26_Ezechiel_17 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_17

Attribution: 26_Ezechiel_17 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

24 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
17:1	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	p̀·saji ǹp̀ċois afṡōpi haroi efgō m̀mos.	draft · highThe word of the Lord came to me, saying,
17:2	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁ̀ϫⲟⲥ ⲛ̀ⲟⲩⲥⲁϫⲓ ⲧⲁⲟⲩⲟ̀ ⲛ̀ⲟⲩⲡⲁⲣⲁⲃⲟⲗⲏ ⲛ̀ⲛⲁϩⲣⲉⲛⲡⲏⲓ ⲙ̀ⲡⲓ̅ⲥ̅ⲗ̅ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁ̀ϫⲟⲥ ⲛ̀ⲟⲩⲥⲁϫⲓ ⲧⲁⲟⲩⲟ̀ ⲛ̀ⲟⲩⲡⲁⲣⲁⲃⲟⲗⲏ ⲛ̀ⲛⲁϩⲣⲉⲛ ⲡ̀ⲏⲓ ⲛ̀ⲡⲓⲥⲣⲁⲏⲗ.	Je p̀ṡyri ǹf̀rōmi àgos ǹousaji taouò ǹouparaboly ǹnahren p̀yi ǹpisrayl.	Son of man, relate a tale, and speak a parable to the house of Israel:
17:3	ⲁⲅⲟⲥ ϫⲉⲛⲁⲓ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲡⲓⲛⲓϣϯ ⲛ̀ⲁ̀ⲉ̀ⲧⲟⲥ ⲟⲩⲥⲁⲓⲉ̀ ⲡⲉ ϧⲉⲛⲡⲉϥⲧⲉⲛϩ ϥ̀ϭⲟⲥⲓ ϧⲉⲛⲧⲉϥⲙⲁⲓⲏ̀ ⲫⲏⲉⲑⲙⲉϩ ⲛ̀ⲓⲏⲃ ⲉ̀ⲟⲩⲟⲛⲧⲁϥ ⲛ̀ⲟⲩⲙⲱⲓⲧ ⲙ̀ⲙⲁⲩ ⲉ̀ϣⲉ ⲉ̀ϧⲟⲩⲛ ⲉ̀ⲡⲓⲗⲓⲃⲁⲛⲟⲥ ⲟⲩⲟϩ ⲁϥϭⲓ ⲛ̀ⲛⲓⲥⲱⲧⲡ ⲛ̀ⲧ̀ⲕⲉⲇⲣⲟⲥ .	Ⲁⲅⲟⲥ ϫⲉ ⲛⲁⲓ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲡⲓⲛⲓϣϯ ⲛ̀ⲁ̀ⲉ̀ⲧⲟⲥ ⲟⲩⲥⲁⲓⲉ̀ ⲡⲉ ϧⲉⲛ ⲡⲉϥⲧⲉⲛϩ ϥ̀ϭⲟⲥⲓ ϧⲉⲛ ⲧⲉϥⲙⲁⲓⲏ̀ ⲫⲏⲉⲑⲙⲉϩ ⲛ̀ⲓⲏⲃ ⲉ̀ⲟⲩⲟⲛⲧⲁϥ ⲛ̀ⲟⲩⲙⲱⲓⲧ ⲙ̀ⲙⲁⲩ ⲉ̀ϣⲉ ⲉ̀ϧⲟⲩⲛ ⲉ̀ⲡⲓⲗⲓⲃⲁⲛⲟⲥ ⲟⲩⲟϩ ⲁϥϭⲓ ⲛ̀ⲛⲓⲥⲱⲧⲡ ⲛ̀ⲧ̀ⲕⲉⲇⲣⲟⲥ.	Aġos je nai nyètefgō m̀mōou ǹje p̀ċois je piniṡti ǹàètos ousaiè pe xen peftenh f̀ċosi xen tefmaiỳ fyeθmeh ǹiyb èouontaf ǹoumōit m̀mav èṡe èxoun èpilibanos ouoh afċi ǹnisōtp ǹt̀keḋros.	and thou shalt say, Thus saith the Lord; A great eagle with large wings, spreading them out very far, with many claws, which has the design of entering into Libanusand he took the choice branches of the cedar:
17:4	ϩ̀ⲧⲏⲟⲩ ⲛ̀ⲛⲓⲧⲁⲣⲉⲧⲗⲏⲕ ⲁϥⲟⲗⲟⲩ ⲁϥⲉⲛⲟⲩ ⲉ̀ⲡϣⲱⲓ ⲉ̀ⲡ̀ⲕⲁϩⲓ ⲛ̀ⲭⲁⲛⲁⲁⲛ ⲁϥⲭⲁⲩ ϧⲉⲛⲟⲩⲡⲟⲗⲓⲥ ⲉⲥⲕⲏⲧ ϧⲉⲛⲟⲩⲥⲟⲃⲧ .	Ϩ̀ⲧⲏⲟⲩ ⲛ̀ⲛⲓⲧⲁⲣⲉⲧⲗⲏⲕ ⲁϥⲟ̀ⲗⲟⲩ ⲁϥⲉⲛⲟⲩ ⲉ̀ⲡ̀ϣⲱⲓ ⲉ̀ⲡ̀ⲕⲁϩⲓ ⲛ̀ⲭⲁⲛⲁⲁⲛ ⲁϥⲭⲁⲩ ϧⲉⲛ ⲟⲩⲡⲟⲗⲓⲥ ⲉⲥⲕⲏⲧ ϧⲉⲛ ⲟⲩⲥⲟⲃⲧ.	H̀tyou ǹnitaretlyk afòlou afenou èp̀ṡōi èp̀kahi ǹxanaan afkav xen oupolis eskyt xen ousovt.	he cropped off the ends of the tender twigs, and brought them into the land of Chanaan; he laid them up in a walled city.
17:5	ⲟⲩⲟϩ ⲁϥϭⲓ ⲉ̀ⲃⲟⲗϧⲉⲛ ⲡ̀ϫ̀ⲣⲟϫ ⲙ̀ⲡⲓⲕⲁϩⲓ ⲁϥⲭⲁϥ ⲛ̀ⲟⲩϣ̀ϣⲏⲛ ⲛ̀ϩ̀ⲣⲏⲓ ϧⲉⲛⲧ̀ⲕⲟⲓ ⲁϥⲥⲉⲙⲛⲉⲧϥ ϩⲓϫⲉⲛⲟⲩⲙⲱⲟⲩ ⲉϥⲟϣ .	Ⲟⲩⲟϩ ⲁϥϭⲓ ⲉ̀ⲃⲟⲗ ϧⲉⲛ ⲡ̀ϫ̀ⲣⲟϫ ⲛ̀ⲡⲓⲕⲁϩⲓ ⲁϥⲭⲁϥ ⲛ̀ⲟⲩϣ̀ϣⲏⲛ ⲛ̀ϩ̀ⲣⲏⲓ ϧⲉⲛ ⲧ̀ⲕⲟⲓ ⲁϥⲥⲉⲙⲛⲉⲧϥ ϩⲓϫⲉⲛ ⲟⲩⲙⲱⲟⲩ ⲉϥⲟϣ.	Ouoh afċi èvol xen p̀g̀rog ǹpikahi afkaf ǹouṡ̀ṡyn ǹh̀ryi xen t̀koi afsemnetf hijen oumōou efoṡ.	And he took of the seed of the land, and sowed it in a field planted by much water; he set it in a conspicuous place.
17:6	ⲁϥϯⲟⲩⲱ̀ ⲉ̀ⲡϣⲱⲓ ⲁⲥϣⲱⲡⲓ ⲛ̀ⲟⲩⲃⲱⲛ̀ⲁ̀ⲗⲟⲗⲓ ⲉⲥϫⲱⲃ ⲟⲩⲟϩ ⲉⲥⲟⲓ ⲛ̀ⲕⲟⲩϫⲓ ϧⲉⲛⲧⲉⲥⲙⲁⲓⲏ̀ ⲉⲑⲣⲉ ⲛⲉⲥⲕⲗⲏⲙⲁ ⲟⲩⲱⲛϩ ⲉ̀ⲃⲟⲗ ϩⲓϫⲱⲥ ⲟⲩⲟϩ ⲉⲣⲉⲛⲉⲥⲛⲟⲩⲛⲓ ϧⲁⲣⲟⲥ ⲟⲩⲟϩ ⲁⲥϣⲱⲡⲓ ⲛ̀ⲟⲩⲃⲱⲛ̀ⲁ̀ⲗⲟⲗⲓ ⲛ̀ⲛⲓϣϯ ⲉ̀ⲁⲥⲧⲁⲟⲩⲟ̀ ⲉ̀ⲃⲟⲗ ⲛ̀ϩⲁⲛⲕⲗⲏⲙⲁ ⲟⲩⲟϩ ⲁⲥⲫⲱⲣϣ ⲉ̀ⲃⲟⲗ ⲛ̀ⲛⲉⲥϯⲟⲩⲱ̀ .	Ⲁϥϯⲟⲩⲱ̀ ⲉ̀ⲡ̀ϣⲱⲓ ⲁⲥϣⲱⲡⲓ ⲛ̀ⲟⲩⲃⲱⲛ̀ⲁ̀ⲗⲟⲗⲓ ⲉⲥϫⲱⲃ ⲟⲩⲟϩ ⲉⲥⲟⲓ ⲛ̀ⲕⲟⲩϫⲓ ϧⲉⲛ ⲧⲉⲥⲙⲁⲓⲏ̀ ⲉⲑⲣⲉ ⲛⲉⲥⲕⲗⲏⲙⲁ ⲟⲩⲱⲛϩ ⲉ̀ⲃⲟⲗ ϩⲓϫⲱⲥ ⲟⲩⲟϩ ⲉ̀ⲣⲉⲛⲉⲥⲛⲟⲩⲛⲓ ϧⲁⲣⲟⲥ ⲟⲩⲟϩ ⲁⲥϣⲱⲡⲓ ⲛ̀ⲟⲩⲃⲱⲛ̀ⲁ̀ⲗⲟⲗⲓ ⲛ̀ⲛⲓϣϯ ⲉ̀ⲁⲥⲧⲁⲟⲩⲟ̀ ⲉ̀ⲃⲟⲗ ⲛ̀ϩⲁⲛⲕⲗⲏⲙⲁ ⲟⲩⲟϩ ⲁⲥⲫⲱⲣϣ ⲉ̀ⲃⲟⲗ ⲛ̀ⲛⲉⲥϯⲟⲩⲱ̀.	Aftiouṑ èp̀ṡōi asṡōpi ǹouvōǹàloli esgōb ouoh esoi ǹkouji xen tesmaiỳ eθre nesklyma ouōnh èvol higōs ouoh èrenesnouni xaros ouoh asṡōpi ǹouvōǹàloli ǹniṡti èastaouò èvol ǹhanklyma ouoh asfōrṡ èvol ǹnestiouṑ.	And it sprang up, and became a weak and little vine, so that the branches thereof appeared upon it, and its roots were under it: and it became a vine, and put forth shoots, and sent forth its tendrils.
17:7	ⲟⲩⲟϩ ⲁϥϣⲱⲡⲓ ⲛ̀ϫⲉⲕⲉⲛⲓϣϯ ⲛ̀ⲁ̀ⲉ̀ⲧⲟⲥ ⲉ̀ⲟⲩⲥⲁⲓⲉ̀ ⲡⲉ ϧⲉⲛⲛⲉϥⲧⲉⲛϩ ⲉⲛⲁϣⲱϥ ϧⲉⲛⲛⲉϥⲓⲉⲃ ⲟⲩⲟϩ ϩⲏⲡⲡⲉ ϯⲃⲱⲛ̀ⲁ̀ⲗⲟⲗⲓ ⲛ̀ⲑⲟⲥ ⲁⲥⲕⲟⲩⲗⲟⲗⲥ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲛⲉⲥⲛⲟⲩⲛⲓ ⲁⲩⲫⲟϩ ⲉ̀ϧⲟⲩⲛ ⲉ̀ⲣⲟϥ ⲛⲉϥϫⲁⲗ ⲁϥⲥⲁⲧⲟⲩ ⲛⲁⲥ ⲉⲑⲣⲉϥⲙⲁⲧⲥⲟⲥ ⲛⲉⲙⲡ̀ⲕⲁϩⲓ ⲛ̀ⲧⲉⲡⲉⲥⲧⲱϫⲓ .	Ⲟⲩⲟϩ ⲁϥϣⲱⲡⲓ ⲛ̀ϫⲉ ⲕⲉⲛⲓϣϯ ⲛ̀ⲁ̀ⲉ̀ⲧⲟⲥ ⲉ̀ⲟⲩⲥⲁⲓⲉ̀ ⲡⲉ ϧⲉⲛ ⲛⲉϥⲧⲉⲛϩ ⲉ̀ⲛⲁϣⲱϥ ϧⲉⲛ ⲛⲉϥⲓⲉⲃ ⲟⲩⲟϩ ϩⲏⲡⲡⲉ ϯⲃⲱⲛ̀ⲁ̀ⲗⲟⲗⲓ ⲛ̀ⲑⲟⲥ ⲁⲥⲕⲟⲩⲗⲟⲗⲥ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲛⲉⲥⲛⲟⲩⲛⲓ ⲁⲩⲫⲟϩ ⲉ̀ϧⲟⲩⲛ ⲉ̀ⲣⲟϥ ⲛⲉϥϫⲁⲗ ⲁϥⲥⲁⲧⲟⲩ ⲛⲁⲥ ⲉ̀ⲑⲣⲉϥⲙⲁⲧⲥⲟⲥ ⲛⲉⲙ ⲡ̀ⲕⲁϩⲓ ⲛ̀ⲧⲉ ⲡⲉⲥⲧⲱϫⲓ.	Ouoh afṡōpi ǹje keniṡti ǹàètos èousaiè pe xen neftenh ènaṡōf xen nefieb ouoh hyppe tivōǹàloli ǹθos askoulols èxoun èrof ouoh nesnouni avfoh èxoun èrof nefgal afsatou nas èθrefmatsos nem p̀kahi ǹte pestōji.	And there was another great eagle, with great wings and many claws: and, behold, this vine bent itself round toward him, and her roots were turned towards him, and she sent forth her branches towards him, that he might water her together with the growth of her plantation.
17:8	ⲉⲩⲧ̀ⲕⲟⲓ ⲉⲛⲁⲛⲉⲥ ϩⲓϫⲉⲛⲟⲩⲛⲓϣϯ ⲙ̀ⲙⲱⲟⲩ ⲛ̀ⲑⲟⲥ ⲉⲥⲕⲉⲛⲓⲱⲟⲩⲧ ⲉⲑⲣⲉⲥϯⲟⲩⲱ̀ ⲉ̀ⲃⲟⲗ ⲛ̀ϩⲁⲛⲕⲗⲁⲇⲟⲥ ⲟⲩⲟϩ ⲉⲥⲉ̀ⲭⲱ ⲛ̀ϩⲁⲛⲟⲩⲧⲁϩ ⲉⲑⲣⲉⲥϣⲱⲡⲓ ⲉⲩⲛⲓϣϯ ⲛ̀ⲃⲱⲛ̀ⲁ̀ⲗⲟⲗⲓ .	Ⲉⲩⲧ̀ⲕⲟⲓ ⲉ̀ⲛⲁⲛⲉⲥ ϩⲓϫⲉⲛ ⲟⲩⲛⲓϣϯ ⲙ̀ⲙⲱⲟⲩ ⲛ̀ⲑⲟⲥ ⲉⲥⲕⲉⲛⲓⲱⲟⲩⲧ ⲉ̀ⲑⲣⲉⲥϯⲟⲩⲱ̀ ⲉ̀ⲃⲟⲗ ⲛ̀ϩⲁⲛⲕ̀ⲗⲁⲇⲟⲥ ⲟⲩⲟϩ ⲉⲥⲉ̀ⲭⲱ ⲛ̀ϩⲁⲛⲟⲩⲧⲁϩ ⲉ̀ⲑⲣⲉⲥϣⲱⲡⲓ ⲉⲩⲛⲓϣϯ ⲛ̀ⲃⲱⲛ̀ⲁ̀ⲗⲟⲗⲓ.	Evt̀koi ènanes hijen ouniṡti m̀mōou ǹθos eskeniōout èθrestiouṑ èvol ǹhank̀laḋos ouoh esèkō ǹhanoutah èθresṡōpi evniṡti ǹvōǹàloli.	She thrives in a fair field by much water, to produce shoots and bear fruit, that she might become a great vine.
17:9	ⲉⲑⲃⲉⲫⲁⲓ ⲁ̀ϫⲟⲥ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲙⲏ ⲉⲩⲉ̀ϣ̀ⲥⲟⲩⲧⲱⲛ ⲛ̀ⲛⲓⲛⲟⲩⲛⲓ ⲛ̀ⲧⲉⲡⲉⲥϯⲟⲩⲱ̀ ⲟⲩⲟϩ ⲡⲉⲥⲟⲩⲧⲁϩ ⲉϥⲉ̀ⲧⲁⲕⲟ ⲟⲩⲟϩ ⲉⲩⲉ̀ϣⲱⲟⲩⲓ̀ ⲛ̀ϫⲉⲛⲉⲥϣⲟⲣⲡ ⲛ̀ϯⲟⲩⲱ̀ ϧⲉⲛⲟⲩϫ̀ⲫⲟⲓ ⲛ̀ⲛⲓϣϯ ⲁⲛ ⲟⲩⲇⲉ ϧⲉⲛⲟⲩⲗⲁⲟⲥ ⲉϥⲟϣ ⲁⲛ ⲉⲑⲣⲟⲩϥⲟϫⲥ ⲉ̀ⲃⲟⲗ ⲛⲉⲙⲛⲉⲥⲛⲟⲩⲛⲓ .	Ⲉⲑⲃⲉ ⲫⲁⲓ ⲁ̀ϫⲟⲥ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲙⲏ ⲉⲩⲉ̀ϣ̀ⲥⲟⲩⲧⲱⲛ ⲛ̀ⲛⲓⲛⲟⲩⲛⲓ ⲛ̀ⲧⲉ ⲡⲉⲥϯⲟⲩⲱ̀ ⲟⲩⲟϩ ⲡⲉⲥⲟⲩⲧⲁϩ ⲉϥⲉ̀ⲧⲁⲕⲟ ⲟⲩⲟϩ ⲉⲩⲉ̀ϣⲱⲟⲩⲓ̀ ⲛ̀ϫⲉ ⲛⲉⲥϣⲟⲣⲡ ⲛ̀ϯⲟⲩⲱ̀ ϧⲉⲛ ⲟⲩϫ̀ⲫⲟⲓ ⲛ̀ⲛⲓϣϯ ⲁⲛ ⲟⲩⲇⲉ ϧⲉⲛ ⲟⲩⲗⲁⲟⲥ ⲉϥⲟϣ ⲁⲛ ⲉ̀ⲑⲣⲟⲩϥⲟϫⲥ ⲉ̀ⲃⲟⲗ ⲛⲉⲙ ⲛⲉⲥⲛⲟⲩⲛⲓ.	Eθve fai àgos je nai ne nyètefgō m̀mōou ǹje p̀ċois je my evèṡ̀soutōn ǹninouni ǹte pestiouṑ ouoh pesoutah efètako ouoh evèṡōouì ǹje nesṡorp ǹtiouṑ xen oug̀foi ǹniṡti an ouḋe xen oulaos efoṡ an èθroufogs èvol nem nesnouni.	Therefore say, Thus saith the Lord; Shall it prosper? shall not the roots of her tender stem and her fruit be blighted? yea, all her early shoots shall be dried up, and that not by a mighty arm, nor by many people, to tear her up from her roots.
17:10	ⲟⲩⲟϩ ϩⲏⲡⲡⲉ ⲛ̀ⲑⲟⲥ ⲉⲥⲣⲱⲧ ⲙⲏ ⲉⲥⲉ̀ϣ̀ⲑⲏⲛⲓ ⲙ̀ⲡⲁⲓⲣⲏϯ ⲙⲏ ⲉ̀ϣⲁϥⲧⲁϩⲟ ⲙ̀ⲙⲟⲥ ⲛ̀ϫⲉⲟⲩⲑⲏⲟⲩ ⲛ̀ⲕⲁⲩⲥⲱⲛ ⲉⲥⲉ̀ϣⲱⲟⲩⲓ̀ ⲁⲛ ⲛⲉⲙⲡ̀ⲕⲁϩⲓ ⲛ̀ⲧⲉⲡⲉⲥϯⲟⲩⲱ̀ .	Ⲟⲩⲟϩ ϩⲏⲡⲡⲉ ⲛ̀ⲑⲟⲥ ⲉⲥⲣⲱⲧ ⲙⲏ ⲉⲥⲉ̀ϣ̀ⲑⲏⲛⲓ ⲛ̀ⲡⲁⲓⲣⲏϯ ⲙⲏ ⲉ̀ϣⲁϥⲧⲁϩⲟ ⲙ̀ⲙⲟⲥ ⲛ̀ϫⲉ ⲟⲩⲑⲏⲟⲩ ⲛ̀ⲕⲁⲩⲥⲱⲛ ⲉⲥⲉ̀ϣⲱⲟⲩⲓ̀ ⲁⲛ ⲛⲉⲙ ⲡ̀ⲕⲁϩⲓ ⲛ̀ⲧⲉ ⲡⲉⲥϯⲟⲩⲱ̀.	Ouoh hyppe ǹθos esrōt my esèṡ̀θyni ǹpairyti my èṡaftaho m̀mos ǹje ouθyou ǹkavsōn esèṡōouì an nem p̀kahi ǹte pestiouṑ.	And, behold, it thrives: shall it prosper? shall it not wither as soon as the east wind touches it? it shall be withered together with the growth of its shoots.
17:11	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	P̀·saji ǹp̀ċois afṡōpi haroi efgō m̀mos.	draft · highThe word of the Lord came to me, saying,
17:12	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁ̀ϫⲟⲥ ⲙ̀ⲡⲏⲓ ⲙ̀ⲡⲓ̅ⲥ̅ⲗ̅ ⲛⲏⲉⲧϯⲙ̀ⲃⲟⲛ ϫⲉⲙⲏ ⲁⲣⲉⲧⲉⲛⲥⲱⲟⲩⲛ ⲁⲛ ϫⲉⲟⲩ ⲛⲉ ⲛⲁⲓ ⲉⲧⲁⲓϫⲟⲧⲟⲩ ϩⲟⲧⲁⲛ ⲁϥϣⲁⲛⲓ̀ ⲛ̀ϫⲉⲡⲟⲩⲣⲟ ⲛ̀ⲑ̀ⲃⲁⲃⲩⲗⲱⲛ ⲉ̀ⲡϣⲱⲓ ⲉ̀ϫⲉⲛⲓⲗ̅ⲏ̅ⲙ̅ ⲉϥⲉ̀ϭⲓ ⲙ̀ⲡⲉⲥⲟⲩⲣⲟ ⲛⲉⲙⲛⲉⲥⲁⲣⲭⲱⲛ ⲉϥⲉ̀ⲉⲛⲟⲩ ⲉ̀ⲡϣⲱⲓ ⲉ̀ⲑⲃⲁⲃⲩⲗⲱⲛ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁ̀ϫⲟⲥ ⲛ̀ⲡⲏⲓ ⲛ̀ⲡⲓⲥⲣⲁⲏⲗ ⲛⲏⲉⲧϯⲙ̀ⲃⲟⲛ ϫⲉ ⲙⲏ ⲁⲣⲉⲧⲉⲛⲥⲱⲟⲩⲛ ⲁⲛ ϫⲉ ⲟⲩ ⲛⲉ ⲛⲁⲓ ⲉⲧⲁⲓϫⲟⲧⲟⲩ ϩⲟⲧⲁⲛ ⲁϥϣⲁⲛⲓ̀ ⲛ̀ϫⲉ ⲡ̀ⲟⲩⲣⲟ ⲛ̀ⲑ̀ⲃⲁⲃⲩⲗⲱⲛ ⲉ̀ⲡ̀ϣⲱⲓ ⲉ̀ϫⲉⲛⲓⲉⲣⲟⲩⲥⲁⲗⲏⲙ ⲉϥⲉ̀ϭⲓ ⲛ̀ⲡⲉⲥⲟⲩⲣⲟ ⲛⲉⲙ ⲛⲉⲥⲁⲣⲭⲱⲛ ⲉϥⲉ̀ⲉⲛⲟⲩ ⲉ̀ⲡ̀ϣⲱⲓ ⲉ̀ⲑⲃⲁⲃⲩⲗⲱⲛ.	Je p̀ṡyri ǹf̀rōmi àgos ǹpyi ǹpisrayl nyettim̀von je my aretensōoun an je ou ne nai etaigotou hotan afṡanì ǹje p̀ouro ǹθ̀babilōn èp̀ṡōi èjenierousalym efèċi ǹpesouro nem nesarxōn efèenou èp̀ṡōi èθbabilōn.	Son of man, say now to the provoking house, Know ye not what these things were? say to them, Whenever the king of Babylon shall come against Jerusalem, then he shall take her king and her princes, and shall take them home to Babylon.
17:13	ⲟⲩⲟϩ ⲉϥⲉ̀ϭⲓ ⲉ̀ⲃⲟⲗϧⲉⲛ ⲡ̀ϫ̀ⲣⲟϫ ⲛ̀ϯⲙⲉⲧⲟⲩⲣⲟ ⲉϥⲉ̀ⲥⲉⲙⲛⲉ ⲇⲓⲁ̀ⲑⲏⲕⲏ ⲛⲉⲙⲁϥ ⲉϥⲉ̀ϭⲓⲧϥ ⲉ̀ϧⲟⲩⲛ ⲛⲁϥ ϧⲉⲛⲟⲩⲁ̀ⲛⲁϣ ⲟⲩⲟϩ ⲉϥⲉ̀ϭⲓ ⲛ̀ⲛⲓϩⲩⲅⲟⲩⲙⲉⲛⲟⲥ ⲛ̀ⲧⲉⲡ̀ⲕⲁϩⲓ .	Ⲟⲩⲟϩ ⲉϥⲉ̀ϭⲓ ⲉ̀ⲃⲟⲗ ϧⲉⲛ ⲡ̀ϫ̀ⲣⲟϫ ⲛ̀ϯⲙⲉⲧⲟⲩⲣⲟ ⲉϥⲉ̀ⲥⲉⲙⲛⲉ ⲇⲓⲁ̀ⲑⲏⲕⲏ ⲛⲉⲙⲁϥ ⲉϥⲉ̀ϭⲓⲧϥ ⲉ̀ϧⲟⲩⲛ ⲛⲁϥ ϧⲉⲛ ⲟⲩⲁ̀ⲛⲁϣ ⲟⲩⲟϩ ⲉϥⲉ̀ϭⲓ ⲛ̀ⲛⲓϩⲩⲅⲟⲩⲙⲉⲛⲟⲥ ⲛ̀ⲧⲉ ⲡ̀ⲕⲁϩⲓ.	Ouoh efèċi èvol xen p̀g̀rog ǹtimetouro efèsemne ḋiàθyky nemaf efèċitf èxoun naf xen ouànaṡ ouoh efèċi ǹnihiġoumenos ǹte p̀kahi.	And he shall take of the seed royal, and shall make a covenant with him, and shall bind him with an oath: and he shall take the princes of the land:
17:14	ⲉⲑⲣⲟⲩϣⲱⲡⲓ ⲉⲩⲙⲉⲧⲟⲩⲣⲟ ⲉⲥϫⲱⲃ ⲉ̀ϣ̀ⲧⲉⲙⲉⲑⲣⲟⲩϭⲓⲥⲓ ⲙ̀ⲙⲱⲟⲩ ⲉ̀ⲡⲧⲏⲣϥ ⲉⲑⲣⲟⲩⲁ̀ⲣⲉϩ ⲉ̀ⲧⲉϥⲇⲓⲁ̀ⲑⲏⲕⲏ ⲟⲩⲟϩ ⲉⲩⲉ̀ⲧⲁϩⲟⲥ ⲉ̀ⲣⲁⲧⲥ .	Ⲉ̀ⲑⲣⲟⲩϣⲱⲡⲓ ⲉⲩⲙⲉⲧⲟⲩⲣⲟ ⲉⲥϫⲱⲃ ⲉ̀ϣ̀ⲧⲉⲙⲉⲑⲣⲟⲩϭⲓⲥⲓ ⲙ̀ⲙⲱⲟⲩ ⲉ̀ⲡ̀ⲧⲏⲣϥ ⲉ̀ⲑⲣⲟⲩⲁ̀ⲣⲉϩ ⲉ̀ⲧⲉϥⲇⲓⲁ̀ⲑⲏⲕⲏ ⲟⲩⲟϩ ⲉⲩⲉ̀ⲧⲁϩⲟⲥ ⲉ̀ⲣⲁⲧⲥ.	Èθrouṡōpi evmetouro esgōb èṡ̀temeθrouċisi m̀mōou èp̀tyrf èθrouàreh ètefḋiàθyky ouoh evètahos èrats.	that it may become a weak kingdom, so as never to lift itself up, that he may keep his covenant, and establish it.
17:15	ⲟⲩⲟϩ ⲉϥⲉ̀ⲣⲁⲕⲧⲥ ⲥⲁⲃⲟⲗ ⲙ̀ⲙⲟϥ ⲉⲑⲣⲉϥⲟⲩⲱⲣⲡ ⲙ̀ⲙⲟⲥ ⲉ̀ⲡϣⲱⲓ ⲉ̀ⲭⲏⲙⲓ ⲉ̀ϯ ⲛⲱⲟⲩ ⲛ̀ϩⲁⲛϩ̀ⲑⲱⲣ ⲛⲉⲙⲟⲩⲛⲓϣϯ ⲙ̀ⲙⲏϣ ⲙⲏ ⲉϥⲉ̀ϣ̀ⲥⲟⲩⲧⲱⲛ ⲓⲉ ⲉϥⲉ̀ϣ̀ⲟⲩϫⲁⲓ ⲛ̀ϫⲉⲫⲏⲉⲧⲓ̀ⲣⲓ ⲛ̀ⲛⲓⲡⲉⲧϩⲱⲟⲩ ⲟⲩⲟϩ ⲉϥⲉⲣⲡⲁⲣⲁⲃⲉⲛⲓⲛ ⲛ̀ⲟⲩⲇⲓⲁ̀ⲑⲏⲕⲏ ⲛ̀ⲛⲉϥⲛⲟϩⲉⲙ .	Ⲟⲩⲟϩ ⲉϥⲉ̀ⲣⲁⲕⲧⲥ ⲥⲁⲃⲟⲗ ⲙ̀ⲙⲟϥ ⲉ̀ⲑⲣⲉϥⲟⲩⲱⲣⲡ ⲙ̀ⲙⲟⲥ ⲉ̀ⲡ̀ϣⲱⲓ ⲉ̀ⲭⲏⲙⲓ ⲉ̀ϯ ⲛⲱⲟⲩ ⲛ̀ϩⲁⲛϩ̀ⲑⲱⲣ ⲛⲉⲙ ⲟⲩⲛⲓϣϯ ⲛ̀ⲙⲏϣ ⲙⲏ ⲉϥⲉ̀ϣ̀ⲥⲟⲩⲧⲱⲛ ⲓⲉ ⲉϥⲉ̀ϣ̀ⲟⲩϫⲁⲓ ⲛ̀ϫⲉ ⲫⲏⲉⲧⲓ̀ⲣⲓ ⲛ̀ⲛⲓⲡⲉⲧϩⲱⲟⲩ ⲟⲩⲟϩ ⲉϥⲉⲣⲡⲁⲣⲁⲃⲉⲛⲓⲛ ⲛ̀ⲟⲩⲇⲓⲁ̀ⲑⲏⲕⲏ ⲛ̀ⲛⲉϥⲛⲟϩⲉⲙ.	Ouoh efèrakts savol m̀mof èθrefouōrp m̀mos èp̀ṡōi èkymi èti nōou ǹhanh̀θōr nem ouniṡti ǹmyṡ my efèṡ̀soutōn ie efèṡ̀ougai ǹje fyetìri ǹnipet·hōou ouoh eferparabenin ǹouḋiàθyky ǹnefnohem.	And if he shall revolt from him, to send his messengers into Egypt, that they may give him horses and much people; shall he prosper? shall he that acts as an adversary be preserved? and shall he that transgresses the covenant be preserved?
17:16	ϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ϫⲉⲛ̀ϩ̀ⲣⲏⲓ ⲙ̀ⲫ̀ⲙⲁ ⲙ̀ⲡⲓⲟⲩⲣⲟ ⲫⲏⲉⲧⲁϥⲁⲓϥ ⲛ̀ⲟⲩⲣⲟ ⲉ̀ⲁϥϣⲱϣ ⲙ̀ⲡⲁⲁ̀ⲛⲁϣ ⲟⲩⲟϩ ⲁϥⲉⲣⲡⲁⲣⲁⲃⲉⲛⲓⲛ ⲛ̀ⲧⲁⲇⲓⲁ̀ⲑⲏⲕⲏ ⲑⲏⲉⲑⲛⲉⲙⲁϥ ⲉϥⲉ̀ⲙⲟⲩ ϧⲉⲛⲑ̀ⲙⲏϯ ⲛ̀ⲑ̀ⲃⲁⲃⲩⲗⲱⲛ .	Ϯⲟⲛϧ ⲁ̀ⲛⲟⲕ ⲡⲉϫⲉ ⲡ̀ϭⲟⲓⲥ ϫⲉ ⲛ̀ϩ̀ⲣⲏⲓ ⲛ̀ⲫ̀ⲙⲁ ⲛ̀ⲡ̀ⲟⲩⲣⲟ ⲫⲏⲉⲧⲁϥⲁⲓϥ ⲛ̀ⲟⲩⲣⲟ ⲉ̀ⲁϥϣⲱϣ ⲛ̀ⲡⲁⲁ̀ⲛⲁϣ ⲟⲩⲟϩ ⲁϥⲉⲣⲡⲁⲣⲁⲃⲉⲛⲓⲛ ⲛ̀ⲧⲁⲇⲓⲁ̀ⲑⲏⲕⲏ ⲑⲏⲉⲑⲛⲉⲙⲁϥ ⲉϥⲉ̀ⲙⲟⲩ ϧⲉⲛ ⲑ̀ⲙⲏϯ ⲛ̀ⲑ̀ⲃⲁⲃⲩⲗⲱⲛ.	Tionx ànok peje p̀ċois je ǹh̀ryi ǹf̀ma ǹp̀ouro fyetafaif ǹouro èafṡōṡ ǹpaànaṡ ouoh aferparabenin ǹtaḋiàθyky θyeθnemaf efèmou xen θ̀myti ǹθ̀babilōn.	As I live, saith the Lord, verily in the place where the king is that made him king, who dishonoured my oath, and who broke my covenant, shall he die with him in the midst of Babylon.
17:17	ϧⲉⲛⲟⲩⲛⲓϣϯ ⲛ̀ϫⲟⲙ ⲁⲛ ⲟⲩⲇⲉ ϧⲉⲛⲟⲩⲛⲓϣϯ ⲙ̀ⲙⲏϣ ⲁⲛ ⲉϥⲉ̀ⲓ̀ⲣⲓ ⲛⲉⲙⲁϥ ⲛ̀ϫⲉⲫⲁⲣⲁⲱ̀ ⲛ̀ⲟⲩⲛⲓϣϯ ⲙ̀ⲡⲟⲗⲉⲙⲟⲥ ⲉⲑⲣⲉϥⲥⲉⲙⲛⲉ ⲛ̀ⲟⲩⲣⲱⲛ ϩⲓⲣⲱϥ ⲟⲩⲟϩ ⲉϥⲉ̀ⲕⲱⲧ ⲛ̀ϩⲁⲛⲙⲁⲛ̀ⲭⲁⲥⲟⲑⲛⲉϥ ⲉⲑⲣⲉϥⲱⲗⲓ ⲙ̀ⲙⲁⲩ ⲛ̀ϩⲁⲛⲯⲩⲭⲏ .	Ϧⲉⲛ ⲟⲩⲛⲓϣϯ ⲛ̀ϫⲟⲙ ⲁⲛ ⲟⲩⲇⲉ ϧⲉⲛ ⲟⲩⲛⲓϣϯ ⲛ̀ⲙⲏϣ ⲁⲛ ⲉϥⲉ̀ⲓ̀ⲣⲓ ⲛⲉⲙⲁϥ ⲛ̀ϫⲉ ⲫⲁⲣⲁⲱ̀ ⲛ̀ⲟⲩⲛⲓϣϯ ⲛ̀ⲡⲟⲗⲉⲙⲟⲥ ⲉ̀ⲑⲣⲉϥⲥⲉⲙⲛⲉ ⲛ̀ⲟⲩⲣⲱⲛ ϩⲓⲣⲱϥ ⲟⲩⲟϩ ⲉϥⲉ̀ⲕⲱⲧ ⲛ̀ϩⲁⲛⲙⲁⲛ̀ⲭⲁⲥⲟⲑⲛⲉϥ ⲉ̀ⲑⲣⲉϥⲱ̀ⲗⲓ ⲙ̀ⲙⲁⲩ ⲛ̀ϩⲁⲛⲯⲩⲭⲏ.	Xen ouniṡti ǹgom an ouḋe xen ouniṡti ǹmyṡ an efèìri nemaf ǹje faraṑ ǹouniṡti ǹpolemos èθrefsemne ǹourōn hirōf ouoh efèkōt ǹhanmaǹkasoθnef èθrefṑli m̀mav ǹhanpsiṡy.	And Pharaoh shall make war upon him not with a large force or great multitude, in throwing up a mound, and in building of forts, to cut off souls.
17:18	ⲁϥⲱϣ ⲙ̀ⲡⲁⲁ̀ⲛⲁϣ ⲉⲑⲣⲉϥⲉⲣⲡⲁⲣⲁⲃⲉⲛⲓⲛ ⲛ̀ⲧⲁⲇⲓⲁ̀ⲑⲏⲕⲏ ⲟⲩⲟϩ ϩⲏⲡⲡⲉ ⲁⲓⲧⲏⲓϥ ⲛ̀ⲧⲟⲧϥ ⲁϥⲓ̀ⲣⲓ ⲛ̀ⲛⲁⲓ ⲧⲏⲣⲟⲩ ⲛⲁϥ ⲙⲏ ⲉϥⲉ̀ϣ̀ⲛⲟϩⲉⲙ .	Ⲁϥⲱϣ ⲛ̀ⲡⲁⲁ̀ⲛⲁϣ ⲉ̀ⲑⲣⲉϥⲉⲣⲡⲁⲣⲁⲃⲉⲛⲓⲛ ⲛ̀ⲧⲁⲇⲓⲁ̀ⲑⲏⲕⲏ ⲟⲩⲟϩ ϩⲏⲡⲡⲉ ⲁⲓⲧⲏⲓϥ ⲛ̀ⲧⲟⲧϥ ⲁϥⲓ̀ⲣⲓ ⲛ̀ⲛⲁⲓ ⲧⲏⲣⲟⲩ ⲛⲁϥ ⲙⲏ ⲉϥⲉ̀ϣ̀ⲛⲟϩⲉⲙ.	Afōṡ ǹpaànaṡ èθreferparabenin ǹtaḋiàθyky ouoh hyppe aityif ǹtotf afìri ǹnai tyrou naf my efèṡ̀nohem.	Whereas he has profaned the oath so as to break the covenant, when, behold, I engage his hand, and he has done all these things to him, he shall not escape.
17:19	ⲉⲑⲃⲉⲫⲁⲓ ⲁ̀ϫⲟⲥ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϯⲟⲛϧ ⲁ̀ⲛⲟⲕ ϫⲉⲡⲁⲁ̀ⲛⲁϣ ⲉⲧⲁϥϣⲱϣϥ ⲟⲩⲟϩ ⲧⲁⲇⲓⲁ̀ⲑⲏⲕⲏ ⲉⲧⲁϥⲉⲣⲡⲁⲣⲁⲃⲉⲛⲓⲛ ⲙ̀ⲙⲟⲥ ⲉⲓⲉ̀ⲉⲛⲟⲩ ⲉ̀ϫⲉⲛⲧⲉϥⲁ̀ⲫⲉ .	Ⲉⲑⲃⲉ ⲫⲁⲓ ⲁ̀ϫⲟⲥ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϯⲟⲛϧ ⲁ̀ⲛⲟⲕ ϫⲉ ⲡⲁⲁ̀ⲛⲁϣ ⲉⲧⲁϥϣⲱϣϥ ⲟⲩⲟϩ ⲧⲁⲇⲓⲁ̀ⲑⲏⲕⲏ ⲉⲧⲁϥⲉⲣⲡⲁⲣⲁⲃⲉⲛⲓⲛ ⲙ̀ⲙⲟⲥ ⲉⲓⲉ̀ⲉⲛⲟⲩ ⲉ̀ϫⲉⲛ ⲧⲉϥⲁ̀ⲫⲉ.	Eθve fai àgos je nai ne nyètefgō m̀mōou ǹje p̀ċois je tionx ànok je paànaṡ etafṡōṡf ouoh taḋiàθyky etaferparabenin m̀mos eièenou èjen tefàfe.	Therefore say, Thus saith the Lord; As I live, surely mine oath which he has profaned, and my covenant which he has transgressed, I will even recompense it upon his head.
17:20	ⲟⲩⲟϩ ⲉⲓⲉ̀ⲫⲱⲣϣ ⲛ̀ⲧⲁⲥⲁⲅⲏⲛⲓ ⲉ̀ⲃⲟⲗ ⲉ̀ϫⲱϥ ⲉⲩⲉ̀ⲧⲁϩⲟϥ ϧⲉⲛⲡⲓⲙⲁ ⲉ̀ⲛⲁϥⲟⲣϥ ⲉ̀ϧⲟⲩⲛ ⲉ̀ⲣⲟϥ .	Ⲟⲩⲟϩ ⲉⲓⲉ̀ⲫⲱⲣϣ ⲛ̀ⲧⲁⲥⲁⲅⲏⲛⲓ ⲉ̀ⲃⲟⲗ ⲉ̀ϫⲱϥ ⲉⲩⲉ̀ⲧⲁϩⲟϥ ϧⲉⲛ ⲡⲓⲙⲁ ⲉ̀ⲛⲁϥⲟⲣϥ ⲉ̀ϧⲟⲩⲛ ⲉ̀ⲣⲟϥ.	Ouoh eièfōrṡ ǹtasagyni èvol ègōf evètahof xen pima ènaforf èxoun èrof.	And I will spread a net upon him, and he shall be caught in its snare.
17:21	ⲉⲩⲉ̀ϩⲉⲓ ϧⲉⲛⲧ̀ⲥⲏϥⲓ ⲟⲩⲟϩ ⲛⲏⲉⲑⲛⲁⲥⲱϫⲡ ⲉⲓⲉ̀ϫⲟⲣⲟⲩ ⲉ̀ⲃⲟⲗ ⲛⲉⲙⲑⲏⲟⲩ ⲛⲓⲃⲉⲛ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲡⲉⲧⲁⲓⲥⲁϫⲓ .	Ⲉⲩⲉ̀ϩⲉⲓ ϧⲉⲛ ⲧ̀ⲥⲏϥⲓ ⲟⲩⲟϩ ⲛⲏⲉⲑⲛⲁⲥⲱϫⲡ ⲉⲓⲉ̀ϫⲟⲣⲟⲩ ⲉ̀ⲃⲟⲗ ⲛⲉⲙ ⲑⲏⲟⲩ ⲛⲓⲃⲉⲛ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲁⲓⲥⲁϫⲓ.	Evèhei xen t̀syfi ouoh nyeθnasōgp eiègorou èvol nem θyou niven èretenèmi je ànok pe p̀ċois petaisaji.	In every battle of his they shall fall by the sword, and I will scatter his remnant to every wind: and ye shall know that I the Lord have spoken it.
17:22	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϯⲛⲁϭⲓ ⲉ̀ⲃⲟⲗϧⲉⲛ ⲛⲓⲥⲱⲧⲡ ⲛ̀ⲧ̀ⲕⲉⲇⲣⲟⲥ ϧⲉⲛⲧ̀ⲁ̀ⲫⲉ ⲙ̀ⲡⲟⲩϩⲏⲧ ϯⲛⲁⲥⲱⲗⲡ ⲟⲩⲟϩ ⲉⲓⲉ̀ⲧⲱϫϥ ⲁ̀ⲛⲟⲕ ϩⲓϫⲉⲛⲟⲩⲧⲱⲟⲩ ⲉϥϭⲟⲥⲓ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϯⲛⲁϭⲓ ⲉ̀ⲃⲟⲗ ϧⲉⲛ ⲛⲓⲥⲱⲧⲡ ⲛ̀ⲧ̀ⲕⲉⲇⲣⲟⲥ ϧⲉⲛ ⲧ̀ⲁ̀ⲫⲉ ⲛ̀ⲡⲟⲩϩⲏⲧ ϯⲛⲁⲥⲱⲗⲡ ⲟⲩⲟϩ ⲉⲓⲉ̀ⲧⲱϫϥ ⲁ̀ⲛⲟⲕ ϩⲓϫⲉⲛ ⲟⲩⲧⲱⲟⲩ ⲉϥϭⲟⲥⲓ.	Eθve fai nai ne nyètefgō m̀mōou ǹje p̀ċois je tinaċi èvol xen nisōtp ǹt̀keḋros xen t̀àfe ǹpouhyt tinasōlp ouoh eiètōgf ànok hijen outōou efċosi.	For thus saith the Lord; I will even take of the choice branches of the cedar from the top thereof, I will crop off their hearts, and I will plant it on a high mountain:
17:23	ⲟⲩⲟϩ ϯⲛⲁⲁϣϥ ϧⲉⲛⲟⲩⲧⲱⲟⲩ ⲉϥϭⲟⲥⲓ ⲛ̀ⲧⲉⲡⲏⲓ ⲙ̀ⲡⲓ̅ⲥ̅ⲗ̅ ⲟⲩⲟϩ ⲉⲓⲉ̀ⲧⲱϫϥ ⲉϥⲉ̀ϯⲟⲩⲱ̀ ⲉϥⲉ̀ⲓ̀ⲣⲓ ⲛ̀ϩⲁⲛϫⲁⲗ ⲟⲩⲟϩ ⲉϥⲉ̀ⲓ̀ⲛⲓ ⲛ̀ⲟⲩⲕⲁⲣⲡⲟⲥ ⲉϥⲉ̀ϣⲱⲡⲓ ⲛ̀ⲟⲩⲛⲓϣϯ ⲛ̀ⲕⲉⲇⲣⲟⲥ ⲟⲩⲟϩ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϧⲁⲣⲟϥ ⲛ̀ϫⲉⲑⲏⲣⲓⲟⲛ ⲛⲓⲃⲉⲛ ⲛⲉⲙϩⲁⲗⲁϯ ⲛⲓⲃⲉⲛ ⲉⲩⲉ̀ϣⲱⲡⲓ ϧⲁⲧⲉϥϧⲏⲓⲃⲓ ⲛ̀ϫⲉⲛⲓϩⲁⲗⲁϯ ⲧⲏⲣⲟⲩ ⲛⲉϥϫⲁⲗ ⲉⲩⲉ̀ⲑⲱⲟⲩϯ ⲉ̀ϧⲟⲩⲛ .	Ⲟⲩⲟϩ ϯⲛⲁⲁϣϥ ϧⲉⲛ ⲟⲩⲧⲱⲟⲩ ⲉϥϭⲟⲥⲓ ⲛ̀ⲧⲉ ⲡ̀ⲏⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲓⲉ̀ⲧⲱϫϥ ⲉϥⲉ̀ϯⲟⲩⲱ̀ ⲉϥⲉ̀ⲓ̀ⲣⲓ ⲛ̀ϩⲁⲛϫⲁⲗ ⲟⲩⲟϩ ⲉϥⲉ̀ⲓ̀ⲛⲓ ⲛ̀ⲟⲩⲕⲁⲣⲡⲟⲥ ⲉϥⲉ̀ϣⲱⲡⲓ ⲛ̀ⲟⲩⲛⲓϣϯ ⲛ̀ⲕⲉⲇⲣⲟⲥ ⲟⲩⲟϩ ⲉⲩⲉ̀ⲙ̀ⲧⲟⲛ ⲙ̀ⲙⲱⲟⲩ ϧⲁⲣⲟϥ ⲛ̀ϫⲉ ⲑⲏⲣⲓⲟⲛ ⲛⲓⲃⲉⲛ ⲛⲉⲙ ϩⲁⲗⲁϯ ⲛⲓⲃⲉⲛ ⲉⲩⲉ̀ϣⲱⲡⲓ ϧⲁ ⲧⲉϥϧⲏⲓⲃⲓ ⲛ̀ϫⲉ ⲛⲓϩⲁⲗⲁϯ ⲧⲏⲣⲟⲩ ⲛⲉϥϫⲁⲗ ⲉⲩⲉ̀ⲑⲱⲟⲩϯ ⲉ̀ϧⲟⲩⲛ.	Ouoh tinaaṡf xen outōou efċosi ǹte p̀yi ǹpisrayl ouoh eiètōgf efètiouṑ efèìri ǹhangal ouoh efèìni ǹoukarpos efèṡōpi ǹouniṡti ǹkeḋros ouoh evèm̀ton m̀mōou xarof ǹje θyrion niven nem halati niven evèṡōpi xa tefxyivi ǹje nihalati tyrou nefgal evèθōouti èxoun.	and I will hang it on a lofty mountain of Israel: yea, I will plant it, and it shall put forth shoots, and shall bear fruit, and it shall be a great cedar: and every bird shall rest beneath it, even every fowl shall rest under its shadow: its branches shall be restored.
17:24	ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉⲛⲓϣ̀ϣⲏⲛ ⲧⲏⲣⲟⲩ ⲛ̀ⲧⲉⲧ̀ⲕⲟⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲉⲓⲉ̀ⲑⲉⲃⲓⲟ ⲛ̀ⲛⲓϣ̀ϣⲏⲛ ⲛⲉⲧϭⲟⲥⲓ ⲟⲩⲟϩ ⲉⲓⲉ̀ϭⲓⲥⲓ ⲙ̀ⲡⲓϣ̀ϣⲏⲛ ⲉⲧⲑⲉⲃⲓⲏⲟⲩⲧ ⲉⲣⲉⲡⲓϣⲉ ⲉⲧⲟⲩⲉⲧⲟⲩⲱⲧ ϣⲱⲟⲩⲓ̀ ⲟⲩⲟϩ ⲉⲣⲉⲡⲓϣⲱⲟⲩⲓ̀ ϯⲟⲩⲱ̀ ⲉ̀ⲃⲟⲗ ⲁ̀ⲛⲟⲕ ⲡⲉ ⲡϭ̅ⲥ̅ ⲁⲓⲥⲁϫⲓ ⲟⲩⲟϩ ⲉⲓⲉ̀ⲓ̀ⲣⲓ .	Ⲟⲩⲟϩ ⲉⲩⲉ̀ⲉ̀ⲙⲓ ⲛ̀ϫⲉ ⲛⲓϣ̀ϣⲏⲛ ⲧⲏⲣⲟⲩ ⲛ̀ⲧⲉ ⲧ̀ⲕⲟⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲉⲓⲉ̀ⲑⲉⲃⲓⲟ ⲛ̀ⲛⲓϣ̀ϣⲏⲛ ⲛ̀ⲉⲧϭⲟⲥⲓ ⲟⲩⲟϩ ⲉⲓⲉ̀ϭⲓⲥⲓ ⲛ̀ⲡⲓϣ̀ϣⲏⲛ ⲉⲧⲑⲉⲃⲓⲏⲟⲩⲧ ⲉ̀ⲣⲉ ⲡⲓϣⲉ ⲉⲧⲟⲩⲉⲧⲟⲩⲱⲧ ϣⲱⲟⲩⲓ̀ ⲟⲩⲟϩ ⲉ̀ⲣⲉ ⲡⲓϣⲱⲟⲩⲓ̀ ϯⲟⲩⲱ̀ ⲉ̀ⲃⲟⲗ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲁⲓⲥⲁϫⲓ ⲟⲩⲟϩ ⲉⲓⲉ̀ⲓ̀ⲣⲓ.	Ouoh evèèmi ǹje niṡ̀ṡyn tyrou ǹte t̀koi je ànok pe p̀ċois eièθevio ǹniṡ̀ṡyn ǹetċosi ouoh eièċisi ǹpiṡ̀ṡyn etθeviyout ère piṡe etouetouōt ṡōouì ouoh ère piṡōouì tiouṑ èvol ànok pe p̀ċois aisaji ouoh eièìri.	And all the trees of the field shall know that I am the Lord that bring low the high tree, and exalt the low tree, and wither the green tree, and cause the dry tree to flourish: I the Lord have spoken, and will do it.

Provenance

title: 26_Ezechiel_17
dialect: bohairic
source: Coptic SCRIPTORIUM corpus "bohairic.ot", document 26_Ezechiel_17
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_17 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/17.bohairic.scriptorium.L0.txt
title: 26_Ezechiel_17 — Cairene
dialect: bohairic
source: generated from 17.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_17)
licence: CC BY-SA 4.0
share: attribution
attribution: 26_Ezechiel_17 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/17.bohairic.scriptorium.L1.txt
title: 26_Ezechiel_17 — Kemetic
dialect: bohairic
source: generated from 17.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_17 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/17.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 22 quoted · 0 quoted with the alignment not cross-checked · 2 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_17 (22 lines)

Cite as:

26_Ezechiel_17. Coptic SCRIPTORIUM corpus "bohairic.ot", document 26_Ezechiel_17. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/17.bohairic.scriptorium/. 26_Ezechiel_17 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.