| 14:1 | ⲁⲥϣⲱⲡⲉ ⲇⲉ ⲟⲛ ⲕⲁⲧⲁⲡⲉⲩⲥⲱⲛⲧ ⲉⲧⲣⲉⲩⲃⲱⲕ ⲉϩⲟⲩⲛ ⲉⲧⲥⲩⲛⲁⲅⲱⲅⲏ ⲛⲛⲓⲟⲩⲇⲁⲓ . ⲛⲥⲉϣⲁϫⲉ ⲛⲧⲉⲓϩⲉ . ϩⲱⲥⲧⲉ ⲛⲧⲉⲟⲩⲙⲏⲏϣⲉ ⲉⲛⲁϣⲱϥ ⲡⲓⲥⲧⲉⲩⲉ ⲉⲃⲟⲗ ϩⲛⲛⲓⲟⲩⲇⲁⲓ ⲙⲛⲛϩⲉⲗⲗⲏⲛ . | ⲁⲥϣⲱⲡⲓ ⲇⲉ ⲟⲛ ⲕⲁⲧⲁ ⲡⲟⲩⲥⲱⲛⲧ ⲉ̀ⲑⲣⲉⲩⲃⲱⲕ ⲉ̀ϧⲟⲩⲛ ⲉ̀ⲧ̀ⲥⲩⲛⲁⲅⲱⲅⲏ ⲛ̀ⲛⲓⲟⲩⲇⲁⲓ. Ⲛ̀ⲧⲟⲩⲥⲁϫⲓ ⲛ̀ⲡⲁⲓⲣⲏϯ. Ϩⲱⲥⲧⲉ ⲛ̀ⲧⲉⲟⲩⲙⲏϣ ⲉⲛⲁϣⲱϥ ⲡⲓⲥⲧⲉⲩⲉ ⲉ̀ⲃⲟⲗ ϧⲉⲛ ⲛⲓⲟⲩⲇⲁⲓ ⲛⲉⲙ ⲛ̀ϩⲉⲗⲗⲏⲛ. | asṡōpi ḋe on kata pousōnt èθrevvōk èxoun èt̀sinaġōgy ǹnioudai. Ǹtousaji ǹpairyti. Hōste ǹteoumyṡ enaṡōf pisteve èvol xen nioudai nem ǹhellyn. | It happened in Iconium that they entered together into the synagogue of the Jews, and so spoke that a great multitude both of Jews and of Greeks believed. |
|---|
| 14:2 | ⲛⲓⲟⲩⲇⲁⲓ ⲇⲉ ⲛⲧⲟⲟⲩ ⲉⲧⲉⲙⲡⲟⲩⲛⲁϩⲧⲉ ⲁⲩⲧⲱⲟⲩⲛ ⲁⲩⲙⲉⲕϩ ⲛⲉⲯⲩⲭⲏ ⲛⲛϩⲉⲑⲛⲟⲥ ⲉϩⲟⲩⲛ ⲉⲛⲉⲥⲛⲏⲩ . | Ⲛ̀ⲓⲟⲩⲇⲁⲓ ⲇⲉ ⲛ̀ⲑⲱⲟⲩ ⲉ̀ⲧⲉ ⲙ̀ⲡⲉⲟⲩⲛⲁϩϯ ⲁⲩⲧⲱⲟⲩⲛ ⲁⲩⲙⲉⲕϩ ⲛ̀ⲯⲩⲭⲏ ⲛ̀ⲛ̀ϩⲉⲑⲛⲟⲥ ⲉ̀ϧⲟⲩⲛ ⲉ̀ⲛ̀ⲥ̀ⲛⲏⲟⲩ. | Ǹioudai ḋe ǹθōou ète m̀peounahti avtōoun avmek·h ǹpsiṡy ǹǹheθnos èxoun èǹs̀nyou. | But the disbelieving Jews stirred up and embittered the souls of the Gentiles against the brothers. |
|---|
| 14:3 | ⲁⲩⲣ ⲟⲩⲛⲟϭ ⲇⲉ ⲛⲟⲩⲟⲉⲓϣ ⲙⲙⲁⲩ ⲉⲩⲡⲁⲣⲣⲏⲥⲓⲁⲍⲉ ⲙⲙⲟⲟⲩ ⲉϩⲣⲁⲓ ⲉϫⲙⲡϫⲟⲉⲓⲥ . ⲡⲁⲓ ⲉⲧⲣⲙⲛⲧⲣⲉ ⲙⲡϣⲁϫⲉ ⲛⲧⲉϥⲭⲁⲣⲓⲥ . ⲉⲧϯ ⲛϩⲉⲛⲙⲁⲉⲓⲛ ⲙⲛϩⲉⲛϣⲡⲏⲣⲉ ⲉⲧⲣⲉⲩϣⲱⲡⲉ ⲉⲃⲟⲗ ϩⲓⲧⲛⲧⲉⲩϭⲓϫ . | Ⲁⲩⲣ ⲟⲩⲛⲓϣϯ ⲇⲉ ⲛ̀ⲥⲏⲟⲩ ⲙ̀ⲙⲁⲩ ⲉⲩⲡⲁⲣⲣⲏⲥⲓⲁⲍⲉ ⲙ̀ⲙⲱⲟⲩ ⲉϩⲣⲁⲓ ⲉ̀ϫⲉⲛ ⲡ̀ϭⲟⲓⲥ. Ⲫⲁⲓ ⲉⲧⲉⲣⲙⲉⲑⲣⲉ ⲛ̀ⲡ̀ⲥⲁϫⲓ ⲛ̀ⲧⲉϥⲭⲁⲣⲓⲥ. Ⲉⲧϯ ⲛ̀ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ⲉ̀ⲑⲣⲉⲩϣⲱⲡⲓ ⲉ̀ⲃⲟⲗ ϩⲓⲧⲉⲛ ⲧⲟⲩϫⲓϫ. | Avr ouniṡti ḋe ǹsyou m̀mav evparrysiaze m̀mōou ehrai èjen p̀ċois. Fai etermeθre ǹp̀·saji ǹtefxaris. Etti ǹhanmyini nem hanṡ̀fyri èθrevṡōpi èvol hiten toujig. | Therefore they stayed there a long time, speaking boldly in the Lord, who testified to the word of his grace, granting signs and wonders to be done by their hands. |
|---|
| 14:4 | ⲁⲡⲙⲏⲏϣⲉ ⲇⲉ ⲛⲧⲡⲟⲗⲓⲥ ⲡⲱϣ . ⲁⲩⲱ ϩⲟⲓⲛⲉ ⲙⲉⲛ ⲛⲉⲩϣⲟⲟⲡ ⲡⲉ ⲙⲛⲛⲓⲟⲩⲇⲁⲓ . ϩⲉⲛⲕⲟⲟⲩⲉ ⲇⲉ ⲙⲛⲛⲁⲡⲟⲥⲧⲟⲗⲟⲥ . | Ⲁ ⲡ̀ⲙⲏϣ ⲇⲉ ⲛ̀ⲧ̀ⲡⲟⲗⲓⲥ ⲫⲱϣ. Ⲟⲩⲟϩ ϩⲟⲓⲛⲉ ⲙⲉⲛ ⲛⲁⲩϣⲟⲡ ⲡⲉ ⲛⲉⲙ ⲛⲓⲟⲩⲇⲁⲓ. Ϩⲁⲛⲭⲱⲟⲩⲛⲓ ⲇⲉ ⲛⲉⲙ ⲛ̀ⲁ̀ⲡⲟⲥⲧⲟⲗⲟⲥ. | A p̀myṡ ḋe ǹt̀polis fōṡ. Ouoh hoine men navṡop pe nem nioudai. Hankōouni ḋe nem ǹàpostolos. | But the multitude of the city was divided. Part sided with the Jews, and part with the apostles. |
|---|
| 14:5 | ⲛⲧⲉⲣⲟⲩϯ ⲙⲡⲉⲩⲟⲩⲟⲓ ⲇⲉ ⲛϭⲓⲛϩⲉⲑⲛⲟⲥ ⲙⲛⲛⲓⲟⲩⲇⲁⲓ . ⲁⲩⲱ ⲛⲉⲩⲁⲣⲭⲱⲛ . ⲉⲧⲣⲉⲩⲥⲟϣⲟⲩ ⲁⲩⲱ ⲛⲥⲉϩⲓⲱⲛⲉ ⲉⲣⲟⲟⲩ . | Ⲉ̀ⲧⲁⲩϯ ⲛ̀ⲡⲟⲩⲟⲩⲟⲓ ⲇⲉ ⲛ̀ϫⲉ ⲛ̀ϩⲉⲑⲛⲟⲥ ⲛⲉⲙ ⲛⲓⲟⲩⲇⲁⲓ. Ⲟⲩⲟϩ ⲛⲟⲩⲁⲣⲭⲱⲛ. Ⲉ̀ⲑⲣⲉⲩⲥⲟϣⲟⲩ ⲟⲩⲟϩ ⲛ̀ⲧⲟⲩϩⲓⲱⲛⲓ ⲉ̀ⲣⲱⲟⲩ. | Ètavti ǹpououoi ḋe ǹje ǹheθnos nem nioudai. Ouoh nouarxōn. Èθrevsoṡou ouoh ǹtouhiōni èrōou. | When some of both the Gentiles and the Jews, with their rulers, made a violent attempt to mistreat and stone them, |
|---|
| 14:6 | ⲁⲩⲉⲓⲙⲉ ⲁⲩⲱ ⲁⲩⲡⲱⲧ ⲉϩⲣⲁⲓ ⲉⲙⲡⲟⲗⲓⲥ ⲛⲧⲗⲩⲕⲁⲟⲛⲓⲁ . ⲗⲩⲥⲇⲣⲁ ⲙⲛⲧⲉⲣⲃⲏ ⲁⲩⲱ ⲧⲡⲉⲣⲓⲭⲱⲣⲟⲥ | Ⲁⲩⲉⲙⲓ ⲟⲩⲟϩ ⲁⲩⲫⲱⲧ ⲉϩⲣⲁⲓ ⲉ̀ⲛ̀ⲡⲟⲗⲓⲥ ⲛ̀ⲧⲗⲩⲕⲁⲟⲛⲓⲁ. Ⲗⲩⲥⲇⲣⲁ ⲛⲉⲙ ⲧⲉⲣⲃⲏ ⲟⲩⲟϩ ⲧ̀ⲡⲉⲣⲓⲭⲱⲣⲟⲥ | Avemi ouoh avfōt ehrai èǹpolis ǹtlikaonia. Lisdra nem tervy ouoh t̀perixōros | they became aware of it, and fled to the cities of Lycaonia, Lystra, Derbe, and the surrounding region. |
|---|
| 14:7 | ⲁⲩⲱ ⲛⲉⲩⲉⲩⲁⲅⲅⲉⲗⲓⲍⲉ ϩⲙⲡⲙⲁ ⲉⲧⲙⲙⲁⲩ | ⲟⲩⲟϩ ⲛⲁⲩⲉⲩⲁⲅⲅⲉⲗⲓⲍⲉ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ | ouoh navevangelize xen p̀ma ète m̀mav | There they preached the Good News. |
|---|
| 14:8 | ⲛⲉⲩⲛ ⲟⲩⲣⲱⲙⲉ ⲇⲉ ϩⲛⲗⲩⲥⲇⲣⲁ ⲛϭⲱⲃ ⲛⲛⲉϥⲟⲩⲉⲣⲏⲧⲉ . ⲉϥϩⲙⲟⲟⲥ ⲉⲩϭⲁⲗⲉ ⲡⲉ ϫⲓⲛⲛϩⲏⲧⲥ ⲛⲧⲉϥⲙⲁⲁⲩ ⲙⲡϥⲙⲟⲟϣⲉ ⲉⲛⲉϩ . | ⲛⲁⲩⲛ ⲟⲩⲣⲱⲙⲓ ⲇⲉ ϧⲉⲛ ⲗⲩⲥⲇⲣⲁ ⲛ̀ϭⲱⲃ ⲛ̀ⲛⲉϥⲟⲩⲉⲣⲏⲧⲉ. Ⲉϥϩⲉⲙⲥⲓ ⲉⲩϭⲁⲗⲉ ⲡⲉ ϫⲓⲛⲛ̀ϩⲏⲧⲥ ⲛ̀ⲧⲉϥⲙⲁⲩ ⲙ̀ⲡⲉϥⲙⲟϣⲓ ⲉ̀ⲛⲉϩ. | navn ourōmi ḋe xen lisḋra ǹċōb ǹnefoueryte. Efhemsi evċale pe jinǹhyts ǹtefmav m̀pefmoṡi èneh. | At Lystra a certain man sat, impotent in his feet, a cripple from his mother's womb, who never had walked. |
|---|
| 14:9 | ⲡⲁⲓ ⲛⲉϥⲥⲱⲧⲙ ⲡⲉ ⲉⲡⲁⲩⲗⲟⲥ ⲉϥϣⲁϫⲉ . ⲛⲧⲟϥ ⲇⲉ ⲁϥⲉⲓⲱⲣⲙ ⲉϩⲟⲩⲛ ⲉϩⲣⲁϥ ⲁϥⲉⲓⲙⲉ ϫⲉⲟⲩⲛⲧϥ ⲡⲓⲥⲧⲓⲥ ⲙⲙⲁⲩ ⲉⲧⲣⲉϥⲟⲩϫⲁⲓ . | Ⲫⲁⲓ ⲛⲁϥⲥⲱⲧⲉⲙ ⲡⲉ ⲉ̀ⲡⲁⲩⲗⲟⲥ ⲉϥⲥⲁϫⲓ. Ⲛ̀ⲑⲟϥ ⲇⲉ ⲁϥⲉⲓⲱⲣⲙ ⲉ̀ϧⲟⲩⲛ ⲉ̀ⲣⲟϥ ⲁϥⲉⲙⲓ ϫⲉ ⲟⲩⲉⲛⲧϥ ⲡⲓⲥⲧⲓⲥ ⲙ̀ⲙⲁⲩ ⲉ̀ⲑⲣⲉϥⲟⲩϫⲁⲓ. | Fai nafsōtem pe èpavlos efsaji. Ǹθof ḋe afeiōrm èxoun èrof afemi je ouentf pistis m̀mav èθrefougai. | He was listening to Paul speaking, who, fastening eyes on him, and seeing that he had faith to be made whole, |
|---|
| 14:10 | ⲡⲉϫⲁϥ ⲛⲁϥ ϩⲛⲟⲩⲛⲟϭ ⲛⲥⲙⲏ ϫⲉⲉⲓϫⲱ ⲙⲙⲟⲥ ⲛⲁⲕ ϩⲙⲡⲣⲁⲛ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ . ⲧⲱⲟⲩⲛ ⲛⲅⲁϩⲉⲣⲁⲧⲕ ϩⲓϫⲛⲛⲉⲕⲟⲩⲉⲣⲏⲧⲉ . ⲁⲩⲱ ⲁϥϥⲟϭϥ ⲁϥⲙⲟⲟϣⲉ . | Ⲡⲉϫⲁϥ ⲛⲁϥ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ϫⲉ ⲉⲓϫⲱ ⲙ̀ⲙⲟⲥ ⲛⲁⲕ ϧⲉⲛ ⲫ̀ⲣⲁⲛ ⲛ̀ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ. Ⲧⲱⲟⲩⲛ ⲛ̀ⲅⲁϩⲉⲣⲁⲧⲕ ϩⲓϫⲉⲛ ⲛⲉⲕⲟⲩⲉⲣⲏⲧⲉ. Ⲟⲩⲟϩ ⲁϥϥⲟϭϥ ⲁϥⲙⲟϣⲓ. | Pegaf naf xen ouniṡti ǹs̀my je eigō m̀mos nak xen f̀ran ǹiysous pix̀ristos. Tōoun ǹġaheratk hijen nekoueryte. Ouoh affoċf afmoṡi. | said with a loud voice, 'Stand upright on your feet!' He leaped up and walked. |
|---|
| 14:11 | ⲙⲙⲏⲏϣⲉ ⲇⲉ ⲛⲧⲉⲣⲟⲩⲛⲁⲩ ⲉⲡⲉⲛⲧⲁⲡⲁⲩⲗⲟⲥ ⲁⲁϥ . ⲁⲩϥⲓ ϩⲣⲁⲩ ⲉⲃⲟⲗ ϩⲛⲧⲉⲩⲁⲥⲡⲉ ⲉⲩϫⲱ ⲙⲙⲟⲥ ϫⲉⲛⲧⲁⲛⲛⲟⲩⲧⲉ ⲉⲓⲛⲉ ⲛⲛⲣⲱⲙⲉ ⲁⲩⲉⲓ ⲉϩⲣⲁⲓ ϣⲁⲣⲟⲛ . | Ⲛ̀ⲙⲏϣ ⲇⲉ ⲉ̀ⲧⲁⲩⲛⲁⲩ ⲉ̀ⲡⲉⲧⲁ ⲡⲁⲩⲗⲟⲥ ⲁⲓϥ. Ⲁⲩϥⲁⲓ ϩⲣⲁⲟⲩ ⲉ̀ⲃⲟⲗ ϧⲉⲛ ⲧⲟⲩⲁⲥⲡⲓ ⲉⲩϫⲱ ⲙ̀ⲙⲟⲥ ϫⲉ ⲛⲧⲁⲛ̀ⲛⲟⲩϯ ⲓ̀ⲛⲓ ⲛ̀ⲛ̀ⲣⲱⲙⲓ ⲁⲩⲓ̀ ⲉϩⲣⲁⲓ ϩⲁⲣⲟⲛ. | Ǹmyṡ ḋe ètavnav èpeta pavlos aif. Avfai hraou èvol xen touaspi evgō m̀mos je ntaǹnouti ìni ǹǹrōmi avì ehrai haron. | When the multitude saw what Paul had done, they lifted up their voice, saying in the language of Lycaonia, 'The gods have come down to us in the likeness of men!' |
|---|
| 14:12 | ⲁⲩⲱ ⲁⲩⲙⲟⲩⲧⲉ ⲉⲃⲁⲣⲛⲁⲃⲁⲥ ϫⲉⲡⲍⲉⲩⲥ . ⲡⲁⲩⲗⲟⲥ ⲇⲉ ϫⲉⲡϩⲣⲙⲏⲥ . ⲉⲡⲉⲓⲇⲏ ⲛⲧⲟϥ ⲡⲉ ⲛⲉⲩⲛϭⲟⲙ ⲙⲙⲟϥ ⲡⲉ ϩⲙⲡϣⲁϫⲉ . | Ⲟⲩⲟϩ ⲁⲩⲙⲟⲩϯ ⲉ̀ⲃⲁⲣⲛⲁⲃⲁⲥ ϫⲉ ⲡ̀ⲍⲉⲩⲥ. Ⲡⲁⲩⲗⲟⲥ ⲇⲉ ϫⲉ ⲡ̀ϩⲣⲙⲏⲥ. Ⲉⲡⲓⲇⲏ ⲛ̀ⲑⲟϥ ⲡⲉ ⲛⲁⲟⲩⲟⲛ ϫⲟⲙ ⲙ̀ⲙⲟϥ ⲡⲉ ϧⲉⲛ ⲡ̀ⲥⲁϫⲓ. | Ouoh avmouti èbarnabas je p̀zevs. Pavlos ḋe je p̀hrmys. Epiḋy ǹθof pe naouon gom m̀mof pe xen p̀·saji. | They called Barnabas 'Jupiter,' and Paul 'Mercury,' because he was the chief speaker. |
|---|
| 14:13 | ⲡⲟⲩⲏⲏⲃ ⲇⲉ ⲙⲡⲍⲉⲩⲥ ⲉⲧⲙⲡⲃⲟⲗ ⲛⲧⲡⲟⲗⲓⲥ . ⲁϥⲉⲓⲛⲉ ⲛϩⲉⲛⲙⲁⲥⲉ ⲙⲛϩⲉⲛⲕⲗⲟⲙ ⲉⲣⲛ ⲛⲣⲟ ⲙⲛⲙⲙⲏⲏϣⲉ . ⲁϥⲟⲩⲱϣ ⲉⲧⲁⲗⲉ ⲑⲩⲥⲓⲁ ⲉϩⲣⲁⲓ . | Ⲡ̀ⲟⲩⲏⲃ ⲇⲉ ⲛ̀ⲡ̀ⲍⲉⲩⲥ ⲉ̀ϣⲧⲉⲙⲡ̀ⲃⲟⲗ ⲛ̀ⲧ̀ⲡⲟⲗⲓⲥ. Ⲁϥⲓ̀ⲛⲓ ⲛ̀ϩⲁⲛⲙⲁⲥⲓ ⲛⲉⲙ ϩⲁⲛⲭ̀ⲗⲟⲙ ⲉⲣⲛ ⲛ̀ⲣⲟ ⲛⲉⲙ ⲛ̀ⲙⲏϣ. Ⲁϥⲟⲩⲱϣ ⲉ̀ⲧⲁⲗⲉ ⲑⲩⲥⲓⲁ ⲉϩⲣⲁⲓ. | P̀ouyb ḋe ǹp̀zevs èṡtemp̀vol ǹt̀polis. Afìni ǹhanmasi nem hank̀lom ern ǹro nem ǹmyṡ. Afouōṡ ètale θisia ehrai. | The priest of Jupiter, whose temple was in front of their city, brought oxen and garlands to the gates, and would have made a sacrifice along with the multitudes. |
|---|
| 14:14 | ⲛⲧⲉⲣⲟⲩⲥⲱⲧⲙ ⲇⲉ ⲛϭⲓⲛⲁⲡⲟⲥⲧⲟⲗⲟⲥ ⲃⲁⲣⲛⲁⲃⲁⲥ ⲙⲛⲡⲁⲩⲗⲟⲥ . ⲁⲩⲡⲉϩ ⲛⲉⲩϩⲟⲉⲓⲧⲉ ⲁⲩⲱ ⲁⲩⲡⲱⲧ ⲉⲃⲟⲗ ⲉⲡⲙⲏⲏϣⲉ . ⲁⲩⲁϣⲕⲁⲕ ⲉⲃⲟⲗ | Ⲉⲧⲁⲩⲥⲱⲧⲉⲙ ⲇⲉ ⲛ̀ϫⲉ ⲛ̀ⲁ̀ⲡⲟⲥⲧⲟⲗⲟⲥ ⲃⲁⲣⲛⲁⲃⲁⲥ ⲛⲉⲙ ⲡⲁⲩⲗⲟⲥ. Ⲁⲩⲡⲉϩ ⲛⲟⲩϩⲟⲓⲧⲉ ⲟⲩⲟϩ ⲁⲩⲫⲱⲧ ⲉ̀ⲃⲟⲗ ⲉ̀ⲡ̀ⲙⲏϣ. Ⲁⲩⲁϣⲕⲁⲕ ⲉ̀ⲃⲟⲗ | Etavsōtem ḋe ǹje ǹàpostolos barnabas nem pavlos. Avpeh nouhoite ouoh avfōt èvol èp̀myṡ. Avaṡkak èvol | But when the apostles, Barnabas and Paul, heard of it, they tore their clothes, and sprang into the multitude, crying out, |
|---|
| 14:15 | ⲉⲩϫⲱ ⲙⲙⲟⲥ ϫⲉⲛⲣⲱⲙⲉ ⲟⲩ ⲛⲉ ⲛⲁⲓ ⲉⲧⲉⲧⲛⲉⲓⲣⲉ ⲙⲙⲟⲟⲩ ⲁⲛⲟⲛ ϩⲱⲱⲛ ⲟⲛ ⲁⲛ ϩⲉⲛⲣⲱⲙⲉ ⲛⲧⲉⲧⲛϩⲉ ⲉⲛⲧⲁϣⲉⲟⲉⲓϣ ⲛⲏⲧⲛ ⲉⲥⲁϩⲉ ⲧⲏⲩⲧⲛ ⲉⲃⲟⲗ ⲛⲛⲉⲓⲡⲉⲧϣⲟⲩⲉⲓⲧ ⲉⲕⲧⲉ ⲧⲏⲩⲧⲛ ⲉⲡⲛⲟⲩⲧⲉ ⲉⲧⲟⲛϩ ⲡⲁⲓ ⲛⲧⲁϥⲧⲁⲙⲓⲉ ⲧⲡⲉ ⲙⲛⲡⲕⲁϩ ⲙⲛⲑⲁⲗⲁⲥⲥⲁ ⲁⲩⲱ ⲛⲉⲧⲛϩⲏⲧⲟⲩ ⲧⲏⲣⲟⲩ . | ⲉⲩϫⲱ ⲙ̀ⲙⲟⲥ ϫⲉ ⲛ̀ⲣⲱⲙⲓ ⲟⲩ ⲛⲉ ⲛⲁⲓ ⲉⲧⲉⲧⲛⲉⲉⲓⲣⲉ ⲙ̀ⲙⲱⲟⲩ ⲁ̀ⲛⲟⲛ ϩⲱⲛ ⲟⲛ ⲁⲛ ϩⲁⲛⲣⲱⲙⲓ ⲛ̀ⲧⲉ ⲡⲉⲧⲉⲛⲣⲏϯ ⲉⲛⲧⲁϣⲉⲟⲉⲓϣ ⲛⲱⲧⲉⲛ ⲉⲥⲁϩⲉ ⲑⲏⲛⲟⲩ ⲉ̀ⲃⲟⲗ ⲛ̀ⲛⲁⲓⲡⲉⲧϣⲟⲩⲓⲧ ⲉ̀ⲕⲧⲉ ⲑⲏⲛⲟⲩ ⲉ̀ⲫ̀ⲛⲟⲩϯ ⲉⲧⲟⲛϧ ⲫⲁⲓ ⲉⲧⲁϥⲧⲁⲙⲓⲉ ⲧ̀ⲫⲉ ⲛⲉⲙ ⲡ̀ⲕⲁϩⲓ ⲛⲉⲙ ⲧ̀ⲑⲁⲗⲁⲥⲥⲁ ⲟⲩⲟϩ ⲛⲉⲧⲛϧⲏⲧⲟⲩ ⲧⲏⲣⲟⲩ. | evgō m̀mos je ǹrōmi ou ne nai etetneeire m̀mōou ànon hōn on an hanrōmi ǹte petenryti entaṡeoeiṡ nōten esahe θynou èvol ǹnaipetṡouit èkte θynou èf̀nouti etonx fai etaftamie t̀fe nem p̀kahi nem t̀θalassa ouoh netnxytou tyrou. | 'Men, why are you doing these things? We also are men of like passions with you, and bring you good news, that you should turn from these vain things to the living God, who made the sky and the earth and the sea, and all that is in them; |
|---|
| 14:16 | ⲡⲁⲓ ϩⲛⲛϫⲱⲙ ⲛⲧⲁⲩⲟⲩⲉⲓⲛⲉ . ⲁϥⲕⲱ ⲛⲛϩⲉⲑⲛⲟⲥ ⲧⲏⲣⲟⲩ ⲉⲧⲣⲉⲩⲃⲱⲕ ϩⲛⲛⲉⲩϩⲓ ⲟⲟⲩⲉ . | Ⲫⲁⲓ ϧⲉⲛ ⲛ̀ϫⲱⲙ ⲉⲧⲁⲩⲟⲩⲉⲓⲛⲉ. Ⲁϥⲭⲱ ⲛ̀ⲛ̀ϩⲉⲑⲛⲟⲥ ⲧⲏⲣⲟⲩ ⲉ̀ⲑⲣⲉⲩⲃⲱⲕ ϧⲉⲛ ⲛⲟⲩϩⲓ ⲟⲟⲩⲉ. | Fai xen ǹgōm etavoueine. Afkō ǹǹheθnos tyrou èθrevvōk xen nouhi ooue. | who in the generations gone by allowed all the nations to walk in their own ways. |
|---|
| 14:17 | ⲕⲁⲓⲧⲟⲓ ⲟⲛ ⲙⲡϥϭⲱ ⲛⲟⲩⲉϣ ⲛⲣⲙⲛⲧⲣⲉ ⲙⲙⲟϥ ⲛⲁⲩ ⲉϥⲣⲡⲉⲧⲛⲁⲛⲟⲩϥ ⲛⲁⲩ ⲉⲃⲟⲗ ϩⲛⲧⲡⲉ ⲉϥϯ ⲛϩⲉⲛϩⲱⲟⲩ ⲙⲛϩⲉⲛⲟⲩⲟⲓϣ ⲛⲣⲉϥϯⲕⲁⲣⲡⲟⲥ ⲉϥⲧⲥⲓⲟ ⲛⲛⲉⲩϩⲏⲧ ⲛⲧⲣⲩⲫⲏ ϩⲓⲟⲩⲛⲟϥ . | Ⲕⲁⲓⲧⲟⲓ ⲟⲛ ⲙ̀ⲡⲉϥϭⲱ ⲛ̀ⲟⲩⲉϣ ⲛ̀ⲉⲣⲙⲉⲑⲣⲉ ⲙ̀ⲙⲟϥ ⲛⲱⲟⲩ ⲉϥⲉⲣⲡⲉⲧⲛⲁⲛⲟⲩϥ ⲛⲱⲟⲩ ⲉ̀ⲃⲟⲗ ϧⲉⲛ ⲧ̀ⲫⲉ ⲉϥϯ ⲛ̀ϩⲁⲛϩⲱⲟⲩ ⲛⲉⲙ ϩⲁⲛⲥⲏⲟⲩ ⲛ̀ⲣⲉϥϯⲕⲁⲣⲡⲟⲥ ⲉϥⲧⲥⲓⲟ ⲛ̀ⲛⲟⲩϩⲏⲧ ⲛ̀ⲧⲣⲩⲫⲏ ϩⲓ ⲟⲩⲛⲟϥ. | Kaitoi on m̀pefċō ǹoueṡ ǹermeθre m̀mof nōou eferpetnanouf nōou èvol xen t̀fe efti ǹhanhōou nem hansyou ǹreftikarpos eftsio ǹnouhyt ǹtrify hi ounof. | Yet he didn't leave himself without witness, in that he did good and gave you rains from the sky and fruitful seasons, filling our hearts with food and gladness.' |
|---|
| 14:18 | ⲛⲁⲓ ⲇⲉ ⲉⲩϫⲱ ⲙⲙⲟⲟⲩ ⲙⲟⲅⲓⲥ ⲁⲩⲧⲣⲉ ⲙⲙⲏⲏϣⲉ ⲉⲧⲙϣⲱⲱⲧ ⲛⲁⲩ . | Ⲛⲁⲓ ⲇⲉ ⲉⲩϫⲱ ⲙ̀ⲙⲱⲟⲩ ⲙⲟⲅⲓⲥ ⲁⲩⲑⲣⲉ ⲛ̀ⲙⲏϣ ⲉ̀ϣⲧⲉⲙϣⲱⲱⲧ ⲛⲱⲟⲩ. | Nai ḋe evgō m̀mōou mogis avθre ǹmyṡ èṡtemṡōōt nōou. | Even saying these things, they hardly stopped the multitudes from making a sacrifice to them. |
|---|
| 14:19 | ⲁⲩⲉⲓ ⲇⲉ ⲉⲃⲟⲗ ϩⲛⲧⲁⲛⲧⲓⲟⲭⲓⲁ ⲙⲛϩⲓⲕⲟⲛⲓⲟⲥ ⲛϭⲓϩⲉⲛⲓⲟⲩⲇⲁⲓ ⲁⲩⲡⲓⲑⲉ ⲛⲙⲙⲏⲏϣⲉ ⲁⲩϩⲓⲱⲛⲉ ⲉⲡⲁⲩⲗⲟⲥ ⲁⲩⲥⲩⲣⲣⲁ ⲙⲙⲟϥ ⲡⲃⲟⲗ ⲛⲧⲡⲟⲗⲓⲥ . ⲉⲩⲙⲉⲉⲩⲉ ϫⲉⲁϥⲙⲟⲩ . | Ⲁⲩⲓ̀ ⲇⲉ ⲉ̀ⲃⲟⲗ ϧⲉⲛ ⲧⲁⲛⲧⲓⲟⲭⲓⲁ ⲛⲉⲙ ⲓⲕⲟⲛⲓⲟⲛ ⲛ̀ϫⲉ ϩⲁⲛⲓⲟⲩⲇⲁⲓ ⲁⲩⲡⲓⲑⲉ ⲛ̀ⲛ̀ⲙⲏϣ ⲁⲩϩⲓⲱⲛⲓ ⲉ̀ⲡⲁⲩⲗⲟⲥ ⲁⲩⲥⲩⲣⲣⲁ ⲙ̀ⲙⲟϥ ⲡ̀ⲃⲟⲗ ⲛ̀ⲧ̀ⲡⲟⲗⲓⲥ. Ⲉⲩⲙⲉⲩⲓ ϫⲉ ⲁϥⲙⲟⲩ. | Avì ḋe èvol xen tantioṡia nem ikonion ǹje hanioudai avpiθe ǹǹmyṡ avhiōni èpavlos avsirra m̀mof p̀vol ǹt̀polis. Evmevi je afmou. | But some Jews from Antioch and Iconium came there, and having persuaded the multitudes, they stoned Paul, and dragged him out of the city, supposing that he was dead. |
|---|
| 14:20 | ⲛⲧⲉⲣⲉⲙⲙⲁⲑⲏⲧⲏⲥ ⲇⲉ ⲕⲱⲧⲉ ⲉⲣⲟϥ ⲛⲧⲉⲣⲉⲣⲟⲩϩⲉ ϣⲱⲡⲉ ⲁϥⲧⲱⲟⲩⲛ ⲁϥⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ⲙⲡⲉϥⲣⲁⲥⲧⲉ ⲇⲉ ⲁϥⲉⲓ ⲉⲃⲟⲗ ⲙⲛⲃⲁⲣⲛⲁⲃⲁⲥ ⲉⲧⲉⲣⲃⲏ . | Ⲉ̀ⲧⲁⲛⲓⲙⲁⲑⲏⲧⲏⲥ ⲇⲉ ⲕⲱϯ ⲉ̀ⲣⲟϥ ⲉ̀ⲧⲁⲣⲟⲩϩⲓ ϣⲱⲡⲓ ⲁϥⲧⲱⲟⲩⲛ ⲁϥⲃⲱⲕ ⲉ̀ϧⲟⲩⲛ ⲉ̀ⲧ̀ⲡⲟⲗⲓⲥ ⲛ̀ⲡⲉϥⲣⲁⲥϯ ⲇⲉ ⲁϥⲓ̀ ⲉ̀ⲃⲟⲗ ⲛⲉⲙ ⲃⲁⲣⲛⲁⲃⲁⲥ ⲉⲧⲉⲣⲃⲏ. | Ètanimaθytys ḋe kōti èrof ètarouhi ṡōpi aftōoun afvōk èxoun èt̀polis ǹpefrasti ḋe afì èvol nem barnabas etervy. | But as the disciples stood around him, he rose up, and entered into the city. On the next day he went out with Barnabas to Derbe. |
|---|
| 14:21 | ⲛⲧⲉⲣⲟⲩⲧⲁϣⲉⲟⲓϣ ⲇⲉ ⲛⲧⲡⲟⲗⲓⲥ ⲉⲧⲙⲙⲁⲩ . ⲁⲩⲱ ⲁⲩϯⲥⲃⲱ ⲛⲟⲩⲙⲏⲏϣⲉ . ⲁⲩⲕⲟⲧⲟⲩ ⲉϩⲣⲁⲓ ⲉⲗⲩⲥⲧⲣⲟⲥ ⲙⲛϩⲓⲕⲟⲛⲓⲟⲥ ⲙⲛⲧⲁⲛⲧⲓⲟⲭⲓⲁ . | Ⲉ̀ⲧⲁⲩⲧⲁϣⲉⲟⲉⲓϣ ⲇⲉ ⲛ̀ⲧ̀ⲡⲟⲗⲓⲥ ⲉ̀ⲧⲉ ⲙ̀ⲙⲁⲩ. Ⲟⲩⲟϩ ⲁⲩϯⲥⲃⲱ ⲛ̀ⲟⲩⲙⲏϣ. Ⲁⲩⲕⲟⲧⲟⲩ ⲉϩⲣⲁⲓ ⲉ̀ⲗⲩⲥⲧⲣⲟⲥ ⲛⲉⲙ ⲓⲕⲟⲛⲓⲟⲛ ⲛⲉⲙ ⲧⲁⲛⲧⲓⲟⲭⲓⲁ. | Ètavtaṡeoeiṡ ḋe ǹt̀polis ète m̀mav. Ouoh avtisvō ǹoumyṡ. Avkotou ehrai èlistros nem ikonion nem tantioṡia. | When they had preached the Good News to that city, and had made many disciples, they returned to Lystra, Iconium, and Antioch, |
|---|
| 14:22 | ⲉⲩⲧⲁϫⲣⲟ ⲛⲛⲉⲯⲩⲭⲏ ⲛⲙⲙⲁⲑⲏⲧⲏⲥ . ⲉⲩⲥⲟⲡⲥ ⲙⲙⲟⲟⲩ ⲉⲧⲣⲉⲩϭⲱ ϩⲛⲧⲡⲓⲥⲧⲓⲥ . ⲁⲩⲱ ⲉⲩϫⲱ ⲙⲙⲟⲥ ϫⲉⲉⲃⲟⲗ ϩⲓⲧⲛϩⲁϩ ⲛⲑⲗⲓⲯⲓⲥ ⲉⲛⲁⲃⲱⲕ ⲉϩⲟⲩⲛ ⲉⲧⲙⲛⲧⲣⲣⲟ ⲙⲡⲛⲟⲩⲧⲉ . | Ⲉⲩⲧⲁϫⲣⲟ ⲛ̀ⲛ̀ⲯⲩⲭⲏ ⲛ̀ⲛⲓⲙⲁⲑⲏⲧⲏⲥ. Ⲉⲩϯϩⲟ ⲙ̀ⲙⲱⲟⲩ ⲉ̀ⲑⲣⲉⲩϭⲱ ϧⲉⲛ ⲧ̀ⲡⲓⲥⲧⲓⲥ. Ⲟⲩⲟϩ ⲉⲩϫⲱ ⲙ̀ⲙⲟⲥ ϫⲉ ⲉ̀ⲃⲟⲗ ϩⲓⲧⲉⲛ ϩⲁϩ ⲛ̀ⲑ̀ⲗⲓⲯⲓⲥ ⲉ̀ⲛⲁⲃⲟⲕ ⲉ̀ϧⲟⲩⲛ ⲉ̀ⲧ̀ⲙⲉⲧⲟⲩⲣⲟ ⲛ̀ⲫ̀ⲛⲟⲩϯ. | Evtagro ǹǹpsiṡy ǹnimaθytys. Evtiho m̀mōou èθrevċō xen t̀pistis. Ouoh evgō m̀mos je èvol hiten hah ǹθ̀lipsis ènavok èxoun èt̀metouro ǹf̀nouti. | confirming the souls of the disciples, exhorting them to continue in the faith, and that through many afflictions we must enter into the Kingdom of God. |
|---|
| 14:23 | ⲁⲩⲥⲙⲓⲛⲉ ⲇⲉ ⲛⲁⲩ ⲛϩⲉⲛⲡⲣⲉⲥⲃⲩⲧⲉⲣⲟⲥ ⲕⲁⲧⲁⲉⲕⲕⲗⲏⲥⲓⲁ . ⲁⲩϣⲗⲏⲗ ⲙⲛϩⲉⲛⲛⲏⲥⲧⲓⲁ ⲁⲩϯ ⲙⲙⲟⲟⲩ ⲉⲧⲟⲟⲧϥ ⲙⲡϫⲟⲉⲓⲥ ⲡⲁⲓ ⲛⲧⲁⲩⲡⲓⲥⲧⲉⲩⲉ ⲉⲣⲟϥ . | Ⲁⲩⲥⲙⲓⲛⲉ ⲇⲉ ⲛⲱⲟⲩ ⲛ̀ϩⲁⲛⲡ̀ⲣⲉⲥⲃⲩⲧⲉⲣⲟⲥ ⲭⲁⲧⲁⲉⲕⲕⲗⲏⲥⲓⲁ. Ⲁⲩϣ̀ⲗⲏⲗ ⲛⲉⲙ ϩⲁⲛⲛⲏⲥⲧⲓⲁ ⲁⲩϯ ⲙ̀ⲙⲱⲟⲩ ⲉⲧⲟⲧϥ ⲛ̀ⲡ̀ϭⲟⲓⲥ ⲫⲁⲓ ⲉⲧⲁⲩⲡⲓⲥⲧⲉⲩⲉ ⲉ̀ⲣⲟϥ. | Avsmine ḋe nōou ǹhanp̀resbiteros kataekklysia. Avṡ̀lyl nem hannystia avti m̀mōou etotf ǹp̀ċois fai etavpisteve èrof. | When they had appointed elders for them in every assembly, and had prayed with fasting, they commended them to the Lord, on whom they had believed. |
|---|
| 14:24 | ⲁⲩⲱ ⲛⲧⲉⲣⲟⲩⲙⲟⲩϣⲧ ⲛⲧⲡⲏⲥⲓⲇⲓⲁ ⲁⲩⲉⲓ ⲉⲡⲉⲣⲅⲏ ⲛⲧⲡⲁⲙⲫⲩⲗⲓⲁ . | Ⲟⲩⲟϩ ⲉ̀ⲧⲁⲩⲙⲟⲩϣⲧ ⲛ̀ⲧ̀ⲡⲏⲥⲓⲇⲓⲁ ⲁⲩⲓ̀ ⲉ̀ⲡⲉⲣⲅⲏ ⲛ̀ⲧ̀ⲡⲁⲙⲫⲩⲗⲓⲁ. | Ouoh ètavmouṡt ǹt̀pysiḋia avì èpergy ǹt̀pamfilia. | They passed through Pisidia, and came to Pamphylia. |
|---|
| 14:25 | ⲁⲩⲱ ⲛⲧⲉⲣⲟⲩϫⲉ ⲡϣⲁϫⲉ ϩⲙⲡⲙⲁ ⲉⲧⲙⲙⲁⲩ ⲁⲩⲃⲱⲕ ⲉⲁⲧⲧⲁⲗⲓⲁ . | Ⲟⲩⲟϩ ⲉ̀ⲧⲁⲩϫⲉ ⲡ̀ⲥⲁϫⲓ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ ⲁⲩⲃⲱⲕ ⲉⲁⲧ̀ⲧⲁⲗⲓⲁ. | Ouoh ètavje p̀·saji xen p̀ma ète m̀mav avvōk eat̀talia. | When they had spoken the word in Perga, they went down to Attalia. |
|---|
| 14:26 | ⲉⲃⲟⲗ ⲇⲉ ϩⲙⲡⲙⲁ ⲉⲧⲙⲙⲁⲩ ⲁⲩⲥϭⲏⲣⲉϩⲣⲁⲓ ⲉⲧⲁⲛⲧⲓⲟⲭⲓⲁ . ⲙⲡⲙⲁ ⲛⲧⲁⲩⲧⲁⲁⲩ ⲛϩⲏⲧϥ ϩⲛⲧⲉⲭⲁⲣⲓⲥ ⲙⲡⲛⲟⲩⲧⲉ ⲉⲡϩⲱⲃ ⲛⲧⲁⲩϫⲟⲕϥ ⲉⲃⲟⲗ . | Ⲉ̀ⲃⲟⲗ ⲇⲉ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ ⲁⲩⲥϭⲏⲣⲉϩⲣⲁⲓ ⲉ̀ⲧⲁⲛⲧⲓⲟⲭⲓⲁ. Ⲛ̀ⲡ̀ⲙⲁ ⲉⲧⲁⲩⲧⲏⲓⲟⲩ ⲛ̀ϧⲏⲧϥ ϧⲉⲛ ⲧ̀ⲭⲁⲣⲓⲥ ⲛ̀ⲫ̀ⲛⲟⲩϯ ⲉ̀ⲡ̀ϩⲱⲃ ⲉⲧⲁⲩϫⲟⲕϥ ⲉ̀ⲃⲟⲗ. | Èvol ḋe xen p̀ma ète m̀mav avsċyrehrai ètantioṡia. Ǹp̀ma etavtyiou ǹxytf xen t̀xaris ǹf̀nouti èp̀hōb etavgokf èvol. | From there they sailed to Antioch, from where they had been committed to the grace of God for the work which they had fulfilled. |
|---|
| 14:27 | ⲛⲧⲉⲣⲟⲩⲉⲓ ⲇⲉ ⲁⲩⲥⲱⲟⲩϩ ⲛⲧⲉⲕⲕⲗⲏⲥⲓⲁ . ⲁⲩϫⲱ ⲉⲣⲟⲟⲩ ⲛϩⲱⲃ ⲛⲓⲙ ⲛⲧⲁⲡⲛⲟⲩⲧⲉ ⲁⲁⲩ ⲛⲙⲙⲁⲩ . ⲁⲩⲱ ⲛⲧϩⲉ ⲛⲧⲁϥⲟⲩⲱⲛ ⲛⲟⲩⲣⲟ ⲙⲡⲓⲥⲧⲓⲥ ⲛⲛϩⲉⲑⲛⲟⲥ . | Ⲉⲧⲁⲩⲓ̀ ⲇⲉ ⲁⲩⲥⲱⲟⲩϩ ⲛ̀ⲧⲉⲕⲕⲗⲏⲥⲓⲁ. Ⲁⲩϫⲱ ⲉ̀ⲣⲱⲟⲩ ⲛ̀ϩⲱⲃ ⲛⲓⲃⲉⲛ ⲉ̀ⲧⲁ ⲫ̀ⲛⲟⲩϯ ⲁⲓⲟⲩ ⲛⲉⲙⲁⲟⲩ. Ⲟⲩⲟϩ ⲛ̀ⲫ̀ⲣⲏϯ ⲉⲧⲁϥⲟⲩⲱⲛ ⲛ̀ⲟⲩⲣⲟ ⲛ̀ⲡⲓⲥⲧⲓⲥ ⲛ̀ⲛ̀ϩⲉⲑⲛⲟⲥ. | Etavì ḋe avsōouh ǹtekklysia. Avgō èrōou ǹhōb niven èta f̀nouti aiou nemaou. Ouoh ǹf̀ryti etafouōn ǹouro ǹpistis ǹǹheθnos. | When they had arrived, and had gathered the assembly together, they reported all the things that God had done with them, and that he had opened a door of faith to the nations. |
|---|
| 14:28 | ⲁⲩϣⲱⲡⲉ ⲇⲉ ⲙⲙⲁⲩ ⲛⲟⲩⲛⲟϭ ⲛⲟⲩⲟⲉⲓϣ ⲙⲛⲙⲙⲁⲑⲏⲧⲏⲥ . | Ⲁⲩϣⲱⲡⲓ ⲇⲉ ⲙ̀ⲙⲁⲩ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲛⲉⲙ ⲛⲓⲙⲁⲑⲏⲧⲏⲥ. | Avṡōpi ḋe m̀mav ǹouniṡti ǹsyou nem nimaθytys. | They stayed there with the disciples for a long time. |
|---|