18_Iob_13 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 18_Iob_13

Attribution: 18_Iob_13 from Coptic SCRIPTORIUM (https://copticscriptorium.org), corpus bohairic.ot, document 18_Iob_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

28 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
13:1	ϩⲏⲡⲡⲉ ⲓⲥ ⲛⲁⲓ ⲁϥⲛⲁⲩ ⲉ̀ⲣⲱⲟⲩ ⲛ̀ϫⲉⲡⲁⲃⲁⲗ : ⲟⲩⲟϩ ⲁϥⲥⲟⲑⲙⲟⲩ ⲛ̀ϫⲉⲡⲁⲙⲁϣϫ .	ϩⲏⲡⲡⲉ ⲓⲥ ⲛⲁⲓ ⲁϥⲛⲁⲩ ⲉ̀ⲣⲱⲟⲩ ⲛ̀ϫⲉ ⲡⲁⲃⲁⲗ: ⲟⲩⲟϩ ⲁϥⲥⲟⲑⲙⲟⲩ ⲛ̀ϫⲉ ⲡⲁⲙⲁϣϫ.	hyppe is nai afnav èrōou ǹje paval: ouoh afsoθmou ǹje pamaṡg.	Behold, mine eye has seen these things, and mine ear has heard them.
13:2	ⲟⲩⲟϩ ϯⲥⲱⲟⲩⲛ ϩⲱ ⲛ̀ⲛⲏⲉⲧⲉⲧⲉⲛⲥⲱⲟⲩⲛ ⲙ̀ⲙⲱⲟⲩ ⲟⲩⲟϩ ϯⲟⲓ ⲛ̀ⲁⲧⲕⲁϯ ⲁⲛ ⲉϩⲟⲧⲉⲣⲱⲧⲉⲛ .	Ⲟⲩⲟϩ ϯⲥⲱⲟⲩⲛ ϩⲱ ⲛ̀ⲛⲏⲉⲧⲉⲧⲉⲛⲥⲱⲟⲩⲛ ⲙ̀ⲙⲱⲟⲩ ⲟⲩⲟϩ ϯⲟⲓ ⲛ̀ⲁⲧⲕⲁϯ ⲁⲛ ⲉ̀ϩⲟⲧⲉⲣⲱⲧⲉⲛ.	Ouoh tisōoun hō ǹnyetetensōoun m̀mōou ouoh tioi ǹatkati an èhoterōten.	And I know all that ye too know; and I have not less understanding than you.
13:3	ⲙ̀ⲙⲟⲛ ⲟⲩⲥ̀ⲙⲏ ⲇⲉ ⲁⲗⲗⲁ ⲁ̀ⲛⲟⲕ ϯⲛⲁⲥⲁϫⲓ ⲛⲁϩⲣⲉⲛ ⲡϭ̅ⲥ̅ : ϯⲛⲁⲥⲟϩⲓ ⲇⲉ ⲙ̀ⲡⲉϥⲙ̀ⲑⲟ ⲓⲥϫⲉ ϥ̀ⲛⲁⲟⲩⲱϣ .	Ⲙ̀ⲙⲟⲛ ⲟⲩⲥ̀ⲙⲏ ⲇⲉ ⲁⲗⲗⲁ ⲁ̀ⲛⲟⲕ ϯⲛⲁⲥⲁϫⲓ ⲛⲁϩⲣⲉⲛ ⲡ̀ϭⲟⲓⲥ: ϯⲛⲁⲥⲟϩⲓ ⲇⲉ ⲛ̀ⲡⲉϥⲙ̀ⲑⲟ ⲓⲥϫⲉ ϥ̀ⲛⲁⲟⲩⲱϣ.	M̀mon ous̀my ḋe alla ànok tinasaji nahren p̀ċois: tinasohi ḋe ǹpefm̀θo isje f̀naouōṡ.	Nevertheless I will speak to the Lord, and I will reason before him, if he will.
13:4	ⲛ̀ⲑⲱⲧⲉⲛ ⲇⲉ ⲛ̀ⲑⲱⲧⲉⲛ ⲛ̀ϩⲁⲛⲥⲏⲓⲛⲓ ⲛ̀ⲣⲉϥϭⲓⲛ̀ϫⲟⲛⲥ ⲛⲉⲙϩⲁⲛⲣⲉϥⲧⲁⲗϭⲟ ⲛ̀ⲧⲉⲛⲓⲡⲉⲧϩⲱⲟⲩ ⲧⲏⲣⲟⲩ .	Ⲛ̀ⲑⲱⲧⲉⲛ ⲇⲉ ⲛ̀ⲑⲱⲧⲉⲛ ⲛ̀ϩⲁⲛⲥⲏⲓⲛⲓ ⲛ̀ⲣⲉϥϭⲓⲛ̀ϫⲟⲛⲥ ⲛⲉⲙ ϩⲁⲛⲣⲉϥⲧⲁⲗϭⲟ ⲛ̀ⲧⲉ ⲛⲓⲡⲉⲧϩⲱⲟⲩ ⲧⲏⲣⲟⲩ.	Ǹθōten ḋe ǹθōten ǹhansyini ǹrefċiǹgons nem hanreftalċo ǹte nipet·hōou tyrou.	But ye are all bad physicians, and healers of diseases.
13:5	ⲉⲥⲉ̀ϣⲱⲡⲓ ⲇⲉ ⲛⲱⲧⲉⲛ ⲉⲣⲉⲧⲉⲛⲉ̀ⲭⲁⲣⲱⲧⲉⲛ ⲟⲩⲟϩ ⲉⲥⲉ̀ⲓ̀ ⲛⲱⲧⲉⲛ ⲉ̀ⲃⲟⲗ ⲛ̀ϫⲉⲟⲩⲥⲟⲫⲓⲁ .	Ⲉⲥⲉ̀ϣⲱⲡⲓ ⲇⲉ ⲛⲱⲧⲉⲛ ⲉ̀ⲣⲉ ⲧⲉⲛⲉ̀ⲭⲁⲣⲱⲧⲉⲛ ⲟⲩⲟϩ ⲉ̀ⲥⲉ̀ⲓ̀ ⲛⲱⲧⲉⲛ ⲉ̀ⲃⲟⲗ ⲛ̀ϫⲉ ⲟⲩⲥⲟⲫⲓⲁ.	Esèṡōpi ḋe nōten ère tenèkarōten ouoh èsèì nōten èvol ǹje ousofia.	But would that ye were silent, and it would be wisdom to you in the end.
13:6	ⲥⲱⲧⲉⲙ ⲉ̀ⲡⲓⲥⲟϩⲓ ⲛ̀ⲧⲉⲣⲱⲓ ⲟⲩⲟϩ ⲙⲁϩ̀ⲑⲏⲧⲉⲛ ⲉ̀ⲡ̀ϩⲁⲡ ⲛ̀ⲧⲉⲛⲁⲥ̀ⲫⲟⲧⲟⲩ .	Ⲥⲱⲧⲉⲙ ⲉ̀ⲡⲓⲥⲟϩⲓ ⲛ̀ⲧⲉ ⲣⲱⲓ ⲟⲩⲟϩ ⲙⲁϩ̀ⲑⲏⲧⲉⲛ ⲉ̀ⲡ̀ϩⲁⲡ ⲛ̀ⲧⲉ ⲛⲁⲥ̀ⲫⲟⲧⲟⲩ.	Sōtem èpisohi ǹte rōi ouoh mah̀θyten èp̀hap ǹte nas̀fotou.	But hear ye the reasoning of my mouth, and attend to the judgment of my lips.
13:7	ⲙⲏ ⲁⲣⲉⲧⲉⲛⲥⲁϫⲓ ⲁⲛ ⲙ̀ⲡⲉⲙ̀ⲑⲟ ⲙ̀ⲡϭ̅ⲥ̅ : ⲧⲉⲧⲉⲛⲛⲁϫⲉ ⲟⲩⲭ̀ⲣⲟϥ ⲇⲉ ⲙ̀ⲡⲉϥⲙ̀ⲑⲟ .	Ⲙⲏ ⲁⲣⲉⲧⲉⲛⲥⲁϫⲓ ⲁⲛ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ: ⲧⲉⲧⲉⲛⲛⲁϫⲉ ⲟⲩⲭ̀ⲣⲟϥ ⲇⲉ ⲛ̀ⲡⲉϥⲙ̀ⲑⲟ.	My aretensaji an ǹpem̀θo ǹp̀ċois: tetennaje ouk̀rof ḋe ǹpefm̀θo.	Do ye not speak before the Lord, and utter deceit before him?
13:8	ⲓⲉ ⲧⲉⲧⲉⲛⲭⲁⲣⲱⲧⲉⲛ:ⲛ̀ⲑⲱⲧⲉⲛ ⲇⲉ ⲁⲣⲓⲣⲉϥϯϩⲁⲡ .	Ⲓⲉ ⲧⲉⲧⲉⲛⲭⲁⲣⲱⲧⲉⲛ: ⲛ̀ⲑⲱⲧⲉⲛ ⲇⲉ ⲁⲣⲓⲣⲉϥϯϩⲁⲡ.	Ie tetenkarōten: ǹθōten ḋe arireftihap.	Or will ye draw back? nay do, ye yourselves be judges.
13:9	ⲛⲁⲛⲉⲥ ⲇⲉ ⲉϣⲱⲡ ⲛ̀ⲧⲉϥϧⲉⲧϧⲉⲧ ⲑⲏⲛⲟⲩ : ⲉϣⲱⲡ ⲅⲁⲣ ⲉⲣⲉⲧⲉⲛⲓ̀ⲣⲓ ⲛ̀ϩⲱⲃ ⲛⲓⲃⲉⲛ ⲉⲧⲟⲩⲛⲁⲟⲩⲁϩ ⲑⲏⲛⲟⲩ ⲉ̀ⲣⲱⲟⲩ ϥ̀ⲛⲁⲥⲟϩⲓ ⲙ̀ⲙⲱⲧⲉⲛ ϧⲉⲛⲟⲩⲥ̀ⲃⲟⲕ ⲁⲛ .	Ⲛⲁⲛⲉⲥ ⲇⲉ ⲉϣⲱⲡ ⲛ̀ⲧⲉϥϧⲉⲧϧⲉⲧ ⲑⲏⲛⲟⲩ: ⲉϣⲱⲡ ⲅⲁⲣ ⲉ̀ⲣⲉⲧⲉⲛⲓ̀ⲣⲓ ⲛ̀ϩⲱⲃ ⲛⲓⲃⲉⲛ ⲉⲧⲟⲩⲛⲁⲟⲩⲁϩ ⲑⲏⲛⲟⲩ ⲉ̀ⲣⲱⲟⲩ ϥ̀ⲛⲁⲥⲟϩⲓ ⲙ̀ⲙⲱⲧⲉⲛ ϧⲉⲛ ⲟⲩⲥ̀ⲃⲟⲕ ⲁⲛ.	Nanes ḋe eṡōp ǹtefxetxet θynou: eṡōp ġar èretenìri ǹhōb niven etounaouah θynou èrōou f̀nasohi m̀mōten xen ous̀vok an.	For it were well if he would thoroughly search you: for though doing all things in your power ye should attach yourselves to him,
13:10	ⲉϣⲱⲡ ⲇⲉ ⲛ̀ⲧⲉⲧⲉⲛϫⲟⲩϣⲧ ⲉ̀ϩⲟ ϧⲉⲛⲡⲉⲧϩⲏⲡ .	Ⲉϣⲱⲡ ⲇⲉ ⲛ̀ⲧⲉⲧⲉⲛϫⲟⲩϣⲧ ⲉ̀ϩⲟ ϧⲉⲛ ⲡⲉⲧϩⲏⲡ.	Eṡōp ḋe ǹtetengouṡt èho xen pet·hyp.	he will not reprove you at all the less: but if moreover ye should secretly respect persons,
13:11	ⲙⲏ ⲥ̀ⲛⲁϣ̀ⲑⲉⲣⲧⲉⲣ ⲑⲏⲛⲟⲩ ⲁⲛ ⲛ̀ϫⲉⲧⲉϥϩⲉⲗⲓ .	Ⲙⲏ ⲥ̀ⲛⲁϣ̀ⲑⲉⲣⲧⲉⲣ ⲑⲏⲛⲟⲩ ⲁⲛ ⲛ̀ϫⲉ ⲧⲉϥϩⲉⲗⲓ.	My s̀naṡ̀θerter θynou an ǹje tefheli.	shall not his whirlpool sweep you round, and terror from him fall upon you?
13:12	ⲟⲩϩⲟϯ ⲇⲉ ⲉⲥⲉ̀ⲓ̀ ⲉ̀ϫⲉⲛⲑⲏⲛⲟⲩ ⲉ̀ⲃⲟⲗϩⲓⲧⲟⲧϥ : ⲉϥⲉ̀ϣⲱⲡⲓ ⲛ̀ϫⲉⲡⲉⲧⲉⲛϣⲟⲩϣⲟⲩ ⲙ̀ⲫ̀ⲣⲏϯ ⲙ̀ⲡⲓⲕⲉⲣⲙⲓ : ⲡⲉⲧⲉⲛⲥⲱⲙⲁ ⲇⲉ ⲉϥⲉ̀ⲉⲣⲕⲁϩⲓ .	Ⲟⲩϩⲟϯ ⲇⲉ ⲉ̀ⲥⲉ̀ⲓ̀ ⲉ̀ϫⲉⲛ ⲑⲏⲛⲟⲩ ⲉ̀ⲃⲟⲗ ϩⲓⲧⲟⲧϥ: ⲉϥⲉ̀ϣⲱⲡⲓ ⲛ̀ϫⲉ ⲡⲉⲧⲉⲛϣⲟⲩϣⲟⲩ ⲛ̀ⲫ̀ⲣⲏϯ ⲛ̀ⲡⲓⲕⲉⲣⲙⲓ: ⲡⲉⲧⲉⲛⲥⲱⲙⲁ ⲇⲉ ⲉϥⲉ̀ⲉⲣⲕⲁϩⲓ.	Ouhoti ḋe èsèì èjen θynou èvol hitotf: efèṡōpi ǹje petenṡouṡou ǹf̀ryti ǹpikermi: petensōma ḋe efèerkahi.	And your glorying shall prove in the end to you like ashes, and your body like a body of clay.
13:13	ⲭⲁⲣⲱⲧⲉⲛ ϩⲓⲛⲁ ⲛ̀ⲧⲁⲥⲁϫⲓ ⲟⲩⲟϩ ⲛ̀ⲧⲁⲙ̀ⲧⲟⲛ ⲙ̀ⲙⲟⲓ ⲉ̀ⲃⲟⲗϩⲁ ⲟⲩϫⲱⲛⲧ .	Ⲭⲁⲣⲱⲧⲉⲛ ϩⲓⲛⲁ ⲛ̀ⲧⲁⲥⲁϫⲓ ⲟⲩⲟϩ ⲛ̀ⲧⲁⲙ̀ⲧⲟⲛ ⲙ̀ⲙⲟⲓ ⲉ̀ⲃⲟⲗϩⲁ ⲟⲩϫⲱⲛⲧ.	Karōten hina ǹtasaji ouoh ǹtam̀ton m̀moi èbolha ougōnt.	Be silent, that I may speak, and cease from mine anger,
13:14	ⲉⲁⲓϭⲓ ⲛ̀ⲛⲁⲥⲁⲣⲝ ϧⲉⲛⲛⲁϣⲟⲗ: ⲧⲁⲯⲩⲭⲏ ⲇⲉ ϯⲛⲁⲭⲁⲥ ϧⲉⲛⲛⲁϫⲓϫ .	Ⲉⲁⲓϭⲓ ⲛ̀ⲛⲁⲥⲁⲣⲝ ϧⲉⲛⲛⲁϣⲟⲗ: ⲧⲁⲯⲩⲭⲏ ⲇⲉ ϯⲛⲁⲭⲁⲥ ϧⲉⲛ ⲛⲁϫⲓϫ.	Eaiċi ǹnasarks xennaṡol: tapsiṡy ḋe tinaxas xen najig.	while I may take my flesh in my teeth, and put my life in my hand.
13:15	ⲉϣⲱⲡ ⲛ̀ⲧⲉϥϧⲟⲑⲃⲉⲧ ⲛ̀ϫⲉⲫⲏⲉⲧⲉ ⲟⲩⲟⲛϣ̀ϫⲟⲙ ⲙ̀ⲙⲟϥ : ⲉⲡⲓⲇⲏ ⲁϥⲉⲣⲡ̀ⲕⲉ ⲉⲣϩⲏⲧⲥ ⲙ̀ⲙⲟⲛ ϯⲛⲁⲥⲁϫⲓ ⲟⲩⲟϩ ϯⲛⲁⲥⲟϩⲓ ⲙ̀ⲡⲉϥⲙ̀ⲑⲟ .	Ⲉϣⲱⲡ ⲛ̀ⲧⲉϥϧⲟⲑⲃⲉⲧ ⲛ̀ϫⲉ ⲫⲏⲉ̀ⲧⲉ ⲟⲩⲟⲛ ϣ̀ϫⲟⲙ ⲙ̀ⲙⲟϥ: ⲉⲡⲓⲇⲏ ⲁϥⲉⲣⲡ̀ⲕⲉ ⲉⲣϩⲏⲧⲥ ⲙ̀ⲙⲟⲛ ϯⲛⲁⲥⲁϫⲓ ⲟⲩⲟϩ ϯⲛⲁⲥⲟϩⲓ ⲛ̀ⲡⲉϥⲙ̀ⲑⲟ.	Eṡōp ǹtefxoθvet ǹje fyète ouon ṡ̀gom m̀mof: epiḋy aferp̀ke erhyts m̀mon tinasaji ouoh tinasohi ǹpefm̀θo.	Though the Mighty One should lay hand upon me, forasmuch as he has begun, verily I will speak, and plead before him.
13:16	ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲏⲓ ⲉⲩⲛⲟϩⲉⲙ : ⲙ̀ⲡⲁⲣⲉ ⲭ̀ⲣⲟϥ ⲅⲁⲣ ⲓ̀ ⲉ̀ϧⲟⲩⲛ ⲙ̀ⲡⲉϥⲙ̀ⲑⲟ .	Ⲟⲩⲟϩ ⲫⲁⲓ ⲉϥⲉ̀ϣⲱⲡⲓ ⲛⲏⲓ ⲉⲩⲛⲟϩⲉⲙ: ⲙ̀ⲡⲁⲣⲉ ⲭ̀ⲣⲟϥ ⲅⲁⲣ ⲓ̀ ⲉ̀ϧⲟⲩⲛ ⲛ̀ⲡⲉϥⲙ̀ⲑⲟ.	Ouoh fai efèṡōpi nyi evnohem: m̀pare k̀rof ġar ì èxoun ǹpefm̀θo.	And this shall turn to me for salvation; for fraud shall have no entrance before him.
13:17	ⲥⲱⲧⲉⲙ ⲥⲱⲧⲉⲙ ⲉ̀ⲛⲁⲥⲁϫⲓ : ϯⲛⲁⲥⲁϫⲓ ⲅⲁⲣ ⲉⲣⲉⲧⲉⲛⲉ̀ⲥⲱⲧⲉⲙ .	Ⲥⲱⲧⲉⲙ ⲥⲱⲧⲉⲙ ⲉ̀ⲛⲁⲥⲁϫⲓ: ϯⲛⲁⲥⲁϫⲓ ⲅⲁⲣ ⲉ̀ⲣⲉⲧⲉⲛⲉ̀ⲥⲱⲧⲉⲙ.	Sōtem sōtem ènasaji: tinasaji ġar èretenèsōtem.	Hear, hear ye my words, for I will declare in your hearing.
13:18	ϩⲏⲡⲡⲉ ⲓⲥ ϯϧⲉⲛⲧ ⲁ̀ⲛⲟⲕ ⲉ̀ⲡ̀ϩⲁⲡ : ϯⲉ̀ⲙⲓ ⲁ̀ⲛⲟⲕ ϫⲉϯⲛⲁⲟⲩⲱⲛϩ ⲉ̀ⲃⲟⲗ ⲉⲓⲟⲓ ⲛ̀ⲑ̀ⲙⲏⲓ .	Ϩⲏⲡⲡⲉ ⲓⲥ ϯϧⲉⲛⲧ ⲁ̀ⲛⲟⲕ ⲉ̀ⲡ̀ϩⲁⲡ: ϯⲉ̀ⲙⲓ ⲁ̀ⲛⲟⲕ ϫⲉ ϯⲛⲁⲟⲩⲱⲛϩ ⲉ̀ⲃⲟⲗ ⲉⲓⲟⲓ ⲛ̀ⲑ̀ⲙⲏⲓ.	Hyppe is tixent ànok èp̀hap: tièmi ànok je tinaouōnh èvol eioi ǹθ̀myi.	Behold, I am near my judgment: I know that I shall appear evidently just.
13:19	ⲛⲓⲙ ⲅⲁⲣ ⲉⲑⲛⲁϣ̀ϭⲓϩⲁⲡ ⲛⲉⲙⲏⲓ ϫⲉⲛ̀ⲧⲁⲭⲁⲣⲱⲓ ϯⲛⲟⲩ : ⲟⲩⲟϩ ϯⲛⲟⲩ ⲛ̀ⲧⲁⲭⲁⲧⲟⲧ ⲉ̀ⲃⲟⲗ .	Ⲛⲓⲙ ⲅⲁⲣ ⲉⲑⲛⲁϣ̀ϭⲓϩⲁⲡ ⲛⲉⲙⲏⲓ ϫⲉ ⲛ̀ⲧⲁⲭⲁⲣⲱⲓ ϯⲛⲟⲩ: ⲟⲩⲟϩ ϯⲛⲟⲩ ⲛ̀ⲧⲁⲭⲁⲧⲟⲧ ⲉ̀ⲃⲟⲗ.	Nim ġar eθnaṡ̀ċihap nemyi je ǹtakarōi tinou: ouoh tinou ǹtakatot èvol.	For who is he that shall plead with me, that I should now be silent, and expire?
13:20	ⲉⲕⲉ̀ⲉⲣⲭ̀ⲣⲁⲥⲑⲉ ⲇⲉ ⲛⲏⲓ ϧⲉⲛϩⲱⲃ ⲛⲓⲃⲉⲛ : ⲧⲟⲧⲉ ⲛ̀ⲛⲁⲭⲟⲡⲧ ⲉ̀ⲃⲟⲗϩⲁ ⲡⲉⲕϩⲟ .	Ⲉⲕⲉ̀ⲉⲣⲭ̀ⲣⲁⲥⲑⲉ ⲇⲉ ⲛⲏⲓ ϧⲉⲛ ϩⲱⲃ ⲛⲓⲃⲉⲛ: ⲧⲟⲧⲉ ⲛ̀ⲛⲁⲭⲟⲡⲧ ⲉ̀ⲃⲟⲗϩⲁ ⲡⲉⲕϩⲟ.	Ekèerx̀rasθe ḋe nyi xen hōb niven: tote ǹnakopt èbolha pek·ho.	But grant me two things: then I will not hide myself from thy face.
13:21	ⲱⲗⲓ ⲛ̀ⲧⲉⲕϫⲓϫ ⲉ̀ⲃⲟⲗϩⲁⲣⲟⲓ ⲟⲩⲟϩ ⲙ̀ⲡⲉⲛⲑ̀ⲣⲉⲥϣ̀ⲧⲉⲣⲑⲱⲣⲧ ⲛ̀ϫⲉⲧⲉⲕϩⲟϯ .	Ⲱ̀ⲗⲓ ⲛ̀ⲧⲉⲕϫⲓϫ ⲉ̀ⲃⲟⲗ ϩⲁⲣⲟⲓ ⲟⲩⲟϩ ⲙ̀ⲡⲉⲛⲑ̀ⲣⲉⲥϣ̀ⲧⲉⲣⲑⲱⲣⲧ ⲛ̀ϫⲉ ⲧⲉⲕϩⲟϯ.	Ṑli ǹtekjig èvol haroi ouoh m̀penθ̀resṡ̀terθōrt ǹje tek·hoti.	Withhold thine hand from me: and let not thy fear terrify me.
13:22	ⲓⲧⲁ ⲉⲕⲉ̀ⲙⲟⲩϯ ⲁ̀ⲛⲟⲕ ⲇⲉ ϯⲛⲁⲉⲣⲟⲩⲱ̀ ⲛⲁⲕ : ⲓⲉ ⲛ̀ⲧⲉⲕⲥⲁϫⲓ ⲁ̀ⲛⲟⲕ ⲇⲉ ⲉⲓⲉ̀ⲟⲩⲱϩⲉⲙ ⲛⲁⲕ .	Ⲓⲧⲁ ⲉⲕⲉ̀ⲙⲟⲩϯ ⲁ̀ⲛⲟⲕ ⲇⲉ ϯⲛⲁⲉⲣⲟⲩⲱ̀ ⲛⲁⲕ: ⲓⲉ ⲛ̀ⲧⲉⲕⲥⲁϫⲓ ⲁ̀ⲛⲟⲕ ⲇⲉ ⲉⲓⲉ̀ⲟⲩⲱϩⲉⲙ ⲛⲁⲕ.	Ita ekèmouti ànok ḋe tinaerouṑ nak: ie ǹtek·saji ànok ḋe eièouōhem nak.	Then shalt thou call, and I will hearken to thee: or thou shalt speak, and I will give thee an answer.
13:23	ⲁⲩⲏⲣ ⲛⲉ ⲛⲁⲛⲟⲃⲓ ⲛⲉⲙⲛⲁⲁ̀ⲛⲟⲙⲓⲁ : ⲙⲁⲧⲁⲙⲟⲓ ϫⲉϩⲁⲛ ⲟⲩ ⲛⲉ .	Ⲁⲩⲏⲣ ⲛⲉ ⲛⲁⲛⲟⲃⲓ ⲛⲉⲙ ⲛⲁⲁ̀ⲛⲟⲙⲓⲁ: ⲙⲁⲧⲁⲙⲟⲓ ϫⲉ ϩⲁⲛ ⲟⲩ ⲛⲉ.	Avyr ne nanovi nem naànomia: matamoi je han ou ne.	How many are my sins and my transgressions? teach me what they are.
13:24	ⲉⲑⲃⲉⲟⲩ ⲕ̀ⲭⲱⲡ ⲙ̀ⲙⲟⲕ ⲉ̀ⲣⲟⲓ:ⲁⲕⲭⲁⲧ ⲇⲉ ⲛ̀ⲧⲟⲧⲕ ⲙ̀ⲫ̀ⲣⲏϯ ⲛ̀ⲟⲩⲁⲓ ⲉϥⲟⲩⲃⲏⲕ .	Ⲉⲑⲃⲉ ⲟⲩ ⲕ̀ⲭⲱⲡ ⲙ̀ⲙⲟⲕ ⲉ̀ⲣⲟⲓ: ⲁⲕⲭⲁⲧ ⲇⲉ ⲛ̀ⲧⲟⲧⲕ ⲛ̀ⲫ̀ⲣⲏϯ ⲛ̀ⲟⲩⲁⲓ ⲉϥⲟⲩⲃⲏⲕ.	Eθve ou k̀kōp m̀mok èroi: akkat ḋe ǹtotk ǹf̀ryti ǹouai efouvyk.	Wherefore hidest thou thyself from me, and deemest me thine enemy?
13:25	ⲙⲏ ⲭ̀ⲛⲁⲉⲣϩⲟϯ ⲙ̀ⲫ̀ⲣⲏϯ ⲛ̀ⲟⲩϫⲱⲃⲓ ⲉⲣⲉⲡ̀ⲑⲏⲟⲩ ⲕⲓⲙ ⲉ̀ⲣⲟⲥ ⲓⲉ ⲁⲕϯⲟⲩⲃⲏⲓ ⲙ̀ⲫ̀ⲣⲏϯ ⲛ̀ⲟⲩⲥⲓⲙ ⲉⲣⲉⲡ̀ⲑⲏⲟⲩ ⲱ̀ⲗⲓ ⲙ̀ⲙⲟϥ .	Ⲙⲏ ⲭ̀ⲛⲁⲉⲣϩⲟϯ ⲛ̀ⲫ̀ⲣⲏϯ ⲛ̀ⲟⲩϫⲱⲃⲓ ⲉ̀ⲣⲉ ⲡ̀ⲑⲏⲟⲩ ⲕⲓⲙ ⲉ̀ⲣⲟⲥ ⲓⲉ ⲁⲕϯⲟⲩⲃⲏⲓ ⲛ̀ⲫ̀ⲣⲏϯ ⲛ̀ⲟⲩⲥⲓⲙ ⲉ̀ⲣⲉ ⲡ̀ⲑⲏⲟⲩ ⲱ̀ⲗⲓ ⲙ̀ⲙⲟϥ.	My k̀naerhoti ǹf̀ryti ǹougōvi ère p̀θyou kim èros ie aktiouvyi ǹf̀ryti ǹousim ère p̀θyou ṑli m̀mof.	Wilt thou be startled at me, as at a leaf shaken by the wind? or wilt thou set thyself against me as against grass borne upon the breeze?
13:26	ϫⲉⲁⲕⲥ̀ϧⲁⲓ ⲛ̀ϩⲁⲛⲡⲉⲧϩⲱⲟⲩ ϧⲁⲣⲟⲓ:ⲛⲓⲛⲟⲃⲓ ⲛ̀ⲧⲉⲧⲁⲙⲉⲧⲁ̀ⲗⲟⲩ ⲁⲕⲉⲛⲟⲩ ⲉ̀ϩ̀ⲣⲏⲓ ⲉ̀ϫⲱⲓ .	Ϫⲉ ⲁⲕⲥ̀ϧⲁⲓ ⲛ̀ϩⲁⲛⲡⲉⲧϩⲱⲟⲩ ϧⲁⲣⲟⲓ: ⲛⲓⲛⲟⲃⲓ ⲛ̀ⲧⲉ ⲧⲁⲙⲉⲧⲁ̀ⲗⲟⲩ ⲁⲕⲉⲛⲟⲩ ⲉ̀ϩ̀ⲣⲏⲓ ⲉ̀ϫⲱⲓ.	Je ak·s̀xai ǹhanpet·hōou xaroi: ninovi ǹte tametàlou akenou èh̀ryi ègōi.	for thou hast written evil things against me, and thou hast compassed me with the sins of my youth.
13:27	ⲁⲕⲭⲱ ⲇⲉ ⲛ̀ⲧⲁϭⲁⲗⲟϫ ϧⲉⲛⲟⲩϣⲓⲕ : ⲁⲕⲁ̀ⲣⲉϩ ⲇⲉ ⲉ̀ⲛⲁϩ̀ⲃⲏⲟⲩⲓ̀ ⲧⲏⲣⲟⲩ : ⲁⲕϣⲉⲛⲁⲕ ⲇⲉ ⲉ̀ϧ̀ⲣⲏⲓ ⲛ̀ⲛⲓⲛⲟⲩⲛⲓ ⲛ̀ⲧⲉⲣⲁⲧ .	Ⲁⲕⲭⲱ ⲇⲉ ⲛ̀ⲧⲁϭⲁⲗⲟϫ ϧⲉⲛ ⲟⲩϣⲓⲕ: ⲁⲕⲁ̀ⲣⲉϩ ⲇⲉ ⲉ̀ⲛⲁϩ̀ⲃⲏⲟⲩⲓ̀ ⲧⲏⲣⲟⲩ: ⲁⲕϣⲉⲛⲁⲕ ⲇⲉ ⲉ̀ϧ̀ⲣⲏⲓ ⲛ̀ⲛⲓⲛⲟⲩⲛⲓ ⲛ̀ⲧⲉⲣⲁⲧ.	Akkō ḋe ǹtaċalog xen ouṡik: akàreh ḋe ènah̀vyouì tyrou: akṡenak ḋe èx̀ryi ǹninouni ǹterat.	And thou hast placed my foot in the stocks; and thou hast watched all my works, and hast penetrated my heels.
13:28	ⲛⲏⲉϣⲁⲩⲉⲣⲁ̀ⲡⲁⲥ ⲙ̀ⲫ̀ⲣⲏϯ ⲛ̀ⲟⲩⲁⲥⲕⲟⲥ ⲓⲉ ⲙ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲉⲧⲁ ⲟⲩϩⲟⲗⲓ ⲟⲩⲟⲙϥ .	Ⲛⲏⲉϣⲁⲩⲉⲣⲁ̀ⲡⲁⲥ ⲛ̀ⲫ̀ⲣⲏϯ ⲛ̀ⲟⲩⲁⲥⲕⲟⲥ ⲓⲉ ⲛ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲉ̀ⲧⲁ ⲟⲩϩⲟⲗⲓ ⲟⲩⲟⲙϥ.	Nyeṡaveràpas ǹf̀ryti ǹouaskos ie ǹf̀ryti ǹouh̀vōs èta ouholi ouomf.	I am as that which waxes old like a bottle, or like a moth-eaten garment.

Provenance

title: 18_Iob_13
dialect: bohairic
source: Coptic SCRIPTORIUM corpus "bohairic.ot", document 18_Iob_13
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 18_Iob_13 from Coptic SCRIPTORIUM (https://copticscriptorium.org), corpus bohairic.ot, document 18_Iob_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Job/13.bohairic.scriptorium.L0.txt
title: 18_Iob_13 — Cairene
dialect: bohairic
source: generated from 13.bohairic.scriptorium.L0.txt (Coptic SCRIPTORIUM corpus "bohairic.ot", document 18_Iob_13)
licence: CC BY-SA 4.0
share: attribution
attribution: 18_Iob_13 from Coptic SCRIPTORIUM (https://copticscriptorium.org), corpus bohairic.ot, document 18_Iob_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Job/13.bohairic.scriptorium.L1.txt
title: 18_Iob_13 — Kemetic
dialect: bohairic
source: generated from 13.bohairic.scriptorium.L1.txt
licence: CC BY-SA 4.0
share: attribution
attribution: 18_Iob_13 from Coptic SCRIPTORIUM (https://copticscriptorium.org), corpus bohairic.ot, document 18_Iob_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Job/13.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 28 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 18_Iob_13 (28 lines)

Cite as:

18_Iob_13. Coptic SCRIPTORIUM corpus "bohairic.ot", document 18_Iob_13. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/job/13.bohairic.scriptorium/. 18_Iob_13 from Coptic SCRIPTORIUM (https://copticscriptorium.org), corpus bohairic.ot, document 18_Iob_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.