⲭⲏ ⲙ̀ⲙⲟⲓ ⲉⲧⲁⲓⲓ ⲉ̀ⲣⲁⲕⲟϯ ⲉ̀ⲃⲟⲗ ϧⲉⲛ ⲣⲱⲙⲏ ⲁϥⲥⲁϫⲓ ϧⲁⲧⲟⲧ ⲛ̀ϫⲉ ⲁⲃⲃⲁ ⲓⲥⲓⲇⲱⲣⲟⲥ ⲡⲓⲡ̀ⲣⲉⲥⲃⲩⲧⲉⲣⲟⲥ ⲉⲑⲃⲉ ⲛⲓⲁ̀ⲣⲉⲧⲏ ⲛ̀ⲧⲉ ⲁⲃⲃⲁ ⲡⲁⲙⲱ ⲁⲛⲟⲕ ⲇⲉ ⲁⲓϯϩⲟ ⲉ̀ⲣⲟϥ ϫⲉ ⲛ̀ⲧⲉϥϭⲓⲙⲱⲓⲧ ϧⲁϫⲱⲓ ⲉ̀ϧⲟⲩⲛ ⲉ̀ⲛⲓϣⲁϥⲉ ⲉ̀ⲫ̀ⲙⲁ ⲛ̀ⲁⲃⲃⲁ ⲡⲁⲙⲱ ϩⲓⲛⲁ ⲛ̀ⲧⲁⲛⲁⲩ ⲉ̀ⲣⲟϥ ⲟⲩⲟϩ ⲉ̀ⲧⲁϥⲟⲗⲧ ⲉ̀ⲡⲓⲧⲱⲟⲩ ⲁϥⲥⲁϫⲓ ⲛⲉⲙⲁϥ ⲁϥⲟⲗⲧ ⲉ̀ϧⲟⲩⲛ ⲉ̀ⲡⲉϥⲙⲁ. Ⲉ̀ⲧⲁⲓϩⲓⲧⲧ ⲟⲩⲛ ⲉ̀ⲡⲉⲥⲏⲧ ⲁⲓⲟⲩⲱϣⲧ ⲙ̀ⲙⲟϥ ⲁϥⲑⲣⲓϩⲉⲙⲥⲓ ⲛ̀ⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲉⲣϩⲱⲃ ⲉ̀ⲛⲓⲃⲏⲧ.	Ouoh ètafhōl on ètefri aferkei ǹrompi m̀pefer. Apantan èh̀li. Afṡōpi oun xen paitōou ǹje pimakarios abba pamō fy etaftisvō ǹabba dioskoros pièpiskopos nem abba amōn nem abba iōannys p̀ṡyri ǹp̀·son ǹabba drakonti pièpiskopos ǹte p̀timi ǹhōr. Pai abba pamō ḋe ne ourōmi pe ǹċi ṡ̀fyri m̀mof nefàrety ġar nem neftaho èratou hanniṡti ne p̀houò ḋe ǹpiji ǹċi ṡ̀fyri m̀mof ǹtaf fai pe efmosti ǹpinoub nem pihat kata f̀ryti ets̀xyout eθvytf. Asfiri nemyi ǹousop ǹje timakaria melany eθvytf je xen t̀arṡy m̀moi etaii èrakoti èvol xen rōmy afsaji xatot ǹje abba isidōros pip̀resbiteros eθve niàrety ǹte abba pamō anok ḋe aitiho èrof je ǹtefċimōit xagōi èxoun èniṡafe èf̀ma ǹabba pamō hina ǹtanav èrof ouoh ètafolt èpitōou afsaji nemaf afolt èxoun èpefma. Ètaihitt oun èpesyt aiouōṡt m̀mof afθrihemsi ǹθof ḋe nafhemsi pe eferhōb ènivyt.	And when he had returned to his cell, he spent another ten years and did not visit him. Thus, on this mountain, the blessed Abba Pamo instructed Abba Dioscorus to become a bishop, as well as Abba Ammon, Abba John, and the nephew of Abba Dracontius, the bishop in the village of Hor. Therefore, Abba Pamo was a man who inspired admiration, for his virtues and practices were of the highest order. But most admirable of all was that he despised gold and silver, as it is written. Blessed Melania once told me this about him: “When I had first gone from Rome to Alexandria, Abba Isidore, the priest of Abba Pamo, recounted his virtues to me. I, in turn, entreated him with my prayers to show me the way to the desert place where Abba Pamo dwelled, so that I might see him. When he led me to the mountain and brought me to the place of that Abba, I threw myself at his feet and worshiped him. He commanded me to sit, and he himself sat, weaving palms.”
9	ⲁⲛⲟⲕ ⲇⲉ ⲁⲓⲥⲱⲟⲩⲧⲉⲛ ⲉⲃⲟⲗ ϧⲉⲛⲛⲁⲥⲕⲉⲩⲟⲥ ⲟⲩⲟϩ ⲁⲓϯ ⲛⲁϥ ⲛⲟⲩⲁⲣⲕⲏⲛⲧⲁⲣⲁ ⲛϩⲁⲧ ⲉⲟⲩⲟⲛ ⲧ︦ ⲛⲗⲩⲧⲣⲁ ⲛϧⲏⲧϥ ⲁⲓϯϩⲟ ⲉⲣⲟϥ ϫⲉϩⲓⲛⲁ ⲛⲧⲉϥϫⲉⲙϯⲡⲓ ϩⲱϥ ⲉⲃⲟⲗ ϧⲉⲛⲡⲉⲧⲉⲛⲧⲏⲓ ⲛⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲛⲟⲩⲃⲧ ⲛϩⲁⲛⲃⲏⲧ ⲉϥϯ ⲛϩⲑⲏϥ ⲉⲡⲉϥϩⲱⲃ ⲛϫⲓϫ ⲟⲩⲇⲉ ⲙⲡⲉϥⲥⲟⲙⲥ ⲉⲣⲟⲓ ⲉⲛⲁⲩ ⲁⲗⲗⲁ ⲡⲉϫⲁϥ ⲛⲏⲓ ϧⲉⲛⲟⲩⲕⲟⲩϫⲓ ⲛⲥⲙⲏ ϫⲉⲡⲟ︦ⲥ︦ ⲉϥⲉⲥⲙⲟⲩ ⲉⲣⲟⲕⲁⲧⲁⲡⲉϧⲓⲥⲓ ⲟⲩⲟϩ ⲉϥⲉϯⲃⲉⲭⲉ ⲛⲉ ϧⲉⲛⲧⲫⲉ . ⲟⲩⲟϩ ⲡⲉϫⲁϥ ⲛⲏⲓ ⲟⲛ ϫⲉⲭⲁϥ ϩⲓϫⲉⲛⲡⲁⲓϣⲟⲩϣⲧ .	Ⲁⲛⲟⲕ ⲇⲉ ⲁⲓⲥⲱⲟⲩⲧⲉⲛ ⲉ̀ⲃⲟⲗ ϧⲉⲛ ⲛⲁⲥ̀ⲕⲉⲩⲟⲥ ⲟⲩⲟϩ ⲁⲓϯ ⲛⲁϥ ⲛ̀ⲟⲩⲁⲣⲕⲏⲛⲧⲁⲣⲁ ⲛ̀ϩⲁⲧ ⲉ̀ⲟⲩⲟⲛ 300 ⲛ̀ⲗⲩⲧⲣⲁ ⲛ̀ϧⲏⲧϥ ⲁⲓϯϩⲟ ⲉ̀ⲣⲟϥ ϫⲉ ϩⲓⲛⲁ ⲛ̀ⲧⲉϥϫⲉⲙϯⲡⲓ ϩⲱϥ ⲉ̀ⲃⲟⲗ ϧⲉⲛ ⲡⲉ̀ⲧⲉ ⲛ̀ⲧⲏⲓ ⲛ̀ⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲛⲟⲩⲃⲧ ⲛ̀ϩⲁⲛⲃⲏⲧ ⲉϥϯ ⲛ̀ϩ̀ⲑⲏϥ ⲉ̀ⲡⲉϥϩⲱⲃ ⲛ̀ϫⲓϫ ⲟⲩⲇⲉ ⲙ̀ⲡⲉϥⲥⲟⲙⲥ ⲉ̀ⲣⲟⲓ ⲉⲛⲁⲩ ⲁⲗⲗⲁ ⲡⲉϫⲁϥ ⲛⲏⲓ ϧⲉⲛ ⲟⲩⲕⲟⲩϫⲓ ⲛ̀ⲥ̀ⲙⲏ ϫⲉⲡϭⲟⲓⲥ ⲉϥⲉ̀ⲥ̀ⲙⲟⲩ ⲉ̀ⲣⲟⲕⲁⲧⲁ ⲡⲉϧⲓⲥⲓ ⲟⲩⲟϩ ⲉϥⲉ̀ϯⲃⲉⲭⲉ ⲛⲉ ϧⲉⲛ ⲧ̀ⲫⲉ. Ⲟⲩⲟϩ ⲡⲉϫⲁϥ ⲛⲏⲓ ⲟⲛ ϫⲉ ⲭⲁϥ ϩⲓϫⲉⲛ ⲡⲁⲓϣⲟⲩϣⲧ.	Anok ḋe aisōouten èvol xen nas̀kevos ouoh aiti naf ǹouarkyntara ǹhat èouon 300 ǹlitra ǹxytf aitiho èrof je hina ǹtefjemtipi hōf èvol xen pète ǹtyi ǹθof ḋe nafhemsi pe efnouvt ǹhanvyt efti ǹh̀θyf èpefhōb ǹjig ouḋe m̀pefsoms èroi enav alla pegaf nyi xen oukouji ǹs̀my jepċois efès̀mou èrokata pexisi ouoh efètiveke ne xen t̀fe. Ouoh pegaf nyi on je kaf hijen paiṡouṡt.	Then I set before him my vessels and gave him a silver vessel that contained three hundred pounds of silver, praying that he would share in my wealth. But he, seated and weaving palms, intent on the work of his hands, did not lift his eyes to see me, but in a quiet voice said: “May God bless you according to what you have endured, and may He grant you your reward in heaven!” He also said to me: “Put that vessel in the window.”
10	ⲁϥⲙⲟⲩϯ ⲟⲩⲛ ⲉⲑⲉⲟⲇⲱⲣⲟⲥ ⲡⲓⲟⲓⲕⲟⲛⲟⲙⲟⲥ ⲛⲧⲁϥ ⲡⲉϫⲁϥ ⲛⲁϥ ϫⲉⲧⲁⲓⲥϩⲓⲙⲓ ⲁⲥⲓⲛⲓ ⲙⲫⲁⲓ ⲉϯⲟⲓⲕⲟⲛⲟⲙⲓⲁ ⲛⲧⲉⲫϯ ⲁⲗⲓⲧϥ ⲟⲛ ⲙⲁϣⲉ ⲛⲁⲕ ϭⲟϥ ⲉⲃⲟⲗ ⲥⲟⲣϥ ⲉϫⲉⲛⲛⲓϧⲉⲗⲗⲟⲓ ⲛⲧⲉⲛⲓⲣⲓ ⲛⲉ ⲛⲓⲫⲁⲓⲁⲧ ⲛⲉⲙⲛⲓⲥⲛⲏⲟⲩ ⲉⲧϣⲟⲡ ϧⲉⲛⲛⲓⲡⲉⲧⲣⲁ ⲛⲉⲙⲛⲓⲛⲏⲥⲟⲥ ⲛⲓⲙⲟⲛⲏ ⲅⲁⲣ ⲉⲧⲉⲙⲙⲁⲩ ⲥⲉⲟⲓ ⲛϩⲏⲕⲓ ⲡⲁⲣⲁⲟⲩⲟⲛ ⲛⲓⲃⲉⲛ ⲁϥϯϣⲁⲣⲟ ⲇⲉ ⲡⲁϥ ϫⲉⲙⲡⲉⲣϯ ⲉⲃⲟⲗ ⲙⲙⲱⲟⲩ ⲛⲛⲓⲙⲟⲛⲏ ⲛⲧⲉⲭⲏⲙⲓ ϯⲭⲱⲣⲁ ⲅⲁⲣ ⲉⲧⲉⲙⲙⲁⲩ ⲡⲉϫⲁϥ ⲟⲩⲟⲛ ⲭⲣⲓⲁ ⲛⲥⲱⲙⲁⲧⲓⲕⲱⲥ ⲛⲧⲁⲥ ⲉϩⲟⲧⲉ ⲛⲁⲓ ⲁⲛⲟⲕ ⲇⲉ ⲡⲉϫⲁⲥ ⲛⲁⲓⲟϩⲓ ⲉⲣⲁⲧ ⲡⲉ ⲉⲓⲥⲟⲙⲥ ϫⲉⲁⲣⲏⲟⲩ ϥⲛⲁⲧⲁⲓⲟⲓ ⲓⲉ ⲛⲧⲉϥϯⲱⲟⲩ ⲛⲏ ⲓ ⲟⲩⲟϩ ⲙⲡⲓⲥⲱⲧⲉⲙ ⲉϩⲗⲓ ⲛⲥⲁϫⲓ ⲛⲧⲟⲧϥ ⲁⲛⲟⲕ ⲇⲉ ⲡⲉϫⲏⲓ ⲛⲁϥ ϫⲉⲡⲁⲓⲱⲧ ϯⲟⲩⲱϣ ⲉⲧⲁⲙⲟⲕ ϩⲓⲛⲁ ⲛⲧⲉⲕⲉⲙⲓ ϫⲉⲟⲩⲟⲛ ⲧ︦ ⲛⲗⲩⲧⲣⲁ ϧⲉⲛⲛⲓϩⲁⲧ .	Ⲁϥⲙⲟⲩϯ ⲟⲩⲛ ⲉ̀ⲑⲉⲟⲇⲱⲣⲟⲥ ⲡⲓⲟⲓⲕⲟⲛⲟⲙⲟⲥ ⲛ̀ⲧⲁϥ ⲡⲉϫⲁϥ ⲛⲁϥ ϫⲉ ⲧⲁⲓⲥ̀ϩⲓⲙⲓ ⲁⲥⲓ̀ⲛⲓ ⲛ̀ⲫⲁⲓ ⲉ̀ϯⲟⲓⲕⲟⲛⲟⲙⲓⲁ ⲛ̀ⲧⲉ ⲫ̀ⲛⲟⲩϯ ⲁⲗⲓⲧϥ ⲟⲛ ⲙⲁϣⲉ ⲛⲁⲕ ϭⲟϥ ⲉ̀ⲃⲟⲗ ⲥⲟⲣϥ ⲉ̀ϫⲉⲛ ⲛⲓϧⲉⲗⲗⲟⲓ ⲛ̀ⲧⲉ ⲛⲓⲣⲓ ⲛⲉ ⲛⲓⲫⲁⲓⲁⲧ ⲛⲉⲙ ⲛⲓⲥ̀ⲛⲏⲟⲩ ⲉⲧϣⲟⲡ ϧⲉⲛ ⲛⲓⲡⲉⲧⲣⲁ ⲛⲉⲙ ⲛⲓⲛⲏⲥⲟⲥ ⲛⲓⲙⲟⲛⲏ ⲅⲁⲣ ⲉ̀ⲧⲉ ⲙ̀ⲙⲁⲩ ⲥⲉⲟⲓ ⲛ̀ϩⲏⲕⲓ ⲡⲁⲣⲁⲟⲩⲟⲛ ⲛⲓⲃⲉⲛ ⲁϥϯϣⲁⲣⲟ ⲇⲉ ⲡ̀ⲁϥ ϫⲉ ⲙ̀ⲡⲉⲣϯ ⲉ̀ⲃⲟⲗ ⲙ̀ⲙⲱⲟⲩ ⲛ̀ⲛⲓⲙⲟⲛⲏ ⲛ̀ⲧⲉ ⲭⲏⲙⲓ ϯⲭⲱⲣⲁ ⲅⲁⲣ ⲉ̀ⲧⲉ ⲙ̀ⲙⲁⲩ ⲡⲉϫⲁϥ ⲟⲩⲟⲛ ⲭⲣⲓⲁ ⲛ̀ⲥⲱⲙⲁⲧⲓⲕⲱⲥ ⲛ̀ⲧⲁⲥ ⲉ̀ϩⲟⲧⲉ ⲛⲁⲓ ⲁⲛⲟⲕ ⲇⲉ ⲡⲉϫⲁⲥ ⲛⲁⲓⲟ̀ϩⲓ ⲉ̀ⲣⲁⲧ ⲡⲉ ⲉⲓⲥⲟⲙⲥ ϫⲉ ⲁⲣⲏⲟⲩ ϥ̀ⲛⲁⲧⲁⲓⲟⲓ ⲓⲉ ⲛ̀ⲧⲉϥϯⲱ̀ⲟⲩ ⲛⲏ ⲓ̀ ⲟⲩⲟϩ ⲙ̀ⲡⲓⲥⲱⲧⲉⲙ ⲉ̀ϩ̀ⲗⲓ ⲛ̀ⲥⲁϫⲓ ⲛ̀ⲧⲟⲧϥ ⲁⲛⲟⲕ ⲇⲉ ⲡⲉϫⲏⲓ ⲛⲁϥ ϫⲉ ⲡⲁⲓⲱⲧ ϯⲟⲩⲱϣ ⲉ̀ⲧⲁⲙⲟⲕ ϩⲓⲛⲁ ⲛ̀ⲧⲉⲕⲉⲙⲓ ϫⲉ ⲟⲩⲟⲛ 300 ⲛ̀ⲗⲩⲧⲣⲁ ϧⲉⲛ ⲛⲓϩⲁⲧ.	Afmouti oun èθeodōros pioikonomos ǹtaf pegaf naf je tais̀·himi asìni ǹfai ètioikonomia ǹte f̀nouti alitf on maṡe nak ċof èvol sorf èjen nixelloi ǹte niri ne nifaiat nem nis̀nyou etṡop xen nipetra nem ninysos nimony ġar ète m̀mav seoi ǹhyki paraouon niven aftiṡaro ḋe p̀af je m̀perti èvol m̀mōou ǹnimony ǹte kymi tixōra ġar ète m̀mav pegaf ouon xria ǹsōmatikōs ǹtas èhote nai anok ḋe pegas naiòhi èrat pe eisoms je aryou f̀nataioi ie ǹteftiṑou ny ì ouoh m̀pisōtem èh̀li ǹsaji ǹtotf anok ḋe pejyi naf je paiōt tiouōṡ ètamok hina ǹtekemi je ouon 300 ǹlitra xen nihat.	Then he called Theodorus, the steward, and said to him: “This woman has brought this for the service of God; therefore, take it, go, distribute this among the elders in the cells of Libya, and dispense it among the brothers who live in caves and islands, for these monasteries are the poorest of all.” But he instructed me: “Do not distribute this to the monasteries of Egypt; for those regions,” he said, “need material goods far less than these do.” And I said, standing there pondering these things: “Perhaps he will bless me or praise me!” I truly heard no word from him. Then I said to him: “My father, so that you may know, I remind you that there are three hundred pounds of silver here.”
11	ⲛⲑⲟϥ ⲇⲉ ⲙⲡⲉϥϥⲁⲓ ⲛϫⲱϥ ⲉⲡϣⲱⲓ ⲉϥⲉⲣϩⲱⲃ ⲁⲗⲗⲁ ⲡⲉϫⲁϥ ⲛⲏⲓ ϧⲉⲛⲟⲩⲥⲙⲏ ⲉⲥⲥⲉⲙⲛⲏⲟⲩⲧ ϫⲉⲫⲏ ⲉⲧⲁⲣⲉⲧⲏⲓⲧⲟⲩ ⲛⲁϥ ϥⲥⲱⲟⲩⲛⲧⲟⲩⲏⲡⲓ ϥⲉⲣⲛⲭⲣⲓⲁ ⲁⲛ ϩⲓⲛⲁ ⲛⲧⲉⲟⲩⲁⲓ ϣⲓⲧⲟⲩ ⲛⲁϥ ⲫⲏ ⲉⲧⲁϥϣⲓ ⲛⲛⲓⲧⲱⲟⲩ ϧⲉⲛⲟⲩϣⲓ ⲛⲉⲙⲛⲓⲕⲁⲗⲁⲙⲫⲟ ϧⲉⲛⲟⲩⲙⲁ ϣⲓ ϥⲟⲓ ⲛⲁⲧⲉⲙⲓ ⲁⲛ ⲉⲡϣⲓ ⲛⲧⲉⲡⲉϩⲁⲧ . ⲉⲛⲁⲣⲉϯ ⲅⲁⲣ ⲙⲙⲱⲟⲩ ⲛⲏⲓ ⲡⲉ ⲓⲉ ⲕⲁⲗⲱⲥ ⲧⲉⲧⲁⲙⲟ ⲙⲙⲟⲓ ϩⲱⲥ ⲉⲁⲛⲟⲕ ⲟⲩⲣⲱⲙⲓ ⲓⲥϫⲉ ⲟⲩⲛ ⲉⲣⲉϯ ⲙⲙⲱⲟⲩ ⲙⲫϯ ⲓⲉ ⲟⲩⲧⲉ ϯⲭⲣⲓⲁ ϫⲉⲧⲉⲧⲁⲙⲟ ⲙⲙⲟⲓ ⲫ︦ϯ︦ ⲫⲏ ⲉⲧⲁϥϣⲱⲡ ⲉⲣⲟϥ ⲛϯⲧⲉⲃⲓ ⲥⲛⲟⲩϯ ⲛⲧⲉϯⲭⲏⲣⲁ ϥⲛⲁϣⲱⲡ ⲉⲣⲟϥ ⲙⲡⲉϣⲟⲩϣⲱⲟⲩϣⲓ ϩⲱⲓ ⲭⲁⲣⲱ ⲛⲑⲟ ⲙⲡⲉⲣϣⲟⲩϣⲟⲩ ⲙⲙⲟ .	Ⲛ̀ⲑⲟϥ ⲇⲉ ⲙ̀ⲡⲉϥϥⲁⲓ ⲛϫⲱϥ ⲉ̀ⲡ̀ϣⲱⲓ ⲉϥⲉⲣϩⲱⲃ ⲁⲗⲗⲁ ⲡⲉϫⲁϥ ⲛⲏⲓ ϧⲉⲛ ⲟⲩⲥ̀ⲙⲏ ⲉⲥⲥⲉⲙⲛⲏⲟⲩⲧ ϫⲉ ⲫⲏ ⲉⲧⲁⲣⲉⲧⲏⲓⲧⲟⲩ ⲛⲁϥ ϥ̀ⲥⲱⲟⲩⲛⲧⲟⲩⲏⲡⲓ ϥ̀ⲉⲣⲛⲭⲣⲓⲁ ⲁⲛ ϩⲓⲛⲁ ⲛ̀ⲧⲉ ⲟⲩⲁⲓ ϣⲓⲧⲟⲩ ⲛⲁϥ ⲫⲏ ⲉⲧⲁϥϣⲓ ⲛ̀ⲛⲓⲧⲱⲟⲩ ϧⲉⲛ ⲟⲩϣⲓ ⲛⲉⲙ ⲛⲓⲕⲁⲗⲁⲙⲫⲟ ϧⲉⲛ ⲟⲩⲙⲁ ϣⲓ ϥ̀ⲟⲓ ⲛ̀ⲁⲧⲉⲙⲓ ⲁⲛ ⲉ̀ⲡ̀ϣⲓ ⲛ̀ⲧⲉ ⲡⲉϩⲁⲧ. Ⲉⲛⲁⲣⲉϯ ⲅⲁⲣ ⲙ̀ⲙⲱⲟⲩ ⲛⲏⲓ ⲡⲉ ⲓⲉ ⲕⲁⲗⲱⲥ ⲧⲉⲧⲁⲙⲟ ⲙ̀ⲙⲟⲓ ϩⲱⲥ ⲉⲁⲛⲟⲕ ⲟⲩⲣⲱⲙⲓ ⲓⲥϫⲉ ⲟⲩⲛ ⲉ̀ⲣⲉϯ ⲙ̀ⲙⲱⲟⲩ ⲛ̀ⲫ̀ⲛⲟⲩϯ ⲓⲉ ⲟⲩⲧⲉ ϯⲭⲣⲓⲁ ϫⲉ ⲧⲉⲧⲁⲙⲟ ⲙ̀ⲙⲟⲓ ⲫ̀ⲛⲟⲩϯ ⲫⲏ ⲉⲧⲁϥϣⲱⲡ ⲉ̀ⲣⲟϥ ⲛ̀ϯⲧⲉⲃⲓ ⲥ̀ⲛⲟⲩϯ ⲛ̀ⲧⲉ ϯⲭⲏⲣⲁ ϥ̀ⲛⲁϣⲱⲡ ⲉ̀ⲣⲟϥ ⲙ̀ⲡⲉϣⲟⲩϣⲱⲟⲩϣⲓ ϩⲱⲓ ⲭⲁⲣⲱ ⲛ̀ⲑⲟ ⲙ̀ⲡⲉⲣϣⲟⲩϣⲟⲩ ⲙ̀ⲙⲟ.	Ǹθof ḋe m̀peffai ngōf èp̀ṡōi eferhōb alla pegaf nyi xen ous̀my essemnyout je fy etaretyitou naf f̀sōountouypi f̀ernkria an hina ǹte ouai ṡitou naf fy etafṡi ǹnitōou xen ouṡi nem nikalamfo xen ouma ṡi f̀oi ǹatemi an èp̀ṡi ǹte pehat. Enareti ġar m̀mōou nyi pe ie kalōs tetamo m̀moi hōs eanok ourōmi isje oun èreti m̀mōou ǹf̀nouti ie oute tixria je tetamo m̀moi f̀nouti fy etafṡōp èrof ǹtitevi s̀nouti ǹte tiṡyra f̀naṡōp èrof m̀peṡouṡōouṡi hōi karō ǹθo m̀perṡouṡou m̀mo.	But he, not even lifting his head as he wove the palms, said to me in a firm voice: “He to whom you have given this knows its amount; there is no need for anyone to tell him the quantity. For He who weighs mountains and hills with a scale is not ignorant of the quantity of silver. If you had told me this, you would have done well to remind me, for I am a man; but when you have given it to God, what need is there to inform me? For the God who accepted the widow’s two small coins will also accept your offering. But you should be silent, lest you boast.”
12	ⲡⲁⲓⲣⲏϯ ⲟⲩⲛ ⲁ ⲫ︦ϯ︦ ϯⲙⲧⲟⲛ ⲛⲏⲓ ⲁⲓⲓ ⲉⲃⲟⲗ ϩⲓⲧⲟⲧϥ . ⲟⲩⲟϩ ⲡⲉϫⲉⲙⲉⲗⲁⲛⲏ ⲛⲏⲓ ϫⲉⲙⲡⲓϫⲉⲙϩⲗⲓ ⲙⲙⲉⲧⲣⲱⲙⲓ ϣⲟⲡ ⲛϧⲏⲧϥ ⲉⲡⲧⲏⲣϥ . ⲟⲩⲟϩ ⲉⲃⲟⲗ ⲙⲙⲁⲩ ⲁⲥϣⲉ ⲛⲁⲥ ⲉϧⲟⲩⲛ ⲉⲡⲓⲛⲓϣϯ ⲛϣⲁϥⲉ ⲛⲧⲉϣⲓⲏⲧ ⲁⲥⲕⲱⲧ ⲛⲟⲩⲉⲕⲕⲗⲏⲥⲓⲁ ⲛⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ . ⲙⲉⲛⲉⲛⲥⲁϩⲁⲛ ϩⲁⲛⲕⲟⲩϫⲓ ⲇⲉ ⲛⲉϩⲟⲟⲩ ⲁϥⲉⲛⲕⲟⲧ ⲛϫⲉⲁⲃⲃⲁ ⲡⲁⲙⲱ ⲡⲓⲣⲱⲙⲓ ⲛⲧⲉⲫϯ ⲉϥⲭⲏ ϧⲉⲛⲟ︦ ⲛⲣⲟⲙⲡⲓ ⲟⲩⲟϩ ⲙⲡⲉϩⲗⲓ ⲉⲙⲓ ϫⲉϥⲛⲁⲙⲟⲩ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲙⲡⲉϥϧⲟ ⲇⲉ ⲛⲑⲟϥ ⲁⲗⲗⲁ ⲛⲁϥϩⲉⲙⲥⲓ ⲡⲉ ⲉϥϣⲟⲗⲕⲃⲓⲣ .	Ⲡⲁⲓⲣⲏϯ ⲟⲩⲛ ⲁ ⲫ̀ⲛⲟⲩϯ ϯⲙ̀ⲧⲟⲛ ⲛⲏⲓ ⲁⲓⲓ ⲉ̀ⲃⲟⲗ ϩⲓⲧⲟⲧϥ. Ⲟⲩⲟϩ ⲡⲉϫⲉⲙⲉⲗⲁⲛⲏ ⲛⲏⲓ ϫⲉ ⲙⲡⲓϫⲉⲙϩⲗⲓ ⲛ̀ⲙⲉⲧⲣⲱⲙⲓ ϣⲟⲡ ⲛ̀ϧⲏⲧϥ ⲉ̀ⲡ̀ⲧⲏⲣϥ. Ⲟⲩⲟϩ ⲉ̀ⲃⲟⲗ ⲙ̀ⲙⲁⲩ ⲁⲥϣⲉ ⲛⲁⲥ ⲉ̀ϧⲟⲩⲛ ⲉ̀ⲡⲓⲛⲓϣϯ ⲛ̀ϣⲁϥⲉ ⲛ̀ⲧⲉ ϣⲓⲏⲧ ⲁⲥⲕⲱⲧ ⲛ̀ⲟⲩⲉⲕⲕⲗⲏⲥⲓⲁ ⲛ̀ⲁⲃⲃⲁ ⲓⲥⲓⲇⲱⲣⲟⲥ ⲡⲓⲡ̀ⲣⲉⲥⲃⲩⲧⲉⲣⲟⲥ. Ⲙⲉⲛⲉⲛⲥⲁϩⲁⲛ ϩⲁⲛⲕⲟⲩϫⲓ ⲇⲉ ⲛ̀ⲉ̀ϩⲟⲟⲩ ⲁϥⲉⲛⲕⲟⲧ ⲛ̀ϫⲉ ⲁⲃⲃⲁ ⲡⲁⲙⲱ ⲡⲓⲣⲱⲙⲓ ⲛ̀ⲧⲉ ⲫ̀ⲛⲟⲩϯ ⲉϥⲭⲏ ϧⲉⲛ 70 ⲛ̀ⲣⲟⲙⲡⲓ ⲟⲩⲟϩ ⲙ̀ⲡⲉ ϩ̀ⲗⲓ ⲉⲙⲓ ϫⲉ ϥ̀ⲛⲁⲙⲟⲩ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲙ̀ⲡⲉϥϧⲟ ⲇⲉ ⲛ̀ⲑⲟϥ ⲁⲗⲗⲁ ⲛⲁϥϩⲉⲙⲥⲓ ⲡⲉ ⲉϥϣⲟⲗⲕⲃⲓⲣ.	Pairyti oun a f̀nouti tim̀ton nyi aii èvol hitotf. Ouoh pejemelany nyi je mpijemhli ǹmetrōmi ṡop ǹxytf èp̀tyrf. Ouoh èvol m̀mav asṡe nas èxoun èpiniṡti ǹṡafe ǹte ṡiyt askōt ǹouekklysia ǹabba isidōros pip̀resbiteros. Menensahan hankouji ḋe ǹèhoou afenkot ǹje abba pamō pirōmi ǹte f̀nouti efky xen 70 ǹrompi ouoh m̀pe h̀li emi je f̀namou xen pièhoou ète m̀mav m̀pefxo ḋe ǹθof alla nafhemsi pe efṡolkvir.	Thus God granted me peace of mind, and I departed from him. Melania said to me: “I have seen nothing of human weakness in him.” Then, from that place, I went to the large desert of Shiet and built a church for Abba Isidore, the presbyter. A few days later, Abba Pamo, a man of God, fell asleep in the Lord at the age of seventy, and no one had foreseen his death, nor did he suffer from fever; instead, he sat weaving a basket.
13	ⲟⲩⲟϩ ⲉⲧⲁϥϧⲱⲛⲧ ⲉⲡⲉϥϧⲁⲉ ⲛⲛⲓϥⲓ ⲁⲥⲣⲁⲟⲩⲱ ⲙⲙⲁⲩ ϩⲱⲥ ⲛϫⲉⲙⲉⲗⲁⲛⲏ ⲉⲧⲁⲥϩⲓⲟⲩⲕⲟⲧ ⲉⲣⲟϥ ⲛⲕⲉⲥⲟⲡ ⲁϥϭⲱⲣⲉⲙ ⲉⲣⲟⲥ ⲉⲑⲣⲉⲥϧⲱⲛⲧ ⲉϧⲟⲩⲛ ⲉⲣⲟϥ ⲟⲩⲟϩ ⲉⲧⲁⲥⲓ ϧⲁⲧⲟⲧϥ ⲡⲉϫⲁϥ ⲛⲁⲥ ϫⲉⲙⲉ ⲉⲧⲁⲓⲃⲁⲓⲣⲓ ⲉⲃⲟⲗ ϧⲉⲛⲡϧⲓⲥⲓ ⲛⲧⲉⲛⲁϫⲓϫ ϩⲓⲛⲁ ⲛⲧⲉⲉⲣⲡⲁⲙⲉⲩⲓ ϫⲉⲟⲩⲏⲓ ⲙⲙⲟⲛ ϩⲗⲓ ⲛⲧⲏⲓ ⲉⲑⲣⲓⲭⲱ ⲛⲉ ⲟⲩⲟϩ ⲥⲁⲧⲟⲧϥ ⲁϥϯ ⲙⲡⲓⲡⲛ︦ⲁ︦ ⲉⲛⲉⲛϫⲓϫ ⲙⲡⲟ︦ⲥ︦ ⲛⲑⲟⲥ ⲇⲉ ⲁⲥϯϩⲟ ⲉⲛⲉϥⲙⲁⲑⲏⲧⲏⲥ ϣⲁⲧⲟⲩⲭⲁⲥ ⲛⲧⲉⲥⲕⲟⲥϥ ⲁⲥⲕⲟⲥϥ ⲇⲉ ϧⲉⲛϩⲁⲛ ϩⲃⲱⲥ ⲛⲓⲁⲩ ⲉⲩⲧⲁⲓⲏⲟⲩⲧ ⲁⲥϣⲉ ⲛⲁⲥ ⲉⲃⲟⲗ ϧⲉⲛⲡϣⲁϥⲉ ⲉⲣⲉϯⲃⲁⲓⲣⲓ ⲉⲧⲉⲙⲙⲁⲩ ⲛⲧⲟⲧⲥ ϣⲁⲡⲉϩⲟⲟⲩ ⲙⲡⲉⲥⲙⲟⲩ .	Ⲟⲩⲟϩ ⲉⲧⲁϥϧⲱⲛⲧ ⲉ̀ⲡⲉϥϧⲁⲉ̀ ⲛ̀ⲛⲓϥⲓ ⲁⲥⲣⲁⲟⲩⲱ ⲙ̀ⲙⲁⲩ ϩⲱⲥ ⲛ̀ϫⲉ ⲙⲉⲗⲁⲛⲏ ⲉⲧⲁⲥϩⲓⲟⲩⲕⲟⲧ ⲉ̀ⲣⲟϥ ⲛ̀ⲕⲉⲥⲟⲡ ⲁϥϭⲱⲣⲉⲙ ⲉ̀ⲣⲟⲥ ⲉ̀ⲑⲣⲉⲥϧⲱⲛⲧ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲉ̀ⲧⲁⲥⲓ ϧⲁⲧⲟⲧϥ ⲡⲉϫⲁϥ ⲛⲁⲥ ϫⲉ ⲙⲉ ⲉ̀ⲧⲁⲓ̀ⲃⲁⲓⲣⲓ ⲉ̀ⲃⲟⲗ ϧⲉⲛ ⲡ̀ϧⲓⲥⲓ ⲛ̀ⲧⲉ ⲛⲁϫⲓϫ ϩⲓⲛⲁ ⲛ̀ⲧⲉⲉⲣⲡⲁⲙⲉⲩⲓ ϫⲉ ⲟⲩⲏⲓ ⲙ̀ⲙⲟⲛ ϩ̀ⲗⲓ ⲛ̀ⲧⲏⲓ ⲉ̀ⲑⲣⲓⲭⲱ ⲛⲉ ⲟⲩⲟϩ ⲥⲁⲧⲟⲧϥ ⲁϥϯ ⲛ̀ⲡⲓⲡ̀ⲛⲉⲩⲙⲁ ⲉ̀ⲛⲉⲛϫⲓϫ ⲛ̀ⲡ̀ϭⲟⲓⲥ ⲛ̀ⲑⲟⲥ ⲇⲉ ⲁⲥϯϩⲟ ⲉ̀ⲛⲉϥⲙⲁⲑⲏⲧⲏⲥ ϣⲁⲧⲟⲩⲭⲁⲥ ⲛ̀ⲧⲉⲥⲕⲟⲥϥ ⲁⲥⲕⲟⲥϥ ⲇⲉ ϧⲉⲛ ϩⲁⲛ ϩⲃⲱⲥ ⲛ̀ⲓⲁⲩ ⲉⲩⲧⲁⲓⲏⲟⲩⲧ ⲁⲥϣⲉ ⲛⲁⲥ ⲉ̀ⲃⲟⲗ ϧⲉⲛ ⲡ̀ϣⲁϥⲉ ⲉ̀ⲣⲉ ϯⲃⲁⲓⲣⲓ ⲉ̀ⲧⲉ ⲙ̀ⲙⲁⲩ ⲛ̀ⲧⲟⲧⲥ ϣⲁ ⲡⲓⲉ̀ϩⲟⲟⲩ ⲙ̀ⲡⲉⲥⲙⲟⲩ.	Ouoh etafxōnt èpefxaè ǹnifi asraouō m̀mav hōs ǹje melany etas·hioukot èrof ǹkesop afċōrem èros èθresxōnt èxoun èrof ouoh ètasi xatotf pegaf nas je me ètaìvairi èvol xen p̀xisi ǹte najig hina ǹteerpamevi je ouyi m̀mon h̀li ǹtyi èθrikō ne ouoh satotf afti ǹpip̀nevma ènenjig ǹp̀ċois ǹθos ḋe astiho ènefmaθytys ṡatoukas ǹteskosf askosf ḋe xen han hvōs ǹiav evtaiyout asṡe nas èvol xen p̀ṡafe ère tivairi ète m̀mav ǹtots ṡa pièhoou m̀pesmou.	When the hour came for his spirit to depart, Melania came again to see him. Pambo signaled to her: “Take this basket, made by the labor of my hands, as a remembrance of me; for I have nothing else to leave you.” Immediately, he gave his spirit into the hands of God. She then prayed to his disciples that she might be allowed to care for his body. And so she prepared his body with clean and honorable linens, left the desert, and kept that basket in her hands until her final day.
14	ⲁϥⲥⲁϫⲓ ϧⲁⲧⲟⲧⲉⲛ ⲛϫⲉⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ ⲛⲧⲉϣⲓⲏⲧ ⲉⲑⲃⲉⲛⲓⲁⲣⲉⲧⲏ ⲛⲧⲉⲁⲃⲃⲁ ⲡⲁⲙⲱ ⲁⲓϯϩⲟ ⲉⲣⲟϥ ⲉⲑⲣⲉϥϭⲓⲙⲱⲓⲧ ϧⲁϫⲱⲓ ⲉϧⲟⲩⲛ ⲉⲡϣⲁϥⲉ ⲉⲫⲙⲁ ⲛⲁⲃⲃⲁ ⲡⲁⲙⲱ ϩⲓⲛⲁ ⲛⲧⲁⲛⲁⲩ ⲉⲣⲟϥ ⲟⲩⲟϩ ⲫⲁⲓ ⲛⲉ ⲟⲩⲣⲱⲙⲓ ⲡⲉ ⲛϭⲓϣⲫⲏⲣⲓ ⲙⲙⲟϥ ⲫⲁⲓ ⲉⲧⲉϧⲉⲛϯⲟⲩⲛⲟⲩ ⲛⲧⲉⲡⲉϥϫⲓⲛⲓ ⲉⲃⲟⲗ ϧⲉⲛⲥⲱⲙⲁ ⲛⲁⲩⲟϩⲓ ⲉⲣⲁⲧⲟⲩ ⲥⲁⲡϣⲱⲓ ⲙⲙⲟϥ ⲛϫⲉⲁⲃⲃⲁ ⲙⲁⲕⲁⲣⲓ ⲡⲓⲡⲣⲉⲥⲃⲩⲧⲉⲣⲟⲥ ⲛⲉⲙⲁⲃⲃⲁ ⲁⲙⲙⲱⲛ ⲛⲉⲙⲁⲃⲃⲁ ⲑⲉⲟⲇⲱⲣⲟⲥ ⲛⲉⲙⲕⲉⲙⲏϣ ⲛⲥⲟⲧⲡ ⲉⲃⲟⲗ ϧⲉⲛⲛⲓⲥⲛⲏⲟⲩ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲁϫⲉⲟⲩⲥⲁϫⲓ ⲛⲁⲛ ϩⲓⲛⲁ ⲛⲧⲉⲛⲱⲛϧ ⲉⲣⲟϥ . ⲟⲩⲟϩ ⲡⲉϫⲁϥ ⲛⲱⲟⲩ ⲙⲡⲁⲓⲣⲏϯ ⲛϫⲉⲡⲓϧⲉⲗⲗⲟ ϫⲉⲓⲥϫⲉⲛⲡⲓⲉϩⲟⲟⲩ ⲉⲧⲁⲓⲓ ⲉⲡⲁⲓϣⲁϥⲉ ⲙⲙⲟϥ ⲟⲩⲟϩ ⲁⲓⲕⲱⲧ ⲛⲧⲁⲓⲣⲓ ⲁⲓϣⲱⲡⲓ ⲛϧⲏⲧⲥ ⲛϯⲓⲣⲓ ⲙⲫⲙⲉⲩⲓ ⲁⲛ ϫⲉⲁⲓⲟⲩⲱⲙ ⲙⲡⲁϩⲏⲧ ⲉϫⲉⲛⲟⲩⲥⲁϫⲓ ⲉⲁⲓϫⲟϥ ⲛϥⲉⲙⲡϣⲁ ⲉϫⲟϥ ⲁⲛ ⲙⲡⲓⲥⲁϫⲓ ⲅⲁⲣ ⲉⲃⲏⲗ ⲛⲧⲁⲥⲁⲑⲙⲓ ⲉϫⲉⲛⲡⲓⲥⲁϫⲓ ⲛϣⲟⲣⲡ ⲛⲧⲁⲛⲁⲩ ⲉⲣⲟϥ ϫⲉⲁⲛ ⲫⲁⲫⲙⲟⲩ ⲡⲉ ϣⲁⲛ ⲫⲁⲫⲱⲛϧ ⲡⲉ ⲙⲡⲁⲓϫⲟϥ ⲟⲩⲇⲉ ϯⲥⲱⲟⲩⲛ ⲙⲙⲟⲓ ⲁⲛ ⲉⲧⲁⲓⲟⲩⲱⲙ ⲛⲟⲩⲱⲓⲕ ⲛϫⲓⲛϫⲏ ⲉⲃⲏⲗ ⲉⲡϧⲓⲥⲓ ⲛⲧⲉⲛⲁϫⲓϫ ⲟⲩⲟϩ ⲙⲡⲓⲭⲁⲥ ϧⲉⲛⲡⲁϩⲏⲧ ϫⲉⲁⲓⲉⲣⲟⲩⲉϩⲟⲟⲩ ⲙⲙⲟⲛⲁⲭⲟⲥ ϯⲛⲟⲩ ⲟⲛ ϯⲛⲁϣⲉ ⲛⲏⲓ ϯϫⲱ ⲙⲙⲟⲥ ⲁⲛ ϫⲉⲁⲓⲉⲣⲟⲩⲉϩⲟⲟⲩ ⲉⲓⲟⲓ ⲛϣⲁⲙϣⲉⲛⲟⲩϯ ⲁⲗⲗⲁ ϯϫⲉⲙⲁⲣⲓⲕⲓ ⲉⲣⲟⲓ ϫⲉϯⲓⲣⲓ ⲁⲛ ⲙⲫⲟⲩⲱϣ ⲙⲫ︦ϯ︦ .	Ⲁϥⲥⲁϫⲓ ϧⲁⲧⲟⲧⲉⲛ ⲛ̀ϫⲉ ⲁⲃⲃⲁ ⲓⲥⲓⲇⲱⲣⲟⲥ ⲡⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ ϣⲓⲏⲧ ⲉⲑⲃⲉ ⲛⲓⲁ̀ⲣⲉⲧⲏ ⲛ̀ⲧⲉ ⲁⲃⲃⲁ ⲡⲁⲙⲱ ⲁⲓϯϩⲟ ⲉ̀ⲣⲟϥ ⲉ̀ⲑⲣⲉϥϭⲓⲙⲱⲓⲧ ϧⲁϫⲱⲓ ⲉ̀ϧⲟⲩⲛ ⲉ̀ⲡ̀ϣⲁϥⲉ ⲉ̀ⲫ̀ⲙⲁ ⲛ̀ⲁⲃⲃⲁ ⲡⲁⲙⲱ ϩⲓⲛⲁ ⲛ̀ⲧⲁⲛⲁⲩ ⲉ̀ⲣⲟϥ ⲟⲩⲟϩ ⲫⲁⲓ ⲛⲉ ⲟⲩⲣⲱⲙⲓ ⲡⲉ ⲛϭⲓϣ̀ⲫⲏⲣⲓ ⲙ̀ⲙⲟϥ ⲫⲁⲓ ⲉ̀ⲧⲉ ϧⲉⲛ ϯⲟⲩⲛⲟⲩ ⲛ̀ⲧⲉ ⲡⲉϥϫⲓⲛⲓ̀ ⲉ̀ⲃⲟⲗ ϧⲉⲛ ⲥⲱⲙⲁ ⲛⲁⲩⲟ̀ϩⲓ ⲉ̀ⲣⲁⲧⲟⲩ ⲥⲁⲡ̀ϣⲱⲓ ⲙ̀ⲙⲟϥ ⲛ̀ϫⲉ ⲁⲃⲃⲁ ⲙⲁⲕⲁⲣⲓ ⲡⲓⲡ̀ⲣⲉⲥⲃⲩⲧⲉⲣⲟⲥ ⲛⲉⲙ ⲁⲃⲃⲁ ⲁⲙⲙⲱⲛ ⲛⲉⲙ ⲁⲃⲃⲁ ⲑⲉⲟⲇⲱⲣⲟⲥ ⲛⲉⲙ ⲕⲉⲙⲏϣ ⲛ̀ⲥⲟⲧⲡ ⲉ̀ⲃⲟⲗ ϧⲉⲛ ⲛⲓⲥ̀ⲛⲏⲟⲩ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲡⲉⲛⲓⲱⲧ ⲁϫⲉⲟⲩⲥⲁϫⲓ ⲛⲁⲛ ϩⲓⲛⲁ ⲛ̀ⲧⲉⲛⲱⲛϧ ⲉ̀ⲣⲟϥ. Ⲟⲩⲟϩ ⲡⲉϫⲁϥ ⲛⲱⲟⲩ ⲛ̀ⲡⲁⲓⲣⲏϯ ⲛ̀ϫⲉ ⲡⲓϧⲉⲗⲗⲟ ϫⲉ ⲓⲥϫⲉⲛ ⲡⲓⲉ̀ϩⲟⲟⲩ ⲉⲧⲁⲓⲓ ⲉ̀ⲡⲁⲓϣⲁϥⲉ ⲙ̀ⲙⲟϥ ⲟⲩⲟϩ ⲁⲓⲕⲱⲧ ⲛ̀ⲧⲁⲓ̀ⲣⲓ ⲁⲓϣⲱⲡⲓ ⲛ̀ϧⲏⲧⲥ ⲛ̀ϯⲓ̀ⲣⲓ ⲛ̀ⲫ̀ⲙⲉⲩⲓ ⲁⲛ ϫⲉ ⲁⲓⲟⲩⲱⲙ ⲛ̀ⲡⲁϩⲏⲧ ⲉ̀ϫⲉⲛ ⲟⲩⲥⲁϫⲓ ⲉⲁⲓϫⲟϥ ⲛ̀ϥⲉⲙⲡϣⲁ ⲉ̀ϫⲟϥ ⲁⲛ ⲛ̀ⲡⲓⲥⲁϫⲓ ⲅⲁⲣ ⲉ̀ⲃⲏⲗ ⲛ̀ⲧⲁⲥⲁⲑⲙⲓ ⲉ̀ϫⲉⲛ ⲡⲓⲥⲁϫⲓ ⲛ̀ϣⲟⲣⲡ ⲛ̀ⲧⲁⲛⲁⲩ ⲉ̀ⲣⲟϥ ϫⲉ ⲁⲛ ⲫⲁⲫ̀ⲙⲟⲩ ⲡⲉ ϣⲁⲛ ⲫⲁⲫⲱⲛϧ ⲡⲉ ⲙⲡⲁⲓϫⲟϥ ⲟⲩⲇⲉ ϯⲥⲱⲟⲩⲛ ⲙ̀ⲙⲟⲓ ⲁⲛ ⲉⲧⲁⲓⲟⲩⲱⲙ ⲛ̀ⲟⲩⲱⲓⲕ ⲛ̀ϫⲓⲛϫⲏ ⲉ̀ⲃⲏⲗ ⲉ̀ⲡ̀ϧⲓⲥⲓ ⲛ̀ⲧⲉ ⲛⲁϫⲓϫ ⲟⲩⲟϩ ⲙ̀ⲡⲓⲭⲁⲥ ϧⲉⲛ ⲡⲁϩⲏⲧ ϫⲉ ⲁⲓⲉⲣⲟⲩⲉ̀ϩⲟⲟⲩ ⲛ̀ⲙⲟⲛⲁⲭⲟⲥ ϯⲛⲟⲩ ⲟⲛ ϯⲛⲁϣⲉ ⲛⲏⲓ ϯϫⲱ ⲙ̀ⲙⲟⲥ ⲁⲛ ϫⲉ ⲁⲓⲉⲣⲟⲩⲉ̀ϩⲟⲟⲩ ⲉⲓⲟⲓ ⲛ̀ϣⲁⲙϣⲉⲛⲟⲩϯ ⲁⲗⲗⲁ ϯϫⲉⲙⲁⲣⲓⲕⲓ ⲉ̀ⲣⲟⲓ ϫⲉ ϯⲓ̀ⲣⲓ ⲁⲛ ⲛ̀ⲫ̀ⲟⲩⲱϣ ⲛ̀ⲫ̀ⲛⲟⲩϯ.	Afsaji xatoten ǹje abba isidōros pip̀resbiteros ǹte ṡiyt eθve niàrety ǹte abba pamō aitiho èrof èθrefċimōit xagōi èxoun èp̀ṡafe èf̀ma ǹabba pamō hina ǹtanav èrof ouoh fai ne ourōmi pe nċiṡ̀fyri m̀mof fai ète xen tiounou ǹte pefjinì èvol xen sōma navòhi èratou sap̀ṡōi m̀mof ǹje abba makari pip̀resbiteros nem abba ammōn nem abba θeodōros nem kemyṡ ǹsotp èvol xen nis̀nyou ouoh pegōou naf je peniōt ajeousaji nan hina ǹtenōnx èrof. Ouoh pegaf nōou ǹpairyti ǹje pixello je isjen pièhoou etaii èpaiṡafe m̀mof ouoh aikōt ǹtaìri aiṡōpi ǹxyts ǹtiìri ǹf̀mevi an je aiouōm ǹpahyt èjen ousaji eaigof ǹfempṡa ègof an ǹpisaji ġar èvyl ǹtasaθmi èjen pisaji ǹṡorp ǹtanav èrof je an faf̀mou pe ṡan fafōnx pe mpaigof ouḋe tisōoun m̀moi an etaiouōm ǹouōik ǹjinjy èvyl èp̀xisi ǹte najig ouoh m̀pikas xen pahyt je aierouèhoou ǹmonaxos tinou on tinaṡe nyi tigō m̀mos an je aierouèhoou eioi ǹṡamṡenouti alla tijemariki èroi je tiìri an ǹf̀ouōṡ ǹf̀nouti.	Abba Isidore of Shiet, the presbyter, recounted to us the virtues of Abba Pambo: “I entreated him to show me the way to the desert place where Abba Pamo dwelled so that I might see him. And these are the men who, marveling at him, stood with him when he departed from the body, namely Abba Macarius the presbyter, Abba Ammon, Abba Theodorus, and many others chosen among the brothers.” and they said to him: “Father, give us a word so that we may live by it.” And the old man spoke to them thus: “From the time I entered this desert and built myself a cell and stayed there, I do not remember a single word I have spoken without repentance, for I have never spoken a word unless I first weighed whether it was for death or for life. Nor am I aware that I ever ate bread for free, unless it came from the labor of my own hands. I never brought it into my heart that I had lived a monastic life, but now as I am about to depart from the world, I do not say to you that I have lived a pious life according to God; rather, I bring an accusation against myself, that I have not achieved the will of God.”
15	ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉⲡⲉⲛⲓⲱⲧ ⲙⲏ ⲕⲧⲁⲩⲣⲏⲟⲩⲧ ⲁⲛ ⲉϫⲉⲛⲡⲉⲕϧⲓⲥⲓ ⲛⲉⲙⲛⲉⲕϩⲱⲃ ϫⲉⲁⲛ ⲫⲁ ⲫϯ ⲡⲉ . ⲛⲉϫⲁϥ ⲛⲱⲟⲩ ϫⲉⲧⲉⲱⲥ ⲁⲓⲉⲣⲧⲁϫⲟⲙ ⲉⲁⲣⲉϩ ⲉⲛⲓⲉⲛⲧⲟⲗⲏ ⲁⲗⲗⲁ ⲉⲓⲉⲙⲓ ⲛⲑⲱⲛ ϫⲉⲟⲩ ⲡⲉ ⲉⲑⲛⲁⲥϣⲱⲡⲓ ⲙⲙⲟⲓ ϧⲉⲛⲡⲓⲛⲁⲩ ⲛⲉⲣⲁⲡⲁⲛⲧⲁⲛ ⲟⲩⲉⲧⲡϩⲁⲡ ⲙⲫ︦ϯ︦ ⲟⲩⲉⲧⲫⲁⲛⲓⲣⲱⲙⲓ ⲡⲓⲛⲁⲓ ⲙⲉⲛ ⲫⲱϥ ⲡⲉ ⲁϥϣⲁⲛⲁⲓϥ ⲛⲉⲙⲏⲓ ⲓⲉ ⲉϥⲉⲣϩⲙⲟⲧ ⲙⲙⲟϥ ⲛⲏⲓ ⲛⲁⲅⲁⲡⲏ ⲁϥϣⲁⲛⲟⲩⲱϣ ⲟⲛ ⲉϥⲓⲱⲡ ⲛⲉⲙⲏⲓ ⲛϯⲛⲁϣⲉⲣⲁⲧⲁⲣⲓⲕⲓ ⲁⲛ ⲙⲡⲉϥⲙⲑⲟ ϯⲉⲙⲓ ⲁⲛ ϫⲉϯⲛⲁϫⲉⲙⲡⲁⲣⲣⲏⲥⲓⲁ ⲙⲡⲉϥⲙⲑⲟ .	Ⲡⲉϫⲉ ⲛⲓⲥ̀ⲛⲏⲟⲩ ⲛⲁϥ ϫⲉ ⲡⲉⲛⲓⲱⲧ ⲙⲏ ⲕⲧⲁⲩⲣⲏⲟⲩⲧ ⲁⲛ ⲉ̀ϫⲉⲛ ⲡⲉⲕϧⲓⲥⲓ ⲛⲉⲙ ⲛⲉⲕϩⲱⲃ ϫⲉ ⲁⲛ ⲫⲁ ⲫ̀ⲛⲟⲩϯ ⲡⲉ. Ⲛⲉϫⲁϥ ⲛⲱⲟⲩ ϫⲉ ⲧⲉⲱⲥ ⲁⲓⲉⲣⲧⲁϫⲟⲙ ⲉⲁ̀ⲣⲉϩ ⲉ̀ⲛⲓⲉⲛⲧⲟⲗⲏ ⲁⲗⲗⲁ ⲉⲓⲉⲙⲓ ⲛ̀ⲑⲱⲛ ϫⲉ ⲟⲩ ⲡⲉ ⲉⲑⲛⲁⲥϣⲱⲡⲓ ⲙ̀ⲙⲟⲓ ϧⲉⲛ ⲡⲓⲛⲁⲩ ⲛ̀ⲉⲣⲁⲡⲁⲛⲧⲁⲛ ⲟⲩⲉⲧⲡ̀ϩⲁⲡ ⲛ̀ⲫ̀ⲛⲟⲩϯ ⲟⲩⲉⲧⲫⲁⲛⲓⲣⲱⲙⲓ ⲡⲓⲛⲁⲓ ⲙⲉⲛ ⲫⲱϥ ⲡⲉ ⲁϥϣⲁⲛⲁⲓϥ ⲛⲉⲙⲏⲓ ⲓⲉ ⲉϥⲉⲣϩⲙⲟⲧ ⲙ̀ⲙⲟϥ ⲛⲏⲓ ⲛ̀ⲁ̀ⲅⲁⲡⲏ ⲁϥϣⲁⲛⲟⲩⲱϣ ⲟⲛ ⲉ̀ϥⲓⲱⲡ ⲛⲉⲙⲏⲓ ⲛ̀ϯⲛⲁϣⲉⲣⲁⲧⲁⲣⲓⲕⲓ ⲁⲛ ⲛ̀ⲡⲉϥⲙ̀ⲑⲟ ϯⲉⲙⲓ ⲁⲛ ϫⲉ ϯⲛⲁϫⲉⲙⲡⲁⲣⲣⲏⲥⲓⲁ ⲛ̀ⲡⲉϥⲙ̀ⲑⲟ.	Peje nis̀nyou naf je peniōt my ktavryout an èjen pekxisi nem nek·hōb je an fa f̀nouti pe. Negaf nōou je teōs aiertagom eàreh ènientoly alla eiemi ǹθōn je ou pe eθnasṡōpi m̀moi xen pinav ǹerapantan ouetp̀hap ǹf̀nouti ouetfanirōmi pinai men fōf pe afṡanaif nemyi ie eferhmot m̀mof nyi ǹàġapy afṡanouōṡ on èfiōp nemyi ǹtinaṡeratariki an ǹpefm̀θo tiemi an je tinajemparrysia ǹpefm̀θo.	The brothers then said to him: “Father, do you not think that your labors and your works are of God?” He responded to them: “Up to this point, I have striven with all my strength to fulfill the commandments of God. But how do I know what will happen to me at the hour when I approach God? For the judgment of God is one thing, and the judgment of humans another. His is mercy: if He wishes to treat me kindly, He will grant me grace and love. But if He wishes to reckon accounts with me, I will not be free from blame before Him. I do not know whether I shall obtain pardon from Him beforehand.”
16	ⲁⲩⲉⲣⲙⲉⲑⲣⲉ ⲛⲁⲛ ⲉⲑⲃⲏⲧϥ ⲛϫⲉⲁⲃⲃⲁ ⲁⲙⲙⲱⲛ ⲛⲉⲙⲁⲃⲃⲁ ⲑⲉⲟⲇⲱⲣⲉ ⲛⲉⲙⲁⲃⲃⲁ ⲓⲁⲕⲱⲃ ϫⲉⲉϣⲱⲡ ⲛⲧⲉⲛϣⲉⲛϥ ⲉⲟⲩⲥⲁϫⲓ ⲛⲧⲉϯⲅⲣⲁⲫⲏ ⲓⲉ ⲕⲉϩⲱⲃ ⲕⲉϩⲱⲃ ⲛⲁϥϯⲁⲡⲟⲗⲟⲅⲓⲁ ⲛⲁⲛ ⲥⲁⲧⲟⲧϥ ⲁⲛ ⲡⲉ ⲁⲗⲗⲁ ⲛⲁϥϫⲱ ⲙⲙⲟⲥ ⲡⲉ ϫⲉⲙⲛⲁϯⲧⲁϩⲉ ⲉϫⲟⲙ ⲙⲡⲓⲥⲁϫⲓ ⲭⲁⲉϩⲟⲟⲩ ⲃ︦ ⲛⲏⲓ ⲓⲉ ⲅ︦ ϣⲁϯⲥⲁⲑⲙⲓ ⲉϫⲉⲛⲡⲓⲥⲁϫⲓ ⲟⲩⲟϩ ϯⲛⲁϯⲁⲡⲟⲗⲟⲅⲓⲁ ⲛⲱⲧⲉⲛ . ϣⲁⲥϣⲱⲡⲓ ⲛⲧⲉϥⲉⲣⲉϩⲟⲟⲩ ⲃ︦ ⲓⲉ ⲅ︦ ⲓⲉ ⲟⲩⲥⲩⲛⲁⲝⲓⲥ ⲧⲏⲣⲥ ⲙⲡⲁⲧⲉϥϯⲁⲡⲟⲗⲟⲅⲓⲁ ⲛⲁⲛ ⲉϥϫⲱ ⲙⲙⲟⲥ ϫⲉⲉϣⲱⲡ ⲁⲓϣⲧⲉⲛⲉⲙⲓ ⲉⲡⲓⲥⲁϫⲓ ϫⲉⲟⲩ ⲡⲉ ⲡⲓⲟⲩⲧⲁϩ ⲉⲧⲉϥⲛⲁⲙⲁⲥϥ ϫⲉⲁⲛ ⲫⲁⲫⲱⲛϧ ⲡⲉ ⲓⲉ ⲁⲛ ⲫⲁⲫⲱⲛϩ ⲡⲉ ϯⲛⲁϫⲟϥ ⲁⲛ . ⲡⲓⲥⲁϫⲓ ⲟⲩⲛ ⲉⲧⲉϥⲛⲁϫⲟϥ ϣⲟⲩϣⲟⲡϥ ⲉⲣⲱⲟⲩ ⲛϫⲉⲛⲓⲥⲛⲏⲟⲩ ϩⲱⲥ ϫⲉⲉⲧⲁϥⲓ ⲉⲃⲟⲗ ϧⲉⲛⲣⲱϥ ⲙⲫ︦ϯ︦ . ⲁⲓⲁⲕⲱⲃ ⲡⲉϥⲁⲗⲟⲩ ⲫⲏ ⲉⲧⲁϥϭⲓ ⲙⲡⲉϥⲓⲛⲓ ⲧⲏⲣϥ ⲛⲉⲙⲧⲉϥⲁⲥⲕⲩⲥⲓⲥ ⲉⲃⲏⲗ ⲉⲡⲉϥⲗⲁⲥ ⲙⲙⲁⲩⲁⲧϥ ⲁϥⲉⲣⲙⲉⲑⲣⲉ ⲛⲏⲓ ϫⲉⲁϥⲓ ϩⲁⲣⲟϥ ⲛⲟⲩⲥⲟⲡ ⲛϫⲉⲁⲛⲁⲧⲟⲗⲓⲟⲥ ⲡⲓⲣⲉⲙϯⲥⲡⲁⲛⲓⲁ ⲫⲏ ⲉⲛⲁϥⲟⲓ ⲛⲛⲟⲧⲁⲣⲓⲟⲥ ⲛϣⲟⲣⲡ ⲉⲟⲩⲥⲩⲛⲅⲉⲛⲏⲥ ⲡⲉ ⲛⲧⲉⲁⲗⲃⲓⲛⲉ ⲫⲏ ⲛⲧⲉⲣⲱⲙⲏ ⲟⲩⲟϩ ⲉⲧⲁϥⲉⲣⲁⲡⲟⲧⲁⲍⲉⲥⲑⲉ ⲙⲡⲓⲕⲟⲥⲙⲟⲥ ⲁϥⲙⲟϩ ⲛⲟⲩⲁⲥⲟⲩⲓ ⲛⲛⲟⲩⲃ ⲉⲣⲉⲟⲩⲟⲛ ⲇ ⲛϣⲟ ⲛⲗⲟⲩⲕⲟϫⲓ ⲛϩⲏⲧⲥ ⲁϥⲭⲁⲥ ϧⲁⲣⲁⲧⲟⲩ ⲛⲛⲓϭⲁⲗⲁⲩϫ ⲛⲁⲃⲃⲁ ⲡⲁⲙⲱ ⲉϥⲙⲉⲩⲓ ⲛⲁϥ ⲡⲉ ϫⲉϥⲛⲁϯⲱⲟⲩ ⲛⲁϥ ⲓⲉ ⲛⲧⲉϥϣⲟⲩϣⲟⲩ ⲉϧⲣⲏⲓ ⲉϫⲱϥ ⲓⲉ ⲛⲧⲉϥϭⲁⲥϥ ⲉⲑⲃⲉⲛⲓⲭⲣⲏⲙⲁ . ⲁⲃⲃⲁ ⲡⲁⲙⲱ ⲇⲉ ⲛⲁϥⲓⲣⲓ ⲙⲡⲉϥϩⲱⲃ ⲛϫⲓϫ ⲡⲉ ϧⲉⲛⲟⲩⲭⲁⲣⲱϥ ⲙⲡⲉϥϯϩⲑⲏϥ ⲉⲣⲱⲟⲩ ⲟⲩⲇⲉ ⲙⲡⲉϥϫⲉⲟⲩⲥⲁϫⲓ ⲛⲁϥ ⲟⲩⲟϩ ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉⲡⲁⲓⲱⲧ ⲛⲁⲓⲭⲣⲓⲁ ⲁⲓⲉⲛⲟⲩ ⲉⲧⲇⲓⲁⲕⲟⲛⲓⲁ ⲛⲛⲓϩⲏⲕⲓ . ⲡⲉϫⲉⲡⲓϩⲉⲗⲗⲟ ⲛⲁϥ ϫⲉϯⲉⲙⲓ ϩⲱ ⲡⲁϣⲏⲣⲓ . ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉⲁⲗⲗⲁ ϩⲓⲛⲁ ⲛⲧⲉⲕⲉⲙⲓ ϫⲉⲟⲩⲟⲛ ⲟⲩⲏⲣ ⲛϧⲛⲧⲟⲩ . ⲡⲉϫⲉⲡⲓϧⲉⲗⲗⲟ ⲛⲁϥ ⲫⲏ ⲉⲧⲁⲕⲧⲏⲓⲧⲟⲩ ⲛⲁϥ ϥⲉⲣ ⲛⲭⲣⲓⲁ ⲁⲛ ⲉⲑⲣⲉⲕⲧⲁⲙⲟϥ ⲉⲧⲟⲩⲏⲡⲓ . ⲉⲧⲁϥⲭⲁⲩ ⲟⲩⲛ ⲉϧⲣⲏⲓ ⲁϥⲓ ⲉⲃⲟⲗ ⲛϫⲉⲁⲛⲁⲧⲟⲗⲓⲟⲥ ⲁϥϫⲟⲥ ⲛⲛⲓⲡⲣⲉⲥⲃⲩⲧⲉⲣⲟⲥ ϫⲉⲙⲡⲉⲧⲁⲯⲩⲭⲏ ϫⲉⲙϩⲏⲟⲩ ⲙⲡⲁϣⲁⲓ ⲛⲛⲓⲭⲣⲏⲙⲁ ⲉⲧⲁⲓⲉⲛⲟⲩ ⲙⲫⲣⲏϯ ⲛϯϩⲉⲝⲓⲥ ⲛⲉ ⲡⲓⲁⲙⲟⲛⲓ ⲛⲧⲟⲧϥ ⲛⲧⲉⲡⲓϧⲉⲗⲗⲟ ⲁϥⲭⲁⲧ ⲛⲧⲟⲧϥ ⲙⲫⲣⲏϯ ϩⲱⲥ ϫⲉⲟⲩⲗⲟⲩⲕⲟⲩϫⲓ ⲛⲟⲩⲱⲧ ⲉⲧⲁⲓⲧⲏⲓⲥ ⲛⲁϥ .	Ⲁⲩⲉⲣⲙⲉⲑⲣⲉ ⲛⲁⲛ ⲉⲑⲃⲏⲧϥ ⲛ̀ϫⲉ ⲁⲃⲃⲁ ⲁⲙⲙⲱⲛ ⲛⲉⲙ ⲁⲃⲃⲁ ⲑⲉⲟⲇⲱⲣⲉ ⲛⲉⲙ ⲁⲃⲃⲁ ⲓⲁⲕⲱⲃ ϫⲉ ⲉϣⲱⲡ ⲛ̀ⲧⲉⲛϣⲉⲛϥ ⲉ̀ⲟⲩⲥⲁϫⲓ ⲛ̀ⲧⲉ ϯⲅⲣⲁⲫⲏ ⲓⲉ ⲕⲉϩⲱⲃ ⲕⲉϩⲱⲃ ⲛⲁϥϯⲁⲡⲟⲗⲟⲅⲓⲁ ⲛⲁⲛ ⲥⲁⲧⲟⲧϥ ⲁⲛ ⲡⲉ ⲁⲗⲗⲁ ⲛⲁϥϫⲱ ⲙ̀ⲙⲟⲥ ⲡⲉ ϫⲉⲙⲛⲁϯⲧⲁϩⲉ ⲉ̀ϫⲟⲙ ⲛ̀ⲡⲓⲥⲁϫⲓ ⲭⲁⲉϩⲟⲟⲩ 2 ⲛⲏⲓ ⲓⲉ 3 ϣⲁⲓⲥⲁⲑⲙⲓ ⲉ̀ϫⲉⲛ ⲡⲓⲥⲁϫⲓ ⲟⲩⲟϩ ϯⲛⲁϯⲁⲡⲟⲗⲟⲅⲓⲁ ⲛⲱⲧⲉⲛ. Ϣⲁⲥϣⲱⲡⲓ ⲛ̀ⲧⲉϥⲉⲣⲉϩⲟⲟⲩ 2 ⲓⲉ 3 ⲓⲉ ⲟⲩⲥⲩⲛⲁⲝⲓⲥ ⲧⲏⲣⲥ ⲙ̀ⲡⲁⲧⲉϥϯⲁⲡⲟⲗⲟⲅⲓⲁ ⲛⲁⲛ ⲉϥϫⲱ ⲙ̀ⲙⲟⲥ ϫⲉ ⲉϣⲱⲡ ⲁⲓϣⲧⲉⲛⲉⲙⲓ ⲉ̀ⲡⲓⲥⲁϫⲓ ϫⲉ ⲟⲩ ⲡⲉ ⲡⲓⲟⲩⲧⲁϩ ⲉⲧⲉϥⲛⲁⲙⲁⲥϥ ϫⲉ ⲁⲛ ⲫⲁⲫⲱⲛϧ ⲡⲉ ⲓⲉ ⲁⲛ ⲫⲁⲫⲱⲛϩ ⲡⲉ ϯⲛⲁϫⲟϥ ⲁⲛ. Ⲡⲓⲥⲁϫⲓ ⲟⲩⲛ ⲉⲧⲉϥⲛⲁϫⲟϥ ϣⲟⲩϣⲟⲡϥ ⲉ̀ⲣⲱⲟⲩ ⲛ̀ϫⲉ ⲛⲓⲥ̀ⲛⲏⲟⲩ ϩⲱⲥ ϫⲉ ⲉ̀ⲧⲁϥⲓ̀ ⲉ̀ⲃⲟⲗ ϧⲉⲛ ⲣⲱϥ ⲛ̀ⲫ̀ⲛⲟⲩϯ. Ⲁ ⲓⲁⲕⲱⲃ ⲡⲉϥⲁ̀ⲗⲟⲩ ⲫⲏ ⲉⲧⲁϥϭⲓ ⲛ̀ⲡⲉϥⲓ̀ⲛⲓ ⲧⲏⲣϥ ⲛⲉⲙ ⲧⲉϥⲁⲥⲕⲩⲥⲓⲥ ⲉ̀ⲃⲏⲗ ⲉ̀ⲡⲉϥⲗⲁⲥ ⲙ̀ⲙⲁⲩⲁⲧϥ ⲁϥⲉⲣⲙⲉⲑⲣⲉ ⲛⲏⲓ ϫⲉ ⲁϥⲓ̀ ϩⲁⲣⲟϥ ⲛ̀ⲟⲩⲥⲟⲡ ⲛ̀ϫⲉ ⲁⲛⲁⲧⲟⲗⲓⲟⲥ ⲡⲓⲣⲉⲙϯⲥⲡⲁⲛⲓⲁ ⲫⲏ ⲉⲛⲁϥⲟⲓ ⲛ̀ⲛⲟⲧⲁⲣⲓⲟⲥ ⲛ̀ϣⲟⲣⲡ ⲉ̀ⲟⲩⲥⲩⲛⲅⲉⲛⲏⲥ ⲡⲉ ⲛ̀ⲧⲉ ⲁⲗⲃⲓⲛⲉ ⲫⲏ ⲛ̀ⲧⲉ ⲣⲱⲙⲏ ⲟⲩⲟϩ ⲉ̀ⲧⲁϥⲉⲣⲁⲡⲟⲧⲁⲍⲉⲥⲑⲉ ⲛ̀ⲡⲓⲕⲟⲥⲙⲟⲥ ⲁϥⲙⲟϩ ⲛ̀ⲟⲩⲁⲥⲟⲩⲓ ⲛ̀ⲛⲟⲩⲃ ⲉ̀ⲣⲉ ⲟⲩⲟⲛ ⲇ ⲛ̀ϣⲟ ⲛ̀ⲗⲟⲩⲕⲟϫⲓ ⲛ̀ϩⲏⲧⲥ ⲁϥⲭⲁⲥ ϧⲁⲣⲁⲧⲟⲩ ⲛ̀ⲛⲓϭⲁⲗⲁⲩϫ ⲛ̀ⲁⲃⲃⲁ ⲡⲁⲙⲱ ⲉϥⲙⲉⲩⲓ ⲛⲁϥ ⲡⲉ ϫⲉ ϥ̀ⲛⲁϯⲱ̀ⲟⲩ ⲛⲁϥ ⲓⲉ ⲛ̀ⲧⲉϥϣⲟⲩϣⲟⲩ ⲉ̀ϧ̀ⲣⲏⲓ ⲉ̀ϫⲱϥ ⲓⲉ ⲛ̀ⲧⲉϥϭⲁⲥϥ ⲉⲑⲃⲉ ⲛⲓⲭⲣⲏⲙⲁ. Ⲁⲃⲃⲁ ⲡⲁⲙⲱ ⲇⲉ ⲛⲁϥⲓ̀ⲣⲓ ⲛ̀ⲡⲉϥϩⲱⲃ ⲛ̀ϫⲓϫ ⲡⲉ ϧⲉⲛ ⲟⲩⲭⲁⲣⲱϥ ⲙ̀ⲡⲉϥϯϩ̀ⲑⲏϥ ⲉ̀ⲣⲱⲟⲩ ⲟⲩⲇⲉ ⲙ̀ⲡⲉϥϫⲉⲟⲩⲥⲁϫⲓ ⲛⲁϥ ⲟⲩⲟϩ ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉ ⲡⲁⲓⲱⲧ ⲛⲁⲓⲭⲣⲓⲁ ⲁⲓⲉⲛⲟⲩ ⲉ̀ⲧ̀ⲇⲓⲁⲕⲟⲛⲓⲁ ⲛ̀ⲛⲓϩⲏⲕⲓ. Ⲡⲉϫⲉⲡⲓϩⲉⲗⲗⲟ ⲛⲁϥ ϫⲉ ϯⲉⲙⲓ ϩⲱ ⲡⲁϣⲏⲣⲓ. Ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉ ⲁⲗⲗⲁ ϩⲓⲛⲁ ⲛ̀ⲧⲉⲕⲉⲙⲓ ϫⲉ ⲟⲩⲟⲛ ⲟⲩⲏⲣ ⲛ̀ϧⲛⲧⲟⲩ. Ⲡⲉϫⲉⲡⲓϧⲉⲗⲗⲟ ⲛⲁϥ ⲫⲏ ⲉⲧⲁⲕⲧⲏⲓⲧⲟⲩ ⲛⲁϥ ϥ̀ⲉⲣ ⲛ̀ⲭⲣⲓⲁ ⲁⲛ ⲉ̀ⲑⲣⲉⲕⲧⲁⲙⲟϥ ⲉⲧⲟⲩⲏⲡⲓ. Ⲉ̀ⲧⲁϥⲭⲁⲩ ⲟⲩⲛ ⲉ̀ϧ̀ⲣⲏⲓ ⲁϥⲓ̀ ⲉ̀ⲃⲟⲗ ⲛ̀ϫⲉ ⲁⲛⲁⲧⲟⲗⲓⲟⲥ ⲁϥϫⲟⲥ ⲛ̀ⲛⲓⲡ̀ⲣⲉⲥⲃⲩⲧⲉⲣⲟⲥ ϫⲉⲙⲡⲉⲧⲁⲯⲩⲭⲏ ϫⲉⲙϩⲏⲟⲩ ⲛ̀ⲡⲁ̀ϣⲁⲓ ⲛ̀ⲛⲓⲭⲣⲏⲙⲁ ⲉⲧⲁⲓⲉⲛⲟⲩ ⲛ̀ⲫ̀ⲣⲏϯ ⲛ̀ϯϩⲉⲝⲓⲥ ⲛⲉ ⲡⲓⲁ̀ⲙⲟⲛⲓ ⲛ̀ⲧⲟⲧϥ ⲛ̀ⲧⲉ ⲡⲓϧⲉⲗⲗⲟ ⲁϥⲭⲁⲧ ⲛ̀ⲧⲟⲧϥ ⲛ̀ⲫ̀ⲣⲏϯ ϩⲱⲥ ϫⲉ ⲟⲩⲗⲟⲩⲕⲟⲩϫⲓ ⲛ̀ⲟⲩⲱⲧ ⲉⲧⲁⲓⲧⲏⲓⲥ ⲛⲁϥ.	Avermeθre nan eθvytf ǹje abba ammōn nem abba θeodōre nem abba iakōb je eṡōp ǹtenṡenf èousaji ǹte tiġrafy ie kehōb kehōb naftiapologia nan satotf an pe alla nafgō m̀mos pe jemnatitahe ègom ǹpisaji kaehoou 2 nyi ie 3 ṡaisaθmi èjen pisaji ouoh tinatiapologia nōten. Ṡasṡōpi ǹteferehoou 2 ie 3 ie ousinaksis tyrs m̀pateftiapologia nan efgō m̀mos je eṡōp aiṡtenemi èpisaji je ou pe pioutah etefnamasf je an fafōnx pe ie an fafōnh pe tinagof an. Pisaji oun etefnagof ṡouṡopf èrōou ǹje nis̀nyou hōs je ètafì èvol xen rōf ǹf̀nouti. A iakōb pefàlou fy etafċi ǹpefìni tyrf nem tefaskisis èvyl èpeflas m̀mavatf afermeθre nyi je afì harof ǹousop ǹje anatolios piremtispania fy enafoi ǹnotarios ǹṡorp èousingenys pe ǹte albine fy ǹte rōmy ouoh ètaferapotazesθe ǹpikosmos afmoh ǹouasoui ǹnoub ère ouon ḋ ǹṡo ǹloukoji ǹhyts afkas xaratou ǹniċalavg ǹabba pamō efmevi naf pe je f̀natiṑou naf ie ǹtefṡouṡou èx̀ryi ègōf ie ǹtefċasf eθve nixryma. Abba pamō ḋe nafìri ǹpefhōb ǹjig pe xen oukarōf m̀peftih̀θyf èrōou ouḋe m̀pefjeousaji naf ouoh pejeanatoli naf je paiōt naixria aienou èt̀ḋiakonia ǹnihyki. Pejepihello naf je tiemi hō paṡyri. Pejeanatoli naf je alla hina ǹtekemi je ouon ouyr ǹxntou. Pejepixello naf fy etaktyitou naf f̀er ǹxria an èθrektamof etouypi. Ètafkav oun èx̀ryi afì èvol ǹje anatolios afgos ǹnip̀resbiteros jempetapsiṡy jemhyou ǹpàṡai ǹnixryma etaienou ǹf̀ryti ǹtiheksis ne piàmoni ǹtotf ǹte pixello afkat ǹtotf ǹf̀ryti hōs je ouloukouji ǹouōt etaityis naf.	Concerning him, Abba Ammon, Abba Theodorus, and Abba Jacob testified: “If asked him about Scripture or any other matter, he did not answer immediately, but said: ‘Before I grasp the meaning of this word, give me two or three days, so that I may meditate on it and offer you an answer.’” After two or three days had passed, or even an entire week, he did not respond hastily, but said: “Unless I know whether this word produces the fruit of life or of death, I will not speak it.” The words that he did speak were received by the brothers as though they had proceeded from the mouth of God. His disciple Jacob, who modeled his life on Abba Pamo’s image and adopted his entire way of life, testified to one exception concerning him related to speech. He said that a certain Spanish man named Anatolius came to him one day. Anatolius had once been a Roman notary of Albinius, and after leaving the world behind, he filled a purse with gold containing four thousand gold denarii. He placed it at the feet of Abba Pamo, hoping, he said, to receive praise or to be admired and appointed as the steward of wealth. However, Abba Pamo remained silent, working with his hands and not paying any attention to him, nor did he utter a single word. Then Anatolius said: “My father,” he said, “I have brought this for the service of the poor.” The old man replied: “This I know, my son.” Anatolius then said: “I want to know how much is in it.” The old man replied: “He to whom you gave this has no need to know its quantity.”
17	ⲁⲃⲃⲁ ⲡⲁⲙⲱ ⲇⲉ ⲛⲁϥⲟⲓ ⲛϣⲫⲛⲣⲓ ϧⲉⲛϯⲙⲉⲧⲥⲟⲛ ⲧⲏⲣⲥ ⲉⲑⲃⲉⲛⲉϥϩⲃⲏⲟⲩⲓ ⲉⲑⲛⲁⲛⲉⲩ ⲛⲉⲙⲡⲁϣⲁⲓ ⲛⲧⲉⲡⲉϥⲑⲉⲃⲓⲟ . ⲁⲩϫⲟⲥ ⲟⲛ ⲉⲑⲃⲏⲧϥ ϫⲉⲉⲧⲁⲁⲃⲃⲁ ⲁⲑⲁⲛⲁⲥⲓⲟⲥ ⲟⲩⲱⲣⲡ ⲛⲥⲱϥ ⲛⲟⲩⲥⲟⲡ ⲁϥⲟⲗϥ ⲉϧⲟⲩⲛ ⲉⲣⲁⲕⲟϯ . ϧⲉⲛⲡϫⲓⲛⲑⲣⲉϥϩⲱⲗ ⲉϧⲟⲩⲛ ⲉϯⲃⲁⲕⲓ ⲁϥⲛⲁⲩ ⲉⲟⲩⲥϩⲓⲙⲓ ⲛⲧⲉⲡⲓⲑⲉⲁⲧⲣⲟⲛ ⲉⲥⲥⲉⲗⲥⲱⲗ ⲉⲃⲟⲗ . ⲥⲁⲧⲟⲧϥ ⲇⲉ ⲁⲛⲉϥⲃⲁⲗ ϯⲉⲣⲙⲏ ⲉⲧⲁⲩⲛⲁⲩ ⲟⲩⲛ ⲉⲣⲟϥ ⲛϫⲉⲛⲓⲥⲛⲏⲟⲩ ⲉⲑⲛⲉⲙⲁϥ ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲧⲉⲛϯϩⲟ ⲉⲣⲟⲕ ⲙⲁⲧⲁⲙⲟⲛ ⲉⲛⲁⲓⲉⲣⲙⲱⲟⲩⲓ ϫⲉⲛⲁⲟⲩ ⲛϩⲱⲃ ⲛⲉ . ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉϩⲱⲃ ⲃ︦ ⲛⲉ ⲉⲧⲁⲩⲕⲓⲙ ⲉⲣⲟⲓ ϯⲛⲟⲩ ⲡⲓⲟⲩⲁⲓ ⲙⲉⲛ ⲫⲁⲛⲧⲁⲕⲟ ⲛⲧⲁⲓⲯⲩⲭⲏ ⲡⲉ ⲉϯⲛⲁⲩ ⲉⲣⲟⲥ ϯⲛⲟⲩ ⲡⲓⲕⲉⲟⲩⲁⲓ ⲫⲁⲧⲁⲯⲩⲭⲏ ϩⲱ ⲡⲉ ⲉⲧⲟⲓ ⲛⲁⲧϣⲉⲡϩⲙⲟⲧ ϫⲉⲟⲩⲇⲉ ⲥϭⲓ ⲙⲡⲓⲛⲓ ⲛⲉⲙⲡⲥⲟⲗⲥⲉⲗ ⲛⲧⲁⲓⲡⲟⲣⲛⲏ ⲁⲛ ϧⲉⲛⲡⲥⲟⲗⲥⲉⲗ ⲛⲛⲓⲁⲣⲉⲧⲏ ⲛⲉ ϯϫⲓ ⲛⲣⲁⲛⲁϥ ⲙⲡⲟ︦ⲥ︦ ⲛⲉ ⲛⲉϥⲁⲅⲅⲉⲗⲟⲥ .	Ⲁⲃⲃⲁ ⲡⲁⲙⲱ ⲇⲉ ⲛⲁϥⲟⲓ ⲛ̀ϣⲫⲛⲣⲓ ϧⲉⲛ ϯⲙⲉⲧⲥⲟⲛ ⲧⲏⲣⲥ ⲉⲑⲃⲉ ⲛⲉϥϩ̀ⲃⲏⲟⲩⲓ ⲉⲑⲛⲁⲛⲉⲩ ⲛⲉⲙ ⲡ̀ⲁ̀ϣⲁⲓ ⲛ̀ⲧⲉ ⲡⲉϥⲑⲉⲃⲓⲟ. Ⲁⲩϫⲟⲥ ⲟⲛ ⲉⲑⲃⲏⲧϥ ϫⲉ ⲉ̀ⲧⲁⲁⲃⲃⲁ ⲁ̀ⲑⲁⲛⲁⲥⲓⲟⲥ ⲟⲩⲱⲣⲡ ⲛ̀ⲥⲱϥ ⲛ̀ⲟⲩⲥⲟⲡ ⲁϥⲟⲗϥ ⲉ̀ϧⲟⲩⲛ ⲉ̀ⲣⲁⲕⲟϯ. Ϧⲉⲛ ⲡ̀ϫⲓⲛⲑⲣⲉϥϩⲱⲗ ⲉ̀ϧⲟⲩⲛ ⲉ̀ϯⲃⲁⲕⲓ ⲁϥⲛⲁⲩ ⲉ̀ⲟⲩⲥ̀ϩⲓⲙⲓ ⲛ̀ⲧⲉ ⲡⲓⲑⲉⲁⲧⲣⲟⲛ ⲉⲥⲥⲉⲗⲥⲱⲗ ⲉ̀ⲃⲟⲗ. Ⲥⲁⲧⲟⲧϥ ⲇⲉ ⲁⲛⲉϥⲃⲁⲗ ϯⲉⲣⲙⲏ ⲉ̀ⲧⲁⲩⲛⲁⲩ ⲟⲩⲛ ⲉ̀ⲣⲟϥ ⲛ̀ϫⲉ ⲛⲓⲥ̀ⲛⲏⲟⲩ ⲉⲑⲛⲉⲙⲁϥ ⲡⲉϫⲱⲟⲩ ⲛⲁϥ ϫⲉ ⲡⲉⲛⲓⲱⲧ ⲧⲉⲛϯϩⲟ ⲉ̀ⲣⲟⲕ ⲙⲁⲧⲁⲙⲟⲛ ⲉ̀ⲛⲁⲓⲉⲣⲙⲱⲟⲩⲓ ϫⲉ ⲛⲁⲟⲩ ⲛ̀ϩⲱⲃ ⲛⲉ. Ⲛ̀ⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉ ϩⲱⲃ 2 ⲛⲉ ⲉⲧⲁⲩⲕⲓⲙ ⲉ̀ⲣⲟⲓ ϯⲛⲟⲩ ⲡⲓⲟⲩⲁⲓ ⲙⲉⲛ ⲫⲁⲛⲧⲁⲕⲟ ⲛ̀ⲧⲁⲓ̀ⲯⲩⲭⲏ ⲡⲉ ⲉⲓⲛⲁⲩ ⲉ̀ⲣⲟⲥ ϯⲛⲟⲩ ⲡⲓⲕⲉⲟⲩⲁⲓ ⲫⲁⲧⲁⲯⲩⲭⲏ ϩⲱ ⲡⲉ ⲉⲧⲟⲓ ⲛ̀ⲁⲧϣⲉⲡϩⲙⲟⲧ ϫⲉ ⲟⲩⲇⲉ ⲥ̀ϭⲓ ⲙⲡⲓ̀ⲛⲓ ⲛⲉⲙ ⲡ̀ⲥⲟⲗⲥⲉⲗ ⲛ̀ⲧⲁⲓ̀ⲡⲟⲣⲛⲏ ⲁⲛ ϧⲉⲛ ⲡ̀ⲥⲟⲗⲥⲉⲗ ⲛ̀ⲛⲓⲁ̀ⲣⲉⲧⲏ ⲛⲉ ϯϫⲓ ⲛ̀ⲣⲁⲛⲁϥ ⲛ̀ⲡ̀ϭⲟⲓⲥ ⲛⲉ ⲛⲉϥⲁⲅⲅⲉⲗⲟⲥ.	Abba pamō ḋe nafoi ǹṡfnri xen timetson tyrs eθve nefh̀vyoui eθnanev nem p̀àṡai ǹte pefθevio. Avgos on eθvytf je ètaabba àθanasios ouōrp ǹsōf ǹousop afolf èxoun èrakoti. Xen p̀jinθrefhōl èxoun ètivaki afnav èous̀·himi ǹte piθeatron esselsōl èvol. Satotf ḋe anefval tiermy ètavnav oun èrof ǹje nis̀nyou eθnemaf pegōou naf je peniōt tentiho èrok matamon ènaiermōoui je naou ǹhōb ne. Ǹθof ḋe pegaf nōou je hōb 2 ne etavkim èroi tinou piouai men fantako ǹtaìpsiṡy pe einav èros tinou pikeouai fatapsiky hō pe etoi ǹatṡephmot je ouḋe s̀ċi mpìni nem p̀·solsel ǹtaìporny an xen p̀·solsel ǹniàrety ne tiji ǹranaf ǹp̀ċois ne nefangelos.	Abba Pambo, because of his good works and the greatness of his humility, was admired by all the brothers. They also recount about him that one day he was summoned to Alexandria by Abba Athanasius. When he entered the city, he saw a woman devoted to theatrical spectacles, magnificently adorned. Immediately, tears flowed from his eyes. When the brothers accompanying him saw this, they said: “Father, we beseech you, tell us why these tears are falling.” He replied: “I am moved for two reasons: first, because of the soul I now see being destroyed; second, because my own ungrateful soul has not taken up such adornment as hers—not the adornment of a harlot, but of virtue. It has not clothed itself in that adornment, nor has it sought to please God and the angels.”
18	ⲛⲉⲟⲩⲟⲛⲟⲩⲙⲁⲑⲏⲧⲏⲥ ⲛⲧⲁϥ ⲉϥⲉⲛϩⲟⲧ ⲉⲛⲓⲭⲣⲓⲁ ⲉⲙⲁϣⲱ ⲫⲁⲓ ⲉⲧⲁⲩϭⲱⲣⲡ ⲛⲁϥ ⲉⲃⲟⲗ ϩⲓⲧⲉⲛⲫ︦ϯ︦ ⲉⲑⲃⲏⲧϥ ϫⲉⲁϥⲙⲉⲛⲣⲉⲡⲓⲥⲁϩⲟⲩⲓ ⲛⲧⲉⲅⲓⲉⲍⲓ ⲡⲓⲁⲗⲟⲩ ⲛⲧⲉⲉⲗⲓⲥⲉⲟⲥ ⲡⲓⲡⲣⲟⲫⲏⲧⲏⲥ . ⲁⲁⲡⲁ ⲡⲁⲙⲱ ϫⲉⲗⲛⲓⲭⲣⲏⲙⲁ ⲛⲧⲉⲁⲛⲁⲧⲟⲗⲓⲟⲥ ⲡⲓⲁⲣⲭⲱⲛ ⲁϥⲧⲏⲓⲧⲟⲩ ⲙⲡⲓⲁⲗⲟⲩ ⲫⲏ ⲉⲧⲁⲩⲙⲟⲩϯ ⲉⲣⲟϥ ϫⲉⲱⲣⲓⲅⲉⲛⲏ ⲫⲁⲓ ⲉⲧⲟⲛϧ ϣⲁϯⲛⲟⲩ ⲉϥⲉⲣϩⲱⲃ ⲉⲧⲁⲓϫⲓⲛⲉⲣϩⲱⲃ ⲉⲧⲁ ⲡⲓϧⲉⲗⲗⲟ ⲧⲏⲓⲥ ⲉⲧⲟⲧϥ ⲛⲧⲉϯⲙⲉⲧⲟⲓⲕⲟⲛⲟⲟⲥ . ⲫⲁⲓ ⲇⲉ ⲁϥϣⲟⲩϣⲟⲩ ⲙⲙⲟϥ ϧⲉⲛⲡⲟ︦ⲥ︦ ⲉϥϫⲱ ⲙⲙⲟⲥ ϧⲁⲧⲟⲧⲉⲛ ⲛⲟⲩⲙⲏϣ ⲛⲥⲟⲡ ϫⲉⲟⲩⲇⲉ ⲁⲛⲟⲕ ⲟⲩⲇⲉ ⲛⲁⲁⲗⲱⲟⲩⲓ ⲧⲉⲛⲥⲱⲟⲩⲛ ⲙⲙⲟⲛ ⲁⲛ ⲉⲁⲛⲟⲩⲱⲙ ⲛⲟⲩⲱⲓⲕ ⲛⲁⲗⲗⲟⲧⲣⲓⲟⲛ ⲥⲁⲃⲟⲗ ⲙⲡϩⲱⲃ ⲛⲧⲉⲛⲉⲛϫⲓϫ ⲟⲩⲇⲉ ⲙⲡⲉⲛϯ ⲛⲟⲩϩⲉⲃⲥⲱ ⲉϫⲱⲛ ⲉⲃⲟⲗ ϧⲉⲛϩⲁⲛ ϧⲓⲥⲓ ⲛϣⲉⲙⲙⲟ ⲉⲃⲏⲗ ⲉⲃⲟⲗ ϧⲉⲛⲡⲉⲛϧⲓⲥⲓ .	Ⲛⲉ ⲟⲩⲟⲛ ⲟⲩⲙⲁⲑⲏⲧⲏⲥ ⲛ̀ⲧⲁϥ ⲉϥⲉⲛϩⲟⲧ ⲉ̀ⲛⲓⲭⲣⲓⲁ ⲉ̀ⲙⲁϣⲱ ⲫⲁⲓ ⲉⲧⲁⲩϭⲱⲣⲡ ⲛⲁϥ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲉⲑⲃⲏⲧϥ ϫⲉ ⲁϥⲙⲉⲛⲣⲉⲡⲓⲥⲁϩⲟⲩⲓ ⲛ̀ⲧⲉ ⲅⲓⲉⲍⲓ ⲡⲓⲁ̀ⲗⲟⲩ ⲛ̀ⲧⲉ ⲉⲗⲓⲥⲉⲟⲥ ⲡⲓⲡ̀ⲣⲟⲫⲏⲧⲏⲥ. Ⲁⲁⲡⲁ ⲡⲁⲙⲱ ϫⲉⲗⲛⲓⲭⲣⲏⲙⲁ ⲛ̀ⲧⲉ ⲁⲛⲁⲧⲟⲗⲓⲟⲥ ⲡⲓⲁⲣⲭⲱⲛ ⲁϥⲧⲏⲓⲧⲟⲩ ⲛ̀ⲡⲓⲁ̀ⲗⲟⲩ ⲫⲏ ⲉⲧⲁⲩⲙⲟⲩϯ ⲉ̀ⲣⲟϥ ϫⲉ ⲱⲣⲓⲅⲉⲛⲏ ⲫⲁⲓ ⲉⲧⲟⲛϧ ϣⲁ ϯⲛⲟⲩ ⲉϥⲉⲣϩⲱⲃ ⲉ̀ⲧⲁⲓ̀ϫⲓⲛⲉⲣϩⲱⲃ ⲉ̀ⲧⲁ ⲡⲓϧⲉⲗⲗⲟ ⲧⲏⲓⲥ ⲉⲧⲟⲧϥ ⲛ̀ⲧⲉ ϯⲙⲉⲧⲟⲓⲕⲟⲛⲟⲟⲥ. Ⲫⲁⲓ ⲇⲉ ⲁϥϣⲟⲩϣⲟⲩ ⲙ̀ⲙⲟϥ ϧⲉⲛ ⲡ̀ϭⲟⲓⲥ ⲉϥϫⲱ ⲙ̀ⲙⲟⲥ ϧⲁⲧⲟⲧⲉⲛ ⲛ̀ⲟⲩⲙⲏϣ ⲛ̀ⲥⲟⲡ ϫⲉ ⲟⲩⲇⲉ ⲁⲛⲟⲕ ⲟⲩⲇⲉ ⲛⲁⲁ̀ⲗⲱⲟⲩⲓ̀ ⲧⲉⲛⲥⲱⲟⲩⲛ ⲙ̀ⲙⲟⲛ ⲁⲛ ⲉⲁⲛⲟⲩⲱⲙ ⲛ̀ⲟⲩⲱⲓⲕ ⲛ̀ⲁⲗⲗⲟⲧⲣⲓⲟⲛ ⲥⲁⲃⲟⲗ ⲛ̀ⲡ̀ϩⲱⲃ ⲛ̀ⲧⲉ ⲛⲉⲛϫⲓϫ ⲟⲩⲇⲉ ⲙ̀ⲡⲉⲛϯ ⲛ̀ⲟⲩϩⲉⲃⲥⲱ ⲉ̀ϫⲱⲛ ⲉ̀ⲃⲟⲗ ϧⲉⲛ ϩⲁⲛ ϧⲓⲥⲓ ⲛ̀ϣⲉⲙⲙⲟ ⲉ̀ⲃⲏⲗ ⲉ̀ⲃⲟⲗ ϧⲉⲛ ⲡⲉⲛϧⲓⲥⲓ.	Ne ouon oumaθytys ǹtaf efenhot ènixria èmaṡō fai etavċōrp naf èvol hiten f̀nouti eθvytf je afmenrepisahoui ǹte giezi piàlou ǹte eliseos pip̀rofytys. Aapa pamō jelnikryma ǹte anatolios piarxōn aftyitou ǹpiàlou fy etavmouti èrof je ōrigeny fai etonx ṡa tinou eferhōb ètaìjinerhōb èta pixello tyis etotf ǹte timetoikonoos. Fai ḋe afṡouṡou m̀mof xen p̀ċois efgō m̀mos xatoten ǹoumyṡ ǹsop je ouḋe anok ouḋe naàlōouì tensōoun m̀mon an eanouōm ǹouōik ǹallotrion savol ǹp̀hōb ǹte nenjig ouḋe m̀penti ǹouhevsō ègōn èvol xen han xisi ǹṡemmo èvyl èvol xen penxisi.	Regarding a disciple who was very faithful in matters of money, it was revealed that he took pleasure in the curse of Gehazi, the disciple of Elisha the prophet. Then Abba Pambo took the wealth that Anatolius the prefect had brought and gave it to a certain young man named Origenes, who up to that time had lived and dedicated himself to the task assigned to him by the elder, namely, the distribution of goods. He often congratulated himself in the Lord, saying to us: “Neither I nor my sons are aware of having eaten anyone else’s bread: we have used nothing except what we acquired through our own labor.”
19	ⲡⲁⲓⲕⲉϩⲱⲃ ⲟⲛ ⲛⲁϥⲓⲣⲓ ⲙⲙⲟϥ ⲡⲉ ⲙⲡⲁϥϯϩⲗⲓ ϧⲉⲛϯⲇⲓⲁⲕⲟⲛⲓⲁ ⲛⲛⲓⲁⲗⲱⲟⲩⲓ ⲛⲣⲱⲙⲓ ⲉⲃⲏⲗ ⲉⲟⲩϧⲉⲗⲗⲟ ⲛϩⲏⲕⲓ ⲛϫⲱⲃ ⲉⲧⲉⲙⲙⲟⲛ ϣϫⲟⲙ ⲙⲙⲟϥ ⲉϫⲫⲟ ⲙⲡⲉϥⲱⲓⲕ ⲛⲓⲣⲉⲙ ⲛⲧⲟⲡⲟⲥ ⲇⲉ ⲟⲛ ⲛⲉⲙⲡⲁϥϯ ⲛⲱⲟⲩ ⲡⲉ ⲉⲡⲧⲏⲣϥ ⲉⲃⲟⲗ ϧⲉⲛⲛⲓⲭⲣⲓⲁ ⲉⲧⲭⲏ ⲛⲧⲟⲧϥ ⲁⲗⲗⲁ ⲁϥⲥⲱⲧⲡ ⲛⲁϥ ⲛⲓ︦ ⲛⲥⲟⲛ ⲉⲩⲉⲛϩⲟⲧ ⲉϥⲟⲩⲱⲣⲡ ⲙⲙⲱⲟⲩ ⲉⲛⲓⲛⲏⲥⲟⲥ ⲛⲉⲙⲛⲓⲫⲁⲓⲁⲧ ⲕⲁⲧⲁⲣⲟⲙⲡⲓ ⲛⲉⲙⲡⲓⲙⲁ ⲛⲧⲉⲛⲓⲕⲉⲗⲁⲫⲟⲥ ⲛⲧⲉⲣⲁⲕⲟϯ ⲉⲩⲱⲡⲧ ⲛⲛⲓϫⲟⲓ ⲛϣⲃⲓⲛ ⲛⲉⲙⲱⲓⲕ ⲉⲩⲥⲱⲣ ⲙⲙⲱⲟⲩ ⲉϫⲉⲛⲛⲏ ⲉⲧⲉⲣⲉⲛⲭⲣⲓⲁ ⲛⲉⲙⲛⲓⲉⲕⲕⲗⲏⲥⲓⲁ ⲛⲧⲉⲛⲓϯⲙⲓ ⲟⲛ ⲉⲧⲉⲣⲛⲭⲣⲓⲁ ⲛⲉⲙⲛⲓⲉⲕⲕⲗⲏⲥⲓⲁ ⲛⲧⲉⲛⲓϣⲁϥⲉⲩ ⲛⲏ ⲉⲧⲥⲁϧⲟⲩⲛ ϧⲉⲛⲡⲓⲃⲁⲣⲃⲁⲣⲓⲕⲟⲛ ϩⲓⲛⲁ ⲛⲧⲉⲧⲉⲛⲉⲙⲓ ϫⲉϥϯϩⲗⲓ ⲛⲛⲓⲣⲉⲙ ⲛⲧⲟⲡⲟⲥ ⲁⲛ . ϣⲓⲛⲓ ⲇⲉ ⲟⲩⲟϩ ⲭⲛⲁⲉⲙⲓ ϫⲉⲁϥⲓⲛⲓ ⲛⲟⲩⲕⲁϩⲥ ⲉϫⲉⲛⲛⲓⲥⲛⲏⲟⲩ ⲉⲧϣⲟⲡ ϧⲉⲛⲛⲓⲙⲁ ⲛⲧⲉⲭⲏⲙⲓ ⲛⲉⲙⲡⲉⲣⲛⲟⲩϫ ϫⲉϩⲓⲛⲁ ⲛⲥⲉϯ ⲛⲟⲩⲉⲣⲧⲟⲃ ⲛⲥⲟⲩⲟ ⲉⲫⲟⲩⲁⲓ ⲫⲟⲩⲁⲓ ⲕⲁⲧⲁⲣⲱⲙⲓ ⲛⲧⲉⲙ ⲣⲟⲙⲡⲓ ⲉⲩϯ ⲙⲙⲱⲟⲩ ⲉϯⲇⲓⲁⲕⲟⲛⲓⲁ ⲉⲑⲃⲉⲛⲏ ⲉⲧⲉⲣⲛⲭⲣⲓⲁ ⲉⲩⲟⲩⲱⲣⲡ ⲙⲙⲱⲟⲩ ⲉⲛⲓⲝⲉⲛⲱⲛ ⲛⲧⲉⲛⲓⲕⲉⲗⲁⲫⲟⲥ ⲛⲉⲙⲛⲓⲭⲏⲣⲁ ⲛⲉⲙⲛⲓⲟⲣⲫⲁⲛⲟⲥ ⲟⲩⲟϩ ⲛⲁⲣⲉⲡⲓⲟⲩⲁⲓ ⲡⲓⲟⲩⲁⲓ ⲛⲧⲉⲛⲓⲙⲟⲛⲁⲭⲟⲥ ϥⲓⲣⲱⲟⲩϣ ⲛⲧⲉⲣⲟⲙⲡⲓ ⲉϥϯ ⲙⲡⲓⲉⲣⲧⲟⲃ ⲛⲥⲟⲩⲟ ⲉⲃⲟⲗ ϧⲉⲛⲡⲉϥϧⲓⲥⲓ ⲛⲁⲅⲁⲡⲏ ⲟⲩⲟϩ ⲁ ⲫⲁⲓ ⲉⲣⲕⲁϩⲥ ⲛⲱⲟⲩ ϣⲁⲉϧⲟⲩⲛ ⲉϯⲛⲟⲩ .	Ⲡⲁⲓⲕⲉϩⲱⲃ ⲟⲛ ⲛⲁϥⲓ̀ⲣⲓ ⲙ̀ⲙⲟϥ ⲡⲉ ⲙⲡⲁϥϯϩⲗⲓ ϧⲉⲛ ϯⲇⲓⲁⲕⲟⲛⲓⲁ ⲛ̀ⲛⲓⲁ̀ⲗⲱⲟⲩⲓ̀ ⲛ̀ⲣⲱⲙⲓ ⲉ̀ⲃⲏⲗ ⲉ̀ⲟⲩϧⲉⲗⲗⲟ ⲛ̀ϩⲏⲕⲓ ⲛ̀ϫⲱⲃ ⲉ̀ⲧⲉ ⲙ̀ⲙⲟⲛ ϣ̀ϫⲟⲙ ⲙ̀ⲙⲟϥ ⲉ̀ϫⲫⲟ ⲛ̀ⲡⲉϥⲱⲓⲕ ⲛⲓⲣⲉⲙ ⲛ̀ⲧⲟⲡⲟⲥ ⲇⲉ ⲟⲛ ⲛⲉⲙⲡⲁϥϯ ⲛⲱⲟⲩ ⲡⲉ ⲉ̀ⲡ̀ⲧⲏⲣϥ ⲉ̀ⲃⲟⲗ ϧⲉⲛ ⲛⲓⲭⲣⲓⲁ ⲉⲧⲭⲏ ⲛ̀ⲧⲟⲧϥ ⲁⲗⲗⲁ ⲁϥⲥⲱⲧⲡ ⲛⲁϥ ⲛ̀10 ⲛ̀ⲥⲟⲛ ⲉⲩⲉⲛϩⲟⲧ ⲉϥⲟⲩⲱⲣⲡ ⲙ̀ⲙⲱⲟⲩ ⲉ̀ⲛⲓⲛⲏⲥⲟⲥ ⲛⲉⲙ ⲛⲓⲫⲁⲓⲁⲧ ⲕⲁⲧⲁ ⲣⲟⲙⲡⲓ ⲛⲉⲙ ⲡⲓⲙⲁ ⲛ̀ⲧⲉ ⲛⲓⲕⲉⲗⲁⲫⲟⲥ ⲛ̀ⲧⲉ ⲣⲁⲕⲟϯ ⲉⲩⲱⲡⲧ ⲛ̀ⲛⲓϫⲟⲓ ⲛ̀ϣⲃⲓⲛ ⲛⲉⲙ ⲱⲓⲕ ⲉⲩⲥⲱⲣ ⲙ̀ⲙⲱⲟⲩ ⲉ̀ϫⲉⲛ ⲛⲏ ⲉⲧⲉⲣⲉⲛⲭⲣⲓⲁ ⲛⲉⲙ ⲛⲓⲉⲕⲕⲗⲏⲥⲓⲁ ⲛ̀ⲧⲉ ⲛⲓϯⲙⲓ ⲟⲛ ⲉⲧⲉⲣⲛⲭⲣⲓⲁ ⲛⲉⲙ ⲛⲓⲉⲕⲕⲗⲏⲥⲓⲁ ⲛ̀ⲧⲉ ⲛⲓϣⲁϥⲉⲩ ⲛⲏ ⲉⲧⲥⲁϧⲟⲩⲛ ϧⲉⲛ ⲡⲓⲃⲁⲣⲃⲁⲣⲓⲕⲟⲛ ϩⲓⲛⲁ ⲛ̀ⲧⲉⲧⲉⲛⲉⲙⲓ ϫⲉ ϥ̀ϯϩⲗⲓ ⲛ̀ⲛⲓⲣⲉⲙ ⲛ̀ⲧⲟⲡⲟⲥ ⲁⲛ. Ϣⲓⲛⲓ ⲇⲉ ⲟⲩⲟϩ ⲭ̀ⲛⲁⲉⲙⲓ ϫⲉ ⲁϥⲓ̀ⲛⲓ ⲛ̀ⲟⲩⲕⲁϩⲥ ⲉ̀ϫⲉⲛ ⲛⲓⲥ̀ⲛⲏⲟⲩ ⲉⲧϣⲟⲡ ϧⲉⲛ ⲛⲓⲙⲁ ⲛ̀ⲧⲉ ⲭⲏⲙⲓ ⲛⲉⲙ ⲡⲉⲣⲛⲟⲩϫ ϫⲉ ϩⲓⲛⲁ ⲛ̀ⲧⲟⲩϯ ⲛ̀ⲟⲩⲉⲣⲧⲟⲃ ⲛ̀ⲥⲟⲩⲟ̀ ⲉ̀ⲫ̀ⲟⲩⲁⲓ ⲫ̀ⲟⲩⲁⲓ ⲕⲁⲧⲁ ⲣⲱⲙⲓ ⲛ̀ⲧⲉⲙ ⲣⲟⲙⲡⲓ ⲉⲩϯ ⲙ̀ⲙⲱⲟⲩ ⲉ̀ϯⲇⲓⲁⲕⲟⲛⲓⲁ ⲉⲑⲃⲉ ⲛⲏ ⲉⲧⲉⲣⲛⲭⲣⲓⲁ ⲉⲩⲟⲩⲱⲣⲡ ⲙ̀ⲙⲱⲟⲩ ⲉ̀ⲛⲓⲝⲉⲛⲱⲛ ⲛ̀ⲧⲉ ⲛⲓⲕⲉⲗⲁⲫⲟⲥ ⲛⲉⲙ ⲛⲓⲭⲏⲣⲁ ⲛⲉⲙ ⲛⲓⲟⲣⲫⲁⲛⲟⲥ ⲟⲩⲟϩ ⲛⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ⲛ̀ⲧⲉ ⲛⲓⲙⲟⲛⲁⲭⲟⲥ ϥⲓⲣⲱⲟⲩϣ ⲛ̀ⲧⲉ ⲣⲟⲙⲡⲓ ⲉϥϯ ⲛ̀ⲡⲓⲉⲣⲧⲟⲃ ⲛ̀ⲥⲟⲩⲟ̀ ⲉ̀ⲃⲟⲗ ϧⲉⲛ ⲡⲉϥϧⲓⲥⲓ ⲛ̀ⲁ̀ⲅⲁⲡⲏ ⲟⲩⲟϩ ⲁ ⲫⲁⲓ ⲉⲣⲕⲁϩⲥ ⲛⲱⲟⲩ ϣⲁ ⲉ̀ϧⲟⲩⲛ ⲉ̀ϯⲛⲟⲩ.	Paikehōb on nafìri m̀mof pe mpaftihli xen tiḋiakonia ǹniàlōouì ǹrōmi èvyl èouxello ǹhyki ǹgōb ète m̀mon ṡ̀gom m̀mof ègfo ǹpefōik nirem ǹtopos ḋe on nempafti nōou pe èp̀tyrf èvol xen nixria etky ǹtotf alla afsōtp naf ǹ10 ǹson evenhot efouōrp m̀mōou èninysos nem nifaiat kata rompi nem pima ǹte nikelafos ǹte rakoti evōpt ǹnigoi ǹṡvin nem ōik evsōr m̀mōou èjen ny eterenxria nem niekklysia ǹte nitimi on eternxria nem niekklysia ǹte niṡafev ny etsaxoun xen pibarbarikon hina ǹtetenemi je f̀tihli ǹnirem ǹtopos an. Ṡini ḋe ouoh k̀naemi je afìni ǹoukahs èjen nis̀nyou etṡop xen nima ǹte kymi nem pernoug je hina ǹtouti ǹouertob ǹsouò èf̀ouai f̀ouai kata rōmi ǹtem rompi evti m̀mōou ètiḋiakonia eθve ny eternxria evouōrp m̀mōou èniksenōn ǹte nikelafos nem niṡyra nem niorfanos ouoh nare piouai piouai ǹte nimonaxos firōouṡ ǹte rompi efti ǹpiertob ǹsouò èvol xen pefxisi ǹàġapy ouoh a fai erkahs nōou ṡa èxoun ètinou.	He also acted in this way: he gave nothing from the distributions to younger men, but only to elderly poor and infirm men who could not procure bread for themselves. As for the men of his monastery, he gave them nothing from the wealth in his possession; instead, he chose ten faithful men whom he sent annually to the islands and Libya, and to the places of the κελάφων of Alexandria, where ships were loaded with grain and bread, so that they might distribute it to those in need. He also ensured that the churches of the region, which were in want, and the churches of the interior desert, in the land of the barbarians, received support, so that he would not give anything from his monastery to those living nearby. You will understand, therefore, that he introduced this custom to the brothers who inhabit the regions of Egypt and Mount Pernoudj: Namely, he arranged that every year a certain artaba of wheat would be given to each person, which would be distributed to those in need at the κελάφων and also to widows and orphans. Thus, each monk throughout the year strove to give an artaba of wheat in alms from what was necessary for himself. This custom persists among them to this very day.
20	ⲥⲉϫⲱ ⲛⲧⲁⲓⲕⲉϣⲫⲏⲣⲓ ⲛⲧⲁϥ ⲟⲛ ⲛⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲡⲁⲙⲱ ϫⲉⲁⲡⲁ ⲡⲓϩⲱⲣ ⲡⲓⲁⲥⲕⲩⲧⲏⲥ ⲡⲓⲙⲁⲑⲏⲧⲏⲥ ⲛⲧⲉⲁⲃⲃⲁ ⲁⲛⲧⲱⲛⲓⲟⲥ ⲁϥⲟⲩⲱϣ ⲉϩⲓⲟⲩⲕⲟⲧ ⲉⲣⲟϥ ⲛⲟⲩⲥⲟⲡ ⲁϥⲟⲗⲡⲉϥⲱⲓⲕ ⲛⲉⲙⲁϥ ⲛⲉⲙϫⲱⲓⲧ ⲃ︦ ⲉϥⲛⲁϣⲉ ⲉⲙⲁⲩ ϣⲁⲣⲟϥ . ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉⲟⲩ ⲛⲉ ⲛⲁⲓ ⲡⲓϩⲱⲣ . ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉⲟⲩⲉϩⲟⲟⲩ ⲛⲟⲩⲱⲧ ⲁⲓⲑⲁϣϥ ⲉⲑⲣⲓⲟϩⲓ ϧⲁⲧⲟⲧⲕ ⲉⲑⲃⲉⲫⲁⲓ ⲁⲓⲓⲛⲓ ⲛⲧⲁⲕⲟⲩϫⲓ ⲛⲭⲣⲓⲁ ⲛⲉⲙⲏⲓ . ⲁ ⲡⲓϧⲉⲗⲗⲟ ⲉⲙⲓ ϧⲉⲛⲡⲉϥⲕⲁϯ ϫⲉⲁϥⲙⲟⲣϥ ⲛϫⲉⲡⲓϩⲱⲣ ⲉϣⲧⲉⲙⲟⲩⲱⲙ ⲛⲟⲩⲱⲓⲕ ⲛⲁⲗⲗⲟⲧⲣⲓⲟⲛ ⲟⲩⲟϩ ⲙⲉⲛⲉⲛⲥⲁⲟⲩⲥⲏⲟⲩ ⲟⲩⲛ ⲁⲁⲃⲃⲁ ⲡⲁⲙⲱ ⲟⲩⲱϣ ⲉϯⲥⲃⲱ ⲛⲁϥ ⲉϣⲧⲉⲙⲁⲙⲟⲛⲓ ⲙⲡⲉϥⲟⲩⲱϣ ⲁϥϣⲁⲛϩⲱⲗ ϣⲁⲛⲓϧⲉⲗⲗⲟⲓ . ⲁϥⲧⲱⲛϥ ϩⲱϥ ⲛϫⲉⲁⲡⲁ ⲡⲁⲙⲱ ⲁϥϩⲓⲟⲩⲕⲟⲧ ⲉⲁⲡⲁ ⲡⲓϩⲱⲣ ⲁϥϩⲱⲣⲡ ⲙⲡⲉϥⲱⲓⲕ ⲙⲡⲁⲧⲉϥϩⲱⲗ ϣⲁⲣⲟϥ ⲛⲉⲙⲕⲉⲃⲁⲗⲕⲟⲩ ⲙⲙⲱⲟⲩ ⲉⲧⲁϥϣⲉ ⲇⲉ ⲉϧⲟⲩⲛ ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉⲟⲩ ⲛⲉ ⲛⲁⲓ ⲡⲁⲙⲱ . ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉⲡⲁⲱⲓⲕ ⲛⲉ ⲛⲉⲙⲡⲁⲙⲱⲟⲩ ϩⲓⲛⲁ ⲛⲧⲁϣⲧⲉⲙϯϧⲓⲥⲓ ⲛⲁⲕ ⲁⲓϩⲱⲣⲡ ⲙⲡⲁⲕⲉⲱⲓⲕ ⲙⲡⲁϯⲓ ϣⲁⲣⲟⲕ . ⲁϥⲉⲣⲡⲁⲓϩⲱⲃ ⲅⲁⲣ ⲛϫⲉⲁⲡⲁ ⲡⲁⲙⲱ ϩⲓⲛⲁ ⲛⲧⲉϥϯⲥⲃⲱ ⲛⲁϥ ϧⲉⲛⲟⲩⲭⲁⲣⲱϥ .	Ⲥⲉϫⲱ ⲛ̀ⲧⲁⲓ̀ⲕⲉϣ̀ⲫⲏⲣⲓ ⲛ̀ⲧⲁϥ ⲟⲛ ⲛ̀ⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲡⲁⲙⲱ ϫⲉ ⲁⲡⲁ ⲡⲓϩⲱⲣ ⲡⲓⲁⲥⲕⲩⲧⲏⲥ ⲡⲓⲙⲁⲑⲏⲧⲏⲥ ⲛ̀ⲧⲉ ⲁⲃⲃⲁ ⲁⲛⲧⲱⲛⲓⲟⲥ ⲁϥⲟⲩⲱϣ ⲉ̀ϩⲓⲟⲩⲕⲟⲧ ⲉ̀ⲣⲟϥ ⲛ̀ⲟⲩⲥⲟⲡ ⲁϥⲟⲗⲡⲉϥⲱⲓⲕ ⲛⲉⲙⲁϥ ⲛⲉⲙ ϫⲱⲓⲧ 2 ⲉϥⲛⲁϣⲉ ⲉⲙⲁⲩ ϣⲁⲣⲟϥ. Ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉ ⲟⲩ ⲛⲉ ⲛⲁⲓ ⲡⲓϩⲱⲣ. Ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉ ⲟⲩⲉ̀ϩⲟⲟⲩ ⲛ̀ⲟⲩⲱⲧ ⲁⲓⲑⲁϣϥ ⲉ̀ⲑⲣⲓⲟ̀ϩⲓ ϧⲁⲧⲟⲧⲕ ⲉⲑⲃⲉ ⲫⲁⲓ ⲁⲓⲓ̀ⲛⲓ ⲛ̀ⲧⲁⲕⲟⲩϫⲓ ⲛ̀ⲭⲣⲓⲁ ⲛⲉⲙⲏⲓ. Ⲁ ⲡⲓϧⲉⲗⲗⲟ ⲉⲙⲓ ϧⲉⲛ ⲡⲉϥⲕⲁϯ ϫⲉ ⲁϥⲙⲟⲣϥ ⲛ̀ϫⲉ ⲡⲓϩⲱⲣ ⲉ̀ϣⲧⲉⲙⲟⲩⲱⲙ ⲛ̀ⲟⲩⲱⲓⲕ ⲛ̀ⲁⲗⲗⲟⲧⲣⲓⲟⲛ ⲟⲩⲟϩ ⲙⲉⲛⲉⲛⲥⲁⲟⲩⲥⲏⲟⲩ ⲟⲩⲛ ⲁⲁⲃⲃⲁ ⲡⲁⲙⲱ ⲟⲩⲱϣ ⲉ̀ϯⲥⲃⲱ ⲛⲁϥ ⲉ̀ϣⲧⲉⲙⲁ̀ⲙⲟⲛⲓ ⲙ̀ⲡⲉϥⲟⲩⲱϣ ⲁϥϣⲁⲛϩⲱⲗ ϣⲁ ⲛⲓϧⲉⲗⲗⲟⲓ. Ⲁϥⲧⲱⲛϥ ϩⲱϥ ⲛ̀ϫⲉ ⲁⲡⲁ ⲡⲁⲙⲱ ⲁϥϩⲓⲟⲩⲕⲟⲧ ⲉⲁⲡⲁ ⲡⲓϩⲱⲣ ⲁϥϩⲱⲣⲡ ⲛ̀ⲡⲉϥⲱⲓⲕ ⲙ̀ⲡⲁⲧⲉϥϩⲱⲗ ϣⲁⲣⲟϥ ⲛⲉⲙ ⲕⲉⲃⲁⲗⲕⲟⲩ ⲙ̀ⲙⲱⲟⲩ ⲉⲧⲁϥϣⲉ ⲇⲉ ⲉ̀ϧⲟⲩⲛ ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉ ⲟⲩ ⲛⲉ ⲛⲁⲓ ⲡⲁⲙⲱ. Ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉ ⲡⲁⲱⲓⲕ ⲛⲉ ⲛⲉⲙ ⲡⲁⲙⲱⲟⲩ ϩⲓⲛⲁ ⲛ̀ⲧⲁϣⲧⲉⲙϯϧⲓⲥⲓ ⲛⲁⲕ ⲁⲓϩⲱⲣⲡ ⲛ̀ⲡⲁⲕⲉⲱⲓⲕ ⲙ̀ⲡⲁϯⲓ ϣⲁⲣⲟⲕ. Ⲁϥⲉⲣⲡⲁⲓϩⲱⲃ ⲅⲁⲣ ⲛ̀ϫⲉ ⲁⲡⲁ ⲡⲁⲙⲱ ϩⲓⲛⲁ ⲛ̀ⲧⲉϥϯⲥⲃⲱ ⲛⲁϥ ϧⲉⲛ ⲟⲩⲭⲁⲣⲱϥ.	Segō ǹtaìkeṡ̀fyri ǹtaf on ǹθof peniōt eθouab abba pamō je apa pihōr piaskitys pimaθytys ǹte abba antōnios afouōṡ èhioukot èrof ǹousop afolpefōik nemaf nem gōit 2 efnaṡe emav ṡarof. Pejeapa pamō naf je ou ne nai pihōr. Pejeapa pihōr naf je ouèhoou ǹouōt aiθaṡf èθriòhi xatotk eθve fai aiìni ǹtakouji ǹxria nemyi. A pixello emi xen pefkati je afmorf ǹje pihōr èṡtemouōm ǹouōik ǹallotrion ouoh menensaousyou oun aabba pamō ouōṡ ètisvō naf èṡtemàmoni m̀pefouōṡ afṡanhōl ṡa nixelloi. Aftōnf hōf ǹje apa pamō afhioukot eapa pihōr afhōrp ǹpefōik m̀patefhōl ṡarof nem kevalkou m̀mōou etafṡe ḋe èxoun pejeapa pihōr naf je ou ne nai pamō. Pejeapa pamō naf je paōik ne nem pamōou hina ǹtaṡtemtixisi nak aihōrp ǹpakeōik m̀patii ṡarok. Aferpaihōb ġar ǹje apa pamō hina ǹteftisvō naf xen oukarōf.	They also tell this remarkable story about our holy father, Abba Pambo. It is said that the ascetic Apa Pihor, a disciple of Abba Antony, once came to him, bringing bread and two olives that he had taken with him to eat. Abba Pambo said to him: “What are these, Pihor?” Apa Pihor replied: “I have decided to remain with you for a day, and I brought these few necessities with me.” The elder understood that Pihor had bound himself by a vow not to eat another man’s bread. After some time, wishing to teach him without acting according to his own will while among the elders, Pamo rose and went to Apa Pihor. Before he reached him, he had moistened his bread and carried two jars of water with him. Apa Pihor said to him: “What are these, Pambo?” Pambo replied: “Behold, I have brought my bread and water with me. To avoid causing you any trouble, I moistened my bread before coming to you.” Thus Apa Pambo did this to teach him silently.

Provenance

title: Bohairic Lausiac History - Part 2
dialect: bohairic
source: Coptic SCRIPTORIUM corpus "bohairic-lausiac", document bohairic.lausiac_02
licence: CC-BY 4.0
share: attribution
attribution: Bohairic Lausiac History - Part 2 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_02, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation checked · tagging checked · parsing automatic (SCRIPTORIUM meta.json; document version 6.2.0, 2025-11-25)
file: Monastic/Lausiac History (Bohairic)/bohairic.lausiac_02.bohairic.scriptorium.L0.txt
title: Bohairic Lausiac History - Part 2 — Cairene
dialect: bohairic
source: generated from bohairic.lausiac_02.bohairic.scriptorium.L0.txt (Coptic SCRIPTORIUM corpus "bohairic-lausiac", document bohairic.lausiac_02)
licence: CC BY-SA 4.0
share: attribution
attribution: Bohairic Lausiac History - Part 2 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_02, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Monastic/Lausiac History (Bohairic)/bohairic.lausiac_02.bohairic.scriptorium.L1.txt
title: Bohairic Lausiac History - Part 2 — Kemetic
dialect: bohairic
source: generated from bohairic.lausiac_02.bohairic.scriptorium.L1.txt
licence: CC BY-SA 4.0
share: attribution
attribution: Bohairic Lausiac History - Part 2 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_02, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Monastic/Lausiac History (Bohairic)/bohairic.lausiac_02.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 20 quoted · 0 quoted with the alignment not cross-checked · 0 model drafts (marked “draft”)
quoted from: Émile Amélineau, Nicholas Wagner — aligned in Coptic SCRIPTORIUM bohairic-lausiac, bohairic.lausiac_02 (20 lines)

Cite as:

Bohairic Lausiac History - Part 2. Coptic SCRIPTORIUM corpus "bohairic-lausiac", document bohairic.lausiac_02. Layers as published by the Kemetic project (Yousef Hanna), 2026: Coptic · Cairene · Kemetic, /doc/monastic/lausiac-history-bohairic/bohairic.lausiac-02.bohairic.scriptorium/. Bohairic Lausiac History - Part 2 from Coptic SCRIPTORIUM (https://copticscriptorium.org), corpus bohairic-lausiac, document bohairic.lausiac_02, version 6.2.0 (2025-11-25), annotations by Lydia Bremer-McCollum, Caroline T. Schroeder, Nina Speranskaja, Nicholas Wagner, Amir Zeldes; source edition Internet Archive. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.